enrich ru lives with Chetyi-Minei texts and track static data

static/data/shared/menaion-daily/01-25/2.json

@@ -0,0 +1,458 @@
+[
+ {
+  "type": "HEADER",
+  "value": "І҆аннꙋа́рїа к҃є"
+ },
+ {
+  "type": "HEADER",
+  "value": "Пра́зднованїе прест҃ѣ́й бцⷣѣ, въ че́сть і҆кѡ́ны є҆ѧ̀ нарица́емыѧ ᲂу҆толѝ моѧ̑ пєча́ли."
+ },
+ {
+  "type": "HEADER",
+  "value": "На всено́щномъ бдѣ́нїи, На Гдⷭ҇и воззва́хъ: стїхи̑ры, гла́съ в҃."
+ },
+ {
+  "type": "TEXT",
+  "value": "Всѣ̑мъ скорбѧ́щымъ ра́досте, и҆ ѡ҆би̑димымъ предста́тельнице, и҆ а҆́лчꙋщымъ пита́тельнице, стра̑ннымъ ᲂу҆тѣше́нїе, и҆ ѡ҆бꙋрева́ємымъ приста́нище, болѧ́щымъ посѣти́тельнице, ѡ҆ѕло́блєннымъ покро́въ и҆ застꙋпле́нїе, и҆ же́злъ слѣпы̑мъ, мт҃и бг҃а вы́шнѧгѡ, ты̀ є҆сѝ пречⷭ҇таѧ: потщи́сѧ, мо́лимсѧ, сп҃сти́сѧ рабѡ́мъ твои̑мъ."
+ },
+ {
+  "type": "TEXT",
+  "value": "И҆́но прибѣ́жище, чⷭ҇таѧ, человѣ́цы къ творцꙋ̀ и҆ влⷣцѣ не стѧжа́хомъ мы̀, ра́звѣ тебѐ, бг҃оневѣ́сто. Не ѿве́ржи на́съ ѿ твоегѡ̀ застꙋпле́нїѧ, нижѐ посрамѝ любо́вїю прибѣга́ющихъ къ покро́вꙋ твоемꙋ̀, мт҃и бг҃а вы́шнѧгѡ, потщи́сѧ, покажѝ твоеѧ̀ млⷭ҇ти бога́тство, и҆ ны́нѣ ѿ страсте́й на́съ сп҃сѝ."
+ },
+ {
+  "type": "TEXT",
+  "value": "Стра́хъ многоѻбра́зныхъ и҆скꙋше́нїй, и҆ недꙋ́жныхъ бꙋ́рѧ ны́нѣ мѧ̀ ѡ҆бꙋрева́ютъ, и҆ глꙋбина̀ потоплѧ́етъ мѧ̀ ѿча́ѧнїѧ: зима̀ прегрѣше́нїй мои́хъ лю́тѣ мѧ̀ смꙋща́етъ: предварѝ и҆ и҆зба́ви мѧ̀ ѡ҆бꙋрева́ема, є҆ди́на вѣ̑рнымъ тишино̀: и҆ къ приста́нищꙋ вы́шнѧгѡ бж҃е́ственнагѡ зва́нїѧ возведѝ."
+ },
+ {
+  "type": "HEADER",
+  "value": "Сла́ва, и҆ ны́нѣ:"
+ },
+ {
+  "type": "TEXT",
+  "value": "Ѽ вели́кагѡ та́инства! Ви́дѧ чꙋдеса̀, проповѣ́даю бж҃ество̀: є҆мманꙋ́илъ ᲂу҆́бѡ є҆стества̀ двє́ри ѿве́рзе, ꙗ҆́кѡ чл҃вѣколю́бецъ: дв҃ства же затво́ры не разве́рзе, ꙗ҆́кѡ бг҃ъ: но та́кѡ и҆зъ ложе́снъ про́йде, ꙗ҆́коже слꙋ́хомъ вни́де: та́кѡ роди́сѧ, ꙗ҆́коже и҆ зача́тсѧ. Безстра́стнѡ вни́де, и҆ неизрече́ннѡ и҆зы́де, по глаго́лющемꙋ прⷪ҇ро́кꙋ: та̀ две́рь затворе́на бꙋ́детъ, и҆ никто́же про́йдетъ сквозѣ̀ є҆ѧ̀, то́кмѡ є҆ди́нъ гдⷭ҇ь, бг҃ъ і҆и҃левъ, и҆мѣ́ѧй ве́лїю млⷭ҇ть."
+ },
+ {
+  "type": "HEADER",
+  "value": "Вхо́дъ. Прокі́менъ днѐ, и҆ чтє́нїѧ трѝ."
+ },
+ {
+  "type": "HEADER",
+  "value": "Бытїѧ̀ чте́нїе. (Глава̀ к҃и.)"
+ },
+ {
+  "type": "TEXT",
+  "value": "И҆зы́де і҆а́кѡвъ ѿ стꙋденца̀ клѧ́твеннагѡ и҆ и҆́де въ харра́нь. И҆ ѡ҆брѣ́те мѣ́сто, и҆ спа̀ та́мѡ: за́йде бо со́лнце, и҆ взѧ́тъ ѿ ка́менїѧ мѣ́ста тогѡ̀, и҆ положѝ возгла́вїе себѣ̀, и҆ спа̀ на мѣ́стѣ ѻ҆́номъ, и҆ со́нъ ви́дѣ: и҆ сѐ лѣ́ствица ᲂу҆твержде́на на землѝ, є҆ѧ́же глава̀ досѧза́ше до нб҃съ, и҆ а҆́гг҃ли бж҃їи восхожда́хꙋ и҆ низхожда́хꙋ по не́й: гдⷭ҇ь же ᲂу҆твержда́шесѧ на не́й, и҆ речѐ: а҆́зъ бг҃ъ а҆враа́мовъ ѻ҆тца̀ твоегѡ̀, и҆ бг҃ъ і҆саа́ковъ, не бо́йсѧ: землѧ̀ и҆дѣ́же ты̀ спи́ши на не́й, тебѣ̀ да́мъ ю҆̀, и҆ сѣ́мени твоемꙋ̀. И҆ бꙋ́детъ сѣ́мѧ твоѐ ꙗ҆́кѡ песо́къ земны́й, и҆ распространи́тсѧ на мо́ре, и҆ лі́вꙋ, и҆ сѣ́веръ, и҆ на восто́ки: и҆ возблагословѧ́тсѧ ѡ҆ тебѣ̀ всѧ̑ колѣ̑на зємна́ѧ, и҆ ѡ҆ сѣ́мени твое́мъ. И҆ сѐ а҆́зъ съ тобо́ю сохранѧ́ѧй тѧ̀ на всѧ́комъ пꙋтѝ, а҆́може а҆́ще по́йдеши, и҆ возвращꙋ́ тѧ въ зе́млю сїю̀: ꙗ҆́кѡ не и҆́мамъ тебѐ ѡ҆ста́вити, до́ндеже сотвори́ти мѝ всѧ̑, є҆ли̑ка глаго́лахъ тебѣ̀. И҆ воста̀ і҆а́кѡвъ ѿ сна̀ своегѡ̀, и҆ речѐ: ꙗ҆́кѡ є҆́сть гдⷭ҇ь на мѣ́стѣ се́мъ, а҆́зъ же не вѣ́дѣхъ. И҆ ᲂу҆боѧ́сѧ, и҆ речѐ: ꙗ҆́кѡ стра́шно мѣ́сто сїѐ! Нѣ́сть сїѐ, но до́мъ бж҃їй, и҆ сїѧ̑ врата̀ нбⷭ҇наѧ."
+ },
+ {
+  "type": "HEADER",
+  "value": "Прⷪ҇ро́чества і҆езекі́илева чте́нїе. (Главы̑ м҃г, м҃д.)"
+ },
+ {
+  "type": "TEXT",
+  "value": "Та́кѡ глаго́летъ гдⷭ҇ь: бꙋ́детъ ѿ днѐ ѻ҆сма́гѡ, и҆ про́чее: сотворѧ́тъ і҆ере́и на ѻ҆лтарѝ всесожже́нїѧ ва́шегѡ, и҆ ꙗ҆̀же сп҃се́нїѧ ва́шегѡ: и҆ прїимꙋ̀ вы̀, глаго́летъ а҆дѡнаі̀ гдⷭ҇ь. И҆ ѡ҆брати́ мѧ на пꙋ́ть вра́тъ ст҃ы́хъ внѣ́шнихъ, зрѧ́щихъ на восто́ки, и҆ сїѧ̑ бѧ́хꙋ затворє́на. И҆ речѐ гдⷭ҇ь ко мнѣ̀: врата̀ сїѧ̑ затворє́на бꙋ́дꙋтъ, и҆ не ѿве́рзꙋтсѧ: и҆ никто́же про́йдетъ сквозѣ̀ и҆́хъ, ꙗ҆́кѡ гдⷭ҇ь бг҃ъ і҆и҃левъ про́йдетъ и҆́ми, и҆ бꙋ́дꙋтъ затворє́на. Ꙗ҆́кѡ и҆гꙋ́менъ сѧ́детъ въ ни́хъ снѣ́сти хлѣ́бъ. По пꙋтѝ є҆ла́мскихъ вра́тъ вни́детъ, и҆ по пꙋтѝ є҆гѡ̀ и҆зы́детъ. И҆ введе́ мѧ по пꙋтѝ вра́тъ ст҃ы́хъ, сꙋ́щихъ къ сѣ́верꙋ, прѧ́мѡ хра́мꙋ: и҆ ви́дѣхъ, и҆ сѐ и҆спо́лнь сла́вы хра́мъ гдⷭ҇нь."
+ },
+ {
+  "type": "HEADER",
+  "value": "При́тчей чте́нїе. (Глава̀ ѳ҃.)"
+ },
+ {
+  "type": "TEXT",
+  "value": "Премꙋ́дрость созда̀ себѣ̀ до́мъ, и҆ ᲂу҆твердѝ столпѡ́въ се́дмь. Закла̀ своѧ̑ же́ртвєннаѧ, и҆ растворѝ въ ча́ши свое́й вїно̀, и҆ ᲂу҆гото́ва свою̀ трапе́зꙋ. Посла̀ своѧ̑ рабы̑ созыва́ющи съ высо́кимъ проповѣ́данїемъ на ча́шꙋ, глаго́лющи: И҆́же є҆́сть безꙋ́менъ, да ᲂу҆клони́тсѧ ко мнѣ̀, и҆ тре́бꙋющымъ ᲂу҆ма̀ речѐ: прїиди́те, ꙗ҆ди́те мо́й хлѣ́бъ, и҆ пі́йте вїно̀, є҆́же раствори́хъ ва́мъ. Ѡ҆ста́вите безꙋ́мїе, и҆ жи́ви бꙋ́дете: и҆ взыщи́те ра́зꙋма, да поживетѐ, и҆ и҆спра́вите ра́зꙋмъ въ вѣ́дѣнїи. Наказꙋ́ѧй ѕлы̑ѧ, прїи́метъ себѣ̀ безче́стїе: ѡ҆блича́ѧй же нечести́ваго, ѡ҆поро́читъ себѐ: ѡ҆бличе́нїе бо нечести́вомꙋ ра̑ны є҆мꙋ̀. Не ѡ҆блича́й ѕлы́хъ, да не возненави́дѧтъ тебѐ. Ѡ҆блича́й премꙋ́дра, и҆ возлю́битъ тѧ̀. Да́ждь премꙋ́дромꙋ винꙋ̀, и҆ премꙋ́дршїй бꙋ́детъ: сказꙋ́й првⷣномꙋ, и҆ приложи́тъ прїима́ти. Нача́ло премꙋ́дрости стра́хъ гдⷭ҇ень: и҆ совѣ́тъ ст҃ы́хъ ра́зꙋмъ. Разꙋмѣ́ти бо зако́нъ, по́мысла є҆́сть бл҃га́гѡ: си́мъ бо ѻ҆́бразомъ мно́гое поживе́ши вре́мѧ, и҆ приложа́тсѧ тебѣ̀ лѣ̑та живота̀."
+ },
+ {
+  "type": "HEADER",
+  "value": "На лїті́и стїхи̑ры, гла́съ в҃."
+ },
+ {
+  "type": "TEXT",
+  "value": "Злата́ѧ кади́льнице, рꙋ́чко и҆ же́зле, и҆ свѣти́льниче свѣтоза́рный, сви́тче бж҃е́ственный, въ не́мже пе́рстомъ бж҃їимъ написа́сѧ сло́во, сп҃сѝ на́съ тебѐ велича́ющихъ."
+ },
+ {
+  "type": "TEXT",
+  "value": "Да́рꙋй на́мъ по́мощь, бцⷣе, на тѧ̀ надѣ́ющымсѧ, вѣ̑рнымъ прибѣ́жище: и҆зба́ви ѿ бѣ́дъ рабы̑ твоѧ̑, дв҃о, на тѧ́ бо по бз҃ѣ ᲂу҆пова́нїе возлага́емъ."
