enrich ru lives with Chetyi-Minei texts and track static data

static/data/shared/menaion-add/33.json

@@ -0,0 +1,606 @@
+[
+ {
+  "type": "HEADER",
+  "value": "І҆анꙋа́рїа ѕ҃і"
+ },
+ {
+  "type": "HEADER",
+  "value": "Прпⷣбнагѡ и҆ бг҃оно́снагѡ ѻ҆тца̀ на́шегѡ рѡмѵ́ла раваничкагѡ сїнаи́та."
+ },
+ {
+  "type": "HEADER",
+  "value": "На вели́цѣй вече́рни, Бл҃же́нъ мꙋ́жъ, а҃-й а҆нтїфѡ́нъ."
+ },
+ {
+  "type": "HEADER",
+  "value": "На Гдⷭ҇и воззва́хъ, стїхи̑ры на ѕ҃, повторѧ́юще ѧ҆̀, гла́съ в҃."
+ },
+ {
+  "type": "TEXT",
+  "value": "Подо́бенъ: Є҆гда̀ ѿ дре́ва:"
+ },
+ {
+  "type": "TEXT",
+  "value": "Є҆гда̀ возложи́лсѧ є҆сѝ ѿ ю҆́ности твоеѧ̀ ꙗ҆́коже самꙋи́лъ гдⷭ҇еви, премꙋ́дре, тогда̀ ꙗ҆́кѡ фі́нїѯъ процвѣ́лъ є҆сѝ и҆ ꙗ҆́кѡ ке́дръ лїва́нскїй ᲂу҆мно́жилсѧ є҆сѝ, и҆спо́лнивсѧ зна́менїй и҆ просїѧ́въ чꙋдесы̀ и҆ си́лами, ꙗ҆́же ꙗ҆́кѡ прⷭ҇нотекꙋ́щїй и҆сто́чникъ и҆сточа́етъ бога́тнѡ ра́ка твоѧ̀, рѡмѵ́ле, притека́ющымъ къ тебѣ̀ вѣ́рою."
+ },
+ {
+  "type": "TEXT",
+  "value": "Є҆гда̀ вои́стиннꙋ не ѿ хотѣ́нїѧ плотска́гѡ, нижѐ ѿ хотѣ́нїѧ мꙋ́жескагѡ, сы́нъ бж҃їй по прича́стїю бы́лъ є҆сѝ, тогда̀ бжⷭ҇твенный даде́сѧ тѝ да́ръ ко сп҃се́нїю тебѣ̀ и҆ дꙋша́мъ во грѣсѣ́хъ сꙋ́щымъ. Тѣ́мже мо́лимъ тѧ̀, ꙗ҆́кѡ дерзнове́нїе мно́гое ко хрⷭ҇тꙋ̀ и҆мꙋ́ща, є҆го́же возлюби́лъ є҆сѝ соверша́ющихъ па́мѧть твою̀ всѧ́кагѡ ѕла́гѡ ѡ҆бстоѧ́нїѧ и҆зба́ви."
+ },
+ {
+  "type": "TEXT",
+  "value": "Є҆гда̀ по стезѧ́мъ гдⷭ҇а твоегѡ̀ ше́ствовалъ є҆сѝ и҆ зако́нъ є҆гѡ̀ ре́вностїю взыска́лъ є҆сѝ, тогда̀ себѐ ѡ҆чи́стилъ є҆сѝ ѿ всѧ́кагѡ земна́гѡ пристра́стїѧ, и҆ пло́ти внѣ̀ бы́лъ є҆сѝ, рѡмѵ́ле бг҃омꙋ́дре, въ примра́къ же вше́дъ непристꙋ́пнагѡ свѣ́та, бж҃е́ствєннымъ та́йнамъ наꙋчи́лсѧ є҆сѝ и҆ свѣ́та прича́стїемъ ве́сь свѣ́тъ бы́лъ є҆сѝ бг҃оглаго́ливе."
+ },
+ {
+  "type": "HEADER",
+  "value": "Сла́ва, гла́съ и҃."
+ },
+ {
+  "type": "TEXT",
+  "value": "Мона́хѡвъ мно́жєства наста́вника тѧ̀ почита́емъ ѻ҆́ч҃е на́шъ, рѡмѵ́ле, твое́ю бо стезе́ю вои́стиннꙋ пра́вѡ ходи́ти позна́хомъ: бл҃же́нъ є҆сѝ хрⷭ҇тꙋ̀ рабо́тавъ, и҆ вра́жїю ѡ҆бличи́лъ є҆сѝ си́лꙋ, а҆́гг҃лѡвъ собесѣ́дниче, прпⷣбныхъ соприча́стниче и҆ првⷣныхъ: съ ни́миже моли́сѧ гдⷭ҇еви, поми́ловатисѧ дꙋша́мъ на́шымъ."
+ },
+ {
+  "type": "HEADER",
+  "value": "И҆ нн҃ѣ, бг҃оро́диченъ пе́рвый, гла́съ то́йже."
+ },
+ {
+  "type": "TEXT",
+  "value": "Ца́рь нб҃е́сный за человѣколю́бїе на землѝ ꙗ҆ви́сѧ и҆ съ человѣ́ки поживѐ: ѿ дв҃ы бо чⷭ҇тыѧ пло́ть прїе́мый, и҆ и҆зъ неѧ̀ проше́дый съ воспрїѧ́тїемъ, є҆ди́нъ є҆́сть сн҃ъ, сꙋгꙋ́бъ є҆стество́мъ, но не ѵ҆поста́сїю. Тѣ́мже соверше́нна того̀ бг҃а, и҆ соверше́нна чл҃вѣ́ка вои́стиннꙋ проповѣ́дающе, и҆сповѣ́дꙋемъ хрⷭ҇та̀ бг҃а на́шего: є҆го́же молѝ, мт҃и безневѣ́стнаѧ, поми́ловатисѧ дꙋша́мъ на́шымъ."
+ },
+ {
+  "type": "HEADER",
+  "value": "Вхо́дъ, прокі́менъ днѐ. Чтє́нїѧ г҃, прпⷣбничєскаѧ."
+ },
+ {
+  "type": "HEADER",
+  "value": "Премꙋ́дрости соломѡ́новы чте́нїе. (Глава̀ г҃.)"
+ },
+ {
+  "type": "TEXT",
+  "value": "Првⷣныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша въ ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ. И҆ є҆́же ѿ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. И҆́бо пред̾ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими бл҃годѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь, разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
+ },
+ {
+  "type": "HEADER",
+  "value": "Премꙋ́дрости соломѡ́новы чте́нїе. (Главы̑ є҃ и҆ ѕ҃.)"
+ },
+ {
+  "type": "TEXT",
+  "value": "Првⷣницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ: и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе бл҃голѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѡрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ. Прїи́метъ щи́тъ непобѣди́мый преподо́бїе. Поѡстри́тъ же напра́сный гнѣ́въ во ѡ҆рꙋ́жїе: спобо́ретъ же съ ни́мъ мі́ръ на безꙋ̑мныѧ. По́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ бл҃гокрꙋ́гла лꙋ́ка ѻ҆блакѡ́въ, на намѣ́ренїе полетѧ́тъ. И҆ ѿ каменоме́тныѧ ꙗ҆́рости и҆спо́лнь падꙋ́тъ гра́ды. Вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆́бѡ ца́рїе, и҆ разꙋмѣ́йте, навы́кните сꙋдїи̑ концє́въ землѝ. Внꙋши́те держа́щїи мно́жєства, и҆ гордѧ́щїисѧ ѡ҆ наро́дѣхъ ꙗ҆зы́кѡвъ, ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
+ },
+ {
+  "type": "HEADER",
+  "value": "Премꙋ́дрости соломѡ́новы чте́нїе. (Глава̀ д҃.)"
