enrich ru lives with Chetyi-Minei texts and track static data
This commit is contained in:
catarrh committed
1 parent
69fd5b7460
commit
7dde2168d1
6512 files changed
+1448065
-5
No files matched your search
@@ -0,0 +1,554 @@
|
||||
[
|
||||
{
|
||||
"type": "HEADER",
|
||||
"value": "Ѻ҆ктѡ́врїа к҃и"
|
||||
},
|
||||
{
|
||||
"type": "HEADER",
|
||||
"value": "Ст҃ы́хъ мч҃никъ тере́нтїа и҆ неоні́лы:"
|
||||
},
|
||||
{
|
||||
"type": "HEADER",
|
||||
"value": "И҆ прпⷣбнагѡ ѻ҆тца̀ на́шегѡ стефа́на савваі́та и҆ творца̀ канѡ́нѡвъ:"
|
||||
},
|
||||
{
|
||||
"type": "HEADER",
|
||||
"value": "На Гдⷭ҇и воззва́хъ, стїхи̑ры мч҃никѡвъ, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ꙗ҆́кѡ до́блѧ:"
|
||||
},
|
||||
{
|
||||
"type": "TEXT",
|
||||
"value": "Многоѻбра́знымъ мꙋ́камъ мꙋ́жески приѡбщи́вшесѧ, вра̑жїѧ возношє́нїѧ низложи́сте, и҆сповѣ́дающе, блаже́ннїи, предъ мꙋчи́тєли ꙗ҆́вльшагосѧ, на́съ ра́ди, дебельство́мъ пло́ти, и҆ пречⷭ҇тыѧ стрⷭ҇ти претерпѣ́вша во́лею, и҆ и҆сточи́вша мі́рꙋ просвѣще́нїе и҆ безстра́стїе."
|
||||
},
|
||||
{
|
||||
"type": "TEXT",
|
||||
"value": "Съ тере́нтїемъ возсїѧ̀ неоні́ла сла́внаѧ, нїтта́ же и҆ сарві́лъ чꙋ́днїи, фѡ́тъ же и҆ і҆ера́ѯъ съ си́ми зако́ннѡ пострада́вше и҆ ѻ҆́гнь мꙋче́нїй бжⷭ҇твенною росо́ю дх҃а ᲂу҆гаси́вше: и҆ бы́ша столпѝ благоче́стїѧ, и҆ благопрїѧ̑тныѧ жє́ртвы, и҆ приношє́нїѧ пречи̑ста."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ многосвѣ́тлое со́лнце, съ лꙋно́ю совокꙋ́пльсѧ неоні́лою, роди́лъ є҆сѝ, ѽ тере́нтїе, ли́къ ѕвѣ́здъ седмочи́сленъ, мꙋ́ченическою кро́вїю ѡ҆багри́вшихсѧ, и҆ свѣ́тлое и҆спꙋща́ющихъ сїѧ́нїе, всели́вшихсѧ же въ невече́рнїй поко́й, и҆дѣ́же всѣ́хъ страда́лєцъ стада̀ свѣ́тлѡ ликовствꙋ́ютъ."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры прпⷣбнагѡ, гла́съ и҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ѽ пресла́внагѡ чꙋдесѐ!"
|
||||
},
|
||||
{
|
||||
"type": "TEXT",
|
||||
"value": "Ѻ҆́ч҃е бг҃оно́сне стефа́не, бжⷭ҇твеннымъ смы́сломъ ᲂу҆́мъ ᲂу҆крѣпи́въ свѣтлѣ́йше, ꙗ҆́рость же мꙋ́жествомъ, цѣломꙋ́дрїемъ жела́нїе, пра́вдою же всю̀ си́лꙋ дꙋшѝ ᲂу҆пра́вилъ є҆сѝ. Мꙋдролю́бнѣйше колесни́цꙋ прекра́снꙋ добродѣ́телей состро́илъ є҆сѝ, на ню́же всѣ́дъ, ра́дꙋѧсѧ, возше́лъ є҆сѝ къ высотѣ̀, сла́вне."
|
||||
},
|
||||
{
|
||||
"type": "TEXT",
|
||||
"value": "Ѻ҆́ч҃е бг҃оно́сне стефа́не, бг҃осло́вїемъ ᲂу҆́мъ просвѣти́лъ є҆сѝ, прпⷣбне, ꙗ҆́коже копїено́снꙋю ꙗ҆́рость, простира́ѧ на хꙋ̑льныѧ, ѻ҆́ч҃е, є҆ретїкѝ: возжелѣ́въ пи́щи вы́шнїѧ, є҆ѧ́же сподо́билсѧ є҆сѝ причасти́тисѧ, чꙋ́дне, предстоѧ̀ престо́лꙋ всецр҃ѧ̀ и҆ вседержи́телѧ."
|
||||
},
|
||||
{
|
||||
"type": "TEXT",
|
||||
"value": "Ѻ҆́ч҃е бг҃оно́сне стефа́не, воздержа́нїемъ ᲂу҆́мъ ᲂу҆тꙋчнѧ́ѧ всегда̀, къ первовино́вномꙋ востещѝ сотвори́лъ є҆сѝ, и҆ ѿве́рглъ є҆сѝ мі́ра смꙋще́нїе, и҆ молвы̑ ѿтрѧ́съ, ᲂу҆ма̀ чистото́ю сраствори́всѧ, всемꙋ́дре, съ жела́нїемъ вои́стиннꙋ кра́йнимъ, бг҃омꙋ́дре прпⷣбне."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ. Подо́бенъ то́йже:"
|
||||
},
|
||||
{
|
||||
"type": "TEXT",
|
||||
"value": "Дѣ́вства сосꙋ́дъ, и҆ чи́стое бж҃їе и҆ кра́сное жили́ще, молю́ тѧ всечестно́е, дꙋ́шꙋ мою̀ ᲂу҆тѣ́ши, ѡ҆ѕло́бленнꙋю ꙗ҆́домъ ѕмїи́нымъ и҆ ᲂу҆мерщвле́ннꙋю престꙋпле́ньми, ꙗ҆́кѡ да сла́влю тѧ̀, вѣ̑рныѧ всѧ̑ возвели́чившꙋю, бг҃ора́дованнаѧ."
|
||||
},
|
||||
{
|
||||
"type": "HEADER",
|
||||
"value": "Крⷭ҇тобг҃оро́диченъ. Подо́бенъ то́йже:"
|
||||
},
|
||||
{
|
||||
"type": "TEXT",
|
||||
"value": "Что̀ зри́мое видѣ́нїе, є҆́же мои́ми ѻ҆чесы̀ ви́дитсѧ, ѽ влⷣко! Содержа́й всю̀ тва́рь, на дре́во воздви́женъ бы́въ, и҆ ᲂу҆мира́еши всѣ̑мъ даѧ́й жи́знь, бцⷣа, пла́чꙋщи, гл҃го́лаше, є҆гда̀ ᲂу҆зрѣ̀ на крⷭ҇тѣ̀ возноси́ма и҆зъ неѧ̀ неизрече́ннѡ возсїѧ́вшаго бг҃а и҆ чл҃вѣ́ка."
|
||||
},
|
||||
{
|
||||
"type": "HEADER",
|
||||
"value": "Тропа́рь, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Мꙋ́чєницы твоѝ, гдⷭ҇и, во страда́нїихъ свои́хъ вѣнцы̀ прїѧ́ша нетлѣ̑нныѧ ѿ тебє̀ бг҃а на́шегѡ: и҆мꙋ́ще бо крѣ́пость твою̀, мꙋчи́телей низложи́ша, сокрꙋши́ша и҆ де́мѡнѡвъ немѡщны́ѧ де́рзѡсти. Тѣ́хъ моли́твами спасѝ дꙋ́шы на́шѧ."
|
||||
},
|
||||
{
|
||||
"type": "HEADER",
|
||||
"value": "Сла́ва, тропа́рь стефа́на, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Правосла́вїѧ наста́вниче, бл҃гоче́стїѧ ᲂу҆чи́телю и҆ чистоты̀, вселе́нныѧ свѣти́льниче, а҆рхїере́ѡвъ бг҃одохнове́нное ᲂу҆добре́нїе, стефа́не премꙋ́дре, ᲂу҆че́ньми твои́ми всѧ̑ просвѣти́лъ є҆сѝ, цѣвни́це дх҃о́внаѧ, молѝ хрⷭ҇та̀ бг҃а спасти́сѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
||||
},
|
||||
{
|
||||
"type": "HEADER",
|
||||
"value": "На ᲂу҆́трени канѡ́нъ ѻ҆ктѡ́иха, є҆ди́нъ: И҆ ст҃ы́хъ два̀."
|
||||
},
|
||||
{
|
||||
"type": "HEADER",
|
||||
"value": "Канѡ́нъ мч҃никѡвъ. Гла́съ д҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
||||
},
|
||||
{
|
||||
"type": "TEXT",
|
||||
"value": "Глꙋбино́ю ѡ҆бꙋрева́емь грѣха̀, чл҃вѣколю́бче, къ є҆ди́ной пꙋчи́нѣ бл҃гоꙋтро́бїѧ твоегѡ̀ взира́ю ѻ҆чесы̀ моегѡ̀ се́рдца, ѡ҆кормѝ и҆ спаси́ мѧ страстоте́рпєцъ моли́твами."
|
||||
},
|
||||
{
|
||||
"type": "TEXT",
|
||||
"value": "Незаходи́мое ва́съ сл҃нце ѕвѣ́зды показа̀ на тве́рди цр҃кве своеѧ̀, ѡ҆зарѧ́ющыѧ сїѧ́нїемъ пѡ́двигъ, мч҃ницы прехва́льнїи, сеѧ̀ и҆сполне́нїе."
|
||||
},
|
||||
{
|
||||
"type": "TEXT",
|
||||
"value": "Вѣ́ры побѡ́рницы, цр҃кве ᲂу҆твержде́нїе, тере́нтїй бы́сть, нїтта́ же, сарві́лъ, ѳеодꙋ́лъ, і҆ера́ѯъ, неоні́ла, и҆ ві́лъ чꙋ́дный, є҆ѵні́кїа же и҆ фѡ́тъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ра́дости на́мъ хода́таица, ꙗ҆́кѡ прїе́мши полнотꙋ̀ всегѡ̀ бжⷭ҇тва̀, ꙗ҆ви́ласѧ є҆сѝ, всенепоро́чнаѧ. Тѣ́мже всѝ тебѣ̀, є҆́же ра́дꙋйсѧ, со а҆́гг҃ломъ согла́снѡ зове́мъ, бг҃ора́дованнаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ прпⷣбнагѡ. Гла́съ и҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пои́мъ гдⷭ҇еви, прове́дшемꙋ лю́ди своѧ̑ сквозѣ̀ чермно́е мо́ре, ꙗ҆́кѡ є҆ди́нъ сла́внѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Всю̀ мою̀ мра́чнꙋю, ѻ҆́ч҃е, мглꙋ̀ ᲂу҆ны́нїѧ свѣ́томъ бжⷭ҇твеннымъ разорѝ, бжⷭ҇твеннꙋю бл҃года́ть пода́въ, стефа́не, пѣ́ти па́мѧть твою̀."
|
||||
},
|
||||
{
|
||||
"type": "TEXT",
|
||||
"value": "Є҆ди́ный тебѣ̀ добродѣ́телей и҆скꙋ́съ вѣ́домъ: мїрскі́ѧ бо всеконе́чнѡ ѕло́бы не прїѧ́лъ є҆сѝ, ѿ младе́нства бг҃ꙋ, стефа́не, возложе́нъ."
|
||||
},
|
||||
{
|
||||
"type": "TEXT",
|
||||
"value": "Всегѡ̀ хрⷭ҇тꙋ̀ сп҃сꙋ ты̀ тебѐ сама́го приве́дъ воздержа́тельнѡ, заколе́нїе свѣ́тло благопрїѧ́тнѡ, безсме́ртнагѡ житїѧ̀, сла́вне, бы́лъ є҆сѝ прича́стникъ."
|
||||
},
|
||||
{
|
||||
"type": "TEXT",
|
||||
"value": "Положѝ дх҃о́внаѧ мо́лнїѧ сто́лпъ тѧ̀ всесвѣ́телъ, прїе́мша достоѧ́нїе слꙋ́жбы та́инственныѧ, всѧ̑ вѣ̑рныѧ ѡ҆зарѧ́ющаѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пречⷭ҇таѧ бцⷣе, всѣ́хъ ра́досте, ꙗ҆́же бг҃а въ твое́й ᲂу҆тро́бѣ вмѣсти́вши, нескве́рнаѧ, и҆зба́витисѧ ѿ вра̑гъ моли́сѧ пою́щымъ тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Не мꙋ́дростїю, и҆ си́лою, и҆ бога́тствомъ хва́лимсѧ, но тобо́ю, ѻ҆́ч҃ею ѵ҆поста́сною мꙋ́дростїю, хрⷭ҇тѐ: нѣ́сть бо свѧ́тъ, па́че тебє̀, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже со́лнце со многосвѣ́тлою лꙋно́ю соединѧ́емь неоні́лѣ, сла́вный тере́нтїй, породѝ ѕвѣ́здъ седмочи́сленный ли́къ мч҃никѡвъ хрⷭ҇то́выхъ."
|
||||
},
|
||||
{
|
||||
"type": "TEXT",
|
||||
"value": "Сокрꙋше́нїе твои́хъ ᲂу҆де́съ, страда́льче тере́нтїе, пре́лести кѡ́сти, ꙗ҆́коже пра́хъ, и҆стнѝ: тебѣ́ же и҆схода́таи сла́вꙋ неизглаго́ланнꙋю."
|
||||
},
|
||||
{
|
||||
"type": "TEXT",
|
||||
"value": "Златы́ми впери́вшисѧ крилы̀, є҆ѵнїкі́е, беззако́нныхъ ловє́цъ кова́рствїѧ и҆збѣ́гла є҆сѝ, и҆ внꙋ́трь всели́ласѧ є҆сѝ черто́га мы́сленнагѡ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тѧ̀ мꙋ́дрость бж҃їѧ чистѣ́йшее селе́нїе ѡ҆брѣ́тши, ѿ твои́хъ чи́стыхъ крове́й воплоти́сѧ, и҆ по ржⷭ҇твѣ̀ нетлѣ́ннꙋ показа̀."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Стра́хъ тво́й, гдⷭ҇и, всадѝ въ сердца̀ ра̑бъ твои́хъ и҆ бꙋ́ди на́мъ ᲂу҆твержде́нїе, тѧ̀ во и҆́стинѣ призыва́ющихъ."
|
||||
},
|
||||
{
|
||||
"type": "TEXT",
|
||||
"value": "Сквернѧ́щихъ въ житїѝ человѣ́чєскїѧ дꙋ́шы и҆збѣжа́вша тѧ̀, стефа́не, плотски́хъ, ѡ҆чи́сти пꙋсты́нѧ и҆здѣ́тска бжⷭ҇твеннымъ промышле́нїемъ."
|
||||
},
|
||||
{
|
||||
"type": "TEXT",
|
||||
"value": "Нбⷭ҇ное и҆мꙋ́щїи житїѐ, пѡ́стницы, тѧ̀ прїе́мше, ᲂу҆тверди́ша, бл҃же́нне, стра́хомъ гдⷭ҇нимъ, къ мꙋ́дрости бжⷭ҇твеннѣй."
|
||||
},
|
||||
{
|
||||
"type": "TEXT",
|
||||
"value": "Ѻ҆ц҃є́въ повинꙋ́ѧсѧ ᲂу҆че́нїємъ, премꙋ́дрости стра́хъ бж҃їй, ꙗ҆́кѡ ѡ҆снова́нїе положи́лъ є҆сѝ твоегѡ̀ небесоподо́бнагѡ, ѻ҆́ч҃е, житїѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Безсѣ́меннѡ зачала̀ є҆сѝ, бг҃оневѣ́сто, сп҃са и҆ гдⷭ҇а, и҆збавлѧ́ющаго ны̀ ѿ тлѝ, тѧ̀ вои́стиннꙋ пѣсносло́вѧщыѧ."
|
||||
},
|
||||
{
|
||||
"type": "HEADER",
|
||||
"value": "Конда́къ стефа́на, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Вознесы́йсѧ:"
|
||||
},
|
||||
{
|
||||
"type": "TEXT",
|
||||
"value": "Насади́лъ є҆сѝ добродѣ́телей ра́й и҆ напои́лъ є҆сѝ то́ками сле́зъ твои́хъ, ꙗ҆́кѡ жи́зни, всесла́вне, дре́во полꙋчи́въ, спасѝ моли́твами твои́ми ѿ тлѝ ста́до твоѐ, и҆зба́ви ѿ ѡ҆бстоѧ́нїй те́плѣ чтꙋ́щихъ тѧ̀, стефа́не: тѧ́ бо предста́телѧ велича́йша, мꙋ́дре, всѝ вѣ́рою и҆ любо́вїю стѧжа́хомъ."
|
||||
},
|
||||
{
|
||||
"type": "HEADER",
|
||||
"value": "Сѣда́ленъ мч҃никѡвъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Премꙋ́дрости:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ѕвѣ́зды со́лнцꙋ свѣтови́дны, тере́нтїю, дѣ́ти свѧщє́нныѧ ꙗ҆́вѣ совозсїѧва́ютъ, и҆ тва́рь просвѣща́ютъ, мꙋ́жескими пѡ́двиги до́блественнѡ сїѧ́юще, многобо́жїѧ но́щь разорѧ́ютъ. И҆̀хже съ весе́лїемъ ᲂу҆блажа́емъ вѣ́рою, ꙗ҆́кѡ сꙋ́щыѧ ᲂу҆го́дники бж҃їѧ, и҆ возопїи́мъ: страстоте́рпцы всехва́льнїи, моли́те хрⷭ҇та̀ бг҃а, грѣхѡ́въ ѡ҆ставле́нїе пода́ти чтꙋ́щымъ любо́вїю свѧтꙋ́ю па́мѧть ва́шꙋ."
|
||||
},
|
||||
{
|
||||
"type": "HEADER",
|
||||
"value": "Сла́ва, прпⷣбнагѡ, гла́съ є҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Собезнача́льное сло́во:"
|
||||
},
|
||||
{
|
||||
"type": "TEXT",
|
||||
"value": "Воздержа́нїемъ житїѐ ᲂу҆краси́въ и҆ стра̑сти ᲂу҆мертви́въ, попра́лъ є҆сѝ вра̑жїѧ прило́ги, ѻ҆́ч҃е стефа́не: и҆̀, преложи́всѧ къ бг҃ꙋ, чꙋдотво́рецъ показа́лсѧ є҆сѝ, въ вѣ́чнѣй сла́вѣ со а҆́гг҃лы ликꙋ́ѧ. Съ ни́миже молѝ непреста́ннѡ поми́ловатисѧ на́мъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Те́плаѧ предста́тельнице и҆ непобѣди́маѧ, ᲂу҆пова́нїе и҆звѣ́стное и҆ непосты́дное: стѣно̀ и҆ покро́ве и҆ приста́нище прибѣга́ющымъ къ тебѣ̀, приснодв҃о чи́стаѧ, сн҃а твоего̀ и҆ бг҃а молѝ со а҆́гг҃лы, ми́ръ да́ти мі́рꙋ, и҆ спасе́нїе, и҆ ве́лїю ми́лость."
|
||||
},
|
||||
{
|
||||
"type": "TEXT",
|
||||
"value": "Крⷭ҇тобг҃оро́диченъ: На крⷭ҇тѣ̀ зрѧ́щи тѧ̀, хрⷭ҇тѐ, мт҃и твоѧ̀, во́лею посредѣ̀ разбо́йникѡвъ ви́сѧща, растерза́ющисѧ ᲂу҆тро́бою мт҃рски гл҃го́лаше: безгрѣ́шный сн҃е, ка́кѡ непра́веднѡ на крⷭ҇тѣ̀, ꙗ҆́коже ѕлодѣ́й, пригвожде́нъ є҆сѝ, человѣ́ческїй ро́дъ хотѧ̀ ѡ҆живи́ти, ꙗ҆́кѡ бл҃гоꙋтро́бенъ;"
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Ѡ҆кормлѧ́еми дла́нїю всеси́льною, мꙋ́къ пꙋчи́нꙋ немо́креннѡ преидо́ша, до́ндеже достиго́ша въ приста́нище ти́хое вы́шнѧгѡ црⷭ҇твїѧ, мч҃ницы."
|
||||
},
|
||||
{
|
||||
"type": "TEXT",
|
||||
"value": "Возвыша́емаго держа́вою нече́стїѧ го́рдаго мꙋчи́телѧ, вѣ́ры ѻ҆рꙋ̑жїи, мч҃ницы всехва́льнїи, низложи́сте, пою́ще: сла́ва си́лѣ твое́й, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Седмобра́тный ли́къ страстоте́рпцєвъ съ двои́ми роди́тели, непоро́чнаѧ же́ртва тебѣ̀, тѣ́хъ ра́ди чꙋ́днѡ поже́ршемꙋсѧ, ꙗ҆́кѡ ѻ҆вча̀, влⷣко хрⷭ҇тѐ, приведо́шасѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆́же во́лею всѧ́чєскаѧ созда́вый, зи́ждетсѧ хотѧ̀ и҆зъ тебє̀ па́че сло́ва, спаса́ѧ, неискꙋсобра́чнаѧ, вѣ́рою зовꙋ́щыѧ: сла́ва си́лѣ твое́й, гдⷭ҇и."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Зако́номъ бжⷭ҇твеннымъ дх҃а всѐ покори́лъ є҆сѝ плотско́е мꙋдрова́нїе, и҆ сло́вомъ безсловє́снаѧ стремлє́нїѧ страсте́й ѿгна́лъ є҆сѝ, мꙋ́дре стефа́не."
|
||||
},
|
||||
{
|
||||
"type": "TEXT",
|
||||
"value": "Ты̀ ꙗ҆́рости вѡ́лны на врага̀ воѡрꙋжи́лъ є҆сѝ, стефа́не, къ є҆ди́номꙋ же рачи́телю жела́нїе бг҃ꙋ просте́рлъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Свѣ́тлый свѣ́тъ ᲂу҆зрѣ́лъ є҆сѝ ты̀ безстра́стїѧ, прпⷣбне стефа́не, совле́ксѧ мглы̀ те́мныѧ страсте́й, бл҃года́тїю наставлѧ́емь."
|
||||
},
|
||||
{
|
||||
"type": "TEXT",
|
||||
"value": "Во ᲂу҆мѣ̀ ты̀ бꙋ̑дꙋщаѧ помышлѧ́ѧ, возгнꙋша́лсѧ є҆сѝ мимотекꙋ́щихъ безслове́сїѧ. Тѣ́мже всѧ̑ наслѣ́довалъ є҆сѝ болѣ́зньми присносꙋ̑щаѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бг҃а, є҆го́же родила̀ є҆сѝ, чⷭ҇таѧ дв҃о, сего̀ ᲂу҆молѝ, рабѡ́мъ твои̑мъ дарова́ти согрѣше́нїй проще́нїе и҆ проти́вныхъ и҆збавле́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Тѧ̀, гдⷭ҇и, крѣ́пость стѧжа́вше, мч҃ницы, терза̑нїѧ и҆ ра̑ны и҆ ѻ҆́гнь и҆ сме́рть мꙋ́жески преѡби́дѣша."
|
||||
},
|
||||
{
|
||||
"type": "TEXT",
|
||||
"value": "Ѽ дѣ́ти свѧщє́нныѧ! Ѽ бг҃опрїѧ̑тнаѧ заколє́нїѧ! Ѽ совокꙋпле́нїе, разори́вшее кѡ́зни многоплетє́нныѧ врага̀ борю́щагѡ!"
|
||||
},
|
||||
{
|
||||
"type": "TEXT",
|
||||
"value": "Побѣ́дами главꙋ̀ безсме́ртными вѣнча́ла є҆сѝ, побѣди́вшаѧ ѕмі́ѧ, є҆́ѵꙋ побѣди́вшаго, є҆ѵні́кїе добродв҃о."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣ́тъ безлѣ́тный на́мъ ѻ҆́ч҃ее сїѧ́нїе родила̀ є҆сѝ, подъ лѣ́томъ бл҃гости бога́тствомъ бы́вша, всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣтѝ на́съ повелѣ̑нїи твои́ми, гдⷭ҇и, и҆ мы́шцею твое́ю высо́кою, тво́й ми́ръ пода́ждь на́мъ, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ꙗ҆влѧ́ешисѧ, ꙗ҆́кѡ свѣти́льникъ, съ нб҃съ пою́щымъ тѧ̀, ѿгонѧ̀ дѣ́лъ ѡ҆мраче́нїе, и҆ бжⷭ҇твеннагѡ воѡбража́ѧ дѣѧ́нїѧ ѡ҆сїѧ́нїе."
|
||||
},
|
||||
{
|
||||
"type": "TEXT",
|
||||
"value": "Бо́дреннꙋ моли́твꙋ и҆ стоѧ́нїе всено́щное, рꙋ́къ прилѣ́жное воздѣѧ́нїе стѧжа́лъ є҆сѝ, ѻ҆́ч҃е, и҆ и҆сто́чники сле́зъ, стефа́не."
|
||||
},
|
||||
{
|
||||
"type": "TEXT",
|
||||
"value": "Но́въ и҆́стиннѡ пꙋсты́ни ꙗ҆ви́лсѧ є҆сѝ свѣ́телъ свѣти́льникъ, ѽ стефа́не! Просвѣща́ѧ во тмѣ̀ держи̑мыѧ ѕлы́хъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Молѝ при́снѡ сн҃а твоего̀ и҆ бг҃а на́шего, неискꙋсобра́чнаѧ марі́е чⷭ҇таѧ, низпосла́ти на́мъ вѣ̑рнымъ ми́лость."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
||||
},
|
||||
{
|
||||
"type": "TEXT",
|
||||
"value": "Простре́ти неми́лостивнѡ повелѣ́въ мꙋчи́тель и҆ къ колесє́мъ привѧза́ти многоѻбра́зными ви̑ды мꙋ́ченики, но посрами́сѧ, непобѣди̑мы ты̑ѧ ви́дѣвъ."
|
||||
},
|
||||
{
|
||||
"type": "TEXT",
|
||||
"value": "Ѕвѣрє́мъ въ снѣ́дь пре́дани бы́вше, показа́сте ѧ҆̀ кротча́йшыѧ ѻ҆ве́цъ, непреста́нными ва́шими моли́твами, и҆ вре́да ѿ тѣ́хъ ника́коже прїѧ́сте, ст҃і́и."
|
||||
},
|
||||
{
|
||||
"type": "TEXT",
|
||||
"value": "Сарві́лъ, неоні́ла, фѡ́тъ, и҆ ѳеодꙋ́лъ, ві́лъ, і҆ера́ѯъ, є҆ѵні́кїа же и҆ нїтта̀ бжⷭ҇твенный съ тере́нтїемъ, ꙗ҆́кѡ до́блїи, благоче́стнѡ да восхва́лѧтсѧ, мч҃ницы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Кꙋпина̀ проѡбразова́ше вели́кое та́инство, є҆́же па́че ᲂу҆ма̀, твоегѡ̀ ржⷭ҇тва̀, ѻ҆гне́мъ всю́дꙋ ѡ҆крꙋжа́ема, и҆ ника́коже ѡ҆палѧ́ема, дв҃о всепѣ́таѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: І҆ѡ́нꙋ въ ки́тѣ, гдⷭ҇и, є҆ди́наго всели́лъ є҆сѝ, мене́ же свѧ́заннаго мре́жами вра́жїими, ꙗ҆́кѡ ѿ тлѝ ѻ҆́наго, спасѝ."
|
||||
},
|
||||
{
|
||||
"type": "TEXT",
|
||||
"value": "Ты̀ рꙋка́ми, ви́дѣнъ бы́лъ є҆сѝ, стефа́не, се́рнѣ подава́ѧ пи́щꙋ: дꙋшє́вныѧ бо стра̑сти ѿтрѧ́съ, надъ ди́вїими живо́тными, ꙗ҆́коже пе́рвѣе во є҆де́мѣ а҆да́мъ, ца́рствовалъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Пꙋтетворѧ̀ хрⷭ҇тꙋ̀ селе́нїе, твоеѧ̀ въ клѣтѝ дꙋшѝ чре́во твоѐ, стефа́не, и҆ ѧ҆зы́къ ᲂу҆держа́въ, и҆ плотскі̑ѧ сла̑сти до конца̀ ᲂу҆мертви́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Побѣди́тельными вѣнча́лсѧ є҆сѝ вѣнцы̑, стефа́не, по́стничества: де́мѡнѡвъ бо полкѝ побѣди́лъ є҆сѝ, и҆ помышле́нїй и҆ страсте́й прило́ги низложи́лъ є҆сѝ, бл҃же́нне."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Па́че ᲂу҆ма̀ воплоще́ннаго гдⷭ҇а во чре́вѣ твое́мъ сотворѝ твои̑мъ рабѡ́мъ ми́лостива бы́ти, твои́ми моли́твами, чⷭ҇таѧ: ꙗ҆́кѡ да стра́шнагѡ и҆зба́вимсѧ мꙋче́нїѧ."
