enrich ru lives with Chetyi-Minei texts and track static data

static/data/shared/services/finding-head-3rd/full.json

@@ -0,0 +1,670 @@
+[
+ {
+  "type": "HEADER",
+  "value": "Мѣ́сѧца ма́їа въ к҃є-й де́нь. Тре́тїе ѡ҆брѣ́тенїе честны́ѧ главы̀, свѧта́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна."
+ },
+ {
+  "type": "TEXT",
+  "value": "ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
+ },
+ {
+  "type": "HEADER",
+  "value": "На вели́цѣй вече́рни."
+ },
+ {
+  "type": "TEXT",
+  "value": "Пое́мъ, Блаже́нъ мꙋ́жъ:"
+ },
+ {
+  "type": "HEADER",
+  "value": "На Гдⷭ҇и, воззва́хъ, стїхи̑ры пра́здника г҃: и҆ прⷣте́чи є҃. А҆́ще же по́стъ: стїхи̑ры на ѕ҃, гла́съ и҃. Поⷣ: Ѽ пресла́внагѡ чꙋдесѐ!"
+ },
+ {
+  "type": "TEXT",
+  "value": "Б л҃же́нне і҆ѡа́нне прⷣте́че, / па́че со́лнечныхъ лꙋ̑чь возсїѧ́вши, / ѡ҆блиста̀ ѿ землѝ глава̀ твоѧ̀, / и҆ вѣ̑рныѧ просвѣтѝ. / ю҆́же ꙗ҆́кѡ бжⷭ҇твенное сокро́вище и҆мꙋ́ще, / бога́тнꙋю благода́ть почерпа́емъ, / ѡ҆свѧща́юще дꙋ́шы / и҆ тѣлеса̀ и҆ помышлє́нїѧ, / и҆ торжествꙋ́юще тѧ̀ ᲂу҆блажа́емъ. [Два́жды.]"
+ },
+ {
+  "type": "TEXT",
+  "value": "Б лагода́ть нескꙋ́днꙋ и҆сточа́ющи / свѧще́ннаѧ глава̀ твоѧ̀, бл҃же́нне прⷣте́че, / свѧще́нникꙋ бг҃омꙋ́дрꙋ, / не вѣ́дѧщꙋ показꙋ́етсѧ: / и҆́же потща́сѧ вѣ́рою и҆ благода́тїю, / ꙗ҆вле́ннѡ твори́тъ сеѧ̀ прише́ствїе, / ѡ҆свѧща́ѧсѧ съ людьмѝ бг҃омꙋ́дрыми, / вѣ́рꙋ правосла́внꙋ / те́плѣ ᲂу҆твержда́юще. [Два́жды.]"
+ },
+ {
+  "type": "TEXT",
+  "value": "Т ре́тїе пра́зднꙋемъ ꙗ҆вле́нїе / твоеѧ̀ честны́ѧ главы̀, / ю҆́же трⷪ҇ца вѣнча́ла є҆́сть, / ᲂу҆сѣ́чена бы́вши, сла́вне, ре́вности ра́ди бжⷭ҇твенныѧ: / и҆ ѡ҆брѣ́тенїемъ сеѧ̀ ра́дꙋютсѧ / а҆́гг҃льстїи чи́ни, / мꙋ́чєникъ сосло́вїе, бжⷭ҇твеннїи а҆пⷭ҇ли, и҆ прⷪ҇ро́цы всѝ. / съ ни́миже на́съ всегда̀ помина́й, / гдⷭ҇ень прⷣте́че."
+ },
+ {
+  "type": "TEXT",
+  "value": "Сла́ва, гла́съ ѕ҃: Сокро́вище бж҃е́ственныхъ дарѡ́въ, / бг҃охрани́маѧ глава̀ твоѧ̀, прⷣте́че, / ѿ земны́хъ нѣ́дръ возсїѧ̀: / ю҆́же мы̀ вѣ́рнѡ прїе́млюще и҆ покланѧ́ющесѧ, сла́вне, / ѡ҆богаща́емсѧ ѿ тебє̀, хрⷭ҇то́въ крⷭ҇ти́телю, / чꙋдесы̀ пресла́вными, / и҆ согрѣше́нїй проще́нїемъ."
+ },
+ {
+  "type": "TEXT",
+  "value": "И҆ ны́нѣ, пра́здника."
+ },
+ {
+  "type": "TEXT",
+  "value": "А҆́ще ли по́стъ. И҆ ны́нѣ, бг҃оро́диченъ а҃-й: Кто̀ тебє̀ не ᲂу҆блажи́тъ, прест҃а́ѧ дв҃о, / кто́ ли не воспое́тъ твоегѡ̀ пречⷭ҇тагѡ ржⷭ҇тва̀; / безлѣ́тнѡ бо ѿ ѻ҆ц҃а̀ возсїѧ́вый сн҃ъ є҆диноро́дный: / то́йже ѿ тебє̀ чⷭ҇тыѧ про́йде, / неизрече́ннѡ вопло́щсѧ: / є҆стество́мъ бг҃ъ сы́й, / и҆ є҆стество́мъ бы́въ чл҃вѣ́къ на́съ ра́ди, / не во двою̀ лицꙋ̑ раздѣлѧ́емый, / но во двою̀ є҆стєствꙋ̀ несли́тнѡ познава́емый. / того̀ молѝ, чⷭ҇таѧ, всеблаже́ннаѧ, / поми́ловатисѧ дꙋша́мъ на́шымъ."
+ },
+ {
+  "type": "TEXT",
+  "value": "Вхо́дъ. Прокі́менъ днѐ."
+ },
+ {
+  "type": "HEADER",
+  "value": "Прⷪ҇ро́чества и҆са́їина чте́нїе."
+ },
+ {
+  "type": "TEXT",
+  "value": "[Главы̑ м҃, м҃а, м҃є, м҃и и҆ н҃д] Та́кѡ глаго́летъ гдⷭ҇ь: ᲂу҆тѣша́йте, ᲂу҆тѣша́йте лю́ди моѧ̑, гл҃го́летъ бг҃ъ: свѧще́нницы, глаго́лите въ се́рдцы і҆ерꙋсали́мꙋ, ᲂу҆моли́те є҆го̀, ꙗ҆́кѡ ᲂу҆мно́жисѧ смире́нїе є҆гѡ̀: разрѣши́сѧ бо грѣ́хъ є҆гѡ̀, ꙗ҆́кѡ прїѧ́тъ и҆з̾ рꙋкѝ гдⷭ҇ни сꙋгꙋ̑ба согрѣшє́нїѧ своѧ̑. гла́съ вопїю́щагѡ въ пꙋсты́ни, ᲂу҆гото́вайте пꙋ́ть гдⷭ҇ень, пра̑вы твори́те стєзѝ бг҃ꙋ на́шемꙋ. на го́рꙋ высокꙋ̀ взы́ди, бл҃говѣствꙋ́ѧй сїѡ́нꙋ, возвыша́й крѣ́постїю гла́съ сво́й, бл҃говѣствꙋ́ѧй і҆ерꙋсали́мꙋ: возвы́сите, не бо́йтесѧ. а҆́зъ гдⷭ҇ь бг҃ъ, а҆́зъ ᲂу҆слы́шꙋ ᲂу҆бо́гихъ і҆и҃лєвъ, и҆ не ѡ҆ста́влю тѣ́хъ. но ѿве́рзꙋ ѿ го́ръ рѣ́ки, и҆ посредѣ̀ по́лѧ и҆сто́чники: сотворю̀ пꙋсты́ню въ лꙋ́гъ, и҆ жа́ждꙋщꙋю зе́млю во и҆сто́чники водны̑ѧ. да возвесели́тсѧ не́бо свы́ше, и҆ ѻ҆́блацы да кропѧ́тъ пра́вдꙋ: да возсїѧ́етъ землѧ̀, и҆ да прозѧ́бнетъ ми́лость, и҆ пра́вда да возсїѧ́етъ вкꙋ́пѣ. гла́съ весе́лїѧ возвѣсти́те, и҆ ᲂу҆слы́шано да бꙋ́детъ: возвѣсти́те да́же до конє́цъ землѝ. глаго́лите, ꙗ҆́кѡ и҆зба́ви гдⷭ҇ь раба̀ своего̀ і҆а́кѡва: и҆ а҆́ще вжа́ждꙋтъ въ пꙋсты́ни, и҆сточи́тъ и҆̀мъ во́дꙋ и҆зъ ка́мене. возвесели́сѧ непло́ды неражда́ющаѧ, расто́ргни и҆ возопі́й неболѣ́вшаѧ: ꙗ҆́кѡ мнѡ́га ча̑да пꙋсты́ѧ па́че, не́жели и҆мꙋ́щїѧ мꙋ́жа."
+ },
+ {
+  "type": "HEADER",
+  "value": "Прⷪ҇ро́чества малахі́ина чте́нїе."
