enrich ru lives with Chetyi-Minei texts and track static data
This commit is contained in:
catarrh committed
1 parent
69fd5b7460
commit
7dde2168d1
6512 files changed
+1448065
-5
No files matched your search
@@ -0,0 +1,866 @@
|
||||
[
|
||||
{
|
||||
"type": "HEADER",
|
||||
"value": "Ное́мврїа ѳ҃"
|
||||
},
|
||||
{
|
||||
"type": "HEADER",
|
||||
"value": "Ст҃ы́хъ мч҃никъ, ѻ҆нисі́фора и҆ порфѵ́рїа."
|
||||
},
|
||||
{
|
||||
"type": "HEADER",
|
||||
"value": "И҆ прпⷣбныѧ ма́тере на́шеѧ матрѡ́ны."
|
||||
},
|
||||
{
|
||||
"type": "HEADER",
|
||||
"value": "И҆ прпⷣбныѧ ѳеокті́сты, ꙗ҆́же ѿ ле́звы."
|
||||
},
|
||||
{
|
||||
"type": "HEADER",
|
||||
"value": "На Гдⷭ҇и, воззва́хъ, стїхи̑ры мч҃никѡвъ. Гла́съ и҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ѽ пресла́внагѡ чꙋдесѐ!"
|
||||
},
|
||||
{
|
||||
"type": "TEXT",
|
||||
"value": "Мч҃ниче страда́льче, блаже́нне ѻ҆нисі́форе, хрⷭ҇та̀ бг҃а и҆сповѣ́далъ є҆сѝ, стражда̀ крѣпча́йше, беззако́ннꙋющихъ предъ сꙋди́щемъ, ра̑ны ꙗ҆́звъ претерпѣ́въ и҆ пожже́нїѧ всегѡ̀ тѣлесѐ. Тѣ́мже вѣнча́лсѧ є҆сѝ побѣ́ды вѣнце́мъ, живонача́льнѣйшею рꙋко́ю, всехва́льне."
|
||||
},
|
||||
{
|
||||
"type": "TEXT",
|
||||
"value": "Мч҃ниче страда́льче порфѵ́рїе, крове́й ѡ҆багре́ньми себѣ̀ пома́залъ є҆сѝ порфѵ́рꙋ, бл҃года́тїю и҆ си́лою дх҃а, въ ню́же ѡ҆дѣ́ѧвсѧ, ꙗ҆ви́лсѧ є҆сѝ свѣтлѣ́йшїй, сца́рствꙋѧ ца́рствꙋющемꙋ, є҆ди́номꙋ бг҃ꙋ на́шемꙋ во вѣ́ки, сла́вне: є҆го́же прилѣ́жнѡ всегда̀ молѝ, є҆́же спасти́сѧ всѣ̑мъ на́мъ."
|
||||
},
|
||||
{
|
||||
"type": "TEXT",
|
||||
"value": "Мч҃ницы достосла́внїи, за всѣ́хъ жи́знь свѧще́ннѡ ᲂу҆мерщвлѧ́еми, на сковрадѣ̀ ра́дꙋющесѧ разжже́ннѣй простро́стесѧ, и҆ привѧ́зани ко́ньми влачи́ми, бл҃же́нный коне́цъ прїѧ́сте. Тѣ́мъ прославлѧ́етесѧ и҆ ᲂу҆бл҃жа́етесѧ, ѡ҆ на́съ всегда̀ молѧ́щесѧ, приснобл҃же́ннїи."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры прпⷣбныѧ, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ꙗ҆́кѡ до́блѧ:"
|
||||
},
|
||||
{
|
||||
"type": "TEXT",
|
||||
"value": "Пло́ти и҆гра̑нїѧ по́стными пѡ́двиги дꙋшѝ любоче́стнѣ покори́ла є҆сѝ, и҆ хрⷭ҇тꙋ̀ послѣ́довала є҆сѝ, и҆ посредѣ̀ по́стникѡвъ всели́ласѧ є҆сѝ всеговѣ́йнѡ, ѽ матрѡ́но, ᲂу҆гаша́ющи распалє́нїѧ сластна̑ѧ бж҃е́ственными тꙋ́чами сле́зъ, и҆ ѕѣ́льнѣйшее жела́нїе къ зижди́телю возжига́ющи."
|
||||
},
|
||||
{
|
||||
"type": "TEXT",
|
||||
"value": "Свѧще́нное жили́ще во мно́гихъ по́льзꙋ бг҃ꙋ воздви́гла є҆сѝ, бы́вши хра́мъ дх҃а, всемꙋ́драѧ, чистото́ю дꙋше́вною, и҆ пꙋтево́дствила є҆сѝ дꙋ́шы къ полє́знымъ подвигѡ́мъ пѡ́стнымъ, и҆ привела̀ є҆сѝ сїѧ̑, ꙗ҆́коже вѣ́но спасє́ны, ѽ матрѡ́но, влⷣцѣ: съ ни́миже вѣ́рою тѧ̀ почита́емъ."
|
||||
},
|
||||
{
|
||||
"type": "TEXT",
|
||||
"value": "Ѻ҆трокѡви́цы возлюби́ша невѣ́стника и҆ гдⷭ҇а, ᲂу҆че́нїю твоемꙋ̀ покарѧ́ющыѧсѧ, и҆ плотскꙋ́ю презрѣ́вше сла́бость въ дꙋ́сѣ, ᲂу҆се́рдїемъ стра̑сти благоче́стнѡ ᲂу҆держа́ша, и҆ введо́шасѧ съ тобо́ю, ѽ матрѡ́но, въ черто́гъ нбⷭ҇ный и҆ бжⷭ҇твенный, всегда̀ веселѧ́щесѧ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ. Подо́бенъ то́йже:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́же бг҃а невмѣсти́маго во чре́вѣ твое́мъ вмѣсти́вшаѧ, чл҃вѣколю́бнѡ чл҃вѣ́ка бы́вша, и҆ на́ше смѣше́нїе и҆зъ тебє̀ прїи́мша и҆ ѡ҆божи́вша ꙗ҆́вѣ, не пре́зри менє̀, всечⷭ҇таѧ, ны́нѣ скорбѧ́ща: но ᲂу҆ще́дри ско́рѡ, и҆ разли́чныѧ вражды́ же и҆ вре́да лꙋка́вагѡ свободѝ."
|
||||
},
|
||||
{
|
||||
"type": "HEADER",
|
||||
"value": "Крⷭ҇тобг҃оро́диченъ."
|
||||
},
|
||||
{
|
||||
"type": "TEXT",
|
||||
"value": "Подо́бенъ: На крⷭ҇тѣ́ тѧ ꙗ҆́кѡ ᲂу҆зрѣ̀ пригвожде́на, гдⷭ҇и, а҆́гница и҆ мт҃и твоѧ̀ дивлѧ́шесѧ, и҆ что̀ видѣ́нїе сїѐ, взыва́ше, сн҃е вожделѣ́ннѣйше; сїѧ̑ тѝ невѣ́рный собо́ръ воздадѐ пребеззако́нный, и҆́же мно́гихъ твои́хъ чꙋде́съ наслади́выйсѧ; но сла́ва неизглаго́ланномꙋ соше́ствїю твоемꙋ̀, влⷣко."
|
||||
},
|
||||
{
|
||||
"type": "HEADER",
|
||||
"value": "Тропа́рь мч҃никѡвъ, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Мꙋ́чєницы твоѝ, гдⷭ҇и, во страда́нїихъ свои́хъ вѣнцы̀ прїѧ́ша нетлѣ̑нныѧ ѿ тебє̀ бг҃а на́шегѡ: и҆мꙋ́ще бо крѣ́пость твою̀, мꙋчи́телей низложи́ша, сокрꙋши́ша и҆ де́мѡнѡвъ немѡщны́ѧ де́рзѡсти. Тѣ́хъ моли́твами спасѝ дꙋ́шы на́шѧ."
|
||||
},
|
||||
{
|
||||
"type": "HEADER",
|
||||
"value": "Сла́ва, прпⷣбныѧ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Въ тебѣ̀, ма́ти, и҆звѣ́стнѡ спасе́сѧ є҆́же по ѻ҆́бразꙋ: прїи́мши бо кре́стъ послѣ́довала є҆сѝ хрⷭ҇тꙋ̀, и҆ дѣ́ющи ᲂу҆чи́ла є҆сѝ, презира́ти ᲂу҆́бѡ пло́ть, прехо́дитъ бо: прилѣжа́ти же ѡ҆ дꙋшѝ, ве́щи безсме́ртнѣй. Тѣ́мже и҆ со а҆́гг҃лы сра́дꙋетсѧ, прпⷣбнаѧ матрѡ́но, дꙋ́хъ тво́й."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
||||
},
|
||||
{
|
||||
"type": "HEADER",
|
||||
"value": "Прпⷣбныѧ ѳеокті́сты вослѣ́дованїе пое́тсѧ на повече́рїи."
|
||||
},
|
||||
{
|
||||
"type": "HEADER",
|
||||
"value": "Канѡ́нъ. Гла́съ ѕ҃. Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ по сꙋ́хꙋ пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь, пои́мъ, вопїѧ́ше."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ чꙋ́дна твоѧ̀ жи́знь и҆ житїѐ, а҆́гг҃лѡмъ каса́ющисѧ невеще́ствєннымъ, но́вымъ и҆ неѻбы́чнымъ нра́вомъ, тѣсното́ю па́че є҆стества̀, ѳеокті́сто, жи́тельства твоегѡ̀."
|
||||
},
|
||||
{
|
||||
"type": "TEXT",
|
||||
"value": "Ѿ младе́нства мїрскꙋ́ю пи́щꙋ ѿню́дъ возненави́дѣла є҆сѝ и҆ плотскꙋ́ю сла́сть, по́стъ возлюби́вши, и҆́мже ѡ҆бꙋзда́ла є҆сѝ стремлє́нїѧ всѧ̑ тѣлє́снаѧ."
|
||||
},
|
||||
{
|
||||
"type": "TEXT",
|
||||
"value": "Благꙋ́ю зе́млю дꙋшѝ твоеѧ̀ во мла́дости неѕло́бїѧ ѡ҆брѣ́те сѣ́ѧтель благи́хъ, и҆ вложѝ сѣ́мѧ жи́зни, собра̀ пло́дъ стори́чествꙋющїй."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тѧ̀, пречⷭ҇тꙋю ѻ҆трокови́цꙋ, и҆ вѣ̑рнымъ крѣ́пкое застꙋпле́нїе, ѳеокті́ста, ѿ дꙋшѝ и҆здѣ́тска возлюби́вши, всѣ̑мъ добродѣ́телемъ па́че є҆стества̀ прїѧ́телище бы́сть."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Не ᲂу҆таи́сѧ лꙋка́вагѡ, бг҃оꙋго́днѣ живꙋ́щи: сегѡ̀ ра́ди содѣва́етъ на плещѝ твоѝ ѕла̑ѧ, и҆ мно́жество а҆ра́влѧнъ наво́дитъ ле́звѣ, ѻ҆те́чествꙋ твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Плѣне́нꙋ тѧ̀ враги̑, пра́ведныхъ вра́гъ преда́ти тщи́тсѧ: но бли́зъ и҆зба́витель, и҆́же, а҆́бїе ѿ ме́рзскихъ и҆схи́тивъ, чи́стꙋ себѣ̀ соблюдѐ."
|
||||
},
|
||||
{
|
||||
"type": "TEXT",
|
||||
"value": "Въ па́рѣ ѻ҆́стровѣ врагѡ́въ и҆збѣ́гши рꙋкѝ, и҆зво́лила є҆сѝ мона́шествовати, ꙗ҆́кѡ пти́ца въ не́мъ, и҆ въ та́мѡ сꙋ́щемъ хра́мѣ приснодв҃ы бг҃ома́тере, ꙗ҆́кѡ слꙋже́бница пребыва́ющи всегда̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Всю̀ наде́ждꙋ на тѧ̀ ѳеокті́ста возложи́вши, мт҃и дв҃о ѻ҆трокови́це, и҆ тѧ̀ покро́въ и҆ пи́щꙋ и҆ питїѐ, и҆ крѣ́пкое застꙋпле́нїе въ лю́тыхъ стѧжа̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Хрⷭ҇то́съ, моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ, взыва́ющи ѿ смы́сла чи́ста, ѡ҆ гдⷭ҇ѣ пра́зднꙋющи."
|
||||
},
|
||||
{
|
||||
"type": "TEXT",
|
||||
"value": "Та́й ѿше́дши во внꙋ́трєннѧѧ и҆ веще́ствєннаѧ ѻ҆́строва, ви́димыхъ врагѡ́въ и҆збѣ́гла є҆сѝ, неви́димыхъ же ѕѣ́льна приложи́сѧ тебѣ̀ ра́ть."
|
||||
},
|
||||
{
|
||||
"type": "TEXT",
|
||||
"value": "Кто̀ возмо́жетъ твоѧ̑, прпⷣбнаѧ, ѿню́дъ и҆зрещѝ по́двиги, ꙗ҆̀же и҆мѣ́ла є҆сѝ къ нача́льникѡмъ тмы̀, стра́ждꙋщи; и҆́хже и҆ стрѣ́лы пла́мєнны, и҆ словеса̀ неꙋдобопости̑жна."
|
||||
},
|
||||
{
|
||||
"type": "TEXT",
|
||||
"value": "Ѽ и҆́же хранѧ́щїѧ тѧ̀ бжⷭ҇твенныѧ благода́ти! Ка́кѡ и҆ є҆ди́на и҆ млада̀, разꙋ́мныхъ є҆ѳїѡ́плѧнъ ѡ҆полче́нїе, въ же́нстѣмъ є҆стествѣ̀ побѣди́вши, посрами́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Соверше́ннымъ ра́зꙋмомъ въ ю҆́ности тѣлесѐ ѳеокті́ста пожи́вши, къ твое́й мт҃ри, бж҃е, ᲂу҆твердѝ всѐ ᲂу҆пова́нїе своѐ, и҆ приспѣ̀ въ ста́рость до́брꙋю."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
||||
},
|
||||
{
|
||||
"type": "TEXT",
|
||||
"value": "Оу҆́мъ возвы́сивши къ бг҃ꙋ, всѧ̑ прешла̀ є҆сѝ жела́ємаѧ паде́нїй и҆ нꙋ́жнаѧ тѣлесѐ. Тѣ́мъ ни гла́дъ тѧ̀, ни жа́жда, сла́внаѧ, ни мра́зъ, ни нагота̀, ни зно́й побѣдѝ."
|
||||
},
|
||||
{
|
||||
"type": "TEXT",
|
||||
"value": "Стра́нное твоѐ житїѐ вра́гъ ви́дѧ, ꙗ҆рѧ́сѧ за́вистїю, смꙋща́ѧ тѧ̀ и҆ и҆скꙋша́ѧ козньмѝ всѧ́кими, но не возмо́же запѧ́ти, непоро́чнаѧ, стѡпы̀ твоѧ̑."
|
||||
},
|
||||
{
|
||||
"type": "TEXT",
|
||||
"value": "Стрѣ́лы младе́нєцъ, лꙋка́вагѡ всѧ́ко приложе́нїй вмѣни́вши, невозвра́тнѡ соверши́ла є҆сѝ но́вое поще́нїѧ твоегѡ̀ ѡ҆бхожде́нїе, и҆ посрами́ла є҆сѝ сегѡ̀ тще́е шата́нїе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ блаже́ннаѧ въ жена́хъ, тѧ̀, преблаже́ннаѧ бцⷣе, разꙋ́мное застꙋпле́нїе себѣ̀ положѝ, ѡ҆ тебѣ̀ сотво́рши си́лꙋ, ѡ҆скорблѧ́ющыѧ же и҆зничто́жи."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве."
|
||||
},
|
||||
{
|
||||
"type": "TEXT",
|
||||
"value": "Оу҆ста́вы є҆сте́ствєнныѧ превзы́де, кромѣ̀ потре́бныхъ жи́вши. Тѣ́мъ, ꙗ҆́кѡ прикаса́ющисѧ, во пло́ти безвеще́ственна пребыва́ше, и҆́мже хотѧ́ше, сꙋ́щихъ неви́димыхъ."
|
||||
},
|
||||
{
|
||||
"type": "TEXT",
|
||||
"value": "Проꙋвѣ́дѣла є҆сѝ дх҃омъ ст҃ы́мъ твою̀ кончи́нꙋ прибли́жившꙋсѧ. Тѣ́мъ и҆ ви́дѣна была̀ є҆сѝ ловце́мъ, бг҃ꙋ благоволи́вшꙋ, ꙗ҆́кѡ да не ᲂу҆таи́тсѧ твоѐ житїѐ странноѻбра́зное."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ви́дѣ тѧ̀, прпⷣбнаѧ, въ це́ркви лове́цъ, зра́къ зе́мленъ и҆мꙋ́щꙋ кромѣ̀ пло́ти и҆ кро́ве, ᲂу҆ди́вльсѧ мечта́нїе зрѣ́ти мнѧ́ше, въ толи́кѡ и҆ста́ѧвшꙋ, ѽ чꙋдесѐ!"
