enrich ru lives with Chetyi-Minei texts and track static data

static/data/shared/menaion-daily/08-30/1.json

@@ -0,0 +1,390 @@
+[
+ {
+  "type": "HEADER",
+  "value": "А҆́ѵгꙋста л҃"
+ },
+ {
+  "type": "HEADER",
+  "value": "И҆̀же во ст҃ы́хъ ѻ҆тє́цъ на́шихъ патрїа́рхѡвъ кѡнстанті́нѧ гра́да, а҆леѯа́ндра, і҆ѡа́нна и҆ па́ѵла но́вагѡ."
+ },
+ {
+  "type": "HEADER",
+  "value": "И҆ ст҃а́гѡ бл҃говѣ́рнагѡ вели́кагѡ кнѧ́зѧ данїи́ла моско́вскагѡ. (Слꙋ́жба є҆гѡ̀ пи́сана ма́рта, д҃ де́нь.)"
+ },
+ {
+  "type": "HEADER",
+  "value": "На Гдⷭ҇и, воззва́хъ, стїхи̑ры прⷣте́чи, г҃. И҆ ст҃ы́хъ, г҃."
+ },
+ {
+  "type": "HEADER",
+  "value": "Стїхи̑ры прⷣте́чи, гла́съ д҃."
+ },
+ {
+  "type": "TEXT",
+  "value": "Подо́бенъ: Зва́нный свы́ше:"
+ },
+ {
+  "type": "TEXT",
+  "value": "И҆́же ве́тхагѡ и҆ но́вагѡ бжⷭ҇твенный хода́тай, прⷪ҇ро́къ и҆ прⷣте́ча, а҆́гг҃лъ во пло́ти, беззако́нїѧ ѡ҆бличи́тель: непло́дныѧ прозѧбе́нїе ᲂу҆тро́бы, ᲂу҆ста̀ ѻ҆гнедохновє́ннаѧ, и҆́рѡда ѡ҆бличи́лъ є҆сѝ, беззакѡ́ннаѧ дѣ́юща. И҆́же не терпѧ̀ ѡ҆бличе́нїѧ, ѿсѣщѝ главꙋ̀ твою̀ повелѣва́етъ: и҆ принесе́сѧ ꙗ҆́коже снѣ́дь воздержа́нїѧ, бжⷭ҇твенное наслажде́нїе на блю́дѣ, мно́жае ѡ҆блича́ѧ прелюбы̀ дѣ́ющаго."
+ },
+ {
+  "type": "TEXT",
+  "value": "Ѿ беззако́нныѧ ма́тере нава́ждена, дщѝ беззако́ннаѧ, твою̀ пресла́внꙋю, и҆ а҆́гг҃лѡмъ говѣ́йнꙋю про́ситъ главꙋ̀, ѡ҆бличе́нїѧ бо сеѧ̀ не терпѧ́ше. Тѣ́мже на блю́дѣ сїю̀ прине́сши, и҆ нога́ми вкꙋ́пѣ и҆гра́ющи, ꙗ҆дꙋ́щихъ весе́лїе въ пла́чь ѡ҆братѝ. Но мно́жае ѡ҆блича́еши блꙋ́днꙋю ме́рзость, блаже́нне: хрⷭ҇та̀ молѝ, спасти́сѧ дꙋша́мъ на́шымъ."
+ },
+ {
+  "type": "TEXT",
+  "value": "Ѡ҆б̾юро́денъ пїѧ́нствомъ и҆́рѡдъ, любодѣѧ́нїемъ ᲂу҆крада́етсѧ, плѧса́нными гла́сы, и҆ къ клѧ́твѣ не пра́веднѣй содѣва́етъ ᲂу҆бі́йство твоѐ, пра́ведна проро́ка сла́вне. Но твоѧ̀ сме́рть, пре́жде ᲂу҆ме́ршымъ ꙗ҆́вѣ безсме́ртїе возвѣстѝ: и҆́бо бы́сть и҆ сꙋ́щымъ во а҆́дѣ проповѣ́дникъ и҆ предвѣ́стникъ, прише́ствїе спаси́тельное провозвѣща́ѧ хрⷭ҇та̀ бг҃а на́шегѡ. Є҆го́же молѝ, спастѝ и҆ просвѣти́ти дꙋ́шы на́шѧ."
+ },
+ {
+  "type": "HEADER",
+  "value": "И҆́ны стїхи̑ры ст҃ы́хъ, гла́съ а҃."
+ },
+ {
+  "type": "TEXT",
+  "value": "Подо́бенъ: Всехва́льнїи мꙋ́чєницы:"
+ },
+ {
+  "type": "TEXT",
+  "value": "Всебл҃же́нне а҆леѯа́ндре, па́стырь цр҃кве бы́лъ є҆сѝ, правосла́вїѧ побо́рникъ, а҆́рїевꙋ є҆́ресь низложи́въ мꙋ́дрѣ,. Моли́твами твои́ми, премꙋ́дре, и҆ сегѡ̀ дꙋ́шꙋ ѿме́тнꙋти ѕлѣ̀, помоли́лсѧ є҆сѝ, въ ме́рзскихъ мѣ́стѣхъ, сла́вне. Сегѡ̀ ра́ди согла́снѡ тѧ̀ почита́емъ."
+ },
+ {
+  "type": "TEXT",
+  "value": "І҆ѡа́нне че́стне, пло́ти тлѣ́нїе возненави́дѣлъ є҆сѝ, воздержа́нїемъ и҆ вѣ́рою, бдѣ́нїемъ же и҆ и҆сповѣ́данїемъ, а҆́гг҃лъ земны́й ѡ҆брѣ́лсѧ є҆сѝ, и҆ нбⷭ҇ный человѣ́къ. Хрⷭ҇та̀ молѝ, дарова́ти дꙋша́мъ на́шымъ ве́лїю ми́лость."
+ },
+ {
+  "type": "TEXT",
+  "value": "Па́ѵла бжⷭ҇твєннымъ ᲂу҆че́нїємъ, мꙋ́дре, вои́стиннꙋ повинꙋ́лсѧ є҆сѝ, и҆ ꙗ҆́кѡ на тре́тїе восте́клъ є҆сѝ не́бо, сла́вне, добродѣ́телей на высотꙋ̀, и҆ ᲂу҆слы́шалъ є҆сѝ глаго́лы неизречє́нны и҆ бжⷭ҇твєнны дх҃а, па́ѵле бл҃же́нне, правосла́вныхъ степе́нь недви́жима. Сп҃са на́мъ моли́твами твои́ми ми́лостива сотворѝ."
+ },
+ {
+  "type": "HEADER",
+  "value": "Сла́ва, гла́съ ѕ҃:"
+ },
+ {
+  "type": "TEXT",
+  "value": "Па́ки и҆рѡді́а бѣ́ситсѧ, па́ки смꙋща́етсѧ. Ѽ плѧса́нїѧ льсти́вна, и҆ пи́ра съ ле́стїю! Крⷭ҇ти́тель ᲂу҆сѣка́шесѧ, и҆ и҆́рѡдъ смꙋща́шесѧ. Моли́твами, гдⷭ҇и, твоегѡ̀ прⷣте́чи, ми́ръ пода́ждь дꙋша́мъ на́шымъ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
+ },
+ {
+  "type": "TEXT",
+  "value": "Подо́бенъ: Тридне́венъ:"
+ },
+ {
+  "type": "TEXT",
+  "value": "Ви́дѧщи тѧ̀ распина́ема, хрⷭ҇тѐ, тебѐ ро́ждшаѧ, вопїѧ́ше: что̀ стра́нное є҆́же ви́жꙋ та́инство, сн҃е мо́й; ка́кѡ на дре́вѣ ᲂу҆мира́еши пло́тїю повѣ́шенъ, жи́зни пода́телю;"
+ },
+ {
+  "type": "HEADER",
+  "value": "На стїхо́внѣ стїхи̑ры ѻ҆ктѡ́иха. Сла́ва, гла́съ д҃:"
+ },
+ {
+  "type": "TEXT",
+  "value": "Рожде́нїе неподо́бно, и҆ пи́ръ безстꙋ́днѣйшїй и҆́рѡдъ соверши́лъ є҆́сть. Любодѣ́йствомъ бо же́нскимъ ᲂу҆слажда́емь, и҆ нечести́вымъ женонеи́стовствомъ подстрѣка́емь, ѿсѣчѐ главꙋ̀ прⷣте́чевꙋ: но не ѿсѣчѐ ѧ҆зы́ка проро́ческа, ѡ҆блича́ющагѡ безꙋ́мїе є҆гѡ̀. Пролїѧ̀ кро́вь непови́ннꙋ, покры́ти хотѧ̀ грѣ́хъ беззако́ненъ: но ни ѡ҆ се́мъ скры̀ гла́са, вопїю́щагѡ всѣ̑мъ покаѧ́нїе. Ѻ҆́нъ ᲂу҆́бѡ свеселѧ́шесѧ ᲂу҆бі́йствомъ: мы́ же спра́зднꙋемъ любо́вїю, крⷭ҇ти́телѧ і҆ѡа́нна блаже́нное заколе́нїе. Предвари́ бо во а҆́дѣ жи́знь, проповѣ́дати сꙋ́щымъ во тмѣ̀ и҆ сѣ́ни сме́ртнѣй сѣдѧ́щымъ, свы́ше восто́къ хрⷭ҇та̀ бг҃а на́шего, є҆ди́наго многоми́лостиваго."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
+ },
+ {
+  "type": "TEXT",
+  "value": "Подо́бенъ: Ꙗ҆́кѡ до́блѧ:"
+ },
+ {
+  "type": "TEXT",
+  "value": "А҆́гнца и҆ па́стырѧ тѧ̀, на дре́вѣ ꙗ҆́кѡ ви́дѣ, а҆́гнца ро́ждшаѧ рыда́ше, и҆ мт҃рски тѝ вѣща́ше: сн҃е возжелѣ́нне, ка́кѡ на дре́вѣ крⷭ҇тнѣмъ повѣ́шенъ є҆сѝ, долготерпѣли́ве; ка́кѡ рꙋ́цѣ и҆ но́зѣ твоѝ, сло́ве, пригвозди́шасѧ ѿ беззако́нныхъ, и҆ кро́вь твою̀ и҆злїѧ́лъ є҆сѝ, влⷣко;"
+ },
+ {
+  "type": "HEADER",
+  "value": "Тропа́рь, гла́съ в҃:"
+ },
+ {
+  "type": "TEXT",
+  "value": "Па́мѧть пра́веднагѡ съ похвала́ми, тебѣ́ же довлѣ́етъ свидѣ́тельство гдⷭ҇не, прⷣте́че, показа́лбосѧ є҆сѝ вои́стиннꙋ и҆ прⷪ҇ро́кѡвъ честнѣ́йшїй, ꙗ҆́кѡ и҆ въ стрꙋѧ́хъ крести́ти сподо́билсѧ є҆сѝ проповѣ́даннаго. Тѣ́мже за и҆́стинꙋ пострада́въ ра́дꙋѧсѧ, благовѣсти́лъ є҆сѝ и҆ сꙋ́щымъ во а҆́дѣ бг҃а ꙗ҆́вльшагосѧ пло́тїю, взе́млющаго грѣ́хъ мі́ра, и҆ подаю́щаго на́мъ ве́лїю ми́лость."
+ },
+ {
+  "type": "HEADER",
+  "value": "Сла́ва, ст҃ы́хъ, гла́съ д҃:"
+ },
+ {
+  "type": "TEXT",
+  "value": "Бж҃е ѻ҆тє́цъ на́шихъ, творѧ́й при́снѡ съ на́ми по твое́й кро́тости, не ѿста́ви ми́лость твою̀ ѿ на́съ: но моли́твами и҆́хъ въ ми́рѣ ᲂу҆пра́ви живо́тъ на́шъ."
+ },
+ {
+  "type": "HEADER",
+  "value": "На ᲂу҆́трени, канѡ́на ѻ҆ктѡ́иха є҆ди́нъ, и҆ прⷣте́чи на д҃, вчера́шнїй, и҆ ст҃ы́хъ на д҃. Гла́съ и҃."
+ },
+ {
+  "type": "HEADER",
+  "value": "Пѣ́снь а҃."
+ },
+ {
+  "type": "TEXT",
+  "value": "І҆рмо́съ: Пои́мъ гдⷭ҇еви, прове́дшемꙋ лю́ди своѧ̑ сквозѣ̀ чермно́е мо́ре, ꙗ҆́кѡ є҆ди́нъ сла́внѡ просла́висѧ."
+ },
+ {
+  "type": "TEXT",
+  "value": "Трисвѣ́тлаѧ ѻ҆тє́цъ дне́сь возсїѧ̀ зарѧ̀, всесла́внаѧ па́мѧть, є҆ѧ́же вѣ́рнѡ наслади́вшесѧ ликꙋ́емъ."
+ },
+ {
+  "type": "TEXT",
+  "value": "Разори́лъ є҆сѝ, ст҃и́телю, є҆ретїкѡ́въ ᲂу҆тверждє́нїѧ, бл҃гочести́вымъ дерзнове́нїемъ, проповѣ́давъ трⷪ҇цꙋ, а҆леѯа́ндре."
+ },
+ {
+  "type": "TEXT",
+  "value": "Тро́сть тво́й ѧ҆зы́къ, бг҃опи́саннѡ соверши́въ, дх҃а бл҃года́ть, ѻ҆́ч҃е і҆ѡа́нне, вѣ́рꙋ ᲂу҆ѧснѝ."
+ },
+ {
+  "type": "TEXT",
+  "value": "Па́ѵла чꙋ́днагѡ причасти́всѧ зва́нїю, блаже́нне, ѻ҆́нагѡ ꙗ҆ви́лсѧ є҆сѝ ѻ҆́бразъ добродѣ́телей неизмѣ́ненъ."
+ },
+ {
+  "type": "TEXT",
+  "value": "Бг҃оро́диченъ: Пое́мъ гдⷭ҇еви, и҆зъ дв҃ы благоизво́лившемꙋ воплоти́тисѧ безъ сѣ́мене, за на́ше спасе́нїе и҆ и҆збавле́нїе."
+ },
+ {
+  "type": "HEADER",
+  "value": "Пѣ́снь г҃."
+ },
+ {
+  "type": "TEXT",
+  "value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
+ },
+ {
+  "type": "TEXT",
+  "value": "И҆зрѧ́днѡ ᲂу҆па́слъ є҆сѝ влⷣки твоегѡ̀ ста́до: тѣ́мже ꙗ҆́кѡ ст҃и́телѧ вѣ́чнѡ тѧ̀ сла́витъ, а҆леѯа́ндре."
+ },
+ {
+  "type": "TEXT",
+  "value": "Во́ды спаси́тєльныѧ ѧ҆зы́комъ твои́мъ и҆сточи́лъ є҆сѝ, благоче́стна ᲂу҆чє́нїѧ ста́дꙋ, і҆ѡа́нне блаже́нне."
+ },
+ {
+  "type": "TEXT",
+  "value": "Па́ѵле всеблаже́нне, и҆збра́нїѧ хрⷭ҇то́ва бы́лъ є҆сѝ сосꙋ́дъ свѣ́телъ, зва́нїемъ же и҆ житїе́мъ ꙗ҆́вѣ подо́бїе."
+ },
+ {
+  "type": "TEXT",
+  "value": "Бг҃оро́диченъ: Тѧ̀ всѝ и҆́мамы прибѣ́жище и҆ стѣ́нꙋ на́шꙋ хрⷭ҇тїа́не, тѧ̀ славосло́вимъ немо́лчнѡ, безневѣ́стнаѧ."
