enrich ru lives with Chetyi-Minei texts and track static data
This commit is contained in:
catarrh committed
1 parent
69fd5b7460
commit
7dde2168d1
6512 files changed
+1448065
-5
No files matched your search
@@ -0,0 +1,898 @@
|
||||
[
|
||||
{
|
||||
"type": "HEADER",
|
||||
"value": "Гла́съ г҃. Пѧто́къ"
|
||||
},
|
||||
{
|
||||
"type": "HEADER",
|
||||
"value": "Въ четверто́къ ве́чера, на Гдⷭ҇и воззва́хъ, стїхи̑ры крⷭ҇тны, гла́съ г҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Поста́виша:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и безстра́стенъ сы́й бж҃е́ственнымъ є҆стество́мъ твои́мъ, стрⷭ҇ть претерпѣ́лъ є҆сѝ, по є҆стествꙋ̀ чл҃вѣ́ческомꙋ твоемꙋ̀, на крⷭ҇тѣ̀ ᲂу҆́бѡ пригвожда́емь, копїе́мъ же и҆скопова́емь въ ре́бра, и҆сточа́ѧ мнѣ̀ двѣ̀ рѣцѣ̀ ѿ ни́хъ та́инствъ неизрече́нныхъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Вѣнце́мъ ѿ те́рнїѧ и҆сплете́ннымъ ᲂу҆вѧ́злсѧ є҆сѝ порꙋга́ннѡ цр҃ю̀ всѣ́хъ, запреще́нїе сп҃се, терно́внагѡ грѣха̀ и҆стерза́ѧ: рꙋка́ма же твои́ма тро́сть прїе́мъ, въ го́рнѣй кни́зѣ написа́лъ є҆сѝ всѣ́хъ на́съ: въ тѧ̀ вѣ́ровавшихъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Ника́коже преста̀ є҆вре́ѡвъ за́висть непра́веднаѧ, нижѐ распе́ншихъ тѧ̀ неѕло́биве, нижѐ ᲂу҆ме́ршꙋ тѝ хрⷭ҇тѐ: но и҆ та́кѡ ѡ҆клевета́хꙋ, ꙗ҆́коже лестца̀, ᲂу҆ пїла́та лю́тїи проси́ша стрещѝ гро́бъ тво́й. Ѽ гнѣ́ва неисцѣ́льнагѡ!"
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры прест҃ѣ́й бцⷣѣ. Гла́съ то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѡ҆ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Є҆гда̀ и҆з̾ твоегѡ̀ чре́ва возсїѧ́вшаго, на крⷭ҇тѣ̀ заходѧ́ща ви́дѣвши сл҃нца незаходи́маго, со́лнца зарю̀ содержа́щаго, возопи́ла є҆сѝ ѡ҆тѧгче́ною дꙋше́ю тьмо́ю печа́лей, во́лею заше́дъ, и҆ па́ки возсїѧ́въ, въ моѐ просвѣще́нїе, и҆ мі́рови."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Влⷣчце ро́ждшаѧ грѧдꙋ́щаго живы̑мъ же и҆ мє́ртвымъ сꙋди́ти, ᲂу҆мерщвле́нꙋю мою̀ дꙋ́шꙋ болѣ́знїю, покаѧ́нїемъ ѡ҆живѝ, и҆ бж҃е́ственною кро́вїю и҆з̾ ре́бръ сн҃а твоегѡ̀ и҆сте́кшею: и҆ живы́мъ є҆гѡ̀ за́повѣдемъ дѣ́лателѧ ꙗ҆ви́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Є҆гда́ тѧ ча́до неболѣ́зненнѡ ражда́хъ, а҆́гница и҆ мт҃и глаго́лаше: ско́рби и҆збѣжа́хъ и҆ печа́лей мглы̀: но ны́нѣ тѧ̀ воздви́жена на крⷭ҇тѣ̀ зрѧ́щи, ᲂу҆тро́бо моѧ̀, го́рькими стрѣла́ми се́рдце ѡ҆блага́ю, и҆ печа́лїю безмѣ́рною погрꙋжа́юсѧ влⷣко."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Мі́ръ поми́лованъ бы́сть сло́ве, распѧ́тїемъ твои́мъ, тва́рь просвѣти́сѧ, ꙗ҆зы́цы сп҃се́нїе ѡ҆брѣто́ша, влⷣко, вопїѧ́ше пречⷭ҇таѧ: а҆́зъ же ны́нѣ растерза́юсѧ, зрѧ́щи твою̀ во́льнꙋю стрⷭ҇ть."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Крⷭ҇тꙋ̀ твоемꙋ̀ покланѧ́емсѧ, хрⷭ҇тѐ, честно́мꙋ, храни́телю мі́ра, сп҃се́нїю на́съ грѣ́шныхъ, вели́комꙋ ѡ҆чище́нїю, похвалѣ̀ всеѧ̀ вселе́нныѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Крⷭ҇тоѡбра́знѡ мѡѷсе́й на горѣ̀ рꙋ́цѣ распросте́ръ къ высотѣ̀, а҆мали́ка побѣжда́ше. Ты́ же сп҃се, дла̑ни распросте́ръ на крⷭ҇тѣ̀ честнѣ́мъ, ѡ҆б̾е́мъ мѧ̀ сп҃слъ є҆сѝ ѿ рабо́ты вра́жїѧ: и҆ да́лъ мѝ є҆сѝ зна́менїе живота̀ бѣжа́ти ѿ лꙋ́ка сопроти́вныхъ мѝ. Сегѡ̀ ра́ди сло́ве, покланѧ́юсѧ крⷭ҇тꙋ̀ твоемꙋ̀ чⷭ҇тно́мꙋ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ. Наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Ве́лїѧ крⷭ҇та̀ твоегѡ̀ гдⷭ҇и си́ла: водрꙋзи́сѧ бо на мѣ́стѣ, и҆ дѣ́йствꙋетъ въ мі́рѣ, и҆ показа̀ ѿ ры́барей а҆пⷭ҇лы, и҆ ѿ ꙗ҆зы̑къ мч҃нки, да мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Зрѧ́щи тѧ̀ всенепоро́чнаѧ воздви́жена на дре́во, хрⷭ҇тѐ мо́й пребл҃гі́й, пла́чꙋщи вопїѧ́ше мт҃рски: сн҃е мо́й вселюбе́зный! Ка́кѡ со́нмъ беззако́нный на крⷭ҇тѣ́ тѧ воздви́же;"
|
||||
},
|
||||
{
|
||||
"type": "HEADER",
|
||||
"value": "Въ четверто́къ на повече́рїи, канѡ́нъ прест҃ѣ́й бцⷣѣ. Гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́ды дре́вле, ма́нїемъ бж҃е́ственнымъ, во є҆ди́но со́нмище совокꙋпи́вый, и҆ раздѣли́вый мо́ре і҆и҃льтєскимъ лю́демъ, се́й бг҃ъ на́шъ, препросла́вленъ є҆́сть: томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Присѣ́ннꙋю тѧ̀ го́рꙋ, ю҆́же прови́дѣ дх҃омъ а҆ввакꙋ́мъ прⷪ҇ро́къ, молю̀, пречⷭ҇таѧ ѡ҆сѣни́ти мѧ̀ страстьмѝ ѡ҆зное́наго, и҆ ѿ сѣ́ни сме́ртныѧ лю́тыхъ бѣ́дъ и҆зба́витисѧ."
|
||||
},
|
||||
{
|
||||
"type": "TEXT",
|
||||
"value": "Ѡ҆кропле́нїемъ бж҃е́ственныѧ кро́ве, и҆злїѧ́нныѧ ѿ бж҃е́ственныхъ ре́бръ чⷭ҇таѧ, сн҃а твоегѡ̀, моегѡ̀ се́рдца ѡ҆мы́й ра̑ны, ꙗ҆́кѡ да велича́ю тѧ̀, и҆ по до́лгꙋ сла́влю приснобл҃же́ннꙋю и҆ пренепоро́чнꙋю."
|
||||
},
|
||||
{
|
||||
"type": "TEXT",
|
||||
"value": "Сла́ва: Равнодѣ́тельное ѻ҆ц҃ꙋ̀ родила̀ є҆сѝ сло́во, ѡ҆божи́вшее человѣ́кѡвъ сꙋщество̀: того̀ молѝ, недоꙋмѣ́ннаго мѧ̀ и҆ и҆знемо́гшаго вра́жїими кова́рствы, бж҃е́ственныѧ ᲂу҆тѣ́хи сподо́бити чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѡ҆чище́нїе мѝ пода́ждь прегрѣше́нїй бж҃е́ственными твои́ми мл҃твами дв҃о, си́льнꙋю бо и҆́маши мл҃твꙋ влⷣчце: и҆ тебѐ пою́щыѧ и҆зба́ви ѿ прегрѣше́нїй, и҆ страсте́й, и҆ скорбе́й, и҆ ѡ҆бстоѧ́нїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ не сꙋ́щихъ всѧ̑ приведы́й, сло́вомъ созида́ємаѧ, соверша́ємаѧ дх҃омъ, вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "Въ ми́лости неизрече́ннаго, и҆ въ щедро́тахъ сꙋ́ща бога́таго, ми́лостива сꙋ́щи пречⷭ҇таѧ помолѝ ᲂу҆ще́дрити ны̀ ѡ҆ѕло́блєныѧ."
|
||||
},
|
||||
{
|
||||
"type": "TEXT",
|
||||
"value": "Хра́мъ сꙋ́щи всѧ́ческихъ творца̀, помоли́сѧ всели́тисѧ въ мѧ̀ ᲂу҆тѣ́шителю, бы́вша мѧ̀ верте́пъ дꙋшетлѣ́нныхъ разбо́йникѡвъ, чⷭ҇таѧ дв҃о."
|
||||
},
|
||||
{
|
||||
"type": "TEXT",
|
||||
"value": "Сла́ва: Ма́нїемъ всѧ̑ носѧ́щаго бж҃ески, на рꙋкꙋ̀ ꙗ҆́кѡ носи́ла є҆сѝ бцⷣе, при́зри на мѧ̀, и҆ и҆зба́ви мѧ̀, є҆́же къ страсте́мъ зрѣ́нїѧ неподо́бнагѡ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Млⷭ҇рдїе млⷭ҇ти твоеѧ̀ молю̀, ѿве́рзи мѝ бцⷣе пречⷭ҇таѧ, и҆ те́плаѧ мѝ ꙗ҆ви́сѧ въ напа́стехъ помо́щница и҆ сп҃се́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и, є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Ра̑ны хрⷭ҇тѐ и҆ заколе́нїе, во́лею ꙗ҆́кѡ бг҃ъ претерпѣ́вый, ᲂу҆ра́ненꙋю мою̀ дꙋ́шꙋ разбо́йми бѣсо́вскихъ ѡ҆ѕлобле́нїй, мл҃твами тебѐ ро́ждшїѧ и҆сцѣлѝ, є҆ди́не многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Дѣ́ло твоє́ю рꙋкꙋ̀ зижди́телю є҆́смь и҆ творе́нїе: ѕло́ба же ѕмїи́на сластьмѝ житїѧ̀ сокрꙋши́ мѧ. Тѣ́мже хрⷭ҇тѐ ѡ҆бнови́ мѧ, тебѐ ро́ждшїѧ сло́ве мольба́ми."
|
||||
},
|
||||
{
|
||||
"type": "TEXT",
|
||||
"value": "Сла́ва: Сло́во ѻ҆́ч҃ее па́че сло́ва родила̀ є҆сѝ, рѣша́щее всѧ́кагѡ безслове́сїѧ человѣ́ки: є҆го́же прилѣ́жнѡ молѝ, безслове́сными мѧ̀ сластьмѝ порабоще́нна свободи́ти, є҆ди́на приснодв҃о."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆сцѣле́нїе на́мъ ѿ дла́ни то́чиши всегда̀, всеѡсщ҃е́ннаѧ сѣ́не, всѧ̑ свѣ́та сꙋ́щи и҆спо́лнена, всѣ̑мъ и҆сточа́ющи мѵ́ро бл҃гово́нно, всечⷭ҇таѧ бг҃оневѣ́сто."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ ви́дѣ и҆са́їа ѡ҆бра́знѡ на прⷭ҇то́лѣ превознесе́на бг҃а, ѿ а҆́гг҃лъ сла́вы дорѷноси́ма, ѽ ѻ҆каѧ́нный, вопїѧ́ше а҆́зъ: прови́дѣхъ бо воплоща́ема бг҃а, свѣ́та невече́рнѧ, и҆ ми́ромъ влады́чествꙋюща."
|
||||
},
|
||||
{
|
||||
"type": "TEXT",
|
||||
"value": "Пло́ти моеѧ̀ болѣ̑зни, и҆ дꙋше́внꙋю мѝ печа́ль претворѝ и҆ ᲂу҆ны́нїѧ ѻ҆́блаки ѿженѝ дв҃о, свѣ́та ѻ҆́блаче, и҆ здра́вїе и҆ болѣ́зней премѣне́нїе да́ждь мѝ пою́щемꙋ, и҆ любо́вїю тѧ̀ сла́вѧщемꙋ."
|
||||
},
|
||||
{
|
||||
"type": "TEXT",
|
||||
"value": "Тѧ̀ хода́таицꙋ, и҆ мл҃твенницꙋ, ко и҆з̾ тебѐ ро́ждшемꙋсѧ ны́нѣ предлага́ю, всѧ́кагѡ грѣха̀ и҆спо́лненъ сы́й: дв҃о, бꙋ́ди мѝ житїѧ̀ и҆справле́нїе, и҆ наста́вница къ стезѝ бж҃е́ственнагѡ ра́зꙋма."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆свѧтѝ ᲂу҆́мъ мо́й дв҃о, и҆ дꙋ́шꙋ просвѣтѝ, и҆ бж҃е́ственныѧ сла́вы прича́стника сотворѝ: се́ бо ѕѡ́лъ напо́лнихсѧ, и҆ всѧ́кими порабо́тихсѧ сластьмѝ, и҆ ѡ҆скверне́нꙋ приношꙋ̀ со́вѣсть."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Вїногра́дъ бж҃е́ственный, ꙗ҆́же кра́сный гро́здъ возрасти́вшаѧ, и҆́же дꙋша́мъ даю́щїй питїѐ незави́стное: дв҃о ст҃а́ѧ ѻ҆трокови́це, ты́ мѧ напо́й сла́дости є҆гѡ̀ и҆ сласте́й пїѧ́нство ѿимѝ, и҆ сп҃си́ мѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆̀же въ концы̀ вѣкѡ́въ доше́дшыѧ чл҃вѣколю́бче, и҆ треволне́ньми напа́стей поги́бнꙋти бѣ́дствꙋющыѧ, вопїю́щыѧ не пре́зри: сп҃сѝ сп҃се, ꙗ҆́коже сп҃слъ є҆сѝ ѿ ѕвѣ́рѧ прⷪ҇ро́ка."
|
||||
},
|
||||
{
|
||||
"type": "TEXT",
|
||||
"value": "Фарїсе́а вознесе́наго ᲂу҆мо́мъ превзыдо́хъ возноша́емь при́снѡ, и҆ про́пастемъ соедини́хсѧ безмѣ́рныхъ прегрѣше́нїй: смири́вшагосѧ лю́тѣ, є҆ди́на чⷭ҇таѧ, и҆зба́ви и҆ ᲂу҆ще́дри мѧ̀."
|
||||
},
|
||||
{
|
||||
"type": "TEXT",
|
||||
"value": "И҆́же пречꙋ́дное зача́тїе и҆мѣ́вши и҆ ржⷭ҇тво̀, твоѧ̑ млⷭ҇ти на мнѣ̀ ѻ҆каѧ́ннѣмъ ны́нѣ ᲂу҆дивѝ: и҆́бо въ беззако́нїихъ зача́хсѧ, и҆ роди́хсѧ, и҆ сластьмѝ поработи́хсѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Рыда́ю, и҆ пла́чꙋ, и҆ стеню̀, є҆гда̀ сꙋди́ще стра́шное воспомѧнꙋ̀: лꙋка̑ваѧ бо дѣла̀ стѧжа́хъ: но ты́ ми неискꙋсомꙋ́жнаѧ дв҃о мт҃и бж҃їѧ, въ ча́съ стра́шный предста́ни."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Разꙋмѣ́ти и҆ глаго́лати не мо́жетъ всѧ́къ ᲂу҆́мъ, дв҃о чⷭ҇таѧ, содѣ́ѧнное на тебѣ̀ чꙋ́до стра́нное и҆ пресла́вное: ка́кѡ родила̀ є҆сѝ, и҆ пребыва́еши па́ки чⷭ҇та̀; бг҃ъ є҆́сть рожде́йсѧ по сꙋществꙋ̀."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Неискꙋсобра́чнаѧ чⷭ҇таѧ мт҃и твоѧ̀ хрⷭ҇тѐ, зрѧ́щи тѧ̀ ме́ртва повѣ́шена на дре́вѣ, мт҃рски рыда́ющи, глаго́лаше: что̀ тѝ воздадѐ є҆вре́йскїй беззако́нный собо́ръ и҆ безбл҃года́тный, и҆́же мно́гихъ и҆ вели́кихъ твои́хъ дарѡ́въ наслади́выйсѧ сн҃е мо́й; пою̀ твоѐ бж҃е́ственное сни́тїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Трїѐ ѻ҆́троцы въ пещѝ трⷪ҇цꙋ проѡбрази́вше, преще́нїе ѻ҆́гненное попра́ша, и҆ пою́ще вопїѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ѿ дѣ́лъ сп҃се́нїѧ нѣ́сть мѝ влⷣчце, грѣхи́ бо прилага́ю ко грѣхѡ́мъ, и҆ къ ѕло́бѣ ѕло́бꙋ: мл҃твою ᲂу҆́бѡ твое́ю чⷭ҇таѧ, предварѝ и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сꙋ́дъ при две́рехъ, и҆ сꙋди́ще гото́во, гото́висѧ смире́ннаѧ дꙋшѐ, и҆ возопі́й: є҆гда̀ сꙋ́диши мѝ сло́ве, не ѡ҆сꙋдѝ менѐ, мл҃твами ро́ждшїѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆б̾е́мъ грѣхѡ́вныѧ плоды̀, ᲂу҆мертви́хсѧ, и҆ приноша́ю дꙋ́шꙋ непло́днꙋ, и҆ зовꙋ́ ти пречⷭ҇таѧ: плодоно́сна мѧ̀ покажѝ, ꙗ҆́же плодо́мъ твои́мъ тлю̀ потре́бльшаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѽ стра́ннагѡ та́инства! Ѽ ᲂу҆жа́снагѡ ра́зꙋма! Ка́кѡ бг҃ъ на землѝ ꙗ҆ви́сѧ ꙗ҆́кѡ чл҃вѣ́къ; ꙗ҆́кѡ вѣ́сть, ꙗ҆́кѡ хо́щетъ, ꙗ҆́кѡ бл҃говоли́тъ, и҆ дѣ́йствꙋетъ, ꙗ҆́коже и҆ хо́щетъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нестерпи́момꙋ ѻ҆гню̀ соедини́вшесѧ, бг҃оче́стїѧ предстоѧ́ще ю҆́нѡши, пла́менемъ же неврежде́ни, бж҃е́ственнꙋю пѣ́снь поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Всѧ̀ ꙗ҆́кѡ добра̀, ꙗ҆́кѡ бли́жнѧѧ всѣ́хъ цр҃ю̀ бы́вши бцⷣе, напо́лни мѧ̀ бл҃ги́хъ дѣ́лъ въ ѕло́бѣ пожи́вшаго, и҆ въ лѣ́ности всѐ житїѐ сконча́вшаго, ꙗ҆́кѡ да тѧ̀ сла́влю во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ки́товы ᲂу҆тро́бы, ꙗ҆́коже и҆зба́вилъ є҆сѝ дре́вле прⷪ҇ро́ка пресла́внѡ, бж҃їй сло́ве: та́кѡ и҆зба́ви сп҃се ны́нѣ дꙋ́шꙋ мою̀ попо́лзшꙋюсѧ во глꙋбинꙋ̀ поги́бели, и҆мѣ́ѧ молѧ́щꙋю тѧ̀, неискꙋсобра́чнѡ ро́ждшꙋю тѧ̀ дв҃ꙋ."
|
||||
},
|
||||
{
|
||||
"type": "TEXT",
|
||||
"value": "Сла́ва: Кра́сною ѻ҆де́ждею ѡ҆блече́на, ѡ҆брѣ́тше мѧ̀ ѕло́бы дѣ́латели, и҆ сеѧ̀ совлеко́ша мѧ̀: но сама́ мѧ бг҃ороди́тельнице дв҃о, бж҃е́ственными ѻ҆де́ждами ᲂу҆ѧснѝ покаѧ́нїемъ, мл҃твами твои́ми бцⷣе."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Є҆го́же трепе́щетъ всѧ́ко созда́нїе, сего̀ чⷭ҇таѧ на рꙋкꙋ̀ и҆мѣ́ла є҆сѝ, за млⷭ҇рдїе на́съ ра́ди млⷣнца бы́вша, сего̀ молѝ сп҃стѝ всѧ̑ вѣ́рою зовꙋ́щыѧ: тѧ̀ превозно́симъ пречⷭ҇таѧ во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ зако́нѣ сѣ́ни и҆ писа́нїй, ѡ҆́бразъ ви́димъ вѣ́рнїи, всѧ́къ мꙋ́жескїй по́лъ ложесна̀ разверза́ѧ, ст҃ъ бг҃ꙋ: тѣ́мъ перворожде́нное сло́во, ѻ҆ц҃а̀ безнача́льна, сн҃а первородѧ́щасѧ мт҃рїю неискꙋсомꙋ́жнѡ, велича́емъ."
|
||||
},
|
||||
{
|
||||
"type": "TEXT",
|
||||
"value": "И҆стлѣ́вша ᲂу҆мо́мъ, и҆ дꙋше́ю, и҆ со́вѣсть ѕло́бою ѡ҆скверни́вша, и҆ на́га всѣ́хъ бл҃ги́хъ ꙗ҆́вльшагосѧ, дв҃о нетлѣ́ннаѧ, непоро́чнаѧ, не пре́зри менѐ, но дѣ́лы бл҃гоче́стїѧ ᲂу҆красѝ."
|
||||
},
|
||||
{
|
||||
"type": "TEXT",
|
||||
"value": "Напо́лнихсѧ ѕѡ́лъ, напо́лнихсѧ помышле́нїй ѿчꙋжда́ющихъ мѧ̀ ѿ тебѐ чл҃вѣколю́бца, сегѡ̀ ра́ди стеню̀ и҆ вопїю̀: ка́ющасѧ прїими́ мѧ, и҆ не ѿри́ни менѐ тебѐ ро́ждшїѧ мольба́ми, бл҃года́телю многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Сла́ва: Да и҆зба́влюсѧ твои́ми мл҃твами всенепоро́чнаѧ ѻ҆трокови́це ѿ всѧ́кагѡ гнѣ́ва, и҆ страсте́й смертоно́сныхъ лю́тагѡ гее́нскагѡ ѻ҆гнѧ̀, ѿ человѣ̑къ непра́ведныхъ, и҆ ѿ вра̑гъ ѕлы́хъ, прибѣгі́й въ кро́въ тво́й, и҆ зовы́й тѧ̀ на по́мощь."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Краснꙋ̀ дꙋше́ю, краснꙋ̀ помышле́ньми, краснꙋ̀ тѣ́ломъ, ѡ҆брѣ́тъ тѧ̀ прекра́сный, ѿ чре́слъ твои́хъ дв҃и́ческихъ воплоти́сѧ, ꙗ҆́коже вѣ́сть, без̾ѡбра́зїе на́ше ᲂу҆краша́ѧ дв҃о, є҆го́же молѝ сп҃сти́сѧ на́мъ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: и҆ покло́нъ."
|
||||
},
|
||||
{
|
||||
"type": "TEXT",
|
||||
"value": "рист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "І҆ере́й, возгла́съ. Тропарѝ, и҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ пѧто́къ ᲂу҆́тра, по а҃-мъ стїхосло́вїи сѣда́льны крⷭ҇тны. Гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ водрꙋзи́сѧ на землѝ, и҆ коснꙋ́сѧ нб҃сѐ, не ꙗ҆́кѡ дре́вꙋ досѧ́гшꙋ высотꙋ̀, но тебѣ̀ на не́мъ, и҆сполнѧ́ющемꙋ всѧ́чєскаѧ: сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїи нѡ́гꙋ є҆гѡ̀, ꙗ҆́кѡ ст҃о є҆́сть."
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ и҆ сме́рть пострада́ти и҆зво́ливый, посредѣ̀ тва́рей сїѧ̑ претерпѣ́лъ є҆сѝ, є҆гда̀ бл҃гоизво́лилъ є҆сѝ сп҃се, тѣ́ло твоѐ пригвозди́ти, тогда̀ и҆ со́лнце лꙋчы̀ скры̀: тогда̀ и҆ разбо́йникъ сїѧ̑ зрѧ̀, на крⷭ҇тѣ́ тѧ воспѣ́тъ, вопїѧ̀ бл҃гоговѣ́йнѡ: помѧни́ мѧ гдⷭ҇и: и҆ вѣ́ровавъ, прїѧ́тъ ра́й."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Нескве́рнаѧ а҆́гница сло́ва, нетлѣ́ннаѧ дв҃а мт҃и, на крⷭ҇тѣ̀ зрѧ́щи повѣ́шена и҆з̾ неѧ̀ без̾ болѣ́зни прозѧ́бшаго, мт҃рски подо́бнѡ рыда́ющи, вопїѧ́ше: ᲂу҆вы̀ мнѣ̀ ча́до моѐ, ка́кѡ стра́ждеши во́лею, хотѧ̀ и҆зба́вити ѿ страсте́й безче́стїѧ человѣ́ка;"
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи, сѣда́ленъ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "На кѷпарі́сѣ, и҆ пе́ѵкѣ, и҆ ке́дрѣ, возне́слсѧ є҆сѝ а҆́гнче бж҃їй: да сп҃се́ши и҆̀же вѣ́рою покланѧ́ющыѧсѧ во́льномꙋ твоемꙋ̀ распѧ́тїю, хрⷭ҇тѐ бж҃е, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла сп҃се́нїе посредѣ̀ землѝ."
|
||||
},
|
||||
{
|
||||
"type": "TEXT",
|
||||
"value": "Неизче́тнѣй вла́сти твое́й, и҆ во́льномꙋ твоемꙋ̀ распѧ́тїю, а҆́гг҃льскаѧ вѡ́инства дивлѧ́хꙋсѧ зрѧ́ще, ка́кѡ и҆́же неви́димый пло́тїю ра̑ны прїѧ́тъ, хотѧ̀ и҆зба́вити ѿ и҆стлѣ́нїѧ человѣ́чество; тѣ́мже ꙗ҆́кѡ бл҃года́телю вопїе́мъ тѝ: сла́ва, хрⷭ҇тѐ, бл҃гоꙋтро́бїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Благодꙋ́шственное терпѣ́нїѧ ва́шегѡ побѣдѝ кѡ́зни ѕлонача́льнагѡ врага̀, мч҃нцы прехва́льнїи: сегѡ̀ ра́ди вѣ́чнагѡ сподо́бистесѧ блаже́нства. Но моли́тесѧ гдⷭ҇еви, хрⷭ҇толюби́выхъ люде́й сп҃стѝ ста́до, свидѣ́телїе сꙋ́ще и҆́стины."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Поно́снꙋю, ще́дре, сме́рть въ распѧ́тїи во́лею претерпѣ́лъ є҆сѝ: тебе́ же ро́ждшаѧ хрⷭ҇тѐ, зрѧ́щи ᲂу҆ѧзвлѧ́шесѧ: є҆ѧ́же мольба́ми за милосе́рдїе млⷭ҇ти твоеѧ̀, є҆ди́не преблагі́й чл҃вѣколю́бче гдⷭ҇и, ᲂу҆ще́дри и҆ сп҃сѝ мі́ръ, взе́млѧй мі́ра грѣхѝ."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи, сѣда́льны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ претерпѣ́лъ є҆сѝ безгрѣ́шне, клѧ́твы сосꙋ́дъ, за млⷭ҇рдїе неизрече́нное: первозда́ннаго пе́рвыѧ клѧ́твы свободи́лъ є҆сѝ. Тѣ́мже твои́мъ чⷭ҇тны̑мъ покланѧ́емсѧ стрⷭ҇те́мъ, смотре́нїе твоѐ ст҃о́е сла́вѧще: є҆́же є҆ди́нъ за млⷭ҇рдїе млⷭ҇ти и҆спо́лнивъ, созда́нїе твоѐ сп҃слъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Въ лани́тꙋ ᲂу҆да́ренъ бы́въ за ро́дъ человѣ́ческїй, и҆ не разгнѣ́валсѧ є҆сѝ: свободѝ и҆з̾ и҆стлѣ́нїѧ живо́тъ на́шъ гдⷭ҇и, и҆ поми́лꙋй на́съ ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Же́злъ си́лы стѧжа́вшїи крⷭ҇тъ сн҃а твоегѡ̀ бцⷣе, тѣ́мъ низлага́емъ врагѡ́въ шата̑нїѧ, любо́вїю тѧ̀ непреста́ннѡ велича́юще."
|
||||
},
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀, гла́съ г҃, творе́нїе і҆ѡ́сифово, є҆гѡ́же краегране́сїе си́це:"
|
||||
},
|
||||
{
|
||||
"type": "TEXT",
|
||||
"value": "Похвала̀ вѣ̑рнымъ крⷭ҇тъ є҆́сть, и҆ сла́ва."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сꙋ́шꙋ глꙋбороди́тельнꙋю зе́млю со́лнце наше́ствова и҆ногда̀, ꙗ҆́кѡ стѣна́ бо ѡ҆гꙋстѣ̀ ѻ҆бапо́лы вода̀, лю́демъ пѣшомореходѧ́щымъ, и҆ бг҃оꙋго́днѡ пою́щымъ: пои́мъ гдⷭ҇еви, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Во́лны морскі̑ѧ жезло́мъ ѡ҆гꙋсти́въ, и҆ прове́лъ є҆сѝ лю́ди, проѡбразꙋ́ѧ крⷭ҇тъ тво́й, и҆́мже ссѣ́клъ є҆сѝ во́дꙋ ле́стнꙋю, и҆ къ землѝ ще́дре, бг҃оразꙋ́мїѧ сп҃слъ є҆сѝ всѣ́хъ, вѣ́рою пою́щихъ твою̀ си́лꙋ."
|
||||
},
|
||||
{
|
||||
"type": "TEXT",
|
||||
"value": "Бе́зднꙋ сотвори́вый повелѣ́нїемъ, и҆́же вода́ми превы́спрєннѧѧ си́льнѣ покрыва́ѧй, и҆ и҆́же на вода́хъ зе́млю повѣ́сивый, ви́сиши на дре́вѣ, и҆ коле́блеши всю̀ тва́рь ма́нїемъ: всѣ́хъ же сердца̀ ᲂу҆твержда́еши въ стра́сѣ твое́мъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сы́нове прича́стїемъ быва́ете бж҃е́ственнїи мч҃нцы хрⷭ҇тѡ́вы, и҆ жи́телїе вы́шнагѡ сїѡ́на и҆ наслѣ̑дницы, въ не́мже и҆ вѣнцы̀ носѧ́ще взыва́ете свѣ́тлѡ: пои́мъ гдⷭ҇еви, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Рꙋ́къ ѿсѣчє́нїѧ и҆ но́гъ под̾ѧ́сте мч҃нцы, и҆ стрꙋ́жеми лю́тѣ, и҆ ѻ҆гню̀ примѣша́ющесѧ, не ѿверго́стесѧ ѿню́дъ хрⷭ҇та̀ бг҃а сꙋ́ща всѣ́хъ, но те́плѣ вопїѧ́сте: пои́мъ гдⷭ҇еви, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Предо́браѧ и҆ дв҃о влⷣчце, є҆го́же родила̀ є҆сѝ сн҃а, зрѧ́щи на дре́вѣ воздви́жена во́лею, пла́чꙋщи восклица́ла є҆сѝ, вопїю́щи болѣ́зненнѡ: бж҃е всѣ́хъ бл҃гоꙋтро́бне, гдⷭ҇ь сы́й сла́вы, ка́кѡ сїѧ̑ стра́ждеши влⷣко;"
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ прест҃ѣ́й бцⷣѣ, гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́ды дре́вле, ма́нїемъ бж҃е́ственнымъ, во є҆ди́но со́нмище совокꙋпи́вый, и҆ раздѣли́вый мо́ре і҆и҃льтєскимъ лю́демъ, се́й бг҃ъ на́шъ, препросла́вленъ є҆́сть: томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Ѡ҆чище́нїе мѝ пода́ждь прегрѣше́нїй, бж҃е́ственными твои́ми мольба́ми дв҃о: си́льнꙋ бо и҆́маши мл҃твꙋ пречⷭ҇таѧ, и҆ тебѐ чтꙋ́щыѧ и҆збавлѧ́еши ѿ согрѣше́нїй, и҆ страсте́й, и҆ скорбе́й, и҆ ѡ҆бстоѧ́нїй."
|
||||
},
|
||||
{
|
||||
"type": "TEXT",
|
||||
"value": "Вода́ми мл҃твъ твои́хъ дв҃о, и҆ста́ѧвшꙋю зно́емъ безмѣ́рныхъ мои́хъ согрѣше́нїй и҆ страсте́й, ѡ҆росѝ дꙋ́шꙋ мою̀ смире́ннꙋю: ꙗ҆́кѡ да прохлажде́нїе бж҃е́ственно ᲂу҆лꙋчи́въ, пѣ́сньми тѧ̀ велича́ю, ꙗ҆́кѡ предста́тельницꙋ те́плꙋю."
|
||||
},
|
||||
{
|
||||
"type": "TEXT",
|
||||
"value": "Всего̀ погрꙋжа́ема грѣхмѝ и҆ всего̀ ѿча́ѧнна мѧ̀ сꙋ́ща, ты̀ чⷭ҇таѧ влⷣчце, млⷭ҇рдїѧ твоегѡ̀ рꙋ́кꙋ просте́рши, къ покаѧ́нїѧ мѧ̀ высотѣ̀ привлецы̀, подаю́щи мѝ и҆сто́чникъ сле́зъ."
|
||||
},
|
||||
{
|
||||
"type": "TEXT",
|
||||
"value": "Раздерѝ пречⷭ҇таѧ, грѣхо́вное рꙋкописа́нїе мои́хъ прегрѣше́нїй твои́ми мл҃твами, ꙗ҆́кѡ и҆мꙋ́щи къ сн҃ꙋ твоемꙋ̀ дерзнове́нїе за ны̀ моли́ти прилѣ́жнѡ: тѧ́ бо є҆ди́нꙋ и҆́мамы хрⷭ҇тїа́не застꙋ́пницꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твержде́нїе на тѧ̀ надѣ́ющихсѧ, ᲂу҆твердѝ гдⷭ҇и цр҃ковь, и҆́же стѧжа́лъ є҆сѝ честно́ю твое́ю кро́вїю."
|
||||
},
|
||||
{
|
||||
"type": "TEXT",
|
||||
"value": "Є҆ди́нъ сложе́нъ носѧ̀ соста́въ сло́ве, претерпѣ́лъ є҆сѝ распѧ́тїе безче́стнѣйшее: чтꙋ́щыѧ тѧ̀ че́сти сподо́би сꙋ́щїѧ."
|
||||
},
|
||||
{
|
||||
"type": "TEXT",
|
||||
"value": "Разрѣше́ни бы́ша земноро́днїи ѿ клѧ́твы, клѧ́твѣ тебѣ̀ влⷣко бы́вшꙋ, и҆ крⷭ҇то́мъ бл҃гослове́нїе и҆сточи́вшемꙋ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Прише́льцы во всю̀ зе́млю бы́вше, и҆ нбⷭ҇нїи вои́стиннꙋ гра́ждане ꙗ҆ви́стесѧ, и҆ хрⷭ҇тꙋ̀ снаслѣ́дницы всехва́льнїи."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крѣпча́йшее ѻ҆рꙋ́жїе, крⷭ҇тъ стѧжа́вше мч҃нцы, всю̀ си́лꙋ гꙋби́телѧ врага̀ до конца̀ побѣди́ша."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ты̀ соблюла́сѧ є҆сѝ и҆ по ржⷭ҇твѣ̀ дв҃а, ꙗ҆́же бг҃а чⷭ҇таѧ ро́ждши воплоще́на, на крⷭ҇тѣ̀ пригво́ждшасѧ хотѣ́нїемъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ не сꙋ́щихъ всѧ̑ приведы́й сло́вомъ созида́ємаѧ, соверша́ємаѧ дх҃омъ вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "Благоꙋтрѡ́бїѧ млⷭ҇рдїѧ твоегѡ̀, молю́сѧ, ѿве́рзи мѝ вско́рѣ бцⷣе пречⷭ҇таѧ, и҆ те́плаѧ мнѣ̀ ꙗ҆ви́сѧ во и҆скꙋше́нїихъ помо́щница, и҆ сп҃се́нїе."
|
||||
},
|
||||
{
|
||||
"type": "TEXT",
|
||||
"value": "И҆зба́ви мѧ̀ ѿ всѧ́кїѧ содержа́щїѧ лю́тыѧ грѣхо́вныѧ бꙋ́ри, раба̀ твоего̀ пречⷭ҇таѧ, и҆ ко сп҃си́тельномꙋ мѧ̀ приста́нищꙋ напра́ви, мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "Сп҃си́ мѧ мт҃и дв҃о чⷭ҇таѧ, ѿ страсте́й мои́хъ мꙋ́тныхъ слїѧ́нїй, и҆ ѡ҆бходѧ́щихъ ны́нѣ смире́ннꙋю мою̀ дꙋ́шꙋ, и҆ ѡ҆скорблѧ́ющихъ."
|
||||
},
|
||||
{
|
||||
"type": "TEXT",
|
||||
"value": "Сле́зъ тꙋ́чꙋ пода́ждь мѝ бл҃га́ѧ, и҆ си́ми ᲂу҆гасѝ страсте́й мои́хъ пе́щь, и҆ всѧ́кїѧ ѡ҆мы́й дꙋшє́вныѧ моѧ̑ сквє́рны бцⷣе."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Покры́ла є҆́сть нб҃са̀ добродѣ́тель твоѧ̀ хрⷭ҇тѐ, и҆з̾ кївѡ́та бо проше́дъ ст҃ы́ни твоеѧ̀ нетлѣ́нныѧ мт҃ре: въ хра́мѣ сла́вы твоеѧ̀ ꙗ҆ви́лсѧ є҆сѝ ꙗ҆́кѡ млⷣнецъ рꙋконоси́мь, и҆ и҆спо́лнишасѧ всѧ̑ твоегѡ̀ хвале́нїѧ."
|
||||
},
|
||||
{
|
||||
"type": "TEXT",
|
||||
"value": "Паде́нїе а҆да́мово є҆ди́нъ воздви́глъ є҆сѝ хрⷭ҇тѐ, но́въ бы́въ а҆да́мъ, на крⷭ҇тѣ̀ рꙋ́цѣ пригвожде́й, тро́стїю же бїе́нъ хотѧ̀, и҆ ѻ҆́цта и҆ же́лчи вкꙋша́ѧ, превозноша́емый высото́ю црⷭ҇твїѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ѻ҆вча̀ на заколе́нїе тѧ̀ прⷪ҇ро́къ предзри́тъ, и҆ ꙗ҆́кѡ а҆́гнца сло́ве бж҃їй, не проти́вѧщасѧ ѿню́дъ, нижѐ вопїю́ща: и҆́бо хотѣ́нїемъ претерпѣ́лъ є҆сѝ распѧ́тисѧ, ꙗ҆́кѡ да и҆̀же во́лею согрѣши́вшыѧ и҆зба́виши, и҆ сп҃се́ши милосе́рде гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆бно́вльше дꙋ́шы ра́ломъ вѣ́ры, мч҃нцы хрⷭ҇тѡ́вы, сѣ́мѧ терпѣ́нїемъ мꙋ́къ всѣ́ѧша, и҆ кла́съ мꙋче́нїѧ гобзꙋ́ющїй ѡ҆б̾ѧ́ша, вѣ́рныхъ составлє́нїѧ пита́ющъ. Тѣ́мже при́снѡ сла́вими сꙋ́ть."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆тѣснѧ́еми стꙋже́нїемъ нестерпи́мыхъ лю̑тъ, ча́ѧнїемъ кра́сныхъ, къ простра́нствꙋ вы́шнѧгѡ црⷭ҇твїѧ ꙗ҆́вѣ мч҃нцы достиго́ша, ꙗ҆́кѡ да разширѧ́тъ на́ша ᲂу҆ста̀, тѣ́хъ непреста́ннѡ пѣ́ти борє́нїѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́же ᲂу҆́гль бж҃е́ственный прїе́мши, ꙗ҆́коже клеща̀, не ѡ҆палѧ́ющь ѿню́дъ, ѡ҆роша́ющъ же па́че, мт҃и дв҃о, безсѣ́меннꙋю и҆ бж҃е́ственнꙋю ᲂу҆тро́бꙋ твою̀: є҆го́же ви́дѧщи пло́тїю повѣ́шена во́лею на дре́вѣ, пѣ́сньми сла́влѧше."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и, є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Всю̀ на тѧ̀ наде́ждꙋ возложи́хъ влⷣчце, молю́сѧ припа́даѧ ѿ дꙋшѝ: смертоно́сныѧ и҆зба́ви болѣ́зни, къ жи́зни сп҃се́нїѧ возводѧ́щи мѧ̀, ꙗ҆́же жи́знь ро́ждшаѧ."
|
||||
},
|
||||
{
|
||||
"type": "TEXT",
|
||||
"value": "Влⷣчце чⷭ҇таѧ, крѣ́пкаѧ мі́рꙋ помо́щница, не ѿве́ржи менѐ ѿ себѐ, нижѐ посра́млена ѿсле́ши мѧ̀ ѿ лица̀ твоегѡ̀, нижѐ бѣсѡ́мъ покажи́ мѧ ѡ҆бра́дованїе."
|
||||
},
|
||||
{
|
||||
"type": "TEXT",
|
||||
"value": "Ве́сь ѡ҆бнаже́нъ бы́хъ ѻ҆каѧ́нный бж҃е́ственныхъ дѣ́лъ, и҆ ᲂу҆ѧзви́хсѧ сласте́й ѻ҆́стрыми стрѣла́ми, и҆ ѡ҆стрꙋпле́нъ бы́хъ. Тѣ́мже вопїю́ ти влⷣчце: сп҃си́ мѧ пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Прїидо́ша чⷭ҇таѧ, безмѣ́стныхъ дѣѧ́нїй во́ды до ѻ҆каѧ́нныѧ моеѧ̀ дꙋшѝ, и҆ по́мыслы бре́нными ѡ҆держи́мь, вопїю́ ти съ болѣ́знїю: не пре́зри влⷣчце раба̀ твоегѡ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ ви́дѣ и҆са́їа ѡ҆бра́знѡ на престо́лѣ превознесе́на бг҃а, ѿ а҆́гг҃лъ сла́вы дорѷноси́ма, ѽ ѻ҆каѧ́нный, вопїѧ́ше, а҆́зъ: прови́дѣхъ бо воплоща́ема бг҃а, свѣ́та невече́рнѧ, и҆ ми́ромъ влады́чествꙋюща."
|
||||
},
|
||||
{
|
||||
"type": "TEXT",
|
||||
"value": "Оу҆поко́илъ мѧ̀ є҆сѝ сло́ве, претрꙋжде́наго трꙋдо́мъ прегрѣше́нїй, препочива́ѧ на дре́вѣ влⷣко, и҆ взѧ́тъ поноше́нїе моѐ, и҆́миже пострада́лъ є҆сѝ і҆и҃се поноше́ньми. Пою̀ твою̀ держа́вꙋ и҆ бж҃е́ствєннаѧ страда̑нїѧ."
|
||||
},
|
||||
{
|
||||
"type": "TEXT",
|
||||
"value": "Возже́гъ ꙗ҆́коже свѣ́щникъ на крⷭ҇тѣ̀ пло́ть твою̀, и҆ поиска́лъ є҆сѝ поги́бшꙋю дра́хмꙋ человѣколю́бче, и҆ всѧ̑ призыва́еши дрꙋ́ги твоѧ̑ си̑лы, на сеѧ̀ ѡ҆брѣ́тенїе: пое́мъ держа́вꙋ хрⷭ҇тѐ, црⷭ҇твїѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пове́рженъ льсте́цъ, при нога́хъ нельсти́выхъ стрⷭ҇тоте́рпєцъ хрⷭ҇то́выхъ, ме́ртвъ зри́мь є҆́сть и҆ недѣ́йственъ: са́ми же нельсти́внѡ сопричита́еми сꙋ́ть со а҆́гг҃лы, неизрече́нныѧ ра́дости и҆сполнѧ́ющесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ст҃і́и стꙋ́денїю, и҆ лю́тыми мꙋ́ками и҆ скорбьмѝ, и҆ ра́нами вельмѝ померза́еми, къ теплотѣ̀ преидо́ша бж҃е́ственнѣй нбⷭ҇нагѡ црⷭ҇твїѧ вои́стиннꙋ, и҆ те́плїи предста́тели вѣ̑рнымъ при́снѡ ꙗ҆влѧ́ютсѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Распина́ема на дре́вѣ, и҆ ре́бра копїе́мъ и҆скопова́ема, ѿ ре́бръ дре́вле созда́вшаго є҆́ѵꙋ, пречⷭ҇таѧ дв҃о зрѧ́щи, вопїѧ́ше мт҃рски: ка́кѡ ᲂу҆мира́еши сн҃е мо́й животѐ безсме́ртный;"
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Вїногра́де бж҃е́ственный, и҆́же кра́сный гро́здъ прозѧ́бшаѧ, и҆ дꙋша́мъ подаю́щъ питїѐ бж҃е́ственное дв҃о, напое́нїѧ го́рькагѡ, и҆ пїѧ́нства страсте́й, и҆ сласте́й и҆зба́ви дꙋ́шꙋ мою̀, и҆ ѻ҆гнѧ̀ вѣ́чнагѡ."
|
||||
},
|
||||
{
|
||||
"type": "TEXT",
|
||||
"value": "Тимѣ́нїѧ и҆сто́ргни мѧ̀ грѣхѡ́въ, пречⷭ҇таѧ бг҃оневѣ́сто, па́дшаго въ ка́лъ страсте́й: и҆ стрꙋѧ́ми мл҃твъ твои́хъ ѡ҆мы́вши мѧ̀ страсте́й скве́рнъ, ри́зою сп҃се́нїѧ свѣтови́дною ѡ҆дежѝ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же мі́рови ми́ръ, и҆ сп҃се́нїе всѣ̑мъ пода́вшаѧ, ꙗ҆́кѡ бж҃е́ственный ми́ръ поро́ждши дв҃о чⷭ҇таѧ, настоѧ́щꙋю бра́нь страсте́й дꙋшѝ моеѧ̀ и҆ тѣ́ла ᲂу҆мирѝ, стра́хомъ и҆ любо́вїю сп҃са хрⷭ҇та̀."
|
||||
},
|
||||
{
|
||||
"type": "TEXT",
|
||||
"value": "Болѣ́вшꙋю дꙋ́шꙋ мою̀ грѣхмѝ пречⷭ҇таѧ, и҆сцѣлѝ твои́мъ млⷭ҇рдїемъ, и҆ сподо́би наставлѧ́ющи мѧ̀ твори́ти во смире́нїи сн҃а твоегѡ̀ повелѣ̑нїѧ при́снѡ, ꙗ҆́кѡ да воспрїимꙋ̀ сегѡ̀ бла́гость."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Возопѝ къ тебѣ̀, ви́дѣвъ ста́рецъ ѻ҆чи́ма сп҃се́нїе, є҆́же лю́демъ прїи́де ѿ бг҃а: хрⷭ҇тѐ, ты̀ бг҃ъ мо́й."
|
||||
},
|
||||
{
|
||||
"type": "TEXT",
|
||||
"value": "Во́лею закла́лсѧ є҆сѝ ꙗ҆́кѡ а҆́гнецъ, снѣ́дїю дре́ва ᲂу҆ме́ршаго во́лею, па́ки къ жи́зни хрⷭ҇тѐ возводѧ̀."
|
||||
},
|
||||
{
|
||||
"type": "TEXT",
|
||||
"value": "На крⷭ҇тъ воздви́глсѧ є҆сѝ, и҆ низпаде́сѧ бѣсо́вскаѧ пре́лесть: вознесе́сѧ же вѣ́рныхъ мно́жество, воспѣва́юще тѧ̀ живода́вче."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Багрѧни́цею ꙗ҆́же ѿ крове́й и҆спещре́ни мч҃нцы, цр҃ю̀ всѣ́хъ ны́нѣ предстоѧ́тъ, вѣнцы̀ свѣ́тлыми ᲂу҆краша́еми."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆сцѣле́нїе всѣ̑мъ пристꙋпа́ющымъ и҆сточа́ютъ мо́щи ст҃ы́хъ мч҃нкъ, и҆ страсте́й мно́жество потоплѧ́ютъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Разꙋмѣ́ти не мо́жетъ ᲂу҆́мъ человѣ́ческїй ѻ҆трокови́це, па́че є҆стества̀ рождества̀ твоегѡ̀ та́йнꙋ: па́че бо ᲂу҆ма̀ бг҃а родила̀ є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна послѣ́днѧѧ грѣхѡ́въ ѡ҆бы́де мѧ̀, и҆ и҆счеза́етъ дꙋ́хъ мо́й: но простры́й влⷣко высо́кꙋю твою̀ мы́шцꙋ, ꙗ҆́кѡ петра́ мѧ ᲂу҆пра́вителю сп҃сѝ."
|
||||
},
|
||||
{
|
||||
"type": "TEXT",
|
||||
"value": "И҆збавле́нїе прегрѣше́нїй пода́ждь ꙗ҆́кѡ бл҃га́ѧ, твоемꙋ̀ рабꙋ̀ пречⷭ҇таѧ, твоегѡ̀ застꙋпле́нїѧ просѧ́щемꙋ съ вѣ́рою, и҆ бꙋ́дꙋщагѡ мѧ̀ сꙋда̀ и҆схитѝ."
