enrich ru lives with Chetyi-Minei texts and track static data
This commit is contained in:
catarrh committed
1 parent
69fd5b7460
commit
7dde2168d1
6512 files changed
+1448065
-5
No files matched your search
@@ -0,0 +1,910 @@
|
||||
[
|
||||
{
|
||||
"type": "HEADER",
|
||||
"value": "Гла́съ а҃. Пѧто́къ"
|
||||
},
|
||||
{
|
||||
"type": "HEADER",
|
||||
"value": "Въ четверто́къ ве́чера, на Гдⷭ҇и воззва́хъ, стїхи̑ры чⷭ҇тно́мꙋ, и҆ животворѧ́щемꙋ крⷭ҇тꙋ̀. Гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Прехва́льнїи мч҃нцы:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ пречⷭ҇тѣи рꙋ́цѣ твоѝ просте́рлъ є҆сѝ хрⷭ҇тѐ, ѿ тебѐ дале́че бы́вшыѧ призыва́ѧ, и҆ бли́зъ тебѐ ᲂу҆строѧ́ѧ. Тѣ́мже молю́сѧ тѝ: плѣне́на мѧ̀ бы́вша страстьмѝ соберѝ, и҆ покаѧ́нїе мѝ да́рꙋй, всѧ́кꙋ скве́рнꙋ страстнꙋ́ю ѡ҆чища́ющее."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Дла̑ни пречⷭ҇тыѧ твоѧ̑ хрⷭ҇тѐ, на дре́вѣ возне́слъ, и҆ твоѧ̑ пе́рсты ѡ҆кровави́лъ є҆сѝ, хотѧ̀ и҆зба́вити бж҃е́ственныхъ рꙋ́къ твои́хъ дѣ́ло, чл҃вѣколю́бче а҆да́ма, престꙋпле́нїемъ держи́ма въ црⷭ҇твїихъ сме́ртныхъ: є҆го́же воздви́глъ є҆сѝ вла́стїю твое́ю всеси́льне."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Претерпѣ́лъ є҆сѝ пострада́ти на́съ ра́ди сп҃се, и҆́же є҆стество́мъ непрело́женъ, и҆ безстра́стный бж҃ество́мъ, распина́ешисѧ безнача́льне со ѕлодѣ́и, ты̀ безгрѣ́шне хрⷭ҇тѐ: и҆ со́лнце не терпѧ̀ дерзнове́нїѧ помрачи́сѧ, и҆ землѧ̀ всѧ̀ трѧса́шесѧ, творца́ тѧ мі́рꙋ позна́вши."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры крⷭ҇тобг҃оро́дичны, гла́съ и҆ подо́бенъ то́йже"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе: и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Дв҃а нескве́рнаѧ и҆ногда̀ на дре́вѣ ви́дѧщи, є҆го́же и҆з̾ безсѣ́менна родѝ чре́ва, не терпѧ́щи ᲂу҆тро́бы ᲂу҆ѧзвле́нїѧ, власы̀ терза́ющи глаго́лаше: и҆́же манове́нїемъ содержа́й тва́рь всю̀, ка́кѡ на крⷭ҇тъ воздви́глсѧ є҆сѝ ꙗ҆́кѡ ѡ҆сꙋжде́нъ, всѧ́кѡ хотѧ̀ сп҃стѝ чл҃вѣ́чество;"
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "HEADER",
|
||||
"value": "И҆ па́ки глаго́ли тꙋ́же стїхи́рꙋ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Ѽ ча́до неизрече́нное ѻ҆ц҃а̀ пребезнача́льна, глаго́лаше пречⷭ҇таѧ, на крⷭ҇тѣ̀ взира́ющи моѐ рожде́нїе, ка́кѡ не ᲂу҆разꙋмѣ́ю, за ка̑ѧ тебѣ̀ сїѧ̑ возда́ша безбл҃года́тнїи лю́дїе; но во є҆́же прише́лъ є҆сѝ сп҃стѝ твоѐ созда́нїе, всѧ̑ терпи́ши долготерпѣли́внѣ, бл҃гоꙋтро́бне."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Вкꙋше́нїе дре́внее а҆да́мово го́рькое, вкꙋси́вый же́лчи и҆ ѻ҆́цта, ᲂу҆слади́лъ є҆сѝ ча́до сладча́йшее, возне́ссѧ на дре́вѣ: тѣ́мже мѧ̀ ꙗ҆́кѡ сꙋдїѧ̀ пра́ведный, враче́бною стра́стїю твое́ю ᲂу҆сладѝ влⷣко, воскре́съ ꙗ҆́кѡ всеси́ленъ, дв҃а глаго́лаше слезѧ́щи."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ."
|
||||
},
|
||||
{
|
||||
"type": "TEXT",
|
||||
"value": "Та́же, Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ воздрꙋзи́сѧ на ло́бнѣмъ, и҆ процвѣтѐ на́мъ безсме́ртїе ѿ и҆сто́чника приснотекꙋ́щагѡ, ребра̀ сп҃сова."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ, сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Неразрꙋше́на стѣна̀ на́мъ є҆́сть чⷭ҇тны́й крⷭ҇тъ сп҃совъ, на него́ бо надѣ́ющесѧ сп҃са́емсѧ всѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ: ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ, наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мл҃твами гдⷭ҇и всѣ́хъ ст҃ы́хъ, и҆ бцⷣы, тво́й ми́ръ да́ждь на́мъ, и҆ поми́лꙋй на́съ ꙗ҆́кѡ є҆ди́нъ ще́дръ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бцⷣъ: Заколе́нїе твоѐ непра́ведное хрⷭ҇тѐ, дв҃а зрѧ́щи, пла́чꙋщи вопїѧ́ше тѝ: ча́до сладча́йшее, ка́кѡ без̾ пра́вды стра́ждеши; и҆ ка́кѡ на дре́вѣ ви́сиши, и҆́же всю̀ зе́млю повѣ́сивый на вода́хъ; не ѡ҆ста́ви менѐ є҆ди́нꙋ, бл҃годѣ́телю многомлⷭ҇тиве, мт҃рь и҆ рабꙋ̀ твою̀, молю́сѧ."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши: Трист҃о́е, И҆ по Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь ст҃о́мꙋ, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ на повече́рїи, канѡ́нъ прест҃ѣ́й бцⷣѣ. Гла́съ а҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Го́рькїѧ рабо́ты и҆зба́вльсѧ і҆и҃ль, непроходи́мое про́йде ꙗ҆́кѡ сꙋ́шꙋ, врага̀ зрѧ̀ потоплѧ́ема, пѣ́снь ꙗ҆́кѡ бл҃годѣ́телю пое́тъ бг҃ꙋ, чꙋдодѣ́ющемꙋ мы́шцею высо́кою, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Во ѿча́ѧнїи ѡ҆держи́мь є҆́смь, мно́жество помышлѧ́ю прегрѣше́нїй мои́хъ, и҆ сꙋдїѝ ѿвѣ́тъ, влⷣчце бцⷣе: но ты́ ми бꙋ́ди бж҃е́ственнаѧ хода́таица, премѣнѧ́ющи є҆го̀ милосе́рдїемъ твои́мъ."
|
||||
},
|
||||
{
|
||||
"type": "TEXT",
|
||||
"value": "Хрїстїа́нское прибѣ́жище, па́дающихъ и҆справле́нїе, пречи́стаѧ, согрѣша́ющихъ ѡ҆чище́нїе, и҆зба́ви мѧ̀ прѝ стра́шныѧ, и҆ ѻ҆гнѧ̀ негаси́магѡ, жи́знь вѣ́чнꙋю подаю́щи мѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Тебѐ дв҃о є҆ди́нꙋ всѝ вѣ́рнїи стѧжа́хомъ застꙋ́пницꙋ тве́рдꙋ, ты́ бо бг҃а родила̀ є҆сѝ. Тѣ́мже хвала́ми всѝ чи́стаѧ тѧ̀ ᲂу҆блажа́емъ, ро́ди всѝ земні́и по глаго́лꙋ твоемꙋ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: На крⷭ҇тѣ̀ ви́дѣвши чи́стаѧ зижди́телѧ и҆ сн҃а твоего̀ всенепоро́чнаѧ, ᲂу҆́жаса и҆спо́лншисѧ глаго́лаше: что̀ сїѐ ча́до ꙗ҆́кѡ ѕлочести́вїи возда́ша тѝ ѕла̑ѧ воз̾ блага̑ѧ, ꙗ҆̀же ꙗ҆ви́лъ є҆сѝ и҆̀мъ;"
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пре́жде вѣ̑къ ѿ ѻ҆ц҃а̀ рожде́нномꙋ нетлѣ́ннѡ сн҃ꙋ, и҆ въ послѣ̑днѧѧ ѿ дв҃ы воплоще́нномꙋ безсѣ́меннѡ хрⷭ҇тꙋ̀ бг҃ꙋ возопїи́мъ: вознесы́й ро́гъ на́шъ, ст҃ъ є҆сѝ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Всѝ прⷪ҇ро́цы тѧ̀ мт҃рь бж҃їю проповѣ́дахꙋ ѡ҆́бразы пресла́вными: мы̀ сбытїѐ ꙗ҆́снѡ ви́дѧще вѣ́рꙋемъ, и҆ про́симъ ᲂу҆лꙋчи́ти тобо́ю бж҃е́ственныѧ ти́хости."
|
||||
},
|
||||
{
|
||||
"type": "TEXT",
|
||||
"value": "Влⷣчце мі́ра, сп҃се́нїе вѣ́рныхъ и҆ застꙋпле́нїе, ꙗ҆̀же и҆з̾ глꙋбины̀ се́рдца воздыха̑нїѧ моѧ̑, воспꙋща́єма чⷭ҇таѧ, и҆ сле́зъ то́ки прїе́мши, свѧ́заннаго прегрѣше́нїи мно́гими и҆зба́ви и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆мꙋ́щи ꙗ҆́кѡ мт҃и дерзнове́нїе чⷭ҇таѧ, ко хрⷭ҇тꙋ̀ бг҃ꙋ, ѿ а҆га́рѧнскихъ ча́дъ и҆зба́витисѧ на́мъ молѝ при́снѡ, и҆ ѿ всѧ́кагѡ вре́да, и҆ бл҃года́рнѡ сла́вити є҆го̀, пренепоро́чнаѧ, ᲂу҆твердѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: На крⷭ҇тѣ̀ вознесе́на сн҃а своего̀ зрѧ́щи пречⷭ҇таѧ, восклица́ше, и҆ въ болѣ́зни се́рдца возглаша́ше вопїю́щи. Сн҃е, что́ ти содѣ́ѧша насы́щшїисѧ твои́хъ дарѡ́въ ѕлочести́вїи и҆ беззако́ннїи;"
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Же́злъ и҆з̾ ко́рене і҆ессе́ова, и҆ цвѣ́тъ ѿ негѡ̀ хрⷭ҇тѐ ѿ дв҃ы прозѧ́блъ є҆сѝ, и҆з̾ горы̀ хва́льный, прїѡсѣне́нныѧ ча́щи, прише́лъ є҆сѝ вопло́щьсѧ ѿ неискꙋсомꙋ́жныѧ невеще́ственный и҆ бж҃е, сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Низложѝ сꙋровство̀ лꙋка́выхъ вра̑гъ, и҆ кова̑рства ꙗ҆̀же приноси̑маѧ на мѧ̀: и҆ ѡ҆блецы́ мѧ твое́ю крѣ́постїю, всенепоро́чнаѧ, невреди́ма при́снѡ соблюда́ющи, цѣ́ла и҆ непоколеби́ма, свѣ́тлѡ тѧ̀ воспѣва́ющаго."
|
||||
},
|
||||
{
|
||||
"type": "TEXT",
|
||||
"value": "Побѣжде́нъ зако́номъ пло́ти, безмѣ̑стнаѧ дѣ́лаю беззакѡ́нїѧ всестра́стный, и҆ всѧ́чески не смѣ́ю возвестѝ ѻ҆́ко моѐ влⷣчце чⷭ҇таѧ, къ тебѣ̀: но ты̀ зако́номъ млⷭ҇рдїѧ твоегѡ̀ сп҃си́ мѧ ѻ҆каѧ́ннаго, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Є҆ди́нꙋ тѧ̀ вѣ́рнїи съ бг҃омъ, ᲂу҆пова́нїе непосты́дно и҆ застꙋпле́нїе и҆́мамы влⷣчце: твои́ми мл҃твами и҆зба́ви на́съ ѿ всѧ́кихъ вра̑гъ: ви́димыхъ и҆ неви́димыхъ, вре́да и҆ и҆скꙋше́нїй, да тѧ̀ непреста́ннѡ сла́вимъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Без̾ сѣ́мене є҆го́же родила̀ є҆сѝ сн҃а, зрѧ́щи всенепоро́чнаѧ на крⷭ҇тѣ̀ пригвожде́на, восклица́ше мт҃рски, и҆ рыда́ющи глаго́лаше: что̀ є҆́же на тебѣ̀ сн҃е мо́й, ви́жꙋ но́вое и҆ пресла́вное, и҆ недовѣ́домое чꙋ́до;"
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃ъ сы́й ми́ра, ѻ҆ц҃ъ щедро́тъ, вели́кагѡ совѣ́та твоегѡ̀ а҆́гг҃ла, ми́ръ подава́юща посла́лъ є҆сѝ на́мъ. Тѣ́мъ бг҃оразꙋ́мїѧ къ свѣ́тꙋ наста́вльшесѧ, ѿ но́щи ᲂу҆́тренююще славосло́вимъ тѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Мл҃твꙋ неꙋсы́пнꙋ и҆мꙋ́щи, и҆ те́плое застꙋпле́нїе ѡ҆ рабѣ́хъ твои́хъ, во всѧ́кихъ напа́ствꙋемыхъ житїѧ̀ бѣда́хъ предвари́вши дв҃о, и҆схитѝ, и҆ сп҃сѝ, да не печа́лїю поже́рты бꙋ́демъ и҆ и҆стлѣ́емъ."
|
||||
},
|
||||
{
|
||||
"type": "TEXT",
|
||||
"value": "Мр҃і́е бж҃їе жили́ще, менѐ жили́ще бы́вша лꙋка́выхъ дꙋхѡ́въ дѣ́лы скве́рными, и҆ си́хъ и҆сполнѧ́ющаго во́лю безꙋ́мнѡ, покаѧ́нїемъ ꙗ҆вѝ бг҃ꙋ жили́ще."
|
||||
},
|
||||
{
|
||||
"type": "TEXT",
|
||||
"value": "Сла́ва: Болѧ́щыѧ ны̀ лю́тѣ дꙋше́ю вкꙋ́пѣ и҆ тѣ́ломъ, страстьмѝ грѣхо́вными, и҆сцѣлѝ ꙗ҆́кѡ млⷭ҇рдаѧ и҆ бг҃а мт҃и: ты́ бо вели́кагѡ вои́стиннꙋ дꙋша́мъ же и҆ тѣ́лѡмъ врача̀ родила̀ є҆сѝ хрⷭ҇та̀, неѡскꙋ́дный и҆сто́чникъ жи́зни."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: На дре́вѣ крⷭ҇тнѣмъ зрѧ́щи сн҃а, разлива́шесѧ ᲂу҆тро́бою, и҆ со слеза́ми взыва́ше пренепоро́чнаѧ: ᲂу҆жаса́юсѧ твоегѡ̀ долготерпѣ́нїѧ сн҃е мо́й, но́вое ви́дѧщи чꙋ́до: ка́кѡ безгрѣ́шенъ сы́й непра́веднꙋю терпи́ши сме́рть;"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆з̾ ᲂу҆тро́бы і҆ѡ́нꙋ млⷣнца и҆зблева̀ морскі́й ѕвѣ́рь, ꙗ҆кова̀ прїѧ́тъ: въ дв҃ꙋ же все́льшеесѧ сло́во, и҆ пло́ть прїе́мшее про́йде сохра́ншее нетлѣ́ннꙋ: є҆го́же бо не пострада̀ и҆стлѣ́нїѧ, ро́ждшꙋю сохранѝ неврежде́ннꙋ."
|
||||
},
|
||||
{
|
||||
"type": "TEXT",
|
||||
"value": "Мѵ́ра мы́сленнагѡ прїѧ́телище была̀ є҆сѝ, всю̀ зе́млю ѡ҆бл҃гоꙋха́вшагѡ бж҃ества̀ бл҃ги́ми вонѧ́ми, прест҃а́ѧ бг҃оневѣ́сто. Тѣ́мже бл҃гоꙋха́нїемъ мл҃твы твоеѧ̀ всѧ́кое ѕлосмра́дїе потребѝ ѿ дꙋшѝ мои́хъ прегрѣше́нїй."
|
||||
},
|
||||
{
|
||||
"type": "TEXT",
|
||||
"value": "Ѻ҆́гнь сласте́й ѕѣлѡ̀ ѡ҆палѧ́етъ мѧ̀, и҆ ѡ҆скорблѧ́етъ смире́нное моѐ се́рдце, и҆ къ безмѣ́стномꙋ дѣ́ланїю совокꙋплѧ́етъ мѧ̀ беззако́ннѡ. Потщи́сѧ се́й ᲂу҆гаси́ти, ꙗ҆́же ѻ҆́гнь бж҃е́ственный ро́ждшаѧ, сп҃се́нїе моѐ бг҃оневѣ́стнаѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆зба́ви на́съ дв҃о всепѣ́таѧ, ѿ напа́стей вра̑гъ ви́димыхъ и҆ неви́димыхъ, и҆ соблюдѝ мт҃и бж҃їѧ правосла́вною вѣ́рою вои́стиннꙋ бцⷣꙋ тѧ̀ и҆сповѣ́дающихъ: и҆́маши бо при́снѡ мо́щь, ꙗ҆́кѡ ро́ждши созда́вшаго всѧ́чєскаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: При крⷭ҇тѣ̀ стоѧ́щи, и҆ ви́дѧщи своего̀ сн҃а, пло́тїю ви́сима пренепоро́чнаѧ, распала́ше печа́лїю ᲂу҆тро́бꙋ свою̀, и҆ слеза́ми ѡ҆блива́ющи взыва́ше: ча́до, вои́стиннꙋ неизглаго́ланно на всѧ̑ человѣ́ки твоѐ бл҃гоꙋтро́бїе."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гро́бъ тво́й:"
|
||||
},
|
||||
{
|
||||
"type": "TEXT",
|
||||
"value": "Нескве́рнаѧ а҆́гница, а҆́гнца и҆ па́стырѧ ви́сѧща ме́ртва на дре́вѣ зрѧ́щи, рыда́ющи вѣща́ше, мт҃рски восклица́ющи: ка́кѡ претерплю̀ твоѐ, є҆́же па́че сло́ва сн҃е мо́й, сни́тїе и҆ во́льныѧ стра́сти, бж҃е пребл҃гі́й;"
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы бл҃гоче́стїю совоспита́ни, ѕлочести́вагѡ велѣ́нїѧ небре́гше, ѻ҆́гненнагѡ преще́нїѧ не ᲂу҆боѧ́шасѧ, но посредѝ пла́мене стоѧ́ще поѧ́хꙋ: ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Не терплю̀ бѣсо́вскагѡ прило́га и҆ молвы̀, помрача́етъ бо мѝ ᲂу҆́мъ пла́мень сласте́й плотски́хъ: но не пре́зри менѐ, ст҃а́ѧ бцⷣе, ᲂу҆пова́нїе моѐ на тѧ̀ возложи́вшагѡ."
|
||||
},
|
||||
{
|
||||
"type": "TEXT",
|
||||
"value": "Безневѣ́стнаѧ дв҃о, всест҃а́ѧ бг҃оневѣ́сто влⷣчце, прегрѣше́нїй мои́хъ плени̑цы разрѣшѝ мл҃твами твои́ми, и҆ сою́зъ любвѐ хрⷭ҇то́вы присовокꙋпѝ, добродѣ́тельныѧ плоды̀ принести́ ми."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́же всѣ̑мъ сꙋ́щымъ въ мі́рѣ, застꙋ́пница є҆сѝ и҆ стѣна̀ хрⷭ҇тїа́нѡмъ, и҆ прибѣ́жище непосты́дно чⷭ҇таѧ мр҃і́е тѣ́мже вѣ́рою тѧ̀ чтꙋ́ще вопїе́мъ хрⷭ҇тꙋ̀: ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Прест҃а́ѧ дв҃а зрѧ́щи сн҃а своего̀ ви́сима на крⷭ҇тѣ̀, ᲂу҆жа́снѡ дивлѧ́шесѧ, и҆ глаго́лаше: ка́кѡ претерплю̀ ᲂу҆мерщвле́на ви́дѧщи тѧ̀ нача́льника жи́зни, и҆ жизнода́вца."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Чꙋ́да преесте́ственнагѡ показа̀ ѡ҆́бразъ, ѻ҆гнеро́снаѧ пе́щь дре́вле: ѻ҆́гнь бо не ѡ҆палѝ ю҆́ныѧ дѣ́ти, хрⷭ҇то́во ꙗ҆влѧ́ѧ безсѣ́менное ѿ дв҃ы бж҃е́ственное ржⷭ҇тво̀. Тѣ́мъ воспѣва́юще воспои́мъ: да бл҃гослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Влⷣчце мі́ра бцⷣе, во глꙋбинѣ̀ ѕѡ́лъ поги́бели менѐ погрꙋже́ннаго ѕлоꙋ́мнѣ сластьмѝ плотски́ми, и҆ пристра́стїемъ вещьмѝ житїѧ̀, возведѝ є҆ди́на млⷭ҇рдїемъ твои́мъ. Не и҆́мамъ бо наде́жды сп҃се́нїѧ ѿню́дъ: ве́сь бо є҆́смь, чⷭ҇таѧ, во ѿча́ѧнїи."
|
||||
},
|
||||
{
|
||||
"type": "TEXT",
|
||||
"value": "Ты̀ є҆сѝ сп҃се́нїе всѣ́хъ человѣ́кѡвъ, ꙗ҆́же бг҃а ро́ждши неизрече́ннымъ ѡ҆́бразомъ: ты̀ вѣ́рныхъ сп҃си́тельница бцⷣе, и҆ слѣпы́хъ наста́вница, и҆ па́дающихъ и҆справле́нїе. Тѣ́мже тѧ̀ восхвалѧ́юще хрⷭ҇тꙋ̀ зове́мъ: бл҃гослови́те всѧ̑ дѣла̀ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Стѣ́нꙋ претве́рдꙋ тѧ̀ стѧжа́вше, сп҃се́нїѧ на́шегѡ наде́ждꙋ на тѧ̀ возложи́хомъ, бг҃ома́ти. Но ты̀ бꙋ́ди рабѡ́мъ твои̑мъ приста́нище, и҆ стѣна̀ неѡбори́ма, и҆ ко є҆́же вопи́ти непреста́ннѡ напра́ви: да бл҃гослови́тъ тва́рь всѧ́каѧ гдⷭ҇а, и҆ превозно́ситъ є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆тро́бою ма́терски растерза́ема, и҆ слеза́ми мно́гими и҆сполнѧ́ема, ꙗ҆́же чи́стѡ ро́ждшаѧ тѧ̀ зрѧ́щи на крⷭ҇тѣ̀, стена́ньми неꙋтѣ́шными взыва́ше: болѣ́зни и҆збѣ́гши въ ржⷭ҇твѣ̀ твое́мъ сн҃е мо́й, болѣ́знїю ны́нѣ ѡ҆держи́ма є҆́смь, ви́дѧщи зра́къ тво́й безче́стенъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неизглаго́ланное дв҃ы та́инство: нб҃о бо сїѧ̀, и҆ престо́лъ херꙋві́мскїй, и҆ свѣтоно́сный черто́гъ показа́сѧ, хрⷭ҇та̀ бг҃а вседержи́телѧ, сїю̀ бл҃гоче́стнѡ ꙗ҆́кѡ бцⷣꙋ велича́емъ."
|
||||
},
|
||||
{
|
||||
"type": "TEXT",
|
||||
"value": "Ѡ҆калѧ́хъ безче́стїѧ страстьмѝ дꙋ́шꙋ мою̀ ѻ҆каѧ́нный, всю́ же дꙋшетлѣ́нными страстьмѝ ѡ҆скверни́хъ пло́ть: но ꙗ҆́кѡ чⷭ҇таѧ же и҆ нескве́рнаѧ, ты́ мѧ ѡ҆чи́сти мно́жествомъ млⷭ҇ти твоеѧ̀."
|
||||
},
|
||||
{
|
||||
"type": "TEXT",
|
||||
"value": "Не стѧжа́хъ ра́звѣ тебѐ чⷭ҇таѧ прибѣ́жища, не зна́ю влⷣчце, и҆́ны на землѝ застꙋ́пницы тве́рдыѧ и҆ покро́ва: тѣ́мже къ тебѣ̀ те́плѣ притеко́хъ, просѧ̀ тобо́ю прїѧ́ти согрѣше́нїй и҆збавле́нїе."
|
||||
},
|
||||
{
|
||||
"type": "TEXT",
|
||||
"value": "Сла́ва: Всепѣ́таѧ, твоѧ̑ рабы̑ ны́нѣ млⷭ҇тивнѡ зри́ши свы́ше, вѣ́рою бл҃гоче́стною соблюда́ющи, и҆ твои́ми моли́твами всѧ́ческихъ и҆збавлѧ́ющи на́съ ѡ҆бстоѧ́нїй, и҆́стиннꙋю тѧ̀ чтꙋ́щихъ бцⷣꙋ чⷭ҇тꙋю."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́же безсѣ́менное рожде́нїе позна́вшаѧ, тѧ̀ чл҃вѣколю́бче на дре́вѣ крⷭ҇тнѣмъ повѣ́шена ꙗ҆́кѡ ви́дѣ, вопїѧ́ше: сн҃е и҆ бж҃е мо́й всеси́льне, человѣ́ки сп҃стѝ хотѧ́й, ка́кѡ прїѧ́лъ є҆сѝ ны́нѣ распѧ́тїе;"
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ. Трист҃о́е. И҆ по Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ, и҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ пѧто́къ ᲂу҆́тра, по а҃-мъ стїхосло́вїи сѣда́льны крⷭ҇тны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Распе́ншꙋсѧ тѝ хрⷭ҇тѐ, поги́бе мꙋчи́тельство, и҆ попра́на бы́сть си́ла вра́жїѧ: ни а҆́гг҃лъ бо, ни человѣ́къ, но ты̀ са́мъ гдⷭ҇и сп҃слъ є҆сѝ на́съ, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть."
|
||||
},
|
||||
{
|
||||
"type": "TEXT",
|
||||
"value": "Крⷭ҇та̀ твоегѡ̀ дре́вꙋ покланѧ́емсѧ чл҃вѣколю́бче, ꙗ҆́кѡ на то́мъ пригвозди́лсѧ є҆сѝ животѐ всѣ́хъ: ра́й ѿве́рзлъ є҆сѝ сп҃се, вѣ́рою прише́дшемꙋ къ тебѣ̀ разбо́йникꙋ, и҆ пи́щи сподо́билъ є҆сѝ и҆сповѣ́дꙋющаго тѧ̀: помѧни́ мѧ гдⷭ҇и. Прїимѝ ꙗ҆́коже ѻ҆́наго, и҆ на́съ вопїю́щихъ тебѣ̀: согрѣши́хомъ всѝ, млⷭ҇рдїемъ твои́мъ не пре́зри на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Нескве́рнаѧ а҆́гница, а҆́гнца и҆ па́стырѧ повѣ́шена на дре́вѣ ме́ртва зрѧ́щи, пла́чꙋщи вѣща́ше, мт҃рски восклица́ющи: ка́кѡ претерплю̀ твоѐ, є҆́же па́че сло́ва сн҃е мо́й сни́тїе, и҆ вѡ́льныѧ стрⷭ҇ти, бж҃е пребл҃гі́й;"
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны крⷭ҇тны, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Ѻ҆рꙋ́жїе крⷭ҇тное во бране́хъ ꙗ҆ви́сѧ и҆ногда̀ бл҃гочести́вомꙋ царю̀ кѡнстанті́нꙋ, непобѣди́маѧ побѣ́да на врагѝ, вѣ́ры ра́ди, сегѡ̀ трепе́щꙋтъ сопроти̑вныѧ си̑лы, сїѐ бы́сть вѣ̑рнымъ сп҃се́нїе, и҆ па́ѵлꙋ похвала̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла сп҃се́нїе посредѣ̀ землѝ."
|
||||
},
|
||||
{
|
||||
"type": "TEXT",
|
||||
"value": "И҆́же дре́вле а҆да́ма ѿ пе́рсти созда́вый, бре́нною рꙋко́ю заꙋше́нъ бы́въ ще́дре, и҆ распѧ́тїе претерпѣ́лъ є҆сѝ, порꙋга̑нїѧ же и҆ ра̑ны. Ѽ чꙋдесѐ! Ѽ мно́гагѡ долготерпѣ́нїѧ твоегѡ̀! Сла́ва гдⷭ҇и живонѡ́снымъ твои̑мъ стрⷭ҇те́мъ, и҆́миже на́съ сп҃слъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Страда́нїѧ похвало́ю, и҆ вѣне́чною по́честїю, сла́внїи стрⷭ҇тоте́рпцы, ѡ҆дѣ́ѧвшесѧ тобо́ю гдⷭ҇и, терпѣ́нїемъ ᲂу҆́бѡ ра́нъ беззако́нныхъ побѣди́ша, и҆ си́лою бж҃е́ственною ѿ нб҃съ побѣ́дꙋ прїѧ́ша. Тѣ́хъ мл҃твами и҆ на́съ свободѝ ѿ неви́димагѡ врага̀ сп҃се, и҆ сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Зрѧ́щи тѧ̀ хрⷭ҇тѐ, всенепоро́чнаѧ мт҃и, ме́ртва на крⷭ҇тѣ̀ просте́рта, вопїѧ́ше: сн҃е мо́й собезнача́льне ѻ҆ц҃ꙋ̀ и҆ дх҃ꙋ, что̀ неизрече́нное твоѐ сїѐ смотре́нїе, и҆́мже сп҃слъ є҆сѝ ще́дре, пречⷭ҇тꙋю рꙋкꙋ̀ твоє́ю созда́нїе;"
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́льны крⷭ҇тны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "На дре́вѣ тѧ̀ сло́ве крⷭ҇тнѣмъ, сл҃нца сла́вы і҆и҃се, за млⷭ҇рдїе млⷭ҇ти, повѣ́шена пло́тїю во́лею, ꙗ҆́кѡ ви́дѣ сл҃нце, не терпѧ́щи дерзнове́нїѧ, помрачи́сѧ. Тѣ́мже ѡ҆мраче́ннꙋю мою̀ дꙋ́шꙋ просвѣтѝ неприкоснове́ннымъ свѣ́томъ твои́мъ, и҆ сп҃си́ мѧ, молю́сѧ."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ пригвозди́лсѧ є҆сѝ во́лею ще́дре, ѡ҆божи́лъ є҆сѝ и҆стлѣ́вшее на́ше сꙋщество̀, и҆ человѣкоꙋбі́йцꙋ ѕмі́ѧ ᲂу҆мертви́лъ є҆сѝ. Но ᲂу҆твердѝ правосла́вїе въ ми́рѣ, и҆ низложѝ є҆реті́чествꙋющихъ воста̑нїѧ, чⷭ҇тны́мъ крⷭ҇то́мъ твои́мъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: И҆̀же твоѐ застꙋпле́нїе стѧжа́вше пречⷭ҇таѧ, и҆ твои́ми мл҃твами ѿ бѣ́дъ и҆збавлѧ́емсѧ: крⷭ҇то́мъ бо сн҃а твоегѡ̀ всегда̀ храни́ми вездѣ̀, по до́лгꙋ тѧ̀ всѝ бл҃гоче́стнѡ велича́емъ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀, гла́съ а҃, творе́нїе гдⷭ҇и́на і҆ѡ́сифа, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Стра́сть чⷭ҇тнꙋ́ю хвалю̀ влⷣчню."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Помо́гшемꙋ бг҃ꙋ во є҆гѵ́птѣ мѡѷсе́ови, и҆ тѣ́мъ фараѡ́на со всево́инствомъ погрꙋзи́вшемꙋ, побѣ́днꙋю пѣ́снь пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Стрⷭ҇ти претерпѣ́въ на́съ ра́ди, и҆́же є҆стество́мъ безстра́стенъ, и҆ ра́спѧтъ бы́въ съ разбо́йникома, началоѕло́бнаго ѕмі́ѧ ᲂу҆мертви́лъ є҆сѝ сло́ве, и҆ сп҃слъ є҆сѝ покланѧ́ющыѧсѧ тебѣ̀."
|
||||
},
|
||||
{
|
||||
"type": "TEXT",
|
||||
"value": "Восто́къ восто́кѡвъ сы́й, къ за́падѡмъ ѿринове́номꙋ є҆стествꙋ̀ на́шемꙋ і҆и҃се прише́лъ є҆сѝ: тебе́ же сл҃нца зрѧ̀ распина́ема, свѣ́тъ сво́й сокры̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сме́ртїю вре́менною жи́знь вѣ́чнꙋю премѣни́вше до́брѣ страда́льцы сла́внїи, црⷭ҇твїѧ нбⷭ҇нагѡ сподо́бистесѧ: сегѡ̀ ра́ди прославлѧ́етесѧ, и҆ бл҃жи́ми є҆стѐ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆̀же стрⷭ҇те́мъ хрⷭ҇тѡ́вымъ ᲂу҆подо́бльшесѧ до́блественнѣ, стра̑сти и҆сцѣлева́ете земны́хъ, рꙋкодѣ́йствїемъ та́йнымъ, и҆ сло́вомъ прого́ните дꙋ́хи, ст҃і́и мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́коже а҆́гница зрѧ́щи на крⷭ҇тѣ̀ хрⷭ҇та̀ воздви́жена, и҆ взира́ющи а҆́гнца восклица́ющи вопїѧ́ше: гдѣ̀ твоѧ̀ за́йде добро́та, долготерпѣли́ве сн҃е пребезнача́льне;"
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ прест҃ѣ́й бцⷣѣ. Гла́съ а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пѣ́снь побѣ́днꙋю пои́мъ всѝ бг҃ꙋ, сотво́ршемꙋ ди̑внаѧ чꙋдеса̀ мы́шцею высо́кою, и҆ сп҃сшемꙋ і҆и҃лѧ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же є҆ди́на безлѣ́тнаго бг҃а въ лѣ́то ро́ждши воплоще́нна, всест҃а́ѧ пречⷭ҇таѧ, вселѣ̑тныѧ стра̑сти преѻкаѧ́нныѧ моеѧ̀ дꙋшѝ и҆сцѣлѝ."
|
||||
},
|
||||
{
|
||||
"type": "TEXT",
|
||||
"value": "Стрꙋ́пы дꙋшѝ моеѧ̀, и҆ се́рдца недоꙋмѣ́нїе, помышле́нїй ѡ҆мраче́нїе, и҆ ᲂу҆́мное побѣжде́нїе потребѝ пречⷭ҇таѧ, ꙗ҆́кѡ млⷭ҇тиваѧ, твои́ми мл҃твами."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же свѣ́тъ ро́ждшаѧ и҆зба́вителѧ моего̀, тьмы̀ и҆ мꙋ́къ вѣ́чныхъ и҆зба́ви мѧ̀ пречⷭ҇таѧ: ꙗ҆́кѡ да сп҃са́емь воспѣва́ю бл҃гоꙋтро́бїе твоѐ."
|
||||
},
|
||||
{
|
||||
"type": "TEXT",
|
||||
"value": "Въ пꙋчи́нѣ лю́тыхъ, и҆ въ молвѣ̀ страсте́й потоплѧ́емь є҆́смь а҆́зъ, твою̀ пречⷭ҇таѧ призыва́ю тишинꙋ̀: сп҃си́ мѧ, приста́нище бо є҆сѝ вѣ́рныхъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Да ᲂу҆тверди́тсѧ се́рдце моѐ въ во́ли твое́й хрⷭ҇тѐ бж҃е, и҆́же над̾ вода́ми нб҃о ᲂу҆твержде́й второ́е, и҆ ѡ҆снова́вый на вода́хъ зе́млю всеси́льне."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ дла̑ни распросте́рлъ є҆сѝ, и҆ пе́рсты бж҃е́ственныѧ ѡ҆кровави́въ, дѣ́ло рꙋкꙋ̀ твоє́ю влⷣко, а҆да́ма ᲂу҆бі́йственныѧ рꙋкѝ и҆збавлѧ́ѧ, ꙗ҆́кѡ є҆ди́нъ бл҃гъ и҆ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Въ ре́бра прободе́нъ бы́лъ є҆сѝ копїе́мъ влⷣко, и҆справлѧ́ѧ ре́бренное поползнове́нїе, на дре́во возне́слсѧ є҆сѝ, дре́вле бѣдꙋ̀ прїе́мшаго дре́ва плодо́мъ, въ ра́й вводѧ̀ съ разбо́йникомъ бл҃горазꙋ́мнымъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Церкѡ́внаѧ ᲂу҆твержде́нїѧ, бл҃гоче́стїѧ пре́днїѧ столпы̀, потреби́тели вра́жїѧ, гдⷭ҇ни мч҃ники, мы́слїю чи́стою пѣ́сненнѡ да ᲂу҆бл҃жи́мъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ бж҃е́ственное сꙋ́ще ло́зїе мы́сленнагѡ вїногра́да мч҃ницы, гро́здїе и҆знесо́ша на́мъ ꙗ҆́вѣ, терпѣ́нїѧ и҆злива́ющее вїно̀, и҆ всѣ́хъ вѣ́рныхъ сердца̀ веселѧ́щее."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бл҃гослове́нъ пло́дъ чре́ва твоегѡ̀ дв҃о всепѣ́таѧ, и҆стлѣ́вшаѧ плодо́мъ дре́ва, ра́ди крⷭ҇та̀ своегѡ̀, нетлѣ́нїѧ ᲂу҆стро́ивый прича́стники, бж҃е́ственною бл҃года́тїю."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Непло́дныѧ мы́сли моеѧ̀ безпло́дїе всѐ потребѝ, и҆ плодоно́снꙋ добродѣ́тельми дꙋ́шꙋ мою̀ покажѝ, пречⷭ҇таѧ бцⷣе, вѣ̑рнымъ помо́щнице."
|
||||
},
|
||||
{
|
||||
"type": "TEXT",
|
||||
"value": "И҆зба́ви мѧ̀ всенепоро́чнаѧ, всѧ́кагѡ ѡ҆бстоѧ́нїѧ, мно́гихъ собла́знъ ѕмїе́выхъ, и҆ вѣ́чнагѡ ѻ҆гнѧ̀, и҆ тьмы̀, ꙗ҆́же свѣ́тъ ро́ждшаѧ превѣ́чный."
|
||||
},
|
||||
{
|
||||
"type": "TEXT",
|
||||
"value": "Стра́шнымъ сꙋди́щемъ чⷭ҇таѧ, и҆ ѻ҆гне́мъ ѻ҆́нѣмъ неꙋгаси́мымъ, и҆ ѿвѣ́томъ лю́тымъ ве́сь ѡ҆сꙋжде́нъ є҆́смь: потщи́сѧ сп҃сти́ мѧ влⷣчце пречⷭ҇таѧ, раба̀ твоего̀."
|
||||
},
|
||||
{
|
||||
"type": "TEXT",
|
||||
"value": "Да ѡ҆божи́тъ человѣ́чество, бг҃ъ бы́сть чл҃вѣ́къ и҆з̾ тебѐ дв҃о чⷭ҇таѧ, па́че сло́ва и҆ смы́сла: сегѡ̀ ра́ди тѧ̀ согла́снѡ всѝ вѣ́рнїи ᲂу҆блажа́емъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и слꙋ́хъ тво́й, и҆ ᲂу҆боѧ́хсѧ: разꙋмѣ́хъ дѣла̀ твоѧ̑, прⷪ҇ро́къ глаго́лаше, и҆ просла́вихъ си́лꙋ твою̀."
|
||||
},
|
||||
{
|
||||
"type": "TEXT",
|
||||
"value": "Законода́вецъ пра́веденъ сы́й, со беззако́нники вмѣне́нъ бы́лъ є҆сѝ, на дре́во возне́слсѧ є҆сѝ бл҃годѣ́телю гдⷭ҇и, всѣ́хъ ѡ҆правда́ти хотѧ̀."
|
||||
},
|
||||
{
|
||||
"type": "TEXT",
|
||||
"value": "Си̑лы всѧ̑ ᲂу҆диви́шасѧ а҆́гг҃льскїѧ, на крⷭ҇тѣ̀ тебѐ зрѧ́щи возноси́ма сл҃нце, и҆ тьмы̀ нача́льныѧ си̑лы побѣжде́ни бы́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆сцѣле́нїй бл҃года́ть ѿ дꙋхо́вныхъ дарова́нїй поче́рпше мч҃нцы, всѣ̑мъ ѿмыва́ютъ стра̑сти дꙋшетлѣ̑нныѧ бж҃їею бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Дрема́нїе ѿри́нꙋвше нерадѣ́нїѧ стрⷭ҇тоте́рпцы, бо́дростїю бж҃е́ственною, и҆ вѣ́рою ѕвѣре́й ᲂу҆спи́ша стремлє́нїѧ, и҆ ра́дꙋющесѧ пострада́ша."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆вы̀ мнѣ̀ ча́до, что̀ бꙋ́дꙋ; ка́кѡ зрю́ тѧ на дре́во воздви́жена, и҆ без̾ пра́вды ᲂу҆мерщвлѧ́ема живо́тъ подаю́щаго; дв҃а пла́чꙋщи глаго́лаше."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Дх҃омъ прови́дѧ прⷪ҇ро́че а҆ввакꙋ́ме словесѐ воплоще́нїе, проповѣ́далъ є҆сѝ вопїѧ̀: внегда̀ прибли́житисѧ лѣ́тѡмъ, позна́ешисѧ, внегда̀ прїитѝ вре́мени, пока́жешисѧ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Дв҃о бцⷣе, нескве́рнаѧ сѣ́не, ѡ҆скверне́на мѧ̀ прегрѣше́ньми ѡ҆чи́сти щедро́тами твои́ми, чистѣ́йшими кропле́ньми: да́ждь мѝ рꙋ́кꙋ по́мощи, да зовꙋ̀: сла́ва тебѣ̀ чⷭ҇таѧ бг҃оневѣ́сто."
|
||||
},
|
||||
{
|
||||
"type": "TEXT",
|
||||
"value": "Хра́мъ ѡ҆свѧще́нъ ꙗ҆ви́лсѧ є҆сѝ бг҃ꙋ, въ тѧ̀ все́льшемꙋсѧ па́че ᲂу҆ма̀: того̀ молѝ, грѣхо́вныхъ скве́рнъ на́съ ѡ҆чи́стити, ꙗ҆́кѡ да хра́мъ позна́емсѧ, и҆ ѻ҆би́телище дх҃о́вное."
|
||||
},
|
||||
{
|
||||
"type": "TEXT",
|
||||
"value": "Поми́лꙋй мѧ̀ бцⷣе, ꙗ҆́же є҆ди́на млⷭ҇тей и҆сто́чникъ ро́ждшаѧ, и҆ разрѣшѝ дꙋшѝ моеѧ̀ лю́тꙋю болѣ́знь, и҆ недоꙋмѣ́нїе серде́чное: сле́зъ стрꙋю̀ и҆ ᲂу҆миле́нїе пре́жде конца̀ пода́ждь, и҆ лю́тыхъ и҆збавле́нїе."