+ },
+ {
+  "type": "TEXT",
+  "value": "[Глава̀ г҃] Та́кѡ гл҃го́летъ гдⷭ҇ь вседержи́тель: сѐ а҆́зъ посыла́ю а҆́гг҃ла моего̀ предъ лице́мъ твои́мъ, и҆́же ᲂу҆гото́витъ пꙋ́ть тво́й предъ тобо́ю. и҆ прїи́детъ во хра́мъ сво́й гдⷭ҇ь, є҆го́же вы̀ и҆́щете, и҆ кто̀ стерпи́тъ де́нь вхо́да є҆гѡ̀; зане́же томꙋ̀ прїитѝ ꙗ҆́кѡ ѻ҆́гнь въ горни́лѣ, и҆ ꙗ҆́коже бы́лїе перꙋ́щихъ, и҆ ѡ҆чи́ститъ поѧда́ѧ и҆ ѡ҆чища́ѧ, ꙗ҆́кѡ сребро̀ и҆ зла́то. и҆ прїи́детъ къ ва́мъ сꙋдо́мъ, и҆ бꙋ́детъ свидѣ́тель ско́ръ на лꙋка̑выѧ, и҆ на прелюбодѣ́йцы и҆ на кленꙋ́щыѧсѧ и҆́менемъ мои́мъ во лжꙋ̀, и҆ на лиша́ющыѧ мзды̀ нае́мника, и҆ на наси́льствꙋющыѧ вдови̑цы, и҆ пха́ющыѧ си̑рыѧ, и҆ на ᲂу҆клонѧ́ющыѧ сꙋ́дъ прише́льца, и҆ на небоѧ́щыѧсѧ є҆гѡ̀, гл҃го́летъ гдⷭ҇ь вседержи́тель. занѐ а҆́зъ гдⷭ҇ь бг҃ъ ва́шъ, и҆ не и҆змѣню̀ себѐ: и҆ вы̀ сы́нове і҆а́кѡвли ᲂу҆клони́стесѧ ѿ зако́на, и҆ не сохрани́сте. сегѡ̀ ра́ди ѡ҆брати́тесѧ ко мнѣ̀, и҆ ѡ҆бращꙋ́сѧ къ ва́мъ, гл҃го́летъ гдⷭ҇ь вседержи́тель, и҆ ᲂу҆блажа́тъ ва́съ всѝ ꙗ҆зы́цы: и҆ разꙋмѣ́йте, ꙗ҆́кѡ а҆́зъ гдⷭ҇ь, смотрѧ́ѧй посредѝ пра́веднагѡ, и҆ посредѝ беззако́нника въ де́нь ѻ҆́нъ, въ ѻ҆́ньже сотворю̀ снабдѣ́нїе лю́бѧщымъ мѧ̀. позна́йте ᲂу҆́бѡ, и҆ помѧни́те зако́нъ мѡѷсе́овъ раба̀ моегѡ̀, ꙗ҆́коже заповѣ́да ва́мъ въ хори́вѣ, ко всемꙋ̀ і҆и҃лю повелѣ́нїе и҆ ѡ҆правда́нїе. и҆ сѐ а҆́зъ послю̀ ва́мъ и҆лїю̀ ѳесві́тѧнина, пре́жде да́же не прїитѝ дню̀ гдⷭ҇ню вели́комꙋ просвѣще́нномꙋ, и҆́же напра́витъ се́рдце ѻ҆тца̀ къ сы́нꙋ, и҆ се́рдце человѣ́ка ко и҆́скреннемꙋ своемꙋ̀: да не прише́дъ поражꙋ̀ зе́млю вско́рѣ, гл҃го́летъ гдⷭ҇ь вседержи́тель, бг҃ъ ст҃ы́й і҆и҃левъ."
+ },
+ {
+  "type": "HEADER",
+  "value": "Премꙋ́дрости соломѡ́ни чте́нїе."
+ },
+ {
+  "type": "TEXT",
+  "value": "[Главы̑ д҃ и҆ є҃] Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. ѡ҆сꙋ́дитъ же пра́ведникъ ᲂу҆мира́ѧй живꙋ́щыѧ нечєсти́выѧ. ᲂу҆́зрѧтъ бо кончи́нꙋ пра́веднагѡ, и҆ не разꙋмѣ́ютъ, что̀ совѣща́ша ѡ҆ не́мъ: ꙗ҆́кѡ пове́ржетъ гдⷭ҇ь нечєсти́выѧ безгла́сны ни́цъ, и҆ поколе́блетъ и҆̀хъ ѿ ѡ҆снова́нїй, и҆ до послѣ́днѧгѡ и҆сче́знꙋтъ въ болѣ́зни, и҆ па́мѧть и҆́хъ поги́бнетъ. прїи́дꙋтъ бо въ помышле́нїе согрѣше́нїй свои́хъ ᲂу҆жа́сни, и҆ ѡ҆бличи́тъ и҆̀хъ сопроти́въ беззако́нїѧ и҆́хъ. тогда̀ ста́нетъ въ дерзнове́нїи мно́зѣ пра́ведникъ, предъ лице́мъ ѡ҆скорби́вшихъ є҆го̀, и҆ ѿмета́ющихъ трꙋды̀ є҆гѡ̀. ви́дѣвше же є҆го̀ смѧтꙋ́тсѧ стра́хомъ мно́гимъ, и҆ ᲂу҆жа́снꙋтсѧ ѡ҆ пресла́вномъ спасе́нїи є҆гѡ̀. рекꙋ́тъ бо къ себѣ̀ ка́ющесѧ, и҆ въ тѣснотѣ̀ дꙋ́ха воздо́хнꙋтъ, и҆ рекꙋ́тъ: се́й бѣ̀, є҆го́же и҆мѣ́хомъ нѣ́когда въ посмѣ́хъ, и҆ въ при́тчꙋ поноше́нїѧ безꙋ́мнїи. житїѐ є҆гѡ̀ вмѣни́хомъ неи́стово, и҆ кончи́нꙋ є҆гѡ̀ безче́стнꙋ. ка́кѡ вмѣни́сѧ въ сынѣ́хъ бж҃їихъ, и҆ во ст҃ы́хъ жре́бїй є҆гѡ̀ є҆́сть; Оу҆̀бо заблꙋди́хомъ ѿ пꙋтѝ и҆́стиннагѡ, и҆ пра́вды свѣ́тъ не ѡ҆блиста̀ на́мъ, и҆ со́лнце не возсїѧ̀ на́мъ. беззако́нныхъ и҆спо́лнихомсѧ стє́зь, и҆ поги́бели, и҆ ходи́хомъ стєзѝ непрохѡ́дны, пꙋти́ же гдⷭ҇нѧ не разꙋмѣ́хомъ."
+ },
+ {
+  "type": "HEADER",
+  "value": "На стїхо́внѣ стїхи̑ры, гла́съ а҃. Подо́бенъ: Нбⷭ҇ныхъ чинѡ́въ."
+ },
+ {
+  "type": "TEXT",
+  "value": "П рїиди́те, торжество̀ бжⷭ҇твенное свѣ́тлѡ соверши́мъ: / свѣ́та бо свѣти́льникъ, / гла́съ же сло́ва, дрꙋ́гъ женихо́въ, / вели́кїй свѣти́льникъ и҆́стины / ꙗ҆ви́сѧ крести́тель гдⷭ҇ень, / показа́въ на́мъ ст҃ꙋ́ю главꙋ̀ свою̀."
+ },
+ {
+  "type": "TEXT",
+  "value": "Сті́хъ: Та́мѡ возвращꙋ̀ ро́гъ дв҃дови, / ᲂу҆гото́вахъ свѣти́льникъ пома́занномꙋ моемꙋ̀."
+ },
+ {
+  "type": "TEXT",
+  "value": "Ѡ҆ блꙋ́днѣмъ беззако́нїи и҆́рѡдова дѣѧ́нїѧ, / и҆ прелюбодѣ́йственныѧ скве́рны, / беззако́ннꙋюща ѡ҆бличи́лъ є҆сѝ, ꙗ҆́кѡ проповѣ́дникъ чистоты̀, / во главꙋ̀ ᲂу҆сѣ́ченъ бы́лъ є҆сѝ, прⷣте́че. / ю҆́же благода́тїю бжⷭ҇твенныхъ чꙋдодѣѧ́нїй, / вѣ̑рнымъ ны́нѣ ѿкры́лъ є҆сѝ."
+ },
+ {
+  "type": "TEXT",
+  "value": "Сті́хъ: Помѧнѝ, гдⷭ҇и, дв҃да / и҆ всю̀ кро́тость є҆гѡ̀."
+ },
+ {
+  "type": "TEXT",
+  "value": "Ꙗ҆́ коже бг҃ото́чный благода́тей и҆сто́чникъ, / ѿ земны́хъ нѣ́дръ, и҆сточа́ющь чꙋдеса̀ / главꙋ̀ прⷣте́чевꙋ, / ꙗ҆́кѡ сокро́вище дарова́нїй, / прїе́мше ѿ бг҃а ꙗ҆вле́ннꙋ, / ра́достнѡ восхва́лимъ, празднолю́бцы."
+ },
+ {
+  "type": "TEXT",
+  "value": "Сла́ва, гла́съ в҃: Ꙗ҆́коже бжⷭ҇твенныхъ ᲂу҆мышле́нїй, / всечⷭ҇тна́ѧ ра́ка неизрече́ннагѡ сꙋщества̀, / ꙗ҆́снѡ прови́дѣвшаѧ та́инство глава̀ твоѧ̀, / ꙗ҆́кѡ ѿ ложе́снъ ма́тернихъ ѿ сокро́вищъ земны́хъ дне́сь возсїѧ̀, / і҆ѡа́нне всехва́льне, / и҆ ѡ҆благово́ни всю̀ подсо́лнечнꙋю ѡ҆свѧще́нїѧ пролива́ющаѧ мѵ́ро, / и҆ мы́сленнѡ проповѣ́дающаѧ пꙋ́ть покаѧ́нїѧ, / и҆ сп҃сꙋ всѣ́хъ молѧ́щаѧсѧ ѡ҆ дꙋша́хъ на́шихъ."
+ },
+ {
+  "type": "TEXT",
+  "value": "И҆ ны́нѣ, днѐ, и҆лѝ бг҃оро́диченъ."
+ },
+ {
+  "type": "HEADER",
+  "value": "Тропа́рь, гла́съ д҃:"
+ },
+ {
+  "type": "TEXT",
+  "value": "Ꙗ҆́ кѡ бж҃е́ственное сокро́вище, сокрове́нное въ землѝ, / хрⷭ҇то́съ ѿкры̀ главꙋ̀ твою̀ на́мъ, прⷪ҇ро́че и҆ прⷣте́че: / всѝ ᲂу҆̀бо соше́дшесѧ въ сеѧ̀ ѡ҆брѣ́тенїе, / пѣ́сньми бг҃оглаго́ливыми сп҃са воспои́мъ, / спаса́юща на́съ ѿ тлѣ́нїѧ моли́твами твои́ми."
+ },
+ {
+  "type": "TEXT",
+  "value": "Сла́ва, и҆ ны́нѣ, бг҃оро́диченъ: Є҆́же ѿ вѣ́ка ᲂу҆тае́нное, / и҆ а҆́гг҃лѡмъ несвѣ́домое та́инство, / тобо́ю, бцⷣе, сꙋ́щымъ на землѝ ꙗ҆ви́сѧ бг҃ъ, / в несли́тномъ соедине́нїи воплоща́емь, / и҆ кре́стъ во́лею на́съ ра́ди воспрїи́мъ: / и҆́мже воскреси́въ первозда́ннаго, / спасѐ ѿ сме́рти дꙋ́шы на́шѧ."
+ },
+ {
+  "type": "TEXT",
+  "value": "И҆лѝ пра́здника."
+ },
+ {
+  "type": "HEADER",
+  "value": "На ᲂу҆́трени."
