enrich ru lives with Chetyi-Minei texts and track static data

static/data/shared/menaion-daily/12-09/1.json

@@ -0,0 +1,602 @@
+[
+ {
+  "type": "HEADER",
+  "value": "Деке́мврїа ѳ҃"
+ },
+ {
+  "type": "HEADER",
+  "value": "Зача́тїе ст҃ы́ѧ а҆́нны, є҆гда̀ зача́тъ прест҃ꙋ́ю бцⷣꙋ."
+ },
+ {
+  "type": "HEADER",
+  "value": "На Гдⷭ҇и, воззва́хъ, стїхи̑ры на ѕ҃, гла́съ д҃."
+ },
+ {
+  "type": "TEXT",
+  "value": "Подо́бенъ: Зва́нный свы́ше:"
+ },
+ {
+  "type": "TEXT",
+  "value": "Плодородѧ́щи непло́ды па́че наде́жды дв҃ꙋ, хотѧ́щꙋю роди́ти бг҃а пло́тїю, ра́достїю свѣ́титсѧ, и҆ ликꙋ́етъ ра́дꙋющисѧ, велегла́снѡ взыва́ющи: колѣ̑на всѧ̑ сра́дꙋйтесѧ мнѣ̀ і҆и҃лєва. Сѐ во чре́вѣ ношꙋ̀, и҆ поноше́нїе безча́дства ѿлага́ю, ꙗ҆́коже благоизво́ли содѣ́тель, ᲂу҆слы́шавъ моли́твꙋ мою̀, и҆ болѣ̑зни се́рдца и҆сцѣлѝ, въ жела́емыхъ мѝ."
+ },
+ {
+  "type": "TEXT",
+  "value": "И҆́же ѿ немо́кренна ка́мене, и҆сточи́вый во́дꙋ, пло́дъ чре́вꙋ твоемꙋ̀, а҆́нно, да́рꙋетъ, приснодв҃ꙋ влⷣчцꙋ: и҆зъ неѧ́же вода̀ спасе́нїѧ хо́щетъ произы́ти. Нектомꙋ̀ ꙗ҆́кѡ непло́днаѧ землѧ̀ пребꙋ́деши на землѝ, поноше́нїе ѿчꙋжди́ла є҆сѝ: зе́млю бо возрасти́вши плодоносѧ́щꙋ жи́зни кла́съ поношє́нїѧ ѿе́млющїй всѣ̑мъ человѣ́кѡмъ, ꙗ҆́коже благоизво́ли, за милосе́рдїе ми́лости воѡбрази́тисѧ въ чꙋжде́е."
+ },
+ {
+  "type": "TEXT",
+  "value": "Прⷪ҇ро́чєскаѧ речє́нїѧ ны́нѣ и҆сполнѧ́ютсѧ: гора́ бо ст҃а́ѧ въ ложесна́хъ водрꙋжа́етсѧ: лѣ́ствица бжⷭ҇твеннаѧ насажда́етсѧ: прⷭ҇то́лъ вели́кїй цр҃е́въ проꙋготовлѧ́етсѧ: мѣ́сто ᲂу҆краша́етсѧ бг҃овходи́мое: кꙋпина̀ неѡпали́маѧ начина́етъ прозѧба́ти: мѷрополо́жница ст҃ы́ни ᲂу҆жѐ и҆стека́етъ, непло́дствїѧ рѣ́ки простира́ющи бг҃омꙋ́дренныѧ а҆́нны, ю҆́же вѣ́рою ᲂу҆блажа́емъ."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ в҃:"
+ },
+ {
+  "type": "TEXT",
+  "value": "Ге́рманово: Недовѣ́домое а҆́гг҃лѡмъ и҆ человѣ́кѡмъ вели́кое, є҆́же ѿ вѣ́ка сокрове́нное та́инство пресла́вное, дне́сь въ ложесна́хъ цѣломꙋ́дренныѧ а҆́нны младоно́ситсѧ марі́а бг҃оѻтрокови́ца, ᲂу҆готовлѧ́ема во вселе́нїе всѣ́хъ цр҃ѧ̀ вѣкѡ́въ, и҆ во ѡ҆бновле́нїе ро́да на́шегѡ. ю҆́же чи́стою со́вѣстїю ᲂу҆мо́лимъ, вопїю́ще къ не́й: молѝ сн҃а твоего̀ и҆ бг҃а, ꙗ҆́кѡ предста́тельница сꙋ́щи на́съ хрⷭ҇тїа́нъ, спастѝ дꙋ́шы на́шѧ."
+ },
+ {
+  "type": "HEADER",
+  "value": "На стїхо́внѣ стїхи̑ры, гла́съ є҃."
+ },
+ {
+  "type": "TEXT",
+  "value": "Подо́бенъ: Ра́дꙋйсѧ:"
+ },
+ {
+  "type": "TEXT",
+  "value": "А҆́нна, бжⷭ҇твеннаѧ бл҃года́ть, и҆ногда̀ молѧ́щисѧ ѡ҆ ча́дѣ, возопѝ всѣ́хъ бг҃ꙋ и҆ зижди́телю: а҆дѡнаі̀ саваѡ́ѳъ, безча́дїѧ вѣ́си поноше́нїе, са́мъ болѣ́знь се́рдца моегѡ̀ разрѣшѝ, и҆ хлѧ́би ᲂу҆трѡ́бныѧ разве́рзи, и҆ непло́днꙋю плодоно́снꙋ покажѝ: ꙗ҆́кѡ да ражда́емое да́ръ тѝ принесе́мъ, благословѧ́ще, пою́ще и҆ є҆диномꙋ́дреннѡ сла́вѧще твоѐ благоꙋтро́бїе, и҆́мже мі́рꙋ дае́тсѧ ве́лїѧ ми́лость."
+ },
+ {
+  "type": "TEXT",
+  "value": "Сті́хъ: Клѧ́тсѧ гдⷭ҇ь дв҃дꙋ и҆́стиною и҆ не ѿве́ржетсѧ є҆ѧ̀."
+ },
+ {
+  "type": "TEXT",
+  "value": "Дре́вле молѧ́щисѧ вѣ́рнѡ а҆́нна цѣломꙋ́дреннаѧ и҆ бг҃а ᲂу҆молѧ́ющи, а҆́гг҃льскїй гла́съ ᲂу҆слы́ша, и҆звѣствꙋ́ющїй є҆́й про́симыхъ бжⷭ҇твенное сбытїѐ. Къ не́йже безтѣле́сный ꙗ҆́вственнѡ бесѣ́доваше: моле́нїе твое́ бо гдⷭ҇ꙋ прибли́жисѧ, не сѣ́тꙋй и҆ ѿ сле́зъ ѿстꙋпѝ, благопло́дна бо бꙋ́деши ма́слина, прозѧба́ющи вѣ́твь кра́снꙋю дв҃ꙋ, ꙗ҆́же цвѣ́тъ процвѣте́тъ хрⷭ҇та̀ пло́тїю, подаю́щаго мі́рꙋ ве́лїю ми́лость."
+ },
+ {
+  "type": "TEXT",
+  "value": "Сті́хъ: Ѿ плода̀ чре́ва твоегѡ̀ посаждꙋ̀ на престо́лѣ твое́мъ."
+ },
+ {
+  "type": "TEXT",
+  "value": "Сꙋпрꙋ́гъ плодороди́тъ че́стенъ бжⷭ҇твеннꙋю ю҆́ницꙋ, и҆зъ неѧ́же про́йдетъ теле́цъ, неизрече́ннымъ сло́вомъ ᲂу҆пита́нный вои́стиннꙋ, за ве́сь мі́ръ закала́емый. Тѣ́мъ, ра́дꙋющесѧ, и҆сповѣ́данїе непреста́нное во ᲂу҆миле́нїи гдⷭ҇еви прино́сѧтъ, и҆ всѧ́чєскаѧ по́льзꙋющꙋю и҆мѣ́ти бꙋ́дꙋтъ. Сїѧ̑ ᲂу҆̀бо да ᲂу҆блажи́мъ, и҆ вѣ́рою ликовствꙋ́имъ въ зача́тїи бжⷭ҇твеннѣ, ꙗ҆́же ѿ ни́хъ бг҃а на́шегѡ мт҃ре ражда́емыѧ, є҆́юже дае́тсѧ бога́тнѡ ве́лїѧ ми́лость."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ в҃:"
+ },
+ {
+  "type": "TEXT",
+  "value": "Дне́сь и҆зъ ко́рене дв҃дова ца́рскаѧ порфѵ́ра прозѧ́бши, ѿ і҆ессе́а и҆зрасти́ти начина́етъ цвѣ́тъ та́инственный, въ не́йже хрⷭ҇то́съ бг҃ъ на́шъ процвѣтѐ, спаса́ѧй дꙋ́шы на́шѧ."
+ },
+ {
+  "type": "HEADER",
+  "value": "Тропа́рь, гла́съ д҃:"
+ },
+ {
+  "type": "TEXT",
+  "value": "Дне́сь безча́дїѧ ᲂу҆́зы разрѣша́ютсѧ, і҆ѡакі́ма бо и҆ а҆́ннꙋ ᲂу҆слы́шавъ бг҃ъ, па́че наде́жды роди́ти тѣ̑мъ ꙗ҆́вѣ ѡ҆бѣщава́етъ бг҃оѻтрокови́цꙋ, и҆зъ неѧ́же са́мъ роди́сѧ неѡпи́санный, человѣ́къ бы́въ, а҆́гг҃лѡмъ повелѣ́въ вопи́ти є҆́й: ра́дꙋйсѧ, бл҃года́тнаѧ, гдⷭ҇ь съ тобо́ю."
+ },
+ {
+  "type": "HEADER",
+  "value": "Се́й тропа́рь глаго́летсѧ безъ бг҃оро́дична."
+ },
+ {
+  "type": "HEADER",
+  "value": "На ᲂу҆́трени, на Бг҃ъ гдⷭ҇ь, тропа́рь три́жды."
+ },
+ {
+  "type": "HEADER",
+  "value": "По а҃-й каѳі́смѣ, сѣда́ленъ, гла́съ а҃."
+ },
+ {
+  "type": "TEXT",
+  "value": "Подо́бенъ: Ли́къ а҆́гг҃льскїй:"
+ },
+ {
+  "type": "TEXT",
+  "value": "Но́вое не́бо во чре́вѣ а҆́нны зи́ждетсѧ бг҃а вседѣ́телѧ повелѣ́нїемъ, и҆зъ негѡ́же возсїѧ́етъ невече́рнее сл҃нце, мі́ръ ве́сь просвѣща́ющее лꙋча́ми бжⷭ҇тва̀, премно́жествомъ бл҃гоꙋтро́бїѧ, є҆ди́нъ чл҃вѣколю́бецъ."
+ },
+ {
+  "type": "HEADER",
+  "value": "Сла́ва, и҆ ны́нѣ, то́йже."
+ },
+ {
+  "type": "HEADER",
+  "value": "По в҃-й каѳі́смѣ, сѣда́ленъ, гла́съ и҆ подо́бенъ то́йже:"
+ },
+ {
+  "type": "TEXT",
+  "value": "Ли́къ прⷪ҇ро́ческїй проповѣ́да дре́вле непоро́чнꙋю чⷭ҇тꙋю и҆ бг҃оѻтрокови́цꙋ дв҃ꙋ, ю҆́же а҆́нна зача́тъ, непло́ды сꙋ́щи и҆ безча́дна: сїю̀ дне́сь весе́лїемъ се́рдца ᲂу҆блажи́мъ, спа́сшесѧ є҆ѧ̀ ра́ди, ꙗ҆́кѡ є҆ди́нꙋ непоро́чнꙋю."
+ },
+ {
+  "type": "HEADER",
+  "value": "Сла́ва, и҆ ны́нѣ, то́йже."
+ },
+ {
+  "type": "HEADER",
+  "value": "Канѡ́на два̀ ст҃ы́ѧ а҆́нны: а҃-й со і҆рмосо́мъ на и҃: вторы́й на ѕ҃. Творе́нїе а҆ндре́ево. Гла́съ а҃."
+ },
+ {
+  "type": "HEADER",
+  "value": "Пѣ́снь а҃."
+ },
+ {
+  "type": "TEXT",
+  "value": "І҆рмо́съ: Пѣ́снь побѣ́днꙋю пои́мъ всѝ бг҃ꙋ, сотво́ршемꙋ ди̑внаѧ чꙋдеса̀ мы́шцею высо́кою, и҆ спа́сшемꙋ і҆и҃лѧ, ꙗ҆́кѡ просла́висѧ."
+ },
+ {
+  "type": "TEXT",
+  "value": "Зача́тїе дне́сь, бг҃омꙋ́драѧ а҆́нно, твоѐ пра́зднꙋемъ, ꙗ҆́кѡ вмѣсти́вшꙋю нигдѣ́же вмѣсти́маго зачала̀ є҆сѝ, непло́дныхъ ѿрѣ́шшисѧ ᲂу҆́зъ."
+ },
+ {
+  "type": "TEXT",
+  "value": "Пра́ведныхъ ᲂу҆слы́шалъ є҆сѝ моли́твꙋ, ст҃ы́хъ и҆спо́лнилъ є҆сѝ ѡ҆бѣща́нїе, гдⷭ҇и, пра́ѻтєцъ твои́хъ, и҆ си̑мъ да́лъ є҆сѝ пло́дъ тебѐ ро́ждшꙋю, чⷭ҇тꙋю."
+ },
+ {
+  "type": "TEXT",
+  "value": "А҆́нна сла́внаѧ ны́нѣ зачина́етъ чⷭ҇тꙋю, безпло́тнаго заче́ншꙋю гдⷭ҇а пребл҃га́го: и҆ роди́ти и҆́мать пло́тїю и҆мꙋ́щꙋю роди́ти хрⷭ҇та̀."
+ },
+ {
+  "type": "TEXT",
+  "value": "Ѿ тлѣ́нныхъ возсїѧ́ла є҆сѝ, дв҃о, ложе́снъ: въ нетлѣ́ннѣ бо чре́вѣ сла́вы сл҃нце носи́ла є҆сѝ, бы́вша ꙗ҆́коже є҆смы̀, кромѣ̀ враще́нїѧ и҆ смѣше́нїѧ."
+ },
+ {
+  "type": "HEADER",
+  "value": "Дрꙋгі́й канѡ́нъ, є҆гѡ́же краегране́сїе по а҆лфави́тꙋ. Гла́съ то́йже."
+ },
+ {
+  "type": "HEADER",
+  "value": "Пѣ́снь а҃."
+ },
+ {
+  "type": "TEXT",
+  "value": "І҆рмо́съ: Хрⷭ҇то́съ ражда́етсѧ, сла́вите. Хрⷭ҇то́съ съ нб҃съ, срѧ́щите. Хрⷭ҇то́съ на землѝ, возноси́тесѧ. По́йте гдⷭ҇еви всѧ̀ землѧ̀, и҆ весе́лїемъ воспо́йте лю́дїе, ꙗ҆́кѡ просла́висѧ."
+ },
+ {
+  "type": "TEXT",
+  "value": "Чи́стꙋю дв҃ꙋ бг҃оѻтрокови́цꙋ, мт҃рь бы́ти хотѧ́щꙋю созда́телѧ, во чре́вѣ прїе́мши а҆́нна, ра́достнѡ вопїѧ́ше: кѡлѣ́на всѧ̑ і҆и҃лєва сра́дꙋйтесѧ мнѣ̀, се́ бо и҆ а҆́зъ зача́хъ."
+ },
+ {
+  "type": "TEXT",
+  "value": "Кни́гꙋ, ю҆́же проречѐ прⷪ҇ро́къ, запеча́танꙋ дх҃омъ бж҃е́ственнымъ, въ ложесна́хъ свои́хъ содержа́щи, а҆́нна всѣ̑мъ вопїѧ́ше: ю҆́же всѧ̑ списа̑нїѧ проѧвлѧ́ютъ, возвелича́юсѧ а҆́зъ, прозѧба́ющи дне́сь."
+ },
+ {
+  "type": "TEXT",
+  "value": "Во чре́вѣ вмѣща́етсѧ и҆ созида́етсѧ хра́мъ бжⷭ҇твенный и҆ спаси́тельный въ ложесна́хъ мт҃рнихъ: насажда́етсѧ лѣ́ствица, ꙗ҆́же къ вы̑шнимъ всѧ̑ человѣ́ки возводѧ́щаѧ. Є҆ѧ́же зача́тїе вѣ́рнѡ да торжествꙋ́емъ."
+ },
+ {
+  "type": "TEXT",
+  "value": "Катава́сїа: Хрⷭ҇то́съ ражда́етсѧ:"
+ },
+ {
+  "type": "HEADER",
+  "value": "Пѣ́снь г҃."
+ },
+ {
+  "type": "TEXT",
+  "value": "І҆рмо́съ: Да ᲂу҆тверди́тсѧ се́рдце моѐ въ во́ли твое́й, хрⷭ҇тѐ бж҃е, и҆́же надъ вода́ми не́бо ᲂу҆твержде́й второ́е, и҆ ѡ҆снова́вый на вода́хъ зе́млю, всеси́льне."
