enrich ru lives with Chetyi-Minei texts and track static data

static/data/shared/menaion-add/45.json

@@ -0,0 +1,686 @@
+[
+ {
+  "type": "HEADER",
+  "value": "Въ недѣ́лю г҃-ю по пѧтидесѧ́тницѣ"
+ },
+ {
+  "type": "HEADER",
+  "value": "Слꙋ́жба собо́рꙋ пско́вскихъ ст҃ы́хъ."
+ },
+ {
+  "type": "HEADER",
+  "value": "Въ сꙋббѡ́тꙋ ве́чера, на ма́лѣй вече́рни: На Гдⷭ҇и, воззва́хъ: стїхи̑ры воскрє́сны д҃, гла́съ в҃."
+ },
+ {
+  "type": "HEADER",
+  "value": "Сла́ва, ст҃ы̑мъ, гла́съ а҃:"
+ },
+ {
+  "type": "TEXT",
+  "value": "Дне́сь страна̀ пско́вскаѧ свѣ́тлѡ сїѧ́етъ, ст҃ы́хъ свои́хъ па́мѧть творѧ́щи, ꙗ҆ви́сѧ бо на рꙋсѝ ᲂу҆дѣ́лъ трⷪ҇цы живонача́льныѧ, мы́ же, всѝ ра́дꙋющесѧ, вопїе́мъ си́це: трⷪ҇це ст҃а́ѧ, сла́ва тебѣ̀."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ догма́тикъ гла́са, ма́лыѧ вече́рни:"
+ },
+ {
+  "type": "TEXT",
+  "value": "Ѽ превє́лїѧ та̑инства:"
+ },
+ {
+  "type": "HEADER",
+  "value": "На стїхо́внѣ стїхи́ра воскре́сна, и҆ стїхи̑ры подѡ́бны ст҃ы̑мъ, гла́съ в҃."
+ },
+ {
+  "type": "TEXT",
+  "value": "Подо́бенъ: До́ме є҆ѵфра́ѳовъ:"
+ },
+ {
+  "type": "TEXT",
+  "value": "Сті́хъ: Весели́тесѧ, пра́веднїи, ѡ҆ гдⷭ҇ѣ и҆ и҆сповѣ́дайте па́мѧть свѧты́ни є҆гѡ̀."
+ },
+ {
+  "type": "TEXT",
+  "value": "Красꙋ́йсѧ, землѐ пско́вскаѧ. Гра́де пско́ве, ра́дꙋйсѧ, во ст҃ы́хъ твои́хъ торжествꙋ́й, ꙗ҆́кѡ ѿ нача́ла на тебѣ̀ рꙋка̀ гдⷭ҇нѧ: прест҃ы́ѧ трⷪ҇цы до́мъ бы́сть."
+ },
+ {
+  "type": "TEXT",
+  "value": "Сті́хъ: По́мощь моѧ̀ ѿ бг҃а, спаса́ющагѡ пра̑выѧ се́рдцемъ."
+ },
+ {
+  "type": "TEXT",
+  "value": "Вѣ́рою ѻ҆те́ческою свѧти́сѧ, пско́вскаѧ страно̀, дне́сь и҆ при́снѡ помина́ющи преподѡ́бныѧ твоѧ̑: въ ни́хъ же тебѣ̀ застꙋпле́нїе."
+ },
+ {
+  "type": "TEXT",
+  "value": "Сті́хъ: На тѧ̀ ᲂу҆пова́ша ѻ҆тцы̀ на́ши, ᲂу҆пова́ша и҆ и҆зба́вилъ є҆сѝ ѧ҆̀."
+ },
+ {
+  "type": "TEXT",
+  "value": "Собо́ре ст҃ы́хъ пско́вскихъ, ѻ҆́трасль є҆стѐ дре́ва благоче́стїѧ, є҆́же на рꙋсѝ насадѝ гдⷭ҇ь: помина́йте ᲂу҆̀бо на́съ и҆ вы̀, предстоѧ́ще ᲂу҆ престо́ла бж҃їѧ."
+ },
+ {
+  "type": "HEADER",
+  "value": "Сла́ва, ст҃ы́хъ, подо́бенъ:"
+ },
+ {
+  "type": "TEXT",
+  "value": "Трⷪ҇цѣ є҆ди́нѣй припа́дающе, гдⷭ҇ꙋ за на́съ молѧ́щесѧ, ве́лїи на́мъ є҆стѐ застꙋ̑пницы, ѽ ст҃і́и землѝ пско́вскїѧ: тѣ́мже ва́съ ᲂу҆блажа́емъ, прехва́льнїи."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, гла́съ то́й же:"
+ },
+ {
+  "type": "TEXT",
+  "value": "Ѽ чꙋдесѐ но́вагѡ:"
+ },
+ {
+  "type": "TEXT",
+  "value": "По Ны́нѣ ѿпꙋща́еши: и҆ по Ѻ҆́тче на́шъ:"
+ },
+ {
+  "type": "HEADER",
+  "value": "Тропа́рь воскре́сенъ."
+ },
+ {
+  "type": "HEADER",
+  "value": "Сла́ва, тропа́рь ст҃ы́хъ, гла́съ д҃:"
+ },
+ {
+  "type": "TEXT",
+  "value": "Є҆гда̀ призва̀ къ вѣ́рѣ гдⷭ҇ь странꙋ̀ пско́вскꙋю, ᲂу҆зрѣ̀ бг҃омꙋ́драѧ ѻ҆́льга трѝ лꙋчѝ сїѧ́нїѧ чꙋ́дна, и҆дѣ́же и҆ созда́сѧ прест҃ы́ѧ трⷪ҇цы до́мъ є҆ѧ̀ сла́венъ во пско́вѣ гра́дѣ, тѣ́мже и҆ всѝ ст҃і́и въ землѝ на́шей ꙗ҆ви́шасѧ, по́двиги бо мно́гими благода̑тныѧ да́ры стѧжа́вшїи: тогѡ̀ ра́ди и҆ дне́сь свѣ́томъ трⷪ҇ческимъ ѡ҆зарѧ́емїи, ѽ, всѝ ст҃і́и пско́встїи, моли́те хрⷭ҇та̀ бг҃а спасти́сѧ дꙋша́мъ на́шымъ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, по гла́сꙋ тропарѧ̀:"
+ },
+ {
+  "type": "TEXT",
+  "value": "Є҆́же ѿ вѣ́ка ᲂу҆тае́ное:"
+ },
+ {
+  "type": "HEADER",
+  "value": "Є҆ктєнїѝ, и҆ ѿпꙋ́стъ."
+ },
+ {
+  "type": "HEADER",
+  "value": "На вели́цѣй вече́рни: На Гдⷭ҇и, воззва́хъ: поста́вимъ стїхѡ́въ і҃, и҆ пое́мъ стїхи̑ры воскрє́сны г҃, и҆ восто́чнꙋ а҃, и҆ ст҃ы̑мъ ѕ҃."
+ },
+ {
+  "type": "HEADER",
+  "value": "Стїхи̑ры ст҃ы̑мъ пскѡ́вскимъ, гла́съ д҃:"
+ },
+ {
+  "type": "TEXT",
+  "value": "Прїиди́те, всѝ лю́дїе, восхва́лимъ собо́ръ ст҃ы́хъ землѝ пско́вскїѧ, и҆́хъ бо предста́тельствомъ є҆смы̀ спаса́еми, возопїи́мъ бг҃оизбра̑ннымъ си́це: ра́дꙋйтесѧ, це́ркве ѻ҆те́ческїѧ храни́телїе, ра́дꙋйтесѧ трⷪ҇ческїѧ сла́вы слꙋжи́телїе, ра́дꙋйтесѧ, ꙗ҆́кѡ є҆стѐ при́снѡ зрѧ́щїи прест҃ы́ѧ трⷪ҇цы свѣ́тъ непристꙋ́пный."
+ },
+ {
+  "type": "TEXT",
+  "value": "Боже́ственныѧ любвѐ сла́достїю ᲂу҆ѧзви́шасѧ, ни во что́ же вмѣни́ша земна̑ѧ, ꙗ҆́кѡ тлѣ̑ннаѧ, распали́вше сердца̀ ѻ҆гне́мъ небе́снымъ, ꙗ҆́кѡже свѣти̑льницы хрⷭ҇тѡ́вы возгоре́шасѧ, ѡ҆зари́ша ст҃і́и зе́млю пско́вскꙋю: и҆́ми же и҆ мы̀ просвѣща́емїи чꙋ́днѣ, да ѡ҆брѧ́щемъ всѝ ѡ҆ гдⷭ҇ѣ дꙋша́мъ на́шымъ ве́лїю ми́лость."
