enrich ru lives with Chetyi-Minei texts and track static data
This commit is contained in:
catarrh committed
1 parent
69fd5b7460
commit
7dde2168d1
6512 files changed
+1448065
-5
No files matched your search
@@ -0,0 +1,922 @@
|
||||
[
|
||||
{
|
||||
"type": "HEADER",
|
||||
"value": "Гла́съ є҃. Пѧто́къ"
|
||||
},
|
||||
{
|
||||
"type": "HEADER",
|
||||
"value": "Въ четверто́къ ве́чера, на Гдⷭ҇и воззва́хъ, стїхи̑ры крⷭ҇тны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Прпⷣбне ѻ҆́тче:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Всѧ̑ древа̀ дꙋбра̑внаѧ да возра́дꙋютсѧ, дре́во ви́дѧще всечестно́е, стрⷭ҇тїю влⷣчнею ѡ҆бра́дованно, бл҃года́ть ѡ҆блистава́ющее ꙗ҆́кѡ пла́мень ѻ҆гнѧ̀, и҆сточа́ющее ꙗ҆́коже во́ды дарова̑нїѧ всѣ̑мъ, дꙋ́шы просвѣща́ющее и҆ помышлє́нїѧ, недꙋ́ги ѡ҆чища́ющее и҆ стра̑сти ѿгонѧ́ющее неви̑димыѧ, ꙗ҆зы́ки и҆ноплемє́нныѧ побѣжда́ющее ꙗ҆́вѣ, побѣ̑ды подаю́щее всегда̀ вѣ̑рнымъ, благослове́нїе и҆ ве́лїю ми́лость."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Мѣ́стꙋ, и҆дѣ́же стоѧ́сте но́зѣ гдⷭ҇ни, вѣ́рою покланѧ́ющесѧ, ꙗ҆́коже прⷪ҇ро́къ речѐ: хрⷭ҇та̀ славосло́вимъ распе́ншагосѧ и҆ сраспе́нша прегрѣшє́нїѧ на̑ша: ю҆́же ѿ дре́ва разори́вшаго клѧ́твꙋ, и҆ примири́вша ѻ҆ц҃ꙋ̀ ѿстоѧ́щыѧ ѿню́дъ помышле́ньми. Рꙋчны̑ѧ же є҆гѡ̀ и҆ ножны̑ѧ гвѡ́здїѧ, копїѐ и҆ тро́сть, гꙋ́бꙋ и҆ вѣне́цъ ѡ҆блобыза́юще, досаждє́нїѧ и҆ нарꙋга̑нїѧ, и҆ и҆́на є҆ли̑ка под̾ѧ́тъ, че́стнѣ почита́емъ, и҆́миже спасо́хомсѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Всѧ̑ ᲂу҆́ды хрⷭ҇тꙋ̀ сраспне́мъ, и҆ мі́рови ᲂу҆мертви́мсѧ, и҆ мїроде́ржцꙋ хрⷭ҇тꙋ̀ по стопа́мъ ходи́ти вожделѣ́вше, тогѡ́же на ра́мѣхъ бж҃е́ственный крⷭ҇тъ но́симъ, ѿверже́нїемъ плотска́гѡ взыгра́нїѧ, и҆ похоте́й ѕлы́хъ, ꙗ҆́же дꙋ́шꙋ влекꙋ́тъ ко грѣхꙋ̀, томꙋ̀ мнѧ́ще предста́ти, и҆ зрѣ́ти того̀ на крⷭ҇тѣ̀ пригвожде́на, и҆ дꙋ́шꙋ свою̀ въ рꙋ́цѣ роди́телю со и҆здыха́нїемъ преда́вша, ꙗ҆́кѡ да всегда̀ съ ни́мъ бꙋ́демъ неразлꙋ́чни."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры бцⷣѣ, гла́съ и҆ подо́бенъ то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Є҆гда̀ гро́здъ ненасажде́нъ сꙋ́щъ, ꙗ҆́кѡ лоза̀ ѿрасти́ла є҆сѝ, ᲂу҆зрѣ́вши на дре́вѣ повѣ́шена, прободе́на же копїе́мъ въ бж҃е́ствєнныѧ ре́бра: что̀ сїѐ, глаго́лаше, сн҃е и҆ бж҃е мо́й; ка́кѡ и҆́же недꙋ́ги всѧ̑ и҆ стра̑сти и҆сцѣлѧ́ѧй, стра̑сти терпи́ши, безстра́стенъ сы́й по є҆стествꙋ̀ бж҃е́ственномꙋ; что́ ти безбл҃года́тнїи лю́дїе бл҃года́телю, сїѧ̑ возда́ша вмѣ́стѡ бл҃годѣѧ́нїй; вопїѧ́ше пречⷭ҇таѧ: но тогѡ̀ страстьмѝ, страсте́й мѧ̀ свободи́ти молѝ непреста́ннѡ, ꙗ҆́кѡ да сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Пла́чемъ всѝ, и҆ рꙋ́цѣ распростре́мъ, и҆ бїе́мъ въ пє́рси, те́плѣ слезѧ́ще и҆ прекло́ньше колѣ̑на, лице́мъ бїю́ще въ зе́млю прилѣ́жнѡ, и҆ воздыха̑нїѧ возпꙋ́стимъ къ высотѣ̀, и҆̀же безмѣ́стными дѣ́лы прогнѣ́вавшїи бг҃а, за́повѣдей є҆гѡ̀ ѿверже́нїемъ, и҆зба́вити зовꙋ́ще въ бꙋ́дꙋщемъ сꙋдѣ̀ всѧ́кагѡ мꙋче́нїѧ, и҆̀же тебѐ ѡ҆печа́лившыѧ, и҆ ѡ҆браща́ющыѧсѧ, мольба́ми мт҃ре твоеѧ̀: за ни́хже крⷭ҇тъ претерпѣ́лъ є҆сѝ вопло́щьсѧ, и҆ твоегѡ̀ црⷭ҇твїѧ прича́стники сотворѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Комꙋ̀ ᲂу҆подо́биласѧ є҆сѝ дꙋшѐ, ᲂу҆спѣва́ющи въ го́ршихъ всегда̀, и҆ прилага́ющи безꙋ́мнѡ твои̑мъ ꙗ҆́звамъ стрꙋ́пы мно́жайшыѧ, ꙗ҆́кѡ всетѣле́снѣй бы́ти ꙗ҆́звѣ: не помышлѧ́ющи, ꙗ҆́кѡ сꙋдїѧ̀ приближа́етсѧ, є҆мꙋ́же предста́неши воспрїѧ́ти по дѣѧ́нїємъ, вины̀ и҆ томлє́нїѧ; но ѡ҆бра́щшисѧ припадѝ къ дв҃ѣ зовꙋ́щи: влⷣчце влⷣчце, не пре́зри мѧ̀ прогнѣ́вавшаго бг҃а бл҃гомлⷭ҇тиваго, и҆з̾ тебѐ на сп҃се́нїе чл҃вѣ́кѡвъ ро́ждшагосѧ, и҆ распе́ншагосѧ пло́тїю."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, крⷭ҇тобг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ра́дꙋйсѧ:"
|
||||
},
|
||||
{
|
||||
"type": "TEXT",
|
||||
"value": "И҆збавле́нїе на́съ ра́ди, и҆ цѣ́нꙋ вели́кꙋю, пречⷭ҇тꙋю кро́вь твою̀ и҆зво́лилъ є҆сѝ да́ти безгрѣ́шне хрⷭ҇тѐ мо́й, всѣ̑мъ хотѧ́й сп҃се́нїе полꙋчи́ти. Тѣ́мже тѧ̀ зрѧ́щи пригвожде́на мт҃и твоѧ̀, рыда́ющи власы̀ терза́ше своѧ̑, глаго́лющи: ча́до, а҆́гнче всенепоро́чный, мі́ръ хотѧ̀ и҆зба́вити честно́ю твое́ю кро́вїю, ѿ ѻ҆́чїю мое́ю ка́кѡ заше́лъ є҆сѝ сп҃се, незаходи́мое сл҃нце, всѣ̑мъ подаѧ́й просвѣще́нїе, и҆ ми́ръ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ дню̀:"
|
||||
},
|
||||
{
|
||||
"type": "TEXT",
|
||||
"value": "И҆ Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, при мѡѷсе́и и҆ногда̀ прⷪ҇ро́цѣ, то́чїю ѡ҆́бразъ крⷭ҇та̀ твоегѡ̀ ꙗ҆влѧ́емъ, побѣжда́ше врагѝ твоѧ̑. Ны́нѣ же са́мый крⷭ҇тъ тво́й и҆мꙋ́ще, по́мощи про́симъ: ᲂу҆крѣпѝ цр҃ковь твою̀, мно́гїѧ ра́ди млⷭ҇ти, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ тво́й хрⷭ҇тѐ, а҆́ще и҆ дре́во ви́димо є҆́сть сꙋщество́мъ, но бж҃е́ственною ѡ҆дѣ́ѧно є҆́сть си́лою: и҆ чꙋ́вственнѡ мі́рови ꙗ҆влѧ́ѧсѧ, мы́сленнѡ на́ше чꙋдотвори́тъ спасе́нїе. Є҆мꙋ́же покланѧ́ющесѧ, сла́вимъ тѧ̀ сп҃се, поми́лꙋй на́съ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ, наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆ земны́хъ всѣ́хъ неради́вше, и҆ на мꙋ̑ки мꙋ́жески дерзнꙋ́вше, бл҃же́нныхъ наде́ждъ не погрѣши́сте: но нбⷭ҇номꙋ црⷭ҇твїю наслѣ̑дницы бы́сте, прехва́льнїи мч҃нцы, и҆мꙋ́ще дерзнове́нїе къ чл҃вѣколюби́вомꙋ бг҃ꙋ, мі́рꙋ ᲂу҆мире́нїе и҆спроси́те, и҆ дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Зрѧ́щи дре́вле а҆́гнца и҆ сн҃а своего̀ дв҃а мт҃и и҆ всебл҃же́ннаѧ ѻ҆трокови́ца, на крⷭ҇тѣ̀ возвы́шена, вопїѧ́ше слезѧ́щи: ᲂу҆вы̀ мнѣ̀ сн҃е мо́й, ка́кѡ ᲂу҆мира́еши, бг҃ъ є҆стество́мъ сы́й безсме́ртенъ;"
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши раба̀ твоего̀ влⷣко: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь ст҃о́мꙋ. Та́же є҆ктенїа̀, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ на повече́рїи, канѡ́нъ прест҃ѣ́й бцⷣѣ, гла́съ є҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Конѧ̀ и҆ вса́дника въ мо́ре чермно́е, сокрꙋша́ѧй бра̑ни, мы́шцею высо́кою хрⷭ҇то́съ и҆стрѧсѐ, і҆и҃лѧ же сп҃сѐ, побѣ́днꙋю пѣ́снь пою́ща."
|
||||
},
|
||||
{
|
||||
"type": "TEXT",
|
||||
"value": "Дрꙋгі́й ра́й зна́емъ тѧ̀ мы́сленный без̾ сравне́нїѧ, дв҃о бг҃оневѣ́сто, ѡ҆долѣва́ющїй и҆́же во є҆де́мѣ раю̀, бг҃омт҃и: ты́ бо нетлѣ́нїе человѣ́кѡмъ прозѧбла̀ є҆сѝ."
|
||||
},
|
||||
{
|
||||
"type": "TEXT",
|
||||
"value": "Дре́во жи́зни ѡ҆б̾ѧ́ти въ раѝ а҆да́мъ возбране́нъ бы́сть, ѿ дре́ва причасти́всѧ разꙋ́мнагѡ: безсме́ртїе же подадѐ, пло́ть ѿ тебѐ дв҃о прїе́мый."
|
||||
},
|
||||
{
|
||||
"type": "TEXT",
|
||||
"value": "Сла́ва: Пе́рвѣе ѿ землѝ со́зданъ бы́сть а҆да́мъ, пречⷭ҇тыма рꙋка́ма вседержи́телѧ: ѿ тебе́ же бцⷣе дв҃о роди́сѧ без̾ сѣ́мене но́вый а҆да́мъ, зижди́тель человѣ́чества."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бе́здна послѣ́днѧѧ ѡ҆бы́де мѧ̀ безмѣ́рныхъ прегрѣше́нїй, и҆ во глꙋбинꙋ̀ низво́дитъ мѧ̀ лю́тагѡ ѿча́ѧнїѧ: ро́ждшаѧ бе́зднꙋ млⷭ҇рдїѧ, ᲂу҆скорѝ, и҆ сп҃си́ мѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Водрꙋзи́вый на ничесо́мже зе́млю повелѣ́нїемъ твои́мъ, и҆ повѣ́сивый неѡдержи́мѡ тѧготѣ́ющꙋю, на недви́жимѣмъ хрⷭ҇тѐ, ка́мени за́повѣдей твои́хъ, цр҃ковь твою̀ ᲂу҆твердѝ, є҆ди́не бл҃же и҆ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "И҆́же живѡ́тнымъ садѡ́мъ зе́млю сотвори́вый роди́тельницꙋ, не сꙋ́щымъ на не́й пе́рвѣе, ѿ неискꙋсомꙋ́жныѧ жены̀ а҆́бїе ꙗ҆́кѡ ѿ землѝ, безсѣ́менный воплоща́емь прише́лъ є҆сѝ сло́ве бж҃їй неизмѣ́нный."
|
||||
},
|
||||
{
|
||||
"type": "TEXT",
|
||||
"value": "Ты̀ є҆сѝ земноро́дныхъ наде́жда и҆ по́мощь, и҆ ра́дость, и҆ покро́въ, и҆ прибѣ́жище, влⷣчце мт҃и живота̀. Тѣ́мже мо́лимъ: твою̀ по́мощь низпослѝ всѣ̑мъ пою́щымъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Недꙋ́гꙋющїй напа́стьми лю́тыми ѡ҆держи́ми, вседѣ́телю ще́дре, и҆́же всѧ́ческихъ бж҃е, трист҃ꙋ́ю твою̀ ски́нїю приво́димъ тѝ всѝ въ мл҃твꙋ, и҆ вопїе́мъ тѝ: разрѣшѝ ѡ҆бдержа́нїѧ ра̑бъ твои́хъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Смꙋща́етъ мѧ̀ лю́тѣ грѣхо́внаѧ волна̀, во глꙋбинꙋ̀ прегрѣше́нїй низвлеча̀, пречⷭ҇таѧ, и҆ бꙋ́рѧ сопроти́вныхъ помышле́нїй ѡ҆бꙋрева́етъ дꙋ́шꙋ мою̀: ѡ҆корми́телѧ ро́ждшаѧ, ᲂу҆скорѝ и҆з̾ѧ́ти раба̀ твоего̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃е́ственное твоѐ разꙋмѣ́въ и҆стоща́нїе, прозорли́вѡ а҆ввакꙋ́мъ, хрⷭ҇тѐ, со тре́петомъ вопїѧ́ше тебѣ̀: во сп҃се́нїе люде́й твои́хъ, сп҃стѝ пома̑занныѧ твоѧ̑ прише́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Є҆́ѵа повинꙋ́вшисѧ ѕмі́ю, родѝ печа́ль жена́мъ: ты́ же дв҃о вѣ́ровавши бж҃їимъ вѣща́нїємъ, всемꙋ̀ мі́рꙋ ра́дость процвѣла̀ є҆сѝ."
|
||||
},
|
||||
{
|
||||
"type": "TEXT",
|
||||
"value": "Пе́рвѣе ѿ ре́бръ а҆да́мовыхъ рожде́на є҆́ѵа: ны́нѣ же бг҃ъ ѿ мт҃ре бг҃оневѣ́сты, є҆го́же воплоще́нна дв҃а без̾ ѻ҆ц҃а̀ родила̀ є҆́сть."
|
||||
},
|
||||
{
|
||||
"type": "TEXT",
|
||||
"value": "Сла́ва: Є҆́ѵа ра́дꙋетсѧ, дре́внѧгѡ бо прама́тернѧ ѡ҆сꙋжде́нїѧ свобожде́нꙋ ѻ҆трокови́ца показа̀, ꙗ҆́же сꙋдїю̀ заче́ншаѧ нетлѣ́ннѡ, и҆ ро́ждшаѧ млⷭ҇рдаго."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Житїѐ моѐ прегрѣше́нїй и҆спо́лнисѧ, по́мыслъ же стра́стенъ, и҆ дꙋша̀ моѧ̀ ѡ҆сꙋжде́на: тѣ́мже твои́мъ бл҃гоꙋтро́бїемъ поми́лꙋй, и҆ сп҃си́ мѧ влⷣчце."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆дѣѧ́йсѧ свѣ́томъ ꙗ҆́кѡ ри́зою, къ тебѣ̀ ᲂу҆́тренюю, и҆ тебѣ̀ зовꙋ̀: дꙋ́шꙋ мою̀ просвѣтѝ ѡ҆мраче́ннꙋю хрⷭ҇тѐ, ꙗ҆́кѡ є҆ди́нъ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Сто́лпъ и҆ ѻ҆́блакъ свѣ́та тѧ̀ ѡ҆брѣ́тше, дв҃о мт҃и свѣтода́вца, и҆̀же по пꙋсты́ни ле́стнѣй ходѧ́щїи ѿ лю̑тъ и҆збѣга́емъ."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ ро́ждшаѧ бг҃а пло́тїю, пре́жде вѣ̑къ рожде́ннаго ѿ ѻ҆ц҃а̀ безпло́тнѣ, ꙗ҆ви́тисѧ же а҆́бїе на́мъ и҆зво́лившаго."
|
||||
},
|
||||
{
|
||||
"type": "TEXT",
|
||||
"value": "Сла́ва: Со́лнце побѣди́сѧ твое́ю свѣ́тлостїю мр҃і́е: ты́ бо свѣти́лы нб҃о ᲂу҆краси́вшаго рꙋка́ма ѡ҆б̾ѧ́ла є҆сѝ, и҆ ѿ твое́ю сосцꙋ̀ пита́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Да не ѡ҆сꙋ́диши менѐ во ѻ҆́гнь негаси́мый, хрⷭ҇тѐ сп҃се мо́й, мольба́ми чⷭ҇тыѧ, ро́ждшїѧ тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неи́стовствꙋющеесѧ бꙋ́рею дꙋшетлѣ́нною, влⷣко хрⷭ҇тѐ, страсте́й мо́ре ᲂу҆кротѝ, и҆ ѿ тлѝ возведи́ мѧ ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "И҆́же въ ки́тѣ сп҃сшаго прⷪ҇ро́ка дре́вле і҆ѡ́нꙋ, невре́днѡ носи́ла є҆сѝ во ᲂу҆тро́бѣ твое́ю чꙋ́днаго бг҃а чⷭ҇таѧ приснодв҃о."
|
||||
},
|
||||
{
|
||||
"type": "TEXT",
|
||||
"value": "Держа́щаго гдⷭ҇а морѧ̀, пречⷭ҇таѧ дв҃о бг҃а небꙋ́рнѡ, ꙗ҆́коже си̑лы носѧ́щи, сла́ное возмꙋще́нїѧ льстѝ ᲂу҆спи́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Всѧ́ческихъ тишинꙋ̀ ро́ждши пречⷭ҇таѧ хрⷭ҇та̀, ꙗ҆̀же къ немꙋ̀ бл҃гоꙋкротѝ мл҃твами твои́ми, ю҆́же на мѧ̀ страсте́й непостоѧ́ннꙋю бꙋ́рю."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Въ де́нь печа́ли, є҆гда̀ хощꙋ̀ тѣле́сныхъ соꙋ́зъ разрѣши́тисѧ, предста́ни мѝ, и҆ ѡ҆бдержа́нїѧ бѣсо́вскагѡ и҆схитѝ."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ зрѧ́щи тѧ̀ хрⷭ҇тѐ мт҃и твоѧ̀ во́лею посредѣ̀ разбѡ́йникꙋ ви́сѧща, растерза́ющисѧ мт҃рски ᲂу҆тро́бою, глаго́лаше: безгрѣ́шне сн҃е, ка́кѡ непра́веднѡ на крⷭ҇тѣ̀ ꙗ҆́коже ѕлодѣ́й распѧ́тсѧ, и҆́же человѣ́ческїй ѡ҆живи́ти хотѧ̀ ро́дъ, ꙗ҆́кѡ пребл҃гі́й;"
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Превозноси́мый ѻ҆тцє́въ гдⷭ҇и, пла́мень ᲂу҆гасѝ, ѻ҆́троки ѡ҆росѝ согла́снѡ пою́щыѧ: бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆́же къ пра́ѻтцꙋ а҆враа́мꙋ прише́ствїе бг҃ъ совершѝ, сн҃ъ тво́й бы́въ: и҆ сѣ́мѧ є҆гѡ̀ во ꙗ҆зы́ки бл҃гословѝ, бл҃гослове́ннаѧ."
|
||||
},
|
||||
{
|
||||
"type": "TEXT",
|
||||
"value": "Ты̀ лѣ́ствица є҆сѝ і҆а́кѡвлѧ нескве́рнаѧ: мт҃рь бо є҆ди́нꙋ тѧ̀ бг҃ъ написа̀, є҆ѧ́же ра́ди бг҃ъ совокꙋпѝ ѻ҆́нагѡ и҆сча̑дїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Превозноси́мый со ѻ҆ц҃е́мъ и҆ дх҃омъ сн҃ъ, и҆збра́въ тебѐ чⷭ҇таѧ, ѕѣлѡ̀ возлюбѝ въ жили́ще себѣ̀ воплоща́емь."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃а, є҆го́же родила̀ є҆сѝ, всегда̀ молѝ, ѿча́ѧннаго мѧ̀ сп҃стѝ, и҆ ᲂу҆лꙋчи́ти просты́ню, вѣ́рою вопїю́щемꙋ: бж҃е бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѣ̀ вседѣ́телю, въ пещѝ ѻ҆́троцы, всемі́рный ли́къ спле́тше, поѧ́хꙋ: дѣла̀ всѧ̑каѧ гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆спыта́нїѧ твоѐ ᲂу҆бѣга́етъ ржⷭ҇тво̀ дв҃о, вѣ́рою же ꙗ҆влѧ́етсѧ вопїю́щымъ: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Всѧ́кѡ дв҃и́ческїѧ не ѿпа́дши сла́вы, ма́терскою ѡ҆богати́ласѧ є҆сѝ че́стїю, безневѣ́стнаѧ: вѣ́сть и҆́же сїѧ̑ ꙗ҆́вѣ чꙋдодѣ́йствовавый, є҆гѡ́же превозно́симъ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Ви́ждь бл҃га́ѧ пречⷭ҇таѧ, смире́нныѧ моеѧ̀ дꙋшѝ ѡ҆ѕлобле́нїе, и҆ болѣ́знь премѣнѝ вско́рѣ: да тѧ̀ сла́влю во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Прїимѝ млⷭ҇тивнѡ твою̀ мт҃рь сло́ве, молѧ́щꙋюсѧ сп҃стѝ твоѧ̑ лю́ди бл҃же, ꙗ҆̀же стѧжа́лъ є҆сѝ честно́ю твое́ю кро́вїю: да тебѐ бл҃гослови́мъ во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆са́їе ликꙋ́й, дв҃а и҆мѣ̀ во чре́вѣ, и҆ родѝ сн҃а є҆мманꙋ́ила: бг҃а же и҆ человѣ́ка, восто́къ и҆́мѧ є҆мꙋ̀: є҆го́же велича́юще, дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Бцⷣе влⷣчце, ᲂу҆молѝ покланѧ́емꙋю трⷪ҇цꙋ, ѿ неѧ́же безстра́стнѡ є҆ди́наго пло́тїю на́мъ родила̀ є҆сѝ, ᲂу҆мири́ти сꙋ́щыѧ на землѝ, и҆ разрѣше́нїю прегрѣше́нїй пою́щымъ тѧ̀ дарова́тисѧ."
|
||||
},
|
||||
{
|
||||
"type": "TEXT",
|
||||
"value": "А҆́ще и҆ є҆ди́нъ разꙋмѣ́етсѧ лице́мъ є҆мманꙋ́илъ, но є҆стество́мъ сꙋгꙋ́бъ: се́ бо двѣ̀ возвѣща́ѧ вѡ́ли, ꙗ҆̀же въ не́мъ и҆ дѣ̑йства, є҆гѡ́же роди́тельницꙋ бцⷣꙋ и҆сповѣ́дꙋемъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Себѐ рыда́ю помышлѧ́ѧ мои́хъ грѣхѡ́въ мно́жество, и҆ страсте́й возшє́ствїѧ, дꙋшѝ моеѧ̀ ᲂу҆ны̑нїѧ, и҆ ᲂу҆ма̀ моегѡ̀ и҆зстꙋплє́нїѧ, ѿча́ѧннаго мѧ̀ сп҃се́нїѧ сподо́би."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Вразѝ моѝ наше́дше гдⷭ҇и, ꙗ҆́коже разбѡ́йницы, вы́шнюю свѣ́тлꙋю и҆ свѣтови́днꙋю ѻ҆де́ждꙋ совле́кше, и҆ ра̑ны мѝ наложи́ша мнѡ́ги: ты̀ предста́вши є҆́ле жи́ва возста́ви."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Та́же, Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ, и҆ про́чее ѻ҆бы́чно, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ пѧто́къ ᲂу҆́тра, по а҃-мъ стїхосло́вїи сѣда́льны крⷭ҇тны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Мѣ́сто ло́бное ра́й бы́сть: то́чїю бо водрꙋзи́сѧ дре́во крⷭ҇тное, а҆́бїе и҆зрастѝ гро́здъ живо́тный, тебѐ сп҃се въ на́ше весе́лїе, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть."
|
||||
},
|
||||
{
|
||||
"type": "TEXT",
|
||||
"value": "Распе́ншагосѧ сп҃са и҆ и҆зба́вителѧ на́шего во́лею ꙗ҆́кѡ вѣ́сть, и҆ ꙗ҆́коже бл҃гоизво́ли, воспои́мъ вѣ́рнїи, и҆ просла́вимъ: ꙗ҆́кѡ пригвоздѝ на крⷭ҇тѣ̀ грѣхѝ человѣ́кѡвъ, и҆збавлѧ́ѧ ѿ ле́сти ро́дъ чл҃вѣ́ческїй, и҆ црⷭ҇твїѧ сподо́билъ є҆́сть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: На крⷭ҇тѣ́ тѧ хрⷭ҇тѐ, зрѧ́щи мт҃и твоѧ̀, во́лею посредѣ̀ разбѡ́йникꙋ ви́сѧща, растерза́ющисѧ мт҃рски ᲂу҆тро́бою, глаго́лаше: безгрѣ́шный сн҃е, ка́кѡ без̾ пра́вды на крⷭ҇тѣ̀ ꙗ҆́кѡ ѕлодѣ́й пригвозди́лсѧ є҆сѝ, ро́дъ человѣ́ческїй ѡ҆живи́ти хотѧ̀ ꙗ҆́кѡ пребл҃гі́й;"
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны крⷭ҇тны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Распѧ́тїе претерпѣ́въ твое́ю во́лею, и҆ ѿ тлѝ человѣ́ки свободи́лъ є҆сѝ сп҃се! Воспѣва́емъ вѣ́рнїи, и҆ покланѧ́емсѧ тѝ, ꙗ҆́кѡ просвѣти́лъ є҆сѝ на́съ си́лою крⷭ҇тною, и҆ всѝ прославлѧ́емъ тѧ̀ чл҃вѣколю́бче ще́дрый, ꙗ҆́кѡ жизнода́вца и҆ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла сп҃се́нїе посредѣ̀ землѝ."
|
||||
},
|
||||
{
|
||||
"type": "TEXT",
|
||||
"value": "Во́лею ще́дре крⷭ҇тъ претерпѣ́лъ є҆сѝ, и҆ дре́внюю клѧ́твꙋ ꙗ҆́же ра́ди снѣ́ди, ꙗ҆́кѡ всеси́льный бг҃ъ ты̀ потреби́лъ є҆сѝ. Тѣ́мже бж҃е́ствєнныѧ и҆ честны̑ѧ стра̑сти твоѧ̑ влⷣко хрⷭ҇тѐ, пое́мъ и҆ покланѧ́емсѧ славосло́вѧще непреста́ннѡ, є҆́же па́че сло́ва смотре́нїе твоѐ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сїѧ́етъ дне́сь па́мѧть стрⷭ҇тоте́рпєцъ и҆́мать бо и҆ ѿ нб҃съ зарю̀: ли́къ а҆́гг҃льскїй торжествꙋ́етъ, и҆ человѣ́ческїй ро́дъ спра́зднꙋетъ. Тѣ́мже мо́лѧтсѧ гдⷭ҇еви, поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Крⷭ҇то́мъ сн҃а твоегѡ̀ бг҃обл҃года́тнаѧ, і҆́дѡльскаѧ пре́лесть всѧ̀ ᲂу҆праздни́сѧ, и҆ де́мѡнскаѧ крѣ́пость попра́сѧ. Сегѡ̀ ра́ди вѣ́рнїи по до́лгꙋ тѧ̀ при́снѡ пое́мъ, и҆ бл҃гослови́мъ, и҆ бцⷣꙋ вои́стиннꙋ и҆сповѣ́дающе тѧ̀ велича́емъ."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́льны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Собезнача́льное сло́во:"
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ́ тѧ пригвожде́на, и҆ ᲂу҆снꙋ́вша, а҆́гг҃льстїи чи́нове ви́дѣвше, ᲂу҆жасо́шасѧ, і҆и҃се всѣ́хъ цр҃ю̀: и҆ побѣжде́ни быва́хꙋ а҆́бїе бѣсо́вствїи полцы̀, и҆ сокрꙋши́шасѧ верєѝ а҆́дѡвы: и҆ сме́ртное мꙋчи́тельство низложи́сѧ, и҆ сꙋ́щїи во гробѣ́хъ ме́ртвїи воскресо́ша."
|
||||
},
|
||||
{
|
||||
"type": "TEXT",
|
||||
"value": "Ѿ дре́ва го́ресть а҆да́мъ ѡ҆б̾ѧ́тъ, къ тлѣ́нїю попо́лзсѧ за́вистїю ѕмїи́ною: тебѣ́ же пригвожде́нꙋ бы́вшꙋ і҆и҃се, живота̀ наслади́сѧ, и҆ дре́ва ра́ди крⷭ҇тнагѡ па́ки вселѧ́емь быва́етъ на нб҃сѣ́хъ. И҆ ᲂу҆праздни́сѧ ѕмі́й, и҆ тлѧ̀ поже́рта бы́сть: и҆ всѝ сла́вꙋ тѝ прино́симъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ: крⷭ҇тобг҃оро́диченъ: Вознесе́на на дре́во ꙗ҆́кѡ ви́дѣ, ро́ждшаѧ тѧ̀ сп҃се, болѣ́зней кромѣ̀, рыда́ше съ пла́чемъ, и҆ взыва́ше: ᲂу҆вы̀ мнѣ̀ сладча́йшїй сн҃е, ᲂу҆ѧзвлѧ́юсѧ дꙋше́ю, на крⷭ҇тѣ̀ зрѧ́щи тѧ̀ пригвожде́на посредѣ̀ двою̀ ѕлѡдѣ́ю, сꙋдо́мъ ѕлодѣ́йственнымъ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀, гла́съ є҃, творе́нїе кѵ́ръ і҆ѡ́сифа, є҆го́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Страсте́й мѧ̀ сп҃са́еши стрⷭ҇тїю твое́ю хрⷭ҇тѐ мо́й."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сп҃си́телю бг҃ꙋ, въ мо́ри лю́ди немо́крыми нога́ми наста́вльшемꙋ, и҆ фараѡ́на со всево́инствомъ пото́пльшемꙋ, томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Страстоꙋбі́йственнꙋю хрⷭ҇тѐ, хотѣ́нїемъ твои́мъ претерпѣ́лъ є҆сѝ стра́сть, и҆ ᲂу҆би́лъ є҆сѝ въ раѝ дре́вле на́съ ᲂу҆би́вшаго: тѣ́мже твою̀ сла́вимъ бл҃госты́ню."
|
||||
},
|
||||
{
|
||||
"type": "TEXT",
|
||||
"value": "Воздви́глсѧ є҆сѝ на крⷭ҇тъ, и҆ низпаде́сѧ вра́гъ: и҆ па́дшїи воздвиго́хомсѧ, и҆ ра́йстїи жи́тели хрⷭ҇тѐ, бы́хомъ, держа́вꙋ сла́вѧще црⷭ҇твїѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Щито́мъ кре́стнымъ воѡрꙋжи́вшесѧ до́брѣ, къ боре́нїю всѧ́комꙋ бѣсо́вскомꙋ ѡ҆полчи́стесѧ премꙋ́дрїи великомч҃нцы: и҆ того̀ побѣди́вше, сла́вꙋ полꙋчи́сте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ а҆́гнцы честні́и, на́съ ра́ди страда́льцы а҆́гнцꙋ пожре́номꙋ принесо́стесѧ, нечи̑стыѧ жє́ртвы ꙗ҆́вѣ ᲂу҆ста́вльше: тѣ́мже ᲂу҆бл҃жа́емъ ва́съ всехва́льнїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Но́во ѻ҆троча̀ на́мъ ве́тхаго де́ньми, чⷭ҇таѧ дв҃о родила̀ є҆сѝ, ѡ҆бетша́вшее є҆стество̀ человѣ́ческое ѡ҆бновлѧ́юща, всенепоро́чнаѧ, бж҃е́ственною стра́стїю свое́ю."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ прест҃ѣ́й бцⷣѣ, і҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Бл҃гоꙋтро́бїѧ и҆сто́чникъ, и҆ предста́тельницꙋ те́плꙋю вѣ́мъ тѧ̀ всенепоро́чнаѧ, дв҃о мт҃и мр҃і́е, и҆ взыва́ю тѝ: поми́лꙋй и҆ ᲂу҆ще́дри смире́ннꙋю мою̀ дꙋ́шꙋ."
|
||||
},
|
||||
{
|
||||
"type": "TEXT",
|
||||
"value": "Въ нѣ́дрѣхъ твои́хъ сн҃ъ бж҃їй чⷭ҇таѧ, всели́всѧ, и҆ воспрїѧ́тъ человѣ́ческое сꙋщество̀ ꙗ҆́кѡ пребл҃гі́й, всѣ́хъ и҆зба́ви ѿ тлѝ ѕмі́евы."
|
||||
},
|
||||
{
|
||||
"type": "TEXT",
|
||||
"value": "Просвѣще́нїе мѝ бꙋ́ди, и҆ сп҃се́нїю наде́жда бг҃ороди́тельнице всенепоро́чнаѧ, прегрѣше́нїй разрѣша́ющи плени̑цы, и҆ и҆збавлѧ́ющи мѧ̀ бꙋ́дꙋщїѧ мꙋ́ки и҆ ѡ҆сꙋжде́нїѧ."
|
||||
},
|
||||
{
|
||||
"type": "TEXT",
|
||||
"value": "Помышле́нїй лꙋка́выхъ смире́ннꙋю мою̀ дꙋ́шꙋ свободѝ, бг҃ороди́тельнице: и҆ жили́ще бж҃їе тꙋ̀ содѣ́лай, да по до́лгꙋ тѧ̀ сла́влю всегда̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Си́лою крⷭ҇та̀ твоегѡ̀ хрⷭ҇тѐ, ᲂу҆твердѝ моѐ помышле́нїе, во є҆́же пѣ́ти и҆ сла́вити сп҃си́тельное твоѐ вознесе́нїе."
|
||||
},
|
||||
{
|
||||
"type": "TEXT",
|
||||
"value": "Оу҆вѧда́еши плода̀ тлю̀, на дре́во сп҃се воздвиза́емь, и҆ нетлѣ́нїѧ и҆сто́чники на́мъ ѿ ре́бръ и҆сточа́еши, влⷣко."
|
||||
},
|
||||
{
|
||||
"type": "TEXT",
|
||||
"value": "Закла́сѧ на крⷭ҇тѣ̀ ꙗ҆́коже а҆́гнецъ, пра́ги назна́менꙋѧ дꙋ́шъ на́шихъ бж҃е́ственною твое́ю кро́вїю влⷣко: тѣ́мже тѧ̀ со стра́хомъ сла́вимъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вѧ́жеми хрⷭ҇тѡ́вы страда́льцы, и҆ многоѡбра́знѣ ᲂу҆ранѧ́еми, и҆ ѕвѣрє́мъ помета́еми, непрело́жни пребы́сте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́коже гро́здїе вїногра́да живо́тнагѡ, мꙋче́нїѧ вїно̀ и҆сточи́ша, вѣ́рныхъ сердца̀ веселѧ́щее, бг҃а на́шегѡ мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Жи́зни на́мъ хода́тай чⷭ҇таѧ, ᲂу҆мира́ѧ на дре́вѣ ꙗ҆ви́сѧ тво́й сн҃ъ же и҆ гдⷭ҇ь, прославлѧ́ѧй пою́щыѧ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Въ ро́въ поги́бельный лю́тыхъ согрѣше́нїй впа́дша мѧ̀, бг҃ороди́тельнице, и҆зведѝ бл҃гоꙋтро́бною твое́ю бл҃гостїю."
|
||||
},
|
||||
{
|
||||
"type": "TEXT",
|
||||
"value": "Къ ве́черꙋ житїѧ̀ прише́дъ, и҆ недоꙋмѣ́нїемъ ѡ҆держи́мь є҆́смь, вопїю́ ти всепѣ́таѧ: ты̀ помо́щница мѝ ꙗ҆ви́сѧ."
|
||||
},
|
||||
{
|
||||
"type": "TEXT",
|
||||
"value": "Ст҃а́ѧ бцⷣе чⷭ҇таѧ, пода́ждь разрѣше́нїе прегрѣше́нїй мои́хъ: и҆ сп҃се́нїе мѝ и҆спросѝ, и҆ ра́дованїе вѣ́чное."
|
||||
},
|
||||
{
|
||||
"type": "TEXT",
|
||||
"value": "Ка́плю мѝ сле́зъ чⷭ҇таѧ пода́ждь, ꙗ҆́кѡ да ѿ се́рдца моегѡ̀ ѿженꙋ̀ недоꙋмѣ́нїе, и҆ и҆́скреннѡ воспою́ тѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ слꙋ́хъ си́лы крⷭ҇та̀, ꙗ҆́кѡ ра́й ѿве́рзесѧ и҆́мъ, и҆ возопи́хъ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Є҆гда̀ заше́лъ є҆сѝ на крⷭ҇тѣ̀ пра́вды сл҃нце хрⷭ҇тѐ, свѣ́тъ невече́рнїй возсїѧ́лъ є҆сѝ на́мъ, пою́щымъ твоѐ, сло́ве, стра́шное смотре́нїе."
|
||||
},
|
||||
{
|
||||
"type": "TEXT",
|
||||
"value": "Стоѧ́щꙋ тѝ сꙋдїѐ, и҆ногда̀ пред̾ сꙋди́щемъ хрⷭ҇тѐ, ѡ҆сꙋди́лъ є҆сѝ непра́веднаго врага̀: и҆ распѧ́лсѧ є҆сѝ посредѣ̀ непра́ведныхъ, на́съ ѡ҆правда́ѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вѣнча́еми побѣди́тельнѡ, гдⷭ҇ни страда́льцы, неви́димаго посрами́ша врага̀, и҆ взыва́хꙋ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Неꙋвѧда́ємыѧ цвѣ́ты мы́сленнагѡ раѧ̀ многоцѣ̑нныѧ сосꙋ́ды, хрⷭ҇тѡ́вы стрⷭ҇тоте́рпцы, вѣ́рою сше́дшесѧ да почти́мъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Є҆гда̀ ᲂу҆зрѣ́ла на крⷭ҇тѣ̀ хрⷭ҇та̀, є҆го́же родила̀ є҆сѝ чⷭ҇таѧ, диви́ласѧ є҆сѝ неизрече́нномꙋ є҆гѡ̀ долготерпѣ́нїю: тѣ́мже тѧ̀ съ ни́мъ прославлѧ́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ѡ҆ содѣ́ѧнїихъ мои́хъ лꙋка́выхъ, и҆ прегрѣше́нїихъ мно́гихъ, кто̀ возмо́жетъ ᲂу҆моли́ти сꙋдїю̀, а҆́ще не ты̀ чⷭ҇таѧ, є҆ди́на согрѣша́ющихъ застꙋ́пнице;"
|
||||
},
|
||||
{
|
||||
"type": "TEXT",
|
||||
"value": "Мно́гими мѧ̀ па́дша прегрѣше́нїи, и҆ грѣхѝ поработи́вша мою̀ дꙋ́шꙋ, воздви́гни си́лою твое́ю пречⷭ҇таѧ, и҆ разрѣши́ мѧ мл҃твою ѿ рабо́ты."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ро́ждшаѧ творца̀ и҆ цр҃ѧ̀ всѧ́ческихъ, бцⷣе всенепоро́чнаѧ чⷭ҇таѧ, ты́ мѧ и҆зба́ви всѧ́кагѡ скве́рнагѡ согрѣше́нїѧ."
|
||||
},
|
||||
{
|
||||
"type": "TEXT",
|
||||
"value": "Себѐ сама́го пла́чꙋ, є҆гда̀ въ помышле́нїе прїидꙋ̀ мно́гихъ мои́хъ прегрѣше́нїй, и҆ ѻ҆гнѧ̀ негаси́магѡ: молю́сѧ, да́ждь мѝ вре́мѧ покаѧ́нїѧ, пречⷭ҇таѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́тренююще вопїе́мъ тѝ гдⷭ҇и, сп҃си́ ны: ты́ бо є҆сѝ бг҃ъ на́шъ, ра́звѣ во тебѐ и҆но́гѡ не зна́емъ."
|
||||
},
|
||||
{
|
||||
"type": "TEXT",
|
||||
"value": "Ка́менїе тѧ̀ на ка́мени ѡ҆щꙋти́вше хрⷭ҇тѐ, воздви́жена, распадо́шасѧ, и҆ землѝ потрѧсо́шасѧ ѡ҆снова̑нїѧ."
|
||||
},
|
||||
{
|
||||
"type": "TEXT",
|
||||
"value": "Ѿложѝ свѣ́тлость со́лнце, воздви́женꙋ тебѣ̀ на дре́во, сл҃нце пра́ведное долготерпѣли́ве."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Чꙋде́съ блиста́ете ст҃і́и свѣ́тлостїю, тьмꙋ̀ ѿгонѧ́юще болѣ́зней дꙋ́хомъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Разсѣка́ема бѣ́ша тѣлеса̀ ва̑ша мечѝ, дх҃ъ же бж҃е́ственныѧ любвѐ не ѿсѣка́емь и҆мѣ́сте мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ви́дѣвши на крⷭ҇тъ воздви́жена сп҃са, рыда́ющи восклица́ше, дв҃о мт҃и всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Всетѣле́снꙋю мѝ ꙗ҆́звꙋ прїе́мшꙋ грѣха̀, бы́лїемъ ᲂу҆врачꙋ́й млⷭ҇рдїѧ твоегѡ̀ влⷣчце."
|
||||
},
|
||||
{
|
||||
"type": "TEXT",
|
||||
"value": "Тече́нїе тлѣ́нїю дре́вле ᲂу҆ста́вила є҆сѝ бж҃е́ственнымъ ржⷭ҇тво́мъ: и҆ ны́нѣ прегрѣше́нїй мои́хъ ᲂу҆ста́ви тече́нїе, пренепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Поми́лꙋй и҆ ᲂу҆ще́дри влⷣчце, дꙋ́шꙋ мою̀, и҆ и҆зба́ви ѡ҆сꙋжде́нїѧ, и҆ вѣ́чныѧ мꙋ́ки."
