enrich ru lives with Chetyi-Minei texts and track static data
This commit is contained in:
catarrh committed
1 parent
69fd5b7460
commit
7dde2168d1
6512 files changed
+1448065
-5
No files matched your search
@@ -0,0 +1,990 @@
|
||||
[
|
||||
{
|
||||
"type": "HEADER",
|
||||
"value": "Деке́мврїа л҃"
|
||||
},
|
||||
{
|
||||
"type": "HEADER",
|
||||
"value": "Ст҃ы́ѧ мч҃ницы а҆нѵ́сїи:"
|
||||
},
|
||||
{
|
||||
"type": "HEADER",
|
||||
"value": "И҆ прпⷣбныѧ мт҃ре на́шеѧ мела́нїи:"
|
||||
},
|
||||
{
|
||||
"type": "HEADER",
|
||||
"value": "И҆ прпⷣбнагѡ зѡ́тїка."
|
||||
},
|
||||
{
|
||||
"type": "HEADER",
|
||||
"value": "На Гдⷭ҇и, воззва́хъ: стїхи̑ры ст҃ы́ѧ а҆нѵ́сїи г҃. Гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ꙗ҆́кѡ до́блѧ:"
|
||||
},
|
||||
{
|
||||
"type": "TEXT",
|
||||
"value": "Дѣ́вства свѣ́тлостїю ᲂу҆ѧсни́вшисѧ всехва́льнаѧ, мꙋче́нїѧ ѡ҆блиста́ла є҆сѝ по́двиги: поклони́тисѧ бо со́лнцꙋ не повинꙋ́вшисѧ, непра́ведное претерпѣ́ла є҆сѝ заколе́нїе, и҆ ѡ҆багри́вшисѧ кровьмѝ, предста́ла є҆сѝ сл҃нцꙋ сла́вы, вѣнцено́сице, и҆ ѿтꙋ́дꙋ и҆спꙋща́емыми ѡ҆зарѧ́еми свѣтлостьмѝ."
|
||||
},
|
||||
{
|
||||
"type": "TEXT",
|
||||
"value": "Серде́чное раче́нїе ꙗ҆влѧ́ющи, слеза́ми ᲂу҆миле́нїѧ, сла́внаѧ, зе́млю ѡ҆мочи́ла є҆сѝ, и҆ власы̑ ѡ҆тири́ла є҆сѝ хрⷭ҇то́во подно́жїе, помышлѧ́ющи, и҆ того̀ ꙗ҆́кѡ присꙋ́ща предзрѧ́щи, є҆гѡ́же вожделѣ́ла є҆сѝ: и҆ стопа́мъ прикаса́ющисѧ мы́слїю, видѣ̑нїи бжⷭ҇твеннѣйшими твою̀ дꙋ́шꙋ просвѣти́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆ бога́тство расточи́вши, и҆ ни́щыѧ ᲂу҆довли́вши, ᲂу҆невѣ́стиласѧ є҆сѝ нетлѣ́нномꙋ женихꙋ̀ твоемꙋ̀, и҆ ꙗ҆́коже вѣ́но принесла̀ є҆сѝ томꙋ̀, всесла́внаѧ, крове́й то́ки, и҆ страсте́й подража́нїе, ꙗ҆̀же претерпѣ́ла є҆сѝ, а҆нѵ́сїе, є҆ди́нъ въ черто́гъ всели́въ тѧ̀ вы́шнїй, ꙗ҆́кѡ страстоте́рпицꙋ и҆ мꙋ́ченицꙋ."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры прпⷣбныѧ мела́нїи, гла́съ то́йже."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Зва́нный свы́ше:"
|
||||
},
|
||||
{
|
||||
"type": "TEXT",
|
||||
"value": "А҆́гг҃льскимъ ликѡ́мъ сочта́вшаѧсѧ, є҆гда́ тѧ бжⷭ҇твенное раче́нїе распалѝ, и҆ прелетѣ́ти повинѐ ви́димыхъ, безстра́стїѧ ра́ди и҆ чистоты̀: тогда̀ твоего̀ сꙋпрꙋ́га словєсы̀ ᲂу҆лови́ла є҆сѝ бг҃опоко́рными, нестоѧ́ннꙋю ѿлага́ющи житїѧ̀ молвꙋ̀ текꙋ́щꙋю. Тѣ́мже съ ни́мъ вѣ́чнꙋю ѡ҆брѣ́тши жи́знь и҆ наслажде́нїе, мо́лиши влⷣкꙋ спастѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "А҆́гг҃льское вожделѣ́вши житїѐ, є҆гда̀ сла́дкꙋю пи́щꙋ поплева́ла є҆сѝ, воздержа́нїемъ ᲂу҆пражнѧ́ющисѧ и҆ бдѣ́нїемъ, ни́зꙋ лежа́нїемъ и҆ чистото́ю: тогда̀ чистѣ́йшїй сосꙋ́дъ была̀ є҆сѝ дх҃а бжⷭ҇твеннагѡ, дарова̑нїи пресвѣ́тлыми ᲂу҆кра́шена томꙋ̀, всечестна́ѧ: тѣ́мже къ ре́вности є҆гѡ̀ бжⷭ҇твеннѣй привлекла̀ є҆сѝ лю́ди, и҆ привела̀ є҆сѝ влⷣцѣ, мела́нїе, и҆ сп҃сꙋ дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Добро́тами добродѣ́телей ᲂу҆краше́на, є҆гда̀ спаси́тельное сло́во и҆спо́лнила є҆сѝ, расточи́вши подала̀ є҆сѝ тмы̀ твоегѡ̀ зла́та ни́щымъ и҆ ᲂу҆бѡ́гимъ: тогда̀ нбⷭ҇ное бога́тство воспрїѧ́ла є҆сѝ, пра́вдою ѡ҆богати́вшисѧ во вѣ́къ, и҆ нетлѣ́нїемъ и҆ и҆збавле́нїемъ. Тѣ́мже чти́мъ твоѐ ᲂу҆спе́нїе, и҆ прилѣ́жнѡ мо́лимъ тѧ̀: молѝ зижди́телѧ, просвѣти́ти дꙋ́шы на́шѧ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, пра́здника, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Сла́ва въ вы́шнихъ бг҃ꙋ, въ виѳлее́мѣ слы́шꙋ ѿ безпло́тныхъ дне́сь, на землѝ ми́ръ благоволи́вшемꙋ бы́ти. Ны́нѣ дв҃а небе́съ ши́рши, возсїѧ́ бо свѣ́тъ ѡ҆мрачє́ннымъ, и҆ смирє́нныѧ вознесѐ, а҆́гг҃льски пою́щыѧ: сла́ва въ вы́шнихъ бг҃ꙋ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ в҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: До́ме є҆ѵфра́ѳовъ:"
|
||||
},
|
||||
{
|
||||
"type": "TEXT",
|
||||
"value": "Ѕвѣзда̀ ѿ і҆а́кѡва, хрⷭ҇то́съ возсїѧ́въ, просвѣтѝ ꙗ҆зы́ки свѣ́томъ бг҃озна́нїѧ: того̀ славосло́вимъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆зъ чре́ва пре́жде денни́цы роди́хъ тѧ̀, клѧ́тсѧ гдⷭ҇ь и҆ не раска́етсѧ."
|
||||
},
|
||||
{
|
||||
"type": "TEXT",
|
||||
"value": "Гра́де дв҃довъ виѳлее́ме, весели́сѧ: и҆зъ тебє́ бо, и҆́же безма́тернїй, без̾ѻ́тчїй воплоти́сѧ: ѿ дв҃ы чⷭ҇тыѧ бг҃оѻтрокови́цы."
|
||||
},
|
||||
{
|
||||
"type": "TEXT",
|
||||
"value": "Сті́хъ: Речѐ гдⷭ҇ь гдⷭ҇еви моемꙋ̀: сѣдѝ ѡ҆деснꙋ́ю менє̀."
|
||||
},
|
||||
{
|
||||
"type": "TEXT",
|
||||
"value": "Сло́во ѻ҆́ч҃ее пло́ть прїе́мь роди́сѧ, пелена́ми пови́тсѧ, во ꙗ҆́слехъ возлежѐ, безслове́сїѧ разрѣша́ѧ мѧ̀."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "По ѻ҆́бразꙋ и҆ по подо́бїю, и҆стлѣ́вша престꙋпле́нїемъ, ви́дѣвъ і҆и҃съ, приклони́въ нб҃са̀ сни́де, и҆ всели́сѧ во ᲂу҆тро́бꙋ дѣ́вственнꙋю неизмѣ́ннѡ, да въ не́й и҆стлѣ́вшаго а҆да́ма ѡ҆бнови́тъ, зовꙋ́ща: сла́ва ꙗ҆вле́нїю твоемꙋ̀, и҆зба́вителю мо́й и҆ бж҃е."
|
||||
},
|
||||
{
|
||||
"type": "HEADER",
|
||||
"value": "Тропа́рь пра́здника, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Ржⷭ҇тво̀ твоѐ, хрⷭ҇тѐ бж҃е на́шъ, возсїѧ̀ мі́рови свѣ́тъ ра́зꙋма: въ не́мъ бо ѕвѣзда́мъ слꙋжа́щїи, ѕвѣздо́ю ᲂу҆ча́хꙋсѧ, тебѣ̀ кла́нѧтисѧ сл҃нцꙋ пра́вды, и҆ тебѐ вѣ́дѣти съ высоты̀ восто́ка: гдⷭ҇и, сла́ва тебѣ̀."
|
||||
},
|
||||
{
|
||||
"type": "HEADER",
|
||||
"value": "Слꙋ́жба ст҃а́гѡ зѡ́тїка пое́тсѧ на повече́рїи."
|
||||
},
|
||||
{
|
||||
"type": "HEADER",
|
||||
"value": "Канѡ́нъ. Гла́съ и҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пои́мъ гдⷭ҇еви, прове́дшемꙋ лю́ди своѧ̑ сквозѣ̀ чермно́е мо́ре, ꙗ҆́кѡ є҆ди́нъ сла́внѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Свы́ше просвѣти́тисѧ ѡ҆мраче́ннѣй мое́й мы́сли, пѣ́ти тѧ̀ досто́йнѡ, зѡ́тїке, хрⷭ҇та̀ ᲂу҆молѝ."
|
||||
},
|
||||
{
|
||||
"type": "TEXT",
|
||||
"value": "Житїе́мъ твои́мъ а҆́гг҃лѡмъ на землѝ, бг҃омꙋ́дре, ревнꙋ́ѧ показа́лсѧ є҆сѝ, досто́йнѡ жите́йскихъ красо́тъ гнꙋша́ѧсѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ро́дъ человѣ́ческїй тебє̀ ра́ди, дв҃о, назида́етсѧ, бг҃ъ бо вы́шнихъ не ѡ҆ста́вивъ, на зе́млю прїи́де."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
||||
},
|
||||
{
|
||||
"type": "TEXT",
|
||||
"value": "Прїиди́те стра́ннїи дне́сь, ра́достнѡ гла́съ вознесе́мъ бо свѣ́тлѣмъ се́мъ торжествѣ̀, зѡ́тїка ᲂу҆блажа́юще."
|
||||
},
|
||||
{
|
||||
"type": "TEXT",
|
||||
"value": "Поста́вилъ є҆сѝ до́мъ тво́й, ꙗ҆́коже а҆враа́мъ ски́нїю дне́сь, всѧ̑ ни́щыѧ прїе́млющїй, и҆ бога́тнѡ питаю́щїй."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бꙋ́рю всѧ́кꙋ ᲂу҆ста́вила є҆сѝ въ ржⷭ҇твѣ̀ твое́мъ, всечⷭ҇таѧ: тѣ́мже врагѝ вѣ́рнїи побѣжда́ютъ, въ ми́рѣ ликꙋ́юще."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̀, и҆ просла́вихъ твоѐ бжⷭ҇тво̀."
|
||||
},
|
||||
{
|
||||
"type": "TEXT",
|
||||
"value": "Свѣтоно́сное торжество̀ сїѐ прпⷣбнагѡ ны́нѣ просїѧ̀ зѡ́тїка, къ ржⷭ҇твꙋ̀ хрⷭ҇то́вꙋ призыва́ющи всѧ̑ на чрежде́нїе."
|
||||
},
|
||||
{
|
||||
"type": "TEXT",
|
||||
"value": "Чꙋдесы̀ прилѣ́потствовавъ, чꙋдеса̀ пресла̑внаѧ ѡ҆ста́вилъ є҆сѝ на́мъ, честна̑ѧ твоѧ̑ и҆справлє́нїѧ на землѝ, пребл҃же́нне, ѻ҆́бразъ бжⷭ҇твенъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѡ҆чисти́лище ѡ҆брѣто́хомъ тѧ̀, бг҃ороди́тельнице, и҆ прибѣ́жище во бранѣ́хъ непобѣди́мо, вѣ́рнїи же держа́вꙋ, чи́стаѧ, но́сѧтъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣтѝ на́съ повелѣ̑нїи твои́ми, гдⷭ҇и, и҆ мы́шцею твое́ю высо́кою, тво́й ми́ръ пода́ждь на́мъ, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Оу҆краше́нїе добродѣ́тели показа́сѧ, чꙋ́дне, честна̑ѧ твоѧ̑ и҆справлє́нїѧ, бжⷭ҇твенный до́мъ, наги́хъ ѡ҆дѣѧ́нїе."
|
||||
},
|
||||
{
|
||||
"type": "TEXT",
|
||||
"value": "Прокаже́нїе, свѧще́нне, и҆сцѣлѧ́ѧ, ѻ҆́ч҃е, воздви́глъ є҆сѝ враче́бницꙋ тво́й до́мъ честны́й, въ не́мже досто́йнѡ всѧ́къ недꙋ́гъ врачꙋ́етсѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ве́лїе и҆ честно́е є҆́же въ тебѣ̀ ꙗ҆́вльшеесѧ та́инство, бцⷣе приснодв҃о: се́ бо вои́стиннꙋ земні́и къ бг҃ꙋ примири́хомсѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна грѣхѡ́въ и҆ прегрѣше́нїй бꙋ́рѧ мѧ̀ смꙋща́етъ, и҆ во глꙋбинѣ̀ нꙋ́жднагѡ рѣ́етъ мѧ̀ ѿча́ѧнїѧ. Но твою̀ крѣ́пкꙋю рꙋ́кꙋ мнѣ̀ прострѝ, ꙗ҆́кѡ петро́ви: ѽ ᲂу҆пра́вителю, и҆ спасѝ."
|
||||
},
|
||||
{
|
||||
"type": "TEXT",
|
||||
"value": "Хра́мъ тѧ̀ всѝ вѣ́рнїи дх҃а вѣ́мы, хра́мъ бо всеблаголѣ́пенъ тво́й сотвори́лъ є҆сѝ до́мъ, пресла́вне, въ не́мже всѧ́къ недꙋ́гъ моли́твами твои́ми ѿгонѧ́етсѧ."
|
||||
},
|
||||
{
|
||||
"type": "TEXT",
|
||||
"value": "Страннопрїѧ́тїе на землѝ, а҆враа́мꙋ подо́бѧсѧ поста́вилъ є҆сѝ, всеблагоче́стнѡ безкрѡ́вныѧ прїе́млѧ, нагі̑ѧ, и҆ мимоходѧ́щыѧ, и҆ хрѡмы́ѧ, и҆ стра̑нныѧ, и҆ ни́щыѧ вводѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Не́бо на землѝ, дв҃о, показа́вый верте́пъ, нбⷭ҇ный тѧ̀ хра́мъ а҆́гг҃льскими ѡ҆крꙋже́нъ ли̑ки показа̀, сла́ва въ вы́шнихъ вопїю́щихъ твоемꙋ̀ ржⷭ҇твꙋ̀ вѣ́рнѡ."