|
||||
},
|
||||
{
|
||||
"type": "TEXT",
|
||||
"value": "Влⷣчце и҆ мт҃и и҆зба́вителѧ, ты̀ предста́ни мѝ въ ча́съ и҆схо́да моегѡ̀, и҆стѧза́емꙋ мнѣ̀ ѿ воздꙋ́шныхъ дꙋхѡ́въ, ѡ҆ ꙗ҆̀же несмы́сленною мы́слїю содѣ́ѧхъ."
|
||||
},
|
||||
{
|
||||
"type": "TEXT",
|
||||
"value": "Ѡ҆каѧ́ненъ ꙗ҆ви́хсѧ ве́сь а҆́зъ, нечистота́ми всегда̀ ѡ҆б̾ѧ́тъ: и҆ прозрѧ̀ ны́нѣ созадѝ ногꙋ̀ мое́ю сме́рть, взыва́ю тѝ бцⷣе, помози́ ми."
|
||||
},
|
||||
{
|
||||
"type": "TEXT",
|
||||
"value": "Во́лны стра́стныхъ помышле́нїй, всегда̀ мѧ̀ смꙋща́ютъ пречⷭ҇таѧ, и҆ лꙋка́выхъ дꙋхѡ́въ бꙋ́рѧ погрꙋжа́етъ мѧ̀: но ᲂу҆твердѝ на ка́мени безстра́стїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѐ во ѻ҆гнѝ ѡ҆роси́вшаго ѻ҆́троки бг҃осло́вившыѧ, и҆ въ дв҃ꙋ нетлѣ́ннꙋ все́льшагосѧ, бг҃а сло́ва пои́мъ, благоче́стнѡ пою́ще: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "На ке́дрѣ возне́слсѧ є҆сѝ, и҆ пе́ѵкѣ, и҆ кѷпарі́сѣ влⷣко, ѿ трⷪ҇цы є҆ди́нъ сы́й, и҆ возне́слъ є҆сѝ сꙋ́щыѧ бо глꙋбинꙋ̀ мно́гихъ сласте́й впа́дшыѧ: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Кро́вїю чⷭ҇тно́ю гдⷭ҇и, тва́рь ѡ҆чи́стилъ є҆сѝ ѿ кро́ве, приноси́мыѧ ме́рзкимъ бѣсѡ́мъ, и҆ разрꙋши́лъ є҆сѝ жє́ртвы сквє́рныѧ сло́ве бж҃їй, поже́рсѧ ꙗ҆́кѡ неѕло́бивъ а҆́гнецъ: сла́ва держа́вѣ твое́й."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стоѧ́хꙋ пред̾ мꙋчи́тели, ꙗ҆́кѡ столпѝ неподви́жимїи, поколеба́юще пре́лесть, и҆ ᲂу҆твержда́юще вѣ́рныхъ сердца̀, страда́льцы пою́ще: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Не ѡ҆пали́стесѧ ѻ҆гне́мъ, ѻ҆гнѧ̀ теплѣ́йшее произволе́нїе стѧжа́вше, стрⷭ҇тоте́рпцы хрⷭ҇тѡ́вы вѣнцено́сцы, вопїѧ́ше: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Зача́тїе несравне́но, и҆ ржⷭ҇тво̀ несказа́нно и҆мѣ́ла є҆сѝ чⷭ҇таѧ є҆ди́на, влⷣкꙋ вопло́щши пло́тїю распе́ншагосѧ, є҆мꙋ́же пою́ще вопїе́мъ: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́коже дре́вле бл҃гочєсти́выѧ трѝ ѻ҆́троки ѡ҆роси́лъ є҆сѝ въ пла́мени халде́йстѣмъ, свѣ́тлымъ бж҃ества̀ ѻ҆гне́мъ и҆ на́съ ѡ҆зарѝ: бл҃гослове́нъ є҆сѝ, взыва́ющыѧ, бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Тебѐ мт҃ри бж҃їи, чⷭ҇тѣй и҆ непоро́чнѣй молю́сѧ, ѡ҆скверне́нный тѣ́ломъ и҆ дꙋше́ю, и҆ ѡ҆калѧ́нный дѣѧ́нїи нечи́стыми, и҆ надѣ́юсѧ влⷣчце, на млⷭ҇ть твою̀, ты́ мѧ ᲂу҆ще́дри, пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Прегрѣше́нїй мои́хъ мно́жество, и҆ ѕлы́хъ и҆спыта́нїе, недоꙋмѣ́нїемъ мѧ̀ препира́етъ ѕѣлѡ̀, и҆ во ѿча́ѧнїѧ влече́тъ глꙋбинꙋ̀: пречⷭ҇таѧ влⷣчце, сп҃си́ мѧ погиба́ющаго, и҆ лю́тѣ потоплѧ́ема."
|
||||
},
|
||||
{
|
||||
"type": "TEXT",
|
||||
"value": "Поми́лꙋй бл҃га́ѧ смири́вшꙋюсѧ дꙋ́шꙋ мою̀ лꙋка́выми дѣѧ́ньми, и҆ къ покаѧ́нїѧ мѧ̀ пꙋтѝ наста́ви, и҆ твори́ти хотѣ̑нїѧ твоегѡ̀ сн҃а и҆спра́ви, и҆ ѿ мꙋ́ки и҆зба́ви."
|
||||
},
|
||||
{
|
||||
"type": "TEXT",
|
||||
"value": "Мно́жествомъ щедро́тъ твоеѧ̀ бл҃гости, грѣхѡ́въ на́шихъ мно́жество пре́зри бл҃га́ѧ, и҆ благопремѣни́тельна бꙋ́ди, немо́лчнѡ зовꙋ́щымъ: бл҃гослове́нъ, пречⷭ҇таѧ, пло́дъ твоегѡ̀ чре́ва."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нестерпи́момꙋ ѻ҆гню̀ соедини́вшесѧ, бг҃оче́стїѧ предстоѧ́ще ю҆́нѡши, пла́менемъ же неврежде́ни, бж҃е́ственнꙋю пѣ́снь поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Лю́дїе непокори́вїи и҆ неразꙋ́мнїи, тѧ̀ нра́вомъ благопоко́рнымъ восхотѣ́вша распѧ́тисѧ, ѡ҆сꙋжда́ютъ ᲂу҆мре́ти: ꙗ҆́кѡ да хотѣ́нїемъ ᲂу҆мерщвлє́нныѧ сло́ве, ѡ҆живи́ши, пою́щыѧ тѧ̀ и҆ превозносѧ́щыѧ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Распросте́ръ на крⷭ҇тѣ̀ дла̑ни, рꙋ́цѣ неꙋдержа́ннѡ простє́ртыѧ ко дре́вꙋ снѣ́дномꙋ первозда́ннагѡ и҆сцѣлѧ́ѧ влⷣко: и҆ зрѧ́щи тѧ̀ стра́хомъ со́лнце, лꙋчы̀ скрыва́ше, и҆ всѧ̀ тва́рь поколеба́сѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Лꙋча́ми сщ҃е́нныхъ боре́нїй стрꙋи̑ нече́стїѧ, и҆злїѧ̑нїѧ безбо́жїѧ и҆зсꙋши́ша стрⷭ҇тоте́рпцы, и҆ и҆сто́чники и҆сточи́ша и҆сцѣле́нїй, скве́рнꙋ страсте́й ѡ҆мыва́ющыѧ, и҆ вѣ́рныхъ сердца̀ напаѧ́ющыѧ бога́тнѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Соѡбра́знѡ честны́хъ стрⷭ҇те́й, и҆ бж҃е́ственныхъ за́повѣдей и҆сполни́телїе стрⷭ҇тоте́рпцы, согра́ждане безплѡ́тнымъ: написа́тисѧ ны́нѣ въ вы́шнѣмъ гра́дѣ, бг҃а моли́те, ва́съ чтꙋ́щымъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Рꙋ́чкꙋ тѧ̀ златꙋ́ю и҆ свѣ́щникъ, трапе́зꙋ и҆ же́злъ, бж҃е́ственнꙋю го́рꙋ и҆ ѻ҆́блакъ, пала́тꙋ цр҃е́вꙋ и҆ прⷭ҇то́лъ ѻ҆гнеѡбра́зенъ, бцⷣꙋ всѝ вѣ́рнїи и҆менꙋ́емъ, по ржⷭ҇твѣ̀ дв҃ою сохра́ншꙋюсѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пла́мень ко ѻ҆трокѡ́мъ є҆вре́йскимъ снизше́дшаго, бж҃їею си́лою, и҆ ꙗ҆́вльшагосѧ гдⷭ҇а, сщ҃е́нницы бл҃гослови́те, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Сласте́й го́ресть, чꙋ̑вства всѧ̑ тѣлє́снаѧ проше́дши, дꙋ́шꙋ мою̀ безмѣ́стнѡ ѡ҆калѧ́етъ, и҆ въ сме́рть влече́тъ: влⷣчце мі́ра, бꙋ́ди мѝ сп҃се́нїе."
|
||||
},
|
||||
{
|
||||
"type": "TEXT",
|
||||
"value": "На тѧ̀ возложи́хъ влⷣчце, се́рдце, и҆ дꙋ́шꙋ, и҆ тѣ́ло: не и҆́мамъ бо и҆ны́ѧ наде́жди, ра́звѣ тебѐ, є҆́юже полꙋчꙋ̀ млⷭ҇ть. Тѣ́мже пода́ждь мѝ бога́тꙋю твою̀ бл҃года́ть."
|
||||
},
|
||||
{
|
||||
"type": "TEXT",
|
||||
"value": "Ѕмі́й мнѣ̀ ꙗ҆́домъ приползѐ, и҆ плотско́ю сла́достїю ѻ҆каѧ́ннꙋю дꙋ́шꙋ мою̀ лю́тѣ ᲂу҆морѝ: но ѡ҆живѝ сїю̀ сопроти́вными лѣчьба́ми, чⷭ҇таѧ, твои́ми мл҃твами."
|
||||
},
|
||||
{
|
||||
"type": "TEXT",
|
||||
"value": "Лю́таѧ мѧ̀ но́щь покрыва́етъ прегрѣше́нїй, ст҃а́ѧ влⷣчце: не и҆́мамъ бо свѣщѝ, дꙋ́шꙋ просвѣща́ющїѧ благодѣѧ́нїѧ є҆ле́емъ. Тѣ́мже и҆з̾ черто́га и҆зринꙋ́хсѧ вы́шнѧгѡ."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ зако́нѣ сѣ́ни и҆ писа́нїй ѡ҆́бразъ ви́димъ вѣ́рнїи: всѧ́къ мꙋ́жескїй по́лъ ложесна̀ разверза́ѧ, ст҃ъ бг҃ꙋ: тѣ́мъ перворожде́нное сло́во, ѻ҆ц҃а̀ безнача́льна, сн҃а первородѧ́щасѧ мт҃рїю неискꙋсомꙋ́жнѡ, велича́емъ."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ пригво́ждсѧ і҆и҃се, и҆́же ѡ҆снова́вый на ниче́мже всю̀ зе́млю, ᲂу҆глѣ́бшаго мѧ̀ въ ка́лѣ грѣхо́внѣмъ нра́вомъ лꙋка́вымъ, ꙗ҆́кѡ бл҃гъ ᲂу҆ще́дривъ хрⷭ҇тѐ, и҆ и҆звле́къ, и҆ безче́стною твое́ю сме́ртїю почти́лъ є҆сѝ, многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Ви́дѣнъ бы́лъ є҆сѝ бг҃ъ неви́димый є҆стество́мъ, пло́тїю возвыша́емъ, ꙗ҆́кѡ да ѿ врагѡ́въ неви́димыхъ и҆зба́виши мі́ръ ви́димый, и҆ сꙋ́щыѧ ни́зꙋ, небе́сны сотвори́ши хрⷭ҇тѐ, славосло́вѧщыѧ держа́вꙋ вели́кїѧ вла́сти твоеѧ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Во́инство сщ҃е́нное, ст҃ы̑мъ а҆́гг҃лѡмъ подо́бнѡ и҆збра́нное, ра́й, посредѣ̀ и҆мы́й живо́тное дре́во, хрⷭ҇та̀, бг҃окра́сныѧ цр҃кве сосло́вїе честно́е, всесла́внїи стрⷭ҇тоте́рпцы сп҃сѡвы ꙗ҆ви́стесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: На́съ на землѝ ва́съ помина́ющихъ, помина́йте ст҃і́и престо́лꙋ влⷣчнемꙋ предстоѧ́ще ра́достнѡ: и҆ ꙗ҆̀же ѿѻнꙋ́дꙋ зарѧ́ми бога́тнѡ сщ҃е́ннїи просвѣща́йте ны̀, ꙗ҆́кѡ да долгѡ́въ разрѣше́нїе прїи́мемъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣти̑ла, твоѐ зрѧ́ще сн҃е мо́й распѧ́тїе, заидо́ста: и҆ ка́кѡ є҆вре́йскїй со́нмъ не за́йде невѣ́рный, преда́въ тѧ̀ на сме́рть нача́льника жи́зни; бцⷣа вопїѧ́ше, ю҆́же непреста́ннѡ велича́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѐ неѡпали́мꙋю кꙋпинꙋ̀, и҆ ст҃ꙋ́ю дв҃ꙋ, мт҃рь свѣ́та, и҆ бцⷣꙋ, наде́ждꙋ всѣ́хъ на́съ, велича́емъ."
|
||||
},
|
||||
{
|
||||
"type": "TEXT",
|
||||
"value": "Скве́рнꙋ стра́стныхъ помышле́нїй моегѡ̀ ᲂу҆ма̀ ѡ҆чи́стивши чⷭ҇таѧ, безстра́стїѧ свѣ́тлою ри́зою ѡ҆дежи́ мѧ."
|
||||
},
|
||||
{
|
||||
"type": "TEXT",
|
||||
"value": "Ѿве́рзи мѝ бж҃е́ствєнныѧ вхо́ды покаѧ́нїѧ дв҃о, вхо́ды страсте́й и҆ сласте́й мои́хъ загражда́ющи, и҆ возбранѧ́ющи си́лою твое́ю."
|
||||
},
|
||||
{
|
||||
"type": "TEXT",
|
||||
"value": "Оу҆слы́ши гла́съ стена́нїѧ моегѡ̀, и҆ гла́съ пла́ча моегѡ̀, дв҃о всенепоро́чнаѧ, и҆ пода́ждь ѡ҆чище́нїе и҆ сп҃се́нїе ѻ҆каѧ́ннѣй мое́й дꙋшѝ."
|
||||
},
|
||||
{
|
||||
"type": "TEXT",
|
||||
"value": "Ве́сь ѿча́ѧхсѧ ѻ҆каѧ́нный, и҆ недоꙋмѣ́юсѧ, помышлѧ́ѧ лꙋка̑ваѧ моѧ̑ дѣѧ̑нїѧ: тꙋ́не ᲂу҆ще́дри влⷣчце, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀, и҆ свѣти́ленъ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Дре́во преслꙋша́нїѧ мі́рови сме́рть прозѧбѐ, дре́во же крⷭ҇тное живо́тъ и҆ нетлѣ́нїе. Тѣ́мже тебѐ мо́лимъ распе́ншагосѧ гдⷭ҇а: да зна́менаетсѧ на на́съ свѣ́тъ лица̀ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑ и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "За́вистїю ѿ пи́щи и҆згна́нъ бы́хъ, паде́нїемъ падо́хсѧ лю́тымъ: но не презрѣ́въ влⷣко, и҆ воспрїе́мъ менѐ ра́ди є҆́же по мнѣ̀ распѧ́тїе твоѐ, и҆ сп҃са́еши мѧ̀, и҆ въ сла́вꙋ вво́диши, и҆зба́вителю мо́й, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Ст҃ы́хъ страстоте́рпєцъ па́мѧть, прїиди́те лю́дїе всѝ почти́мъ: ꙗ҆́кѡ позо́ръ бы́вше а҆́гг҃лѡмъ и҆ человѣ́кѡмъ, побѣ́ды вѣнцы̀ ѿ хрⷭ҇та̀ прїѧ́ша, и҆ мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Зрѧ́щи и҆з̾ тебѐ рожде́ннаго всенепоро́чнаѧ, повѣ́шена на дре́вѣ, восклица́ше вопїю́щи: сла́дкое моѐ ча́до, гдѣ̀ твоѧ̀ за́йде добро́та свѣтоно́снаѧ, добро̀ сотвори́вшагѡ ро́дꙋ человѣ́ческомꙋ;"
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, є҆ктенїа̀, и҆ ча́съ а҃-й, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ пѧто́къ бл҃жє́нны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Ѿве́ргша хрⷭ҇тѐ за́повѣдь твою̀, пра́ѻтца а҆да́ма и҆з̾ раѧ̀ и҆згна́лъ є҆сѝ: разбо́йника же ще́дре, и҆сповѣ́даша тѧ̀ на крⷭ҇тѣ̀, во́нь всели́лъ є҆сѝ, зовꙋ́ща: помѧни́ мѧ сп҃се во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆́згнани пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Зрѧ́щи тѧ̀ на крⷭ҇тѣ̀ сл҃нца незаходи́маго, помрачѝ свѣ́тъ со́лнце: ка́менїе распаде́сѧ влⷣко, землѧ̀ поколеба́сѧ всѧ̀, завѣ́са же цр҃ко́внаѧ раздра́сѧ посредѣ̀, непра́веднѡ стра́ждꙋща ви́дѧщи тѧ̀ сп҃се, всѣ́ми недомы́слимаго."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "За всѣ́хъ і҆и҃се веде́нъ бы́лъ є҆сѝ на сме́рть, живы́хъ животѐ: ꙗ҆́кѡ да бж҃е́ственными твои́ми страстьмѝ, ꙗ҆̀же дре́внею снѣ́дїю ᲂу҆мерщвлє́ныѧ сп҃се́ши ꙗ҆́кѡ бг҃ъ, и҆ раѧ̀ пока́жеши жи́тели. Тѣ́мже вѣ́рою твоѧ̑ стрⷭ҇ти ны́нѣ сла́вимъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Пострада́вшаго во́лею на́съ ра́ди, и҆ поношє́нїѧ ѿе́мшагѡ человѣ́кѡвъ, стрⷭ҇те́мъ ᲂу҆подо́бльшесѧ мч҃нцы, мно́гихъ ра́ди мꙋ́къ низложи́сте врага̀, и҆ вы́шнюю сла́вꙋ полꙋчи́сте. Тѣ́мже бг҃олѣ́пнѡ сла́вими є҆стѐ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѻ҆ц҃ꙋ̀, и҆ сн҃ꙋ, и҆ ᲂу҆тѣ́шительномꙋ дх҃ꙋ пра́вомꙋ, всѝ вѣ́рнїи поклони́мсѧ: є҆ди́но нача́ло, и҆ сла́вꙋ бг҃олѣ́пнѡ пою́ще, благоче́стнѡ правосла́внымъ ра́зꙋмомъ возопїи́мъ: помѧнѝ на́съ во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Стрⷭ҇ти терпѧ́ща пло́тїю хотѣ́нїемъ, зрѧ́щи на крⷭ҇тѣ̀ своего̀ сн҃а всенепоро́чнаѧ, смꙋти́сѧ всѧ̀, и҆ пла́чꙋщи взыва́ше чⷭ҇таѧ: ᲂу҆вы̀ мнѣ̀ ча́до моѐ, ка́кѡ ᲂу҆мерщвле́нъ є҆сѝ, и҆́же ᲂу҆ме́ршыѧ лю́тѣ ѡ҆живи́ти хотѧ̀;"
|
||||
}
|
||||
]
|
||||
@@ -0,0 +1,910 @@
|
||||
[
|
||||
{
|
||||
"type": "HEADER",
|
||||
"value": "Гла́съ г҃. Понедѣ́льникъ"
|
||||
},
|
||||
{
|
||||
"type": "HEADER",
|
||||
"value": "Въ недѣ́лю ве́чера, на Гдⷭ҇и воззва́хъ, стїхи̑ры ᲂу҆мили́тельны. Гла́съ г҃"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ве́лїѧ мꙋ́чєникъ твои́хъ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Вельмѝ согрѣша́юща мѧ̀, и҆ тебѐ ѡ҆горчева́юща бл҃га́го влⷣкꙋ, и҆ млⷭ҇тива є҆стество́мъ, ѡ҆браща́ющасѧ, ꙗ҆́кѡ блꙋ́днаго прїими́ мѧ, и҆ є҆ди́наго ѿ нає́мникъ твои́хъ сотвори́ мѧ, нбⷭ҇ный ѻ҆́ч҃е."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀, потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Лѣ́ностїю житїѧ̀ мѣ́рꙋ преидо́хъ, и҆ къ концꙋ̀ ᲂу҆жѐ ѻ҆каѧ́нный прибли́жихсѧ, не помышлѧ́ю ждꙋ́щагѡ мѧ̀ сꙋда̀, и҆ ѿ бг҃а ѿпаде́нїѧ: но ѡ҆брати́въ мѧ̀ сп҃се си́хъ всѣ́хъ и҆схитѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Гее́нны, и҆ зꙋбна́гѡ скре́жета и҆зба́ви гдⷭ҇и, смире́ннꙋю мою̀ дꙋ́шꙋ, и҆ всѧ́кагѡ и҆но́гѡ томле́нїѧ вѣ́чнагѡ пребл҃гі́й: ꙗ҆́кѡ да вѣ́рою тѧ̀ пою̀ млⷭ҇тиваго бг҃а и҆ чл҃вѣколю́бца є҆стество́мъ."
|
||||
},
|
||||
{
|
||||
"type": "HEADER",
|
||||
"value": "Та́же въ мине́и стїхи̑ры ст҃о́мꙋ. Сла́ва, ст҃о́мꙋ: И҆ ны́нѣ, бг҃оро́диченъ. А҆́ще ли нѣ́сть мине́и: и҆́ны стїхи̑ры ст҃ы̑мъ безплѡ́тнымъ а҆́гг҃лѡмъ, гла́съ то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе: и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Ли́ки безпло́тныхъ гдⷭ҇и, соста́вилъ є҆сѝ, бога́тство ꙗ҆влѧ́ѧ всѣ̑мъ твоеѧ̀ бл҃гости: и҆ приве́лъ є҆сѝ ѿ небытїѧ̀ во є҆́же бы́ти, па́че ᲂу҆ма̀ сла́вꙋ твою̀ ны́нѣ сла́вѧщихъ гла́сы немо́лчными."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Ве́лїѧ а҆́гг҃лъ твои́хъ хрⷭ҇тѐ си́ла: безтѣле́сни бо сꙋ́ще мі́ръ проти́чꙋтъ, сохранѧ́юще цр҃кви си́лою, ꙗ҆́же ѿ тебѐ влⷣко, и҆ тебѣ̀ мо́лѧтсѧ ѡ҆ вселе́ннѣй."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Добро́тꙋ трисо́лнечнꙋю твою̀ є҆ди́нственнꙋю, зрѧ́ще си̑лы тебѣ̀ слꙋжа́щыѧ, ꙗ҆влѧ́ютъ вторы́ѧ свѣ́тлѡсти сꙋ́щымъ въ мі́рѣ: и҆ ѻ҆́бщнѡ сїѧ́юще, подаю́тъ на́мъ бж҃е́ствєнныѧ свѣ́тлѡсти."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Всѣ́ми владѧ́щаѧ тва́рьми пречⷭ҇таѧ, лю́тѣ ѡ҆блада́ема страстьмѝ ᲂу҆ма̀ моегѡ̀, свободѝ те́плымъ твои́мъ предста́тельствомъ и҆ мт҃рнею мл҃твою и҆ порабо́ти мѧ̀ сн҃ꙋ и҆ бг҃ꙋ твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ:"
|
||||
},
|
||||
{
|
||||
"type": "TEXT",
|
||||
"value": "И҆ Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры ᲂу҆мили́тельны. Гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Вече́рнюю пѣ́снь прино́симъ тѝ хрⷭ҇тѐ съ кади́ломъ и҆ пѣ́ньми дх҃о́вными, поми́лꙋй и҆ сп҃сѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ, живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀, та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Сп҃си́ мѧ гдⷭ҇и бж҃е мо́й, ты́ бо всѣ̑мъ є҆сѝ сп҃се́нїе: бꙋ́рѧ мѧ̀ страсте́й смꙋща́етъ, и҆ бре́мѧ беззако́нїй мои́хъ погрꙋжа́етъ мѧ̀. Да́ждь мѝ рꙋ́кꙋ по́мощи, и҆ къ свѣ́тꙋ возведи́ мѧ ᲂу҆миле́нїѧ, ꙗ҆́кѡ є҆ди́нъ млⷭ҇рдъ и҆ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Ве́лїѧ крⷭ҇та̀ твоегѡ̀ гдⷭ҇и си́ла: водрꙋзи́сѧ бо на мѣ́стѣ, и҆ дѣ́йствꙋетъ въ мі́рѣ, и҆ показа̀ ѿ ры́барей а҆пⷭ҇лы, и҆ ѿ ꙗ҆зы̑къ мч҃ники, да мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ: бг҃оро́диченъ: Влⷣчце, предста́тельнице всѣ́хъ молѧ́щихсѧ тебѣ̀, тобо́ю дерза́емъ, и҆ тобо́ю хва́лимсѧ, и҆ къ тебѣ̀ всѐ ᲂу҆пова́нїе на́ше є҆́сть: молѝ ро́ждшагосѧ и҆з̾ тебѐ, за непотрє́бныѧ рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Та́же: Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ ѿпꙋ́стъ."
|
||||
},
|
||||
{
|
||||
"type": "TEXT",
|
||||
"value": "//Въ недѣ́лю на повече́рїи, канѡ́нъ моле́бный ко прест҃ѣ́й бцⷣѣ. Гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́ды дре́вле, ма́нїемъ бж҃е́ственнымъ, во є҆ди́но со́нмище совокꙋпи́вый, и҆ раздѣли́вый мо́ре і҆и҃льтєскимъ лю́демъ, се́й бг҃ъ на́шъ, препросла́вленъ є҆́сть: томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Великоимени́таѧ є҆ди́на, прест҃а́ѧ дв҃о мр҃і́е херꙋві̑мъ сла́внѣйшаѧ дв҃дова дщѝ, и҆ добро́та і҆а́кѡвлѧ, мт҃и бг҃а на́шегѡ: возвели́чисѧ ѕѣлѡ̀ сла́ва твоѧ̀, и҆ мы̀ вси́ тѧ вѣ́рою сла́вимъ."
|
||||
},
|
||||
{
|
||||
"type": "TEXT",
|
||||
"value": "Пропе́ншаго сло́вомъ нб҃о ꙗ҆́кѡ ко́жꙋ, твои́ма рꙋка́ма ꙗ҆́кѡ человѣ́ка носи́ла є҆сѝ: сего̀ ᲂу҆́бѡ молѝ неизмѣ́ннѡ чⷭ҇таѧ страсте́й безслове́сїѧ дꙋ́шꙋ мою̀ и҆зба́вити, и҆ ѿ всѧ́кїѧ ско́рби."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́же пре́жде всѣ́хъ вѣ̑къ, пронарече́ннаѧ дв҃о, цр҃ѧ̀ сла́вы порфѵ́ра пречⷭ҇таѧ: въ ню́же ѡ҆бле́клсѧ въ послѣ̑днѧѧ времена̀, покры̀ кѡ́жныѧ ри̑зы а҆да́ма пра́ѻтца, и҆ менѐ ны́нѣ покры́й."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Тлю̀ творѧ́щїй дре́вле грѣ́хъ ро́дꙋ человѣ́ческомꙋ, дв҃о хрⷭ҇та̀ ро́ждши, нестерпи́мый ѻ҆́гнь и҆зсꙋши́ла є҆сѝ: тѣ́мже страсте́й пото́ки дꙋшѝ моеѧ̀ и҆зсꙋшѝ твои́ми мл҃твами."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ несꙋ́щихъ всѧ̑ приведы́й, сло́вомъ созида́ємаѧ, соверша́ємаѧ дх҃омъ, вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "И҆́же ѻ҆́гненнымъ влады́чествѡмъ влⷣка и҆ гдⷭ҇ь тво́й сн҃ъ нарече́сѧ чⷭ҇таѧ: тѣ́мже и҆зба́ви мѧ̀ влⷣчце, стра́стныхъ рабо́тъ твои́ми мл҃твами."
|
||||
},
|
||||
{
|
||||
"type": "TEXT",
|
||||
"value": "Ѿ бꙋ́ри плотски́хъ страсте́й и҆зба́ви мѧ̀ раба̀ твоего̀ ско́рѡ пречⷭ҇таѧ, тишинꙋ̀ ро́ждши сп҃се́нїѧ, и҆ и҆сто́чникъ безстра́стїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Свѣ́та незаходи́магѡ свѣти́льникъ свѣтоза́ренъ бы́вши пречⷭ҇таѧ, мі́ръ просвѣти́ла є҆сѝ: тѣ́мже зарѧ́ми твои́ми дꙋшѝ моеѧ̀ разорѝ ѻ҆́блакъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ме́ртва мѧ̀ сꙋ́ща дꙋше́ю, ѿ мно́жества ѕлы́хъ страсте́й, ѡ҆животворѝ влⷣчце, ꙗ҆́же ро́ждшаѧ живода́вца хрⷭ҇та̀ несказа́ннѡ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и: є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Прїи́де на мѧ̀ плотска́гѡ мꙋдрова́нїѧ бра́нь, и҆ плѣнѧ́етъ мою̀ дꙋ́шꙋ: но и҆́же всѧ́къ ᲂу҆́мъ преимꙋ́щїй ми́ръ ро́ждшаѧ, тво́й ми́ръ влⷣчце пода́ждь мѝ."
|
||||
},
|
||||
{
|
||||
"type": "TEXT",
|
||||
"value": "Мѵ́ро ᲂу҆́мное и҆з̾ чре́ва и҆сточи́ла є҆сѝ мі́рꙋ: тѣ́мже ѿ скве́рнъ страсте́й дꙋ́шꙋ мою̀ свободѝ, и҆ да́ждь мѝ, пречⷭ҇таѧ, безстра́стїѧ мѵ́ро твои́ми мл҃твами."
|
||||
},
|
||||
{
|
||||
"type": "TEXT",
|
||||
"value": "Сла́ва: Ста́мнꙋ тѧ̀ златꙋ́ю, жи́зни ма́ннꙋ носи́вшꙋю, бг҃омꙋ́жнаго хрⷭ҇та̀, ꙗ҆́вѣ вѣ́дый молю̀: накормѝ дꙋ́шꙋ мою̀ та́ющꙋю гла́домъ, и҆ пото́комъ напо́й дх҃а."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Є҆́ѵа ᲂу҆́бѡ пре́жде неꙋдержа́ннѡ введѐ сме́рть: ты́ же двⷭ҇твомъ чⷭ҇тымъ и҆́стиннꙋю жи́знь ввела̀ є҆сѝ. Тѣ́мже сме́рти мѧ̀ грѣхо́вныѧ и҆зба́ви, твои́ми мл҃твами."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На землѝ неви́димый ꙗ҆ви́лсѧ є҆сѝ, и҆ человѣ́кѡмъ во́лею сожи́лъ є҆сѝ непостижи́мый и҆ къ тебѣ̀ ᲂу҆́тренююще, воспѣва́емъ тѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "И҆збавле́нїе на́мъ бы́въ сн҃ъ тво́й дв҃о, всѧ̑ ѿ тлѝ и҆зба́ви: тѣ́мже и҆зба́ви мѧ̀ плотска́гѡ мꙋдрова́нїѧ, и҆ страсте́й настоѧ́нїѧ."
|
||||
},
|
||||
{
|
||||
"type": "TEXT",
|
||||
"value": "Ѻ҆гне́мъ твои́хъ мл҃твъ бцⷣе, стра́стныхъ помышле́нїй те́рнїе всѐ попалѝ, ꙗ҆́же клеща̀ ᲂу҆́глѧ, человѣ́ка ѡ҆чи́стившаѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ты̀ бж҃їѧ є҆сѝ ю҆́ница, на́съ ра́ди пожре́нагѡ чл҃вѣколю́бнѡ, бж҃е́ственнагѡ ю҆нца̀: є҆гѡ́же бж҃е́ственною кро́вїю се́рдце моѐ ѡ҆чи́сти."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Кра́снꙋю пре́жде стѧжа́хъ добродѣ́телей ѻ҆де́ждꙋ, є҆ѧ́же совлеко́хсѧ лѣ́ностїю мое́ю: ты́ же дв҃о, ны́нѣ мѧ̀ ѡ҆блецы̀ въ свѣтлѣ́йшꙋ, твои́ми мл҃твами."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна послѣ́днѧѧ грѣхѡ́въ ѡ҆бы́де мѧ̀, и҆ и҆счеза́етъ дꙋ́хъ мо́й: но простры́й влⷣко высо́кꙋю твою̀ мы́шцꙋ, ꙗ҆́кѡ петра́ мѧ ᲂу҆пра́вителю сп҃сѝ."
|
||||
},
|
||||
{
|
||||
"type": "TEXT",
|
||||
"value": "Поколеба́ша хра́мъ дꙋшѝ моеѧ̀ ѕло́бы лю̑таѧ кѡва́рства: но ꙗ҆́кѡ ᲂу҆тверди́вшаго зе́млю на вода́хъ хрⷭ҇та̀ ро́ждшаѧ, твои́ми мл҃твами ᲂу҆твердѝ."
|
||||
},
|
||||
{
|
||||
"type": "TEXT",
|
||||
"value": "Разрѣши́ла є҆сѝ до́лгъ земноро́дныхъ, би́сера многоцѣ́ннаго ро́ждши. Тѣ́мже разрѣшѝ пречⷭ҇таѧ скорѣ́е плєни́цы прегрѣше́нїй мои́хъ, и҆ страсте́й, и҆ скорбе́й."
|
||||
},
|
||||
{
|
||||
"type": "TEXT",
|
||||
"value": "Сла́ва: Дадѐ вѣ̑рнымъ тѧ̀ прибѣ́жище, и҆ бж҃е́ственный покро́въ, рожде́йсѧ и҆з̾ ложе́снъ твои́хъ бг҃ъ пребл҃гі́й. Тѣ́мже пречⷭ҇таѧ, и҆ менѐ покры́й твои́ма дла́ньма, и҆ соблюдѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Волна́ми житїѧ̀ ᲂу҆мовре́днѡ а҆́зъ ѻ҆каѧ́нный ча́стѡ погрꙋжа́емь, и҆ рабо́тами вра́жїими всегда̀ ѡ҆бꙋрева́емь, ны́нѣ зовꙋ́ ти: бцⷣе помози́ ми."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ г҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Бж҃е́ственныѧ:"
|
||||
},
|
||||
{
|
||||
"type": "TEXT",
|
||||
"value": "Бж҃е́ственнаѧ была̀ є҆сѝ сѣ́нь сло́ва, є҆ди́на пречⷭ҇таѧ дв҃о мт҃и, чистото́ю а҆́гг҃лы превозше́дшаѧ: па́че всѣ́хъ бы́вша мѧ̀ ѡ҆скверне́на плотски́ми прегрѣше́нїи, ѡ҆чи́сти мл҃твъ твои́хъ бж҃е́ственными вода́ми, подаю́щи чⷭ҇таѧ ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́коже дре́вле бл҃гочести̑выѧ трѝ ѻ҆́троки ѡ҆роси́лъ є҆сѝ въ пла́мени халде́йстѣмъ, свѣ́тлымъ бж҃ества̀ ѻ҆гне́мъ, и҆ на́съ ѡ҆зарѝ, бл҃гослове́нъ є҆сѝ, взыва́ющыѧ, бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Собо́ри лꙋка́выхъ бѣсѡ́въ ѡ҆быдо́ша мѧ̀, и҆ плотсті́и со́нми страсте́й: но ꙗ҆́кѡ крѣ́пкаго во бра́нехъ хрⷭ҇та̀ ро́ждшаѧ, и҆зба́ви мѧ̀ ча́стыхъ печа́лей и҆ лю́тыхъ напа́данїй."
|
||||
},
|
||||
{
|
||||
"type": "TEXT",
|
||||
"value": "Є҆ди́ный херꙋві̑мскимъ сꙋществѡ́мъ непристꙋ́пный, и҆ стра́шный а҆́гг҃льскимъ чинѡ́мъ, всели́сѧ въ тѧ̀ чⷭ҇таѧ, и҆ на́съ ѡ҆бновѝ: и҆́мже покажи́ мѧ влⷣчце стра́шна неви́димымъ врагѡ́мъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ра́й слове́сенъ дв҃о ты̀ была̀ є҆сѝ, прозѧ́бшїй дре́во жи́зни: є҆гѡ́же прича́щсѧ а҆да́мъ, сме́ртнагѡ плода̀ и҆зба́висѧ. Тѣ́мже и҆ менѐ ны́нѣ ᲂу҆сладѝ, и҆ страсте́й и҆зба́ви вкꙋше́нїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ка́ла мѧ̀ страсте́й тѣле́снагѡ и҆зба́ви, и҆ и҆скꙋше́нїй бѣсо́вскихъ, ꙗ҆́же и҆зба́вителѧ ро́ждшаѧ человѣ́кѡмъ вы́шнѧгѡ селе́нїе, и҆ хра́мъ ѡ҆свѧще́нъ, бг҃а ѻ҆тє́цъ на́шихъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нестерпи́момꙋ ѻ҆гню̀ соедини́вшесѧ, бг҃оче́стїѧ предстоѧ́ще ю҆́нѡши, пла́менемъ же неврежде́ни, бж҃е́ственнꙋю пѣ́снь поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ѻ҆́блаче свѣ́та, свѣти̑ла сотво́ршагѡ въ мі́рѣ вє́лїѧ, дневно́е же и҆ нощно́е, всѧ́ко помраче́нїе разорѝ, твои́ми зарѧ́ми, всѣ́хъ страсте́й и҆ прегрѣше́нїй мои́хъ: и҆ покажи́ мѧ̀ сы́на свѣ́та, бг҃ороди́тельнице."
|
||||
},
|
||||
{
|
||||
"type": "TEXT",
|
||||
"value": "Съ нб҃сѐ соше́дшимъ дожде́мъ во чре́во твоѐ бцⷣе, дꙋ́шꙋ мою̀ и҆ се́рдце моѐ просвѣтѝ и҆ ѡ҆росѝ: и҆ пла́мень ᲂу҆гасѝ страсте́й и҆ скорбе́й, да тѧ̀ сла́влю те́плѣ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Неизглаго́ланнѡ чⷭ҇таѧ, премꙋ́дрость бж҃їю, всѧ̑ ѿ не сꙋ́щихъ нбⷭ҇ное и҆ земно́е є҆стество̀ совокꙋ́пльшꙋю, ты̀ родила̀ є҆сѝ, є҆ѧ́же сло́вомъ да́ждь мѝ мꙋ́дрость и҆ ра́зꙋмъ, ꙗ҆́кѡ да воспою̀ ꙗ҆́вѣ бж҃е́ственное твоѐ ржⷭ҇тво̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѡ҆роси́тисѧ влⷣчце мі́рꙋ твои́ми мл҃твами дꙋшѝ мое́й и҆ тѣ́лꙋ, вопїю̀ и҆ молю́сѧ: и҆ болѣ́зней грѣхо́вныхъ и҆ страсте́й ѕло́бы, и҆зба́витисѧ вско́рѣ: ты́ бо є҆сѝ всѣ́хъ человѣ́кѡвъ и҆сцѣле́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На сїна́йстѣй горѣ̀ ви́дѧ тѧ̀ въ кꙋпинѣ̀ мѡѷсе́й, неѡпа́льнѡ ѻ҆́гнь бж҃ества̀ заче́ншꙋю во чре́вѣ: данїи́лъ же тѧ̀ ви́дѣ го́рꙋ несѣко́мꙋю: же́злъ прозѧ́бшїй, и҆са́їа взыва́ше, ѿ ко́рене дв҃дова."
|
||||
},
|
||||
{
|
||||
"type": "TEXT",
|
||||
"value": "Поста́въ хрⷭ҇тꙋ̀ бг҃отка́нъ ꙗ҆ви́ласѧ є҆сѝ, ѿ негѡ́же ѻ҆де́ждꙋ пло́ть бг҃онача́льнѣйшꙋ дх҃а проꙋгото́ва: ѡ҆блецы̀ ᲂу҆́бѡ менѐ во ѻ҆де́ждꙋ цѣломꙋ́дрїѧ, чⷭ҇таѧ, твои́ми моли́твами."
|
||||
},
|
||||
{
|
||||
"type": "TEXT",
|
||||
"value": "Мы́сленный вїногра́де, и҆зрасти́вшїй на́мъ гро́здъ бж҃е́ственный, ѿ негѡ́же напаѧ́емсѧ водо́ю нетлѣ́нїѧ, и҆сточѝ мое́й дꙋшѝ ᲂу҆миле́нїе, и҆ вїно̀ ѡ҆чище́нїѧ, твои́ми мольба́ми."
|
||||
},
|
||||
{
|
||||
"type": "TEXT",
|
||||
"value": "Сла́ва: Чи́стый и҆ ст҃ы́й черто́же, и҆́мже є҆стество́мъ бг҃ъ человѣ́кѡмъ ᲂу҆невѣ́сти є҆стество̀, молю́ тѧ: совокꙋпи́ мѧ твоемꙋ̀ сн҃ꙋ, и҆ присво́й бж҃е́ственною жи́знїю, твои́ми мольба́ми."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Па́жить тлѣ́нїѧ человѣ́ческагѡ сꙋщества̀, нетлѣ́нїѧ и҆сто́чника хрⷭ҇та̀ ро́ждши дв҃о, претвори́ла є҆сѝ: ᲂу҆мертви́ ми ᲂу҆́бѡ ѡ҆палѧ́ющее, и҆ бꙋ́рное стремле́нїе страсте́й, твои́ми мольба́ми."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Трист҃о́е. И҆ по Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ. И҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ ᲂу҆́тра, по а҃-мъ стїхосло́вїи сѣда́льны ᲂу҆мили́тельны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Живꙋ́щи на землѝ, дꙋшѐ моѧ̀, пока́йсѧ, пе́рсть бо во гро́бѣ не пое́тъ, ни ѿ прегрѣше́нїй и҆збавлѧ́етъ. Возопі́й хрⷭ҇тꙋ̀ бг҃ꙋ: сердцевѣ́дче, согрѣши́хъ тѝ, пре́жде да́же не ѡ҆сꙋ́диши мѧ̀, пощади́ мѧ бж҃е, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Доко́лѣ дꙋшѐ моѧ̀ пребыва́еши въ согрѣше́нїихъ; доко́лѣ прїе́млеши покаѧ́нїю ѿложе́нїе; прїимѝ во ᲂу҆мѣ̀ сꙋ́дъ грѧдꙋ́щїй, возопі́й хрⷭ҇тꙋ̀ бг҃ꙋ: сердцевѣ́дче, согрѣши́хъ, безгрѣ́шне гдⷭ҇и, поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Красотѣ̀ дѣ́вства твоегѡ̀, и҆ пресвѣ́тлой чистотѣ̀ твое́й, гаврїи́лъ ᲂу҆диви́всѧ, вопїѧ́ше тѝ бцⷣе: кꙋ́ю тѝ похвалꙋ̀ принесꙋ̀ досто́йнꙋю; что́ же воз̾именꙋ́ю тѧ̀; недоꙋмѣва́ю и҆ ᲂу҆жаса́юсѧ. Тѣ́мже, ꙗ҆́коже повелѣ́нъ є҆́смь, вопїю́ ти: ра́дꙋйсѧ, бл҃года́тнаѧ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи, сѣда́ленъ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "На стра́шномъ сꙋди́щи без̾ ѡ҆глаго́льникѡвъ ѡ҆блича́юсѧ, без̾ свидѣ́телей ѡ҆сꙋжда́юсѧ: кни̑ги бо сѡ́вѣстныѧ разгиба́ютсѧ, и҆ дѣла̀ сокровє́ннаѧ ѿкрыва́ютсѧ: пре́жде не́же во ѻ҆́номъ всенаро́дномъ позо́рищи и҆́маши и҆спыта́ти, ꙗ҆̀же мно́ю содѣ̑ѧннаѧ, бж҃е ѡ҆чи́сти мѧ̀, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Глꙋбинꙋ̀ согрѣше́нїй мои́хъ ты̀ вѣ́си гдⷭ҇и: да́ждь мѝ рꙋ́кꙋ по́мощи ꙗ҆́коже петрꙋ̀, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бл҃годꙋ́шное терпѣ́нїѧ ва́шегѡ, побѣдѝ кова́рство ѕлонача́льнагѡ врага̀, стрⷭ҇тоте́рпцы прехва́льнїи, сегѡ̀ ра́ди вѣ́чнагѡ сподо́бистесѧ бл҃же́нства: но моли́тесѧ гдⷭ҇еви, хрⷭ҇толюби́выхъ люде́й сп҃стѝ ста́до, свидѣ́телїе сꙋ́ще и҆́стины."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ра́дꙋйсѧ марі́е дв҃о мт҃и, горо̀ ст҃а́ѧ, є҆де́мскїй раю̀, и҆з̾ неѧ́же роди́сѧ хрⷭ҇то́съ бг҃ъ, безсѣ́менное сло́во, и҆́мже жи́знь мі́рови прозѧбѐ."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи, сѣда́льны, гла́съ г҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Красотѣ̀ двⷭ҇тва:"
|
||||
},
|
||||
{
|
||||
"type": "TEXT",
|
||||
"value": "Є҆гда̀ сꙋди́щꙋ твоемꙋ̀ неꙋмы́тномꙋ, и҆ бж҃е́ственномꙋ сꙋдꙋ̀ предста́немъ, и҆ си̑лы нбⷭ҇ныѧ съ тре́петомъ тебѣ̀ предста́нꙋтъ, ка́кѡ тогда̀ тебѣ̀ ꙗ҆влю́сѧ, ѽ сꙋдїѐ пра́веднѣйшїй; дѣла̀ ѡ҆сꙋжде́нїю и҆ ѻ҆гню̀ и҆мѣ́ю достѡ́йна: но а҆́гг҃лъ твои́хъ мл҃твами пощади́ мѧ тогда̀ и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Нбⷭ҇наѧ и҆ земна̑ѧ сло́вомъ приве́лъ є҆сѝ, ꙗ҆́кѡ всеси́ленъ: а҆́гг҃льскїѧ же ли́ки, съ тре́петомъ предстоѧ́ще, непреста́ннꙋю хвалꙋ̀ тебѣ̀ прино́сѧтъ влⷣко, всѧ̑ ѡ҆зарѧ́юще свѣ́томъ твои́мъ концы̀. Съ ни́миже и҆ мы̀ тебѣ̀ вопїе́мъ: сп҃сѝ на́съ бл҃гоꙋтро́бїемъ твои́мъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ꙗ҆́кѡ невоздѣ́ланнаѧ дв҃о лоза̀, краснѣ́йшїй гро́здъ прозѧбла̀ є҆сѝ, и҆сточа́ющъ на́мъ вїно̀ сп҃се́нїѧ, всѣ́хъ веселѧ́щее дꙋ́шы же и҆ тѣлеса̀. Тѣ́мже ꙗ҆́кѡ винꙋ́ тѧ до́брыхъ блажа́ще при́снѡ, со а҆́гг҃ломъ вопїе́мъ тѝ: ра́дꙋйсѧ бл҃года́тнаѧ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ ᲂу҆мили́тельный ко гдⷭ҇ꙋ на́шемꙋ і҆и҃сꙋ хрⷭ҇тꙋ̀, и҆ ст҃ы̑мъ є҆гѡ̀ мч҃нкѡмъ. Творе́нїе кѵ́ръ і҆ѡ́сифа. Гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Фараѡ́ни колесни̑цы глꙋбино́ю покры́въ гдⷭ҇и, мо́ре разве́рглъ є҆сѝ: и҆ сп҃слъ є҆сѝ пѣ́сньми пою́щыѧ тѧ̀, лю́ди і҆и҃льтєскїѧ."
|
||||
},
|
||||
{
|
||||
"type": "TEXT",
|
||||
"value": "Прегрѣше́нїй тьмы̀ и҆зба́ви мѧ̀ безгрѣ́шне, ꙗ҆̀же без̾ ᲂу҆ма̀ содѣ́ѧхъ, подаѧ́ ми сле́зы ᲂу҆миле́нїѧ, ꙗ҆́коже и҆ногда̀ блꙋдни́цѣ."
|
||||
},
|
||||
{
|
||||
"type": "TEXT",
|
||||
"value": "Бы́вша мѧ̀ верте́пъ разбо́йникѡмъ безмѣ́стными дѣѧ́нїи, добродѣ́тельми ꙗ҆вѝ чл҃вѣколю́бче хра́мъ тво́й, и҆́же во́лею рожде́йсѧ въ верте́пѣ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆кормле́нїемъ дх҃а бж҃е́ственнагѡ претеко́сте мꙋче́нїй бꙋ́рю, бг҃одохнове́ннїи мч҃нцы, и҆ къ бж҃е́ственномꙋ достиго́сте приста́нищꙋ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Просвѣти́вшесѧ бл҃года́тїю дх҃а мч҃нцы, тьмы̀ глꙋбоча́йшїѧ і҆дѡлобѣ́сїѧ ᲂу҆бѣжа́сте, ра́дꙋющесѧ прехва́льнїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Всест҃а́ѧ и҆ пречⷭ҇таѧ, грѣ̑шнымъ помо́щнице, па́дающымъ и҆справле́нїе, покаѧ́нїе мѝ да́ждь ᲂу҆миле́нїѧ многосогрѣши́вшемꙋ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ ст҃ы̑мъ безплѡ́тнымъ а҆́гг҃лѡмъ, гла́съ г҃, творе́нїе ѳеофа́ново, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Творю̀ тре́тїе пѣ́нїе безплѡ́тнымъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пѣ́снь но́вꙋю пои́мъ лю́дїе, ѿ дв҃ы ро́ждшемꙋсѧ во сп҃се́нїе на́ше, и҆ є҆ди́но сотво́ршемꙋ съ нбⷭ҇ными зємна́ѧ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Безнача́ленъ свѣ́тъ, и҆ пода́теленъ свѣтоѧвле́нїѧ сы́й всегѡ̀ хрⷭ҇тѐ бж҃е, моѐ помышле́нїе просвѣтѝ предста́тельствомъ твои́хъ си́лъ."