|
||||
},
|
||||
{
|
||||
"type": "HEADER",
|
||||
"value": "Конда́къ мч҃никѡвъ, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Вознесы́йсѧ:"
|
||||
},
|
||||
{
|
||||
"type": "TEXT",
|
||||
"value": "Мч҃ническаѧ честна́ѧ па́мѧть прїи́де дне́сь, веселѧ́щи всѧ́чєскаѧ, тере́нтїа премꙋ́драгѡ и҆ подрꙋ́жїи є҆гѡ̀. Те́плѣ ᲂу҆́бѡ стеце́мсѧ, да прїи́мемъ и҆сцѣле́нїе: сі́и бо бл҃года́ть прїе́мши ѿ дх҃ъ ст҃а́гѡ и҆сцѣлѧ́ти недꙋ́ги и҆ болѣ̑зни дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Въ пе́щь мꙋче́нїй вве́ржени бы́вше, мч҃ницы, ро́сꙋ съ нб҃сѐ ѡ҆брѣто́сте терпѣ́нїемъ, благода́рнѡ взыва́юще: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Вкорене́но дꙋше́вное и҆мꙋ́ще мꙋдрова́нїе на ка́мени непрело́жныѧ вѣ́ры хрⷭ҇то́вы, безбо́жныхъ свирѣ́пства трꙋ́съ, мч҃ницы моли́твою творѧ́ще, низложи́ша."
|
||||
},
|
||||
{
|
||||
"type": "TEXT",
|
||||
"value": "Повѣ́шени бы́вше и҆ по ре́брѡмъ крѣ́пкѡ стрꙋ́жеми, ѻ҆́цтомъ лютѣ́йшимъ же и҆ ѻ҆гне́мъ сожига́еми, бл҃же́ннїи, всю̀ попали́сте ве́щь ле́стнꙋю, сла́внїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѡ҆дѣва́ѧй нб҃о ѻ҆́блаки, пречⷭ҇таѧ, тѧ̀ нб҃о показа̀ на землѝ, и҆зъ тебє̀ ѡ҆блече́сѧ во всего̀ человѣ́ка и҆ ѡ҆божа́етъ мѧ̀ за милосе́рдїе безчи́сленное."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троки ѡ҆роси́вый въ пещѝ и҆ дв҃ꙋ сохрани́вый, ро́ждшꙋю тѧ̀, по ржⷭ҇твѣ̀, бл҃гослове́нъ є҆сѝ, бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Вои́стиннꙋ нетлѣ́нныѧ тѧ̀ трⷪ҇цы бл҃года́ть ѡ҆брѣ́тши сосꙋ́дъ, стефа́не, и҆збра́нъ, ꙗ҆́коже жела́ше, въ тебѣ̀ ᲂу҆поко́исѧ, и҆ дарова̑нїи ѡ҆богатѝ, и҆ врача̀ дꙋше́вныхъ страсте́й показа̀."
|
||||
},
|
||||
{
|
||||
"type": "TEXT",
|
||||
"value": "Таи́нниче пресвѣ́тлагѡ бг҃онача́лїѧ, зри́телю сла́вы неизрече́нныѧ бж҃їѧ причаща́ѧйсѧ, пода́ждь на́мъ просвѣще́нїе, творѧ́щымъ вѣ́рою па́мѧть твою̀, ᲂу҆го́дниче хрⷭ҇то́въ пребл҃же́нне стефа́не."
|
||||
},
|
||||
{
|
||||
"type": "TEXT",
|
||||
"value": "Во́дꙋ мѡѷсе́йски въ землѝ невла́жнѣй, жа́ждꙋщꙋ твоемꙋ̀ ᲂу҆ченикꙋ̀, стефа́не, твои́мъ жезло́мъ начерта́въ, и҆сточи́лъ є҆сѝ, прпⷣбне, пѣснопоѧ̀ хрⷭ҇тꙋ̀ вседержи́телю: бл҃гослове́нъ є҆сѝ, бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Подоба́ше безсѣ́меннѡ воплоще́нномꙋ и҆зъ тебє̀ проитѝ, марі́е чⷭ҇таѧ, па́че со́лнца ꙗ҆́вльшисѧ чи́стаѧ и҆ нескве́рнаѧ: на ѡ҆б̾ѧ́тїихъ бо носи́ла є҆сѝ, бл҃гослове́ннаѧ, бг҃а вседержи́телѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "На ѻ҆́гнь дерзнꙋ́ша, свѣ́томъ бжⷭ҇твеннагѡ дх҃а просвѣща́еми, коно́бѡвъ врѣ̑нїѧ показа́ша недѣ́йствєнна, бжⷭ҇твенный хла́дъ съ нб҃сѐ, бжⷭ҇твеннїи мч҃ницы, прїе́мше: и҆́хже по достоѧ́нїю, вѣ́рнїи, восхва́лимъ."
|
||||
},
|
||||
{
|
||||
"type": "TEXT",
|
||||
"value": "А҆́гг҃лѡвъ ꙗ҆ви́сѧ мно́жество, на три́знищи ꙗ҆́снѡ ᲂу҆крѣплѧ́юще ва́съ, всехва́льнїи мч҃ницы, и҆ болѣ̑зни ѿе́млюще: съ ни́миже ѻ҆трокѡ́въ пѣ́снь взыва́ете: благослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Бо́дро и҆мѣ́ѧ къ бг҃ꙋ ѻ҆́ко, сарві́ле, се́рдца твоегѡ̀, ѻ҆че́съ терпѣ́лъ є҆сѝ и҆збоде́нїе, ѡ҆блича́ѧ мꙋчи́телѧ, безбо́жїѧ мгло́ю ѡ҆держи́маго. Тѣ́мъ всѝ тѧ̀, ꙗ҆́кѡ днѐ сы́на, ᲂу҆блажа́емъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѻ҆́ч҃имъ бл҃говоле́нїемъ сн҃а во ᲂу҆тро́бѣ прїѧ́ла є҆сѝ, ѡ҆сѣни́вшꙋ бжⷭ҇твенномꙋ дх҃ꙋ, пречⷭ҇таѧ, и҆ ро́ждши, ꙗ҆́кѡ пе́рвѣе пречⷭ҇та пребыла̀ є҆сѝ: къ немꙋ́же непреста́ннѡ моли́сѧ, и҆зба́витисѧ всѣ̑мъ, дв҃о, тлѝ и҆ ѡ҆ѕлобле́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мꙋсїкі̑йскимъ ѻ҆рга́нѡмъ согласꙋ́ющымъ, и҆ лю́демъ безчи́слєннымъ покланѧ́ющымсѧ ѻ҆́бразꙋ въ деи́рѣ, трѝ ѻ҆́троцы не повинꙋ́вшесѧ, гдⷭ҇а воспѣва́хꙋ и҆ славосло́влѧхꙋ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Повинꙋ́лсѧ є҆сѝ, бл҃же́нне, гдⷭ҇ꙋ, пребыва́нїемъ житїѧ̀ непоро́чнагѡ, и҆ ѿтꙋ́дꙋ ᲂу҆крѣпи́всѧ, врагѝ покорѧ́еши подъ но́зѣ твоѝ и҆ сокрꙋша́еши, на ты̑ѧ болѣ́зньми, ꙗ҆́кѡ ѻ҆рꙋ̑жїи, до́блествовавъ."
|
||||
},
|
||||
{
|
||||
"type": "TEXT",
|
||||
"value": "Є҆диноѻбра́зно житїѐ и҆мѣ́ѧ, и҆́стины сло́во показа̀, и҆ ѻ҆бы́чай про́стъ и҆ пра́въ, нелꙋка́въ нра́въ, бг҃олюби́въ ра́зꙋмъ. Тѣ́мже тѧ̀ пою́ще, хрⷭ҇та̀ превозно́симъ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Вседꙋ́шнѡ, ѻ҆́ч҃е, возлюби́лъ є҆сѝ бг҃а, пли́щей ѿврати́лсѧ є҆сѝ: непрохѡ́дныѧ же ѡ҆бходѧ̀ пꙋсты̑ни, наслажда́лсѧ є҆сѝ є҆ди́нагѡ рачи́телѧ твоегѡ̀, є҆гѡ́же ра́ди ᲂу҆мє́ты вмѣни́лъ є҆сѝ всѧ̑."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆звѣ́стнѡ вѣ́дѧщїи тѧ̀ дв҃ꙋ и҆ бж҃їю мт҃рь па́че сло́ва, пое́мъ тѧ̀ всеблагоче́стнѡ, вѣ́рою пѣснопою́ще: гдⷭ҇а по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀: тѣ́мъ веселѧ́щесѧ, тѧ̀, бцⷣе, велича́емъ."
|
||||
},
|
||||
{
|
||||
"type": "TEXT",
|
||||
"value": "Ра́й ꙗ҆ви́стесѧ, средѣ̀ жи́зни дре́во и҆мꙋ́щъ, и҆сто́чникъ же, пролива́ющъ ка̑пли и҆сцѣле́нїй, и҆ рѣка̀, и҆́стиннѡ и҆спо́лнена, ст҃і́и, бжⷭ҇твенныхъ во́дъ дх҃а."
|
||||
},
|
||||
{
|
||||
"type": "TEXT",
|
||||
"value": "Столпѝ хрⷭ҇то́вы цр҃кве и҆ тиша̑йшаѧ приста̑нища сꙋ́щихъ въ пꙋчи́нѣ лю́тыхъ ѡ҆бꙋрева́емыхъ, мч҃ницы, ꙗ҆ви́стесѧ, и҆ мі́ра пита́телїе, и҆ а҆́гг҃лѡвъ сожи́тєльницы."
|
||||
},
|
||||
{
|
||||
"type": "TEXT",
|
||||
"value": "Въ нбⷭ҇ныхъ се́лѣхъ съ ра́достїю живетѐ, добрѡ́ты недомы́слєнныѧ вкꙋ́пѣ сматрѧ́юще, и҆ наслажда́ющесѧ и҆́стиннагѡ ѡ҆боже́нїѧ, вѣнцено́сцы великоимени́тїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́же нб҃съ ши́рши и҆ херꙋві́мѡвъ ст҃ѣ́йши, всеѧ́ же тва́ри вкꙋ́пѣ чⷭ҇тнѣ́йши, бг҃а, є҆го́же родила̀ є҆сѝ, ѡ҆ на́съ молѝ, бг҃ороди́тельнице, чтꙋ́щихъ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Чи́стꙋю сла́внѡ почти́мъ, лю́дїе, бцⷣꙋ, ѻ҆́гнь бжⷭ҇тва̀ прїи́мшꙋю во чре́вѣ неѡпа́льнѡ пѣ́сньми велича́емъ."
|
||||
},
|
||||
{
|
||||
"type": "TEXT",
|
||||
"value": "Тѣ́сный пꙋ́ть ше́ствовалъ є҆сѝ, є҆го́же ничто́же въ мі́рѣ и҆́стиннѡ нꙋ́жднѣйше: сегѡ̀ ра́ди во є҆де́мъ вше́лъ є҆сѝ, простра́нное поко́ище."
|
||||
},
|
||||
{
|
||||
"type": "TEXT",
|
||||
"value": "Ти́хъ ꙗ҆ви́лсѧ є҆сѝ, ѽ стефа́не, на нб҃сѣ́хъ бо вѣнце́мъ сла́вы вѣнча́лсѧ є҆сѝ, бл҃же́нне, досто́йнѡ, поѧ̀ вѣнча́вшаго тѧ̀."
|
||||
},
|
||||
{
|
||||
"type": "TEXT",
|
||||
"value": "Чꙋ́дно житїѐ твоѐ просїѧ̀, благово́нно, ꙗ҆́кѡ ши́покъ въ ве́ртѣ, и҆ ꙗ҆́кѡ свѣ́щникъ на воздꙋ́сѣ, свѣтови́днѡ ѡ҆зарѧ́ѧ, всебл҃же́нне, чествꙋ́ющыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃ꙋ всѝ и҆ пречⷭ҇тꙋю, вѣ́рнїи, бцⷣꙋ, неизрече́ннѡ носи́вшꙋю во ᲂу҆тро́бѣ бг҃а и҆ сп҃са, въ пѣ́снехъ велича́емъ."
|
||||
}
|
||||
]
|
||||
@@ -0,0 +1,690 @@
|
||||
[
|
||||
{
|
||||
"type": "HEADER",
|
||||
"value": "Ѻ҆ктѡ́врїа к҃и"
|
||||
},
|
||||
{
|
||||
"type": "HEADER",
|
||||
"value": "И҆́же во ст҃ы́хъ ѻ҆тца̀ на́шегѡ а҆рсе́нїа, а҆рхїепі́скопа се́рбскагѡ:"
|
||||
},
|
||||
{
|
||||
"type": "HEADER",
|
||||
"value": "А҆́ще хо́щетъ настоѧ́тель, твори́тъ бдѣ́нїе."
|
||||
},
|
||||
{
|
||||
"type": "HEADER",
|
||||
"value": "На ма́лѣй вече́рни стїхи̑ры, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Нбⷭ҇ныхъ чинѡ́въ:"
|
||||
},
|
||||
{
|
||||
"type": "TEXT",
|
||||
"value": "И҆зъ мла́да во́зраста бг҃а въ себѣ̀ носѧ̀, ѻ҆́ч҃е а҆рсе́нїе, де́мѡнскїѧ полкѝ ѻ҆гне́мъ моли́твеннымъ поже́глъ є҆сѝ, бл҃же́нне. Наста́вилъ є҆сѝ, мꙋ́дре, ста́до слове́сныхъ ѻ҆ве́цъ. На па́жить дꙋхо́внꙋю, и҆ къ бг҃ꙋ приве́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Дѣ́вства тезоимени́тый, се́рбскїй свѣти́льникъ, чꙋдодѣ́йствомъ сїѧ́ѧ, вели́кїй ѻ҆́ч҃е а҆рсе́нїе, всѣ́хъ на́съ созыва́еши въ па́мѧть твою̀, торжество̀ соверша́ти дꙋхо́вное, воспѣва́ти сп҃са хрⷭ҇та̀."
|
||||
},
|
||||
{
|
||||
"type": "TEXT",
|
||||
"value": "Добродѣ́тели ве́рхъ и҆ вѣ́рныхъ ѡ҆снова́нїе, а҆пⷭ҇лѡвъ сла́ва, і҆ера́рхѡвъ хвала̀, се́рбское ᲂу҆твержде́нїе, вели́кїй ѻ҆́ч҃е а҆рсе́нїе, всѣ́хъ призыва́еши свѣ́тлѡ пра́здновати всечестнꙋ́ю па́мѧть твою̀."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Є҆ѵⷢ҇льскихъ и҆стѡ́чникъ словесы̀ твои́ми, ст҃и́телю ѻ҆́ч҃е а҆рсе́нїе, люде́й твои́хъ сердца̀ напои́лъ є҆сѝ, и҆ сѣ́мѧ благоче́стїѧ въ ни́хъ моли́твами твои́ми возрасти́лъ є҆сѝ, и҆ сїѧ̑ прине́слъ є҆сѝ хрⷭ҇тꙋ̀ пло́дъ и҆зрѧ́денъ. И҆ ны́нѣ, предстоѧ̀ ᲂу҆ негѡ̀ съ ли́ки а҆пⷭ҇тѡлъ и҆ і҆ера́рхѡвъ, и҆ на́съ помина́й и҆ сохранѝ ѿ всѧ́кагѡ ѡ҆ѕлобле́нїѧ, ꙗ҆́кѡ въ ми́рѣ соверша́ти па́мѧть твою̀."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Бцⷣе, всѣ́хъ цр҃и́це:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ в҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: До́ме є҆ѵфра́ѳовъ:"
|
||||
},
|
||||
{
|
||||
"type": "TEXT",
|
||||
"value": "Оу҆ма̀ влады́кꙋ на стра̑сти поста́вивъ, плотолю́бїемъ не порабо́тивсѧ, а҆́гг҃льски чистото́ю, ѻ҆́ч҃е а҆рсе́нїе, пожи́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́нъ мꙋ́жъ, боѧ́йсѧ гдⷭ҇а, къ за́повѣдехъ є҆гѡ̀ восхо́щетъ ѕѣлѡ̀."
|
||||
},
|
||||
{
|
||||
"type": "TEXT",
|
||||
"value": "А҆рхїере́євъ похвала̀ и҆ свѧще́нникѡвъ сла́ва, пра́вило мона́шествꙋющихъ, ѻ҆́ч҃е а҆рсе́нїе, ра́дꙋйсѧ, цр҃кве ᲂу҆твержде́нїе вели́кое."
|
||||
},
|
||||
{
|
||||
"type": "TEXT",
|
||||
"value": "Сті́хъ: Сщ҃е́нницы твоѝ ѡ҆блекꙋ́тсѧ пра́вдою, и҆ прпⷣбнїи твоѝ возра́дꙋютсѧ."
|
||||
},
|
||||
{
|
||||
"type": "TEXT",
|
||||
"value": "Оу҆слы́ши молє́нїѧ ра̑бъ твои́хъ, а҆рхїере́е, ѻ҆́ч҃е а҆рсе́нїе, и҆ сле́зъ не премолчѝ, и҆ сердє́чнаѧ прошє́нїѧ подава́й лю́бѧщымъ тѧ̀."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Подоба́етъ се́рбскомꙋ ро́дꙋ а҆рсе́нїа вездѣ̀ и҆мѣ́ти а҆рхїере́а, ꙗ҆́кѡ нѣ́кꙋю ᲂу҆́тварь ца́рскꙋю и҆ сокро́вище некра́домо, всѣ̑мъ подаю́ща бога́тство, спасе́нїѧ проповѣ́данїе, и҆ всѧ̑ собира́юща къ соедине́нїю пѣ́сней бг҃олѣ́пныхъ, къ немꙋ́же возопїи́мъ: а҆рхїере́е и҆ наста́вниче, хрⷭ҇та̀ бг҃а молѝ ѡ҆ дꙋша́хъ на́шихъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "И҆зба́ви ны̀ ѿ нꙋ́ждъ на́шихъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ми́лости наста́вниче и҆ бл҃гоꙋтро́бїѧ сокро́вище, є҆́же всѣ̑мъ ѿве́рзлъ є҆сѝ, правовѣ́рїѧ ᲂу҆чи́телю, и҆ а҆рхїере́євъ бжⷭ҇твенное ᲂу҆добре́нїе, ѻ҆́ч҃е на́шъ і҆ера́рше а҆рсе́нїе, ни́щихъ бы́лъ є҆сѝ застꙋ́пникъ: тѣ́мъ молѝ хрⷭ҇та̀ бг҃а, просвѣти́ти дꙋ́шы на́шѧ, да не когда̀ ᲂу҆́снемъ въ сме́рть."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "И҆́же на́съ ра́ди рожде́йсѧ ѿ дв҃ы:"
|
||||
},
|
||||
{
|
||||
"type": "HEADER",
|
||||
"value": "И҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "На вели́цѣй вече́рни, Блаже́нъ мꙋ́жъ:"
|
||||
},
|
||||
{
|
||||
"type": "HEADER",
|
||||
"value": "На Гдⷭ҇и, воззва́хъ, а҆́ще бдѣ́нїе, пое́мъ стїхи̑ры на и҃: а҆́ще ли нѝ, пое́мъ на ѕ҃, гла́съ є҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ра́дꙋйсѧ."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, преѡсвѧще́нне а҆рхїере́е, до́брое ѡ҆брѣ́тъ хрⷭ҇то́во подо́бїе, и҆́мже возше́лъ є҆сѝ на высотꙋ̀ ᲂу҆че́нїй распложда́ѧ, дѣ́лы добродѣ́телей соверша́ѧ, и҆ си́ми колесни́цꙋ ѻ҆́гненнꙋю восхожде́нїѧ твоегѡ̀ сотвори́въ, къ широтѣ̀ бж҃їѧ гра́да дости́глъ є҆сѝ. Нбⷭ҇ный человѣ́че, земны́й а҆́гг҃ле, а҆рсе́нїе ѻ҆́ч҃е свѧще́нне, хрⷭ҇та̀ бг҃а молѝ, дꙋша́мъ на́шымъ дарова́ти ми́ръ и҆ ве́лїю ми́лость."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, ѡ҆свѧще́нне ѻ҆́ч҃е а҆рхїере́е, дѣѧ̑нїѧ добродѣ́телей твои́хъ, нбⷭ҇ныхъ каса́ющесѧ, подсо́лнечнꙋю просвѣща́ютъ, и҆ къ бжⷭ҇твеннѣй высотѣ̀ возносѧ́щесѧ, ᲂу҆́мныѧ зарѝ ѡ҆блиста́юще, сто́лпъ добродѣ́телей возвы́шши вы́спрь, бжⷭ҇твеннагѡ твоегѡ̀ зра́ка возводѧ́щъ. Нбⷭ҇ный человѣ́че, земны́й а҆́гг҃ле, а҆рсе́нїе ѡ҆свѧще́нне, хрⷭ҇та̀ бг҃а молѝ, дарова́ти дꙋша́мъ на́шымъ ми́ръ и҆ ве́лїю ми́лость."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, бг҃оглаго́ливаѧ главо̀, ст҃а́гѡ дх҃а глаго́лы вѣща́ющи, трꙋбо̀ а҆́гг҃льскаѧ, всѣ̑мъ воздаѧ́нїе гласѧ́щи, а҆рхїере́євъ ссе́льниче, грѣша́щихъ застꙋ́пниче, те́плаѧ ᲂу҆тѣ́ха притека́ющымъ къ тебѣ̀, и҆ си́мъ возводѧ́щисѧ нбⷭ҇нагѡ зра́ка прїе́мъ, ѡ҆бнови́лъ є҆сѝ, ꙗ҆́кѡ ѻ҆ре́лъ, ю҆́ность твою̀, ᲂу҆че́нїемъ ча̑да твоѧ̑ просвѣща́ѧ. Нбⷭ҇ный человѣ́че, земны́й а҆́гг҃ле, а҆рсе́нїе пресвѧще́нне, хрⷭ҇та̀ бг҃а молѝ, дарова́ти дꙋша́мъ на́шымъ ми́ръ и҆ ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ ѕ҃. Самогла́сенъ:"
|
||||
},
|
||||
{
|
||||
"type": "TEXT",
|
||||
"value": "Возсїѧ̀ свѣ́тлаѧ дне́сь і҆ера́рха па́мѧть, вѣ̑рныѧ просвѣща́ющи и҆ то́ки неѡскꙋ́днѡ благоꙋха́нїѧ точа́щи: въ не́йже собра́вшесѧ, цвѣ́ты добропѣ́сненными главы̑ своѧ̑ ᲂу҆вѧ́зше, просвѣще́ннаго а҆рсе́нїа хвала́ми почти́мъ, и҆ сегѡ̀ ѡ҆свѧще́ннѣй главѣ̀ ра́дость возгласи́мъ, ра́дꙋйсѧ, бжⷭ҇твеннаѧ ла́стовице, всѣ̑мъ гласѧ́щи пꙋ́ть покаѧ́нїѧ. Ра́дꙋйсѧ, благово́нїемъ ра́ки твоеѧ̀ ꙗ҆ви́вый житїѐ твоѐ. Ра́дꙋйсѧ, наде́жде всѣ́хъ хва́лѧщихъ тѧ̀. Ѡ҆свѧще́нне а҆рсе́нїе, моли́сѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Кто̀ тебѐ не ᲂу҆блажи́тъ:"
|
||||
},
|
||||
{
|
||||
"type": "HEADER",
|
||||
"value": "Вхо́дъ. Прокі́менъ днѐ. Чтє́нїѧ трѝ."
|
||||
},
|
||||
{
|
||||
"type": "HEADER",
|
||||
"value": "При́тчей чте́нїе. (Гла́вы̑ г҃ и҆ и҃)."
|
||||
},
|
||||
{
|
||||
"type": "TEXT",
|
||||
"value": "Па́мѧть пра́веднагѡ съ похвала́ми, и҆ благослове́нїе гдⷭ҇не на главѣ̀ є҆гѡ̀. Блаже́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. Долгота́ бо дне́й, и҆ лѣ̑та живота̀ въ десни́цѣ є҆ѧ̀: въ шꙋ́ицѣ же є҆ѧ̀ бога́тство и҆ сла́ва: ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. Послꙋ́шайте ᲂу҆̀бо менє̀, ѽ ча̑да! Честна̑ѧ бо рекꙋ̀: и҆ бл҃же́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ. Мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. Разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. Послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра̑ваѧ, ꙗ҆́кѡ и҆́стинѣ поꙋчи́тсѧ горта́нь мо́й, мє́рзски же предо мно́ю ᲂу҆стны̀ лжи̑выѧ. Съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. Всѧ̑ пра̑ва сꙋ́ть разꙋмѣва́ющымъ, и҆ прѡ́ста ѡ҆брѣта́ющымъ ра́зꙋмъ. Наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
||||
},
|
||||
{
|
||||
"type": "HEADER",
|
||||
"value": "Премꙋ́дрости соломѡ́ни чте́нїе. (Гла́вы̑ і҃, ѕ҃ и҆ ѳ҃.)"
|
||||
},
|
||||
{
|
||||
"type": "TEXT",
|
||||
"value": "Оу҆ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й мꙋ́дрыхъ вѣ́дѧтъ бл҃года́ть. Оу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда. Сы́нъ бо пра́веденъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. Свѣ́тъ пра́вєднымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. Ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. Лю́битъ гдⷭ҇ь прпⷣбныѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. Мꙋ́дрость гдⷭ҇нѧ просвѣща́етъ лицѐ разꙋ́мнагѡ. Постига́етъ бо жела́ющыѧ ю҆̀, пре́жде да́же разꙋмѣ́ти ю҆̀: и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. Оу҆́треневавый къ не́й, не ᲂу҆трꙋди́тсѧ: и҆ бдѧ́й є҆ѧ̀ ра́ди, вско́рѣ безъ печа́ли бꙋ́детъ. Ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи, и҆ во стезѧ́хъ є҆ѧ̀ ꙗ҆влѧ́етсѧ и҆̀мъ благопрїе́мнѣ. Мꙋ́дрости никогда́же ѡ҆долѣ́етъ ѕло́ба. Си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: и҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀: таи́нница бо є҆́сть бж҃їѧ хи́трости, и҆ ѡ҆брѣта́тельница дѣ́лъ є҆гѡ̀. Трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. А҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ, и҆ бы́ти хотѧ̑щаѧ разсмо́тритъ: свѣ́сть и҆зви̑тїѧ слове́съ, и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бла́гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. Сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: бж҃е ѻ҆тцє́въ и҆ гдⷭ҇и ми́лости, сотвори́вый всѧ̑ сло́вомъ твои́мъ, и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебє̀ тварьмѝ, и҆ да ᲂу҆правлѧ́етъ мі́ръ въ прпⷣбїи и҆ пра́вдѣ, да́ждь мѝ твои́хъ престо́лѡвъ присѣдѧ́щꙋю премꙋ́дрость, и҆ не ѿлꙋчѝ менє̀ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й, и҆ сы́нъ рабы́ни твоеѧ̀. Послѝ ю҆̀ съ нб҃съ ѿ ст҃а́гѡ жили́ща твоегѡ̀, и҆ ѿ престо́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть предъ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ въ сла́вѣ свое́й. Помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ."
|
||||
},
|
||||
{
|
||||
"type": "HEADER",
|
||||
"value": "Премꙋ́дрости соломѡ́ни чте́нїе. (Гла́вы̑ д҃ и҆ ѕ҃.)"