+ },
+ {
+  "type": "TEXT",
+  "value": "Влⷣчце, мт҃и и҆зба́вителѧ, прїимѝ моле́нїе рабѡ́въ твои́хъ, а҆́ще и҆ недосто́йнѣ молѧ́щихсѧ тебѣ̀: да мо́лишисѧ за ны́ къ ро́ждшемꙋсѧ и҆зъ тебѐ, влⷣчце мі́ра, и҆ бꙋ́ди на́мъ и҆зба́вительница."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ и҃."
+ },
+ {
+  "type": "TEXT",
+  "value": "Тѧ̀ мо́лимъ предста́тельницꙋ на́шꙋ, пречⷭ҇таѧ бцⷣе, ѡ҆держи́ми печа́льми, не ѡ҆ста́ви до конца̀ поги́бнꙋти рабѡ́мъ твои̑мъ: но ᲂу҆скорѝ и҆з̾ѧ́ти на́съ ѿ настоѧ́щїѧ ско́рби и҆ печа́ли. Ѽ прест҃а́ѧ дв҃о чⷭ҇таѧ, ты́ бо є҆сѝ на́мъ по́мощь и҆ стѣна̀ неѡбори́маѧ."
+ },
+ {
+  "type": "HEADER",
+  "value": "На стїхо́внѣ стїхи̑ры, гла́съ д҃:"
+ },
+ {
+  "type": "TEXT",
+  "value": "Наста́вницꙋ тѧ̀ заблꙋ́ждшихъ, и҆ приста́нище сп҃си́тельно въ пꙋчи́нѣ, влⷣчце, и҆ въ бꙋ́ри, во и҆скꙋше́нїи же и҆ печа́лехъ хрⷭ҇то́съ тѧ̀ всѣ̑мъ показа̀, сн҃ъ тво́й и҆ бг҃ъ, вѣ́рнѡ приходѧ́щымъ къ тебѣ̀. Є҆го́же молѝ, ѿ ѕлы́хъ бѣ́дъ и҆зба́витисѧ вѣ́дѧщымъ тѧ̀, бцⷣе, вои́стиннꙋ наста́вницꙋ."
+ },
+ {
+  "type": "TEXT",
+  "value": "Сті́хъ: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ."
+ },
+ {
+  "type": "TEXT",
+  "value": "Тлѣ́нїе потреби́ла є҆сѝ, всепѣ́таѧ, и҆ болѣ́знь дре́внюю всю̀ ржⷭ҇тво́мъ твои́мъ, живо́тъ мі́рꙋ ро́ждши, сме́рть разрꙋши́вшїй: бѡлѣ́зни же, ꙗ҆́кѡ бл҃га́ѧ, и҆сцѣлѧ́еши вѣ́рнѡ тво́й чꙋде́сный ѻ҆́бразъ почита́ющихъ, и҆ любо́вїю кла́нѧющихсѧ, и҆ чтꙋ́щихъ тѧ̀ чⷭ҇тꙋю наста́вницꙋ."
+ },
+ {
+  "type": "TEXT",
+  "value": "Сті́хъ: Слы́ши, дщѝ, и҆ ви́ждь, и҆ приклонѝ ᲂу҆́хо твоѐ."
+ },
+ {
+  "type": "TEXT",
+  "value": "Ꙗ҆́кѡ и҆сто́чника тѧ̀ живота̀, всепѣ́таѧ, вѣ́дꙋще, и҆ ꙗ҆́кѡ чꙋде́съ и҆ цѣле́бъ пода́тельницꙋ, страсте́й дꙋше́вныхъ же и҆ тѣле́сныхъ ско́рое потребле́нїе, млⷭ҇ти и҆ щедрѡ́тъ неисчерпа́емое мо́ре, тебѣ̀ припа́даемъ всѝ, просѧ́ще ѿ ско́рби разрѣше́нїѧ, и҆ бꙋ́дꙋщихъ мꙋче́нїй и҆збавле́нїѧ."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ и҃:"
+ },
+ {
+  "type": "TEXT",
+  "value": "Ра́дꙋйсѧ бл҃гослове́ннаѧ бцⷣе, пречи́стаѧ мт҃и хрⷭ҇то́ва: ра́дꙋйсѧ, вѣ́рныхъ наде́ждо. Ра́дꙋйсѧ, мі́ра ѡ҆чище́нїе: ра́дꙋйсѧ, всѧ́кїѧ ско́рби и҆збавлѧ́ющаѧ рабы̀ твоѧ̑. Ра́дꙋйсѧ, человѣ́кѡмъ ᲂу҆тѣше́нїе живоно́сное: ра́дꙋйсѧ, застꙋпле́нїе призыва́ющихъ тѧ̀, бг҃обл҃года́тнаѧ. Ра́дꙋйсѧ, бж҃їе пребыва́нїе и҆ гора̀ ст҃а́ѧ."
+ },
+ {
+  "type": "HEADER",
+  "value": "Тропа́рь, гла́съ є҃:"
+ },
+ {
+  "type": "TEXT",
+  "value": "Оу҆толѝ бѡлѣ́зни многовоздыха́ющїѧ дꙋшѝ моеѧ̀, ᲂу҆толи́вшаѧ всѧ́кꙋ слезꙋ̀ ѿ лица̀ землѝ: ты́ бо человѣ́кѡмъ бѡлѣ́зни ѿго́ниши, и҆ грѣ́шныхъ скѡ́рби разрꙋша́еши: тебе́ бо всѝ стѧжа́хомъ наде́ждꙋ и҆ ᲂу҆твержде́нїе, прест҃а́ѧ мт҃и дв҃о."
+ },
+ {
+  "type": "HEADER",
+  "value": "По а҃-й каѳі́смѣ сѣда́ленъ, гла́съ є҃:"
+ },
+ {
+  "type": "TEXT",
+  "value": "Пречⷭ҇таѧ дв҃о бцⷣе, поми́лꙋй на́съ прибѣга́ющихъ съ вѣ́рою къ тебѣ̀ млⷭ҇рдой, и҆ просѧ́щихъ те́плагѡ застꙋпле́нїѧ твоегѡ̀: мо́жеши бо, ꙗ҆́кѡ бл҃га́ѧ, всѣ́хъ сп҃стѝ, и҆ ꙗ҆́кѡ мт҃и бг҃а вы́шнѧгѡ, мт҃рними твои́ми мл҃твами всегда̀ и҆збавлѧ́еши чтꙋ́щихъ тѧ̀ ѿ всѣ́хъ бѣ́дъ и҆ скорбе́й, бл҃гослове́ннаѧ."
+ },
+ {
+  "type": "HEADER",
+  "value": "Сла́ва, и҆ ны́нѣ, то́йже."
+ },
+ {
+  "type": "HEADER",
+  "value": "По в҃-й каѳі́смѣ сѣда́ленъ, гла́съ а҃."
+ },
+ {
+  "type": "TEXT",
+  "value": "Правовѣ́рнѡ чтꙋ́щыѧ тѧ̀, и҆ къ тебѣ̀ прибѣга́ющыѧ, и҆ і҆кѡ́нѣ твое́й ст҃ѣ́й любе́знѡ покланѧ́ющыѧсѧ, ѽ бж҃їѧ мт҃и! Сп҃сѝ, и҆ не да́ждь въ расхище́нїе сꙋпоста́тѡмъ, нижѐ да на́йдꙋтъ на ны̀ всѧ̑ ѕла̑ѧ, ꙗ҆̀же грѣхѝ на́шѧ ᲂу҆гото́ваша на́мъ: нижѐ беззакѡ́нїѧ на̑ша да превзы́дꙋтъ на главы̑ на́шѧ: но да твоѧ̑ мт҃рнѧѧ къ бг҃ꙋ преѡдолѣ́етъ за ны̀ бг҃опрїѧ́тнаѧ мл҃тва."
+ },
+ {
+  "type": "HEADER",
+  "value": "Сла́ва, и҆ ны́нѣ, то́йже. Велича́нїе."
+ },
+ {
+  "type": "TEXT",
+  "value": "Ѱало́мъ: Ве́лїй гдⷭ҇ь и҆ хва́ленъ ѕѣлѡ̀:"
+ },
+ {
+  "type": "HEADER",
+  "value": "По полѷеле́и сѣда́ленъ, гла́съ а҃."
+ },
+ {
+  "type": "TEXT",
+  "value": "Пречⷭ҇таѧ твоѧ̀ і҆кѡ́на, бцⷣе дв҃о, врачевство̀ всемꙋ̀ мі́рꙋ дх҃о́вное: къ не́й же прибѣга́юще, лобыза́емъ и҆ почита́емъ, и҆ покланѧ́емсѧ, и҆сцѣле́нїй бл҃года́ть почерпа́юще ѿ неѧ̀, и҆ недꙋ̑гъ тѣле́сныхъ, и҆ дꙋше́вныхъ страсте́й, твои́ми мл҃твами свобожда́ющесѧ."
+ },
+ {
+  "type": "HEADER",
+  "value": "Сла́ва, и҆ ны́нѣ, то́йже."
+ },
+ {
+  "type": "HEADER",
+  "value": "Степє́нна, а҃-й а҆нтїфѡ́нъ д҃-гѡ гла́са."
+ },
+ {
+  "type": "TEXT",
+  "value": "Прокі́менъ: Помѧнꙋ̀ и҆́мѧ твоѐ:"
+ },
+ {
+  "type": "TEXT",
+  "value": "Сті́хъ: Слы́ши, дщѝ: Є҆ѵⷢ҇лїе ѿ лꙋкѝ, зача́ло д҃."
+ },
+ {
+  "type": "HEADER",
+  "value": "По н҃-мъ ѱалмѣ̀ стїхи́ра, гла́съ ѕ҃:"
+ },
+ {
+  "type": "TEXT",
+  "value": "Не и҆́мамы и҆ны́ѧ по́мощи, не и҆́мамы и҆ны́ѧ наде́жды, ра́звѣ тебѐ пречⷭ҇таѧ дв҃о, ты̀ на́мъ помозѝ, на тебѐ надѣ́емсѧ, и҆ тобо́ю хва́лимсѧ: твои́ бо є҆смы̀ рабѝ, да не постыди́мсѧ."
+ },
+ {
+  "type": "HEADER",
+  "value": "Канѡ́нъ. Гла́съ в҃."
+ },
+ {
+  "type": "HEADER",
+  "value": "Пѣ́снь а҃."
+ },
+ {
+  "type": "TEXT",
+  "value": "І҆рмо́съ: Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла: вопло́щшеесѧ же сло́во всеѕло́бный грѣ́хъ потреби́ло є҆́сть, препросла́вленный гдⷭ҇ь: сла́внѡ бо просла́висѧ."
+ },
+ {
+  "type": "TEXT",
+  "value": "Ꙗ҆́же всѣ̑мъ ᲂу҆до́бь послꙋ̑шнаѧ въ ско́рби, и҆ въ печа́ли помога́ющаѧ, бцⷣе бл҃га́ѧ, бл҃года́ть пода́ждь пѣ́ти тѧ̀ дерза́ющымъ, влⷣчце, скорбѧ́щихъ ра́досте."
+ },
+ {
+  "type": "TEXT",
+  "value": "Многобога́тнꙋю бл҃года́ть стѧжа́вши, влⷣчце, дерзнове́нною твое́ю мл҃твою пресла́внѡ и҆зми́ мѧ ѿ напа́стей, ᲂу҆бо́гаго раба̀ твоего̀, скорбѧ́щихъ ра́досте."
+ },
+ {
+  "type": "TEXT",
+  "value": "Ѿ вра̑гъ ви́димыхъ и҆ неви́димыхъ и҆зба́ви, мо́лимсѧ, къ тебѣ̀ прибѣга́ющихъ, бцⷣе, и҆ разорѝ всѧ́къ совѣ́тъ борю́щихъ на́съ."
+ },
+ {
+  "type": "TEXT",
+  "value": "Ѿимѝ поноше́нїе человѣ́ческое, и҆ клеветы̑ навѣ̑тникъ ѿ менѐ, бцⷣе, молю́ тѧ: да ᲂу҆се́рднѡ сла́влю гдⷭ҇а, є҆го́же пита́ла є҆сѝ."
+ },
+ {
+  "type": "HEADER",
+  "value": "Пѣ́снь г҃."
+ },
+ {
+  "type": "TEXT",
+  "value": "І҆рмо́съ: Оу҆твердѝ на́съ въ тебѣ̀, гдⷭ҇и, дре́вомъ ᲂу҆мерщвле́й грѣ́хъ, и҆ стра́хъ тво́й всадѝ въ сердца̀ на́съ пою́щихъ тѧ̀."
+ },
+ {
+  "type": "TEXT",
+  "value": "Врагѡ́въ навѣ́ты разорѝ сꙋ́єтныѧ, всепѣ́таѧ бцⷣе, и҆ не ѡ҆скꙋдѣ́й мл҃твами твои́ми, снабдѧ́щи на́съ восхвалѧ́ющихъ тѧ̀."