+ },
+ {
+  "type": "TEXT",
+  "value": "Првⷣникъ а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ немноголѣ́тна, нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть: восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
+ },
+ {
+  "type": "HEADER",
+  "value": "На лїті́и стїхи̑ры самогла́сны, гла́съ в҃:"
+ },
+ {
+  "type": "TEXT",
+  "value": "По́стническое ѡ҆бꙋче́нїе собра́въ на землѝ, прпⷣбне рѡмѵ́ле, страсте́й прило́ги тече́нїемъ сле́зъ твои́хъ всѧ̑ потопи́лъ є҆сѝ. Лѣ́ствица бж҃е́ственнаѧ и҆ честна́ѧ, на нб҃о возводѧ́щаѧ, всѣ̑мъ позна́сѧ бг҃опрїѧ́тное житїѐ твоѐ, бл҃гоче́стїѧ бо плоды̀ въ не́мъ показа́въ, и҆сцѣлѧ́еши тѣ́ми не́мощи страсте́й вѣ́рнѡ вопїю́щихъ тебѣ̀: ра́дꙋйсѧ, правосла́вїѧ ѕвѣздо̀ златоза́рнаѧ, мона́шествꙋющихъ свѣти́льниче и҆ па́стырю. Ра́дꙋйсѧ, приснопа́мѧтне пꙋсты́ни добрѣ́йшее воспита́нїе и҆ цр҃кве непоколеби́мое ᲂу҆твержде́нїе. Ра́дꙋйсѧ, заблꙋ́ждшихъ вели́кїй наста́вниче. Ра́дꙋйсѧ, на́ша похвало̀ и҆ всѣ̑мъ правосла̑внымъ свѣ́тлое ра́дованїе."
+ },
+ {
+  "type": "TEXT",
+  "value": "Бж҃е́ственнымъ ра́зꙋмомъ ᲂу҆́мъ сво́й ᲂу҆крѣпи́въ, ѻ҆́тче рѡмѵ́ле, предте́клъ є҆сѝ мимогрѧдꙋ̑щаѧ всѧ̑, ника́коже ᲂу҆ди́вльсѧ земны̑мъ: въ ско́рбехъ ᲂу҆́бѡ ты̀ ꙗ҆влѧ́шесѧ велемꙋ́дръ и҆ до́блественъ, въ постѣ́хъ и҆ благодꙋ́шїи смире́нъ и҆ кро́токъ, и҆ та́кѡ настоѧ́щагѡ житїѧ̀ нестоѧ́тельнꙋю пꙋчи́нꙋ ꙗ҆́вѣ преше́лъ є҆сѝ и҆ до́брое приста́нище дости́глъ є҆сѝ. Хрⷭ҇та̀ ᲂу҆́бѡ молѝ поми́ловати дꙋ́шы на́шѧ."
+ },
+ {
+  "type": "TEXT",
+  "value": "Всѧ̑ и҆мѣ̑нїѧ ѿри́нꙋлъ є҆сѝ, ѻ҆́тче рѡмѵ́ле, ꙗ҆́кѡ вы́шнѧго житїѧ̀ жела́ѧй: бога́тство возненави́дѣлъ є҆сѝ, ѡ҆дѣ́ѧвсѧ въ смире́нїе, пи́щи ѿврати́лсѧ є҆сѝ, ѡ҆блобыза́въ воздержа́нїе, непра́вдꙋ презрѣ́лъ є҆сѝ, пра́вдꙋ возлюби́въ, и҆́ноки въ пꙋсты́ни посели́лъ є҆сѝ, и҆ сїѧ̑ гра́ды сотвори́лъ є҆сѝ, и҆дѣ́же и҆скꙋше́нїй мно́жество претерпѣ́въ, бѣсѡ́вскїѧ полкѝ посрами́лъ є҆сѝ. Тѣ́мже, прпⷣбне, помѧнѝ на́съ въ моли́твахъ свои́хъ ко гдⷭ҇ꙋ."
+ },
+ {
+  "type": "HEADER",
+  "value": "Сла́ва, гла́съ д҃."
+ },
+ {
+  "type": "TEXT",
+  "value": "Просїѧ̀ житїѐ твоѐ ꙗ҆́кѡ со́лнце на землѝ и҆ на нбⷭ҇ѝ, хрⷭ҇то́въ ᲂу҆го́дниче бл҃же́нне рѡмѵ́ле, правосла́внѡ бо проповѣ́далъ є҆сѝ и҆́стиннꙋю и҆ непоро́чнꙋю вѣ́рꙋ хрⷭ҇то́вꙋ. Тѣ́мже моли́сѧ, прпⷣбне, па́мѧть твою̀ соверша́ющымъ дарова́тисѧ ве́лїей ми́лости."
+ },
+ {
+  "type": "HEADER",
+  "value": "И҆ нн҃ѣ, бг҃оро́диченъ, гла́съ то́йже."
+ },
+ {
+  "type": "TEXT",
+  "value": "При́зри на молє́нїѧ твои́хъ ра̑бъ всенепоро́чнаѧ, ᲂу҆толѧ́ющи лю̑таѧ на ны̀ воста̑нїѧ, всѧ́кїѧ ско́рби на́съ и҆змѣнѧ́ющи. Тѧ́ бо є҆ди́нꙋ, тве́рдое и҆ и҆звѣ́стное ᲂу҆твержде́нїе и҆́мамы, и҆ твоѐ предста́тельство стѧжа́хомъ, да не постыди́мсѧ влⷣчце, тѧ̀ призыва́ющїи. Потщи́сѧ на ᲂу҆моле́нїе, тебѣ̀ вѣ́рнѡ вопїю́щихъ. Ра́дꙋйсѧ влⷣчце, всѣ́хъ по́моще, ра́досте и҆ покро́ве, и҆ сп҃се́нїе дꙋ́шъ на́шихъ."
+ },
+ {
+  "type": "HEADER",
+  "value": "На стїхо́внѣ стїхи̑ры, гла́съ є҃."
+ },
+ {
+  "type": "TEXT",
+  "value": "Подо́бенъ: Ра́дꙋйсѧ:"
+ },
+ {
+  "type": "TEXT",
+  "value": "Ра́дꙋйсѧ, рѡмѵ́ле прпⷣбне, мона́шествꙋющихъ свѣ́тлое ᲂу҆добре́нїе, разсꙋжде́нїѧ до́брое пра́вило, смире́нїѧ ѡ҆́бразе, церко́вное ᲂу҆твержде́нїе, правосла̑внымъ спобо́рниче, житїе́ бо твоѐ на землѝ вои́стиннꙋ благоче́стнѡ пожи́лъ є҆сѝ, до́ндеже къ а҆́гг҃льскимъ ликѡ́мъ преложи́лсѧ є҆сѝ, съ ни́миже моли́сѧ хрⷭ҇тꙋ̀ дарова́ти дꙋша́мъ на́шымъ ми́ръ и҆ ве́лїю ми́лость."
+ },
+ {
+  "type": "TEXT",
+  "value": "Сті́хъ: Че́стна пред̾ гдⷭ҇емъ сме́рть прпⷣбныхъ є҆гѡ̀."