|
||||
},
|
||||
{
|
||||
"type": "TEXT",
|
||||
"value": "Ра́дꙋющесѧ а҆гг҃лолѣ́пнѡ, всебога́тымъ прича́стїемъ а҆́гг҃льстїи ли́цы, твои́ми сп҃се кра́сными сїѧ́нїи та́йнѡ ѡ҆блиста́ютсѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ бл҃гі́й животво́рецъ бл҃годѣ́тельный дх҃ъ и҆сходѧ́й ѿ ѻ҆ц҃а̀, нбⷭ҇ныѧ си̑лы ᲂу҆твердѝ неприкоснове́нными бж҃е́ственными бл҃года́тьми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Чинонача́льниче бж҃їй гаврїи́ле безпло́тныхъ ликѡ́въ, и҆ ны́нѣ пребога́те, гла́съ ра́достенъ ѡ҆бра́дованнѣй возопі́й: ра́дꙋйсѧ всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твердѝ менѐ гдⷭ҇и, є҆ди́не многомлⷭ҇тиве, и҆ простри́ ми рꙋ́кꙋ ꙗ҆́кѡ петро́ви, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже петра̀ погрꙋжа́ема сп҃слъ є҆сѝ чл҃вѣколю́бче: та́кѡ и҆ менѐ и҆з̾ глꙋбины̀ прегрѣше́нїй мои́хъ возведѝ."
|
||||
},
|
||||
{
|
||||
"type": "TEXT",
|
||||
"value": "Оу҆мертви́ мѧ льсти́вый страстьмѝ ᲂу҆би́въ: ты́ же мѧ̀ жизнода́телю покаѧ́нїѧ ѡ҆́бразы ѡ҆живѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѻ҆гне́мъ веще́ственнымъ мч҃нцы непра́веднѡ ѡ҆палѧ́еми, невеще́ственнѣ невеще́ственнагѡ воспали́стесѧ жела́нїемъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мч҃нцы растерза́еми, растерза̑нїѧ и҆ ловлє́нїѧ погꙋби́ша льсти́вагѡ, и҆ вѣнцє́въ сподо́бишасѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мр҃і́е гдⷭ҇оимени́таѧ, мно́гими ѡ҆блада́ема мѧ̀ страстьмѝ дꙋшетлѣ́нными, свободѝ мл҃твами твои́ми."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Лꙋ́къ сокрꙋши́лъ є҆сѝ вра́жїи, и҆ щиты̀ сте́рлъ є҆сѝ крѣ́постїю влⷣко хрⷭ҇тѐ, ᲂу҆твержде́нїе на́ше, ст҃ъ є҆сѝ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Стрꙋи̑ текꙋ́щыѧ и҆ рѣ́ки бл҃гости, ꙗ҆ви́лъ є҆сѝ бл҃гі́й а҆́гг҃льскїѧ ли́ки, сокрове́ннагѡ твоегѡ̀ та́инства заре́ю сїѧ́ющихъ."
|
||||
},
|
||||
{
|
||||
"type": "TEXT",
|
||||
"value": "Да пока́жеши ꙗ҆́вѣ сокрѡ́вища бога́тства твоегѡ̀, и҆ крѣ́пости влⷣко хрⷭ҇тѐ, твоеѧ̀ сла́вы прича́стники ᲂу҆́мныѧ си̑лы приве́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Съ тре́петомъ тебѣ̀ слꙋже́бнѣ а҆́гг҃льскїѧ свѣ́тлѡсти предстоѧ́ще, пою́тъ при́снѡ твою̀ си́лꙋ хрⷭ҇тѐ неисчетноси́льнꙋю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Всего̀ прїѧ́тъ и҆з̾ тебѐ неизмѣ́ннѡ чл҃вѣ́ка, и҆́же влⷣка сегѡ̀ всегѡ̀ бг҃ома́ти, и҆ тебѐ и҆сто́чника бл҃года́ти ꙗ҆ви́лъ є҆́сть."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Є҆да̀ въ рѣка́хъ прогнѣ́ваешисѧ гдⷭ҇и; є҆да̀ въ рѣка́хъ ꙗ҆́рость твоѧ̀, и҆лѝ въ мо́ри ᲂу҆стремле́нїе твоѐ;"
|
||||
},
|
||||
{
|
||||
"type": "TEXT",
|
||||
"value": "Разрѣшѝ соꙋ́зы страсте́й мои́хъ гдⷭ҇и, покаѧ́нїемъ мѧ̀ свѧза́въ, и҆ прича́стника ꙗ҆вѝ бл҃ги́хъ твои́хъ."
|
||||
},
|
||||
{
|
||||
"type": "TEXT",
|
||||
"value": "Возсїѧ́й мѝ свѣтѡза́рныѧ покаѧ́нїѧ ѡ҆́бразы, со́лнце сы́й хрⷭ҇тѐ, ѕѡ́лъ мои́хъ ѿгонѧ́ѧ но́щь глꙋбо́кꙋю."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆ви́стесѧ мꙋ́дрїи страда́льцы, ꙗ҆́коже ᲂу҆́глїе ве́щь безбо́жїѧ попалѧ́юще, и҆ сꙋ́щыѧ во тьмѣ̀ просвѣща́юще."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ме́ртвости хрⷭ҇то́вѣ ᲂу҆подо́бистесѧ мч҃нцы, болѣ́знемъ примѣси́вшесѧ разли́чнымъ: тѣ́мже бж҃е́ственнꙋю жи́знь наслѣ́довасте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Да́ждь мѝ чⷭ҇таѧ и҆́стинное покаѧ́нїе, ᲂу҆ти́ши страсте́й мои́хъ молвꙋ̀, согрѣша́ющымъ предста́тельнице."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Стра́нна и҆ неизрече́нна ржⷭ҇тва̀ твоегѡ̀ та́йна: ᲂу҆слы́шахъ слꙋ́хъ тво́й, и҆ ᲂу҆боѧ́хсѧ, и҆ веселѧ́сѧ вопїю́ ти: си́лѣ твое́й сла́ва чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ѻ҆́блацы и҆́же трисо́лнечное свѣтозаре́нїе прїе́млюще, принесо́стесѧ бж҃е́ственнымъ хотѣ́нїемъ, трⷪ҇ческаѧ ᲂу҆крашє́нїѧ, ѡ҆кормлѧ́еми си́лою дх҃а."
|
||||
},
|
||||
{
|
||||
"type": "TEXT",
|
||||
"value": "Въ мі́ръ посыла́ютсѧ къ хотѧ́щымъ вѣ́ровати тебѣ̀, ꙗ҆́коже храни́телїе сп҃се́нїѧ бл҃гочести́выхъ а҆́гг҃ли, соблюда́юще сп҃се рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Просвѣща́ютсѧ та́йнѡ а҆́гг҃ли, чи́стымъ приближе́нїемъ, и҆ бг҃онача́льнымъ твои́мъ ѡ҆сїѧ́нїемъ: си́лѣ твое́й сла́ва, зовꙋ́ще, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ра́бски моле́бникъ ны́нѣ прихождꙋ̀ въ кро́въ тво́й пренепоро́чнаѧ: и҆зба́ви мѧ̀ бг҃ороди́тельнице страсте́й смꙋще́нїѧ, ꙗ҆́же безстра́стїю вино́внаго ро́ждшаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́томъ твои́мъ невече́рнимъ хрⷭ҇тѐ, ѡ҆зарѝ бж҃е смире́ннꙋю мою̀ дꙋ́шꙋ, и҆ наста́ви на стра́хъ тво́й: занѐ свѣ́тъ повелѣ̑нїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "Не поста́ви менѐ на́га ѿ дѣ́лъ до́брыхъ, на сꙋди́щи твое́мъ чл҃вѣколю́бче: но во ѻ҆де́ждꙋ бж҃е́ственныхъ дѣѧ́нїй ѡ҆блецы̀ покаѧ́нїемъ."
|
||||
},
|
||||
{
|
||||
"type": "TEXT",
|
||||
"value": "Оу҆ѧзви́хсѧ ѻ҆рꙋ́жїемъ страсте́й, и҆ въ ро́въ ѿча́ѧнїѧ впадо́хъ: не пре́зри влⷣко, но и҆сцѣли́ мѧ ѡ҆браще́нїѧ бы́лїемъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆ ногтьмѝ стрꙋ́жеми лю́тѣ, и҆ мече́мъ страда́льцы ᲂу҆бива́еми, и҆ ра́нами и҆знꙋрѧ́еми, не поклони́сте и҆стꙋка̑ннымъ кѡлѣ́на."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мі́ръ страда́ньми ва́шими красꙋ́етсѧ при́снѡ ст҃і́и мч҃нцы: премі́рное ꙗ҆́кѡ ѡ҆брѣто́сте пребыва́нїе со а҆́гг҃лы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́же є҆ди́на сло́вомъ на землѝ, пло́тїю сло́во ро́ждши, и҆ дв҃а пребы́вши, безслове́сныхъ мѧ̀ и҆зба́ви дѣѧ́нїѧ, ꙗ҆́кѡ да словесы̀ честны́ми воспѣва́ю тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На землѝ неви́димый ꙗ҆ви́лсѧ є҆сѝ, и҆ человѣ́кѡмъ во́лею сожи́лъ є҆сѝ непостижи́мый, и҆ къ тебѣ̀ ᲂу҆́тренююще, воспѣва́емъ тѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Со ѻ҆ц҃е́мъ сн҃а и҆ дх҃а, трисїѧ́ннымъ свѣ́томъ просвѣ́щшесѧ вѣ́рнїи, воспои́мъ є҆ди́но бж҃ество̀, со а҆́гг҃льскими во́инствы."
|
||||
},
|
||||
{
|
||||
"type": "TEXT",
|
||||
"value": "Свѣщы̀ соѡбраща́ющыѧсѧ, незаходи́мымъ сїѧ́нїемъ бж҃ества̀ пребж҃е́ственнагѡ, проѧвле́ннѣ ѡ҆бога́щшесѧ, а҆́гг҃льстїи чи́ни проповѣ́даютъ."
|
||||
},
|
||||
{
|
||||
"type": "TEXT",
|
||||
"value": "Є҆ди́но нача́ло пребезнача́льное честѝ серафі́мы ᲂу҆ча́тъ, вопїю́ще гла́съ трисвѧты́й ꙗ҆́вѣ, дх҃омъ просвѣща́еми а҆́гг҃ли бж҃ества̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Без̾ сѣ́мене, ѻ҆трокови́це, тебѣ̀ а҆рха́гг҃лъ гаврїи́лъ роди́ти животода́вца бл҃говѣстѝ, бцⷣе всечⷭ҇таѧ, съ нб҃сѐ соше́дъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же въ концы̀ вѣкѡ́въ доше́дшыѧ чл҃вѣколю́бче, и҆ треволне́ньми напа́стей поги́бнꙋти бѣ́дствꙋющыѧ, вопїю́щыѧ не пре́зри: сп҃сѝ сп҃се, ꙗ҆́коже сп҃слъ є҆сѝ ѿ ѕвѣ́рѧ прⷪ҇ро́ка."
|
||||
},
|
||||
{
|
||||
"type": "TEXT",
|
||||
"value": "Превозне́ссѧ мы́слїю, ꙗ҆́коже дре́внїй фарїсе́й прегрѣше́нїемъ низпадо́хсѧ лю́тѣ, и҆ зрѧ́ мѧ льсти́вый, весели́тсѧ, хрⷭ҇тѐ: и҆́мже смири́вый сего̀ крⷭ҇то́мъ, смири́вшасѧ ны́нѣ ᲂу҆ще́дри мѧ̀."
|
||||
},
|
||||
{
|
||||
"type": "TEXT",
|
||||
"value": "Грѣхолюби́въ въ житїѝ бы́въ, ꙗ҆́коже и҆́нъ никто́же влⷣко, и҆жди́хъ твоѐ долготерпѣ́нїе ѻ҆каѧ́нный, и҆ є҆щѐ є҆́смь нечꙋ́вственъ, но ѡ҆брати́ мѧ твои́мъ бл҃гоꙋтро́бїемъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́ростнымъ произволе́нїемъ, законопрестꙋ́пницы бг҃омꙋ́дренныхъ ѡ҆сꙋжда́юще, ѻ҆гне́мъ и҆ сожже́нїемъ и҆ прободе́ньми, зла́та свѣтлѣ́йше ꙗ҆́кѡ вои́стиннꙋ показа́ша, и҆ хрⷭ҇тꙋ̀ снаслѣ́дники."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сꙋди́ще и҆спо́лнено боре́нїй, и҆ по́двигѡвъ превели́кихъ, и҆ па́че є҆стества̀ ра̑ны преше́дше, побѣди́сте кнѧ́зѧ тьмы̀, и҆ ѿ бг҃а прїѧ́сте страда́льцы вѣнцы̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ковче́гъ завѣ́та, ст҃ꙋ́ю вои́стиннꙋ трапе́зꙋ, ѡ҆чисти́лище на́ше, цр҃ковь бж҃їю ѡ҆дꙋшевле́ннꙋю, всезлаты́й свѣ́щникъ, и҆́стиннꙋю мт҃рь зижди́телѧ воспѣва́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Селе́нїѧ і҆ѡ́на, є҆́же въ преиспо́днѣмъ а҆́дѣ, є҆сте́ственный ѡ҆́бразъ бы́въ, вопїѧ́ше: возведѝ ѿ тлѝ живо́тъ мо́й, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Пе́рвое и҆ вседѣ́тельное бг҃онача́лїѧ сїѧ́нїе, а҆рха́гг҃ли и҆ а҆́гг҃ли, си́льнѡ пою́тъ зовꙋ́ще, съ нача́лы и҆ властьмѝ и҆ си́лами, гла́сы немо́лчными гдⷭ҇а. Два́жды."
|
||||
},
|
||||
{
|
||||
"type": "TEXT",
|
||||
"value": "И҆́же мі́ръ ᲂу҆́мный всесли́чнымъ чи́номъ по чинꙋ̀ ᲂу҆краше́й неви́димѡ, семꙋ̀ ᲂу҆подоблѧ́тисѧ бл҃гочи́нїю, честнꙋ́ю цр҃ковь бл҃говолѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆сцѣле́нїй тѧ̀ и҆сто́чникъ приснотекꙋ́щъ, є҆́же въ тѧ̀ все́льшеесѧ сло́во показа̀: моеѧ̀ ᲂу҆́бѡ дꙋшѝ ꙗ҆́звы бцⷣе дв҃о и҆сцѣлѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Трїѐ ѻ҆́троцы въ пещѝ трⷪ҇цꙋ проѡбрази́вше, преще́нїе ѻ҆́гненное попра́ша, и҆ пою́ще вопїѧ́хꙋ: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Вре́мѧ моѐ скончава́етсѧ ѽ дꙋшѐ, при две́рехъ и҆схо́дъ, покаѧ́нїѧ ᲂу҆́бѡ плоды̀ покажѝ, пре́жде да́же двє́ри не затворѧ́тсѧ, возопі́й хрⷭ҇тѐ: гдⷭ҇и, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Ѡ҆бнови́мъ сердца̀ ра́ломъ и҆́стиннагѡ позна́нїѧ, покаѧ́нїѧ пшени́цꙋ сѣ́юще, ꙗ҆́кѡ да по́жнемъ кла́съ пра́вды, ѡ҆ хрⷭ҇тѣ̀ воздѣ́лателѣ дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѣти̑ла бл҃гоче́стїѧ, нече́стїѧ сопротивобо́рцы, ни́щихъ ѡ҆богати́телїе, гдⷭ҇ни мч҃нцы, преѻкаѧ́ннꙋю мою̀ дꙋ́шꙋ лише́ннꙋю, добродѣ́тельми ѡ҆богати́те."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆́же сп҃сы́й мытарѧ̀ и҆з̾ глꙋбины̀ воздохнꙋ́вша, и҆ моѐ ма́лое воздыха́нїе прїимѝ, и҆ сп҃си́ мѧ стрⷭ҇тоте́рпєцъ ра́ди, просла́вльшихъ тѧ̀ хрⷭ҇тѐ свои́ми ᲂу҆́ды."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆сто́чниче, и҆́же во́дꙋ ѡ҆ставле́нїѧ и҆сточа́ющи, течє́нїѧ мои́хъ прегрѣше́нїй и҆зсꙋшѝ, подаю́щи мѝ тꙋ́чꙋ сле́зъ, да тѧ̀ при́снѡ ꙗ҆́кѡ бцⷣꙋ пою̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Го́рдый мꙋчи́тель, но дѣте́й бы́сть и҆гра́лище: ꙗ҆́коже бо пе́рсть попра́вше седмери́чный пла́мень, поѧ́хꙋ: бл҃гослове́нъ є҆сѝ гдⷭ҇и, бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Тве́рдымъ ᲂу҆мо́мъ и҆ до́блественнымъ ѻ҆́комъ, зрѧ́ще первонача̑льныѧ свѣ́тлѡсти, прича́стїемъ быва́ете свѣ́ти вторі́и, а҆́гг҃льстїи ли́цы, бл҃гослове́нъ є҆сѝ, зовꙋ́ще, бж҃е ѻ҆тє́цъ на́шихъ. Два́жды."
|
||||
},
|
||||
{
|
||||
"type": "TEXT",
|
||||
"value": "Неꙋкло́ннымъ жела́нїемъ, и҆ неизда́тельною любо́вїю води́ми сꙋ́ще, добро́тами зижди́телѧ, положе́нїемъ бы́сте свѣти̑ла втора̑ѧ, ли́цы а҆́гг҃льстїи, бл҃гослове́нъ є҆сѝ зовꙋ́ще, бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Воплоще́нное родила̀ є҆сѝ бцⷣе, сло́во безнача́льное, є҆́же и҆з̾ ѻ҆ц҃а̀ без̾ мт҃ре предвѣ́чное бж҃е́ственнымъ ржⷭ҇тво́мъ. Бл҃гослове́нъ влⷣчце, пло́дъ твоегѡ̀ чре́ва."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пла́мень ко ѻ҆трокѡ́мъ є҆врє́йскимъ снизше́дшаго бж҃їею си́лою, и҆ ꙗ҆́вльшагосѧ гдⷭ҇а, сщ҃е́нницы бл҃гослови́те, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ѿ посмѣ́шства ха́мъ ѻ҆те́ческимъ и҆зрече́нїемъ ра́бъ бы́сть: что̀ сотвори́ши дꙋшѐ моѧ̀, поработи́вшисѧ страсте́мъ и҆ безчи́ннѡ смѣю́щисѧ, и҆ не стыдѧ́щисѧ нбⷭ҇нагѡ ѻ҆ц҃а̀;"
|
||||
},
|
||||
{
|
||||
"type": "TEXT",
|
||||
"value": "Враждова́въ ка́їнъ безꙋ́мнѡ братоꙋбі́йца бы́сть: семꙋ̀ подо́бна ꙗ҆ви́ласѧ є҆сѝ, и҆ не и҆на́го ᲂу҆би́вши, но себѐ са́мꙋю дꙋшѐ моѧ̀, сластолю́бїемъ и҆ пре́лестьми житїѧ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆збра̑нныѧ би́серы гдⷭ҇ни, сосꙋ́ды честны̑ѧ, свѣтѧ́щыѧсѧ свѣщы̀ заре́ю бж҃е́ственныѧ бл҃года́ти, хрⷭ҇тѡ́вы стрⷭ҇тоте́рпцы, вѣ́рою соше́дшесѧ почти́мъ досто́йнѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆́же мꙋ́дрыхъ стрⷭ҇тоте́рпєцъ кро́вь, па́че кади́ла прїе́мъ сло́ве, тѣ́хъ мольба́ми покаѧ́нїемъ къ тебѣ̀ припа́дающихъ сп҃сѝ, ꙗ҆́кѡ є҆ди́нъ млⷭ҇тивъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆зли́шествомъ блꙋ́днагѡ житїѧ̀, ко а҆́дꙋ ны́нѣ прибли́жихсѧ: премно́гое бл҃гоꙋтро́бїе ѻ҆трокови́це и҆мꙋ́щи, ꙗ҆́кѡ бг҃а бл҃гоꙋтро́бнаго ро́ждши неизрече́ннѡ, ᲂу҆ще́дривши сп҃си́ мѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Веще́ственнагѡ ѻ҆гнѧ̀ пла́мень невеще́ственнымъ ᲂу҆вѧди́ша, бг҃озри́мїи ѻ҆́троцы, и҆ поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ всѣ́хъ содѣ́тель, а҆́гг҃лы ᲂу҆мы́слилъ є҆сѝ, и҆ предста́ша тѝ со стра́хомъ, зовꙋ́ще: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Прича́стїемъ бж҃е́ственнагѡ ѻ҆гнѧ̀, ꙗ҆́коже пла́мень бы́вше нбⷭ҇ныѧ ᲂу҆мы̀ зовꙋ́тъ: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Невеще́ствєнныѧ и҆ ᲂу҆́мныѧ а҆́гг҃лы пре́жде соста́вилъ є҆сѝ ви́димыхъ всѣ́хъ, непреста́ннѡ тебѣ̀ зовꙋ́щихъ: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сло́во ѻ҆́ч҃ее, па́че сло́ва воплоще́нное бг҃ороди́тельнице дв҃о родила̀ є҆сѝ: є҆го́же пою́тъ всѧ̑ дѣла̀ ꙗ҆́кѡ гдⷭ҇а, и҆ превозно́сѧтъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На сїна́йстѣй горѣ̀ ви́дѣ тѧ̀ въ кꙋпинѣ̀ мѡѷсе́й, неѡпа́льнѡ ѻ҆́гнь бж҃ества̀ заче́ншꙋю во чре́вѣ: данїи́лъ же тѧ̀ ви́дѣ го́рꙋ несѣко́мꙋю, же́злъ прозѧ́бшїй, и҆са́їа взыва́ше, ѿ ко́рене дв҃дова."
|
||||
},
|
||||
{
|
||||
"type": "TEXT",
|
||||
"value": "І҆а́кѡвъ пе́рвенство прїѧ́тъ, ра́ди воздержа́нїѧ и҆ногда̀, и҆са́ѵъ же старѣ́йшинство ѿдадѐ, не ᲂу҆держа́въ чре́во. Ко́ль ѕло̀ невоздержа́нїе, и҆ ко́ль вели́ко воздержа́нїе! Бѣ́гай неподо́бїѧ, возлюбѝ, ѽ дꙋшѐ, до́брыхъ прибавле́нїе."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ мнѡ́гаѧ претерпѣ́въ непоро́чный, вѣнча́сѧ і҆́ѡвъ: и҆скꙋше́нїй бо сте́кшесѧ пото́цы, не поколеба́ша є҆мꙋ̀ серде́чнагѡ столпа̀. Томꙋ̀ ревнꙋ́й всегда̀, непрело́жна пребыва́ющи, ѽ дꙋшѐ, лꙋка́вагѡ козньмѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆бостри́вшесѧ ѻ҆гне́мъ бж҃е́ственнагѡ дх҃а, мечѝ ꙗ҆ви́стесѧ ꙗ҆́вѣ, сѣкꙋ́ще полкѝ проти́вныѧ, стрⷭ҇тоно́сцы хрⷭ҇тѡ́вы, и҆ вели́кими побѣ́дами прославлѧ́еми, вѣнча́стесѧ всеси́льною рꙋко́ю всѣ́хъ цр҃ѧ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мно́жество мч҃нкъ непоро́чное, безмѣ́рныхъ мои́хъ ѕѡ́лъ мно́жество, ѡ҆чи́стити моли́те влⷣкꙋ и҆ бг҃а, ва́шѧ неизречє́нныѧ трꙋды̀ прїе́мшаго, и҆ со безпло́тныхъ во́инствы ва́съ сочета́вшаго."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣ́тлаѧ влⷣчнѧѧ пала́та, до́мъ мѧ̀ покажѝ свѣ́та, непроходи́маѧ две́ре, ѿве́рзи мѝ покаѧ́нїѧ пꙋти̑, землѐ свѧта́ѧ, къ земли́ мѧ кро́ткихъ наста́ви влⷣчце, всѧ́кагѡ мѧ̀ влады́чества страсте́й ꙗ҆вѝ свобо́дна."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сла́дкою пречⷭ҇тагѡ твоегѡ̀ ржⷭ҇тва̀ стрѣло́ю ᲂу҆ѧ́звлени чⷭ҇таѧ, твое́й достожела́ннѣй добро́тѣ дивѧ́щесѧ, пѣ́сньми а҆́гг҃льскими досто́йнѡ тѧ̀, ꙗ҆́кѡ мт҃рь бж҃їю велича́емъ."
|
||||
},
|
||||
{
|
||||
"type": "TEXT",
|
||||
"value": "И҆̀же свѣ́тꙋ вели́комꙋ и҆ пе́рвомꙋ ны́нѣ предстоѧ́ще ли́цы, мл҃твенницы сильнѣ́йшїи бы́сте ѡ҆ всѣ́хъ на́съ, ва́съ, ꙗ҆́коже мо́щно, ѽ бж҃е́ственнѣйшїи а҆́гг҃ли бж҃їи, велича́ющихъ. Два́жды."
|
||||
},
|
||||
{
|
||||
"type": "TEXT",
|
||||
"value": "Равноси́льнꙋю трⷪ҇цꙋ сла́вити сподо́бльшесѧ ꙗ҆́снѡ, тоѧ̀ сїѧ́нїемъ пе́рвѣе ѡ҆свѣща́еми, ѡ҆свѣти́тисѧ вторы́мъ сїѧ́нїемъ сподо́бите на́съ, и҆̀же ва́съ бл҃гоче́стнѡ велича́ющихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тѧ̀ на́шегѡ сп҃се́нїѧ ѡ҆снова́нїе всѝ вѣ́мы: твое́ бо пречⷭ҇тое ржⷭ҇тво̀ сп҃сло̀ є҆́сть, кро́вїю бг҃одѣ́тельною, пою́щыѧ тѧ̀ бцⷣе, и҆ вѣ́рнѡ сла́вѧщыѧ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀, и҆ свѣти́ленъ, и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры ᲂу҆мили́тєльны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Разсѣ́ѧнный мо́й ᲂу҆́мъ соберѝ гдⷭ҇и, и҆ ѡ҆лѧденѣ́вшее се́рдце моѐ ѡ҆чи́сти, ꙗ҆́кѡ петрꙋ̀ даѧ́ ми покаѧ́нїе, ꙗ҆́кѡ мытарю̀ воздыха́нїе, и҆ ꙗ҆́коже блꙋдни́цѣ сле́зы, да ве́лїимъ гла́сомъ зовꙋ́ ти: бж҃е сп҃си́ мѧ, ꙗ҆́кѡ є҆ди́нъ бл҃гоꙋтро́бенъ и҆ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ и҆ возвесели́хомсѧ: во всѧ̑ дни̑ на́шѧ возвесели́хомсѧ: за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Мно́жицею пѣ́нїе соверша́ѧ, ѡ҆брѣто́хсѧ грѣ́хъ скончава́ѧ, ѧ҆зы́комъ ᲂу҆́бѡ пѣ́нїе вѣща́ѧ, дꙋше́ю же безмѣ̑стнаѧ помышлѧ́ѧ: но ѻ҆боѐ и҆спра́ви хрⷭ҇тѐ бж҃е покаѧ́нїемъ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ст҃ы́хъ стрⷭ҇тоте́рпєцъ па́мѧть, прїиди́те лю́дїе, всѝ почти́мъ, ꙗ҆́кѡ позо́ръ бы́вше а҆́гг҃лѡмъ и҆ человѣ́кѡмъ, побѣ́ды вѣнцы̀ ѿ хрⷭ҇та̀ прїѧ́ша, и҆ мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ст҃опервочⷭ҇таѧ похвало̀ сꙋ́щи нбⷭ҇ныхъ чинѡ́въ, а҆пⷭ҇лѡвъ пѣ́нїе, и҆ прⷪ҇ро́кѡвъ сбытїѐ, влⷣчце, прїимѝ мл҃твы на́шѧ."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь и҆ є҆ктенїа̀: та́же ча́съ а҃-й, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ бл҃жє́нны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Ѿве́ргша хрⷭ҇тѐ за́повѣдь твою̀, пра́ѻтца а҆да́ма и҆з̾ раѧ̀ и҆згна́лъ є҆сѝ: разбо́йника же ще́дре и҆сповѣ́давша тѧ̀ на крⷭ҇тѣ̀, во́нь всели́лъ є҆сѝ, зовꙋ́ща: помѧни́ мѧ сп҃се, въ црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆́згнани пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Ѕѡ́лъ мои́хъ мно́жество, по мно́жествꙋ млⷭ҇ти твоеѧ̀, хрⷭ҇тѐ, презрѣ́въ сп҃си́ мѧ: и҆ въ де́нь сꙋ́дный ѡ҆сꙋжде́нїѧ и҆зба́ви мѧ̀ сп҃се, и҆ вѣ́чнагѡ мꙋче́нїѧ, ꙗ҆́кѡ да пѣсносло́влю твою̀ бл҃госты́ню."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Херꙋві́ми и҆ серафі́ми, прⷭ҇то́ли, а҆рха́гг҃ли, си̑лы, и҆ нача̑ла, и҆ гдⷭ҇ьствїѧ, а҆́гг҃ли и҆ вла̑сти всѧ̑, ᲂу҆моли́те содѣ́телѧ, презрѣ́ти тогда̀ моѧ̑ согрѣшє́нїѧ, є҆гда̀ хо́щетъ сꙋди́ти землѝ, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Ѿ крове́й сщ҃е́нныхъ багрѧни́цꙋ ѡ҆мочи́вше хрⷭ҇тѡ́вы страда́льцы, цр҃ю̀ си́лъ сца́рствовати вои́стиннꙋ сподо́бишасѧ бг҃олѣ́пнѡ: и҆ на́мъ про́сѧтъ прегрѣше́нїй ѡ҆ставле́нїѧ, досто́йнѡ тѣ́хъ всегда̀ почита́ющымъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Трїѷпоста́сное вѣ́рнїи є҆ди́но бж҃ество̀, пою́ще бл҃гоче́стнѡ, ѻ҆ц҃а̀, и҆ сло́ва, и҆ ст҃а́гѡ ᲂу҆тѣ́шителѧ дх҃а, а҆́гг҃льски возопїи́мъ гла́сы немо́лчнѡ: ст҃ъ, ст҃ъ, ст҃ъ є҆сѝ бж҃е, сп҃са́ѧй дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Ꙗ҆́же свѣ́тъ ѿ свѣ́та ро́ждшаѧ, ѻ҆́блаче свѣ́тлый, ѡ҆мраче́ннаго мѧ̀ страстьмѝ и҆ сластьмѝ житїѧ̀, ко свѣ́тꙋ наста́вльши, и҆спра́ви чⷭ҇таѧ, и҆ ᲂу҆лꙋчи́ти сла́вꙋ моли́сѧ, ю҆́же полꙋчи́ша ны́нѣ, и҆̀же до́брѣ пожи́вшїи."
|
||||
}
|
||||
]
|
||||
@@ -0,0 +1,922 @@
|
||||
[
|
||||
{
|
||||
"type": "HEADER",
|
||||
"value": "Гла́съ г҃. Сꙋббѡ́та"
|
||||
},
|
||||
{
|
||||
"type": "HEADER",
|
||||
"value": "Въ пѧто́къ ве́чера, на Гдⷭ҇и воззва́хъ, стїхи̑ры ст҃ы̑мъ мч҃нкѡмъ, и҆ ст҃и́телємъ, и҆ прпⷣбнымъ. Гла́съ г҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ве́лїѧ мч҃нкъ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Стра́ждꙋще до́блїи мч҃нцы крѣ́пкѡ, и҆ ра̑ны, и҆ вѧза̑нїѧ, и҆ разли̑чныѧ мꙋ̑ки претерпѣ́вше, къ неболѣ́зненномꙋ вои́стиннꙋ и҆ бл҃же́нномꙋ наслѣ́дїю приведо́шасѧ, по достоѧ́нїю болѣ́зней."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "И҆́же сло́во бл҃гочести́во и҆ бж҃е́ственно ѿры́гнꙋвше, гдⷭ҇ни ст҃и́телїе, и҆ всѧ̑ є҆реті́чєскаѧ сопротивослѡ́вїѧ разрꙋши́сте, и҆ вѣ̑рнымъ всѣ̑мъ перводѣ́тєльницы ꙗ҆ви́стесѧ: сегѡ̀ ра́ди почита́еми є҆стѐ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Невеще́ственныхъ и҆ безпло́тныхъ чи́нꙋ ᲂу҆подо́бистесѧ ѻ҆ц҃ы̀ бг҃оно́снїи, въ тѣлесѝ веще́ственнѣ, тѣ́хъ пресла́внѡ житїѐ показꙋ́юще: тѣ́мже во ѻ҆би́телехъ тѣ́хъ живетѐ."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры мч҃нкѡмъ, гла́съ и҃, подо́бенъ то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Ве́лїѧ крⷭ҇та̀ твоегѡ̀ гдⷭ҇и си́ла: водрꙋзи́сѧ бо на мѣ́стѣ, и҆ дѣ́йствꙋетъ въ мі́рѣ, и҆ показа̀ ѿ ры́барей а҆пⷭ҇лы, и҆ ѿ ꙗ҆зы̑къ мч҃нки, да мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Ве́лїѧ мч҃нкъ твои́хъ хрⷭ҇тѐ си́ла: во гробѣ́хъ бо лежа́ще дꙋ́хи прого́нѧтъ: и҆ ᲂу҆праздни́ша вра́жїю вла́сть, вѣ́рою трⷪ҇ческою подви́гшесѧ по бл҃гоче́стїи."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Прⷪ҇ро́цы, и҆ а҆пⷭ҇ли хрⷭ҇тѡ́вы, и҆ мч҃нцы, наꙋчи́ша ны̀ пѣ́ти трⷪ҇цꙋ є҆диносꙋ́щнꙋю, и҆ просвѣти́ша ꙗ҆зы́ки прельщє́ныѧ, и҆ прича́стники, а҆́гг҃лѡмъ сотвори́ша сы́ны чл҃вѣ́чєскїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ка́кѡ не диви́мсѧ бг҃омꙋ́жномꙋ ржⷭ҇твꙋ̀ твоемꙋ̀, пречⷭ҇тна́ѧ; и҆скꙋше́нїѧ бо мꙋ́жескагѡ не прїи́мши всенепоро́чнаѧ, родила̀ є҆сѝ без̾ ѻ҆ц҃а̀ сн҃а пло́тїю, пре́жде вѣ̑къ ѿ ѻ҆ц҃а̀ рожде́ннаго без̾ мт҃ре, ника́коже претерпѣ́вшаго и҆змѣне́нїѧ, и҆лѝ смѣше́нїѧ, и҆лѝ раздѣле́нїѧ: но ѻ҆бою̀ сꙋщєствꙋ̀ сво́йство цѣ́ло сохра́ншаго. Тѣ́мже мт҃и дв҃о влⷣчце, того̀ молѝ сп҃сти́сѧ дꙋша́мъ, правосла́внѡ бцⷣꙋ и҆сповѣ́дающихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры мч҃нчны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Мч҃нцы твоѝ гдⷭ҇и вѣ́рою ᲂу҆тверди́вшесѧ, и҆ наде́ждею ᲂу҆крѣ́пльшесѧ, любо́вїю крⷭ҇та̀ твоегѡ̀ дꙋше́внѣ соедини́вшесѧ, вра́жїе мꙋчи́тельство разрꙋши́ша, и҆ ᲂу҆лꙋчи́ша вѣнцы̀: со безпло́тными мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ме́ртвенъ: Всѐ сꙋ́етїе человѣ́ческое, є҆ли́кѡ не пребꙋ́детъ по сме́рти: не пребꙋ́детъ бога́тство, ни сни́детъ сла́ва: наше́дши бо сме́рть, всѧ̑ сїѧ̑ погꙋби́тъ. Тѣ́мже хрⷭ҇тꙋ̀ безсме́ртномꙋ цр҃ю̀ возопїи́мъ: преста́влєнныѧ ѿ на́съ ᲂу҆поко́й, и҆дѣ́же всѣ́хъ є҆́сть веселѧ́щихсѧ жили́ще ᲂу҆ тебѐ."
|
||||
},
|
||||
{
|
||||
"type": "TEXT",
|
||||
"value": "Ме́ртвенъ: Человѣ́цы, что̀ всꙋ́е мѧте́мсѧ; пꙋ́ть кра́токъ є҆́сть, и҆́мже тече́мъ, ды́мъ є҆́сть житїѐ, па́ра и҆ пе́рсть и҆ пе́пелъ: вма́лѣ ꙗ҆влѧ́етсѧ, и҆ вско́рѣ погиба́етъ. Тѣ́мже хрⷭ҇тꙋ̀ безсме́ртномꙋ цр҃ю̀ возопїи́мъ: преста́влєнныѧ ѿ на́съ ᲂу҆поко́й, и҆дѣ́же всѣ́хъ є҆́сть веселѧ́щихсѧ жили́ще ᲂу҆ тебѐ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Въ жена́хъ ст҃а́ѧ бцⷣе мт҃и безневѣ́стнаѧ, молѝ є҆го́же родила̀ є҆сѝ, цр҃ѧ̀ и҆ бг҃а на́шего, да сп҃се́тъ ны̀, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ пѧто́къ на повече́рїи, Канѡ́нъ прест҃ѣ́й бцⷣѣ. Гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́ды дре́вле, ма́нїемъ бж҃е́ственнымъ, во є҆ди́но со́нмище совокꙋпи́вый, и҆ раздѣли́вый мо́ре і҆и҃льтєскимъ лю́демъ, се́й бг҃ъ на́шъ, препросла́вленъ є҆́сть: томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Сп҃се́нїю нача́льника и҆ жизнода́вца ро́ждшаѧ па́че смы́сла всегѡ̀, соꙋ́зъ разрѣши́ла є҆сѝ ѡ҆сꙋжде́нїѧ є҆́ѵы прама́тере. Тѣ́мже тва́рь всѧ̀ блажи́тъ тѧ̀, бг҃ороди́тельнице чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Ѡ҆ѕло́бленнаго лю́тыми болѣ́зньми, дꙋше́ю и҆ тѣ́ломъ, прест҃а́ѧ дв҃о, и҆схитѝ ѿ глꙋбины̀ неча́ѧнїѧ, Всѣ́хъ нꙋ́ждныхъ и҆збавлѧ́ющи мѧ̀: ты́ бо є҆сѝ пречⷭ҇таѧ, млⷭ҇рдїѧ и҆сто́чникъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Совлеко́хсѧ ѻ҆де́жды весе́лїѧ, въ ско́рбь впа́дъ и҆ болѣ́знь, и҆ лю́тѣ ᲂу҆ѧзви́хсѧ ѿвсю́дꙋ: предварѝ и҆ и҆зба́ви мѧ̀ ѿ ѡ҆держа́щїѧ пре́лести: ты́ бо мѝ є҆сѝ влⷣчце, прибѣ́жище и҆ наде́жда."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Предста́тельницꙋ тѧ̀ тве́рдꙋ стѧжа́въ бг҃оневѣ́сто, ко твоемꙋ̀ покро́вꙋ притека́ю, молѧ́сѧ: не пре́зри мѧ̀ твоегѡ̀ раба̀, мно́гими страстьмѝ и҆ болѣ́зньми и҆ скорбьмѝ ѡ҆тѧгче́на, но мл҃твами твои́ми и҆сцѣлѝ мт҃и бж҃їѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ не сꙋ́щихъ всѧ̑ приведы́й, сло́вомъ созида́ємаѧ, соверша́ємаѧ дх҃омъ, вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "Въ недоꙋмѣ́нїи и҆ ско́рби болѣ́зненнѣ є҆́смь ѻ҆каѧ́нный, во слѣ́дъ себѐ сме́рть зрѧ̀: тѣ́мже пречⷭ҇таѧ, твое́ю мл҃твою сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Всѐ житїѐ растлѣ́нно ѕлы́ми и҆ блꙋ́дными дѣѧ́нїи клеве́щетъ на мѧ̀, и҆ ѿча́ѧнїемъ мѧ̀ погрꙋжа́етъ: чⷭ҇таѧ, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Щедро́тъ твои́хъ бе́здна, всю́дꙋ пролива́ема влⷣчце, є҆ди́ныѧ ра́ди бл҃гости, во є҆ле́и масти́тѣ ᲂу҆маща́етъ всѣ́хъ при́снѡ тѧ̀ пою́щихъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́кѡ ѿ нача́ла тѧ̀ є҆стества̀ на́шегѡ прїе́мъ бг҃оневѣ́сто, сн҃ъ тво́й и҆ гдⷭ҇ь, совокꙋплѧ́етъ мл҃твами твои́ми тебѐ пою́щыѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и, є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Всю̀ на тѧ̀ наде́ждꙋ положи́хъ влⷣчце, молю́сѧ и҆ припа́даю ѿ дꙋшѝ: смертоно́сныѧ и҆зба́ви болѣ́зни, возводѧ́щи мѧ̀ къ жи́зни сп҃се́нїѧ, ꙗ҆́же жи́знь ро́ждшаѧ."
|
||||
},
|
||||
{
|
||||
"type": "TEXT",
|
||||
"value": "И҆сцѣли́ мѧ чⷭ҇таѧ, мл҃твами твои́ми ѿча́ѧннаго раба̀ твоего̀, подо́бїемъ лю́тыхъ и҆ растлѣ́нныхъ ра́нъ: врача́ бо родила̀ є҆сѝ, въ млⷭ҇ти бога́таго бг҃а на́шего."
|
||||
},
|
||||
{
|
||||
"type": "TEXT",
|
||||
"value": "Сла́ва: Въ стра̑сти лю̑тыѧ впа́дшаго мѧ̀ и҆зба́ви, и҆ весе́лїѧ ѻ҆де́ждꙋ посѣще́нїемъ твои́мъ бж҃е́ственнымъ пода́ждь мѝ, ꙗ҆́же преимꙋ́щꙋю всѧ́къ ᲂу҆́мъ ра́дость дв҃о, прорасти́вшаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Дрꙋго́е нб҃о бцⷣе ꙗ҆ви́ласѧ є҆сѝ, со́лнце пра́вды несказа́ннѡ на землѝ чⷭ҇таѧ, возсїѧ́вшаѧ: и҆́мже на́мъ возсїѧ̀ бг҃оразꙋ́мїѧ свѣ́тъ присносꙋ́щный."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Къ тебѣ̀ ᲂу҆́тренюю всѣ́хъ творцꙋ̀, преимꙋ́щемꙋ всѧ́къ ᲂу҆́мъ ми́рови: занѐ свѣ́тъ повелѣ̑нїѧ твоѧ̑, въ ни́хже наста́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Ме́ртвость творѧ́щїй и҆ стра́сти прибли́жихсѧ, ѿ мои́хъ безмѣ́рныхъ грѣхѡ́въ: мт҃и бж҃їѧ, тѧ̀ и҆збавле́нїе мно́гихъ ѕлы́хъ мои́хъ бы́ти, молю̀ прилѣ́жнѡ."
|
||||
},
|
||||
{
|
||||
"type": "TEXT",
|
||||
"value": "Дꙋше́внїи моѝ рꙋ́цѣ простира́ю къ тебѣ̀ чⷭ҇таѧ, плотски́ми бо разслабѣ́хъ ѻ҆каѧ́нный: но ты̀ ѿ мно́гихъ ра́нъ и҆зба́ви мѧ̀, подаю́щи и҆сцѣле́нїе."
|
||||
},
|
||||
{
|
||||
"type": "TEXT",
|
||||
"value": "Сла́ва: Совлеко́хсѧ здра́выѧ ѻ҆де́жды, и҆ плаче́внꙋю ри́зꙋ въ болѣ́знехъ ѡ҆бле́къ: тебѣ̀ молю́сѧ влⷣчце, ѡ҆блецы́ мѧ во здра́вїе."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́кѡ мч҃нкѡвъ и҆ а҆пⷭ҇лѡвъ сщ҃е́нное сꙋ́щи бл҃голѣ́пїе бцⷣе, и҆ вѣ́рныхъ застꙋпле́нїе, всѝ досто́йнѡ тѧ̀ сла́вимъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Возведѝ ѿ тли́ мѧ гдⷭ҇и бж҃е мо́й, і҆ѡ́на вопїѧ́ше. И҆ а҆́зъ вопїю́ ти: и҆з̾ глꙋбины̀ и҆зба́ви мѧ̀ сп҃се, мно́гихъ мои́хъ ѕѡ́лъ, и҆ къ свѣ́тꙋ твоемꙋ̀, молю́сѧ, наста́ви."
|
||||
},
|
||||
{
|
||||
"type": "TEXT",
|
||||
"value": "Напрѧжѐ на мѧ̀ мно́жество болѣ́зней, ѿ мои́хъ безмѣ́рныхъ согрѣше́нїй тлетво́рныхъ, и҆ ᲂу҆мерщвле́нїемъ мѧ̀ ѡ҆бложи́ша: но ты̀ сама̀ бцⷣе, ѿ си́хъ мѧ̀ и҆зба́ви, и҆ всѧ́кїѧ нꙋ́жды и҆схитѝ."
|
||||
},
|
||||
{
|
||||
"type": "TEXT",
|
||||
"value": "Вве́рженъ бы́хъ во глꙋбинꙋ̀ прегрѣше́нїй, и҆ болѣ́зней и҆ скорбе́й безмѣ́рныхъ, и҆ въ си́хъ ны́нѣ ѿню́дъ подавлѧ́юсѧ: но ты̀ бг҃ороди́тельнице, просте́рши рꙋ́кꙋ ко сп҃се́нїю возведи́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Тѧ̀ ѡ҆снова́нїе тве́рдое вѣ́мъ бцⷣе, и҆ держа́внꙋю по́мощь сꙋ́щымъ въ ско́рби: тѣ́мже къ твоемꙋ̀ покро́вꙋ прибѣ́гъ, молю́ тѧ, ѿ лю́тыхъ бѣ́дъ и҆зба́ви мѧ̀ и҆ ѿ тѧ́жкихъ болѣ́зней."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Браздꙋ̀ ю҆́же бж҃е́ственный кла́съ прора́стшꙋю, и҆́мже вѣ́рныхъ сердца̀ пита́ютсѧ вѣ́рою, и҆ мы́сленный гла́дъ преста̀, бж҃їй ковче́гъ воспои́мъ, ꙗ҆́кѡ дв҃ꙋ бг҃омт҃рь."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Бж҃е́ственнагѡ є҆стества̀ не ѿлꙋчи́сѧ, пло́ть бы́въ во чре́вѣ твое́мъ: но бг҃ъ вочл҃вѣ́чисѧ и҆ пребы́сть, и҆́же по ржⷭ҇твѣ̀ мт҃рь тѧ̀ дв҃ꙋ, ꙗ҆́кѡ пре́жде ржⷭ҇тва̀ сохрани́въ всенепоро́чнꙋ є҆ди́нъ гдⷭ҇ь: того̀ прилѣ́жнѡ молѝ, дарова́ти на́мъ ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́коже дре́вле бл҃гочести̑выѧ трѝ ѻ҆́троки ѡ҆роси́лъ є҆сѝ въ пла́мени халде́йстѣмъ, свѣ́тлымъ бж҃ества̀ ѻ҆гне́мъ и҆ на́съ ѡ҆зарѝ, бл҃гослове́нъ є҆сѝ взыва́ющыѧ, бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Оу҆млⷭ҇рдисѧ на мѧ̀ дв҃о бг҃оневѣ́сто, во ѿча́ѧнїѧ глꙋбинꙋ̀ попо́лзшасѧ: тебѐ тишинꙋ̀ бы́ти мѝ, молю̀ пречⷭ҇таѧ, сп҃се́нїй бо є҆сѝ приста́нище сꙋ́щымъ въ нꙋ́ждахъ при́снѡ."
|
||||
},
|
||||
{
|
||||
"type": "TEXT",
|
||||
"value": "Неизглаго́ланнѡ па́че ᲂу҆ма̀ мꙋ́дрость и҆ си́лꙋ бж҃їю родила̀ є҆сѝ хрⷭ҇та̀: тѣ́мже си́льна въ ми́лости, и҆ ще́дра сꙋ́щи, да́ждь мѝ сп҃си́тєльныѧ цѣльбы̑ твоѧ̑ бцⷣе, наде́жде вѣ́рныхъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆богати́вши бж҃е́ственнымъ ржⷭ҇тво́мъ концы̀, нетлѣ́нїѧ сла́достїю, ѿ тлетво́рныѧ мѧ̀ болѣ́зни, и҆ го́рькихъ страсте́й свободѝ, и҆ сп҃се́нїе пода́ждь, бж҃їѧ мт҃и пресла́внаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆́же две́рь тѧ̀ та́йнꙋю себѣ̀ предложи́въ, и҆ застꙋ́пницꙋ ди́внꙋю сꙋ́щымъ на землѝ, тобо́ю чⷭ҇таѧ две́рь подадѐ человѣ́кѡмъ въ вѣ́чнꙋю жи́знь всѣ́хъ вводѧ́щꙋ, ꙗ҆́кѡ ще́дръ, и҆ всѣ́хъ бг҃ъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вавѷлѡ́нскаѧ пе́щь ѻ҆́троки не ѡ҆палѝ, нижѐ бж҃ества̀ ѻ҆́гнь дв҃ꙋ растлѝ. Тѣ́мъ со ѻ҆́троки вѣ́рнїи возопїе́мъ: бл҃гослови́те дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Прегрѣше́нїй неизче́тнꙋю пꙋчи́нꙋ стѧжа́въ, ны́нѣ соꙋдавлѧ́юсѧ, чⷭ҇таѧ, въ болѣ́знехъ погрꙋжа́емь. Тѣ́мже мѝ рꙋ́кꙋ по́мощи просте́рши, и҆з̾ глꙋбины̀ болѣ́зней возведѝ, молю́сѧ."