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ є҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Собезнача́льное сло́во:"
|
||||
},
|
||||
{
|
||||
"type": "TEXT",
|
||||
"value": "Страсте́й пє́щи, прпⷣбне, ᲂу҆гаси́лъ є҆сѝ воздержа́нїѧ росо́ю, дарова́нїемъ ѡ҆богати́всѧ, врачева̑нїѧ ѿ бг҃а, зѡ́тїке, прїѧ́лъ є҆сѝ, врачева́ти вѣ́рныхъ болѣ̑зни лю̑тыѧ, и҆ де́мѡнѡвъ ѿгони́ти полкѝ: сегѡ̀ ра́ди съ весе́лїемъ почита́емъ тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ, гдⷭ҇и бж҃е, во вѣ́ки."
|
||||
},
|
||||
{
|
||||
"type": "TEXT",
|
||||
"value": "Всѣ̑мъ прпⷣбнымъ сочи́слилсѧ є҆сѝ, и҆ ликѡ́мъ бжⷭ҇твеннымъ безтѣлє́снымъ, зѡ́тїке пребл҃же́нне, съ ни́миже и҆ взыва́еши: бл҃гослове́нъ є҆сѝ, гдⷭ҇и бж҃е, во вѣ́ки."
|
||||
},
|
||||
{
|
||||
"type": "TEXT",
|
||||
"value": "Си́лою и҆ бл҃года́тїю, бг҃омꙋ́дре, бы́лъ є҆сѝ вдѡ́въ и҆ немощны́хъ, сиро́тъ же ѻ҆те́цъ показа́лсѧ є҆сѝ, зовы́й: бл҃гослове́нъ є҆сѝ, гдⷭ҇и бж҃е, во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Крѣ́пость ва́рварѡвъ, бцⷣе, и҆стребѝ, и҆ спасѝ лю́ди твоѧ̑. Вѣ̑рныѧ же ᲂу҆твердѝ, вопїю́щыѧ: бл҃гослове́нъ, всечⷭ҇таѧ, пло́дъ твоегѡ̀ чре́ва."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Сїѧ̑, мꙋ́дре, побѣди́тєльнаѧ, сїѧ̑ и҆справлє́нїѧ, и҆ ꙗ҆̀же ᲂу҆бо́гихъ и҆ же́нъ сле́зы, тво́й хра́мъ показа́ша нб҃сѐ вы́шшїй, и҆ црⷭ҇твїѧ тебѣ̀ вхо́ды ѿверзо́ша. Вѣ́рою бо вопїѧ́лъ є҆сѝ: ѻ҆́троцы, благослови́те, свѧще́нницы, воспо́йте гдⷭ҇а, лю́дїе, превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Сна̀ твои̑мъ не да́лъ є҆сѝ ѻ҆чесє́мъ, досточꙋ́дне, нижѐ вѣ́ждамъ дрема́нїѧ, бг҃опрїѧ́тне, до́ндеже дѣ́ло бжⷭ҇твенное слове́сный ра́й хрⷭ҇то́въ до конца̀ соверши́лъ є҆сѝ, поѧ̀: ѻ҆́троцы, благослови́те, свѧще́нницы, воспо́йте гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Чл҃вѣколю́бїемъ ми́лости твоеѧ̀ къ на́мъ прише́лъ є҆сѝ, и҆́же спасе́нїѧ ра́ди бы́въ ꙗ҆́кѡ человѣ́къ, и҆ въ верте́пъ всели́лсѧ є҆сѝ, пелена́ми повива́емь, и҆ земнорѡ́дныѧ ѿ страсте́й воздви́глъ є҆сѝ, согла́снѡ пою́щыѧ: свѧще́нницы, воспо́йте гдⷭ҇а, лю́дїе, превозноси́те во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
||||
},
|
||||
{
|
||||
"type": "TEXT",
|
||||
"value": "Бл҃года́ть тебѣ̀, ѻ҆́ч҃е, ѿ бг҃а даде́сѧ лѣчи́ти недꙋ́ги, ни́щыѧ и҆ сꙋхі̑ѧ и҆ хрѡмы́ѧ: ꙗ҆̀же ꙗ҆́кѡ люби́мичи хрⷭ҇то́вы вѣ́рнѡ прїе́млѧ, съ си́ми ра́дꙋешисѧ при́снѡ, въ нѣ́дрѣхъ а҆враа́мовыхъ водворѧ́ѧсѧ."
|
||||
},
|
||||
{
|
||||
"type": "TEXT",
|
||||
"value": "Напита́лъ є҆сѝ, ѻ҆́ч҃е, ѻ҆би́льнѡ всѧ́каго стра́нна и҆ на́га, и҆ мимоходѧ́ща, съ патрїа̑рхи при́снѡ и҆ съ пра́ведными ны́нѣ ра́дꙋешисѧ свѣ́тлѡ: и҆дѣ́же бога́тство и҆ сла́дость, и҆дѣ́же присносꙋ́щное спаса́емыхъ ᲂу҆пова́нїе, и҆дѣ́же всѣ̑мъ бога́тство є҆́сть хрⷭ҇то́съ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ сꙋ́щи мт҃и бж҃їѧ, ꙗ҆́кѡ предста́тельница и҆ приста́нище чтꙋ́щихъ тѧ̀: ꙗ҆́кѡ прибѣ́жище, всѣ́хъ дв҃о, притека́ющихъ къ тебѣ̀: ꙗ҆́кѡ вѣ́рныхъ же ра́дость, и҆ сла́ва и҆ ᲂу҆твержде́нїе и҆ вѣне́цъ досто́инъ, лю́ди твоѧ̑, бцⷣе, спаса́й."
|
||||
},
|
||||
{
|
||||
"type": "HEADER",
|
||||
"value": "Стїхи̑ры, гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Тридне́венъ:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ а҆враа́мъ нра̑вы, мꙋ́дре, показа́лсѧ є҆сѝ по ѻ҆боемꙋ̀: тво́й до́мъ дово́льное ѻ҆би́льство ѿве́рзлъ є҆сѝ всѣ̑мъ, подаѧ̀ тре́бꙋющымъ, и҆ да́рꙋѧ ни́щымъ ми́лость."
|
||||
},
|
||||
{
|
||||
"type": "TEXT",
|
||||
"value": "Вдѡ́въ и҆ ни́щихъ тѧ̀ хрⷭ҇то́съ показа̀ прїе́мника, вре́дныхъ застꙋ́пника те́пла, предста́телѧ въ бѣда́хъ, побо́рника и҆ и҆зба́вителѧ восхвалѧ́ющихъ, ѻ҆́ч҃е на́шъ."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ то́йже:"
|
||||
},
|
||||
{
|
||||
"type": "TEXT",
|
||||
"value": "Си́лою ᲂу҆крѣплѧ́емь, и҆ бл҃года́тїю ᲂу҆краша́емь, ро́ждшагосѧ въ верте́пѣ, зѡ́тїке, поще́нїемъ и҆ воздержа́нїемъ стра̑сти побѣди́лъ є҆сѝ, и҆ прїѧ́лъ є҆сѝ побѣди́тєльнаѧ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, гла́съ то́йже:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ млⷣнца въ ꙗ҆́слехъ восклонѝ, хрⷭ҇тѐ бж҃е, безсѣ́меннѡ ро́ждшаѧ тѧ̀ дв҃а, ли́цы же безпло́тныхъ съ высоты̀ вопїѧ́хꙋ: сла́ва зижди́телю и҆ бг҃ꙋ всѣ́хъ."
|
||||
},
|
||||
{
|
||||
"type": "HEADER",
|
||||
"value": "На ᲂу҆́трени, тропа́рь пра́здника, три́жды."
|
||||
},
|
||||
{
|
||||
"type": "HEADER",
|
||||
"value": "По а҃-й стїхоло́гїи сѣда́ленъ, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ка́мени запеча́танꙋ:"
|
||||
},
|
||||
{
|
||||
"type": "TEXT",
|
||||
"value": "Премꙋ́дрость и҆ ра́зꙋмъ пре́жде вѣкѡ́въ сы́й, сн҃ъ є҆диносꙋ́щный ѻ҆ц҃ꙋ̀ и҆ дх҃ꙋ, восхотѣ̀ въ послѣ̑днѧѧ времена̀ роди́тисѧ ѿ дв҃ы на́съ ра́ди, да спасе́тъ мі́ръ ѿ мꙋчи́тельства вра́жїѧ и҆ чꙋжда́гѡ: сла́ва рожде́нномꙋ пло́тїю, сла́ва благоизво́лившемꙋ, сла́ва и҆зба́вльшемꙋ на́съ ржⷭ҇тво́мъ твои́мъ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, то́йже."
|
||||
},
|
||||
{
|
||||
"type": "HEADER",
|
||||
"value": "По в҃-й стїхоло́гїи сѣда́ленъ, гла́съ и҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное:"
|
||||
},
|
||||
{
|
||||
"type": "TEXT",
|
||||
"value": "Да ра́дꙋетсѧ нб҃о, землѧ̀ да весели́тсѧ, ꙗ҆́кѡ роди́сѧ на землѝ а҆́гнецъ бж҃їй, подаѧ́й мі́рꙋ и҆збавле́нїе: сло́во, и҆́же въ нѣ́дрѣхъ сы́й ѻ҆ц҃а̀, про́йде и҆зъ дв҃ы безъ сѣ́мене. Є҆го́же волсвѝ дивлѧ́хꙋсѧ, зрѧ́ще бг҃а во пло́ти, па́стырїе же взыва́хꙋ: сла́ва вои́стиннꙋ є҆ди́номꙋ бг҃ꙋ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, гла́съ то́йже."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Премꙋ́дрости:"
|
||||
},
|
||||
{
|
||||
"type": "TEXT",
|
||||
"value": "Нетлѣ́ннаѧ сла́ва и҆ бжⷭ҇твеннаѧ, и҆зъ ложе́снъ проше́лъ є҆сѝ дѣ́вственныхъ и҆ цѣ́лꙋ соблю́лъ є҆сѝ и҆ дв҃ꙋ ро́ждшꙋю, и҆ ꙗ҆́кѡ прⷭ҇то́лъ ꙗ҆́сли, въ ни́хже роди́всѧ почи́лъ є҆сѝ, и҆ краснꙋ̀ пала́тꙋ верте́пъ показа́лъ є҆сѝ, поѧ́хꙋ тѧ̀ па́стырїе ꙗ҆́кѡ цр҃ѧ̀ всѣ́хъ: ѕвѣзда́ же спꙋтеше́ствова, бжⷭ҇твенный свѣ́тъ показа́ти волхвѡ́мъ. Тѣ́мже всѝ вопїе́мъ тѝ: влⷣко хрⷭ҇тѐ бж҃е, прегрѣше́нїй ѡ҆ставле́нїе низпослѝ, пра́зднꙋющымъ вѣ́рою твоѐ бжⷭ҇твенное ржⷭ҇тво̀."
|
||||
},
|
||||
{
|
||||
"type": "HEADER",
|
||||
"value": "Канѡ́нъ пра́здника со і҆рмосо́мъ на ѕ҃. Творе́нїе кѵ́ръ і҆ѡа́нна. Гла́съ а҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Спасѐ лю́ди чꙋдодѣ́йствꙋѧй влⷣка, мо́крꙋю мо́рѧ волнꙋ̀ ѡ҆землени́въ дре́вле, во́лею же ро́ждсѧ ѿ дв҃ы, стезю̀ прохо́днꙋ небесѐ полага́етъ на́мъ: є҆го́же по сꙋществꙋ̀ ра́вна же ѻ҆ц҃ꙋ̀ и҆ человѣ́кѡмъ сла́вимъ."
|
||||
},
|
||||
{
|
||||
"type": "TEXT",
|
||||
"value": "И҆знесѐ чре́во свѧще́нное сло́во, ꙗ҆́вѣ неѡпа́льнѡ живопи́санное кꙋпино́ю, смѣше́на зра́комъ человѣ́чимъ бг҃а, є҆́ѵы ѻ҆каѧ́ннꙋю ᲂу҆тро́бꙋ клѧ́твы дре́внїѧ разрѣша́ющее го́рькїѧ: є҆го́же земні́и сла́вимъ."
|
||||
},
|
||||
{
|
||||
"type": "TEXT",
|
||||
"value": "Показа̀ ѕвѣзда̀ пре́жде со́лнца, сло́во, прише́дшее ᲂу҆ста́вити грѣхѝ, волхвѡ́мъ, ꙗ҆́вѣ во ᲂу҆бо́зѣмъ верте́пѣ, ми́лостиваго тебѐ, пелена́ми пови́та: є҆го́же ра́дꙋющесѧ ви́дѧхꙋ самого̀ и҆ чл҃вѣ́ка и҆ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "И҆ ст҃ы́хъ два̀. Канѡ́нъ ст҃ы́ѧ а҆нѵ́сїи. Творе́нїе ѳеофа́ново. Гла́съ д҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
|
||||
},
|
||||
{
|
||||
"type": "TEXT",
|
||||
"value": "Пою́щꙋ свѣтоно́снꙋю па́мѧть твою̀, свѣ́тъ мнѣ̀ низпослѝ, ꙗ҆́кѡ ѻ҆ц҃ꙋ̀ свѣ́тѡвъ предстоѧ́щи въ ра́дости, всехва́льнаѧ, страсте́й мои́хъ бꙋ́рю твои́ми моли́твами ѿгонѧ́щи."