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пречⷭ҇таѧ влⷣчце, не ѿри́ни менє̀, лю́тыѧ нечистоты̀ по́лна сꙋ́ща: но ми́лостива бꙋ́ди мнѣ̀ и҆ ᲂу҆вѣ́тлива, прїимѝ приносѧ́щаго твоеѧ̀ ѳеокті́сты въ моли́твы моле́нїе."
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гро́бъ тво́й сп҃се:"
|
||||
},
|
||||
{
|
||||
"type": "TEXT",
|
||||
"value": "И҆змла́да бг҃ꙋ, ѳеокті́сто, вдана̀ бы́вши, ꙗ҆́кѡ зда́нїе благо́е, и҆ созда́вшемꙋ подо́бно, ᲂу҆се́рднѡ и҆́го є҆гѡ̀ благо́е ѿ ю҆́ности взе́мши, не вкꙋси́ла є҆сѝ мѧте́жа жите́йскагѡ, хранѧ́щи всѧ̑ чꙋ̑вства. Тѣ́мъ ꙗ҆́кѡ безпло́тна, стра́ннѡ на землѝ жи́тельствоваше."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Безневѣ́стнаѧ, чⷭ҇таѧ бцⷣе дв҃о, є҆ди́на вѣ́рныхъ предста́тельнице и҆ покро́ве, бѣ́дъ и҆ скорбе́й, и҆ лю́тыхъ ѡ҆бстоѧ́нїй всѧ̑ и҆зба́ви, на тѧ̀ наде́ждꙋ, ѻ҆трокови́це, и҆мꙋ́щыѧ: и҆ дꙋ́шы на́шѧ спасѝ бжⷭ҇твенными моли́твами твои́ми."
|
||||
},
|
||||
{
|
||||
"type": "HEADER",
|
||||
"value": "И҆лѝ крⷭ҇тобг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Нескве́рнаѧ а҆́гница, а҆́гнца и҆ па́стырѧ повѣ́шена на дре́вѣ ме́ртва зрѧ́щи, пла́чꙋщи вѣща́ше, мт҃рски восклица́ющи: ка́кѡ претерплю̀ твоѐ, є҆́же па́че сло́ва, сн҃е мо́й, сни́тїе и҆ вѡ́льныѧ стрⷭ҇ти, бж҃е пребл҃гі́й;"
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ преподѡ́бнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе, мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ, бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ско́рѡ разрѣши́ла є҆сѝ ᲂу҆страши́вшемꙋсѧ видѣ́нїѧ твоегѡ̀ боѧ́знь, ѡ҆б̾ѧви́вши приклю̑чшаѧсѧ тебѣ̀ по бжⷭ҇твенномꙋ про́мыслꙋ, чи́стаѧ, ѡ҆ ни́хже и҆ предъ ни́мъ дала̀ є҆сѝ сла́вꙋ бг҃ꙋ благода́рственнѡ."
|
||||
},
|
||||
{
|
||||
"type": "TEXT",
|
||||
"value": "За ше́сть лѣ́тъ и҆ три́десѧть пости́вшесѧ, спаси́тельнагѡ тѣ́ла и҆ кро́ве причасти́тисѧ не и҆мꙋ́щи, про́сиши приклю́чшемꙋсѧ тѝ, ѿ негѡ̀ ча́сть є҆ди́нꙋ благоговѣ́йнѡ принестѝ къ тебѣ̀."
|
||||
},
|
||||
{
|
||||
"type": "TEXT",
|
||||
"value": "Прїи́де, носѧ̀ жела́емое, и҆ вложѝ всеговѣ́йнѡ въ рꙋ́кꙋ твою̀: є҆́же и҆ прїе́мши, и҆ веселѧ́щисѧ глаго́лала є҆сѝ къ бг҃ꙋ: ны́нѣ ѿпꙋща́еши мѧ̀ твою̀, влⷣко, рабꙋ̀ ми́лостивнѡ, по глаго́лꙋ твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Благоꙋго́днѡ тебѣ̀ пожи́вшꙋю, всепѣ́таѧ, прїѧ́ла є҆сѝ слꙋже́бницꙋ твою̀, и҆ сподо́била є҆сѝ неизрече́нныхъ бжⷭ҇твенныхъ бла̑гъ: тоѧ̀ моли́твами и҆ на́съ прича́стники сотворѝ, чⷭ҇таѧ, нетлѣ́нныѧ пи́щи."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆зъ пла́мене преподѡ́бнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши, хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Стра́шныхъ та̑инъ причасти́вшисѧ вѣ́рнѡ, ꙗ҆́коже жела́ла є҆сѝ, ма́ти прпⷣбнаѧ, ѡ҆ста́вила є҆сѝ пе́рсть ᲂу҆́бѡ пе́рсти, честны́й же дꙋ́хъ тво́й а҆́гг҃ли че́стнѡ принесо́ша гдⷭ҇ꙋ."
|
||||
},
|
||||
{
|
||||
"type": "TEXT",
|
||||
"value": "Пристꙋпи́въ къ тебѣ̀ и҆ па́ки лове́цъ вѣ́рный, благослове́нїѧ ꙗ҆́кѡ полꙋчи́ти ѿ тебє̀ ше́дъ, ѡ҆брѣ́те ме́ртвꙋ лежа́щꙋ тѧ̀ зако́номъ є҆сте́ственнымъ, и҆ дивлѧ́шесѧ, что̀ подо́бно є҆мꙋ̀ содѣ́ѧти."
|
||||
},
|
||||
{
|
||||
"type": "TEXT",
|
||||
"value": "Помышле́нїемъ ꙗ҆́кѡ мнѧ́ше, и҆́же не навы́къ до́брагѡ, бг҃оꙋго́днѡ взе́мъ твою̀ де́рзостнѡ рꙋ́кꙋ честнꙋ́ю, ѡ҆бѣща́сѧ прїѧ́ти на че́сть ст҃ы́ѧ твоеѧ̀ па́мѧти, блаже́ннаѧ, и҆ житїѧ̀ соблюде́нїе и҆мѣ́ти."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Добродѣ́тєли ст҃ы́хъ почита́ю, влⷣчце, добродѣ́тели же дѣ́ланїѧ ѿню́дъ не стѧжа́хъ: но, ꙗ҆́кѡ ми́лостива, ᲂу҆ще́дри моѧ̑ чꙋ̑вствїѧ, и҆ и҆зба́ви мѧ̀ всеѕло́бнагѡ ѻ҆бы́чаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃а человѣ́кѡмъ невозмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю бо, всечⷭ҇таѧ, ꙗ҆ви́сѧ человѣ́кѡмъ сло́во воплоще́нно, є҆го́же велича́юще, съ нбⷭ҇ными вѡ́и тѧ̀ ᲂу҆блажа́емъ."
|
||||
},
|
||||
{
|
||||
"type": "TEXT",
|
||||
"value": "Рꙋ́кꙋ ᲂу҆кра́денꙋ взе́мшаго, съ корабле́мъ и҆ бре́менемъ и҆ пловꙋ́щими ᲂу҆держа́ла є҆сѝ, пребыва́ти во ѻ҆́стровѣ па́рѣ, до́ндеже ᲂу҆разꙋмѣ́въ ѻ҆́нъ, носѧ̀ сїю̀, положѝ съ мольбо́ю къ про́чемꙋ честно́мꙋ твоемꙋ̀ тѣлесѝ."
|
||||
},
|
||||
{
|
||||
"type": "TEXT",
|
||||
"value": "Ѿпꙋще́ннїи и҆ ᲂу҆держа́ннїи, сꙋ́щїѧ въ тебѣ̀ си́лы во и҆скꙋ́сѣ бы́вше, кꙋ́пнѡ всѝ притеко́ша къ моще́мъ твои̑мъ, до́брѣ поклони́тисѧ и҆ ѡ҆б̾ѧ́ти, ничто́же ѡ҆брѣто́ша: неви́дима бо бы́вши ѻ҆́бразомъ, и҆́мже вѣ́сть бг҃ъ."
|
||||
},
|
||||
{
|
||||
"type": "TEXT",
|
||||
"value": "Вели́кихъ болѣ́зней и҆змѣне́нїе, бо́льшимъ ѿ хрⷭ҇та̀, прпⷣбнаѧ, прїе́мши, и҆ и҆мꙋ́щи дерзнове́нїе вели́ко моли́тисѧ є҆мꙋ̀, помѧнѝ почита́ющыѧ бжⷭ҇твеннꙋю па́мѧть твою̀, и҆ и҆спросѝ на́мъ грѣхѡ́въ ѡ҆чище́нїе и҆ житїѧ̀ и҆справле́нїе."
|
||||
},
|
||||
{
|
||||
"type": "HEADER",
|
||||
"value": "Бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Всѧ̑ хотѧ̀ спастѝ гдⷭ҇ь, тѧ̀ себѣ̀ мт҃рь и҆збра́въ, положѝ вѣ̑рнымъ винꙋ̀ всѧ́кагѡ бла́га: сегѡ̀ беззако́нїемъ ѡ҆горчи́вши, тобо́ю ᲂу҆пова́емъ ѡ҆брѣстѝ ми́лость, ми́лостиваѧ влⷣчце."
|
||||
},
|
||||
{
|
||||
"type": "HEADER",
|
||||
"value": "Стїхи̑ры, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Нбⷭ҇ныхъ чинѡ́въ:"
|
||||
},
|
||||
{
|
||||
"type": "TEXT",
|
||||
"value": "Вѣ́чныхъ жела́ющи полꙋчи́ти бла̑гъ, тлѣ́ющихъ всѐ сладостра́стїе, ѕло́е мнѣ́ла є҆сѝ кꙋ́плю, и҆ пи́щꙋ страсте́й разжже́нїе. Тѣ́мъ и҆здѣ́тска ли́кꙋ мона́шествꙋющихъ сочета́ласѧ є҆сѝ, чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Нечи́стыхъ дꙋхѡ́въ не невѣ́дѧщи ко́зней всѣ́хъ, проти́виласѧ є҆сѝ до́блественнѡ, и҆зъ ко́рене и҆стерза́ющи стра̑стнаѧ возращє́нїѧ, и҆ младе́нцы ѕло́бы держа́щи дв҃дски, и҆ разбива́ющи къ ка́мени хрⷭ҇тꙋ̀."
|
||||
},
|
||||
{
|
||||
"type": "TEXT",
|
||||
"value": "Ма́нїемъ бж҃їимъ и҆збѣ́гши ра́тныхъ рꙋ́къ, водвори́ласѧ є҆сѝ въ пꙋсты́ни, хрⷭ҇та̀ и҆́щꙋщи, претекла̀ є҆сѝ разꙋ́мнѡ мїрско́е страсте́й мо́ре житїѧ̀, и҆ въ приста́нищи вы́шнѧгѡ ѡ҆ти́шїѧ, є҆го́же возжелѣ́ла є҆сѝ, хрⷭ҇та̀ зри́ши."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, тꙋ́чнаѧ горо̀: ра́дꙋйсѧ, сѣда́лище бж҃їе: ра́дꙋйсѧ, бжⷭ҇твеннаѧ держа́во: ра́дꙋйсѧ, неѡпали́маѧ кꙋпино̀: ра́дꙋйсѧ, бцⷣе: ра́дꙋйсѧ, черто́же: ра́дꙋйсѧ, лѣ́ствице небе́снаѧ: ра́дꙋйсѧ, хра́ме: ра́дꙋйсѧ, рꙋ́чко, ра́дꙋйсѧ, ски́нїе: ра́дꙋйсѧ, непрестаю́щаѧ мі́рꙋ ра́дость."
|
||||
},
|
||||
{
|
||||
"type": "TEXT",
|
||||
"value": "Крⷭ҇тобг҃оро́диченъ: Воздви́жена ꙗ҆́кѡ ви́дѣ на крⷭ҇тѣ̀ а҆́гнца, непоро́чнаѧ дв҃а, пла́чꙋщи вопїѧ́ше: сла́дкое моѐ ча́до, что̀ но́вое и҆ пресла́вное видѣ́нїе; ка́кѡ содержа́й всѧ́чєскаѧ го́рстїю, на дре́вѣ пригвожда́ешисѧ пло́тїю;"
|
||||
},
|
||||
{
|
||||
"type": "HEADER",
|
||||
"value": "Канѡ́нъ ѻ҆ктѡ́иха є҆ди́нъ, и҆ ст҃ы́хъ, два̀."
|
||||
},
|
||||
{
|
||||
"type": "HEADER",
|
||||
"value": "Канѡ́нъ мч҃никѡвъ, і҆ѡ́сифъ. гла́съ д҃, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Но́сиши по́льзꙋ твои̑мъ похва́льникѡмъ, бл҃же́нне."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Воспою̀ тебѣ̀, гдⷭ҇и бж҃е мо́й, ꙗ҆́кѡ и҆зве́лъ є҆сѝ лю́ди и҆зъ рабо́ты є҆гѵ́петскїѧ, покры́лъ же є҆сѝ колесни̑цы фараѡ́нѡвы и҆ си́лꙋ."
|
||||
},
|
||||
{
|
||||
"type": "TEXT",
|
||||
"value": "Носѧ́щи вѣ́рою благохва́лѧщымъ по́льзꙋ бжⷭ҇твеннꙋю, честна́ѧ наста̀ па́мѧть твоѧ̀, въ не́йже тѧ̀ мо́лимъ, блаже́нне: всѣ́хъ на́съ помѧнѝ."
|
||||
},
|
||||
{
|
||||
"type": "TEXT",
|
||||
"value": "И҆мѣ́ѧ дерзнове́нїѧ и҆спо́лнено твоѐ до́блественное помышле́нїе, безслове́снагѡ повелѣ́нїѧ небре́глъ є҆сѝ, бг҃одохнове́нне, и҆ ра́дꙋѧсѧ, бл҃же́нне, страда́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Си́лою возмога́емь нбⷭ҇ною, ѻ҆нисі́форе, къ лю̑тымъ ᲂу҆стреми́лсѧ є҆сѝ мꙋ́камъ, и҆ всю̀ побѣди́лъ є҆сѝ крѣ́пость ра́тꙋющагѡ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆ста́вила є҆сѝ сме́рти мꙋчи́тельство, безсме́ртнꙋю жи́знь созда́телѧ ро́ждши, хрⷭ҇та̀ и҆зба́вителѧ на́шего, дв҃о неискꙋсобра́чнаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ прпⷣбныѧ, і҆ѡ́сифъ, гла́съ и҃, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Матрѡ́ны подо́бнѡ пою̀ сла́вꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пои́мъ гдⷭ҇еви, всѝ лю́дїе, въ мо́ри чермнѣ́мъ фараѡ́на погрꙋзи́вшемꙋ, побѣ́днꙋю пѣ́снь пою́ще, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Съ чи̑ны нбⷭ҇ными всегда̀ сꙋ́щи, и҆ прича́стїемъ бжⷭ҇твеннымъ ѡ҆божа́ема, чтꙋ́щыѧ тѧ̀ спаса́й моли́твами твои́ми."
|
||||
},
|
||||
{
|
||||
"type": "TEXT",
|
||||
"value": "Всѧ̀ бжⷭ҇твеннымъ жела́нїемъ распала́емаѧ, разжжє́нїѧ сласте́й дꙋшетлѣ́нныхъ воздержа́нїѧ тꙋ́чами ᲂу҆гаси́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "Че́стенъ влⷣки сосꙋ́дъ ꙗ҆ви́ласѧ є҆сѝ, ѡ҆чи́стивши се́рдце, матрѡ́но, страсте́й плотски́хъ поще́нїемъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѡ҆бра́дованнаѧ, и҆зъ тебє̀ роди́тисѧ благоволи́вшаго па́че є҆стества̀ молѝ, ᲂу҆мири́ти и҆ спастѝ всѧ́чєскаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Лꙋ́къ си́льныхъ и҆знемо́же, и҆ немощствꙋ́ющїи препоѧ́сашасѧ си́лою: сегѡ̀ ра́ди ᲂу҆тверди́сѧ въ гдⷭ҇ѣ се́рдце моѐ."
