enrich ru lives with Chetyi-Minei texts and track static data
This commit is contained in:
catarrh committed
1 parent
69fd5b7460
commit
7dde2168d1
6512 files changed
+1448065
-5
No files matched your search
@@ -0,0 +1,398 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀. Гла́съ ѕ҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Волно́ю морско́ю скры́вшаго дре́вле гони́телѧ мꙋчи́телѧ под̾ земле́ю скры́ша сп҃се́нныхъ ѻ҆́троцы: но мы̀ ꙗ҆́кѡ ѻ҆трокови́цы, гдⷭ҇еви пои́мъ, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Стрⷭ҇тїю твое́ю чⷭ҇тно́ю почти́лъ є҆сѝ ѡ҆безче́стенное є҆стество̀ человѣ́ческое: тѣ́мже чтꙋ́ще тѧ̀ со стра́хомъ, велича́емъ держа́вꙋ твою̀, и҆ вѣ́рнѡ сла́вимъ: сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Кро́вїю твое́ю сло́ве, крове́й непра́ведное проли́тїе ᲂу҆ста́вилъ є҆сѝ, и҆ ѡ҆чи́стилъ є҆сѝ ѿ скве́рны ѕло́бныѧ є҆стество̀ человѣ́ческое, всеси́льне. Тѣ́мъ сла́вимъ сп҃са́емїи держа́вꙋ твою̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѕвѣ́рѧ кровопі́йцꙋ побѣдѝ вои́стиннꙋ, достохва́льное мч҃нкъ сопротивостоѧ́нїе: ѻ҆́гненное покорѝ є҆стество̀ росо́ю бж҃е́ственныѧ бл҃года́ти, и҆ ѕѣ́льнꙋ бꙋ́рю многобо́жїѧ ᲂу҆ста́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Тꙋ́чами крове́й ѡ҆дождє́нїѧ пре́лести и҆зсꙋши́вше, тꙋ̑чи и҆сцѣле́нїй то́чите мі́рови, и҆ пла́мень страсте́й ѿгонѧ́ете безбо́жїѧ. Тѣ́мже мч҃нцы, бл҃жи́ми є҆стѐ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Добро́ты, ни ви́да и҆мꙋ́ща внегда̀ страда́ти, кра́снаго добро́тою, неискꙋсобра́чнаѧ ѻ҆трокови́це, смотрѧ́ющи тѧ̀ вѣ́рныхъ ᲂу҆добре́нїе, мт҃рски восклица́ше, и҆ любо́вїю тѧ̀ сла́влѧше."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ ко прест҃ѣ́й бцⷣѣ, гла́съ ѕ҃, є҆гѡ́же краестро́чїе по а҆лфави́тꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Пречⷭ҇таѧ дв҃о, бл҃года́тнаѧ мр҃і́е сла́внаѧ, ра́дости хода́таице, пѣвцы̀ твоѧ̑ бж҃е́ственными бл҃года́тьми бл҃года́тствꙋй: ꙗ҆́кѡ да бл҃года́рственнꙋю пѣ́снь тебѣ̀ возсле́мъ."
|
||||
},
|
||||
{
|
||||
"type": "TEXT",
|
||||
"value": "Ѽле твои́хъ та́инствъ, бг҃омт҃и! Творе́нїй бо ꙗ҆ви́ласѧ є҆сѝ влⷣчца, є҆го́же не дерза́ютъ взира́ти а҆́гг҃лѡвъ вѡ́инства, во ѡ҆б̾ѧ́тїихъ носѧ́щи. Тѣ́мже тѧ̀ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Ро́дъ человѣ́ческїй ве́сь тлѣ́нїемъ сме́ртнымъ ѡ҆сꙋди́сѧ, прама́тернимъ вкꙋше́нїемъ дре́ва: тобо́ю же воззва́сѧ, ꙗ҆́кѡ живо́тъ ро́ждшею, чⷭ҇таѧ, нетлѣ́нный."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѐ на вода́хъ повѣ́сившаго всю̀ зе́млю неѡдержи́мѡ, тва́рь ви́дѣвши на ло́бнѣмъ ви́сима, ᲂу҆́жасомъ мно́гимъ содрага́шесѧ, нѣ́сть ст҃ъ ра́звѣ тебѐ гдⷭ҇и, взыва́ющи."
|
||||
},
|
||||
{
|
||||
"type": "TEXT",
|
||||
"value": "Тебѐ на вода́хъ повѣ́сившаго всю̀ зе́млю неѡдержи́мѡ на дре́во вознесе́на, и҆ въ ре́бра пробода́ема, смотрѧ́ющее со́лнце помрача́шесѧ, всѣ́хъ просвѣще́нїе разꙋмѣ́ющее тѧ̀, гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Оу҆ѧзвлѧ́етсѧ твои́ми гвоздьмѝ долготерпѣли́ве, и҆́же въ раѝ дре́вле ᲂу҆ѧзви́вый а҆да́ма ѕлодѣ́й, и҆ ᲂу҆ѧзви́всѧ, неисцѣ́льный во вѣ́ки пребы́сть: вѣ́рнїи же ѡ҆брѣто́хомъ всѣ́хъ ꙗ҆́звъ и҆сцѣле́нїе."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Є҆гда̀ ли́къ а҆́гг҃льскїй, зрѧ́ше мч҃нкѡвъ стада̀ за а҆́гнца поже́ршагосѧ сдроблѧ́ема, дивлѧ́шесѧ: ка́кѡ веще́ственнїи невеще́ствєнныѧ врагѝ побѣжда́хꙋ, побѣ́ды вѣнцы̀ прїе́млюще;"
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Си́лою ѡ҆дѣва́еми ст҃і́и, въ крѣ́пости є҆ди́нагѡ всѧ̑ могꙋ́щагѡ, со враго́мъ сплета́хꙋсѧ, и҆ тогѡ̀ некрѣ́пкꙋю попира́хꙋ си́лꙋ, вѣнцы̀ ѿ бг҃а прїе́млюще."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ты̀ и҆з̾ тебѐ ро́ждшагосѧ, ꙗ҆́кѡ ви́дѣла є҆сѝ ᲂу҆ѧ́звлена копїе́мъ, ᲂу҆ѧзви́ласѧ є҆сѝ се́рдцемъ пречⷭ҇таѧ всенепоро́чнаѧ, и҆ дивѧ́щисѧ глаго́лала є҆сѝ: что́ ти воздадѐ, ча́до, собо́ръ пребеззако́нный;"
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ле́стїю мѧ̀ прельсти́вый ѡ҆боже́нїѧ жела́нїемъ вра́гъ дре́вле, и҆з̾ є҆де́ма бг҃омт҃и, на зе́млю пресмыка́вый сокрꙋшѝ: но хрⷭ҇то́съ ᲂу҆ще́дривъ мѧ̀, ѿ ложе́снъ твои́хъ пло́ть воспрїи́мъ, возсозда̀."
|
||||
},
|
||||
{
|
||||
"type": "TEXT",
|
||||
"value": "Живота̀ ꙗ҆ви́ласѧ є҆сѝ врата̀, прⷪ҇ро́кꙋ дре́вле і҆езекі́илю ѻ҆трокови́це, ꙗ҆̀же гдⷭ҇ь є҆ди́нъ воплоще́нный про́йде, и҆ заключє́ннаѧ тѧ̀ чⷭ҇таѧ, соблюдѐ, ꙗ҆́кѡ є҆́сть вы́шнїй."
|
||||
},
|
||||
{
|
||||
"type": "TEXT",
|
||||
"value": "Разрѣши́сѧ клѧ́твы дре́внїѧ ѡ҆сꙋжде́нїе бг҃омт҃и, твои́мъ хода́тайствомъ: ꙗ҆ви́всѧ бо тѝ, гдⷭ҇ь, всѐ незави́стнѡ и҆сточѝ, ꙗ҆́кѡ пребл҃гі́й, всѣ̑мъ бл҃гослове́нїе пречⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На крⷭ҇тѣ̀ твоѐ бж҃е́ственное и҆стоща́нїе прови́дѧ а҆ввакꙋ́мъ, ᲂу҆жа́ссѧ вопїѧ́ше: ты̀ си́льныхъ пресѣ́клъ є҆сѝ держа́вꙋ бл҃же, прїѡбща́ѧсѧ сꙋ́щымъ во а҆́дѣ, ꙗ҆́кѡ всеси́ленъ."
|
||||
},
|
||||
{
|
||||
"type": "TEXT",
|
||||
"value": "Просте́ртїе рꙋкѝ гдⷭ҇и, неꙋдержа́нное, ко дре́внемꙋ вкꙋше́нїю ѿе́млѧй, ме́ртвъ на дре́вѣ пожре́нъ бы́лъ є҆сѝ, сп҃стѝ восхотѣ́вый: и҆з̾ ре́бръ и҆ска́паеши свѧ̑заннымъ ѡ҆ставле́нїе."
|
||||
},
|
||||
{
|
||||
"type": "TEXT",
|
||||
"value": "Страда́ти претерпѣ́лъ є҆сѝ пребл҃гі́й, ꙗ҆́кѡ да разрѣши́ши на́съ ѿ страсте́й безслове́сїѧ: же́лчь вкꙋси́лъ є҆сѝ влⷣко, и҆сточа́ѧй мнѣ̀ бж҃е́ственнꙋю сла́дость, ᲂу҆мертви́лсѧ є҆сѝ, живо́тъ мнѣ̀ подава́ѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѻ҆́гнь бж҃е́ственныѧ любвѐ въ дꙋшѝ слове́снѣй носѧ́ще, пла́мень пребеззако́ннꙋющихъ ᲂу҆гаси́ша: и҆ просвѣти́тєльныѧ свѣщы̀ хрⷭ҇тѡ́вы стрⷭ҇тоте́рпцы ꙗ҆ви́шасѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бж҃е́ственнїи дрꙋ́зи всецр҃ѧ̀, плотскі́ѧ себѐ ѿлꙋчи́вше дрꙋ́жбы, ᲂу҆стреми́шасѧ ко всѧ́комꙋ мꙋче́нїю крѣ́пкѡ, и҆ побѣди́вше, сла́вою вѣнча́шасѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Кромѣ̀ стра́сти роди́хъ тѧ̀, и҆ ка́кѡ ви́жꙋ тѧ̀ ны́нѣ стра́сти причаща́ющасѧ; ка́кѡ терпи́ши сїѐ, взыва́ше дв҃а; сн҃е безнача́льне, сла́влю твоѐ долготерпѣ́нїе."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "И҆збра́ннаѧ же и҆ пречⷭ҇таѧ ѿ всѣ́хъ родѡ́въ ꙗ҆́вльшисѧ є҆ди́на, ꙗ҆́же добродѣ́тельми возсїѧ́вшаѧ нескве́рнаѧ чⷭ҇тна́ѧ, и҆̀же тѧ̀ пѣсносло́вѧщыѧ свѣ́тлостїю твое́ю просвѣтѝ."
|
||||
},
|
||||
{
|
||||
"type": "TEXT",
|
||||
"value": "Бг҃а пло́тїю дв҃о родила̀ є҆сѝ, и҆з̾ чⷭ҇тыхъ твои́хъ, чⷭ҇таѧ, крове́й мт҃и, сп҃са и҆збавлѧ́ющаго всѧ̑ ѿ лю́тыхъ, пою́щыѧ тѧ̀, ѻ҆трокови́це бг҃обл҃года́тнаѧ."
|
||||
},
|
||||
{
|
||||
"type": "TEXT",
|
||||
"value": "Сщ҃еннодѣ́йствꙋетъ бж҃е́ственномꙋ ржⷭ҇твꙋ̀ твоемꙋ̀ бцⷣе чⷭ҇таѧ, невеще́ственныхъ є҆стество̀, и҆ человѣ́кѡвъ собра́нїе любо́вїю тѧ̀ пое́тъ: твои́мъ сїѧ́нїемъ на́съ ѡ҆зарѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Къ тебѣ̀ ᲂу҆́тренюю, млⷭ҇рдїѧ ра́ди себѐ и҆стощи́вшемꙋ непрело́жнѡ, и҆ до страсте́й безстра́стнѡ прекло́ньшемꙋсѧ, сло́ве бж҃їй, ми́ръ пода́ждь мѝ па́дшемꙋ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ме́ртвъ зри́шисѧ на ло́бнѣмъ, ᲂу҆мертви́въ а҆́да стра́стїю пло́ти твоеѧ̀: ни ви́да ты̀ хрⷭ҇тѐ, ни добро́ты и҆мѣ́лъ є҆сѝ повѣ́шенъ, ᲂу҆добри́ти мѧ̀ хотѧ̀ ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "А҆да́ма пе́рвагѡ пригвозди́ти хотѧ̀ стра̑стнаѧ люблє́нїѧ, гвоздьмѝ пригвожда́ешисѧ, и҆ копїе́мъ пробо́дьсѧ, пла́менномꙋ ѻ҆рꙋ́жїю возбранѧ́еши хрⷭ҇тѐ, не возбрани́ти рабѡ́мъ твои̑мъ вхо́да."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Послѣ́дствꙋюще страсте́мъ влⷣчнимъ, ли́цы мч҃нчестїи на дре́вѣ пригвожда́ютсѧ, и҆ рꙋка́ми кꙋ́пнѡ ѿе́млютсѧ, и҆ нога́ми къ стезѝ чⷭ҇тна́гѡ мꙋче́нїѧ бж҃е́ственнѣ и҆справлѧ́еми."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆мо́мъ соверше́ннымъ, ᲂу҆ма̀ го́рдаго возносѧ́щасѧ де́рзостїю низложи́сте соверше́ннѡ смири́вшесѧ въ подража́нїи, всѧ̑ возне́сшагѡ смире́нїемъ се́рдца хрⷭ҇тѡ́вы мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѿ ко́рене дв҃о і҆ессе́ова прозѧба́еши, и҆ ꙗ҆́кѡ цвѣ́тъ произно́сиши насади́телѧ мі́рꙋ, ѻ҆́трасли безбо́жїѧ и҆зсꙋши́вша бж҃е́ственнымъ са́домъ крⷭ҇та̀, є҆го́же пло́тїю прїѧ́тъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Лѣ́ствица ꙗ҆́вльшисѧ ѡ҆бра́знѡ і҆а́кѡвꙋ, къ высотѣ̀ превзѧ́таѧ, твоегѡ̀ бг҃оневѣ́стнаѧ, ꙗ҆вѝ ржⷭ҇тва̀ вои́стиннꙋ и҆зрѧ́дное: тобо́ю бо вои́стиннꙋ на́мъ бг҃ъ споживѐ схожде́нїемъ бж҃е́ственнымъ, и҆ живо́тъ подадѐ человѣ́кѡмъ."
|
||||
},
|
||||
{
|
||||
"type": "TEXT",
|
||||
"value": "И҆зба́вльшесѧ тобо́ю прама́тернїѧ печа́ли бг҃ороди́тельнице, ᲂу҆тѣше́нїѧ и҆спо́лнени бы́хомъ, весе́лїе всѣ̑мъ ро́ждшаѧ, и҆ всемі́рнꙋю ра́дость: тѣ́мже всепѣ́таѧ, твоѧ̑ пѣсносло́вцы ѿ бѣ́дъ твои́ми мл҃твами соблюдѝ."
|
||||
},
|
||||
{
|
||||
"type": "TEXT",
|
||||
"value": "Та́йнѡ наꙋчи́мь твоемꙋ̀ бг҃ови́днѣ мѡѷсе́й ѡ҆́бразꙋ, предзрѧ́ше кꙋпинꙋ̀ неѡпали́мꙋю ѻ҆гне́мъ, дв҃о всенепоро́чнаѧ: въ тѧ́ бо созда́тель все́льсѧ, не ѡ҆пали́ тѧ вы́шшꙋю всѣ́хъ творе́нїй, бг҃оневѣ́стнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́тъ бы́сть, но неꙋдержа́нъ въ пе́рсехъ ки́товыхъ і҆ѡ́на: тво́й бо ѡ҆́бразъ носѧ̀, страда́вшагѡ и҆ погребе́нїю да́вшагѡсѧ, ꙗ҆́кѡ ѿ черто́га ѿ ѕвѣ́рѧ и҆зы́де: приглаша́ше же кꙋстѡді́и: хранѧ́щїи сꙋ́єтнаѧ и҆ лѡ́жнаѧ, ми́лость сїю̀ ѡ҆ста́вили є҆стѐ."
|
||||
},
|
||||
{
|
||||
"type": "TEXT",
|
||||
"value": "Премѣнѧ́ѧ рꙋ́цѣ дре́вле і҆а́кѡвъ проѡбразова́ше крⷭ҇тъ, бл҃гословлѧ́ѧ ѻ҆́троки. Тѣ́мже вы́шнїй на того̀ восходѧ́й, клѧ́твы дре́внїѧ рѣши́ши человѣ́чество: и҆ и҆сточа́еши ны́нѣ бл҃гослове́нїе, бл҃гословѧ́щымъ тѧ̀ є҆ди́не бл҃гослове́нне, и҆ содѣ́телю пребл҃гі́й."
|
||||
},
|
||||
{
|
||||
"type": "TEXT",
|
||||
"value": "Твою̀ стрⷭ҇ть проѡбразꙋ́ѧй сло́ве, вели́кїй мѡѷсе́й вознесѐ дре́вле мѣ́днаго ѕмі́ѧ на дре́во, ѿе́млѧй зрѧ́щыѧ ѿ ꙗ҆дови́тагѡ ᲂу҆грызе́нїѧ ѕмїи́на: и҆́бо влⷣко, ра́спѧтꙋ бы́вшꙋ тѝ, врежде́нїѧ ѕмїи́нагѡ богоме́рзскагѡ всѝ вѣ́рнїи и҆зба́вихомсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́коже и҆но́мꙋ стра́ждꙋщꙋ бж҃е́ственнїи дре́вле и҆ честні́и страда́льцы бѧ́хꙋ страда́льчествꙋюще, предзрѧ́ще воздаѧ̑нїѧ вѣ̑чнаѧ и҆ ра́дованїе. Мл҃твами и҆́хъ хрⷭ҇тѐ ще́дре, воспѣва́ющыѧ тѧ̀ и҆зба́ви ѿ и҆скꙋше́нїй, и҆ грѣхѡ́въ, и҆ ѡ҆бстоѧ́нїй."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пото́ки ᲂу҆ста́виша пре́лести, стрꙋѧ́ми крове́й, честні́и и҆ бж҃е́ственнїи стрⷭ҇тоте́рпцы, и҆ и҆сто́чницы вои́стиннꙋ ꙗ҆ви́шасѧ, вѣ̑рнымъ бг҃овѣ́дѣнїѧ точа́ще во́дꙋ. Мл҃твами и҆́хъ сп҃се мі́ра, ѡ҆дождѝ ѡ҆ставле́нїе всѣ̑мъ, и҆ живо́тъ, и҆ ѡ҆чище́нїе грѣхѡ́въ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Па́стырѧ пе́рваго и҆ влⷣкꙋ, воздви́жена на дре́вѣ зрѧ́щи а҆́гница, пла́чꙋщи ма́терски вопїѧ́ше: что̀ сїѐ, ча́до, но́вое та́инство; ка́кѡ безсме́ртенъ по сꙋществꙋ̀ сы́й сме́рть прїѧ́лъ є҆сѝ, человѣ́ки хотѧ̀ и҆з̾ тлѝ и҆зба́вити;"
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Зако́ннїи тѧ̀ ѡ҆́брази бцⷣе, и҆ прорече́нїе ꙗ҆́вѣ прⷪ҇ро́кѡвъ ꙗ҆влѧ́хꙋ, и҆мꙋ́щꙋю роди́ти мі́рꙋ и҆зба́вителѧ, и҆ бл҃годѣ́телѧ всеѧ̀ тва́ри, многоча́стнѡ и҆ многоѡбра́знѡ бл҃годѣ́йствовавшагѡ, вѣ́рою и҆ любо́вїю влⷣчце чⷭ҇таѧ, славосло́вѧщихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Оу҆страни́вшыѧсѧ дре́вле ѿ пре́лести человѣкоꙋбі́йцы врага̀, бж҃їѧ первозда́нныѧ пи́щи ра́йскїѧ, є҆ди́на бг҃ороди́тельнице, па́ки возвела̀ є҆сѝ къ раю̀ ро́ждши сп҃са гдⷭ҇а, распѧ́тїе и҆ погребе́нїе бж҃е́ственною вла́стїю претерпѣ́вшаго."
|
||||
},
|
||||
{
|
||||
"type": "TEXT",
|
||||
"value": "И҆́же во́лею бж҃е́ственною, и҆ си́лою содѣ́тельною свое́ю, всѧ̑ ѿ не сꙋ́щихъ составле́й чи́стаѧ, про́йде ѿ твои́хъ ложе́снъ и҆ бг҃ъ и҆ чл҃вѣ́къ: и҆ и҆̀же во тьмѣ̀ невѣ́дѣнїѧ пре́жде сꙋ́щыѧ, сїѧ́ньми бж҃е́ственными влⷣчце чⷭ҇таѧ, свѣ́тлѡ ѡ҆зарѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неизрече́нное чꙋ́до, въ пещѝ и҆зба́вивый прпⷣбныѧ ѻ҆́троки и҆з̾ пла́мене, во гро́бѣ ме́ртвъ бездыха́ненъ полага́етсѧ, во сп҃се́нїе на́съ пою́щихъ: и҆зба́вителю бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Є҆гда́ тѧ на крⷭ҇тѣ̀ собо́ръ є҆вре́йскїй ѡ҆сꙋдѝ, зрѧ́щи землѧ̀ ᲂу҆жасе́сѧ: со́лнце свѣ́тъ сво́й сокры̀, и҆ сꙋ́щїи во тьмѣ̀ свѣ́тъ ви́дѣша, пою́ще: и҆зба́вителю бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Досажде́нїе претерпѣ́лъ є҆сѝ сп҃се, тро́стїю бїе́мь, и҆ те́рнїѧми ꙗ҆́кѡ цр҃ь, во́лею хрⷭ҇тѐ бж҃е, вѣнчава́емь, на сп҃се́нїе на́съ пою́щихъ: и҆зба́вителю бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѧзꙋ́етесѧ, всю̀ дїа́волю пре́лесть всехва́льнїи мч҃нцы рѣша́юще ꙗ҆́вѣ: терпитѐ мꙋ̑ки и҆ сме́рть непра́веднꙋю: жи́зни жела́юще го́рнїѧ, и҆ вопїю́ще: и҆зба́вителю бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ста́сте посредѣ̀ пла́мене, всехва́льнїи мч҃нцы, пре́лесть попалѧ́юще ꙗ҆́вѣ, и҆ ѡ҆роше́нїемъ бж҃е́ственныѧ бл҃года́ти не ѡ҆пали́вшесѧ, вопїе́те пою́ще: и҆зба́вителю бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Распина́ешисѧ хотѧ́й безнача́льне сн҃е, бцⷣа взыва́ше зрѧ́щи тѧ̀: печа́лїю дꙋшѝ ны́нѣ погрꙋжа́юсѧ, ᲂу҆мира́еши подаѧ́й жи́знь пою́щымъ: и҆зба́вителю бж҃е, бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Преꙋкра́шеннꙋ тѧ̀, и҆мꙋ́щꙋю позлаще́нное бг҃омт҃и, ᲂу҆краше́нїе бл҃голѣ́пное, восхотѣ̀ тво́й сн҃ъ же и҆ гдⷭ҇ь, во сп҃се́нїе на́съ вопїю́щихъ тѝ: пло́дъ тво́й чи́стаѧ бл҃гослове́нный."