+ },
+ {
+  "type": "HEADER",
+  "value": "Конда́къ ст҃ы́хъ, гла́съ и҃:"
+ },
+ {
+  "type": "TEXT",
+  "value": "Хрⷭ҇то́вою любо́вїю распала́еми сла́внїи, и҆ ꙗ҆ре́мъ є҆гѡ̀ прїе́мшїи крⷭ҇тъ честны́й, подража́тели тогѡ̀ житїѧ̀ ꙗ҆ви́стесѧ, и҆ бжⷭ҇твенныѧ сла́вы є҆гѡ̀ прича́стницы бы́сте. А҆леѯа́ндре бг҃омꙋ́дре со і҆ѡа́нномъ чꙋ́днымъ и҆ па́ѵломъ сла́внымъ. Тѣ́мже прⷭ҇то́лꙋ є҆гѡ̀ предстоѧ́ще, прилѣ́жнѡ моли́тесѧ за дꙋ́шы на́шѧ."
+ },
+ {
+  "type": "HEADER",
+  "value": "И҆ сѣда́ленъ прⷣте́чи. Сла́ва, ст҃ы́хъ, гла́съ д҃."
+ },
+ {
+  "type": "TEXT",
+  "value": "Подо́бенъ: Ско́рѡ предварѝ:"
+ },
+ {
+  "type": "TEXT",
+  "value": "Ѻ҆тцє́въ трисвѣ́тлаѧ свѣща̀ возсїѧ̀, вѣ́рныхъ составлє́нїѧ просвѣща́ющаѧ при́снѡ, къ бжⷭ҇твенномꙋ позна́нїю, разорѧ́ющи безбо́жныхъ нече́стїе всѐ, ᲂу҆че́нїемъ премꙋ́дрости посрамлѧ́юще вкꙋ́пѣ, а҆леѯа́ндръ и҆ і҆ѡа́ннъ, съ ни́миже и҆ па́ѵелъ сла́вный."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Дв҃о всенепоро́чнаѧ, ꙗ҆́же пресꙋ́щнаго бг҃а ро́ждшаѧ, со безпло́тными того̀ непреста́ннѡ молѝ, ѡ҆ставле́нїе прегрѣше́нїй, и҆ и҆справле́нїе житїѧ̀ да́ти на́мъ пре́жде конца̀, вѣ́рою и҆ любо́вїю пою́щымъ тѧ̀ по до́лгꙋ, є҆ди́на всепѣ́таѧ."
+ },
+ {
+  "type": "TEXT",
+  "value": "Крⷭ҇тобг҃оро́диченъ: Дв҃о пренепоро́чнаѧ мт҃и хрⷭ҇та̀ бг҃а, ѻ҆рꙋ́жїе про́йде твою̀ прест҃ꙋ́ю дш҃ꙋ, є҆гда̀ распина́ема ви́дѣла є҆сѝ во́лею, сн҃а и҆ бг҃а твоего̀: є҆го́же благослове́ннаѧ молѧ́щи не преста́й, проще́нїе прегрѣше́нїй на́мъ дарова́ти."
+ },
+ {
+  "type": "HEADER",
+  "value": "Пѣ́снь д҃."
+ },
+ {
+  "type": "TEXT",
+  "value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
+ },
+ {
+  "type": "TEXT",
+  "value": "Во смра́днѣ мѣ́стѣ ѿве́рглъ є҆сѝ, по подо́бїю і҆ꙋ́ды преда́телѧ хрⷭ҇то́ва, съ ѧ҆зы́чнымъ вкꙋ́пѣ тече́нїемъ, по достоѧ́нїю, ѽ блаже́нне а҆леѯа́ндре!"
+ },
+ {
+  "type": "TEXT",
+  "value": "Ꙗ҆́кѡ ма́слина плодови́та, въ домꙋ̀ бж҃їи стоѧ̀, вѣ́рꙋющыѧ въ ѻ҆́нь приве́лъ є҆сѝ, і҆ѡа́нне, пло́дъ зрѣ́лъ."
+ },
+ {
+  "type": "TEXT",
+  "value": "Смире́нїѧ крыло́ма вра́жїѧ сѣ́ти и҆збѣ́глъ є҆сѝ: тѣ́мже, прпⷣбне, возвыша́емь, нбⷭ҇ный граждани́нъ, па́ѵле, бы́лъ є҆сѝ."
+ },
+ {
+  "type": "TEXT",
+  "value": "Бг҃оро́диченъ: Дв҃ꙋ воспое́мъ, по ржⷭ҇твѣ̀ дв҃ꙋ пребы́вшꙋю, ꙗ҆́кѡ ро́ждшꙋю хрⷭ҇та̀ бг҃а, ѿ ле́сти мі́ръ и҆зба́вльшаго."
+ },
+ {
+  "type": "HEADER",
+  "value": "Пѣ́снь є҃."
+ },
+ {
+  "type": "TEXT",
+  "value": "І҆рмо́съ: Оу҆́тренююще, вопїе́мъ тѝ, гдⷭ҇и, спаси́ ны: ты́ бо є҆сѝ бг҃ъ на́шъ, ра́звѣ тебє̀ и҆но́гѡ не вѣ́мы."
+ },
+ {
+  "type": "TEXT",
+  "value": "Митрофа́новъ престо́лъ, а҆леѯа́ндре, ᲂу҆краша́ѧ, и҆ пре́жде престо́ла просїѧ́лъ є҆сѝ во ᲂу҆че́нїихъ свѧти́тельскихъ."
+ },
+ {
+  "type": "TEXT",
+  "value": "А҆́ще и҆ во смире́нїи, ѻ҆́ч҃е, пожи́лъ є҆сѝ, чꙋ́денъ ꙗ҆ви́лсѧ є҆сѝ въ нїке́и бг҃ослове́сными ᲂу҆чє́нїи."
+ },
+ {
+  "type": "TEXT",
+  "value": "Слове́съ твои́хъ благода́ть ᲂу҆твержда́етъ цр҃ковь, сто́лпъ тѧ̀, і҆ѡа́нне, правосла́вїѧ позна́вши."
+ },
+ {
+  "type": "TEXT",
+  "value": "Бг҃оро́диченъ: Дв҃ꙋ по ржⷭ҇твѣ̀ пое́мъ тѧ̀, бцⷣе: ты́ бо бг҃а сло́ва пло́тїю мі́рови родила̀ є҆сѝ."
+ },
+ {
+  "type": "HEADER",
+  "value": "Пѣ́снь ѕ҃."
+ },
+ {
+  "type": "TEXT",
+  "value": "І҆рмо́съ: Ри́зꙋ мнѣ̀ пода́ждь свѣ́тлꙋ, ѡ҆дѣѧ́йсѧ свѣ́томъ, ꙗ҆́кѡ ри́зою, многомлⷭ҇тиве хрⷭ҇тѐ бж҃е на́шъ."
+ },
+ {
+  "type": "TEXT",
+  "value": "Мꙋ́жески по хрⷭ҇то́вѣ побора́ѧ це́ркви, прострѣли́лъ є҆сѝ моли́твенными, ѻ҆́ч҃е, стрѣла́ми, преда́телѧ хрⷭ҇то́ва а҆́рїа, сла́вне."
+ },
+ {
+  "type": "TEXT",
+  "value": "Ꙗ҆́кѡ лоза̀ вїногра́да жи́зни, і҆ѡа́нне сла́вне, мно́гъ возрасти́лъ є҆сѝ влⷣцѣ твоемꙋ̀ пло́дъ, всеблаже́нне."
+ },
+ {
+  "type": "TEXT",
+  "value": "Бѣжа́ти и҆зво́лилъ є҆сѝ благоче́стнѡ ѿ ца́рскагѡ гра́да, і҆кѡ́ннагѡ поклоне́нїѧ ѿмета́ющасѧ беззако́ннѡ, па́ѵле всече́стне."
+ },
+ {
+  "type": "TEXT",
+  "value": "Бг҃оро́диченъ: Ꙗ҆́же є҆ди́на сло́вомъ пло́тїю сло́ва ро́ждши, и҆зба́ви, мо́лимсѧ, ѿ сѣ́ти вра́жїѧ дꙋ́шы на́шѧ."
+ },
+ {
+  "type": "HEADER",
+  "value": "Конда́къ, гла́съ д҃."
+ },
+ {
+  "type": "TEXT",
+  "value": "Подо́бенъ: Ꙗ҆ви́лсѧ є҆сѝ дне́сь:"
+ },
+ {
+  "type": "TEXT",
+  "value": "И҆́рѡдъ прⷣте́че, беззако́нновавъ, женѣ̀ подадѐ главꙋ̀ твою̀ честнꙋ́ю, є҆́йже покланѧ́ющесѧ весели́мсѧ: и҆рѡді́а же пла́четъ и҆ рыда́етъ, и҆ и҆́рѡдъ, и҆ плѧса́вшаѧ."
+ },
+ {
+  "type": "TEXT",
+  "value": "І҆́косъ: Оу҆гото́вимсѧ, бра́тїе, къ бжⷭ҇твенномꙋ пи́рꙋ: се́ бо прⷣте́чева бг҃оно́снаѧ глава̀, ꙗ҆́коже бра́шно чи́сто въ це́ркви предлага́етсѧ на́мъ, ꙗ҆́же крѡ́ви пролива́ющи, и҆сцѣлє́нїѧ же па́че и҆спꙋща́ющи, и҆ и҆̀же ѿ пїѧ́нства грѣхо́внагѡ болѧ́щыѧ, и҆сцѣлѧ́ющи лѣчба́ми по́стными. Никто́же ᲂу҆́бѡ пи́щею тлѣ́нною да ᲂу҆держи́тсѧ, и҆ лиши́тсѧ прⷣте́чи ны́нѣ бжⷭ҇твенныѧ пи́щи. Мі́ръ ᲂу҆́бѡ весели́тсѧ, и҆рѡді́а же пла́четъ и҆ рыда́етъ, и҆ и҆́рѡдъ, и҆ плѧса́вшаѧ."
+ },
+ {
+  "type": "HEADER",
+  "value": "Пѣ́снь з҃."
+ },
+ {
+  "type": "TEXT",
+  "value": "І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "Таи́нникъ и҆́стиннѡ пребжⷭ҇твенныѧ трⷪ҇цы ꙗ҆ви́лсѧ є҆сѝ, пребога́те, чи́стѡ нетлѣ́ннѣй слꙋжи́лъ є҆сѝ, поѧ̀ ѿ се́рдца, а҆леѯа́ндре: ѻ҆тє́цъ на́шихъ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "Сокро́вище тѧ̀ ᲂу҆че́нїй и҆ и҆сто́чника чꙋде́съ хрⷭ҇то́съ показа̀, и҆сточа́юща бога́тство бг҃оразꙋ́мїѧ, і҆ѡа́нне, зовꙋ́щымъ: ѻ҆тє́цъ на́шихъ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "Равноа́гг҃льное житїѐ, па́ѵлꙋ бжⷭ҇твенномꙋ, и҆ тебѣ̀ тезоимени́томꙋ, въ широтѣ́ же се́рдца и҆злїѧ́нїѧ премꙋ́дрости, и҆ въ ра́зꙋмѣ неизглаго́ланнѣмъ, тѧ̀ подсо́лнечнѣй все́й просла́ви, бг҃омꙋ́дре."
+ },
+ {
+  "type": "TEXT",
+  "value": "Бг҃оро́диченъ: Ѿ дв҃и́ческагѡ чре́ва вопло́щсѧ, ꙗ҆ви́лсѧ є҆сѝ на спасе́нїе на́ше. Тѣ́мже твою̀ мт҃рь вѣ́дꙋще бцⷣꙋ, благода́рственнѡ зове́мъ: ѻ҆тє́цъ на́шихъ бж҃е, бл҃гослове́нъ є҆сѝ."
+ },
+ {
+  "type": "HEADER",
+  "value": "Пѣ́снь и҃."
+ },
+ {
+  "type": "TEXT",
+  "value": "І҆рмо́съ: На горѣ̀ ст҃ѣ́й просла́вльшасѧ, и҆ въ кꙋпинѣ̀ ѻ҆гне́мъ приснодв҃ы мѡѷсе́ови та́йнꙋ ꙗ҆́вльшаго, гдⷭ҇а по́йте, и҆ превозноси́те во всѧ̑ вѣ́ки."
+ },
+ {
+  "type": "TEXT",
+  "value": "Ѕлочести́ваго, моли́твою прилѣ́жною твое́ю, а҆́рїа ᲂу҆би́въ, а҆леѯа́ндре бг҃омꙋ́дре, въ ме́рзскихъ мѣ́стѣхъ ᲂу҆дави́лъ є҆сѝ ꙗ҆́коже дрꙋга́го і҆ꙋ́дꙋ, подо́бными ѻ҆́бразы ѿстꙋ́пльша ѕлѣ̀."
+ },
+ {
+  "type": "TEXT",
+  "value": "Бг҃обо́рецъ хрⷭ҇то́вꙋ ри́зꙋ раздра́вый, ꙗ҆́кѡ преда́тель, ни́цъ просѣ́десѧ посредѣ̀, и҆ ны́нѣ въ гее́ннѣ мꙋче́нїю подлежи́тъ, ꙗ҆́коже дрꙋгі́й і҆ꙋ́да, а҆́рїй безꙋ́мный, а҆леѯа́ндре треблаже́нне."
+ },
+ {
+  "type": "TEXT",
+  "value": "Воздержа́нїемъ ꙗ҆́кѡ безпло́тенъ ꙗ҆ви́лсѧ є҆сѝ, бдѣ́нми ꙗ҆́кѡ премно́гѡ, во ᲂу҆че́нїихъ вы́нꙋ бы́лъ є҆сѝ, и҆ и҆сто́чникъ ра́йскїй бога́тъ, і҆ѡа́нне, во всѧ̑ вѣ́ки."
+ },
+ {
+  "type": "TEXT",
+  "value": "Бг҃оро́диченъ: Стра́шное твоѐ ржⷭ҇тво̀, бцⷣе, ка́кѡ воспое́тъ человѣ́ческое ликостоѧ́нїе: ꙗ҆́кѡ дв҃а пребыва́еши и҆ ро́ждши, вои́стиннꙋ па́че сло́ва, и҆ вы́ше вины̀ твоѧ̑ та̑йны, бг҃ороди́тельнице;"
+ },
+ {
+  "type": "HEADER",
+  "value": "Пѣ́снь ѳ҃."
+ },
+ {
+  "type": "TEXT",
+  "value": "І҆рмо́съ: Тѧ̀ неискꙋсобра́чнꙋю мт҃рь бг҃а вы́шнѧгѡ, тѧ̀ па́че ᲂу҆ма̀ ро́ждшꙋю сло́вомъ вои́стиннꙋ бг҃а, вы́шшꙋю пречⷭ҇тыхъ си́лъ, немо́лчными славословлє́нїи велича́емъ."
+ },
+ {
+  "type": "TEXT",
+  "value": "Зако́ненъ бы́въ прпⷣбенъ ᲂу҆чени́къ тво́й, и҆ живонѡ́снымъ твои̑мъ словесє́мъ повинꙋ́ѧсѧ а҆леѯа́ндръ, ст҃и́тель бы́въ, ѽ митрофа́не, кро́токъ и҆ цѣломꙋ́дръ, ны́нѣ по достоѧ́нїю ᲂу҆блажа́етсѧ."
+ },
+ {
+  "type": "TEXT",
+  "value": "Таи́нникъ и҆звѣ́стенъ бы́лъ є҆сѝ, ѻ҆́ч҃е, неизрече́нныхъ, ѽ бг҃облаже́нне і҆ѡа́нне всебога́те, и҆ тайново́децъ неизглаго́ланныхъ ᲂу҆стро́илсѧ є҆сѝ. Тѣ́мже, ѻ҆́ч҃е, трⷪ҇цꙋ бж҃е́ственнꙋю проповѣ́далъ є҆сѝ."
+ },
+ {
+  "type": "TEXT",
+  "value": "Тѧ̀ неѕло́бива и҆ прпⷣбна, ѻ҆́ч҃е, па́стырѧ, непоро́чна, чи́ста и҆ нескве́рна, цѣломꙋ́дренна же и҆ сла́вна, и҆́стины сло́ва и҆спра́вльша, по достоѧ́нїю, па́ѵле, почита́емъ."