|
||||
},
|
||||
{
|
||||
"type": "TEXT",
|
||||
"value": "Прⷭ҇то́лъ бг҃ꙋ земле́ный, две́рь же нбⷭ҇наѧ ꙗ҆ви́ласѧ є҆сѝ приснодв҃о чⷭ҇таѧ, бцⷣе всепѣ́таѧ. Тѣ́мже мѝ сп҃се́нїѧ две́рь ѿве́рзи бг҃омт҃и, и҆ тьмы̀ страсте́й свободѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́кѡ вїногра́дъ возрасти́ла є҆сѝ, гро́здъ невоздѣ́ланъ чⷭ҇таѧ, вїно̀ и҆сточа́ющъ дꙋша́мъ, веселѧ́щее вѣ́рнѡ пою́щихъ є҆го̀, всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́же по ржⷭ҇твѣ̀ нетлѣ́нна пребы́вши всенепоро́чнаѧ, мо́лимсѧ, чⷭ҇таѧ, и҆зба́ви ѿ тлѝ рабы̑ твоѧ̑, вѣ́рнѡ пою́щыѧ є҆диномышле́нїемъ дꙋшѝ: бл҃гослови́те всѧ̑ дѣла̀ гдⷭ҇а, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На сїна́йстѣй горѣ̀ ви́дѣ тѧ̀ въ кꙋпинѣ̀ мѡѷсе́й, неѡпа́льнѡ ѻ҆́гнь бж҃ества̀ заче́ншꙋю во чре́вѣ: данїи́лъ же тѧ̀ ви́дѣ го́рꙋ несѣко́мꙋю, же́злъ прозѧ́бшїй, и҆са́їа взыва́ше, ѿ ко́рене дв҃дова."
|
||||
},
|
||||
{
|
||||
"type": "TEXT",
|
||||
"value": "Ѽ дв҃о бл҃га́ѧ! Ѽ мі́ра ра́досте и҆ прибѣ́жище! Ѽ храни́лище вѣ́рныхъ, и҆ и҆збавле́нїе скорбе́й! Ты̀ предста́ни мѝ въ ча́съ сме́рти, и҆ и҆зба́ви ѿ бѣсѡ́въ, и҆́щꙋщихъ растли́ти мѧ̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ зижди́телѧ и҆ бг҃а заче́нши во ᲂу҆тро́бѣ, дв҃о мт҃и чⷭ҇таѧ, си́лою ꙗ҆́же въ тебѣ̀ низложѝ бѣсѡ́въ шата̑нїѧ, и҆ вознесѝ ро́гъ пою́щихъ держа́вꙋ твою̀ бж҃е́ственнꙋю, и҆ вѣ́рнѡ покланѧ́ющихсѧ ѡ҆́бразꙋ твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Новосодѣ́лавъ на́ше є҆стество̀, и҆́же ѿ тебѐ воплоще́йсѧ, дв҃о чⷭ҇таѧ, но́во дѣ́лаетъ и҆ ѡ҆бновлѧ́етъ, мт҃рнею твое́ю мл҃твою, свѣ́тлꙋю и҆ бо́дрꙋю застꙋ́пницꙋ, и҆ сꙋ́щꙋю бцⷣꙋ въ пѣ́снехъ непреста́ннѡ тѧ̀ велича́ющихъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ты̀ а҆́гг҃лѡвъ ра́дость, ты̀ првⷣникѡвъ добро́та, ты̀ вѣ́рныхъ наде́жда, ты̀ соблюде́нїе на́ше: ты̀ мо́стъ, и҆́же къ жи́зни несостарѣ́ющейсѧ преводѧ́щїй, вѣ́рою и҆ любо́вїю тѧ̀ велича́ющыѧ."
|
||||
},
|
||||
{
|
||||
"type": "TEXT",
|
||||
"value": "Та́же: Досто́йно є҆́сть: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ, и҆ про́чее ѻ҆бы́чно, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сꙋббѡ́тꙋ ᲂу҆́тра, по а҃-мъ стїхосло́вїи, сѣда́льны мч҃нчны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Бл҃годꙋ́шное терпѣ́нїѧ ва́шегѡ побѣдѝ кѡ́зни ѕлонача́льнагѡ врага̀ стрⷭ҇тоте́рпцы всехва́льнїи: сегѡ̀ ра́ди вѣ́чнагѡ сподо́бистесѧ бл҃же́нства. Но моли́тесѧ гдⷭ҇еви, хрⷭ҇толюби́выхъ люде́й сп҃стѝ ста́до, мч҃нцы сꙋ́ще и҆́стиннїи."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Сїѧ́ете вѣ́рою пресвѣ̑тлаѧ свѣти̑ла ст҃і́и, недꙋ́гꙋющихъ вра́чеве, стрⷭ҇тоте́рпцы прехва́льнїи, мꙋчи́телей ᲂу҆́бѡ ра́нъ не ᲂу҆боѧ́стесѧ, і҆́дѡльское ѕлоче́стїе низложи́сте, побѣ́дꙋ и҆мꙋ́ще непобѣди́мꙋю, крⷭ҇тъ и҆́стинный."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Тѧ̀ хода́тайствовавшꙋю сп҃се́нїе ро́да на́шегѡ, воспѣва́емъ бцⷣе дв҃о: пло́тїю бо ѿ тебѐ воспрїѧ́тою сн҃ъ тво́й и҆ бг҃ъ на́шъ, крⷭ҇то́мъ воспрїи́мъ стрⷭ҇ть, и҆зба́ви на́съ ѿ тлѝ, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи, сѣда́льны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Воѡрꙋжи́вшесѧ всеѻрꙋ́жествомъ хрⷭ҇то́вымъ, и҆ ѡ҆бо́лкшесѧ во ѻ҆рꙋ́жїе вѣ́ры, полкѝ вра̑жїѧ страда́льчески низложи́сте, ᲂу҆се́рднѡ бо ᲂу҆пова́нїемъ жи́зни, претерпѣ́сте всѧ̑ мꙋчи́телей прещє́нїѧ же и҆ ра̑ны. Тѣ́мже и҆ вѣнцы̀ прїѧ́сте, мч҃нцы хрⷭ҇тѡ́вы терпѣливодꙋ́шнїи."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Стрⷭ҇тоте́рпцы ст҃і́и, моли́те млⷭ҇тиваго бг҃а, да прегрѣше́нїй ѡ҆ставле́нїе пода́стъ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни, ꙗ҆̀же и҆збра́лъ, и҆ прїѧ́лъ є҆сѝ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Є҆гда̀ сло́вомъ твои́мъ предста́немъ безме́здномꙋ твоемꙋ̀ сꙋди́щꙋ гдⷭ҇и, не посрамѝ въ тѧ̀ вѣ́ровавшихъ сп҃се на́шъ: вси́ бо согрѣши́хомъ, но тебѐ не ѿстꙋпи́хомъ. Тѣ́мже мо́лимъ тѧ̀, въ селе́нїихъ пра́ведныхъ твои́хъ, хрⷭ҇тѐ, и҆̀хже прїѧ́лъ є҆сѝ, ᲂу҆поко́й: є҆ди́нъ бо є҆сѝ безгрѣ́шенъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Прⷪ҇ро́цы проповѣ́даша, а҆пⷭ҇ли наꙋчи́ша, мч҃нцы и҆сповѣ́даша, и҆ мы̀ вѣ́ровахомъ, бцⷣꙋ тѧ̀ вои́стиннꙋ сꙋ́щꙋю: тѣ́мже и҆ велича́емъ ржⷭ҇тво̀ твоѐ, пречⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ ст҃ы̑мъ мч҃нкѡмъ, и҆ ст҃и́телємъ, и҆ прпⷣбнымъ, и҆ ᲂу҆со́пшымъ. Творе́нїе і҆ѡ́сифово. Гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ди́внѡ, сла́внѡ творѧ́й чꙋдеса̀ ты̀ є҆сѝ бж҃е, бе́зднꙋ ѡ҆землени́вый, и҆ колєсни́цы потопи́вый, и҆ лю́ди сп҃сы́й пою́щыѧ тебѣ̀, ꙗ҆́кѡ цр҃ю̀ на́шемꙋ и҆ бг҃ꙋ."
|
||||
},
|
||||
{
|
||||
"type": "TEXT",
|
||||
"value": "Мꙋче́нїѧ сла́вꙋ, премꙋ́дрїи, ѡ҆брѣто́сте всѝ страда́льцы, мꙋчє́нїѧ многоѡбра̑знаѧ до́блественнѣ претерпѣ́сте, стрⷭ҇тоте́рпцы: тѣ́мже сла́вими є҆стѐ при́снѡ."
|
||||
},
|
||||
{
|
||||
"type": "TEXT",
|
||||
"value": "Превы́шшїй и҆мꙋ́ще живо́тъ ꙗ҆ви́стесѧ бж҃е́ственнїи слꙋжи́телїе, премꙋ́дрїи сщ҃еннотаи̑нницы вопло́щшагѡсѧ сло́ва, ᲂу҆па́сше до́брѣ гдⷭ҇не ста́до си́лою бж҃е́ственною."
|
||||
},
|
||||
{
|
||||
"type": "TEXT",
|
||||
"value": "Распе́ншесѧ мі́рови прпⷣбнїи, плотски́хъ всѣ́хъ сласте́й ѿверго́стесѧ, и҆ сосꙋ́ди дх҃а ꙗ҆́вльшесѧ, дꙋ́хи прелє́стныѧ бж҃е́ственною си́лою погꙋби́сте вкꙋ́пѣ."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆̀же ѿ землѝ повелѣ́нїемъ твои́мъ гдⷭ҇и, вѣ́рою бл҃гоче́стною ще́дре преста́вльшыѧсѧ, жи́зни безконе́чныѧ и҆ свѣ́та невече́рнѧгѡ сподо́бивъ, ᲂу҆поко́й ꙗ҆́кѡ бл҃гъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃оро́диченъ: Ꙗ҆́кѡ бг҃а ро́ждшꙋю пло́тїю пречⷭ҇таѧ, нра́вомъ бл҃гоче́стнымъ чти́мъ тѧ̀ непреста́ннѡ, съ чⷭ҇тны́ми жена́ми, посто́мъ просїѧ́вшими, и҆ страда́ньми врага̀ низложи́вшими."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ ᲂу҆со́пшымъ пое́мъ нарѧдꙋ̀, и҆дѣ́же нѣ́сть мине́и. Творе́нїе ѳеофа́ново."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пресѣка́емое мо́ре жезло́мъ дре́вле і҆и҃ль про́йде ꙗ҆́кѡ по пꙋсты́ни, и҆ крⷭ҇тоѡбра́знѡ ꙗ҆́вѣ пред̾ꙋготовлѧ́етъ стєзѝ: сегѡ̀ ра́ди пои́мъ во хвале́нїи чꙋ́дномꙋ бг҃ꙋ на́шемꙋ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Погребе́нїемъ твои́мъ сме́рть ᲂу҆мертви́въ, и҆ низложи́въ а҆́дово мꙋчи́тельство, на нб҃са̀ предте́ча на́мъ возше́дый, стрⷭ҇тоте́рпческїй ли́къ совозне́слъ є҆сѝ. Ны́нѣ же дꙋ́шы ᲂу҆поко́й преста́влєнныѧ къ тебѣ̀ хрⷭ҇тѐ."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Поко́й гдⷭ҇и, дꙋ́шы ᲂу҆со́пшихъ ра̑бъ твои́хъ."
|
||||
},
|
||||
{
|
||||
"type": "TEXT",
|
||||
"value": "И҆́же бж҃є́ственныѧ мч҃нки ᲂу҆крѣплѧ́ѧй, и҆ тѣ́ми пре́лесть потреби́вый, мольба́ми и҆́хъ, ꙗ҆́кѡ бг҃ъ, сконча́вшымсѧ ꙗ҆̀же ѡ҆ тебѣ̀ сп҃се, безсме́ртїе и҆ бл҃же́нное наслѣ́дїе ᲂу҆лꙋчи́ти бл҃говолѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: За рабы̑ влⷣко, твою̀ кро́вь закла́всѧ и҆злїѧ́лъ є҆сѝ ꙗ҆́кѡ ще́дръ, до́лгъ же за ни́хъ воздаѧ̀: сегѡ̀ ра́ди млⷭ҇рде, тебѐ мо́лимъ, преста́влєнныѧ рабы̑ твоѧ̑ къ тебѣ̀ ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Чⷭ҇тꙋю воспои́мъ бцⷣꙋ, бг҃а ро́ждшꙋю, сме́ртїю свое́ю сме́рть на́шꙋ и҆спрове́ргшаго, и҆ жи́знь и҆сточи́вшаго нестарѣ́ющꙋюсѧ, и҆ во вѣ́ки пребыва́ющее бл҃же́нство."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Непло́днаѧ дꙋшѐ и҆ безча́днаѧ, стѧжѝ пло́дъ бл҃госла́вный, веселѧ́щисѧ возопі́й: ᲂу҆тверди́хсѧ тобо́ю бж҃е, нѣ́сть ст҃ъ, нѣ́сть првⷣнъ, па́че тебѐ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Си́лою бж҃їею ᲂу҆крѣплѧ́еми мч҃ницы сла́внїи, пагꙋборо́днꙋю си́лꙋ, и҆́же въ ѕло́бѣ си́льнагѡ врага̀, до конца̀ погꙋби́сте, и҆ побѣ̑дныѧ прїѧ́сте бж҃е́ствєнныѧ вѣнцы̀."
|
||||
},
|
||||
{
|
||||
"type": "TEXT",
|
||||
"value": "И҆́же прпⷣбныѧ влⷣко, ꙗ҆ви́лъ є҆сѝ врага̀ побѣди́тели, и҆ ст҃и́тели пома́занїемъ прест҃ы́мъ ѡ҆ст҃и́вый хрⷭ҇тѐ, тѣ́хъ мольба́ми ѡ҆ст҃ѝ и҆ просвѣтѝ пою́щыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Со прⷪ҇ро́ки всѣ́ми восхва́лимъ же́нъ бж҃е́ственныхъ ли́къ, ꙗ҆̀же въ постѣ̀ просїѧ́вшыѧ, и҆ вѣ́рою пострада́вшыѧ, и҆ многоко́зненнаго ѕмі́ѧ попра́вшыѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆̀хже ѿ на́съ преста́вилъ є҆сѝ бж҃е́ственною во́лею хрⷭ҇тѐ, со ст҃ы́ми ᲂу҆чинѝ, ꙗ҆̀же въ житїѝ презрѣ́въ ще́дре, тѣ́хъ прегрѣшє́нїѧ, мо́лимсѧ, мл҃твами ст҃ы́хъ твои́хъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃оро́диченъ: И҆̀же сп҃се́ни пречⷭ҇таѧ, твои́мъ ст҃ы́мъ ржⷭ҇тво́мъ, гла́съ гаврїи́ловъ вопїе́мъ тѝ вѣ́рнѡ, є҆́же ра́дꙋйсѧ, и҆ мо́лимсѧ: твои́ми мл҃твами, прегрѣше́нїй проще́нїе всѣ̑мъ на́мъ и҆спросѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ не сꙋ́щихъ всѧ̑ приведы́й, сло́вомъ созида́ємаѧ, соверша́ємаѧ дх҃омъ, вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "Созда́вый мѧ̀ ѿ землѝ, и҆ къ землѝ возвраще́на ѻ҆каѧ́ннаго ѡ҆бнови́вый свѣтлѣ́е, дꙋ́шы ᲂу҆со́пшихъ ᲂу҆поко́й мл҃твами мч҃никъ."
|
||||
},
|
||||
{
|
||||
"type": "TEXT",
|
||||
"value": "Стрⷭ҇тоте́рпєцъ мч҃нкъ, бїе́ньми же и҆ вѧза́ньми, ра́нами и҆ ꙗ҆́звами, ᲂу҆моле́нъ быва́ѧ, дꙋ́шы ра̑бъ твои́хъ во ст҃ы́хъ селе́нїихъ ᲂу҆чинѝ ще́дре."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆зба́ви чл҃вѣколю́бче рабы̑ твоѧ̑ гее́нны, ѻ҆гнѧ́ же и҆ мра́чныхъ селе́нїй а҆́да, и҆̀же вѣ́рою влⷣко, ᲂу҆со́пшыѧ твое́ю наде́ждею."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Сщ҃е́ннѣйшаѧ, ꙗ҆́кѡ мт҃и зижди́телѧ тва́ри сꙋ́щи, сме́рти разо́ршагѡ си́лꙋ, бцⷣе пречⷭ҇таѧ, и҆ нетлѣ́нїе на́мъ дарова́вшагѡ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прїѡсѣне́ннꙋю го́рꙋ а҆ввакꙋ́мъ прозрѧ́ше пречⷭ҇тꙋю твою̀ ᲂу҆тро́бꙋ чⷭ҇таѧ. Тѣ́мъ взыва́ше: ѿ ю҆́га прїи́детъ бг҃ъ, и҆ ст҃ы́й ѿ горы̀ прїѡсѣне́нныѧ ча́щи."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже ѻ҆вча́та приведо́стесѧ всѝ во́лею закла́вшесѧ ꙗ҆́коже а҆́гнцы, мꙋ́дрїи страда́льцы, а҆́гнцꙋ на дре́вѣ кре́стнѣмъ бл҃гоизво́лившемꙋ бж҃їю сло́вꙋ закла́тисѧ за ро́дъ человѣ́ческїй."
|
||||
},
|
||||
{
|
||||
"type": "TEXT",
|
||||
"value": "Со прпⷣбными почти́мъ бл҃госла̑вныѧ первосщ҃е́нники, свѣти́льники бы́вшыѧ вѣ̑рнымъ: є҆́рєси же разрꙋши́вшыѧ, и҆ страсте́й тьмꙋ̀ глꙋбо́кꙋю, и҆ къ незаходи́момꙋ свѣ́тꙋ вѣ́рою прело́жшыѧсѧ."
|
||||
},
|
||||
{
|
||||
"type": "TEXT",
|
||||
"value": "Красото́ю слове́съ, бг҃огла́снїи прⷪ҇ро́цы просвѣща́ютъ вѣ́рныхъ дꙋ́шы, по́двигѡвъ же свѣтлостьмѝ, и҆ чꙋде́съ восто́ками ѡ҆зарѧ́ютъ сердца̀ бг҃онѡ́сныѧ жєны̀."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆̀же житїѐ ѡ҆ста́вльшыѧ, премі́рнѣй сла́вѣ прича́стники покажѝ, сло́ве бж҃їй, прегрѣше́нїй и҆збавле́нїе си̑мъ да́рꙋѧй бл҃же, ꙗ҆̀же содѣ́ѧша на землѝ въ ра́зꙋмѣ и҆ не въ ра́зꙋмѣ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃оро́диченъ: Мч҃нкѡвъ сла́вꙋ, ст҃и́телей и҆ прпⷣбныхъ бж҃е́ственное ᲂу҆добре́нїе, и҆ вѣ́рныхъ ᲂу҆твержде́нїе, прⷪ҇ро́кѡвъ ѡ҆глаше́нїе, всепѣ́тꙋю воспои́мъ гдⷭ҇ню мт҃рь."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и: є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́вѣ си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Во гро́бъ за ны̀ млⷭ҇тивнѡ всели́всѧ влⷣко, гро́бы и҆стощи́лъ є҆сѝ ꙗ҆́кѡ бг҃ъ, и҆ побѣдоно́сцы ꙗ҆́вль мч҃нки, въ мѣ́стѣ ѡ҆слабле́нїѧ ᲂу҆со́пшыѧ рабы̑ твоѧ̑ ᲂу҆чинѝ."
|
||||
},
|
||||
{
|
||||
"type": "TEXT",
|
||||
"value": "И҆̀же страда́лєцъ крѣ̑пкїѧ по́двиги, и҆ ра̑ны, и҆ ᲂу҆дѡ́въ ѿсѣчє́нїѧ, ꙗ҆̀же за тѧ̀ претерпѣ́ша влⷣко, ра́дꙋѧсѧ прїе́мый, и҆ ꙗ҆̀же прїѧ́лъ є҆сѝ, и҆зба́ви ѿ мꙋче́нїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆́же манове́нїемъ свои́мъ живота̀ и҆мѣ́ѧ ᲂу҆мѣ́ренїе, безконе́чныѧ твоеѧ̀ жи́зни и҆ нетлѣ́нныѧ сла́вы сподо́би, ꙗ҆̀же къ тебѣ̀ преста́вилъ є҆сѝ, грѣхо́вное разо́рь средогра́дїе."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Мт҃и вои́стиннꙋ и҆ дв҃а ꙗ҆ви́ласѧ є҆сѝ всенепоро́чнаѧ, зача́тїе и҆ ржⷭ҇тво̀ и҆́стинно, къ дв҃ствꙋ є҆ди́на сочета́вши: бг҃а бо родила̀ є҆сѝ, сме́рти разо́ршаго си́лꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́томъ твои́мъ невече́рнимъ хрⷭ҇тѐ ѡ҆зарѝ бж҃е смире́ннꙋю мою̀ дꙋ́шꙋ, и҆ наста́ви на стра́хъ тво́й, занѐ свѣ́тъ повелѣ̑нїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "Ра̑ны ва́шѧ и҆ ꙗ҆́звы, врагꙋ̀ ᲂу҆́бѡ ꙗ҆ви́шасѧ ꙗ҆́звы неисцѣ̑льныѧ: ꙗ҆́звы же ны́нѣ и҆сцѣлѧ́ютъ всѣ́хъ вѣ́рныхъ страда́льцы гдⷭ҇ни."
|
||||
},
|
||||
{
|
||||
"type": "TEXT",
|
||||
"value": "Воспои́мъ прпⷣбныхъ мно́жество, и҆ ᲂу҆бл҃жи́мъ ст҃и́тели хрⷭ҇тѡ́вы, и҆ почти́мъ прⷪ҇ро́ки є҆гѡ̀, ны́нѣ ѡ҆ на́съ при́снѡ молѧ́щыѧсѧ."
|
||||
},
|
||||
{
|
||||
"type": "TEXT",
|
||||
"value": "Бг҃а вопло́щшасѧ на́съ ра́ди, лю́бѧщѧ всесла̑вныѧ жєны̀, нра́вомъ пра́вымъ пострада́вшѧ, и҆ пости́вшѧсѧ, на нб҃сѣ́хъ ны́нѣ пребыва́ютъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Въ ра́йстѣй гдⷭ҇и пи́щи, во странѣ̀ живы́хъ хрⷭ҇тѐ, и҆дѣ́же сїѧ́етъ тво́й свѣ́тъ, вселѝ ꙗ҆̀же преста́вилъ є҆сѝ ѿ землѝ, вѣ̑рныѧ твоѧ̑ рабы̑."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃оро́диченъ: И҆з̾ тебѐ пречⷭ҇таѧ, бг҃ъ воплоти́сѧ, и҆ вы́шшꙋю тѧ̀ а҆́гг҃лъ показа̀ ны́нѣ, тва́рей же всѣ́хъ преимꙋ́щꙋю влⷣчце: тѣ́мже тѧ̀ воспѣва́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Къ тебѣ̀ ᲂу҆́тренюю всѣ́хъ творцꙋ̀, преимꙋ́щемꙋ всѧ́къ ᲂу҆́мъ ми́рови, занѐ свѣ́тъ повелѣ̑нїѧ твоѧ̑, въ ни́хже наста́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Въ цр҃кви пе́рвенєцъ бл҃же, преше́дшыѧ ѿ на́съ мч҃никъ ра́ди, и҆ честны́хъ страда́лєцъ мольба́ми: съ пра́ведными причтѝ."
|
||||
},
|
||||
{
|
||||
"type": "TEXT",
|
||||
"value": "За и҆збавле́нїе мно́гихъ прегрѣше́нїй, прест҃ꙋ́ю кро́вь твою̀ хрⷭ҇тѐ, и҆злїѧ́лъ є҆сѝ: и҆ ны́нѣ мч҃никъ твои́хъ сп҃се, мольба́ми, бл҃гоче́стнѡ ᲂу҆со́пшыѧ ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆пра́ви сло́ве, ѿше́дшихъ дꙋ́шы въ вѣ́чное мѣ́сто сла́дости твоеѧ̀, ꙗ҆́же па́че ᲂу҆ма̀, и҆ ст҃ы́хъ бж҃е́ственныѧ свѣ́тлости сподо́би."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Тебѐ дв҃ꙋ, ю҆́же па́че сло́ва во чре́вѣ неѡб̾име́нное сло́во заче́ншꙋю, мє́ртвымъ жи́знь даю́щаго, досто́йнѡ бл҃жи́мъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Глꙋбина̀ страсте́й воста̀ на мѧ̀, и҆ бꙋ́рѧ проти́вныхъ вѣ́трѡвъ: но предвари́въ мѧ̀ ты̀ сп҃сѝ сп҃се, и҆ и҆зба́ви ѿ тлѝ, ꙗ҆́кѡ сп҃слъ є҆сѝ ѿ ѕвѣ́рѧ прⷪ҇ро́ка."
|
||||
},
|
||||
{
|
||||
"type": "TEXT",
|
||||
"value": "Свѣти́льники честны́ѧ цр҃кве, а҆́гнца и҆ па́стырѧ сщ҃е́ннѣйшїи всесла́внїи хрⷭ҇тѡ́вы страда́льцы да почтꙋ́тсѧ сщ҃е́нными пѣ́сньми."
|
||||
},
|
||||
{
|
||||
"type": "TEXT",
|
||||
"value": "Вознесе́сѧ прпⷣбныхъ собо́ръ вознесы́й бг҃а во смире́нїи: и҆ просла́висѧ мно́жество ст҃и́телей въ дѣ́лѣхъ до́брыхъ, просла́вившихъ ст҃ꙋ́ю трⷪ҇цꙋ."
|
||||
},
|
||||
{
|
||||
"type": "TEXT",
|
||||
"value": "Чꙋде́съ показа́нїи бж҃е́ственныхъ, и҆ болѣ́зней терпѣ́нїемъ соверше́ннымъ, беззако́ннꙋющихъ вра̑гъ, сщ҃е́нныхъ же́нъ ли́къ ᲂу҆ѧзвѝ, мꙋ́жески до́блествовавше."
|
||||
},
|
||||
{
|
||||
"type": "TEXT",
|
||||
"value": "Сла́ва: Въ вѣ́рѣ и҆̀хже ѿ землѝ прїѧ́лъ є҆сѝ, ст҃ы́хъ сопричтѝ собо́рѡмъ, и҆ въ нѣ́дрѣхъ вѣ́рнагѡ а҆враа́ма ᲂу҆чинѝ хрⷭ҇тѐ, при́снѡ сла́вити твоѐ мно́гое бл҃гоꙋтро́бїе."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃оро́диченъ: Мч҃нкѡвъ, прⷪ҇ро́кѡвъ и҆ прпⷣбныхъ, и҆ всѣ́хъ ѿ вѣ́ка првⷣныхъ похвала̀, ты̀ є҆сѝ пречⷭ҇таѧ: тѣ́мже гла́сы ꙗ҆́вѣ ра́достными чти́мъ тѧ̀ съ ни́ми, бцⷣе."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Возведѝ ѿ тли́ мѧ гдⷭ҇и бж҃е мо́й, і҆ѡ́на вопїѧ́ше, и҆ а҆́зъ вопїю́ ти: и҆з̾ глꙋбины̀ и҆зба́ви мѧ̀ сп҃се, мно́гихъ мои́хъ ѕѡ́лъ, и҆ къ свѣ́тꙋ твоемꙋ̀, молю́сѧ, наста́ви."
|
||||
},
|
||||
{
|
||||
"type": "TEXT",
|
||||
"value": "Преложѝ на ра́дость въ вѣ́рѣ ᲂу҆со́пшихъ рыда́нїе, мл҃твами стрⷭ҇тоте́рпєцъ, препоѧсꙋ́ѧ и҆̀хъ бл҃голѣ́пнѣ хрⷭ҇тѐ, весе́лїемъ, и҆ къ свѣ́тꙋ твоемꙋ̀ направлѧ́ѧ и҆ наставлѧ́ѧ."
|
||||
},
|
||||
{
|
||||
"type": "TEXT",
|
||||
"value": "Оу҆поко́й бж҃е, мно́жествомъ щедро́тъ твои́хъ ᲂу҆ патрїа́рхѡвъ въ нѣ́дрѣ преста́влєныѧ, и҆дѣ́же свѣ́тъ сїѧ́етъ свѣ́тлый твоегѡ̀ лица̀, хрⷭ҇тѐ, презира́ѧ и҆́хъ всѧ̑ прегрѣшє́нїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆дивѝ на ѿше́дшихъ ѿсю́дꙋ, и҆ лю́тыхъ житїѧ̀ и҆зба́вленыхъ, чꙋ́днꙋю млⷭ҇ть, хрⷭ҇тѐ, чл҃вѣколю́бїѧ твоегѡ̀, и҆ ра́дости твоеѧ̀ насы́ти, и҆ кро́тости."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ме́ртвости и҆ тлѝ, и҆ сме́рти и҆зба́вихомсѧ, пресла́внымъ ржⷭ҇тво́мъ твои́мъ, бг҃омт҃и: ты́ бо на́мъ родила̀ є҆сѝ чⷭ҇таѧ, нетлѣ́нїѧ и҆сто́чникъ, и҆ твои́мъ свѣ́томъ мі́ръ ве́сь просвѣти́ла є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Трїѐ ѻ҆́троцы въ пещѝ трⷪ҇цꙋ проѡбрази́вше, преще́нїе ѻ҆́гненное попра́ша, и҆ пою́ще вопїѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Стоѧ́ще посредѣ̀ ѻ҆гнѧ̀, пресла́внїи стрⷭ҇тоте́рпцы гдⷭ҇ни, бж҃е́ственнꙋю ро́сꙋ прїима́сте съ нб҃сѐ, и҆ ᲂу҆мертви́вшесѧ мꙋ́ками, многоко́зненнаго врага̀ ме́ртва содѣ́ласте."
|
||||
},
|
||||
{
|
||||
"type": "TEXT",
|
||||
"value": "Бж҃е́ственнїи ст҃и́телїе, ꙗ҆́кѡ кора́бль и҆спра́вивше цр҃ковь хрⷭ҇то́вꙋ, непотоплѧ́емꙋ тꙋ̀ соблюдо́ша, пре́лести и҆збѣ́гше вои́стиннꙋ ѕлы́хъ во́лнъ."
|
||||
},
|
||||
{
|
||||
"type": "TEXT",
|
||||
"value": "Оу҆мертви́вше пло́ть сщ҃е́нными по́двиги по́стницы и҆́стиннїи, безстра́стїѧ наслѣ́довасте живо́тъ несостарѣ́ющїйсѧ, пою́ще: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Не покажѝ пови́нны на сꙋдѣ̀ рабы̑ твоѧ̑, ꙗ҆̀же преста́вилъ є҆сѝ вѣ̑рныѧ, но ᲂу҆поко́й сло́ве, во свѣ́тлости ст҃ы́хъ твои́хъ, пѣ́ти бл҃гоꙋтро́бїе твоѐ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃оро́диченъ: Мч҃нкѡвъ и҆ прпⷣбныхъ, и҆ прⷪ҇ро́кѡвъ всенепоро́чнаѧ, и҆ ст҃ы́хъ же́нъ, и҆ всѣ́хъ первосщ҃е́нникѡвъ сщ҃еннопожи́вшихъ, ты̀ є҆сѝ сла́ва вои́стиннꙋ, съ ни́миже чти́мъ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́коже дре́вле бл҃гочести̑выѧ трѝ ѻ҆́троки ѡ҆роси́лъ є҆сѝ въ пла́мени халде́йстѣмъ, свѣ́тлымъ бж҃ества̀ ѻ҆гне́мъ и҆ на́съ ѡ҆зарѝ, бл҃гослове́нъ є҆сѝ, взыва́ющыѧ, бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "И҆́же всѣ̑мъ живонача́льнаѧ, вина́ же и҆ си́ла твори́тельнаѧ, сло́ве бж҃їй, ѡ҆бѣща́нныѧ мч҃нкѡмъ пи́щи сподо́би дꙋ́шы преста́вленныхъ ра̑бъ твои́хъ. Бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ѡ҆ тѣлесѣ́хъ ᲂу҆́бѡ ꙗ҆́кѡ тлѣ́нныхъ, до́блественнѣ неради́ша сла́внїи мч҃нцы хрⷭ҇тѐ: ны́нѣ же со дерзнове́нїемъ мо́лѧтсѧ къ тебѣ̀: дꙋ́шы поко́й преста́вленныхъ ра̑бъ твои́хъ. Ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Тро́стїю крⷭ҇тною подписа́лъ є҆сѝ ѡ҆ставле́нїе грѣхѡ́въ всѣ̑мъ вѣ̑рнымъ, є҆мꙋ́же ны́нѣ дꙋ́шы, ꙗ҆̀же преста́вилъ є҆сѝ къ тебѣ̀, причасти́тисѧ сподо́би, и҆ весе́лїемъ пѣ́ти тѧ̀: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Сло́во ѻ҆́ч҃ее, и҆́же всѧ̑ во́лею содѣва́ѧй, є҆стество̀ человѣ́ческое погребе́ное страстьмѝ.ꙗ҆́кѡ бг҃ъ ѡ҆бновѝ: бл҃гослове́нъ, пречⷭ҇таѧ, пло́дъ твоегѡ̀ чре́ва."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: А҆́гг҃льми немо́лчнѡ въ вы́шнихъ сла́вимаго бг҃а, нб҃са̀ нб҃съ, землѧ̀, и҆ го́ры, и҆ хо́лми, и҆ глꙋбина̀, и҆ ве́сь ро́дъ человѣ́ческїй, пѣ́сньми того̀ ꙗ҆́кѡ созда́телѧ и҆ и҆зба́вителѧ бл҃гослови́те, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Нанесе́нїемъ ра̑нъ, и҆ болѣ́зней приложе́ньми ѡ҆бдержи́ми ѕѣлѡ̀, не ѿверго́стесѧ и҆́стиннагѡ живота̀, гдⷭ҇ни стрⷭ҇тоте́рпцы, ни и҆стꙋка̑ннымъ пода́сте по́чєсти, пре́лести лꙋка́вѣй."
|
||||
},
|
||||
{
|
||||
"type": "TEXT",
|
||||
"value": "Свѣти̑ла, ꙗ҆́коже на свѣ́щницѣхъ положе́ни, честны́хъ добродѣ́телей, всѣ́хъ ѡ҆зари́сте дꙋ́шы, всѧ́кꙋ тьмꙋ̀ ѿгна́вше стрⷭ҇тоте́рпцы сщ҃еннодѣ́йственнїи, нбⷭ҇нымъ ᲂу҆мовѡ́мъ сожи́телїе."
|
||||
},
|
||||
{
|
||||
"type": "TEXT",
|
||||
"value": "Достохва́льнїи прⷪ҇ро́цы, и҆ прпⷣбныхъ сосло́вїе, и҆ же́нъ всѣ́хъ бл҃гоговѣ́йныхъ мно́жество достосла́вное, да воспое́тсѧ досто́йнѡ, ѡ҆ на́съ молѧ́щесѧ сп҃сꙋ̀ и҆ бг҃ꙋ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ты̀ и҆́же живы́ми ѡ҆блада́ѧй, ꙗ҆̀же ѿ землѝ преста́вилъ є҆сѝ вѣ̑рныѧ, со ст҃ы́ми во свѣ́тѣ лица̀ твоегѡ̀ ᲂу҆чинѝ, проще́нїе прегрѣше́нїй, мно́гагѡ ра́ди, сп҃се, млⷭ҇рдїѧ подаѧ̀ си̑мъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃оро́диченъ: Многопѣ́таѧ дв҃а, прⷪ҇ро́кѡвъ ѡ҆глаше́нїе, ст҃и́телей и҆ страда́льцєвъ, и҆ прпⷣбныхъ ᲂу҆добре́нїе, и҆ же́нъ ст҃ы́хъ ра́дость, да пое́тсѧ по до́лгꙋ во вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Слꙋжи́ти живо́мꙋ бг҃ꙋ, въ вавѷлѡ́нѣ ѻ҆́троки претерпѣ́вше, ѡ҆ мꙋсїкі́йскихъ ѻ҆рга́нѣхъ неради́ша, и҆ посредѣ̀ пла́мене стоѧ́ще, бг҃олѣ́пнꙋю пѣ́снь воспѣва́хꙋ глаго́люще: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Сы́й сокро́вище безсме́ртїѧ, ты̀ живонача́льниче, мє́ртвымъ нетлѣ́нїе провозвѣсти́лъ є҆сѝ, є҆́же твои̑мъ мч҃нкѡмъ, хрⷭ҇тѐ, бл҃гоче́стнѡ вѣ́рою тебѣ̀ пою́щымъ дарова́лъ є҆сѝ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Мꙋ́дростїю дꙋхо́вною, и҆ терпѣ́нїемъ дѣ́лъ крѣ́пцыи страда́льцы ѡ҆ мꙋ́кахъ неради́ша, дꙋша́мъ преста́влєннымъ ѿ хрⷭ҇та̀ ѡ҆ставле́нїѧ про́сѧтъ, зовꙋ́ще: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆чи́сти бл҃же, копїе́мъ ре́бръ твои́хъ растерза́въ рꙋкописа́нїе къ тебѣ̀ преста́вленныхъ, и҆ средогра́дїе ѿе́мъ прегрѣше́нїй, пѣсносло́вити тѧ̀ прїе́мъ и҆́хъ сп҃се, бл҃говолѝ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѻ҆́блакъ тѧ̀ мы́сленный претрꙋ́ждшымсѧ жа́ждею ᲂу҆мерщвле́нїѧ, дв҃о чⷭ҇таѧ, вѣ́мы, во́дꙋ жи́вꙋ ѡ҆ставле́нїѧ и҆сточа́ющꙋ, и҆ мє́ртвымъ безсме́ртїе всѣ̑мъ подаю́щꙋю, вѣ́рою при́снѡ зовꙋ́щымъ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Та́же, пѣ́снь бцⷣы: Вели́читъ дꙋша̀ моѧ̀ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На сїна́йстѣй горѣ̀ ви́дѣ тѧ̀ въ кꙋпинѣ̀ мѡѷсе́й, неѡпа́льнѡ ѻ҆́гнь бж҃ества̀ заче́ншꙋю во чре́вѣ: данїи́лъ же тѧ̀ ви́дѣ го́рꙋ несѣко́мꙋю, же́злъ прозѧ́бшїй, и҆са́їа взыва́ше ѿ ко́рене дв҃дова."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже ѻ҆вча́та приведо́стесѧ закла́вшемꙋсѧ на́съ ра́ди, и҆ бж҃е́ственныѧ ли́ки а҆́гг҃лъ и҆спо́лнисте ра́дости, стрⷭ҇тоте́рпцы хрⷭ҇тѡ́вы. Тѣ́мже мл҃твами ва́шими всѣ́хъ ᲂу҆тверди́те, и҆ ѿ врага̀ вре́дныѧ пре́лести всѣ́хъ и҆зба́вите."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ свѣти́льницы живо́тное сло́во и҆мꙋ́ще, просвѣти́сте дꙋ́шы, первосщ҃е́нницы хрⷭ҇тѡ́вы сщ҃е́ннѣйшїи, бж҃е́ственныѧ сла́вы прича́стницы: ꙗ҆́кѡ ѻ҆́гнь прїи́мше дх҃а прпⷣбнїи, стра̑сти попали́сте, и҆ і҆́дѡльское разжиза́нїе погꙋби́сте."
|
||||
},
|
||||
{
|
||||
"type": "TEXT",
|
||||
"value": "Со прⷪ҇ро́ки ст҃ы́ми почти́мъ прпⷣбныхъ мно́жество, пре́жде зако́на, и҆ въ зако́нѣ возсїѧ́вшихъ житїе́мъ чи́стымъ, же́нъ же ст҃ы́хъ ли́ки восхва́лимъ, и҆ возопїи́мъ: гдⷭ҇и, мл҃твами и҆́хъ сп҃сѝ всѣ́хъ на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва: Погребе́нїе твоѐ хрⷭ҇тѐ, и҆ воскрⷭ҇нїе, всѣ̑мъ бы́сть живо́тъ. Сегѡ̀ ра́ди дерза́юще вопїе́мъ тѝ: со всѣ́ми и҆збра́нными вѣ̑рныѧ, ꙗ҆̀же прїѧ́лъ є҆сѝ рабы̑ твоѧ̑ ᲂу҆поко́й си́хъ согрѣшє́нїѧ всѧ̑ проща́ѧ, ꙗ҆́кѡ бг҃ъ пребл҃гі́й."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃оро́диченъ: Стра́шно мѣ́сто сїѐ, возопѝ, є҆гда̀ і҆а́кѡвъ твоѐ воѡбраже́нїе въ лѣ́ствицѣ ви́дѣ, бцⷣе, нело́жнѣ: мч҃нкѡвъ сла́во, и҆ прпⷣбныхъ похвало̀, а҆́гг҃лѡвъ ᲂу҆краше́нїе, и҆ всѣ́хъ прⷪ҇ро́кѡвъ, и҆ вѣ́рныхъ сп҃се́нїе."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Кꙋпино́ю и҆ ѻ҆гне́мъ пропи́саннꙋю въ сїна́и законополо́жникꙋ мѡѷсе́ю, и҆ бж҃їй во чре́вѣ неѡпа́льнѡ заче́ншꙋю ѻ҆́гнь, всесвѣ́тлꙋю и҆ негаси́мꙋю свѣщꙋ̀, сꙋ́щꙋю бцⷣꙋ пѣ́сньми чтꙋ́ще велича́емъ."
|
||||
},
|
||||
{
|
||||
"type": "TEXT",
|
||||
"value": "Ны́нѣ ꙗ҆́кѡ є҆ди́нъ бл҃гъ, и҆ чл҃вѣколю́бецъ бг҃ъ, преста́влєнныѧ къ тебѣ̀, мч҃нкъ мольба́ми, въ странѣ̀ кро́ткихъ землѝ вселѝ, разрѣше́нїе прегрѣше́нїй подаѧ̀ млⷭ҇тиве си̑мъ, да непреста́ннѡ пѣ́сньми тѧ̀ велича́емъ."
|
||||
},
|
||||
{
|
||||
"type": "TEXT",
|
||||
"value": "Во ст҃ы́хъ селе́нїихъ, въ нѣ́дрѣхъ а҆враа́ма, ꙗ҆̀же прїѧ́лъ є҆сѝ хрⷭ҇тѐ, причтѝ съ првⷣными твои́ми: и҆дѣ́же сїѧ́етъ свѣ́тъ лица̀ твоегѡ̀ неизрече́нный и҆ бж҃е́ственный, и҆ пребыва́ющее во вѣ́ки вои́стиннꙋ присносꙋ́щное ра́дованїе."
|
||||
},
|
||||
{
|
||||
"type": "TEXT",
|
||||
"value": "Сла́ва: Бл҃же́нныѧ твоеѧ̀ жи́зни, и҆ вѣ́чныхъ бла̑гъ непреста́нныѧ пи́щи, весе́лїѧ и҆́стиннагѡ сподо́би рабы̑ твоѧ̑, ꙗ҆̀же преста́вилъ є҆сѝ во́лею жизнода́вче, въ мѣ́стѣ ѕла́чнѣ, на вода́хъ поко́йныхъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́кѡ ст҃ы́й ковче́гъ, и҆ свидѣ́нїѧ ски́нїѧ законода́вца бг҃а, прїѧ́ла є҆сѝ во ᲂу҆тро́бѣ всенепоро́чнаѧ зижди́телѧ твоего̀, и҆зрече́нїе дре́внїѧ клѧ́твы, и҆ зако́нъ сме́рти свое́ю сме́ртїю и҆спрове́ргшаго."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀, и҆ свѣти́ленъ, и҆ ѱалмы̀ ѻ҆бы́чны."
|
||||
},
|
||||
{
|
||||
"type": "HEADER",
|
||||
"value": "На хвали́техъ стїхи̑ры мꙋ́ченичны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Ст҃ы́хъ мч҃никъ па́мѧть, прїиди́те лю́дїе, всѝ почти́мъ, ꙗ҆́кѡ позо́ръ бы́ша а҆́гг҃лѡмъ и҆ человѣ́кѡмъ и҆ побѣ́ды вѣнцы̀ ѿ хрⷭ҇та̀ прїѧ́ша, и҆ мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Царе́й и҆ мꙋчи́телей стра́хъ ѿри́нꙋша хрⷭ҇тѡ́вы во́ини, и҆ бл҃годерзнове́ннѡ и҆ мꙋ́жески того̀ и҆сповѣ́даша, всѧ́ческихъ гдⷭ҇а бг҃а и҆ цр҃ѧ̀ на́шего, и҆ мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Си̑лы ст҃ы́хъ а҆́гг҃лъ ᲂу҆диви́шасѧ мч҃нчєскимъ страда́нїємъ, ꙗ҆́кѡ пло́тїю сме́ртною ѡ҆бложе́ни, ѡ҆ мꙋ́кахъ неради́ша, подѡ́бницы бы́вше стрⷭ҇те́мъ сп҃са хрⷭ҇та̀, и҆ мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ свѣти̑ла въ мі́рѣ сїѧ́ете, и҆ по сме́рти ст҃і́и мч҃нцы, по́двигомъ до́брымъ подви́гшесѧ: и҆ и҆мꙋ́ще дерзнове́нїе, хрⷭ҇та̀ ᲂу҆моли́те, поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Ме́ртвенъ: Человѣ́цы, что̀ всꙋ́е мѧте́мсѧ; пꙋ́ть кра́токъ є҆́сть, теце́мъ: ды́мъ є҆́сть житїѐ, па́ра, пе́рсть и҆ пе́пелъ: вма́лѣ ꙗ҆влѧ́етсѧ, и҆ вско́рѣ погиба́етъ. Тѣ́мже хрⷭ҇тꙋ̀ безсме́ртномꙋ цр҃ю̀ возопїи́мъ: преста́влєнныѧ ѿ на́съ ᲂу҆поко́й, и҆дѣ́же всѣ́хъ є҆́сть веселѧ́щихсѧ жили́ще ᲂу҆ тебѐ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Без̾ сѣ́мене зачала̀ є҆сѝ ѿ дх҃а ст҃а́гѡ, и҆ славосло́вѧще воспѣва́емъ тѧ̀: ра́дꙋйсѧ прест҃а́ѧ дв҃о."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры ме́ртвены. Творе́нїе ѳеофа́ново, гла́съ г҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ве́лїѧ крⷭ҇та̀ твоегѡ̀:"
|
||||
},
|
||||
{
|
||||
"type": "TEXT",
|
||||
"value": "Сла́влю крⷭ҇тъ тво́й чⷭ҇тны́й, и҆́мже живо́тъ дарова́сѧ, и҆ пи́щи наслажде́нїе, вѣ́рою и҆ любо́вїю тѧ̀ пою́щымъ, є҆ди́не многомлⷭ҇тиве. Тѣ́мже вопїе́мъ тѝ хрⷭ҇тѐ бж҃е: преста́вльшыѧсѧ ѿ на́съ ᲂу҆поко́й, и҆дѣ́же всѣ́хъ є҆́сть веселѧ́щихсѧ жили́ще ᲂу҆ тебѐ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни, ꙗ҆̀же и҆збра́лъ и҆ прїѧ́лъ є҆сѝ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Є҆ди́не млⷭ҇тиве и҆ бл҃гоꙋтро́бне, и҆мѣ́ѧй непостижи́мꙋю бл҃гости пꙋчи́нꙋ, свѣ́дый є҆стество̀ человѣ́ческое, є҆́же содѣ́лалъ є҆сѝ: тѧ̀ мо́лимъ хрⷭ҇тѐ бж҃е, преста́влєнныѧ ѿ на́съ ᲂу҆поко́й, и҆дѣ́же є҆́сть всѣ́хъ веселѧ́щихсѧ жили́ще ᲂу҆ тебѐ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Дꙋ́шы и҆́хъ во бл҃ги́хъ водворѧ́тсѧ."
|
||||
},
|
||||
{
|
||||
"type": "TEXT",
|
||||
"value": "Оу҆снꙋ́въ во гро́бѣ ꙗ҆́кѡ человѣ́къ, си́лою же непобѣди́мою ꙗ҆́кѡ бг҃ъ воскр҃си́лъ є҆сѝ, ꙗ҆̀же во гробѣ́хъ спѧ́щыѧ, немѡ́лчныѧ пѣ̑сни тебѣ̀ приносѧ́щыѧ. Тѣ́мже мо́лимъ тѧ̀ хрⷭ҇тѐ бж҃е: преста́влєнныѧ ѿ на́съ ᲂу҆поко́й, и҆дѣ́же є҆́сть всѣ́хъ веселѧ́щихсѧ жили́ще ᲂу҆ тебѐ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Свѣщꙋ̀ разꙋ́мнꙋю тѧ̀, носѧ́щꙋю свѣ́тъ бж҃ества̀, совокꙋ́пльшасѧ дебельствꙋ̀ человѣ́ческагѡ сꙋщества̀, бцⷣе, всѝ вѣ́мы: твоего̀ молѝ сн҃а и҆ бг҃а, преста́влєнныѧ ѿ на́съ ᲂу҆поко́ити, и҆дѣ́же є҆́сть всѣ́хъ веселѧ́щихсѧ ра́дованїе."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ гдⷭ҇еви: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, є҆ктенїа̀, и҆ ѿпꙋ́стъ. Та́же ча́съ пе́рвый, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сꙋббѡ́тꙋ бл҃жє́нны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Ѿве́ргша хрⷭ҇тѐ, за́повѣдь твою̀ пра́ѻтца а҆да́ма, и҆з̾ раѧ̀ и҆згна́лъ є҆сѝ: разбо́йника же ще́дре, и҆сповѣ́давша тѧ̀ на крⷭ҇тѣ̀, во́нь всели́лъ є҆сѝ, зовꙋ́ща: помѧни́ мѧ сп҃се, во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Ѻ҆́гнєннымъ ра́намъ примѣша́ющесѧ стрⷭ҇тоте́рпцы хрⷭ҇тѡ́вы, ро́сꙋ нбⷭ҇нꙋю ѡ҆брѣто́сте, прохлажда́ющꙋю же и҆ ᲂу҆крѣплѧ́ющꙋю ва́съ терпѣ́ти плѡтскі́ѧ гѡ́рькїѧ болѣ̑зни: тѣ́мже ѡ҆блегчева́ете всѧ́кꙋ болѣ́знь при́снѡ ѿ дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Ст҃и́телїе сщ҃е́ннїи, прⷪ҇ро́цы сла́внїи, прпⷣбныхъ мно́жество, и҆ же́нъ бж҃е́ственныхъ собо́ръ, пострада́вшихъ вѣ́рою, и҆ низложи́вшихъ пре́лесть вра́жїю, нбⷭ҇нꙋю сла́вꙋ полꙋчи́ша: и҆́хже мл҃твами сп҃се, ᲂу҆ще́дри рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "И҆дѣ́же сїѧ́етъ тво́й свѣ́тъ, во хра́мѣхъ и҆збра́нныхъ твои́хъ бж҃е, и҆дѣ́же пи́ща присносꙋ́щнаѧ, ꙗ҆̀же ѿ на́съ вѣ́рою преста́влєнныѧ ᲂу҆чинѝ і҆и҃се, презрѧ̀ и҆́хъ сп҃се, согрѣшє́нїѧ: да тѧ̀ влⷣко, прилѣ́жнѡ сла́вимъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѻ҆ц҃ꙋ̀, и҆ сн҃ꙋ, и҆ дх҃ꙋ бж҃е́ственномꙋ, покланѧ́емсѧ вѣ́рнїи трⷪ҇цѣ несозда́ннѣй, въ трїе́хъ ли́цѣхъ, и҆ во є҆ди́номъ бж҃ествѣ̀, при́снѡ ѿ безпло́тныхъ си́лъ, въ трїе́хъ свѧще́нїихъ славосло́вимѣй вѣ́рнѡ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Просвѣще́нїе и҆ ѡ҆чище́нїе, и҆з̾ тебѐ ꙗ҆ви́сѧ всѣ́хъ и҆зба́витель, бг҃ора́дованнаѧ влⷣчце, є҆го́же прилѣ́жнѡ молѝ въ бꙋ́дꙋщїй сꙋ́дъ стра́шный, ѡ҆сꙋжде́нїѧ всѧ́кагѡ на́съ и҆зба́вити пречⷭ҇таѧ, вѣ́рнѡ всегда̀ пою́щихъ тѧ̀."