|
||||
},
|
||||
{
|
||||
"type": "TEXT",
|
||||
"value": "Ши́покъ посредѣ̀ те́рнїй ѡ҆брѣ́тъ пречⷭ҇таѧ, влⷣка, и҆спо́лни на́съ благоꙋха́ньми твои́ми кра́сными бл҃года́тей дх҃о́вныхъ, вопїю́щыѧ є҆мꙋ̀ во ᲂу҆миле́нїи: и҆зба́вителю бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Зна́мєнїѧ всѝ твоѝ бж҃е́ственнїи прⷪ҇ро́цы ви́дѣвше твоегѡ̀ бж҃е́ственнагѡ ржⷭ҇тва̀, сла́внѡ вопїѧ́хꙋ чⷭ҇таѧ: бг҃ъ прїи́детъ ѿ дв҃ы, є҆́же сп҃стѝ вопїю́щыѧ: и҆зба́вителю бж҃е, бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆жасни́сѧ боѧ́йсѧ нб҃о, и҆ да подви́жатсѧ ѡ҆снова̑нїѧ землѝ: се́ бо въ мертвецѣ́хъ вмѣнѧ́етсѧ въ вы́шнихъ живы́й, и҆ во гро́бъ ма́лъ страннопрїе́млетсѧ: є҆го́же ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Пїе́ши ча́шꙋ хрⷭ҇тѐ, ю҆́же возжелѣ́лъ є҆сѝ стрⷭ҇тїю крⷭ҇тною, и҆сто́чники мѝ пролива́ѧй ѡ҆ставле́нїѧ ѿ живоно́сныхъ ре́бръ, ра́ди ребра̀ ᲂу҆ме́ршемꙋ. Пою́ тѧ воспѣва́ѧй: сщ҃е́нницы бл҃гослови́те, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Є҆гда́ тѧ беззако́ннїи лю́дїе ѡ҆сꙋди́ша распѧ́ти і҆и҃се, посредѣ̀ беззако́нныхъ жизнода́вче гдⷭ҇и, потрѧсе́сѧ землѧ̀, и҆ всѝ воспѣва́хꙋ со стра́хомъ: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Честна̀ пред̾ бг҃омъ ꙗ҆ви́сѧ ва́ша сме́рть страда́льцы: мнѡ́гимъ бо причасти́вшесѧ страсте́мъ, стрⷭ҇ти чⷭ҇тны́ѧ хрⷭ҇то́вы ѻ҆́бщницы показа́стесѧ, вопїю́ще є҆диномꙋ́дреннѡ: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вои́стиннꙋ не плѡтска́ѧ ва̑ша ѻ҆рꙋ̑жїѧ мꙋ́чєницы, ко ѡ҆полче́нїю врагѡ́въ: наде́жда же, вѣ́ра и҆ и҆́стина, и҆́миже ᲂу҆лꙋчи́вше бг҃а, а҆́гг҃льскимъ ликѡ́мъ сочета́стесѧ вопїю́ще влⷣцѣ: сщ҃е́нницы бл҃гослови́те, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Вы́шнїй безнача́льне сн҃е, терпи́ши ѡ҆плева̑нїѧ, поношє́нїѧ и҆ крⷭ҇тъ, тро́стїю рꙋга́тельнѡ бїе́мь, бцⷣа вопїѧ́ше: сла́влю твоѐ долготерпѣ́нїе: є҆го́же ѻ҆́троцы бл҃гословѧ́тъ, сщ҃е́нницы воспѣва́ютъ, лю́дїе превозно́сѧтъ во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Бж҃е́ственномꙋ данїи́лꙋ ны́нѣ предви́дѣна была̀ є҆сѝ несѣко́маѧ гора̀: и҆з̾ тебе́ бо ѻ҆трокови́це, ка́мень ѿсѣче́сѧ хрⷭ҇то́съ: є҆ди́нъ бо дв҃о, кромѣ̀ рꙋкѝ человѣ́ческїѧ. Є҆го́же ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Пѣ́сньми ржⷭ҇тво̀ твоѐ чи́стаѧ, при́снѡ сла́вѧтъ го́рнїи во́ини, и҆ тебе́ же ѻ҆трокови́це приснодв҃о, ра́достнѡ съ на́ми ꙗ҆́кѡ бг҃омт҃рь воспѣва́ютъ, ю҆́же ѻ҆́троцы бл҃гословѧ́тъ, сщ҃е́нницы воспѣва́ютъ, лю́дїе превозно́сѧтъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Свѣ́та твоегѡ̀ зарѧ́ми, тѧ̀ мꙋ́дрствꙋющыѧ ны́нѣ бцⷣꙋ и҆́стиннꙋю мр҃і́е, свѣтоза́рны содѣ́лай, бг҃ороди́тельнице чи́стаѧ: свѣ́та бо селе́нїе ꙗ҆ви́ласѧ є҆сѝ дв҃о, вѣ́рою тѝ вопїю́щымъ: ра́дꙋйсѧ бл҃гослове́ннаѧ и҆ препросла́вленнаѧ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а: съ покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Не рыда́й менѐ мт҃и, зрѧ́щи во гро́бѣ, є҆го́же во чре́вѣ без̾ сѣ́мене зачала̀ є҆сѝ сн҃а: воста́нꙋ бо и҆ просла́влюсѧ, и҆ вознесꙋ̀ со сла́вою непреста́ннѡ ꙗ҆́кѡ бг҃ъ, вѣ́рою и҆ любо́вїю тѧ̀ велича́ющыѧ."
|
||||
},
|
||||
{
|
||||
"type": "TEXT",
|
||||
"value": "Да снѣ́дїю и҆стлѣ́вшаго сла́достною дре́ва, є҆ди́не сп҃се, ꙗ҆́кѡ бл҃гъ и҆зба́виши ѿ тлѝ, распѧ́тисѧ пло́тїю, и҆ ᲂу҆мертви́тисѧ и҆зво́лилъ є҆сѝ: пое́мъ непреста́ннѡ і҆и҃се, мно́гое бл҃гоꙋтро́бїе и҆ си́лꙋ твою̀."
|
||||
},
|
||||
{
|
||||
"type": "TEXT",
|
||||
"value": "Ѽ ка́кѡ претерпѣ́лъ є҆сѝ болѣ̑зни, на крⷭ҇тѣ̀ простира́емь, ѿ болѣ́зней лю́тыхъ и҆з̾има́ѧ мѧ̀ сп҃се; ка́кѡ те́рнїѧми вѣнча́выйсѧ, всѐ попали́лъ є҆сѝ страсте́й те́рнїе; ка́кѡ ѻ҆́цта напои́выйсѧ, весе́лїѧ ча́шꙋ на́мъ раствори́лъ є҆сѝ;"
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стѣснѧ́еми всѝ, и҆ въ темни̑цы вмета́еми, и҆ на ᲂу҆́ды страда́льцы разсѣца́еми лю́тѣ, и҆ по колесѣ́хъ же́стокѡ протѧза́еми, и҆ во снѣде́нїе ѕвѣрє́мъ вдава́еми, хрⷭ҇та̀ всѣ́хъ влⷣки не ѿверго́стесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Со́лнечныхъ сїѧ́нїй мно́жайши сїѧ́етъ страда́лєцъ всесвѣ́тлаѧ и҆ бл҃гознамени́таѧ па́мѧть: и҆ дꙋ́шы бл҃гочести́выхъ просвѣща́етъ всегда̀, и҆ ѿгонѧ́етъ тьмꙋ̀ страсте́й, и҆ и҆скꙋше́нїй, и҆ де́мѡнскїй расточа́етъ мра́къ глꙋбоча́йшїй."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Но́сиши носѧ́щаго всѧ̑, и҆ держи́ши ꙗ҆́кѡ младе́нца на рꙋкꙋ̀, и҆зба́вльшаго на́съ ѿ рꙋкѝ бори́телѧ врага̀, пречⷭ҇таѧ влⷣчце, и҆ зри́ши возвы́шена на дре́вѣ крⷭ҇тнѣмъ и҆з̾ ꙗ҆́мы ѕло́бы на́съ и҆зба́вльшаго."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ра́дости на́мъ вѣ́чныѧ и҆ жи́зни ꙗ҆ви́ласѧ є҆сѝ преесте́ственнѣ бг҃ороди́тельнице, хода́таица, чⷭ҇таѧ, сп҃са всѣ́хъ ро́ждшаѧ, ѿ лица̀ земна́гѡ всѧ́кꙋ сле́зꙋ ꙗ҆́вѣ ѿе́мшаго, и҆ всѣ̑мъ ра́дость пода́вшаго."
|
||||
},
|
||||
{
|
||||
"type": "TEXT",
|
||||
"value": "Поѧ̀ даві́дъ тво́й пра́ѻтецъ, ковче́гъ тѧ̀ проречѐ знамена́тельнѣ: и҆ бж҃е́ственныѧ ма́нны златꙋ́ю рꙋ́чкꙋ, мѡѷсе́й, бцⷣꙋ: и҆́бо є҆ди́на вмѣсти́ла є҆сѝ и҆́же въ нѣ́дрѣхъ ѻ҆́ч҃ихъ сꙋ́ща при́снѡ бцⷣе. Тѣ́мже тѧ̀ пѣ́сньми сла́вимъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ вои́стиннꙋ превы́шши всеѧ̀ тва́ри є҆сѝ: бг҃а бо всѣ́хъ родила̀ є҆сѝ пло́тїю. Тѣ́мже тѧ̀ предста́тельницꙋ и҆́мамы влⷣчце, и҆ наде́ждꙋ и҆звѣ́стнꙋ, и҆ стѣ́нꙋ тве́рдꙋ, тобо́ю сп҃се́нїе ᲂу҆лꙋчи́ти надѣ́ющесѧ."
|
||||
}
|
||||
]
|
||||
@@ -0,0 +1,402 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ покаѧ́ненъ ко гдⷭ҇ꙋ на́шемꙋ і҆и҃сꙋ хрⷭ҇тꙋ̀ и҆ ст҃ы̑мъ є҆гѡ̀ мч҃нкѡмъ, гла́съ ѕ҃, творе́нїе і҆ѡ́сифово, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Ѻ҆́чїю моє́ю хрⷭ҇тѐ пла́чь прїимѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Чꙋ́вственный фараѡ́нъ потопле́нъ бы́сть со всево́инствомъ, і҆и҃ль же проше́дъ посредѣ̀ мо́рѧ, вопїѧ́ше: гдⷭ҇еви бг҃ꙋ на́шемꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Впа́дшаго, хрⷭ҇тѐ, разбо́йникѡвъ въ рꙋ́цѣ лꙋка́выхъ, и҆ ꙗ҆́звами дꙋшетлѣ́нными, и҆́сполꙋ ме́ртва бы́вша, млⷭ҇ти є҆ле́емъ ᲂу҆врачева́въ ᲂу҆ще́дри мѧ̀, да тѧ̀ прославлѧ́ю."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ согрѣши́хъ мно́гѡ, верте́пъ бы́хъ разбо́йникѡмъ: рожде́йсѧ въ верте́пѣ хрⷭ҇тѐ, сле́зъ тꙋ́чꙋ да́рꙋй мѝ, и҆ ѡ҆чи́сти, ꙗ҆́кѡ да ст҃о́мꙋ дх҃ꙋ твоемꙋ̀ цр҃ковь бꙋ́дꙋ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ю҆́ношески врага̀ низложи́вше страда́льцы, бг҃оплете́нными вои́стиннꙋ вѣнцы̀ ᲂу҆краси́стесѧ, и҆ бг҃ꙋ въ вы́шнихъ со а҆́гг҃лы предстоитѐ, сла́вы и҆сполнѧ́еми."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆́же крове́й глꙋбино́ю фараѡ́на мы́сленнаго ᲂу҆дави́вше и҆ногда̀, чⷭ҇тні́и великомч҃нцы, къ землѝ ѡ҆бѣтова́нїѧ нбⷭ҇нѣй преидо́сте, хрⷭ҇та̀ сла́вѧще."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Съ мч҃нки чⷭ҇таѧ, съ бж҃е́ственными прⷪ҇ро́ки и҆ со всѣ́ми а҆́гг҃лы, зижди́телѧ всѣ́хъ молѝ, сп҃стѝ вѣ́рою тѧ̀ сла́вѧщихъ и҆ велича́ющихъ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ, ст҃ы̑мъ нбⷭ҇нымъ безплѡ́тнымъ а҆́гг҃лѡмъ, гла́съ ѕ҃, творе́нїе ѳеофа́ново, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Шесто́е быва́етъ ᲂу҆́мныхъ пѣ́нїе."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ по сꙋ́хꙋ пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь пои́мъ, вопїѧ́ше."
|
||||
},
|
||||
{
|
||||
"type": "TEXT",
|
||||
"value": "Нбⷭ҇ныхъ ли̑къ восхвалѧ́ю кра́сное бл҃голѣ́пїе, тѣ́хъ свѣ́тлыми мо́лнїѧми просвѣти́тисѧ вопїю̀: молю́ тѧ хрⷭ҇тѐ, є҆ди́наго бл҃гоꙋтро́бнаго. Два́жды."
|
||||
},
|
||||
{
|
||||
"type": "TEXT",
|
||||
"value": "Оу҆краше́й сло́вомъ всѧ̑, и҆ и҆̀же и҆з̾ тебѐ всест҃ы́мъ дх҃омъ а҆́гг҃льскїѧ ли́ки, тебѐ ю҆́же всѣ́хъ винꙋ̀ пѣ́ти ᲂу҆стро́илъ є҆сѝ тѣ́хъ, ꙗ҆́кѡ всеси́ленъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Твоего̀ прїе́мши содѣ́телѧ ꙗ҆́кѡ са́мъ восхотѣ̀, и҆з̾ безсѣ́меннагѡ твоегѡ̀ чре́ва па́че ᲂу҆ма̀ воплоща́ема, чⷭ҇таѧ, тва́ремъ вои́стиннꙋ ꙗ҆ви́сѧ влⷣчца."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На тве́рдѣмъ вѣ́ры твоеѧ̀ ка́мени помышле́нїе ᲂу҆тверди́въ дꙋшѝ моеѧ̀, ᲂу҆твердѝ гдⷭ҇и: тѧ́ бо и҆́мамъ бл҃же, прибѣ́жище и҆ ᲂу҆твержде́нїе."
|
||||
},
|
||||
{
|
||||
"type": "TEXT",
|
||||
"value": "Пока́ѧтисѧ хрⷭ҇то́ви ѡ҆бѣща́хсѧ, и҆ ѿ ѕлы́хъ ника́коже ѿстꙋпа́ю: что̀ бꙋ́дꙋ, слѣпото́ю ѡ҆бложе́нъ мно́гою; сн҃е бж҃їй, ты́ мѧ ᲂу҆ще́дри."
|
||||
},
|
||||
{
|
||||
"type": "TEXT",
|
||||
"value": "Помышлѧ́ю бж҃їе долготерпѣ́нїе, и҆зжи́въ жи́знь въ лѣ́ности ѻ҆каѧ́нный, и҆ бою́сѧ, да не внеза́пꙋ посѣче́нїе сме́ртное предвари́тъ мѧ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Гоне́нїѧ, болѣ́зней же и҆ бѣ́дъ ꙗ҆́коже пи́щи жела́юще, мч҃нцы веселѧ́хꙋсѧ, зрѧ́ще мы́сленныма ѻ҆чи́ма вѣ́чнꙋющее наслажде́нїе."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́коже на тве́рдѣмъ бл҃гоче́стїѧ ка́мени помышле́нїе ᲂу҆тверди́вше премꙋ́дреннѡ, крѣ́постїю ст҃і́и, многоѡбра́зныхъ ра́нъ не ᲂу҆боѧ́стесѧ мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Но́въ на́мъ ра́й ꙗ҆ви́ласѧ є҆сѝ жи́зни, чⷭ҇таѧ, посредѣ̀ дре́во и҆мꙋ́щїй, ѿ негѡ́же ꙗ҆ды́й, пречⷭ҇таѧ, ᲂу҆мерщвле́нїѧ а҆да́мъ лꙋка́вагѡ ѿпꙋща́етсѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нѣ́сть ст҃ъ, ꙗ҆́коже ты̀ гдⷭ҇и, бж҃е мо́й, вознесы́й ро́гъ вѣ́рныхъ твои́хъ бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "И҆́же всѧ́кое слове́сное є҆стество̀, ѿ не сꙋ́щихъ хотѣ́нїемъ содѣ́лавшее, трист҃ы́ми гла́сы пое́тсѧ въ трѝ ли́ца, и҆ славосло́витсѧ вѣ́рнѡ. Два́жды."
|
||||
},
|
||||
{
|
||||
"type": "TEXT",
|
||||
"value": "И҆сточа́ѧ ны́нѣ бл҃го́е влⷣко всѧ́ческихъ, и҆ бога́тнѣ и҆злива́ѧ: прича́стїемъ бл҃ги́хъ, безплѡ́тныѧ ли́ки а҆́гг҃льскїѧ показа́лъ є҆сѝ, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Даде́сѧ ѿпꙋще́нїе на́мъ тебѐ ра́ди бцⷣе, зако́на бо влⷣка и҆з̾ тебѐ вопло́щьсѧ, стра̑сти на́съ ра́ди претерпѣ́въ, и҆ всѣ́хъ и҆зба́вилъ є҆́сть."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Покры́ла є҆́сть нб҃са̀ добродѣ́тель твоѧ̀ хрⷭ҇тѐ, и҆ твоегѡ̀ хвале́нїѧ гдⷭ҇и, всѧ̑ и҆спо́лнишасѧ."
|
||||
},
|
||||
{
|
||||
"type": "TEXT",
|
||||
"value": "Не ѡ҆сꙋдѝ на́съ согрѣши́вшихъ тѝ мно́гѡ: но ѻ҆бы́чною твое́ю влⷣко, млⷭ҇тїю ᲂу҆ще́дри."
|
||||
},
|
||||
{
|
||||
"type": "TEXT",
|
||||
"value": "Пꙋ́ть сы́й живота̀ сп҃се, смертоно́сныхъ пꙋте́й грѣха̀ ᲂу҆клонѧ́тисѧ мѝ при́снѡ сподо́би."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Воспалѧ́ющимисѧ ра́нами ᲂу҆гаси́сте ѻ҆́гнь, пострада́вшїи мч҃нцы, росо́ю бж҃е́ственнагѡ дх҃а, пребы́сте неѡпалѧ́еми."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пото́ка бж҃е́ственныѧ пи́щи наслажда́етесѧ превы́спрь мч҃нцы, кро́вными тече́нїи, сїю̀ бога́тнѡ наслѣ́довавше."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Лѣ́ностїю жи́знь мою̀ и҆жди́въ, пречⷭ҇таѧ, къ твоемꙋ̀ притека́ю застꙋпле́нїю, ᲂу҆ще́дривши сп҃си́ мѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Хрⷭ҇то́съ моѧ̀ си́ла, бг҃ъ и҆ гдⷭ҇ь, чⷭ҇тна́ѧ цр҃ковь бг҃олѣ́пнѡ пое́тъ взыва́ющи, ѿ смы́сла чи́ста ѡ҆ гдⷭ҇ѣ пра́зднꙋющи."
|
||||
},
|
||||
{
|
||||
"type": "TEXT",
|
||||
"value": "Тлѝ непрїѧ́тное є҆стество̀ и҆мꙋ́ще, бж҃е́ственнѣйшїи ᲂу҆мѝ твоѝ чⷭ҇тні́и, прⷭ҇то́лъ ѡ҆бстоѧ́тъ, безсме́ртїѧ тѧ̀ и҆сто́чникъ наслѣ́довавшїи чл҃вѣколю́бче. Два́жды."
|
||||
},
|
||||
{
|
||||
"type": "TEXT",
|
||||
"value": "Ѿ ст҃а́гѡ дх҃а ѡ҆сщ҃а́еми а҆́гг҃льстїи собо́ри, на ѕло̀ пребыва́ютъ недви́жими, є҆́же къ пе́рвомꙋ бл҃го́мꙋ восхожде́нїю ѡ҆божа́еми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Клѧ́тва разори́сѧ прама́тернѧѧ, тебѐ ра́ди бцⷣе всенепоро́чнаѧ: ты́ бо на́мъ пречⷭ҇таѧ, бл҃гослове́нїѧ и҆сто́чникъ приснотекꙋ́щъ родила̀ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́тъ возсїѧ́вый мі́рꙋ хрⷭ҇тѐ, просвѣтѝ се́рдце моѐ ѿ но́щи тебѣ̀ зовꙋ́ща, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "И҆́же ѿ і҆ессе́ова ко́рене и҆зрасты́й, хрⷭ҇тѐ, и҆зсꙋшѝ прозѧбє́нїѧ страсте́й мои́хъ, всажда́ѧ во мнѣ̀ стра́хъ тво́й."
|
||||
},
|
||||
{
|
||||
"type": "TEXT",
|
||||
"value": "Воздыха̑нїѧ ꙗ҆́коже мыта́рь стѧ́жимъ, и҆ ѕлы́хъ ѿстꙋ́пимъ, ꙗ҆́кѡ да воздыха́нїѧ ᲂу҆бѣжи́мъ вѣ́чнꙋющагѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆ѧ́звлени бж҃е́ственнымъ тѝ жела́нїемъ, мч҃нцы твоѝ гдⷭ҇и, ᲂу҆ѧзвлѧ́еми мꙋ́ками ра́довахꙋсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѿ конє́цъ тѣлесе́мъ стра́ждꙋще мч҃нцы воззва́сте, и҆ хрⷭ҇то́съ гла́съ ва́шъ ᲂу҆слы́шалъ є҆́сть."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Нбⷭ҇наѧ врата̀ воспое́мъ бцⷣꙋ, и҆́миже вхо́дѧтъ всѝ грѣ́шнїи ко вхо́дѡмъ проще́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃їимъ свѣ́томъ твои́мъ бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ: тѧ̀ вѣ́дѣти сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
||||
},
|
||||
{
|
||||
"type": "TEXT",
|
||||
"value": "На прⷭ҇то́лѣ херꙋві́мстѣ ви́дѣвъ тѧ̀ прⷪ҇ро́къ всеви́дче, зижди́телѧ и҆ бг҃а сѣдѧ́ща: зна́меньми твоемꙋ̀ наꙋча́етсѧ влⷣчествꙋ и҆ гдⷭ҇ьствꙋ. Два́жды."