+ },
+ {
+  "type": "TEXT",
+  "value": "Ѽ бг҃облаже́ннаѧ тро́ице ѻ҆тє́цъ чꙋ́дныхъ! Ны́нѣ на нб҃сѣ́хъ безсме́ртнымъ ѡ҆боже́на бж҃ество́мъ, є҆мꙋ́же на землѝ благоче́стнѡ послꙋжи́сте, моли́ти ѡ҆ ста́дѣ не преста́йте."
+ },
+ {
+  "type": "TEXT",
+  "value": "Бг҃оро́диченъ: Ст҃а́ѧ всенепоро́чнаѧ, сосꙋ́де́ благово́нїѧ, молѝ хрⷭ҇та̀, є҆го́же родила̀ є҆сѝ, во́инствꙋ ᲂу҆́бѡ побѣ̑днаѧ и҆ рабо́тнагѡ и҆́га да́ти ѡ҆сла́бꙋ лю́демъ твои̑мъ: тѧ́ бо непреста́ннѡ велича́емъ."
+ },
+ {
+  "type": "HEADER",
+  "value": "Свѣти́ленъ прⷣте́чи."
+ },
+ {
+  "type": "HEADER",
+  "value": "На стїхо́внѣ стїхи̑ры ѻ҆ктѡ́иха. Сла́ва, гла́съ и҃:"
+ },
+ {
+  "type": "TEXT",
+  "value": "Прⷣте́че сп҃совъ, ты̀ царѧ̀ и҆з̾ѡбличи́лъ є҆сѝ беззако́нїѧ не дѣ́лати. Тѣ́мже и҆гра́нїе беззако́нныѧ жены̀, повинꙋ̀ и҆́рѡда ѿсѣщѝ твою̀ главꙋ̀: и҆ сегѡ̀ ра́ди ѿ востѡ́къ со́лнца да́же до за̑падъ хва́льнѡ и҆́мѧ твоѐ. Дерзнове́нїе и҆мѣ́ѧ ко гдⷭ҇ꙋ, прилѣ́жнѡ молѝ спасти́сѧ дꙋша́мъ на́шымъ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ:"
+ },
+ {
+  "type": "TEXT",
+  "value": "Подо́бенъ: Ѽ пресла́внагѡ чꙋдесѐ!"
+ },
+ {
+  "type": "TEXT",
+  "value": "А҆́гница, а҆́гнца ꙗ҆́кѡ ви́дѣ, на дре́вѣ просте́рта во́лею крⷭ҇тнѣмъ, вопїѧ́ше мт҃рски, болѣ́знꙋющи съ пла́чемъ: сн҃е мо́й, что̀ стра́нное сїѐ видѣ́нїе; всѣ̑мъ живо́тъ даѧ́й ꙗ҆́кѡ гдⷭ҇и, ка́кѡ ᲂу҆мерщвлѧ́ешисѧ, долготерпѣли́ве, земны̑мъ подаѧ̀ воскресе́нїе; сла́влю твоѐ мно́гое, бж҃е мо́й, снизхожде́нїе."
+ }
+]

static/data/shared/menaion-daily/08-30/3.json

@@ -0,0 +1,862 @@
+[
+ {
+  "type": "HEADER",
+  "value": "А҆́ѵгꙋста л҃"
+ },
+ {
+  "type": "HEADER",
+  "value": "Преставле́нїе прпⷣбнагѡ а҆леѯа́ндра сви́рскагѡ."
+ },
+ {
+  "type": "HEADER",
+  "value": "На ма́лѣй вече́рни, стїхи̑ры на д҃, гла́съ д҃."
+ },
+ {
+  "type": "TEXT",
+  "value": "Подо́бенъ: Ꙗ҆́кѡ до́блѧ:"
+ },
+ {
+  "type": "TEXT",
+  "value": "Воздержа́нїемъ стра́сть плотскꙋ́ю ᲂу҆мертви́лъ є҆сѝ, и҆ дꙋ́шꙋ ѡ҆живи́лъ є҆сѝ посто́мъ, и҆ добродѣ́телей свѧще́нїемъ. Ѿсю́дꙋ же ꙗ҆ви́лсѧ є҆сѝ ꙗ҆́кѡ жи́въ, и҆ по кончи́нѣ вои́стиннꙋ: ꙗ҆́коже бо со́нъ вмѣни́сѧ тебѣ̀ сме́рть, къ бг҃ꙋ преста́вльшꙋсѧ, и҆ въ рꙋ́цѣ дꙋ́шꙋ прело́жшꙋ є҆мꙋ̀, а҆леѯа́ндре всесла́вне."
+ },
+ {
+  "type": "TEXT",
+  "value": "Страсте́й ᲂу҆спи́лъ є҆сѝ жела̑нїѧ, а҆леѯа́ндре, бдѣ́нїе всено́щное стѧжа́въ, вели́кое послꙋша́нїе, смире́нїе, поꙋче́нїе же бжⷭ҇твенныхъ писа́нїй, и҆ се́рдце чи́сто, и҆ ᲂу҆́мъ несмꙋще́нъ. Тѣ́мже бы́лъ є҆сѝ прїѧ́телище дх҃а ст҃а́гѡ, зарѧ́ми чꙋде́съ ѡ҆блиста́ющаго тѧ̀ всегда̀."
+ },
+ {
+  "type": "TEXT",
+  "value": "Мїрско́е пристра́стїе до конца̀ возненави́дѣлъ є҆сѝ, и҆ безстра́стїѧ сосꙋ́дъ бы́лъ є҆сѝ, любомꙋ́дрїѧ же, сла́вне, дѣ́тельнымъ восхожде́нїемъ, возвы́силсѧ є҆сѝ къ самомꙋ̀ жела́нїю коне́чномꙋ, ᲂу҆зрѣ́лъ є҆сѝ та̑йны видѣ́нїемъ неви́димыхъ, недомы́слєнныѧ бжⷭ҇твєнныѧ добрѡ́ты, а҆леѯа́ндре всемꙋ́дре."
+ },
+ {
+  "type": "HEADER",
+  "value": "Сла́ва, гла́съ то́йже:"
+ },
+ {
+  "type": "TEXT",
+  "value": "Дꙋхо́вною бл҃года́тїю ѿе́млеши недꙋ́ги страсте́й, и҆ ѿго́ниши дꙋ́хи лꙋка̑выѧ, и҆сцѣлѧ́еши стра̑сти неисцѣ̑льныѧ, а҆леѯа́ндре всесла́вне, и҆ просвѣща́еши вѣ̑рныѧ блиста̑нїи чꙋде́съ твои́хъ. Тѣ́мже дне́сь гла̑сы немо́лчными воспѣва́емъ пресвѣ́тлꙋю и҆ свѣтоно́снꙋю па́мѧть твою̀."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "И҆зба́ви на́съ ѿ нꙋ́ждъ на́шихъ:"
+ },
+ {
+  "type": "HEADER",
+  "value": "На стїхо́внѣ стїхи̑ры, гла́съ д҃."
+ },
+ {
+  "type": "TEXT",
+  "value": "Подо́бенъ: Да́лъ є҆сѝ зна́менїе:"
+ },
+ {
+  "type": "TEXT",
+  "value": "Свѣ́тлѡ возсїѧ̀ ꙗ҆́кѡ со́лнце, прпⷣбне, всепра́зднственнаѧ па́мѧть твоѧ̀, зарѧ́ми ѡ҆блиста́ющи, твои́хъ добродѣ́тельныхъ дѣѧ́нїй, всеблаже́нне, и҆ ѡ҆зарѧ́ющи вѣ́рныхъ мы̑сли, сїѧ́нїемъ чꙋде́съ твои́хъ. Сїю̀ ᲂу҆́бѡ пра́зднꙋюще, ра́достнѡ тѧ̀ почита́емъ, мона́шествꙋющихъ похвало̀, и҆ вѣ́рныхъ ᲂу҆твержде́нїе."
+ },
+ {
+  "type": "TEXT",
+  "value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
+ },
+ {
+  "type": "TEXT",
+  "value": "До́лꙋ лега́нїемъ и҆ воста́нїемъ, и҆ сле́зъ течє́нїи ѡ҆скорблѧ́емь, и҆ всено́щными стоѧ̑нїи и҆знꙋрѧ́емь, мона́хѡвъ бы́лъ є҆сѝ ѻ҆́бразъ ве́лїй, и҆ ѻ҆́бщее пра́вило, и҆ похвалы̀ вѣне́цъ: всѧ́къ бо ви́дъ добродѣ́телей и҆спра́вивъ, вы́шнѧгѡ црⷭ҇твїѧ наслѣ́дникъ ꙗ҆ви́лсѧ є҆сѝ, премꙋ́дре, воздержа́нїемъ."
+ },
+ {
+  "type": "TEXT",
+  "value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
+ },
+ {
+  "type": "TEXT",
+  "value": "Чꙋ́до па́че ᲂу҆ма̀, во ᲂу҆спе́нїи твое́мъ бы́сть, бг҃оꙋкраше́нно чꙋде́снѣ, внегда̀ тѝ собо́ръ мона́шествꙋющихъ, ѻ҆́ч҃е, предста̀, и҆ внеза́пꙋ ꙗ҆́кѡ со́лнце, мꙋ́дре, лицѐ твоѐ ѡ҆блиста̀, па́че со́лнечныхъ лꙋ̑чъ возсїѧ́вши, ꙗ҆влѧ́ѧ блиста́ющꙋю твоеѧ̀ дꙋшѝ чистотꙋ̀, и҆ ᲂу҆вѣрѧ́ѧ всѣ́хъ, каковꙋ̀ кончи́нꙋ, блаже́нне, полꙋчи́лъ є҆сѝ."
+ },
+ {
+  "type": "HEADER",
+  "value": "Сла́ва, гла́съ ѕ҃:"
+ },
+ {
+  "type": "TEXT",
+  "value": "Ꙗ҆́кѡ бжⷭ҇твеннагѡ па́стырѧ и҆ ᲂу҆чи́телѧ тѧ̀ всѝ восхва́лимъ дне́сь: но́вѡ бо на́мъ ꙗ҆́кѡ многосвѣ́тлаѧ ѕвѣзда̀ въ рѡссі́йстѣй странѣ̀ просїѧ́въ, чꙋдєсы̀ твои́ми ве́сь мі́ръ ᲂу҆диви́лъ є҆сѝ, въ пꙋсты́нѧхъ же непроходи́мыхъ мꙋ́жески подвиза́всѧ, и҆ крѣ́пкѡ терпѧ̀, врага̀ побѣди́лъ є҆сѝ до конца̀. Тѣ́мже хрⷭ҇тоимени́тое твоѐ ста́до ᲂу҆па́слъ є҆сѝ, и҆ хра́мъ гдⷭ҇еви воздви́глъ є҆сѝ любо́вїю, а҆леѯа́ндре премꙋ́дре. И҆ ꙗ҆́кѡ вои́стиннꙋ бжⷭ҇твенныѧ бл҃года́ти сподо́бивсѧ, и҆ въ небеса̀ всели́всѧ, зри́ши ст҃ꙋ́ю трⷪ҇цꙋ: ю҆́же молѝ спасти́сѧ дꙋша́мъ на́шымъ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Бцⷣе, ты̀ є҆сѝ лоза̀ и҆́стиннаѧ:"
+ },
+ {
+  "type": "HEADER",
+  "value": "Тропа́рь, гла́съ д҃:"
+ },
+ {
+  "type": "TEXT",
+  "value": "Ѿ ю҆́ности, бг҃омꙋ́дре, жела́нїемъ дꙋхо́внымъ въ пꙋсты́ню всели́всѧ, є҆ди́нагѡ хрⷭ҇та̀ возжела́лъ є҆сѝ ᲂу҆се́рднѡ стопа́мъ въ слѣ́дъ ходи́ти. Тѣ́мже и҆ а҆́гг҃льстїи чи́ни зрѧ́ще тѧ̀, ᲂу҆диви́шасѧ, ка́кѡ съ пло́тїю къ неви̑димымъ ко́знемъ подвиза́всѧ, премꙋ́дре, побѣди́лъ є҆сѝ полкѝ страсте́й воздержа́нїемъ, и҆ ꙗ҆ви́лсѧ є҆сѝ равноа́гг҃ленъ на землѝ, а҆леѯа́ндре прпⷣбне, молѝ хрⷭ҇та̀ бг҃а, да спасе́тъ дꙋ́шы на́шѧ."
+ },
+ {
+  "type": "HEADER",
+  "value": "На вели́цѣй вече́рни, Блаже́нъ мꙋ́жъ: На Гдⷭ҇и, воззва́хъ, стїхи̑ры, на и҃, гла́съ ѕ҃:"
+ },
+ {
+  "type": "TEXT",
+  "value": "Подо́бенъ: Всѐ ѿло́жше:"
+ },
+ {
+  "type": "TEXT",
+  "value": "Вседержи́тельною десни́цею ᲂу҆крѣплѧ́емь, всѧ̑ ѿве́ргъ страсте́й безсловє́сїѧ, пло́ть дꙋ́хꙋ покори́лъ є҆сѝ, и҆ бы́лъ є҆сѝ добродѣ́телей пра́вило, мона́хѡвъ ᲂу҆твержде́нїе, по́стникѡвъ ѻ҆́бразъ, прпⷣбныхъ ᲂу҆добре́нїе. И҆ ны́нѣ неизречє́нныѧ добрѡ́ты зри́ши нераздѣли́мыѧ трⷪ҇цы, а҆леѯа́ндре премꙋ́дре, пита́ѧсѧ при́снѡ бжⷭ҇твенными добро́тами на нб҃сѣ́хъ дꙋ́хомъ. Тѣ́мъ соше́дшесѧ, пѣ̑нїи дꙋхо́вными, въ пѣ́снехъ твою̀ честнꙋ́ю, и҆ всепра́зднственнꙋю па́мѧть пра́зднꙋемъ."
+ },
+ {
+  "type": "TEXT",
+  "value": "Стра̑стнаѧ взыгра̑нїѧ воздержа́нїемъ всѧ̑ ѿве́рглъ є҆сѝ, и҆ многомѧте́жное пло́ти волне́нїе ᲂу҆кроти́въ, дыха́нїѧ стра́стнагѡ пребы́лъ є҆сѝ непрекло́ненъ, ꙗ҆́кѡ сто́лпъ ᲂу҆крѣплѧ́емь, дꙋхо́вными бронѧ́ми, ᲂу҆мо́мъ до́блественнымъ, а҆леѯа́ндре премꙋ́дре. И҆ ны́нѣ бжⷭ҇твеннагѡ полꙋчи́лъ є҆сѝ вои́стиннꙋ видѣ́нїѧ свѣ́тлости ст҃ы́ѧ трⷪ҇цы, къ не́йже жела́ѧ, бл҃же́нне, преста́вилсѧ є҆сѝ, наслажда́ѧсѧ неконча́емыѧ добро́ты, дарова́нїемъ ѡ҆божа́емь."
+ },
+ {
+  "type": "TEXT",
+  "value": "Подо́бѧсѧ и҆лїѝ и҆ і҆ѡа́ннꙋ, свѣти́льникꙋ свѣ́та, возлюби́въ молча́ти въ мѣ́стѣхъ те́мныхъ, и҆ въ пꙋсты́нѧхъ непрохо́дныхъ, восхожде́нїю всегда̀ поꙋча́ѧсѧ бжⷭ҇твенномꙋ, и҆ преспѣва́ѧ добродѣ́телей пꙋте́мъ. Тѣ́мже дости́глъ є҆сѝ жела́нїе кра́йнее, а҆леѯа́ндре премꙋ́дре, и҆ ра́дꙋѧсѧ предстои́ши трисїѧ́нномꙋ ст҃ы́ѧ трⷪ҇цы свѣ́тꙋ, ѿ негѡ́же нехода́тайственнѣ бжⷭ҇твєнныѧ прїе́млѧ зари̑. Тѣ́мже со дерзнове́нїемъ моли́сѧ ѡ҆ дꙋша́хъ на́шихъ."