+ },
+ {
+  "type": "TEXT",
+  "value": "Ра́дꙋйсѧ, рѡмѵ́ле прпⷣбне, воздержа̑нїѧ ᲂу҆чите́лю, по́стникѡвъ похвало̀, бж҃е́ственныхъ повелѣ́нїй и҆сполни́телю, бг҃освѣ́тлый свѣти́льниче, и҆́же въ мра́къ невѣ́дѣнїѧ серде́цъ человѣ́ческихъ входѧ̀, бг҃огла́сными словесы̀ просвѣща́лъ є҆сѝ и҆ наставлѧ́лъ є҆сѝ къ ра́зꙋмꙋ и҆́стины хрⷭ҇та̀ бг҃а на́шегѡ. Є҆го́же молѝ дарова́ти дꙋша́мъ на́шымъ ми́ръ и҆ ве́лїю ми́лость."
+ },
+ {
+  "type": "TEXT",
+  "value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
+ },
+ {
+  "type": "TEXT",
+  "value": "Ра́дꙋйсѧ, рѡмѵ́ле прпⷣбне, чи́стое жили́ще ст҃а́гѡ дх҃а, дарова́нїй бж҃е́ственныхъ и҆спо́лненное, твоѐ ᲂу҆́бѡ житїѐ равноа́гг҃льное, пра́вило добродѣ́телей ꙗ҆ви́сѧ и҆ ѡ҆́бразъ и҆звѣ́стный хотѧ́щымъ гдⷭ҇еви слꙋжи́ти, сло́во же твоѐ бг҃омꙋ́дрое пре́лесть всѧ́кꙋю и҆зъ ко́рене востерза́етъ и҆ дꙋшелѣни̑выѧ возбꙋжда́етъ къ славосло́вїю хрⷭ҇та̀ бг҃а на́шегѡ, є҆го́же молѝ дарова́ти дꙋша́мъ на́шымъ ми́ръ и҆ ве́лїю ми́лость."
+ },
+ {
+  "type": "HEADER",
+  "value": "Сла́ва, гла́съ ѕ҃."
+ },
+ {
+  "type": "TEXT",
+  "value": "Ѿ ю҆́ности ѡ҆блиста̀ житїѐ твоѐ добродѣ́телей лꙋча́ми, прпⷣбне ѻ҆́тче рѡмѵ́ле, крⷭ҇тъ бо хрⷭ҇то́въ на ра́мо взе́мъ, невозвра́тнѡ томꙋ̀ послѣ́довалъ є҆сѝ, потща́всѧ хꙋ́ждшее покори́ти лꙋ́чшемꙋ, и҆ пло́ть порабо́тити дꙋ́хꙋ, и҆ ᲂу҆́мъ влⷣкꙋ надъ страстьмѝ воцари́ти. Тѣ́мже и҆ себѐ ᲂу҆гото́валъ є҆сѝ ѡ҆би́тель ст҃ы́ѧ трⷪ҇цы, є҆́йже предстоѧ̀ со дерзнове́нїемъ, моли́сѧ ѡ҆ и҆̀же вѣ́рою творѧ́щихъ честнꙋ́ю па́мѧть твою̀."
+ },
+ {
+  "type": "HEADER",
+  "value": "И҆ нн҃ѣ, бг҃оро́диченъ, гла́съ то́йже."
+ },
+ {
+  "type": "TEXT",
+  "value": "Творе́цъ и҆ и҆зба́витель мо́й, пречⷭ҇таѧ, хрⷭ҇то́съ гдⷭ҇ь, и҆зъ твои́хъ ложе́снъ, проше́дъ, въ мѧ̀ ѡ҆болкі́йсѧ, пе́рвыѧ клѧ́твы а҆да́ма свободѝ. Тѣ́мже тѝ всечи́стаѧ, ꙗ҆́кѡ бж҃їи ма́тери же и҆ дв҃ѣ вои́стиннꙋ, вопїе́мъ немо́лчнѡ: ра́дꙋйсѧ, а҆́гг҃льски, ра́дꙋйсѧ, влⷣчце, предста́тельство и҆ покро́ве, и҆ сп҃се́нїе дꙋ́шъ на́шихъ."
+ },
+ {
+  "type": "HEADER",
+  "value": "На бл҃гослове́нїи хлѣ́бѡвъ, тропа́рь прпⷣбнаго, гла́съ и҃."
+ },
+ {
+  "type": "TEXT",
+  "value": "Сле́зъ твои́хъ тече́ньми пꙋсты́ни безпло́дное воздѣ́лалъ є҆сѝ, и҆ и҆̀же и҆зъ глꙋбины̀ воздыха́ньми, во сто̀ трꙋдѡ́въ ᲂу҆плодоноси́лъ є҆сѝ, и҆ бы́лъ є҆сѝ свѣти́льникъ вселе́ннѣй, сїѧ́ѧ чꙋдесы̀ рѡмѵ́ле ѻ҆́ч҃е на́шъ, молѝ хрⷭ҇та̀ бг҃а спасти́сѧ дꙋша́мъ на́шымъ. Два́жды."
+ },
+ {
+  "type": "TEXT",
+  "value": "И҆ Бцⷣе дв҃о: Є҆ди́ножды."
+ },
+ {
+  "type": "HEADER",
+  "value": "На ᲂу҆́трени, На Бг҃ъ гдⷭ҇ь, тропа́рь прпⷣбнагѡ два́жды. Сла́ва, и҆ нн҃ѣ, бг҃оро́диченъ."
+ },
+ {
+  "type": "HEADER",
+  "value": "По а҃ стїхосло́вїи, сѣда́ленъ, гла́съ а҃."
+ },
+ {
+  "type": "TEXT",
+  "value": "Рѡмѵ́ла чⷭ҇тна́го пѣ́сньми восхва́лимъ, всѧ̑ си̑лы вра̑жїѧ по́стническими трꙋды̀ низложи́вшаго, и҆ къ бж҃е́ственномꙋ поко́ю преше́дшаго, и҆ со а҆́гг҃лы нн҃ѣ пребыва́ющаго, и҆ молѧ́щагосѧ ѡ҆ на́съ гдⷭ҇еви, ꙗ҆́кѡ да ѡ҆брѧ́щемъ ми́лость."
+ },
+ {
+  "type": "HEADER",
+  "value": "Сла́ва, и҆ нн҃ѣ, бг҃оро́диченъ, гла́съ то́йже."
+ },
+ {
+  "type": "TEXT",
+  "value": "Ма́терь тѧ̀ бж҃їю мо́лимъ всѝ, дв҃ꙋ вои́стиннꙋ и҆ по ржⷭ҇твѣ̀ ꙗ҆́вльшꙋюсѧ, любо́вїю прибѣга́ющїи къ твое́й бла́гости: тебе́ бо и҆́мамы грѣ́шнїи предста́тельницꙋ, тебѐ стѧжа́хомъ въ напа́стехъ сп҃се́нїе, є҆ди́нꙋ всенепоро́чнꙋю."
+ },
+ {
+  "type": "HEADER",
+  "value": "По в҃ стїхосло́вїи, сѣда́ленъ, гла́съ д҃."
+ },
+ {
+  "type": "TEXT",
+  "value": "Зарѧ́ми дх҃а просвѣти́въ твоѐ срⷣце, просвѣща́лъ є҆сѝ дꙋ́шы притека́ющихъ къ тебѣ̀ съ вѣ́рою. Нн҃ѣ же со а҆́гг҃лы престо́лꙋ бж҃е́ственномꙋ предстоѧ̀ и҆ зрѧ̀ ꙗ҆́же ви́дѣти жела́ше, ча́дѡмъ твои̑мъ согрѣше́нїй проще́нїѧ и҆спросѝ, ꙗ҆́кѡ да при́снѡ тѧ̀ почита́емъ, рѡмѵ́ле преблаже́нне, прпⷣбныхъ похвало̀ и҆ а҆́гг҃лѡвъ є҆динокро́вниче."
+ },
+ {
+  "type": "HEADER",
+  "value": "Сла́ва, и҆ нн҃ѣ, бг҃оро́диченъ, гла́съ то́йже."