+ },
+ {
+  "type": "TEXT",
+  "value": "Рѡссі́йскаѧ похвало̀, ѻ҆́льго бг҃омꙋ́драѧ, держа́внїи ро́ди тобо́ю призва̀ къ свѣ́тꙋ вѣ́ры гдⷭ҇ь, прозрѣ́ша бо кнѧ́зїе рꙋ́сстїи, на кре́стъ, водрꙋже́нъ тобо́ю, взира́юще, и҆ твои́ми зово́ми моли́твами, пре́лесть і҆́дѡльскꙋю сокрꙋши́ша во вѣ́къ. Тѣ́мже и҆ странѣ̀ пско́встѣй дарова̀ бг҃ъ застꙋ́пники: ѽ все́володе и҆ до́вмонте, кнѧ́зїе благовѣ́рнїи, моли́те за на́съ гдⷭ҇а."
+ },
+ {
+  "type": "HEADER",
+  "value": "И҆́ны стїхи̑ры ст҃ы̑мъ г҃, гла́съ ѕ҃:"
+ },
+ {
+  "type": "TEXT",
+  "value": "Оу҆твержда́еми бы́сте пречⷭ҇тою, во є҆́же є҆ди́но хрⷭ҇тꙋ̀ послꙋжи́ти, странꙋ́ же пско́вскꙋю честны́ми ѻ҆би́тельми ѡ҆свѧти́ти, сотвори́лисѧ є҆стѐ, ꙗ҆́кѡ сосꙋ́ды благода́ти, ѽ преподо́бнїи землѝ на́шеѧ предста́телїе: і҆ѡаса́фе и҆ васі́лїе, страстоте́рпцы, є҆леаза́ровы ѻ҆би́тели є҆ѵфросѵ́не и҆ серапїѡ́не, псковоезе́рстїи же і҆ларїѡ́не и҆ досїѳе́е, и҆ ма́льскїй ѻ҆нꙋ́фрїе, со кры́пецкимъ са́ввою и҆ нїка́ндромъ вкꙋ́пѣ, моли́те хрⷭ҇та̀ бг҃а, спасти́сѧ дꙋша́мъ на́шымъ."
+ },
+ {
+  "type": "TEXT",
+  "value": "Ще́дрѣ чⷭ҇тна́гѡ ᲂу҆спе́нїѧ сла́ва ѡ҆сїѧ̀ чꙋ́дный тво́й, пречⷭ҇таѧ ѡ҆́бразъ, є҆гѡ́же благода́тїю во ѻ҆би́тели пско́во-пече́рстѣй воздви́гла є҆сѝ бг҃ови преподѡ́бныѧ, ꙗ҆́кѡже столпѝ благоче́стїѧ нетлѣ́ннагѡ, дх҃омъ бо ст҃ы́мъ просве́щени сꙋ́ть всѝ просїѧ́вшїи. Тѣ́мже и҆ восхва́лимъ смири̑вшаѧ мі́ра тлѣ́нъ: ма́рка, і҆ѡ́нꙋ, ва́ссꙋ и҆ преподобномꙋ́ченика корні́лїа, съ гдⷭ҇емъ бо пребыва́ютъ дне́сь, моли́твєнницы ѡ҆ дꙋша́хъ на́шихъ."
+ },
+ {
+  "type": "TEXT",
+  "value": "Ꙗ҆́кѡ и҆стли́въ жа́ло плотско́е и҆ страсте́й приражє́нїѧ презрѣ́въ, ꙗ҆ви́лъ є҆сѝ пско́вꙋ гра́дꙋ во ю҆ро́дствѣ кра́снѣ лю́тыхъ си́хъ попра́нїе кресто́мъ тѧ́жкимъ житїѧ̀, ѽ блаже́нне нїко́лае, ѡ҆бличи́телю ѕлочести́выхъ, бг҃огла́сне, дне́сь со всѣ́ми пра́ведными землѝ на́шеѧ молѝ хрⷭ҇та̀ бг҃а, во є҆́же спасти́сѧ и҆ на́мъ, грѣ̑шнымъ."
+ },
+ {
+  "type": "HEADER",
+  "value": "Сла́ва, ст҃ы́хъ, гла́съ а҃."
+ },
+ {
+  "type": "TEXT",
+  "value": "Подо́бенъ: Нб҃о ѕвѣзда́ми:"
+ },
+ {
+  "type": "TEXT",
+  "value": "Дне́сь страна̀ пско́вскаѧ свѣ́тлѡ сїѧ́етъ, ст҃ы́хъ свои́хъ па́мѧть творѧ́щи, ꙗ҆ви́сѧ бо на рꙋсѝ ᲂу҆дѣ́лъ трⷪ҇цы живонача́льныѧ, мы́ же, всѝ ра́дꙋющесѧ, вопїе́мъ си́це: трⷪ҇це ст҃а́ѧ, сла́ва тебѣ̀."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ догма́тикъ, гла́съ в҃:"
+ },
+ {
+  "type": "HEADER",
+  "value": "Пре́йде сѣ́нь зако́ннаѧ:"
+ },
+ {
+  "type": "HEADER",
+  "value": "Вхо́дъ и҆ чтє́нїѧ г҃ преподѡ́бническаѧ."
+ },
+ {
+  "type": "HEADER",
+  "value": "На лїтїѝ стїхи̑ры, гла́съ г҃:"
+ },
+ {
+  "type": "TEXT",
+  "value": "Воспои́мъ гдⷭ҇еви пѣ́снь пресвѣ́тлꙋ, ꙗ҆́кѡ дарова̀ на́мъ просвѣще́нїе дꙋ́шъ на́шихъ, позна́ша бо всѝ лю́дїе рꙋ́сстїи кнѧ́зи свои́ми креста̀ си́лꙋ: и҆́же влади́мїромъ сла́внымъ во гра́дѣ кі́евѣ, пре́жде же ѻ҆́льгою бг҃омꙋ́дрою, ꙗ҆́же пско́ва гра́да є҆́сть пресла́внаѧ дще́рь: и҆́хъ дне́сь и҆ моли́твами рꙋ́сь ст҃ꙋ́ю твою̀ во благи́хъ спаса́й, хрⷭ҇тѐ бж҃е."
+ },
+ {
+  "type": "TEXT",
+  "value": "Ꙗ҆́кѡ вѡ́и хрⷭ҇тѡ́вы сотвори́лисѧ є҆стѐ, землѝ ѻ҆́тчїѧ содѣ́ѧвшесѧ щи́тъ дꙋхо́вный, ѽ благовѣ́рнїи кнѧ́зїе все́володе и҆ до́вмонте, прест҃ы́ѧ трⷪ҇цы содѣ́йствꙋюще си́лою, помога́йте и҆ на́мъ сокрꙋша́ти грѣхѝ на́шѧ."
+ },
+ {
+  "type": "TEXT",
+  "value": "Преподо́бныхъ ѻ҆тє́цъ пско́вскихъ собо́ре ди́вный, благовѣ̑стницы и҆ны́ѧ жи́зни, ꙗ҆́кѡ бы́сте и҆́ноцы: є҆гда̀ на землѝ а҆́гг҃льски пожи́ли є҆стѐ, небеса̀ мі́рови ꙗ҆ви́сте житїе́мъ чꙋ́днымъ, тогѡ̀ ра́ди и҆ ко гдⷭ҇ꙋ ны́нѣ взыва́ете, да и҆ на́мъ ѿве́рзетъ двє́ри гѡ́рнїѧ, ꙗ҆́кѡ ми́лостивъ, спаса́ѧй лю́ди своѧ̑."
+ },
+ {
+  "type": "HEADER",
+  "value": "Сла́ва, ст҃ы́хъ, гла́съ то́й же:"
+ },
+ {
+  "type": "TEXT",
+  "value": "Ѽ застꙋ̑пницы ст҃і́и землѝ на́шеѧ, не ѡ҆ста́вите срѡ́дникъ, ва́мъ молѧ́щихсѧ, хрⷭ҇тꙋ́ бо є҆стѐ ча̑да и҆збра̑ннаѧ, на́мъ же ѻ҆тцы̀ благоче́стнїи, небє́снымъ сора́доватєле, земны̑мъ ᲂу҆́бѡ ра́дованїе, до́брїи на́мъ па́стырїе при́снѡ пребыва́ете, ꙗ҆́кѡ є҆ди́нъ є҆́сть всѣ́хъ па́стырь, хрⷭ҇то́съ бг҃ъ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, воскрⷭ҇нъ стїхо́вный, гла́съ то́й же:"
+ },
+ {
+  "type": "TEXT",
+  "value": "Без̾ сѣ́мене ѿ бж҃е́ственнагѡ дх҃а:"
+ },
+ {
+  "type": "HEADER",
+  "value": "На стїхо́внѣ стїхи̑ры воскрє́сны, гла́съ в҃."
+ },
+ {
+  "type": "HEADER",
+  "value": "Сла́ва, ст҃ы́хъ, гла́съ то́й же."
