catarrh/ponomar-pwa
1
0 Fork 0
Code Issues Pull Requests Actions Packages Projects Releases Wiki Activity

enrich ru lives with Chetyi-Minei texts and track static data

Browse Source
This commit is contained in:
catarrh committed 2026-08-01 12:30:55 +03:00
1 parent 69fd5b7460
commit 7dde2168d1
6512 files changed
+1448065 -5
Download Patch File Download Diff File Expand all files Collapse all files

No files matched your search

static/data/shared/menaion-daily/06-28/1.json
+386
View File
@@ -0,0 +1,386 @@
[
{
"type": "HEADER",
"value": "І҆ꙋ́нїа к҃и"
},
{
"type": "HEADER",
"value": "Пренесе́нїе моще́й ст҃ы́хъ и҆ чꙋдотво́рцєвъ безсребрє́нникъ, кѵ́ра и҆ і҆ѡа́нна."
},
{
"type": "HEADER",
"value": "Стїхи̑ры на ѕ҃, гла́съ д҃"
},
{
"type": "TEXT",
"value": "Подо́бенъ: Ꙗ҆́кѡ до́блѧ:"
},
{
"type": "TEXT",
"value": "Дво́ицꙋ почти́мъ мꙋ́чєникъ пѣ́сньми, трⷪ҇ческꙋю и҆мꙋ́щꙋ свѣ́тлость, ѡ҆снова́нїе вѣ́ры, цвѣ́ты дыха́ющыѧ благово́нїе и҆́стинно хрⷭ҇то́ва разꙋмѣ́нїѧ, кѵ́ра всѝ и҆ съ ни́мъ вели́каго і҆ѡа́нна, ꙗ҆́кѡ молѧ́щыѧсѧ непреста́ннѡ ѡ҆ на́съ ко гдⷭ҇ꙋ."
},
{
"type": "TEXT",
"value": "Житїѧ̀ свѣ́тлостїю, и҆ посто́мъ просїѧ́лъ є҆сѝ, и҆ страда́нїемъ по́слѣжде ᲂу҆краси́лъ є҆сѝ твою̀ дꙋ́шꙋ, кѵ́ре сла́вне, во́инство же ѡ҆ста́вилъ є҆сѝ земно́е, мꙋ́дре і҆ѡа́нне, и҆ ѡ҆брѣ́лъ є҆сѝ нбⷭ҇ное, молѧ́ще ѻ҆́ба сп҃са, ѡ҆ блажа́щихъ ва́шꙋ па́мѧть, бл҃же́ннїи."
},
{
"type": "TEXT",
"value": "Вра́чеве показа́стесѧ немощны̑мъ, бл҃же́ннїи, и҆ свѣти́льницы незаходи́мїи бжⷭ҇твенныѧ вѣ́ры, и҆сповѣ́данїѧ соглаго́льницы, мꙋ́ченикѡмъ соприча̑стницы, вѣнцы̀ вои́стиннꙋ ѿ хрⷭ҇та̀ прїи́мше, кѵ́ре сла́вне и҆ мꙋ́дре і҆ѡа́нне, непреста́ннѡ моли́те сп҃са ѡ҆ и҆̀же вѣ́рою пою́щихъ ва́съ."
},
{
"type": "HEADER",
"value": "Сла́ва, гла́съ и҃:"
},
{
"type": "TEXT",
"value": "Дво́ица мч҃никъ дне́сь возсїѧ̀ на́мъ, дꙋшє́вныѧ болѣ̑зни на́шѧ и҆сцѣлѧ́юща, кѵ́ръ и҆ і҆ѡа́ннъ чꙋдодѣ́йственнїи: ѻ҆́въ ᲂу҆́бѡ равноа́гг҃льное ѡ҆блобыза́въ є҆ди́нственное житїѐ, да́же до конца̀ пожи́въ, кро́вїю мч҃ническою присвоѧ́етсѧ хрⷭ҇тꙋ̀: ѻ҆́въ же въ во́инскихъ просїѧ́въ сосло́вїихъ, нбⷭ҇нымъ воинствосло́вїѧмъ градописꙋ́етсѧ. Тѣ́мже и҆ въ па́мѧть и҆́хъ и҆сцѣлє́нїѧ подава́ютъ вѣ́рою соверша́ющымъ, молѧ́щесѧ ѡ҆ дꙋша́хъ на́шихъ."
},
{
"type": "HEADER",
"value": "Крⷭ҇тобг҃оро́диченъ."
},
{
"type": "TEXT",
"value": "Подо́бенъ: Ѽ пресла́внагѡ чꙋдесѐ!"
},
{
"type": "TEXT",
"value": "Не терплю̀, ча́до, ви́дѧщи тѧ̀ на дре́вѣ ᲂу҆снꙋ́вша, бо́дрость всѣ̑мъ подаю́щаго: ꙗ҆́кѡ да дре́вле престꙋпле́нїѧ плодо́мъ, сно́мъ поги́бельнымъ ᲂу҆снꙋ́вшымъ, бжⷭ҇твеннꙋю и҆ спаси́тельнꙋю бо́дрость пода́си, дв҃а глаго́лаше пла́чꙋщисѧ, ю҆́же велича́емъ."
},
{
"type": "HEADER",
"value": "На стїхо́внѣ ѻ҆ктѡ́иха. Сла́ва, гла́съ в҃:"
},
{
"type": "TEXT",
"value": "Прїиди́те, вѣ́рныхъ сосло́вїе дне́сь, пѣ́сньми вѣнча́емъ кѵ́ра со і҆ѡа́нномъ, ра̑ла благода̑тнаѧ, и҆ да́тели просѧ́щымъ незави́стны: многоѻбра́знѣ бо всѣ̑мъ ꙗ҆ви́шасѧ вра́чеве пресвѣ́тлїи. Тѣ́мже и҆ мо́лѧтъ ѡ҆ дꙋша́хъ на́шихъ."
},
{
"type": "HEADER",
"value": "Крⷭ҇тобогоро́диченъ."
},
{
"type": "TEXT",
"value": "Подо́бенъ: Є҆гда̀ ѿ дре́ва:"
},
{
"type": "TEXT",
"value": "Є҆гда̀ нескве́рнаѧ а҆́гница ви́дѣ своего̀ а҆́гнца, на заколе́нїе ꙗ҆́кѡ чл҃вѣ́ка во́лею влеко́ма, пла́чꙋщи гл҃го́лаше: безча́дствовати мѧ̀ ны́нѣ тщи́шисѧ, хрⷭ҇тѐ, ро́ждшꙋю тѧ̀, что̀ сїѐ сотвори́лъ є҆сѝ, и҆зба́вителю всѧ́ческихъ; ѻ҆ба́че воспѣва́ю и҆ сла́влю твою̀, ю҆́же па́че ᲂу҆ма̀ и҆ сло́ва, кра́йнюю бл҃гость, чл҃вѣколю́бче."
},
{
"type": "HEADER",
"value": "Тропа́рь, гла́съ є҃:"
},
{
"type": "TEXT",
"value": "Чꙋдеса̀ ст҃ы́хъ твои́хъ мч҃никъ, стѣ́нꙋ неѡбори́мꙋ на́мъ дарова́вый, хрⷭ҇тѐ бж҃е. Тѣ́хъ моли́твами совѣ́ты ꙗ҆зы́кѡвъ разорѝ, ѻ҆те́чество на́ше ᲂу҆крѣпѝ, ꙗ҆́кѡ є҆ди́нъ бл҃гъ и҆ человѣколю́бецъ."
},
{
"type": "HEADER",
"value": "На ᲂу҆́трени ѻ҆́ба канѡ́на ѻ҆ктѡ́иха: и҆ ст҃ы́хъ канѡ́нъ на ѕ҃. Гла́съ и҃."
},
{
"type": "HEADER",
"value": "Пѣ́снь а҃."
},
{
"type": "TEXT",
"value": "І҆рмо́съ: И҆стрѧ́сшемꙋ въ мо́ри мꙋчи́тельство фараѡ́не, и҆ і҆и҃лѧ сꙋ́шею наста́вльшемꙋ, пои́мъ хрⷭ҇тꙋ̀, ꙗ҆́кѡ просла́висѧ во вѣ́ки."
},
{
"type": "TEXT",
"value": "Показа́вшемꙋ въ мі́рѣ чꙋдотво́рцы и҆ врачѝ, кѵ́ра честна́го и҆ і҆ѡа́нна мꙋ́ченика, всѣ̑мъ цѣлѧ́щѧ стра̑сти бл҃года́тїю, воспое́мъ вѣ́рнїи, и҆ мч҃никѡвъ почти́мъ па́мѧть."
},
{
"type": "TEXT",
"value": "Ѿве́ргшесѧ ны́нѣшнихъ, бꙋ́дꙋщихъ рачи́тели, кровьмѝ и҆́стинномꙋ рачи́телю послѣ́доваша: тѣ́мже въ ра́нахъ стра́ждꙋще, до́блественнѣ терпѧ́хꙋ."
},
{
"type": "TEXT",
"value": "Оу҆крѣ́пльшесѧ дерзнове́нїемъ, и҆ ᲂу҆тве́рждше дꙋ́шꙋ, наꙋчи́вшесѧ ѡ҆ хрⷭ҇тѣ̀, и҆ съ мꙋ́чєники пострада́ша мꙋ́жески, и҆ вѣнцы̀ и҆сплето́ша зако́ннѡ."
},
{
"type": "TEXT",
"value": "Бг҃оро́диченъ: Спаси́ мѧ мт҃и и҆́стины, ѡ҆бꙋрева́ема лю́тѣ ѿ страсте́й, и҆ ча́стѡ погрꙋжа́ема: и҆ напра́ви мѧ̀, чⷭ҇таѧ, ко спасе́нїю ти́хагѡ приста́нища."
},
{
"type": "HEADER",
"value": "Пѣ́снь г҃."
},
{
"type": "TEXT",
"value": "І҆рмо́съ: Нѣ́сть свѧ́тъ, ꙗ҆́кѡ гдⷭ҇ь, и҆ нѣ́сть пра́веденъ ꙗ҆́кѡ бг҃ъ на́шъ, є҆го́же пое́тъ всѧ̀ тва́рь: нѣ́сть пра́веденъ па́че тебє̀, гдⷭ҇и."
},
{
"type": "TEXT",
"value": "Вѣ́рою ѡ҆бостри́лъ є҆сѝ ст҃ы̑ѧ твоѧ̑, хрⷭ҇тѐ, наде́ждею и҆скова́лъ є҆сѝ, любо́вїю разже́глъ є҆сѝ: тремѝ всеѻрꙋ̑жїи треплете́нный вѣне́цъ тѣ̑мъ и҆спле́лъ є҆сѝ."
},
{
"type": "TEXT",
"value": "До́блѣ сопроти́въ ста́ша къ мꙋчи́телємъ нечести̑вымъ непобѣди́мїи мꙋ́чєницы, пре́лести ловлє́нїѧ невре́днѡ преше́дше, хрⷭ҇то́мъ бо воѡрꙋжи́вшесѧ, съ ни́мъ и҆ веселѧ́тсѧ."
},
{
"type": "TEXT",
"value": "Ꙗ҆́кѡ столпы̀ бг҃озда́ннїи, и҆ ѡ҆снова̑нїѧ твє́рдаѧ, на ка́мени водрꙋзи́ша восхождє́нїѧ вѣ́ры, ѿ ка́мене пи́вше во́дꙋ присноживо́тнꙋю, ю҆́же ѿ ча́ши хрⷭ҇то́вы."
},
{
"type": "TEXT",
"value": "Бг҃оро́диченъ: Дх҃ꙋ бы́сть жили́ще чⷭ҇таѧ, прїи́мши и҆сполне́нїе всегѡ̀ бжⷭ҇тва̀ сыно́внѣ, и҆ ро́ждши сп҃са и҆ гдⷭ҇а, и҆ и҆зба́вителѧ ро́да на́шегѡ."
},
{
"type": "HEADER",
"value": "Сѣда́ленъ, гла́съ д҃."
},
{
"type": "TEXT",
"value": "Подо́бенъ: Вознесы́йсѧ:"
},
{
"type": "TEXT",
"value": "До́лꙋ влекꙋ́щыѧ стра̑сти попра́вше, къ мꙋче́нїѧ, страда́льцы, бжⷭ҇твеннѣй высотѣ̀ свѣ́тлѡ вознесо́стесѧ благода́тїю, кѵ́ре и҆ і҆ѡа́нне, вселе́нныѧ свѣти́льницы. Тѣ́мже мо́лимсѧ: тмы̀ грѣхо́вныѧ и҆ недꙋ́гъ и҆зба́вите на́съ, и҆̀же надъ всѣ́ми бг҃а молѧ́ще. Два́жды."
},
{
"type": "HEADER",
"value": "Сла́ва, и҆ ны́нѣ, бг҃оро́диченъ:"
},
{
"type": "TEXT",
"value": "Грѣхолюби́въ сы́й, молю́ тѧ безгрѣ́шнаго бг҃а ро́ждшꙋю, взе́млющаго грѣхѝ мі́ра, пречⷭ҇таѧ, многогрѣ́шнꙋю дꙋ́шꙋ мою̀ ᲂу҆ще́дрити, и҆ грѣхѝ моѧ̑ мнѡ́гїѧ ѡ҆чи́стити: грѣ̑шнымъ бо ты̀ є҆сѝ ѡ҆чище́нїе, и҆ спасе́нїе вѣ̑рнымъ и҆ застꙋпле́нїе."