+ },
+ {
+  "type": "TEXT",
+  "value": "Оу҆диви́сѧ і҆ѡ́сифъ, є҆́же па́че є҆стества̀ зрѧ̀, и҆ внима́ше мы́слїю и҆́же на рꙋно̀ до́ждь, въ безсѣ́менномъ зача́тїи твое́мъ, бцⷣе, кꙋпинꙋ̀ ѻ҆гне́мъ неѡпали́мꙋю, же́злъ а҆арѡ́новъ прозѧ́бшїй, и҆ свидѣ́тельствꙋѧ ѡ҆брꙋ́чникъ тво́й и҆ храни́тель, сщ҃е́нникѡмъ взыва́ше: дв҃а ражда́етъ и҆ по ржⷭ҇твѣ̀ па́ки дв҃ою пребыва́етъ."
+ },
+ {
+  "type": "HEADER",
+  "value": "Полѷеле́й. Велича́нїе и҆ ѱало́мъ и҆збра́нный прпⷣбномꙋ."
+ },
+ {
+  "type": "HEADER",
+  "value": "По полѷеле́и, сѣда́ленъ, гла́съ и҃."
+ },
+ {
+  "type": "TEXT",
+  "value": "Па́стырскꙋю хи́трость воспрїи́мъ, мона́шествꙋющихъ сто́лпе и҆ ѡ҆снова́нїе, разꙋ́мнѡ ᲂу҆па́слъ є҆сѝ разꙋ́мное ста́до твоѐ, хрⷭ҇тѡ́ва бо возжелѣ́въ бж҃е́ствєннаѧ ᲂу҆чє́нїѧ, въ ни́хъ сло́во посѣ́ѧлъ є҆сѝ, прпⷣбне, и҆ къ ре́вности а҆́гг҃льскагѡ жи́тельства воздви́глъ є҆сѝ всѧ̑ є҆диномꙋ́дреннѡ сла́вити бг҃а, бг҃оно́се рѡмѵ́ле, молѝ хрⷭ҇та̀ бг҃а прегрѣше́нїй ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀."
+ },
+ {
+  "type": "HEADER",
+  "value": "Сла́ва, и҆ нн҃ѣ, бг҃оро́диченъ, гла́съ то́йже."
+ },
+ {
+  "type": "TEXT",
+  "value": "Нбⷭ҇нꙋю две́рь, и҆ кївѡ́тъ всесвѧтꙋ́ю го́рꙋ, свѣтоза́рный ѡ҆́блакъ воспои́мъ нбⷭ҇нꙋю лѣ́ствицꙋ, слове́сный ра́й є҆́ѵино и҆збавле́нїе, вселе́нныѧ всеѧ̀ вели́кое сокро́вище, ꙗ҆́кѡ сп҃се́нїе въ не́й содѣ́ласѧ мі́рови, и҆ ѡ҆ставле́нїе дре́внихъ согрѣше́нїй, сегѡ̀ ра́ди вопїе́мъ тѝ: молѝ сн҃а твоего̀ и҆ бг҃а, прегрѣше́нїй ѡ҆ставле́нїе дарова́ти, благоче́стнѡ покланѧ́ющымсѧ прест҃о́мꙋ ржⷭ҇твꙋ̀ твоемꙋ̀."
+ },
+ {
+  "type": "HEADER",
+  "value": "Прокі́менъ, гла́съ д҃:"
+ },
+ {
+  "type": "TEXT",
+  "value": "Че́стна пред̾ гдⷭ҇емъ сме́рть прпⷣбныхъ є҆гѡ̀."
+ },
+ {
+  "type": "TEXT",
+  "value": "Сті́хъ: Что̀ возда́мъ гдⷭ҇еви ѡ҆ всѣ́хъ ꙗ҆̀же воздаде́ ми;"
+ },
+ {
+  "type": "HEADER",
+  "value": "Є҆ѵⷢ҇лїе ѿ матѳе́а, зача́ло і҃."
+ },
+ {
+  "type": "HEADER",
+  "value": "По н҃ ѱалмѣ̀ стїхи́ра, гла́съ ѕ҃."
+ },
+ {
+  "type": "TEXT",
+  "value": "Прпⷣбнѣ ѻ҆́тче рѡмѵ́ле, во всю̀ зе́млю и҆зы́де вѣща́нїе и҆справле́нїй твои́хъ: тѣ́мъ на нбⷭ҇ѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ, де́мѡнскїѧ погꙋби́лъ є҆сѝ полкѝ, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ безъ поро́ка поревнова́лъ є҆сѝ, дерзнове́нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆спросѝ дꙋша́мъ на́шымъ."
+ },
+ {
+  "type": "HEADER",
+  "value": "Канѡ́нъ прпⷣбнаго, і҆ѡаса́фъ, гла́съ и҃, є҆го́же краегране́сїе:"
+ },
+ {
+  "type": "TEXT",
+  "value": "Бж҃е́ственнаго пою̀ рѡмѵ́ла любо́вїю, въ пе́рвыхъ же бг҃оро́дичнахъ."
+ },
+ {
+  "type": "HEADER",
+  "value": "Пѣ́снь а҃."
+ },
+ {
+  "type": "TEXT",
+  "value": "І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крестоѻбра́знѡ порази́въ, и҆ раздѣли́въ мо́ре, і҆сра́илѧ же бѣглеца̀, пѣшехо́дца спасѐ, пѣ́снь бг҃ови воспѣва́юща."
+ },
+ {
+  "type": "TEXT",
+  "value": "Бж҃їй сло́ве, всеси́льнꙋю да́рꙋй мѝ и҆ свѣ́тлꙋю дꙋ́ха бл҃года́ть ко ѿверзе́нїю ᲂу҆́стъ мои́хъ, ꙗ҆́кѡ да по́двиги твоегѡ̀ ᲂу҆го́дника воспою̀ и҆ болѣ́знєннаѧ страда̑нїѧ, и҆́миже на земли́ тѧ просла́ви."
+ },
+ {
+  "type": "TEXT",
+  "value": "Ѻ҆́тче бл҃же́нне, ты̀ крⷭ҇тъ хрⷭ҇то́въ на ра́мо взе́мъ, и҆ земна́гѡ всѧ́кагѡ пристра́стїѧ внѣ̀ бы́въ, хрⷭ҇тꙋ̀ послѣ́довалъ є҆сѝ взыва́ѧ: вслѣ́дъ тебѣ̀ теко́хъ въ воню̀ мѵ́ра, влⷣко."
+ },
+ {
+  "type": "TEXT",
+  "value": "Жела́ѧ полꙋчи́ти и҆̀хже нн҃ѣ наслажда́ешисѧ преизрѧ́днѡ, и҆ тогѡ̀ ра́ди є҆щѐ въ жи́зни се́й па́че чл҃вѣ́ка подвиза́лсѧ є҆сѝ, ꙗ҆̀же полꙋчи́ти и҆ на́мъ молѝ хрⷭ҇та̀, почита́ющымъ честнꙋ́ю па́мѧть твою̀, досточꙋ́дне."
+ },
+ {
+  "type": "TEXT",
+  "value": "Бг҃оро́диченъ: І҆и҃съ преднарече́нный, бж҃їе сло́во, съ нбⷭ҇ѐ сни́де, ꙗ҆́кѡ да ѿ го́рькаго мꙋчи́тельства на́съ и҆зба́витъ, и҆ пло́тїю ѡ҆дѣ́ѧсѧ ѿ пречи́стыѧ дв҃ы, ю҆́же соблюдѐ нетлѣ́ннꙋ по ржⷭ҇твѣ̀ и҆ непоро́чнꙋ."
