enrich ru lives with Chetyi-Minei texts and track static data
This commit is contained in:
catarrh committed
1 parent
69fd5b7460
commit
7dde2168d1
6512 files changed
+1448065
-5
No files matched your search
@@ -0,0 +1,426 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀, гла́съ в҃, творе́нїе і҆ѡ́сифово, є҆гѡ́же краегране́сїе си́це:"
|
||||
},
|
||||
{
|
||||
"type": "TEXT",
|
||||
"value": "Крⷭ҇тꙋ̀ водрꙋзи́вшꙋсѧ, падѐ бѣсо́вскаѧ пре́лесть."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нетре́нꙋ, неѻбы́чнꙋ, немо́креннѡ морскꙋ́ю ше́ствовавъ стезю̀, и҆збра́нный вопїѧ́ше і҆и҃ль: гдⷭ҇еви пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Распѧ́тїе прїи́мъ, и҆ гвоздьмѝ пригвожде́нъ бы́въ безче́стнѡ, сло́ве, всѧ̑ человѣ́ки почти́ти хотѧ́й, и҆̀же твоѧ̑ вѡ́льнаѧ страда̑нїѧ сла́вѧщыѧ."
|
||||
},
|
||||
{
|
||||
"type": "TEXT",
|
||||
"value": "Просте́рлъ є҆сѝ на крⷭ҇тѣ̀ дла̑ни сп҃се, и҆́же простры́й нб҃о ꙗ҆́кѡ ко́жꙋ, и҆́миже ѡ҆б̾ѧ́тъ ꙗ҆зы́ки и҆ лю́ди, и҆̀же твоѧ̑ вѡ́льныѧ стрⷭ҇ти сла́вѧщыѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Взе́мше крⷭ҇тъ на ра́мо страстоте́рпцы, распе́ншемꙋсѧ послѣ́доваша хрⷭ҇тꙋ̀ те́плѣ, тогѡ̀ соѡбразꙋ́ющесѧ бж҃е́ствєннымъ стрⷭ҇те́мъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Воспѣ́ша а҆́гг҃льскїѧ си̑лы, ви́дѣвше ва̑ша страда̑нїѧ, воспла́касѧ же бѣсѡ́въ мно́жество, побѣдоно́сцы мч҃нцы бг҃озри́тельнѣйшїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сло́во честна́гѡ прⷪ҇ро́ка и҆спо́лнисѧ: ѻ҆рꙋ́жїе бо се́рдце твоѐ про́йде, влⷣчце, є҆гда̀ на крⷭ҇тѣ̀ пригвожде́на ви́дѣла є҆сѝ твоего̀ сн҃а."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ прест҃ѣ́й бцⷣѣ. Гла́съ в҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Грѧди́те лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆з̾ рабо́ты є҆гѵ́петскїѧ: ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же и҆сто́чникъ безстра́стїѧ ро́ждшаѧ, ᲂу҆ѧ́звленаго мѧ̀ страстьмѝ ѻ҆трокови́це и҆сцѣлѝ, и҆ ѻ҆гнѧ̀ вѣ́чнагѡ и҆схитѝ, є҆ди́на бг҃ора́дованнаѧ."
|
||||
},
|
||||
{
|
||||
"type": "TEXT",
|
||||
"value": "Тѣле́сныхъ недꙋ̑гъ и҆зба́ви мѧ̀, и҆ дꙋшѝ моеѧ̀ и҆сцѣлѝ безмѣ̑стныѧ стра̑сти: и҆ ѻ҆гнѧ̀ вѣ́чнагѡ и҆схити́ мѧ, є҆ди́на бг҃обл҃года́тнаѧ."
|
||||
},
|
||||
{
|
||||
"type": "TEXT",
|
||||
"value": "Под̾ твою̀ ны́нѣ прибѣга́ю бл҃гость, дв҃о мт҃и пречⷭ҇таѧ, и҆зба́ви раба̀ твоего̀ дꙋше́вныхъ болѣ́зней, и҆ страсте́й дꙋшетлѣ́нныхъ, и҆ вѣ́чнагѡ ѻ҆гнѧ̀."
|
||||
},
|
||||
{
|
||||
"type": "TEXT",
|
||||
"value": "Ты̀ влⷣчце моѐ те́плое ѡ҆чисти́лище, къ тебѣ̀ прири́щꙋ и҆ сп҃са́юсѧ, и҆ прїѡбрѣта́ю дꙋше́вное сп҃се́нїе: мо́жеши бо всѣ́хъ сп҃стѝ, ꙗ҆́кѡ мт҃и сꙋ́щи бг҃а."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑. Возвесели́ бо сѧ дꙋ́хъ мо́й внегда̀ пѣ́ти: нѣ́сть ст҃ъ, ꙗ҆́коже бг҃ъ на́шъ, и҆ нѣ́сть пра́веденъ па́че тебѐ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Гро́здъ нетлѣ́нный на дре́вѣ ви́сѧщь, и҆ска́па бж҃е́ственнꙋю сла́дость, сердца̀ веселѧ́щꙋю человѣ́кѡвъ: ѕло́бы же погꙋблѧ́ющꙋю пїѧ́нство бл҃года́тїю, і҆и҃съ и҆зба́витель дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Возне́слсѧ є҆сѝ на дре́во во́лею і҆и҃се, и҆ всѐ дїа́воле ѕлодѣѧ́нїе све́рглъ є҆сѝ: па́дшыѧ же человѣ́ки въ па́гꙋбꙋ ᲂу҆мо́мъ развраще́ннымъ, возне́слъ є҆сѝ многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѻ҆гне́мъ бж҃е́ственныѧ любвѐ распа́льшесѧ, ѻ҆гнѧ̀ не ᲂу҆страши́шасѧ до́блїи, и҆ не ᲂу҆жасо́шасѧ сме́рти, безсмє́ртныѧ да́ры надѣ́ющесѧ воспрїѧ́ти, и҆ ра́дость безконе́чнꙋю, и҆ свѣ́тъ незаходи́мый."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѿ крове́й свои́хъ страстоте́рпцы, пресвѣ́тлꙋю ѡ҆червлени́ша багрѧни́цꙋ, и҆ то́ю ѡ҆дѣ́ѧвшесѧ, десно́ю же рꙋко́ю ꙗ҆́кѡ ски́птръ носѧ́ще бж҃е́ственный крⷭ҇тъ, съ гдⷭ҇емъ всегда̀ ца́рствꙋютъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Чтꙋ́тъ тѧ̀ чи́нове безпло́тныхъ, всѣ́хъ бо влⷣкꙋ плотоно́сца родила̀ є҆сѝ, разрѣши́вшаго дре́вомъ свѧ̑занныѧ всѧ̑, ѻ҆трокови́це бг҃оневѣ́сто, и҆ вѣ̑рныѧ привѧза́вшаго къ любвѝ свое́й."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Родила̀ є҆сѝ безнача́льнаго цр҃ѧ̀, и҆з̾ тебѐ дв҃о мт҃и пло́ть прїе́мша: того̀ ᲂу҆́бѡ ꙗ҆́кѡ чл҃вѣколю́бца молѝ, сп҃стѝ раба̀ твоего̀ ѿ всѧ́кїѧ ско́рби, и҆ бꙋ́дꙋщагѡ ѡ҆сꙋжде́нїѧ."
|
||||
},
|
||||
{
|
||||
"type": "TEXT",
|
||||
"value": "Разорѝ недоꙋмѣ́нїе се́рдца моегѡ̀, ꙗ҆́звы и҆сцѣлѝ, и҆ гноє́нїѧ ѿженѝ бж҃е́ственною твое́ю си́лою: и҆ ᲂу҆миле́нїѧ стрꙋю̀ пода́ждь мѝ, ꙗ҆́же и҆сто́чникъ ро́ждши присноживо́тный."
|
||||
},
|
||||
{
|
||||
"type": "TEXT",
|
||||
"value": "Болѣ́вшꙋю дꙋ́шꙋ мою̀ бѣсо́вскими напа́стьми и҆ ᲂу҆ны́нїемъ, бг҃ороди́тельнице и҆сцѣлѝ: и҆ сле́зы покаѧ́нїѧ да́ждь се́рдцꙋ моемꙋ̀, и҆ влⷣки моегѡ̀ стра́хъ всадѝ въ не́мъ пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Лѣ́ностїю жи́знь мою̀ и҆жди́въ, и҆ страстьмѝ се́рдце моѐ ѡ҆скверни́въ, прихождꙋ̀ къ тебѣ̀ влⷣчце ᲂу҆миле́нїемъ дꙋшѝ, и҆ молю́сѧ: ᲂу҆ще́дри и҆ сп҃си́ мѧ, покаѧ́нїѧ мѧ̀ ѡ҆́бразы ᲂу҆твержда́ющи."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прише́лъ є҆сѝ ѿ дѣ́вы, не хода́тай, ни а҆́гг҃лъ, но са́мъ гдⷭ҇и вопло́щьсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Повѣ́шенъ бы́лъ є҆сѝ на дре́вѣ, повѣ́шей зе́млю на вода́хъ всеси́льне: и҆ копїе́мъ въ ре́бра пробода́емь, кро́вь же съ водо́ю и҆ска́палъ є҆сѝ на и҆збавле́нїе всѣ́хъ."
|
||||
},
|
||||
{
|
||||
"type": "TEXT",
|
||||
"value": "Прободє́нымъ твои̑мъ ре́брѡмъ, и҆сцѣлѣ̀ болѣ́знь моѧ̀: рꙋко́ю по лани́тѣ бїе́нꙋ тѝ свобо́дꙋ ᲂу҆лꙋчи́хъ: же́лчи же вкꙋше́нїемъ, сластна́гѡ и҆зба́вихомсѧ хрⷭ҇тѐ бра́шна."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стрꙋпмѝ ѡ҆стрꙋ́пльше ѕмі́ѧ льсти́ваго, и҆сцѣлѧ́ете стрꙋ́пы серде́цъ на́шихъ, всегда̀ бл҃года́ть и҆сточа́юще ѿ и҆стѡ́чникъ сп҃совыхъ, бж҃е́ственнїи мч҃нцы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Всетѣле́снꙋю ꙗ҆́звꙋ врагꙋ̀ нанеслѝ є҆стѐ всечестні́и, ꙗ҆́звами ѡ҆кровавлѧ́еми, на крⷭ҇тѣ́ же протѧза́еми, и҆ ѡ҆дира́еми, бг҃озра́чнїи стрⷭ҇тоте́рпцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Воплоти́сѧ и҆з̾ пречⷭ҇тыхъ крове́й твои́хъ вы́шнїй: є҆го́же ви́дѧщи на дре́вѣ пречⷭ҇таѧ, без̾ пра́вды воздвиза́ема, стенѧ́ше слезѧ́щи, и҆ тогѡ̀ бл҃гоꙋтро́бїе велича́ла є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пою́ тѧ, слꙋ́хомъ бо гдⷭ҇и ᲂу҆слы́шахъ, и҆ ᲂу҆жасо́хсѧ: до мене́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Пою́ тѧ вои́стиннꙋ всепѣ́таѧ, препѣ́таго бг҃а сло́во па́че є҆стества̀ ро́ждшꙋю: и҆ молю́сѧ, смире́нныѧ дꙋшѝ моеѧ̀ бѡлѣ́зни и҆сцѣлѝ, и҆ ѿ лю́тагѡ мѧ̀ и҆зба́ви ѡ҆сꙋжде́нїѧ."
|
||||
},
|
||||
{
|
||||
"type": "TEXT",
|
||||
"value": "Ѻ҆бы́чнѡ на ны̀ бога̑тыѧ твоеѧ̀ млⷭ҇ти дв҃о ѡ҆роша́й, недꙋ́ги ᲂу҆ставлѧ́ющи, стра̑сти разрꙋша́ющи разли̑чныѧ дꙋшѝ: тѣ́мже разрѣшѝ се́рдца моегѡ̀ плени̑цы грѣхѡ́вныѧ, и҆ болѣ́зней мно́гихъ."
|
||||
},
|
||||
{
|
||||
"type": "TEXT",
|
||||
"value": "Ѡ҆скверни́хъ дꙋ́шꙋ мою̀ страстьмѝ: чⷭ҇тѣ́йшее ты̀ бы́вши пречⷭ҇томꙋ жили́ще, ѡ҆чи́сти бг҃ороди́тельнице, къ свѣ́тꙋ покаѧ́нїѧ наставлѧ́ющи мѧ̀, и҆ ѻ҆гнѧ̀ бꙋ́дꙋщагѡ и҆з̾има́ющи."
|
||||
},
|
||||
{
|
||||
"type": "TEXT",
|
||||
"value": "Оу҆́мъ мо́й пречⷭ҇таѧ влⷣчце просвѣтѝ, молю́сѧ тебѣ̀. Во́лны ᲂу҆тишѝ стра́стнагѡ се́рдца моегѡ̀, плотска̑ѧ хотѣ̑нїѧ потреблѧ́ющи, и҆ ко приста́нищꙋ бж҃е́ственномꙋ приводѧ́щи:"
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́гль и҆са́їи проѧвле́йсѧ, сл҃нце и҆з̾ дѣ́вственныѧ ᲂу҆тро́бы возсїѧ̀, во тьмѣ̀ заблꙋ́ждшымъ, бг҃оразꙋ́мїѧ просвѣще́нїе да́рꙋѧ."
|
||||
},
|
||||
{
|
||||
"type": "TEXT",
|
||||
"value": "За млⷭ҇рдїе прїѡбщи́всѧ крⷭ҇тꙋ̀ влⷣко, и҆з̾ глꙋбины́ мѧ ѕлы́хъ и҆сто́рглъ є҆сѝ, и҆ почти́лъ є҆сѝ сосѣдѣ́нїемъ ѻ҆́ч҃имъ, ѡ҆безче́ствованный во́лею."
|
||||
},
|
||||
{
|
||||
"type": "TEXT",
|
||||
"value": "Те́рнїемъ вѣнча́всѧ, и҆́же вѣнчава́ѧй цвѣ́ты всю̀ зе́млю, страсте́й мои́хъ те́рнїе и҆з̾ ко́рене сѣче́ши сло́ве, и҆ насажда́еши во мнѣ̀ тво́й ра́зꙋмъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крѣ́постїю неможе́нїѧ ва́шегѡ, ст҃і́и мч҃нцы во́лею ѡ҆бло́жшесѧ, и҆ ᲂу҆крѣ́пльшесѧ, бѣсѡ́въ крѣ́пость ѿню́дъ погꙋби́сте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вельмѝ подви́гшесѧ ст҃і́и на землѝ, на нб҃сѣ́хъ ве́лїю сла́вꙋ ѡ҆брѣто́сте, и҆ вели́кихъ бѣ́дъ и҆збавлѧ́ете на́съ, ва́съ чтꙋ́щихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆́же на плещꙋ̀ херꙋві́мскꙋ, на нб҃сѣ́хъ бг҃олѣ́пнѡ носи́мый, ꙗ҆́кѡ вои́стиннꙋ пречⷭ҇таѧ, на рꙋкꙋ̀ твоє́ю сѣ́дый, ра́спѧтъ бы́въ, всѣ́хъ и҆з̾ тлѝ и҆зба́ви."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣще́нїе во тьмѣ̀ лежа́щихъ, сп҃се́нїе ѿча́ѧнныхъ хрⷭ҇тѐ сп҃се мо́й, къ тебѣ̀ ᲂу҆́тренюю цр҃ю̀ ми́ра, просвѣти́ мѧ сїѧ́нїемъ твои́мъ: и҆но́гѡ бо ра́звѣ тебѐ бг҃а не зна́ю."
|
||||
},
|
||||
{
|
||||
"type": "TEXT",
|
||||
"value": "Навѣ́ты и҆ ловле́ньми льсти́вагѡ, ᲂу҆мерщвле́наго ѡ҆живи́ мѧ всенепоро́чнаѧ влⷣчце бцⷣе, ꙗ҆́же ро́ждши жи́знь всѣ́хъ ѵ҆поста́снꙋю: да тѧ̀ пою̀ бл҃гоче́стнѡ всепѣ́тꙋю."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же а҆́гнца и҆ па́стырѧ, ꙗ҆́вльшисѧ дв҃о мт҃и, ᲂу҆паси́ мѧ нра́вомъ заблꙋжде́ннаго, и҆ десны́мъ мѧ̀ сочета́тисѧ ѻ҆вца́мъ, въ де́нь сꙋ́дный сподо́би: ꙗ҆́кѡ да твою̀ бл҃года́ть пою̀ сп҃си́тельнꙋю."
|
||||
},
|
||||
{
|
||||
"type": "TEXT",
|
||||
"value": "Ѿ страсте́й ѡ҆мраче́нїѧ, ѿ собла̑знъ прибыва́ющихъ напа́стьми чꙋжда́гѡ, бꙋ́дꙋщихъ же мꙋ́къ вѣ́чныхъ согрѣша́ющымъ, и҆зба́ви мѧ̀ ѻ҆трокови́це твои́ми мольба́ми, молю́сѧ."
|
||||
},
|
||||
{
|
||||
"type": "TEXT",
|
||||
"value": "Невѣ́сто бж҃їѧ, въ ню́же всели́сѧ є҆ди́но бж҃е́ственное сло́во, всю̀ просвѣща́ющее вселе́ннꙋю, возсїѧ́й мѝ зарю̀ и҆́стиннагѡ покаѧ́нїѧ: ѡ҆зарѝ мнѣ̀ сп҃си̑тельныѧ лꙋчы̀, разорѧ́ющи страсте́й мои́хъ тьмꙋ̀ твои́ми мольба́ми, молю́сѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Гла́съ глагѡ́лъ моле́бныхъ ѿ болѣ́зненныѧ влⷣко, дꙋшѝ ᲂу҆слы́шавъ, ѿ лю́тыхъ мѧ̀ и҆зба́ви: є҆ди́нъ бо є҆сѝ на́шегѡ сп҃се́нїѧ вино́венъ."
|
||||
},
|
||||
{
|
||||
"type": "TEXT",
|
||||
"value": "Плещы̀ вда́въ на ра̑ны, и҆ лани́тѣ твоѝ на ᲂу҆даре́нїе, лице́ же сп҃се на ѡ҆плева́нїе, сп҃слъ мѧ̀ є҆сѝ мно́гѡ тебѣ̀ согрѣши́вшаго въ ра́зꙋмѣ и҆ невѣ́дѣнїи."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже а҆́гнецъ, во є҆́же закла́тисѧ, веде́нъ бы́лъ є҆сѝ хрⷭ҇тѐ бж҃е мо́й: во́лка мы́сленнагѡ ꙗ҆дови́тымъ ᲂу҆грызе́нїемъ ᲂу҆ме́ршихъ па́ки возводѧ̀ къ животꙋ̀: сла́ва распѧ́тїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Зако́ны соблюда́юще мч҃нцы влⷣчнїѧ, беззако́ненъ совѣ́тъ законопрестꙋ́пныхъ ѿню́дъ ᲂу҆клони́ша, и҆ ᲂу҆ме́рше, жи́знь бꙋ́дꙋщꙋю прїѧ́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆полчи́вшесѧ ст҃і́и ра́дꙋющесѧ, къ сопроти́внымъ нача́лѡмъ бж҃е́ственными ѻ҆рꙋ́жїи си́хъ побѣди́сте, и҆ вѣнцы̀ побѣ̑дныѧ прїѧ́сте ѿ бг҃а."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Да ѡ҆божи́тъ человѣ́ка, и҆з̾ тебѐ дв҃о ражда́етсѧ бг҃ъ, и҆ распина́етсѧ, и҆ сме́рть вкꙋша́етъ, ᲂу҆бива́ѧ крⷭ҇то́мъ менѐ дре́вле ᲂу҆би́вшаго."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ бж҃е мѧ̀ возведѝ."
|
||||
},
|
||||
{
|
||||
"type": "TEXT",
|
||||
"value": "Ны́нѣ къ тебѣ̀ прибѣга́ю препѣ́таѧ, сп҃си́ мѧ мл҃твами твои́ми и҆ соблюдѝ: є҆ли̑ка бо хо́щеши, и҆ мо́жеши ꙗ҆́кѡ мт҃и всѧ̑ ᲂу҆крѣплѧ́ющагѡ."
|
||||
},
|
||||
{
|
||||
"type": "TEXT",
|
||||
"value": "Ѡ҆бꙋрева́ема бꙋ́рею печа́лей, и҆ потоплѧ́ема настоѧ́ньми треволне́нїѧ, сп҃си́ мѧ бцⷣе дв҃о раба̀ твоего̀."
|
||||
},
|
||||
{
|
||||
"type": "TEXT",
|
||||
"value": "Млⷭ҇рдїѧ твоегѡ̀ сподо́би мѧ̀, немлⷭ҇рдїемъ и҆ ѕло́бою ѡ҆держи́маго, и҆ томле́нїй предлежа́щихъ и҆ ѻ҆гнѧ̀ вѣ́чнагѡ и҆схити́ мѧ."
|
||||
},
|
||||
{
|
||||
"type": "TEXT",
|
||||
"value": "Грѣхѝ мі́ра взе́млющаго, пречⷭ҇таго а҆́гнца заче́нши родила̀ є҆сѝ всенепоро́чнаѧ, грѣхѡ́въ проще́нїе дарова́ти мѝ, молѧ́щисѧ є҆мꙋ̀ не преста́й."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ, высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Па́дша мѧ̀ престꙋпле́нїемъ воздви́глъ є҆сѝ, на крⷭ҇тъ воздви́женъ и҆́же всѣ́хъ воскрⷭ҇нїе, и҆ совоздвиже́нїе сло́ве: и҆ низве́рглъ є҆сѝ све́ргшаго бори́телѧ, всего̀ бездѣ́льна ме́ртва показа́лъ є҆сѝ. Сла́ва держа́вѣ твое́й."
|
||||
},
|
||||
{
|
||||
"type": "TEXT",
|
||||
"value": "Гвоздьмѝ пригвозди́лъ є҆сѝ хрⷭ҇тѐ грѣхѝ пра́ѻц҃а, тро́стїю же бїе́мь, написа́лъ є҆сѝ свобо́дꙋ всѣ̑мъ чл҃вѣ́кѡмъ. Сла́ва страда́нїю твоемꙋ̀, и҆́мже и҆зба́вихомсѧ тьмы̀ страсте́й."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сѣко́ми бы́ша по тѣлесє́мъ скверноꙋбі́йственными рꙋка́ми, добропобѣ́днїи хрⷭ҇тѡ́вы великомч҃нцы, и҆ пребыва́хꙋ дх҃омъ ѿ бг҃а неразлꙋчи́ми, сѣкꙋ́ще мꙋ́жества мече́мъ, и҆ закала́юще льсти́ваго врага̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крѣ́пость непобори́мꙋю распе́ншагѡсѧ хрⷭ҇та̀ и҆мѣ́ѧ, во́инство непобѣди́мое, гꙋби́тельное во́инство въ коне́цъ погꙋбѝ: пострада́въ же, вѣне́цъ побѣ́ды прїѧ́тъ, жи́знь бл҃же́ннꙋю и҆ неги́блемꙋю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пала́та ѡ҆дꙋшевле́ннаѧ цр҃е́ва, и҆ прⷭ҇то́лъ ѻ҆гнеѡбра́зный дв҃о показа́ласѧ є҆сѝ, на не́мже сѣдѧ̀, воздви́же ѿ пе́рвагѡ паде́нїѧ всѧ̑ человѣ́ки, и҆ сосѣдѣ́нїемъ ѻ҆те́ческимъ почтѐ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Живо́тъ ѵ҆поста́сный на́мъ ро́ждши, сме́ртїю сме́рть ꙗ҆́вѣ погꙋ́бльшїй, стра̑сти ᲂу҆мертвѝ се́рдца моегѡ̀, и҆ и҆сто́чникъ сле́зъ пода́ждь мѝ чⷭ҇таѧ: ꙗ҆́кѡ да при́снѡ сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Наде́жда непосты́днаѧ, ᲂу҆пова́нїе и҆звѣ́стное, и҆ стѣна̀ неѡбори́маѧ, покро́въ же и҆ помо́щница бꙋ́ди мнѣ̀ всенепоро́чнаѧ, ᲂу҆пова́ющемꙋ на тѧ̀: и҆ къ свѣ́тꙋ наста́ви чⷭ҇таѧ покаѧ́нїѧ и҆ ᲂу҆миле́нїѧ."
|
||||
},
|
||||
{
|
||||
"type": "TEXT",
|
||||
"value": "И҆зба́витисѧ рабꙋ̀ твоемꙋ̀ всѧ́кїѧ ѕло́бы бѣсо́вскїѧ и҆ печа́ли, и҆ ѡ҆сꙋжде́нїѧ, и҆ вѣ́чнагѡ ѻ҆гнѧ̀, сн҃а твоего̀ ᲂу҆молѝ: ꙗ҆́кѡ да вѣ́рою при́снѡ сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Пречⷭ҇тое зача́тїе, и҆ нетлѣ́нное ржⷭ҇тво̀, ты̀ є҆ди́на показа́ла є҆сѝ, дв҃а пребы́вши: хрⷭ҇та́ бо заче́нши чⷭ҇таѧ, над̾ всѣ́ми бг҃а, чл҃вѣ́ка бы́вша, вѣ̑рнымъ на сп҃се́нїе и҆ и҆збавле́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆ подо́бїи зла́тѣ небре́гше требл҃же́ннїи ю҆́нѡши, неизмѣ́нный и҆ живы́й бж҃їй ѡ҆́бразъ ви́дѣвше, средѝ ѻ҆гнѧ̀ воспѣва́хꙋ ѡ҆сꙋществова́ннаѧ да пое́тъ гдⷭ҇а всѧ̀ тва́рь, и҆ превозно́ситъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Лю́дїе непокори́вїи, без̾ стра́ха же беззакѡ́ннаѧ всѧ̑ творѧ́ще, посредѣ̀ беззакѡ́нною тѧ̀ ще́дре, ѡ҆правда́юща беззакѡ́нныѧ, на дре́вѣ воздви́гше распѧ́ша: тебе́ же всѧ̀ тва́рь сла́витъ, ꙗ҆́кѡ гдⷭ҇а и҆ влⷣкꙋ, воспѣва́ющи твоѐ долготерпѣ́нїе."