|
||||
},
|
||||
{
|
||||
"type": "TEXT",
|
||||
"value": "Похвалѧ́емꙋ пра́ведникꙋ, возвеселѧ́тсѧ лю́дїе: Безсме́ртїе бо є҆́сть па́мѧть є҆гѡ̀, ꙗ҆́кѡ ѿ гдⷭ҇а познава́етсѧ, и҆ ѿ человѣ̑къ: и҆ ᲂу҆го́дна гдⷭ҇еви дꙋша̀ є҆гѡ̀. Возлюби́те ᲂу҆́бѡ, ѽ мꙋ́жїе, мꙋ́дрость, и҆ поживетѐ: восхощи́те є҆ѧ̀, и҆ нака́зани бꙋ́дете: нача́ло бо є҆ѧ̀ любы̀ и҆ соблюде́нїе зако́на. Почти́те премꙋ́дрость, да во вѣ́ки ца́рствꙋете. Возвѣщꙋ̀ ва́мъ, и҆ не скры́ю ѿ ва́съ та̑инъ бж҃їихъ: ꙗ҆́кѡ то́й мꙋ́дрости наста́вникъ є҆́сть, и҆ мꙋ́дрыхъ и҆спра́витель, и҆ всѧ́комꙋ смы́слꙋ и҆ дѣ́лꙋ хитре́цъ. И҆ всѣ̑мъ смы́слѡмъ наꙋчи́тъ мꙋ́дрость: є҆́сть бо въ не́й дх҃ъ разꙋ́менъ и҆ свѧ́тъ, и҆ сїѧ́нїе свѣ́та присносꙋ́щнагѡ, и҆ ѻ҆́бразъ бла́гости бж҃їѧ. Та́ѧ дрꙋ́ги бж҃їѧ и҆ прⷪ҇ро́ки ᲂу҆строѧ́етъ: благолѣ́пнѣйши же є҆́сть со́лнца, и҆ па́че всѧ́кагѡ сотворе́нїѧ ѕвѣ́здъ: свѣ́тꙋ сосꙋжда́ема, ѡ҆брѣта́етсѧ пе́рвѣйши. Та́ѧ ᲂу҆гожда́ющихъ є҆́й ѿ болѣ́зни и҆зба́ви, и҆ наста́ви на стєзѝ пра̑выѧ. Дадѐ и҆̀мъ ра́зꙋмъ и҆мѣ́ти свѧ́тъ, и҆ сохранѝ ѧ҆̀ ѿ ловѧ́щихъ, и҆ по́двигъ крѣ́покъ подадѐ и҆̀мъ. Да разꙋмѣ́ютъ всѝ, ꙗ҆́кѡ си́льнѣе всегѡ̀ є҆́сть благоче́стїе. И҆ никогда́же премо́жетъ ѕло́ба мꙋ́дрости, нижѐ пре́йдетъ ѕлы̑ѧ ѡ҆блича́ющи сꙋ́дъ. Реко́ша же въ себѣ̀, помы́сливше непра́веднѡ: наси́льствꙋемъ пра́ведномꙋ, и҆ не пощади́мъ преподо́бства є҆гѡ̀, ни ᲂу҆срами́мсѧ сѣди́нъ ста́рости многолѣ́тны. Бꙋ́детъ бо на́мъ крѣ́пость зако́нъ: и҆ ᲂу҆лови́мъ пра́веднаго, ꙗ҆́кѡ неꙋго́денъ на́мъ є҆́сть, и҆ проти́витсѧ дѣлѡ́мъ на́шымъ, и҆ поно́ситъ на́мъ ѿпаде́нїе зако́на, и҆ ѡ҆блича́етъ на́мъ согрѣшє́нїѧ наказа́нїѧ на́шегѡ. Возвѣща́етъ на́мъ ра́зꙋмъ и҆мѣ́ти бж҃їй, и҆ ѻ҆́трока гдⷭ҇нѧ себѐ и҆менꙋ́етъ. Бы́сть на́мъ на ѡ҆бличе́нїе помышле́нїй на́шихъ, и҆ тѧ́жекъ на́мъ є҆́сть и҆ ви́димь: ꙗ҆́кѡ неподо́бно и҆ны̑мъ житїѐ є҆гѡ̀, и҆ и҆змѣнє́ны стєзѝ є҆гѡ̀. Въ порꙋга́нїе вмѣни́хомсѧ є҆мꙋ̀: и҆ ᲂу҆далѧ́етсѧ ѿ пꙋте́й на́шихъ, ꙗ҆́кѡ ѿ нечисто́тъ: и҆ блажи́тъ послѣ̑днѧѧ пра́ведныхъ. Оу҆ви́димъ ᲂу҆̀бо, а҆́ще словеса̀ є҆гѡ̀ и҆́стинна сꙋ́ть, и҆скꙋ́симъ, ꙗ҆̀же сбыва́ютсѧ є҆мꙋ̀. Рꙋга́нїемъ и҆ мꙋ́кою и҆стѧ́жемъ є҆го̀: да разꙋмѣ́емъ кро́тость є҆гѡ̀, и҆ и҆скꙋ́симъ безѕло́бство є҆гѡ̀: сме́ртїю без̾ѻбра́зною ѡ҆сꙋ́димъ є҆го̀: бꙋ́детъ бо посѣще́нїе ѿ слове́съ є҆гѡ̀. Сїѧ̑ помы́слиша, и҆ прельсти́шасѧ: ѡ҆слѣпи́ бо ѧ҆̀ ѕло́ба и҆́хъ, и҆ не разꙋмѣ́ша та̑инъ бж҃їихъ, и҆ не разсꙋди́ша, ꙗ҆́кѡ ты̀ є҆сѝ бг҃ъ є҆ди́нъ, живота̀ и҆мѣ́ѧй и҆ сме́рти вла́сть: и҆ спаса́ѧй во вре́мѧ ско́рби, и҆ и҆збавлѧ́ѧй ѿ всѧ́кагѡ ѕла̀. Ще́дръ и҆ ми́лостивъ, и҆ даѧ́й прпⷣбнымъ свои̑мъ благода́ть, и҆ свое́ю мы́шцею гѡ́рдымъ противлѧ́ѧйсѧ."
|
||||
},
|
||||
{
|
||||
"type": "HEADER",
|
||||
"value": "На лїті́и стїхи̑ры самогла́сны, гла́съ в҃:"
|
||||
},
|
||||
{
|
||||
"type": "TEXT",
|
||||
"value": "Се́рбскаѧ пречⷭ҇тна́ѧ цр҃ковь, созыва́ющи на́съ, ликовствꙋ́етъ. Тѣ́мъ, веселѧ́щесѧ съ дꙋхо́вными твои́ми ча́ды, тебѣ̀ предстоѧ́ще и҆ съ любо́вїю почита́юще тѧ̀, пѣ́сньми и҆ пѣ̑нїи зове́мъ: а҆рхїере́е а҆рсе́нїе, молѝ спасти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "И҆зво́ливъ лꙋ̑чшаѧ, сꙋ́щыѧ же въ житїѝ вє́щи преѡби́дѣлъ є҆сѝ, и҆ го́рнее житїѐ возлюби́лъ є҆сѝ, ѡ҆дѣ́ѧвсѧ въ смире́нїе, мч҃нически показа́лъ є҆сѝ по́двигъ страда́нїѧ тѣле́сными пѡ́ты, ра́йское наслажде́нїе воспрїѧ́лъ є҆сѝ, и҆ въ свѣ́тлости ст҃ы́хъ бога́тнѡ всели́лсѧ є҆сѝ. Съ ни́миже хрⷭ҇тꙋ̀ предстоѧ̀, пресвѧще́нне ѻ҆́ч҃е а҆рсе́нїе, молѝ спасти́сѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "Гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Церко́вное свѣти́ло всѝ вѣ́мы бг҃ови́дное и҆ дꙋ́шъ спаси́телѧ, хрⷭ҇то́ва і҆ера́рха а҆рсе́нїа. Се́й ᲂу҆́бѡ чꙋдодѣ́йствы сїѧ́ѧ и҆ богосло́вїемъ ᲂу҆краша́емь, хрⷭ҇то́ва ста́да досто́инъ бы́сть, досточꙋ́дный па́стырь, ми́лостивъ, и҆ благоꙋвѣ́тливъ, и҆ всегѡ̀ мі́ра концы̀ просвѣтѝ."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Пресла́внѡ просла́висѧ ст҃а́ѧ цр҃ковь, въ не́йже стека́ютсѧ кнѧ́зи, и҆ всѝ вѣ́рнїи, дꙋхѡ́внаѧ твоѧ̑ ча̑да, неисцѣ́льныхъ страсте́й прїе́млютъ и҆сцѣлє́нїѧ, ѡ҆ и҆́мени твое́мъ, ст҃и́телю ѻ҆́ч҃е а҆рсе́нїе: молѝ спасти́сѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Безневѣ́стнаѧ дв҃о:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ в҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Кі́ими похва́льными:"
|
||||
},
|
||||
{
|
||||
"type": "TEXT",
|
||||
"value": "Кі́ими пѣ́сненными добро́тами воспои́мъ а҆рхїере́а хрⷭ҇то́ва, ᲂу҆ста̀ ти̑хаѧ и҆ є҆ѵⷢ҇лїа є҆гѡ̀ проповѣ́дника свѣ́тла, цр҃ко́внаго храни́телѧ и҆ застꙋ́пника землѝ се́рбстѣй, правосла́вномꙋ во́инствꙋ на́шемꙋ побо́рника; є҆гѡ́же моли́твами врагѡ́въ шата́нїе хрⷭ҇то́съ низложѝ, и҆мѣ́ѧй ве́лїю ми́лость."
|
||||
},
|
||||
{
|
||||
"type": "TEXT",
|
||||
"value": "Сті́хъ: Свѧще́нницы твоѝ ѡ҆блекꙋ́тсѧ пра́вдою, и҆ прпⷣбнїи твоѝ возра́дꙋютсѧ."
|
||||
},
|
||||
{
|
||||
"type": "TEXT",
|
||||
"value": "Кі́ими похва́льными вѣнцы̑ ᲂу҆вѧзе́мъ і҆ера́рха, свѧще́нства вѣнца̀, благоче́стїѧ ᲂу҆правле́нїе, цр҃кве свѣ́тлое ᲂу҆краше́нїе, и҆сто́чника бжⷭ҇твенныхъ и҆сцѣле́нїй неисчерпа́емаго, проли́тїе дарова́нїй дꙋхо́вныхъ, рѣкꙋ̀ мно́гихъ чꙋде́съ, зе́млю се́рбскꙋю веселѧ́щꙋ тече́нїемъ, а҆рсе́нїа, до́браго предста́телѧ на́шего и҆ храни́телѧ;"
|
||||
},
|
||||
{
|
||||
"type": "TEXT",
|
||||
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
||||
},
|
||||
{
|
||||
"type": "TEXT",
|
||||
"value": "Кі́ими ᲂу҆краше́нными гла̑сы воспои́мъ і҆ера́рха, ди́внаго въ чꙋдесѣ́хъ а҆рсе́нїа, безпло́тныхъ сожи́телѧ, ѡ҆свѧще́ннагѡ ѿ пеле́нъ, столпа̀ цр҃кве неподви́жима, весе́лїе землѝ се́рбскїѧ, пра́вды пра́вило, ѡ҆би́димыхъ застꙋ́пника, немощны́хъ врача̀ безме́здна; є҆гѡ́же ра́ди дарова̀ хрⷭ҇то́съ цр҃квамъ соедине́нїе, ми́ръ и҆ ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Нбⷭ҇нагѡ црⷭ҇твїѧ во бл҃года́ть, ᲂу҆́зкою стезе́ю вше́лъ є҆сѝ, простра́нства: ра́йскаѧ ѻ҆би́тель, прїи́мши тѧ̀, наслѣ́дника сотворѝ, и҆ гл҃го́лы ᲂу҆́стъ твои́хъ хва́лѧщи, и҆ житїѐ добродѣ́телей цвѣтꙋ́щее, и҆ своеѧ̀ красоты̀ ѻ҆́бщника тѧ̀ ᲂу҆стро́и, пресвѧще́ннаѧ же ра́ка бл҃гоꙋха́нїемъ и҆спо́лнисѧ. Мы́ же свѣтоно́снꙋю па́мѧть любе́знѡ пра́зднꙋемъ, ст҃и́телю ѻ҆́ч҃е а҆рсе́нїе, молѝ спасти́сѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Творе́цъ и҆ и҆зба́витель мо́й:"
|
||||
},
|
||||
{
|
||||
"type": "HEADER",
|
||||
"value": "На благослове́нїи хлѣ́бѡвъ тропа́рь, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ми́лости наста́вниче и҆ бл҃гоꙋтро́бїѧ сокро́вище, є҆́же всѣ̑мъ ѿве́рзлъ є҆сѝ, правовѣ́рїѧ ᲂу҆чи́телю, и҆ а҆рхїере́євъ бжⷭ҇твенное ᲂу҆добре́нїе, ѻ҆́ч҃е на́шъ і҆ера́рше а҆рсе́нїе, ни́щихъ бы́лъ є҆сѝ застꙋ́пникъ: тѣ́мъ молѝ хрⷭ҇та̀ бг҃а, просвѣти́ти дꙋ́шы на́шѧ, да не когда̀ ᲂу҆́снемъ въ сме́рть. Два́жды."
|
||||
},
|
||||
{
|
||||
"type": "TEXT",
|
||||
"value": "Бцⷣе дв҃о: Є҆ди́ножды."
|
||||
},
|
||||
{
|
||||
"type": "HEADER",
|
||||
"value": "На ᲂу҆́трени. По а҃-й стїхоло́гїи сѣда́ленъ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Бжⷭ҇твенныѧ вѣ́ры:"
|
||||
},
|
||||
{
|
||||
"type": "TEXT",
|
||||
"value": "Вели́кое со́лнце всеѧ̀ се́рбскїѧ страны̀, добродѣ́телей твои́хъ сїѧ̑нїи и҆ чꙋде́съ свѣ́тлостьми просвѣти́въ твоѧ̑ ча̑да вѣ̑рнаѧ, и҆ и҆стреби́лъ є҆сѝ страсте́й ѡ҆мраче́нїе, ст҃и́телю ѻ҆́ч҃е а҆рсе́нїе, хрⷭ҇та̀ бг҃а молѝ, дарова́ти на́мъ ве́лїю ми́лость. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Бжⷭ҇твеннагѡ є҆стества̀ не ѿлꙋчи́всѧ, пло́ть бы́въ во чре́вѣ твое́мъ: но бг҃ъ вочеловѣ́чивсѧ и҆ пребы́сть, и҆́же по ржⷭ҇твѣ̀ мт҃рь тѧ̀ дв҃ꙋ, ꙗ҆́кѡ пре́жде ржⷭ҇тва̀, сохрани́въ всенепоро́чнꙋ, є҆ди́нъ гдⷭ҇ь: того̀ прилѣ́жнѡ молѝ, дарова́ти на́мъ ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́ленъ, гла́съ г҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Бжⷭ҇твенныѧ вѣ́ры:"
|
||||
},
|
||||
{
|
||||
"type": "TEXT",
|
||||
"value": "Ѻ҆́бразы просїѧ́лъ є҆сѝ бг҃оразꙋ́мїѧ, заре́ю ѡ҆блиста́лъ є҆сѝ се́рбское достоѧ́нїе, и҆ ча̑да твоѧ̑ наста́вилъ є҆сѝ словесы̀ твои́ми, нищелю́бїе и҆ любо́вь и҆сточи́лъ є҆сѝ, а҆враа́мовꙋ страннолю́бїю подо́бѧсѧ, ѻ҆́ч҃е а҆рсе́нїе, хрⷭ҇та̀ бг҃а молѝ, дарова́ти на́мъ ве́лїю ми́лость. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ."
|
||||
},
|
||||
{
|
||||
"type": "TEXT",
|
||||
"value": "Бжⷭ҇твеннаѧ ски́нїѧ была̀ є҆сѝ сло́ва, є҆ди́на пречⷭ҇таѧ мт҃и дв҃о, чистото́ю а҆́гг҃лы превозше́дшаѧ. Па́че всѣ́хъ менѐ пе́рсть бы́вша, ѡ҆скверне́на плотски́ми прегрѣше́ньми, ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "По полѷеле́и сѣда́ленъ, гла́съ в҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное:"
|
||||
},
|
||||
{
|
||||
"type": "TEXT",
|
||||
"value": "Грѧди́те, всѝ вѣ́рнїи, вои́стиннꙋ ᲂу҆ви́димъ чꙋ́до ди́вно, тлѣ́нна бо ꙗ҆́кѡ нетлѣ́нна зрѧ́ще бжⷭ҇твеннагѡ смотре́нїѧ, въ ра́зꙋмъ приводѧ́ща сего̀ ст҃а́го а҆рхїере́а пѣ́сньми воспои́мъ. Бжⷭ҇твєннаѧ дѣѧ̑нїѧ, ꙗ҆̀же ѡ҆ не́мъ ви́дѧще, рце́мъ: ра́дꙋйсѧ, ѻ҆́ч҃е, землѝ се́рбскїѧ ѻ҆тє́цъ и҆ ᲂу҆чи́тель. Молѝ хрⷭ҇та̀ бг҃а грѣхѡ́въ ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Повелѣ́нное та́йнѡ прїе́мъ въ ра́зꙋмѣ, въ кро́вѣ і҆ѡ́сифовѣ, тща́нїемъ предста̀ безпло́тный, гл҃го́лѧ неискꙋсобра́чнѣй: приклони́вый схожде́нїемъ нб҃са̀ вмѣща́етсѧ неизмѣ́ннѡ ве́сь въ тѧ̀. Є҆го́же и҆ ви́дѧ въ ложесна́хъ твои́хъ прїе́мша ра́бїй зра́къ, ᲂу҆жаса́юсѧ зва́ти тебѣ̀: ра́дꙋйсѧ, невѣ́сто неневѣ́стнаѧ."
|
||||
},
|
||||
{
|
||||
"type": "HEADER",
|
||||
"value": "Степє́нна, а҃-й а҆нтїфѡ́нъ, д҃-гѡ гла́са."
|
||||
},
|
||||
{
|
||||
"type": "TEXT",
|
||||
"value": "Прокі́менъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Что̀ возда́мъ гдⷭ҇еви ѡ҆ всѣ́хъ:"
|
||||
},
|
||||
{
|
||||
"type": "HEADER",
|
||||
"value": "Є҆ѵⷢ҇лїе і҆ѡа́нна, зача́ло л҃ѕ. По н҃-мъ ѱалмѣ̀ стїхи́ра, гла́съ ѕ҃."
|
||||
},
|
||||
{
|
||||
"type": "TEXT",
|
||||
"value": "Прпⷣбне ѻ҆́ч҃е и҆ пребл҃же́нне, свѧще́нный па́стырю до́брый, первопа́стырѧ хрⷭ҇та̀ ᲂу҆го́дниче, положи́вый дꙋ́шꙋ за се́рбское достоѧ́нїе: ты̀ ны́нѣ а҆рхїере́е а҆рсе́нїе бл҃же́нне, и҆спросѝ ᲂу҆ гдⷭ҇а дарова́ти на́мъ ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "Канѡ́нъ бцⷣы со і҆рмосо́мъ, на ѕ҃: И҆ ст҃а́гѡ на и҃. Гла́съ ѕ҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Помо́щникъ и҆ покрови́тель бы́сть мнѣ̀ во спасе́нїе, се́й мо́й бг҃ъ, и҆ просла́влю є҆го̀, бг҃ъ ѻ҆тца̀ моегѡ̀, и҆ вознесꙋ̀ є҆го̀: сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Бж҃е сп҃се мо́й, ѿве́рзи моѝ ᲂу҆стнѣ̀, и҆ ѧ҆зы́къ мо́й ᲂу҆ѧснѝ, ꙗ҆́кѡ да воспою̀ па́мѧть і҆ера́рха твоегѡ̀, є҆го́же на землѝ ᲂу҆диви́лъ є҆сѝ сла́внѡ сла́вити тѧ̀: сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "И҆́же превы̑шнѧѧ держа́щи, въ нбⷭ҇наѧ се́ла водворѧ́ше тѧ̀ мꙋ́дрость бж҃їѧ, дѣ́тєли дарова́нїй тебѣ̀ воздаю́щи, го́рнихъ все́льника сотворѧ́етъ, гдⷭ҇ꙋ пою́ща: сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Бжⷭ҇твєннаѧ краси̑лища, веселѧ́ще свѧще́ннагѡ твоегѡ̀ зра́ка, въ вы̑шнѧѧ вселѧ́ютъ покѡ́ища, къ бжⷭ҇твеннѣй трапе́зѣ, гдⷭ҇ꙋ пою́ща: сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѡ҆кова́нныхъ свободи́телѧ, бцⷣе, и҆ те́мныхъ просвѣти́телѧ чре́во твоѐ пречⷭ҇тое вмѣстѝ. Є҆гѡ́же ржⷭ҇тво́мъ і҆́дѡльскїѧ ле́сти свобо́ждшесѧ, и҆́стиннꙋю навыко́хомъ воспѣва́ти бж҃їю мт҃рь."
|
||||
},
|
||||
{
|
||||
"type": "TEXT",
|
||||
"value": "Катава́сїа: Ѿве́рзꙋ ᲂу҆ста̀ моѧ̑."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твердѝ, гдⷭ҇и, на ка́мени за́повѣдей твои́хъ подви́гшеесѧ срⷣце моѐ, ꙗ҆́кѡ є҆ди́нъ ст҃ъ є҆сѝ и҆ гдⷭ҇ь."
|
||||
},
|
||||
{
|
||||
"type": "TEXT",
|
||||
"value": "Просвѣще́нїе дѣ́тели твоеѧ̀ бжⷭ҇твенныхъ каса́ѧсѧ, ѿ земны́хъ къ па́мѧти возво́дитъ вы́шнѧгѡ жела́нїѧ, преводѧ̀ ѿ тлѝ въ жи́знь неконе́чнꙋю."
|
||||
},
|
||||
{
|
||||
"type": "TEXT",
|
||||
"value": "Па́мѧть твоѧ̀ пребыва́етъ, ст҃и́телю, и҆ кро́тость се́рдца твоегѡ̀ въ ро́дъ и҆ ро́дъ, се́й ᲂу҆подоблѧ́еми, бжⷭ҇твенныѧ твоеѧ̀ сла́вы насыща́ющесѧ, досто́йнѡ тѧ̀ воспѣва́емъ."
|
||||
},
|
||||
{
|
||||
"type": "TEXT",
|
||||
"value": "Пре́йде сѣ́нь зако́на, и҆знемо́гши, дѣ́ломъ благовѣствова́нїѧ твоегѡ̀, хрⷭ҇то́съ и҆́стина, сїѧ́ющи, всѧ̑ просвѣща́етъ, вѣ́рою па́мѧть твою̀, ст҃и́телю, пра́зднꙋющыѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣ́та бжⷭ҇твеннагѡ зарѧ̀ и҆зъ чре́ва твоегѡ̀ просїѧ̀ вѣ́рныхъ благоꙋха́юща: сегѡ̀ благово́нїе полꙋчи́вше, ѡ҆мраче́нїѧ свободи́хомсѧ тобо́ю, бцⷣе пречⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Вознесы́йсѧ:"
|
||||
},
|
||||
{
|
||||
"type": "TEXT",
|
||||
"value": "Дне́сь і҆ера́рха па́мѧть возсїѧ̀ на́мъ, солнцеѻбра́знѡ лꙋча́ми сїѧ́ющи, свѣ́та ꙗ҆вле́нїе всѣ̑мъ простира́етъ, и҆ всѣ̑мъ велегла́снѡ вопїе́тъ и҆ глаго́летъ: прїиди́те, жела́емыхъ наслади́мсѧ. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Те́плое застꙋпле́нїе сꙋ́щихъ въ бѣда́хъ, и҆ помо́щницꙋ на́шꙋ, и҆ къ бг҃ꙋ премѣне́нїе, є҆́юже тлѝ и҆зба́вихомсѧ, бцⷣꙋ, вѣ́рнїи, ᲂу҆блажа́емъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́ша прⷪ҇ро́къ, прише́ствїе твоѐ, гдⷭ҇и, и҆ ᲂу҆боѧ́сѧ, ꙗ҆́кѡ хо́щеши ѿ дв҃ы роди́тисѧ и҆ чл҃вѣ́кѡмъ ꙗ҆ви́тисѧ, и҆ глаго́лаше: ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: сла́ва си́лѣ твое́й, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Возсїѧ́вый свѣ́тъ и҆ просвѣще́й ᲂу҆́тро, показа́ тѧ де́нь, ѡ҆свѧще́нне ѻ҆́ч҃е а҆рсе́нїе, ᲂу҆че́нїемъ бжⷭ҇тва̀ є҆гѡ̀ всѧ̑ къ свѣ́тꙋ тогѡ̀ возводѧ́щаго. И҆́мже просвѣща́єма дꙋхѡ́внаѧ твоѧ̑ ча̑да, па́мѧть твою̀ пра́зднꙋемъ."
|
||||
},
|
||||
{
|
||||
"type": "TEXT",
|
||||
"value": "Житїѧ̀ а҆рхїере́йства твоегѡ̀ ѻ҆́бразы, сопе́рника не и҆мꙋ́ще, безъ свидѣ́телей ѡ҆блича́ютъ тѧ̀: плотска̑ѧ бо дꙋхѡ́внымъ покори́въ, ѿхожде́нїемъ свои́мъ въ нбⷭ҇наѧ всели́сѧ, и҆дѣ́же ликовствꙋ́ѧ, пребл҃же́нне а҆рсе́нїе, свѣ́томъ бжⷭ҇твеннымъ просвѣтѝ любо́вїю пою́щыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Чꙋде́съ, и҆́хже сподо́билсѧ є҆сѝ ѿ влⷣки твоегѡ̀, прпⷣбне, зрѧ́ще бжⷭ҇твєннаѧ твоѧ̑ ча̑да, дꙋхо́вныѧ сла́дости насыща́емсѧ, тѧ̀ предста́телѧ и҆мꙋ́ще къ немꙋ̀, прича́стїѧ бжⷭ҇твеннагѡ сподо́би на́съ ᲂу҆лꙋчи́ти, мо́лимсѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Чре́во дѣ́вственное но́ситъ, є҆де́мскаѧ две́рь ѿверза́етсѧ, а҆́бїе вѣ́рныхъ со́нмы дерза́юще вхо́дѧтъ, и҆́стиннꙋю бцⷣꙋ вѣ́рнѡ восхвалѧ́ютъ, рожде́нномꙋ ѿ неѧ̀: зовꙋ́ще: сла́ва си́лѣ твое́й, гдⷭ҇и."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ми́ръ мно́гъ лю́бѧщымъ тѧ̀, хрⷭ҇тѐ, и҆ но́щь просвѣще́нїѧ въ пи́щи слове́съ твои́хъ: сегѡ̀ ра́ди ѿ но́щи ᲂу҆́тренююще, про́симъ ми́лости ѿ тебє̀, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Вседѣ́тельнаѧ и҆ всемогꙋ́щаѧ мꙋ́дрость и҆ си́ла влⷣчнѧ, столпа̀ и҆́стинна тѧ̀ пресвѧще́ннаго сотво́рши, до́мъ создала̀ є҆́сть, бжⷭ҇твєннаѧ ѡ҆гра̑ды є҆гѡ̀ наполнѧ́ющь, и҆ є҆реті́чєскаѧ шата̑нїѧ прогонѧ́ющь, а҆рсе́нїе пребл҃же́нне: тѣ́мъ тѧ̀ восхвалѧ́емъ."
|
||||
},
|
||||
{
|
||||
"type": "TEXT",
|
||||
"value": "Возсїѧ́въ ѿ нб҃съ благолѣ́пїе вы́шнѧгѡ, примѣ́сомъ ст҃и́тельства ѡ҆бло́жь тѧ̀, нбⷭ҇ныѧ трапе́зы состо́льника сотворѝ, ны́нѣшнѧгѡ же пода́телѧ вѣ̑рнымъ показа̀, сщ҃е́нне, вопїю́ща: про́симъ ми́лости ѿ тебє̀, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Свѣтоли́тїѧ бжⷭ҇твеннагѡ и҆спо́лнившисѧ, пресвѧще́ннаѧ твоѧ̀ глава̀ сла́дости ѧ҆зы́ка ᲂу҆держа́ти не возмо́же: а҆́ще бо и҆ въ земна̑ѧ сни́де, но дꙋ́хомъ въ нбⷭ҇наѧ дости́же, ѻ҆́ч҃е а҆рсе́нїе, ми́ръ и҆спросѝ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пра́дѣднѧѧ клѧ́тва разрѣши́сѧ и҆ прама́тернѧѧ болѣ́знь и҆сцѣли́сѧ, пречⷭ҇таѧ, чре́ва твоегѡ̀ ржⷭ҇тво́мъ: безсѣ́меннѡ бо заче́нши, сло́во родила̀ є҆сѝ. Є҆мꙋ́же прилѣ́жнѡ моли́сѧ спасти́ ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Возопи́хъ всѣ́мъ се́рдцемъ мои́мъ къ ще́дромꙋ бг҃ꙋ, и҆ ᲂу҆слы́ша мѧ̀ ѿ а҆́да преиспо́днѧгѡ, и҆ возведѐ ѿ тлѝ живо́тъ мо́й."
|
||||
},
|
||||
{
|
||||
"type": "TEXT",
|
||||
"value": "Бжⷭ҇твенныѧ сла́вы пꙋтеше́ствїѧ дѣ́лы ꙗ҆влѧ́юще, земна̑ѧ прово́дѧтъ съ весе́лїемъ: нбⷭ҇наѧ же ра́дꙋютсѧ, прїе́млюще дꙋ́хомъ пресвѧще́ннаго а҆рсе́нїа."
|
||||
},
|
||||
{
|
||||
"type": "TEXT",
|
||||
"value": "Благослове́нъ пло́дъ бг҃опрїѧ́тный, бжⷭ҇твеннагѡ дх҃а дѣ́тельми сїѧ́ѧ, и҆ преиспѡ́днѧѧ мрачи́тъ, въ торжество̀ і҆ера́рха собира́ющыѧсѧ просвѣща́етъ вои́стиннꙋ: грѧди́те, вѣ́рнїи, просвѣти́мсѧ."
|
||||
},
|
||||
{
|
||||
"type": "TEXT",
|
||||
"value": "Гра́днѧгѡ ше́ствїѧ тече́нїе провосхища́ѧ, вѣдѧ́й предстои́тъ а҆рсе́нїй, зовы́й: грѧди́те, ча̑да, стра́хꙋ гдⷭ҇ню наꙋчи́тесѧ, ꙗ҆́коже речѐ гдⷭ҇ь: ꙗ҆́кѡ кро́токъ є҆́смь и҆ смире́нъ се́рдцемъ, и҆ ѡ҆брѧ́щете поко́й дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆сконѝ прⷪ҇ро́чєствїѧ ѡ҆ тебѣ̀ прореко́ша, ны́нѣ же на тебѣ̀ и҆спо́лнишасѧ, пречⷭ҇таѧ: ѻ҆́въ бо тѧ̀ рꙋно̀ пронаречѐ, на него́же сни́де сло́во бж҃їе, ны́нѣ же ты̀, дв҃о, родила̀ є҆сѝ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "Конда́къ, гла́съ в҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Вы́шнихъ и҆щѧ̀."