|
||||
},
|
||||
{
|
||||
"type": "TEXT",
|
||||
"value": "При́зри и҆ ᲂу҆слы́ши влⷣчце, гла́съ мо́й: и҆ молю́сѧ, и҆зба́ви мѧ̀ вѣ́чнагѡ мꙋче́нїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆бы́де мѧ̀ бе́здна, гро́бъ мнѣ̀ ки́тъ бы́сть, а҆́зъ же возопи́хъ къ тебѣ̀ чл҃вѣколю́бцꙋ, и҆ сп҃се́ мѧ десни́ца твоѧ̀ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ на землѝ водрꙋжа́шесѧ, и҆ паде́нїе бѣсѡ́мъ быва́ше: и҆ вѣ́ра ᲂу҆твержде́нїѧ нача́ло прїима́ше, и҆ ѕло́ба ѿ среды̀ ѿгони́ма быва́ше."
|
||||
},
|
||||
{
|
||||
"type": "TEXT",
|
||||
"value": "Со́лнце ᲂу҆гасѐ, пло́ть твою̀ ꙗ҆́коже свѣщꙋ̀ возже́гшꙋ тѝ на дре́вѣ гдⷭ҇и: дра́хма же ѡ҆брѣта́шесѧ погребе́наѧ мра́чными страстьмѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Воздви́женꙋ тѝ чл҃вѣколю́бче на дре́во, ли́къ мч҃нкъ послѣ́дꙋющъ стопа́мъ твои̑мъ и҆мѣ́лъ є҆сѝ, стрⷭ҇ти твое́й подо́бѧщьсѧ, безстра́стїю хода́таицѣ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пото́ки и҆зсꙋши́ли є҆стѐ прелє́стныѧ кро́внымъ тече́нїемъ, и҆ ѻ҆́гнь ᲂу҆гаси́сте чꙋ́ждїй бѣсѡ́въ бж҃е́ственною росо́ю, вѣнцено́сцы мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѻ҆рꙋ́жїе про́йде се́рдце твоѐ дв҃о всенепоро́чнаѧ, є҆гда̀ распина́ема зижди́телѧ ви́дѣла є҆сѝ, и҆ копїе́мъ бж҃е́ствєннаѧ ре́бра и҆скопава́єма."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ѡ҆бы́де мѧ̀ бе́здна прегрѣше́нїй, и҆ глꙋбина̀ содержи́тъ мѧ̀ грѣхо́внаѧ, и҆ ко ѿча́ѧнїю прино́ситъ поги́бельномꙋ: ст҃а́ѧ влⷣчце, ты́ мѧ ны́нѣ сп҃сѝ."
|
||||
},
|
||||
{
|
||||
"type": "TEXT",
|
||||
"value": "Воздви́гни мѧ̀ лежа́ща на ѻ҆дрѣ̀ согрѣше́нїй, прест҃а́ѧ влⷣчце: и҆ да́ждь мѝ ѡ҆сїѧ́нїе сп҃си́тельное покаѧ́нїемъ."
|
||||
},
|
||||
{
|
||||
"type": "TEXT",
|
||||
"value": "Ѡ҆чи́сти чл҃вѣколю́бче, мл҃твами чи́стѡ ро́ждшїѧ тѧ̀: и҆ и҆зба́ви мі́ръ тво́й ѿ всѧ́кїѧ ско́рби, и҆ вѣ́чныѧ сла́вы сподо́би."
|
||||
},
|
||||
{
|
||||
"type": "TEXT",
|
||||
"value": "При́снѡ ѡ҆бѣщава́юсѧ дѣ́лъ ѕлы́хъ ѿстꙋпи́ти, но всегда̀ лгꙋ̀, и҆ ѡ҆скорблѧ́ю влⷣкꙋ моего̀: пречⷭ҇таѧ влⷣчце, ты́ ми да́ждь и҆справле́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пещѝ ѻ҆́гненнѣй пѣсносло́вцы сп҃сы́й ѻ҆́троки, бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Да и҆зба́вимсѧ мы̀ сла́стнагѡ грѣха̀, же́лчи вкꙋси́лъ є҆сѝ хрⷭ҇тѐ, сла́досте жи́зненнаѧ."
|
||||
},
|
||||
{
|
||||
"type": "TEXT",
|
||||
"value": "Тебѣ̀ на дре́вѣ хрⷭ҇тѐ ᲂу҆ѧ́звенꙋ, и҆сцѣлѣ́ша ꙗ҆́звы а҆да́мѡвы многолѣ̑тныѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свои́ми во́льными ᲂу҆стремле́ньми ѿлꙋчи́шасѧ ко страда́нїю, стрⷭ҇тоте́рпцы, и҆ побѣди́телїе ꙗ҆ви́шасѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Поче́тше бг҃а болѣ́зненнымъ безче́стїемъ, и҆ вы́шнюю по́честь полꙋчи́сте страда́льцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: По ржⷭ҇твѣ̀ чⷭ҇таѧ, ꙗ҆́коже и҆ пре́жде ржⷭ҇тва̀ пребыва́еши: бг҃ъ бо бѣ̀ рожде́йсѧ, да ѡ҆божи́тъ человѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Бг҃ороди́тельнице чⷭ҇таѧ, не пре́зри менѐ, вѣ́рою под̾ кро́въ тво́й при́снѡ прибѣга́ющагѡ."
|
||||
},
|
||||
{
|
||||
"type": "TEXT",
|
||||
"value": "Страсте́й мои́хъ па́жить и҆зсꙋша́ющи, пода́ждь точи́ти сле́зъ ка̑пли бг҃ороди́тельнице."
|
||||
},
|
||||
{
|
||||
"type": "TEXT",
|
||||
"value": "Свѧзꙋ́ема мѧ̀ вери́гами грѣхо́вными, твои́ми мл҃твами разрѣшѝ пренепоро́чнаѧ, всепѣ́таго бг҃а ро́ждшаѧ."
|
||||
},
|
||||
{
|
||||
"type": "TEXT",
|
||||
"value": "Къ тебѣ̀ прибѣга́ю вѣ́рнѡ, и҆ тебѐ чⷭ҇таѧ, призыва́ю: и҆зба́ви мѧ̀ дв҃о, ѻ҆гнѧ̀ вѣ́чнагѡ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆з̾ ѻ҆ц҃а̀ пре́жде вѣ̑къ рожде́ннаго сн҃а и҆ бг҃а, и҆ въ послѣ̑днѧѧ лѣ̑та воплоще́ннаго ѿ дв҃ы мт҃ре, сщ҃е́нницы по́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆́же клѧ́твꙋ дре́ва дре́вомъ и҆сцѣли́вый, и҆ бл҃гослове́нїе и҆сточи́вый человѣ́кѡмъ пребл҃гі́й: тебѐ сп҃се пое́мъ, и҆ тебѐ славосло́вимъ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Превозвыша́емаго ѕмі́ѧ крⷭ҇то́мъ твои́мъ смири́лъ є҆сѝ, и҆ лю́тѣ па́дшагосѧ смирѧ́емь возне́слъ є҆сѝ: тебѐ сп҃се пое́мъ, и҆ превозно́симъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Потреби́тели пре́лести, и҆ побо́рники бж҃е́ственныѧ вѣ́ры, цр҃кѡ́вныѧ столпы̀, и҆ твє́рдыѧ вои́стиннꙋ а҆дама́нты, хрⷭ҇тѡ́вы ѻ҆рꙋ́жники, вѣ́рою стрⷭ҇тоно́сцы да почти́мъ въ пѣ́снехъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сла́внїи стрⷭ҇тоте́рпцы, ꙗ҆́коже со́лнце возсїѧ́ша, болѣ́зней ѻ҆́блаки разгна́вше бл҃года́тїю, и҆ нече́стїѧ мра́къ разори́ша вѣ́рою трⷪ҇ческою."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Невѣстоводи́тель тебѣ̀ дв҃о, гаврїи́лъ по́сланъ бы́сть: ра́дꙋйсѧ, вопїѧ́ше тѝ глаго́лѧ: свѣтлѣ́йшаѧ пала́то всѣ́хъ цр҃ѧ̀ хрⷭ҇та̀, въ ню́же всели́всѧ, ѡ҆божѝ всѧ̑ человѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Въ недоꙋмѣ́нїи сы́й, и҆ се́рдцемъ, и҆ мы́слїю, преще́нїѧ гее́нскагѡ не боѧ́сѧ, согрѣша́ю при́снѡ: но ты̀ дв҃о, недоꙋмѣ́нїе моѐ разрѣшѝ, и҆ ѻ҆гнѧ̀ и҆зба́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Сластьмѝ пло́ти моеѧ̀ ча́стѡ привлачи́мь є҆́смь, и҆ ꙗ҆́кѡ плѣне́нъ продае́мь є҆́смь, бг҃а прогнѣвлѧ́ю при́снѡ: бцⷣе, є҆ди́на наде́жда ненаде́жныхъ, сама̀ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ непосты́дна є҆́сть мл҃тва твоѧ̀ всенепоро́чнаѧ, є҆ли̑ка бо хо́щеши подае́ши, молѧ́щи твоего̀ сн҃а и҆ бг҃а. Тѣ́мже молю́сѧ тѝ, поми́лꙋй и҆ сп҃сѝ смире́ннꙋю дꙋ́шꙋ мою̀."
|
||||
},
|
||||
{
|
||||
"type": "TEXT",
|
||||
"value": "Тѣле́сными болѣ́зньми, и҆ страстны́ми воздвиже́ньми, и҆ дꙋше́вными ра́нами лю́тѣ и҆стѧзꙋ́емь є҆́смь: ро́ждшаѧ є҆ди́наго бл҃года́телѧ, твои́ми мольба́ми здра́ва сотвори́ мѧ."
|
||||
},
|
||||
{
|
||||
"type": "TEXT",
|
||||
"value": "Та́же пѣ́снь бг҃оро́дицы: Вели́читъ дꙋша̀ моѧ̀ гдⷭ҇а: И҆ покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тѧ̀ па́че ᲂу҆ма̀ и҆ словесѐ мт҃рь бж҃їю, въ лѣ́то безлѣ́тнаго неизрече́ннѡ ро́ждшꙋю, вѣ́рнїи є҆диномꙋ́дреннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Крѣ́пость вра́жїѧ и҆ держа́ва ѿѧ́та бы́сть, держа́вный є҆ди́не гдⷭ҇и, на крⷭ҇тъ вознесе́нꙋ тѝ, и҆ пе́рсты на не́мъ ѡ҆кровави́вшꙋ."
|
||||
},
|
||||
{
|
||||
"type": "TEXT",
|
||||
"value": "И҆скопа́ша хрⷭ҇тѐ мо́й рꙋ́цѣ и҆ но́зѣ твоѝ, и҆ кѡ́сти твоѧ̑ и҆зочто́ша распе́ншїи беззакѡ́нницы, и҆ же́лчи со ѻ҆́цтомъ тебѐ напои́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆сты̀ свѣ́тлыми бг҃а проповѣ́дасте бы́вшаго человѣ́ка, пред̾ мꙋчи́тели стрⷭ҇тоте́рпцы, и҆ сла́вꙋ наслѣ́довасте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Болѣ́знь прїѧ́ша ᲂу҆ѧзви́вшїи вразѝ ра́нами, и҆ разли́чными мꙋ́ками бїю́ще ва́съ, всечестні́и вра́чеве болѣ́зней, бж҃е́ственнїи мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣ́тъ на́мъ чⷭ҇таѧ, и҆з̾ тебѐ возсїѧ̀ і҆и҃съ, и҆ просвѣтѝ тва́рь всю̀ распѧ́тїемъ, и҆ бѣсо́вскꙋю тьмꙋ̀ прогна́лъ є҆́сть."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Сле́зы мѝ пода́ждь покаѧ́нїѧ пречⷭ҇таѧ: да пла́чꙋсѧ дѣ́лъ мои́хъ лю́тыхъ и҆ непра́ведныхъ, пре́жде приспѣ́ѧнїѧ конца̀ житїѧ̀ моегѡ̀."
|
||||
},
|
||||
{
|
||||
"type": "TEXT",
|
||||
"value": "Вскꙋ́ю дꙋшѐ ѡ҆скорблѧ́еши влⷣкꙋ твоего̀, непра́вєднаѧ дѣ́ющи, и҆ не возни́чеши; пре́жде конца̀ ᲂу҆́бѡ потща́вшисѧ пока́йсѧ."
|
||||
},
|
||||
{
|
||||
"type": "TEXT",
|
||||
"value": "И҆зба́ви мѧ̀ ѿ ѕлы́хъ прегрѣше́нїй и҆ скорбе́й: пода́ждь мѝ млⷭ҇ть дв҃о всечⷭ҇таѧ, и҆ живота̀ нетлѣ́ннагѡ бж҃е́ственное прича́стїе."
|
||||
},
|
||||
{
|
||||
"type": "TEXT",
|
||||
"value": "Тебѐ бг҃а неизрече́ннѡ ро́ждшꙋю предста́тельницꙋ стѧжа́хомъ, и҆ стѣ́нꙋ неѡбори́мꙋю, и҆ дꙋша́мъ сп҃се́нїе, и҆ чꙋде́съ и҆сто́чникъ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: и҆ покло́нъ."
|
||||
},
|
||||
{
|
||||
"type": "HEADER",
|
||||
"value": "Та́же є҆ктенїа̀ ма́лаѧ, и҆ свѣти́ленъ: посе́мъ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "То́чїю водрꙋзи́сѧ дре́во хрⷭ҇тѐ крⷭ҇та̀ твоегѡ̀, пре́лесть прогна́на бы́сть, и҆ бл҃года́ть процвѣтѐ: ᲂу҆же́ бо ктомꙋ̀ нѣ́сть ѡ҆сꙋжде́нїѧ мꙋчи́тельство, но побѣ́да ꙗ҆ви́сѧ на́мъ сп҃се́нїѧ: крⷭ҇тъ бо на́мъ є҆́сть похвала̀, крⷭ҇тъ на́мъ ᲂу҆твержде́нїе, крⷭ҇тъ на́мъ ра́дованїе."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Веде́нъ бы́лъ є҆сѝ на́съ ра́ди на же́ртвꙋ хрⷭ҇тѐ, ꙗ҆́кѡ ѻ҆вча̀, и҆ ꙗ҆́кѡ а҆́гнецъ неѕло́бивъ є҆мманꙋ́илъ на заколе́нїе во́льное, со беззако́нники вмѣне́нъ бы́лъ є҆сѝ. Прїиди́те, воспо́йте ѻ҆те́чєствїѧ ꙗ҆зы̑къ, и҆ поклони́тесѧ на крⷭ҇тѣ̀ повѣ́шенномꙋ, животꙋ̀ безконе́чномꙋ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бл҃гослове́но во́инство нбⷭ҇нагѡ цр҃ѧ̀: а҆́ще бо и҆ земноро́дни бѣ́ша стрⷭ҇тоте́рпцы, но а҆́гг҃льское достоѧ́нїе потща́шасѧ дости́гнꙋти, ѡ҆ тѣлесѣ́хъ небре́гше, и҆ страсте́й ра́ди безпло́тныхъ сподо́бишасѧ че́сти, мл҃твами и҆́хъ гдⷭ҇и, сп҃сѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Ста́вши ᲂу҆ крⷭ҇та̀ і҆и҃се, тебѐ ро́ждшаѧ пла́чꙋщисѧ рыда́ше, вопїю́щи: не терплю̀ сїѧ̑, пригвожде́на зрѧ́щи тѧ̀ на дре́вѣ, є҆го́же породи́хъ а҆́зъ, и҆ и҆збѣго́хъ болѣ́зни ꙗ҆́кѡ безмꙋ́жна, и҆ ка́кѡ ны́нѣ болѣ́знїю содержи́ма є҆́смь, и҆ ᲂу҆ѧзвлѧ́юсѧ се́рдцемъ; ны́нѣ бо и҆спо́лнисѧ глаго́лъ, и҆́же речѐ сѷмеѡ́нъ: се́рдце твоѐ непоро́чнаѧ, ѻ҆рꙋ́жїе про́йдетъ. Но ны́нѣ, ѽ сн҃е мо́й, воскрⷭ҇нѝ, и҆ сп҃сѝ пою́щыѧ тѧ̀!"
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ гдⷭ҇еви:"
|
||||
},
|
||||
{
|
||||
"type": "TEXT",
|
||||
"value": "Посе́мъ, Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, є҆ктенїа̀. Та́же ча́съ пе́рвый, и҆ ѱалмы̀ ѻ҆бы̑чны, и҆ прѡ́чаѧ по рѧ́дꙋ, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ пѧто́къ бл҃жє́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Разбо́йникъ на крⷭ҇тѣ̀ бг҃а тѧ̀ бы́ти вѣ́ровавъ, хрⷭ҇тѐ, и҆сповѣ́да тѧ̀ чи́стѣ ѿ се́рдца: помѧни́ мѧ гдⷭ҇и, вопїѧ̀, во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Оу҆мертви́всѧ на крⷭ҇тѣ̀, снѣ́ди ра́ди ᲂу҆ме́ршагѡ а҆да́ма: є҆го́же ѡ҆живи́лъ є҆сѝ жизнода́вче ще́дрый, и҆ жи́телѧ па́ки бл҃же раѧ̀ показа́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Пригвозди́лсѧ є҆сѝ на крⷭ҇тѣ̀ хрⷭ҇тѐ, лоза̀ и҆́стиннаѧ, и҆ и҆сточи́лъ є҆сѝ питїѐ сп҃се́нїѧ, напаѧ́ѧ всѣ́хъ вѣ́рныхъ сердца̀ бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бїе́ми мꙋ́дрїи, и҆ на ᲂу҆деса̀ разсѣка́еми воѡбрази́сте заколе́нїе влⷣчнее: сегѡ̀ ра́ди мч҃нцы хрⷭ҇тѡ́вы при́снѡ ᲂу҆бл҃жа́еми є҆стѐ."
|
||||
},
|
||||
{
|
||||
"type": "TEXT",
|
||||
"value": "Сла́ва, трⷪ҇ченъ: Покланѧ́емсѧ тѝ вѣ́рнѡ, въ трїе́хъ ли́цахъ є҆ди́номꙋ бг҃ꙋ, нераздѣ́льнꙋ, и҆ пребж҃е́ственномꙋ є҆стествꙋ̀, вопїю́ще тѝ: сла́ва тебѣ̀ трⷪ҇це, є҆ди́нице бж҃е на́шъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Пла́чемъ бїѧ́ше себѐ влⷣчце, ви́дѧщи на дре́вѣ крⷭ҇тнѣмъ живота̀ на́шего, во́лею ᲂу҆ме́рша: тѣ́мже всѝ бж҃е́ственными гла́сы тѧ̀ при́снѡ ᲂу҆бл҃жа́емъ."
|
||||
}
|
||||
]
|
||||
@@ -0,0 +1,870 @@
|
||||
[
|
||||
{
|
||||
"type": "HEADER",
|
||||
"value": "Гла́съ є҃. Понедѣ́льникъ"
|
||||
},
|
||||
{
|
||||
"type": "HEADER",
|
||||
"value": "Въ недѣ́лю ве́чера, на Гдⷭ҇и воззва́хъ, стїхи̑ры покаѧ́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ра́дꙋйсѧ по́стникѡмъ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Пла́чꙋ и҆ сѣ́тꙋю го́рцѣ, смотрѧ́ѧ стра́шное сло́ва воздаѧ́нїе, ѿ дѣ́лъ не и҆мы́й ѿвѣ́та и҆ ма́ла проти́вꙋ винѣ̀, ѻ҆каѧ́нный. Тѣ́мже молю́сѧ: пре́жде да́же не пости́гнетъ мѧ̀ конца̀ моегѡ̀ безмѣ́стное, пре́жде пожа́тїѧ сме́ртнагѡ, пре́жде сꙋда̀ стра́шнагѡ, пре́жде хотѧ́щꙋ мѝ ѡ҆сꙋжде́нїе прїѧ́ти, и҆дѣ́же ѻ҆́гнь негаси́мый, и҆ тьма̀ кромѣ́шнѧѧ, и҆дѣ́же че́рвь, и҆ скре́жетъ, и҆ снѣда́етъ согрѣши́вшыѧ, согрѣше́нїй мѝ да́рꙋй и҆збавле́нїе хрⷭ҇тѐ мо́й, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Зако́ны твоѧ̑ и҆ писа̑нїѧ презрѣ́въ, за́пѡвѣди твоѧ̑ ѿверго́хъ ѻ҆каѧ́нный бж҃е мо́й, содѣ́телю мо́й, ка́кѡ и҆збѣ́гнꙋ про́чее та́мошнѧгѡ сп҃се, мꙋче́нїѧ; тѣ́мже пре́жде конца̀ моегѡ̀ сп҃се, проще́нїе мѝ да́рꙋй, сле́зъ тꙋ́чꙋ, и҆́стинное ᲂу҆миле́нїе подаѧ̀, ꙗ҆́кѡ бг҃ъ пребл҃гі́й дале́че ѿ менѐ ѿгонѧ́ѧ полкѝ бѣсѡ́вскїѧ, и҆́щꙋщихъ низвестѝ мѧ̀ во а҆́довꙋ про́пасть. Тѣ́мже молю́сѧ тѝ, да не рꙋ́кꙋ твою̀ ѿи́меши ѿ менѐ всемо́щнꙋю."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѡ҆ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Оу҆вы̀ мнѣ̀! Ка́кѡ ѡ҆мрачи́хсѧ ᲂу҆мо́мъ: ка́кѡ ᲂу҆дали́хсѧ ѿ тебѐ, и҆ рабо́тахъ ѻ҆каѧ́нный грѣхꙋ̀ и҆ сла́сти пло́тстѣй себѐ всего̀ стра́стный и҆зда́хъ, жи́вшей во мнѣ̀ стра́стнѣмъ; и҆ ны́нѣ ѡ҆жида́ю моегѡ̀ є҆́же ѿ житїѧ̀ и҆схо́да, и҆ хотѧ́щагѡ томле́нїѧ бы́ти: гдⷭ҇и пребл҃гі́й, пода́ждь мѝ сле́зное покаѧ́нїе, и҆ разрѣше́нїе безчи́сленныхъ прегрѣше́нїй мои́хъ. Вѣ́рнѡ тѧ̀ молю̀, подаю́щаго мі́рови ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры безплѡ́тнымъ."
|
||||
},
|
||||
{
|
||||
"type": "TEXT",
|
||||
"value": "Подо́бенъ: то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе: и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Таи́нницы бг҃онача́лїѧ честні́и, трисвѣ́тлагѡ и҆ є҆диносꙋ́щнагѡ бж҃ества̀, и҆̀же пѣ́снь непреста́ннѡ безпло́тными гла́сы и҆ ѧ҆зы́ки ѻ҆́гненными приносѧ́ще, на̑ша молє́нїѧ и҆ мл҃твы принеси́те, ꙗ҆̀же ѿ ᲂу҆сте́нъ скве́рныхъ возсыла́емъ, и҆ ѡ҆ставле́нїе прегрѣше́нїй и҆спроси́те: вѣ́сть бо не́мощь на́шꙋ ѡ҆болкі́йсѧ въ ню̀, и҆ млⷭ҇тивъ сы́й є҆стество́мъ, молє́нїѧ прїи́метъ ва̑ша ѡ҆ рабѣ́хъ согрѣши́вшихъ быва́ємаѧ, подаѧ́й мі́рови ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Всѐ а҆́гг҃льское мно́жество є҆́же влⷣцѣ моемꙋ̀ приближа́ющеесѧ, и҆ тогѡ̀ бж҃е́ственномꙋ прⷭ҇то́лꙋ предстоѧ́щее со стра́хомъ, и҆ и҆сполнѧ́еми неизрече́ннымъ свѣ́томъ, менѐ во тьмѣ̀ грѣхо́внѣй заблꙋ́ждшаго наста́вите къ свѣ́тꙋ сп҃си́тельномꙋ, повелѣ́нїемъ бг҃а ще́драгѡ, тьмꙋ̀ ѿжени́те мра́чнꙋю и҆ чꙋждꙋ́ю кова́рныхъ бѣсѡ́въ, застꙋпле́нїемъ и҆ бл҃года́тїю ва́шею: не терпи́тъ бо свѣ́та прише́ствїю, но ѿгонѧ́етсѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "А҆́гг҃ли свѣ́тлїи бж҃їи, предстоѧ́ще прⷭ҇то́лꙋ бл҃года́ти бж҃е́ственномꙋ, смире́нїе сꙋ́щее и҆ просвѣще́нїе и҆́стинное ѿ свѣ́та бж҃е́ственнагѡ воспрїе́млюще, на́съ назира́йте съ нб҃съ чл҃вѣколю́бцы, въ бꙋ́ри лю́тыхъ держи́мыхъ, и҆ бѣ́дствꙋющихъ, и҆ во тьмѣ̀ спѧ́щихъ. Прїиди́те ᲂу҆̀бо, ѽ а҆рха́гг҃ли! На́мъ въ по́мощь, и҆ сѣте́й и҆зба́вите на́съ ѕлонача́льнагѡ врага̀: къ ва́шемꙋ во кро́вꙋ прибѣга́емъ всѝ, прехва́льнїи."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Прⷭ҇то́лъ херꙋві́мскїй вои́стиннꙋ, ꙗ҆́кѡ превы́шши а҆́гг҃лъ бы́вши, въ тѧ́ бо бж҃е́ственное сло́во всели́сѧ чⷭ҇таѧ, на́шъ ѡ҆́бразъ ѡ҆бнови́ти хотѧ̀: и҆з̾ тебѐ проше́дъ плотоно́сецъ ꙗ҆́кѡ млⷭ҇рдъ, крⷭ҇тъ и҆ стрⷭ҇ть на́съ ра́ди прїѧ́тъ, и҆ воскрⷭ҇нїе ꙗ҆́кѡ бг҃ъ дарова̀. Тѣ́мже ꙗ҆́кѡ премѣни́вшꙋю на́съ ѡ҆сꙋжде́ннагѡ є҆стества̀, созда́телю вѣ́рою бл҃годарѧ́ще мо́лимсѧ, ᲂу҆лꙋчи́ти твои́ми мл҃твами прегрѣше́нїй проще́нїе, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ:"
|
||||
},
|
||||
{
|
||||
"type": "TEXT",
|
||||
"value": "Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры покаѧ́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, согрѣша́ѧ не престаю̀, чл҃вѣколю́бїѧ сподоблѧ́емь не разꙋмѣ́ю: ѡ҆долѣ́й моемꙋ̀ недоꙋмѣ́нїю є҆ди́не бл҃же, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, и҆ стра́ха твоегѡ̀ бою́сѧ, и҆ ѕло́е творѧ̀ не престаю̀: кто̀ на сꙋди́щи сꙋдїѝ не бои́тсѧ; и҆лѝ кто̀ ᲂу҆врачева́тисѧ хотѧ̀, врача̀ прогнѣ́ваетъ ꙗ҆́коже а҆́зъ; долготерпѣли́ве гдⷭ҇и, на не́мощь мою̀ ᲂу҆милосе́рдисѧ, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Ѡ҆ земны́хъ всѣ́хъ неради́вше, и҆ на мꙋ́ки мꙋ́жески дерзнꙋ́вше, бл҃же́нныхъ наде́ждъ не погрѣши́сте: но нб҃е́сномꙋ црⷭ҇твїю наслѣ̑дницы бы́сте, прехва́льнїи мч҃нцы. И҆мꙋ́ще дерзнове́нїе къ чл҃вѣколюби́вомꙋ бг҃ꙋ, мі́рꙋ ᲂу҆мире́нїе и҆спроси́те, и҆ дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Стра́шно и҆ пресла́вно, и҆ ве́лїе та́инство, невмѣсти́мый во чре́вѣ вмѣсти́сѧ, и҆ мт҃и по ржⷭ҇твѣ̀ па́ки пребы́сть дв҃ою: бг҃а бо родѝ и҆з̾ неѧ̀ воплоще́нна. Томꙋ̀ возопїи́мъ, томꙋ̀ пѣ́снь рце́мъ, со а҆́гг҃лы воспѣва́юще: ст҃ъ є҆сѝ хрⷭ҇тѐ бж҃е, и҆́же на́съ ра́ди вочл҃вѣ́чивыйсѧ, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши раба̀ твоего̀ влⷣко: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь ст҃о́мꙋ. Сла́ва, и҆ ны́нѣ, бг҃оро́диченъ, во гла́съ тропарѧ̀: є҆ктенїа̀, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ недѣ́лю на повече́рїи, канѡ́нъ моле́бный прест҃ѣ́й бцⷣѣ, гла́съ є҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Конѧ̀ и҆ вса́дника въ мо́ре чермно́е, сокрꙋша́ѧй бра̑ни мы́шцею высо́кою хрⷭ҇то́съ и҆стрѧсѐ: і҆и҃лѧ же сп҃сѐ, побѣ́днꙋю пѣ́снь пою́ща."
|
||||
},
|
||||
{
|
||||
"type": "TEXT",
|
||||
"value": "Чꙋ́до въ тебѣ̀ соверша́етсѧ дв҃о, вои́стиннꙋ ᲂу҆жа́сно: ꙗ҆́кѡ во ᲂу҆тро́бѣ твое́й ника́коже вмѣсти́маго и҆мѣ́ла є҆сѝ, и҆ несказа́ннѡ родила̀ є҆сѝ, приснодв҃ою пребы́вши."
|
||||
},
|
||||
{
|
||||
"type": "TEXT",
|
||||
"value": "Ѡ҆дожди́ ми влⷣчце, прегрѣше́нїй ѡ҆ставле́нїе, ꙗ҆́же до́ждь нбⷭ҇ный прише́дшїй къ тебѣ̀, неизглаго́ланнѡ вмѣсти́ла є҆сѝ, и҆ дв҃ою пребыла̀ є҆сѝ по ржⷭ҇твѣ̀ непости́жнѣмъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Є҆ди́на бл҃гослове́ннаѧ и҆ бг҃ора́дованнаѧ, ꙗ҆́же ра́дость чл҃вѣ́кѡмъ ро́ждшаѧ неизрече́ннꙋю, печа̑ли ѿимѝ дꙋшѝ моеѧ̀ молю́сѧ, и҆ возвеселѝ се́рдце моѐ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ве́сь жела́нїе и҆ сла́дость жи́зни, и҆́же ѿ тебѐ возсїѧ́вый за премно́гꙋю бл҃гость, дв҃о пренепоро́чнаѧ: є҆го́же молѝ сп҃стѝ мѧ̀, непреста́ннѡ ны́нѣ тѧ̀ сла́вѧщаго."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Водрꙋзи́вый на ничесо́мже зе́млю повелѣ́нїемъ твои́мъ, и҆ повѣ́сивый неѡдержи́мѡ тѧготѣ́ющꙋю, на недви́жимѣмъ, хрⷭ҇тѐ, ка́мени за́повѣдей твои́хъ, цр҃ковь твою̀ ᲂу҆твердѝ, є҆ди́не, бл҃же и҆ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Преидо́ша сѣ́немъ законотвори̑маѧ: законода́вца бо хрⷭ҇та̀ родила̀ є҆сѝ пречⷭ҇таѧ, бл҃года́ть ѡ҆чище́нїѧ и҆ просвѣще́нїѧ на́мъ взако́нившаго, и҆ ѿ клѧ́твы и҆з̾е́мшаго дв҃о всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Роди́сѧ ѿ тебѐ чⷭ҇таѧ, бг҃ъ воплоща́емь, и҆ пло́тїю ви́дѣнъ бы́сть, и҆́же пре́жде неви́димый. Сего̀ ᲂу҆́бѡ молѝ прилѣ́жнѡ ѻ҆трокови́це, ѿ ви́димыхъ и҆ неви́димыхъ вра̑гъ мѧ̀ и҆зба́вити, свѣ́тлѡ тѧ̀ сла́вѧщаго."
|
||||
},
|
||||
{
|
||||
"type": "TEXT",
|
||||
"value": "Сла́ва: Страсте́й мѧ̀ лю́та ѡ҆бꙋрева́етъ волна̀, лꙋка́выхъ дꙋхѡ́въ глꙋбина̀ ѡ҆держи́тъ мѧ̀, грѣхо́внаѧ бꙋ́рѧ смꙋща́етъ мѝ се́рдце: бг҃ороди́тельнице, ты́ мѧ ᲂу҆твердѝ, свѣ́тлѡ тѧ̀ пою́щаго."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бж҃е́ственнаго гаврїи́ла чинонача́льника и҆мꙋ́ще, бл҃гоговѣ́йнѡ є҆́же ра́дꙋйсѧ, вѣ́рою приво́димъ согла́снѡ, неискꙋсобра́чнѣй мт҃ри бцⷣѣ вѣ́рнѡ: є҆́юже бѣ́дъ же и҆ скорбе́й, и҆ недꙋ̑гъ и҆збавлѧ́емсѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃е́ственное твоѐ разꙋмѣ́въ и҆стоща́нїе, прозорли́вѡ а҆ввакꙋ́мъ, хрⷭ҇тѐ, со тре́петомъ вопїѧ́ше тебѣ̀: во сп҃се́нїе люде́й твои́хъ, сп҃стѝ пома̑занныѧ твоѧ̑ прише́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆стка́вшаѧ внꙋ́трь ѿ крове́й твои́хъ дв҃и́ческихъ, нб҃о ѻ҆́блаки дв҃о, ѡ҆дѣва́юща ѻ҆де́ждею нетлѣ́нїѧ, пре́жде ле́стїю ѡ҆бнаже́ннаго мѧ̀ ѡ҆блецы̀."
|
||||
},
|
||||
{
|
||||
"type": "TEXT",
|
||||
"value": "Оу҆тро́ба твоѧ̀ дв҃о, пала́та свѧта̀ цр҃ѧ̀ и҆ бг҃а несказа́нна бы́сть, въ ню́же всели́всѧ, цр҃кви на́съ содѣ́ла."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆ще́дри ще́дра сꙋ́щи преѻкаѧ́ннꙋю мою̀ дꙋ́шꙋ, бг҃ороди́тельнице всенепоро́чнаѧ, ю҆́же ѿ страсте́й и҆ грѣха̀ лю́тѣ ѡ҆чернѣ́вшꙋю и҆ ѡ҆цѣпенѣ́вшꙋю."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Нетлѣ́ннагѡ црⷭ҇тва возсїѧ́ла є҆сѝ ски́петро, ѿ ко́рене і҆ессе́ова, и҆ ражда́еши ѻ҆троча̀ безмꙋ́жнѡ чⷭ҇таѧ, а҆да́мова и҆ дв҃дова бг҃а, вкꙋ́пѣ и҆ зижди́телѧ и҆ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆дѣѧ́йсѧ свѣ́томъ ꙗ҆́кѡ ри́зою, къ тебѣ̀ ᲂу҆́тренюю, и҆ тебѣ̀ зовꙋ̀: дꙋ́шꙋ мою̀ просвѣтѝ ѡ҆мраче́ннꙋю хрⷭ҇тѐ, ꙗ҆́кѡ є҆ди́нъ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Пребыва́еши по ржⷭ҇твѣ̀ дв҃а нетлѣ́нна, и҆стлѣ́вшихъ всѣ́хъ человѣ̑къ къ жи́зни приво́диши, и҆ нетлѣ́нїемъ ѡ҆сїѧва́еши пренепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Но́во родила̀ є҆сѝ ꙗ҆́кѡ мла́дѧ пречⷭ҇таѧ, предвѣ́чнаго ѿ ѻ҆ц҃а̀ безлѣ́тнѡ возсїѧ́вшаго, є҆го́же ѡ҆ мі́рѣ молѝ бг҃оневѣ́сто."
|
||||
},
|
||||
{
|
||||
"type": "TEXT",
|
||||
"value": "Сла́ва: Да ѡ҆брѧ́щꙋ тѧ̀ помо́щницꙋ дв҃о, и҆з̾има́ющꙋ мѧ̀ въ ча́съ пре́нїѧ сꙋ́днагѡ, є҆гда̀ на сꙋди́щи предста́нꙋ ѿ тебѐ ро́ждшагѡсѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Всѧ̀ бли́жнѧѧ моѧ̀ до́бра, и҆ непоро́чна ѿ лїва́на, дв҃о бг҃оневѣ́сто: ст҃ы́мъ дх҃омъ въ тебѣ̀ проꙋвѣ́дѣсѧ воплоще́нїе сн҃а бж҃їѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неи́стовствꙋющеесѧ бꙋ́рею дꙋшетлѣ́нною, влⷣко хрⷭ҇тѐ, страсте́й мо́ре ᲂу҆кротѝ, и҆ ѿ тлѝ возведи́ мѧ, ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Неискꙋсомꙋ́жнѡ родила̀ є҆сѝ бцⷣе є҆мманꙋ́ила, на́ше смире́нїе ᲂу҆ще́дрившаго: тѣ́мже приснодо́лжнѡ тѧ̀ сла́вимъ."
|
||||
},
|
||||
{
|
||||
"type": "TEXT",
|
||||
"value": "Па́че ᲂу҆ма̀ безлѣ́тнаго, па́че сло́ва зижди́телѧ прест҃а́ѧ родила̀ є҆сѝ, и҆збавлѧ́ющаго всѧ́кїѧ тлѝ, бцⷣꙋ тѧ̀ пою́щихъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Бл҃га́го ро́ждши бл҃годѣ́телѧ и҆ зижди́телѧ, прест҃а́ѧ влⷣчце бл҃голюби́ваѧ, дꙋ́шꙋ мою̀ ѡ҆ѕло́бленнꙋю ᲂу҆бл҃жѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Но́вое тебѣ̀ похвале́нїе, и҆ дре́внее прино́симъ всечⷭ҇таѧ: лꙋ́чше бо не и҆́мамы къ похвале́нїю, ра́звѣ, ра́дꙋйсѧ, є҆́же съ гаврїи́ломъ тебѣ̀ воспѣва́емъ."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "TEXT",
|
||||
"value": "Сѣда́ленъ, гла́съ є҃: Себѐ пре́жде сꙋда̀ ны́нѣ пла́чꙋ, помышлѧ́ѧ моѧ̑ дѣла̀ лꙋка̑ваѧ и҆ лю̑таѧ, и҆ прегрѣше́нїй глꙋбинꙋ̀ ѡ҆держа́щꙋю мѧ̀ ѿ ю҆́ности, и҆ подавлѧ́ющꙋ ᲂу҆́мъ: но твои́мъ чⷭ҇таѧ, предста́нїемъ, ѡ҆ставле́нїе мѝ пода́ждь, и҆ сп҃се́нїе ᲂу҆лꙋчи́ти сподо́би."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Превозноси́мый ѻ҆тцє́въ гдⷭ҇ь, пла́мень ᲂу҆гасѝ, ѻ҆́троки ѡ҆росѝ, согла́снѡ пою́щыѧ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆зба́ви мѧ̀ пречⷭ҇таѧ, ѕла́гѡ ᲂу҆ны́нїѧ, и҆ страсте́й ѡ҆мраче́нїѧ, и҆ ѡ҆сꙋжде́нїѧ вѣ́чнꙋющагѡ: ꙗ҆́кѡ да вѣ́рою тѧ̀ сла́влю."
|
||||
},
|
||||
{
|
||||
"type": "TEXT",
|
||||
"value": "Оу҆мертвѝ стра̑сти моѧ̑, ꙗ҆́же жи́знь ро́ждшаѧ: воздви́гни мѧ̀ бг҃оневѣ́сто лежа́щаго и҆з̾ гро́ба нечꙋ́вствїѧ, да любо́вїю тѧ̀ сла́влю."
|
||||
},
|
||||
{
|
||||
"type": "TEXT",
|
||||
"value": "Сла́ва: Пло́тїю ѡ҆бложе́на бг҃а безпло́тнаго, пренепоро́чнаѧ родила̀ є҆сѝ, на́съ и҆збавлѧ́ющаго, со стра́хомъ пою́щихъ: бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆сцѣле́нїе безме́здно, чи́стꙋю твою̀ мл҃твꙋ ѡ҆брѣ́тше, дв҃о, про́симъ пою́ще, дꙋшѝ бл҃гопремѣне́нїѧ, и҆ тѣлесѝ здра́вїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѣ̀ вседѣ́телю, въ пещѝ ѻ҆́троцы, всемі́рный ли́къ спле́тше поѧ́хꙋ: дѣла̀ всѧ́каѧ гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Две́ре свѣ́та, покаѧ́нїѧ мѝ двє́ри свѣтоза̑рныѧ ѿве́рзи, показꙋ́ющи всѧ́къ пра́вый пꙋ́ть пра́вды, вводѧ́щъ въ бж҃е́ственныѧ во́ли вхо́ды."
|
||||
},
|
||||
{
|
||||
"type": "TEXT",
|
||||
"value": "Но́во на землѝ дв҃о мт҃и ѻ҆троча̀, ѻ҆ц҃ꙋ̀ собезнача́льнаго сн҃а родила̀ є҆сѝ, за млⷭ҇рдїе неизрече́нное ᲂу҆подо́бльшагосѧ на́мъ, и҆стлѣ́вшымъ под̾ грѣхо́мъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Всѧ̀ и҆збра́нна, всѧ̀ преꙋкра́шенна, бг҃ъ ю҆́же возлюбѝ, ю҆́же и҆збра̀, ꙗ҆ви́ласѧ є҆сѝ дв҃о при́снѡ препросла́вленнаѧ: тѣ́мже тѧ̀ пое́мъ чⷭ҇таѧ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Всѧ̀ чⷭ҇таѧ, и҆ бж҃е́ственныѧ сла́вы и҆спо́лнена, бли́жнѧѧ моѧ̀, речѐ дх҃ъ бж҃їй, тѧ̀ провозвѣща́ѧ пречⷭ҇таѧ, ю҆́же пѣ́сньми воспѣва́емъ пою́ще: тебѣ̀ подоба́етъ ра́доватисѧ бг҃а чл҃вѣ́ка ро́ждшей."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆са́їе ликꙋ́й, дв҃а и҆мѣ̀ во чре́вѣ, и҆ родѝ сн҃а є҆мманꙋ́ила, бг҃а же и҆ чл҃вѣ́ка, восто́къ и҆́мѧ є҆мꙋ̀: є҆го́же велича́юще, дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Твои́хъ притека́телей всечⷭ҇таѧ, не ѿри́ни ны́нѣ воздыха̑нїѧ, но воззрѝ на ны̀ сꙋ́щихъ въ ско́рбехъ, пла́чь преложѝ на ра́дость, и҆ ᲂу҆миле́нїе въ весе́лїе, въ пѣ́снехъ тѧ̀ пою́щихъ."