+ },
+ {
+  "type": "TEXT",
+  "value": "Прпⷣбне и҆ бг҃оно́се ѻ҆́ч҃е на́шъ а҆леѯа́ндре, любвѐ ра́ди хрⷭ҇то́вы всѧ̑ ѡ҆ста́вилъ є҆сѝ, и҆ въ пꙋсты́ню всели́всѧ, ника́коже ᲂу҆страши́лсѧ є҆сѝ неви́димыхъ вра̑гъ боре́нїѧ, а҆́ще бо и҆ мно́гажды прише́дше на тѧ̀, мечта̑нїи привидѣ̑нїѧ тѝ показꙋ́юще: ты́ же моли́твами твои́ми, ꙗ҆́кѡ пра́хъ тѣ́хъ безъ вѣ́сти твори́лъ є҆сѝ. Ѽ непоро́чныѧ твоеѧ̀ дꙋшѝ, и҆ крѣ́пкагѡ терпѣ́нїѧ твоегѡ̀. Хрⷭ҇та̀ непреста́ннѡ молѝ, спасти́сѧ дꙋша́мъ на́шымъ."
+ },
+ {
+  "type": "HEADER",
+  "value": "Сла́ва, гла́съ то́йже:"
+ },
+ {
+  "type": "TEXT",
+  "value": "Ꙗ҆́кѡ бжⷭ҇твенна жи́знь твоѧ̀, та́кожде и҆ всеѡсвѧще́нный тво́й и҆схо́дъ, пребл҃же́нне ѻ҆́ч҃е на́шъ а҆леѯа́ндре. Дне́сь бо ликꙋ́юще, въ па́мѧть преставле́нїѧ твоегѡ̀, всеѧ̀ страны̀ мно́жества наро́да сте́кшесѧ, ꙗ҆́кѡ ви́дѣша тѧ̀ безъ дыха́нїѧ на ѻ҆дрѣ̀ лежа́ща, гла̑сы велегла́сными вопїѧ́хꙋ: да́ждь на́мъ коне́чное сло́во ᲂу҆тѣше́нїѧ рабѡ́мъ твои̑мъ, свѧ́те, и҆ наꙋчи́ ны ча̑да твоѧ̑, ѻ҆́ч҃е, ꙗ҆̀же ᲂу҆ще́дрилъ є҆сѝ ꙗ҆́кѡ ѻ҆ц҃ъ, ка́кѡ тѧ̀ по достоѧ́нїю похвали́ти возмо́жемъ; пои́стиннѣ ꙗ҆́кѡ ми́лостивъ и҆ ще́дръ бы́въ, прпⷣбне. Ѻ҆ба́че а҆́ще и҆ здѣ́ тѧ гро́бъ покрыва́етъ, но страна́ тѧ рѡссі́йскаѧ всѧ̀ бога́тна и҆́мать предста́телѧ, и҆ моли́твенника къ ст҃ѣ́й трⷪ҇цѣ, ю҆́же непреста́ннѡ молѝ ѡ҆ дꙋша́хъ на́шихъ."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Кто̀ тебѐ не ᲂу҆блажи́тъ:"
+ },
+ {
+  "type": "HEADER",
+  "value": "Вхо́дъ. Прокі́менъ днѐ, и҆ чтє́нїѧ трѝ."
+ },
+ {
+  "type": "HEADER",
+  "value": "Премꙋ́дрости соломѡ́ни чте́нїе. (Главы̑ є҃ и҆ ѕ҃.)"
+ },
+ {
+  "type": "TEXT",
+  "value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
+ },
+ {
+  "type": "HEADER",
+  "value": "Премꙋ́дрости соломѡ́ни чте́нїе. (Глава̀ г҃.)"
+ },
+ {
+  "type": "TEXT",
+  "value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
+ },
+ {
+  "type": "HEADER",
+  "value": "Премꙋ́дрости соломѡ́ни чте́нїе. (Глава̀ д҃.)"
+ },
+ {
+  "type": "TEXT",
+  "value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: Оу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
+ },
+ {
+  "type": "HEADER",
+  "value": "На лїті́и стїхи̑ры, гла́съ а҃. Самогла́сны:"
+ },
+ {
+  "type": "TEXT",
+  "value": "Прїиди́те, всѝ концы̀ землѝ, ѱалмы̑ и҆ пѣ́сньми незаходи́маго свѣ́та, вели́кагѡ свѣти́льника вселе́ннѣй, воспое́мъ всѝ а҆леѯа́ндра. Па́че бо со́лнца возсїѧ̀ въ тверды́ни вѣ́ры, и҆ вѣ́рныхъ собра́нїе къ добродѣ́тели наста́ви: ѻ҆́во ᲂу҆́бѡ бг҃одохнове́нными ᲂу҆чє́нїи, и҆ спаси́тельными глагѡ́лы въ вожделѣ́нїи, ꙗ҆́же незави́стнѡ и҆ ѻ҆би́льнѡ ᲂу҆стны̀ и҆сточа́ше: ѻ҆́во же дѣ́телїю чꙋ́дною равноа́гг҃льнымъ житїе́мъ, къ ре́вности привлача́ѧ, и҆ ѻ҆боѧ̑ житїѐ и҆ сло́во пресла́внѡ, ꙗ҆́коже во́ждь и҆зрѧ́денъ бг҃оподо́бнѡ показꙋ́ѧ. Тогѡ̀ моли́твами, хрⷭ҇тѐ бж҃е на́шъ, твоѐ ста́до соблюдѝ: и҆ правосла́вныхъ вѣ́рꙋ ᲂу҆твердѝ ꙗ҆́кѡ чл҃вѣколю́бецъ."
+ },
+ {
+  "type": "TEXT",
+  "value": "Прїиди́те, мона́хѡвъ мно́жєства дне́сь, хрⷭ҇то́ва рачи́телѧ благоче́стнѡ восхва́лимъ, и҆́стиннаго ᲂу҆ченика̀ сп҃сова, и҆ красотꙋ̀ и҆ хвалꙋ̀ є҆диноѻбра́зныхъ всѣ́хъ, и҆ наста́вникѡвъ, ѡ҆свѧще́ннаго ѿ мла́денства гдⷭ҇еви, ли́цы ѻ҆тє́цъ соше́дшесѧ ᲂу҆блажи́мъ. Се́й бо жела́нїе бжⷭ҇твенное въ себѣ̀ прїи́мъ, мїрскꙋ́ю ᲂу҆́бѡ ѡ҆ста́ви пре́лесть, взѧ́тъ же ꙗ҆ре́мъ хрⷭ҇то́въ на ра́мо, и҆ полкѝ бѣсѡ́въ побѣдѝ мꙋ́жески, показа́въ на́мъ дѣ́тельнѡ бжⷭ҇твенныѧ любвѐ и҆зрѧ́дный пꙋ́ть. И҆́бо и҆ сїѧ̑ прете́къ во тща́нїи, пости́же свѣ́тъ и҆́стинный трⷪ҇цы вседѣ́тельныѧ. Ѽ чꙋдесѐ ᲂу҆жа́снагѡ, и҆ ве́щи бг҃оподо́бныѧ! Ꙗ҆́кѡ земны́й є҆стество́мъ, ра́венъ бы́сть мы́слєннымъ сꙋществѡ́мъ. Сла́вꙋ и҆ че́сть бж҃їю воспрїе́млѧ, и҆ моли́твенникъ на́мъ быва́етъ, ꙗ҆́кѡ да ᲂу҆лꙋчи́мъ вѣ́чныхъ бла̑гъ въ де́нь сꙋ́дный."
+ },
+ {
+  "type": "TEXT",
+  "value": "Ꙗ҆́кѡ бжⷭ҇твеннаѧ и҆ свѣтоно́снаѧ наста̀ па́мѧть, преставле́нїѧ твоегѡ̀, ѻ҆́ч҃е, ꙗ҆́кѡ ᲂу҆дивѝ мы́сленныхъ и҆ ᲂу҆жасѝ человѣ́ки, пречꙋ́дне, трꙋды̀ воздержа́нїѧ твоегѡ̀ житїѧ̀, ꙗ҆́кѡ безпло́тенъ ѿню́дъ, во пло́ти стра́стнѣ врагѝ неви̑димыѧ посрами́лъ є҆сѝ. Всѧ́ же ᲂу҆́бѡ страна̀ ѻ҆те́чества твоегѡ̀ пое́тъ тебѐ благоче́стнѡ: и҆зрѧ́днѣе же твоѐ честно́е ста́до, свѣ́тлость твои́хъ болѣ́зней и҆ трꙋдѡ́въ, є҆́же показа́лъ є҆сѝ, ꙗ҆́кѡ гра́дъ въ пꙋсты́ни прекра́сенъ, и҆́же приста́нище собо́рѡмъ мона́шєскимъ бг҃оподо́бнѡ. И҆́же ꙗ҆́кѡ ѻ҆де́ждами многочестны́ми твои́ми, красꙋ́етсѧ чꙋдєсы̀, и҆ до́блественными страда̑нїи пѡ́двигъ твои́хъ, а҆леѯа́ндре, и҆ моли́твами твои́ми, притека́юще ко хрⷭ҇тꙋ̀, и҆мꙋ́щемꙋ ве́лїю и҆ бога́тꙋю ми́лость."
+ },
+ {
+  "type": "HEADER",
+  "value": "Сла́ва, гла́съ є҃:"
+ },
+ {
+  "type": "TEXT",
+  "value": "Ра́дꙋетсѧ дне́сь всѧ̀ рѡссі́йскаѧ страна̀, вели́кїй же но́въградъ да весели́тсѧ торжествꙋ́ѧ, ꙗ҆́кѡ и҆мѣ́ѧ въ предѣ́лѣхъ ѻ҆́бласти своеѧ̀ неистощи́мое сокро́вище. Вѣ́рныхъ же мно́жєства рѡссі́йскїѧ землѝ сте́кшесѧ дне́сь, вострꙋ́бимъ трꙋбо́ю пѣ́сней: бл҃года́ть бо дх҃а всѧ́кїѧ трꙋбы̀ бг҃олѣ́пнѣйши, всѣ́хъ созыва́етъ къ пѣ́нїю бг҃оно́снагѡ ѻ҆тца̀. Мона́си и҆ прості́и да чꙋдѧ́тсѧ всѣ́хъ цр҃ѧ̀ и҆́скреннемꙋ рабꙋ̀, и҆́же мїроде́ржца нача́ла и҆ вла́сти тмы̀, дх҃а бжⷭ҇твеннагѡ всѣ́ми ѻ҆рꙋ̑жїи побѣдѝ. Па́стыри и҆ ᲂу҆чи́тели, и҆зрѧ́днаго вои́стиннꙋ пра́вила же и҆ ѻ҆́браза па́ствѣ да восхва́лѧтъ: и҆́же въ добродѣ́телей повелѣ̑нїи свѣ́тлаго, и҆ въ вѣ́рѣ благоразꙋ́мнаго, и҆ въ видѣ́нїи высо́каго, въ дѣѧ́нїихъ бг҃омꙋ́драго, во ᲂу҆че́нїихъ же пи́щи пото́ка, наста́вника заблꙋ́ждшымъ, и҆зба́вителѧ плѣнє́ннымъ, и҆ всѣ́хъ болѧ́щихъ и҆сцѣле́нїе ѻ҆те́чествꙋ своемꙋ̀ вели́кое ᲂу҆краше́нїе, похвалѧ́юще всѝ рце́мъ: ѻ҆́ч҃е прпⷣбне а҆леѯа́ндре, предста́ни твои̑мъ рабѡ́мъ всегда̀, и҆ спасѝ ста́до твоѐ моли́твами твои́ми."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ, гла́съ то́йже:"
+ },
+ {
+  "type": "TEXT",
+  "value": "Дх҃а бжⷭ҇твеннагѡ бл҃года́тїю, вѣ́рнїи, дне́сь вострꙋ́бимъ трꙋбо́ю пѣ́сней: прини́кнꙋвши бо свы́ше всецр҃и́ца мт҃и дв҃а, благослове́нїемъ вѣнчава́етъ воспѣва́ющихъ ю҆̀. Мона́си и҆ прості́и да стекꙋ́тсѧ, и҆ цр҃и́цѣ воспле́щꙋтъ въ пѣ́снехъ, цр҃ѧ̀ ро́ждшей, и҆̀же сме́ртїю ѡ҆держи́мы пре́жде ѿпꙋсти́ти благоизво́ливша. Па́стырїе и҆ ᲂу҆чи́телїе, до́брагѡ па́стырѧ пречⷭ҇тꙋю мт҃рь соше́дшесѧ восхва́лимъ, свѣти́льника свѣтоза́рнаго, свѣтоно́снаго ѻ҆́блака, нб҃съ ши́ршꙋю, ѡ҆дꙋшевле́нный ковче́гъ, и҆ ѻ҆гнеѻбра́зный влⷣчень престо́лъ, маннопрїе́мнꙋю златꙋ́ю ста́мнꙋ, затворе́ннꙋю сло́ва две́рь, всѣ̑мъ хрїстїа́нѡмъ прибѣ́жище, пѣ́сньми бг҃огла́сными похвалѧ́юще, си́це рце́мъ: пала́то сло́ва, сподо́би смире́нныхъ на́съ нбⷭ҇нагѡ црⷭ҇твїѧ, всѧ̑ бо возмѡ́жна сꙋ́ть хода́тайствꙋ твоемꙋ̀."
+ },
+ {
+  "type": "HEADER",
+  "value": "На стїхо́внѣ стїхи̑ры, гла́съ є҃."
+ },
+ {
+  "type": "TEXT",
+  "value": "Подо́бенъ: Ра́дꙋйсѧ:"
+ },
+ {
+  "type": "TEXT",
+  "value": "Ра́дꙋйсѧ, а҆́гг҃льскимъ бесѣ́дꙋѧ ликостоѧ́нїємъ, а҆леѯа́ндре прпⷣбне: житїе́ бо твоѐ, ѻ҆́ч҃е, на землѝ добродѣ́тельно стѧжа́въ, пожи́лъ є҆сѝ. Показа́лсѧ є҆сѝ чистоты̀ нескве́рное зерца́ло вои́стиннꙋ, лꙋчеза̑рныѧ воспрїе́млѧ мѡ́лнїи дх҃а ст҃а́гѡ всесла́внѡ: ѿѻнꙋ́дꙋже ѡ҆зарѧ́емь, зрѣ́лъ є҆сѝ бꙋ̑дꙋщаѧ, всѧ̑ предглаго́лѧ, ѿ бжⷭ҇твеннагѡ свѣтоѧвле́нїѧ наꙋча́емь хрⷭ҇та̀: є҆го́же молѝ, дꙋша́мъ на́шымъ пода́ти ве́лїю ми́лость."
+ },
+ {
+  "type": "TEXT",
+  "value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
+ },
+ {
+  "type": "TEXT",
+  "value": "Ра́дꙋйсѧ, по́стникѡмъ споспѣ́шникъ бы́въ, и҆ непобѣди́мь побо́рникъ: страсте́й бо ѿсѣка́ѧ ко́рень, и҆ бѣсѡ́въ стремлє́нїѧ, предста́въ мꙋ́жески, а҆леѯа́ндре, тѣ́хъ посрами́лъ є҆сѝ дꙋшепа́гꙋбнꙋю пре́лесть: крⷭ҇та́ же сп҃сова дѣ́йство, и҆ непобѣди́мꙋю ꙗ҆ви́лъ є҆сѝ си́лꙋ, є҆́юже и҆ препоѧ́савсѧ, побѣди́лъ є҆сѝ всѧ̑ ѿмета́ющыѧ плотско́е ꙗ҆вле́нїе хрⷭ҇то́во: є҆го́же молѝ, дꙋша́мъ на́шымъ пода́ти ве́лїю ми́лость."