|
||||
},
|
||||
{
|
||||
"type": "TEXT",
|
||||
"value": "Воздержа́нїемъ дꙋше́внꙋю ѡ҆бнови́ла є҆сѝ, бг҃омꙋ́драѧ, ни́вꙋ, мꙋче́нїѧ кла́съ плоди́вши дѣ́лателю соблю́дшемꙋ, и҆ крѣ́пость тебѣ̀ вдохнꙋ́вшемꙋ, дѣ́во мч҃нице досточꙋ́днаѧ."
|
||||
},
|
||||
{
|
||||
"type": "TEXT",
|
||||
"value": "Рꙋцѣ̀ твое́й богатѣ́йше подаю́щей бога́тство тлѣ́нное, богатотво́рнꙋю приѡбрѣла̀ є҆сѝ жи́знь, ника́може мимотекꙋ́щꙋю, и҆ сокро́вище неистощи́мое, мꙋ́ченице, и҆ сла́вꙋ нбⷭ҇нꙋю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆зъ тебє̀ неискꙋсобра́чнаѧ, дне́сь всѧ́ческихъ творе́цъ пло́тски ражда́етсѧ по на́мъ, и҆ пелена́ми повива́етсѧ, повива́ѧй мо́ре мгло́ю, мт҃и приснодв҃о."
|
||||
},
|
||||
{
|
||||
"type": "HEADER",
|
||||
"value": "Канѡ́нъ преподо́бныѧ мела́нїи. Творе́нїе ѳеофа́ново. Гла́съ то́йже."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ, свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
||||
},
|
||||
{
|
||||
"type": "TEXT",
|
||||
"value": "Страсте́й ѡ҆мраче́нїемъ ѡ҆чернѣ́вша мѧ̀ всю́дꙋ, просвѣти́въ ѡ҆чи́сти свѣтоно́сными моли́твами прпⷣбныѧ твоеѧ̀, чл҃вѣколю́бче, мела́нїи: и҆ сїю̀ чтꙋ́щꙋ, сло́во мѝ вдохнѝ."
|
||||
},
|
||||
{
|
||||
"type": "TEXT",
|
||||
"value": "Те́плѣ послѣ́довала є҆сѝ, тебє̀ ра́ди во́льное распѧ́тїе претерпѣ́вшемꙋ, на ра́мѣхъ носѧ́щи, всеблаже́ннаѧ, ᲂу҆се́рднѡ крⷭ҇тъ тво́й, и҆ сегѡ̀ сохрани́ла є҆сѝ ѡ҆правда̑нїѧ."
|
||||
},
|
||||
{
|
||||
"type": "TEXT",
|
||||
"value": "Роди́телей пристра́стїѧ, и҆ пло́ти любосла́стїѧ до конца̀ ᲂу҆клони́ласѧ є҆сѝ, є҆ди́нагѡ вожделѣ́вши рачи́телѧ хрⷭ҇та̀, бг҃омꙋ́драѧ, добро́ты: є҆гѡ́же всѧ̑ жела́ютъ сло́ва причаща́ющїисѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѡ҆бнищава́етъ бога́тый, менѐ ѡ҆богаща́ѧ бжⷭ҇тво́мъ, ѕлѣ̀ ѡ҆бнища́вшаго невоздержа́нїемъ пе́рвѣе: и҆ безнача́льный, сѐ нача́ло прїе́млетъ, ѿ дв҃ы ражда́емь бг҃оѻтрокови́цы."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: При́зри на пѣ̑нїѧ рабѡ́въ, бл҃годѣ́телю, врага̀ смирѧ́ѧ вознесе́ннꙋю горды́ню: носѧ́й же, всеви́дче, грѣха̀ превы́шше, непоколе́блемѡ ᲂу҆тверждє́нныѧ, бл҃же, пѣвцы̀, ѡ҆снова́нїемъ вѣ́ры."
|
||||
},
|
||||
{
|
||||
"type": "TEXT",
|
||||
"value": "Невѣ́сты пречⷭ҇тыѧ пребога́тое ржⷭ҇тво̀, ви́дѣти па́че ᲂу҆ма̀ сподо́бивсѧ, ли́къ свирѧ́ющихъ преклонѧ́шесѧ стра́ннымъ ѻ҆́бразомъ: чи́нъ же пою́щихъ безпло́тныхъ, цр҃ѧ̀ хрⷭ҇та̀ безсѣ́меннѡ вопло́щшагосѧ."
|
||||
},
|
||||
{
|
||||
"type": "TEXT",
|
||||
"value": "Высото́ю црⷭ҇твꙋѧй нб҃съ, милосе́рдїемъ соверша́етъ ѡ҆ на́съ, и҆зъ безневѣ́стныѧ ѻ҆трокови́цы: невеще́ственъ сы́й пре́жде, но по́слѣжде сло́во ѡ҆дебелѣ́вшо пло́тїю, да па́дшаго къ себѣ̀ привлече́тъ первозда́ннаго."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
|
||||
},
|
||||
{
|
||||
"type": "TEXT",
|
||||
"value": "Добро́ты твоеѧ̀ дꙋше́вныѧ творе́цъ тво́й вожделѣ́въ, невѣ́стꙋ тѧ̀ вои́стиннꙋ добрꙋ̀ и҆ непоро́чнꙋ, мꙋ́ченице, себѣ̀ ѡ҆брꙋчи́лъ є҆́сть."
|
||||
},
|
||||
{
|
||||
"type": "TEXT",
|
||||
"value": "Стра̑сти безстра́стнагѡ, ᲂу҆мертви́вшагѡсѧ на́съ ра́ди, ᲂу҆мерщвле́нїе, мч҃нице честна́ѧ, лю́бѧщи, мꙋ́ченическою ᲂу҆мира́еши сме́ртїю."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ заколе́нїе дꙋхо́вно, ꙗ҆́кѡ же́ртва чиста̀ соверше́на тебѣ̀ бг҃ꙋ принесе́сѧ, ꙗ҆́же тво́й крⷭ҇тъ возлюби́вшаѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Село̀ вмѣ́стно невмѣсти́магѡ содѣ́телѧ была̀ є҆сѝ, сего̀ пло́тїю вмѣсти́вши, ѡ҆бра́дованнаѧ пречⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Не мꙋ́дростїю, и҆ си́лою, и҆ бога́тствомъ хва́лимсѧ, но тобо́ю, ѻ҆́ч҃ею ѵ҆поста́сною мꙋ́дростїю, хрⷭ҇тѐ, нѣ́сть бо свѧ́тъ, па́че тебє̀, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же ни́жнихъ ѿстꙋ́пльше жела́нїй, всѐ жела́нїе дала̀ є҆сѝ благоче́стнѡ произволе́нїемъ, сла́внаѧ, къ бꙋ́дꙋщымъ то́кмѡ и҆ вѣ́чнꙋющымъ."
|
||||
},
|
||||
{
|
||||
"type": "TEXT",
|
||||
"value": "Прилѣ́жными моли́твами чꙋ̑вствїѧ ᲂу҆краси́ла є҆сѝ, и҆ дх҃а зарѧ́ми свѣтови́дна была̀ є҆сѝ всѧ̀, въ тѣлесѝ невеще́ственное житїѐ подража́вши."
|
||||
},
|
||||
{
|
||||
"type": "TEXT",
|
||||
"value": "И҆ вѣща́ющи и҆ молча́щи ꙗ҆ви́ласѧ є҆сѝ наказа́нїе, неꙋтвержде́ныхъ ᲂу҆твержде́нїе, мона́шествꙋющихъ ѻ҆́бразъ, мела́нїе бг҃омꙋ́драѧ. Тѣ́мже пое́мъ тѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѡ҆блага́ѧй нб҃са̀ ѻ҆́блаки хотѣ́нїемъ повива́етсѧ во́лею, рꙋка́ми дв҃ы держи́мь, рꙋки́ мѧ и҆схища́ѧ борца̀."
|
||||
},
|
||||
{
|
||||
"type": "HEADER",
|
||||
"value": "Сѣда́ленъ а҆нѵ́сїи, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Вознесы́йсѧ на крⷭ҇тъ:"
|
||||
},
|
||||
{
|
||||
"type": "TEXT",
|
||||
"value": "Надъ страстьмѝ плотски́ми ца́рствꙋющи, страстьмѝ животво́рными воцари́ласѧ є҆сѝ, ѿ твоеѧ̀ кро́ве ѡ҆багри́вши, честна́ѧ, червлени́цꙋ нетлѣ́ннꙋ благоче́стнѡ, а҆нѵ́сїе: тѣ́мже всецр҃ѧ̀ невѣ́ста непоро́чна ꙗ҆ви́ласѧ є҆сѝ. Но ѿ бѣ́дъ и҆зба́ви на́съ, соверша́ющихъ сла́внꙋю па́мѧть твою̀."
|
||||
},
|
||||
{
|
||||
"type": "HEADER",
|
||||
"value": "Сла́ва, мела́нїи, гла́съ то́йже."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ско́рѡ предварѝ:"
|
||||
},
|
||||
{
|
||||
"type": "TEXT",
|
||||
"value": "Бжⷭ҇твєннаѧ повелѣ̑нїѧ соверша́ющи со тща́нїемъ, расточи́вши раздала̀ є҆сѝ тмы̑ зла́та твоегѡ̀ ни́щымъ: взе́мши же крⷭ҇тъ тво́й на ра́мена, мела́нїе, вкꙋ́пѣ съ твои́мъ женихо́мъ послѣ́довала є҆сѝ вѣ́рою, хрⷭ҇тꙋ̀ распе́ншемꙋсѧ пло́тїю, є҆ди́номꙋ бг҃ꙋ на́шемꙋ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, пра́здника, гла́съ то́йже:"
|
||||
},
|
||||
{
|
||||
"type": "TEXT",
|
||||
"value": "Бжⷭ҇твеннѣ весели́тсѧ тва́рь всѧ̀ ны́нѣ: хрⷭ҇то́съ бо гдⷭ҇ь, бж҃їй сн҃ъ, ѿ дв҃ы ражда́етсѧ чⷭ҇тыѧ, ве́сь человѣ́ческїй ро́дъ ѡ҆безсме́рствꙋѧ, рѣшѧ́ же клѧ́твꙋ прама́тере є҆́ѵы. Тѣ́мже ꙗ҆́кѡ бл҃годѣ́телю на́шемꙋ пѣ́нїе принесе́мъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ро́да человѣ́ча ѡ҆бновле́нїе дре́вле поѧ̀ прⷪ҇ро́къ а҆ввакꙋ́мъ предвозвѣща́етъ, ви́дѣти неизрече́ннѡ сподо́бивсѧ ѻ҆́бразъ: млады́й млⷣнецъ бо и҆зъ горы̀ дв҃ы и҆зы́де, люде́й во ѡ҆бновле́нїе, сло́во."
|
||||
},
|
||||
{
|
||||
"type": "TEXT",
|
||||
"value": "Ра́венъ произы́де є҆сѝ человѣ́кѡмъ вы́шнїй, во́лею пло́ть прїи́мъ ѿ дв҃ы, ꙗ҆́дъ ѡ҆чи́стити ѕмі́евы главы̀, приводѧ̀ всѧ̑ къ свѣ́тꙋ живоно́сномꙋ, бг҃ъ сы́й, ѿ вра́тъ безсо́лнечныхъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆зы́цы, и҆̀же дре́вле тле́ю погрꙋже́ни, па́гꙋбы ѕѣлѡ̀ вра́жїѧ ᲂу҆бѣжа́вше, возно́сѧтъ рꙋ́ки съ похва́льными пѣ́сньми, є҆ди́наго чтꙋ́ще хрⷭ҇та̀, ꙗ҆́кѡ бл҃годѣ́телѧ, къ на́мъ ми́лостивнѡ прише́дшаго."
|
||||
},
|
||||
{
|
||||
"type": "TEXT",
|
||||
"value": "Ѿ ко́рене и҆зра́стши і҆ессе́ева, дв҃о, ᲂу҆ста́вы прешла̀ є҆сѝ человѣ́ческагѡ сꙋщества̀, ѻ҆́ч҃ее ро́ждши превѣ́чное сло́во, ꙗ҆́кѡ благоволѝ са́мъ запеча́таннꙋю ᲂу҆тро́бꙋ проитѝ, и҆стоща́нїемъ стра́ннымъ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Живонѡ́снымъ твои̑мъ стопа́мъ послѣ́дꙋющи, копїе́мъ въ ре́бра ᲂу҆ѧзвлѧ́етсѧ, и҆ ѡ҆браща́емое неле́стнѡ прохо́дитъ ѻ҆рꙋ́жїе, раба̀ твоѧ̀, влⷣко хрⷭ҇тѐ, воспѣва́ющи тѧ̀."
|
||||
},
|
||||
{
|
||||
"type": "TEXT",
|
||||
"value": "Мꙋче́нїѧ сїѧ́ющи свѣтлостьмѝ, и҆ нетлѣ́нїѧ вѣнце́мъ ᲂу҆вѧ́зшисѧ, ра́дꙋющисѧ предстои́ши хрⷭ҇тꙋ̀ женихꙋ̀ твоемꙋ̀, мꙋ́ченице а҆нѵ́сїе всехва́льнаѧ."
|
||||
},
|
||||
{
|
||||
"type": "TEXT",
|
||||
"value": "Запе́ншаго ле́стїю пе́рвꙋю є҆́ѵꙋ, мч҃ническими противле́ньми побѣ́ждши, низложи́ла є҆сѝ, показа́вши некрѣ́пка, хрⷭ҇тꙋ̀ воспѣва́ющи: сла́ва си́лѣ твое́й, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆́же невеще́ствєннаѧ сꙋщества̑ созда́вый, тѣле́снѡ ꙗ҆́кѡ человѣ́къ и҆зъ тебє̀, бг҃ома́ти, дне́сь ражда́етсѧ, томꙋ̀ воспои́мъ: сла́ва си́лѣ твое́й, гдⷭ҇и."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сѣдѧ́й въ сла́вѣ на прⷭ҇то́лѣ бжⷭ҇тва̀, во ѻ҆́блацѣ ле́гцѣ прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
||||
},
|
||||
{
|
||||
"type": "TEXT",
|
||||
"value": "Воздержа́нїемъ по́хѡти плотскі̑ѧ ᲂу҆мертви́вши, жи́знь живꙋ́щихъ и҆мѣ́ла є҆сѝ все́льшꙋюсѧ въ тѧ̀, всечестна́ѧ: къ не́йже ѿ землѝ преста́вльшисѧ всели́ласѧ є҆сѝ, црⷭ҇твїѧ нбⷭ҇нагѡ наслажда́ющисѧ."