|
||||
},
|
||||
{
|
||||
"type": "TEXT",
|
||||
"value": "Ѡ҆кровави́лъ є҆сѝ хрⷭ҇тѐ пе́рсты твоѧ̑ на дре́вѣ пригвожда́емь, и҆́же приноси́мꙋю бѣсѡ́мъ кро́вь дре́вле, на па́гꙋбꙋ приносѧ́щымъ ю҆̀, преста́вилъ є҆сѝ: тѣ́мже тѧ̀ сла́витъ всѧ̀ тва́рь, бж҃е всѣ́хъ, воспѣва́ющи твоѐ чл҃вѣколю́бїе."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Во́дъ живо́тныхъ сꙋ́ще и҆спо́лнь мч҃нцы, пото́ки лє́стныѧ и҆зсꙋши́ша бж҃е́ственными стрꙋѧ́ми крове́й, вѣ́рою неꙋкло́нною зовꙋ́ще: ѡ҆сꙋществова́ннаѧ да пое́тъ гдⷭ҇а всѧ̀ тва́рь, и҆ превозно́ситъ є҆го̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Неисче́тное мно́жество крове́й ва́шихъ ст҃і́и, нече́стїѧ ѻ҆́гнь погасѝ, и҆ є҆́ллинскꙋю многобо́жнꙋю разрꙋшѝ пре́лесть, всѣ́хъ же вѣ́рныхъ просвѣтѝ пою́щихъ: да пое́тъ всѧ̀ тва́рь гдⷭ҇а, и҆ превозно́ситъ є҆го̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Непоро́чнаѧ а҆́гница, прⷪ҇ро́кѡвъ же и҆ мч҃никѡвъ ᲂу҆краше́нїе, ꙗ҆́коже а҆́гнца тѧ̀ воздви́жена на дре́во ᲂу҆зрѣ́вши, безнача́льное сло́во, пла́каше го́рькѡ, и҆ глаго́лаше: ѡ҆сꙋществова́ннаѧ да пое́тъ гдⷭ҇а всѧ̀ тва́рь, и҆ превозно́ситъ є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте дѣла̀ ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Прибѣ́жище хрⷭ҇тїа́нѡмъ и҆ помо́щнице, въ лю́тыхъ ѡ҆держи́ма мѧ̀, пречⷭ҇таѧ дв҃о не пре́зри, бѣда́ми ѡ҆бходи́маго всегда̀, и҆ мно́гими ᲂу҆стремле́нїи лꙋка́выхъ бѣсѡ́въ."
|
||||
},
|
||||
{
|
||||
"type": "TEXT",
|
||||
"value": "Не забꙋ́ди гла́са мл҃твєнникъ твои́хъ, предста́тельнице стра́шнаѧ, но ѿ всѧ́кїѧ болѣ́зни, и҆ ѿ всѧ́кагѡ преще́нїѧ мольба́ми твои́ми и҆схитѝ: преклонѧ́етъ бо бг҃а твоѧ̀ мт҃рнѧѧ мл҃тва."
|
||||
},
|
||||
{
|
||||
"type": "TEXT",
|
||||
"value": "Оу҆толѝ страсте́й мои́хъ лю́тꙋю ны́нѣ бꙋ́рю, чⷭ҇таѧ бл҃гослове́ннаѧ: и҆ побѣдѝ ѻ҆трокови́це, неща́днѡ на мою̀ нищетꙋ̀ напа́дающихъ, всѧ̑ врагѝ безплѡ́тныѧ, ꙗ҆́кѡ да вѣ́рою пою́ тѧ."
|
||||
},
|
||||
{
|
||||
"type": "TEXT",
|
||||
"value": "Ѿ пе́щи и҆скꙋше́нїй, ѿ пла́мене грѣхѡ́въ и҆ ѻ҆гнѧ̀ страсте́й и҆ гее́нны, и҆ бѣсо́вскагѡ наше́ствїѧ, въ ча́съ сконча́нїѧ и҆схити́ мѧ̀ є҆ди́на бг҃ороди́тельнице, предста́тельнице вѣ́рныхъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Недоꙋмѣ́етъ всѧ́къ ѧ҆зы́къ бл҃гохвали́ти по достоѧ́нїю, и҆зꙋмѣва́етъ же ᲂу҆́мъ и҆ премі́рный пѣ́ти тѧ̀ бцⷣе, ѻ҆ба́че бл҃га́ѧ сꙋ́щи, вѣ́рꙋ прїимѝ: и҆́бо любо́вь вѣ́си бж҃е́ственнꙋю на́шꙋ, ты́ бо хрⷭ҇тїа́нъ є҆сѝ предста́тельница, тѧ̀ велича́емъ."
|
||||
},
|
||||
{
|
||||
"type": "TEXT",
|
||||
"value": "Да воѡбрази́тъ дре́вле і҆саа́къ твою̀ стрⷭ҇ть, свѧзꙋ́етсѧ сло́ве: разрѣша́етъ же свѧ́занное ѻ҆вча̀ въ то́йже ѡ҆́бразъ, въ садѣ̀ саве́ковѣ ѡ҆ставле́нїѧ, и҆ ѿпꙋсти́сѧ нево́льнаѧ тогда̀ же́ртва вои́стиннꙋ: тебѣ́ бо во́лею поже́ршꙋсѧ, ѿ ѕѡ́лъ разрѣши́хомсѧ."
|
||||
},
|
||||
{
|
||||
"type": "TEXT",
|
||||
"value": "Красе́нъ добро́тою па́че сынѡ́въ человѣ́ческихъ, хрⷭ҇тѐ сы́й добро́ты не и҆мы́й, нижѐ ви́да, въ стра́сти на дре́вѣ крⷭ҇тнѣмъ повѣ́шенъ, ᲂу҆краша́ѧ нелѣ́потꙋ всегѡ̀ ро́да человѣ́ча: сла́ва бл҃гоꙋтро́бїю твоемꙋ̀, є҆ди́не млⷭ҇рде гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сїѡ́на вы́шнѧгѡ ꙗ҆ви́стесѧ жи́телїе бж҃е́ственнїи, и҆ а҆́гг҃лѡмъ равноче́стнїи мч҃нцы, ꙗ҆́кѡ сꙋ́щїи согра́ждане: и҆ цр҃ковь ст҃і́и перворо́дныхъ свѣ́тлѡ просвѣща́ете, сїѧ́юще свѣ́томъ бж҃е́ственнымъ, и҆ мꙋче́нїѧ вѣнцы̀ ᲂу҆краша́еми."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Возлю́бленнїи дрꙋ́зи, ва́съ пресла́внѡ возлю́бльшагѡ, и҆зба́вите мѧ̀ дрꙋ́жбы льсти́выѧ, ꙗ҆́же къ пло́ти, ст҃і́и гдⷭ҇ни мч҃нцы: ѡ҆сщ҃е́нїе же и҆ просвѣще́нїе и҆ разрѣше́нїе прегрѣше́нїй лю́тыхъ, всѣ̑мъ соверша́ющымъ па́мѧть ва́шꙋ и҆спроси́те."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣти̑лъ добро́та тече́нїѧ ѻ҆бы́чнагѡ ᲂу҆стꙋпѝ, є҆гда́ тѧ ви́дѣша сл҃нца пра́вды вознесе́на на крⷭ҇тъ хотѣ́нїемъ: дв҃а же со ᲂу҆ч҃нко́мъ дѣ́вственнымъ восклица́ше съ пла́чемъ, ᲂу҆вы̀ мнѣ̀, вопїю́щи, что̀ сїѐ стра́нное зрѣ́нїе;"
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щьсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ. Тѣ́мъ всепѣ́тꙋю бцⷣꙋ велича́емъ."
|
||||
},
|
||||
{
|
||||
"type": "TEXT",
|
||||
"value": "Чл҃вѣколю́бца гдⷭ҇а є҆ди́наго многомлⷭ҇тиваго, па́че ᲂу҆ма́ же и҆ сло́ва родила̀ є҆сѝ: того̀ молѝ дв҃о, въ ча́съ стра́шный сꙋда̀ и҆зба́вити раба̀ твоего̀ ѻ҆гнѧ̀ вѣ́чнагѡ."
|
||||
},
|
||||
{
|
||||
"type": "TEXT",
|
||||
"value": "На́мъ пою́щымъ тѧ̀, и҆ вѣ́рою сла́вѧщымъ, и҆ къ бж҃е́ственномꙋ твоемꙋ̀ покро́вꙋ при́снѡ притека́ющымъ, пода́ждь съ нб҃сѐ разрѣше́нїе лю́тыхъ, и҆ мꙋ́чащихъ страсте́й, бг҃оневѣ́сто, и҆ мꙋ́ки и҆ сꙋда̀ и҆зба́ви."
|
||||
},
|
||||
{
|
||||
"type": "TEXT",
|
||||
"value": "Красе́нъ въ видѣ́нїи, во вкꙋше́нїи же горча́йшїй, и҆́же менѐ ᲂу҆мори́вый грѣха̀ пло́дъ, є҆гѡ́же напита́хсѧ въ сы́тость, стра́шнагѡ ча́ю сꙋда̀, ѿ негѡ́же мѧ̀ и҆схитѝ прест҃а́ѧ дв҃о мт҃и."
|
||||
},
|
||||
{
|
||||
"type": "TEXT",
|
||||
"value": "Оу҆блажѝ пречⷭ҇таѧ, смире́нное се́рдце моѐ, ѡ҆ѕло́бленное сластны́ми затво́ры, ꙗ҆́кѡ бл҃го́мꙋ роди́тельница, и҆ блага̀ сꙋ́щи всѧ̀: и҆ къ покаѧ́нїю мѧ̀ бл҃ги́хъ двере́й введѝ."
|
||||
}
|
||||
]
|
||||
@@ -0,0 +1,502 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ ᲂу҆миле́нїѧ, ко гдⷭ҇ꙋ на́шемꙋ і҆и҃сꙋ хрⷭ҇тꙋ̀, и҆ ст҃ы̑мъ є҆гѡ̀ мч҃нкѡмъ, гла́съ в҃, творе́нїе і҆ѡ́сифово, є҆гѡ́же краегране́сїе си́це:"
|
||||
},
|
||||
{
|
||||
"type": "TEXT",
|
||||
"value": "Тꙋ́чꙋ да́ждь мѝ сле́зъ, бж҃їй сло́ве."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Грѧди́те лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆з̾ рабо́ты є҆гѵ́петскїѧ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Вопло́щьсѧ сло́ве, и҆ не прише́дъ првⷣники, ꙗ҆́коже ре́клъ є҆сѝ, но грѣ́шники призва́ти на покаѧ́нїе, мно́гѡ согрѣши́вша прїимѝ и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Є҆ди́нъ а҆́зъ грѣхѡ́мъ порабоще́нъ є҆́смь, є҆ди́нъ а҆́зъ страсте́мъ двє́ри ѿверзо́хъ: бл҃гопремѣни́телю є҆ди́не, ѡ҆брати́въ мѧ̀, сп҃сѝ млⷭ҇рдїемъ твои́мъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: На сꙋди́щи твое́мъ гдⷭ҇и, вѣнцы̀ носѧ́ще предстоѧ́тъ стрⷭ҇тоно́сцы, лꙋка́вагѡ побѣди́вше де́рзость, и҆ безсме́ртїемъ ѡ҆богати́вшесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стрꙋи̑ на́мъ и҆сцѣле́нїй и҆сточа́юще страстоте́рпцы, всегда̀ течє́нїѧ пло́ти на́шеѧ стра̑сти и҆зсꙋша́ютъ, си́лою бж҃е́ственнагѡ дх҃а."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́же и҆сто́чникъ безстра́стїѧ ро́ждшаѧ, ᲂу҆ѧ́звенаго мѧ̀ страстьмѝ, ѻ҆трокови́це и҆сцѣлѝ, и҆ ѻ҆гнѧ̀ вѣ́чнагѡ и҆схити́ мѧ, є҆ди́на бг҃обл҃года́тнаѧ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ ст҃ы̑мъ нбⷭ҇нымъ безплѡ́тнымъ а҆́гг҃лѡмъ, гла́съ в҃, творе́нїе ѳеофа́ново, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Пою̀ хвалꙋ̀ ли́кꙋ а҆́гг҃льскомꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нетре́нꙋ, неѡбы́чнꙋ, немо́креннѡ морскꙋ́ю ше́ствовавъ стезю̀, и҆збра́нный вопїѧ́ше і҆и҃ль: гдⷭ҇еви пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Оу҆́глїе бг҃оно́сное, заре́ю разже́гшеесѧ твоегѡ̀ сꙋщества̀, безплѡ́тныѧ ꙗ҆ви́лъ є҆сѝ ли́ки, тебѐ хрⷭ҇тѐ сла́вѧщыѧ, ꙗ҆́кѡ всеси́льна."
|
||||
},
|
||||
{
|
||||
"type": "TEXT",
|
||||
"value": "Си́лꙋ нетлѣ́нїѧ, и҆ сла́вꙋ стѧжа́вше безсме́ртїѧ дарова́ннꙋю а҆́гг҃ли хрⷭ҇тѐ, є҆́же къ тебѣ̀ приближе́нїемъ просвѣща́ютсѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆ви́шасѧ свѣтоно́сцы, и҆̀же невеще́ственнꙋю показꙋ́юще, и҆ по є҆стествꙋ̀ ѡ҆бразмѝ а҆́гг҃ли хрⷭ҇тѐ, чꙋ́вственнѣ воѡбразꙋ́ющїи чистотꙋ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Чи́ни а҆́гг҃льстїи ржⷭ҇твꙋ̀ твоемꙋ̀ дв҃о, є҆́же па́че є҆стества̀, слꙋ́жатъ ра́дꙋющесѧ чⷭ҇таѧ: си́хъ бо родила̀ є҆сѝ бг҃а и҆ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твердѝ на́съ въ тебѣ̀ гдⷭ҇и, дре́вомъ ᲂу҆мерщвле́й грѣ́хъ, и҆ стра́хъ тво́й всадѝ въ сердца̀ на́съ пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "И҆́же во чре́во хрⷭ҇тѐ вше́дый нетлѣ́нное, и҆стлѣ́вшꙋю страстьмѝ дꙋ́шꙋ мою̀ покаѧ́нїемъ ѡ҆бновѝ, и҆ свѣ́та присносꙋ́щнагѡ ꙗ҆вѝ и҆спо́лненꙋ."
|
||||
},
|
||||
{
|
||||
"type": "TEXT",
|
||||
"value": "Послꙋ́шахъ врага̀ прогнѣ́вающаго, и҆ всѧ́къ грѣ́хъ соверши́хъ, и҆ безꙋ́мнѡ прогнѣ́вахъ тебѐ чл҃вѣколю́бче, є҆ди́наго долготерпѣли́ваго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крⷭ҇то́мъ ѡ҆гражде́ни непобѣди́мїи ѻ҆рꙋ́жницы, и҆ мч҃нцы сп҃сѡвы, ꙗ҆́коже стѣ́ны разори́ша ѡ҆ бз҃ѣ до́блественнѡ, лє́стнаѧ ᲂу҆твержє́нїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Си́лою бж҃е́ственною, немощно́е ва́ше ᲂу҆крѣ́пльше, до́блїи стрⷭ҇тоте́рпцы, крѣ́пость борца̀ всеконе́чнѣй па́гꙋбѣ преда́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мр҃і́е, злата́ѧ кади́льнице, страсте́й мои́хъ воню̀ ѿженѝ, и҆ ᲂу҆тверди́ мѧ коле́блемаго прило́гми льсти́вагѡ борца̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Лꙋ́къ сокрꙋши́сѧ си́льныхъ держа́вою твое́ю хрⷭ҇тѐ, и҆ си́лою немощствꙋ́ющїи препоѧ́сашасѧ."
|
||||
},
|
||||
{
|
||||
"type": "TEXT",
|
||||
"value": "И҆́же є҆стество́мъ безсме́ртенъ бг҃ъ, премꙋ́дрѣ содѣва́ѧ бл҃года́тїю, вѡ́инства безсмє́ртнаѧ ꙗ҆влѧ́етъ."
|
||||
},
|
||||
{
|
||||
"type": "TEXT",
|
||||
"value": "Ны́нѣ предстоѧ́ще жела́нїемъ кра́йнимъ хрⷭ҇тꙋ̀ сп҃сти́сѧ всѣ̑мъ на́мъ, а҆́гг҃ли моли́тесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Нача́ло подлѣ́тно прїе́мъ и҆звѣ́стнѡ и҆з̾ тебѐ, и҆́же лѣ́тъ содѣ́тель мт҃и приснодв҃о."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пою́ тѧ, слꙋ́хомъ бо гдⷭ҇и ᲂу҆слы́шахъ, и҆ ᲂу҆жасо́хсѧ, до мене́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Въ ка́лъ грѣхо́вный впа́дъ, и҆ вы́шнее бл҃гоѡбра́зїе погꙋби́хъ, гдⷭ҇и, и҆ бою́сѧ мꙋче́нїѧ. Тѣ́мже покаѧ́нїѧ красото́ю, смире́ннꙋю дꙋ́шꙋ мою̀ просвѣтѝ."
|
||||
},
|
||||
{
|
||||
"type": "TEXT",
|
||||
"value": "Льсти́выми глаго́лы, льсти́вый ѿ тебе́ мѧ ᲂу҆кра́дъ, снѣ́дь себѣ̀ содѣ́ла: бж҃е всѣ́хъ, сегѡ̀ ѕло́бы и҆схити́ мѧ, и҆ покаѧ́нїѧ ѡ҆́бразы призови́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Предава́еми на снѣ́дь ѕвѣрє́мъ, и҆ ѻ҆гне́мъ жго́ми мч҃нцы, и҆ ѡ҆дира́еми, и҆ на ᲂу҆́ды раздроблѧ́еми, хрⷭ҇та̀ помо́щника и҆мꙋ́ще не ѿверго́стесѧ: того̀ прилѣ́жнѡ моли́те, за мѧ̀ ѻ҆каѧ́ннаго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Є҆ди́ницꙋ чтꙋ́ще сꙋщество́мъ, трⷪ҇цꙋ же ли́цы, бж҃ество̀ несозда́нно, созда́нїе ника́коже поче́тше вы̀ хрⷭ҇тѡ́вы мч҃нцы позна́стесѧ: сегѡ̀ ра́ди мꙋ̑ки всѧ̑кїѧ претерпѣ́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Воплоща́етсѧ и҆з̾ чⷭ҇тыхъ крове́й твои́хъ, и҆ человѣ́кѡмъ соединѧ́етсѧ во́лею гдⷭ҇ь пречⷭ҇таѧ, и҆ прїе́млетъ ка́ющыѧсѧ, и҆̀же дре́вле погрꙋжє́нныѧ грѣхмѝ, твои́ми мольба́ми чⷭ҇таѧ при́снѡ прекланѧ́емь."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, сла́вное твоѐ смотре́нїе, и҆ просла́вихъ чл҃вѣколю́бче непостижи́мꙋю твою̀ си́лꙋ."
|
||||
},
|
||||
{
|
||||
"type": "TEXT",
|
||||
"value": "Мл҃твенники привождꙋ́ ти безплѡ́тныѧ: и҆̀хже ще́дре прїи́мъ ꙗ҆́кѡ бл҃гоꙋтро́бенъ, ѿ грѣхѡ́въ мѧ̀ и҆зба́ви."
|
||||
},
|
||||
{
|
||||
"type": "TEXT",
|
||||
"value": "Оу҆мꙋ̀ приближа́ющесѧ всевино́вномꙋ, ᲂу҆́мове бж҃е́ственнїи ѡ҆чища́еми, просвѣща́ютсѧ превы́шними ра́зꙋмы."
|
||||
},
|
||||
{
|
||||
"type": "TEXT",
|
||||
"value": "Бж҃е́ствєннаѧ ᲂу҆крашє́нїѧ нбⷭ҇нагѡ чинонача́лїѧ, бж҃е́ственнымъ дх҃омъ ᲂу҆краша́еми, сохранѧ́еми сꙋ́ть непрело́жнѣ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Разꙋмѣ́въ тѧ̀ и҆здале́ча дв҃о, бг҃а носѧ́щꙋю воплоще́нна на рꙋкꙋ̀ твоє́ю, и҆са́їа предвозвѣстѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́та пода́телю, и҆ вѣкѡ́въ тво́рче гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебѐ и҆но́гѡ бг҃а не зна́емъ."
|
||||
},
|
||||
{
|
||||
"type": "TEXT",
|
||||
"value": "И҆́же просвѣти́вый ѻ҆́чи слѣпа́гѡ, ѡ҆слѣпле́ннꙋю дꙋ́шꙋ мою̀ просвѣтѝ, и҆ бдѣ́ти сїю̀ ᲂу҆крѣпѝ въ дѣѧ̑нїѧ блага̑ѧ, со́нъ же лѣ́ностный до конца̀ возненави́дѣти."
|
||||
},
|
||||
{
|
||||
"type": "TEXT",
|
||||
"value": "И҆сцѣлѝ є҆ди́не сп҃се, ᲂу҆ѧ́звленнꙋю мою̀ дꙋ́шꙋ вои́стиннꙋ, ꙗ҆́звою лю́тою грѣха̀ дре́вле въ разбо́йники впа́дшемꙋ ꙗ҆́звы и҆сцѣли́вый."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Собо́ръ честны́хъ страда́лєцъ, собо́ръ беззако́нныхъ гони́телей посрамѝ многови̑дныѧ бѡлѣ́зни претерпѣ̀: и҆ ны́нѣ со сщ҃е́нными собо́ры а҆́гг҃льскими при́снѡ ра́дꙋетсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѕвѣ́зды многосвѣ̑тлыѧ, зари̑ терпѣ́нїѧ и҆спꙋща́юще, и҆ вѣ́рныхъ дꙋ́шы дх҃омъ бж҃е́ственнымъ просвѣща́юще, пресвѣ́тлїи ꙗ҆ви́шасѧ мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Но́во ꙗ҆́кѡ младѧ̀ на́мъ предвѣ́чнаго сн҃а родила̀ є҆сѝ, во двою̀ хотѣ̑нїю и҆ дѣѧ̑нїю сꙋ́ща сꙋгꙋ́ба, ꙗ҆́кѡ человѣ́ка вкꙋ́пѣ же и҆ бг҃а, всепѣ́таѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́гль и҆са́їи проѧвле́йсѧ, со́лнце и҆з̾ дв҃ственныѧ ᲂу҆тро́бы возсїѧ̀, во тьмѣ̀ заблꙋ́ждшымъ, бг҃оразꙋ́мїѧ просвѣще́нїе да́рꙋѧ."
|
||||
},
|
||||
{
|
||||
"type": "TEXT",
|
||||
"value": "Бж҃е́ственнагѡ бг҃онача́лїѧ бли́зъ сїѧ́юще, херꙋві́ми и҆ серафі́ми, свѣ́тлостїю, со престо́лы превзѧ́тыми, бг҃оподо́бнѡ прѡ́чаѧ просвѣща́ютъ. Два́жды."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ всегѡ̀ свѣтоли́тїѧ пода́телю, зерца̑ла свѣтови̑днаѧ сло́ве бж҃їй, приве́лъ є҆сѝ твою̀ зарю̀ съ весе́лїемъ и҆ ра́зꙋмомъ неꙋкло́ннымъ прїє́млющаѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ра́дость тебѣ̀, и҆́же пра́ѻтцємъ сѣ́тованїе разрѣша́ющꙋю, гаврїи́лъ сщ҃е́нный а҆рха́гг҃лъ, съ нб҃сѐ слетѣ́въ бл҃говѣствова́ше чⷭ҇таѧ бг҃оневѣ́сто."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ бж҃е мѧ̀ возведѝ."
|
||||
},
|
||||
{
|
||||
"type": "TEXT",
|
||||
"value": "Низпадо́хсѧ ѕло́бою ѕмїи́ною, и҆ на ѻ҆дрѣ̀ ѿча́ѧнїѧ лежꙋ̀: и҆́же разсла́блєнныѧ глаго́ломъ воздви́гнꙋвый хрⷭ҇тѐ, и҆ менѐ воздви́гни."
|
||||
},
|
||||
{
|
||||
"type": "TEXT",
|
||||
"value": "Вѣ́ема вѣ́тры ѕмїи́ными, и҆ потоплѧ́ема всегда̀ волна́ми грѣхо́вными, сп҃си́ мѧ, ꙗ҆́коже петра̀, чл҃вѣколю́бче гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Преминꙋ́вше предѣ́лы є҆стества̀, ꙗ҆̀же па́че є҆стества̀ мꙋ̑ки претерпѣ́сте: сегѡ̀ ра́ди па́че ᲂу҆ма̀ бл҃ги́хъ сподо́бистесѧ, мч҃нцы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ до́брїи, ꙗ҆́кѡ кра́снїи, ꙗ҆́кѡ честні́и, добротво́рномꙋ и҆ кра́сномꙋ сочета́стесѧ, ѡ҆ на́съ всегда̀ молѧ́щесѧ, пресла́внїи мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѿ всѣ́хъ родѡ́въ творе́цъ и҆збра̀ тебѐ всенепоро́чнаѧ, добро́тꙋ і҆а́кѡвлю, ю҆́же возлюбѝ, и҆ и҆з̾ тебѐ возсїѧ́въ ꙗ҆ви́сѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Гла́съ глагѡ́лъ моле́бныхъ ѿ болѣ́зненныѧ влⷣко, дꙋшѝ ᲂу҆слы́шавъ, ѿ лю́тыхъ мѧ̀ и҆зба́ви: є҆ди́нъ бо є҆сѝ на́шегѡ сп҃се́нїѧ вино́венъ."