+ },
+ {
+  "type": "TEXT",
+  "value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
+ },
+ {
+  "type": "TEXT",
+  "value": "Сто́лпъ свѣтови́дѣнъ, добродѣ́телїю ᲂу҆твержде́нъ, ѻ҆́блакъ свѣ́телъ, и҆́же во ѻ҆те́чествѣ твое́мъ ꙗ҆ви́лсѧ є҆сѝ, ѻ҆́ч҃е, къ нб҃сѝ ѿ землѝ бг҃а зрѧ́щихъ предводѧ̀. Кре́стною па́лицею страсте́й коре́нїѧ, мо́ре мы́сленнагѡ а҆мали́ка ѿри́нꙋвъ, непреткнове́нный нбⷭ҇ный восхо́дъ ѡ҆брѣ́лъ є҆сѝ, бг҃облаже́нне а҆леѯа́ндре, и҆ жре́бїй непреминꙋ́ющь, со безпло́тными предстоѧ̀ престо́лꙋ хрⷭ҇то́вꙋ ра́дꙋѧсѧ, є҆го́же молѝ, дꙋша́мъ на́шымъ пода́ти ве́лїю ми́лость."
+ },
+ {
+  "type": "HEADER",
+  "value": "Сла́ва, гла́съ ѕ҃:"
+ },
+ {
+  "type": "TEXT",
+  "value": "Прїиди́те, всѝ концы̀ землѝ, ѱалмы̑ и҆ пѣ́сньми свѧще́нное и҆ честно́е прпⷣбнагѡ торжество̀ а҆леѯа́ндра, дне́сь благоче́стнѡ восхва́лимъ. Прпⷣбныхъ ѻ҆тє́цъ є҆диножи́телѧ, и҆ пꙋстынолю́бнꙋю добро́тꙋ воспое́мъ: по́стникѡвъ ᲂу҆краше́нїе, и҆сто́чника чꙋде́съ, къ бг҃ꙋ моли́твенника непосты́дна, сте́кшесѧ, ѽ празднолю́бцы! Пѣ́сньми похва́льными воспое́мъ глаго́люще: ра́дꙋйсѧ, мона́шескагѡ житїѧ̀ пра́вило, ѻ҆́бразъ и҆ печа́ть и҆звѣ́стнаѧ: ра́дꙋйсѧ, свѣти́льниче пресвѣ́тлый, ѡ҆зарѧ́ѧ всѧ́кꙋ добродѣ́тель свѣтлостьмѝ твоегѡ̀ житїѧ̀: ра́дꙋйсѧ, въ бѣда́хъ вели́кое ᲂу҆тѣше́нїе и҆ те́плый предста́телю предстоѧ́щымъ, не преста́й молѧ̀ хрⷭ҇та̀ бг҃а ѡ҆ ста́дѣ твое́мъ и҆ всѣ́хъ вѣ́рныхъ, почита́ющихъ всечестно́е твоѐ ᲂу҆спе́нїе."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Творе́цъ и҆ и҆зба́витель мо́й:"
+ },
+ {
+  "type": "HEADER",
+  "value": "Тропа́рь, гла́съ д҃:"
+ },
+ {
+  "type": "TEXT",
+  "value": "Ѿ ю҆́ности, бг҃омꙋ́дре, жела́нїемъ дꙋхо́внымъ въ пꙋсты́ню всели́всѧ, є҆ди́нагѡ хрⷭ҇та̀ возжела́лъ є҆сѝ ᲂу҆се́рднѡ стопа́мъ въ слѣ́дъ ходи́ти. Тѣ́мже и҆ а҆́гг҃льстїи чи́ни зрѧ́ще тѧ̀, ᲂу҆диви́шасѧ, ка́кѡ съ пло́тїю къ неви̑димымъ ко́знемъ подвиза́всѧ, премꙋ́дре, побѣди́лъ є҆сѝ полкѝ страсте́й воздержа́нїемъ, и҆ ꙗ҆ви́лсѧ є҆сѝ равноа́гг҃ленъ на землѝ, а҆леѯа́ндре прпⷣбне, молѝ хрⷭ҇та̀ бг҃а, да спасе́тъ дꙋ́шы на́шѧ."
+ },
+ {
+  "type": "HEADER",
+  "value": "Сла́ва, и҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Є҆́же ѿ вѣ́ка ᲂу҆тае́нное:"
+ },
+ {
+  "type": "HEADER",
+  "value": "На ᲂу҆́трени: По а҃-й стїхоло́гїи сѣда́ленъ, гла́съ а҃."
+ },
+ {
+  "type": "TEXT",
+  "value": "Подо́бенъ: Гро́бъ тво́й:"
+ },
+ {
+  "type": "TEXT",
+  "value": "Многосвѣ́тлаѧ ѕвѣзда̀ мона́шествꙋющымъ показа́лсѧ є҆сѝ, и҆ степе́нь и҆звѣ́стенъ, воздержа́нїѧ же предѣ́лъ, пресвѣ́тлое зерца́ло разсꙋжде́нїѧ, прпⷣбне, па́мѧть твою̀ ра́достнѡ соверша́ющымъ разрѣше́нїѧ просѝ согрѣше́нїй, преблаже́нне, бг҃ꙋ предстоѧ̀. Два́жды."
+ },
+ {
+  "type": "HEADER",
+  "value": "Сла́ва, и҆ ны́нѣ, бг҃оро́диченъ."
+ },
+ {
+  "type": "TEXT",
+  "value": "Наста́ви ны̀ на пꙋ́ть покаѧ́нїѧ, ᲂу҆кло́ншыѧсѧ при́снѡ къ безпꙋ́тїємъ ѕѡ́лъ, и҆ преблага́го прогнѣ́вавшыѧ гдⷭ҇а, неискꙋсобра́чнаѧ бл҃гослове́ннаѧ марі́е, прибѣ́жище ѿча́ѧнныхъ человѣ́кѡвъ, бж҃їе жили́ще."
+ },
+ {
+  "type": "HEADER",
+  "value": "По в҃-й стїхоло́гїи сѣда́ленъ, гла́съ г҃."
+ },
+ {
+  "type": "TEXT",
+  "value": "Подо́бенъ: Бжⷭ҇твенныѧ вѣ́ры:"
+ },
+ {
+  "type": "TEXT",
+  "value": "Бжⷭ҇твеннымъ жела́нїемъ безсме́ртїѧ, а҆леѯа́ндре, ѡ҆держи́мь, и҆ крⷭ҇тъ на ра́мо взе́мъ, въ пꙋсты́ню жела́нїемъ всели́лсѧ є҆сѝ, и҆дѣ́же, прпⷣбне, гдⷭ҇еви собра́лъ є҆сѝ ста́до. Тѣ́мже и҆ моли́твенника тѧ̀ те́пла стѧжа́хомъ ко гдⷭ҇ꙋ. Два́жды."
+ },
+ {
+  "type": "HEADER",
+  "value": "Сла́ва, и҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Бжⷭ҇твеннаѧ ски́нїѧ была̀ є҆сѝ сло́ва, є҆ди́на пречⷭ҇таѧ мт҃и дв҃о, чистото́ю а҆́гг҃лы превозше́дшаѧ: па́че всѣ́хъ менѐ пе́рсть бы́вша, ѡ҆скверне́нна плотски́ми прегрѣше́ньми, ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость."
+ },
+ {
+  "type": "HEADER",
+  "value": "По полѷеле́и сѣда́ленъ, гла́съ и҃."
+ },
+ {
+  "type": "TEXT",
+  "value": "Подо́бенъ: Премꙋ́дрости:"
+ },
+ {
+  "type": "TEXT",
+  "value": "Видѣ́нїе и҆ дѣѧ́нїе воспрїи́мъ, чꙋ̑вствїѧ, прпⷣбне, ᲂу҆краша́ѧ, житїѐ ᲂу҆пра́вилъ є҆сѝ къ бжⷭ҇твєннымъ повелѣ́нїємъ: мона́хѡмъ бо ꙗ҆ви́лсѧ є҆сѝ свѣти́льникъ пресвѣ́телъ, наставлѧ́ѧ на́съ къ позна́нїю. Тѣ́мже восхвалѧ́юще тѧ̀, велича́емъ любо́вїю и҆схо́днꙋю па́мѧть твою̀, бг҃оно́се а҆леѯа́ндре. Сегѡ̀ ра́ди вопїе́мъ тѝ: молѝ хрⷭ҇та̀ бг҃а, прегрѣше́нїй ѡ҆ставле́нїе дарова́ти, чтꙋ́щымъ любо́вїю ст҃ꙋ́ю па́мѧть твою̀. Два́жды."
+ },
+ {
+  "type": "HEADER",
+  "value": "Сла́ва, и҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Нбⷭ҇нꙋю две́рь и҆ кївѡ́тъ, прест҃ꙋ́ю го́рꙋ, свѣ́тлый ѻ҆́блакъ воспои́мъ, неѡпали́мꙋю кꙋпинꙋ̀, слове́сный ра́й, є҆́ѵы воззва́нїе, вселе́нныѧ всеѧ̀ вели́кое сокро́вище, ꙗ҆́кѡ спасе́нїе въ не́й содѣ́ласѧ мі́рови, и҆ ѡ҆ставле́нїе дре́внихъ согрѣше́нїй. Сегѡ̀ ра́ди вопїе́мъ є҆́й: моли́сѧ сн҃ꙋ твоемꙋ̀, прегрѣше́нїй ѡ҆ставле́нїе дарова́ти, благоче́стнѡ покланѧ́ющымсѧ всест҃о́мꙋ ржⷭ҇твꙋ̀ твоемꙋ̀."
+ },
+ {
+  "type": "HEADER",
+  "value": "Та́же степє́нна, а҃-й а҆нтїфѡ́нъ д҃-гѡ гла́са."
+ },
+ {
+  "type": "TEXT",
+  "value": "Прокі́менъ: Честна̀ предъ гдⷭ҇емъ сме́рть прпⷣбныхъ є҆гѡ̀."
+ },
+ {
+  "type": "TEXT",
+  "value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
+ },
+ {
+  "type": "HEADER",
+  "value": "Є҆ѵⷢ҇лїе, матѳе́а, зача́ло м҃г."
+ },
+ {
+  "type": "HEADER",
+  "value": "По н҃-мъ ѱалмѣ̀ стїхи́ра, гла́съ ѕ҃:"
+ },
+ {
+  "type": "TEXT",
+  "value": "Возсїѧ̀ дне́сь пресвѣ́тлаѧ и҆ всепра́зднственнаѧ па́мѧть твоѧ̀, бг҃облаже́нне, созыва́ющи многочи́сленное пѡ́стникъ сосло́вїе, и҆ прпⷣбныхъ всѣ́хъ ликостоѧ̑нїѧ, глаго́лющи: а҆́ще бо и҆ тѣле́снѣ ѧ҆зы́къ ᲂу҆молчѐ, но са́ми чꙋдеса̀ свидѣ́тельствꙋютъ ѿ гро́ба твоегѡ̀, и҆ всѧ́ же страна̀ ѻ҆те́чества твоегѡ̀ проповѣ́дꙋѧ хва́литсѧ. И҆мѣ́ю бо въ себѣ̀, речѐ, неистощи́мое сокро́вище, пречестнꙋ́ю и҆ всебога́тꙋю ра́кꙋ моще́й твои́хъ, ѡ҆благоꙋха́ющꙋ дꙋшє́внаѧ на̑ша чꙋ̑вствїѧ, а҆леѯа́ндре ѻ҆́ч҃е на́шъ: молѝ хрⷭ҇та̀ бг҃а спасти́сѧ дꙋша́мъ на́шымъ."
+ },
+ {
+  "type": "HEADER",
+  "value": "Канѡ́нъ бцⷣы со і҆рмосо́мъ на ѕ҃: и҆ прпⷣбнагѡ а҆леѯа́ндра, на д҃. Гла́съ д҃."
+ },
+ {
+  "type": "HEADER",
+  "value": "Пѣ́снь а҃."
+ },
+ {
+  "type": "TEXT",
+  "value": "І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
+ },
+ {
+  "type": "TEXT",
+  "value": "Бжⷭ҇твеннагѡ и҆ прест҃а́гѡ дх҃а блиста́ѧсѧ бл҃года́тїю, свѣтоно́сное, а҆леѯа́ндре, и҆ честно́е соверша́ющихъ твоѐ ᲂу҆спе́нїе, свѣ́тлою моли́твою твое́ю, страсте́й мглꙋ̀ ѡ҆чи́сти."
+ },
+ {
+  "type": "TEXT",
+  "value": "Ѿ ю҆́ности, прпⷣбне, ꙗ҆ре́мъ гдⷭ҇ень воспрїе́мъ, и҆ въ бразда́хъ твоегѡ̀ се́рдца пшени́цꙋ сѣ́ѧлъ є҆сѝ дꙋхо́внꙋ, кла́съ пожа́лъ є҆сѝ ᲂу҆твержда́ющь дꙋ́шы, бг҃облаже́нне."
+ },
+ {
+  "type": "TEXT",
+  "value": "Свѣтоно́снаѧ па́мѧть твоѧ̀ на́мъ дне́сь возсїѧ̀, ꙗ҆́кѡ со́лнечнаѧ лꙋча̀, а҆леѯа́ндре, и҆справле́нїй твои́хъ, страсте́й на́шихъ ѿе́млющи ѻ҆́блакъ: ю҆́же сотворѧ́юще вѣ́рою тѧ̀ и҆ любо́вїю ᲂу҆блажа́емъ."
+ },
+ {
+  "type": "TEXT",
+  "value": "Бг҃оро́диченъ: Зачала̀ є҆сѝ, пречⷭ҇таѧ, неизрече́ннымъ сло́вомъ содержа́щаго земны̑ѧ концы̀, и҆ сего̀ родила̀ є҆сѝ: є҆го́же молѝ прилѣ́жнѡ поми́ловати на́съ."
+ },
+ {
+  "type": "HEADER",
+  "value": "И҆́нъ канѡ́нъ на д҃. Гла́съ в҃."
+ },
+ {
+  "type": "HEADER",
+  "value": "Пѣ́снь а҃."
+ },
+ {
+  "type": "TEXT",
+  "value": "І҆рмо́съ: Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть: препросла́вленный гдⷭ҇ь, сла́внѡ бо просла́висѧ."
+ },
+ {
+  "type": "TEXT",
+  "value": "Бж҃е́ственнꙋю па́мѧть твою̀, бг҃омꙋ́дре ѻ҆́ч҃е, вѣ́рнѡ пра́зднꙋюще, всѧ́ческихъ гдⷭ҇и при́снѡ сла́вимъ, тѧ̀ просла́вльшаго мно́гими чꙋдєсы̀."
+ },
+ {
+  "type": "TEXT",
+  "value": "Безстра́стїѧ жела́нїемъ те́плымъ, ѻ҆́ч҃е, ѡ҆держи́мь, вє́щныѧ ᲂу҆вѧди́лъ є҆сѝ страсте́й во́лны, а҆леѯа́ндре, и҆ дости́глъ є҆сѝ любо́вїю вперѧ́емь, присносꙋ́щнагѡ сїѧ́нїѧ, преблаже́нне, бж҃ества̀."
+ },
+ {
+  "type": "TEXT",
+  "value": "Добродѣ́тельно и҆знача́ла прїе́мъ житїѐ, пребога́те, ба́нею, ѻ҆́ч҃е, пакибытїѧ̀, да́ръ дꙋхо́вный ѿ младе́нства бжⷭ҇твеннѣ, твоеѧ̀ дꙋшѝ благолѣ́пїе, а҆леѯа́ндре, показа́лъ є҆сѝ, со́лнца свѣтлѣ́йше."
+ },
+ {
+  "type": "TEXT",
+  "value": "Бг҃оро́диченъ: Мла́до ѻ҆троча̀ па́че сло́ва родила̀ є҆сѝ, ве́тхаго де́ньми, но́вꙋ на землѝ стезю̀ добродѣ́телей показа́вша. Тѣ́мъ ᲂу҆го́дникъ тво́й при́сный а҆леѯа́ндръ, ѻ҆трокови́це, любо́вїю снѣда́емь, се́й хра́мъ тебѣ̀ созда̀."
+ },
+ {
+  "type": "TEXT",
+  "value": "Катава́сїа: Крⷭ҇тъ начерта́въ:"
+ },
+ {
+  "type": "HEADER",
+  "value": "Пѣ́снь г҃."