+ },
+ {
+  "type": "TEXT",
+  "value": "Подо́бенъ: До́ме є҆ѵфра́ѳовъ:"
+ },
+ {
+  "type": "TEXT",
+  "value": "Трⷪ҇цѣ є҆ди́нѣй припа́дающе, гдⷭ҇ꙋ за на́съ молѧ́щесѧ, ве́лїи на́мъ є҆стѐ застꙋ̑пницы, ѽ ст҃і́и землѝ пско́вскїѧ: тѣ́мже ва́съ ᲂу҆блажа́емъ, прехва́льнїи."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ воскре́сенъ, гла́съ то́й же:"
+ },
+ {
+  "type": "TEXT",
+  "value": "Ѽ чꙋдесѐ но́вагѡ:"
+ },
+ {
+  "type": "HEADER",
+  "value": "Тропа́рь, гла́съ д҃:"
+ },
+ {
+  "type": "TEXT",
+  "value": "Є҆гда̀ призва̀ къ вѣ́рѣ гдⷭ҇ь странꙋ̀ пско́вскꙋю, ᲂу҆зрѣ̀ бг҃омꙋ́драѧ ѻ҆́льга трѝ лꙋчѝ сїѧ́нїѧ чꙋ́дна, и҆дѣ́же и҆ созда́сѧ прест҃ы́ѧ трⷪ҇цы до́мъ є҆ѧ̀ сла́венъ во пско́вѣ гра́дѣ, тѣ́мже и҆ всѝ ст҃і́и въ землѝ на́шей ꙗ҆ви́шасѧ, по́двиги бо мно́гими благода̑тныѧ да́ры стѧжа́вшїи: тогѡ̀ ра́ди и҆ дне́сь свѣ́томъ трⷪ҇ческимъ ѡ҆зарѧ́емїи, ѽ, всѝ ст҃і́и пско́встїи, моли́те хрⷭ҇та̀ бг҃а спасти́сѧ дꙋша́мъ на́шымъ."
+ },
+ {
+  "type": "HEADER",
+  "value": "На ᲂу҆́трени тропа́рь воскре́сенъ, гла́съ д҃, два́жды."
+ },
+ {
+  "type": "HEADER",
+  "value": "Сла́ва: тропа́рь ст҃ы́хъ. И҆ ны́нѣ: бг҃оро́диченъ воскре́сенъ, по гла́сꙋ тропарѧ̀ ст҃ы́хъ:"
+ },
+ {
+  "type": "TEXT",
+  "value": "Є҆́же ѿ вѣ́ка ᲂу҆тае́ное:"
+ },
+ {
+  "type": "HEADER",
+  "value": "На полѷеле́и велича́нїе:"
+ },
+ {
+  "type": "TEXT",
+  "value": "Велича́емъ ва́съ, ст҃і́и всѝ, въ землѝ пско́встѣй просїѧ́вшїи, и҆ чти́мъ ст҃ꙋ́ю па́мѧть ва́шꙋ: вы́ бо мо́лите за на́съ хрⷭ҇та̀, бг҃а на́шего."
+ },
+ {
+  "type": "HEADER",
+  "value": "По ѵ҆пакоѝ гла́са сѣда́льны ст҃ы́хъ два̀."
+ },
+ {
+  "type": "HEADER",
+  "value": "Сѣда́ленъ, гла́съ ѕ҃."
+ },
+ {
+  "type": "TEXT",
+  "value": "Подо́бенъ: Тридне́венъ воскрⷭ҇лъ є҆сѝ:"
+ },
+ {
+  "type": "TEXT",
+  "value": "Небе́сныхъ селе́нїй насє́льницы, въ ни́хъ же вселѝ ва́съ гдⷭ҇ь, солико́вствєнницы а҆́гг҃лѡвъ, и҆̀мъ же ᲂу҆подо́бистесѧ, ѿверзо́сте ѻ҆́чи дꙋхо́внїи, ꙗ҆́кѡ херꙋві́мстїи, и҆спо́лнистесѧ слы́шанїѧ вы́шнѧгѡ, тѣ́мже и҆ земны́хъ ꙗ҆ви́стесѧ застꙋ̑пницы, страны̀ на́шеѧ пско́вскїѧ моли́твєнницы."
+ },
+ {
+  "type": "HEADER",
+  "value": "И҆́нъ сѣда́ленъ, гла́съ и҃."
+ },
+ {
+  "type": "TEXT",
+  "value": "Подо́бенъ: Что̀ ва́съ нарече́мъ, ст҃і́и:"
+ },
+ {
+  "type": "TEXT",
+  "value": "Что̀ ва́съ нарече́мъ, ст҃і́и: го́рнихъ ли жи̑тели, ꙗ҆́кѡ на небесѣ́хъ є҆стѐ; до́льнихъ ли храни̑тели, ꙗ҆́кѡ стра́жи є҆стѐ ѻ҆́тчїѧ землѝ; ѕвѣ́зды ли мы́слєнныѧ, ꙗ҆̀же да́стесѧ на́мъ въ пꙋтевожди̑; ко́рмчыѧ ли, ꙗ҆́кѡ дꙋ́шы на́шѧ веде́те ко хрⷭ҇тꙋ̀; мно́гими бг҃ови ᲂу҆годи́ли є҆стѐ, тѣ́мже и҆ ᲂу҆гѡ́дницы бж҃їи и҆менꙋ́еми: моли́те спасти́сѧ дꙋша́мъ на́шымъ."
+ },
+ {
+  "type": "HEADER",
+  "value": "Сла́ва, ст҃ы́хъ полѷеле́йный сѣда́ленъ, гла́съ и҃."
+ },
+ {
+  "type": "TEXT",
+  "value": "Подо́бенъ: Ѽ пресла́внагѡ чꙋдесѐ:"
+ },
+ {
+  "type": "TEXT",
+  "value": "Ѽ, землѝ на́шеѧ надѣ́ѧнїе! Твоѧ̀, трⷪ҇це ст҃а́ѧ, моли́твенники ᲂу҆блажа́емъ дне́сь и҆ ко прⷭ҇то́лꙋ пренебе́сномꙋ припа́даемъ, со и҆́хъ гла̑сы вкꙋ́пѣ всѝ тебѣ̀ взыва́юще: ѽ трїеди́не бж҃е, любо́вїю мі́ръ держа́й, воздыха́нїй ра́ди непреста́нныхъ на́съ не пре́зри, но беззакѡ́нїѧ на̑ша мнѡ́гаѧ всѧ̑ простѝ на́мъ, ꙗ҆́кѡ человѣколю́бецъ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, гла́съ и҃."
+ },
+ {
+  "type": "TEXT",
+  "value": "Подо́бенъ: Ѽ пресла́внагѡ чꙋдесѐ:"
+ },
+ {
+  "type": "TEXT",
+  "value": "Ѽ, пресла́внаѧ влⷣчце! Це́ркве рꙋ́сскїѧ покро́ве небе́сный, ѿ неѧ́же ли́цы ст҃ы́хъ тебѣ̀ предста́тельствꙋютъ, и҆́хъ ра́ди не ѡ҆ста́ви чтꙋ́щихъ тѧ̀ съ любо́вїю и҆ сы́нꙋ твоемꙋ̀ за на́съ, грѣ́шныхъ, моли̑твы приносѧ́щи, не преста́й спаса́ти вѣ̑рныѧ, но и҆ во ᲂу҆дѣ́лѣ се́мъ рꙋсѝ правосла́вныѧ, и҆сточа́й ми́лѡсти твоѧ̑ бога̑тыѧ, ты́ бо благослове́нна є҆сѝ во вѣ́ки."
+ },
+ {
+  "type": "HEADER",
+  "value": "Степє́нна гла́са. Прокі́менъ и҆ є҆ѵⷢ҇лїе воскрє́сны."
+ },
+ {
+  "type": "HEADER",
+  "value": "Канѡ́нъ, гла́съ в҃."
+ },
+ {
+  "type": "TEXT",
+  "value": "Припѣ́въ: Всѝ ст҃і́и землѝ пско́вскїѧ, моли́те бг҃а ѡ҆ на́съ."
+ },
+ {
+  "type": "HEADER",
+  "value": "Пѣ́снь а҃."
+ },
+ {
+  "type": "TEXT",
+  "value": "І҆рмо́съ: Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть, препросла́вленный гдⷭ҇ь сла́внѡ бо просла́висѧ."
+ },
+ {
+  "type": "TEXT",
+  "value": "Прїиди́те, всѝ вѣ́рнїи, восхва́лимъ собо́ръ ст҃ы́хъ землѝ пско́вскїѧ, воспои́мъ дне́сь ѻ҆тцы̀ преблажє́нныѧ, и҆̀же и҆ ны́нѣ прест҃ѣ́й трⷪ҇цѣ непреста́ннѡ молѧ́щесѧ, ꙗ҆́кѡ ве́лїи застꙋ̑пницы, за на́съ грѣ́шныхъ предста́тельствꙋютъ, преклонѧ́юще къ на́мъ милосе́рдїе безмѣ́рное спа́сово."
+ },
+ {
+  "type": "TEXT",
+  "value": "Прїиди́те, хрⷭ҇тоимени́тїи лю́дїе, почти́мъ сро́дники своѧ̑ преподѡ́бныѧ: ті́и бо дꙋ́хомъ на небесѣ́хъ ликовствꙋ́юще, съ на́ми вкꙋ́пѣ ны́нѣ сора́дꙋютсѧ, поне́же страна̀ на́ша пско́вскаѧ и҆ пско́въ, гра́дъ пречестны́й, ѿ нача́ла бг҃оизбра̑нны ꙗ҆ви́шасѧ, ꙗ҆́кѡ прест҃ы́ѧ трⷪ҇цы ᲂу҆дѣ́лъ же содѣ́ѧшасѧ и҆ ꙗ҆́кѡ до́мъ сотвори́шасѧ живонача́льныѧ."