|
||||
},
|
||||
{
|
||||
"type": "TEXT",
|
||||
"value": "Тьмы̀ тьма́ми, и҆ ты́сѧща ты́сѧщами а҆́гг҃лъ, тебѐ ѡ҆крꙋжа́ема влⷣко, данїи́лъ зрѧ́ше, совокꙋпле́на чл҃вѣ́ческомꙋ зра́кꙋ: держа́вѣ твоеѧ̀ сла́вы тайнонаꙋча́етсѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Красе́нъ добро́тою тво́й сн҃ъ ꙗ҆ви́сѧ, па́че сынѡ́въ земноро́дныхъ, всенепоро́чнаѧ влⷣчце: сло́во бо є҆́сть и҆́же над̾ всѣ́ми бг҃ъ, а҆́ще и҆ є҆стество̀ чл҃вѣ́ческое и҆з̾ тебѐ прїѧ́тъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ки́томъ пожре́нъ грѣхо́внымъ, вопїю̀ тебѣ̀ хрⷭ҇тѐ, ꙗ҆́кѡ прⷪ҇ро́ка и҆з̾ и҆стлѣ́нїѧ мѧ̀ свободѝ."
|
||||
},
|
||||
{
|
||||
"type": "TEXT",
|
||||
"value": "Воѻчи́вый слѣпы̑ѧ хрⷭ҇тѐ, дꙋшѝ моеѧ̀ ѿве́рзи ѻ҆́чи: ꙗ҆́кѡ да свѣ́тъ тво́й ᲂу҆́зрю, и҆ страсте́й тьмы̀ и҆зба́влюсѧ."
|
||||
},
|
||||
{
|
||||
"type": "TEXT",
|
||||
"value": "Во́дъ животво́рныхъ покаѧ́нїѧ и҆спо́лненꙋ дꙋ́шꙋ мою̀ сотворѝ ще́дре, рѣ́ки сле́зъ да́рꙋѧ мѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ю҆дѡ́лїѧ мч҃нчєскаѧ крі́ны и҆сцѣле́нїй и҆зраща́ютъ, и҆ всѣ́хъ сердца̀ бл҃гочести́выхъ ѡ҆бл҃гоꙋха́ютъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Разрѣша́еми мꙋ́ками тѣлесѐ тлѣ́ющагѡ ст҃і́и, любо́вїю же ко влⷣцѣ и҆ се́рдцемъ привѧза́стесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ст҃а́ѧ мт҃и бж҃їѧ, ѡ҆скверне́ное се́рдце моѐ дѣѧ́нїи нечи́стыми, мл҃твами твои́ми ѡ҆чи́сти."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ вопїю́ ти: возведѝ ѿ тлѝ живо́тъ мо́й, многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Оу҆ма̀ чистото́ю зрѧ̀ і҆а́кѡвъ, на лѣ́ствицѣ низходѧ́щѧ а҆́гг҃лы твоѧ̑ влⷣко свѣ́тлѡ, и҆здале́ча твоемꙋ̀ наꙋча́шесѧ въ пло́ти прише́ствїю ꙗ҆́вственнѣйше. Два́жды."
|
||||
},
|
||||
{
|
||||
"type": "TEXT",
|
||||
"value": "Разꙋмѣ́въ бж҃е́ственное а҆́гг҃лѡвъ свѣ́тлое ѡ҆полче́нїе, ра́довашесѧ ᲂу҆го́дникъ тво́й влⷣко, і҆и҃ль, бл҃гочи́ннѡ ликовствꙋ́ющее, и҆ твою̀ неизрече́ннꙋю сла́вꙋ ѡ҆бстоѧ́щее."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Го́ръ нбⷭ҇ныхъ вои́стиннꙋ превы́шши, а҆́гг҃льскихъ си́лъ, ꙗ҆ви́сѧ гора̀ ꙗ҆́вственнаѧ ѻ҆трокови́ца влⷣчца, ꙗ҆́же твою̀ вмѣсти́вшаѧ лꙋчꙋ̀ бж҃ества̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прпⷣбныхъ твои́хъ ѻ҆трокѡ́въ пѣ́снь ᲂу҆слы́шавый, и҆ пе́щь горѧ́щꙋю ѡ҆роси́вый, бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ѿ ѕѣ́льныѧ ѕло́бы ᲂу҆мо́мъ ѡ҆слѣпи́хсѧ, и҆ не воззрѣ́хъ на свѣ́тъ покаѧ́нїѧ, хрⷭ҇тѐ сп҃се мо́й сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Надѣ́юсѧ на твоѐ бл҃гоꙋтро́бїе, припа́даю тѝ ще́дре, прошꙋ̀ ѕѡ́лъ мои́хъ разрѣше́нїѧ, не пре́зри мѧ̀ влⷣко."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Премі́рною сла́вою ѡ҆блекі́й ст҃ы̑ѧ твоѧ̑ пострада́вшыѧ въ мі́рѣ, мл҃твами и҆́хъ хрⷭ҇тѐ мо́й, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Законоположє́нїѧ непра́вєднаѧ поплева́сте, пра́веднагѡ зако́на сꙋ́ще бж҃е́ственнїи храни́телїе, вѣ́рою зако́ннѡ пострада́вше."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ра́бїй зра́къ прїе́мшаго влⷣкꙋ, ѻ҆трокови́це, ражда́еши: є҆го́же молѝ чⷭ҇таѧ, страсте́й мѧ̀ рабо́ты свободи́ти."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ прпⷣбнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Красото́ю свѣтлѣ́етесѧ всѝ ст҃і́и а҆́гг҃ли вседержи́телѧ, приближа́ющесѧ неизрече́ннѣй сла́вѣ хрⷭ҇то́вѣй, и҆ любо́вїю всегда̀ пою́ще є҆мꙋ̀: бл҃гослове́нъ є҆сѝ бж҃е во вѣ́ки. Два́жды."
|
||||
},
|
||||
{
|
||||
"type": "TEXT",
|
||||
"value": "Мы́сленнѡ ѡ҆ тебѣ̀ влⷣко, ѡ҆браща́ющесѧ а҆́гг҃ли, непости́жнѡ свѣтоѧвле́нїе твоѐ прїе́млютъ присносꙋ́щнѣ, пою́ще и҆ глаго́люще всегда̀: бл҃гослове́нъ є҆сѝ бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Съ тобо́ю бл҃гослове́ннаѧ гдⷭ҇ь, безпло́тный а҆рха́гг҃лъ речѐ: и҆стлѣ́вшее бо є҆стество̀ ѡ҆бнови́ти хотѧ̀, во чре́во твоѐ всели́сѧ чⷭ҇таѧ, бл҃гослове́ннаѧ, ꙗ҆́же бг҃а пло́тїю ро́ждшаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прпⷣбнїи твоѝ ѻ҆́троцы въ пещѝ херꙋві́мы подража́хꙋ, трист҃ꙋ́ю пѣ́снь воспѣва́юще: бл҃гослови́те, по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Поревнова́хъ немлⷭ҇рдїю бога́тагѡ нра́вомъ, и҆ презира́ѧ моегѡ̀ ѡ҆бнища́вшагѡ ᲂу҆ма̀, пред̾ две́рьми покаѧ́нїѧ ѡ҆гное́нагѡ ѕло́бою хрⷭ҇тѐ, да не во ѻ҆́гнь по́слеши негаси́мый."
|
||||
},
|
||||
{
|
||||
"type": "TEXT",
|
||||
"value": "Зимѣ̀ и҆ въ сꙋббѡ́тꙋ, до́брыхъ пра́здности, да не ѿ житїѧ́ мѧ по́ймеши негото́ва, зи́мꙋ грѣхо́внꙋю ᲂу҆толи́вый ще́дрый: но ѡ҆браще́нїе бж҃е́ственное пода́ждь мѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мч҃нцы нельсти́вною вѣ́рою ле́сть попира́юще, всѧ́ко мꙋ́къ претерпѣ́ша треволне́нїе, бл҃госло́вѧще, пою́ще, и҆ превозносѧ́ще хрⷭ҇та̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Возжига́ющїй пла́мень мꙋ́къ ᲂу҆гаси́вше терпѣ́нїѧ росо́ю ст҃і́и, ве́щь попали́сте безбо́жїѧ ре́вностїю бж҃е́ственныѧ любвѐ распала́еми, добропобѣ́днїи мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сꙋ́щи а҆́гг҃лъ чⷭ҇тнѣ́йшаѧ, бг҃а прест҃а́го родила̀ є҆сѝ, премно́жественнѣ ѡ҆свѧ́щшисѧ бцⷣе дв҃о: тѣ́мже дꙋ́шꙋ мою̀ ѡ҆ст҃ѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆з̾ пла́мене прпⷣбнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже є҆лїссе́а дре́вле твоего̀ ᲂу҆го́дника во́инствы безпло́тными ѡ҆гради́лъ є҆сѝ: та́кожде и҆ ны́нѣ хрⷭ҇тѐ, цр҃ковь твою̀ тебѐ превозносѧ́щꙋю ѡ҆градѝ во вѣ́ки. Два́жды."
|
||||
},
|
||||
{
|
||||
"type": "TEXT",
|
||||
"value": "И҆зба́витисѧ ѿ прегрѣше́нїй, моли́тесѧ а҆рхїстрати́зи бж҃е́ственнїи, ꙗ҆́кѡ предстоѧ́ще прⷭ҇то́лꙋ гро́зномꙋ, любо́вїю сла́вѧщымъ и҆ превозносѧ́щымъ хрⷭ҇та̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ мт҃ри и҆ дв҃ѣ, ра́дꙋйсѧ, тебѣ̀ вопїе́мъ съ гаврїи́ломъ бж҃е́ственнымъ, бг҃ора́дованнаѧ: сло́во бо на́мъ бж҃їе пло́тїю родила̀ є҆сѝ, є҆го́же превозно́симъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а: и҆ про́чыѧ стїхѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆́же ра́дꙋйсѧ ѿ а҆́гг҃ла прїи́мшаѧ, и҆ ро́ждшаѧ созда́телѧ своего̀, дв҃о, сп҃си́ тѧ велича́ющыѧ."
|
||||
},
|
||||
{
|
||||
"type": "TEXT",
|
||||
"value": "І҆ѡ́сифъ ᲂу҆́бѡ цѣломꙋ́дрствовавъ, пшеницода́вецъ позна́нъ бы́сть: а҆́зъ же блꙋ́дствꙋѧ, гла́домъ ѡ҆держи́мь є҆́смь добродѣ́тельныхъ дѣѧ́нїй."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ пе́тръ пока́ѧвсѧ хрⷭ҇тѐ, сле́зы приношꙋ̀, ꙗ҆́кѡ мыта́рь воздыха́ю, ꙗ҆́кѡ блꙋ́дный и҆з̾ глꙋбины̀ зовꙋ̀: согрѣши́хъ, прости́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Посо́бїемъ хрⷭ҇то́вымъ премꙋ́дрїи, низложи́сте ѕло́бꙋ вра́жїю, вѣнцы̀ побѣ́ды съ высоты̀ прїѧ́сте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ст҃а́ѧ мч҃нкъ па́мѧть всѣ́хъ ѡ҆свѧща́етъ ст҃ы́мъ дх҃омъ, правосла́внѡ сїю̀ ѡ҆свѧща́ющихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Просвѣти́ мѧ ѡ҆мраче́ннаго грѣхѝ, безстра́стїѧ свѣ́тъ ро́ждшаѧ: ꙗ҆́кѡ да пою́ тѧ чⷭ҇таѧ приснодв҃о."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃а человѣ́кѡмъ не возмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю же всечⷭ҇таѧ ꙗ҆ви́сѧ человѣ́кѡмъ сло́во воплоще́нно, є҆го́же велича́юще, съ нбⷭ҇ными вѡ́и тѧ̀ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Дв҃дꙋ прⷪ҇ро́кꙋ твоемꙋ̀, ꙗ҆́кѡ преста́ти сотвори́лъ є҆сѝ, твоѧ̑ лю́ди поража́юща ѻ҆рꙋ́жїемъ тѝ а҆́гг҃ла: ꙗ҆́кѡ ще́дръ пода́ждь ми́ръ хрⷭ҇тѐ, всѣ̑мъ цр҃квамъ, надлежа́щаѧ ны́нѣ ѡ҆блегча́ѧ и҆скꙋшє́нїѧ, ꙗ҆́кѡ многомлⷭ҇тивъ. Два́жды."
|
||||
},
|
||||
{
|
||||
"type": "TEXT",
|
||||
"value": "Ви́дѣвъ люде́й твои́хъ, хрⷭ҇тѐ, ѡ҆ѕлобле́нїе, ꙗ҆́кѡ вра́чь дꙋ́шъ же и҆ тѣле́съ и҆сцѣлѝ мольба́ми влⷣко, твои́хъ слꙋжи́телей, ны́нѣ ѻ҆́крестъ стоѧ́щихъ тебѐ всѣ́хъ цр҃ѧ̀ и҆ гла́сы непреста́нными ꙗ҆́кѡ бг҃а славосло́вѧщихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Нача̑ла, а҆рха́гг҃ли, гдⷭ҇ьствїѧ и҆ серафі́ми, си̑лы, вла̑сти и҆ а҆́гг҃ли, прⷭ҇то́ли съ херꙋві́мы, ны́нѣ препросла́вленное ржⷭ҇тво̀ твоѐ чтꙋ́ще, тѧ̀ мт҃и дв҃о, бл҃гоговѣ́йнѡ при́снѡ сла́вѧтъ."
|
||||
}
|
||||
]
|
||||
@@ -0,0 +1,434 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ ст҃ы̑мъ мч҃нкѡмъ, и҆ ст҃и́телємъ, и҆ прпⷣбнымъ, и҆ ᲂу҆со́пшымъ: творе́нїе і҆ѡ́сифово, гла́съ ѕ҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Чꙋ́вственный фараѡ́нъ потопле́нъ бы́сть со всево́инствомъ, і҆и҃ль же проше́дъ посредѣ̀ мо́рѧ, вопїѧ́ше: гдⷭ҇еви бг҃ꙋ на́шемꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Свѣ́тлымъ ᲂу҆мо́мъ тє́мныѧ ѡ҆свѣти́вше, ѕлочести̑выѧ же мꙋчи́тели мч҃нцы посрами́вше, побѣдоно́сцы бы́ша ꙗ҆́вѣ, и҆ къ невече́рнемꙋ свѣ́тꙋ преидо́ша."
|
||||
},
|
||||
{
|
||||
"type": "TEXT",
|
||||
"value": "Ст҃и́телїе хрⷭ҇тѡ́вы, и҆ прпⷣбныхъ ли́къ, и҆ прⷪ҇рѡ́къ, и҆ првⷣныхъ всѣ́хъ є҆ди́нственное торжество̀, добродѣ́тельными красота́ми блиста́ющесѧ, внидо́ша къ нбⷭ҇нымъ селе́нїємъ."
|
||||
},
|
||||
{
|
||||
"type": "TEXT",
|
||||
"value": "Же́нъ всѧ́ко мно́жество присво́ившесѧ хрⷭ҇то́ви, є҆́ѵꙋ лю́тымъ прельще́нїемъ ᲂу҆мори́вшаго попра́ша трꙋды̀ мꙋ́жескими, ᲂу҆бл҃жа́ютсѧ бж҃е́ственными пѣ́сньми."
|
||||
},
|
||||
{
|
||||
"type": "TEXT",
|
||||
"value": "Сла́ва, поко́инъ: И҆́же ѿ землѝ въ нача́лѣ созда́въ человѣ́ка хрⷭ҇тѐ, дꙋ́шы твои́хъ ра̑бъ ᲂу҆поко́й, мо́лимсѧ, во ѻ҆би́телехъ пра́ведныхъ и҆ въ мѣ́стѣхъ ѡ҆слабле́нїѧ, ꙗ҆́кѡ пребл҃гъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Сщ҃е́ннѣйши чⷭ҇таѧ херꙋві̑мъ, и҆ серафі̑мъ, ꙗ҆ви́ласѧ є҆сѝ ро́ждши творца̀ тва́ри. Є҆го́же непреста́ннѡ молѝ, ᲂу҆ще́дрити рабы̑ твоѧ̑ тебѐ сла́вѧщыѧ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ ᲂу҆со́пшымъ, пое́мъ є҆го̀ на рѧдꙋ̀, и҆дѣ́же нѣ́сть мине́и: творе́нїе ѳеофа́ново."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ по сꙋ́хꙋ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Въ нбⷭ҇ныхъ черто́зѣхъ, всегда̀ до́блїи мч҃нцы мо́лѧтъ тѧ̀ хрⷭ҇тѐ: и҆̀хже ѿ землѝ преста́вилъ є҆сѝ вѣ̑рныѧ, вѣ́чныхъ бла̑гъ полꙋчи́ти сподо́би."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поко́й гдⷭ҇и, дꙋ́шы ра̑бъ твои́хъ."
|
||||
},
|
||||
{
|
||||
"type": "TEXT",
|
||||
"value": "Оу҆краси́вый всѧ́чєскаѧ, живо́тное смѣше́нное мѧ̀ человѣ́ка, посредѣ̀ смире́нїѧ же вкꙋ́пѣ и҆ вели́чества созда́лъ є҆сѝ: тѣ́мже ра̑бъ твои́хъ дꙋ́шы сп҃се, ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "Сла́ва: Раѧ̀ жи́телѧ, и҆ дѣ́лателѧ въ нача́лѣ мѧ̀ ᲂу҆чини́лъ є҆сѝ: престꙋпи́вша же твою̀ за́повѣдь и҆зри́нꙋлъ є҆сѝ. Тѣ́мже рабѡ́въ твои́хъ дꙋ́шы сп҃се, ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: И҆́же ѿ ребра̀ созда́вый є҆́ѵꙋ пе́рвѣе на́шꙋ прама́терь, и҆з̾ пречⷭ҇тагѡ твоегѡ̀ чре́ва въ пло́ть ѡ҆дѣва́етсѧ: є҆́юже сме́рти крѣ́пость чⷭ҇таѧ, разрꙋши́лъ є҆́сть."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На тве́рдѣмъ вѣ́ры твоеѧ̀ ка́мени помышле́нїе ᲂу҆тверди́въ дꙋшѝ моеѧ̀, ᲂу҆твердѝ гдⷭ҇и: тѧ́ бо и҆́мамъ бл҃же, прибѣ́жище и҆ ᲂу҆твержде́нїе."
|
||||
},
|
||||
{
|
||||
"type": "TEXT",
|
||||
"value": "Тѣлє́снымъ примѣси́вшесѧ болѣ́знемъ страда́льцы, на неболѣ́зненное взира́хꙋ воздаѧ́нїе ра́дꙋющесѧ: и҆ ны́нѣ ᲂу҆толѧ́етъ на́шѧ болѣ̑зни мнѡ́гїѧ бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Ра́зꙋмомъ тве́рдымъ ѿгонѧ́юще ѕвѣ́ри лꙋка̑выѧ, бж҃е́ственнїи ст҃и́телїе, и҆зба́виша неврежде́нны ѿ ѕло́бъ тѣ́хъ, хрⷭ҇тѡ́ва бж҃е́ствєннаѧ воспита̑нїѧ."
|
||||
},
|
||||
{
|
||||
"type": "TEXT",
|
||||
"value": "Во́лею и҆́гꙋ гдⷭ҇ню подвозше́дый ли́къ прпⷣбныхъ, ᲂу҆мертви́въ мꙋдрова́нїе плотско́е, и҆ живо́тъ вѣ́чный воспрїѧ́тъ."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆зба́ви хрⷭ҇тѐ ѻ҆гнѧ̀ вѣ́чнагѡ, бл҃гоче́стно ѿ житїѧ̀ преста́вльшыѧсѧ, и҆ ѡ҆ставле́нїе да́ждь долгѡ́въ и҆́хъ бл҃же, и҆ вѣ́чное наслажде́нїе."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆̀же хрⷭ҇та̀ возлюби́вшыѧ жєны̀, тебѐ того̀ неизрече́ннѡ ро́ждшꙋю, всест҃а́ѧ влⷣчце, ра́достною мы́слїю ѡ҆бстоѧ́ще ликовствꙋ́ютъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нѣ́сть ст҃ъ ꙗ҆́коже ты̀:"
|
||||
},
|
||||
{
|
||||
"type": "TEXT",
|
||||
"value": "Зако́ннѡ пострада́вше твоѝ мч҃нцы жизнода́вче, и҆ вѣнцы̀ побѣ́ды ᲂу҆краси́вшесѧ ѿ тебѐ, прилѣ́жнѡ преста́вльшымсѧ вѣ̑рнымъ вѣ́чное хода́тайствꙋютъ поче́стїе."
|
||||
},
|
||||
{
|
||||
"type": "TEXT",
|
||||
"value": "Наказа́въ пре́жде мно́гими чꙋдесы̀ и҆ зна́меньми менѐ заблꙋ́ждшаго, напослѣ́докъ самого̀ себѐ и҆стощи́лъ є҆сѝ, ꙗ҆́кѡ сострада́теленъ: и҆ поиска́въ ѡ҆брѣ́лъ, и҆ сп҃слъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѿ текꙋ́щагѡ непостоѧ́тельныѧ тлѝ, къ тебѣ̀ прише́дшыѧ, въ селе́нїихъ вѣ́чныхъ всели́тисѧ ра́достнѡ сподо́би бл҃же, ѡ҆правда́въ вѣ́рою же и҆ бл҃года́тїю."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Нѣ́сть непоро́чны, ꙗ҆́коже ты̀ пречⷭ҇таѧ бг҃ома́ти: є҆ди́на бо ѿ вѣ́ка и҆́стиннаго бг҃а зачала̀ є҆сѝ во чре́вѣ сме́рти разрꙋши́вшаго си́лꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ слꙋ́хъ тво́й, и҆ ᲂу҆боѧ́хсѧ, разꙋмѣ́хъ дѣла̀ твоѧ̑, и҆ ᲂу҆жасо́хсѧ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Стоѧ́ще зрѧ́хꙋ го́рдаго стрⷭ҇тоте́рпцы, пред̾ нога́ми и҆́хъ попира́ема: и҆ всѧ́ческихъ зижди́телѧ бл҃года́рственнѡ сла́влѧхꙋ."