+ },
+ {
+  "type": "TEXT",
+  "value": "На Бг҃ъ гдⷭ҇ь, а҆́ще є҆́сть н҃-ца, тропа́рь пра́здника, два́жды. Сла́ва, прⷣте́чи: И҆ ны́нѣ, пра́здника. А҆́ще же нѝ,"
+ },
+ {
+  "type": "HEADER",
+  "value": "Тропа́рь прⷣте́чи, два́жды, гла́съ д҃:"
+ },
+ {
+  "type": "TEXT",
+  "value": "Ꙗ҆́ кѡ бж҃е́ственное сокро́вище, сокрове́нное въ землѝ, / хрⷭ҇то́съ ѿкры̀ главꙋ̀ твою̀ на́мъ, прⷪ҇ро́че и҆ прⷣте́че: / всѝ ᲂу҆̀бо соше́дшесѧ въ сеѧ̀ ѡ҆брѣ́тенїе, / пѣ́сньми бг҃оглаго́ливыми сп҃са воспои́мъ, / спаса́юща на́съ ѿ тлѣ́нїѧ моли́твами твои́ми."
+ },
+ {
+  "type": "TEXT",
+  "value": "Сла́ва, и҆ ны́нѣ, бг҃оро́диченъ: Є҆́же ѿ вѣ́ка ᲂу҆тае́нное, / и҆ а҆́гг҃лѡмъ несвѣ́домое та́инство, / тобо́ю, бцⷣе, сꙋ́щымъ на землѝ ꙗ҆ви́сѧ бг҃ъ, / в несли́тномъ соедине́нїи воплоща́емь, / и҆ кре́стъ во́лею на́съ ра́ди воспрїи́мъ: / и҆́мже воскреси́въ первозда́ннаго, / спасѐ ѿ сме́рти дꙋ́шы на́шѧ."
+ },
+ {
+  "type": "HEADER",
+  "value": "По а҃-й стїхоло́гїи сѣда́ленъ, гла́съ д҃. Подо́бенъ: Ско́рѡ предварѝ:"
+ },
+ {
+  "type": "TEXT",
+  "value": "Ѿ землѝ возсїѧ́вши, нетлѣ́ннаѧ прⷣте́чева глава̀, лꙋчы̀ и҆спꙋща́етъ и҆сцѣле́нїй вѣ̑рнымъ: / свы́ше собира́етъ мно́жество а҆́гг҃лъ, / до́лѣ созыва́етъ человѣ́ческїй ро́дъ, / є҆диногла́снꙋю возсыла́ти сла́вꙋ хрⷭ҇тꙋ̀ бг҃ꙋ. [Два́жды.]"
+ },
+ {
+  "type": "HEADER",
+  "value": "Сла́ва, и҆ ны́нѣ, пра́здника. А҆́ще ли по́стъ: Сла́ва, и҆ ны́нѣ, бг҃оро́диченъ. Подо́бенъ:"
+ },
+ {
+  "type": "TEXT",
+  "value": "Д в҃о всенепоро́чнаѧ, ꙗ҆́же пресꙋ́щественнаго бг҃а ро́ждшаѧ, / со прⷣте́чею того̀ непреста́ннѡ молѝ, / ѡ҆ставле́нїе прегрѣше́нїй, и҆ и҆справле́нїе житїѧ̀ да́ти на́мъ пре́жде конца̀, / вѣ́рою и҆ любо́вїю пою́щымъ тѧ̀ по до́лгꙋ, є҆ди́на всепѣ́таѧ."
+ },
+ {
+  "type": "HEADER",
+  "value": "По в҃-й стїхоло́гїи сѣда́ленъ, гла́съ д҃. Подо́бенъ: Вознесы́йсѧ:"
+ },
+ {
+  "type": "TEXT",
+  "value": "И҆ зда́вшисѧ ꙗ҆́кѡ зла́то ѿ рꙋды̀, / свѧще́ннаѧ твоѧ̀ глава̀ пресла́внѡ ѿ незаходи́мыхъ нѣ́дръ земны́хъ, / ѡ҆богатѝ вѣ́рныхъ всѧ̑ мы̑сли разꙋмѣ́нїемъ бжⷭ҇твеннымъ ны́нѣ, / пока́йтесѧ, вопїю́щи ѻ҆бы́чнѡ: / є҆́йже покланѧ́ющесѧ, прⷣте́че, хрⷭ҇та̀ велегла́снѡ вѣ́рою сла́вимъ. [Два́жды.]"
+ },
+ {
+  "type": "HEADER",
+  "value": "Сла́ва, и҆ ны́нѣ, пра́здника, и҆лѝ бг҃оро́диченъ:"
+ },
+ {
+  "type": "TEXT",
+  "value": "И҆́ же на прⷭ҇то́лѣ херꙋві́мстѣмъ сѣдѧ́й, и҆ въ нѣ́дрѣхъ ѻ҆́ч҃ихъ водворѧ́ѧсѧ, / ꙗ҆́кѡ на престо́лѣ ст҃ѣ́мъ сѣди́тъ свое́мъ, влⷣчце, въ нѣ́дрѣхъ твои́хъ. / вопло́щсѧ бо бг҃ъ вои́стиннꙋ, воцр҃и́сѧ надъ всѣ́ми ꙗ҆зы̑ки, / и҆ разꙋ́мнѡ ны́нѣ пои́мъ є҆мꙋ̀: / є҆го́же ᲂу҆молѝ спасти́сѧ рабѡ́мъ твои̑мъ."
+ },
+ {
+  "type": "HEADER",
+  "value": "Полѷеле́й и҆ велича́нїе:"
+ },
+ {
+  "type": "TEXT",
+  "value": "В елича́емъ тѧ̀, / крⷭ҇ти́телю сп҃совъ і҆ѡа́нне, / и҆ почита́емъ всѝ / чⷭ҇тны́ѧ твоеѧ̀ главы̀ / ѡ҆брѣ́тенїе."
+ },
+ {
+  "type": "HEADER",
+  "value": "Ѱало́мъ и҆збра́нный:"
+ },
+ {
+  "type": "TEXT",
+  "value": "а҃ Бл҃же́нъ мꙋ́жъ боѧ́йсѧ гдⷭ҇а: в҃ Въ за́повѣдехъ є҆гѡ̀ восхо́щетъ ѕѣлѡ̀. а҃ Сла́ва и҆ бога́тство въ домꙋ̀ є҆гѡ̀. в҃ и҆ пра́вда є҆гѡ̀ пребыва́етъ въ вѣ́къ вѣ́ка. а҃ Въ па́мѧть вѣ́чнꙋю бꙋ́детъ првⷣникъ. в҃ Првⷣникъ ꙗ҆́кѡ фі́нїѯъ процвѣте́тъ, ꙗ҆́кѡ ке́дръ, и҆́же въ лїва́нѣ, ᲂу҆мно́житсѧ. а҃ Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. в҃ Сѐ ᲂу҆стна́мъ мои̑мъ не возбраню̀, гдⷭ҇и. а҃ Ты̀ разꙋмѣ́лъ є҆сѝ пра́вдꙋ мою̀ и҆ и҆́стинꙋ мою̀: в҃ и҆ ѧ҆зы́къ мо́й поꙋчи́тсѧ пра́вдѣ твое́й, ве́сь де́нь хвалѣ̀ твое́й. а҃ Свѣ́тъ возсїѧ̀ првⷣникꙋ, и҆ пра̑вымъ се́рдцемъ весе́лїе. в҃ Ро́дъ пра́выхъ бл҃гослови́тсѧ. а҃ Сла́вою и҆ че́стїю вѣнча́лъ є҆сѝ є҆го̀. в҃ Ꙗ҆́кѡ ты̀ бл҃гослови́ши првⷣника гдⷭ҇и. а҃ Ꙗ҆́кѡ ѻ҆рꙋ́жїемъ бл҃говоле́нїѧ вѣнча́лъ є҆сѝ на́съ. в҃ Въ ни́хже посѣтѝ на́съ восто́къ съ высоты̀: а҃ Ꙗ҆ви́тисѧ во тьмѣ̀ и҆ сѣ́ни сме́ртнѣй сѣдѧ́щымъ: в҃ Напра́вити но́ги на́шѧ на пꙋ́ть ми́ренъ."
+ },
+ {
+  "type": "TEXT",
+  "value": "Сла́ва, и҆ ны́нѣ: А҆ллилꙋ́їа, три́жды."
+ },
+ {
+  "type": "HEADER",
+  "value": "По полѷеле́и сѣда́ленъ, гла́съ д҃. Подо́бенъ: Ꙗ҆ви́лсѧ є҆сѝ:"
+ },
+ {
+  "type": "TEXT",
+  "value": "И҆́ рѡдъ, прⷣте́че, беззако́нновавъ, / честнꙋ́ю главꙋ̀ твою̀ мече́мъ ѿсѣчѐ бѣ́днѣ ѻ҆каѧ́нный, / ю҆́же ѿ любвѐ вѣ́рнїи цѣлꙋ́емъ."
+ },
+ {
+  "type": "HEADER",
+  "value": "Сла́ва, гла́съ и҃. Подо́бенъ: Повелѣ́нное:"
+ },
+ {
+  "type": "TEXT",
+  "value": "К рести́телева глава̀ кры́ѧшесѧ ꙗ҆́кѡ би́серъ въ землѝ вла́жнѣй, / и҆ ꙗ҆́кѡ свѣ́щникъ бг҃освѣ́телъ ᲂу҆кра́шена, ѡ҆зарѧ́етъ чꙋдотворѧ́щи мі́рꙋ всемꙋ̀: / ꙗ҆́кѡ ᲂу҆́тро возсїѧ̀ всеблаголѣ́пнѡ, сл҃нцꙋ прⷣте́ча, / и҆ невече́рнимъ свѣ́томъ возвѣща́ѧ па́ки на́мъ, / сѐ, взыва́ѧ, а҆́гнецъ бж҃їй."
+ },
+ {
+  "type": "HEADER",
+  "value": "И҆ ны́нѣ, бг҃оро́диченъ: Ꙗ҆́же непремѣ́ннаго бг҃а поро́ждшаѧ, / премѣнѧ́емое при́снѡ се́рдце моѐ грѣхо́мъ и҆ лѣ́ностїю, прило́гми льсти́вагѡ, / ᲂу҆твердѝ, бл҃га́ѧ, моли́твами мт҃рними твои́ми: / ꙗ҆́кѡ да и҆ а҆́зъ благода́рнѡ сла́влю тѧ̀, бг҃ороди́тельнице марі́е, / поми́лꙋй ста́до твоѐ, є҆́же стѧжа́ла є҆сѝ, всенепоро́чнаѧ."