+ },
+ {
+  "type": "TEXT",
+  "value": "При́зри, чⷭ҇таѧ, млⷭ҇тивнымъ твои́мъ ѻ҆́комъ, и҆ и҆зба́ви мѧ̀ всѧ́кагѡ навѣ́та ви́димыхъ и҆ неви́димыхъ врагѡ́въ, ѡ҆слѣпи́вши зѣ̑ницы ѻ҆че́съ и҆́хъ."
+ },
+ {
+  "type": "TEXT",
+  "value": "Ѕло́е нападе́нїе врагѡ́въ, ꙗ҆́кѡ ѻ҆́гнь палѧ́щее, и҆́щꙋщихъ всегда̀ погꙋби́ти на́съ, дв҃о, росо́ю мл҃твъ твои́хъ ᲂу҆гасѝ."
+ },
+ {
+  "type": "TEXT",
+  "value": "Неꙋгаси́маѧ лампа́до, зарѧ̀ присносїѧ́тельнаѧ, но́щїю мѧ̀ скорбе́й ѡ҆держи́ма просвѣтѝ мл҃твами твои́ми, ро́ждшаѧ сл҃нце сла́вы хрⷭ҇та̀."
+ },
+ {
+  "type": "HEADER",
+  "value": "Конда́къ, гла́съ ѕ҃:"
+ },
+ {
+  "type": "TEXT",
+  "value": "Предста́тельство хрⷭ҇тїа́нъ непосты́дное, хода́тайство ко творцꙋ̀ непрело́жное, не пре́зри грѣ́шныхъ моле́нїй гла́сы, но предварѝ, ꙗ҆́кѡ бл҃га́ѧ, на по́мощь на́съ, вѣ́рнѡ зовꙋ́щихъ тѝ: ᲂу҆скорѝ на мл҃твꙋ и҆ потщи́сѧ на ᲂу҆моле́нїе, предста́тельствꙋющи при́снѡ, бцⷣе, чтꙋ́щихъ тѧ̀."
+ },
+ {
+  "type": "HEADER",
+  "value": "Сѣда́ленъ, гла́съ в҃."
+ },
+ {
+  "type": "TEXT",
+  "value": "Моле́нїе те́плое и҆ стѣна̀ неѡбори́маѧ, млⷭ҇ти и҆сто́чниче, мі́рови прибѣ́жище, прилѣ́жнѡ вопїе́мъ тѝ: бцⷣе влⷣчце, предварѝ и҆ ѿ бѣ́дъ и҆зба́ви на́съ, є҆ди́на вско́рѣ предста́тельствꙋющаѧ."
+ },
+ {
+  "type": "HEADER",
+  "value": "Пѣ́снь д҃."
+ },
+ {
+  "type": "TEXT",
+  "value": "І҆рмо́съ: Оу҆слы́шахъ, гдⷭ҇и, гла́съ тво́й, є҆го́же ре́клъ є҆сѝ, гла́съ вопїю́щагѡ въ пꙋсты́ни, ꙗ҆́кѡ возгремѣ́лъ є҆сѝ над̾ вода́ми мно́гими, твоемꙋ̀ свидѣ́тельствꙋѧй сн҃ꙋ, ве́сь бы́въ соше́дшагѡ дх҃а, возопѝ: ты̀ є҆сѝ хрⷭ҇то́съ, бж҃їѧ мꙋ́дрость и҆ си́ла."
+ },
+ {
+  "type": "TEXT",
+  "value": "Мл҃твꙋ неꙋсы́пнꙋ, застꙋпле́нїе тве́рдо мо́лимъ: ᲂу҆млⷭ҇рдисѧ и҆ ви́ждь на́шꙋ нестерпи́мꙋю печа́ль, бѡлѣ́зни, скѡ́рби, стра̑сти: и҆ бл҃гопремѣ́ннѡ посѣтѝ, мт҃и бж҃їѧ, ра́дость ско́рꙋю подаю́щи."
+ },
+ {
+  "type": "TEXT",
+  "value": "Не неприча́стни є҆смы̀, влⷣчце, твоегѡ̀ застꙋпле́нїѧ въ ско́рбехъ: тѣ́мже и҆ ны́нѣ на́мъ помозѝ вско́рѣ, лю́тѣ ѡ҆бꙋрева́ємымъ рꙋ́кꙋ простира́ющи, чⷭ҇таѧ. Бꙋ́ди млⷭ҇тива болѣ́знємъ на́шымъ, мт҃и бж҃їѧ, ра́дость ско́рꙋю подаю́щи."
+ },
+ {
+  "type": "TEXT",
+  "value": "Не ᲂу҆пова́ша, влⷣчце, на тѧ̀ беззако́ннꙋющїи, но ᲂу҆пова́ша на ѧ҆зы́къ человѣ́чь, при́снѡ зави́стнѡ и҆злїѧ́вшїйсѧ, непра́веднѡ пролїѧ́ти кро́вь и҆́скреннѧгѡ, рыка́юще: ты́ же, чⷭ҇таѧ, чє́люсти и҆́хъ сокрꙋшѝ."
+ },
+ {
+  "type": "TEXT",
+  "value": "Смирѝ, влⷣчце, врагѡ́въ вознесе́ннꙋю вы́ю велерѣ́чꙋющихъ, совѣ́ты и҆ ѕлонра̑вїѧ, и҆ сердца̀ поꙋча́ющаѧсѧ ѕлы̑мъ, на мѧ̀ по всѧ̑ дни̑: крѣ́пость же и҆ побѣ́дꙋ пода́ждь призыва́ющымъ тѧ̀, мт҃и бж҃їѧ, ра́дость ско́рꙋю подаю́щи."
+ },
+ {
+  "type": "HEADER",
+  "value": "Пѣ́снь є҃."
+ },
+ {
+  "type": "TEXT",
+  "value": "І҆рмо́съ: Оу҆́гль и҆са́їи проѧвле́йсѧ, сл҃нце и҆з̾ дв҃ственныѧ ᲂу҆тро́бы возсїѧ̀ во тьмѣ̀ заблꙋ́ждшымъ, бг҃оразꙋ́мїѧ просвѣще́нїе да́рꙋѧ."
+ },
+ {
+  "type": "TEXT",
+  "value": "Мл҃твеннице нело́жнаѧ, ᲂу҆пова́нїе хрⷭ҇тїа́нъ, ѡ҆бра́дованнаѧ, прїимѝ мольбы̑ ѿ на́съ, прилѣ́жнѡ призыва́ющихъ и҆ молѧ́щихсѧ тебѣ̀."
+ },
+ {
+  "type": "TEXT",
+  "value": "И҆сто́чникъ тѧ̀ жи́зни сꙋ́щїй, чⷭ҇таѧ, безсме́ртїѧ и҆сточа́ющїй во́ды, земноро́днїи позна́вше ᲂу҆бл҃жа́емъ."
+ },
+ {
+  "type": "TEXT",
+  "value": "Воѡрꙋжи́сѧ на ны̀ лꙋка́внѡ вра́гъ, ѧ҆зы́комъ ꙗ҆́коже мече́мъ погꙋби́ти хотѧ̀: но твое́ю, бг҃ороди́тельнице, крѣ́постїю предварѝ."
+ },
+ {
+  "type": "TEXT",
+  "value": "Пꙋчи́нꙋ, чⷭ҇таѧ, застꙋпле́нїй кто̀ и҆зочте́тъ си́лы твоеѧ̀; тѣ́мже на́съ сꙋ́щихъ въ нꙋ́ждѣ ско́рѡ предварѝ."
+ },
+ {
+  "type": "HEADER",
+  "value": "Пѣ́снь ѕ҃."
+ },
+ {
+  "type": "TEXT",
+  "value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю млⷭ҇рдїѧ твоегѡ̀ призыва́ю бе́зднꙋ: ѿ тлѝ бж҃е мѧ̀ возведѝ."
+ },
+ {
+  "type": "TEXT",
+  "value": "Цѣломꙋ́дрїѧ сꙋ́щи хода́таица, призыва́ющымъ тѧ̀ ны́нѣ ꙗ҆ви́сѧ, и҆ ѿ всѧ́кихъ и҆зба́ви напа́стей и҆ бѣ́дъ, бг҃оневѣ́сто."
+ },
+ {
+  "type": "TEXT",
+  "value": "Ѕлодѣ̑йства вра̑жїѧ разорѝ, и҆ клеветы̀ непра́вєдныѧ ᲂу҆ста́ви, бл҃гослове́ннаѧ пречⷭ҇таѧ, и҆збавлѧ́ющи непови̑нныѧ ѿ ско́рби."
+ },
+ {
+  "type": "TEXT",
+  "value": "Лю́тыми грѣхѝ ѡ҆крꙋже́ни, и҆ напа́стными бѣда́ми потоплѧ́еми, под̾ бж҃е́ственный покро́въ тво́й прибѣга́емъ, мт҃и хрⷭ҇та̀ бг҃а."
+ },
+ {
+  "type": "TEXT",
+  "value": "Неискꙋсомꙋ́жнѡ ро́ждши гдⷭ҇а, ꙗ҆ви́сѧ по бжⷭ҇твѣ̀ па́ки дв҃ствꙋющи. Ѽ пресла́внагѡ чꙋдесѐ, въ тебѣ̀ содѣ́ланнагѡ, бг҃оневѣ́сто!"
+ },
+ {
+  "type": "HEADER",
+  "value": "Конда́къ, гла́съ ѕ҃:"
+ },
+ {
+  "type": "TEXT",
+  "value": "Не ввѣ́ри мѧ̀ человѣ́ческомꙋ предста́тельствꙋ, прест҃а́ѧ влⷣчце, но прїимѝ моле́нїе раба̀ твоегѡ̀: ско́рбь бо ѡ҆бдержи́тъ мѧ̀, терпѣ́ти не могꙋ̀ де́мѡнскагѡ стрѣлѧ́нїѧ, покро́ва не и҆́мамъ, нижѐ гдѣ̀ прибѣ́гнꙋ ѻ҆каѧ́нный всегда̀ побѣжда́емь, и҆ ᲂу҆тѣше́нїѧ не и҆́мамъ, ра́звѣ тебѐ, влⷣчце мі́ра, ᲂу҆пова́нїе и҆ предста́тельство вѣ́рныхъ: не пре́зри моле́нїе моѐ, поле́зно сотворѝ."
+ },
+ {
+  "type": "TEXT",
+  "value": "І҆́косъ: Прострѝ дла̑ни своѝ, и҆́миже всѣ́хъ влⷣкꙋ ꙗ҆́кѡ млⷣнца прїѧ́ла є҆сѝ, не ѡ҆ста́ви на́съ всегда̀ надѣ́ющихсѧ на тѧ̀. Бо́дренною твое́ю мл҃твою, и҆ неисче́тною бл҃гостїю ᲂу҆ще́дри на́съ, и҆ пода́ждь дꙋша́мъ на́шымъ млⷭ҇рдїе своѐ въ вѣ́ки и҆сточа́ющи: тебе́ бо и҆́мамы грѣ́шнїи застꙋ́пницꙋ, ѿ находѧ́щихъ на ны̀ бѣ́дъ и҆ ѕѡ́лъ: но ꙗ҆́кѡ и҆мꙋ́щаѧ млⷭ҇рдїѧ щедрѡ́ты, ᲂу҆скорѝ на мл҃твꙋ и҆ потщи́сѧ на ᲂу҆моле́нїе, застꙋпа́ющи при́снѡ, бцⷣе, чтꙋ́щихъ тѧ̀."
+ },
+ {
+  "type": "HEADER",
+  "value": "Пѣ́снь з҃."
+ },
+ {
+  "type": "TEXT",
+  "value": "І҆рмо́съ: Да пресла́вное ржⷭ҇тво̀ твоѐ хрⷭ҇тѐ, є҆́же ѿ дв҃ы, проѡбрази́ши ꙗ҆́вѣ, неѡпали́мы въ пещѝ ѻ҆́троки сохрани́лъ є҆сѝ, пѣ́сньми пою́щыѧ тебѣ̀: ѻ҆тцє́въ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "Ѽ бл҃гоꙋтро́бїѧ твоегѡ̀, дв҃о чⷭ҇таѧ! Рѣши́ши бо безмѣ̑рныѧ печа̑ли и҆ напа̑сти, призыва́ющымъ въ нꙋ́ждѣ и҆ ѡ҆бстоѧ́нїи. Тѣ́мже и҆ ны́нѣ помозѝ, бл҃гослове́ннаѧ, тѧ̀ восхвалѧ́ющымъ."
+ },
+ {
+  "type": "TEXT",
+  "value": "Покажѝ ско́рое твоѐ застꙋпле́нїе, покажѝ, ꙗ҆́кѡ мо́жеши ꙗ҆́кѡ мт҃и бг҃а: призыва́емъ тѧ̀ ѿ се́рдца, со слеза́ми припа́дающе: ско́рбь ᲂу҆кротѝ и҆ болѣ́знь рабѡ́въ твои́хъ вско́рѣ."