|
||||
},
|
||||
{
|
||||
"type": "TEXT",
|
||||
"value": "Мнѡ́гїѧ твоѧ̑ тмы̑ зла́та разда́вши а҆́лчꙋщымъ, вои́стиннꙋ сїѧ̑ скрыва́еши въ сокро́вищахъ никогда́же ветша́ющихъ во вѣ́ки же соблюда́ющымъ тебѣ̀ дово́льное пребыва́нїе."
|
||||
},
|
||||
{
|
||||
"type": "TEXT",
|
||||
"value": "Ми́лованїѧ твоегѡ̀ бога́тство ꙗ҆́коже рѣка̀ бы́сть, напаѧ́ющи всѧ́кое ни́щихъ се́рдце, сла́внаѧ, скве́рнꙋ ѿмыва́ющи нищеты̀, бога́тство некра́домо, и҆схода́тайствꙋющи тебѣ̀ на нб҃сѣ́хъ неистощи́мое."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Похотє́мъ повинꙋ́всѧ страсте́й, ꙗ҆́коже безслове́сенъ, слове́сенъ сы́й, приложи́хсѧ скотѡ́мъ: но сло́во поро́ждшаѧ присносꙋ́щное, не пре́зри менѐ всегда̀ погиба́ющаго."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆зъ но́щи дѣ́лъ ѡ҆мраче́нныѧ пре́лести, ѡ҆чище́нїе на́мъ, хрⷭ҇тѐ, бо́дреннѡ ны́нѣ соверша́ющымъ пѣ́снь, ꙗ҆́кѡ бл҃годѣ́телю, прїидѝ, подава́й ᲂу҆до́бнꙋ стезю̀, по не́йже востека́юще ѡ҆брѧ́щемъ сла́вꙋ."
|
||||
},
|
||||
{
|
||||
"type": "TEXT",
|
||||
"value": "Лю́тꙋю враждꙋ̀, ю҆́же къ на́мъ влⷣка ѿсѣка́ѧ па́ки, плотски́мъ прише́ствїемъ, да держа́щаго разрꙋши́тъ дꙋшетлѣ́ющаго, мі́ръ сочета́ѧ съ невеще́ственными сꙋществы̀, положи́въ пристꙋ́пна, ро́ждшаго, тва́ри."
|
||||
},
|
||||
{
|
||||
"type": "TEXT",
|
||||
"value": "Лю́дїе ви́дѣша дре́вле ѡ҆мраче́ннїи по дне́хъ свѣ́тъ вы́шнїѧ свѣ́тлости: ꙗ҆зы́ки же бг҃ꙋ наслѣ́дїе сн҃ъ прино́ситъ, подаѧ̀ та́мѡ неизрече́ннꙋю бл҃года́ть, и҆дѣ́же мно́жайшїй процвѣтѐ грѣ́хъ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Тѧ̀ гдⷭ҇и, и҆сто́чникъ спасе́нїѧ вѣ́дѧщи, ча́шꙋ спасе́нїѧ несꙋмнѣ́ннымъ се́рдцемъ мꙋ́ченица твоѧ̀ и҆спѝ."
|
||||
},
|
||||
{
|
||||
"type": "TEXT",
|
||||
"value": "Ю҆́ница хрⷭ҇то́ва, бг҃опрїѧ́тное заколе́нїе, бг҃опринесе́ннаѧ же́ртва, страстоно́сице гдⷭ҇нѧ, молѝ спасти́сѧ на́мъ."
|
||||
},
|
||||
{
|
||||
"type": "TEXT",
|
||||
"value": "Свѣ́тъ была̀ є҆сѝ, свѣ́тꙋ вели́комꙋ ꙗ҆снѣ́е прибли́жившисѧ, и҆ просвѣща́еши свѣтоно́снꙋю па́мѧть твою̀ пра́зднꙋющыѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тѧ̀ ѻ҆рꙋ́жїе непобѣди́мое на врагѝ предлага́емъ, тѧ̀ ᲂу҆твержде́нїе, и҆ наде́ждꙋ на́шегѡ спасе́нїѧ, бг҃оневѣ́сто, стѧжа́хомъ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нечести́вїи не ᲂу҆́зрѧтъ сла́вы твоеѧ̀, хрⷭ҇тѐ: но мы́ тѧ, є҆диноро́дне, ѻ҆ч҃ескїѧ сла́вы сїѧ́нїе бжⷭ҇тва̀, ѿ но́щи ᲂу҆́тренююще, воспѣва́емъ тѧ̀, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Без̾ѻбра̑зныѧ ви́ды страсте́й до конца̀ ѿ дꙋшѝ ѿстрога́вши, честна́ѧ, ша́ромъ воздержа́нїѧ живонаписа́ла є҆сѝ въ не́й безстра́стїе, и҆ любо́вь нелицемѣ́рнꙋ."
|
||||
},
|
||||
{
|
||||
"type": "TEXT",
|
||||
"value": "Свѣ́тло ꙗ҆́кѡ зерца́ло бы́вши ꙗ҆́вѣ, свѣ́тлѣ дарова̑нїѧ дх҃а бжⷭ҇твеннагѡ, сла́внаѧ, воспрїѧ́ла є҆сѝ, и҆ вѣ̑рныѧ просвѣти́ла є҆сѝ свѣ́тлостїю житїѧ̀ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Воздержа́нїемъ погаси́вши страсте́й распале́нїе, ѻ҆́гнь возжгла̀ є҆сѝ дꙋше́вный, во все́мъ житїѝ твое́мъ блиста́ющисѧ, и҆ ѡ҆мрачє́нїѧ де́мѡнскаѧ ѿража́ющи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃а родѝ бг҃а є҆мманꙋ́ила во гра́дѣ виѳлее́мѣ, є҆де́мъ ѿверза́ющаго, дре́вле мѝ заключе́нный невоздержа́нїемъ снѣ́ди и҆ ле́стїю ѕмі́ѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆бита́ѧ і҆ѡ́на въ преиспо́днихъ морски́хъ, прїитѝ молѧ́шесѧ, и҆ бꙋ́рю ᲂу҆толи́ти: ᲂу҆нзе́нъ же а҆́зъ мꙋ́чащагѡ стрѣло́ю, хрⷭ҇тꙋ̀ воспѣва́ю: ѕѡ́лъ гꙋби́телю, ско́рѡ прїитѝ тебѣ̀ къ мое́й лѣ́ности."
|
||||
},
|
||||
{
|
||||
"type": "TEXT",
|
||||
"value": "И҆́же бѣ̀ и҆спе́рва къ бг҃ꙋ, бг҃ъ сло́во, ны́нѣ ᲂу҆твержда́етъ немощно́е дре́вле: ви́дѣвъ сохрани́ти, є҆́же по на́мъ сꙋщество̀, и҆́мже себѐ вторы́мъ ѡ҆бще́нїемъ а҆́бїе проѧвлѧ́ѧ страсте́й свобо́дное."
|
||||
},
|
||||
{
|
||||
"type": "TEXT",
|
||||
"value": "Грѧде́тъ на́съ ра́ди и҆зъ а҆враа́млихъ чре́слъ темнопа́дшыѧ во мра́цѣ прегрѣше́нїй, сы́ны воздви́гнꙋти до́лꙋ пони́кшихъ: и҆́же во свѣ́тѣ живы́й и҆ въ ꙗ҆́слехъ, чрезъ достоѧ́нїе, ны́нѣ благоизво́ливъ въ человѣ́ческое спасе́нїе."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
||||
},
|
||||
{
|
||||
"type": "TEXT",
|
||||
"value": "Мꙋ́жескїй въ же́нстѣмъ тѣлесѝ ᲂу҆́мъ воспрїи́мши, къ боре́нїю врагѡ́въ безпло́тныхъ, мꙋ́ченице, и҆зшла̀ є҆сѝ, и҆ ѻ҆рꙋ́жїемъ терпѣ́нїѧ ты́ѧ ᲂу҆мертви́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "Кро́вными наводнє́нїи мо́ре и҆зсꙋши́ла є҆сѝ ѕловѣ́рїѧ: хрⷭ҇то́вꙋ же честнꙋ́ю напои́ла є҆сѝ цр҃ковь, а҆нѵ́сїе страстоте́рпице, дѣ́въ похвало̀."
|
||||
},
|
||||
{
|
||||
"type": "TEXT",
|
||||
"value": "Немо́креннѡ подвигѡ́въ прешла̀ є҆сѝ бꙋ́рю непотопле́ннѡ: тѣ́мже въ приста́нище невла́емо ᲂу҆стреми́ласѧ є҆сѝ, и҆ и҆́стинныѧ наслажда́ешисѧ тишины̀, пресла́внаѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Созда́вый по ѻ҆́бразꙋ своемꙋ̀ человѣ́ка, за мно́гое благоꙋтро́бїе, назида́етъ того̀, и҆зъ тебє̀, дв҃о бг҃ома́ти, ве́сь въ него̀ ѡ҆бле́ксѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
||||
},
|
||||
{
|
||||
"type": "TEXT",
|
||||
"value": "Немо́креннѡ жите́йское прешла̀ є҆сѝ ѡ҆бꙋрева́нїе, направлѧ́ема манове́нїемъ, всѧ̑ сло́вомъ сотво́ршагѡ, и҆ въ приста́нище спасе́нїѧ, мела́нїе, дости́гла є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆́скрами те́плагѡ твоегѡ̀ є҆́же къ гдⷭ҇ꙋ раче́нїѧ, разжжє́нныѧ стрѣ̑лы грѣхѡ́вныѧ всѧ̑ попали́шасѧ, и҆ де́мѡнское ѕлодѣ́йство до конца̀ погꙋбле́но бы́сть."
|
||||
},
|
||||
{
|
||||
"type": "TEXT",
|
||||
"value": "Оу҆́мъ тво́й къ лꙋ́чшемꙋ є҆дине́нїемъ ѡ҆божа́емь, сꙋ́щїѧ къ пло́ти любвѐ ѿлꙋчи́сѧ манове́нїемъ всеси́льнымъ: сегѡ̀ ра́ди поще́нїѧ трꙋды̀ понесла̀ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѡ҆божа́етъ мѧ̀ ѿ дв҃ы рожде́йсѧ гдⷭ҇ь, и҆ пелена́ми повива́етсѧ, разрѣше́нїе творѧ̀ мои́хъ прегрѣше́нїй: и҆ вмѣща́етсѧ въ верте́пъ, и҆́же всѣ́ми невмѣсти́мый."
|
||||
},
|
||||
{
|
||||
"type": "HEADER",
|
||||
"value": "Конда́къ пра́здника, гла́съ г҃."
|
||||
},
|
||||
{
|
||||
"type": "TEXT",
|
||||
"value": "Дв҃а дне́сь пресꙋ́щественнаго ражда́етъ, и҆ землѧ̀ верте́пъ непристꙋ́пномꙋ прино́ситъ, а҆́гг҃ли съ па́стырьми славосло́вѧтъ, волсви́ же со ѕвѣздо́ю пꙋтеше́ствꙋютъ: на́съ бо ра́ди роди́сѧ ѻ҆троча̀ мла́до, превѣ́чный бг҃ъ."
|
||||
},
|
||||
{
|
||||
"type": "TEXT",
|
||||
"value": "І҆́косъ: Є҆де́мъ виѳлее́мъ ѿве́рзе, прїиди́те ви́димъ, пи́щꙋ въ та́йнѣ ѡ҆брѣто́хомъ: прїиди́те, прїи́мемъ сꙋ̑щаѧ ра̑йскаѧ внꙋ́трь верте́па: та́мѡ ꙗ҆ви́сѧ ко́рень ненапое́нъ, прозѧба́ѧ ѿпꙋще́нїе: та́мѡ ѡ҆брѣ́тесѧ кла́дѧзь неиско́панъ, и҆зъ негѡ́же дв҃дъ пи́ти дре́вле возжада́сѧ. Та́мѡ дв҃а ро́ждши младе́нца, жа́ждꙋ ᲂу҆ста́ви а҆́бїе а҆да́мовꙋ и҆ дв҃довꙋ. Сегѡ̀ ра́ди къ немꙋ̀ и҆́демъ, гдѣ̀ роди́сѧ ѻ҆троча̀ мла́до превѣ́чный бг҃ъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Всецр҃ѧ̀ любо́вїю ᲂу҆ловле́ннїи ѻ҆́троцы, ᲂу҆кори́ша безчи́сленнѡ ꙗ҆рѧ́щасѧ мꙋчи́телѧ ѕлобо́жное ꙗ҆зыковре́дїе́, и҆̀мже повинꙋ́сѧ ѻ҆́гнь мно́гїй, влⷣцѣ глаго́лющымъ: во вѣ́ки бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Слꙋги̑ ᲂу҆́бѡ неи́стовнѡ попалѧ́етъ, спаса́етъ же всепалѧ́щаѧ со стра́хомъ ю҆́ныѧ, седмочи́сленнымъ разжже́нїемъ возвы́шена: и҆̀хже вѣнча̀ пла́мень, незави́стнѡ гдⷭ҇ꙋ подаю́щꙋ благоче́стїѧ ра́ди ро́сꙋ."
|
||||
},
|
||||
{
|
||||
"type": "TEXT",
|
||||
"value": "Помо́щниче хрⷭ҇тѐ человѣ́кѡмъ, проти́вное гада́нїе воплоще́нїе неизглаго́ланное и҆мѣ́ѧй, посрами́лъ є҆сѝ бога́тство ѡ҆боже́нїѧ носѧ́й, воѡбра́жсѧ ны́нѣ, є҆гѡ́же ра́ди ᲂу҆пова́нїемъ, свы́ше въ преиспо́днїй прїидо́хомъ мра́къ."