|
||||
},
|
||||
{
|
||||
"type": "HEADER",
|
||||
"value": "Коне́цъ тре́тїемꙋ гла́сꙋ."
|
||||
}
|
||||
]
|
||||
@@ -0,0 +1,866 @@
|
||||
[
|
||||
{
|
||||
"type": "HEADER",
|
||||
"value": "Гла́съ г҃. Четверто́къ"
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ ве́чера, на Гдⷭ҇и воззва́хъ, стїхи̑ры ст҃ы̑мъ а҆пⷭ҇лѡмъ, гла́съ г҃"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ве́лїѧ мꙋ́чєникъ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Мл҃твами честны́хъ и҆ бж҃е́ственныхъ а҆пⷭ҇лъ твои́хъ, чл҃вѣколю́бче ще́дрый, є҆ди́не ми́лостиве, смире́нїе твоѐ пода́ждь рабѡ́мъ твои̑мъ, и҆ сп҃сѝ ѿ бѣ́дъ воспѣва́ющихъ тѧ̀, и҆ вѣ́рою покланѧ́ющихсѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Є҆гда̀ на престо́лѣхъ ѻ҆боюна́десѧтихъ сѧ́дете со всѣ́хъ сꙋдїе́ю, сꙋди́ти всѧ́кой тва́ри: не ѡ҆сꙋжде́на мѧ̀ покажи́те, и҆ тьмы̀ и҆ всѧ́кагѡ томле́нїѧ и҆зба́вите благода́тели моѝ, бж҃е́ственнїи а҆пⷭ҇толи."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Ѿ стрѣ́лъ нечести́вагѡ и҆зба́вите мѧ̀, ꙗ҆́кѡ бж҃їи самови́дцы, ᲂу҆гаша́юще є҆гѡ̀ кова̑рства: и҆ ѡ҆роси́те мѧ̀ дꙋхо́вною росо́ю, ва́съ молю̀ мꙋ́дрїи бл҃года́тели моѝ, бж҃е́ственнїи а҆пⷭ҇ли."
|
||||
},
|
||||
{
|
||||
"type": "HEADER",
|
||||
"value": "Та́же въ мине́и стїхи̑ры ст҃о́мꙋ. А҆́ще нѣ́сть мине́и, и҆́ны стїхи̑ры ст҃о́мꙋ и҆ вели́комꙋ чꙋдотво́рцꙋ нїкола́ю: гла́съ и҆ подо́бенъ то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Оу҆ѧ́звенъ бы́хъ ѻ҆каѧ́нный ѕмїи́нымъ ᲂу҆грызе́нїемъ, и҆ лежꙋ̀ пове́рженъ ме́ртвъ без̾ дыха́нїѧ: бо́дренною твое́ю мольбо́ю возста́ви мѧ̀ вско́рѣ, всеблаже́нне ст҃и́телю, да сла́влю твою̀ скоропослꙋшли́вꙋю бл҃года́ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Оу҆ма̀ моегѡ̀ помрачи́вшасѧ ѕлы́ми помышле́ньми, и҆ лежа́ща предви́дѧ, ника́коже престае́тъ ловле́ньми на мѧ̀ льстивомꙋ́дрый: но ꙗ҆́кѡ бг҃ъ ᲂу҆ще́дри и҆ спаси́ мѧ, нїкола́а мл҃твами."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Вели́кое сп҃се́нїе всѣ̑мъ на́мъ ꙗ҆ви́лсѧ є҆сѝ, нїко́лае пребл҃же́нне: и҆збавлѧ́еши бо всѧ́ческихъ бѣ́дъ и҆ напа́стей рабы̑ твоѧ̑, и҆ и҆скꙋше́нїй и҆ недꙋ́гѡвъ и҆ ѡ҆бстоѧ́нїѧ, и҆ врагѡ́въ неви́димыхъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ве́лїѧ чꙋде́съ твои́хъ чⷭ҇таѧ, си́ла: и҆збавлѧ́еши бо ѿ бѣ́дъ, и҆ сп҃са́еши ѿ сме́рти, и҆ восхища́еши ѿ напа́стей ненача́емыхъ, и҆ скѡ́рби разрѣша́еши, и҆ согрѣшє́нїѧ человѣ́кѡвъ ѿе́млеши."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры а҆пⷭ҇льскїѧ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Во всю̀ зе́млю и҆зы́де вѣща́нїе ва́ше ст҃і́и а҆пⷭ҇ли, і҆́дѡльскꙋю пре́лесть разрꙋши́сте, бг҃оразꙋ́мїе проповѣ́давше: сѐ до́брый по́двигъ ва́шъ є҆́сть блаже́ннїи. Сегѡ̀ ра́ди пое́мъ, и҆ славосло́вимъ па̑мѧти ва́шѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ, живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Живоно́снагѡ вїногра́да сꙋ́ще ло́зїе, сла́внїи а҆пⷭ҇ли, пло́дъ бл҃гоче́стїѧ са́ми сѧ бг҃ꙋ принесо́сте. Тѣ́мже дерзнове́нїе и҆мꙋ́ще къ немꙋ̀, проси́те дарова́ти ми́ръ, и҆ ве́лїю ми́лость дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мꙋ́чєницы твоѝ гдⷭ҇и, вѣ́рою ᲂу҆тве́рждшесѧ, и҆ наде́ждею ᲂу҆крѣ́пльшесѧ, любо́вїю крⷭ҇та̀ твоегѡ̀ дꙋше́внѡ соедини́вшесѧ, вра́жїе мꙋчи́тельство разрꙋши́ша: и҆ ᲂу҆лꙋчи́вше вѣнцы̀, со безпло́тными мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Вельмѝ согрѣша́юща мѧ̀ ѻ҆трокови́це, и҆схитѝ вели́кою твое́ю мл҃твою пла́мене нꙋ́жднагѡ: и҆ и҆спра́ви чи́стаѧ твои́ми мольба́ми, ко спаси́тєльнымъ стезѧ́мъ наставлѧ́ющи мѧ̀, мт҃рними твои́ми мл҃твами."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ на повече́рїи, канѡ́нъ моле́бный къ прест҃ѣ́й бцⷣѣ, гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́ды дре́вле ма́нїемъ бж҃е́ственнымъ во є҆ди́но со́нмище совокꙋпи́вый, и҆ раздѣли́вый мо́ре і҆и҃льтєскимъ лю́демъ, се́й бг҃ъ на́шъ, препросла́вленъ є҆́сть: томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Стена́нїе мѝ ᲂу҆́бѡ пода́ждь бцⷣе сокрꙋше́нное, и҆ сле́зꙋ дꙋше́внꙋю, ꙗ҆́кѡ да мои́хъ мно́гихъ прегрѣше́нїй пла́чꙋсѧ, и҆ со́вѣсти неисправле́нїѧ ѻ҆трокови́це, и҆ ᲂу҆молю̀ млⷭ҇рдїе твоѐ."
|
||||
},
|
||||
{
|
||||
"type": "TEXT",
|
||||
"value": "По́мыслы пополза́ѧсѧ, и҆ впа́даѧ въ бе́зднꙋ поги́бели, твоѐ дв҃о ны́нѣ молю̀ застꙋпле́нїе: ᲂу҆твердѝ непоколеби́мо неможе́нїе ᲂу҆ма̀ моегѡ̀ на ка́мени тве́рдѣмъ бж҃їихъ за́повѣдей."
|
||||
},
|
||||
{
|
||||
"type": "TEXT",
|
||||
"value": "Сла́ва: Смоко́вницꙋ ношꙋ̀ безпло́дїѧ, и҆ бою́сѧ посѣче́нїѧ и҆ прѝ, да не во ѻ҆́гнь по́слетъ мѧ̀ зижди́тель мо́й бг҃ъ. Влⷣчце предвари́вши, покаѧ́нїѧ мѧ̀ дѣ́лы плодоно́сна сотворѝ, да сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́кѡ непоро́ченъ хра́мъ цр҃е́въ, страстьмѝ безмѣ́стными ѡ҆скве́рншеесѧ се́рдце моѐ, молю́сѧ, ѡ҆чи́сти пречⷭ҇таѧ, цѣломꙋ́дрїемъ же и҆ чи́стымъ житїе́мъ, и҆ дѣ́лы ѡ҆богатѝ бг҃облагода́тнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ не сꙋ́щихъ всѧ̑ приведы́й, сло́вомъ созида́ємаѧ, соверша́ємаѧ дх҃омъ, вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "Борю́щїи и҆ ѡ҆скорблѧ́ющїи мѧ̀ мно́зи сꙋ́ть, и҆ нѣ́сть ѡ҆сла́бы ѡ҆брѣстѝ и҆збавле́нїѧ ѿ ѡ҆быше́дшихъ мѧ̀: но не пре́зри чⷭ҇таѧ моле́нїѧ моегѡ̀."
|
||||
},
|
||||
{
|
||||
"type": "TEXT",
|
||||
"value": "Ѡ҆тѧгче́нъ мно́жествомъ ѕлы́хъ, и҆ мно́гими прегрѣше́нїи мои́ми, къ высотѣ̀ нбⷭ҇нѣй воззрѣ́ти не могꙋ̀: но ты̀ ѡ҆ставле́нїе мѝ пода́ждь, пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Расто́ргнꙋти смире́ннꙋю мою̀ дꙋ́шꙋ ѕмі́й лꙋка́вый по всѧ̑ дни̑ покꙋша́етсѧ: но семꙋ̀ сокрꙋшѝ бцⷣе дꙋшетлѣ̑нныѧ зꙋ́бы."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆зба́ви мѧ̀ бцⷣе всѧ́кїѧ ѡ҆держа́щїѧ бѣды̀, и҆ грѣхо́вныѧ бꙋ́ри раба̀ твоего̀: и҆ къ сп҃си́тельномꙋ мѧ̀ приста́нищꙋ напра́ви твои́ми мл҃твами."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и, є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Трепе́щꙋ помышлѧ́ѧ грѣхѡ́въ мои́хъ пꙋчи́нꙋ, и҆ сопроти́вныхъ помышле́нїй лю́тое и҆ вели́кое волне́нїе: но ты̀ ѡ҆кормѝ, и҆ къ тишинѣ̀ напра́ви мѧ̀ пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Недовѣ́дѣнїе тѧ́жкое дꙋ́шꙋ мою̀ ны́нѣ пости́же, неразꙋ́мїе и҆ забве́нїе ѕлы́хъ, ꙗ҆̀же въ житїѝ содѣ́ѧхъ: но ты̀ ᲂу҆́бѡ пречⷭ҇таѧ, на покаѧ́нїе содѣ́ѧнныхъ мно́ю наведи́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѻ҆́гнь страсте́й сле́зными стрꙋѧ́ми ᲂу҆гасѝ, и҆ ᲂу҆давлѧ́ющее мо́й ᲂу҆́мъ жите́йское треволне́нїе, и҆ те́рнїе попалѝ ѻ҆гне́мъ дх҃а бг҃ороди́тельнице: ты́ бо покро́въ мѝ є҆сѝ и҆ похвала̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Молво́ю напа́стей и҆ треволне́нїй ве́сь потоплѧ́емь є҆́смь лꙋка́выми по́мыслы, и҆ во глꙋбинꙋ̀ ѿча́ѧнїѧ при́снѡ низвлеко́мь, вопїю́ ти: влⷣчце сп҃си́ мѧ раба̀ твоего̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ ви́дѣ и҆са́їа ѻ҆бра́знѡ на престо́лѣ превознесе́на бг҃а, ѿ а҆́гг҃лъ сла́вы дорѷноси́ма, ѽ ѻ҆каѧ́нный, вопїѧ́ше, а҆́зъ: прови́дѣхъ бо воплоща́ема бг҃а, свѣ́та невече́рнѧ, и҆ ми́ромъ влады́чествꙋюща."
|
||||
},
|
||||
{
|
||||
"type": "TEXT",
|
||||
"value": "Дꙋшѝ моеѧ̀ болѣ̑зни, и҆ пло́ти неможе́нїе вѣ́си влⷣчце, и҆ ᲂу҆ма̀ моегѡ̀ гни́лость и҆ непостоѧ́тельное. Тѣ́мже сподо́би мѧ̀ млⷭ҇ти и҆ бл҃года́ти твоеѧ̀, да тѧ̀ сла́влю спаса́емь кро́вомъ твои́мъ."
|
||||
},
|
||||
{
|
||||
"type": "TEXT",
|
||||
"value": "Не затвори́ ми млⷭ҇рдїѧ щедро́тъ твои́хъ, влⷣчце всенепоро́чнаѧ: но во ᲂу҆миле́нїи приходѧ́щемꙋ къ тебѣ̀ пода́ждь твоѧ̑ ми́лѡсти, и҆ лю́тыхъ премѣне́нїе и҆ проще́нїе, ꙗ҆́кѡ да благода́рнѡ пою̀ вели̑чїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆мно́жишасѧ дв҃о ненави́дѧщїи мѧ̀ всꙋ́е, и҆ ѡ҆скорблѧ́ющїи ны́нѣ, па́че вла̑съ главы̀ моеѧ̀ чⷭ҇таѧ, и҆́щꙋще расто́ргнꙋти, и҆ снѣ́дь сотвори́ти себѣ̀: си́хъ ᲂу҆́бѡ стꙋда̀ и҆спо́лнши возвратѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́же мі́рови ми́ръ, и҆ сп҃се́нїе всѣ̑мъ пода́вшаѧ, ꙗ҆́кѡ бж҃е́ственный ми́ръ поро́ждши дв҃о, бра́нь страсте́й дꙋшѝ моеѧ̀ и҆ тѣ́ла, чи́стаѧ, ᲂу҆мирѝ стра́хомъ и҆ любо́вїю сп҃са хрⷭ҇та̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна послѣ́днѧѧ грѣхѡ́въ ѡ҆бы́де мѧ̀, и҆ и҆счеза́етъ дꙋ́хъ мо́й: но простры́й влⷣко высо́кꙋю твою̀ мы́шцꙋ, ꙗ҆́кѡ петра́ мѧ ᲂу҆пра́вителю спасѝ."
|
||||
},
|
||||
{
|
||||
"type": "TEXT",
|
||||
"value": "Въ дѣ́лѣ и҆ сло́вѣ и҆ дѣѧ́нїи, нѣ́сть ѕлѣ̀ пожи́вша на землѝ, ꙗ҆́коже а҆́зъ: тѣ́мже твоегѡ̀ прошꙋ̀ влⷣчце чл҃вѣколю́бїѧ, ᲂу҆лꙋчи́ти ми́лѡсти."
|
||||
},
|
||||
{
|
||||
"type": "TEXT",
|
||||
"value": "Дѣѧ̑нїѧ ѕлы́хъ прегрѣше́нїй, печа̑ли ражда́ютъ всѣ̑мъ тѣ́мже го́рькими напа́стьми ѡ҆держи́ми є҆смы̀ ны́нѣ: помозѝ на́мъ, ꙗ҆́же є҆ди́на хрⷭ҇тїа́нѡмъ сп҃се́нїе."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆ ражда́еши, и҆ чиста̀ по ржⷭ҇твѣ̀ ꙗ҆ви́ласѧ є҆сѝ бцⷣе дв҃о. Тѣ́мже молѝ твоѐ ржⷭ҇тво̀ при́снѡ, да и҆зба́вимсѧ ѿ всѧ́кагѡ вре́да вра́жїѧ твоѝ рабѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Мл҃твами пречи́стыѧ мт҃ре твоеѧ̀, и҆ всѣ́хъ прⷪ҇рѡ́къ и҆ мꙋ́чєникъ, и҆ свѧще́нныхъ ᲂу҆чєни́къ, сло́ве бж҃їй пода́ждь на́мъ ми́ръ, и҆ ѡ҆чище́нїе прегрѣше́нїй."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Всѐ житїѐ моѐ въ лѣ́ности мно́зѣ преидо́хъ пречи́стаѧ, и҆ ны́нѣ прибли́жихсѧ ко и҆схо́дꙋ моегѡ̀ вре́мене, и҆ ᲂу҆страши́хсѧ ѿ врагѡ́въ мои́хъ, да не расто́ргнꙋтъ дꙋ́шꙋ мою̀ всенепоро́чнаѧ, и҆ въ поги́бели мѧ̀ глꙋбинꙋ̀ ѿпꙋ́стѧтъ: но ᲂу҆ще́дри раба̀ твоего̀ дв҃о, и҆ и҆зба́ви мѧ̀ си́хъ ѡ҆ѕлобле́нїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́коже дре́вле благочєсти́выѧ трѝ ѻ҆́троки ѡ҆роси́лъ є҆сѝ въ пла́мени халде́йстѣмъ, свѣ́тлымъ бж҃ества̀ ѻ҆гне́мъ и҆ на́съ ѡ҆зарѝ, бл҃гослове́нъ є҆сѝ, взыва́ющыѧ, бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Тебѐ мт҃рь бж҃їю чи́стꙋю и҆ непоро́чнꙋю, ѡ҆скверне́нный тѣ́ломъ и҆ дꙋше́ю, и҆ ѻ҆калѧ́нный дѣѧ́ньми нечи́стыми, молю̀ влⷣчце, надѣ́ѧсѧ на млⷭ҇ть твою̀ ᲂу҆ще́дри мѧ̀ пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Прегрѣше́нїй мои́хъ мно́жество, и҆ ѕлы́хъ и҆спыта́нїе, недоꙋмѣ́нїемъ мѧ̀ препира́етъ ѕѣлѡ̀, и҆ во ѿча́ѧнїѧ влече́тъ мѧ̀ глꙋбинꙋ̀: но ты̀ пречи́стаѧ влⷣчце, спаси́ мѧ погиба́ющаго, и҆ лю́тѣ потоплѧ́ема."
|
||||
},
|
||||
{
|
||||
"type": "TEXT",
|
||||
"value": "Сла́ва: Мно́жествомъ щедро́тъ твоеѧ̀ бл҃гости, грѣхѡ́въ на́шихъ мно́жество пре́зри бл҃же, и҆ благопремѣ́ненъ бꙋ́ди немо́лчнѡ зовꙋ́щымъ: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѿ бре́нїѧ страсте́й, и҆ глꙋбины̀ скорбе́й, и҆ напа́стей жите́йскихъ, привлецы̀ на́съ къ безстра́стїю чи́стаѧ, и҆ ра́достномꙋ весе́лїю, благослове́ннаѧ, зовꙋ́щихъ: ты̀ є҆сѝ є҆ди́на бг҃облагода́тнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Веще́ственнагѡ ѻ҆гнѧ̀ пла́мень невеще́ственнымъ ᲂу҆вѧди́ша, бг҃озри́мїи ѻ҆́троцы, и҆ поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Сласте́й го́ресть чꙋ̑вства всѧ̑ тѣлє́снаѧ проше́дши, дꙋ́шꙋ мою̀ безмѣ́стнѡ ѡ҆калѧ́етъ, и҆ въ сме́рть влече́тъ: влⷣчце мі́ра, бꙋ́ди мѝ сп҃се́нїе."
|
||||
},
|
||||
{
|
||||
"type": "TEXT",
|
||||
"value": "На тѧ̀ дꙋ́шꙋ, и҆ се́рдце, и҆ тѣ́ло возложи́хъ: не и҆́мамъ бо и҆ны́ѧ наде́жды ра́звѣ тебѐ влⷣчце, є҆́юже полꙋчꙋ̀ ми́лѡсти. Тѣ́мже мѝ пода́ждь бога́тꙋю твою̀ млⷭ҇ть и҆ бл҃года́ть."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѕмі́й мѧ̀ ꙗ҆́домъ приползнꙋ́въ, плотско́ю сла́стїю ѻ҆каѧ́ннꙋю дꙋ́шꙋ мою̀ лю́тѣ ᲂу҆морѝ: но ѡ҆живѝ сїю̀ сопроти́вными лѣчба́ми, чⷭ҇таѧ, твои́ми мл҃твами."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́же бг҃а и҆ сп҃са ро́ждшаѧ, миронача́льника, того̀ молѝ, ми́ръ мі́рови посла́ти вско́рѣ, ꙗ҆́кѡ да въ ми́рѣ того̀ славосло́вимъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѐ неѡпали́мꙋю кꙋпинꙋ̀, и҆ ст҃ꙋ́ю дв҃ꙋ, мт҃рь свѣ́та, и҆ бцⷣꙋ, наде́ждꙋ всѣ́хъ на́съ велича́емъ."
|
||||
},
|
||||
{
|
||||
"type": "TEXT",
|
||||
"value": "Скве́рнꙋ стра́стныхъ помышле́нїй моегѡ̀ ᲂу҆ма̀ ѡ҆чи́сти чⷭ҇таѧ, въ безстра́стїѧ ри́зꙋ свѣ́тлꙋю ѡ҆дѣва́ющи мѧ̀."
|
||||
},
|
||||
{
|
||||
"type": "TEXT",
|
||||
"value": "Ѿве́рзи мѝ дв҃о бж҃є́ственныѧ вхо́ды покаѧ́нїѧ, вхо́ды страсте́й и҆ сласте́й мои́хъ загражда́ющи, и҆ возбранѧ́ющи си́лою твое́ю."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆слы́ши гла́съ стена́нїѧ моегѡ̀, и҆ гла́съ пла́ча моегѡ̀, и҆ пода́ждь ѡ҆чище́нїе и҆ сп҃се́нїе ѻ҆каѧ́ннѣй мое́й дꙋшѝ, дв҃о всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ви́дѣ данїи́лъ прⷪ҇ро́къ твоѐ рождество̀ дв҃о, ви́дѣ рѣсноти́внѡ вои́стиннꙋ, и҆́же на престо́лѣ ви́дѣ, є҆го́же де́ньми ве́тхаго возгласѝ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Трист҃о́е, И҆ по Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ, и҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ ᲂу҆́тра, по а҃-мъ стїхосло́вїи сѣда́ленъ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Прїиди́те всѝ, а҆пⷭ҇лы восхва́лимъ ꙗ҆́кѡ ко́рмчыѧ: і҆́дѡльскꙋю бо пре́лесть ᲂу҆праздни́ша, и҆ къ свѣ́тꙋ жи́зни возведо́ша, и҆ въ трⷪ҇цꙋ вѣ́ровати наꙋчи́ша. Тѣ́мже дне́сь па́мѧть и҆́хъ честнꙋ́ю соверша́юще вѣ́рнїи, сла́вимъ хрⷭ҇та̀ бг҃а на́шего."
|
||||
},
|
||||
{
|
||||
"type": "TEXT",
|
||||
"value": "Сті́хъ: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ."
|
||||
},
|
||||
{
|
||||
"type": "TEXT",
|
||||
"value": "А҆пⷭ҇лъ твои́хъ па́мѧть ᲂу҆ѧсни́лъ є҆сѝ гдⷭ҇и, ꙗ҆́кѡ всеси́ленъ, ꙗ҆́кѡ ᲂу҆крѣпи́лъ є҆сѝ и҆̀хъ, стрⷭ҇те́мъ твои̑мъ подо́битисѧ, и҆ побѣди́ша мꙋ́жески вра́жїю си́лꙋ. Тѣ́мже и҆ прїѧ́ша и҆сцѣле́нїй благода̑ти: тѣ́хъ мл҃твами чл҃вѣколю́бче, ми́ръ пода́ждь лю́демъ твои̑мъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Непостижи́маго и҆ неѡпи́саннаго, є҆диносꙋ́щнаго безнача́льномꙋ ѻ҆ц҃ꙋ̀, во чре́во твоѐ та́йнѡ вмѣсти́ла є҆сѝ бцⷣе. Є҆ди́но и҆ несмѣ́сно ѿ трⷪ҇цы бж҃ество̀ разꙋмѣ́хомъ, ржⷭ҇тво̀ твоѐ въ мі́рѣ сла́вѧще. Тѣ́мже и҆ бл҃года́рнѡ вопїе́мъ тѝ: ра́дꙋйсѧ ѡ҆бра́дованнаѧ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Всю̀ напои́ша зе́млю стрꙋѧ́ми а҆пⷭ҇ли, бж҃їѧ сло́ва, и҆ возрастѐ кла́съ вѣ́ры, и҆ концы̀ вселе́нныѧ напо́лни: пле́велы бо всѧ̑ посѣко́ша. Тѣ́мже всѣ́хъ хрⷭ҇тꙋ̀ бг҃ꙋ приведо́ша, креща́юще тѣ́хъ въ трⷪ҇цꙋ несозда́ннꙋю."
|
||||
},
|
||||
{
|
||||
"type": "TEXT",
|
||||
"value": "Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь."
|
||||
},
|
||||
{
|
||||
"type": "HEADER",
|
||||
"value": "И҆ па́ки глаго́лемъ то́йже сѣда́ленъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Стрⷭ҇тоте́рпцы ст҃і́и, моли́те ми́лостиваго бг҃а, да прегрѣше́нїй ѡ҆ставле́нїе пода́стъ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Прⷪ҇ро́цы проповѣ́даша, а҆пⷭ҇ли наꙋчи́ша, мꙋ́чєницы и҆сповѣ́даша, и҆ мы̀ вѣ́ровахомъ бцⷣꙋ тѧ̀ вои́стиннꙋ сꙋ́щꙋю: тѣ́мже и҆ велича́емъ ржⷭ҇тво̀ твоѐ, пречⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́льны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "А҆пⷭ҇лы твоѧ̑ хрⷭ҇тѐ, въ концы̀ земны̑ѧ посла́лъ є҆сѝ, ꙗ҆́кѡ млⷭ҇рдъ, ꙗ҆́кѡ и҆з̾ѡщре́ныѧ си́льнѣ стрѣ́лы, закала́ющѧ всѧ́кое нече́стїе и҆ ѕлосꙋ́етствїе, и҆ насажда́ющѧ сп҃си́тєльнаѧ ᲂу҆чє́нїѧ: тѣ́хъ мольба́ми ще́дре, ми́ръ пода́ждь дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Тебѐ проповѣ́дника и҆́стины, и҆ пресвѣ́тлаго свѣти́льника мі́рꙋ, хва́лѧще воспѣва́емъ нїко́лае, и҆ вопїе́мъ вѣ́рою молѧ́щесѧ: ꙗ҆́коже непови̑нныѧ ѿ сме́рти и҆схи́тилъ є҆сѝ: та́кѡ свѧ́те, и҆ на́съ ѿ бѣ́дъ и҆ скорбе́й и҆ всѧ́кагѡ и҆зба́ви лю́тагѡ ѡ҆ѕлобле́нїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Оу҆мертви́вшꙋюсѧ дꙋ́шꙋ мою̀ согрѣше́ньми мно́гими, всенепоро́чнаѧ влⷣчце: ѡ҆живѝ, ꙗ҆́кѡ дерзнове́нїе ма́тернее къ сн҃ꙋ твоемꙋ̀ и҆мꙋ́щи: ты́ бо є҆ди́на родила̀ є҆сѝ па́че ᲂу҆ма̀ и҆ смы́сла сло́во собезнача́льное ѻ҆ц҃ꙋ̀ и҆ дх҃ꙋ, живо́тъ и҆ нетлѣ́нїе мі́рꙋ да́рꙋюща при́снѡ, и҆ ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "Канѡ́нъ ст҃ы̑мъ сла̑внымъ и҆ всехва̑льнымъ а҆пⷭ҇лѡмъ. Творе́нїе ѳеофа́ново. Гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́ды дре́вле, ма́нїемъ бж҃е́ственнымъ, во є҆ди́но со́нмище совокꙋпи́вый, и҆ раздѣли́вый мо́ре і҆и҃льтєскимъ лю́демъ: се́й бг҃ъ на́шъ, препросла́вленъ є҆́сть: томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Цр҃кѡ́вныѧ столпы̀, ѡ҆снова̑нїѧ вѣ́ры, бл҃гочє́стнаѧ ᲂу҆тверждє́нїѧ, и҆ вѣ̑рныѧ всѧ̑ ᲂу҆твержда́ющаѧ, прїиди́те ᲂу҆бл҃жи́мъ сщ҃є́нныѧ а҆пⷭ҇лы, ꙗ҆́кѡ да мольба́ми и҆́хъ спасе́мсѧ. Два́жды."
|
||||
},
|
||||
{
|
||||
"type": "TEXT",
|
||||
"value": "Са́мъ себѐ пре́жде сꙋда̀ блꙋ́дный ᲂу҆боѧ́всѧ ѡ҆сꙋжда́ю, ѕла̑ѧ бо дѣла̀ безчи́слєннаѧ стѧжа́хъ. Тѣ́мже молю́сѧ тѝ првⷣный сꙋдїѐ: ѿча́ѧннаго мѧ̀ сп҃сѝ бж҃е́ственными мольба́ми а҆пⷭ҇лъ твои́хъ."
|
||||
},
|
||||
{
|
||||
"type": "TEXT",
|
||||
"value": "Непревра́тнїи столпы̀ бл҃гоче́стїѧ, прельще́нїемъ мѧ̀ вра́жїимъ препѧ́таго, и҆ на землѝ лежа́щаго и҆ бѣ́дствꙋющаго, и҆ недоꙋмѣва́ющагосѧ и҆спра́вите, ꙗ҆́кѡ да ѡ҆брѧ́щꙋ ѡ҆ставле́нїе, ѡ҆ ни́хже согрѣши́хъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Со ст҃ы́ми прⷪ҇ро́ки, со а҆пⷭ҇лы, и҆ мч҃нки, и҆з̾ тебѐ вопло́щшагосѧ гдⷭ҇а, прилѣ́жнѡ чи́стаѧ молѝ, ꙗ҆́кѡ да плотскі̑ѧ на́шѧ всѧ̑ стра̑сти ᲂу҆мертви́тъ, и҆ живо́тъ вѣ́чный на́мъ да́рꙋетъ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ, ст҃о́мꙋ и҆ вели́комꙋ чꙋдотво́рцꙋ нїкола́ю. Творе́нїе і҆ѡ́сифово. Гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пои́мъ гдⷭ҇еви, сотво́ршемꙋ ди̑внаѧ чꙋдеса̀ въ чермнѣ́мъ мо́ри: по́нтомъ бо покры̀ проти̑вныѧ, и҆ спасѐ і҆и҃лѧ. Томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Пресвѣ́тлаго свѣти́льника неꙋгаси́маго, на землѝ сꙋ́щаго столпа̀, и҆ къ приста́нищꙋ бж҃е́ственномꙋ призыва́юща, и҆̀же волна́ми жите́йскими при́снѡ потоплѧ́емїи, нїкола́а всѝ почти́мъ, и҆ любо́вїю ᲂу҆блажи́мъ."
|
||||
},
|
||||
{
|
||||
"type": "TEXT",
|
||||
"value": "Си́лою бж҃їею всебл҃же́нне ᲂу҆крѣплѧ́емь, ре́вность бл҃гоче́стїѧ по ра́зꙋмꙋ стѧжа́лъ є҆сѝ: тѣ́мже хотѧ́щыѧ непра́веднѡ ᲂу҆мре́ти и҆зба́вилъ є҆сѝ. Сегѡ̀ ра́ди тѧ̀ мо́лимъ: всѧ́кагѡ непра́веднагѡ ѡ҆ѕлобле́нїѧ и҆зба́ви на́съ нїко́лае."
|
||||
},
|
||||
{
|
||||
"type": "TEXT",
|
||||
"value": "Молє́нїѧ гдⷭ҇еви ѻ҆́тче неѡскꙋ́днѡ приносѝ ты̀: ꙗ҆́кѡ да грѣхѡ́въ и҆ пла́мене мꙋче́нїѧ вѣ́чнꙋющагѡ, и҆ напа́стей, и҆ скорбе́й и҆зба́витъ на́съ, ꙗ҆́кѡ є҆ди́нъ бл҃гі́й."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ковче́гъ бж҃е́ственный и҆́же вмѣсти́вшїй законода́вца на́ша беззакѡ́нїѧ всѧ̑ ѿе́млющаго, ра́ди млⷭ҇рдїѧ бж҃е́ственнагѡ несказа́нныѧ пꙋчи́ны, мр҃і́ю пречи́стꙋю согла́снѡ воспои́мъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ не сꙋ́щихъ всѧ̑ приведы́й, сло́вомъ созида́ємаѧ, соверша́ємаѧ дх҃омъ, вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "И҆́же мі́ра концы̀ ᲂу҆че́нїѧ бж҃е́ственнагѡ и҆спо́лнивше, дꙋ́шꙋ мою̀ и҆спо́лните добродѣ́тельныхъ дѣѧ́нїй, и҆ помышле́нїй благи́хъ, хрⷭ҇то́вы самови́дцы. Два́жды."
|
||||
},
|
||||
{
|
||||
"type": "TEXT",
|
||||
"value": "Ѿ собла̑знъ мно́гихъ лꙋка́вагѡ, и҆ ѿ всѧ́кїѧ ско́рби, и҆ ѿ всѧ́кїѧ тѣсноты̀, ѿ всѧ́кагѡ ѡ҆бстоѧ́нїѧ, ᲂу҆ченицы̀ хрⷭ҇то́вы и҆зба́вите мѧ̀."
|
||||
},
|
||||
{
|
||||
"type": "TEXT",
|
||||
"value": "Оу҆вы̀ дꙋшѐ моѧ̀ ѻ҆каѧ́ннаѧ и҆ смире́ннаѧ, ча́стѡ согрѣша́ющи, и҆ бг҃а прогнѣ́вающи, ка́кѡ и҆спро́сиши проще́нїе ѕлы́хъ, и҆́хже не престае́ши творѧ́щи;"
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бж҃е́ственнаѧ лѣ́ствице, ю҆́же ви́дѣ і҆а́кѡвъ, по не́йже сни́де бг҃ъ, возносѧ̀ на́съ, прилѣ́жнѡ молѝ со а҆пⷭ҇лы, ᲂу҆ще́дрити на́съ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Непло́днаѧ дꙋшѐ и҆ безча́днаѧ, стѧжѝ пло́дъ бл҃госла́вный, веселѧ́щисѧ возопі́й: ᲂу҆тверди́хсѧ тобо́ю бж҃е, нѣ́сть ст҃ъ, нѣ́сть пра́веденъ, па́че тебѐ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "И҆зощре́нъ ме́чь дꙋхо́вный ꙗ҆ви́лсѧ є҆сѝ мꙋ́дре: лꙋка̑выѧ пле́вєлы є҆реті́чествꙋющихъ посѣца́ѧ, и҆ добродѣ́телей стєзѝ сп҃си́тєльныѧ вѣ̑рнымъ ᲂу҆глажда́ѧ, ѻ҆́тче нїко́лае."
|
||||
},
|
||||
{
|
||||
"type": "TEXT",
|
||||
"value": "Тебѣ̀ и҆сто́чникꙋ и҆сточа́ющꙋ и҆сцѣле́нїй пото́ки, мо́лимсѧ свѧ́те: сквє́рны страсте́й всѣ́хъ на́съ мл҃твами твои́ми ѡ҆мы́й, бѣ́дъ и҆ скорбе́й и҆збавлѧ́ѧ."
|
||||
},
|
||||
{
|
||||
"type": "TEXT",
|
||||
"value": "Крѣ́пкими твои́ми мл҃твами низлага́ѧ врага̀, и҆ ны́нѣ на́нь ᲂу҆крѣпѝ немѡщствꙋ́ющаѧ помышлє́нїѧ на́ша стра́стными прилѡ́ги, призыва́нїемъ ст҃ы́хъ твои́хъ мл҃твъ, ѻ҆́тче нїко́лае."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆́мъ разꙋмѣ́ти не мо́жетъ, є҆́же па́че ᲂу҆ма̀ рожде́нїе, чꙋде́снагѡ ржⷭ҇тва̀ твоегѡ̀, бг҃ороди́тельнице всенепоро́чнаѧ, тѣ́мже молю́ тѧ: ᲂу҆́мъ мо́й ѡ҆благодатѝ при́снѡ сла́вити тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и: є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже мѡ́лнїи, и҆ ꙗ҆́кѡ лꙋчы̀ незаходи́магѡ со́лнца, а҆пⷭ҇лы простира́ѧ сло́ве, въ мїрскі̑ѧ концы̀, всѣ́хъ просвѣти́въ, и҆ безбо́жїѧ мра́къ ѿгна́лъ є҆сѝ. Два́жды."
|
||||
},
|
||||
{
|
||||
"type": "TEXT",
|
||||
"value": "Мо́ре лю́тагѡ грѣха̀ сло́ве ѡ҆бꙋрева́етъ мѧ̀, и҆ волнє́нїѧ безчи́нныхъ помышле́нїй смире́ннꙋю дꙋ́шꙋ мою̀ смꙋща́ютъ: ѡ҆корми́телю гдⷭ҇и, ᲂу҆ч҃нкъ твои́хъ мольба́ми сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Оу҆жаса́юсѧ помышлѧ́ѧ стра́шное твоѐ влⷣко прише́ствїе: и҆́мамъ бо пре́жде сꙋда̀, мою̀ ѡ҆сꙋжда́ющꙋю мѧ̀ внꙋ́трь со́вѣсть, и҆ пре́жде мꙋ́чащїѧ мꙋ́ки, нечꙋ́вствїе моѐ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сло́ве бж҃їй, и҆́же рожде́йсѧ ѿ дв҃ы бг҃оѻтрокови́цы тоѧ̀ хода́тайствы сщ҃е́нными, и҆ премꙋ́дрыхъ а҆пⷭ҇лъ твои́хъ сп҃се, всѧ́кагѡ ѡ҆бстоѧ́нїѧ и҆ всѧ́кїѧ нꙋ́жды и҆зба́ви дꙋ́шы на́шѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прїѡсѣне́ннꙋю го́рꙋ а҆ввакꙋ́мъ прозрѧ́ше пречⷭ҇тꙋю твою̀ ᲂу҆тро́бꙋ чⷭ҇таѧ. Тѣ́мъ взыва́ше: ѿ ю҆́га прїи́детъ бг҃ъ, и҆ ст҃ы́й ѿ горы̀ прїѡсѣне́нныѧ ча́щи."
|
||||
},
|
||||
{
|
||||
"type": "TEXT",
|
||||
"value": "Къ бг҃ꙋ хода́таѧ всѧ́къ вѣ́рный всегда̀ нїко́лае предлага́етъ тѧ̀. Тѣ́мже тѧ̀ мо́лимъ, ѿ напа́стей лю́тыхъ, и҆ паде́нїй грѣхо́вныхъ на́съ и҆зба́ви ѻ҆́тче."
|
||||
},
|
||||
{
|
||||
"type": "TEXT",
|
||||
"value": "Во́дꙋ жи́вꙋ въ се́рдцы и҆мы́й бл҃года́ть гдⷭ҇ню, ѡ҆роша́еши при́снѡ мꙋ́дре, зно́емъ скорбе́й, и҆ сꙋхото́ю грѣхѡ́въ бѣ́дствꙋющихъ, ѻ҆каѧ́ннѣ поги́бнꙋти и҆мꙋ́щихъ, всебл҃же́нне."
|
||||
},
|
||||
{
|
||||
"type": "TEXT",
|
||||
"value": "И҆́же и҆зба́вилъ є҆сѝ и҆ногда̀ ведѡ́мыѧ на сме́рть непра́веднѡ, всебл҃же́нне: ны́нѣ и҆ на́съ сп҃са́й ѿ человѣ̑къ тлетво́рныхъ стꙋже́нїѧ, и҆ ѿ всѧ́кїѧ бѣсо́вскїѧ ле́сти."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Вопло́щшесѧ сло́во премно́жествомъ бл҃гоꙋтро́бїѧ неизрече́ннѡ родила̀ є҆сѝ: того̀ молѝ пречⷭ҇таѧ, плотскі́ѧ стра́сти и҆ скве́рны всѣ́хъ и҆зба́вити, и҆ всѣ́хъ нꙋ́ждныхъ житїѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На землѝ неви́димый ꙗ҆ви́лсѧ є҆сѝ, и҆ человѣ́кѡмъ во́лею сожи́лъ є҆сѝ непостижи́мый: и҆ къ тебѣ̀ ᲂу҆́тренююще, воспѣва́емъ тѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "На землѝ вопло́щьсѧ, содѣ́лалъ є҆сѝ ᲂу҆ч҃нкѝ, нб҃са̀ вѣща̑юща хрⷭ҇тѐ сла́вꙋ твою̀: тѣ́хъ ра́ди ᲂу҆́бѡ гдⷭ҇и, дꙋ́шы на́шѧ поми́лꙋй. Два́жды."
|
||||
},
|
||||
{
|
||||
"type": "TEXT",
|
||||
"value": "Ѿ страсте́й и҆ ѿ всѧ́кїѧ нꙋ́жды, ѿ лю́тагѡ ѡ҆бстоѧ́нїѧ, сло́ве и҆зба́ви рабы̑ твоѧ̑, а҆пⷭ҇лъ твои́хъ бл҃гопрїѧ́тными мл҃твами."
|
||||
},
|
||||
{
|
||||
"type": "TEXT",
|
||||
"value": "Оу҆вы̀ мнѣ̀ дꙋшѐ всестра́стнаѧ, ка́кѡ хо́щеши стра́шномꙋ сꙋдꙋ̀ предста́ти безпло́дна сꙋ́щи; потщи́сѧ, пока́йсѧ, добродѣ́телей плоды̀ возраща́ющи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆́же на землѝ ꙗ҆́вльшагосѧ неизрече́ннѡ съ пло́тїю, ѿ чи́стыхъ крове́й твои́хъ чⷭ҇таѧ, молѝ ꙗ҆́кѡ сн҃а твоего̀ всегда̀, ѡ҆чище́нїе на́мъ дарова́ти."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́томъ твои́мъ невече́рнимъ хрⷭ҇тѐ, ѡ҆зарѝ бж҃е смире́ннꙋю мою̀ дꙋ́шꙋ, и҆ наста́ви на стра́хъ тво́й, занѐ свѣ́тъ повелѣ̑нїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "Свѣ́тꙋ чи́стомꙋ предстоѧ̀, и҆ ѿтꙋ́дꙋ при́снѡ и҆сходѧ́щими зарѧ́ми просвѣща́емь ѻ҆́тче, и҆спросѝ всѣ̑мъ ѡ҆чище́нїе и҆ ми́ръ."
|
||||
},
|
||||
{
|
||||
"type": "TEXT",
|
||||
"value": "Менѐ па́че всѣ́хъ человѣ̑къ тебѐ прогнѣ́вавша ᲂу҆мо́мъ неразꙋ́мнымъ, пребл҃гі́й ᲂу҆ще́дри, нїкола́а те́плыми мл҃твами."
|
||||
},
|
||||
{
|
||||
"type": "TEXT",
|
||||
"value": "Во ᲂу҆ны́нїи и҆жди́вша мою̀ жи́знь, молю́сѧ тѝ ѻ҆́тче нїко́лае, воздви́гни къ покаѧ́нїю мы́сль мою̀ ѡ҆скверне́нꙋю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ є҆ди́на а҆́гг҃лѡвъ ра́дость бг҃ора́дованнаѧ, ра́дости и҆спо́лни мою̀ мы́сль сѣ́тꙋющꙋю, и҆ лѣ́ностїю погрꙋжа́емꙋю."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна послѣ́днѧѧ грѣхѡ́въ ѡ҆бы́де мѧ̀, и҆ и҆счеза́етъ дꙋ́хъ мо́й: но простры́й влⷣко высо́кꙋю твою̀ мы́шцꙋ, ꙗ҆́кѡ петра́ мѧ ᲂу҆пра́вителю сп҃сѝ."
|
||||
},
|
||||
{
|
||||
"type": "TEXT",
|
||||
"value": "Бе́зднꙋ премꙋ́дрости дꙋхо́вныѧ и҆сточи́вше, а҆пⷭ҇льское сосло́вїе, мїрска́гѡ и҆зсꙋшѝ мꙋдрова́нїѧ тече́нїе, и҆ напо́й бл҃гочести́выхъ собра̑нїѧ. Два́жды."
|
||||
},
|
||||
{
|
||||
"type": "TEXT",
|
||||
"value": "Воздохнѝ и҆ прослези́сѧ смире́ннаѧ дꙋшѐ моѧ̀, и҆ возопі́й ко гдⷭ҇ꙋ, глаго́лющи: согрѣши́хъ тѝ влⷣко, ѡ҆чи́сти мѧ̀ бл҃гоꙋтро́бне, мольба́ми премꙋ́дрыхъ а҆пⷭ҇лъ твои́хъ."
|
||||
},
|
||||
{
|
||||
"type": "TEXT",
|
||||
"value": "Потеко́ша пото́цы страсте́й, и҆ потопи́ша мою̀ дꙋше́внꙋю хра́минꙋ: рѣ́ки дꙋхѡ́вныѧ бы́вше а҆пⷭ҇ли, сокрꙋше́ннаго мѧ̀ къ животꙋ̀ ѡ҆бнови́те."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Собо́ръ тѧ̀ а҆пⷭ҇лѡвъ хрⷭ҇тѐ, мо́литъ съ ро́ждшею тѧ̀: ѡ҆чище́нїе низпосла́ти и҆ ми́ръ рабѡ́мъ твои̑мъ, ꙗ҆́кѡ чл҃вѣколю́бецъ и҆ бг҃ъ бл҃гопремѣни́тель."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Глꙋбина̀ страсте́й воста̀ на мѧ̀, и҆ бꙋ́рѧ проти́вныхъ вѣ́трѡвъ: но предвари́въ мѧ̀ ты̀ сп҃сѝ сп҃се, и҆ и҆зба́ви ѿ тлѝ, ꙗ҆́кѡ сп҃слъ є҆сѝ ѿ ѕвѣ́рѧ прⷪ҇ро́ка."
|
||||
},
|
||||
{
|
||||
"type": "TEXT",
|
||||
"value": "Оу҆мертви́въ воздержа́нїемъ ᲂу҆́ды, стѧжа́лъ є҆сѝ жи́знь нестарѣ́емꙋю: є҆́йже и҆ на́съ ѻ҆́бщники твои́ми мл҃твами содѣ́лай мꙋ́дре, и҆збѣжа́нїемъ ѕла́гѡ грѣха̀."
|
||||
},
|
||||
{
|
||||
"type": "TEXT",
|
||||
"value": "Вѣ́триломъ сщ҃е́нныхъ твои́хъ мл҃твъ, пꙋчи́нꙋ напа́стей многоѡбра́зныхъ, и҆ грѣхо́вныѧ глꙋбины̀ и҆зба́ви на́съ, ко приста́нищꙋ же живота̀ приводѧ̀ мꙋ́дре ст҃и́телю."
|
||||
},
|
||||
{
|
||||
"type": "TEXT",
|
||||
"value": "Оу҆краси́въ мѷрлѷкі́йскїй престо́лъ, ꙗ҆ви́лсѧ є҆сѝ красота̀ первосщ҃е́нникѡмъ: но мл҃твами твои́ми ѿ мїрски́хъ напа́стей сп҃са́й ны̀ невреди́мы, ст҃и́телю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Всели́вшеесѧ во ᲂу҆тро́бꙋ твою̀ сло́во, мт҃и чⷭ҇таѧ, дре́вле въ человѣ́цѣхъ всели́вшꙋюсѧ ѿ престꙋпле́нїѧ тлю̀, ꙗ҆́кѡ бг҃ъ є҆ди́нъ, внѣ̀ и҆згна́лъ є҆́сть, за млⷭ҇рдїе млⷭ҇ти."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пре́жде ѡ҆́бразꙋ злато́мꙋ, персі́дскомꙋ чти́лищꙋ, ѻ҆́троки не поклони́шасѧ, трїѐ пою́ще посредѣ̀ пе́щи: ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆́же свѣ́тъ мі́рꙋ хрⷭ҇то́съ, свѣ́тъ ва́съ показа̀, свѣтоно́снїи а҆пⷭ҇ли, разгонѧ́ющихъ тьмꙋ̀ прельще́нїѧ, и҆ просвѣща́ющихъ вѣ́рныхъ мы̑сли. Два́жды."
|
||||
},
|
||||
{
|
||||
"type": "TEXT",
|
||||
"value": "Ꙗ҆̀же на на́съ вра̑жїѧ сѣ̑ти сокрꙋши́те, бг҃огла́снїи а҆пⷭ҇ли, и҆ стєзѝ на́мъ покаѧ́нїѧ ᲂу҆гла́дите, къ ва́мъ прибѣга́ющымъ."