|
||||
},
|
||||
{
|
||||
"type": "TEXT",
|
||||
"value": "Въ пи́щи слове́съ твои́хъ, бг҃оно́се а҆рсе́нїе, разꙋ́мнѡ ча̑да твоѧ̑ пита́ѧ, ѧ҆зы́комъ хвалѧ̀, ᲂу҆стна́ми же пѣ́нїе приносѧ̀, вѣща́нїемъ зовы́й: хрⷭ҇тѐ, ты̀ є҆сѝ свѣ́тъ неизрече́нный."
|
||||
},
|
||||
{
|
||||
"type": "TEXT",
|
||||
"value": "І҆́косъ: Сла́дкое твоѐ вѣща́нїе въ послꙋшество̀ прихо́дитъ, громо́вными ѻ҆́бразы простира́ѧсѧ, въ добропослꙋша́нїе нꙋ́дитъ, неизрече́нныѧ ра́дости ѻ҆́бщники ᲂу҆вѣщава́ѧ: прїиди́те, ча̑да, глаго́лѧ, возвели́чите гдⷭ҇а со мно́ю. Є҆гѡ́же сла́дости насыща́ющесѧ, въ нбⷭ҇наѧ се́ла водвори́мсѧ и҆ свѣ́тлости сподо́бимсѧ, вѣща́нїемъ зовꙋ́ще: хрⷭ҇тѐ, ты̀ є҆сѝ свѣ́тъ неизрече́нный."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неизрече́нное чꙋ́до, въ пещѝ и҆зба́вивый прпⷣбныѧ ѻ҆́троки и҆зъ пла́мене, во гро́бѣ ме́ртвъ бездыха́ненъ полага́етсѧ, во спасе́нїе на́съ пою́щихъ: и҆зба́вителю бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "А҆́ще и҆ земна̑ѧ превосхо́дитъ, вы̑шнимъ каса́ѧсѧ, бл҃года́тїю дꙋхо́вною съ си́ми совокꙋплѧ́ѧсѧ, неизрече́нныѧ ра́дости наполнѧ́етъ, сы́ны свѣ́та сотворѧ́етъ пою́щыѧ: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Житє́йскаѧ ᲂу҆ныва́ютъ, и҆ бжⷭ҇твєннаѧ красꙋ́ютсѧ, небє́снаѧ торжествꙋ́ютъ, а҆рхїере́йскїй тво́й дꙋ́хъ прїе́млюще, земна̑ѧ попра́вша и҆ въ нбⷭ҇ныхъ ликꙋ́юща, съ весе́лїемъ поѧ́хꙋ: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Дѣ́тели бжⷭ҇твеннагѡ твоегѡ̀ дꙋ́ха, разширѧ́юще вхо́ды, бжⷭ҇твєннаѧ ча̑да твоѧ̑ ведꙋ́тъ въ живо́тъ. И҆́хже жела́юще, про́симъ: молѝ ѡ҆ на́съ, пресвѧще́нне а҆рсе́нїе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Две́рь тѧ̀ заключе́ннꙋю наречѐ прⷪ҇ро́къ, чⷭ҇таѧ, ю҆́же никто́же про́йде, то́кмѡ бг҃ъ є҆ди́нъ, ѿверза́ѧ на́мъ па́ки є҆дє́мскїѧ вхо́ды, вѣ́рнѡ сла́вѧщымъ тѧ̀, бцⷣе."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: За зако́ны ѻ҆ч҃єскїѧ бл҃же́ннїи въ вавѷлѡ́нѣ ю҆́ношы предбѣ́дствꙋюще, царю́ющагѡ ѡ҆плева́ша повелѣ́нїе безꙋ́мное, и҆ совокꙋ́плени и҆́мже не свари́шасѧ ѻ҆гне́мъ, держа́вствꙋющемꙋ досто́йнꙋю воспѣва́хꙋ пѣ́снь: гдⷭ҇а по́йте дѣла̀, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Свѣ́томъ бжⷭ҇твеннымъ ѡ҆зарѧ́ема, благоꙋха́нїемъ цвѣтꙋ́щи, свѧще́ннаѧ па́мѧть твоѧ̀, а҆рсе́нїе, просвѣща́етъ вѣ̑рныѧ, созыва́ющи вопи́ти: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Жела́емыхъ сы́тости бжⷭ҇твєннаѧ твоѧ̑ ча̑да напо́лнитисѧ просѧ́ще, благоꙋкраше́нною твое́ю па́мѧтїю прохлажда́еми, и҆̀, веселѧ́щесѧ, вѣ́рнѡ пою́тъ просла́вльшаго па́мѧть твою̀, і҆ера́рше, взыва́юще: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Па́мѧть твоѧ̀ вѣ́чнаѧ, а҆рхїере́е, кро́тость и҆ смире́нїе се́рдца твоегѡ̀ возвѣща́ющи, въ ню́же собира́еми, просвѣще́нїѧ бжⷭ҇твеннагѡ хода́тайствомъ твои́мъ надѣ́ющесѧ полꙋчи́ти жела́емыхъ, весе́лїемъ зовꙋ́ще: гдⷭ҇а по́йте дѣла̀, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Неѡскꙋ̑дныѧ то́ки милосе́рдїѧ и҆сточа́ющи призыва́ющымъ тѧ̀, влⷣчце, и҆ пѣ́сньми хва́лѧщихъ тѧ̀, чⷭ҇таѧ, не ѡ҆ста́ви молѧ́щихсѧ тебѣ̀, црⷭ҇твїѧ сн҃а твоегѡ̀ сподо́би вопїю́щыѧ вѣ́рою: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Стра́нствїѧ влⷣчнѧ и҆ безсме́ртныѧ трапе́зы на го́рнѣмъ ме́стѣ, высо́кими ᲂу҆мы̑, вѣ́рнїи, прїиди́те наслади́мсѧ, возше́дша сло́ва, ѿ сло́ва наꙋчи́вшесѧ, є҆го́же велича́емъ."
|
||||
},
|
||||
{
|
||||
"type": "TEXT",
|
||||
"value": "Тече́ньми преминѐ землена́ѧ твоѧ̀ жи́знь, и҆ нбⷭ҇нагѡ тѧ̀ селе́нїѧ не ѡ҆ста́ви, и҆́бо не потче́сѧ нога̀ пло́ти твоеѧ̀, дрема́нїѧ дꙋ́хъ тебє̀ не ѡ҆долѣ̀, хранѧ́щꙋ тѧ̀ бг҃ꙋ. Тѣ́мже молѝ за ны̀ гдⷭ҇а, пресвѧще́нне ѻ҆́ч҃е а҆рсе́нїе."
|
||||
},
|
||||
{
|
||||
"type": "TEXT",
|
||||
"value": "Нбⷭ҇нїи ли́цы ра́дꙋютсѧ, мы́ же землені́и славосло́вимъ, де́мѡнскаѧ крѣ́пость и҆счезѐ, пресвѧще́ннагѡ твоегѡ̀ дꙋ́ха вы́спрь ви́дѧще водворѧ́ема въ нбⷭ҇наѧ селє́нїѧ, ѡ҆ хва́лѧщихъ тѧ̀ молѝ, свѧще́нне а҆рсе́нїе."
|
||||
},
|
||||
{
|
||||
"type": "TEXT",
|
||||
"value": "Ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ вѣ́рою покланѧ́емсѧ, тричи́сленное є҆ди́нство сла́вѧще, и҆ съ любо́вїю воспѣва́юще, глаго́лемъ: моли́твами і҆ера́рха твоегѡ̀ а҆рсе́нїа поми́лꙋй, и҆ сохранѝ всѧ̑ ны̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дре́внимъ престꙋпле́нїемъ введѐ въ па́гꙋбꙋ пра́баба є҆стество̀ земно́е: ржⷭ҇тва́ же твоегѡ̀ чревоноше́нїемъ, пречⷭ҇таѧ, па́ки къ бг҃ꙋ примири́хомсѧ. Є҆го́же сла́вѧще, тебѐ, дв҃о, велича́емъ."
|
||||
},
|
||||
{
|
||||
"type": "HEADER",
|
||||
"value": "Свѣти́ленъ:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Не́бо ѕвѣзда́ми:"
|
||||
},
|
||||
{
|
||||
"type": "TEXT",
|
||||
"value": "Ст҃и́телю преста́вльшꙋсѧ, собра́шасѧ наро́ди погребстѝ тѣ́ло є҆гѡ̀: а҆́гг҃ли же, веселѧ́щесѧ, прїима́хꙋ дꙋ́шꙋ є҆гѡ̀, вселѧ́юще во ст҃ы̑ѧ дворы̀. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Держа́внымъ твои́мъ покро́вомъ, ѿ вра̑гъ навѣ́та рабы̑ твоѧ̑ сохранѝ, чⷭ҇таѧ, всѧ̑ ны̀ невре́дны: тѧ́ бо стѧжа́хомъ є҆ди́нꙋ прибѣ́жище въ ско́рбехъ."
|
||||
},
|
||||
{
|
||||
"type": "HEADER",
|
||||
"value": "На хвали́техъ стїхи̑ры а҆ д҃, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ꙗ҆́кѡ до́блѧ:"
|
||||
},
|
||||
{
|
||||
"type": "TEXT",
|
||||
"value": "Мимоте́къ земна̑ѧ, вы́шнихъ дости́глъ є҆сѝ, и҆ со а҆́гг҃льскими ли́ки водворѧ́ешисѧ, трⷪ҇цы проповѣ́дникъ ꙗ҆ви́всѧ. Є҆́йже предстоѧ̀ со дерзнове́нїемъ, за ны̀ моли́сѧ прилѣ́жнѡ, а҆рсе́нїе прпⷣбне, сопресто́льниче а҆рхїере́євъ и҆ похвала̀. Два́жды."
|
||||
},
|
||||
{
|
||||
"type": "TEXT",
|
||||
"value": "Ѿ чꙋ́вственна твоегѡ̀ житїѧ̀, на нб҃са̀ возводи́ма, со ст҃ы́ми сїѧ́юща пресвѣ́тлѡ, горѣ̀ вселѧ́ема, тѧ̀ земна̑ѧ славосло́вѧтъ, и҆ нбⷭ҇наѧ ра́дꙋютсѧ: съ ни́миже хрⷭ҇тꙋ̀ предстоѧ̀, моли́сѧ ѡ҆ на́съ, а҆рсе́нїе, сопресто́льниче а҆рхїере́євъ и҆ похвала̀ прпⷣбныхъ."
|
||||
},
|
||||
{
|
||||
"type": "TEXT",
|
||||
"value": "Наи́тїемъ ст҃а́гѡ дх҃а, ѡ҆свѧще́ннаѧ твоѧ̀ глава̀ і҆ера́рше, чꙋ́вственнымъ зра́комъ прозрѧ́щи, ꙗ҆зы́чными стрꙋѧ́ми, со а҆рхїерє́и и҆зво́ли сла́вити въ трⷪ҇цѣ є҆ди́но бжⷭ҇тво̀: є҆́йже предстоѧ̀, а҆рсе́нїе, молѝ ѡ҆ на́съ, сопресто́льниче а҆рхїере́євъ и҆ похвала̀."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Превзы́де па́мѧть твоѧ̀, бг҃оно́се і҆ера́рше а҆рсе́нїе, па́че чꙋ́вственнагѡ свѣ́та сїѧ́ющи, пречꙋ̑днаѧ бо сотвори́лъ и҆ ди̑внаѧ прїѧ́лъ є҆сѝ. Пра́выми пꙋти̑ ше́ствовавъ, пресла̑внаѧ наслѣ́довалъ є҆сѝ. Въ не́йже ликꙋ́юще, дꙋхѡ́внаѧ ча̑да, въ нбⷭ҇наѧ се́ла моли́твами твои́ми водворѧ́ютсѧ, и҆ веселѧ́тсѧ, тебѣ̀ предстоѧ́ще, и҆ торжествꙋ́ютъ твоѐ кра́сное ᲂу҆спе́нїе, тобо́ю просѧ́ще полꙋчи́ти ѿ хрⷭ҇та̀ ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Бцⷣе, ты̀ є҆сѝ лоза̀ и҆́стиннаѧ."
|
||||
},
|
||||
{
|
||||
"type": "HEADER",
|
||||
"value": "Славосло́вїи вели́кое, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "На лїтꙋргі́и, бл҃жє́нна ѿ канѡ́на ст҃а́гѡ, пѣ́снь г҃-ѧ, и҆ ѕ҃-ѧ."
|
||||
},
|
||||
{
|
||||
"type": "HEADER",
|
||||
"value": "Прокі́менъ, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Оу҆ста̀ моѧ̑ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Оу҆слы́шите сїѧ̑ всѝ ꙗ҆зы́цы:"
|
||||
},
|
||||
{
|
||||
"type": "HEADER",
|
||||
"value": "А҆пⷭ҇лъ къ є҆вре́ѡмъ, зача́ло ти҃і."
|
||||
},
|
||||
{
|
||||
"type": "HEADER",
|
||||
"value": "А҆ллилꙋ́їа, гла́съ в҃."
|
||||
},
|
||||
{
|
||||
"type": "TEXT",
|
||||
"value": "Оу҆ста̀ пра́веднагѡ поꙋча́тсѧ премꙋ́дрости:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Зако́нъ бг҃а є҆гѡ̀ въ се́рдцѣ є҆гѡ̀, и҆ не за́пнꙋтсѧ стѡпы̀ є҆гѡ̀."
|
||||
},
|
||||
{
|
||||
"type": "HEADER",
|
||||
"value": "Є҆ѵⷢ҇лїе лꙋкѝ, зача́ло к҃д:"
|
||||
},
|
||||
{
|
||||
"type": "TEXT",
|
||||
"value": "Прича́стенъ: Въ па́мѧть вѣ́чнꙋю:"
|
||||
}
|
||||
]
|
||||
@@ -0,0 +1,886 @@
|
||||
[
|
||||
{
|
||||
"type": "HEADER",
|
||||
"value": "Ѻ҆ктѡ́врїа к҃и"
|
||||
},
|
||||
{
|
||||
"type": "HEADER",
|
||||
"value": "Ст҃ы́ѧ мч҃ницы параске́ѵи, нарече́нныѧ пѧ́тницы."
|
||||
},
|
||||
{
|
||||
"type": "HEADER",
|
||||
"value": "Ве́черъ, ѻ҆бы́чнаѧ каѳі́сма. На Гдⷭ҇и воззва́хъ, стїхи̑ры на ѕ҃: и҆ на ᲂу҆́трени канѡ́нъ прпⷣбныѧ на ѕ҃."
|
||||
},
|
||||
{
|
||||
"type": "HEADER",
|
||||
"value": "А҆́ще ли настоѧ́тель и҆зво́литъ пѣ́ти полѷеле́й, тогда̀ пое́мъ: Блаже́нъ мꙋ́жъ: а҃ а҆нтїфѡ́нъ. На Гдⷭ҇и, воззва́хъ, стїхи̑ры на и҃, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Да́лъ є҆сѝ зна́менїе:"
|
||||
},
|
||||
{
|
||||
"type": "TEXT",
|
||||
"value": "Ри́мъ тѧ̀ предлага́етъ, ꙗ҆́кѡ ѡ҆гра́дъ цвѣ́ты благовѡ́нныѧ, параске́ѵо многострада́льнаѧ, вѣ́рныхъ смы́слы ѡ҆благово́нствꙋѧ, вонѧ́ми добродѣ́тельными, и҆ смра́дъ стра́стный ѿгонѧ́ѧ, бл҃года́тїю сла́внаѧ всегда̀, мч҃никѡвъ добро́та, дѣ́въ похвале́нїе, и҆ чꙋде́съ пꙋчи́на."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ сла́ва многоцѣ́нна всѣ̑мъ да́стсѧ ѿ хрⷭ҇та̀ бг҃а на́шегѡ, въ ри́мѣ пострада́вши, и҆ въ не́мъ бы́вши, сла́внаѧ мч҃нице, де́мѡнскаѧ лꙋка̑вствїѧ ѿ чл҃вѣ̑къ ѿгонѧ́ющи застꙋпле́нїемъ твои́мъ. Тѣ́мъ тѧ̀ всѝ блажи́мъ, и҆ ст҃ы̑ѧ твоѧ̑ стра̑сти дне́сь похвалѧ́емъ, параске́ѵо многострада́льнаѧ."
|
||||
},
|
||||
{
|
||||
"type": "TEXT",
|
||||
"value": "Соблюда́ема си́лою хрⷭ҇то́вою, всесла́внаѧ параске́ѵо, болѣ́зней тѣле́сныхъ небрегла̀ є҆сѝ, къ подвигѡ́мъ вмѣсти́ласѧ є҆сѝ, мꙋ́жескимъ смы́сломъ, же́нскꙋю сла́бость ѿве́ргши, ᲂу҆пова́нїемъ ᲂу҆крѣпи́вшисѧ, воспрїѧ́ла же є҆сѝ съ пе́рвенствꙋющими ѡ҆заре́нїе, прехва́льнаѧ."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Вѣ́рнїи, соше́дшесѧ, хва́лѧще тѧ̀ любо́вїю, блажи́мъ по́двиги твоѧ̑ и҆ стра̑сти, мч҃нице параске́ѵо. Хрⷭ҇та̀ жениха̀ твоего̀ ᲂу҆молѝ, ѿ бѣ́дъ и҆ напа́стей и҆зба́вити ны̀ твои́ми моли́твами."
|
||||
},
|
||||
{
|
||||
"type": "TEXT",
|
||||
"value": "Ѿ твои́хъ крове́й, трꙋдолю́бнѡ и҆́стиннꙋю ча́шꙋ и҆спила̀ є҆сѝ, жела́ющи, по хрⷭ҇тѣ̀, женисѣ̀ твое́мъ, во слѣ́дъ потещѝ, прехва́льнаѧ мч҃нице параске́ѵо, ꙗ҆́кѡ ла́стовица доброгла́снаѧ, пѣ́снь воспѣва́ющи ко всѣ́хъ творцꙋ̀ хрⷭ҇тꙋ̀ бг҃ꙋ ѡ҆ пра́зднꙋющихъ па́мѧть твою̀."
|
||||
},
|
||||
{
|
||||
"type": "TEXT",
|
||||
"value": "Твоѝ роди́тели хрⷭ҇тѡ́вы стрⷭ҇ти почита́юще, знамени́тагѡ днѐ тезоимени́тꙋ тѧ̀ нареко́ша, воспита́на же бы́вши, и҆ на стра̑сти дерзнꙋ́ла є҆сѝ, и҆ ра̑ны претерпѣ́вши, въ темни́цѣ, а҆́ки въ черто́зѣ свѣ́тлѣ ликꙋ́ющи, вопїѧ́ла є҆сѝ: никогда́же ѿлꙋчꙋ́сѧ тебє̀, гдⷭ҇и, по посли́ ми по́мощь твою̀, и҆ спаси́ мѧ вели́кїѧ ра́ди твоеѧ̀ ми́лости."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Ѡ҆деснꙋ́ю сп҃са, ꙗ҆́коже пое́тъ дв҃дъ, предста̀ цр҃и́ца, и҆ твоѧ̀ дꙋша̀, ꙗ҆́кѡ рѧ́снами и҆спещре́на златы́ми, и҆ же́ртвꙋ себѐ предста́вила є҆сѝ гдⷭ҇ꙋ твоемꙋ̀, ꙗ҆́кѡ кади́ло благово́нно, принесла̀ є҆сѝ кро́вь пло́ти твоеѧ̀, мч҃нице прехва́льнаѧ параске́ѵо, моли́сѧ ѡ҆ на́съ влⷣцѣ хрⷭ҇тꙋ̀ бг҃ꙋ, да спасе́тъ дꙋ́шы на́шѧ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
||||
},
|
||||
{
|
||||
"type": "TEXT",
|
||||
"value": "Ви́дѧщи тѧ̀ распина́ема хрⷭ҇тѐ, тебѐ ро́ждшаѧ, вопїѧ́ше: что̀ стра́нное є҆́же ви́жꙋ та́инство сн҃е мо́й; ка́кѡ на дре́вѣ ᲂу҆мира́еши пло́тїю повѣ́шенъ жи́зни пода́телю."
|
||||
},
|
||||
{
|
||||
"type": "HEADER",
|
||||
"value": "А҆́ще пое́ши полѷеле́й, по́й бг҃оро́диченъ воскрⷭ҇нъ:"
|
||||
},
|
||||
{
|
||||
"type": "TEXT",
|
||||
"value": "Кто̀ тебѐ не ᲂу҆блажи́тъ: Вхо́дъ. Прокі́менъ днѐ. И҆ чтє́нїѧ."
|
||||
},
|
||||
{
|
||||
"type": "HEADER",
|
||||
"value": "Прⷪ҇ро́чества и҆са́їина чте́нїе. (Глава̀ м҃г.)"
|
||||
},
|
||||
{
|
||||
"type": "TEXT",
|
||||
"value": "Та́кѡ гл҃го́летъ гдⷭ҇ь: всѝ ꙗ҆зы́цы собра́шасѧ вкꙋ́пѣ, соберꙋ́тсѧ кнѧ́зи ѿ ни́хъ: кто̀ возвѣсти́тъ сїѧ̑ въ ни́хъ; и҆лѝ ꙗ҆̀же ѿ нача́ла, кто̀ слы̑шана сотвори́тъ ва́мъ; да приведꙋ́тъ свидѣ́тели своѧ̑ и҆ ѡ҆правдѧ́тсѧ, и҆ да ᲂу҆слы́шатъ, и҆ да рекꙋ́тъ и҆́стинꙋ. Бꙋ́дите мѝ свидѣ́тели, и҆ а҆́зъ свидѣ́тель, глаго́летъ гдⷭ҇ь бг҃ъ, и҆ ѻ҆́трокъ, є҆го́же и҆збра́хъ. Да позна́ете и҆ вѣ́рꙋете мѝ, и҆ разꙋмѣ́ете, ꙗ҆́кѡ а҆́зъ є҆́смь: пре́жде менє̀ не бы́сть и҆́нъ бо́гъ и҆ по мнѣ̀ не бꙋ́детъ. А҆́зъ є҆́смь бг҃ъ, и҆ нѣ́сть ра́звѣ менє̀ спаса́ѧй. А҆́зъ возвѣсти́хъ и҆ спасо́хъ, ᲂу҆ничижи́хъ, и҆ не бѣ̀ въ ва́съ чꙋ́ждїй. Вы̀ мнѣ̀ свидѣ́тели, и҆ а҆́зъ гдⷭ҇ь бг҃ъ: и҆ є҆щѐ ѿ нача́ла а҆́зъ є҆́смь, и҆ нѣ́сть ѿ рꙋ́къ мои́хъ и҆збавлѧ́ѧй. Сотворю̀, и҆ кто̀ ѿврати́тъ то̀; Си́це гл҃го́летъ гдⷭ҇ь бг҃ъ, и҆збавлѧ́ѧй ва́съ ст҃ы́й і҆и҃левъ."
|
||||
},
|
||||
{
|
||||
"type": "HEADER",
|
||||
"value": "Премꙋ́дрости соломѡ́ни чте́нїе. (Глава̀ г҃.)"
|
||||
},
|
||||
{
|
||||
"type": "TEXT",
|
||||
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
||||
},
|
||||
{
|
||||
"type": "HEADER",
|
||||
"value": "Премꙋ́дрости соломѡ́ни чте́нїе. (Глава̀ є҃.)"
|
||||
},
|
||||
{
|
||||
"type": "TEXT",
|
||||
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
||||
},
|
||||
{
|
||||
"type": "HEADER",
|
||||
"value": "На лїті́и стїхи̑ры, гла́съ є҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ра́дꙋйсѧ:"
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, гдⷭ҇нѧ а҆́гнице, ᲂу҆подо́бльшисѧ честнѣ́й и҆ блаже́ннѣй ᲂу҆спѣ́шнѡ стрⷭ҇ти безсме́ртнагѡ на крⷭ҇тѣ̀, мїрскі̑ѧ стра̑сти разори́вшагѡ, и҆сто́чниче, и҆сточа́ющїй ꙗ҆́кѡ во́ды чꙋдеса̀, и҆ста̑ѧвшаѧ сердца̀ немощны́хъ дарова́нїемъ и҆сцѣле́нїй напаѧ́ющи, страстоте́рпице пребога́таѧ. Де́рзость разрꙋши́ла є҆сѝ і҆́дѡльскꙋю немощнꙋ́ю, нбⷭ҇нагѡ черто́га наслѣ́довавши жили́ще. Хрⷭ҇тꙋ̀ моли́сѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
||||
},
|
||||
{
|
||||
"type": "TEXT",
|
||||
"value": "И҆дѣ́же веселѧ́щихсѧ є҆́сть жили́ще, и҆дѣ́же свѣ́тъ невече́рнїй, въ домꙋ̀ бг҃а жива́гѡ, посредѣ̀ ски́нїи ди́вныѧ, и҆дѣ́же ли́къ пра́зднꙋющихъ, чи́стаѧ, весе́лїемъ, свѣщꙋ̀ и҆мꙋ́щи свѣ́тлꙋ недрема́ннꙋ. Тѣ́мъ наслажа́ющисѧ вы́шнѧгѡ бжⷭ҇тва̀, и҆ ѿтꙋ́дꙋ бога́тнѡ сїѧ́ющи свѣтлостьмѝ, хрⷭ҇тꙋ̀ моли́сѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
||||
},
|
||||
{
|
||||
"type": "TEXT",
|
||||
"value": "Ви́дѧще си̑лы нбⷭ҇ныѧ пло́тїю стра́ждꙋщꙋю содѣ́телѧ ра́ди, параске́ѵꙋ, и҆ є҆гѡ̀ си́лою крѣплѧ́щꙋсѧ, глаго́люще: сѐ, и҆ дѣ̑вы на землѝ просла́виша гдⷭ҇а. Человѣ́цы же, тре́петомъ ѡ҆держи́ми, ᲂу҆жаса́хꙋсѧ, и҆, ᲂу҆ди́вльшесѧ, пѣ́сньми прославлѧ́хꙋ, глаго́люще: ѽле чꙋдесѐ! Дѣ́ва врага̀ побѣдѝ, и҆ мо́литсѧ ми́лостивомꙋ влⷣцѣ за мі́ра спасе́нїе, да пода́стъ ми́ръ и҆ ве́лїю ми́лость."
|
||||
},
|
||||
{
|
||||
"type": "TEXT",
|
||||
"value": "Ра́дꙋющисѧ предста́ла є҆сѝ и҆ге́мѡнꙋ, мч҃нице до́блѧѧ параске́ѵо, ꙗ҆́снѡ вѣ́рꙋ проповѣ́дающи, строга̑нїѧ мнѡ́га мꙋ́жески претерпѣ́ла є҆сѝ: мꙋчи́телѧ посрами́вши, хрⷭ҇тꙋ̀ ᲂу҆невѣ́стиласѧ є҆сѝ, є҆мꙋ́же предстоѧ́щи, моли́сѧ за чествꙋ́ющыѧ тѧ̀ и҆ вѣ́рою творѧ́щыѧ па́мѧть твою̀."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, а҆́гнице вседо́блѧѧ, а҆́гнцꙋ и҆ па́стырю прине́сшисѧ же́ртва, ѻ҆гне́мъ всесожега́ема, ꙗ҆́кѡ ѻ҆гне́мъ любвѐ разже́гшисѧ по хрⷭ҇тѣ̀, женисѣ̀ твое́мъ. Пла́мень ᲂу҆гаси́вши і҆́дѡльскагѡ сꙋ́етства, и҆ свѣщꙋ̀ неꙋга́снꙋ дꙋше́внꙋю соблю́дши, и҆ чꙋде́сными свѣтлостьмѝ, тмы̑ ѡ҆полче́нїѧ де́мѡнѡвъ страда́льчески побѣди́вши, и҆ вошла̀ є҆сѝ со хрⷭ҇то́мъ въ черто́гъ нбⷭ҇ный. Моли́сѧ ѡ҆ творѧ́щихъ па́мѧть твою̀, дарова́ти на́мъ ми́ръ и҆ ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Посрами́сѧ лꙋка́вый вра́гъ, ѿ дѣ́вы побѣжда́емь, ꙗ҆́кѡ прама́терь содѣ́ѧ дерзнове́ннꙋ ко грѣхꙋ̀, ѿ дв҃ы бо роди́вшеесѧ сло́во ѻ҆́ч҃ее, непрело́жнѡ и҆ несказа́ннѡ, ꙗ҆́коже вѣ́сть є҆ди́нъ са́мъ, клѧ́твꙋ разрꙋшѝ а҆да́ма и҆ є҆́ѵы хрⷭ҇то́съ бг҃ъ, вѣнча́вый досто́йнѡ параске́ѵꙋ мч҃ницꙋ. И҆ тоѧ̀ ра́ди да́рꙋетъ мі́рꙋ ѡ҆чище́нїе и҆ ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ꙗ҆́кѡ до́блѧ:"
|
||||
},
|
||||
{
|
||||
"type": "TEXT",
|
||||
"value": "Ѡ҆багрє́нїи кро́вными, спасе́нїѧ ѻ҆де́ждꙋ, себѣ̀, всехва́льнаѧ, ѡ҆багри́вши, и҆ ᲂу҆бѣли́вшисѧ дх҃омъ, гдⷭ҇ꙋ ѡ҆брꙋчи́ласѧ є҆сѝ, безсме́ртномꙋ цр҃ю̀, соблюда́ющемꙋ тѧ̀ непоро́чнꙋ и҆ нетлѣ́ннꙋ во вѣ́ки вѣкѡ́въ, въ черто́зѣхъ нбⷭ҇ныхъ, ꙗ҆́кѡ дѣ́вꙋ преꙋдо́бренꙋ и҆ нетлѣ́ннꙋ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̑ въ ни́хъ."