|
||||
},
|
||||
{
|
||||
"type": "TEXT",
|
||||
"value": "Ѡ҆снова́нїе є҆сѝ недви́жимо, сп҃са ро́ждши чⷭ҇таѧ, на вода́хъ зе́млю бж҃е́ственными велѣ́нїи ѡ҆снова́вшаго: на не́мже на́съ свѣ́тлѡ тѧ̀ бл҃жа́щихъ ᲂу҆тверди́ти моли́сѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Па́че ᲂу҆ма̀ ржⷭ҇тво̀ твоѐ бцⷣе, без̾ мꙋ́жа бо зача́тїе въ тебѣ̀, и҆ дв҃ственно ржⷭ҇тво̀ твоѐ бы́сть: и҆́бо бг҃ъ є҆́сть рожде́йсѧ, є҆го́же велича́юще, ро́ждшꙋю тѧ̀ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Стра́шенъ є҆сѝ гдⷭ҇и, и҆ кто̀ ᲂу҆́бѡ тогда̀ постои́тъ преще́нїѧ твоегѡ̀ хрⷭ҇тѐ, є҆ди́не цр҃ю̀, сꙋ́дъ творѧ́щꙋ тѝ; тѣ́мже пощадѝ, и҆ сп҃си́ мѧ сп҃се, ро́ждшїѧ тѧ̀ бл҃гопрїѧ́тными мольба́ми."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "И҆ про́чее ѻ҆бы́чно, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ ᲂу҆́тра, по а҃-мъ стїхосло́вїи сѣда́льны покаѧ́нны. Гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Сꙋдїѝ сѣдѧ́щꙋ, и҆ а҆́гг҃лѡмъ предстоѧ́щымъ, трꙋбѣ̀ гласѧ́щей, и҆ пла́мени горѧ́щꙋ, что̀ сотвори́ши дꙋшѐ моѧ̀, ведо́ма на сꙋ́дъ: тогда́ бо лю̑таѧ тебѣ̀ предста́нꙋтъ, и҆ та̑йнаѧ твоѧ̑ ѡ҆блича́тсѧ согрѣшє́нїѧ. Тѣ́мже пре́жде конца̀ возопі́й сꙋдїѝ: бж҃е, ѡ҆чи́сти мѧ̀, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Всѝ побди́мъ, и҆ хрⷭ҇та̀ ᲂу҆срѧ́щимъ со мно́жествомъ є҆ле́а, и҆ свѣща́ми свѣ́тлыми, ꙗ҆́кѡ да черто́га внꙋ́трь сподо́бимсѧ: и҆́же бо внѣ̀ двере́й ѡ҆брѣта́ѧйсѧ, бездѣ́льнѡ бг҃ови воззове́тъ: поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ст҃ѣ́йши херꙋві̑мъ, и҆ вы́шши серафі̑мъ, пречⷭ҇таѧ, бцⷣꙋ тѧ̀ вои́стиннꙋ и҆сповѣ́дающе, и҆́мамы грѣ́шнїи застꙋ́пницꙋ, и҆ ѡ҆брѣта́емъ во вре́мѧ напа́стей сп҃се́нїе. Тѣ́мже не преста́й ѡ҆ на́съ молѧ́щи, держа́во и҆ прибѣ́жище дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи, сѣда́льны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Дꙋшѐ, ꙗ҆̀же здѣ̀ вре́мєнна, та́мѡшнѧѧ же вѣ̑чна: зрю̀ сꙋди́ще и҆ на прⷭ҇то́лѣ сꙋдїю̀, и҆ трепе́щꙋ ѿвѣ́та. Про́чее со тща́нїемъ ѡ҆брати́сѧ, сꙋ́дъ непроща́емь."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "На ѻ҆дрѣ̀ слежꙋ̀ согрѣше́нїй мно́гихъ, ѡ҆кра́даемь є҆́смь въ наде́жди сп҃се́нїѧ моегѡ̀: и҆́бо со́нъ моеѧ̀ лѣ́ности хода́тайствꙋетъ дꙋшѝ мое́й мꙋ́кꙋ. Но ты̀ бж҃е, рожде́йсѧ ѿ дв҃ы, воздви́гни мѧ̀ къ твоемꙋ̀ пѣ́нїю, да сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сїѧ́етъ дне́сь стрⷭ҇тоте́рпєцъ па́мѧть, и҆́мать бо и҆ ѿ нб҃съ зарю̀: ли́къ а҆́гг҃льскїй торжествꙋ́етъ, и҆ человѣ́ческїй ро́дъ спра́зднꙋетъ. Тѣ́мже мо́лѧтсѧ гдⷭ҇еви поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Со а҆́гг҃лы нбⷭ҇наѧ, съ человѣ́ки земна̑ѧ, во гла́сѣ ра́дованїѧ, бцⷣе, вопїе́мъ тѝ: ра́дꙋйсѧ, две́ре нб҃съ простра́ннѣйшаѧ. Ра́дꙋйсѧ, є҆ди́на земноро́дныхъ сп҃се́нїе. Ра́дꙋйсѧ, чⷭ҇таѧ ѡ҆бра́дованнаѧ, ро́ждшаѧ бг҃а воплоще́нна."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи, сѣда́ленъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Собезнача́льное сло́во:"
|
||||
},
|
||||
{
|
||||
"type": "TEXT",
|
||||
"value": "Безслове́сными мѧ̀ страстьмѝ преклоне́ннаго, и҆ блꙋ́днѡ житїѐ моѐ и҆жди́вша, призовѝ сп҃се, ꙗ҆́коже блꙋ́днаго, и҆ прїимѝ, и҆ ѡ҆б̾ѧ̑тїѧ ѻ҆ч҃єскаѧ за млⷭ҇рдїе щедро́тъ распростри́ ми: и҆ мл҃твами безпло́тныхъ дре́вней че́сти сподо́би."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Те́плаѧ предста́тельнице и҆ непобѣди́маѧ, ᲂу҆пова́нїе и҆звѣ́стное и҆ непосты́дное, стѣно̀ и҆ покро́ве и҆ приста́нище прибѣга́ющымъ къ тебѣ̀, приснодв҃о чⷭ҇таѧ, сн҃а твоего̀ и҆ бг҃а молѝ со а҆́гг҃лы, ᲂу҆мире́нїе да́ти мі́рови, и҆ сп҃се́нїе, и҆ ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "Канѡ́нъ, гла́съ є҃, творе́нїе кѵ́ръ і҆ѡ́сифа, є҆гѡ́же краегране́сїе си́це:"
|
||||
},
|
||||
{
|
||||
"type": "TEXT",
|
||||
"value": "Мно́гѡ тѝ согрѣши́вшаго ᲂу҆ще́дри, сло́ве."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пои́мъ гдⷭ҇еви, сотво́ршемꙋ ди̑внаѧ чꙋдеса̀ въ чермнѣ́мъ мо́ри, пѣ́снь побѣ́днꙋю, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Мно́гими лестьмѝ и҆звлеко́ма, и҆ прельща́ема хрⷭ҇тѐ чꙋ́ждагѡ, ѡ҆братѝ и҆ ᲂу҆ще́дри мѧ̀, ꙗ҆́кѡ всеси́ленъ."
|
||||
},
|
||||
{
|
||||
"type": "TEXT",
|
||||
"value": "И҆́же глꙋха́гѡ ᲂу҆́шы ѿве́рзый хрⷭ҇тѐ, дꙋшѝ моеѧ̀ ѡ҆гло́хнꙋвшаѧ ᲂу҆шеса̀ ѿве́рзи, молю́сѧ: ꙗ҆́кѡ да твоѧ̑ словеса̀ внꙋша́ю."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Новоѧвлє́нныѧ ѕвѣ́зды сꙋ́ще мч҃нцы сл҃нца првⷣнагѡ хрⷭ҇та̀, тьмꙋ̀ ѿжени́те ѿ серде́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Разжжє́нныѧ стрѣ́лы бж҃е́ственными ᲂу҆́гльми ст҃а́гѡ дх҃а страда́льцы ꙗ҆́вльшесѧ, стрѣ́лы сокрꙋша́ютъ всѧ̑ ѕмі́евы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Две́ре бж҃е́ственныѧ сла́вы, покаѧ́нїѧ мѝ двє́ри ѿве́рзи, и҆ ѿ вра́тъ а҆́довыхъ и҆схитѝ, молю́сѧ, смире́ннꙋю мою̀ дꙋ́шꙋ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ безплѡ́тнымъ, гла́съ є҃, творе́нїе ѳеофа́ново, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Пѣ́нїе а҆́гг҃лѡмъ пѧ́тое."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Конѧ̀ и҆ вса́дника въ мо́ре чермно́е, сокрꙋша́ѧй бра̑ни мы́шцею высо́кою, хрⷭ҇то́съ и҆стрѧсѐ: і҆и҃лѧ же сп҃сѐ, побѣ́днꙋю пѣ́снь пою́ща."
|
||||
},
|
||||
{
|
||||
"type": "TEXT",
|
||||
"value": "Таи́нницы бг҃онача́лїѧ свѣтода́тельнагѡ, и҆ тогѡ̀ лꙋча́ми первоѧвле́ннагѡ сїѧ́юще, свѣ́томъ просвѣти́ти дꙋ́шꙋ мою̀, а҆́гг҃ли, влⷣкꙋ ᲂу҆моли́те. Два́жды."
|
||||
},
|
||||
{
|
||||
"type": "TEXT",
|
||||
"value": "И҆мꙋ́ще дерзнове́нїе, ꙗ҆́кѡ прⷭ҇то́лꙋ высо́комꙋ предстоѧ́ще всѝ, бл҃гочести́внѣ пою́щихъ ва́съ, бѣ́дъ и҆зба́вите предста́телїе чи́на нбⷭ҇нагѡ, ѽ а҆рхїстрати́зи!"
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Разрѣши́сѧ клѧ́тва, и҆ печа́ль преста̀: бл҃гослове́ннаѧ бо и҆ бл҃года́тнаѧ, вѣ̑рнымъ ра́дость возсїѧ̀, бл҃гослове́нїе всѣ̑мъ концє́мъ цвѣтоносѧ́щи хрⷭ҇та̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Над̾ ꙗ҆зы́ки бг҃ъ воцр҃и́сѧ, бг҃ъ сѣди́тъ на прⷭ҇то́лѣ ст҃ѣ́мъ свое́мъ, и҆ пое́мъ є҆мꙋ̀ разꙋ́мнѡ ꙗ҆́кѡ цр҃ю̀ и҆ бг҃ꙋ."
|
||||
},
|
||||
{
|
||||
"type": "TEXT",
|
||||
"value": "Ты̀, и҆́же ниеди́номꙋ хотѧ́й поги́бнꙋти, бл҃гі́й гдⷭ҇и, погиба́ющаго ᲂу҆ще́дри, и҆ сп҃си́ мѧ, ма́нїемъ всеще́дре млⷭ҇ти твоеѧ̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆̀же въ вѣ́дѣнїи и҆ не въ вѣ́дѣнїи согрѣши́хъ къ тебѣ̀ хрⷭ҇тѐ гдⷭ҇и, всѧ̑ вѣ́дѧщемꙋ прихождꙋ̀ и҆ припа́даю тѝ, прїими́ мѧ ꙗ҆́коже блꙋ́днаго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Да живꙋ́щїй грѣ́хъ ᲂу҆мертвитѐ мч҃нцы и҆ ме́ртва врага̀ пока́жете, ѡ҆ ме́ртвости тѣле́снѣй бл҃же́ннїи неради́сте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆спещре́ни страда́ньми мч҃нцы, и҆ ѻ҆де́ждами кро́вїю ѡ҆броще́нными ᲂу҆краша́еми, всѣ́хъ цр҃ю̀ вѣнцено́сцы предстоитѐ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃о мт҃и, ꙗ҆́же бг҃а вопло́щшаѧ, гла́сы прїимѝ вопїю́щихъ тѝ всегда̀, и҆ и҆зба́ви на́съ ѿ разли́чныхъ ѡ҆бстоѧ́нїй."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Водрꙋзи́вый на ничесо́мже зе́млю повелѣ́нїемъ твои́мъ, и҆ повѣ́сивый неѡдержи́мѡ тѧготѣ́ющꙋю, на недви́жимѣмъ хрⷭ҇тѐ, ка́мени за́повѣдей твои́хъ, цр҃ковь твою̀ ᲂу҆твердѝ, є҆ди́не бл҃же и҆ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "И҆́же сло́вомъ ликова̑нїѧ вы́шнимъ си́ламъ премꙋ́дрѡ составле́й, твою̀ бл҃гость неисчетноси́льнꙋ показꙋ́ѧй, си́хъ предста́тельствы цр҃ковь твою̀ ᲂу҆твердѝ, є҆ди́не бл҃же и҆ чл҃вѣколю́бче. Два́жды."
|
||||
},
|
||||
{
|
||||
"type": "TEXT",
|
||||
"value": "Оу҆краша́ѧ неизрече́нною свѣ́тлостїю а҆́гг҃лы хрⷭ҇тѐ, и҆ тѣ́ми ᲂу҆твержда́ѧ цр҃ковь твою̀ млⷭ҇рде, ѻ҆каѧ́ннꙋю мою̀ дꙋ́шꙋ тѣ́ми просвѣтѝ, молю́сѧ тѝ влⷣко, не помина́ѧ мои́хъ безчи́сленныхъ грѣхѡ́въ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ты̀ мт҃и бг҃а несочета́ннѡ была̀ є҆сѝ, безпло́тныѧ ли́ки просвѣща́ющагѡ, є҆ди́но бг҃онача́лїе въ трїе́хъ пѣ́ти непреста́ннѡ сщ҃е́нствїихъ, и҆ гдⷭ҇ьствїихъ, пречⷭ҇таѧ дв҃о всепѣ́таѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Дѣла̀ смотре́нїѧ твоегѡ̀ гдⷭ҇и, ᲂу҆жаси́ша прⷪ҇ро́ка а҆ввакꙋ́ма: и҆зше́лъ бо є҆сѝ на сп҃се́нїе люде́й твои́хъ, сп҃стѝ пома̑занныѧ твоѧ̑ прише́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Дѣла̀, ꙗ҆̀же въ житїѝ соверши́хъ, сꙋ́ть лꙋка̑ва и҆ лю̑та: ѡ҆ ни́хже хрⷭ҇тѐ бж҃е мо́й и҆зба́ви мѧ̀, покаѧ́нїе и҆́скреннее подаѧ́ ми."
|
||||
},
|
||||
{
|
||||
"type": "TEXT",
|
||||
"value": "Всѧ́кꙋ за́повѣдь честнꙋ́ю ᲂу҆ничижи́хъ, стра́хъ тво́й ѿри́нꙋхъ хрⷭ҇тѐ, и҆ бою́сѧ неизбѣ́жнагѡ твоегѡ̀ сꙋди́ща, въ не́мже да не ѡ҆сꙋ́диши менѐ бл҃гоꙋтро́бне."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Реме́ньми ѿвсю́дꙋ вои́стиннꙋ протѧза́еми, и҆ ра́нами и҆знꙋрѧ́еми ѕѣ́льнѣ, и҆ ноготьмѝ стрꙋ́жеми сло́ве, страда́льцы твоѝ, вѣ́рою ра́довахꙋсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Поколеба́ти ва́съ страда́льцы ѿ бж҃е́ственнагѡ стоѧ́нїѧ, не возмо́же всѧ́чески лꙋка́вый: тѣ́мже мнѡ́гимъ коле́блємымъ, до́блїи ᲂу҆твержде́нїе бж҃е́ственное показа́стесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Воплоща́етсѧ ѿ чⷭ҇тыхъ крове́й твои́хъ гдⷭ҇ь, покаѧ́нїе чтꙋ́щымъ тѧ̀ подава́ѧ всепѣ́таѧ, твои́мъ бл҃ги́мъ хода́тайствомъ, ꙗ҆́кѡ бл҃гоꙋтро́бенъ, и҆ є҆ди́нъ чл҃вѣколю́бецъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃е́ственное твоѐ разꙋмѣ́въ и҆стоща́нїе, прозорли́вѡ а҆ввакꙋ́мъ, хрⷭ҇тѐ, со тре́петомъ вопїѧ́ше тебѣ̀: во сп҃се́нїе люде́й твои́хъ, сп҃стѝ пома̑занныѧ твоѧ̑ прише́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "А҆́гг҃льскїѧ соста́вилъ є҆сѝ свѣ́тлѡсти, бг҃одѣ́тельными лꙋча́ми бл҃гопода́тливѣ просвѣти́лъ є҆сѝ: ꙗ҆́кѡ си́ленъ въ крѣ́пости, сло́во твоѐ и҆спо́лнивый чл҃вѣколю́бче. Два́жды."
|
||||
},
|
||||
{
|
||||
"type": "TEXT",
|
||||
"value": "Зємна́ѧ тѣле́съ мꙋдрова̑нїѧ ѿложи́мъ вѣ́рнїи, житїю̀ подо́бѧщесѧ безпло́тныхъ чинѡ́въ, и҆ ᲂу҆́мъ впери́мъ дх҃омъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бꙋ́ди мѝ предста́тельнице пренепоро́чнаѧ, прибѣ́жище и҆ приста́нище, страсте́й бꙋ́рю ѿгонѧ́щи: ꙗ҆́же а҆́гг҃льскїѧ ли́ки, добро́тою без̾ сравне́нїѧ побѣ́ждшаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Свѣ́те и҆́стинный хрⷭ҇тѐ бж҃е, къ тебѣ̀ ᲂу҆́тренюетъ дꙋ́хъ мо́й ѿ но́щи, ꙗ҆вѝ на мѧ̀ лицѐ твоѐ."
|
||||
},
|
||||
{
|
||||
"type": "TEXT",
|
||||
"value": "Воспрѧнѝ, ѽ дꙋшѐ, воспрѧнѝ ѿ сна̀ тѧ́жкагѡ, моегѡ̀ лю́тагѡ грѣха̀, и҆ покаѧ́нїѧ свѣ́томъ ѡ҆зари́сѧ."
|
||||
},
|
||||
{
|
||||
"type": "TEXT",
|
||||
"value": "Ѡ҆бнови́мъ дꙋ́шꙋ прилѣжа́нїемъ, и҆ ᲂу҆миле́нїѧ тꙋ́чами напои́мсѧ: ꙗ҆́кѡ да прозѧбе́мъ покаѧ́нїѧ кла́съ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆́гльми любвѐ наѡстри́вшесѧ, небокова́ннїи ме́чеве, стрⷭ҇тоте́рпцы ꙗ҆ви́стесѧ, врагѡ́въ ссѣца́юще полкѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Непорабоще́ни ѿ врага̀ бы́сте, порабо́тисте сего̀ стрⷭ҇тоте́рпцы, и҆ бли́жнїи хрⷭ҇тꙋ̀ ꙗ҆ви́стесѧ дрꙋ́зи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃о въ жена́хъ бл҃гослове́ннаѧ, твоѧ̑ млⷭ҇ти пода́ждь лю́демъ твои̑мъ: млⷭ҇тивагѡ бо ꙗ҆ви́ласѧ є҆сѝ мт҃и."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆дѣѧ́йсѧ свѣ́томъ, ꙗ҆́кѡ ри́зою, къ тебѣ̀ ᲂу҆́тренюю, и҆ тебѣ̀ зовꙋ̀: дꙋ́шꙋ мою̀ просвѣтѝ ѡ҆мраче́ннꙋю хрⷭ҇тѐ, ꙗ҆́кѡ є҆ди́нъ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Ѡ҆бходѧ́ще всеѧ̀ землѝ концы̀, влⷣчнѧѧ бл҃годѣѧ̑нїѧ вѣ̑рнымъ прино́сите, и҆ сохранѧ́ете всесла́внїи а҆рха́гг҃ли. Два́жды."
|
||||
},
|
||||
{
|
||||
"type": "TEXT",
|
||||
"value": "Словесѝ твоемꙋ̀ повинꙋ́ющесѧ сло́ве бг҃а и҆ ѻ҆ц҃а̀, нбⷭ҇нагѡ чинонача̑лїѧ сла̑внаѧ ᲂу҆крашє́нїѧ, твоеѧ̀ свѣ́тлости свѣ́томъ ѡ҆зарѧ́ютсѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Всѐ моѐ жела́нїе къ тебѣ̀ предста́ви, ꙗ҆́же па́че сло́ва, жела́нїѧ сла́дость роди́вшаѧ, тебѐ бцⷣꙋ чⷭ҇таѧ вѣ́дꙋщымъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ ки́та прⷪ҇ро́ка и҆зба́вилъ є҆сѝ, мене́ же и҆з̾ глꙋбины̀ грѣхѡ́въ возведѝ гдⷭ҇и, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Нѣ́сть въ житїѝ се́мъ грѣха̀, є҆гѡ́же а҆́зъ є҆ди́нъ не сотвори́хъ ѻ҆каѧ́нный, є҆ди́не безгрѣ́шне ᲂу҆ще́дри мѧ̀."
|
||||
},
|
||||
{
|
||||
"type": "TEXT",
|
||||
"value": "Вѣ́триломъ ᲂу҆се́рдїѧ впери́мсѧ, и҆ ко приста́нищꙋ сп҃се́нїѧ покаѧ́нїемъ предвари́мъ всѝ, ꙗ҆́кѡ да сп҃се́мсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Проповѣ́дникѡвъ, а҆пⷭ҇лѡвъ и҆ мч҃нкѡвъ страда́нїемъ ѡ҆зарѧ́етсѧ тва́рь: и҆́миже и҆ на́съ просвѣтѝ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Сосꙋ́ды вмѣсти́вшыѧ зарю̀ бж҃е́ственнꙋю, и҆ чєстна́ѧ свѣтоли̑тїѧ мч҃нки всѝ почти́мъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дв҃о вѣ̑рнымъ предста́тельнице, и҆зба́витисѧ ѿ всѧ́кагѡ грѣха̀ рабѡ́мъ твои̑мъ молѝ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неи́стовствꙋющеесѧ бꙋ́рею дꙋшетлѣ́нною, влⷣко хрⷭ҇тѐ, страсте́й мо́ре ᲂу҆кротѝ, и҆ ѿ тлѝ возведи́ мѧ, ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Сщ҃енноꙋкраша́еми а҆́гг҃льстїи собо́ри и҆збра́ннїи, свѣтода́тельными сїѧ́нїи просвѣща́етесѧ, бг҃одѣ́тельнымъ ѡ҆заре́нїемъ ꙗ҆́вѣ соверша́еми. Два́жды."
|
||||
},
|
||||
{
|
||||
"type": "TEXT",
|
||||
"value": "Трисвѣ́тлыми зарѧ́ми бога́тнѡ преꙋкраша́еми а҆́гг҃ли и҆ а҆рха́гг҃ли, бг҃озра́чнѡ ѻ҆каѧ́ннꙋю мою̀ дꙋ́шꙋ просвѣти́те ва́шими мл҃твами."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Зачала̀ є҆сѝ пречⷭ҇таѧ всѣ́хъ зижди́телѧ и҆ бг҃а, є҆го́же съ тре́петомъ зрѧ́тъ ра́дꙋющесѧ, всебл҃гоговѣ́йнѡ предстоѧ́ще а҆́гг҃ли."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бл҃гослове́нъ є҆сѝ бж҃е, ви́дѧй бє́здны, и҆ на прⷭ҇то́лѣ сла́вы сѣдѧ́й, препѣ́тый и҆ пресла́вный."
|
||||
},
|
||||
{
|
||||
"type": "TEXT",
|
||||
"value": "Бл҃гослове́нъ є҆сѝ бж҃е, и҆́же за бл҃гоꙋтро́бїе ка́ющихсѧ всѣ́хъ прїе́млѧ, препѣ́тый и҆ пресла́вный."
|
||||
},
|
||||
{
|
||||
"type": "TEXT",
|
||||
"value": "И҆сцѣлѝ бл҃гоꙋтро́бне хрⷭ҇тѐ, мнѡ́гїѧ моѧ̑ стра̑сти, и҆́же моѐ свѣ́дый неможе́нїе, препѣ́тый и҆ пресла́вный."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Си́лою бж҃е́ственною ᲂу҆крѣпи́сѧ ли́къ стрⷭ҇тоте́рпєцъ, врагѝ побѣдѝ вопїѧ̀: препѣ́тый и҆ превозноси́мый во вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆крѣпи́вый премꙋ̑дрыѧ стрⷭ҇тоте́рпцы сло́ве, претерпѣ́ти многоплетє́нныѧ мꙋ̑ки, мл҃твами и҆́хъ ᲂу҆ще́дри всѣ́хъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бл҃гослове́нъ є҆сѝ бж҃е, и҆́же во чре́во дв҃и́че всели́всѧ, и҆ сп҃слъ чл҃вѣ́ка, препѣ́тый и҆ превозноси́мый во вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Превозноси́мый ѻ҆тцє́въ гдⷭ҇ь пла́мень ᲂу҆гасѝ, ѻ҆́троки ѡ҆росѝ согла́снѡ пою́щыѧ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Неисчетноси́льнꙋю хрⷭ҇то́съ ꙗ҆влѧ́ѧ крѣ́пость, ва́съ а҆рхїстрати́зи поста́вилъ є҆́сть, наꙋчѝ воспѣва́ти: бж҃е, бл҃гослове́нъ є҆сѝ. Два́жды."
|
||||
},
|
||||
{
|
||||
"type": "TEXT",
|
||||
"value": "И҆́же мно́жество безчи́сленное безпло́тныхъ чинѡ́въ ᲂу҆краша́ѧй бл҃гостїю, вѣ́рныхъ составлє́нїѧ сподо́би пѣ́ти тѧ̀: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Страстьмѝ коле́блема, дв҃о, ты̀ ны́нѣ ᲂу҆тверди́ мѧ, ꙗ҆́же всѣ̑мъ и҆сточи́вшаѧ вѣ̑рнымъ безстра́стїе, вѣ́рою пою́щымъ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Творца̀ тва́ри, є҆гѡ́же ᲂу҆жаса́ютсѧ а҆́гг҃ли, по́йте лю́дїе, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ме́ртва престꙋпле́нїемъ бы́вша мѧ̀, гдⷭ҇и ѡ҆живѝ, да тѧ̀ сла́влю во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Просвѣти́въ мѧ̀ покаѧ́нїемъ, тьмы̀ грѣхо́вныѧ и҆зба́ви гдⷭ҇и, да тѧ̀ сла́влю во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стрⷭ҇тотє́рпцы мч҃нцы, пла́мень пре́лести попра́ша, ро́сꙋ съ нб҃сѐ прїе́мше пресла́внѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́коже землѧ̀ тꙋ́чнаѧ ст҃і́и, кла́съ вои́стиннꙋ стори́чествꙋющъ, подвигополо́жникꙋ хрⷭ҇тꙋ̀ плодоноси́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆з̾ тебѐ бг҃ъ возсїѧ̀ всепѣ́таѧ дв҃о, и҆ бг҃оразꙋ́мїемъ просвѣтѝ ѡ҆мрачє́нныѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѣ̀ вседѣ́телю, въ пещѝ ѻ҆́троцы, всемі́рный ли́къ спле́тше поѧ́хꙋ: дѣла̀ всѧ̑каѧ гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Привлача́тъ мѧ̀ ны́нѣ а҆́гг҃льстїи собо́ри, пѣ́ти пѣ́сньми и҆ серде́чнымъ жела́нїемъ, съ ни́миже пою̀: дѣла̀ всѧ̑каѧ гдⷭ҇а по́йте, и҆ превозноси́те є҆го̀ во вѣ́ки. Два́жды."
|
||||
},
|
||||
{
|
||||
"type": "TEXT",
|
||||
"value": "Слꙋги̑ прест҃ѣ́й и҆ трисо́лнечнѣй зарѝ, сп҃сти́сѧ моли́те вѣ́рою пою́щымъ: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Две́ре свѣ́та, дв҃о мт҃и ѻ҆трокови́це: свѣ́томъ твои́мъ ѡ҆зарѝ вѣ́рою пою́щихъ: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тѧ̀ бл҃же́ннꙋю въ жена́хъ, и҆ бл҃гослове́ннꙋю бг҃омъ, человѣ́ческїй ро́дъ, пѣ́сньми велича́емъ."
|
||||
},
|
||||
{
|
||||
"type": "TEXT",
|
||||
"value": "Млⷭ҇тивъ бꙋ́ди мѝ гдⷭ҇и, без̾ числа̀ безꙋ́мнѡ согрѣши́вшемꙋ, и҆ твоегѡ̀ црⷭ҇твїѧ сло́ве сподо́би мѧ̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже нїнеѵі́тѧны сп҃слъ є҆сѝ дре́вле пока́ѧвшыѧсѧ є҆ди́не сп҃се, и҆ на́съ пою́щихъ тѧ̀ сп҃сѝ млⷭ҇тїю твое́ю."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пло́ть преда́вше всѧ́чєскимъ ꙗ҆́звамъ, неꙋѧ́звленꙋ сп҃слѝ є҆стѐ дꙋ́шꙋ стрⷭ҇тоте́рпцы гдⷭ҇ни, бж҃е́ственныѧ сла́вы прича̑стницы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Днесїѧ́тєльныѧ ѕвѣ́зды, на землѝ всѣ́хъ ѡ҆зарѧ́ющи дꙋ́шы, стрⷭ҇тоно́сцы всѣ́хъ гдⷭ҇а ꙗ҆ви́стесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Но́сиши ꙗ҆́коже прⷭ҇то́лъ ѻ҆́гненный ма́нїемъ всѧ̑ носѧ́щаго, и҆ сосце́ма пита́еши дв҃о, всѣ́хъ пита́ющаго."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆са́їе ликꙋ́й, дв҃а и҆мѣ̀ во чре́вѣ, и҆ родѝ сн҃а є҆мманꙋ́ила, бг҃а же и҆ чл҃вѣ́ка, восто́къ и҆́мѧ є҆мꙋ̀: є҆го́же велича́юще, дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Чинѡ́мъ нача̑льницы бы́вше а҆́гг҃льскимъ, пресвѣ́тлый мїхаи́ле, и҆ ты̀ гаврїи́ле бж҃е́ственнагѡ воплоще́нїѧ всеи́стинный проповѣ́дникъ бы́въ, всѣ́хъ сохранѧ́йте пою́щихъ ва́съ сла́внїи. Два́жды."
|
||||
},
|
||||
{
|
||||
"type": "TEXT",
|
||||
"value": "И҆́же бога́тыми дарова́ньми преизлива́ѧй своѧ̑ сокрѡ́вища, и҆́же чи́ны приведы́й а҆́гг҃льскїѧ, съ ни́ми же прише́дъ ꙗ҆́кѡ сꙋдїѧ̀, и҆ всѣ́хъ цр҃ь, сп҃си́ мѧ влⷣко прибѣга́ющаго къ млⷭ҇ти твое́й."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆́мнѣ а҆рха́гг҃ли, вла̑сти, прⷭ҇то́ли, херꙋві́ми, си̑лы и҆ серафі́ми, а҆́гг҃ли свѣ́тлїи, нача̑ла и҆ гдⷭ҇ьствїѧ, твоемꙋ̀ сн҃ꙋ пренепоро́чнаѧ чⷭ҇таѧ, съ тре́петомъ слꙋ́жатъ, бцⷣе всебл҃же́ннаѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры покаѧ́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Мно́жєства прегрѣше́нїй мои́хъ пре́зри гдⷭ҇и, и҆́же ѿ дв҃ы рожде́йсѧ: и҆ всѧ̑ ѡ҆чи́сти грѣхѝ моѧ̑, мы́сль мнѣ̀ подаѧ̀ ѡ҆браще́нїѧ, ꙗ҆́кѡ є҆ди́нъ чл҃вѣколю́бецъ, молю́сѧ, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Оу҆вы̀ мнѣ̀, комꙋ̀ ᲂу҆подо́бихсѧ а҆́зъ; непло́днѣй смоко́вницѣ, и҆ бою́сѧ проклѧ́тїѧ съ посѣче́нїемъ: но нбⷭ҇ный дѣ́лателю хрⷭ҇тѐ бж҃е, ѡ҆лѧденѣ́вшꙋю дꙋ́шꙋ мою̀ плодоно́снꙋ покажѝ, и҆ ꙗ҆́кѡ блꙋ́днаго сы́на прїими́ мѧ, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Бл҃гослове́но во́инство нбⷭ҇нагѡ цр҃ѧ̀: а҆́ще бо и҆ земноро́днїи бѣ́ша стрⷭ҇тоте́рпцы, но а҆́гг҃льское досто́инство потща́шесѧ дости́гнꙋти, ѡ҆ тѣлесѣ́хъ неради́ша, и҆ страда́ньми безпло́тныхъ сподо́бишасѧ че́сти. Тѣ́мже мл҃твами и҆́хъ гдⷭ҇и, низпослѝ на́мъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ѡ҆бра́дованнаѧ, хода́тайствꙋй твои́ми мл҃твами, и҆ и҆спросѝ дꙋша́мъ на́шымъ мно́жество щедро́тъ, и҆ ѡ҆чище́нїе мно́гихъ прегрѣше́нїй, мо́лимсѧ."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ гдⷭ҇еви: Трист҃о́е: И҆ по Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь ст҃о́мꙋ, а҆́ще и҆́мать: а҆́ще ли нѝ, глаго́лемъ тропа́рь днѐ. Та́же є҆ктенїа̀, и҆ ча́съ а҃, и҆ про́чее ѻ҆бы́чно. И҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ бл҃жє́нны, гла́съ є҃."
|
||||
},
|
||||
{
|
||||
"type": "TEXT",
|
||||
"value": "Разбо́йникъ на крⷭ҇тѣ̀ бг҃а тѧ̀ бы́ти вѣ́ровавъ хрⷭ҇тѐ, и҆сповѣ́да тѧ̀ чи́стѣ ѿ се́рдца, помѧни́ мѧ гдⷭ҇и, вопїѧ̀, во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆́згнани пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Дꙋшетлѣ́ннїи разбѡ́йницы, на пꙋтѝ жите́йстѣмъ срѣ́тше ᲂу҆ѧзви́ша мѧ̀: но къ твоемꙋ̀ бл҃гоꙋтро́бїю ны́нѣ притека́ю, и҆сцѣлѝ хрⷭ҇тѐ, и҆ сп҃си́ мѧ, молю́сѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Нбⷭ҇нїи ли́цы пѣсносло́вѧтъ тѧ̀ всѣ́хъ бг҃а: тѣ́хъ влⷣко сщ҃е́нными хода́тайствы, мнѡ́гаѧ мѝ пре́зри ѕла̑ѧ, и҆ сп҃си́ мѧ, молю́сѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "А҆́гг҃льскимъ ликѡ́мъ сочислѧ́еми хрⷭ҇тѡ́вы страда́льцы, и҆ и҆сполнѧ́еми просвѣще́нїѧ невече́рнѧгѡ, смра̑дныѧ стра̑сти се́рдца моегѡ̀ потреби́те."
|
||||
},
|
||||
{
|
||||
"type": "TEXT",
|
||||
"value": "Сла́ва: А҆́гг҃льски земноро́днїи, въ вы́шнихъ пое́момꙋ бг҃ꙋ, воспои́мъ трист҃ꙋ́ю пѣ́снь: ст҃ъ є҆сѝ пребезнача́льне ѻ҆́ч҃е, сн҃е со дх҃омъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́же а҆́гг҃ломъ ра́дость во твое́й ᲂу҆тро́бѣ воспрїе́мши чⷭ҇таѧ, сѣ́тꙋющꙋю лꙋка́выми дѣ́лы, дꙋ́шꙋ мою̀ и҆спо́лни ра́дости, къ свѣ́тꙋ наставлѧ́ющи мѧ̀."
|
||||
}
|
||||
]
|
||||
@@ -0,0 +1,942 @@
|
||||
[
|
||||
{
|
||||
"type": "HEADER",
|
||||
"value": "Гла́съ є҃. Сꙋббѡ́та"
|
||||
},
|
||||
{
|
||||
"type": "HEADER",
|
||||
"value": "Въ пѧто́къ ве́чера, На Гдⷭ҇и воззва́хъ, стїхи̑ры ст҃ы̑мъ мч҃нкѡмъ, и҆ ст҃и́телємъ и҆ прпⷣбнымъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ра́дꙋйсѧ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Пла́мень нече́стїѧ лю́тагѡ стрⷭ҇тоте́рпцы ᲂу҆гаси́ша крове́й свои́хъ тече́ньми, бл҃гоче́стїѧ свѣ́тлость въ ми́рѣ всѣ̑мъ возже́гше мч҃нцы, бо́ги же лжеимени̑тыѧ, и҆ тѣ́хъ ѕловѡ́нїѧ, и҆ хра́мы до конца̀ попали́ша: свѣ́тъ возсїѧ́ша сꙋ́щымъ на землѝ чистѣ́йшїй, и҆́мже и҆ просвѣща́еми, тьмы̀ и҆збѣга́емъ безбо́жїѧ, и҆ пре́лести і҆́дѡльскїѧ ᲂу҆клонѧ́емсѧ, хрⷭ҇тꙋ̀ покланѧ́ющесѧ, подаю́щемꙋ мі́рови ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Словеса̀ є҆реті̑къ ѕлочести́выхъ, и҆ ловлє́нїѧ ᲂу҆до́бь разрꙋши́вше, ѻ҆рꙋ́жницы ѻ҆ц҃а̀ безнача́льнагѡ, сн҃а собезнача́льнагѡ, и҆ ст҃а́гѡ дх҃а бы́сте, въ трїе́хъ ли́цѣхъ є҆ди́нствꙋ бж҃ества̀, бл҃гочестномꙋ́дреннѣ вѣ́рныхъ наꙋча́юще и҆ ᲂу҆твержда́юще правосла́внꙋю про́повѣдь. Тѣ́мже и҆ бл҃жи́ми є҆стѐ, па́стырїе всесщ҃е́ннїи: ꙗ҆́кѡ на па́житехъ живоно́сныхъ хрⷭ҇то́во ста́до ᲂу҆пасо́сте, за него́же всѧ̑ болѣ̑зни и҆ напа̑сти многоѡбра̑зныѧ претерпѣ́сте."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Стра̑сти плѡтскі́ѧ ᲂу҆до́бь до конца̀ попра̀, подви́гшеесѧ прпⷣбныхъ сосло́вїе, властели́на ᲂу҆ма̀ дѣѧ́нїемъ добродѣ́телей прїе́мше: и҆́мже бѣсѡ́вскїѧ всѧ̑ кѡ́зни побѣди́ша до́блественнѣ, и҆ а҆́гг҃лѡмъ собесѣ̑дницы ꙗ҆ви́шасѧ, ꙗ҆́кѡ безпло́тнїи пожи́вше. И҆̀мже и҆ ны́нѣ сра́дꙋютсѧ въ вы́шнихъ ѻ҆би́телехъ, свѣ́тлѡ живꙋ́ще, и҆ хрⷭ҇тꙋ̀ предстоѧ́тъ, ѿ негѡ̀ просѧ́ще дꙋша́мъ на́шымъ дарова́ти ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры мч҃нкѡмъ, гла́съ то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Щито́мъ вѣ́ры ѡ҆бо́лкшесѧ, и҆ зна́менїемъ крⷭ҇тнымъ себѐ ᲂу҆крѣ́пльше, къ мꙋ́камъ мꙋ́жески вда́шасѧ, и҆ дїа́волю горды́ню и҆ ле́сть ᲂу҆праздни́ша ст҃і́и твоѝ, гдⷭ҇и, тѣ́хъ мл҃твами ꙗ҆́кѡ всеси́льный бг҃ъ, мі́рꙋ ми́ръ низпослѝ, и҆ дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "И҆ па́ки глаго́ли: Щито́мъ вѣ́ры:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Ѡ҆ земны́хъ всѣ́хъ небре́гше, и҆ на мꙋ̑ки мꙋ́жески дерзнꙋ́вше, бл҃же́нныхъ наде́ждъ не погрѣши́сте, но нбⷭ҇номꙋ црⷭ҇твїю наслѣ̑дницы бы́сте, прехва́льнїи мч҃нцы: и҆мꙋ́ще дерзнове́нїе къ чл҃вѣколю́бцꙋ бг҃ꙋ, мі́рꙋ ми́ръ проси́те, и҆ дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Въ чермнѣ́мъ мо́ри, неискꙋсобра́чныѧ невѣ́сты ѡ҆́бразъ написа́сѧ и҆ногда̀. Та́мѡ мѡѷсе́й, раздѣли́тель воды̀ здѣ́ же гаврїи́лъ, слꙋжи́тель чꙋдесѐ. Тогда̀ глꙋбинꙋ̀ ше́ствова немо́креннѡ і҆и҃ль: ны́нѣ же хрⷭ҇та̀ родѝ безсѣ́меннѡ дв҃а. Мо́ре по проше́ствїи і҆и҃левѣ пребы́сть непрохо́дно: непоро́чнаѧ по ржⷭ҇твѣ̀ є҆мманꙋ́илевѣ пребы́сть нетлѣ́нна. Сы́й, и҆ пре́жде сы́й, ꙗ҆вле́йсѧ ꙗ҆́кѡ чл҃вѣ́къ, бж҃е поми́лꙋй на́съ."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ."
|
||||
},
|
||||
{
|
||||
"type": "TEXT",
|
||||
"value": "Посе́мъ: Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Моли́те за ны̀ ст҃і́и мч҃нцы, да и҆зба́вимсѧ ѿ беззако́нїй на́шихъ: ва́мъ бо дана̀ бы́сть бл҃года́ть моли́тисѧ ѡ҆ на́съ."
|
||||
},
|
||||
{
|
||||
"type": "TEXT",
|
||||
"value": "Несы́тною любо́вїю дꙋшѝ, хрⷭ҇та̀ не ѿверго́стесѧ ст҃і́и мч҃нцы: лю̑тыѧ и҆ разли̑чныѧ ра̑ны страсте́й претерпѣ́сте, мꙋчи́телей горды́ню низложи́сте: непрекло́ннꙋ и҆ невреди́мꙋ вѣ́рꙋ сохра́ньше, на нб҃са̀ преста́вистесѧ. Тѣ́мже и҆ дерзнове́нїе и҆мꙋ́ще къ немꙋ̀, проси́те дарова́ти на́мъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Ме́ртвенъ: Помѧнꙋ́хъ прⷪ҇ро́къ вопїю́ща: а҆́зъ є҆́смь землѧ̀ и҆ пе́пелъ, и҆ па́ки разсмотри́хъ во гробѣ́хъ, и҆ ви́дѣхъ кѡ́сти ѡ҆бнажє́нныѧ, и҆ рѣ́хъ ᲂу҆́бѡ: кто̀ є҆́сть ца́рь, и҆лѝ во́инъ, и҆лѝ бога́тъ, и҆лѝ ни́щъ, и҆лѝ пра́ведникъ, и҆лѝ грѣ́шникъ; но ᲂу҆поко́й гдⷭ҇и съ пра́ведными рабы̑ твоѧ̑, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ѡ҆бра́дованнаѧ, хода́тайствꙋй твои́ми мл҃твами, и҆ и҆спросѝ дꙋша́мъ на́шымъ мно́жество щедро́тъ, и҆ ѡ҆чище́нїе мно́гихъ прегрѣше́нїй мо́лимсѧ."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "И҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ пѧто́къ на повече́рїи, канѡ́нъ моле́бный прест҃ѣ́й бцⷣѣ. Гла́съ є҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Конѧ̀ и҆ вса́дника въ мо́ре чермно́е, сокрꙋша́ѧй бра̑ни, мы́шцею высо́кою, хрⷭ҇то́съ и҆стрѧсѐ: і҆и҃лѧ же сп҃сѐ, побѣ́днꙋю пѣ́снь пою́ща."
|
||||
},
|
||||
{
|
||||
"type": "TEXT",
|
||||
"value": "Вси́ тѧ человѣ́честїи ро́ди хва́лѧтъ, ꙗ҆́кѡ дре́вле дв҃о, прⷪ҇ро́чески прорекла̀ є҆сѝ: и҆ менѐ ᲂу҆̀бо прїимѝ пою́ща тѧ̀ влⷣчце, и҆ просвѣтѝ, и҆ вразꙋмѝ."
|
||||
},
|
||||
{
|
||||
"type": "TEXT",
|
||||
"value": "Притꙋпи́ла є҆сѝ сме́рти жа́ло, и҆ мїрскі́й грѣ́хъ дв҃о, и҆́стиннꙋю ро́ждши жи́знь, є҆ѧ́же ра́ди влⷣчце, притꙋпѝ страсте́й мои́хъ ѻ҆́стрыѧ стрѣ́лы вско́рѣ."