+ },
+ {
+  "type": "TEXT",
+  "value": "Прїиди́те, всѝ пра́зднꙋющїи, просла́вимъ моли́твєнникъ на́шихъ собо́ръ дх҃оно́сный, пре́жде же ѻ҆́льгꙋ, кнѧги́ню благовѣ́рнꙋю, є҆ѧ́ бо креще́нїемъ ᲂу҆зрѣ̀ рꙋ́сь во мра́цѣ і҆́дѡльстѣмъ трисвѣ́тлагѡ свѣ́та зарю̀ восходѧ́щꙋю, та́же и҆ попече́нїемъ є҆ѧ̀ бг҃омꙋ́дрымъ страна̀ сїѧ̀ пско́вскаѧ, ꙗ҆́же бы́сть є҆́й ѻ҆те́чество, благода́ти нача́тъ и҆сполнѧ́тисѧ, прест҃ѣ́й трⷪ҇цѣ ᲂу҆чи́тисѧ поклоне́нїю."
+ },
+ {
+  "type": "TEXT",
+  "value": "Бг҃оро́диченъ: Ви́дѣхомъ тобо́ю, влⷣчце, мі́рꙋ спа́сово ꙗ҆вле́нїе, позна́хомъ бо вѣ́рою и҆́стинною, ꙗ҆́кѡ всѝ і҆́дѡли ᲂу҆краше́ннїи сꙋ́ть гро́би пова́пленнїи. Тогѡ̀ ра́ди и҆ мы̀, сн҃омъ твои́мъ просвѣща́еми, дне́сь ра́дꙋемсѧ сла́внѣ: поги́бе пога́нскаѧ тьма̀, возсїѧ̀ свѣ́тъ хрⷭ҇то́въ въ землѝ рꙋ́сстѣй, свѣ́тъ, неꙋгаса́ющїй во вѣ́ки."
+ },
+ {
+  "type": "HEADER",
+  "value": "Пѣ́снь г҃."
+ },
+ {
+  "type": "TEXT",
+  "value": "І҆рмо́съ: Процвѣла̀ є҆́сть пꙋсты́нѧ, ꙗ҆́кѡ крі́нъ, гдⷭ҇и, ꙗ҆зы́ческаѧ неплодѧ́щаѧ цр҃ковь прише́ствїемъ твои́мъ, въ не́й же ᲂу҆тверди́сѧ моѐ се́рдце."
+ },
+ {
+  "type": "TEXT",
+  "value": "Ні́фѡнте всехва́льне, ст҃ы́й і҆ера́рше, є҆гда̀ ѡ҆свѧща́ше рꙋ́сь хра̑мы пречꙋ́дными, ᲂу҆стро́илъ є҆сѝ и҆ во пско́вѣ гра́дѣ ѻ҆би́тель миро́жскꙋю спа́совꙋ, въ не́й бо ꙗ҆ви́сѧ твои́ми моли́твами благоче́стенъ свѣти́льникъ, а҆враа́мїй и҆гꙋ́менъ: мы́ же є҆го̀ ᲂу҆блажа́емъ согла́снѣ, ꙗ҆́кѡ ста̀ на́мъ нача́льный застꙋ́пникъ, предъ гдⷭ҇емъ хода́тай и҆зрѧ́дный."
+ },
+ {
+  "type": "TEXT",
+  "value": "Благоꙋха́етъ ра́ка моще́й твои́хъ дꙋхоно́снаѧ, гаврїи́ле-все́володе, кнѧ́же на́шъ благовѣ́рный, да́лъ бо є҆сѝ и҆ ты̀ пско́встѣй землѝ ᲂу҆твержде́нїе, во є҆́же бы́ти є҆́й бг҃оспаса́емѣй при́снѡ, прест҃ы́ѧ трⷪ҇цы воздви́глъ є҆сѝ хра́мъ: тѣ́мже и҆ себѐ созда́въ хра́мъ дх҃ꙋ ст҃о́мꙋ, ѡ҆брѣ́лъ є҆сѝ ко гдⷭ҇ꙋ дерзнове́нїе моли́ти є҆го̀ спастѝ дꙋ́шы на́шѧ."
+ },
+ {
+  "type": "TEXT",
+  "value": "Воспрїи́мъ на ра̑мѣ креста̀ гдⷭ҇нѧ ѡ҆рꙋ́жїе, благовѣ́рне кнѧ́же тїмоѳе́е-до́вмонте, сла́венъ бы́въ, и҆́же ѕлы́хъ ратобо́рецъ, храни́лъ є҆сѝ прест҃ы́ѧ трⷪ҇цы по́мощїю до́мъ є҆ѧ̀ и҆ зе́млю честны̑ѧ, ни́щыѧ пита́ѧ, лю́ди всѧ̑ ми́лꙋѧ, ꙗ҆́кѡ и҆ дне́сь хрⷭ҇та̀ бг҃а мо́лиши дарова́ти на́мъ ми́ръ и҆ ве́лїю ми́лость."
+ },
+ {
+  "type": "TEXT",
+  "value": "Бг҃оро́диченъ: Ѡ҆свѧти́ла є҆сѝ пско́вскꙋю странꙋ̀, пречⷭ҇таѧ, то́ками благода́ти хрⷭ҇то́вы всеси́льныѧ, ꙗ҆́же ст҃ы́ми і҆кѡ́нами твои́ми ѿ родѡ́въ ᲂу҆́бѡ дре́внихъ и҆сточа́ла є҆сѝ ѻ҆би́льнѣ: пе́рвѣе же ѻ҆́бразомъ твои́мъ дх҃оно́снымъ во ѻ҆би́тели миро́жстѣй спа́совой, ᲂу҆крѣплѧ́ющи ра́тнѣ кнѧ́зѧ до́вмонта благовѣ́рнаго, та́кожде и҆ мнѡ́гїѧ, тѧ̀ просѧ́щыѧ, и҆сцѣлѧ́ющи дꙋша́мъ во спасе́нїе."
+ },
+ {
+  "type": "HEADER",
+  "value": "Конда́къ, гла́съ д҃:"
+ },
+ {
+  "type": "TEXT",
+  "value": "Дне́сь прест҃ы́ѧ трⷪ҇цы ра́дꙋетсѧ гра́дъ, и҆ всѧ̀ землѧ̀ пско́вскаѧ свѣ́тлѡ пра́зднꙋетъ, прославлѧ́ющи, гдⷭ҇и, благоче́стный ли́къ ст҃ы́хъ твои́хъ, и҆́хже со креще́нїѧ ѻ҆́льгина дарова́лъ є҆сѝ на́мъ ко спасе́нїю, ѻ҆те́чествꙋ же на́шемꙋ къ застꙋпле́нїю, ꙗ҆́кѡ и҆ хода́таи предъ тобо́ю сꙋ́ть непрело́жнїи за всѧ̑ правосла̑вныѧ, рꙋ́сь ст҃ꙋ́ю."
+ },
+ {
+  "type": "TEXT",
+  "value": "І҆́косъ: Оу҆тѣ́шителѧ да́ры въ сердца̀ воспрїе́мше, ꙗ҆ви́лисѧ є҆стѐ на́мъ, ѻ҆тцы̀ преблаже́ннїи, пѡ́двигъ бо мно́гихъ сокрѡ́вищи дꙋхо́вными сотвори́ли є҆стѐ пребога̑ты мо́щи своѧ̑, и҆́миже и҆ и҆сцѣлє́нїѧ тѣлє́снаѧ, па́че же дꙋша́мъ на́шымъ, живоно́снѣ и҆сточа́ете вѣ̑рнымъ, ꙗ҆́кѡже и҆ прошє́нїѧ дѡ́браѧ предварѧ́ете любо́вїю ди́внѡ, просвѣща́ете ны̀ ѻ҆́чи сердє́чныѧ, во є҆́же моли́твами ва́шими, ѽ ст҃і́и застꙋ̑пницы пско́встїи, и҆ на́мъ при́снѡ съ гдⷭ҇емъ бы́ти, ᲂу҆пова́юще съ вѣ́рою ми́лости є҆гѡ̀ сподо́бистесѧ: да и҆ на́съ спасе́тъ, грѣ́шныхъ, ꙗ҆́кѡ и҆ ва́съ спа́слъ є҆́сть, ли́къ ᲂу҆́бѡ пресвѣ́тлый, и҆́стиннѡ рꙋ́сь же ст҃ꙋ́ю."
+ },
+ {
+  "type": "HEADER",
+  "value": "Сѣда́ленъ, гла́съ а҃."