+ },
+ {
+  "type": "TEXT",
+  "value": "Пло́дъ чре́ва а҆́ще пода́си мнѣ̀, вопїѧ́ше а҆́нна ко гдⷭ҇ꙋ, возвели́чꙋсѧ, и҆ тебѣ̀ принесꙋ̀ се́й. Сегѡ̀ ра́ди зачина́етъ чⷭ҇тꙋю бг҃ома́терь."
+ },
+ {
+  "type": "TEXT",
+  "value": "Ꙗ҆́же по зако́нꙋ сконча́вши, и҆ бг҃ꙋ непоро́чнѡ рабо́тавши, чревоно́сиши вои́стиннꙋ законода́вца ро́ждшꙋю, а҆́нно всечестна́ѧ: тѣ́мже тѧ̀ вѣ́рнїи ᲂу҆блажа́емъ."
+ },
+ {
+  "type": "TEXT",
+  "value": "Въ садꙋ̀ молѧ́щейсѧ тебѣ̀, гла́съ ᲂу҆слы́ша высоча́йшїй, а҆́нно бг҃омꙋ́драѧ, и҆ пло́дъ чре́вꙋ твоемꙋ̀ дае́тъ, раѧ̀ ѿве́рзшꙋю две́рь благода́тїю."
+ },
+ {
+  "type": "TEXT",
+  "value": "Бг҃оро́диченъ: Непло́дствꙋющїѧ мы́сли моеѧ̀ непло́дїе всѧ́кое ѿженѝ, и҆ плодоно́снꙋ добродѣ́тельми дꙋ́шꙋ мою̀ покажѝ, всест҃а́ѧ бцⷣе, вѣ́рныхъ по́моще."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Пре́жде вѣ̑къ ѿ ѻ҆ц҃а̀ рожде́нномꙋ нетлѣ́ннѡ сн҃ꙋ, и҆ въ послѣ̑днѧѧ ѿ дв҃ы воплоще́нномꙋ безсѣ́меннѡ хрⷭ҇тꙋ̀ бг҃ꙋ возопїи́мъ: вознесы́й ро́гъ на́шъ, ст҃ъ є҆сѝ гдⷭ҇и."
+ },
+ {
+  "type": "TEXT",
+  "value": "Прїе́млетъ съ высоты̀ молѧ́йсѧ гдⷭ҇ꙋ і҆ѡакі́мъ вожделѣ́нное вѣща́нїе, предста́вшꙋ а҆́гг҃лꙋ є҆мꙋ̀ и҆ глаго́лющꙋ: ѿидѝ, твоѧ̑ прошє́нїѧ, пра́ведне, всѣ́хъ бг҃ъ и҆спо́лни."
+ },
+ {
+  "type": "TEXT",
+  "value": "Призыва́ющи всѣ́хъ бг҃а, а҆́нна и҆ногда̀ въ садꙋ̀ стоѧ́щи, предста́вша зрѧ́ше себѣ̀ а҆́гг҃ла и҆ глаго́люща: да не скорби́ши, мт҃ри бо бж҃їей ма́ти и҆́маши бы́ти."
+ },
+ {
+  "type": "TEXT",
+  "value": "Ревнꙋ́ющи а҆́ннѣ, сꙋ́щей пре́жде тебє̀, молє́нїѧ къ бг҃ꙋ принесла̀ є҆сѝ, и҆ безсѣ́меннѡ прїе́мшꙋю сло́во невмѣсти́мое, чи́стꙋю во ᲂу҆тро́бѣ зачала̀ є҆сѝ, благоча́дїемъ твои́мъ всѧ̑ ны̀ а҆́нна ѡ҆благода́тивши."
+ },
+ {
+  "type": "HEADER",
+  "value": "Сѣда́ленъ, гла́съ д҃."
+ },
+ {
+  "type": "TEXT",
+  "value": "Подо́бенъ: Вознесы́йсѧ:"
+ },
+ {
+  "type": "TEXT",
+  "value": "І҆ѡакі́мъ свѧще́нный и҆ а҆́нна да́ръ принесо́ша дрє́внимъ свѧще́нникѡмъ, и҆ не прїѧ́ти бы́ша, непло́ды сꙋ́ще, мольбꙋ̀ принесо́ша да́телю всѧ́ческихъ, и҆ моли́твꙋ и҆́хъ ᲂу҆слы́шавъ, да́рꙋетъ и҆̀мъ сꙋ́щѡ две́рь жи́зни, є҆ѧ́же ст҃о́е почти́мъ зача́тїе."
+ },
+ {
+  "type": "HEADER",
+  "value": "Сла́ва, и҆ ны́нѣ:"
+ },
+ {
+  "type": "TEXT",
+  "value": "Подо́бенъ: Оу҆диви́сѧ і҆ѡ́сифъ:"
+ },
+ {
+  "type": "TEXT",
+  "value": "Нескве́рнаѧ а҆́гница и҆ пречⷭ҇тый черто́гъ, ѿ првⷣникѡвъ произы́ти ны́нѣ начина́етъ, вѣ́рнїи, бг҃оꙋкраше́ннаѧ марі́а пресла́внѡ. Весели́тесѧ про́чее, не́бо и҆ землѧ̀, и҆ всѝ земноро́днїи, совзыгра́йте: ꙗ҆́кѡ сотворѝ дне́сь пресла̑внаѧ бг҃ъ, во чре́вѣ непло́дствꙋющїѧ пло́дъ, є҆ди́нꙋ показа́въ дв҃ꙋ, ю҆́же вѣ́рнѡ воспое́мъ."
+ },
+ {
+  "type": "HEADER",
+  "value": "Пѣ́снь д҃."
+ },
+ {
+  "type": "TEXT",
+  "value": "І҆рмо́съ: Дх҃омъ прови́дѧ, прⷪ҇ро́че а҆ввакꙋ́ме, словесѐ воплоще́нїе, проповѣ́далъ є҆сѝ, вопїѧ̀: внегда̀ прибли́житисѧ лѣ́тѡмъ, позна́ешисѧ, внегда̀ прїитѝ вре́мени, пока́жешисѧ. Сла́ва си́лѣ твое́й, гдⷭ҇и."
+ },
+ {
+  "type": "TEXT",
+  "value": "Ѽ бжⷭ҇твеннагѡ вѣща́нїѧ! Ѽ стра́ннагѡ глаго́ланїѧ! А҆́ще и҆ а҆́зъ зачнꙋ̀; а҆́гг҃лꙋ къ не́й посла́вшꙋсѧ, а҆́нна, ᲂу҆дивлѧ́ющисѧ, велегла́снѡ вопїѧ́ше: бг҃ꙋ моемꙋ̀ сла́ва, творѧ́щемꙋ пресла̑внаѧ."
+ },
+ {
+  "type": "TEXT",
+  "value": "Сра́дꙋйтесѧ мнѣ̀ всѧ̑ племена̀ і҆и҃лєва: во ᲂу҆тро́бѣ зача́хъ но́вое не́бо, и҆зъ негѡ́же ѕвѣзда̀ возсїѧ́етъ пома́лѣ спасе́нїѧ, і҆и҃съ свѣтода́вецъ, а҆́нна, ра́дꙋющисѧ, взыва́ше."
+ },
+ {
+  "type": "TEXT",
+  "value": "Оу҆слы́ша а҆́ннино бг҃ъ стена́нїе, и҆ внѧ́тъ гдⷭ҇ь моли́твѣ є҆ѧ̀, и҆ безча́дїѧ ѻ҆́блакъ разори́въ, свѣ́томъ ѡ҆зарѧ́етъ благоча́дїѧ пресла́внѡ. Тѣ́мже зачина́етъ є҆ди́нꙋ чⷭ҇тꙋю."
+ },
+ {
+  "type": "TEXT",
+  "value": "Бг҃оро́диченъ: Дв҃о бцⷣе, нескве́рнаѧ ски́нїе, ѡ҆скверне́ннаго прегрѣше́ньми ѡ҆чи́сти мѧ̀ ны́нѣ щедро́тъ твои́хъ чистѣ́йшими кропле́ньми, и҆ да́ждь мѝ рꙋ́кꙋ по́мощи, да зовꙋ̀: сла́ва тебѣ̀, чⷭ҇таѧ бг҃опросла́вленнаѧ."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Же́злъ и҆зъ ко́рене і҆ессе́ева и҆ цвѣ́тъ ѿ негѡ̀, хрⷭ҇тѐ, ѿ дв҃ы прозѧ́блъ є҆сѝ, и҆зъ горы̀, хва́льный, приѡсѣне́нныѧ ча́щи, прише́лъ є҆сѝ вопло́щсѧ ѿ неискꙋсомꙋ́жныѧ, невеще́ственный и҆ бж҃е, сла́ва си́лѣ твое́й, гдⷭ҇и."
+ },
+ {
+  "type": "TEXT",
+  "value": "Ѿве́рзесѧ ᲂу҆тро́ба твоѧ̀, ꙗ҆́же пре́жде неражда́ющаѧ, и҆ прїе́млеши, а҆́нно, ѻ҆́блакъ нбⷭ҇ный, и҆зъ негѡ́же на́мъ свѣ́тлое возсїѧ́въ сл҃нце, всѧ̑ свѣ́томъ и҆́стины ѡ҆зарѝ, и҆ глꙋбо́кꙋю тмꙋ̀ безбо́жїѧ ѿгна̀."
+ },
+ {
+  "type": "TEXT",
+  "value": "Престо́лъ ѻ҆гнеѻбра́зный бж҃їй въ ложесна́хъ твои́хъ водрꙋзи́сѧ: на не́мже сѣ́дъ воспочѝ, и҆ всѣ́хъ благочести́выхъ трꙋ́дъ ѿѧ́тъ, и҆ чи́стое бг҃озна́нїе водрꙋзѝ на землѝ, а҆́нно блаже́ннаѧ, бг҃опрїѧ́тнаѧ."
+ },
+ {
+  "type": "TEXT",
+  "value": "Сѐ, є҆го́же проречѐ соломѡ́нъ, во ᲂу҆тро́бѣ ѻ҆́дръ прїѧ́ла є҆сѝ, сохранѧ́емь и҆́стиннѣйше, и҆́стинномꙋ цр҃ю̀, къ бжⷭ҇твенномꙋ воззва́нїю, ро́да человѣ́ча ѡ҆браще́нїю: тѣ́мже тѧ̀ ра́достнѡ, а҆́нно, вѣ́рнїи ᲂу҆блажа́емъ."
+ },
+ {
+  "type": "HEADER",
+  "value": "Пѣ́снь є҃."
+ },
+ {
+  "type": "TEXT",
+  "value": "І҆рмо́съ: Тво́й ми́ръ да́ждь на́мъ, сн҃е бж҃їй: и҆но́гѡ бо, ра́звѣ тебє̀, бг҃а не зна́емъ, и҆́мѧ твоѐ и҆менꙋ́емъ, ꙗ҆́кѡ бг҃ъ живы́хъ и҆ ме́ртвыхъ є҆сѝ."
+ },
+ {
+  "type": "TEXT",
+  "value": "И҆зъ ко́рене прозѧ́бшаѧ дв҃дова и҆ і҆ессе́ева, а҆́нна ны́нѣ расти́ти начина́етъ бжⷭ҇твенный же́злъ, прозѧ́бшїй та́инственный цвѣ́тъ хрⷭ҇та̀, всѣ́хъ зижди́телѧ."
+ },
+ {
+  "type": "TEXT",
+  "value": "Ма́терь бы́вшꙋю мѧ̀, а҆́нна вопїѧ́ше, ᲂу҆́зрѧтъ лю́дїе и҆ ᲂу҆чꙋдѧ́тсѧ: се́ бо рождꙋ̀, ꙗ҆́кѡ благоволѝ соꙋ́зы разрѣши́вый непло́дствїѧ моегѡ̀."
+ },
+ {
+  "type": "TEXT",
+  "value": "Ѻ҆трокови́цꙋ, ю҆́же зача́хъ а҆́зъ, проро́честїи гла́си и҆здале́ча провозвѣсти́ша, го́рꙋ и҆ две́рь непрохо́днꙋю, прера́достнѡ а҆́нна вопїѧ́ше приходѧ́щымъ."
+ },
+ {
+  "type": "TEXT",
+  "value": "Бг҃оро́диченъ: Ѻ҆́блакъ, и҆ ра́й, и҆ две́рь тѧ̀ свѣ́та, трапе́зꙋ, и҆ рꙋно̀ вѣ́мы, и҆ ста́мнꙋ, внꙋ́трь ма́ннꙋ носѧ́щꙋю, сла́дость мі́ра, чⷭ҇таѧ дв҃о мт҃и."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Бг҃ъ сы́й ми́ра, ѻ҆ц҃ъ щедро́тъ, вели́кагѡ совѣ́та твоегѡ̀ а҆́гг҃ла, ми́ръ подава́юща, посла́лъ є҆сѝ на́мъ: тѣ́мъ, бг҃оразꙋ́мїѧ къ свѣ́тꙋ наста́вльшесѧ, ѿ но́щи ᲂу҆́тренююще, славосло́вимъ тѧ̀, чл҃вѣколю́бче."
+ },
+ {
+  "type": "TEXT",
+  "value": "Сни́де съ горы̀ і҆ѡакі́мъ, не скрижа́ли зако́на прїе́мый, но ю҆́же зако́нъ преднаписа̀, и҆ всѧ̑ прⷪ҇ро́чєскаѧ ѿкры́ша речє́нїѧ, бж҃їю мт҃рь чⷭ҇тꙋю, и҆ и҆гра́ѧ вопїѧ́ше: возвели́чисѧ се́рдце моѐ."
+ },
+ {
+  "type": "TEXT",
+  "value": "Въ ложесна́хъ ꙗ҆́кѡ ѡ҆щꙋтѝ а҆́нна и҆ногда̀ насажде́ннꙋю благопло́днꙋю ло́зꙋ, и҆зъ неѧ́же гро́здъ процвѣтѐ зрѣ́лый, на́мъ вїно̀ безсме́ртїѧ ѻ҆би́льнѡ и҆ска́пающїй, что́ ти возда́мъ, бл҃гоꙋтро́бне гдⷭ҇и, вѣща́ше;"
+ },
+ {
+  "type": "TEXT",
+  "value": "Не терпѧ̀ і҆ѡакі́мъ тва́рь зрѣ́ти благоче́стїемъ не пло́дствꙋющꙋ, непло́дствꙋ а҆́ннинꙋ преитѝ молѧ́шесѧ, и҆ сїю̀ воз̾имѣ́ти ѻ҆трокови́цꙋ, и҆зъ неѧ́же сн҃ъ даде́сѧ, всѧ̑ сыноположи́вый своемꙋ̀ ѻ҆ц҃ꙋ̀, высоча́йшїй."
+ },
+ {
+  "type": "HEADER",
+  "value": "Пѣ́снь ѕ҃."
+ },
+ {
+  "type": "TEXT",
+  "value": "І҆рмо́съ: Прⷪ҇ро́ка і҆ѡ́нꙋ подража́ѧ, вопїю̀: живо́тъ мо́й, бл҃же, свободѝ и҆зъ тлѝ, и҆ спаси́ мѧ, сп҃се мі́ра, зовꙋ́ща: сла́ва тебѣ̀."
+ },
+ {
+  "type": "TEXT",
+  "value": "Ка́кѡ вмѣща́етсѧ во чре́вѣ вмѣсти́вшаѧ бг҃а; ка́кѡ ражда́етсѧ хрⷭ҇та̀ роди́вшаѧ пло́тїю; ка́кѡ же сосца́ми пита́етсѧ, ꙗ҆́же зижди́телѧ млеко́мъ напои́вшаѧ;"
+ },
+ {
+  "type": "TEXT",
+  "value": "Мольбꙋ̀ ва́шꙋ ᲂу҆слы́шавъ бг҃ъ, плодови́тъ пло́дъ ны́нѣ да́рꙋетъ ва́мъ, всехва́льнїи і҆ѡакі́ме и҆ а҆́нно, дне́сь."
+ },
+ {
+  "type": "TEXT",
+  "value": "Чи́стꙋю голꙋби́цꙋ заче́нши во чре́вѣ, ра́дости дꙋхо́вныѧ и҆спо́лнисѧ и҆́стиннѡ, приносѧ́щи пѣ̑сни благода̑рныѧ а҆́нна бг҃ꙋ."
+ },
+ {
+  "type": "TEXT",
+  "value": "Бг҃оро́диченъ: Треволнє́нїѧ помыслѡ́въ, и҆ страсте́й наведє́нїѧ, и҆ глꙋбина̀ грѣхѡ́въ ѻ҆каѧ́ннꙋю дꙋ́шꙋ мою̀ ѡ҆бꙋрева́ютъ: помози́ ми, ст҃а́ѧ влⷣчце."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: И҆зъ ᲂу҆тро́бы і҆ѡ́нꙋ младе́нца и҆зблева̀ морскі́й ѕвѣ́рь, ꙗ҆кова̀ прїѧ́тъ: въ дв҃ꙋ же все́льшеесѧ сло́во, и҆ пло́ть прїе́мшее, про́йде сохра́ншее нетлѣ́ннꙋ. Є҆гѡ́же бо не пострада̀ и҆стлѣ́нїѧ, ро́ждшꙋю сохранѝ неврежде́ннꙋ."