|
||||
},
|
||||
{
|
||||
"type": "TEXT",
|
||||
"value": "Сла́ва: Є҆ди́на и҆спещре́на дв҃и́ческими рѧ́снами ѿ вѣ́ка ꙗ҆́вльшисѧ, смоко́внꙋю ри́зꙋ а҆да́мовꙋ ты̀ расто́ргнꙋла є҆сѝ: тѣ́мже мѧ̀ ны́нѣ ѡ҆блецы̀ цѣломꙋ́дрїѧ ѻ҆де́ждею мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бога́тство и҆ бж҃е́ственнꙋю сла́вꙋ стѧжа́ша ᲂу҆̀бо мнѡ́ги дщє́ри пре́жде ꙗ҆́вѣ, но без̾ сравне́нїѧ влⷣчце, ты̀ всѣ́хъ превозшла̀ є҆сѝ. Тѣ́мже мѧ̀ ны́нѣ ѡ҆богатѝ нбⷭ҇ными и҆ бж҃е́ственными бл҃года́тьми."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Водрꙋзи́вый на ничесо́мже зе́млю повелѣ́нїемъ твои́мъ, и҆ повѣ́сивый неѡдержи́мѡ тѧготѣ́ющꙋю, на недви́жимѣмъ хрⷭ҇тѐ, ка́мени за́повѣдей твои́хъ, цр҃ковь твою̀, ᲂу҆твердѝ, є҆ди́не бл҃же и҆ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Глꙋбина̀ и҆ высота̀ въ тебѣ̀ познава́шесѧ дв҃о пречⷭ҇таѧ, бж҃їей мꙋ́дрости непостижи́мѣй, ѿ твои́хъ ложе́снъ ро́ждшейсѧ: є҆́юже глꙋбины̀ се́рдце моѐ и҆зба́ви мꙋдрова́нїй ѕмїи́ныхъ."
|
||||
},
|
||||
{
|
||||
"type": "TEXT",
|
||||
"value": "И҆́же пре́жде перна̑тыѧ, и҆ га́ды, ѿ воды̀ соста́вилъ є҆сѝ сло́вомъ, не сꙋ́щыѧ пре́жде: ты̀ а҆́бїе хрⷭ҇тѐ ѿ кро́ве чⷭ҇тыѧ дв҃ы, бж҃е́ственнагѡ твоегѡ̀ воплоще́нїѧ ѻ҆де́ждꙋ стра́ннꙋ ᲂу҆стро́илъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ты̀ є҆ди́на ѡ҆чище́нїе ꙗ҆ви́ласѧ є҆сѝ є҆стествꙋ̀, пречⷭ҇таѧ, въ ню́же ѻ҆́гнь бж҃е́ственный неѡпа́льнѡ все́льсѧ, сїѐ ѡ҆чи́сти ꙗ҆́вѣ: ты̀ ᲂу҆́бѡ согрѣше́нїй и҆ страсте́й мои́хъ скве́рнꙋ ѡ҆чи́сти, и҆ твои́ми мл҃твами просвѣти́ мѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ча́шꙋ но́вагѡ вїногра́да ро́ждїѧ, напоѧ́ющꙋю ꙗ҆́вѣ вѣ̑рныѧ во ѡ҆ставле́нїе согрѣше́нїй, тѧ̀ пречⷭ҇таѧ вѣ́дый, молю̀: и҆спꙋще́нїемъ бж҃е́ственныѧ воды̀ напо́й се́рдце моѐ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃е́ственное твоѐ разꙋмѣ́въ и҆стоща́нїе, прозорли́вѡ а҆ввакꙋ́мъ, хрⷭ҇тѐ, со тре́петомъ вопїѧ́ше тебѣ̀: во сп҃се́нїе люде́й твои́хъ, сп҃стѝ пома̑занныѧ твоѧ̑ прише́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Неѡра́на ты̀ ꙗ҆ви́ласѧ є҆сѝ бразда̀, несѣ́ѧнный бж҃е́ственный прозѧ́бшаѧ кла́съ, и҆́мже а҆́лчꙋща мѧ̀ накормѝ бж҃е́ственными дарова́ньми же и҆ бл҃года́тьми."
|
||||
},
|
||||
{
|
||||
"type": "TEXT",
|
||||
"value": "Болѧ́ща мѧ̀ и҆́скреннѡ сме́ртнѣ, и҆ дꙋше́вныхъ страсте́й ѻ҆гне́мъ содержи́ма влⷣчце, мл҃твъ твои́хъ водо́ю напои́вши, вско́рѣ возста́ви."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́кѡ сꙋ́щїй бж҃їй гра́дъ ѡ҆дꙋшевле́нъ, є҆го́же рѣ́ки мы́слєнныѧ веселѧ́тъ стремлє́нїѧ, мл҃твъ твои́хъ столпо́мъ дꙋшѝ моеѧ̀ хра́минꙋ ᲂу҆твердѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѻ҆́блакъ тѧ̀ вѣ́дый, ѡ҆дожди́вшїй пра́вдꙋ и҆́стиннꙋю, молю̀ пречⷭ҇таѧ влⷣчце, ѿ всѣ́хъ ѡ҆би́дѧщихъ мѧ̀ и҆зба́вити раба̀ твоего̀ вско́рѣ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆дѣѧ́йсѧ свѣ́томъ ꙗ҆́кѡ ри́зою, къ тебѣ̀ ᲂу҆́тренюю, и҆ тебѣ̀ зовꙋ̀: дꙋ́шꙋ мою̀ просвѣтѝ ѡ҆мраче́ннꙋю хрⷭ҇тѐ, ꙗ҆́кѡ є҆ди́нъ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Возмꙋще́нїе и҆ во́лнꙋ грѣха̀, и҆ страсте́й мои́хъ дв҃о влⷣчце, до конца̀ ᲂу҆тишѝ, безстра́стїѧ ро́ждши вино́внаго."
|
||||
},
|
||||
{
|
||||
"type": "TEXT",
|
||||
"value": "Поста́въ сы́й свы́ше хрⷭ҇то́въ ꙗ҆ви́сѧ, бл҃голѣ́пїѧ ѻ҆де́жды бж҃е́ственныѧ, добродѣ́телей ѻ҆де́ждею чⷭ҇таѧ, ѡ҆бнаже́ннꙋю дꙋ́шꙋ мою̀ ѡ҆блецы̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆чище́нїе мѝ да́рꙋй согрѣше́нїй, твои́ми мольба́ми чⷭ҇таѧ дв҃о, ꙗ҆́же ѡ҆чище́нїе бж҃е́ственное ро́ждшаѧ на́мъ хрⷭ҇та̀ и҆ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Стрꙋ́пы, ꙗ҆́звы и҆ гноє́нїѧ грѣхѡ́внаѧ, рꙋкодѣ̑йствїѧ, мл҃твами потреби́ ми дв҃о, и҆ си́лꙋ рабꙋ̀ твоемꙋ̀ пода́ждь."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неи́стовствꙋющеесѧ бꙋ́рею дꙋшетлѣ́нною, влⷣко хрⷭ҇тѐ, страсте́й мо́ре ᲂу҆кротѝ, и҆ ѿ тлѝ возведѝ мѧ̀, ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же свѣ́тъ ро́ждшаѧ свѣти́ламъ твори́тельный, дꙋ́шꙋ мою̀ ны́нѣ просвѣтѝ, и҆ и҆зба́ви ѿ страсте́й ѡ҆мраче́нїѧ, всесвѣ́тлаѧ."
|
||||
},
|
||||
{
|
||||
"type": "TEXT",
|
||||
"value": "Ме́рры ᲂу҆слади́вшаго во́ды пре́жде бцⷣе, твоего̀ сн҃а молѝ, и҆зба́вити мѧ̀ стра́сти лю́тыѧ, и҆ го́рести вско́рѣ."
|
||||
},
|
||||
{
|
||||
"type": "TEXT",
|
||||
"value": "Сла́ва: Возмꙋща́етъ пото́къ страсте́й дꙋ́шꙋ мою̀, пречⷭ҇таѧ: но сего̀ и҆зсꙋшѝ мл҃твами твои́ми, и҆ по́мыслы лꙋка̑выѧ потребѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Хрⷭ҇то́съ и҆збавлѧ́ѧ человѣ́ки прїи́де ѿ сїѡ́на, и҆з̾ чре́ва твоегѡ̀ влⷣчце пренепоро́чнаѧ: и҆́мже и҆ менѐ ѿ напа́стей и҆зба́ви и҆ скорбе́й."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Вскꙋ́ю ᲂу҆ныва́ющи дꙋшѐ стра́стнаѧ, забы́ла є҆сѝ бг҃а твоего̀ ми́лꙋющаго тѧ̀; и҆ повелѣ̑нїѧ є҆гѡ̀ преѡби́дѣвши, въ блꙋдѣ̀ житїѐ скончава́еши ᲂу҆мовре́днѡ: ѿстꙋпѝ ѿ ѕло́бы, бцⷣѣ вопїю́щи: ѿча́ѧннꙋю дꙋ́шꙋ мою̀ поми́лꙋй."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Превозноси́мый ѻ҆тцє́въ гдⷭ҇ь пла́мень ᲂу҆гасѝ, ѻ҆́троки ѡ҆росѝ, согла́снѡ пою́щыѧ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Оу҆жаса́ютсѧ и҆ трепе́щꙋтъ твоегѡ̀ призыва́нїѧ пречⷭ҇таѧ, бѣсо́встїи полцы̀: ѿ ни́хже и҆збавлѧ́ющи мѧ̀ сп҃сѝ, и҆ соблюдѝ, покрыва́ющи ѿ всѧ́кагѡ вре́да."
|
||||
},
|
||||
{
|
||||
"type": "TEXT",
|
||||
"value": "Неизглаго́ланнаѧ сла́ва твоѧ̀ дв҃о, сла́вы бо гдⷭ҇а родила̀ є҆сѝ: тѣ́мже мѧ̀ сподо́би сла́вы сн҃а твоегѡ̀ и҆ бг҃а моегѡ̀, твои́ми мл҃твами."
|
||||
},
|
||||
{
|
||||
"type": "TEXT",
|
||||
"value": "Сла́ва: Преклони́сѧ къ мольба́мъ твоегѡ̀ раба̀ влⷣчце, и҆ и҆зба́ви мѧ̀ вско́рѣ бѣ́дъ и҆ скорбе́й, и҆ всѧ́кихъ и҆скꙋше́нїй, ви́димыхъ и҆ неви́димыхъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Всего̀ мѧ̀ страстьмѝ стꙋда̀ пречⷭ҇таѧ, ѡ҆калѧ́вшасѧ и҆ ѡ҆скверни́вшасѧ, чистото́ю ѡ҆мы́й, и҆ ᲂу҆ѧснѝ дв҃о, мл҃твами твои́хъ ѡ҆кропле́нїй."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѣ̀ вседѣ́телю въ пещѝ ѻ҆́троцы, всемі́рный ли́къ спле́тше, поѧ́хꙋ: дѣла̀ всѧ̑каѧ гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Вода̀ непло́дствїѧ стра́стна, дꙋшѝ моеѧ̀ ложесна̀ непло́дна сотворѝ, и҆ и҆зсꙋшѝ: ѡ҆дожди́ ми ле́гкїй ѻ҆́блаче, бж҃е́ственнꙋю ро́сꙋ, ꙗ҆́кѡ да возращꙋ̀ плоды̀ покаѧ́нїѧ."
|
||||
},
|
||||
{
|
||||
"type": "TEXT",
|
||||
"value": "Во́лнꙋ помышле́нїй стра́стныхъ и҆ бꙋ́рю ᲂу҆тишѝ пречⷭ҇таѧ, твои́ми мл҃твами: напра́ви же мѧ̀ къ тече́нїю безстра́стїѧ, да тѧ̀ сла́влю те́плѣ во вѣ́ки всѧ̑."
|
||||
},
|
||||
{
|
||||
"type": "TEXT",
|
||||
"value": "Сла́ва: Две́ре мы́сленнаѧ, и҆ затворє́наѧ врата̀, и҆́миже є҆ди́нъ про́йде бг҃ъ, двє́ри заградѝ и҆ заключѝ страсте́й мои́хъ, и҆ ᲂу҆пова́нїѧ ѿве́рзи мѝ врата̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Возмѝ ѿ менѐ прегрѣше́нїй бре́мѧ, мт҃и дв҃о, ꙗ҆́же є҆ди́на взе́млющаго мі́ра всегѡ̀ ве́сь грѣ́хъ, ро́ждшаѧ неска́заннѡ а҆́гнца бж҃їѧ и҆ сло́ва."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆са́їе ликꙋ́й, дв҃а и҆мѣ̀ во чре́вѣ, и҆ родѝ сн҃а є҆мманꙋ́ила, бг҃а же и҆ человѣ́ка, восто́къ и҆́мѧ є҆мꙋ̀: є҆го́же велича́юще, дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Ѡ҆скверни́въ ꙗ҆́кѡ человѣ́къ дꙋ́шꙋ мою̀ прегрѣше́ньми мно́гими, и҆ страстьмѝ плотски́ми ѡ҆калѧ́всѧ, тѧ̀ молю̀ ны́нѣ прилѣ́жнѡ, и҆ ми́лъ сѧ̀ дѣ́ю: ѡ҆чи́сти мѧ̀ чⷭ҇таѧ, твои́ми мл҃твами ѿ всѧ́кїѧ ѕло́бы."
|
||||
},
|
||||
{
|
||||
"type": "TEXT",
|
||||
"value": "Воли́телѧ млⷭ҇ти родила̀ є҆сѝ, щедро́тъ чл҃вѣколю́бца бг҃а, є҆ди́наго бл҃га́го, долготерпѣли́ваго и҆ бл҃гоꙋтро́бнаго: є҆го́же бл҃гопремѣ́нна покажи́ ми чⷭ҇таѧ, твои́ми мольба́ми, и҆ согрѣше́нїй разрѣше́нїе пода́ждь."
|
||||
},
|
||||
{
|
||||
"type": "TEXT",
|
||||
"value": "Сла́ва: Дрема́нїемъ ѡ҆держи́ма ᲂу҆ны́нїѧ, и҆ сластьмѝ спѧ́ща мѧ̀ ны́нѣ, влⷣчце, раба̀ твоего̀ воздви́гни къ добродѣ́телемъ дѣѧ́нїй бл҃ги́хъ, неꙋсы́пными твои́ми ма́терними мл҃твами."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бл҃гословѧ̀ бл҃гословлю́ тѧ пречⷭ҇таѧ, и҆ велича́ю те́плѣ: бл҃гослови́ мѧ ᲂу҆́бѡ твоего̀ пѣвца̀, и҆ всѧ́ческихъ нꙋ́ждныхъ и҆ печа́льныхъ и҆зба́ви, и҆ сохранѝ твои́ма дла́ньма непобѣди́ма."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: Покло́нъ."
|
||||
},
|
||||
{
|
||||
"type": "TEXT",
|
||||
"value": "И҆ Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ и҆ про́чее ѻ҆бы́чно, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сꙋббѡ́тꙋ ᲂу҆́тра, по а҃-мъ стїхосло́вїи сѣда́льны мч҃нчны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Сїѧ́етъ дне́сь па́мѧть стрⷭ҇тоте́рпєцъ, и҆́мать бо и҆ ѿ нб҃съ зарю̀: ли́къ а҆́гг҃льскїй торжествꙋ́етъ, и҆ ро́дъ человѣ́ческїй спра́зднꙋетъ. Тѣ́мже мо́лѧтсѧ гдⷭ҇еви, поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Чꙋдеса̀ ст҃ы́хъ твои́хъ мч҃нкъ стѣ́нꙋ неразори́мꙋ на́мъ дарова́лъ є҆сѝ, хрⷭ҇тѐ бж҃е: тѣ́хъ моли́твами вѣ̑рныѧ лю́ди твоѧ̑ ᲂу҆твердѝ, ꙗ҆́кѡ є҆ди́нъ бл҃гъ и҆ человѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ра́дꙋйсѧ, две́ре гдⷭ҇нѧ непроходи́маѧ, ра́дꙋйсѧ, стѣно̀ и҆ покро́ве притека́ющихъ къ тебѣ̀, ра́дꙋйсѧ, неѡбꙋрева́емое приста́нище, и҆ неискꙋсобра́чнаѧ, ро́ждшаѧ пло́тїю творца̀ твоего̀ и҆ бг҃а: молѧ́щи не ѡ҆скꙋдѣва́й ѡ҆ воспѣва́ющихъ, и҆ кла́нѧющихсѧ ржⷭ҇твꙋ̀ твоемꙋ̀."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны, мч҃нчны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, ча́шѣ страсте́й твои́хъ стрⷭ҇тоте́рпцы твоѝ поревнова́вше, ѡ҆ста́виша жите́йскꙋю красотꙋ̀, и҆ бы́ша а҆́гг҃лѡмъ соприча̑стницы: тѣ́хъ мольба́ми пода́ждь дꙋша́мъ на́шымъ ми́ръ хрⷭ҇тѐ бж҃е, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Ст҃ы́хъ мч҃нкъ и҆справле́нїємъ нбⷭ҇ныѧ си̑лы преꙋдиви́шасѧ, ка́кѡ въ тѣ́лѣ ме́ртвеннѣмъ подви́гшесѧ до́брѣ, безпло́тнаго врага̀ си́лою крⷭ҇тною побѣди́ша неви́димѡ: и҆ мо́лѧтсѧ гдⷭ҇еви, поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни, ꙗ҆̀же и҆збра́лъ и҆ прїѧ́лъ є҆сѝ гдⷭ҇и, и҆ па́мѧть и҆́хъ въ ро́дъ и҆ ро́дъ."
|
||||
},
|
||||
{
|
||||
"type": "HEADER",
|
||||
"value": "Та́же сѣда́ленъ, поко́инъ:"
|
||||
},
|
||||
{
|
||||
"type": "TEXT",
|
||||
"value": "Поко́й сп҃се на́шъ съ пра́ведными рабы̑ твоѧ̑, и҆ тѣ́хъ вселѝ во дворы̀ твоѧ̑, ꙗ҆́коже пи́сано є҆́сть, презира́ѧ всѧ̑ согрѣшє́нїѧ и҆́хъ, ꙗ҆́кѡ бл҃гъ, вѡ́льнаѧ и҆ невѡ́льнаѧ, и҆ всѧ̑ ꙗ҆̀же въ вѣ́дѣнїи и҆ не въ вѣ́дѣнїи, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ѿ дв҃ы возсїѧ́вый мі́рꙋ хрⷭ҇тѐ бж҃е, сы́ны свѣ́та то́ю показа́вый, поми́лꙋй на́съ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ ст҃ы̑мъ мч҃нкѡмъ, и҆ ст҃и́телємъ, и҆ прпⷣбнымъ, и҆ ᲂу҆со́пшымъ, гла́съ є҃, творе́нїе і҆ѡ́сифово, є҆го́же краестро́чїе:"
|
||||
},
|
||||
{
|
||||
"type": "TEXT",
|
||||
"value": "Твои̑мъ хрⷭ҇тѐ, рабѡ́мъ сїѧ̑ пѣ̑сни приношꙋ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Зе́млю, на ню́же не возсїѧ̀, ни ви́дѣ со́лнце когда̀: бе́зднꙋ, ю҆́же не ви́дѣ на́гꙋ широта̀ нбⷭ҇наѧ, і҆и҃ль про́йде невла́жнѡ гдⷭ҇и, и҆ вве́лъ є҆сѝ є҆го̀ въ го́рꙋ ст҃ы́ни твоеѧ̀, хва́лѧща и҆ пою́ща побѣ́днꙋю пѣ́снь."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Тѣлеса̀ предаю́ще некрѡ́ткимъ сꙋдїѧ́мъ, претерпѣ́сте нестерпи̑мыѧ ра̑ны до́блїи страда́льцы, ча́юще прїѧ́ти по́чєсти свы́ше: и҆ введѐ ва́съ хрⷭ҇то́съ въ вѣ̑чныѧ ѻ҆би́тєли, ра́дꙋющихсѧ и҆ пою́щихъ побѣ́днꙋю пѣ́снь,"
|
||||
},
|
||||
{
|
||||
"type": "TEXT",
|
||||
"value": "Ст҃и́телємъ: Прпⷣбнїи и҆ пра́веднїи, и҆ ст҃и́телїе, бл҃госла́внїи соверши́вше повелѣ̑нїѧ бж҃їѧ, ᲂу҆пасо́ша лю́ди, и҆ до́брѣ наста́виша къ водѣ̀ ра́зꙋма: и҆ пото́ки сла́дости досто́йнѡ воспрїѧ́ша, и҆сточа́юще бл҃года́тїю и҆сцѣле́нїй рѣ́ки."
|
||||
},
|
||||
{
|
||||
"type": "TEXT",
|
||||
"value": "Напра́ви мѧ̀ гдⷭ҇и, къ приста́нищємъ живота̀, мл҃твами прⷪ҇рѡ́къ пресла́вныхъ, премꙋ́дрыхъ первост҃и́телей, и҆ сщ҃е́нныхъ же́нъ пострада́вшихъ крѣ́пкѡ, и҆ посто́мъ врага̀ попра́вшихъ, мꙋ́жескимъ ᲂу҆мо́мъ, бж҃е́ственною тебѐ бл҃года́тїю ꙗ҆́вльшагѡсѧ на землѝ."
|
||||
},
|
||||
{
|
||||
"type": "TEXT",
|
||||
"value": "Сла́ва, поко́инъ: Тебѐ мо́лимъ бл҃гопремѣ́ннаго бг҃а: ᲂу҆поко́й въ нѣ́дрѣхъ а҆враа́мовыхъ рабы̑ твоѧ̑ хрⷭ҇тѐ, ꙗ҆̀же къ тебѣ̀ преста́вилъ є҆сѝ ѿ жите́йскагѡ мѧте́жа, и҆ сподо́би и҆́хъ свѣ́та вѣ́чнагѡ, тѣ́хъ согрѣшє́нїѧ презира́ѧ ꙗ҆́кѡ бл҃гъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ра́дꙋйсѧ, тебѣ̀ зове́мъ, ро́ждшей ра́дость всепѣ́таѧ: просвѣтѝ на́шѧ ᲂу҆мы̀ и҆ дꙋ́шы, и҆ къ стезѧ́мъ ра́зꙋма всѣ́хъ напра́ви, и҆ прегрѣше́нїй всѣ̑мъ ѡ҆чище́нїе да́ти молѝ є҆ди́на бг҃оневѣ́сто, сн҃а твоего̀ и҆ бг҃а."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ ᲂу҆со́пшымъ, пое́мый на рѧдꙋ̀, и҆дѣ́же нѣ́сть мине́и, гла́съ є҃, є҆го́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Ѳеофа́новъ пѧ́тый над̾ ме́ртвыми канѡ́нъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сп҃си́телю бг҃ꙋ, въ мо́ри лю́ди немо́крыми нога́ми наста́вльшемꙋ, и҆ фараѡ́на со всево́инствомъ пото́пльшемꙋ, томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Бж҃е́ственною любо́вїю стрⷭ҇тоте́рпцы хрⷭ҇тѡ́вы мꙋчи́телей горды́ню попра́ша: преста́влєннымъ же вѣ́рою млⷭ҇тивное про́сѧтъ ѡ҆ставле́нїе и҆ поко́й."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Оу҆поко́й гдⷭ҇и дꙋ́шы ра̑бъ твои́хъ."
|
||||
},
|
||||
{
|
||||
"type": "TEXT",
|
||||
"value": "Во ст҃ы́хъ селе́нїихъ, во дво́рѣхъ твои́хъ хрⷭ҇тѐ, преста́влєнныѧ вселѝ! И҆́же до́лгъ за ни́хъ пролїѧ́вый кро́вь твою̀ влⷣко, пречⷭ҇тнѣ́йшꙋю."
|
||||
},
|
||||
{
|
||||
"type": "TEXT",
|
||||
"value": "Сла́ва: Премꙋ́дрость бж҃їѧ, и҆́же и҆звѣ́стно начерта́нїе всѐ носѧ́й роди́телево: и҆̀хже прїѧ́тъ ще́дре, са́мъ ᲂу҆поко́й, подава́ѧ и҆̀мъ присносꙋ́щное бл҃же́нство."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Свѣтоно́снаѧ сѣ́нь, златови́дный ковче́гъ, бж҃е́ственное сло́во ѡ҆бдержа́щи воплоще́нное на́съ ра́ди, и҆ разори́вшее сме́ртнꙋю си́лꙋ, ꙗ҆ви́ласѧ є҆сѝ всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Дви́жимое се́рдце моѐ гдⷭ҇и, волна́ми жите́йскими, ᲂу҆твердѝ, въ приста́нище ти́хое наставлѧ́ѧ ꙗ҆́кѡ бг҃ъ."
|
||||
},
|
||||
{
|
||||
"type": "TEXT",
|
||||
"value": "Па́лицами бїе́мо не пощадѣ́сте тѣ́ло, и҆ мечѝ сѣко́мо всехва́льнїи ѻ҆рꙋ́жницы, ᲂу҆крѣплѧ́еми наде́ждею мч҃нцы вѣ́чныхъ красо́тъ."
|
||||
},
|
||||
{
|
||||
"type": "TEXT",
|
||||
"value": "Ст҃и́тельства ѻ҆де́ждꙋ просвѣти́сте, ви́ды добродѣ́тельными ᲂу҆па́сше хрⷭ҇то́во ста́до на па́житехъ живо́тныхъ."
|
||||
},
|
||||
{
|
||||
"type": "TEXT",
|
||||
"value": "Пло́ть ᲂу҆мерщвлѧ́юще воздержа́нїемъ прпⷣбнїи, жи́зни бж҃е́ственнѣй причасти́шасѧ: тѣ́хъ хрⷭ҇тѐ сщ҃е́нными мл҃твами ѿ бѣ́дъ и҆зба́ви на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆со́пшымъ та́мошнїй поко́й чл҃вѣколю́бче пода́ждь, ꙗ҆̀же содѣ́ѧша на землѝ, до́лги ѿпꙋща́ѧ ꙗ҆́кѡ бл҃гъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бл҃гослове́ннꙋю въ жена́хъ тѧ̀ ꙗ҆́кѡ ви́дѣ, сосло́вїе же́нское пострада̀, и҆ твоемꙋ̀ сн҃ꙋ, дв҃о мт҃и, приведе́сѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твердѝ ны̀ бж҃е сп҃се, твое́ю си́лою, и҆ воздви́гни ро́гъ твоеѧ̀ цр҃кве, правовѣ́рнѡ хва́лѧщихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Мꙋ́жески подви́гшесѧ страда́льцы, мꙋчи́тельскимъ стремле́нїємъ проти́вꙋ ста́ша, и҆ мо́лѧтсѧ ѡ҆ ᲂу҆со́пшихъ хрⷭ҇тꙋ̀."
|
||||
},
|
||||
{
|
||||
"type": "TEXT",
|
||||
"value": "Зако́ны твои́ми воспита́вшихсѧ, преста́вльшихсѧ пребл҃гі́й, въ свѣ́тлыхъ твои́хъ селе́нїихъ прїе́мь, ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "Сла́ва: Млⷭ҇тивый є҆ди́не бж҃е, ꙗ҆̀же и҆збра́лъ є҆сѝ, сподо́би ст҃ы́хъ свѣ́тлостей, презира́ѧ тѣ́хъ согрѣшє́нїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Пое́мъ твоѐ ржⷭ҇тво̀ чⷭ҇таѧ, и҆́мже пе́рвагѡ ѡ҆сꙋжде́нїѧ и҆ клѧ́твы и҆зба́вихомсѧ, и҆ ѿ сме́рти свободи́хомсѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и слꙋ́хъ тво́й, и҆ ᲂу҆боѧ́хсѧ, разꙋмѣ́хъ смотре́нїе твоѐ, и҆ просла́вихъ тѧ̀ є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Си́лою твое́ю гдⷭ҇и, стрⷭ҇тоте́рпцы вра́жїю си́лꙋ попра́ша, и҆ крѣ́пость бы́ша вѣ̑рнымъ, и҆ вели́кое ᲂу҆твержде́нїе."
|
||||
},
|
||||
{
|
||||
"type": "TEXT",
|
||||
"value": "Прпⷣбнїи всѝ ра́достїю ра́дꙋютсѧ, и҆ ѡ҆дѣва́ютсѧ сщ҃е́нницы бж҃е́ственнїи въ пра́вдꙋ, ꙗ҆́коже въ ри́зꙋ."
|
||||
},
|
||||
{
|
||||
"type": "TEXT",
|
||||
"value": "Воспои́мъ всѝ бг҃оглагѡ́ливыѧ бж҃їѧ прⷪ҇ро́ки, и҆ почти́мъ же́нъ сосло́вїе, ꙗ҆̀же до́брѣ тече́нїе сконча́вшыѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Къ приста́нищꙋ твоегѡ̀ црⷭ҇твїѧ влⷣко, ᲂу҆стреми́въ, ᲂу҆поко́й, и҆̀хже преста́вилъ є҆сѝ ѿ мѧте́жа и҆ бꙋ́ри настоѧ́щагѡ житїѧ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Безлѣ́тный бы́сть ны́нѣ под̾ лѣ́томъ и҆з̾ тебѐ дв҃о: того̀ молѝ разрꙋши́ти всѧ̑ дꙋшѝ моеѧ̀ лѣ̑тнаѧ прегрѣшє́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, и҆з̾ гро́ба твоѐ воста́нїе, и҆ просла́вихъ твою̀ непобѣди́мꙋю си́лꙋ."
|
||||
},
|
||||
{
|
||||
"type": "TEXT",
|
||||
"value": "Соприсносꙋ́щна тѧ̀ ѻ҆ц҃ꙋ̀ и҆сповѣ́давше бл҃гоче́стнѡ мч҃нцы хрⷭ҇тѐ, ᲂу҆бїе́ни бы́ша, и҆ вопїю́тъ тѝ: и҆зба́ви и҆̀хже прїѧ́лъ є҆сѝ рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "И҆́же въ мертвецѣ́хъ бы́вый є҆ди́нъ свобо́дь мертве́цъ хрⷭ҇тѐ, и҆ мертвецє́мъ жи́знь вѣ́чнꙋю да́рꙋѧ, поко́й да́ждь ны́нѣ преста́влєнымъ рабѡ́мъ твои̑мъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Прише́дый во є҆́же сп҃стѝ заблꙋ́ждшыѧ хрⷭ҇тѐ, ра́йскагѡ сподо́би вселе́нїѧ, ꙗ҆̀же преста́вилъ є҆сѝ въ вѣ́рѣ, ѡ҆правда́вый бл҃года́тїю."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѡ҆сѣни́ тѧ вы́шнѧгѡ ѻ҆трокови́це си́ла, въ тебѣ̀ ра́й содѣ́ла живо́тный, дре́во и҆мꙋ́щїй посредѣ̀, хода́таѧ и҆ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆каѧ́ннꙋю дꙋ́шꙋ мою̀, нощеборю́щꙋюсѧ со тьмо́ю страсте́й, предвари́въ ᲂу҆ще́дри, и҆ возсїѧ́й мы́сленное сл҃нце днесвѣ́тлыѧ ѕвѣзды̀ во мнѣ̀, во є҆́же раздѣли́ти но́щь ѿ свѣ́та."
|
||||
},
|
||||
{
|
||||
"type": "TEXT",
|
||||
"value": "И҆сцѣле́нїе недꙋ́гꙋющымъ и҆сточа́ютъ кѡ́сти мч҃нкъ: не сокрꙋши́вшесѧ бо ѕло́бою, и҆ на̑ша ѡ҆бновлѧ́ютъ сокрꙋшє́нїѧ: всѧ̑ же кѡ́сти ѕлоче́стїѧ ꙗ҆́кѡ пра́хъ и҆стни́ша."
|
||||
},
|
||||
{
|
||||
"type": "TEXT",
|
||||
"value": "Зако́ны твоѧ̑ соблюда́юще ст҃и́телїе ᲂу҆пасо́ша лю́ди, и҆ наста́виша ще́дре, къ животꙋ̀ бꙋ́дꙋщемꙋ: прпⷣбнїи же ᲂу҆мертви́ша страсте́й мꙋчи́тельство соверше́ннымъ ᲂу҆мо́мъ."
|
||||
},
|
||||
{
|
||||
"type": "TEXT",
|
||||
"value": "Да почтꙋ́тсѧ прⷪ҇ро́цы, и҆ съ ни́ми всѝ пра́вєдницы вѣ́рою, и҆ да похва́лѧтсѧ прпⷣбнѡ пожи́вшїи, и҆ мꙋ́ками просвѣти́вшїисѧ на землѝ бж҃е́ствєнныѧ жєны̀, ꙗ҆́кѡ рабы̑ хрⷭ҇тѡ́вы."
|
||||
},
|
||||
{
|
||||
"type": "TEXT",
|
||||
"value": "Сла́ва, поко́инъ: Ꙗ҆̀же ѿ землѝ прїѧ́тъ, въ нбⷭ҇ныхъ ᲂу҆чинѝ селе́нїихъ вѣ̑рныѧ рабы̑ твоѧ̑, тѣ́хъ презира́ѧ прегрѣшє́нїѧ, за премно́гꙋю бл҃гость хрⷭ҇тѐ, воплоще́йсѧ на́съ ра́ди земны́хъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Пое́мъ тѧ̀ дв҃о, є҆ѧ́же ра́ди ꙗ҆ви́сѧ бг҃ъ сꙋ́щымъ на землѝ, человѣ́къ бы́въ, вопїю́ще: ра́дꙋйсѧ, землѐ бл҃гоплодови́таѧ, плодоносѧ́щаѧ кла́съ та́йны, пита́ющъ всѧ́кое дыха́нїе."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́тренююще вопїе́мъ тѝ гдⷭ҇и, сп҃си́ ны, ты́ бо є҆сѝ бг҃ъ на́шъ, ра́звѣ бо тебѐ и҆но́гѡ не зна́емъ."
|
||||
},
|
||||
{
|
||||
"type": "TEXT",
|
||||
"value": "Мч҃нкъ прїе́мъ гдⷭ҇и, молє́нїѧ, дꙋ́шы, ꙗ҆̀же преста́вилъ є҆сѝ, со и҆збра́нными тѝ причтѝ."
|
||||
},
|
||||
{
|
||||
"type": "TEXT",
|
||||
"value": "Предре́клъ є҆сѝ, не ᲂу҆зрѣ́ти сме́рти вѣ́рꙋющымъ въ тѧ̀: тѣ́мже влⷣко ᲂу҆со́пшыѧ ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "Сла́ва: Красоты̀ до́мꙋ твоегѡ̀ гдⷭ҇и, твоѧ̑ рабы̑ ᲂу҆лꙋчи́ти сподо́би, и҆ сла́дкагѡ прича́стїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Сло́во, є҆́же ѻ҆ц҃ꙋ̀ соприсносꙋ́щное, ѿ дв҃ы вопло́щьсѧ, ᲂу҆мертвѝ сме́ртїю сме́рть."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́коже прⷪ҇ро́ка ѿ ѕвѣ́рѧ и҆зба́вилъ є҆сѝ гдⷭ҇и, и҆ менѐ и҆з̾ глꙋбины̀ несодержи́мыхъ страсте́й возведѝ, молю́сѧ: да приложꙋ̀ призрѣ́ти мѝ къ хра́мꙋ ст҃о́мꙋ твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Тѣлеса̀ преда́вше на ра̑ны бж҃е́ственнїи мч҃нцы, мꙋчи́телей рꙋка́мъ, веселѧ́хꙋсѧ дꙋше́ю: бж҃е́ственное бо зрѧ́хꙋ вои́стиннꙋ, присносꙋ́щное ра́дованїе и҆ бж҃е́ствєннаѧ воздаѧ̑нїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва премꙋ́дрымъ ст҃и́телємъ и҆ прпⷣбнымъ ты̀ є҆сѝ хрⷭ҇тѐ: мл҃твами и҆́хъ твоѧ̑ лю́ди ᲂу҆ще́дри, и҆̀хже свое́ю кро́вїю стѧжа́лъ є҆сѝ, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Ѿ тебѐ гдⷭ҇и, просвѣща́ющесѧ ᲂу҆мо́мъ прⷪ҇ро́цы, проѧвлѧ́ютъ ꙗ҆́снѡ да̑льнѧѧ ꙗ҆́коже бли́зъ: жєны́ же си́лою твое́ю держа́вꙋ вра́жїю разрꙋши́ша, страда́нїемъ и҆ посто́мъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Преста́влєныѧ ѿ на́съ вѣ̑рныѧ рабы̑ твоѧ̑, ликѡ́мъ и҆збра́нныхъ сопричта́въ бл҃же, ᲂу҆поко́й гдⷭ҇и, всѧ̑ тѣ́хъ согрѣшє́нїѧ презира́ѧ за млⷭ҇рдїе."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Созда́вый въ нача́тцѣ є҆́ѵꙋ гдⷭ҇и, дв҃ы въ ложесна̀ вше́дъ, на́ше содѣ́ловаеши ѡ҆бновле́нїе въ ра́бїй ѡ҆́бразъ ѡ҆бо́лксѧ, и҆́же влⷣка всѧ́ческихъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆бы́де мѧ̀ бе́здна, гро́бъ мнѣ̀ ки́тъ бы́сть: а҆́зъ же возопи́хъ къ тебѣ̀ чл҃вѣколю́бцꙋ, и҆ сп҃се́ мѧ десни́ца твоѧ̀ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Во́инство мч҃нкъ твои́хъ, вы̑шнимъ си́ламъ подо́бѧщесѧ, хрⷭ҇тѐ, мо́лѧтъ тѧ̀, пода́ждь чл҃вѣколю́бче, преста́влєнымъ є҆́же ѿ тебѐ наслажде́нїе."
|
||||
},
|
||||
{
|
||||
"type": "TEXT",
|
||||
"value": "Въ мѣ́стѣхъ прохлажде́нїѧ, въ мѣ́стѣхъ ст҃ы́хъ свѣ́тлости, въ мѣ́стѣхъ ѡ҆слабле́нїѧ хрⷭ҇тѐ, ꙗ҆́кѡ чл҃вѣколю́бецъ, и҆̀хже прїѧ́лъ є҆сѝ, ᲂу҆чинѝ рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆чи́сти рабы̑ твоѧ̑, и҆ тѣ̑мъ согрѣше́нїй проще́нїе пода́ждь чл҃вѣколю́бче, и҆ жи́зни сподо́би нетлѣ́ннѣй, и҆ бл҃же́нномꙋ наслѣ́дїю."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Зача́тїѧ безсѣ́меннагѡ твоегѡ̀, кто̀ сло́вомъ и҆зрещѝ мо́жетъ чꙋдесѐ, всенепоро́чнаѧ: бг҃а во родила̀ є҆сѝ, за млⷭ҇рдїе къ на́мъ прише́дша."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆гнѧ̀ гаси́лище ѻ҆трокѡ́въ мл҃тва, ѡ҆роша́ющаѧ пе́щь, проповѣ́дница чꙋдесѐ, не ѡ҆палѧ́ющи, нижѐ сожига́ющи пѣсносло́вцы бг҃а ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Вы̀ разжиза́еми лю́тыхъ мꙋче́нїй ѻ҆гне́мъ, любле́нїе теплѣ́йшее мч҃нцы сла́внїи показа́сте ко гдⷭ҇ꙋ, прохлажда́юще ва́съ по́мысломъ бл҃гочести́вымъ."
|
||||
},
|
||||
{
|
||||
"type": "TEXT",
|
||||
"value": "Премꙋ́дростїю дх҃а ᲂу҆краси́вшесѧ премꙋ́дрїи, и҆ свѣ́тлѡ пожи́сте, сщ҃еннодѣ́йствꙋюще бл҃года́ти є҆ѵⷢ҇лїа, и҆ ꙗ҆́кѡ бж҃їѧ слꙋжи́тели похвалѧ́емъ ва́съ."
|
||||
},
|
||||
{
|
||||
"type": "TEXT",
|
||||
"value": "Вы̀ ᲂу҆мертви́вше пло́ть болѣ́зньми мно́гими, жи́зни сподо́бистесѧ бꙋ́дꙋщїѧ прпⷣбнїи, молѧ́щесѧ сїю̀ полꙋчи́ти на́мъ ᲂу҆мерщвлє́нымъ страсте́й приложе́ньми."
|
||||
},
|
||||
{
|
||||
"type": "TEXT",
|
||||
"value": "Бл҃же́нный ли́къ бж҃їихъ прⷪ҇рѡ́къ, и҆ же́нъ собо́ръ, подви́гшыѧсѧ посто́мъ, и҆ страда́нїемъ низложи́вшыѧ врага̀, да похва́лѧтсѧ вѣ́рнѡ."
|
||||
},
|
||||
{
|
||||
"type": "TEXT",
|
||||
"value": "Сла́ва: Мє́ртвымъ прїѡбщи́всѧ всѣ́хъ жи́знь сло́ве, ны́нѣ ѡ҆ста́вльшихъ житїѧ̀ мѧте́жъ, ко приста́нищꙋ твоемꙋ̀ бж҃е́ственномꙋ ᲂу҆пра́ви, согрѣшє́нїѧ и҆́хъ презира́ѧ бл҃же."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆̀же бцⷣꙋ тѧ̀ мꙋ́дрствꙋющїи ра́зꙋмомъ пра́вымъ, ѻ҆гнѧ̀ вѣ́чнагѡ и҆ тьмы̀ да и҆зба́вимсѧ хода́тайствомъ твои́мъ влⷣчце, и҆ неви́димыхъ вра̑гъ борю́щихъ на́съ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пещѝ ѻ҆́гненнѣй пѣсносло́вцы сп҃сы́й ѻ҆́троки, бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ны́нѣ непристꙋ́пнагѡ свѣ́та насы́титисѧ, пода́ждь сп҃се, преста́влєнымъ, мольба́ми стрⷭ҇тоте́рпєцъ твои́хъ."
|
||||
},
|
||||
{
|
||||
"type": "TEXT",
|
||||
"value": "Въ цр҃кви пе́рвенєцъ хрⷭ҇тѐ, въ вѣ́рѣ сконча́вшихсѧ, ще́дре, сопричтѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆кра́шены ѻ҆де́ждами нетлѣ́нїѧ твоѧ̑ рабы̑, преста́влєныѧ къ тебѣ̀ сп҃се, ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: То́къ сме́ртнагѡ сꙋщества̀ ѿсѣкла̀ є҆сѝ пречⷭ҇таѧ, жи́знь без̾ сѣ́мене заче́нши, всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: А҆́гг҃лѡвъ со́нмъ, человѣ́кѡвъ собо́ръ, цр҃ѧ̀ и҆ зижди́телѧ всѣ́хъ, сщ҃е́нницы по́йте, бл҃гослови́те леѵі́ти, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Преплы́вше мꙋче́нїй пꙋчи́нꙋ ѡ҆кормле́нїемъ сло́ва, страда́льцы крове́й тече́нїемъ погрꙋзи́сте всѧ̑ полкѝ льсти́вагѡ, и҆ живетѐ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Премꙋ́дрїи бы́вше сщ҃еннодѣ́лателїе, сщ҃е́ннѡ на водѣ̀ правосла́вїѧ ва́мъ ввѣ́ренное ста́до препита́сте: вои́стиннꙋ сла́дости кра́сныхъ пото́кѡвъ наслажда́етесѧ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Свѣти̑ла прпⷣбнїи вѣ̑рнымъ ꙗ҆ви́стесѧ, ꙗ҆́кѡ соверши́вше дѣла̀ свѣ́та, и҆ къ бж҃е́ственнѣй свѣ́тлости преста́вистесѧ: тьмы̀ на́съ свободи́ти моли́тесѧ влⷣцѣ."