|
||||
},
|
||||
{
|
||||
"type": "TEXT",
|
||||
"value": "Ра́вно ѻ҆ц҃ꙋ̀ и҆ дх҃ꙋ сло́во на три́знищи и҆сповѣ́дающе, мч҃ницы, треволнє́нїѧ мꙋ́къ мꙋ́жески ѿрази́ша."
|
||||
},
|
||||
{
|
||||
"type": "TEXT",
|
||||
"value": "Поста́вивъ тве́рдѡ но́ги твоѧ̑, мꙋ́чениче, на ка́мени и҆сповѣ́данїѧ и҆ вѣ́ры, вѣ̑тры, ѻ҆нисі́форе, ра́нъ не поколеба́лсѧ є҆сѝ."
|
||||
},
|
||||
{
|
||||
"type": "TEXT",
|
||||
"value": "Всѣ́мъ ᲂу҆мо́мъ, бл҃же́нне мꙋ́чениче, и҆зстꙋпи́въ ко хрⷭ҇тꙋ̀ жела́емомꙋ, не чꙋ́вствовалъ є҆сѝ и҆̀же ѿ ра́нъ болѣ́зней, всеблаже́нне."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: При́зри, пречⷭ҇таѧ, спасти́ мѧ: и҆́бо бжⷭ҇твеннымъ ма́нїемъ всѐ стро́ѧщаго воплоти́ла є҆сѝ бг҃а сло́ва, па́че сло́ва и҆ помышле́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
||||
},
|
||||
{
|
||||
"type": "TEXT",
|
||||
"value": "Жезло́мъ бжⷭ҇твенныѧ вѣ́ры страсте́й пресѣкла̀ є҆сѝ мо́ре, бжⷭ҇твеннѣ дꙋша́мъ предпꙋтетворѧ́щи пра́вое прехожде́нїе."
|
||||
},
|
||||
{
|
||||
"type": "TEXT",
|
||||
"value": "Ꙗ҆ви́ласѧ є҆сѝ ᲂу҆добре́нїе є҆ди́нствꙋющихъ ꙗ҆́вѣ, всечестна́ѧ, и҆ мона́хѡвъ житїѐ стѧжа́вши чи́стое и҆ непоро́чное."
|
||||
},
|
||||
{
|
||||
"type": "TEXT",
|
||||
"value": "Ме́ртвости совлекла́сѧ є҆сѝ тлетво́рныхъ страсте́й, сла́внаѧ, и҆ врага̀ житїе́мъ благоче́стнымъ ѡ҆бнажи́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Соедини́сѧ во ᲂу҆тро́бѣ твое́й созда́тель пло́ти, пречⷭ҇таѧ, пребы́въ, є҆́же бѣ̀, ꙗ҆́кѡ да, є҆́же бла́го бы́ти, человѣ́кѡмъ да́рꙋетъ."
|
||||
},
|
||||
{
|
||||
"type": "HEADER",
|
||||
"value": "Конда́къ прпⷣбныѧ, гла́съ в҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Бл҃года́ти прїи́мше:"
|
||||
},
|
||||
{
|
||||
"type": "TEXT",
|
||||
"value": "За любо́вь гдⷭ҇ню, прпⷣбнаѧ матрѡ́но, поко́ѧ жела́нїе возненави́дѣла є҆сѝ, поще́нїемъ дꙋ́хъ тво́й просвѣти́вши. Но твои́ми моли́твами и҆ проти́вныхъ шата̑нїѧ разорѝ: крѣ́пкѡ бо ѕвѣ́ри побѣди́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "І҆́косъ: Стрꙋю̀ мнѣ̀ сло́ва да́ждь, бж҃е мо́й, и҆ и҆сто́чникъ благочи́нїѧ сотворѝ мо́й ᲂу҆́мъ, и҆ благословѝ ѧ҆зы́къ мо́й, да воспою̀ твою̀ а҆́гницꙋ, ю҆́же вѣнча́лъ є҆сѝ ты̀ бл҃гостїю твое́ю: а҆́ще бо са́мъ не да́си мнѣ̀ сло́во досто́йное, ка́кѡ принесꙋ̀ да́ръ ни́щїй бога́тнѣй въ словесѣ́хъ и҆ дѣѧ́нїихъ; тѣ́мъ пода́ждь мнѣ̀ си́лꙋ, и҆сповѣ́дати є҆ѧ̀ натрижнє́нїѧ: крѣ́пкѡ бо ѕвѣ́ри побѣди́ла є҆́сть."
|
||||
},
|
||||
{
|
||||
"type": "HEADER",
|
||||
"value": "Сѣда́ленъ мч҃никѡвъ, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гро́бъ тво́й, сп҃се:"
|
||||
},
|
||||
{
|
||||
"type": "TEXT",
|
||||
"value": "Ѻ҆гне́мъ бжⷭ҇твеннагѡ распала́еми жела́нїѧ, ѻ҆гнѧ̀ чꙋ́вственнагѡ прикоснове́нїемъ ѿню́дъ не ѡ҆пали́стесѧ, блаже́ннїи, пре́лесть же пожго́сте, и҆ влеко́ми неми́лостивнѡ, страстоте́рпцы, приснопа́мѧтный прїѧ́сте коне́цъ, и҆ сла́вꙋ полꙋчи́сте."
|
||||
},
|
||||
{
|
||||
"type": "HEADER",
|
||||
"value": "Сла́ва, прпⷣбныѧ, гла́съ и҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное:"
|
||||
},
|
||||
{
|
||||
"type": "TEXT",
|
||||
"value": "Пред̾избра́ннаѧ ѿ бг҃а ма́ти, къ приста́нищꙋ жи́зни наставлѧ́ема, безъ волне́нїѧ житїѧ̀ бꙋ́рю претекла̀ є҆сѝ, со а҆́гг҃лы пѣсносло́вѧщи и҆зба́вителѧ, и҆ молѧ́щисѧ непреста́ннѡ ѡ҆ на́съ, ꙗ҆́кѡ да благода́ть и҆ ми́лость хрⷭ҇то́съ да́рꙋетъ на́мъ, сохранѧ́ющи па́ствꙋ, ю҆́же болѣ́знїю соста́вила є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Непремѣ́ннаго бг҃а поро́ждшаѧ, премѣнѧ́емое при́снѡ се́рдце моѐ грѣхо́мъ и҆ лѣ́ностїю, прило́гами льсти́вагѡ, ᲂу҆твердѝ, бл҃га́ѧ, моли́твами мт҃рними твои́ми: ꙗ҆́кѡ да и҆ а҆́зъ благода́рнѡ сла́влю тѧ̀, бг҃ороди́тельнице марі́е, поми́лꙋй ста́до твоѐ є҆́же стѧжа́ла є҆сѝ, всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Крⷭ҇тобг҃оро́диченъ: Сн҃а твоегѡ̀ и҆ бг҃а крⷭ҇то́мъ, дв҃о, сохранѧ́еми при́снѡ, де́мѡнскїѧ прило́ги и҆ кѡ́зни побѣжда́емъ, сꙋ́щꙋю бцⷣꙋ тѧ̀ и҆́стиннѡ воспѣва́юще: и҆ любо́вїю всѝ ро́ди блажи́мъ, пречⷭ҇таѧ, ꙗ҆́коже прорекла̀ є҆сѝ. //Тѣ́мже согрѣше́нїй на́шихъ ѡ҆ставле́нїе моли́твами твои́ми да́рꙋй."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Любвѐ ра́ди, ще́дре, твоегѡ̀ ѻ҆́браза, на крⷭ҇тѣ̀ твое́мъ ста́лъ є҆сѝ, и҆ раста́ѧшасѧ ꙗ҆зы́цы: ты́ бо є҆сѝ, чл҃вѣколю́бче, крѣ́пость моѧ̀ и҆ хвале́нїе."
|
||||
},
|
||||
{
|
||||
"type": "TEXT",
|
||||
"value": "Ѡ҆блиста́ющее свѣтозаре́нїе болѣ́зней твои́хъ, ѻ҆нисі́форе мч҃ниче, привлечѐ любо́вїю, блаже́нне, спострада́ти тебѣ̀ блаже́ннаго порфѵ́рїа."
|
||||
},
|
||||
{
|
||||
"type": "TEXT",
|
||||
"value": "Возложи́вше на сковрадꙋ̀ разжже́ннꙋю, протѧза́ютъ мꙋчи́тели кꙋ́пнѡ хрⷭ҇тѡ́вы во́ины, ра́дꙋющыѧсѧ и҆ горѧ́щыѧ дꙋ́хомъ."
|
||||
},
|
||||
{
|
||||
"type": "TEXT",
|
||||
"value": "Заколе́нїе ꙗ҆́кѡ соверше́нно, страстоте́рпцы, и҆ чи̑стыѧ жє́ртвы влⷣцѣ всѣ́хъ, ра́дꙋющесѧ, приведо́стесѧ, тѣ́мъ блажи́ми є҆стѐ."
|
||||
},
|
||||
{
|
||||
"type": "TEXT",
|
||||
"value": "Разꙋ́мнѡ тѧ̀ возложе́ннаго влⷣцѣ, льсти̑выѧ бесѣ̑ды прельсти́ти ѿню́дъ не возмого́ша, порфѵ́рїе бг҃омꙋ́дре, всемꙋ́дре и҆ всебога́те."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Воплоща́ема родила̀ є҆сѝ бг҃а сло́ва, ᲂу҆подо́битисѧ, ѻ҆трокови́це, за милосе́рдїе ми́лости всѣ̑мъ благоволи́вша, всенепоро́чнаѧ влⷣчце."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Ка́плѧми сле́зъ твои́хъ напои́вши се́рдце твоѐ, и҆ воздѣ́лала є҆сѝ добродѣ́телей стори́чествꙋющїй, ѽ матрѡ́но! Кла́съ бжⷭ҇твенною благода́тїю."
|
||||
},
|
||||
{
|
||||
"type": "TEXT",
|
||||
"value": "По хрⷭ҇тꙋ̀ возве́ргши помышле́нїѧ степє́ни, пребы́сть напа́стьми непревра́тна лꙋка́выхъ де́мѡнѡвъ, достосла́внаѧ."
|
||||
},
|
||||
{
|
||||
"type": "TEXT",
|
||||
"value": "До́блественною мꙋ́дростїю сопрꙋ́га ѡ҆ста́вивши и҆ житїѧ̀ мѧте́жъ, и҆́го хрⷭ҇то́во возлюби́ла є҆сѝ, и҆ тогѡ̀ въ слѣ́дъ послѣ́довала є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Не ѡ҆ста́вивъ нбⷭ҇ныхъ, пречⷭ҇таѧ, бг҃ъ, и҆стощава́етсѧ во ᲂу҆тро́бѣ твое́й, и҆ мѣ́ритсѧ безмѣ́рный, безмѣ̑рнаѧ мі́ра разрѣши́въ прегрѣшє́нїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ вѣ́рою воспѣва́ющыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Столпѝ хрⷭ҇то́вы цр҃кве непоколеби́мїи, колеба́ньми мꙋ́къ непревра́тни крѣ́постїю дꙋ́ха ꙗ҆ви́стесѧ."
|
||||
},
|
||||
{
|
||||
"type": "TEXT",
|
||||
"value": "Кꙋми́ры богѡ́въ скве́рныхъ и҆стни́сте, и҆ ꙗ҆ви́стесѧ благоче́стїѧ и҆ мꙋ́жества ѻ҆́бразы, честні́и великомꙋ́чєницы."
|
||||
},
|
||||
{
|
||||
"type": "TEXT",
|
||||
"value": "Во́инствомъ и҆́стиннымъ ѿ бг҃а препоѧ́састесѧ, привре́менное могꙋ́тство ѡ҆ста́вивше вѣ́рою, ра́дꙋющесѧ пострада́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Всели́сѧ въ тѧ̀, вмѣсти́всѧ, невмѣ́стный, и҆ показа́ тѧ нб҃съ ши́ршꙋю, дв҃о. Тѣ́мъ тѧ̀ ᲂу҆блажа́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́тренююще вопїе́мъ тѝ, гдⷭ҇и, спаси́ ны: ты́ бо є҆сѝ бг҃ъ на́шъ ра́звѣ тебє̀ и҆но́гѡ не вѣ́мы."
|
||||
},
|
||||
{
|
||||
"type": "TEXT",
|
||||
"value": "Ѡ҆дѣ́ѧвшисѧ во ѻ҆́бразъ ст҃ы́й, ѽ матрѡ́но! Врага̀ ѕлотво́рнаго въ стꙋ́дъ ѡ҆дѣ́ѧла є҆сѝ."
|
||||
},
|
||||
{
|
||||
"type": "TEXT",
|
||||
"value": "Текꙋ́щими и҆змѣни́ла є҆сѝ бꙋ̑дꙋщаѧ, и҆ сопрꙋ́жникомъ жениха̀ безсме́ртнаго, невѣстоводи́телѧ дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Всено́щнꙋю приносѧ́щи хвалꙋ̀ влⷣцѣ, матрѡ́но, ᲂу҆спи́ла є҆сѝ сла̑сти тѣлє́сныѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ме́ртвыхъ и҆ живы́хъ влⷣкꙋ родила̀ є҆сѝ, стра̑сти, всенепоро́чнаѧ, се́рдца моегѡ̀ ᲂу҆мертвѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прїидо́хъ во глꙋбины̑ морскі̑ѧ, и҆ потопи́ла мѧ̀ є҆́сть бꙋ́рѧ мно́гихъ грѣхѡ́въ: но, ꙗ҆́кѡ бг҃ъ, и҆зъ глꙋбины̀ возведѝ живо́тъ мо́й, многоми́лостиве."
|
||||
},
|
||||
{
|
||||
"type": "TEXT",
|
||||
"value": "Болѣ̑зни ра̑нъ претерпѣ́лъ є҆сѝ, ѻ҆нисі́форе мч҃ниче, тече́нїе соверши́въ свидѣ́тельства, и҆ побѣди́тель бы́въ, прїѧ́лъ є҆сѝ по́чєсти небє́сныѧ."
|
||||
},
|
||||
{
|
||||
"type": "TEXT",
|
||||
"value": "Дрꙋ́гъ дрꙋ́гꙋ содержа́щесѧ вѣ́рою, привѧза́еми кꙋ́пнѡ и҆ влеко́ми, разрѣше́нїе тѣлесѐ, ꙗ҆́кѡ крѣ́пцыи страда́льцы, прїѧ́сте, гдⷭ҇ꙋ совокꙋплѧ́еми."
|
||||
},
|
||||
{
|
||||
"type": "TEXT",
|
||||
"value": "Къ ко́нємъ привѧ́зани, и҆ нꙋ́жднѡ влеко́ми, нра́вомъ сꙋдѧ́щагѡ лютѣ́йшимъ, благосла́внїи мч҃ницы гдⷭ҇ни, бжⷭ҇твеннагѡ конца̀ сподо́бистесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Зако́нѡвъ кромѣ̀ є҆сте́ственныхъ, дв҃о, законода́вца ражда́еши, ѡ҆бновлѧ́ющаго сокрꙋше́нное є҆стество̀ на́ше: є҆го́же молѝ спасти́ мѧ, грѣхи̑ сокрꙋше́ннаго."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ пти́ца добропѣ́снива въ лꙋ́зѣ по́стничества сла́дкѡ возглаша́ющи, ꙗ҆́кѡ ᲂу҆́мныѧ привлекла̀ є҆сѝ вра́бїи, свѧще́ннѣйшихъ же́нъ собо́ръ мре́жь, вра́жїихъ и҆збѣ́гши, матрѡ́но, дꙋ́хомъ."
|
||||
},
|
||||
{
|
||||
"type": "TEXT",
|
||||
"value": "Пло́ть ᲂу҆́бѡ любомꙋ́дрїемъ держа́щи, и҆ ѡ҆бꙋздова́ющи стра̑сти, прпⷣбнаѧ, дꙋши́ же краснѣ́йшꙋю добро́тꙋ свѣ́тлѡ хрⷭ҇тꙋ̀ бл҃гоꙋкраша́ющи, красна́ же и҆ благолѣ́пна, матрѡ́но, дꙋ́хомъ позна́ласѧ є҆сѝ."