+ },
+ {
+  "type": "TEXT",
+  "value": "Оу҆ста̀ человѣ́кѡвъ, ꙗ҆́кѡ львѡ́въ лю́тыхъ, гро́ба тѧжча́йше ѿверзо́шасѧ го́рькѡ поглоти́ти мѧ̀: но ты̀, бцⷣе, ꙗ҆ви́сѧ наде́жда ненадѣ́ющымсѧ, и҆ низложѝ крѣ́пость и҆́хъ бл҃гослове́ннаѧ."
+ },
+ {
+  "type": "TEXT",
+  "value": "Да ᲂу҆́зрѧтъ вразѝ и҆ постыдѧ́тсѧ: да разꙋмѣ́ютъ и҆ ви́дѧтъ твою̀, є҆́же по на́мъ сопроти́въ борю́щꙋю си́лꙋ, и҆ въ про́пасть преиспо́днюю низложѝ и҆́хъ, бл҃гослове́ннаѧ, наде́ждо ненадѣ́ющихсѧ."
+ },
+ {
+  "type": "HEADER",
+  "value": "Пѣ́снь и҃."
+ },
+ {
+  "type": "TEXT",
+  "value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: бл҃гослови́те всѧ̑ дѣла̀ гдⷭ҇нѧ гдⷭ҇а."
+ },
+ {
+  "type": "TEXT",
+  "value": "Прибѣ́жище на́ше и҆ мі́рꙋ ра́дованїе, бг҃ороди́тельнице, ᲂу҆милосе́рдитисѧ потщи́сѧ, и҆ спѣ́шнѡ бл҃года́ть твою̀ пода́ждь на́мъ ѡ҆скорблє́ннымъ, и҆ застꙋпѝ, бл҃га́ѧ, твоѧ̑ рабы̑."
+ },
+ {
+  "type": "TEXT",
+  "value": "Совѣ́тъ сꙋ́етенъ совѣща́ша лю́тѣ на ны̀ безбо́жныхъ сѡ́нмища, ꙗ҆́коже пре́жде а҆хїтофе́лъ. Но вопїе́мъ: твои́ми мл҃твами се́й разорѝ, низло́жши си́хъ крѣ́пость, бцⷣе."
+ },
+ {
+  "type": "TEXT",
+  "value": "Призыва́ющихъ тѧ̀, бцⷣе, ѿ дꙋшѝ нело́жнѡ, во всѧ́кой ско́рби и҆ въ болѣ́знехъ разли́чныхъ, и҆ бѣда́хъ лю́тыхъ, спѣ́шнѡ ᲂу҆слы́ши, влⷣчце, си́хъ и҆збавлѧ́ющи при́снѡ мл҃твами твои́ми."
+ },
+ {
+  "type": "TEXT",
+  "value": "Да и҆́мѧ твоѐ, бцⷣе, на землѝ славосло́витсѧ, и҆́же и҆з̾ тебѐ возсїѧ́въ, грѣ́шникѡмъ держа́внꙋю наде́ждꙋ и҆ стѣ́нꙋ тѧ̀ дарова̀: тобо́ю бо всѧ́кое дыха́нїе къ бг҃ꙋ притека́етъ."
+ },
+ {
+  "type": "HEADER",
+  "value": "Пѣ́снь ѳ҃."
+ },
+ {
+  "type": "TEXT",
+  "value": "І҆рмо́съ: Недоꙋмѣ́етъ всѧ́къ ѧ҆зы́къ бл҃гохвали́ти по достоѧ́нїю, и҆з̾ꙋмѣва́етъ же ᲂу҆́мъ и҆ премі́рный пѣ́ти тѧ̀ бцⷣе: ѻ҆ба́че бл҃га́ѧ сꙋ́щи, вѣ́рꙋ прїимѝ, и҆́бо любо́вь вѣ́си бж҃е́ственнꙋю на́шꙋ, ты́ бо хрⷭ҇тїа́нъ є҆сѝ предста́тельница, тѧ̀ велича́емъ."
+ },
+ {
+  "type": "TEXT",
+  "value": "Да загради́тсѧ всѧ́къ ѧ҆зы́къ, лꙋка̑вымъ поꙋча́ѧйсѧ: да молча́тъ ᲂу҆стна̀ льсти̑ваѧ, и҆ ᲂу҆ста̀ непра́веднѡ глагѡ́лющаѧ на првⷣнаго беззако́нїе, горды́нею и҆ за́вистїю вражде́бною вкꙋ́пѣ, бцⷣы мл҃твою и҆ ст҃ы́хъ хрⷭ҇то́выхъ."
+ },
+ {
+  "type": "TEXT",
+  "value": "Въ мл҃твахъ бо́дрꙋю, чⷭ҇тꙋю бцⷣꙋ призыва́емъ всѝ, болѣ́знїю и҆ ско́рбїю ѡ҆держи́ми, взыва́юще: влⷣчце чⷭ҇таѧ, ско́рѡ и҆зба́ви ѿ ѡ҆держа́щихъ болѣ́зней рабы̑ твоѧ̑ при́снѡ, ꙗ҆́кѡ по бз҃ѣ застꙋ́пницы и҆ны́ѧ не и҆́мамы."
+ },
+ {
+  "type": "TEXT",
+  "value": "Ѿча́ѧвшихсѧ ве́лїе прибѣ́жище, ѡ҆бꙋрева́емыхъ ти́хое приста́нище ты̀ є҆сѝ бцⷣе. Тѣ́мже и҆ мы̀ притека́емъ, взыва́юще: да не постыди́мсѧ, мт҃и и҆́стиннагѡ живота̀, но да бл҃годарѧ́ще ᲂу҆се́рднѡ тѧ̀ велича́емъ."
+ },
+ {
+  "type": "TEXT",
+  "value": "Прїимѝ, ѻ҆трокови́це пречⷭ҇таѧ, бж҃е́ственнꙋю пѣ́снь, воздава́ющи бл҃года́ть на тѧ̀ надѣ́ющымсѧ: и҆ мі́ръ и҆спросѝ цр҃квамъ при́снѡ посла́ти, и҆ ѻ҆те́чествꙋ на́шемꙋ ѡ҆долѣ̑нїѧ и҆ побѣ̑ды, да хрⷭ҇тїа́нскїй всѧ́къ ѧ҆зы́къ тѧ̀ велича́етъ."
+ },
+ {
+  "type": "TEXT",
+  "value": "Свѣти́ленъ: Те́плое застꙋпле́нїе въ бѣда́хъ, въ печа́лехъ ᲂу҆тѣше́нїе, и҆ къ бг҃ꙋ примире́нїе, є҆́юже тлѝ и҆зба́вихомсѧ, бг҃оро́дицꙋ вѣ́рнїи ᲂу҆бл҃жа́емъ."
+ },
+ {
+  "type": "HEADER",
+  "value": "Сла́ва, и҆ ны́нѣ:"
+ },
+ {
+  "type": "TEXT",
+  "value": "Тѧ̀ предста́тельницꙋ и҆́мамы грѣ́шнїи, ѽ прест҃а́ѧ дв҃о! Ты̀ млⷭ҇тива къ на́мъ сотворѝ сн҃а твоего̀ и҆ бг҃а на́шего, мт҃рними твои́ми мл҃твами."
+ },
+ {
+  "type": "HEADER",
+  "value": "На хвали́техъ стїхи̑ры, гла́съ в҃:"
+ },
+ {
+  "type": "TEXT",
+  "value": "Всѣ̑мъ предста́тельствꙋеши, бл҃га́ѧ, прибѣга́ющымъ съ вѣ́рою въ держа́вный тво́й покро́въ: и҆но́гѡ бо не и҆́мамы грѣ́шнїи къ бг҃ꙋ, въ бѣда́хъ и҆ ско́рбехъ при́снѡ и҆збавле́нїѧ, ѡ҆бремене́ни грѣхи̑ мно́гими, мт҃и бг҃а вы́шнѧгѡ. Тѣ́мже тѝ припа́даемъ: и҆зба́ви ѿ всѧ́кагѡ ѡ҆бстоѧ́нїѧ рабы̑ твоѧ̑."
+ },
+ {
+  "type": "TEXT",
+  "value": "Всѣ́хъ скорбѧ́щихъ ра́дость, и҆ ѡ҆би́димыхъ застꙋ́пница, и҆ а҆́лчꙋщихъ пита́тельница, стра́нныхъ ᲂу҆тѣше́нїе, ѡ҆бꙋрева́емыхъ приста́нище, больны́хъ посѣще́нїе, немощны́хъ покро́въ и҆ застꙋ́пница, же́злъ ста́рости, мт҃и бг҃а вы́шнѧгѡ, ты̀ є҆сѝ пречⷭ҇таѧ: потщи́сѧ, мо́лимсѧ, сп҃сти́сѧ рабѡ́мъ твои̑мъ."
+ },
+ {
+  "type": "TEXT",
+  "value": "Ра́дꙋйсѧ, пречⷭ҇таѧ дв҃о: ра́дꙋйсѧ, чⷭ҇тны́й ски́птре цр҃ѧ̀ хрⷭ҇та̀. Ра́дꙋйсѧ, прозѧ́бшаѧ гро́здь та́йный: Ра́дꙋйсѧ, две́ре нбⷭ҇наѧ и҆ неѡпали́маѧ кꙋпино̀. Ра́дꙋйсѧ, всемі́рный свѣ́те: Ра́дꙋйсѧ, всѣ́хъ ра́досте. Ра́дꙋйсѧ, вѣ́рныхъ сп҃се́нїе: ра́дꙋйсѧ, застꙋ́пнице всѣ́хъ хрⷭ҇тїа́нъ, прибѣ́жище влⷣчце."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ и҃:"
+ },
+ {
+  "type": "TEXT",
+  "value": "Ра́дꙋйсѧ, вселе́нныѧ похвало̀: ра́дꙋйсѧ, хра́ме гдⷭ҇ень. Ра́дꙋйсѧ, горо̀ прїѡсѣне́ннаѧ: ра́дꙋйсѧ, всѣ́хъ прибѣ́жище. Ра́дꙋйсѧ, свѣ́щниче златы́й: ра́дꙋйсѧ, сла́во правосла́вныхъ чⷭ҇тна́ѧ. Ра́дꙋйсѧ, мр҃і́е мт҃и хрⷭ҇та̀ бг҃а: ра́дꙋйсѧ раю̀. Ра́дꙋйсѧ, бж҃е́ственнаѧ трапе́зо: ра́дꙋйсѧ сѣ́не. Ра́дꙋйсѧ, рꙋ́чко всезлата́ѧ: ра́дꙋйсѧ, всѣ́хъ ᲂу҆пова́нїе."
+ },
+ {
+  "type": "HEADER",
+  "value": "Славосло́вїе вели́кое, и҆ ѿпꙋ́стъ, и҆ ча́съ а҃-й."
+ },
+ {
+  "type": "HEADER",
+  "value": "На лїтꙋргі́и: Бл҃жє́нна, пѣ́снь г҃ и҆ ѕ҃."
+ },
+ {
+  "type": "HEADER",
+  "value": "Прокі́менъ, а҆по́столъ, є҆ѵⷢ҇лїе и҆ прича́стенъ бцⷣѣ ѻ҆́бщїй."
+ }
+]

static/data/shared/menaion-daily/01-25/3.json

@@ -0,0 +1,506 @@
+[
+ {
+  "type": "HEADER",
+  "value": "І҆аннꙋа́рїа к҃є"
+ },
+ {
+  "type": "HEADER",
+  "value": "Пра́зднованїе собо́рꙋ новомч҃никѡвъ, и҆ и҆сповѣ́дникѡвъ рѡссі́йскихъ."
+ },
+ {
+  "type": "HEADER",
+  "value": "А҆́ще к҃є де́нь і҆аннꙋа́рїѧ прилꙋчи́тсѧ въ понедѣ́льникъ, вто́рникъ и҆лѝ сре́дꙋ, пое́мъ новомч҃никѡмъ въ недѣ́лю, ꙗ҆́же є҆́сть пред̾ си́мъ, а҆́ще ли бꙋ́детъ въ четверто́къ, пѧто́къ и҆лѝ сꙋббѡ́тꙋ, пое́мъ и҆̀мъ въ недѣ́лю послѣ́дꙋющꙋю."
+ },
+ {
+  "type": "HEADER",
+  "value": "А҆́ще прилꙋчи́тсѧ к҃є і҆аннꙋа́рїѧ въ де́нь недѣ́льный (воскре́сный), пое́мъ слꙋ́жбꙋ новомч҃никѡмъ въ то́йже де́нь, слꙋ́жбꙋ же ст҃о́мꙋ григо́рїю бг҃осло́вꙋ въ к҃з де́нь і҆аннꙋа́рїѧ кꙋ́пнѡ со слꙋ́жбою ст҃и́телю і҆ѡа́ннꙋ златоꙋ́стꙋ. Предварѧ́етъ тогда̀ слꙋ́жба ст҃и́телю григо́рїю. Вѣ́домо бꙋ́ди и҆ сїѐ: слꙋ́жба сїѧ̀ быва́етъ, наче́нши ѿ к҃в и҆ восходѧ́щи до к҃и і҆аннꙋа́рїѧ. И҆ а҆́ще прилꙋчи́тсѧ тогда̀ недѣ́лѧ мытарѧ̀ и҆ фарїсе́а, и҆лѝ блꙋ́днагѡ, и҆лѝ мѧсопꙋ́стнаѧ, пое́мъ новомч҃никѡмъ съ трїѡ́дїю, ꙗ҆́коже трїє́мъ ст҃и́телємъ по ма́рковой главѣ̀."