},
{
"type": "TEXT",
"value": "Крⷭ҇тобг҃оро́диченъ: И҆́же ѿ безнача́льнагѡ ѻ҆ц҃а̀ рожде́ннаго, напослѣ́докъ тѧ̀ пло́тїю ро́ждшаѧ, на крⷭ҇тѣ̀ ви́сѧща зрѧ́щи, хрⷭ҇тѐ, ᲂу҆вы̀ мнѣ̀, любе́знѣйшїй і҆и҃се, вопїѧ́ше: ка́кѡ сла́вимый, ꙗ҆́кѡ бг҃ъ ѿ а҆́гг҃лъ, ѿ беззако́нныхъ ны́нѣ человѣ̑къ, сн҃е, хотѧ̀ распина́ешисѧ; пою́ тѧ, долготерпѣли́ве."
},
{
"type": "HEADER",
"value": "Пѣ́снь д҃."
},
{
"type": "TEXT",
"value": "І҆рмо́съ: И҆зъ горы̀ приѡсѣне́нныѧ, сло́ве, прⷪ҇ро́къ, є҆ди́ныѧ бцⷣы, хотѧ́ща воплоти́тисѧ, бг҃ови́днѡ ᲂу҆смотрѝ, и҆ со стра́хомъ славосло́вѧше си́лꙋ твою̀."
},
{
"type": "TEXT",
"value": "Тѣ́ло и҆ дꙋ́шꙋ и҆ ᲂу҆́мъ, и҆ сердє́чнаѧ всѧ̑, хрⷭ҇тꙋ̀ пожро́сте вѣ́рою, и҆ мꙋчи́телей сꙋровство̀ побѣ́ждше, зако́ннѡ свѧті́и вѣнча́стесѧ."
},
{
"type": "TEXT",
"value": "Мечꙋ̀ и҆ ѻ҆гню̀ тѣ́ло преда́вше, жє́ртвы прїѧ̑тны бы́сте бг҃ꙋ, и҆ въ воню̀ благоꙋха́нїѧ на трапе́зѣ та́йнѣ принесо́стесѧ."
},
{
"type": "TEXT",
"value": "Неꙋгаси́ма зарѧ̀ возсїѧ̀ мі́рꙋ, мѡ́щи твои́хъ мч҃никъ, благодѣ́телю: є҆́юже ѿгна́сѧ тма̀ неразꙋ́мїѧ, и҆ въ тоѧ̀ мѣ́сто введе́сѧ бг҃оразꙋ́мїе."
},
{
"type": "TEXT",
"value": "Бг҃оро́диченъ: Влⷣчце чⷭ҇таѧ, сло́ва бжⷭ҇твеннагѡ двє́ри, цр҃кви твое́й совокꙋ́плєнныѧ, и҆ тѧ̀ пречⷭ҇тꙋю пѣ́сньми хва́лѧщыѧ, покры́й и҆ соблюдѝ ѿ всѧ́кихъ ѕѡ́лъ."
},
{
"type": "HEADER",
"value": "Пѣ́снь є҃."
},
{
"type": "TEXT",
"value": "І҆рмо́съ: Оу҆́тренююще вопїе́мъ тѝ, гдⷭ҇и, спаси́ ны: ты́ бо є҆сѝ бг҃ъ на́шъ, ра́звѣ тебє̀ и҆но́гѡ не вѣ́мы."
},
{
"type": "TEXT",
"value": "Спꙋ́тники дѣ́вы стѧжа́вше страстоте́рпцы, взѧ́сте соверше́нный вѣне́цъ побѣ́ды ра́дꙋющесѧ."
},
{
"type": "TEXT",
"value": "Бжⷭ҇твеннагѡ сїѧ́нїѧ заре́ю просвѣ́щшесѧ, мꙋ́ченицы прехва́льнїи, и҆ при́снѡ мі́ръ просвѣща́ете."
},
{
"type": "TEXT",
"value": "Страстє́мъ гдⷭ҇нимъ подо́бѧщесѧ, страстоте́рпцы, болѣ̑зни претерпѣ́сте, доблемꙋ́дреннѡ непобѣди́мїи."
},
{
"type": "TEXT",
"value": "Бг҃оро́диченъ: Оу҆ти́ши непостоѧ́ннꙋю бꙋ́рю страсте́й мои́хъ, ꙗ҆́же бг҃а ро́ждши ко́рмчїю и҆ гдⷭ҇а."
},
{
"type": "HEADER",
"value": "Пѣ́снь ѕ҃."
},
{
"type": "TEXT",
"value": "І҆рмо́съ: Ри́зꙋ мнѣ̀ пода́ждь свѣ́тлꙋ, ѡ҆дѣѧ́йсѧ свѣ́томъ, ꙗ҆́кѡ ри́зою многомлⷭ҇тиве хрⷭ҇тѐ бж҃е на́шъ."
},
{
"type": "TEXT",
"value": "Бронѧ́ми вѣ́ры до́брѣ воѡрꙋжи́вшесѧ, мч҃ницы, тве́рдѡ ᲂу҆ѧзви́сте сопротивобо́рца врага̀ и҆ сꙋпоста́та."
},
{
"type": "TEXT",
"value": "Па́мѧть ст҃ы́хъ твои́хъ, хрⷭ҇тѐ, въ пѣ́снехъ сла́вимъ, и҆ тебѣ̀ бг҃ꙋ на́шемꙋ поклоне́нїе вѣ́рою прино́симъ."
},
{
"type": "TEXT",
"value": "Страсте́мъ твои̑мъ ревнова́вше, хрⷭ҇тѐ, сла́внїи мч҃ницы, мꙋчє́нїѧ претерпѣ́ша: и҆́хже моли́твами, бж҃е, спасѝ всѣ́хъ на́съ."
},
{
"type": "TEXT",
"value": "Бг҃оро́диченъ: Цр҃ковь тѧ̀ бж҃їю и҆ ковче́гъ, и҆ черто́гъ ѡ҆дꙋшевле́нъ, и҆ две́рь нбⷭ҇нꙋю, бцⷣе, вѣ́рнїи возвѣща́емъ."
},
{
"type": "HEADER",
"value": "Конда́къ, гла́съ г҃."
},
{
"type": "TEXT",
"value": "Подо́бенъ: Дв҃а дне́сь:"
},
{
"type": "TEXT",
"value": "Ѿ бжⷭ҇твенныѧ благода́ти да́ръ чꙋде́съ воспрїе́мше свѧті́и, чꙋдодѣ́йствꙋете въ мі́рѣ непреста́ннѡ, всѧ̑ на́шѧ стра̑сти рꙋкодѣ́йствїемъ и҆зсѣца́юще неви́димѡ, кѵ́ре бг҃омꙋ́дре со і҆ѡа́нномъ сла́внымъ: вы́ бо сꙋ́щнѣ бжⷭ҇твеннїи вра́чеве є҆стѐ."
},
{
"type": "TEXT",
"value": "І҆́косъ: Са́ми себѐ бг҃ꙋ возло́жше, свѧті́и, всѐ и҆скꙋше́нїе лю́тое є҆гѡ̀ ра́ди претерпѣ́сте, ᲂу҆ме́рше ᲂу҆се́рднѡ мꙋ́ченицы до́блїи, и҆ по кончи́нѣ всѣ̑мъ и҆сточа́ете бжⷭ҇твєннаѧ дарова̑нїѧ, сꙋ́щымъ въ разли́чныхъ недꙋ́зѣхъ, и҆ ѿ мно́гихъ и҆сцѣлѧ́ете ѕѡ́лъ, ѿ ни́хже є҆ди́нъ и҆ пе́рвый є҆́смь а҆́зъ ѻ҆каѧ́нный: тѣ́ломъ бо и҆ дꙋше́ю ѿ ꙗ҆́звъ лю́тыхъ болю̀, и҆ вѣ́рою ва́мъ вопїю̀: и҆сцѣли́те мѧ̀, вы́ бо бжⷭ҇твеннїи вра́чеве є҆стѐ."
},
{
"type": "HEADER",
"value": "Пѣ́снь з҃."
},
{
"type": "TEXT",
"value": "І҆рмо́съ: А҆́гг҃ломъ ѻ҆́троки и҆зъ ѻ҆гнѧ̀ спасы́й, и҆ гремѧ́щꙋю пе́щь преложивы́й на ро́сꙋ, бл҃гослове́нъ є҆сѝ, бж҃е ѻ҆тє́цъ на́шихъ."
},
{
"type": "TEXT",
"value": "Нбⷭ҇ныѧ сла́вы рачи́тели бы́вше страда́льцы твоѝ, гдⷭ҇и, кѵ́ръ и҆ і҆ѡа́ннъ, вре́меннꙋю и҆ тлѣ́ющꙋю сла́вꙋ ѡ҆ста́виша."
},
{
"type": "TEXT",
"value": "Ꙗ҆́кѡ слове́снꙋю же́ртвꙋ преда́вше тѣ́ло, и҆ ꙗ҆́кѡ слꙋже́нїе и҆злива́юще тебѣ̀ бг҃ꙋ кро́вь, страда́льцы твоѝ, і҆и҃се, всесожже́ни бы́ша."
},
{
"type": "TEXT",
"value": "Ꙗ҆́кѡ стра́шенъ є҆́сть мꙋ́ченикѡвъ собо́ръ, ꙗ҆́кѡ и҆ по сме́рти дꙋ́хи прогонѧ́етъ, и҆ недꙋ́гꙋющымъ и҆сцѣле́нїе подава́етъ."
},
{
"type": "TEXT",
"value": "Бг҃оро́диченъ: Па́че вины̀ ражда́еши всѧ́ческихъ вино́внаго, премно́гою бла́гостїю чл҃вѣ́ка бы́вша: тѣ́мже согла́снѡ тѧ̀, чⷭ҇таѧ, ᲂу҆блажа́емъ."
},
{
"type": "HEADER",
"value": "Пѣ́снь и҃."
},
{
"type": "TEXT",
"value": "І҆рмо́съ: Ѿ ѻ҆ц҃а̀ пре́жде вѣ̑къ рожде́ннаго, и҆ ѿ мт҃ре въ послѣ̑днѧѧ воплоще́ннаго, свѧще́нницы благослови́те, лю́дїе превозноси́те во всѧ̑ вѣ́ки."
},
{
"type": "TEXT",
"value": "Ѡ҆ і҆́дѡльскихъ негодова́вше же́ртвахъ, дꙋхѡ́вны принесо́ша себѐ жє́ртвы на нбⷭ҇нѣй трапе́зѣ, до́блїи мꙋче́нїемъ."
},
{
"type": "TEXT",
"value": "Та̑йныѧ слꙋ̑жбы свѧщеннодѣ́йствꙋюще, ѿсѣче́нїе ᲂу҆дѡ́въ томꙋ̀ принесо́ша, ꙗ҆́кѡ прїѧ̑тныѧ жє́ртвы, тѣ́ло и҆ кро́вь на трапе́зѣ и҆ ча́ши."
},
{
"type": "TEXT",
"value": "Запина́телѧ прама́тере ᲂу҆таи́вшесѧ, пи́щный ѡ҆б̾ѧ́сте пото́къ, и҆ ѿ бжⷭ҇твеннагѡ дре́ва вкꙋси́сте дѣви̑цы, страда́ньми ᲂу҆краси́вшесѧ."
},
{
"type": "TEXT",
"value": "Бг҃оро́диченъ: Прорѡ́къ проречє́нїѧ, прест҃а́ѧ, въ тебѣ̀ коне́цъ прїѧ́ша бжⷭ҇твенный, мі́ръ ве́сь до́лжнѡ тѧ̀ пѣ́ти, чⷭ҇таѧ, ᲂу҆бѣжда́ютъ."
},
{
"type": "HEADER",
"value": "Пѣ́снь ѳ҃."
},
{
"type": "TEXT",
"value": "І҆рмо́съ: Велича́емъ тѧ̀ мт҃рь бж҃їю, и҆ сла́вимъ тѧ̀, бцⷣе дв҃о, ꙗ҆́кѡ сп҃са ро́ждшꙋю дꙋ́шъ на́шихъ."
},
{
"type": "TEXT",
"value": "Хрⷭ҇тѡ́вы ѻ҆рꙋ́жницы, недꙋ́гꙋющымъ вра́чеве, кѵ́ръ и҆ і҆ѡа́ннъ, чꙋде́съ бл҃года́ть ѿ бг҃а прїе́мше, и҆сцѣлѧ́ютъ всѣ́хъ на́съ."
},
{
"type": "TEXT",
"value": "Дꙋшє́внаѧ стра̑сти, предста́вше кѵ́ръ и҆ і҆ѡа́ннъ, до конца̀ ѿгонѧ́ютъ вѣ́рою, и҆ си́лою хрⷭ҇то́вою, непобѣди́мїи."
},
{
"type": "TEXT",
"value": "Бж҃е зижди́телю, є҆го́же проповѣ́даша и҆ногда̀ кѵ́ръ и҆ і҆ѡа́ннъ, творѧ́щыѧ па́мѧть тѣ́хъ мꙋче́нїѧ всѧ̑ ᲂу҆ще́дри."