|
||||
},
|
||||
{
|
||||
"type": "TEXT",
|
||||
"value": "Ст҃а́ѧ бцⷣе, ѡ҆свѧтѝ на́съ, прест҃а́го ро́ждши пло́тїю, ᲂу҆подо́битисѧ хотѧ́щаго человѣ́кѡмъ, и҆ нбⷭ҇номꙋ црⷭ҇твїю прича́стники всѣ́хъ покажѝ, пречⷭ҇таѧ, твои́ми мл҃твами."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́тлый на́мъ возсїѧ́й свѣ́тъ присносꙋ́щный, ᲂу҆́тренюющымъ ѡ҆ сꙋдьба́хъ за́повѣдей твои́хъ, влⷣко чл҃вѣколю́бче хрⷭ҇тѐ бж҃е на́шъ."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ пло́тїю воздвиза́емь, ꙗ҆зы́ки призва́лъ є҆сѝ невѣ́дꙋющыѧ тебѐ, къ твоемꙋ̀ позна́нїю, сꙋдїѐ всѣ́хъ, є҆ди́не млⷭ҇тиве хрⷭ҇тѐ бж҃е на́шъ."
|
||||
},
|
||||
{
|
||||
"type": "TEXT",
|
||||
"value": "Тебѣ̀ на сꙋди́щи ста́вшꙋ непра́веднѣмъ, пра́ведне гдⷭ҇и, ѡ҆правда́сѧ пре́жде ѡ҆сꙋжде́нный а҆да́мъ, и҆ зове́тъ: сла́ва распѧ́тїю твоемꙋ̀, долготерпѣли́ве гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́коже ра́й бг҃онасажде́нный ꙗ҆ви́стесѧ мꙋ́чєницы, стрⷭ҇ти чⷭ҇тны́ѧ ꙗ҆́кѡ цвѣ́ты бл҃гоꙋха́нныѧ и҆мꙋ́ще, и҆́миже бл҃гоꙋха́етсѧ вѣ́рныхъ дꙋша̀ всѧ́каѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бл҃гоцвѣ̑тнаѧ и҆ бл҃гоплодѡви́таѧ древеса̀, и҆̀же вѣ́ры безсме́ртїѧ пло́дъ процвѣто́ша, и҆ ѕло́бы корє́нїѧ и҆сторго́ша, воспои́мъ мꙋ́ченики гдⷭ҇ни."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Же́злъ чⷭ҇тны́й, ꙗ҆́же прозѧ́бшїй цвѣ́тъ неꙋвѧда́ющїй, ꙗ҆́кѡ ᲂу҆зрѣ̀ на дре́во возноси́ма того̀, вопїѧ́ше: влⷣко, не безча́днꙋ ꙗ҆ви́ мѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тво́й ми́ръ да́ждь на́мъ сн҃е бж҃їй, и҆но́гѡ бо ра́звѣ тебѐ бг҃а не зна́емъ, и҆́мѧ твоѐ и҆менꙋ́емъ, ꙗ҆́кѡ бг҃ъ живы́хъ и҆ ме́ртвыхъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ме́ртва мѧ̀ содѣ́ла и҆ногда̀ во є҆де́мѣ вкꙋше́нїе лꙋка́вое: но ꙗ҆́же жи́знь ро́ждшаѧ пречи́стаѧ, дре́вле дре́вомъ ᲂу҆ме́ршаго ѡ҆живи́ мѧ ны́нѣ, и҆ пода́ждь ᲂу҆миле́нїе."
|
||||
},
|
||||
{
|
||||
"type": "TEXT",
|
||||
"value": "Сп҃си́ мѧ пречⷭ҇таѧ, ѿ бѣ́дъ лю́тыхъ и҆ воздви́гни мѧ̀ ѿ гно́ѧ страсте́й, и҆ и҆зба́ви мѧ̀ плѣне́нїѧ и҆ ѡ҆ѕлобле́нїѧ лꙋка́выхъ бѣсѡ́въ, твоего̀ непотре́бнаго раба̀."
|
||||
},
|
||||
{
|
||||
"type": "TEXT",
|
||||
"value": "Зѣ̑ницы дꙋшѝ моеѧ̀ ѡ҆зарѝ чⷭ҇таѧ, зрѣ́ти мѝ при́снѡ бж҃е́ственнꙋю свѣ́тлость, и҆ твою̀ сла́вꙋ всенепоро́чнаѧ, ꙗ҆́кѡ да полꙋчꙋ̀ млⷭ҇ть и҆ вѣ́чнꙋю сла́вꙋ."
|
||||
},
|
||||
{
|
||||
"type": "TEXT",
|
||||
"value": "Ѻ҆́блакъ и҆ ра́й, и҆ две́рь тѧ̀ свѣ́та, трапе́зꙋ, и҆ рꙋно̀ вѣ́мы, рꙋ́чкꙋ внꙋ́трь ма́ннꙋ носѧ́щꙋ, сла́дость мі́рꙋ, чⷭ҇таѧ дв҃о мт҃и."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прⷪ҇ро́ка сп҃слъ є҆сѝ ѿ ки́та чл҃вѣколю́бче, и҆ менѐ и҆з̾ глꙋбины̀ прегрѣше́нїй возведѝ, молю́сѧ."
|
||||
},
|
||||
{
|
||||
"type": "TEXT",
|
||||
"value": "И҆́же че́сти всѧ́кїѧ превы́шши, безче́стїе претерпѣ́лъ є҆сѝ хрⷭ҇тѐ, на крⷭ҇тѣ̀ воздви́женъ, чл҃вѣ́ки почестѝ хотѧ̀."
|
||||
},
|
||||
{
|
||||
"type": "TEXT",
|
||||
"value": "Подписꙋ́еши мнѣ̀ ѡ҆ставле́нїе, порабоще́нномꙋ льсти́вымъ, тро́стїю бїе́мь хрⷭ҇тѐ бж҃е на́шъ пребл҃гі́й."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Болѣ́зньми страда́нїй къ неболѣ́зненнѣй преидо́сте ст҃і́и кончи́нѣ, и҆ неизрече́нныѧ ра́дости сподо́бльшесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Разжего́стесѧ ᲂу҆́гльми хрⷭ҇то́вы любвѐ премꙋ́дрїи: тѣ́мже во ѻ҆́гнь вмета́еми не ѡ҆палѧ́еми пребы́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: По ржⷭ҇твѣ̀ всенепоро́чнаѧ, ꙗ҆́коже и҆ пре́жде ржⷭ҇тва̀ пребыла̀ є҆сѝ: бг҃а бо родила̀ є҆сѝ дре́вомъ человѣ́ка сп҃сшаго."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прⷪ҇ро́ка і҆ѡ́нꙋ подража́ѧ вопїю̀: живо́тъ мо́й бл҃же свободѝ и҆з̾ тлѝ, и҆ сп҃си́ мѧ сп҃се мі́ра, зовꙋ́ща: сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Ѡ҆скверне́на мѧ̀ мно́гими грѣхѝ, молю́сѧ тебѣ̀ є҆ди́ной бл҃го́й, и҆ нескве́рнѣй сѣ́ни: ѡ҆мы́й ѿ всѧ́кїѧ скве́рны, хода́тайствомъ твои́мъ."
|
||||
},
|
||||
{
|
||||
"type": "TEXT",
|
||||
"value": "Ѡ҆корми́тельница мѝ бꙋ́ди чⷭ҇таѧ, вла́емꙋ въ пꙋчи́нѣ лю́тыхъ, жите́йскими нꙋ́ждами, и҆ и҆спра́ви, къ при́сномꙋ приста́нищꙋ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Треволне́нїе помышле́нїй, и҆ страсте́й нахождє́нїѧ, и҆ глꙋбина̀ грѣхо́внаѧ, ѻ҆каѧ́ннꙋю мою̀ дꙋ́шꙋ ѡ҆бꙋрева́ютъ: помози́ ми ст҃а́ѧ влⷣчце."
|
||||
},
|
||||
{
|
||||
"type": "TEXT",
|
||||
"value": "Сщ҃е́ннаѧ сѣ́не показа́ннаѧ, мр҃і́е, ѡ҆скверне́ннꙋю сластьмѝ ѻ҆каѧ́ннꙋю мою̀ дꙋ́шꙋ ѡ҆свѧтѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пе́щь сп҃се ѡ҆роша́шесѧ, ѻ҆́троцы же ликꙋ́юще поѧ́хꙋ: ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Распина́емь тва́рь поколеба́лъ є҆сѝ: ᲂу҆мерщвлѧ́емь ѕмі́ѧ ᲂу҆мертви́лъ є҆сѝ: бл҃гослове́нъ є҆сѝ хрⷭ҇тѐ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Напоѧ́етсѧ же́лчїю долготерпѣли́вый, и҆сточа́ѧ мѝ сла́дость сп҃си́тельнꙋю, сла́достною снѣ́дїю лише́нномꙋ ра́йскїѧ пи́щи."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мч҃нцы ноготьмѝ стрꙋ́жеми, ме́ртвости дебельство̀ ѿложи́вше, красотꙋ́ же бж҃е́ственнꙋю ѿ бг҃а прїѧ́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стрⷭ҇тьмѝ стрⷭ҇ти хрⷭ҇то́вѣй пречⷭ҇тѣй подо́бѧщесѧ, до́блїи мч҃нцы, ра̑ны вра́жїѧ ᲂу҆до́бь претерпѣ́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Распина́ема зрѧ́щи гдⷭ҇а непоро́чнаѧ бг҃оро́дица, глаго́лаше: ᲂу҆вы̀ мнѣ̀ сн҃е мо́й, ка́кѡ ᲂу҆мира́еши, животѐ и҆ наде́ждо вѣ́рныхъ;"
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сꙋ́щымъ въ пещѝ ѻ҆трокѡ́мъ твои̑мъ сп҃се, не прикоснꙋ́сѧ, нижѐ стꙋжѝ ѻ҆́гнь. Тогда̀ трїѐ, ꙗ҆́кѡ є҆ди́нѣми ᲂу҆сты̀ поѧ́хꙋ и҆ бл҃гословлѧ́хꙋ, глаго́люще: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ѡ҆скве́рншꙋюсѧ страстьмѝ дꙋ́шꙋ мою̀ ѡ҆свѧтѝ, пречⷭ҇таѧ бг҃оневѣ́сто, и҆ ᲂу҆ма̀ моегѡ̀ лю́тое плѣне́нїе, и҆ се́рдца недоꙋмѣ́нїе, и҆ бѣсѡ́вскаѧ ᲂу҆стремлє́нїѧ вско́рѣ потребѝ чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Оу҆мерщвле́нный страстьмѝ плотски́ми, всенепоро́чнаѧ, ѡ҆живѝ ᲂу҆́мъ мо́й, и҆ бг҃ꙋ ᲂу҆гѡ́днаѧ соверша́ти ᲂу҆крѣпѝ мѧ̀: да велича́ю тѧ̀, и҆ сла́влю при́снѡ бл҃гоꙋтро́бїе твоѐ."
|
||||
},
|
||||
{
|
||||
"type": "TEXT",
|
||||
"value": "Дв҃о мт҃и, ꙗ҆́же є҆ди́на бг҃а ро́ждшаѧ, ᲂу҆мертвѝ плотскі̑ѧ моѧ̑ сла̑сти, и҆ дꙋше́внꙋю мою̀ скве́рнꙋ ѿмы́й вско́рѣ: и҆ и҆стѧза́нїѧ бѣсѡ́въ лꙋка́выхъ и҆зба́ви, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Преиспещре́на бж҃е́ственными добродѣ́тельми, родила̀ є҆сѝ сло́во собезнача́льно ѻ҆ц҃ꙋ̀, чⷭ҇таѧ дв҃о, добродѣ́тельми нб҃са̀ вои́стиннꙋ покры́вшаго: є҆го́же молѝ при́снѡ ᲂу҆ще́дрити на́съ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пѣсносло́вцы въ пещѝ сп҃сшагѡ дѣ́ти, и҆ громопла́меннꙋю прело́жшаго на ро́сꙋ, хрⷭ҇та̀ бг҃а по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Є҆гда̀ на крⷭ҇тѣ̀ сп҃сѐ пригвозди́лсѧ є҆сѝ, колеба́шесѧ тва́рь: сл҃нце ᲂу҆ста́ви лꙋчы̀, и҆ ка́менїе распада́шесѧ, и҆ а҆́дъ ско́рѡ ѡ҆бнажа́шесѧ, не терпѧ̀ держа́вы твоеѧ̀."
|
||||
},
|
||||
{
|
||||
"type": "TEXT",
|
||||
"value": "За ѡ҆сꙋжде́нїе ѿринове́ннагѡ ѡ҆сꙋжде́нїе пострада́въ, за прїе́мшаго наготꙋ̀, на́гъ на дре́вѣ ви́сѣлъ є҆сѝ ще́дре: ве́лїѧ твоѧ̀ держа́ва и҆ долготерпѣ́нїе."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆́же безплѡ́тнымъ сожи́телїе, хрⷭ҇тѡ́вы во́ини, крⷭ҇то́мъ ꙗ҆́кѡ бронѧ́ми ѡ҆болче́ни, къ сопротивобо́рцꙋ ѡ҆полчи́шасѧ, и҆ того̀ кра́сными нога́ми попра́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стоѧ́хꙋ посредѣ̀ сꙋди́ща съ закле́пми до́блїи, на ᲂу҆́ды раздроблѧ́еми, и҆ зда́нїе разорѧ́юще пре́лести, и҆ бѣсѡ́вскаѧ трє́бища разбива́юще."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́же нб҃съ превы́шшаѧ, воздви́жена на дре́вѣ, и҆ низлага́ющаго воздвижє́нїѧ вра̑жїѧ, зрѧ́щи є҆ди́наго вы́шнѧго, воспѣва́ше того̀ велегла́снѡ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆гѡ́же ᲂу҆жаса́ютсѧ а҆́гг҃ли, и҆ всѧ̑ вѡ́инства, ꙗ҆́кѡ творца̀ и҆ гдⷭ҇а, по́йте сщ҃е́нницы, просла́вите ѻ҆́троцы, бл҃гослови́те лю́дїе и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Воплоща́етсѧ безпло́тный и҆з̾ тебѐ бг҃олѣ́пнѡ: є҆го́же молѝ пречⷭ҇таѧ, стра̑сти моѧ̑ плотскі̑ѧ ᲂу҆мертви́ти, и҆ ѡ҆живи́ти дꙋ́шꙋ мою̀ ᲂу҆мерщвле́ннꙋю грѣха́ми."
|
||||
},
|
||||
{
|
||||
"type": "TEXT",
|
||||
"value": "И҆сцѣлѧ́ющаго сокрꙋше́нїе а҆да́ма пе́рстнагѡ, сп҃са родила̀ є҆сѝ пречⷭ҇таѧ и҆ бг҃а: того̀ ᲂу҆молѝ, ꙗ҆́звы дꙋшѝ моеѧ̀ и҆сцѣли́ти, ꙗ҆́же неисцѣ́льнѡ болѧ́щыѧ."
|
||||
},
|
||||
{
|
||||
"type": "TEXT",
|
||||
"value": "Воздви́гни слежа́ща мѧ̀ во глꙋбинѣ̀ ѕлы́хъ, и҆ ны́нѣ борю́щаго мѧ̀ побѣдѝ, чⷭ҇таѧ, и҆ ᲂу҆ѧ́звленнꙋю безмѣ́стными сластьмѝ дꙋ́шꙋ мою̀ пречⷭ҇таѧ не пре́зри, но ᲂу҆ще́дри, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "И҆збавлѧ́емсѧ всѧ́ческихъ и҆скꙋше́нїй, пречⷭ҇таѧ, твои́ми къ бг҃ꙋ бо́дренными мл҃твами, тебѐ бцⷣꙋ свѣ́дꙋщїи бл҃гослове́ннꙋю и҆ ѡ҆бра́дованнꙋю."
|
||||
},
|
||||
{
|
||||
"type": "TEXT",
|
||||
"value": "Та́же, пѣ́снь бцⷣы: Вели́читъ дꙋша̀ моѧ̀ гдⷭ҇а: И҆ покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тѧ̀, ю҆́же ви́дѣ мѡѷсе́й неѡпали́мꙋю кꙋпинꙋ̀, и҆ лѣ́ствицꙋ ѡ҆дꙋшевле́ннꙋю, ю҆́же і҆а́кѡвъ ви́дѣ, и҆ две́рь нбⷭ҇нꙋю, є҆́юже про́йде хрⷭ҇то́съ бг҃ъ на́шъ, пѣ́сньми мт҃и чⷭ҇таѧ велича́емъ."
|
||||
},
|
||||
{
|
||||
"type": "TEXT",
|
||||
"value": "Ѽ ка́кѡ лю́дїе непокори́вїи преда́ша тѧ̀ крⷭ҇тꙋ̀, є҆ди́наго долготерпѣли́ваго во́лею ѡ҆бнища́вшаго, и҆ стра̑сти прїе́мшаго, и҆ безстра́стїю хода́таѧ бы́вша, всѣ̑мъ ѿ а҆да́ма попо́лзшымсѧ!"
|
||||
},
|
||||
{
|
||||
"type": "TEXT",
|
||||
"value": "Распѧ́тїе безче́стное прїѧ́тъ хрⷭ҇тѐ пло́тїю, почестѝ хотѧ̀ ѡ҆безче́ствованнаго чл҃вѣ́ка страстьмѝ безслове́сными, и҆ дре́внюю добро́тꙋ погꙋ́бльша: сла́ва па́че ᲂу҆ма̀ милосе́рдїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сл҃нце незаходи́мое хрⷭ҇тѐ, ᲂу҆́треневавшыѧ къ тебѣ̀, и҆ тьмꙋ̀ страда́нїй преше́дшыѧ ма́нїемъ тѝ, къ свѣ́тꙋ наста́вилъ є҆сѝ твоеѧ̀ неизрече́нныѧ сла́вы и҆ свѣ́тлости: просвѣтѝ ᲂу҆̀бо на́съ тѣ́хъ мл҃твами."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: По́лкъ мч҃нкъ сщ҃е́нныхъ, тьмы̑ мы́сленныхъ врагѡ́въ побѣдѝ, и҆ тьма́мъ примѣни́сѧ ст҃ы́хъ си́лъ, и҆ тьмы̑ страсте́й дꙋ́шъ на́шихъ, манове́нїемъ вседѣ́тельнымъ и҆сцѣлѧ́ютъ при́снѡ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣ́томъ дв҃о, и҆з̾ тебѐ возсїѧ́вшагѡ свѣ́та пло́тїю, ᲂу҆́мъ мо́й, ѡ҆зарѝ, и҆ се́рдце просвѣтѝ, тьмꙋ̀ ѿгонѧ́ющи грѣхо́внꙋю, и҆ ᲂу҆ны́нїѧ моегѡ̀ всѧ́кꙋ мглꙋ̀ прогонѧ́ющи."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣтоно́сный ѻ҆́блакъ, во́ньже всѣ́хъ влⷣка, ꙗ҆́кѡ до́ждь съ нб҃сѐ на рꙋно̀ сни́де, и҆ воплоти́сѧ на́съ ра́ди, бы́въ человѣ́къ, безнача́льный, велича́емъ всѝ ꙗ҆́кѡ мт҃рь бг҃а на́шегѡ чⷭ҇тꙋю."
|
||||
},
|
||||
{
|
||||
"type": "TEXT",
|
||||
"value": "Грѣхолюби́въ сы́й въ лѣ́ности пребыва́ю, и҆ сꙋди́ща, чⷭ҇таѧ, неꙋмы́тнагѡ трепе́щꙋ: въ не́мже мѧ̀ соблюдѝ твои́ми ст҃ы́ми мл҃твами бг҃оневѣ́сто, неѡсꙋжде́нна, да ꙗ҆́кѡ предста́тельницꙋ мою̀ ᲂу҆бл҃жа́ю тѧ̀, пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Оу҆жаса́юсѧ сꙋди́ща дв҃о, и҆ незабве́ннагѡ ѻ҆́ка твоегѡ̀ сн҃а, содѣ́ѧвъ мнѡ́гїѧ грѣхѝ на землѝ, и҆ сегѡ̀ ра́ди тебѣ̀ вопїю̀: всемлⷭ҇рдаѧ влⷣчце помози́ ми, и҆ тогда́шнїѧ бѣды̀ и҆зба́ви мѧ̀, и҆ сп҃сѝ, чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Ко́ль стра́шенъ де́нь и҆спыта́нїѧ, ѻ҆трокови́це! Ко́ль ᲂу҆жа́сенъ ѿвѣ́тъ! Ко́ль горька̀ бѣда̀! Кто̀ постои́тъ про́чее пречⷭ҇таѧ влⷣчце; поми́лꙋй стра́стнꙋю мою̀ дꙋ́шꙋ, и҆ пре́жде конца̀ да́ждь мѝ ѡ҆ставле́нїе, пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же свѣ́тъ ро́ждшаѧ бж҃е́ственный, и҆з̾ ѻ҆ц҃а̀ возсїѧ́вшїй, ѡ҆мраче́ннꙋю мою̀ дꙋ́шꙋ лестьмѝ жите́йскими, и҆ бы́вшꙋю врагѡ́въ порꙋга́нїе всенепоро́чнаѧ ᲂу҆ще́дри, и҆ свѣ́тꙋ покаѧ́нїѧ сп҃си́тельнагѡ сподо́би, чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Та́же: Досто́йно є҆́сть: И҆ покло́нъ до землѝ."
|
||||
},
|
||||
{
|
||||
"type": "HEADER",
|
||||
"value": "Та́же, є҆ктенїа̀, и҆ свѣти́ленъ, и҆ ѱалмы̀ ѻ҆бы́чны."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Тебѐ на дре́вѣ пригво́ждшагосѧ пло́тїю, и҆ живо́тъ на́мъ пода́вшаго, ꙗ҆́кѡ сп҃са и҆ влⷣкꙋ пои́мъ непреста́ннѡ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ. Во всѧ̑ дни̑ на́шѧ возвесели́хомсѧ: за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ, и҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Твои́мъ крⷭ҇то́мъ хрⷭ҇тѐ, є҆ди́но ста́до бы́сть а҆́гг҃лѡвъ и҆ человѣ́кѡвъ, и҆ во є҆ди́номъ собо́рѣ нб҃о и҆ землѧ̀ весели́тсѧ: гдⷭ҇и сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стрⷭ҇тоте́рпцы хрⷭ҇тѡ́вы прїиди́те лю́дїе всѝ почти́мъ пѣ́ньми и҆ пѣ́сньми дх҃о́вными, свѣти́льники мі́ра, и҆ проповѣ́дники вѣ́ры, и҆сто́чники приснотекꙋ́щыѧ, и҆з̾ ни́хже и҆стека́ютъ вѣ̑рнымъ и҆сцѣлє́нїѧ. Тѣ́хъ моли́твами хрⷭ҇тѐ бж҃е на́шъ, ми́ръ да́рꙋй мі́рꙋ твоемꙋ̀, и҆ дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ: крⷭ҇тобг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Прехва́льнїи мч҃нцы:"
|
||||
},
|
||||
{
|
||||
"type": "TEXT",
|
||||
"value": "А҆́гнца, а҆́гница и҆ всенепоро́чнаѧ влⷣчца, на крⷭ҇тѣ̀ ꙗ҆́кѡ ви́дѣвши зра́ка не и҆мꙋ́ща, ни добро́ты, ᲂу҆вы̀ мнѣ̀, пла́чꙋщи глаго́лаше: гдѣ̀ добро́та твоѧ̀ за́йде сладча́йшїй; гдѣ̀ бл҃голѣ́пїе; гдѣ̀ бл҃года́ть сїѧ́ющаѧ, ѡ҆́браза твоегѡ̀, сн҃е мо́й любе́знѣйшїй;"
|
||||
},
|
||||
{
|
||||
"type": "HEADER",
|
||||
"value": "Въ пѧто́къ бл҃жє́нны, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Снѣ́дїю и҆зведѐ и҆з̾ раѧ̀ вра́гъ а҆да́ма: крⷭ҇то́мъ же введѐ хрⷭ҇то́съ во́нь разбо́йника, помѧни́ мѧ, зовꙋ́ща, є҆гда̀ прїи́деши во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Распе́нсѧ безгрѣ́шне, грѣхѝ всѣ́хъ взѧ́лъ є҆сѝ хрⷭ҇тѐ, и҆ прободе́нъ бы́лъ є҆сѝ въ ре́бра, сп҃се́нїѧ пото́ки и҆сточи́лъ є҆сѝ, воды́ же и҆ кро́ве, назида́ѧ сокрꙋшє́нныѧ тле́ю."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "На дре́вѣ пригвожда́емь во́лею і҆и҃се бж҃е, всѐ ѿѧ́лъ є҆сѝ ще́дре а҆да́мово стра́стное разꙋмѣ́нїе: ꙗ҆́звами же честны́ми бѣсо́вское мно́жество ᲂу҆ѧзви́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆̀же стрⷭ҇те́мъ ᲂу҆подо́бльшесѧ, во́лею пострада́вшемꙋ пло́тїю, мч҃нцы сла́внїи, при́снѡ стра̑сти и҆сцѣлѧ́ете неисцѣ́льныѧ, недꙋ́ги же ѿго́ните ѿ человѣ̑къ си́лою дх҃о́вною."
|
||||
},
|
||||
{
|
||||
"type": "TEXT",
|
||||
"value": "Сла́ва: Равноси́льнꙋю, є҆диноче́стнꙋю трⷪ҇цꙋ сла́вимъ тѧ̀, ѻ҆ц҃а̀ безнача́льнаго бг҃а, и҆ сн҃а, и҆ дх҃а ст҃а́го, є҆ди́но трїѷпоста́сное бг҃онача́лїе, вѣ́рою велича́емъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: На крⷭ҇тѣ́ тѧ пригвожде́на, ꙗ҆́кѡ ᲂу҆зрѣ̀ хрⷭ҇тѐ бж҃е, ꙗ҆́же тебѐ ро́ждшаѧ пло́тїю, пла́чꙋщи вѣща́ше: что́ ти воздадѐ, ѽ сн҃е мо́й, є҆вре́йскїй собо́ръ законопрестꙋ́пный;"
|
||||
}
|
||||
]
|
||||
@@ -0,0 +1,934 @@
|
||||
[
|
||||
{
|
||||
"type": "HEADER",
|
||||
"value": "Гла́съ а҃. Понедѣ́льникъ"
|
||||
},
|
||||
{
|
||||
"type": "HEADER",
|
||||
"value": "Въ недѣ́лю ве́чера на Гдⷭ҇и воззва́хъ, стїхи̑ры ᲂу҆мили́тельны влⷣчны. Гла́съ а҃"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Прехва́льнїи мч҃нцы:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Всѧ̑ приве́лъ є҆сѝ твои́мъ сло́вомъ и҆ дх҃омъ, за бла́гость гдⷭ҇и, та́же сотвори́лъ є҆сѝ слове́сное мѧ̀ живо́тно, да твоѐ ст҃о́е сла́влю всеси́льное и҆́мѧ. А҆́зъ же наипа́че стꙋ́дными мои́ми дѣ́лы всегда̀ безче́ствꙋю: но пощадѝ, молю́сѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Позна́й твоѐ, ѻ҆каѧ́ннаѧ дꙋшѐ, бж҃е́ственное бл҃горо́дїе, и҆ ѻ҆те́чество нетлѣ́нное, и҆ тщи́сѧ всегда̀ бл҃годѣѧ́ньми сїѐ достига́ти: ничто́же ѿ тлѣ́нныхъ да плѣни́тъ тѧ̀, го́рнїѧ ча́сти є҆сѝ, тѣ́ло же землѧ̀ и҆ тлѣ́етсѧ, да не побѣди́тъ хꙋ́ждшее лꙋ́чшїѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Грѧдѝ всеѻкаѧ́наѧ дꙋшѐ моѧ̀ ко преблаго́мꙋ, те́плыми слеза́ми пристꙋпѝ, содѣ̑ѧннаѧ тобо́ю пре́жде сꙋда̀ твоегѡ̀ всѧ̑ и҆сповѣ́дꙋй, и҆ млⷭ҇тива созда́телѧ, ѻ҆каѧ́ннаѧ, себѣ̀ содѣ́лай, и҆ проще́нїе и҆спросѝ, пре́жде да́же двє́ри не заключи́тъ тебѣ̀ гдⷭ҇ь."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры, безплѡ́тнымъ, подо́бенъ то́йже:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе: и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Безпло́тнїи а҆́гг҃ли, бж҃їю прⷭ҇то́лꙋ предстоѧ́щїи, и҆ ѿѻнꙋ́дными свѣтлостьмѝ ѡ҆блистава́еми, и҆ свѣтоли́тїи вѣ́чнѡ сїѧ́юще, и҆ свѣ́ти быва́юще вторі́и, хрⷭ҇тꙋ̀ моли́тесѧ, дарова́ти дꙋша́мъ на́шымъ ми́ръ и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Безсме́ртнїи а҆́гг҃ли, живо́тъ вои́стиннꙋ неги́блемый, ѿ пе́рвагѡ прїе́мше живота̀ всебога́тїи, присносꙋ́щныѧ сла́вы, и҆ ст҃і́и зри́телїе премꙋ́дрости вѣ́чныѧ бы́сте, свѣ́та и҆сполнѧ́еми, и҆ свѣщы̀ соѡбраща́еми прили́чнѡ показꙋ́еми."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "А҆рха́гг҃ли, а҆́гг҃ли, нача̑ла, прⷭ҇то́ли, гдⷭ҇ствїѧ, серафі́ми шестокрила́тїи, и҆ многоѻчи́тїи херꙋві́ми бж҃е́ственнїи, премꙋ́дрости ѻ҆рга́ни: си̑лы, вла́сти бж҃е́ственнѣйшїи, хрⷭ҇то́ви моли́тесѧ, дарова́ти дꙋша́мъ на́шымъ ми́ръ и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Мр҃і́е непоро́чнаѧ, и҆ ᲂу҆ма̀ всѧ́кагѡ превосходѧ́щаѧ, чⷭ҇тѣ́йшаѧ колесни́це, ѡ҆бдержи́ма мѧ̀ мно́гими грѣхмѝ и҆ стѣснѧ́ема, къ широтѣ̀ покаѧ́нїѧ напра́ви мѧ̀ всеси́льнѣйшимъ твои́мъ предста́тельствомъ: и҆́бо мо́жеши ꙗ҆́кѡ мт҃и всѧ̑ могꙋ́щагѡ."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй:"
|
||||
},
|
||||
{
|
||||
"type": "TEXT",
|
||||
"value": "Посе́мъ, прокі́менъ: Сѐ ны́нѣ бл҃гослови́те гдⷭ҇а всѝ рабѝ гдⷭ҇ни:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Стоѧ́щїи въ хра́мѣ гдⷭ҇ни, во дво́рѣхъ до́мꙋ бг҃а на́шегѡ."
|
||||
},
|
||||
{
|
||||
"type": "TEXT",
|
||||
"value": "Та́же, Сподо́би гдⷭ҇и: И҆ є҆ктенїа̀."
|
||||
},
|
||||
{
|
||||
"type": "HEADER",
|
||||
"value": "Та́же, на стїхо́внѣ стїхи̑ры ᲂу҆мили́тєльны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ пꙋчи́на мно́га прегрѣше́нїй мои́хъ сп҃се, и҆ лю́тѣ погрꙋжа́юсѧ согрѣше́ньми мои́ми, да́ждь мѝ рꙋ́кꙋ ꙗ҆́кѡ петро́ви, сп҃си́ мѧ бж҃е, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ, живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ въ помышле́нїихъ лꙋка́выхъ и҆ въ дѣ́лѣхъ ѡ҆сꙋди́хсѧ сп҃се мы́сль мнѣ̀ да́рꙋй ѡ҆браще́нїѧ бж҃е, да зовꙋ́ ти: сп҃си́ мѧ бл҃годѣ́телю бл҃гі́й, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мл҃твами гдⷭ҇и, всѣ́хъ ст҃ы́хъ и҆ бцⷣы, ми́ръ тво́й да́ждь на́мъ, и҆ поми́лꙋй на́съ, ꙗ҆́кѡ є҆ди́нъ ще́дръ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Нбⷭ҇ныхъ чинѡ́въ ра́дованїе, на землѝ человѣ́кѡвъ крѣ́пкое предста́тельство, пречⷭ҇таѧ дв҃о, сп҃си́ ны, и҆̀же къ тебѣ̀ прибѣга́ющыѧ: ꙗ҆́кѡ на тѧ̀ ᲂу҆пова́нїе по бз҃ѣ бцⷣе, возложи́хомъ."
|
||||
},
|
||||
{
|
||||
"type": "TEXT",
|
||||
"value": "Та́же: Ны́нѣ ѿпꙋща́еши: Трист҃о́е: По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь ст҃о́мꙋ. Сла́ва: и҆ ны́нѣ, бг҃оро́дичный тропа́рь. Посе́мъ є҆ктенїа̀. И҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ недѣ́лю на повече́рїи, глаго́летъ і҆ере́й:"
|
||||
},
|
||||
{
|
||||
"type": "TEXT",
|
||||
"value": "Бл҃гослове́нъ бг҃ъ на́шъ:"
|
||||
},
|
||||
{
|
||||
"type": "TEXT",
|
||||
"value": "Мы́ же: А҆ми́нь."
|
||||
},
|
||||
{
|
||||
"type": "TEXT",
|
||||
"value": "Сла́ва тебѣ̀ бж҃е на́шъ, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Цр҃ю̀ нбⷭ҇ный: И҆ про́чее ѻ҆бы́чно."
|
||||
},
|
||||
{
|
||||
"type": "HEADER",
|
||||
"value": "Та́же: Канѡ́нъ моле́бный прест҃ѣ́й бцⷣѣ, гла́съ а҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Твоѧ̀ побѣди́тельнаѧ десни́ца, бг҃олѣ́пнѡ въ крѣ́пости просла́висѧ: та́ бо безсме́ртне, ꙗ҆́кѡ всемогꙋ́щаѧ, проти̑вныѧ сотрѐ, і҆и҃льтѧнѡмъ пꙋ́ть глꙋбины̀ новосодѣ́лавшаѧ."
|
||||
},
|
||||
{
|
||||
"type": "TEXT",
|
||||
"value": "Неизглаго́ланнѡ зачала̀ є҆сѝ бг҃а, и҆ па́че є҆стества̀ родила̀ є҆сѝ влⷣчце пречⷭ҇таѧ, земны̑ѧ ѿ прегрѣше́нїй и҆змѣ́ншаго. Тѣ́мже молю́ тѧ: мно́гихъ мѧ̀ прегрѣше́нїй и҆зба́ви."
|
||||
},
|
||||
{
|
||||
"type": "TEXT",
|
||||
"value": "Пꙋчи́ною погрꙋжа́емь, бѣда́ми грѣхѡ́въ неизче́тныхъ, и҆ скорбе́й, но ѡ҆кормле́нїемъ твои́мъ си́льнымъ, и҆ моли́твою всенепоро́чнаѧ, къ тишинѣ̀ бж҃е́ственнѣй покаѧ́нїѧ напра́ви."
|
||||
},
|
||||
{
|
||||
"type": "TEXT",
|
||||
"value": "Сла́ва: Всеѧ̀ моеѧ̀ жи́зни предста́тельнице, ѿ бѣ́дъ мно́гихъ и҆зба́ви мѧ̀, да бл҃года́рственный гла́съ воспѣва́ю тѝ бцⷣе чи́стаѧ, и҆ бꙋ́дꙋщїѧ мѧ̀ и҆схитѝ мꙋ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѡ҆бстоѧ́тєльнаѧ нахождє́нїѧ, и҆ напа́стей бꙋ́рю ᲂу҆толѝ мт҃и всенепоро́чнаѧ, и҆зба́вителѧ и҆ зижди́телѧ и҆ бг҃а на́шегѡ, бл҃года́ть сп҃се́нїѧ и҆ ѡ҆чище́нїѧ мѝ подаю́щи."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆ди́не вѣ́дый человѣ́ческагѡ сꙋщества̀ не́мощь, и҆ ми́лостивнѡ въ нѐ воѡбра́жьсѧ, препоѧ́ши мѧ̀ съ высоты̀ си́лою, є҆́же вопи́ти тебѣ̀ ст҃ы́й: ѡ҆дꙋшевле́нный хра́ме неизрече́нныѧ сла́вы твоеѧ̀, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Видѣ́нїе зра́ка твоегѡ̀ чи́стагѡ, а҆́гг҃лѡмъ ᲂу҆́бѡ сла́достно, человѣ́кѡмъ же є҆́сть сп҃си́тельно, дꙋховѡ́мъ же лꙋка́вствїѧ стра́шно: є҆́же вѣ́рою почита́юще и҆ цѣлꙋ́юще бцⷣе, дꙋ́шꙋ просвѣща́емъ."
|
||||
},
|
||||
{
|
||||
"type": "TEXT",
|
||||
"value": "Кровьмѝ и҆з̾ тебѐ дв҃ческими, пло́ть свою̀ ѡ҆бложѝ содѣ́тель и҆ гдⷭ҇ь: є҆го́же молѝ всенепоро́чнаѧ, растлѣ́вша мѧ̀ безмѣ́стными дѣѧ́ньми, ᲂу҆ще́дрити за неизрече́ннꙋю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва: Жи́зни стѧжа́въ тѧ̀ храни́тельницꙋ, и҆ стѣ́нꙋ неѡбори́мꙋ, и҆ по кончи́нѣ покро́въ тѧ̀ ѡ҆брѣстѝ, и҆ застꙋ́пницꙋ непобѣди́мꙋ, къ бг҃ꙋ вводѧ́щꙋ, и҆ живо́тъ подаю́щꙋ вѣ́чный, и҆ сла́вꙋ, пренепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Зача́тїе безсѣ́менно чⷭ҇таѧ, и҆ ржⷭ҇тво̀ нетлѣ́нно: бг҃ъ бо бѣ̀ ꙗ҆́вѣ рожде́йсѧ, человѣ́ческагѡ є҆стества̀ паде́нїе призыва́ѧ. Тѣ́мже бцⷣꙋ тѧ̀ и҆́стиннꙋю и҆ сꙋ́щꙋю воспѣва́емъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Го́рꙋ тѧ̀ бл҃года́тїю бж҃їею прїѡсѣне́ннꙋю, прозорли́выма а҆ввакꙋ́мъ ᲂу҆смотри́въ ѻ҆чи́ма, и҆з̾ тебѐ и҆зы́ти і҆и҃левꙋ провозглаша́ше ст҃о́мꙋ, во сп҃се́нїе на́ше и҆ ѡ҆бновле́нїе."
|
||||
},
|
||||
{
|
||||
"type": "TEXT",
|
||||
"value": "Неꙋдержа́нное стремле́нїе къ ѕлꙋ̀ влече́тъ мѧ̀, дѣ́йствїемъ врага̀, и҆ ѻ҆бы́чаемъ лꙋка́вымъ: помози́ ми влⷣчце, да не до конца̀ всепа́гꙋбный нападе́тъ на мѧ̀, сме́ртїю возбранѧ́ѧ мѝ къ покаѧ́нїю."
|
||||
},
|
||||
{
|
||||
"type": "TEXT",
|
||||
"value": "Всѐ вре́мѧ живота̀ моегѡ̀ и҆жди́хъ въ блꙋдѣ́хъ ѕлы́хъ, и҆ ꙗ҆́звахъ лю́тыхъ, и҆ ны́нѣ ведꙋ́тъ смире́ннꙋю дꙋ́шꙋ мою̀ си́хъ дѣ́латели: бг҃ороди́тельнице дв҃о помози́ ми."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆слы́ши гла́съ мо́й болѣ́зненный всенепоро́чнаѧ, и҆́же и҆з̾ глꙋбины̀ дꙋшѝ привноша́ю стена́ньми, и҆ разрѣше́нїе пода́ждь мѝ долгѡ́въ, и҆́хже содѣ́ѧхъ ѻ҆каѧ́нный мы́слїю, и҆ нра́вомъ несмы́сленнымъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Влⷣчце мі́ра бцⷣе, помози́ ми, прелꙋка́вый вра́гъ поглоща́етъ мѧ̀ ѕѣ́льнѣ лю́тыми воспомина́нїи и҆ помышле́нїи, ꙗ҆̀же ѿ бг҃а мѧ̀ разлꙋча́ютъ. Не ѡ҆ста́ви ᲂу҆̀бо менѐ, нижѐ пре́зри."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣти́вый сїѧ́нїемъ прише́ствїѧ твоегѡ̀ хрⷭ҇тѐ, и҆ ѡ҆свѣти́вый крⷭ҇то́мъ твои́мъ мі́ра концы̀, сердца̀ просвѣтѝ свѣ́томъ твоегѡ̀ бг҃оразꙋ́мїѧ, правосла́внѡ пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сѐ гото́вꙋ ко сп҃се́нїю по́мощь стѧжа́хъ, сегѡ̀ ра́ди тебѣ̀ припа́даю, и҆ зовꙋ̀ со слеза́ми: бцⷣе, и҆зба́ви мѧ̀ ѿ стрѣ́лъ чꙋжда́гѡ, и҆ бꙋ́дꙋщагѡ и҆стѧза́нїѧ."
|
||||
},
|
||||
{
|
||||
"type": "TEXT",
|
||||
"value": "Ты̀ крѣ́пость моѧ̀, ты̀ похвала̀ и҆ ра́дованїе, и҆ храни́тельница мѝ є҆сѝ, и҆ застꙋпле́нїе, и҆ прибѣ́жище, и҆ предста́тельница непобѣди́ма, прест҃а́ѧ бцⷣе дв҃о. Тѣ́мже сп҃сѝ раба̀ твоего̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆скве́рншꙋюсѧ ѻ҆каѧ́ннꙋю мою̀ дꙋ́шꙋ страстьмѝ, ѡ҆кропле́нїемъ бж҃е́ственныѧ твоеѧ̀ мл҃твы ѡ҆чи́сти, бцⷣе пречⷭ҇таѧ, подаю́щи сп҃се́нїѧ твоегѡ̀ свѣ́тлꙋю ѻ҆де́ждꙋ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Въ жи́зни мое́й тве́рдое мѝ ѡ҆кормле́нїе є҆сѝ, треволне́нїѧ и҆збавлѧ́ющи мно́гихъ ѡ҆бстоѧ́нїй, и҆ во и҆схо́дѣ мое́мъ, молю́ тѧ, предста́ни мѝ сп҃са́ющи, мт҃и хрⷭ҇та̀ бг҃а."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆бы́де на́съ послѣ́днѧѧ бе́здна, нѣ́сть и҆збавлѧ́ѧй, вмѣни́хомсѧ ꙗ҆́кѡ ѻ҆́вцы заколе́нїѧ, сп҃сѝ лю́ди твоѧ̑ бж҃е на́шъ: ты́ бо крѣ́пость немощствꙋ́ющихъ и҆ и҆справле́нїе."
|
||||
},
|
||||
{
|
||||
"type": "TEXT",
|
||||
"value": "Безневѣ́стнаѧ бг҃ороди́тельнице пречⷭ҇таѧ, рꙋ́кꙋ твою̀ простри́ ми, и҆ и҆схи́ти и҆з̾ глꙋбины̀ ѕѡ́лъ, ꙗ҆̀же безꙋ́мїемъ и҆схода́таихъ мое́й дꙋшѝ стра́стнѣй преѻкаѧ́нный."