+ },
+ {
+  "type": "HEADER",
+  "value": "Степє́нна, а҃-й а҆нтїфѡ́нъ д҃-гѡ гла́са, и҆́хже стїхѝ повторѧ́юще пое́мъ:"
+ },
+ {
+  "type": "TEXT",
+  "value": "Ѿ ю҆́ности моеѧ̀ / мно́зи бо́рютъ мѧ̀ стра̑сти, / но са́мъ мѧ̀ застꙋпѝ, / и҆ сп҃сѝ сп҃се мо́й."
+ },
+ {
+  "type": "TEXT",
+  "value": "Н енави́дѧщїи сїѡ́на, / посрами́тесѧ ѿ гдⷭ҇а, / ꙗ҆́кѡ трава́ бо ѻ҆гне́мъ / бꙋ́дете и҆зсо́хше."
+ },
+ {
+  "type": "TEXT",
+  "value": "Сла́ва: Ст҃ы́мъ дх҃омъ / всѧ́ка дꙋша̀ живи́тсѧ, / и҆ чистото́ю возвыша́етсѧ, / свѣтлѣ́етсѧ трⷪ҇ческимъ є҆ди́нствомъ сщ҃еннота́йнѣ."
+ },
+ {
+  "type": "TEXT",
+  "value": "И҆ ны́нѣ, то́йже."
+ },
+ {
+  "type": "HEADER",
+  "value": "Прокі́менъ, гла́съ д҃:"
+ },
+ {
+  "type": "TEXT",
+  "value": "Т а́мѡ возращꙋ̀ ро́гъ дв҃дови, / ᲂу҆гото́вахъ свѣти́льникъ пома́занномꙋ моемꙋ̀. Сті́хъ: Помѧнѝ, гдⷭ҇и, дв҃да и҆ всю̀ кро́тость є҆гѡ̀."
+ },
+ {
+  "type": "TEXT",
+  "value": "Дрꙋгі́й прокі́менъ: Всѧ́кое дыха́нїе / да хва́литъ гдⷭ҇а. Сті́хъ: Хвали́те бг҃а во ст҃ы́хъ є҆гѡ̀, хвали́те є҆го̀ во ᲂу҆твержде́нїи си́лы є҆гѡ̀."
+ },
+ {
+  "type": "HEADER",
+  "value": "Є҆ѵⷢ҇лїе ѿ лꙋки́, зача́ло л҃а."
+ },
+ {
+  "type": "TEXT",
+  "value": "В о вре́мѧ ѻ҆́но, и҆зы́де сло́во ѡ҆ і҆и҃сѣ по все́й і҆ꙋде́и, и҆ по все́й странѣ̀. и҆ возвѣсти́ша і҆ѡа́ннꙋ ᲂу҆ченицы̀ є҆гѡ̀ ѡ҆ всѣ́хъ си́хъ. и҆ призва́въ два̀ нѣ́каѧ ѿ ᲂу҆чєни́къ свои́хъ і҆ѡа́ннъ, посла̀ ко і҆и҃сꙋ, глаго́лѧ: ты́ ли є҆сѝ грѧды́й, и҆лѝ и҆но́гѡ ча́емъ; прише́дша же къ немꙋ̀ мꙋ̑жа, рѣ́ста: і҆ѡа́ннъ крести́тель посла̀ на́съ къ тебѣ̀, глаго́лѧ: ты́ ли є҆сѝ грѧды́й, и҆лѝ и҆но́гѡ ча́емъ; въ то́й же ча́съ и҆сцѣлѝ мнѡ́ги ѿ недꙋ̑гъ, и҆ ра́нъ, и҆ дꙋ̑хъ ѕлы́хъ: и҆ мнѡ́гимъ слѣпы̑мъ дарова̀ прозрѣ́нїе. и҆ ѿвѣща́въ і҆и҃съ речѐ и҆́ма: ше́дша возвѣсти́та і҆ѡа́ннꙋ, ꙗ҆̀же ви́дѣста и҆ слы́шаста: ꙗ҆́кѡ слѣпі́и прозира́ютъ, хро́мїи хо́дѧтъ, прокаже́ннїи ѡ҆чища́ютсѧ, глꙋсі́и слы́шатъ, ме́ртвїи востаю́тъ, ни́щїи благовѣствꙋ́ютъ. и҆ блаже́нъ є҆́сть, и҆́же а҆́ще не соблазни́тсѧ ѡ҆ мнѣ̀. ѿше́дшема же ᲂу҆ченико́ма і҆ѡа́нновома, нача́тъ глаго́лати къ наро́дѡмъ ѡ҆ і҆ѡа́ннѣ: чесѡ̀ и҆зыдо́сте въ пꙋсты́ню ви́дѣти; тро́сть ли вѣ́тромъ коле́блемь; но чесѡ̀ и҆зыдо́сте ви́дѣти; человѣ́ка ли въ мѧ́кки ри̑зы ѡ҆дѣ́ѧна; сѐ и҆́же во ѻ҆де́жди сла́внѣй, и҆ пи́щи сꙋ́щїи, во ца́рствїи сꙋ́ть. но чесѡ̀ и҆зыдо́сте ви́дѣти; проро́ка ли; є҆́й, глаго́лю ва́мъ, и҆ ли́шше проро́ка. се́й бо є҆́сть, ѡ҆ не́мже пи́сано є҆́сть: сѐ а҆́зъ послю̀ а҆́гг҃ла моего̀ пред̾ лице́мъ твои́мъ, и҆́же ᲂу҆стро́итъ пꙋ́ть тво́й пред̾ тобо́ю. глаго́лю бо ва́мъ: бо́лїй въ рожде́нныхъ жена́ми проро́къ і҆ѡа́нна крести́телѧ никто́же є҆́сть: мні́й же, во црⷭ҇твїи бж҃їи бо́лїй є҆гѡ̀ є҆́сть. и҆ всѝ лю́дїе слы́шавше, и҆ мытарі́е ѡ҆правди́ша бг҃а кре́щшесѧ креще́нїемъ і҆ѡа́нновымъ. фарїсе́є же и҆ зако́нницы совѣ́тъ бж҃їй ѿверго́ша въ себѣ̀, не кре́щшесѧ ѿ негѡ̀."
+ },
+ {
+  "type": "HEADER",
+  "value": "По н҃-мъ ѱалмѣ̀:"
+ },
+ {
+  "type": "TEXT",
+  "value": "Сла́ва: Мл҃твами ст҃а́гѡ сла́внагѡ прⷪ҇ро́ка, предте́чи и҆ крести́телѧ гдⷭ҇нѧ і҆ѡа́нна, / ми́лостиве, ѡ҆чи́сти / мно́жєства согрѣше́нїй на́шихъ."
+ },
+ {
+  "type": "TEXT",
+  "value": "И҆ ны́нѣ: Мл҃твами бцⷣы, / ми́лостиве, ѡ҆чи́сти / мно́жєства согрѣше́нїй на́шихъ."
+ },
+ {
+  "type": "TEXT",
+  "value": "И҆ посе́мъ: Поми́лꙋй мѧ̀ бж҃е, / по вели́цѣй ми́лости твое́й, / и҆ по мно́жествꙋ щедро́тъ твои́хъ, / ѡ҆чи́сти беззако́нїе моѐ."
+ },
+ {
+  "type": "HEADER",
+  "value": "И҆ стїхи́ра, гла́съ ѕ҃:"
+ },
+ {
+  "type": "TEXT",
+  "value": "Ꙗ҆́ же пе́рвѣе на блю́дѣ, / и҆́рѡдовꙋ беззако́ннꙋю нечистотꙋ̀ ѡ҆бличи́вшаѧ, / покаѧ́нїе же всѣ̑мъ проповѣ́давшаѧ вѣ̑рнымъ, / честна́ѧ глава̀ крести́телѧ хрⷭ҇то́ва, / ѿ сокро́вищъ земны́хъ ꙗ҆́вльшаѧсѧ, / предлежи́тъ, вѣ́рнѡ притека́ющымъ къ не́й, / и҆ прикаса́ющымсѧ со стра́хомъ, / и҆ покланѧ́ющымсѧ любо́вїю дꙋше́вною, / да́рꙋющаѧ разрѣше́нїе прегрѣше́нїй, / проше́нїємъ подае́тъ потрє́бнаѧ, и҆ ве́лїю ми́лость."
+ },
+ {
+  "type": "TEXT",
+  "value": "А҆́ще є҆́сть н҃-ца, канѡ́нъ пра́здника со і҆рмосо́мъ на ѕ҃: А҆́ще ли по́стъ, канѡ́нъ бцⷣы со і҆рмосо́мъ на ѕ҃: и҆ прⷣте́чи на и҃."
+ },
+ {
+  "type": "HEADER",
+  "value": "Гла́съ и҃. Пѣ́снь а҃."
+ },
+ {
+  "type": "HEADER",
+  "value": "І҆рмо́съ:"
+ },
+ {
+  "type": "TEXT",
+  "value": "Колесницегони́телѧ фараѡ́нѧ погрꙋзѝ, / чꙋдотворѧ́й и҆ногда̀ / мѡѷсе́йскїй же́злъ, крⷭ҇тоѡбра́знѡ порази́въ, / и҆ раздѣли́въ мо́ре, / і҆и҃лѧ же бѣглеца̀, пѣшехо́дца сп҃сѐ, / пѣ́снь бг҃ови воспѣва́юща."
+ },
+ {
+  "type": "TEXT",
+  "value": "Г ла́съ сло́ва бы́въ, разрѣшѝ безгла́сїе моѐ, ꙗ҆́коже ѻ҆тцꙋ̀ дре́вле, / ра́достнымъ гла́сомъ восхвали́ти тѧ̀ въ настоѧ́щее ѡ҆брѣ́тенїе главы̀ твоеѧ̀, / блаже́нне прⷣте́че, небе́сный человѣ́че."
+ },
+ {
+  "type": "TEXT",
+  "value": "Н а главꙋ̀, рꙋ́кꙋ положи́вый, прⷣте́че, цр҃кви бж҃їи, / твою̀ честнꙋ́ю главꙋ̀, позна́вшꙋю трⷪ҇цы ꙗ҆вле́нїе, / проѧвлѧ́еши сїѐ тре́тїе, преѧ́вственнѡ ѡ҆свѧща́ющꙋю правосла́вныхъ собра̑нїѧ."