+ },
+ {
+  "type": "TEXT",
+  "value": "Зако́на сѣ̑ни ꙗ҆́вѣ прехо́дѧтъ: се́ бо зарѧ̀ бжⷭ҇твенныѧ бл҃года́ти показꙋ́етсѧ, дв҃а ѻ҆́блакъ, и҆зъ негѡ́же свѣ́тлое бжⷭ҇тва̀ возсїѧ́етъ вои́стиннꙋ сл҃нце, а҆́нна ра́дꙋющисѧ взыва́ше, бг҃а і҆и҃лева велича́ющи."
+ },
+ {
+  "type": "TEXT",
+  "value": "Стра́нное, а҆́ще и҆ а҆́зъ зачнꙋ̀, зрѣ́нїе, ꙗ҆́же пре́жде непло́дна и҆ неражда́ющаѧ, а҆́нна глаго́лаше, вѣща́ющаго а҆́гг҃ла ꙗ҆́кѡ ᲂу҆слы́ша, ꙗ҆́кѡ ѻ҆троча̀ роди́тсѧ, и҆ взыва́ше: до́брѣ блага́гѡ слы́шанїѧ, а҆́ще слове́съ сбытїѐ бꙋ́детъ."
+ },
+ {
+  "type": "TEXT",
+  "value": "Го́ры и҆ хо́лми, полѧ̀ и҆ мо́ре, а҆́гг҃льское мно́жество, и҆ всѐ є҆стество̀ человѣ́ческое да веселѧ́тсѧ: влⷣки бо бжⷭ҇твенный хра́мъ, нача́токъ примире́нїѧ прїѧ́тъ а҆́нна, є҆гда̀ ѡ҆щꙋтѝ себѐ самꙋ́ю заче́ншꙋю, вѣща́ше."
+ },
+ {
+  "type": "HEADER",
+  "value": "Конда́къ, гла́съ д҃."
+ },
+ {
+  "type": "TEXT",
+  "value": "Подо́бенъ: Ꙗ҆ви́лсѧ є҆сѝ дне́сь:"
+ },
+ {
+  "type": "TEXT",
+  "value": "Пра́зднꙋетъ дне́сь вселе́ннаѧ а҆́ннино зача́тїе, бы́вшее ѿ бг҃а: и҆́бо та̀ породѝ па́че сло́ва сло́во ро́ждшꙋю."
+ },
+ {
+  "type": "TEXT",
+  "value": "І҆́косъ: І҆ѡакі́мъ чꙋ́дный и҆ а҆́нна бг҃омꙋ́драѧ, ѻ҆́ба живꙋ́ще во всѧ́комъ благоче́стїи, по зако́нꙋ мѡѷсе́евꙋ, непло́дни бѧ́хꙋ, и҆ молѧ́хꙋсѧ бг҃ꙋ все́ю дꙋше́ю, глаго́люще: гдⷭ҇и саваѡ́ѳъ пребл҃гі́й, всѧ́ческихъ наде́жда, безча́дствїѧ болѣ́знь и҆ ᲂу҆кори́знꙋ вѣ́си и҆ печа́ль, пода́ждь ᲂу҆̀бо на́мъ пло́дъ и҆зъ чре́ва, и҆ принесе́мъ того̀ въ хра́мъ тво́й да́ръ свѧще́нъ, и҆ приноше́нїе и҆спо́лнено, па́че сло́ва сло́во ро́ждшꙋю."
+ },
+ {
+  "type": "HEADER",
+  "value": "Пѣ́снь з҃."
+ },
+ {
+  "type": "TEXT",
+  "value": "І҆рмо́съ: Сꙋ́щымъ въ пещѝ ѻ҆трокѡ́мъ твои̑мъ, сп҃се, не прикоснꙋ́сѧ, нижѐ стꙋжѝ ѻ҆́гнь. Тогда̀ трїѐ, ꙗ҆́кѡ є҆ди́нѣми ᲂу҆сты̀ поѧ́хꙋ и҆ бл҃гословлѧ́хꙋ, глаго́люще: бл҃гослове́нъ бг҃ъ ѻ҆ц҃ъ на́шихъ."
+ },
+ {
+  "type": "TEXT",
+  "value": "Безча́дства ᲂу҆кори́зны ᲂу҆бѣжа́ти молѧ́ше а҆́нна всѣ́хъ влⷣкꙋ, и҆ сеѧ̀ ми́лостивый гла́съ ᲂу҆слы́шавъ, того̀ ро́ждшꙋю пло́дъ подадѐ то́й, ꙗ҆́коже благоволѝ."
+ },
+ {
+  "type": "TEXT",
+  "value": "Ца́рскаѧ порфѵ́ра въ твое́мъ чре́вѣ и҆стка́тисѧ, а҆́нно, начина́етсѧ, ю҆́же бг҃ъ и҆ цр҃ь всѣ́хъ поне́съ, человѣ́кѡмъ ꙗ҆ви́тсѧ, и҆ смири́тъ врагѝ, борю́щыѧ ны̀."
+ },
+ {
+  "type": "TEXT",
+  "value": "Мѵ́ро благово́нное во ᲂу҆тро́бѣ зачала̀ є҆сѝ а҆́нно, мѵ́ро жи́зни преесте́ственнѡ воспрїе́мшꙋю влⷣкꙋ, дыха́ньми благода́ти помышлє́нїѧ на̑ша ѡ҆благоꙋха́вшаго."
+ },
+ {
+  "type": "TEXT",
+  "value": "Бг҃оро́диченъ: Ꙗ҆́кѡ ѿ трⷪ҇цы є҆ди́наго тѧ̀, хрⷭ҇тѐ, сла́вимъ, ꙗ҆́кѡ и҆зъ дв҃ы вопло́щсѧ, кромѣ̀ враще́нїѧ человѣ́ческа, всѧ̑ поне́слъ є҆сѝ, не ѿстꙋпи́въ є҆стества̀ ѻ҆ч҃ескагѡ, і҆и҃се, а҆́ще и҆ соедини́лсѧ є҆сѝ на́мъ."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Ѻ҆́троцы, благоче́стїю совоспита́ни, ѕлочести́вагѡ велѣ́нїѧ небре́гше, ѻ҆́гненнагѡ преще́нїѧ не ᲂу҆боѧ́шасѧ, но посредѝ пла́мене, стоѧ́ще, поѧ́хꙋ: ѻ҆тцє́въ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "Ѻ҆гнено́снꙋю дре́вле кꙋпинꙋ̀, мѡѷсе́й на сїна́и ю҆́же ви́дѣ, а҆́нна зача́тъ во чре́вѣ безча́дствїѧ, ѻ҆́гнь погаша́ющꙋю, ꙗ҆́кѡ нѣ́кое ѕлоче́стїе, пою́щымъ: ѻ҆тцє́въ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "Ка́плѧ твое́й ᲂу҆тро́бѣ пресла́внѡ ны́нѣ, а҆́нно, и҆сточи́сѧ, ꙗ҆́же во́дꙋ жи́зни всю̀ внꙋ́трь воспрїѧ́ше, ѡ҆роша́ющꙋю вѣ́рнѡ томꙋ̀ зовꙋ́щыѧ: ѻ҆тцє́въ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "Пте́нчее ꙗ҆́кѡ ᲂу҆зрѣ̀ гнѣздо̀, впери́ласѧ є҆сѝ дꙋ́хомъ и҆ моли́твою: голꙋби́цꙋ прїѧ́ла є҆сѝ нескве́рнꙋ, сꙋче́цъ носѧ́щꙋю хрⷭ҇та̀ ма́слинный, а҆́нно, мы́сленнагѡ пото́па на́съ свобожда́ющїй."
+ },
+ {
+  "type": "HEADER",
+  "value": "Пѣ́снь и҃."
+ },
+ {
+  "type": "TEXT",
+  "value": "І҆рмо́съ: Є҆гѡ́же ᲂу҆жаса́ютсѧ а҆́гг҃ли и҆ всѧ̑ вѡ́инства, ꙗ҆́кѡ творца̀ и҆ гдⷭ҇а, по́йте сщ҃е́нницы, просла́вите, ѻ҆́троцы, бл҃гослови́те лю́дїе и҆ превозноси́те во всѧ̑ вѣ́ки."
+ },
+ {
+  "type": "TEXT",
+  "value": "Дв҃дъ ꙗ҆́же проречѐ цр҃и́цꙋ, сѐ, во чре́вѣ прїе́млю, а҆́нна вопїѧ́ше: и҆ рождꙋ̀ всѣ́хъ предста́тельницꙋ вѣ́рныхъ, цр҃ѧ̀ хрⷭ҇та̀ и҆мꙋ́щꙋю роди́ти."
+ },
+ {
+  "type": "TEXT",
+  "value": "Землѧ̀, въ ню́же всели́сѧ землѝ содѣ́тель, ски́птръ ст҃ы́й, но́вый кївѡ́тъ, ста́мна ма́нны въ ложесна́хъ ма́тере, сего̀ ро́ждшꙋю начина́етъ прозѧба́ти."
+ },
+ {
+  "type": "TEXT",
+  "value": "Кꙋпина̀ неѡпа́льнаѧ, свѣ́щникъ златы́й, ѡ҆дꙋшевле́нный черто́гъ гдⷭ҇а бг҃а, честны́й же́злъ, во чре́вѣ ма́тере, сего̀ ро́ждшꙋю начина́етъ прозѧба́ти."
+ },
+ {
+  "type": "TEXT",
+  "value": "Бг҃оро́диченъ: Возста́ви лежа́щаго мѧ̀ во глꙋбинѣ̀ ѕѡ́лъ, ны́нѣ борю́щыѧ мѧ̀ побѣдѝ врагѝ. Оу҆ѧ́звена безмѣ́стными сластьмѝ бл҃га́ѧ чⷭ҇таѧ, не пре́зри, но ᲂу҆ще́дри и҆ спасѝ."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Чꙋ́да преесте́ственнагѡ, росода́тельнаѧ и҆з̾ѡбразѝ пе́щь ѻ҆́бразъ: не бо̀, ꙗ҆̀же прїѧ́тъ, пали́тъ ю҆́ныѧ, ꙗ҆́кѡ нижѐ ѻ҆́гнь бжⷭ҇тва̀ дв҃ы, въ ню́же вни́де ᲂу҆тро́бꙋ. Тѣ́мъ, воспѣва́юще, воспое́мъ: да бл҃гослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки."
+ },
+ {
+  "type": "TEXT",
+  "value": "Что́ ми ᲂу҆тро́бꙋ содѣ́лалъ є҆сѝ безча́дствꙋющꙋ, и҆ сосцы̀ сꙋхі̑ѧ; ꙗ҆́коже проре́клъ є҆сѝ во прⷪ҇ро́цѣхъ, влⷣко, вопїѧ́ше а҆́нна и҆ногда̀: безча́дїѧ моегѡ̀ ᲂу҆кори́знꙋ разрѣшѝ, и҆ да́ждь мѝ пло́дъ, съ ни́мже вопїю̀: да благослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки."
+ },
+ {
+  "type": "TEXT",
+  "value": "Вни́де въ твою̀, а҆́нно, ᲂу҆тро́бꙋ свѣ́щникъ, и҆́же свѣщꙋ̀ бжⷭ҇твеннꙋю та́йнѡ вмѣстѝ, просвѣща́ющꙋю всѧ́ко дыха́нїе сїѧ̑нїи та́йными бжⷭ҇твеннагѡ зна́нїѧ. Тѣ́мже ра́дꙋющисѧ взыва́ла є҆сѝ: да благослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки."
+ },
+ {
+  "type": "TEXT",
+  "value": "Но́сѧтъ, ꙗ҆́коже краснѣ́йшїй ны́нѣ сопрꙋ́гъ, бжⷭ҇твеннꙋю ю҆́ницꙋ, и҆зъ неѧ́же теле́цъ кра́сный возсїѧ̀, за всѣ́хъ закла́выйсѧ, сла́вный і҆ѡакі́мъ и҆ а҆́нна, пою́ще: да благослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки."
+ },
+ {
+  "type": "HEADER",
+  "value": "Пѣ́снь ѳ҃."
+ },
+ {
+  "type": "TEXT",
+  "value": "І҆рмо́съ: Живопрїе́мный и҆сто́чникъ приснотекꙋ́щїй, свѣтоно́сный свѣти́льникъ бл҃года́ти, хра́мъ ѡ҆дꙋшевле́нный, сѣ́нь пречⷭ҇тꙋю, нб҃сѐ и҆ землѝ простра́ннѣйшꙋю, бцⷣꙋ, вѣ́рнїи велича́емъ."
+ },
+ {
+  "type": "TEXT",
+  "value": "Живопрїе́мный и҆сто́чникъ зачина́ющи, а҆́нно бг҃омꙋ́драѧ, ра́дость ны́нѣ прїимѝ, хра́мъ ст҃ы́й внꙋ́трь во чре́вѣ твое́мъ прїе́млющи, свѣ́томъ пра́вды ѡ҆блиста́емꙋ созда́телѧ велича́ющи."
+ },
+ {
+  "type": "TEXT",
+  "value": "Сопрꙋ́гъ честны́й и҆ пресла́вный, превѣ́чнагѡ сн҃а пра́ѻтцы, зако́на храни́телїе и҆звѣ́стнїи бы́вше, нача́токъ ра́дости ро́ждшїи, і҆ѡакі́мъ же и҆ а҆́нна почте́ни да бꙋ́дꙋтъ."
+ },
+ {
+  "type": "TEXT",
+  "value": "Ю҆́же данїи́лъ го́рꙋ вели́кꙋю ви́дѣ, и҆ і҆ѡ́иль зе́млю ст҃ꙋ́ю ᲂу҆зрѣ̀, две́рь непрохо́днꙋ, и҆́нъ же проречѐ запеча́танный и҆сто́чникъ, и҆ бжⷭ҇твенное рꙋно̀ бцⷣꙋ дв҃ꙋ воспои́мъ."
+ },
+ {
+  "type": "TEXT",
+  "value": "Бг҃оро́диченъ: Порфѵ́ра, ꙗ҆́же рꙋно̀ ѡ҆багри́вшаѧ, неизрече́ннагѡ сло́ва воплоще́нїѧ, кади́льница злата́ѧ, трапе́за, на не́йже хлѣ́бъ хрⷭ҇то́съ возложи́сѧ, бцⷣа дв҃а сла́витсѧ."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Та́инство стра́нное ви́жꙋ и҆ пресла́вное: не́бо, верте́пъ: престо́лъ херꙋві́мскїй, дв҃ꙋ: ꙗ҆́сли, вмѣсти́лище, въ ни́хже возлежѐ невмѣсти́мый хрⷭ҇то́съ бг҃ъ: є҆го́же, воспѣва́юще, велича́емъ."
+ },
+ {
+  "type": "TEXT",
+  "value": "Ликовствꙋ́йте всѧ̑ дꙋ́шы, и҆ взыгра́йте: ны́нѣ землѧ̀ созда́сѧ, ꙗ҆́же плодороди́тъ неѡра́ннѣ кла́съ жизноно́сный, ѿ негѡ́же ꙗ҆́дше, не вза́лчꙋтъ когда̀, благосты́ню тогѡ̀ велича́ющїи."
+ },
+ {
+  "type": "TEXT",
+  "value": "Ѱалти́рь съ гꙋ́слїю воспрїимѝ, дв҃де, и҆ пѣсновоспо́й: сѐ, кївѡ́тъ ꙗ҆ви́сѧ бж҃їй, є҆го́же предре́клъ є҆сѝ ꙗ҆́вѣ бꙋ́дꙋщїй въ назда́нїе, и҆́мже воста́хомъ мы̀ ѿ грѣхопаде́нїѧ."
+ },
+ {
+  "type": "TEXT",
+  "value": "Ꙗ҆́кѡ велича́йшыѧ двѣ̀ ѕвѣзды̀, и҆знесо́сте всесвѣ́тлꙋю зарю̀, ꙗ҆́же возсїѧ́етъ вели́кое сл҃нце мі́рꙋ. Тѣ́мже бл҃гохва́лимъ и҆ сла́вимъ ва́съ, і҆ѡакі́ме и҆ а҆́нно, ꙗ҆́кѡ бг҃омꙋ̑дрыѧ."
+ },
+ {
+  "type": "HEADER",
+  "value": "Свѣти́ленъ."
+ },
+ {
+  "type": "TEXT",
+  "value": "Подо́бенъ: Свѣ́те неизмѣ́нный:"
+ },
+ {
+  "type": "TEXT",
+  "value": "Свѣ́тъ ро́ждшаѧ, всю̀ ѡ҆зарѧ́ющїй, тва́рь, дне́сь начина́етъ прозѧба́ти а҆́нна непло́дными ложєсны̀. Тѣ́мже стеце́мсѧ всѝ, и҆́бо прїи́де и҆збавле́нїе ѡ҆сꙋжде́нїѧ є҆́ѵина."