|
||||
},
|
||||
{
|
||||
"type": "TEXT",
|
||||
"value": "Глагѡ́лъ свѣтлостьмѝ ст҃и́телїе воѡрꙋжи́вшесѧ, къ свѣ́тꙋ разꙋмѣ́нїѧ, человѣ́ки ѿ тьмы̀ є҆ресе́й сп҃со́ша."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ᲂу҆́глїе ꙗ҆ви́шасѧ, къ бг҃ꙋ те́плымъ разꙋмѣ́нїемъ, и҆ стра̑сти попали́вше веще́ствєнныѧ преподо́бнїи, вельмѝ прославлѧ́ютсѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Живы́ми ты̀ гдⷭ҇и, и҆ ме́ртвыми ѡ҆блада́ѧ, и҆̀хже преста́вилъ є҆сѝ. Оу҆поко́й со всѣ́ми бл҃гоꙋгоди́вшими тебѣ̀ влⷣко."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Гдⷭ҇ь, пречⷭ҇таѧ, и҆з̾ тебѐ неизрече́ннѡ въ пло́ть ѡ҆блекі́йсѧ, же́нъ сосло́вїе мꙋ́жественнѣ подвиза́вшихсѧ прїѧ́тъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Хрⷭ҇то́съ моѧ̀ си́ла:"
|
||||
},
|
||||
{
|
||||
"type": "TEXT",
|
||||
"value": "Премꙋ́дрости бо́льшее ꙗ҆влѧ́ѧ позна́нїе, и҆ ѡ҆ дарѣ́хъ многосоверше́ннꙋю влⷣко, бл҃госты́ню, мч҃ничєскїѧ ли́ки а҆́гг҃лѡмъ сочета́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Пречⷭ҇тꙋю сла́вꙋ твою̀ полꙋчи́ти сподо́би къ тебѣ̀ преста́влєннымъ, и҆дѣ́же хрⷭ҇тѐ, веселѧ́щихсѧ є҆́сть жили́ще, и҆ гла́съ чи́стагѡ ра́дованїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Пою́щыѧ прїимѝ бж҃е́ственною держа́вою твое́ю, и҆̀хже ѿ землѝ прїѧ́тъ, ча̑да свѣ́тꙋ тѣ́хъ содѣ́лавъ, грѣхо́внꙋю мглꙋ̀ ѡ҆чища́ѧ многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Прїѧ́телище пречⷭ҇тое, цр҃ковь непоро́чнꙋю, ковче́гъ всесвѧ́тъ, дв҃ственное мѣ́сто сщ҃е́нїѧ, тебѐ добро́тꙋ і҆а́кѡвлю влⷣка и҆збра́лъ є҆́сть."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́тъ возсїѧ́вый мі́рꙋ хрⷭ҇тѐ, просвѣтѝ се́рдце моѐ ѿ но́щи тебѣ̀ зовꙋ́ща, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "И҆стка́нꙋю ѿ вы́шнїѧ бл҃года́ти, ѡ҆бле́кшесѧ во ѻ҆де́ждꙋ, страда́льцы, врага̀ ѡ҆бнажи́сте."
|
||||
},
|
||||
{
|
||||
"type": "TEXT",
|
||||
"value": "Со ст҃ы́ми прⷪ҇ро́ки почти́мъ первосщ҃е́нники бг҃омꙋ̑дрыѧ, и҆ преподѡ́бныѧ бг҃ꙋ бл҃гоꙋгоди́вшыѧ."
|
||||
},
|
||||
{
|
||||
"type": "TEXT",
|
||||
"value": "Во ѱалмѣ́хъ и҆ пѣ́снехъ восхва́лимъ же́нъ сосло́вїе: ꙗ҆́кѡ бг҃ꙋ до́брѣ ᲂу҆годи́вшыѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Въ селе́нїихъ пра́ведныхъ твои́хъ гдⷭ҇и, твоѧ̑ рабы̑ ᲂу҆чинѝ, презира́ѧ тѣ́хъ, ꙗ҆̀же въ житїѝ согрѣшє́нїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆збавлѧ́ющи на́съ всѧ́кагѡ вра́жїѧ вре́да, ꙗ҆ви́ласѧ є҆сѝ влⷣчце, молѧ́щи хрⷭ҇та̀ є҆ди́наго бл҃гоꙋтро́бнаго."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃їимъ свѣ́томъ твои́мъ:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ всепло́дїе сщ҃е́нное, и҆ ꙗ҆́кѡ нача́токъ человѣ́ческагѡ є҆стества̀ мч҃нцы, просла́вленномꙋ прине́сшесѧ бг҃ꙋ, на́мъ сп҃се́нїе при́снѡ хода́тайствꙋютъ."
|
||||
},
|
||||
{
|
||||
"type": "TEXT",
|
||||
"value": "Нбⷭ҇нагѡ пребыва́нїѧ, и҆ раздаѧ́нїѧ дарова́нїй сподо́би гдⷭ҇и, пре́жде ᲂу҆со́пшыѧ вѣ̑рныѧ рабы̑ твоѧ̑, подаѧ̀ прегрѣше́нїй и҆збавле́нїе."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆́же є҆ди́нъ є҆стество́мъ животво́рецъ, и҆́же бл҃гости вои́стиннꙋ неизслѣ́димаѧ пꙋчи́на, сконча́вшыѧсѧ црⷭ҇твїѧ твоегѡ̀ сподо́би ще́дре, є҆ди́не безсме́ртне."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Крѣ́пость и҆ пѣ́нїе, и҆́же и҆з̾ тебѐ влⷣчце мі́рꙋ рожде́йсѧ, и҆ сп҃се́нїе бы́сть поги́бшымъ, и҆́же ѿ а҆́довыхъ вра́тъ и҆збавлѧ́ѧ вѣ́рою тебѐ бл҃жа́щыѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ки́томъ пожре́нъ грѣхо́внымъ, вопїю̀ тебѣ̀ хрⷭ҇тѐ: ꙗ҆́кѡ прⷪ҇ро́ка и҆з̾ и҆стлѣ́нїѧ мѧ̀ свободѝ."
|
||||
},
|
||||
{
|
||||
"type": "TEXT",
|
||||
"value": "Крове́й бж҃е́ственныхъ тече́нїемъ мы́слєнныѧ врагѝ погрꙋзи́сте: вѣ́рныхъ же сердца̀ стрⷭ҇тоте́рпцы напои́сте."
|
||||
},
|
||||
{
|
||||
"type": "TEXT",
|
||||
"value": "Распе́нше себѐ мі́рꙋ и҆ стрⷭ҇те́мъ, прпⷣбнїи, и҆ премꙋ́дрїи ст҃и́телїе, бж҃е́ственныѧ сла́вы сподо́бистесѧ."
|
||||
},
|
||||
{
|
||||
"type": "TEXT",
|
||||
"value": "Прⷪ҇ро́кѡвъ ли́къ, и҆ чⷭ҇тны́хъ же́нъ собо́ръ, до́брѣ подвиза́вшихсѧ по до́лгꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Поко́й бж҃е, преждеꙋсо́пшихъ дꙋ́шы со и҆збра́нными твои́ми, презира́ѧ тѣ́хъ прегрѣшє́нїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Пло́тїю роди́вшаѧ хрⷭ҇та̀, пло́ти моеѧ̀ стра̑сти ᲂу҆мертвѝ, и҆ ѡ҆живѝ дв҃о, дꙋ́шꙋ мою̀ хода́тайствомъ твои́мъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Жите́йское мо́ре:"
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ пригвожда́емь, мч҃нчєскїѧ ли́ки къ себѣ̀ собра́лъ є҆сѝ, подо́бѧщыѧсѧ стрⷭ҇ти твое́й бл҃же. Тѣ́мже тѧ̀ мо́лимъ: къ тебѣ̀ преста́влєнныѧ ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "Неизрече́нною сла́вою твое́ю, є҆гда̀ прїи́деши стра́шнѡ сꙋди́ти мі́рꙋ всемꙋ̀ на ѻ҆́блацѣхъ, бл҃говолѝ и҆зба́вителю, свѣ́тлѡ срѣ́сти тебѐ, ꙗ҆̀же ѿ землѝ прїѧ́лъ є҆сѝ вѣ̑рныѧ рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆сто́чникъ жи́зни сы́й влⷣко, въ мꙋ́жествѣ бж҃е́ственнѣмъ, ѡ҆кова̑нныѧ и҆зводѧ̀ рабы̑ твоѧ̑ ꙗ҆̀же къ тебѣ̀ вѣ́рнѡ ѿше́дшыѧ, въ пи́щи ра́йстѣй вселѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Въ зе́млю возврати́хомсѧ, престꙋпи́вше бж҃їю за́повѣдь: тебе́ же ра́ди дв҃о, на нб҃са̀ ѿ землѝ вознесо́хомсѧ, тлю̀ сме́ртнꙋю ѿтрѧ́сше."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прпⷣбныхъ твои́хъ ѻ҆трокѡ́въ пѣ́снь ᲂу҆слы́шавый и҆ пе́щь горѧ́щꙋю ѡ҆роси́вый, бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Хрⷭ҇тѡ́вы стрⷭ҇тоте́рпцы, ᲂу҆гаси́вшыѧ пла́мень лю́тагѡ безбо́жїѧ тꙋ́чами крове́й, пѣ́сньми почти́мъ."
|
||||
},
|
||||
{
|
||||
"type": "TEXT",
|
||||
"value": "Бл҃госла́внїи і҆ера́рси, зи́мꙋ є҆ресе́й разрꙋши́вше, и҆ къ веснѣ̀ бж҃е́ственнѣй ра́дꙋющесѧ прїидо́ша."
|
||||
},
|
||||
{
|
||||
"type": "TEXT",
|
||||
"value": "Терпѣ́нїемъ бога́тꙋю дх҃а бл҃года́ть наслѣ́довасте пѡ́стницы, и҆ мно́жество бѣсѡ́въ погꙋби́сте."
|
||||
},
|
||||
{
|
||||
"type": "TEXT",
|
||||
"value": "Сла́ва: Раѧ̀ пи́щи твоеѧ̀ наслѣ́довати сподо́би ще́дре, вѣ́рою преста́влєнныѧ ѿ житїѧ̀, многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆́же тебѐ дв҃ꙋ показа́вый чⷭ҇таѧ и҆ по ржⷭ҇твѣ̀, ст҃ы́хъ же́нъ ли́ки тебѣ̀ наслѣ́довавшыѧ сп҃слъ є҆́сть."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Росода́тельнꙋ ᲂу҆́бѡ пе́щь:"
|
||||
},
|
||||
{
|
||||
"type": "TEXT",
|
||||
"value": "И҆зба́вльшїисѧ твое́ю кро́вїю мч҃нцы, пе́рвагѡ престꙋпле́нїѧ, ѡ҆кропи́вшесѧ же свое́ю кро́вїю, проѡбразꙋ́ютъ ꙗ҆́вѣ твоѐ заколе́нїе, бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Свирѣ́пѣющꙋю сме́рть ᲂу҆мертви́лъ є҆сѝ, сло́ве живонача́льнѣйшїй, въ вѣ́рѣ же твое́й ᲂу҆со́пшыѧ прїимѝ тебѐ пою́щыѧ хрⷭ҇тѐ, и҆ глаго́лющыѧ: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Воѡдꙋши́въ мѧ̀ человѣ́ка вдохнове́нїемъ бж҃е́ственнымъ бг҃онача́льнѣйшїй влⷣко, преста́влєнныѧ црⷭ҇твїѧ твоегѡ̀ сподо́би, пѣ́ти тебѐ сп҃се: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Превы́шши всѣ́хъ тва́рей, пренепоро́чнаѧ была̀ є҆сѝ, заче́нши бг҃а сокрꙋши́вшаго смє́ртнаѧ врата̀, и҆ верєѝ сте́ршаго. Тѣ́мже тѧ̀ чⷭ҇таѧ, пѣсносло́вимъ вѣ́рнїи, ꙗ҆́кѡ бг҃омт҃рь."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прпⷣбнїи твоѝ ѻ҆́троцы въ пещѝ херꙋві́мы подража́хꙋ, трист҃ꙋ́ю пѣ́снь воспѣва́юще, бл҃гослови́те, по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "До́блественнѣ мꙋче́нїй треволне́нїемъ ᲂу҆ранѧ́еми, бж҃е́ственнїи мч҃нцы, бл҃года́тїю проше́дше въ тишинꙋ̀ глꙋбо́кꙋю, вы́шнѧгѡ црⷭ҇твїѧ достиго́ша."
|
||||
},
|
||||
{
|
||||
"type": "TEXT",
|
||||
"value": "Прпⷣбнїи, всемꙋ́дрїи ст҃и́телїе, просїѧ́вше ꙗ҆́кѡ сл҃нце, просвѣща́ютъ вселе́ннꙋю ᲂу҆че́нїй лꙋча́ми, и҆ и҆сцѣле́нїй свѣтлостьмѝ."
|
||||
},
|
||||
{
|
||||
"type": "TEXT",
|
||||
"value": "Сла́внїи прⷪ҇ро́цы, и҆ первосщ҃е́нницы, прпⷣбнїи всѝ, и҆ пра́веднїи, мч҃нкъ мно́жєства, и҆ же́нъ, ста́до ва́ше всѐ сохрани́те ѿ бѣсѡ́въ непоколеби́мо."
|
||||
},
|
||||
{
|
||||
"type": "TEXT",
|
||||
"value": "Сла́ва: Воспое́мъ ꙗ҆̀же ѿ вѣ́ка првⷣныѧ, и҆ бг҃оглагѡ́ливыѧ прⷪ҇ро́ки, и҆ возопїе́мъ со ᲂу҆миле́нїемъ: тѣ́хъ сло́ве, мл҃твами въ вѣ́рѣ ᲂу҆со́пшыѧ ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Всю́ тѧ бли́жнюю добро́тꙋ бг҃а дв҃о, ли́къ же́нскїй возлюбѝ, и҆ во слѣ́дъ тебѐ приведо́шасѧ влⷣцѣ всѣ́хъ, согла́снѡ бл҃жа́ще тѧ̀ пречⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆з̾ пла́мене прпⷣбнымъ:"
|
||||
},
|
||||
{
|
||||
"type": "TEXT",
|
||||
"value": "Крѣ́пкѡ по́двиги показꙋ́юще, побѣ́ды вѣнцы̀ прїѧ́сте, мч҃нцы стрⷭ҇тоте́рпцы, хрⷭ҇то́ви зовꙋ́ще: тѧ̀ превозно́симъ гдⷭ҇а во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сщ҃е́ннѡ вѣ̑рныѧ житє́йскаѧ ѡ҆ста́вльшыѧ, и҆ къ тебѣ̀ влⷣцѣ ѿлꙋчи́вшыѧсѧ прїимѝ кро́ткѡ, и҆ ᲂу҆поко́й, ꙗ҆́кѡ млⷭ҇рдъ, тѧ̀ превозносѧ́щихъ гдⷭ҇а во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Ны́нѣ въ землѝ кро́ткихъ, всѣ̑мъ водворѧ́тисѧ пре́жде ᲂу҆со́пшымъ сп҃се, бл҃говолѝ, вѣ́рою твое́ю ѡ҆правда́въ и҆ бл҃года́тїю, тѧ̀ превозносѧ́щихъ гдⷭ҇а во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бл҃жи́мъ тѧ̀ всѝ пребл҃же́ннаѧ, ꙗ҆́кѡ сло́во вои́стиннꙋ сꙋ́щее бл҃же́нное ро́ждшꙋю, пло́ть бы́вшее на́съ ра́ди. Є҆го́же превозно́симъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а: И҆ про́чыѧ стїхѝ съ припѣ́вы."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆́же ра́дꙋйсѧ, ѿ а҆́гг҃ла прїи́мшаѧ, и҆ ро́ждшаѧ созда́телѧ твоего̀, дв҃о, сп҃си́ тѧ велича́ющыѧ."
|
||||
},
|
||||
{
|
||||
"type": "TEXT",
|
||||
"value": "Ѻ҆вча́та чⷭ҇таѧ приведо́стесѧ ко влⷣцѣ стрⷭ҇тоте́рпцы мч҃нцы, того̀ моли́те сп҃стѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ па́стырїе на ѕла́цѣ бл҃гоче́стїѧ ст҃и́телїе, вѣ̑рныѧ ᲂу҆пасо́сте, и҆ ны́нѣ во ѻ҆гра́дꙋ бж҃е́ственнꙋю всели́стесѧ."
|
||||
},
|
||||
{
|
||||
"type": "TEXT",
|
||||
"value": "Со ст҃ы́ми ст҃и́тели, и҆ прⷪ҇ро́ки, и҆ со жена́ми крѣ́пкѡ пострада́вшими, и҆ прпⷣбныхъ ли́ки да ᲂу҆бл҃жи́мъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Є҆мꙋ́же причаща́ютсѧ весе́лїю присносꙋ́щномꙋ ст҃ы́хъ собо́ри, сподо́би преста́вленныхъ ᲂу҆лꙋчи́ти многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Свѣ́тъ ро́ждшаѧ дв҃о, просвѣтѝ дꙋ́шꙋ мою̀, тьмꙋ̀ ѿгонѧ́ющи грѣха̀ и҆ лѣ́ности моеѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃а человѣ́кѡмъ:"
|
||||
},
|
||||
{
|
||||
"type": "TEXT",
|
||||
"value": "Наде́жда мч҃нкѡвъ ли́ки ᲂу҆крѣпѝ, и҆ къ твое́й любвѝ распале́нїемъ вперѝ, бꙋ́дꙋщїй си̑мъ предвоѡбрази́вше непоколеби́мый вои́стиннꙋ поко́й: є҆гѡ́же преста́влєнныѧ бл҃же, вѣ̑рныѧ сподо́би."
|
||||
},
|
||||
{
|
||||
"type": "TEXT",
|
||||
"value": "Свѣ́тлое твоѐ хрⷭ҇тѐ, и҆ бж҃е́ственное ᲂу҆лꙋчи́ти сїѧ́нїе вѣ́рою преста́влєннымъ бл҃говолѝ, и҆́же въ ло́нѣхъ а҆враа́мовѣхъ поко́й, ꙗ҆́кѡ є҆ди́нъ млⷭ҇тивъ тѣ̑мъ да́рꙋѧ, и҆ вѣ́чнагѡ сподоблѧ́ѧ бл҃же́нства."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆́же сы́й є҆стество́мъ бл҃гъ и҆ млⷭ҇рдъ, и҆ хоти́тель млⷭ҇тей, и҆ бл҃гоꙋтро́бїѧ пꙋчи́на, и҆̀хже ѿ мѣ́ста сегѡ̀ ѡ҆ѕлобле́нїѧ, и҆ сѣ́ни сме́ртныѧ преста́вилъ є҆сѝ, и҆дѣ́же сїѧ́етъ тво́й свѣ́тъ, сп҃се тѣ́хъ ᲂу҆чинѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Сѣ́нь ст҃ꙋ́ю чⷭ҇таѧ, вѣ́мы тѧ̀, и҆ ковче́гъ, и҆ скрижа̑ли, зако́на и҆ бл҃года́ти: тебе́ бо ра́ди ѡ҆ставле́нїе дарова́сѧ, ѡ҆правда̑нымъ кро́вїю воплоще́ннагѡ и҆з̾ твоегѡ̀ чре́ва, всенепоро́чнаѧ."
|
||||
}
|
||||
]
|
||||
@@ -0,0 +1,402 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ ст҃ы̑мъ сла̑внымъ и҆ всехва̑льнымъ а҆пⷭ҇лѡмъ. Творе́нїе ѳеофа́ново, гла́съ ѕ҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ по сꙋ́хꙋ пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь пои́мъ, вопїѧ́ше."
|
||||
},
|
||||
{
|
||||
"type": "TEXT",
|
||||
"value": "Свѣ́тъ бы́вше мі́рꙋ бг҃оглаго́ливїи, свѣ́тлыми блиста́ньми ѡ҆зари́те на́съ: и҆ страсте́й и҆зба́вите но́щи, и҆ мглы̀ и҆скꙋше́нїй, бг҃обл҃же́ннїи. Два́жды."
|
||||
},
|
||||
{
|
||||
"type": "TEXT",
|
||||
"value": "Кнѧ́зи честны̑ѧ по все́й землѝ дх҃ъ ва́съ че́стнѡ поста́ви, гдⷭ҇ни ᲂу҆ч҃нцы̀: тѣ́мже воздꙋ́шнаго кнѧ́зѧ побѣди́вше, вѣ̑рныѧ и҆збавлѧ́ете."
|
||||
},
|
||||
{
|
||||
"type": "TEXT",
|
||||
"value": "Ѿ ѻ҆гнѧ̀ невеще́ственнагѡ, ꙗ҆́кѡ свѣтоза́рное разже́гшесѧ ᲂу҆́глїе, веще́ствєнныѧ моѧ̑ премꙋ́дрїи, стра̑сти попали́те, къ свѣ́тꙋ безстра́стїѧ и҆ живота̀ наставлѧ́юще мѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: А҆пⷭ҇лъ мл҃твами, прⷪ҇рѡ́къ, и҆ мч҃нкъ, и҆ ро́ждшїѧ тѧ̀ чⷭ҇тыѧ, гдⷭ҇и і҆и҃се, всѣ́хъ цр҃ю̀, ᲂу҆ще́дри лю́ди согрѣши́вшыѧ тѝ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ ст҃о́мꙋ чꙋдотво́рцꙋ нїкола́ю, гла́съ ѕ҃, творе́нїе і҆ѡ́сифово, є҆го́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Шесто́е пѣ́нїе нїко́лае прїимѝ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Чꙋ́вственный фараѡ́нъ пото́пленъ бы́сть со всево́инствомъ: і҆и҃ль же проше́дъ посредѣ̀ мо́рѧ, вопїѧ́ше: гдⷭ҇еви бг҃ꙋ на́шемꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "На нб҃сѣ́хъ живы́й ра́достнѡ ѻ҆́тче премꙋ́дре, на землѝ вѣ́рою согла́снѡ тебѐ пою́щихъ, всѧ́кꙋю ско́рбь се́рдца лꙋка́вꙋю разженѝ хода́тайствомъ твои́мъ."
|
||||
},
|
||||
{
|
||||
"type": "TEXT",
|
||||
"value": "На стра̑сти врє́дныѧ, на врагѝ тлетвѡ́рныѧ, на всѧ́кꙋю льсти́вагѡ ѕло́бꙋ, ᲂу҆крѣпѝ ны́нѣ ѻ҆́тче нїко́лае, къ покро́вꙋ твоемꙋ̀ ст҃о́мꙋ вѣ́рою притека́ющыѧ."