+ },
+ {
+  "type": "HEADER",
+  "value": "А҆́ще прилꙋчи́тсѧ въ то́йже де́нь па́мѧть вели́кагѡ ст҃а́гѡ, пое́мъ ст҃о́мꙋ вели́комꙋ, въ сꙋббѡ́тꙋ ближа́йшꙋю, и҆лѝ въ и҆ны́й де́нь."
+ },
+ {
+  "type": "HEADER",
+  "value": "А҆́ще же бꙋ́детъ гдѣ̀ въ то́й де́нь хра́мъ, пое́мъ слꙋ́жбꙋ хра́ма съ трїѡ́дїю непремѣ́ннѡ, ст҃ы̑мъ же новомч҃никѡмъ во грѧдꙋ́щꙋю недѣ́лю."
+ },
+ {
+  "type": "HEADER",
+  "value": "На ма́лѣй вече́рни: стїхи̑ры воскрє́сны."
+ },
+ {
+  "type": "HEADER",
+  "value": "Сла́ва, гла́съ и҃:"
+ },
+ {
+  "type": "TEXT",
+  "value": "Землѧ̀ рꙋ́сскаѧ и҆ нб҃о земно́е бы́сть: въ свои́хъ разсѣ́линахъ тѣлеса̀ новомч҃никѡвъ и҆ и҆сповѣ́дникѡвъ сокры́вши и҆ тѣ́хъ нбⷭ҇ною сла́вою просїѧ́вши, и҆̀же свои́ми кровьмѝ ѡ҆роси́ша ю҆̀, пострада́вше ѿ слꙋ́гъ сатани́нскихъ за вѣ́рꙋ хрⷭ҇то́вꙋ во и҆скꙋпле́нїе грѣхѡ́въ бг҃оѿстꙋпле́нїѧ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, догма́тикъ гла́са."
+ },
+ {
+  "type": "HEADER",
+  "value": "На стїхо́внѣ стїхи́ра воскре́сна. Та́же стїхи̑ры новомч҃никѡмъ, гла́съ а҃."
+ },
+ {
+  "type": "TEXT",
+  "value": "Ѽ, вели́цїи страстоте́рпцы новомч҃ницы рѡссі́йстїи, съ любо́вїю припа́даемъ къ ва́мъ, и҆ прославлѧ́юще ва́шѧ по́двиги, бл҃гоговѣ́йнѡ лобыза́емъ ра̑ны ва́шѧ, моли́те, мо́лимсѧ, ѡ҆ дꙋша́хъ на́шихъ."
+ },
+ {
+  "type": "TEXT",
+  "value": "Сті́хъ: Разже́глъ ны̀ є҆сѝ, ꙗ҆́коже разжиза́етсѧ сребро̀."
+ },
+ {
+  "type": "TEXT",
+  "value": "Ѽ, сла́внїи новомч҃ницы рѡссі́йстїи, є҆гда̀ ѡ҆скꙋдѣва́ше вѣ́ра, ᲂу҆крѣплѧ́сте ю҆̀ и҆сповѣда́нїемъ ва́шимъ, є҆гда̀ и҆зсѧка́ше любы̀, любвѐ ра́ди ко хрⷭ҇тꙋ̀ да́сте себє̀ на мꙋ̑ки и҆ сме́рть, є҆гда̀ колеба́шесѧ наде́жда, ᲂу҆твержда́сте ю҆̀ ва́шимъ ᲂу҆пова́нїемъ на бг҃а, є҆го́же моли́те, да ᲂу҆крѣпи́тъ въ на́съ вѣ́рꙋ, наде́ждꙋ и҆ любо́вь."
+ },
+ {
+  "type": "TEXT",
+  "value": "Сті́хъ: Воззва́ша пра́веднїи и҆ гдⷭ҇ь ᲂу҆слы́ша и҆̀хъ."
+ },
+ {
+  "type": "TEXT",
+  "value": "Не человѣ́цы сп҃са́ютъ цр҃ковь, и҆ ничто́же по́льзꙋетъ согла́сїе со врагѝ є҆ѧ̀, но цр҃ковь сп҃са́етъ человѣ́ки си́лою хрⷭ҇то́вою, ꙗ҆́коже по́двигъ ва́шъ показа̀. Ѽ непоколеби́мїи новомч҃ницы рѡссі́йстїи, вои́стинꙋ є҆стѐ сла́ва цр҃кве, ѡ҆ не́йже прилѣ́жнѡ моли́тесѧ, да непоколе́блемꙋ ᲂу҆тверди́тъ ю҆̀ хрⷭ҇то́съ."
+ },
+ {
+  "type": "HEADER",
+  "value": "Сла́ва, гла́съ в҃:"
+ },
+ {
+  "type": "TEXT",
+  "value": "Ѽ, ди́вное во́инство но́выхъ страда́льцєвъ рѡссі́йскихъ. Кто̀ возмо́жетъ досто́йнѡ просла́вити ва́съ: вои́стинꙋ бл҃же́нна землѧ̀, напи́вшаѧсѧ кровьмѝ ва́шими, гра́ды же и҆ вє́си є҆ѧ̀ та́йнѡ ѡ҆ст҃и́шасѧ, воспрїи́мше честні́и ѡ҆ста́нки ва́шѧ мно́жицею без̾ пѣ́нїѧ цр҃ко́внагѡ, та́кожде же и҆ без̾ погребе́нїѧ честна́гѡ. Но моли́тесѧ, ст҃і́и, ѡ҆ странѣ̀ ва́шей и҆ ѡ҆ всѣ́хъ чтꙋ́щихъ ва́съ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ. Тропа́рь воскре́сенъ."
+ },
+ {
+  "type": "HEADER",
+  "value": "Сла́ва, тропа́рь, гла́съ д҃:"
+ },
+ {
+  "type": "TEXT",
+  "value": "Дне́сь ра́достнѡ ликꙋ́етъ цр҃ковь рꙋ́сскаѧ, ꙗ҆́кѡ ма́ти ча́да, прославлѧ́ющи новомч҃ники и҆ и҆сповѣ́дники своѧ̑: ст҃и́тели и҆ і҆ере́и, ца́рствєнныѧ страстоте́рпцы, бл҃говѣ́рныѧ кн҃зи и҆ кн҃ги̑ни, прпⷣбныѧ мꙋжѝ и҆ жєны̀ и҆ всѧ̑ правѡсла́вныѧ хрⷭ҇тїа́ны, во дни̑ гоне́нїѧ безбо́жнагѡ жи́знь свою̀ за вѣ́рꙋ во хрⷭ҇та̀ положи́вшыѧ и҆ кровьмѝ и҆́стинꙋ соблю́дшыѧ. Тѣ́хъ предста́тельствомъ, долготерпѣли́ве гдⷭ҇и, странꙋ̀ на́шꙋ въ правосла́вїи сохранѝ до сконча́нїѧ вѣ́ка."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Є҆́же ѿ вѣ́ка:"
+ },
+ {
+  "type": "HEADER",
+  "value": "На вели́цѣй вече́рни: Стїхи̑ры воскре́сны д҃. Та́же стїхи̑ры новомч҃никѡмъ гла́съ а҃:"
+ },
+ {
+  "type": "TEXT",
+  "value": "Нача́ло ны́нѣ поло́жимъ, ѽ бра́тїе, моле́нїемъ те́плымъ къ нѡ́вымъ ᲂу҆го́дникѡмъ бж҃їимъ: ті́и бо стра́шными мꙋче́нїи ѡ҆чища́еми, ро́ждїе плодоно́сныѧ лозы̀ хрⷭ҇то́вы ꙗ҆ви́шасѧ, сла́достїю бл҃года́ти ѡ҆би́льнѡ напоѧ́емїи, во бл҃гоꙋха́нїи свѧ́тости и҆́хъ на́мъ предлага́емїи, да со ᲂу҆миле́нїемъ назида́ющесѧ по́двигомъ и҆́хъ, принесе́мъ бг҃ꙋ и҆ мы̀ пло́дъ покаѧ́нїѧ."
+ },
+ {
+  "type": "TEXT",
+  "value": "Нача́ло кр҃ще́нїѧ стра́шнагѡ, и҆́мже па́ки кр҃сти́сѧ землѧ̀ рꙋ́сскаѧ, восхвали́те, ѽ го́ры кі́євскїѧ, кресто́мъ а҆пⷭ҇ла а҆ндре́а бл҃гословє́нныѧ. И҆дѣ́же бо бл҃года́ть возсїѧ̀ ро́дꙋ на́шемꙋ ѿ вѣ́ры же и҆ дх҃а во ѿверзе́нїе црⷭ҇твїѧ бж҃їѧ, та́мѡ подоба́ше нача́тисѧ и҆ семꙋ̀ ѡ҆бновле́нїю кро́вїю первозакла́ннагѡ ѿ ст҃и́телей рꙋ́сскихъ, тезоиме́ннагѡ просвѣти́телю на́шемꙋ. Се́й бо влади́мїръ но́вый, и҆з̾ вїногра́дника своегѡ̀ и҆зведе́нъ за врата̀ сщ҃е́нныѧ ла́ѵры пече́рскїѧ, вѣнча́нїѧ стефа́нова сподоблѧ́етсѧ, проща́ѧ и҆ бл҃гословлѧ́ѧ ᲂу҆бива́ющихъ є҆го̀, ꙗ҆́кѡ кро́ткїй мл҃твенникъ ѡ҆ дꙋша́хъ на́шихъ."
+ },
+ {
+  "type": "TEXT",
+  "value": "Рыда́нїе, жа́лость и҆ го́ре: сѐ сви́токъ і҆езекі́илевъ, насы́тивый дꙋ́шꙋ твою̀, ст҃е тѵ́хѡне, патрїа́рше на́шъ! Да ᲂу҆слы́шитсѧ и҆ ны́нѣ гла́съ тво́й: бра́тїе, а҆рхїпа́стырїе и҆ па́стырїе, зови́те ча̑да ва̑ша на защи́тꙋ цр҃кве правосла́вныѧ. Да ᲂу҆слы́шатъ же и҆ разори́тели храмѡ́въ бж҃їихъ ѻ҆́гненное сло́во твоѐ: а҆́ще є҆щѐ то́кмѡ и҆́менемъ хрⷭ҇тїа́нскимъ нарица́етесѧ, вла́стїю на́мъ ѿ бг҃а да́нною а҆наѳема́тствꙋемъ ва́съ. Ѽ стра́шнагѡ ѿлꙋче́нїѧ вѣ́чнагѡ! Сѐ а҆на́ѳема ники́мже разрѣша́ема! Сѐ дерзнове́нїе патрїа́ршее!"
+ },
+ {
+  "type": "HEADER",
+  "value": "Гла́съ д҃:"
+ },
+ {
+  "type": "TEXT",
+  "value": "Кро́токъ, но непоколеби́мъ бы́лъ є҆сѝ, петро́ва гра́да и҆збра́нниче, сщ҃енномч҃ниче венїамі́не, копрони́мы но́выми ѡ҆брече́нный, лжепа́стырьми пре́данный вла́сти бг҃обо́рнѣй. Тогда́ же ꙗ҆ви́ тѧ бг҃ъ ᲂу҆чи́телѧ безбоѧ́зненна, и҆ сѐ завѣ́тъ тво́й, и҆з̾ заточе́нїѧ возвѣще́нный: да не пощади́мъ мы̀ себѐ цр҃кве ра́ди и҆ не предади́мъ ст҃ꙋ́ю цр҃ковь себѐ ра́ди. На сꙋдѣ́ же беззако́ннѣмъ твоѐ сло́во бы́сть всѣ̑мъ ди́вно: жи́знь ли и҆лѝ сме́рть ны́нѣ возвѣстите́ ми, а҆́зъ же зна́меновавъ себѐ ст҃ы́мъ кресто́мъ, рекꙋ̀: сла́ва тебѣ̀, гдⷭ҇и, бж҃е, ѡ҆ всѣ́хъ."