|
||||
},
|
||||
{
|
||||
"type": "TEXT",
|
||||
"value": "Къ ра́намъ приѡбщи́вшисѧ, и҆ со ѻ҆гне́мъ бра́вшисѧ, и҆ плотска̑ѧ влачє́нїѧ претерпѣ́вши, и҆ конѡ́бнаѧ врѣ̑нїѧ до́блественнѣ прене́сши, и҆ непобѣжде́на бы́сть мы́слїю, и҆ и҆стꙋка̑ннымъ не пожрѐ: но прекло́нши бг҃ꙋ вы́ю, ме́чнымъ ᲂу҆сѣче́нїемъ, вѣне́цъ носѧ́щи, на небеса̀ взы́де."
|
||||
},
|
||||
{
|
||||
"type": "TEXT",
|
||||
"value": "Сті́хъ: Терпѧ̀ потерпѣ́хъ гдⷭ҇а, и҆ внѧ́тъ мѝ, и҆ ᲂу҆слы́ша моли́твꙋ мою̀."
|
||||
},
|
||||
{
|
||||
"type": "TEXT",
|
||||
"value": "Ка́плѧми кро́вными ѡ҆багри́вшисѧ, возсїѧ́ла є҆сѝ проѧвле́ннѡ, ꙗ҆́кѡ со́лнце, и҆ ѿгна́ла є҆сѝ, всехва́льнаѧ, безбо́жїѧ тмꙋ̀ бл҃года́тїю, мч҃нице параске́ѵо, и҆ вѣ̑рныѧ просвѣти́ла є҆сѝ, чтꙋ́щыѧ твоѧ̑ до́блествєнныѧ по́двиги, и҆ па́мѧть свѣ́тлꙋю и҆ свѣтоно́снꙋю, и҆ всеспаси́тельнꙋю."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Сїѧ̑ глаго́летъ параске́ѵа къ мꙋчи́телю: вра́же нечести́вый и҆ге́мѡне, что̀ неи́стовствꙋеши на хрⷭ҇тїа́ны; ни ца́рства ᲂу҆ тебє̀ ѿѧ́хъ, ни гра́да твоегѡ̀ разори́хъ, но бꙋ́ими словесы̀ ᲂу҆вѣща́ти мѧ̀ помышлѧ́еши. А҆́зъ тебє̀ небрегꙋ̀, ни твои́хъ безꙋ́мныхъ глагѡ́лъ: пло́ти бо не щаждꙋ̀ за хрⷭ҇та̀ моего̀, занѐ ѻ҆́нъ лю́битъ мѧ̀ и҆ црⷭ҇тво мнѣ̀ да́рꙋетъ: къ немꙋ̀ пойдꙋ̀, и҆ тогѡ̀ бꙋ́дꙋ невѣ́ста, и҆ то́й менѐ спасе́тъ ѿ рꙋ́къ вра̑гъ мои́хъ и҆ да́рꙋетъ мѝ жи́знь вѣ́чнꙋю."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ѽ пресла́внагѡ чꙋдесѐ!"
|
||||
},
|
||||
{
|
||||
"type": "TEXT",
|
||||
"value": "Не терплю̀, ча́до, ви́дѧщи тѧ̀, на дре́вѣ ᲂу҆снꙋ́вша, бо́дрость всѣ̑мъ подаю́щаго, ꙗ҆́кѡ да, дре́вле престꙋпле́нїѧ плодо́мъ, сно́мъ поги́бельнымъ ᲂу҆снꙋ́вшымъ, бжⷭ҇твеннꙋю и҆ спаси́тельнꙋю бо́дрость пода́си, дв҃а глаго́лаше, пла́чꙋщи, ю҆́же велича́емъ."
|
||||
},
|
||||
{
|
||||
"type": "HEADER",
|
||||
"value": "Тропа́рь, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Премꙋ́драѧ и҆ всехва́льнаѧ хрⷭ҇то́ва мч҃ница параске́ѵа, мꙋ́жескꙋю крѣ́пость прїе́мши, же́нскꙋю же не́мощь ѿве́ргши, дїа́вола побѣдѝ, и҆ мꙋчи́телѧ посрамѝ, вопїю́щи и҆ глаго́лющи: прїиди́те, тѣ́ло моѐ мече́мъ ссѣцы́те и҆ ѻ҆гне́мъ сожги́те: а҆́зъ бо, ра́дꙋющисѧ, и҆дꙋ̀ ко хрⷭ҇тꙋ̀, женихꙋ̀ моемꙋ̀. Тоѧ̀ мл҃твами, хрⷭ҇тѐ бж҃е, спасѝ дꙋ́ши на́шѧ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
||||
},
|
||||
{
|
||||
"type": "HEADER",
|
||||
"value": "На ᲂу҆́трени: на Бг҃ъ гдⷭ҇ь, тропа́рь ст҃ѣ́й, два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
||||
},
|
||||
{
|
||||
"type": "HEADER",
|
||||
"value": "По а҃-мъ стїхосло́вїи сѣда́ленъ, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ско́рѡ предварѝ:"
|
||||
},
|
||||
{
|
||||
"type": "TEXT",
|
||||
"value": "Жениха̀ возлюби́вши творца̀ и҆ бг҃а, жениха̀ тлѣ́ннаго ѡ҆ста́вила є҆сѝ, мч҃нице честна́ѧ параске́ѵо: и҆ ра́дꙋющисѧ, претерпѣ́ла є҆сѝ мꙋ́ки и҆ растерза̑нїѧ и҆ ѻ҆́гненное томле́нїе. Тѣ́мже и҆ вѣне́цъ носѧ́щи, къ бжⷭ҇твенномꙋ черто́гꙋ возшла̀ є҆сѝ, и҆спроша́ющи всѣ̑мъ грѣхѡ́въ ѡ҆ставле́нїѧ. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Дв҃о всенепоро́чнаѧ, ꙗ҆́же пресꙋ́щнаго бг҃а ро́ждшаѧ, со страстоте́рпицею того̀ непреста́ннѡ молѝ, ѡ҆ставле́нїе прегрѣше́нїй, и҆ и҆справле́нїе житїѧ̀ да́ти на́мъ пре́жде конца̀, вѣ́рою и҆ любо́вїю пою́щымъ тѧ̀ по до́лгꙋ, є҆ди́на всепѣ́таѧ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхоло́гїи, сѣда́ленъ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Вознесы́йсѧ:"
|
||||
},
|
||||
{
|
||||
"type": "TEXT",
|
||||
"value": "Жениха̀ твоего̀ хрⷭ҇та̀ возлюби́вши, и҆ свѣщꙋ̀ твою̀ свѣ́тлѡ ᲂу҆краси́вши, добродѣ́тельми просїѧ́ла є҆сѝ, сла́внаѧ. Тѣ́мже возшла̀ є҆сѝ въ нбⷭ҇ный черто́гъ, и҆ вѣне́цъ страда́нїѧ прїи́мши, ѿ бѣ́дъ и҆зба́ви на́съ, соверша́ющихъ, параске́ѵо, па́мѧть твою̀. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "По бз҃ѣ во тво́й, бцⷣе, покро́въ бжⷭ҇твенный прибѣга́ю, смире́нный припа́даѧ, молю́сѧ: поми́лꙋй, пречⷭ҇таѧ, ꙗ҆́кѡ превзыдо́ша главꙋ̀ мою̀ грѣсѝ, и҆ бою́сѧ, влⷣчце, мꙋ́ки, и҆ трепе́щꙋ. Моле́нїе сотворѝ, чⷭ҇таѧ, къ сн҃ꙋ твоемꙋ̀, ѿ си́хъ и҆зба́вити мѧ̀."
|
||||
},
|
||||
{
|
||||
"type": "HEADER",
|
||||
"value": "По полѷеле́и сѣда́ленъ, гла́съ и҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Премꙋ́дрости:"
|
||||
},
|
||||
{
|
||||
"type": "TEXT",
|
||||
"value": "Оу҆невѣ́стившисѧ гдⷭ҇ꙋ бг҃олѣ́пнѡ, ꙗ҆́коже да́ръ, кро́вь и҆ заколе́нїе томꙋ̀ принесла̀ є҆сѝ, страстоте́рпице ѻ҆трокови́це параске́ѵо, и҆ черто́гъ бжⷭ҇твенный досто́йнѡ ᲂу҆лꙋчи́ла є҆сѝ, просвѣще́нїѧ неизрече́ннагѡ непреста́ннѡ и҆сполнѧ́ема. Тѣ́мже, свѧтꙋ́ю и҆ честнꙋ́ю па́мѧть твою̀ творѧ́ще дꙋхо́внѡ, сп҃са прославлѧ́емъ и҆ вѣ́рнѡ взыва́емъ тѝ: молѝ хрⷭ҇та̀ бг҃а, грѣхѡ́въ ѡ҆ставле́нїе пода́ти чествꙋ́ющымъ любо́вїю свѧтꙋ́ю па́мѧть твою̀. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бж҃ества̀, и҆ ꙗ҆́кѡ млⷣнца дои́ши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
|
||||
},
|
||||
{
|
||||
"type": "HEADER",
|
||||
"value": "Степє́нна, а҃-й а҆нтїфѡ́нъ д҃-гѡ гла́са."
|
||||
},
|
||||
{
|
||||
"type": "TEXT",
|
||||
"value": "Прокі́менъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Въ цр҃квахъ благослови́те бг҃а, гдⷭ҇а ѡ҆ и҆стѡ́чникъ і҆и҃левыхъ."
|
||||
},
|
||||
{
|
||||
"type": "TEXT",
|
||||
"value": "Всѧ́кое дыха́нїе:"
|
||||
},
|
||||
{
|
||||
"type": "HEADER",
|
||||
"value": "Є҆ѵⷢ҇лїе матѳе́а, зача́ло ѯ҃в."
|
||||
},
|
||||
{
|
||||
"type": "HEADER",
|
||||
"value": "По н҃-мъ ѱалмѣ̀ стїхи́ра, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Съ вы́шними чи́нми причта́ласѧ, сла́внаѧ, мі́ръ ѡ҆ста́вльши и҆ хрⷭ҇та̀ возжелѣ́вши, параске́ѵо всечестна́ѧ, просѝ на́мъ ми́ра и҆ ве́лїѧ ми́лости."
|
||||
},
|
||||
{
|
||||
"type": "HEADER",
|
||||
"value": "Канѡ́нъ бцⷣы со і҆рмосо́мъ, на ѕ҃, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Во́дꙋ проше́дъ, ꙗ҆́кѡ сꙋ́шꙋ:"
|
||||
},
|
||||
{
|
||||
"type": "HEADER",
|
||||
"value": "И҆ ст҃ы́ѧ, два̀ канѡ́на, на и҃. Гла́съ д҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ, свѣ́тлѡ торжествꙋ́ѧ, и҆ воспою̀, ра́дꙋѧсѧ тоѧ̀ чꙋдеса̀."
|
||||
},
|
||||
{
|
||||
"type": "TEXT",
|
||||
"value": "Свѣ́томъ бжⷭ҇твеннымъ ѡ҆свѣти́вшисѧ свы́ше, мра́къ ѿженѝ неразꙋ́мїѧ моегѡ̀, и҆ пода́ждь мѝ моли́твами твои́ми, параске́ѵо, бл҃года́ть, воспѣва́ти твои́хъ, мꙋ́ченице, чꙋде́съ мно́жєства."
|
||||
},
|
||||
{
|
||||
"type": "TEXT",
|
||||
"value": "Со́лнца свѣтлѣ́йши, ꙗ҆́кѡ и҆́стиннѡ возсїѧ́ла є҆сѝ ᲂу҆́тро, ᲂу҆твержде́нїе цр҃кве бы́вши хрⷭ҇то́вы, ѡ҆зари́ла є҆сѝ лꙋча́ми по́двигѡвъ, мч҃нице параске́ѵо, твои́ми чꙋдесы̀ мі́ра концы̀."
|
||||
},
|
||||
{
|
||||
"type": "TEXT",
|
||||
"value": "Жениха̀ безсме́ртнаго хрⷭ҇та̀ возлюби́вши, ꙗ҆́кѡ вѣ́рою тогѡ̀ стрⷭ҇ти ѻ҆́бщница показа́ласѧ є҆сѝ, и҆ воспрїѧ́ла є҆сѝ вѣ́чное црⷭ҇тво, и҆ вѣне́цъ нетлѣ́нный, мч҃нице параске́ѵо сла́внаѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃о всенепоро́чнаѧ, хрⷭ҇та̀ роди́вшаѧ, и҆ всего̀ въ ложесна́хъ понесла̀ є҆сѝ, и҆стинноимени́таѧ, разрѣшѝ мра́къ дꙋшѝ моеѧ̀, и҆ просвѣти́ мѧ, да пою́ тѧ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ. Гла́съ и҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пои́мъ гдⷭ҇еви, прове́дшемꙋ лю́ди своѧ̑ сквозѣ̀ чермно́е мо́ре, ꙗ҆́кѡ є҆ди́нъ сла́внѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Пои́мъ гдⷭ҇еви, просла́вльшемꙋ па́мѧть мч҃ницы, и҆ приводѧ́щꙋ земны̑ѧ ли́ки къ похвале́нїю дне́сь."
|
||||
},
|
||||
{
|
||||
"type": "TEXT",
|
||||
"value": "Сла́вꙋ презрѣ́ла є҆сѝ, ѡ҆ бога́тствѣ неради́вши, честна́ѧ мч҃нице параске́ѵо, на стра́сть себѐ вдала̀ є҆сѝ."
|
||||
},
|
||||
{
|
||||
"type": "TEXT",
|
||||
"value": "Возжела̀ влⷣка твоеѧ̀ добро́ты, мч҃нице, въ нбⷭ҇ный черто́гъ всели́ тѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ро́дъ а҆да́мовъ, па́че ᲂу҆ма̀ блаже́нства тобо́ю ра́й ѿве́рстъ ѡ҆брѣ́тше, бцⷣе, досто́йнѡ хва́лимъ тѧ̀."
|
||||
},
|
||||
{
|
||||
"type": "TEXT",
|
||||
"value": "Катава́сїа: Ѿве́рзꙋ ᲂу҆ста̀ моѧ̑:"
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Лꙋ́къ си́льныхъ и҆знемо́же, и҆ немощствꙋ́ющїи препоѧ́сашасѧ си́лою: сегѡ̀ ра́ди ᲂу҆тверди́сѧ въ гдⷭ҇ѣ се́рдце моѐ."
|
||||
},
|
||||
{
|
||||
"type": "TEXT",
|
||||
"value": "Па́лицами неми́лостивнѡ бїе́ма ра́довашесѧ, лы́стѡмъ сокрꙋша́ємымъ и҆ костє́мъ вкꙋ́пѣ, прⷭ҇нопа́мѧтнаѧ мч҃ница параске́ѵа, вопїю́щи: ничто́же мѧ̀ разлꙋчи́тъ ѿ любвѐ твоеѧ̀, хрⷭ҇тѐ."
|
||||
},
|
||||
{
|
||||
"type": "TEXT",
|
||||
"value": "Оу҆ста̀ нечести́выхъ, глагѡ́лющаѧ беззако́нїе на пра́веднаго, и҆ ѧ҆зы́къ велерѣ́чивъ загради́шасѧ, мч҃ница параске́ѵа вопїѧ́ше, сп҃са проповѣ́дающи."
|
||||
},
|
||||
{
|
||||
"type": "TEXT",
|
||||
"value": "Крове́й твои́хъ кроплє́нїи, безбо́жїѧ ѻ҆́гнь погаси́ла є҆сѝ, многострада́льнаѧ мч҃нице параске́ѵо, и҆ вѣ́рныхъ ра́зꙋмы просвѣти́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Глаго́лы благочести́внѡ и҆сполнѧ́ютсѧ и҆са́їины: дв҃а бо родила̀ є҆́сть во пло́ти жизнода́вца хрⷭ҇та̀, сп҃са дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
||||
},
|
||||
{
|
||||
"type": "TEXT",
|
||||
"value": "Ты̀ є҆сѝ ᲂу҆твержде́нїе моѐ, гдⷭ҇и, глаго́лаше мч҃ница, ты́ же и҆ застꙋпле́нїе: и҆ къ тебѣ̀ прибѣго́хъ, цр҃ю̀ мі́ра."
|
||||
},
|
||||
{
|
||||
"type": "TEXT",
|
||||
"value": "Ꙗ҆ви́ласѧ є҆сѝ на сꙋди́щи, мꙋжеꙋ́мнꙋ дꙋ́шꙋ и҆мꙋ́щи, и҆ врага̀, ꙗ҆́кѡ нехра́бра сꙋ́ща, побѣди́ла є҆сѝ, всехва́льнаѧ."
|
||||
},
|
||||
{
|
||||
"type": "TEXT",
|
||||
"value": "Дꙋшѝ моеѧ̀ ѕѣ̑ницы и҆сцѣлѝ, всехва́льнаѧ мч҃нице, моли́твами твои́ми, и҆ ᲂу҆́мъ мо́й ᲂу҆пра́ви."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пода́ждь на́мъ по́мощь моли́твами твои́ми, пречⷭ҇таѧ, совѣ́ты ѿрѣва́ющи лю́тыхъ ѡ҆бстоѧ́нїй."
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ и҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Премꙋ́дрости."
|
||||
},
|
||||
{
|
||||
"type": "TEXT",
|
||||
"value": "Крове́й твои́хъ стрꙋѧ́ми, мч҃нице хрⷭ҇то́ва, пото́ки нече́стїѧ и҆зсꙋши́вши, всехва́льнаѧ параске́ѵо, ѡ҆дожде́нїемъ же благода́ти словє́сныѧ напаѧ́еши бразды̑: въ ни́хже прозѧба́еши кла́съ вѣ́ры. Къ семꙋ́ же, сла́внаѧ, и҆ по сме́рти ꙗ҆ви́ласѧ є҆сѝ точа́щи жи́знь, мꙋче́нїѧ ра́ди, страстоте́рпице всехва́льнаѧ. Молѝ хрⷭ҇та̀ бг҃а, дарова́ти дꙋша́мъ на́шымъ ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "Сла́ва, дрꙋгі́й сѣда́ленъ, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ско́рѡ предварѝ:"
|
||||
},
|
||||
{
|
||||
"type": "TEXT",
|
||||
"value": "Посто́мъ ᲂу҆краси́вши чистотꙋ̀ дꙋше́внꙋю, лꙋча́ми страда́нїѧ просвѣща́еши вѣ̑рныѧ, мч҃нице многострада́льнаѧ параске́ѵо. Тѣ́мъ тво́й ст҃ы́й и҆ свѣтоно́сный де́нь вѣ́рою соверша́юще, благоче́стнѡ вопїе́мъ: ꙗ҆́кѡ и҆мѣ́ѧ дерзнове́нїе ко гдⷭ҇ꙋ, молѝ спасти́сѧ на́мъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ и҆стлѣ́вшее во страсте́хъ земноро́дныхъ ме́ртвенное сꙋщество̀, и҆ воздви́гла є҆сѝ всѧ̑ ѿ сме́рти къ жи́зни нетлѣ́нїѧ. Тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
||||
},
|
||||
{
|
||||
"type": "TEXT",
|
||||
"value": "Крⷭ҇тобг҃оро́диченъ: На крⷭ҇тѣ́ тѧ возвы́шена ꙗ҆́кѡ ᲂу҆зрѣ̀ пречⷭ҇таѧ мт҃и твоѧ̀, сло́ве бж҃їй, мт҃рски рыда́ющи, вѣща́ше: что̀ но́вое и҆ стра́нное сїѐ чꙋ́до, сн҃е мо́й; ка́кѡ, жи́знь всѣ́хъ, вкꙋша́еши сме́рть, ѡ҆живи́ти мє́ртвыѧ хотѧ̀ ꙗ҆́кѡ милосе́рдъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сѣдѧ́й въ сла́вѣ на прⷭ҇то́лѣ бж҃ества̀, во ѻ҆́блацѣ ле́гцѣ прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
||||
},
|
||||
{
|
||||
"type": "TEXT",
|
||||
"value": "Оу҆ѧзви́вшисѧ любо́вїю хрⷭ҇то́вою, ѡ҆полчє́нїѧ мꙋчи́тєльскаѧ крѣ́постїю твое́ю ᲂу҆мертви́ла є҆сѝ, бл҃года́ть и҆сточа́еши присноживо́тнꙋю: страсте́й ра́ди мздовоздаѧ́нїе воспрїѧ́ла є҆сѝ, параске́ѵо, мч҃ницъ хрⷭ҇то́выхъ добро́та."
|
||||
},
|
||||
{
|
||||
"type": "TEXT",
|
||||
"value": "Превозше́дши всѧ̑ любо́вїю хрⷭ҇та̀ жениха̀ твоегѡ̀, плотскꙋ́ю любо́вь возненави́дѣвши, крѣ́пкѡ болѣ́знєннаѧ страда̑нїѧ претерпѣ́ла є҆сѝ, мч҃нице параске́ѵо, вопїю́щи: не разлꙋчѝ менѐ, хрⷭ҇тѐ, ѿ жела́нїѧ твоегѡ̀, и҆ мꙋче́нїѧ по́двигъ соверши́ти."
|
||||
},
|
||||
{
|
||||
"type": "TEXT",
|
||||
"value": "Ѿве́ргши мі́ра сꙋетꙋ̀ всю̀, бг҃ꙋ є҆ди́номꙋ прилѣпи́ласѧ є҆сѝ, параске́ѵо мч҃нице, и҆ болѣ̑зни страда́нїѧ претерпѣ́вши, невѣ́сто бж҃їѧ мꙋжеꙋ́мнаѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сни́де, ꙗ҆́кѡ до́ждь на рꙋно̀, во ᲂу҆тро́бꙋ твою̀ гдⷭ҇ь, ꙗ҆́коже речѐ дре́вле прⷪ҇ро́къ, всенепоро́чнаѧ, є҆го́же во двꙋ́хъ сꙋщества́хъ родила̀ є҆сѝ, є҆мꙋ́же взыва́емъ: сла́ва си́лѣ твое́й, гдⷭ҇и."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀."
|
||||
},
|
||||
{
|
||||
"type": "TEXT",
|
||||
"value": "Оу҆слы́шавши, гдⷭ҇и, мч҃ница параске́ѵа за́пѡвѣди є҆ѵⷢ҇льскїѧ, просла́ви твоѐ бжⷭ҇тво̀."
|
||||
},
|
||||
{
|
||||
"type": "TEXT",
|
||||
"value": "Не принесла̀ є҆сѝ ѿню́дъ же́ртвы де́мѡнѡмъ мє́рзскимъ, же́ртвꙋ жи́вꙋ себѐ гдⷭ҇ꙋ вдала̀ є҆сѝ."
|
||||
},
|
||||
{
|
||||
"type": "TEXT",
|
||||
"value": "Крѣ́пкѡ на сꙋди́щи ста́вши, вопїѧ́ше мч҃ница: со хрⷭ҇то́мъ женихо́мъ мои́мъ распнꙋ́всѧ и҆ возца́рствꙋю съ ни́мъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѡ҆чище́нїе на́шихъ да́рꙋй согрѣше́нїй, ꙗ҆́кѡ безгрѣ́шенъ, и҆ ᲂу҆мирѝ лю́ди твоѧ̑, ꙗ҆́кѡ бла́гъ моли́твами ро́ждшїѧ тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ вѣ́рою воспѣва́ющыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Свѣ́тъ незаходи́мый всели́сѧ въ дꙋшѝ твое́й, да добродѣ́телїю сїѧ́еши, ѡ҆зарѧ́ѧ тебѐ непреста́ннѡ сла́вѧщыѧ."
|
||||
},
|
||||
{
|
||||
"type": "TEXT",
|
||||
"value": "Стрꙋю̀, мч҃нице параске́ѵо, нечести́вагѡ безбо́жїѧ и҆зсꙋши́ла є҆сѝ: течє́нїи кро́вными, непра́веднѡ пролива́еми, ѻ҆́гнь пре́лести погаси́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "Оу҆́мъ и҆мꙋ́щи прозра́ченъ, прⷪ҇ро́ческагѡ да́ра сподо́биласѧ є҆сѝ, хотѧ̑щаѧ бы́ти всѣ̑мъ ꙗ҆́вѣ предглаго́лала є҆сѝ, параске́ѵо многострада́льнаѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мт҃и бж҃їѧ, дꙋшѝ моеѧ̀ ѕло́бꙋ и҆сцѣлѝ, роди́вшаѧ бг҃а сло́ва неизрече́ннѡ. Сегѡ̀ ра́ди всѝ ро́ди блажа́тъ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́тренююще, вопїе́мъ тѝ, гдⷭ҇и, спаси́ ны: ты́ бо є҆сѝ бг҃ъ на́шъ, ра́звѣ тебє̀ и҆но́гѡ не вѣ́мы."
|
||||
},
|
||||
{
|
||||
"type": "TEXT",
|
||||
"value": "Оу҆́тренюющи, мч҃ница вопїѧ́ше параске́ѵа: ничто́же мѧ̀ разлꙋчи́тъ любвѐ хрⷭ҇то́вы."
|
||||
},
|
||||
{
|
||||
"type": "TEXT",
|
||||
"value": "Бжⷭ҇твеннꙋю мч҃ницꙋ мнѣ́въ ѡ҆слабѣ́ти, смѣ́хъ са́мъ ꙗ҆ви́сѧ проны́рливый."
|
||||
},
|
||||
{
|
||||
"type": "TEXT",
|
||||
"value": "Просвѣще́нїе пода́ждь мнѣ̀, всехва́льнаѧ, и҆ многомѧте́жный мо́й ᲂу҆́мъ просвѣтѝ моли́твами твои́ми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Низложѝ непрестаю́щꙋю бꙋ́рю страсте́й, хрⷭ҇та̀ ро́ждшаѧ, ко́рмчїю и҆ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
||||
},
|
||||
{
|
||||
"type": "TEXT",
|
||||
"value": "Возсїѧ́вши и҆зъ ри́ма, ꙗ҆́кѡ сл҃нце свѣ́тлое, ст҃а́ѧ мч҃нице, мра́къ де́мѡнскїй ѿ человѣ̑къ ѿгонѧ́ющи мольба́ми твои́ми, параске́ѵо многострада́льнаѧ."
|
||||
},
|
||||
{
|
||||
"type": "TEXT",
|
||||
"value": "И҆сцѣлє́нїѧ прїе́млютъ приходѧ́щїи прикоснове́нїемъ къ ра́цѣ моще́й твои́хъ, кровоточи́вїи и҆ прокаже́ннїи ѡ҆чища́ютсѧ, и҆ ѿбѣга́ютъ де́мѡнскїѧ полкѝ, призыва́нїемъ ст҃а́гѡ твоегѡ̀ и҆́мене."
|
||||
},
|
||||
{
|
||||
"type": "TEXT",
|
||||
"value": "Оу҆́треневала є҆сѝ ко хрⷭ҇тꙋ̀ невече́рнемꙋ сл҃нцꙋ, и҆ тогѡ̀ свѣтлостьмѝ дꙋ́шꙋ, бг҃омꙋ́драѧ, и҆ се́рдце ѡ҆зари́ла є҆сѝ, параске́ѵо честна́ѧ, и҆ къ свѣ́тꙋ трⷪ҇ческомꙋ, ра́дꙋѧсѧ, прешла̀ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆сцѣлѝ дꙋшѝ моеѧ̀ стра̑сти всенепоро́чнаѧ, безстра́стїѧ ро́ждшаѧ и҆сто́чникъ, и҆ ѿженѝ томи́тельство, непреста́ннѡ смꙋща́ющее се́рдце моѐ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ри́зꙋ мнѣ̀ пода́ждь свѣ́тлꙋ, ѡ҆дѣѧ́йсѧ свѣ́томъ ꙗ҆́кѡ ри́зою, многоми́лостиве хрⷭ҇тѐ бж҃е на́шъ."
|
||||
},
|
||||
{
|
||||
"type": "TEXT",
|
||||
"value": "Ри́зою мѧ̀ съ нб҃сѐ приѡдѣ́й, гдⷭ҇и, вопїѧ́ше параске́ѵа, и҆́же ѻ҆́блаки нб҃са̀ ѡ҆дѣва́ѧй многоми́лостиве."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже и҆зъ ро́ва данїи́ла ᲂу҆слы́ша гдⷭ҇ь, та́кѡ и҆ тебѣ̀, въ темни́цѣ молѧ́щейсѧ, и҆сцѣле́нїе подава́етъ."