+ },
+ {
+  "type": "TEXT",
+  "value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̑, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
+ },
+ {
+  "type": "TEXT",
+  "value": "Жезло́мъ воздержа́нїѧ стра́стное мо́ре, ѻ҆́ч҃е, раздѣли́въ, преше́лъ є҆сѝ неистопле́нъ, и҆ предѣ̑лъ дости́глъ є҆сѝ и҆́стиннагѡ безстра́стїѧ, и҆ бг҃ꙋ предстоѧ̀ бесѣ́довалъ є҆сѝ ᲂу҆ма̀ чистото́ю."
+ },
+ {
+  "type": "TEXT",
+  "value": "Кто̀ твоѧ̑ по́двиги, а҆леѯа́ндре, по достоѧ́нїю и҆зрещѝ возмо́жетъ; ты́ бо пꙋти̑ жестѡ́кїѧ въ пꙋсты́ни ше́ствꙋѧ, сꙋ́рово бы́лїе ꙗ҆́лъ є҆сѝ, вкꙋше́нїе же ѿлага́лъ є҆сѝ пи́щи, болѣ́зньми воздержа́нїѧ."
+ },
+ {
+  "type": "TEXT",
+  "value": "Ꙗ҆́кѡ ма́слина плодови́та въ домꙋ̀ гдⷭ҇ни прозѧ́блъ є҆сѝ, ма́сломъ трꙋдѡ́въ твои́хъ, а҆леѯа́ндре, ᲂу҆маща́ѧ на́шѧ ли́ца: пою́щыѧ тѧ̀, прпⷣбне и҆ бг҃облаже́нне, всѧ̑ ны̀ посѣтѝ молѧ́сѧ чл҃вѣколю́бцꙋ."
+ },
+ {
+  "type": "TEXT",
+  "value": "Бг҃оро́диченъ: И҆зъ тебє̀, чⷭ҇таѧ, цвѣ́тъ неꙋвѧда́емый, благоꙋха́ѧ всѐ человѣ́чество, бжⷭ҇твеннымъ мѵ́ромъ є҆стества̀ своегѡ̀, и҆́же ѻ҆ц҃ꙋ̀ собезнача́льный, и҆зъ тебє̀ бы́въ подъ лѣ́томъ, дв҃о всенепоро́чнаѧ."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑, возвесели́босѧ дꙋ́хъ мо́й, внегда̀ пѣ́ти: нѣ́сть свѧ́тъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀, гдⷭ҇и."
+ },
+ {
+  "type": "TEXT",
+  "value": "По́томъ воздержа́нїѧ твоегѡ̀ пла́мень страсте́й погаси́лъ є҆сѝ, и҆ ѡ҆дожде́нїемъ моли́твъ, стрꙋи̑ чꙋде́съ и҆сточи́лъ є҆сѝ, болѣ́зньми разжжє́нїѧ погаша́ѧ ꙗ҆́вѣ, преблаже́нне а҆леѯа́ндре."
+ },
+ {
+  "type": "TEXT",
+  "value": "И҆̀же къ честнѣ́й ра́цѣ твое́й притека́юще, премꙋ́дре, ѿ сеѧ̀ почерпа́емъ и҆сцѣле́нїѧ сокро́вище, и҆ чꙋде́съ пꙋчи́нꙋ, и҆ да́ръ незави́стный, а҆леѯа́ндре, пою́ще тѧ̀ восхвалѧ́емъ."
+ },
+ {
+  "type": "TEXT",
+  "value": "Дꙋшє́внаѧ чꙋ̑вства, ѿ ᲂу҆жа́снагѡ. Прпⷣбне ѻ҆́ч҃е, просвѣ́щь видѣ́нїѧ, ꙗ҆́кѡ чꙋ́денъ ра́зꙋмъ благи́мъ стѧжа́лъ є҆сѝ, и҆́ночества житїѐ и҆мꙋ́щымъ, а҆леѯа́ндре, небла́знено житїѐ показа́лъ є҆сѝ."
+ },
+ {
+  "type": "TEXT",
+  "value": "Бг҃оро́диченъ: И҆́же пре́жде вѣ̑къ ро́ждсѧ ѿ ѻ҆ц҃а̀ неизрече́ннѡ, напослѣ́докъ и҆з̾ ᲂу҆тро́бы твоеѧ̀ про́йде, и҆ ѡ҆божѝ на́ше є҆стество̀, мт҃и дв҃о, и҆́же прпⷣбныхъ ли́ки ꙗ҆́вѣ и҆зводѧ́й."
+ },
+ {
+  "type": "HEADER",
+  "value": "Сѣда́ленъ, гла́съ и҃."
+ },
+ {
+  "type": "TEXT",
+  "value": "Подо́бенъ: Премꙋ́дрости:"
+ },
+ {
+  "type": "TEXT",
+  "value": "Ѿ ю҆́ности всѧ̑ ѡ҆ста́вль житє́йскаѧ, кра̑снаѧ же и҆ лѣ́пѡтнаѧ, и҆ въ пꙋсты́ню всели́всѧ, ᲂу҆се́рднѡ послѣ́довалъ є҆сѝ зва́вшемꙋ тебѐ, прпⷣбне: въ трꙋдѣ́хъ же и҆ постѣ́хъ, ѻ҆́ч҃е, тѣ́ло твоѐ и҆знꙋри́лъ є҆сѝ. Ѿѻнꙋ́дꙋже тѧ̀ па́стырѧ свои̑мъ ѻ҆вца́мъ до́брѣ ᲂу҆строѧ́етъ всебога́тый гдⷭ҇ь, а҆леѯа́ндре блаже́нне. Молѝ хрⷭ҇та̀ бг҃а, прегрѣше́нїй ѡ҆ставле́нїе дарова́ти, чтꙋ́щымъ любо́вїю свѧтꙋ́ю па́мѧть твою̀. Два́жды."
+ },
+ {
+  "type": "HEADER",
+  "value": "Сла́ва, и҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ млⷣнца млеко́мъ пита́еши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
+ },
+ {
+  "type": "HEADER",
+  "value": "Пѣ́снь д҃."
+ },
+ {
+  "type": "TEXT",
+  "value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
+ },
+ {
+  "type": "TEXT",
+  "value": "Вѣ́триломъ, ѻ҆́ч҃е, крⷭ҇та̀, дꙋше́вный тво́й кора́бль ѡ҆корми́въ, благоꙋти́шнѡ же и҆ легкѡ̀ жите́йскагѡ лю́тагѡ потопле́нїѧ и҆збѣ́глъ є҆сѝ, и҆ къ тишинѣ̀ бжⷭ҇твенныхъ и҆звле́клъ є҆сѝ приста́нищъ ра́дꙋѧсѧ."
+ },
+ {
+  "type": "TEXT",
+  "value": "Ѡ҆брѣта́ѧ, ѻ҆́ч҃е, са́мъ себѐ, всеблаже́нне, всю̀ но́щь стоѧ́лъ є҆сѝ ꙗ҆́кѡ безпло́тенъ, недрема́нно ѻ҆́ко и҆мѣ́лъ є҆сѝ, и҆ чи́сто ꙗ҆́коже зерца́ло дꙋхо́вною заре́ю, и҆ бжⷭ҇твеннагѡ ꙗ҆вле́нїѧ, чи́стымъ по́мысломъ прїе́млѧ."
+ },
+ {
+  "type": "TEXT",
+  "value": "Ꙗ҆́кѡ бжⷭ҇твенный зри́тсѧ ра́й, премꙋ́дре, хра́мъ, и҆мѣ́ѧ въ себѣ̀ твои́хъ моще́й ра́кꙋ, цвѣ́ты приносѧ̀ чꙋдє́сныѧ, и҆́миже сердца̀ наслажда́ютсѧ вѣ́рою, а҆леѯа́ндре, при́снѡ хва́лѧщихъ тѧ̀."
+ },
+ {
+  "type": "TEXT",
+  "value": "Бг҃оро́диченъ: Ст҃а́ѧ бцⷣе, ѡ҆свѧтѝ на́съ, ꙗ҆́же прест҃а́го бг҃а ро́ждши пло́тїю, ᲂу҆подо́битисѧ восхотѣ́вша человѣ́кѡмъ, и҆ небе́снагѡ житїѧ̀ всѧ̑ покажѝ, пречⷭ҇таѧ, прича́стники моли́твами твои́ми."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Прише́лъ є҆сѝ ѿ дв҃ы не хода́тай, ни а҆́гг҃лъ, но са́мъ, гдⷭ҇и, вопло́щсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й, гдⷭ҇и."
+ },
+ {
+  "type": "TEXT",
+  "value": "Житїѐ твоѐ, бг҃оно́се преблаже́нне а҆леѯа́ндре, пра́вило и҆звѣ́стно мона́шествꙋющихъ бы́сть, є҆мꙋ́же ны́нѣ ревнꙋ́юще спаса́емсѧ, и҆̀же твои̑мъ послѣ́дꙋюще, ѻ҆́ч҃е, бжⷭ҇твєннымъ ᲂу҆че́нїємъ."
+ },
+ {
+  "type": "TEXT",
+  "value": "Дх҃а ст҃а́гѡ зарю̀ прїе́мъ, ѕвѣзда̀ пресвѣ́тлаѧ, ѻ҆́ч҃е а҆леѯа́ндре, сїѧ́ѧ бл҃года́тїю бы́лъ є҆сѝ всѣ̑мъ, и҆̀хже наста́вилъ є҆сѝ къ спасе́нїѧ приста́нищꙋ твои́ми ᲂу҆чє́нїи."
+ },
+ {
+  "type": "TEXT",
+  "value": "Пребы́ти внꙋ́трь ника́коже мі́ра восхотѣ́лъ є҆сѝ, премꙋ́дре ѻ҆́ч҃е а҆леѯа́ндре, и҆мѣ́ѧ наставлѧ́ющагѡ тѧ̀ бж҃їѧ дх҃а си́лꙋ, въ непроходи́мыхъ пꙋсты́нѧхъ живы́й, и҆ со ѕвѣрьмѝ ходѧ̀ безъ боѧ́зни ю҆́ноша сы́й, и҆ болѣ́зньми пита́лсѧ є҆сѝ тѣле́сными."
+ },
+ {
+  "type": "TEXT",
+  "value": "Бг҃оро́диченъ: Плещмѝ херꙋві́мскими стра́шными носи́мь, влⷣко, ꙗ҆́кѡ на престо́лѣ ѻ҆́гненнѣ, въ твою̀, чⷭ҇таѧ, всели́сѧ ᲂу҆тро́бꙋ, и҆ пло́ти прїѧ́тїемъ человѣ́ческое ѡ҆божѝ сꙋщество̀, ꙗ҆́кѡ ᲂу҆чи́тъ и҆зрѧ́дный въ прпⷣбныхъ а҆леѯа́ндръ, є҆ди́на всепѣ́таѧ."
+ },
+ {
+  "type": "HEADER",
+  "value": "Пѣ́снь є҃."
+ },
+ {
+  "type": "TEXT",
+  "value": "І҆рмо́съ: Ты̀, гдⷭ҇и, мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
+ },
+ {
+  "type": "TEXT",
+  "value": "Просвѣща́емь заре́ю, ѻ҆́ч҃е, невече́рнею, и҆ бжⷭ҇твеннымъ блиста́нїемъ, бѣсо́вскїй мра́къ, и҆ стра́стнꙋю мглꙋ̀ ѿгна́лъ є҆сѝ, и҆ ꙗ҆ви́лсѧ є҆сѝ сто́лпъ свѣтоза́ренъ, и҆ лѣ́ствица вои́стиннꙋ, къ бг҃ꙋ вѣ̑рныѧ возводѧ́щи."
+ },
+ {
+  "type": "TEXT",
+  "value": "Бо́дръ ᲂу҆́мъ всегда̀ и҆мѣ́ѧ, ѻ҆́тче бг҃омꙋ́дре а҆леѯа́ндре, стра̑сти ᲂу҆спи́лъ є҆сѝ дꙋшетлѣ̑нныѧ, къ бжⷭ҇твенномꙋ свѣтозаре́нїю хотѧ̀ дости́гнꙋти къ незаходи́магѡ свѣ́та свѣ́тлости, и҆дѣ́же є҆́сть веселѧ́щихсѧ жили́ще."
+ },
+ {
+  "type": "TEXT",
+  "value": "Ꙗ҆́кѡ ѡ҆чи́стившꙋ помышлє́нїѧ, прпⷣбне, благода́ть тебѣ̀ даде́сѧ ꙗ҆́кѡ прⷪ҇ро́кꙋ: ꙗ҆́кѡ настоѧ̑щаѧ глаго́леши бꙋ̑дꙋщаѧ, зрѣ́ти же да̑льнѧѧ ꙗ҆́кѡ бли̑жнѧѧ, а҆леѯа́ндре, бж҃їе ѻ҆би́телище."
+ },
+ {
+  "type": "TEXT",
+  "value": "Бг҃оро́диченъ: Ро́ждши, пренепоро́чнаѧ, бг҃а є҆мманꙋ́ила, и҆ чл҃вѣ́ка ꙗ҆́вѣ за милосе́рдїе бы́вша, є҆го́же молѝ ꙗ҆́кѡ человѣколю́бца, чⷭ҇таѧ, ᲂу҆ще́дрити лю́ди согрѣ́шшыѧ."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Хода́тай бг҃ꙋ и҆ человѣ́кѡмъ бы́лъ є҆сѝ, хрⷭ҇тѐ бж҃е: тобо́ю бо, влⷣко, къ свѣтонача́льникꙋ ѻ҆ц҃ꙋ̀ твоемꙋ̀, ѿ но́щи невѣ́дѣнїѧ приведе́нїе и҆́мамы."
+ },
+ {
+  "type": "TEXT",
+  "value": "Возжелѣ́въ ᲂу҆́мъ тво́й храни́ти соблюде́ньми за́повѣдей, а҆леѯа́ндре, и҆ плотско́е взыгра́нїе твои́мъ воздержа́нїемъ ᲂу҆вѧди́лъ є҆сѝ, и҆ па́стырь показа́лсѧ є҆сѝ, бг҃олюбе́зномꙋ твоемꙋ̀ совокꙋпле́нїю."
+ },
+ {
+  "type": "TEXT",
+  "value": "Зако́нѡмъ бжⷭ҇твєннымъ послѣ́дꙋѧ, премꙋ́дре а҆леѯа́ндре, и҆ повелѣ́нїємъ повинꙋ́ѧсѧ сотво́ршагѡ, законополо́жникъ ꙗ҆ви́лсѧ є҆сѝ мона́хѡвъ, и҆ пра́вило и҆звѣ́стнѣйше, наказа́тель безꙋ́мныхъ, и҆ наста́вникъ заблꙋ́ждшихъ, и҆ свѣти́льникъ во тмѣ̀ невѣ́дѣнїѧ пресла́вне."
+ },
+ {
+  "type": "TEXT",
+  "value": "Ѻ҆́гнь и҆скꙋше́нїй, и҆ страсте́й пе́щь, слеза́ми твои́хъ, ѻ҆́ч҃е, тече́нїй, и҆ дꙋхо́вною росо́ю бога́тнѡ ᲂу҆гаси́лъ є҆сѝ, соблю́дсѧ неѡпали́мь: ѡ҆палѧ́емь бо любо́вїю всѣ́хъ цр҃ѧ̀, вє́щнаѧ ᲂу҆вѧди́лъ є҆сѝ жела̑нїѧ."
+ },
+ {
+  "type": "TEXT",
+  "value": "Бг҃оро́диченъ: Житє́йскаѧ не мо́гꙋтъ ᲂу҆ста̀ по достоѧ́нїю тѧ̀ пѣ́ти, всепѣ́таѧ, вы́шшꙋ сꙋ́щꙋ херꙋві̑мъ, и҆ всѧ́кїѧ тва́ри. Тѣ́мже съ бжⷭ҇твеннымъ а҆леѯа́ндромъ влⷣкꙋ ѡ҆ всѣ́хъ на́съ ᲂу҆молѝ."