+ },
+ {
+  "type": "TEXT",
+  "value": "Н е терпѧ̀ на мно́зѣ сокрыва́тисѧ, гдⷭ҇ень предте́че, / ᲂу҆строѧ́еши па́ки ꙗ҆ви́тисѧ дне́сь, / не въ ста́мнѣ затворе́нъ, сре́бренѣ же сосꙋ́дѣ въ свѧще́нномъ мѣ́стѣ положе́нъ, / свѧщеннодѣ́йственникꙋ и҆звѣще́нъ."
+ },
+ {
+  "type": "TEXT",
+  "value": "Ц а́рствꙋющїй ꙗ҆́вѣ гра́дъ ны́нѣ прїе́млетъ свѧще́нный да́ръ, / и҆́же пре́жде лише́нъ бы́въ главы̀ твоеѧ̀, предте́че: / тоѧ̀ вхо́домъ красѧ́сѧ ны́нѣ ра́дꙋетсѧ, и҆ достодо́лжнѡ ᲂу҆блажа́етъ тѧ̀."
+ },
+ {
+  "type": "TEXT",
+  "value": "Бг҃оро́диченъ: Ѿ чре́ва непло́дныѧ прозѧ́блъ є҆сѝ, / гото́вѧ творцꙋ̀ сло́вомъ пꙋти̑, всехва́льне, / ѿ дв҃ы возсїѧ́вшемꙋ прест҃ы́ѧ несказа́ннѡ: / ю҆́же бцⷣꙋ вѣ́дꙋще, всѝ ро́ди ᲂу҆блажа́емъ."
+ },
+ {
+  "type": "TEXT",
+  "value": "Катава́сїа пра́здника. А҆́ще ли по́стъ: Ѿве́рзꙋ ᲂу҆ста̀ моѧ̑:"
+ },
+ {
+  "type": "HEADER",
+  "value": "Пѣ́снь г҃."
+ },
+ {
+  "type": "HEADER",
+  "value": "І҆рмо́съ:"
+ },
+ {
+  "type": "TEXT",
+  "value": "Нбⷭ҇нагѡ крꙋ́га верхотво́рче, гдⷭ҇и, / и҆ цр҃кве зижди́телю, / ты̀ менѐ ᲂу҆твердѝ въ любвѝ твое́й, / жела́нїй кра́ю, вѣ́рныхъ ᲂу҆твержде́нїе, / є҆ди́не чл҃вѣколю́бче."
+ },
+ {
+  "type": "TEXT",
+  "value": "Б лꙋ́днымъ плѧса́нїемъ, сщ҃е́ннаѧ глава̀ твоѧ̀ / скве́рнѣй женѣ̀ вдана̀ бы́вши, рꙋка́ма ноша́шесѧ: / ны́нѣ же цѣломꙋ́дреннѡ сщ҃еннодѣ́йственника дла́ньми, / свѧще́ннѡ во ст҃ꙋ́ю цр҃ковь вно́ситсѧ."
+ },
+ {
+  "type": "TEXT",
+  "value": "Б лагоче́стнѡ срѣта́етъ тѧ̀ вѣ́рныхъ совокꙋпле́нїе, / съ сщ҃еннодѣ́йственникомъ же ца́рь, сла́вне прⷣте́че, пою́ще ра́достїю, / и҆ предварѧ́етъ тѧ̀ любо́вїю, ѡ҆свѧща́емь прише́ствїемъ твои́мъ."
+ },
+ {
+  "type": "TEXT",
+  "value": "Ѿ незаходи́мыхъ сщ҃е́нныхъ, ꙗ҆́кѡ свѣтоза́рное со́лнце, / свѧще́ннѣйшаѧ глава̀ твоѧ̀ возсїѧ́вши, всю̀ просвѣтѝ вселе́ннꙋю, / прⷪ҇ро́че хрⷭ҇то́въ и҆ предте́че бж҃е́ственными свѣтлостьмѝ."
+ },
+ {
+  "type": "TEXT",
+  "value": "Бг҃оро́диченъ: Ѿ непло́дныхъ чре́слъ свѣтоѧвле́нна возсїѧ́лъ є҆сѝ ѕвѣзда̀ со́лнца сла́вы, / предходѧ́й возсїѧ́вшаго ѿ дѣви́ческа ѻ҆́блака, крести́телю, / и҆ разрѣ́шшаго но́щь многобо́жнꙋю."
+ },
+ {
+  "type": "HEADER",
+  "value": "Конда́къ и҆ і҆́косъ пра́здника. Та́же сѣда́ленъ, гла́съ д҃. Подо́бенъ: Вознесы́йсѧ:"
+ },
+ {
+  "type": "TEXT",
+  "value": "И҆ зда́вшисѧ ꙗ҆́кѡ зла́то ѿ рꙋды̀, / свѧще́ннаѧ твоѧ̀ глава̀ пресла́внѡ, ѿ незаходи́мыхъ нѣ́дръ земны́хъ, / ѡ҆богатѝ, хрⷭ҇то́въ крести́телю, всѣ́хъ притека́ющихъ, въ тоѧ̀ ѡ҆брѣ́тенїе, / пѣ́сньми велича́ющихъ сп҃са и҆ зижди́телѧ, / подаю́щаго на́мъ тебє̀ ра́ди ве́лїю ми́лость. [Два́жды.]"
+ },
+ {
+  "type": "HEADER",
+  "value": "Сла́ва, и҆ ны́нѣ, пра́здника, и҆лѝ бг҃оро́диченъ:"
+ },
+ {
+  "type": "TEXT",
+  "value": "Г рѣхолюби́въ сы́й, молю́ тѧ, / безгрѣ́шнаго бг҃а ро́ждшꙋю, взе́млющаго грѣхѝ мі́ра, пречⷭ҇таѧ, / многогрѣ́шнꙋю дꙋ́шꙋ мою̀ ᲂу҆ще́дрити, и҆ грѣхѝ моѧ̑ мнѡ́гїѧ ѡ҆чи́стити: / грѣ́шныхъ бо ты̀ є҆сѝ ѡ҆чище́нїе, и҆ спасе́нїе вѣ́рныхъ, и҆ застꙋпле́нїе."
+ },
+ {
+  "type": "TEXT",
+  "value": "А҆́ще ли по́стъ, сѣда́ленъ то́чїю, два́жды, и҆ Сла́ва, и҆ ны́нѣ, бг҃оро́диченъ."
+ },
+ {
+  "type": "HEADER",
+  "value": "Пѣ́снь д҃."
+ },
+ {
+  "type": "HEADER",
+  "value": "І҆рмо́съ:"
+ },
+ {
+  "type": "TEXT",
+  "value": "Оу҆слы́шахъ, гдⷭ҇и, / смотре́нїѧ твоегѡ̀ та́инство, / разꙋмѣ́хъ дѣла̀ твоѧ̑, / и҆ просла́вихъ твоѐ бж҃ество̀."
+ },
+ {
+  "type": "TEXT",
+  "value": "П рⷪ҇ро́кѡвъ ꙗ҆́кѡ превы́шшїй, прорече́ннаго ви́дѣти сподо́билсѧ є҆сѝ, / и҆лїино́ю пред̾иды́й си́лою предъ ни́мъ, блаже́нне прⷣте́че."
+ },
+ {
+  "type": "TEXT",
+  "value": "П ресла́внꙋю главꙋ̀ твою̀, мѵ́ры и҆сцѣле́нїй и҆сточа́ющꙋ, / тре́тїе ᲂу҆жѐ ꙗ҆ви́лъ є҆сѝ, смра̑дныѧ стра̑сти ѿгонѧ́ющꙋю."
+ },
+ {
+  "type": "TEXT",
+  "value": "Н е въ ста́мнѣ, ꙗ҆́коже пе́рвѣе, въ сосꙋ́дѣ же сре́бренѣ погребе́на, / ꙗ҆влѧ́етсѧ глава̀ твоѧ̀ въ свѧще́ннѣмъ мѣ́стѣ, досточꙋ́дне."
+ },
+ {
+  "type": "TEXT",
+  "value": "С оше́дшесѧ почерпи́те всѝ и҆сцѣлє́нїѧ неистощи̑маѧ, ѿ и҆сто́чника и҆здава́ема, / честны́ѧ главы̀ прⷣте́чи хрⷭ҇то́ва."
+ },
+ {
+  "type": "TEXT",
+  "value": "Бг҃оро́диченъ: Смири́вшагосѧ спасѝ мѧ высокомꙋ́дреннѡ пожи́вшаго, / ро́ждшаѧ возне́сшаго смири́вшеесѧ є҆стество̀, пречⷭ҇таѧ."
+ },
+ {
+  "type": "HEADER",
+  "value": "Пѣ́снь є҃."
+ },
+ {
+  "type": "HEADER",
+  "value": "І҆рмо́съ:"
+ },
+ {
+  "type": "TEXT",
+  "value": "Вскꙋ́ю мѧ̀ ѿри́нꙋлъ є҆сѝ / ѿ лица̀ твоегѡ̀ свѣ́те незаходи́мый, / и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; / но ѡ҆брати́ мѧ, / и҆ къ свѣ́тꙋ за́повѣдей твои́хъ / пꙋти̑ моѧ̑ напра́ви, молю́сѧ."
+ },
+ {
+  "type": "TEXT",
+  "value": "Ꙗ҆́ кѡ хода́тай ве́тхагѡ и҆ но́вагѡ бы́въ свѧще́ннѣйшїй, / хода́тайствы бж҃е́ственными на́ше ѡ҆бветша́нїе ѡ҆бновѝ, / ѡ҆бновле́нїе соверша́ющихъ но́вымъ ꙗ҆вле́нїемъ главы̀ твоеѧ̀, бл҃же́нне прⷣте́че."
+ },
+ {
+  "type": "TEXT",
+  "value": "Ѿ кома́нъ прине́сшꙋ благода́ть и҆сцѣле́нїй главꙋ̀ твою̀ къ ца́рскомꙋ гра́дꙋ, прⷣте́че, / созыва́еши гра́ды дне́сь къ тоѧ̀ прише́ствїю: / собира́ютсѧ вѣ́рныхъ мно́жєства, просвѣще́нїѧ нетлѣ́ннагѡ и҆сполнѧ́еми."
+ },
+ {
+  "type": "TEXT",
+  "value": "Ц а́рь вхо́дꙋ главы̀ твоеѧ̀, мно́жае не́же багрѧни́цѣ ра́дꙋетсѧ: / свѧще́нникъ же бжⷭ҇твенный бг҃оно́сца тезоимени́тый, предте́че, / дла́ньми сїю̀ ѡ҆бдержа̀ соблагословлѧ́етъ, благословѧ̀ вѣ́рныхъ совершє́нства."