|
||||
},
|
||||
{
|
||||
"type": "TEXT",
|
||||
"value": "А҆́гг҃льское жи́тельство на землѝ возлюби́ла є҆сѝ, пою́щи непреста́ннѡ, на́съ ра́ди ѿ ст҃ы́ѧ дв҃ы за мно́жество бла́гости воплоти́вшасѧ, и҆ є҆стество̀ же́нское на врага̀ лꙋка́ваго ᲂу҆крѣпи́вша."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Порабо́тисѧ грѣхо́мъ є҆стество̀ человѣ́ческое: но сїѐ и҆зба́вила є҆сѝ, бцⷣе, лꙋка́выѧ рабо́ты, всѧ́ческихъ влⷣкꙋ ро́ждши, показа́вшаго на́мъ жи́зни вхо́ды, всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "Конда́къ, гла́съ в҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Вы́шнихъ и҆щѧ̀:"
|
||||
},
|
||||
{
|
||||
"type": "TEXT",
|
||||
"value": "Мч҃никъ дво́ица пострада́вше крѣ́пкѡ, вра́жїю горды́ню на зе́млю низложи́сте, ѡ҆зари́вшесѧ бл҃года́тїю несозда́нныѧ трⷪ҇цы, сла́внїи, ѻ҆нисі́форе и҆ порфѵ́рїе, моли́тесѧ непреста́ннѡ ѡ҆ всѣ́хъ на́съ."
|
||||
},
|
||||
{
|
||||
"type": "TEXT",
|
||||
"value": "І҆́косъ: Возмого́ша бжⷭ҇твенною крѣ́постїю, ᲂу҆тве́рждшесѧ хрⷭ҇то́вы во́ини, низложи́ти вра̑жїѧ совѣ́ты и҆ ᲂу҆хищрє́нїѧ, къ свирѣ̑пымъ ко́нємъ кꙋ́пнѡ привѧ́зани, и҆ стра́ждꙋще зако́ннѡ, на́мъ про́сѧтъ ѿ бг҃а долгѡ́въ проще́нїѧ, и҆ разрѣше́нїѧ грѧдꙋ́щихъ и҆скꙋше́нїй, и҆ лю́тыхъ и҆збавле́нїѧ. Тѣ́мъ ты́ѧ хва́лимъ при́снѡ, ꙗ҆́кѡ при̑сныѧ къ бг҃ꙋ ᲂу҆го́дники, молѧ́щыѧсѧ непреста́ннѡ ѡ҆ всѣ́хъ на́съ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: А҆враа́мстїи и҆ногда̀ въ вавѷлѡ́нѣ ѻ҆́троцы пе́щный пла́мень попра́ша, пѣ́сньми взыва́юще: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бл҃горо́днѣйшїѧ твоеѧ̀ дꙋшѝ благорѡ́дныѧ твоѧ̑ нра́вы ꙗ҆влѧ́ѧ, и҆сповѣ́далъ є҆сѝ предъ мꙋчи́тєли, ѻ҆нисі́форе мꙋ́чениче, бг҃а воплоще́нна."
|
||||
},
|
||||
{
|
||||
"type": "TEXT",
|
||||
"value": "Вѣ́чнꙋю бжⷭ҇твеннꙋю свобо́дꙋ любѧ̀ твоемꙋ̀ влⷣчцѣ, ꙗ҆́кѡ благопослꙋшли́въ ра́бъ, спострада́лъ є҆сѝ, и҆ съ ни́мъ ликꙋ́еши, порфѵ́рїе всеблаже́нне."
|
||||
},
|
||||
{
|
||||
"type": "TEXT",
|
||||
"value": "Бжⷭ҇твенными кровьмѝ ва́шими, разжже́нный пла́мень безбо́жїѧ ᲂу҆гаси́вше, вопїе́те, всехва́льнїи: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Да блаже́нныѧ и҆ безсме́ртныѧ сла́вы сподо́битесѧ, блаже́ннꙋю пострада́сте сме́рть, бг҃освѣ̑тлыѧ ѕвѣ́зды мы́сленнагѡ сл҃нца."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Воплоще́нно сло́во ѿ твои́хъ крове́й ражда́еши, земны̑ѧ ѡ҆божи́ти благоволи́вшаго, дв҃о, воспѣва́ющыѧ. Ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ, гдⷭ҇и бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ го́рлица краснѣ́йша, соблюла̀ є҆сѝ бг҃ꙋ цѣломꙋ́дрїѧ благоча́дїе, страсте́й непло́дствомъ, блаже́ннаѧ, вопїю́ще: и҆́стиннѡ ѡ҆богати́вши, тобо́ю спаса́ємыѧ."
|
||||
},
|
||||
{
|
||||
"type": "TEXT",
|
||||
"value": "Мі́ръ, честна́ѧ, и҆ ꙗ҆̀же въ мі́рѣ ѡ҆ста́вивши въ бж҃їей наде́жди, премі́рное ны́нѣ наслѣ́довала є҆сѝ наслѣ́дїе, є҆ди́нствꙋющихъ сꙋ́щаѧ и҆́стиннѡ, матрѡ́но, красота̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Разрѣша́ѧ є҆́ѵинꙋ клѧ́твꙋ, въ пренепоро́чнꙋю всели́сѧ дв҃и́цꙋ, бл҃гослове́нїѧ и҆сто́чникъ и҆сточа́ѧ вопїю́щымъ: бл҃гослове́нъ, пречⷭ҇таѧ, пло́дъ твоегѡ̀ чре́ва."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На крⷭ҇тѣ̀ пло́тїю пригвожде́ннаго, и҆ показа́вшаго на́мъ ѻ҆рꙋ́жїе во спасе́нїе, ѻ҆́троцы, превозноси́те хрⷭ҇та̀ бг҃а на́шего во вѣ́ки."
|
||||
},
|
||||
{
|
||||
"type": "TEXT",
|
||||
"value": "Оу҆деса̀ терза́нїємъ преда́вше, растерза́сте врага̀ несмы́сленное се́рдце, пребы́вше непоколе́блени ᲂу҆мо́мъ, великоимени́тїи вѣнцено́сцы."
|
||||
},
|
||||
{
|
||||
"type": "TEXT",
|
||||
"value": "Кровьмѝ ва́шими ѻ҆́гнь ᲂу҆гасѐ невѣ́дѣнїѧ, страда́льцы, вѣ́рныхъ же напои́сте всѣ́хъ и҆ сердца̀ и҆ дꙋ́шы возраще́нїемъ бг҃озна́нїѧ."
|
||||
},
|
||||
{
|
||||
"type": "TEXT",
|
||||
"value": "Во́лны лю́тыхъ мꙋче́нїй ѡ҆кормле́нїемъ хрⷭ҇то́вымъ преидо́сте, и҆ къ приста́нищꙋ бжⷭ҇твеннагѡ црⷭ҇твїѧ нбⷭ҇нагѡ приста́сте въ нетлѣ́нїе."
|
||||
},
|
||||
{
|
||||
"type": "TEXT",
|
||||
"value": "Оу҆́глїе ѻ҆гне́мъ паракли́та распалѧ́еми, ꙗ҆́вѣ мч҃ницы ꙗ҆́вльшесѧ, пожго́ша ле́сть вра́жїю, и҆ просвѣти́ша вселе́ннꙋю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Цвѣ́тъ и҆збра́нный во ᲂу҆до́лїихъ, ѻ҆трокови́це, житїѧ̀ ѡ҆брѣ́тъ, возжелѣ̀ твоеѧ̀ добро́ты сло́во бж҃їе, и҆ воплоти́всѧ, ѡ҆благово́нстви вселе́ннꙋю."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Побѣди́тели мꙋчи́телѧ и҆ пла́мене благода́тїю твое́ю бы́вше, за́повѣдемъ твои̑мъ ѕѣлѡ̀ прилѣжа́ще, ѻ҆́троцы вопїѧ́хꙋ: благослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Благоче́стїѧ нра́вы дꙋ́шꙋ ᲂу҆краси́вши, матрѡ́но, дх҃омъ бжⷭ҇твеннымъ бг҃ꙋ привела̀ є҆сѝ, чи́стаѧ, ли́къ дѣ́въ, пою́щїи: благослови́те всѧ̑ дѣла̀ гдⷭ҇а, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Твои́хъ по́тѡвъ тꙋ́чы бжⷭ҇твенною благода́тїю, страсте́й тꙋ́чы, матрѡ́но, мꙋ̑тныѧ и҆зсꙋша́ютъ: сердца́ же вѣ́рнѡ приходѧ́щихъ всегда̀ напаѧ́ютъ. Тѣ́мъ тѧ̀ почита́емъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Тебѐ самꙋ́ю ѻ҆рꙋ̑жїи вѣ́ры воѡрꙋжи́вши воздержа́нїѧ, не ᲂу҆ѧзви́ласѧ є҆сѝ стрѣло́ю сла́сти, пребыва́ющи посредѣ̀ мꙋже́й: и҆ дре́вле є҆́ѵꙋ ᲂу҆ѧзви́вшаго ᲂу҆ѧзви́ла є҆сѝ копїе́мъ цѣломꙋ́дрїѧ, матрѡ́но блаже́ннаѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сѐ дв҃а, ꙗ҆́кѡ глаго́летъ дх҃омъ и҆са́їа, и҆мѣ̀ во чре́вѣ и҆зба́вльшаго ны̀ ѿ а҆́дова чре́ва, благоче́стнѡ вопїю́щыѧ: благослови́те всѧ̑ дѣла̀ гдⷭ҇а, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ, клѧ́твꙋ всели́ла є҆́сть, ты́ же, дв҃о бцⷣе, прозѧбе́нїемъ чревоноше́нїѧ мі́рови благослове́нїе процвѣла̀ є҆сѝ. Тѣ́мъ тѧ̀ всѝ велича́емъ."
|
||||
},
|
||||
{
|
||||
"type": "TEXT",
|
||||
"value": "Возмого́ша, си́лою хрⷭ҇то́вою вжилѧ́еми, безплѡ́тныѧ съ тѣ́ломъ побори́ти, до́блїи а҆дама́нти, столпѝ вѣ́ры, и҆ ны́нѣ на нб҃сѣ́хъ веселѧ́тсѧ ѿ вѣ́ка съ пострада́вшими."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ колесни́ца словесѐ свѧще́ннаѧ бы́вше, къ безсловє́снымъ привѧ́зани бы́сте, бжⷭ҇твеннїи мч҃ницы, и҆ къ приста́нищꙋ нбⷭ҇номꙋ достиго́сте, ра́дꙋющесѧ, и҆ побѣ́ды по́чєсти прїѧ́сте. Тѣ́мъ досто́йнѡ блажи́ми є҆стѐ."
|
||||
},
|
||||
{
|
||||
"type": "TEXT",
|
||||
"value": "Тѣлеса̀ ва̑ша пангеа́нѡвъ сла́вный ны́нѣ и҆́мать гра́дъ, мч҃ницы бжⷭ҇твеннїи, ѡ҆бога́щсѧ застꙋ̑пники ва́ми, и҆ врачи̑, цѣлѧ́щими тѣле́съ и҆ дꙋ́шъ недꙋ́ги, приходѧ́щихъ вѣ́рою всегда̀."
|
||||
},
|
||||
{
|
||||
"type": "TEXT",
|
||||
"value": "Бжⷭ҇твеннаѧ дво́ица и҆ свѣтоза́рнаѧ, порфѵ́рїе страстоте́рпче присносла́вный и҆ ѻ҆нисі́форе доблемꙋ́дрый, трⷪ҇цѣ прест҃ѣ́й моли́тесѧ, ми́ръ и҆ лю́тыхъ и҆збавле́нїе пода́ти дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѡ҆дѣ́ѧвсѧ во всего́ мѧ во́лею влⷣка, ѿ твои́хъ происхо́дитъ, всенепоро́чнаѧ, бжⷭ҇твенныхъ чре́слъ, ꙗ҆́кѡ жени́хъ: и҆ млеко́мъ пита́етсѧ, и҆́же всю̀ тва́рь пита́ѧй ма́нїемъ, бл҃гослове́ннаѧ приснодв҃о."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆страши́сѧ всѧ́къ слꙋ́хъ неизрече́нна бж҃їѧ снизхожде́нїѧ, ꙗ҆́кѡ вы́шнїй во́лею сни́де да́же и҆ до пло́ти, ѿ дв҃и́ческагѡ чре́ва бы́въ чл҃вѣ́къ. Тѣ́мже пречⷭ҇тꙋю бцⷣꙋ, вѣ́рнїи, велича́емъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ бжⷭ҇твеннаѧ ты̀ голꙋби́ца, добродѣ́телей позлаще́нными кри́лы, матрѡ́но сла́внаѧ, вы́спрь возлетѣ́ла є҆сѝ, и҆ ны́нѣ воспочива́еши, и҆дѣ́же прпⷣбныхъ ли́цы, и҆ пра́ведныхъ чи́ни, и҆ вѣ́чное весе́лїе, и҆ ра́дость неизглаго́ланнаѧ."
|
||||
},
|
||||
{
|
||||
"type": "TEXT",
|
||||
"value": "Лю́бѧщи ѿ жены̀ за ᲂу҆тро́бы щедро́тъ возсїѧ́вшаго, незаходи́маго сл҃нца разжже́ннꙋю и҆ неꙋдо́бь прохо́днꙋю, ᲂу҆до́бнѡ про́йде чи́стаѧ стезю̀ по́стнꙋю, де́мѡны попалѧ́ющи, и҆ стра̑сти плотскі̑ѧ и҆зсꙋша́ющи."
|
||||
},
|
||||
{
|
||||
"type": "TEXT",
|
||||
"value": "Бжⷭ҇твеннаѧ па́мѧть твоѧ̀ на́мъ свѣтлѣ́йши со́лнца возсїѧ̀, просвѣща́ющи на̑ша сердца̀ и҆ помышлє́нїѧ: въ ню́же помина́й на́съ, вѣ́рою творѧ́щихъ ю҆̀, матрѡ́но сла́внаѧ, дерзнове́нїе къ бг҃ꙋ и҆́стиннѡ и҆мꙋ́щи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Носѧ́щи, ѻ҆трокови́це, рꙋка́ми, всѧ́чєскаѧ ма́нїемъ носѧ́щаго, рꙋки́ мѧ и҆зба́ви чꙋжда́гѡ хода́тайствомъ твои́мъ: и҆ свѣ́томъ твои́мъ моѐ помышле́нїе просвѣтѝ, и҆ ѿчꙋждѝ страсте́й неѡсла́бнѡ борю́щихъ мѧ̀."
|
||||
},
|
||||
{
|
||||
"type": "HEADER",
|
||||
"value": "Свѣти́ленъ."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Жєны̀ ᲂу҆слы́шите:"
|
||||
},
|
||||
{
|
||||
"type": "TEXT",
|
||||
"value": "Мꙋ́ченики почти́мъ, страда̑нїи возсїѧ́вшихъ, и҆ ѡ҆зари́вшихъ мі́ръ мꙋ́ченическими свѣтлостьмѝ, ѻ҆нисі́фора сла́внаго, и҆ съ ни́мъ порфѵ́рїа: и҆́бо сі́и мо́лѧтсѧ ѡ҆ на́съ, любо́вїю соверша́ющихъ па́мѧть и҆́хъ."
|
||||
},
|
||||
{
|
||||
"type": "HEADER",
|
||||
"value": "Сла́ва, прпⷣбныѧ:"
|
||||
},
|
||||
{
|
||||
"type": "TEXT",
|
||||
"value": "Посредѣ̀ мꙋже́й всели́ласѧ є҆сѝ, матрѡ́но присносла́внаѧ, прїе́мши ѻ҆́бразъ, ѽ стра́нно чꙋ́до! Прпⷣбнаѧ, ка́кѡ ᲂу҆таи́ласѧ є҆сѝ мꙋчи́телѧ, тве́рдѡ при́снѡ ѡ҆горча́ющасѧ; поще́нїемъ и҆ моли́твами и҆ бдѣ̑нїи непреста́нными сегѡ̀ главꙋ̀ сокрꙋши́ла є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, бж҃їѧ пала́то: ра́дꙋйсѧ, горо̀ ѡ҆сѣне́ннаѧ: ра́дꙋйсѧ, неѡпали́маѧ кꙋпино̀: ра́дꙋйсѧ, прⷭ҇то́ле сла́вы: ра́дꙋйсѧ, бжⷭ҇твеннаѧ трапе́зо: ра́дꙋйсѧ, ста́мно всезлата́ѧ: ра́дꙋйсѧ, свѣ́щниче всесвѣ́тлый: ра́дꙋйсѧ, ле́гкїй ѻ҆́блаче, дв҃ома́ти марі́е."