|
||||
},
|
||||
{
|
||||
"type": "TEXT",
|
||||
"value": "Ѡ҆б̾юродѣ́вшꙋю дꙋ́шꙋ мою̀ плотски́ми страстьмѝ со́ль бж҃е́ственнаѧ сꙋ́ще бг҃оглаго́ливїи гдⷭ҇ни а҆пⷭ҇ли, ѡ҆чи́стите вѣ́рнѡ ѡ҆живлѧ́юще."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Добро́то і҆а́кѡвлѧ, до́брыми мѧ̀ зра́ки просвѣтѝ, молю́сѧ, молѧ́щисѧ ны́нѣ со а҆пⷭ҇лы, ро́ждшемꙋсѧ ѿ твои́хъ чи́стыхъ крове́й."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Трїѐ ѻ҆́троцы въ пещѝ трⷪ҇цꙋ проѡбрази́вше, преще́нїе ѻ҆́гненное попра́ша, и҆ пою́ще вопїѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Гꙋбѧ́щаго дре́вле гдⷭ҇ни лю́ди, безꙋ́мнаго а҆́рїа ᲂу҆дави́лъ є҆сѝ жи́лами слове́съ твои́хъ, ꙗ҆́кѡ па́стырь нача́льный и҆́стиненъ, ѻ҆́тче нїко́лае."
|
||||
},
|
||||
{
|
||||
"type": "TEXT",
|
||||
"value": "Свѧ́тѡ преше́дъ прест҃о́е житїѐ твоѐ, со ст҃ы́ми живе́ши ѻ҆́тче нїко́лае, сщ҃е́нїе посыла́ѧ и҆ просвѣще́нїе бл҃гоче́стнѡ тѧ̀ бл҃жа́щымъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ гото́ва тѧ̀ и҆зба́вителѧ, ꙗ҆́кѡ те́пла застꙋ́пника призыва́емъ при́снѡ ѻ҆́тче нїко́лае, ѿ страсте́й на́съ и҆зба́ви и҆ неча́емыхъ напа́стей, находѧ́щихъ на ны̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Менѐ небреже́нїемъ дꙋ́шꙋ ѡ҆мрачи́вшаго, просвѣтѝ чⷭ҇таѧ, ꙗ҆́же свѣ́тъ ро́ждшаѧ, се́рдца моегѡ̀ возжиза́ющи свѣти́льникъ, ꙗ҆́кѡ да ᲂу҆се́рдїемъ бл҃ги́мъ сла́влю тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нестерпи́момꙋ ѻ҆гню̀ соедини́вшесѧ, бг҃оче́стїѧ предстоѧ́ще ю҆́нѡши, пла́менемъ же неврежде́ни, бж҃е́ственнꙋю пѣ́снь поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Оу҆ѧзви́хсѧ страсте́й ѻ҆рꙋ́жїемъ, и҆ ѡ҆стрꙋпи́хъ се́рдце безꙋ́мїемъ, ѕло́бы содѣ́телемъ: а҆пⷭ҇ли сла́внїи и҆сцѣли́те мѧ̀ всего̀ недоꙋмѣ́ющасѧ, дꙋ́шъ и҆ тѣле́съ вра́чеве сꙋ́ще. Два́жды."
|
||||
},
|
||||
{
|
||||
"type": "TEXT",
|
||||
"value": "Во всю̀ зе́млю проповѣ́дникѡвъ вѣща́нїе и҆зы́де бж҃е́ственное, ᲂу҆ча́щее правосла́внѡ ѡ҆ є҆ди́нственномъ сꙋществѣ̀, є҆ди́но є҆стество̀ почита́ти ст҃ы́ѧ трⷪ҇цы, и҆ є҆ди́но вои́стиннꙋ гдⷭ҇ьство, и҆ є҆ди́но црⷭ҇тво во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Менѐ многосогрѣши́вшаго, и҆ долготерпѣ́нїе твоѐ бж҃е́ственное и҆жди́вшаго. Въ пребыва́нїи прегрѣше́нїй, возвратѝ влⷣко, вѣ́дый мою̀ не́мощь сло́ве, и҆ лѣ́ность, и҆ ѕломꙋ́дрїе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бж҃е́ственнаѧ клещѐ, ꙗ҆́же бж҃е́ственнаго ᲂу҆́глѧ неизрече́ннѡ прїе́мши бцⷣе, страсте́й мои́хъ разжже́нное ᲂу҆́глїе ᲂу҆гасѝ пречⷭ҇таѧ, росо́ю твои́хъ мл҃твъ, и҆ всесла́вныхъ и҆ бж҃е́ственныхъ а҆пⷭ҇лъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: А҆́гг҃льми немо́лчнѡ въ вы́шнихъ сла́вимаго бг҃а, нб҃са̀ нб҃съ, землѧ̀, и҆ го́ры, и҆ хо́лми, и҆ глꙋбина̀, и҆ ве́сь ро́дъ человѣ́ческїй, пѣ́сньми того̀ ꙗ҆́кѡ созда́телѧ, и҆ и҆зба́вителѧ бл҃гослови́те, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Зе́млю кро́ткихъ наслѣ́довалъ є҆сѝ, кро́токъ прпⷣбне бы́въ. Тѣ́мже молю́сѧ тѝ вѣ́рнѡ: ᲂу҆кротѝ мл҃твами твои́ми, подвиза̑ющаѧсѧ на мѧ̀ при́снѡ лꙋка́вагѡ треволнє́нїѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже и҆зба́вилъ є҆сѝ воевѡ́ды, и҆̀же непра́веднѡ ᲂу҆мре́ти хотѧ́щыѧ: та́кѡ ѿ человѣ̑къ лꙋка́выхъ ѡ҆ѕлобле́нїѧ на́съ и҆зба́ви, и҆ ѿ всѧ́кагѡ бѣсо́вскагѡ навѣ́та, нїко́лае, молѧ̀ сп҃са."
|
||||
},
|
||||
{
|
||||
"type": "TEXT",
|
||||
"value": "Пꙋ́ть показа́лъ є҆сѝ человѣ́кѡмъ пра́вый и҆ сп҃си́тельный: на него́же наста́ви на́съ въ житїѝ преходѧ́щихъ нїко́лае, мл҃твами твои́ми, ꙗ҆́кѡ да кꙋ́пнѡ вни́демъ въ живѡ́тнаѧ врата̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Крѣ́пость и҆ пѣ́нїе моѐ є҆́сть, и҆́же и҆з̾ тебѐ рожде́йсѧ пречⷭ҇таѧ, є҆го́же прилѣ́жнѡ молѝ дв҃о, разсла́бленнаго мѧ̀ страстьмѝ ᲂу҆крѣпи́ти, и҆ твори́ти сп҃си́тєльнаѧ є҆гѡ̀ повелѣ̑нїѧ."
|
||||
},
|
||||
{
|
||||
"type": "TEXT",
|
||||
"value": "Та́же, пѣ́снь бцⷣѣ: Вели́читъ дꙋша̀ моѧ̀ гдⷭ҇а: Съ покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ зако́нѣ сѣ́ни и҆ писа́нїй ѡ҆́бразъ ви́димъ вѣ́рнїи, всѧ́къ мꙋ́жескїй по́лъ ложесна̀ разверза́ѧ, ст҃ъ бг҃ꙋ: тѣ́мъ перворожде́нное сло́во, ѻ҆ц҃а̀ безнача́льна, сн҃а первородѧ́щасѧ мт҃рїю неискꙋсомꙋ́жнѡ, велича́емъ."
|
||||
},
|
||||
{
|
||||
"type": "TEXT",
|
||||
"value": "И҆́же словесы̀ твои́хъ ᲂу҆ч҃нкъ, ᲂу҆тверди́лъ є҆сѝ зємны́ѧ концы̀ ѻ҆ц҃а̀ безнача́льнагѡ сло́ве: тѣ́хъ мольба́ми, и҆ менѐ, къ страсте́мъ безсловє́снымъ попо́лзшасѧ, и҆ бѣсо́вскимъ прельще́нїемъ потоплѧ́ема ᲂу҆ще́дри. Два́жды."
|
||||
},
|
||||
{
|
||||
"type": "TEXT",
|
||||
"value": "Дꙋшѐ моѧ̀, страсте́й рабо́тающаѧ ᲂу҆стремле́нїємъ, пострада́вшемꙋ на́съ ра́ди принесѝ мольбы̑, ꙗ҆́кѡ да и҆зба́витъ тѧ̀ лю́тыхъ, молѧ́щымсѧ проѧвле́ннѣ сщ҃є́ннымъ ᲂу҆ч҃нкѡ́мъ, и҆ ᲂу҆подо́бльшымсѧ тогѡ̀ плотски̑мъ страда́нїємъ."
|
||||
},
|
||||
{
|
||||
"type": "TEXT",
|
||||
"value": "Хрⷭ҇тѡ́вы ᲂу҆ч҃нцы̀, є҆гда̀ съ ни́мъ сꙋди́ти сѧ́дете сꙋдꙋ̀ пови́нныхъ, неѡсꙋжде́ннꙋ мою̀ дꙋ́шꙋ соблюди́те, ѡ҆скверне́ннꙋю безмѣ́стными дѣ́лы, ꙗ҆́кѡ блазі́и моѝ предста́телїе, и҆ ꙗ҆́кѡ мі́ра застꙋ̑пницы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃о чⷭ҇таѧ, дв҃о пречⷭ҇таѧ, хрⷭ҇то́ва пала́то, дв҃о прест҃а́ѧ, ст҃а́го ст҃ы́хъ бг҃а, па́че вины̀ и҆ сло́ва ро́ждшаѧ, со а҆пⷭ҇лы ст҃ы́ми, ѡ҆ всѣ́хъ моли́сѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На сїна́йстѣй горѣ̀ ви́дѣ тѧ̀ въ кꙋпинѣ̀ мѡѷсе́й, неѡпа́льнѡ ѻ҆́гнь бж҃ества̀ заче́ншꙋю во чре́вѣ, данїи́лъ же тѧ̀ ви́дѣ го́рꙋ несѣко́мꙋю, же́злъ прозѧ́бшїй, и҆са́їа взыва́ше, ѿ ко́рене дв҃дова."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ѡ҆гражде́нїе бж҃е́ственное и҆ ᲂу҆твержде́нїе, и҆ до́брое прибѣ́жище, земны́й мі́ръ стѧжа̀ тѧ̀: хода́тайствы бо твои́ми при́снѡ и҆збавлѧ́емсѧ ѿ всѧ́кагѡ и҆скꙋше́нїѧ и҆ тѣсноты̀, ѻ҆́тче нїко́лае. Тѣ́мже во хвале́нїи вѣ́рнѡ ᲂу҆бл҃жа́емъ тѧ̀."
|
||||
},
|
||||
{
|
||||
"type": "TEXT",
|
||||
"value": "Оу҆ тѣснѧ́емь бы́въ мно́гими ѡ҆бстоѧ́нїи, къ простра́нствꙋ прибѣга́ю всебл҃же́нне, те́плыхъ мл҃твъ твои́хъ, претворѝ дꙋшѝ моеѧ̀ бѡлѣ́зни, вопїю́ ти: во́лны ᲂу҆кротѝ ѿча́ѧнїѧ, и҆ ᲂу҆мирѝ моегѡ̀ ᲂу҆ма̀ смꙋще́нїе."
|
||||
},
|
||||
{
|
||||
"type": "TEXT",
|
||||
"value": "Творца̀ настои́тъ прише́ствїе сꙋди́ти все́й землѝ, и҆ негото́въ сы́й ѻ҆каѧ́нный, ве́сь ᲂу҆страша́юсѧ, помышлѧ́ѧ ѕѡ́лъ мои́хъ мно́жество: гдⷭ҇и долготерпѣли́ве, ᲂу҆ще́дри, и҆ сп҃си́ мѧ бж҃е́ственными нїкола́а мл҃твами прпⷣбнагѡ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Просвѣще́нїе моѐ сп҃си́тельное ꙗ҆ви́ласѧ є҆сѝ, ро́ждшаѧ свѣ́тъ, дꙋшѝ моеѧ̀ ѻ҆́блаки разгонѧ́ющи мра̑чныѧ и҆ лю̑тыѧ: ꙗ҆́кѡ да сы́нъ днѐ мл҃твами твои́ми бꙋ́дꙋ содѣва́ѧ прпⷣбнаѧ, ꙗ҆́кѡ да въ пѣснословле́нїи прпⷣбнѣ ᲂу҆бл҃жа́ю тѧ̀."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀. И҆ свѣти́ленъ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Во всю̀ зе́млю и҆зы́де вѣща́нїе ва́ше ст҃і́и а҆пⷭ҇ли: і҆́дѡльскꙋю пре́лесть разрꙋши́сте, бг҃оразꙋ́мїе проповѣ́давше. Сѐ до́брый по́двигъ ва́шъ є҆́сть бл҃же́ннїи, тѣ́мже пое́мъ и҆ славосло́вимъ ва́шѧ па̑мѧти."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Хрⷭ҇тѡ́вы за́пѡвѣди непоро́чнѡ сохра́ньше, ст҃і́и а҆пⷭ҇ли, тꙋ́не прїѧ́сте, тꙋ́не подава́ете, и҆сцѣлѧ́юще стра̑сти дꙋ́шъ и҆ тѣле́съ на́шихъ. Тѣ́мже и҆мꙋ́ще дерзнове́нїе, того̀ моли́те, поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ свѣти̑ла въ мі́рѣ сїѧ́ете, и҆ по сме́рти ст҃і́и мч҃нцы, по́двигомъ до́брымъ подви́гшесѧ. И҆мꙋ́ще дерзнове́нїе, хрⷭ҇та̀ моли́те, поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Без̾ сѣ́мене зачала̀ є҆сѝ ѿ дх҃а ст҃а́гѡ, и҆ славосло́вѧще воспѣва́емъ тѧ̀: ра́дꙋйсѧ прест҃а́ѧ дв҃о."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть:"
|
||||
},
|
||||
{
|
||||
"type": "HEADER",
|
||||
"value": "И҆ ча́съ а҃-й, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ бл҃жє́нны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Ѿве́ргша хрⷭ҇тѐ, за́повѣдь твою̀, пра́ѻтца а҆да́ма и҆з̾ раѧ̀ и҆згна́лъ є҆сѝ: разбо́йника же ще́дре, и҆сповѣ́даша тѧ̀ на крⷭ҇тѣ̀, во́нь всели́лъ є҆сѝ, зовꙋ́ща: помѧни́ мѧ сп҃се, во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "И҆́же тро́стїю крⷭ҇тною и҆з̾ глꙋбины̀ невѣ́дѣнїѧ лю́ди и҆зве́дше а҆пⷭ҇ли, и҆ є҆́ллинскꙋю пре́лесть ѿгна́сте ѿ землѝ, неле́стнїи сп҃си́телїе бы́сте вѣ̑рнымъ вои́стиннꙋ. Тѣ́мже бл҃жи́ми є҆стѐ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ лꙋчы̀ та̑йныѧ, и҆ свѣти̑ла пра́веднагѡ сл҃нца бы́вше, сла́внїи а҆пⷭ҇ли, ѕлоче́стїѧ тьмꙋ̀ ѿгна́ли є҆стѐ, и҆ къ свѣ́тꙋ бг҃оразꙋ́мїѧ наста́висте всѧ̑ лю́ди: тѣ́мже вы̀ почита́емъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Мꙋ́къ разжжє́нїѧ претерпѣ́сте, свы́ше страда́льцы бл҃года́ти ро́сꙋ прїѧ́ли є҆стѐ: и҆ человѣ́чєскїѧ стра̑сти, ꙗ҆́кѡ хрⷭ҇тѡ́вы ᲂу҆гѡ́дницы, при́снѡ бл҃гоче́стнѡ мꙋ́дрїи и҆сцѣлѧ́ете. Тѣ́мже вѣ́рнѡ ва́съ ст҃і́и почита́емъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Трⷪ҇цы сщ҃е́ннїи проповѣ̑дницы, пе́тре, и҆ па́ѵле, ма́рко, и҆ лꙋко̀, матѳе́е, сі́мѡне, і҆а́кѡве, а҆ндре́е, і҆ѡа́нне, ѳѡмо̀, варѳоломе́е и҆ фїлі́ппе мꙋ́дре, прилѣ́жнѡ всегда̀ сїю̀ моли́те, и҆зба́витисѧ на́мъ ѿ всѧ́кагѡ ѡ҆бстоѧ́нїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: А҆пⷭ҇лѡвъ добро́то, и҆ ст҃ы́хъ стрⷭ҇тоте́рпєцъ ра́дованїе, бг҃обл҃года́тнѣйшаѧ влⷣчце, ѡ҆ на́съ молѝ всѣ́хъ сп҃са и҆ бг҃а: ꙗ҆́кѡ да прегрѣше́нїй прїи́мемъ ѡ҆ставле́нїе, и҆ бж҃е́ственныѧ жи́зни всѝ прича̑стницы бꙋ́демъ."
|
||||
}
|
||||
]
|
||||
@@ -0,0 +1,910 @@
|
||||
[
|
||||
{
|
||||
"type": "HEADER",
|
||||
"value": "Гла́съ г҃. Вто́рникъ"
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ ве́чера, на Гдⷭ҇и воззва́хъ, стїхи̑ры, гла́съ г҃,"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Крⷭ҇тоѡбра́знѡ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Ю҆́же во мнѣ̀ многоѡбра́зный ѕмі́й, ᲂу҆ви́дѣвъ лѣ́ность къ полє́знымъ дѣлѡ́мъ, и҆ манове́нїемъ ко ѕлы́мъ и҆ го́ршымъ преѡбразꙋ́етсѧ, показꙋ́ѧ грѣха̀ сла́дость, свое́ же го́рькое дѣ́ланїе, и҆ сопроти́вное бж҃е́ственнымъ за́повѣдемъ. Тѣ́мже и҆ порѣва́етъ мѧ̀ нра́вомъ, ꙗ҆́кѡ дѡ́браѧ, ѕла̑ѧ прїима́ти лꙋка́вымъ, хрⷭ҇тѐ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Всѧ́къ пꙋ́ть беззако́нїѧ и҆ грѣхо́вный ше́ствовавъ ᲂу҆се́рднѡ, ѡ҆ста́вивъ пра́вый до конца̀, ны́нѣ ко вратѡ́мъ смє́ртнымъ прибли́жихсѧ, ᲂу҆тѣснѧ́емь зовꙋ̀: живота̀ на́шегѡ пꙋтю̀, і҆и҃се мо́й пребл҃гі́й, къ широтѣ̀ покаѧ́нїѧ и҆́стиннагѡ ѡ҆брати́въ сп҃сѝ, да́ждь мѝ и҆справле́нїе: и҆ пре́жде сме́рти, проще́нїѧ бж҃е́ственнагѡ сподо́би мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Оу҆мертви́хсѧ грѣхѝ разли́чными, и҆ прегрѣше́нїй мно́жествы, и҆ безмѣ́стїемъ вели́кимъ, лежꙋ̀ ме́ртвъ, безпо́мощенъ вои́стиннꙋ. Є҆ди́на же живе́тъ наде́жда моѧ̀, ꙗ҆́же къ твоемꙋ̀ бл҃гоꙋтро́бїю: мє́ртвымъ дыха́нїе вкꙋ́пѣ и҆ живо́тъ подава́ѧ хрⷭ҇тѐ, и҆ ᲂу҆мерщвлѧ́ѧй стра̑сти на́съ ᲂу҆мертви́вшыѧ, тѣ́мже предвари́въ, вѣ́чныѧ сме́рти и҆схити́ мѧ."
|
||||
},
|
||||
{
|
||||
"type": "HEADER",
|
||||
"value": "Та́же, стїхи̑ры мине́и: Сла́ва, ст҃о́мꙋ, а҆́ще и҆́мать: И҆ ны́нѣ, бг҃оро́диченъ. А҆́ще ли нѣ́сть мине́и, и҆́ны стїхи̑ры ст҃о́мꙋ и҆ вели́комꙋ і҆ѡа́ннꙋ прⷣте́чи."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе: и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "И҆́же мт҃рнее безча́дїе, и҆ ѻ҆́ч҃ее безгла́сїе въ рождествѣ̀ твое́мъ предте́че разрѣши́вый, моегѡ̀ се́рдца безча́дїе, и҆ дꙋшѝ безслове́сїе, разрѣшѝ мл҃твами твои́ми бл҃гопрїѧ́тными, къ млⷭ҇рдомꙋ ѻ҆́ч҃ꙋ сн҃ꙋ, всѣ́хъ влⷣцѣ и҆ бг҃ꙋ, є҆го́же ꙗ҆́кѡ сло́ва ᲂу҆́мъ безстра́стнѡ родѝ: и҆ любє́знаѧ томꙋ̀ и҆ глаго́лати и҆ твори́ти ᲂу҆крѣпи́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "И҆́же хрⷭ҇тꙋ̀ ᲂу҆гото́вавъ стєзѝ, и҆ шє́ствїѧ и҆спра́вивъ, пред̾ є҆гѡ́же лице́мъ по́сланъ бы́сть, и҆ моѐ се́рдце бл҃гоше́ственно томꙋ̀ покажѝ, мл҃твами твои́ми и҆ помощьмѝ проѧвле́нными: и҆́же нога́мъ є҆гѡ̀ честны́мъ досто́инъ ꙗ҆ви́лсѧ є҆сѝ, нбⷭ҇ныѧ мѧ̀ землѝ ходи́ти сподо́би, є҆́юже ше́ствꙋютъ кро́ткихъ но́зѣ, да любо́вїю ꙗ҆́кѡ хода́таѧ почита́ю тѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Житїю̀ а҆́гг҃льскомꙋ поревнова́лъ є҆сѝ на землѝ, прⷪ҇ро́ческое соверше́нїе, и҆ но́вагѡ завѣ́та первомч҃нче, и҆́же сꙋ́щымъ под̾ земле́ю пе́рвый проповѣ́дниче бж҃е́ственнагѡ сло́ва та́мѡ соше́ствїѧ, ѿ хрⷭ҇та̀ свидѣ́тельствованный: дрꙋ́же а҆́гнца, и҆ и҆зба́вителѧ, ѿ всѧ́кихъ собла̑знъ вра́жїихъ, и҆ многоплете́нныхъ и҆скꙋше́нїй є҆гѡ̀, твоего̀ раба̀ и҆зба́ви крⷭ҇ти́телю і҆ѡа́нне, мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ꙗ҆́же свѣ́та незаходи́магѡ ѻ҆́блаче, бг҃ора́дованнаѧ ѻ҆трокови́це, бл҃гослове́ннаѧ мр҃і́е, возсїѧ́й мѝ свѣ́тъ покаѧ́нїѧ во тьмѣ̀ грѣхо́внѣй безꙋ́мнѡ содержи́мꙋ: и҆ и҆зба́ви мольба́ми твои́ми ѻ҆гнѧ̀ гее́нскагѡ, и҆ тьмы̀ несвѣти́мыѧ, и҆ днѐ невече́рнѧгѡ ꙗ҆вѝ прича́стника дв҃о, прибѣга́ющаго под̾ кро́въ тво́й пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Вече́рнюю пѣ́снь прино́симъ тѝ хрⷭ҇тѐ, съ кади́ломъ и҆ пѣ́сньми дх҃о́вными, поми́лꙋй сп҃се дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Сп҃си́ мѧ гдⷭ҇и бж҃е мо́й, ты́ бо всѣ̑мъ є҆сѝ сп҃се́нїе: бꙋ́рѧ мѧ̀ страсте́й смꙋща́етъ, и҆ бре́мѧ беззако́нїѧ погрꙋжа́етъ мѧ̀. Да́ждь мѝ рꙋ́кꙋ по́мощи, и҆ возведи́ мѧ къ свѣ́тꙋ покаѧ́нїѧ, ꙗ҆́кѡ є҆ди́нъ бл҃гоꙋтро́бенъ и҆ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Ве́лїѧ мч҃нкъ твои́хъ хрⷭ҇тѐ си́ла: во гробѣ́хъ бо лежа́ще дꙋ́хи прого́нѧтъ, и҆ ᲂу҆праздни́ша вра́жїю вла́сть, вѣ́рою трⷪ҇ческою подви́гшесѧ ѡ҆ бл҃гоче́стїи."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Въ жена́хъ ст҃а́ѧ бцⷣе, мт҃и безневѣ́стнаѧ, молѝ, є҆го́же родила̀ є҆сѝ, цр҃ѧ̀ и҆ бг҃а, да сп҃се́тъ на́съ ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши: Трист҃о́е. И҆ по Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ на повече́рїи, канѡ́нъ прест҃ѣ́й бцⷣѣ. Гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́ды дре́вле, ма́нїемъ бж҃е́ственнымъ, во є҆ди́но со́нмище совокꙋпи́вый, и҆ раздѣли́вый мо́ре і҆и҃льтєскимъ лю́демъ, се́й бг҃ъ на́шъ препросла́вленъ є҆́сть: томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Въ лѣ́ности житїѐ сконча́въ, прибли́жихсѧ къ концꙋ̀ житїѧ̀ моегѡ̀: но сама̀ пречⷭ҇таѧ, понѐ въ послѣ́днее вре́мѧ, да́ждь мѝ ᲂу҆миле́нїе, молю́сѧ, ꙗ҆́кѡ да пла́чꙋсѧ го́рькѡ ѡ҆ безмѣ́рныхъ мои́хъ прегрѣше́нїихъ."
|
||||
},
|
||||
{
|
||||
"type": "TEXT",
|
||||
"value": "Ѡ҆скверни́въ безꙋ́мнѡ, ю҆́же по ѡ҆́бразꙋ, красотꙋ̀ страстьмѝ пло́ти моеѧ̀ дв҃о, бж҃їѧгѡ ᲂу҆страши́хсѧ негодова́нїѧ, и҆ ᲂу҆жа́снагѡ ѻ҆́гненнагѡ преще́нїѧ: но сама̀ поми́лꙋй мѧ̀ прибѣга́ющаго къ тебѣ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Колѣ̑на преклони́въ ѻ҆каѧ́нный, твою̀ прошꙋ̀ по́мощь прест҃а́ѧ дв҃о: но ты̀ ᲂу҆слы́ши болѧ́щꙋю дꙋ́шꙋ, и҆ належа́щїй ѻ҆́блакъ печа́ли моеѧ̀ разорѝ заре́ю твои́хъ мл҃твъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Напои́тисѧ бога́тнѡ слеза́ми да́ждь, бразда́мъ стра́стныѧ моеѧ̀ дꙋшѝ, и҆ пло́дъ принести́ ми стори́чный влⷣчце сподо́би, и҆ се́рдце моѐ всѧ́кагѡ весе́лїѧ и҆спо́лни, да сла́влю тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ не сꙋ́щихъ всѧ̑ приведы́й, сло́вомъ созида́ємаѧ, соверша́ємаѧ дх҃омъ, вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "Сле́зъ тꙋ́чꙋ пода́ждь мѝ бл҃га́ѧ бцⷣе, и҆ си́ми ᲂу҆гасѝ страсте́й мои́хъ пе́щь, и҆ всѧ́кїѧ ѡ҆мы́й дꙋшє́вныѧ моѧ̑ сквє́рны."
|
||||
},
|
||||
{
|
||||
"type": "TEXT",
|
||||
"value": "Въ беззако́нїихъ ѡ҆скверни́хъ бл҃горо́дїе дꙋшѝ пречⷭ҇таѧ, и҆ трепе́щꙋ и҆стѧза́нїѧ, є҆гда̀ и҆стѧ́жетъ мѧ̀ ѡ҆́браза достоѧ́нїѧ, сло́во."
|
||||
},
|
||||
{
|
||||
"type": "TEXT",
|
||||
"value": "Сла́ва: Бꙋ́рѧ прегрѣше́нїй ѡ҆б̾е́мши мѧ̀ ны́нѣ, во глꙋбинꙋ̀ ѿча́ѧнїѧ сведѐ: но да́ждь мѝ рꙋ́кꙋ чⷭ҇таѧ, и҆ на покаѧ́нїе мѧ̀ наста́ви."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆зба́ви гее́нны и҆ всѧ́кагѡ и҆на́гѡ преще́нїѧ въ ча́съ сꙋда̀, раба̀ твоего̀ пренепоро́чнаѧ, и҆ прича́стника сотворѝ сн҃а и҆ бг҃а твоегѡ̀ ца́рствїю."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и, є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Прїидо́ша чⷭ҇таѧ, безмѣ́стныхъ дѣ́лъ во́ды, до ѻ҆каѧ́нныѧ моеѧ̀ дꙋшѝ. Тѣ́мже по́мыслы бре́нїѧ ѡ҆держи́мь, вопїю̀ съ болѣ́знїю: не пре́зри менѐ влⷣчце раба̀ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Ѕвѣ́рїе мы́сленнїи, ны́нѣ неми́лостивнѡ ѡ҆быдо́ша мѧ̀, тща́щесѧ восхи́тити неща́днѡ смире́ннꙋю мою̀ дꙋ́шꙋ, всенепоро́чнаѧ: но сн҃омъ пречⷭ҇таѧ сокрꙋшѝ дꙋшетлѣ̑нныѧ чє́люсти."
|
||||
},
|
||||
{
|
||||
"type": "TEXT",
|
||||
"value": "Сла́ва: Млⷭ҇тива бꙋ́ди твоемꙋ̀ рабꙋ̀ влⷣчце, молю́сѧ, и҆ ча́емагѡ преще́нїѧ лю́ди твоѧ̑ и҆схитѝ всечⷭ҇таѧ, да зове́мъ тѝ бл҃годарѧ́ще: сла́ва тебѣ̀ всѣ́хъ цр҃и́це."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Є҆гда̀ въ нощѝ жени́хъ прїи́детъ сꙋди́ти землѝ, тогда̀ во срѣ́тенїе є҆гѡ̀ со свѣ́тлою свѣще́ю бл҃говолѝ пречⷭ҇таѧ и҆зы́ти мѝ, и҆ поклони́тисѧ тогѡ̀ прише́ствїю."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На землѝ неви́димый ꙗ҆ви́лсѧ є҆сѝ, и҆ человѣ́кѡмъ во́лею сожи́лъ є҆сѝ непостижи́мый, и҆ къ тебѣ̀ ᲂу҆́тренююще, воспѣва́емъ тѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Псѝ мно́зи ѡ҆держа́ша мѧ̀ вои́стиннꙋ, со́нмъ лꙋка́выхъ дх҃ѡ́въ ѡ҆бы́де мѧ̀: но си́хъ пречⷭ҇таѧ совѣ́ты ны́нѣ разорѝ."
|
||||
},
|
||||
{
|
||||
"type": "TEXT",
|
||||
"value": "Ро́въ мнѣ̀ ны́нѣ лꙋка́вый и҆зры́въ, воврещи́ мѧ во́нь покꙋша́етсѧ: но твое́ю десни́цею влⷣчце, да впаде́тъ въ ꙗ҆́мꙋ, ю҆́же сотворѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Да не ꙗ҆́ростїю сн҃а твоегѡ̀ ѡ҆бличе́нъ бꙋ́дꙋ, во вре́мѧ прише́ствїѧ є҆гѡ̀, ни гнѣ́вомъ є҆гѡ̀ накажꙋ́сѧ всепѣ́таѧ: но сп҃си́ мѧ мольба́ми твои́ми."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ви́ждь чⷭ҇таѧ не́мощь, ви́ждь смире́нїе ѻ҆каѧ́нныѧ моеѧ̀ дꙋшѝ, и҆ безпло́тныхъ вра̑гъ воста́нїе: и҆ си́хъ вре́да и҆зба́ви мѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна послѣ́днѧѧ грѣхѡ́въ ѡ҆бы́де мѧ̀, и҆ и҆счеза́етъ дꙋ́хъ мо́й: но простры́й влⷣко высо́кꙋю твою̀ мы́шцꙋ, ꙗ҆́кѡ петра́ мѧ ᲂу҆пра́вителю сп҃сѝ."
|
||||
},
|
||||
{
|
||||
"type": "TEXT",
|
||||
"value": "Ма́нїемъ всѣ́хъ зижди́телѧ, є҆гда̀ хо́щетъ дꙋша̀ моѧ̀ разлꙋчи́тисѧ ѿ пло́ти, всенепоро́чнаѧ, свободи́ мѧ рꙋкѝ ненави́дѧщихъ мѧ̀, бцⷣе всепѣ́таѧ."
|
||||
},
|
||||
{
|
||||
"type": "TEXT",
|
||||
"value": "И҆зсꙋшѝ мꙋ̑тныѧ рѣ́ки бг҃ороди́тельнице, лꙋка́выхъ мои́хъ дѣѧ́нїй стрꙋѧ́ми ᲂу҆миле́нїѧ, и҆ напра́ви къ водѣ̀ ѡ҆сла́бы въ де́нь сꙋда̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Вѣ́си мою̀ не́мощь дꙋше́внꙋю, и҆ ᲂу҆ма̀ моегѡ̀ некрѣ́пость пречⷭ҇таѧ, и҆ пло́ти неможе́нїе. Тѣ́мже сп҃сѝ раба̀ твоего̀: тѧ́ бо стѧжа́хъ застꙋ́пницꙋ непобѣди́мꙋю."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Стрꙋи̑ мнѣ̀ сле́зъ дх҃о́вныхъ пода́ждь ѻ҆трокови́це, и҆́миже и҆змы́ю ти́нꙋ прегрѣше́нїй мои́хъ, и҆ страсте́й молвꙋ̀ пренепоро́чнаѧ, и҆ сквє́рны тѣлє́сныѧ."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Красотѣ̀ двⷭ҇тва:"
|
||||
},
|
||||
{
|
||||
"type": "TEXT",
|
||||
"value": "Млⷭ҇тиваго во чре́вѣ носи́вшаѧ, прибѣга́ющаго под̾ кро́въ тво́й, и҆ просѧ́ща ѿ дꙋшѝ бж҃е́ственнꙋю твою̀ по́мощь, влⷣчце ᲂу҆ще́дри, и҆ млⷭ҇ти сподо́би, є҆гда̀ предста́немъ влⷣцѣ тва́ри, и҆зба́ви чⷭ҇таѧ ѻ҆гнѧ̀ вѣ́чнагѡ, и҆ всѧ́кагѡ ѡ҆сꙋжде́нїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пре́жде ѡ҆́бразꙋ злато́мꙋ, персі́дскомꙋ чти́лищꙋ, ѻ҆́троцы не поклони́шасѧ, трїѐ пою́ще посредѣ̀ пе́щи: ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆злїѧ́шасѧ на мѧ̀ чⷭ҇таѧ, прегрѣше́нїй во́ды до дꙋшѝ моеѧ̀, бе́здна же ѡ҆бы́де мѧ̀ послѣ́днѧѧ: но сего̀ и҆змѝ треволне́нїѧ."
|
||||
},
|
||||
{
|
||||
"type": "TEXT",
|
||||
"value": "Ѡ҆кропи́ мѧ чⷭ҇таѧ, кро́вїю и҆з̾ ре́бръ ржⷭ҇тва̀ твоегѡ̀, мно́жествомъ млⷭ҇ти твоеѧ̀: ѡ҆мы́й же мѧ̀ сле́зными стрꙋѧ́ми, и҆ ѡ҆чи́сти мѧ̀ ѿ всѧ́кїѧ скве́рны."
|
||||
},
|
||||
{
|
||||
"type": "TEXT",
|
||||
"value": "Сла́ва: Сокрꙋше́нїе мое́й дꙋшѝ, смире́нїе же се́рдцꙋ да́ждь всечⷭ҇таѧ, ꙗ҆́кѡ да всѧ́кагѡ и҆зба́влюсѧ кова́рства, при́снѡ мѧ̀ неща́днѡ ловѧ́щихъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́кѡ млⷭ҇тива мт҃и бж҃їѧ, рабы̑ твоѧ̑ влⷣчце, млⷭ҇ти сподо́би, и҆̀же вѣ́рою сн҃ꙋ твоемꙋ̀ вопїю́щыѧ: ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нестерпи́момꙋ ѻ҆гню̀ соедини́вшесѧ, бг҃оче́стїѧ предстоѧ́ще ю҆́нѡши, пла́менемъ же неврежде́ни, бж҃е́ственнꙋю пѣ́снь поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Стрѣ́лы стрѣльца̀ сокрꙋшѝ чⷭ҇таѧ, держа́вою сн҃а твоегѡ̀, и҆ сегѡ̀ непра́вда ны́нѣ да сни́детъ на ве́рхъ є҆гѡ̀, да воспою̀: всѧ̑ дѣла̀ гдⷭ҇нѧ гдⷭ҇а по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Свѣ́томъ твои́мъ ѡ҆зарѝ ѻ҆трокови́це, ѡ҆мраче́ное моѐ се́рдце, и҆ ѻ҆рꙋ́жїемъ свѣ́та свѣ́тꙋ двє́ри ѿве́рзи мѝ зовꙋ́щꙋ: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆снꙋ́въ въ сме́рти, лежꙋ̀ во гро́бѣ ѿча́ѧнїѧ, но сама́ мѧ возста́ви дв҃о, и҆ бо́дреннѡ пѣ́ти сподо́би: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Не преста́й чⷭ҇таѧ, молѧ́щи ѡ҆ чтꙋ́щихъ тѧ̀ во ᲂу҆миле́нїи, и҆зба́витисѧ сѣте́й дїа́вольскихъ, сн҃ꙋ твоемꙋ̀ вопїю́щихъ: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ зако́нѣ сѣ́ни и҆ писа́нїй ѡ҆́бразъ ви́димъ вѣ́рнїи: всѧ́къ мꙋ́жескїй по́лъ ложесна̀ разверза́ѧ, ст҃ъ бг҃ꙋ: тѣ́мъ перворожде́нное сло́во, ѻ҆ц҃а̀ безнача́льна, сн҃а первородѧ́щасѧ мт҃рїю неискꙋсомꙋ́жнѡ, велича́емъ."
|
||||
},
|
||||
{
|
||||
"type": "TEXT",
|
||||
"value": "Ѡ҆бꙋрева́етъ страсте́й волне́нїе, и҆ смꙋще́нїе скве́рныхъ помышле́нїй дꙋ́шꙋ мою̀, и҆ лꙋка́выхъ человѣ̑къ бꙋ́рѧ при́снѡ мѧ̀ смꙋща́етъ: но ꙗ҆́кѡ чл҃вѣколюби́ва дв҃о, ѡ҆держи́мыѧ нꙋ́жды вско́рѣ мѧ̀ и҆зба́ви."
|
||||
},
|
||||
{
|
||||
"type": "TEXT",
|
||||
"value": "Дꙋшѐ смире́ннаѧ, ѿстꙋпѝ лꙋка́выхъ твои́хъ дѣѧ́нїй, и҆ преста́ни ѿ ѕло́бы, и҆ є҆́же прогнѣ́вати бг҃а, воспрїими́ же ᲂу҆се́рднѡ за́пѡвѣди є҆гѡ̀: бцⷣꙋ бо и҆́маши пꙋти̑ твоѧ̑ направлѧ́ющꙋю."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́кѡ ро́ждшаѧ всѣ́хъ гдⷭ҇а, страсте́й мѧ̀ свободѝ, и҆ лю́тыхъ грѣхѡ́въ, и҆ всего́ мѧ дѣ́лы бл҃ги́ми за мно́гое млⷭ҇рдїе твоѐ ѡ҆богатѝ: да ра́дꙋѧсѧ любо́вїю велича́ю тѧ̀ всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Приближа́етсѧ дꙋшѐ коне́цъ, при две́рехъ сꙋди́ще, ѿстꙋпѝ дѣ́лъ стꙋ́дныхъ, и҆ прїими́сѧ за бл҃го́е житїѐ: и҆́маши бо побо́рницꙋ бцⷣꙋ, и҆збавлѧ́ющꙋю тѧ̀ ѿ всѧ́кагѡ ѡ҆ѕлобле́нїѧ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ про́чее ѻ҆бы́чно, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ ᲂу҆́тра, по а҃-мъ стїхосло́вїи сѣда́льны ᲂу҆мили́тельны, Гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Прише́льствꙋющи на землѝ дꙋшѐ моѧ̀, пока́йсѧ, пе́рсть бо во гро́бѣ не пое́тъ, ни ѿ прегрѣше́нїй и҆збавлѧ́етъ. Возопі́й хрⷭ҇тꙋ̀ бг҃ꙋ: сердцевѣ́дче, согрѣши́хъ тѝ, пре́жде да́же не ѡ҆сꙋ́диши менѐ, пощадѝ мѧ̀ бж҃е и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Доко́лѣ дꙋшѐ моѧ̀ пребыва́еши въ согрѣше́нїихъ; доко́лѣ прїе́млеши покаѧ́нїѧ ѿложе́нїе; прїимѝ во ᲂу҆мѣ̀ сꙋ́дъ грѧдꙋ́щїй, возопі́й хрⷭ҇тꙋ̀ бг҃ꙋ: сердцевѣ́дче, согрѣши́хъ, безгрѣ́шне гдⷭ҇и, поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Прибѣ́жище и҆ си́ло на́ша бцⷣе, крѣ́пкаѧ помо́щнице мі́ра, мл҃твами твои́ми покры́й рабы̑ твоѧ̑ ѿ всѧ́кїѧ нꙋ́жды, є҆ди́на бл҃гослове́ннаѧ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "На стра́шнѣмъ сꙋди́щи без̾ сопє́рникъ ѡ҆блича́юсѧ, и҆ без̾ свидѣ́телей ѡ҆сꙋжда́юсѧ: кни̑ги бо сѡ́вѣстныѧ разгиба́ютсѧ, и҆ дѣла̀ сокровє́ннаѧ ѿкрыва́ютсѧ. Пре́жде да́же ᲂу҆́бѡ во ѻ҆́номъ всенаро́дномъ позо́рищи хо́щеши и҆стѧза́ти, ꙗ҆̀же мно́ю содѣ̑ѧннаѧ, бж҃е, ѡ҆чи́сти мѧ̀, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Глꙋбинꙋ̀ согрѣше́нїй мои́хъ ты̀ вѣ́си гдⷭ҇и: да́ждь мѝ рꙋ́кꙋ по́мощи ꙗ҆́кѡ петрꙋ̀, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сїѧ́ете вѣ́рою пресвѣ̑тлаѧ свѣти̑ла ст҃і́и, немощствꙋ́ющихъ вра́чеве, страстоте́рпцы прехва́льнїи: мꙋчи́телей бо ра̑нъ не ᲂу҆боѧ́стесѧ, і҆́дѡльское ѕлоче́стїе низложи́сте, побѣ́дꙋ и҆мꙋ́ще непобѣди́мꙋю крⷭ҇тъ и҆́стинный."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Прїимѝ влⷣчце вѣ́рою притека́ющаго под̾ кро́въ тво́й, и҆ не возненави́ждь менѐ, нижѐ пре́зри бл҃га́ѧ покаѧ́нїемъ молѧ́щагосѧ. Прїимѝ ꙗ҆́же ѿ ᲂу҆́стъ недосто́йныхъ мои́хъ мольбꙋ̀, и҆ хода́тайствомъ твои́мъ ѿ сѣте́й и҆зба́ви мѧ̀, да со дерзнове́нїемъ вопїю́ ти: ра́дꙋйсѧ ѡ҆бра́дованнаѧ."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́льны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Красотѣ̀ двⷭ҇тва:"
|
||||
},
|
||||
{
|
||||
"type": "TEXT",
|
||||
"value": "Под̾ кро́въ тво́й прибѣ́гше, вѣ́рою зове́мъ и҆з̾ глꙋбины̀ дꙋше́вныѧ: бг҃обл҃же́нне прⷪ҇ро́че и҆ предте́че, напа́стей и҆ бѣ́дъ смꙋщє́нїѧ, и҆ недꙋ́гѡвъ волнє́нїѧ ᲂу҆тишѝ, и҆ сꙋ́етны сотворѝ врагѡ́въ ѕлохи̑трыѧ совѣ́ты, просѧ̀ на́мъ ве́лїѧ млⷭ҇ти."
|
||||
},
|
||||
{
|
||||
"type": "TEXT",
|
||||
"value": "Оу҆ны́нїе твоѐ дꙋшѐ ѻ҆каѧ́ннаѧ, пре́жде и҆схо́да твоегѡ̀ ѿтрѧ́сши покаѧ́нїемъ, и҆ съ пла́чемъ ѡ҆брати́сѧ зовꙋ́щи къ неѕло́бивомꙋ і҆и҃сꙋ чл҃вѣколю́бцꙋ: согрѣши́хъ тѝ влⷣко, но ꙗ҆́кѡ млⷭ҇рдъ сп҃си́ мѧ, мл҃твами ст҃а́гѡ предте́чи, и҆́же є҆ди́нъ сы́й безгрѣ́шенъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Недомы́сленно и҆ непостижи́мо є҆́сть влⷣчце бг҃ора́дованнаѧ, є҆́же содѣ́ланное ѡ҆ тебѣ̀ стра́шное бж҃їе та́инство: и҆́бо неѡб̾име́ннаго заче́нши родила̀ є҆сѝ, пло́тїю ѡ҆бложе́на ѿ пречⷭ҇тыхъ крове́й твои́хъ: є҆го́же всегда̀ чⷭ҇таѧ съ прⷣте́чею молѝ, сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ ᲂу҆мили́теленъ ко гдⷭ҇ꙋ на́шемꙋ і҆и҃сꙋ хрⷭ҇тꙋ̀, и҆ ст҃ы̑мъ є҆гѡ̀ мч҃нкѡмъ, гла́съ г҃, творе́нїе і҆ѡ́сифово, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Мои́мъ стена́нїємъ вонмѝ бж҃їй сло́ве."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ди́внѡ, сла́внѡ творѧ́й чꙋдеса̀, ты̀ є҆сѝ бж҃е, бе́зднꙋ ѡ҆землени́вый, и҆ колєсни́цы потопи́вый, и҆ лю́ди сп҃сы́й пою́щыѧ тебѣ̀, ꙗ҆́кѡ цр҃ю̀ на́шемꙋ и҆ бг҃ꙋ."
|
||||
},
|
||||
{
|
||||
"type": "TEXT",
|
||||
"value": "Са́ми себѐ пре́жде конца̀ вѣ́рнїи пла́чимъ ѿ всеѧ̀ дꙋшѝ: приближа́етсѧ жени́хъ, возжже́мъ дѣѧ̑нїѧ ꙗ҆́коже свѣ̑тлыѧ свѣщы̀, ꙗ҆́кѡ да бж҃е́ственный черто́гъ ᲂу҆лꙋчи́мъ вкꙋ́пѣ."
|
||||
},
|
||||
{
|
||||
"type": "TEXT",
|
||||
"value": "Пока́ѧвсѧ дре́вле манассі́а ѿ всеѧ̀ дꙋшѝ, сп҃се́сѧ: возопи́ бо ѿ среды̀ ᲂу҆́зъ свѧ́занъ ко є҆ди́номꙋ влⷣцѣ. Томꙋ̀ ревнꙋ́й дꙋшѐ, и҆ сп҃се́шисѧ ᲂу҆до́бь."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѻ҆че́съ слѣпотꙋ̀, рꙋ́къ лише́нїе, ѧ҆зы́ка ᲂу҆рѣ́занїе, но́гъ же ѿѧ́тїе, бе́дръ и҆ мы́шцей сокрꙋше́нїе, претерпѣ́ша бж҃е́ственнїи страда́льцы, бл҃годарѧ́ще і҆и҃сꙋ хрⷭ҇тꙋ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Враче́бница ꙗ҆ви́сѧ на́мъ ра́ка моще́й ва́шихъ, ст҃і́и мч҃нцы всѣ̑мъ вѣ̑рнымъ: и҆з̾ неѧ́же почерпа́емъ и҆сцѣлє́нїѧ, дꙋ́шъ же и҆ тѣле́съ, по до́лгꙋ ва́съ чтꙋ́щїи при́снѡ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Безсме́ртїѧ ма́ннꙋ хрⷭ҇та̀ носѧ́щи, ста́мно слове́снаѧ, го́рести дꙋшетлѣ́нныхъ страсте́й и҆зба́ви мѧ̀ всепѣ́таѧ дв҃о: ꙗ҆́кѡ да вѣ́рою тѧ̀ славосло́влю бл҃гоче́стнѡ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ предте́чи і҆ѡа́ннꙋ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́ды дре́вле, ма́нїемъ бж҃е́ственнымъ, во є҆ди́но со́нмище совокꙋпи́вый, и҆ раздѣли́вый мо́ре і҆и҃льтєскимъ лю́демъ, се́й бг҃ъ на́шъ, препросла́вленъ є҆́сть: томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Непло́дныѧ ᲂу҆тро́бы бж҃е́ственное прозѧбе́нїе, плоды́ ми добродѣ́телей прозѧба́ти, бг҃ꙋ моли́сѧ, грѣха̀ моегѡ̀ разрѣша́ѧ непло́дїе, и҆ ѿгонѧ́ѧ мра́къ ѿ ᲂу҆ма̀ моегѡ̀, гдⷭ҇ень предте́че."
|
||||
},
|
||||
{
|
||||
"type": "TEXT",
|
||||
"value": "Сл҃нца сла́вы ве́лїй, ꙗ҆́коже предтекꙋ́щаѧ ѕвѣзда̀, вѣ́рою на землѝ ꙗ҆ви́лсѧ є҆сѝ, зе́млю всю̀ просвѣ́щшагѡ: того̀ ᲂу҆́бѡ молѝ, ѡ҆мрачи́вшꙋюсѧ дꙋ́шꙋ мою̀ ѕлы́ми помышле́ньми просвѣти́ти предте́че."
|
||||
},
|
||||
{
|
||||
"type": "TEXT",
|
||||
"value": "И҆́же живо́тъ сꙋ́щымъ во а҆́дѣ, дх҃омъ бж҃е́ственнымъ приближа́ющсѧ, предвозвѣсти́лъ є҆сѝ прⷪ҇ро́че, мою̀ ᲂу҆мерщвле́ннꙋю дꙋ́шꙋ ѡ҆живѝ твои́ми мольба́ми: и҆ ꙗ҆́кѡ ѿ гро́ба прегрѣше́нїй возста́ви, молю́сѧ, сла́вный предте́че."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Со а҆рха́гг҃лы и҆ а҆́гг҃лы дв҃о, и҆ со ст҃ы́ми всѣ́ми, и҆з̾ тебѐ гдⷭ҇а ꙗ҆́вльшагосѧ на́мъ молѝ, мо́лимсѧ, и҆́стиннꙋю бцⷣꙋ и҆сповѣ́дающымъ тѧ̀ ѿ бѣ́дъ и҆зба́витисѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Непло́днаѧ дꙋшѐ и҆ безча́днаѧ, стѧжѝ пло́дъ благосла́вный, веселѧ́щисѧ возопі́й: ᲂу҆тверди́хсѧ тобо́ю бж҃е, нѣ́сть ст҃ъ, нѣ́сть првⷣенъ, па́че тебѐ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Зако́нъ бж҃їй ѿверго́хъ несмы́сленнѡ, и҆ ѡ҆сꙋжде́нъ бы́ти и҆́мамъ: и҆ что̀ сотворю̀, не вѣ́мъ. Сꙋдїѐ пра́веднѣйшїй, ᲂу҆ще́дривъ сп҃си́ мѧ млⷭ҇рдїемъ твои́мъ."