|
||||
},
|
||||
{
|
||||
"type": "TEXT",
|
||||
"value": "Оу҆ѧ́звленныхъ на́съ ѿ неви́димыхъ стрѣлє́цъ, врачевство́мъ твоеѧ̀ нїко́лае, мл҃твы претворѝ, ꙗ҆́кѡ да здра́вѡ ходи́ти на́мъ по пꙋтє́мъ гдⷭ҇нимъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆́же сы́й со ѻ҆ц҃е́мъ соприсносꙋ́щный сн҃ъ, напослѣ́докъ восхотѣ́въ всели́сѧ въ ложесна̀ твоѧ̑ на на́ше бцⷣе, вѣ́рныхъ ѿрожде́нїе: тѣ́мже воспѣва́емъ тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нѣ́сть ст҃ъ, ꙗ҆́коже ты̀ гдⷭ҇и бж҃е мо́й, вознесы́й ро́гъ вѣ́рныхъ твои́хъ бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Бж҃е́ственный дх҃ъ ва́шѧ ѧ҆зы́ки и҆звари́въ наше́ствїемъ стра́шнымъ, сокрꙋшє́нныѧ человѣ́ки къ животꙋ̀ ѡ҆бновлѧ́етъ ва́ми, сла́внїи а҆пⷭ҇ли. Два́жды."
|
||||
},
|
||||
{
|
||||
"type": "TEXT",
|
||||
"value": "Въ ра́зꙋмѣ согрѣша́ѧй, ко́е ѡ҆брѧ́щꙋ поми́лованїе сло́ве, въ де́нь сꙋ́дный; сегѡ̀ ра́ди вопїю́ ти: твои́хъ ра́ди ᲂу҆чєни́къ ᲂу҆ще́дри мѧ̀ самоѡсꙋжде́ннаго."
|
||||
},
|
||||
{
|
||||
"type": "TEXT",
|
||||
"value": "Оу҆подо́бльшїисѧ хрⷭ҇тѡ́вымъ сп҃си́тєльнымъ страсте́мъ, дꙋшѝ моеѧ̀ стра̑сти лѣ̑тныѧ и҆ лю̑тыѧ и҆сцѣли́те, вра́чеве сꙋ́ще сла́внїи а҆пⷭ҇ли."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Согрѣши́вшаго мѧ̀ хрⷭ҇тѐ, бцⷣы ра́ди и҆ твои́хъ а҆пⷭ҇лъ, ѡ҆брати́въ ꙗ҆́кѡ бг҃ъ поми́лꙋй, и҆ ѻ҆гнѧ̀ вѣ́чнагѡ сп҃се, свободѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На тве́рдѣмъ вѣ́ры твоеѧ̀ ка́мени помышле́нїе ᲂу҆тверди́въ дꙋшѝ моеѧ̀, ᲂу҆твердѝ гдⷭ҇и: тѧ́ бо и҆́мамъ бл҃же, прибѣ́жище и҆ ᲂу҆твержде́нїе."
|
||||
},
|
||||
{
|
||||
"type": "TEXT",
|
||||
"value": "Побѣ̑ды ꙗ҆́вѣ на дꙋшетлѣ̑нныѧ стра̑сти прїѧ́лъ є҆сѝ, нїко́лае всебл҃же́нне: ѿ ни́хже ѕлѣ̀ всегда̀ побѣжда́емыхъ на́съ твои́ми мл҃твами и҆зба́ви."
|
||||
},
|
||||
{
|
||||
"type": "TEXT",
|
||||
"value": "Оу҆́ды плѡтскі́ѧ ᲂу҆мертви́въ воздержа́нїемъ, къ жи́зни преше́лъ є҆сѝ нестарѣ́ющейсѧ, ю҆́же и҆ на́мъ воспрїѧ́ти моли́сѧ, мꙋ́дре, ра́достнѡ восхвалѧ́ющымъ тѧ̀."
|
||||
},
|
||||
{
|
||||
"type": "TEXT",
|
||||
"value": "Посѣща́ти на́съ ѿ нбⷭ҇ныѧ высоты̀ не преста́й ст҃и́телю, ѿгонѧ̀ всю̀ жите́йскꙋю тѣснотꙋ̀, къ бг҃ꙋ твои́ми мл҃твами."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Разрѣше́нїе на́мъ грѣхѡ́въ да́ти чⷭ҇таѧ и҆зба́вителѧ ᲂу҆молѝ, помраче́нїе всѐ ѿ дꙋ́шъ на́шихъ при́снѡ твои́ми мл҃твами разгонѧ́ющи."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Хрⷭ҇то́съ моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ взыва́ющи, ѿ смы́сла чи́ста ѡ҆ гдⷭ҇ѣ пра́зднꙋющи."
|
||||
},
|
||||
{
|
||||
"type": "TEXT",
|
||||
"value": "Приста̑нища бл҃гоꙋти̑шнаѧ, приста̑нища небꙋ̑рнаѧ, къ ти́хомꙋ мѧ̀ приста́нищꙋ доведи́те, прегрѣше́нїй лю́тыхъ треволне́нїемъ ѡ҆бꙋрева́ема. Два́жды."
|
||||
},
|
||||
{
|
||||
"type": "TEXT",
|
||||
"value": "Дꙋшѐ моѧ̀, воздохнѝ, дꙋшѐ моѧ̀, прослези́сѧ: смире́нное се́рдце моѐ бл҃го́мꙋ ѿню́дъ прилѣпи́сѧ, ꙗ҆́кѡ да бꙋ́дꙋщагѡ тѧ̀ пла́мене и҆ мꙋ́ки и҆зба́витъ бг҃ъ."
|
||||
},
|
||||
{
|
||||
"type": "TEXT",
|
||||
"value": "Сп҃са гдⷭ҇а моли́те, сп҃си́телїе сꙋ́ще человѣ́кѡвъ всеблаже́ннїи а҆пⷭ҇ли: да на́съ сп҃се́тъ ѿ и҆скꙋше́нїй ѕлы́хъ ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃о пречⷭ҇таѧ, дв҃о непоро́чнаѧ, со а҆пⷭ҇лы ѡ҆ на́съ мольбꙋ̀ сотворѝ: ꙗ҆́кѡ да и҆зба́вимсѧ лю́тыхъ и҆скꙋше́нїй и҆ бѣ́дъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ слꙋ́хъ тво́й, и҆ ᲂу҆боѧ́хсѧ, разꙋмѣ́хъ дѣла̀ твоѧ̑, и҆ ᲂу҆жасо́хсѧ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Оу҆врачꙋ́й свѧ́те, ᲂу҆ѧ́звленое ѿ льсти́вагѡ неиспра́вленое се́рдце моѐ, ᲂу҆моли́въ бл҃года́вца бг҃а на́шего, нїко́лае."
|
||||
},
|
||||
{
|
||||
"type": "TEXT",
|
||||
"value": "Сокрꙋши́лъ є҆сѝ ка̑пища поги́бели, хрⷭ҇то́въ ᲂу҆го́дниче: тѣ́мже вѣ́рою молю́ тѧ нїко́лае, ᲂу҆ма̀ моегѡ̀ ѕлѡ́бныѧ кꙋмі́ры потребѝ."
|
||||
},
|
||||
{
|
||||
"type": "TEXT",
|
||||
"value": "Мѷродохнове́ненъ бы́лъ є҆сѝ првⷣными дѣлесы̀ бг҃омꙋ́дре, и҆ въ мѵ́рѣхъ ᲂу҆краси́лъ є҆сѝ прⷭ҇то́лъ, ѻ҆́тче ст҃и́телю нїко́лае."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Безневѣ́стнаѧ влⷣчце, бл҃гослове́ннаѧ бг҃ороди́тельнице, пою́щыѧ тѧ̀ сп҃са́й ѿ всѧ́кагѡ вре́да, є҆ди́на человѣ́кѡвъ помо́щнице."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃їимъ свѣ́томъ твои́мъ бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
||||
},
|
||||
{
|
||||
"type": "TEXT",
|
||||
"value": "Пꙋ́ть вводѧ́щїй въ живо́тъ, ѕѣлѡ̀ тѣснѣ́йшимъ ше́ствїемъ и҆скꙋше́нїй и҆ скорбе́й, ᲂу҆ченицы̀ сло́ва ꙗ҆́вѣ ходи́вшїи, стезю̀ дꙋшѝ моеѧ̀ ᲂу҆гла́дите. Два́жды."
|
||||
},
|
||||
{
|
||||
"type": "TEXT",
|
||||
"value": "Свѣти́льницы бж҃е́ственнагѡ восто́ка, и҆зба́вите мѧ̀ ѿ тьмы̀ страсте́й, и҆ сласте́й помраче́нїѧ, и҆ напа́стей, и҆ ѡ҆бстоѧ́нїй, и҆ бꙋ́ри, и҆ бѣ́дъ, хрⷭ҇тѡ́вы а҆пⷭ҇ли."
|
||||
},
|
||||
{
|
||||
"type": "TEXT",
|
||||
"value": "Сви́тцы сло́ва бг҃озра́чнїи, въ кни́зѣ мѧ̀ живо́тнѣй написа́тисѧ моли́те, а҆пⷭ҇ли, грѣхѡ́въ мои́хъ ѕло́е растерза́юще писа́нїе мл҃твами ва́шими."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сп҃се́нїе моѐ и҆ ᲂу҆пова́нїе, сп҃си́ мѧ ᲂу҆пова́ющаго на тѧ̀, всѣ́хъ ᲂу҆пова́нїе непосты́дное, ꙗ҆́же къ сн҃ꙋ твоемꙋ̀ мольба́ми, и҆ бж҃е́ственныхъ ᲂу҆чєни́къ, ѻ҆трокови́це є҆ди́на всепѣ́таѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́тъ возсїѧ́вый мі́рꙋ хрⷭ҇тѐ, просвѣтѝ се́рдце моѐ ѿ но́щи тебѣ̀ зовꙋ́ща, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Дрема́нїемъ лѣ́ности ѡ҆держи́ма, ᲂу҆се́рднѡ мѧ̀ ᲂу҆стро́й сщ҃е́нными хода́тайствы твои́ми, нїко́лае."
|
||||
},
|
||||
{
|
||||
"type": "TEXT",
|
||||
"value": "І҆и҃са сп҃са ᲂу҆молѝ, ст҃и́телю нїко́лае, вѣ́чнагѡ мѧ̀ и҆зба́вити мꙋче́нїѧ."
|
||||
},
|
||||
{
|
||||
"type": "TEXT",
|
||||
"value": "Мїрски́хъ мѧ̀ собла̑знъ соблюдѝ, и҆ ѿ бѣсо́вскагѡ ѡ҆ѕлобле́нїѧ, мл҃твами твои́ми, ст҃и́телю нїко́лае."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Є҆́же бы́ти на́мъ подава́ѧй, въ твою̀ ᲂу҆тро́бꙋ всели́сѧ бцⷣе: є҆го́же молѝ сп҃стѝ на́съ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ скрижа̑ли бг҃опи̑саннаѧ дх҃а, ꙗ҆́вѣ честна̑ѧ законоположє́нїѧ сла́внїи, въ дꙋша́хъ и҆мѣ́сте нело́жнѡ: и҆́миже въ писа́нїихъ ᲂу҆праздни́сте зако́нъ, мі́ръ сп҃сше. Два́жды."
|
||||
},
|
||||
{
|
||||
"type": "TEXT",
|
||||
"value": "Дꙋшѐ согрѣша́ющи, ѻ҆бы́чаємъ же ѕлы̑мъ ᲂу҆мовре́днѡ рабо́тающи, ѡ҆браще́нїемъ ѡ҆брати́сѧ, и҆ гдⷭ҇еви ще́дромꙋ возопі́й: а҆пⷭ҇лъ ра́ди сло́ве, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Ѻ҆вца́мъ дєсны́мъ сочета́й мѧ̀, во ᲂу҆жа́сномъ и҆ стра́шномъ прише́ствїи твое́мъ, и҆збра̑ннымъ твои̑мъ, моли́твами бж҃е́ственныхъ проповѣ̑дникъ твои́хъ, закла́выйсѧ за всѣ́хъ а҆́гнче неѕло́бивый."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ли́къ мо́литъ тѧ̀ безпло́тныхъ слꙋ́гъ, сн҃е бж҃їй пребезнача́льне, мо́литъ тѧ̀ собо́ръ ᲂу҆ченикѡ́въ съ ро́ждшею тѧ̀, лю́демъ твои̑мъ пода́ждь млⷭ҇ти твоѧ̑."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ки́томъ пожре́нъ грѣхо́внымъ, вопїю̀ тебѣ̀ хрⷭ҇тѐ: ꙗ҆́кѡ прⷪ҇ро́ка и҆з̾ и҆стлѣ́нїѧ мѧ̀ свободѝ."
|
||||
},
|
||||
{
|
||||
"type": "TEXT",
|
||||
"value": "Свѣти́льника тѧ̀ разꙋ́мнаго и҆мꙋ́щи тва́рь нїко́лае, просвѣща́етсѧ зарѧ́ми неисче́тныхъ чꙋде́съ твои́хъ."
|
||||
},
|
||||
{
|
||||
"type": "TEXT",
|
||||
"value": "Недрема́нный мл҃твенниче, къ тебѣ̀ притека́ющымъ нїко́лае, ѿ сна̀ ѕла́гѡ лѣ́ности и҆зба́ви мѧ̀."
|
||||
},
|
||||
{
|
||||
"type": "TEXT",
|
||||
"value": "И҆зба́вилъ є҆сѝ дре́вле мꙋ́дре, хотѧ́щыѧ непра́веднѡ ᲂу҆мре́ти: та́кожде и҆ менѐ и҆зба́ви ѿ бѣ́дъ и҆ прегрѣше́нїй, нїко́лае."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃о є҆ди́на чⷭ҇таѧ ѡ҆бра́дованнаѧ, помози́ ми, при́снѡ ѡ҆бꙋрева́емꙋ жите́йскими напа́стьми."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ прпⷣбнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе, мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Оу҆́дицею сло́ва а҆пⷭ҇ли, и҆звле́кше всѣ́хъ и҆з̾ глꙋбины̀ пре́лести, приведо́сте къ закла́вшемꙋсѧ сло́вꙋ на́съ ра́ди, пою́ще є҆мꙋ̀: бл҃гослове́нъ бг҃ъ ѻ҆тє́цъ на́шихъ. Два́жды."
|
||||
},
|
||||
{
|
||||
"type": "TEXT",
|
||||
"value": "Ꙗ҆́вльшемꙋсѧ ве́щїю тѣле́сною а҆пⷭ҇ли, нехода́тайственнѣ бесѣ́довавше, просвѣти́стесѧ свѣтода́тельными блиста́ньми є҆гѡ̀. Тѣ́мже мѧ̀ просвѣти́те вопїю́ща: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Па́стырѧ до́браго ᲂу҆моли́те бж҃е́ственнїи ᲂу҆ч҃нцы̀, въ гора́хъ мѧ̀ заблꙋ́ждшаго престꙋпле́нїѧ взыска́ти, и҆ сп҃стѝ вопїю́щаго прилѣ́жнѡ: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Со прⷪ҇ро́ки, а҆пⷭ҇лы же и҆ мч҃нки, дв҃о, є҆го́же родила̀ є҆сѝ, молѝ, земны́хъ мѧ̀ и҆зба́вити ѕѡ́лъ, и҆ прича́стника нбⷭ҇ныхъ бла̑гъ бы́ти мѧ̀ сподо́би влⷣчце."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прпⷣбныхъ твои́хъ ѻ҆трокѡ́въ мл҃твꙋ ᲂу҆слы́шавый, и҆ пе́щь горѧ́щꙋю ѡ҆роси́вый, бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Си́лою бж҃їею пребл҃же́нне, є҆реті́чествꙋющихъ полкѝ попра́лъ є҆сѝ, и҆ ѿ тѣ́хъ пре́лести ста́до твоѐ сп҃слъ є҆сѝ, нїко́лае."
|
||||
},
|
||||
{
|
||||
"type": "TEXT",
|
||||
"value": "Ꙗ҆вле́йсѧ пла́вающымъ, и҆ тво́й гра́дъ препита́лъ є҆сѝ стра́ждꙋщъ: дꙋшетлѣ́ннагѡ мѧ̀ гла́да и҆зба́ви, мл҃твами твои́ми, ѻ҆́тче нїко́лае."
|
||||
},
|
||||
{
|
||||
"type": "TEXT",
|
||||
"value": "Оу҆твердѝ ѻ҆́тче, мл҃твами твои́ми тебѐ призыва́ющыѧ на по́мощь нїко́лае, ᲂу҆тиша́ѧ бѣсо́вскꙋю лꙋка́вꙋю бꙋ́рю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Влⷣчце всѣ́хъ человѣ̑къ, ст҃а́ѧ бцⷣе, рабо́ты мѧ̀ стра́стныѧ твои́ми мл҃твами до конца̀ свободѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆з̾ пла́мене прпⷣбнымъ ро́сꙋ и҆сточи́лъ є҆сѝ, и҆ првⷣнагѡ же́ртвꙋ водо́ю попали́лъ є҆сѝ: всѧ̑ бо твори́ши хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Мл҃твъ серпо́мъ ѡ҆чи́стите пле́велы всѧ̑ мы́сли моеѧ̀, бж҃е́ственнїи дѣ́латели сп҃сѡвы а҆пⷭ҇ли: ꙗ҆́кѡ да сп҃си́тельнагѡ плода̀ принесꙋ̀ кла́съ. Два́жды."
|
||||
},
|
||||
{
|
||||
"type": "TEXT",
|
||||
"value": "Ѡ҆лѧденѣ̑вшаѧ сердца̀ ѡ҆бнови́сте ра́ломъ сло́ва, и҆ всѣ́ѧвше ᲂу҆че́нїе честно́е, кла́съ стори́чествꙋющъ спа́сшихсѧ пожа́сте, бг҃ови́дцы."
|
||||
},
|
||||
{
|
||||
"type": "TEXT",
|
||||
"value": "Вра́жїю ѕло́бꙋ ᲂу҆спи́вше, ᲂу҆снꙋ́ли є҆стѐ сно́мъ пра́ведныхъ подо́бнымъ, неꙋсы́пнїи ѡ҆ на́съ мл҃твєнницы бы́вше ᲂу҆ч҃нцы̀ сло́ва, во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѻ҆гнѧ̀ негаси́магѡ и҆зба́ви мѧ̀ гдⷭ҇и, прⷪ҇рѡ́къ, и҆ мч҃нкъ, и҆ а҆пⷭ҇лъ твои́хъ, и҆ во ᲂу҆тро́бꙋ вмѣсти́вшїѧ тѧ̀ неизрече́ннѡ, дв҃ы неискꙋсомꙋ́жныѧ, ще́дре, мл҃твами."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прпⷣбнїи твоѝ ѻ҆́троцы въ пещѝ херꙋві́мы подража́хꙋ, трист҃ꙋ́ю пѣ́снь воспѣва́юще: бл҃гослови́те, по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "На высотꙋ̀ житїѧ̀ свѣтлѣ́йшагѡ восте́къ ꙗ҆ви́лсѧ є҆сѝ, и҆ зна́емь вселе́ннѣй бг҃оно́сне, чꙋдодѣѧ́нїи разли́чными просвѣща́ѧ сꙋ́щихъ во тьмѣ̀, нїко́лае."
|
||||
},
|
||||
{
|
||||
"type": "TEXT",
|
||||
"value": "Ѡ҆бл҃годатѝ бж҃е́ственнѣ бо́дрствꙋющыѧ, тѧ̀ чтꙋ́щыѧ нїко́лае: ᲂу҆спѝ ѕло́бꙋ враждꙋ́ющихъ человѣ̑къ, на на́съ находѧ́щихъ, бл҃же́нне."
|
||||
},
|
||||
{
|
||||
"type": "TEXT",
|
||||
"value": "И҆́же всѧ̑ сѣ̑ти вра̑жїѧ крѣ́постїю сокрꙋши́въ дꙋхо́вною, ѿ тѣ́хъ и҆зба́ви мѧ̀ твои́ми мл҃твами, ѡ҆кормлѧ́ѧ живо́тъ мо́й бг҃омꙋ́дре, ст҃и́телю нїко́лае."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пое́мъ тѧ̀ дв҃о бг҃ороди́тельнице, є҆ѧ́же ра́ди клѧ́тва непло́дна бы́сть и҆ бл҃гослове́нїе всѣ̑мъ прїи́де, вѣ́дꙋщымъ тѧ̀ є҆ди́нꙋ мт҃рь бг҃а на́шегѡ безмꙋ́жнꙋю."
|
||||
},
|
||||
{
|
||||
"type": "TEXT",
|
||||
"value": "Та́же пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а: съ припѣ́вы, и҆ покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃а человѣ́кѡмъ не возмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю же всечⷭ҇таѧ, ꙗ҆ви́сѧ человѣ́кѡмъ сло́во воплоще́нно, є҆го́же велича́юще, съ нбⷭ҇ными вѡ́и тѧ̀ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Бг҃а человѣ́кѡмъ прїѡбщи́вшасѧ, и҆ ме́ртвенное совокꙋпле́нїемъ без̾ сравне́нїѧ ѡ҆божи́вшаго, во все́мъ мі́рѣ проповѣ́давше, всѣ́хъ безбо́жныѧ пре́лести свободи́сте: тѣ́мже ᲂу҆бл҃жа́еми є҆стѐ при́снѡ бж҃е́ственнїи а҆пⷭ҇ли. Два́жды."
|
||||
},
|
||||
{
|
||||
"type": "TEXT",
|
||||
"value": "Хрⷭ҇то́вꙋ стрⷭ҇ть и҆з̾ѡбрази́вше а҆пⷭ҇ли, страстьмѝ тѣлесѐ разли́чными, пло́ти моеѧ̀ стра̑сти ᲂу҆мертви́те: и҆ и҆знемо́гшꙋю, и҆ бѣ́дствꙋющꙋю, и҆ ᲂу҆мерщвле́нꙋю мою̀ дꙋ́шꙋ ѡ҆животвори́те."
|
||||
},
|
||||
{
|
||||
"type": "TEXT",
|
||||
"value": "Пꙋ́ть бꙋ́ди мѝ наставлѧ́ющїй мѧ̀ къ незаблꙋ́дномꙋ пꙋтѝ за́повѣдей твои́хъ чл҃вѣколю́бче, въ про́пасть грѣхо́внꙋю впа́дшемꙋ: и҆ заблꙋжда́ющꙋ, и҆ ᲂу҆кло́ншꙋсѧ къ пꙋтє́мъ лꙋка̑вымъ, и҆ бѣ́дствꙋющꙋ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ли́ки а҆́гг҃лъ и҆ а҆рха̑гг҃лъ же, вла̑сти и҆ си̑лы, нача̑ла, гдⷭ҇ствїѧ, херꙋві́ми и҆ серафі́ми и҆ прⷭ҇то́ли, хрⷭ҇тѐ, собо́ръ а҆пⷭ҇лъ, съ ро́ждшею тѧ̀, мо́лѧтсѧ тебѣ̀ є҆ди́не цр҃ю̀, сп҃сѝ рабы̑ твоѧ̑."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆́же ра́дꙋйсѧ ѿ а҆́гг҃ла прїи́мшаѧ, и҆ ро́ждшаѧ созда́телѧ твоего̀, дв҃о, сп҃си́ тѧ велича́ющыѧ."