+ },
+ {
+  "type": "HEADER",
+  "value": "Сла́ва, и҆ ны́нѣ, то́йже."
+ },
+ {
+  "type": "HEADER",
+  "value": "На хвали́техъ стїхи̑ры на д҃, гла́съ а҃."
+ },
+ {
+  "type": "TEXT",
+  "value": "Подо́бенъ: Нбⷭ҇ныхъ чинѡ́въ:"
+ },
+ {
+  "type": "TEXT",
+  "value": "Ꙗ҆́же пре́жде человѣ́кѡвъ є҆стество̀ непло́дствꙋющее, ꙗ҆́же къ бг҃ꙋ наде́жди, нача́токъ благоче́стїѧ, прозѧба́етъ дв҃ꙋ, є҆́юже до́брыхъ благопло́дїе проповѣ́дꙋетсѧ, въ зача́тїи сеѧ̀ на землѝ, припода́ти прише́ствїю хрⷭ҇то́вꙋ. Два́жды."
+ },
+ {
+  "type": "TEXT",
+  "value": "Непроходи́маѧ две́рь цр҃ѧ̀ хрⷭ҇та̀, ꙗ҆́же бж҃їимъ совѣ́томъ, въ непло́дныхъ ложесна́хъ зача́тїе прїе́млетъ. Є҆́йже на землѝ предлага́емѣй, во́змꙋтсѧ нбⷭ҇наѧ врата̀, и҆ земны̑мъ попꙋ́стѧтъ вхо́дъ."
+ },
+ {
+  "type": "TEXT",
+  "value": "И҆́же пре́жде вѣ̑къ неизрече́ннѡ ѿ бг҃а земны̑мъ проповѣ́данныхъ бжⷭ҇твенныхъ и҆ стра́шныхъ та́инствъ, нача́токъ вѣ́ры ꙗ҆ви́сѧ, чⷭ҇тыѧ и҆ бг҃оѻтрокови́цы зача́тїе. Є҆́юже дѣлѡ́мъ тмы̀ и҆ страстє́мъ преста́ти предвозвѣща́етъ."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ и҃:"
+ },
+ {
+  "type": "TEXT",
+  "value": "Мала́ѯа: Прїиди́те, ра́достнѡ дне́сь, всѧ́къ чи́нъ и҆ во́зрастъ человѣ́ческїй, со а҆́гг҃льскими ли̑ки, пресла́вное зача́тїе бцⷣы свѣ́тлѡ пра́зднꙋемъ: патрїа́рси, всѣ́хъ цр҃ѧ̀ мт҃рь: прⷪ҇ро́цы, ю҆́же ва́ми проповѣ́даннꙋю: пра́ѻтцы, ю҆́же ѿ ва́съ бг҃ома́терь: ста́рцы, бг҃оѻтцє́въ: бг҃оѻтцы̀, бг҃оѻтрокови́цꙋ: дѣ̑вы, приснодв҃ꙋ: вѣ́рнїи, ко́рень вѣ́ры: свѧще́нницы, всесвѧще́нный хра́мъ бж҃їй: ст҃ы́хъ всѣ́хъ ли́цы, винꙋ̀ собра́нїѧ ва́шегѡ: а҆́гг҃льскаѧ же вѡ́инства, ро́ждшꙋю влⷣкꙋ всеѧ̀ тва́ри и҆ сп҃са дꙋ́шъ на́шихъ."
+ },
+ {
+  "type": "HEADER",
+  "value": "Славосло́вїе вели́кое. По трист҃о́мъ тропа́рь є҆ди́ножды: и҆ ѿпꙋ́стъ."
+ },
+ {
+  "type": "HEADER",
+  "value": "На лїтꙋргі́и: Бл҃жє́нна ѿ канѡ́на пѣ́снь г҃-ѧ, и҆ втора́гѡ пѣ́снь ѕ҃-ѧ."
+ },
+ {
+  "type": "HEADER",
+  "value": "Прокі́менъ, гла́съ д҃:"
+ },
+ {
+  "type": "TEXT",
+  "value": "Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
+ },
+ {
+  "type": "TEXT",
+  "value": "Сті́хъ: Въ цр҃квахъ благослови́те бг҃а:"
+ },
+ {
+  "type": "HEADER",
+  "value": "А҆пⷭ҇лъ къ гала́тѡмъ, зача́ло с҃і, ѿ полꙋ̀."
+ },
+ {
+  "type": "TEXT",
+  "value": "А҆ллилꙋ́їа, гла́съ а҃: Спасе́нїе првⷣныхъ ѿ гдⷭ҇а:"
+ },
+ {
+  "type": "HEADER",
+  "value": "Є҆ѵⷢ҇лїе лꙋкѝ, зача́ло л҃ѕ."
+ },
+ {
+  "type": "TEXT",
+  "value": "Прича́стенъ: Ра́дꙋйтесѧ, пра́веднїи, ѡ҆ гдⷭ҇ѣ:"
+ }
+]

static/data/shared/menaion-daily/12-09/2.json

@@ -0,0 +1,742 @@
+[
+ {
+  "type": "HEADER",
+  "value": "Деке́мврїа ѳ҃"
+ },
+ {
+  "type": "HEADER",
+  "value": "Пра́зднованїе прест҃ѣ́й бг҃оро́дицѣ въ че́сть чꙋдотво́рныѧ є҆ѧ̀ і҆кѡ́ны, и҆менꙋ́емыѧ неча́ѧннаѧ ра́дость."
+ },
+ {
+  "type": "HEADER",
+  "value": "На ма́лѣй вече́рни. На Гдⷭ҇и воззва́хъ, стїхи̑ры на д҃, гла́съ д҃."
+ },
+ {
+  "type": "TEXT",
+  "value": "Всѣ̑мъ предста́тельствꙋеши, влⷣчце, прибѣга́ющымъ съ вѣ́рою въ держа́вный тво́й покро́въ, и҆но́го бо, грѣ́шнїи, не и҆́мамы при́снѡ въ бѣда́хъ и҆ ско́рбехъ и҆збавле́нїѧ, ѡ҆бремене́ннїи грѣхѝ мно́гими, мт҃и бг҃а вы́шнѧгѡ ты̀ є҆сѝ, пречⷭ҇таѧ, потщи́сѧ помощѝ рабѡ́мъ твои̑мъ."
+ },
+ {
+  "type": "TEXT",
+  "value": "Є҆гда̀ нѣ́кїй человѣ́къ беззако́ненъ припадѐ къ пречꙋ́дномꙋ ѻ҆́бразꙋ твоемꙋ̀, а҆рха́гг҃льское привѣ́тствїе приносѧ̀ тебѣ̀, є҆ди́нѣй пречⷭ҇тѣй и҆ пребл҃гослове́ннѣй, тогда̀ ѿ пꙋтѝ поги́бельнагѡ ѿврати́ла є҆сѝ є҆го̀ и҆ неча́ѧннꙋю ра́дость сп҃се́нїѧ дарова́ла є҆сѝ є҆мꙋ̀, и҆ ми́ръ, и҆ ве́лїю ми́лость."
+ },
+ {
+  "type": "TEXT",
+  "value": "Хотѧ́й сп҃съ и҆злїѧ́ти преѕѣ́льное бога́тство бл҃года́ти на вѣ̑рныѧ своѧ̑, разсѣ́ѧлъ є҆́сть, ꙗ҆́кѡ ѕвѣ̑зды, сїѧ́ющыѧ во страна́хъ правосла́вныхъ, і҆кѡ́ны мт҃ре своеѧ̀, бл҃года́ть чꙋде́съ и҆сточа́ющыѧ, и҆сцѣлє́нїѧ подаю́щыѧ, и҆ ми́ръ, и҆ ве́лїю ми́лость."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ ѕ҃."
+ },
+ {
+  "type": "TEXT",
+  "value": "Прїиди́те, вѣ́рнїи, воспои́мъ застꙋ́пницꙋ ро́да хрⷭ҇тїа́нскагѡ, подви́гшꙋюсѧ на ᲂу҆моле́нїе сн҃а своегѡ̀ и҆ бг҃а за человѣ́ка беззако́нна, грѣхо́внымъ житїе́мъ свои́мъ сн҃а бж҃їѧ прогнѣви́вша и҆ си́мъ второ́е є҆го̀ распе́нша, и҆ и҆з̾ глꙋбины̀ дꙋшѝ къ не́й возопїи́мъ: ѽ премлⷭ҇тиваѧ хода́таице, не ѡ҆ста́ви и҆ на́съ бл҃гопрїѧ́тными къ сн҃ꙋ твоемꙋ̀ ѡ҆ на́съ моли́твами."
+ },
+ {
+  "type": "HEADER",
+  "value": "Стїхи̑ры на стїхо́внѣ, гла́съ є҃:"
+ },
+ {
+  "type": "TEXT",
+  "value": "Нб҃о и҆ землѧ̀ да ликовствꙋ́ютъ: се́ бо мт҃рь пред̾ сн҃омъ предстои́тъ, проще́нїѧ грѣхѡ́въ грѣ́шникꙋ вели́комꙋ ᲂу҆се́рднѡ просѧ́щи. Ѡ҆ се́мъ а҆́гг҃ли ра́дꙋютсѧ, съ ни́миже и҆ мы̀ дꙋхо́внѡ да ликовствꙋ́емъ, бг҃оро́дицꙋ пѣ́сньми велича́юще."
+ },
+ {
+  "type": "TEXT",
+  "value": "Сті́хъ: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ."
+ },
+ {
+  "type": "TEXT",
+  "value": "Съ чи́нми сщ҃е́нныхъ всѝ ро́ди вѣ́рныхъ, дне́сь возвесели́мсѧ, пра́зднꙋюще торжество̀ бж҃їѧ мт҃ре, ꙗ҆ви́вшїѧ на́мъ въ чꙋдотво́рнѣмъ ѻ҆́бразѣ є҆ѧ̀ и҆сто́чникъ приснотекꙋ́щїй, незави́стныѧ да́ры бл҃гости всѣ̑мъ подаю́щїй."
+ },
+ {
+  "type": "TEXT",
+  "value": "Сті́хъ: Слы́ши, дщѝ, и҆ ви́ждь, и҆ приклонѝ ᲂу҆́хо твоѐ."
+ },
+ {
+  "type": "TEXT",
+  "value": "Тѧ̀, ро́ждшꙋю всѣ́хъ бг҃а, бл҃жа́тъ нбⷭ҇нїи а҆́гг҃ли и҆ земні́и человѣ́цы, ꙗ҆́кѡ за вѣ̑рныѧ лю́ди мо́лишисѧ, покрыва́ющи и҆́хъ ми́лостїю твое́ю, тво́й соверша́ющихъ пра́здникъ."
+ },
+ {
+  "type": "HEADER",
+  "value": "Сла́ва, и҆ ны́нѣ, бг҃оро́диченъ, гла́съ и҃:"
+ },
+ {
+  "type": "TEXT",
+  "value": "Влⷣчце, прїимѝ мѡли́твы ра̑бъ твои́хъ и҆ и҆зба́ви на́съ ѿ всѧ̑кїѧ нꙋ́жды и҆ печа́ли."
+ },
+ {
+  "type": "HEADER",
+  "value": "Тропа́рь, гла́съ д҃:"
+ },
+ {
+  "type": "TEXT",
+  "value": "Дне́сь, вѣ́рнїи лю́дїе, дꙋхо́внѡ торжествꙋ́емъ, прославлѧ́юще застꙋ́пницꙋ ᲂу҆се́рднꙋю ро́да хрⷭ҇тїа́нскагѡ, и҆, притека́юще къ пречⷭ҇томꙋ є҆ѧ̀ ѻ҆́бразꙋ, взыва́емъ си́це: ѽ преми́лостиваѧ влⷣчце бг҃оро́дице, пода́ждь на́мъ неча́ѧннꙋю ра́дость, ѡ҆бременє́ннымъ грѣхѝ и҆ скорбьмѝ мно́гими, и҆ и҆зба́ви на́съ ѿ всѧ́кагѡ ѕла̀, молѧ́щи сн҃а твоего̀ хрⷭ҇та̀ бг҃а на́шего, сп҃стѝ дꙋ́шы на́шѧ."
+ },
+ {
+  "type": "HEADER",
+  "value": "На вели́цѣй вече́рни. На Гдⷭ҇и воззва́хъ, стїхи̑ры на и҃, гла́съ в҃:"
+ },
+ {
+  "type": "TEXT",
+  "value": "Прїиди́те, воспои́мъ гдⷭ҇еви, ве́лїю ра́дость на́мъ дарова́вшемꙋ, чꙋдотво́рныѧ ра́ди і҆кѡ́ны мт҃ре своеѧ̀, къ не́йже взира́юще, пѣ́снь всѝ та́кѡ рце́мъ: ѽ пречꙋ́днаѧ влⷣчце бг҃оро́дице, сп҃са́й гра́дъ и҆ лю́ди, вѣ́рою и҆ любо́вїю покланѧ́ющыѧсѧ пречⷭ҇тнѣ́й і҆кѡ́нѣ твое́й."
+ },
+ {
+  "type": "TEXT",
+  "value": "Кто̀ возглаго́летъ си̑лы твоѧ̑, слы̑шаны сотвори́тъ всѧ̑ хвалы̀ твоѧ̑, гдⷭ҇и, дарова́лъ бо є҆сѝ дерзнове́ннꙋю хода́таицꙋ ро́дꙋ хрⷭ҇тїа́нскомꙋ, пречⷭ҇тꙋю мт҃рь твою̀, грѣ́шныхъ къ тебѣ̀ приводѧ́щꙋю, и҆ си̑мъ неча́ѧннꙋю ра́дость и҆̀мъ даю́щꙋю, и҆ просѧ́щꙋю на́мъ ми́ра и҆ ве́лїѧ ми́лости."
+ },
+ {
+  "type": "TEXT",
+  "value": "Хотѧ́й сп҃съ и҆злїѧ́ти преѕѣ́льное бога́тство бл҃года́ти на вѣ̑рныѧ своѧ̑, разсѣ́ѧлъ є҆́сть, ꙗ҆́кѡ ѕвѣ̑зды, сїѧ́ющыѧ во страна́хъ правосла́вныхъ, і҆кѡ́ны мт҃ре своеѧ̀, бл҃года́ть чꙋде́съ и҆сточа́ющыѧ, и҆сцѣлє́нїѧ подаю́щыѧ, и҆ ми́ръ, и҆ ве́лїю ми́лость."
+ },
+ {
+  "type": "TEXT",
+  "value": "Є҆гда̀ нѣ́кїй человѣ́къ беззако́ненъ припадѐ къ пречꙋ́дномꙋ ѻ҆́бразꙋ твоемꙋ̀, а҆рха́гг҃льское привѣ́тствїе приносѧ̀ тебѣ̀, є҆ди́нѣй пречⷭ҇тѣй и҆ пребл҃гослове́ннѣй, тогда̀ ѿ пꙋтѝ поги́бельнагѡ ѿврати́ла є҆сѝ є҆го̀ и҆ неча́ѧннꙋю ра́дость сп҃се́нїѧ дарова́ла є҆сѝ є҆мꙋ̀, и҆ ми́ръ, и҆ ве́лїю ми́лость."
+ },
+ {
+  "type": "TEXT",
+  "value": "Всѣ̑мъ предста́тельствꙋеши, влⷣчце, прибѣга́ющымъ съ вѣ́рою въ держа́вный тво́й покро́въ, и҆но́го бо, грѣ́шнїи, не и҆́мамы при́снѡ въ бѣда́хъ и҆ ско́рбехъ и҆збавле́нїѧ, ѡ҆бремене́ннїи грѣхѝ мно́гими, мт҃и бг҃а вы́шнѧгѡ ты̀ є҆сѝ, пречⷭ҇таѧ, потщи́сѧ помощѝ рабѡ́мъ твои̑мъ."
+ },
+ {
+  "type": "TEXT",
+  "value": "Всѣ́хъ скорбѧ́щихъ и҆ ѡ҆би́димыхъ застꙋ́пнице, а҆́лчꙋщихъ пита́тельнице, стра́нныхъ ᲂу҆тѣше́нїе, ѡ҆бꙋрева́емыхъ приста́нище, больны́хъ посѣще́нїе, немощны́хъ покро́въ, же́злъ ста́рости, мт҃и бг҃а вы́шнѧгѡ ты̀ є҆сѝ, пречⷭ҇таѧ, потщи́сѧ помощѝ рабѡ́мъ твои̑мъ."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ ѕ҃:"
+ },
+ {
+  "type": "TEXT",
+  "value": "Сра́дꙋютсѧ съ на́ми ᲂу҆́мнаѧ всѧ̑ чинѡнача́лїѧ, ви́дѧще цр҃цꙋ и҆ влⷣчцꙋ всѣ́хъ, многоиме́ннѣ вѣ́рными сла́вимꙋ, ра́дꙋютсѧ же и҆ дꙋ́си пра́ведныхъ, зрѧ́щїи бг҃омт҃рь, за грѣ̑шныѧ лю́ди всечестні́и своѝ рꙋцѣ̀ къ сн҃ꙋ простира́ющꙋю и҆ просѧ́щꙋю и҆̀мъ ѡ҆ставле́нїѧ грѣхѡ́въ, и҆ ми́ра, и҆ ве́лїѧ ми́лости."