|
||||
},
|
||||
{
|
||||
"type": "TEXT",
|
||||
"value": "Восто́къ чл҃вѣколю́бче сы́й восто́кѡвъ, возсїѧ́й мѝ, молю́сѧ, пра́вды свѣ́тъ, и҆з̾има́ѧ мѧ̀ страсте́й ѡ҆мраче́нїѧ, и҆ тьмы̀ мꙋче́нїѧ, многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Землѝ мы́сленныѧ жи́телїе, древеса̀ плодѡви́таѧ ра̑йскаѧ, ст҃і́и мч҃нцы, и҆сто́чницы, и҆̀же бж҃е́ственнꙋю во́дꙋ и҆мꙋ́щїи, ча́шы пролива́ющїи питїѐ ст҃о́е ꙗ҆ви́стесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Є҆ди́нъ во мно́гихъ тѣлесѣ́хъ нра́въ носѧ́ще, стрⷭ҇тоте́рпцы мч҃нцы, тьмы̀ побѣди́сте врага̀ мїроде́ржца, трⷪ҇цꙋ нераздѣли́мꙋю проповѣ́дающе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃о мт҃и пречⷭ҇таѧ, ка́ющымсѧ на́мъ и҆ ко хрⷭ҇тꙋ̀ притека́ющымъ, и҆ прегрѣше́нїй разрѣше́нїе хотѧ́щымъ прїѧ́ти, млⷭ҇тива сего̀ всѣ̑мъ содѣ́лай всѣ́хъ влⷣчце."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ не сꙋ́щихъ всѧ̑ приведы́й, сло́вомъ созида́ємаѧ, соверша́ємаѧ дх҃омъ, вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "Гла́съ сло́ва бы́въ крⷭ҇ти́телю, гла́сы чтꙋ́щихъ тѧ̀ къ немꙋ̀ ны́нѣ и҆спра́ви, и҆ прегрѣше́нїй ѡ҆ставле́нїе хода́тайствомъ твои́мъ на́мъ пода́ждь."
|
||||
},
|
||||
{
|
||||
"type": "TEXT",
|
||||
"value": "Согрѣши́хъ тебѣ̀ и҆ беззако́нновахъ, и҆ лю́тѣ сп҃се прегрѣши́хъ, и҆ дꙋ́шꙋ ѡ҆скверни́хъ: сегѡ̀ ра́ди молю́сѧ тѝ, твоегѡ̀ ра́ди крⷭ҇ти́телѧ ᲂу҆ще́дри мѧ̀."
|
||||
},
|
||||
{
|
||||
"type": "TEXT",
|
||||
"value": "Въ пꙋсты́ни заблꙋ́ждша сластьмѝ, пꙋсты́нное воспита́нїе и҆ наста́вника но́выхъ люде́й молю́ тѧ предте́че, къ покаѧ́нїѧ пꙋтѝ наста́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Со а҆пⷭ҇лы, и҆ прⷪ҇ро́ки сщ҃е́нными, съ мч҃нки пречⷭ҇таѧ, и҆ съ вы́шними си́лами сн҃а твоего̀ молѝ, ᲂу҆ще́дрити на́съ тебѐ пою́щихъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Прїѡсѣне́ннꙋю го́рꙋ а҆ввакꙋ́мъ прозрѧ́ше, пречⷭ҇тꙋю твою̀ ᲂу҆тро́бꙋ чⷭ҇таѧ, тѣ́мъ взыва́ше: ѿ ю҆́га прїи́детъ бг҃ъ, и҆ ст҃ы́й ѿ горы̀ прїѡсѣне́нныѧ ча́щи."
|
||||
},
|
||||
{
|
||||
"type": "TEXT",
|
||||
"value": "И҆́же и҆сточи́вый и҆з̾ ка́мене дре́вле лю́демъ непокѡри́вымъ хрⷭ҇тѐ, и҆ прерѣка́ющымъ, во́дꙋ жа́жды и҆сцѣле́нїѧ, ѿ невла́жныѧ дꙋшѝ моеѧ̀ бж҃е, ᲂу҆миле́нїѧ ка́плю и҆змыва́ющꙋю мѧ̀ и҆сточѝ."
|
||||
},
|
||||
{
|
||||
"type": "TEXT",
|
||||
"value": "Врачꙋ̀ болѧ́щихъ, се́рдца моегѡ̀ стра̑сти и҆сцѣлѝ благоꙋтро́бнымъ твои́мъ манове́нїемъ, покаѧ́нїѧ семꙋ̀ сп҃се прилага́ѧ пла́стырь, ꙗ҆́кѡ бл҃гъ, бж҃е́ственнагѡ бы́лїѧ, ꙗ҆́кѡ да вѣ́рою славосло́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Млⷭ҇тивнѡ страстоно́сцы, ꙗ҆́же къ тѣ́лꙋ дрꙋ́жбы, распрѧ́гше помышле́нїе, мꙋ́чити ва́съ хотѧ́щымъ преда́сте са́ми себѐ. Тѣ́мже бли́жнїи зижди́телю бы́сте дрꙋ́зи."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Многоболѣ̑зненныѧ стрꙋ́пы ѿ многови́дныхъ мꙋ́къ под̾ѧ́сте страда́льцы хрⷭ҇тѡ́вы, и҆ бл҃года́ть прїѧ́сте ѿ дх҃о́вныхъ дарѡ́въ, страсте́й на́шихъ прогонѧ́юще многолѣ́тныѧ болѣ́зни."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Многоимени́таѧ ѻ҆трокови́це ра́дꙋйсѧ, и҆з̾ неѧ́же бг҃ъ сло́во роди́сѧ, ѿ безслове́сныхъ на́съ разрѣша́ѧ, и҆ безмѣ́стныхъ дѣѧ́нїй: ра́дꙋйсѧ ѻ҆́блаче свѣ́тлый, разгонѧ́ющїй ѻ҆́блаки на́шегѡ ᲂу҆ны́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и, є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Сло́ва тѧ̀ гла́съ пло́тїю ꙗ҆́вльшагосѧ сꙋ́ща, предте́че гдⷭ҇ень молю̀, безслове́сныхъ мѧ̀ и҆зба́ви дѣѧ́нїй, словесы̀ чтꙋ́щаго тѧ̀, и҆ по до́лгꙋ вѣ́рою блажа́щаго."
|
||||
},
|
||||
{
|
||||
"type": "TEXT",
|
||||
"value": "Воздохнѝ ѽ дꙋшѐ, и҆ бг҃ꙋ зижди́телю твоемꙋ̀ возопі́й: согрѣши́хъ, ѡ҆чи́сти мѧ̀ хрⷭ҇тѐ, и҆ и҆зба́ви мѧ̀ стра́шныѧ мꙋ́ки, бѣ́дъ же и҆ скорбе́й, мольба́ми бж҃е́ственнагѡ предте́чи."
|
||||
},
|
||||
{
|
||||
"type": "TEXT",
|
||||
"value": "Волна́ми мно́гими лю́тыхъ страсте́й потоплѧ́ема, и҆ бꙋ́рею лю́тѣ содержи́ма, и҆ при́снѡ погрꙋжа́ема, крⷭ҇ти́телю и҆схитѝ, и҆ къ покаѧ́нїѧ приста́нищꙋ наста́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мт҃и бж҃їѧ, херꙋві̑мъ превы́шшаѧ, колесни́це, съ невеще́ственными слꙋжи́тели, и҆ со ст҃ы́ми всѣ́ми молѝ хрⷭ҇та̀, є҆го́же родила̀ є҆сѝ всенепоро́чнаѧ, сп҃сти́ мѧ ѿча́ѧннаго."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́тренююще воспѣва́емъ тѧ̀ сло́ве, сн҃е бж҃їй є҆диноро́дне: тво́й ми́ръ да́ждь на́мъ, и҆ поми́лꙋй ны̀ пою́щыѧ тѧ̀, и҆ вѣ́рнѡ покланѧ́ющыѧсѧ."
|
||||
},
|
||||
{
|
||||
"type": "TEXT",
|
||||
"value": "Ѡ҆кропи́въ мѧ̀ покаѧ́нїѧ ѵ҆ссѡ́помъ, ѡ҆чи́сти ѿ скве́рнъ страсте́й, да ꙗ҆влю́сѧ тебѣ̀ чи́стъ, є҆гда̀ хо́щеши і҆и҃се, сꙋди́ти всѧ́чєскимъ, пра́веднымъ твои́мъ сꙋдо́мъ."
|
||||
},
|
||||
{
|
||||
"type": "TEXT",
|
||||
"value": "Ра̑ны согни́шасѧ сп҃се преѻкаѧ́нныѧ моеѧ̀ дꙋшѝ: и҆сцѣли́телю болѧ́щихъ, и҆ да́телю бл҃ги́хъ, и҆сцѣли́въ сп҃си́ мѧ, мно́гїѧ ра́ди твоеѧ̀ млⷭ҇ти."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сокрꙋши́шасѧ сосꙋ́ди скꙋде́льнїи страстоте́рпцєвъ на землѝ: но крѣ́пость дꙋше́внаѧ ᲂу҆крѣпи́сѧ мно́жае, и҆ просвѣти́сѧ хрⷭ҇то́вою си́лою."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пролива́емаѧ ст҃ы́хъ кро́вь всю̀ зе́млю ѡ҆ст҃ѝ, и҆ напоѝ вѣ́рныхъ дꙋ́шы, и҆ и҆зсꙋшѝ ꙗ҆́вѣ сꙋ́етства мꙋ̑тныѧ пото́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ржⷭ҇тво́мъ твои́мъ ѡ҆непло́дствила є҆сѝ ѻ҆трокови́це пра́дѣднюю клѧ́твꙋ: и҆ и҆сточи́ла є҆сѝ на́мъ бл҃гослове́нїѧ рѣ́ки, бл҃госло́вѧщымъ тѧ̀, и҆ сла́вѧщымъ вѣ́рою."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На землѝ неви́димый ꙗ҆ви́лсѧ є҆сѝ, и҆ человѣ́кѡмъ во́лею сожи́лъ є҆сѝ непостижи́мый, и҆ къ тебѣ̀ ᲂу҆́тренююще, воспѣва́емъ тѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "На землѝ ꙗ҆́коже а҆́гг҃лъ бл҃же́нне, съ пло́тїю ꙗ҆́вѣ пожи́лъ є҆сѝ. Тѣ́мже молю́сѧ тѝ: плотски́хъ мꙋдрова́нїй дꙋ́шꙋ мою̀ свободѝ."
|
||||
},
|
||||
{
|
||||
"type": "TEXT",
|
||||
"value": "Во глꙋбинꙋ̀ грѣхо́внꙋю впа́дшаго, и҆ сластьмѝ дꙋ́шꙋ ѡ҆скверни́вшаго, и҆ бѣ́дствꙋющаго, гдⷭ҇ень предте́че, сп҃си́ мѧ къ тебѣ̀ прибѣга́ющаго."
|
||||
},
|
||||
{
|
||||
"type": "TEXT",
|
||||
"value": "Ты̀ прⷪ҇ро́кѡвъ превы́шши ꙗ҆ви́лсѧ є҆сѝ, и҆́бо са́мъ ви́дѣлъ є҆сѝ прⷪ҇ро́че проповѣ́даннаго: є҆го́же непреста́ннѡ молѝ, просвѣти́ти дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Нб҃съ простра́ннѣйши ꙗ҆́вльшисѧ, є҆́же въ тѧ̀ вселе́нїемъ сло́ва бг҃ора́дованнаѧ, ᲂу҆тѣснѧ́ющихъ мѧ̀ грѣхѡ́въ свободѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Глꙋбина̀ страсте́й воста̀ на мѧ̀, и҆ бꙋ́рѧ проти́вныхъ вѣ́трѡвъ: но предвари́въ мѧ̀ ты̀ сп҃сѝ сп҃се, и҆ и҆зба́ви ѿ тлѝ ꙗ҆́кѡ сп҃слъ є҆сѝ ѿ ѕвѣ́рѧ прⷪ҇ро́ка."
|
||||
},
|
||||
{
|
||||
"type": "TEXT",
|
||||
"value": "Ѡ҆мрачи́хсѧ грѣха̀ мгло́ю, и҆ лежꙋ̀ недѣ́йственъ ве́сь: и҆́же ᲂу҆ѧзви́выйсѧ менѐ ра́ди копїе́мъ и҆ногда̀, хрⷭ҇тѐ бж҃е, ᲂу҆ще́дри мѧ̀ твои́мъ млⷭ҇рдїемъ."
|
||||
},
|
||||
{
|
||||
"type": "TEXT",
|
||||
"value": "Стеню̀, и҆ въ ѕлы́хъ пребыва́ю: слезю̀, и҆ сꙋда̀ не трепе́щꙋ, нечꙋ́вствїемъ болю̀: сло́ве бж҃їй, ᲂу҆ще́дри мѧ̀ и҆ сп҃сѝ, бл҃ги́ми сꙋдьба́ми твои́ми."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́коже а҆́гнцы не вопїю́ще ѿню́дъ, ни сло́во, ни гла́съ и҆спꙋща́юще, всесла́внїи страда́льцы, къ заколе́нїю и҆ ра́намъ приводи́ми бы́сте, хрⷭ҇та̀ воспѣва́юще."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѕвѣрє́мъ пре́дани бы́сте на снѣ́дь, морскі́ѧ глꙋбины̀ причасти́стесѧ ра́достною дꙋше́ю. Тѣ́мже ва́съ хрⷭ҇то́съ, страда́льцы, вѣнцы̀ нетлѣ́нными ᲂу҆красѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Две́ре вѣ́рнѡ спаса́емыхъ, врата̀, и҆́миже є҆ди́нъ про́йде вопло́щьсѧ за ны̀, врата̀ на́мъ пра́вды ѿве́рзи, вѣ́рою тѧ̀ пою́щымъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна послѣ́днѧѧ грѣхѡ́въ ѡ҆бы́де мѧ̀ и҆ и҆счеза́етъ дх҃ъ мо́й: но простры́й влⷣко высо́кꙋю твою̀ мы́шцꙋ, ꙗ҆́кѡ петра́ мѧ ᲂу҆пра́вителю сп҃сѝ."
|
||||
},
|
||||
{
|
||||
"type": "TEXT",
|
||||
"value": "Вода́ми, пото́ка сла́дости, прикло́ншагосѧ под̾ рꙋ́кꙋ твою̀ крести́лъ є҆сѝ: того̀ молѝ, низпосла́ти мѝ во́дꙋ мꙋ́дре ᲂу҆миле́нїѧ, мно́гѡ согрѣши́вшемꙋ."
|
||||
},
|
||||
{
|
||||
"type": "TEXT",
|
||||
"value": "Бе́зднꙋ млⷭ҇рдїѧ въ рѣцѣ̀ предте́че ѡ҆мы́лъ є҆сѝ, превы́спрєннѧѧ небеса̀ вода́ми покрыва́ющагѡ, і҆и҃са чл҃вѣколю́бца: є҆го́же молѝ и҆сточи́ти мѝ ѡ҆ставле́нїе."
|
||||
},
|
||||
{
|
||||
"type": "TEXT",
|
||||
"value": "Прибли́жисѧ црⷭ҇тво нбⷭ҇ное, пока́йтесѧ, взыва́лъ є҆сѝ предте́че: є҆гѡ́же ᲂу҆лꙋчи́ти сподо́би любо́вїю тѧ̀ чтꙋ́щихъ, и҆ под̾ кро́въ честны́й прибѣга́ющихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пречⷭ҇таѧ, ꙗ҆́же пло́ть свою̀ созда́телю взаи́мъ да́вши, съ вы́шними си́лами, и҆ со прⷪ҇ро́ки всѣ́ми, а҆пⷭ҇лы же и҆ мч҃нки, того̀ молѝ ᲂу҆ще́дрити и҆ сп҃сти́ мѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пла́мень ѡ҆роси́вый пе́щный, и҆ ѻ҆́троки неѡпали́мы сп҃сы́й, бл҃гослове́нъ є҆сѝ во вѣ́ки, гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ѡ҆бнажи́хсѧ ѿ ри́зъ нетлѣ́нїѧ, ѡ҆блеко́хсѧ же въ дѣла̀ безче́стїѧ. Тѣ́мже вопїю́ ти: бж҃е ще́дрый, добродѣ́телей мѧ̀ ѻ҆де́ждами просвѣтѝ."
|
||||
},
|
||||
{
|
||||
"type": "TEXT",
|
||||
"value": "Ѻ҆чи́ма блꙋ́дныма ѡ҆калѧ́хсѧ, и҆ ѡ҆сѧза́нїемъ невоздержа́нїѧ ѡ҆скверни́хсѧ, и҆ ме́рзокъ бы́хъ пред̾ тобо́ю і҆и҃се, ꙗ҆́кѡ блꙋ́днаго прїими́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вы́шнюю жи́знь возлюби́вше, мнѡ́гїѧ претерпѣ́сте болѣ̑зни, хрⷭ҇тѡ́вы ѻ҆рꙋ́жницы, свѣти́льницы бж҃е́ственнїи: сегѡ̀ ра́ди вѣ́рнѡ ᲂу҆блажа́еми є҆стѐ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Просвѣти́вшесѧ заре́ю мꙋче́нїѧ, ѡ҆блиста́ете мно́жае со́лнца, и҆ всѧ́къ мра́къ безбо́жїѧ ѿгна́сте ст҃і́и мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ ро́ждши всѣ́хъ содержи́телѧ, ѿ содержа́щагѡ мра́ка невѣ́дѣнїѧ, и҆ ѿ грѣха̀ и҆зба́ви мѧ̀, бцⷣе чⷭ҇таѧ приснодв҃о."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Трїѐ ѻ҆́троцы въ пещѝ трⷪ҇цꙋ проѡбрази́вше, преще́нїе ѻ҆́гненное попра́ша, и҆ пою́ще вопїѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Свѣти́льникъ со́лнца, дꙋ́шꙋ мою̀ лѣ́ностїю ѡ҆мраче́нꙋю ѡ҆зарѝ и҆ ѡ҆слѣпле́ннꙋю, къ покаѧ́нїѧ стезѣ̀ направлѧ́ѧ мѧ̀, крⷭ҇ти́телю хрⷭ҇то́въ предте́че."
|
||||
},
|
||||
{
|
||||
"type": "TEXT",
|
||||
"value": "Сꙋ́дный ча́съ помышлѧ́ѧ, ве́сь ᲂу҆страша́юсѧ, слежꙋ̀ во мно́жествѣ безмѣ́стныхъ дѣѧ́нїй, крести́телю гдⷭ҇ень, предста́въ и҆зба́ви мѧ̀ ѻ҆гнѧ̀ предлежа́щаго мѝ."
|
||||
},
|
||||
{
|
||||
"type": "TEXT",
|
||||
"value": "Предста́телю живота̀ моегѡ̀, застꙋ́пниче мо́й предте́че, ѿ врагѡ́въ мѧ̀ ви́димыхъ и҆ неви́димыхъ сохранѝ, и҆ покры́й, и҆ црⷭ҇твїѧ нбⷭ҇нагѡ прича́стника сотворѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃о бцⷣе, сн҃а твоего̀ молѝ, со прⷪ҇ро́ки, а҆пⷭ҇лы же и҆ мч҃ники, бꙋ́дꙋщїѧ нꙋ́жды и҆зба́вити ны̀, тебѐ чтꙋ́щыѧ при́снѡ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: А҆́гг҃льми немо́лчнѡ въ вы́шнихъ сла́вимаго бг҃а, нб҃са̀ нб҃съ, землѧ̀, и҆ го́ры, и҆ хо́лми, и҆ глꙋбина̀, и҆ ве́сь ро́дъ человѣ́ческїй, пѣ́сньми того̀ ꙗ҆́кѡ созда́телѧ и҆ и҆зба́вителѧ бл҃гослови́те, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ стра́ха твоегѡ̀ не и҆мѣ́хъ живꙋ́щагѡ въ се́рдцѣ мое́мъ, всю̀ сконча́хъ плотскꙋ́ю сла́сть безсо́вѣстный, и҆ трепе́щꙋ твоегѡ̀ сꙋда̀ всѣ́хъ цр҃ю̀: не возгнꙋша́йсѧ менє̀ ны́нѣ ка́ющагѡсѧ."
|
||||
},
|
||||
{
|
||||
"type": "TEXT",
|
||||
"value": "На зе́млю ст҃ꙋ́ю мѧ̀ прейтѝ, многомлⷭ҇тиве сподо́би, на не́йже живꙋ́тъ кро́тцыи, покаѧ́нїемъ и҆змы́въ мѧ̀ земна́гѡ грѣха̀, и҆́же на землѝ безгрѣ́шнѡ рожде́йсѧ ѿ дв҃ы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Въ свое́й ва́мъ кро́ви ѡ҆червлени́шасѧ но́ги ва́шѧ, запина́юще врагꙋ̀, и҆ ше́ствїе къ нбⷭ҇нымъ творѧ́ще прпⷣбнѡ, всесла́внїи хрⷭ҇та̀ всѣ́хъ бг҃а стрⷭ҇тоте́рпцы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Совлеко́стесѧ ко страда́нїємъ ᲂу҆се́рднѡ, и҆ къ вели̑кимъ боре́нїємъ, ѡ҆бнажи́сте врага̀, и҆ въ стꙋ́дъ ѡ҆блеко́сте: тѣ́мже на нб҃сѣ́хъ вѣнцено́сцы ликꙋ́ете, сла́внїи стрⷭ҇тоте́рпцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: І҆а́кѡвлю тѧ̀ добро́тꙋ, и҆́же кра́сный добро́тою гдⷭ҇ь возлюби́въ, во твоѐ чре́во всенепоро́чнаѧ всели́сѧ, чл҃вѣ́ческое сꙋщество̀ добро́тами просвѣти́въ, па́че ᲂу҆ма̀ дарова́ньми."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нестерпи́момꙋ ѻ҆гню̀ соедини́вшесѧ, бг҃оче́стїѧ предстоѧ́ще ю҆́нѡши, пла́менемъ же неврежде́ни, бж҃е́ственнꙋю пѣ́снь поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "А҆́гнца бж҃їѧ проповѣ́далъ є҆сѝ, грѣхѝ человѣ́кѡвъ взе́млющаго, і҆ѡа́нне бж҃е́ственный предте́че: того̀ молѝ бре́мѧ разрѣши́ти грѣхѡ́въ мои́хъ, и҆ сп҃са́емыхъ ча́сти сподо́бити мѧ̀."
|
||||
},
|
||||
{
|
||||
"type": "TEXT",
|
||||
"value": "Пе́щи пла́мене горѧ́щагѡ, тьмы̀ несвѣти́мыѧ кромѣ́шнїѧ и҆зба́ви мѧ̀, во тьмѣ̀ ѕлы́хъ дѣ́лъ всего̀ содержи́ма, молю́ тѧ сло́ве бж҃їй пребезнача́льный, сла́внагѡ ра́ди бж҃е́ственнагѡ крⷭ҇ти́телѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Пꙋсты́мъ дꙋша́мъ и҆ безплѡ́днымъ, покаѧ́нїемъ благопло́дїе проповѣ́давый, гдⷭ҇ень бж҃е́ственный прⷪ҇ро́че, терноно́снꙋю дꙋ́шꙋ мою̀ ѿ всѣ́хъ сласте́й ѡ҆чи́сти: ꙗ҆́кѡ да возращꙋ̀ бл҃ги́хъ дѣ́лъ кла́съ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ мт҃и бж҃їѧ, молѝ со ст҃ы́ми а҆́гг҃лы и҆ прⷪ҇ро́ки, а҆пⷭ҇лы же и҆ мч҃нки, бѣ́дъ же и҆ скорбе́й, и҆ бꙋ́дꙋщихъ всѣ́хъ мꙋ́къ и҆зба́вити, тебѐ бцⷣꙋ при́снѡ и҆сповѣ́дающихъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бл҃гослове́нъ гдⷭ҇ь бг҃ъ і҆и҃левъ, воздви́гнꙋвый ро́гъ сп҃се́нїѧ на́мъ, въ домꙋ̀ дв҃да ѻ҆́трока своегѡ̀, млⷭ҇рдїѧ ра́ди млⷭ҇ти, въ ни́хже посѣтѝ на́съ восто́къ съ высоты̀, и҆ напра́вилъ ны̀ є҆́сть на пꙋ́ть ми́ра."
|
||||
},
|
||||
{
|
||||
"type": "TEXT",
|
||||
"value": "Сѐ вре́мѧ благопрїѧ́тно, и҆ де́нь ѡ҆чище́нїѧ: ѡ҆брати́тисѧ восхощѝ про́чее, ѽ дꙋшѐ, твори́ти плоды̀ покаѧ́нїѧ: да не безпло́днꙋ тѧ̀ ѡ҆брѧ́щетъ сме́ртнаѧ сѣки́ра стра́шнаѧ, и҆ ꙗ҆́кѡ смоко́вницꙋ дре́внюю посѣ́кши, ѻ҆гню̀ та́мошнемꙋ по́слетъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже и҆ногда̀ бога́тый веселю́сѧ въ сла́достехъ, немилосе́рдїе мно́гое и҆мы́й къ бли́жнемꙋ, и҆ ѻ҆гнѧ̀ не ᲂу҆страша́юсѧ неꙋгаси́магѡ. Тѣ́мже влⷣко, ᲂу҆мѧгчи́ ми ѡ҆камене́нїе дꙋшѝ, ꙗ҆́кѡ да понѐ наконе́цъ млⷭ҇рдїемъ просвѣщꙋ́сѧ ѡ҆мраче́нный."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Зна́менавшесѧ мч҃нцы бж҃е́ственною кро́вїю хрⷭ҇то́вою, и҆ зна́меньми вѣ́рою стра́ждꙋще крѣ́пкѡ, невѣ̑рныѧ врагѝ низложи́сте, и҆ ѿ пре́лести скве́рныѧ мнѡ́гїѧ лю́ди и҆схити́сте, премѣне́нїи бж҃е́ственными, просвѣти́вше свѣ́томъ бг҃оразꙋ́мїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆з̾ѡщре́ни ꙗ҆ви́стесѧ мечѝ, сѣкꙋ́ще вра̑жїѧ ѡ҆полчє́нїѧ, бж҃е́ственнїи хрⷭ҇то́вы мч҃нцы: и҆ сосꙋ́ди вмѣсти́вше зарю̀ ст҃ы́ѧ трⷪ҇цы, и҆ свѣ́щницы свѣтѧ́щыѧ вѣ̑рнымъ свѣ́тъ бл҃гоче́стїѧ, и҆ сїѡ́на мы́сленнагѡ и҆́стиннїи ѻ҆рꙋ́жницы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣтови́дна тѧ̀ ѻ҆́блака прⷪ҇ро́къ предзри́тъ, и҆з̾ негѡ́же вели́кое со́лнце ꙗ҆ви́сѧ на́мъ хрⷭ҇то́съ бг҃ъ, и҆ просвѣтѝ ꙗ҆̀же пе́рвѣе ѡ҆мрачє́нныѧ: того̀ ᲂу҆молѝ бл҃га́ѧ, страсте́й мои́хъ ѻ҆́блаки ѿгна́ти, и҆ свѣ́томъ бж҃е́ственнымъ просвѣти́ти."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ зако́нѣ сѣ́ни и҆ писа́нїй ѡ҆́бразъ ви́димъ вѣ́рнїи, всѧ́къ мꙋ́жескїй по́лъ ложесна̀ разверза́ѧ, свѧ́тъ бг҃ꙋ: тѣ́мъ перворожде́нное сло́во, ѻ҆ц҃а̀ безнача́льна, сн҃а первородѧ́щасѧ мт҃рїю неискꙋсомꙋ́жнѡ, велича́емъ."
|
||||
},
|
||||
{
|
||||
"type": "TEXT",
|
||||
"value": "Въ зако́ннꙋю сѣ́нь прини́къ, зарю̀ бж҃е́ственныѧ бл҃года́ти бога́тнѡ ᲂу҆зрѣ́лъ є҆сѝ, зємны́ѧ концы̀ мꙋ́дре просвѣща́ѧ, и҆ тьмꙋ̀ прогонѧ́ѧ неразꙋ́мїѧ, прⷪ҇ро́че: сегѡ̀ ра́ди тѧ̀ чти́мъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ мч҃нкъ хрⷭ҇то́въ, ꙗ҆́кѡ бж҃е́ственный крⷭ҇ти́тель, ꙗ҆́кѡ покаѧ́нїѧ свѣти́льникъ, и҆ ꙗ҆́кѡ ᲂу҆́тро бл҃гоче́стїѧ, ве́тхомꙋ хода́тай и҆ но́вомꙋ: ѡ҆бетша́вшꙋю ѕло́бою смире́ннꙋю мою̀ дꙋ́шꙋ, разꙋмѣ́нїемъ бж҃е́ственнымъ ѡ҆бнови́въ, просвѣтѝ."
|
||||
},
|
||||
{
|
||||
"type": "TEXT",
|
||||
"value": "Въ ча́съ ᲂу҆жа́сный, въ ча́съ стра́шный, въ ча́съ ѡ҆сꙋжде́нїѧ, ѡ҆сꙋжда́ема мѧ̀ и҆зба́ви мꙋ́дре, преще́нїѧ ждꙋ́щагѡ мѧ̀ та́мѡ: послꙋ́шающаго и҆мѣ́ѧ твоѧ̑ мольбы̑, ꙗ҆́коже дрꙋ́гъ жениха̀, сп҃си́телѧ дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ мт҃и бж҃їѧ, ꙗ҆́кѡ мт҃и и҆з̾ тебѐ пло́тїю ро́ждшагѡсѧ сло́ва бж҃їѧ чⷭ҇таѧ, со безпло́тными, а҆пⷭ҇лы же и҆ прⷪ҇ро́ки, со ст҃и́тели и҆ мч҃нки, того̀ молѝ при́снѡ, ᲂу҆мири́ти мі́ръ, пречⷭ҇таѧ мт҃и дв҃о."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀ и҆ свѣти́ленъ, и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры ᲂу҆мили́тельны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Разсѣ́ѧнный мо́й ᲂу҆́мъ соберѝ гдⷭ҇и, и҆ ѡ҆лѧденѣ́вшее се́рдце моѐ ѡ҆чи́сти, ꙗ҆́кѡ петрꙋ̀ даѧ́ ми покаѧ́нїе, ꙗ҆́кѡ мытарю̀ воздыха́нїе, и҆ ꙗ҆́коже блꙋдни́цѣ сле́зы, да ве́лїимъ гла́сомъ взыва́ю тѝ: бж҃е сп҃си́ мѧ, ꙗ҆́кѡ є҆ди́нъ млⷭ҇рдъ и҆ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ, во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ, и҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Мно́жицею пѣ̑нїѧ содѣва́ѧ, ѡ҆брѣто́хсѧ грѣхѝ соверша́ѧ, ѧ҆зы́комъ ᲂу҆́бѡ пѣ̑нїѧ вѣща́ѧ, дꙋше́ю же невмѣ̑стнаѧ мы́шлю: но ѻ҆боѐ и҆спра́ви хрⷭ҇тѐ бж҃е покаѧ́нїемъ, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Царе́й и҆ мꙋчи́телей стра́хъ ѿри́нꙋша хрⷭ҇то́вы во́ини, и҆ бл҃годерзнове́ннѡ, и҆ мꙋ́жески того̀ и҆сповѣ́даша, всѧ́ческихъ гдⷭ҇а бг҃а, и҆ цр҃ѧ̀ на́шего, и҆ мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Без̾ сѣ́мене зачала̀ є҆сѝ ѿ дх҃а ст҃а́гѡ, и҆ славосло́вѧще воспѣва́емъ тѧ̀: ра́дꙋйсѧ прест҃а́ѧ дв҃о."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ гдⷭ҇еви: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ є҆ктенїа̀, и҆ ча́съ а҃-й, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ бл҃жє́нны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Ѿве́ргша хрⷭ҇тѐ, за́повѣдь твою̀, пра́ѻтца а҆да́ма и҆з̾ раѧ̀ и҆згна́лъ є҆сѝ: разбо́йника же ще́дре, и҆сповѣ́давша тѧ̀ на крⷭ҇тѣ̀, во́нь всели́лъ є҆сѝ, зовꙋ́ща: помѧни́ мѧ сп҃се во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Жите́йскими сластьмѝ ѡ҆скверне́нꙋ притѧжа́хъ дꙋ́шꙋ, къ щедро́тамъ твои̑мъ прихождꙋ̀ ненача́емь ве́сь, и҆ прилѣ́жнѡ зовꙋ́ ти хрⷭ҇тѐ, свѣ́дꙋщемꙋ є҆ди́номꙋ та̑йнаѧ: ѡ҆чи́сти мѧ̀ твои́мъ млⷭ҇рдїемъ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ хода́тай ве́тхагѡ и҆ но́вагѡ бы́въ бжⷭ҇твенный крⷭ҇ти́телю, ѡ҆бетша́вшаго мѧ̀ прегрѣше́ньми ѡ҆бнови́въ, да́ждь твои́ми мольба́ми всехва́льне, ходи́ти непреткнове́ннѡ по стезѧ́мъ покаѧ́нїѧ, вводѧ́щымъ до́брѣ во црⷭ҇тво хрⷭ҇то́во."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "По́двигомъ до́брымъ подвиза́вшесѧ до́блїи страда́льцы, безчи́слєнныѧ тьмы̑ болѣ́зней под̾ѧ́сте, и҆ сегѡ̀ ра́ди всѣ́хъ болѣ̑зни ѡ҆блегча́ете при́снѡ, и҆ дꙋхѡ́въ вреждє́нїѧ прого́ните: тѣ́мже вѣ́рою ва́съ ст҃і́и сла́вимъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Свѣ́тъ и҆ живо́тъ, и҆ вседѣ́тель, трїѷпоста́снаѧ є҆ди́ница, ꙗ҆́кѡ вои́стиннꙋ є҆́сть, ю҆́же сла́вимъ: ѻ҆ц҃ъ бо, и҆ сн҃ъ, и҆ дх҃ъ, є҆ди́ница и҆ содержа́щаѧ всѧ̑, влⷣка и҆ гдⷭ҇ь є҆ди́нъ бг҃ъ въ трїе́хъ ли́цахъ познава́етсѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Согрѣша́ющаго при́снѡ, и҆ прогнѣ́вающаго бг҃а бл҃га́го, дв҃о мт҃и ᲂу҆ще́дри и҆ покаѧ́нїѧ ѡ҆́бразы ꙗ҆́кѡ бл҃га́ѧ, ᲂу҆тверди́ мѧ ны́нѣ, ꙗ҆́кѡ да бꙋ́дꙋщихъ мꙋ́къ и҆збѣ́гнꙋвъ, воспѣва́ю прилѣ́жнѡ ѻ҆трокови́це, мл҃твꙋ твою̀."
|
||||
}
|
||||
]
|
||||
@@ -0,0 +1,878 @@
|
||||
[
|
||||
{
|
||||
"type": "HEADER",
|
||||
"value": "Гла́съ г҃. Среда̀"
|
||||
},
|
||||
{
|
||||
"type": "HEADER",
|
||||
"value": "Во вто́рникъ ве́чера, стїхи̑ры подо́бны, крⷭ҇тныѧ, гла́съ г҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ве́лїѧ крⷭ҇та̀ твоегѡ̀:"
|
||||
},
|
||||
{
|
||||
"type": "TEXT",
|
||||
"value": "Тва́рь и҆змѣни́сѧ сло́ве, распѧ́тїемъ твои́мъ, со́лнце лꙋчѝ спрѧ́та стра́хомъ, и҆ хра́ма завѣ́са раздра́сѧ, и҆ всѧ́къ вѣ́рный спасе́сѧ. Тѣ́мже сла́вимъ твоѐ безмѣ́рное бога́тство."
|
||||
},
|
||||
{
|
||||
"type": "TEXT",
|
||||
"value": "И҆́же пло́ть на́шꙋ за млⷭ҇рдїе воспрїи́мъ, бг҃ъ же и҆ влⷣка, на дре́вѣ пригвозди́сѧ, и҆ вознесе́ ны низве́ржєныѧ, возне́ссѧ, тѣ́ломъ, ꙗ҆́коже бл҃говолѝ, за благоꙋтро́бїе млⷭ҇ти."
|
||||
},
|
||||
{
|
||||
"type": "TEXT",
|
||||
"value": "Ка́плѧми бг҃ото́чныѧ кро́ве и҆ воды̀ возсозда́сѧ мі́ръ, пролїѧ́нныѧ ѿ ре́бръ твои́хъ, водо́ю ᲂу҆́бѡ ѡ҆мы́еши ꙗ҆́кѡ ще́дръ, всѣ́хъ грѣхѝ гдⷭ҇и, кро́вїю же проще́нїе пи́шеши."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры бг҃оро́дичны, подо́бны:"
|
||||
},
|
||||
{
|
||||
"type": "TEXT",
|
||||
"value": "На ѻ҆дрѣ̀ слежѧ̀ небреже́нїѧ моегѡ̀, живота̀ моегѡ̀ вре́мѧ лѣ́ностнѡ сконча́хъ, и҆ бою́сѧ и҆схо́да моегѡ̀ часа̀: но твое́ю мл҃твою воздви́гнꙋвши къ покаѧ́нїю, спаси́ мѧ ѻ҆трокови́це."
|
||||
},
|
||||
{
|
||||
"type": "TEXT",
|
||||
"value": "Болѣ̑зни се́рдца моегѡ̀ чⷭ҇таѧ и҆сцѣлѝ, и҆ ᲂу҆ста́ви ᲂу҆ма̀ моегѡ̀ пре́лесть, и҆ сподо́би чⷭ҇тымъ тѧ̀ воспѣва́ти се́рдцемъ, и҆ и҆спроси́ти бл҃года́ть, и҆ ѡ҆брѣстѝ млⷭ҇ть въ де́нь сꙋ́дный."
|
||||
},
|
||||
{
|
||||
"type": "TEXT",
|
||||
"value": "Ѿложѝ смире́ннаѧ дꙋшѐ моѧ̀, неꙋдобоноси̑маѧ бремена̀ ѕло́бы, и҆ пристꙋпѝ слезѧ́щи и҆ вопїю́щи: и҆́го чⷭ҇таѧ дв҃о сподо́би мѧ̀ ле́гкое носи́ти сн҃а и҆ бг҃а твоегѡ̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Ѻ҆рꙋ́жїе се́рдце твоѐ про́йде пречⷭ҇таѧ, є҆гда̀ сн҃а твоего̀ на крⷭ҇тѣ̀ ви́дѣла є҆сѝ, и҆ вопїѧ́ла є҆сѝ: не безча́днꙋ мѧ̀ покажѝ сн҃е мо́й и҆ бж҃е мо́й, соблюды́й мѧ̀ по ржⷭ҇твѣ̀ дв҃ꙋ."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тныѧ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Крⷭ҇тꙋ̀ твоемꙋ̀ покланѧ́юсѧ, хрⷭ҇тѐ, честно́мꙋ, храни́телю мі́ра, сп҃се́нїю на́съ грѣ́шныхъ, вели́комꙋ ѡ҆чище́нїю, похвалѣ̀ всеѧ̀ вселе́нныѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀, та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Дре́во преслꙋша́нїѧ мі́рꙋ сме́рть прозѧбѐ: дре́во же крⷭ҇та̀ живо́тъ и҆ нетлѣ́нїе. Тѣ́мже тѝ покланѧ́емсѧ распе́ншемꙋсѧ гдⷭ҇ꙋ: да зна́менаетсѧ на на́съ свѣ́тъ лица̀ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Прⷪ҇ро́цы, и҆ а҆пⷭ҇ли хрⷭ҇то́вы, и҆ мꙋ́чєницы, наꙋчи́ша пѣ́ти трⷪ҇цꙋ є҆диносꙋ́щнꙋю, и҆ просвѣти́ша ꙗ҆зы́ки заблꙋ́ждшыѧ, и҆ ѻ҆́бщники а҆́гг҃лѡмъ сотвори́ша сы́ны человѣ́чєскїѧ."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, крⷭ҇тобг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ве́лїѧ крⷭ҇та̀ твоегѡ̀:"
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ́ тѧ воздви́жена хрⷭ҇тѐ мо́й, ꙗ҆́кѡ ви́дѣ а҆́гница ро́ждшаѧ тѧ̀ и҆ непоро́чнаѧ, и҆ мт҃и твоѧ̀, рыда́ше съ пла́чемъ и҆ вопїѧ́ше: не покажи́ мѧ безча́днꙋ, ю҆́же сохрани́лъ є҆сѝ чи́стꙋ и҆ по ржⷭ҇твѣ̀."
|
||||
},
|
||||
{
|
||||
"type": "TEXT",
|
||||
"value": "Та́же: Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ, є҆ктенїа̀, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ на повече́рїи, канѡ́нъ прест҃ѣ́й бцⷣѣ. Гла́съ г҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́ды дре́вле, ма́нїемъ бж҃е́ственнымъ, во є҆ди́но со́нмище совокꙋпи́вый, и҆ раздѣли́вый мо́ре і҆и҃льтєскимъ лю́демъ, се́й бг҃ъ на́шъ, препросла́вленъ є҆́сть: томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ и҆сто́чникъ млⷭ҇рдїѧ и҆ млⷭ҇ти, вѣ́дый тѧ̀ бж҃їю мт҃рь, пристꙋ́пль молю́сѧ твое́й бл҃гости, да́ти мѝ ᲂу҆миле́нїе: ꙗ҆́кѡ да сѣ́тꙋю и҆ пла́чꙋсѧ прегрѣше́нїй мои́хъ, всечⷭ҇таѧ влⷣчце."
|
||||
},
|
||||
{
|
||||
"type": "TEXT",
|
||||
"value": "Дꙋше́вныхъ мѝ сле́зъ да́ждь ка́плю, ѡ҆мыва́ющꙋ скве́рнꙋ всю̀ мои́хъ дѣѧ́нїй, и҆ лꙋка̑ваѧ помышлє́нїѧ, и҆ ѡ҆чища́ющꙋю дꙋшѝ моеѧ̀ нечистотꙋ̀, и҆ цр҃ковь творѧ́щꙋю мѧ̀ бж҃їѧ дх҃а."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆бꙋрева́емь волно́ю, и҆ треволне́нїемъ мои́хъ прегрѣше́нїй, и҆ лю́тѣ всегда̀ борца̀ рабо́тами потоплѧ́емь, и҆ во глꙋбинꙋ̀ поги́бели ны́нѣ ѿпꙋще́нъ, вопїю́ ти пренепоро́чнаѧ: спаси́ мѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Млⷭ҇рдїѧ ра́ди млⷭ҇ти влⷣчце всѣ́хъ, поми́лꙋй ѻ҆каѧ́ннꙋю мою̀ дꙋ́шꙋ, и҆ ѻ҆гнѧ̀ и҆зба́ви мѧ̀ вѣ́чнꙋющагѡ, и҆ бѣсо́вскагѡ напа́данїѧ, под̾ кро́въ тво́й бцⷣе ны́нѣ прибѣга́ющаго."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ несꙋ́щихъ всѧ̑ приведы́й, сло́вомъ созида́ємаѧ, соверша́ємаѧ дх҃омъ, вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "Свѣ́томъ бж҃е́ственнымъ ѡ҆зарѝ всепѣ́таѧ, ѡ҆мраче́нный ᲂу҆́мъ мо́й ѕлы́ми по́мыслы: ты́ бо свѣ́тъ родила̀ є҆сѝ, возсїѧ́вшїй ѿ ѻ҆ц҃а̀ присносꙋ́щный."
|
||||
},
|
||||
{
|
||||
"type": "TEXT",
|
||||
"value": "Запе́нъ дꙋшѝ мое́й стопы̑, и҆́же пра́ведныхъ вра́гъ къ землѝ приразѝ: но твое́ю десни́цею влⷣчце чи́стаѧ возста́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Мытаре́выми гла́сы, ѻ҆каѧ́нный а҆́зъ зовꙋ́ ти: ѡ҆чи́сти мѧ̀ влⷣчце и҆ прегрѣше́нїй ѡ҆ставле́нїе, твое́ю мл҃твою, пода́ждь рабꙋ̀ твоемꙋ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆сцѣлѝ ꙗ҆́звы дꙋшє́вныѧ, и҆ многомꙋ́тное помышле́нїй волне́нїе, влⷣчце, ᲂу҆тишѝ: и҆ ми́рное мѝ ᲂу҆строе́нїе да́ждь."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и, є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Пло́ть сластьмѝ, и҆ сладостра́стїемъ ѡ҆скверни́хъ, и҆ дꙋшѝ моеѧ̀ чистотꙋ̀ скве́рными мы́сльми ѡ҆калѧ́хъ, и҆ ᲂу҆́мъ помрачи́хъ, не пре́зри ᲂу҆̀бо влⷣчце раба̀ твоегѡ̀."
|
||||
},
|
||||
{
|
||||
"type": "TEXT",
|
||||
"value": "И҆збавле́нїе мѝ бꙋ́ди, и҆ прибѣ́жище и҆ держа́ва, ро́гъ же сп҃се́нїѧ чи́стаѧ, и҆ застꙋ́пница, всѧ́кїѧ мѧ̀ ско́рби и҆збавлѧ́ющи всегда̀, и҆ врагѝ моѧ̑ всѧ̑ посрамлѧ́ющи."
|
||||
},
|
||||
{
|
||||
"type": "TEXT",
|
||||
"value": "Сла́ва: Мно́гими напа́стьми ны́нѣ ѡ҆держи́мь є҆́смь ѻ҆каѧ́нный, и҆ бѣсо́вскими кова́рствы при́снѡ погрꙋжа́емь, прибѣга́ю тѝ ны́нѣ: те́плою твое́ю мл҃твою спаси́ мѧ раба̀ твоего̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Но́щь мѧ̀ несвѣтла̀ страсте́й ѡ҆держи́тъ ѻ҆каѧ́ннаго: но свѣ́томъ твои́мъ бл҃га́ѧ, дꙋшѝ моеѧ̀ ѻ҆́блаки разженѝ, и҆ къ свѣ́тꙋ наста́ви повелѣ́нїй бж҃їихъ, всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ ви́дѣ и҆са́їа ѻ҆бра́знѡ на престо́лѣ превознесе́на бг҃а, ѿ а҆́гг҃лъ сла́вы дорѷноси́ма, ѽ ѻ҆каѧ́нный, вопїѧ́ше, а҆́зъ: прови́дѣхъ бо воплоща́ема бг҃а, свѣ́та невече́рнѧ, и҆ ми́ромъ влады́чествꙋюща."
|
||||
},
|
||||
{
|
||||
"type": "TEXT",
|
||||
"value": "Вре́мѧ живота̀ моегѡ̀ ꙗ҆́кѡ ды́мъ и҆счезѐ, и҆ къ смє́ртнымъ две́ремъ прибли́жихсѧ, и҆ ᲂу҆жаса́юсѧ бѣсо́вскагѡ напа́данїѧ: дѣла́ бо тѣ́хъ дѣ́ѧхъ всегда̀, всенепоро́чнаѧ ᲂу҆ще́дри и҆ спаси́ мѧ."
|
||||
},
|
||||
{
|
||||
"type": "TEXT",
|
||||
"value": "И҆зсꙋша́ющи дв҃о, ѕѡ́лъ мои́хъ бе́зднꙋ, пода́ждь мѝ рѣ́ки сле́зъ, и҆ ᲂу҆гасѝ ве́сь страсте́й мои́хъ пла́мень ѻ҆трокови́це, и҆ сподо́би и҆зба́витисѧ ѻ҆гнѧ̀, и҆ про́чихъ мꙋче́нїй въ де́нь сꙋ́дный."
|
||||
},
|
||||
{
|
||||
"type": "TEXT",
|
||||
"value": "Сла́ва: Болѣ́вшꙋю дꙋ́шꙋ мою̀ грѣхѝ, пречи́стаѧ, и҆сцѣлѝ твои́мъ ми́лованїемъ, и҆ сподо́би мѧ̀ твори́ти во смире́нїи сн҃а твоегѡ̀ повелѣ̑нїѧ при́снѡ, ꙗ҆́кѡ да воспрїимꙋ̀ сегѡ̀ бл҃гость."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѡ҆вдовѣ́вшаѧ сн҃е мо́й, невѣ́стныѧ ѻ҆де́жды, бж҃е́ственнаѧ цр҃ковь твоѧ̀, ѿ ре́бръ ст҃ы́ѧ кро́ве ѡ҆дѣ́ѧсѧ. А҆́зъ же болѣ́знꙋю, всѧ̑ болѣ̑зни твоѧ̑ зрѧ́щи на крⷭ҇тѣ̀, ꙗ҆́же сло́ва мт҃и рыда́ющи глаго́лаше."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна послѣ́днѧѧ грѣхѡ́въ ѡ҆бы́де мѧ̀, и҆ и҆счеза́етъ дꙋ́хъ мо́й: но простры́й влⷣко высо́кꙋю твою̀ мы́шцꙋ, ꙗ҆́кѡ петра́ мѧ ᲂу҆пра́вителю сп҃сѝ."
|
||||
},
|
||||
{
|
||||
"type": "TEXT",
|
||||
"value": "Вели́кое тѧ̀ бж҃їй сн҃ъ грѣ́шникѡмъ прибѣ́жище показа̀, вопло́щсѧ бг҃оневѣ́сто, ѿ чи́стыхъ крове́й твои́хъ: тѣ́мъ млⷭ҇тива твои̑мъ рабѡ́мъ бꙋ́ди."
|
||||
},
|
||||
{
|
||||
"type": "TEXT",
|
||||
"value": "Просвѣтѝ заре́ю твое́ю бл҃га́ѧ, ѡ҆мрачє́нныѧ се́рдца моегѡ̀ ѻ҆́чи по́мыслы неподо́бными: и҆ свѣ́тꙋ сн҃а сотворѝ, и҆ въ мѣ́сто свѣ́тло мѧ̀ вселѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Во́лны стра́стныхъ помышле́нїй всегда́ мѧ смꙋща́ютъ пречи́стаѧ, лꙋка́выхъ же дꙋхѡ́въ бꙋ́рѧ погрꙋжа́етъ: но ᲂу҆тверди́ мѧ на ка́мени безстра́стїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆снꙋ́хъ къ сме́рти дꙋше́внѣй, и҆ во гро́бѣ лежꙋ̀ ѿча́ѧнїѧ: но да́ждь мѝ рꙋ́кꙋ, и҆ воздви́гни, молю́сѧ къ покаѧ́нїю жи́зни наставлѧ́ющи мѧ̀."