|
||||
},
|
||||
{
|
||||
"type": "TEXT",
|
||||
"value": "Ст҃и́телей ᲂу҆добре́нїе, чꙋде́съ и҆сто́чниче нїко́лае, ᲂу҆молѝ бг҃а чл҃вѣколю́бца, ѡ҆брѣстѝ на́мъ грѣхѡ́въ ѡ҆ставле́нїе."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже дре́вле ᲂу҆́зники и҆зба́вилъ є҆сѝ ѿ сме́рти: та́кѡ и҆ на́съ и҆зба́ви и҆скꙋше́нїй жите́йскихъ, нїко́лае."
|
||||
},
|
||||
{
|
||||
"type": "TEXT",
|
||||
"value": "Ты̀ въ мѵ́рѣхъ лѷкі́йскихъ погребе́нъ бы́лъ є҆сѝ, мѵ́ро то́чиши всегда̀ нїко́лае, ѕловѡ́нїѧ страсте́й ѿгонѧ́ѧ при́снѡ."
|
||||
},
|
||||
{
|
||||
"type": "TEXT",
|
||||
"value": "Зижди́телѧ прише́ствїе при две́рехъ, не лѣни́сѧ дꙋшѐ моѧ̀, но возопі́й: нїкола́а мл҃твами хрⷭ҇тѐ, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣ́тъ ро́ждшаѧ всепѣ́таѧ, се́рдца моегѡ̀ зѣ́ницꙋ ѡ҆слѣ́пшꙋю просвѣтѝ: да пою́ тѧ и҆́же тебѐ ра́ди сп҃са́емь."
|
||||
}
|
||||
]
|
||||
@@ -0,0 +1,430 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ покаѧ́ненъ ко гдⷭ҇ꙋ на́шемꙋ і҆и҃сꙋ хрⷭ҇тꙋ̀, и҆ ст҃ы̑мъ мч҃нкѡмъ. Творе́нїе кѵ́ръ і҆ѡ́сифа. Гла́съ ѕ҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Помо́щникъ и҆ покрови́тель бы́сть мнѣ̀ во сп҃се́нїе, се́й мо́й бг҃ъ, и҆ просла́влю є҆го̀, бг҃ъ ѻ҆ц҃а̀ моегѡ̀, и҆ вознесꙋ̀ є҆го̀: сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "И҆зба́вителю мо́й і҆и҃се, ꙗ҆́коже и҆зба́вилъ є҆сѝ мно́гихъ прегрѣше́нїй блꙋдни́цꙋ, и҆ногда̀ пока́ѧвшꙋюсѧ до́брѣ: молю́сѧ тѝ, и҆ менѐ и҆зба́ви безчи́сленныхъ ѕѡ́лъ мои́хъ ꙗ҆́кѡ млⷭ҇тивъ."
|
||||
},
|
||||
{
|
||||
"type": "TEXT",
|
||||
"value": "Пла́ваѧ въ сꙋ́етнѣмъ помышле́нїи житїѧ̀, і҆и҃се, лю́тꙋю сїю̀ пꙋчи́нꙋ, во и҆стоплє́нїѧ впадо́хъ мнѡ́гаѧ, ѿ ни́хже и҆зба́вивъ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: До́блествєнныѧ страда́льцы, чꙋжда́гѡ потреби́тели, терпѣли́внѡ пострада́вшыѧ, и҆ вѣнцы̀ прїи́мшыѧ, ѿ бг҃а побѣ̑дныѧ, ра́достнѡ да почти́мъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вѣті́йствꙋюще мꙋ́дрїи, дерзнове́нїемъ бг҃а сло́ва вѣті́й ѕлы́хъ побѣди́сте: и҆ всѧ́къ ви́дъ под̾е́мше ра́нъ, вельмѝ просла́вистесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆ви́ласѧ є҆сѝ врата̀ живота̀, сме́рти врата̀ затво́рши ржⷭ҇тво́мъ твои́мъ чⷭ҇таѧ: ꙗ҆ви́ласѧ є҆сѝ землѧ̀ и҆збра́ннаѧ, є҆́юже вознесе́сѧ ѿ землѝ на нб҃са̀ человѣ́ческое смѣше́нїе."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ ст҃о́мꙋ и҆ вели́комꙋ і҆ѡа́ннꙋ прⷣте́чи. Творе́нїе і҆ѡ́сифово. Гла́съ ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Чꙋ́вственный фараѡ́нъ потопле́нъ бы́сть со всево́инствомъ, і҆и҃ль же проше́дъ посредѣ̀ мо́рѧ, вопїѧ́ше: гдⷭ҇еви бг҃ꙋ на́шемꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "А҆́гг҃лъ бж҃е́ственный твоѐ ржⷭ҇тво̀, а҆́гг҃ле бж҃їй, предвозвѣща́етъ ѻ҆ц҃ꙋ̀: съ ни́мже на́съ помѧнѝ, є҆́же въ де́нь сꙋ́дный ѡ҆брѣстѝ на́мъ млⷭ҇ть, ст҃ы́й прⷣте́че."
|
||||
},
|
||||
{
|
||||
"type": "TEXT",
|
||||
"value": "Прозѧбе́нїе сы́й кра́сное пꙋсты́нное прⷣте́че хрⷭ҇то́въ, во мнѣ̀ непреста́ннѡ прозѧба́ющꙋю лѣ́ность и҆з̾ ко́рене и҆сто́ргнꙋвъ, покаѧ́нїѧ мѧ̀ приноси́ти плоды̀ сотворѝ."
|
||||
},
|
||||
{
|
||||
"type": "TEXT",
|
||||
"value": "Оу҆тро́ба безча́дна тѧ̀, пло́дъ ражда́етъ пресла́внѡ, бл҃гоплѡ́днаѧ сердца̀, ꙗ҆̀же пре́жде неплѡ́днаѧ показа́вшаѧ, но вѣ́рою вопїю́ ти: крⷭ҇ти́телю, неплѡ́днаѧ моѧ̑ помышлє́нїѧ и҆сто́ргни."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ле́стїю непреста́ннѡ вра́гъ ло́витъ мѧ̀ лꙋка́вый, тогѡ̀ мѧ̀ ловле́нїѧ всенепоро́чнаѧ, и҆схитѝ, и҆ твори́ти бцⷣе, наста́ви влⷣчнюю бж҃е́ственнꙋю во́лю."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твердѝ гдⷭ҇и, на ка́мени за́повѣдей твои́хъ, подви́гшеесѧ се́рдце моѐ, ꙗ҆́кѡ є҆ди́нъ ст҃ъ є҆сѝ и҆ гдⷭ҇ь."
|
||||
},
|
||||
{
|
||||
"type": "TEXT",
|
||||
"value": "Млⷭ҇тивнымъ твои́мъ ѻ҆́комъ при́зри на мѧ̀, є҆гда̀ хощꙋ̀ пред̾ тобо́ю предста́ти, и҆ сꙋди́тисѧ є҆ди́не бл҃гопремѣни́телю гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Воздыха́юща мѧ̀ прїимѝ, ꙗ҆́коже мытарѧ̀ и҆з̾ глꙋбины̀ дꙋше́вныѧ, и҆ покаѧ́нїе мѝ да́рꙋй сп҃се, грѣха̀ всѧ́кагѡ мѧ̀ и҆збавлѧ́ющее."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Тече́нїемъ ст҃і́и прест҃ы́хъ ва́шихъ крове́й, ме́рзскаѧ кро́вь преста̀, приноси́маѧ бѣсѡ́мъ и҆ногда̀ въ тре́бищахъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Дх҃омъ прест҃ы́мъ ᲂу҆крѣплѧ́еми ст҃і́и, низверго́сте ка̑пища поги́бєльнаѧ, всѣ́хъ къ вѣ́рѣ ᲂу҆твержда́юще."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Зачала̀ є҆сѝ прест҃а́ѧ содержа́щаго ве́сь мі́ръ: сегѡ̀ ра́ди молю́сѧ тѝ, и҆зба́ви мѧ̀ всѧ́кагѡ содержа́щагѡ мꙋче́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На тве́рдѣмъ вѣ́ры твоеѧ̀ ка́мени помышле́нїе ᲂу҆тверди́въ дꙋшѝ моеѧ̀, ᲂу҆твердѝ гдⷭ҇и: тѧ́ бо и҆́мамы бл҃же, прибѣ́жище и҆ ᲂу҆твержде́нїе."
|
||||
},
|
||||
{
|
||||
"type": "TEXT",
|
||||
"value": "Ѡ҆браще́нїе ѿ пꙋтѝ заблꙋ́ждшемꙋ да́ждь мѝ ны́нѣ: и҆ прострѝ мѝ рꙋ́кꙋ бл҃же́нне прⷣте́че, въ пꙋчи́нѣ лю́тыхъ всегда̀ пла́вающꙋ."
|
||||
},
|
||||
{
|
||||
"type": "TEXT",
|
||||
"value": "Живꙋ̀ лѣ́ностнѡ, и҆ посѣче́нїе приближа́етсѧ: твои́ми мл҃твами возникнове́нїе мѝ да́ждь присносла́вный прⷣте́че, да не ꙗ҆́кѡ безпло́денъ ѿсла́нъ бꙋ́дꙋ во ѻ҆́гнь неꙋгаси́мый."
|
||||
},
|
||||
{
|
||||
"type": "TEXT",
|
||||
"value": "Стра́шный де́нь при две́рехъ, и҆ лю́тыми ѡ҆бложе́нъ є҆́смь бре́меньми, ѿ ни́хже мѧ̀ ѡ҆блегчѝ гдⷭ҇ень крⷭ҇ти́телю, чи́стыми твои́ми мольба́ми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Прⷭ҇то́лъ бж҃їй ꙗ҆ви́ласѧ є҆сѝ бцⷣе, на не́мже пло́тїю сѣ́де хрⷭ҇то́съ, ѿ пе́рвагѡ паде́нїѧ человѣ́ки воздви́же, во гла́сѣхъ ра́достныхъ пою́щыѧ тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́ша прⷪ҇ро́къ прише́ствїе твоѐ гдⷭ҇и, и҆ ᲂу҆боѧ́сѧ, ꙗ҆́кѡ хо́щеши ѿ дв҃ы роди́тисѧ, и҆ человѣ́кѡмъ ꙗ҆ви́тисѧ, и҆ глаго́лаше: ᲂу҆слы́шахъ слꙋ́хъ тво́й и҆ ᲂу҆боѧ́хсѧ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "То́ки сле́зъ да́ждь мѝ и҆зсꙋша́ющыѧ страсте́й мои́хъ и҆сто́чники, и҆ грѣха̀ всѧ́кагѡ тимѣ̑нїѧ ѿмыва́ющыѧ ще́дре, многомлⷭ҇тиве, и҆ ᲂу҆гаша́ющыѧ ѻ҆гнѧ̀ гее́нскагѡ вѣ́чнꙋющїй пла́мень неꙋгаси́мый."
|
||||
},
|
||||
{
|
||||
"type": "TEXT",
|
||||
"value": "Непреста́ннѡ чешꙋ̀ стрꙋ́пы дꙋшѝ моеѧ̀ сластолю́бїемъ, и҆ пребыва́ю неисцѣ́ленъ, въ чꙋ́вство са́мъ прїитѝ не хотѧ̀, кто̀ бꙋ́дꙋ; и҆ что̀ сотворю̀; хрⷭ҇тѐ ще́дрый, и҆сцѣли́въ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Во́дъ поги́бельныхъ, и҆ бꙋ́ри ѕло́бныѧ ѡ҆кормле́нїемъ бж҃е́ственнымъ мч҃нцы приснобл҃же́ннїи, вѣ́рою преплы́вше пꙋчи́нꙋ непостоѧ́ннꙋю, въ безбѣ́дное и҆ небꙋ́рное црⷭ҇твїѧ нбⷭ҇нагѡ приста́нище доспѣ́сте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Просвѣ́щницы бл҃гоче́стїѧ, свѣти̑ла и҆́стины бы́вше, свѣ́томъ по́двигѡвъ потреби́сте тьмꙋ̀ безбо́жїѧ многоболѣ́зненнꙋю: чꙋде́съ же зарѧ́ми мч҃нцы стрⷭ҇те́й мглꙋ̀ разгонѧ́ете."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Седмосвѣ́тлый тѧ̀ свѣ́щникъ, ѻ҆́гнь бг҃оразꙋ́мїѧ носѧ́щъ ѻ҆трокови́це, прⷪ҇ро́къ дре́вле прови́дѣ, свѣтѧ́щъ во тьмѣ̀ невѣ́дѣнїѧ бѣ́дствꙋющымъ. Тѣ́мже вопїю́ ти всенепоро́чнаѧ: просвѣти́ мѧ, молю́сѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ слꙋ́хъ тво́й и҆ ᲂу҆боѧ́хсѧ, разꙋмѣ́хъ дѣла̀ твоѧ̑, и҆ ᲂу҆жасо́хсѧ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Оу҆врачꙋ́й прⷣте́че, ᲂу҆ѧ́звленое на пꙋте́хъ разбо́йническихъ се́рдце моѐ, молю́сѧ тѝ, дѣ́тельною бж҃е́ственныхъ твои́хъ мл҃твъ цѣльбо́ю."
|
||||
},
|
||||
{
|
||||
"type": "TEXT",
|
||||
"value": "Низложѝ прⷣте́че, и҆́же є҆щѐ живꙋ́щїй въ дꙋшѝ мое́й грѣ́хъ: и҆ возникнове́нїе ны́нѣ да́рꙋй мѝ, къ сласте́мъ пополза́ющемꙋсѧ."
|
||||
},
|
||||
{
|
||||
"type": "TEXT",
|
||||
"value": "Приста́нище на́мъ ꙗ҆ви́сѧ ѡ҆бꙋрева́ємымъ въ пꙋчи́нѣ жите́йскїѧ бꙋ́ри, преложѝ всѣ́хъ въ тишинꙋ̀ пребога́те."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Да не ѡ҆сꙋ́диши менѐ гдⷭ҇и, по дѣлѡ́мъ мои́мъ, но млⷭ҇тивъ мѝ ꙗ҆ви́сѧ всеще́дрый: мо́литъ тѧ̀ со крⷭ҇ти́телемъ ро́ждшаѧ тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ но́щи ᲂу҆́тренююща, чл҃вѣколю́бче, просвѣтѝ молю́сѧ, и҆ наста́ви и҆ менѐ на повелѣ̑нїѧ твоѧ̑, и҆ наꙋчи́ мѧ сп҃се, твори́ти во́лю твою̀."
|
||||
},
|
||||
{
|
||||
"type": "TEXT",
|
||||
"value": "Сѐ и҆́же тала́нтъ тво́й сокры́вый, хрⷭ҇тѐ, лѣни́вый ра́бъ тво́й, и҆ ᲂу҆праздни́выйсѧ лꙋка́выми страсте́й дѣѧ́нїи, а҆́зъ є҆́смь: тѣ́мже не послѝ менѐ во ѻ҆́гнь."
|
||||
},
|
||||
{
|
||||
"type": "TEXT",
|
||||
"value": "Тво́й сы́нъ бы́въ бл҃года́тїю, бл҃гоꙋтро́бне хрⷭ҇тѐ, порабо́тихсѧ врагꙋ̀, и҆ ѿ тебѐ ᲂу҆дали́хсѧ жи́въ блꙋ́днѡ. Тѣ́мже ѡ҆брати́въ мѧ̀ сп҃сѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мч҃нцы стоѧ́хꙋ пред̾ сꙋди́щемъ, щи́тъ вѣ́ры ѡ҆бносѧ́ще. Тѣ́мже стрѣла́ми ле́стными, ᲂу҆ѧзви́ти тѣ́хъ лю́тый ѿстꙋ́пникъ не возмо́же."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆мерщвлѧ́еми тѣлесы̀ мч҃нцы, всѧ̑ ᲂу҆мертви́ша кѡ́зни вра̑жїѧ: и҆ къ жи́зни нестарѣ́ющейсѧ прїидо́ша въ ра́дости, вѣнцы̀ побѣ́ды прїи́мше."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Врата̀ непроходи́маѧ, ѿве́рзи мѝ врата̀, молю́сѧ, покаѧ́нїѧ и҆́стиннагѡ: и҆ покажи́ ми стезю̀ покаѧ́нїѧ чⷭ҇таѧ, всѣ́хъ наста́внице."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Къ тебѣ̀ ᲂу҆́тренюю, млⷭ҇рдїѧ ра́ди себѐ и҆стощи́вшемꙋ непрело́жнѡ, и҆ до страсте́й безстра́стнѡ прекло́ньшемꙋсѧ сло́ве бж҃їй, ми́ръ пода́ждь мѝ па́дшемꙋ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Хра́мъ бы́лъ є҆сѝ бж҃е́ственныѧ трⷪ҇цы, и҆ въ хра́мѣ твое́мъ ст҃о́мъ се́мъ со́браннїи, вѣ́рою те́плою мо́лимъ тѧ̀ прⷣте́че: и҆зба́ви на́съ ѿ и҆скꙋше́нїй и҆ скорбе́й, всехва́льне."
|
||||
},
|
||||
{
|
||||
"type": "TEXT",
|
||||
"value": "Оу҆страни́выйсѧ всѧ́кїѧ добродѣ́тели ᲂу҆́мъ мо́й, тебѐ стра́ннымъ ходи́вша пꙋте́мъ въ житїѝ бл҃же́нне, ны́нѣ молю̀: всѧ́ческихъ бг҃ꙋ мѧ̀ присво́й, лꙋ́чша творѧ́ мѧ и҆зѧ́щными припода́ньми."
|
||||
},
|
||||
{
|
||||
"type": "TEXT",
|
||||
"value": "Погрꙋзи́вый во і҆ѻрда́нскихъ стрꙋѧ́хъ, бе́зднꙋ млⷭ҇рдїѧ, прⷪ҇ро́че, то́ки страсте́й мои́хъ мл҃твами твои́ми и҆зсꙋшѝ ны́нѣ, и҆сто́чники мѝ сле́зъ подава́ѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Преꙋкраше́нна бж҃е́ственными лꙋча́ми, кра́снаго добро́тою родила̀ є҆сѝ дв҃о: того̀ ᲂу҆́бѡ при́снѡ молѝ, сп҃стѝ на́съ ѿ тлѝ, и҆́же вѣ́рою и҆ любо́вїю тѧ̀ сла́вѧщыѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Возопи́хъ всѣ́мъ се́рдцемъ мои́мъ къ ще́дромꙋ бг҃ꙋ, и҆ ᲂу҆слы́ша мѧ̀ ѿ а҆́да преиспо́днѧгѡ, и҆ возведѐ ѿ тлѝ живо́тъ мо́й."
|
||||
},
|
||||
{
|
||||
"type": "TEXT",
|
||||
"value": "Не покажѝ менѐ бѣсѡ́мъ ѡ҆бра́дованїе въ де́нь стра́шный, хрⷭ҇тѐ і҆и҃се: да не ᲂу҆слы́шꙋ тогда̀ гла́са ѿсыла́ющагѡ во ѻ҆́гнь гее́нскїй."
|
||||
},
|
||||
{
|
||||
"type": "TEXT",
|
||||
"value": "Погрꙋзи́ мѧ во глꙋбинѣ̀ прегрѣше́нїй, и҆́же првⷣныхъ вра́гъ: и҆ къ щедро́тъ твои́хъ притека́ю пꙋчи́нѣ, і҆и҃се, къ приста́нищꙋ жи́зни ны́нѣ напра́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Болѣ́зней мно́гихъ ра́ломъ, ѡ҆бно́вльше, дꙋше́внꙋю браздꙋ̀ премꙋ́дрїи бж҃е́ственнымъ сѣ́менемъ вѣ́ры, многопло́дный мꙋче́нїѧ кла́съ ꙗ҆́вѣ плодоноси́сте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́звами ᲂу҆ѧзви́сте ᲂу҆ѧзви́вшаго ва́съ бл҃гочести́вїи ѻ҆рꙋ́жницы. Тѣ́мже преста́вльшесѧ къ жи́зни, стра̑сти ны́нѣ человѣ́чєскїѧ и҆сцѣлѧ́ете."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Хра́мъ бг҃ꙋ ꙗ҆ви́ласѧ є҆сѝ всенепоро́чнаѧ, во́ньже всели́всѧ сщ҃е́ннѣ, чл҃вѣ́ческое сꙋщество̀ ѡ҆божѝ, сотвори́лъ є҆́сть вѣ́рныхъ хра́мы себѣ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна послѣ́днѧѧ грѣхѡ́въ ѡ҆бы́де мѧ̀, и҆ волне́нїѧ не ктомꙋ̀ терпѧ̀, ꙗ҆́кѡ і҆ѡ́на влⷣцѣ, вопїю́ ти: ѿ тли́ мѧ возведѝ."
|
||||
},
|
||||
{
|
||||
"type": "TEXT",
|
||||
"value": "Ѻ҆́трасль прⷪ҇ро́че ко́рене прозѧ́блъ є҆сѝ, и҆ сердца̀ неплѡ́днаѧ всѧ́кагѡ бл҃горазꙋ́мїѧ, бл҃гоплѡ́дна въ похвалꙋ̀ бг҃ꙋ показа́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сокрꙋшѝ вско́рѣ лꙋка́вагѡ нога́ми на́шими, и҆ и҆спра́ви стѡпы̀ на́шѧ мы́слєнныѧ на пꙋ́ть ми́ра, предста́тельствы твои́ми, прⷣте́че."
|
||||
},
|
||||
{
|
||||
"type": "TEXT",
|
||||
"value": "Ѡ҆градѝ, прⷪ҇ро́че, пра́вдою ста́до твоѐ, и҆збавлѧ́ѧ на́съ всѧ́кагѡ навѣ́та бѣсо́вскагѡ, и҆ вѣ́чнꙋющїѧ мꙋ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пѣ́снь тебѣ̀, дв҃о, бл҃годаре́нїѧ прино́симъ ны́нѣ: тобо́ю чⷭ҇таѧ, сп҃се́ни бы́вше ѿ клѧ́твы дре́внїѧ, и҆ всѧ́ко бл҃гослове́нїе плоди́мъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Согрѣши́хомъ, беззако́нновахомъ, непра́вдовахомъ пред̾ тобо́ю, нижѐ соблюдо́хомъ, нижѐ сотвори́хомъ, ꙗ҆́коже заповѣ́далъ є҆сѝ на́мъ: но не преда́ждь на́съ до конца̀, ѻ҆тцє́въ бж҃е."