+ },
+ {
+  "type": "TEXT",
+  "value": "Подо́бенъ: Гро́бъ тво́й сп҃се:"
+ },
+ {
+  "type": "TEXT",
+  "value": "Цр҃ю̀ и҆ гдⷭ҇и, ны́нѣ срѡ́дницы на́ши тебѣ̀ предстоѧ́тъ, земні́и бо небе́сными ста́ша: да́лъ є҆сѝ и҆̀хъ на́мъ, ли́къ ст҃ы́й, ли́къ всехва́льный, во спасе́нїе споспѣ́шники на́мъ, ꙗ҆ви́лъ є҆сѝ сла́вꙋ и҆́хъ, влⷣко человѣколю́бче."
+ },
+ {
+  "type": "HEADER",
+  "value": "Сла́ва, и҆ ны́нѣ, бг҃оро́диченъ, гла́съ то́й же:"
+ },
+ {
+  "type": "TEXT",
+  "value": "Чꙋ́домъ преесте́ственнымъ и҆зъ тебє̀, ѽ бг҃ома́ти, сло́во воплоти́сѧ, тѣ́мъ ᲂу҆̀бо и҆ въ є҆стествѣ̀ на́шемъ, грѣхмѝ ѡ҆кова́ннѣмъ, бж҃е́ственнаѧ же любо́вь жи́тельствꙋетъ свобо́днѣ, во є҆́же во вѣ́ки на́мъ дꙋшетлѣ́нныхъ си́хъ є҆́ю свободи́тисѧ."
+ },
+ {
+  "type": "HEADER",
+  "value": "Пѣ́снь д҃."
+ },
+ {
+  "type": "TEXT",
+  "value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃елъ, но са́мъ, гдⷭ҇и вопло́щсѧ, и҆ спа́слъ є҆сѝ всего́ мѧ, человѣ́ка, тѣ́мъ зовꙋ́ ти: сла́ва си́лѣ твое́й гдⷭ҇и."
+ },
+ {
+  "type": "TEXT",
+  "value": "Бы́вши тѝ, є҆ѵфросѵ́нїе, кнѧги́нею пско́вскою, ᲂу҆стро́ила є҆сѝ тꙋ̀ ѻ҆би́тель предте́чевꙋ, въ не́й же и҆ сотвори́ласѧ є҆сѝ є҆ѵпраѯі́а преподо́бнаѧ: тѣ́мъ бо и҆ мѵ́ро і҆кѡ́ною спа́совою ᲂу҆ гро́ба твоегѡ̀ и҆сточа́шесѧ, тѣ́мже и҆ ма́рѳа, подрꙋ́жїѧ до́вмонтова, въ ѻ҆би́тели се́й смире́ннѣ спаса́шесѧ. Тогѡ̀ ра́ди и҆ ны́нѣ, ва́съ, благовѣ́рнїи, помина́юще, вопїе́мъ съ ва́ми вкꙋ́пѣ: сла́ва си́лѣ твое́й гдⷭ҇и."
+ },
+ {
+  "type": "TEXT",
+  "value": "И҆̀же ѿ за̑падъ съ набѣ́жїѧ прише́дшими бы́сте ѻ҆гне́мъ сожига́еми, ст҃і́и мꙋ́чєницы миро́жстїи и҆ снетого́рстїи, и҆гꙋ́мене васі́лїе, и҆гꙋ́мене і҆ѡаса́фе и҆ всѧ̑ ꙗ҆̀же съ ни́ми: прест҃ꙋ́ю трⷪ҇цꙋ и҆сповѣ́дали є҆стѐ правосла́внѣ, тогѡ̀ ра́ди и҆ мꙋ̑ки сїѧ̑ претерпѣ́вше, дне́сь во свѣ́тѣ трисїѧ́ннѣмъ взыва́ете си́це: сла́ва си́лѣ твое́й, гдⷭ҇и."
+ },
+ {
+  "type": "TEXT",
+  "value": "Свѧщенномꙋ́чениче і҆сі́дѡре и҆ всѝ съ ни́мъ стрⷭ҇тоте́рпцы ю҆́рьевстїи, нетлѣ́нными вѣнцы̑ ᲂу҆вѣнча́ни є҆стѐ, ꙗ҆́кѡ, возлюби́вше па́че жи́зни вѣ́рꙋ а҆пⷭ҇льскꙋю, це́ркве собо́рныѧ не ѿве́рглисѧ є҆стѐ, воспѣва́вше потоплѧ́еми: сла́ва си́лѣ твое́й гдⷭ҇и."
+ },
+ {
+  "type": "TEXT",
+  "value": "Бг҃оро́диченъ: Бл҃гослове́нна є҆сѝ, дв҃о чⷭ҇таѧ, и҆ па́ки рекꙋ̀: пребл҃гослове́ннаѧ, человѣ́кѡмъ бо невозмѡ́жнаѧ содѣ́ѧ тобо́ю гдⷭ҇ь, ᲂу҆гото́ва тѧ̀ сы́й бж҃е́ственнагѡ вочеловѣ́ченїѧ та́инствꙋ стра́шнꙋ. Мы́ же, тобо́ю, ѽ бг҃ома́ти, спасе́нїѧ ча́юще, сотвори́вшемꙋ всѧ̑ сїѧ̑ вопїе́мъ: сла́ва си́лѣ твое́й, гдⷭ҇и."
+ },
+ {
+  "type": "HEADER",
+  "value": "Пѣ́снь є҃."
+ },
+ {
+  "type": "TEXT",
+  "value": "І҆рмо́съ: Хода́тай бг҃ꙋ и҆ человѣ́кѡмъ бы́лъ є҆сѝ, хрⷭ҇тѐ бж҃е, тобо́ю бо влⷣко, къ свѣтонача́льникꙋ ѻ҆ц҃ꙋ̀ твоемꙋ̀ ѿ но́щи невѣ́дѣнїѧ приведе́нїе и҆́мамы."
+ },
+ {
+  "type": "TEXT",
+  "value": "Преподо́бне ѻ҆́тче на́шъ ма́рко, пско́во-пече́рскїй первонасе́льниче, прїимѝ пѣ́нїе сїѐ вѣ́рою тѧ̀ почита́ющихъ, ꙗ҆́кѡ подвиза́лсѧ є҆сѝ, бг҃ови ᲂу҆гожда́ѧ, въ пеще́рѣ, бг҃омъ же зда́ннѣй, просвѣща́емь и҆ во мра́цѣ є҆ѧ̀ ᲂу҆́бѡ свѣ́томъ трисвѣ́тлымъ: тѣ́мже и҆ житїѐ благоче́стнѣ сконча́въ, ѡ҆свѧща́еши ны́нѣ всѧ̑, ко гро́бꙋ твоемꙋ̀ притека́ющыѧ."
+ },
+ {
+  "type": "TEXT",
+  "value": "Преподо́бне ѻ҆́тче і҆ѡ́но и҆ ма́ти преподо́бнаѧ ва́ссо, ѻ҆би́тели пече́рскїѧ нача́льнїи зда́телїе. Жи́вшымъ же ва́мъ во ю҆́рьевѣ, гра́дѣ ливо́нстѣмъ, не пожела́ли є҆стѐ лати́нѧнѡмъ поклони́тисѧ, но прише́дше въ странꙋ̀ пско́вскꙋю, ᲂу҆стро́или є҆стѐ въ горѣ̀ до́мъ пречⷭ҇тыѧ: тогѡ̀ ра́ди и҆ дне́сь прославлѧ́еми, моли́те ю҆̀, влⷣчцꙋ, ѿ бѣ́дъ на́съ и҆зба́вити."
+ },
+ {
+  "type": "TEXT",
+  "value": "Мона́хѡвъ мно́жества наста́вника тѧ̀ почита́емъ, ѻ҆́тче на́шъ є҆ѵфросѵ́не, є҆леаза́ровскаѧ похвало̀. А҆́ще и҆ ᲂу҆стро́ивъ ѻ҆би́тель свою̀, ѻ҆ба́че смире́нїѧ ра́ди не ᲂу҆чи́тель, нижѐ пресвѵ́теръ са́номъ бы́лъ є҆сѝ, кро́тостїю же и҆ любо́вїю, ꙗ҆́кѡ и҆ блюде́нїемъ ᲂу҆ста́вѡвъ мона́шескихъ, и҆̀хже са́мъ и҆ соста́ви премꙋ́дре, ꙗ҆ви́лсѧ є҆сѝ пско́вскїѧ землѝ всеѧ̀ а҆́вва, ѡ҆ не́й же и҆ моли́сѧ, достоблаже́нне."
+ },
+ {
+  "type": "TEXT",
+  "value": "Бг҃оро́диченъ: Ст҃ы́хъ і҆кѡ́нъ твои́хъ по́мощїю не ѡ҆ста́вила є҆сѝ на́съ, влⷣчце, и҆спо́лнила є҆сѝ странꙋ̀ пско́вскꙋю благода́тїю и҆́хъ пребога́тою, возра́довашесѧ ᲂу҆̀бо ве́сь же чирска́ѧ и҆ ве́сь свѧтого́рскаѧ, возвесели́сѧ и҆ ѻ҆би́тель пече́рскаѧ: ꙗ҆ви́шасѧ бо въ ни́хъ ѻ҆́бразы твоѝ чꙋ́днїи, подаю́щїи чтꙋ́щымъ тѧ̀ ми́лѡсти."