|
||||
},
|
||||
{
|
||||
"type": "TEXT",
|
||||
"value": "Та́же: Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Же́злъ си́лы стѧжа́вшїи, крⷭ҇тъ сн҃а твоегѡ̀ бцⷣе, тѣ́мъ низлага́емъ врагѡ́въ шата̑нїѧ, любо́вїю тѧ̀ непреста́ннѡ велича́юще."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пре́жде ѡ҆́бразꙋ злато́мꙋ, персі́дскомꙋ чти́лищꙋ ѻ҆́троки не поклони́шасѧ, трїѐ пою́ще посредѣ̀ пе́щи: ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Крѣ́постїю препоѧ́ши чи́стаѧ, дꙋ́шꙋ мою̀ и҆знемо́гшꙋю грѣхѝ, и҆ вопїю́ща сн҃ꙋ твоемꙋ̀ спаси́ мѧ: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сме́ртнагѡ часа̀ ᲂу҆боѧ́всѧ, безсме́ртнагѡ ра́ди и҆ вѣ́чнагѡ мꙋче́нїѧ, тебѣ̀ припа́даю: спаси́ мѧ ѻ҆трокови́це ѿ сѣ́ти ловѧ́щихъ, бг҃ороди́тельнице."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́же невмѣсти́маго бг҃а во чре́во вмѣсти́вшаѧ, мно́гими прегрѣше́нїи ᲂу҆тѣснѧ́емый ᲂу҆́мъ мо́й бцⷣе, свободѝ си́хъ ѡ҆сꙋжде́нїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ро́дъ человѣ́ческїй тѧ̀ мо́литъ бцⷣе: влⷣчце поми́лꙋй рабы̑ твоѧ̑, вѣ́рою сн҃ꙋ твоемꙋ̀ вопїю́щыѧ: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нестерпи́момꙋ ѻ҆гню̀ соедини́вшесѧ, бг҃оче́стїѧ предстоѧ́ще ю҆́нѡши, пла́менемъ же неврежде́ни, бж҃е́ственнꙋю пѣ́снь поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Позави́дѣвъ блꙋ́дномꙋ вои́стиннꙋ, и҆ житїѐ моѐ всѐ сконча́въ во грѣсѣ́хъ, ны́нѣ зовꙋ̀: согрѣши́хъ тѝ, сотвори́ мѧ ѻ҆трокови́це, ꙗ҆́кѡ є҆ди́наго ѿ нає́мникъ сн҃а и҆ зижди́телѧ твоегѡ̀, да тѧ̀ сла́влю во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Напо́лнисѧ ѕѡ́лъ дꙋша̀ моѧ̀, и҆ привмѣне́нъ бы́хъ со всѣ́ми въ ро́въ низходѧ́щими: но ты́ мѧ бцⷣе дв҃о, и҆зведѝ и҆з̾ ꙗ҆́мы стра́стныѧ, и҆ ѿ бре́нїѧ тимѣ́нна ѕѡ́лъ мои́хъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Моли́сѧ хрⷭ҇тꙋ̀, ро́ждшаѧ сего̀ ѿ ст҃ы́хъ твои́хъ чре́слъ бцⷣе, мно́гихъ мѝ прегрѣше́нїй да́ти проще́нїе, да пою̀: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Є҆гда̀ бж҃їимъ повелѣ́нїемъ хо́щетъ дꙋша̀ моѧ̀ ѿ житїѧ̀ сегѡ̀ ѿитѝ, ѿ сѣ́ти ловѧ́щихъ и҆схитѝ пречи́стаѧ, тебѣ̀ вопїю́щихъ: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ зако́нѣ сѣ́ни и҆ писа́нїй ѡ҆́бразъ ви́димъ вѣ́рнїи, всѧ́къ мꙋ́жескїй по́лъ ложесна̀ разверза́ѧ, ст҃ъ бг҃ꙋ: тѣ́мъ перворожде́нное сло́во ѻ҆ц҃а̀ безнача́льна, сн҃а первородѧ́щасѧ мт҃рїю неискꙋсомꙋ́жнѡ, велича́емъ."
|
||||
},
|
||||
{
|
||||
"type": "TEXT",
|
||||
"value": "Ро́дъ человѣ́ческїй всенепоро́чнаѧ, твое́ю непобѣди́мою мл҃твою ны́нѣ ѡ҆бога́щьсѧ, вопїе́тъ де́нь и҆ но́щь: не преста́й всегда̀ молѧ́щисѧ творцꙋ̀ и҆ сн҃ꙋ твоемꙋ̀, ᲂу҆ще́дрити пою́щыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Стрѣ́лы страсте́й безмѣ́стныхъ дꙋ́шꙋ мою̀ ᲂу҆ѧзви́ша бѣсо́вскими прило́ги, сопроти́вными стрѣла́ми помышле́нїй, всегда̀ ᲂу҆́мъ мо́й смꙋща́ютъ: тѣ́мже и҆сцѣлѝ ѻ҆трокови́це, неисцѣ̑льныѧ моѧ̑ ꙗ҆́звы."
|
||||
},
|
||||
{
|
||||
"type": "TEXT",
|
||||
"value": "Ѿимѝ чи́стаѧ бг҃оневѣ́сто ѿ менѐ борю́щихъ вра̑гъ ра̑ны вско́рѣ, воста́нїѧ бо тѣ́хъ, и҆ мно́гагѡ лꙋка́вства и҆ на́глости ктомꙋ̀ не терплю̀ ѻ҆каѧ́нный: но потщи́сѧ и҆зба́вити мѧ̀."
|
||||
},
|
||||
{
|
||||
"type": "TEXT",
|
||||
"value": "Ты̀ неможе́нїе вѣ́си смире́ннагѡ моегѡ̀ тѣлесѐ, ꙗ҆́звы дꙋшѝ моеѧ̀, се́рдца моегѡ̀ стена́нїе, и҆ ᲂу҆ма̀ моегѡ̀ заблꙋжде́нїе и҆ пре́лєсти: тѣ́мже твои́мъ млⷭ҇рдїемъ ѻ҆бою́дꙋ да́ждь и҆сцѣле́нїе."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ до землѝ."
|
||||
},
|
||||
{
|
||||
"type": "TEXT",
|
||||
"value": "Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ ᲂу҆́тра, по а҃-й каѳі́смѣ сѣда́льны крⷭ҇тныѧ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ водрꙋзи́сѧ на землѝ, и҆ коснꙋ́сѧ нб҃сѐ: не ꙗ҆́кѡ дре́вꙋ досѧ́гшꙋ высотꙋ̀, но тебѣ̀ на не́мъ и҆сполнѧ́ющемꙋ всѧ́чєскаѧ: гдⷭ҇и сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть."
|
||||
},
|
||||
{
|
||||
"type": "TEXT",
|
||||
"value": "На кѷпарі́сѣ, и҆ пе́ѵкѣ, и҆ ке́дрѣ, возне́слсѧ є҆сѝ а҆́гнче бж҃їй, да сп҃се́ши и҆̀же вѣ́рою покланѧ́ющыѧсѧ во́льномꙋ твоемꙋ̀ распѧ́тїю, хрⷭ҇тѐ бж҃е, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Же́злъ си́лы стѧжа́вшїи крⷭ҇тъ сн҃а твоегѡ̀ бцⷣе, тѣ́мъ низлага́емъ врагѡ́въ шата̑нїѧ, любо́вїю тѧ̀ непреста́ннѡ велича́юще."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны крⷭ҇тныѧ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Заꙋши́выйсѧ за ро́дъ человѣ́ческїй, и҆ не прогнѣ́вавыйсѧ, свободѝ и҆з̾ и҆стлѣ́нїѧ живо́тъ на́шъ гдⷭ҇и, и҆ сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла сп҃се́нїе посредѣ̀ землѝ."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Красотѣ̀ дѣ́вства:"
|
||||
},
|
||||
{
|
||||
"type": "TEXT",
|
||||
"value": "Неисче́тнѣй вла́сти твое́й, и҆ во́льномꙋ распѧ́тїю, а҆́гг҃льскаѧ вѡ́инства дивлѧ́хꙋсѧ зрѧ́ще: ка́кѡ неви́димый пло́тїю ᲂу҆ранѧ́шесѧ, хотѧ̀ и҆зба́вити ѿ и҆стлѣ́нїѧ человѣ́чество; тѣ́мже ꙗ҆́кѡ жизнода́вцꙋ вопїе́мъ тѝ: сла́ва хрⷭ҇тѐ бл҃гоꙋтро́бїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Воѡрꙋжи́вшесѧ во всеѻрꙋ́жїе хрⷭ҇то́во, и҆ ѡ҆бо́лкшесѧ во ѻ҆рꙋ́жїе вѣ́ры, ѡ҆полчє́нїѧ вра̑жїѧ страда́льчески низложи́сте: ᲂу҆се́рднѡ бо наде́ждею жи́зни, претерпѣ́сте всѧ̑ мꙋчи́тєльскаѧ дре́вле прещє́нїѧ же и҆ ра̑ны. Тѣ́мже и҆ вѣнцы̀ прїѧ́сте, мч҃нцы хрⷭ҇тѡ́вы терпѣливодꙋ́шнїи."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Подо́бенъ:"
|
||||
},
|
||||
{
|
||||
"type": "TEXT",
|
||||
"value": "Неискꙋсобра́чнаѧ чи́стаѧ и҆ мт҃и твоѧ̀ хрⷭ҇тѐ, ви́дѧщи тѧ̀ ме́ртва ви́сѧща на крⷭ҇тѣ̀, ма́терски пла́чꙋщи глаго́лаше: что̀ тебѣ̀ воздадѐ є҆вре́йскїй беззако́нный собо́ръ и҆ небл҃года́рный, и҆́же мно́гихъ и҆ вели́кихъ твои́хъ, сн҃е мо́й, дарѡ́въ наслади́выйсѧ; пою̀ твоѐ бж҃е́ственное снизхожде́нїе."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи, сѣда́льны крⷭ҇тныѧ, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Красотѣ̀ двⷭ҇тва:"
|
||||
},
|
||||
{
|
||||
"type": "TEXT",
|
||||
"value": "Распѧ́тїе и҆ сме́рть прїе́мъ, живо́тъ безсме́ртный и҆сточи́лъ є҆сѝ на́мъ хрⷭ҇тѐ сп҃се, и҆ ѿ тлѝ мі́ръ свободи́лъ є҆сѝ. Тѣ́мже твоѧ̑ сла́вимъ жизнода́вче чл҃вѣколю́бче стрⷭ҇ти сп҃си́тєльныѧ, и҆́миже всѝ сп҃са́емсѧ, честна́гѡ крⷭ҇та̀ твоегѡ̀ ми́ръ и҆ непобѣди́мое ѻ҆рꙋ́жїе и҆мꙋ́ще."
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ претерпѣ́лъ є҆сѝ безче́стнѡ влⷣко, и҆́же превы́ше всеѧ̀ тва́ри, ꙗ҆́кѡ да почти́ши мѧ̀ пре́жде лю́тѣ ѡ҆безче́ствована: копїе́мъ же въ ре́бра твоѧ̑ прободе́нъ бы́лъ є҆сѝ долготерпѣли́ве, хотѧ̀ и҆зба́вити и҆з̾ и҆стлѣ́нїѧ мѧ̀ созда́нїе твоѐ. Пою̀ твоѐ мно́гое бл҃гоꙋтро́бїе и҆ бла́гость, чл҃вѣколю́бче."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, крⷭ҇тобг҃оро́диченъ. Подо́бенъ:"
|
||||
},
|
||||
{
|
||||
"type": "TEXT",
|
||||
"value": "Воздви́жена тѧ̀ ꙗ҆́кѡ ви́дѣ на дре́вѣ влⷣко, неискꙋсобра́чнаѧ и҆ пренепоро́чнаѧ, чи́стаѧ дв҃а же и҆ мт҃и твоѧ̀, ᲂу҆вы̀ мнѣ̀ взыва́ше, ѽ сн҃е мо́й сладча́йшїй! Ка́кѡ тѧ̀ беззако́ннѣйшїй собо́ръ на дре́вѣ ѡ҆сꙋдѝ, всѣ́хъ творца̀ и҆ влⷣкꙋ: пою̀ твою̀ кра́йнюю бла́гость."
|
||||
},
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀, гла́съ г҃, творе́нїе і҆ѡ́сифово, є҆гѡ́же краестро́чїе:"
|
||||
},
|
||||
{
|
||||
"type": "TEXT",
|
||||
"value": "Болѣ̑зни ᲂу҆ста́вилъ є҆сѝ человѣ́кѡмъ болѣ́зньми сло́ве."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́ды дре́вле, ма́нїемъ бж҃е́ственнымъ, во є҆ди́но со́нмище совокꙋпи́вый, и҆ раздѣли́вый мо́ре і҆и҃льтєскимъ лю́демъ, се́й бг҃ъ на́шъ, препросла́вленъ є҆́сть: томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Многоболѣ́знєнныѧ стра̑сти ᲂу҆ста́вилъ є҆сѝ сло́ве, стрⷭ҇тьмѝ честны́ѧ пло́ти твоеѧ̀, и҆ человѣ́ки спа́слъ є҆сѝ, и҆́хже ᲂу҆ѧзвѝ дре́вле сопротивобо́рецъ, благоче́стнѡ покланѧ́ющихсѧ недомы́сленномꙋ смотре́нїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "И҆́же свѧза́вый въ раѝ ле́стїю человѣ́ка, за́повѣди престꙋпле́нїемъ, ᲂу҆́зами свѧ́занъ є҆́сть нерѣши́мыми гдⷭ҇и, и҆́миже воплоща́емь во́лею свѧ́занъ бы́лъ є҆сѝ, разрѣша́ѧ прегрѣшє́нїѧ на̑ша чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бѣ́дствꙋющꙋю потопле́нїемъ зрѧ́ще стрⷭ҇тоте́рпцы тва́рь, де́монѡвъ пре́лестьми, вѣ̑рнымъ ꙗ҆ви́шасѧ приста̑нища благоти̑шнаѧ, всю̀ го́рдагѡ си́лꙋ стрꙋѧ́ми кро́вными погрꙋзи́вше великоимени́тїи."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ли́къ мꙋ́ченическїй, ликостоѧ́нїємъ гѡ́рнимъ свѣ́тлѡ сочета́емь, блиста́ньми всегда̀ ѡ҆зарѧ́етсѧ несозда́ннагѡ бж҃ества̀, и҆ сꙋ́щыѧ на землѝ ѡ҆зарѧ́етъ, тогѡ̀ чꙋдеса̀ вѣ́рою сла́вѧщыѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Превы́шши го́рнихъ ꙗ҆ви́ласѧ є҆сѝ чинѡ́въ, ро́ждши на землѝ бг҃а сло́ва пречи́стаѧ, на́съ къ небє́снымъ свои́ми стрⷭ҇тьмѝ, и҆ крⷭ҇то́мъ чⷭ҇тны́мъ возве́дшаго бл҃гости ра́ди."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ прест҃ѣ́й бцⷣѣ, є҆гѡ́же краестро́чїе:"
|
||||
},
|
||||
{
|
||||
"type": "TEXT",
|
||||
"value": "Тре́тїе пѣ́нїе бцⷣѣ приношꙋ̀."
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Прїѡсѣне́ннꙋю го́рꙋ тѧ̀ прови́дѣ дх҃омъ а҆ввакꙋ́мъ прⷪ҇ро́къ, молю̀ пречи́стаѧ, ѡ҆сѣни́ мѧ стра́стїю пробода́ема, и҆ въ сѣ́ни сме́ртнѣй ѿ стꙋжа́ющихъ мѧ̀ страсте́й свободи́тисѧ. Два́жды."
|
||||
},
|
||||
{
|
||||
"type": "TEXT",
|
||||
"value": "Ѡ҆кропле́нїемъ бж҃е́ственныѧ стрꙋѝ и҆сточи́вшїѧсѧ ѿ бж҃е́ственнагѡ ребра̀ сн҃а твоегѡ̀, моѧ̑ ѡ҆мы́й сердє́чныѧ ꙗ҆́звы: ꙗ҆́кѡ да велича́ю тѧ̀, и҆ по до́лгꙋ сла́влю присноблаже́ннꙋю и҆ пренепоро́чнꙋю."
|
||||
},
|
||||
{
|
||||
"type": "TEXT",
|
||||
"value": "Равнодѣ́телѧ ро́ждшемꙋ родила̀ є҆сѝ сло́ва, ѡ҆божи́вшаго человѣ́ческое сꙋщество̀: но того̀ молѝ недоꙋмѣва́ема и҆ и҆знемо́гша мѧ̀ вра́жїими кова́рствы, бж҃е́ственнагѡ ᲂу҆тѣше́нїѧ сподо́бити чⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆́же ѿ несꙋ́щихъ всѧ̑ приведы́й, сло́вомъ созида́ємаѧ, соверша́ємаѧ дх҃омъ, вседержи́телю вы́шнїй, въ любвѝ твое́й ᲂу҆твердѝ менѐ."
|
||||
},
|
||||
{
|
||||
"type": "TEXT",
|
||||
"value": "Тебѐ є҆стество́мъ бж҃ества̀ безстра́стна, стра́стна бы́вша пло́тїю бл҃гости ра́ди, дре́вомъ ᲂу҆мертви́лъ є҆́сть є҆вре́йскїй собо́ръ, на́съ ѡ҆безсме́ртствꙋюща."
|
||||
},
|
||||
{
|
||||
"type": "TEXT",
|
||||
"value": "На вода́хъ повѣ́сивый сло́ве зе́млю, на дре́вѣ во́лею бы́лъ є҆сѝ повѣ́шенъ, возводѧ́ мѧ къ небє́снымъ въ ѕло́бы ро́въ па́дшаго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Преиспещре́ни ра́нами, хрⷭ҇тѡ́вы всехва́льнїи мꙋ́чєницы, гдⷭ҇еви предстоитѐ ѿ негѡ̀ прїе́млюще богатѣ́йшею рꙋко́ю воздаѧ̑нїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ра́достною дꙋше́ю къ ра́намъ вмѣща́хꙋсѧ мꙋ́чєницы, послѣ́днюю ѕмі́еви печа́ль творѧ́ще, и҆ а҆́гг҃льскїѧ ли́ки ра́дости и҆сполнѧ́юще."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Воздви́жена зрѧ́щи на крⷭ҇тѣ̀, хрⷭ҇та̀ неискꙋсобра́чнаѧ пла́чꙋщи глаго́лала є҆сѝ: заше́лъ є҆сѝ сла́вы сл҃нце ѿ ѻ҆́чїю мое́ю, просвѣща́ѧй во тьмѣ̀ сꙋ́щыѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "И҆́же въ млⷭ҇ти неизрече́ннѣй, и҆ щедро́тахъ сꙋ́ща бога́таго, млⷭ҇тива сꙋ́щи всест҃а́ѧ, молѝ є҆́же ᲂу҆ще́дрити на́съ ѡ҆ѕло́бленныхъ."
|
||||
},
|
||||
{
|
||||
"type": "TEXT",
|
||||
"value": "До́мъ всѣ́хъ сꙋ́щи творца̀, ѡ҆бита́ти молѝ во мнѣ̀ ᲂу҆тѣ́шителю, бы́вшемъ верте́пѣ дꙋшетлѣ́нныхъ разбѡ́йникъ, чи́стаѧ дв҃о."
|
||||
},
|
||||
{
|
||||
"type": "TEXT",
|
||||
"value": "Ма́нїемъ всѧ̑ носѧ́щаго бж҃е́ственнымъ, во ѡ҆б̾ѧ́тїихъ ꙗ҆́кѡ носѧ́щи бцⷣе, при́зри на мѧ̀, и҆ и҆зба́ви мѧ̀ ѿ и҆́же къ страсте́мъ ра́зꙋма безмѣ́стнагѡ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь гдⷭ҇и, є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ бл҃годарѧ́ще: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Досажде́нїе вои́стиннꙋ, и҆̀же че́сти всѧ́кїѧ превы́шшїй влⷣко, претерпѣ́лъ є҆сѝ хрⷭ҇тѐ, по главѣ̀ тро́стїю бїе́мь: ꙗ҆́кѡ да престꙋпле́нїемъ мѧ̀ ѡ҆безче́ствована почти́ши чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Вѣнце́мъ терно́вымъ вѣнча́нъ бы́лъ є҆сѝ хотѧ̀ долготерпѣли́ве, ꙗ҆́коже цр҃ь и҆́стинный, и҆ терноно́сный ча́стный грѣ́хъ и҆з̾ ко́рене ᲂу҆ста́вилъ є҆сѝ: пѣсносло́влю твоѧ̑ сп҃се, страда̑нїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Не сокрꙋше́ни томле́ньми ра́нъ пребы́сте мч҃нцы, сокрꙋша́юще пре́лесть вра́жїю, и҆ нога́ми ва́шими попира́юще, безмѣ́рнѡ хва́лѧщасѧ, и҆ безꙋ́мїемъ всего̀ ᲂу҆вѧда́ема."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Тѣлесы̀ тлѣ́нными нетлѣ́нїе бж҃е́ственно стѧжа́сте, страстьмѝ стра́сть честнꙋ́ю безстра́стнагѡ тве́рдѡ подража́вше всехва́льнїи мꙋ́ченицы, безплѡ́тнымъ всѣ́мъ счи́сленнїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сви́токъ тѧ̀ и҆ногда̀ прⷪ҇ро́къ ѻ҆трокови́це зрѧ́ше, въ не́мже пе́рстомъ ѻ҆́ч҃имъ написа́сѧ сло́во воплоща́емо, и҆ пра́ѻтчее рꙋкописа́нїе копїе́мъ раздра̀, пречⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже"
|
||||
},
|
||||
{
|
||||
"type": "TEXT",
|
||||
"value": "Ꙗ҆́звы хрⷭ҇тѐ и҆ заколе́нїе во́лею ꙗ҆́кѡ претерпѣ́лъ є҆сѝ, ᲂу҆ѧ́звленнꙋю мою̀ дꙋ́шꙋ разбо́йническими де́монѡвъ ѡ҆ѕлобле́ньми, мл҃твами и҆сцѣлѝ ро́ждшїѧ тѧ̀, є҆ди́не многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Тѣ́ло твое́ю рꙋкꙋ̀ созда́телю є҆́смь и҆ творе́нїе, ѕло́бою же ѕмїи́ною хрⷭ҇тѐ, ѿ сласте́й жите́йскихъ сокрꙋши́хсѧ. Тѣ́мже мѧ̀ возсозида́й ро́ждшїѧ тѧ̀ бж҃е́ственными ᲂу҆моле́ньми."
|
||||
},
|
||||
{
|
||||
"type": "TEXT",
|
||||
"value": "Сло́во ѻ҆́ч҃ее па́че сло́ва родила̀ є҆сѝ, разрѣши́вшее всѧ́кагѡ безслове́сїѧ чл҃вѣ́ки: є҆го́же прилѣ́жнѡ молѝ, безслове́сными мѧ̀ страстьмѝ плѣнѧ́ема свободи́ти, є҆ди́на приснодв҃о."
|
||||
},
|
||||
{
|
||||
"type": "TEXT",
|
||||
"value": "И҆сцѣле́нїе на́мъ и҆з̾ дла́ни то́чиши всегда̀, всѧ̀ ст҃ы́ни сѣ́нь, всѧ̀ свѣ́та сꙋ́щи и҆спо́лнена, всѧ̀ ка́плющи мѵ́ро бл҃гоꙋха́нїѧ, пречⷭ҇таѧ бг҃оневѣ́сто."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На землѝ неви́димый ꙗ҆ви́лсѧ є҆сѝ, и҆ человѣ́кѡмъ во́лею сожи́лъ є҆сѝ непостижи́мый, и҆ къ тебѣ̀ ᲂу҆́тренююще, воспѣва́емъ тѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже а҆́гнецъ воздви́глсѧ є҆сѝ на дре́во, и҆ ѻ҆ц҃ꙋ̀ же́ртва прине́слсѧ є҆сѝ ѡ҆ на́съ бл҃же, и҆ жє́ртвы і҆́дѡльскїѧ ᲂу҆ста́вилъ є҆сѝ всеси́льне."
|
||||
},
|
||||
{
|
||||
"type": "TEXT",
|
||||
"value": "Пробо́дсѧ въ рє́бра живода́вче копїе́мъ, два̀ и҆стѡ́чника сп҃се́нїѧ пролива́еши, ѿ трⷪ҇цы тѧ̀ є҆ди́наго возвѣща́ющымъ, дѣ́йства два̀ носѧ́ща."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆твержде́нїе крѣ́пкое, и҆ непоколе́блемый ка́мень, тѧ̀ і҆и҃се крѣ́пцыи стрⷭ҇тоте́рпцы вѣ́рою ѡ҆брѣ́тше, ꙗ҆́коже ка́менїе честно́е себѐ назда́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Си́лою бж҃їею ᲂу҆крѣплѧ́еми вѣ́рою, всю̀ лю́тꙋю си́лꙋ преле́стника побори́ли є҆стѐ, стрⷭ҇тоте́рпцы мꙋ́чєницы, и҆ свѣ́тлѡ вѣнча́стесѧ."
|
||||
},
|
||||
{
|
||||
"type": "TEXT",
|
||||
"value": "Бг҃роднченъ: И҆стлѣ́вшее пре́жде престꙋпле́нїемъ є҆стество̀ є҆́же по на́мъ, ꙗ҆́кѡ нетлѣ́ннѡ ро́ждши хрⷭ҇та̀, возсоздала̀ є҆сѝ прест҃а́ѧ влⷣчце, предста́тельство дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ ви́дѣ и҆са́їа ѻ҆бра́знѡ на прⷭ҇то́лѣ превознесе́на бг҃а, ѿ а҆́гг҃лъ сла́вы дорѷноси́ма, ѽ ѻ҆каѧ́нный, вопїѧ́ше, а҆́зъ: прови́дѣхъ бо воплоща́ема бг҃а, свѣ́та невече́рнѧ, и҆ ми́ромъ влады́чествꙋюща."
|
||||
},
|
||||
{
|
||||
"type": "TEXT",
|
||||
"value": "Пло́ти моеѧ̀ болѣ́зни, и҆ дꙋше́внꙋю болѣ́знь претворѝ, и҆ лѣ́ности ѻ҆́блаки ѿгонѝ дв҃о, свѣ́та ѻ҆́блаче, и҆ здра́вїе, и҆ лю́тыхъ премѣне́нїе да́ждь мѝ просѧ́щемꙋ, и҆ любо́вїю тѧ̀ сла́вѧщемꙋ."
|
||||
},
|
||||
{
|
||||
"type": "TEXT",
|
||||
"value": "Хода́таицꙋ тѧ̀ и҆ мл҃твенницꙋ, и҆з̾ тебѐ ро́ждшемꙋсѧ ны́нѣ предлага́ю, всѧ́кагѡ грѣха̀ сы́й и҆спо́лнь дв҃о, порꙋ́чница мѝ и҆ житїѧ̀ и҆справле́нїе бꙋ́ди, и҆ рꙋковожде́нїе къ стезѧ́мъ бж҃е́ственнагѡ вѣ́дѣнїѧ."
|
||||
},
|
||||
{
|
||||
"type": "TEXT",
|
||||
"value": "Ѡ҆свѧтѝ ᲂу҆́мъ мо́й, и҆ дꙋ́шꙋ дв҃о свѣтоводѝ, и҆ бж҃е́ственныѧ сла́вы прича́стника сотворѝ: се́ бо ѕѡ́лъ и҆спо́лнихсѧ, и҆ всѧ́кимъ порабоще́нъ бы́хъ сласте́мъ, и҆ ѡ҆скверне́нꙋ приношꙋ̀ со́вѣсть."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна послѣ́днѧѧ грѣхѡ́въ ѡ҆бы́де мѧ̀, и҆ и҆счеза́етъ дꙋ́хъ мо́й, но простры́й влⷣко, высо́кꙋю твою̀ мы́шцꙋ, ꙗ҆́кѡ петра́ мѧ ᲂу҆пра́вителю сп҃сѝ."
|
||||
},
|
||||
{
|
||||
"type": "TEXT",
|
||||
"value": "Ѕмі́й мѧ̀ и҆зведѐ и҆з̾ є҆де́ма, льсти́вою снѣ́дїю прельсти́вый льсти́вый: хрⷭ҇то́съ же на дре́во воздви́гсѧ во́лею, дре́внїй мнѣ̀ па́ки дае́тъ вхо́дъ."
|
||||
},
|
||||
{
|
||||
"type": "TEXT",
|
||||
"value": "Оу҆ѧзви́сѧ, и҆́же на́съ ᲂу҆ѧзви́вый, и҆ неисцѣ́ленъ пребы́сть, ᲂу҆ѧзвле́нымъ твои́мъ ре́бромъ бл҃года́телю гдⷭ҇и: вѣ́рнїи же и҆сцѣли́хомсѧ твои́ми ꙗ҆́звами, и҆́миже во́лею ᲂу҆ѧзви́лсѧ є҆сѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆ви́стесѧ посредѣ̀ ѻ҆гнѧ̀, премꙋ́дрїи хрⷭ҇тѡ́вы ѡ҆рꙋ́жницы, ꙗ҆́коже а҆́гнцы и҆спеца́еми, и҆ бг҃ꙋ всѣ́хъ цр҃ю̀ на трапе́зꙋ приноси́ми, и҆ неизрече́нное весе́лїе наслѣ́дꙋюще."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Подава́ете и҆сцѣле́нїѧ рѣ́ки, ѿ неистощи́мыхъ сокро́вищъ почерпа́юще, и҆ страсте́й вре́дъ стрⷭ҇тоте́рпцы и҆зсꙋша́ете, и҆ напаѧ́ете вѣ́рныхъ собра̑нїѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆мерщвле́нїе зрѧ́щи, ѿ твои́хъ крове́й сло́ва вопло́щшагѡсѧ всенепоро́чнаѧ, мт҃рски восклица́ла є҆сѝ: и҆ жи́зни сꙋ́ща вино́внаго возвели́чила є҆сѝ, мт҃и дв҃о влⷣчце."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆̀же въ концы̀ вѣкѡ́въ доше́дшыѧ чл҃вѣколю́бче, и҆ треволне́ньми напа́стей поги́бнꙋти бѣ́дствꙋющыѧ, вопїю́щыѧ не пре́зри: сп҃сѝ сп҃се, ꙗ҆́коже спа́слъ є҆сѝ ѿ ѕвѣ́рѧ прⷪ҇ро́ка."
|
||||
},
|
||||
{
|
||||
"type": "TEXT",
|
||||
"value": "Фарїсе́а превознесе́нною мы́слїю превосходи́хъ, гордѧ́сѧ при́снѡ, и҆ къ про́пастємъ порѣва́ѧсѧ безмѣ́рныхъ согрѣше́нїй, є҆ди́на чⷭ҇таѧ смири́вшагосѧ мѧ̀ лю́тѣ ᲂу҆ще́дри. Два́жды."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же пречꙋ́дное зача́тїе и҆мѣ́вши и҆ рожде́нїе, твоѧ̑ млⷭ҇ти на мнѣ̀ ѻ҆каѧ́ннѣмъ ны́нѣ ᲂу҆дивѝ: и҆́бо въ беззако́нїихъ и҆ зача́хсѧ и҆ рожде́йсѧ сластє́мъ порабоще́нъ бы́хъ."
|
||||
},
|
||||
{
|
||||
"type": "TEXT",
|
||||
"value": "Восклица́ю, пла́чꙋ и҆ рыда́ю, є҆гда̀ сꙋди́ще стра́шное воспомина́ю: лꙋка̑ва бо дѣла̀ и҆́мамъ, неискꙋсомꙋ́жнаѧ дв҃о мт҃и бж҃їѧ, въ ча́съ стра́шный предста́ни мѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пре́жде ѡ҆́бразꙋ злато́мꙋ, персі́дскомꙋ чти́лищꙋ, ѻ҆́троки не поклони́шасѧ, трїѐ пою́ще посредѣ̀ пе́щи: ѻ҆тцє́въ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Болѣ́зньми твои́ми ᲂу҆ста́вилъ є҆сѝ на́шѧ болѣ̑зни чл҃вѣколю́бче, и҆ ны́нѣ къ жи́зни неболѣ́зненнѣй приве́лъ є҆сѝ и҆̀же твои̑мъ честны̑мъ стрⷭ҇тє́мъ покланѧ́ющыѧсѧ бл҃гоче́стнѡ, бж҃е всѣ́хъ."
|
||||
},
|
||||
{
|
||||
"type": "TEXT",
|
||||
"value": "Є҆гда́ тѧ ᲂу҆зрѣ̀ хрⷭ҇тѐ тва́рь распина́ема, и҆змѣнѧ́шесѧ и҆ трепета́ше: землѧ̀ трѧса́шесѧ, распаде́сѧ же ка́менїе, и҆ сокрыва́ше свѣ́тъ со́лнечное тече́нїе."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Зако́нѡмъ покарѧ́ющесѧ хрⷭ҇тѡ́вымъ, беззако́нныхъ ᲂу҆клони́шасѧ ласка́нїй мꙋ́чєницы, и҆ зако́ннѡ посредѣ̀ сꙋди́ща страда́льчествꙋюще, сла́внѡ вѣнчава́хꙋсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Не ѡ҆пали́стесѧ ѻ҆гне́мъ, ѻ҆гнѧ̀ теплѣ́йше произволе́нїе стѧжа́вше, стрⷭ҇тоте́рпцы гдⷭ҇ни вѣнцено́сцы, вопїю́ще: бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Стоѧ́ла є҆сѝ зрѧ́щи хрⷭ҇та̀ на крⷭ҇тѣ̀ воздви́жена, є҆го́же родила̀ є҆сѝ пречⷭ҇таѧ, и҆ вопїѧ́ла є҆сѝ: не безча́днꙋ ꙗ҆ви́ мѧ, ю҆́же соблю́лъ є҆сѝ чи́стꙋ и҆ по ржⷭ҇твѣ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Трїѐ ѻ҆́троцы въ пещѝ трⷪ҇цꙋ проѡбрази́вше, преще́нїе ѻ҆́гненное попра́ша, и҆ пою́ще вопїѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ѿ дѣ́лъ сп҃се́нїѧ нѣ́сть мѝ влⷣчце, грѣхѝ бо прилага́ю ко грѣхѡ́мъ, и҆ къ ѕло́бѣ ѕло́бꙋ: мл҃твою ᲂу҆́бѡ твое́ю чⷭ҇таѧ ᲂу҆ще́дри, и҆ сп҃си́ мѧ. Два́жды."
|
||||
},
|
||||
{
|
||||
"type": "TEXT",
|
||||
"value": "Сꙋ́дъ при две́рехъ, сꙋди́ще гото́во, ᲂу҆гото́висѧ смире́ннаѧ дꙋшѐ, и҆ возопі́й: внегда̀ сꙋди́ти тѝ сло́ве, не ѡ҆сꙋдѝ менѐ, мл҃твами ро́ждшїѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Ѡ҆б̾е́мъ грѣхѡ́вныѧ плоды̀ ᲂу҆мертви́хсѧ, и҆ приносѧ̀ дꙋ́шꙋ непло́днꙋ, зовꙋ́ ти: плодоно́снꙋ покажѝ, ꙗ҆́же плодо́мъ твои́мъ тлѣ́нїе потреби́вшаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вавѷлѡ́нскаѧ пе́щь ѻ҆́троки не ѡ҆палѝ, нижѐ бж҃ества̀ ѻ҆́гнь дв҃ꙋ растлѝ. Тѣ́мъ со ѻ҆́троки вѣ́рнїи возопїе́мъ: бл҃гослови́те дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Тебѣ̀ распе́ншꙋсѧ, ѿве́рзесѧ па́ки ра́й, и҆ ѡ҆браща́ющеесѧ на ны̀ ѻ҆рꙋ́жїе плещы̀ дае́тъ, копїѧ̀ ᲂу҆стыдѣ́всѧ пробо́дшагѡ ст҃а̑ѧ ре́бра твоѧ̑, хрⷭ҇тѐ многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Копїе́мъ тѝ боре́цъ ᲂу҆ѧзви́сѧ, и҆ паде́сѧ, пады́й же а҆да́мъ къ жи́зни возвраща́етсѧ, вопїѧ̀ тебѣ̀ во́лею закла́вшемꙋсѧ хрⷭ҇тѐ: благословлѧ́ѧй тѧ̀ сла́влю, бж҃е мо́й многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мі́ръ просвѣща́етсѧ боре́ньми ва́шими, и҆ и҆зрѧ́дствы страда́льцы, и҆ неисче́тными чꙋдесы̀ и҆ тьмы̀ болѣ́зней и҆збавлѧ́етсѧ, вѣ́рою вопїѧ̀: бл҃гослови́те дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Смѣ́хъ зри́тсѧ лежѧ̀ под̾ нога́ми ва́шими ст҃і́и, и҆́же пре́жде хвалѧ́йсѧ зе́млю потреби́ти и҆ мо́ре: хрⷭ҇то́съ же живоно́сною ᲂу҆краша́етъ десни́цею, неꙋвѧда́ющими вѣнцы̀, ва́съ присносла́внїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Въ лѣ́то породила̀ є҆сѝ лѣ́тъ вы́шшаго, разрѣша́ющаго лѣ́тныѧ соꙋ́зы, ᲂу҆́зами свои́ми пречи́стаѧ, а҆да́ма первозда́ннагѡ, и҆ сосвѧзꙋ́юща є҆го̀ ᲂу҆́зами сла́дкїѧ своеѧ̀ любвѐ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нестерпи́момꙋ ѻ҆гню̀ соедини́вшесѧ, бг҃оче́стїѧ предстоѧ́ще ю҆́нѡши, пла́менемъ же неврежде́ни, бж҃е́ственнꙋю пѣ́снь поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Всѧ̀ ꙗ҆́кѡ добра̀ и҆ бли́жнѧѧ всѣ́хъ цр҃ѧ̀ бы́вшаѧ бцⷣе, и҆спо́лни мѧ̀ бл҃ги́хъ дѣ́лъ, ѕло́бѣ спожи́вшаго, и҆ лѣ́ностнѡ всѐ житїѐ сконча́вшаго: ꙗ҆́кѡ да тѧ̀ сла́влю во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ѿ ки́това чре́ва ꙗ҆́кѡ и҆зба́вилъ є҆сѝ дре́вле прⷪ҇ро́ка бж҃їй сло́ве пресла́внѡ: та́кѡ и҆зба́ви мою̀ дꙋ́шꙋ во глꙋбинꙋ̀ попо́лзшꙋюсѧ поги́бели, и҆мѣ́ѧй сп҃се молѧ́щꙋюсѧ тебѣ̀ неискꙋсобра́чнѡ ро́ждшꙋю тѧ̀ дв҃ꙋ."
|
||||
},
|
||||
{
|
||||
"type": "TEXT",
|
||||
"value": "Въ кра́снꙋю ѻ҆де́ждꙋ ѡ҆бле́кшагосѧ мѧ̀ бг҃орожде́нїѧ, ѡ҆брѣ́тше бцⷣе, и҆́же ѕло́бꙋ содѣ́ловающїи, тоѧ̀ ѡ҆бнажи́ша: но ты́ мѧ бж҃е́ственными ѻ҆де́ждами ᲂу҆ѧснѝ покаѧ́нїемъ, мл҃твами твои́ми дв҃о."
|
||||
},
|
||||
{
|
||||
"type": "TEXT",
|
||||
"value": "Та́же, пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Кꙋпино́ю и҆ ѻ҆гне́мъ пропи́санꙋю въ сїна́и законополо́жникꙋ мѡѷсе́ю, и҆ бж҃їй во чре́вѣ неѡпа́льнѡ заче́ншꙋю ѻ҆́гнь, всесвѣ́тлꙋю и҆ негаси́мꙋю свѣщꙋ̀, сꙋ́щꙋю бцⷣꙋ пѣ́сньми чтꙋ́ще велича́емъ."
|
||||
},
|
||||
{
|
||||
"type": "TEXT",
|
||||
"value": "Да ѡ҆брѧ́щеши дра́хмꙋ, ю҆́же погꙋби́лъ є҆сѝ хрⷭ҇тѐ, вже́гъ на крⷭ҇тѣ̀ твою̀ пло́ть бл҃же, и҆ ѻ҆́бщники сотвори́ши ра́дости, си̑лы твоѧ̑ гѡ́рнїѧ живода́вче, съ ни́миже тѧ̀ ꙗ҆́кѡ благодѣ́телѧ пою́ще, пѣ́сньми велича́емъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ воздви́глъ є҆сѝ хрⷭ҇тѐ твоѝ рꙋ́цѣ на крⷭ҇тѣ̀, ѡ҆сла́блєнныѧ моѝ пре́жде рꙋ́цѣ страстьмѝ мно́гими, ᲂу҆крѣпи́лъ є҆сѝ си́лою твое́ю, и҆ колѣ̑на къ тече́нїю бж҃е́ственномꙋ, вои́стиннꙋ ѡ҆сла́блєнаѧ ᲂу҆тверди́лъ є҆сѝ: тѣ́мже тѧ̀ велича́емъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сгара́юще пла́менемъ, безмѣ́рными ра́нами, ро́сꙋ тѧ̀ ѡ҆брѣто́ша хрⷭ҇тѐ прохлажде́нїѧ, твоѝ тве́рдїи и҆ чꙋ́днїи страда́льцы. Тѣ́мже ра́дꙋющесѧ и҆дѧ́хꙋ пꙋте́мъ, жела́нїемъ по́честей, пѣ́сньми тѧ̀ непреста́ннѡ велича́юще."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мно́жество страда́лєцъ, ст҃ы́хъ ли́къ мо́литъ тѧ̀ хрⷭ҇тѐ за собо́ръ люде́й, мно́гѡ преѡгорчева́ющихъ: мно́жествомъ твоеѧ̀ ще́дре млⷭ҇ти, ѡ҆чи́сти мно́жество беззако́нїй на́шихъ, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Носѧ́щее земны́хъ зра́къ, сїѧ́нїе ѻ҆́ч҃ее дв҃о родила̀ є҆сѝ, є҆го́же воздви́жена на крⷭ҇тѣ̀ со́лнце не терпѧ́щи зрѣ́ти ѡ҆мрача́шесѧ, и҆ мра́къ ᲂу҆малѧ́шесѧ і҆дѡлонеи́стовства: тѣ́мже съ ни́мъ тѧ̀ велича́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ зако́нѣ сѣ́ни и҆ писа́нїй ѡ҆́бразъ ви́димъ вѣ́рнїи: всѧ́къ мꙋ́жескїй по́лъ ложесна̀ разверза́ѧ, свѧ́тъ бг҃ꙋ. Тѣ́мъ перворожде́нное сло́во ѻ҆ц҃а̀ безнача́льна, сн҃а первородѧ́щасѧ мт҃рїю неискꙋсомꙋ́жнѡ, велича́емъ."
|
||||
},
|
||||
{
|
||||
"type": "TEXT",
|
||||
"value": "Растлѣ́нна ᲂу҆мо́мъ, растлѣ́нна дꙋше́ю и҆ со́вѣстїю, ѕло́бою ѡ҆скверне́на, и҆ на́га всѧ́кихъ бла̑гъ ꙗ҆вле́нна, дв҃о нетлѣ́ннаѧ, непоро́чнаѧ, не пре́зри менѐ, но дѣ́лы благоче́стїѧ ᲂу҆красѝ."
|
||||
},
|
||||
{
|
||||
"type": "TEXT",
|
||||
"value": "И҆спо́лнихсѧ ѕѡ́лъ, и҆спо́лнихсѧ помышле́нїй ѿчꙋжда́ющихъ мѧ̀ ѿ тебѐ чл҃вѣколю́бца. Сегѡ̀ ра́ди и҆ стеню̀ и҆ вопїю̀: ка́ющагосѧ мѧ̀ прїимѝ, и҆ не ѿри́ни менѐ ро́ждшїѧ тѧ̀ мл҃твами, бл҃годѣ́телю многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Да и҆зба́влюсѧ твои́ми всенепоро́чнаѧ ѻ҆трокови́це моли́твами, ѿ всѧ́кагѡ гнѣ́ва, страсте́й смертоно́сныхъ, лю́тыѧ гее́нны и҆ ѻ҆гнѧ̀, ѿ человѣ́кѡвъ непра́ведныхъ, ѿ врагѡ́въ лꙋка́выхъ, прибѣ́гнꙋвый къ твоемꙋ̀ покро́вꙋ, и҆ призыва́ѧй тѧ̀ на по́мощь."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ мт҃и бж҃їѧ, молѝ и҆з̾ тебѐ ро́ждшагосѧ гдⷭ҇а бг҃а и҆ цр҃ѧ̀: є҆́же и҆зба́витисѧ всѧ́кагѡ преще́нїѧ, и҆ лꙋка́вагѡ ѻ҆бы́чаѧ твоемꙋ̀ рабꙋ̀ чи́стаѧ, на тѧ̀ надѣ́ѧвшемꙋсѧ и҆з̾ чре́ва ма́тере моеѧ̀, влⷣчце."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀ и҆ про́чее."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "За́вистїю сла́дости и҆згна́нъ бы́хъ, паде́нїемъ па́дсѧ лю́тымъ: но не презрѣ́лъ є҆сѝ влⷣко, воспрїи́мъ менѐ ра́ди є҆́же по мнѣ̀, распина́ешисѧ, и҆ сп҃са́еши мѧ̀, въ сла́вꙋ вво́диши мѧ̀, и҆зба́вителю мо́й, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ: за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ, и҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Крⷭ҇тоѧвле́ннѡ мѡѷсе́й на горѣ̀ рꙋ́цѣ просте́ръ къ высотѣ̀, а҆мали́ка побѣдѝ: ты́ же сп҃се, дла̑ни простры́й на крⷭ҇тѣ̀ честнѣ́мъ, ѡ҆б̾ѧ́лъ є҆сѝ мѧ̀, спасы́й ѿ рабо́ты вра́жїѧ: и҆ да́лъ є҆сѝ зна́менїе жи́зни, ѿ лꙋ́ка бѣжа́ти проти́вныхъ мои́хъ. Сегѡ̀ ра́ди сло́ве, покланѧ́юсѧ крⷭ҇тꙋ̀ твоемꙋ̀ честно́мꙋ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ свѣти̑ла въ мі́рѣ сїѧ́ете и҆ по сме́рти ст҃і́и мꙋ́чєницы, по́двиги до́брыми подвиза́вшесѧ: тѣ́мже и҆мꙋ́ще дерзнове́нїе, хрⷭ҇та̀ моли́те поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Зрѧ́щи тѧ̀ ви́сѧща на дре́вѣ всенепоро́чнаѧ, хрⷭ҇тѐ мо́й пребл҃гі́й, рыда́ющи вопїѧ́ше мт҃рски: сн҃е мо́й вселюбе́знѣйшїй, ка́кѡ собо́ръ беззако́нный на дре́вѣ тѧ̀ ѡ҆сꙋдѝ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ блажє́нны, гла́съ г҃:"
|
||||
},
|
||||
{
|
||||
"type": "TEXT",
|
||||
"value": "Ѿве́ргша хрⷭ҇тѐ за́повѣдь твою̀ пра́ѻтца а҆да́ма и҆з̾ раѧ̀ и҆згна́лъ є҆сѝ: разбо́йника же ще́дре, и҆сповѣ́давша тѧ̀ на крⷭ҇тѣ̀, во́нь всели́лъ є҆сѝ зовꙋ́ща: помѧни́ мѧ сп҃се во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Распѧ́лсѧ є҆сѝ менѐ ра́ди, и҆ прободе́нъ є҆сѝ і҆и҃се мо́й въ ре́бра, два̀ и҆стѡ́чника и҆сточи́вый мнѣ̀ спаси́тєльнаѧ: тѣ́мже спа́ссѧ стра́стїю твое́ю хрⷭ҇тѐ, воспѣва́ю и҆ сла́влю бл҃гоꙋтро́бїе твоѐ: помѧни́ мѧ вопїю́ща во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Со беззако́нныма вмѣни́всѧ, беззакѡ́нїѧ всѣ́хъ на́съ і҆и҃се взѧ́лъ є҆сѝ, и҆ те́рнїемъ вѣнча́всѧ ꙗ҆́кѡ цр҃ь всѣ́хъ, грѣха̀ те́рнїе пра́ѻтца и҆з̾ ко́рене хрⷭ҇тѐ, и҆зсѣка́еши: тѣ́мже вѣ́рою твою̀ стрⷭ҇ть ны́нѣ сла́вимъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "И҆̀же страда́нїѧ хрⷭ҇то́ва подража́вше до́блїи страда́льцы, всесла́внїи мч҃нцы, и҆ вра́жїю пре́лесть низложи́вше си́лою бж҃е́ственною, нбⷭ҇нꙋю сла́вꙋ полꙋчи́сте, ѡ҆ всѣ́хъ на́съ ст҃і́и молѧ́щесѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Трїѷпоста́снаѧ є҆ди́нице, и҆ неразде́льнаѧ трⷪ҇це вседѣ́тельнаѧ, сꙋщество̀ є҆ди́но, и҆ си́ла, пѣвцы̀ твоѧ̑ покры́й ѿ всѧ́кагѡ вре́да вра́жїѧ, и҆ црⷭ҇твїѧ твоегѡ̀ сподо́би, є҆́же полꙋчи́ша, и҆̀же до́брѣ пожи́вшїи."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Зрѧ́щи на крⷭ҇тѣ̀, є҆го́же ѿ крове́й чи́стыхъ воплоти́ла є҆сѝ, пла́чꙋщи взыва́ла є҆сѝ бг҃ороди́тельнице ѻ҆трокови́це: что̀ сїѧ̑ ча́до, со́нмъ лꙋка́вый воздадѐ тебѣ̀, ᲂу҆мертви́вый тѧ̀ живота̀ вѣ́рныхъ всѣ́хъ и҆ воскресе́нїе."
|
||||
}
|
||||
]
|
||||
Reference in new issue
Block a user