|
||||
},
|
||||
{
|
||||
"type": "TEXT",
|
||||
"value": "Весели́сѧ сосло́вїе же́нское, по́честей и҆сполне́нїе всѧ́кихъ прїе́мшее ра́нами, и҆ ли́къ ра́дꙋйсѧ прⷪ҇ро́ческїй, и҆ пра́ведныхъ, ᲂу҆годи́вшихъ хрⷭ҇тꙋ̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѻ҆рꙋ́жїе ѡ҆браща́ющеесѧ ны́нѣ, да́ждь влⷣко невозбра́ннѡ проитѝ, преста́влєнымъ ѿ житїѧ̀ рабѡ́мъ твои̑мъ: внꙋ́трь раѧ̀ тѣ́хъ вселѧ́ѧ, ꙗ҆́кѡ є҆ди́нъ млⷭ҇тивъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Ꙗ҆́кѡ врата̀ вводѧ̑щаѧ къ бж҃е́ственномꙋ вхо́дꙋ, ꙗ҆́кѡ добровосхо́днꙋю лѣ́ствицꙋ бж҃їю, ꙗ҆́кѡ спаса́ющымсѧ незаблꙋ́днꙋю наста́вницꙋ, ѡ҆бра́дованнꙋю воспои́мъ дв҃ꙋ мр҃і́ю."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆з̾ ѻ҆ц҃а̀ пре́жде вѣ̑къ рожде́ннаго сн҃а и҆ бг҃а, и҆ въ послѣ̑днѧѧ лѣ̑та воплоще́ннаго ѿ дв҃ы мт҃ре, сщ҃е́нницы по́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆́же ст҃ы́хъ мч҃нкъ по́двиги прїе́мый, и҆ тѣ́хъ ра́ди ᲂу҆покоѧ́ѧй въ вѣ́рѣ твое́й ᲂу҆со́пшыѧ, тебѐ сп҃се пое́мъ, и҆ превозно́симъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Премі́рныѧ твоеѧ̀ сла́вы сїѧ́нїемъ ѡ҆зарѧ́тисѧ, ꙗ҆̀же ѿ на́съ преста́влєныѧ сподо́би, ꙗ҆́кѡ бл҃гоꙋтро́бенъ, тебѐ сп҃се пою́щыѧ, и҆ превозносѧ́щыѧ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Съ ли́ки ст҃ы́хъ, и҆̀хже преста́вилъ є҆сѝ, ᲂу҆чинѝ, и҆ а҆враа́мꙋ, въ нѣ́дрѣхъ съ ла́заремъ причтѝ тебѐ сп҃се пою́щихъ, и҆ превозносѧ́щихъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Бг҃оро́диченъ: Оу҆]кра́шена добро́тою чистоты̀, дв҃о мт҃и, добротво́рнагѡ бл҃голѣ́пїѧ жили́ще бы́вши: тѣ́мже тѧ̀ пое́мъ, и҆ превозно́симъ чⷭ҇тꙋю во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ сотворѝ тебѣ̀ вели̑чїѧ си́льный, дв҃ꙋ ꙗ҆́вль тѧ̀ чи́стꙋ по ржⷭ҇твѣ̀, ꙗ҆́кѡ ро́ждшꙋю без̾ сѣ́мене своего̀ творца̀: тѣ́мъ тѧ̀ бцⷣꙋ велича́емъ."
|
||||
},
|
||||
{
|
||||
"type": "TEXT",
|
||||
"value": "Сщ҃еннодѣ́йственнїи па́стырїе прⷪ҇рѡ́къ ст҃ы́хъ ли́къ, пра́ведныхъ неизче́тное мно́жество: мч҃нкѡвъ собо́ръ, сщ҃е́нными пѣ́сньми да ᲂу҆бл҃жа́ютсѧ: молѧ́щесѧ сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ чꙋ́дный по́стничествовавъ прпⷣбныхъ собо́ръ премꙋ́дреннѡ, чꙋде́съ показа́ньми мно́гими ны́нѣ ᲂу҆диви́сѧ: тѣ́хъ мольба́ми ди́вный гдⷭ҇и, ᲂу҆дивѝ на всѣ́хъ млⷭ҇ти твоѧ̑."
|
||||
},
|
||||
{
|
||||
"type": "TEXT",
|
||||
"value": "Со сщ҃енномч҃нки сконча́вшими тече́нїе до́брѣ, же́нъ безчи́сленное мно́жество пострада́вшее и҆ пости́вшеесѧ, любо́вїю да ᲂу҆бл҃жа́етсѧ вѣ́рнѡ, со а҆́гг҃льскими ли́ки пребыва́ющее."
|
||||
},
|
||||
{
|
||||
"type": "TEXT",
|
||||
"value": "Сла́ва: Ст҃ы́хъ всѣ́хъ мно́жество мо́литъ тѧ̀ сло́ве: ᲂу҆поко́й мно́жєства ꙗ҆̀же въ вѣ́рѣ ѿ землѝ преста́влєныѧ, за мно́жество млⷭ҇ти, ꙗ҆̀же содѣ̑ѧнаѧ и҆́ми въ житїѝ, презира́ѧ согрѣшє́нїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Оу҆мовре́днѡ грѣхѝ содѣ́ѧхъ мнѡ́ги дв҃о, мꙋче́нїѧ ѡ҆жида́ю про́чее, ѿ негѡ́же мѧ̀ и҆зба́ви, несꙋмнѣ́ннымъ се́рдцемъ къ тебѣ̀ приходѧ́щаго, и҆ бж҃е́ственный покро́въ тво́й призыва́юща."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тѧ̀ па́че ᲂу҆ма̀ и҆ словесѐ мт҃рь бж҃їю, въ лѣ́то безлѣ́тнаго неизрече́ннѡ ро́ждшꙋю, вѣ́рнїи є҆диномꙋ́дреннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Страда́нїй сщ҃е́нныхъ мч҃нцы, воздаѧ̑нїѧ прїе́мше, дарова́ти тѧ̀ ны́нѣ мо́лѧтъ, вѣ́рою преста́влєнымъ сп҃се, ѡ҆слабле́нїе."
|
||||
},
|
||||
{
|
||||
"type": "TEXT",
|
||||
"value": "Оу҆мерщвле́нїе претерпѣ́лъ є҆сѝ є҆ди́не сп҃се безсме́ртне, и҆́же воскрⷭ҇нїе мє́ртвымъ подаѧ̀ ꙗ҆́кѡ бл҃гоꙋтро́бенъ, и҆ безсме́ртїѧ свѣ́тлость."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆спра́вилъ є҆сѝ на́съ па́дшихъ въ сме́рть, и҆ на живо́тъ вѣ́чный надѣ́ѧтисѧ наꙋчи́лъ є҆сѝ, є҆го́же ᲂу҆лꙋчи́ти твои̑мъ рабѡ́мъ сп҃се, да́рꙋй."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Зако́на сѣ̑ни преидо́ша ржⷭ҇тво́мъ твои́мъ, и҆́стина возсїѧ̀, бл҃года́ть дарова́сѧ бцⷣе: тѣ́мже тѧ̀ велича́емъ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "HEADER",
|
||||
"value": "Посе́мъ є҆ктенїа̀, и҆ свѣти́ленъ, и҆ ѱалмы̀ ѻ҆бы̑чны."
|
||||
},
|
||||
{
|
||||
"type": "HEADER",
|
||||
"value": "На хвали́техъ стїхи̑ры мч҃нчны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Бл҃гослове́но во́инство нбⷭ҇нагѡ цр҃ѧ̀: а҆́ще бо и҆ земноро́дни бѣ́ша стрⷭ҇тоте́рпцы, но а҆́гг҃льскїй са́нъ тща́хꙋсѧ дости́гнꙋти, ѡ҆ тѣлесѣ́хъ неради́вше, и҆ страсте́й ра́ди безпло́тныхъ сподо́бишасѧ че́сти. Тѣ́мже мл҃твами и҆́хъ гдⷭ҇и, сп҃сѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Стрⷭ҇тоно́сцы твоѝ гдⷭ҇и, чинѡ́мъ а҆́гг҃льскимъ ᲂу҆подо́бльшесѧ, ꙗ҆́кѡ безпло́тнїи, мꙋ̑ки претерпѣ́ша, и҆ є҆диномы́сленно ᲂу҆пова́нїе и҆мꙋ́ще, ѡ҆бѣща́нныхъ бл҃гъ наслажде́нїе. Мл҃твами и҆́хъ хрⷭ҇тѐ бж҃е, поми́лꙋй на́съ."
|
||||
},
|
||||
{
|
||||
"type": "TEXT",
|
||||
"value": "Ст҃і́и мч҃нцы, на землѝ подви́гшесѧ, мра́зъ претерпѣ́ша, и҆ ѻ҆гню̀ преда́шасѧ, вода̀ и҆́хъ прїѧ́тъ. Тѣ́хъ є҆́сть гла́съ: проидо́хомъ сквозѣ̀ ѻ҆́гнь и҆ во́дꙋ, и҆ и҆зведѐ ны̀ въ поко́й. Тѣ́хъ мл҃твами бж҃е, поми́лꙋй на́съ."
|
||||
},
|
||||
{
|
||||
"type": "TEXT",
|
||||
"value": "Въ мꙋ́кахъ сꙋ́ще ст҃і́и, ра́дꙋющесѧ вопїѧ́хꙋ: кꙋ́плѧ на́мъ сꙋ́ть сїѧ̑ ко влⷣцѣ. Вмѣ́стѡ быва́ющихъ ра́нъ на тѣлесѣ́хъ, свѣ́тлое ѡ҆дѣѧ́нїе въ воскрⷭ҇нїе процвѣте́тъ на́мъ, за безче́стїе вѣнцы̀, за ᲂу҆́зы темни̑чныѧ ра́й: и҆ за є҆́же со ѕлодѣ́и ѡ҆сꙋжде́нїе, є҆́же со а҆́гг҃лы житїѐ. Мл҃твами и҆́хъ гдⷭ҇и, сп҃сѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Ты̀ созда́вый мѧ̀ гдⷭ҇и, и҆ положѝ на мнѣ̀ рꙋ́кꙋ твою̀, и҆ заповѣ́давъ мѝ ре́клъ є҆сѝ: въ зе́млю па́ки по́йдеши. Наста́ви мѧ̀ на пра́вый пꙋ́ть тво́й, проща́ѧ мнѣ̀ прегрѣшє́нїѧ. Ѡ҆сла́би мѝ, и҆ сп҃си́ мѧ, молю́сѧ, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ѽле ѻ҆каѧ́ннаѧ дꙋшѐ! Кі́й ѿвѣ́тъ и҆́маши рещѝ сꙋдїѝ во ѻ҆́нъ ча́съ, є҆гда̀ прⷭ҇то́ли поста́вѧтсѧ на сꙋдѣ̀, и҆ сꙋдїѧ̀ прїи́детъ ѿ нб҃съ, соше́дъ со тьма́ми а҆́гг҃льскими; є҆гда̀ сѧ́детъ на сꙋди́щи, прю̀ сотвори́ти съ рабы̑ непотре́бными, подо́бными мнѣ̀, что̀ ѿвѣща́ти и҆́маши; что́же принестѝ тогда̀; пои́стиннѣ ничто́же, ᲂу҆́мъ и҆ тѣ́ло ѡ҆скверни́вши твоѐ. Тѣ́мже припадѝ къ дв҃ѣ, и҆ зовѝ непреста́ннѡ, пода́ти тебѣ̀ бога́тнѡ грѣхѡ́въ проще́нїе."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры поко́йны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ра́дꙋйсѧ:"
|
||||
},
|
||||
{
|
||||
"type": "TEXT",
|
||||
"value": "Свѣ́томъ лица̀ твоегѡ̀ хрⷭ҇тѐ, преста́влєныѧ ꙗ҆́кѡ ще́дръ просвѣтѝ. Вселѝ ѧ҆̀ въ мѣ́сто ѕла́чно, при вода́хъ твоегѡ̀ чⷭ҇тагѡ и҆ бж҃е́ственнагѡ поко́ѧ, въ жела́емыхъ нѣ́дрѣхъ а҆враа́ма пра́ѻтца, и҆дѣ́же свѣ́тъ тво́й чи́стѣ сїѧ́етъ, и҆ пролива́ютсѧ и҆сто́чницы бл҃госты́ни: и҆дѣ́же ликꙋ́ютъ ꙗ҆́снѡ веселѧ́щесѧ пра́ведныхъ всѣ́хъ собо́ри ѡ҆ твое́й бл҃гости. Съ ни́миже ᲂу҆чинѝ рабы̑ твоѧ̑, подаѧ̀ и҆̀мъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни, ꙗ҆̀же и҆збра́лъ и҆ прїѧ́лъ є҆сѝ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Пѣ́ти всесоста́вными гла́сы, славосло́вити же твою̀ держа́вꙋ, бл҃говолѝ ще́дре, преста́вльшыѧсѧ ѿ привре́менныхъ къ тебѣ̀ влⷣцѣ всѣ́хъ и҆ бг҃ꙋ на́шемꙋ, подаѧ̀ красото́ю твое́ю ѡ҆свѣща́тисѧ, и҆ сла́дкагѡ и҆ кра́снагѡ прича́стїѧ твоегѡ̀, воспрїѧ́ти же и҆ наслажда́тисѧ чⷭ҇тѣ́йше: и҆дѣ́же ѻ҆́крестъ прⷭ҇то́ла твоегѡ̀ ликꙋ́ютъ а҆́гг҃ли, и҆ ст҃ы́хъ ли́цы ра́достнѡ ѡ҆бстоѧ́тъ. Съ ни́миже твои̑мъ рабѡ́мъ поко́й пода́ждь, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Дꙋ́шы и҆́хъ во бл҃ги́хъ водворѧ́тсѧ."
|
||||
},
|
||||
{
|
||||
"type": "TEXT",
|
||||
"value": "И҆дѣ́же прⷪ҇ро́кѡвъ ли́къ, а҆пⷭ҇лѡвъ и҆ мч҃нкѡвъ чи́нове, и҆ всѝ и҆̀же ѿ вѣ́ка ѡ҆правди́вшїисѧ твое́ю сп҃си́тельною стра́стїю и҆ кро́вїю, є҆́юже и҆скꙋпи́лъ є҆сѝ плѣне́наго человѣ́ка, та́мѡ вѣ́рою ᲂу҆со́пшыѧ ᲂу҆поко́й, ꙗ҆́кѡ чл҃вѣколю́бецъ, проща́ѧй согрѣшє́нїѧ: є҆ди́нъ бо безгрѣ́шенъ на землѝ пожи́лъ є҆сѝ ст҃ъ вои́стиннꙋ, є҆ди́нъ во ᲂу҆ме́ршихъ свобо́дь. Тѣ́мже твои̑мъ рабѡ́мъ поко́й пода́ждь, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Зако́номъ грѣхо́внымъ на́съ порабоще́нныхъ свободи́ла є҆сѝ влⷣчце, въ ложесна́хъ законода́вца и҆ цр҃ѧ̀ хрⷭ҇та̀ заче́нши є҆ди́на дв҃о мт҃и, и҆́мже ѡ҆правда́емсѧ тꙋ́не, и҆ бл҃года́тїю: є҆го́же ны́нѣ молѝ, дꙋ́шы вѣ́дꙋщихъ тѧ̀ бг҃омт҃рь, написа́ти въ кни́зѣ живо́тнѣй, ꙗ҆́кѡ да хода́тайствомъ твои́мъ спа́сшесѧ всенепоро́чнаѧ, сн҃а твоегѡ̀ любе́зное и҆збавле́нїе полꙋ́чимъ, томꙋ̀ покланѧ́ющесѧ, подаю́щемꙋ мі́рови ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "Въ сꙋббѡ́тꙋ бл҃жє́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Разбо́йникъ на крⷭ҇тѣ̀ бг҃а тѧ̀ бы́ти вѣ́ровавъ, хрⷭ҇тѐ, и҆сповѣ́да тѧ̀ чи́стѣ ѿ се́рдца, помѧни́ мѧ гдⷭ҇и, вопїѧ̀, во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Началоѕло́бнаго врага̀, ᲂу҆ме́рше мч҃нцы, погꙋби́сте, и҆ взыдо́сте къ вы̑шнимъ, вѣнча́вшесѧ бж҃е́ственными побѣ́дами, и҆ цр҃ю̀ всѣ́хъ бг҃ꙋ предста́сте."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Сщ҃е́нства свѣ́томъ ст҃и́телїе просвѣща́еми просла́вишасѧ, и҆ прпⷣбныхъ мно́жество присносꙋ́щный полꙋчи́ша живо́тъ: тѣ́мже ᲂу҆бл҃жа́еми сꙋ́ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Съ ли́ки и҆збра́нныхъ на мѣ́стѣ влⷣко ѡ҆слабле́нїѧ, и҆̀хже преста́вилъ є҆сѝ, вселѝ сло́ве, презрѣ́въ хрⷭ҇тѐ, ꙗ҆̀же на землѝ тѣ́хъ согрѣшє́нїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѽ трⷪ҇це чⷭ҇тна́ѧ! Ст҃и́телей и҆ мч҃нкъ чⷭ҇тны́хъ по́двиги ᲂу҆моле́на бꙋ́ди: вѣ́рою ᲂу҆ме́ршихъ дꙋша́мъ сп҃се́нїе да́рꙋй, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́же невмѣсти́маго всѣ́ми, бг҃ора́дованнаѧ вмѣсти́ла є҆сѝ, и҆ ро́ждши па́че є҆стества̀ и҆ сло́ва, того̀ млⷭ҇тива бы́ти всѣ̑мъ влⷣчце ᲂу҆молѝ."
|
||||
},
|
||||
{
|
||||
"type": "HEADER",
|
||||
"value": "Коне́цъ пѧ́томꙋ гла́сꙋ."
|
||||
}
|
||||
]
|
||||
@@ -0,0 +1,914 @@
|
||||
[
|
||||
{
|
||||
"type": "HEADER",
|
||||
"value": "Гла́съ є҃. Четверто́къ"
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ ве́чера, На Гдⷭ҇и воззва́хъ, стїхи̑ры ст҃ы̑мъ а҆пⷭ҇лѡмъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ра́дꙋйсѧ по́стникѡмъ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Всю̀ проше́дше зе́млю, всѣ́ѧсте бж҃е́ствєннаѧ ᲂу҆чє́нїѧ, сло́во то́чїю ꙗ҆́кѡ свѣ́щникъ и҆ бога́тство всѐ, ᲂу҆ч҃нцы̀ гдⷭ҇ни носѧ́ще, и҆́мже цари́ же и҆ мꙋчи́тели посрами́сте, и҆ любомꙋдрецє́мъ и҆ виті́амъ лю́тость ꙗ҆́кѡ паꙋчи́ннаѧ раздра́сте плетє́нїѧ, всѣ́хъ къ ра́зꙋмꙋ призыва́юще зижди́телѧ, и҆ сꙋ́єтнаѧ слꙋжє́нїѧ бѣсѡ́вскаѧ ѿе́млюще. Тѣ́мже молю̀, безслове́сныхъ и҆зба́вити мѧ̀ страсте́й мл҃твами ва́шими."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Мѧте́жа и҆скꙋше́нїй, и҆ лю́тыѧ лжѝ безче́стныхъ є҆ресе́й, бѣсо́вскагѡ ѕлосовѣ́тїѧ, и҆ человѣ̑къ го́рькагѡ соѡбще́нїѧ и҆ бꙋ́ри всебл҃же́ннїи, ѻ҆гнѧ̀ несвѣти́магѡ, и҆ вѣ́чнꙋющагѡ че́рвїѧ, скре́жета зꙋбна́гѡ, и҆ всѧ́кїѧ и҆ны́ѧ мꙋ́ки, къ бг҃ꙋ мольба́ми и҆зба́вите всѣ́хъ на́съ, и҆ сего̀ ᲂу҆моли́те, воздержа́нїѧ ра́ди и҆ трꙋдѡ́въ, добродѣ́телей воздаѧ́нїй полꙋчи́ти, наслѣ́дїѧ же нбⷭ҇нагѡ црⷭ҇твїѧ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Всю̀ свѣ́тлость ꙗ҆́снѡ воспрїе́млюще, тро́ичный свѣ́тъ вторы́й неизрече́ннагѡ смотре́нїѧ, ꙗ҆́кѡ мо́щно вои́стиннꙋ чл҃вѣ́ческомꙋ є҆стествꙋ̀, всехва́льнаѧ десѧти́ца со дво́ицею, показа́сѧ соверше́ннѣ водѧ́щи є҆диноревни́тельный собо́ръ, седми́десѧтихъ и҆ двꙋ̀ и҆мꙋ́щи съ ни́ми, и҆ всѧ̑ просвѣща́юще мі́ра концы̀, ѡ҆мрача́ющыѧсѧ тьмо́ю ѕломꙋ́дренныхъ є҆ресе́й, хрⷭ҇та̀ молѧ́ще, подаю́щаго мі́рови ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "И҆́ны стїхи̑ры, и҆́же во ст҃ы́хъ ѻ҆тцꙋ̀ на́шемꙋ нїкола́ю чꙋдотво́рцꙋ, гла́съ є҃. Подо́бенъ то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ сщ҃е́ннаѧ главо̀, чи́стое добродѣ́телей ѻ҆би́телище, бж҃е́ственное непоро́чнагѡ свѧще́нства пра́вило, па́стырю вели́кїй ꙗ҆́вственный, свѣ́тлое побѣ́ды носѧ̀ и҆́мѧ, молѧ́щымсѧ млⷭ҇тивный приклони́телю, преклонѧ́ѧсѧ къ немощны́хъ мольба́мъ, и҆зба́витель гото́вый, прибѣ́жище сп҃си́тельное всѣ̑мъ, вѣ́рою чтꙋ́щымъ при́снѡ сла́внꙋю твою̀ па́мѧть, хрⷭ҇та̀ молѝ, низпосла́ти на́мъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ сщ҃е́ннѣйшїй ᲂу҆́ме, трⷪ҇цы чⷭ҇тое жили́ще, сто́лпе цр҃ко́вный, вѣ́рныхъ ᲂу҆твержде́нїе, ѡ҆ѕло́блєннымъ помо́щниче, ѕвѣзда̀ и҆́же блиста́ньми бл҃гопрїѧ́тныхъ мл҃твъ, разорѧ́ѧ напа́сти же и҆ ско́рби тьмꙋ̀ всегда̀, ст҃и́телю нїко́лае: приста́нище ти́хое, въ не́же прибѣга́юще треволне́нїи житїѧ̀ напа́ствꙋемїи сп҃са́ютсѧ. Хрⷭ҇та̀ молѝ, низпосла́ти дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ во ст҃и́телехъ пра́вило, бж҃е́ственныхъ чꙋде́съ неисчерпа́емаѧ пꙋчи́но, красото̀ цр҃ко́внаѧ, свѣ́тлаѧ ѕвѣздо̀, сщ҃е́нными твои́ми бл҃же́нне блиста́ньми, на́съ ѡ҆зарѧ́ѧ коего́ждо ст҃ѣ́йшїй, пресвѣ́тлыми мо́лнїѧми просвѣща́емь: сто́лпе неѡбори́мый, степе́ню вѣ́ры, чⷭ҇тнꙋ́ю твою̀ па́мѧть любо́вїю соверша́ющымъ, хрⷭ҇та̀ молѝ, дꙋша́мъ на́шымъ дарова́ти ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ра́дꙋйсѧ прⷪ҇ро́ческаѧ печа́те, и҆ бг҃огла́сныхъ а҆пⷭ҇лъ проповѣ́данїе: бг҃а бо вои́стиннꙋ сꙋ́щаго воплоще́нна, па́че ᲂу҆ма̀ и҆ сло́ва родила̀ є҆сѝ, чⷭ҇таѧ: и҆́мже пе́рвое воспрїи́мше бл҃горо́дїе, и҆ ра́йскїѧ пи́щи наслажда́ющесѧ, тебѐ хода́таицꙋ таковы́ѧ свѣ́тлости, и҆ моли́твенницꙋ бл҃гопрїѧ́тнꙋ, пѣ́сньми почита́емъ. Тобо́ю пречⷭ҇таѧ ѡ҆богати́вшесѧ, присносꙋ́щныѧ сподоблѧ́емсѧ жи́зни сн҃а твоегѡ̀, подаю́щагѡ бога́тнѡ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ."
|
||||
},
|
||||
{
|
||||
"type": "TEXT",
|
||||
"value": "Та́же, Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры а҆пⷭ҇лѡмъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Оу҆ч҃нцы̀ сп҃сѡвы та̑инъ самови́дцы бы́вше, неви́димаго и҆ нача́ла не и҆мꙋ́щаго проповѣ́дасте, глаго́люще: въ нача́лѣ бѣ̀ сло́во. Не со́здани бы́сте пре́жде а҆́гг҃лъ, ни наꙋчи́стесѧ ѿ человѣ̑къ, но ѿ вы́шнїѧ премꙋ́дрости. Тѣ́мже дерзнове́нїе и҆мꙋ́ще, моли́тесѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "А҆пⷭ҇лы гдⷭ҇ни согла́снѡ пѣ́сньми похва́лимъ, ѡ҆бле́кшесѧ бо въ кре́стное ѻ҆рꙋ́жїе, і҆́дѡльскꙋю пре́лесть ᲂу҆праздни́ша, и҆ побѣдоно́снїи ꙗ҆ви́шасѧ вѣне́чницы: и҆́хже мл҃твами и҆ всѣ́хъ ст҃ы́хъ, бж҃е, поми́лꙋй на́съ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Несы́тною любо́вїю дꙋшѝ, хрⷭ҇та̀ не ѿверго́стесѧ ст҃і́и мч҃нцы, и҆̀же разли̑чныѧ ра̑ны страсте́й претерпѣ́вше, мꙋчи́телей де́рзость низложи́сте, непрекло́ннꙋ и҆ невреди́мꙋ вѣ́рꙋ сохра́ньше, на нб҃са̀ преста́вистесѧ. Тѣ́мже и҆ дерзнове́нїе и҆мꙋ́ще къ немꙋ̀, проси́те дарова́ти на́мъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Бл҃жи́мъ тѧ̀ бцⷣе дв҃о, и҆ сла́вимъ тѧ̀ вѣ́рнїи по до́лгꙋ, гра́дъ непоколеби́мый, стѣ́нꙋ неѡбори́мꙋю, тве́рдꙋю предста́тельницꙋ, и҆ прибѣ́жище дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши раба̀ твоего̀, влⷣко: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "TEXT",
|
||||
"value": "І҆ере́й: Ꙗ҆́кѡ твоѐ є҆́сть црⷭ҇тво:"
|
||||
},
|
||||
{
|
||||
"type": "HEADER",
|
||||
"value": "Посе́мъ тропа́рь, є҆ктенїа̀, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ на повече́рїи, канѡ́нъ прест҃ѣ́й бцⷣѣ, гла́съ є҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сп҃си́телю бг҃ꙋ, въ мо́ри лю́ди немо́крыми нога́ми наста́вльшемꙋ и҆ фараѡ́на со всево́инствомъ пото́пльшемꙋ, томꙋ̀ є҆ди́номꙋ пои́мъ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Запѣ́въ: Прест҃а́ѧ бцⷣе, сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "Свѣтоно́снаѧ ски́нїе цр҃ѧ̀ хрⷭ҇та̀, ѡ҆зарѝ мою̀ мы́сль ѡ҆мраче́ннꙋю ле́стїю борца̀, и҆ тьмо́ю ѡ҆слѣпле́ннꙋю прегрѣше́нїй мои́хъ."
|
||||
},
|
||||
{
|
||||
"type": "TEXT",
|
||||
"value": "Помышле́нїй лꙋка́выхъ смире́ннꙋю мою̀ дꙋ́шꙋ бг҃ороди́тельнице свободѝ, и҆ жили́ще бг҃ꙋ сїю̀ содѣ́лай, да по до́лгꙋ тѧ̀ сла́влю всегда̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Є҆гда̀ повелѣ́нїемъ бж҃їимъ, ѿ вре́менныѧ жи́зни ѿитѝ хощꙋ̀ пречⷭ҇таѧ, бѣсо́вскїѧ рꙋкѝ покажи́ мѧ вы́шша, а҆́гг҃лы подаю́щи спꙋ́тники мнѣ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Вскꙋ́ю, ѽ дꙋшѐ! Во ᲂу҆ны́нїи мно́зѣ всѐ житїѐ и҆жди́ла є҆сѝ; потщи́сѧ ᲂу҆́бѡ про́чее, и҆ возопі́й гдⷭ҇ни мт҃ри: ѡ҆чи́сти и҆ сп҃си́ мѧ, бг҃ороди́тельнице."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Си́лою крⷭ҇та̀ твоегѡ̀ хрⷭ҇тѐ, ᲂу҆твердѝ моѐ помышле́нїе, во є҆́же пѣ́ти и҆ сла́вити тридне́вное твоѐ воскрⷭ҇нїе."
|
||||
},
|
||||
{
|
||||
"type": "TEXT",
|
||||
"value": "И҆з̾ ро́ва страсте́й и҆ мꙋче́нїй возведи́ мѧ, несꙋмнѣ́ннѡ пою́ща тѧ̀, бцⷣе всебл҃же́ннаѧ."
|
||||
},
|
||||
{
|
||||
"type": "TEXT",
|
||||
"value": "Вре́тище моѐ расто́ргни безмѣ́рныхъ прегрѣше́нїй мои́хъ, и҆ весе́лїемъ ѡ҆поѧ́ши добродѣ́телей, бг҃обл҃года́тнаѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ка́плю мѝ чⷭ҇таѧ сле́зъ пода́ждь, ꙗ҆́кѡ да ѿженꙋ̀ се́рдца моегѡ̀ недоꙋмѣ́нїе, и҆ прилѣ́жнѡ воспою́ тѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Низложѝ пренепоро́чнаѧ вра̑гъ безпло́тныхъ шата́нїе, и҆ тѣ́хъ томле́нїѧ вско́рѣ свободи́ мѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ слꙋ́хъ си́лы крⷭ҇та̀, ꙗ҆́кѡ ра́й ѿве́рзесѧ и҆́мъ, и҆ возопи́хъ: сла́ва си́лѣ твое́й гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Вскꙋ́ю ᲂу҆подо́биласѧ є҆сѝ дꙋшѐ, непло́днѣй смоко́вницѣ, ника́коже боѧ́щисѧ посѣче́нїѧ и҆ пла́мене вѣ́чнагѡ; ᲂу҆скорѝ ᲂу҆́бѡ пре́жде конца̀, и҆ возни́кни."
|
||||
},
|
||||
{
|
||||
"type": "TEXT",
|
||||
"value": "Кі́й ѧ҆зы́къ и҆зрече́тъ содѣ́ѧнныхъ мои́хъ ѕѡ́лъ безмѣ́рное мо́ре, и҆ глꙋбинꙋ̀ прегрѣше́нїй; сп҃си́ мѧ, дв҃о пренепоро́чнаѧ, ѿча́ѧннаго."
|
||||
},
|
||||
{
|
||||
"type": "TEXT",
|
||||
"value": "Сла́ва: Себѐ пла́чꙋ, є҆гда̀ во ᲂу҆́мъ прїидꙋ̀ мно́гихъ мои́хъ прегрѣше́нїй, и҆ ѻ҆гнѧ̀ негаси́магѡ: и҆ молю́ тѧ, да́ти мѝ вре́мѧ покаѧ́нїѧ, чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Да не восхи́титъ ꙗ҆́кѡ ле́въ стропти́вый вра́гъ ѻ҆каѧ́ннꙋю мою̀ дꙋ́шꙋ: но твое́ю си́лою дꙋшетлѣ̑нныѧ сокрꙋшѝ зꙋ́бы є҆гѡ̀, бл҃га́ѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́тренююще вопїе́мъ тѝ гдⷭ҇и, сп҃си́ ны: ты́ бо є҆сѝ бг҃ъ на́шъ, ра́звѣ бо тебѐ и҆но́гѡ не зна́емъ."
|
||||
},
|
||||
{
|
||||
"type": "TEXT",
|
||||
"value": "При́зри и҆ ᲂу҆слы́ши влⷣчце, гла́съ мо́й, и҆ и҆зба́ви мѧ̀, молю́сѧ, вѣ́чнагѡ ѡ҆сꙋжде́нїѧ."
|
||||
},
|
||||
{
|
||||
"type": "TEXT",
|
||||
"value": "Оу҆ѧзви́хсѧ грѣха̀ стрѣла́ми, и҆ вопїю́ ти: ᲂу҆врачꙋ́й, пречⷭ҇таѧ, се́рдца моегѡ̀ ꙗ҆́звы."
|
||||
},
|
||||
{
|
||||
"type": "TEXT",
|
||||
"value": "Сла́ва: Поми́лꙋй мѧ̀ є҆ди́не чл҃вѣколю́бче ще́дрый, моли́твами ро́ждшїѧ тѧ̀: ты́ бо мѝ є҆сѝ бг҃ъ и҆ гдⷭ҇ь."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Поми́лꙋй мѧ̀ є҆ди́на всепѣ́таѧ, молю̀ твою̀ бл҃гость, и҆ млⷭ҇ти сподо́би."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆бы́де мѧ̀ бе́здна, гро́бъ мнѣ̀ ки́тъ бы́сть, а҆́зъ же возопи́хъ къ тебѣ̀ чл҃вѣколю́бцꙋ, и҆ сп҃се́ мѧ десни́ца твоѧ̀ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ле́въ рыка́ѧ льсти́вый и҆́щетъ мѧ̀ расто́ргнꙋти, и҆ показа́ти снѣ́дь свое́й ѕло́бѣ, чⷭ҇таѧ: но сегѡ̀ вре́да свободи́ мѧ."
|
||||
},
|
||||
{
|
||||
"type": "TEXT",
|
||||
"value": "Ѡ҆чи́сти чл҃вѣколю́бче, мл҃твами чи́стѡ ро́ждшїѧ тѧ̀, и҆ и҆зба́ви мі́ръ тво́й ѿ всѧ́кїѧ ско́рби, и҆ вѣ́чныѧ сла́вы сподо́би."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆бы́де мѧ̀ бе́здна прегрѣше́нїй, во глꙋбинꙋ̀ низве́дши ѿча́ѧнїѧ, молю́сѧ, чⷭ҇таѧ, возведѝ ѿ преиспо́днѧгѡ а҆́да, тебѐ сла́вѧщаго."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Житїѐ моѐ и҆спо́лнисѧ прегрѣше́нїй, и҆ всѧ́кїѧ лѣ́ности: тѣ́мже къ покаѧ́нїю пре́жде кончи́ны моеѧ̀ чⷭ҇таѧ, ѡ҆братѝ, и҆ сп҃си́ мѧ препѣ́таѧ."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Собезнача́льное сло́во:"
|
||||
},
|
||||
{
|
||||
"type": "TEXT",
|
||||
"value": "Ра́дꙋйсѧ, стѣно̀, тве́рдаѧ бг҃опобѣ́днаѧ, ра́дꙋйсѧ, паде́нїе ва́рварѡвъ всевоева́нное, ра́дꙋйсѧ, возведе́нїе вѣ́рныхъ правосла́вныхъ люде́й, бцⷣе, вои́стиннꙋ ᲂу҆пова́ющихъ на тѧ̀, мл҃твами твои́ми и҆збавлѧ́ющи на́съ ѿ бѣ́дъ всѧ́ческихъ, и҆ ѿ безбо́жныхъ вра̑гъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ пещѝ ѻ҆́гненнѣй пѣсносло́вцы сп҃сы́й ѻ҆́троки, бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Нево́льныхъ ѕѡ́лъ и҆ во́льныхъ, проще́нїе твое́ю бл҃гостїю влⷣчце, пода́ждь мѝ."
|
||||
},
|
||||
{
|
||||
"type": "TEXT",
|
||||
"value": "И҆знемога́етъ мо́й ᲂу҆́мъ, прило́ги нече́стїѧ лꙋка́выхъ пѡ́мыслъ: помози́ ми, бл҃га́ѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Дꙋше́вныхъ мои́хъ страсте́й ра̑ны, бцⷣе, твои́хъ мл҃твъ лѣчьба́ми ны́нѣ и҆сцѣлѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Сокрꙋше́ннꙋ дꙋ́шꙋ, и҆ по́мыслъ смире́нъ, пода́ждь мѝ бл҃га́ѧ: ꙗ҆́кѡ да сла́влю тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆з̾ ѻ҆ц҃а̀ пре́жде вѣ̑къ рожде́ннаго сн҃а и҆ бг҃а, и҆ въ послѣ̑днѧѧ лѣ̑та воплоще́ннаго ѿ дв҃ы мт҃ре, сщ҃е́нницы по́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Въ лѣ́ности житїѐ сконча́въ ѻ҆каѧ́нный, и҆ прибли́живсѧ къ концꙋ̀ живота̀ моегѡ̀, взыва́ю тѝ бцⷣе: сопроти́вныхъ и҆схитѝ сѣте́й смире́ннꙋю мою̀ дꙋ́шꙋ."
|
||||
},
|
||||
{
|
||||
"type": "TEXT",
|
||||
"value": "Тѣле́сныхъ болѣ́зней, ра́нъ лю́тыхъ дꙋше́вныхъ, и҆ страсте́й настоѧ́нїѧ и҆стѧзꙋ́емꙋ, твоегѡ̀ ца́рствїѧ си́лꙋ мѝ пода́ждь, ꙗ҆́кѡ є҆ди́на млⷭ҇тива."
|
||||
},
|
||||
{
|
||||
"type": "TEXT",
|
||||
"value": "Сла́ва: Въ пꙋчи́нѣ житїѧ̀ ѡ҆бꙋрева́ема, и҆ бѣсо́вскими волна́ми погрꙋжа́ема, сп҃сѝ чⷭ҇таѧ, и҆ бж҃е́ственномꙋ ᲂу҆стремле́нїю, къ бл҃гоꙋго́дномꙋ житїю̀ введи́ мѧ, ѻ҆трокови́це."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́кѡ въ невѣ́стный черто́гъ входѧ̀ дв҃о, гаврїи́лъ по́сланъ, ра́дꙋйсѧ возопѝ, глаго́лѧ: пресла́внаѧ пала́то всѣ́хъ цр҃ѧ̀ хрⷭ҇та̀, въ ню́же все́льсѧ, земны̑ѧ всѧ̑ ѡ҆божѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тѧ̀ па́че ᲂу҆ма̀ и҆ словесѐ мт҃рь бж҃їю, въ лѣ́то безлѣ́тнаго неизрече́ннѡ ро́ждшꙋю, вѣ́рнїи є҆диномꙋ́дреннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Тѧ̀ ю҆́же бг҃а несказа́ннѡ ро́ждшꙋю, застꙋ́пницꙋ стѧжа́хомъ, и҆ стѣ́нꙋ недви́жимꙋ, и҆ дꙋша́мъ сп҃се́нїе, и҆ чꙋдесє́мъ и҆сто́чникъ."
|
||||
},
|
||||
{
|
||||
"type": "TEXT",
|
||||
"value": "Млⷭ҇тивъ бꙋ́ди мѝ, сло́ве и҆́стиннагѡ бг҃а, въ де́нь сꙋда̀, мольба́ми ро́ждшїѧ тѧ̀: и҆ сꙋ́щымъ ѡ҆деснꙋ́ю тебѐ сочета́й."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆зба́ви мѧ̀ чⷭ҇таѧ, ѻ҆гнѧ̀ вѣ́чнꙋющагѡ, и҆ неꙋсыпа́ющагѡ че́рвїѧ, и҆ всѧ́кїѧ мꙋ́ки, на тѧ̀ наде́ждꙋ возло́жшаго."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Є҆гда̀ хо́щетъ дꙋша̀ моѧ̀ разлꙋчи́тисѧ ѿ ѻ҆каѧ́ннагѡ моегѡ̀ тѣлесѐ, неви́димыхъ вра̑гъ томи́тельства и҆зба́ви мѧ̀ бг҃оневѣ́стнаѧ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Посе́мъ, Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ, и҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ ᲂу҆́тра, по а҃-мъ стїхосло́вїи, сѣда́льны а҆пⷭ҇лѡмъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ самови́дцы и҆ слꙋги̑ сло́ва, премꙋ̑дрыѧ а҆пⷭ҇лы похва́лимъ, пѣ́сньми дх҃о́вными и҆ пѣ́ньми всѝ земні́и: ті́и бо хрⷭ҇та̀ прилѣ́жнѡ мо́лѧтъ ѡ҆ на́съ, пою́щихъ сщ҃е́ннꙋю и҆́хъ па́мѧть, и҆ кла́нѧющихсѧ моще́мъ и҆́хъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ."
|
||||
},
|
||||
{
|
||||
"type": "TEXT",
|
||||
"value": "А҆пⷭ҇лы согла́снѡ восхва́лимъ, ꙗ҆́кѡ самови́дцы сло́ва, и҆ бж҃е́ствєнныѧ проповѣ́дники, и҆ ꙗ҆зы́кѡвъ дх҃ѡ́вныѧ ᲂу҆лови́тели, ꙗ҆́кѡ ꙗ҆́вѣ приведо́ша на́съ къ позна́нїю хрⷭ҇та̀, и҆зба́вльше ѿ пре́лести ро́дъ человѣ́ческїй, и҆ црⷭ҇твїѧ сподо́биша."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ѡ҆сꙋжде́нъ є҆́смь сꙋдо́мъ со́вѣсти, и҆ пре́жде сꙋда̀ сꙋ́дъ помышлѧ́ѧ, трепе́щꙋ ѻ҆каѧ́нный, помина́ѧ ѕѡ́лъ мои́хъ мно́жество. Но къ тебѣ̀ неѡбори́мѣй ᲂу҆миле́нїемъ вопїю̀, и҆ предста́тельницѣ, и҆ покро́вꙋ: ѻ҆́нагѡ стꙋда̀ и҆зба́ви мѧ̀, и҆ сп҃сѝ мл҃твами твои́ми."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "А҆пⷭ҇лы согла́снѡ похва́лимъ, ꙗ҆́кѡ проповѣ́даша всѣ̑мъ правосла́вное гдⷭ҇не ᲂу҆че́нїе, и҆ прогна́вшыѧ є҆реті́ческꙋю мглꙋ̀, и҆ просвѣще́нїе дꙋхо́вно возсїѧ́вшыѧ въ мі́рѣ, бл҃года́ти ᲂу҆че́нїемъ: и҆ мо́лѧтсѧ сп҃сти́сѧ на́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь."
|
||||
},
|
||||
{
|
||||
"type": "HEADER",
|
||||
"value": "И҆ па́ки глаго́ли то́йже сѣда́ленъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ст҃ы́хъ мч҃нкъ и҆справле́нїємъ нбⷭ҇ныѧ си̑лы преꙋдиви́шасѧ: ка́кѡ въ тѣ́лѣ ме́ртвеннѣмъ до́брѣ подви́гшесѧ, безпло́тнаго врага̀ си́лою крⷭ҇тною неви́димѡ побѣди́ша: и҆ мо́лѧтсѧ гдⷭ҇еви, поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Тѧ̀ приста́нище, и҆ стѣ́нꙋ, и҆ прибѣ́жище, и҆ наде́ждꙋ, и҆ покро́въ, и҆ застꙋпле́нїе те́плое ѡ҆брѣ́тше вѣ́рнїи, къ тебѣ̀ притека́емъ, и҆ вопїе́мъ прилѣ́жнѡ, и҆ зове́мъ вѣ́рнѡ: поми́лꙋй бцⷣе ᲂу҆пова́ющихъ на тѧ̀, и҆ ѿ прегрѣше́нїй и҆зба́ви."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́льны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Собезнача́льное сло́во:"
|
||||
},
|
||||
{
|
||||
"type": "TEXT",
|
||||
"value": "Оу҆ч҃нцы̀ сп҃сѡвы, бж҃е́ственнїи а҆пⷭ҇ли, и҆̀же сло́во сп҃си́тельное всѣ́ѧвше въ концы̀ землѝ, и҆ ѡ҆зари́вше во тьмѣ̀ и҆ сѣ́ни сѣдѧ́щыѧ, мою̀ просвѣти́те дꙋ́шꙋ ѡ҆мраче́ннꙋю страсте́й че́рностїю, мольба́ми ва́шими всехва́льнїи."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, неизрече́нное та́инство твоегѡ̀ воплоще́нїѧ проповѣ́давше немꙋ́дрїи, фїлосо́фѡвъ посрами́ша, ри́торѡвъ ры́барїе заꙋсти́ша, и҆ бы́ша ꙗ҆зы́кѡвъ премꙋ́дрїи ᲂу҆чи́телїе, просвѣти́вше концы̀ свѣ́томъ бж҃е́ственнагѡ ра́зꙋма: тѣ́ми пода́ждь на́мъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: И҆̀же ᲂу҆пова́нїе на тѧ̀ дв҃о пречⷭ҇таѧ, непоткнове́нное и҆мꙋ́щымъ, покро́въ сꙋ́щи ѿ разли́чныхъ напа́стей и҆ ѡ҆бстоѧ́нїй, и҆ бѣ́дъ лю́тыхъ свободѝ на́съ, молѧ́щи сн҃а твоего̀, со а҆пⷭ҇лы є҆гѡ̀, и҆ сп҃сѝ всѣ́хъ воспѣва́ющихъ тѧ̀."