|
||||
},
|
||||
{
|
||||
"type": "TEXT",
|
||||
"value": "Бж҃е́ствєннаѧ мѣста̀ сла́вы твоеѧ̀, нача́льнагѡ свѣ́та влⷣко хрⷭ҇тѐ, свѣтоблиста́нными разже́гшесѧ сїѧ́ньми, заре́ю свѣтови́днѣ вѣ́чнѡ пребыва́ютъ. Два́жды."
|
||||
},
|
||||
{
|
||||
"type": "TEXT",
|
||||
"value": "Си́лою бж҃е́ственною ᲂу҆крѣплѧ́еми, серафі́ми зовꙋ́ще гла́сы немо́лчными, пѣ́нїе трист҃о́е, почита́ти возво́дѧтъ на́съ є҆стество̀ трїѷпоста́сное."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Клѧ́тсѧ, ꙗ҆́коже речѐ гдⷭ҇ь, и҆́стиною дре́вле дв҃дꙋ, и҆з̾ чре́ва твоегѡ̀ проше́дъ и҆спо́лни: родила́ бо є҆сѝ ѻ҆трокови́це, нб҃омъ и҆ земле́ю ца́рствꙋющаго."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆́бразꙋ злато́мꙋ на по́лѣ деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ, посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Оу҆́мнымъ развраще́нїемъ и҆ бѣсо́вскими прило́ги всѧ́кагѡ стꙋда̀ и҆спо́лнихсѧ, дале́че бы́хъ за́повѣдей твои́хъ, ꙗ҆́коже блꙋ́дный. Ны́нѣ же ѡ҆браща́ѧсѧ зовꙋ̀: согрѣши́хъ ꙗ҆́коже ѻ҆́нъ, не возгнꙋша́йсѧ менѐ і҆и҃се, воплоще́йсѧ менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Бж҃е всѧ́ческихъ, нїнеѵі́тѧны запреще́нїѧ ражда́ющагѡ сме́рть, пока́ѧвшыѧсѧ дре́вле сп҃слъ є҆сѝ: та́кожде є҆ди́не чл҃вѣколю́бче, премно́гимъ блꙋдо́мъ ѡ҆скверне́нное се́рдце моѐ, ны́нѣ ѡ҆браща́ющеесѧ, лю́тыхъ и҆зба́ви мꙋ́къ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆ѧзви́сѧ лю́тѣ, ᲂу҆ѧзви́ти восхотѣ́вый ва́съ ѕлодѣ́й, бг҃обл҃же́ннїи бж҃е́ственнїи мч҃нцы, и҆ неисцѣ́ленъ пребы́сть, всѣ̑мъ же вѣ̑рнымъ и҆сцѣле́нїе ꙗ҆́звы ва́шѧ ꙗ҆ви́шасѧ, ᲂу҆ѧ́звлєнымъ прило́гомъ ве́тхагѡ запина́телѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ни ѕвѣре́й лю́тыхъ, ни мꙋчи́телей преще́нїѧ, ни ѻ҆гнѧ̀, ни ра̑нъ, ни меча̀ сѣкꙋ́щагѡ, ни разжже́нныхъ ᲂу҆боѧ́стесѧ сосꙋ́дъ, но ꙗ҆́коже въ чꙋжди́хъ тѣлесѣ́хъ всѧ̑ претерпѣ́сте великомч҃нцы: сегѡ̀ ра́ди вѣнча́ни бы́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Невеще́ственнагѡ свѣ́та жили́ще чре́во твоѐ бы́сть, пречⷭ҇таѧ бг҃оневѣ́сто ѻ҆трокови́це, свѣ́тлостьми бж҃е́ственнагѡ ра́зꙋма безбо́жїе ѿгна́вшагѡ, є҆го́же пою́ще зове́мъ: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вѣті́и ꙗ҆ви́шасѧ ѻ҆́троцы, любомꙋ́дрѣйшїи дре́вле, ѿ бг҃опрїѧ́тныѧ бо дꙋшѝ, бг҃осло́вѧще ᲂу҆стна́ми поѧ́хꙋ: пребж҃е́ственный ѻ҆тцє́въ и҆ на́шъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ѻ҆́крестъ прⷭ҇то́ла неизрече́нныѧ твоеѧ̀ сла́вы, ликꙋ́юще при́снѡ нбⷭ҇нїи ᲂу҆́мове, немо́лчными ᲂу҆стна́ми воспѣва́ютъ: пребж҃е́ственный ѻ҆тцє́въ и҆ на́шъ бж҃е бл҃гослове́нъ є҆сѝ. Два́жды."
|
||||
},
|
||||
{
|
||||
"type": "TEXT",
|
||||
"value": "Є҆гда̀ ви́дѣша тѧ̀ а҆́гг҃льстїи чи́ни на нб҃са̀ съ пло́тїю возноси́ма, врата̀ нбⷭ҇наѧ ѿверзо́ша тѝ, пою́ще: пребж҃е́ственный ѻ҆тцє́въ и҆ на́шъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Зако́на тѧ̀ нача́токъ и҆ прⷪ҇ро́кѡвъ ѻ҆трокови́це гаврїи́лъ показꙋ́ѧ вопїѧ́ше: сѐ ты̀ ражда́еши є҆ди́на всепѣ́таѧ, пребж҃е́ственнаго ѻ҆тцє́мъ и҆ на́мъ бг҃а бл҃гослове́ннаго."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Подпадо́хъ лꙋка́вомꙋ, и҆ козньмѝ є҆гѡ̀ порабоще́нъ бы́хъ, и҆ зрѧ́ мѧ льсти́вый въ небреже́нїи мно́зѣ, хва́литсѧ: сегѡ̀ мѧ̀ и҆схитѝ, и҆́же заблꙋ́ждшымъ ѡ҆браще́нїе ще́дре."
|
||||
},
|
||||
{
|
||||
"type": "TEXT",
|
||||
"value": "Разрѣши́ мѧ нерѣши́мыми ᲂу҆́зами страсте́й содержи́ма тѣле́сными, и҆́же нерѣши̑мыѧ разрѣши́вый ѿ вѣ́чныхъ ᲂу҆́зъ, и҆ тещѝ къ стезѧ́мъ напра́ви сп҃си́тєльнымъ хрⷭ҇тѐ сп҃се мі́ра."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆́же страстє́мъ содѣ́телїе, на мнѣ̀ смире́ннѣмъ всю̀ ѕло́бꙋ созида́ша вои́стиннꙋ: но и҆́же стрⷭ҇тє́мъ хрⷭ҇тѡ́вымъ ꙗ҆́кѡ вои́стиннꙋ подѡ́бницы бл҃же́ннїи мч҃нцы, сегѡ̀ и҆зба́вити мѧ̀ врежде́нїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Колѣ̑на не прекло́нше и҆стꙋка̑ннымъ, въ пе́щь ра̑нъ ꙗ҆́коже ѻ҆́троцы вве́ржени бы́сте дре́вле, и҆ росо́ю бж҃е́ственною ꙗ҆́вльшесѧ неѡпа́льни пребы́сте, прехва́льнїи мч҃нцы, пою́ще хрⷭ҇та̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆знемо́гшꙋю мно́гими прило́гми лꙋка́вагѡ, ѻ҆каѧ́ннꙋю мою̀ дꙋ́шꙋ, бг҃ороди́тельнице, цѣле́бными твои́ми мольба́ми дв҃о, здра́вꙋ содѣ́лай, да тѧ̀ сла́влю во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆ подо́бїи зла́тѣ небре́гше требл҃же́ннїи ю҆́нѡши, неизмѣ́нный и҆ живы́й бж҃їй ѡ҆́бразъ ви́дѣвше, средѝ ѻ҆гнѧ̀ воспѣва́хꙋ: ѡ҆сꙋществова́ннаѧ да пое́тъ гдⷭ҇а всѧ̀ тва́рь, и҆ превозно́ситъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Подѡ́бїѧ твоеѧ̀ бл҃гости соста́вилъ є҆сѝ а҆́гг҃лы, за́пѡвѣди твоѧ̑ крѣ́постїю соверша́ющыѧ сло́ве, и҆ споспѣшествꙋ́ющыѧ всѣ̑мъ вѣ̑рнымъ зва́ти: ѡ҆сꙋществова́ннаѧ да пое́тъ гдⷭ҇а всѧ̀ тва́рь, и҆ превозно́ситъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бж҃е́ственными добродѣ́тельми нбⷭ҇ное ᲂу҆краси́лъ є҆сѝ житїѐ, ст҃ы́хъ а҆́гг҃лъ сщ҃еннонача́лїе, просвѣща́ѧ си́хъ тебѣ̀ хрⷭ҇тѐ вопїю́щихъ: ѡ҆сꙋществова́ннаѧ да пое́тъ гдⷭ҇а всѧ̀ тва́рь, и҆ превозно́ситъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ра́дꙋющесѧ свѣ́тлѡ, воспои́мъ бж҃е́ственное пѣ́нїе безпло́тныхъ неѡскꙋ́днѣ, и҆ влⷣкꙋ бг҃осло́вѧще, пѣ́снь съ ни́ми возопїи́мъ: ѡ҆сꙋществова́ннаѧ да пое́тъ гдⷭ҇а всѧ̀ тва́рь, и҆ превозно́ситъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пра́вость, ꙗ҆́же мꙋ́дрѣ всѧ̑ пра̑вѧщаѧ, возлюбѝ досто́йнѡ тѧ̀ пренепоро́чнꙋю и҆ пречⷭ҇тꙋю дв҃ꙋ несказа́ннѡ прест҃а́ѧ бцⷣе въ тѧ̀ все́льшаѧсѧ, ю҆́же славосло́вимъ, да пое́тъ гдⷭ҇а всѧ̀ тва́рь, и҆ превозно́ситъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ бг҃а бг҃а сло́ва, неизрече́нною мꙋ́дростїю, прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи є҆диномꙋ́дреннѡ пѣ́сньми велича́емъ."
|
||||
},
|
||||
{
|
||||
"type": "TEXT",
|
||||
"value": "Сѐ вре́мѧ дѣ́ланїѧ, что̀ спи́ши без̾ ᲂу҆ма̀ дꙋшѐ, во ᲂу҆ны́нїи глꙋбо́цѣ; воста́ни, слеза́ми просвѣтѝ свѣщꙋ̀ твою̀. Потщи́сѧ, приближа́етсѧ жени́хъ дꙋша́мъ: не ᲂу҆коснѝ, да не ѡ҆ста́нешисѧ бж҃е́ственныхъ двере́й внѣꙋ́дꙋ."
|
||||
},
|
||||
{
|
||||
"type": "TEXT",
|
||||
"value": "Ѽ ко́ль стра́шное твоѐ сꙋди́ще, ꙗ҆влѧ́ющее всѧ́ко дѣѧ́нїе на́го пред̾ а҆́гг҃лы и҆ человѣ́ки! Ѽ ко́ль лю́тое и҆зрече́нїе, є҆́же согрѣ́шшымъ хо́щеши да́ти! Ѿ негѡ́же и҆зба́ви мѧ̀ хрⷭ҇тѐ пре́жде конца̀, подаѧ́ ми ѡ҆браще́нїѧ сле́зы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Зна́менавшесѧ бж҃е́ственною а҆́гнца и҆ па́стырѧ кро́вїю, сла́внїи бж҃е́ственнїи страда́льцы, закала́еми ра́довахꙋсѧ, ꙗ҆́коже неѕло́бивїи а҆́гнцы, и҆ ны́нѣ всю̀ перворо́дныхъ цр҃ковь ст҃ꙋ́ю, вои́стиннꙋ на нб҃сѣ́хъ просвѣща́ютъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Со́лнечныхъ сїѧ́нїй, ꙗ҆́кѡ свѣти́льницы ꙗ҆́вльшесѧ, лꙋча́ми страда́нїй ва́шихъ всѧ́кꙋ дꙋ́шꙋ ѡ҆зарѧ́ете, и҆ всѧ́кꙋ тьмꙋ̀ пре́лести ѿгонѧ́ете до́блїи страда́льцы: сегѡ̀ ра́ди досто́йнѡ вѣ́рою бл҃жи́ми є҆стѐ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пощади́ мѧ гдⷭ҇и, пощадѝ, є҆гда̀ хо́щеши сꙋди́ти, и҆ не ѡ҆сꙋдѝ менѐ во ѻ҆́гнь, ни ꙗ҆́ростїю твое́ю ѡ҆бличѝ менѐ: мо́литъ тѧ̀ дв҃а, ꙗ҆́же тебѐ хрⷭ҇тѐ, ро́ждшаѧ, и҆ а҆́гг҃лъ мно́жество, и҆ мч҃никъ сосло́вїе."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ве́сь є҆сѝ жела́нїе, ве́сь сла́дость, сло́ве бж҃їй, дв҃ы сн҃е, бж҃е богѡ́въ гдⷭ҇и, ст҃ы́хъ прест҃ы́й. Тѣ́мъ тѧ̀ всѝ съ ро́ждшею велича́емъ."
|
||||
},
|
||||
{
|
||||
"type": "TEXT",
|
||||
"value": "Бѣлоѡбразꙋ́юще ꙗ҆ви́шасѧ а҆́гг҃ли свѣтоѡбра́знѡ, бж҃е́ствєннымъ ᲂу҆ч҃нкѡ́мъ твои̑мъ повѣ́дающе твоѐ второ́е прише́ствїе хрⷭ҇тѐ: съ ни́миже тѧ̀ всѝ бг҃осло́вѧще велича́емъ.Два́жды."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ бл҃годѣ́тель всѧ́кагѡ є҆стества̀ слове́снагѡ, твори́ши пе́рвѣй сѝ зарѝ вторꙋ́ю свѣ́тлостъ, кра́йнїѧ ра́ди бл҃гости: тѣ́мже тѧ̀ всѝ бл҃годарѧ́ще велича́емъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Разꙋмѣ́въ твоѐ пречⷭ҇таѧ, свѣтоѡбра́зное двⷭ҇тво, и҆ ᲂу҆ди́вльсѧ, ра́дость тебѣ̀ принесѐ бж҃е́ственный а҆рхїстрати́гъ: тѣ́мже тѧ̀ всѝ ꙗ҆́кѡ бцⷣꙋ велича́емъ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йнѡ є҆́сть: И҆ покло́нъ."
|
||||
},
|
||||
{
|
||||
"type": "HEADER",
|
||||
"value": "И҆ є҆ктенїа̀ и҆ свѣти́ленъ, и҆ про́чее ѻ҆бы́чно."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры ᲂу҆мили́тельны, гла́съ в҃:"
|
||||
},
|
||||
{
|
||||
"type": "TEXT",
|
||||
"value": "Содѣ́ѧнныхъ мно́ю лю́тыхъ помышлѧ́ѧ безмѣ̑стнаѧ, къ твои̑мъ прибѣга́ю щедро́тамъ, мытарѧ̀ подража́ѧ, и҆ блꙋдни́цꙋ слези́вшꙋю и҆ блꙋ́днаго сы́на: тѣ́мже и҆ припа́даю тѝ млⷭ҇тиве, пре́жде да́же не ѡ҆сꙋ́диши мѧ̀, пощади́ мѧ бж҃е, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ и҆ возвесели́хомсѧ: во всѧ̑ дни̑ на́шѧ возвесели́хомсѧ: за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Беззакѡ́нїѧ моѧ̑ пре́зри гдⷭ҇и, ѿ дв҃ы рожде́йсѧ, и҆ се́рдце моѐ ѡ҆чи́сти, хра́мъ сїѐ творѧ̀ ст҃о́мꙋ твоемꙋ̀ дх҃ꙋ. Не ѿри́ни менѐ ѿ твоегѡ̀ лица̀, безмѣ́рнꙋю и҆мѣ́ѧй ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "По хрⷭ҇тѣ̀ пострада́вше да́же до сме́рти, ѽ стрⷭ҇тоте́рпцы мч҃нцы, дꙋ́шы бо и҆́мате на нб҃сѣ́хъ въ рꙋцѣ̀ бж҃їей, и҆ по мі́рꙋ всемꙋ̀ почита́еми сꙋ́ть ва́шѧ мѡ́щи. Сщ҃е́нницы покланѧ́ютсѧ и҆ лю́дїе всѝ, ра́дꙋющесѧ, согла́снѡ вопїе́мъ: со́нъ че́стенъ пред̾ гдⷭ҇емъ сме́рть преподо́бныхъ є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: На тѧ̀ ᲂу҆пова́нїе бцⷣе возложи́хомъ, ча́ѧнїѧ да не ѿпаде́мъ, сп҃сѝ на́съ ѿ бѣ́дъ, помо́щнице недоꙋмѣ́ємымъ, и҆ сопроти́вныхъ совѣ́ты разорѝ: ты́ бо є҆сѝ на́ше сп҃се́нїе, бл҃гослове́ннаѧ."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ гдⷭ҇еви: Трист҃о́е. И҆ по Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь и҆ є҆ктенїа̀. Та́же ча́съ а҃-й, ѱалмы̀ ѻ҆бы̑чныѧ, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ бл҃жє́нны, гла́съ в҃:"
|
||||
},
|
||||
{
|
||||
"type": "TEXT",
|
||||
"value": "Гла́съ тѝ прино́симъ разбо́йничь, и҆ мо́лимсѧ: помѧнѝ на́съ сп҃се во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Сп҃си́ мѧ гдⷭ҇и бж҃е, и҆ ѻ҆́бщника сотворѝ ча́сти ѿ дꙋшѝ возлю́бльшымъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Всѧ̑ нбⷭ҇наѧ вѡ́инства со стра́хомъ слꙋ́жатъ тѝ ꙗ҆́кѡ бг҃ꙋ: и҆́хже мл҃твами сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Ѻ҆рꙋ́жїемъ вѣ́ры страда́льцы, побѣди́сте полкѝ вра̑жїѧ, и҆ принесе́ни бы́сте къ бг҃ꙋ."
|
||||
},
|
||||
{
|
||||
"type": "TEXT",
|
||||
"value": "Сла́ва: Почита́ютъ чи́ни ᲂу҆́мнїи, съ человѣ́ческимъ ро́домъ, трⷪ҇цꙋ про́стꙋ, є҆ди́нагѡ же сꙋщества̀ бж҃ество̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Пречⷭ҇таѧ влⷣчце, ꙗ҆́же бг҃а без̾ сѣ́мене ро́ждшаѧ, того̀ молѝ сп҃сти́сѧ на́мъ."
|
||||
}
|
||||
]
|
||||
@@ -0,0 +1,442 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ ст҃ы̑мъ мч҃нкѡмъ, ст҃и́телємъ, прпⷣбнымъ и҆ ᲂу҆со́пшымъ, гла́съ в҃, творе́нїе і҆ѡ́сифово, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Рабѡ́мъ бж҃їимъ бли̑жнимъ хвалꙋ̀ носѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мѡѷсе́йскꙋю пѣ́снь воспрїи́мши, возопі́й дꙋшѐ: помо́щникъ и҆ покрови́тель бы́сть мнѣ̀ во сп҃се́нїе, се́й мо́й бг҃ъ, и҆ просла́влю є҆го̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆згна̑нїѧ лю̑таѧ, и҆ ᲂу҆ранє́нїѧ ѕѣ̑льнаѧ, терпѣли́внѡ под̾ѧ́сте страда́льцы, всѧ́кꙋю пре́лесть ѿ конє́цъ си́лою бж҃е́ственною ѿгна́сте."
|
||||
},
|
||||
{
|
||||
"type": "TEXT",
|
||||
"value": "Ст҃и́телємъ: Бж҃їи слꙋжи́телїе, и҆ ст҃и́телїе, свѣ́томъ мы́сленнымъ ѡ҆блиста́юще ꙗ҆́вѣ, къ свѣ́тꙋ бл҃гоче́стїѧ наста́виша всѣ́хъ бл҃гочести́выхъ и҆сполнє́нїѧ."
|
||||
},
|
||||
{
|
||||
"type": "TEXT",
|
||||
"value": "Прпⷣбнымъ: Го́рдый ᲂу҆́мъ смири́вше прпⷣбнїи, къ до́брѣй землѝ преидо́сте: возне́сшесѧ же бж҃е́ственными ѡ҆́бразы, и҆ всѣ̑мъ смирє́ннымъ помога́ете при́снѡ."
|
||||
},
|
||||
{
|
||||
"type": "TEXT",
|
||||
"value": "Сла́ва, Поко́инъ: Свѣтлѣ́йшагѡ свѣ́та, и҆ вѣ́чнагѡ весе́лїѧ, ꙗ҆вѝ прича́стники ꙗ҆́кѡ бг҃ъ, ꙗ҆̀же преста́вилъ є҆сѝ ѿ привре́менныхъ, рабы̑ твоѧ̑ вѣ̑рныѧ, пребл҃гі́й бж҃е на́шъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃оро́диченъ: Поще́нїемъ крѣ́пкѡ подви́гшесѧ, и҆ терпѣли́внѡ низложи́ша врага̀ честны̑ѧ жєны̀, тебѣ̀ бг҃ороди́тельнице предстоѧ́тъ ра́дꙋющесѧ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ ᲂу҆со́пшымъ пое́тсѧ на рѧдꙋ̀, и҆дѣ́же нѣ́сть мине́и, гла́съ в҃, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Оу҆ме́ршымъ второ́е соплета́ю пѣ́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Непроходи́мое волнѧ́щеесѧ мо́ре, бж҃їимъ свои́мъ велѣ́нїемъ и҆зсꙋши́вшемꙋ, и҆ пѣшеше́ствовати сквозѣ̀ є҆̀ і҆и҃льтєскїѧ лю́ди наста́вльшемꙋ, гдⷭ҇еви пои́мъ, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Сме́ртїю твое́ю попра́въ сме́рть, бж҃е́ственныѧ жи́зни и҆сточи́лъ є҆сѝ присносꙋ́щїе: є҆́же пода́ждь бл҃же дꙋша́мъ ᲂу҆со́пшихъ, мч҃нкъ твои́хъ мольба́ми, ѡ҆ставле́нїе прегрѣше́нїй да́рꙋѧ."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Оу҆поко́й гдⷭ҇и, дꙋ́шы ᲂу҆со́пшихъ ра̑бъ твои́хъ."
|
||||
},
|
||||
{
|
||||
"type": "TEXT",
|
||||
"value": "И҆́же бога́тꙋю млⷭ҇ть при́снѡ и҆сточа́ѧ, бл҃гоче́стнѡ при́снѡ прїе́млющымъ тѧ̀, въ домꙋ̀ твое́мъ хрⷭ҇тѐ, въ ди́внѣй твое́й ски́нїи, мѣ́сто ѡ҆слабле́нїѧ пода́ждь влⷣко рабѡ́мъ твои̑мъ, ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Крѣпча́йшїй на сме́рть бы́лъ є҆сѝ хрⷭ҇тѐ: тѣ́мже тꙋ̀ свѧза́въ, на́съ и҆зба́вилъ є҆сѝ, и҆ ны́нѣ и҆зба́ви ѿ сеѧ̀ тлѣ́нїѧ ᲂу҆со́пшыѧ, ꙗ҆́кѡ бл҃гъ, и҆ твоегѡ̀ сїѧ́нїѧ прича́стїе да́рꙋй."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆тве́рждши коле́блемый ᲂу҆́мъ мо́й, мт҃и бж҃їѧ, ᲂу҆крѣпѝ бж҃е́ственными повелѣ́ньми, ро́ждшагѡсѧ и҆з̾ твоегѡ̀ ѡ҆сщ҃е́ннагѡ чре́ва, и҆ ᲂу҆праздни́вшагѡ влⷣчце а҆́дово мра́чное ца́рство."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Непло́дствовавшїй мо́й ᲂу҆́мъ, плодоно́сенъ бж҃е покажѝ мѝ, дѣ́лателю до́брыхъ, насади́телю бл҃ги́хъ, бл҃гоꙋтро́бїемъ твои́мъ."
|
||||
},
|
||||
{
|
||||
"type": "TEXT",
|
||||
"value": "Разже́гшесѧ ѻ҆гне́мъ любвѐ хрⷭ҇то́вы, ѽ стрⷭ҇тоте́рпцы, мꙋ́къ разжжє́нїѧ ᲂу҆гаси́сте, ѡ҆роше́нїемъ вседѣ́телѧ дх҃а."
|
||||
},
|
||||
{
|
||||
"type": "TEXT",
|
||||
"value": "Ст҃ѣ́йшїи хрⷭ҇тѡ́вы ст҃и́телїе, и҆ честні́и преподо́бныхъ собо́ри, ѡ҆ всѣ́хъ на́съ чл҃вѣколю́бца бг҃а ᲂу҆моли́те."