|
||||
},
|
||||
{
|
||||
"type": "TEXT",
|
||||
"value": "Ѕлѣ̀ неꙋдержа́ннѡ возвыша́емы, нече́стнѡ бѣсѧ́щїйсѧ ѿ развраще́нїѧ мі́ра. Низложи́лъ є҆сѝ всемо́щнѣ грѣ́хъ, ꙗ҆̀же привлечѐ пре́жде: дне́сь же ѿ сѣте́й спаса́еши, вопло́щсѧ во́лею, благодѣ́телю."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Спасы́й во ѻ҆гнѝ а҆враа̑мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆̀же пра́вда пра́веднѡ ᲂу҆ловлѧ́ше: препѣ́тый гдⷭ҇и, бж҃е ѻ҆тє́цъ на́шихъ, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Твою̀ хра́минꙋ дꙋше́внꙋю, мꙋ́ченицы, мы́сленнѡ водрꙋже́ннꙋю и҆сповѣ́данїемъ хрⷭ҇то́вымъ, мꙋчи́тєльныѧ поте́кше пото́ки, ника́коже поколеба́ша, бж҃е, вопїю́щꙋю, благослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Пра́вды со́лнца хрⷭ҇та̀ вѣ́дѧщи, мꙋ́ченице, не восхотѣ́ла є҆сѝ ѕлочести́внѣ пожре́ти со́лнцꙋ, повелѣва́ющꙋ мꙋчи́телю, но пѣ́ла є҆сѝ: бж҃е ѻ҆тє́цъ на́шихъ, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ѿ твои́хъ крове́й свѧще́нныхъ ѡ҆мочи́вши себѣ̀ багрѧни́цꙋ, побѣди́тельнымъ главꙋ̀, мꙋ́ченице, вѣнце́мъ вѣнча́ла є҆сѝ: и҆ бг҃ꙋ ны́нѣ предстои́ши цр҃ю̀ безсме́ртномꙋ, веселѧ́щисѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пови́вый не́бо ѻ҆́блаки, зе́млю же мгло́ю, ѿ твоегѡ̀ чре́ва ро́ждсѧ пелена́ми повива́етсѧ и҆ во ꙗ҆́слехъ полага́етсѧ, бг҃ома́ти всенепоро́чнаѧ, спаса́ѧ вѣ́дꙋщыѧ тѧ̀ бцⷣꙋ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Спасы́й во ѻ҆гнѝ а҆враа̑мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆̀же пра́вда пра́веднѡ ᲂу҆ловлѧ́ше: препѣ́тый гдⷭ҇и, бж҃е ѻ҆тє́цъ на́шихъ, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Съ сꙋпрꙋ́жникомъ хрⷭ҇то́во и҆́го носѧ́щи, бг҃оно́снаѧ, ѡ҆бнови́сте моли́твъ ра́ломъ дꙋ́шы, и҆ ни́вꙋ до́брыхъ воздѣ́лавше, наслажда́етесѧ во вѣ́ки вы́шнїѧ сла́вы."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ма́слина ѱало́мски въ домꙋ̀ бж҃їи насажде́на, ᲂу҆маща́еши та́инственнѡ сердца̀, прпⷣбнаѧ, и҆ ли́ца є҆ле́емъ болѣ́зней твои́хъ вѣ́рнѡ восхвалѧ́ющихъ твоѧ̑ по́двиги."
|
||||
},
|
||||
{
|
||||
"type": "TEXT",
|
||||
"value": "Воздержа́нїѧ ѡ҆роше́нїемъ ᲂу҆гаси́вши страсте́й пє́щи, ѡ҆дожде́нїемъ моли́твъ врачева́нїй пꙋчи̑ны и҆сточи́ла є҆сѝ, и҆ страсте́й привержє́нїѧ потоплѧ́ющи, мела́нїе, чтꙋ́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Рꙋно́ тѧ речѐ дв҃дъ, ꙗ҆́кѡ до́ждь прїе́мшꙋ нбⷭ҇ный, чⷭ҇таѧ, беззако́нїѧ пото́ки и҆зсꙋша́ющь, и҆ вѣ́рныхъ напоѧ́ющь смы́слы грѣхо́мъ пресо́хшыѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆тро́бꙋ неѡпа́льнꙋ ѡ҆бразꙋ́ютъ ѻ҆трокови̑цы, и҆̀же въ ве́тсѣмъ ѡ҆палѧ́емїи ю҆́ношы, преесте́ственнѡ ражда́ющꙋю запечатлѣ́ннꙋ. Ѻ҆боѧ́ же содѣва́ющи чꙋдодѣ́йство є҆ди́но, лю́ди къ пѣ́нїю возставлѧ́етъ бл҃года́ть."
|
||||
},
|
||||
{
|
||||
"type": "TEXT",
|
||||
"value": "Па́гꙋбы ᲂу҆бѣжа́вши, є҆́же ѡ҆божи́тисѧ пре́лестїю непреста́ннѡ пое́тъ и҆злїѧ́вшагосѧ сло́ва, ю҆́ношески всѧ̀ съ тре́петомъ тва́рь, несла́внꙋ хвалꙋ̀ боѧ́щисѧ прино́ситъ, тлѣ́нна сꙋ́щи, а҆́ще и҆ мꙋ́дрѣ терпѧ́ше."
|
||||
},
|
||||
{
|
||||
"type": "TEXT",
|
||||
"value": "Грѧде́ши, заблꙋ́ждшее на па́жить ѡ҆браща́ѧ цвѣтотво́рнꙋю, и҆зъ пꙋсты́нныхъ холмѡ́въ, ꙗ҆зы́кѡвъ возста́нїе, человѣ́ческое є҆стество̀, си́лꙋ нꙋ́жднꙋю человѣкоꙋбі́йцы ᲂу҆гаси́ти: мꙋ́жъ же ꙗ҆ви́всѧ и҆ бг҃ъ промышле́нїемъ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Вдова́мъ, сирота́мъ же и҆ ни́щымъ, и҆ всѣ̑мъ тре́бꙋющымъ бога́тство расточи́ла є҆сѝ, вседержи́телѧ лю́бѧщи несомнѣ́ннѡ повелѣ̑нїѧ, и҆ мꙋче́нїѧ же честны́ѧ и҆́щеши ча́ши, ю҆́же и҆спи́вши, ᲂу҆ста́вила є҆сѝ, дѣ́во честна́ѧ, жела́нїѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ вѣ́но принесла̀ є҆сѝ хрⷭ҇тꙋ̀ по́стъ и҆ сле́зы, страсте́й ᲂу҆мерщвле́нїе, и҆ кро́ве проли́тїе, ре́бръ прободе́нїе: не ѡ҆бветша́ющїй са́мъ тѣ́мъ тебѣ̀ вѣне́цъ, и҆ черто́гъ нетлѣ́ненъ подае́тъ, и҆ сла́вꙋ нбⷭ҇нꙋю."
|
||||
},
|
||||
{
|
||||
"type": "TEXT",
|
||||
"value": "Живе́ши со а҆́гг҃лы во свѣ́тѣ, дѣ́въ съ чи́нми, и҆ собо́ры мꙋ́чєникъ спра́зднꙋющи, лицѐ жениха̀ твоегѡ̀ къ лицꙋ̀ зрѧ́щи, и҆ свѣ́тлыѧ сла́вы причаща́ющисѧ, и҆ вопїю́щи: благослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сѐ ны́нѣ ѡ҆скꙋдѣ̀ ꙗ҆́вѣ ѿ і҆ꙋ́дова пле́мене кн҃зь и҆ во́ждь. Ты́ бо, всенепоро́чнаѧ, родила̀ є҆сѝ, ꙗ҆̀же томꙋ̀ пре́жде ѿлежа̑щаѧ, жда́нїе ꙗ҆зы́кѡвъ, хрⷭ҇та̀. Є҆мꙋ́же пое́мъ: благослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть: тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Хра́мъ се́рдце и҆ тѣ́ло трⷪ҇цѣ пребжⷭ҇твеннѣй соверши́вши, бжⷭ҇твєнныѧ возсоздала̀ є҆сѝ хра́мы, достосла́внаѧ, въ ни́хже дѣ́въ чи́ны, и҆ мона́шествꙋющихъ ли́ки совокꙋпи́ла є҆сѝ, пою́щыѧ согла́снѡ, и҆ превозносѧ́щыѧ хрⷭ҇та̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ми́лостынею ми́лость стѧжа́ла є҆сѝ, расточи́вши дала̀ є҆сѝ ᲂу҆бѡ́гимъ, пра́вда твоѧ̀ пребыва́етъ вѣ́чнꙋющи, и҆ є҆́же ѿ сеѧ̀ приѡбрѣ́тенїе тебѣ̀ неветша́емое, мела́нїе бг҃оно́сице прпⷣбнаѧ. Тѣ́мже тѧ̀ чти́мъ, ꙗ҆́кѡ вои́стиннꙋ побѣдоно́сицꙋ."
|
||||
},
|
||||
{
|
||||
"type": "TEXT",
|
||||
"value": "Смы́сломъ, мꙋ́жествомъ, цѣломꙋ́дрїемъ, и҆ бжⷭ҇твенною пра́вдою блиста́ющи, и҆мѣ́ла є҆сѝ возносѧ́щее тѧ̀ на высотꙋ̀ нбⷭ҇нꙋю высокотво́рное смире́нїе, и҆́мже низложи́ла є҆сѝ, прпⷣбнаѧ, велича́ваго ѕмі́ѧ: тѣ́мъ тѧ̀ почита́емъ, ꙗ҆́кѡ и҆́стиннꙋю побѣдоно́сицꙋ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Страсте́й мѧ̀ смꙋща́ютъ треволнє́нїѧ, глꙋбина̀ ѿча́ѧнїѧ потоплѧ́етъ мѧ̀, спаси́ мѧ, всенепоро́чнаѧ мт҃и, и҆ спасꙋ́сѧ: сп҃са бо гдⷭ҇а родила̀ є҆сѝ, во ꙗ҆́слехъ ꙗ҆́кѡ млⷣнца положе́на, є҆го́же превозно́симъ во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Люби́ти ᲂу҆́бѡ на́мъ, ꙗ҆́кѡ безбѣ́дное стра́хомъ ᲂу҆до́бѣе молча́нїе, любо́вїю же, дв҃о, пѣ̑сни тка́ти спротѧже́ннѡ сложє́нныѧ, неꙋдо́бно є҆́сть: но и҆ мт҃и, си́лꙋ, є҆ли́ко є҆́сть произволе́нїе, да́ждь."
|
||||
},
|
||||
{
|
||||
"type": "TEXT",
|
||||
"value": "Ѻ҆́бразы несвѣ́тлы, и҆ сѣ̑ни приведе́ны, ѽ мт҃и чⷭ҇таѧ, ви́дѣвше сло́ва, но́ва ꙗ҆́вльшагѡсѧ ѿ вра́тъ заключе́нныхъ: мнѧ́щїи же и҆́стиннꙋю свѣ́тлость, досто́йнѡ твою̀ благослови́мъ ᲂу҆тро́бꙋ."
|
||||
},
|
||||
{
|
||||
"type": "TEXT",
|
||||
"value": "Жела́нїе полꙋчи́вше, и҆ бж҃їѧ прише́ствїѧ хрⷭ҇токра́снїи лю́дїе сподо́бльшесѧ, ны́нѣ ᲂу҆тѣша́ютсѧ па́ки бытїе́мъ: ꙗ҆́кѡ живоно́снꙋ благода́ть дае́ши, дв҃о чⷭ҇таѧ, поклони́тисѧ сла́вѣ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀, бцⷣе, велича́емъ."
|
||||
},
|
||||
{
|
||||
"type": "TEXT",
|
||||
"value": "Ка́менїю приносѧ́щїи чє́сти, па́че зижди́телѧ, зрѣ́ти тѧ̀ сла́внаѧ, не терпѧ́ще бг҃ꙋ возложенꙋ̀, мече́мъ ссѣка́ютъ, сме́ртїю бжⷭ҇твенное безсме́ртїе тебѣ̀ ѡ҆брꙋча́юще."
|
||||
},
|
||||
{
|
||||
"type": "TEXT",
|
||||
"value": "Ѳессалоні́тскїй гра́дъ твои́ми пелена́ми и҆ страда́ньми, мч҃нице, хва́литсѧ, дѣ́во: цр҃ковь же перворо́дныхъ съ пра́ведными и҆́мать тво́й дꙋ́хъ бжⷭ҇твенный, веселѧ́щїйсѧ."
|
||||
},
|
||||
{
|
||||
"type": "TEXT",
|
||||
"value": "Лїва́нъ, зла́то же и҆ смѵ́рнꙋ, въ виѳлее́мѣ рожде́нномꙋ волсвѝ принесо́ша вѣ́рою, страстоте́рпица же кро́вь мꙋче́нїѧ и҆злїѧ́нїе, ѡ҆ на́съ того̀ молѧ́щи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Же́злъ прозѧбла̀ є҆сѝ и҆зъ ко́рене і҆ессе́ева, бг҃ороди́тельнице, цвѣ́тъ бжⷭ҇тва̀ хрⷭ҇та̀ на́мъ ро́ждши, всечⷭ҇таѧ, дне́сь: є҆го́же, ꙗ҆́кѡ бг҃а невмѣсти́маго, и҆ ны́нѣ ꙗ҆́кѡ млⷣнца пелена́ми повива́ема, велича́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть: ты́ же, дв҃о бцⷣе, прозѧбе́нїемъ чревоноше́нїѧ, мі́рови благослове́нїе процвѣла̀ є҆сѝ. Тѣ́мъ тѧ̀ всѝ велича́емъ."
|
||||
},
|
||||
{
|
||||
"type": "TEXT",
|
||||
"value": "На высотꙋ̀ ꙗ҆́вѣ кра́йнѧгѡ соверше́нства востекла̀ є҆сѝ, блаже́ннаѧ, и҆ пости́гла є҆сѝ чи́ны безтѣле́сныхъ: ко и҆́стинномꙋ жела́нїю прибли́жившисѧ, и҆сто́чникъ благи́хъ ны́нѣ прїѧ́ла є҆сѝ: тѣ́мъ тѧ̀ всѝ ᲂу҆блажа́емъ."
|
||||
},
|
||||
{
|
||||
"type": "TEXT",
|
||||
"value": "Съ ли́ки весели́шисѧ по́стникѡвъ, воздержа́вшисѧ, и҆ стра̑сти ᲂу҆мертви́вши, зри́ши ѿкрове́ннымъ лице́мъ бж҃їю красотꙋ̀, ю҆́же пре́жде ꙗ҆вле́нїѧ стѧжа́ла є҆сѝ цѣломꙋ́дрїемъ, мела́нїе всеблаже́ннаѧ."
|
||||
},
|
||||
{
|
||||
"type": "TEXT",
|
||||
"value": "Ходи́вши стезе́ю тѣ́сною, простра́ннагѡ раѧ̀ широты̀ дости́гла є҆сѝ, и҆дѣ́же ра́дость пра́зднꙋющихъ, и҆дѣ́же дре́во жи́зни є҆́сть, на́съ непреста́ннѡ помина́ющи, чтꙋ́щихъ твоѐ ᲂу҆спе́нїе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆́же на плеща́хъ херꙋві́мѡвъ стра́шнѡ носи́мый, на рꙋкꙋ̀ ны́нѣ сѣди́тъ ѻ҆трокови́цы чⷭ҇тыѧ: и҆ пелена́ми повива́етсѧ, разрѣша́ѧ плєни́цы ѕѡ́лъ на́шихъ: и҆ млеко́мъ ꙗ҆́кѡ млⷣнцъ пита́етсѧ, пита́ѧй всѧ́кое дыха́нїе."