+ },
+ {
+  "type": "HEADER",
+  "value": "Пѣ́снь г҃."
+ },
+ {
+  "type": "TEXT",
+  "value": "І҆рмо́съ: Оу҆твержде́й въ нача́лѣ нбⷭ҇а̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ, ꙗ҆́кѡ нѣ́сть ст҃ъ, па́че тебѐ, є҆ди́не чл҃вѣколю́бче."
+ },
+ {
+  "type": "TEXT",
+  "value": "Є҆щѐ на землѝ пребыва́ѧ, бг҃а просла́вилъ є҆сѝ ѻ҆́тче, чꙋдесы̀ всѧ́кими и҆ разли́чными си́лами, и҆̀же тѧ̀ свѣтлѣ́йше возвели́чи нн҃ѣ на нбⷭ҇ѣ́хъ."
+ },
+ {
+  "type": "TEXT",
+  "value": "Самꙋи́ла ѡ҆свѧти́вый пре́жде ржⷭ҇тва̀, и҆ тѧ̀ ѡ҆свѧтѝ, прпⷣбнѣ рѡмѵ́ле, и҆ показа́ тѧ во і҆ере́ехъ ꙗ҆́коже мѡѷсе́а и҆ а҆арѡ́на, призыва́ющихъ є҆гѡ̀ бж҃е́ственное и҆́мѧ."
+ },
+ {
+  "type": "TEXT",
+  "value": "Ты̀, ꙗ҆́кѡ да прїѡбрѧ́щеши бжⷭ҇твенный и҆ многоцѣ́нный би́серъ хрⷭ҇та̀, ѡ҆полчи́лсѧ є҆сѝ къ нача́лѡмъ и҆ ко властє́мъ, къ дꙋховѡ́мъ лꙋка́вствїѧ поднебє́снымъ."
+ },
+ {
+  "type": "TEXT",
+  "value": "Бг҃оро́диченъ: Ѽ, кто̀ ѿ земноро́дныхъ и҆зрече́тъ, бцⷣе мр҃і́е, и҆лѝ кі́й ѧ҆зы́къ послꙋжи́ти возмо́жетъ є҆́же въ тебѣ̀ та́инствꙋ; стра́шнѡ є҆́сть вои́стиннꙋ, всепѣ́таѧ дв҃о, ꙗ҆́же пре́жде вѣ̑къ сꙋ́щагѡ подъ лѣ́ты родила̀ є҆сѝ."
+ },
+ {
+  "type": "HEADER",
+  "value": "Сѣда́ленъ, гла́съ и҃."
+ },
+ {
+  "type": "TEXT",
+  "value": "Зако́нꙋ гдⷭ҇ню ты̀ наꙋчи́всѧ, ꙗ҆́кѡ фі́нїѯъ процвѣ́лъ є҆сѝ, ѻ҆́тче прпⷣбне, вѣ́рныхъ дꙋ́шы ра́дости неизрече́нныѧ и҆сполнѧ́ѧ и҆ ли́ца и҆́хъ ᲂу҆ѧснѧ́ѧ. Тѣ́мже соше́дшесѧ дне́сь воспѣва́емъ тѧ̀ и҆ вѣ́рою мо́лимсѧ, бг҃оно́се рѡмѵ́ле, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀."
+ },
+ {
+  "type": "HEADER",
+  "value": "Сла́ва, и҆ нн҃ѣ, бг҃оро́диченъ, гла́съ то́йже."
+ },
+ {
+  "type": "TEXT",
+  "value": "Въ напа̑сти многоплетє́нныѧ впа́дъ ѿ вра̑гъ ви́димыхъ и҆ неви́димыхъ, бꙋ́рею ѡ҆держи́мъ безчи́сленныхъ прегрѣше́нїй мои́хъ къ те́пломꙋ застꙋпле́нїю и҆ покро́вꙋ моемꙋ̀, чи́стаѧ, ко приста́нищꙋ притека́ю твоеѧ̀ бла́гости. Тѣ́мже, всечи́стаѧ, моли́сѧ приле́жнѡ и҆зъ тебѐ воплоще́нномꙋ безсѣ́меннѡ ѡ҆ всѣ́хъ рабѣ́хъ твои́хъ, непреста́ннѡ молѧ́щихъ тѝ сѧ̀, бцⷣе пречⷭ҇таѧ, молѧ́щи є҆го̀ при́снѡ, прегрѣше́нїй ѡ҆ставле́нїе дарова́ти воспѣва́ющымъ досто́йнѡ сла́вꙋ твою̀."
+ },
+ {
+  "type": "HEADER",
+  "value": "Пѣ́снь д҃."
+ },
+ {
+  "type": "TEXT",
+  "value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва чл҃вѣколю́бче."
+ },
+ {
+  "type": "TEXT",
+  "value": "Всѐ мо́ре и҆ногда̀ потреби́ти хвалѧ́йсѧ сатана̀ вселꙋка́вый, твои́ми нога́ми сокрꙋше́нъ бы́ти паде́нїемъ зри́тсѧ. На тве́рдомъ бо ка́мени хрⷭ҇та̀ ты̀ ᲂу҆тверди́всѧ, бг҃оглаго́ливе, кꙋмі́ры вавѷлѡ̑нскїѧ сокрꙋши́лъ є҆сѝ."
+ },
+ {
+  "type": "TEXT",
+  "value": "Є҆ди́нственномꙋ сꙋществꙋ̀ пресꙋ́щественномꙋ и҆ трисвѣ́тломꙋ преда́лсѧ є҆сѝ раче́нїемъ, превзѧ́всѧ ѿ земны́хъ бж҃е́ственнымъ жела́нїемъ, и҆ свѣ́тъ вторы́й показа́лсѧ є҆сѝ, пожи́въ па́че є҆стества̀ и҆ сꙋ́щихъ въ мі́рѣ провѣща́ѧ."
+ },
+ {
+  "type": "TEXT",
+  "value": "Нн҃ѣ вои́стиннꙋ не въ гада́нїи но чи́стѣ лице́мъ къ лицꙋ̀ бг҃осїѧ́ннѡ зри́ши сла́вꙋ трисо́лнечнагѡ бж҃ества̀, є҆го́же млⷭ҇тива на́мъ сотворѝ въ де́нь сꙋ́дный, небрего́мо житїѐ и҆жди́вшымъ."
+ },
+ {
+  "type": "TEXT",
+  "value": "Бг҃оро́диченъ: Съ нбⷭ҇ѐ сни́де на зе́млю зижди́тель мо́й и҆ пло́ть мою̀ воспрїѧ̀ кромѣ̀ грѣха̀, и҆ поношє́нїѧ всѧ̑кїѧ, и҆ коне́чнѡ сме́рть претерпѣ̀ менѐ ра́ди, є҆го́же благопремѣ́нна сотвори́ ми влⷣчце."
+ },
+ {
+  "type": "HEADER",
+  "value": "Пѣ́снь є҃."
+ },
+ {
+  "type": "TEXT",
+  "value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀ свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннагѡ; но ѡ҆братѝ мѧ̀, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
+ },
+ {
+  "type": "TEXT",
+  "value": "Но́вый мѡѷсе́й показа́лсѧ є҆сѝ, досточꙋ́дне, є҆гѵ́пта ᲂу҆ѧзви́вый, мо́ре лю́тагѡ мѧте́жа земна́гѡ раздѣли́вый, и҆ лю́ди ѿ ка́ла плїнѳотворе́нїѧ и҆сто́ргнꙋвый, и҆ къ бж҃е́ственномꙋ весе́лїю возведы́й."