|
||||
},
|
||||
{
|
||||
"type": "TEXT",
|
||||
"value": "Сщ҃е́ннѣйшїй ли́къ бж҃е́ственныхъ прⷪ҇рѡ́къ возвели́чисѧ, и҆ же́нъ мно́жество пострада́вшихъ крѣ́пкѡ, сла́вꙋ ᲂу҆лꙋчи́ша."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆мертви́всѧ хрⷭ҇тѐ на крⷭ҇тѣ̀, дарова́лъ є҆сѝ ᲂу҆ме́ршымъ безсме́ртїе: є҆гѡ́же ᲂу҆лꙋчи́ти сподо́би, къ тебѣ̀ ѿше́дшыѧ вѣ́рою."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Со всѣ́ми прⷪ҇рѡ́ки, и҆ жена́ми сщ҃е́нными, ны́нѣ прилѣ́жнѡ бг҃а молѝ дв҃о ро́ждшагосѧ и҆з̾ тебѐ, ᲂу҆ще́дрити на́съ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑, возвесели́ бо сѧ дꙋ́хъ мо́й, внегда̀ пѣ́ти: нѣ́сть свѧ́тъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебѐ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Твоеѧ̀ красоты̀ сїѧ́нїемъ ѡ҆зари́тисѧ въ вѣ́рѣ ᲂу҆со́пшымъ бл҃говолѝ, съ мч҃нки твои́ми, и҆́же бога́тый въ млⷭ҇ти: ты́ бо є҆сѝ бг҃ъ на́шъ, и҆ нѣ́сть пра́веденъ па́че тебѐ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "На мѣ́стѣ прохлажде́нїѧ, въ нѣ́дрѣхъ а҆враа́мовыхъ, и҆збра́ннагѡ твоегѡ̀, сподо́би водворѧ́тисѧ рабѡ́мъ твои̑мъ, ꙗ҆́кѡ ще́дръ, тебѣ̀ вопїю́щымъ: ты́ бо є҆сѝ бг҃ъ на́шъ, и҆ нѣ́сть пра́веденъ па́че тебѐ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Сла́ва: Въ черто́зѣхъ нбⷭ҇ныхъ водворѧ́тисѧ, съ мꙋ́дрыми дѣ́вами совше́дшими влⷣко, прїимѝ рабы̑ твоѧ̑ свѣщено́сцы, и҆̀хже преста́вилъ є҆сѝ твое́ю во́лею ѿ вре́менныхъ, є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆мерщвле́на мѧ̀ и҆ къ землѝ возвраще́на воздви́гнꙋла є҆сѝ, ро́ждши жизнода́вца, и҆ возвела̀ є҆си́ мѧ и҆з̾ а҆́да преиспо́днѣйшагѡ, бцⷣꙋ тѧ̀ вѣ́рою сла́вѧщаго, и҆ почита́ющаго пречⷭ҇таѧ, тебѐ всепѣ́тꙋю."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆́же ѿ дв҃ы твоѐ ржⷭ҇тво̀ прⷪ҇ро́къ предзрѧ̀ возпроповѣ́даше вопїѧ̀: слꙋ́хъ тво́й ᲂу҆слы́шахъ, и҆ ᲂу҆боѧ́хсѧ, ꙗ҆́кѡ ѿ ю҆́га, и҆ и҆з̾ горы̀ ст҃ы́ѧ, прїѡсѣне́нныѧ, прише́лъ є҆сѝ хрⷭ҇тѐ."
|
||||
},
|
||||
{
|
||||
"type": "TEXT",
|
||||
"value": "И҆́же хрⷭ҇тѡ́вымъ стрⷭ҇те́мъ бг҃осла́внїи стрⷭ҇тоте́рпцы ᲂу҆подо́бльшесѧ до́брѣ, распростира́еми ра́довахꙋсѧ мно́гими мꙋ́ками, на вѣ̑чнаѧ воздаѧ̑нїѧ взира́юще: и҆̀хже полꙋчи́вше ᲂу҆блажа́ютсѧ при́снѡ."
|
||||
},
|
||||
{
|
||||
"type": "TEXT",
|
||||
"value": "Зако́ны соблюда́юще дх҃а, первосщ҃е́нницы премꙋ́дреннѡ ᲂу҆пасо́сте лю́ди, ꙗ҆́кѡ ко́рмчїи преизрѧ́днїи на бж҃е́ственнѣ приста́нищи, и҆ преложи́вшесѧ ѿ жите́йскихъ мо́лвъ, къ тишинѣ̀ преидо́сте живота̀."
|
||||
},
|
||||
{
|
||||
"type": "TEXT",
|
||||
"value": "На землѝ прише́льцы ꙗ҆ви́стесѧ, преложи́вше ѻ҆тцы̀ жи́знь ва́шꙋ на нб҃са̀, ꙗ҆́коже пи́шетъ, бл҃гочестномꙋ́дреннѣ, и҆ плѡтскі́ѧ стра̑сти ѡ҆бꙋзда́вше болѣ́зньми воздержа́нїѧ, си́лою хрⷭ҇то́вою."
|
||||
},
|
||||
{
|
||||
"type": "TEXT",
|
||||
"value": "И҆̀хже преве́лъ є҆сѝ влⷣко, ѿ вре́меннагѡ житїѧ̀ многочи́сленное мно́жество, въ правосла́внѣй послꙋжи́вшыѧ тебѣ̀ сло́ве вѣ́рѣ, всѣ́хъ сп҃са́емыхъ мно́жествѡмъ сочета́въ, вѣ́чнагѡ сподо́би живота̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Ме́ртвости бж҃е́ственныѧ жела́юще, жи́знь безконе́чнꙋю хода́тайствꙋюще вои́стиннꙋ, тобо́ю пречⷭ҇таѧ влⷣчце бг҃ороди́тельнице, честны̑ѧ жєны̀ сподо́бишасѧ тоѧ̀, молѧ́ще сн҃а твоего̀ и҆ бг҃а ѡ҆ на́съ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Го́рꙋ присѣ́ннꙋю зри́тъ тѧ̀ добродѣ́тельми, прⷪ҇ро́къ а҆ввакꙋ́мъ бцⷣе, и҆з̾ неѧ́же ꙗ҆ви́сѧ бг҃ъ неизрече́ннѡ, добродѣ́телїю покры́въ нб҃са̀, и҆ ро́дъ человѣ́ческїй и҆з̾ и҆стлѣ́нїѧ сп҃сы́й."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пою́ тѧ, слꙋ́хомъ бо гдⷭ҇и ᲂу҆слы́шахъ и҆ ᲂу҆жасо́хсѧ, до мене́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Оу҆пова́нїемъ и҆ любо́вїю пожи́вшыѧ, и҆ ᲂу҆мо́мъ правосла́внымъ, ꙗ҆́же па́че ᲂу҆ма̀ сла́вы твоеѧ̀ сподо́би рабы̑ твоѧ̑ хрⷭ҇тѐ, мно́гимъ твои́мъ чл҃вѣколю́бїемъ, и҆ и҆збра́нныхъ мꙋ́чєникъ мольба́ми."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ и҆мы́й сла́дости приснотекꙋ́щїй пото́къ, при́снѡ напоѧ́еши и҆збра̑нныѧ гдⷭ҇и: съ ни́миже и҆ ны́нѣ преста́влєнныѧ хрⷭ҇тѐ къ тебѣ̀, неизрече́ннымъ твои́мъ млⷭ҇рдїемъ пита́еши при вода́хъ ѡ҆ставле́нїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ты̀ живы́ми гдⷭ҇ьствꙋеши влⷣко, и҆ ме́ртвыми владѣ́еши. Ты̀ въ землѝ пе́рсть сꙋ́щꙋю си́лою твое́ю воскреси́ши. Тѣ́мже къ тебѣ̀ преше́дшыѧ во дво́рѣхъ твои́хъ сп҃се вселѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆сцѣли́ла є҆сѝ є҆́ѵино сокрꙋше́нїе, и҆ дре́внее ѻ҆каѧ́нство: зижди́телѧ бо родила̀ є҆сѝ, могꙋ́щаго и҆спра́вити на́съ прегрѣше́ньми пове́рженыхъ, бг҃ороди́тельнице є҆ди́на мт҃и дв҃о."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мглꙋ̀ дꙋшѝ моеѧ̀ сп҃се мо́й разгна́въ, свѣ́томъ за́повѣдей твои́хъ ѡ҆зари́ мѧ, ꙗ҆́кѡ є҆ди́нъ цр҃ь ми́ра."
|
||||
},
|
||||
{
|
||||
"type": "TEXT",
|
||||
"value": "Тебѐ возлюби́вше ще́дре, возненави́дѣша всѧ̑ мїрска̑ѧ, до́блїи стрⷭ҇тоте́рпцы, примѣси́вшесѧ мꙋ́камъ, ѿверже́нїемъ пло́ти."
|
||||
},
|
||||
{
|
||||
"type": "TEXT",
|
||||
"value": "Ст҃и́телїе, прⷪ҇ро́цы, прпⷣбнїи бг҃оно́сцы, дх҃о́вными лꙋча́ми просвѣща́ете мі́ръ, тьмꙋ̀ разорѧ́юще страсте́й."
|
||||
},
|
||||
{
|
||||
"type": "TEXT",
|
||||
"value": "Прпⷣбнїи ѻ҆тцы̀, прⷪ҇ро́цы и҆ первосщ҃е́нницы, и҆ присносла̑вныѧ жєны̀, ѡ҆ на́съ тебѣ̀ влⷣцѣ всѣ́хъ мо́лѧтсѧ прилѣ́жнѡ."
|
||||
},
|
||||
{
|
||||
"type": "TEXT",
|
||||
"value": "Сла́ва: Мо́лимъ тѧ̀ сло́ве, и҆̀хже ѿ на́съ прїѧ́лъ є҆сѝ, ли́кꙋ и҆збра́нныхъ твои́хъ сопричта́въ, прича́стники покажѝ лꙋ́чшагѡ живота̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Пречⷭ҇таѧ дв҃о мт҃и, похвало̀ мꙋ́ченикѡвъ, и҆ прпⷣбныхъ и҆ пра́ведныхъ, ѿ всѧ́кагѡ и҆змѝ на́съ мꙋчи́тельства лꙋка́вагѡ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́та пода́телю, и҆ вѣкѡ́въ тво́рче гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебѐ и҆но́гѡ бг҃а не зна́емъ."
|
||||
},
|
||||
{
|
||||
"type": "TEXT",
|
||||
"value": "Оу҆мерщвле́ныхъ на́съ, и҆ положе́ныхъ во тлѝ, возве́лъ є҆сѝ ѿ мра́чныхъ а҆́довыхъ сокро́вищъ, и҆ восхи́тилъ є҆сѝ бл҃же, и҆ сочета́въ ст҃ы́хъ а҆́гг҃лъ во́инствѡмъ."
|
||||
},
|
||||
{
|
||||
"type": "TEXT",
|
||||
"value": "За є҆́же сп҃стѝ на́съ ꙗ҆́кѡ прише́лъ є҆сѝ хрⷭ҇тѐ прїимѝ ны́нѣ и҆̀же бл҃гоче́стнѡ къ тебѣ̀ преста́влєнныѧ, ꙗ҆́кѡ є҆ди́нъ бл҃гъ, на ло́нѣхъ а҆враа́ма, и҆ съ ла́заремъ тѣ́хъ вселѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Разрѣши́лъ є҆сѝ влⷣко, лѣ́тнꙋю мою̀ и҆ до́лгꙋю бра́нь, тебѣ̀ пре́жде хода́таю, и҆ мл҃твенникꙋ примире́нїѧ бы́вшꙋ: и҆ ны́нѣ твоѧ̑ рабы̑ ᲂу҆ще́дривъ ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Под̾ кро́вомъ твои́мъ мт҃и бж҃їѧ, и҆̀же надѣ́ющїисѧ на тѧ̀ сп҃са́ютсѧ: жизнода́вца бо родила̀ є҆сѝ на́мъ, животворѧ́щаго всѧ̑ во́лею."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во глꙋбинѣ̀ грѣхо́внѣй содержи́мь є҆́смь сп҃се, и҆ въ пꙋчи́нѣ жите́йстѣй ѡ҆бꙋрева́емь: но ꙗ҆́коже і҆ѡ́нꙋ ѿ ѕвѣ́рѧ, и҆ менѐ ѿ страсте́й возведѝ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Крѣ́постїю се́рдца страда́льцы проти́вꙋ врагꙋ̀ ѡ҆полчи́вшесѧ, того̀ низложи́ша, и҆ прїѧ́ша побѣ́ды вѣнцы̀ ѿ бг҃а: и҆ ны́нѣ прилѣ́жнѡ мо́лѧтсѧ ѡ҆ всѣ́хъ земноро́дныхъ."
|
||||
},
|
||||
{
|
||||
"type": "TEXT",
|
||||
"value": "Бж҃їѧ ст҃и́тели почти́мъ вѣ́рнѡ, и҆ преподѡ́бныѧ є҆гѡ̀ ᲂу҆блажи́мъ, сп҃са́еми мольба́ми и҆́хъ, ѿ всѧ́кагѡ гнѣ́ва и҆ ско́рби, и҆ вра́жїѧ навѣ́та."
|
||||
},
|
||||
{
|
||||
"type": "TEXT",
|
||||
"value": "Пострада̀ же́нъ бжⷭ҇твенный ли́къ, и҆ въ постѣ̀ бг҃ꙋ ᲂу҆годѝ, и҆ полꙋчѝ црⷭ҇тво нбⷭ҇ное: тѣ́хъ мл҃твами ᲂу҆ще́дри бж҃е тво́й мі́ръ."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆́же созда́вый жизнода́вче хрⷭ҇тѐ человѣ́ка ѿ землѝ, и҆̀хже ѡ҆ на́съ преста́вилъ є҆сѝ ᲂу҆поко́й, ѡ҆ставле́нїе подаѧ̀ и҆̀мъ ѕлы́хъ, ꙗ҆́кѡ млⷭ҇рдъ и҆ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ст҃а́ѧ бцⷣе, ѡ҆свѧтѝ на̑ша помышлє́нїѧ, и҆ ᲂу҆́мъ ᲂу҆крѣпѝ, и҆ сп҃сѝ на́съ ѿ стрѣ́лъ лꙋка́вагѡ неꙋѧ́звленныхъ, сла́вѧщихъ, всепѣ́таѧ, твоѧ̑ вели̑чїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю млⷭ҇рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
||||
},
|
||||
{
|
||||
"type": "TEXT",
|
||||
"value": "Неизрече́нныѧ, и҆ бжⷭ҇твенныѧ свѣ́тлости, и҆дѣ́же мꙋ́ченичестїи ли́цы, сподо́би, ꙗ҆̀же ѿ землѝ преста́вилъ є҆сѝ, вседѣ́тельною твое́ю во́лею чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆зари́тисѧ добро́тою сла́вы твоеѧ̀ сподо́би, ѡ҆ста́вльшыѧ житїѐ, и҆ къ свѣ́тꙋ твоемꙋ̀ неизрече́нномꙋ влⷣко преше́дшыѧ ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆збавлѧ́ющи ᲂу҆се́рднѡ ꙗ҆ви́сѧ призыва́ющыѧ тѧ̀, пречⷭ҇таѧ влⷣчце, ꙗ҆́же бг҃а ро́ждшаѧ живото́мъ и҆ сме́ртїю ѡ҆блада́юща."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Херꙋві́мы подража́юще ѻ҆́троцы въ пещѝ, ликовствова́хꙋ вопїю́ще: бл҃гослове́нъ є҆сѝ бж҃е, ꙗ҆́кѡ и҆́стиною и҆ сꙋдо́мъ наве́лъ є҆сѝ сїѧ̑ всѧ̑ грѣ̑хъ ра́ди на́шихъ: препѣ́тый, и҆ препросла́вленный во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Терпѣ́нїемъ низложи́ша ст҃і́и врага̀, терпѧ́ще всѧ́ко и҆скꙋше́нїе лю́тыхъ мꙋче́нїй, ꙗ҆́кѡ вои́стиннꙋ бг҃а возлюби́ша пострада́вшаго за грѣхѝ на́шѧ. Тѣ́хъ мл҃твами сп҃сѝ всѣ́хъ на́съ сло́ве, ѿ напа́стей и҆ бѣ́дъ, тебѐ сла́вѧщихъ."
|
||||
},
|
||||
{
|
||||
"type": "TEXT",
|
||||
"value": "Свѣтозра́чнїи ст҃и́телїе, и҆ прпⷣбнїи и҆ прⷪ҇ро́цы и҆ сщ҃енномꙋ́чєникъ достосла́вное мно́жество, и҆ же́нъ свѧты́хъ свѧще́нное сосло́вїе, во страда́нїи и҆ въ постѣ̀ возсїѧ́вшее мꙋ́жески: при́снѡ ѡ҆ на́съ молє́нїѧ твори́те къ бг҃ꙋ, ꙗ҆́кѡ да поми́лꙋетъ на́съ."
|
||||
},
|
||||
{
|
||||
"type": "TEXT",
|
||||
"value": "Мꙋ́чєникъ мно́жество мо́литъ тѧ̀ хрⷭ҇тѐ бл҃года́телю, ѿ всѣ́хъ печа́лей, и҆ скорбе́й, и҆ лю́тыхъ напа́стей, и҆ всѣ́хъ прегрѣше́нїй, и҆ ѿ вре́да сп҃си́ мѧ сло́ве, поги́бшаго."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѿню́дꙋже болѣ́знь ѿбѣжѐ, и҆ воздыха́нїе и҆ печа́ль, и҆дѣ́же свѣ́тъ сїѧ́етъ твоегѡ̀ лица̀ хрⷭ҇тѐ: и҆ и҆дѣ́же свѧты́хъ собо́ры ны́нѣ ликꙋ́ютъ. Оу҆чинѝ всѣ́хъ преста́вльшихсѧ дꙋ́шы къ тебѣ̀ чл҃вѣколю́бче, прегрѣшє́нїѧ и҆́хъ всѧ̑ презрѣ́въ, ꙗ҆́кѡ є҆ди́нъ млⷭ҇тивъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Съ мꙋ́ченики пречⷭ҇таѧ, и҆ съ прпⷣбными ѻ҆тцы̀ и҆ прⷪ҇ро́ки всѣ́ми, со свѧты́ми жена́ми во свѧты́хъ є҆ди́наго почива́ющаго ᲂу҆молѝ, всѣ́хъ ѡ҆ст҃и́ти на́съ, ст҃ы́ми гла́сы тѧ̀ славосло́вѧщихъ чⷭ҇таѧ, во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ, высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "И҆́же вездѣ̀ сы́й, низше́лъ є҆сѝ гдⷭ҇и, є҆́же сп҃стѝ и҆́же дре́вле прельща́емый человѣ́чь ро́дъ. Тѣ́мже тѧ̀ мч҃нцы мо́лѧтъ: си́хъ ꙗ҆̀же преста́вилъ є҆сѝ ѿ землѝ, въ землѝ кро́ткихъ сп҃се ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "Ме́ртвости ᲂу҆мерщвле́нїе ѿтрѧ́слъ є҆сѝ въ ме́ртвыхъ свобо́дь бы́въ, са́мъ є҆ди́нъ хрⷭ҇тѐ: и҆ ны́нѣ ᲂу҆мерщвле́нїѧ грѣхо́внагѡ влⷣко и҆зба́ви рабы̑ твоѧ̑, ꙗ҆влѧ́ѧ и҆́хъ наслѣ́дники црⷭ҇твїѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Мно́гимъ твои́мъ и҆ неизрече́ннымъ млⷭ҇рдїемъ, и҆ неизмѣ́рною бе́здною чл҃вѣколю́бїѧ твоегѡ̀ хрⷭ҇тѐ, прегрѣше́нїй ᲂу҆́бѡ ѡ҆ставле́нїе преста́влєннымъ да́ждь, и҆ бл҃года́тїю твое́ю ѡ҆чище́ны си́хъ ꙗ҆вѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Свѣти́льникъ была̀ є҆сѝ бж҃е́ственныѧ сла́вы, сїѧ́нїе носѧ́щи дв҃о дх҃омъ, и҆ пло́тїю на́мъ ꙗ҆́вльшагосѧ, и҆ а҆́довꙋ мглꙋ̀ свѣ́тлостїю бж҃ества̀ своегѡ̀ потре́бльша, бг҃ора́дованнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ кꙋпинѣ̀ мѡѷсе́ю дв҃ы чꙋ́до, на сїна́йстѣй горѣ̀ проѡбрази́вшаго и҆ногда̀, по́йте, бл҃гослови́те, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Тече́нїе кро́ве ва́шеѧ, стрⷭ҇тоте́рпцы гдⷭ҇ни, ѡ҆свѧтѝ всю̀ тва́рь, и҆ и҆зсꙋшѝ ꙗ҆́вѣ и҆злїѧ́нїе пре́лести, и҆ вѣ́рныхъ дꙋ́шы напоѝ бога́тнѡ."
|
||||
},
|
||||
{
|
||||
"type": "TEXT",
|
||||
"value": "Ꙗ҆ви́сѧ ли́къ по́стническїй, ст҃и́телей же собо́ръ и҆ же́нъ свѧты́хъ, и҆ прⷪ҇рѡ́къ сла́вныхъ, є҆диноче́стенъ а҆́гг҃лѡмъ, а҆́гг҃льски на землѝ дх҃омъ пожи́вше."
|
||||
},
|
||||
{
|
||||
"type": "TEXT",
|
||||
"value": "И҆зба́вите всѣ́хъ на́съ стрⷭ҇тоно́сцы гдⷭ҇ни, первосвѧще́нницы, и҆ прⷪ҇ро́цы, и҆ прпⷣбныхъ мно́жество, и҆ же́нъ ст҃ы́хъ, ѿ стрѣ́лъ вра́жїихъ, ва́съ восхвалѧ́ющихъ."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆̀хже ѿ на́съ сп҃се прїѧ́лъ є҆сѝ, въ нѣ́дрѣхъ а҆враа́мовыхъ ᲂу҆чинѝ, и҆ со всѣ́ми и҆збра́нными ᲂу҆поко́й, подаѧ̀ грѣхѡ́въ и҆́хъ всѣ̑мъ разрѣше́нїе, ꙗ҆́кѡ всеще́дръ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃ороди́тельнице чⷭ҇таѧ, со всѣ́ми ст҃ы́ми прⷪ҇ро́ки, и҆ мꙋ́ченики, и҆ прпⷣбными, и҆ ст҃ы́ми жена́ми, и҆ сщ҃енномꙋ́ченики, ᲂу҆ще́дрити на́съ сп҃са молѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халде́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Показа́лъ є҆сѝ на́мъ врагѡ́въ сме́рть, схожде́нїемъ твои́мъ ꙗ҆́кѡ безсме́ртенъ: бж҃е́ственною же си́лою твое́ю, вхо́ды ꙗ҆ви́лъ є҆сѝ живота̀ безсме́ртне, є҆го́же мꙋ́чєницы твоѝ ны́нѣ досто́йнѡ полꙋчи́ша."
|
||||
},
|
||||
{
|
||||
"type": "TEXT",
|
||||
"value": "Добро́ты ᲂу҆́мныѧ твоеѧ̀ наслади́тисѧ преста́влєннымъ сподо́би, стꙋ́дъ грѣха̀ ѕлоѡбра́знагѡ ѡ҆чища́ѧ, ꙗ҆́кѡ чл҃вѣколю́бецъ: є҆ди́нъ бо ты̀ влⷣко, ꙗ҆ви́лсѧ є҆сѝ грѣха̀ ѿчꙋжде́нъ."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆спра́вилъ є҆сѝ на́съ хрⷭ҇тѐ, па́дшыѧ въ пе́рсть сме́ртнꙋю, сме́ртїю твое́ю живо́тъ да́рꙋѧ, и҆ пи́щꙋ безконе́чнꙋю, и҆ ра́дость присносꙋ́щнꙋю, є҆ѧ́же ны́нѣ преста́влєнныѧ сподо́би, ꙗ҆́кѡ млⷭ҇тивъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ве́лїѧ и҆ стра́шна є҆́сть та́йна бг҃ома́ти твоегѡ̀ рождества̀: бг҃а бо родила̀ є҆сѝ, є҆гѡ́же сме́рть не претерпѣ̀, и҆ гро́бъ не растлѝ. Тѣ́мже тѧ̀ пречⷭ҇таѧ, всѝ ꙗ҆зы́цы сла́вимъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Преесте́ственнѡ пло́тїю заче́ншꙋю во чре́вѣ, ѿ ѻ҆ц҃а̀ безлѣ́тнѡ предвозсїѧ́вшее сло́во, въ пѣ́снехъ немо́лчныхъ велича́емъ вѣ́рнїи."
|
||||
},
|
||||
{
|
||||
"type": "TEXT",
|
||||
"value": "Крѣ́пцы на стра̑сти, си́льни на врагѝ ꙗ҆́вльшесѧ страстоте́рпцы: взѧ́сте побѣ́дꙋ пострада́вше зако́ннѡ, и҆ вѣнча́стесѧ ѿ бг҃а."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ бж҃їи сщ҃еннодѣ́лателїе, и҆ па́стырѧ до́брагѡ подо́бницы бы́вше, ᲂу҆пасо́сте тогѡ̀ ѻ҆́вцы прпⷣбнѣ, первосвѧще́нницы бг҃осла́внїи."