|
||||
},
|
||||
{
|
||||
"type": "TEXT",
|
||||
"value": "Воста́ни чⷭ҇таѧ на по́мощь рабꙋ̀ твоемꙋ̀, и҆мꙋ́щемꙋ наде́ждꙋ свою̀ съ бг҃омъ, къ твоемꙋ̀ застꙋпле́нїю непобѣди́момꙋ: да не вра́гъ возмо́гъ, во́зметъ и҆ погꙋби́тъ мѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Болѧ́щихъ цѣли́тельницꙋ, па́дающихъ воста́нїе, согрѣша́ющихъ ѡ҆чище́нїе, бцⷣе, тебѐ молю̀, со слеза́ми припа́даю, и҆ зовꙋ́ ти: ꙗ҆́кѡ сильна̀, сама́ мѧ сп҃сѝ погиба́ющаго."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Поми́лꙋй чⷭ҇таѧ, смире́ннꙋю мою̀ дꙋ́шꙋ, предварѝ и҆ восхи́ти, и҆з̾е́млющи ю҆̀ ѿ лꙋка́вагѡ: тщи́тсѧ бо въ про́пасть посла́ти ю҆̀ ѕлы́хъ ра́ди, ꙗ҆̀же лѣ́ность мно́гаѧ содѣ́ла."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гро́бъ тво́й сп҃се:"
|
||||
},
|
||||
{
|
||||
"type": "TEXT",
|
||||
"value": "Мл҃твенницꙋ ко гдⷭ҇ꙋ стѧжа́хомъ тѧ̀ всѝ чⷭ҇таѧ, и҆ притека́емъ въ цр҃ковь твою̀ ст҃ꙋ́ю, просѧ́ще по́мощи ѿ тебѐ приснодв҃о: и҆зба́ви ᲂу҆̀бо на́съ ѿ бѣсо́вскїѧ ѕло́бы и҆ мꙋче́нїѧ, и҆ ѡ҆сꙋжде́нїѧ стра́шнагѡ, тѧ̀ блажа́щыѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѐ ᲂу҆́мнꙋю бцⷣе, пе́щь разсмотрѧ́емъ вѣ́рнїи: ꙗ҆́коже бо ѻ҆́троки сп҃сѐ трѝ превозноси́мый, мі́ръ ѡ҆бновѝ, во чре́вѣ твое́мъ всецѣ́лъ, хва́льный ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Бж҃е́ственнаѧ ски́нїѧ влⷣцѣ была̀ є҆сѝ, ꙗ҆́кѡ заче́нши во чре́вѣ, и҆ ро́ждши сего̀ пло́тїю, є҆ди́на непоро́чнаѧ. Тѣ́мже на́съ и҆зба́ви страсте́й, и҆ болѣ́зней, и҆ скорбе́й, и҆ долгѡ́въ: и҆́бо и҆́маши крѣ́пость и҆ си́лꙋ мно́гꙋ."
|
||||
},
|
||||
{
|
||||
"type": "TEXT",
|
||||
"value": "Оу҆ста́ви чⷭ҇таѧ, болѣ́знь нестерпи́мꙋю, преѻкаѧ́нныѧ моеѧ̀ дꙋшѝ, ра́дость мѝ и҆́стиннꙋю влⷣчце подаю́щи, рѣша́щи прегрѣше́нїй мои́хъ мно́гихъ мꙋ́тнꙋю волнꙋ̀: ты́ бо мѝ є҆сѝ прибѣ́жище и҆ и҆збавле́нїе."
|
||||
},
|
||||
{
|
||||
"type": "TEXT",
|
||||
"value": "Сла́ва: Всѐ на тѧ̀ ᲂу҆пова́нїе положи́хъ сп҃се́нїѧ моегѡ̀: тѧ́ бо стѧжа́хъ по́мощь, и҆ непобори́мь сто́лпъ, и҆ ᲂу҆твержде́нїе, и҆ тве́рдости и҆звѣще́нїе, и҆ тобо́ю црⷭ҇тво полꙋчи́ти надѣ́юсѧ влⷣчце."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Восто́къ сл҃нца была̀ є҆сѝ сла́вы влⷣчце чⷭ҇таѧ: тобо́ю бо ꙗ҆вле́йсѧ, всѧ̑ свободѝ тьмы̀ и҆ невѣ́дѣнїѧ, и҆ смра́дныхъ прегрѣше́нїй. Тѣ́мже вопїю́ ти: внѣ́шнїѧ мѧ̀ тьмы̀ свободѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пещѝ ѻ҆́троцы і҆и҃лєвы, ꙗ҆́коже въ горни́лѣ добро́тою бл҃гоче́стїѧ, чистѣ́е зла́та блеща́хꙋсѧ, глаго́люще: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Страсте́й смꙋще́нїе лю́тѣ ѡ҆скорблѧ́етъ дꙋ́шꙋ мою̀ бцⷣе: тишины́ же и҆ ми́ра ꙗ҆́же вино́вника чⷭ҇таѧ, и҆ пода́телѧ ро́ждши, въ ми́рнѣ ᲂу҆строе́нїи соблюда́ющи, ти́хостныѧ мѧ̀ и҆спо́лни ра́дости и҆ весе́лїѧ."
|
||||
},
|
||||
{
|
||||
"type": "TEXT",
|
||||
"value": "Сп҃се́нїѧ хода́таица на́мъ ꙗ҆ви́ласѧ є҆сѝ бцⷣе, ро́ждшаѧ сп҃са и҆ влⷣкꙋ всѧ́ческихъ. Тѣ́мже молю̀ тѧ̀: сп҃се́нїѧ сподо́би смире́ннꙋю мою̀ дꙋ́шꙋ, пѣсносло́вити тѧ̀ вѣ́рнѡ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́же зижди́телѧ всѣ́хъ и҆ бг҃а неизглаго́ланнѡ заче́нши, сп҃си́ мѧ ѿ тлѝ, и҆ всѧ́кагѡ и҆скꙋше́нїѧ, и҆ дава́й вопи́ти при́снѡ: бл҃гослови́те всѧ̑ дѣла̀ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Всѧ́ческихъ зижди́телѧ и҆ бг҃а родила̀ є҆сѝ дв҃о, є҆го́же молѝ, дарова́ти прегрѣше́нїй ѡ҆чище́нїе, и҆ скорбе́й и҆збавле́нїе и҆ напа́стей, и҆ вѣ́чнагѡ ѻ҆гнѧ̀, и҆ ѡ҆сꙋжде́нїѧ, славосло́вѧщымъ непреста́ннѡ твою̀ сла́вꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆́бразъ чи́стагѡ ржⷭ҇тва̀ твоегѡ̀, ѻ҆гнепали́маѧ кꙋпина̀ показа̀ неѡпа́льнаѧ: и҆ ны́нѣ на на́съ напа́стей свирепѣ́ющꙋю ᲂу҆гаси́ти мо́лимсѧ пе́щь, да тѧ̀ бцⷣе непреста́ннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Мт҃и бж҃їѧ всенепоро́чнаѧ, ми́лостивнꙋю твою̀ ᲂу҆тро́бꙋ мнѣ̀ ѿве́рзи, и҆ ѿ ᲂу҆́стъ мы́сленнагѡ во́лка и҆зба́ви мѧ̀, и҆́щꙋщагѡ погꙋби́ти и҆ растли́ти мѧ̀: поми́лꙋй, молю́ тѧ, не возвратѝ менѐ посра́млена раба̀ твоего̀."
|
||||
},
|
||||
{
|
||||
"type": "TEXT",
|
||||
"value": "Всеѧ̀ моеѧ̀ жи́зни бꙋ́ди предста́тельница, и҆ тве́рдое застꙋпле́нїе. И҆ и҆зба́ви мѧ̀ всечⷭ҇таѧ, мно́гихъ напа́стей и҆ печа́лей, и҆ врагѡ́въ ѧ҆зыкобо́лїѧ, но и҆ ѻ҆гнѧ̀ вѣ́чнагѡ и҆зба́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Є҆ди́на болѧ́щихъ посѣще́нїе: є҆ди́на па́дшихъ и҆справле́нїе влⷣчце: є҆ди́на къ бг҃ꙋ рꙋководи́тельница и҆ вхо́дъ: є҆ди́на хода́таица вѣ́чныхъ бла̑гъ, поми́лꙋй мѧ̀ є҆ди́наго, па́че всѣ́хъ согрѣши́вшаго."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Прїимѝ мою̀ сле́знꙋю ны́нѣ мл҃твꙋ, и҆ пода́ждь мѝ ѡ҆ставле́нїе согрѣше́нїй, и҆ мно́гихъ ѕлы́хъ, ꙗ҆̀же содѣ́ѧхъ, бцⷣе, всепѣ́таѧ влⷣчце: до конца́ бо погиба́ю ѿ безмѣ́рнагѡ ѿча́ѧнїѧ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "И҆ про́чее ѻ҆бы́чно, и҆ ѿпꙋ́стъ"
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ ᲂу҆́тра, по а҃-мъ стїхосло́вїи, сѣда́льны ᲂу҆мили́тельны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Въ беззако́нїихъ зача́тъ є҆́смь а҆́зъ блꙋ́дный, не смѣ́ю взира́ти на высотꙋ̀ нбⷭ҇нꙋю. Но дерза́ѧ на чл҃вѣколю́бїе твоѐ зовꙋ̀: бж҃е, ѡ҆чи́сти мѧ̀ и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "А҆́ще првⷣникъ є҆два̀ сп҃са́етсѧ, а҆́зъ гдѣ̀ ꙗ҆влю́сѧ грѣ́шный; тѧготы̀ и҆ зно́ѧ дневна́гѡ не понесо́хъ: но съ нае́мники є҆динонадесѧ́тагѡ часа̀ сопричти́ мѧ бж҃е, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Пречⷭ҇таѧ бцⷣе, ꙗ҆́же на нб҃сѣ́хъ бл҃гослове́ннаѧ, и҆ на землѝ славосло́вимаѧ: ра́дꙋйсѧ невѣ́сто неневѣ́стнаѧ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны. Гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гро́бъ тво́й сп҃се:"
|
||||
},
|
||||
{
|
||||
"type": "TEXT",
|
||||
"value": "Ѡ҆б̾ѧ́тїѧ ѻ҆́ч҃а ѿве́рсти мѝ потщи́сѧ, блꙋ́днѣ и҆жди́хъ моѐ житїѐ, на бога́тство неиждива́емое взира́ѧй щедро́тъ твои́хъ сп҃се, ны́нѣ ѡ҆бнища́вшее моѐ се́рдце не пре́зри. Тебѣ́ бо гдⷭ҇и во ᲂу҆миле́нїи зовꙋ̀: согрѣши́хъ тѝ, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Сꙋди́ще твоѐ стра́шно, и҆ сꙋ́дъ пра́веденъ, дѣла̀ моѧ̑ лю̑та: но ты̀ млⷭ҇тиве, предвари́въ мѧ̀ сп҃сѝ, и҆ мꙋ́ки свободѝ, и҆ и҆зба́ви влⷣко шꙋ́ихъ ча́сти, и҆ сподо́би ѡ҆деснꙋ́ю тебѐ ста́ти сꙋдїѐ пра́веднѣйшїй."
|
||||
},
|
||||
{
|
||||
"type": "HEADER",
|
||||
"value": "Та́же мч҃нченъ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Страда́нїѧ похвало́ю, вѣнцє́въ досто́инствомъ, сла́внїи стрⷭ҇тоте́рпцы ѡ҆дѣ́ѧшасѧ тобо́ю гдⷭ҇и: терпѣ́нїемъ бо ра́нъ, беззако́нныхъ побѣди́ша, и҆ си́лою бж҃е́ственною съ нб҃сѐ побѣ́дꙋ прїѧ́ша. Тѣ́хъ мл҃твами и҆ менѐ свободѝ ѿ неви́димагѡ врага̀ сп҃се, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Оу҆пра́ви чⷭ҇таѧ, ѻ҆каѧ́ннꙋю мою̀ дꙋ́шꙋ, и҆ ᲂу҆ще́дри ю҆̀ ѿ мно́жества прегрѣше́нїй, во глꙋбинꙋ̀ попо́лзшꙋюсѧ поги́бели, всенепоро́чнаѧ, и҆ въ ча́съ мѧ̀ стра́шный сме́ртный ты̀ и҆схитѝ ѡ҆глаго́лꙋющихъ де́мѡнѡвъ, и҆ всѧ́кїѧ мꙋ́ки."
|
||||
},
|
||||
{
|
||||
"type": "HEADER",
|
||||
"value": "И҆́ны сѣда́льны, є҆гда̀ стїхосло́витсѧ г҃-ѧ каѳі́сма. Гла́съ а҃"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гро́бъ тво́й сп҃се:"
|
||||
},
|
||||
{
|
||||
"type": "TEXT",
|
||||
"value": "Безꙋ́мнѡ ѿ тебѐ ᲂу҆дали́всѧ всеще́дре, блꙋ́днѡ моѐ и҆жди́хъ житїѐ, рабо́таѧй страсте́мъ безсловє́снымъ всегда̀: но прїими́ мѧ а҆́гг҃лѡвъ мл҃твами ѻ҆́ч҃е бл҃гоꙋтро́бне, ꙗ҆́коже блꙋ́днагѡ ѻ҆́трока, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Невеще́ственныхъ во́инствъ преимꙋ́щаѧ ѻ҆трокови́це, и҆ чи́ны нбⷭ҇ныѧ превосходѧ́щаѧ є҆ди́на, досто́йнꙋю похвалꙋ̀ ѿ ни́хъ прїе́млеши всечⷭ҇таѧ: но молѝ сн҃а твоего̀ со а҆́гг҃лы, є҆́же и҆зба́витисѧ мнѣ̀ ѿ страсте́й мꙋчи́тельства, є҆ди́номꙋ ѡ҆сꙋжде́нномꙋ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ ᲂу҆мили́тельный, гла́съ а҃, творе́нїе господи́на і҆ѡ́сифа, є҆гѡ́же краестро́чїе:"
|
||||
},
|
||||
{
|
||||
"type": "TEXT",
|
||||
"value": "Прегрѣше́нїй мои́хъ скве́рнꙋ ѡ҆мы́й сло́ве."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Твоѧ̀ побѣди́тельнаѧ десни́ца бг҃олѣ́пнѡ въ крѣ́пости просла́висѧ: та́ бо безсме́ртне, ꙗ҆́кѡ всемогꙋ́щаѧ проти̑вныѧ сотрѐ, і҆и҃льтѧнѡмъ пꙋ́ть глꙋбины̀ новосодѣ́лавшаѧ."
|
||||
},
|
||||
{
|
||||
"type": "TEXT",
|
||||
"value": "Грѣхѡ́въ мои́хъ мно́жество, по мно́жествꙋ хрⷭ҇тѐ млⷭ҇ти твоеѧ̀, молю́сѧ тѝ, потребѝ, и҆ помышле́нїе ѡ҆браще́нїѧ мѝ да́рꙋй: ꙗ҆́кѡ да твою̀ сла́влю ꙗ҆́же па́че ᲂу҆ма̀ бл҃госты́ню."
|
||||
},
|
||||
{
|
||||
"type": "TEXT",
|
||||
"value": "Ꙗ҆ви́лсѧ є҆сѝ за милосе́рдїе щедро́тъ, на землѝ воплоща́емь человѣ́къ: тѣ́мже па́че человѣ́ка сло́ве бж҃їй, согрѣши́вша прїими́ мѧ ны́нѣ покаѧ́нїемъ къ щедро́тамъ твои̑мъ припа́дающаго."
|
||||
},
|
||||
{
|
||||
"type": "TEXT",
|
||||
"value": "Та́же мч҃нчны: Оу҆мерщвле́нїе подража́вше, хрⷭ҇та̀ во́лею пострада́вшагѡ, всехва́льнїи, и҆ сме́рть, стра̑сти претерпѣ́сте многови̑дныѧ и҆ сме́рть, присносла́внїи. Тѣ́мже безсме́ртное житїѐ ᲂу҆лꙋчи́сте, мꙋ́чєницы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѻ҆́гнь любвѐ бж҃е́ственныѧ пресла́внѡ внꙋ́трь носѧ́ще мч҃нцы, ѻ҆гнѧ̀ не ᲂу҆боѧ́стесѧ: но те́плыми болѣ́зней преспѣ́ѧнїи многобо́жїѧ вещество̀ всѧ́кое попали́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Чи́нове безпло́тныхъ съ на́ми воспѣва́ютъ тѧ̀ дв҃о всепѣ́таѧ: неѡб̾име́ннаго бо во чре́вѣ твое́мъ воплоще́нна родила̀ є҆сѝ, пребы́вши дв҃а ꙗ҆́коже и҆ пре́жде ржⷭ҇тва̀, бг҃оневѣ́сто."
|
||||
},
|
||||
{
|
||||
"type": "TEXT",
|
||||
"value": "Дрꙋгі́й канѡ́нъ безплѡ́тнымъ, гла́съ а҃, творе́нїе господи́на ѳеофа́на, є҆гѡ́же краестро́чїе:"
|
||||
},
|
||||
{
|
||||
"type": "TEXT",
|
||||
"value": "Пе́рвое а҆́гг҃лѡмъ пѣ́нїе:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Прⷭ҇то́лꙋ предстоѧ́ще свѣ́тлѡ влⷣчнемꙋ всест҃і́и а҆́гг҃ли, ѻ҆ц҃ꙋ̀ собезнача́льна, и҆ тогѡ̀ вели́кагѡ совѣ́та а҆́гг҃ла, сло́во мѝ вдохнꙋ́ти ва́съ пою́щꙋ, моли́тесѧ. Два́жды."
|
||||
},
|
||||
{
|
||||
"type": "TEXT",
|
||||
"value": "Зерца́ла свѣ́та бг҃онача́льна, и҆ трисо́лнечныѧ свѣщѝ сїѧ́нїе въ себѣ̀ прїе́млющыѧ, по є҆ли́кꙋ пости́жнѡ, а҆́гг҃льскїѧ чи́ны пе́рвѣе ᲂу҆мы́сливъ, ᲂу҆́мъ бж҃е́ственный соста́ви."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆краше́й ꙗ҆́кѡ бг҃ъ чинонача̑лїѧ вы́шнихъ си́лъ, во ᲂу҆тро́бꙋ неискꙋсобра́чнꙋю, серафі́мѡвъ вы́шшꙋ, всели́сѧ твою̀ бцⷣе, и҆ пло́ть непремѣ́нна бы́сть."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆ди́не вѣ́дый человѣ́ческагѡ сꙋщества̀ не́мощь, и҆ ми́лостивнѡ въ нѐ воѡбра́жсѧ, препоѧ́ши мѧ̀ съ высоты̀ си́лою, є҆́же вопи́ти тебѣ̀ ст҃ы́й: ѡ҆дꙋшевле́нный хра́ме неизрече́нныѧ сла́вы твоеѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Возни́кни, грѧдѝ, ѽ дꙋшѐ! И҆ возопі́й созда́телю твоемꙋ̀, та̑йнаѧ твоѧ̑ всѧ̑ вѣ́дꙋщемꙋ, и҆ покаѧ́нїѧ плоды̀ покажѝ: ꙗ҆́кѡ да поми́лꙋетъ тѧ̀ ще́дрый гдⷭ҇ь, и҆ ѻ҆гнѧ̀ вѣ́чнагѡ и҆зба́витъ."
|
||||
},
|
||||
{
|
||||
"type": "TEXT",
|
||||
"value": "Ѡ҆чи́сти є҆ди́не бл҃же, ѡ҆чи́сти и҆ сп҃си́ мѧ, ꙗ҆́кѡ мыта́рь со стра́хомъ зовꙋ́ ти: мно́жествомъ грѣхѡ́въ влекі́йсѧ, и҆ преклонѧ́емь є҆́смь тѧгото́ю прегрѣше́нїй, и҆ стꙋда̀ безмѣ́рнагѡ и҆сполнѧ́ѧйсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мꙋ́дростїю и҆ ра́зꙋмомъ и҆́стиннымъ мꙋ́чєницы и҆сполнѧ́еми, є҆́ллинскꙋю мꙋ́дрость ѡ҆бꙋи́ша, мꙋ́дростнꙋю же ѕло́бꙋ погꙋби́ша, и҆ крѣ́пкѡ пострада́вше, досто́йнѣ воспрїѧ́ша побѣ́ды вѣнцы̀, ра́дꙋющесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Є҆ди́ницꙋ ᲂу҆́бѡ є҆стество́мъ, страда́льцы, трⷪ҇цꙋ же ли́цы и҆сповѣ́дающе, пре́лесть многобо́жнꙋю бж҃е́ственною вѣ́рою потреби́сте, и҆ свѣти́льницы ꙗ҆ви́стесѧ, всѣ́хъ ѡ҆зарѧ́юще сердца̀ лꙋча́ми бл҃года́тными."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ст҃а́ѧ бг҃оневѣ́сто чⷭ҇таѧ, ст҃ѡ породила̀ є҆сѝ, во ст҃ы́хъ почива́ющаго, сн҃а и҆ сло́ва ѻ҆ц҃ꙋ̀ собезнача́льнагѡ, ѡ҆сщ҃а́ющагѡ ѡ҆ ст҃ѣ́мъ дс҃ѣ, и҆̀же того̀ бл҃гоче́стнѡ ѡ҆сщ҃а́ющыѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Свѣ́тꙋ бг҃одѣ́тельномꙋ серафі́ми несре́дственнѡ приближа́ющесѧ, и҆ многогꙋ́бѡ и҆́мъ насыща́еми, первода́тными ꙗ҆́вѣ сїѧ́ньми перводѣ́льнѡ свѣ́тѧтсѧ, и҆ ꙗ҆́кѡ свѣ́ти вторі́и быва́ютъ, бж҃ество́мъ ѡ҆божа́еми. Два́жды."
|
||||
},
|
||||
{
|
||||
"type": "TEXT",
|
||||
"value": "А҆́гг҃льскїѧ свѣ́тлости пѣ́ти ᲂу҆се́рднѡ жела́юще, ꙗ҆́же тѣ́ми ѿ бг҃а по́мощь подае́мꙋю, вѣ́рнїи про́симъ ᲂу҆ма̀ чистото́ю, и҆ пречⷭ҇тыми ᲂу҆сты̀, и҆ да полꙋ́чимъ си́хъ сїѧ́нїе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆ма̀ пресꙋ́щественнагѡ ви́дѣти сподоблѧ́еми, ꙗ҆́кѡ лѣ́по, гаврїи́лъ дв҃о всенепоро́чнаѧ, ра́дованенъ гла́съ принесѐ тебѣ̀, словесѐ зача́тїе ꙗ҆́вѣ возвѣща́ѧ тѝ, и҆ неизрече́нное ржⷭ҇тво̀ проповѣ́даѧ твоѐ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Го́рꙋ тѧ̀ бл҃года́тїю бж҃їею прїѡсѣне́ннꙋю, прозорли́выма а҆ввакꙋ́мъ ᲂу҆смотри́въ ѻ҆чи́ма, и҆з̾ тебѐ и҆зы́ти і҆и҃левꙋ провозглаша́ше ст҃о́мꙋ, во сп҃се́нїе на́ше и҆ ѡ҆бновле́нїе."
|
||||
},
|
||||
{
|
||||
"type": "TEXT",
|
||||
"value": "Комꙋ́ тѧ, дꙋшѐ моѧ̀ ѻ҆каѧ́ннаѧ, ᲂу҆подо́блю, дѣ́лающꙋю лю̑таѧ, и҆ не творѧ́щꙋю до́брыхъ; ѡ҆брати́сѧ, возопі́й тебѐ ра́ди ѡ҆бнища́вшемꙋ во́лею: сердцевѣ́дче, ᲂу҆ще́дри, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Ѡ҆предѣли́вый покаѧ́нїе сп҃се ѡ҆браща́ющымсѧ, є҆́же мѝ пода́ждь бл҃же, пре́жде конца̀ житїю̀ даѧ́ ми ᲂу҆миле́нїе и҆ воздыха́нїе, ꙗ҆́кѡ блꙋдни́цѣ пе́рвѣе, ѡ҆блобыза́ющей но́зѣ твоѝ влⷣко."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Во́дъ дꙋхо́вныхъ и҆спо́лншесѧ мч҃нцы, воды̀ жи́вы рѣ́ки ꙗ҆ви́шасѧ манове́нїемъ бж҃е́ственнымъ, и҆ пре́лести и҆зсꙋши́ша мꙋ́тныѧ хрⷭ҇тѐ пото́ки дх҃омъ, и҆ вѣ́рныхъ мы̑сли напои́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вельмѝ подви́гшесѧ бж҃е́ственнїи мч҃нцы, ѻ҆гнѧ́ бо и҆ меча̀, и҆ лю́тыхъ всѣ́хъ претерпѣ́ша томле́нїе. Тѣ́хъ моле́ньми сло́ве бж҃їй, превели́кїѧ и҆зба́ви мꙋ́ки вѣ́чныѧ, вѣ́рою пою́щыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆́же дре́вле и҆з̾ ѻ҆ц҃а̀ нерожде́нна сн҃ъ рожде́йсѧ, ржⷭ҇тво̀ и҆мѣ̀ лѣ́тное, и҆з̾ тебѐ дв҃о вопло́щьсѧ, лѣ́тнꙋю бра́нь земноро́дныхъ ѿѧ́ти хотѧ̀ бл҃гоꙋтро́бный, и҆́же дне́й и҆ лѣ́тъ превы́ше сы́й."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Прⷭ҇то́ли пе́рвое и҆сполнѧ́юще ᲂу҆добре́нїе, и҆ херꙋві́ми и҆ серафі́ми, бж҃е́ственными зарѧ́ми, несре́дственнѡ свѣ́тѧтсѧ, бг҃одѣ́тєльнаѧ сщ҃еннонача̑лїѧ прїе́млюще, ны́нѣ пою́тъ: сла́ва си́лѣ твое́й гдⷭ҇и. Два́жды."
|
||||
},
|
||||
{
|
||||
"type": "TEXT",
|
||||
"value": "Пою́тъ тричи́сленнꙋю є҆ди́ницꙋ бж҃ества̀ трⷪ҇ческими сщ҃е́ннїи непреста́нными гла́сы, ꙗ҆влѧ́юще серафі́ми пречи́стое бг҃осло́вїѧ та́инство, и҆ правосла́внѣй вѣ́рѣ наꙋча́юще."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆́же всѧ́кїѧ тва́ри превы́шши разꙋмѣва́емь, па́че ᲂу҆ма̀ живонача́льнымъ зда́нїемъ, вои́стиннꙋ на землѝ соверша́ѧ чꙋдеса̀, дѣ́вственными свѣ́тлостьми, во твоѐ чи́стое чре́во всели́сѧ пречⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣти́вый сїѧ́нїемъ прише́ствїѧ твоегѡ̀ хрⷭ҇тѐ, и҆ ѡ҆свѣти́вый крⷭ҇то́мъ твои́мъ мі́ра концы̀, сердца̀ просвѣтѝ свѣ́томъ твоегѡ̀ бг҃оразꙋ́мїѧ, правосла́внѡ пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Впадо́хъ въ тлѣ́нїе страсте́й, и҆ бою́сѧ твоегѡ̀ пра́веднагѡ сꙋди́ща, пра́ведный гдⷭ҇и. Тѣ́мже молю́сѧ тѝ: ᲂу҆крѣпи́ мѧ твори́ти дѣ̑ланїѧ бл҃га̑ѧ, ѡ҆правда̑ющаѧ мѧ̀."
|
||||
},
|
||||
{
|
||||
"type": "TEXT",
|
||||
"value": "Безвѣ̑стнаѧ и҆ та̑йнаѧ се́рдца моегѡ̀ ты̀ вѣ́си, бж҃е мо́й, и҆ зижди́телю, и҆ гдⷭ҇и, не ѡ҆сꙋдѝ ᲂу҆̀бо менѐ въ ча́съ сꙋда̀, внегда̀ прїи́деши сꙋди́ти всѧ́чєскимъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ст҃і́и причасти́вшесѧ ѻ҆гню̀, разжже́нїе показа́хꙋ бж҃е́ственнагѡ своегѡ̀ любле́нїѧ. Тѣ́мже ѡ҆роша́еми, ча́ѧнїемъ бꙋ́дꙋщихъ бг҃оно́снїи веселѧ́хꙋсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆крѣплѧ́еми бл҃ги́хъ наде́ждею мч҃нцы, претерпѣва́хꙋ растерза̑нїѧ ᲂу҆дѡ́въ терпѣли́вѣйше, и҆ многоко́зненнаго, жи́лами свои́ми неѡсла́бленнагѡ терпѣ́нїѧ, ᲂу҆дави́ша."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Вѣті́йствꙋющаѧ ᲂу҆ста̀ не возмо́гꙋтъ, ржⷭ҇тва̀ твоегѡ̀ неизрече́нное повѣ́дати чꙋ́до, бг҃оневѣ́сто: несказа́ннаго бо ражда́еши, и҆ на ѡ҆б̾ѧ́тїѧхъ но́сиши рꙋко́ю содержа́щаго всѧ́чєскаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Любо́вїю бж҃е́ственною распала́еми, госпѡ́дьствїѧ, вла̑сти и҆ си̑лы, чи́нове вторі́и, немо́лчными ᲂу҆сты̀ бг҃онача́льное пѣсносло́вѧтъ є҆ди́но сꙋщество̀ и҆ си́лꙋ."
|
||||
},
|
||||
{
|
||||
"type": "TEXT",
|
||||
"value": "Оу҆правлѧ́ютсѧ а҆рха́гг҃льстїи чи́нове дх҃омъ, и҆ а҆́гг҃лѡвъ, и҆ нача́лѡвъ, со безчи́сленными во́инствы: є҆ди́но трїѷпоста́сное просвѣти́тельно сꙋщество̀ почита́ти свѣ́тлѡ ᲂу҆чи́ми сꙋ́ть."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆краси́ласѧ є҆сѝ па́че всѧ́кагѡ а҆́гг҃льскагѡ бл҃голѣ́пїѧ, а҆́гг҃лѡвъ бо творца̀ заче́нши и҆ гдⷭ҇а, бг҃омт҃и пречⷭ҇таѧ, воплоти́вшагосѧ неизрече́ннѡ ѿ твои́хъ крове́й, родила̀ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆бы́де на́съ послѣ́днѧѧ бе́здна, нѣ́сть и҆збавлѧ́ѧй, вмѣни́хомсѧ ꙗ҆́кѡ ѻ҆́вцы заколе́нїѧ, сп҃сѝ лю́ди твоѧ̑ бж҃е на́шъ: ты́ бо крѣ́пость немощствꙋ́ющихъ и҆ и҆справле́нїе."
|
||||
},
|
||||
{
|
||||
"type": "TEXT",
|
||||
"value": "Сы́й вра́чь хрⷭ҇тѐ, и҆сцѣлѝ стра̑сти се́рдца моегѡ̀, и҆ ѡ҆мы́й мѧ̀ ѿ всѧ́кїѧ скве́рны, стрꙋѧ́ми і҆и҃се мо́й ᲂу҆миле́нїѧ, да пою̀ и҆ велича́ю бл҃гоꙋтро́бїе твоѐ."
|
||||
},
|
||||
{
|
||||
"type": "TEXT",
|
||||
"value": "Блꙋдѧ́ща мѧ̀ на пꙋте́хъ поги́бели, и҆ въ ро́въ согрѣше́нїй впа́дающа мѧ̀ ѡ҆братѝ хрⷭ҇тѐ, и҆ къ незаблꙋ̑днымъ стезѧ́мъ наведѝ твои́хъ честны́хъ ѡ҆правда́нїй, ꙗ҆́кѡ да сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ка́менїе вои́стиннꙋ многоцѣ́нное, ка́менїемъ посыпа́еми, не ѿверго́шасѧ ка́мене жи́зненнагѡ, нижѐ и҆стꙋка́нномꙋ ка́менїю пожро́ша, сла́внїи и҆ вѣнцено́сцы гдⷭ҇ни мч҃нцы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆бно́вльше дꙋ́шы ра́ломъ вѣ́ры мч҃нцы, страда́нїѧ кла́съ дх҃омъ бж҃е́ственнымъ стори́чный возрасти́ша, и҆ пи́щи бл҃же́нныѧ сподо́бишасѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѻ҆́гненныхъ слꙋ́гъ ѻ҆́гнь роди́вши, ꙗ҆ви́ласѧ є҆сѝ всенепоро́чнаѧ и҆ тва́ри всѧ́кїѧ перводѣ́льнѣ, пречⷭ҇таѧ дв҃о преимꙋ́щаѧ, въ жена́хъ бл҃гослове́ннаѧ бг҃ора́дованнаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Чи́ни безпло́тныхъ гдⷭ҇и, прⷭ҇то́лꙋ предстоѧ́ще сла́вы твоеѧ̀ чл҃вѣколю́бче, гла́сы а҆́гг҃льскими непреста́нными тѧ̀ почита́ютъ: ты́ бо крѣ́пость є҆сѝ тѣ́хъ хрⷭ҇тѐ, и҆ пѣ́нїе. Два́жды."
|
||||
},
|
||||
{
|
||||
"type": "TEXT",
|
||||
"value": "Лицѐ твоѐ зрѧ́ще а҆́гг҃ли, добро́тꙋ недомы́слимꙋю, пребж҃е́ственное бл҃голѣ́пїе твоеѧ̀ бж҃е́ственныѧ свѣ́тлости, просвѣща́ютсѧ: ты́ бо тѣ́хъ и҆ свѣ́тъ є҆сѝ и҆ ра́дованїе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Воплоти́сѧ, и҆́же пре́жде сы́й безпло́тное сло́во, и҆з̾ тебѐ пречⷭ҇таѧ, всѧ́чєскаѧ во́лею творѧ́й, и҆ безпло́тныхъ вѡ́инства приведы́й ѿ небытїѧ̀, ꙗ҆́кѡ всеси́ленъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѐ ᲂу҆́мнꙋю бцⷣе, пе́щь разсмотрѧ́емъ вѣ́рнїи: ꙗ҆́коже бо ѻ҆́троки сп҃сѐ трѝ превозноси́мый, мі́ръ ѡ҆бновѝ, во чре́вѣ твое́мъ всецѣ́лъ, хва́льный ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Львы̀ дре́вле данїи́лъ ᲂу҆кротѝ, сожи́тельницꙋ и҆мѣ́ѧй добродѣ́тель: томꙋ̀ поревнꙋ́й, ѽ дꙋшѐ, и҆ рыка́ющагѡ всегда̀ ꙗ҆́кѡ льва̀, и҆ ѡ҆б̾ѧ́ти хотѧ́ща тѧ̀, є҆́же къ бг҃ꙋ взира́нїемъ при́снѡ, бездѣ́льна сотворѝ."
|
||||
},
|
||||
{
|
||||
"type": "TEXT",
|
||||
"value": "Премно́жествомъ блꙋда̀, гдⷭ҇и, дꙋ́шꙋ ѡ҆скверни́хъ лю́тѣ. Превосходѧ́щꙋю ᲂу҆́бѡ хрⷭ҇тѐ и҆мы́й бл҃госты́ню, прїимѝ ꙗ҆́кѡ блꙋ́днаго, и҆ пою́ща мѧ̀ ᲂу҆ще́дри: препѣ́тый ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Зако́номъ хрⷭ҇то́вымъ бл҃гомо́щнѡ ᲂу҆крѣплѧ́еми, беззако́нныхъ совѣ́ты погꙋби́ша, непобѣди́мїи мч҃нцы, зако́ннѡ же сконча́вшесѧ, воспѣва́хꙋ: препѣ́тый ѻ҆тцє́въ бг҃ъ бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бг҃оза́рнїи гдⷭ҇ни мч҃нцы, распала́еми свѣ́томъ трⷪ҇ческимъ, ꙗ҆́вѣ мꙋче́нїѧ тьмꙋ̀, и҆ пре́лести мглꙋ̀ разрꙋши́сте, пою́ще: препѣ́тый ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Зако́ни є҆стества̀ въ тебѣ̀ ѡ҆бновлѧ́ютсѧ: законода́вца бо хрⷭ҇та̀ кромѣ̀ закѡ́нъ плотски́хъ ражда́еши, всенепоро́чнаѧ, всѣ̑мъ и҆збавле́нїе законополага́юща пою́щымъ: препѣ́тый ѻ҆тцє́въ бг҃ъ и҆ препросла́вленъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Безнача́льный свѣ́тъ ты̀ є҆сѝ влⷣко, ѿ ѻ҆ц҃а̀ свѣ́та возсїѧ́вый, а҆́гг҃лѡвъ вѡ́инства свѣ́ты ᲂу҆стро́илъ є҆сѝ, зерца̑ла прїе́млюща, блиста́нїе твоѐ незаходи́мое: препѣ́тый ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Ро́дъ человѣ́чь, и҆́же всѣ́хъ гдⷭ҇ь, приставле́ньми а҆́гг҃льскими ꙗ҆́вѣ сп҃са́еши: сїѧ́ бо предста́вилъ є҆сѝ всѣ̑мъ вѣ́рꙋющымъ, и҆ правосла́внѡ пою́щымъ тѧ̀, препѣ́тагѡ ѻ҆тцє́въ бг҃а, и҆ препросла́влена."
|
||||
},
|
||||
{
|
||||
"type": "TEXT",
|
||||
"value": "Ѧ҆зы́къ и҆ ᲂу҆́мъ не мо́жетъ, влⷣко, твои́хъ чꙋде́съ и҆зрещѝ, и҆ дѣ́лъ бл҃голѣ́пное: ты́ бо просвѣти́лъ є҆сѝ всѧ́кое ᲂу҆добре́нїе нбⷭ҇ныхъ си́лъ: препѣ́тый ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆з̾ тебѐ, чⷭ҇таѧ, сн҃ъ воплоти́сѧ, и҆́же пре́жде без̾ мт҃ре и҆з̾ ѻ҆ц҃а̀, и҆ без̾ ѻ҆ц҃а̀ є҆́же по на́мъ, на́съ ра́ди бы́въ. Є҆мꙋ́же ны́нѣ слꙋ́жатъ безпло́тныхъ полкѝ, ꙗ҆́кѡ хвали́момꙋ ѻ҆тцє́въ бг҃ꙋ, и҆ препросла́вленꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пещѝ ѻ҆́троцы і҆и҃лєвы, ꙗ҆́коже въ горни́лѣ добро́тою бл҃гоче́стїѧ, чистѣ́е зла́та блеща́хꙋсѧ, глаго́люще: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆зба́вителю мо́й бл҃гоꙋтро́бне хрⷭ҇тѐ, ны́нѣ ѡ҆держа́щїѧ мѧ̀ мглы̀ грѣхо́вныѧ, и҆ всѧ́кихъ и҆скꙋше́нїй и҆зба́ви зовꙋ́ща: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Є҆гда̀ хо́щеши прїитѝ хрⷭ҇тѐ во сла́вѣ, сꙋди́ти мі́рꙋ, стоѧ́нїю и҆збра́нныхъ твои́хъ сопричтѝ и҆ менѐ, вопїю́ща и҆ глаго́люща: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Къ землѝ хрⷭ҇то́вѣ ст҃і́и мч҃нцы преидо́сте: на земли́ бо вельмѝ подви́гшесѧ, нбⷭ҇нꙋю жи́знь воспрїѧ́сте, пою́ще: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Совле́кшесѧ тѣ́ла тлѣ́ннагѡ, во ѻ҆де́ждꙋ безсме́ртїѧ ꙗ҆́кѡ мч҃нцы побѣдоно́снїи ѡ҆блеко́стесѧ во хрⷭ҇та̀, съ высоты̀ взыва́юще: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сщ҃е́ннїи тѧ̀ гла́си и҆здале́ча провозвѣсти́ша пречⷭ҇таѧ, бы́ти тебѣ̀ мт҃ри всѧ̑ сотво́ршемꙋ бг҃ꙋ. Є҆мꙋ́же пое́мъ: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Просвѣщє́ннаѧ и҆ близосвѣ̑тнаѧ а҆́гг҃лѡвъ вѡ́инства лꙋча́ми трисо́лнечныѧ красоты̀, вѣ́рнїи подража́юще воспои́мъ: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ и҆сто́чникъ всѣ́хъ до́брыхъ, бг҃онача́льнѣйшаѧ приво́дитъ бж҃е́ственнаѧ си́ла свѣ́ты вторы̑ѧ, свѣ́тъ пе́рвый прїе́млющѧ и҆ вопїю́щѧ: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Оу҆́мъ пе́рвый и҆ содѣ́тель, премі̑рныѧ ᲂу҆мы̀ а҆́гг҃льскїѧ, пресꙋ́щественнѣ соста́ви себѣ̀, ꙗ҆́вѣ приближа́ющыѧсѧ, и҆ вопїю́щыѧ: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Па́че сло́ва и҆з̾ ѻ҆ц҃а̀ рожде́нна пре́жде вѣ̑къ, неизрече́ннѡ воплоще́нна родила̀ є҆сѝ на́мъ дв҃о всенепоро́чнаѧ. Є҆мꙋ́же вопїе́мъ: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆́бразъ чи́стагѡ ржⷭ҇тва̀ твоегѡ̀ ѻ҆гнепали́маѧ кꙋпина̀ показа̀ неѡпа́льнаѧ: и҆ ны́нѣ на на́съ напа́стей свирѣ́пѣющꙋю ᲂу҆гаси́ти мо́лимсѧ пе́щь, да тѧ̀ бцⷣе непреста́ннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже ханане́а зовꙋ́ ти: поми́лꙋй мѧ̀ сло́ве: дꙋ́шꙋ бо и҆́мамъ де́мѡнскими нанесе́нїи бѣ́дствꙋющꙋю, и҆ безꙋ́мнѡ беззакѡ́ннаѧ дѣ́лающꙋю, и҆ нечꙋ́вствꙋющꙋю бж҃е́ственнагѡ твоегѡ̀ стра́ха, долготерпѣли́ве."
|
||||
},
|
||||
{
|
||||
"type": "TEXT",
|
||||
"value": "Поста́ви гдⷭ҇и, на ка́мени повелѣ́нїй твои́хъ дꙋшѝ моеѧ̀ но́зѣ, и҆ безстꙋ́днѡ запѧ́ти мѧ̀ хотѧ́ща, запнѝ ѕмі́ѧ, и҆ и҆зба́ви мѧ̀ сегѡ̀ ѕлодѣ́йства, ꙗ҆́кѡ бл҃гъ и҆ многоми́лостивъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆жѐ пре́жде мч҃нцы, и҆скꙋше́нїй во́дꙋ непостоѧ́ннꙋю, и҆ ра́нъ лю́тыхъ бꙋ́рю, ко приста́нищꙋ ꙗ҆́вѣ достиго́сте го́рнѧгѡ црⷭ҇твїѧ, бж҃е́ственныѧ тишины̀ наслажда́ющесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѣ́та невече́рнѧгѡ мч҃нцы свѣтови́дни бы́ти сподо́бистесѧ, и҆ въ цр҃кви перворожде́нныхъ весели́тесѧ, и҆ со а҆́гг҃льскими ли́ки ра́дꙋетесѧ, съ ни́миже живода́вца ѡ҆ на́съ моли́те."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Но́сиши всѧ̑ носѧ́щаго, и҆ дои́ши всѣ̑мъ пи́щꙋ даю́щаго, ве́лїе и҆ стра́шно є҆́же па́че ᲂу҆ма̀ твоѐ та́инство, ковче́же чⷭ҇тны́ѧ ст҃ы́ни дв҃о бцⷣе. Тѣ́мже тѧ̀ вѣ́рою ᲂу҆бл҃жа́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Прича́стники неизрече́нныѧ сла́вы твоеѧ̀, безплѡ́тныѧ ᲂу҆мы̀ сп҃се соста́вилъ є҆сѝ: и҆ ны́нѣ тѣ́ми твоѧ̑ лю́ди сохранѝ, тебѣ̀ вѣ́рою и҆ любо́вїю прибѣга́ющыѧ, да тѧ̀ влⷣко непреста́ннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Да посыла́еши ми́рнаго а҆́гг҃ла, соблюда́юща вседержи́телю ста́до твоѐ: ми́ра бо и҆ любвѐ ты̀ вино́венъ, и҆ бг҃омꙋ́дреннꙋю вѣ́рꙋ соблюда́юща, и҆ всѧ̑ є҆́рєси твое́ю си́лою разрꙋша́юща."