+ },
+ {
+  "type": "HEADER",
+  "value": "Пѣ́снь ѕ҃."
+ },
+ {
+  "type": "TEXT",
+  "value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
+ },
+ {
+  "type": "TEXT",
+  "value": "Неболѣ́зненнꙋю жи́знь въ болѣ́знехъ воспрїѧ́лъ є҆сѝ, и҆ болѣ́зней лю́тыхъ ᲂу҆ставлѧ́еши ѡ҆ѕлоблє́нїѧ, вѣ́рою просѧ́щымъ прїѧ́ти и҆сцѣле́нїе, а҆леѯа́ндре всече́стне. Тѣ́мже разрѣшѝ болѣ̑зни на́шѧ дꙋшє́вныѧ и҆ тѣлє́сныѧ."
+ },
+ {
+  "type": "TEXT",
+  "value": "Къ ра́цѣ твое́й свѧще́ннѣй пристꙋпа́юще, благоꙋха́нїѧ бжⷭ҇твеннагѡ ра́зꙋма и҆сполнѧ́емсѧ, пребл҃же́нне а҆леѯа́ндре, смра́да и҆збавлѧ́ющесѧ страсте́й, любо́вїю тѧ̀ чтꙋ́щїи, ѻ҆́ч҃е прпⷣбне."
+ },
+ {
+  "type": "TEXT",
+  "value": "И҆справлѧ́еши, ѻ҆́ч҃е, хромы́хъ, и҆ ѻ҆́чи просвѣща́еши слѣпы́хъ, ходи́ти же твори́ши разсла́бленныхъ ѡ҆ хрⷭ҇тѣ̀, и҆ ѿго́ниши дꙋ́хи лꙋка̑выѧ, а҆леѯа́ндре прпⷣбне."
+ },
+ {
+  "type": "TEXT",
+  "value": "Бг҃оро́диченъ: На тѧ̀ ꙗ҆́кѡ до́ждь на рꙋно̀ сше́дъ, бцⷣе, сп҃съ, и҆зсꙋшѝ ꙗ҆́кѡ пото́ки безбо́жїѧ: дꙋ́шы же на́шѧ напаѧ́ѧ всегда̀, при́снѡ чтꙋ́щыѧ тѧ̀."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
+ },
+ {
+  "type": "TEXT",
+  "value": "Смы́сленнѡ ты̀ вре́мєннаѧ предразсꙋди́въ, а҆леѯа́ндре бл҃же́нне, вѣ̑чнꙋющаѧ болѣ́зньми воздержа́нїѧ дости́глъ є҆сѝ, ѻ҆́ч҃е, дꙋша́мъ строи́тель бы́въ, прпⷣбне."
+ },
+ {
+  "type": "TEXT",
+  "value": "Ꙗ҆́кѡ терпѧ́щꙋ тѝ вельмѝ по́ты трꙋдѡ́въ твои́хъ, прпⷣбне а҆леѯа́ндре, ᲂу҆до́бь воздержа́нїемъ, чꙋ́дный ѻ҆́ч҃е, ꙗ҆́вльсѧ влⷣка тебѣ̀ хрⷭ҇то́съ, врꙋча́етъ си́лꙋ бжⷭ҇твеннꙋ, и҆ си́мъ тѝ недꙋ́ги повелѣва́етъ цѣли́ти."
+ },
+ {
+  "type": "TEXT",
+  "value": "Мона́шествꙋющихъ наста́вникъ бы́въ, премꙋ́дре а҆леѯа́ндре, сꙋ́щихъ тѝ є҆диноѻбра́зныхъ ла́ѵры, и҆ ѻ҆́бразъ и҆ начерта́нїе добродѣ́тельныхъ дѣѧ́нїй сы́й, ᲂу҆краси́лъ є҆сѝ всѧ̑, ꙗ҆̀же во ѻ҆би́тели сꙋпрꙋ́жныхъ пребыва̑нїѧ."
+ },
+ {
+  "type": "TEXT",
+  "value": "Бг҃оро́диченъ: Но́въ ꙗ҆́коже мѡѷсе́й ꙗ҆́вльсѧ, ᲂу҆стро́илъ є҆сѝ ꙗ҆́кѡ ски́нїю ѡ҆гра́дꙋ, всече́стне, ю҆́же и҆ превозрасти́лъ є҆сѝ болѣ́зньми и҆ пѡ́ты твои́ми, ве́сь возложи́лсѧ є҆сѝ пречⷭ҇тѣй мт҃ри бж҃їи."
+ },
+ {
+  "type": "HEADER",
+  "value": "Конда́къ, гла́съ и҃."
+ },
+ {
+  "type": "TEXT",
+  "value": "Ꙗ҆́кѡ многосвѣ́тлаѧ ѕвѣзда̀, дне́сь въ страна́хъ рѡссі́йскихъ возсїѧ́лъ є҆сѝ, ѻ҆́ч҃е, всели́всѧ въ пꙋсты́ню, хрⷭ҇тѡ́вымъ стопа́мъ послѣ́довати ᲂу҆се́рднѡ возжелѣ́лъ є҆сѝ, и҆ тогѡ̀ ст҃о́е и҆́го на ра́мо твоѐ взе́мъ чⷭ҇тны́й крⷭ҇тъ, ᲂу҆мертви́лъ є҆сѝ трꙋды̑ пѡ́двигъ твои́хъ тѣлє́сныѧ взыгра̑нїѧ. Тѣ́мже вопїе́мъ тѝ: спасѝ ста́до твоѐ, є҆́же собра́лъ є҆сѝ, мꙋ́дре, да зове́мъ тѝ: ра́дꙋйсѧ, прпⷣбне а҆леѯа́ндре, ѻ҆́ч҃е на́шъ."
+ },
+ {
+  "type": "TEXT",
+  "value": "І҆́косъ: Ка́кѡ восхвалю̀ твоѧ̑ по́двиги и҆ борє́нїѧ, прпⷣбне а҆леѯа́ндре; ꙗ҆́кѡ невеще́ственъ ра́зꙋмъ стѧжа́въ смире́нїемъ, житїѐ твоѐ препроводи́лъ є҆сѝ ѕѣ́льнымъ воздержа́нїемъ трꙋдѡ́въ твои́хъ. А҆́ще ᲂу҆́бѡ и҆ человѣ́къ бы́лъ є҆сѝ є҆стество́мъ но вы́шнѧгѡ і҆ерⷭ҇ли́ма ꙗ҆ви́лсѧ є҆сѝ граждани́нъ: съ пло́тїю бо на землѝ пожи́лъ є҆сѝ, но а҆́гг҃льское пребыва́нїе проше́дъ, бы́лъ є҆сѝ сто́лпъ страстьмѝ непотрѧсо́мъ. Тѣ́мъ всѧ̀ рѡссі́йскаѧ землѧ̀ тобо́ю ѡ҆бога́щшисѧ хва́литъ тѧ̀, и҆ вѣ́рою велича́етъ, взыва́ющи тебѣ̀ такова̑ѧ: ра́дꙋйсѧ, ѻ҆те́чествꙋ твоемꙋ̀ похвала̀, вели́комꙋ же новꙋ́градꙋ и҆ все́й странѣ̀ рѡссі́йстѣй пресвѣ́тлый свѣти́льниче: ра́дꙋйсѧ, и҆́же благочести́ва ѻ҆тца̀ пресла́внаѧ ѻ҆́трасль, и҆ благоговѣ́йны ма́тере вѣ́твь многопло́дна: ра́дꙋйсѧ, цѣломꙋ́дрїѧ непрекло́нный сто́лпе, и҆ мона́хѡвъ пресвѣ́тлаѧ сла́ва: ра́дꙋйсѧ, па́стырю хрⷭ҇то́вы ѡ҆гра́ды слове́сныхъ ѻ҆ве́цъ, и҆̀хже къ бж҃їю приводѧ̀ ра́зꙋмꙋ: ра́дꙋйсѧ, ты́ бо многоча́днꙋ пꙋсты́ню воздѣ́лалъ є҆сѝ высото́ю смире́нїѧ твоегѡ̀: ра́дꙋйсѧ, мона́шествꙋющихъ всѣ́хъ ѻ҆́бразъ добродѣ́тели, и҆ є҆диноѻбра́зныхъ ла́ѵры спасе́нїе: ра́дꙋйсѧ, кра́сное добродѣ́телей храни́лище, и҆ всѣ̑мъ въ печа́ли ᲂу҆ныва́ющымъ ᲂу҆тѣше́нїе: ра́дꙋйсѧ, ꙗ҆́кѡ всѧ̑ мі́ра сегѡ̀ мꙋдрова̑нїѧ презрѣ́въ, стра̑сти плотскі̑ѧ ᲂу҆мертви́лъ є҆сѝ: ра́дꙋйсѧ, ꙗ҆́кѡ а҆́гг҃лѡмъ собесѣ́дникъ бы́ти сподо́билсѧ є҆сѝ, и҆ всѧ̑ бѣсѡ́вскїѧ полкѝ посрами́лъ є҆сѝ: ра́дꙋйсѧ, ты́ бо во всѣ́хъ страна́хъ просла́вленъ бы́лъ є҆сѝ, ѡ҆ хрⷭ҇тѣ́ бо мнѡ́га чꙋдеса̀ сотвори́лъ є҆сѝ: ра́дꙋйсѧ, ꙗ҆́кѡ вои́стиннꙋ ѡ҆брѣ́лъ є҆сѝ бж҃їю благода́ть, и҆ со а҆́гг҃лы при́снѡ зрѣ́ти сподо́билсѧ є҆сѝ лице́мъ къ лицꙋ̀ свѧтꙋ́ю трⷪ҇цꙋ: ра́дꙋйсѧ, ꙗ҆́кѡ второ́е со́лнце сїѧ́ѧ чꙋдєсы̀, всѣ̑мъ да́рꙋеши благода́ть и҆сцѣле́нїй: ра́дꙋйсѧ, прпⷣбне а҆леѯа́ндре ѻ҆́ч҃е на́шъ."
+ },
+ {
+  "type": "HEADER",
+  "value": "Пѣ́снь з҃."
+ },
+ {
+  "type": "TEXT",
+  "value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
+ },
+ {
+  "type": "TEXT",
+  "value": "Ѡ҆свѧ́щсѧ ѿ мла́денства доброгла́сною трꙋбо́ю моли́твы твоеѧ̀, и҆ неплѡ́дныѧ ᲂу҆трѡ́бы многоплѡ́дны сотвори́лъ є҆сѝ. Слѣпы̑мъ подае́ши прозрѣ́нїе, и҆ хрѡмы́мъ благотече́нїе, а҆леѯа́ндре преблаже́нне:"
+ },
+ {
+  "type": "TEXT",
+  "value": "Сле́зными и҆злїѧ̑нїи погаси́лъ є҆сѝ страсте́й разжжє́нїѧ, а҆леѯа́ндре блаже́нне, чꙋде́съ и҆сточи́лъ є҆сѝ стрꙋи̑ присноживо́тны, и҆́миже ѡ҆мыва́ютсѧ дꙋ́шъ же и҆ тѣле́съ недꙋ́зи, пресла́вне."
+ },
+ {
+  "type": "TEXT",
+  "value": "Терпѣ́нїе стѧжа́въ мно́гое, премꙋ́дре, воздержа́нїе, вѣ́рꙋ и҆ любо́вь и҆́стиннꙋ, ꙗ҆ви́лсѧ є҆сѝ ѻ҆те́цъ си̑рымъ, вдови́цамъ застꙋ́пникъ, ми́лостивъ и҆ смире́нъ а҆леѯа́ндре, мона́хѡмъ сла́ва и҆ похвала̀."
+ },
+ {
+  "type": "TEXT",
+  "value": "Бг҃оро́диченъ: Ка́кѡ дои́ши млеко́мъ сн҃а, чⷭ҇таѧ, безъ ѻ҆тца̀, пита́ющаго всѧ́кое дыха́нїе, мт҃и пречⷭ҇таѧ; ка́кѡ на рꙋкꙋ̀ но́сиши всѧ̑ содержа́щаго; па́че ᲂу҆ма̀ чꙋ́до твоѐ. Тѣ́мъ пое́мъ вели̑чїѧ твоѧ̑."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
+ },
+ {
+  "type": "TEXT",
+  "value": "Крѣ́постїю ѡ҆дѣ́ѧвсѧ, а҆леѯа́ндре, влⷣчнею, и҆ ꙗ҆́кѡ пра́хъ сладостра́стїе житїѧ̀ попра́лъ є҆сѝ, любо́вїю побѣжда́емь нетлѣ́нныѧ жи́зни: є҆́йже ны́нѣ и҆ причасти́лсѧ є҆сѝ, съ ли̑ки а҆́гг҃лъ, ѻ҆́ч҃е, сочета́всѧ."
+ },
+ {
+  "type": "TEXT",
+  "value": "Крестоѻбра́знѡ простира́ѧ дла̑ни твоѧ̑, а҆леѯа́ндре премꙋ́дре, и҆ моли̑твы твоѧ̑ возсыла́ѧ вы́шнемꙋ, ꙗ҆́кѡ хрⷭ҇та̀ цр҃ѧ̀ сла́вы со а҆́гг҃лы ѻ҆чи́ма ꙗ҆вле́ннѡ, бг҃оно́се, ᲂу҆зрѣ́лъ є҆сѝ, и҆ въ пꙋсты́нѧхъ непрохо́дныхъ водворѧ́ѧсѧ, и҆ща́й гдⷭ҇а бжⷭ҇твенною тѧ̀ благода́тїю соблюда́юща."
+ },
+ {
+  "type": "TEXT",
+  "value": "Ꙗ҆́кѡ ѕвѣздꙋ̀ тѧ̀, а҆леѯа́ндре, всемі́рнꙋ, мона́хѡвъ свѣти́ло незаходи́мое, помо́щника въ бѣда́хъ, и҆ грѣ́шникѡмъ вели́кое прибѣ́жище вѣ́дый, хода́таѧ и҆ моли́твенника предлага́ю влⷣцѣ хрⷭ҇тꙋ̀ тѧ̀, всече́стне."
+ },
+ {
+  "type": "TEXT",
+  "value": "Бг҃оро́диченъ: Ви́дѣти жела́ѧ тво́й ᲂу҆го́дникъ твоегѡ̀ сн҃а и҆ бг҃а неизрече́ннꙋю сла́вꙋ, бг҃ороди́тельнице, сегѡ̀ честны́й крⷭ҇тъ на ра́мо взе́мь, послѣ́дова живонѡ́снымъ є҆гѡ̀ стопа́мъ."
+ },
+ {
+  "type": "HEADER",
+  "value": "Пѣ́снь и҃."
+ },
+ {
+  "type": "TEXT",
+  "value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "Оу҆мо́мъ безстра́стїѧ ѡ҆чище́нъ, бесѣ́довалъ є҆сѝ гдⷭ҇еви вседержи́телю: ѿ негѡ́же неизглаго́ланнѡ, прпⷣбне, наꙋча́емь, прⷪ҇ро́чески предглаго́лалъ є҆сѝ просвѣща́ѧ дꙋ́шы, ꙗ҆́кѡ вели́къ, всеблаже́нне, прⷪ҇ро́къ. Тѣ́мъ тѧ̀ согла́снѡ, а҆леѯа́ндре премꙋ́дре, вѣ́рнїи похвалѧ́емъ, пою́ще: благослови́те, всѧ̑ дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "Подава́ѧ тебѣ̀, ꙗ҆̀же проти́вꙋ любвѐ зижди́тель, ѿ ю҆́ности соблюда́ѧ тѧ̀ десни́цею, и҆ ма́лымъ бы́лїемъ самовозра́стшимъ ѿ землѝ, пита́етъ тѧ̀ бг҃олѣ́пнѡ, ꙗ҆́кѡ ѿ младе́нства всѧ́ко похотѣ́нїе попра́вша, и҆ пою́ща: благослови́те, всѧ̑ дѣла̀ гдⷭ҇нѧ, гдⷭ҇и."