|
||||
},
|
||||
{
|
||||
"type": "TEXT",
|
||||
"value": "Съ прпⷣбными, по́стники, и҆ прⷪ҇рѡ́ки сщ҃е́нными, почти́мъ же́нъ пострада́вшихъ мно́жество и҆ посто́мъ низложи́вшихъ врага̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Пресла́вное мно́жество ст҃ы́хъ твои́хъ хрⷭ҇тѐ, непреста́ннѡ мо́лѧтъ тѧ̀: и҆̀хже преста́вилъ є҆сѝ въ вѣ́рѣ гдⷭ҇и, прича́стники ꙗ҆вѝ вѣ́чнагѡ живота̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Щедролюби́ваго бг҃а ро́ждшаѧ пло́тїю, со ст҃ы́ми всѣ́ми молѝ того̀ при́снѡ, ѿ бѣ́дъ на́съ сп҃стѝ, мт҃и дв҃о чⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́же пре́жде со́лнца свѣти́льника бг҃а возсїѧ́вшаго, пло́тски къ на́мъ прише́дшаго, и҆з̾ бокꙋ̀ дв҃чꙋ неизрече́ннѡ воплоти́вшаѧ, бл҃гослове́ннаѧ всечи́стаѧ, тѧ̀ бцⷣе велича́емъ."
|
||||
},
|
||||
{
|
||||
"type": "TEXT",
|
||||
"value": "И҆мѣ́ѧй вла́сть живы́ми и҆ ме́ртвыми живота̀ нача́льниче, ѿ землѝ къ тебѣ̀ преше́дшымъ, наслѣ́дїе нбⷭ҇ное пода́ждь влⷣко, и҆ свѣ́тлость ст҃ы́хъ, и҆ пресла́вныхъ страстоте́рпєцъ твои́хъ."
|
||||
},
|
||||
{
|
||||
"type": "TEXT",
|
||||
"value": "Сло́во сы́й, є҆́же дре́вле бы́ти мѝ подаѧ̀ живонача́льнѣйшее, и҆ є҆́же до́брѣ бы́ти па́ки да́рꙋѧ, въ нѣ́дрѣхъ жела́нныхъ а҆враа́ма пра́ѻтца, преста́вльшыѧсѧ рабы̑ твоѧ̑, ꙗ҆́кѡ млⷭ҇тивъ вселѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ве́сь є҆сѝ сп҃се мо́й сла́дость свѣтови́днѣйшаѧ, ве́сь є҆сѝ жела́нїе ненасыща́емое: пото́ки твоеѧ̀ пи́щи, и҆ водо́ю ѡ҆ставле́нїѧ ᲂу҆со́пшыѧ напо́й, непреста́ннѡ тебѐ сла́вѧщыѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Тѧ̀ бцⷣе, досто́йнѡ вѣ́рнїи ны́нѣ ᲂу҆блажа́емъ, бг҃одохнове́ннымъ словесє́мъ твои̑мъ послѣ́дꙋюще: ты́ бо є҆ди́на земны̑мъ бг҃а родила̀ є҆сѝ, сме́рти разо́ршаго си́лꙋ, мт҃и дв҃о."
|
||||
}
|
||||
]
|
||||
@@ -0,0 +1,402 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ ст҃ы̑мъ а҆пⷭ҇лѡмъ, творе́нїе ѳеофа́ново. Гла́съ в҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во глꙋбинѣ̀ постла̀ и҆ногда̀, фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть, препросла́вленный гдⷭ҇ь, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Свѣ́та бж҃е́ственнагѡ мо́лнїѧ вѣ́рою бы́вше, свѣтови́днїи сп҃сѡвы а҆пⷭ҇ли, всего́ мѧ просвѣти́те ѡ҆мрача́ема сласте́й че́рностїю, и҆ въ лѣ́ности всѐ моѐ житїѐ проше́дша. Два́жды."
|
||||
},
|
||||
{
|
||||
"type": "TEXT",
|
||||
"value": "Оу҆ч҃нцы̀ и҆ дрꙋ́зи хрⷭ҇тѡ́вы, дрꙋ́га мѧ̀ бы́вша врагꙋ̀, ѕлы́хъ ра́ди присвое́нїѧ, ѿ сегѡ́ мѧ и҆збавлѧ́йте сподви́жꙋще мою̀ дꙋ́шꙋ къ любвѝ, возлюби́вшагѡ ро́дъ человѣ́чь бл҃госты́ни ра́ди."
|
||||
},
|
||||
{
|
||||
"type": "TEXT",
|
||||
"value": "Смире́ннаѧ дꙋшѐ моѧ̀, пре́жде сме́рти потщи́сѧ пока́ѧтисѧ, и҆ себѐ ᲂу҆мерщвле́ннꙋю пла́чи: да ꙗ҆́кѡ ла́зарѧ четверодне́внаго воскр҃си́вый ꙗ҆́кѡ милосе́рдъ, и҆ тебѐ воскреси́тъ а҆пⷭ҇тѡлъ мольба́ми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бл҃га́го ро́ждши бг҃а, пречⷭ҇таѧ, всѣ́хъ бл҃готворѧ́щаго, тлѣ́нїемъ содержи́мыхъ, того̀ молѝ пренепоро́чнаѧ, со прⷪ҇ро́ки, и҆ мч҃нки, и҆ а҆пⷭ҇лы, всѣ́хъ и҆зба́вити ѿ напа́стей."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ ст҃о́мꙋ и҆ вели́комꙋ чꙋдотво́рцꙋ мѷроточи́вомꙋ нїкола́ю, гла́съ в҃, творе́нїе і҆ѡ́сифово, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Мольбꙋ̀ любе́знꙋ нїко́лае прїимѝ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Грѧди́те лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆з̾ рабо́ты є҆гѵ́петскїѧ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Всегда̀ бж҃е́ственномꙋ прⷭ҇то́лꙋ бл҃года́ти предстоѧ̀ нїко́лае, бл҃года́ть и҆ млⷭ҇ть дарова́ти моли́сѧ, тебѐ призыва́ющымъ вѣ́рою рабѡ́мъ твои̑мъ."
|
||||
},
|
||||
{
|
||||
"type": "TEXT",
|
||||
"value": "На землѝ вели́ка предста́телѧ тѧ̀ показа̀ бг҃ъ бѣ́дствꙋющымъ: тѣ́мже мѝ предста́ни въ нощѝ и҆ во днѝ, сохранѧ́ѧ мѧ̀ ѿ собла̑знъ борца̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже дневнꙋ́ю ѕвѣздꙋ̀ ᲂу҆вѣ́дѣвъ тѧ̀, твои́ми свѣтоза́рными лꙋча́ми тьмы̀ да и҆зба́влюсѧ и҆скꙋше́нїй, и҆ бѣ́дъ и҆ всѧ́кагѡ грѣха̀, ѻ҆́тче нїко́лае."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тѣле́сныхъ болѣ́зней и҆зба́ви мѧ̀, и҆ дꙋшѝ моеѧ̀ и҆сцѣлѝ недовѣ́дѡмыѧ стрꙋ́пы, и҆ ѻ҆гнѧ̀ вѣ́чнагѡ и҆схити́ мѧ, є҆ди́на бг҃обл҃года́тнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Процвѣла̀ є҆́сть пꙋсты́нѧ, ꙗ҆́кѡ крі́нъ гдⷭ҇и, ꙗ҆зы́ческаѧ неплодѧ́щаѧ цр҃ковь, прише́ствїемъ твои́мъ, въ не́йже ᲂу҆тверди́сѧ моѐ се́рдце."
|
||||
},
|
||||
{
|
||||
"type": "TEXT",
|
||||
"value": "Оу҆ч҃тлѧ стѧжа́вше ст҃і́и премⷣрость ѻ҆́ч҃ꙋю дх҃омъ, є҆́ллинскꙋю ѡ҆бꙋи́сте премⷣрость, бг҃ови́дцы досточꙋ́днїи."
|
||||
},
|
||||
{
|
||||
"type": "TEXT",
|
||||
"value": "Непло́дїе дꙋшѝ моеѧ̀ разрѣши́те всехва́льнїи, и҆ бл҃гоча́дїе дѣѧ́нїй, въ добродѣ́телехъ приноси́ти сотвори́те, ꙗ҆́кѡ сло́ва самови́дцы достобл҃же́ннїи."
|
||||
},
|
||||
{
|
||||
"type": "TEXT",
|
||||
"value": "Лю́тѣ мѧ̀ ᲂу҆ѧде́на ны́нѣ ꙗ҆дови́тымъ ᲂу҆грызе́нїемъ вра́жїимъ, и҆сцѣлѝ мольба́ми а҆пⷭ҇тѡлъ твои́хъ, бл҃годѣ́телю всѣ́хъ многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бг҃а пребл҃га́го ᲂу҆молѝ пречⷭ҇таѧ, со а҆пⷭ҇лы всѣ́ми, ѿ всѧ́кагѡ вре́да, и҆ ѡ҆бстоѧ́нїѧ, и҆ бѣ́дъ и҆зба́витисѧ чтꙋ́щымъ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твердѝ на́съ въ тебѣ̀ гдⷭ҇и, дре́вомъ ᲂу҆мерщве́й грѣ́хъ, и҆ стра́хъ тво́й всадѝ въ сердца̀ на́съ пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "И҆сцѣле́нїй и҆сто́чникъ сы́й ст҃е, стра̑сти ᲂу҆врачꙋ́й дꙋшѝ моеѧ̀, и҆ жи́знь мою̀ соблюдѝ, невре́дна мѧ̀ сохранѧ́ѧ раба̀ твоего̀."
|
||||
},
|
||||
{
|
||||
"type": "TEXT",
|
||||
"value": "Оу҆ма̀ моегѡ̀ побѣжде́нїе и҆справлѧ́ѧ, ѿ вре́да ви́димыхъ и҆ неви́димыхъ борю́щихъ мѧ̀ сп҃са́й, ꙗ҆́кѡ предста́тель мо́й вели́кїй нїко́лае."
|
||||
},
|
||||
{
|
||||
"type": "TEXT",
|
||||
"value": "И҆́же є҆ди́нъ бл҃гі́й тѧ̀ бл҃га застꙋ́пника человѣ́кѡмъ дадѐ бл҃же́нне, сегѡ̀ ра́ди молю̀ тѧ̀: ѿ всѧ́кихъ мѧ̀ ѕѡ́лъ свободѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Крѣ́пость моѧ̀ и҆ ра́дость и҆ весе́лїе, и҆ стѣна̀ тве́рдаѧ и҆ предста́тельнице, ты̀ є҆сѝ всенепоро́чнаѧ, и҆скꙋше́нїй и҆ бѣ́дъ и҆збавлѧ́ющи мѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прише́лъ є҆сѝ ѿ дв҃ы, не хода́тай ни а҆́гг҃лъ, но са́мъ гдⷭ҇и вопло́щьсѧ, и҆ сп҃слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "А҆́лчꙋща мѧ̀ всегда̀, и҆ гла́домъ и҆ста́ема, сп҃се́нїѧ снѣ́дьми насы́ти є҆ди́не чл҃вѣколю́бче, бж҃е́ственными мольба́ми а҆пⷭ҇тѡлъ, во все́мъ мі́рѣ проповѣ́давшихъ тѧ̀. Два́жды."
|
||||
},
|
||||
{
|
||||
"type": "TEXT",
|
||||
"value": "На мо́ре мїрско́е наве́лъ є҆сѝ всѣ́хъ, ꙗ҆́кѡ ко́ни чл҃вѣколю́бче, сла̑вныѧ а҆пⷭ҇лы твоѧ̑, тогѡ̀ возмꙋща́ющыѧ сла̑ныѧ невѣ́рствїѧ го́рькїѧ во́ды."
|
||||
},
|
||||
{
|
||||
"type": "TEXT",
|
||||
"value": "Сл҃нца хрⷭ҇та̀ сꙋ́щымъ во тьмѣ̀ возвѣсти́вше, во тьмѣ́ мѧ лежа́ща грѣхо́внѣй просвѣти́те а҆пⷭ҇толи прехва́льнїи, возбранѧ́юще лꙋка̑вымъ помыслѡ́мъ се́рдца моегѡ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Всепѣ́таѧ, ꙗ҆́же бг҃а препѣ́таго ро́ждшаѧ, ѡ҆ пою́щихъ тѧ̀ со а҆пⷭ҇лы молѝ, ꙗ҆́кѡ да и҆зба́вимсѧ ѿ грѣхѡ́въ, и҆ бѣ́дъ и҆ ѡ҆ѕлобле́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пою́ тѧ, слꙋ́хомъ бо гдⷭ҇и ᲂу҆слы́шахъ, и҆ ᲂу҆жасо́хсѧ: до мене́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Оу҆краси́въ прⷭ҇то́лъ добродѣ́тельми нїко́лае, ᲂу҆краше́нїе ꙗ҆ви́лсѧ є҆сѝ ст҃и́телємъ честно́е. Тѣ́мже тѧ̀ молю̀: нелѣ́потꙋ дꙋшѝ моеѧ̀ ᲂу҆красѝ, и҆ ѿ мїрски́хъ собла̑знъ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Стезю̀ та́мѡ ведꙋ́щꙋю ᲂу҆гла́ди мѝ пребл҃же́нне: ѿ жите́йскихъ во́лнъ ѡ҆блегчи́ мѧ, и҆ ко приста́нищꙋ жи́зни возведѝ нїко́лае, ѿ тебѐ предста́телѧ вели́кагѡ ѡ҆богати́вшасѧ."
|
||||
},
|
||||
{
|
||||
"type": "TEXT",
|
||||
"value": "Глагѡ́лъ бж҃е́ственныхъ послꙋ́шателю, ᲂу҆слы́шавъ моѧ̑ глаго́лы, и҆зба́ви мѧ̀ ѿ бѣсо́вскихъ собла̑знъ, и҆ беззако́нныхъ мꙋже́й, и҆ всѧ́кихъ ѡ҆бстоѧ́нїй находѧ́щихъ, вели́кїй нїко́лае."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ста́ѧ бцⷣе влⷣчце, въ нощи́ мѧ и҆ во днѝ ѡ҆свѧтѝ, и҆ сохранѝ, и҆ наста́ви ко сп҃се́нїю мно́гими грѣхѝ па́дающа, и҆ прило́гми бѣсо́вскими низрѣ́ема."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Хода́тай бг҃ꙋ и҆ человѣ́кѡмъ бы́лъ є҆сѝ хрⷭ҇тѐ бж҃е: тобо́ю бо влⷣко къ свѣтонача́льникꙋ ѻ҆ц҃ꙋ̀ твоемꙋ̀, ѿ но́щи невѣ́дѣнїѧ приведе́нїе и҆́мамы."
|
||||
},
|
||||
{
|
||||
"type": "TEXT",
|
||||
"value": "Вели́кїй па́стырь посредѣ̀ волкѡ́въ посла̀ ꙗ҆́кѡ ѻ҆́вцы, бж҃е́ствєнныѧ ᲂу҆ченикѝ своѧ̑, тѣ́хъ претворѧ́ющѧ бж҃їею си́лою креще́нїѧ, и҆ добро́тою слове́съ. Два́жды."
|
||||
},
|
||||
{
|
||||
"type": "TEXT",
|
||||
"value": "Бж҃е́ственнымъ свѣ́томъ, ꙗ҆̀же во тьмѣ̀ пре́лести просвѣти́сте а҆пⷭ҇ли сердца̀. Тѣ́мже молю̀ вы̀, ѡ҆темне́наго мѧ̀ сластьмѝ мра́чными, просвѣти́те бг҃облаже́ннїи."
|
||||
},
|
||||
{
|
||||
"type": "TEXT",
|
||||
"value": "Ѻ҆каѧ́ннаѧ дꙋшѐ, пре́жде конца̀ потщи́сѧ и҆ пока́йсѧ, гдⷭ҇еви зовꙋ́щи: согрѣши́хъ тѝ влⷣко, простѝ а҆пⷭ҇тѡлъ ра́ди, и҆ сп҃си́ мѧ ꙗ҆́кѡ милосе́рдъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣ́томъ твои́мъ ѡ҆зарѝ во тьмѣ̀ лежа́ща мѧ̀, свѣ́та жили́ще, и҆ со а҆пⷭ҇лы моли́сѧ пренепоро́чнаѧ, ѿ всѧ́кїѧ нꙋ́жды и҆зба́вити мѧ̀ твои́ми мл҃твами."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́та пода́телю, и҆ вѣкѡ́въ тво́рче гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебѐ и҆но́гѡ бг҃а не зна́емъ."
|
||||
},
|
||||
{
|
||||
"type": "TEXT",
|
||||
"value": "Зако́на бж҃їѧ и҆спо́лнителю, молѝ бл҃га́го бг҃а, зако́ны бж҃е́ствєнныѧ мѝ соблюда́ти, и҆ беззако́ннꙋющихъ вра̑гъ и҆зми́ мѧ, и҆ бѣсо́вскагѡ вре́да, всебл҃же́нне нїко́лае."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже дре́вле предста́въ ст҃е, и҆збавлѧ́ѧ ю҆́ношы трѝ: си́це и҆ менѐ ѿ всѧ́кагѡ грѣха̀ и҆зба́ви твои́ми къ бг҃ꙋ мл҃твами, бг҃омꙋ́дре нїко́лае."
|
||||
},
|
||||
{
|
||||
"type": "TEXT",
|
||||
"value": "Сщ҃еннодѣ́лателю хрⷭ҇то́въ, грѣ́шникѡмъ и҆спорꙋ́чниче, вели́кїй чꙋдотво́рче, бл҃года́вца молѝ бг҃а, да не посрами́тъ менѐ въ ча́съ сꙋ́дный."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Гдⷭ҇ороди́тельнице чⷭ҇таѧ, ѡ҆блада́ема мѧ̀ мно́гими страстьмѝ, ꙗ҆́кѡ бл҃га̀ предста́вши и҆зба́ви ѿ си́хъ: ꙗ҆́кѡ да тѧ̀ воспѣва́ю дꙋше́ю и҆ се́рдцемъ и҆ ѧ҆зы́комъ, сп҃са́емь."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ бж҃е мѧ̀ возведѝ."
|
||||
},
|
||||
{
|
||||
"type": "TEXT",
|
||||
"value": "И҆̀же во́дꙋ живо́тнꙋю носѧ́ще, та́емꙋю дꙋ́шꙋ мою̀ зно́емъ грѣхо́внымъ молю́сѧ, ᲂу҆ч҃нцы̀ сп҃сѡвы напо́йте."
|
||||
},
|
||||
{
|
||||
"type": "TEXT",
|
||||
"value": "Нб҃са̀ мы́слєннаѧ бы́вше, бг҃оза́рнїи а҆пⷭ҇толи, сла́вꙋ бж҃їю и҆сповѣ́дасте неизрече́ннꙋю, ю҆́же ᲂу҆лꙋчи́ти на́мъ всѣ̑мъ моли́тесѧ."
|
||||
},
|
||||
{
|
||||
"type": "TEXT",
|
||||
"value": "Въ пꙋчи́нѣ лю́тѣ волнꙋ́ющїйсѧ, къ тебѣ̀ хрⷭ҇тѐ, и҆́же всѣ́хъ ѡ҆корми́телю прихождꙋ̀, ра́ди а҆пⷭ҇тѡлъ твои́хъ, ко сп҃си́тельномꙋ приста́нищꙋ ᲂу҆пра́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Со всѣ́ми вы́шними си́лами, со прⷪ҇ро́ки, и҆ а҆пⷭ҇лы, и҆ мч҃нки, ѡ҆ на́съ молѝ сн҃а твоего̀ бг҃оневѣ́сто."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "И҆́же мѵ́рѧнѡмъ бы́въ первопресто́льникъ нїко́лае, и҆ ѡ҆благоꙋха́лъ є҆сѝ вѣ́рныхъ составлє́нїѧ бл҃ги́ми твои́ми дѣѧ́нїи: ѿ ѕлосмра́дна прегрѣше́нїѧ и҆зба́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Свѣтлѣ́йше со́лнца стѧжа́въ ѻ҆́тче се́рдце, всего́ мѧ просвѣтѝ, и҆скꙋше́нїй и҆ скорбе́й ѿгонѧ́ѧ тьмꙋ̀ нїко́лае."
|
||||
},
|
||||
{
|
||||
"type": "TEXT",
|
||||
"value": "Ѿ всѧ́кїѧ и҆зба́ви мѧ̀ тѣсноты̀, простра́нство ꙗ҆́кѡ и҆мѣ́ѧ млⷭ҇ти нїко́лае, тѣ́снымъ ше́ствовати мѧ̀ ᲂу҆крѣпѝ пꙋте́мъ ко гдⷭ҇ꙋ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: На всѧ́ко вре́мѧ тебѐ призыва́ю пречⷭ҇таѧ, да ѡ҆брѧ́щꙋ тѧ̀ помо́щницꙋ, и҆з̾има́ющꙋю мѧ̀ ѿ всѧ́кагѡ ѡ҆ѕлобле́нїѧ и҆ стра́шныхъ мꙋ́къ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Ѻ҆гне́мъ бж҃е́ственнагѡ дх҃а предвозжже́ни бы́вше а҆пⷭ҇ли, пре́лести ᲂу҆́глїе ᲂу҆гаси́сте, бж҃їе же раче́нїе во ᲂу҆мѣ́хъ всѣ́хъ вѣ́рныхъ воспали́сте: тѣ́мже велегла́снѡ ва́съ чти́мъ. Два́жды."
|
||||
},
|
||||
{
|
||||
"type": "TEXT",
|
||||
"value": "Мі́ръ возненави́дѣсте, и҆ ꙗ҆̀же въ мі́рѣ, хрⷭ҇та̀ возлюби́сте, въ мі́рѣ пло́тїю человѣ́кѡмъ примѣси́вшасѧ: є҆го́же моли́те бж҃е́ственнїи а҆пⷭ҇толи, ꙗ҆̀же въ житїи́ мѧ всѣ́хъ лю́тыхъ свободи́ти."
|
||||
},
|
||||
{
|
||||
"type": "TEXT",
|
||||
"value": "Сꙋдїѐ пра́ведне сердцевѣ́дче, и҆́же є҆ди́нъ сокровє́ннаѧ вѣ́дый моѧ̑ согрѣшє́нїѧ, въ ча́съ сꙋда̀ не ѡ҆сꙋдѝ менѐ, нижѐ ѿсле́ши мѧ̀ во ѻ҆́гнь, мл҃твами а҆пⷭ҇тѡлъ твои́хъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѻ҆гне́мъ бж҃ества̀ не ѡ҆пали́ласѧ є҆сѝ, неизрече́ннѡ ро́ждши дв҃о, бра́кꙋ неискꙋ́сна бы́вши. Тѣ́мже со а҆пⷭ҇лы моли́сѧ чⷭ҇таѧ, вѣ́чнагѡ мѧ̀ пла́мене свободи́ти, тебѐ сла́вѧщаго."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆́бразꙋ злато́мꙋ на по́лѣ деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ: посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ѻ҆гню̀ и҆скꙋше́нїй на всѧ́къ де́нь примѣша́юсѧ, ѻ҆́тче нїко́лае, посредѣ̀ сѣ́тей мимохождꙋ̀, ꙗ҆́коже пти́ца, под̾ тво́й ще́дрый покро́въ притека́ю: невре́дна мѧ̀ сохранѝ, бл҃га́го молѧ̀ бг҃а и҆ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Глаго́лы моѧ̑ ᲂу҆слы́шавъ спѣ́шнѡ, ѻ҆́тче нїко́лае, потщи́сѧ прїити́ ми на по́мощь, ѡ҆бꙋрева́емꙋ скорбьмѝ и҆ нꙋ́ждами жите́йскими. И҆ бѣсо́вскими ѡ҆ѕлобле́нїи: ꙗ҆́кѡ да сп҃са́емь пою̀ предста́тельство твоѐ."
|
||||
},
|
||||
{
|
||||
"type": "TEXT",
|
||||
"value": "И҆́же дре́вле ꙗ҆́вльсѧ во снѣ̀ царю̀, непови̑нныѧ и҆мꙋ́щыѧ ᲂу҆мре́ти и҆збавлѧ́ѧ, напа́стей мѧ̀ и҆зба́ви находѧ́щихъ всегда̀, и҆ недꙋ̑гъ тѣле́сныхъ, и҆ дꙋше́вныхъ болѣ́зней, ѻ҆́тче нїко́лае."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тебѐ є҆ди́нꙋ пречⷭ҇таѧ и҆мѣ́ю помо́щницꙋ, тебѐ написꙋ́ю мнѣ̀ всѣ́хъ житїѧ̀ храни́тельницꙋ, не пре́зри менѐ раба̀ твоегѡ̀, є҆ди́на предста́тельнице мі́ра, но сп҃си́ мѧ пою́ща: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Тѣлови́днѡ на ва́съ наше́дъ во ѻ҆́гненномъ ви́дѣ прест҃ы́й дх҃ъ, содѣ́ла ꙗ҆́кѡ свѣти̑ла, попалѧ́юща ᲂу҆́бѡ безбо́жїе, просвѣща̑юща же всѧ̑ бл҃гоче́ствꙋющыѧ, бж҃е́ственнїи сло́ва а҆пⷭ҇ли. Два́жды."
|
||||
},
|
||||
{
|
||||
"type": "TEXT",
|
||||
"value": "Страстьмѝ лю́тѣ ѡ҆бꙋрева́емое неиспра́вленное се́рдце моѐ и҆сцѣлѝ ще́дре, молю́сѧ: дꙋ́шꙋ мою̀ просвѣтѝ, и҆ ᲂу҆́мъ мо́й напра́ви прекло́ншїйсѧ въ ѕло́бꙋ, ᲂу҆ч҃нкѡ́въ твои́хъ мольба́ми."