},
{
"type": "TEXT",
"value": "Бг҃оро́диченъ: Мт҃рь всѝ бг҃а на́шегѡ бжⷭ҇твеннѡ почти́мъ: тоѧ́ бо ра́ди вы́шнїѧ сподо́бихомсѧ че́сти, воспѣва́ющїи ю҆̀."
},
{
"type": "HEADER",
"value": "Свѣти́ленъ."
},
{
"type": "TEXT",
"value": "Подо́бенъ: Нб҃о ѕвѣзда́ми:"
},
{
"type": "TEXT",
"value": "Чꙋдодѣ́йственнїи свѣти́льницы, кѵ́ре со і҆ѡа́нномъ, дꙋшє́вныѧ на́шѧ недꙋ́ги и҆ тѣлє́сныѧ и҆сцѣли́те, ѿ гдⷭ҇а прїе́мше благода́ть и҆сцѣле́нїй."
},
{
"type": "TEXT",
"value": "Бг҃оро́диченъ: И҆́же ѿ бг҃а мі́рꙋ пода̑ннымъ благи̑мъ ты̀ вина̀ была̀ є҆сѝ, бцⷣе: но и҆ ны́нѣ молѝ ѡ҆ ѻ҆́бщемъ спасе́нїи благопремѣ́ннаго бг҃а."
},
{
"type": "HEADER",
"value": "На стїхо́внѣ ѻ҆ктѡ́иха. Сла́ва, гла́съ д҃:"
},
{
"type": "TEXT",
"value": "Достохва́льными пѣ́сньми вѣ́рнїи возвели́чимъ кѵ́ра и҆ і҆ѡа́нна, и҆̀же дꙋ́хомъ є҆динокрѡ́вныѧ, и҆ по пло́ти братомꙋ̑дрыѧ: съ ни́миже а҆ѳана́сїю до́блюю похвалѧ́юще, и҆ прозѧбе́нїе є҆ѧ̀, ѳеодо́тїю, є҆ѵдоѯі́ю и҆ ѳеокті́стꙋ, страстотє́рпицы и҆ приснодѣ́вы, молѧ́щыѧ хрⷭ҇та̀ ѡ҆ дꙋша́хъ на́шихъ."
},
{
"type": "HEADER",
"value": "Крⷭ҇тобг҃оро́диченъ."
},
{
"type": "TEXT",
"value": "Подо́бенъ: Ꙗ҆́кѡ до́блѧ:"
},
{
"type": "TEXT",
"value": "Распина́ема хрⷭ҇та̀ чл҃вѣколю́бца ви́дѧщи пречⷭ҇таѧ, и҆ ре́бра и҆скопава́ема копїе́мъ, пла́чꙋщи вопїѧ́ше: что̀ сїѐ, сн҃е мо́й; что́ ти безблагода́тнїи лю́дїе возда́ша, за ꙗ҆̀же сотвори́лъ є҆сѝ дѡ́браѧ и҆̀мъ, и҆ тщи́шисѧ безча́дствовати мѧ̀, вселюбе́знѣйшїй; ᲂу҆дивлѧ́юсѧ, бл҃гоꙋтро́бне, твоемꙋ̀ во́льномꙋ распѧ́тїю."
},
{
"type": "HEADER",
"value": "На лїтꙋргі́и, бл҃жє́нна ѻ҆ктѡ́иха: И҆ ст҃ы́хъ, пѣ́снь г҃."
},
{
"type": "HEADER",
"value": "Прокі́менъ, гла́съ д҃:"
},
{
"type": "TEXT",
"value": "Ст҃ы̑мъ, и҆̀же сꙋ́ть на землѝ є҆гѡ̀:"
},
{
"type": "TEXT",
"value": "Сті́хъ: Предзрѣ́хъ гдⷭ҇а предо мно́ю вы́нꙋ:"
},
{
"type": "HEADER",
"value": "А҆пⷭ҇лъ, къ корі́нѳѧнѡмъ, зача́ло рн҃г."
},
{
"type": "TEXT",
"value": "А҆ллилꙋ́їа, гла́съ д҃: Воззва́ша пра́веднїи:"
},
{
"type": "TEXT",
"value": "Сті́хъ: Мнѡ́ги скѡ́рби пра́вєднымъ:"
},
{
"type": "HEADER",
"value": "Є҆ѵⷢ҇лїе матѳе́а, зача́ло л҃д ѿ полꙋ̀."
},
{
"type": "TEXT",
"value": "Прича́стенъ: Ра́дꙋйтесѧ, пра́веднїи, ѡ҆ гдⷭ҇ѣ."
}
]
static/data/shared/menaion-daily/06-28/2.json
+666
View File
@@ -0,0 +1,666 @@
[
{
"type": "HEADER",
"value": "І҆ꙋ́нїа к҃и"
},
{
"type": "HEADER",
"value": "Прпⷣбныхъ ѻ҆ц҃ъ на́шихъ се́ргїа и҆ ге́рмана, валаа́мскихъ чꙋдотво́рцевъ."
},
{
"type": "HEADER",
"value": "На ма́лѣй вече́рни, стїхи̑ры на д҃. Гла́съ а҃."
},
{
"type": "TEXT",
"value": "Подо́бенъ: Нбⷭ҇ныхъ чинѡ́въ:"
},
{
"type": "TEXT",
"value": "Нбⷭ҇ныхъ чинѡ́въ зри́телей, и҆ свѣ́томъ трисо́лнечнымъ въ ра́йскомъ селе́нїи ѡ҆сїѧва́емыхъ, всесвѣ́тлыхъ свѣти́льникѡвъ на́шихъ се́ргїа и҆ ге́рмана, въ земно́мъ селе́нїи и҆́хъ наста̀ де́нь свѣ́тлагѡ торжества̀."
},
{
"type": "TEXT",
"value": "Сра́дꙋйтесѧ на́мъ всѐ вѣ́рныхъ мно́жество, сликовствꙋ́йте го́ры и҆ хо́лми, мо́ре и҆ всѧ̑ ꙗ҆̀же въ не́мъ, въ свѣтоно́сный де́нь па́мѧти ди́вныхъ по́стникѡвъ, на гора́хъ си́хъ ꙗ҆́кѡ фі́нїѯы процвѣ́тшихъ."
},
{
"type": "TEXT",
"value": "Мїрскі̑ѧ сла́дѡсти и҆ грѣхѡ́вныѧ стра̑сти мꙋ́жески попра́вше, ѻ҆ц҃ы̀ бг҃оно́снїи, и҆ въ тѣ́сномъ житїѝ дꙋ́шы своѧ̑ ѡ҆чи́стивше, въ бл҃года́тный ра́й внидо́ша, плоды̀ безсме́ртїѧ вкꙋша́ютъ, и҆ сла́дость вѣ́чныѧ жи́зни."
},
{
"type": "TEXT",
"value": "На тве́рди мы́сленной, во ѻ҆би́тели се́й ꙗ҆́кѡ двѣ̀ пресвѣ̑тлыѧ ѕвѣзды̑, се́ргїй ди́вный и҆ ге́рманъ чꙋ́дный, добродѣ́тельми возсїѧ́ша и҆ чꙋде́съ свѣ́тлостїю: и҆́хже свѣ́тъ сла́вы пребꙋ́детъ въ ро́дъ и҆ ро́дъ."
},
{
"type": "HEADER",
"value": "Сла́ва, гла́съ г҃:"
},
{
"type": "TEXT",
"value": "По́стникѡвъ торжество̀, по́стнически пра́зднꙋемъ: бѣжи́мъ грѣхо́вныхъ страсте́й, невоздержа́нїѧ, тщесла́вїѧ и҆ горды́ни, гнѣ́ва, не́нависти и҆ ѕло́бы: посто́мъ же, смире́нїемъ и҆ братолю́бїемъ, почти́мъ ѻ҆ц҃є́въ чⷭ҇тнꙋ́ю па́мѧть, да ра́дости и҆́хъ въ торжествѣ̀ премі́рномъ прича̑стницы всѝ бы́ти сподо́бимсѧ."
},
{
"type": "HEADER",
"value": "И҆ ны́нѣ, бг҃оро́диченъ, гла́съ то́йже:"
},
{
"type": "TEXT",
"value": "Безсѣ́меннѡ заче́ншаѧ, и҆ безстра́стнѡ роди́вшаѧ бг҃а сло́ва, хрїстїа́нъ предста́тельнице, бцⷣе влⷣчце къ тебѣ̀ припа́даемъ, тѧ̀ пое́мъ и҆ славосло́вимъ и҆ тебѣ̀ всѝ мо́лимсѧ со слеза́ми: воззрѝ на на́съ милосе́рдымъ ѻ҆́комъ, ѿ и҆́га страсте́й и҆зба́ви на́съ, и҆ безстра́стїе да́рꙋй дꙋша́мъ на́шымъ."
},
{
"type": "HEADER",
"value": "На стїхо́внѣ стїхи̑ры, гла́съ в҃."
},
{
"type": "TEXT",
"value": "Подо́бенъ: До́ме є҆ѵфра́ѳовъ:"
},
{
"type": "TEXT",
"value": "До́мъ ст҃о́мꙋ дх҃ꙋ ст҃ъ и҆ чⷭ҇тенъ сотво́рше себѐ ст҃і́и ѻ҆ц҃ы̀, добродѣ́тельными дѣѧ́нми и҆ чꙋде́съ дарова́нми ѡ҆богати́шасѧ."
},
{
"type": "TEXT",
"value": "Сті́хъ: Чⷭ҇тна̀ пред̾ гдⷭ҇емъ сме́рть прпⷣбныхъ є҆гѡ̀."
},
{
"type": "TEXT",
"value": "Цвѣ́ти ра́йстїи процвѣто́ша на́мъ, преподо́бнїи, по́стническихъ трꙋдѡ́въ по́тами, ѡ҆бл҃гоꙋха́ющыѧ всѣ́хъ на́съ."
},
{
"type": "TEXT",
"value": "Сті́хъ: Восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ."
},
{
"type": "TEXT",
"value": "Два̀ чꙋде́съ и҆сто́чника, се́ргїа и҆ ге́рмана дарова̀ се́й ѻ҆би́тели ди́вный во ст҃ы́хъ гдⷭ҇ь, въ наслажде́нїе вѣ́рнѡ чтꙋ́щымъ ст҃ꙋ́ю па́мѧть и҆́хъ."
},
{
"type": "HEADER",
"value": "Сла́ва, гла́съ є҃:"
},
{
"type": "TEXT",
"value": "А҆́гг҃лѡвъ чинонача̑лїѧ преподо́бныхъ премі́рное торжество̀, возсїѧ̀ на́мъ въ па́мѧти преподо́бныхъ ѻ҆ц҃ъ се́ргїа и҆ ге́рмана, презрѣ́вшихъ зємна́ѧ, да наслѣ́дѧтъ нбⷭ҇наѧ: попра́вшихъ плѡтска́ѧ, да воспрїи́мꙋтъ дх҃ѡ́внаѧ: и҆̀мже и҆ мздꙋ̀ вѣ́рныхъ рабѡ́въ гдⷭ҇ь дарова̀, на землѝ и҆ на нб҃сѣ́хъ просла́ви."
},
{
"type": "HEADER",
"value": "И҆ ны́нѣ, бг҃оро́диченъ, гла́съ то́йже:"
},
{
"type": "TEXT",
"value": "Мы́сленнаѧ ста́мно, носи́вшаѧ во чре́вѣ маннода́вца хрⷭ҇та̀, бцⷣе дв҃о! Того̀ молѝ прилѣ́жнѡ, ѿ го́рькїѧ страсте́й рабо́ты и҆зба́вити на́съ, и҆ въ пꙋсты́нѣ безстра́стїѧ, дх҃о́вныѧ ма́нны всѣ́хъ прича́стникѡвъ сотвори́ти, ѿ всѣ́хъ ѕѡ́лъ спастѝ, и҆ просвѣти́ти дꙋ́шы на́шѧ."
},
{
"type": "HEADER",
"value": "Тропа́рь, гла́съ д҃:"
},
{
"type": "TEXT",
"value": "Є҆ѵⷢ҇лїа хрⷭ҇то́ва и҆́стиннїи послꙋ̑шницы ꙗ҆ви́стесѧ преподо́бнїи, мі́ръ и҆ всѧ̑, ꙗ҆̀же въ не́мъ, ꙗ҆́кѡ не сꙋ̑щаѧ преѡби́дѣвше любвѐ ра́ди хрⷭ҇то́вы, и҆ въ морскі́й ѻ҆́стровъ всели́стесѧ, и҆ трꙋдолю́бнѡ въ не́мъ проти́вꙋ неви́димыхъ врагѡ́въ ко́знемъ подвиза́стесѧ, посто́мъ, бдѣ́нїемъ же и҆ всено́щнымъ стоѧ́нїемъ плѡ́ти своѧ̑ дх҃ꙋ мꙋ́дрѣ повинꙋ́ли є҆стѐ. Сегѡ̀ ра́ди ѿ вседержи́тельныѧ десни́цы достѡ́йныѧ вѣнцы̀ прїѧ́ли є҆стѐ, и҆ ны́нѣ прест҃ѣ́й трⷪ҇цѣ предстоѧ́ще, моли́тесѧ всебл҃же́ннїи ѻ҆ц҃ы̀ се́ргїе и҆ ге́рмане, сохрани́тисѧ въ ми́рѣ странѣ̀ на́шей, и҆ спасти́сѧ дꙋша́мъ на́шымъ."