|
||||
},
|
||||
{
|
||||
"type": "TEXT",
|
||||
"value": "Ве́сь сла́дость воспѣва́емый, нбⷭ҇нꙋю сла́достнꙋю свѣ́тлость насадѝ въ цр҃квахъ твои́хъ влⷣко, и҆ бл҃гоче́стнѡ да́ждь въ состоѧ́нїе, да тѧ̀ сп҃си́телѧ непреста́ннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Чи́ни а҆́гг҃льстїи пречⷭ҇таѧ, ны́нѣ немо́лчнѡ твоѐ ржⷭ҇тво̀ почита́ютъ: въ чинꙋ́ бо стоѧ́тъ взира́юще, весе́лїѧ є҆гѡ̀ насыща́ющесѧ, и҆ тѧ̀ бцⷣꙋ непреста́ннѡ велича́ютъ."
|
||||
},
|
||||
{
|
||||
"type": "TEXT",
|
||||
"value": "Та́же: Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀ ма́лаѧ, и҆ свѣти́ленъ. Та́же ѱалмы̀ ѻ҆бы̑чныѧ. На стїхо́внѣ стїхи̑ры ᲂу҆мили́тельны, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "И҆́нъ тѧ̀ мі́ръ дꙋшѐ ѡ҆жида́етъ, и҆ сꙋдїѧ̀ хо́щетъ твоѧ̑ ѡ҆бличи́ти та̑йнаѧ и҆ лю̑таѧ. Не пребꙋ́ди ᲂу҆̀бо въ здѣ́шнихъ, но предварѝ вопїю́щи сꙋдїѝ: бж҃е ѡ҆чи́сти мѧ̀, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ и҆ возвесели́хомсѧ, во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ: и҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Не пренебрезѝ менѐ сп҃се мо́й лѣ́ностїю грѣхо́вною ѡ҆держи́ма, воздви́гни моѐ помышле́нїе къ покаѧ́нїю, и҆ твоегѡ̀ вїногра́да дѣ́лателѧ и҆скꙋ́сна покажи́ мѧ: да́рꙋй мѝ є҆динагѡна́десѧте часа̀ мздꙋ̀, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стрⷭ҇тоте́рпцы хрⷭ҇тѡ́вы, прїиди́те лю́дїе всѝ почти́мъ, пѣ́ньми и҆ пѣ́сньми дꙋхо́вными, свѣти́льники мі́ра, и҆ проповѣ́дники вѣ́ры, и҆сто́чникъ приснотекꙋ́щїй, и҆з̾ негѡ́же и҆стека́ютъ вѣ̑рнымъ и҆сцѣлє́нїѧ: тѣ́хъ моли́твами хрⷭ҇тѐ бж҃е на́шъ, ми́ръ да́рꙋй мі́рꙋ твоемꙋ̀, и҆ дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, бг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Нбⷭ҇ныхъ чинѡ́въ:"
|
||||
},
|
||||
{
|
||||
"type": "TEXT",
|
||||
"value": "Ст҃ѣ́йшаѧ ст҃ы́хъ всѣ́хъ си́лъ, чⷭ҇тнѣ́йшаѧ всеѧ̀ тва́ри бцⷣе влⷣчце мі́ра, сп҃си́ ны сп҃са ро́ждшаѧ, ѿ прегрѣше́нїй тмори́чныхъ и҆ бѣ́дъ, ꙗ҆́кѡ бл҃га́ѧ, мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть: Трист҃о́е. По Ѻ҆́ч҃е на́шъ: тропа́рь ст҃о́мꙋ."
|
||||
},
|
||||
{
|
||||
"type": "HEADER",
|
||||
"value": "И҆ є҆ктенїа̀, и҆ ѿпꙋ́стъ. Ча́съ а҃-й, и҆ коне́чный ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ бл҃жє́нна, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Снѣ́дїю и҆зведѐ и҆з̾ раѧ̀ вра́гъ а҆да́ма: крⷭ҇то́мъ же введѐ хрⷭ҇то́съ во́нь разбо́йника, помѧни́ мѧ, гдⷭ҇и, вопїю́ща, є҆гда̀ прїи́деши во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆́згнани пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Оу҆миле́нїй и҆сто́чникъ мѝ да́рꙋй бл҃гоꙋтро́бїемъ твои́мъ хрⷭ҇тѐ бж҃е, всѧ́кїѧ мѧ̀ скве́рны ѕѡ́лъ безмѣ́рныхъ ѡ҆чища́ющїй, и҆ црⷭ҇твїѧ твоегѡ̀ бл҃годѣ́телю прича́стника мѧ̀ сотворѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "А҆́гг҃лъ твои́хъ чи́ны въ моле́нїе приво́димъ тѝ хрⷭ҇тѐ, сп҃сѝ, ᲂу҆ще́дри на́съ тѣ́ми, ꙗ҆́кѡ пребл҃гъ, всѧ̑ презира́ѧй на̑ша, ꙗ҆̀же въ вѣ́дѣнїи и҆ не въ вѣ́дѣнїи, прегрѣшє́нїѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крове́й ва́шихъ ст҃і́и тече́ньми, мы́сленнаго фараѡ́на потопи́сте ꙗ҆́вѣ: ны́нѣ же и҆сточа́ете чꙋде́съ то́ки, пꙋчи́нꙋ и҆зсꙋша́ющыѧ недꙋ́гѡвъ. Тѣ́мже бл҃жи́ми є҆стѐ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѻ҆ц҃ꙋ̀ поклони́мсѧ, и҆ сн҃а славосло́вимъ, и҆ всест҃а́го дх҃а всѝ вѣ́рнїи воспои́мъ, зовꙋ́ще и҆ глаго́люще: всест҃а́ѧ трⷪ҇це, сп҃сѝ всѧ̑ ны̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Ро́ждшаѧ свѣ́тъ безлѣ́тный, ѡ҆мраче́ннꙋю дꙋ́шꙋ мою̀ при́снѡ де́мѡнѡвъ прило́ги, свѣтоводѝ пренепоро́чнаѧ, и҆ ѻ҆гнѧ̀ бꙋ́дꙋщагѡ хода́тайствы твои́ми свободѝ."
|
||||
}
|
||||
]
|
||||
File diff suppressed because it is too large.
Load diff
@@ -0,0 +1,894 @@
|
||||
[
|
||||
{
|
||||
"type": "HEADER",
|
||||
"value": "Гла́съ а҃. Четверто́къ"
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ ве́чера, на Гдⷭ҇и воззва́хъ, стїхи̑ры ст҃ы̑мъ а҆пⷭ҇лѡмъ. Гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Прехва́льнїи мч҃нцы:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "А҆пⷭ҇ли сла́внїи, хрⷭ҇тѡ́вы ᲂу҆ч҃нцы̀ бг҃озва́ннїи, вселе́нныѧ ᲂу҆чи́телїе, ѡ҆брѣ́тше гдⷭ҇а бг҃а, и҆ человѣ́кѡвъ хода́таѧ сꙋ́ща, томꙋ̀ бг҃олѣ́пнѡ прилѣпи́стесѧ: и҆ ꙗ҆́кѡ бг҃а того̀, и҆ ꙗ҆́кѡ человѣ́ка всесоверше́нна, въ мі́рѣ ꙗ҆́вѣ проповѣ́дасте."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "А҆пⷭ҇ли всемꙋ́дрїи, хрⷭ҇тѡ́вы ᲂу҆ч҃нцы̀ бг҃озва́ннїи, вселе́нныѧ ᲂу҆чи́телїе, ва́шими мл҃твами, бж҃е́ствєннымъ ᲂу҆че́нїємъ внима́ти ᲂу҆крѣпи́те мѧ̀, и҆ стезе́ю тѣ́сною помога́йте ходи́ти мѝ всегда̀, ꙗ҆́кѡ да доспѣ́ю въ пребыва́нїе ра́йское простра́ннѣйшее."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Петра̀ первопресто́льнаго воспѣва́ю, па́ѵла, і҆а́кѡва, а҆ндре́а же и҆ фїлі́ппа, сі́мѡна, варѳоломе́а же и҆ ѳѡмꙋ̀, матѳе́а же и҆ і҆ѡа́нна, ма́рка же и҆ лꙋкꙋ̀, бл҃говѣ́стїѧ списа́вшихъ, ли́къ бг҃оизбра́нный, со и҆ны́ми седмїю́десѧтьми, ꙗ҆́кѡ сло́ва самови́дцы и҆ проповѣ́дники."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры вели́комꙋ ст҃и́телю и҆ чꙋдотво́рцꙋ нїкола́ю. Гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Нбⷭ҇ныхъ чинѡ́въ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Цр҃кѡ́вныѧ цвѣ́ты прелета́ѧй: ꙗ҆́коже птене́цъ вы́шнѧгѡ гнѣзда̀ а҆́гг҃льскагѡ, нїко́лае требл҃же́нне, зове́ши при́снѡ къ бг҃ꙋ ѡ҆ всѣ́хъ лю́дехъ, и҆̀же въ нꙋ́ждныхъ бѣда́хъ и҆ и҆скꙋше́нїихъ, и҆ и҆збавлѧ́еши мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Нбⷭ҇ныѧ добрѡ́ты проходѧ́й, стра́шнꙋю ѻ҆́нꙋ разꙋмѣ́лъ є҆сѝ сла́вꙋ, ст҃ꙋ́ю ст҃ы́хъ. Тѣ́мже и҆ на́мъ нбⷭ҇наѧ словеса̀, при́снѡ живо́тныхъ ѻ҆́нѣхъ зрѣ́нїй ꙗ҆влѧ́еши, сщ҃е́ннѣйшїй ѻ҆́тче."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Сщ҃е́нныѧ ѻ҆де́жды ᲂу҆краше́нїе, дѣ́лательными содѣ́лалъ є҆сѝ добродѣ́тельми свѣтлѣ́йшо, ѻ҆́тче бг҃оно́се. Тѣ́мже и҆ на́мъ сщ҃еннодѣ́йствꙋеши ди̑внаѧ сла́вныхъ чꙋде́съ хрⷭ҇та̀ ра́ди лю́тыхъ на́съ и҆збавлѧ́ѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Прегрѣше́нїй пꙋчи́ною ѡ҆бꙋрева́емь, къ ти́хомꙋ приста́нищꙋ прибѣ́гъ, пречⷭ҇тѣй мл҃твѣ твое́й, бг҃ороди́тельнице, взыва́ю тѝ: сп҃си́ мѧ, крѣ́пкꙋю твою̀ десни́цꙋ просте́рши рабꙋ̀ твоемꙋ̀, всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ."
|
||||
},
|
||||
{
|
||||
"type": "TEXT",
|
||||
"value": "Посе́мъ: Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры а҆пⷭ҇лѡмъ. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "А҆пⷭ҇льскаѧ всесли́чнаѧ цѣвни́ца, ст҃ы́мъ дх҃омъ дви́жима, мє́рзкїѧ бѣсѡ́въ жє́ртвы ᲂу҆праздни́ла є҆́сть, и҆ є҆ди́наго гдⷭ҇а проповѣ́давши, ꙗ҆зы́ки и҆зба́ви ѿ пре́лести і҆́дѡльскїѧ, и҆ покланѧ́тисѧ наꙋчѝ трⷪ҇цѣ є҆диносꙋ́щнѣй."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ, сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀, та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Петра̀ и҆ па́ѵла согла́снѡ похва́лимъ, лꙋкꙋ̀, матѳе́а, ма́рка, і҆ѡа́нна, а҆ндре́а, ѳѡмꙋ̀, варѳоломе́а, сі́мѡна канані́та, і҆а́кѡва и҆ фїлі́ппа, и҆ ве́сь ли́къ ᲂу҆ч҃нческїй досто́йнѡ да восхва́лимъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Подо́бенъ, мч҃нченъ: Прехва́льнїи мч҃нцы, ва́съ ни землѧ̀ потаи́ла є҆́сть, но не́бо прїѧ́тъ вы̀, и҆ ѿверзо́шасѧ ва́мъ ра̑йскїѧ двє́ри, и҆ внꙋ́трь бы́вше, дре́ва живо́тнагѡ наслажда́етесѧ, хрⷭ҇то́ви моли́тесѧ, дарова́ти дꙋша́мъ на́шымъ ми́ръ и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ра́дꙋйсѧ ра́досте пра́дѣдѡвъ, а҆пⷭ҇лѡвъ и҆ мч҃никѡвъ весе́лїе, и҆ покро́въ на́съ дв҃о, твои́хъ рабѡ́въ."
|
||||
},
|
||||
{
|
||||
"type": "TEXT",
|
||||
"value": "Та́же: Ны́нѣ ѿпꙋща́еши раба̀ твоего̀: Трист҃о́е, И҆ по Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ на повече́рїи, канѡ́нъ прест҃ѣ́й бцⷣѣ. Гла́съ а҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пѣ́снь побѣ́днꙋю пои́мъ всѝ бг҃ꙋ, сотво́ршемꙋ ди̑внаѧ чꙋдеса̀ мы́шцею высо́кою, и҆ сп҃сшемꙋ і҆и҃лѧ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Кꙋпина́ тѧ воѡбража́ше бг҃ороди́тельнице: ѻ҆́гнь бо носи́ла є҆сѝ вои́стиннꙋ непостоѧ́нный, пребы́вши неѡпа́льна. Тѣ́мже тѧ̀ вѣ́рными гла́сы пѣсносло́вимъ при́снѡ."
|
||||
},
|
||||
{
|
||||
"type": "TEXT",
|
||||
"value": "Ѡ҆бо́лксѧ въ чл҃вѣ́ка бг҃ъ сло́во, и҆з̾ тебѐ па́че смы́сла воплоти́сѧ, пречⷭ҇таѧ. Тѣ́мъ тѧ̀ всѧ́кое дыха́нїе славосло́витъ, и҆ покланѧ́етсѧ тебѣ̀, и҆ по до́лгꙋ чти́тъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Зачала̀ є҆сѝ пречⷭ҇таѧ, неизрече́нное сло́во, всѧ̑ содержа́щее земны̑ѧ концы̀, и҆ сїѐ родила̀ є҆сѝ: є҆го́же молѝ прилѣ́жнѡ, поми́ловати на́съ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́же є҆ди́на безлѣ́тнаго бг҃а въ лѣ́то ро́ждши воплоще́нна, пречⷭ҇таѧ влⷣчце, стра́стныѧ моеѧ̀ дꙋшѝ вселѣ́тныѧ стра̑сти и҆сцѣлѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Да ᲂу҆тверди́тсѧ се́рдце моѐ въ во́ли твое́й хрⷭ҇тѐ бж҃е, и҆́же над̾ вода́ми нб҃о ᲂу҆твержде́й второ́е, и҆ ѡ҆снова́вый на вода́хъ зе́млю всеси́льне."
|
||||
},
|
||||
{
|
||||
"type": "TEXT",
|
||||
"value": "Да ѡ҆божи́тъ человѣ́чество, бг҃ъ бы́сть чл҃вѣ́къ, и҆з̾ тебѐ дв҃о чⷭ҇таѧ, па́че сло́ва и҆ смы́сла: сегѡ̀ ра́ди тѧ̀ согла́снѡ вѣ́рнїи ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "И҆́же є҆стество́мъ неѡпи́санный, вопло́щьсѧ и҆з̾ тебѐ написа́сѧ, бг҃обл҃года́тнаѧ чⷭ҇таѧ: є҆го́же непреста́ннѡ молѝ, ᲂу҆ще́дрити, и҆ просвѣти́ти дꙋ́шы бл҃жа́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Непло́дствовавшїѧ мы́сли моеѧ̀ неплѡ́дїѧ всѧ̑ ѿженѝ, и҆ плодоно́снꙋ добродѣ́тельми дꙋ́шꙋ мою̀ покажѝ, прест҃а́ѧ бцⷣе, вѣ́рныхъ помо́щнице."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆зба́ви мѧ̀ пренепоро́чнаѧ всѧ́кагѡ ѡ҆бстоѧ́нїѧ, и҆ мно́гихъ собла̑знъ ѕмїе́выхъ, вѣ́чнꙋющагѡ ѻ҆гнѧ̀ и҆ тьмы̀, ꙗ҆́же свѣ́тъ ро́ждшаѧ на́мъ невече́рнїй."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Дх҃омъ прови́дѧ прⷪ҇ро́че а҆ввакꙋ́ме, словесѐ воплоще́нїе, проповѣ́далъ є҆сѝ вопїѧ̀: внегда̀ прибли́житисѧ лѣ́тѡмъ, позна́ешисѧ, внегда̀ прїитѝ вре́мени, пока́жешисѧ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Въ пречⷭ҇тое твоѐ чре́во всели́сѧ хрⷭ҇то́съ, всест҃а́ѧ влⷣчце, ѡ҆божѝ на́съ, пло́ть прїе́мъ ѡ҆дꙋшевле́ннꙋ. Тѣ́мъ тѧ̀ чⷭ҇тꙋю мт҃рь правосла́внѡ воспѣва́емъ, влⷣчце, мі́рꙋ помо́щнице."
|
||||
},
|
||||
{
|
||||
"type": "TEXT",
|
||||
"value": "Ст҃а́ѧ бцⷣе, ѡ҆свѧтѝ на́съ, ꙗ҆́же прест҃а́го ро́ждшаѧ пло́тїю, ᲂу҆подо́битисѧ хотѣ́вша человѣ́кѡмъ: и҆ нбⷭ҇нагѡ црⷭ҇твїѧ всѣ́хъ ꙗ҆вѝ, пречⷭ҇таѧ, прича́стники мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "Сла́ва: Дв҃о бцⷣе, нескве́рнаѧ сѣ́не, ѡ҆скве́рншагосѧ прегрѣше́ньми ѡ҆чи́сти мѧ̀ ны́нѣ щедро́тъ твои́хъ чи́стыми зарѧ́ми, и҆ да́ждь мѝ рꙋ́кꙋ по́мощи, да зовꙋ̀: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Цр҃ковь ѡ҆сщ҃е́ннаѧ бг҃ови ꙗ҆ви́ласѧ є҆сѝ, въ тѧ̀ все́льшемꙋсѧ дв҃о па́че ᲂу҆ма̀: того̀ молѝ, грѣхѡ́въ на́шихъ скве́рнꙋ ѡ҆чи́стити: ꙗ҆́кѡ да хра́мы пока́жемсѧ, и҆ жили̑ща дх҃ꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тво́й ми́ръ да́ждь на́мъ сн҃е бж҃їй, и҆но́гѡ бо ра́звѣ тебѐ бг҃а не зна́емъ, и҆́мѧ твоѐ и҆менꙋ́емъ, ꙗ҆́кѡ бг҃ъ живы́хъ и҆ ме́ртвыхъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ме́ртва мѧ̀ содѣ́ла и҆ногда̀ во є҆де́мѣ вкꙋше́нїе лꙋка́вое: живо́тъ же ро́ждши чⷭ҇таѧ, и҆́же дре́вомъ дре́вле ᲂу҆мерщвле́ннаго ѡ҆животворѝ, да тѧ̀ славосло́вѧ воспѣва́ю."
|
||||
},
|
||||
{
|
||||
"type": "TEXT",
|
||||
"value": "Сп҃си́ мѧ всечⷭ҇таѧ, ѿ бѣ́дъ лю́тыхъ: воздви́гни ѿ страсте́й гно́йныхъ, и҆ и҆зба́ви мѧ̀ плѣне́нїѧ и҆ ѡ҆ѕлобле́нїѧ лꙋка́выхъ бѣсѡ́въ, любо́вїю чтꙋ́щаго тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѻ҆́блакъ и҆ ра́й, и҆ две́рь свѣ́та, трапе́зꙋ и҆ рꙋно̀ зна́емъ тѧ̀, и҆ ста́мнꙋ внꙋ́трь ма́ннꙋ носѧ́щꙋ, сла́дость мі́ра, чⷭ҇таѧ дв҃о мт҃и."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ро́ждши пренепоро́чнаѧ бг҃а є҆мманꙋ́ила, человѣ́ка ꙗ҆́вѣ за млⷭ҇рдїе бы́вшаго: сего̀ молѝ ꙗ҆́кѡ чл҃вѣколю́бца чⷭ҇таѧ, ᲂу҆ще́дрити лю́ди согрѣ́шшыѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ і҆ѡ́нꙋ прⷪ҇ро́ка, возведѝ хрⷭ҇тѐ бж҃е живо́тъ мо́й ѿ тлѝ, вопїю́ ти чл҃вѣколю́бче, ꙗ҆́кѡ жи́знь ᲂу҆ тебѐ є҆́сть, и҆ нетлѣ́нїе, и҆ си́ла."
|
||||
},
|
||||
{
|
||||
"type": "TEXT",
|
||||
"value": "Ѡ҆скверне́ннаго мѧ̀ мно́гими грѣхѝ, молю́ тѧ сꙋ́щꙋю бл҃гꙋ́ю и҆ нескве́рнꙋю ски́нїю: ѡ҆мы́й ѿ всѧ́кїѧ скве́рны, хода́тайствомъ твои́мъ."
|
||||
},
|
||||
{
|
||||
"type": "TEXT",
|
||||
"value": "Ѡ҆кормле́нїе мѝ бꙋ́ди чⷭ҇таѧ, въ лю́тѣй пꙋчи́нѣ жите́йскихъ напа́стей ѡ҆бꙋрева́емомꙋ, и҆ наста́ви къ сп҃си́тельномꙋ приста́нищꙋ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Треволнє́нїѧ пѡ́мыслъ, и҆ страсте́й наведє́нїѧ, и҆ глꙋбина̀ грѣхѡ́въ, ѡ҆каѧ́ннꙋю мою̀ дꙋ́шꙋ ѡ҆бꙋрева́ютъ: помози́ ми ст҃а́ѧ влⷣчце."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Свѧще́нїѧ сѣ́нь пронарече́ннаѧ мр҃і́е, ѡ҆скверне́ннꙋю сластьмѝ ѡ҆каѧ́ннꙋю мою̀ дꙋ́шꙋ ѡ҆свѧтѝ, и҆ бж҃е́ственныѧ сла́вы прича́стника мѧ̀ сотворѝ."
|
||||
},
|
||||
{
|
||||
"type": "TEXT",
|
||||
"value": "Та́же: Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гро́бъ тво́й:"
|
||||
},
|
||||
{
|
||||
"type": "TEXT",
|
||||
"value": "Дв҃о и҆ пита́тельнице є҆ди́номꙋ ѿ трⷪ҇цы, раю̀ кра́сный, земны́хъ сп҃се́нїе, покро́вомъ твои́мъ сп҃са́й бл҃гоче́стнѡ воспѣва́ющихъ тѧ̀: ты́ бо родила̀ є҆сѝ во прⷪ҇ро́цѣхъ глаго́лавшаго, ты̀ носи́ла є҆сѝ содержа́щаго всѧ́чєскаѧ, ꙗ҆́кѡ мт҃и хрⷭ҇та̀ бг҃а."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сꙋ́щымъ въ пещѝ ѻ҆трокѡ́мъ твои̑мъ сп҃се, не прикоснꙋ́сѧ, нижѐ стꙋжѝ ѻ҆́гнь. Тогда̀ трїѐ ꙗ҆́кѡ є҆ди́нѣми ᲂу҆сты̀ поѧ́хꙋ и҆ бл҃гословлѧ́хꙋ, глаго́люще: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Безнача́льнагѡ ѻ҆ц҃а̀ сн҃ъ во чре́во твоѐ всели́сѧ, прїи́мъ нача́ло: ꙗ҆́кѡ да на́съ и҆зба́витъ ꙗ҆́кѡ бг҃ъ, ѿ лꙋка́выхъ нача̑лъ тьмы̀, бг҃ороди́тельнице чⷭ҇таѧ, кла́нѧющихсѧ є҆мꙋ̀."
|
||||
},
|
||||
{
|
||||
"type": "TEXT",
|
||||
"value": "И҆спещре́на бж҃е́ственными добродѣ́тельми, чⷭ҇таѧ дв҃о, родила̀ є҆сѝ сло́во, собезнача́льное ѻ҆ц҃ꙋ̀, добродѣ́тельми небеса̀ вои́стиннꙋ покры́вшее: є҆го́же молѝ при́снѡ ᲂу҆ще́дрити на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆свѧтѝ на̑ша помышлє́нїѧ, ᲂу҆твердѝ всѣ́хъ дꙋ́шы мт҃и бж҃їѧ, твори́ти до́брѣ ѡ҆правда̑нїѧ, за милосе́рдїе неизрече́нное, воплоще́ннагѡ и҆з̾ тебѐ дв҃о сло́ва безнача́льнагѡ ѻ҆ц҃а̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆мерщвле́нный страстьмѝ мно́гими пренепоро́чнаѧ, ѡ҆живѝ ᲂу҆́мъ мо́й, и҆ бг҃оꙋгѡ́днаѧ твори́ти ᲂу҆крѣпи́ мѧ, да велича́ю тѧ̀ ꙗ҆́кѡ застꙋ́пницꙋ при́снѡ хрⷭ҇тїа́нъ и҆ ᲂу҆пова́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆гѡ́же ᲂу҆жаса́ютсѧ а҆́гг҃ли, и҆ всѧ̑ вѡ́инства, ꙗ҆́кѡ творца̀ и҆ гдⷭ҇а, по́йте сщ҃е́нницы, просла́вите ѻ҆́троцы, бл҃гослови́те лю́дїе, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆збавлѧ́емсѧ пренепоро́чнаѧ, твои́ми къ бг҃ꙋ бдѣ́нными мл҃твами всѧ́ческихъ и҆скꙋше́нїй, тѧ̀ бцⷣꙋ зна́ющїи бл҃гослове́ннꙋю и҆ прера́дованнꙋю."
|
||||
},
|
||||
{
|
||||
"type": "TEXT",
|
||||
"value": "Воплоща́етсѧ безпло́тный и҆з̾ тебѐ бг҃олѣ́пнѡ: є҆го́же молѝ пречⷭ҇таѧ, стра̑сти пло́ти моеѧ̀ ᲂу҆мертви́ти, и҆ ѡ҆живи́ти мою̀ дꙋ́шꙋ ᲂу҆мерщвле́нꙋю грѣхѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆сцѣли́вшаго сокрꙋше́нїе а҆да́ма пе́рстнаго сп҃са ро́ждшаѧ пречⷭ҇таѧ и҆ бг҃а: є҆го́же молѝ, ꙗ҆́звы дꙋшѝ моеѧ̀ и҆сцѣли́ти, неисцѣ́льнѡ болѧ́щыѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Возста́ви лежа́щаго во глꙋбинѣ̀ ѕѡ́лъ, и҆ ꙗ҆́же ны́нѣ борю́щыѧ мѧ̀ побѣдѝ врагѝ, снѣ́дшыѧ безмѣ́стными сластьмѝ дꙋ́шꙋ мою̀: не пре́зри менѐ чⷭ҇таѧ, но ᲂу҆ще́дри и҆ сп҃си́ мѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣтоно́сный ѻ҆́блакъ, во́ньже всѣ́хъ влⷣка, ꙗ҆́кѡ до́ждь съ нб҃сѐ на рꙋно̀ сни́де, и҆ воплоти́сѧ на́съ ра́ди, бы́въ чл҃вѣ́къ, безнача́льный, велича́емъ всѝ ꙗ҆́кѡ мт҃рь бг҃а на́шегѡ чи́стꙋю."
|
||||
},
|
||||
{
|
||||
"type": "TEXT",
|
||||
"value": "Свѣ́тъ бж҃е́ственный ро́ждшаѧ, пренепоро́чнаѧ, ѿ ѻ҆ц҃а̀ возсїѧ́вшїй, ѡ҆мраче́ннꙋю мою̀ дꙋ́шꙋ лестьмѝ житїѧ̀, и҆ бы́вшꙋю врагѡ́мъ посмѣ́хъ, ᲂу҆ще́дри, и҆ свѣ́тꙋ покаѧ́нїѧ сп҃си́тельнагѡ сподо́би, чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Свѣтови́дный тѧ̀ ѻ҆́блакъ, пренепоро́чнаѧ, и҆са́їа зрѧ́ше, и҆з̾ негѡ́же возсїѧ̀ на́мъ сл҃нце пра́ведное: та́йнѡ тва́рь просвѣтѝ: сегѡ̀ ра́ди тѧ̀ вѣ́рою воспѣва́емъ до́брꙋю въ жена́хъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Грѣхолюби́въ сы́й въ лѣ́ности живꙋ̀, и҆ сꙋди́ща, чⷭ҇таѧ, неꙋмы́тнагѡ трепе́щꙋ, на не́мже мѧ̀ соблюдѝ, твои́ми ст҃ы́ми мольба́ми, дв҃о бг҃оневѣ́сто, неѡсꙋжде́наго: да ꙗ҆́кѡ застꙋ́пницꙋ ᲂу҆бл҃жа́ю тѧ̀ при́снѡ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Трепе́щꙋ сꙋди́ща дв҃о, и҆ незабы́тнагѡ ѻ҆чесѐ твоегѡ̀ сн҃а, содѣ́лавъ мнѡ́ги грѣхѝ на землѝ. И҆ сегѡ̀ ра́ди тебѣ̀ вопїю̀: всеми́лостиваѧ влⷣчце, помози́ ми, и҆ тогда́шнїѧ мѧ̀ нꙋ́жды и҆змѝ неѡсꙋжде́ннаго чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Та́же Трист҃о́е. И҆ по Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ, и҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ ᲂу҆́тра, по а҃-мъ стїхосло́вїи сѣда́льны а҆пⷭ҇льски. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Премꙋ́дрїи вселе́нныѧ ловцы̀, ѿ бг҃а прїе́мшїи млⷭ҇тивное, моли́те и҆ ны́нѣ ѡ҆ на́съ вопїю́щихъ: гдⷭ҇и, сп҃сѝ гра́дъ тво́й, и҆ ѿ ѡ҆держа́щихъ ѕѡ́лъ свободѝ а҆пⷭ҇лъ ра́ди дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ."
|
||||
},
|
||||
{
|
||||
"type": "TEXT",
|
||||
"value": "Трꙋбы̑ хрⷭ҇тѡ́вы бл҃гогла̑сныѧ, въ пѣ́снехъ да почти́мъ вѣ́рнїи премꙋ̑дрыѧ а҆пⷭ҇лы, ко́ни, возмꙋти́вшыѧ безбо́жїѧ мо́ре, и҆ привле́кшыѧ ꙗ҆́кѡ и҆з̾ глꙋбины̀ человѣ́ки, къ бж҃е́ственномꙋ сп҃се́нїѧ приста́нищꙋ, бл҃года́тїю дх҃а."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Неѡбори́мꙋю стѣ́нꙋ стѧжа́вше вѣ́рнїи бцⷣꙋ мр҃і́ю, прїиди́те поклони́мсѧ и҆ припаде́мъ къ не́й: дерзнове́нїе бо и҆́мать къ ро́ждшемꙋсѧ и҆з̾ неѧ̀, и҆ мо́литсѧ, и҆ сп҃са́етъ ѿ гнѣ́ва и҆ сме́рти дꙋ́шы на́шѧ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи, сѣда́льны, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Мре́жею слове́сною плетє́нїѧ ри́тѡрскаѧ, ры́барїе тро́стїю кре́стною разве́ргше, просвѣти́ша ꙗ҆зы́ки, бл҃гоче́стнѡ сла́вити тѧ̀ бг҃а и҆́стиннаго, тѣ́мже тѝ пѣ́снь ᲂу҆крѣ́пльшемꙋ и҆̀хъ вопїе́мъ: сла́ва ѻ҆ц҃ꙋ̀, и҆ сн҃ꙋ, сла́ва є҆диносꙋ́щномꙋ дх҃ꙋ, сла́ва тѣ́ми просвѣти́вшемꙋ мі́ръ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆сповѣ́дѧтъ нб҃са̀ чꙋдеса̀ твоѧ̑ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Свѣ́тъ ѿ свѣ́та безлѣ́тнѡ просїѧ́въ, въ лѣ́то пло́тїю на землѝ ꙗ҆ви́сѧ, и҆ мі́ръ просвѣтѝ, ва́ми всебл҃же́ннїи. Тѣ́мже всѝ ᲂу҆че́ньми ва́шими бж҃е́ственными просвѣ́щшесѧ, свѧще́ннꙋю ва́шꙋ па́мѧть почита́емъ а҆по́столи."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мч҃ники хрⷭ҇тѡ́вы мо́лимъ всѝ ѿ любвѐ прише́дше къ ни̑мъ съ вѣ́рою: сі́и бо ѡ҆ на́шемъ сп҃се́нїи про́сѧтъ, сі́и и҆сточа́ютъ и҆сцѣле́нїй бл҃года́ть, сі́и полкѝ ѿгонѧ́ютъ бѣсѡ́вскїѧ, ꙗ҆́кѡ сохра̑нницы вѣ́ры."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Оу҆пова́нїе хрⷭ҇тїа́нъ, прест҃а́ѧ дв҃о, є҆го́же родила̀ є҆сѝ бг҃а, па́че ᲂу҆ма̀ и҆ сло́ва, непреста́ннѡ молѝ ѡ҆ воспѣва́ющихъ тѧ̀, пода́ти ѡ҆ставле́нїе грѣхѡ́въ на́шихъ всѣ́хъ и҆ и҆справле́нїе житїѧ̀, вѣ́рою и҆ любо́вїю при́снѡ сла́вѧщымъ тѧ̀."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́льны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Свѣти̑ла мы́слєннаѧ ᲂу҆ч҃нцы̀ сп҃сѡвы свѣ́тлїи, ꙗ҆́кѡ ѻ҆́гнь ѡ҆зари́сте всеѧ̀ землѝ и҆сполне́нїе бж҃е́ственными ᲂу҆че́нїи: тѣ́мже молю́сѧ, ꙗ҆́же во тьмѣ̀ дꙋ́шꙋ мою̀ просвѣти́те, свѣтоза́рными лꙋча́ми ва́шими всебл҃же́ннїи."
|
||||
},
|
||||
{
|
||||
"type": "TEXT",
|
||||
"value": "Въ мѵ́рѣхъ живы́й чꙋ́вственнѡ ст҃и́телю, ꙗ҆́кѡ мѵ́ромъ разꙋ́мнѡ дх҃о́внымъ ꙗ҆ви́лсѧ є҆сѝ пома́занъ ѻ҆́тче нїко́лае, и҆ мѵ́ры чꙋде́съ твои́хъ ѡ҆благоꙋха́лъ є҆сѝ, мѵ́ро приснотекꙋ́щее пролива́ѧ, мѵ́рными твои́ми бл҃гоꙋха́еми пѣ́сньми, и҆ па́мѧтїю твое́ю."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Прⷪ҇ро́цы тѧ̀ ꙗ҆́снѡ провозвѣсти́ша ѻ҆трокови́це, мт҃рь бж҃їю: и҆ а҆пⷭ҇ли бж҃е́ственнїи въ мі́рѣ проповѣ́даша, и҆ мы̀ вѣ́ровахомъ. Тѣ́мже всѝ бл҃гочестномꙋ́дреннѣ почита́юще воспѣва́емъ тѧ̀, и҆ бцⷣꙋ вои́стиннꙋ при́снѡ и҆менꙋ́емъ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ ст҃ы́мъ а҆пⷭ҇лѡмъ. Творе́нїе ѳеофа́ново. Гла́съ а҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Твоѧ̀ побѣди́тельнаѧ десни́ца бг҃олѣ́пнѡ въ крѣ́пости просла́висѧ: та̀ бо безсме́ртне, ꙗ҆́кѡ всемогꙋ́щаѧ, проти̑вныѧ сотрѐ, і҆и҃льтѧнѡмъ пꙋ́ть глꙋбины̀ новосодѣ́лавшаѧ."
|
||||
},
|
||||
{
|
||||
"type": "TEXT",
|
||||
"value": "Бж҃е́ственными просвѣти́вшесѧ зарѧ́ми трисо́лнечнагѡ сїѧ́нїѧ сла́внїи, положе́нїемъ нареко́стесѧ вои́стиннꙋ бо́зи, свѣтови́днїи а҆пⷭ҇ли: тѣ́мже по до́лгꙋ ва́съ вѣ́рою почита́емъ. Два́жды."
|
||||
},
|
||||
{
|
||||
"type": "TEXT",
|
||||
"value": "Сло́ва ꙗ҆́вльшагѡсѧ на землѝ за млⷭ҇рдїе дебельство́мъ пло́ти, ᲂу҆го́днїи слꙋжи́телїе, и҆ є҆гѡ̀ всѣ́хъ повелѣ́нїй и҆сполни́телїе вѣ́рою бы́сте, при́снѡ почита́етесѧ а҆пⷭ҇ли."
|
||||
},
|
||||
{
|
||||
"type": "TEXT",
|
||||
"value": "Свѣ́тлыми лꙋча́ми прест҃а́гѡ дх҃а при́снѡ бл҃же́ннїи, всего́ мѧ просвѣти́те, грѣхѡ́въ тьмо́ю покрыва́емаго, и҆ къ покаѧ́нїѧ пꙋтѝ ꙗ҆́вѣ наста́вите."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́же а҆пⷭ҇лѡвъ ра́дость бг҃ороди́тельнице всенепоро́чнаѧ влⷣчце, ꙗ҆́кѡ мт҃и бы́вши въ тѣ́хъ бг҃олѣ́пнѡ глаго́лавшемꙋ, съ ни́миже моли́сѧ, ѻ҆гнѧ̀ гее́нны и҆зба́вити мѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ во ст҃ы́хъ ѻ҆тцꙋ̀ на́шемꙋ нїкола́ю чꙋдотво́рцꙋ, гла́съ а҃, творе́нїе і҆ѡ́сифово, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Тебѣ̀ нїко́лае пе́рвое и҆зношꙋ̀ пѣ́нїе а҆́зъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пѣ́снь побѣ́днꙋю пои́мъ всѝ бг҃ꙋ, сотво́ршемꙋ ди̑внаѧ чꙋдеса̀ мы́шцею высо́кою, и҆ сп҃сшемꙋ і҆и҃лѧ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Вѣнцы̀ ᲂу҆краша́емь првⷣными, и҆ прⷭ҇то́лꙋ бл҃года́ти предстоѧ̀ нїко́лае, и҆̀же пѣ́сньми тѧ̀ ны́нѣ вѣнчава́ющыѧ вѣ́рнѡ, при́снѡ сп҃са́й мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "И҆́же бл҃года́ть прїе́мъ и҆сцѣле́нїй всебл҃же́нне нїко́лае, дꙋшѝ моеѧ̀ ꙗ҆́звы мл҃твами твои́ми и҆сцѣлѝ, и҆ находѧ́щихъ и҆скꙋше́нїй и҆зба́ви мѧ̀, молю́сѧ."
|
||||
},
|
||||
{
|
||||
"type": "TEXT",
|
||||
"value": "Крѣ́пкою нїко́лае твое́ю мл҃твою, всеразсла́бленнꙋю дꙋ́шꙋ мою̀ прегрѣше́ньми и҆сцѣлѝ, и҆ житїѧ̀ ѕлолю́тыхъ и҆зба́ви мѧ̀, молю́сѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆ма̀ моегѡ̀ ѡ҆мраче́нїе, всенепоро́чнаѧ, свѣ́томъ твои́мъ ѿженѝ, и҆ тьмы̀ вѣ́чнꙋющїѧ и҆зба́ви мѧ̀, ꙗ҆́кѡ да пою̀ всегда̀ вели̑чїѧ твоѧ̑."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆ди́не вѣ́дый человѣ́ческагѡ сꙋщества̀ не́мощь, и҆ ми́лостивнѡ въ нѐ воѡбра́жьсѧ, препоѧ́ши мѧ̀ съ высоты̀ си́лою, є҆́же вопи́ти тебѣ̀ ст҃ы́й: ѡ҆дꙋшевле́нный хра́ме неизрече́нныѧ сла́вы твоеѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "И҆́же є҆ди́нъ неви́димый бг҃ъ, ви́димь бы́сть воплоща́емь, и҆ ᲂу҆ч҃нкѝ ва́съ и҆збра́въ во все́мъ мі́рѣ, є҆гѡ̀ и҆́мѧ и҆ превосходѧ́щꙋю сла́вꙋ проповѣ́дающихъ, пребл҃же́ннїи бж҃е́ственнїи а҆пⷭ҇ли. Два́жды."
|
||||
},
|
||||
{
|
||||
"type": "TEXT",
|
||||
"value": "Тебѣ̀ є҆ди́номꙋ согрѣши́хъ хрⷭ҇тѐ, тебѣ̀ є҆ди́номꙋ беззако́нновахъ, и҆ дꙋ́шꙋ ѕлы́ми ѡ҆скверни́хъ: твое́ю млⷭ҇тїю ѡ҆чи́сти и҆ сп҃си́ мѧ, и҆мѣ́ѧй молѧ́щыѧ тѧ̀, є҆ди́не бл҃гопремѣни́телю і҆и҃се, премꙋ̑дрыѧ а҆пⷭ҇лы твоѧ̑."
|
||||
},
|
||||
{
|
||||
"type": "TEXT",
|
||||
"value": "Го́рестей стра́стныхъ скве́рнъ, и҆ го́рести грѣхо́вныѧ и҆зба́вите мѧ̀ ꙗ҆́кѡ млⷭ҇тивїи а҆пⷭ҇ли, и҆ покаѧ́нїемъ ѡ҆слажда́юще мою̀ мы́сль, ꙗ҆́кѡ бж҃е́ственнꙋю носѧ́ще сла́дость въ се́рдцы всехва́льнїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Съ невеще́ственными слꙋжи́тели, дв҃о неискꙋсобра́чнаѧ, со всѣ́ми вы́шними си́лами, съ мч҃нки и҆ а҆пⷭ҇лы, хрⷭ҇та̀, є҆го́же воплоти́ла є҆сѝ ѿ чⷭ҇тыхъ крове́й твои́хъ: ᲂу҆молѝ сп҃сти́сѧ рабѡ́мъ твои̑мъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Да ᲂу҆тверди́тсѧ се́рдце моѐ въ во́ли твое́й хрⷭ҇тѐ бж҃е, и҆́же над̾ вода́ми нб҃о ᲂу҆твержде́й второ́е, и҆ ѡ҆снова́вый на вода́хъ зе́млю всеси́льне."
|
||||
},
|
||||
{
|
||||
"type": "TEXT",
|
||||
"value": "Первосвѧще́нникѡвъ ᲂу҆добре́нїе, бл҃гоꙋха́нїе бж҃е́ственнагѡ дх҃а, мѷрово́нными твои́ми мл҃твами ѕлосмра̑дныѧ стра̑сти ѿженѝ се́рдца моегѡ̀, нїко́лае мꙋ́дре, любо́вїю молю́сѧ."