|
||||
},
|
||||
{
|
||||
"type": "TEXT",
|
||||
"value": "Воздохнѝ дꙋшѐ моѧ̀, и҆ прослези́сѧ прилѣ́жнѡ, и҆ себѐ пре́жде конца̀ воспла́чи, пре́жде да́же не пости́гнетъ тебѐ пла́чь неꙋтѣ́шимый, и҆ возопі́й гдⷭ҇еви: сп҃си́ мѧ млⷭ҇тиве, мл҃твами а҆пⷭ҇лъ твои́хъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пе́щь и҆ногда̀ неѡпа́льшаѧ дѣте́й, твоѐ ржⷭ҇тво̀ проѡбража́ше дв҃о всенепоро́чнаѧ. Сегѡ̀ ра́ди молю́ тѧ: со а҆пⷭ҇лы моли́сѧ, со всѣ́ми прⷪ҇ро́ки, ѻ҆гнѧ̀ гее́нны и҆зба́вити мѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте дѣла̀ ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Вѧза́ти и҆ рѣша́ти прїи́мъ вла́сть ѿ бг҃а, ѻ҆́тче бг҃омꙋ́дре нїко́лае, ѕѡ́лъ мои́хъ соꙋ́зы разрѣшѝ твои́ми мл҃твами: и҆ бж҃е́ственнѣй мѧ̀ привѧжѝ любвѝ вочл҃вѣ́читисѧ восхотѣ́вшагѡ влⷣки."
|
||||
},
|
||||
{
|
||||
"type": "TEXT",
|
||||
"value": "Посѣще́нїемъ твои́мъ бж҃е́ственнымъ во днѝ и҆ въ нощѝ посѣща́й мѧ̀, ᲂу҆глажда́ѧ стезю̀ смире́ннѣй мое́й дꙋшѝ, и҆ сохранѧ́й мѧ̀ ст҃е нїко́лае, неꙋѧ́звлена ѿ находѧ́щихъ лꙋка́вагѡ собла̑знъ."
|
||||
},
|
||||
{
|
||||
"type": "TEXT",
|
||||
"value": "Рꙋ́кꙋ мѝ пода́ждь къ бж҃їей по́мощи нїко́лае, и҆ сохранѝ ѿ лю́тагѡ вра́жїѧ ча́ѧнїѧ, и҆́же ю҆́ношы и҆ногда̀ сме́рти го́рькїѧ и҆зба́вилъ є҆сѝ: да почита́ю тѧ̀ ꙗ҆́кѡ бл҃га́го предста́телѧ."
|
||||
},
|
||||
{
|
||||
"type": "TEXT",
|
||||
"value": "Є҆гда̀ сѧ́деши бж҃е, на престо́лѣ стра́шнѣмъ сꙋди́ти мі́рꙋ, не вни́ди въ сꙋ́дъ съ рабо́мъ твои́мъ: но ча́сти сподо́би сп҃са́емыхъ, мл҃твами нїкола́а."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Па́че є҆стества̀ твои́мъ ржⷭ҇тво́мъ бг҃ороди́тельнице возвели́чила є҆сѝ на́съ ᲂу҆ма́ленныхъ вели́кими неисче́тными ѕлы́ми. Тѣ́мже мо́лимсѧ тѝ пречⷭ҇таѧ: возвели́чи въ на́съ бога̑тыѧ твоѧ̑ млⷭ҇ти."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щьсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ: тѣ́мъ всепѣ́тꙋю бцⷣꙋ велича́емъ."
|
||||
},
|
||||
{
|
||||
"type": "TEXT",
|
||||
"value": "А҆пⷭ҇ли сла́внїи, а҆пⷭ҇ли бл҃же́ннїи, ᲂу҆ч҃нцы̀ сп҃сѡвы, проповѣ́дницы всемꙋ́дрїи, ѿ всѧ́кагѡ мѧ̀ и҆зба́вите вре́да, всѧ́кагѡ гнѣ́ва, всѧ́кагѡ грѣха̀, всѧ́кагѡ ѡ҆бстоѧ́нїѧ, и҆ разли́чныхъ напа́стей. Два́жды."
|
||||
},
|
||||
{
|
||||
"type": "TEXT",
|
||||
"value": "Менѐ ѡ҆сꙋжде́ннаго, менѐ неиспра́вленнаго, твоѧ̑ повелѣ̑нїѧ небре́гшаго, и҆ бѣсѡ́вскимъ прельще́нїємъ ᲂу҆мовре́днѡ послѣ́довавша, возвратѝ гдⷭ҇и, мл҃твами а҆пⷭ҇тѡлъ твои́хъ."
|
||||
},
|
||||
{
|
||||
"type": "TEXT",
|
||||
"value": "Дꙋ́шꙋ неиспра́вленꙋ приношꙋ̀, и҆ со́вѣсть погребе́нꙋю съ вещмѝ прегрѣше́нїй, и҆ ѡ҆скверне́нное се́рдце, и҆ по́мыслъ ѡ҆калѧ́нъ, вопїю́ ти чл҃вѣколю́бче: а҆пⷭ҇тѡлъ ра́ди ᲂу҆ще́дри мѧ̀ млⷭ҇тїю твое́ю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: А҆пⷭ҇ли пречⷭ҇таѧ, твоего̀ сн҃а проповѣ́даша во все́мъ мі́рѣ, бг҃а и҆ человѣ́ка. Тѣ́мже съ ни́ми моли́сѧ, во стра́шномъ днѝ сꙋда̀ и҆зба́витисѧ мꙋ́къ, вѣ́рою тебѐ велича́ющымъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ бг҃а сло́ва, неизрече́нною мꙋ́дростїю, прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи є҆диномꙋ́дреннѡ пѣ́сньми велича́емъ."
|
||||
},
|
||||
{
|
||||
"type": "TEXT",
|
||||
"value": "Сщ҃е́нства пра́вило, и҆ кро́тости ѡ҆́бразъ, вѣ́мъ тѧ̀ нїко́лае мꙋ́дре: на мѧ̀ возстаю́щꙋю бꙋ́рю по всѧ̑ дни̑ страсте́й и҆ бѣ́дъ, ᲂу҆кротѝ мл҃твами твои́ми, и҆ соблюди́ мѧ неврежде́нна сщ҃е́ннѣйшїй ѻ҆́тче."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ сщ҃е́ннѣйшїй сосꙋ́дъ прїѧ́тенъ бж҃е́ственнагѡ мѵ́ра, млⷭ҇тивнѡ и҆злїѧ́вшагѡсѧ на зе́млю, всѣ́хъ на́съ ѡ҆бл҃гоꙋха́й сердца̀, мѵ́рѧнѡмъ бы́въ мꙋ́дре первост҃и́тель, и҆скꙋше́нїѧ ѕлово́нїе ѿгонѧ̀ мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "Ты̀ мою̀ ᲂу҆тѣ́ши ѻ҆́тче дꙋ́шꙋ, неви́димѡ мно́жествомъ ѡ҆ѕло́бленнꙋю лю́тѣ: ты̀ безмѣ̑рнаѧ мѝ ᲂу҆кротѝ и҆скꙋшє́нїѧ, ꙗ҆̀же льсти́вый подви́жетъ мѝ во днѝ и҆ въ нощѝ, ꙗ҆́кѡ бл҃гі́й мо́й предста́тель ꙗ҆влѧ́ѧсѧ нїко́лае."
|
||||
},
|
||||
{
|
||||
"type": "TEXT",
|
||||
"value": "Стра́шный влⷣчнїй де́нь при две́рехъ приближа́етсѧ, что̀ сотвори́ши ѽ дꙋшѐ, грѣхѡ́въ мно́жество и҆мꙋ́щи; потщи́сѧ ᲂу҆́бѡ пре́жде конца̀, и҆ возопі́й гдⷭ҇ꙋ прилѣ́жнѡ: мл҃твами нїкола́а ст҃и́телѧ твоегѡ̀ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пощади́ мѧ гдⷭ҇и, пощадѝ, є҆гда̀ хо́щеши сꙋди́ти и҆ не ѡ҆сꙋдѝ менѐ во ѻ҆́гнь, нижѐ ꙗ҆́ростїю твое́ю ѡ҆бличѝ менѐ: мо́литъ тѧ̀ дв҃а ро́ждшаѧ тѧ̀ хрⷭ҇тѐ, и҆ а҆пⷭ҇лъ мно́жество, и҆ сла́вный нїкола́й."
|
||||
}
|
||||
]
|
||||
@@ -0,0 +1,450 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ ᲂу҆миле́нїѧ ко гдⷭ҇ꙋ на́шемꙋ і҆и҃сꙋ хрⷭ҇тꙋ̀ и҆ ст҃ы̑мъ мч҃нкѡмъ, гла́съ в҃, творе́нїе і҆ѡ́сифово, є҆гѡ́же краегране́сїе си́це:"
|
||||
},
|
||||
{
|
||||
"type": "TEXT",
|
||||
"value": "Мои̑мъ рыда́нїємъ вмѣще́нїе, ѽ сп҃се, подава́еши."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мѡѷсе́йскꙋю пѣ́снь воспрїи́мши, возопі́й дꙋшѐ: помо́щникъ и҆ покрови́тель бы́сть мнѣ̀ во сп҃се́нїе, се́й мо́й бг҃ъ, и҆ просла́влю є҆го̀."
|
||||
},
|
||||
{
|
||||
"type": "TEXT",
|
||||
"value": "Себѐ бра́тїе пре́жде и҆схо́да воспла́чимъ го́рькѡ, ꙗ҆́кѡ да слеза́ми до́брыми ᲂу҆бѣжи́мъ тогда̀ сле́зъ мꙋче́нїѧ, ничто́же и҆мꙋ́щихъ поле́зно."
|
||||
},
|
||||
{
|
||||
"type": "TEXT",
|
||||
"value": "Тьма́ми хрⷭ҇тѐ, завѣща́хъ пока́ѧтисѧ, и҆ нечꙋ́вственнꙋ дꙋ́шꙋ и҆мѣ́ѧй, въ прегрѣшє́нїѧ впа́даю: ᲂу҆ще́дри сп҃се не́мощь мою̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆̀же мꙋче́нїѧ ѻ҆́гнь претерпѣ́вше, бж҃е́ственнымъ ѡ҆роше́нїемъ стрⷭ҇тоте́рпцы хрⷭ҇тѡ́вы, ѻ҆гнѧ̀ гее́нны и҆зба́вите мѧ̀, въ страсте́хъ лю́тыхъ слежа́щаго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крѣ́пцы на врагѝ ꙗ҆́вльшесѧ си́лою бж҃е́ственною, некрѣ́постнꙋю и҆́хъ низложи́сте си́лꙋ, мч҃нцы хрⷭ҇тѡ́вы достохва́льнїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пламеноно́снаѧ клещѐ, ю҆́же и҆са́їа ви́дѣ и҆ногда̀, веще́ствєнныѧ се́рдца моегѡ̀ стра̑сти бг҃ороди́тельнице попалѝ, и҆ до конца̀ потребѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ, ко ст҃о́мꙋ чⷭ҇тнѣ́йшемꙋ прⷪ҇ро́кꙋ і҆ѡа́ннꙋ прⷣте́чи, гла́съ в҃, творе́нїе і҆ѡ́сифово, є҆гѡ́же краегране́сїе си́це:"
|
||||
},
|
||||
{
|
||||
"type": "TEXT",
|
||||
"value": "Крⷭ҇ти́телю, мольбꙋ̀ прїимѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть, препросла́вленный гдⷭ҇ь, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Крⷭ҇ти́телю и҆ прⷣте́че хрⷭ҇то́въ, погрꙋжа́емый всегда̀ сластьмѝ тѣле́сными, ᲂу҆́мъ мо́й ᲂу҆пра́ви, и҆ во́лны страсте́й ᲂу҆кротѝ: ꙗ҆́кѡ да въ тишинѣ̀ бж҃е́ственнѣй бы́въ, пѣсносло́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Недоꙋмѣ́ннымъ просвѣти́всѧ просвѣще́нїемъ, ꙗ҆́кѡ многосвѣ́тлаѧ ѕвѣзда̀, мы́сленномꙋ восто́кꙋ предте́клъ є҆сѝ: и҆́мже ѡ҆зари́тисѧ се́рдцꙋ моемꙋ̀ крⷭ҇ти́телю, молѝ, ѡ҆мраче́нномꙋ всѣ́ми бѣсо́вскими приложе́нїи."
|
||||
},
|
||||
{
|
||||
"type": "TEXT",
|
||||
"value": "Въ рѣцѣ̀ бе́зднꙋ и҆ногда̀ всемꙋ́дре погрꙋзи́лъ є҆сѝ, пото́пъ содѣва́ющꙋю бл҃года́тїю, всегѡ̀ престꙋпле́нїѧ. Но молю́сѧ, пото́ки бл҃же́нне мои́хъ прегрѣше́нїй и҆зсꙋшѝ, бж҃е́ственнымъ хода́тайствомъ твои́мъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Чⷭ҇тыѧ дв҃ы, бг҃а воплоти́вшїѧ, сро́дникъ бы́лъ є҆сѝ бл҃же́нне прⷣте́че, съ не́юже тѧ̀ чти́мъ и҆ мо́лимъ, и҆̀же въ бж҃е́ственнѣмъ хра́мѣ твое́мъ ны́нѣ живꙋ́ще: хра́мы и҆ на́съ сотворѝ дх҃а ст҃а́гѡ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Непло́дствовавшїй мо́й ᲂу҆́мъ, плодоно́сенъ бж҃е покажи́ ми, дѣ́лателю до́брыхъ, насади́телю бл҃ги́хъ, бл҃гоꙋтро́бїемъ твои́мъ."
|
||||
},
|
||||
{
|
||||
"type": "TEXT",
|
||||
"value": "Лѣ́ностнымъ дрема́нїемъ ѡ҆тѧготи́хъ дꙋ́шꙋ: воздви́гни хрⷭ҇тѐ ко бдѣ́нїю покаѧ́нїѧ, твори́ти твоѧ̑ повелѣ̑нїѧ."
|
||||
},
|
||||
{
|
||||
"type": "TEXT",
|
||||
"value": "Не ꙗ҆вѝ менѐ і҆и҃се, въ де́нь стра́шный ѿча́ѧнна: но пре́жде конца̀ ѡ҆брати́въ, лю́тыѧ и҆зба́ви мꙋ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆̀же стрⷭ҇ти хрⷭ҇тѡ́вы подража́вше до́брѣ, бж҃е́ственными ѡ҆́бразы стрⷭ҇тоте́рпцы хрⷭ҇тѡ́вы, дꙋшѝ моеѧ̀ лю̑тыѧ стра̑сти и҆сцѣли́те."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Да и҆́же на нб҃сѣ́хъ присносꙋ̑щнымъ бл҃ги̑мъ сподо́битесѧ всѧ́кое и҆скꙋше́нїе лю́тыхъ, стрⷭ҇тоте́рпцы, на землѝ тве́рдѡ претерпѣ́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дои́ши матеролѣ́пнѡ пита́телѧ всѣ́хъ, и҆ но́сиши сего̀ на ѡ҆б̾ѧ́тїѧхъ чⷭ҇таѧ, всѧ́чєскаѧ рꙋко́ю носѧ́щаго всегда̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑. Возвесели́ бо сѧ дꙋ́хъ мо́й, внегда̀ пѣ́ти: нѣ́сть ст҃ъ, ꙗ҆́коже бг҃ъ на́шъ, и҆ нѣ́сть пра́веденъ па́че тебѐ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "И҆сцѣлѝ стрꙋ́пы дꙋшѝ моеѧ̀, ᲂу҆́мъ мо́й, ѡ҆мраче́нный небреже́нїемъ, ѡ҆зарѝ бж҃е́ственнымъ твои́мъ хода́тайствомъ гдⷭ҇ень прⷣте́че, и҆ всѧ́кагѡ и҆зба́ви мѧ̀ сопроти́внагѡ ѡ҆бстоѧ́нїѧ, молю́сѧ."
|
||||
},
|
||||
{
|
||||
"type": "TEXT",
|
||||
"value": "Непло́дствїе разрѣши́лъ є҆сѝ ро́ждшїѧ, роди́всѧ бж҃їимъ промышле́нїемъ премꙋ́дре прⷪ҇ро́че: непло́дное ᲂу҆́бѡ се́рдце моѐ, плодоно́сно ны́нѣ содѣ́лай гдⷭ҇ень прⷣте́че, хода́тайствомъ твои́мъ, добродѣ́телей приноси́ти прозѧбє́нїѧ."
|
||||
},
|
||||
{
|
||||
"type": "TEXT",
|
||||
"value": "Любо́вїю твое́ю созида́ющаго бж҃е́ственный до́мъ, вы́шнѧгѡ житїѧ̀ ᲂу҆лꙋчи́ти молѝ, и҆̀же вѣ́рою хра́мꙋ твоемꙋ̀ слꙋжа́щыѧ, хра́мы дх҃а бж҃е́ственнагѡ сотворѝ, крⷭ҇ти́телю и҆ прⷣте́че, хода́тайствы твои́ми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Веселѧ́шесѧ предте́ча въ ложесна́хъ носи́мь ма́тернихъ, и҆ покланѧ́шесѧ гдⷭ҇ꙋ, носи́мꙋ въ ложесна́хъ благода́тныѧ, є҆го́же молѝ, ѿ всѧ́кїѧ ско́рби и҆зба́вити мѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆́же ѿ дв҃ы твоѐ рождество̀ прⷪ҇ро́къ предзрѧ̀, воспроповѣ́даше вопїѧ̀: слꙋ́хъ тво́й ᲂу҆слы́шахъ, и҆ ᲂу҆боѧ́хсѧ, ꙗ҆́кѡ ѿ ю҆́га, и҆ и҆з̾ горы̀ ст҃ы́ѧ прїѡсѣне́нныѧ прише́лъ є҆сѝ хрⷭ҇тѐ."
|
||||
},
|
||||
{
|
||||
"type": "TEXT",
|
||||
"value": "Ѡ҆кра́дена мѧ̀ ѿвсю́дꙋ, и҆ ѡ҆бнища́вша сло́ве, зрѧ̀ вра́гъ, ѡ҆ поги́бели мое́й ра́дꙋетсѧ, льсти́вый мꙋдре́цъ: гдⷭ҇и сла́вы, ѡ҆богати́телю ᲂу҆бо́гихъ, тогѡ́ мѧ ѕлодѣ́йствїѧ и҆змѝ."
|
||||
},
|
||||
{
|
||||
"type": "TEXT",
|
||||
"value": "Рꙋ́цѣ и҆ ѻ҆́чи ѡ҆скверни́хъ гдⷭ҇и, содѣ́ѧвъ ꙗ҆̀же нелѣ́по є҆́сть твори́ти, и҆ въ гнѣ́въ подвиго́хъ щедрѡ́ты твоѧ̑, и҆жди́въ твоѐ долготерпѣ́нїе: призрѣ́въ ᲂу҆ще́дри мѧ̀ бл҃же."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ко́ль ди́венъ бг҃ъ на́шъ во ст҃ы́хъ є҆́сть, послꙋ́шавшихъ є҆го̀, и҆ низлага́ющихъ и҆стꙋка̑нныѧ поги́бели, и҆ наслѣ́довавшихъ раѧ̀ простра́нство, ѿ негѡ́же дре́вле и҆згна́нъ бы́сть а҆да́мъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стрꙋѧ́ми крове́й бл҃же́ннїи ᲂу҆ста́висте кро́вь, приноси́мꙋю и҆ногда̀ де́мѡнѡмъ, всѣ̑мъ поги́бельнꙋю, на па́гꙋбꙋ приносѧ́щымъ человѣ́кѡмъ. Сегѡ̀ ра́ди ᲂу҆блажа́еми є҆стѐ при́снѡ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Наꙋчи́всѧ дх҃омъ проро́ческїй пресла́вный ли́къ, є҆́же па́че ᲂу҆ма̀ твое́й та́йнѣ бцⷣе, различноѡбра́знѡ сїю̀ предначерта́етъ сщ҃е́нными ѡ҆бразы̀, и҆́хже коне́цъ зри́мъ свѣ́тлѡ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃лъ, но са́мъ гдⷭ҇и вопло́щьсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Прекло́ншемꙋ нб҃са̀ и҆ чл҃вѣ́кѡмъ бесѣ́довавшꙋ, главꙋ̀ приклони́лъ є҆сѝ, десни́цею твое́ю пребога́те: є҆́юже мѧ̀ соблюдѝ, во смире́нїи соблюда́ѧ се́рдце моѐ."
|
||||
},
|
||||
{
|
||||
"type": "TEXT",
|
||||
"value": "Пꙋсты́нѧ тебѐ граждани́на непрохо́днаѧ и҆мѧ́ше, бл҃же́нне предте́че. Тѣ́мже вопїю́ ти: пꙋ́стꙋ всѧ́кагѡ бж҃е́ственнагѡ дѣѧ́нїѧ бы́вшꙋ дꙋ́шꙋ мою̀ снабдѝ."
|
||||
},
|
||||
{
|
||||
"type": "TEXT",
|
||||
"value": "Зако́нъ бж҃е́ственный ᲂу҆правлѧ́ѧ, беззако́ннѡ закла́нъ бы́лъ є҆сѝ. Тѣ́мже молю́сѧ тебѣ̀: беззако́ннꙋюща мѧ̀ всегда̀, и҆ прельща́ема бѣсо́вскими прельще́ньми, и҆спра́ви."
|
||||
},
|
||||
{
|
||||
"type": "TEXT",
|
||||
"value": "Созда́въ са́мъ себѐ хра́мъ влⷣцѣ цр҃ю̀, къ бж҃е́ствєннымъ селе́нїємъ ны́нѣ преше́лъ є҆сѝ предте́че: и҆́хже полꙋчи́ти молѝ, тебѣ̀ прест҃ы́й до́мъ воздви́гшаго."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: При́зри на мѧ̀ недꙋ́гꙋющаго всенепоро́чнаѧ, и҆ разрѣшѝ стра̑сти моѧ̑ лю̑тыѧ и҆ неꙋдобоисцѣ̑льныѧ: ꙗ҆́кѡ да велича́ю тѧ̀ возвели́чившꙋю всѐ человѣ́чество."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мглꙋ̀ дꙋшѝ моеѧ̀ сп҃се мо́й разгна́въ, свѣ́томъ за́повѣдей твои́хъ ѡ҆зари́ мѧ, ꙗ҆́кѡ є҆ди́нъ цр҃ь ми́ра."
|
||||
},
|
||||
{
|
||||
"type": "TEXT",
|
||||
"value": "Грѣхѝ совокꙋплѧ́ю безꙋ́мнѡ грѣхѡ́мъ, и҆ восклоне́нїѧ нѣ́сть въ сме́рти мое́й: ᲂу҆вы̀ мнѣ̀, ка́кѡ ꙗ҆влю́сѧ хрⷭ҇то́ви;"
|
||||
},
|
||||
{
|
||||
"type": "TEXT",
|
||||
"value": "Бѣдꙋ̀ прїе́млю ꙗ҆́кѡ кора́бль, погꙋби́хъ моѐ бре́мѧ, є҆́же мѝ да́лъ є҆сѝ ще́дре, и҆ ны́нѣ ѡ҆бнища́въ зовꙋ̀: не пре́зри менѐ хрⷭ҇тѐ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ сла́вꙋ презрѣ́вше до́льнюю и҆ попира́емꙋю, нбⷭ҇нѣй страстоте́рпцы сподо́бистесѧ сла́вѣ, сопребыва́юще хрⷭ҇тꙋ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Любвѐ ꙗ҆́же къ пло́ти ᲂу҆́мъ ѿлꙋчи́вше, вѣ́рою мꙋ̑ки ᲂу҆сво́исте любе́знѡ стрⷭ҇тоте́рпцы, ᲂу҆своѧ́еми хрⷭ҇тꙋ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Данїи́лъ тѧ̀ го́рꙋ ве́лїю дх҃омъ зрѧ́ще бцⷣе: ѿ неѧ́же ка́мень ѿсѣ́ксѧ, сокрꙋша́етъ де́мѡнѡвъ и҆стꙋка̑ннаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣще́нїе во тьмѣ̀ лежа́щихъ, сп҃се́нїе ѿча́ѧнныхъ хрⷭ҇тѐ сп҃се мо́й, къ тебѣ̀ ᲂу҆́тренюю цр҃ю̀ ми́ра, просвѣти́ мѧ сїѧ́нїемъ твои́мъ: и҆но́гѡ бо ра́звѣ тебѐ бг҃а не зна́ю."
|
||||
},
|
||||
{
|
||||
"type": "TEXT",
|
||||
"value": "Въ тече́нїихъ і҆ѻрда́нскихъ стрꙋѧ̀ нетлѣ́нїѧ прⷣте́че, крести́въ хрⷭ҇та̀ молѝ и҆стека̑нїѧ страсте́й мои́хъ и҆зсꙋши́ти, и҆ пото́ки сла́достныѧ наслѣ́довати, и҆ пра́ведныхъ кра́снагѡ ра́дованїѧ."
|
||||
},
|
||||
{
|
||||
"type": "TEXT",
|
||||
"value": "Оу҆жѐ рыда́ю, и҆ содрага́юсѧ стра́хомъ, и҆ недоꙋмѣ́нїемъ всегда̀ содержи́мь є҆́смь, помышлѧ́ѧ моѧ̑ содѣ̑ланнаѧ, и҆ бꙋ́дꙋщїй сꙋ́дъ ᲂу҆жа́сный: бл҃гоꙋтро́бне гдⷭ҇и, пощади́ мѧ твоегѡ̀ крести́телѧ мольба́ми."