|
||||
},
|
||||
{
|
||||
"type": "HEADER",
|
||||
"value": "Канѡ́нъ ст҃ы̑мъ а҆пⷭ҇лѡмъ, творе́нїе ѳеофа́на, є҆пⷭ҇кпа нїкі́йскагѡ, гла́съ є҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Конѧ̀ и҆ вса́дника въ мо́ре чермно́е, сокрꙋша́ѧй бра̑ни мы́шцею высо́кою, хрⷭ҇то́съ и҆стрѧсѐ: і҆и҃лѧ же сп҃сѐ, побѣ́днꙋю пѣ́снь пою́ща."
|
||||
},
|
||||
{
|
||||
"type": "TEXT",
|
||||
"value": "Сїѧ́нїемъ первода́тнагѡ свѣтода́нїѧ, пло́тїю бесѣ́довати человѣ́кѡмъ сподо́бившагѡсѧ, ѡ҆богати́вшесѧ сла́внїи, дꙋшѝ моеѧ̀ разрꙋши́те всѧ́къ мра́къ, бж҃е́ственнїи а҆пⷭ҇ли. Два́жды."
|
||||
},
|
||||
{
|
||||
"type": "TEXT",
|
||||
"value": "Напрѧ́гъ бж҃е́ственный лꙋ́къ, ꙗ҆́коже стрѣ́лы ва́съ въ ве́сь мі́ръ посла̀ а҆пⷭ҇ли, стрѣ́лы сокрꙋша́ющыѧ ѕлоко́зненнагѡ всѧ̑, и҆ и҆сцѣлѧ́ющыѧ вѣ́рныхъ ꙗ҆́звы."
|
||||
},
|
||||
{
|
||||
"type": "TEXT",
|
||||
"value": "И҆мꙋ́ще премꙋ́дрость са́мꙋю ᲂу҆ч҃тлѧ, ᲂу҆мꙋдри́сте а҆пⷭ҇ли всѧ̑ концы̀. Тѣ́мже мѧ̀ ᲂу҆мꙋдри́те, вра́жїе всѧ́ко ѕлодѣ́йство ѿгонѧ́ти."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Є҆ди́на бл҃гослове́ннаѧ, бг҃ора́дованнаѧ, бл҃гослове́ньми человѣ́ческїй ро́дъ ѡ҆бра́довавши, хрⷭ҇та̀ молѝ съ бж҃е́ственными, пречⷭ҇таѧ, а҆пⷭ҇лы, поми́ловатисѧ на́мъ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ, и҆́же во ст҃ы́хъ ѻ҆тцꙋ̀ на́шемꙋ нїкола́ю чꙋдотво́рцꙋ, гла́съ є҃, творе́нїе і҆ѡ́сифово, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Пѧ́тое принесꙋ̀ тебѣ̀ нїко́лае пѣ́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Вѣ́рою и҆ любо́вїю, ѻ҆́тче, присво́ивсѧ бг҃ови, всест҃а́ѧ сегѡ̀ и҆спо́лнилъ є҆сѝ хотѣ̑нїѧ: и҆́мже по всемꙋ̀ ст҃ъ бы́лъ є҆сѝ, ст҃и́телю мꙋ́дре нїко́лае."
|
||||
},
|
||||
{
|
||||
"type": "TEXT",
|
||||
"value": "И҆мꙋ́ще тѧ̀ предста́телѧ къ ще́дромꙋ, и҆̀же напа́стьми и҆ печа́льми ѡ҆держи́мїи, къ тебѣ̀ прибѣга́емъ: да́рꙋй рꙋ́кꙋ сп҃са́ющꙋю на́съ ѿ всѧ́кїѧ тѣсноты̀."
|
||||
},
|
||||
{
|
||||
"type": "TEXT",
|
||||
"value": "Мѵ́рѧнѡмъ ст҃и́телѧ хрⷭ҇то́съ пома́за тѧ̀, бл҃гово́нїемъ чꙋде́съ на́съ ѡ҆бл҃гоꙋха́юща. Тѣ́мже мо́лимъ тѧ̀ нїко́лае, ѕлово́нїѧ грѣхо́внагѡ и҆зба́вити на́съ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дре́вле прⷪ҇ро́ческїй тѧ̀ ли́къ пронаречѐ го́рꙋ бж҃е́ственнꙋю дв҃о, и҆ две́рь непроходи́мꙋю. Тѣ́мже мо́лимсѧ тѝ: покаѧ́нїѧ двє́ри бж҃е́ствєнныѧ, ѻ҆трокови́це, ѿве́рзи на́мъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Водрꙋзи́вый на ничесо́мже зе́млю повелѣ́нїемъ твои́мъ, и҆ повѣ́сивый неѡдержи́мѡ тѧготѣ́ющꙋю, на недви́жимѣмъ хрⷭ҇тѐ, ка́мени за́повѣдей твои́хъ, цр҃ковь твою̀ ᲂу҆твердѝ, є҆ди́не бл҃же и҆ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "И҆́же пло́тїю ѡ҆бнища́вый, премно́гїй бл҃гостїю, є҆гѡ̀ ра́ди ѡ҆бнища́вшыѧ, ѡ҆богатѝ ва́съ сла́внїи а҆пⷭ҇ли, дарова́ньми всѧ́кими, ѡ҆богаща́ющѧ концы̀ бж҃е́ственными и҆ чⷭ҇тны́ми ра́зꙋмы. Два́жды."
|
||||
},
|
||||
{
|
||||
"type": "TEXT",
|
||||
"value": "Оу҆ѧзви́хсѧ ꙗ҆дови́тымъ ѕмі́ѧ ᲂу҆грызе́нїемъ, ᲂу҆ѧ́звено се́рдце стѧжа́хъ. Тѣ́мже тѝ вопїю̀ хрⷭ҇тѐ, менѐ ра́ди ᲂу҆ѧзви́вшемꙋсѧ: а҆пⷭ҇лъ твои́хъ мольба́ми и҆сцѣлѝ, и҆ сп҃си́ мѧ, молю́сѧ."
|
||||
},
|
||||
{
|
||||
"type": "TEXT",
|
||||
"value": "Мре́жею мл҃твъ ва́шихъ всебл҃же́ннїи, ѿ глꙋбины̀ ѕло́бныѧ бори́телѧ, и҆ ѿ треволне́нїѧ помышле́нїй, и҆ ѿ страсте́й смертоно́сныхъ возве́дше мѧ̀, приведи́те бг҃ꙋ всѣ́хъ сп҃са́ема."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́же до́ждь прїе́мшаѧ нбⷭ҇ный, со а҆пⷭ҇лы того̀ молѝ: ᲂу҆ста́вити пото́ки мои́хъ страсте́й, пꙋчи́нꙋ и҆зсꙋша́ющи грѣха̀ моегѡ̀, и҆ сп҃сти́ мѧ, чи́стѡ тебѐ сла́вѧщаго."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Стрѣ́лы лꙋка́вагѡ притꙋпи́лъ є҆сѝ прпⷣбне, противле́нїемъ бж҃е́ственныхъ твои́хъ трꙋдѡ́въ: но твои́ми мл҃твами премꙋ́дре, ѿ тогѡ̀ ѕлодѣ́йствїѧ и҆ наси́лїѧ соблюдѝ неврежде́нны, тебѐ воспѣва́ющыѧ, вели́кїй нїко́лае."
|
||||
},
|
||||
{
|
||||
"type": "TEXT",
|
||||
"value": "Житїѐ а҆́гг҃льское на землѝ показа́въ, ны́нѣ со а҆́гг҃лы при́снѡ предстои́ши прⷭ҇то́лꙋ трⷪ҇ческомꙋ, сщ҃е́нне, на́шихъ согрѣше́нїй и҆ напа́стей разрѣше́нїѧ просѧ̀, ѻ҆́тче первост҃и́телю нїко́лае."
|
||||
},
|
||||
{
|
||||
"type": "TEXT",
|
||||
"value": "Оу҆ма̀ моегѡ̀ ѡ҆мраче́нїе всѐ ѿженѝ нїко́лае, твои́ми свѣтоно́сными мл҃твами, ᲂу҆ти́ши бꙋ́рю страсте́й, ᲂу҆пра́ви мѧ̀ ѻ҆́тче, къ безстра́стїѧ приста́нищꙋ, молю́сѧ, ꙗ҆́кѡ да во хвале́нїи сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Предстоѧ́щи ѡ҆деснꙋ́ю хрⷭ҇та̀, ꙗ҆́кѡ цр҃и́ца, рѧ́сны златы́ми бг҃оѡбра́дованнаѧ ѡ҆дѣ́ѧна вои́стиннꙋ, на́мъ црⷭ҇твїе нбⷭ҇ное мл҃твами твои́ми ѻ҆трокови́це, и҆схода́тай всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃е́ственное твоѐ разꙋмѣ́въ и҆стоща́нїе, прозорли́вѡ а҆ввакꙋ́мъ, хрⷭ҇тѐ, со тре́петомъ вопїѧ́ше тебѣ̀: во сп҃се́нїе люде́й твои́хъ сп҃стѝ пома̑занныѧ твоѧ̑ прише́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Две́рь сы́й і҆и҃съ бг҃ъ на́шъ и҆ гдⷭ҇ь, ѿве́рзлъ своѐ а҆пⷭ҇лѡмъ позна́нїе, всѣ̑мъ ꙗ҆зы́кѡмъ две́рь ѿве́рзе тѣ́хъ ᲂу҆че́ньми. Два́жды."
|
||||
},
|
||||
{
|
||||
"type": "TEXT",
|
||||
"value": "Сн҃е бж҃їй, сы́ны по прича́стїю нбⷭ҇нагѡ ѻ҆ц҃а̀ твоегѡ̀ а҆пⷭ҇лы ꙗ҆ви́лъ є҆сѝ: моле́нїемъ и҆́хъ сы́ны свѣ́та всѣ́хъ на́съ сотворѝ."
|
||||
},
|
||||
{
|
||||
"type": "TEXT",
|
||||
"value": "И҆̀же на прⷭ҇то́лѣхъ двоюна́десѧтихъ, съ сꙋдїе́ю и҆ цр҃е́мъ хотѧ́ще пресла́внѡ сѣ́сти, стра́шнагѡ и҆ ᲂу҆жа́снагѡ мѧ̀ а҆пⷭ҇ли, и҆зба́вите сꙋда̀."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бж҃е́ственнагѡ сщ҃е́нїѧ ковче́же, ѡ҆ст҃ѝ мою̀ дꙋ́шꙋ, помышле́нїе просвѣтѝ, всегда̀ молѧ́щи хрⷭ҇та̀ со а҆пⷭ҇лы, да сп҃се́тъ мѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Мимотекꙋ́щими и҆змѣни́лъ є҆сѝ бꙋ̑дꙋщаѧ, и҆́хже прича́стники и҆ на́съ ст҃ы́ми твои́ми мл҃твами сотворѝ нїко́лае, и҆ и҆скꙋше́нїѧ всѧ́кагѡ и҆збавлѧ́ѧ жите́йскагѡ."
|
||||
},
|
||||
{
|
||||
"type": "TEXT",
|
||||
"value": "Мѵ́рѧнѡмъ первопрⷭ҇то́льникъ бы́въ нїко́лае, всѧ̑ чꙋ̑вствїѧ се́рдца моегѡ̀ мѵ́ромъ ѡ҆бл҃гоꙋха́й ст҃е, и҆ стра̑сти ѕлосмра̑дныѧ ѿ сегѡ̀, мл҃твами твои́ми ѿгонѧ́й всегда̀."
|
||||
},
|
||||
{
|
||||
"type": "TEXT",
|
||||
"value": "Сокрꙋшѝ вра̑жїѧ кѡ́зни ви̑димыѧ, и҆ неви̑димыѧ, нїко́лае, всегда̀ борю́щыѧ ны̀ на́шѧ врагѝ въ безконе́чнꙋю па́гꙋбꙋ послѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ст҃а́ѧ бцⷣе, помози́ ми, сла́достьми вы́нꙋ потоплѧ́емꙋ тѣле́сными, и҆ на ѻ҆дрѣ̀ ᲂу҆ны́нїѧ при́снѡ слежа́щꙋ и҆ стенѧ́щꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆дѣѧ́йсѧ свѣ́томъ ꙗ҆́кѡ ри́зою, къ тебѣ̀ ᲂу҆́тренюю, и҆ тебѣ̀ зовꙋ̀: дꙋ́шꙋ мою̀ просвѣтѝ ѡ҆мраче́ннꙋю хрⷭ҇тѐ, ꙗ҆́кѡ є҆ди́нъ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Дх҃о́внїи виті́и, чⷭ҇тні́и а҆пⷭ҇ли, на го́рницѣ, во ѻ҆́гненнѣ ви́дѣ дх҃а ст҃а́го къ ни̑мъ прише́дша, стра́шнѡ прїѧ́ша. Два́жды."
|
||||
},
|
||||
{
|
||||
"type": "TEXT",
|
||||
"value": "Сокрꙋша́юще нечє́стїѧ, сокрꙋше́нꙋю прегрѣше́ньми мою̀ мы́сль, росо́ю и҆сцѣле́нїѧ а҆пⷭ҇ли и҆сцѣли́те."
|
||||
},
|
||||
{
|
||||
"type": "TEXT",
|
||||
"value": "Стрѣ́лы и҆збра̑нныѧ ва́съ хрⷭ҇то́съ посла̀ а҆пⷭ҇ли, сокрꙋша́ющыѧ стрѣ́лы лꙋка́вствїѧ: тѣ́мже мѧ̀ и҆сцѣли́те ᲂу҆ѧ́звеннаго вра́жїими стрѣла́ми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Не ѡ҆сꙋдѝ менѐ, ни ѿве́ржи менѐ ѿ лица̀ твоегѡ̀, многомлⷭ҇тиве: мо́литъ тѧ̀ чи́стѡ ро́ждшаѧ, и҆ а҆пⷭ҇льскїй собо́ръ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Кꙋмі́ры сокрꙋши́лъ є҆сѝ і҆́дѡльскїѧ ст҃е, и҆ совѣ́ты бездѣ́льны є҆реті́чествꙋющихъ показа́лъ є҆сѝ нїко́лае, и҆ ведѡ́мыѧ на сме́рть и҆зба́вилъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Оу҆́треневавъ ко гдⷭ҇ꙋ и҆змла́да прпⷣбне, и҆ та́мѡ сꙋ́щими свѣтоли́тїи ве́сь просвѣти́лсѧ є҆сѝ. Тѣ́мже молю́сѧ: дꙋшѝ моеѧ̀ ѻ҆́блаки разженѝ."
|
||||
},
|
||||
{
|
||||
"type": "TEXT",
|
||||
"value": "Тебѐ мо́лимъ, ѻ҆́тче нїко́лае, въ ча́съ се́й посредѣ̀ бꙋ́ди всѣ́хъ призыва́ющихъ тѧ̀, и҆ ꙗ҆́же ко сп҃се́нїю да́рꙋй на́мъ прошє́нїѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Непости́жимый ᲂу҆мо́мъ, бг҃обл҃года́тнаѧ, ѡ҆бдержа́нїе тѧ̀, плотоно́сецъ бы́въ, прїѧ́тъ человѣ́ки, и҆збавлѧ́ѧ ѿ ѡ҆держа́щихъ скорбе́й."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неи́стовствꙋющеесѧ бꙋ́рею дꙋшетлѣ́нною, влⷣко хрⷭ҇тѐ, страсте́й мо́ре ᲂу҆кротѝ, и҆ ѿ тлѝ возведи́ мѧ, ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Распространѧ́ющеесѧ ᲂу҆ста́вилъ є҆сѝ ѕло́бы согни́тїе, ꙗ҆зы́кѡвъ дꙋ́шы, чл҃вѣколю́бче, со́лїю ᲂу҆че́нїѧ сщ҃е́нныхъ ᲂу҆чєни́къ твои́хъ. Два́жды."
|
||||
},
|
||||
{
|
||||
"type": "TEXT",
|
||||
"value": "Глꙋбинꙋ̀ вѣ́си ѕѡ́лъ мои́хъ влⷣко хрⷭ҇тѐ, да́ждь мѝ рꙋ́кꙋ, и҆ сп҃си́ мѧ чл҃вѣколю́бче, мольба́ми сщ҃е́нныхъ а҆пⷭ҇лъ твои́хъ."
|
||||
},
|
||||
{
|
||||
"type": "TEXT",
|
||||
"value": "Сꙋдїѐ пра́веднѣйшїй, въ де́нь сꙋда̀ стра́шнагѡ, тре́петнагѡ мѧ̀ и҆зба́ви ѡ҆сꙋжде́нїѧ, бл҃госла́вныхъ а҆пⷭ҇лъ твои́хъ мольба́ми."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѿча́ѧннаго мѧ̀ ѿ мно́жества беззако́нїй, сп҃се́нїѧ гдⷭ҇и сподо́би, ᲂу҆чєни́къ и҆ мт҃ре твоеѧ̀ мольба́ми."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Млⷭ҇тива содѣ́лай влⷣкꙋ, твои́ми мл҃твами, всѣ̑мъ чтꙋ́щымъ тѧ̀ нїко́лае, ꙗ҆́кѡ да на́шихъ прегрѣше́нїй разрѣше́нїе да́рꙋетъ."
|
||||
},
|
||||
{
|
||||
"type": "TEXT",
|
||||
"value": "Недꙋ̑гъ и҆зба́ви и҆ собла̑знъ жите́йскихъ, напа́стей же и҆ скорбе́й нїко́лае, тѧ̀ мл҃твенника ко гдⷭ҇ꙋ стѧжа́вшихъ."
|
||||
},
|
||||
{
|
||||
"type": "TEXT",
|
||||
"value": "Врача̀ тѧ̀ и҆зѧ́щна влⷣка показа̀ хрⷭ҇то́съ: тѣ́мже недꙋ́ги и҆сцѣлѝ, бл҃гоче́стнѡ къ тебѣ̀ пристꙋпа́ющихъ, нїко́лае."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Роди́тельница безмꙋ́жнаѧ, бг҃омт҃и была̀ є҆сѝ, чⷭ҇таѧ. Сегѡ̀ ра́ди вѣ́рою молю̀ тѧ̀: дꙋшѝ моеѧ̀ ᲂу҆ны̑нїѧ разженѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Превозноси́мый ѻ҆тцє́въ гдⷭ҇ь, пла́мень ᲂу҆гасѝ, ѻ҆́троки ѡ҆росѝ согла́снѡ пою́щыѧ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Превозноси́мый ѻ҆тцє́въ гдⷭ҇ь, ва́съ превознесѐ, всю̀ низве́рже вра́жїю си́лꙋ, ᲂу҆ч҃нцы̀ хрⷭ҇тѡ́вы бг҃ови́дцы."
|
||||
},
|
||||
{
|
||||
"type": "TEXT",
|
||||
"value": "Скве́рнꙋ се́рдца моегѡ̀ стрꙋѧ́ми ᲂу҆миле́нїѧ, ва́шими мольба́ми, а҆пⷭ҇ли, ѡ҆мы́йте, ᲂу҆ча́ще взыва́ти: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ѻ҆гне́мъ бж҃е́ственнагѡ дх҃а ве́щь попали́сте всѧ́кагѡ сꙋ́етства: тѣ́мже палѧ́щїѧ мѧ̀ и҆зба́вите гее́нны, ᲂу҆ч҃нцы̀ бг҃а сло́ва."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́же паде́нїѧ а҆да́мова и҆справле́нїе, воздви́гни па́дшаго мѧ̀ въ про́пасть ѕло́бнꙋю, мл҃твами твои́ми дв҃о, и҆ бж҃е́ственныхъ а҆пⷭ҇лъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ве́сь возложи́всѧ бг҃ꙋ нїко́лае, всего́ мѧ сп҃сѝ, жите́йскими страстьмѝ ѻ҆каѧ́ннѡ всегда̀ впа́дающа, бг҃омꙋ́дре."
|
||||
},
|
||||
{
|
||||
"type": "TEXT",
|
||||
"value": "Свѣти́ло бг҃оза́рнѣйшее, ᲂу҆ма̀ моегѡ̀ ѡ҆зарѝ, страсте́й мра́комъ при́снѡ помрача́ема, и҆ дава́й бл҃гоѡбра́знѡ ходи́ти въ житїѝ."
|
||||
},
|
||||
{
|
||||
"type": "TEXT",
|
||||
"value": "Всѧ̑каѧ ѿверза́ємаѧ на мѧ̀ нїко́лае, ᲂу҆ста̀ лꙋка̑ваѧ, твои́ми мл҃твами заградѝ: и҆ и҆зба́ви мѧ̀ ви́димыхъ вра̑гъ и҆ неви́димыхъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆з̾ тебѐ на́мъ возсїѧ̀ невече́рнее сл҃нце, ѻ҆́блаче всесвѣ́тлый, хрⷭ҇то́съ бг҃ъ на́шъ, просвѣща́ѧ и҆̀же во тьмѣ̀ невѣ́дѣнїѧ бцⷣе."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѣ̀ вседѣ́телю, въ пещѝ ѻ҆́троцы, всемі́рный ли́къ спле́тше поѧ́хꙋ: дѣла̀ всѧ̑каѧ гдⷭ҇а по́йте. И҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ты̀ мы́слєнныѧ ѻ҆́блаки, а҆пⷭ҇лы сло́ве распросте́рлъ є҆сѝ, кропѧ́щыѧ на ны̀ до́ждь премꙋ́дрыхъ и҆ бж҃е́ственныхъ ᲂу҆че́нїй, и҆ напоѧ́ющыѧ на́съ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Преꙋдо́бреннїи столпѝ цр҃ко́внїи, и҆̀же сїю̀ держа́щїи вѣ́ры ᲂу҆че́ньми, согни́вшꙋюсѧ дꙋшѝ моеѧ̀ хра́минꙋ, бж҃е́ственнымъ хитродѣ́йствїемъ ᲂу҆тверди́те, бг҃ови́дцы."
|
||||
},
|
||||
{
|
||||
"type": "TEXT",
|
||||
"value": "Стенѝ дꙋшѐ, и҆ сле́зъ пото́ки ѿ всегѡ̀ се́рдца принесѝ гдⷭ҇еви, зовꙋ́щи: є҆ди́не ще́дрый, сп҃сѝ и҆ ѡ҆чи́сти мѧ̀, всесла́вныхъ а҆пⷭ҇лъ мл҃твами бл҃гопрїѧ́тными."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сїѡ́не и҆збра́нный, црⷭ҇кїй гра́де, вы́шнѧгѡ мѧ̀ гра́да граждани́на сотворѝ, съ бж҃е́ственными ᲂу҆ч҃нкѝ молѧ́щи пречⷭ҇таѧ дв҃о, безлѣ́тнаго сн҃а твоего̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Въ мѵ́рѣхъ первост҃и́тель бы́въ вели́кїй, дꙋшѝ моеѧ̀ нїко́лае, чꙋ̑вствїѧ мѵ́ромъ ѡ҆бл҃гоꙋха́й: ꙗ҆́кѡ да и҆збѣ́гнꙋ страсте́й ѕлово́нїѧ, и҆ ᲂу҆тѣ́шителевꙋ прїимꙋ̀ бл҃года́ть."
|
||||
},
|
||||
{
|
||||
"type": "TEXT",
|
||||
"value": "Оу҆ста́вилъ є҆сѝ премꙋ́дре твоегѡ̀ ст҃а́гѡ ѧ҆зы́ка стрꙋѧ́ми, стрꙋи̑ а҆́рїєвы хꙋ̑льныѧ. Тѣ́мже вопїю́ ти: то́ки страсте́й мои́хъ и҆зсꙋшѝ мл҃твами твои́ми, нїко́лае всебл҃же́нне."
|
||||
},
|
||||
{
|
||||
"type": "TEXT",
|
||||
"value": "И҆зба́ви на́съ согрѣше́нїй мл҃твами твои́ми, де́мѡнскагѡ ѡ҆ѕлобле́нїѧ, ꙗ҆зы́ческагѡ плѣне́нїѧ, и҆ всѣ́хъ человѣ̑къ лꙋка́внѣйшагѡ ѕла́гѡ вре́да, да тѧ̀ ꙗ҆́кѡ и҆зба́вителѧ на́шего восхвалѧ́емъ."
|
||||
},
|
||||
{
|
||||
"type": "TEXT",
|
||||
"value": "Трⷪ҇ченъ: И҆̀же трⷪ҇чески є҆динонача́лїе непреста́ннѡ вѣ́рою сла́вѧще, возопїи́мъ: ѻ҆́тче, и҆ сло́ве, и҆ всест҃ы́й дш҃е, пѣсносло́вимъ тѧ̀ во всѧ̑ вѣ́ки"
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Въ пло́ть на́съ ра́ди и҆з̾ тебѐ бг҃ъ ѡ҆бле́ксѧ, чⷭ҇тꙋю тебѐ всенепоро́чнꙋю, всемꙋ̀ ро́дꙋ на́шемꙋ бж҃е́ственнꙋю показа̀ дв҃о предста́тельницꙋ. Тѣ́мже тѧ̀ вѣ́рнїи велегла́снѡ воспѣва́емъ."
|
||||
},
|
||||
{
|
||||
"type": "TEXT",
|
||||
"value": "Та́же пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а: И҆ покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆са́їе ликꙋ́й, дв҃а и҆мѣ̀ во чре́вѣ, и҆ родѝ сн҃а є҆мманꙋ́ила, бг҃а же и҆ человѣ́ка, восто́къ и҆́мѧ є҆мꙋ̀: є҆го́же велича́юще, дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Нб҃са̀ ᲂу҆ѕвѣ́здены свѣтлостьмѝ бж҃е́ственныхъ добродѣ́телей ᲂу҆́мнѡ ꙗ҆ви́стесѧ, посредѣ̀, хрⷭ҇та̀, ꙗ҆́кѡ со́лнце и҆мꙋ́ще, и҆ зємны́ѧ концы̀ премꙋ́дрїи ѡ҆бнови́сте: сегѡ̀ ра́ди бл҃жи́ми є҆стѐ."
|
||||
},
|
||||
{
|
||||
"type": "TEXT",
|
||||
"value": "Хрⷭ҇тѡ́вы ꙗ҆́звы на бж҃е́ственнѣмъ тѣлесѝ ва́шемъ, ꙗ҆́кѡ ᲂу҆́тварь всебл҃голѣ́пнꙋ носѧ́ще премꙋ́дрїи, ᲂу҆ѧ́звленꙋю мою̀ дꙋ́шꙋ де́мѡнскими стрѣла́ми, ꙗ҆̀же ко гдⷭ҇ꙋ хода́тайствы и҆сцѣли́те."
|
||||
},
|
||||
{
|
||||
"type": "TEXT",
|
||||
"value": "Въ ро́вѣ преиспо́днѣмъ мѧ̀ грѣха̀ слежа́ща, хрⷭ҇тѐ, и҆ лѣ́ности лю́тыѧ сно́мъ дꙋ́шꙋ ѡ҆тѧгчи́вшаго, твои́ми сло́ве, ᲂу҆ч҃нкѝ, ꙗ҆́коже ла́зарѧ воздви́гнꙋвый, сп҃сѝ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дꙋшѝ моеѧ̀ напра́ви шє́ствїѧ сло́ве бж҃їй, къ стезѧ́мъ за́повѣдей твои́хъ незаблꙋ́дныхъ, и҆мѣ́ѧ молѧ́щꙋюсѧ ро́ждшꙋю тѧ̀ пречⷭ҇тꙋю дв҃ꙋ, и҆ премꙋ̑дрыѧ а҆пⷭ҇лы твоѧ̑ многомлⷭ҇тиве."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ст҃и́тель бж҃е́ственъ бы́въ, всѧ̑ за́пѡвѣди сохрани́лъ є҆сѝ хрⷭ҇тѡ́вы: тѣ́мже вѣ̑рнымъ храни́тель бж҃е́ственный бы́лъ є҆сѝ, ѻ҆́тче нїко́лае, соблюда́й тѣ́хъ ѿ всѧ́кихъ напа́стей и҆ ѡ҆ѕлобле́нїѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже и҆ногда̀ препита́лъ є҆сѝ гра́дъ тво́й и҆знемога́ющъ гла́домъ, ꙗ҆́кѡ до́бръ па́стырь, прпⷣбне: та́кожде и҆ ны́нѣ препита́й дꙋ́шꙋ мою̀ хлѣ́бомъ разꙋ́мнымъ, ѻ҆́тче нїко́лае, тѧ̀ застꙋ́пника бл҃га стѧжа́вшагѡ."
|
||||
},
|
||||
{
|
||||
"type": "TEXT",
|
||||
"value": "Тѧ̀ вели́кое со́лнце, на высотѣ̀ лежа́щее при́снѡ цр҃кве хрⷭ҇то́вы, прпⷣбне па́стырю, вѣ́рнѡ мо́лимъ тѧ̀: свѣтоно́сными блиста́ньми свѣ́та, глꙋбо́кꙋю тьмꙋ̀ ѿженѝ грѣха̀ дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Прибли́жисѧ, ꙗ҆́коже пи́шетсѧ, де́нь стра́шный прише́ствїѧ хрⷭ҇то́ва. Подви́гнисѧ дꙋшѐ, ѿри́ни лѣ́ность, и҆ ᲂу҆се́рднѡ хрⷭ҇тꙋ̀ возопі́й: сп҃си́ мѧ гдⷭ҇и, нїкола́а твоегѡ̀ моле́нїемъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣ́телъ тѧ̀ свѣ́щникъ прⷪ҇ро́къ прови́дѧше пречⷭ҇таѧ, свѣщꙋ̀ разꙋ́мнꙋю, носѧ́щꙋю хрⷭ҇та̀, и҆́мже просвѣти́хомсѧ, и҆̀же во тьмѣ̀ лежа́щїи и҆ страсте́хъ, тѧ̀ ᲂу҆бл҃жа́емъ бцⷣе приснодв҃о."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: и҆ покло́нъ."
|
||||
},
|
||||
{
|
||||
"type": "HEADER",
|
||||
"value": "Та́же, є҆ктенїа̀ ма́лаѧ, свѣти́ленъ, и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры а҆пⷭ҇лѡмъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Оу҆ч҃нцы̀ сп҃сѡвы, та́йнымъ самови́дцы бы́вше, неви́димаго и҆ нача́ла неимꙋ́щаго проповѣ́дасте, глаго́люще: въ нача́лѣ бѣ̀ сло́во, не со́здани бы́сте пре́жде а҆́гг҃лъ, нижѐ наꙋчи́стесѧ ѿ человѣ̑къ, но ѿ вы́шнїѧ премꙋ́дрости. Тѣ́мже дерзнове́нїе и҆мꙋ́ще, моли́те ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "А҆пⷭ҇лы гдⷭ҇ни согла́снѡ въ пѣ́снехъ похва́лимъ, ѡ҆бо́лкшесѧ бо въ крⷭ҇тное всеѻрꙋ́жїе, і҆́дѡльскꙋю ле́сть ᲂу҆праздни́ша, и҆ побѣдоно́снїи ꙗ҆ви́шасѧ вѣне́чницы: и҆́хже мл҃твами и҆ всѣ́хъ ст҃ы́хъ, бж҃е поми́лꙋй на́съ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Въ мꙋ́кахъ сꙋ́ще ст҃і́и, ра́дꙋющесѧ, вопїѧ́хꙋ: кꙋ́плѧ на́мъ сꙋ́ть сїѧ̑ ко влⷣцѣ: вмѣ́сто бо быва́ющихъ ра́нъ на тѣлесѣ́хъ, свѣ́тло ѡ҆дѣѧ́нїе въ воскрⷭ҇нїе процвѣте́тъ на́мъ: вмѣ́стѡ безче́стїѧ, вѣнцы̀: за ᲂу҆́зы темни̑чныѧ, ра́й: и҆ за є҆́же со ѕлодѣ́и ѡ҆сꙋжде́нїе со а҆́гг҃лы житїѐ. И҆́хже мл҃твами гдⷭ҇и, сп҃сѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Бл҃жи́мъ тѧ̀ бцⷣе дв҃о, ꙗ҆́кѡ и҆з̾ тебѐ возсїѧ̀ сл҃нце првⷣное хрⷭ҇то́съ, и҆мѣ́ѧй ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ гдⷭ҇еви: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь ст҃о́мꙋ, а҆́ще и҆́мать. Та́же є҆ктенїа̀, и҆ ча́съ а҃-й: ѱалмы̀ ѻ҆бы̑чныѧ: и҆ прѡ́чаѧ порѧ́дꙋ, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ бл҃жє́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Разбо́йникъ на крⷭ҇тѣ̀, бг҃а тѧ̀ бы́ти вѣ́ровавъ хрⷭ҇тѐ и҆сповѣ́да тѧ̀ чи́стѣ ѿ се́рдца: помѧни́ мѧ гдⷭ҇и, вопїѧ̀, во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни миротво́рцы, ꙗ҆́кѡ ті́и сн҃ове бж҃їи нарекꙋ́тсѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже ѻ҆́блацы свѣ́тлїи зе́млю проидо́сте бж҃е́ственнїи ᲂу҆ч҃нцы̀, во́дꙋ живо́тнꙋю ѡ҆кроплѧ́юще, и҆ сердца̀ и҆ста́ѧвшаѧ прегрѣше́нїи бога́тнѡ напоѧ́ете."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже лꙋчы̀ та̑йныѧ, сл҃нца возсїѧ́вшагѡ ѿ дв҃ы чⷭ҇тыѧ, просвѣти́ли є҆стѐ сꙋ́щыѧ во тьмѣ̀ невѣ́дѣнїѧ сѣдѧ́щыѧ, бж҃е́ственнїи ᲂу҆ч҃нцы̀ хрⷭ҇та̀ бг҃а на́шегѡ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Разжжє́нїѧ лю́тыхъ мꙋче́нїй, премꙋ́дрїи претерпѣ́вше ᲂу҆се́рдною дꙋше́ю, попали́сте і҆́дѡльскꙋю ле́сть, и҆ къ бж҃е́ственномꙋ ᲂу҆тѣше́нїю преидо́сте ст҃і́и."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Да дра́хмꙋ во глꙋбинѣ̀ прегрѣше́нїѧ погребе́нꙋю хрⷭ҇тѐ, взе́мъ ко ѻ҆ц҃ꙋ̀ принесе́ши, а҆пⷭ҇лы проповѣ́дники сотвори́лъ є҆сѝ бж҃е́ственнымъ дх҃омъ."
|
||||
},
|
||||
{
|
||||
"type": "TEXT",
|
||||
"value": "Сла́ва, трⷪ҇ченъ: Пребж҃е́ственнаѧ трⷪ҇це, ѻ҆́ч҃е пребезнача́льне, собезнача́льне сн҃е, и҆ дш҃е ст҃ы́й: є҆ди́но бж҃ество̀, всѣ́хъ проповѣ̑дникъ мл҃твами цр҃ковь твою̀ сохранѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: А҆пⷭ҇лѡвъ ᲂу҆добре́нїе бг҃оѡбра́дованнаѧ сꙋ́щи, ѡ҆мраче́на мѧ̀ сластьмѝ жите́йскими, покаѧ́нїѧ просвѣтѝ, зарѧ́ми, ꙗ҆́кѡ да велича́ю тѧ̀."
|
||||
}
|
||||
]
|
||||
@@ -0,0 +1,946 @@
|
||||
[
|
||||
{
|
||||
"type": "HEADER",
|
||||
"value": "Гла́съ є҃. Вто́рникъ"
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ ве́чера, на Гдⷭ҇и воззва́хъ, стїхи̑ры покаѧ́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ра́дꙋйсѧ по́стникѡмъ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Оу҆вы̀ мнѣ̀ прогнѣ́вавшемꙋ тѧ̀, млⷭ҇тиваго бг҃а моего̀ и҆ гдⷭ҇а! Коли́жды ѡ҆бѣща́хсѧ пока́ѧтисѧ хрⷭ҇тѐ, и҆ ло́жъ ѡ҆брѣто́хсѧ несмы́сленный! Пе́рвꙋю ᲂу҆́бѡ креще́нїѧ ѡ҆калѧ́хъ ѻ҆де́ждꙋ, завѣ́тъ же мо́й, и҆́же къ тебѣ̀, ѡ҆ста́вихъ: и҆ второ́е сїѐ па́ки завѣща́нїе, є҆́же и҆сповѣ́дахъ тѝ пред̾ а҆́гг҃лы и҆ человѣ́ки, ѡ҆́бразомъ плаче́внымъ ѡ҆дѣ́ѧнъ: є҆го́же ѿложи́въ про́чее, сп҃се, до конца̀ не ѡ҆ста́ви менѐ поги́бнꙋти."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Кото́рый ѿвѣ́тъ дꙋшѐ ѻ҆каѧ́ннаѧ, ѡ҆брѧ́щеши въ де́нь сꙋ́дный: и҆лѝ кто́ тѧ ѡ҆сꙋжде́нїѧ ѻ҆гнѧ̀ вѣ́чнагѡ, и҆ про́чихъ мꙋче́нїй и҆зба́витъ; никто́же, а҆́ще не ты̀ сама̀ ᲂу҆млⷭ҇тивиши бл҃гоꙋтро́бнаго, ѕла̑ѧ твоѧ̑ ѡ҆ста́вльши дѣѧ̑нїѧ, и҆ бл҃гоꙋго́дно стѧжа́вши житїѐ: пла́чꙋщи на всѧ́къ де́нь твои́хъ безмѣ́рныхъ согрѣше́нїй, ꙗ҆̀же на всѧ́къ ча́съ согрѣша́еши дѣ́ломъ, и҆ сло́вомъ, и҆ помышле́нїемъ, хрⷭ҇та̀ молѧ́щи, пода́ти тебѣ̀ соверше́нное си́хъ проще́нїе."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Да не содержи́тъ менѐ сп҃се, грѣхо́вный ѻ҆бы́чай влекі́й, нижѐ да ѡ҆блада́етъ мно́ю бѣ́съ, при́снѡ борѧ̀, и҆ низводѧ̀ къ во́ли свое́й: но и҆схити́ мѧ тогѡ̀ влⷣчествїѧ, крѣ́пкою твое́ю рꙋко́ю всеси́льне, и҆ воцари́сѧ во мнѣ̀ ты̀ чл҃вѣколю́бче. Всего́ же твоего̀ бы́ти мѧ̀ сподо́би, и҆ жи́ти по во́ли твое́й сло́ве, и҆мѣ́ти поко́й въ тебѣ̀, и҆ ѡ҆брѣсти́ ми ѡ҆чище́нїе и҆ сп҃се́нїе и҆ ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры прⷣте́чи: гла́съ и҆ подо́бенъ то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Всего̀ прекло́ншасѧ въ зе́млю, и҆ сокрꙋши́вшасѧ неисцѣ́льнѡ ᲂу҆врачꙋ́й прⷣте́че хрⷭ҇то́въ и҆ мч҃нче, прибѣга́ющаго вѣ́рою въ бж҃е́ственный покро́въ тво́й, бл҃же́нне: тѣ́мже и҆ днѐ стра́шнагѡ мѧ̀ и҆схитѝ, во́ньже хощꙋ̀ пред̾ сꙋди́щемъ ста́ти, и҆ мꙋ́камъ ѿда́тисѧ, молю́сѧ тѝ, та́мошнагѡ стоѧ́нїѧ и҆зба́ви мѧ̀ тогда̀, ꙗ҆́кѡ и҆мы́й дерзнове́нїе непосты́дно мꙋ́дре, молѧ̀ подаю́щаго мі́рови ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Свѣти́льникъ ты̀ сл҃нца мꙋ́дре сы́й прⷣте́че хрⷭ҇то́въ, пресвѣ́тлѣйшїй, во тьмꙋ̀ низпа́дшꙋсѧ безмѣ́рныхъ ѕѡ́лъ, ѡ҆блиста́й мѝ зарю̀ свѣ́та, молю́ тѧ, и҆ воздви́гни и҆з̾ ро́ва грѣхо́внагѡ, наставлѧ́ѧ мѧ̀ гла́сомъ твои́мъ сла́дкимъ: и҆́же ѻ҆ц҃ꙋ̀ дре́вле гла́съ разрѣши́вый ржⷭ҇тво́мъ твои́мъ, ны́нѣ мо́й и҆спра́ви гла́съ, молю́ тѧ, ꙗ҆́кѡ да вѣ́рою и҆ любо́вїю славосло́влю чл҃вѣколю́бца бг҃а и҆ сп҃са, подаю́щаго мі́рови ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Бж҃е́ственный хра́мъ бы́лъ є҆сѝ бг҃а живода́вца всѣ́хъ бл҃же́нне прⷪ҇ро́че, и҆ прⷣте́че, и҆ проповѣ́дниче, живꙋ́щаго и҆мѣ́лъ є҆сѝ въ се́рдцы. Є҆го́же молѝ при́снѡ во ст҃ы́й тво́й хра́мъ прибѣга́ющихъ, и҆ тебѐ чтꙋ́щихъ і҆ѡа́нне пребога́те, хра́мы дх҃а бы́ти мо́лимсѧ, и҆ къ бг҃ꙋ прибли́житисѧ: ꙗ҆́кѡ да твоѐ почита́емъ въ пѣ́снехъ застꙋпле́нїе, и҆ те́плꙋю мл҃твꙋ, ѿ негѡ́же бо́льши всѣ́хъ человѣ̑къ свидѣ́тельствовалсѧ є҆сѝ досточꙋ́дне."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ве́сь ѿ младе́нства ꙗ҆ви́хсѧ, грѣхѝ неѡсла́бнѡ дѣ́лаѧ: ᲂу҆ѧзви́хсѧ лю́тѣ ᲂу҆мо́мъ, и҆ ѻ҆бы́чаемъ мно́гимъ въ не́мъ пребы́въ любо́вїю, и҆ ны́нѣ сѣ́тꙋѧ пла́чꙋ лю́тыѧ моеѧ̀ пре́лести, и҆ ѕла́гѡ ѻ҆бы́чаѧ и҆ безꙋ́мїѧ, и҆ дꙋшѝ моеѧ̀ поги́бели: влⷣчце, не пре́зри менѐ ѕлѣ̀ погиба́ющаго, но ᲂу҆ще́дривши, всѧ́кагѡ нахожде́нїѧ и҆ страсте́й и҆зба́ви твои́мъ застꙋпле́нїемъ, ꙗ҆́кѡ да понѐ на ста́рость пока́юсѧ бг҃ꙋ."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй:"
|
||||
},
|
||||
{
|
||||
"type": "HEADER",
|
||||
"value": "Посе́мъ прокі́менъ, и҆ є҆ктенїа̀."