+ },
+ {
+  "type": "TEXT",
+  "value": "Ꙗ҆́кѡ стрꙋѧ̀ бжⷭ҇твенна и҆сцѣле́нїй, происходѧ́щи ѿ ра́ки твоеѧ̀, всѧ̑ и҆сцѣлѧ́етъ, и҆ ѡ҆мыва́етъ сквє́рны страсте́й, и҆ гное́нїе лю́тыхъ ѡ҆чища́етъ, и҆ вѣ́рныхъ напаѧ́етъ̀ всѣ́хъ сердца̀, а҆леѯа́ндре премꙋ́дре, любо́вїю пою́щихъ: благослови́те, всѧ̑ дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "Бг҃оро́диченъ: Вопло́щсѧ безпло́тный и҆зъ тебє̀ бг҃олѣ́пнѡ, є҆го́же молѝ, пречⷭ҇таѧ, стра̑сти пло́ти моеѧ̀ ᲂу҆мертви́ти, и҆ ѡ҆живи́ти мою̀ ᲂу҆мерщвле́ннꙋю дꙋ́шꙋ грѣхмѝ."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: благослови́те, всѧ̑ дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "Ꙗ҆́коже мо́лнїѧ вели́кими блиста̑нїи житїѐ сїѧ́ющее, всѣ̑мъ возсїѧ̀ воздержа́нїѧ твоегѡ̀, а҆леѯа́ндре премꙋ́дре, благоче́стнѡ зижди́телю зовꙋ́щымъ: благослови́те, всѧ̑ дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "На землѝ ꙗ҆́кѡ человѣ́къ ходѧ̀, ѻ҆́ч҃е а҆леѯа́ндре, житїѐ себє̀ на нб҃сѣ́хъ ꙗ҆́кѡ вои́стиннꙋ стѧжа́лъ є҆сѝ, а҆́гг҃лѡмъ собесѣ́дникъ ꙗ҆́вльсѧ, житїе́ же и҆ жи́знь соверша́ѧ ѻ҆́нѣхъ. Съ ни́миже воспѣва́еши ны́нѣ: благослови́те, всѧ̑ дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "Тѧ̀ па́че ᲂу҆ма̀ и҆зъ нерожде́нна ѻ҆ц҃а̀, пре́жде вѣ̑къ рожде́нна сн҃а, сла́вный проповѣ́да а҆леѯа́ндръ, и҆ дх҃а прест҃а́гѡ, є҆ди́нꙋ трⷪ҇цꙋ є҆стество́мъ вѣ́дый бж҃ества̀."
+ },
+ {
+  "type": "TEXT",
+  "value": "Бг҃оро́диченъ: Ꙗ҆́коже и҆лїа̀ пе́рвѣе въ карми́лѣ всели́сѧ, та́кѡ и҆ ты̀ въ пꙋсты́нѧхъ непрохо́дныхъ ᲂу҆пражнѧ́ѧсѧ, возжела́лъ є҆сѝ ѻ҆со́бь съ бг҃омъ жи́ти, и҆ бг҃онача́льными ѡ҆зари́всѧ видѣ̑нїи, ᲂу҆го́дникъ ꙗ҆ви́лсѧ є҆сѝ бцⷣѣ, вопїѧ̀ є҆́й: ра́дꙋйсѧ, ѡ҆бра́дованнаѧ."
+ },
+ {
+  "type": "HEADER",
+  "value": "Пѣ́снь ѳ҃."
+ },
+ {
+  "type": "TEXT",
+  "value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀: тѣ́мъ веселѧ́щесѧ, тѧ̀, бцⷣе, велича́емъ."
+ },
+ {
+  "type": "TEXT",
+  "value": "Твоѧ̑ свѧщє́нныѧ и҆ ст҃ы̑ѧ мо́щи во гро́бѣ лежа́ще, многоразли̑чныѧ недꙋ́ги и҆сцѣлѧ́ютъ, и҆ попалѧ́ютъ полкѝ бѣсѡ́вскїѧ всегда̀, мꙋ́дре а҆леѯа́ндре: бж҃їею благода́тїю то́чиши всѣ̑мъ и҆сцѣлє́нїѧ, вѣ́рнѡ тѧ̀ при́снѡ блажа́щымъ."
+ },
+ {
+  "type": "TEXT",
+  "value": "Стрꙋи̑ на́мъ всегда̀ честна́ѧ твоѧ̀ ра́ка ꙗ҆ви́сѧ и҆сцѣле́нїй, ѻ҆́ч҃е, страсте́й и҆злїѧ́нїе всѧ́ческихъ и҆зсꙋша́ющи, и҆ всѧ̑ напаѧ́ющи дꙋ́шы ко благопло́дїю бжⷭ҇твенномꙋ, премꙋ́дре а҆леѯа́ндре, хрⷭ҇то́въ ᲂу҆го́дниче."
+ },
+ {
+  "type": "TEXT",
+  "value": "Па́мѧть твоѧ̀ дне́сь ꙗ҆́кѡ со́лнце возсїѧ̀, а҆леѯа́ндре пребл҃же́нне, ꙗ҆́же благочести́выхъ сердца̀ ѡ҆зарѧ́ющи, болѣ́зней твои́хъ, и҆ чꙋде́съ сїѧ́нїемъ, ꙗ҆́кѡ вои́стиннꙋ просвѣща́ющи, ѻ҆́ч҃е, въ ню́же всѧ̑ ны̀ помѧнѝ, вѣ́рнѡ чтꙋ́щыѧ тѧ̀."
+ },
+ {
+  "type": "TEXT",
+  "value": "Бг҃оро́диченъ: Гла́съ прино́симъ тѝ гаврїи́ловъ ра́дꙋющесѧ: ра́дꙋйсѧ, глаго́люще, мѣ́сто свѧще́нїѧ: ра́дꙋйсѧ, прпⷣбныхъ сла́во, и҆ всѣ́хъ вѣ́рныхъ спасе́нїе, є҆ѧ́же ра́ди ѡ҆божи́хомсѧ, бцⷣе приснодв҃о."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щсѧ ѿ дв҃ы, на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ. Тѣ́мъ всепѣ́тꙋю бцⷣꙋ велича́емъ."
+ },
+ {
+  "type": "TEXT",
+  "value": "Стопа́мъ послѣ́дꙋѧ, прпⷣбне и҆ бг҃оно́се, влⷣки хрⷭ҇та̀, и҆́же благоче́стнѡ пожи́въ на землѝ, кро́токъ, неѕло́бивъ ꙗ҆ви́лсѧ є҆сѝ, ми́лостивъ и҆ смире́нъ, а҆леѯа́ндре, и҆ любвѐ и҆спо́лненъ бжⷭ҇твенныѧ: сегѡ̀ ра́ди тѧ̀ вѣ́рнѡ восхвалѧ́емъ."
+ },
+ {
+  "type": "TEXT",
+  "value": "И҆сплете́сѧ тебѣ̀ вѣне́цъ ꙗ҆́кѡ побѣди́телю, а҆леѯа́ндре, живоно́сною и҆ вседержи́тельною десни́цею, ѻ҆́ч҃е, и҆ ны́нѣ пою́щыѧ па́мѧть твою̀ сподо́би, блаже́нне, ᲂу҆лꙋчи́ти ѡ҆ставле́нїе согрѣше́нїй, пресла́вне."
+ },
+ {
+  "type": "TEXT",
+  "value": "Совокꙋпи́лсѧ є҆сѝ со безпло́тными вѡ́инствы, и҆ преподѡ́бнымъ ликѡ́мъ сочта́лсѧ є҆сѝ, и҆ со и҆збра́нными всѣ́ми ликꙋ́еши, претво́рсѧ и҆́стиннымъ ѡ҆боже́нїемъ, и҆ безсме́ртною, ѻ҆́ч҃е, жи́знїю. Съ ни́миже непреста́ннѡ ѡ҆ на́съ твоего̀ влⷣкꙋ ᲂу҆молѝ."
+ },
+ {
+  "type": "TEXT",
+  "value": "Бг҃оро́диченъ: Хра́мъ ѡ҆свѧще́нъ, вмѣ́стенъ є҆ди́номꙋ ѿ трⷪ҇цы сы́й, хра́мъ тво́й, влⷣчце, ᲂу҆го́дникъ тво́й а҆леѯа́ндръ че́стенъ воздви́же въ сла́вꙋ твою̀ и҆ че́сть. Въ не́мже не преста́й молѧ́сѧ, да́рꙋѧ на́мъ по́мощь моли́твами твои́ми."
+ },
+ {
+  "type": "HEADER",
+  "value": "Свѣти́ленъ."
+ },
+ {
+  "type": "TEXT",
+  "value": "Подо́бенъ: Дх҃омъ во ст҃и́лищи:"
+ },
+ {
+  "type": "TEXT",
+  "value": "Бл҃года́ть преизбы́сть бж҃їѧ въ дꙋшѝ твое́й, премꙋ́дре а҆леѯа́ндре, и҆ ꙗ҆́кѡ безпло́тенъ на землѝ пожи́лъ є҆сѝ. Тѣ́мъ почита́ющихъ тѧ̀ страсте́й и҆зба́ви те́мныхъ ѻ҆́блакъ, и҆ къ ти́хомꙋ приста́нищꙋ приводѧ̀, и҆ ѿгонѧ́ѧ ѡ҆полчє́нїѧ бѣсѡ́вскаѧ бжⷭ҇твенною си́лою. Два́жды."
+ },
+ {
+  "type": "HEADER",
+  "value": "Сла́ва, и҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Сотво́рь вои́стиннꙋ съ тобо́ю вели̑чїѧ сн҃ъ превѣ́чный ѻ҆́ч҃имъ совѣ́томъ: жи́знь бо нетлѣ́ннꙋю безъ стра́сти родила̀ є҆сѝ, и҆ пребыла̀ є҆сѝ ꙗ҆́коже пре́жде ржⷭ҇тва̀ дв҃а, мт҃рскихъ и҆збѣ́гши болѣ́зней, и҆ по ржⷭ҇твѣ̀ дв҃ою пребы́вши."
+ },
+ {
+  "type": "HEADER",
+  "value": "На хвали́техъ стїхи̑ры, на д҃, гла́съ д҃."
+ },
+ {
+  "type": "TEXT",
+  "value": "Подо́бенъ: Да́лъ є҆сѝ зна́менїе:"
+ },
+ {
+  "type": "TEXT",
+  "value": "Прпⷣбне и҆ бг҃оно́сне, житїѐ твоѐ проше́дъ нескве́рнѡ, терпѣ́нїе же и҆ кро́тость и҆ любо́вь нелицемѣ́рнꙋ, воздержа́нїе безмѣ́рно, всено́щное стоѧ́нїе, ᲂу҆миле́нїе бж҃е́ственно, вѣ́рꙋ и҆ наде́ждꙋ и҆́стиннꙋ, съ ми́лованїемъ ѻ҆́ч҃е стѧжа́въ, ꙗ҆́кѡ а҆́гг҃лъ пожи́лъ є҆сѝ на землѝ съ тѣ́ломъ, а҆леѯа́ндре блаже́нне, моли́твенниче ѡ҆ дꙋша́хъ на́шихъ."
+ },
+ {
+  "type": "TEXT",
+  "value": "Ꙗ҆́кѡ земны́й а҆́гг҃лъ, и҆ нбⷭ҇ный человѣ́къ бы́лъ є҆сѝ, премꙋ́дре, и҆сто́чникъ ᲂу҆миле́нїѧ и҆ щедро́тъ стрꙋѧ̀ незави́стна ꙗ҆ви́лсѧ є҆сѝ, пꙋчи́на чꙋде́съ, грѣ́шникѡмъ и҆спорꙋ́чникъ, ма́слина вои́стиннꙋ бж҃їѧ плодови́та, ма́сломъ трꙋдѡ́въ твои́хъ, а҆леѯа́ндре чꙋ́дне, ᲂу҆маща́ѧ сердца̀ вѣ́рнѡ восхвалѧ́ющихъ тѧ̀."
+ },
+ {
+  "type": "TEXT",
+  "value": "Прпⷣбне и҆ бг҃облаже́нне, ᲂу҆мертви́лъ є҆сѝ пло́ти мꙋдрова́нїе бжⷭ҇твенными разꙋмѣ̑нїи, тѣле́сныхъ превы́ше страсте́й бы́лъ є҆сѝ, и҆ смѣше́нъ до́льними носѧ̀ начерта́нїе, и҆з̾ѡбража́ѧ въ себѣ̀ бжⷭ҇твеннꙋю добро́тꙋ: и҆ показа́лсѧ є҆сѝ ве́сь свѣтови́дѣнъ дѣ́йствомъ ст҃а́гѡ дх҃а, а҆леѯа́ндре ѻ҆́ч҃е на́шъ, и҆́нокꙋющымъ ᲂу҆краше́нїе."
+ },
+ {
+  "type": "TEXT",
+  "value": "И҆сто́чникъ чꙋде́съ показа̀, и҆ рѣкꙋ̀ дарова́нїй ра́кꙋ моще́й твои́хъ, человѣ́кѡмъ гдⷭ҇и, а҆леѯа́ндре премꙋ́дре, слѣпы̑мъ є҆́же ви́дѣти сїѧ̑ дарова́сѧ, прокажє́ннымъ ѡ҆чище́нїе. Ѡ҆держи̑мыѧ нечи́стыми дꙋ́хи, ѿ тѣ́хъ вла́сти и҆збавлѧ́еши, и҆ цѣломꙋ́дрїе тѣ̑мъ твори́ши, и҆сцѣле́нїемъ неѡскꙋ́дно."
+ },
+ {
+  "type": "HEADER",
+  "value": "Сла́ва, гла́съ ѕ҃:"
+ },
+ {
+  "type": "TEXT",
+  "value": "Ра́дꙋйсѧ, по́стникѡмъ свѣти́ло многосвѣ́тлое, и҆́нокѡмъ ѕвѣзда̀ незаходи́маѧ, па́стырємъ похвала̀, ѻ҆́ч҃е а҆леѯа́ндре, прпⷣбнымъ совсе́льниче: ра́дꙋйсѧ, трⷪ҇цы пресвѣ́тлое жили́ще: ра́дꙋйсѧ, любвѐ и҆ ми́лованїѧ и҆сто́чниче: ра́дꙋйсѧ, пресвѣ́тлый свѣти́льниче разсꙋжде́нїѧ: ра́дꙋйсѧ, пра́вило добродѣ́телей и҆́стинное: ра́дꙋйсѧ, сто́лпе ѡ҆дꙋшевле́нный: ра́дꙋйсѧ, вели́комꙋ новꙋ́градꙋ похвала̀ и҆ ᲂу҆твержде́нїе."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ:"
+ },
+ {
+  "type": "TEXT",
+  "value": "Бцⷣе, ты̀ є҆сѝ лоза̀ и҆́стиннаѧ:"
+ },
+ {
+  "type": "HEADER",
+  "value": "Славосло́вїе вели́кое. И҆ ѿпꙋ́стъ."
+ },
+ {
+  "type": "HEADER",
+  "value": "На лїтꙋргі́и, бл҃жє́нна, ѿ канѡ́на пѣ́снь г҃ и҆ ѕ҃."
+ },
+ {
+  "type": "TEXT",
+  "value": "Прокі́менъ: Честна̀ предъ гдⷭ҇емъ:"
+ },
+ {
+  "type": "TEXT",
+  "value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
+ },
+ {
+  "type": "HEADER",
+  "value": "А҆пⷭ҇лъ къ гала́тѡмъ, зача́ло сг҃і."
+ },
+ {
+  "type": "TEXT",
+  "value": "А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а:"
+ },
+ {
+  "type": "HEADER",
+  "value": "Є҆ѵⷢ҇лїе лꙋкѝ, зача́ло к҃д."
+ },
+ {
+  "type": "TEXT",
+  "value": "Прича́стенъ: Въ па́мѧть вѣ́чнꙋю:"
+ }
+]