|
||||
},
|
||||
{
|
||||
"type": "TEXT",
|
||||
"value": "Законополага́ѧй лю́демъ сп҃се́нїе, въ раска́ѧнїи прⷣте́че прегрѣше́нїй бы́вшее, посредѣ̀ зако́на и҆ бл҃года́ти ста́лъ є҆сѝ. Сегѡ̀ ра́ди мо́лимъ тѧ̀: ѡ҆бразмѝ покаѧ́нїѧ на́съ просвѣтѝ."
|
||||
},
|
||||
{
|
||||
"type": "TEXT",
|
||||
"value": "Да́ждь мѝ вре́мѧ покаѧ́нїѧ, ᲂу҆ны́ннѡ преше́дшее, всѐ и҆жди́вшемꙋ, бл҃годѣ́телю, и҆мѣ́ѧ на сїѐ молѧ́щаго тѧ̀ сло́ве, і҆ѡа́нна вели́каго прⷣте́чꙋ, и҆ покаѧ́нїѧ всемі́рнаго проповѣ́дника."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Навѣ́ты и҆ ловле́нїи льсти́вагѡ ᲂу҆мертви́хсѧ, влⷣчце всенепоро́чнаѧ, ѡ҆живи́ мѧ, ꙗ҆́же ро́ждшаѧ живо́тъ всѣ́хъ бцⷣе ѵ҆поста́сный, да тѧ̀ пою̀ бл҃гоче́стнѡ всенепоро́чнꙋю."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во глꙋбинѣ̀ грѣхо́внѣй содержи́мь є҆́смь сп҃се, и҆ въ пꙋчи́нѣ жите́йстѣй ѡ҆бꙋрева́емь: но ꙗ҆́коже і҆ѡ́нꙋ ѿ ѕвѣ́рѧ, и҆ менѐ ѿ страсте́й возведѝ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже дре́вле ханане́а зовꙋ́ ти сп҃се, сн҃е бж҃їй, поми́ловавъ мѧ̀ ᲂу҆ще́дри: дꙋ́шꙋ бо стра́ждꙋщꙋ и҆́мамъ въ лю́тыхъ, и҆ самꙋ̀ въ чꙋ́вство прїитѝ не хотѧ́щꙋю."
|
||||
},
|
||||
{
|
||||
"type": "TEXT",
|
||||
"value": "Смꙋща́етъ мѧ̀ безмѣ́рныхъ страсте́й бꙋ́рѧ: ꙗ҆́коже мо́рю и҆ногда̀ запрети́лъ є҆сѝ, и҆ спа́слъ є҆сѝ ст҃ы̑ѧ ᲂу҆ч҃нкѝ твоѧ̑, и҆ менѐ і҆и҃се возведѝ, и҆ сп҃сѝ хрⷭ҇тѐ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆диви́шасѧ а҆́гг҃льстїи безпло́тнїи ли́цы терпѣ́нїю ва́шемꙋ, є҆́же въ тѣлесѝ: и҆ похвали́ша подаю́щаго ва́мъ честні́и страда́льцы, и҆ си́лꙋ и҆ трꙋдѡ́въ воздаѧ̑нїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆кроплѧ́еми крове́й свои́хъ тече́ньми, и҆ ѻ҆́чїю и҆збода́еми мч҃нцы, померза́еми стꙋ́денїю лю́тою, къ теплотѣ̀ жи́зни преидо́сте, воспѣва́юще хрⷭ҇та̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ трапе́за хлѣ́бъ вмѣща́еши та́йный, ѿ негѡ́же ꙗ҆́дше не ктомꙋ̀ а҆́лчемъ всепѣ́таѧ, вѣ́дꙋщїи тѧ̀ хрⷭ҇та̀ всѣ́хъ бг҃а роди́тельницꙋ, и҆ пита́тельницꙋ ꙗ҆́кѡ вои́стиннꙋ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю млⷭ҇рдїѧ твоегѡ̀ призыва́ю бе́зднꙋ: ѿ тлѝ бж҃е мѧ̀ возведѝ."
|
||||
},
|
||||
{
|
||||
"type": "TEXT",
|
||||
"value": "Гла́съ сло́во проповѣ́давый, всѣ́хъ гла́сы воспрїе́мъ, просѝ грѣхѡ́въ проще́нїе дарова́ти, вѣ́рою пою́щымъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сокрꙋше́нїе дꙋшѝ моеѧ̀ и҆сцѣлѝ, и҆ грѣхѡ́въ бре́мѧ разрѣшѝ, и҆ па́че наде́жды сп҃си́ мѧ мл҃твами твои́ми, бл҃же́нне предте́че."
|
||||
},
|
||||
{
|
||||
"type": "TEXT",
|
||||
"value": "І҆и҃са, є҆го́же рꙋко́ю твое́ю крести́лъ є҆сѝ, предте́че молѝ, рꙋки́ мѧ и҆зба́вити грѣха̀, взима́юща къ немꙋ̀ рꙋ́цѣ при́снѡ, всесла́вне."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дрема́нїемъ лѣ́ностнымъ ѡ҆держи́мь є҆́смь, со́нъ грѣхо́вный тѧготи́тъ се́рдце моѐ: твои́мъ пречⷭ҇таѧ бдѣ́ннымъ хода́тайствомъ воздви́гни, и҆ сп҃си́ мѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Херꙋві́мы подража́юще ѻ҆́троцы въ пещѝ, ликовствова́хꙋ вопїю́ще: бл҃гослове́нъ є҆сѝ бж҃е, ꙗ҆́кѡ и҆́стиною и҆ сꙋдо́мъ наве́лъ є҆сѝ сїѧ̑ всѧ̑ грѣ̑хъ ра́ди на́шихъ, препѣ́тый и҆ препросла́вленный во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Зако́нѡвъ твои́хъ ѿверго́хсѧ, и҆ покори́хсѧ безслове́снымъ похоте́мъ, дѣ́ѧ нелѣ̑паѧ хрⷭ҇тѐ, ꙗ҆́кѡ ѡ҆сꙋети́хсѧ въ безꙋ́мїи мое́мъ, ꙗ҆́коже и҆́нъ никто́же ѿ человѣ̑къ на землѝ: не ѡ҆ста́ви ᲂу҆̀бо менѐ сп҃се, поги́бнꙋти, чл҃вѣколю́бїѧ ра́ди."
|
||||
},
|
||||
{
|
||||
"type": "TEXT",
|
||||
"value": "Въ беззако́нїихъ, гдⷭ҇и, сѐ а҆́зъ зача́тъ є҆́смь, ꙗ҆́коже дв҃дъ зовꙋ̀, и҆ ꙗ҆́кѡ блꙋдни́ца слезю̀, и҆ ꙗ҆́кѡ преѡгорчева́ѧй ра́бъ, преѡгорчи́хъ тѧ̀ є҆ди́наго сꙋ́щаго бг҃а бл҃га́го: не ѡ҆ста́ви ᲂу҆̀бо менѐ сп҃се поги́бнꙋти, чл҃вѣколю́бїѧ ра́ди."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мч҃нческїй подвиза́сѧ собо́ръ страстоте́рпєцъ, мч҃нчески вѣнча́сѧ живоно́сною десни́цею: ꙗ҆́кѡ вои́стиннꙋ бг҃а возлюбѝ, всѧ̑ сотво́ршаго сло́вомъ. И҆ ны́нѣ на нб҃сѣ́хъ ра́дꙋѧсѧ, наслажда́етсѧ бж҃е́ственнагѡ наслѣ́дїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѻ҆́чїю и҆збода́еми, и҆ ѿе́млеми рꙋка́ми и҆ нога́ми, бл҃готе́чнѡ къ нб҃сномꙋ бл҃госла́внїи посыла́хꙋсѧ ше́ствїю, препина́юще шє́ствїѧ є҆динобо́рца: тѣ́хъ мл҃твами сп҃сѝ всѧ̑ сло́ве, тебѐ славосло́вѧщыѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Херꙋві́ми сла́вѧтъ, серафі́ми воспѣва́ютъ, престо́ли, и҆ вла̑сти, и҆ гдⷭ҇ьствїѧ при́снѡ, є҆́же па́че ᲂу҆ма̀ твоѐ ржⷭ҇тво̀, мр҃і́е всепѣ́таѧ, ꙗ҆́кѡ є҆ди́на бг҃а ражда́еши пло́тїю. Є҆го́же молѝ чⷭ҇таѧ, всѣ̑мъ на́мъ сп҃сти́сѧ, любо́вїю почита́ющымъ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ, высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "И҆з̾ ко́рене сѣки́рою твоегѡ̀ покаѧ́нїѧ, и҆сто́ргъ ꙗ҆́звы стра́стнагѡ се́рдца моегѡ̀, всадѝ предте́че бж҃е́ственное безстра́стїе, и҆ стра́хъ чистѣ́йшїй бж҃їй, всѧ́кїѧ ѕло́бы ѿчꙋжда́ющїй мѧ̀."
|
||||
},
|
||||
{
|
||||
"type": "TEXT",
|
||||
"value": "Во стрꙋѧ́хъ і҆ѻрда́нскихъ, ꙗ҆́кѡ крести́лъ є҆сѝ покрыва́ющаго вода́ми превы́спрєннѧѧ гдⷭ҇а: того̀ молѝ во́дꙋ дарова́ти бж҃е́ственнагѡ ᲂу҆миле́нїѧ при́снѡ ѻ҆чи́ма мои́ма, сла́вный прⷣте́че."
|
||||
},
|
||||
{
|
||||
"type": "TEXT",
|
||||
"value": "И҆́же мі́рꙋ взе́млющаго грѣ́хъ а҆́гнца бж҃їѧ, предте́че проповѣ́давъ, того̀ молѝ ѿ кѡ́злищъ ча́сти ꙗ҆ви́ти мѧ̀ чꙋ́жда, и҆ десны́мъ є҆гѡ̀ ѻ҆вца́мъ и҆ менѐ сочета́ти, сла́вне."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Непло́днаѧ ᲂу҆тро́ба носѧ́ше тѧ̀ дв҃о: во чре́вѣ носи́вшꙋю сло́во воплоще́нно, є҆го́же бж҃е́ственными взыгра́нїи, вели́кїй предте́ча, непло́дный всест҃ы́й пло́дъ позна̀ ра́дꙋѧсѧ, и҆ поклони́сѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ кꙋпинѣ̀ мѡѷсе́ю дв҃ы чꙋ́до, на сїна́йстѣй горѣ̀ проѡбрази́вшаго и҆ногда̀, по́йте, бл҃гослови́те, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Да ѡ҆божи́ши на́съ, воплоти́лсѧ є҆сѝ за млⷭ҇ть, ника́коже разꙋмѣ́хъ, порабоще́нъ сластьмѝ: твое́ю бл҃гостїю ѡ҆брати́ мѧ хрⷭ҇тѐ, всѣ́хъ сп҃се́нїе."
|
||||
},
|
||||
{
|
||||
"type": "TEXT",
|
||||
"value": "Ты̀ па́стырю до́брый сло́ве, заблꙋ́ждшꙋю на гора́хъ престꙋпле́нїѧ, ѻ҆каѧ́ннꙋю мою̀ дꙋ́шꙋ ѡ҆братѝ и҆ сп҃сѝ: да не до конца́ мѧ вра́гъ льсти́вый пожре́тъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ста́немъ мꙋ́жески вкꙋ́пѣ, вопїѧ́хꙋ дрꙋ́гъ дрꙋ́гꙋ кра́снїи страда́льцы, ᲂу҆ранѧ́еми лю́тѣ: сѐ хрⷭ҇то́съ простира́етъ побѣ́ды вѣнцы̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крѣ́пкими жи́лами, тве́рдыми ва́шими болѣ́зньми ᲂу҆дави́сте ѕмі́ѧ, хотѧ́щаго ва́съ ѕлокова́рнѡ прельсти́ти: и҆ ра́йскїѧ пи́щи ꙗ҆ви́стесѧ наслѣ̑дницы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Да ѡ҆божи́тъ на́съ бг҃ъ, воплоти́сѧ и҆з̾ чⷭ҇тыхъ крове́й твои́хъ, и҆ бы́сть человѣ́къ дв҃о бцⷣе: є҆го́же молѝ при́снѡ ѡ҆ чтꙋ́щихъ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Да́ждь десни́цꙋ мнѣ̀ на землѝ лежа́щемꙋ, предте́че, и҆́же десни́цꙋ просте́ръ, и҆ ѡ҆мы́лъ є҆сѝ вода́ми нескве́рнаго: и҆ и҆зба́ви мѧ̀ скве́рны тѣле́сныѧ, всего́ мѧ ѡ҆чища́ѧ покаѧ́нїемъ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "И҆мꙋ́щи дꙋшѐ вре́мѧ пока́ѧтисѧ, лѣ́ности тѧжча́йшїй со́нъ ѿтрѧсѝ, и҆ спѣ́шнѡ побдѝ вопїю́щи влⷣцѣ твоемꙋ̀: млⷭ҇рде, ᲂу҆ще́дри мѧ̀, крⷭ҇ти́телѧ твоегѡ̀ мольба́ми."
|
||||
},
|
||||
{
|
||||
"type": "TEXT",
|
||||
"value": "Пото́цы страсте́й, и҆ во́ды ѕло́бы до дꙋшѝ моеѧ̀ внидо́ша, бл҃же́нне предте́че: потщи́сѧ ско́рѡ и҆з̾ѧ́ти мѧ̀, и҆́же рѣ́чными стрꙋѧ́ми и҆змы́въ безстра́стїѧ тиша́йшꙋю пꙋчи́нꙋ."
|
||||
},
|
||||
{
|
||||
"type": "TEXT",
|
||||
"value": "Оу҆вы̀ мнѣ̀, мнѡ́га ѕла̀ сотво́ршемꙋ! Оу҆вы̀ мнѣ̀, є҆ди́номꙋ прогнѣ́вавшемꙋ бг҃а пребл҃га́го! Крⷭ҇ти́телю хрⷭ҇то́въ, помози́ ми, и҆ пода́ждь прегрѣше́нїй мои́хъ разрѣше́нїе, и҆ долгѡ́въ мои́хъ ѿсѣче́нїе твои́ми хода́тайствы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Вы́шнѧго бг҃а пло́тїю ро́ждшаѧ, ѿ гно́ѧ мѧ̀ возста́ви страсте́й ѡ҆скорблѧ́ющихъ мѧ̀, и҆ лю́тѣ всего̀ ѡ҆бнища́вша, бж҃е́ственными ѡ҆богатѝ пречⷭ҇таѧ добродѣ́тельми, ꙗ҆́кѡ да воспою́ тѧ спаса́емь."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ земноро́дныхъ кто̀ слы́ша таково́е, и҆лѝ кто̀ ви́дѣ когда̀; ꙗ҆́кѡ дв҃а ѡ҆брѣ́тесѧ во чре́вѣ и҆мꙋ́щаѧ, и҆ безболѣ́зненнѡ млⷣнца поро́ждшаѧ; таково́е твоѐ чꙋ́до, и҆ тѧ̀ чⷭ҇таѧ бцⷣе велича́емъ."
|
||||
},
|
||||
{
|
||||
"type": "TEXT",
|
||||
"value": "Ѽ ка́кѡ стра́шно є҆́сть твоѐ сꙋди́ще, на не́мже хрⷭ҇тѐ ѡ҆жида́ю сꙋди́тисѧ, и҆ не чꙋ́вствꙋю ѿню́дъ сегѡ̀ стра́ха, въ лѣ́ности всѧ̑ лѣ̑та провожда́ѧ! Ѡ҆брати́ мѧ є҆ди́не содѣ́телю, и҆́же манассі́ю ѡ҆браще́й согрѣши́вшаго."
|
||||
},
|
||||
{
|
||||
"type": "TEXT",
|
||||
"value": "Оу҆ста́ви хрⷭ҇тѐ пото́ки, вопїю́ ти, безмѣ́рныхъ мои́хъ ѕѡ́лъ, то́ки мнѣ̀ даѧ́й сле́зъ ᲂу҆мыва́ющыѧ скве́рнꙋ, ꙗ҆̀же под̾ѧ́хъ безꙋ́мїемъ: и҆ сп҃си́ мѧ, спасы́й блꙋдни́цꙋ ѿ дꙋшѝ пока́ѧвшꙋюсѧ, млⷭ҇тїю твое́ю."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѣтоза́рнаѧ бж҃е́ственныхъ страстоте́рпєцъ па́мѧть, ꙗ҆́кѡ со́лнце на́мъ возсїѧ́вши, всѧ̑ концы̀ земны̑ѧ свѣтово́дитъ, и҆ тьмꙋ̀ прогонѧ́етъ бж҃е́ственнымъ дх҃омъ і҆дѡлонеи́стовства, и҆ страсте́й дꙋшетлѣ́нныхъ помраче́нїе."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: По́лкъ че́стенъ, во́инство побѣдоно́сное, и҆ и҆збра́нное ѡ҆полче́нїе, собо́ръ ст҃ы́хъ мч҃нкъ, ли́къ бл҃же́нный, ликостоѧ́нїємъ сочета́сѧ безпло́тныхъ. Тѣ́хъ мл҃твами хрⷭ҇тѐ, всѧ̑ ны̀ црⷭ҇твїю твоемꙋ̀ прича́стники сотворѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣ́тлыми зарѧ́ми, и҆з̾ чре́ва твоегѡ̀ возсїѧ́вшагѡ на́мъ, и҆ безбо́жїѧ но́щь потре́бльшагѡ, дв҃о мт҃и мр҃і́е, просвѣтѝ всѧ̑ вѣ́рою тебѐ чтꙋ́щыѧ, и҆ ѿ несвѣти́мыѧ тьмы̀ и҆зба́ви въ ча́съ ѡ҆сꙋжде́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щьсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ. Тѣ́мъ всепѣ́тꙋю бцⷣꙋ велича́емъ."
|
||||
},
|
||||
{
|
||||
"type": "TEXT",
|
||||
"value": "Ка́ла мѧ̀ и҆зба́ви грѣхо́внагѡ гдⷭ҇и, безгрѣ́шнѣ є҆ди́не и҆ многомлⷭ҇тиве, крⷭ҇ти́телѧ мольба́ми, и҆́же тебѐ проповѣ́давый всемꙋ̀ мі́рꙋ а҆́гнца бж҃їѧ, взе́млющаго человѣ́кѡвъ грѣхѝ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ши́покъ благово́ненъ, ꙗ҆́кѡ бл҃гоꙋха́нный кѷпарі́съ, ꙗ҆́кѡ неꙋвѧда́емый крі́нъ, ꙗ҆́кѡ мѵ́ро чⷭ҇тно и҆мѣ́ѧй тѧ̀ гдⷭ҇ень предте́че, мои́хъ дѣ́лъ ѕлосмра́дїѧ и҆збавлѧ́юсѧ мл҃твами твои́ми, притека́ѧ къ покро́вꙋ твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Непло́дствꙋюща мѧ̀ непло́дными дѣ́лы всебл҃же́нне сотворѝ, добродѣ́телей благопло́дїе при́снѡ приносѧ́ща, ча́до мѧ̀ гдⷭ҇не творѧ̀, и҆ прича́стника бж҃е́ственномꙋ црⷭ҇твїю, и҆ ст҃ы́хъ собо́рꙋ кꙋпножи́телѧ."
|
||||
},
|
||||
{
|
||||
"type": "TEXT",
|
||||
"value": "На́мъ лю́бѧщымъ тѧ̀, и҆ любо́вїю почита́ющымъ, и҆ въ бж҃е́ственнѣмъ хра́мѣ твое́мъ ликꙋ́ющымъ, да́ждь съ нб҃сѐ разрѣше́нїе лю́тыхъ предте́че гдⷭ҇ень, и҆ житїѧ̀ и҆справле́нїе, и҆ прегрѣше́нїй и҆збавле́нїе."
|
||||
},
|
||||
{
|
||||
"type": "TEXT",
|
||||
"value": "Носи́мꙋ во ᲂу҆тро́бѣ бг҃ома́терни, всѧ̑ носѧ́щемꙋ ма́нїемъ, поклони́лсѧ є҆сѝ прⷪ҇ро́че: съ не́юже молѝ смире́ннѣй сп҃сти́сѧ дꙋшѝ мое́й, во мнѡ́гаѧ впа́дающей по всѧ̑ дни̑ согрѣшє́нїѧ."
|
||||
}
|
||||
]
|
||||
@@ -0,0 +1,418 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀, гла́съ в҃, творе́нїе і҆ѡ́сифово, є҆гѡ́же краегране́сїе си́це:"
|
||||
},
|
||||
{
|
||||
"type": "TEXT",
|
||||
"value": "Паде́нїе є҆́сть бѣсѡ́мъ, крⷭ҇тное стоѧ́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть, препросла́вленный гдⷭ҇ь, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Престꙋпи́въ пе́рвꙋю за́повѣдь дре́вле первозда́нный, ѿ сада̀ сме́рть ѡ҆б̾е́мъ: воздви́гнꙋвыйсѧ же на дре́во безсме́ртный, и҆ сме́рти вкꙋси́вый, безсме́ртїе всѣ̑мъ человѣ́кѡмъ дарова̀."
|
||||
},
|
||||
{
|
||||
"type": "TEXT",
|
||||
"value": "Крⷭ҇тꙋ̀ водрꙋзи́вшꙋсѧ на землѝ, низпадѐ шата́нїе врага̀, и҆ ѿню́дъ потреби́сѧ: пре́жде же ѿринове́нный человѣ́къ па́ки въ ра́й вхо́дитъ. Сла́ва тебѣ̀ та́кѡ є҆ди́номꙋ бл҃гоизво́лившемꙋ бг҃ꙋ на́шемꙋ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ ѻ҆внѝ, ꙗ҆́кѡ а҆́гнцы слове́снїи, всѝ закала́еми, и҆ на ᲂу҆́ды неми́лостивнѡ ссѣка́еми прехва́льнїи мч҃нцы, и҆ принесе́ни бы́сте закла́номꙋ ꙗ҆́кѡ ѻ҆вча́та: и҆ ны́нѣ цр҃ковь ст҃ꙋ́ю перворо́дныхъ просвѣща́ете."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крѣ́пкое стоѧ́нїе мꙋ́дрїи всегда̀ творѧ́ще, лꙋка̑выѧ врагѝ низложи́сте, мечѝ ссѣка́еми, и҆ во ѻ҆́гнь и҆ въ во́дꙋ вмета́еми: тѣ́мже бл҃же́нныѧ кончи́ны стрⷭ҇тоте́рпцы сподо́бистесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сщ҃е́нный тѧ̀ прⷪ҇ро́ческїй ли́къ нарица́ше две́рь непрохо́днꙋю, зе́млю и҆збра́ннꙋю, и҆ го́рꙋ несѣко́мꙋю, пречⷭ҇таѧ влⷣчце: влⷣкꙋ бо всѣ́хъ родила̀ є҆сѝ во́лею распѧ́тїе пло́тїю прїе́мшаго."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ прест҃ѣ́й бцⷣѣ. Гла́съ в҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Грѧди́те лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆з̾ рабо́ты є҆гѵ́петскїѧ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Всѝ вѣ́рнїи прїиди́те, согла́снѡ воспои́мъ бцⷣꙋ: та́ бо хрⷭ҇та̀ родила̀ є҆́сть па́че ᲂу҆ма̀ человѣ́ча, и҆ непреста́ннѡ мо́литъ сп҃стѝ всѣ́хъ на́съ."
|
||||
},
|
||||
{
|
||||
"type": "TEXT",
|
||||
"value": "И҆́же ѡ҆́бразъ ѻ҆́ч҃и ѵ҆поста́си, и҆з̾ тебѐ прїѧ́тъ смѣше́нїе бг҃ороди́тельнице, и҆ и҆стлѣ́вшїй ѡ҆́бразъ просла́ви, и҆ сего̀ но́ва сотворѝ."
|
||||
},
|
||||
{
|
||||
"type": "TEXT",
|
||||
"value": "Херꙋві̑мъ чⷭ҇тнѣ́йши сꙋ́щи, и҆ нбⷭ҇ныхъ крꙋ̑гъ превы́шши была̀ є҆сѝ: бг҃а бо па́че ᲂу҆ма̀ во ᲂу҆тро́бѣ твое́й безстра́стнѡ вмѣсти́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆збавле́нїе на́шихъ грѣхѡ́въ родила̀ є҆сѝ бл҃года́телѧ гдⷭ҇а, и҆змѣни́вши ме́ртвость пра́ѻтца а҆да́ма, возвела̀ є҆сѝ є҆стество̀ къ нбⷭ҇нымъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Процвѣла̀ є҆́сть пꙋсты́нѧ, ꙗ҆́кѡ крі́нъ гдⷭ҇и, ꙗ҆зы́ческаѧ неплодѧ́щаѧ цр҃ковь, прише́ствїемъ твои́мъ въ не́йже ᲂу҆тверди́сѧ моѐ се́рдце."
|
||||
},
|
||||
{
|
||||
"type": "TEXT",
|
||||
"value": "Распина́емь поколеба́лъ є҆сѝ всю̀ тва́рь гдⷭ҇и, и҆ вѣ̑рныѧ ᲂу҆тверди́лъ є҆сѝ, воспѣва́ющыѧ си́лꙋ твою̀, и҆ неизрече́нное сло́ве снизхожде́нїе твоѐ."