|
||||
},
|
||||
{
|
||||
"type": "TEXT",
|
||||
"value": "Мꙋчи́телевꙋ го́рдость низложи́ла є҆сѝ, сама́ же, невреди́ма пребы́вши, на мꙋ́кꙋ дерзнꙋ́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сло́во бж҃їе тѧ̀ земны̑мъ показа̀ нбⷭ҇нꙋю лѣ́ствицꙋ: тобо́ю бо къ на́мъ сни́де."
|
||||
},
|
||||
{
|
||||
"type": "HEADER",
|
||||
"value": "Конда́къ, гла́съ г҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Дв҃а дне́сь:"
|
||||
},
|
||||
{
|
||||
"type": "TEXT",
|
||||
"value": "Всест҃о́е и҆ непоро́чное мꙋче́нїе прине́сши, ꙗ҆́кѡ вѣ́но пречестно́е, безсме́ртномꙋ женихꙋ̀ хрⷭ҇тꙋ̀, а҆́гг҃льское ликостоѧ́нїе возвесели́ла є҆сѝ, и҆ побѣди́ла є҆сѝ де́мѡнскїѧ кѡ́зни. Сегѡ̀ ра́ди тѧ̀ че́стнѡ вѣ́рою чти́мъ, мч҃нице параске́ѵо многострада́льнаѧ."
|
||||
},
|
||||
{
|
||||
"type": "TEXT",
|
||||
"value": "І҆́косъ: Кто̀ и҆зглаго́летъ си̑лы гдⷭ҇ни; и҆лѝ кто̀ повѣ́сть страда̑нїѧ твоѧ̑ и҆ добродѣ́тєли, мч҃нице; и҆лѝ кі́й ѧ҆зы́къ воспѣ́ти возмо́жетъ по досто́инствꙋ; тѣ́мже и҆ а҆́зъ недосто́йный воспѣ́ти покꙋша́юсѧ, хвали́ти же и҆ сла́вити влⷣкꙋ жизнода́вца, да́вшаго тебѣ̀ на три́знищи крѣ́пость, мꙋчи́телей не ᲂу҆боѧ́тисѧ и҆сповѣ́дающей и҆́стиннаго бг҃а. Сегѡ̀ ра́ди тѧ̀ чти́мъ вѣ́рою и҆ любо́вїю, мч҃нице параске́ѵо многострада́льнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Спасы́й во ѻ҆гнѝ а҆враа̑мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆̀же пра́вда пра́веднѡ ᲂу҆ловлѧ́ше: препѣ́тый гдⷭ҇и, бж҃е ѻ҆тє́цъ на́шихъ, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Голꙋби́це, кри́ла и҆мꙋ́щи злата̑ѧ, и҆ ѻ҆рꙋ́жїемъ храни́ма крⷭ҇тнымъ, а҆га́рѧны же, въ нощѝ гра́дꙋ твоемꙋ̀ прибли́жившыѧсѧ, ѿгна́ла є҆сѝ, спа́сши вѣ̑рныѧ ѿ ᲂу҆бі́йства, мч҃нице параске́ѵо, пою́щыѧ: препѣ́тый ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Многоѻбра̑зныѧ бѡлѣ́зни претерпѣ́вши хрⷭ҇та̀ ра́ди, мч҃нице параске́ѵо, неболѣ́зненный ᲂу҆ негѡ̀ ѡ҆брѣла̀ є҆сѝ поко́й, и҆ ра́дꙋющисѧ взыва́еши: препѣ́тый ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ко́ль непобѣди́мь тво́й ра́зꙋмъ, параске́ѵо чⷭ҇тна́ѧ, ꙗ҆́кѡ ѿ нача́льникѡвъ ли́ка мꙋчи́телей мꙋ́къ не ᲂу҆боѧ́ласѧ є҆сѝ. Съ ни́миже бра́вшисѧ, сконча́ласѧ є҆сѝ, ꙗ҆́кѡ слꙋжи́тельница та́йны бжⷭ҇твенныѧ сла́вы, пою́щи: препѣ́тый ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бл҃гослове́нъ пло́дъ бл҃гослове́ннагѡ твоегѡ̀ чре́ва, є҆го́же бл҃гословѧ́тъ нбⷭ҇ныѧ си̑лы, и҆ чл҃вѣ́честїи собо́ри восхвалѧ́ютъ, на́съ и҆зба́вльшаго клѧ́твы дре́внїѧ, бл҃гослове́ннаѧ, пою́щихъ: препѣ́тый ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ꙗ҆ви́шасѧ па́че ᲂу҆ма̀ чꙋдеса̀ бжⷭ҇твенныѧ мч҃ницы, во ю҆́нотствѣ дѣ́вства побѣдѝ мꙋчи́телѧ, зовꙋ́щи: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бꙋ́ихъ загради́ла є҆сѝ бг҃омє́рзскаѧ ᲂу҆ста̀, средѝ сꙋди́ща ста́вши, бг҃а и҆сповѣ́дала є҆сѝ, взыва́ющи: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Забы́вши же́нскꙋю не́мощь, мꙋ́жественнѡ ᲂу҆крѣпи́вшисѧ терпѣ́нїемъ, стра́ждꙋщи, вопїѧ́ла є҆сѝ: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆зъ дв҃и́чєскꙋ бокꙋ̀ вопло́щсѧ, ꙗ҆ви́лсѧ є҆сѝ на спасе́нїе на́ше. Тѣ́мъ, твою̀ мт҃рь вѣ́дꙋще бцⷣꙋ, благода́рнѡ взыва́емъ: ѻ҆тє́цъ на́шихъ бж҃е, благослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть. Тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бжⷭ҇твенными свѣтлостьмѝ сл҃нца мы́сленнагѡ просвѣти́вшисѧ, мч҃нице всехва́льнаѧ параске́ѵо, но́щь претекла̀ є҆сѝ безбо́жїѧ, пою́щи є҆диномы́слїемъ дꙋшѝ: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ а҆́гница, ꙗ҆́кѡ нескве́рнаѧ ю҆́ница, ꙗ҆́кѡ бжⷭ҇твеннаѧ голꙋби́ца, ꙗ҆́кѡ самово́льное заколе́нїе, привела́сѧ є҆сѝ, мч҃нице параске́ѵо, зижди́телю твоемꙋ̀, и҆̀, ꙗ҆́кѡ же́ртва непоро́чна, принесла́сѧ є҆сѝ, согла́снѡ пою́щи: гдⷭ҇а по́йте дѣла̀, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Свѣ́тлꙋ себѣ̀ ѿ крове́й ри́зꙋ мꙋче́нїемъ ѡ҆бложи́ла є҆сѝ, параске́ѵо до́блѧѧ мч҃нице, совле́кшисѧ и҆́стиннѡ тлѣ́ннагѡ со грѣхи̑ человѣ́ка, ра́достнѡ воспѣва́ющи: гдⷭ҇а по́йте дѣла̀, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Во слѣ́дъ тебє̀ теко́ша жєны̀, мѵ́ра сладково́ннагѡ вѣ́дꙋще, всечⷭ҇таѧ бг҃оневѣ́сто, є҆ди́на неискꙋсобра́чнаѧ, и҆зъ ᲂу҆тро́бы твоеѧ̀ возсїѧ́вшаго є҆диноро́днаго сн҃а, хрⷭ҇та̀ бг҃а, и҆ съ тобо́ю црⷭ҇твꙋютъ и҆́стиннѡ, пѣсносло́вѧще є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Цр҃ѧ̀ хрⷭ҇та̀ бг҃а, є҆го́же и҆сповѣ́да дѣ́ва мч҃ница параске́ѵа, воспѣва́ющи: хвали́те и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "За любо́вь бжⷭ҇твенныѧ трⷪ҇цы ѻ҆́гнь безбо́жїѧ погаси́ла є҆сѝ, вопїю́щи: превозноси́те хрⷭ҇та̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Пѡ́двиги, и҆̀же къ бг҃ꙋ, тмы̀ нача́льника низложи́ла є҆сѝ, пою́щи: превозноси́те хрⷭ҇та̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Проти́вныхъ прило́га на ны̀ ᲂу҆гасѝ и҆́скры, дв҃о, ꙗ҆́кѡ да пое́мъ гдⷭ҇а, и҆ превозно́симъ є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее свѧще́нное торжество̀ бг҃ома́тере, и҆ да вопїе́тъ: ра́дꙋйсѧ, всеблаже́ннаѧ бцⷣе, чⷭ҇таѧ приснодв҃о."
|
||||
},
|
||||
{
|
||||
"type": "TEXT",
|
||||
"value": "Въ нбⷭ҇ный черто́гъ все́льшисѧ, дѣ́во параске́ѵо всечестна́ѧ, и҆ неви́димыхъ добро́тъ разꙋ́мнѡ наслади́вшисѧ, воспрїи́мши неизрече́ннꙋю свѣ́тлость, просвѣтѝ пою́щыѧ и҆ велича́ющыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Вѣне́цъ воспрїѧ́ла є҆сѝ на главѣ̀ твое́й, параске́ѵо доблеꙋ́мнаѧ, ꙗ҆́кѡ сконча́вши тече́нїе и҆ сохрани́вши вѣ́рꙋ непоколеби́мꙋ, пра́ведныхъ чи́ни ра́достнѡ тѧ̀ прїѧ́ша. Тѣ́мъ ны́нѣ ᲂу҆блажа́емъ тѧ̀."
|
||||
},
|
||||
{
|
||||
"type": "TEXT",
|
||||
"value": "Подае́ши и҆сцѣле́нїй ка̑пли тре́бꙋющымъ, ꙗ҆́кѡ ѿ и҆сто́чника, всебога́таѧ мч҃нице параске́ѵо, ᲂу҆ставлѧ́ющи то́ки недꙋ́гѡвъ, и҆ страсте́й ѿгонѧ́щи зно́й, сердца̀ благочести́выхъ напаѧ́ющи ко благопло́дїю бжⷭ҇твенныхъ дѣѧ́нїй."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мꙋ́дрости вмѣсти́лище па́че ᲂу҆ма̀ лꙋ́чшагѡ ꙗ҆ви́ласѧ є҆сѝ, ѻ҆трокови́це всенепоро́чнаѧ, ѡ҆дꙋшевле́нъ же прⷭ҇то́лъ и҆ две́рь. Тѣ́мъ, ꙗ҆́кѡ цр҃и́цꙋ, тѧ̀ возлю́бльше дѣ̑вы, во слѣ́дъ тебє̀ приведо́шасѧ, бг҃оѻтрокови́це."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ, спасе́ннїи тобо́ю, дв҃о чⷭ҇таѧ, съ безпло́тными ли̑ки тѧ̀ велича́юще."
|
||||
},
|
||||
{
|
||||
"type": "TEXT",
|
||||
"value": "Вои́стиннꙋ тезоимени́та назва́ласѧ є҆сѝ, параске́ѵо, подо́бѧщисѧ стрⷭ҇те́мъ хрⷭ҇тѡ́вымъ, съ нбⷭ҇ными вѡ́инствы ликꙋ́ющи."
|
||||
},
|
||||
{
|
||||
"type": "TEXT",
|
||||
"value": "Пости́гла є҆сѝ коне́цъ мꙋче́нїѧ мно́гими страстьмѝ и҆ болѣ́зньми твои́ми, со а҆́гг҃лы хрⷭ҇та̀ сла́вѧщи на нб҃сѣ́хъ, всечестна́ѧ."
|
||||
},
|
||||
{
|
||||
"type": "TEXT",
|
||||
"value": "Дерзнове́нїе и҆мꙋ́щи ко сп҃сꙋ и҆ влⷣцѣ, молѝ за пою́щыѧ твою̀ па́мѧть, мч҃нице сла́внаѧ параске́ѵо."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пѣ́сньми тѧ̀ пое́мъ бг҃обл҃года́тнаѧ, и҆ немо́лчнѡ тебѣ̀, ра́дꙋйсѧ, прино́симъ: ты́ бо и҆сточи́ла є҆сѝ всѣ̑мъ на́мъ весе́лїе."
|
||||
},
|
||||
{
|
||||
"type": "HEADER",
|
||||
"value": "Свѣти́ленъ."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Жєны̀ ᲂу҆слы́шите:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ши́покъ краснѣ́йшїй ѿ терно́внагѡ прозѧбла̀ є҆сѝ ко́рене, дѣ́во параске́ѵо ѡ҆броше́нїемъ, мч҃нице, свѧще́ннагѡ страда́нїѧ ѡ҆багри́вшисѧ кро́вїю. И҆ ны́нѣ бжⷭ҇твеннꙋю твою̀ па́мѧть творѧ́щыѧ любо́вїю спаса́ѧй ны̀ ѿ бѣ́дъ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Стоѧ́ще ѻ҆́крестъ тебє̀ дѣ̑вы бг҃омꙋ̑дрыѧ, бг҃ороди́тельнице марі́е, ꙗ҆́кѡ цр҃и́цѣ ро́домъ, твоемꙋ̀ сн҃ꙋ приведо́шасѧ невѣстолѣ́пнѡ, пречⷭ҇таѧ, ꙗ҆́кѡ цр҃ю̀ всѧ́ческихъ. Є҆го́же, мт҃и дв҃о ѻ҆трокови́це, ѡ҆ на́съ молѝ."
|
||||
},
|
||||
{
|
||||
"type": "HEADER",
|
||||
"value": "На хвали́техъ стїхи̑ры, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ꙗ҆́кѡ до́блѧ:"
|
||||
},
|
||||
{
|
||||
"type": "TEXT",
|
||||
"value": "Дѣ́вство нетлѣ́ннѡ, мꙋче́нїе всечꙋ́дно, хрⷭ҇тꙋ̀ принесла̀ є҆сѝ, всечестна́ѧ дѣ́во параске́ѵо. Низложи́ла є҆сѝ шата́нїе пре́лести безбо́жныѧ, си́лою крⷭ҇тною, мꙋ́жественнымъ ра́зꙋмомъ. Тѣ́мже всѧ̀ хрⷭ҇то́ва цр҃ковь пра́зднꙋетъ свѧтꙋ́ю твою̀ па́мѧть."
|
||||
},
|
||||
{
|
||||
"type": "TEXT",
|
||||
"value": "Твоемꙋ̀ страда́нїю, дѣ́во мꙋ́драѧ, и҆ сопротивле́нїю, и҆ неѡдолѣ́нїю ли́цы а҆́гг҃льстїи, бл҃же́ннаѧ параске́ѵо, ꙗ҆́вѣ ᲂу҆диви́шасѧ, ка́кѡ мꙋ́жественнымъ сплете́нїемъ врага̀ неви́димаго разрази́ла є҆сѝ, и҆ побѣ́ды вѣне́цъ ѿ рꙋкѝ жизнода́вца бога́тнѡ прїѧ́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "Ѻ҆гне́мъ ѡ҆палѧ́ема, ѻ҆́гненною мꙋ́дростїю пла́мень ᲂу҆гаси́ла є҆сѝ є҆сте́ственный, и҆ свѣщꙋ̀ неꙋгаси́мꙋ дꙋше́внꙋю соблю́дши, вошла̀ є҆сѝ со хрⷭ҇то́мъ, женихо́мъ твои́мъ въ черто́гъ нбⷭ҇ный. Чꙋде́сными и҆́скрами стра̑сти ᲂу҆мертви́вши, и҆ де́мѡнскїѧ полкѝ страда́льчески побѣди́ла є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Нбⷭ҇ныхъ чинѡ́въ:"
|
||||
},
|
||||
{
|
||||
"type": "TEXT",
|
||||
"value": "Въ нбⷭ҇ныѧ дворы̀ всели́ласѧ є҆сѝ, мч҃нице параске́ѵо, кровьмѝ твои́хъ страда́нїй, въ видѣ́нїи ликостоѧ́нїй причи́слиласѧ є҆сѝ ра́внѡ, всехва́льнаѧ."
|
||||
},
|
||||
{
|
||||
"type": "TEXT",
|
||||
"value": "Мꙋчи́телѧ посрами́ла є҆сѝ, ѡ҆ мꙋ́кахъ небре́гши, и҆ ѕвѣре́й рыка́нїѧ не ᲂу҆страши́ласѧ є҆сѝ, и҆мꙋ́щи хрⷭ҇та̀, помо́щника твоего̀, всехва́льнаѧ."
|
||||
},
|
||||
{
|
||||
"type": "TEXT",
|
||||
"value": "Ра́дꙋющисѧ, текла̀ є҆сѝ, прехва́льнаѧ параске́ѵо, тща́щисѧ коне́цъ мꙋче́нїѧ прїѧ́ти, дѣ́во всехва́льнаѧ, и҆ хрⷭ҇тꙋ̀ ᲂу҆невѣ́стившисѧ та́мѡ, помина́й ны̀, всегда̀ чествꙋ́ющыѧ тѧ̀."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Пѣ́сньми да почестви́тсѧ хрⷭ҇то́ва мч҃ница, подоба́етъ бо є҆́й всѧ́кое хвалосло́вїе: хвала́ми бо и҆спле́тши сво́й вѣне́цъ, то́й непрекло́ннѣй сꙋ́щи и҆ тве́рдѣй, мно́гꙋ мꙋчи́телей ѕло́бꙋ низложѝ. Тѣ́мъ, въ болѣ́знехъ стра́ждꙋщи, вопїѧ́ше: ты̀ мнѣ̀, гдⷭ҇и, бꙋ́ди по́мощь, и҆ не ѡ҆ста́ви менє̀."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Всѐ ѿло́жше:"
|
||||
},
|
||||
{
|
||||
"type": "TEXT",
|
||||
"value": "А҆́гнца своего̀ а҆́гница нескве́рнаѧ дре́вле, и҆ непоро́чнаѧ влⷣчца, на дре́вѣ крⷭ҇тнѣмъ ꙗ҆́кѡ ᲂу҆зрѣ̀, мт҃рски восклица́ше и҆, дивѧ́щисѧ, вопїѧ́ше: ча́до сладча́йшее, что̀ зрѣ́нїе сїѐ но́вое и҆ пресла́вное; ка́кѡ со́нмъ безбл҃года́тный сꙋди́щꙋ пїла́товꙋ предаде́ тѧ, и҆ ѡ҆сꙋжда́етъ на сме́рть, жи́знь всѧ́ческихъ; но воспѣва́ю твоѐ неизрече́нное, сло́ве, снизхожде́нїе."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ, Сла́ва, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ, ꙗ҆́кѡ ѻ҆рꙋ́жїе держа́вно, параске́ѵо мч҃нице держа́щи рꙋка́ми: вѣ́рꙋ, ꙗ҆́кѡ щи́тъ, наде́ждꙋ, ꙗ҆́кѡ броню̀, любо́вь, ꙗ҆́кѡ лꙋ́къ, мꙋчи́телей томле́нїе побѣди́вши мꙋ́жески, и҆ де́мѡнѡвъ кова̑рствїѧ ᲂу҆праздни́ла є҆сѝ бжⷭ҇твенною си́лою: во главꙋ́ же ᲂу҆сѣкнове́на бы́вши, ликꙋ́еши во хрⷭ҇тѣ̀, не преста́й молѧ́щисѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ꙗ҆́кѡ до́блѧ:"
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ́ тѧ ꙗ҆́кѡ ᲂу҆зрѣ̀ пригвожде́на, гдⷭ҇и, а҆́гница и҆ мт҃и твоѧ̀ дивлѧ́шесѧ, и҆ что̀ видѣ́нїе сїѐ, взыва́ше, сн҃е вожделѣ́нне, сїѧ̑ тебѣ̀ невѣ́рный собо́ръ воздадѐ беззако́нный, мно́гихъ твои́хъ чꙋде́съ наслади́выйсѧ; но сла́ва неизглаго́ланномꙋ соше́ствїю твоемꙋ̀, влⷣко."
|
||||
},
|
||||
{
|
||||
"type": "HEADER",
|
||||
"value": "Славосло́вїе вели́кое. И҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "На лїтꙋргі́и, Бл҃жє́нна ѿ канѡ́на пе́рвагѡ, пѣ́снь г҃-ѧ: и҆ втора́гѡ канѡ́на, пѣ́снь ѕ҃-ѧ."
|
||||
},
|
||||
{
|
||||
"type": "HEADER",
|
||||
"value": "Прокі́менъ, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Въ цр҃квахъ благослови́те бг҃а, гдⷭ҇а ѿ и҆стѡ́чникъ і҆и҃левыхъ."
|
||||
},
|
||||
{
|
||||
"type": "HEADER",
|
||||
"value": "А҆пⷭ҇лъ къ корі́нѳѧнѡмъ, зача́ло рп҃а."
|
||||
},
|
||||
{
|
||||
"type": "TEXT",
|
||||
"value": "А҆ллилꙋ́їа: Терпѧ̀ потерпѣ́хъ гдⷭ҇а, и҆ внѧ́тъ мѝ."
|
||||
},
|
||||
{
|
||||
"type": "HEADER",
|
||||
"value": "Є҆ѵⷢ҇лїе лꙋкѝ, зача́ло л҃г."
|
||||
},
|
||||
{
|
||||
"type": "TEXT",
|
||||
"value": "Прича́стенъ: Въ па́мѧть вѣ́чнꙋю:"
|
||||
}
|
||||
]
|
||||
@@ -0,0 +1,682 @@
|
||||
[
|
||||
{
|
||||
"type": "HEADER",
|
||||
"value": "Ѻ҆ктѡ́врїа к҃и"
|
||||
},
|
||||
{
|
||||
"type": "HEADER",
|
||||
"value": "Прпⷣбнагѡ ѻ҆тца̀ на́шего і҆́ѡва, поча́евского чꙋдотво́рца."
|
||||
},
|
||||
{
|
||||
"type": "HEADER",
|
||||
"value": "На ма́лѣй вече́рни, на Гдⷭ҇и воззва́хъ, стїхи̑ры на д҃, гла́съ з҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆ви́сѧ де́нь бл҃говоле́нїѧ бж҃їѧ и҆ пра́здникъ весе́лїѧ: стеце́мсѧ ᲂу҆̀бо, вѣ́рнїи, на го́рꙋ поча́евскꙋю, и҆ воспои́мъ всебл҃же́ннаго і҆́ѡва, честнꙋ́ю па́мѧть тогѡ̀ соверша́юще."
|
||||
},
|
||||
{
|
||||
"type": "TEXT",
|
||||
"value": "Дрема́нїѧ вѣ́ждома, нижѐ сна̀ ѻ҆чи́ма твои́ма да́лъ є҆сѝ, прпⷣбне, бо́дренными мл҃твами и҆ по́стническимъ житїе́мъ гдⷭ҇еви ᲂу҆гожда́ѧ: тѣ́мже ра́достнѡ соверша́емъ па́мѧть твою̀, всече́стне."
|
||||
},
|
||||
{
|
||||
"type": "TEXT",
|
||||
"value": "Прїиди́те, вѣ́рнїи, на ст҃ꙋ́ю го́рꙋ поча́евскꙋю, и҆дѣ́же ᲂу҆го́дникъ бж҃їй подвиза́сѧ въ житїѝ свое́мъ, и҆ ѿ си́лы въ си́лꙋ восхожда́ше: и҆ томꙋ̀ ны́нѣ помо́лимсѧ, да во ѻ҆би́телехъ нбⷭ҇ныхъ водвори́всѧ, мо́литсѧ ко гдⷭ҇ꙋ ѡ҆ сп҃се́нїи дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Не мо́жетъ гра́дъ ᲂу҆кры́тисѧ верхꙋ̀ горы̀ стоѧ̀: ты́ же, прпⷣбне, а҆́ще и҆ въ те́мнѣй ка́меннѣй пеще́рѣ почива́еши нетлѣ́ннымъ тѣ́ломъ твои́мъ, ѻ҆ба́че всѣ́хъ призыва́еши на го́рꙋ поча́евскꙋю, свѣ́тлагѡ ра́ди пра́здника твоегѡ̀, молѧ̀ хрⷭ҇та̀ бг҃а сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ, гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Всест҃а́ѧ бцⷣе, во вре́мѧ живота̀ моегѡ̀ не ѡ҆ста́ви менє̀, человѣ́ческомꙋ предста́тельствꙋ не ввѣ́ри мѧ̀, но сама̀ застꙋпѝ и҆ поми́лꙋй мѧ̀."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Па́мѧть твою̀ дне́сь пра́зднꙋюще, прпⷣбне ѻ҆́тче на́шъ і҆́ѡве, вопїе́мъ тѝ: со а҆́гг҃лы предстоѧ̀ въ дерзнове́нїи мно́зѣ, ѡ҆ всѣ́хъ на́съ, ѻ҆́тче, моли́сѧ ко влⷣцѣ хрⷭ҇тꙋ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
||||
},
|
||||
{
|
||||
"type": "TEXT",
|
||||
"value": "Оу҆́тро и҆ де́нь свѣ́телъ, тво́й пра́здникъ ꙗ҆ви́сѧ, просвѣща́ѧ на́ша сердца̀, вѣ́рою хва́лѧщихъ честны́ѧ твоѧ̀ по́двиги, ѻ҆́тче на́шъ і҆́ѡве."
|
||||
},
|
||||
{
|
||||
"type": "TEXT",
|
||||
"value": "Сті́хъ: Честна̀ пред̾ гдⷭ҇емъ сме́рть прпⷣбныхъ є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ со́лнце на землѝ ѡ҆брѣ́тъ всечестнꙋ́ю і҆кѡ́нꙋ бж҃їѧ мт҃ре на горѣ̀ поча́евстѣй, всесвѣ́тлаѧ ѕвѣзда̀ тоѧ̀ показа́лсѧ є҆сѝ: тѣ́мже и҆ на́съ, пою́щихъ тѧ̀, свѣ́томъ бг҃оразꙋ́мїѧ ѡ҆зарѝ, мл҃твами бцⷣы, і҆́ѡве ѻ҆́тче на́шъ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, гла́съ то́йже:"
|
||||
},
|
||||
{
|
||||
"type": "TEXT",
|
||||
"value": "Всѐ ᲂу҆пова́нїе моѐ на тѧ̀ возлага́ю, мт҃и бж҃їѧ, сохрани́ мѧ под̾ кро́вомъ твои́мъ."
|
||||
},
|
||||
{
|
||||
"type": "HEADER",
|
||||
"value": "Тропа́рь, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Многострада́льнагѡ пра́ѻтца долготерпѣ́нїе стѧжа́въ, крⷭ҇ти́телевꙋ воздержа́нїю ᲂу҆подоблѧ́ѧсѧ, бж҃е́ственныѧ же ре́вности ѻ҆бою̀ прїѻбща́ѧсѧ, тѣ́хъ и҆мена̀ досто́йнѡ прїѧ́ти сподо́билсѧ є҆сѝ, и҆ и҆́стинныѧ вѣ́ры бы́лъ є҆сѝ проповѣ́дникъ безбоѧ́зненъ: тѣ́мже мона́хѡвъ мно́жєства ко хрⷭ҇тꙋ̀ приве́лъ є҆сѝ, и҆ всѧ̑ лю́ди въ правосла́вїи ᲂу҆тверди́лъ є҆сѝ, і҆́ѡве прпⷣбне ѻ҆́тче на́шъ, молѝ сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ:"
|
||||
},
|
||||
{
|
||||
"type": "TEXT",
|
||||
"value": "Є҆́же ѿ вѣ́ка ᲂу҆тае́нное:"
|
||||
},
|
||||
{
|
||||
"type": "HEADER",
|
||||
"value": "На вели́цѣй вече́рни, на Гдⷭ҇и воззва́хъ, стїхи̑ры на и҃, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Прїи́де де́нь па́мѧти твоеѧ̀, і҆́ѡве пресла́вне, и҆ волы́нскаѧ землѧ̀ ра́дости и҆сполнѧ́етсѧ, ꙗ҆́кѡ твои́мъ наꙋче́нїемъ во правосла́вїи ᲂу҆тверди́вшисѧ и҆ твои́ми пѡ́двиги бл҃гоче́стїю наꙋчи́вшисѧ, на твоѧ̑ же мл҃твы ᲂу҆пова́ющи: и҆́миже, ѻ҆́тче прпⷣбне, и҆спросѝ мі́рови ми́ръ и҆ дꙋша́мъ на́шымъ ве́лїю млⷭ҇ть. Два́жды."
|
||||
},
|
||||
{
|
||||
"type": "TEXT",
|
||||
"value": "Во сла́внѣй па́мѧти твое́й, ᲂу҆го́дниче хрⷭ҇то́въ, мона́шестїи собо́ри ликовствꙋ́ютъ, и҆ ѡ҆ бг҃оꙋго́днѣмъ житїѝ ре́вностїю распала́ютсѧ, твои̑мъ же нетлѣ̑ннымъ моще́мъ покланѧ́ющесѧ, ꙗ҆́кѡ живꙋ́щемꙋ тѝ съ на́ми восклица́ютъ: ѻ҆́тче і҆́ѡве, млⷭ҇тиве и҆ бг҃оꙋвѣ́тливе, и҆спросѝ ᲂу҆ гдⷭ҇а мі́рови ми́ръ и҆ дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Кто̀ не подиви́тсѧ твоемꙋ̀ долготерпѣли́вомꙋ житїю̀, ѻ҆́тче прпⷣбне; во трїе́хъ бо ѻ҆би́телехъ твоѧ̑ пресла̑внаѧ дѣѧ̑нїѧ проповѣ́дашасѧ, по́стъ же и҆ сле́зы и҆ бдѣ́нїе, въ пеще́рѣ себє̀ заключе́нїе и҆ во все́мъ себє̀ непощадѣ́нїе, но ко бра́тїи любо́вь ми́лꙋющаѧ, та́темъ проще́нїе и҆ всѣ̑мъ лю́демъ до́брое наꙋче́нїе."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры, гла́съ в҃:"
|
||||
},
|
||||
{
|
||||
"type": "TEXT",
|
||||
"value": "Кі́ими похва́льными вѣнцы̀ ᲂу҆вѧзе́мъ прпⷣбнаго і҆́ѡва, вѣ́ры правосла́вныѧ ᲂу҆чи́телѧ и҆ ратобо́рца, бж҃е́ственныхъ писа́нїй глаша́таѧ, ѻ҆те́ческихъ же преда́нїй списа́телѧ, но и҆ тѧ́жкихъ слꙋ́жбъ и҆сполни́телѧ, землѝ копа́нїемъ и҆ древе́съ сажде́нїемъ себѐ смирѧ́вшаго и҆ всѣ̑мъ ѻ҆́бразъ послꙋша́нїѧ бы́вшаго; сего̀ ны́нѣ нетлѣ́нною сла́вою вѣнча́етъ хрⷭ҇то́съ бг҃ъ на́шъ, и҆мѣ́ѧй ве́лїю млⷭ҇ть. Два́жды."