|
||||
},
|
||||
{
|
||||
"type": "TEXT",
|
||||
"value": "Та́же, Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры покаѧ́нны. Гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, согрѣша́ѧ не престаю̀, чл҃вѣколю́бїю сподоблѧ́емь не разꙋмѣ́ю: ѡ҆долѣ́й моемꙋ̀ недоꙋмѣ́нїю є҆ди́ный бл҃же, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, стра́ха твоегѡ̀ бою́сѧ, и҆ ѕло̀ творѧ̀ не престаю̀: кто̀ на сꙋди́щи сꙋдїѝ не бои́тсѧ; и҆лѝ кто̀ и҆сцѣли́тисѧ хотѧ̀, врача̀ прогнѣ́ваетъ, ꙗ҆́коже а҆́зъ; долготерпѣли́ве гдⷭ҇и на не́мощь мою̀ ᲂу҆млⷭ҇рдисѧ, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Щито́мъ вѣ́ры ѡ҆бо́лкшесѧ, и҆ ѡ҆́бразомъ крⷭ҇тнымъ себѐ ᲂу҆крѣ́пльше, къ мꙋ́камъ мꙋ́жески вда́шасѧ, и҆ дїа́волю горды́ню и҆ ле́сть низложи́ша ст҃і́и твоѝ гдⷭ҇и: тѣ́хъ мольба́ми ꙗ҆́кѡ всеси́ленъ бг҃ъ, мі́рови ми́ръ низпослѝ, и҆ дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Оу҆толѝ болѣ̑зни многовоздыха́ющїѧ дꙋшѝ моеѧ̀, ᲂу҆толи́вшаѧ всѧ́кꙋ сле́зꙋ ѿ лица̀ землѝ. Ты́ бо человѣ́кѡмъ болѣ̑зни ѿгонѧ́еши, и҆ грѣ́шныхъ скѡ́рби разрꙋша́еши: тебе́ бо всѝ стѧжа́хомъ наде́ждꙋ и҆ ᲂу҆твержде́нїе, прест҃а́ѧ мт҃и дв҃о."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши раба̀ твоего̀ влⷣко: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь ст҃о́мꙋ. Сла́ва и҆ ны́нѣ, бг҃оро́диченъ, во гла́съ тропарѧ̀. Посе́мъ, є҆ктенїа̀, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ на повече́рїи, канѡ́нъ прест҃ѣ́й бцⷣѣ, гла́съ є҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Конѧ̀ и҆ вса́дника въ мо́ре чермно́е, сокрꙋша́ѧй бра̑ни мы́шцею высо́кою, хрⷭ҇то́съ и҆стрѧсѐ, і҆и҃лѧ же сп҃сѐ побѣ́днꙋю пѣ́снь пою́ща."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Прест҃а́ѧ бцⷣе сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "Дх҃ъ сокрꙋше́нъ пода́ждь мѝ бл҃га́ѧ, смире́нїе се́рдцꙋ, ᲂу҆мꙋ́ же чистотꙋ̀, и҆ житїю̀ и҆справле́нїе, и҆ прегрѣше́нїй ѡ҆ставле́нїе, и҆ сле́зъ и҆сто́чники, пренепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Ви́ждь мою̀ бѣдꙋ̀ и҆ ᲂу҆миле́нїе, и҆ дре́внихъ прегрѣше́нїй и҆сцѣлѝ стрꙋ́пы, и҆ вре́мѧ мѝ покаѧ́нїѧ да́рꙋй и҆ грѣхѡ́въ и҆сповѣ́данїе."
|
||||
},
|
||||
{
|
||||
"type": "TEXT",
|
||||
"value": "Сла́ва: Себѐ пла́чꙋ пре́жде и҆схо́да моегѡ̀, помышлѧ́ѧ ѕѡ́лъ мои́хъ бе́зднꙋ, всенепоро́чнаѧ. Тѣ́мже молю́сѧ тѝ: сн҃а твоего̀ ᲂу҆молѝ, и҆зба́вити мѧ̀ мꙋ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆мꙋ́щи покаѧ́нїѧ вре́мѧ, ѿстꙋпѝ ѿ всѧ́кїѧ ѕло́бы дꙋшѐ моѧ̀, и҆ зижди́телю твоемꙋ̀ со слеза́ми возопі́й: бж҃е мо́й, сп҃си́ мѧ мольба́ми ро́ждшїѧ тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Водрꙋзи́вый на ничесо́мже зе́млю повелѣ́нїемъ твои́мъ, и҆ повѣ́сивый неѡдержи́мѡ тѧготѣ́ющꙋю, на недви́жимѣмъ, хрⷭ҇тѐ, ка́мени за́повѣдей твои́хъ, цр҃ковь твою̀ ᲂу҆твердѝ, є҆ди́не бл҃же и҆ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Страсте́й мои́хъ нача̑льницы ѡ҆б̾ѧ́ша мѧ̀, пречⷭ҇таѧ, и҆ є҆́же по ѡ҆́бразꙋ и҆ по подо́бїю сотворе́ннаго мѧ̀ бж҃їю и҆спо́лниша стꙋда̀: но си́хъ вре́да и҆зба́ви мѧ̀, во ᲂу҆миле́нїи пою́щаго тѧ̀."
|
||||
},
|
||||
{
|
||||
"type": "TEXT",
|
||||
"value": "Лꙋка́внѡ вра́гъ ᲂу҆лови́ти мѧ̀ тщи́тсѧ, вѣ́чнꙋющагѡ пла́мене попале́нїе показа́ти мѧ̀ хотѧ̀, пречⷭ҇таѧ: но сегѡ̀ кова̑рствїѧ и҆ совѣ́ты разорѝ, да тѧ̀ сла́влю ра́дꙋѧсѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Въ ро́въ преиспо́днїй льсти́внѡ мѧ̀ положи́ша мно́гихъ согрѣше́нїй вразѝ пра́ведныхъ: ꙗ҆́кѡ безпомо́щенъ же ны́нѣ, и҆ ᲂу҆ѧ́звленъ ве́сь, призыва́ю мл҃твꙋ твою̀ влⷣчце пренепоро́чнаѧ, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Въ лѣ́ности жи́знь и҆жди́хъ ѻ҆каѧ́нный, ны́нѣ къ смє́ртнымъ две́рємъ прибли́жихсѧ, и҆ вра́жїихъ навѣ̑тъ ᲂу҆жаса́ѧсѧ, вопїю́ ти: и҆скꙋше́нїй си́хъ и҆зба́ви мѧ̀, да тѧ̀ сла́влю сп҃са́емь."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃е́ственное твоѐ разꙋмѣ́въ и҆стоща́нїе, прозорли́вѡ а҆ввакꙋ́мъ, хрⷭ҇тѐ, со тре́петомъ вопїѧ́ше тебѣ̀: во сп҃се́нїе люде́й твои́хъ, сп҃стѝ пома̑занныѧ твоѧ̑ прише́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Оу҆ѧзви́хсѧ стрѣла́ми грѣхо́вными, и҆ всегѡ̀ тѣлесѐ ра́нꙋ ны́нѣ ѡ҆бношꙋ̀. Тѣ́мже зовꙋ́ ти пречⷭ҇таѧ: твои́хъ мл҃твъ ско́ростїю ꙗ҆́звы дꙋшѝ моеѧ̀ и҆сцѣлѝ."
|
||||
},
|
||||
{
|
||||
"type": "TEXT",
|
||||
"value": "Поми́лꙋй чⷭ҇таѧ, рабы̑ твоѧ̑: тебе́ бо хода́таицꙋ къ бг҃ꙋ стѧжа́хомъ, и҆ мо́лимсѧ и҆зба́витисѧ всѧ́кїѧ нꙋ́жды и҆ вѣ́чнꙋющагѡ мꙋче́нїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Наде́жда и҆ щи́тъ и҆ ᲂу҆твержде́нїе ты̀ мнѣ̀ є҆сѝ бл҃га́ѧ, и҆ лю́тыхъ и҆збавле́нїе, и҆ просвѣще́нїе дꙋшѝ мое́й, и҆ хвала̀, и҆ стѣна̀, и҆ держа́ва."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Блꙋ́днѡ расточи́хъ бога́тство до́брыхъ дѣ́лъ, є҆́же мѝ хрⷭ҇то́съ ꙗ҆́кѡ бл҃гъ дарова̀: да не пре́зриши ᲂу҆̀бо менѐ пречⷭ҇таѧ ѻ҆трокови́це, гла́домъ погиба́ющаго."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆дѣѧ́йсѧ свѣ́томъ, ꙗ҆́кѡ ри́зою, къ тебѣ̀ ᲂу҆́тренюю, и҆ тебѣ̀ зовꙋ̀: дꙋ́шꙋ мою̀ просвѣтѝ ѡ҆мраче́ннꙋю хрⷭ҇тѐ, ꙗ҆́кѡ є҆ди́нъ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Ви́ждь влⷣчце не́мощь смире́нныѧ моеѧ̀ дꙋшѝ, и҆ пло́ти моеѧ̀ и҆знеможе́нїе, и҆ ᲂу҆ма̀ моегѡ̀ плѣне́нїе, и҆ ненаде́жнаго сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Бг҃а, є҆го́же родила̀ є҆сѝ, молѝ всегда̀, сп҃стѝ всѣ́хъ на́съ, бцⷣꙋ тѧ̀ и҆сповѣ́дꙋющихъ, и҆ славосло́вѧщихъ ржⷭ҇тво̀ твоѐ, пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Кто̀ не бл҃жи́тъ тебѐ всенепоро́чнꙋю; творца́ бо всегѡ̀ мі́ра сп҃са хрⷭ҇та̀ и҆ є҆ди́наго влⷣкꙋ несказа́ннѡ родила̀ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Стрꙋи̑ мнѣ̀ низпослѝ сле́зъ пречⷭ҇таѧ, и҆́миже сквє́рны и҆ вра̑ски грѣхѡ́въ мои́хъ ѡ҆мы́въ, пою̀ мно́жество твоеѧ̀ бл҃гости."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неи́стовствꙋющеесѧ бꙋ́рею дꙋшетлѣ́нною, влⷣко хрⷭ҇тѐ, страсте́й мо́ре ᲂу҆кротѝ, и҆ ѿ тлѝ возведи́ мѧ ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Во глꙋбинꙋ̀ вверго́хсѧ прегрѣше́нїй и҆ беззако́нїй: но прострѝ рꙋ́кꙋ твою̀ всенепоро́чнаѧ, и҆ ѿ а҆́да возведи́ мѧ неча́ѧнїѧ."
|
||||
},
|
||||
{
|
||||
"type": "TEXT",
|
||||
"value": "Мно́жество вѣ́си согрѣше́нїй, и҆ пѡ́мыслъ смꙋща́ющихъ мѧ̀: тѣ́мже ᲂу҆скорѝ, и҆ и҆зба́ви мѧ̀ си́хъ, пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Пощади́ мѧ раба̀ твоего̀ влⷣко хрⷭ҇тѐ, мольба́ми чи́стѡ ро́ждшїѧ тѧ̀, є҆гда̀ хо́щеши сꙋди́ти мі́рꙋ, є҆го́же созда́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Во глꙋбинꙋ̀ низвлече́сѧ прегрѣше́нїй, влⷣчце чⷭ҇таѧ, дꙋша̀ моѧ̀, снѣ́дь бы́вши бѣсѡ́мъ: тѣ́мже ненаде́жнѡ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Собезнача́льное сло́во:"
|
||||
},
|
||||
{
|
||||
"type": "TEXT",
|
||||
"value": "Дꙋшѝ моеѧ̀ стра̑сти многоболѣ́знєнныѧ, и҆ пло́ти моеѧ̀ недꙋ́ги вско́рѣ и҆сцѣлѝ, ᲂу҆ма̀ моегѡ̀ блꙋжє́нїѧ ᲂу҆ста́ви, пренепоро́чнаѧ. И҆ въ тишинѣ̀ по́мысла мл҃твы принестѝ чи́сты цр҃ю̀ всѧ́чєскимъ, сподо́би бцⷣе, и҆ и҆спроси́ти согрѣше́нїй ѡ҆ставле́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Превозноси́мый ѻ҆тцє́въ гдⷭ҇ь пла́мень ᲂу҆гасѝ, ѻ҆́троки ѡ҆росѝ согла́снѡ пою́щыѧ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Є҆гда̀ прїимꙋ̀ во ᲂу҆́мъ мо́й безмѣ́стныхъ мои́хъ дѣѧ́нїй мно́жество прегрѣше́нїй, всенепоро́чнаѧ, бою́сѧ и҆ ᲂу҆жаса́юсѧ: ѿ ни́хже мѧ̀ твои́ми мл҃твами свободѝ дв҃о."
|
||||
},
|
||||
{
|
||||
"type": "TEXT",
|
||||
"value": "Че́рвь неꙋсы́пный, и҆ ѻ҆́гнь неꙋгаси́мый, и҆стаѧва́етъ мѧ̀ всегда̀, и҆ снѣда́етъ мою̀ дꙋ́шꙋ, да не прїимꙋ̀ си́хъ и҆скꙋ́са прест҃а́ѧ бцⷣе."
|
||||
},
|
||||
{
|
||||
"type": "TEXT",
|
||||
"value": "Сла́ва: Тьмы̀ кромѣ́шнїѧ, и҆ стра́шнагѡ мꙋче́нїѧ, раба̀ твоего̀ и҆зба́ви мѧ̀, дв҃о всенепоро́чнаѧ, вопїю́ща сн҃ꙋ твоемꙋ̀: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Пло́ть ᲂу҆́бѡ ѡ҆скверни́хъ сра́мными страстьмѝ, ᲂу҆́мъ же помрачи́хъ скве́рными мы́сльми: но ᲂу҆ще́дри чⷭ҇таѧ, и҆ сп҃си́ мѧ непотре́бнаго раба̀ твоего̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѣ̀ вседѣ́телю, въ пещѝ ѻ҆́троцы всемі́рный ли́къ спле́тше, поѧ́хꙋ: дѣла̀ всѧ̑каѧ гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Тебѣ̀ бцⷣе, немощно́е смире́нныѧ моеѧ̀ дꙋшѝ приношꙋ̀, и҆ се́рдца моегѡ̀ неможе́нїе, и҆ ᲂу҆ма̀ моегѡ̀ пре́лесть возвѣща́ю, твоеѧ̀ по́мощи просѧ̀, дв҃о."
|
||||
},
|
||||
{
|
||||
"type": "TEXT",
|
||||
"value": "Млⷭ҇тивъ бꙋ́ди твои̑мъ рабѡ́мъ сло́ве, мл҃твами ро́ждшїѧ тѧ̀, и҆ спасѝ пою́щыѧ: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆́же воли́телѧ ро́ждшаѧ млⷭ҇ти, поми́лꙋй всѣ́хъ вѣ́рою пою́щихъ: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆зба́ви мѧ̀ кромѣ́шнїѧ тьмы̀, и҆ неꙋсыпа́ющагѡ че́рвїѧ, бл҃га́ѧ дв҃о: ты́ бо родила̀ є҆сѝ творца̀ мі́рꙋ: всѧ̑ бо є҆ли̑ка хо́щетъ, и҆ твори́тъ твои́ми мл҃твами."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆са́їе ликꙋ́й, дв҃а и҆мѣ̀ во чре́вѣ, и҆ родѝ сн҃а є҆мманꙋ́ила бг҃а же и҆ чл҃вѣ́ка, восто́къ и҆́мѧ є҆мꙋ̀: є҆го́же велича́юще, дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Бг҃а, є҆го́же родила̀ є҆сѝ неизрече́ннѡ влⷣчце чⷭ҇таѧ, молѝ прилѣ́жнѡ, и҆зба́вити на́съ ѿ бѣ́дъ и҆ скорбе́й, и҆ бꙋ́дꙋщагѡ сꙋда̀ стра́шнагѡ, и҆ свѣ́тлости ст҃ы́хъ є҆гѡ̀ сподо́би."
|
||||
},
|
||||
{
|
||||
"type": "TEXT",
|
||||
"value": "Па́че всѣ́хъ согрѣши́хъ, преслꙋ́шавъ твоѧ̑ за́пѡвѣди, хрⷭ҇тѐ, животвѡ́рныѧ, и҆ ᲂу҆подо́бихсѧ безсловє́снымъ скотѡ́мъ: но твоеѧ̀ мт҃ре сло́ве мл҃твами, непока́ѧнна ѿ житїѧ̀ не и҆сто́ргни менѐ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́кѡ млⷭ҇ти бе́зднꙋ ро́ждшаѧ сло́ва бж҃їѧ, поми́лꙋй бл҃га́ѧ, всѣ́хъ дꙋ́шы под̾ кро́въ тво́й прибѣга́ющихъ: тѧ́ бо къ бг҃ꙋ всѝ стѧжа́хомъ предста́тельницꙋ непосты́днꙋ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѡ҆чище́нїе и҆ ѡ҆ставле́нїе прегрѣше́нїй и҆спросѝ на́мъ, и҆ всѣ́хъ нꙋ́ждныхъ премѣне́нїе, и҆ житїѧ̀ и҆справле́нїе ны́нѣ чи́сто и҆ свѣтови́дно: да прославлѧ́емъ бг҃омт҃и мно́гꙋю твою̀ бл҃гость."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Та́же Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ ᲂу҆́тра, по а҃-мъ стїхосло́вїи, сѣда́льны покаѧ́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Сꙋдїѝ сѣдѧ́щꙋ, и҆ а҆́гг҃лѡмъ предстоѧ́щымъ, трꙋбѣ̀ гласѧ́щей и҆ пла́мени горѧ́щꙋ, что̀ сотвори́ши дꙋшѐ моѧ̀, ведо́ма на сꙋ́дъ; тогда́ бо лю̑таѧ тебѣ̀ предста́нꙋтъ, и҆ та̑йнаѧ твоѧ̑ ѡ҆блича́тсѧ согрѣшє́нїѧ. Тѣ́мже пре́жде конца̀ возопі́й сꙋдїѝ: бж҃е, ѡ҆чи́сти мѧ̀ и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Всѝ побди́мъ, и҆ хрⷭ҇та̀ ᲂу҆срѧ́щимъ со мно́жествомъ є҆ле́а, и҆ свѣща́ми свѣ́тлыми, ꙗ҆́кѡ да черто́га внꙋ́трь сподо́бимсѧ: и҆́же бо внѣ̀ двере́й пости́гнꙋвый, бездѣ́льнѡ бг҃ꙋ воззове́тъ: поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Стра́нное дв҃ы та́инство, мі́рови ꙗ҆ви́сѧ сп҃се́нїе: и҆з̾ неѧ́ бо роди́сѧ без̾ сѣ́мене, и҆ пло́тїю ꙗ҆ви́сѧ без̾ и҆стлѣ́нїѧ: всѣ́хъ ра́досте, гдⷭ҇и сла́ва тебѣ̀."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи, сѣда́льны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Є҆гда̀ ѿкры́ютсѧ дѣла̀ твоѧ̑, ѽ дꙋшѐ моѧ̀, тьма́мъ а҆́гг҃лѡмъ предстоѧ́щымъ сꙋдїѝ: кото́рый ѿвѣ́тъ стꙋдꙋ̀ ѡ҆брѧ́щеши; а҆́ще не пре́жде конца̀ возопїе́ши слезѧ́щи: согрѣши́хъ, бл҃гі́й гдⷭ҇и, поми́лꙋй мѧ̀!"
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "На ѻ҆дрѣ̀ слежꙋ̀ согрѣше́нїй мно́гихъ, ѡ҆крада́емь є҆́смь въ наде́жди сп҃се́нїѧ моегѡ̀: и҆́бо со́нъ лѣ́ности моеѧ̀ хода́тайствꙋетъ дꙋшѝ мое́й мꙋ́кꙋ: но ты̀ бж҃е, рожде́йсѧ ѿ дв҃ы, воздви́гни мѧ̀ къ твоемꙋ̀ пѣ́нїю, да сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Чꙋдеса̀ ст҃ы́хъ твои́хъ мч҃нкъ, стѣ́нꙋ неразори́мꙋ на́мъ дарова́лъ є҆сѝ хрⷭ҇тѐ бж҃е: тѣ́хъ мл҃твами вѣ̑рныѧ лю́ди твоѧ̑ ᲂу҆твердѝ, ꙗ҆́кѡ є҆ди́нъ бла́гъ и҆ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ: бг҃оро́диченъ: Ско́рый тво́й покро́въ, и҆ по́мощь, и҆ млⷭ҇ть, покажѝ на рабѣ̀ твое́мъ: и҆ во́лны чⷭ҇таѧ, ᲂу҆кротѝ сꙋ́етныхъ помышле́нїй, и҆ па́дшꙋю дꙋ́шꙋ мою̀ воздви́гни бцⷣе: вѣ́мъ бо, вѣ́мъ дв҃о, ꙗ҆́кѡ мо́жеши, є҆ли̑ка хо́щеши."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи, сѣда́льны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Собезнача́льное сло́во:"
|
||||
},
|
||||
{
|
||||
"type": "TEXT",
|
||||
"value": "Во глꙋбинꙋ́ мѧ грѣха̀ попо́лзшасѧ, треволне́нїе ѡ҆бꙋрева́етъ ѿча́ѧнїѧ: но предварѝ хрⷭ҇тѐ, ꙗ҆́кѡ всеси́ленъ, ᲂу҆пра́вителю всѣ́хъ, и҆ ко приста́нищꙋ ти́хомꙋ ᲂу҆стремѝ безстра́стїѧ, мл҃твами твоегѡ̀ прⷣте́чи, за млⷭ҇рдїе сп҃се, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Є҆лїсаве́тъ непло́дствїѧ свободи́сѧ, дв҃а же па́ки дв҃ою пребы́сть, є҆гда̀ гла́сомъ гаврїи́ловымъ во чре́вѣ зача́тъ: но предвзыграва́етъ во ᲂу҆тро́бѣ, и҆́же во чре́вѣ дв҃и́честѣмъ бг҃а прови́дѧ и҆ влⷣкꙋ, прⷣте́ча і҆ѡа́ннъ, во сп҃се́нїе на́ше воплоща́емаго."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ꙗ҆́же цвѣ́тъ бж҃е́ственный ѿ ко́рене прозѧ́бшїй, ковче́же и҆ свѣти́льниче, рꙋ́чко всезлата́ѧ, ст҃а́ѧ трапе́зо, живота̀ хлѣ́бъ носѧ́щи ꙗ҆́кѡ сн҃а твоего̀ и҆ бг҃а, молѝ є҆го̀ со ст҃ы́мъ прⷣте́чею, ᲂу҆ще́дрити и҆ сп҃стѝ, бцⷣꙋ и҆сповѣ́дающихъ тѧ̀."
|
||||
},
|
||||
{
|
||||
"type": "HEADER",
|
||||
"value": "Канѡ́нъ, гла́съ є҃, творе́нїе і҆ѡ́сифово, є҆гѡ́же краегране́сїе си́це:"
|
||||
},
|
||||
{
|
||||
"type": "TEXT",
|
||||
"value": "Ѡ҆чище́нїе на́мъ хрⷭ҇тѐ, прегрѣше́нїємъ дава́й."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Зе́млю, на ню́же не возсїѧ̀, ни ви́дѣ со́лнце когда̀, бе́зднꙋ, и҆́же не ви́дѣ на́гꙋ широта̀ нбⷭ҇наѧ, і҆и҃ль про́йде невла́жнѡ гдⷭ҇и, и҆ вве́лъ є҆сѝ є҆го̀ въ го́рꙋ ст҃ы́ни твоеѧ̀, хва́лѧща и҆ пою́ща побѣ́днꙋю пѣ́снь."
|
||||
},
|
||||
{
|
||||
"type": "TEXT",
|
||||
"value": "Ѡ҆чище́нїе мѝ да́рꙋй содѣ́ѧнныхъ мно́ю сп҃се, и҆ ѡ҆сла́би мѝ пре́жде да́же ѿсю́дꙋ ѿити́ ми, ѡ҆чи́сти мно́гагѡ гное́нїѧ гдⷭ҇и, ѡ҆чи́стивый прокажє́нныѧ: и҆ сподо́би мѧ̀ без̾ поро́ка предста́ти тебѣ̀, прїитѝ хотѧ́щемꙋ сꙋди́ти живы̑мъ и҆ мє́ртвымъ."
|
||||
},
|
||||
{
|
||||
"type": "TEXT",
|
||||
"value": "Гное́нїе, є҆́же лежи́тъ на ѻ҆чесѣ́хъ дꙋшѝ моеѧ̀, возбранѧ́ющее мѝ зрѣ́ти лꙋчѝ твоѧ̑, ꙗ҆̀же ꙗ҆́вльсѧ на землѝ просте́рлъ є҆сѝ, сл҃нце незаходи́мое: сїѐ ѡ҆чи́сти сп҃се, и҆ дава́й созерца́ти гдⷭ҇и бл҃гоꙋтро́бне, бл҃года́тей твои́хъ свѣ́тъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бо́дри бы́вше повелѣ́нїй хрⷭ҇то́выхъ храни́телїе, ᲂу҆спи́сте вра́жїю всю̀ ѕло́бꙋ страда́льцы бл҃же́ннїи. Тѣ́мже ѡ҆тѧгча́ема сно́мъ грѣхо́внымъ, къ покаѧ́нїѧ, молю́сѧ, бж҃е́ственнѣй бо́дрости и҆ менѐ воздви́гните."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пло́тїю сплета́еми бори́телю врагꙋ̀ мч҃нцы, побѣди́сте того̀ ѻ҆рꙋ́жїемъ крⷭ҇та̀, и҆ крове́й тече́нїемъ потопи́сте: и҆ вѣнцы̀ побѣ̑дныѧ ѿ бг҃а прїѧ́сте, воспѣва́юще и҆ пою́ще побѣ́днꙋю пѣ́снь."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆зба́ви мѧ̀ ѻ҆бы́чаѧ ѕла́гѡ, чⷭ҇таѧ дв҃о, ᲂу҆твердѝ на ка́мени за́повѣдей, коле́блема козньмѝ влⷣчце, ве́тхагѡ запина́телѧ. И҆ сподо́би менѐ хрⷭ҇тꙋ̀ ᲂу҆годи́ти, до́брѣ воспѣва́юща и҆ пою́ща побѣ́днꙋю пѣ́снь."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ І҆ѡа́ннꙋ прⷣте́чи, гла́съ є҃, творе́нїе і҆ѡ́сифово, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Крⷭ҇ти́телю, сїю̀ мольбꙋ̀ прїимѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Конѧ̀ и҆ вса́дника въ мо́ре чермно́е, сокрꙋша́ѧй бра̑ни, мы́шцею высо́кою хрⷭ҇то́съ и҆стрѧсѐ: і҆и҃лѧ же сп҃сѐ, побѣ́днꙋю пѣ́снь пою́ща."
|
||||
},
|
||||
{
|
||||
"type": "TEXT",
|
||||
"value": "Житїѐ ѡ҆чище́но, жи́знь же невеще́ственнꙋ, показа́лъ є҆сѝ прⷣте́че, въ веще́ственнѣмъ тѣлесѝ: тѣ́мже мо́лимъ тѧ̀, подража́телей себѣ̀ содѣ́лай вѣ́рою тѧ̀ бл҃жа́щихъ."
|
||||
},
|
||||
{
|
||||
"type": "TEXT",
|
||||
"value": "Бе́зднꙋ погрꙋзи́вый бл҃гоꙋтро́бїѧ, хрⷭ҇та̀ въ рѣ́чныхъ стрꙋѧ́хъ, того̀ молѝ прⷣте́че, и҆зсꙋши́ти бе́зднꙋ ѕѡ́лъ мои́хъ, молю́сѧ и҆ просвѣти́ти мо́й смы́слъ."
|
||||
},
|
||||
{
|
||||
"type": "TEXT",
|
||||
"value": "Прⷣте́че сп҃совъ, покаѧ́нїѧ мѝ вины̑ хода́тайствꙋѧ, и҆спросѝ ᲂу҆миле́нїю да́тисѧ мѝ, тимѣ̑нїѧ ѿмыва́ющее смра́да грѣхо́внагѡ, молѝ чл҃вѣколю́бца, молю́сѧ тѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Родила̀ є҆сѝ неизрече́ннѡ кромѣ̀ болѣ́зни, є҆го́же ѻ҆ц҃ъ пре́жде вѣ̑къ нетлѣ́ннѡ родѝ, всепѣ́таѧ влⷣчце: є҆го́же молѝ сп҃стѝ всѧ́кагѡ вре́да къ тебѣ̀ прибѣга́ющихъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Дви́жимое се́рдце моѐ гдⷭ҇и, волна́ми жите́йскими, ᲂу҆твердѝ, въ приста́нище ти́хое наставлѧ́ѧ ꙗ҆́кѡ бг҃ъ."
|
||||
},
|
||||
{
|
||||
"type": "TEXT",
|
||||
"value": "Пока́ѧтисѧ тебѣ̀ бг҃ꙋ ѡ҆бѣщава́юсѧ, и҆ па́ки согрѣша́ѧ, что̀ бꙋ́дꙋ; ка́кѡ ꙗ҆влю́сѧ, внегда̀ сꙋ́диши землѝ;"
|
||||
},
|
||||
{
|
||||
"type": "TEXT",
|
||||
"value": "Молє́нїѧ гдⷭ҇еви принесе́мъ, воздохне́мъ, сле́зы пролїе́мъ чисти́тєльныѧ скве́рнамъ: ꙗ҆́кѡ да и҆зба́вимсѧ та́мѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆мерщвле́нною мы́слїю законопрестꙋ̑пницы, жи́знь лю́бѧщїи, ᲂу҆ранѧ́хꙋ побѣдонѡ́сныѧ мч҃нки, и҆сповѣ́дающыѧ хрⷭ҇та̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ли́цы мч҃нчестїи, ликѡ́мъ сопричта́шасѧ ᲂу҆́мныхъ а҆́гг҃лъ: и҆ равноа́гг҃льнїи бы́вше, бл҃года́тїю бж҃е́ственнагѡ дх҃а."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Покаѧ́нїѧ врата̀ ны́нѣ мѝ ѿве́рзи, врата̀ свѣ́та, дв҃о: вхо́ды же страсте́й затворѝ смире́нныѧ моеѧ̀ дꙋшѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Водрꙋзи́вый на ничесо́мже зе́млю повелѣ́нїемъ твои́мъ, и҆ повѣ́сивый неѡдержи́мѡ тѧготѣ́ющꙋю, на недви́жимѣмъ хрⷭ҇тѐ, ка́мени за́повѣдей твои́хъ, цр҃ковь твою̀ ᲂу҆твердѝ, є҆ди́не бл҃же и҆ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "И҆сцѣлє́нїѧ пристꙋпа́ющымъ вѣ́рою къ хра́мꙋ твоемꙋ̀, чꙋ́дный прⷣте́че и҆сточа́ѧ всегда̀, и҆сцѣлѝ стра̑сти моегѡ̀ се́рдца, молю́ тѧ, ꙗ҆̀же всеѻкаѧ́ннѣ совозра́стшыѧ мѝ ѿ невнима́нїѧ, всебога́те."
|
||||
},
|
||||
{
|
||||
"type": "TEXT",
|
||||
"value": "Воздыха́ю, и҆ рыда́ньми содержи́мь є҆́смь всегда̀, помышлѧ́ѧ сꙋди́ще твоѐ неꙋмы́тное, є҆ди́не пра́веднѣйшїй сꙋдїѐ: въ не́мже мѧ̀, мольба́ми крⷭ҇ти́телѧ твоегѡ̀, неѡсꙋжде́нна гдⷭ҇и бж҃е мо́й соблюдѝ."
|
||||
},
|
||||
{
|
||||
"type": "TEXT",
|
||||
"value": "Но́вагѡ и҆ ве́тхагѡ хода́тай бы́въ, хода́тайствы бж҃е́ственными сла́вный прⷣте́че, ѡ҆бетша́вшаго мѧ̀ грѣхѝ мно́гими, вопїю́ ти, покаѧ́нїемъ ѡ҆бновѝ, ꙗ҆́кѡ да во хвале́нїи тѧ̀ почита́ю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ста́ѧ дв҃о мт҃и, є҆ди́на всенепоро́чнаѧ, прегрѣше́нїй поро́ка на́съ и҆змѣнѝ: просвѣтѝ на́ше помышле́нїе, сердца̀ ѡ҆ст҃ѝ, и҆ вѣ́чнагѡ на́съ и҆зба́ви всѣ́хъ ѡ҆сꙋжде́нїѧ, мо́лимсѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и слꙋ́хъ тво́й, и҆ ᲂу҆боѧ́хсѧ, разꙋмѣ́хъ смотре́нїе твоѐ, и҆ просла́вихъ тѧ̀ є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Глагѡ́лъ твои́хъ гдⷭ҇и, небре́гъ просвѣща́ющихъ, тє́мнаѧ сотвори́хъ дѣла̀, и҆ бою́сѧ та́мошнѧгѡ стра́шнагѡ твоегѡ̀ сꙋди́ща."
|
||||
},
|
||||
{
|
||||
"type": "TEXT",
|
||||
"value": "Вѣ́триломъ бж҃е́ственнагѡ стра́ха впери́мъ дꙋше́вный кора́бль: и҆ къ приста́нищємъ покаѧ́нїѧ дости́гнемъ, ѕлы́хъ ᲂу҆бѣжа́вше треволне́нїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ка́плющїѧ мч҃нцы сла́дости, ꙗ҆ви́стесѧ бж҃е́ствєнныѧ го́ры: и҆ ра́й бг҃онасажде́нный, жи́зни дре́во и҆мꙋ́щїй гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стрѣлѧ́ньми ст҃і́и, терпѣ́нїѧ и҆ пожда́нїѧ, пострѣлѧ́сте бори́телей бѣсѡ́въ, и҆ вѣнцы̀ сла́вы воспрїѧ́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пречⷭ҇таѧ влⷣчца, согрѣша́ющымъ предста́тельница, па́дающымъ бж҃е́ственное и҆справле́нїе, ꙗ҆́кѡ бг҃а ро́ждшаѧ сла́витсѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃е́ственное твоѐ разꙋмѣ́въ и҆стоща́нїе, прозорли́вѡ а҆ввакꙋ́мъ, хрⷭ҇тѐ со тре́петомъ вопїѧ́ше тебѣ̀: во сп҃се́нїе люде́й твои́хъ, сп҃стѝ пома̑занныѧ твоѧ̑ прише́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Въ вы́шнее всели́лсѧ є҆сѝ црⷭ҇тво, ꙗ҆́кѡ во́инъ и҆́стиненъ цр҃ѧ̀ хрⷭ҇та̀, крⷭ҇ти́телю: того̀ молѝ непреста́ннѡ, лю́ди ᲂу҆ще́дрити чтꙋ́щыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Ѡ҆ст҃ѝ и҆з̾ ложе́снъ тѧ̀ гдⷭ҇ь, прови́дѧй бл҃года́рство твоегѡ̀ се́рдца, бл҃же́нне: того̀ молѝ всѣ́хъ на́съ ѡ҆ст҃и́ти, мо́лимсѧ."
|
||||
},
|
||||
{
|
||||
"type": "TEXT",
|
||||
"value": "Мє́ртвымъ бл҃говѣсти́лъ є҆сѝ прише́ствїе ᲂу҆мерщвле́нагѡ на́съ ра́ди: того̀ молѝ прⷣте́че, ᲂу҆мерщвле́наго и҆ менѐ грѣхмѝ ѡ҆живи́ти, и҆ сп҃сти́ мѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Поми́лꙋй мѧ̀ є҆ди́на пренепоро́чнаѧ, ꙗ҆́же млⷭ҇тиваго бг҃а премно́гою бл҃гостїю несказа́ннѡ ро́ждшаѧ, и҆ и҆зба́ви вѣ́чныѧ мꙋ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆каѧ́ннꙋю дꙋ́шꙋ мою̀, нощеборю́щꙋюсѧ со тьмо́ю страсте́й, предвари́въ ᲂу҆ще́дри, и҆ возсїѧ́й мы́сленное сл҃нце днесвѣ́тлыѧ ѕвѣзды̀ во мнѣ̀, во є҆́же раздѣли́ти но́щь ѿ свѣ́та."
|
||||
},
|
||||
{
|
||||
"type": "TEXT",
|
||||
"value": "Ѿ дѣ́лъ нѣ́сть мнѣ̀ сп҃се́нїѧ, мно́гѡ бо на землѝ ѻ҆каѧ́нный согрѣши́хъ, и҆ трепе́щꙋ стра́шнагѡ сꙋди́ща твоегѡ̀, є҆гда̀ ѡ҆сꙋди́ти хо́щеши бж҃е, престꙋ́пники твои́хъ за́повѣдей."
|
||||
},
|
||||
{
|
||||
"type": "TEXT",
|
||||
"value": "Ка́кѡ безꙋ́менъ бы́хъ; ка́кѡ ѡ҆мрачи́хсѧ творѧ̀ дѣла̀ ѕла̑ѧ; ка́кѡ не разꙋмѣ́хъ стра́ха твоегѡ̀ хрⷭ҇тѐ; въ зе́млю понико́хъ, и҆ ᲂу҆подо́бихсѧ скотѡ́мъ безсловє́снымъ: но ѡ҆брати́ мѧ бж҃е всѧ́ческихъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѻ҆́блакъ мч҃нкъ разгна̀ ѻ҆́блаки го́рькихъ мꙋ́къ: и҆ ѡ҆зари́ша де́нь и҆́стиннагѡ ра́зꙋма, и҆ многобо́жїѧ мглꙋ̀ разрꙋши́ша, и҆ къ незаходи́момꙋ свѣ́тꙋ достиго́ша."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆ст҃ѝ ᲂу҆́мъ мо́й мольба́ми ст҃ы́хъ мч҃нкъ твои́хъ хрⷭ҇тѐ, молю́сѧ, и҆ покажѝ просвѣще́нїѧ и҆спо́лнена, и҆ вѣ́чнѣй сла́вѣ прича́стника, да сла́вѧ пою́ тѧ сп҃се."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бг҃а неизрече́ннымъ сло́вомъ, дв҃о мт҃и родила̀ є҆сѝ на́мъ, всѣ̑мъ покаѧ́нїе даю́ща многосогрѣши́вшымъ, хода́тайствомъ твои́мъ бл҃ги́мъ, прибѣ́жище вѣ̑рнымъ и҆ приста́нище."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆дѣѧ́йсѧ свѣ́томъ ꙗ҆́кѡ ри́зою, къ тебѣ̀ ᲂу҆́тренюю, и҆ тебѣ̀ зовꙋ̀: дꙋ́шꙋ мою̀ просвѣтѝ ѡ҆мраче́ннꙋю хрⷭ҇тѐ, ꙗ҆́кѡ є҆ди́нъ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Породѝ непло́днаѧ ᲂу҆тро́ба тѧ̀ прⷣте́че, непло́днаѧ ѿ до́брыхъ дѣѧ́нїй сердца̀, бл҃гоча̑днаѧ показꙋ́ющаѧ, бл҃гопло́дными твои́ми словесы̀: тѣ́мже тѧ̀ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Процвѣ́лъ є҆сѝ ꙗ҆́кѡ бл҃гоꙋха́нный крі́нъ, приснобл҃же́нне въ пꙋсты́нѧхъ. Тѣ́мже вопїю́ ти: дꙋшѝ моеѧ̀ прⷣте́че, всѧ́ко ѕлосмра́дїе ѕло́бы ѿженѝ."
|
||||
},
|
||||
{
|
||||
"type": "TEXT",
|
||||
"value": "Зако́на посредѣ̀ ста́лъ є҆сѝ, премꙋ́дре, и҆ бл҃года́ти. Тѣ́мже взыва́ю: побѣжда́ема мѧ̀ грѣхо́внымъ прⷣте́че, зако́номъ ᲂу҆ще́дри, ѻ҆каѧ́ннѣ бѣ́дствꙋющаго."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Врата̀ непроходи̑маѧ сла́вы пречⷭ҇таѧ, ѿве́рзи мѝ врата̀ покаѧ́нїѧ, хода́тайствꙋющаѧ мѝ бж҃е́ствєнныѧ вхо́ды, и҆ та́мошнѧгѡ поко́ища."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́коже прⷪ҇ро́ка ѿ ѕвѣ́рѧ и҆зба́вилъ є҆сѝ гдⷭ҇и, и҆ менѐ и҆з̾ глꙋбины̀ несодержи́мыхъ страсте́й возведѝ, молю́сѧ, да приложꙋ̀ призрѣ́ти мѝ къ хра́мꙋ ст҃о́мꙋ твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Сѐ вре́мѧ ѡ҆браще́нїѧ, и҆ а҆́зъ низлежꙋ̀ взна́къ при́снѡ, нечꙋ́вствїемъ мно́гимъ всегда̀ содержи́мь: ѡ҆мраче́нїе се́рдца моегѡ̀ сло́ве, разрѣши́въ ᲂу҆ще́дри мѧ̀."
|
||||
},
|
||||
{
|
||||
"type": "TEXT",
|
||||
"value": "Стенѧ́ща мѧ̀, ꙗ҆́коже и҆ногда̀ мытарѧ̀ ᲂу҆ще́дри, бл҃гоꙋтро́бне хрⷭ҇тѐ. И҆ ꙗ҆́коже блꙋдни́цꙋ те́плѣ слези́ти сподо́би: да ѿмы́ю и҆ а҆́зъ тимѣ́нїе мно́гихъ мои́хъ прегрѣше́нїй."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Великомч҃нцы хрⷭ҇тѡ́вы, вельмѝ согрѣши́вшаго, вели́кагѡ пла́мене и҆́же въ гее́ннѣ, та́мѡ ѡ҆жида́ющагѡ мѧ̀ и҆схити́те, да вельмѝ и҆ а҆́зъ ва́шꙋ па́мѧть сла́влю всегда̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Подвиза́вшесѧ до́брѣ, свѣ́тлѡ вѣнча́шасѧ твоѝ страда́льцы, живонача́льною десни́цею твое́ю, бж҃е и҆ гдⷭ҇и: си́хъ чⷭ҇тны́ми мольба́ми сп҃сѝ всѧ̑ лю́ди твоѧ̑."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бг҃ора́дованнаѧ сѣ́не ѡ҆сщ҃е́нїѧ, чⷭ҇тны́й ковче́же, свѣти́льниче бж҃е́ственнагѡ свѣ́та, хлѣ́ба живо́тнагѡ трапе́зо, сло́ва пала́то ѡ҆дꙋшевле́ннаѧ, хра́мъ мѧ̀ дх҃ꙋ покажѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неи́стовствꙋющеесѧ бꙋ́рею дꙋшетлѣ́нною, влⷣко хрⷭ҇тѐ, страсте́й мо́ре ᲂу҆кротѝ, и҆ ѿ тлѝ возведи́ мѧ, ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Неизрече́нными лꙋча́ми сїѧ́ѧ, прⷣте́че хрⷭ҇то́въ, дѣ́тельною мл҃твою твое́ю ѡ҆зарѧ́й сердца̀, бл҃гоче́стнѡ хва́лѧщихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Лѣ́ностнымъ сно́мъ ѡ҆держи́ма мѧ̀, прⷣте́че хрⷭ҇то́въ ѡ҆зари́въ бл҃года́тїю, воздви́гни ᲂу҆се́рднѡ бж҃е́ствєннаѧ твори́ти хотѣ̑нїѧ."