+ },
+ {
+  "type": "HEADER",
+  "value": "Пѣ́снь ѕ҃."
+ },
+ {
+  "type": "TEXT",
+  "value": "І҆рмо́съ: Въ бе́зднѣ грѣхо́внѣй валѧ́ѧсѧ, неизлѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
+ },
+ {
+  "type": "TEXT",
+  "value": "Оу҆крѣпи́всѧ вседержи́телѧ благода́тїю, преподо́бне серапїѡ́не, ѻ҆́тче преди́вне, сотвори́лсѧ є҆сѝ є҆ѵфросѵ́нꙋ всехва́льнꙋ же́стокъ спо́стникъ и҆ въ по́двизѣхъ содрꙋ́гъ, ни́щъ и҆ на́гъ живѧ́ше вседне́внѣ, ста́лъ є҆сѝ мі́рꙋ, ꙗ҆́кѡже ме́ртвъ, воздержа́нїемъ, ꙗ҆́кѡже а҆́гг҃елъ, гдⷭ҇еви є҆ди́но трꙋжда́ѧсѧ, и҆́мъ же и҆ просла́вленъ є҆сѝ, богоно́се."
+ },
+ {
+  "type": "TEXT",
+  "value": "Оу҆́мъ къ бг҃ꙋ впери́вше и҆ благи́хъ бе́зднꙋ позна́вше сердцы̑, ѽ преподо́бнїи і҆ларїѡ́не и҆ досїѳе́е, поне́же бы́сте ѿ ᲂу҆чени̑къ є҆ѵфросѵ́новыхъ, и҆̀же всѝ ѡ҆свѧща́хꙋ зе́млю ѻ҆те́ческꙋю, ѡ҆свѧти́ли и҆ вы̀ брега̀ є҆́зера пско́вскагѡ честны́ми свои́ми ѻ҆би́тельми, ѿ ни́хъ же и҆ къ го́рнемꙋ бо торжествꙋ̀ жизнода́вцемъ призва́стесѧ."
+ },
+ {
+  "type": "TEXT",
+  "value": "Преподо́бне ѻ҆́тче на́шъ са́вво, и҆́ноче всеблаже́нне, премꙋ́дрости сло́ва навы́клъ є҆сѝ во а҆ѳѡ́нскихъ ѻ҆би́телехъ, и҆ во пско́вскꙋю зе́млю прише́дъ, проповѣ́далъ є҆сѝ благода́ти слова̀, бы́сть всѣ̑мъ те́плый застꙋ́пникъ, скорбѧ́щымъ ᲂу҆тѣ́шитель: тѣ́мже и҆ возсїѧ́лъ є҆сѝ во ѻ҆би́тели свое́й, въ ве́си кры́пецкой."
+ },
+ {
+  "type": "TEXT",
+  "value": "Бг҃оро́диченъ: Ꙗ҆ви́ласѧ є҆сѝ, влⷣчце, ꙗ҆́кѡ побѣ́дное зна́менїе спа́сово, мі́рови бо зна́менꙋеши плаче́вное бѣсѡ́въ низложе́нїе: тѣ́мже и҆ ны́нѣ, воево́до возбра́ннаѧ, воздви́гни ны̀, грѣ̑шныѧ, на страсте́й сокрꙋше́нїе, и҆, ꙗ҆́кѡ и҆мꙋ́щаѧ держа́вꙋ непобѣди́мꙋю, ѿ всѧ́кихъ на́съ бѣ́дъ свободѝ, бцⷣе чⷭ҇таѧ."
+ },
+ {
+  "type": "HEADER",
+  "value": "Конда́къ и҆ і҆́косъ воскрє́сны."
+ },
+ {
+  "type": "HEADER",
+  "value": "Пѣ́снь з҃."
+ },
+ {
+  "type": "TEXT",
+  "value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дꙋхо́внꙋю, сы́й бл҃гослове́нъ и҆ препросла́вленъ."
+ },
+ {
+  "type": "TEXT",
+  "value": "Пѣ́нїе на́ше благода́рное не пре́зри, преподо́бне ѻ҆́тче ма́льскїй ѻ҆нꙋ́фрїе, но ꙗ҆́кѡ бы́въ подража́тель добродѣ́телємъ є҆ѵфросѵ́на пресла́вна, и҆ ны́нѣ, любвѝ є҆гѡ̀ нелицемѣ́рнѣй послѣ́дꙋѧ, молѝ ѡ҆ чтꙋ́щихъ тѧ̀ гдⷭ҇а, дне́сь бо є҆сѝ слꙋжа́й є҆мꙋ̀ со а҆́гг҃лы, благода́ть же на́мъ здѣ̀ подае́ши ѻ҆би́льнѣ."
+ },
+ {
+  "type": "TEXT",
+  "value": "Ра́й содѣ́лалъ є҆сѝ пꙋсты́ню, преподобномꙋ́чениче корні́лїе: возлюби́въ пречⷭ҇тыѧ ѻ҆би́тель пече́рскꙋю, мно́гими пѡ́ты ᲂу҆тверди́лъ є҆сѝ и҆ ᲂу҆краси́лъ є҆сѝ ю҆̀, ꙗ҆́кѡже и҆ ходи́вшыѧ ѡ҆́крестъ во тьмѣ̀ і҆́дѡльстѣй ᲂу҆краси́лъ є҆сѝ правосла́вїемъ до́брѣ. Клевето́ю же прїѧ́вшꙋ тѝ стра̑сти безви́ннѡ, водвори́лсѧ є҆сѝ въ черто́зѣхъ небе́сныхъ, молѧ́сѧ не престаѧ̀ за ѻ҆би́тель твою̀ и҆ всѧ̑ лю́ди, и҆̀же къ ра́цѣ моще́й твои́хъ притека́ютъ ᲂу҆се́рднѣ."
+ },
+ {
+  "type": "HEADER",
+  "value": "Хрⷭ҇та̀ ра́ди ю҆ро́дствꙋѧй, блаже́нне нїко́лае, хрⷭ҇то́вы пра́вды рачи́телю, сотвори́лсѧ є҆сѝ житїе́мъ ѡ҆ гдⷭ҇ѣ нꙋ́жднымъ, ꙗ҆́кѡже гла́съ бж҃їй мі́рови вопїю́щїй: пока́йтесѧ непра́веднїи, пока́йтесѧ, нечести́вїи. Тѣ́мже и҆ дꙋ́шꙋ свою̀ за бли̑жнїѧ полага́ѧ, сохрани́лъ є҆сѝ ю҆̀, ᲂу҆добри́въ, длѧ жи́тельства присносꙋ́щнагѡ."
+ },
+ {
+  "type": "TEXT",
+  "value": "Бг҃оро́диченъ: Небе́съ є҆сѝ ши́ршаѧ, земны́хъ же застꙋ́пница, прострѝ на ны̀ сїѧ́нїѧ твоегѡ̀ покро́въ прест҃ы́й, ꙗ҆́кѡже и҆ ви́дѣ дѡроѳе́й, мꙋ́жъ пско́вскъ благоче́стный, горѣ́ тѧ со ст҃ы́ми на́шими вкꙋ́пѣ стоѧ́щꙋ, гра́дъ же пско́въ и҆ всю̀ зе́млю рꙋ́сскꙋю ѿ бѣ́дъ сохранѧ́ющꙋ чꙋ́днѡ."
+ },
+ {
+  "type": "HEADER",
+  "value": "Пѣ́снь и҃."
+ },
+ {
+  "type": "TEXT",
+  "value": "І҆рмо́съ: Пе́щь и҆ногда̀ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: благослови́те, всѧ̑ дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "Въ пꙋсты́ню всели́всѧ, преподо́бне ѻ҆́тче нїка́ндре, стѧжа́лъ є҆сѝ трꙋды̑ мно́гими смире́нїе, равноа́гг҃льное: безро́потенъ бы́въ въ болѣ́знехъ тѧ́жкихъ, а҆́ще и҆ ѡ҆безно́желъ є҆сѝ са́мъ въ коне́цъ, дꙋ́хомъ же, а҆́ки на крилѣ́хъ чꙋ́дныхъ, воспарѧ́лъ є҆сѝ бг҃ови, и҆ны̑ѧ бо лю́ди стра́ждꙋщыѧ и҆сцѣлѧ́ѧ всѧ̑ благода́тїю."
+ },
+ {
+  "type": "TEXT",
+  "value": "Дне́сь прише́дше пѣ́сньми па́мѧть твою̀ вѣнча́ти, по́рховскагѡ кра́ѧ похвало̀, і҆ѡакі́ме до́бре, ᲂу҆блажа́емъ тѧ̀, ꙗ҆́кѡ бы́лъ є҆сѝ чти́тель ѻ҆со́бь проро́ка бж҃їѧ и҆лїѝ сла́вна, є҆мꙋ́ же и҆ ѻ҆би́тель, ᲂу҆стро́ивъ ю҆̀, посвѧтѝ, съ ни́мъ и҆ ны́нѣ молѝ хрⷭ҇та̀ бг҃а спасти́сѧ дꙋша́мъ на́шымъ."