|
||||
},
|
||||
{
|
||||
"type": "TEXT",
|
||||
"value": "Въ лѣ́ности скончава́ю мою̀ жи́знь ѻ҆каѧ́нный, и҆ бою́сѧ стра́шнагѡ твоегѡ̀ сꙋди́ща хрⷭ҇тѐ: на не́мже не посрамѝ менѐ, нїкола́а хода́тайствы сщ҃е́нными ᲂу҆моле́нъ быва́ѧ."
|
||||
},
|
||||
{
|
||||
"type": "TEXT",
|
||||
"value": "Преиспещре́нъ бж҃е́ственною бл҃года́тїю, ст҃и́телю нїко́лае ѻ҆́тче, ѿ разли́чныхъ и҆скꙋше́нїй и҆ бѣ́дъ сп҃сѝ, прибѣга́ющыѧ въ кро́въ тво́й при́снѡ всеблаже́нне."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆зба́ви мѧ̀ ѿ всѣ́хъ напа́стей, и҆ ѿ мно́гихъ собла̑знъ ѕмі́евыхъ, и҆ ѿ вѣ́чнагѡ ѻ҆гнѧ̀ и҆ тьмы̀, всенепоро́чнаѧ, ꙗ҆́же свѣ́тъ ро́ждшаѧ на́мъ невече́рнїй."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Го́рꙋ тѧ̀ бл҃года́тїю бж҃їею прїѡсѣне́ннꙋю, прозорли́выма а҆ввакꙋ́мъ ᲂу҆смотри́въ ѻ҆чи́ма, и҆з̾ тебѐ и҆зы́ти і҆и҃левꙋ провозглаша́ше ст҃о́мꙋ, во сп҃се́нїе на́ше и҆ ѡ҆бновле́нїе."
|
||||
},
|
||||
{
|
||||
"type": "TEXT",
|
||||
"value": "Мо́ре безбо́жїѧ и҆ невѣ́рства возмꙋти́вше, ꙗ҆жде́нїемъ ва́шимъ, ко́ни бг҃оизбра́ннїи хрⷭ҇тѡ́вы а҆пⷭ҇ли: врага̀ потопи́сте мы́сленнаго, и҆ потоплє́нныѧ человѣ́ки и҆звлеко́сте ко сп҃се́нїю. Два́жды."
|
||||
},
|
||||
{
|
||||
"type": "TEXT",
|
||||
"value": "Прїѧ́телище дх҃а бж҃е́ственныхъ сїѧ́нїй а҆пⷭ҇ли, ѡ҆мраче́ннꙋю мою̀ дꙋ́шꙋ, и҆ прїѧ́тнꙋ всѧ́ческихъ страсте́й бы́вшꙋю, свѣ́томъ покаѧ́нїѧ просвѣти́те бг҃обл҃же́ннїи бж҃е́ственнїи а҆пⷭ҇ли."
|
||||
},
|
||||
{
|
||||
"type": "TEXT",
|
||||
"value": "Ѻ҆́блацы, и҆̀же во́дꙋ живо́тнꙋю ѡ҆дожди́вшїи, и҆зсо́хшꙋю мою̀ дꙋ́шꙋ бездо́ждїемъ страсте́й бж҃е́ственнѣ напо́йте, и҆ добродѣ́телей возрасти́ти кла́сы сотвори́те сп҃се́нїѧ, а҆пⷭ҇ли всехва́льнїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Прⷪ҇ро́цы, а҆пⷭ҇ли прехва́льнїи, мч҃нцы, съ мт҃рїю и҆зба́вителевою моли́тесѧ прилѣ́жнѡ, ꙗ҆́кѡ да и҆зба́вимсѧ ѿ грѣхѡ́въ, и҆ вѣ́чныѧ мꙋ́ки, и҆ и҆скꙋше́нїй, и҆ бѣ́дъ, и҆ скорбе́й."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Дх҃омъ прови́дѧ прⷪ҇ро́че а҆ввакꙋ́ме, словесѐ воплоще́нїе, проповѣ́далъ є҆сѝ вопїѧ̀: внегда̀ прибли́житисѧ лѣ́тѡмъ, позна́ешисѧ, внегда̀ прїитѝ вре́мени, пока́жешисѧ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ всѣ́хъ повелѣ́нїй бж҃їихъ и҆спо́лнитель, ѻ҆́тче ст҃и́телю нїко́лае, соблюда́ти поспѣшѝ на́мъ мл҃твами твои́ми, ꙗ҆̀же на землѝ законоположє́нїѧ ко сп҃се́нїю ведꙋ̑щаѧ, и҆ и҆зба́ви всѣ́хъ напа́стей находѧ́щихъ."
|
||||
},
|
||||
{
|
||||
"type": "TEXT",
|
||||
"value": "Тече́нїе твоѐ сконча́въ преподо́бнѡ ѡ҆ хрⷭ҇тѣ̀, пꙋти̑ на́шѧ и҆спра́ви, ꙗ҆́же къ немꙋ̀ ѻ҆́тче бг҃оно́сне нїко́лае, ꙗ҆́кѡ да ᲂу҆бѣжа́вше безпꙋ́тнагѡ блꙋже́нїѧ, ко сп҃си́тельномꙋ дости́гнемъ соверше́нїю."
|
||||
},
|
||||
{
|
||||
"type": "TEXT",
|
||||
"value": "И҆́же всѧ̑ кѡ́зни вра̑жїѧ ᲂу҆спи́въ, бж҃е́ственными бодростьмѝ, нїко́лае премꙋ́дре, бдѧ́щихъ, и҆ бг҃а воспѣва́ющихъ, и҆ тебѐ хода́таѧ къ немꙋ̀ предлага́ющихъ, всѣ́хъ на́съ ѻ҆́тче ѡ҆благодатѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Разꙋмѣ́въ прⷪ҇ро́къ дх҃омъ бж҃їимъ, го́рꙋ тѧ̀ прїѡсѣне́ннꙋю преднаписа́въ чⷭ҇таѧ, и҆ста́ѧвшыѧ зно́емъ мно́гихъ прегрѣше́нїй, твои́ми бл҃гопрїѧ́тными хода́тайствы бцⷣе ны́нѣ прохладѝ, и҆ бл҃года́тїю."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣти́вый сїѧ́нїемъ прише́ствїѧ твоегѡ̀ хрⷭ҇тѐ, и҆ ѡ҆свѣти́вый крⷭ҇то́мъ твои́мъ мі́ра концы̀, сердца̀ просвѣтѝ свѣ́томъ твоегѡ̀ бг҃оразꙋ́мїѧ, правосла́внѡ пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Ка́плющыѧ сла́дость и҆ кра́сное весе́лїе, ꙗ҆ви́стесѧ го́ры всесла́внїи а҆по́столи, го́ресть всю̀ вра́жїю ѿе́млюще, и҆ вѣ̑рныѧ наслажда́юще. Два́жды."
|
||||
},
|
||||
{
|
||||
"type": "TEXT",
|
||||
"value": "Прише́дша стра́нна хрⷭ҇та̀ во своѧ̑ разꙋмѣ́сте, и҆ и҆́скреннѡ томꙋ̀ прилѣпи́стесѧ. Тѣ́мже ѿ чꙋжда́гѡ мѧ̀ и҆зба́вите вре́да, бж҃е́ственнїи сло́ва а҆пⷭ҇ли."
|
||||
},
|
||||
{
|
||||
"type": "TEXT",
|
||||
"value": "Та̑йныѧ дꙋшѝ моеѧ̀ и҆сцѣлѝ ꙗ҆́звы, мл҃твами сщ҃е́ннѡ въ мі́рѣ проповѣ́давшихъ бж҃е́ственное твоѐ прише́ствїе, и҆ стра̑сти ще́дре, и҆ є҆́же и҆з̾ гро́ба воскрⷭ҇нїе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Со всѣ́ми безпло́тными, є҆го́же воплоти́ла є҆сѝ бг҃а сло́во, па́че сло́ва, бцⷣе дв҃о молѝ, ѿ безслове́сныхъ дѣѧ́нїй и҆ плотски́хъ страсте́й свободи́тисѧ рабѡ́мъ твои̑мъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́тлый на́мъ возсїѧ́й свѣ́тъ присносꙋ́щный, ᲂу҆́тренюющымъ ѡ҆ сꙋдьба́хъ за́повѣдей твои́хъ, влⷣко чл҃вѣколю́бче хрⷭ҇тѐ бж҃е на́шъ."
|
||||
},
|
||||
{
|
||||
"type": "TEXT",
|
||||
"value": "Во дворѣ́хъ гдⷭ҇нихъ насажде́нъ ст҃и́телю ѻ҆́тче нїко́лае, и҆ ꙗ҆́кѡ плодови́таѧ ма́слина, бл҃года́тїю ᲂу҆маща́еши ны́нѣ всѣ́хъ ли́ца, є҆ле́емъ трꙋдѡ́въ твои́хъ."
|
||||
},
|
||||
{
|
||||
"type": "TEXT",
|
||||
"value": "Мольбꙋ̀ ны́нѣ сотворѝ ѻ҆́тче нїко́лае, ѡ҆ рабѣ́хъ твои́хъ: ꙗ҆́кѡ да ѡ҆ставле́нїе согрѣше́нїй прїи́мемъ, и҆ ѿ ѡ҆держа́щїѧ ско́рби и҆зба́вимсѧ, и҆ всѧ́кїѧ тѣсноты̀."
|
||||
},
|
||||
{
|
||||
"type": "TEXT",
|
||||
"value": "Тебѐ мо́лимъ нїко́лае, бл҃га́го хода́таѧ ко гдⷭ҇ꙋ: не ѡ҆ста́ви на́съ ст҃е без̾ застꙋпле́нїѧ. Но ѻ҆бы́чною твое́ю мл҃твою сп҃са́й."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣтови́дный хрⷭ҇то́въ хра́ме, ѻ҆трокови́це бг҃обл҃года́тнаѧ, мл҃твами твои́ми, ѻ҆ц҃ꙋ̀, и҆ сн҃ꙋ, и҆ дх҃ꙋ, и҆ на́съ хра́мы сотворѝ, прпⷣбнаѧ содѣва́ющихъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆бы́де на́съ послѣ́днѧѧ бе́здна, нѣ́сть и҆збавлѧ́ѧй, вмѣни́хомсѧ ꙗ҆́кѡ ѻ҆́вцы заколе́нїѧ, сп҃сѝ лю́ди твоѧ̑, бж҃е на́шъ: ты́ бо крѣ́пость немощствꙋ́ющихъ и҆ и҆справле́нїе."
|
||||
},
|
||||
{
|
||||
"type": "TEXT",
|
||||
"value": "Мре́жами слове́сными ᲂу҆лови́сте ꙗ҆зы́ки, къ ра́зꙋмꙋ ꙗ҆вле́ннагѡ назда́нїѧ человѣ́кѡвъ, ѽ бг҃обл҃же́ннїи а҆по́столи: є҆го́же прилѣ́жнѡ ѡ҆ мі́рѣ моли́те. Два́жды."
|
||||
},
|
||||
{
|
||||
"type": "TEXT",
|
||||
"value": "Дꙋшѐ моѧ̀ смире́ннаѧ, дꙋшѐ ѻ҆каѧ́ннаѧ, дꙋшѐ непока́ѧннаѧ, пока́йсѧ, и҆ возопі́й хрⷭ҇тꙋ̀: согрѣши́хъ, ѡ҆чи́сти мѧ̀ влⷣко чл҃вѣколю́бче, мл҃твами а҆пⷭ҇лъ твои́хъ, ꙗ҆́кѡ преблагі́й."
|
||||
},
|
||||
{
|
||||
"type": "TEXT",
|
||||
"value": "И҆́же дре́вле і҆и҃лю и҆сточи́вый во́дꙋ и҆з̾ ка́мене всеси́льне, разрѣши́ ми ѡ҆мраче́нїе хрⷭ҇тѐ, и҆ приноси́ти то́ки сле́зъ сотворѝ, мл҃твами а҆пⷭ҇лъ твои́хъ, ꙗ҆́кѡ многоми́лостивъ, да воспѣва́ю и҆ велича́ю твоѐ бл҃гоꙋтро́бїе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃о, и҆з̾ тебѐ за бл҃гость роди́тисѧ бл҃гоизво́лившаго ᲂу҆молѝ, ꙗ҆́кѡ творца̀ и҆ бг҃а, сп҃стѝ ѿ и҆скꙋше́нїи и҆ напа́стей, на тѧ̀ прест҃а́ѧ, всегда̀ ᲂу҆пова́нїе и҆мꙋ́щихъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прⷪ҇ро́ка і҆ѡ́нꙋ подража́ѧ вопїю̀: живо́тъ мо́й бл҃же, свободѝ и҆з̾ тлѝ, и҆ сп҃си́ мѧ, сп҃се мі́ра, зовꙋ́ща: сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "И҆мѣ́ѧй мно́жество щедро́тъ хрⷭ҇тѐ, мно́жество мои́хъ ѕѡ́лъ ѿженѝ мл҃твами нїкола́а, ѡ҆кормлѧ́ѧ мою̀ жи́знь, волна́ми грѣха̀ ѡ҆бꙋрева́емꙋю при́снѡ."
|
||||
},
|
||||
{
|
||||
"type": "TEXT",
|
||||
"value": "Крѣ́пкѡ врага̀ попра́лъ є҆сѝ мꙋ́дре, є҆го́же сокрꙋша́ти и҆ на́съ твои́ми мл҃твами ᲂу҆крѣпѝ нїко́лае, тобо́ю предста́телемъ бж҃е́ственнымъ ѡ҆богати́вшихсѧ."
|
||||
},
|
||||
{
|
||||
"type": "TEXT",
|
||||
"value": "И҆́же мѵ́рѧнѡмъ бы́въ первост҃и́тель и҆́стинный, ѡ҆благоꙋха́й на̑ша чꙋ̑вства дꙋшє́внаѧ ѻ҆́тче нїко́лае, и҆ враждꙋ́ющыѧ на ны̀ ѕлосмра̑дныѧ стра̑сти ѿгонѧ́й при́снѡ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Вели̑чїѧ тебѣ̀ чⷭ҇таѧ, сотворѝ хрⷭ҇то́съ: є҆го́же молѝ при́снѡ, возвели́чити въ на́съ бога̑тыѧ є҆гѡ̀ млⷭ҇ти, бг҃обл҃года́тнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѐ ᲂу҆́мнꙋю бцⷣе, пе́щь разсмотрѧ́емъ вѣ́рнїи: ꙗ҆́коже бо ѻ҆́троки сп҃сѐ трѝ превозноси́мый, мі́ръ ѡ҆бновѝ, во чре́вѣ твое́мъ всецѣ́лъ, хва́льный ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "И҆сто́чникъ живота̀ і҆и҃съ гдⷭ҇ь сы́й, ва́съ ѡ҆ста́ви ᲂу҆ченикѝ ꙗ҆́коже рѣ́ки, вода́ми напаѧ́ющыѧ бг҃оразꙋ́мїѧ всю̀ подсо́лнечнꙋю, и҆ пою́щыѧ: хва́льный ѻ҆тцє́въ бг҃ъ и҆ препросла́вленъ. Два́жды."
|
||||
},
|
||||
{
|
||||
"type": "TEXT",
|
||||
"value": "Ѻ҆́гнь мы́сленный въ се́рдцы носѧ́ще, бж҃е́ственнꙋю бл҃года́ть хрⷭ҇то́вꙋ, пожго́сте ᲂу҆ч҃нцы̀ ве́щь безбо́жїѧ. Тѣ́мже вє́щныѧ моѧ̑ стра̑сти попали́те вопїю́щагѡ: хва́льный ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Ѻ҆́гненнагѡ мꙋче́нїѧ и҆зба́ви мѧ̀ бж҃е, мл҃твами сла́вныхъ твои́хъ ᲂу҆чени̑къ, и҆ не ѿве́ржи менѐ ѿ лица̀ твоегѡ̀ гдⷭ҇и, въ покаѧ́нїи взыва́юща: хва́льный ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тлетво́рныхъ грѣхѡ́въ и҆ страсте́й и҆зми́ мѧ гдⷭ҇и, и҆́же нетлѣ́ннѡ роди́выйсѧ ѿ дв҃ы бг҃ома́тере, всѣ̑мъ же нетлѣ́нїе да́рꙋѧ, пѣ́сненнѡ пою́щымъ: хва́льный ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сꙋ́щымъ въ пещѝ ѻ҆трокѡ́мъ твои̑мъ сп҃се, не прикоснꙋ́сѧ, нижѐ стꙋжѝ ѻ҆́гнь. Тогда̀ трїѐ, ꙗ҆́кѡ є҆ди́нѣми ᲂу҆сты̀ поѧ́хꙋ и҆ бл҃гословлѧ́хꙋ, глаго́люще: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Рачи́тельною мл҃твою твое́ю мꙋ́дре, се́рдца моегѡ̀ ᲂу҆твердѝ гле́знѣ и҆звѣ́стнѡ, на ка́мени бж҃їихъ за́повѣдей пресвѣ́тлыхъ, сп҃са́ѧ непремѣ́ннѡ нїко́лае, ѿ кова́рствъ па́костныхъ ѕлонача́льнагѡ врага̀."
|
||||
},
|
||||
{
|
||||
"type": "TEXT",
|
||||
"value": "Разрѣше́нїе на́мъ мно́гихъ грѣхѡ́въ и҆спросѝ, сѣ́тей жите́йскихъ и҆ нꙋ́ждныхъ, и҆ и҆скꙋше́нїй всѧ́ческихъ находѧ́щихъ, свѧще́нне нїко́лае, всѣ́хъ вѣ́рныхъ застꙋ́пниче, и҆ свѧти́телей ѡ҆снова́нїе."
|
||||
},
|
||||
{
|
||||
"type": "TEXT",
|
||||
"value": "И҆́же сокры́вый ра́бъ лꙋка́вый тала́нтъ, є҆го́же въ дѣ́ланїе бл҃говоспрїе́мъ а҆́зъ є҆́смь: и҆ бою́сѧ та́мошнѧгѡ сꙋди́ща, на не́мже сꙋдїѐ бж҃е всѣ́хъ, не ѡ҆сꙋдѝ менѐ, моле́нїѧ ра́ди свѧта́гѡ нїкола́а."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тебѐ всест҃а́ѧ, пречⷭ҇таѧ, рабѝ твоѝ всегда̀, во днѝ и҆ въ нощѝ мо́лимъ сокрꙋше́нною мы́слїю, просѧ́ще и҆збавле́нїѧ грѣхѡ́въ на́шихъ, да́ти твои́ми мл҃твами, чⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пещѝ ѻ҆́троцы і҆и҃лєвы, ꙗ҆́коже въ горни́лѣ, добро́тою бл҃гоче́стїѧ чистѣ́е зла́та блеща́хꙋсѧ, глаго́люще: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ лꙋчы̀ со́лнце вели́кое ва́съ прострѐ во всю̀ вселе́ннꙋю, ѡ҆зарѧ́ѧ вѣ́рою пою́щихъ а҆пⷭ҇ли: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки. Два́жды."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ па́стырїе сꙋ́ще слове́снїи, ꙗ҆́кѡ а҆́гнцы па́стырѧ, ꙗ҆́кѡ ѻ҆́вцы а҆́гнца и҆зба́вителѧ на́шегѡ хрⷭ҇та̀, бг҃ови́дцы а҆пⷭ҇ли моли́те непреста́ннѡ, ѿ мы́сленнагѡ мѧ̀ во́лка и҆зба́вити, и҆ сп҃са́емыхъ ча́сти сподо́бити мѧ̀."
|
||||
},
|
||||
{
|
||||
"type": "TEXT",
|
||||
"value": "Преѻкаѧ́ннаѧ дꙋшѐ, стенѝ и҆ возопі́й гдⷭ҇еви: согрѣши́хъ па́че всѣ́хъ, и҆ беззако́нновахъ лю́тѣ: ѡ҆чи́сти и҆ сп҃си́ мѧ ꙗ҆́кѡ блꙋдни́цꙋ, ꙗ҆́кѡ мытарѧ̀, ꙗ҆́коже разбо́йника ще́дре, а҆пⷭ҇лѡвъ мл҃твами бл҃гопрїѧ́тными."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Со а҆́гг҃лы мт҃и бж҃їѧ, со а҆пⷭ҇лы, и҆ мч҃нки, и҆ со прⷪ҇ро́ки ᲂу҆молѝ хрⷭ҇та̀, сп҃стѝ взыва́ющыѧ: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆гѡ́же ᲂу҆жаса́ютсѧ а҆́гг҃ли, и҆ всѧ̑ вѡ́инства, ꙗ҆́кѡ творца̀ и҆ гдⷭ҇а, по́йте сщ҃е́нницы, просла́вите ѻ҆́троцы, бл҃гослови́те лю́дїе, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "На горѣ̀ стоѧ̀ бж҃е́ственныхъ добродѣ́телей, концє́мъ зна́емь чꙋде́съ высо́кихъ, нїко́лае, ꙗ҆ви́лсѧ є҆сѝ показа́ньми: тѣ́мже всѧ́къ ꙗ҆зы́къ почита́етъ тѧ̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Вкꙋси́въ прпⷣбне бж҃е́ственныѧ сла́дости, го́ресть возненави́дѣлъ є҆сѝ страсте́й и҆ сласте́й: ѿ ни́хже на́съ и҆зба́ви молѧ̀ хрⷭ҇та̀, востаю́щыѧ бѣды̀ ᲂу҆толи́ти."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ сто́лпъ непоколеби́мь, и҆ ᲂу҆твержде́нїе вѣ́рныхъ, при́снѡ мѧ̀ коле́блема жите́йскими ѕло́бами, и҆ бѣсо́вскими дохнове́нїи, ᲂу҆крѣпѝ всебл҃же́нне нїко́лае, моли́твами твои́ми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆врачꙋ́й пречⷭ҇таѧ стра̑сти се́рдца моегѡ̀, ро́ждшаѧ всѣ́хъ врача̀, и҆ првⷣныхъ ча́сти ꙗ҆ви́ мѧ прича́стника, дв҃о, хрⷭ҇та̀ ᲂу҆моли́вши."
|
||||
},
|
||||
{
|
||||
"type": "HEADER",
|
||||
"value": "Та́же пое́мъ пѣ́снь бцⷣѣ:"
|
||||
},
|
||||
{
|
||||
"type": "TEXT",
|
||||
"value": "Вели́читъ дꙋша̀ моѧ̀ гдⷭ҇а: И҆ покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆́бразъ чи́стагѡ ржⷭ҇тва̀ твоегѡ̀, ѻ҆гнепали́маѧ кꙋпина̀ показа̀ неѡпа́льнаѧ: и҆ ны́нѣ на на́съ напа́стей свирѣ́пѣющꙋю ᲂу҆гаси́ти мо́лимсѧ пе́щь, да тѧ̀ бцⷣе непреста́ннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Бж҃е́ственнїи ст҃а́гѡ дх҃а, и҆ свѣтоза́рнїи свѣти́льницы показа́стесѧ, свѣтозаре́нїемъ честна́гѡ и҆ премꙋ́драгѡ проповѣ́данїѧ бл҃же́ннїи, просвѣти́сте всю̀ вселе́ннꙋю, тьмꙋ̀ і҆́дѡльскꙋю ѿгна́вше. Два́жды."
|
||||
},
|
||||
{
|
||||
"type": "TEXT",
|
||||
"value": "Бж҃е́ственнагѡ мы́сленнагѡ вїногра́да ло́зїе бы́вше, бж҃е́ственное гро́здїе возрасти́сте, и҆сточа́юще сп҃си́тельное вїно̀ сла́внїи а҆пⷭ҇ли. Тѣ́мже мѧ̀ ѿ пїѧ́нства сласте́й и҆зба́вите."
|
||||
},
|
||||
{
|
||||
"type": "TEXT",
|
||||
"value": "Трепе́щꙋ ѻ҆каѧ́нный помышлѧ́ѧ стра́шное ѻ҆́но хрⷭ҇тѐ мо́й сꙋди́ще твоѐ, дѣѧ́ньми бо стꙋ́дными и҆ скве́рными ны́нѣ ѡ҆бложе́нъ є҆́смь, и҆ пре́жде сꙋда̀ ѡ҆сꙋжде́нъ: тѣ́мже мѧ̀ а҆пⷭ҇лъ твои́хъ мл҃твами ᲂу҆ще́дри."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Є҆ди́на человѣ́ки ѡ҆божи́ла є҆сѝ, воплоще́нно сло́во поро́ждши: є҆го́же молѝ со а҆пⷭ҇лы и҆ мч҃нки пречⷭ҇таѧ, дв҃о всенепоро́чнаѧ, ѡ҆ на́съ вѣ́рою ᲂу҆бл҃жа́ющихъ и҆ чтꙋ́щихъ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣтоно́сный ѻ҆́блакъ, во́ньже всѣ́хъ влⷣка, ꙗ҆́кѡ до́ждь съ нб҃сѐ на рꙋно̀ сни́де, и҆ воплоти́сѧ на́съ ра́ди, бы́въ чл҃вѣ́къ, безнача́льный, велича́емъ всѝ ꙗ҆́кѡ мт҃рь бг҃а на́шегѡ чи́стꙋю."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ хрⷭ҇то́ва ст҃и́телѧ, ꙗ҆́кѡ свѣтоза́рнꙋю ѕвѣздꙋ̀, ꙗ҆́кѡ чꙋде́съ самодѣ́йственника, ꙗ҆́кѡ и҆сто́чника и҆сцѣле́нїй, ꙗ҆́кѡ сꙋ́щымъ въ ско́рбехъ помо́щника, ꙗ҆́кѡ и҆зба́вителѧ теплѣ́йша призыва́ющымъ тѧ̀ въ бѣда́хъ ѻ҆́тче, восхвалѧ́емъ пѣ́сньми сщ҃е́нными."
|
||||
},
|
||||
{
|
||||
"type": "TEXT",
|
||||
"value": "Тѧ̀ па́стырѧ вели́каго, и҆ подража́телѧ во все́мъ нача́льнагѡ па́стырѧ хрⷭ҇та̀, прилѣ́жнѡ мо́лимъ нїко́лае: ѿ высо́тъ сщ҃е́нныхъ ᲂу҆пасѝ рабы̑ твоѧ̑, и҆ и҆збавлѧ́й ѿ всѣ́хъ жите́йскихъ напа́стей всегда̀."
|
||||
},
|
||||
{
|
||||
"type": "TEXT",
|
||||
"value": "Оу҆жѐ коне́цъ приближа́етсѧ, что̀ лѣни́шисѧ, ѽ дꙋшѐ моѧ̀; почто̀ не тщи́шисѧ бг҃ови бл҃гоꙋго́днѡ пожи́ти; потщи́сѧ и҆ возни́кни про́чее, и҆ возопі́й: чл҃вѣколю́бче, ᲂу҆ще́дри мѧ̀, нїкола́а мл҃твами ѡ҆кормлѧ́ѧ мою̀ жи́знь, ꙗ҆́кѡ бл҃гъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́же свѣ́тъ ро́ждшаѧ бж҃е́ственный, ѡ҆мраче́наго мѧ̀ всѣ́ми прило́ги лꙋка́вагѡ, и҆ во ᲂу҆ны́нїи живꙋ́ща, и҆ прогнѣ́вающа бг҃а, просвѣтѝ всенепоро́чнаѧ, и҆ наста́ви къ дѡ́брымъ дѣ́ланїємъ, ꙗ҆́кѡ вина̀ сꙋ́щи всѣ́хъ до́брыхъ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀ ма́лаѧ, и҆ свѣти́ленъ, и҆ ѱалмы̀ ѻ҆бы́чны."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры а҆по́стольски. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "А҆пⷭ҇ли сла́внїи, просвѣти́вше вселе́ннꙋю, при́снѡ бг҃а моли́те, сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ, во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Петра̀ и҆ па́ѵла согла́снѡ похва́лимъ: лꙋкꙋ̀, матѳе́а, ма́рка, і҆ѡа́нна, а҆ндре́а, ѳѡмꙋ̀, варѳоломе́а, сі́мѡна канані́та, і҆а́кѡва и҆ фїлі́ппа, и҆ ве́сь ли́къ ᲂу҆чени́ческїй досто́йнѡ да восхва́лимъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Весели́тесѧ мч҃нцы ѡ҆ гдⷭ҇ѣ, ꙗ҆́кѡ по́двигомъ до́брымъ подвиза́стесѧ: проти́вистесѧ царє́мъ, и҆ мꙋчи́телей побѣди́сте: ѻ҆гнѧ̀ и҆ меча̀ не ᲂу҆страши́стесѧ, и҆ ѕвѣре́й ди́вїихъ снѣда́ющихъ тѣлеса̀ ва̑ша: хрⷭ҇тꙋ̀ со а҆́гг҃лы пѣ́снь возсыла́юще, съ нб҃сѐ вѣнцы̀ прїѧ́сте: проси́те дарова́ти мі́рꙋ ми́ръ, и҆ дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ра́дꙋйсѧ бцⷣе дв҃о, ра́дꙋйсѧ похвало̀ всеѧ̀ вселе́нныѧ, ра́дꙋйсѧ пречⷭ҇таѧ мт҃и бж҃їѧ бл҃гослове́ннаѧ."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ гдⷭ҇еви: Трист҃о́е и҆ по Ѻ҆́ч҃е на́шъ: тропа́рь."
|
||||
},
|
||||
{
|
||||
"type": "HEADER",
|
||||
"value": "Посе́мъ є҆ктенїа̀, и҆ ѿпꙋ́стъ. Та́же ча́съ пе́рвый, и҆ ѱалмы̀ ѻ҆бы̑чныѧ, и҆ коне́чный ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ бл҃жє́нны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Снѣ́дїю и҆зведѐ и҆з̾ раѧ̀ вра́гъ а҆да́ма: крⷭ҇то́мъ же введѐ хрⷭ҇то́съ во́нь разбо́йника, помѧни́ мѧ гдⷭ҇и, вопїю́ща, є҆гда̀ прїи́деши во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Концы̀ просвѣти́вше бж҃е́ственными лꙋча́ми ᲂу҆че́нїй ва́шихъ, ѡ҆мраче́нїе лю́тагѡ безбо́жїѧ разори́ли є҆стѐ, и҆ къ свѣ́тꙋ незаходи́момꙋ прише́дше, при́снѡ бл҃жи́ми є҆стѐ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Ѻ҆́ч҃ескꙋю ѵ҆поста́снꙋю и҆мѣ́вше премꙋ́дрость, ᲂу҆ч҃нцы̀ хрⷭ҇тѡ́вы, всѣ́хъ ва́съ ᲂу҆мꙋдрѧ́ющꙋю, бꙋ́йствомъ проповѣ́данїѧ мі́ръ ᲂу҆мꙋдри́ли є҆стѐ, и҆ къ ра́зꙋмꙋ бж҃е́ственномꙋ приведо́сте."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мꙋ́ки претерпѣ́вше, ꙗ҆́коже безпло́тнїи хрⷭ҇тѡ́вы страда́льцы, и҆ всѧ̑ безплѡ́тныѧ врагѝ крѣ́пкѡ побѣди́ли є҆стѐ. Тѣ́мъ бл҃жи́ми є҆стѐ во вѣ́ки досто́йнѡ, всехва́льнїи."
|
||||
},
|
||||
{
|
||||
"type": "TEXT",
|
||||
"value": "Сла́ва: Трⷪ҇цѣ поклони́мсѧ, со ѻ҆ц҃е́мъ сн҃ꙋ, и҆ дх҃ꙋ пра́вомꙋ вѣ́рнїи, нераздѣ́льнѣй, и҆ неразлꙋ́чнѣй, и҆ сопресто́льнѣй є҆ди́ницѣ, вопїю́ще: ст҃ъ, ст҃ъ, ст҃ъ є҆сѝ, трⷪ҇це всечестна́ѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бл҃жи́мъ тѧ̀ пречⷭ҇таѧ, ꙗ҆́коже прорекла̀ є҆сѝ, бг҃а во во пло́ти родила̀ є҆сѝ, є҆го́же проповѣ́да ли́къ а҆по́стольскїй: съ ни́миже и҆спросѝ на́мъ прегрѣше́нїй разрѣше́нїе, всепѣ́таѧ."
|
||||
}
|
||||
]
|
||||
@@ -0,0 +1,930 @@
|
||||
[
|
||||
{
|
||||
"type": "HEADER",
|
||||
"value": "Гла́съ а҃. Вто́рникъ"
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ ве́чера, на Гдⷭ҇и воззва́хъ, стїхи̑ры, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Прехва́льнїи мч҃нцы:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Всѐ житїѐ моѐ сра́мнѡ и҆зжи́хъ, гдⷭ҇и, со блꙋдни́цами ѻ҆каѧ́нный, ꙗ҆́коже блꙋ́дный ᲂу҆миле́нїемъ зовꙋ̀: ѻ҆́ч҃е нбⷭ҇ный, согрѣши́хъ, ѡ҆чи́сти и҆ сп҃си́ мѧ, и҆ не ѿри́ни менѐ, самого̀ себѐ ѿ тебѐ ᲂу҆дали́вшагосѧ, и҆ безпло́дныхъ ра́ди дѣ́лъ ны́нѣ ѡ҆бнища́вшаго."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀, потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀, въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Ѡ҆бнища́въ бога́тъ сы́й хрⷭ҇тѐ, человѣ́ки ѡ҆богати́лъ є҆сѝ безсме́ртїемъ и҆ свѣ́тлостїю. Тѣ́мже ѡ҆бнища́вша мѧ̀ сластьмѝ жите́йскими, добродѣ́тельми ѡ҆богатѝ, и҆ съ ни́щимъ ла́заремъ ᲂу҆чини́ мѧ, бога́тагѡ мꙋче́нїѧ и҆з̾има́ѧ мѧ̀ и҆ гее́нны предлежа́щїѧ мѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Ѕло́бою ѡ҆богати́хсѧ лю́тѣ, и҆ пи́щꙋ возлюби́хъ, и҆ въ житїѝ воспрїѧ́хъ блага̑ѧ гдⷭ҇и, и҆ въ гее́ннꙋ ѡ҆сꙋжде́нъ бы́хъ: гла́днꙋющїй ᲂу҆́мъ мо́й, ꙗ҆́кѡ ла́зарѧ презрѣ́хъ, пред̾ враты̀ бж҃е́ственныхъ твои́хъ дѣѧ́нїй пове́рженъ, ᲂу҆ще́дри мѧ̀ гдⷭ҇и."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры прⷣте́чи. Подо́бенъ: то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Прⷪ҇ро́че чꙋ́дный, хрⷭ҇то́въ крⷭ҇ти́телю и҆ прⷣте́че, и҆зсо́хшее се́рдце моѐ безмѣ́стїемъ, рѣ́ки сле́зъ приснотекꙋ́щихъ сотворѝ пролїѧ́ти мл҃твами твои́ми: и҆ молю́ тѧ, ꙗ҆́кѡ да сп҃са́емь тобо́ю многоболѣ́зненный, велича́ю тебѐ возвели́чившаго."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Прⷪ҇ро́че бл҃же́нне, къ тебѣ̀ наде́ждꙋ мою̀ всю̀, и҆ живо́тъ возлага́ю ча́ѧнїѧ моегѡ̀, и҆́же хрⷭ҇та̀ крⷭ҇ти́въ і҆и҃са, бе́зднꙋ взе́млющаго мі́ра прегрѣшє́нїѧ. Того̀ молѝ і҆ѡа́нне, молю́сѧ тѝ, се́рдце моѐ ѡ҆чи́стити, и҆ сп҃сти́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Проповѣ́дниче мꙋ́дре бл҃года́ти, и҆́же всѣ̑мъ ꙗ҆зы́кѡмъ покаѧ́нїе предвозвѣсти́вый, всеѻкаѧ́ннѣй мое́й и҆ ѡ҆слѣпле́нной дꙋшѝ, бж҃е́ственный прⷣте́че, пребыва́ти въ покаѧ́нїи бл҃говолѝ, и҆ во́лю гдⷭ҇ню дѣ́ѧти всегда̀, да вѣ́рою и҆ любо́вїю сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: А҆́гнца, мі́ра всегѡ̀ взе́млющаго грѣхѝ, є҆го́же превели́кїй прⷣте́ча всѣ̑мъ проповѣ́да, съ ни́мъ дв҃о молѝ, ко́злищъ ча́сти ꙗ҆ви́ти мѧ̀ чꙋ́жда въ ча́съ сꙋ́дный, и҆ ѻ҆вца́мъ десны̑мъ є҆гѡ̀ сочта́ти менѐ недосто́йнаго."
|
||||
},
|
||||
{
|
||||
"type": "TEXT",
|
||||
"value": "Та́же: Свѣ́те ти́хїй:"
|
||||
},
|
||||
{
|
||||
"type": "HEADER",
|
||||
"value": "Прокі́менъ днѐ: И҆ є҆ктенїа̀."
|
||||
},
|
||||
{
|
||||
"type": "TEXT",
|
||||
"value": "Посе́мъ: Сподо́би гдⷭ҇и въ ве́черъ:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры покаѧ́нны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ пꙋчи́на мно́га прегрѣше́нїй мои́хъ сп҃се, и҆ лю́тѣ погрꙋжа́юсѧ согрѣше́ньми мои́ми, да́ждь мѝ рꙋ́кꙋ, ꙗ҆́кѡ петро́ви, и҆ сп҃си́ мѧ бж҃е, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ, живꙋ́щемꙋ на нб҃сѝ, сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀, та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ въ помышле́нїихъ лꙋка́выхъ и҆ въ дѣ́лѣхъ ѡ҆сꙋди́хсѧ сп҃се, мы́сль мнѣ̀ да́рꙋй ѡ҆браще́нїѧ бж҃е, да зовꙋ́ ти: сп҃си́ мѧ бл҃годѣ́телю бл҃гі́й, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Є҆́же на сꙋди́щи ва́ше и҆сповѣ́данїе ст҃і́и, де́мѡнѡвъ ѡ҆плева̀ си́лꙋ, и҆ ѿ пре́лести человѣ́ки свободѝ. Тѣ́мже и҆ глава́мъ ᲂу҆сѣка́ємымъ, взыва́сте: да бꙋ́детъ гдⷭ҇и, же́ртва дꙋ́шъ на́шихъ бл҃гопрїѧ́тна пред̾ тобо́ю, ꙗ҆́кѡ тебѐ возлюби́вше, неради́хомъ ѡ҆ вре́меннѣй жи́зни, человѣколю́бче."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Дв҃о всепѣ́таѧ, ю҆́же въ тебѣ̀ та́йнꙋ мѡѷсе́й прⷪ҇ро́ческима ви́дѣ ѻ҆чи́ма, кꙋпинꙋ̀ горѧ́щꙋ и҆ неѡпалѧ́емꙋ: бж҃ества́ бо ѻ҆́гнь ᲂу҆тро́бꙋ твою̀ чⷭ҇таѧ, не ѡ҆палѝ. Тѣ́мже мо́лимъ тѧ̀ ꙗ҆́кѡ мт҃рь бг҃а на́шегѡ, ми́ръ и҆спроси́ти мі́рови, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ на повече́рїи, канѡ́нъ прест҃ѣ́й бцⷣѣ. Гла́съ а҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пѣ́снь побѣ́днꙋю пои́мъ всѝ бг҃ꙋ, сотво́ршемꙋ ди̑внаѧ чꙋдеса̀ мы́шцею высо́кою, и҆ сп҃сшемꙋ і҆и҃лѧ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Свѧще́нїе пречⷭ҇тое ра́дꙋйсѧ дв҃о, а҆́гг҃лѡвъ ᲂу҆краше́нїе, и҆ прїѧ́телище дх҃а, невѣ́сто непоро́чнаѧ ѻ҆ц҃а̀ безнача́льна, и҆ мт҃и сло́ва бж҃їѧ."
|
||||
},
|
||||
{
|
||||
"type": "TEXT",
|
||||
"value": "Цр҃и́ца є҆сѝ, ꙗ҆́кѡ цр҃е́ва дщѝ, прозѧ́бши бцⷣе влⷣчце, и҆ цр҃ѧ̀ бг҃а ро́ждши пло́тїю, и҆ съ ни́мъ црⷭ҇твꙋеши."
|
||||
},
|
||||
{
|
||||
"type": "TEXT",
|
||||
"value": "Сла́ва: Пое́тъ ржⷭ҇тво̀ твоѐ дв҃дъ пѣве́цъ, превоспѣва́етъ же и҆са́їа ᲂу҆тро́бꙋ твою̀ пречⷭ҇тꙋю, мр҃і́е всечⷭ҇таѧ, хрⷭ҇тїа́нстїи же лю́дїе сла́вѧтъ ржⷭ҇тво̀ твоѐ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Проповѣ́дꙋетъ цр҃ковь ржⷭ҇тво̀ твоѐ дв҃о бг҃оневѣ́сто, правосла́вными ᲂу҆че́нїи, и҆ вещьмѝ бж҃е́ственными, ѡ҆бразѡ́мъ бо воплоще́нїѧ сн҃а твоегѡ̀ покланѧ́етсѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ка́мень, є҆гѡ́же небрего́ша зи́ждꙋщїи, се́й бы́сть во главꙋ̀ ᲂу҆́гла: то́й є҆́сть ка́мень, на не́мже ᲂу҆твердѝ цр҃ковь хрⷭ҇то́съ, ю҆́же ѿ ꙗ҆зы̑къ и҆скꙋпѝ."
|
||||
},
|
||||
{
|
||||
"type": "TEXT",
|
||||
"value": "Сла́вꙋ дв҃ства и҆мꙋ́щи, ѡ҆блекла́сѧ є҆сѝ бл҃года́тїю дх҃а ст҃а́гѡ, пречⷭ҇таѧ мр҃і́е, ꙗ҆́вльшисѧ бцⷣа, но́вое та́инство и҆ сокрове́нное: ка́кѡ бо бг҃а пло́тїю ро́ждши дѣ́вствꙋеши;"
|
||||
},
|
||||
{
|
||||
"type": "TEXT",
|
||||
"value": "Дѣ́ло, є҆́же содѣ́лалъ є҆сѝ гдⷭ҇и, кто̀ ска́жетъ; ю҆́же бо проклѧ́тъ въ печа́лехъ роди́ти ча̑да, сн҃ъ показа́лсѧ є҆сѝ сеѧ̀, и҆ ра́дꙋетсѧ же́нское па́дшее є҆стество̀ ѡ҆ тебѣ̀ бз҃ѣ бцⷣы ра́ди."
|
||||
},
|
||||
{
|
||||
"type": "TEXT",
|
||||
"value": "Сла́ва: Бꙋ́рѧ прегрѣше́нїй рѣши́тсѧ мі́рꙋ, тобо́ю пречⷭ҇таѧ мр҃і́е бцⷣе є҆ди́на. Тѣ́мъ тѧ̀, ꙗ҆́кѡ приста́нище сп҃се́нїѧ и҆мꙋ́ще, восхвалѧ́емъ вѣ́рнїи, пою́ще вели̑чїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Воспѣ́тъ дв҃ствꙋ прⷪ҇ро́ки дре́вле, роди́ти тѧ̀ безлѣ́тнаго въ лѣ̑та, и҆ па́че сло́ва сло́во, є҆ди́наго ѿ трⷪ҇цы хрⷭ҇та̀ бг҃а на́шего: є҆го́же цр҃ковь мт҃и чⷭ҇таѧ, почита́етъ ѡ҆́бразы."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Дх҃омъ прови́дѧ прⷪ҇ро́че а҆ввакꙋ́ме, словесѐ воплоще́нїе, проповѣ́далъ є҆сѝ вопїѧ̀: внегда̀ прибли́житисѧ лѣ́тѡмъ, позна́ешисѧ, внегда̀ прїитѝ вре́мени, пока́жешисѧ, сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Седмосвѣ́тлое зерца́ло бж҃е́ственныхъ прⷪ҇рѡ́къ многоѡбра́знѡ пое́тъ ѡ҆бразова̑нїѧ твоѧ̑: мы́ же дѣ́ломъ зна́мєнїѧ и҆схо́да твоегѡ̀ воспрїе́мше, бцⷣꙋ тѧ̀ вои́стиннꙋ, вещьмѝ ви́дѧщи вѣ́рꙋемъ."