+ },
+ {
+  "type": "HEADER",
+  "value": "Та́же вхо́дъ, прокі́менъ днѐ, и҆ чтє́нїѧ бг҃орѡ́дичны г҃."
+ },
+ {
+  "type": "HEADER",
+  "value": "Бытїѧ̀ чте́нїе. (Глава̀ к҃и.)"
+ },
+ {
+  "type": "TEXT",
+  "value": "И҆зы́де і҆а́кѡвъ ѿ стꙋденца̀ клѧ́твеннагѡ, и҆ и҆́де въ харра́нъ. И҆ ѡ҆брѣ́те мѣ́сто, и҆ спа̀ та́мѡ: за́йде бо со́лнце. И҆ взѧ́тъ ѿ ка́менїѧ мѣ́ста тогѡ̀, и҆ положѝ возгла́вїе себѣ̀, и҆ спа̀ на мѣ́стѣ ѻ҆́номъ. И҆ со́нъ ви́дѣ: и҆ сѐ лѣ́ствица ᲂу҆твержде́на на землѝ, є҆ѧ́же глава̀ досѧза́ше до небе́съ, и҆ а҆́гг҃ли бж҃їи восхожда́хꙋ и҆ низхожда́хꙋ по не́й. Гдⷭ҇ь же ᲂу҆твержда́шесѧ на не́й, и҆ речѐ: а҆́зъ бг҃ъ а҆враа́мовъ, ѻ҆тца̀ твоегѡ̀, и҆ бг҃ъ і҆саа́ковъ, не бо́йсѧ: землѧ̀, и҆дѣ́же ты̀ спи́ши на не́й, тебѣ̀ да́мъ ю҆̀, и҆ сѣ́мени твоемꙋ̀ И҆ бꙋ́детъ сѣ́мѧ твоѐ ꙗ҆́кѡ песо́къ земны́й, и҆ распространи́тсѧ на мо́ре, и҆ лі́вꙋ, и҆ сѣ́веръ, и҆ на восто́ки: и҆ возбл҃гословѧ́тсѧ ѡ҆ тебѣ̀ всѧ̑ колѣ̑на земна̑ѧ, и҆ ѡ҆ сѣ́мени твое́мъ. И҆ сѐ а҆́зъ съ тобо́ю сохранѧ́ѧй тѧ̀ на всѧ́комъ пꙋтѝ, а҆́може а҆́ще по́йдеши, и҆ возвращꙋ́ тѧ въ зе́млю сїю̀: ꙗ҆́кѡ не и҆́мамъ тебѐ ѡ҆ста́вити, до́ндеже сотвори́ти мѝ всѧ̑, є҆ли̑ка глаго́лахъ тебѣ̀. И҆ воста̀ і҆а́кѡвъ ѿ сна̀ своегѡ̀, и҆ речѐ: ꙗ҆́кѡ є҆́сть гдⷭ҇ь на мѣ́стѣ се́мъ, а҆́зъ же не вѣ́дѣхъ. И҆ ᲂу҆боѧ́сѧ, и҆ речѐ: ꙗ҆́кѡ стра́шно мѣ́сто сїѐ: нѣ́сть сїѐ, но до́мъ бж҃їй, и҆ сїѧ̑ врата̀ нбⷭ҇наѧ."
+ },
+ {
+  "type": "HEADER",
+  "value": "Прⷪ҇ро́чества і҆езекі́илева чте́нїе. (Главы̑ м҃г и҆ м҃д.)"
+ },
+ {
+  "type": "TEXT",
+  "value": "Та́кѡ глаго́летъ гдⷭ҇ь: бꙋ́детъ ѿ днѐ ѻ҆сма́гѡ и҆ про́чее, сотворѧ́тъ і҆ерє́и на ѻ҆лтарѝ всесожже́нїѧ ва́шегѡ и҆ ꙗ҆̀же сп҃се́нїѧ ва́шегѡ: и҆ прїимꙋ́ вы, глаго́летъ а҆дѡнаі̀ гдⷭ҇ь. И҆ ѡ҆брати́ мѧ на пꙋ́ть вра́тъ ст҃ы́хъ внѣ́шнихъ, зрѧ́щихъ на восто́ки: и҆ сїѧ̑ бѧ́хꙋ затворє́на. И҆ речѐ гдⷭ҇ь ко мнѣ̀: врата̀ сїѧ̑ затворє́на бꙋ́дꙋтъ, и҆ не ѿве́рзꙋтсѧ, и҆ никто́же про́йдетъ сквозѣ̀ и҆́хъ: ꙗ҆́кѡ гдⷭ҇ь бг҃ъ і҆и҃левъ про́йдетъ и҆́ми, и҆ бꙋ́дꙋтъ затворє́на. Ꙗ҆́кѡ и҆гꙋ́менъ сѧ́детъ въ ни́хъ снѣ́сти хлѣ́бъ: по пꙋтѝ є҆ла́мскихъ вра́тъ вни́детъ, и҆ по пꙋтѝ є҆гѡ̀ и҆зы́детъ. И҆ введе́ мѧ по пꙋтѝ вра́тъ ст҃ы́хъ сꙋ́щихъ къ сѣ́верꙋ, прѧ́мѡ хра́мꙋ: и҆ ви́дѣхъ, и҆ сѐ и҆спо́лнь сла́вы хра́мъ гдⷭ҇ень."
+ },
+ {
+  "type": "HEADER",
+  "value": "При́тчей чте́нїе. (Глава̀ ѳ҃.)"
+ },
+ {
+  "type": "TEXT",
+  "value": "Премꙋ́дрость созда̀ себѣ̀ до́мъ, и҆ ᲂу҆твердѝ столпѡ́въ се́дмь: закла̀ своѧ̑ же́ртвєннаѧ, и҆ растворѝ въ ча́ши свое́й вїно̀, и҆ ᲂу҆гото́ва свою̀ трапе́зꙋ. Посла̀ своѧ̑ рабы̑, созыва́ющи съ высо́кимъ проповѣ́данїемъ на ча́шꙋ, глаго́лющи: и҆́же є҆́сть безꙋ́менъ, да ᲂу҆клони́тсѧ ко мнѣ̀. И҆ тре́бꙋющымъ ᲂу҆ма̀ речѐ: прїиди́те, ꙗ҆ди́те мо́й хлѣ́бъ, и҆ пі́йте вїно̀, є҆́же раствори́хъ ва́мъ. Ѡ҆ста́вите безꙋ́мїе, и҆ жи́ви бꙋ́дете: и҆ взыщи́те ра́зꙋма, да поживетѐ: и҆ и҆спра́вите ра́зꙋмъ въ вѣ́дѣнїи. Наказꙋ́ѧй ѕлы̑ѧ прїи́метъ себѣ̀ безче́стїе, ѡ҆блича́ѧй же нечести́ваго ѡ҆поро́читъ себѐ: ѡ҆бличе́нїе бо нечести́вомꙋ ра̑ны є҆мꙋ̀. Не ѡ҆блича́й ѕлы́хъ, да не возненави́дѧтъ тебѐ: ѡ҆блича́й премꙋ́дра, и҆ возлю́битъ тѧ̀. Да́ждь премꙋ́дромꙋ винꙋ̀, и҆ премꙋ́дршїй бꙋ́детъ: сказꙋ́й првⷣномꙋ, и҆ приложи́тъ прїима́ти. Нача́ло премꙋ́дрости, стра́хъ гдⷭ҇ень, и҆ совѣ́тъ ст҃ы́хъ, ра́зꙋмъ: разꙋмѣ́ти бо зако́нъ по́мысла є҆́сть бл҃га́гѡ. Си́мъ бо ѻ҆́бразомъ мно́гое поживе́ши вре́мѧ, и҆ приложа́тсѧ тебѣ̀ лѣ̑та живота̀."
+ },
+ {
+  "type": "HEADER",
+  "value": "Стїхи̑ры на лїті́и, гла́съ д҃:"
+ },
+ {
+  "type": "TEXT",
+  "value": "Дне́сь да возра́дꙋетсѧ и҆ да возвесели́тсѧ вѣ́рныхъ собра́нїе: се́ бо мт҃рь свѣ́та и҆ чⷭ҇тоты̀, грѣ́шникꙋ ꙗ҆ви́вши застꙋпле́нїе, си́мъ и҆ всѣ̑мъ вѣ̑рнымъ показꙋ́етъ, ꙗ҆́кѡ бл҃гонаде́ждна є҆́сть на́мъ застꙋ́пница, ѡ҆бременє́ннымъ грѣхѝ и҆ скорбьмѝ мно́гими, съ вѣ́рою притека́ющымъ въ пречꙋ́дный є҆ѧ̀ покро́въ."
+ },
+ {
+  "type": "HEADER",
+  "value": "Гла́съ в҃:"
+ },
+ {
+  "type": "TEXT",
+  "value": "Смы́слъ ѡ҆чи́стивше и҆ ᲂу҆́мъ, со а҆́гг҃лы и҆ мы̀ торжествꙋ́емъ, свѣ́тлѡ начина́юще даві́дскꙋю пѣ́снь ѻ҆трокови́цѣ невѣ́стѣ, мт҃ри всѣ́хъ цр҃ѧ̀, хрⷭ҇та̀ бг҃а на́шегѡ, воскреснѝ, гдⷭ҇и, глаго́люще, въ поко́й тво́й, ты̀ и҆ кївѡ́тъ ст҃ы́ни твоеѧ̀, ꙗ҆́кѡ бо пала́тꙋ кра́снꙋ, сїю̀ ᲂу҆краси́лъ є҆сѝ, влⷣко, покрыва́ти и҆ сп҃са́ти вѣ̑рныѧ держа́вною си́лою твое́ю."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ ѕ҃:"
+ },
+ {
+  "type": "TEXT",
+  "value": "Прїиди́те, вѣ́рнїи, воспои́мъ застꙋ́пницꙋ ро́да хрⷭ҇тїа́нскагѡ, подви́гшꙋюсѧ на ᲂу҆моле́нїе сн҃а своегѡ̀ и҆ бг҃а за человѣ́ка беззако́нна, грѣхо́внымъ житїе́мъ свои́мъ сн҃а бж҃їѧ прогнѣви́вша и҆ си́мъ второ́е є҆го̀ распе́нша, и҆ и҆з̾ глꙋбины̀ дꙋшѝ къ не́й возопїи́мъ: ѽ премлⷭ҇тиваѧ хода́таице, не ѡ҆ста́ви и҆ на́съ бл҃гопрїѧ́тными къ сн҃ꙋ твоемꙋ̀ ѡ҆ на́съ моли́твами."
+ },
+ {
+  "type": "HEADER",
+  "value": "На стїхо́внѣ стїхи̑ры, гла́съ д҃:"
+ },
+ {
+  "type": "TEXT",
+  "value": "Ꙗ҆́кѡ сл҃нце пресвѣ́тлое, возсїѧ̀ на́мъ чꙋдотво́рнаѧ і҆кѡ́на твоѧ̀, влⷣчце, и҆злива́ющи ѻ҆би́льнѡ лꙋ́чы бла́гости твоеѧ̀: болѧ́щымъ здра́вїе, скорбѧ́щымъ ᲂу҆тѣше́нїе, ѿ бѣ́дъ и҆збавле́нїе и҆ дꙋша́мъ на́шымъ ми́ръ и҆ ве́лїю ми́лость."
+ },
+ {
+  "type": "TEXT",
+  "value": "Сті́хъ: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ."
+ },
+ {
+  "type": "TEXT",
+  "value": "Воспои́мъ, лю́дїе, свѣ́тло даві́дскꙋю пѣ́снь ѻ҆трокови́цѣ, невѣ́стѣ бж҃їей, мт҃ри всѣ́хъ цр҃ѧ̀ хрⷭ҇та̀: предста̀ цр҃и́ца ѡ҆деснꙋ́ю тебѐ, влⷣко, рѧ̑сны златы́ми ѡ҆дѣ́ѧна и҆ преꙋкраше́на бж҃е́ственными лѣ́потами. Сїю́ бо, и҆збра́ннꙋю въ жена́хъ, па́че всегѡ̀ мі́ра ᲂу҆добри́въ, бл҃гоизво́ли роди́тисѧ ѿ неѧ̀ вели́кїѧ ра́ди ми́лости и҆ сїю̀ помо́щницꙋ лю́демъ свои̑мъ дарова̀ покрыва́ти рабы̑ своѧ̑, є҆ди́нꙋ бл҃гослове́ннꙋю."
+ },
+ {
+  "type": "TEXT",
+  "value": "Сті́хъ: Слы́ши, дщѝ, и҆ ви́ждь, и҆ приклонѝ ᲂу҆́хо твоѐ."
+ },
+ {
+  "type": "TEXT",
+  "value": "Приклони́вши ᲂу҆́хо твоѐ ко а҆рха́гг҃льскомꙋ бл҃говѣ́стїю, воспрїѧ́ла є҆сѝ во чре́вѣ твое́мъ, чⷭ҇таѧ, прекло́ньшаго нб҃са̀ и҆ на́шегѡ ра́ди сп҃се́нїѧ на зе́млю сше́дшаго, и҆́же ны́нѣ приклонѧ́етъ ᲂу҆́хо своѐ къ бл҃гопрїѧ̑тнымъ твои̑мъ моли́твамъ ѡ҆ всѣ́хъ, вѣ́рою и҆ любо́вїю чтꙋ́щихъ тѧ̀."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ з҃:"
+ },
+ {
+  "type": "TEXT",
+  "value": "Под̾ кро́въ тво́й, влⷣчце, всѝ земноро́днїи прибѣга́юще, вопїе́мъ тѝ: бг҃оро́дице, ᲂу҆пова́нїе на́ше, и҆зба́ви ны̀ ѿ безмѣ́рныхъ прегрѣше́нїй и҆ сп҃сѝ дꙋ́шы на́шѧ."
+ },
+ {
+  "type": "HEADER",
+  "value": "На бл҃гослове́нїи хлѣ́бѡвъ тропа́рь, гла́съ д҃:"
+ },
+ {
+  "type": "TEXT",
+  "value": "Дне́сь, вѣ́рнїи лю́дїе, дꙋхо́внѡ торжествꙋ́емъ, прославлѧ́юще застꙋ́пницꙋ ᲂу҆се́рднꙋю ро́да хрⷭ҇тїа́нскагѡ, и҆, притека́юще къ пречⷭ҇томꙋ є҆ѧ̀ ѻ҆́бразꙋ, взыва́емъ си́це: ѽ преми́лостиваѧ влⷣчце бг҃оро́дице, пода́ждь на́мъ неча́ѧннꙋю ра́дость, ѡ҆бременє́ннымъ грѣхѝ и҆ скорбьмѝ мно́гими, и҆ и҆зба́ви на́съ ѿ всѧ́кагѡ ѕла̀, молѧ́щи сн҃а твоего̀ хрⷭ҇та̀ бг҃а на́шего, сп҃стѝ дꙋ́шы на́шѧ."
+ },
+ {
+  "type": "TEXT",
+  "value": "Бг҃оро́дице дв҃о, ра́дꙋйсѧ:"
+ },
+ {
+  "type": "HEADER",
+  "value": "На ᲂу҆́трени. По а҃-мъ стїхосло́вїи сѣда́ленъ, гла́съ г҃:"
+ },
+ {
+  "type": "TEXT",
+  "value": "Бж҃е́ственными сїѧ̑нїи а҆́гг҃льскихъ во́инствъ ѡ҆бстꙋпа́ема и҆ съ чи́нми прⷪ҇рѡ́къ и҆ а҆пⷭ҇тѡлъ че́стнѡ слꙋ́жбꙋ прїе́млющи, ꙗ҆́кѡ мт҃и бж҃їѧ, посѣтѝ на́съ, твои́хъ ра̑бъ, молѧ́щи хрⷭ҇та̀ бг҃а на́шего дарова́ти на́мъ ве́лїю ми́лость."
+ },
+ {
+  "type": "HEADER",
+  "value": "Сла́ва, и҆ ны́нѣ, то́йже."
+ },
+ {
+  "type": "HEADER",
+  "value": "По в҃-мъ стїхосло́вїи сѣда́ленъ, гла́съ ѕ҃:"
+ },
+ {
+  "type": "TEXT",
+  "value": "Безпѡ́мощнымъ крѣ́пость ты̀ вои́стиннꙋ, бг҃ома́ти, всѣ́мъ покро́въ и҆ къ бг҃ꙋ хода́таица."
+ },
+ {
+  "type": "HEADER",
+  "value": "Сла́ва, и҆ ны́нѣ, то́йже."