+ },
+ {
+  "type": "TEXT",
+  "value": "Проповѣ́дникъ бы́сть сла́вы бг҃ома́тернїѧ, тїмоѳе́е, блаже́нне пра́ведниче, ѡ҆ ꙗ҆вле́нїи бо і҆кѡ́нъ свѧтого́рскихъ пречⷭ҇тыѧ возвести́лъ є҆сѝ ра́дость мі́рови, и҆́хже и҆ чꙋдеса̀ всѧ̑ вє́лїѧ вотщѐ въ новегра́дѣ и҆сповѣ́дꙋѧ, тꙋ̀ и҆ мꙋ́ченичества вѣне́цъ честны́й ѿ несмы́сленныхъ се́рдцемъ во ᲂу҆зи́лищѣ прїѧ́лъ є҆сѝ, бцⷣꙋ дв҃ꙋ прославлѧ́ти же не престаѧ̀."
+ },
+ {
+  "type": "TEXT",
+  "value": "Бг҃оро́диченъ: Ѡ҆мы̀ гдⷭ҇ь грѣ́хъ на́шъ бж҃е́ственною свое́ю кро́вїю, ты́ же, ѽ бг҃ома́ти, слеза́ми свои́ми на́съ ѡ҆мыва́еши, поне́же предстоѧ́ла є҆сѝ крестꙋ̀ влⷣчню, тогѡ̀ ра́ди и҆ воскре́сшаго мо́лиши ны́нѣ си́це: сн҃е благі́й мо́й и҆ гдⷭ҇и, поми́лꙋй лю́ди твоѧ̑, поми́лꙋй ѧ҆̀."
+ },
+ {
+  "type": "HEADER",
+  "value": "Пѣ́снь ѳ҃."
+ },
+ {
+  "type": "TEXT",
+  "value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щсѧ ѿ дв҃ы, на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ, тѣ́мъ всепѣ́тꙋю бцⷣꙋ велича́емъ."
+ },
+ {
+  "type": "TEXT",
+  "value": "Кі́ими похвалы̑ ᲂу҆блажи́мъ ва́съ, ст҃і́и застꙋ̑пницы пско́встїи, ꙗ҆́кѡ ꙗ҆вле́ннїи на́мъ и҆ неѧвле́ннїи, ꙗ҆́кѡ на землѝ просла́вленнїи и҆ ꙗ҆́кѡ безвѣ́стнїи, а҆́гг҃лѡмъ дне́сь въ раѝ пребыва́юще ра́вни, лицезрѣ́ете ꙗ҆́вѣ сла́вꙋ гдⷭ҇ню: тѣ́мже и҆ прест҃ꙋ́ю трⷪ҇цꙋ при́снѡ моли́те за ᲂу҆дѣ́лъ є҆ѧ̀ се́й и҆ за всѧ̑ є҆ѧ̀ лю́ди."
+ },
+ {
+  "type": "TEXT",
+  "value": "Кі́ими словесы̀ воспросла́вимъ ва́съ кра́снѣ, пра́вєдникъ на́шихъ собо́ре пречꙋ́дный, ꙗ҆́кѡ ве́лїи є҆стѐ правосла́вныхъ спобѡ́рницы, и҆̀же да́же до сме́рти возлюби́вше ѻ҆тє́цъ ст҃ы́хъ вѣ́рꙋ, и҆спо́лнили є҆стѐ пра́вѡ завѣ́ты хрⷭ҇тѡ́вы: тогѡ̀ ра́ди и҆ сы́нове бж҃їи нарече́ни є҆стѐ, тогѡ̀ ра́ди и҆ на́мъ и҆спроси́те во вѣ́ки спасе́нїе."
+ },
+ {
+  "type": "TEXT",
+  "value": "Трⷪ҇ченъ: Ѽ прест҃а́ѧ, животворѧ́щаѧ и҆ нераздѣ́льнаѧ трⷪ҇це, ѻ҆́ч҃е, сн҃е и҆ дш҃е ст҃ы́й, всеѧ̀ тва́ри є҆ди́не содѣ́телю, воспѣва́етъ тѧ̀, бж҃е, землѧ̀ сїѧ̀, припа́дающи при́снѡ къ до́мꙋ твоемꙋ̀, хра́мꙋ ст҃о́мꙋ, и҆дѣ́же во блаже́нныхъ всѧ̀ це́рковь твоѧ̀, ѡ҆ на́съ, грѣ́шныхъ, молѧ́щисѧ, вопїе́тъ тѝ си́це: трⷪ҇це ст҃а́ѧ, сла́ва тебѣ̀!"
+ },
+ {
+  "type": "TEXT",
+  "value": "Бг҃оро́диченъ: Ꙗ҆́кѡже ма́ти ча́дѡмъ свои̑мъ сора́дꙋетсѧ, ра́дꙋйсѧ, пречⷭ҇таѧ, ра́достїю на́шею: ра́дꙋйсѧ, ди́внаѧ спа́са роди́тельнице, ꙗ҆́кѡ въ не́мъ же ѡ҆брѣта́емъ спасе́нїе, ра́дꙋйсѧ, чꙋ́днаѧ це́ркве застꙋ́пнице, ꙗ҆́кѡ въ не́й же прїѧ́хомъ креще́нїе, ра́дꙋйсѧ, влⷣчце, ꙗ҆́кѡ и҆ страна̀ на́ша пско́вскаѧ сы́номъ твои́мъ жизнода́вцемъ во блага̑ѧ бо жи́тельствꙋетъ!"
+ },
+ {
+  "type": "HEADER",
+  "value": "Свѣти́ленъ воскре́сенъ, є҆ѯапостїла́рїй г҃-й:"
+ },
+ {
+  "type": "TEXT",
+  "value": "Ꙗ҆́кѡ хрⷭ҇то́съ воскр҃се:"
+ },
+ {
+  "type": "HEADER",
+  "value": "Сла́ва, свѣти́ленъ ст҃ы̑мъ:"
+ },
+ {
+  "type": "TEXT",
+  "value": "Ѽ всѝ ст҃і́и землѝ пско́вскїѧ, прест҃ы́ѧ трⷪ҇цы ны́нѣ сїѧ́нїе зрѧ́щїи, помина́йте на́съ предъ гдⷭ҇емъ, да и҆ на́мъ ᲂу҆зрѣ́ти сла́вꙋ бж҃їю, низлага́юще вѣ́рою всѧ́къ грѣ́хъ дꙋ́шъ на́шихъ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ воскре́сенъ, є҆ѯапостїла́рїа г҃-гѡ:"
+ },
+ {
+  "type": "TEXT",
+  "value": "Возсїѧ́вшее сл҃нце:"
+ },
+ {
+  "type": "HEADER",
+  "value": "На хвали́техъ: поста́вимъ стїхѡ́въ и҃, и҆ пое́мъ стїхи̑ры воскрє́сны д҃, и҆ ст҃ы̑мъ д҃."
+ },
+ {
+  "type": "HEADER",
+  "value": "Стїхи̑ры ст҃ы̑мъ пскѡ́вскимъ, гла́съ д҃."
+ },
+ {
+  "type": "TEXT",
+  "value": "Подо́бенъ: Свы́ше зва́нъ:"
+ },
+ {
+  "type": "TEXT",
+  "value": "Ст҃ы́хъ твои́хъ па́мѧть творѧ́ще, прославлѧ́емъ си́лꙋ твою̀, гдⷭ҇и, є҆́ю бо и҆ въ на́съ немощны́хъ спасе́нїе соверша́еши, тогѡ̀ ра́ди и҆ въ землѝ на́шей пско́встѣй ꙗ҆ви́лъ є҆сѝ ѻ҆тцы̀ преблажє́нныѧ, и҆ и҆̀же бѧ́хꙋ пе́рстнїи, небе́снїи сотвори́шасѧ: показа́ша ꙗ҆́вѣ мі́рови, ꙗ҆́кѡ бла́гъ гдⷭ҇ь лю́бѧщымъ є҆го̀, поне́же и҆ поми́ловани бы́ша и҆́хъ ра́ди бг҃олю́бїѧ."
+ },
+ {
+  "type": "TEXT",
+  "value": "Цвѣ́те раѧ̀, це́ркве ᲂу҆краше́нїе, ст҃ы́хъ пско́вскихъ собо́ре чꙋ́дне, бж҃е́ственныѧ любвѐ прїѧ́ли є҆стѐ, преблаже́ннїи, сокро́вище нерасхища́емое, и҆́мже и҆ посмѣѧ́лисѧ є҆стѐ прираже́нїємъ страсте́й, ꙗ҆̀же на вы̀ воста́ша, ꙗ҆́кѡ та́тїе и҆ ꙗ҆́кѡ разбѡ́йницы тьмы̀ дꙋшетлѣ́нныѧ, и҆̀хже и҆ сокрꙋши́ли є҆стѐ всѧ̑ благода́тїю, ва́мъ подава́емою."