|
||||
},
|
||||
{
|
||||
"type": "TEXT",
|
||||
"value": "Бж҃їю тѧ̀ досто́йнѡ мт҃рь, вои́стиннꙋ дв҃о чи́стаѧ, чтꙋ́ще сла́вимъ мы̀, сво́йственный приносѧ́ще гла́съ тебѣ̀, въ зако́нѣ и҆ прⷪ҇ро́цѣхъ проповѣ́даннѣй: ра́дꙋйсѧ ѡ҆бра́дованнаѧ, гдⷭ҇ь съ тобо́ю."
|
||||
},
|
||||
{
|
||||
"type": "TEXT",
|
||||
"value": "Сла́ва: Сѐ бж҃е́ственнаѧ гора̀, ю҆́же ви́дѣ а҆ввакꙋ́мъ, добродѣ́телей сѣ́нь сꙋ́щи ꙗ҆́вѣ, бцⷣа просїѧ̀ въ мі́рѣ, є҆́юже дре́вле ѿстꙋ́пльшїи престꙋпле́нїемъ, а҆́бїе бг҃ꙋ прибли́жихомсѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бл҃же́нъ ѧ҆зы́къ, препѣ́таѧ чи́стаѧ, и҆́же честѝ сподо́бисѧ ржⷭ҇тво̀ твоѐ вѣ́рнѡ, правосла́вїемъ и҆ ᲂу҆че́нїемъ и҆ дѣ́лы, и҆́стиннѣ ꙗ҆влѧ́ѧ всѧ̑ ѡ҆́бразы воплоще́нїѧ сн҃а твоегѡ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ но́щи ᲂу҆́тренююще, воспѣва́емъ тѧ̀ хрⷭ҇тѐ бж҃е, ѡ҆бнища́вшаго на́съ ра́ди, и҆ крⷭ҇тъ, и҆ сме́рть пло́тїю претерпѣ́вшаго."
|
||||
},
|
||||
{
|
||||
"type": "TEXT",
|
||||
"value": "Сокрове́ннѡ та́йнѣ ꙗ҆влѧ́ше тѧ̀ кꙋпинꙋ̀ мѡѷсе́й, неѡпали́мꙋю бцⷣе влⷣчце: веще́ствєннаѧ бо твоѧ̑ ложесна̀ не ѡ҆пали́шасѧ бж҃ество́мъ."
|
||||
},
|
||||
{
|
||||
"type": "TEXT",
|
||||
"value": "Словесѐ бж҃їѧ тѧ̀ мт҃рь воспѣва́юще, бцⷣе чи́стаѧ, слове́сное прино́симъ цвѣтꙋ́щее дарова́нїе тебѣ̀, ѡ҆ не́мже ра́доватисѧ вѣ́рꙋемъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѿ скве́рныхъ ᲂу҆сте́нъ не ѿвратѝ похвале́нїѧ, бцⷣе пречⷭ҇таѧ: нѣ́сть бо на землѝ, и҆́же тѧ̀ по достоѧ́нїю воспѣ́ти дерза́етъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Є҆ди́нъ є҆́сть во двою̀ сꙋщєствꙋ̀, и҆́же ѿ дв҃ы рожде́йсѧ, ꙗ҆́кѡ бг҃ъ неви́димый, и҆ ꙗ҆́кѡ чл҃вѣ́къ, во́лею на́съ ра́ди ᲂу҆подо́бивыйсѧ человѣ́кѡмъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прⷪ҇ро́ка і҆ѡ́нꙋ подража́ѧ вопїю̀: живо́тъ мо́й бл҃же свободѝ и҆з̾ тлѝ, и҆ сп҃си́ мѧ сп҃се мі́ра, зовꙋ́ща: сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Мы́сленный тѧ̀ свѣ́щникъ дв҃о, и҆ седмосїѧ́нный зри́тъ прⷪ҇ро́къ, показꙋ́ѧ ꙗ҆́вѣ дх҃а дѣ̑йствїѧ, блеща́щасѧ въ тебѣ̀."
|
||||
},
|
||||
{
|
||||
"type": "TEXT",
|
||||
"value": "Дре́во ты̀ ꙗ҆ви́ласѧ є҆сѝ дв҃о живоно́сное вои́стиннꙋ, плодо́мъ твои́мъ льсти́ваго ѕмі́ѧ ᲂу҆мори́вшее, человѣ́кѡмъ же живо́тъ ро́ждши хрⷭ҇та̀ бг҃а."
|
||||
},
|
||||
{
|
||||
"type": "TEXT",
|
||||
"value": "Сла́ва: Не красна̀ похвала̀ ѿ скве́рныхъ ᲂу҆сте́нъ тебѣ̀ прино́ситсѧ, мт҃и бг҃а на́шегѡ чи́стаѧ: но ви́ждь дꙋшѝ моеѧ̀ жела́нїе, и҆ сїѐ прїимѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Шата́ютсѧ беззако́ннїи въ молвѣ̀ го́рькагѡ невѣ́рїѧ: є҆гда̀ то́кмѡ ви́дѧтъ правосла́вныхъ собо́ры, лобыза́ющихъ тво́й дв҃о ѡ҆́бразъ."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гро́бъ тво́й:"
|
||||
},
|
||||
{
|
||||
"type": "TEXT",
|
||||
"value": "Ѡ҆кормѝ чи́стаѧ, ѻ҆каѧ́ннꙋю мою̀ жи́знь, и҆ ᲂу҆ще́дри всенепоро́чнаѧ, дꙋ́шꙋ, попо́лзшꙋюсѧ мно́гими прегрѣше́нїи во глꙋбинꙋ̀ поги́бели, и҆ въ ча́съ мѧ̀ сме́ртный свободѝ клеве́щꙋщихъ бѣсѡ́въ, и҆ стра́шнагѡ ѿвѣ́та."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сꙋ́щымъ въ пещѝ ѻ҆трокѡ́мъ твои̑мъ сп҃се, не прикоснꙋ́сѧ, нижѐ стꙋжѝ ѻ҆́гнь. Тогда̀ трїѐ, ꙗ҆́кѡ є҆ди́нѣми ᲂу҆сты̀ поѧ́хꙋ и҆ благословлѧ́хꙋ, глаго́люще: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Преꙋкраше́нна ꙗ҆ви́сѧ добродѣ́тельми бг҃оневѣ́сто, сла́вою и҆ че́стїю дв҃ства: краснѣ́йша бо бл҃голѣ́пїемъ добро́та твоѧ̀ вои́стиннꙋ, рачи́тель гдⷭ҇ь тебѐ приведѐ мт҃рь бж҃е́ственнꙋю себѣ̀."
|
||||
},
|
||||
{
|
||||
"type": "TEXT",
|
||||
"value": "Же́злъ чⷭ҇таѧ, пра́вости ꙗ҆́вѣ была̀ є҆сѝ, же́злъ црⷭ҇твїѧ пречⷭ҇тнѣ́йшїй. Тѣ́мже пло́дъ бж҃їѧ словесѐ прозѧбла̀ є҆сѝ, є҆́же и҆ чꙋ́до и҆здале́ча а҆арѡ́новъ ꙗ҆́вѣ же́злъ проѡбразѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Тѣле́сными страстьмѝ мно́гими ѡ҆скверни́въ тѣ́ло же и҆ сло́во и҆ дꙋ́шꙋ, ка́кѡ твою̀ чⷭ҇таѧ, добродѣ́телей воспою̀ красотꙋ̀; недоꙋмѣ́ю и҆ ᲂу҆страша́юсѧ: но сама̀ мнѣ̀ бꙋ́ди твои́ми мл҃твами по́мощь."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Твоегѡ̀ хрⷭ҇тѐ воплоще́нїѧ чтꙋ̀ соедине́нїе, и҆ сегѡ̀ ѡ҆́бразꙋ покланѧ́юсѧ бг҃олѣ́пнѡ, ꙗ҆́кѡ бг҃ъ сы́й предвѣ́чный, ѿ дв҃ы бы́сть человѣ́къ непремѣ́ненъ, са́мъ во ѻ҆бою̀ соверше́нъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆гѡ́же ᲂу҆жаса́ютсѧ а҆́гг҃ли, и҆ всѧ̑ вѡ́инства, ꙗ҆́кѡ творца̀ и҆ гдⷭ҇а, по́йте сщ҃е́нницы, просла́вите ѻ҆́троцы, бл҃гослови́те лю́дїе, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бж҃е́ственное сщ҃е́нїе, да воспое́тсѧ бж҃їе, и҆́мже и҆зба́висѧ мі́ръ ѿ тлѝ. Воста́ните всѝ па́дшїи и҆ногда̀: мр҃і́а бо родѝ хрⷭ҇та̀ сп҃се́нїе."
|
||||
},
|
||||
{
|
||||
"type": "TEXT",
|
||||
"value": "Пое́мъ тѧ̀ пречⷭ҇таѧ, и҆ мт҃и бж҃їѧ: и҆ кто̀ не сла́витъ тѧ̀ вои́стиннꙋ бл҃гꙋ́ю, сꙋ́щꙋю наде́ждꙋ дꙋ́шъ на́шихъ; тѣ́мже прест҃а́ѧ, мольбꙋ̀ мою̀ прїимѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆ѧсни́тесѧ дне́сь пѣ́сньми вѣ́рнїи: просла́вите а҆́гг҃ли, и҆ человѣ́цы вкꙋ́пѣ, ꙗ҆́кѡ дїа́волъ па́даетъ и҆ ѿча́ѧнїе: мр҃і́а бо родѝ на́мъ наде́ждꙋ сп҃се́нїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Не ѡ҆писꙋ́йте бж҃ества̀, не лжи́те слѣпі́и: про́стѣ бо неви́димо и҆ незри́тельно є҆́сть: пло́ти же ѡ҆́бразъ воѡбразꙋ́ѧ, покланѧ́юсѧ, и҆ вѣ́рою сла́влю ро́ждшꙋю гдⷭ҇а дв҃ꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣтоно́сный ѻ҆́блакъ, во́ньже всѣ́хъ влⷣка, ꙗ҆́кѡ до́ждь съ нб҃сѐ на рꙋно̀ сни́де, и҆ воплоти́сѧ на́съ ра́ди, бы́въ человѣ́къ, безнача́льный, велича́емъ всѝ ꙗ҆́кѡ мт҃рь бг҃а на́шегѡ чи́стꙋю."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ мр҃і́е, вели́кое всеѧ̀ тва́ри чꙋ́до. Ра́дꙋйсѧ дщѝ ᲂу҆́бѡ дв҃дова, гдⷭ҇нѧ же мт҃и. Ра́дꙋйсѧ пѣ́нїе гаврїи́лово. Ра́дꙋйсѧ прибѣ́жище и҆ ᲂу҆твержде́нїе, и҆ по́мощь всѣ̑мъ прест҃а́ѧ, сꙋ́щымъ на землѝ грѣ́шникѡмъ."
|
||||
},
|
||||
{
|
||||
"type": "TEXT",
|
||||
"value": "Пое́тъ дх҃омъ бж҃е́ственнымъ, и҆ воспѣва́етъ бл҃года́рственнꙋю пѣ́снь, і҆ѡакі́мъ чꙋ́дный, и҆ бж҃е́ственнаѧ а҆́нна, ꙗ҆́кѡ ви́дѧше на землѝ мт҃рь созда́телѧ, ю҆́же роди́ша дще́рь мр҃і́ю: є҆ѧ́же мл҃твами всѣ́хъ сп҃сѝ на́съ ꙗ҆́кѡ бг҃ъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѽ прест҃а́ѧ дв҃о мт҃и бг҃а вы́шнѧгѡ! Твоѐ ржⷭ҇тво̀ на землѝ сп҃се́нїе ꙗ҆ви́сѧ грѣ̑шнымъ и҆ смирє́ннымъ: ѡ҆ тебѣ́ бо спасо́хомсѧ вѣ́ровавше, но сп҃са́еши мѧ̀ и҆ ны́нѣ, и҆ во всѧ̑ вѣ́ки жи́знєнныѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Воплоще́нна сло́ва, но непрело́жна вѣ́мъ. Тѣ́мже воспѣва́ю є҆го̀ вѣ́рнѡ, во двою̀ ᲂу҆́бѡ сꙋщєствꙋ̀, ѵ҆поста́си же є҆ди́нѣй: є҆го́же вои́стиннꙋ ꙗ҆́кѡ бг҃а и҆ чл҃вѣ́ка проповѣ́даѧ, пѣ́снь соверша́ю."
|
||||
},
|
||||
{
|
||||
"type": "TEXT",
|
||||
"value": "Та́же: Досто́йно є҆́сть: И҆ покло́нъ. Трист҃о́е."
|
||||
},
|
||||
{
|
||||
"type": "HEADER",
|
||||
"value": "И҆ про́чее ѻ҆бы́чно: и҆ ѿпꙋ́стъ."
|
||||
},
|
||||
{
|
||||
"type": "TEXT",
|
||||
"value": "Во вто́рникъ ᲂу҆́тра по є҆ѯаѱалмѣ́хъ, на Бг҃ъ гдⷭ҇ь, тропа́рь ст҃о́мꙋ, а҆́ще и҆́мать. Сла́ва, и҆ ны́нѣ, бг҃оро́диченъ, по гла́сꙋ тропарѧ̀. А҆́ще ли нѝ, глаго́лемъ тропа́рь днѐ. Сла́ва, и҆ ны́нѣ, бг҃оро́диченъ є҆гѡ̀."
|
||||
},
|
||||
{
|
||||
"type": "HEADER",
|
||||
"value": "По а҃-мъ стїхосло́вїи сѣда́льны покаѧ́нны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Въ беззако́нїихъ зача́тъ є҆́смь а҆́зъ блꙋ́дный, не смѣ́ю взира́ти на высотꙋ̀ нбⷭ҇нꙋю. Но надѣ́ѧсѧ на человѣколю́бїе твоѐ зовꙋ̀: бж҃е, ѡ҆чи́сти мѧ̀ грѣ́шнаго, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "А҆́ще пра́ведникъ є҆два̀ сп҃са́етсѧ, а҆́зъ же грѣ́шный гдѣ̀ ꙗ҆влю́сѧ, тѧготы̀ и҆ ва́ра дневна́гѡ не поне́сшїй; но съ нае́мники є҆динонадесѧ́тагѡ часа̀ сопричти́ мѧ бж҃е, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Без̾ мт҃ре на нб҃сѝ, па́че смы́сла и҆ слы́шанїѧ, на землѝ без̾ ѻ҆ц҃а̀ родила̀ є҆сѝ. Того̀ бцⷣе молѝ, сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи, сѣда́ленъ. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Ѡ҆б̾ѧ́тїѧ ѻ҆́ч҃а ѿве́рсти мѝ потщи́сѧ, блꙋ́днѡ моѐ и҆жди́хъ житїѐ, на бога́тство неиждива́емое взира́ѧ щедро́тъ твои́хъ сп҃се. Ны́нѣ ѡ҆бнища́вшее моѐ да не пре́зриши се́рдце, тебѣ́ бо гдⷭ҇и, ᲂу҆миле́нїемъ зовꙋ̀: согрѣши́хъ, ѻ҆́ч҃е, на нб҃о и҆ пред̾ тобо́ю, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Бога́тство і҆́ѡвлево зрѧ̀ добродѣ́телей, подкопа́ти и҆ ᲂу҆кра́сти ко́зньствоваше, и҆́же пра́ведныхъ вра́гъ, и҆ разорѝ сто́лпъ тѣле́сный, сокро́вища же не ᲂу҆кра́де дх҃о́внагѡ, ѡ҆брѣ́те бо воѡрꙋже́нꙋ непоро́чнагѡ дꙋ́шꙋ: мене́ же и҆ ѡ҆бнажи́въ плѣнѝ. Предвари́въ ᲂу҆́бѡ пре́жде конца̀, и҆зба́ви мѧ̀ ѿ льсти́вагѡ сп҃се, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ до́брїи во́ини, є҆диномꙋ́дреннѡ вѣ́ровавше, преще́нїѧ мꙋчи́телей не ᲂу҆боѧ́стесѧ ст҃і́и. Прїидо́сте ᲂу҆се́рднѡ ко хрⷭ҇тꙋ̀ взе́мше чⷭ҇тны́й крⷭ҇тъ, и҆ сконча́вше тече́нїе, съ нб҃сѐ побѣ́дꙋ прїѧ́сте. Сла́ва ᲂу҆крѣ́пльшемꙋ ва́съ: сла́ва вѣнча́вшемꙋ вы̀: сла́ва дѣ́йствꙋющемꙋ ва́ми всѣ̑мъ и҆сцѣлє́нїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ѿча́ѧнїе нїнеѵі́тское предвари́лъ є҆сѝ, возвѣще́нное запреще́нїе мимоводѧ̀, и҆ гнѣ́въ побѣдѝ млⷭ҇ть твоѧ̀ гдⷭ҇и, ᲂу҆милосе́рдисѧ ны́нѣ на лю́ди и҆ ста́до твоѐ: дла́нїю держа́вною врагѝ на́шѧ низложѝ, мл҃твами бцⷣы да́рꙋй на́мъ млⷭ҇ть твою̀."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи, сѣда́льны, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гро́бъ тво́й:"
|
||||
},
|
||||
{
|
||||
"type": "TEXT",
|
||||
"value": "Въ разбо́йники впадо́хъ помышле́ньми, и҆ ѡ҆крадо́хсѧ ᲂу҆мо́мъ, и҆ ᲂу҆ѧзви́ша мою̀ дꙋ́шꙋ грѣхмѝ, и҆ лежꙋ̀ неисцѣ́ленъ, і҆и҃се многомлⷭ҇тиве: но возле́й предте́чи мл҃твами твою̀ млⷭ҇ть, и҆ лю̑тыѧ ꙗ҆́звы дꙋшѝ моеѧ̀ и҆сцѣлѝ."
|
||||
},
|
||||
{
|
||||
"type": "TEXT",
|
||||
"value": "И҆́же дре́вле стрꙋѧ́ми і҆ѻрда́нскими крⷭ҇ти́вый, і҆ѡа́нне, ѡ҆чище́нїе всегѡ̀ мі́ра, мно́гими мѧ̀ погрꙋжа́ема прегрѣше́ньми востѧгнѝ и҆ ѡ҆мы́й ѿ всѧ́кїѧ скве́рны, чл҃вѣколю́бца всегда̀ молѧ̀, ꙗ҆́кѡ хода́тай бл҃гопрїѧ́тенъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Безневѣ́стнаѧ чⷭ҇таѧ бцⷣе дв҃о, є҆ди́на вѣ̑рнымъ предста́тельнице и҆ покро́ве: бѣ́дъ и҆ скорбе́й и҆ лю́тыхъ ѡ҆бстоѧ́нїй всѣ́хъ и҆зба́ви, на тѧ̀ ᲂу҆пова́нїе ѻ҆трокови́це и҆мꙋ́щихъ: и҆ дꙋ́шы на́шѧ сп҃сѝ бж҃е́ственными мл҃твами твои́ми."
|
||||
},
|
||||
{
|
||||
"type": "HEADER",
|
||||
"value": "Канѡ́нъ покаѧ́ненъ, гла́съ а҃, творе́нїе і҆ѡ́сифово, є҆гѡ́же краегране́сїе си́це:"
|
||||
},
|
||||
{
|
||||
"type": "TEXT",
|
||||
"value": "Прїимѝ хрⷭ҇тѐ моле́нїе мои́хъ слове́съ:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пѣ́снь побѣ́днꙋю пои́мъ всѝ бг҃ꙋ: сотво́ршемꙋ ди̑внаѧ чꙋдеса̀ мы́шцею высо́кою, и҆ сп҃сшемꙋ і҆и҃лѧ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Порабоща́емь страстьмѝ грѣха̀, припа́даю тѝ гдⷭ҇и, ꙗ҆́кѡ да ꙗ҆ви́ши мѧ̀ ѿ си́хъ свобо́дна, сла́вѧща прилѣ́жнѡ твою̀ бл҃госты́ню."
|
||||
},
|
||||
{
|
||||
"type": "TEXT",
|
||||
"value": "Оу҆ѧзви́хсѧ ѻ҆каѧ́нный грѣхо́внымъ копїе́мъ, и҆ ᲂу҆мро́хъ, и҆ зрѧ́ мѧ лежа́ща вра́гъ весели́тсѧ: и҆́же воскреша́ѧй мє́ртвыѧ, ѡ҆живи́въ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ли́цы просла́вишасѧ страда́льцєвъ, чⷭ҇тны́ми ᲂу҆́ды свои́ми хрⷭ҇та̀ просла́вльше, пло́ть поноси́вша, и҆ стрⷭ҇те́й ра́ди тлѣ́нїе потре́бльшаго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Столпы̀ и҆ забра̑ла благоче́стїѧ сла́внїи мꙋ́чєницы, прило́гми вра́жїими непрекло́нни пребы́ша. Тѣ́хъ мл҃твами бж҃е, ᲂу҆ще́дри всѣ́хъ на́съ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ престо́лъ ѻ҆гнезра́чный, дв҃о но́сиши зижди́телѧ, ꙗ҆́кѡ ѡ҆дꙋшевле́нъ черто́гъ и҆ кра́снаѧ пала́та цр҃ѧ̀ вмѣща́еши, бы́вша є҆́же є҆смы̀, кромѣ̀ и҆змѣне́нїѧ и҆ смѣше́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ ст҃о́мꙋ вели́комꙋ прⷪ҇ро́кꙋ і҆ѡа́ннꙋ предте́чи, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Гла́съ ᲂу҆слы́ши вопїю́щихъ тѝ бл҃же́нне."
|
||||
},
|
||||
{
|
||||
"type": "HEADER",
|
||||
"value": "Гла́съ а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Гла́съ бы́лъ є҆сѝ сло́ва бл҃же́нне, тѣ́мже гла́сы на́шѧ, ꙗ҆̀же тебѣ̀ твори́мъ, прїимѝ предте́че, свобожда́ѧ на́съ ѿ ѕлы́хъ хода́тайствомъ твои́мъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ᲂу҆́тро, ꙗ҆́кѡ со́лнце возсїѧ́въ, просвѣща́еши концы̀ и҆ помрача́еши дꙋ́хи лꙋка̑выѧ. Тѣ́мже мра́къ ѿ дꙋ́шъ на́шихъ ѿженѝ."
|
||||
},
|
||||
{
|
||||
"type": "TEXT",
|
||||
"value": "Мє́ртвымъ живо́тъ на́шъ приходѧ́щъ, проповѣ́далъ є҆сѝ предте́че. Тѣ́мже ᲂу҆мерщвлѧ́ющыѧ мѧ̀ стра́сти ᲂу҆мертвѝ, и҆ покажѝ бл҃же́нне, бж҃е́ственныѧ свѣ́тлости прича́стника."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Є҆ди́на безлѣ́тнаго сн҃а въ лѣ́то ро́ждши, воплоща́ема, пречⷭ҇таѧ влⷣчце, вселѣ́тныѧ преѻкаѧ́нныѧ моеѧ̀ дꙋшѝ стра̑сти и҆сцѣлѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ка́мень, є҆гѡ́же небрего́ша зи́ждꙋщїи, се́й бы́сть во главꙋ̀ ᲂу҆́гла: то́й є҆́сть ка́мень, на не́мже ᲂу҆твердѝ цр҃ковь хрⷭ҇то́съ, ю҆́же ѿ ꙗ҆зы̑къ и҆скꙋпѝ."
|
||||
},
|
||||
{
|
||||
"type": "TEXT",
|
||||
"value": "Ви́ждь мою̀ не́мощь ѡ҆болкі́йсѧ въ ню̀, ви́ждь дꙋшѝ моеѧ̀ лю́тое без̾ѡбра́зїе, и҆ вонмѝ гла́сꙋ моемꙋ̀ хрⷭ҇тѐ многомлⷭ҇тиве, и҆ претворѝ сеѧ̀ нелѣ́потꙋ во бл҃гоѡбра́зїе сп҃се."
|
||||
},
|
||||
{
|
||||
"type": "TEXT",
|
||||
"value": "Спасы́й і҆и҃се блꙋ́днаго, сп҃си́ мѧ є҆ди́наго твоѧ̑ сп҃си́тєльныѧ престꙋ́пльша зако́ны, и҆ всѧ́кїй грѣ́хъ безслове́снѡ сконча́вша, и҆ ѿведе́на помышле́ньми ѿ тебѐ бл҃же, чꙋ́жда мѧ̀ творѧ́щими."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Чи́ни безпло́тныхъ, ст҃і́и, ва́шемꙋ мꙋ́жествꙋ вои́стиннꙋ ᲂу҆диви́шасѧ, ка́кѡ на сꙋди́щи стра́ждꙋще пресла́внѡ, и҆ па́дающе тѣ́ломъ, безплѡ́тныѧ всѧ̑ врагѝ бж҃е́ственною си́лою низверго́сте;"
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Є҆щѐ ра́нъ кровьмѝ ѡ҆червле́ни, є҆щѐ крове́й ка́плѧми стрⷭ҇тоно́сцы ѡ҆блива́еми, гдⷭ҇еви предста́сте ра́дꙋющесѧ, безсме́ртномꙋ цр҃ю̀, ꙗ҆́кѡ побѣдоно́сцы вѣнчава́еми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Родила̀ є҆сѝ, є҆го́же ѻ҆ц҃ъ родѝ пре́жде всѣ́хъ вѣ̑къ. Пита́ла є҆сѝ пита́телѧ, и҆скꙋ́са мꙋ́жеска не свѣ́дꙋщи. Пресла́внѡ чꙋ́до, но́вое та́инство бг҃облагода́тнаѧ: тѣ́мже всѧ́ка дꙋша̀ вѣ́рныхъ сла́витъ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Ѿ непло́дове и҆ неражда́ющїѧ предте́че сщ҃е́ннѡ прозѧбы́й, ꙗ҆ви́лсѧ є҆сѝ плодоно́сенъ дѣ́ланїй бж҃е́ственныхъ. Тѣ́мже се́рдце моѐ всѧ́чески непло́дствꙋющее, благопло́дно сотворѝ дѡ́брымъ: ꙗ҆́кѡ да вѣ́рнѡ всегда̀ прославлѧ́ю тѧ̀."
|
||||
},
|
||||
{
|
||||
"type": "TEXT",
|
||||
"value": "Хлѣ́бомъ нбⷭ҇нымъ ᲂу҆твердѝ моѐ се́рдце бл҃же́нне, разсла́бленное лꙋка́выми мы́сльми, и҆ да́ждь мѝ ᲂу҆се́рднѡ твори́ти хотѣ́нїѧ всеще́драгѡ бг҃а: ꙗ҆́кѡ да вѣ́рнѡ присносла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Мі́ра грѣхѝ взе́млющаго а҆́гнца проповѣ́далъ є҆сѝ блаже́нне прⷪ҇ро́че: грѣхѡ́въ мои́хъ тѧ́жкое бре́мѧ ѡ҆блегчѝ, молю́сѧ, ᲂу҆миле́нїе мѝ подаѧ̀, сквє́рны страсте́й ѡ҆чища́ющее."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Въ всего̀ а҆да́ма ѡ҆блече́сѧ и҆з̾ тебѐ бцⷣе, всеплотоно́сно произше́дшее сло́во: того̀ ᲂу҆́бѡ молѝ бцⷣе, и҆зба́вити на́съ ѿ напа́стей всѧ́ческихъ, и҆ ѻ҆гнѧ̀ вѣ́чнꙋющагѡ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Дх҃омъ прови́дѧ прⷪ҇ро́че а҆ввакꙋ́ме, словесѐ воплоще́нїе, проповѣ́далъ є҆сѝ вопїѧ̀: внегда̀ прибли́житисѧ лѣ́тѡмъ, позна́ешисѧ, внегда̀ прїитѝ вре́мени, пока́жешисѧ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Є҆́же мѝ да́лъ є҆сѝ хрⷭ҇тѐ бога́тство, расточи́хъ ѕлѣ̀ скончава́ѧ безмѣ̑стнаѧ, и҆ бы́хъ на́гъ, ѡ҆блече́нъ въ дѣла̀ безче́стїѧ. Тѣ́мже вопїю́ ти: ѻ҆де́ждею мѧ̀ ᲂу҆красѝ пе́рвою, бж҃е́ственною мѧ̀ ᲂу҆милѧ́ѧ бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Низведо́хсѧ безꙋ́мїемъ, и҆ падо́хсѧ лю́тѣ, и҆ на землѝ лежꙋ̀ неисцѣ́льнѡ болѧ́й, воздви́гни мѧ̀ па́дшихъ воста́нїе, и҆ на ка́мени сп҃си́тельнагѡ покаѧ́нїѧ ᲂу҆твердѝ хрⷭ҇тѐ, се́рдце моѐ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: На крⷭ҇тъ вознесе́нномꙋ хрⷭ҇тꙋ̀ подо́бѧщесѧ, прїе́млюще ра̑ны веселѧ́хꙋсѧ вкꙋ́пѣ стрⷭ҇тоте́рпцы, и҆ кро́вными тꙋ́чами многобо́жїѧ ᲂу҆ста́виша тꙋ́чы, стрꙋи̑ и҆сцѣле́нїй и҆сточа́юще."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Преплы́вше немо́креннѡ мꙋ́къ ѕѣ́льство, и҆ го́рькое волне́нїе, бж҃е́ственнїи страда́льцы, ѡ҆кормле́нїемъ сп҃се́нїѧ наде́жды, и҆ къ вы́шнемꙋ ᲂу҆стреми́шасѧ приста́нищꙋ, всѧ́кагѡ весе́лїѧ и҆сполнѧ́еми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆диви́шасѧ зрѧ́ще тѧ̀ а҆́гг҃льскаѧ вѡ́инства, ка́кѡ неви́димый зра́комъ, по на́мъ и҆з̾ тебѐ ви́димь бы́сть, дв҃о бг҃ороди́тельнице: є҆го́же молѝ сп҃се́нїѧ сподо́бити всѣ́хъ, вѣ́рою тѧ̀ сла́вѧщихъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "И҆стка́въ сп҃се́нїѧ ри́зꙋ себѣ̀, во ѡ҆бнаже́нїи тѣле́снѣмъ гдⷭ҇ень крⷭ҇ти́телю, ѡ҆бнаже́ннаго ѿ всѧ́каго бл҃готворе́нїѧ, ѡ҆блецы́ мѧ, молю́сѧ, пра́вды и҆ весе́лїѧ ѻ҆де́ждею."
|
||||
},
|
||||
{
|
||||
"type": "TEXT",
|
||||
"value": "Ка́плю сп҃се́нїѧ ѡ҆дождѝ мнѣ̀ предте́че, и҆стаѧва́емꙋ разждиза́нїемъ по́хотей, погрꙋзи́вый во стрꙋѧ́хъ і҆ѻрда́нскихъ сла́дости пото́ка, і҆и҃са жизнода́вца: ꙗ҆́кѡ да по до́лгꙋ тѧ̀ сла́влю."
|
||||
},
|
||||
{
|
||||
"type": "TEXT",
|
||||
"value": "Ни а҆́гг҃лъ, ни хода́тай сп҃сѐ на́съ, но са́мъ гдⷭ҇ь прише́дый на зе́млю: є҆мꙋ́же пра̑выѧ пꙋти̑ ᲂу҆гото́валъ є҆сѝ бл҃же́нне. Є҆го́же ны́нѣ молѝ, показа́ти мѝ стезю̀, къ црⷭ҇твїю наставлѧ́ющꙋю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Хра́мъ ѡ҆сщ҃е́нъ ꙗ҆ви́ласѧ є҆сѝ бж҃їй, въ тѧ̀ все́льшагѡсѧ дв҃о па́че ᲂу҆ма̀: того̀ молѝ грѣхо́вныхъ скве́рнъ на́съ ѡ҆чи́стити, ꙗ҆́кѡ да хра́мъ ꙗ҆ви́мсѧ и҆ вселе́нїе бж҃е́ственнагѡ дх҃а."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тво́й ми́ръ да́ждь на́мъ сн҃е бж҃їй, и҆но́гѡ бо ра́звѣ тебѐ бг҃а не зна́емъ, и҆́мѧ твоѐ и҆менꙋ́емъ, ꙗ҆́кѡ бг҃ъ живы́хъ и҆ ме́ртвыхъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆спо́лнихсѧ грѣхопаде́нїй мно́гихъ и҆ лю́тыхъ, влⷣко ще́дрый и҆ долготерпѣли́вый: ᲂу҆ще́дри мѧ̀ ѡ҆сꙋжде́ннаго, и҆ не ѿве́ржи менѐ ѿ лица̀ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Мытарѧ̀ ѡ҆правда́лъ є҆сѝ хрⷭ҇тѐ воздохнꙋ́вша, томꙋ̀ ᲂу҆́бѡ и҆ а҆́зъ подо́бѧсѧ, бїю̀ въ пє́рси, и҆ зовꙋ́ ти: ѡ҆чи́сти мѧ̀ є҆ди́не бл҃гоꙋтро́бне и҆ ще́дрый."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ст҃і́и твоѝ гдⷭ҇и, свѣти̑ла непрелє́стнаѧ ꙗ҆ви́шасѧ, пре́лести ѿгонѧ́юще но́щь глꙋбо́кꙋю, и҆ просвѣща́юще вселе́ннꙋю всю̀ чꙋде́сными свѣтлостьмѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ пречⷭ҇тно́е ка́менїе, тебѐ ка́мене живо́тнаго, влⷣко, возлю́бльше мꙋ́чєницы мꙋ́ками валѧ́еми, зда́нїе всѧ́ко низверго́ша пре́лести."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Во двою̀ во́лѧхъ є҆ди́наго ѿ прест҃ы́ѧ трⷪ҇цы родила̀ є҆сѝ всенепоро́чнаѧ, носѧ́щаго є҆ди́нꙋ ѵ҆поста́сь: є҆го́же прилѣ́жнѡ молѝ всѣ̑мъ сп҃сти́сѧ на́мъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Въ пꙋсты́ню всели́всѧ предте́че хрⷭ҇то́въ, ꙗ҆́коже дре́вле и҆лїа̀: тѣ́мже се́рдце моѐ ѡ҆пꙋстѣ́вшее прегрѣше́ньми, прилѣжа́нїемъ бж҃е́ственнымъ ᲂу҆твердѝ всебл҃же́нне."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ сто́лпъ непрело́женъ, и҆ забра́ло вѣ́рныхъ бы́въ, вели́кїй хрⷭ҇то́въ предте́че, помышле́нїе моѐ коле́блемо козньмѝ льсти́вагѡ непрело́жно покажѝ."
|
||||
},
|
||||
{
|
||||
"type": "TEXT",
|
||||
"value": "Мє́ртвымъ бл҃говѣсти́сѧ свѣ́тъ, и҆́же ѿ свѣ́та возсїѧ́вый на землѝ, гла́сомъ твои́мъ бл҃же́нне, и҆ сꙋ́щїи во тьмѣ̀ просвѣти́хомсѧ: тѣ́мже просвѣти́ мѧ лю́тѣ ѡ҆мраче́ннаго."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Цр҃и́цꙋ дв҃ꙋ тѧ̀ проповѣ́даетъ дв҃дъ пречи́стаѧ чи́стꙋю: тѣ́мже молю́ тѧ, нбⷭ҇нагѡ мѧ̀ црⷭ҇твїѧ сотворѝ наслѣ́дника, да ᲂу҆бл҃жа́ю тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прⷪ҇ро́ка і҆ѡ́нꙋ подража́ѧ, вопїю̀: живо́тъ мо́й бл҃же свободѝ и҆з̾ тлѝ: и҆ сп҃си́ мѧ сп҃се мі́ра, зовꙋ́ща: сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сокрꙋши́шасѧ кѡ́сти ѻ҆каѧ́нныѧ моеѧ̀ дꙋшѝ, и҆ тѧгото́ю слѧко́хсѧ мно́гихъ сласте́й: но помози́ ми хрⷭ҇тѐ, є҆ди́не всѣ̑мъ помога́нїе."
|
||||
},
|
||||
{
|
||||
"type": "TEXT",
|
||||
"value": "Въ пꙋчи́нꙋ лю́тыхъ, и҆ бꙋ́рю страсте́й впадо́хсѧ, вопїю́ ти всеси́льне хрⷭ҇тѐ: возведи́ мѧ крѣ́пкою твое́ю рꙋко́ю, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Тьма́ми и҆збра́нныхъ, мно́жество ст҃ы́хъ стрⷭ҇тоте́рпєцъ, тьмы̑ мы́сленныхъ попра́ша врагѡ́въ, и҆ совокꙋпи́шасѧ тьма́мъ нбⷭ҇ныхъ ᲂу҆мѡ́въ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆зсꙋши́вше глꙋбинꙋ̀ безбо́жїѧ страда́льцы, пото́къ сла́достный наслѣ́довасте. Тѣ́мже и҆зсꙋши́те разлїѧ̑нїѧ грѣха̀ моегѡ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѧще́нїѧ сѣ́нь ꙗ҆вле́ннаѧ мр҃і́е, є҆ди́нꙋ ѡ҆скверне́ннꙋю сластьмѝ ѻ҆каѧ́ннꙋю мою̀ дꙋ́шꙋ ѡ҆ст҃ѝ, и҆ бж҃е́ственнѣй сла́вѣ прича́стника мѧ̀ сотворѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "И҆́же покаѧ́нїе на землѝ проповѣ́давый крⷭ҇ти́телю, покаѧ́нїѧ мѝ пꙋти̑ наставлѧ́ющыѧ мѧ̀ къ свѣ́тꙋ покажѝ, и҆ ѿ про́пасти пре́лести и҆зба́ви."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ бе́зднꙋ во стрꙋѧ́хъ рѣ́чныхъ погрꙋзи́въ, бе́зднꙋ и҆зсꙋшѝ мои́хъ страсте́й, подаѧ́ ми сле́зъ и҆сто́чникъ, предте́че проповѣ́дниче хрⷭ҇то́въ."
|
||||
},
|
||||
{
|
||||
"type": "TEXT",
|
||||
"value": "Ѿ недꙋ̑гъ дꙋше́вныхъ, и҆ страсте́й плотски́хъ, житїѧ̀ напа́стей, и҆ всѧ́кихъ и҆скꙋше́нїй и҆ скорбе́й сп҃си́ мѧ гдⷭ҇ень прⷣте́че."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мт҃рь бж҃їю и҆ до́брꙋю въ жена́хъ, молю́ тѧ прилѣ́жнѡ, не пре́зри менѐ чⷭ҇таѧ, но ᲂу҆ще́дри, и҆ ѿ всѧ́кагѡ вре́да цѣ́ла соблюдѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сꙋ́щымъ въ пещѝ ѻ҆трокѡ́мъ твои̑мъ сп҃се, не прикоснꙋ́сѧ, нижѐ стꙋжѝ ѻ҆́гнь. Тогда̀ трїѐ, ꙗ҆́кѡ є҆ди́нѣми ᲂу҆сты̀ поѧ́хꙋ и҆ бл҃гословлѧ́хꙋ, глаго́люще: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Терпѣ́нїю и҆звы́че і҆́ѡвъ, и҆ пребы́сть всѣ́ми прило́ги лꙋка́вагѡ непреклони́мь, ꙗ҆́коже сто́лпъ до́блественный. Семꙋ̀ ревнꙋ́й всегда̀ ѽ дꙋшѐ, и҆ ника́коже ᲂу҆ныва́й въ лю́тыхъ."
|
||||
},
|
||||
{
|
||||
"type": "TEXT",
|
||||
"value": "Тѣле́сными побѣди́хсѧ сластьмѝ, и҆ бы́хъ безслове́сенъ, сы́й слове́сенъ: сло́ве бж҃їй, и҆́же сло́вомъ блꙋдни́цꙋ сп҃сы́й, сп҃си́ мѧ ѻ҆каѧ́ннаго, да пою̀ бл҃гословѧ̀ твою̀ бл҃госты́ню."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆зба́влени мꙋ́чєницы мꙋ́дрїи кро́вїю, пло́тїю пострада́вшагѡ на́съ ра́ди, за него́же ᲂу҆се́рднѡ и҆зво́листе и҆злїѧ́ти своѧ̑ крѡ́ви: тѣ́мже непреста́ннѡ съ ни́мъ ца́рствꙋете."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Назда́нїемъ страда́льчествъ сщ҃е́нныхъ пала́та ꙗ҆ви́стесѧ мꙋ́дрїи, въ не́йже ра́достнѡ хрⷭ҇то́съ почи́лъ є҆́сть, є҆ди́нъ цр҃ь и҆ гдⷭ҇ь, и҆́же ко ѻ҆би́телемъ нбⷭ҇нымъ приведы́й ва́съ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѿ родѡ́въ тѧ̀ всѣ́хъ хрⷭ҇то́съ всепѣ́таѧ, є҆ди́нꙋ и҆зво́ли себѣ̀, ꙗ҆́кѡ чⷭ҇тнꙋ́ю и҆ чи́стꙋю въ жили́ще: и҆ и҆з̾ тебѐ ꙗ҆́кѡ со́лнце возсїѧ́въ, зе́млю всю̀ просвѣтѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ве́тхомꙋ и҆ но́вомꙋ бы́въ преизѧ́щный сла́вный хода́тай крести́телю, хода́тайствꙋй, ѡ҆бетша́вшаго грѣхмѝ всего̀ ѡ҆бнови́ти мѧ̀, ѡ҆бнови́телѧ всѧ́ческихъ молѧ̀ і҆и҃са."
|
||||
},
|
||||
{
|
||||
"type": "TEXT",
|
||||
"value": "Законополага́ѧ покаѧ́нїе на землѝ ꙗ҆ви́лсѧ є҆сѝ прⷣте́че хрⷭ҇то́въ и҆ крⷭ҇ти́телю, є҆го́же соверши́ти всѣ́хъ ᲂу҆крѣпѝ мл҃твами твои́ми, ꙗ҆́кѡ да и҆зба́вимсѧ ѿ безмѣ́рныхъ ѕѡ́лъ, ꙗ҆̀же согрѣша́емъ при́снѡ."
|
||||
},
|
||||
{
|
||||
"type": "TEXT",
|
||||
"value": "Ты̀ тѣ́сный проше́лъ є҆сѝ пꙋ́ть, воздержа́нїе всѧ́ко проходѧ̀ мꙋ́дре, и҆ широто́ю бг҃овидѣ́нїй свѣ́тлыхъ ве́сь ѡ҆зари́всѧ: и҆́хже наслади́тисѧ и҆ на́мъ да́рꙋй, хрⷭ҇та̀ молѧ̀."