|
||||
}
|
||||
]
|
||||
@@ -0,0 +1,702 @@
|
||||
[
|
||||
{
|
||||
"type": "HEADER",
|
||||
"value": "Ное́мврїа ѳ҃"
|
||||
},
|
||||
{
|
||||
"type": "HEADER",
|
||||
"value": "Пра́зднество прест҃ѣ́й влⷣчцѣ на́шей бг҃оро́дицѣ ра́ди а҆ѳѡ́нскїѧ чꙋдотво́рныѧ є҆ѧ̀ і҆кѡ́ны, нарица́емыѧ скоропослꙋ́шница."
|
||||
},
|
||||
{
|
||||
"type": "HEADER",
|
||||
"value": "На вече́рни. Бл҃же́нъ мꙋ́жъ: а҃-й а҆нтїфѡ́нъ."
|
||||
},
|
||||
{
|
||||
"type": "HEADER",
|
||||
"value": "На Гдⷭ҇и воззва́хъ: стїхи̑ры, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Дне́сь любо́вїю пра́зднꙋюще бг҃оро́дицѣ, честно́мꙋ ѻ҆́бразꙋ є҆ѧ̀ поклони́мсѧ и҆ те́плѣ возопїи́мъ: мт҃рнее дерзнове́нїе къ сн҃ꙋ твоемꙋ̀ и҆ бг҃ꙋ, дв҃о, и҆мꙋ́щи, и҆спросѝ на́мъ ᲂу҆ негѡ̀ проще́нїе грѣхѡ́въ, ми́ръ и҆ ве́лїю ми́лость."
|
||||
},
|
||||
{
|
||||
"type": "TEXT",
|
||||
"value": "Хра́мъ бжⷭ҇тва̀ сꙋ́щаѧ, вмѣсти́лище простра́нное бл҃года́ти и҆ милосе́рдїѧ ꙗ҆ви́ласѧ є҆сѝ, бг҃оневѣ́сто. Оу҆слы́ши ᲂу҆̀бо ско́рѡ рабѡ́въ твои́хъ, всебл҃га́ѧ скоропослꙋ́шнице, и҆ пода́ждь скорбѧ́щымъ ᲂу҆тѣше́нїе, бѣ́дствꙋющымъ ѿ бѣ́дъ и҆збавле́нїе, болѧ́щымъ здра́вїе и҆ всѣ̑мъ вѣ̑рнымъ ве́лїю ми́лость."
|
||||
},
|
||||
{
|
||||
"type": "TEXT",
|
||||
"value": "При́зри съ нб҃сѐ, бг҃оро́дице, на предстоѧ́щыѧ пред̾ ст҃о́ю і҆кѡ́ною твое́ю и҆ тебѐ съ вѣ́рою призыва́ющыѧ, и҆ бл҃года́ть твою̀ низпослѝ на́мъ, да бг҃оꙋго́днѡ по́прище жи́зни на́шеѧ пре́йдемъ и҆ да сподо́бимсѧ твои́мъ хода́тайствомъ ѿ сн҃а твоегѡ̀ прїѧ́ти ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Весели́сѧ, дохїа́рскаѧ ѻ҆би́тель а҆рха́гг҃лѡвъ, ра́дꙋйтесѧ, сꙋ́щїи во а҆ѳѡ́нѣ и҆ повсю́дꙋ, вѣ́рнїи: ѻ҆́бщаѧ бо всѣ́хъ застꙋ́пница восхотѣ̀ бы́ти ско́раѧ молѧ́щихсѧ ᲂу҆слы́шательница вели́кїѧ ра́ди своеѧ̀ ми́лости."
|
||||
},
|
||||
{
|
||||
"type": "TEXT",
|
||||
"value": "Прите́кше под̾ кро́въ кри́лъ нбⷭ҇ныхъ во́инствъ а҆рхїстрати́гѡвъ, притеце́мъ и҆ под̾ кро́въ нб҃сѐ и҆ землѝ влⷣчцы, бл҃гоꙋтро́бнѡ бо прїе́млетъ и҆ ско́рѡ вне́млетъ проше́нїємъ, ꙗ҆́кѡ всебл҃га́ѧ скоропослꙋ́шница, къ ѻ҆́бразꙋ є҆ѧ̀ со благоговѣ́нїемъ прибѣга́ющихъ вели́кїѧ ра́ди своеѧ̀ ми́лости."
|
||||
},
|
||||
{
|
||||
"type": "TEXT",
|
||||
"value": "Бг҃оизбра́ннаѧ дв҃о всецр҃и́це, и҆́нокѡвъ неѡбори́мый покро́ве и҆ всѣ́хъ хрⷭ҇тїа́нъ непосты́дное прибѣ́жище, хранѝ жре́бїй тво́й, рѡссі́ю и҆ всѧ̑ гра́ды, вє́си и҆ ѡ҆би́тели правѡсла́вныѧ невреди̑мы ѿ вра̑гъ ви́димыхъ и҆ неви́димыхъ, и҆ всѣ́хъ на́съ застꙋпѝ и҆ сп҃сѝ вели́кїѧ ра́ди твоеѧ̀ ми́лости."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, гла́съ з҃:"
|
||||
},
|
||||
{
|
||||
"type": "TEXT",
|
||||
"value": "Є҆гда̀ трапеза́рь дохїа́рскїй ні́лъ лиши́сѧ зрѣ́нїѧ за є҆́же не внѧ́ти гла́сꙋ твоемꙋ̀, пречⷭ҇таѧ, и҆ принесѐ тебѣ̀ покаѧ́нїе пред̾ ст҃о́ю і҆кѡ́ною твое́ю, благоволи́ла є҆сѝ рещѝ є҆мꙋ̀: ѽ и҆́ноче, ᲂу҆слы́шасѧ моле́нїе твоѐ ко мнѣ̀, бꙋ́ди проще́нъ и҆ зрѧ́й, ꙗ҆́кѡ и҆ пре́жде, возвѣсти́ же и҆ про́чымъ подвиза́ющымсѧ ѻ҆тцє́мъ и҆ собра́тїѧмъ твои̑мъ, ꙗ҆́кѡ а҆́зъ є҆́смь мт҃рь бг҃а сло́ва и҆ сщ҃е́нныѧ ѻ҆би́тели а҆рха́гг҃лѡвъ по бз҃ѣ покро́въ, и҆ по́мощь, и҆ держа́вное предста́тельство, промышлѧ́ющаѧ ѡ҆ не́й, ꙗ҆́кѡ взбра́ннаѧ прави́тельница. И҆ впре́дь и҆́ноцы да прибѣга́ютъ ко мнѣ̀ во всѧ́кой и҆́хъ нꙋ́ждѣ, и҆ ско́рѡ и҆́мамъ слꙋ́шати и҆̀хъ и҆ всѣ́хъ, со благоговѣ́нїемъ прибѣга́ющихъ ко мнѣ̀ правосла́вныхъ хрⷭ҇тїа́нъ, се́ бо скоропослꙋ́шница нарица́юсѧ."
|
||||
},
|
||||
{
|
||||
"type": "HEADER",
|
||||
"value": "Вхо́дъ. Прокі́менъ днѐ и҆ чтє́нїѧ."
|
||||
},
|
||||
{
|
||||
"type": "HEADER",
|
||||
"value": "Бытїѧ̀ чте́нїе. (Глава̀ к҃и.)"
|
||||
},
|
||||
{
|
||||
"type": "TEXT",
|
||||
"value": "И҆зы́де і҆а́кѡвъ ѿ стꙋденца̀ клѧ́твеннагѡ, и҆ и҆́де въ харра́нъ. И҆ ѡ҆брѣ́те мѣ́сто, и҆ спа̀ та́мѡ: за́йде бо со́лнце. И҆ взѧ́тъ ѿ ка́менїѧ мѣ́ста тогѡ̀, и҆ положѝ возгла́вїе себѣ̀, и҆ спа̀ на мѣ́стѣ ѻ҆́номъ. И҆ со́нъ ви́дѣ: сѐ лѣ́ствица ᲂу҆твержде́на на землѝ, є҆ѧ́же глава̀ досѧза́ше до небе́съ, и҆ а҆́гг҃ли бж҃їи восхожда́хꙋ и҆ низхожда́хꙋ по не́й. Гдⷭ҇ь же ᲂу҆твержда́шесѧ на не́й, и҆ речѐ: а҆́зъ бг҃ъ а҆враа́мовъ, ѻ҆тца̀ твоегѡ̀, и҆ бг҃ъ і҆саа́ковъ, не бо́йсѧ: землѧ̀, и҆дѣ́же ты̀ спи́ши на не́й, тебѣ̀ да́мъ ю҆̀, и҆ сѣ́мени твоемꙋ̀ И҆ бꙋ́детъ сѣ́мѧ твоѐ ꙗ҆́кѡ песо́къ земны́й, и҆ распространи́тсѧ на мо́ре, и҆ лі́вꙋ, и҆ сѣ́веръ, и҆ на восто́ки: и҆ возбл҃гословѧ́тсѧ ѡ҆ тебѣ̀ всѧ̑ колѣ̑на земна̑ѧ, и҆ ѡ҆ сѣ́мени твое́мъ. И҆ сѐ а҆́зъ съ тобо́ю сохранѧ́ѧй тѧ̀ на всѧ́комъ пꙋтѝ, а҆́може а҆́ще по́йдеши, и҆ возвращꙋ́ тѧ въ зе́млю сїю̀: ꙗ҆́кѡ не и҆́мамъ тебѐ ѡ҆ста́вити, до́ндеже сотвори́ти мѝ всѧ̑, є҆ли̑ка глаго́лахъ тебѣ̀. И҆ воста̀ і҆а́кѡвъ ѿ сна̀ своегѡ̀, и҆ речѐ: ꙗ҆́кѡ є҆́сть гдⷭ҇ь на мѣ́стѣ се́мъ, а҆́зъ же не вѣ́дѣхъ. И҆ ᲂу҆боѧ́сѧ, и҆ речѐ: ꙗ҆́кѡ стра́шно мѣ́сто сїѐ: нѣ́сть сїѐ, но до́мъ бж҃їй, и҆ сїѧ̑ врата̀ нбⷭ҇наѧ."
|
||||
},
|
||||
{
|
||||
"type": "HEADER",
|
||||
"value": "Прⷪ҇ро́чества і҆езекі́илева чте́нїе. (Главы̑ м҃г и҆ м҃д.)"
|
||||
},
|
||||
{
|
||||
"type": "TEXT",
|
||||
"value": "Та́кѡ глаго́летъ гдⷭ҇ь: бꙋ́детъ ѿ днѐ ѻ҆сма́гѡ и҆ про́чее, сотворѧ́тъ і҆ерє́и на ѻ҆лтарѝ всесожже́нїѧ ва́шегѡ и҆ ꙗ҆̀же сп҃се́нїѧ ва́шегѡ: и҆ прїимꙋ́ вы глаго́летъ а҆дѡнаі̀ гдⷭ҇ь. И҆ ѡ҆брати́ мѧ на пꙋ́ть вра́тъ ст҃ы́хъ внѣ́шнихъ, зрѧ́щихъ на восто́ки: и҆ сїѧ̑ бѧ́хꙋ затворє́на. И҆ речѐ гдⷭ҇ь ко мнѣ̀: врата̀ сїѧ̑ затворє́на бꙋ́дꙋтъ, и҆ не ѿве́рзꙋтсѧ, и҆ никто́же про́йдетъ сквозѣ̀ и҆́хъ: ꙗ҆́кѡ гдⷭ҇ь бг҃ъ і҆и҃левъ про́йдетъ и҆́ми, и҆ бꙋ́дꙋтъ затворє́на. Ꙗ҆́кѡ и҆гꙋ́менъ сѧ́детъ въ ни́хъ снѣ́сти хлѣ́бъ: по пꙋтѝ є҆ла́мскихъ вра́тъ вни́детъ, и҆ по пꙋтѝ є҆гѡ̀ и҆зы́детъ. И҆ введе́ мѧ по пꙋтѝ вра́тъ ст҃ы́хъ сꙋ́щихъ къ сѣ́верꙋ, прѧ́мѡ хра́мꙋ: и҆ ви́дѣхъ, и҆ сѐ и҆спо́лнь сла́вы хра́мъ гдⷭ҇ень."
|
||||
},
|
||||
{
|
||||
"type": "HEADER",
|
||||
"value": "При́тчей чте́нїе. (Глава̀ ѳ҃.)"
|
||||
},
|
||||
{
|
||||
"type": "TEXT",
|
||||
"value": "Премꙋ́дрость созда̀ себѣ̀ до́мъ, и҆ ᲂу҆твердѝ столпѡ́въ се́дмь: закла̀ своѧ̑ же́ртвєннаѧ, и҆ растворѝ въ ча́ши свое́й вїно̀, и҆ ᲂу҆гото́ва свою̀ трапе́зꙋ. Посла̀ своѧ̑ рабы̀, созыва́ющи съ высо́кимъ проповѣ́данїемъ на ча́шꙋ, глаго́лющи: и҆́же є҆́сть безꙋ́менъ, да ᲂу҆клони́тсѧ ко мнѣ̀. И҆ тре́бꙋющымъ ᲂу҆ма̀ речѐ: прїиди́те, ꙗ҆ди́те мо́й хлѣ́бъ, и҆ пі́йте вїно̀, є҆́же раствори́хъ ва́мъ. Ѡ҆ста́вите безꙋ́мїе, и҆ жи́ви бꙋ́дете: и҆ взыщи́те ра́зꙋма, да поживетѐ: и҆ и҆спра́вите ра́зꙋмъ въ вѣ́дѣнїи. Наказꙋ́ѧй ѕлы́ѧ прїи́метъ себѣ̀ безче́стїе, ѡ҆блича́ѧй же нечести́ваго ѡ҆поро́читъ себѐ: ѡ҆бличе́нїе бо нечести́вомꙋ ра̑ны є҆мꙋ̀. Не ѡ҆блича́й ѕлы́хъ, да не возненави́дѧтъ тебѐ: ѡ҆блича́й премꙋ́дра, и҆ возлю́битъ тѧ̀. Да́ждь премꙋ́дромꙋ винꙋ̀, и҆ премꙋ́дршїй бꙋ́детъ: сказꙋ́й првⷣномꙋ, и҆ приложи́тъ прїима́ти. Нача́ло премꙋ́дрости, стра́хъ гдⷭ҇ень, и҆ совѣ́тъ ст҃ы́хъ, ра́зꙋмъ: разꙋмѣ́ти бо зако́нъ, по́мысла є҆́сть бл҃га́гѡ. Си́мъ бо ѻ҆́бразомъ мно́гое поживе́ши вре́мѧ, и҆ приложа́тсѧ тебѣ̀ лѣ́та живота̀."
|
||||
},
|
||||
{
|
||||
"type": "HEADER",
|
||||
"value": "А҆́ще и҆зво́литъ настоѧ́тель пѣ́ти лїті́ю, на ѻ҆́ной стїхи̑ры:"
|
||||
},
|
||||
{
|
||||
"type": "HEADER",
|
||||
"value": "Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Собра́вшесѧ дне́сь, бра́тїе, на моле́бное пѣснопѣ́нїе пред̾ ѻ҆́бразомъ бг҃омт҃ре скоропослꙋ́шницы, дꙋхо́вное торжество̀ соста́вимъ и҆ бл҃года́ть незави́стнꙋю почерпе́мъ ѿ неистощи́магѡ и҆сто́чника дарова́нїй. Бл҃га́ѧ бо мт҃рь сꙋ́щи всебл҃га́гѡ бг҃а на́шегѡ бг҃оподо́бными сїѧ́етъ чꙋдесы̀, стра̑сти и҆ болѣ̑зни и҆сцѣлѧ́етъ, въ мо́ри и҆ на сꙋ́ши сп҃са́етъ съ вѣ́рою къ не́й прибѣга́ющыѧ."
|
||||
},
|
||||
{
|
||||
"type": "HEADER",
|
||||
"value": "Гла́съ в҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́же всѣ́мъ ᲂу҆до́бь послꙋ́шнаѧ въ ско́рби и҆ въ печа́ли ско́рѡ помога́ющаѧ призыва́ющымъ тѧ̀ ѿ дꙋшѝ нело́жнѡ, ᲂу҆милосе́рдитисѧ потщи́сѧ, влⷣчце, и҆ застꙋпѝ рабы̑ твоѧ̑, и҆збавлѧ́ющи на́съ ѿ бѣ́дъ моли́твами твои́ми."