|
||||
},
|
||||
{
|
||||
"type": "TEXT",
|
||||
"value": "Кі́ими досто́йными бл҃годаре́ньми просла́вимъ і҆́ѡва, поча́евскꙋю похвалꙋ̀ и҆ всеѧ̀ страны̀ рѡссі́йскїѧ ᲂу҆краше́нїе; то́й бо мл҃твами свои́ми нбⷭ҇ный свѣ́тъ въ пеще́рꙋ низведѐ, то́й и҆ по преставле́нїи свое́мъ съ нб҃сѐ ꙗ҆влѧ́етсѧ и҆ мл҃твꙋ возно́ситъ ѡ҆ напа́ствꙋемыхъ лю́дехъ. Та́мѡ во сла́вою вѣнча́етъ є҆го̀ хрⷭ҇то́съ бг҃ъ на́шъ, и҆мѣ́ѧй ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Кі́ими ᲂу҆миле́нными слеза́ми сокрꙋши́мъ растлѣ̑ннаѧ сердца̀ на̑ша, зрѧ́ще і҆́ѡва нетлѣ́нное тѣ́ло, є҆́же по сме́рти а҆́ки жи́во сохранѧ́етсѧ, но во вре́мѧ житїѧ̀ є҆гѡ̀ а҆́ки ме́ртво пребыва́ше, посто́мъ и҆ бдѣ́нїемъ и҆знꙋрѧ́емо; тогѡ̀ ᲂу҆̀бо подвигѡ́мъ подража́ти потщи́мсѧ, да и҆ на́съ во грѧдꙋ́щемъ житїѝ поми́лꙋетъ хрⷭ҇то́съ бг҃ъ на́шъ, и҆мѣ́ѧй ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Твои̑мъ словесє́мъ, гдⷭ҇и, послѣ́довавъ і҆́ѡвъ прпⷣбный, всѧ̑ кра̑снаѧ мі́ра сегѡ̀ во ᲂу҆ме́ты вмѣни́лъ є҆́сть, и҆ ѡ҆ ю҆́ности свое́й неради́въ, и҆з̾мла́да мона́шескомꙋ послꙋша́нїю вдаде́сѧ: тѣ́мже де́мѡнскїѧ кѡ́зни побѣди́въ, а҆дама́нтъ крѣ́покъ правосла́внагѡ бл҃гоче́стїѧ ꙗ҆ви́лсѧ є҆́сть, всю́ же странꙋ̀ сїю̀ свои́ми пѡ́двиги просвѣща́етъ. Тогѡ̀ мл҃твами дꙋ́шы на́шѧ пощадѝ, и҆ да́рꙋй на́мъ по́мыслъ до́брый є҆́же пре́жде конца̀ покаѧ́нїѧ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Ка́кѡ не диви́мсѧ:"
|
||||
},
|
||||
{
|
||||
"type": "HEADER",
|
||||
"value": "Вхо́дъ, и҆ чтє́нїѧ г҃."
|
||||
},
|
||||
{
|
||||
"type": "HEADER",
|
||||
"value": "Премꙋ́дрости соломѡ́новы чте́нїе. (Глава̀ г҃.)"
|
||||
},
|
||||
{
|
||||
"type": "TEXT",
|
||||
"value": "Првⷣныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка: Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: И҆ є҆́же ѿ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. И҆́бо пред̾ лице́мъ человѣ́ческимъ, а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено: И҆ вма́лѣ нака́зани бы́вше, вели́кими бл҃годѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀: и҆ ѡ҆брѣ́те и҆̀хъ досто́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ: и҆ ꙗ҆́кѡ и҆́скры по сте́блїю потекꙋ́тъ: Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀. Ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
||||
},
|
||||
{
|
||||
"type": "HEADER",
|
||||
"value": "Премꙋ́дрости соломѡ́новы чте́нїе. (Главы̑ є҃ и҆ ѕ҃.)"
|
||||
},
|
||||
{
|
||||
"type": "TEXT",
|
||||
"value": "Првⷣницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе бл҃голѣ́пїѧ и҆ вѣне́цъ добро́ты ѿ рꙋкѝ гдⷭ҇ни, занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ. Прїи́метъ щи́тъ непобѣди́мый преподо́бїе: Поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: По́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ бл҃гокрꙋ́гла лꙋ́ка ѻ҆блакѡ́въ, на намѣ́ренїе полетѧ́тъ. И҆ ѿ каменоме́тныѧ ꙗ҆́рости и҆спо́лнь падꙋ́тъ гра́ды, вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дх҃ъ си́лы и҆ ꙗ҆́кѡ ви́хоръ развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо ца́рїе, и҆ разꙋмѣ́йте, навы́кните сꙋдїи̑ концє́въ землѝ. Внꙋши́те держа́щїи мно́жєства, и҆ гордѧ́щїисѧ ѡ҆ наро́дѣхъ ꙗ҆зы́кѡвъ, ꙗ҆́кѡ дана̀ є҆́сть ѿ гдⷭ҇а держа́ва ва́мъ и҆ си́ла ѿ вы́шнѧгѡ."
|
||||
},
|
||||
{
|
||||
"type": "HEADER",
|
||||
"value": "Премꙋ́дрости соломѡ́новы чте́нїе. (Глава̀ д҃.)"
|
||||
},
|
||||
{
|
||||
"type": "TEXT",
|
||||
"value": "Првⷣникъ а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна: нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ, преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: Оу҆го́дна бо бѣ̀ гдⷭ҇ви дꙋша̀ є҆гѡ̀. сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
||||
},
|
||||
{
|
||||
"type": "HEADER",
|
||||
"value": "На лїті́и стїхи́ра хра́ма и҆ ст҃а́гѡ двѣ̀, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Прїиди́те, всѝ слове́нстїи собо́ри, просла́вимъ ѻ҆́бщагѡ сп҃се́нїѧ рачи́телѧ и҆ є҆́реси безбоѧ́зненнаго ѡ҆бличи́телѧ, ни́щихъ пита́телѧ и҆ грѣ́шникѡвъ кро́ткаго вразꙋми́телѧ, па́ѵловꙋ ре́вность ѡ҆ лю́дехъ ꙗ҆ви́вшаго и҆ дерзнове́нїе ве́лїе ко гдⷭ҇ꙋ стѧжа́вшаго: то́й бо и҆ по преставле́нїи свое́мъ болѧ́щыѧ и҆сцѣлѧ́етъ и҆ дерзновє́ннаѧ нашє́ствїѧ ва̑рваръ ѿгонѧ́етъ, на́съ же ᲂу҆миле́нными пѡ́мыслы и҆сполнѧ́етъ и҆ мо́литсѧ при́снѡ ѡ҆ сп҃се́нїи дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ в҃:"
|
||||
},
|
||||
{
|
||||
"type": "TEXT",
|
||||
"value": "Дне́сь ликꙋ́етъ твоѧ̀ ла́ѵра, прпⷣбне ѻ҆́тче і҆́ѡве, и҆ всѝ лю́дїе твоѧ̑ мо́щи лобыза́ти подвиза́ютсѧ, де́мони твоеѧ̀ бл҃года́ти трепе́щꙋтъ, и҆ а҆́гг҃ли ѡ҆ твое́мъ застꙋпле́нїи ра́дꙋютсѧ. Мы́ же непреста́ннѡ вопїе́мъ: ᲂу҆твердѝ твои́ми мл҃твами правосла́вныхъ вѣ́рꙋ, житїѐ на́ше и҆спра́ви и҆ сп҃се́нїе и҆спросѝ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ:"
|
||||
},
|
||||
{
|
||||
"type": "TEXT",
|
||||
"value": "Всѐ ᲂу҆пова́нїе моѐ на тѧ̀ возлага́ю, мт҃и бж҃їѧ, сохрани́ мѧ под̾ кро́вомъ твои́мъ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, сщ҃е́ннаѧ главо̀, і҆́ѡве, волы́нскїѧ страны̀ ᲂу҆краше́нїе, тꙋ́ю бо зри́ши въ правосла́внѣй вѣ́рѣ ᲂу҆твержда́емꙋ, тебѣ̀ ꙗ҆́кѡ жи́вꙋ сꙋ́щꙋ молѧ́щꙋюсѧ и҆ застꙋпле́нїѧ на де́моны просѧ́щꙋю: є҆́йже бꙋ́ди застꙋ́пникъ неѡбори́мый и҆ ѡ҆ все́мъ мі́рѣ моли́твенникъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Честна̀ пред̾ гдⷭ҇емъ сме́рть прпⷣбныхъ є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, сщ҃е́ннаѧ главо̀, прпⷣбне і҆́ѡве, ѕвѣздо̀ ѿ га́лицкїѧ землѝ къ восто́кꙋ прише́дшаѧ и҆ немощны́хъ дꙋ́шы ѡ҆бо́дрившаѧ, во смире́нїи свое́мъ дерзнове́нїю проти́вꙋ є҆́реси лю́ди рѡссі́йскїѧ наста́вившаѧ и҆ къ нбⷭ҇номꙋ црⷭ҇твїю приве́дшаѧ: є҆гѡ́же и҆ на́съ сподо́би предста́тельствомъ твои́мъ, и҆ ѡ҆ все́мъ мі́рѣ бꙋ́ди моли́твенникъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, сщ҃е́ннаѧ главо̀, над̾ волы́нскою страно́ю гдⷭ҇емъ вознесе́ннаѧ, є҆́йже повинꙋ́шасѧ кнѧ́зи и҆ лю́дїе: мы́ же, дꙋхѡ́внаѧ твоѧ̑ ча̑да, се́рдцемъ сокрꙋше́ннымъ къ тебѣ̀ припа́дающе, про́симъ ко ѡ҆долѣ́нїю страсте́й твоеѧ̀ по́мощи, въ ско́рбехъ бл҃годꙋ́шїѧ, и҆ ѡ҆ сме́ртномъ часѣ̀ па́мѧти непреста́нныѧ, и҆ ѡ҆ все́мъ мі́рѣ мл҃твъ твои́хъ. і҆́ѡве прпⷣбне."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Мона́хѡвъ мно́жєства наста́вника тѧ̀ почита́емъ, ѻ҆́тче на́шъ і҆́ѡве: твое́ю бо стезе́ю вои́стиннꙋ пра́вѡ ходи́ти позна́хомъ. Бл҃же́нъ є҆сѝ хрⷭ҇тꙋ̀ рабо́тавъ, и҆ вра́жїю ѡ҆бличи́лъ є҆сѝ си́лꙋ, а҆́гг҃лѡвъ собесѣ́дниче и҆ прпⷣбныхъ соприча́стниче и҆ првⷣныхъ: съ ни́миже моли́сѧ гдⷭ҇еви, поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Безневѣ́стнаѧ дв҃о:"
|
||||
},
|
||||
{
|
||||
"type": "HEADER",
|
||||
"value": "Тропа́рь, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Многострада́льнагѡ пра́ѻтца долготерпѣ́нїе стѧжа́въ, крⷭ҇ти́телевꙋ воздержа́нїю ᲂу҆подоблѧ́ѧсѧ, бж҃е́ственныѧ же ре́вности ѻ҆бою̀ прїѻбща́ѧсѧ, тѣ́хъ и҆мена̀ досто́йнѡ прїѧ́ти сподо́билсѧ є҆сѝ, и҆ и҆́стинныѧ вѣ́ры бы́лъ є҆сѝ проповѣ́дникъ безбоѧ́зненъ: тѣ́мже мона́хѡвъ мно́жєства ко хрⷭ҇тꙋ̀ приве́лъ є҆сѝ, и҆ всѧ̑ лю́ди въ правосла́вїи ᲂу҆тверди́лъ є҆сѝ, і҆́ѡве прпⷣбне ѻ҆́тче на́шъ, молѝ сп҃сти́сѧ дꙋша́мъ на́шымъ. Два́жды."
|
||||
},
|
||||
{
|
||||
"type": "TEXT",
|
||||
"value": "Бцⷣе дв҃о: Є҆ди́ножды."
|
||||
},
|
||||
{
|
||||
"type": "HEADER",
|
||||
"value": "На ᲂу҆́трени, на Бг҃ъ гдⷭ҇ь, тропа́рь прпⷣбномꙋ, два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ: бг҃оро́диченъ."
|
||||
},
|
||||
{
|
||||
"type": "HEADER",
|
||||
"value": "По а҃-й каѳі́смѣ сѣда́ленъ, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Зва́нїю гдⷭ҇ню послѣ́довавъ, роди́тельскїй до́мъ ѡ҆ста́вилъ є҆сѝ, и҆ ѿ тѣ́снагѡ житїѧ̀ на тѣснѣ́йшее преходи́лъ є҆сѝ, но се́рдце твоѐ всѧ̀ притека́ющыѧ къ тебѣ̀ не тѣ́снѡ вмѣща́ше: тѣ́мже дꙋхѡ́внаѧ ча̑да твоѧ̑ ᲂу҆мно́жишасѧ и҆ ѡ҆ гдⷭ҇ѣ возвесели́шасѧ. Є҆го́же молѝ, ѻ҆́тче на́шъ і҆́ѡве, сп҃сти́сѧ вѣ́рою чтꙋ́щымъ ст҃ꙋ́ю па́мѧть твою̀. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Ѡ҆бнови́ла є҆сѝ, чⷭ҇таѧ, бж҃е́ственнымъ ржⷭ҇тво́мъ твои́мъ и҆стлѣ́вшее страстьмѝ земноро́дныхъ ме́ртвенное сꙋщество̀: и҆ воздви́гла є҆сѝ всѧ̑ ѿ сме́рти къ жи́зни нетлѣ́нїѧ. Тѣ́мже тѧ̀ по до́лгꙋ бл҃жи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
||||
},
|
||||
{
|
||||
"type": "HEADER",
|
||||
"value": "По в҃-й каѳі́смѣ сѣда́ленъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Пеще́рнаго затво́рника и҆ бдѣ́ннаго моли́твенника почти́мъ прпⷣбнаго і҆́ѡва, ѿ младе́нства до ста́рости себѐ смирѧ́вшаго и҆ ст҃ꙋ́ю цр҃ковь просла́вльшаго, та̑ти и҆ ѕлодѣ̑и къ покаѧ́нїю приве́дшаго и҆ те́плѣ молѧ́щасѧ ѡ҆ дꙋша́хъ на́шихъ. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Оу҆жа́сно чꙋ́до зача́тїѧ и҆ несказа́ненъ ѻ҆́бразъ ржⷭ҇тва̀ въ тебѣ̀ позна́сѧ, приснодв҃о чⷭ҇таѧ, ᲂу҆жаса́етъ мо́й ᲂу҆́мъ и҆ ᲂу҆дивлѧ́етъ помышле́нїе: сла́ва твоѧ̀, бцⷣе, всѣ̑мъ простре́сѧ, во сп҃се́нїе дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "Ѱало́мъ и҆збра́нный прпⷣбномꙋ."
|
||||
},
|
||||
{
|
||||
"type": "HEADER",
|
||||
"value": "По полѷеле́и сдѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Па́стырскꙋю мꙋ́дрость смиреномꙋ́дрїемъ стѧжа́въ, мнѡ́гимъ бы́лъ є҆сѝ ᲂу҆чи́тель, мона́хѡмъ ѻ҆те́цъ и҆ скорбѧ́щымъ ᲂу҆тѣ́шитель и҆ мл҃твы і҆и҃совы неꙋмолка́ѧй ѻ҆рга́нъ: тѣ́мже моще́й нетлѣ́нїемъ просла́ви тѧ̀ мздовоздаѧ́тель гдⷭ҇ь, є҆го́же непреста́ннѡ молѝ, прегрѣше́нїй ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Нбⷭ҇нꙋю две́рь и҆ кївѡ́тъ, всест҃ꙋ́ю го́рꙋ, свѣ́тлый ѻ҆́блакъ воспои́мъ, неѡпали́мꙋю кꙋпинꙋ̀, слове́сный ра́й, є҆́ѵы воззва́нїе, вселе́нныѧ всеѧ̀ вели́кое сокро́вище, ꙗ҆́кѡ сп҃се́нїе въ не́й содѣ́ласѧ мі́рꙋ, и҆ ѡ҆ставле́нїе дре́внихъ согрѣше́нїй. Сегѡ̀ ра́ди вопїе́мъ є҆́й: моли́сѧ сн҃ꙋ твоемꙋ̀, прегрѣше́нїй ѡ҆ставле́нїе дарова́ти бл҃гоче́стнѡ покланѧ́ющымсѧ всест҃о́мꙋ ржⷭ҇твꙋ̀ твоемꙋ̀."
|
||||
},
|
||||
{
|
||||
"type": "HEADER",
|
||||
"value": "Степє́нна, а҃-й а҆нтїфѡ́нъ д҃-гѡ гла́са."
|
||||
},
|
||||
{
|
||||
"type": "HEADER",
|
||||
"value": "Прокі́менъ, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Честна̀ пред̾ гдⷭ҇емъ сме́рть прпⷣбныхъ є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
||||
},
|
||||
{
|
||||
"type": "HEADER",
|
||||
"value": "Є҆ѵⷢ҇лїе ѿ матѳе́а, зача́ло м҃г."
|
||||
},
|
||||
{
|
||||
"type": "HEADER",
|
||||
"value": "По н҃-мъ ѱалмѣ̀ стїхи́ра, гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Прпⷣбне ѻ҆́тче, во всю̀ зе́млю и҆зы́де вѣща́нїе и҆справле́нїй твои́хъ: тѣ́мъ на нб҃сѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ, де́мѡнскїѧ погꙋби́лъ є҆сѝ полкѝ, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ без̾ поро́ка поревнова́лъ є҆сѝ. Дерзнове́нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆спросѝ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ бцⷣѣ на ѕ҃: и҆ прпⷣбномꙋ на и҃, по а҆́збꙋцѣ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ прпⷣбномꙋ и҆ бг҃оно́сномꙋ і҆́ѡвꙋ, поча́евскомꙋ чꙋдотво́рцꙋ. Гла́съ и҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Посѣ́ченный несѣко́маго пресѣчѐ, и҆ ви́дѣ со́лнце зе́млю, ю҆́же не ви́дѣ: лю́таго врага̀ вода̀ потопѝ, и҆ непроходи́мое про́йде і҆и҃ль. Пѣ́снь же воспѣва́шесѧ: гдⷭ҇еви пои́мъ, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "А҆́гг҃ла земна́го и҆ нбⷭ҇наго человѣ́ка, і҆́ѡва прпⷣбнаго, волы́нскꙋю похвалꙋ̀, досто́йнѡ воспѣ́ти помози́ ми, сло́ве бж҃їй, презира́ѧ моѧ̑ прегрѣшє́нїѧ и҆ подава́ѧ сло́во ᲂу҆стѡ́мъ мои̑мъ."
|
||||
},
|
||||
{
|
||||
"type": "TEXT",
|
||||
"value": "Бы́лъ є҆сѝ, прпⷣбне, вои́стиннꙋ мі́рꙋ свѣти́льникъ пресвѣ́телъ, всѣ̑мъ пꙋ́ть сп҃се́нїѧ показꙋ́ѧй: тѣ́мже и҆ мнѣ̀ бꙋ́ди помо́щникъ во є҆́же просла́вити житїѐ твоѐ и҆ ᲂу҆миле́нїе стѧжа́ти."
|
||||
},
|
||||
{
|
||||
"type": "TEXT",
|
||||
"value": "Въ домꙋ̀ роди́телей твои́хъ пе́рвѣе позна́лъ є҆сѝ гдⷭ҇а, і҆́ѡве сла́вне, и҆ ѻ҆́трокъ сы́й, ра́зꙋмъ соверше́нъ показа́лъ є҆сѝ, є҆гда̀ мона́шеское житїѐ и҆зво́лилъ є҆сѝ, всѧ̑ же житє́йскаѧ преѡби́дѣвъ, є҆ди́наго бг҃а возлюби́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Горѣ̀ ѻ҆́чи твоѝ и҆ дꙋ́шꙋ возносѧ̀, во ѻ҆би́тели ᲂу҆го́рництѣй бра́тїю въ бг҃оꙋго́днѣмъ житїѝ ско́рѡ превозше́лъ є҆сѝ, хꙋ́ждша всѣ́хъ себѐ помышлѧ́ѧ и҆ тѣ́мъ лꙋ́чшїй і҆и҃сꙋ ꙗ҆влѧ́ѧсѧ, ста́рцємъ же и҆ ю҆́нымъ ѻ҆́бразъ бы́въ прелюбе́знѣйшїй."
|
||||
},
|
||||
{
|
||||
"type": "TEXT",
|
||||
"value": "До́брѣ тѧ̀ на дїа́волы во́инствовавша помышлѧ́ѧ, прпⷣбне, своеѧ̀ стыждꙋ́сѧ лѣ́ности, и҆ мно́жества грѣхѡ́въ мои́хъ ᲂу҆жаса́юсѧ: но твои́ми, ст҃е, мл҃твами да́рꙋй мѝ жела́нїе бл҃го́е, во є҆́же про́чее вре́мѧ житїѧ̀ моегѡ̀ въ покаѧ́нїи сконча́ти."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ бж҃їѧ мт҃и дерзнове́нїе и҆мꙋ́щи къ ро́ждшемꙋсѧ и҆з̾ тебє̀, є҆диноро́дномꙋ сло́вꙋ, и҆ ѻ҆ц҃ꙋ̀ собезнача́льномꙋ, и҆ соесте́ственномꙋ дх҃ꙋ, молѧ́щи не преста́й ѿ бѣ́дъ сп҃стѝ, всенепоро́чнаѧ, тѧ̀ бцⷣꙋ сла́вѧщыѧ."
|
||||
},
|
||||
{
|
||||
"type": "HEADER",
|
||||
"value": "Катава́сїа по ᲂу҆ста́вꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆тверди́сѧ се́рдце моѐ во гдⷭ҇ѣ, вознесе́сѧ ро́гъ мо́й въ бз҃ѣ мое́мъ, разшири́шасѧ на врагѝ моѧ̑ ᲂу҆ста̀ моѧ̑, возвесели́хсѧ ѡ҆ сп҃се́нїи твое́мъ."
|
||||
},
|
||||
{
|
||||
"type": "TEXT",
|
||||
"value": "Є҆́сть во мнѣ̀, ѻ҆́тче прпⷣбне, до́брагѡ и҆справле́нїѧ жела́нїе, но и҆скꙋше́нїѧ лѣ́ности побѣжда́ти не навыко́хъ, ᲂу҆вы̀ мнѣ̀. Ѻ҆ба́че на по́мощь твою̀ надѣ́ѧсѧ, ᲂу҆ны́нїѧ по́мыслы ѿгонѧ́ю, на твоѧ̑ же взира́ю сла̑вныѧ по́двиги."
|
||||
},
|
||||
{
|
||||
"type": "TEXT",
|
||||
"value": "Желѣ́зо нарече́сѧ ро́дъ тво́й, і҆́ѡве прпⷣбне, крѣ́пость дꙋшѝ твоеѧ̀ пред̾ꙋказꙋ́ѧ: въ пеще́рѣ же ка́меннѣ заключи́всѧ, ꙗ҆́кѡ зла́то сокрове́но, ѡ҆ст҃и́лъ є҆сѝ мѣ́сто пѡ́двигъ твои́хъ, и҆ го́рꙋ поча́евскꙋю ꙗ҆́кѡ стѣ́нꙋ мѣ́дѧнꙋ проти́вꙋ врагѡ́въ правосла́вїѧ ꙗ҆ви́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ѕѣлѡ̀ ᲂу҆глꙋби́шасѧ помышлє́нїѧ твоѧ̑, ꙗ҆̀же ѡ҆ нбⷭ҇нѣмъ црⷭ҇твїи, є҆гда̀, є҆щѐ ѻ҆́трокъ сы́й, а҆́гг҃льскїй ѻ҆́бразъ воспрїѧ́лъ є҆сѝ: тѣ́мже и҆ сщ҃е́нникъ бы́въ бг҃ꙋ вѣ́ренъ, да́же ны́нѣ молє́нїѧ ѡ҆ лю́дехъ возно́сиши, і҆́ѡве прпⷣбне."
|
||||
},
|
||||
{
|
||||
"type": "TEXT",
|
||||
"value": "Землѧ̀ га́лицкаѧ ю҆́ностїю твое́ю сла́витсѧ, и҆ дꙋ́бенскаѧ ѻ҆би́тель мꙋ́жєскїѧ по́двиги твоѧ̑ бл҃говѣствꙋ́етъ, ѻ҆би́тель же поча́евскаѧ ста́ростїю твое́ю хва́литсѧ и҆ бл҃же́нною кончи́ною весели́тсѧ, всѧ́ же вселе́ннаѧ ѡ҆ чꙋдесѣ́хъ твои́хъ ра́дꙋетсѧ и҆ ликовствꙋ́етъ."
|
||||
},
|
||||
{
|
||||
"type": "TEXT",
|
||||
"value": "И҆́же подае́ши бл҃га̑ѧ всѣ̑мъ молѧ́щымсѧ тебѣ̀, и҆ менѐ припа́дающа не ѿри́ни, свѧ́тче, но покаѧ́нїе моѐ зрѧ̀, да́ждь мѝ житїѧ̀ и҆справле́нїе, ре́вность же вдохнѝ, є҆́же подража́ти твои̑мъ бг҃олюби̑вымъ дѣѧ́нїємъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆мерщвле́нный мо́й ᲂу҆́мъ, живо́тнымъ дѣ́йствомъ и҆з̾ тебє̀ ꙗ҆́вльшимсѧ мі́рꙋ, воздви́гни, чтⷭ҇аѧ, и҆ къ жи́зни наста́ви, ꙗ҆́же сме́рти двє́ри разо́ршаѧ є҆ди́на ржⷭ҇тво́мъ твои́мъ."