},
{
"type": "HEADER",
"value": "И҆́нъ тропа́рь, гла́съ а҃:"
},
{
"type": "TEXT",
"value": "Ѿ мїрскі́ѧ молвы̀ бѣ́гающе, безмо́лвїѧ и҆ бл҃гоче́стїѧ рачи́тели, въ ти́хое приста́нище валаа́ма, ѿ восто́ка прїидо́сте, и҆ въ не́мъ є҆ѵⷢ҇льски хрⷭ҇тꙋ̀ добродѣ́тельми послѣ́дꙋюще, на ве́рхъ соверше́нства востеклѝ є҆стѐ: и҆ ны́нѣ въ торжествѣ̀ премі́рномъ бг҃озрѣ́нїемъ наслажда́ющесѧ, всебл҃же́ннїи ѻ҆ц҃ы̀ се́ргїе и҆ ге́рмане, чл҃вѣколю́бца бг҃а моли́те, є҆́же спастѝ всѣ́хъ на́съ, бл҃гоче́стнѡ ва́съ почита́ющихъ."
},
{
"type": "HEADER",
"value": "Сла́ва, и҆ ны́нѣ, бг҃оро́диченъ, гла́съ а҃."
},
{
"type": "HEADER",
"value": "На вели́цѣй вече́рни: Бл҃же́нъ мꙋ́жъ: а҃-й а҆нтїфѡ́нъ. На Гдⷭ҇и воззва́хъ: стїхи̑ры на и҃, гла́съ и҃:"
},
{
"type": "TEXT",
"value": "Ѽ пресла́внагѡ чꙋдесѐ! Мі́ра жи́тели, се́ргїй и҆ ге́рманъ, ко хрⷭ҇тꙋ̀ любо́вїю распали́вшесѧ, мі́ръ и҆ мїроде́ржца кꙋ́пнѡ доблемꙋ́дреннѡ побѣжда́ютъ, и҆ добродѣ́телей лѣ́ствицею къ соверше́нствꙋ житїѧ̀ є҆ѵⷢ҇льскагѡ восхо́дѧтъ: и҆̀хже ꙗ҆́кѡ свѣти̑ла вє́лїѧ пꙋсты́ни се́й хрⷭ҇то́съ бг҃ъ дарова̀, свѣ́томъ дѣ́лъ и҆́хъ ѡ҆зарѧ́ѧ дꙋ́шы на́шѧ."
},
{
"type": "TEXT",
"value": "Ѽ ди́внагѡ мꙋ́жества! Многостра́стной пло́ти не щадѧ́тъ ст҃і́и, но ꙗ҆́кѡ на врага̀ возстаю́тъ, распина́юще со со страстьмѝ и҆ похотьмѝ, и҆ покарѧ́юще дꙋ́хови. Тѣ́мъ нетлѣ̑нныѧ да́ры ѿ хрⷭ҇та̀ прїе́млютъ, ѿ земны́хъ къ нбⷭ҇нымъ прехо́дѧтъ, ѿ а҆́гг҃лъ и҆ чл҃вѣ̑къ прославлѧ́ютсѧ."
},
{
"type": "TEXT",
"value": "Ѽ столпѝ ѡ҆дꙋшевле́ннїи, се́ргїе и҆ ге́рмане, добродѣ́тельми ᲂу҆кра́шеннїи, ка́кѡ ва́съ по достоѧ́нїю воспое́мъ въ пѣ́снехъ; предѣ́лъ бо є҆стества̀ преше́дше, во пло́ти а҆́гг҃ли показа́стесѧ, житїю̀ безпло́тныхъ подража́юще. Тѣ́мъ ꙗ҆́кѡ по́стникѡвъ ᲂу҆добре́нїе, и҆ нбⷭ҇нагѡ сїѡ́на жи́телей, хода́таєвъ и҆ мл҃твенникѡвъ ко гдⷭ҇ꙋ, при́снѡ ва́съ ᲂу҆бл҃жа́емъ."
},
{
"type": "TEXT",
"value": "Ꙗ҆́кѡ ма̑слины плодови̑ты въ домꙋ̀ бж҃їи возрасто́ша: ꙗ҆́коже фі́нїѯы, добродѣ́тельми процвѣто́ша на́мъ прпⷣбнїи: и҆ ꙗ҆́кѡ сосꙋ́ди ст҃а́гѡ дх҃а, не зла́томъ, но дарова́нми бж҃е́ственными ᲂу҆краси́шасѧ. И҆́хже пра́зднꙋюще па́мѧть, ѽ празднолю́бцы житїю̀ и҆́хъ подража́имъ, ꙗ҆́кѡ да сподо́битъ на́съ бг҃ъ слы́шати съ ни́ми гла́съ пра́зднꙋющихъ въ нбⷭ҇номъ сїѡ́нѣ."
},
{
"type": "HEADER",
"value": "Сла́ва, гла́съ ѕ҃:"
},
{
"type": "TEXT",
"value": "Сла́вимъ тѧ̀ трїѷпоста́сный бж҃е, тво́рче нб҃сѐ и҆ землѝ ꙗ҆́кѡ дарова́лъ є҆сѝ на́мъ во ѻ҆́бразъ бл҃гоꙋгожда́ти тебѣ̀, тобо́ю и҆збра́нныхъ по́стникѡвъ, всебл҃же́нныхъ ѻ҆ц҃є́въ на́шихъ се́ргїа и҆ ге́рмана: и҆́хъ же любы̀ къ тебѣ̀ бы́сть неразлꙋ́чна, сою́зъ братолю́бїѧ и҆́стиненъ, мл҃тва непреста́нна, пра́ва кро́тость, сле́зъ стрꙋи̑ приснотекꙋ́щыѧ, по́стъ, бдѣ́нїе, и҆ трꙋды̀ є҆стества̀ предѣ́лъ превосходѧ́щыѧ. Тѣ́мъ же ᲂу҆́мъ и҆ се́рдце пред̾ѡчи́стивше, ѿ землѝ на нб҃о восхо́дѧтъ, и҆ ны́нѣ въ вѣ́чной сла́вѣ тебѐ со а҆́гг҃лы славосло́вѧтъ. Тѣ́хъ моли́твами, влⷣко чл҃вѣколю́бче побѣ̑ды на́мъ на сꙋпоста́ты да́рꙋй, мі́рꙋ ми́ръ ниспослѝ и҆ дꙋша́мъ на́шымъ ве́лїю млⷭ҇ть."
},
{
"type": "HEADER",
"value": "И҆ ны́нѣ, бг҃оро́диченъ:"
},
{
"type": "TEXT",
"value": "Кто̀ тебѐ не ᲂу҆бл҃жи́тъ:"
},
{
"type": "HEADER",
"value": "Вхо́дъ. Прокі́менъ днѐ. Чтє́нїѧ преподо́бничєскїѧ трѝ."
},
{
"type": "HEADER",
"value": "Премꙋ́дрости соломѡ́новы чте́нїе."
},
{
"type": "TEXT",
"value": "Првⷣныхъ дꙋ́ши въ рꙋцѣ̀ бж҃їей, и҆ не прико́снетсѧ и҆̀мъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ, и҆ є҆́же ѡ҆ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. И҆́бо пред̾ лице́мъ чл҃вѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀ и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ, и҆скꙋсѝ и҆̀хъ и҆, ꙗ҆́кѡ всепло́дїе же́ртвенное, прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ и҆, ꙗ҆́кѡ и҆́скры по сте́блїю, потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀, ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀ и҆ посѣще́нїе во и҆збра́нныхъ є҆гѡ̀."
},
{
"type": "HEADER",
"value": "Премꙋ́дрости соломѡ́новы чте́нїе."
},
{
"type": "TEXT",
"value": "Првⷣницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе бл҃голѣ́пїѧ и҆ вѣне́цъ добро́ты ѿ рꙋкѝ гдⷭ҇ни, занѐ десни́цею покры́етъ ѧ҆̀ и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѻрꙋжи́тъ тва́рь въ ме́сть врагѡ́мъ. Ѡ҆блече́тсѧ въ брѡнѧ̀ пра́вды и҆ возложи́тъ шле́мъ сꙋ́дъ нелицемѣ́ренъ. Прїи́метъ щи́тъ непобѣди́мый прпⷣбїе, поѻстри́тъ же напра́сный гнѣ́въ во ѻ҆рꙋ́жїе, спобо́ретъ же съ ни́мъ мі́ръ на безꙋ̑мныѧ. По́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ, на намѣ́ренїе полетѧ́тъ и҆ ѿ камнеме́тныѧ ꙗ҆́рости и҆спо́лнь падꙋ́тъ гра́ды, вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хорь развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ прⷭ҇то́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте, навы́кните, сꙋдїи̑ концє́въ землѝ. Внꙋши́те держа́щїи мнѡ́жества, и҆ гордѧ́щїисѧ ѡ҆ наро́дѣхъ ꙗ҆зы́кѡвъ, ꙗ҆́кѡ дана̀ є҆́сть ѿ гдⷭ҇а держа́ва ва́мъ и҆ си́ла ѿ вы́шнѧгѡ."
},
{
"type": "HEADER",
"value": "Премꙋ́дрости соломѡ́новы чте́нїе."
},
{
"type": "TEXT",
"value": "Пра́ведникъ а҆́ще пости́гнетъ сконча́тисѧ, въ поко́и бꙋ́детъ. Ста́рость бо чⷭ҇тна̀ не многолѣ́тна, нижѐ въ числѣ̀ лѣ́тъ и҆счита́етсѧ. Сѣдина́ же є҆́сть мꙋ́дрость чл҃вѣ́кѡмъ, и҆ во́зрастъ ста́рости, житїѐ нескве́рное. Бл҃гоꙋго́денъ бг҃ꙋ бы́въ, возлю́бленъ бы́сть, и҆ живы́й посредѣ̀ грѣ́шникѡвъ преста́вленъ бы́сть: восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ: и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ въ ма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇ꙋ дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе ви́дѣвше. И҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
},
{
"type": "HEADER",
"value": "На лїті́и стїхи̑ры, гла́съ г҃, самогла̑сны."
},
{
"type": "TEXT",
"value": "Безнача́льнагѡ свѣ́та, и҆з̾ тмы̀ свѣ́тъ ди́вный созда́вшаго, и҆ свѣ́томъ позна́нїѧ своегѡ̀ просвѣти́вшаго вѣ́рныхъ сердца̀, чл҃вѣколю́бца хрⷭ҇та̀, возлюби́вше ѻ҆ц҃ы̀ бг҃омꙋ́дрїи, во свѣ́тѣ тогѡ̀ повелѣ́нїй до́брѣ ходи́ша, и҆ ѿ негѡ̀ свѣ́томъ бл҃года́ти просвѣ́щшесѧ, на́мъ со тмо́ю страсте́й борю́щымсѧ, свѣти́льницы ꙗ҆ви́шасѧ: и҆́хже мл҃твами, свѣтода́вче гдⷭ҇и ᲂу҆мы̀ просвѣтѝ, и҆ сердца̀ на̑ша ѡ҆чи́сти, ꙗ҆́кѡ бл҃гоꙋтро́бенъ."
},
{
"type": "TEXT",
"value": "Во́льнꙋю нищетꙋ̀, ꙗ҆́кѡ две́рь къ соверше́нствꙋ, и҆збра́ша ѻ҆ц҃ы̀ бг҃оно́снїи, и҆ ни́щи бы́вше дꙋ́хомъ, бл҃года́тїю ѡ҆богати́шасѧ, ꙗ҆́же свѣ́томъ свои́мъ наста́ви и҆ рꙋководѝ и҆̀хъ на высотꙋ̀ добродѣ́телей соверше́нства. Тоѧ̀ ᲂу҆̀бо и҆ на́съ, влⷣко хрⷭ҇тѐ прпⷣбныхъ мл҃твами прича́стникѡвъ бы́ти сподо́би, и҆ спасѝ дꙋ́шы на́шѧ, ꙗ҆́кѡ чл҃вѣколю́бецъ."
},
{
"type": "TEXT",
"value": "Поста̀ и҆ мл҃твы си́ла во пло́ти сꙋ́щихъ ва́съ, се́ргїе и҆ ге́рмане, а҆́ки безпло́тныхъ содѣ́ла. Зако́нъ бо пло́ти тве́рдости ᲂу҆ма̀ ва́шегѡ не возмо́же поколеба́ти: но зако́нꙋ ᲂу҆ма̀ ѡ҆ бз҃ѣ влⷣчествꙋющемꙋ, зако́нъ во ᲂу҆десѣ́хъ побѣжде́нъ быва́етъ. И҆ на́мъ ᲂу҆́бѡ, ѽ всебл҃же́ннїи! Да́ръ цѣломꙋ́дрїѧ дарова́ти, хрⷭ҇та̀ бг҃а моли́те, и҆ спастѝ дꙋ́шы на́шѧ."