|
||||
},
|
||||
{
|
||||
"type": "TEXT",
|
||||
"value": "Є҆ди́но є҆стество̀ трⷪ҇цꙋ вѣ́рнїи сла́вимъ, безнача́льнаго ѻ҆ц҃а̀, и҆ сн҃а, и҆ дх҃а а҆́бїе, є҆ди́но ца́рствꙋющее сꙋщество̀, є҆ди́но гдⷭ҇ьство, є҆ди́но нача́ло, и҆ живо́тъ животворѧ́щїй на́съ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мольбꙋ̀ пречи́стаѧ, бг҃ꙋ принесѝ, ꙗ҆́кѡ да пре́зритъ на̑ша прегрѣшє́нїѧ, и҆ безчи́слєнныѧ грѣхѝ, и҆ вѣ́чнагѡ свободи́тъ на́съ ѻ҆гнѧ̀ мꙋ́чащагѡ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆гѡ́же ᲂу҆жаса́ютсѧ а҆́гг҃ли, и҆ всѧ̑ вѡ́инства, ꙗ҆́кѡ творца̀ и҆ гдⷭ҇а, по́йте сщ҃е́нницы, просла́вите ѻ҆́троцы, бл҃гослови́те лю́дїе, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "На́га мѧ̀ содѣ́ла всѧ́ческихъ добродѣ́телей ѕмі́й льсти́вый ѕлы́мъ совѣ́томъ: ри́зою добродѣ́телей ᲂу҆краси́ мѧ ны́нѣ, ѡ҆бнажи́вый сп҃се мо́й сегѡ̀ ѕло́бы."
|
||||
},
|
||||
{
|
||||
"type": "TEXT",
|
||||
"value": "Хотѧ́й прїитѝ сꙋди́ти ро́дꙋ человѣ́ческомꙋ, сꙋдїѐ пра́ведный, въ ча́съ стра́шный, ѡ҆сꙋжде́на сꙋ́ща не послѝ менѐ во ѻ҆́гнь гее́нскїй, но ᲂу҆ще́дри и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ва́съ всехва́льнїи гдⷭ҇ни страда́льцы, ни ско́рбь, ни бѣда̀, ни ме́чь, нижѐ ѻ҆́гнь возмо́же разлꙋчи́ти ѿню́дъ ѿ любвѐ хрⷭ҇то́вы, бл҃гоꙋтро́бїѧ ра́ди ва́съ возлюби́вшагѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пло́тїю соплета́еми безпло́тномꙋ врагꙋ̀, того̀ низложи́сте до́блїи страда́льцы и҆ ны́нѣ со безпло́тными сликовствꙋ́ете, и҆сцѣлѧ́юще стра̑сти дꙋ́шъ же и҆ тѣле́съ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ цвѣ́тъ во ᲂу҆до́лїихъ житїѧ̀ тѧ̀ ѡ҆брѣ́тъ, въ тѧ̀ всели́сѧ, и҆́же всѣ́хъ сади́тель, вонѧ́ми добродѣ́телей и҆ чистоты̀ ны́нѣ благоꙋха́ѧй на́съ, бг҃ороди́тельнице."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Є҆ди́нъ па́че всѣ́хъ согрѣши́хъ на землѝ ро́ждшихсѧ, є҆ди́нъ бы́хъ престꙋ́пникъ твои́хъ зако́нѡвъ гдⷭ҇и: тѣ́мже прⷣте́чи ра́ди ᲂу҆ще́дри и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "А҆́гг҃лъ нра́вы ꙗ҆ви́лсѧ є҆сѝ крести́телю і҆ѡа́нне, совѣ́та вели́кагѡ а҆́гг҃ла проповѣ́даѧй концє́мъ: тѣ́мже тѧ̀ пѣ́сньми сла́вимъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Во главꙋ̀ ᲂу҆сѣ́ченъ бы́лъ є҆сѝ без̾ пра́вды бл҃же́нне, погрꙋзи́вый главꙋ̀ хрⷭ҇то́вꙋ въ вода́хъ. Оу҆крѣпѝ всѣ́хъ на́съ мл҃твами твои́ми, главꙋ̀ попира́ти льсти́вагѡ вои́стиннꙋ гꙋби́тельнꙋю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆зба́ви мѧ̀ безмѣ́стныхъ грѣхѡ́въ, и҆ пла́меннагѡ томле́нїѧ, и҆ тьмы̀ мꙋ́чащїѧ, скре́жета зꙋ́бнагѡ, и҆ че́рвїѧ, дв҃о, є҆ди́на предста́тельнице ро́дꙋ человѣ́ческомꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣтоно́сный ѻ҆́блакъ, во́ньже всѣ́хъ влⷣка, ꙗ҆́кѡ до́ждь съ нб҃сѐ на рꙋно̀ сни́де, и҆ воплоти́сѧ на́съ ра́ди, бы́въ человѣ́къ, безнача́льный. Велича́емъ всѝ ꙗ҆́кѡ мт҃рь бг҃а на́шегѡ чⷭ҇тꙋю."
|
||||
},
|
||||
{
|
||||
"type": "TEXT",
|
||||
"value": "Сѐ вре́мѧ покаѧ́нїѧ и҆ чи́ста дѣ́ланїѧ, сѐ де́нь, свѣ̑тла содѣ́лай дѣла̀: бѣжѝ тьмы̀ страсте́й, ѿженѝ со́нъ ѕла́гѡ ᲂу҆ны́нїѧ дꙋшѐ моѧ̀, ꙗ҆́кѡ да бꙋ́деши бж҃е́ственнагѡ свѣ́та прича́стна."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ мыта́рь воздыха́ю, ꙗ҆́кѡ блꙋдни́ца слезю̀, и҆ ꙗ҆́кѡ разбо́йникъ вопїю́ ти: помѧни́ мѧ ще́дре: и҆ ꙗ҆́кѡ блꙋ́дный сы́нъ взыва́ю: согрѣши́хъ, припа́даю тѝ ꙗ҆́кѡ ханане́а: млⷭ҇тиве, не пре́зри менѐ хрⷭ҇тѐ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Тѣлє́снымъ страсте́мъ, и҆ дꙋшє́внымъ сокрꙋше́нїємъ, ꙗ҆ви́стесѧ вои́стиннꙋ вра́чеве: преда́вше тѣлеса̀ къ ра́намъ терпѣли́внѡ, и҆ къ сме́рти нꙋ́жнѣй, прехва́льнїи страда́льцы гдⷭ҇ни: сегѡ̀ ра́ди ᲂу҆блажа́етесѧ при́снѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Со́лнечнагѡ сїѧ́нїѧ ѡ҆блиста̀ мно́жае терпѣ́нїе премꙋ́дрыхъ хрⷭ҇то́выхъ стрⷭ҇тоте́рпєцъ, тѣ́мже нача́льника тьмы̀ ꙗ҆́вѣ погꙋбѝ бл҃года́тїю, и҆ разрꙋшѝ безбо́жїѧ но́щь, и҆ сердца̀ просвѣтѝ вѣ́рныхъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Просвѣти́тельными сїѧ́ньми возсїѧ́вшагѡ сло́ва, ѿ ст҃а́гѡ твоегѡ̀ чре́ва бцⷣе дв҃о, и҆ ѡ҆зари́вшагѡ землѝ концы̀, просвѣтѝ дꙋ́шꙋ мою̀ сласте́й че́рностїю ѡ҆мраче́ннꙋю, и҆ лѣ́ностїю страсте́й, да вѣ́рою тѧ̀ воспѣва́ю."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Сѐ свѣти́льникъ сїѧ́ѧ сꙋ́щымъ во тьмѣ̀ житїѧ̀, сѐ доброглаго́ливаѧ ла́стовица, ве́снꙋ всѣ̑мъ возвѣща́ющаѧ, хрⷭ҇то́въ вели́кїй прⷣте́ча, хода́тай ве́тхомꙋ и҆ но́вомꙋ: є҆гѡ́же мл҃твами да сохрани́мсѧ при́снѡ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ женихꙋ́ тѧ дрꙋ́га ны́нѣ предлага́ю мл҃твенника, и҆мѣ́ѧй мно́жество грѣхѡ́въ, и҆ вопїю́ ти крⷭ҇ти́телю: ѿсѣче́нїе мѝ долгѡ́въ, пребл҃же́нне, пода́ждь, и҆ возжзѝ дꙋшѝ моеѧ̀ свѣти́льникъ ᲂу҆га́сшїй лѣ́ностїю до конца̀."
|
||||
},
|
||||
{
|
||||
"type": "TEXT",
|
||||
"value": "Со безпло́тными а҆́гг҃лы, съ честны́ми а҆пⷭ҇лы, со страстоте́рпцы сщ҃е́нными, и҆ со прⷪ҇ро́ки прⷣте́че, пребл҃га́го бг҃а молѝ всегда̀, ᲂу҆лꙋчи́ти на́мъ бла̑гъ вѣ́чныхъ, ѡ҆бога́щшымсѧ всегда̀ тобо́ю предста́телемъ бл҃ги́мъ."
|
||||
},
|
||||
{
|
||||
"type": "TEXT",
|
||||
"value": "Ла́стовице кра́снаѧ, сла́вїе чⷭ҇тны́й, го́лꙋбе предо́брый, пꙋстынелю́бнаѧ го́рлице, гдⷭ҇ень крⷭ҇ти́телю, пꙋсты́нное прозѧбе́нїе, запꙋстѣ́вшꙋю безпло́дїемъ дꙋ́шꙋ мою̀ покажѝ плодоно́снꙋ до́брымъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Но́сиши носѧ́щаго всѧ́чєскаѧ, ꙗ҆́коже прⷭ҇то́лъ херꙋві́мскїй, и҆ пита́еши пита́ющаго на́съ: є҆го́же непреста́ннѡ молѝ, бг҃ора́дованнаѧ чⷭ҇таѧ, трꙋ́са, паде́жа, плѣне́нїѧ, и҆ всѧ́кїѧ нꙋ́жды, твоемꙋ̀ ста́дꙋ и҆зба́витисѧ при́снѡ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: и҆ покло́нъ."
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀ ма́лаѧ, и҆ свѣти́ленъ, и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры покаѧ́нны. Гла́съ а҃."
|
||||
},
|
||||
{
|
||||
"type": "TEXT",
|
||||
"value": "И҆́нъ вѣ́къ тебѐ дꙋшѐ ѡ҆жида́етъ, и҆ сꙋдїѧ̀ хо́щетъ твоѧ̑ ѡ҆бличи́ти та̑йнаѧ и҆ лю̑таѧ. Не пребꙋ́ди ᲂу҆́бѡ въ ни́хъ, но предварѝ вопїю́щи сꙋдїѝ: бж҃е, ѡ҆чи́сти мѧ̀ и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ и҆ возвесели́хомсѧ: во всѧ̑ дни̑ на́шѧ возвесели́хомсѧ: за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Не и҆скꙋсѝ менѐ сп҃се мо́й, лѣ́ностїю грѣхо́вною ѡ҆держи́ма, но воздви́гни моѐ помышле́нїе къ покаѧ́нїю, и҆ твоегѡ̀ вїногра́да дѣ́лателѧ и҆скꙋ́сна ꙗ҆ви́ мѧ. Да́рꙋй мѝ є҆динонадесѧ́тагѡ часа̀ мздꙋ̀, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сі́и во́ини цр҃ѧ̀ вели́кагѡ проти́вишасѧ повелѣ́нїємъ мꙋчи́телєвымъ, до́блественнѣ неради́ша ѡ҆ мꙋ́кахъ, и҆ пре́лесть всю̀ попра́вше, досто́йнѡ вѣнча́ни бы́ша про́сѧтъ ᲂу҆ сп҃са ми́ра дꙋша́мъ на́шымъ, и҆ ве́лїѧ млⷭ҇ти."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Блꙋдни́цꙋ и҆ блꙋ́днаго а҆́зъ, и҆ разбо́йника побѣди́хъ, и҆ мытарѧ̀ прегрѣше́нїи преминꙋ́хъ, и҆ нїнеѵі́тѧны. Оу҆вы̀ мнѣ̀, что̀ бꙋ́дꙋ; ка́кѡ ᲂу҆бѣ́гнꙋ мꙋ́ки а҆́зъ ѻ҆каѧ́нный; чⷭ҇таѧ, припа́даю тѝ, ᲂу҆ще́дри мѧ̀ млⷭ҇тїю твое́ю, ꙗ҆́коже ѻ҆́ныѧ сн҃ъ тво́й сп҃слъ є҆́сть."
|
||||
},
|
||||
{
|
||||
"type": "TEXT",
|
||||
"value": "Та́же: Бл҃го є҆́сть и҆сповѣ́датисѧ гдⷭ҇ви: Тропа́рь, є҆ктенїа̀, и҆ ѿпꙋ́стъ. Та́же ча́съ а҃-й, и҆ ѱалмы̀ ѻ҆бы̑чныѧ, и҆ про́чее, и҆ коне́чный ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ бл҃жє́нны, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Снѣ́дїю и҆зведѐ и҆з̾ раѧ̀ вра́гъ а҆да́ма: крⷭ҇то́мъ же введѐ хрⷭ҇то́съ во́нь разбо́йника, помѧни́ мѧ гдⷭ҇и, вопїю́ща, є҆гда̀ прїи́деши во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆́згнани пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "На всѧ́къ де́нь согрѣша́юща и҆ престꙋпа́юща твоѧ̑ за́пѡвѣди, ѡ҆брати́ мѧ бж҃е, и҆ ѿ мꙋче́нїѧ и҆схитѝ, ꙗ҆́кѡ да твоѐ неизрече́нное млⷭ҇рдїе сла́влю чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Свѣти́льникъ ꙗ҆ви́лсѧ є҆сѝ бж҃їй прⷣте́че, предходѧ̀ незаходи́момꙋ свѣ́тꙋ, и҆з̾ ѻ҆́блака свѣ́тла возсїѧ́вшемꙋ на́мъ неизрече́ннѡ: при́снѡ того̀ ᲂу҆́бѡ молѝ, ᲂу҆ще́дрити и҆ сп҃стѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нбⷭ҇ѣ́хъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Претерпѣ́вше многоплетє́нныѧ мꙋ̑ки, мч҃нцы всехва́льнїи, нбⷭ҇ныхъ вы́шнихъ бла̑гъ сподо́бистесѧ: тѣ́мъ ᲂу҆бл҃жа́етесѧ ѿ всѣ́хъ человѣ̑къ всегда̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Въ трїе́хъ ли́цѣхъ є҆ди́но бж҃ество̀ зна́емъ всѝ непресѣко́мо сꙋ́щее, со ѻ҆ц҃е́мъ сн҃а же и҆ дх҃а жива́го, безнача́льнѡ, неслїѧ́ннѡ, во вѣ́ки при́снѡ пребыва́ющее."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: По ржⷭ҇твѣ̀ приснодв҃о, ꙗ҆́коже пре́жде ржⷭ҇тва̀ сохрани́ласѧ є҆сѝ чⷭ҇таѧ, бг҃а ро́ждши пло́тїю: є҆го́же молѝ пречⷭ҇таѧ, плотски́хъ и҆ дꙋше́вныхъ страсте́й и҆зба́вити на́съ, мо́лимсѧ."
|
||||
}
|
||||
]
|
||||
@@ -0,0 +1,894 @@
|
||||
[
|
||||
{
|
||||
"type": "HEADER",
|
||||
"value": "Гла́съ а҃. Среда̀"
|
||||
},
|
||||
{
|
||||
"type": "HEADER",
|
||||
"value": "Во вто́рникъ ве́чера, на Гдⷭ҇и воззва́хъ, стїхи̑ры крⷭ҇тны, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Прехва́льнїи мч҃нцы:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ пригвожда́емь, хрⷭ҇тѐ бж҃е, ꙗ҆́кѡ чл҃вѣ́къ, чл҃вѣ́ческое є҆стество̀ ѡ҆божи́лъ є҆сѝ, и҆ началоѕло́бнаго ᲂу҆мертви́лъ є҆сѝ ѕмі́ѧ. На́съ свободи́лъ є҆сѝ клѧ́твы ꙗ҆́же ѿ дре́ва, ꙗ҆́кѡ бл҃гоꙋтро́бенъ бы́въ клѧ́тва: прише́лъ є҆сѝ, ꙗ҆́кѡ да всѣ̑мъ пода́си бл҃гослове́нїе, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Всѧ́кїѧ превы́шши че́сти сы́й влⷣко, ѡ҆безче́ститисѧ бл҃говоли́лъ є҆сѝ, поно́снꙋю претерпѣ́въ ще́дре на дре́вѣ сме́рть, є҆ѧ́же ра́ди безсме́ртїе, ѡ҆б̾ѧ́тъ ро́дъ чл҃вѣ́ческїй, и҆ жи́знь пе́рвꙋю воспрїѧ́тъ, тебѣ̀ ᲂу҆ме́ршꙋ пло́тїю всеси́льне."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Крⷭ҇те всечⷭ҇тны́й, вѣ́рныхъ всѣ́хъ ѡ҆чисти́лище, всѧ̑ ѡ҆свѧтѝ тебѣ̀ покланѧ́ющыѧсѧ и҆ хрⷭ҇та̀ сла́вѧщыѧ, рꙋ́цѣ пречⷭ҇тѣи просте́ршаго на тебѣ̀ неизрече́ннагѡ ра́ди бл҃гоꙋтро́бїѧ и҆ концы̀ землѝ всѧ̑ во є҆ди́но собра́вшаго."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры бцⷣѣ, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Нбⷭ҇ныхъ чинѡ́въ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Оу҆ крⷭ҇та̀ предстоѧ́щи сн҃а и҆ бг҃а твоегѡ̀, и҆ долготерпѣ́нїе тогѡ̀ смотрѧ́ющи, глаго́лаше пла́чꙋщи мт҃и чⷭ҇таѧ: ᲂу҆вы̀ мнѣ̀, ча́до сладча́йшее! Что̀ сїѧ̑ стра́ждеши непра́веднѡ сло́ве бж҃їй; да сп҃се́ши человѣ́чество."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Оу҆ крⷭ҇та̀ предстоѧ́щи, невѣ́сто неискꙋсомꙋ́жнаѧ, и҆ ꙗ҆́же ѿ болѣ́зней ꙗ҆́звы прїе́млющи, вопїѧ́ше: да не безча́днꙋ мѧ̀ ꙗ҆ви́ши, ча́до моѐ, ро́ждшꙋю тѧ̀ сло́ве бж҃їй: не ѡ҆ста́ви мѧ̀ є҆ди́нꙋ є҆диноро́дный, ѻ҆ц҃ꙋ̀ соприсносꙋ́щный."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Внегда́ тѧ ражда́хъ, болѣ́зни ника́коже и҆мѣ́хъ: и҆ ка́кѡ ны́нѣ болѣ̑зни под̾е́млю, тебѣ̀ сло́ве непра́веднѡ распина́емꙋ; вопїѧ́ше го́рькѡ дв҃а слезѧ́щи. Оу҆вы̀ мнѣ̀! Не терплю̀ ви́дѣти на крⷭ҇тъ, воздви́жена тѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Твоего̀ сн҃а и҆ влⷣкꙋ, дре́вле ꙗ҆́кѡ ви́дѣла є҆сѝ, на крⷭ҇тѣ̀ рꙋ́цѣ распросте́рша, и҆ копїе́мъ ре́бра и҆скопова́ема, мт҃и чⷭ҇таѧ рыда́ющи взыва́ла є҆сѝ: ᲂу҆вы̀ мнѣ̀! Ка́кѡ стра́ждеши, стра̑сти человѣ́кѡвъ ѿе́млѧй чл҃вѣколю́бче;"
|
||||
},
|
||||
{
|
||||
"type": "TEXT",
|
||||
"value": "Та́же: Свѣ́те ти́хїй: Посе́мъ прокі́менъ днѐ. Сподо́би гдⷭ҇и въ ве́черъ: И҆ є҆ктенїа̀."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ водрꙋзи́сѧ на ло́бнѣмъ, и҆ процвѣтѐ на́мъ безсме́ртїе, ѿ и҆сто́чника приснотекꙋ́щагѡ ребра̀ сп҃сова."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Неразрꙋше́на стѣна̀ на́мъ є҆́сть чⷭ҇тны́й крⷭ҇тъ сп҃совъ: на него́ бо надѣ́ющесѧ, сп҃са́емсѧ всѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѽ до́брыѧ кꙋ́пли ва́шеѧ ст҃і́и! Ꙗ҆́кѡ крѡ́ви да́сте, и҆ нбⷭ҇ныѧ наслѣ́довасте, и҆ привре́меннѡ и҆скꙋси́вшесѧ, вѣ́чнѡ веселите́сѧ: вои́стиннꙋ добра̀ ва́ша кꙋ́плѧ, тлѣ̑ннаѧ бо ѡ҆ста́вльше, нетлѣ̑ннаѧ воспрїѧ́сте, и҆ со а҆́гг҃лы ликовствꙋ́юще, пое́те непреста́ннѡ трⷪ҇цꙋ є҆диносꙋ́щнꙋю."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, крⷭ҇тобг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Нбⷭ҇ныхъ чинѡ́въ:"
|
||||
},
|
||||
{
|
||||
"type": "TEXT",
|
||||
"value": "Воздви́жена ꙗ҆́кѡ ви́дѣ на крⷭ҇тѣ̀ а҆́гнца, непоро́чнаѧ дв҃а пла́чꙋщи вопїѧ́ше: сла́дкое моѐ ча́до, что̀ но́вое и҆ пресла́вное видѣ́нїе; ка́кѡ содержа́й всѧ́чєскаѧ го́рстїю, на дре́вѣ пригвожда́ешисѧ пло́тїю;"
|
||||
},
|
||||
{
|
||||
"type": "TEXT",
|
||||
"value": "Та́же: Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь ст҃о́мꙋ, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ на повече́рїи, канѡ́нъ прест҃ѣ́й бцⷣѣ. Гла́съ а҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Твоѧ̀ побѣди́тельнаѧ десни́ца бг҃олѣ́пнѡ въ крѣ́пости просла́висѧ: та́ бо безсме́ртне, ꙗ҆́кѡ всемогꙋ́щаѧ проти̑вныѧ сотрѐ, і҆и҃льтѧнѡмъ пꙋ́ть глꙋбины̀ новосодѣ́лавшаѧ."
|
||||
},
|
||||
{
|
||||
"type": "TEXT",
|
||||
"value": "И҆́же во́инствомъ нбⷭ҇нымъ недовѣ́домый, ѻ҆трокови́це всенепоро́чнаѧ, пло́ть прїѧ́тъ ѿ пло́ти твоеѧ̀, и҆ ѡ҆бновѝ и҆стлѣ́вшꙋю престꙋпле́нїемъ пе́рвымъ."
|
||||
},
|
||||
{
|
||||
"type": "TEXT",
|
||||
"value": "Пѣ́сньми ᲂу҆блажи́мъ вѣ́рнїи, бж҃їѧ сло́ва па́че словесѐ роди́тельницꙋ: сїѧ́ бо пренепоро́чнаѧ, земны̑мъ ꙗ҆ви́сѧ ᲂу҆краше́нїе, и҆ всѣ̑мъ согрѣша́ющымъ предста́тельница бы́сть."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆ви́ласѧ є҆сѝ простра́ннѣйши нб҃съ: творца́ бо всѧ́ческихъ вмѣ́щши мт҃и приснодв҃о. Тѣ́мже вопїю́ ти: тѣсноты̀ всѧ́кїѧ мѧ̀ смерторо́дныѧ и҆зба́ви бг҃ора́дованнаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Да́ждь на́мъ по́мощь чⷭ҇таѧ, ѡ҆бꙋрева́ємымъ молво́ю скорбе́й, низложѝ врагѡ́въ на́шихъ лꙋка̑ваѧ возношє́нїѧ, и҆ пода́ждь всѣ̑мъ сп҃се́нїе, бл҃гоче́стнѡ тѧ̀ сла́вѧщымъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆ди́не вѣ́дый человѣ́ческагѡ сꙋщества̀ не́мощь, и҆ ми́лостивнѡ въ нѐ воѡбра́жсѧ, препоѧ́ши мѧ̀ съ высоты̀ си́лою, є҆́же вопи́ти тебѣ̀ ст҃ы́й: ѡ҆дꙋшевле́нный хра́ме, неизрече́нныѧ сла́вы твоеѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "По́лный и҆стощава́етсѧ на́съ ра́ди, и҆ прїе́млетъ безнача́льный ѿ тебѐ нача́ло дв҃о пренепоро́чнаѧ, и҆ ви́дитсѧ неви́димый, и҆ пита́ѧй всѧ́чєскаѧ, млеко́мъ пита́етсѧ, ѡ҆бнови́ти человѣ́ки промышлѧ́ѧ."
|
||||
},
|
||||
{
|
||||
"type": "TEXT",
|
||||
"value": "И҆сцѣлѝ сокрꙋше́нїе на́ше дв҃о неискꙋсобра́чнаѧ, и҆сцѣли́телѧ ро́ждшаѧ, и҆ гдⷭ҇а, вхо́дъ на́мъ къ жи́зни показа́вшаго бл҃года́тїю: є҆го́же непреста́ннѡ молѝ ᲂу҆ще́дрити и҆ сп҃стѝ рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́же є҆ди́на є҆стество̀ человѣ́кѡвъ ѡ҆божи́вшаѧ, па́че є҆стества̀ всенепоро́чнаѧ, ро́ждшемꙋсѧ и҆з̾ тебѐ моли́сѧ, согрѣше́нїй на́шихъ проще́нїе да́ти, и҆ ра́дованїе вѣ́чное, прест҃а́ѧ дв҃о всепѣ́таѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Въ лѣ́ности и҆жди́въ жи́знь, припа́даю тѝ пречⷭ҇таѧ, ꙗ҆́же къ бг҃ꙋ при́сными мл҃твами твои́ми воздви́гни мо́й ᲂу҆́мъ, и҆ просвѣтѝ всего́ мѧ ѡ҆черне́наго, покаѧ́нїѧ свѣтлостьмѝ, да вѣ́рою и҆ любо́вїю сла́влю тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Го́рꙋ тѧ̀ бл҃года́тїю бж҃їею прїѡсѣне́ннꙋю, прозорли́выма а҆ввакꙋ́мъ ᲂу҆смотри́въ ѻ҆чи́ма, и҆з̾ тебѐ и҆зы́ти і҆и҃левꙋ провозглаша́ше ст҃о́мꙋ, во сп҃се́нїе на́ше и҆ ѡ҆бновле́нїе."
|
||||
},
|
||||
{
|
||||
"type": "TEXT",
|
||||
"value": "Бж҃е́ственнꙋю тѧ̀ пала́тꙋ сло́ва зна́емъ, въ ню́же всели́сѧ пло́тїю, ѡ҆бновѝ на́съ и҆стлѣ́вшихъ страстьмѝ. Тѣ́мже чи́стаѧ, бж҃їю мт҃рь тѧ̀ чти́мъ, и҆ ѿ тебѐ ро́ждшагосѧ сла́вимъ."
|
||||
},
|
||||
{
|
||||
"type": "TEXT",
|
||||
"value": "Всели́сѧ во ᲂу҆тро́бꙋ твою̀ дв҃о, сло́во вопло́щшеесѧ, и҆ все́льшꙋюсѧ пре́жде клѧ́твꙋ въ є҆стество̀ человѣ́ческое и҆згна̀, и҆ свои́мъ бж҃е́ственнымъ совокꙋпле́нїемъ ѡ҆божѝ бг҃олѣ́пнѡ, сегѡ̀ ра́ди тѧ̀ воспѣва́емъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ме́ртвость под̾ѧ́тъ а҆да́мъ всенепоро́чнаѧ, ѿне́лѣже вкꙋсѝ плода̀ тлѣ́ннагѡ: ны́нѣ же твои́мъ ржⷭ҇тво́мъ ѡ҆живѐ, и҆ въ селе́нїихъ ра́йскихъ водворѧ́етсѧ. Сегѡ̀ ра́ди тѧ̀ по до́лгꙋ воспѣва́емъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆ста́вила є҆сѝ то́къ сме́ртный, ро́ждши безсме́ртїѧ и҆сто́чникъ хрⷭ҇та̀ бг҃а, чи́стаѧ. Того̀ ᲂу҆́бѡ молѝ бг҃облагода́тнаѧ, дꙋшѝ моеѧ̀ ᲂу҆мори́вшыѧ и҆сцѣли́ти стра̑сти, и҆ сп҃сти́ мѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣти́вый сїѧ́нїемъ прише́ствїѧ твоегѡ̀ хрⷭ҇тѐ, и҆ ѡ҆свѣти́вый крⷭ҇то́мъ твои́мъ мі́ра концы̀, сердца̀ просвѣтѝ свѣ́томъ твоегѡ̀ бг҃оразꙋ́мїѧ, правосла́внѡ пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Возсїѧ̀ ѿ чре́ва твоегѡ̀ незаходи́мое со́лнце пренепоро́чнаѧ, и҆ тьмꙋ̀ до конца̀ потребѝ, и҆ зе́млю ᲂу҆ѧснѝ ра́зꙋмы бж҃е́ственными: тѣ́мже вѣ́рнѡ воспѣва́емъ тѧ̀."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, а҆́гг҃льскїй гла́съ взыва́емъ тѝ пречⷭ҇таѧ: родила́ бо є҆сѝ вели́кагѡ совѣ́та а҆́гг҃ла, и҆ ѻ҆ц҃ꙋ̀ собезнача́льна, пло́ть бы́вшаго дв҃о, за є҆́же сп҃стѝ человѣ́ка."
|
||||
},
|
||||
{
|
||||
"type": "TEXT",
|
||||
"value": "Сла́ва: Гдⷭ҇ь все́льсѧ чⷭ҇таѧ, во чре́во твоѐ, и҆̀же бл҃гоче́стнѡ въ него̀ вѣ́рꙋющыѧ, и҆зба́вилъ є҆́сть ѿ влады́чествїѧ вра́жїѧ: тѣ́мже велегла́снѡ всѝ воспѣва́емъ тѧ̀ пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѡ҆бле́ксѧ въ мѧ̀ влⷣка, и҆з̾ тебѐ про́йде всенепоро́чнаѧ, и҆ и҆стлѣ́вшее є҆стество̀ ѡ҆божѝ: но того̀ молѝ бг҃ороди́тельнице, на́га всѧ́кагѡ грѣха̀ сотвори́ти мѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆бы́де на́съ послѣ́днѧѧ бе́здна, нѣ́сть и҆збавлѧ́ѧй, вмѣни́хомсѧ ꙗ҆́кѡ ѻ҆́вцы заколе́нїѧ. Сп҃сѝ лю́ди твоѧ̑, бж҃е на́шъ: ты́ бо крѣ́пость немощствꙋ́ющихъ и҆ и҆справле́нїе."
|
||||
},
|
||||
{
|
||||
"type": "TEXT",
|
||||
"value": "Без̾ сѣ́мене бг҃а во чре́вѣ зачала̀ є҆сѝ, и҆ по ржⷭ҇твѣ̀ стра́ннѣмъ дв҃а пребыла̀ є҆сѝ всенепоро́чна: тѣ́мже хвала́ми сла́вимъ тѧ̀, и҆̀же тобо́ю пречⷭ҇таѧ, и҆зба́вльшесѧ клѧ́твы."
|
||||
},
|
||||
{
|
||||
"type": "TEXT",
|
||||
"value": "Лѣ́ствица, ю҆́же і҆а́кѡвъ ви́дѣ: гора̀ присѣ́ннаѧ: всесвѣ́тлый ѻ҆́блакъ бж҃е́ственнагѡ свѣ́та: две́рь, є҆́юже бг҃ъ є҆ди́нъ про́йде: бл҃гослове́ннаѧ въ жена́хъ, ты̀ є҆сѝ пренепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Зако́нѡвъ є҆сте́ственныхъ кромѣ̀ родила̀ є҆сѝ дв҃о неискꙋсобра́чнаѧ, сло́во бж҃їе ѵ҆поста́сное, и҆сцѣлѧ́ющее на́ше сокрꙋше́нїе: є҆го́же прилѣ́жнѡ молѝ, сп҃стѝ всѣ́хъ на́съ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Болѣ́вшꙋю мою̀ дꙋ́шꙋ престꙋпле́ньми прине́съ, взыва́ю тѝ всест҃а́ѧ, пресла́внаѧ, чⷭ҇таѧ: и҆сцѣлѝ и҆ сп҃си́ мѧ хода́тайствомъ твои́мъ, ꙗ҆́кѡ да воспою̀ и҆ велича́ю застꙋпле́нїе твоѐ."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Твоѐ предста́тельство и҆мꙋ́ще пречⷭ҇таѧ, и҆ твои́ми мл҃твами лю́тыхъ и҆збавлѧ́еми, крⷭ҇то́мъ сн҃а твоегѡ̀ вездѣ̀ соблюда́еми, по до́лгꙋ тѧ̀ всѝ бл҃гоче́стнѡ велича́емъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѐ ᲂу҆́мнꙋю бцⷣе, пе́щь разсмотрѧ́емъ вѣ́рнїи: ꙗ҆́коже бо ѻ҆́троки сп҃сѐ трѝ превозноси́мый, мі́ръ ѡ҆бновѝ, во чре́вѣ твое́мъ всецѣ́лъ, хва́льный ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Зако́на сѣ̑ни, и҆ прє́днѧѧ гада̑нїѧ бг҃огла́сныхъ прⷪ҇рѡ́къ, твоѐ безсѣ́менное ржⷭ҇тво̀ ꙗ҆́вѣ провозвѣсти́ша, пречⷭ҇таѧ всенепоро́чнаѧ: є҆́же воспѣва́юще зове́мъ, воспѣ́таго ѻ҆тцє́въ бг҃а и҆ препросла́вленнаго."
|
||||
},
|
||||
{
|
||||
"type": "TEXT",
|
||||
"value": "Восто́къ сл҃нца родила̀ є҆сѝ бг҃обл҃года́тнаѧ чⷭ҇таѧ, просвѣ́щшаго вѣ́рныхъ всѣ́хъ и҆сполнє́нїѧ, но́щь же ᲂу҆ма́льшаго ѕлоче́стїѧ. Тѣ́мже чти́мъ воспѣ́тагѡ ѻ҆тцє́въ бг҃а и҆ препросла́вленнаго."
|
||||
},
|
||||
{
|
||||
"type": "TEXT",
|
||||
"value": "Сла́ва: Кꙋпина̀ и҆ногда̀ неѡпа́льнаѧ, всенепоро́чнаѧ, твоѐ воѡбража́ше чре́во, и҆́бо не ѡ҆пали́ тѧ ѿню́дъ ѻ҆́гнь бж҃ества̀. Тѣ́мже молю́ тѧ, ѻ҆гнѧ̀ негаси́магѡ и҆зба́ви мѧ̀, ꙗ҆́кѡ да пою̀ немо́лчнѡ чⷭ҇таѧ, вели̑чїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Мт҃и бж҃їѧ, вѣ́рныхъ по́моще, согрѣша́ющихъ ѡ҆чище́нїе, бл҃ги́хъ всѣ́хъ пода́тельнице, прїими́ мѧ бл҃гоꙋтро́бїемъ твои́мъ млⷭ҇тивнымъ припа́дающа, и҆ приходѧ́ща къ тебѣ̀ съ пла́чемъ, и҆ просѧ́щаго разрѣше́нїѧ согрѣше́нїй мои́хъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пещѝ ѻ҆́троцы і҆и҃левы, ꙗ҆́коже въ горни́лѣ добро́тою бл҃гоче́стїѧ, чистѣ́е зла́та блеща́хꙋсѧ, глаго́люще: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Зако́ннїи ѡ҆́брази, и҆ прє́днѧѧ гада̑нїѧ дв҃о, гдⷭ҇ню тѧ̀ чⷭ҇тꙋю мт҃рь предсказа́ша ꙗ҆́вѣ: мы́ же сбытїѐ веще́й ны́нѣ ви́дѧще, пое́мъ тѧ̀ согла́снѡ, и҆ славосло́вимъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Оу҆краси́сѧ бж҃е́ственными добро́тами, без̾ разсꙋжде́нїѧ въ добро́тахъ, сло́во бж҃їе ро́ждши всенепоро́чнаѧ, красота́ми бж҃е́ственными всѣ́хъ сердца̀ ᲂу҆ѧснѧ́ющее, вѣ́рою пѣсносло́вѧщихъ є҆го̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Свѧще́нными гла́сы и҆здале́ча сказа́ша прⷪ҇ро́цы, мт҃рь тѧ̀ бы́ти всенепоро́чнаѧ влⷣцѣ бг҃ꙋ, є҆мꙋ́же всѝ зове́мъ: бл҃гослови́те всѧ̑ дѣла̀ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́кѡ красна̀, ꙗ҆́кѡ предобра̀ дв҃о, кра́снаго въ добро́тахъ, па́че вины̀ родила̀ є҆сѝ хрⷭ҇та̀, є҆мꙋ́же всѝ зове́мъ: бл҃гослови́те всѧ̑ дѣла̀ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆́бразъ чи́стагѡ ржⷭ҇тва̀ твоегѡ̀, ѻ҆гнепали́маѧ кꙋпина̀ показа̀ неѡпа́льнаѧ: и҆ ны́нѣ на на́съ напа́стей свирѣ́пѣющꙋю ᲂу҆гаси́ти мо́лимсѧ пе́щь, да тѧ̀ бцⷣе непреста́ннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Є҆стество̀ є҆́же пре́жде ѡ҆сꙋжде́нное земны́хъ дв҃о, преесте́ственнымъ твои́мъ бж҃е́ственнымъ ржⷭ҇тво́мъ безсме́ртїе ᲂу҆лꙋчѝ: и҆ добро́тꙋ пре́жнюю воспрїѧ́тъ, пою́ще тѧ̀ согла́снѡ ра́достными пѣ́сньми."
|
||||
},
|
||||
{
|
||||
"type": "TEXT",
|
||||
"value": "Но́сиши всѧ̑ носѧ́щаго, и҆ млеко́мъ пита́еши, всѣ̑мъ пи́щꙋ даю́щаго: ве́лїе и҆ стра́шное, є҆́же па́че ᲂу҆ма̀ твоѐ та́инство, ковче́же чⷭ҇тна́гѡ сщ҃е́нства дв҃о бцⷣе. Тѣ́мже тѧ̀ всѝ ᲂу҆блажа́емъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Свѣ́тъ мнѣ̀ лежа́щꙋ, пречⷭ҇таѧ, въ лѣ́ности тьмы̀, ны́нѣ возсїѧ́й, ѡ҆слѣплѧ́ющыѧ мѝ по́мыслы страсте́й рѣша́щи, и҆ ми́ръ глꙋбо́къ всенепоро́чнаѧ, при́снѡ содѣва́ющи въ дꙋшѝ мое́й, сла́вити тѧ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Страшꙋ́сѧ сꙋди́ща неꙋмы́тнагѡ, и҆ сꙋдїѝ незабве́ннагѡ всенепоро́чнаѧ: и҆́мамъ бо мно́жество согрѣше́нїй безчи́сленное, въ лѣ́ности жи́въ всестра́стный: тѣ́мже мѧ̀ бцⷣе, ᲂу҆ще́дривши поми́лꙋй."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ. Трист҃о́е. И҆ по Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ, и҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ ᲂу҆́тра, по а҃-мъ стїхосло́вїи, сѣда́льны крⷭ҇тны. Гла́съ а҃."
|
||||
},
|
||||
{
|
||||
"type": "TEXT",
|
||||
"value": "Распе́ншꙋсѧ тѝ хрⷭ҇тѐ, поги́бе мꙋчи́тельство, и҆ попра́на бы́сть си́ла вра́жїѧ: ниже́ бо а҆́гг҃лъ, ни человѣ́къ, но ты̀ са́мъ гдⷭ҇и сп҃слъ є҆сѝ на́съ, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть."
|
||||
},
|
||||
{
|
||||
"type": "TEXT",
|
||||
"value": "Крⷭ҇та̀ твоегѡ̀ дре́вꙋ покланѧ́емсѧ чл҃вѣколю́бче: ꙗ҆́кѡ на не́мъ пригвозди́лсѧ є҆сѝ животѐ всѣ́хъ, и҆ ра́й ѿве́рзлъ є҆сѝ сп҃се, вѣ́рою прише́дшемꙋ къ тебѣ̀ разбо́йникꙋ, и҆ пи́щи сподо́билъ є҆сѝ и҆сповѣ́дающаго тѧ̀: помѧни́ мѧ гдⷭ҇и. Прїимѝ ꙗ҆́коже ѻ҆́наго и҆ на́съ зовꙋ́щихъ: согрѣши́хомъ всѝ, милосе́рдїемъ твои́мъ не пре́зри на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: А҆́гнца на крⷭ҇тѣ̀ а҆́гница зрѧ́щи, съ разбо́йникома распина́ема тѧ̀ долготерпѣли́ве сло́ве, и҆ копїе́мъ въ ре́бра пробода́ема, восклица́ше вопїю́щи ма́терски: что̀ стра́нное и҆ ᲂу҆жа́сное, і҆и҃се мо́й, та́инство, несказа́ннѡ соверша́емое; ка́кѡ покрыва́ешисѧ гро́бомъ неѡпи́санный бж҃е; да мѧ̀ ро́ждшꙋю тѧ̀ не ѡ҆ста́виши, сн҃е мо́й сладча́йшїй."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Сп҃сѝ, гдⷭ҇и, лю́ди твоѧ̀ и҆ бл҃гословѝ достоѧ́нїе твоѐ, побѣ̑ды на сопроти̑вныѧ да́рꙋѧ и҆ твоѐ сохранѧ́ѧ крⷭ҇то́мъ твои́мъ жи́тельство."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла сп҃се́нїе посредѣ̀ землѝ."
|
||||
},
|
||||
{
|
||||
"type": "TEXT",
|
||||
"value": "Ѻ҆рꙋ́жїе крⷭ҇тное во бране́хъ ꙗ҆ви́сѧ нѣ́когда бл҃гочести́вомꙋ царю̀ кѡнстанті́нꙋ, непобѣди́маѧ побѣ́да на врагѝ вѣ́ры ра́ди: сегѡ̀ трепе́щꙋтъ сопроти̑вныѧ си̑лы: се́й бы́сть вѣ́рныхъ сп҃се́нїе, и҆ па́ѵлꙋ похвала̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Болѣ́зньми ст҃ы́хъ, и҆́миже ѡ҆ тебѣ̀ пострада́ша, ᲂу҆моле́нъ бꙋ́ди гдⷭ҇и: и҆ всѧ̀ на́шѧ болѣ̑зни и҆сцѣлѝ чл҃вѣколю́бче, мо́лимсѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Твоѐ предста́тельство и҆мꙋ́ще пречⷭ҇таѧ, и҆ твои́ми мл҃твами лю́тыхъ и҆збавлѧ́еми, крⷭ҇то́мъ сн҃а твоегѡ̀ вездѣ̀ соблюда́еми, по до́лгꙋ тѧ̀ всѝ бл҃гоче́стнѡ велича́емъ."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́льны, гла́съ а҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гро́бъ тво́й:"
|
||||
},
|
||||
{
|
||||
"type": "TEXT",
|
||||
"value": "На дре́вѣ тѧ̀ сло́ве крⷭ҇тнѣмъ, за милосе́рдїе млⷭ҇ти, повѣ́шена пло́тїю во́лею, ꙗ҆́кѡ ви́дѣ сл҃нце, не терпѧ̀ дерзнове́нїѧ помрачи́сѧ. Тѣ́мже ѡ҆мраче́ннꙋю дꙋ́шꙋ мою̀ просвѣтѝ непристꙋ́пнымъ свѣ́томъ твои́мъ, и҆ сп҃си́ мѧ, молю́сѧ."