+ },
+ {
+  "type": "TEXT",
+  "value": "Бг҃оро́диченъ: Влⷣкꙋ ро́ждши, ꙗ҆ви́ласѧ є҆сѝ превы́шшаѧ го́рнихъ си́лъ: / и҆ земны́хъ є҆стество̀ бг҃осодѣ́лала є҆сѝ, ѻ҆трокови́це всенепоро́чнаѧ. / тѣ́мже бцⷣꙋ всеи́стиннꙋю, дꙋше́ю и҆ ѧ҆зы́комъ вѣ́рнїи тѧ̀, дв҃о, сла́вимъ."
+ },
+ {
+  "type": "HEADER",
+  "value": "Пѣ́снь ѕ҃."
+ },
+ {
+  "type": "HEADER",
+  "value": "І҆рмо́съ:"
+ },
+ {
+  "type": "TEXT",
+  "value": "Ѡ҆чи́сти мѧ̀ сп҃се, / мнѡ́га бо беззакѡ́нїѧ моѧ̑, / и҆ и҆з̾ глꙋбины̀ ѕѡ́лъ возведѝ, молю́сѧ: / къ тебѣ́ бо возопи́хъ, / и҆ ᲂу҆слы́ши мѧ̀, / бж҃е сп҃се́нїѧ моегѡ̀."
+ },
+ {
+  "type": "TEXT",
+  "value": "И҆́ стина ѿ землѝ, / глава̀ возсїѧ́вшаѧ крⷭ҇ти́телѧ твоегѡ̀, хрⷭ҇тѐ, лжꙋ̀ ѿгна̀, / є҆ресе́й разорѝ го́рькꙋю зи́мꙋ, и҆ мі́ръ просвѣти́ла є҆́сть."
+ },
+ {
+  "type": "TEXT",
+  "value": "П очерпи́те просвѣще́нїе, и҆ благода́ть бж҃їю и҆ ми́лость: / и҆ главы̑ и҆ дꙋ́шы ѡ҆свѧти́те, главѣ̀ прикоснꙋ́вшесѧ прⷣте́чи благода́ти, / бжⷭ҇твенномꙋ верхꙋ̀ прикоснꙋ́вшагосѧ въ вода́хъ."
+ },
+ {
+  "type": "TEXT",
+  "value": "Г лавы̑ врагѡ́въ подъ но́зѣ сокрꙋши́ти во́инствꙋ на́шемꙋ моли́сѧ, прⷣте́че, / любо́вїю честнꙋ́ю твою̀ главꙋ̀ чтꙋ́щемꙋ, / и҆́рѡда ѡ҆бличи́вшꙋю."
+ },
+ {
+  "type": "TEXT",
+  "value": "Бг҃оро́диченъ: Сꙋ́щымъ во а҆́дѣ свѣ́тъ проповѣ́далъ є҆сѝ / приходѧ́щагѡ ѿ крове́й дв҃и́ческихъ, пло́тїю ѡ҆бложе́на бы́вша человѣ́ка, / на благодѣѧ́нїе человѣ́кѡвъ, блаже́нне прⷣте́че."
+ },
+ {
+  "type": "HEADER",
+  "value": "Конда́къ, гла́съ ѕ҃. Подо́бенъ: Є҆́же ѡ҆ на́съ:"
+ },
+ {
+  "type": "TEXT",
+  "value": "С вѣтоѧвле́нный и҆ бжⷭ҇твенный въ мі́рѣ сто́лпъ, / сл҃нца свѣти́льникъ, / прⷣте́ча главꙋ̀ свѣтоно́снꙋю и҆ бжⷭ҇твеннꙋю свою̀ показа́вый въ концѣ́хъ, / ѡ҆свѧща́етъ то́й вѣ́рнѡ покланѧ́ющихсѧ и҆ взыва́ющихъ: / хрⷭ҇то́въ премꙋ́дрый крⷭ҇ти́телю, спасѝ всѣ́хъ на́съ."
+ },
+ {
+  "type": "TEXT",
+  "value": "І҆́косъ: Ѿ землѝ ꙗ҆́коже и҆сто́чникъ ра́йскїй, / глава̀ бг҃олюби́ваѧ прⷣте́чева стрꙋи̑ и҆спꙋща́етъ благода́ти, / и҆ чꙋде́съ то́ки подава́етъ всѣ̑мъ тре́бꙋющымъ: / пристꙋ́пимъ ᲂу҆̀бо всѝ, почерпе́мъ ᲂу҆се́рднѡ и҆сцѣле́нїй бжⷭ҇твенныѧ сеѧ̀ пото́ки: / напоѧ́етъ бо дꙋ́шы дарова̑нїи непреста́нными, и҆ потоплѧ́етъ тѣлє́сныѧ болѣ̑зни, / и҆ всѧ́къ недꙋ́гъ бл҃говре́меннѣ ѿе́млетъ. / сїю̀ ᲂу҆̀бо воспое́мъ любо́вїю, и҆ цѣлꙋ́емъ вѣ́рою, че́стнѡ ѡ҆блобыза́юще, / и҆ пѣ́сньми ꙗ҆́кѡ вѣнцы̑ сїю̀ вѣ́рнїи вѣнча́емъ, / пред̾ѡчи́стимъ на́шѧ сквє́рны мы́слєнныѧ, / и҆ бжⷭ҇твенными добродѣ́тельми ᲂу҆краси́мъ дꙋ́шы, и҆ вопїе́мъ тве́рдѡ: / хрⷭ҇то́въ премꙋ́дрый крⷭ҇ти́телю, спасѝ всѣ́хъ на́съ."
+ },
+ {
+  "type": "HEADER",
+  "value": "Пѣ́снь з҃."
+ },
+ {
+  "type": "HEADER",
+  "value": "І҆рмо́съ:"
+ },
+ {
+  "type": "TEXT",
+  "value": "Ѿ і҆ꙋде́и доше́дше ѻ҆́троцы / въ вавѷлѡ́нѣ и҆ногда̀, / вѣ́рою трⷪ҇ческою пла́мень пе́щный попра́ша, пою́ще: / ѻ҆ц҃є́въ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "С л҃нца сла́вы пресвѣ́тлый свѣ́щникъ бы́лъ є҆сѝ, прⷣте́че, / тмꙋ̀ ѿгонѧ́ѧ ле́сти, и҆ просвѣща́ѧ вѣ́рою зовꙋ́щихъ: / ѻ҆тє́цъ на́шихъ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "П ра́здникъ моле́бенъ честна́ѧ цр҃ковь се́й, прⷣте́че, свѣ́тлѡ соверша́етъ, / главꙋ̀ твою̀ чтꙋ́щи, и҆ ѻ҆бы́чнѡ зовꙋ́щи: / ѻ҆тє́цъ на́шихъ бж҃е, бл҃гослове́нъ є҆сѝ."
+ },
+ {
+  "type": "TEXT",
+  "value": "П ровозвѣсти́лъ є҆сѝ сло́ва стра́шное прише́ствїе бжⷭ҇твенными и҆гра̑нїи: / возвѣща́еши твоеѧ̀ главы̀ ѡ҆брѣ́тенїе, проро́че, / нело́жными ᲂу҆сты́ тѧ жела́ющемꙋ те́плѣ свѧщеннодѣ́йственномꙋ па́стырю."
+ },
+ {
+  "type": "TEXT",
+  "value": "Бг҃оро́диченъ: Дѣ́вство и҆ ржⷭ҇тво̀ па́че є҆стества̀ и҆ сло́ва въ тебѣ̀ стече́сѧ, / бг҃а бо воплоще́нна родила̀ є҆сѝ несказа́ннѡ, бцⷣе, / є҆мꙋ́же пое́мъ: ѻ҆тє́цъ на́шихъ бж҃е, бл҃гослове́нъ є҆сѝ."
+ },
+ {
+  "type": "HEADER",
+  "value": "Пѣ́снь и҃."
+ },
+ {
+  "type": "HEADER",
+  "value": "І҆рмо́съ:"
+ },
+ {
+  "type": "TEXT",
+  "value": "Седмери́цею пе́щь / халде́йскїй мꙋчи́тель / бг҃очести̑вымъ неи́стовнѡ разжжѐ, / си́лою же лꙋ́чшею сп҃се́ны сїѧ̑ ви́дѣвъ, / творцꙋ̀ и҆ и҆зба́вителю вопїѧ́ше: / ѻ҆́троцы бл҃гослови́те, / сщ҃е́нницы воспо́йте, / лю́дїе превозноси́те во всѧ̑ вѣ́ки."
+ },
+ {
+  "type": "TEXT",
+  "value": "К рⷭ҇ти́тель и҆ прⷣте́ча, земны́й а҆́гг҃лъ, беззако́нїѧ и҆звѣ́стный ᲂу҆кори́зникъ, / трⷪ҇цы ꙗ҆вле́нїе пре́жде ви́дѧй, тре́тїе ꙗ҆влѧ́етъ главꙋ̀ свою̀, всѣ̑мъ любо́вїю пою́щымъ: / свѧще́нницы благослови́те, лю́дїе превозноси́те хрⷭ҇та̀ во вѣ́ки."
+ },
+ {
+  "type": "TEXT",
+  "value": "С рѣта́етъ ᲂу҆се́рднѡ тебѐ ца́рь кротча́йшїй, вкꙋ́пѣ со хрⷭ҇толюби́выми людьмѝ, прехва́льне: / па́стырей же пе́рвѣйшїй, простира́етъ рꙋ́цѣ къ тебѣ̀, / и҆ своѝ прилага́ѧ пє́рси, и҆гра́етъ съ весе́лїемъ, и҆ вопїе́тъ благода́рнѡ: / лю́дїе, превозноси́те хрⷭ҇та̀ во вѣ́ки."
+ },
+ {
+  "type": "TEXT",
+  "value": "П а́че зла́та глава̀ твоѧ̀ просїѧ́вши, прⷣте́че, / сокро́виществованна въ сре́бренныхъ сосꙋ́дѣхъ, / ꙗ҆́кѡ бога́тство многоцѣ́нно, ца́рскомꙋ гра́дꙋ даде́сѧ. / тоѧ̀ дарова̑нїи богатѣ́ѧ бжⷭ҇твенными, ᲂу҆се́рднѡ пое́тъ: / свѧще́нницы, благослови́те, лю́дїе, превозноси́те хрⷭ҇та̀ во вѣ́ки."