+ },
+ {
+  "type": "HEADER",
+  "value": "По полѷеле́и сѣда́ленъ, гла́съ в҃:"
+ },
+ {
+  "type": "TEXT",
+  "value": "Гора̀ є҆сѝ вели́ка и҆ пресла́вна, па́че горы̀ сїна́йскїѧ: ѻ҆на́ бо, не терпѧ́щи сни́тїѧ сла́вы бж҃їѧ во ѻ҆́бразѣхъ и҆ сѣ́нехъ, ѻ҆гне́мъ возгора́шесѧ, и҆ гро́ми и҆ мо́лнїѧ та́мѡ бы́ша, ты́ же, въ себѣ̀ бж҃е́ственнаго ѻ҆гнѧ̀ прїе́мши, бж҃їе сло́во неѡпа́льнѡ носи́ла є҆сѝ, ма́нїемъ носѧ́щаго всѧ̑, и҆, мт҃рнее дерзнове́нїе къ немꙋ̀ и҆мꙋ́щи, помозѝ, влⷣчце, вѣ́рою тѧ̀ почита́ющымъ, прїѧ́ла бо є҆сѝ ѿ бг҃а да́ръ стро́ити и҆ покрыва́ти хрⷭ҇тоимени́тое твоѐ ста́до, рабы̑ твоѧ̑."
+ },
+ {
+  "type": "HEADER",
+  "value": "Сла́ва, и҆ ны́нѣ, то́йже."
+ },
+ {
+  "type": "TEXT",
+  "value": "По н҃-мъ ѱалмѣ̀ стїхи́ра, гла́съ ѕ҃:"
+ },
+ {
+  "type": "TEXT",
+  "value": "Сра́дꙋютсѧ съ на́ми ᲂу҆́мнаѧ всѧ̑ чинѡнача́лїѧ, ви́дѧще цр҃цꙋ и҆ влⷣчцꙋ всѣ́хъ, многоиме́ннѣ вѣ́рными сла́вимꙋ, ра́дꙋютсѧ же и҆ дꙋ́си пра́ведныхъ, зрѧ́щїи бг҃омт҃рь, за грѣ̑шныѧ лю́ди всечестні́и своѝ рꙋцѣ̀ къ сн҃ꙋ простира́ющꙋю и҆ просѧ́щꙋю и҆̀мъ ѡ҆ставле́нїѧ грѣхѡ́въ, и҆ ми́ра, и҆ ве́лїѧ ми́лости."
+ },
+ {
+  "type": "HEADER",
+  "value": "Канѡ́нъ, гла́съ д҃."
+ },
+ {
+  "type": "HEADER",
+  "value": "Пѣ́снь а҃."
+ },
+ {
+  "type": "TEXT",
+  "value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃цѣ мт҃ри, и҆ ꙗ҆влю́сѧ, свѣ́тлѡ торжествꙋ́ѧ, и҆ воспою̀, ра́дꙋѧсѧ, тоѧ̀ чꙋдеса̀."
+ },
+ {
+  "type": "TEXT",
+  "value": "Ѿве́рзшаѧ двє́ри милосе́рдїѧ бж҃їѧ а҆рха́гг҃льское привѣ́тствїе тебѣ̀ приноси́вшемꙋ, не затворѝ и҆ ѿ на́съ ᲂу҆тро́бы человѣколю́бїѧ твоегѡ̀, тѧ̀ воспѣва́ющихъ."
+ },
+ {
+  "type": "TEXT",
+  "value": "Чꙋ́дно бы́сть житїѐ твоѐ на землѝ, пресла́внаѧ мт҃и дв҃о, но нбⷭ҇ное твоѐ жи́тельство чꙋднѣ́йше є҆́сть: непреста́ннѡ бо ꙗ҆влѧ́еши чꙋдеса̀ мт҃рнѧгѡ твоегѡ̀ милосе́рдїѧ тѧ̀ воспѣва́ющымъ."
+ },
+ {
+  "type": "TEXT",
+  "value": "Сн҃а, ѿ ѻ҆ц҃а̀ безлѣ́тнѡ ражда́ющагосѧ въ послѣ̑днѧѧ лѣ̑та, зачала̀ є҆сѝ ѡ҆сѣне́нїемъ дх҃а ст҃а́гѡ, вѣ́чнꙋю ра́дость мі́рꙋ роди́вши."
+ },
+ {
+  "type": "TEXT",
+  "value": "Ра́дꙋйсѧ, мо́ре, потопи́вшее фараѡ́на мы́сленнаго, дїа́вола. Ра́дꙋйсѧ, ка́меню, напои́вшїй жа́ждꙋщихъ жи́зни дх҃о́вныѧ, дарова́ла бо є҆сѝ ро́дꙋ человѣ́ческомꙋ и҆зба́вителѧ плѣне́нныхъ и҆ наста́вника заблꙋ́ждшихъ."
+ },
+ {
+  "type": "HEADER",
+  "value": "И҆́нъ канѡ́нъ, гла́съ в҃."
+ },
+ {
+  "type": "TEXT",
+  "value": "І҆рмо́съ: Мѡѷсе́йскꙋю пѣ́снь воспрїи́мши, возопі́й, дꙋшѐ: помо́щникъ и҆ покрови́тель бы́сть мнѣ̀ во сп҃се́нїе, се́й мо́й бг҃ъ, и҆ просла́влю є҆го̀."
+ },
+ {
+  "type": "TEXT",
+  "value": "Рабо́ты вра́жїѧ и҆зба́вила є҆сѝ ве́сь ро́дъ человѣ́чь, сп҃са всемꙋ̀ мі́рꙋ роди́вши, є҆го́же молѝ ѿ навѣ́тѡвъ лꙋка́вагѡ и҆ на́съ сп҃стѝ."
+ },
+ {
+  "type": "TEXT",
+  "value": "Бꙋ́ди въ напа́стехъ на́шихъ хода́таица и҆ предста́тельница ѡ҆ на́съ къ сн҃ꙋ твоемꙋ̀, прест҃а́ѧ дв҃о, да тѣ́хъ и҆збы́вше, прославлѧ́емъ є҆го̀ со ѻ҆ц҃е́мъ и҆ ст҃ы́мъ дх҃омъ."
+ },
+ {
+  "type": "TEXT",
+  "value": "А҆́гг҃лъ и҆ а҆рха̑гг҃лъ превы́сшаѧ и҆ всеѧ̀ тва́ри чⷭ҇тнѣ́йшаѧ, ты̀ є҆сѝ вели́каѧ предста́тельница ро́да хрⷭ҇тїа́нскагѡ."
+ },
+ {
+  "type": "TEXT",
+  "value": "Катава́сїа: Ѿве́рзꙋ ᲂу҆ста̀ моѧ̑:"
+ },
+ {
+  "type": "HEADER",
+  "value": "Пѣ́снь г҃."
+ },
+ {
+  "type": "TEXT",
+  "value": "І҆рмо́съ: Твоѧ̑ пѣсносло́вцы, бг҃оро́дице, живы́й и҆ незави́стный и҆сто́чниче, ли́къ себѐ совокꙋ́пльшыѧ, дꙋхо́внѡ ᲂу҆твердѝ, въ бж҃е́ственнѣй твое́й сла́вѣ вѣнцє́въ сла́вы сподо́би."
+ },
+ {
+  "type": "TEXT",
+  "value": "Тѧ̀ ᲂу҆се́рднѡ пѣсносло́вѧщихъ ᲂу҆твердѝ въ житїѝ добродѣ́тельнѣмъ и҆ ро́ждшагосѧ ѿ тебє̀ ᲂу҆се́рднѡ молѝ, да не лише́ни бꙋ́демъ вѣнцє́въ сла́вы грѣ̑хъ ра́ди на́шихъ."
+ },
+ {
+  "type": "TEXT",
+  "value": "Па́че всѧ́кагѡ беззако́нна человѣ́ка въ житїѝ свое́мъ сн҃а твоего̀ грѣхѝ прогнѣвлѧ́емъ, но, ѽ мт҃и милосе́рдаѧ, бꙋ́ди ѡ҆ на́съ хода́таица."
+ },
+ {
+  "type": "TEXT",
+  "value": "Да сподо́битъ на́съ вѣнцє́въ сла́вы въ бж҃е́ственнѣй свое́й сла́вѣ сѣдѧ́й со ѻ҆ц҃е́мъ и҆ ст҃ы́мъ дх҃омъ і҆и҃съ чл҃вѣколю́бецъ, рожде́йсѧ ѿ тебє̀ и҆ вла́сть и҆мѣ́ѧй человѣ́кѡмъ ѡ҆ставлѧ́ти грѣхѝ."
+ },
+ {
+  "type": "TEXT",
+  "value": "Ра́дꙋйсѧ, дв҃о, невмѣсти́маго бг҃а во чре́вѣ вмѣсти́вшаѧ, и҆ того̀ ꙗ҆́кѡ младе́нца носи́вшаѧ, и҆ сосцы̀ твои́ми пита́вшаѧ."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Оу҆тверди́ мѧ, гдⷭ҇и бж҃е мо́й, да не похва́литсѧ вра́гъ мо́й ѡ҆ мнѣ̀: ты́ бо є҆сѝ, гдⷭ҇и, ᲂу҆твержде́нїе моѐ, и҆ прибѣ́жище, и҆ си́ла."
+ },
+ {
+  "type": "TEXT",
+  "value": "Молє́нїѧ на̑ша ᲂу҆слы́ши, мт҃и дв҃о, и҆ вонмѝ воздыха́нїѧмъ на́шымъ, и҆ ѡ҆ на́съ моли́твꙋ къ сн҃ꙋ твоемꙋ̀ сотворѝ."
+ },
+ {
+  "type": "TEXT",
+  "value": "Ꙗ҆́кѡ милосе́рдаѧ, вонмѝ моли́твамъ на́шымъ и҆ да́рꙋй на́мъ ѿ ѕлы́хъ и҆ лю́тыхъ ѡ҆бстоѧ́нїй и҆ печа́лей и҆збавле́нїе."
+ },
+ {
+  "type": "TEXT",
+  "value": "Бꙋ́рю жите́йскихъ треволне́нїй на́шихъ ᲂу҆толѝ и҆ ѕлы̑ѧ стра̑сти на́шѧ проженѝ, пречⷭ҇таѧ, да въ тишинѣ̀ и҆ безстра́стїи тѧ̀ прославлѧ́емъ."
+ },
+ {
+  "type": "TEXT",
+  "value": "Лю́дїе бж҃їи, прїиди́те, ны́нѣ восхва́лимъ нбⷭ҇нꙋю цр҃цꙋ, съ нб҃сѐ ст҃а́гѡ своегѡ̀ на ны̀ призира́ющꙋю и҆ на́съ къ нбⷭ҇нымъ возводѧ́щꙋю."
+ },
+ {
+  "type": "TEXT",
+  "value": "Катава́сїа: Твоѧ̑ пѣсносло́вцы:"
+ },
+ {
+  "type": "HEADER",
+  "value": "Сѣда́ленъ, гла́съ є҃:"
+ },
+ {
+  "type": "TEXT",
+  "value": "Те́плаѧ предста́тельнице и҆ непобѣди́маѧ, ᲂу҆пова́нїе и҆звѣ́стное и҆ непосты́дное, стѣно̀, и҆ покро́ве, и҆ приста́нище прибѣга́ющымъ къ тебѣ̀, приснодв҃о чⷭ҇таѧ, сн҃а твоего̀ и҆ бг҃а молѝ со а҆́гг҃лы ᲂу҆мире́нїе да́ти мі́рꙋ, и҆ сп҃се́нїе, и҆ ве́лїю ми́лость."
+ },
+ {
+  "type": "HEADER",
+  "value": "Сла́ва, и҆ ны́нѣ то́йже."
+ },
+ {
+  "type": "HEADER",
+  "value": "Пѣ́снь д҃."
+ },
+ {
+  "type": "TEXT",
+  "value": "І҆рмо́съ: Сѣдѧ́й въ сла́вѣ на прⷭ҇то́лѣ бж҃ества̀ во ѻ҆́блацѣ ле́гцѣ, прїи́де і҆и҃съ пребж҃е́ственный, нетлѣ́нною дла́нїю, и҆ сп҃сѐ зовꙋ́щыѧ: сла́ва, хрⷭ҇тѐ, си́лѣ твое́й."
+ },
+ {
+  "type": "TEXT",
+  "value": "Сп҃са всемꙋ̀ мі́рꙋ ро́ждшаѧ, и҆ сама̀ сп҃са́еши, мт҃и, ѿ бѣ́дъ и҆ печа́лей жите́йскихъ бг҃оро́дицꙋ тѧ̀ и҆сповѣ́дающихъ."
+ },
+ {
+  "type": "TEXT",
+  "value": "И҆сцѣлѝ всѧ̑ лю̑тыѧ и҆ неꙋдо́бь и҆сцѣ̑льныѧ болѣ̑зни на́шѧ, мт҃и сн҃а и҆ и҆зба́вителѧ, на крⷭ҇тъ грѣхѝ на́шѧ возне́сшагѡ."
+ },
+ {
+  "type": "TEXT",
+  "value": "Ѵ҆поста́снаѧ премꙋ́дрость, бг҃ъ сло́во и҆збра́ тѧ въ жили́ще своѐ, сего̀ ᲂу҆се́рднѡ молѝ, да сп҃се́тъ на́съ и҆́миже вѣ́сть сꙋдьба́ми."
+ },
+ {
+  "type": "TEXT",
+  "value": "Ра́дꙋйсѧ, невѣ́сто прекра́снаѧ, до́браѧ. Ра́дꙋйсѧ, голꙋби́це чⷭ҇таѧ. Ра́дꙋйсѧ, мт҃и є҆мманꙋ́илева, бг҃оро́дице приснодв҃о."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Пою́ тѧ, слꙋ́хомъ бо, гдⷭ҇и, ᲂу҆слы́шахъ и҆ ᲂу҆жасо́хсѧ: до менє́ бо и҆́деши, менѐ и҆щѧ̀, заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю, многомлⷭ҇тиве."
+ },
+ {
+  "type": "TEXT",
+  "value": "А҆́ще и҆ недоꙋмѣ́етъ ѧ҆зы́къ на́шъ восхвали́ти тѧ̀ по досто́инствꙋ, ѻ҆ба́че, любо́вїю къ тебѣ̀ дви́жими, ѿ всегѡ̀ се́рдца и҆ ѿ всегѡ̀ помышле́нїѧ на́шегѡ сла́вимъ и҆ хва́лимъ тѧ̀, всѣ́хъ бл҃ги́хъ хода́таицꙋ."
+ },
+ {
+  "type": "TEXT",
+  "value": "Глꙋбины̑ мѡрскі́ѧ кто̀ и҆зслѣ́дитъ; кто́ же возмо́жетъ и҆счи́слити и҆ твоѧ̑ вєли́кїѧ на́мъ ми́лѡсти и҆ щедрѡ́ты;"
+ },
+ {
+  "type": "TEXT",
+  "value": "Ѻ҆́тче, гдⷭ҇и нб҃сѐ и҆ землѝ! Коли́кое бл҃годаре́нїе принесе́мъ тебѣ̀, занѐ бл҃гꙋ́ю и҆ си́льнꙋю хода́таицꙋ ро́дꙋ хрⷭ҇тїа́нскомꙋ дарова́лъ є҆сѝ."
+ },
+ {
+  "type": "TEXT",
+  "value": "Дла̑ни твоѧ̑ просте́рши къ ро́ждшемꙋсѧ и҆з̾ тебє̀, премилосе́рдаѧ мт҃и, не преста́й ѡ҆ на́съ молѧ́сѧ, да моли́твами твои́ми нбⷭ҇ныхъ и҆ земны́хъ дарова́нїй сподо́бимсѧ."
+ },
+ {
+  "type": "TEXT",
+  "value": "Катава́сїа: Сѣдѧ́й въ сла́вѣ:"
+ },
+ {
+  "type": "HEADER",
+  "value": "Пѣ́снь є҃."
+ },
+ {
+  "type": "TEXT",
+  "value": "І҆рмо́съ: Оу҆жасо́шасѧ всѧ́чєскаѧ ѡ҆ бж҃е́ственнѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
+ },
+ {
+  "type": "TEXT",
+  "value": "Нб҃о и҆ землѧ̀ ᲂу҆дивлѧ́ютсѧ, зрѧ́ще милосе́рдїе твоѐ къ ро́дꙋ хрⷭ҇тїа́нскомꙋ, пресла́внаѧ мт҃и дв҃о, и҆ къ са́мымъ до́лꙋ повє́рженнымъ грѣ́шникѡмъ нисхо́диши, всебл҃га́ѧ."
+ },
+ {
+  "type": "TEXT",
+  "value": "Сп҃сѝ ѿ ѕѡ́лъ и҆ скорбе́й рабы̑ твоѧ̑, бг҃оро́дице, и҆ ми́ръ бж҃їй, превы́сшїй всѧ́кагѡ мі́ра земна́гѡ, пода́ждь рабѡ́мъ, тѧ̀ воспѣва́ющымъ."
+ },
+ {
+  "type": "TEXT",
+  "value": "Родила̀ є҆сѝ ᲂу҆миротвори́вшаго гѡ́рнѧѧ и҆ дѡ́льнѧѧ и҆ сегѡ̀ ра́ди на зе́млю соше́дшаго, ѿ ѻ҆ц҃а́ же и҆ дх҃а ст҃а́гѡ не разлꙋчи́вшагосѧ."