|
||||
},
|
||||
{
|
||||
"type": "HEADER",
|
||||
"value": "Свѣти́ленъ пра́здника:"
|
||||
},
|
||||
{
|
||||
"type": "TEXT",
|
||||
"value": "Посѣти́лъ ны̀ є҆́сть свы́ше сп҃съ на́шъ, восто́къ восто́кѡвъ, и҆ сꙋ́щїи во тмѣ̀ и҆ сѣ́ни ѡ҆брѣто́хомъ и҆́стинꙋ: и҆́бо ѿ дв҃ы роди́сѧ гдⷭ҇ь. Два́жды."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ ѕ҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: А҆́гг҃льскїѧ."
|
||||
},
|
||||
{
|
||||
"type": "TEXT",
|
||||
"value": "Сѐ а҆́гнецъ бж҃їй мі́ра взе́млѧй грѣ́хъ ꙗ҆́кѡ бг҃ъ, во ꙗ҆́слехъ возлежи́тъ ꙗ҆́кѡ млⷣнецъ, словє́сныѧ хотѧ̀ и҆зба́вити всѧ́кихъ страсте́й безслове́сїѧ, и҆ вѣ́чнагѡ томле́нїѧ. Къ немꙋ́же зове́мъ: благослове́нъ рожде́йсѧ бж҃е на́шъ, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆зъ чре́ва пре́жде денни́цы роди́хъ тѧ̀: клѧ́тсѧ гдⷭ҇ь, и҆ не раска́етсѧ."
|
||||
},
|
||||
{
|
||||
"type": "TEXT",
|
||||
"value": "Ѽ па́че ᲂу҆ма̀ и҆ неизглаго́ланныхъ та́инствъ. Ражда́етсѧ бг҃ъ на землѝ за бл҃гоꙋтро́бїе, ра́бїй ѻ҆́бразъ себѣ̀ самомꙋ̀ ѡ҆бложи́въ, ꙗ҆́кѡ да ѿ рабо́ты и҆схи́титъ чꙋжда́гѡ, вѣ́рою томꙋ̀ зовꙋ́щыѧ: бл҃гослове́нъ рожде́йсѧ бж҃е на́шъ, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Речѐ гдⷭ҇ь гдⷭ҇еви моемꙋ̀ сѣдѝ ѡ҆деснꙋ́ю менє̀."
|
||||
},
|
||||
{
|
||||
"type": "TEXT",
|
||||
"value": "Ста́немъ благоговѣ́йнѡ въ домꙋ̀ гдⷭ҇ни, съ восклица̑нїи воспои́мъ согла́снѡ сегѡ̀ бл҃гоꙋтро́бїе, и҆ мно́гое низхожде́нїе, ка́кѡ въ виѳлее́мѣ і҆ꙋде́йстѣмъ млⷣнцъ и҆зво́ли ꙗ҆ви́тисѧ; и҆ возопїи́мъ: бл҃гослове́нъ рожде́йсѧ бж҃е на́шъ, сла́ва тебѣ̀."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, подо́бенъ то́йже:"
|
||||
},
|
||||
{
|
||||
"type": "TEXT",
|
||||
"value": "Сл҃нце сн҃е, ка́кѡ тѧ̀ скры́ю пелена́ми; ка́кѡ тѧ̀ млеко́мъ воздою̀, всегѡ̀ є҆стества̀ пита́телѧ; ка́кѡ тѧ̀ рꙋка́ми держꙋ̀, держа́щаго всѧ́чєскаѧ; ка́кѡ на тебѐ безъ стра́ха воззрю̀; на него́же не смѣ́ютъ зрѣ́ти многоѻчи́тїи; неискꙋсобра́чнаѧ хрⷭ҇та̀ держа́щи, вѣща́ше."
|
||||
},
|
||||
{
|
||||
"type": "HEADER",
|
||||
"value": "На лїтꙋргі́и бл҃жє́нна пра́здника, пѣ́снь и҃, на ѕ҃."
|
||||
}
|
||||
]
|
||||
@@ -0,0 +1,494 @@
|
||||
[
|
||||
{
|
||||
"type": "HEADER",
|
||||
"value": "Деке́мврїа л҃"
|
||||
},
|
||||
{
|
||||
"type": "HEADER",
|
||||
"value": "Ст҃и́телѧ мака́рїа, митрополі́та моско́вскагѡ и҆ всеѧ̀ рꙋсѝ чꙋдотво́рца."
|
||||
},
|
||||
{
|
||||
"type": "HEADER",
|
||||
"value": "На вели́цѣй вече́рни. На Гдⷭ҇и воззва́хъ, стїхи̑ры пра́здника, и҆ ст҃а́гѡ, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Нбⷭ҇ныхъ чинѡ́въ:"
|
||||
},
|
||||
{
|
||||
"type": "TEXT",
|
||||
"value": "Бл҃же́нства вои́стиннꙋ ст҃ы́хъ, и҆́хже просла́вилъ є҆сѝ, ѻ҆́тче ст҃и́телю мака́рїе, дости́глъ є҆сѝ во црⷭ҇твїи нбⷭ҇нѣмъ, и҆дѣ́же ны́нѣ ра́дꙋѧсѧ, моли́сѧ ѡ҆ сп҃се́нїи дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Бл҃же́нства и҆ ча́сти пра́ведныхъ, съ ни́миже сочета́лсѧ є҆сѝ, ѻ҆́тче ст҃и́телю мака́рїе, вкꙋси́лъ є҆сѝ во црⷭ҇твїи нбⷭ҇нѣмъ, и҆дѣ́же ны́нѣ насыща́ѧсѧ, моли́сѧ ѡ҆ сп҃се́нїи дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Бл҃жє́нства є҆ѵⷢ҇льскаѧ, и҆́хже на землѝ проповѣ́далъ є҆сѝ, ѻ҆́тче ст҃и́телю мака́рїе, ѡ҆брѣ́лъ є҆сѝ вои́стиннꙋ на нб҃сѝ, и҆дѣ́же ны́нѣ мздо́ю веселѧ́сѧ, моли́сѧ ѡ҆ сп҃се́нїи дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Бл҃же́нство тезоимени́тое, є҆го́же въ житїѝ возжелѣ́лъ є҆сѝ, ѻ҆́тче ст҃и́телю мака́рїе, стѧжа́лъ є҆сѝ въ жи́зни вѣ́чнѣй, и҆дѣ́же ны́нѣ поко́ѧсѧ, моли́сѧ ѡ҆ сп҃се́нїи дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Бл҃же́нный миротво́рецъ въ странѣ̀ рѡссі́йстѣй бы́лъ є҆сѝ, ѻ҆́тче ст҃и́телю мака́рїе, сегѡ̀ ра́ди сн҃ъ бж҃їй досто́инъ є҆сѝ нарещи́сѧ на нб҃сѝ, и҆дѣ́же ны́нѣ во сла́вѣ пребыва́еши, моли́сѧ при́снѡ ѡ҆ сп҃се́нїи дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, пра́здника."
|
||||
},
|
||||
{
|
||||
"type": "HEADER",
|
||||
"value": "Вхо́дъ. Прокі́менъ днѐ. Чтє́нїѧ трѝ ст҃и́тєльскаѧ."
|
||||
},
|
||||
{
|
||||
"type": "HEADER",
|
||||
"value": "При́тчей чте́нїе: (Главы̑ г҃ и҆ и҃.)"
|
||||
},
|
||||
{
|
||||
"type": "TEXT",
|
||||
"value": "Па́мѧть првⷣнагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. Бл҃же́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Чтⷭ҇нѣ́йшаѧ же є҆́сть ка́менїй многоцѣ́нныхъ, все́ же чⷭ҇тно́е недосто́йно є҆ѧ̀ є҆́сть. Долгота́ бо дне́й, и҆ лѣ̑та живота̀ въ десни́цѣ є҆ѧ̀: въ шꙋ́йцѣ же є҆ѧ̀ бога́тство, и҆ сла́ва. Ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ млⷭ҇ть на ѧ҆зы́цѣ но́ситъ. Послꙋ́шайте ᲂу҆́бѡ менѐ, ѽ ча̑да! Чтⷭ҇на̑ѧ во рекꙋ̀: и҆ бл҃же́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ совѣ́тъ, и҆ ра́зꙋмъ и҆ смы́слъ а҆́зъ призва́хъ. Мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. Разꙋмѣ́йте ᲂу҆́бѡ неѕло́бивїи кова́рство, ненака́заннїи же прилага́йте сердца̀. Послꙋ́шайте менѐ и҆ па́ки, чтⷭ҇на̑ѧ бо рекꙋ̀, и҆ ѿве́рзꙋ ѿ ᲂу҆сте́нъ пра̑ваѧ: ꙗ҆́кѡ и҆́стинѣ поꙋчи́тсѧ горта́нь мо́й, ме́рзки же предо мно́ю ᲂу҆стны̀ лжи̑выѧ. Съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно: Всѧ̑ пра̑ва сꙋ́ть разꙋмѣва́ющымъ, и҆ прѡ́ста ѡ҆брѣта́ющымъ ра́зꙋмъ. Наꙋчꙋ̀ во ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
||||
},
|
||||
{
|
||||
"type": "HEADER",
|
||||
"value": "При́тчей чте́нїе: (Главы̑ і҃ и҆ а҃і.)"
|
||||
},
|
||||
{
|
||||
"type": "TEXT",
|
||||
"value": "Оу҆ста̀ првⷣнагѡ ка́плютъ премꙋ́дрость, ѧ҆зы́къ же непра́веднагѡ поги́бнетъ. Оу҆стнѣ̀ мꙋже́й првⷣныхъ ка́плютъ бл҃года̑ти, ᲂу҆ста́ же нечести́выхъ развраща́ютсѧ. Мѣ̑рила льсти̑ваѧ ме́рзость пред̾ гдⷭ҇емъ: вѣ́съ же првⷣный прїѧ́тенъ є҆мꙋ̀. И҆дѣ́же а҆́ще вни́детъ досажде́нїе: та́мѡ и҆ безче́стїе: ᲂу҆ста́ же смире́нныхъ поꙋча́ютсѧ премꙋ́дрости. Соверше́нїе пра́выхъ наста́витъ и҆̀хъ, и҆ поползнове́нїе ѿрица́ющихсѧ ᲂу҆пасе́тъ и҆̀хъ: Не по́льзꙋютъ и҆мѣ̑нїѧ въ де́нь ꙗ҆́рости, пра́вда же и҆зба́витъ ѿ сме́рти. Оу҆́меръ првⷣный, ѡ҆ста́ви раска́ѧнїе: нарꙋ́чна же быва́етъ и҆ посмѣѧ́тельна нечести́выхъ па́гꙋба. Пра́вда непоро́чнагѡ и҆справлѧ́етъ пꙋти̑, въ нече́стїе же па́даетъ непра́вда. Пра́вда мꙋже́й пра́выхъ и҆зба́витъ и҆̀хъ: безсовѣ́тїемъ же плѣнѧ́ютсѧ беззако́ннїи. Сконча́вшꙋсѧ мꙋ́жꙋ првⷣнꙋ, не поги́бнетъ наде́жда: похвала́ же нечести́выхъ поги́бнетъ. Првⷣникъ ѿ ло́ва ᲂу҆бѣ́гнетъ, вмѣ́стѡ же є҆гѡ̀ предае́тсѧ нечести́вый. Во ᲂу҆стѣ́хъ нечести́выхъ сѣ́ть гра́жданѡмъ, чꙋ́вство же првⷣныхъ бл҃госпѣ́шное. Во бл҃ги́хъ првⷣныхъ и҆спра́витсѧ гра́дъ, и҆ въ поги́бели нечести́выхъ ра́дованїе: Во бл҃гослове́нїи пра́выхъ возвы́ситсѧ гра́дъ, ᲂу҆сты̑ же нечести́выхъ раскопа́етсѧ. Рꙋга́етсѧ гра́жданѡмъ лише́нный ра́зꙋма, мꙋ́жъ же мꙋ́дрый безмо́лвїе во́дитъ."
|
||||
},
|
||||
{
|
||||
"type": "HEADER",
|
||||
"value": "Премꙋ́дрости соломѡ́новы чте́нїе: (Глава̀ д҃.)"
|
||||
},
|
||||
{
|
||||
"type": "TEXT",
|
||||
"value": "Првⷣникъ а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна: нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ, преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: Оу҆го́дна бо бѣ̀ гдⷭ҇ви дꙋша̀ є҆гѡ̀. Сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ в҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: До́ме є҆ѵфра́ѳовъ:"
|
||||
},
|
||||
{
|
||||
"type": "TEXT",
|
||||
"value": "До́ме дх҃а ст҃а́гѡ и҆ црⷭ҇твїѧ наслѣ́дниче, бл҃же́нства дости́глъ є҆сѝ, ст҃е мака́рїе, моли́сѧ ѡ҆ при́снѡ сла́вѧщихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
||||
},
|
||||
{
|
||||
"type": "TEXT",
|
||||
"value": "Бл҃же́нне и҆ чꙋ́дне, мꙋ́жꙋ жела́нїй гдⷭ҇нихъ и҆ за́повѣдей є҆гѡ̀ ревни́телю, ст҃е мака́рїе, моли́сѧ ѡ҆ при́снѡ воспѣва́ющихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Препоѧсꙋ́ѧсѧ ѻ҆рꙋ́жїемъ твои́мъ, и҆ налѧцы̀, и҆ ᲂу҆спѣва́й, и҆ црⷭ҇твꙋй и҆́стины ра́ди, кро́тости и҆ пра́вды."
|
||||
},
|
||||
{
|
||||
"type": "TEXT",
|
||||
"value": "Же́зле милосе́рдїѧ, па́лице бл҃года́ти, ᲂу҆го́дниче хрⷭ҇то́въ, па́стырю и҆́стиненъ. Моли́сѧ ѡ҆ при́снѡ блажа́щихъ тѧ̀."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ и҆ подо́бенъ то́йже:"
|
||||
},
|
||||
{
|
||||
"type": "TEXT",
|
||||
"value": "Собо́ръ ст҃ы́хъ рꙋ́сскихъ, и҆́же тща́нїемъ твои́мъ, ст҃и́телю, ди́внѡ просла́вленъ бы́сть, съ весе́лїемъ вопїе́тъ тѝ: ра́дꙋйсѧ, мака́рїе, бл҃же́нствꙋ тезоимени́тый."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, пра́здника."