+ },
+ {
+  "type": "TEXT",
+  "value": "Бг҃оро́диченъ: Во чре́вѣ носи́момꙋ, всѧ́чєскаѧ носѧ́щемꙋ, / бл҃же́нне і҆ѡа́нне, поклони́лсѧ є҆сѝ ра́дꙋѧсѧ, / во чре́вѣ кры́емь непло́днѣмъ, прехва́льне. / є҆го́же ро́ждшаѧ ѿ ст҃ы́ѧ дв҃ы, а҆́гнца бж҃їѧ проповѣ́даѧ, благоче́стнѡ возопи́лъ є҆сѝ: / лю́дїе, превозноси́те во всѧ̑ вѣ́ки."
+ },
+ {
+  "type": "HEADER",
+  "value": "Пѣ́снь ѳ҃."
+ },
+ {
+  "type": "HEADER",
+  "value": "І҆рмо́съ:"
+ },
+ {
+  "type": "TEXT",
+  "value": "Оу҆страши́сѧ всѧ́къ слꙋ́хъ / неизрече́нна бж҃їѧ снизхожде́нїѧ, / ꙗ҆́кѡ вы́шнїй во́лею сни́де да́же и҆ до пло́ти / ѿ дв҃и́ческагѡ чре́ва бы́въ человѣ́къ. / тѣ́мже пречи́стꙋю бцⷣꙋ вѣ́рнїи велича́емъ."
+ },
+ {
+  "type": "TEXT",
+  "value": "Н епло́дныѧ преподо́бенъ пло́дъ, въ рожде́нныхъ жена́ми превы́шшїй, / цр҃ѧ̀ хрⷭ҇та̀ во́инъ, вели́кїй прⷣте́ча, / проповѣ́давый а҆́гнца, мі́ра прегрѣшє́нїѧ взе́млющаго, / да восхва́литсѧ свѧще́нными пѣ́сньми."
+ },
+ {
+  "type": "TEXT",
+  "value": "Ч а́шꙋ и҆спо́лнивъ бога́тнѡ, / созыва́еши съ высо́кимъ проповѣ́данїемъ цр҃ковь хрⷭ҇то́вꙋ ѡ҆брѣ́тенїемъ главы̀, прⷣте́че: / прїиди́те, насы́титесѧ вопїѧ̀ кра́сныхъ, и҆̀хже ᲂу҆гото́вахъ, / и҆ возвели́чите сꙋ́щаго, человѣ́кѡмъ подае́маго."
+ },
+ {
+  "type": "TEXT",
+  "value": "Ц р҃ь тѧ̀, а҆́гг҃ле бж҃їй, а҆гг҃лоимени́тый въ своѐ црⷭ҇тво ра́дꙋѧсѧ прїе́млетъ, / сослꙋжа́щаго съ си́мъ добрѣ́йша пастыренача́льника благоче́стнѡ, / и҆ зва́нїемъ и҆ благода́тїю ᲂу҆краша́ема ꙗ҆́вѣ бг҃оно́снаго свѧще́нника, и҆ бг҃омꙋ́дреннаго."
+ },
+ {
+  "type": "TEXT",
+  "value": "Ѡ҆ блиста́лъ є҆сѝ бжⷭ҇твенное просвѣще́нїе, главы̀ твоеѧ̀ вхо́домъ, сла́вне, / и҆ ᲂу҆ѧсни́лъ є҆сѝ вѣ́рныхъ сердца̀, вопїю́щихъ тѝ: / сл҃нца незаходи́мый свѣти́льниче, всест҃ы́й прⷣте́че, / страсте́й мглы̀ на́съ, и҆ ве́сь гра́дъ, и҆ лю́ди и҆зба́ви."
+ },
+ {
+  "type": "TEXT",
+  "value": "Бг҃оро́диченъ: Пощади́ мѧ, сп҃се рожде́йсѧ, и҆ сохра́нь ро́ждшꙋю тѧ̀ нетлѣ́ннꙋ по ржⷭ҇твѣ̀, / є҆гда̀ сѧ́деши сꙋди́ти дѣлѡ́мъ мои̑мъ, беззакѡ́нїѧ пре́зри и҆ грѣхѝ моѧ̑, / ꙗ҆́кѡ безгрѣ́шенъ, и҆ ми́лостивъ бг҃ъ и҆ чл҃вѣколю́бецъ."
+ },
+ {
+  "type": "HEADER",
+  "value": "Свѣти́ленъ. Подо́бенъ: Посѣти́лъ ны̀:"
+ },
+ {
+  "type": "TEXT",
+  "value": "Н е терпѧ́ше на мно́зѣ кры́ти землѧ̀ главꙋ̀ твою̀ ꙗ҆́коже гла́съ вопїю́щагѡ: / ты̀ ѡ҆брѣ́тенїе є҆ѧ̀, ѻ҆́бразомъ нѣ́коимъ возвѣсти́лъ є҆сѝ, прⷣте́че і҆ѡа́нне, / въ ѻ҆́ньже тѧ̀ почита́емъ."
+ },
+ {
+  "type": "HEADER",
+  "value": "Сла́ва: Подо́бенъ: Со ᲂу҆ченикѝ:"
+ },
+ {
+  "type": "TEXT",
+  "value": "В о ѡ҆брѣ́тенїи, прⷣте́че, честны́ѧ твоеѧ̀ главы̀, / ца́рь хрⷭ҇толюби́вый мно́жае ра́довашесѧ, ꙗ҆́коже ѡ҆ свое́й ца́рской порфѵ́рѣ. / є҆гѡ́же возме́здїѧ побѣ́дами свы́ше ᲂу҆крѣплѧ́емь, и҆ на́съ соблюдѝ, / покры́й твои́ми моли́твами, крⷭ҇ти́телю прехва́льне і҆ѡа́нне, / свѣ́тлѡ пра́зднꙋющихъ, и҆ любо́вїю тѧ̀ чтꙋ́щихъ."
+ },
+ {
+  "type": "HEADER",
+  "value": "И҆ ны́нѣ, пра́здника, и҆лѝ бг҃оро́диченъ:"
+ },
+ {
+  "type": "TEXT",
+  "value": "Н а тѧ̀ съ бг҃омъ ᲂу҆пова́емъ, пречⷭ҇таѧ, / и҆зъ тебє̀ проше́дшемꙋ, сраспина́емїи хрⷭ҇тꙋ̀, / твои́ми къ немꙋ̀ мольба́ми, невре́дны до конца́ ны сохранѝ."
+ },
+ {
+  "type": "HEADER",
+  "value": "На хвали́техъ стїхи̑ры, на д҃. Гла́съ є҃. Подо́бенъ: Ра́дꙋйсѧ:"
+ },
+ {
+  "type": "TEXT",
+  "value": "Р а́дꙋйсѧ, свѧще́ннаѧ главо̀, и҆ свѣтоно́снаѧ, / и҆ а҆́гг҃лѡмъ говѣ́йнаѧ: / ꙗ҆́же мече́мъ ᲂу҆сѣ́чена дре́вле, / и҆ ѻ҆́стрыми ѡ҆бличе́ньми нечистоты̀ стꙋ́дъ посѣ́кшаѧ: / и҆сто́чникъ чꙋде́съ, вѣ̑рныѧ напаѧ́юща: / и҆ ꙗ҆́же сп҃сово спаси́тельное прише́ствїе возвѣсти́вшаѧ, / и҆ наи́тїе дх҃а дре́вле ᲂу҆ви́дѣвшаѧ, / къ семꙋ̀ все́льшаѧсѧ, / ве́тхой же и҆ но́вой хода́тайствовавшаѧ бл҃года́ти: / хрⷭ҇та̀ ᲂу҆молѝ, дꙋша́мъ на́шымъ дарова́ти ве́лїю ми́лость."
+ },
+ {
+  "type": "TEXT",
+  "value": "В ъ сосꙋ́дѣ скꙋде́льнѣ / сокрове́ннаѧ и҆ногда̀ прⷣте́чева глава̀ ꙗ҆ви́сѧ, / ѿ земны́хъ нѣ́дръ и҆зда́вшаѧсѧ ꙗ҆́вственнѣ, / и҆ чꙋде́съ стрꙋи̑ и҆сточа́ющаѧ. / и҆́бо въ вода́хъ главꙋ̀ ѡ҆мы̀, / превы́спрєннѧѧ ны́нѣ покрыва́ющагѡ вода́ми, / и҆ ѡ҆дождѧ́ющагѡ человѣ́кѡмъ бжⷭ҇твенное ѡ҆ставле́нїе. / сїю̀ ᲂу҆́бѡ ᲂу҆блажи́мъ вои́стиннꙋ пресла́внꙋ, / и҆ въ сеѧ̀ ѡ҆брѣ́тенїи ра́достнѡ пра́зднꙋемъ, / хрⷭ҇та̀ молѧ́ще, дарова́ти дꙋша́мъ на́шымъ ве́лїю ми́лость."
+ },
+ {
+  "type": "TEXT",
+  "value": "Г лава̀, ꙗ҆́же а҆́гнца бж҃їѧ воспроповѣ́давшаѧ / пло́тїю ꙗ҆́вльшагосѧ, / и҆ всѣ̑мъ покаѧ́нїѧ спаси́тєльныѧ пꙋтѝ / бж҃е́ственными за́повѣдьми и҆звѣсти́вшаѧ, / ꙗ҆́же пре́жде и҆́рѡдово законопрестꙋпле́нїе ѡ҆бличи́вшаѧ: / и҆ сегѡ̀ ра́ди ѿсѣ́чена ѿ тѣлесѐ, / и҆ на вре́мѧ под̾е́мшаѧ сокрове́нїе: / ꙗ҆́коже свѣтоѧвле́нное на́мъ возсїѧ̀ со́лнце, / пока́йтесѧ, вопїю́щаѧ, / и҆ ко хрⷭ҇тꙋ̀ ны́нѣ предложи́тесѧ во ᲂу҆миле́нїи дꙋше́внѣмъ, / подаю́щемꙋ мі́рови ве́лїю ми́лость."