+ },
+ {
+  "type": "TEXT",
+  "value": "А҆пⷭ҇лѡвъ двоенадесѧ́тицѣ счи́слилсѧ є҆сѝ бг҃обл҃же́нне, а҆́ще и҆ лѣ́ты ѿстои́ши по́слѣжде, но не и҆ житїе́мъ и҆зрѧ́днымъ, и҆ бг҃омꙋ́дрїемъ, и҆ ре́вностїю ꙗ҆́же по вѣ́рѣ."
+ },
+ {
+  "type": "TEXT",
+  "value": "Гро́бъ тво́й ꙗ҆́кѡ и҆сто́чникъ прⷭ҇нотекꙋ́щїй и҆сточа́етъ и҆сцѣлє́нїѧ, премꙋ́дре, и҆ недꙋ̑гъ всѧ́ческихъ свобо́дни бы́вшїи съ ра́достїю пѣсносло́вѧтъ си́це просла́вльшаго тѧ̀ гдⷭ҇а."
+ },
+ {
+  "type": "TEXT",
+  "value": "Бг҃оро́диченъ: Сп҃се́нїе и҆ покро́въ и҆ приста́нище ти́хое вѣ́мы тѧ̀ пречⷭ҇таѧ, и҆ призыва́емъ твоѐ ско́рое застꙋпле́нїе. Тѣ́мже предста́ни мѝ, и҆ во вре́мѧ и҆схо́да моегѡ̀ воздꙋ́шныхъ мѧ̀ дꙋхѡ́въ и҆схитѝ лꙋка́вствїѧ."
+ },
+ {
+  "type": "HEADER",
+  "value": "Пѣ́снь з҃."
+ },
+ {
+  "type": "TEXT",
+  "value": "І҆рмо́съ: Ѡ҆чи́сти мѧ̀ спасѐ, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ. Къ тебѣ́ бо возопи́хъ и҆ ᲂу҆слы́ши мѧ̀, бж҃е сп҃се́нїѧ моегѡ̀."
+ },
+ {
+  "type": "TEXT",
+  "value": "Ѻ҆строто́ю по́мысла и҆ до́блестїю ᲂу҆ма̀ ѿ бг҃а прїѧ́лъ є҆сѝ тезоиме́ннѡ, прпⷣбне ѻ҆́тче, ѕлѣ́йшымъ бѣсѡ́мъ сплести́сѧ, и҆ до конца̀ си́хъ побѣди́ти."
+ },
+ {
+  "type": "TEXT",
+  "value": "Просте́ртїемъ рꙋ́къ, ꙗ҆́коже а҆мали́ка мѡѷсе́й, неви̑димыѧ врагѝ ты̀ побѣди́въ до конца̀, ꙗ҆́коже и҆́нъ і҆исꙋ́съ наѵи́нъ лю́ди наста́вилъ є҆сѝ къ вы́шнемꙋ наслѣ́дїю, премꙋ́дре."
+ },
+ {
+  "type": "TEXT",
+  "value": "Ѻ҆́тче бг҃омꙋ́дре рѡмѵ́ле, ты̀ вои́стиннꙋ бл҃же́нъ показа́лсѧ є҆сѝ, ника́коже на пꙋтѝ грѣ́шныхъ ста́въ, но въ зако́нѣ гдⷭ҇а твоегѡ̀ поꙋча́лсѧ є҆сѝ де́нь и҆ но́щь."
+ },
+ {
+  "type": "TEXT",
+  "value": "Бг҃оро́диченъ: А҆́гнице пречⷭ҇таѧ, ржⷭ҇тво̀ безсѣ́менное никто́же ви́дѣ ѿ вѣ́ка когда̀, дѣви́цꙋ доѧ́щꙋю никто́же слы́ша нигдѣ́же, на тебѣ́ же ѻ҆боѧ̀ ᲂу҆зрѣ́шасѧ. Ѽ стра́ннагѡ чꙋдесѐ!"
+ },
+ {
+  "type": "HEADER",
+  "value": "Конда́къ, гла́съ г҃."
+ },
+ {
+  "type": "TEXT",
+  "value": "Подо́бенъ: Дв҃а дне́сь:"
+ },
+ {
+  "type": "TEXT",
+  "value": "Свы́ше си́лꙋ ты̀ прїе́мъ, бг҃оно́се, бѣсѡ́вскаѧ ѡ҆полчє́нїѧ посрами́лъ є҆сѝ, воспрїе́мъ же ѿ бг҃а чꙋде́съ бл҃года́ть, подае́ши ѻ҆би́льнѡ притека́ющымъ къ тебѣ̀ вѣ́рою. Сегѡ̀ ра́ди почита́емъ, рѡмѵ́ле бл҃же́нне, бж҃е́ственнꙋю па́мѧть твою̀."
+ },
+ {
+  "type": "TEXT",
+  "value": "І҆́косъ: Ѿве́рзи ᲂу҆стнѣ̀ моѝ, требл҃же́нне, бг҃опрїѧ́тными твои́ми къ бг҃ꙋ моли́твами, ꙗ҆́кѡ да возмогꙋ̀ пѣ́ти бж҃е́ственное твоѐ житїѐ и҆ досто́йнѡ возглаго́лати добродѣ́тєли твоѧ̑, ꙗ҆̀же хрⷭ҇та̀ ра́ди на землѝ соверши́лъ є҆сѝ. Сто́лпъ бо ꙗ҆ви́лсѧ є҆сѝ и҆ пра́вило и҆́нокѡвъ свѣ́тлое, стѧжа́въ житїѐ равноа́гг҃льное и҆ въ незаходи̑маѧ вои́стиннꙋ всели́всѧ. Сегѡ̀ ра́ди почита́емъ, рѡмѵ́ле бл҃же́нне, бж҃е́ственнꙋю па́мѧть твою̀."
+ },
+ {
+  "type": "HEADER",
+  "value": "Пѣ́снь з҃."
+ },
+ {
+  "type": "TEXT",
+  "value": "І҆рмо́съ: Бж҃їѧ снисхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще поѧ́хꙋ: блгⷭ҇ве́нъ є҆сѝ, бж҃е ѻ҆тє́цъ на́шихъ."
+ },
+ {
+  "type": "TEXT",
+  "value": "Ю҆́нъ сы́й є҆щѐ, ᲂу҆́мъ и҆ помышле́нїе къ бж҃е́ственнымъ возвы́силъ є҆сѝ и҆ всегда̀ всѧ́кагѡ земна́гѡ жела́нїѧ внѣ̀ бы́лъ є҆сѝ, вопїѧ̀ зижди́телю твоемꙋ̀: блгⷭ҇ве́нъ є҆сѝ, бж҃е ѻ҆тє́цъ на́шихъ."
+ },
+ {
+  "type": "TEXT",
+  "value": "Ры́бъ лови́твѣ на вели́цѣй рѣцѣ̀ въ ю҆́ности навы́къ, ры́бами пита́лъ є҆сѝ больны́хъ въ вели́цѣмъ смире́нїи и҆ а҆пⷭ҇лѡмъ ᲂу҆подо́билсѧ є҆сѝ, вопїѧ̀ съ ни́ми: блгⷭ҇ве́нъ є҆сѝ, бж҃е ѻ҆тє́цъ на́шихъ."
+ },
+ {
+  "type": "TEXT",
+  "value": "Ѻ҆те́ческими бг҃опрїѧ́тными моли́твами твои́ми, бл҃же́нне, тѧ̑жкїѧ приста́вники и҆змѣни́тисѧ къ на́мъ вско́рѣ сотворѝ, ꙗ҆́кѡ да почита́юще борьбы̑ твоѧ̑ и҆ до́блєсти взыва́емъ: блгⷭ҇ве́нъ є҆сѝ, бж҃е ѻ҆тє́цъ на́шихъ."