},
{
"type": "HEADER",
"value": "Сла́ва, гла́съ в҃:"
},
{
"type": "TEXT",
"value": "Бл҃года́тный свѣ́тъ трїѷпоста́снагѡ бж҃ества̀, ѿ дꙋ́шъ ва́шихъ, се́ргїе и҆ ге́рмане, мра́къ земна́гѡ пристра́стїѧ ѿгна́въ, на трꙋдолюби́вый по́стничества пꙋ́ть наста́ви, сквозѣ̀ страсте́й свирѣ́пое мо́ре проведѐ: возведѐ на го́рꙋ безстра́стїѧ, зако́нъ на скрижа́лѣхъ серде́цъ ва́шихъ написа̀: дх҃о́вныѧ ма́нны прича́стники сотворѝ, и҆ въ зе́млю ѻ҆бѣтова́нїѧ, въ нбⷭ҇ный сїѡ́нъ введѐ: и҆дѣ́же со а҆́гг҃лы ликꙋ́юще, всебл҃га́го творца̀ моли́те, є҆́же спастѝ дꙋ́шы на́шѧ."
},
{
"type": "HEADER",
"value": "И҆ ны́нѣ, бг҃оро́диченъ:"
},
{
"type": "TEXT",
"value": "Ѽ чꙋдесѐ но́вагѡ:"
},
{
"type": "HEADER",
"value": "На стїхо́внѣ стїхи̑ры, гла́съ є҃."
},
{
"type": "TEXT",
"value": "Подо́бенъ: Ра́дꙋйсѧ:"
},
{
"type": "TEXT",
"value": "Ра́дꙋйсѧ бг҃оизбра́ннаѧ дво́ице, се́ргїе и҆ ге́рмане, непобѣди́мїи хрⷭ҇тѡ́вы во́ини, мы́сленныхъ врагѡ́въ побѣ́дою сла́внїи, мона́шествꙋющихъ ᲂу҆твержде́нїе, ѻ҆би́тели ѡ҆гражде́нїе, и҆́миже въ на́съ тлѣтвѡ́рныѧ стра̑сти разрꙋша́ютсѧ, недꙋ́зи и҆сцѣлѧ́ютсѧ, де́мѡни прогони́мы быва́ютъ, врагѡ́въ горды́нѧ низпа́даетъ, и҆ мы̀ спаса́емсѧ, сла́ва ди́вномꙋ во ст҃ы́хъ свои́хъ бг҃ꙋ, тѣ́хъ мл҃твами подаю́щемꙋ вѣ̑рнымъ ве́лїю млⷭ҇ть."
},
{
"type": "TEXT",
"value": "Сті́хъ: Чⷭ҇тна̀ пред̾ гдⷭ҇емъ сме́рть прпⷣбныхъ є҆гѡ̀."
},
{
"type": "TEXT",
"value": "Ра́дꙋйсѧ ра́дости на́шеѧ вино́вне, всебл҃же́нне ѻ҆́ч҃е се́ргїе, съ бг҃омꙋ́дрымъ ге́рманомъ! Внидо́сте бо въ ра́дость пра́ведныхъ, воспрїе́млете мздꙋ̀ трꙋдѡ́въ свои́хъ ѿ влⷣки хрⷭ҇та̀: на землѝ вре́меннѡ томꙋ̀ послꙋжи́вше, ны́нѣ вѣ́чнѡ на небесѣ́хъ съ ни́мъ ца́рствꙋете. Є҆гѡ́ же бж҃е́ственною сла́вою ѡ҆сїѧва́еми, въ свѣтоно́сный де́нь па́мѧти ва́шеѧ на́мъ спра́зднꙋете, томꙋ̀ прилѣ́жнѡ молѧ́щесѧ, ниспосла́ти вѣ̑рнымъ ве́лїю млⷭ҇ть."
},
{
"type": "TEXT",
"value": "Сті́хъ: Восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ."
},
{
"type": "TEXT",
"value": "Ра́дꙋйсѧ ѻ҆би́тель ст҃а́ѧ, ра́дꙋйсѧ бж҃е́ственный хра́ме, въ не́мже бл҃гоизво́ли всебл҃гі́й гдⷭ҇ь тѣлеса́мъ ст҃ы́хъ почи́ти, и҆ ра́кꙋ и҆́хъ чꙋде́съ и҆сто́чникомъ содѣ́лати! Прїиди́те ᲂу҆̀бо вѣ́рнїи, почерпи́те и҆ пі́йте ѿ сегѡ̀ и҆сто́чника врачева́нїй бл҃года́тныѧ воды̀, и҆ къ винѡ́внымъ на́шеѧ ра́дости съ на́ми воззове́мъ ѱало́мски: ра́дꙋйтесѧ пра́веднїи се́ргїе и҆ ге́рмане: ва́мъ прино́симъ по бз҃ѣ же́ртвꙋ хвале́нїѧ."
},
{
"type": "HEADER",
"value": "Сла́ва, гла́съ и҃:"
},
{
"type": "TEXT",
"value": "Мона́хѡвъ ли́ки бг҃а въ трⷪ҇цѣ славосло́вѧщихъ, и҆ всѐ мно́жество, соше́дшесѧ ᲂу҆бл҃жи́мъ ѻ҆ц҃є́въ всехва́льныхъ, безмо́лвїѧ рачи́телей, и҆́стинныхъ по́стникѡвъ, всеизрѧ́дныхъ дѣ́лателей зако́на бж҃їѧ, свѣти́льникѡвъ бл҃года́тныхъ, плотоно́сныхъ а҆́гг҃лѡвъ, и҆ возопїе́мъ къ ни́мъ, гл҃го́люще: ѻ҆ц҃ы̀ бг҃оизбра́ннїи, се́ргїе и҆ ге́рмане, нбⷭ҇нїи сꙋ́ще гра́ждане, влⷣкꙋ всѣ́хъ моли́те, всѧ̑ гра́ды и҆ страны̀ рѡссі́йстїи ѿ гла́да и҆ меча̀ сохрани́ти, ми́ръ цр҃кви свое́й дарова́ти, и҆ сп҃стѝ дꙋ́шы на́шѧ."
},
{
"type": "HEADER",
"value": "И҆ ны́нѣ, бг҃оро́диченъ:"
},
{
"type": "TEXT",
"value": "Безневѣ́стнаѧ дв҃о:"
},
{
"type": "HEADER",
"value": "На бл҃гослове́нїи хлѣ́бѡвъ, тропа́рь прпⷣбныхъ два́жды."
},
{
"type": "TEXT",
"value": "И҆ Бцⷣе дв҃о: Є҆҆ди́ножды."
},
{
"type": "HEADER",
"value": "На ᲂу҆́трени, на Бг҃ъ гдⷭ҇ь, тропа́рь прпⷣбныхъ два́жды. Сла́ва: и҆ ны́нѣ: бг҃оро́диченъ."
},
{
"type": "HEADER",
"value": "По а҃-й каѳі́смѣ сѣда́ленъ, гла́съ а҃."
},
{
"type": "TEXT",
"value": "Бж҃е́ственнымъ жела́нїемъ распали́вшесѧ прпⷣбнїи, ѱало́мски ко хрⷭ҇тꙋ̀ взыва́хꙋ: что́ бо на́мъ є҆́сть на небесѝ тебє̀ жела́тельнѣе, жела́нїй на́шихъ кра́ю; и҆ ѿ тебѐ что̀ восхотѣ́хомъ на землѝ; всѧ̀ земна̑ѧ презрѣ́хомъ, всѧ̀ тлѣ̑ннаѧ вмѣни́хомъ за ᲂу҆ме́ты, да тебѐ є҆ди́наго приѡбрѧ́щемъ, все́ю дꙋше́ю возлю́бимъ, и҆ тебѣ̀ є҆ди́номꙋ послꙋ́жимъ. Тѣ́хъ мл҃твами, чл҃вѣколю́бче гдⷭ҇и! Любвѝ твое́й сердца̀ на́ша и҆спо́лни, и҆ сп҃сѝ на́съ, ꙗ҆́кѡ бл҃гоꙋтро́бенъ. Два́жды."
},
{
"type": "HEADER",
"value": "Сла́ва, и҆ ны́нѣ, бг҃оро́диченъ, гла́съ то́йже:"
},
{
"type": "TEXT",
"value": "Ꙗ҆́кѡ нбⷭ҇нагѡ цр҃ѧ̀ чⷭ҇тѣ́йшїй хра́мъ была̀ є҆сѝ пречⷭ҇таѧ, и҆ къ немꙋ̀ и҆мꙋ́щаѧ мт҃рнее дерзнове́нїе, того̀ ᲂу҆моли́ти потщи́сѧ, є҆́же ѡ҆чи́стити дꙋ́шы на́шѧ ѿ мно́жества прегрѣше́нїй, и҆ хра́мы чⷭ҇тны въ жили́ще себѣ̀ чл҃вѣколю́бїемъ свои́мъ на́съ содѣ́лати. Тогѡ́ бо є҆смы̀ творе́нїе, а҆́ще согрѣша́емъ, но наде́жды, є҆́же сп҃сти́сѧ, не ѿпа́даемъ, и҆мꙋ́ще тѧ̀ къ немꙋ̀, влⷣчце, те́плꙋю ѡ҆ на́съ предста́тельницꙋ."
},
{
"type": "HEADER",
"value": "По в҃-й каѳі́смѣ, сѣда́ленъ, гла́съ є҃."
},
{
"type": "TEXT",
"value": "Не внѣ́шнее стклѧ́ницы и҆ блю́да ѿ хрⷭ҇то́выхъ слове́съ наꙋчи́шасѧ прпⷣбнїи ѡ҆чища́ти: но внꙋ́треннѧго чл҃вѣ́ка ѿ страсте́й грѣхо́вныхъ: ѿ се́рдца бо и҆схо́дѧтъ помышлє́нїѧ ѕла̑ѧ. Тѣ́мъ въ безмо́лвїи добродѣ́телей дѣ́ланїемъ и҆ бл҃года́ти дѣ́йствомъ, серде́чнꙋю чⷭ҇тотꙋ̀ стѧжа́вше, сосꙋ́ди чⷭ҇тны ꙗ҆ви́шасѧ ст҃о́мꙋ дх҃ꙋ, и҆ ны́нѣ на́мъ свы́ше, хрⷭ҇тꙋ̀ предстоѧ́ще, неѡскꙋ́днꙋю бл҃года́ть и҆сцѣле́нїй подаю́тъ, и҆ всѣ̑мъ вѣ́рнѡ чтꙋ́щымъ свѣтоно́снꙋю па́мѧть и҆́хъ. Два́жды."
},
{
"type": "HEADER",
"value": "Сла́ва, и҆ ны́нѣ, бг҃оро́диченъ, гла́съ то́йже:"
},
{
"type": "TEXT",
"value": "Мы́сленнаѧ зарѐ, возсїѧ́вшаѧ мі́рꙋ несозда́нное со́лнце хрⷭ҇та̀, пренепоро́чнаѧ дв҃о! Къ томꙋ̀ ꙗ҆́кѡ сн҃ꙋ своемꙋ̀ прострѝ своѝ мт҃рнїѧ рꙋ́цѣ съ моле́нїемъ, є҆́же возсїѧ́ти на́мъ грѣ̑шнымъ незаходи́мымъ свѣ́томъ бл҃года́ти, ꙗ҆́кѡ да ѿложи́вше дѣла̀ тмы̀, є҆ле́емъ до́брыхъ дѣ́лъ просвѣти́мъ дꙋ́шы на́шѧ, и҆ досто́йни бꙋ́демъ вни́ти въ черто́гъ съ мꙋ́дрыми дѣ́вами, тебѐ, влⷣчце, велича́юще во всѧ̑ вѣ́ки."
},
{
"type": "HEADER",
"value": "По полѷеле́и, сѣда́ленъ, гла́съ д҃."
},
{
"type": "TEXT",
"value": "Хва́лѧще и҆́мѧ гдⷭ҇не въ бж҃е́ственномъ є҆гѡ̀ хра́мѣ, восхва́лимъ кꙋ́пнѡ вѣ́рныхъ є҆гѡ̀ рабѡ́въ, всехва́льныхъ ѻ҆ц҃є́въ на́шихъ се́ргїа и҆ ге́рмана, и҆̀же просла́виша бг҃а въ дꙋша́хъ свои́хъ и҆ тѣлесѣ́хъ, и҆ свѣ́томъ добродѣ́телей, ꙗ҆́кѡ ѕвѣ́зды новоѧ́влєнныѧ, просвѣти́шасѧ во странѣ̀ коре́льской. Тѣ́мъ же и҆ бг҃ъ и҆̀хъ въ нбⷭ҇номъ црⷭ҇твїи просла́ви, и҆ на́мъ помо́щникѡвъ показа̀, при́снѡ молѧ́щихсѧ ѡ҆ дꙋша́хъ на́шихъ. Два́жды."
},
{
"type": "HEADER",
"value": "Сла́ва, и҆ ны́нѣ, бг҃оро́диченъ, гла́съ то́йже."
},
{
"type": "TEXT",
"value": "Сбытїѐ слове́съ твои́хъ, влⷣчце! И҆спо́лнисѧ: се́ бо ᲂу҆бл҃жа́ютъ тѧ̀ всѝ ро́ди, и҆ мы̀ рабѝ твоѝ превозно́симъ вы́нꙋ по бз҃ѣ и҆́мѧ твоѐ, и҆ вопїе́мъ: ра́дꙋйсѧ земноро́дныхъ ра́досте: ра́дꙋйсѧ дѣ́вственныхъ похвало̀: ра́дꙋйсѧ, страстмѝ ѡ҆бꙋрева́ємымъ ти́хое прибѣ́жище и҆ спасе́нїе: ра́дꙋйсѧ ѿча̑ѧннымъ приста́нище: ра́дꙋйсѧ вѣ̑рнымъ застꙋ́пнице и҆ покро́ве. Ра́дꙋйсѧ въ жена́хъ є҆ди́на бл҃гослове́ннаѧ, бцⷣе мр҃і́е, ро́ждшаѧ всѣ̑мъ жи́знь."