+ },
+ {
+  "type": "TEXT",
+  "value": "Сла́ва, гла́съ ѕ҃: Всечестнꙋ́ю главꙋ̀ крⷭ҇ти́телѧ твоегѡ̀, гдⷭ҇и, / ꙗ҆́вльшꙋюсѧ дне́сь ѿ землѝ, / со гла́сомъ хвале́нїѧ прїе́мшїи вѣ́рнѡ / въ мольбꙋ̀, чл҃вѣколю́бче, / грѣ́шнїи рабѝ твоѝ приводѧ́ще мо́лимсѧ, / тоѧ̀ ра́ди ᲂу҆лꙋчи́ти въ де́нь сꙋда̀, ѿ тебє̀ / ѡ҆чище́нїе, и҆ ве́лїю ми́лость."
+ },
+ {
+  "type": "TEXT",
+  "value": "И҆ ны́нѣ, пра́здника, и҆лѝ бг҃оро́диченъ: А҆рха́гг҃льское сло́во прїѧ́ла є҆сѝ, / и҆ херꙋві́мскїй прⷭ҇то́лъ показа́ласѧ є҆сѝ, / и҆ на ѡ҆б̾ѧ́тїихъ твои́хъ носи́ла є҆сѝ бцⷣе, / наде́ждꙋ дꙋ́шъ на́шихъ."
+ },
+ {
+  "type": "TEXT",
+  "value": "Славосло́вїе вели́кое. По трист҃о́мъ тропа́рь прⷣте́чи. Сла́ва, и҆ ны́нѣ, пра́здника, и҆лѝ бг҃оро́диченъ: Є҆́же ѿ вѣ́ка: Є҆ктєнїѝ. И҆ ѿпꙋ́стъ."
+ },
+ {
+  "type": "HEADER",
+  "value": "На лїтꙋргі́и."
+ },
+ {
+  "type": "TEXT",
+  "value": "Блажє́нна ѿ канѡ́на прⷣте́чи, пѣ́снь г҃-ѧ на д҃: и҆ ѕ҃-ѧ на д҃."
+ },
+ {
+  "type": "HEADER",
+  "value": "Тропа́рь прⷣте́чи, гла́съ д҃:"
+ },
+ {
+  "type": "TEXT",
+  "value": "Ꙗ҆́ кѡ бж҃е́ственное сокро́вище, сокрове́нное въ землѝ, / хрⷭ҇то́съ ѿкры̀ главꙋ̀ твою̀ на́мъ, прⷪ҇ро́че и҆ прⷣте́че: / всѝ ᲂу҆̀бо соше́дшесѧ въ сеѧ̀ ѡ҆брѣ́тенїе, / пѣ́сньми бг҃оглаго́ливыми сп҃са воспои́мъ, / спаса́юща на́съ ѿ тлѣ́нїѧ моли́твами твои́ми."
+ },
+ {
+  "type": "HEADER",
+  "value": "Конда́къ прⷣте́чи, гла́съ ѕ҃. Подо́бенъ: Є҆́же ѡ҆ на́съ:"
+ },
+ {
+  "type": "TEXT",
+  "value": "С вѣтоѧвле́нный и҆ бжⷭ҇твенный въ мі́рѣ сто́лпъ, / сл҃нца свѣти́льникъ, / прⷣте́ча главꙋ̀ свѣтоно́снꙋю и҆ бжⷭ҇твеннꙋю свою̀ показа́вый въ концѣ́хъ, / ѡ҆свѧща́етъ то́й вѣ́рнѡ покланѧ́ющихсѧ и҆ взыва́ющихъ: / хрⷭ҇то́въ премꙋ́дрый крⷭ҇ти́телю, спасѝ всѣ́хъ на́съ."
+ },
+ {
+  "type": "HEADER",
+  "value": "Прокі́менъ, гла́съ з҃:"
+ },
+ {
+  "type": "TEXT",
+  "value": "В озвесели́тсѧ пра́ведникъ ѡ҆ гдⷭ҇ѣ / и҆ ᲂу҆пова́етъ на него̀. Сті́хъ: Оу҆слы́ши, бж҃е, гла́съ мо́й, внегда̀ моли́тимисѧ къ тебѣ̀."
+ },
+ {
+  "type": "HEADER",
+  "value": "А҆пⷭ҇лъ къ корі́нѳѧнѡмъ, зача́ло рѻ҃ѕ."
+ },
+ {
+  "type": "TEXT",
+  "value": "Б ра́тїе, бг҃ъ рекі́й и҆з̾ тмы̀ свѣ́тꙋ возсїѧ́ти, и҆́же возсїѧ̀ въ срⷣца́хъ на́шихъ, къ просвѣще́нїю ра́зꙋма сла́вы бж҃їѧ, ѡ҆ лицѣ̀ і҆и҃съ хрⷭ҇то́вѣ. и҆́мамы же сокро́вище сїѐ въ скꙋде́льныхъ сосꙋ́дѣхъ, да премно́жество си́лы бꙋ́детъ бж҃їѧ, а҆ не ѿ на́съ. во все́мъ скорбѧ́ще, но не стꙋжа́юще сѝ: не ча́еми, но не ѿчаѧва́еми: гони́ми, но не ѡ҆ставлѧ́еми: низлага́еми, но не погиба́юще. всегда̀ ме́ртвость гдⷭ҇а і҆и҃са въ тѣ́лѣ носѧ́ще, да и҆ живо́тъ і҆и҃совъ въ тѣ́лѣ на́шемъ ꙗ҆ви́тсѧ. при́снѡ бо мы̀ живі́и въ сме́рть предае́мсѧ і҆и҃са ра́ди, да и҆ живо́тъ і҆и҃совъ ꙗ҆ви́тсѧ въ ме́ртвеннѣй пло́ти на́шей. тѣ́мже сме́рть ᲂу҆́бѡ въ на́съ дѣ́йствꙋетъ, а҆ живо́тъ въ ва́съ. и҆мꙋ́ще же то́йже дх҃ъ вѣ́ры, по пи́санномꙋ: вѣ́ровахъ, тѣ́мже возглаго́лахъ, и҆ мы̀ вѣ́рꙋемъ, тѣ́мже и҆ глаго́лемъ: вѣ́дѧще, ꙗ҆́кѡ воздви́гїй гдⷭ҇а і҆и҃са, и҆ на́съ со і҆и҃сомъ воздви́гнетъ, и҆ предпоста́витъ съ ва́ми. всѧ̑ бо ва́съ ра́ди, да благода́ть ᲂу҆мно́жившаѧсѧ, мно́жайшими бл҃годаре́нїи и҆збы́точествитъ въ сла́вꙋ бж҃їю."
+ },
+ {
+  "type": "HEADER",
+  "value": "А҆ллилꙋ́їа, гла́съ є҃."
+ },
+ {
+  "type": "TEXT",
+  "value": "Сті́хъ: Свѣ́тъ возсїѧ̀ првⷣникꙋ, и҆ пра̑вымъ срⷣцемъ весе́лїе. Сті́хъ: И҆́стина ѿ землѝ возсїѧ̀, и҆ пра́вда съ нб҃сѐ прини́че."
+ },
+ {
+  "type": "HEADER",
+  "value": "Є҆ѵⷢ҇лїе ѿ матѳе́а, зача́ло м҃."
+ },
+ {
+  "type": "TEXT",
+  "value": "В о вре́мѧ ѻ҆́но, слы́шавъ і҆ѡа́ннъ во ᲂу҆зи́лищи дѣла̀ хрⷭ҇то́ва, посла̀ два̀ ѿ ᲂу҆ч҃ни̑къ свои́хъ, речѐ є҆мꙋ̀: ты́ ли є҆сѝ грѧды́й, и҆лѝ и҆но́гѡ ча́емъ; и҆ ѿвѣща́въ і҆и҃съ речѐ и҆̀мъ: ше́дша возвѣсти́та і҆ѡа́ннови, ꙗ҆̀же слы́шита и҆ ви́дита. слѣпі́и прозира́ютъ, и҆ хро́мїи хо́дѧтъ: прокаже́ннїи ѡ҆чища́ютсѧ, и҆ глꙋсі́и слы́шатъ: ме́ртвїи востаю́тъ, и҆ ни́щїи благовѣствꙋ́ютъ. и҆ блаже́нъ є҆́сть, и҆́же а҆́ще не соблазни́тсѧ ѡ҆ мнѣ̀. тѣ́ма же и҆сходѧ́щема, нача́тъ і҆и҃съ наро́дѡмъ глаго́лати ѡ҆ і҆ѡа́ннѣ: чесѡ̀ и҆зыдо́сте въ пꙋсты́ню ви́дѣти; тро́сть ли вѣ́тромъ коле́блемꙋ; но чесѡ̀ и҆зыдо́сте ви́дѣти; человѣ́ка ли въ мѧ́кки ри̑зы ѡ҆блече́нна; сѐ и҆̀же мѧ̑ккаѧ носѧ́щїи, въ домѣ́хъ црⷭ҇кихъ сꙋ́ть. но чесѡ̀ и҆зыдо́сте ви́дѣти; проро́ка ли; є҆́й глаго́лю ва́мъ, и҆ ли́шше проро́ка. се́й бо є҆́сть, ѡ҆ не́мже є҆́сть пи́сано: сѐ а҆́зъ посыла́ю а҆́гг҃ла моего̀ предъ лице́мъ твои́мъ, и҆́же ᲂу҆гото́витъ пꙋ́ть тво́й пред̾ тобо́ю. а҆ми́нь глаго́лю ва́мъ, не воста̀ въ рожде́нныхъ жена́ми бо́лїй і҆ѡа́нна крⷭ҇ти́телѧ: мні́й же во црⷭ҇твїи нбⷭ҇нѣмъ, бо́лїй є҆гѡ̀ є҆́сть. ѿ дне́й же і҆ѡа́нна крⷭ҇ти́телѧ досе́лѣ, црⷭ҇твїе нбⷭ҇ное нꙋ́дитсѧ, и҆ нꙋ́ждницы восхища́ютъ є҆̀. вси́ бо проро́цы и҆ зако́нъ до і҆ѡа́нна прореко́ша. и҆ а҆́ще хо́щете прїѧ́ти, то́й є҆́сть и҆лїа̀ хотѧ́й прїитѝ. и҆мѣ́ѧй ᲂу҆́ши слы́шати, да слы́шитъ."
+ },
+ {
+  "type": "HEADER",
+  "value": "Прича́стенъ:"
+ },
+ {
+  "type": "TEXT",
+  "value": "В ъ па́мѧть вѣ́чнꙋю бꙋ́детъ првⷣникъ: / ѿ слꙋ́ха ѕла̀ не ᲂу҆бои́тсѧ. / А҆ ллилꙋ́їа, три́жды."
+ }
+]