|
||||
},
|
||||
{
|
||||
"type": "TEXT",
|
||||
"value": "Ра́й ѿве́рзлъ є҆сѝ крⷭ҇то́мъ твои́мъ влⷣко, и҆ разбо́йника вве́лъ є҆сѝ позна́вшаго црⷭ҇твїе твоѐ, и҆ бога́тство бж҃е́ственнагѡ твоегѡ̀ бл҃гоꙋтро́бїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Процвѣто́ша мч҃нцы ꙗ҆́коже шипцы̀ бл҃гоꙋха́ннїи, въ мы́сленныхъ де́брѣхъ, и҆ ѕлосмра́днꙋю пре́лесть ѿгна́ша, и҆ вѣ́рныхъ сердца̀ ѡ҆бл҃гоꙋха́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѣти́льницы вселе́нныѧ, вѣ́рныхъ сп҃си́телїе ст҃і́и, свѣ́тлыми дх҃а зарѧ́ми всѣ́хъ просвѣти́те, ва́съ по до́лгꙋ ᲂу҆бл҃жа́ющихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Воздвиза́ема на дре́во жизнода́вца ви́дѧщи, и҆ во́лею ᲂу҆мира́юща, всѣ̑мъ жи́знь подаю́щаго, болѧ́ше ᲂу҆тро́бою всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твердѝ на́съ въ тебѣ̀ гдⷭ҇и, дре́вомъ ᲂу҆мерщве́й грѣ́хъ, и҆ стра́хъ тво́й всадѝ въ сердца̀ на́съ пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Златꙋ́ю ꙗ҆́кѡ вои́стиннꙋ кади́льницꙋ, и҆ рꙋ́чкꙋ ма́нны, и҆ бж҃їю го́рꙋ, и҆ пала́тꙋ краснꙋ̀ бж҃е́ственнꙋю, тѧ̀ дв҃о и҆менꙋ́емъ."
|
||||
},
|
||||
{
|
||||
"type": "TEXT",
|
||||
"value": "Цр҃ковь и҆ сщ҃е́нное жили́ще сло́ва сꙋ́щи бцⷣе: согрѣше́нїй ѡ҆чисти́лище, пречⷭ҇таѧ, бꙋ́ди мѝ приснодв҃о."
|
||||
},
|
||||
{
|
||||
"type": "TEXT",
|
||||
"value": "Ни ѧ҆зы́къ земноро́дныхъ, ни ᲂу҆́мъ безпло́тныхъ возмо́жетъ ржⷭ҇тво̀ твоѐ сказа́ти: вы́ше є҆стества́ бо и҆ смы́сла, бцⷣе зижди́телѧ родила̀ є҆сѝ."
|
||||
},
|
||||
{
|
||||
"type": "TEXT",
|
||||
"value": "Оу҆твержде́нїе бꙋ́ди и҆ прибѣ́жище, и҆ покро́въ дв҃о бг҃ороди́тельнице, вѣ́рою къ тебѣ̀ прибѣга́ющымъ, и҆ бж҃їю тѧ̀ мт҃рь провозвѣща́ющымъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃лъ, но са́мъ гдⷭ҇и вопло́щьсѧ, и҆ сп҃слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Оу҆праздни́лъ є҆сѝ нача́ло лю́тагѡ мїроде́ржца, на дре́во возноси́мь, и҆ клѧ́твꙋ потреби́лъ є҆сѝ. Тѣ́мже тѧ̀ сла́вимъ, и҆̀же тобо́ю сп҃се́ни, є҆ди́не гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Распросте́рта на дре́вѣ ви́дѣвшее тѧ̀ со́лнце скры̀ свѣ́тъ, го́ры и҆ ка́менїе распадо́шасѧ, и҆ завѣ́са церко́внаѧ раздра́сѧ всеси́льне."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆мерщвлѧ́еми, врага̀ до конца̀ ᲂу҆мертви́сте, желѣ́зомъ стрꙋ́жеми, ко́жнагѡ ᲂу҆мерщвле́нїѧ дебельства̀ совлеко́стесѧ мч҃нцы гдⷭ҇ни, и҆ сла́вою ѡ҆блеко́стесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆сѣка́емыми глава́ми мч҃нцы, ᲂу҆жа́снѡ лꙋка́выхъ си́лъ главы̑ ѿсѣко́ша, и҆ пребыва́ющꙋю сла́вꙋ наслѣ́доваша ра́дꙋющесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Возсїѧ̀ и҆з̾ ᲂу҆тро́бы твоеѧ̀, ѻ҆трокови́це неискꙋсобра́чнаѧ, ѻ҆́ч҃ее заре́нїе хрⷭ҇то́съ, и҆ просвѣтѝ вселе́ннꙋю, распина́емь, и҆ бѣсо́вскꙋю тьмꙋ̀ потреби́лъ є҆́сть."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Ка́плю мѝ ᲂу҆миле́нїѧ ѡ҆дождѝ влⷣчце, взима́ющи всѧ́къ се́рдца моегѡ̀ зно́й, и҆ помышле́нїѧ моегѡ̀ мꙋ̑тныѧ пото́ки ᲂу҆ставлѧ́ющи."
|
||||
},
|
||||
{
|
||||
"type": "TEXT",
|
||||
"value": "Ѻ҆рꙋ́жїемъ мѧ̀ сласте́й ᲂу҆ѧ́звлена, и҆ лежа́ща ᲂу҆ра́нена, пречⷭ҇таѧ не пре́зри, но и҆сцѣлѝ копїе́мъ и҆ кро́вїю распѧ́тагѡ сн҃а твоегѡ̀ и҆ бг҃а на́шегѡ."
|
||||
},
|
||||
{
|
||||
"type": "TEXT",
|
||||
"value": "Ѡ҆богати́вши влады́чествомъ всю̀ тва́рь, лю́тѣ мѧ̀ ѡ҆бнища́вша бл҃года́тїю бж҃е́ственною ᲂу҆ще́дри: ꙗ҆́кѡ да велича́ю тѧ̀, ꙗ҆́кѡ бл҃гꙋ́ю мою̀ предста́тельницꙋ, всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Прохлади́ мѧ̀ дв҃о покаѧ́нїемъ, и҆ ѡ҆дождѝ се́рдце моѐ и҆зсо́хшее зно́емъ страсте́й, и҆злива́ющи на мѧ̀ є҆ле́й и҆ цѣле́нїе млⷭ҇ти твоеѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Хода́тай бг҃ꙋ и҆ человѣ́кѡмъ бы́лъ є҆сѝ хрⷭ҇тѐ бж҃е: тобо́ю бо влⷣко къ свѣтонача́льникꙋ ѻ҆ц҃ꙋ̀ твоемꙋ̀, ѿ но́щи невѣ́дѣнїѧ приведе́нїе и҆́мамы."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ пригвозди́всѧ, земна̑ѧ ѡ҆снова̑нїѧ поколеба́лъ є҆сѝ, и҆ копїе́мъ пробода́емь, ѕмі́ѧ началоѕло́бнаго закла́лъ є҆сѝ, и҆ то́ки сп҃се́нїѧ всѣ̑мъ хрⷭ҇тѐ и҆сточи́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Не терпѣ́лъ є҆сѝ зрѣ́ти заблꙋжда́ема, є҆го́же рꙋка́ма созда́въ, рꙋ́цѣ распросте́рлъ є҆сѝ сло́ве на дре́вѣ ᲂу҆мерщвлѧ́емь, и҆ ѡ҆живи́лъ є҆сѝ сего̀ дре́вомъ дре́вле ᲂу҆ме́ршаго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Дрꙋ́зи хрⷭ҇тѡ́вы, те́плїи человѣ́кѡмъ застꙋ̑пницы, цвѣ́ти честні́и, преꙋдо́бреннїи сосꙋ́ди дх҃а, мꙋ́дрїи стрⷭ҇тоте́рпцы, досто́йнѣ ᲂу҆бл҃жа́ютсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Зако́ннѡ пострада̀ ли́къ ст҃ы́хъ твои́хъ страда́лєцъ, беззако́нныхъ посрамѝ є҆ди́не законода́вче, си́лою твое́ю, и҆ сконча́въ тече́нїе, мч҃нчески вѣнча́сѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆ви́ласѧ є҆сѝ чⷭ҇таѧ, по ржⷭ҇твѣ̀ нетлѣ́нна, бг҃ъ бо и҆з̾ тебѐ роди́сѧ воплоща́емь: є҆го́же ᲂу҆смотри́вши распина́ема, не терпѧ́щи, ᲂу҆тро́бною болѣ́знїю восклица́ла є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́та пода́телю и҆ вѣкѡ́въ тво́рче гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебѐ и҆но́гѡ бг҃а не зна́емъ."
|
||||
},
|
||||
{
|
||||
"type": "TEXT",
|
||||
"value": "Воплоще́нна и҆з̾ тебѐ бг҃ороди́тельнице, вѣ́рнїи позна́хомъ, без̾ сѣ́мене сн҃а ро́ждшасѧ бг҃а и҆́стинна, и҆ человѣ́ка є҆стество́мъ. Тѣ́мже тѧ̀ сла́вимъ."
|
||||
},
|
||||
{
|
||||
"type": "TEXT",
|
||||
"value": "Под̾ кро́въ тво́й, пречⷭ҇таѧ, и҆ застꙋпле́нїе вѣ́рнїи всегда̀ прибѣга́юще вѣ́рою, тебѐ ра́ди дв҃о, и҆збавлѧ́емсѧ всѧ́кагѡ лю́тагѡ ѡ҆бстоѧ́нїѧ."
|
||||
},
|
||||
{
|
||||
"type": "TEXT",
|
||||
"value": "И҆зба́ви на́съ и҆скꙋше́нїй, и҆ ѿ бꙋ́ри помышле́нїй пречⷭ҇таѧ, всѧ́кагѡ гнѣ́ва, и҆ всѧ́кагѡ грѣха̀, гла́да же и҆ гꙋби́тельства, и҆ вѣ́чнагѡ дв҃о мꙋче́нїѧ."
|
||||
},
|
||||
{
|
||||
"type": "TEXT",
|
||||
"value": "Предста́тельнице на́ша, сп҃се́нїе и҆ ᲂу҆пова́нїе влⷣчце хрⷭ҇тїа́нъ сꙋ́щи, сп҃са́й любо́вїю тѧ̀ при́снѡ вѣ́рнѡ воспѣва́ющихъ дв҃о всепѣ́таѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ко гдⷭ҇ꙋ ѿ ки́та і҆ѡ́на возопѝ: ты́ мѧ возведѝ и҆з̾ глꙋбины̀ а҆́да, молю́сѧ, да ꙗ҆́кѡ и҆зба́вителю во гла́сѣ хвале́нїѧ, и҆́стины же дꙋ́хомъ пожрꙋ̀ тебѣ̀."
|
||||
},
|
||||
{
|
||||
"type": "TEXT",
|
||||
"value": "На ю҆́ныѧ главы̑ поло́жъ дла̑ни и҆ногда̀ і҆а́кѡвъ, крⷭ҇тъ прописова́ше, на не́мже сло́ве распросте́рлъ є҆сѝ дла̑ни: и҆ ѿ рꙋкѝ льсти́вагѡ борца̀ и҆зба́вилъ є҆сѝ хрⷭ҇тѐ человѣ́чество."
|
||||
},
|
||||
{
|
||||
"type": "TEXT",
|
||||
"value": "Распе́ншꙋсѧ хрⷭ҇тѐ тебѣ̀ всецр҃ю̀ во́лею, ца́рствꙋющїй грѣ́хъ потреби́сѧ: а҆да́мъ же и҆́же и҆ногда̀ дре́вле и҆з̾ раѧ̀ и҆згна́нный, въ то́й вселѧ́етсѧ па́ки, тебѐ воспѣва́ѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Красны̀ сꙋ́ще въ ра́нахъ сщ҃є́нныѧ, и҆̀же бл҃голѣ́пїемъ ᲂу҆краси́вшыѧсѧ нбⷭ҇нымъ, вои́стиннꙋ возлю́блєнныѧ гдⷭ҇ни мч҃нки, несꙋмнѣ́ннымъ се́рдцемъ воспои́мъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Неꙋгаси́мꙋ свѣщꙋ̀ свою̀ соблю́дше, бж҃е́ственнїи мч҃нцы, напои́ша бога́тнѡ кровьмѝ свои́ми, и҆ бж҃е́ственнагѡ черто́га полꙋчи́ша вхо́дъ ра́дꙋющесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пое́мъ тѧ̀ всепѣ́таѧ, ꙗ҆́кѡ бг҃а ро́ждшꙋю препѣ́таго, на дре́вѣ сопротивоборца̀ врага̀ погꙋ́бльша, и҆ и҆з̾ тлѝ и҆зба́вльшаго воспѣва́ющихъ тогѡ̀ страда̑нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю млⷭ҇рдїѧ твоегѡ̀ призыва́ю бе́зднꙋ: ѿ тлѝ бж҃е мѧ̀ возведѝ."
|
||||
},
|
||||
{
|
||||
"type": "TEXT",
|
||||
"value": "И҆́же во́лею всѧ̑ содѣ́лавый, и҆зво́ли во чре́во неискꙋсобра́чныѧ всели́тисѧ: и҆ и҆̀же тлѣ́нїемъ болѧ́щыѧ, нетлѣ́нїемъ ѡ҆богати́лъ є҆́сть, ꙗ҆́кѡ млⷭ҇рдъ."
|
||||
},
|
||||
{
|
||||
"type": "TEXT",
|
||||
"value": "Превы́шши вы́шнихъ си́лъ, и҆ ст҃ѣ́йши є҆сѝ пренепоро́чнаѧ, па́че є҆стества̀ вмѣсти́вши, невмѣсти́мое сло́во во чре́во твоѐ."
|
||||
},
|
||||
{
|
||||
"type": "TEXT",
|
||||
"value": "На пꙋти́ мѧ жите́йстѣмъ заблꙋжда́юща, и҆ въ безпꙋ́тїе ча́стѡ впа́дающа грѣхо́вное, къ стезѝ покаѧ́нїѧ влⷣчце наста́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Не пре́зри чⷭ҇таѧ, мольбы̑ на́шѧ, на тѧ̀ возло́жшихъ наде́ждꙋ ра̑бъ твои́хъ: прибѣ́жище бо влⷣчце, и҆ дꙋша́мъ ѡ҆чисти́лище ты̀ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ, высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Ѻ҆рꙋ́жїе є҆́же пре́жде ѡ҆браща́емое, плещѝ мнѣ̀ дае́тъ, ѿне́лѣже копїе́мъ прободе́сѧ, на крⷭ҇тѣ̀ воздви́женый, бл҃гоꙋтро́бне гдⷭ҇и. Тѣ́мже велича́ю тѧ̀, твое́ю честно́ю стрⷭ҇тїю ѡ҆брѣ́тъ безстра́стїе."
|
||||
},
|
||||
{
|
||||
"type": "TEXT",
|
||||
"value": "Ѕмі́й, и҆́же мѡѷсе́емъ возвыша́емый на дре́во, бж҃е́ственное возвыше́нїе проѡбража́ше хрⷭ҇то́во, льсти́ваго ѕмі́ѧ ᲂу҆мертви́вшагѡ, всѣ́хъ же ѡ҆живи́вшагѡ на́съ ᲂу҆мертви́вшихсѧ престꙋпле́нїемъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сы́нове быва́ете бж҃е́ственнымъ прїѡбще́нїемъ, безнача́льна роди́телѧ сн҃ꙋ собезнача́льнꙋ ст҃і́и стрⷭ҇ти пречⷭ҇тѣй ᲂу҆подо́бльшесѧ, тѣ́мже бра́тїю ва́съ нарица́етъ, и҆ наслѣ́дники црⷭ҇твїѧ своегѡ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: На крⷭ҇тъ возвыша́еми, ꙗ҆́кѡ влⷣка, и҆ копїе́мъ пробода́еми, и҆ мечѝ ссѣца́еми, на ѻ҆́гнь же и҆ во́дꙋ раздѣлѧ́еми, и҆ сдроблѧ́еми колесы̀ бг҃оно́снїи ра́довахꙋсѧ мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Гро́здъ созрѣ́вшїй, є҆го́же невоздѣ́ланнѡ чⷭ҇таѧ возрасти́ла є҆сѝ на дре́вѣ ꙗ҆́кѡ ᲂу҆зрѣ̀ повѣ́шена взыва́ше: ча́до моѐ сла́дкое, мсто̀ и҆ска́пай, и҆́мже страсте́й пїѧ́нство ѿи́метсѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Крѣ́пость моѧ̀ и҆ пѣ́нїе и҆ сп҃се́нїе, и҆ и҆звѣ́стное застꙋпле́нїе, и҆ стѣна̀ неѡбори́маѧ: сꙋ́щи влⷣчце, борю́щыѧ мѧ̀ де́мѡны поборѝ, при́снѡ и҆́щꙋщыѧ ᲂу҆мертви́ти мѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃а вопло́щши ѿ дѣ́вственныхъ твои́хъ крове́й, ѡ҆божи́вшаго дв҃о человѣ́чество: тѣ́мже мѧ̀ страстьмѝ ѡ҆скверне́ннаго, и҆ и҆стлѣ́вша вра́жїими ко́зньми, и҆зба́ви мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "Пе́щь проѡбража́ше твоѐ ржⷭ҇тво̀ всенепоро́чнаѧ: ѻ҆́троки бо не ѡ҆палѝ, ꙗ҆́коже ни ᲂу҆тро́бꙋ твою̀ ѻ҆́гнь непостоѧ́нный. Тѣ́мже мо́лимъ тѧ̀: рабы̑ твоѧ̑ ѻ҆гнѧ̀ вѣ́чнагѡ и҆зба́ви."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Кро́вїю и҆з̾ твои́хъ ре́бръ нетлѣ́нныхъ и҆ска́павшею долготерпѣли́ве, тва́рь ѡ҆свѧти́сѧ: рѣ́ки же многобо́жїѧ и҆зсꙋше́ны бы́ша: тꙋ́чы же ꙗ҆ви́шасѧ бл҃гоче́стїѧ, пре́лестей бездо́ждїе потреблѧ́ющыѧ."
|
||||
},
|
||||
{
|
||||
"type": "TEXT",
|
||||
"value": "Распѧ́тїѧ твоегѡ̀ со́лнце ᲂу҆стыдѣ́сѧ, и҆ своѧ̑ лꙋчы̀ сокры̀: ка́менїе же распадо́шасѧ, и҆ а҆́дъ ни́зꙋ ᲂу҆страши́сѧ: пра́ведныхъ же дꙋ́си взыгра́шасѧ, ча́юще всеконе́чнагѡ сло́ве и҆збавле́нїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆сцѣлє́нїѧ вѣ̑рнымъ то́чатъ ѡ҆ста́нки моще́й стрⷭ҇тоте́рпєцъ, и҆ всегда̀ вре́ды неꙋдобоисцѣ́льныхъ болѣ́зней и҆сцѣлѣва́ютъ: ꙗ҆́кѡ ди́венъ є҆сѝ гдⷭ҇и, зове́мъ бл҃года́рнѡ, во ст҃ы́хъ твои́хъ мч҃нцѣхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆ста̀ ѕвѣре́й, и҆ врє́нїѧ конѡ́бнаѧ, померза̑нїѧ же и҆ стꙋ́дєни, тѧ́жесть зно́ѧ, ногте́й и҆стерза̑нїѧ претерпѣ́сте тве́рдостїю, и҆ затворє́нїѧ, и҆ нꙋ́жднꙋю сме́рть стрⷭ҇тоте́рпцы. Тѣ́мже со хрⷭ҇то́мъ прославлѧ́етесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пло́ть и҆з̾ твоегѡ̀ чре́ва прїе́млетъ хотѧ́й, и҆ зри́мь быва́етъ неви́димый, и҆ распѧ́тїе прїе́млетъ, и҆ клѧ́тва нарица́етсѧ, ѿ клѧ́твы и҆з̾има́ѧ всѣ́хъ сн҃ъ тво́й, бг҃ора́дованнаѧ влⷣчце."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Дре́вле ѡ҆роси́вшаго є҆врє́йскїѧ ѻ҆́троки въ пла́мени, и҆ ѡ҆пали́вшаго гдⷭ҇а халдє́и пресла́внѡ въ не́мъ, воспое́мъ глаго́люще: бл҃гослови́те и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Жи́во и҆ незави́стно сп҃се́нїе на́мъ земнорѡ́днымъ, нескве́рнаѧ а҆́гница, ꙗ҆́же породила́ є҆си а҆́гнца бж҃їѧ, не пре́зри менѐ зовꙋ́ща: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Бж҃е́ственное твоѐ пречⷭ҇таѧ, ржⷭ҇тво̀ ѡ҆бновѝ на́съ, и҆ всѣ́хъ ча̑да показа̀ и҆ сы́ны днѐ и҆ свѣ́та, и҆ сп҃сшесѧ взыва́емъ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Живꙋ́ю во́дꙋ породила̀ є҆сѝ чⷭ҇таѧ, ѿ ложе́снъ дѣви́ческихъ, и҆ ѡ҆ставле́нїе и҆сточи́ла є҆сѝ ѿ и҆сто́чника и҆сцѣле́нїй вѣ̑рнымъ. Тѣ́мже всѝ зове́мъ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Гро́здъ зрѣ́лый жи́зни ты̀ возрасти́ла є҆сѝ чⷭ҇таѧ: лоза́ бо є҆сѝ ᲂу҆слажда́ющи зе́млю бл҃ги́ми, ю҆́же пою́ще зове́мъ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щьсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ: тѣ́мъ всепѣ́тꙋю бцⷣꙋ велича́емъ."
|
||||
},
|
||||
{
|
||||
"type": "TEXT",
|
||||
"value": "И҆сцѣлѝ сокрꙋше́нїе и҆ ѻ҆каѧ́нство моѐ твое́ю ра́ною сло́ве неизслѣ́дованне, и҆ погребе́нный ѡ҆́бразъ лꙋка́выми страстьмѝ, ѡ҆чи́сти стрⷭ҇тїю твое́ю, гдⷭ҇и бж҃е сп҃се́нїѧ моегѡ̀."
|
||||
},
|
||||
{
|
||||
"type": "TEXT",
|
||||
"value": "Ви́дѣнъ бы́лъ є҆сѝ возноси́мь, на кѷпарі́сѣ влⷣко, и҆ на пе́ѵкѣ, и҆ ке́дрѣ ра́ди бл҃гости, є҆ди́нъ сы́й ст҃ы́ѧ трⷪ҇цы, є҆ди́нꙋ ѵ҆поста́сь и҆мы́й во двою̀ є҆стєствꙋ̀, да сп҃се́ши человѣ́чество."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крⷭ҇то́мъ ꙗ҆́коже щито́мъ ѡ҆бле́кшесѧ мч҃нцы, невреди́ми ꙗ҆ви́стесѧ, всѣ́ми стрѣла́ми содѣ́лателѧ ѕло́бы. Тѣ́мже ны́нѣ того̀ попира́ете, томꙋ̀ рꙋга́ющесѧ ꙗ҆́кѡ хꙋдѣ́й пти́цѣ всегда̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Землѧ̀ ᲂу҆́бѡ зи́нꙋвши, крѡ́ви ва́шѧ прїѧ́тъ, нб҃о же бж҃є́ственныѧ прїѧ́тъ дх҃и, и҆ со ѻ҆́гненными чи́нми бж҃е́ственномꙋ прⷭ҇то́лꙋ предстоитѐ, стрⷭ҇тоно́сны мч҃нцы, церко́внїи столпѝ непоколеби́мїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆стлѣ́вшее ѡ҆бнови́ла є҆сѝ є҆стество̀ пра́ѻтчее, па́че є҆стества̀ ро́ждши, и҆ дѣ́вствꙋющи, є҆стествꙋ̀ всемꙋ̀ созда́телѧ: є҆го́же на крⷭ҇тѣ̀ повѣ́шена дре́вле ви́дѧщи, восклица́ла є҆сѝ пречⷭ҇таѧ мт҃и дв҃о."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ бг҃а бг҃а сло́ва, неизрече́нною мꙋ́дростїю, прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи є҆диномꙋ́дреннѡ пѣ́сньми велича́емъ."
|
||||
},
|
||||
{
|
||||
"type": "TEXT",
|
||||
"value": "Чл҃вѣколю́бїѧ мѧ̀ бж҃е́ственнагѡ сподо́би ѻ҆трокови́це, ꙗ҆́же є҆ди́на чл҃вѣколю́бца бг҃а, пло́ть ѿ тебѐ заимова́вша, неизглаго́ланнѡ ро́ждши, и҆зба́ви мѧ̀ бꙋ́дꙋщагѡ пла́мене, и҆ мꙋ́ки всѧ́кїѧ, любо́вїю тебѐ сла́вѧщаго."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ тве́рдꙋю предста́тельницꙋ, ꙗ҆́кѡ ᲂу҆пова́нїе и҆ стѣ́нꙋ, и҆ наде́ждꙋ, и҆ покро́въ тве́рдъ, и҆ неѡбори́мое ᲂу҆твержде́нїе, и҆ небꙋ́рное приста́нище, є҆ди́нꙋ крѣ́пкое прибѣ́жище стѧжа́вше тѧ̀ всѝ, сп҃са́емсѧ всепѣ́таѧ."
|
||||
},
|
||||
{
|
||||
"type": "TEXT",
|
||||
"value": "Свѣ́тъ ро́ждшаѧ бж҃е́ственный, мно́гими помрачи́вшеесѧ страсте́й наведе́ньми, и҆ помышле́ньми чꙋжда́гѡ, се́рдце моѐ просвѣтѝ ѻ҆трокови́це, ка́плю подаю́щи мѝ при́снѡ, ѿ скве́рнъ грѣха̀ дв҃о, ѡ҆чища́ющꙋю мѧ̀."
|
||||
}
|
||||
]
|
||||
Reference in new issue
Block a user