|
||||
},
|
||||
{
|
||||
"type": "TEXT",
|
||||
"value": "Взира́ю на млⷭ҇ть твою̀ безмѣ́рнꙋю, безмѣ́рнѡ согрѣши́вый, вѣ́мъ твоѐ млⷭ҇рдїе, вѣ́мъ долготерпѣ́нїе и҆ неѕло́бїе: покаѧ́нїѧ мѝ да́рꙋй плоды̀, ще́дрый хрⷭ҇тѐ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Оу҆врачꙋ́й, ще́дре, се́рдца моегѡ̀ неисцѣ̑льныѧ стра̑сти, да́рꙋй ѿсѣче́нїе долгѡ́въ мои́хъ, тѧ́жкое бре́мѧ ѡ҆блегчѝ: да во ᲂу҆миле́нїи тѧ̀ сла́влю при́снѡ ѻ҆тцє́въ бг҃а."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вѧ́жеми, ссѣца́еми, и҆ снѣда́еми ѻ҆гне́мъ веще́ственнымъ, львѡ́мъ предае́ми на снѣ́дь, и҆ протѧза́еми на колесѣ́хъ, не ѿверго́шасѧ тебѐ жива́гѡ бг҃а на́шегѡ, бж҃е́ственнїи и҆ сщ҃е́ннїи страда́льцы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Раздѣлѧ́еми бы́сте ѿ тѣле́съ, но не раздѣле́ни ѿ бг҃а ꙗ҆ви́стесѧ мч҃нцы, совокꙋпле́нїѧ ра́ди бж҃е́ственнагѡ, себѐ соедини́вшаго на́мъ нетлѣ́ннѡ. Є҆го́же при́снѡ моли́те, и҆зба́витисѧ на́мъ всѧ́кїѧ нꙋ́жды."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Прозѧбла̀ є҆сѝ без̾ сѣ́мене, є҆го́же родѝ ѻ҆ц҃ъ нетлѣ́ннѡ, пребыла̀ є҆сѝ по ржⷭ҇твѣ̀ дв҃а, ꙗ҆́коже и҆ пре́жде ржⷭ҇тва̀. Тѣ́мже ᲂу҆бл҃жа́ема є҆сѝ, и҆ прославлѧ́ема пречⷭ҇таѧ непреста́ннѡ, ꙗ҆́кѡ мт҃и сꙋ́щи бж҃їѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы въ вавѷлѡ́нѣ пе́щнагѡ пла́мене не ᲂу҆боѧ́шасѧ, но посредѣ̀ пла́мене вве́ржени, ѡ҆роша́еми поѧ́хꙋ: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Гла́съ сы́й сло́ва, ны́нѣ гла́сы на́шѧ прїимѝ крⷭ҇ти́телю: и҆ страсте́й и҆ бѣ́дъ, и҆ мно́гихъ ѡ҆бстоѧ́нїй, и҆ вѣ́чнагѡ мꙋче́нїѧ и҆зба́ви лю́ди твоѧ̑."
|
||||
},
|
||||
{
|
||||
"type": "TEXT",
|
||||
"value": "Рꙋко́ю показꙋ́еши прⷪ҇ро́че, а҆́гнца бж҃їѧ, мі́ра взе́млющаго грѣхѝ: є҆го́же при́снѡ молѝ, ѿѧ́ти моѧ̑ согрѣшє́нїѧ лю̑таѧ, и҆ лѣ́ты ᲂу҆держа̑ннаѧ, и҆ живота̀ сподо́бити мѧ̀."
|
||||
},
|
||||
{
|
||||
"type": "TEXT",
|
||||
"value": "Дꙋшѐ моѧ̀, потщи́сѧ, и҆ возопі́й, ѡ҆мраче́нїе ѡ҆ста́вльши безслове́сныхъ дѣѧ́нїй: ᲂу҆ще́дри мѧ̀ і҆и҃се, мольба́ми крⷭ҇ти́телѧ, и҆ и҆схити́ мѧ тимѣ́нїѧ дѣ́лъ мои́хъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Є҆мꙋ́же предстоѧ́тъ съ тре́петомъ нбⷭ҇нїи чи́ни, того̀ родила̀ є҆сѝ чⷭ҇таѧ, соедини́вшагосѧ человѣ́кѡмъ за бл҃гость: є҆го́же прилѣ́жнѡ молѝ ᲂу҆ще́дрити рабы̀ твоѧ̑."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆го́же вѡ́инства нбⷭ҇наѧ сла́вѧтъ, и҆ трепе́щꙋтъ херꙋві́ми и҆ серафі́ми, всѧ́ко дыха́нїе и҆ тва́рь, по́йте, бл҃гослови́те, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Взира́ю на вели́кꙋю млⷭ҇ть щедро́тъ твои́хъ хрⷭ҇тѐ, ꙗ҆́коже дв҃дъ, согрѣши́въ па́че ѻ҆́нагѡ, и҆ зовꙋ̀ со ѻ҆́нѣмъ: є҆ди́не млⷭ҇тиве, поми́лꙋй мѧ̀ вско́рѣ."
|
||||
},
|
||||
{
|
||||
"type": "TEXT",
|
||||
"value": "Коне́цъ бл҃гъ бы́ти мѝ молю́сѧ, положи́ти же лꙋка̑вымъ дѣѧ́нїємъ когда̀ коне́цъ, не ᲂу҆се́рдствꙋю, ѡ҆жесточе́нное и҆мѣ́ѧ моѐ се́рдце: ᲂу҆ще́дри мѧ̀ бж҃їй сло́ве."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ и҆збра̑нныѧ и҆ непорѡ́чныѧ жє́ртвы, поже́ршемꙋсѧ на́съ ра́ди, є҆диноро́дномꙋ сло́вꙋ, во́лею принесо́стесѧ, жє́ртвы всѧ̑ ᲂу҆пражнѧ́юще де́мѡнскїѧ, стрⷭ҇тоно́сцы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Жи́ламъ сѣчє́нїѧ, зꙋбѡ́мъ и҆скоренє́нїѧ, ѿѧ́тїе же рꙋка́мъ, раздробле́нїе ᲂу҆дѡ́мъ, и҆ всѧ́кое томле́нїе и҆́ное претерпѣ́сте до́блественнѣ мч҃нцы, пою́ще хрⷭ҇та̀ є҆ди́наго подвигополо́жника."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Но́ва на́мъ младе́нца родила̀ є҆сѝ, ве́тхаго де́ньми, нѡ́выѧ на землѝ стєзѝ показꙋ́ющаго, и҆ ѡ҆бетша́вшее є҆стество̀ ѡ҆бновлѧ́юща, безневѣ́стнаѧ бл҃гослове́ннаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: За зако́ны ѻ҆ч҃єскїѧ бл҃же́ннїи въ вавѷлѡ́нѣ ю҆́ношы предбѣ́дствꙋюще, царю́ющагѡ ѡ҆плева́ша повелѣ́нїе безꙋ́мное, и҆ совокꙋ́плени и҆́мже не свари́шасѧ ѻ҆гне́мъ, держа́вствꙋющемꙋ досто́йнꙋю воспѣва́хꙋ пѣ́снь: гдⷭ҇а по́йте дѣла̀, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Над̾ сло́во креща́емо, въ ви́дѣ голꙋби́нѣ, низходѧ́ща ви́дѣлъ є҆сѝ дх҃а ст҃а́го, и҆ гла́съ ѻ҆ч҃ь слы́шати сподо́билсѧ є҆сѝ бл҃же́нне: се́й є҆́сть сн҃ъ мо́й сопресто́льный, є҆го́же пое́тъ всѧ̀ тва́рь: гдⷭ҇а по́йте дѣла̀, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ѻ҆гне́мъ прⷪ҇ро́че, твои́хъ мл҃твъ хвра̑стныѧ стра̑сти смы́сла моегѡ̀ попали́въ, и҆ ᲂу҆гаше́нный се́рдца моегѡ̀ свѣ́щникъ возжзѝ па́ки: ꙗ҆́кѡ да ꙗ҆́снѡ смотрѧ́ѧ, воспѣва́ю созда́вшаго свѣ́тъ повелѣ́нїй: гдⷭ҇а по́йте дѣла̀, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Сокры́вый ра́бъ тала́нтъ, є҆го́же въ дѣ́ланїе ѿ тебѐ прїѧ́хъ, а҆́зъ є҆́смь ѻ҆каѧ́нный, и҆ что̀ сотворю̀, є҆гда̀ на сꙋ́дъ прїи́деши, коего́ждо дѣ́ло и҆стѧзꙋ́ѧ; но пощади́ мѧ мольба́ми прⷣте́чи твоегѡ̀, и҆ не во ѻ҆́гнь послѝ вопїю́ща: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Соблюдѝ мо́й смы́слъ во смире́нїи ѻ҆трокови́це бг҃обл҃года́тнаѧ, ꙗ҆́же ржⷭ҇тво́мъ твои́мъ сокрꙋши́вшаѧ возноше́нїе де́мѡнское, и҆ воздви́гни мѧ̀ ѿ гно́ища страсте́й, и҆ а҆́лчꙋща мѧ̀ насы́ти бл҃года́ти твоеѧ̀, пою́ща: гдⷭ҇а по́йте дѣла̀, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а: И҆ покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Безсѣ́меннагѡ зача́тїѧ ржⷭ҇тво̀ несказа́нное, мт҃ре безмꙋ́жныѧ нетлѣ́ненъ пло́дъ: бж҃їе бо рожде́нїе ѡ҆бновлѧ́етъ є҆стєства̀. Тѣ́мже тѧ̀ всѝ ро́ди ꙗ҆́кѡ бг҃оневѣ́стнꙋю мт҃рь, правосла́внѡ велича́емъ."
|
||||
},
|
||||
{
|
||||
"type": "TEXT",
|
||||
"value": "І҆и҃се чл҃вѣколю́бче, є҆ди́не не́мощь на́шꙋ вѣ́дый: въ сїю́ бо ѡ҆бле́клсѧ є҆сѝ млⷭ҇рдїѧ ра́ди, хотѧ̀ сїю̀ ѡ҆чи́стити: тѣ́мже сквє́рны лꙋка̑выѧ и҆ гноє́нїѧ ѕѡ́лъ мои́хъ ѡ҆чи́сти, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ блꙋдни́ца сле́зы приношꙋ́ ти чл҃вѣколю́бче: ꙗ҆́кѡ мыта́рь стенѧ̀ взыва́ю тѝ: ѡ҆чи́сти, и҆ сп҃си́ мѧ. Ꙗ҆́коже ханане́а вопїю̀: поми́лꙋй мѧ̀, ꙗ҆́коже петра̀ пока́ѧвшасѧ, проще́нїѧ сподо́би."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пло́тїю спле́тшесѧ безпло́тномꙋ мїроде́ржцꙋ, по́двигами страда́нїй того̀ низложи́сте, и҆ побѣ́ды вѣнцы̀ прїѧ́сте досто́йнѡ. Тѣ́мже моли́тесѧ прилѣ́жнѡ ѡ҆ всѣ́хъ, вѣ́рою восхвалѧ́ющихъ ва́съ, ст҃і́и."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆ст҃и́лъ є҆сѝ гдⷭ҇и, зе́млю ст҃ы́ми кровьмѝ ст҃ы́хъ твои́хъ, и҆ тѣ́хъ всест҃е дꙋ́хи, дх҃овѡ́мъ си́лъ ст҃ы́хъ совокꙋпи́лъ є҆сѝ: всегда́ же си́ми ѡ҆свѧща́еши вѣ́рою и҆́стинною тебѐ ѡ҆свѧща́ющыѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Гла́съ тѝ прино́симъ а҆рха́гг҃ловъ всечⷭ҇таѧ, бл҃гослове́ннаѧ, ра́дꙋйсѧ вмѣсти́вшаѧ бг҃а невмѣсти́маго: ра́дꙋйсѧ клѧ́твы разрѣше́нїе, и҆ бл҃гослове́нїѧ введе́нїе: ра́дꙋйсѧ, є҆ди́на ра́йскꙋю две́рь ѿве́рзшаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Стра́нствїѧ влⷣчнѧ, и҆ безсме́ртныѧ трапе́зы на го́рнѣмъ мѣ́стѣ, высо́кими ᲂу҆мы̀, вѣ́рнїи прїиди́те наслади́мсѧ, возше́дша сло́ва, ѿ сло́ва наꙋчи́вшесѧ, є҆го́же велича́емъ."
|
||||
},
|
||||
{
|
||||
"type": "TEXT",
|
||||
"value": "Оу҆врачꙋ́й мо́й ᲂу҆́мъ, сластолю́бїемъ жите́йскимъ лю́тѣ ᲂу҆ѧзвле́ный, и҆ ᲂу҆толѝ ѕѣ́льнѣ возмꙋща́ющꙋю мѧ̀ бꙋ́рю, и҆ покажи́ ми покаѧ́нїѧ пꙋти̑ пра̑выѧ, гдⷭ҇ень прⷣте́че."
|
||||
},
|
||||
{
|
||||
"type": "TEXT",
|
||||
"value": "Ви́дѣнъ бы́лъ є҆сѝ посредѣ̀ стоѧ̀ ве́тхагѡ же и҆ но́вагѡ, ѻ҆́вомꙋ ᲂу҆́бѡ прⷪ҇ро́че, преста́ти творѧ̀, ѻ҆́вагѡ же свѣ́тъ ꙗ҆влѧ́ѧ. И҆́мже ходи́ти спѣ́шнѡ наста́ви на́съ, со́вѣстїю бж҃е́ственною, ꙗ҆́кѡ да тьмы̀ и҆зба́вимсѧ вѣ́чнꙋющїѧ."
|
||||
},
|
||||
{
|
||||
"type": "TEXT",
|
||||
"value": "Сочета́лсѧ є҆сѝ съ во́инствы нбⷭ҇ными бг҃омꙋ́дре, съ ни́миже хрⷭ҇та̀ молѝ, сꙋ́щихъ на землѝ на́съ сп҃стѝ почита́ющихъ тѧ̀ въ честнѣ́мъ твое́мъ се́мъ хра́мѣ, крⷭ҇ти́телю і҆ѡа́нне, гдⷭ҇ень прⷣте́че."
|
||||
},
|
||||
{
|
||||
"type": "TEXT",
|
||||
"value": "Де́нь и҆спо́лнь ꙗ҆́рости, де́нь тьмы̀ є҆́сть, дѣла̀ и҆мꙋ́щымъ тє́мнаѧ, сꙋ́дъ стра́шный, крⷭ҇ти́телю хрⷭ҇то́въ и҆ прⷣте́че: мл҃твами твои́ми тогда̀ и҆зба́ви ѡ҆сꙋжде́нїѧ всѧ́кагѡ, тебѐ почита́ющихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆ви́ласѧ є҆сѝ херꙋві̑мъ ст҃ѣ́йши дв҃о, ꙗ҆́кѡ бг҃а ро́ждши прест҃а́го, всѣ́хъ на́съ ѡ҆ст҃ѝ, во гла́сѣхъ ст҃ы́хъ вѣ́рою, въ нощѝ и҆ во днѝ тебѐ ѡ҆свѧща́ющихъ."
|
||||
}
|
||||
]
|
||||
@@ -0,0 +1,426 @@
|
||||
[
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀, гла́съ ѕ҃, творе́нїе і҆ѡ́сифово, є҆го́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Сп҃са́еши мѧ̀ сп҃се, пригво́ждьсѧ на дре́вѣ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ по сꙋ́хꙋ пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь пои́мъ, вопїѧ́ше."
|
||||
},
|
||||
{
|
||||
"type": "TEXT",
|
||||
"value": "Ты̀ дла̑ни просте́ръ на крⷭ҇тѣ̀, ѡ҆б̾ѧ́лъ є҆сѝ влⷣко, ѿриновє́нныѧ человѣ́ки, и҆ къ твоемꙋ̀ приве́лъ є҆сѝ ѻ҆ц҃ꙋ̀: ꙗ҆́кѡ сн҃ъ возлю́бленъ и҆ є҆диносꙋ́щенъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже а҆́гнецъ воздви́женъ бы́лъ є҆сѝ на крⷭ҇тъ сло́ве, твоегѡ̀ ѻ҆вча́те и҆щѧ̀ заблꙋ́ждшагѡ: и҆ ѡ҆брѣ́тъ сочета́лъ є҆сѝ то̀ къ незаблꙋ́ждшымъ, і҆и҃се: сла́ва держа́вѣ твое́й."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Жи́зни вы́шнїѧ жела́юще, бл҃госла́внїи стрⷭ҇тоте́рпцы мч҃нцы, ᲂу҆мертви́шасѧ на землѝ, претерпѣ́вше мꙋчє́нїѧ мнѡ́гаѧ и҆ разли̑чныѧ напа̑сти, достобл҃же́ннїи."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: На сꙋди́щахъ непра́ведныхъ за хрⷭ҇та̀ всѣ́хъ првⷣнаго предста́вше страда́льцы, сꙋ́дъ всѧ́къ непрвⷣный ва́съ ѡ҆правда́ющъ, ѡ҆ бз҃ѣ претерпѣ́ли є҆стѐ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Да безстра́стїе всѣ̑мъ, и҆̀же и҆з̾ а҆да́ма, и҆схода́тайствꙋеши влⷣко, стра́сть терпи́ши на крⷭ҇тѣ̀: и҆ зрѧ́щи тѧ̀ землѧ̀ трѧса́шесѧ, рыда́ющи мт҃рски вопїѧ́ше, влⷣчце."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ прест҃ѣ́й бцⷣѣ. Гла́съ ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Тебѐ всест҃а́ѧ дв҃о нб҃о простры́й гдⷭ҇ь, и҆ зе́млю ѡ҆снова́вый, и҆з̾ тебѐ проше́дъ съ пло́тїю, нб҃о земно́е на́мъ показа́лъ є҆́сть."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же бг҃а заче́ншаѧ, на́съ ра́ди бы́вшаго человѣ́ка, того̀ молѝ чⷭ҇таѧ, въ де́нь сꙋ́дный на́съ ᲂу҆ще́дрити мно́гѡ согрѣши́вшыѧ є҆мꙋ̀."
|
||||
},
|
||||
{
|
||||
"type": "TEXT",
|
||||
"value": "Свѣтлѣ́йшими лꙋча́ми возсїѧ́вшее со́лнце ѿ ст҃а́гѡ твоегѡ̀ чре́ва, всю̀ зе́млю ѡ҆зарѧ́етъ влⷣчце, тѣ́мже просвѣ́щшесѧ, тѧ̀ бж҃їю мт҃рь чти́мъ."
|
||||
},
|
||||
{
|
||||
"type": "TEXT",
|
||||
"value": "Ѡ҆мраче́нїѧ дꙋшѝ моеѧ̀ безмѣ́стныхъ помышле́нїй мглꙋ̀ разрꙋшѝ, наведе́ньми бцⷣе влⷣчце, свѣ́томъ ст҃ы́хъ за́повѣдей вопло́щшагѡсѧ и҆з̾ тебѐ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нѣ́сть ст҃ъ, ꙗ҆́коже ты̀ гдⷭ҇и бж҃е мо́й, вознесы́й ро́гъ вѣ́рныхъ твои́хъ бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ водрꙋжа́шесѧ на землѝ, и҆ низпада́ше ле́сть, и҆ тва́рь колеба́шесѧ, и҆ сердца̀ колє́блемаѧ вра́жїими напа́стьми, ᲂу҆твержде́нїе вѣ́рою прїима́хꙋ."
|
||||
},
|
||||
{
|
||||
"type": "TEXT",
|
||||
"value": "Бѣси́вшесѧ непра́веднїи лю́дїе, тебѐ првⷣнаго є҆ди́наго ѡ҆сꙋди́ша на сме́рть, ѡ҆правда́юща зємны́ѧ, и҆ ѿ непра́ведныѧ рꙋкѝ льсти́вагѡ си́хъ и҆з̾има́юща."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Подвиза́ше всю̀ свою̀ ѕло́бꙋ льсти́вый, со ст҃ы́ми борѧ́сѧ: но побѣжда́шесѧ, зрѧ̀ непоко́ршихсѧ тѣ́хъ, и҆ бж҃е́ственныѧ свѣ́тлости ѻ҆́бщникѡвъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Тѣле́снаѧ красота̀ ѕѣ́льными и҆змѣнѧ́шесѧ ра́нами, но ѡ҆блистава́ше па́че свѣ́тлость дꙋше́внаѧ страстоте́рпєцъ хрⷭ҇то́выхъ, дѣ́йствомъ ст҃а́гѡ дх҃а."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Кра́сна добро́тою тѧ̀ сн҃е, па́че всѣ́хъ человѣ̑къ, внегда̀ ражда́ти мѝ разꙋмѣ́хъ: и҆ ка́кѡ распина́емь ны́нѣ, добро́ты не и҆́маши хрⷭ҇тѐ, дв҃о глаго́лаше слезѧ́щи."
|
||||
},
|
||||
{
|
||||
"type": "HEADER",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Рꙋко́ю держа́щи хрⷭ҇та̀ содержа́щаго всѧ̑, ѿ рꙋкѝ лꙋка́вагѡ дїа́вола, и҆ всѧ́кагѡ врежде́нїѧ и҆зба́ви на́съ бг҃ороди́тельнице чⷭ҇таѧ, пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Бѣсо́вскагѡ смꙋще́нїѧ и҆зба́ви на́съ дв҃о, и҆ человѣ̑къ непра́ведныхъ, и҆ всѧ́кихъ и҆скꙋше́нїй, и҆ недꙋ̑гъ тлетво́рныхъ твои́ми мл҃твами, влⷣчце всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Сѐ тебѐ всѝ ро́дове бл҃жа́тъ ѻ҆трокови́це, безлѣ́тное сло́во въ пло́ти под̾ лѣ́ты ро́ждши преесте́ственнѡ, и҆ дв҃ою па́ки пребы́вши."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же чл҃вѣколю́бца бг҃а ро́ждшаѧ дв҃о, непотре́бнаго мѧ̀ твоего̀ раба̀, въ ча́съ стра́шнагѡ прише́ствїѧ є҆гѡ̀, и҆зба́ви всѧ́кагѡ ѡ҆сꙋжде́нїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Хрⷭ҇то́съ моѧ̀ си́ла, бг҃ъ и҆ гдⷭ҇ь, чⷭ҇тна́ѧ цр҃ковь бг҃олѣ́пнѡ пое́тъ взыва́ющи, ѿ смы́сла чⷭ҇та, ѡ҆ гдⷭ҇ѣ пра́зднꙋющи."