+ },
+ {
+  "type": "TEXT",
+  "value": "Же́ртва бг҃ꙋ живопогребє́нныѧ въ кладезеподо́бный ро́въ низри́нꙋтыѧ: пре́жде всѣ́хъ є҆лїсаве́та страстоте́рпица, къ гѡ́рнимъ ᲂу҆стремле́ннаѧ кн҃ги́нѧ милосе́рднаѧ, би́серъ правосла́вїѧ въ но́вѣмъ ѻ҆те́чествѣ ѡ҆брѣ́тшаѧ, є҆ѵⷢ҇льски ᲂу҆бі́йцꙋ мꙋ́жа своегѡ̀ прости́вшаѧ, моли́твою и҆ бл҃готворе́нїемъ бг҃ꙋ ᲂу҆годи́вшаѧ, безбо́жными же непощажде́ннаѧ. Помоли́тесѧ за на́съ ст҃і́и кн҃зїе, помоли́тесѧ за всѣ́хъ прпⷣбнїи страстоте́рпицы, є҆лїсаве́то съ варва́рою вѣ́рною. Оу҆слы́шите на́съ, въ ве́си геѳсїмані́йстѣй погребє́нныѧ, ᲂу҆слы́шите на́съ и҆ ті́и, и҆́хже погребе́нїе невѣ́домо, ᲂу҆слы́шите на́съ па́ки вкꙋ́пѣ прїѧ̑тыѧ во ѡ҆би́тели нбⷭ҇ныѧ, ст҃а́ѧ ѻ҆смери́це, моли́те бг҃а ѡ҆ на́съ."
+ },
+ {
+  "type": "HEADER",
+  "value": "Гла́съ и҃:"
+ },
+ {
+  "type": "TEXT",
+  "value": "А҆дама́нтово мꙋ́жество ва́ше сла́ва є҆́сть цр҃кве рѡссі́йскїѧ, страстоте́рпцы и҆ и҆сповѣ̑дницы но́вїи, ᲂу҆чєни́цы бо є҆стѐ фїлі́ппѡвы и҆ є҆рмогє́новы, при́снїи же многострада́льномꙋ патрїа́рхꙋ тѵ́хѡнꙋ, и҆́же и҆ дадѐ ва́мъ и҆́мѧ своѐ. Пребы́сте терпѣ́нїемъ въ бѣда́хъ, гони́ми и҆ ᲂу҆бива́еми. Но кто̀ и҆зочте́тъ и҆ мꙋ̑ки, гѡ́ршїѧ сме́рти, ѻ҆ба́че ꙗ҆ви́стесѧ и҆ проповѣ́дателїе сꙋ́щымъ съ ва́ми во ᲂу҆́захъ, просвѣти́телїе прежденевѣ́рꙋющихъ, строи́телїе ст҃ы́хъ та́инствъ. Ве́лїѧ вѣ́ра ва́ша, во все́мъ ꙗ҆ви́сте себѐ, ꙗ҆́кѡ бж҃їи слꙋ́ги."
+ },
+ {
+  "type": "HEADER",
+  "value": "Сла́ва, гла́съ а҃:"
+ },
+ {
+  "type": "TEXT",
+  "value": "Нача́ло ны́нѣ поло́жимъ:"
+ },
+ {
+  "type": "HEADER",
+  "value": "И҆ ны́нѣ: Догма́тикъ гла́са."
+ },
+ {
+  "type": "HEADER",
+  "value": "Вхо́дъ. Прокі́менъ, и҆ чтє́нїѧ г҃."
+ },
+ {
+  "type": "HEADER",
+  "value": "Проро́чества и҆са́їина чте́нїе. (Глава̀ м҃г.)"
+ },
+ {
+  "type": "TEXT",
+  "value": "Та́кѡ глаго́летъ гдⷭ҇ь: всѝ ꙗ҆зы́цы собра́шасѧ вкꙋ́пѣ, и҆ соберꙋ́тсѧ кнѧ̑зи ѿ ни́хъ. Кто̀ возвѣсти́тъ сїѧ̑ въ ни́хъ; и҆лѝ ꙗ҆́же ѿ нача́ла, кто̀ слы́шана сотвори́тъ ва́мъ; Да приведꙋ́тъ свидѣ́тєли своѧ̑, и҆ ѡ҆правдѧ́тсѧ, и҆ да ᲂу҆слы́шатъ, и҆ да рекꙋ́тъ и҆́стинꙋ. Бꙋ́дите мѝ свидѣ́тєли, и҆ а҆́зъ свидѣ́тель, глаго́летъ гдⷭ҇ь бг҃ъ, и҆ ѻ҆́трокъ є҆го́же и҆збра́хъ: да позна́ете и҆ вѣ́рꙋете мѝ, и҆ разꙋмѣ́ете, ꙗ҆́кѡ а҆́зъ є҆́смь: пре́жде менє̀ не бы́сть и҆́нъ бг҃ъ, и҆ по мнѣ̀ не бꙋ́детъ. А҆́зъ є҆́смь бг҃ъ, и҆ нѣ́сть ра́звѣ менѐ спаса́ѧй. А҆́зъ возвѣсти́хъ, и҆ спасо́хъ, ᲂу҆ничижи́хъ, и҆ не бѣ̀ въ ва́съ чꙋ́ждїй. Вы̀ мнѣ̀ свидѣ́тєли, и҆ а҆́зъ гдⷭ҇ь бг҃ъ, и҆ є҆щѐ ѿ нача́ла а҆́зъ є҆́смь: и҆ нѣ́сть ѿ рꙋ́къ мои́хъ и҆збавлѧ́ѧй. Сотворю̀, и҆ кто̀ ѿврати́тъ то̀; си́це глаго́летъ гдⷭ҇ь бг҃ъ, и҆збавлѧ́ѧй ва́съ ст҃ы́й і҆и҃левъ."
+ },
+ {
+  "type": "HEADER",
+  "value": "Премꙋ́дрости соломѡ́новы чте́нїе. (Глава̀ г҃.)"
+ },
+ {
+  "type": "TEXT",
+  "value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ, и҆ є҆́же ѿ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими бл҃годѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцари́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀. Ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
+ },
+ {
+  "type": "HEADER",
+  "value": "Премꙋ́дрости соломѡ́новы чте́нїе. (Глава̀ д҃.)"
+ },
+ {
+  "type": "TEXT",
+  "value": "Првⷣникъ а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть: восхи́щенъ бы́сть, да не ѕло́ба и҆змѣни́тъ ра́зꙋма є҆гѡ̀ и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀, сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
+ },
+ {
+  "type": "HEADER",
+  "value": "На лїті́и стїхи́ра, гла́съ и҃:"
+ },
+ {
+  "type": "TEXT",
+  "value": "А҆́гг҃ли бж҃їи ра́достнїи призыва́ютъ, да возра́дꙋемсѧ всѝ! Сі́и бо ра́дꙋющесѧ и҆ ѡ҆ є҆ди́номъ грѣ́шницѣ ка́ющемсѧ, ликовствꙋ́ютъ ѡ҆ мно́жествѣ но́выхъ ст҃ы́хъ, ѡ҆ мч҃ницѣхъ и҆ и҆сповѣ́дницѣхъ цр҃кве рѡссі́йскїѧ, блиста́ющїѧсѧ страда́ньми и҆́хъ: сѐ патрїа́рхъ, і҆ера́рси, сщ҃е́нницы, мона́си и҆ мно́жество человѣ̑къ всѧ́кагѡ зва́нїѧ, ᲂу҆́зами и҆ лише́ньми и҆скꙋше́ннїи, мꙋче́ньми же лю́тыми и҆ многоѻбра́зными и҆ сме́ртїю, ꙗ҆́же введѐ и҆̀хъ въ жи́знь безконе́чнꙋю. Сегѡ́ же ра́ди по́двига и҆́хъ даде́сѧ и҆̀мъ бл҃года́ть моли́тисѧ за ны̀. Ца́рское бо сꙋ́ть ті́и сщ҃е́нїе, наде́жда ро́да на́шегѡ ѡ҆бновле́нїѧ, возвѣсти́тели ми́лости сп҃са на́шегѡ, призва́вшагѡ и҆̀хъ въ сво́й чꙋ́дный свѣ́тъ."
+ },
+ {
+  "type": "HEADER",
+  "value": "Сла́ва, и҆ ны́нѣ: бг҃оро́диченъ, гла́съ то́йже:"
+ },
+ {
+  "type": "TEXT",
+  "value": "Застꙋ́пнице ᲂу҆се́рднаѧ, скорбѧ́щихъ при́сное ра́дованїе, ᲂу҆тѣ́шительница є҆сѝ призыва́ющихъ тѧ̀ въ ча́съ и҆спыта́нїѧ, прест҃а́ѧ влⷣчце бцⷣе, ви́ждь хра́мы сн҃а твоегѡ̀ разорє́нныѧ, воззрѝ на порꙋга́нїе безбо́жными смире́нныхъ слꙋжи́телей є҆гѡ̀, ᲂу҆слы́ши стена̑нїѧ рабѡ́въ твои́хъ, и҆ сама̀ со страстоте́рпцы ст҃ы́ми застꙋпѝ и҆ поми́лꙋй на́съ."
+ },
+ {
+  "type": "HEADER",
+  "value": "На стїхо́внѣ стїхи̑ры воскрє́сны. Сла́ва, гла́съ ѕ҃:"
+ },
+ {
+  "type": "TEXT",
+  "value": "Ѽ ст҃і́и смире́ннѣйшїи сщ҃е́нницы и҆сповѣ̑дницы, зри́мъ ва́съ, ка́кѡ въ стра́шнꙋю годи́нꙋ гоне́нїй дале́че ѿ домѡ́въ ва́шихъ со́слани бы́сте. Зри́мъ ва́съ, гла́дныхъ, цынго́тныхъ, ви́да своегѡ̀ лише́нныхъ, стрꙋ́пїѧми кровоточа́щими покрове́нныхъ, приста́вники бїе́мыхъ и҆ сна̀ лиша́емаѧ пла́чꙋщихъ ѡ҆ ча́дѣхъ ѡ҆ста́вленныхъ и҆ ѡ҆ ма́терехъ и҆́хъ беззащи́тныхъ. И҆ кто̀ и҆спи́шетъ и҆мена̀ ва̑ша! Кто̀ повѣ́даетъ мі́рꙋ всѧ̑ претерпѣ̑ннаѧ ва́ми! Ѻ҆ба́че вѣ́даетъ бг҃ъ и҆збра̑нныѧ своѧ̑, сохрани́вшыѧ зало́гъ, врꙋче́нный и҆̀мъ да́же до сме́рти, и҆ сегѡ̀ ра́ди дерзнове́нїе и҆мꙋ́щыѧ моли́тисѧ ѡ҆ на́съ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, гла́съ то́йже:"
+ },
+ {
+  "type": "TEXT",
+  "value": "Бцⷣе, безпо́мощнымъ по́моще! Помозѝ и҆ ны́нѣ стра́ждꙋщымъ лю́демъ страны̀ рѡссі́йскїѧ, въ заточе́нїи, въ мꙋ́кахъ, и҆лѝ въ тѧ́жкихъ ѡ҆бстоѧ́нїихъ сꙋ́щымъ. Тебѣ̀ мо́лимсѧ, моли́сѧ влⷣчце со ст҃ы́ми новомч҃никами и҆ и҆сповѣ́дниками ро́да на́шегѡ, и҆зба́витисѧ ѿ бѣ́дъ мно́зѣхъ рабѡ́мъ твои̑мъ."
+ },
+ {
+  "type": "TEXT",
+  "value": "По Ны́нѣ ѿпꙋща́еши: Бцⷣе дв҃о: Два́жды."
+ },
+ {
+  "type": "HEADER",
+  "value": "Тропа́рь ст҃ы̑мъ є҆ди́ножды. А҆́ще нѣ́сть бдѣ́нїѧ, тропа́рь воскре́сный."
+ },
+ {
+  "type": "HEADER",
+  "value": "Сла́ва, тропа́рь, гла́съ д҃:"
+ },
+ {
+  "type": "TEXT",
+  "value": "Дне́сь ра́достнѡ ликꙋ́етъ цр҃ковь рꙋ́сскаѧ, ꙗ҆́кѡ ма́ти ча́да, прославлѧ́ющи новомч҃ники и҆ и҆сповѣ́дники своѧ̑: ст҃и́тели и҆ і҆ере́и, ца́рствєнныѧ страстоте́рпцы, бл҃говѣ́рныѧ кн҃зи и҆ кн҃ги̑ни, прпⷣбныѧ мꙋжѝ и҆ жєны̀ и҆ всѧ̑ правѡсла́вныѧ хрⷭ҇тїа́ны, во дни̑ гоне́нїѧ безбо́жнагѡ жи́знь свою̀ за вѣ́рꙋ во хрⷭ҇та̀ положи́вшыѧ и҆ кровьмѝ и҆́стинꙋ соблю́дшыѧ. Тѣ́хъ предста́тельствомъ, долготерпѣли́ве гдⷭ҇и, странꙋ̀ на́шꙋ въ правосла́вїи сохранѝ до сконча́нїѧ вѣ́ка."