+ },
+ {
+  "type": "TEXT",
+  "value": "Мꙋ́дрое сло́во твоѐ живо́тною со́лїю растворе́нно бы́сть, вѣ́рныхъ ᲂу҆слажда́ющее, па́ки житїѐ твоѐ и҆зрѧ́дно и҆ па́че є҆стества̀. Тѣ́мже чꙋ́до бы́сть земны̑мъ вопїю́щымъ: блгⷭ҇ве́нъ є҆сѝ, бж҃е ѻ҆тє́цъ на́шихъ."
+ },
+ {
+  "type": "TEXT",
+  "value": "Бг҃оро́диченъ: Фѡсфо́рнагѡ пла́мене бꙋ́дꙋщагѡ и҆ ѡ҆сꙋжде́нїѧ и҆зба́ви мѧ̀ влⷣчце, мно́гѡ согрѣши́вшаго, блгⷭ҇ве́ннаѧ, пречⷭ҇таѧ и҆ бг҃ора́дованнаѧ."
+ },
+ {
+  "type": "HEADER",
+  "value": "Пѣ́снь и҃."
+ },
+ {
+  "type": "TEXT",
+  "value": "І҆рмо́съ: Седмери́цею пе́щь халде́йскїй мꙋчи́тель, бг҃очести̑вымъ неи́стовнѡ разжжѐ, си́лою же лꙋ́чшею, спасе́ны, сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы бл҃гослови́те, свѧще́нницы воспо́йте, лю́дїе превозноси́те во всѧ̑ вѣ́ки."
+ },
+ {
+  "type": "TEXT",
+  "value": "И҆́же хра́мъ бж҃їй бы́въ чⷭ҇тѣ́йшїй, чꙋ́вственныхъ превы́ше показа́лсѧ є҆сѝ, и҆ бж҃е́ственнꙋю дх҃а зарю̀ воспрїѧ́лъ є҆сѝ, и҆ нн҃ѣ съ ли́ки а҆́гг҃льскими и҆ прⷪ҇ро́ческими собо́ры ликовствꙋ́еши свѣ́тлѡ пред̾ бж҃е́ственнымъ престо́ломъ."
+ },
+ {
+  "type": "TEXT",
+  "value": "Ла̑ѧнїѧ и҆ страхова̑нїѧ, мечта̑нїѧ и҆ прещє́нїѧ неви́димыхъ врагѡ́въ, ᲂу҆страша́ющихъ дꙋшѝ твоеѧ̀ тве́рдость поколеба́ти, ꙗ҆́кѡ стрѣлы̀ младе́нчєскїѧ вмѣни́лъ є҆сѝ. На го́рꙋ же возше́дъ высо́кагѡ житїѧ̀, ѿтꙋ́дꙋ воспрїѧ́лъ є҆сѝ скрижа̑ли бг҃опи̑санныѧ."
+ },
+ {
+  "type": "TEXT",
+  "value": "А҆́ще и҆ бѣ́си тѧ̀ и҆скꙋша́хꙋ, но ты̀ протѧже́ннымъ дѣ́йствомъ поста̀ и҆ мл҃твы вещество̀ страсте́й попали́лъ є҆сѝ и҆ восте́клъ є҆сѝ къ бг҃овидѣ́нїю. Нн҃ѣ же ко хрⷭ҇тꙋ̀ преше́дъ, є҆го́же возлюбѝ, мо́лишисѧ непреста́ннѡ ѡ҆ почита́ющихъ ст҃ꙋ́ю па́мѧть твою̀."
+ },
+ {
+  "type": "TEXT",
+  "value": "Любє́знаѧ и҆ медотѡ́чнаѧ словеса̀ твоѧ̑, хрⷭ҇та̀ и҆мѣ́ѧ гл҃го́люща во ᲂу҆стѣ́хъ твои́хъ, всѣ́хъ ꙗ҆́коже желѣ́зо магни́тъ, привлеко́ша къ тебѣ̀, и҆̀же мїрски́хъ ѡ҆ста́вльше веще́й пристра́стїе, хрⷭ҇тꙋ̀ тобо́ю послѣ́довахꙋ пре́лести и҆зба́вльшесѧ."
+ },
+ {
+  "type": "TEXT",
+  "value": "Бг҃оро́диченъ: Ю҆́же бг҃ъ и҆збра̀ въ невѣ́стꙋ себѣ̀, та̀ ꙗ҆ви́сѧ носи́ло незаходи́магѡ со́лнца, мїрскі́й соста́въ ѿ несꙋ́щихъ во є҆́же бы́ти приве́дшаго. Того̀ молѝ, пречⷭ҇таѧ, ѡ҆ и҆́же въ дѣѧ̑нїѧ безмѣ̑стнаѧ и҆ помышлє́нїѧ сквє́рнаѧ впа́дшихъ на́съ."
+ },
+ {
+  "type": "HEADER",
+  "value": "Пѣ́снь ѳ҃."
+ },
+ {
+  "type": "TEXT",
+  "value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нбⷭ҇ъ. Тѣ́мъ бцⷣꙋ а҆́гг҃лѡвъ и҆ чл҃вѣ̑къ чинонача̑лїѧ велича́ютъ."
+ },
+ {
+  "type": "TEXT",
+  "value": "Безчи̑сленныѧ ка̑пли дождє́вныѧ и҆ песо́къ морскі́й невозмо́жнѡ и҆зчестѝ. Нижѐ ᲂу҆́мъ чл҃вѣ́ческїй твоѧ̑, ѻ҆́тче и҆справлє́нїѧ возмо́жетъ и҆зрещѝ, ꙗ҆̀же ты̀ живы́й на землѝ содѣ́лалъ є҆сѝ. Тѣ́мже прїимѝ пѣ́снь, ю҆́же любо́вїю тѝ прино́симъ."
+ },
+ {
+  "type": "TEXT",
+  "value": "Ѻ҆́тче бг҃омꙋ́дре, ѿ всѧ́ческихъ напа́стей и҆ скорбе́й и҆схитѝ, и҆̀же твою̀ па́мѧть ра́достїю соверша́ющихъ, и҆ бл҃же́нства на́съ сподо́би, є҆гѡ́же са́мъ при́снѡ наслажда́ешисѧ, а҆́ще и҆ проси́мое ѕѣлѡ̀ вели́ко є҆́сть."
+ },
+ {
+  "type": "TEXT",
+  "value": "Всечꙋ́дне ѻ҆́тче, пѣ́снь принестѝ твоемꙋ̀ досто́инствꙋ, ѕѣлѡ̀ скꙋдна̀ є҆́сть си́ла дꙋшѝ моеѧ̀. Но ты̀ произволе́нїю бл҃года́ть воздава́й, грѣхѡ́въ свобо́днꙋ мѝ бы́ти, хрⷭ҇та̀ ᲂу҆молѝ, на земли́ тѧ возвели́чившаго."
+ },
+ {
+  "type": "TEXT",
+  "value": "Трⷪ҇ченъ: И҆́стинꙋ и҆сповѣ́дꙋю бж҃е́ственнꙋю, въ трїе́хъ ли́цахъ: ѻ҆ц҃а̀ и҆ сн҃а и҆ ст҃а́гѡ дх҃а, трⷪ҇цꙋ всемогꙋ́щꙋю и҆ вседѣ́тельнꙋю и҆ непристꙋ́пнꙋю, є҆ѧ́же ми́лость да ᲂу҆лꙋчꙋ̀, рѡмѵ́ле прпⷣбне, въ де́нь сꙋ́дный моли́твами твои́ми."