|
||||
},
|
||||
{
|
||||
"type": "HEADER",
|
||||
"value": "Тропа́рь, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ вели̑кимъ па́стырємъ є҆динонра́вна и҆ ᲂу҆чи́телємъ вселе́нныѧ є҆диномы́сленна, бж҃їѧ премꙋ́дрости слꙋжи́телѧ и҆зрѧ́дна, и҆́же бл҃же́нствꙋ тезоимени́тꙋ, дне́сь вѣ́рнїи всѝ воспои́мъ: хрⷭ҇та̀ бг҃а молѝ, ст҃и́телю мака́рїе. Оу҆мири́ти мі́ръ и҆ сп҃стѝ дꙋ́шы на́шѧ."
|
||||
},
|
||||
{
|
||||
"type": "HEADER",
|
||||
"value": "На ᲂу҆́трени. На Бг҃ъ гдⷭ҇ь, тропа́рь пра́здника, два́жды, сла́ва, ст҃а́гѡ, и҆ ны́нѣ, пра́здника."
|
||||
},
|
||||
{
|
||||
"type": "HEADER",
|
||||
"value": "По а҃-мъ стїхосло́вїи сѣда́ленъ, гла́съ д҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Вознесы́йсѧ:"
|
||||
},
|
||||
{
|
||||
"type": "TEXT",
|
||||
"value": "Дне́сь ст҃и́телѧ хрⷭ҇то́ва мака́рїа пречестна́ѧ па́мѧть свѣ́тлѡ возсїѧ̀ на́мъ. Сїѧ́нїемъ кни́жныхъ списа́нїй просвѣти́лъ є҆́сть вѣ́рныхъ собо́ры и҆ ны́нѣ мо́литъ хрⷭ҇та̀ бг҃а дарова́ти на́мъ и҆́стинное вѣ́дѣнїе є҆гѡ̀ бжⷭ҇твенныхъ за́повѣдей."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, пра́здника."
|
||||
},
|
||||
{
|
||||
"type": "HEADER",
|
||||
"value": "По полѷеле́и сѣда́ленъ, гла́съ и҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное та́йнѡ:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ со́лнце пресвѣ́тлое, возсїѧ́лъ є҆сѝ рꙋ́сстѣй землѝ добродѣ́тельми твои́ми и҆ непоро́чнымъ житїе́мъ, ѿгонѧ́ѧ страсте́й ѡ҆мрачє́нїѧ, ѻ҆́тче ст҃и́телю хрⷭ҇то́въ. Сегѡ̀ ра́ди вопїе́мъ тѝ: ра́дꙋйсѧ, бл҃же́нне мака́рїе, похвало̀ цр҃кве хрⷭ҇то́вы и҆ вели́кїй чꙋдотво́рче."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Ты̀ є҆сѝ бж҃е́ственнаѧ сѣ́нь сло́ва, є҆ди́на пречⷭ҇таѧ бг҃ома́ти, чⷭ҇тото́ю а҆́гг҃лы превозше́дшаѧ, ѡ҆чи́сти на́съ ѿ грѣхѡ́въ и҆ всѧ́кїѧ скве́рны, бг҃оневѣ́стнаѧ."
|
||||
},
|
||||
{
|
||||
"type": "HEADER",
|
||||
"value": "Та́же степє́нна, а҃-й а҆нтїфѡ́нъ д҃-гѡ гла́са."
|
||||
},
|
||||
{
|
||||
"type": "HEADER",
|
||||
"value": "Прокі́менъ, гла́съ д҃:"
|
||||
},
|
||||
{
|
||||
"type": "TEXT",
|
||||
"value": "Честна̀ пред̾ гдⷭ҇емъ сме́рть прпⷣбныхъ є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
||||
},
|
||||
{
|
||||
"type": "HEADER",
|
||||
"value": "Є҆ѵⷢ҇лїе ѿ і҆ѡа́нна, зача́ло л҃ѕ."
|
||||
},
|
||||
{
|
||||
"type": "HEADER",
|
||||
"value": "По н҃-мъ ѱалмѣ̀ стїхи́ра, гла́съ ѕ҃:"
|
||||
},
|
||||
{
|
||||
"type": "TEXT",
|
||||
"value": "Є҆гда̀ въ нощѝ молѧ́шесѧ пречꙋ́дный мака́рїй, тогда̀ со тре́пѣтомъ зрѧ́ше видѣ́нїе стра́шное, и҆ ᲂу҆́жасомъ ѡ҆держи́мь, сле́зы и҆сточа́ѧ, вопїѧ́ше: ѽ гдⷭ҇и, ка́кѡ мнѣ̀ ви́дѣти сїѐ: грѧде́тъ нече́стїе, кро́ве проли́тїе и҆ раздѣле́нїе землѝ рꙋ́сскїѧ, но, ѽ і҆и҃се, молю́сѧ прилѣ́жнѡ, пощадѝ, и҆ а҆́ще не поми́лꙋеши, не да́ждь мнѣ̀ ви́дѣти сїѐ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ ст҃и́телѧ, гла́съ д҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мо́рѧ чермнꙋ́ю пꙋчи́нꙋ невла́жными стопа́ми дре́внїй пѣшеше́ствовавъ і҆и҃ль, крⷭ҇тоѡбра́зныма мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть."
|
||||
},
|
||||
{
|
||||
"type": "TEXT",
|
||||
"value": "Вели́кїй цр҃ю̀, содѣ́телю всѣ́хъ, ѡ҆чи́сти бл҃гоꙋтро́бїемъ дꙋ́шꙋ мою̀ и҆ ѿженѝ страсте́й ѡ҆мрачє́нїѧ, да возвели́чꙋ, сп҃се, ᲂу҆го́дника твоего̀, ст҃и́телѧ мака́рїа."
|
||||
},
|
||||
{
|
||||
"type": "TEXT",
|
||||
"value": "Пра́вды бж҃їѧ взыскꙋ́ѧ, и҆змла́да хрⷭ҇тꙋ̀ послѣ́дꙋѧ, ѻ҆би́тели прпⷣбнагѡ пафнꙋ́тїа дости́глъ є҆сѝ, ст҃е мака́рїе, и҆дѣ́же мнѡ́гаѧ лѣ̑та во ᲂу҆ста́вѣ пребы́въ, житїѐ жесто́кое и҆ благо́е вкꙋси́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Лѣ́ствицею добродѣ́телей на нб҃са̀ возше́лъ є҆сѝ, тѣ́мъ и҆ хрⷭ҇то́съ тѧ̀, ст҃и́телю, є҆щѐ на землѝ сꙋ́ща, въ мѣ́рꙋ во́зраста приведѐ и҆ ѻ҆би́тели можа́йскїѧ наста́вника поста́ви."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ни́во дꙋхо́внаѧ, ꙗ҆́коже и҆з̾ бразды̀ кла́съ, и҆знесла̀ є҆сѝ всю̀ тва́рь пита́ющаго всѧ́чески, приснодв҃о."
|
||||
},
|
||||
{
|
||||
"type": "TEXT",
|
||||
"value": "Катава́сїа: Хрⷭ҇то́съ ражда́етсѧ:"
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
|
||||
},
|
||||
{
|
||||
"type": "TEXT",
|
||||
"value": "Є҆ди́нымъ по́мысломъ къ бг҃ꙋ ᲂу҆стреми́всѧ, во ѻ҆би́телехъ прпⷣбныхъ пафнꙋ́тїа и҆ ѳерапо́нта пребы́лъ є҆сѝ во всѧ́цѣмъ воздержа́нїи, ѿѻнꙋ́дꙋже ко ст҃и́тельствꙋ бг҃омъ призва́нъ бы́въ, мака́рїе досточꙋ́дне."
|
||||
},
|
||||
{
|
||||
"type": "TEXT",
|
||||
"value": "Ст҃ы́ѧ цр҃кве нова́града па́стырь и҆ ᲂу҆чи́тель бы́лъ є҆сѝ, хра́мы ᲂу҆краша́ѧ и҆ дꙋхо́вною добро́тою лю́ди и҆сполнѧ́ѧ, предѣ́лы нова́града свѣ́томъ хрⷭ҇то́вы вѣ́ры просвѣща́ѧ, бл҃же́нне ѻ҆́тче мака́рїе."
|
||||
},
|
||||
{
|
||||
"type": "TEXT",
|
||||
"value": "Писа̑нїѧ ѻ҆тє́ческаѧ возлюби́лъ є҆сѝ, бл҃же́нне ст҃и́телю, и҆ цр҃ковь премꙋ́дрости бж҃їѧ сщ҃е́нными лѣ́потами преꙋкраси́лъ є҆сѝ, возвели́чивъ ю҆̀ ᲂу҆че́нїемъ бг҃огла́снымъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ме́ртвости и҆ тлѝ и҆зба́висѧ ро́дъ человѣ́чь, є҆стество́мъ бо жизнода́вца безсѣ́меннѡ родила̀ є҆сѝ, дв҃о всенепоро́чнаѧ, во сп҃се́нїе восхвалѧ́ющихъ тѧ̀ вѣ́рнѡ."
|
||||
},
|
||||
{
|
||||
"type": "TEXT",
|
||||
"value": "Катава́сїа: Пре́жде вѣ̑къ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Наста́вника и҆́ночествꙋющихъ, пафнꙋ́тїа прпⷣбнаго, блажи́тъ гра́дъ бо́ровскъ, сла́витъ можа́йскъ ѳерапо́нта бл҃же́ннаго, но́вградъ восхвалѧ́етъ а҆леѯа́ндра сви́рскаго со і҆ѡ́ною ст҃и́телемъ, славосло́витъ сла́внѣйшїй гра́дъ москва̀ первопресто́льника і҆ѡ́нꙋ со и҆ны́ми чꙋдотво́рцы, ты́ же ѿ всѣ́хъ си́хъ вкꙋ́пѣ славосло́вїе прїе́млеши, мака́рїе чꙋ́дне."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ:"
|
||||
},
|
||||
{
|
||||
"type": "TEXT",
|
||||
"value": "Патрїа́рхъ і҆а́кѡвъ, ꙗ҆́снѡ прови́дѣвъ, сп҃се, вєли́чїѧ строе́нїѧ твоегѡ̀, вопїѧ́ше дꙋ́хомъ ко і҆ꙋ́дѣ, глаго́лѧ та́йнѡ: ѿ лѣ́торасли возше́лъ є҆сѝ, сн҃е мо́й, возвѣща́ѧ тѧ̀ ѿ дв҃ы бг҃а."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Любвѐ ра́ди, ще́дре, твоегѡ̀ ѻ҆́браза на крⷭ҇тѣ̀ твое́мъ ста́лъ є҆сѝ, и҆ раста́ѧшасѧ ꙗ҆зы́цы: ты́ бо є҆сѝ, чл҃вѣколю́бче, крѣ́пость моѧ̀ и҆ хвале́нїе."
|
||||
},
|
||||
{
|
||||
"type": "TEXT",
|
||||
"value": "Трⷪ҇цꙋ, ѻ҆ц҃а̀, сн҃а и҆ ст҃а́го дх҃а, а҆пⷭ҇тольски проповѣ́дати повелѣ́лъ є҆сѝ, непросвѣще́ннꙋю ло́пь и҆ и҆ны̑ѧ сѣ́вєрныѧ ꙗ҆зы́ки ко хрⷭ҇тꙋ̀ приве́лъ є҆сѝ, низверга́ѧ бѣсѡ́вскаѧ трє́бища, и҆ на́съ просвѣтѝ, ст҃и́телю, свѣ́томъ и҆́стиннагѡ позна́нїѧ."
|
||||
},
|
||||
{
|
||||
"type": "TEXT",
|
||||
"value": "И҆́мѧ твоѐ, вели́кїѧ добродѣ́тели ра́ди, всю́дꙋ проповѣ́дано бы́сть, ꙗ҆́кѡ и҆з̾ са́мыѧ ст҃ы́ѧ землѝ, и҆дѣ́же гдⷭ҇ь на́шъ пло́тїю ра́спѧтъ бы́сть, сщ҃є́нныѧ да́ры прїѧ́ти сподо́билсѧ є҆сѝ, на́мъ же молѝ, ѻ҆́тче мака́рїе, нбⷭ҇нагѡ і҆ерⷭ҇ли́ма дости́гнꙋти."
|
||||
},
|
||||
{
|
||||
"type": "TEXT",
|
||||
"value": "А҆рхїпа́стырски трꙋди́всѧ, бж҃їимъ про́мысломъ прее́мникъ и҆ наслѣ́дникъ моско́вскихъ ст҃и́телей бы́ти сподо́билсѧ є҆сѝ, и҆дѣ́же чꙋ́дными добродѣ́тельми ᲂу҆краси́лсѧ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: А҆да́мъ свободи́сѧ, и҆ є҆́ѵа ликꙋ́етъ, и҆ вопїю́тъ дꙋ́хомъ къ тебѣ̀, бг҃оро́дице: тобо́ю и҆зба́вихомсѧ перворо́дныѧ клѧ́твы, ꙗ҆́вльшꙋсѧ хрⷭ҇тꙋ̀."
|
||||
},
|
||||
{
|
||||
"type": "TEXT",
|
||||
"value": "Катава́сїа: Же́злъ и҆з̾ ко́рене і҆ессе́ова:"
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀, гдⷭ҇и, мо́й свѣ́тъ, въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆з̾ мра́чна невѣ́дѣнїѧ вѣ́рою воспѣва́ющыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Моско́вскагѡ престо́ла ᲂу҆краше́нїе ди́вное бы́лъ є҆сѝ, ст҃и́телю, тѣ́мже и҆ лю́дїе всѝ чꙋ́дна нареко́ша тѧ̀, съ ни́миже и҆ мы̀ ны́нѣ пра́зднꙋюще па́мѧть твою̀, согла́снѡ тѧ̀ велича́емъ."
|
||||
},
|
||||
{
|
||||
"type": "TEXT",
|
||||
"value": "И҆́же добро́тѣ цр҃ко́внѣй поревнова́въ, вєли́кїѧ и҆ ди̑вныѧ собо́ры созва́лъ є҆сѝ, и҆́миже нѡ́вымъ чꙋдотво́рцємъ землѝ рѡссі́йскїѧ пра́зднованїе ᲂу҆тверди́сѧ, и҆ та́кѡ цр҃ковь рꙋ́сскаѧ просїѧ̀ пѡ́двиги ча̑дъ свои́хъ, ꙗ҆́коже пе́рлы драгоцѣ́нными."