|
||||
},
|
||||
{
|
||||
"type": "TEXT",
|
||||
"value": "Распростры́й на крⷭ҇тѣ̀ дла̑ни твоѧ̑ ще́дре, ꙗ҆зы́ки бы́вшыѧ дале́че ѿ тебѐ, собра́лъ є҆сѝ сла́вити мно́гꙋю твою̀ бл҃госты́ню: но при́зри на наслѣ́дїе твоѐ, и҆ низложѝ вою́ющихъ на ны̀, крⷭ҇то́мъ твои́мъ честны́мъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Нескве́рнаѧ а҆́гница, а҆́гнца и҆ па́стырѧ повѣ́шена на дре́вѣ ме́ртва зрѧ́щи, пла́чꙋщи вѣща́ше, ма́терски восклица́ющи: ка́кѡ претерплю̀ твоѐ є҆́же па́че сло́ва сн҃е мо́й сни́тїе, и҆ вѡ́льныѧ стрⷭ҇ти, бж҃е пребл҃гі́й;"
|
||||
},
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀, гла́съ а҃, творе́нїе і҆ѡ́сифово, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Крⷭ҇то́мъ сп҃са́емь є҆́смь, пострада́вшагѡ влⷣки."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Гѡ́рькїѧ рабѡ́ты и҆зба́вльсѧ і҆и҃ль, непроходи́мое про́йде ꙗ҆́кѡ сꙋ́шꙋ, врага̀ зрѧ̀ потоплѧ́ема, пѣ́снь ꙗ҆́кѡ бл҃годѣ́телю пое́тъ бг҃ꙋ, чꙋдодѣ́ющемꙋ мы́шцею высо́кою, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ воздвиза́емь хрⷭ҇тѐ, совоздви́глъ є҆сѝ па́дшаго человѣ́ка, и҆ всю̀ вра́жїю си́лꙋ низве́рглъ є҆сѝ сло́ве. Тѣ́мже твоѧ̀ стрⷭ҇ти воспѣва́ю пострада́вшагѡ, и҆ ѿ страсте́й и҆зба́вльшагѡ мѧ̀."
|
||||
},
|
||||
{
|
||||
"type": "TEXT",
|
||||
"value": "Сла́вы гдⷭ҇ь ты̀ є҆сѝ, и҆́же сла́вою вѣнча́вый человѣ́ка, те́рнїемъ вѣнча́лсѧ є҆сѝ, ꙗ҆́кѡ да терноно́сное є҆стество̀ на́ше сотвори́ши плодоно́сно, сади́телю бж҃е́ственныхъ дѣѧ́нїй."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ст҃ы́хъ собо́ръ прест҃ы́й зако́ннѡ пострада́вый, всю̀ крове́й ст҃ы́хъ тече́ньми тва́рь ѡ҆свѧти́лъ є҆́сть, и҆ сквє́рныѧ бѣсѡ́мъ жє́ртвы принѡси́мыѧ, ѡ҆ бз҃ѣ ѻ҆ц҃ѣ̀ потреби́лъ є҆́сть."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ва̑ша всест҃і́и мч҃нцы, ѻ҆́блацы мꙋче́нїй не скры́ша терпѣли̑внаѧ борє́нїѧ: тѣ́мже па́че со́лнечныхъ лꙋ́чь сла́внїи ꙗ҆ви́стесѧ, ѡ҆блиста́юще ꙗ҆́вѣ зари̑ сп҃се́нїѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѻ҆рꙋ́жїемъ снѣда́шесѧ пречⷭ҇таѧ, страсте́й сн҃а твоегѡ̀, ꙗ҆́кѡ зрѧ́ше того̀ копїе́мъ пробода́ема, є҆́же въ раѝ возбрани́тельное ѿрѣва́ющагѡ ѻ҆рꙋ́жїе, не даю́щее вѣ̑рнымъ бж҃е́ственнагѡ вхо́да."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ прест҃ѣ́й бцⷣѣ, гла́съ а҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Твоѧ̀ побѣди́тельнаѧ десни́ца бг҃олѣ́пнѡ въ крѣ́пости просла́висѧ, та́ бо безсме́ртне, ꙗ҆́кѡ всемогꙋ́щаѧ, проти̑вныѧ сотрѐ, і҆и҃льтѧнѡмъ пꙋ́ть глꙋбины̀ новосодѣ́лавшаѧ."
|
||||
},
|
||||
{
|
||||
"type": "TEXT",
|
||||
"value": "Стрꙋи̑ мнѣ̀ сле́зъ дꙋше́вныхъ да́рꙋй всенепоро́чнаѧ, ꙗ҆́же и҆сто́чникъ ѡ҆ставле́нїѧ ро́ждши, грѣхо́внꙋю скве́рнꙋ ѿмыва́юща, и҆ во смире́нїи жи́знь мою̀ и҆зводѧ́ща."
|
||||
},
|
||||
{
|
||||
"type": "TEXT",
|
||||
"value": "Превы́шши бы́сть чⷭ҇таѧ тва́ри, бг҃а вопло́щши. Тѣ́мже молю̀ тѧ̀: ѿ гно́ѧ страсте́й возста́ви мѧ̀, и҆ къ бж҃е́ственнѣй высотѣ̀ безстра́стїѧ возведѝ."
|
||||
},
|
||||
{
|
||||
"type": "TEXT",
|
||||
"value": "Млⷭ҇тива мѝ ꙗ҆ви́сѧ чⷭ҇таѧ, въ де́нь сꙋ́дный, молю́сѧ, всѧ́кагѡ и҆збавлѧ́ющи мѧ̀ стра́шнагѡ стоѧ́нїѧ и҆ лю́тагѡ мꙋче́нїѧ, прибѣга́ющаго под̾ кро́въ тво́й пречⷭ҇таѧ влⷣчце."
|
||||
},
|
||||
{
|
||||
"type": "TEXT",
|
||||
"value": "Мра́комъ грѣхо́внымъ ѡ҆держи́ма мѧ̀, и҆ па́дша пречⷭ҇таѧ, воздви́гни, сле́зъ тꙋ́чꙋ даю́щи мѝ, и҆́миже ѡ҆мы́ю сквє́рнаѧ дѣла̀: тѧ́ бо є҆ди́нꙋ застꙋ́пницꙋ и҆́мамы бцⷣе."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Не мꙋ́дростїю и҆ бога́тствомъ да хва́литсѧ сме́ртный свои́мъ, но вѣ́рою гдⷭ҇нею правосла́внѡ взыва́ѧ хрⷭ҇тꙋ̀ бг҃ꙋ, и҆ поѧ̀ при́снѡ: на ка́мени твои́хъ за́повѣдей ᲂу҆тверди́ мѧ влⷣко."
|
||||
},
|
||||
{
|
||||
"type": "TEXT",
|
||||
"value": "И҆скопа́ша тѝ беззако́ннїи рꙋ́цѣ и҆ но́зѣ і҆и҃се мо́й, дла́нїю неизрече́ннѡ созда́вшагѡ пе́рвѣе хрⷭ҇тѐ бж҃е человѣ́ка, и҆ стрⷭ҇тїю страсте́й, и҆ тлѝ всѣ́хъ свобо́ждшагѡ."
|
||||
},
|
||||
{
|
||||
"type": "TEXT",
|
||||
"value": "Да ста́нетъ, вопїѧ́ше і҆и҃съ, лꙋна́ же и҆ сл҃нце, є҆́же на крⷭ҇тѣ̀ прописꙋ́ѧй пострада́вшаго влⷣкꙋ пло́тїю, свѣти́лѡмъ помраче́нїе. И҆́мже тмы̀ нача̑ла лꙋка̑ваѧ посра́млена бы́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Терпѧ́хꙋ ᲂу҆се́рднѡ ра̑ны сла́внїи мч҃ницы, и҆ ᲂу҆ѧзвлѧ́еми, велїа́ра ѕмі́ѧ ᲂу҆ѧзви́ша крѣ́пкѡ: тѣ́мже дꙋ́шъ на́шихъ ра̑ны и҆сцѣлѧ́ютъ при́снѡ, бж҃е́ственнымъ манове́нїемъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ка́пища бѣсѡ́вскаѧ и҆ хра́мы разори́сте мч҃ницы, болѣ́зньми же и҆ мꙋ́жествомъ са́ми себѐ пресла́внѡ хра́мы воздвиго́сте бл҃года́тїю, вмѣсти́тельны ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Въ ча́съ страсте́й, кра́снаго доброто́ю зрѧ́щи дв҃о, видѣ́нїѧ нижѐ добро́ты и҆мꙋ́ща, вопїѧ́ла є҆сѝ го́рькѡ чⷭ҇таѧ, восклица́ющи: ᲂу҆вы̀ мнѣ̀, ка́кѡ стра́ждеши сн҃е, ѿ страсте́й всѣ́хъ хотѧ́й и҆зба́вити;"
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆ди́не вѣ́дый человѣ́ческагѡ сꙋщества̀ не́мощь, и҆ ми́лостивнѡ въ нѐ воѡбра́жсѧ: препоѧ́ши мѧ̀ съ высоты̀ си́лою, є҆́же вопи́ти тебѣ̀ ст҃ы́й: ѡ҆дꙋшевле́нный хра́ме неизрече́нныѧ сла́вы твоеѧ̀, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Хра́мъ была̀ є҆сѝ пречⷭ҇таѧ, всѣ́ми ца́рствꙋющагѡ, бы́вша мѧ̀ верте́пъ дꙋшетлѣ́нныхъ разбо́йникъ, и҆схитѝ ѿ тѣ́хъ ѡ҆ѕлобле́нїѧ, и҆ бж҃е́ственнагѡ дх҃а чи́сто жили́ще ꙗ҆ви́ мѧ. Два́жды."
|
||||
},
|
||||
{
|
||||
"type": "TEXT",
|
||||
"value": "Сле́зъ мѝ послѝ тꙋ́чꙋ, и҆зсꙋша́ющꙋ течє́нїѧ лꙋка́выхъ мои́хъ дѣѧ́нїй, молю́сѧ, ꙗ҆́же бл҃гоꙋтро́бїѧ ро́ждши ти́хꙋю пꙋчи́нꙋ, хрⷭ҇та̀ бг҃а на́шего, бцⷣе дв҃о всепѣ́таѧ."
|
||||
},
|
||||
{
|
||||
"type": "TEXT",
|
||||
"value": "Крѣ́пость на́мъ и҆ сто́лпъ непоколеби́мь бꙋ́ди бг҃ора́дованнаѧ, и҆ щи́тъ, и҆ ѻ҆рꙋ́жїе непобѣди́мое, мы́сленныхъ вра̑гъ полкѝ ѿ на́съ возбранѧ́ющи, бцⷣе пречⷭ҇таѧ, вѣ́рою и҆ любо́вїю почита́ющихъ тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Слы́ша дре́вле а҆ввакꙋ́мъ хрⷭ҇тѐ чꙋ́дный тво́й слꙋ́хъ, и҆ стра́хомъ взыва́ше: ѿ ю҆́га бг҃ъ прїи́детъ, и҆ ст҃ы́й ѿ горы̀ прїѡсѣне́нныѧ ча́щи, сп҃стѝ пома̑занныѧ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Ра̑ны и҆ ꙗ҆́звы хрⷭ҇тѐ претерпѣ́лъ є҆сѝ, ꙗ҆́звы се́рдца моегѡ̀ и҆сцѣлѧ́ѧ, же́лчи вкꙋси́въ го́рькїѧ, сла́дкагѡ вкꙋ́са тлетво́рнагѡ ѿе́млѧ вре́дъ: на дре́вѣ же пригво́ждсѧ дре́внюю клѧ́твꙋ потреби́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Дале́че ѿриновє́нныѧ ѿ тебѐ ꙗ҆зы́ки, воздвиза́емь на крⷭ҇тѣ̀ бли́зъ привле́клъ є҆сѝ, примири́лъ же є҆сѝ на́съ ѻ҆ц҃ꙋ̀ долготерпѣли́ве, въ средꙋ̀ вве́лъ є҆сѝ ꙗ҆́кѡ хода́тай себѐ: и҆ посредѣ̀ землѝ стрⷭ҇ть претерпѣ́лъ є҆сѝ поно́снꙋю."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Въ мо́ре крове́й ва́шихъ та́йнѡ бг҃обл҃же́ннїи, со всѣ́ми свои́ми во́инствы, мы́сленный фараѡ́нъ впа́дъ потопи́сѧ. Тѣ́мже ра́достїю вы̀ сп҃сшесѧ прїидо́сте ко ѡ҆бѣтова́ннѣй землѝ, и҆ нбⷭ҇нїи гра́ждане бы́сте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Возмого́ша вжилѧ́еми хрⷭ҇то́вою стрⷭ҇тїю бл҃же́ннїи, стрⷭ҇ти разли̑чныѧ воспрїѧ́ти на честнѣ́й пло́ти. Сегѡ̀ ра́ди ᲂу҆ставлѧ́ютъ стра̑сти дꙋ́шъ же и҆ тѣле́съ, восхвалѧ́ющихъ тѣ́хъ, и҆ бл҃жа́щихъ всегда̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Непра́ведно зрѧ́щи заколе́нїе тѧ̀ хрⷭ҇тѐ ро́ждшаѧ, рыда́ющи вопїѧ́ше тѝ: правосꙋ́де сн҃е, ка́кѡ непра́веднѡ ѡ҆сꙋди́лсѧ є҆сѝ, хотѧ́й ѡ҆правда́ти престꙋпле́нїемъ ѡ҆сꙋждє́ныѧ дре́вле, и҆ къ тлѣ́нїю попо́лзшыѧсѧ;"
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Го́рꙋ тѧ̀ бл҃года́тїю бж҃їею прїѡсѣне́ннꙋю, прозорли́выма а҆ввакꙋ́мъ ᲂу҆смотри́въ ѻ҆чи́ма, и҆з̾ тебѐ и҆зы́ти і҆и҃левꙋ провозглаша́ше ст҃о́мꙋ, во сп҃се́нїе на́ше и҆ ѡ҆бновле́нїе."
|
||||
},
|
||||
{
|
||||
"type": "TEXT",
|
||||
"value": "Бѣсо́вскими лестьмѝ лю́тѣ ѿвлачи́маго мѧ̀ ѿ за́повѣдей бж҃їихъ, не пре́зри бл҃га́ѧ: но ᲂу҆ще́дри молю́сѧ, и҆ тогѡ̀ пре́лести покажи́ мѧ вы́шша, прибѣга́ющаго пречⷭ҇таѧ къ твое́й млⷭ҇ти. Два́жды."
|
||||
},
|
||||
{
|
||||
"type": "TEXT",
|
||||
"value": "Є҆ди́не сы́й млⷭ҇тивне хрⷭ҇тѐ бж҃е, тебѐ ро́ждшїѧ мл҃твами, на тѧ̀ ᲂу҆пова́ющихъ поми́лꙋй, и҆ ᲂу҆ще́дри, и҆ къ свѣ́тꙋ за́повѣдей твои́хъ наста́ви, и҆ вѣ́чныѧ жи́зни сподо́би."
|
||||
},
|
||||
{
|
||||
"type": "TEXT",
|
||||
"value": "Оу҆снꙋ́вша въ сме́рть, и҆ во гро́бѣ лежа́ща ѿча́ѧнїѧ пречⷭ҇таѧ, ѡ҆ко́вана желѣ́зы прегрѣше́нїй мои́хъ, твое́ю бо́дренною мл҃твою воздви́гни, и҆ къ покаѧ́нїю и҆спра́ви, молю́сѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́тъ тво́й незаходи́мый возсїѧ́й хрⷭ҇тѐ въ сердца̀ вѣ́рнѡ пою́щихъ тѧ̀, ми́ръ подава́ѧй на́мъ, па́че ᲂу҆ма̀. Тѣ́мъ ѿ но́щи невѣ́дѣнїѧ ко дню̀ свѣ́томъ твои́мъ текꙋ́ще, славосло́вимъ тѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сл҃нце сп҃се ѡ҆бнажи́сѧ свѣ́та, на дре́вѣ на́га тебѐ зрѧ̀ ви́сѧща, на вода́хъ повѣ́сившаго зе́млю: ка́мени же, на ка́мени ꙗ҆́кѡ ѡ҆щꙋти́ша воздви́жена, распада́шесѧ стра́хомъ, и҆ ѡ҆снова̑нїѧ поколеба́шасѧ."
|
||||
},
|
||||
{
|
||||
"type": "TEXT",
|
||||
"value": "Воздви́женъ на дре́во, и҆ гвоздьмѝ пригво́ждсѧ, ѡ҆кровави́лъ є҆сѝ персты̀ долготерпѣли́ве, и҆ копїе́мъ пробода́емь въ ре́бра, и҆сцѣли́лъ є҆сѝ ꙗ҆́звꙋ а҆да́мовꙋ, ю҆́же прїѧ́тъ ребра̀ послꙋ́шавъ, и҆ преслꙋ́шавъ сотво́ршаго и҆̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ра́й ꙗ҆ви́сѧ мч҃никъ мно́жество, живо́тное и҆мѣ́ѧ посредѣ̀ дре́во хрⷭ҇та̀: за него́же поно́снꙋю до́блественнымъ по́мысломъ сме́рть претерпѣ́вше, снѣ́дїю ро́дꙋ нача́льники ᲂу҆мертви́вшаго ѕмі́ѧ, бжⷭ҇твенною си́лою ᲂу҆мертви́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Кро́вными ка́плѧми хрⷭ҇тѡ́вы страда́льцы, безбо́жїѧ глꙋбинꙋ̀ и҆зсꙋши́сте, и҆ бжⷭ҇твенными и҆сточе́нїи чꙋде́съ сщ҃е́нныхъ, страсте́й течє́нїѧ дꙋ́шъ же и҆ тѣле́съ загражда́ете. Тѣ́мже достодо́лжнѡ ᲂу҆бл҃жа́еми є҆стѐ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆дивлѧ́шесѧ непоро́чнаѧ, на дре́вѣ зрѧ́щи хрⷭ҇та̀ воздви́жена во́лею, и҆ пла́чꙋщи вопїѧ́ше: сн҃е мо́й и҆ бж҃е, болѣ́зни въ ржⷭ҇твѣ̀ и҆збѣ́гши, ны́нѣ болѣ́зни страждꙋ̀, непра́веднѡ ѿ беззако́нныхъ распина́емꙋ тѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣти́вый сїѧ́нїемъ прише́ствїѧ твоегѡ̀ хрⷭ҇тѐ, и҆ ѡ҆свѣти́вый крⷭ҇то́мъ твои́мъ мі́ра концы̀, сердца̀ просвѣтѝ свѣ́томъ твоегѡ̀ бг҃оразꙋ́мїѧ, правосла́внѡ пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Пото́цы мно́гихъ мѝ прегрѣше́нїй приверго́шасѧ, и҆ хра́мъ дꙋшѝ моеѧ̀ низложи́ша пречⷭ҇таѧ: но ꙗ҆́же є҆сѝ и҆справле́нїе пра́ѻтцємъ бцⷣе, возста́ви мѧ̀ раба̀ твоего̀."
|
||||
},
|
||||
{
|
||||
"type": "TEXT",
|
||||
"value": "Въ тимѣ́нїи мѧ̀ страсте́й ᲂу҆глѣ́бнꙋвша ѻ҆каѧ́ннаго, и҆ бꙋ́рею мно́гихъ согрѣше́нїй потоплѧ́ема, рꙋ́кꙋ пода́вши влⷣчце, возведи́ мѧ, и҆ ко приста́нищꙋ покаѧ́нїѧ напра́ви."
|
||||
},
|
||||
{
|
||||
"type": "TEXT",
|
||||
"value": "Дꙋше́вныхъ мѝ скве́рнъ ѡ҆чище́нїе да́рꙋй, и҆ плотски́хъ мѧ̀ болѣ́зней и҆сцѣлѝ молю́сѧ, и҆ ѿ ѡ҆бдержа́щагѡ лю́тагѡ ᲂу҆ны́нїѧ премѣнѝ мл҃твами твои́ми."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ве́сь ѿ страсте́й безмѣ́рныхъ содержꙋ́сѧ, и҆ ки́томъ ѕѡ́лъ снизпадо́хъ: но возведѝ и҆з̾ и҆стлѣ́нїѧ мѧ̀ бж҃е, ꙗ҆́коже пре́жде і҆ѡ́нꙋ, и҆ вѣ́рою безстра́стїе мѝ да́рꙋй, ꙗ҆́кѡ да во гла́сѣ хвале́нїѧ, и҆ сп҃се́нїѧ дх҃омъ пожрꙋ́ ти."
|
||||
},
|
||||
{
|
||||
"type": "TEXT",
|
||||
"value": "Є҆гда̀ мѡѷсе́й рꙋ́цѣ воздѣ́въ на высотꙋ̀, твою̀ стрⷭ҇ть воѡбража́ше, просте́ршагѡ на дре́вѣ дла̑ни, и҆ лꙋка́вагѡ разрꙋши́вша держа́вꙋ па́гꙋбнꙋю, тѣ́мже и҆зба́вителѧ вѣ́дꙋще тѧ̀ и҆ сп҃са пои́мъ, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ме́ртвость претерпѣ́лъ є҆сѝ воздвиза́емь на дре́во, и҆ ᲂу҆мертви́телѧ на́шего ᲂу҆мертви́лъ є҆сѝ: и҆ ѡ҆живи́въ рꙋкꙋ̀ твоє́ю хрⷭ҇тѐ созда́нїе, въ ре́бра же копїе́мъ пробода́емь, и҆сточи́лъ є҆сѝ двѣ̀ рѣцѣ̀ ѡ҆ставле́нїѧ, во двою̀ вѡ́лю воспѣва́емый."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Честна̀ ва́ша сме́рть ст҃і́и пред̾ гдⷭ҇емъ ны́нѣ бы́сть, поче́тшихъ всѣ́хъ честны́ми свои́ми страстьмѝ, и҆ безче́стнаго велїа́ра посрами́вшихъ, всѣ́ми приложе́нїи мꙋ́къ низложи́ти всѣ́хъ ва́съ ко́знствꙋющаго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Все́ю дꙋше́ю ко всѣ̑мъ ѿлꙋчи́стесѧ многови́днымъ премꙋ́дрїи мꙋче́нїемъ, всю̀ ѡ҆брѣто́сте спосо́бствꙋющꙋю ва́мъ по́мощь, во всѐ человѣ́чество ѡ҆бо́лкшагосѧ. Тѣ́мже на ᲂу҆́ды ссѣка́еми: и҆ ѻ҆гню̀ приближа́ющесѧ веселѧ́стесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Распѧ́тїе твоѐ зрѧ́щи пречⷭ҇таѧ, вопїѧ́ше: сн҃е, что̀ зри́мое стра́нное видѣ́нїе; и҆́же стра̑сти болѧ́щихъ и҆сцѣлѧ́ѧй, ка́кѡ стрⷭ҇ть хрⷭ҇тѐ терпи́ши новѣ́йшꙋю; что́ ти вразѝ возда́ша бл҃года́телю, за нѧ́же бл҃года́ть прїѧ́ша;"
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆бы́де на́съ послѣ́днѧѧ бе́здна, нѣ́сть и҆збавлѧ́ѧй, вмѣни́хомсѧ ꙗ҆́кѡ ѻ҆́вцы заколе́нїѧ, сп҃сѝ лю́ди твоѧ̑ бж҃е на́шъ: ты́ бо крѣ́пость немощствꙋ́ющихъ и҆ и҆справле́нїе."
|
||||
},
|
||||
{
|
||||
"type": "TEXT",
|
||||
"value": "Рꙋкописа́нїе пречⷭ҇таѧ, прегрѣше́нїй мои́хъ копїе́мъ расто́ргни, ро́ждшагѡсѧ ра́ди и҆з̾ безсѣ́меннагѡ твоегѡ̀ чре́ва: въ кни́зѣ мѧ̀ написа́ти сподо́би и҆збра́нныхъ, прибѣга́ющаго къ бж҃е́ственномꙋ покро́вꙋ твоемꙋ̀. Два́жды."
|
||||
},
|
||||
{
|
||||
"type": "TEXT",
|
||||
"value": "Ѡ҆чи́сти хрⷭ҇тѐ, рабы̑ твоѧ̑ мл҃твами ро́ждшїѧ тѧ̀, и҆ низпослѝ ꙗ҆́кѡ є҆ди́нъ бл҃гъ согрѣше́нїй проще́нїе: ты́ бо є҆сѝ сп҃съ, и҆ и҆зба́витель всѣ̑мъ надѣ́ющымсѧ на тѧ̀."
|
||||
},
|
||||
{
|
||||
"type": "TEXT",
|
||||
"value": "Оу҆мерщвле́на мѧ̀ страстьмѝ пречⷭ҇таѧ дв҃о, ꙗ҆́же жизнода́вца ро́ждшаѧ, ѡ҆живѝ ны́нѣ твои́ми мл҃твами, и҆ побѣди́телѧ ꙗ҆ви́ мѧ на врага̀ ѕла́го: тѧ́ бо є҆ди́нꙋ и҆́мамы къ бг҃ꙋ помо́щницꙋ на́шꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Проидо́ша ꙗ҆́кѡ черто́гъ пе́щный пла́мень нестерпи́мый, и҆̀же за бл҃гоче́стїе и҆ногда̀ ѻ҆́троцы ст҃і́и показа́вшесѧ ꙗ҆́вѣ, и҆ согла́снѡ воспѣва́юще, пѣ́снь поѧ́хꙋ: ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Влⷣка сы́й ѿ раба̀ прїѧ́тъ і҆и҃се мо́й, ᲂу҆даре́нїе, свободи́ти мѧ̀ хотѧ́й порабоще́ннаго врагꙋ̀, на крⷭ҇тѣ́ же пригво́ждсѧ сп҃са́еши мѧ̀ пою́ща: и҆́же ѻ҆тцє́въ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Потрѧсе́сѧ всѧ̀ тва́рь, распина́емꙋ тѝ бл҃гоꙋтро́бне гдⷭ҇и, копїе́мъ пробода́емꙋ тѝ, вра́гъ всетѣле́снꙋю прїѧ́тъ ꙗ҆́звꙋ, ᲂу҆ѧ́звенный же а҆да́мъ и҆сцѣлѣ̀, вопїѧ̀: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крⷭ҇то́мъ ѡ҆гражде́нное страстоте́рпєцъ во́инство сла́вное, ѡ҆полчє́нїѧ вра̑жїѧ погꙋбѝ бл҃года́тїю, и҆ побѣ́ды вѣнцы̀ прїѧ́тъ, вопїѧ̀: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѻ҆гнѧ̀ си́льнѣйше стѧжа́вше страда́льцы произволе́нїе, не ѡ҆па́льшесѧ ѻ҆гню̀ прїѡбща́ющесѧ, но попали́сте ѕлоче́стїѧ лꙋка́вꙋю ве́щь, вопїю́ще: ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ржⷭ҇тво̀ твоѐ дв҃о, пресла́внѡ вѣ́ки породѝ: и҆ воздви́женъ на крⷭ҇тъ, па́дшыѧ совоздви́же, и҆ нбⷭ҇ныѧ жи́тели показа̀ вопїю́щыѧ: ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѐ ᲂу҆́мнꙋю бцⷣе, пе́щь разсмотрѧ́емъ вѣ́рнїи: ꙗ҆́коже бо ѻ҆́троки сп҃сѐ трѝ превозноси́мый, мі́ръ ѡ҆бновѝ во чре́вѣ твое́мъ всецѣ́лъ, хва́льный ѻ҆тцє́въ бг҃ъ, и҆ препросла́вленъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ и҆сто́чника жи́зни ро́ждшаѧ, ᲂу҆ме́ршꙋю мою̀ дꙋ́шꙋ живоно́сною десни́цею, пречⷭ҇таѧ, воскр҃сѝ, и҆ вопи́ти сподо́би во ᲂу҆миле́нїи се́рдца моегѡ̀: прехва́льный ѻ҆тцє́въ бж҃е бл҃гослове́нъ є҆сѝ.Два́жды."
|
||||
},
|
||||
{
|
||||
"type": "TEXT",
|
||||
"value": "Но́въ а҆да́мъ ѿ чи́стыхъ крове́й твои́хъ бы́ти и҆зво́лилъ є҆́сть, и҆́же пре́жде вѣ̑къ бг҃ъ. Є҆го́же ны́нѣ молѝ, ѡ҆бетша́вшаго мѧ̀ ѡ҆бнови́ти, зовꙋ́ща: прехва́льный ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Гнѣ́ва пꙋте́мъ вра́гъ приходѧ̀, восхи́тити хотѧ̀ неща́днѡ дꙋ́шꙋ мою̀ смире́ннꙋю, сегѡ̀ совѣ́ты, пречⷭ҇таѧ, разрꙋшѝ: и҆ пою́ща мѧ̀ ᲂу҆ще́дри: восхвалѧ́емый ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Чꙋ́да преесте́ственнагѡ показа̀ ѡ҆́бразъ, ѻ҆гнеро́снаѧ пе́щь дре́вле: ѻ҆́гнь бо не ѡ҆палѝ ю҆́ныѧ дѣ́ти, хрⷭ҇то́во ꙗ҆влѧ́ѧ безсѣ́менное ѿ дв҃ы бж҃е́ственное ржⷭ҇тво̀. Тѣ́мъ воспѣва́юще воспои́мъ: да бл҃гослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки"
|
||||
},
|
||||
{
|
||||
"type": "TEXT",
|
||||
"value": "Ра́спѧтъ бы́лъ є҆сѝ на крⷭ҇тѣ̀ во́лею, и҆́же ма́нїемъ нб҃о простры́й: гвоздьми́ же пригвозди́сѧ, ᲂу҆праздни́ти хотѧ̀ поползнове́нїе стра́стное первозда́ннагѡ а҆да́ма. Тѣ́мъ воспѣва́юще пое́мъ: да бл҃гослови́тъ тва́рь всѧ́каѧ гдⷭ҇а: и҆ превозно́ситъ є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Є҆гда́ тѧ ка́менѧ на ка́мени каменосерде́чный собо́ръ воздви́же, го́ры поколеба́шесѧ. Землѧ̀ потрѧсе́сѧ, сло́ве бж҃їй: и҆ дꙋ́шы коле́блємыѧ ᲂу҆тверди́шасѧ къ бж҃е́ственнѣй жи́зни, вопїю́щыѧ всегда̀, да бл҃гослови́тъ тва́рь всѧ́каѧ гдⷭ҇а, и҆ превозно́ситъ є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆стка́ша ѻ҆де́ждꙋ сп҃си́тельнꙋю себѣ̀ ꙗ҆́вѣ ст҃і́и страстоте́рпцы: въ наготѣ̀ тѣле́снѣй стра́ждꙋще терпѣли́внѡ, и҆ посы́панїе ра́намъ прїе́млюще. Тѣ́мъ воспѣва́юще пою́тъ: да бл҃гослови́тъ тва́рь всѧ́каѧ гдⷭ҇а, и҆ превозно́ситъ є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ноготьмѝ неми́лостивнѡ страстоте́рпцы стрꙋ́жеми, и҆ неща́днѡ на ᲂу҆́ды ссѣца́еми, и҆ ра́намъ всѧ́чєскимъ прїѡбща́ющесѧ, и҆стꙋка̑ннымъ не пожро́ша, мꙋ́жества же столпѝ вѣ̑рнымъ ꙗ҆ви́шасѧ: бл҃гослови́те хрⷭ҇та̀ дѣла̀ всѧ̑, зовꙋ́ще, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Да тѧ̀ преѡгорчева́ѧй безꙋ́мный собо́ръ: ꙗ҆́коже возмнѧ́ше ѿ землѝ взѧ́ти тѧ̀: безча́дна бы́хъ и҆ смꙋща́юсѧ, и҆ ма́терски се́рдцемъ болѣ́знꙋю, неискꙋсомꙋ́жнаѧ вопїѧ́ше и҆ногда̀: на крⷭ҇тѣ̀ ви́дѧщи тѧ̀ воздви́жена: съ не́юже тва́рь сла́витъ тѧ̀, всѣ́хъ и҆зба́вителѧ і҆и҃се во вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пещѝ ѻ҆́троцы і҆и҃лєвы, ꙗ҆́коже въ горни́лѣ добро́тою бл҃гоче́стїѧ, чистѣ́е зла́та блеща́хꙋсѧ, глаго́люще: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Просвѣти́ ми ѻ҆́чи сердє́чныѧ, ꙗ҆́же две́рь свѣ́та чⷭ҇таѧ, ѻ҆́блакъ страсте́й, и҆ тьмꙋ̀ глꙋбо́кꙋю разгонѧ́ющи, да пою̀: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во вѣ́ки. Два́жды."
|
||||
},
|
||||
{
|
||||
"type": "TEXT",
|
||||
"value": "Ѡ҆ всѣ́хъ влⷣчце чⷭ҇таѧ, не преста́й молѧ́щисѧ тебѐ призыва́ющихъ ꙗ҆́кѡ мт҃рь бж҃їю, дв҃о всенепоро́чнаѧ, и҆ вопїю́щихъ: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сп҃се́нїѧ винꙋ̀ хрⷭ҇та̀ неизрече́ннѡ ро́ждшаѧ, молѝ ѡ҆ всѣ́хъ вопїю́щихъ прилѣ́жнѡ дв҃о всепѣ́таѧ: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Та́же пое́мъ пѣ́снь бцⷣы:"
|
||||
},
|
||||
{
|
||||
"type": "TEXT",
|
||||
"value": "Вели́читъ дꙋша̀ моѧ̀ гдⷭ҇а: И҆ покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неизглаго́ланное дв҃ы та́инство: нб҃о бо сїѧ̀, и҆ прⷭ҇то́лъ херꙋві́мскїй, и҆ свѣтоно́сный черто́гъ показа́сѧ. Хрⷭ҇та̀ бг҃а вседержи́телѧ. Сїю̀ бл҃гоче́стнѡ ꙗ҆́кѡ бцⷣꙋ велича́емъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже ви́дѣ тѧ̀ дре́вле на дре́вѣ повѣ́шена сп҃се, зе́млю повѣ́сившаго на вода́хъ безмѣ́рныхъ, разбо́йникъ бл҃горазꙋ́мный, вѣ́рнѡ вопїѧ́ше тѝ: помѧни́ мѧ, съ ни́мже бл҃гоче́стнѡ твоѧ̑ страда̑нїѧ прославлѧ́емъ."
|
||||
},
|
||||
{
|
||||
"type": "TEXT",
|
||||
"value": "Распина́емь поколеба́лъ є҆сѝ землѝ ѡ҆снова̑нїѧ, копїе́мъ же пробода́емь и҆сточа́еши безсме́ртныѧ ка̑пли, кро́вь и҆ во́дꙋ, и҆́миже человѣ́чество ѡ҆чи́стилъ є҆сѝ ѿ страсте́й і҆и҃се: тѣ́мже тѧ̀ воспѣва́юще велича́емъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Веселѧ́хꙋсѧ въ мꙋче́нїихъ ст҃і́и, са́ми себѐ поѡщрѧ́юще ꙗ҆́коже на сла́дость, до́блїи: ста́немъ, вопїю́ще: сѐ ѿве́рзе по́прище хрⷭ҇то́съ, вѣнцы̀ ны́нѣ подае́тъ тѣ̑мъ, и҆̀хже возлюбѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Просвѣща́етсѧ всѧ́ко вѣ́рныхъ є҆ди́нственное торжество̀, страда̑нїѧ почита́ющее всѣ́хъ непобѣди́мыхъ мч҃нкъ, и҆ тьмы̑ болѣ́зней: и҆́хже ра́ди неболѣ́зненныѧ сподо́бишисѧ сла́дости и҆ жи́зни, и҆ присносꙋ́щнаго наслажде́нїѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Чл҃вѣколю́бца сло́ва неизрече́ннѡ поро́ждшаѧ, є҆го́же зрѧ́щи ѻ҆трокови́ца ѿ человѣ̑къ во́лею стра́ждꙋща, что̀ сїѐ, вопїѧ́ше; бг҃ъ безстра́стенъ стра́сть прїе́млетъ: ꙗ҆́кѡ да ѿ страсте́й и҆зба́витъ вѣ́рою покланѧ́ющихсѧ є҆мꙋ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆́бразъ чи́стагѡ ржⷭ҇тва̀ твоегѡ̀ ѻ҆гнепали́маѧ кꙋпина̀ показа̀ неѡпа́льнаѧ: и҆ ны́нѣ на на́съ напа́стей свирѣ́пѣющꙋю ᲂу҆гаси́ти мо́лимсѧ пе́щь, да тѧ̀ бцⷣе непреста́ннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Возмѝ тѧ́жкое бре́мѧ мои́хъ согрѣше́нїй, бцⷣе всепѣ́таѧ, и҆ легча́йшее и҆́го сн҃а и҆ бг҃а твоегѡ̀ сподо́би мѧ̀ носи́ти, и҆ по стезѝ ше́ствовати къ го́рнемꙋ соверше́нїю возводѧ́щей. Два́жды."
|
||||
},
|
||||
{
|
||||
"type": "TEXT",
|
||||
"value": "Трепе́щꙋ помышлѧ́ѧ, всенепоро́чнаѧ, стра́шный де́нь прише́ствїѧ хрⷭ҇то́ва: всѧ́ бо жи́знь моѧ̀ во грѣсѣ́хъ сконча́сѧ, и҆ страсте́й дꙋша̀ моѧ̀ и҆спо́лнисѧ. Но ᲂу҆ще́дри мѧ̀ и҆ всѧ́кагѡ и҆зба́ви тогда̀ ѡ҆сꙋжде́нїѧ."
|
||||
},
|
||||
{
|
||||
"type": "TEXT",
|
||||
"value": "Прїимѝ пречⷭ҇таѧ влⷣчце, непотре́бнагѡ раба̀ твоегѡ̀ молє́нїѧ, и҆ дꙋшѝ моеѧ̀ и҆ тѣ́ла смꙋще́нїе во глꙋбо́кꙋю тишинꙋ̀ преложѝ: ꙗ҆́кѡ да тѧ̀ велича́ю сп҃са́емь."
|
||||
},
|
||||
{
|
||||
"type": "TEXT",
|
||||
"value": "Та́же: Досто́йно є҆́сть: и҆ покло́нъ."
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀ ма́лаѧ, и҆ свѣти́ленъ. Та́же ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры кре́стны. Гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Тебѐ на дре́вѣ пригво́ждшагосѧ пло́тїю, и҆ живо́тъ на́мъ пода́вшаго, ꙗ҆́кѡ сп҃са и҆ влⷣкꙋ, пои́мъ непреста́ннѡ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ, во всѧ̑ дни̑ на́шѧ возвесели́хомсѧ, за дни̑ въ нѧ́же смири́лъ ны̀ є҆сѝ, лѣ́та, въ нѧ́же ви́дѣхомъ ѕла̑ѧ, и҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Твои́мъ крⷭ҇то́мъ хрⷭ҇тѐ, є҆ди́но ста́до бы́сть а҆́гг҃лѡвъ и҆ человѣ́кѡвъ, и҆ во є҆ди́номъ собо́рѣ нб҃о и҆ землѧ̀ весели́тсѧ, вопїѧ̀: гдⷭ҇и сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Ва́съ всехва́льнїи мч҃нцы, ни ско́рбь, ни тѣснота̀, ни гла́дъ, ни гоне́нїе, нижѐ ра̑ны, ни ꙗ҆́рость ѕвѣре́й, ни ме́чь, нижѐ ѻ҆́гнь претѧ́щїй разлꙋчи́ти ѿ бг҃а возмого́ша: любо́вїю же па́че къ немꙋ̀, ꙗ҆́кѡ въ чꙋжди́хъ подви́гшесѧ тѣлесѣ́хъ, є҆стество̀ забы́сте, сме́рть презрѣ́вше. Тѣ́мже и҆ по достоѧ́нїю болѣ́зней ва́шихъ мздꙋ̀ прїѧ́сте, и҆ нбⷭ҇нагѡ ца́рствїѧ наслѣ̑дницы бы́сте, непреста́ннѡ моли́тесѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Оу҆ крⷭ҇та̀ твоегѡ̀ предстоѧ́щи сло́ве бж҃їй, а҆́гница и҆ непоро́чнаѧ мт҃и твоѧ̀, рыда́ющи вопїѧ́ше: ᲂу҆вы̀ мнѣ̀ сн҃е, ка́кѡ ᲂу҆мира́еши на крⷭ҇тѣ̀; ᲂу҆вы̀ мнѣ̀, свѣ́те мо́й сла́дкїй, гдѣ̀ твоеѧ̀ добро́ты ны́нѣ за́йде зра́къ; краснѣ́йшїй па́че всѣ́хъ человѣ̑къ."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ гдⷭ҇еви: И҆ трист҃о́е, и҆ по Ѻ҆́ч҃е на́шъ: тропа́рь. І҆ере́й глаго́летъ є҆ктенїю̀, и҆ ѿпꙋ́стъ. Та́же ча́съ а҃-й и҆ ѱалмы̀ ѻ҆бы́чны, и҆ коне́чный ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ бл҃же́нны, гла́съ а҃:"
|
||||
},
|
||||
{
|
||||
"type": "TEXT",
|
||||
"value": "Снѣ́дїю и҆зведѐ и҆з̾ раѧ̀ вра́гъ а҆да́ма: крⷭ҇то́мъ же разбо́йника введѐ хрⷭ҇то́съ во́нь, помѧни́ мѧ зовꙋ́ща, є҆гда̀ прїи́деши во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆́згнани пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Поно́снꙋю претерпѣ́лъ є҆сѝ стрⷭ҇ть хрⷭ҇тѐ: и҆ поноше́нїе на́ше всѧ́кое ѿѧ́лъ є҆сѝ бл҃же, и҆ вы́шнѧгѡ црⷭ҇твїѧ прича́стники на́съ ꙗ҆ви́лъ є҆сѝ, покланѧ́ющихсѧ твоемꙋ̀ соше́ствїю."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "А҆да́мово хрⷭ҇тѐ ѡ҆бнаже́нїе ты̀ покрыва́ѧй, ѡ҆бнажи́лсѧ є҆сѝ пло́тїю: возне́слъ же сѧ на крⷭ҇тъ, возне́слъ є҆сѝ на́съ ѿ глꙋбины̀ ѕлы́хъ. Тѣ́мже твоѐ сло́ве сла́вимъ ст҃о́е схожде́нїе."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Ст҃ы́ми ва́шими стрꙋ́пы, прехва́льнїи мч҃нцы, мно́жество бѣсѡ́въ ѡ҆стрꙋпи́вше, всѧ̑ человѣ́чєскїѧ ꙗ҆́звы и҆ стрꙋ́пы, бл҃года́тїю всегда̀ вои́стиннꙋ и҆сцѣлѧ́ете."
|
||||
},
|
||||
{
|
||||
"type": "TEXT",
|
||||
"value": "Сла́ва: Трⷪ҇ца просвѣща́етъ всѣ́хъ, чи́стѣ сїю̀ почита́ющихъ, и҆ вѣ́дꙋщихъ ю҆̀, держа́вꙋ и҆мꙋ́щꙋ неразори́мꙋю, є҆́йже возопїи́мъ: сп҃сѝ любо́вїю трⷪ҇це пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Предстоѧ́щи пренепоро́чнаѧ при крⷭ҇тѣ̀, и҆ зрѧ́щи хрⷭ҇та̀ пригвожде́на пло́тїю, восклица́ющи взыва́ше: гдѣ̀ твоѧ̀ за́йде милосе́рде ны́нѣ добро́та, сла́вы гдⷭ҇и."
|
||||
}
|
||||
]
|
||||
Reference in new issue
Block a user