+ },
+ {
+  "type": "TEXT",
+  "value": "Ра́дꙋйсѧ, цр҃це нб҃сѐ и҆ землѝ. Ра́дꙋйсѧ, превы́сшаѧ а҆́гг҃лъ и҆ а҆рха̑гг҃лъ. Ра́дꙋйсѧ, ꙗ҆́кѡ тобо́ю і҆а́кѡвомъ предвозвѣще́нный къ на́мъ примири́тель соше́лъ є҆́сть."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Просвѣще́нїе во тмѣ̀ лежа́щихъ, сп҃се́нїе ѿча́ѧнныхъ, хрⷭ҇тѐ, сп҃се мо́й, къ тебѣ̀ ᲂу҆́тренюю, цр҃ю̀ ми́ра, просвѣти́ мѧ сїѧ́нїемъ твои́мъ, и҆но́гѡ бо, ра́звѣ тебє̀, бг҃а не зна́ю."
+ },
+ {
+  "type": "TEXT",
+  "value": "А҆рха́гг҃лъ гаврїи́лъ, съ нбⷭ҇ныхъ слетѣ́въ крꙋгѡ́въ, принесѐ тебѣ̀ ра́дость бл҃говѣ́щенїѧ, семꙋ̀ неизрече́нномꙋ бж҃їю совѣ́тꙋ послꙋжи́вши, ди́внаѧ въ жена́хъ, и҆ сама̀ прино́сиши ра́дость всѣ̑мъ, вѣ́рно тѧ̀ пѣсносло́вѧщымъ."
+ },
+ {
+  "type": "TEXT",
+  "value": "Ра́дость вои́стиннꙋ неча́ѧннꙋю всемꙋ̀ до́льнемꙋ и҆ го́рнемꙋ ми́рꙋ дарова́ла є҆сѝ, занѐ ѿ тебє̀ происше́дый ᲂу҆миротворѝ и҆ соединѝ гѡ́рнѧѧ съ до́льними, є҆го́же ны́нѣ молѝ вражды̀ и҆ нестрое́нїй на́мъ и҆зба́витисѧ."
+ },
+ {
+  "type": "TEXT",
+  "value": "Ꙗ҆́дъ грѣхо́вный ѿ дре́внѧгѡ пра́ѻтца во ве́сь ро́дъ человѣ́чь привни́де, но ѿ тебє̀ рожде́йсѧ всѧ̀ ѡ҆чи́сти, ѡ҆ст҃ѝ и҆ спасѐ, є҆го́же ны́нѣ молѝ грѣхо́вныхъ страсте́й и҆ безмѣ́стныхъ дѣ́лъ на́мъ и҆зба́витисѧ."
+ },
+ {
+  "type": "TEXT",
+  "value": "Щедрѡ́ты твоѧ̑ къ на́мъ неисчє́тны, и҆ бл҃гости сло́ва и҆ сн҃а твоегѡ̀ подо́бѧтсѧ, и҆ сїѐ вѣ́мы и҆ до́брѣ вѣ́мы, но что̀ воздади́мъ тебѣ̀ ѡ҆ ни́хъ, премилосе́рдаѧ мт҃и дв҃о,"
+ },
+ {
+  "type": "TEXT",
+  "value": "Катава́сїа: Оу҆жасо́шасѧ всѧ́чєскаѧ:"
+ },
+ {
+  "type": "HEADER",
+  "value": "Пѣ́снь ѕ҃."
+ },
+ {
+  "type": "TEXT",
+  "value": "І҆рмо́съ: Бж҃е́ственное сїѐ и҆ всечⷭ҇тно́е соверша́ющи пра́зднество, бг҃омꙋ́дрїи, бг҃ома́тере, прїиди́те, рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
+ },
+ {
+  "type": "TEXT",
+  "value": "Сщ҃е́нное торжество̀ ны́нѣ дꙋхо́внѡ соверша́юще, прїиди́те, празднолю́бцы, воспои́мъ пѣ́сньми бг҃ома́терь, прославлѧ́юще сн҃а, дарова́вшаго толи́кꙋю бл҃года́ть мт҃ри свое́й."
+ },
+ {
+  "type": "TEXT",
+  "value": "При́зри на пѣ́нїе рабѡ́въ, бг҃ороди́тельнице, врагѡ́въ ви́димыхъ и҆ неви́димыхъ смирѧ́ѧ вознесе́ннꙋю горды́ню и҆ на смирє́нныѧ и҆злива́ѧ высѡ́кїѧ ми́лѡсти твоѧ̑."
+ },
+ {
+  "type": "TEXT",
+  "value": "Ты̀ є҆сѝ ко́рень, ѿ негѡ́же произы́де же́злъ і҆ессе́евъ, хрⷭ҇то́съ. Чл҃вѣ́къ ѿ до́мꙋ даві́дова и҆ бг҃ъ, ѻ҆ц҃ꙋ̀ и҆ дх҃ꙋ соприсносꙋ́щный."
+ },
+ {
+  "type": "TEXT",
+  "value": "Ра́дꙋйсѧ, мт҃и ѡ҆бра́дованнаѧ. Ра́дꙋйсѧ, прекра́снѣйшаѧ всѣ́хъ дще́рей человѣ́ческихъ. Ра́дꙋйсѧ, бл҃горо́днаѧ ѿрасль бг҃оизбра́ннагѡ ро́да даві́дова."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Во глꙋбинѣ̀ грѣхо́внѣй содержи́мь є҆́смь, сп҃се, и҆ въ пꙋчи́нѣ жите́йстѣй ѡ҆бꙋрева́емь, но, ꙗ҆́коже і҆ѡ́нꙋ ѿ ѕвѣ́рѧ, и҆ менѐ ѿ страсте́й возведѝ и҆ сп҃си́ мѧ."
+ },
+ {
+  "type": "TEXT",
+  "value": "А҆́да, и҆ сме́рти, и҆ тлѣ́нїѧ рожⷭ҇тво́мъ твои́мъ спасла̀ є҆сѝ ро́дъ человѣ́чь, тѣ́мъ тѧ̀ всѧ́ко колѣ́но нбⷭ҇ныхъ и҆ земны́хъ по до́лгꙋ ᲂу҆бл҃жа́етъ, ꙗ҆́кѡ мт҃рь разрꙋши́телѧ а҆́да и҆ сме́рти свободи́телѧ."
+ },
+ {
+  "type": "TEXT",
+  "value": "Грѣ̑хъ ра́ди на́шихъ не ѿврати́сѧ ѿ на́съ, дв҃о прест҃а́ѧ, но моли́твами твои́ми свобожде́нїе ѿ а҆́да и҆ вѣ́чныѧ сме́рти на́мъ и҆схода́тайствꙋй."
+ },
+ {
+  "type": "TEXT",
+  "value": "Ѽ, въ коли́цѣй лѣ́ности, коли́комъ нерадѣ́нїи ѡ҆ сп҃се́нїи на́шемъ всѐ житїѐ на́ше и҆ждива́емъ! Ка́ѧ мꙋ́ка, кі́й пла́мень предлежи́тъ на́мъ! Но, ѽ мт҃и, да́нною тебѣ̀ бл҃года́тїю и҆ на́съ сп҃сѝ."
+ },
+ {
+  "type": "TEXT",
+  "value": "Ѻ҆́гнь бж҃е́ственный, хрⷭ҇та̀, неѡпа́льнѡ на рꙋкꙋ̑ своє́ю носи́ла є҆сѝ, сегѡ̀ ра́ди, ны́нѣ предстоѧ́щи пред̾ прⷭ҇то́ломъ ѻ҆гнезра́чнымъ сла́вы є҆гѡ̀, молѝ, да воспламени́тъ на́съ къ благи́хъ дѣ́ланїю."
+ },
+ {
+  "type": "TEXT",
+  "value": "Катава́сїа: Бж҃е́ственное сїѐ и҆ всечестно́е:"
+ },
+ {
+  "type": "HEADER",
+  "value": "Конда́къ, гла́съ ѕ҃:"
+ },
+ {
+  "type": "TEXT",
+  "value": "Не и҆́мамы и҆ны́ѧ по́мощи, не и҆́мамы и҆ны́ѧ наде́жды, ра́звѣ тебє̀, влⷣчце. Ты̀ на́мъ помозѝ, на тебѐ надѣ́емсѧ и҆ тобо́ю хва́лимсѧ, твои́ бо є҆смы̀ рабѝ, да не постыди́мсѧ."
+ },
+ {
+  "type": "HEADER",
+  "value": "І҆́косъ, гла́съ ѕ҃:"
+ },
+ {
+  "type": "TEXT",
+  "value": "Не ввѣ́ри мѧ̀ человѣ́ческомꙋ предста́тельствꙋ, прест҃а́ѧ влⷣчце, но прїимѝ моле́нїе раба̀ твоегѡ̀: ско́рбь бо ѡ҆бдержи́тъ мѧ̀, терпѣ́ти не могꙋ̀ де́монскагѡ стрѣлѧ́нїѧ, покро́ва не и҆́мамъ. Нижѐ гдѣ̀ прибѣ́гнꙋ, ѡ҆каѧ́нный, всегда̀ побѣжда́емь, и҆ ᲂу҆тѣше́нїѧ не и҆́мамъ, ра́звѣ тебє̀, влⷣчце мі́ра, ᲂу҆пова́нїе и҆ предста́тельство вѣ́рныхъ не пре́зри моле́нїе моѐ, полѣ́зно сотворѝ."
+ },
+ {
+  "type": "HEADER",
+  "value": "Пѣ́снь з҃."
+ },
+ {
+  "type": "TEXT",
+  "value": "І҆рмо́съ: Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆ц҃є́въ гдⷭ҇ь и҆ бг҃ъ, бл҃гослове́нъ є҆сѝ."
+ },
+ {
+  "type": "TEXT",
+  "value": "Презрѣ́ла є҆сѝ всѧ̑ кра̑снаѧ мі́ра, чⷭ҇таѧ є҆ди́номꙋ бг҃ꙋ возжела́вши послꙋжи́ти, є҆мꙋ́же воспѣва́ла є҆сѝ: ѻ҆тцє́въ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "На́съ, всесоверше́ннѡ бл҃гочєсти́вымъ ѻ҆трокѡ́мъ не послѣ́дꙋющихъ, но прилѣплѧ́ющихъ тва́ри па́че, не́же творцꙋ̀, наста́ви, влⷣчце, є҆ди́номꙋ бг҃ꙋ слꙋжи́ти и҆ воспѣва́ти: ѻ҆тцє́въ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "Данїи́лъ ᲂу҆́мныма ѻ҆чи́ма пред̾ꙋзрѣ́ тѧ, хрⷭ҇тѐ, въ ка́мени нерꙋкосѣ́чнѣмъ. Разрꙋши́вшемъ сꙋ́єтнаѧ црⷭ҇тва человѣ̑ческаѧ, во сп҃се́нїе пою́щихъ тебѣ̀ со ѻ҆ц҃е́мъ и҆ дх҃омъ: ѻ҆тцє́въ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "Ра́дꙋйсѧ, горо̀, бл҃года́тїю бж҃їею прїѡсѣне́ннаѧ, ѿ неѧ́же ѿсѣче́сѧ ка́мень, бг҃омъ ѻ҆ц҃е́мъ положе́нный во главꙋ̀ ᲂу҆́гла цр҃кве своеѧ̀, хрⷭ҇то́съ, є҆мꙋ́же пое́мъ: ѻ҆тцє́въ бж҃е, бл҃гослове́нъ є҆сѝ."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Кꙋпина̀ въ горѣ̀ ѻ҆гненеѡпа́льнаѧ и҆ росоно́снаѧ пе́щь халде́йскаѧ ꙗ҆́вѣ предписа́ тѧ, бг҃оневѣ́сто: бж҃е́ственный бо невеще́ственный въ веще́ственнѣмъ чре́вѣ ѻ҆́гнь неѡпа́льнѡ прїѧ́ла є҆сѝ. Тѣ́мже и҆з̾ тебє̀ ро́ждшемꙋсѧ пое́мъ: бл҃гослове́нъ є҆сѝ, бж҃е ѻ҆тє́цъ на́шихъ."
+ },
+ {
+  "type": "TEXT",
+  "value": "Творе́цъ и҆ зижди́тель всѣ́хъ, бг҃ъ сло́во въ послѣ̑днѧѧ лѣ̑та во ᲂу҆тро́бꙋ твою̀ всели́сѧ, пресла́внаѧ бг҃оѻтрокови́це, и҆ всѧ̑ наꙋчѝ воспѣва́ти: бл҃гослове́нъ є҆сѝ, бж҃е ѻ҆тє́цъ на́шихъ."
+ },
+ {
+  "type": "TEXT",
+  "value": "Скѡ́рби, бѣды̑, болѣ̑зни ѿ мно́гагѡ мно́жества грѣхѡ́въ на́шихъ, ꙗ҆́кѡ во́ды мѡрскі́ѧ, внидо́ша до глꙋбины̀ дꙋ́шъ на́шихъ, но на твою̀ надѣ́ющесѧ, бг҃ома́ти, по́мощь, не ѿчаѧва́емсѧ, сн҃ꙋ твоемꙋ̀ взыва́емъ: бл҃гослове́нъ є҆сѝ, бж҃е ѻ҆тє́цъ на́шихъ."
+ },
+ {
+  "type": "TEXT",
+  "value": "Кто̀ возглаго́летъ си́лꙋ твою̀ на нб҃сѝ, ю҆́же дарова́ ти ѿ тебє̀ происше́дый; кто̀ и҆ на землѝ слы́шаны сотвори́тъ всѧ̑ хвалы̑ твоемꙋ̀ вели́комꙋ покро́вꙋ и҆ застꙋпле́нїю земноро́дныхъ, воспѣва́ющихъ: бл҃гослове́нъ є҆сѝ, бж҃е ѻ҆тє́цъ на́шихъ."
+ },
+ {
+  "type": "TEXT",
+  "value": "Ѻ҆трокови́це чⷭ҇таѧ, неискꙋсобра́чнаѧ, ѡ҆чи́сти на́шъ ᲂу҆́мъ ѿ по́мыслѡвъ сꙋ́етныхъ и҆ се́рдце на́ше ѿ по́хотей лꙋка́выхъ, да чи́стыми дꙋша́ми и҆ нескве́рными ᲂу҆стна́ми сн҃ꙋ твоемꙋ̀ воспѣва́емъ: бл҃гослове́нъ є҆сѝ, бж҃е ѻ҆тє́цъ на́шихъ."
+ },
+ {
+  "type": "TEXT",
+  "value": "Катава́сїа: Не послꙋжи́ша тва́ри:"
+ },
+ {
+  "type": "HEADER",
+  "value": "Пѣ́снь и҃."
+ },
+ {
+  "type": "TEXT",
+  "value": "І҆рмо́съ: Ѻ҆́троки бл҃гочєсти́выѧ въ пещѝ рожⷭ҇тво̀ бг҃оро́дичо спасло̀ є҆́сть: тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
+ },
+ {
+  "type": "TEXT",
+  "value": "Слы́ши, ѻ҆трокови́це дв҃о чⷭ҇таѧ, глаго́лъ, гаврїи́ломъ тебѣ̀ вѣща́нный: роди́ши сн҃а, спаса́ющаго воспѣва́ющихъ: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
+ },
+ {
+  "type": "TEXT",
+  "value": "Пло́тїю ѿ тебє̀ происше́дый спа́слъ є҆́сть ѿ ѻ҆гнѧ̀ ѻ҆трокѡ́въ, вѣ́рою зрѣ́вшихъ є҆го̀. Того̀ молѝ и҆ на́съ сп҃стѝ, пла́менемъ страсте́й жего́мыхъ, сн҃ꙋ же твоемꙋ̀ воспѣва́ющихъ: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
+ },
+ {
+  "type": "TEXT",
+  "value": "Въ пещѝ вавѷлѡ́нстѣй ви́дѣнъ бы́лъ є҆сѝ, хрⷭ҇тѐ, ꙗ҆́кѡ а҆́гг҃лъ свѣтоно́сный, зра́комъ же сн҃ꙋ бж҃їю подо́бный. Тебѣ̀ со ѻ҆ц҃е́мъ и҆ дх҃омъ пое́мъ: гдⷭ҇а по́йте дѣла̀ и҆ превозноси́те є҆го̀ во всѧ̑ вѣ́ки."