},
{
"type": "HEADER",
"value": "Та́же степє́нна, а҃-й а҆нтїфѡ́нъ, д҃-гѡ гла́са."
},
{
"type": "HEADER",
"value": "Прокі́менъ, гла́съ д҃:"
},
{
"type": "TEXT",
"value": "Чⷭ҇тна̀ пред̾ гдⷭ҇емъ сме́рть прпⷣбныхъ є҆гѡ̀."
},
{
"type": "TEXT",
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
},
{
"type": "TEXT",
"value": "Всѧ́кое дыха́нїе:"
},
{
"type": "HEADER",
"value": "Є҆ѵⷢ҇лїе матѳе́а, зача́ло м҃г."
},
{
"type": "HEADER",
"value": "По н҃-мъ ѱалмѣ̀ стїхи́ра, гла́съ ѕ҃."
},
{
"type": "TEXT",
"value": "Свѣтоно́снаѧ ѻ҆ц҃є́въ па́мѧть, ꙗ҆́кѡ трꙋба̀ велегла́снаѧ, ѿ всѣ́хъ стра́нъ вѣ́рныхъ мно́жество созыва́етъ, гла́съ ѻ҆рга́нѡвъ ᲂу҆́мныхъ ко хвале́нїю возбꙋжда́етъ. Восхва́лимъ ᲂу҆̀бо, и҆ вознесе́мъ въ пѣ́снехъ ра́дости на́шеѧ вино́вныхъ, всехва́льныхъ ѻ҆ц҃є́въ на́шихъ се́ргїа и҆ ге́рмана, и҆̀же на́мъ ны́нѣ неви́димѡ спра́зднꙋютъ, дх҃омъ сра́дꙋютсѧ, и҆ бл҃года̑тныѧ да́ры ᲂу҆ хрⷭ҇та̀ про́сѧтъ, є҆́же ᲂу҆ще́дрити всѣ́хъ, досто́йнѡ пра́зднꙋющихъ всечⷭ҇тнꙋ́ю па́мѧть и҆́хъ."
},
{
"type": "HEADER",
"value": "Канѡ́нъ бцⷣы со і҆рмосо́мъ на ѕ҃, и҆ прпⷣбныхъ настоѧ́щїй на и҃, гла́съ д҃."
},
{
"type": "HEADER",
"value": "Пѣ́снь а҃."
},
{
"type": "TEXT",
"value": "І҆рмо́съ: Трїста́ты крѣ́пкїѧ, рожде́йсѧ ѿ дв҃ы, безстра́стїѧ во глꙋбинѣ̀, дꙋшѝ трича́стное потопѝ молю́сѧ, да тебѣ̀, ꙗ҆́кѡ въ тѷмпа́нѣ, во ᲂу҆мерщвле́нїи тѣлесѐ побѣ́дное воспою̀ пѣ́нїе."
},
{
"type": "TEXT",
"value": "Со́лнце пра́вды хрⷭ҇тѐ, возсїѧ́й мѝ дне́сь свѣ́томъ ра́зꙋма твоегѡ̀, да свѣти́льникѡвъ на́шихъ се́ргїа и҆ ге́рмана, се́рдцемъ и҆ ᲂу҆стна́ми воспою̀ во сла́вꙋ твою̀, влⷣко."
},
{
"type": "TEXT",
"value": "Реко́ша въ себѣ̀ ст҃і́и: бѣжи́мъ простра́ннагѡ пꙋтѝ, въ па́гꙋбꙋ бо веде́тъ, бѣжи́мъ грѣхо́вныхъ страсте́й: до а҆́да бо низво́дѧтъ. Тѣ́сный же пꙋ́ть возлю́бимъ, да наслѣ́димъ жи́знь вѣ́чнꙋю."
},
{
"type": "TEXT",
"value": "Сла́ва: Ꙗ҆́коже дожде́мъ слеза́ми, зе́млю се́рдца ва́шегѡ напаѧ́юще, и҆ ꙗ҆́кѡ со́лнцемъ теплото́ю мл҃твы согрѣва́юще, добродѣ́телей плоды̀, се́ргїе и҆ ге́рмане, вїногра́да дѣ́лателю принесо́сте."
},
{
"type": "TEXT",
"value": "И҆ ны́нѣ: Добродѣ́тєли ст҃ы́хъ пою̀ и҆ сла́влю, са́мъ ѕла̑ѧ твори́ти, ᲂу҆вы̀ мнѣ̀! Не престаю̀: но, влⷣко хрⷭ҇тѐ! Мл҃твами мт҃ре твоеѧ̀, и҆ менѐ ѡ҆каѧ́ннаго ѿ сна̀ лѣ́ности къ добродѣ́телей дѣ́ланїю возбꙋдѝ."
},
{
"type": "HEADER",
"value": "Пѣ́снь г҃."
},
{
"type": "TEXT",
"value": "І҆рмо́съ: Не мꙋ́дростїю, и҆ си́лою, и҆ бога́тствомъ хва́лимсѧ, но тобо́ю, ѻ҆́ч҃ею ѵ҆поста́сною мꙋ́дростїю, хрⷭ҇тѐ: нѣ́сть бо ст҃ъ па́че тебѐ чл҃вѣколю́бче."
},
{
"type": "TEXT",
"value": "Преслꙋ́шавъ за́повѣдь, пра́ѻц҃ъ сла́дости ра́йскїѧ лише́нъ бы́сть: послꙋша́нїемъ же ст҃і́и вѣ́чнꙋю жи́знь наслѣ́довавше, бг҃озрѣ́нїемъ наслажда́ютсѧ."
},
{
"type": "TEXT",
"value": "Та́йное дѣ́ланїе ва́ше, безмо́лвїѧ люби́телїе, ви́дѧ ѻ҆ц҃ъ нбⷭ҇ный, ꙗ҆́кѡ сы́ны своѧ̑ ᲂу҆ще́дри, бл҃года́тїю ѡ҆богатѝ, и҆ на нб҃сѣ́хъ просла́ви."
},
{
"type": "TEXT",
"value": "Сла́ва: Чⷭ҇тоты̀ рачи́телей, земны́хъ а҆́гг҃лѡвъ, и҆збра́нныхъ сосꙋ́дѡвъ ст҃а́гѡ дх҃а, чⷭ҇тое зерца́ло цѣломꙋ́дрїѧ, се́ргїа и҆ ге́рмана, чⷭ҇тото́ю се́рдца почти́мъ."
},
{
"type": "TEXT",
"value": "И҆ ны́нѣ: Ра́бъ сы́й чре́ва, ка́кѡ возмогꙋ̀ пло́ть дх҃ꙋ покори́ти, и҆ чⷭ҇тотꙋ̀ а҆́гг҃льскꙋю стѧжа́ти; но, ѽ дѣ́вственныхъ похвало̀ пречⷭ҇таѧ! Ты̀ и҆з̾ плѣ́на сегѡ̀ и҆зба́ви менѐ несмы́сленнаго."
},
{
"type": "HEADER",
"value": "Сѣда́ленъ, гла́съ г҃."
},
{
"type": "TEXT",
"value": "Ѿ шꙋ́ма жите́йскихъ во́лнъ ᲂу҆далѧ́ющесѧ, во ѻ҆́стровъ нева̀ по́нта съ восто́чныхъ стра́нъ прїидо́сте: и҆дѣ́же ни глꙋбина̀ страсте́й, ни бꙋ́рѧ дꙋхѡ́въ проти́вныхъ тве́рдости ᲂу҆ма̀ ва́шегѡ, се́ргїе и҆ ге́рмане, не возмо́же поколеба́ти: но по́двигомъ до́брымъ въ безмо́лвїи подвиза́ющесѧ бл҃гоꙋго́дни хрⷭ҇тꙋ̀ ꙗ҆ви́стесѧ. Є҆гѡ́ же ны́нѣ предстоѧ́ще престо́лꙋ мольбꙋ̀ сотвори́те, да призира́етъ вы́нꙋ милосе́рдымъ ѻ҆́комъ свои́мъ на мѣ́сто селе́нїѧ ва́шегѡ, спаса́ѧ въ мі́рѣ дꙋ́шы на́шѧ."
},
{
"type": "HEADER",
"value": "Сла́ва, и҆ ны́нѣ, бг҃оро́диченъ, гла́съ то́йже:"
},
{
"type": "TEXT",
"value": "Не ѿ а҆́гг҃лъ, не ѿ чл҃вѣ̑къ, но ѿ твоегѡ̀ сн҃а, влⷣчце, творца̀ а҆́гг҃лѡвъ и҆ чл҃вѣ́кѡвъ, кро́ткагѡ и҆ смире́ннагѡ се́рдцемъ і҆и҃са, смире́нїю ᲂу҆до́бь навы́кнꙋти могꙋ̀, и҆ не прилѣжꙋ̀: ᲂу҆вы̀ мнѣ̀! Го́рдъ сы́й, презо́рливъ и҆ непокори́въ при́снѡ ѿ нераде́нїѧ моегѡ̀ ꙗ҆влѧ́юсѧ. Тѧ̀ ᲂу҆̀бо, ѽ дв҃о пренепоро́чнаѧ! Молю̀ смире́ннѡ съ те́плыми слеза́ми, є҆́же дх҃ъ кро́тости и҆ смире́нїѧ се́рдцꙋ моемꙋ̀ дарова́ти, да вкꙋ́ситъ поко́й сладча́йшїй, дꙋша̀ моѧ̀."
},
{
"type": "HEADER",
"value": "Пѣ́снь д҃."
},
{
"type": "TEXT",
"value": "І҆рмо́съ: Сѣдѧ́й въ сла́вѣ, на прⷭ҇то́лѣ бж҃ества̀ во ѻ҆́блацѣ ле́гцѣ, прїи́де і҆и҃съ пребж҃е́ственный нетлѣ́нною дла́нїю, и҆ спасѐ зовꙋ́щыѧ: сла́ва хрⷭ҇тѐ си́лѣ твое́й."
},
{
"type": "TEXT",
"value": "Ꙗ҆́кѡ ло́зы вїногра́да хрⷭ҇то́ва сꙋ́ще се́ргїе и҆ ге́рмане, грозда́ми добродѣ́телей процвѣ́тшїи, вїно́мъ бж҃е́ственнагѡ весе́лїѧ и҆спо́лните сердца̀ на̑ша."
},
{
"type": "TEXT",
"value": "Въ ра́дости сꙋ́ще пра́ведныхъ всебл҃же́ннїи, мо́лимъ ва́съ, всѧ́кꙋ печа́ль и҆ го́ресть ѿ дꙋ́шъ на́шихъ ѿгна́ти: ꙗ҆́кѡ да ра́дꙋющесѧ сла́вимъ ва́съ."
},
{
"type": "TEXT",
"value": "Сла́ва: Те́мнаѧ страсте́й бꙋ́рѧ воста̀ на мѧ̀ и҆ свѣ́тъ бл҃года́ти сокрыва́етсѧ ѿ ѻ҆че́съ мои́хъ: но, ѽ свидѣ́тєльницы мы́сленнїи! Моемꙋ̀ ѡ҆мраче́нїю ᲂу҆скори́те въ по́мощь."
},
{
"type": "TEXT",
"value": "И҆ ны́нѣ: Ли́ки а҆́гг҃лѡвъ и҆ прпⷣбныхъ, и҆ мы̀ грѣ́шнїи мо́лимъ тѧ̀, бл҃гоꙋтро́бне гдⷭ҇и! Предста́тельствомъ мт҃ре твоеѧ̀, ᲂу҆ще́дри и҆ сп҃сѝ всѣ́хъ на́съ."
},
{
"type": "HEADER",
"value": "Пѣ́снь є҃."
},
{
"type": "TEXT",
"value": "І҆рмо́съ: Нечести́вїи не ᲂу҆́зрѧтъ сла́вы твоеѧ̀ хрⷭ҇тѐ, но мы́ тѧ є҆диноро́дне, ѻ҆ч҃ескїѧ сла́вы сїѧ́нїе бжⷭ҇тва̀, ѿ но́щи ᲂу҆́тренююще, воспѣва́емъ тѧ̀ чл҃вѣколю́бче."
},
{
"type": "TEXT",
"value": "Кра́йнимъ безмо́лвїемъ, мл҃твою же и҆ посто́мъ, и҆ бдѣ́нїемъ дꙋ́шы своѧ̑ ѡ҆чи́стивше, пꙋстыннолю́бцы трисїѧ́ннагѡ свѣ́та прїѧ́телищемъ содѣ́лашасѧ."
},
{
"type": "TEXT",
"value": "Не ꙗ҆́коже трѡ́сти вѣ́тромъ коле́блеми, но ꙗ҆́кѡ тве́рдїи столпѝ, се́ргїй и҆ ге́рманъ на краеꙋго́льномъ ка́мени, хрⷭ҇тѣ̀, вѣ́рою ᲂу҆тверди́вшесѧ, добродѣ́тельми просїѧ́ша."