|
||||
},
|
||||
{
|
||||
"type": "TEXT",
|
||||
"value": "Всеѧ̀ землѝ рꙋ́сскїѧ благоче́стїе пости́глъ є҆сѝ, ѻ҆́тче мака́рїе, мꙋчениколю́бче преизрѧ́дне, ꙗ҆́кѡ пчела̀, ѿовсю́дꙋ дꙋхо́вное сокро́вище собра́въ, и҆ ꙗ҆́кѡ же́ртвꙋ благопрїѧ́тнꙋю на свѣ́щницѣ цр҃ко́внѣй возже́глъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Рꙋно̀ ѡ҆роше́нное, дв҃о, пла́мень грѣхѡ́въ мои́хъ ᲂу҆гасѝ, кꙋпино̀ неѡпали́маѧ, страсте́й мои́хъ те́рнїе попалѝ, подаю́щи мѝ на водѣ̀ ᲂу҆покое́нїѧ жи́ти, и҆ гее́нскагѡ мѧ̀ ѻ҆гнѧ̀ свободѝ."
|
||||
},
|
||||
{
|
||||
"type": "TEXT",
|
||||
"value": "Катава́сїа: Бг҃ъ сы́й ми́ра:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ ра́ди млⷭ҇ти ѿ ре́бръ твои́хъ и҆сте́кшею кро́вїю."
|
||||
},
|
||||
{
|
||||
"type": "TEXT",
|
||||
"value": "Си́мъ же ѻ҆́бразомъ, ꙗ҆́кѡ ст҃і́и ди́внѡ просла́влени бы́ша, си́це ре́вностнѡ потща́лсѧ є҆сѝ, ст҃и́телю, собесѣ́дникъ благочести́выхъ мꙋже́й бы́ти, ѻ҆́выхъ ᲂу҆́бѡ ѻ҆би́тєли стро́ити благослови́вый, ѡ҆́вымъ потрє́бнаѧ подава́ѧ, и҆ны́хъ же хрⷭ҇та̀ проповѣ́дати посыла́ѧ, бл҃же́ннаго же васі́лїа моско́вскаго свои́ма рꙋка́ма погребстѝ сподо́бивыйсѧ, съ ни́миже молѝ сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Всѣ̑мъ ѻ҆́бразъ вѣ́ры и҆ воздержа́нїѧ ꙗ҆ви́лсѧ є҆сѝ, ѡ҆ ста́дѣ хрⷭ҇то́вѣ попече́нїе нелѣ́ностное и҆мѣ́ѧ, моско́вскагѡ первопресто́льнагѡ гра́да и҆ всеѧ̀ рѡссі́йскїѧ землѝ ᲂу҆твержде́нїе, мака́рїе бг҃олюби́ве, молѝ сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Трⷪ҇цкїѧ ѻ҆би́тели настоѧ́телѧ высо́кимъ са́номъ почти́лъ є҆сѝ, поста́вивъ ю҆̀ превы́шѣ всѣ́хъ, тѣ́мже любо́вь къ се́ргїю прпⷣбномꙋ показꙋ́ѧ и҆ грѧдꙋ̑щаѧ ст҃ы́ѧ ѻ҆би́тели предначертава́ѧ. Мы́ же, ст҃и́телю, дивѧ́щесѧ твое́й премꙋ́дрости, взыва́емъ: молѝ сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Лѣ́ствице нбⷭ҇наѧ и҆ голꙋби́це неземна́ѧ, всѝ ро́ди вѣ́рныхъ согла́снѡ тѧ̀ ᲂу҆блажа́ютъ, ꙗ҆́кѡ бг҃оневѣ́стнꙋю мт҃рь хрⷭ҇та̀ бг҃а на́шегѡ."
|
||||
},
|
||||
{
|
||||
"type": "TEXT",
|
||||
"value": "Катава́сїа: И҆з̾ ᲂу҆тро́бы і҆ѡ́нꙋ:"
|
||||
},
|
||||
{
|
||||
"type": "HEADER",
|
||||
"value": "Конда́къ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Бг҃омꙋ́дрымъ ᲂу҆че́нїемъ и҆ кни́жнымъ списа́нїемъ потща́лсѧ є҆сѝ. Ст҃и́телю мака́рїе, лю́ди рѡссі̑йскїѧ просвѣти́ти и҆ ст҃ы́хъ землѝ на́шеѧ просла́вити. Сегѡ̀ ра́ди чꙋ́денъ пронарече́сѧ, прее́мниче первопресто́льникѡвъ рѡссі́йскихъ, молѝ сохрани́тисѧ на́мъ въ вѣ́рѣ и҆ благоче́стїи невреди́мѡ."
|
||||
},
|
||||
{
|
||||
"type": "TEXT",
|
||||
"value": "І҆́косъ: Па́ѵловꙋ словесѝ поревнова́въ, ст҃и́телю мака́рїе, пѣ́сньми почти́лъ є҆сѝ рѡссі́йскихъ па́стырей, ᲂу҆чи́телей и҆ наста́вникѡвъ, приснобдѧ́щихъ пред̾ прⷭ҇то́ломъ нбⷭ҇нагѡ цр҃ѧ̀ ѡ҆ на́шемъ ѻ҆те́чествѣ, съ ни́миже ра́дꙋѧсѧ ны́нѣ, молѝ хрⷭ҇та̀ бг҃а сохрани́тисѧ на́мъ въ вѣ́рѣ и҆ благоче́стїи невреди́мѡ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю бл҃гоче́стїѧ па́че, не́жели пла́менемъ, ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Врє́днаѧ и҆ па̑гꙋбнаѧ є҆реті́ческихъ шата́нїй собо́рнѣ ѡ҆сꙋди́лъ є҆сѝ, ст҃и́телю хрⷭ҇то́въ, всѣ́хъ же правосла́вныхъ въ вѣ́рѣ въ трⷪ҇цꙋ є҆диносꙋ́щнꙋю ᲂу҆крѣпи́лъ є҆сѝ, пред̾ ст҃ы́ми і҆кѡ́нами воспѣва́ющихъ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "И҆знесе́ тѧ, ст҃и́телю, землѧ̀ рꙋ́сскаѧ побо́рника вѣ́ры и҆ благоче́стїѧ, ревни́телѧ ѻ҆те́ческихъ преда́нїй и҆ ᲂу҆твержде́нїй, да наꙋчи́ши на́съ взыва́ти: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Смире́нъ, кро́токъ и҆ ми́лостивъ бы́лъ є҆сѝ, ст҃и́телю, ѻ҆троча̀ нра́вомъ ѡ҆брѣта́ѧсѧ и҆ соверше́нъ бы́въ ра́зꙋмомъ. Мы́ же, дивѧ́щесѧ твои̑мъ добродѣ́телємъ и҆ по́двигѡмъ, взыва́емъ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ є҆ди́нꙋ преесте́ственнѡ па́че человѣ́ка бл҃года́ть во твою̀ ᲂу҆тро́бꙋ прїе́мшꙋю, без̾ и҆стлѣ́нїѧ нетлѣ́ннѡ ро́ждшꙋю хрⷭ҇та̀ бг҃а на́шего, при́снѡ тѧ̀ сла́вимъ."
|
||||
},
|
||||
{
|
||||
"type": "TEXT",
|
||||
"value": "Катава́сїа: Ѻ҆́троцы, бл҃гоче́стїю совоспита́ни:"
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Рꙋ́цѣ распросте́ръ данїи́лъ львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, бл҃гоче́стїѧ рачи́тєли, ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Пѣ́нїе сїѐ на́ше скꙋ́дное и҆ похвале́нїе недосто́йное прїимѝ, чꙋ́дне мака́рїе, да не вотщѐ взыва́емъ къ прⷭ҇то́лꙋ всевы́шнѧгѡ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Вєли́каѧ дѣѧ̑нїѧ твоѧ̑ ѡ҆ прославле́нїи ст҃ы́хъ и҆ просвѣще́нїи наро́да рꙋ́сскагѡ подвиза́ютъ, досточꙋ́дне мака́рїе, на́съ немо́лчнѡ пѣ́ти бг҃ꙋ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Похвалꙋ̀ вели́кꙋю бг҃ꙋ возда́лъ є҆сѝ, всебл҃же́нне, ѡ҆ просвѣще́нїи невѣ́рнагѡ гра́да каза́ни, є҆мꙋ́же ст҃и́телѧ гꙋ́рїа поста́вилъ є҆сѝ, тѣ́мже рꙋ́сстїи лю́дїе ѡ҆ таковѣ́й бж҃їей ми́лости ра́достїю возопи́ша: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Чꙋ́дномꙋ бл҃говѣ́щенїю ᲂу҆диви́сѧ пречⷭ҇таѧ дв҃а, неискꙋсомꙋ́жномꙋ ржⷭ҇твꙋ̀ є҆ѧ̀ возра́довахꙋсѧ па́стырїе, собо́ри вѣ́рныхъ дивѧ́тсѧ ᲂу҆спе́нїю є҆ѧ̀ сла́вномꙋ, вопїю́ще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Катава́сїа: Чꙋ́да преесте́ственнагѡ:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀, тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стества̀. Тѣ́мъ, веселѧ́щесѧ, тѧ̀, бг҃оро́дице, велича́емъ."
|
||||
},
|
||||
{
|
||||
"type": "TEXT",
|
||||
"value": "Мака́рїа вели́кагѡ и҆́мѧ носи́лъ є҆сѝ, є҆гѡ̀ житїю̀ послѣ́дꙋѧ въ постѣ̀ и҆ по́двизѣхъ, воздержа́нїи и҆ кро́тости, тѣ́мъ тѧ̀, ст҃и́телю, велича́емъ. Два́жды."
|
||||
},
|
||||
{
|
||||
"type": "TEXT",
|
||||
"value": "Ри́зами погреба́льными ѡ҆дѣ́ѧнꙋ и҆ на сме́ртнѣмъ ѻ҆дрѣ́ ти лежа́щꙋ, собо́ръ наро́да мнѡ́жества, ви́дѣвше тѧ̀ не ꙗ҆́кѡ ме́ртва, но спѧ́ща, ли́къ же тво́й, ꙗ҆́кѡ свѣ́томъ, сїѧ́ющь, ᲂу҆диви́шасѧ и҆ сла́вꙋ возда́ша всеси́льномꙋ бг҃ꙋ, прославлѧ́ющемꙋ ᲂу҆гѡ́дники своѧ̑."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ю҆́же и҆ногда̀ і҆а́кѡвъ ви́дѣ, чꙋ́днꙋю лѣ́ствицꙋ, ѿ землѝ просте́ртꙋ къ нбⷭ҇нѣй высотѣ̀, и҆сповѣ́даемъ тѧ̀, пречⷭ҇таѧ бг҃оро́дице: тобо́ю бо зємна́ѧ и҆ нбⷭ҇наѧ ѡ҆́бщницы ꙗ҆ви́шасѧ."
|
||||
},
|
||||
{
|
||||
"type": "TEXT",
|
||||
"value": "Катава́сїа: Та́инство стра́нное:"
|
||||
},
|
||||
{
|
||||
"type": "TEXT",
|
||||
"value": "Свѣти́ленъ: Свѣ́томъ бл҃года́ти просвѣще́нъ бы́лъ є҆сѝ, ст҃и́телю мака́рїе, рѡссі́йскихъ ᲂу҆го́дникѡвъ и҆ моли́твенникѡвъ на́шихъ пѣ́сньми свѣ́тлѡ просла́вилъ є҆сѝ, съ ни́миже во свѣ́тлостехъ ст҃ы́хъ веселѧ́сѧ ны́нѣ, молѝ хрⷭ҇та̀ бг҃а сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, пра́здника."
|
||||
},
|
||||
{
|
||||
"type": "HEADER",
|
||||
"value": "На хвали́техъ стїхи̑ры, гла́съ ѕ҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Тридне́венъ:"
|
||||
},
|
||||
{
|
||||
"type": "TEXT",
|
||||
"value": "Бл҃же́нъ и҆ ми́лостивъ а҆рхїере́й ꙗ҆ви́лсѧ є҆сѝ, ѻ҆́тче ст҃и́телю мака́рїе, предста́лъ є҆сѝ поми́лованъ прⷭ҇то́лꙋ бж҃їю, и҆дѣ́же со всѣ́ми ст҃ы́ми бг҃а въ трⷪ҇цѣ восхвалѧ́еши."
|
||||
},
|
||||
{
|
||||
"type": "TEXT",
|
||||
"value": "Бл҃же́нъ и҆ кро́токъ па́стырь ѻ҆ве́цъ дꙋхо́вныхъ бы́лъ є҆сѝ, ѻ҆́тче ст҃и́телю мака́рїе, наслѣ́довалъ є҆сѝ па̑жити вѣ̑чныѧ, и҆дѣ́же со ст҃ы́ми землѝ на́шеѧ гдⷭ҇а си́лъ прославлѧ́еши."
|
||||
},
|
||||
{
|
||||
"type": "TEXT",
|
||||
"value": "Бл҃же́нъ и҆ чи́стъ се́рдцемъ, и҆́мже бг҃а ᲂу҆зрѣ́лъ є҆сѝ, ѻ҆́тче ст҃и́телю мака́рїе, сподо́билсѧ є҆сѝ красоты̀ ра́йскїѧ, и҆дѣ́же съ ли́ки а҆́гг҃льскими ѻ҆ц҃а̀ свѣ́тѡвъ сла́виши."
|
||||
},
|
||||
{
|
||||
"type": "TEXT",
|
||||
"value": "Бл҃же́нства зрѣ́лый кла́съ, є҆го́же нището́ю дꙋ́ха возрасти́лъ є҆сѝ, ѻ҆́тче ст҃и́телю мака́рїе, пожа́лъ є҆сѝ во црⷭ҇твїи нбⷭ҇нѣмъ, къ семꙋ́ же бога́тствꙋ нетлѣ́нномꙋ и҆ на́съ, земноро́дныхъ, призыва́еши."
|
||||
},
|
||||
{
|
||||
"type": "HEADER",
|
||||
"value": "Сла́ва, гла́съ в҃:"
|
||||
},
|
||||
{
|
||||
"type": "TEXT",
|
||||
"value": "Па́стырю до́брый, ст҃и́телю хрⷭ҇то́въ мака́рїе чꙋ́дный, бл҃гоче́стїѧ сто́лпъ бы́лъ є҆сѝ, мно́гими добродѣ́тельми ᲂу҆краси́всѧ: собесѣ́дниче ст҃ы́хъ мꙋже́й, кни́жниче премꙋ́дрый, і҆кѡнопи́сче нарочи́тый, просвѣти́телю и҆зрѧ́дный, є҆ресе́й и҆скорени́телю, моли́твенниче нелѣ́ностный, молѝ сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "И҆ ны́нѣ, пра́здника."
|
||||
},
|
||||
{
|
||||
"type": "HEADER",
|
||||
"value": "Славосло́вїе вели́кое и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "На лїтꙋргі́и слꙋ́жба пра́здника и҆ ст҃и́телѧ."
|
||||
}
|
||||
]
|
||||
Reference in new issue
Block a user