|
||||
},
|
||||
{
|
||||
"type": "HEADER",
|
||||
"value": "Гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Бг҃оизбра́ннаѧ приснодв҃о, бж҃е́ственныхъ дарѡ́въ сокро́вище, мі́ра предста́тельнице, ско́раѧ молѧ́щихсѧ послꙋ́шательнице, не лишѝ на́съ щедро́тъ твои́хъ и҆ прошє́нїѧ на̑ша ᲂу҆скорѝ и҆спо́лнити во сп҃се́нїе дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, гла́съ з҃:"
|
||||
},
|
||||
{
|
||||
"type": "TEXT",
|
||||
"value": "Млⷭ҇тива, бл҃гопребы́тна и҆ скоропослꙋ́шна на́мъ, гпⷭ҇жѐ, ꙗ҆ви́сѧ, призыва́ющымъ бж҃е́ственнꙋю твою̀ бл҃года́ть во всѣ́хъ, слꙋча́ющихсѧ на́мъ: всю́ бо наде́ждꙋ дꙋ́шъ на́шихъ возложи́хомъ къ тебѣ̀, бл҃госе́рдой, и҆ во всѣ́хъ ᲂу҆пова́емъ на про́мыслъ тво́й, ты̀ и҆ бꙋ́дꙋщїѧ на́съ сла́вы, и҆ живота̀ бж҃е́ственнагѡ сподо́би."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Прїиди́те, вѣ́рнїи, восхва́лимъ приснодв҃ꙋ бг҃оро́дицꙋ: ра́дꙋйсѧ, глаго́люще, кївѡ́те прест҃ы́й и҆ всесвѣ́тлаѧ ски́нїѧ цр҃ѧ̀ цр҃е́й, хрⷭ҇та̀, бг҃а на́шегѡ: ра́дꙋйсѧ, а҆́гг҃лѡвъ ᲂу҆дивле́нїе и҆ сла́во: ра́дꙋйсѧ, земноро́дныхъ похвало̀ и҆ весе́лїе, сп҃са́ющаѧ въ ми́рѣ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, бл҃гослове́ннаѧ въ жена́хъ, прароди́тельскїѧ клѧ́твы разрѣше́нїе и҆ ѡ҆ всѣ́мъ мі́рѣ ᲂу҆милостивле́нїе: ра́дꙋйсѧ, хрⷭ҇тїа́нъ те́плое предста́тельство и҆ ᲂу҆слы́шательнице ско́раѧ молѧ́щихсѧ къ тебѣ̀ съ вѣ́рою: ра́дꙋйсѧ, покро́ве и҆ сп҃се́нїе дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Слы́ши, дщѝ, и҆ ви́ждь, и҆ приклонѝ ᲂу҆́хо твоѐ."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, гпⷭ҇жѐ всеми́лостиваѧ, живоно́сный и҆сто́чниче, стрꙋѝ щедро́тъ точа́щїй вѣ̑рнымъ: ра́дꙋйсѧ, а҆ѳѡ́на тве́рдое ѡ҆гражде́нїе, и҆́нокѡвъ наста́внице и҆ промышле́нїе: ра́дꙋйсѧ, всѣ́хъ по́моще, ра́досте и҆ сп҃се́нїе дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "Сла́ва и҆ ны́нѣ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ѽ, мно́гихъ твои́хъ чꙋде́съ, бг҃облагода́тнаѧ, содѣ́ланныхъ ѻ҆́бразомъ твои́мъ, скоропослꙋ́шнице! Всѧ́къ бо, прите́кшїй къ тебѣ̀ съ вѣ́рою, не ѿи́де ѿ ли́ка твоегѡ̀ то́щъ и҆ не ᲂу҆слы́шанъ: слѣпі́и ᲂу҆ ст҃ы́ѧ твоеѧ̀ і҆кѡ́ны прозрѣ́ша, хромі́и, разсла́бленнїи и҆ глꙋсі́и и҆сцѣли́шасѧ, безча́дїѧ, плѣ́на, прꙋ́жїѧ, треволне́нїѧ морска́гѡ и҆ и҆ны́хъ бѣ́дъ и҆ недꙋ́гѡвъ и҆зба́вила є҆сѝ призыва́ющихъ тѧ̀, мт҃рь всеще́драгѡ бг҃а на́шегѡ, подаю́щагѡ на́мъ тобо́ю ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "Тропа́рь, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Къ бг҃оро́дицѣ притеце́мъ, сꙋ́щїи въ бѣда́хъ, и҆ ст҃ѣ́й і҆кѡ́нѣ є҆ѧ̀ ны́нѣ припаде́мъ, съ вѣ́рою зовꙋ́ще и҆зъ глꙋбины̀ дꙋшѝ: ско́рѡ на́ше ᲂу҆слы́ши моле́нїе, дв҃о, ꙗ҆́кѡ скоропослꙋ́шница наре́кшаѧсѧ. Тебе́ бо рабѝ твоѝ въ нꙋ́ждахъ гото́вꙋю помо́щницꙋ и҆́мамы."
|
||||
},
|
||||
{
|
||||
"type": "HEADER",
|
||||
"value": "На ᲂу҆́трени. По а҃-й каѳі́смѣ сѣда́ленъ, гла́съ в҃:"
|
||||
},
|
||||
{
|
||||
"type": "TEXT",
|
||||
"value": "Вчера̀ воспѣ̀ ст҃а́ѧ цр҃ковь собо́ръ нбⷭ҇ныхъ си́лъ, бл҃ги́хъ покрови́телей на́шихъ: дне́сь пое́мъ пѣ́снь тебѣ̀, всепѣ́той бг҃оро́дицѣ, мі́ра держа́вномꙋ покро́вꙋ, и҆ прославлѧ́емъ ра́достнѡ бл҃гость твою̀. Со безпло́тными ᲂу҆̀бо моли́сѧ во є҆́же сп҃сти́сѧ на́мъ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, то́йже."
|
||||
},
|
||||
{
|
||||
"type": "HEADER",
|
||||
"value": "По в҃-й каѳі́смѣ сѣда́ленъ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ многосвѣ́тлаѧ лꙋна̀, показа́сѧ въ чⷭ҇тнѣ́й ѻ҆би́тели а҆рха́гг҃лѡвъ ст҃а́ѧ і҆кѡ́на твоѧ̀, дв҃о скоропослꙋ́шнице: свѣти́ши бо бл҃года́тїю чꙋде́съ въ но́щи бѣ́дъ сꙋ́щымъ и҆ ско́рꙋю по́мощь подае́ши во сп҃се́нїе дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, то́йже."
|
||||
},
|
||||
{
|
||||
"type": "HEADER",
|
||||
"value": "На полѷеле́и велича́нїе:"
|
||||
},
|
||||
{
|
||||
"type": "TEXT",
|
||||
"value": "Велича́емъ тѧ̀, прест҃а́ѧ дв҃о, и҆ чти́мъ ѻ҆́бразъ тво́й ст҃ы́й, и҆́мже то́чиши и҆сцѣлє́нїѧ всѣ̑мъ съ вѣ́рою притека́ющымъ."
|
||||
},
|
||||
{
|
||||
"type": "TEXT",
|
||||
"value": "Ѱало́мъ и҆збра́нный: Помѧнѝ, гдⷭ҇и, даві́да."
|
||||
},
|
||||
{
|
||||
"type": "HEADER",
|
||||
"value": "По полѷеле́и сѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Благоговѣ́йнѡ ѡ҆бстоѧ́ще чⷭ҇тны́й ѻ҆́бразъ мт҃ре свѣ́та, мѡли́твы є҆́й ꙗ҆́кѡ всебл҃го́й скоропослꙋ́шницѣ ᲂу҆се́рднѡ принесе́мъ. Сїю́ бо нб҃о ѡ҆дꙋшевле́нное чл҃вѣколю́бїемъ гдⷭ҇ь содѣ́ла, и҆злива́ѧ то́ю, ꙗ҆́кѡ до́ждь, да́ры своѧ̑ во сп҃се́нїе дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, то́йже."
|
||||
},
|
||||
{
|
||||
"type": "HEADER",
|
||||
"value": "По н҃-мъ ѱалмѣ̀ стїхи́ра, гла́съ з҃:"
|
||||
},
|
||||
{
|
||||
"type": "TEXT",
|
||||
"value": "Прошє́нїѧ и҆спо́лни рабѡ́въ твои́хъ, тебѐ, прест҃а́ѧ дв҃о, съ вѣ́рою призыва́ющихъ. Ѿ всѧ̑кїѧ ско́рби, недꙋ́гѡвъ и҆ ѡ҆ѕлобле́нїѧ всѣ́хъ на́съ свободѝ, да благода́рственнѡ воспѣва́емъ тѧ̀, ско́рꙋю молѧ́щихсѧ ᲂу҆слы́шательницꙋ, подаю́щꙋю вѣ̑рнымъ ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "Канѡ̑на два̀."
|
||||
},
|
||||
{
|
||||
"type": "HEADER",
|
||||
"value": "Канѡ́нъ а҃-й, творе́нїе прпⷣбнагѡ нїкоди́ма свѧтого́рца. Гла́съ и҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́дꙋ проше́дъ, ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
||||
},
|
||||
{
|
||||
"type": "TEXT",
|
||||
"value": "Чꙋде́съ твои́хъ бжⷭ҇твенныхъ мно́жество благохвали́ти предпринима́ѧ, тѧ̀ молю̀, дв҃о, ѿ се́рдца, скоропослꙋ́шнице, бл҃года́ть пода́ждь мѝ."
|
||||
},
|
||||
{
|
||||
"type": "TEXT",
|
||||
"value": "Кто̀ не и҆зꙋми́тсѧ твоегѡ̀ ѻ҆́браза чꙋдесє́мъ, дв҃о, ѿ негѡ́ бо слꙋжи́телю трапе́зы возгласи́ла є҆сѝ три́жды, скоропослꙋ́шница наре́кшисѧ."
|
||||
},
|
||||
{
|
||||
"type": "TEXT",
|
||||
"value": "Ка́кѡ чꙋдодѣѧ́нїе твоѐ и҆зрещѝ возмогꙋ̀, ѻ҆трокови́це, ты́ бо пре́жде непоко́рнаго и҆́нока без̾ѻ́чна содѣ́лала є҆сѝ и҆ па́ки сего̀ ᲂу҆стро́ила є҆сѝ ви́дѧща."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, сщ҃е́ннаѧ ѻ҆би́тель дохїа́рскаѧ: ты́ бо и҆́маши всѣ́хъ гпⷭ҇жꙋ̀ предста́тельницꙋ и҆ покро́въ, ꙗ҆́коже сама̀ ѻ҆на̀ ꙗ҆́снѡ возвѣстѝ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ, гла́съ д҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
||||
},
|
||||
{
|
||||
"type": "TEXT",
|
||||
"value": "Мт҃и присносꙋ́щнагѡ свѣ́та и҆ ѻ҆́ч҃їѧ премꙋ́дрости, ᲂу҆мꙋдрѝ неразꙋ́мїе моѐ и҆ просвѣти́ мѧ на пѣ́нїе и҆ моли́твꙋ пред̾ ст҃о́ю і҆кѡ́ною твое́ю, скоропослꙋ́шнице"
|
||||
},
|
||||
{
|
||||
"type": "TEXT",
|
||||
"value": "Ѡ҆брѣ́тшїи сокро́вище ра́дꙋютсѧ, тѣ́мже и҆ мы̀, и҆мꙋ́ще тѧ̀, всецр҃и́це, милосе́рдїѧ сокро́вище нбⷭ҇ное и҆ неиждива́емое, воспѣва́емъ, ра́дꙋющесѧ, твоѧ̑ чꙋдеса̀."
|
||||
},
|
||||
{
|
||||
"type": "TEXT",
|
||||
"value": "Лицꙋ̀ твоемꙋ̀, предречѐ даві́дъ, помо́лѧтсѧ бога́тїи лю́дстїи: и҆сполнѧ́ющꙋсѧ семꙋ̀, вкꙋ́пѣ съ бога́тыми и҆ мы̀, добродѣ́тельми ᲂу҆бо́зїи, мо́лимсѧ тебѣ̀, дв҃о, пред̾ ли́комъ твои́мъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже ѻ҆́чи ра̑бъ въ рꙋкꙋ̀ госпо́дїй свои́хъ, та́кѡ ѻ҆́чи на́ши ᲂу҆стрѣмле́ни сꙋ́ть къ тебѣ̀ и҆ къ ѻ҆́бразꙋ твоемꙋ̀, всебл҃га́ѧ влⷣчце, до́ндеже ᲂу҆ще́дриши рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Катава́сїа: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нбⷭ҇нагѡ крꙋ́га верхотво́рче, гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Безча́дныхъ бл҃гоча́дныхъ ты̀, марі́е, показа́ла є҆сѝ и҆ непло́дныхъ же́нъ содѣ́лала є҆сѝ, скоропослꙋ́шнице, веселѧ́щихсѧ ѡ҆ ча́дѣхъ. Кто̀ ᲂу҆́бѡ не и҆зꙋми́тсѧ, дв҃о, вели́чїю твоемꙋ̀;"
|
||||
},
|
||||
{
|
||||
"type": "TEXT",
|
||||
"value": "Бꙋлга́рїѧ проповѣ́дꙋетъ твоегѡ̀ ѻ҆́браза чꙋдеса̀, ѽ скоропослꙋ́шнице, восто́къ же и҆ за́падъ. И҆сто́чникъ бо содѣ́лаласѧ є҆сѝ, точа́щїй бл҃года́ти всѣ́мъ призыва́ющымъ и҆́мѧ твоѐ."
|
||||
},
|
||||
{
|
||||
"type": "TEXT",
|
||||
"value": "Ра́ка болѣ́знь ѿ рꙋкѝ и҆счеза́етъ честны́ѧ жены̀, дв҃о, посѣще́нїемъ твои́мъ, тѣ́мже стра́ждꙋщаѧ, ѿ недꙋ́га свободи́вшисѧ, ра́дꙋющисѧ, проповѣ́да благода́рствєннаѧ."
|
||||
},
|
||||
{
|
||||
"type": "TEXT",
|
||||
"value": "Чꙋ́днѡ ᲂу҆краси́сѧ і҆кѡ́на твоѧ̀, скоропослꙋ́шнице, и҆ па́че лꙋче́й со́лнечныхъ ѡ҆свѣща́етъ всѣ́хъ бл҃года́тїю твое́ю, пречⷭ҇таѧ. Кто̀ ᲂу҆̀бо восхва́литъ тѧ̀, на нб҃сѝ и҆ на землѝ сла́вимꙋю!"