},
{
"type": "TEXT",
"value": "Сла́ва: І҆ѡа́нновꙋ житїю̀ въ пꙋсты́нѣ і҆ѻрда́новой, и҆ и҆лїинꙋ̀ безмо́лвїю на горѣ̀ ревнꙋ́юще, прпⷣбнїи, страсте́й и҆́га дѣѧ́нїемъ свобо́ждшесѧ, бг҃озрѣ́нїемъ просвѣти́шасѧ."
},
{
"type": "TEXT",
"value": "И҆ ны́нѣ: Ты̀ покро́въ мо́й ѿ напа́стей вра́жїихъ, влⷣчце, ты̀ свѣ́тъ се́рдцꙋ моемꙋ̀ печа́льми жите́йскими ѡ҆мраче́нномꙋ, при́снѡ бꙋ́ди, бцⷣе, и҆ сп҃си́ мѧ."
},
{
"type": "HEADER",
"value": "Пѣ́снь ѕ҃."
},
{
"type": "TEXT",
"value": "І҆рмо́съ: Прїидо́хъ во глꙋбины̑ морскі́ѧ, и҆ потопи́ла мѧ̀ є҆́сть бꙋ́рѧ мно́гихъ грѣхѡ́въ: но ꙗ҆́кѡ бг҃ъ и҆з̾ глꙋбины̀ возведѝ живо́тъ мо́й, многоми́лостиве."
},
{
"type": "TEXT",
"value": "Ꙗ҆́кѡ же́ртвꙋ непоро́чнꙋ и҆ всесожже́нїе тꙋ́чно, принесо́ша себѐ ст҃і́и бг҃ꙋ, и҆ па́че всѧ́кагѡ всепло́дїѧ же́ртвы, и҆ приноше́нїѧ, бл҃гоꙋго́дни є҆мꙋ̀ ꙗ҆ви́шасѧ."
},
{
"type": "TEXT",
"value": "Оу҆́мными ѻ҆чи́ма зрѧ́ще пред̾ собо́ю гдⷭ҇а бг҃облаже́ннїи, непоро́чнѡ ше́ствовали є҆стѐ по стезѧ́мъ за́повѣдей є҆гѡ̀, ᲂу҆твержде́ни и҆мꙋ́ще но́зѣ бл҃года́тїю ст҃а́гѡ дх҃а."
},
{
"type": "TEXT",
"value": "Сла́ва: Не и҆мѣ̀ поко́ѧ бг҃олюби́вый дх҃ъ ва́шъ, се́ргїе и҆ ге́рмане, до́ндеже не ѡ҆брѣто́сте себѣ̀ мѣ́сто безмо́лвїѧ: въ то́мъ бо вѣ́рою и҆ любо́вїю съ бг҃омъ соедини́вшесѧ, вѣ́чный поко́й наслѣ́довасте."
},
{
"type": "TEXT",
"value": "И҆ ны́нѣ: Не ки́томъ, ꙗ҆́коже і҆ѡ́на, но грѣхо́мъ пожре́нъ сы́й и҆ вопїю̀: влⷣко хрⷭ҇тѐ! Мл҃твами пречⷭ҇тыѧ твоеѧ̀ мт҃ре и҆ прпⷣбныхъ ѻ҆ц҃ъ ѿ и҆стлѣ́нїѧ мѧ̀ и҆зба́ви, ꙗ҆́кѡ бл҃гоꙋтро́бенъ."
},
{
"type": "HEADER",
"value": "Конда́къ, гла́съ д҃:"
},
{
"type": "TEXT",
"value": "Ѿ мїрска́гѡ житїѧ̀ и҆зше́дше, ѿверже́нїемъ же мі́ра хрⷭ҇тꙋ̀ послѣ́довасте, и҆ достиго́сте вели́кагѡ нева̀ є҆́зера, и҆ въ не́мъ на ѻ҆́стровѣ валаа́мѣ все́лшесѧ, равноа́гг҃льское житїѐ пожи́ли є҆стѐ: ѿѻнꙋ́дꙋже веселѧ́щесѧ прешлѝ є҆стѐ къ нбⷭ҇нымъ черто́гамъ: и҆ ны́нѣ со а҆́гг҃лы влⷣчню прⷭ҇то́лꙋ предстоѧ́ще, помина́йте на́съ ча̑дъ свои́хъ, ꙗ҆̀же собра́ли бг҃омꙋ́дрїи, да ра́достнѡ ѿ дꙋшѝ вопїе́мъ: ра́дꙋйтесѧ се́ргїе и҆ ге́рмане, ѻ҆ц҃ы̀ пребл҃же́ннїи."
},
{
"type": "TEXT",
"value": "І҆́косъ: Ка́кѡ неразꙋ́менъ сы́й воспою̀ по́стникѡвъ всехва́льныхъ; сло́во бо премꙋ́дрости, и҆ сло́во ра́зꙋма не дано̀ мѝ, безслове́сїемъ ѡ҆держи́мꙋ сꙋ́щꙋ: ты̀ са́мъ, смы́сла пода́телю і҆и҃се, премꙋ́дрости вѣ́чное и҆ сло́во бж҃їе ѵ҆поста́сное, мл҃твами прпⷣбныхъ ᲂу҆́мъ мо́й просвѣтѝ и҆ да́рꙋй сло́во, да гла́сомъ а҆́гг҃льскимъ воспою̀ и҆̀хъ глаго́лѧ: ра́дꙋйтесѧ ѕвѣ́зды мы́слєнныѧ ѿ восто́ка на́мъ возсїѧ́вшыѧ: ра́дꙋйтесѧ безмо́лвїѧ люби́тели всеизрѧ́днїи: ра́дꙋйтесѧ хрⷭ҇то́выхъ за́повѣдей дѣ́латели непоро́чнїи: ра́дꙋйтесѧ златы̑ѧ сосꙋ́ды, дх҃омъ ст҃ы́мъ и҆спо́лнєнныѧ: ра́дꙋйтесѧ столпѝ ѡ҆дꙋшевле́ннїи, зда́нїе по́стничества ᲂу҆твержда́ющїи: ра́дꙋйтесѧ крі́ны, чⷭ҇тото́ю серде́чною а҆́ки снѣ́гомъ ᲂу҆бѣлє́нныѧ: ра́дꙋйтесѧ ма̑слины, ѿ хрⷭ҇та̀ на́мъ є҆ле́й милосе́рдїѧ плодоносѧ́щыѧ: ра́дꙋйтесѧ вѣ̑рнымъ побѡ́рницы, мл҃твеннымъ копїе́мъ сопроти̑вныѧ поража́ющыѧ: ра́дꙋйтесѧ цѣли́телїе тѣле́сныхъ не́мощей и҆ страсте́й дꙋше́вныхъ: ра́дꙋйтесѧ ᲂу҆скорѧ́ющїи въ по́мощь ѡ҆бꙋрева́ємымъ и҆ ва́мъ молѧ́щымсѧ: ра́дꙋйтесѧ валаа́мꙋ свѣти̑ла вє́лїѧ и҆ пресвѣ̑тлаѧ: ра́дꙋйтесѧ се́ргїе и҆ ге́рмане, ѻ҆ц҃ы̀ всебл҃же́ннїи."
},
{
"type": "HEADER",
"value": "Пѣ́снь з҃."
},
{
"type": "TEXT",
"value": "І҆рмо́съ: Ю҆́нѡши трѝ въ вавѷлѡ́нѣ велѣ́нїе мꙋчи́телево на бꙋ́йство прело́жше, посредѣ̀ пла́мене вопїѧ́хꙋ: бл҃гослове́нъ є҆сѝ гдⷭ҇и бж҃е ѻ҆ц҃ъ на́шихъ."
},
{
"type": "TEXT",
"value": "Ѻ҆гню̀ сꙋ́щꙋ въ ва́съ, се́ргїе и҆ ге́рмане, бжⷭ҇твенныѧ любвѐ, пла́мень по́хоти и҆ ѻ҆́гнь ꙗ҆́рости претвори́сѧ въ ро́сꙋ: тѣ́мъ ра́дꙋющесѧ въ безмо́лвїи воспѣва́сте: бл҃гослове́нъ є҆сѝ гдⷭ҇и бж҃е ѻ҆ц҃ъ на́шихъ."
},
{
"type": "TEXT",
"value": "Пло́ти свое́й, ꙗ҆́коже злато́мꙋ і҆́дѡлꙋ ѻ҆́троцы прпⷣбнїи, не послꙋжи́ша: но а҆по́стольски распина́юще ю҆̀ со страстьмѝ и҆ похотмѝ покори́ша дꙋ́хꙋ, и҆ хра́мы чⷭ҇тны сотво́ршесѧ ст҃о́мꙋ дх҃ꙋ, взыва́хꙋ: бл҃гослове́нъ є҆сѝ гдⷭ҇и бж҃е ѻ҆ц҃ъ на́шихъ."
},
{
"type": "TEXT",
"value": "Сла́ва: Ꙗ҆́кѡ чⷭ҇тоты̀ храни́тели, чⷭ҇тѣйшемꙋ бж҃ествꙋ̀ вмѣсти́лищемъ содѣ́ластесѧ любопремꙋ́дрїи, и҆ во пло́ти сꙋ́ще, тайнодѣ́йствїемъ ᲂу҆тѣ́шителѧ, къ премі́рныхъ зрѣ́нїю восхища́хꙋсѧ пою́ще: бл҃гослове́нъ є҆сѝ гдⷭ҇и бж҃е ѻ҆ц҃ъ на́шихъ."
},
{
"type": "TEXT",
"value": "И҆ ны́нѣ: Ꙗ҆́кѡ мт҃рь безнача́льнагѡ бг҃а сло́ва сꙋ́щꙋю тѧ̀, влⷣчце, прощꙋ̀ ᲂу҆миле́ннѡ ѿ безслове́сныхъ страсте́й и҆зба́вити мѧ̀, ꙗ҆́кѡ ѻ҆́троки ѿ пе́щи халде́йской, да съ ни́ми ра́дꙋѧсѧ воспою̀: бл҃гослове́нъ є҆сѝ гдⷭ҇и бж҃е ѻ҆ц҃ъ на́шихъ."
},
{
"type": "HEADER",
"value": "Пѣ́снь и҃."
},
{
"type": "TEXT",
"value": "І҆рмо́съ: И҆зба́вителю всѣ́хъ всеси́льне, посредѣ̀ пла́мене бл҃гоче́ствовавшыѧ, снизше́дъ ѡ҆роси́лъ є҆сѝ, и҆ наꙋчи́лъ є҆сѝ пѣ́ти: всѧ̑ дѣла̀ бл҃гослови́те, по́йте гдⷭ҇а."
},
{
"type": "TEXT",
"value": "Бо́дреннымъ ᲂу҆ма̀ трезве́нїемъ, и҆ те́плымъ ко хрⷭ҇тꙋ̀ моле́нїемъ, дїа́вола, ꙗ҆́кѡ льва̀ рыка́ющаго и҆ и҆́щꙋщаго кого̀ поглоти́ти, прпⷣбнїи посрами́ша, стра̑стныѧ тогѡ̀ прило́ги ѿсѣ́кше. Тѣ́мъ со ѻ҆́троки поѧ́хꙋ: всѧ̑ дѣла̀ бл҃гослови́те, по́йте гдⷭ҇а."
},
{
"type": "TEXT",
"value": "Всѧ̑ ѻ҆рꙋ̑жїѧ бж҃їѧ се́ргїй и҆ ге́рманъ, воспрїи́мше на гора́хъ валаа́ма, ꙗ҆́коже мѡѷсе́й и҆ а҆арѡ́нъ воздѣѧ́нїемъ ᲂу҆ма̀ и҆ рꙋ́къ на высотꙋ̀, сопроти́вныхъ си́лꙋ, вѣ̑рнымъ спобо́рствꙋюще, ѡ҆сла́биша, пою́ще пѣ́снь: всѧ̑ дѣла̀ бл҃гослови́те, по́йте гдⷭ҇а."
},
{
"type": "TEXT",
"value": "Сла́ва: Безнача́льнаѧ, вседержи́тельнаѧ, є҆диносꙋ́щнаѧ ст҃а́ѧ трⷪ҇це, мл҃твами преподо́бныхъ твои́хъ, ѿ тре́хъ мы́сленныхъ врагѡ́въ боре́нїй, дꙋ́шы на́шѧ и҆зба́ви, поми́лꙋй и҆ спасѝ всѣ́хъ бл҃гоче́стнѡ тѧ̀ и҆сповѣ́дающихъ."
},
{
"type": "TEXT",
"value": "И҆ ны́нѣ: Бг҃оꙋго́днѡ пожи́вшымъ, послѣ́довати менѐ сотворѝ до́брыми дѣ́лы, всенепоро́чнаѧ, потреблѧ́ѧ ѿ дꙋшѝ моеѧ̀ прило́ги лꙋка́выхъ де́мѡнѡвъ, и҆ возводѧ̀ при́снѡ ᲂу҆́мъ мо́й къ зрѣ́нїю за́повѣдей сн҃а твоегѡ̀ и҆ творца̀ моегѡ̀."
},
{
"type": "HEADER",
"value": "Пѣ́снь ѳ҃."