+ },
+ {
+  "type": "HEADER",
+  "value": "И҆́ны стїхи̑ры ст҃ы̑мъ, гла́съ и҃:"
+ },
+ {
+  "type": "TEXT",
+  "value": "Возлюби̑вше житїѐ ѡ҆ хрⷭ҇тѣ̀ па́че всѣ́хъ кра́сныхъ мі́ра, ѡ҆бнища́ли є҆стѐ дꙋ́хомъ бꙋ́їимъ є҆стества̀, дх҃а же ст҃а́гѡ благода́ти и҆спо́лнилисѧ є҆стѐ, пренебе́сныѧ добро́ты и҆стѡ́чницы ста́вше, напои́ли є҆стѐ хрⷭ҇то́вы пра́вды жа́ждавшыѧ. Тѣ́мже и҆ мы̀ ны́нѣ къ ва́мъ взыва́емъ: ѽ всѝ ст҃і́и на́ши пско́встїи, моли́те за на́съ гдⷭ҇а є҆́же и҆ на́мъ пода́стъ во́дꙋ жи́вꙋ жи́зни вѣ́чныѧ."
+ },
+ {
+  "type": "TEXT",
+  "value": "Ꙗ҆́кѡ да́ръ честны́й страны̀ пско́вскїѧ, сокрове́нныхъ благода́ти бж҃їѧ похвало̀ ꙗ҆́вѣ, благовѣ́рнїи кнѧ́зїе и҆ преподо́бнїи и҆ всѝ блаже́ннїи, прест҃ы́ѧ трⷪ҇цы ᲂу҆дѣ́ле моли́твенный, за ѻ҆те́чество на́ше рѡссі́йское предстоѧ́ще бг҃ови, ко ѻ҆те́чествꙋ вы́шнемꙋ пꙋ́ть на́мъ крѣ́пкѡ ᲂу҆пра́вите, да и҆ мы̀ ᲂу҆́бѡ свѣ́та трисїѧ́ннагѡ не лише́ни бꙋ́демъ, ва́съ молѧ́щїи."
+ },
+ {
+  "type": "HEADER",
+  "value": "Сла́ва, стїхи́ра ᲂу҆́треннѧѧ є҆ѵⷢ҇льскаѧ, гла́съ г҃:"
+ },
+ {
+  "type": "TEXT",
+  "value": "Магдали́нѣ марі́и:"
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, гла́съ в҃:"
+ },
+ {
+  "type": "TEXT",
+  "value": "Пребл҃гослове́нна є҆сѝ, бцⷣе дв҃о:"
+ },
+ {
+  "type": "HEADER",
+  "value": "Славосло́вїе вели́кое."
+ },
+ {
+  "type": "HEADER",
+  "value": "По трист҃о́мъ тропа́рь воскре́сенъ. Є҆ктєнїѝ, и҆ ѿпꙋ́стъ."
+ },
+ {
+  "type": "HEADER",
+  "value": "На а҃-мъ часѣ̀ тропа́рь воскре́сенъ. Сла́ва, тропа́рь ст҃ы́хъ, и҆ ны́нѣ, бг҃оро́диченъ часѡ́въ."
+ },
+ {
+  "type": "TEXT",
+  "value": "По Ѻ҆́тче на́шъ:"
+ },
+ {
+  "type": "HEADER",
+  "value": "Конда́къ ст҃ы́хъ. И҆ соверше́нный ѿпꙋ́стъ."
+ },
+ {
+  "type": "HEADER",
+  "value": "На лїтꙋргі́и Бл҃жє́нна воскрє́сна гла́са, на ѕ҃, и҆ ѿ канѡ́на ст҃ы́хъ пско́вскихъ пѣ́снь ѳ҃-ѧ, на д҃."
+ },
+ {
+  "type": "HEADER",
+  "value": "По вхо́дѣ тропа́рь воскре́сенъ и҆ хра́ма бцⷣы (а҆́ще є҆́сть), и҆ ст҃ы́хъ. Конда́къ воскре́сенъ."
+ },
+ {
+  "type": "HEADER",
+  "value": "Сла́ва, конда́къ ст҃ы́хъ. И҆ ны́нѣ, хра́ма бцⷣы и҆лѝ:"
+ },
+ {
+  "type": "TEXT",
+  "value": "Предста́тельство хрⷭ҇тїа́нъ непосты́дное:"
+ },
+ {
+  "type": "HEADER",
+  "value": "Прокі́менъ воскре́сенъ гла́са. Ст҃ы́хъ прокі́менъ:"
+ },
+ {
+  "type": "TEXT",
+  "value": "Честна̀ предъ гдⷭ҇емъ сме́рть преподо́бныхъ є҆гѡ̀."
+ },
+ {
+  "type": "HEADER",
+  "value": "А҆пⷭ҇лъ рѧ́дъ и҆ ст҃ы́хъ: къ ри́млѧнѡмъ, зача́ло ч҃ѳ."
+ },
+ {
+  "type": "TEXT",
+  "value": "А҆ллилꙋ́їа, гла́съ и҃: Весели́тесѧ ѡ҆ гдⷭ҇ѣ и҆ ра́дꙋйтесѧ, пра́веднїи."
+ },
+ {
+  "type": "HEADER",
+  "value": "Є҆ѵⷢ҇лїе рѧ́дъ и҆ ст҃ы́хъ: ѿ матѳе́а, зача́ло л҃и."
+ },
+ {
+  "type": "HEADER",
+  "value": "Прича́стенъ воскре́сенъ, и҆ ст҃ы́хъ:"
+ },
+ {
+  "type": "TEXT",
+  "value": "Ра́дꙋйтесѧ, пра́веднїи, ѡ҆ гдⷭ҇ѣ, пра̑вымъ подоба́етъ похвала̀."
+ },
+ {
+  "type": "HEADER",
+  "value": "Моли́тва:"
+ },
+ {
+  "type": "TEXT",
+  "value": "Ѽ, преди̑внаѧ и҆ пресла̑внаѧ свѣти̑ла землѝ пско́вскїѧ: ст҃а́ѧ равноапⷭ҇льнаѧ вели́каѧ кнѧги́не ѻ҆́льго, первоꙋго́днице бж҃їѧ ѿ всегѡ̀ ро́да рѡссі́йскагѡ, кнѧ́зїе пско́встїи благовѣ́рнїи, преподо́бнїи и҆ бг҃оно́снїи ѻ҆тцы̀ на́ши, па́стырїе и҆ ᲂу҆чи́телїе, пѡ́стницы и҆ и҆сповѣ̑дницы, всѝ пра́веднїи и҆ преблаже́ннїи! Къ ва́мъ прибѣга́емъ дне́сь и҆ мо́лимсѧ ва́мъ съ любо́вїю: да бꙋ́дите небе́снїи застꙋ̑пницы ѻ҆те́чествꙋ ва́шемꙋ и҆ все́й землѝ рꙋ́сстѣй, наставлѧ́ющїи на́съ, сро́дники ва́шѧ, твори́ти во́лю гдⷭ҇ню, во є҆́же преспѣва́ти и҆ на́мъ въ вѣ́рѣ, благоче́стїи и҆ любвѝ хрⷭ҇тїа́нстѣй, прославлѧ́юще премилосе́рдаго творца̀, гдⷭ҇а и҆ спа́са на́шего, и҆ пречⷭ҇тꙋю є҆гѡ̀ ма́терь, ꙗ҆́кѡ ᲂу҆пова́нїе надѣ́ющихсѧ и҆ ми́лостей бж҃їихъ пода́тельницꙋ! Ѽ, всѝ ст҃і́и на́ши пско́встїи, моли́те, благосе́рдїи хрⷭ҇та̀ бг҃а, да да́рꙋетъ и҆ на́мъ грѣ̑шнымъ, непоро́чное вѣ́ры соблюде́нїе, це́ркви ст҃ы́ѧ ѿ є҆ресе́й и҆ раско́лѡвъ ѡ҆гражде́нїе, ве́сей и҆ градѡ́въ на́шихъ благо́е ᲂу҆твержде́нїе, ѿ наше́ствїѧ и҆ноплеме́нныхъ сохране́нїе, мі́ра всегѡ̀ ᲂу҆мире́нїе, ѿ гла́да и҆ па́гꙋбы и҆збавле́нїе, и҆з̾ѻби́лїе плодѡ́въ земны́хъ, и҆ всѧ̑, ко спасе́нїю и҆ благоче́стномꙋ житїю̀ потрє́бнаѧ, во є҆́же бы и҆ на́мъ, чтꙋ́щымъ ст҃ꙋ́ю па́мѧть ва́шꙋ, ꙗ҆́кѡже и҆ всѣ̑мъ хрⷭ҇тїа̑нскимъ родѡ́мъ, грѧдꙋ́щымъ въ землѝ се́й, прославлѧ́ти є҆ди́нымъ се́рдцемъ и҆ є҆ди́ными ᲂу҆сты̀ ст҃ꙋ́ю, є҆диносꙋ́щнꙋю, животворѧ́щꙋю и҆ нераздѣ́льнꙋю трⷪ҇цꙋ, ѻ҆ц҃а̀ и҆ сн҃а, и҆ ст҃а́го дх҃а, ны́нѣ и҆ при́снѡ, и҆ во вѣ́ки вѣкѡ́въ. А҆ми́нь."
+ }
+]