+ },
+ {
+  "type": "TEXT",
+  "value": "Бг҃оро́диченъ: Ю҆́нице бж҃е́ственнаѧ, на тебѣ̀ ве́лїе и҆ чꙋ́дное содѣ́ѧсѧ та́инство, бг҃а во прїѧ́ла є҆сѝ во ᲂу҆тро́бꙋ твою̀, и҆ сего̀ родила̀ є҆сѝ, и҆ по ржⷭ҇твѣ̀ па́ки дв҃а пребыла̀ є҆сѝ."
+ },
+ {
+  "type": "HEADER",
+  "value": "Свѣти́ленъ."
+ },
+ {
+  "type": "TEXT",
+  "value": "Ꙗ҆́коже со́лнце просвѣща́ющее чꙋде́съ зарѧ́ми вселе́ннꙋю, показа́лсѧ є҆сѝ прпⷣбне ѻ҆́тче рѡмѵ́ле. Тѣ́мже дꙋшѝ моеѧ̀ зѣ̑ницы просвѣтѝ, молю́сѧ."
+ },
+ {
+  "type": "TEXT",
+  "value": "Бг҃оро́диченъ: Херꙋві́мѡвъ вы́шшаѧ и҆ серафі́мѡвъ сла́внѣйшаѧ ꙗ҆ви́ласѧ є҆сѝ дв҃о, ꙗ҆́кѡ бг҃а поро́ждши. Тѣ́мже вопїю̀ тѝ: ᲂу҆ще́дри дꙋ́шꙋ мою̀, пречⷭ҇таѧ."
+ },
+ {
+  "type": "HEADER",
+  "value": "На хвали́техъ стїхи̑ры, гла́съ д҃."
+ },
+ {
+  "type": "TEXT",
+  "value": "Подо́бенъ: Ꙗ҆́кѡ до́блѧ:"
+ },
+ {
+  "type": "TEXT",
+  "value": "А҆́гг҃лѡвъ соприча́стника и҆ прпⷣбныхъ є҆динокро́вника рѡмѵ́ла всѝ да восхва́лимъ, и҆́же въ по́стницѣхъ просїѧ́вшаго, и҆ дх҃а зарѧ́ми всѣ́хъ просвѣти́вшаго, и҆ сокрꙋши́вшаго врага̀ до конца̀ чꙋде́съ стрꙋѧ́ми, и҆ сегѡ̀ си́лꙋ низложи́вшаго вы́шнимъ посо́бїемъ. Два́жды."
+ },
+ {
+  "type": "TEXT",
+  "value": "Ꙗ҆́кѡ ѕвѣзда̀ свѣтлѣ́йшаѧ возсїѧ́лъ є҆сѝ, прпⷣбне, свѣ́тлостїю всѧ̑ концы̀ просвѣти́вшаѧ, и҆ тмꙋ̀ невѣ́дѣнїѧ чꙋдесы̀ ѿгна́вшаѧ, и҆ всѣ́хъ къ ра́зꙋмꙋ и҆́стины приве́дшаѧ. Но моли́сѧ гдⷭ҇еви ѡ҆ всѣ́хъ соверша́ющихъ ст҃ꙋ́ю па́мѧть твою̀."
+ },
+ {
+  "type": "TEXT",
+  "value": "А҆враа́мово бг҃олю́бїе, і҆ѡ́сифово бл҃гоговѣ́инство, і҆а́кѡвлю простотꙋ̀ и҆мѣ́лъ є҆сѝ ст҃е, и҆ кро́тость даві́довꙋ, ѿѻнꙋ́дꙋже показа́лсѧ є҆сѝ селе́нїе чⷭ҇тно́е, и҆ полꙋчи́лъ є҆сѝ дарова́нїе дꙋ́ха. Тѣ́мже соше́дшесѧ дне́сь всепра́зднственнꙋю твою̀ па́мѧть соверша́емъ, здра́вїе дꙋша́мъ почерпа́юще."
+ },
+ {
+  "type": "HEADER",
+  "value": "Сла́ва, гла́съ ѕ҃."
+ },
+ {
+  "type": "TEXT",
+  "value": "Прпⷣбне ѻ҆́тче, во всю̀ зе́млю и҆зы́де вѣща́нїе и҆справле́нїй твои́хъ, тѣ́мъ на нбⷭ҇ѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ, дє́мѡнскїѧ погꙋби́лъ є҆сѝ полкѝ, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ непоро́чнѡ поревнова́лъ є҆сѝ: дерзнове́нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆спросѝ дꙋша́мъ на́шымъ."
+ },
+ {
+  "type": "HEADER",
+  "value": "И҆ нн҃ѣ, бг҃оро́диченъ, гла́съ то́йже."
+ },
+ {
+  "type": "TEXT",
+  "value": "Бцⷣе ты̀ є҆сѝ лоза̀ и҆́стиннаѧ, возрасти́вшаѧ на́мъ пло́дъ живота̀, тебѣ̀ мо́лимсѧ, моли́сѧ влⷣчце, со свѧты́ми а҆пⷭ҇лы поми́ловати дꙋ́шы на́шѧ."
+ },
+ {
+  "type": "HEADER",
+  "value": "Славосло́вїе вели́кое. Тропа́рь прпⷣбнагѡ."
+ },
+ {
+  "type": "HEADER",
+  "value": "Сла́ва, и҆ нн҃ѣ, бг҃оро́диченъ:"
+ },
+ {
+  "type": "TEXT",
+  "value": "И҆́же на́съ ра́ди:"
+ },
+ {
+  "type": "HEADER",
+  "value": "Є҆ктєнїѝ, и҆ ѿпꙋ́стъ."
+ },
+ {
+  "type": "HEADER",
+  "value": "На лїтꙋргі́и: Бл҃же́нна, ѿ канѡ́на прпⷣбнагѡ, пѣ́снь г҃-ѧ, и҆ ѕ҃-ѧ."
+ },
+ {
+  "type": "HEADER",
+  "value": "Прокі́менъ, гла́съ з҃:"
+ },
+ {
+  "type": "TEXT",
+  "value": "Честна̀ пред̾ гдⷭ҇е́мъ сме́рть прпⷣбныхъ є҆гѡ̀."
+ },
+ {
+  "type": "TEXT",
+  "value": "Сті́хъ: Что̀ возда́мъ гдⷭ҇еви ѡ҆ всѣ́хъ ꙗ҆̀же воздаде́ ми;"
+ },
+ {
+  "type": "HEADER",
+  "value": "А҆пⷭ҇лъ ко гала́тѡмъ, зача́ло сг҃і:"
+ },
+ {
+  "type": "TEXT",
+  "value": "Пло́дъ дх҃о́вный є҆́сть:"
+ },
+ {
+  "type": "TEXT",
+  "value": "Коне́цъ: И҆ та́кѡ и҆спо́лните зако́нъ хрⷭ҇то́въ."
+ },
+ {
+  "type": "TEXT",
+  "value": "А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
+ },
+ {
+  "type": "TEXT",
+  "value": "Сті́хъ: Си́льно на землѝ бꙋ́детъ сѣ́мѧ є҆гѡ̀."
+ },
+ {
+  "type": "HEADER",
+  "value": "Є҆ѵⷢ҇лїе ѿ лꙋкѝ, зача́ло к҃д:"
+ },
+ {
+  "type": "TEXT",
+  "value": "Ста̀ і҆и҃съ на мѣ́сте ра́внѣ:"
+ },
+ {
+  "type": "TEXT",
+  "value": "Коне́цъ: Се́ бо, мзда̀ ва́ша мно́га на нбⷭ҇ѣ́хъ."
+ },
+ {
+  "type": "TEXT",
+  "value": "Прича́стенъ: Въ па́мѧть вѣ́чнꙋю бꙋ́детъ првⷣникъ."
+ }
+]