},
{
"type": "TEXT",
"value": "І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ, клѧ́твꙋ всели́ла є҆́сть: ты́ же, дв҃о бцⷣе, прозѧбе́нїемъ чревоноше́нїѧ, мі́рови бл҃гослове́нїе процвѣла̀ є҆сѝ. Тѣ́мъ тѧ̀ всѝ велича́емъ."
},
{
"type": "TEXT",
"value": "На тве́рдомъ вѣ́ры ка́мени бл҃года́тїю ᲂу҆твержде́ни сꙋ́ще, въ безмо́лвїи подвиза́ющесѧ, тече́нїе по́стничества до́брѣ сконча́вше, и҆ мздовоздаѧ́нїе ѿ хрⷭ҇та̀ прїи́мше, томꙋ̀ ны́нѣ моли́тесѧ, всебл҃же́ннїи, въ вѣ́рѣ и҆ добродѣ́тели вѣ́рныхъ свои́хъ ᲂу҆тверди́ти."
},
{
"type": "TEXT",
"value": "Ꙗ҆́кѡ побѣди́тели мы́сленныхъ врагѡ́въ, се́ргїе и҆ ге́рмане, предстоѧ́ще ны́нѣ прⷭ҇то́лꙋ нбⷭ҇ныхъ си́лъ цр҃ѧ̀, моли́те бл҃гость є҆гѡ̀ на сопоста́ты побѣ́дꙋ и҆ ѡ҆долѣ́нїе на́мъ дарова́ти."
},
{
"type": "TEXT",
"value": "Сла́ва: Въ небе́сныхъ сꙋ́ще ѻ҆би́телехъ прпⷣбнїи, влⷣкꙋ всѣ́хъ моли́те, ѻ҆би́тель сїю̀, и҆ всѧ̑ гра́ды и҆ страны̑ хрⷭ҇тїа́нскїѧ въ ми́рѣ сохрани́ти, и҆ всѣ́хъ на́съ спастѝ, бл҃гоче́стнѡ ва́съ почита́ющихъ."
},
{
"type": "TEXT",
"value": "И҆ ны́нѣ: Ка́мень краеꙋго́льный, хрⷭ҇то́съ, вѣ̑рнымъ є҆́сть ѡ҆снова́нїе, невѣ̑рнымъ же ка́мень претыка́нїѧ и҆ собла́зна: на се́мъ ка́мени, влⷣчце, ᲂу҆твердѝ моѐ помышле́нїе, и҆ спасѝ мѧ̀, ꙗ҆́кѡ къ немꙋ̀ и҆мꙋ́щаѧ ма́тернее дерзнове́нїе."
},
{
"type": "TEXT",
"value": "Свѣти́ленъ: Свѣтода́вче гдⷭ҇и! Свѣти́льникѡвъ на́шихъ се́ргїа и҆ ге́рмана мл҃твами просвѣтѝ на́съ вѣ́рою тебѣ̀ слꙋжа́щихъ, и҆ бл҃гоче́стнѡ пра́зднꙋющихъ свѣтоно́снꙋю тѣ́хъ па́мѧть. Два́жды."
},
{
"type": "HEADER",
"value": "Сла́ва, и҆ ны́нѣ, бг҃оро́диченъ:"
},
{
"type": "TEXT",
"value": "Свѣщѐ та́инственнаѧ, бг҃оневѣ́сто сꙋ́щымъ во тьмѣ̀ неразꙋ́мїѧ, свѣ́томъ ра́зꙋма и҆́стины возсїѧ́й, и҆ сп҃сѝ всѣ́хъ бл҃гоче́стнѡ тѧ̀, ꙗ҆́кѡ мт҃рь бж҃їю, велича́ющихъ."
},
{
"type": "HEADER",
"value": "На хвали́техъ стїхи̑ры на д҃, гла́съ д҃."
},
{
"type": "TEXT",
"value": "Подо́бенъ: Да́лъ є҆сѝ зна́менїе:"
},
{
"type": "TEXT",
"value": "Да́лъ є҆сѝ во ѻ҆́бразъ на́мъ бл҃гоꙋгожда́ти тебѣ̀ гдⷭ҇и, бл҃ги́хъ и҆ вѣ́рныхъ твои́хъ рабѡ́въ, се́ргїа и҆ ге́рмана, и҆̀же ᲂу҆́мнымъ и҆ бо́дреннымъ трезве́нїемъ, бори́телей де́мѡнѡвъ посрами́ша, стра̑стныѧ прило́ги и҆́хъ доблемꙋ́дреннѡ ѿрази́вше, и҆ грѣхꙋ̀ не бы́вше рабѝ, тебѣ̀ бл҃гоꙋго́дни ꙗ҆ви́шасѧ, і҆и҃се всеси́льне, сп҃се дꙋ́шъ на́шихъ."
},
{
"type": "TEXT",
"value": "Творе́нїемъ гдⷭ҇нихъ за́повѣдей и҆ непреста́нныѧ мл҃твы дѣ́йствомъ, бжⷭ҇твенныѧ любвѐ теплотꙋ̀ стѧжа́вше ст҃і́и ѻ҆ц҃ы̀, и҆ сла́дость тоѧ̀ дꙋше́внымъ чꙋ́вствомъ вкꙋси́вше, ко хрⷭ҇тꙋ̀ взыва́хꙋ: ника́ѧ и҆на́ѧ сла́дость не разлꙋчи́тъ на́съ ѿ любвѐ твоеѧ̀, і҆и҃се сладча́йшїй, сп҃си́телю дꙋ́шъ на́шихъ."
},
{
"type": "TEXT",
"value": "Ꙗ҆́кѡ неистощи́мое сокро́вище, и҆ приснотекꙋ́щїй пото́къ дх҃о́вныхъ дарова́нїй, преподо́бныхъ ѻ҆ц҃є́въ ра́ка, въ бжⷭ҇твенномъ се́мъ хра́мѣ ѿ тебѐ на́мъ дарова́сѧ, і҆и҃се чл҃вѣколю́бче, сп҃си́телю всегѡ̀ мі́ра, бл҃года́телю ще́дрый, врачꙋ̀ дꙋ́шъ и҆ тѣле́съ на́шихъ."
},
{
"type": "TEXT",
"value": "Ра́дꙋйсѧ пꙋсты́нѧ, пре́жде безпло́дна и҆ неѻбита́ема, ны́нѣ же ꙗ҆́кѡ крі́нъ цвѣтꙋ́щаѧ, и҆ и҆́нѡкъ мно́жествомъ и҆спо́лненнаѧ: взыгра́йте го́ры валаа́ма, и҆ всѧ̑ древа̀ дꙋбра́внаѧ, въ дне́шнїй де́нь ра́достнагѡ торжества̀, хва́лѧще съ на́ми се́ргїа и҆ ге́рмана, ѻ҆ц҃є́въ всехва́льныхъ."
},
{
"type": "HEADER",
"value": "Сла́ва, гла́съ ѕ҃:"
},
{
"type": "TEXT",
"value": "Бл҃года́рнымъ се́рдцемъ и҆ ᲂу҆стна́ми хва́лимъ тѧ̀, всеси́льне гдⷭ҇и, ди́вный во ст҃ы́хъ свои́хъ, и҆ творѧ́щїй и҆́ми вє́лїѧ и҆ пресла̑внаѧ: ди́венъ бо ꙗ҆ви́лсѧ є҆сѝ и҆ въ прпⷣбныхъ ѻ҆ц҃ѣ́хъ на́шихъ, и҆́миже въ нꙋ́ждахъ вѣ̑рнымъ посо́бствꙋеши, предста́тельствомъ и҆́хъ больны̑мъ подае́ши здра́вїе, ѿ ѕлы́хъ дꙋхѡ́въ свобожда́еши, ѿ потопле́нїѧ сп҃са́еши. Тѣ́мъ ны́нѣ соверша́юще па́мѧть и҆́хъ, покланѧ́емсѧ держа́вѣ твое́й, и҆ славосло́вѧще вопїе́мъ: безнача́льный ѻ҆́ч҃е, собезнача́льный сн҃е, и҆ равночⷭ҇тный ст҃ы́й дш҃е, трⷪ҇це ст҃а́ѧ сла́ва тебѣ̀."
},
{
"type": "HEADER",
"value": "И҆ ны́нѣ, бг҃оро́диченъ:"
},
{
"type": "TEXT",
"value": "Бцⷣе, ты̀ є҆сѝ лоза̀ и҆́стиннаѧ:"
},
{
"type": "HEADER",
"value": "На лїтꙋргі́и: Бл҃жє́нна ѿ канѡ́на пѣ́снь г҃ и҆ ѕ҃."
},
{
"type": "HEADER",
"value": "Прокі́менъ, гла́съ з҃:"
},
{
"type": "TEXT",
"value": "Чⷭ҇тна̀ пред̾ гдⷭ҇емъ сме́рть прпⷣбныхъ є҆гѡ̀."
},
{
"type": "TEXT",
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
},
{
"type": "HEADER",
"value": "А҆по́столъ къ гала́тѡмъ, зача́ло сг҃і."
},
{
"type": "HEADER",
"value": "Є҆ѵⷢ҇лїе лꙋкѝ, зача́ло к҃д."
},
{
"type": "TEXT",
"value": "Прича́стенъ: Въ па́мѧть вѣ́чнꙋю:"
},
{
"type": "HEADER",
"value": "Мл҃тва а҃:"
},
{
"type": "TEXT",
"value": "Ѽ вели́цїи ѻ҆ц҃ы̀ на́ши хрⷭ҇то́вы ᲂу҆гѡ́дницы, и҆ тє́плыѧ предста́тели ко сп҃сꙋ̀ ѡ҆ дꙋша́хъ на́шихъ, се́ргїе и҆ ге́рмане: вы́ бо въ недꙋ́зѣхъ цѣли́тели ꙗ҆ви́стесѧ, по мо́рю пла́вающымъ ко́рмчїи, и҆ ᲂу҆топа́ющымъ бл҃гонаде́жное и҆збавле́нїе, и҆ ѿ всѧ́кагѡ смертоно́снагѡ наше́ствїѧ храни́тели, па́че же ѿ дꙋхѡ́въ нечи́стыхъ свобожде́нїе и҆ всѧ́кихъ навѣ́тѡвъ проти́вꙋ на́съ содержи́мыхъ ѡ҆чище́нїе и҆ по́мощь. Ѽ пребл҃же́ннїи ѻ҆ц҃ы̀ и҆ чꙋдотво́рцы пресла́внїи, се́ргїе и҆ ге́рмане, моли́тесѧ къ влⷣцѣ хрⷭ҇тꙋ̀ ѡ҆ на́съ грѣ́шныхъ: ꙗ҆́кѡ да ва́шими мл҃твами сподо́бимсѧ въ де́нь сꙋ́дный десна́гѡ предстоѧ́нїѧ, и҆ наслажде́нїѧ во црⷭ҇твїи бж҃їи во вѣ́ки вѣкѡ́въ."
},
{
"type": "HEADER",
"value": "Мл҃тва в҃:"
},
{
"type": "TEXT",
"value": "Ѽ прпⷣбнїи, бг҃оно́снїи, всебл҃же́ннїи ѻ҆ц҃ы̀ на́ши, се́ргїе и҆ ге́рмане, зри́телїе сла́вы бж҃їѧ въ нбⷭ҇номъ црⷭ҇твїи, не пре́зрите на́съ грѣ́шныхъ въ нꙋ́ждахъ и҆ ско́рбехъ на́шихъ: но ᲂу҆скори́те въ по́мощь къ ва́мъ прибѣга́ющымъ: прїими́те воздыха́нїе и҆ сле́зы, и҆ вонми́те смире́нномꙋ моле́нїю на́шемꙋ. Предстоѧ́ще ᲂу҆̀бо нбⷭ҇номꙋ цр҃ю̀, ѽ всебл҃же́ннїи! Моли́те бл҃гость є҆гѡ̀, є҆́же ᲂу҆ще́дрити мѣ́сто селе́нїѧ ва́шегѡ и҆ всѧ́комꙋ гра́дꙋ и҆ странѣ̀ ниспосыла́ти ѻ҆би́лїе бла̑гъ земны́хъ: на врагѝ побѣ́дꙋ и҆ ѡ҆долѣ́нїе на́мъ дарова́ти, сохранѧ́ѧ странꙋ̀ на́шꙋ въ ми́рѣ и҆ тишинѣ̀: всѣ́хъ въ вѣ́рѣ и҆ добродѣ́телѧхъ ᲂу҆тверди́ти, и҆збавлѧ́ѧ при́снѡ ѿ вожделѣ́нїй грѣхо́вныхъ, и҆ ѿ нападе́нїѧ ви́димыхъ и҆ неви́димыхъ врагѡ́въ: ѻ҆би̑димыѧ защити́ти, болѧ́щыѧ ᲂу҆врачева́ти, ѿ томи́тельства ѕлы́хъ дꙋхѡ́въ свободи́ти, на мо́ри пла́вающихъ сп҃са́ти, пꙋтеше́ствꙋющымъ спꙋтеше́ствовати, и҆ всѧ́комꙋ вѣ́рномꙋ въ нꙋ́ждахъ спосо́бствовати: ꙗ҆́кѡ тогѡ̀ всѝ є҆смы̀ творе́нїе, и҆ тогѡ̀ є҆́сть црⷭ҇тво, и҆ си́ла и҆ сла́ва во вѣ́ки вѣкѡ́въ, а҆ми́нь."
}
]