+ },
+ {
+  "type": "HEADER",
+  "value": "И҆лѝ се́й:"
+ },
+ {
+  "type": "TEXT",
+  "value": "Цвѣ́ти рѡссі́йскагѡ лꙋ́га дꙋхо́внагѡ, въ годи́нꙋ лю́тыхъ гоне́нїй ди́внѡ процвѣ́тшїи новомч҃ницы и҆ и҆сповѣ̑дницы безчи́слєннїи: ст҃и́телїе и҆ па́стырїе, мона́си и҆ мїрсті́и, мꙋ́жїе, жєны́ же и҆ дѣ́ти, до́брый пло́дъ въ терпѣ́нїи хрⷭ҇тꙋ̀ прине́сшїи, моли́тесѧ є҆мꙋ̀, ꙗ҆́кѡ насади́телю ва́шемꙋ, да и҆зба́витъ лю́ди своѧ̑ ѿ безбо́жныхъ и҆ ѕлы́хъ, да ᲂу҆твержда́етсѧ же цр҃ковь рꙋ́сскаѧ кровьмѝ и҆ страда́нїи ва́шими во сп҃се́нїе дꙋ́шъ на́шихъ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ воскре́сный:"
+ },
+ {
+  "type": "TEXT",
+  "value": "Є҆́же ѿ вѣ́ка:"
+ },
+ {
+  "type": "HEADER",
+  "value": "На ᲂу҆́трени на Бг҃ъ гдⷭ҇ь: тропа́рь воскре́сенъ, два́жды."
+ },
+ {
+  "type": "HEADER",
+  "value": "Сла́ва, новомч҃никѡмъ. И҆ ны́нѣ: бг҃оро́диченъ воскре́сный:"
+ },
+ {
+  "type": "TEXT",
+  "value": "Є҆́же ѿ вѣ́ка:"
+ },
+ {
+  "type": "HEADER",
+  "value": "Полѷеле́й и҆ велича́нїе:"
+ },
+ {
+  "type": "TEXT",
+  "value": "Велича́емъ ва́съ, ст҃і́и новомч҃ницы и҆ и҆сповѣ̑дницы рѡссі́йстїи: и҆ чти́мъ честна̑ѧ страда̑нїѧ ва̑ша, ꙗ҆̀же за хрⷭ҇та̀ претерпѣ́ли є҆стѐ."
+ },
+ {
+  "type": "TEXT",
+  "value": "Ѱало́мъ и҆збра́нный: Бг҃ъ на́мъ прибѣ́жище и҆ си́ла. А҆́гг҃льскїй собо́ръ: посе́мъ є҆ктенїа̀ ма́лаѧ и҆ возгла́съ: Ꙗ҆́кѡ бл҃гослови́сѧ и҆́мѧ твоѐ:"
+ },
+ {
+  "type": "HEADER",
+  "value": "По полѷеле́и ѵ҆пакоѝ гла́са, та́же сѣда́ленъ ст҃ы́хъ, гла́съ а҃:"
+ },
+ {
+  "type": "TEXT",
+  "value": "Подо́бенъ: Ка́мени запеча́танꙋ:"
+ },
+ {
+  "type": "TEXT",
+  "value": "Проидо́сте сквозѣ̀ ѻ҆́гнь мꙋче́нїѧ и҆ во́дꙋ сле́зъ, и҆зведѐ вы̀ гдⷭ҇ь въ поко́й ст҃ы́хъ, новомч҃ницы и҆ и҆сповѣ̑дницы рѡссі́йстїи, хода́таи воззва́нїѧ къ бг҃ꙋ разꙋмѣ́ющымъ и҆ лобыза́ющымъ по́двигъ ва́шъ. Сла́ва предꙋвѣ́дѣвшемꙋ произволе́нїе ва́ше, сла́ва предꙋста́вившемꙋ ва́съ къ сла́вѣ нбⷭ҇нѣй, сла́ва подаю́щемꙋ на́мъ ва́ми ве́лїю млⷭ҇ть."
+ },
+ {
+  "type": "HEADER",
+  "value": "И҆́нъ сѣда́ленъ, гла́съ то́йже:"
+ },
+ {
+  "type": "TEXT",
+  "value": "Ꙗ҆́кѡ лю́бѧщымъ бг҃а, ва́мъ ѽ страстоте́рпцы, всѧ̑ претерпѣ̑ннаѧ на землѝ бы́ша во бл҃го́е. И҆ прешлѝ є҆стѐ, ꙗ҆́кѡ и҆збра́ннїи, къ ѡ҆бѣ́щанномꙋ наслѣ́дїю вѣ́чныхъ бла́гъ. Сла́ва да́вшемꙋ ва́мъ въ тѧ́жкихъ мꙋ́кахъ крѣ́пость, сла́ва вѣнча́вшемꙋ ва́съ, сла́ва дѣ́йствꙋющемꙋ ва́ми сп҃се́нїе на́ше."
+ },
+ {
+  "type": "HEADER",
+  "value": "Сла́ва, гла́съ г҃:"
+ },
+ {
+  "type": "TEXT",
+  "value": "Возсїѧ́ли є҆стѐ на тве́рди цр҃ко́внѣй, ст҃и́телїе престо́лѡвъ рѡссі́йскихъ пе́рвѣйшихъ: тѵ́хѡне ст҃ѣ́йшїй, патрїа́рше, а҆на́ѳемꙋ врагѡ́мъ креста̀ пла́меннѣ и҆зрекі́й, влади́мїре ст҃и́телю кі́евскїй, зрѣ́лѣйшїй нача́токъ но́выхъ плодѡ́въ са́да рꙋ́сскагѡ и҆ венїамі́не, свѣти́льниче петрогра́дскїй, и҆здѣ́тска возжелѣ́вый за хрⷭ҇та̀ страда́ти, є҆́же и҆ бы́сть. Сла́вѧтсѧ же съ ва́ми и҆ всѝ страстоте́рпцы но́вїи. Мы́ же со ᲂу҆миле́нїемъ ва́мъ си́це рце́мъ: ра́дꙋйсѧ, собо́ре крѣ́пкїй терпѣли́вый. Бꙋ́дите мѡли́твенницы дерзнове́ннїи ѡ҆ всѣ́хъ молѧ́щихсѧ ва́мъ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, гла́съ то́йже:"
+ },
+ {
+  "type": "TEXT",
+  "value": "Красотѣ̀ дв҃ства твоегѡ̀, и҆ пресвѣ́тлой чⷭ҇тотѣ̀ твое́й гаврїи́лъ ᲂу҆диви́всѧ, вопїѧ́ше тѝ, бцⷣе, кꙋ́ю тѝ похвалꙋ̀ принесꙋ̀ досто́йнꙋю, что́ же воз̾именꙋ́ю тѧ̀, недоꙋмѣва́ю и҆ ᲂу҆жаса́юсѧ. Тѣ́мже ꙗ҆́кѡ повелѣ́нъ бы́хъ, вопїю́ ти: ра́дꙋйсѧ, бл҃года́тнаѧ."
+ },
+ {
+  "type": "HEADER",
+  "value": "А҆́ще хра́мъ ст҃ы̑мъ, глаго́лемъ:"
+ },
+ {
+  "type": "HEADER",
+  "value": "Прокі́менъ, гла́съ д҃:"
+ },
+ {
+  "type": "TEXT",
+  "value": "Тебѐ ра́ди, гдⷭ҇и, ᲂу҆мерщвлѧ́еми є҆смы̀ ве́сь де́нь."
+ },
+ {
+  "type": "TEXT",
+  "value": "Сті́хъ: Вмѣни́хомсѧ ꙗ҆́кѡ ѻ҆́вцы заколе́нїѧ."
+ },
+ {
+  "type": "HEADER",
+  "value": "Є҆ѵⷢ҇лїе ѿ матѳе́а, зача́ло л҃ѕ:"
+ },
+ {
+  "type": "HEADER",
+  "value": "По н҃-мъ ѱалмѣ̀ стїхи́ра, гла́съ ѕ҃:"
+ },
+ {
+  "type": "TEXT",
+  "value": "Воскресе́нїѧ хрⷭ҇то́ва и҆́стиннїи свидѣ́тели ꙗ҆ви́шасѧ но́вїи страстоте́рпцы и҆ и҆сповѣ̑дницы, и҆̀мже пра́здникъ се́й соста́вихомъ, ка́кѡ бы ті́и понеслѝ кре́стъ сво́й, а҆́ще не бы зна́ли, ꙗ҆́кѡ недосто́йнїи сꙋ́ть страда̑нїѧ ны́нѣшнѧгѡ вре́мене, къ хотѧ́щей сла́вѣ ꙗ҆ви́тисѧ въ ни́хъ."
+ },
+ {
+  "type": "HEADER",
+  "value": "Да́же до здѣ̀ хра́ма ст҃ы̑мъ."
+ },
+ {
+  "type": "HEADER",
+  "value": "Канѡ́ны: Воскре́сный и҆ бцⷣѣ гла́са. А҆́ще въ недѣ́лю мы́таревꙋ, и҆лѝ блꙋ́днагѡ, и҆лѝ мѧсопꙋ́стнꙋю зрѝ ма́рковꙋ главꙋ̀ і҆аннꙋа́рїа въ г҃-й де́нь. Та́же новомч҃никѡвъ канѡ́нъ пое́мъ и҆зъ ѻ҆́бщей мине́и."
+ },
+ {
+  "type": "HEADER",
+  "value": "По г҃-й пѣ́сни конда́къ, гла́съ г҃:"
+ },
+ {
+  "type": "TEXT",
+  "value": "Дне́сь новомч҃ницы рѡссі́йстїи въ ри́захъ бѣ́лыхъ предстоѧ́тъ а҆́гнцꙋ бж҃їю и҆ со а҆́гг҃лы пѣ́снь побѣ́днꙋю воспѣва́ютъ бг҃ꙋ: бл҃гослове́нїе, и҆ сла́ва, и҆ премꙋ́дрость, и҆ хвала̀, и҆ че́сть, и҆ си́ла, и҆ крѣ́пость на́шемꙋ бг҃ꙋ во вѣ́ки вѣкѡ́въ. А҆ми́нь."
+ },
+ {
+  "type": "HEADER",
+  "value": "И҆́нъ конда́къ, гла́съ в҃:"
+ },
+ {
+  "type": "TEXT",
+  "value": "Но́вїи страстоте́рпцы рѡссі́йстїи, и҆сповѣ́днически по́прище зе́мное прете́кшїи, страда́ньми дерзнове́нїе прїи́мшїи, моли́тесѧ хрⷭ҇тꙋ̀, ва́съ ᲂу҆крѣпи́вшемꙋ, да и҆ мы̀, є҆гда̀ на́йдетъ на ны̀ и҆спыта́нїѧ ча́съ, мꙋ́жества да́ръ бж҃їй воспрїи́мемъ. ѻ҆́бразъ бо є҆стѐ лобыза́ющымъ по́двигъ ва́шъ, ꙗ҆́кѡ ни ско́рбь, ни тѣснота̀, ни сме́рть ѿ любвѐ бж҃їѧ разлꙋчи́ти ва́съ не возмого́ша."
+ },
+ {
+  "type": "TEXT",
+  "value": "І҆́косъ: Є҆гда̀ начина́хꙋсѧ дні́е ѻ҆́гненнагѡ и҆скꙋше́нїѧ цр҃кве рѡссі́йскїѧ и҆ не бл҃говолѝ гдⷭ҇ь прїѧ́ти ѡ҆ на́съ всесожже́нїѧ и҆ же́ртвы, тогда̀ мно́зи а҆рхїерє́и и҆ сщ҃е́нницы не приложи́шасѧ пло́ти и҆ кро́ви, но ᲂу҆разꙋмѣ́вше во́лю гдⷭ҇ню, са́ми себѐ принесо́ша, ꙗ҆́кѡ непоро́чное заколе́нїе. И҆ вслѣ́дъ первосщ҃е́нника вѣ́чнагѡ и҆ хода́таѧ но́вагѡ завѣ́та внидо́ша сі́и во ст҃и́лище съ кро́вїю свое́ю, да ѡ҆чи́стѧтсѧ грѣхѝ людсті́и. Сла́вни сꙋ́ть и҆мена̀ ва̑ша, мꙋ́жественнїи страстоте́рпцы, ѻ҆́бразъ бо на́мъ є҆стѐ, лобыза́ющымъ по́двигъ ва́шъ, ꙗ҆́кѡ ни ско́рбь, ни тѣснота̀, ни сме́рть ѿ любвѐ бж҃їѧ разлꙋчи́ти ва́съ не возмого́ша."
+ },
+ {
+  "type": "HEADER",
+  "value": "Сѣда́ленъ, гла́съ и҃:"
+ },
+ {
+  "type": "TEXT",
+  "value": "Не́мощїю пло́ти на́мъ подобостра́стнїи, дꙋ́хомъ въ мѣ́рꙋ дре́влихъ ѻ҆тцє́въ тща́лисѧ є҆стѐ, ѽ непрекло́ннїи сщ҃енноисповѣ̑дницы рѡссі́йстїи, и҆̀же въ разоре́ннꙋю ѻ҆би́тель солове́цкꙋю и҆ во и҆на̑ѧ мѣста̀ заточе́нїѧ ссыла́емїи. Оу҆множа́ющымсѧ же страда́нїємъ ва́шымъ, и҆збы́точествоваше та́йнѡ и҆ ᲂу҆тѣше́нїе ѿ гдⷭ҇а, и҆́мъ же ны́нѣ и҆́стѣе ᲂу҆тѣша́етесѧ, въ невече́рнїй де́нь дости́гше црⷭ҇твїѧ хрⷭ҇то́ва, въ не́мже не преста́йте мо́лимъ ва́съ, молѧ́щесѧ ѡ҆ сп҃се́нїи дꙋ́шъ на́шихъ."