|
||||
},
|
||||
{
|
||||
"type": "TEXT",
|
||||
"value": "Распѧ́та на дре́вѣ тѧ̀ со́лнце незаходи́мое хрⷭ҇тѐ, зрѧ̀ со́лнце помрача́шесѧ стра́хомъ, и҆ те́мныѧ пре́лести ѿпꙋще́на быва́ше всѧ̀ тва́рь, воспѣва́ющаѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Вѧза́хꙋ рꙋ́цѣ твоѝ, сп҃се, лю́дїе законопрестꙋ́пнїи, и҆ свѧ́заннїи нерѣши́мыхъ ᲂу҆́зъ всѝ ѿпꙋща́еми быва́хꙋ: и҆ свѧ́занъ быва́ше вра́гъ, и҆ ле́сть разрꙋша́шесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Тече́нїемъ крове́й потопи́сте мꙋ́чєницы фараѡ́на гони́телѧ, ᲂу҆мовре́днѡ безмѣ́рнѡ хва́лѧщасѧ: и҆ къ землѝ бл҃го́й веселѧ́щесѧ преидо́сте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крила́ми дх҃а прелетѣ́вше сѣ̑ти вра̑жїѧ страда́льцы, ра́дꙋющесѧ востеко́сте, и҆дѣ́же пе́рваѧ бл҃гость, и҆ жи́знь, и҆ свѣ́тъ невече́рнїй."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѻ҆рꙋ́жїемъ ᲂу҆ѧзви́ласѧ є҆сѝ страсте́й влⷣчце. И҆з̾ тебѐ воплоти́вшагѡсѧ, є҆гда̀ того̀ ви́дѣла є҆сѝ распина́ема, и҆ копїе́мъ въ пречⷭ҇таѧ ре́бра на́съ ра́ди пробода́ема."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Хра́мъ бж҃їй воспои́мъ ст҃ꙋ́ю дв҃ꙋ, свѣ́тлѡ всѝ бл҃жа́ще, ѡ҆божи́вшесѧ є҆ѧ̀ ра́ди, и҆ лю́тыхъ и҆зба́вльшесѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ две́рь ведꙋ́щꙋю къ бж҃е́ственномꙋ вхо́дꙋ, ꙗ҆́кѡ ра́й бж҃е́ственный, ꙗ҆́кѡ мы́сленно мѣ́сто свѧще́нїѧ, ꙗ҆́кѡ добро́тꙋ і҆а́кѡвлю, дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Приста́нище бл҃гоꙋти́шное тѧ̀ показа̀ хрⷭ҇то́съ, влⷣчце всенепоро́чнаѧ, вѣ́рою и҆ любо́вїю ѿ мы́сли чи́сты призыва́ющымъ тебѐ бцⷣꙋ и҆́стиннꙋю."
|
||||
},
|
||||
{
|
||||
"type": "TEXT",
|
||||
"value": "Мр҃і́е пречⷭ҇таѧ, чистѣ́йшее была̀ є҆сѝ прїѧ́телище простра́нное бж҃е́ственнагѡ вселе́нїѧ, дꙋше́внꙋю мою̀ скве́рнꙋ и҆ ка́лъ потребѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃їимъ свѣ́томъ твои́мъ бл҃же, ᲂу҆́тренюющихъ тѝ дꙋ́ши любо́вїю ѡ҆зарѝ молю́сѧ, тѧ̀ вѣ́дѣти сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
||||
},
|
||||
{
|
||||
"type": "TEXT",
|
||||
"value": "Ѡ҆блача́ѧй нб҃о ѻ҆́блаки хрⷭ҇тѐ, на крⷭ҇тѣ̀ на́гъ пригвозди́лсѧ є҆сѝ во́лею, наготꙋ̀ ѕло́бы моеѧ̀ прїѡдѣва́ѧй, и҆ въ ри̑зы нетлѣ́нїѧ ѡ҆бле́къ просвѣща́ѧ влⷣко."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ ра́спѧтъ бы́сть и҆́стинный вїногра́дъ хрⷭ҇то́съ, ꙗ҆́кѡ вои́стиннꙋ сы́й сла́дость дꙋша́мъ на́шымъ, ме́сто и҆ска́паѧ, пре́лести всѧ́кое пїѧ́нство бори́телѧ потреблѧ́ѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆спещре́ннїи сщ҃е́нными ꙗ҆́звами хрⷭ҇тѡ́вы страда́льцы, и҆ вѣнцы̀ ᲂу҆краша́емїи, пло́тїю пострада́вшемꙋ бг҃ꙋ предстоѧ́ще, на́шихъ прегрѣше́нїй разрѣше́нїе про́сѧтъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Взира́юще страстоте́рпцы къ та́мошнѣй сла́вѣ, и҆ жи́зни, и҆ и҆́стинномꙋ весе́лїю, всѧ́ко треволне́нїе лю́тыхъ под̾ѧ́сте, стра́стїю влады́чнею ᲂу҆крѣплѧ́еми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Во чре́во вмѣсти́вшаѧ тѧ̀ хрⷭ҇тѐ, є҆ди́наго невмѣсти́маго всѣ́ми, болѣ́зней кромѣ̀ породи́хъ: ны́нѣ же болѣ́знꙋю, распина́емꙋ тѝ хрⷭ҇тѐ, пречⷭ҇таѧ дв҃а пла́чꙋщи глаго́лаше."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "И҆́же сло́вомъ всѧ̑ созда́вый, и҆ мꙋ́дрымъ про́мысломъ гдⷭ҇ь ѡ҆кормлѧ́ѧ є҆ди́нъ, ꙗ҆́коже хо́щетъ, бл҃гоꙋтро́бїемъ создава́етсѧ и҆з̾ тебѐ пречⷭ҇таѧ, и҆ пло́ть несказа́ннѡ быва́етъ."
|
||||
},
|
||||
{
|
||||
"type": "TEXT",
|
||||
"value": "Сѐ дв҃о, прⷪ҇ро́чески зача́тъ во ᲂу҆тро́бѣ над̾ всѣ́ми бг҃а влⷣкꙋ и҆ гдⷭ҇а, и҆ неизрече́ннѡ того̀ чⷭ҇таѧ родила̀ є҆сѝ, и҆ по ржⷭ҇твѣ̀ дв҃о нетлѣ́нна пребы́вши."
|
||||
},
|
||||
{
|
||||
"type": "TEXT",
|
||||
"value": "Мр҃і́е, влⷣчце всѣ́хъ, и҆зба́ви мѧ̀ ꙗ҆́кѡ млⷭ҇тива, стра́шнагѡ плѣне́нїѧ, молю́сѧ: и҆ грѣха̀ моегѡ̀ рꙋкописа́нїе раздерѝ, копїе́мъ вопло́щшагѡсѧ и҆з̾ тебѐ."
|
||||
},
|
||||
{
|
||||
"type": "TEXT",
|
||||
"value": "Грѣха̀ моегѡ̀ плени́цꙋ, твои́мъ хода́тайствомъ и҆ предста́тельствомъ дв҃о, расто́ргни: ѿча̑ѧннымъ бо ты̀ є҆сѝ наде́жда, вѣ́рою притека́ющымъ къ бж҃е́ственномꙋ покро́вꙋ твоемꙋ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Жите́йское мо́ре, воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ вопїю́ ти: возведѝ ѿ тлѝ живо́тъ мо́й многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Вѣнча́лсѧ є҆сѝ долготерпѣли́ве, те́рнїемъ, посѣка́ѧ страсте́й те́рнїе: копїе́мъ въ ре́бра прободе́нъ бы́въ, ᲂу҆мертви́лъ є҆сѝ ѕмі́ѧ многоко́зненнаго, на́съ ме́ртвы содѣ́лавшаго."
|
||||
},
|
||||
{
|
||||
"type": "TEXT",
|
||||
"value": "На крⷭ҇тъ воздви́женъ бы́лъ є҆сѝ, низлага́ѧ вра́жїю си́лꙋ влⷣко: рабо́ты же го́рькїѧ менѐ свобожда́ѧ, прїѧ́тъ заꙋше́нїе: покланѧ́юсѧ твоемꙋ̀, ще́дре, долготерпѣ́нїю."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Кресто́мъ ѡ҆гражда́еми страда́льцы, пре́лести стѣ́ны лꙋка̑выѧ разверго́ша, и҆ къ вы́шнемꙋ гра́дꙋ пресели́шасѧ, побѣ́дными вѣнцы̀ ᲂу҆кра́шени. Тѣ́мже ᲂу҆бл҃жа́еми сꙋ́ть."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: На высотꙋ̀ пресла́внѡ мꙋче́нїѧ са́ми себѐ возве́дше ст҃і́и, лꙋка̑ваѧ возношє́нїѧ вра̑жїѧ на зе́млю низверго́сте, и҆ вѣнцы̀ свы́ше прїѧ́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѻ҆́ч҃ее сїѧ́нїе, ка́кѡ воздви́жесѧ на кре́стъ, просвѣща́ѧ всѧ́чєскаѧ, и҆ низлага́ѧ тьмы̀ нача́льника; пречⷭ҇таѧ влⷣчца мт҃рски пла́чꙋщи вѣща́ше."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Не ѡ҆пали́вши ᲂу҆тро́бꙋ твою̀, ѻ҆́гнь сы́й і҆и҃съ, и҆з̾ тебѐ пло́тїю проше́дъ: того̀ чⷭ҇таѧ, молѝ, ѻ҆гнѧ̀ и҆ всѧ́кїѧ мꙋ́ки и҆зба́витисѧ вѣ́рою воспѣва́ющымъ тѧ̀."
|
||||
},
|
||||
{
|
||||
"type": "TEXT",
|
||||
"value": "Ст҃ы́хъ а҆́гг҃лъ тѧ̀ бл҃голѣ́пїе воспѣва́ю всенепоро́чнаѧ, и҆ молю̀: нелѣ́пѡтнаѧ потребѝ ѿ менѐ бѣсѡ́вскаѧ мечта̑нїѧ, въ тишинѣ̀ соблюда́ющи се́рдце моѐ."
|
||||
},
|
||||
{
|
||||
"type": "TEXT",
|
||||
"value": "Пло́тнымъ воѡбраже́нїемъ соедини́всѧ, и҆́же ѿ ѻ҆ц҃а̀ є҆диноро́дный, во ᲂу҆тро́бѣ твое́й є҆ди́нъ ѿ двою̀, без̾ сѣ́мене про́йде, и҆ соблюдѐ неврежде́нно честно́е дв҃ство твоѐ всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Мно́жество ѡ҆чи́сти мои́хъ грѣхѡ́въ, мно́жествомъ млⷭ҇ти твоеѧ̀, и҆ сп҃си́ мѧ раба̀ твоего̀ бл҃га́ѧ, къ тебѣ̀ прибѣга́ющаго, и҆ молѧ́щасѧ вѣ́рнѡ млⷭ҇ти твое́й."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ, прпⷣбнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе, мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆дови́тꙋю заꙋши́лъ є҆сѝ ѕмі́ѧ ѕло́бꙋ, заꙋше́нъ бы́въ, повѣ́шенъ на дре́вѣ є҆ди́не си́льне, всѣ́хъ просвѣти́лъ є҆сѝ вопи́ти: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ѿ дре́ва вкꙋ́шъ а҆да́мъ пе́рвый человѣ́къ, ѡ҆брѣ́те сме́рть: вторы́й же на не́мъ хрⷭ҇то́съ, ᲂу҆мертви́всѧ, безсме́ртнꙋю жи́знь да́рꙋетъ, ᲂу҆мертви́въ врага̀ многоко́зненнагѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Терпѧ́ще стра́сть мꙋ́чєницы, мꙋче́нїемъ гдⷭ҇еви возведо́стесѧ, и҆ на ка́мени ста́сте тве́рдѣмъ вѣ́ры, всѧ́кꙋ лꙋка́вꙋю низлага́юще ѕло́бꙋ вра́жїю бж҃е́ственнымъ манове́нїемъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Просвѣти́вшесѧ страда́ньми, страда́льцы ѡ҆блиста́ете со́лнца свѣтлѣ́йше, и҆ тьмы̀ вла̑сти всѧ̑ разрꙋши́сте, пою́ще хрⷭ҇то́ви: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆́же сы́й неизмѣ́ненъ бж҃ество́мъ, и҆змѣни́лъ є҆сѝ повѣ́шенъ на крⷭ҇тѣ̀ тва́рь всю̀, дв҃а глаго́лаше сн҃ꙋ: и҆ зрѧ́щи сїѧ̑ пла́каше, дивѧ́щисѧ мно́гомꙋ твоемꙋ̀ долготерпѣ́нїю."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Сѣдѧ́й въ нѣ́дрѣхъ роди́телѧ неѡпи́санный, ны́нѣ сѣди́тъ ѡ҆пи́санъ пречⷭ҇таѧ, въ нѣ́дрѣхъ твои́хъ твои́мъ ѡ҆бложе́нъ зра́комъ, за є҆́же сп҃стѝ а҆да́ма но́въ а҆да́мъ бы́въ."
|
||||
},
|
||||
{
|
||||
"type": "TEXT",
|
||||
"value": "Молѧ́щи не преста́й чл҃вѣколю́бца бг҃а на́шего, всенепоро́чнаѧ, ꙗ҆́кѡ да прїи́мемъ всеконе́чное проще́нїе ѕлы́хъ. И҆ ᲂу҆лꙋчи́мъ ꙗ҆́же на нб҃сѣ́хъ ᲂу҆готѡ́ваннаѧ бл҃га̑ѧ лю́бѧщымъ є҆го̀."
|
||||
},
|
||||
{
|
||||
"type": "TEXT",
|
||||
"value": "Бл҃гослови́мъ тѧ̀, пренепоро́чнаѧ, ро́ждшꙋю бл҃гослове́ннаго гдⷭ҇а, бл҃гослове́ньми вѣнча́ющаго бж҃е́ственными є҆стество̀ человѣ́ческое, и҆ но́во творѧ́ща то̀ ѡ҆бетша́вшее пре́жде."
|
||||
},
|
||||
{
|
||||
"type": "TEXT",
|
||||
"value": "Сп҃се́нїѧ твоегѡ̀ приста́нищемъ ѡ҆богати́вшесѧ чⷭ҇таѧ, ѿ бꙋ́ри сп҃са́емсѧ: и҆ наде́ждꙋ ꙗ҆́же на тѧ̀ ꙗ҆́кѡ крѣ́пость дꙋшѝ содержа́ще, зове́мъ: бл҃гослове́ннаѧ ꙗ҆́же бг҃а пло́тїю ро́ждши."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆з̾ пла́мене прпⷣбнымъ ро́сꙋ и҆сточи́лъ є҆сѝ и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Прего́рдаго ѕмі́ѧ ты̀ смири́лъ є҆сѝ вы́шнїй бж҃е, смире́нїемъ се́рдца возноси́мь на дре́во, и҆ а҆да́ма страстьмѝ смире́ннаго возне́слъ є҆сѝ, ще́дре."
|
||||
},
|
||||
{
|
||||
"type": "TEXT",
|
||||
"value": "Дре́внюю го́ресть претворѧ́ѧй на дре́во вознесе́нъ бы́лъ є҆сѝ, же́лчь вкꙋша́ѧ, всѣ́хъ сла́досте и҆ жи́знь є҆диноѷпоста́снаѧ сы́й влⷣко, и҆ свѣ́тъ и҆ сп҃се́нїе."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Не преклони́сте колѣ́нъ и҆стꙋка̑ннымъ всехва́льнїи, но поже́рти бы́сте ꙗ҆́кѡ а҆́гнцы непоро́чнїи: и҆ лꙋка́вагѡ крѣ́пость преклони́сте, пѣсносло́вѧще хрⷭ҇та̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Хра́мы дх҃а жива́гѡ ꙗ҆ви́стесѧ мꙋ́чєницы, хра́мы і҆́дѡльскїѧ низложи́сте, и҆ къ хра́мꙋ нбⷭ҇номꙋ взѧ́ти бы́сте, пѣсносло́вѧще хрⷭ҇та̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: І҆а́кѡвъ тѧ̀ предви́дѣ дв҃о, лѣ́ствицꙋ, къ нбⷭ҇нѣй высотѣ̀ на́съ возводѧ́щꙋю, во глꙋбинꙋ̀ ѕлы́хъ попо́лзшихсѧ: тѣ́мже чⷭ҇тꙋю тѧ̀ бл҃гослови́мъ во вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Вои́стиннꙋ бцⷣꙋ и҆сповѣ́дꙋемъ тѧ̀: со а҆́гг҃ломъ, є҆́же ра́дꙋйсѧ, вѣ́рнѡ вопїе́мъ тѝ: є҆ди́на бо сꙋ́щымъ на землѝ ра́дость родила̀ є҆сѝ, ѡ҆бра́дованнаѧ чⷭ҇таѧ, и҆ бл҃гослове́ннаѧ."
|
||||
},
|
||||
{
|
||||
"type": "TEXT",
|
||||
"value": "Бг҃овѣща́ннаѧ цѣвни́ца твоегѡ̀ пра́ѻтца, ковче́гъ тѧ̀ пресвѧ́тъ предвоѡбража́ше, носѧ́щꙋ бг҃а во пло́ти всенепоро́чнаѧ: є҆го́же превозно́симъ гдⷭ҇а во вѣ́ки."
|
||||
},
|
||||
{
|
||||
"type": "TEXT",
|
||||
"value": "Неискꙋсобра́чнаѧ ѻ҆трокови́це бг҃ора́дованнаѧ, и҆ приста́нище сꙋ́щымъ въ бꙋ́ри хрїстїа́нѡмъ, и҆ ᲂу҆пова́нїе, и҆зба́ви ѿ напа́стей, и҆ страсте́й и҆ ѡ҆ѕлобле́нїѧ, и҆ ѿ вѣ́чнагѡ ѻ҆гнѧ̀ рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Є҆гда̀ прїи́деши во сла́вѣ сꙋди́ти всѧ́чєскимъ, десны̑мъ мѧ̀ ѻ҆вца́мъ причтѝ влⷣко грѣ́шнаго, мт҃ре твоеѧ̀ мольба́ми: да тѧ̀ сла́влю во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃а человѣ́кѡмъ не возмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю же всечⷭ҇таѧ, ꙗ҆ви́сѧ человѣ́кѡмъ сло́во воплоще́нно, є҆го́же велича́юще, съ нбⷭ҇ными вѡ́и, тѧ̀ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Временѡ́мъ и҆ лѣ́тѡмъ сы́й гдⷭ҇ь, посредѣ̀ землѝ въ полꙋ́дне на дре́во возне́слсѧ є҆сѝ, распина́емь є҆ди́не долготерпѣли́ве, и҆ посредѣ̀ раѧ̀ претерпѣ́вшагѡ поползнове́нїе, пло́дъ тлетво́рный и҆справлѧ́ѧ."
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ водрꙋжа́шесѧ, и҆ мꙋчи́тель въ дꙋшѝ сме́ртнꙋю ꙗ҆́звꙋ прїима́ше, и҆ свѧ́заннїи ѿ тлѝ ѿрѣша́еми быва́хꙋ: ра́зꙋмъ же во всѧ̑ человѣ́ки всажда́шесѧ, вра́гъ ᲂу҆пражнѧ́шесѧ, и҆ ра́дости всѧ̑ и҆сполнѧ́хꙋсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Землѧ̀ совокꙋпи́сѧ, гдⷭ҇ни мꙋ́чєницы, съ небесы̀ ѿне́лѣже хрⷭ҇то́съ пожре́сѧ, распина́емь: и҆ ва́ше мно́жество привлечѐ, мно́жество ѕѣ́льныхъ мꙋ́къ претерпѣ́вшыѧ, и҆ мно́жествꙋ бж҃е́ственныхъ слꙋ́гъ соѡблиста́вшыѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѣ́томъ невеще́ственнымъ ѡ҆блиста́еми, положе́нїемъ бо́зи бы́сте гдⷭ҇ни мч҃нцы, въ перворо́дныхъ селе́нїихъ водворѧ́еми, и҆ вѣ́чныѧ сла́вы и҆сполнѧ́еми: тѣ́мже по до́лгꙋ вѣ́рнїи ва́съ почита́емъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Стра́шно ржⷭ҇тво̀ претерпѣ́хъ влⷣко, внегда̀ стра́нно тебѐ роди́хъ долготерпѣли́ве, є҆го́же тва́рь распина́ема на дре́вѣ во́лею, зрѧ́щи ᲂу҆страши́сѧ, дре́вле непоро́чнаѧ пла́каше вопїю́щи мт҃рски, ю҆́же велича́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Сн҃ъ сло́во бж҃їе безнача́льное вопло́щьсѧ, сн҃ъ дв҃ыѧ быва́етъ: бл҃говоле́нїемъ же ѻ҆ц҃а̀ и҆ дх҃а бж҃е́ственнагѡ дѣ́йствомъ, ве́сь ѡ҆бновѝ и҆стлѣ́вшїй мо́й зра́къ ꙗ҆́кѡ всеси́ленъ."
|
||||
},
|
||||
{
|
||||
"type": "TEXT",
|
||||
"value": "Дꙋшѐ возни́кни, и҆ бо́дрствꙋй къ мл҃твамъ, и҆ ко всѣ̑мъ бл҃ги̑мъ: прилѣжа́нїемъ лѣ́ность со́ннꙋю ѿве́ржи, бо́дрꙋю и҆мꙋ́щи храни́тельницꙋ всегда̀, чⷭ҇тꙋю мт҃рь бж҃їю, ю҆́же велича́емъ."
|
||||
},
|
||||
{
|
||||
"type": "TEXT",
|
||||
"value": "Оу҆пова́нїе и҆ покро́въ, и҆ ра́дованїе, ты̀ вѣ̑рнымъ є҆сѝ бцⷣе всенепоро́чнаѧ. Сегѡ̀ ра́ди молю́сѧ твои̑мъ щедро́тамъ: просвѣтѝ дꙋ́шꙋ мою̀, ю҆́же ѡ҆мрачѝ тьма̀ мно́гихъ грѣхѡ́въ, и҆ лꙋка́выхъ помышле́нїй."
|
||||
},
|
||||
{
|
||||
"type": "TEXT",
|
||||
"value": "Ст҃а́ѧ дв҃о бг҃ора́дованнаѧ, двє́ри свѣ́та ѿве́рзи мѝ, но́щь грѣха̀ да мѧ̀ не покры́етъ: и҆спра́ви жи́знь мою̀, къ приста́нищꙋ бл҃гоꙋти́шномꙋ бж҃е́ственныхъ повелѣ́нїй и҆з̾ тебѐ вочл҃вѣ́чившагѡсѧ."
|
||||
}
|
||||
]
|
||||
Reference in new issue
Block a user