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Дне́сь и҆сполнѧ́етсѧ ра́дости ѻ҆би́тель поча́евскаѧ, твоѐ бг҃олюби́вое житїѐ прославлѧ́ющи: дне́сь хрⷭ҇тоимени́тїи лю́дїе ре́вностїю сп҃се́нїѧ просвѣща́ютсѧ, зрѧ́ще нетлѣ́нїемъ просла́влєнныѧ мо́щи твоѧ̑, прпⷣбне: дне́сь грѣхѡ́вныѧ ѿгонѧ́ютсѧ стра̑сти, и҆ по́мыслы покаѧ́нїѧ дꙋ́шы на́шѧ ѡ҆б̾е́млютъ, въ ни́хже ᲂу҆твердѝ всѣ́хъ, пресла́вне, вѣ́рнѡ почита́ющихъ па́мѧть твою̀."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ всенепоро́чнаѧ невѣ́ста творца̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, прїѧ́телище ꙗ҆́кѡ сꙋ́щи ᲂу҆тѣ́шителѧ, всепѣ́таѧ, беззако́нїѧ мѧ̀ сꙋ́ща скве́рное ѻ҆би́телище, и҆ де́монѡвъ и҆гра́лище въ ра́зꙋмѣ бы́вша, потщи́сѧ ѿ тѣ́хъ ѕлодѣ́йства мѧ̀ и҆зба́вити, и҆ свѣ́тлое жили́ще добродѣ́телей совершѝ, свѣтоно́снаѧ нетлѣ́ннаѧ: ѿженѝ ѡ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ, мл҃твами твои́ми."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прⷪ҇ро́къ а҆ввакꙋ́мъ ᲂу҆́мныма ѻ҆чи́ма прови́дѣ, гдⷭ҇и, прише́ствїе твоѐ, тѣ́мъ и҆ вопїѧ́ше: ѿ ю҆́га прїи́детъ бг҃ъ. Сла́ва си́лѣ твое́й, сла́ва снизхожде́нїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "І҆́ѡве прпⷣбне, ѡ҆ всѣ́хъ моли́твенникъ бꙋ́ди те́плый, твоемꙋ̀ застꙋпле́нїю вѣ́рꙋющихъ, свое́ же ѡ҆каѧва́ющихъ житїѐ и҆ на бж҃їе милосе́рдїе ᲂу҆пова́ющихъ, а҆́ще и҆ прельще́ньми житїѧ̀ сегѡ̀ вла́ющихсѧ."
|
||||
},
|
||||
{
|
||||
"type": "TEXT",
|
||||
"value": "Кто̀ ѿ человѣ̑къ не подиви́тсѧ долготерпѣли́вомꙋ житїю̀ твоемꙋ̀, ѻ҆́тче; кто́ ли не просла́витъ твоеѧ̀ ѡ҆ правосла́вїи ре́вности; ты́ бо, ꙗ҆́кѡ а҆дама́нтъ крѣ́покъ, є҆ретїкѡ́мъ противоста́лъ є҆сѝ, и҆ и҆́стинныѧ вѣ́ры проповѣ́данїе, словесы́ же и҆ писа́ньми всѣ̑мъ препо́далъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Льва̀ рыка́юща и҆ и҆́щꙋща поглоти́ти дꙋ́шъ сп҃са́емыхъ мл҃твою твое́ю побѣди́лъ є҆сѝ, ѻ҆́тче, но и҆ томꙋ̀ слꙋжа́щыѧ лю́ди въ покаѧ́нїе приводи́лъ є҆сѝ, та̑ти милосе́рдїемъ твои́мъ постыжда́ѧ и҆ вразꙋмлѧ́ѧ, граби́тєли же ѡ҆бличе́ньми ᲂу҆страша́ѧ и҆ всѧ̑ наꙋча́ѧ сп҃си́тельномꙋ покаѧ́нїю."
|
||||
},
|
||||
{
|
||||
"type": "TEXT",
|
||||
"value": "Мра́къ дꙋшѝ моеѧ̀, ѻ҆́тче, предста́тельствомъ твои́мъ разсѣ́й, и҆ свѣ́томъ за́повѣдей гдⷭ҇нихъ просвѣтѝ моѐ ѡ҆каѧ́нное се́рдце, да и҆ а҆́зъ твои̑мъ ᲂу҆ченикѡ́мъ послѣ́дꙋѧ, тѣ́хъ ча́сти лише́нъ не пребꙋ́дꙋ, твою̀ восхвалѧ́ѧ ст҃ꙋ́ю па́мѧть."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бг҃а и҆з̾ тебє̀ воплоще́ннаго молѝ, непрело́жнѡ, є҆́же бѣ̀, пребы́вша, и҆ є҆сте́ственнѡ ра́вна ѻ҆ц҃ꙋ̀, и҆ дх҃ꙋ сопресто́льна, проще́нїе прегрѣше́нїй и҆ дꙋ́шъ сп҃се́нїе пою́щымъ тѧ̀ вѣ́рою дарова́ти."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мра́къ дꙋшѝ моеѧ̀ разженѝ, свѣтода́вче хрⷭ҇тѐ бж҃е, началоро́днꙋю тьмꙋ̀ и҆згна́въ бе́здны, и҆ да́рꙋй мѝ свѣ́тъ повелѣ́нїй твои́хъ, сло́ве, да ᲂу҆́тренюѧ сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "На́шъ є҆сѝ вои́стиннꙋ предста́тель и҆ чꙋдотво́рецъ пресвѣ́тлый, взыва́ше дїонѵ́сїй, ѡ҆брѣты́й мо́щи твоѧ̑ тлѣ́нїю неприча̑стны. Мы́ же, сїѧ̑ лобыза́юще, вопїе́мъ: на́шихъ скве́рнъ не возгнꙋша́йсѧ, ᲂу҆го́дниче бж҃їй, но твои́ми мл҃твами сїѧ̀ ѡ҆чи́сти."
|
||||
},
|
||||
{
|
||||
"type": "TEXT",
|
||||
"value": "Ѡ҆правда́нїємъ бж҃їимъ ѿ ю҆́ности, ѻ҆́тче, наꙋча́емь, сꙋеты̀ жите́йскїѧ ᲂу҆клони́тисѧ крѣ́пкѡ возжела́лъ є҆сѝ, безмо́лвїе же возлюби́лъ є҆сѝ: ѻ҆ба́че велѣ́нїю хрⷭ҇то́вꙋ не противлѧ́ѧсѧ, притека́ющыѧ къ тебѣ̀ пра́вомꙋ и҆сповѣ́данїю и҆ є҆ѵⷢ҇льскомꙋ житїю̀ наꙋча́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Предста́тель ꙗ҆ви́лсѧ є҆сѝ и҆ по преставле́нїи твое́мъ стра́ждꙋщымъ и҆ скорбѧ́щымъ человѣ́кѡмъ: та́кѡ бо тѧ̀ ви́дѣша лю́дїе и҆з̾ гро́ба твоегѡ̀ и҆сходѧ́ща и҆ со а҆́гг҃лы посредѣ̀ це́ркве молѧ́щасѧ! Ѽ чꙋ́до пресла́вное вои́стиннꙋ! Ѽ ра́дость вѣ̑рнымъ и҆ ᲂу҆твержде́нїе!"
|
||||
},
|
||||
{
|
||||
"type": "TEXT",
|
||||
"value": "Рачи́тель бы́въ нбⷭ҇нагѡ црⷭ҇твїѧ, ѡ҆ свое́мъ та́мѡ вхожде́нїи и҆звѣствꙋ́ешисѧ, и҆ кромѣ̀ болѣ́зни и҆ стра́ха пресе́льникъ ꙗ҆влѧ́ешисѧ лꙋ́чшїѧ жи́зни, бра́тїи же твоеѧ̀ ᲂу҆чи́тель и҆ ᲂу҆пова́нїе."
|
||||
},
|
||||
{
|
||||
"type": "TEXT",
|
||||
"value": "Сопꙋ́тникъ житїю̀ моемꙋ̀ бꙋ́ди, ѻ҆́тче і҆́ѡве, мл҃твою твое́ю ѡ҆гражда́й многомѧте́жнꙋю мою̀ дꙋ́шꙋ, и҆ введѝ ю҆̀ въ нбⷭ҇ное црⷭ҇тво, твои́ми ᲂу҆миле́ннꙋю пѡ́двиги, хрⷭ҇тꙋ́ же покаѧ́нныѧ приносѧ́щꙋю сле́зы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тѧ̀ стѣ́нꙋ и҆мꙋ́ще и҆ предста́тельствомъ твои́мъ соблюда́еми, твое́ю бж҃е́ственною сла́вою хва́лѧщесѧ, тѧ̀ бл҃жи́мъ: ты́ бо, всечⷭ҇таѧ, дꙋша́мъ на́шымъ и҆сточа́еши весе́лїе и҆ ра́дованїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: І҆ѡ́нꙋ въ ки́тѣ, гдⷭ҇и, є҆ди́наго всели́лъ є҆сѝ, мене́ же свѧ́зана мре́жами вра́жїими, ꙗ҆́кѡ ѿ тлѝ ѻ҆́наго, сп҃сѝ."
|
||||
},
|
||||
{
|
||||
"type": "TEXT",
|
||||
"value": "Тве́рдое ᲂу҆пова́нїе на предста́тельство твоѐ возлага́ю, прпⷣбне, и҆ вѣ́рою молю́сѧ: да́ждь мѝ страсте́й лю́тыхъ ѡ҆долѣ́нїе, сме́рти же непреста́ннꙋю па́мѧть и҆ бл҃же́нства жела́нїе грѧдꙋ́щагѡ вѣ́ка."
|
||||
},
|
||||
{
|
||||
"type": "TEXT",
|
||||
"value": "Оу҆твержда́етсѧ тобо́ю, прпⷣбне, ст҃а́ѧ цр҃ковь, є҆́ресь же всѧ́каѧ посрамлѧ́етсѧ, ѡ҆бличе́нїе и҆мꙋ́щи твоѧ̑ многоцѣлє́бныѧ мо́щи, и҆ житїѧ̀ твоегѡ̀ столѣ́тнѧгѡ трꙋды̀, и҆ болѣ̑зни, и҆ сле́зы, и҆ по́стъ, и҆ пло́ти ѿ косте́й ѿпаде́нїе."
|
||||
},
|
||||
{
|
||||
"type": "TEXT",
|
||||
"value": "Фараѡ́на мы́сленнаго побѣжда́ше і҆́ѡвъ прпⷣбный, послꙋша́нїю всегда̀ прилѣжѧ̀ и҆ ѡ҆бꙋрева́ємымъ на по́мощь приходи́ти не ѿрица́ѧсѧ: и҆ та́кѡ трѝ ѻ҆би́тєли ᲂу҆че́нїемъ свои́мъ просвѣти́въ и҆ пѡ́двиги мно́гими просла́вивъ, веселѧ́ше сп҃са всѣ́хъ, чл҃вѣколю́бца."
|
||||
},
|
||||
{
|
||||
"type": "TEXT",
|
||||
"value": "Хрⷭ҇то́вꙋ смире́нїю подража́ше і҆́ѡвъ, є҆гда̀ нача́льство, ꙗ҆́кѡ слꙋже́нїе всѣ̑мъ, прїѧ́тъ, и҆ и҆гꙋ́менъ сы́й, въ тѧ́жкихъ слꙋ́жбахъ подвиза́шесѧ, бра́тїи же бѧ́ше ѻ҆́бразъ кро́тости и҆ трꙋдолю́бїѧ пра́вило и҆ ѡ҆ мл҃твѣ при́сное напомина́нїе."
|
||||
},
|
||||
{
|
||||
"type": "TEXT",
|
||||
"value": "Ѿ скве́рныхъ и҆зба́ви мѧ̀ страсте́й твои́ми мл҃твами, тѣ́хъ ѡ҆долѣ́нїе мнѣ̀ подава́ѧ бж҃е́ственныѧ по́мощи при́снымъ призыва́нїемъ, и҆ на себѐ ненадѣ́ѧнїемъ, и҆ бра́та моегѡ̀ неѡсꙋжде́нїемъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Вознесла̀ є҆сѝ всеи́стиннѡ па́дшеесѧ человѣ́ческое сꙋщество̀, во зра́цѣ бж҃е́ственнѣмъ, и҆ ѻ҆ц҃а̀ въ ра́венствѣ, ви́димаго сн҃а неизмѣ́ннаго, бг҃ома́ти, без̾ сѣ́мене во чре́вѣ поноси́вши."
|
||||
},
|
||||
{
|
||||
"type": "HEADER",
|
||||
"value": "Конда́къ, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ꙗ҆ви́лсѧ є҆сѝ дне́сь вселе́ннѣй:"
|
||||
},
|
||||
{
|
||||
"type": "TEXT",
|
||||
"value": "Ꙗ҆ви́лсѧ є҆сѝ и҆́стинныѧ вѣ́ры сто́лпъ, є҆ѵⷢ҇льскихъ же за́повѣдей ревни́тель, горды́ни ѡ҆бличе́нїе, смирє́ннымъ же предста́тель и҆ наꙋче́нїе: тѣ́мже и҆ ᲂу҆блажа́ющымъ тѧ̀ грѣхѡ́въ ѿпꙋще́нїе и҆спросѝ, и҆ ѻ҆би́тель твою̀ невреди́мꙋ сохранѝ, і҆́ѡве ѻ҆́тче на́шъ, многострада́льномꙋ подо́бный."
|
||||
},
|
||||
{
|
||||
"type": "TEXT",
|
||||
"value": "І҆́косъ: Ѿве́рзи ᲂу҆ста̀ твоѧ̑, пеще́ро ка́меннаѧ, и҆ рцы̀ на́мъ, колькра́ты тѡ́ки сле́зъ і҆́ѡвлихъ ѡ҆мочи́ласѧ є҆сѝ. Ка́кѡ тогѡ̀ воздыха̑нїѧ твои́хъ стѣ́нъ не расторго́ша, ка́кѡ свѣ́тъ бж҃е́ственный тебє̀ не сожжѐ, ка́кѡ а҆́гг҃ли бдѣ̑ннымъ подвигѡ́мъ і҆́ѡвлимъ диви́шасѧ, тѣ́ми бо ѡ҆ст҃и́сѧ землѧ̀ га́лицкаѧ и҆ волы́нскаѧ; мы́ же сїѧ̑ всѧ̑ помышлѧ́юще, слеза́ми ᲂу҆миле́нїѧ ѻ҆́чи на́ши и҆сполнѧ́емъ: є҆́сть бо прпⷣбный і҆́ѡвъ ᲂу҆го́дникъ ди́вный, многострада́льномꙋ подо́бный."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На по́ли деи́рѣ и҆ногда̀ мꙋчи́тель пе́щь поста́ви на мꙋче́нїе бг҃оно́сныхъ, въ не́йже трїѐ ѻ҆́троцы пѣсносло́вѧхꙋ є҆ди́наго бг҃а, тро́ичнѡ воспѣва́хꙋ, глаго́люще: ѻ҆тцє́въ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Лю́ди правосла̑вныѧ, тѧ̀ блажа́щыѧ, прпⷣбне і҆́ѡве, ᲂу҆крѣпѝ на врагѝ, и҆ ѡ҆ цр҃кви ми̑рнаѧ глаго́ли въ се́рдце и҆́хъ: всѣ̑мъ є҆диномы́слїе и҆спросѝ ᲂу҆ бг҃а, и҆ дрꙋ́гъ ко дрꙋ́гꙋ любо́вь, и҆ ѡ҆ правосла́вїи ре́вность."
|
||||
},
|
||||
{
|
||||
"type": "TEXT",
|
||||
"value": "Ча́шꙋ житїѧ̀ твоегѡ̀ пи́ти, гдⷭ҇и, не могꙋ̀ а҆́зъ ѡ҆каѧ́нный, боѧ́знїю скорбе́й ѡ҆бꙋрева́емь и҆ страсте́й сплета́емь те́рнїемъ. Ѻ҆ба́че молю́сѧ: і҆́ѡва, твоегѡ̀ ᲂу҆го́дника, мл҃твами поми́лꙋй мѧ̀, и҆ помози́ ми грѣхо́внꙋю ѡ҆трѧстѝ лѣ́ность."
|
||||
},
|
||||
{
|
||||
"type": "TEXT",
|
||||
"value": "Широ́кїй пꙋ́ть, поги́бель дꙋшѝ предносѧ́щїй, возненави́дѣвъ, і҆́ѡве прпⷣбне, въ тѣ́снѣй пеще́рѣ заключи́лсѧ є҆сѝ, и҆ тѣ́снагѡ пꙋтѝ жи́зни въ нача́льствѣ твое́мъ не ᲂу҆клони́лсѧ є҆сѝ, де́нь и҆ но́щь въ мл҃твѣ и҆ трꙋдѣ́хъ пребыва́ѧ и҆ наꙋче́нїе здра́вое всѣ̑мъ приходѧ́щымъ къ тебѣ̀ подава́ѧ."
|
||||
},
|
||||
{
|
||||
"type": "TEXT",
|
||||
"value": "Ще́дръ бы́лъ є҆сѝ ни́щымъ, ка́ющымсѧ же ми́лостивъ, и҆ наꙋче́нїѧ тре́бꙋющымъ ᲂу҆чи́тель кро́токъ, бж҃е́ственныѧ же мꙋ́дрости люби́тель, и҆ є҆ѵⷢ҇льскихъ за́повѣдей проповѣ́дникъ, кни́гъ же бж҃е́ственныхъ и҆зда́тель, и҆ є҆́реси безбоѧ́зненный ѡ҆бличи́тель."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мр҃і́ю пречⷭ҇тꙋю и҆ всест҃ꙋ́ю восхва́лимъ: то́ю бо бл҃года́ть на́мъ и҆сточа́етсѧ па́че ᲂу҆ма̀ дарѡ́въ, ꙗ҆́кѡ ѿ пото́ка бж҃е́ственныѧ бл҃гости: ю҆́же бл҃гочести́вымъ по́мысломъ ны́нѣ ᲂу҆блажа́емъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Покрыва́ѧй вода́ми превы́спрєннаѧ своѧ̑, полага́ѧй мо́рю предѣ́лъ песо́къ, и҆ содержа́й всѧ̀, тѧ̀ пое́тъ со́лнце, тѧ̀ сла́витъ лꙋна̀, тебѣ̀ прино́ситъ пѣ́снь всѧ̀ тва́рь, ꙗ҆́кѡ содѣ́телю всѣ́хъ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Ѣ҆́дꙋщымъ и҆ и҆дꙋ́щымъ во ѡ҆би́тель твою̀ безчи́слєннымъ лю́демъ, ко твои̑мъ же моще́мъ припа́дающымъ, бꙋ́ди дарова́нїй дх҃о́вныхъ пода́тель, тѣле́сныхъ же болѣ́зней цѣли́тель и҆ пред̾ сп҃сомъ те́плый ѡ҆ всѣ́хъ предста́тель, і҆́ѡве, землѝ волы́нскїѧ сла́во и҆ ᲂу҆краше́нїе."
|
||||
},
|
||||
{
|
||||
"type": "TEXT",
|
||||
"value": "Ю҆́ноша тѣ́ломъ, но ста́рецъ ᲂу҆мо́мъ въ нача́лѣ мона́шескагѡ житїѧ̀ твоегѡ̀ бы́лъ є҆сѝ, ѻ҆́тче: соста́рѣвсѧ же пло́тїю, ю҆́ношескꙋю бо́дрость въ трꙋдѣ́хъ ꙗ҆влѧ́лъ є҆сѝ, землѝ копа́нїемъ и҆ древе́съ насажде́нїемъ ѻ҆́бразъ всѣ̑мъ смиреномꙋ́дрїѧ подава́ѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆вле́нїе твоѐ со а҆́гг҃лы вкꙋ́пѣ смире́ннꙋю дѣ́вꙋ ᲂу҆жаса́ше, здра́вїе же ᲂу҆ченикꙋ̀ твоемꙋ̀ подава́ше, и҆ всѧ̑ лю́ди на славосло́вїе бг҃ови воздвиза́ше, и҆́стиннꙋю же ᲂу҆твержда́ше въ ни́хъ вѣ́рꙋ, и҆ є҆реті́чєскаѧ ѿрѣва́ше нападє́нїѧ."
|
||||
},
|
||||
{
|
||||
"type": "TEXT",
|
||||
"value": "Ѳѷмїа́момъ мл҃твъ твои́хъ и҆ менѐ ѡ҆бл҃гоꙋха́й, і҆́ѡве пресла́вне, мои́хъ грѣхѡ́въ ѕлосмра́дїе тѣ́мъ ѿгонѧ́ѧ и҆ ᲂу҆пова́нїе на гдⷭ҇а вселѧ́ѧ въ мою̀ смра́днꙋю дꙋ́шꙋ, да. Бл҃года́тїю бж҃їею ѡ҆чища́емь, воспою̀ твоѐ, пребл҃же́нне, крѣ́пкое застꙋпле́нїе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бг҃ороди́тельнице всечⷭ҇таѧ, дꙋшѝ моеѧ̀ ꙗ҆́звы и҆ грѣхѡ́вныѧ стрꙋ́пы ѡ҆чи́сти, и҆сто́чникомъ ѡ҆мыва́ющи сꙋ́щимъ и҆з̾ ре́бръ сн҃а твоегѡ̀, и҆ поте́кшими и҆з̾ тѣ́хъ ѡ҆чища́ющи стрꙋѧ́ми: къ тебѣ̀ прибѣга́ю, и҆ тѧ̀ призыва́ю бг҃облагода́тнꙋю."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бл҃гослове́нъ гдⷭ҇ь бг҃ъ і҆и҃левъ, воздви́гнꙋвый ро́гъ сп҃се́нїѧ на́мъ въ домꙋ̀ дв҃довѣ, ѻ҆́трока своегѡ̀: въ ни́хже посѣтѝ на́съ восто́къ съ высоты̀, и҆ напра́вилъ ны̀ є҆́сть на пꙋ́ть ми́ра."
|
||||
},
|
||||
{
|
||||
"type": "TEXT",
|
||||
"value": "Ѵ҆ссѡ́помъ бл҃года́ти бж҃їѧ ѡ҆кропѝ сердца̀ на̑ша, і҆́ѡве прпⷣбне, твои̑мъ ст҃ы̑мъ моще́мъ покланѧ́ющихсѧ, да твоеѧ̀ ре́вности ѡ҆ вѣ́рѣ причасти́вшесѧ, ко и҆сполне́нїю за́повѣдей хрⷭ҇то́выхъ до́брѣ потщи́мсѧ."
|
||||
},
|
||||
{
|
||||
"type": "TEXT",
|
||||
"value": "Ѱало́мски взыва́ти къ бг҃ꙋ на землѝ не престава́лъ є҆сѝ, и҆ дѣ́вства твоегѡ̀ сосꙋ́дъ соблю́лъ є҆сѝ: тѣ́мже на нб҃сѝ ра̑йскїѧ воспѣва́еши ны́нѣ пѣ̑сни со а҆́гг҃лы и҆ всѣ́ми ст҃ы́ми, лю́ди же на землѝ трꙋдѧ́щыѧсѧ ѿ вы́шнихъ назира́еши."
|
||||
},
|
||||
{
|
||||
"type": "TEXT",
|
||||
"value": "Ѽ коли́ка житїѧ̀ твоегѡ̀ нетлѣ́ннаѧ красота̀, ѽ коли́ка по сме́рти твое́й чꙋдеса̀ и҆ и҆сцѣлє́нїѧ! Се́ бо земна̑ѧ ѡ҆ста́вивъ, вои́стиннꙋ стори́цею нбⷭ҇наѧ бл҃га є҆щѐ въ житїѝ, па́че же во грѧдꙋ́щемъ, по глаго́лꙋ хрⷭ҇то́вꙋ стѧжа́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ѽ коли́ко грѣхѡ́въ на́шихъ мно́жество! Но сїѧ̑ превосхо́дитъ твои́хъ мл҃твъ крѣ́пость, и҆́хже не лишѝ на́съ, ѻ҆́тче прпⷣбне і҆́ѡве, дрꙋ́же хрⷭ҇то́въ и҆ ст҃ы́хъ всѣ́хъ соприча́стниче, цр҃ко́вный сто́лпе и҆ ѡ҆ дꙋша́хъ человѣ́ческихъ предста́телю теплѣ́йшїй."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Зачала̀ є҆сѝ, дв҃о, без̾ сѣ́мене, всѧ́чєскаѧ созда́вшаго сло́во бж҃їе, кромѣ̀ хотѣ́нїй плотски́хъ: и҆ без̾ и҆стлѣ́нїѧ родила̀ є҆сѝ, без̾ болѣ́зней ма́тернихъ. Тѣ́мъ тѧ̀ бцⷣꙋ, и҆ ѧ҆зы́комъ и҆ се́рдцемъ и҆сповѣ́дающе, велича́емъ."
|
||||
},
|
||||
{
|
||||
"type": "HEADER",
|
||||
"value": "Свѣти́ленъ:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Свѣ́те неизмѣ́нный:"
|
||||
},
|
||||
{
|
||||
"type": "TEXT",
|
||||
"value": "І҆́ѡвъ прпⷣбный дне́сь да восхва́литсѧ, ꙗ҆́кѡ хрⷭ҇то́въ во́инъ и҆ ѡ҆ лю́дехъ моли́твенникъ, вѣ́ры проповѣ́дникъ, є҆́реси ѡ҆бличи́тель и҆ цр҃кве ᲂу҆краше́нїе. Два́жды."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ:"
|
||||
},
|
||||
{
|
||||
"type": "TEXT",
|
||||
"value": "Тѧ̀ пѣ́сньми немо́лчными ᲂу҆бл҃жа́емъ, дв҃о, ꙗ҆́кѡ ѿ трⷪ҇цы є҆ди́наго родила̀ є҆сѝ, бцⷣе, и҆ носи́ла є҆сѝ на бж҃е́ственныхъ ѡ҆б̾ѧ́тїихъ пресꙋ́щественное сло́во, невра́щно и҆ неизмѣ́нно."
|
||||
},
|
||||
{
|
||||
"type": "HEADER",
|
||||
"value": "На хвали́техъ стїхи̑ры на д҃, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Просїѧ́ша по́двизи твоѝ во странѣ̀ га́лицтѣй, ѻ҆́тче і҆́ѡве: тѣ́мже правосла́вїѧ ревни́тєли въ зе́млю волы́нскꙋю тебѐ глаша́ютъ, и҆ ѻ҆би́тель дꙋ́бенскаѧ твои́мъ преподо́бнымъ житїе́мъ ᲂу҆краша́етсѧ: но тогѡ̀ соверше́нїе поча́евскаѧ ла́ѵра прїе́млетъ, всѧ́ же страна̀ сїѧ̀ ᲂу҆че́ньми твои́ми просвѣща́етсѧ. Два́жды."
|
||||
},
|
||||
{
|
||||
"type": "TEXT",
|
||||
"value": "Братолюби́вое твоѐ се́рдце, прпⷣбне, мона́хѡвъ мно́жєства на го́рꙋ поча́евскꙋю привлечѐ, и҆́хже сп҃се́нїѧ бы́лъ є҆сѝ ревни́тель: тѣ́мже и҆ мы̀ а҆пⷭ҇льскїй глаго́лъ вѣ́дꙋще, ꙗ҆́кѡ никогда́же престае́тъ дх҃о́внаѧ любы̀, твоемꙋ̀ чꙋде́сномꙋ попече́нїю дꙋ́шы на́шѧ ввѣрѧ́емъ, ꙗ҆̀же приведѝ ко і҆и҃сꙋ чл҃вѣколю́бцꙋ."
|
||||
},
|
||||
{
|
||||
"type": "TEXT",
|
||||
"value": "Не смѣ́ѧше тлѣ́нїе коснꙋ́тисѧ ме́ртвагѡ тѣлесѐ твоегѡ̀, прпⷣбне, є҆́же чрез̾ всѐ житїѐ ᲂу҆мерщвлѧ́лъ є҆сѝ: дꙋша́ же твоѧ̀, живꙋ́щи со а҆́гг҃лы, всѧ̑ притека́ющыѧ къ тебѣ̀ въ свою̀ любо́вь прїе́млетъ. Тѣ́мже и҆ на́шѧ дꙋ́шы приведѝ ко і҆и҃сꙋ чл҃вѣколю́бцꙋ."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Не довлѣ́ютъ словеса̀ на̑ша къ восхвале́нїю пѡ́двигъ твои́хъ, прпⷣбне і҆́ѡве: кто́ бо и҆зочте́тъ твои́хъ добродѣ́телей полнотꙋ̀, кто̀ ᲂу҆разꙋмѣ́етъ безмо́лвное твоѐ къ бг҃ꙋ собесѣ́дованїе; но не ѿри́ни твоѧ̑ пѣвцы̀ и҆ дꙋхѡ́внаѧ ча̑да, твоегѡ̀ застꙋпле́нїѧ просѧ́щыѧ и҆ ѡ҆ твое́мъ ст҃ѣ́мъ житїѝ ᲂу҆милѧ́ющыѧсѧ и҆ во твое́й па́мѧти веселѧ́щыѧсѧ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ:"
|
||||
},
|
||||
{
|
||||
"type": "TEXT",
|
||||
"value": "Влⷣчце, прїимѝ:"
|
||||
},
|
||||
{
|
||||
"type": "HEADER",
|
||||
"value": "Славосло́вїе вели́кое. Є҆ктєнїѝ, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "На лїтꙋргі́и слꙋ́жба всѧ̀ прпⷣбническаѧ."
|
||||
},
|
||||
{
|
||||
"type": "HEADER",
|
||||
"value": "Вѣ́домо бꙋ́ди, ꙗ҆́кѡ па́мѧть прпⷣбнагѡ і҆́ѡва соверша́етсѧ въ де́нь бл҃же́нныѧ кончи́ны є҆гѡ̀, ѻ҆ктѡ́врїа въ к҃и-й де́нь, и҆ въ де́нь ѡ҆брѣ́тенїѧ ст҃ы́хъ моще́й є҆гѡ̀, а҆́ѵгꙋста въ к҃и-й де́нь, є҆гда̀ во ст҃ѣ́й поча́евстѣй ла́ѵрѣ ст҃ы̑ѧ мо́щи є҆гѡ̀ и҆зно́сѧтсѧ въ вели́кꙋю цр҃ковь."
|
||||
},
|
||||
{
|
||||
"type": "HEADER",
|
||||
"value": "А҆́ще ᲂу҆́бѡ па́мѧть прпⷣбнагѡ слꙋчи́тсѧ въ недѣ́лю, соверша́емъ всю̀ слꙋ́жбꙋ є҆гѡ̀ по г҃-й главѣ̀ тѷпїко́на: а҆́ще же въ сꙋббѡ́тꙋ, по є҃і-й ѿ зрѝ неизмѣ́ннѡ."
|
||||
},
|
||||
{
|
||||
"type": "HEADER",
|
||||
"value": "Трети́цею же твори́мъ па́мѧть прпⷣбнагѡ і҆́ѡва ма́їа въ ѕ҃-й де́нь. Въ се́й де́нь на повече́рїи пое́мъ слꙋ́жбꙋ ст҃а́гѡ і҆́ѡва многострада́льнагѡ, про́чее же совокꙋплѧ́емъ слꙋ́жбꙋ прпⷣбнагѡ съ трїѡ́дїю, ꙗ҆́коже во главѣ̀ і҆ѡа́нна бг҃осло́ва ᲂу҆каза́сѧ, є҆́же зрѝ мцⷭ҇а тогѡ́жде во и҃-й де́нь."
|
||||
}
|
||||
]
|
||||
Reference in new issue
Block a user