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѐ совокꙋ́пльшыѧ, дꙋхо́внѡ ᲂу҆твердѝ, въ бж҃е́ственнѣй твое́й сла́вѣ вѣнцє́въ сла́вы сподо́би."
|
||||
},
|
||||
{
|
||||
"type": "TEXT",
|
||||
"value": "Воззрѝ твои́ми ѻ҆чесы̀, мр҃і́е, и҆ ви́ждь бл҃гоꙋтро́бнѡ пред̾ і҆кѡ́ною твое́ю предстоѧ́щихъ и҆ тѧ̀ съ вѣ́рою призыва́ющихъ, и҆ ᲂу҆слы́ши си́хъ, скоропослꙋ́шнице."
|
||||
},
|
||||
{
|
||||
"type": "TEXT",
|
||||
"value": "Крѣ́пость да́рꙋй на́мъ, чⷭ҇таѧ, да твори́мъ во́лю сн҃а твоегѡ̀ со стра́хомъ и҆ любо́вїю, ᲂу҆крѣплѧ́еши бо рабы̑ твоѧ̑ ꙗ҆́кѡ мт҃рь всеси́льнагѡ бг҃а на́шегѡ."
|
||||
},
|
||||
{
|
||||
"type": "TEXT",
|
||||
"value": "Страстьмѝ бори́мїи и҆ неви́димыми сѣ́ѧтелѧми ѕѡ́лъ, при́снѡ нꙋжда́емсѧ въ твое́й, влⷣчце, неѡбори́мой по́мощи, є҆ѧ́же не лишѝ на́съ, бг҃облагода́тнаѧ."
|
||||
},
|
||||
{
|
||||
"type": "TEXT",
|
||||
"value": "Сп҃си́тельный щи́тъ пода́ждь на́мъ, гпⷭ҇жѐ, твоѐ держа́вное застꙋпле́нїе, и҆́мже началоѕло́бнагѡ побѣжда́юще кѡва́рства, вѣнцє́въ сла́вы сподо́бимсѧ."
|
||||
},
|
||||
{
|
||||
"type": "TEXT",
|
||||
"value": "Катава́сїа: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѐ совокꙋ́пльшыѧ, дꙋхо́внѡ ᲂу҆твердѝ, въ бж҃е́ственнѣй твое́й сла́вѣ вѣнцє́въ сла́вы сподо́би."
|
||||
},
|
||||
{
|
||||
"type": "HEADER",
|
||||
"value": "По г҃-й пѣ́сни сѣда́ленъ:"
|
||||
},
|
||||
{
|
||||
"type": "TEXT",
|
||||
"value": "Влⷣчцꙋ тѧ̀ мі́ра вѣ́мы, мр҃і́е всепѣ́таѧ, ꙗ҆́кѡ родила̀ є҆сѝ на́мъ всѣ́хъ творца̀, сп҃си́телѧ мі́ра, и҆́же и҆ просла́ви тебѐ, пречⷭ҇тꙋю мт҃рь свою̀, подаѧ̀ тобо́ю бл҃года́ть и҆ ми́лость чтꙋ́щымъ тѧ̀ и҆ молѧ́щымсѧ тебѣ̀, бг҃оро́дице."
|
||||
},
|
||||
{
|
||||
"type": "HEADER",
|
||||
"value": "Сла́ва и҆ ны́нѣ, то́йже."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑ и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Во всѣ́хъ концѣ́хъ чꙋдотво́рный тво́й ѻ҆́бразъ просла́висѧ, и҆ ны́нѣ всѝ ᲂу҆ста́ми скоропослꙋ́шницꙋ произно́сѧтъ."
|
||||
},
|
||||
{
|
||||
"type": "TEXT",
|
||||
"value": "И҆ во снѣ̀, всецр҃и́це, и҆ ꙗ҆́вѣ, скоропослꙋ́шнице, ꙗ҆влѧ́ѧсѧ, чꙋдеса̀ соверша́еши въ мі́рѣ пресла̑внаѧ."
|
||||
},
|
||||
{
|
||||
"type": "TEXT",
|
||||
"value": "Кто̀ твоѐ, дв҃о, и҆́мѧ въ нꙋ́ждѣ всѧ́кой призыва́ше, и҆ ско́рѡ тогѡ̀ не ᲂу҆слы́шала є҆сѝ, ꙗ҆́кѡ скоропослꙋ́шница сꙋ́щаѧ;"
|
||||
},
|
||||
{
|
||||
"type": "TEXT",
|
||||
"value": "Бл҃же́нна є҆сѝ дохїа́рскаѧ ѻ҆би́тель сла́внаѧ, і҆кѡ́ною бо ѡ҆богати́ласѧ є҆сѝ скоропослꙋ́шницы всечестно́ю."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сѣдѧ́й въ сла́вѣ на прⷭ҇то́лѣ бжⷭ҇тва̀, во ѻ҆́блацѣ ле́гцѣ прїи́де і҆и҃съ пребж҃е́ственный, нетлѣ́нною дла́нїю и҆ сп҃сѐ зовꙋ́щыѧ: сла́ва, хрⷭ҇тѐ, си́лѣ твое́й."
|
||||
},
|
||||
{
|
||||
"type": "TEXT",
|
||||
"value": "Припа́даѧ ко ст҃ѣ́й і҆кѡ́нѣ твое́й, дв҃о, вопїю́ ти ѿ се́рдца сокрꙋше́нна: не попꙋсти́ ми поги́бнꙋти, всемлⷭ҇тиваѧ гпⷭ҇жѐ, житїѐ моѐ во грѣсѣ́хъ и҆жди́вшемꙋ."
|
||||
},
|
||||
{
|
||||
"type": "TEXT",
|
||||
"value": "Грѣхолюби́въ сы́й, ᲂу҆дали́хсѧ, влⷣчце, сн҃а твоегѡ̀, и҆ лише́нъ є҆́смь дерзнове́нїѧ къ немꙋ̀. Тѣ́мже къ покаѧ́нїю мѧ̀ напра́вивъ, сподо́би полꙋчи́ти, є҆́же погꙋби́хъ."
|
||||
},
|
||||
{
|
||||
"type": "TEXT",
|
||||
"value": "Бг҃оизбра́ннаѧ ѻ҆трокови́це, въ рꙋнѣ̀ ѡ҆роше́нномъ предви́дѣннаѧ, ѡ҆кропѝ росо́ю бл҃года́ти и҆зсо́хшꙋю зе́млю се́рдца моегѡ̀ и҆ благопло́днꙋ содѣ́лай дꙋ́шꙋ мою̀."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, бг҃оневѣ́сто, добродѣ́тельми, ꙗ҆́кѡ рѧ̑сны златы́ми, преꙋкра́шеннаѧ: ра́дꙋйсѧ, сосꙋ́де мѵ́ра, и҆́мже врачꙋ́ютсѧ зовꙋ́щїи: сла́ва, хрⷭ҇тѐ, си́лѣ твое́й."
|
||||
},
|
||||
{
|
||||
"type": "TEXT",
|
||||
"value": "Катава́сїа: Сѣдѧ́й въ сла́вѣ на прⷭ҇то́лѣ бжⷭ҇тва̀, во ѻ҆́блацѣ ле́гцѣ прїи́де і҆и҃съ пребж҃е́ственный, нетлѣ́нною дла́нїю и҆ сп҃сѐ зовꙋ́щыѧ: сла́ва, хрⷭ҇тѐ, си́лѣ твое́й."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣтѝ на́съ повелѣ̑нїи твои́ми, гдⷭ҇и, и҆ мы́шцею твое́ю высо́кою тво́й ми́ръ пода́ждь на́мъ, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ка́кѡ на тво́й пречⷭ҇тый ѻ҆́бразъ а҆́зъ, недосто́йный, воззрю̀, скоропослꙋ́шнице, нечи́стыми ѻ҆чесы̀ мои́ми."
|
||||
},
|
||||
{
|
||||
"type": "TEXT",
|
||||
"value": "Мо́ре и҆ землѧ̀, всецр҃и́це, твоеѧ̀ і҆кѡ́ны чꙋдеса̀ проповѣ́дꙋютъ: твои́хъ бо бл҃года́тей сїѧ̑ ѻ҆боѧ̀ наслади́шасѧ."
|
||||
},
|
||||
{
|
||||
"type": "TEXT",
|
||||
"value": "Та́тѧ ꙗ҆влѧ́еши, пѣ́нѧзи похи́тивша бли́жнѧгѡ, мт҃еродв҃о, и҆ возвраща́еши пра́вѣднѡ сїѧ̑ и҆мꙋ́щемꙋ."
|
||||
},
|
||||
{
|
||||
"type": "TEXT",
|
||||
"value": "Что̀ воздади́мъ тебѣ̀, всебл҃га́ѧ, за бл҃года́ть мно́гꙋю, ю҆́же ꙗ҆ви́ла є҆сѝ на́мъ, дарова́въ і҆кѡ́нꙋ твою̀, бога́тство сщ҃е́нное."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆жасо́шасѧ всѧ́чєскаѧ ѡ҆ бж҃е́ственнѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ над̾ всѣ́ми бг҃а и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
||||
},
|
||||
{
|
||||
"type": "TEXT",
|
||||
"value": "Нѣ́сть, всемлⷭ҇тиваѧ гпⷭ҇жѐ, такова́гѡ, и҆́же бы лиши́сѧ щедро́тъ твои́хъ, прибѣ́гъ съ вѣ́рою къ твоемꙋ̀ бл҃гоꙋтро́бїю. Тѣ́мже прилѣ́жнѡ мо́лимъ тѧ̀: сподо́би и҆ на́съ грѣ́шныхъ ми́лости твоеѧ̀."
|
||||
},
|
||||
{
|
||||
"type": "TEXT",
|
||||
"value": "Оу҆милостивле́нїе ѡ҆ всѣ́мъ мі́рѣ сꙋ́щаѧ, ᲂу҆молѝ, дв҃о, сн҃а твоего̀, всѣ́хъ сꙋдїю̀, да не помѧне́тъ грѣхѡ́въ на́шихъ, и҆ да и҆зба́вимсѧ тобо́ю всѧ́кагѡ преще́нїѧ є҆гѡ̀, находѧ́щагѡ на лю́ди согрѣши́вшыѧ."
|
||||
},
|
||||
{
|
||||
"type": "TEXT",
|
||||
"value": "Примири́телѧ всѧ́ческихъ ро́ждшаѧ, всемо́щнымъ предста́тельствомъ твои́мъ, влⷣчце, ᲂу҆миротворѝ на́съ къ немꙋ̀, къ бли̑жнимъ и҆ къ себѣ̀ сами́мъ, ꙗ҆́кѡ воспѣва́ющымъ тѧ̀ ми́ръ подава́ющаѧ."
|
||||
},
|
||||
{
|
||||
"type": "TEXT",
|
||||
"value": "Катава́сїа: Оу҆жасо́шасѧ всѧ́чєскаѧ ѡ҆ бж҃е́ственнѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ над̾ всѣ́ми бг҃а и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мл҃твꙋ пролїю̀ ко гдⷭ҇ꙋ и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ любвеѡби́льнаѧ мт҃рь ꙗ҆́вльшисѧ, призыва́ла є҆сѝ ѻ҆́трока къ себѣ̀, до́ндеже и҆зба́вила є҆сѝ ѿ рꙋкѝ разбо́йникѡвъ, мт҃родв҃о. Но да ѡ҆брѣте́мъ тѧ̀ и҆ мы̀, мт҃рь любвеѡби́льнꙋю."
|
||||
},
|
||||
{
|
||||
"type": "TEXT",
|
||||
"value": "Не и҆́мамы рабѝ твоѝ и҆но́гѡ, ра́звѣ тебє̀, предста́тельства и҆ покро́ва. Тѣ́мже, чⷭ҇таѧ, ѿ се́рдца вопїе́мъ: всѧ́кїѧ бѣды̀ свободѝ ста́до твоѐ и҆ вѣ́рныхъ, къ тебѣ̀ прибѣга́ющихъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже спасла̀ є҆сѝ ѿ морскі́ѧ бꙋ́ри призва́вшихъ бж҃е́ственное и҆́мѧ твоѐ, та́кѡ и҆ на́съ ѿ чꙋ́вственнагѡ крꙋше́нїѧ и҆ мы́сленнагѡ, дв҃о, сп҃сѝ и҆ въ ти̑хїѧ приста̑нища сп҃се́нїѧ ᲂу҆пра́ви."
|
||||
},
|
||||
{
|
||||
"type": "TEXT",
|
||||
"value": "Ми́ръ тѧ̀ прибѣ́жище стѧжа̀ и҆ сп҃се́нїе: тѣ́мъ, чⷭ҇таѧ, къ честнѣ́й твое́й і҆кѡ́нѣ ѿвсю́дꙋ притека́ютъ лю́дїе, и҆ всѝ ско́рѡ и҆̀хъ слꙋ́шающꙋю ѡ҆брѣта́ютъ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃е́ственное сїѐ и҆ всечⷭ҇тно́е соверша́юще пра́зднество, бг҃омꙋ́дрїи, бг҃омт҃ре, прїиди́те, рꙋка́ми воспле́щимъ: ѿ неѧ̀ ро́ждшагосѧ бг҃а сла́вимъ."
|
||||
},
|
||||
{
|
||||
"type": "TEXT",
|
||||
"value": "Ты̀ рабѡ́въ твои́хъ ᲂу҆тѣше́нїе, всебл҃же́ннаѧ, ты̀ свѣ́тъ, ᲂу҆добре́нїе и҆ наде́жда сп҃се́нїѧ: ты̀ ᲂу҆́бѡ промышле́нїемъ твои́мъ всѧ́кїѧ нꙋ́жды и҆ ско́рби и҆зба́ви на́съ."
|
||||
},
|
||||
{
|
||||
"type": "TEXT",
|
||||
"value": "Вѣ́дꙋщи не́мѡщи на́шѧ, бг҃ороди́тельнице, восполнѧ́й дꙋхо́внꙋю и҆ веще́ственнꙋю скꙋ́дость на́шꙋ, да подаю́щаго на́мъ тобо́ю всѧ̑ бл҃га́ѧ бг҃а сла́вимъ."
|
||||
},
|
||||
{
|
||||
"type": "TEXT",
|
||||
"value": "Не ѡ҆ста́ви на́съ, всеще́драѧ, внегда̀ ѡ҆скꙋдѣва́ти крѣ́пости на́шей, не ѿстꙋпѝ ѿ ᲂу҆пова́ющихъ на тѧ̀ во и҆схо́дѣ, и҆ по и҆схо́дѣ ꙗ҆вѝ на́мъ бл҃гости твоеѧ̀ си́лꙋ."
|
||||
},
|
||||
{
|
||||
"type": "TEXT",
|
||||
"value": "Пребл҃гослове́ннаѧ мр҃і́е, кни́га бж҃їѧ запечатле́ннаѧ, въ кни́зѣ живота̀ вѣ́чнагѡ написа́тисѧ на́мъ сподо́би, да ѿ тебє̀ ро́ждшагосѧ бг҃а сла́вимъ."
|
||||
},
|
||||
{
|
||||
"type": "TEXT",
|
||||
"value": "Катава́сїа: Бж҃е́ственное сїѐ и҆ всечтⷭ҇но́е соверша́юще пра́зднество, бг҃омꙋ́дрїи, бг҃омт҃ре, прїиди́те, рꙋка́ми воспле́щимъ: ѿ неѧ̀ ро́ждшагосѧ бг҃а сла́вимъ."
|
||||
},
|
||||
{
|
||||
"type": "HEADER",
|
||||
"value": "Конда́къ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Въ мо́ри жите́йстѣмъ ѡ҆бꙋрева́емїи, треволне́нїю подпа́даемъ страсте́й и҆ и҆скꙋше́нїй. Пода́ждь ᲂу҆̀бо на́мъ, гпⷭ҇жѐ, рꙋ́кꙋ по́мощи, ꙗ҆́коже петро́ви сн҃ъ тво́й, и҆ ᲂу҆скорѝ ѿ бѣ́дъ и҆зба́вити ны̀, да зове́мъ тѝ: ра́дꙋйсѧ, всебл҃га́ѧ скоропослꙋ́шнице."