+ },
+ {
+  "type": "TEXT",
+  "value": "Ра́дꙋйсѧ, кꙋпино̀, мѡѷсе́емъ ви́дѣннаѧ, въ послѣ̑днѧѧ же лѣ̑та ѿ ко́рене даві́дова происше́дшаѧ и҆ сп҃са всѣ́хъ неизрече́ннѡ ро́ждшаѧ, є҆мꙋ́же пое́мъ: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Велѣ́нїю мꙋчи́телевꙋ прпⷣбнїи трїѐ ѻ҆́троцы не повинꙋ́вшесѧ, въ пе́щь вве́ржени, бг҃а и҆сповѣ́дахꙋ, пою́ще: бл҃гослови́те, дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "Рꙋно̀ ѡ҆роше́нное, гедеѡ́номъ ви́дѣнное, та́йнѡ проѻбрази́ тѧ, дв҃ꙋ мт҃рь, ѡ҆сѣне́нїемъ дх҃а ст҃а́гѡ бг҃а сло́ва неискꙋсомꙋ́жнѡ роди́вшꙋю, є҆мꙋ́же пое́мъ: бл҃гослови́те, дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "Безꙋ́мнаѧ ꙗ҆́рость мꙋчи́телѧ вве́рже бл҃гочєсти́выѧ ѻ҆́троки въ пе́щь, ѻ҆гне́мъ разжже́ннꙋю, но сн҃ъ тво́й росо́ю та́инственною си́лꙋ ѻ҆гнѧ̀ ᲂу҆гасѝ. Сего̀ ᲂу҆молѝ, прест҃а́ѧ, и҆ на́съ ѻ҆гнѧ̀ вѣ́чнагѡ и҆зба́вити и҆ росоно́снагѡ црⷭ҇тва сла́вы не лише́ны сотвори́ти, да та́мѡ пое́мъ: бл҃гослови́те, дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "Є҆гѡ́же неизрече́ннѣй та́йнѣ воплоще́нїѧ послꙋжи́ла є҆сѝ, є҆го́же все́ю мт҃рнею любо́вїю возлюби́ла є҆сѝ, сего̀ молѝ и҆ са́мыхъ ѿве́рженныхъ грѣ́шникѡвъ не ѿри́нꙋти, да и҆ ті́и пою́тъ: бл҃гослови́те дѣла̀ гдⷭ҇нѧ, гдⷭ҇а."
+ },
+ {
+  "type": "TEXT",
+  "value": "Сла́вимъ и҆ воспѣва́емъ тѧ̀ по до́лгꙋ, премилосе́рдаѧ мт҃и, ты́ бо вели́каѧ застꙋ́пница ро́да хрⷭ҇тїа́нскагѡ и҆ на́ша пребл҃га́ѧ и҆ ско́раѧ помо́щница."
+ },
+ {
+  "type": "TEXT",
+  "value": "Катава́сїа: Ѻ҆́троки бл҃гочєсти́выѧ въ пещѝ:"
+ },
+ {
+  "type": "HEADER",
+  "value": "Пѣ́снь ѳ҃."
+ },
+ {
+  "type": "TEXT",
+  "value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее сщ҃е́нное торжество̀ бг҃ома́тере, и҆ да вопїе́тъ: ра́дꙋйсѧ, всебл҃же́ннаѧ бг҃оро́дице, чⷭ҇таѧ приснодв҃о."
+ },
+ {
+  "type": "TEXT",
+  "value": "Бг҃ъ, ѿ тебє̀ воплоти́выйсѧ и҆ къ на́мъ прише́дый, содѣ́ла чре́во твоѐ нб҃съ простра́ннѣйше. Ди́вное чꙋ́до: невмѣсти́мый во ᲂу҆тро́бꙋ дв҃ы вмѣща́етсѧ, да сїю̀ пое́мъ во всѧ̑ вѣ́ки."
+ },
+ {
+  "type": "TEXT",
+  "value": "Неизрече́ннѡ въ послѣ̑днѧѧ лѣ̑та ѿ тебє̀ заче́ншагосѧ молѝ, бг҃оро́дице дв҃о, всѧ̑ на́шѧ печа̑ли на ра́дость преложи́ти и҆ свѣ́та невече́рнѧгѡ на́съ сподо́бити, да сїю̀ пое́мъ во всѧ̑ вѣ́ки."
+ },
+ {
+  "type": "TEXT",
+  "value": "Ты̀ є҆сѝ прⷭ҇то́лъ сла́вы бж҃їѧ, і҆езекі́илемъ та́йнѡ ᲂу҆зрѣ́нный, ꙗ҆́кѡ сн҃а бж҃їѧ, ѻ҆ц҃ꙋ̀ и҆ дх҃ꙋ сопрⷭ҇то́льна. Во твою̀ пречⷭ҇тꙋю ᲂу҆тро́бꙋ воспрїѧ́ла є҆сѝ и҆ твои́ма мт҃рнима рꙋка́ма носи́ла є҆сѝ."
+ },
+ {
+  "type": "TEXT",
+  "value": "Ра́дꙋйсѧ, хра́ме ѡ҆дꙋшевле́нный. Въ не́мже бг҃ъ пло́тїю ѡ҆бита̀. Ра́дꙋйсѧ, кївѡ́те, сла́вою сн҃а бж҃їѧ прїѡсѣне́нный. Ра́дꙋйсѧ, всебл҃же́ннаѧ, бг҃оро́дице чⷭ҇таѧ, приснодв҃о."
+ },
+ {
+  "type": "HEADER",
+  "value": "И҆́нъ."
+ },
+ {
+  "type": "TEXT",
+  "value": "І҆рмо́съ: Невмѣсти́маго бг҃а во чре́вѣ вмѣсти́вшаѧ и҆ ра́дость всемꙋ̀ мі́рꙋ роди́вшаѧ, тѧ̀ пое́мъ, бг҃оро́дице дв҃о."
+ },
+ {
+  "type": "TEXT",
+  "value": "Па́стырѧ до́браго, взыска́вшаго ѻ҆́вцꙋ заблꙋ́ждшꙋю, мі́рꙋ дарова́ла є҆сѝ, съ ни́мже ны́нѣ соца́рствꙋющи, приведѝ къ немꙋ̀ и҆ всѧ̑ заблꙋ̑ждшаѧ ѻ҆вча́та."
+ },
+ {
+  "type": "TEXT",
+  "value": "А҆́гнца, взе́млющаго грѣхѝ всегѡ̀ мі́ра, ꙗ҆вѝ тобо́ю ѻ҆ц҃ъ, превосходѧ́й всѧ́къ ᲂу҆́мъ любо́вїю къ па́дшымъ во а҆да́мѣ, пред̾ ни́мъ не преста́й молѧ́сѧ кро́вїю сн҃а є҆гѡ̀ на́мъ ѡ҆свѧти́тисѧ и҆ ѡ҆чи́ститисѧ."
+ },
+ {
+  "type": "TEXT",
+  "value": "Со ѻ҆ц҃е́мъ спрославлѧ́емый, съ дх҃омъ сосла́вимый, сн҃е бж҃їй, моли́твами ро́ждшїѧ тѧ̀ не ѡ҆ста́ви на́съ, погиба́ющихъ."
+ },
+ {
+  "type": "TEXT",
+  "value": "И҆́же ѿ тебє̀ воплоти́выйсѧ и҆ вочеловѣ́чивыйсѧ поста́ви тѧ̀ превы́шѣ всѧ́кагѡ а҆́гг҃льскагѡ чинонача́лїѧ, и҆дѣ́же предстоѧ̀, возведѝ и҆ на́съ къ нбⷭ҇нымъ высо́тамъ, грѣха̀ всѧ́кагѡ и҆з̾има́ющи."
+ },
+ {
+  "type": "TEXT",
+  "value": "Катава́сїа: Всѧ́къ земноро́дный:"
+ },
+ {
+  "type": "HEADER",
+  "value": "Свѣти́ленъ:"
+ },
+ {
+  "type": "TEXT",
+  "value": "Подо́бенъ: Пло́тїю ᲂу҆снꙋ́въ:"
+ },
+ {
+  "type": "TEXT",
+  "value": "Посѣти́лъ ны̀ є҆́сть восто́къ съ высоты̀ и҆ дарова̀ на́мъ, ꙗ҆́кѡ пресвѣ́тлꙋю зарю̀, тебѐ, бг҃оро́дице, въ ско́рбныхъ ѡ҆бстоѧ́нїихъ неча́ѧннꙋю ра́дость на́мъ подаю́щꙋю, грѣ́шныхъ хода́таицꙋ."
+ },
+ {
+  "type": "HEADER",
+  "value": "Сла́ва, и҆ ны́нѣ, то́йже."
+ },
+ {
+  "type": "HEADER",
+  "value": "На хвали́техъ стїхи̑ры, на д҃, гла́съ д҃:"
+ },
+ {
+  "type": "TEXT",
+  "value": "Нб҃о и҆ землѧ̀ да ликовствꙋ́ютъ: се́ бо мт҃рь пред̾ сн҃омъ предстои́тъ, проще́нїѧ грѣхѡ́въ человѣ́кꙋ нѣ́коемꙋ беззако́ннꙋ ᲂу҆се́рднѡ просѧ́щи. Ѡ҆ се́мъ а҆́гг҃ли ра́дꙋютсѧ, съ ни́миже и҆ мы̀ дꙋхо́внѣ да возвесели́мсѧ, бг҃оро́дицꙋ пѣ́сньми велича́юще."
+ },
+ {
+  "type": "TEXT",
+  "value": "Воспои́мъ, лю́дїе, свѣ́тлѡ даві́дскꙋю пѣ́снь ѻ҆трокови́цѣ, невѣ́стѣ бж҃їей, мт҃ри всѣ́хъ цр҃ѧ̀ хрⷭ҇та̀: предста̀ цр҃ца ѡ҆деснꙋ́ю тебє̀, влⷣко, рѧ̑сны златы́ми ѡ҆дѣ́ѧна и҆ преꙋкра́шена бжⷭ҇твенными лѣ́потами. Сїю́ бо, и҆збра́ннꙋю въ жена́хъ, па́че всегѡ̀ мі́ра ᲂу҆добри́въ, бл҃гоизво́ли роди́тисѧ ѿ неѧ̀ вели́кїѧ ра́ди ми́лости и҆ сїю̀ помо́щницꙋ лю́демъ свои̑мъ дарова̀ покрыва́ти рабы̀ своѧ̑, є҆ди́нꙋ бл҃гослове́ннꙋю."
+ },
+ {
+  "type": "HEADER",
+  "value": "Сла́ва, и҆ ны́нѣ, гла́съ ѕ҃."
+ },
+ {
+  "type": "TEXT",
+  "value": "Сра́дꙋютсѧ съ на́ми ᲂу҆́мнаѧ всѧ̑ чинѡнача́лїѧ, ви́дѧще цр҃цꙋ и҆ влⷣчцꙋ всѣ́хъ, многоиме́ннѣ вѣ́рными сла́вимꙋ: ра́дꙋютсѧ же и҆ дꙋ́си пра́ведныхъ, зрѧ́щїи бг҃ома́терь, за грѣ̑шныѧ лю́ди всечестні́и своѝ рꙋцѣ̀ къ сн҃ꙋ простира́ющꙋю и҆ просѧ́щꙋю и҆̀мъ ѡ҆ставле́нїѧ грѣхѡ́въ, и҆ ми́ра, и҆ ве́лїѧ ми́лости."
+ },
+ {
+  "type": "HEADER",
+  "value": "Славосло́вїе вели́кое, є҆ктєнїѝ и҆ ѿпꙋ́стъ."
+ },
+ {
+  "type": "HEADER",
+  "value": "Моли́тва."
+ },
+ {
+  "type": "TEXT",
+  "value": "Ѽ прест҃а́ѧ дв҃о, всебл҃га́гѡ сн҃а мт҃и всебл҃га́ѧ, гра́да москвы̀ покрови́тельнице, всѣ́хъ сꙋ́щихъ во грѣсѣ́хъ, ско́рбехъ, бѣда́хъ и҆ болѣ́знехъ вѣ́рнаѧ предста́тельнице и҆ застꙋ́пнице! Прїимѝ моле́бное пѣ́нїе сїѐ ѿ на́съ, недосто́йныхъ ра̑бъ твои́хъ, тебѣ̀ возноси́мое, и҆ ꙗ҆́коже дре́вле грѣ́шника, на всѧ́къ де́нь мно́гажды пред̾ чⷭ҇тно́ю і҆кѡ́ною твое́ю моли́вшагосѧ, не презрѣ́ла є҆сѝ. Но дарова́ла є҆сѝ є҆мꙋ̀ неча́ѧннꙋю ра́дость покаѧ́нїѧ и҆ преклони́ла є҆сѝ сн҃а твоего̀ мно́гимъ и҆ ᲂу҆се́рднымъ къ немꙋ̀ хода́тайствомъ ко проще́нїю сегѡ̀ грѣ́шнагѡ и҆ заблꙋ́ждшагѡсѧ, та́кѡ и҆ ны́нѣ не пре́зри моле́нїѧ на́съ, недосто́йныхъ рабѡ́въ твои́хъ, и҆ ᲂу҆молѝ сн҃а твоего̀ и҆ бг҃а на́шего, да и҆ всѣ̑мъ на́мъ, съ вѣ́рою и҆ ᲂу҆миле́нїемъ покланѧ́ющымсѧ пред̾ цѣльбоно́снымъ ѻ҆́бразомъ твои́мъ, да́рꙋетъ неча́ѧннꙋю по коего́ждо потре́бѣ ра́дость: грѣ́шникѡмъ, погрѧ́зшымъ во глꙋбинѣ̀ ѕѡ́лъ и҆ страсте́й, вседѣ́йственное вразꙋмле́нїе, покаѧ́нїе и҆ сп҃се́нїе: сꙋ́щымъ въ ско́рбехъ и҆ печа́лехъ ᲂу҆тѣше́нїе: ѡ҆брѣта́ющымсѧ въ бѣда́хъ и҆ ѡ҆ѕлобле́нїихъ соверше́нное си́хъ и҆збытїѐ: малодꙋ̑шнымъ и҆ ненадѣ̑жднымъ наде́ждꙋ и҆ терпѣ́нїе: въ ра́дости и҆ и҆з̾ѻби́лїи живꙋ́щымъ непреста́нное благодѣ́телю благодаре́нїе: бѣ́дствꙋющымъ милосе́рдїе: сꙋ́щымъ въ болѣ́зни и҆ долгонедꙋ́жїи и҆ ѡ҆ста́влєннымъ врача́ми неча́емое и҆сцѣле́нїе и҆ ᲂу҆крѣпле́нїе: и҆жди́вшымъ ѿ недꙋ́га ᲂу҆́мъ ᲂу҆ма̀ возвраще́нїе и҆ ѡ҆бновле́нїе: ѿходѧ́щымъ въ вѣ́чнꙋю и҆ несконча́емꙋю жи́знь па́мѧть сме́ртнꙋю, ᲂу҆миле́нїе и҆ сокрꙋше́нїе ѡ҆ грѣсѣ́хъ, дꙋ́хъ бо́дръ и҆ тве́рдꙋю на милосе́рдїе сꙋдїѝ наде́ждꙋ. Ѽ гпⷭ҇жѐ прест҃а́ѧ! Оу҆милосе́рдисѧ ко всѣ̑мъ, чтꙋ́щымъ всечестно́е и҆́мѧ твоѐ, и҆ всѣ̑мъ ꙗ҆вѝ всемо́щный покро́въ тво́й и҆ застꙋпле́нїе: во благоче́стїи, чистотѣ̀ и҆ честнѣ́мъ жи́тельствѣ пребыва́ющыѧ до послѣ́днѧгѡ и҆́хъ сконча́нїѧ во бла́гости соблюдѝ: ѕлы̑ѧ бла́ги сотворѝ: заблꙋ́ждшыѧ на пꙋ́ть пра́вый наста́ви: всѧ́комꙋ дѣ́лꙋ благо́мꙋ и҆ сн҃ꙋ твоемꙋ̀ ᲂу҆го́дномꙋ споспѣ́шествꙋй: всѧ́кое дѣ́ло ѕло́е и҆ бг҃опроти́вное разрꙋшѝ: въ недоꙋмѣ́нїи и҆ трꙋ́дныхъ и҆ ѻ҆па́сныхъ ѡ҆бстоѧ́нїихъ ѡ҆брѣта́ющымсѧ незри́мꙋю по́мощь и҆ вразꙋмле́нїе съ нб҃сѐ низпослѝ: ѿ и҆скꙋше́нїй, собла́знѡвъ и҆ поги́бели сп҃сѝ: ѿ всѣ́хъ ѕлы́хъ человѣ́къ и҆ ѿ врагѡ́въ ви́димыхъ и҆ неви́димыхъ защитѝ и҆ сохранѝ: пла́вающымъ спла́вай: пꙋтеше́ствꙋющымъ спꙋтеше́ствꙋй: сꙋ́щымъ въ нꙋ́ждѣ и҆ гла́дѣ бꙋ́ди пита́тельница: неимꙋ́щымъ кро́ва и҆ приста́нища бꙋ́ди покро́въ и҆ прибѣ́жище: наги̑мъ пода́ждь ѡ҆дѣѧ́нїе: ѡ҆би̑димымъ и҆ непра́вѣднѡ гони̑мымъ застꙋпле́нїе: клеветꙋ̀, поноше́нїе и҆ хꙋле́нїе терпѧ́щыѧ незри́мѡ ѡ҆правда́й: клеветникѝ и҆ хꙋли́тели пред̾ всѣ́ми ѡ҆бличѝ: ѡ҆жесточе́ннѡ враждꙋ́ющымъ неча́емое подLine truncated
+ }
+]