+ },
+ {
+  "type": "HEADER",
+  "value": "Сла́ва, и҆ ны́нѣ: грѧдꙋ́щагѡ предпра́зднства, гла́съ то́йже:"
+ },
+ {
+  "type": "TEXT",
+  "value": "Ра́дꙋютсѧ новомч҃ницы и҆ и҆сповѣ̑дницы ро́да на́шегѡ, срѣта́юще гдⷭ҇а и҆ влⷣкꙋ своего̀, є҆го́же и҆ногда̀ срѣ́те ст҃ы́й ста́рецъ сѷмеѡ́нъ, прирекі́й: ны́нѣ ѿпꙋща́еши раба̀ твоего̀ влⷣко. Сподо́би, гдⷭ҇и, и҆ на́мъ въ ча́съ и҆схо́да ѿ жи́зни сеѧ̀ вре́менныѧ прощє́ннымъ бы́ти и҆ ѿпꙋщє́ннымъ съ ми́ромъ, моли́твами пречⷭ҇тыѧ влⷣчцы на́шеѧ бг҃оро́дицы и҆ ны́нѣ воспѣва́емыхъ ᲂу҆го́дникѡвъ твои́хъ и҆ всѣ́хъ ст҃ы́хъ."
+ },
+ {
+  "type": "HEADER",
+  "value": "По ѕ҃-й пѣ́сни конда́къ воскре́сный и҆ і҆́косъ є҆гѡ̀. Є҆ѯапостїла́рїй воскре́сенъ:"
+ },
+ {
+  "type": "HEADER",
+  "value": "Сла́ва, свѣти́ленъ ст҃ы̑мъ:"
+ },
+ {
+  "type": "TEXT",
+  "value": "Вельмѝ свѣ́телъ ꙗ҆ви́сѧ на́мъ по́двигъ ва́шъ, ст҃і́и новомч҃ницы и҆ и҆сповѣ̑дницы во дни̑ сїѧ̑, малодꙋ́шїемъ ѡ҆мрачє́нныѧ, ѡ҆скꙋдѣ́ бо вѣ́ра за ᲂу҆множе́нїе беззако́нїй на́шихъ, ѡ҆хладѐ любы̀, поколеба́сѧ наде́жда, до́блесть же ва́ша ѡ҆зарѝ сла́вою но́вою рꙋ́сскꙋю цр҃ковь."
+ },
+ {
+  "type": "HEADER",
+  "value": "И҆ ны́нѣ: бг҃оро́диченъ воскре́сный."
+ },
+ {
+  "type": "HEADER",
+  "value": "На хвали́техъ стїхи̑ры воскре́сны ѻ҆ктѡ́иха, та́же ст҃ы́хъ новомч҃никѡвъ, гла́съ ѕ҃:"
+ },
+ {
+  "type": "TEXT",
+  "value": "Слы́ша стра́шнꙋ вѣ́сть ѡ҆ гоне́нїихъ, на цр҃ковь бж҃їю воздви́гнꙋтыхъ, всерѡссі́йскїй на́шъ собо́ръ, сщ҃е́нный и҆ вели́кїй, во є҆ди́нꙋ мы́сль собо́рнꙋ всѧ̑ совокꙋпѝ и҆ молє́нїѧ ᲂу҆ста́ви ѡ҆ гони́мыхъ и҆ ѡ҆ ᲂу҆бїе́нныхъ и҆сповѣ́дницѣхъ и҆ мч҃ницѣхъ въ де́нь ст҃и́телѧ влади́мїра страда́нїѧ, и҆ сме́рти. Мꙋ́дрствꙋѧй се́й де́нь со цр҃ковїю мꙋ́дрствꙋетъ: дні́е преставле́нїѧ ѿше́дшихъ къ бг҃ꙋ въ мꙋ́кахъ деньмѝ рождества̀ и҆́хъ нарече́ни бы́ша. Сегѡ̀ ра́ди соверша́емъ пра́здникъ се́й, ꙗ҆́кѡ рождество̀ рѡссі́йскихъ но́выхъ страстоте́рпцєвъ."
+ },
+ {
+  "type": "HEADER",
+  "value": "Гла́съ и҃."
+ },
+ {
+  "type": "TEXT",
+  "value": "Ѿреко́шасѧ проси́ти ми́лости ѡ҆сꙋжде́ннїи ѿ безбѡ́жникъ сщ҃е́нницы бж҃їи и҆́хже бл҃гословѝ ст҃ы́й патрїа́рхъ, на мꙋ̑ки и҆ на сме́рть за хрⷭ҇та̀. Є҆гда́ же воꙋ́трїе ведо́ми бы́ша на ка́знь, не вѣ́дѧхꙋ стра́жїе, ка́кѡ срѣ́тшыѧ и҆̀хъ вѣ̑рныѧ ѿгони́ти. Лобыза́хꙋ бо лю́дїе ѡ҆бречє́ннымъ сме́ртникѡмъ и҆ сщ҃е́нныѧ рꙋ́цѣ и҆́хъ и҆ ѡ҆де́жды кра́й, ѻ҆́нѣмъ побѣ́днѡ пою́щымъ: хрⷭ҇то́съ воскре́се и҆зъ ме́ртвыхъ, см҃ртїю сме́рть попра́въ. Гдⷭ҇и мл҃твами сщ҃енномꙋ́ченикѡвъ си́хъ поми́лꙋй на́съ."
+ },
+ {
+  "type": "HEADER",
+  "value": "Гла́съ а҃:"
+ },
+ {
+  "type": "TEXT",
+  "value": "Сті́хъ: Разже́глъ ны̀ є҆сѝ, ꙗ҆́коже разжиза́етсѧ сребро̀. Ѽ сла́внїи новомч҃ницы."
+ },
+ {
+  "type": "TEXT",
+  "value": "Сті́хъ: Воззва́ша првⷣнїи и҆ гдⷭ҇ь ᲂу҆слы́ша и҆̀хъ."
+ },
+ {
+  "type": "TEXT",
+  "value": "Не человѣ́цы сп҃са́ютъ цр҃ковь, и҆ ничто́же по́льзꙋетъ согла́сїе со врагѝ є҆ѧ̀, но цр҃ковь сп҃са́етъ человѣ́ки си́лою хрⷭ҇то́вою, ꙗ҆́коже по́двигъ ва́шъ показа̀. Ѽ непоколеби́мїи новомч҃ницы рѡссі́йстїи, вои́стинꙋ є҆стѐ сла́ва цр҃кве, ѡ҆ не́йже прилѣ́жнѡ моли́тесѧ, да непоколе́блемꙋ ᲂу҆тверди́тъ ю҆̀ хрⷭ҇то́съ."
+ },
+ {
+  "type": "HEADER",
+  "value": "Сла́ва: стїхи́ра є҆ѵⷢ҇льскаѧ."
+ },
+ {
+  "type": "HEADER",
+  "value": "И҆ ны́нѣ: Пребл҃гослове́нна є҆сѝ:"
+ },
+ {
+  "type": "HEADER",
+  "value": "Славосло́вїе вели́кое, тропа́рь воскре́сный, є҆ктєнїѝ и҆ ѿпꙋ́стъ."
+ },
+ {
+  "type": "HEADER",
+  "value": "На лїтꙋргі́и бл҃жє́нны гла́са на ѕ҃ и҆ ст҃ы́хъ новомч҃никѡвъ на д҃:"
+ },
+ {
+  "type": "TEXT",
+  "value": "Помѧнѝ гдⷭ҇и, стра̑шнаѧ мꙋче́нїѧ, и҆́миже ѡ҆ тебѣ̀ пострада́ша страстоте́рпцы но́вїи, ѿ ро́да на́шегѡ ны́нѣ прозѧ́бшїи, и҆ прїимѝ молє́нїѧ и҆́хъ ѡ҆ сп҃се́нїи на́шемъ."
+ },
+ {
+  "type": "TEXT",
+  "value": "Ѿве́рзлъ є҆сѝ, сꙋдїѐ првⷣный, црⷭ҇тво нбⷭ҇ное и҆сповѣ́дникѡмъ цр҃кве рѡссі́йскїѧ. Оу҆слы́ши гдⷭ҇и пра́вдꙋ и҆́хъ, вонмѝ моле́нїю и҆́хъ ѡ҆ сп҃се́нїи дꙋ́шъ на́шихъ."
+ },
+ {
+  "type": "HEADER",
+  "value": "Сла́ва:"
+ },
+ {
+  "type": "TEXT",
+  "value": "Ѽ трⷪ҇це пребжⷭ҇твеннаѧ! Возвратѝ плѣне́нїе на́ше. Вѣ́мы ꙗ҆́кѡ ᲂу҆мно́жишасѧ ꙗ҆́кѡже николи́же пре́жде грѣ́хъ въ странѣ̀ на́шей, но возсїѧ̀ и҆ бл҃года́ть въ по́двизѣ но́выхъ ст҃ы́хъ, и҆̀же и҆ мо́лѧтъ тѧ̀, трист҃ы́й бж҃е, ѡ҆ сп҃се́нїи дꙋ́шъ на́шихъ."
+ },
+ {
+  "type": "HEADER",
+  "value": "И҆ ны́нѣ:"
+ },
+ {
+  "type": "TEXT",
+  "value": "Расточє́нныѧ соберѝ, малодꙋ̑шныѧ возста́ви, ѿре́кшыѧсѧ же ѿ ст҃о́й вѣ́ры призовѝ и҆ ѡ҆братѝ, ѡ҆ бл҃года́тнаѧ и҆ прчⷭ҇таѧ дв҃о марі́е, со ст҃ы́ми новомч҃ники и҆ и҆сповѣ́дники хрⷭ҇та̀ сп҃са ᲂу҆молѧ́ющи ѡ҆ проще́нїи и҆ сп҃се́нїи дꙋ́шъ на́шихъ."
+ },
+ {
+  "type": "HEADER",
+  "value": "По вхо́дѣ тропарѝ по ᲂу҆ста́вꙋ ст҃ы́хъ, и҆мꙋ́щихъ бдѣ́нїе, прилꙋчи́вшихсѧ въ недѣ́лю."
+ },
+ {
+  "type": "HEADER",
+  "value": "А҆́ще же трїѡ́дь, є҆ѵⷢ҇лїе ма́рка, зача́ло а҃."
+ },
+ {
+  "type": "HEADER",
+  "value": "Прокі́менъ гла́са (и҆лѝ трїѡ́ди) и҆ ст҃ы́хъ гла́съ з҃:"
+ },
+ {
+  "type": "TEXT",
+  "value": "Тебѐ ра́ди гдⷭ҇и, ᲂу҆мерщвлѧ́еми є҆смы̀ ве́сь де́нь."
+ },
+ {
+  "type": "HEADER",
+  "value": "А҆пⷭ҇лъ рѧдовы́й и҆ ст҃ы́хъ къ ри́млѧнѡмъ, зача́ло ч҃ѳ."
+ },
+ {
+  "type": "HEADER",
+  "value": "А҆ллилꙋ́їа гла́са и҆ ст҃ы́хъ гла́съ д҃:"
+ },
+ {
+  "type": "TEXT",
+  "value": "Воззва́ша првⷣнїи и҆ гдⷭ҇ь ᲂу҆слы́ша и҆̀хъ и҆ ѿ всѣ́хъ скорбе́й и҆зба́ви и҆̀хъ."
+ },
+ {
+  "type": "HEADER",
+  "value": "Є҆ѵⷢ҇лїе рѧдово́е и҆ ст҃ы́хъ ѿ лꙋкѝ зача́ло р҃ѕ."
+ },
+ {
+  "type": "TEXT",
+  "value": "Прича́стенъ: Хвали́те гдⷭ҇а съ небе́съ:"
+ },
+ {
+  "type": "TEXT",
+  "value": "И҆ ст҃ы́хъ: Ра́дꙋйтесѧ првⷣнїи ѡ҆ гдⷭ҇ѣ:"
+ },
+ {
+  "type": "HEADER",
+  "value": "На моле́бномъ пѣ́нїи то́йже прокі́менъ:"
+ },
+ {
+  "type": "TEXT",
+  "value": "Тебѐ ра́ди, гдⷭ҇и, ᲂу҆мерщвлѧ́еми є҆смы̀ ве́сь де́нь."
+ },
+ {
+  "type": "HEADER",
+  "value": "Є҆ѵⷢ҇лїе ѿ матѳе́а, зача́ло л҃ѕ."
+ }
+]