|
||||
},
|
||||
{
|
||||
"type": "TEXT",
|
||||
"value": "І҆́косъ: И҆дѣ́же ѡ҆сѣни́тъ бл҃года́ть твоѧ̀, влⷣчце, та́мѡ недꙋ́жнїи здра́ви быва́ютъ, бѣ́дствꙋющїи во бл҃гополꙋ́чїе прихо́дѧтъ, и҆ всѧ́къ скорбѧ́щїй ра́дости и҆сполнѧ́етсѧ. Тѣ́мже бл҃года́тїю твое́ю ѡ҆сѣнѝ и҆ на́съ, сицева̑ѧ ра̑достнаѧ тебѣ̀ глаго́лющихъ: ра́дꙋйсѧ, бг҃облагода́тнаѧ, непристꙋ́пнагѡ бж҃ества̀ селе́нїе: ра́дꙋйсѧ, ст҃а́ѧ трапе́зо, хлѣ́бомъ жи́зни на́съ снабдѣва́ющаѧ: ра́дꙋйсѧ, мѵ́ро многоце́нное, ѡ҆бл҃гоꙋха́ющее вѣ́рныхъ: ра́дꙋйсѧ, ма́слино, є҆ле́емъ милосе́рдїѧ на́съ ᲂу҆маща́ющаѧ: ра́дꙋйсѧ, неистощи́мое сокро́вище дарѡ́въ: ра́дꙋйсѧ, приснотекꙋ́щїй и҆сто́чниче чꙋде́съ: ра́дꙋйсѧ, ѡ҆би́димыхъ застꙋпле́нїе: ра́дꙋйсѧ, ѡ҆бꙋрева́емыхъ бл҃гоꙋти́шное приста́нище: ра́дꙋйсѧ, глꙋхи́хъ слы́шанїе и҆ свѣ́те слѣпы́хъ: ра́дꙋйсѧ, разсла́бленныхъ ᲂу҆крѣпле́нїе: ра́дꙋйсѧ, свобожде́нїе плѣне́нныхъ: ра́дꙋйсѧ, мі́ра всегѡ̀ ᲂу҆пова́нїе: ра́дꙋйсѧ, всебл҃га́ѧ скоропослꙋ́шнице."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ і҆ꙋде́и доше́дше ѻ҆́троцы, въ вавѷлѡ́нѣ и҆ногда̀ вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Слѣпы̑мъ дарова́ла є҆сѝ дѣ́йствїе ѻ҆чесє́мъ, дв҃о, є҆́же ви́дѣти, но и҆ на́шѧ зѣ̑ницы дꙋшѝ и҆ тѣлесѐ просвѣтѝ, да пое́мъ при́снѡ вєли́чїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "Глꙋхи̑мъ слы́шанїе дарова́ла є҆сѝ, мр҃і́е скоропослꙋ́шнице, но и҆ на́съ всѣ́хъ ѿве́рзи ᲂу҆шеса̀ дꙋшѝ и҆ тѣлесѐ, ꙗ҆́кѡ да пое́мъ при́снѡ вєли́чїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже дре́вле ѿ прꙋгѡ́въ и҆зба́вила є҆сѝ прибѣ́гшихъ къ тебѣ̀, пречⷭ҇таѧ, та́кѡ и҆ на́съ ѿ си́хъ и҆ всѧ́кагѡ вре́да и҆зба́ви, да пое́мъ при́снѡ вєли́чїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ и҆спра́вила є҆сѝ пре́жде разсла́бленнаго, та́кѡ и҆ на́съ, по ѻ҆бою̀ разсла́бленныхъ, те́плымъ твои́мъ предста́тельствомъ и҆спра́ви, да пое́мъ при́снѡ вєли́чїѧ твоѧ̑."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆тцє́въ гдⷭ҇ь и҆ бг҃ъ, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Наста́внице ко сп҃се́нїю рабѡ́въ твои́хъ, дꙋшѝ трича́стное, гпⷭ҇жѐ, и҆спра́ви, да бл҃года́ти безстра́стїѧ сподо́бльшесѧ, пое́мъ: препѣ́тый ѻ҆тцє́въ гдⷭ҇ь и҆ бг҃ъ, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Жела́тельнꙋю си́лꙋ дꙋшѝ къ бж҃е́ственномꙋ раче́нїю напра́ви, да то́ю бг҃а всецѣ́лѡ возлю́бимъ и҆ къ немꙋ̀ при́снѡ стреми́мсѧ, ꙗ҆́кѡ всебл҃же́нномꙋ жела́нїй кра́ю."
|
||||
},
|
||||
{
|
||||
"type": "TEXT",
|
||||
"value": "Ꙗ҆́ростнꙋю си́лꙋ дꙋшѝ помозѝ на́мъ, дв҃о, ѡ҆браща́ти на неви̑димыѧ врагѝ сп҃се́нїѧ на́шегѡ и҆ сп҃си́тельныѧ любвѐ и҆спо́лни сердца̀ на̑ша къ бли̑жнимъ и҆ къ бг҃ꙋ."
|
||||
},
|
||||
{
|
||||
"type": "TEXT",
|
||||
"value": "Слове́сное дꙋшѝ къ бг҃оꙋго́дномꙋ созерца́нїю воскрылѝ, влⷣчце, бг҃опроти́вныхъ помышле́нїй и҆збавлѧ́ющи, и҆ всѣ́хъ на́съ благо́е мы́слити, глаго́лати и҆ твори́ти ᲂу҆крѣпѝ."
|
||||
},
|
||||
{
|
||||
"type": "TEXT",
|
||||
"value": "Катава́сїа: Не послꙋжи́ша тва́ри богомꙋ́дрїи па́че созда́вшаго, но ѻ҆́гненное преще́нїе мꙋ́жески попра́вше, ра́довахꙋсѧ, пою́ще: препѣ́тый ѻ҆тцє́въ гдⷭ҇ь и҆ бг҃ъ, бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ во́и а҆́гг҃льстїи, хвали́те и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ѿ всѧ́кихъ болѣ́зней, скоропослꙋ́шнице, на́съ и҆зба́ви, ꙗ҆́коже ѿ си́хъ мно́гихъ и҆зба́вила є҆сѝ."
|
||||
},
|
||||
{
|
||||
"type": "TEXT",
|
||||
"value": "І҆кѡ́на твоѧ̑, дв҃о, показа́сѧ и҆сто́чникъ чꙋде́съ, ѿ негѡ́же жа́ждꙋщїи снабдѣва́ютсѧ и҆з̾ѻби́льнѡ."
|
||||
},
|
||||
{
|
||||
"type": "TEXT",
|
||||
"value": "Поги́бшаго ты̀ ꙗ҆влѧ́еши, гпⷭ҇жѐ, и҆ подае́ши ра́дость ѡ҆брѣ́тшымъ. Ко́ль мно́гаѧ є҆́сть ѻ҆́браза твоегѡ̀ бл҃года́ть."
|
||||
},
|
||||
{
|
||||
"type": "TEXT",
|
||||
"value": "Повелѣ́нїю твоемꙋ̀, влⷣчце, повинꙋ́ютсѧ всѧ̑ стїхі́и, ѿ ни́хже вре́да да и҆збавлѧ́еши тѧ̀ призыва́ющихъ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троки бл҃гочєсти́выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѻ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀ и҆ превозноси́те є҆го̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Па́жить плодоно́снꙋ ѡ҆брѣта́етъ ста́до под̾ твои́мъ бг҃омт҃и, ᲂу҆правле́нїемъ, и҆ дꙋшетлѣ́ннїи во́лцы не мѡ́щны расхи́тити слове́сныхъ ѻ҆ве́цъ, храни́мыхъ бл҃года́тїю сн҃а твоегѡ̀ и҆ бг҃а."
|
||||
},
|
||||
{
|
||||
"type": "TEXT",
|
||||
"value": "Бл҃же́нъ человѣ́къ, є҆мꙋ́же є҆́сть застꙋпле́нїе є҆гѡ̀ ѿ тебє̀, бг҃оневѣ́сто, при́снѡ бо полага́етъ таковы́й восхождє́нїѧ въ се́рдцѣ своѐ. До́ндеже ᲂу҆́зритъ себѐ сп҃се́нна и҆ воспое́тъ: гдⷭ҇а по́йте дѣла̀ и҆ превозноси́те є҆го̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Седмисвѣ́щный свѣти́льниче, седмїю̀ дара́ми дх҃а свѣтѧ́щїй, сподо́би и҆ на́мъ ᲂу҆краси́тисѧ дꙋхо́вными плода́ми, да, ᲂу҆ще́дреннїи чрез̾ тебѐ бг҃омъ, пое́мъ: гдⷭ҇а по́йте дѣла̀ и҆ превозноси́те є҆го̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Горо̀ бж҃їѧ, въ не́йже благоволѝ жи́ти бг҃ъ, моли́сѧ къ немꙋ̀ ѡ҆ на́съ, да по́мощїю є҆гѡ̀ благо́е творѧ́ще, сподо́бимсѧ ᲂу҆зрѣ́ти преми̑рныѧ го́ры и҆ та́мѡ пѣ́ти: гдⷭ҇а по́йте дѣла̀ и҆ превозноси́те є҆го̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Катава́сїа: Ѻ҆́троки бл҃гочєсти́выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѻ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀ и҆ превозноси́те є҆го̀ во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вои́стиннꙋ бг҃оро́дицꙋ тѧ̀ и҆сповѣ́дꙋемъ, сп҃се́ннїи тобо́ю, дв҃о чⷭ҇таѧ, съ безпло́тными ли́ки тѧ̀ велича́юще."
|
||||
},
|
||||
{
|
||||
"type": "TEXT",
|
||||
"value": "Собери́тесѧ ᲂу҆се́рднѡ въ ѻ҆би́тель бжⷭ҇твеннꙋю а҆рха́гг҃лѡвъ, болѧ́щїи: вра́чь бо въ не́й пребыва́етъ безме́здный."
|
||||
},
|
||||
{
|
||||
"type": "TEXT",
|
||||
"value": "Сщ҃е́ннаѧ і҆кѡ́на твоѧ̀ дрꙋга́ѧ показа́сѧ силоа́мскаѧ кꙋпе́ль, дв҃о, ѡ҆чища́ющаѧ и҆ цѣлѧ́щаѧ болѣ́зни дꙋшѝ и҆ тѣлесѐ."
|
||||
},
|
||||
{
|
||||
"type": "TEXT",
|
||||
"value": "Воспламенѧ́етъ мѧ̀ раче́нїе зрѣ́ти твоегѡ̀ ѻ҆́браза благода́тнꙋю лѣ́потꙋ, и҆ насыще́нїѧ не и҆́мамъ велича́ти тѧ̀!"
|
||||
},
|
||||
{
|
||||
"type": "TEXT",
|
||||
"value": "Да ᲂу҆ви́ждꙋ тѧ̀, всебл҃га́ѧ скоропослꙋ́шнице, во вре́мѧ сме́рти ᲂу҆тѣша́ющꙋю мѧ̀ и҆ зра́ки де́мѡнѡвъ ѿгонѧ́ющꙋю."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее сщ҃е́нное торжество̀ бг҃омт҃ре, и҆ да вопїе́тъ: ра́дꙋйсѧ, всебл҃же́ннаѧ бг҃оро́дице, чⷭ҇таѧ приснодв҃о."
|
||||
},
|
||||
{
|
||||
"type": "TEXT",
|
||||
"value": "Помѧнѝ, гпⷭ҇жѐ, рабы̑ твоѧ̑, любо́вїю сла́вѧщыѧ тѧ̀, ᲂу҆слы́ши молѧ́щихсѧ къ тебѣ̀ и҆ моли́твами твои́ми благоꙋвѣ́тлива на́мъ содѣ́лай сн҃а твоего̀ и҆ бг҃а здѣ̀ и҆ на стра́шномъ сꙋдѣ̀ є҆гѡ̀, всебл҃же́ннаѧ бг҃оро́дице, чⷭ҇таѧ приснодв҃о."
|
||||
},
|
||||
{
|
||||
"type": "TEXT",
|
||||
"value": "Ра́досте а҆́гг҃лѡвъ и҆ человѣ́кѡвъ, свобѡ́дны на́съ печа́лей жите́йскихъ сотворѝ и҆ хода́тайствомъ твои́мъ несконча́емыхъ мꙋ́къ и҆зба́ви, да вре́менныхъ и҆ вѣ́чныхъ бѣ́дъ тобо́ю и҆збы́вше, вопїе́мъ: ра́дꙋйсѧ, всебл҃же́ннаѧ бг҃оро́дице, чⷭ҇таѧ приснодв҃о."
|
||||
},
|
||||
{
|
||||
"type": "TEXT",
|
||||
"value": "Ви́димѡ пред̾ ѻ҆́бразомъ твои́мъ предстоѧ́ще, неви́димѡ же къ тебѣ̀, ѡ҆деснꙋ́ю сн҃а твоегѡ̀ стоѧ́щей, ᲂу҆́мъ возводѧ́ще, мо́лимтисѧ прилѣ́жнѡ: сподо́битисѧ на́мъ ра́йскагѡ блаже́нства ᲂу҆молѝ, всебл҃же́ннаѧ бг҃оро́дице, чⷭ҇таѧ приснодв҃о."
|
||||
},
|
||||
{
|
||||
"type": "TEXT",
|
||||
"value": "Бл҃га́гѡ цр҃ѧ̀ бл҃га́ѧ мт҃и, ѡ҆сѣни́ ны неѡбори́мымъ покро́вомъ твои́мъ, всебл҃же́ннаѧ бг҃оро́дице, чⷭ҇таѧ приснодв҃о."
|
||||
},
|
||||
{
|
||||
"type": "TEXT",
|
||||
"value": "Катава́сїа: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́юще сщ҃е́нное торжество̀ бг҃омт҃ре, и҆ да вопїе́тъ: ра́дꙋйсѧ, всебл҃же́ннаѧ бг҃оро́дице, чⷭ҇таѧ приснодв҃о."
|
||||
},
|
||||
{
|
||||
"type": "TEXT",
|
||||
"value": "Свѣти́ленъ: Зрѧ́щїи тѧ̀ ны́нѣ на і҆кѡ́нѣ съ предвѣ́чнымъ младе́нцемъ, про́симъ тебѐ, бг҃оневѣ́сто: не лишѝ на́съ и҆ въ бꙋ́дꙋщемъ вѣ́цѣ всебл҃же́ннагѡ лицезрѣ́нїѧ твоегѡ̀ и҆ воплоти́вшагѡсѧ ѿ тебѣ̀ сн҃а бж҃їѧ, да со благоꙋгоди́вшими є҆мꙋ̀ и҆́мѧ є҆гѡ̀ и҆ твоѐ велича́емъ."
|
||||
},
|
||||
{
|
||||
"type": "HEADER",
|
||||
"value": "На хвали́техъ стїхи́ры, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Ди̑вна дѣла̀ твоѧ̑, гдⷭ҇и! Прест҃ꙋ́ю мт҃рь твою̀ дарова́лъ є҆сѝ безпомѡ́щнымъ ско́рꙋю помо́щницꙋ, си́льнꙋю защи́тницꙋ беззащи̑тнымъ и҆ предста́тельство те́плое безѿвѣ̑тнымъ: предстоѧ́ бо тебѣ̀, всѣ́хъ влⷣцѣ, мо́литсѧ при́снѡ ѡ҆ всѣ́хъ на́съ."
|
||||
},
|
||||
{
|
||||
"type": "TEXT",
|
||||
"value": "Ко́е досто́йное благодаре́нїе принесе́мъ тѝ, бг҃оизбра́ннаѧ приснодв҃о, за мно́жество дарѡ́въ твоегѡ̀ милосе́рдїѧ, ꙗ҆влѧ́емагѡ съ вѣ́рою къ тебѣ̀ прибѣга́ющымъ, недꙋ́ги бо дꙋ́шъ и҆ тѣле́съ врачꙋ́еши и҆ и҆збавлѧ́еши ѿ бѣ́дъ, молѧ́щисѧ бг҃ꙋ при́снѡ ѡ҆ всѣ́хъ на́съ."
|
||||
},
|
||||
{
|
||||
"type": "TEXT",
|
||||
"value": "Держа́внаѧ влⷣчце мі́ра, назира́ющаѧ сꙋ́щихъ въ горѣ̀ твое́й и҆ повсю́дꙋ вѣ́рныхъ ꙗ҆́кѡ взбра́ннаѧ прави́тельница, не преста́й бл҃гоꙋтро́бнѡ промышлѧ́ти ѡ҆ рабѣ́хъ твои́хъ и҆ всѧ̑ блага̑ѧ на́мъ низпосыла́ти, вре́мєннаѧ же и҆ вѣ̑чнаѧ, и҆ моли́сѧ бг҃ꙋ при́снѡ ѡ҆ всѣ́хъ на́съ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Свѣ́телъ преше́дшїй пра́здникъ, ѡ҆заре́нный сла́вою а҆рхїстрати́гѡвъ, ра́достенъ дне́шнїй, свѣтѧ́сѧ бл҃года́тїю а҆́гг҃лѡмъ говѣ́йнагѡ ѻ҆́браза бг҃омт҃ре и҆ на рꙋка́хъ є҆ѧ̀ держи́магѡ вседержи́телѧ. Ꙗ҆́коже бо ѻ҆́нъ речѐ на́мъ: проси́те, и҆ да́стсѧ ва́мъ, та́кѡ и҆ всебл҃га́ѧ мт҃рь є҆гѡ̀ повелѣ̀ прибѣга́ти къ не́й во всѧ́кой нꙋ́ждѣ и҆ ѻ҆бѣща̀ ско́рѡ слꙋ́шати со благоговѣ́нїемъ молѧ́щихсѧ пред̾ ст҃о́ю є҆ѧ̀ і҆кѡ́ною, ю҆́же и҆ просла́ви чꙋдесы̀ мно́гими, подаю́щи вѣ́рнымъ ве́лїю ми́лость."
|
||||
},
|
||||
{
|
||||
"type": "HEADER",
|
||||
"value": "Славосло́вїе вели́кое. И҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "На лїтꙋргі́и. Бл҃жє́нны а҃-гѡ канѡ́на, пѣ́снь г҃-ѧ, и҆ в҃-гѡ, пѣ́снь ѕ҃-ѧ."
|
||||
},
|
||||
{
|
||||
"type": "HEADER",
|
||||
"value": "Прокі́менъ, А҆пⷭ҇лъ, Є҆ѵⷢ҇лїе и҆ Прича́стенъ бг҃оро́дицы."
|
||||
}
|
||||
]
|
||||
Reference in new issue
Block a user