|
||||
},
|
||||
{
|
||||
"type": "TEXT",
|
||||
"value": "Ѿ всѧ́кїѧ ско́рби сопроти́вныѧ и҆зба́ви на́съ, предста́телѧ бж҃е́ственнаго тѧ̀ стѧжа́вшихъ и҆ мл҃твенника ко влⷣцѣ, бл҃же́нне."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бꙋ́рѧ смꙋща́етъ мѧ̀ грѣхо́внаѧ, бцⷣе пречⷭ҇таѧ, потщи́сѧ и҆зба́вити мѧ̀, вводѧ́щи къ приста́нищꙋ покаѧ́нїѧ, всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆гнѧ̀ гаси́лище ѻ҆трокѡ́въ мл҃тва, ѡ҆роша́ющаѧ пе́щь проповѣ́дница чꙋдесѐ, не ѡ҆палѧ́ющи, нижѐ сожига́ющи пѣсносло́вцы бг҃а ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Беззакѡ́нїѧ моѧ̑ и҆ непра̑вды моѧ̑, безчи́слєннаѧ согрѣшє́нїѧ хрⷭ҇тѐ простѝ, и҆ бꙋ́дꙋщїѧ и҆зба́ви мѧ̀ мꙋ́ки, за мно́жество твои́хъ щедро́тъ, бж҃е."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ блꙋ́дный ны́нѣ и҆жди́хъ бога́тство, є҆́же прїѧ́хъ, и҆ гла́домъ та́ю, бж҃е́ственнагѡ бра́шна лиша́емь: ка́ющасѧ сп҃се, прїимѝ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ме́ртва содѣ́ласте борю́щаго врага̀, ᲂу҆десы̀ ᲂу҆мерщвлѧ́еми мно́гими мꙋ́ками, досточꙋ́днїи гдⷭ҇ни мч҃нцы: тѣ́мже вѣ́рнїи бл҃гоче́стнѡ воспѣва́емъ ва́съ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бѣсѡ́вскїѧ полкѝ, мꙋчи́телей всѐ мно́жество, стрѣлѧ́ньми, мч҃нцы ᲂу҆ра́нисте, терпѣ́нїемъ же и҆ до́блестїю, и҆ къ животꙋ̀ и҆́стинномꙋ ны́нѣ преложи́стесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Приста́нище сп҃си́тельное показа́сѧ всѣ̑мъ, чⷭ҇таѧ, страсте́й бꙋ́рю ᲂу҆тиша́ющи, и҆ къ тишинѣ̀ всѣ́хъ приводѧ́щи, бг҃ороди́тельнице чⷭ҇таѧ, и҆̀же на землѝ смирє́нныѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Превозноси́мый ѻ҆тцє́въ гдⷭ҇ь, пла́мень ᲂу҆гасѝ, ѻ҆́троки ѡ҆росѝ, согла́снѡ пою́щыѧ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Словесы̀ мо́лимъ тѧ̀, и҆́же сло́ва прⷣте́чꙋ, ѻ҆́ч҃їй ꙗ҆́коже разрѣши́лъ є҆сѝ гла́съ въ рожде́нїи, разрѣшѝ сѣ́тей на́шихъ прегрѣшє́нїѧ."
|
||||
},
|
||||
{
|
||||
"type": "TEXT",
|
||||
"value": "Сл҃нце многосвѣ́тлое, возсїѧ́й покаѧ́нїѧ мѝ сп҃си́тельное сїѧ́нїе: и҆ тьмы̀ мѧ̀ и҆зба́ви страсте́й смꙋща́ющихъ помраче́нное моѐ се́рдце."
|
||||
},
|
||||
{
|
||||
"type": "TEXT",
|
||||
"value": "Непло́днꙋ дꙋ́шꙋ стѧжа́хъ, и҆ се́рдце безча́дно, непло́дове бж҃е́ственное прозѧбе́нїе, плоды̀ покаѧ́нїѧ прозѧба́ти мѝ крⷭ҇ти́телю хрⷭ҇то́въ, молѝ непреста́ннѡ."
|
||||
},
|
||||
{
|
||||
"type": "TEXT",
|
||||
"value": "Трⷪ҇ченъ: Ра́вна роди́телю сн҃а сла́вимъ, и҆ дх҃а ст҃а́го, трⷪ҇цꙋ нераздѣ́льнꙋ бж҃е́ственнѣ пою́ще: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мла́до родила̀ є҆сѝ ѻ҆троча̀ всенепоро́чнаѧ, хрⷭ҇та̀, ѡ҆бновле́нїе на́ше содѣ́ловающаго, ѡ҆бетша́вшихъ дре́внимъ престꙋпле́нїемъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: А҆́гг҃лѡвъ со́нмъ, человѣ́кѡвъ собо́ръ, цр҃ѧ̀ и҆ зижди́телѧ всѣ́хъ, сщ҃е́нницы по́йте, бл҃гослови́те леѵі́ти, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Сѐ возсмердѣ́ша и҆ согни́ша дꙋшѝ моеѧ̀ ра̑ны, хрⷭ҇тѐ, и҆ пострада́хъ и҆ смири́хсѧ ѿню́дъ: лѣчьба́ми покаѧ́нїѧ, сп҃се, ᲂу҆врачꙋ́й мѧ̀."
|
||||
},
|
||||
{
|
||||
"type": "TEXT",
|
||||
"value": "Льсти́внѡ ѕмі́й мѧ̀ лꙋка́внѣйшїй под̾ꙋкра́дъ, ѕѡ́лъ и҆спо́лни, и҆ воздыха́ѧ зовꙋ̀: не ѿри́ни менѐ сло́ве, ѡ҆сꙋжде́ннаго и҆ смире́ннаго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Не ᲂу҆клони́стесѧ лꙋ́чшагѡ стоѧ́нїѧ, крⷭ҇тныѧ же врагѝ всехва́льнїи, ꙗ҆́кѡ запѧ́ти ва́мъ непщева́вшыѧ низложи́сте, и҆ до конца̀ премꙋ́дрїи побѣ́ждше."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ва́съ прехва́льнїи гдⷭ҇ни мч҃нцы, ни ѻ҆́гнь, ни ме́чь, ни ѕвѣ́рїе, ни гла́дъ, ни коле́съ раздробле́нїе, нижѐ мꙋ́ка и҆́на возмо́же разлꙋчи́ти ѿ хрⷭ҇та̀ чл҃вѣколю́бца."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: А҆́гг҃лѡвъ похвала̀, и҆ человѣ́кѡвъ сп҃се́нїе, и҆ спорꙋ́чница бꙋ́ди мѝ мт҃и бж҃їѧ: ꙗ҆́кѡ да ѡ҆бращꙋ́сѧ, и҆ прїимꙋ̀ разрѣше́нїе пре́жде согрѣше́нныхъ, въ вѣ́дѣнїи и҆ не въ вѣ́дѣнїи."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѣ̀ вседѣ́телю, въ пещѝ ѻ҆́троцы всемі́рный ли́къ спле́тше поѧ́хꙋ: дѣла̀ всѧ̑каѧ гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Собо́ръ люде́й стрꙋѧ́ми і҆ѻрда́нскими и҆змыва́еши, проповѣ́дꙋѧ покаѧ́нїе вели́кїй прⷣте́че. Тѣ́мже вопїю́ ти: страсте́й мои́хъ стрꙋю̀ и҆зсꙋшѝ, и҆сто́чники мѝ сле́зъ посыла́ѧ."
|
||||
},
|
||||
{
|
||||
"type": "TEXT",
|
||||
"value": "Трепе́щꙋщи бꙋ́ди всѧ̀, помышлѧ́ющи дꙋшѐ сꙋди́ще вседержи́телево, вопїѧ̀: ще́дре, крⷭ҇ти́телѧ твоегѡ̀ ра́ди, ᲂу҆ще́дри и҆ сп҃си́ мѧ, и҆ мꙋ́къ и҆зба́ви."
|
||||
},
|
||||
{
|
||||
"type": "TEXT",
|
||||
"value": "Оу҆стнѣ̀ нечи́сты и҆ ѡ҆скверни́вшїйсѧ ѧ҆зы́къ дви́жꙋ тѝ на моле́нїе, ст҃е прⷣте́че: потщи́сѧ вско́рѣ, помозѝ мѝ, всѧ́кими прило́ги лестца̀ непреста́ннѡ коле́блемꙋ."
|
||||
},
|
||||
{
|
||||
"type": "TEXT",
|
||||
"value": "Трⷪ҇ченъ: Ѡ҆дождѝ на́мъ ѻ҆́ч҃е, и҆ сн҃е, и҆ дш҃е, трⷪ҇це є҆диносꙋ́щнаѧ, согрѣше́нїй ѡ҆ставле́нїе, ꙗ҆́кѡ да полꙋчи́вше соверше́нное сп҃се́нїе, тѧ̀ превозно́симъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Вознесла̀ є҆сѝ на́съ высо́кимъ твои́мъ ржⷭ҇тво́мъ, ѿ ро́ва паде́нїй бг҃ора́дованнаѧ: тѣ́мже тѧ̀ гла́сы бл҃года́рными, вѣ́рою ѻ҆трокови́це воспѣва́емъ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а: И҆ покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́кѡ сотворѝ тебѣ̀ вели́чїѧ си́льный, дв҃ꙋ ꙗ҆́вль тѧ̀ чи́стꙋ по ржⷭ҇твѣ̀, ꙗ҆́кѡ ро́ждшꙋю без̾ сѣ́мене своего̀ творца̀: тѣ́мъ тѧ̀ бцⷣе велича́емъ."
|
||||
},
|
||||
{
|
||||
"type": "TEXT",
|
||||
"value": "Да твоѐ велича́ю долготерпѣ́нїе і҆и҃се, долготерпѝ и҆ є҆щѐ на мнѣ̀, и҆ не посѣцы̀ менѐ ꙗ҆́коже непло́днꙋю смоко́вницꙋ, взыва́ю тѝ: ꙗ҆́кѡ да покаѧ́нїѧ плоды̀ принесꙋ̀ тебѣ̀."
|
||||
},
|
||||
{
|
||||
"type": "TEXT",
|
||||
"value": "Ко́ль стра́шенъ є҆сѝ, є҆ди́не держа́вный и҆ си́льный; и҆ кто̀ проти́вꙋ постои́тъ твоемꙋ̀ стра́шномꙋ преще́нїю, є҆гда̀ хо́щеши на сꙋдѣ̀ са́мъ сѣдѣ́ти; въ не́мже мѧ̀ соблюдѝ неѡсꙋжде́нна."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Тѣлє́сныѧ болѣ̑зни болѣ́зньми бж҃е́ственными ва́шими и҆з̾има́ете гдⷭ҇ни страда́льцы: тѣ́мже и҆сцѣли́те дꙋшѝ моеѧ̀ стра̑сти лютѣ́йшыѧ, ꙗ҆́кѡ сꙋ́ще вра́чеве и҆скꙋ́снѣйшїи."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Со́лнечныхъ лꙋ́чь блиста́етъ мно́жае, ва́шихъ ра́ка моще́й, зарѝ бж҃е́ственныѧ бл҃года́ти: и҆ просвѣща́етъ сердца̀, и҆ ѡ҆зарѧ́етъ дꙋ́шы, вѣ́рою стрⷭ҇тоте́рпцы восхвалѧ́ющихъ ва́съ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣтови́дный ѻ҆́блакъ, предводѧ́щїй нѡ́выѧ лю́ди къ землѝ ѡ҆бѣтова́нїѧ, вои́стиннꙋ бг҃обл҃года́тнаѧ ꙗ҆ви́ласѧ є҆сѝ, и҆ врата̀ вводѧ̑щаѧ къ жи́зни. Тѣ́мже тѧ̀ бцⷣе велича́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆са́їе ликꙋ́й, дв҃а и҆мѣ̀ во чре́вѣ, и҆ родѝ сн҃а є҆мманꙋ́ила, бг҃а же и҆ человѣ́ка, восто́къ и҆́мѧ є҆мꙋ̀: є҆го́же велича́юще, дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Сѐ бл҃голѣ́пїе твоегѡ̀ хра́ма, ꙗ҆́кѡ нб҃о познава́етсѧ на землѝ, прⷣте́че хрⷭ҇то́въ, во́ньже приходѧ̀ зарѧ́ми бж҃е́ственными ѡ҆свѣща́еши, по всѧ̑ дни̑ тѧ̀ ны́нѣ въ не́мъ бл҃жа́щыѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ сы́й и҆́скреннїй влⷣцѣ дрꙋ́гъ крⷭ҇ти́телю, люби́ти мѝ є҆го̀ пра́вымъ нра́вомъ неꙋкло́ннѡ, всебл҃же́нне, ᲂу҆крѣпѝ, и҆ страсте́й тлетво́рныхъ возгнꙋша́тисѧ порѣва́ющихъ мѧ̀ къ поги́бели."
|
||||
},
|
||||
{
|
||||
"type": "TEXT",
|
||||
"value": "Ты̀ не бы́лъ є҆сѝ тро́сть, проти́вными вѣ́тры премꙋ́дре коле́блема, но на́ше бж҃е́ственное ᲂу҆твержде́нїе, и҆ непоколе́блемо цр҃кве ᲂу҆крѣпле́нїе: ю҆́же твои́ми мл҃твами соблюда́й непрекло́ннꙋ, ᲂу҆толѧ́ѧ всѧ́кїй собла́знъ."
|
||||
},
|
||||
{
|
||||
"type": "TEXT",
|
||||
"value": "Зижди́телево при две́рехъ прише́ствїе: что̀ ᲂу҆́бѡ не пла́чеши себѐ, ѻ҆каѧ́ннаѧ дꙋшѐ, живꙋ́щи въ небреже́нїи; возни́кни и҆ возопі́й гдⷭ҇еви: пощади́ мѧ сп҃се, мольба́ми прⷣте́чи, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣтоно́снаѧ колесни́ца сл҃нца ꙗ҆ви́ласѧ є҆сѝ вои́стиннꙋ, возсїѧ́вшагѡ ѿ твое́ю всенепоро́чнаѧ чⷭ҇таѧ бокꙋ̀, и҆ разрꙋ́шшагѡ пре́лести лю́тꙋю тьмꙋ̀. Тѣ́мже по до́лгꙋ тѧ̀ вѣ́рою ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́ны"
|
||||
},
|
||||
{
|
||||
"type": "HEADER",
|
||||
"value": "И҆ є҆ктенїа̀ ма́лаѧ. Та́же свѣти́ленъ, и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры покаѧ́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Мно́жєства прегрѣше́нїи мои́хъ пре́зри гдⷭ҇и, и҆́же ѿ дв҃ы рожде́йсѧ, и҆ всѧ̑ ѡ҆чи́сти беззакѡ́нїѧ моѧ̑, мы́сль мѝ подаѧ́й ѡ҆браще́нїѧ, ꙗ҆́кѡ є҆ди́нъ чл҃вѣколю́бецъ, молю́сѧ: и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ, и҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Оу҆вы̀ мнѣ̀, комꙋ̀ ᲂу҆подо́бихсѧ а҆́зъ; непло́днѣй смоко́вницѣ, и҆ бою́сѧ проклѧ́тїѧ съ посѣче́нїемъ: но нбⷭ҇ный дѣ́лателю хрⷭ҇тѐ бж҃е, ѡ҆лѧденѣ́вшꙋю мою̀ дꙋ́шꙋ плодоно́снꙋ покажѝ, и҆ ꙗ҆́кѡ блꙋ́днаго сы́на прїими́ мѧ, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стрⷭ҇тоте́рпцы твоѝ гдⷭ҇и, чинѡ́мъ а҆́гг҃льскимъ подража́телїе, ꙗ҆́кѡ безпло́тнїи мꙋ́ки претерпѣ́ша, и҆ є҆диномы́сленно ᲂу҆пова́нїе и҆мꙋ́ще, ѡ҆бѣща́нныхъ бла̑гъ наслажде́нїе: мл҃твами и҆́хъ хрⷭ҇тѐ бж҃е, ми́ръ мі́рови твоемꙋ̀ да́рꙋй, и҆ дꙋша́мъ на́шымъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ѡ҆бра́дованнаѧ, хода́тайствꙋй твои́ми мл҃твами, и҆ и҆спросѝ дꙋша́мъ на́шымъ мно́жество щедро́тъ, и҆ ѡ҆чище́нїе мно́гихъ прегрѣше́нїй, мо́лимсѧ."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ гдⷭ҇еви: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь. Та́же є҆ктенїа̀, и҆ ча́съ а҃-й, и҆ ѱалмы̀ ѻ҆бы̑чныѧ, и҆ про́чее, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ бл҃жє́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Разбо́йникъ на крⷭ҇тѣ̀ бг҃а тѧ̀ бы́ти вѣ́ровавъ хрⷭ҇тѐ, и҆сповѣ́да тѧ̀ чи́стѣ ѿ се́рдца: помѧни́ мѧ гдⷭ҇и, вопїѧ̀, во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже ѡ҆правда́лъ є҆сѝ хрⷭ҇тѐ блꙋдни́цꙋ, пла́кавшꙋюсѧ ѿ всеѧ̀ дꙋшѝ: та́кожде и҆ менѐ влⷣко, ѿча́ѧвшагосѧ ѿ всѧ́кагѡ и҆схитѝ бл҃же мꙋче́нїѧ, молю́сѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Предте́кшаго хрⷭ҇тꙋ̀, и҆ ᲂу҆гото́вавшаго пꙋти̑ бл҃гі̑ѧ, да ᲂу҆бл҃жи́мъ і҆ѡа́нна согла́снѡ: ꙗ҆́кѡ да тогѡ̀ бж҃е́ственными мл҃твами ѿ прегрѣше́нїй и҆зба́вимсѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆̀же ча́шꙋ хрⷭ҇то́вꙋ и҆спи́вше мч҃нцы ᲂу҆се́рдною дꙋше́ю, мꙋ́тныхъ на́съ грѣхѡ́въ и҆ недꙋ́гѡвъ, ѡ҆дожде́ньми бж҃е́ственныхъ мл҃твъ и҆зба́вите ст҃і́и."
|
||||
},
|
||||
{
|
||||
"type": "TEXT",
|
||||
"value": "Сла́ва, трⷪ҇ченъ: Непостижи́мый бж҃е, всеси́льнаѧ трⷪ҇це и҆ є҆ди́нице, мл҃твами прⷣте́чи твоегѡ̀ сп҃си́ мѧ, и҆збавлѧ́ющи тьмы̀, и҆ пла́мене предлежа́щагѡ мѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Всегда̀ лꙋка́выми дв҃о, дѣѧ́ньми ѡ҆сквернѧ́емь, тѧ̀ нескве́рнꙋю влⷣки мт҃рь молю̀: скве́рны мѧ̀ всѧ́кїѧ ѡ҆чи́сти влⷣчце."
|
||||
}
|
||||
]
|
||||
@@ -0,0 +1,930 @@
|
||||
[
|
||||
{
|
||||
"type": "HEADER",
|
||||
"value": "Гла́съ є҃. Среда̀"
|
||||
},
|
||||
{
|
||||
"type": "HEADER",
|
||||
"value": "Во вто́рникъ ве́чера, На Гдⷭ҇и воззва́хъ, стїхи̑ры крⷭ҇тны, гла́съ є҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ра́дꙋйсѧ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Воздви́жесѧ ꙗ҆́коже а҆́гнецъ на крⷭ҇тѣ̀, и҆ возношє́нїѧ льсти́вагѡ низве́рглъ є҆сѝ: закла́въ же сѧ, кро́вїю твое́ю всю̀ ѡ҆свѧти́лъ є҆сѝ зе́млю. И҆ прободе́нъ копїе́мъ, пла́менномꙋ мнѣ̀ хрⷭ҇тѐ, ѻ҆рꙋ́жїю плєщѝ да́ти а҆́бїе повелѣ́лъ є҆сѝ, и҆ раѧ̀ вмѣсти́ти вхо́дъ, и҆ дре́ва мѧ̀ наслажда́тисѧ живо́тнагѡ небоѧ́зненнѡ. Тѣ́мже сп҃се́нъ бы́въ стрⷭ҇тїю твое́ю, зовꙋ̀ ра́дꙋѧсѧ: сла́ва бж҃е́ственномꙋ крⷭ҇тꙋ̀ твоемꙋ̀, и҆́мже клѧ́твы и҆зба́вихомсѧ дре́внїѧ, и҆ бл҃гослове́нїе ѿ дре́ва ѡ҆б̾е́млемъ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Оу҆ста́вити болѣ̑зни хотѧ̀ человѣ́кѡмъ и҆ поношє́нїѧ, пребл҃гі́й гдⷭ҇и сп҃се мо́й, распѧ́тїе терпи́ши поно́сное, и҆ же́лчи вкꙋша́еши неѕло́биве, на́шꙋ го́ресть ѿе́млѧ ѕло́бнꙋю, ᲂу҆ѧзви́всѧ сло́ве, ребра̀ прободе́нїемъ, ꙗ҆́звы на́шѧ ꙗ҆́кѡ влⷣка и҆сцѣлѧ́еши. Тѣ́мже и҆ воспѣва́емъ твоѐ сла́вное хотѣ́нїе, и҆ покланѧ́ющесѧ чти́мъ копїѐ, и҆ гꙋ́бꙋ, и҆ тро́сть, и҆́миже дарова́лъ є҆сѝ мі́рꙋ твоемꙋ̀ ми́ръ и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Ка́кѡ тѧ̀ і҆и҃се, є҆вре́йское мно́жество беззако́нное на крⷭ҇тѣ̀ распѧ́ти ѡ҆сꙋдѝ, не ᲂу҆ще́дривъ тебѐ ще́драгѡ: дв҃а пла́чꙋщи вѣща́ше и҆ногда̀, є҆гда̀ ᲂу҆зрѣ̀ на крⷭ҇тѣ̀ воздви́жена, є҆го́же и҆з̾ ᲂу҆тро́бы нестра́стнѡ породѝ. Что́ ти содѣ́ѧ беззако́нное собо́рище, ча́до моѐ вожделѣ́нное, сн҃е мо́й превозлю́бленнѣйшїй; потщи́сѧ и҆ сп҃сѝ, вѣ́рою твоѐ сла́вѧщихъ распѧ́тїе, и҆ менѐ, ꙗ҆́коже ѡ҆бѣща́лъ є҆сѝ велича́ющихъ, ꙗ҆́кѡ є҆ди́нъ всепребл҃гі́й."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры бцⷣѣ, гла́съ то́йже:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Хотѧ̀ рꙋкоположе́нїе а҆да́ма первозда́ннагѡ ѿѧ́ти до конца̀ всеболѣ́зненное чл҃вѣколю́бче, ꙗ҆́кѡ созда́тель а҆да́мовъ, гвоздьмѝ пригвозди́сѧ, безгрѣ́шне хрⷭ҇тѐ, и҆ копїе́мъ бж҃е́ствєннаѧ твоѧ̑ ре́бра ᲂу҆ѧзви́въ на́съ ра́ди, возбранѧ́еши сло́ве ѻ҆рꙋ́жїю пла́менномꙋ, не брани́ти на́мъ вхо́да твои̑мъ рабѡ́мъ. Тѣ́мъ же славосло́вѧще тѧ̀, пое́мъ держа́вꙋ твою̀, и҆ крⷭ҇тъ тво́й чти́мъ, и҆ воспѣва́емъ чл҃вѣколю́бче, и҆́мже всѧ́ко є҆стество̀ ѡ҆брѣ́те неболѣ́зненное достоѧ́нїе и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "А҆́гнца своего̀ а҆́гница и҆ногда̀ зрѧ́щи къ заколе́нїю тща́щасѧ, ᲂу҆се́рднѡ послѣ́доваше, сїѧ̑ вопїю́щи є҆мꙋ̀: ка́мѡ грѧде́ши, ча́до моѐ сладча́йшее хрⷭ҇тѐ; чесѡ̀ ра́ди тече́нїемъ си́мъ тече́ши долготерпѣли́ве без̾ лѣ́ности, і҆и҃се превозжелѣ́нне; безгрѣ́шный и҆ многомлⷭ҇тиве гдⷭ҇и, да́ждь мѝ сло́во рабѣ̀ твое́й, сн҃е мо́й вселюбе́зный. Не пре́зри мѧ̀ ще́дре молча̀, стра́ннѡ ро́ждшꙋю тѧ̀, бж҃е живода́вче, да́рꙋѧй мі́рови ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Прⷭ҇то́лъ херꙋві́мскїй вои́стиннꙋ, ꙗ҆́кѡ превы́шши тва́рей бы́сть: въ тѧ́ бо бж҃е́ственное сло́во, на́шъ зра́къ ѡ҆бнови́ти хотѧ̀, всели́сѧ чⷭ҇таѧ, и҆ и҆з̾ тебѐ проше́дъ плотоно́сецъ, ꙗ҆́кѡ бл҃гоꙋтро́бенъ, крⷭ҇тъ и҆ стрⷭ҇ть на́съ ра́ди прїѧ́тъ, и҆ воскрⷭ҇нїе ꙗ҆́кѡ бг҃ъ дарова̀. Тѣ́мже ꙗ҆́кѡ примири́вшꙋю на́ше ѡ҆сꙋжде́нное є҆стество̀, зижди́телю бл҃годарѧ́ще, къ немꙋ̀ и҆ тебѣ̀ зове́мъ: пода́ждь на́мъ ѡ҆ставле́нїе прегрѣше́нїй, и҆ млⷭ҇ть твои́ми мл҃твами."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: И҆збавле́нїе на́съ ра́ди, и҆ цѣ́нꙋ вели́кꙋю, пречⷭ҇тꙋю кро́вь твою̀ и҆зво́лилъ є҆сѝ да́ти, безгрѣ́шне хрⷭ҇тѐ мо́й, всѣ̑мъ хотѧ̀ сп҃се́нїе полꙋчи́ти. Тѣ́мже тѧ̀ зрѧ́щи пригвожде́на мт҃и твоѧ̀, рыда́ющи власы̀ терза́ше своѧ̑, глаго́лющи: ча́до, а҆́гнче всенепоро́чный, мі́ръ хотѧ̀ и҆зба́вити чⷭ҇тно́ю твое́ю кро́вїю, ѿ ѻ҆́чїю мое́ю ка́кѡ заше́лъ є҆сѝ сп҃се, незаходи́мое сл҃нце, и҆́же всѣ̑мъ подаѧ́й просвѣще́нїе, и҆ ми́ръ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ:"
|
||||
},
|
||||
{
|
||||
"type": "TEXT",
|
||||
"value": "Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, при мѡѷсе́и и҆ногда̀ проро́цѣ, то́чїю ѡ҆́бразъ крⷭ҇та̀ твоегѡ̀ ꙗ҆влѧ́емь, побѣжда́ше врагѝ твоѧ̑. Ны́нѣ же са́мый крⷭ҇тъ тво́й и҆мꙋ́ще, по́мощи про́симъ: ᲂу҆крѣпѝ цр҃ковь твою̀, мно́гїѧ ра́ди ми́лости, человѣколю́бче."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀, та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ тво́й хрⷭ҇тѐ, а҆́ще и҆ дре́во ви́димо є҆́сть сꙋщество́мъ, но бж҃е́ственною ѡ҆дѣ́ѧно є҆́сть си́лою, и҆ чꙋ́вственнѣ мі́рови ꙗ҆влѧ́емь, ᲂу҆́мнѡ на́ше чꙋдотвори́тъ сп҃се́нїе, є҆мꙋ́же кла́нѧющесѧ сла́вимъ тѧ̀ сп҃се, поми́лꙋй на́съ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Моли́те за ны̀ ст҃і́и мч҃нцы, да и҆зба́вимсѧ ѿ беззако́нїй на́шихъ: ва́мъ бо дана̀ є҆́сть бл҃года́ть моли́тисѧ за ны̀."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, крⷭ҇тобг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Прпⷣбне ѻ҆́тче:"
|
||||
},
|
||||
{
|
||||
"type": "TEXT",
|
||||
"value": "Ве́сь воспрїи́мъ мо́й зра́къ, созда́тель и҆ бг҃ъ ѡ҆блече́сѧ, воѡбрази́ти и҆́же пре́жде па́дшїй зра́къ а҆да́мовъ восхотѣ́вый, на крⷭ҇тъ вознесе́сѧ во́лею ꙗ҆́кѡ пови́ненъ: и҆ рꙋ́цѣ распросте́ръ ны́нѣ, и҆сцѣлѧ́ѧ рꙋ́цѣ ꙗ҆̀же дре́вле ѡ҆сла́блєнныѧ къ дре́вꙋ снѣ́дномꙋ. Є҆го́же всечⷭ҇таѧ ви́дѧщи восклица́ше: что̀ сїѐ твоѐ сн҃е мо́й неизрече́нное долготерпѣ́нїе; не терплю̀ на крⷭ҇тѣ̀ воздви́жена зрѧ́щи тѧ̀, го́рстїю содержа́ща всеѧ̀ землѝ концы̀."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши раба̀ твоего̀ влⷣко: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь ст҃о́мꙋ. Сла́ва, и҆ ны́нѣ, бг҃оро́диченъ, во гла́съ тропарѧ̀. Та́же, є҆ктенїа̀, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ на повече́рїи, канѡ́нъ прест҃ѣ́й бцⷣѣ. Гла́съ є҃."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Конѧ̀ и҆ вса́дника въ мо́ре чермно́е, сокрꙋша́ѧй бра̑ни мы́шцею высо́кою, хрⷭ҇то́съ и҆стрѧсѐ: і҆и҃лѧ же сп҃сѐ, побѣ́днꙋю пѣ́снь пою́ща."
|
||||
},
|
||||
{
|
||||
"type": "TEXT",
|
||||
"value": "Твои́хъ ра̑бъ и҆з̾ глꙋбины̀ се́рдца мл҃твы вѣ́рнѡ приноси̑мыѧ тѝ бцⷣе, прїе́мли: и҆ сїѧ̑ приносѧ́щи сн҃ꙋ твоемꙋ̀, пода́ждь прегрѣше́нїй ѡ҆ставле́нїе."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ вои́стиннꙋ бл҃года́тельница сꙋ́щи, богатѧ́щи земноро́дныхъ, и҆ сп҃се́нїѧ две́ре къ жи́зни вводѧ́щи, дв҃о бг҃ома́ти, предстоѧ́щи всегда̀ не преста́й, ѡ҆ молѧ́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Ны́нѣ прекло́ншисѧ пѣвє́цъ твои́хъ мольба́ми, ꙗ҆́кѡ держа́вна ко сп҃се́нїю сꙋ́щи по́мощь: ѿ бѣ́дъ моли́твами твои́ми и҆з̾е́мши влⷣчце, цѣ́лы сохранѝ почита́ющыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Предвари́вши вско́рѣ и҆ предстоѧ́щи те́плѣ прест҃а́ѧ дв҃о, ѕѣлѡ̀ ѡ҆держи́мыхъ на́съ лю́тыми ѡ҆бстоѧ́нїи ᲂу҆мили́вшисѧ и҆зба́ви, и҆ ѿ печа́ли свободѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Водрꙋзи́вый на ничесо́мже зе́млю повелѣ́нїемъ твои́мъ, и҆ повѣ́сивый неѡдержи́мѡ тѧготѣ́ющꙋю, на недви́жимѣмъ хрⷭ҇тѐ, ка́мени за́повѣдей твои́хъ, цр҃ковь твою̀ ᲂу҆твердѝ, є҆ди́не бл҃же и҆ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Свѣ́та твоегѡ̀ бо́дренною бж҃е́ственною мольбо́ю те́мный ѻ҆́блакъ се́рдца моегѡ̀ мт҃и бж҃їѧ ѡ҆зари́вши, сы́на днѐ покажи́ мѧ добродѣ́тельми просвѣще́на, свѣтоводи́тельнице дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Пѣ́ти тѧ̀ по достоѧ́нїю жела́юще при́снѡ, ѻ҆ба́че недоꙋмѣ́юще, хвалꙋ̀ ѿ ᲂу҆сте́нъ прино́симъ хꙋды́хъ, ю҆́же бл҃гопремѣ́ннѡ прїимѝ, и҆ мольба́мъ послꙋ́шница бꙋ́ди, вѣ́рнѡ молѧ́щымсѧ тѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Доброплѡ́дны неплѡ́дныѧ дꙋ́шы показꙋ́ющи, и҆ ѡ҆лѧденѣ́вшее ѡ҆чища́ющи твое́ю мл҃твою, и҆ мою̀ дꙋ́шꙋ пло́дъ даю́щꙋю вѣ́рꙋ и҆ житїѐ нескве́рно, ты̀ бг҃ороди́тельнице покажѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆́же всеѧ̀ землѝ го́рстїю содержа́й концы̀, ка́кѡ мт҃рними нѣ́драми ѡ҆б̾е́млетсѧ; млеко́мъ же пита́етсѧ ѿ сосє́цъ, насыща́ѧ всѧ́ко живо́тно бл҃говоле́нїѧ: и҆ бога́тый и҆злїѧ́нїемъ ѡ҆бнищава́етъ воплоща́емь."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃е́ственное твоѐ разꙋмѣ́въ и҆стоща́нїе, прозорли́вѡ а҆ввакꙋ́мъ, хрⷭ҇тѐ, со тре́петомъ вопїѧ́ше тебѣ̀: во сп҃се́нїе люде́й твои́хъ сп҃стѝ пома̑занныѧ твоѧ̑ прише́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ є҆ди́нꙋ тѧ̀ къ бг҃ꙋ хода́таицꙋ вѣ́дꙋще, согрѣше́нїй до́лги разрѣша́ющꙋю пови̑ннымъ пречⷭ҇таѧ, хвала́ми и҆ пѣ́сньми почита́емъ."
|
||||
},
|
||||
{
|
||||
"type": "TEXT",
|
||||
"value": "Цр҃ковь ѡ҆свѧще́ннꙋю тѧ̀ показа̀, все́льсѧ въ тѧ̀ бг҃ъ дв҃о пренепоро́чнаѧ: є҆го́же при́снѡ молѝ соблюстѝ невре́дны рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Сла́ва: Мольбꙋ̀ ни́щихъ ᲂу҆слы́ши ᲂу҆пова́ющихъ на тѧ̀ бцⷣе, и҆ ᲂу҆скорѝ ѿ бѣ́дъ и҆зба́вити на́съ мт҃рними твои́ми дерзнове́нїи."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Въ ско́рбехъ сла́дкое ᲂу҆тѣше́нїе, и҆ въ напа́стехъ по́мощь, и҆ въ бѣда́хъ предста́тельницꙋ тѧ̀ мт҃и бж҃їѧ стѧжа́вше, ѡ҆ѕлобле́нїй всѧ́кихъ и҆збавлѧ́емсѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆дѣѧ́йсѧ свѣ́томъ, ꙗ҆́кѡ ри́зою: къ тебѣ̀ ᲂу҆́тренюю, и҆ тебѣ̀ зовꙋ̀: дꙋ́шꙋ мою̀ просвѣтѝ ѡ҆мраче́ннꙋю хрⷭ҇тѐ, ꙗ҆́кѡ є҆ди́нъ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "И҆́же первонача́льнаго въ лѣ́то поро́ждши, во ѡ҆пи́саннѣй пло́ти, вои́стиннꙋ є҆стество́мъ неѡпи́саннаго: того̀ молѝ непреста́ннѡ ѡ҆ рабѣ́хъ твои́хъ."
|
||||
},
|
||||
{
|
||||
"type": "TEXT",
|
||||
"value": "Ты̀ приближа́ешисѧ вско́рѣ сꙋ́щымъ въ нꙋ́ждахъ, при́снѡ помога́ющи, и҆ ᲂу҆правлѧ́ющи призыва́ющыѧ тѧ̀ во и҆скꙋше́нїихъ ко сп҃се́нїю пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Млⷭ҇тива є҆стество́мъ, млⷭ҇рдаго бг҃а мл҃твами показа́вши, пода́ждь твои̑мъ рабѡ́мъ ми́рнꙋ жи́знь, и҆ прегрѣше́нїй и҆збавле́нїе пренепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆́гль ро́ждшаѧ, є҆го́же ᲂу҆зрѣ̀ и҆са́їа, попали́ ми вє́щи, всенепоро́чнаѧ, согрѣше́нїй, и҆ просвѣти́ мѧ, молю́сѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неи́стовствꙋющеесѧ бꙋ́рею дꙋшетлѣ́нною, влⷣко хрⷭ҇тѐ, страсте́й мо́ре ᲂу҆кротѝ, и҆ ѿ тлѝ возведи́ мѧ, ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Оу҆мерщвле́ныхъ на́съ страстьмѝ грѣха̀ влⷣчце, возста́вивши ѡ҆живѝ мл҃твами твои́ми, ꙗ҆́кѡ тлѝ потреби́телѧ ро́ждшаѧ."
|
||||
},
|
||||
{
|
||||
"type": "TEXT",
|
||||
"value": "Неле́стно ᲂу҆пова́нїе тѧ̀, и҆ неѡбори́мꙋ стѣ́нꙋ на врагѝ, и҆ тве́рдꙋ и҆мꙋ́ще по́мощь, на ны̀ навѣ́тѡвъ не ᲂу҆бои́мсѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Земнорѡ́днымъ предста́ни въ болѣ́знехъ при́снѡ чⷭ҇таѧ: и҆ лю́тыхъ ᲂу҆вѧда́ющихъ твоѧ̑ слꙋжи́тели не вре́дны сохранѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Дꙋ́шꙋ мою̀ просвѣтѝ ѡ҆мрачи́вшꙋюсѧ, ѻ҆́блакомъ помышле́нїй находѧ́щихъ мѝ бг҃оневѣ́сто, навѣ́томъ человѣкоꙋбі́йцы бѣ́са."
|
||||
},
|
||||
{
|
||||
"type": "TEXT",
|
||||
"value": "Та́же: Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Крⷭ҇то́мъ сн҃а твоегѡ̀ бг҃обл҃года́тнаѧ, і҆́дѡльскаѧ пре́лесть всѧ̀ ᲂу҆праздни́сѧ, и҆ де́мѡнскаѧ крѣ́пость попра́сѧ. Сегѡ̀ ра́ди вѣ́рнїи по до́лгꙋ тѧ̀ при́снѡ пое́мъ и҆ бл҃гослови́мъ, и҆ бцⷣꙋ вои́стиннꙋ и҆сповѣ́дающе тѧ̀ велича́емъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Превозноси́мый ѻ҆тцє́въ гдⷭ҇и, пла́мень ᲂу҆гасѝ, ѻ҆́троки ѡ҆росѝ, согла́снѡ пою́щыѧ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Прїимѝ влⷣчце вѣ́рныхъ твои́хъ прошє́нїѧ ра̑бъ, напа́стей и҆з̾има́ющи, и҆ ѿ скорбе́й сп҃са́ющи вѣ́рнѡ пою́щихъ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆́же бл҃ги́хъ дѣ́лателѧ бг҃а на́мъ ро́ждшаѧ, того̀ ᲂу҆молѝ мт҃рними мольба́ми чⷭ҇таѧ, ᲂу҆ще́дрити ѡ҆ тебѣ̀ хва́лѧщихсѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Предста́тельницꙋ непобѣди́мꙋю, и҆ ѡ҆снова́нїе непоколе́блемо тѧ̀ стѧжа́вше, и҆ твои́мъ ѡ҆дѣ́ѧвшесѧ застꙋпле́нїемъ влⷣчце, побѣжда́емъ стрѣльца̀ ꙗ҆̀же на ны̀ кова̑рствїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ви́ждь смире́нїе твоегѡ̀ раба̀ влⷣчце, и҆ вѣ́чнагѡ ѻ҆гнѧ̀ свободи́ мѧ непреста́ннѡ пою́щаго: бж҃е бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѣ̀ вседѣ́телю въ пещѝ ѻ҆́троцы, всемі́рный ли́къ спле́тше, поѧ́хꙋ: дѣла̀ всѧ̑каѧ гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Глаго́лы вкꙋ́пѣ и҆ мы́сльми хвалꙋ̀ дв҃о, тебѣ̀ плетꙋ́ще, вѣ́рнїи взыва́емъ: гдⷭ҇а по́йте, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Всю̀ тебѐ добро́тꙋ соломѡ́нъ бли́жнюю бг҃ꙋ преднаписа̀, ꙗ҆́кѡ ближа́йшꙋ сꙋ́щꙋю семꙋ̀, мт҃рнимъ дв҃и́це дерзнове́нїемъ, сꙋ́щихъ въ мі́рѣ и҆збавлѧ́ющи."
|
||||
},
|
||||
{
|
||||
"type": "TEXT",
|
||||
"value": "Сла́ва: Тѧ̀ по бз҃ѣ ᲂу҆пова́нїе сп҃се́нїѧ въ напа́стехъ и҆мꙋ́ще вѣ́рнїи взыва́емъ: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Прїимѝ пѣ́снь ѿ хꙋды́хъ ᲂу҆сте́нъ, дв҃о всепѣ́таѧ, вопїю́щихъ тѝ: ра́дꙋйсѧ болѧ́щымъ тѣлѡ́мъ врачевство̀, и҆ ѿча̑ѧннымъ дꙋша́мъ сп҃се́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆са́їе ликꙋ́й, дв҃а и҆мѣ̀ во чре́вѣ, и҆ родѝ сн҃а є҆мманꙋ́ила, бг҃а же и҆ чл҃вѣ́ка, восто́къ и҆́мѧ є҆мꙋ̀: є҆го́же велича́юще, дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Къ тебѣ̀ пролива́емъ, ю҆́же ѿ болѣ́зни мл҃твꙋ на́шꙋ: поми́лꙋй на́съ грѣ́шныхъ, да не посрами́мсѧ въ де́нь и҆скꙋше́нїѧ, тѧ̀ всемлⷭ҇рдꙋю бцⷣꙋ призыва́ющїи."
|
||||
},
|
||||
{
|
||||
"type": "TEXT",
|
||||
"value": "Пе́рстное сро́дство не пре́зри влⷣчце чⷭ҇таѧ, но бꙋ́ди помо́щница покрыва́ющи, въ печа́лехъ ᲂу҆крѣплѧ́ющи, и҆ и҆збавлѧ́ющи всѣ́хъ недꙋ́жныхъ: на тѧ́ бо ᲂу҆пова́емъ гото́вꙋю, во є҆́же сп҃стѝ на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва: Бж҃е ᲂу҆слы́ши люде́й твои́хъ мл҃твꙋ ны́нѣ, и҆ и҆зба́ви на́съ вре́да вра́жїѧ: сѐ тебѣ̀ приво́димъ и҆́стинное ѡ҆чище́нїе, тебѐ ро́ждшꙋю, ю҆́же любо́вїю ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Под̾ держа́вꙋ крѣ́пости твоеѧ̀, влⷣчце, притека́емъ то́щнѡ всѝ земноро́днїи, просѧ́ще млⷭ҇ти и҆ щедрѡ́ты твоѧ̑ млⷭ҇тивыѧ, ꙗ҆̀же пролїѧ́вши всѣ́хъ на́съ ѡ҆свѧтѝ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Та́же Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ ᲂу҆́тра, по а҃-мъ стїхосло́вїи, сѣда́льны крⷭ҇тны. Гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Мѣ́сто ло́бное ра́й бы́сть, то́чїю бо водрꙋзи́сѧ дре́во крⷭ҇тное, а҆́бїе и҆зрастѝ гро́здъ живо́тный, въ на́ше весе́лїе, тебѐ сп҃се: сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть."
|
||||
},
|
||||
{
|
||||
"type": "TEXT",
|
||||
"value": "Распе́ншагосѧ сп҃са и҆ и҆зба́вителѧ на́шего во́лею, ꙗ҆́коже вѣ́сть, и҆ ꙗ҆́коже бл҃гоизво́ли, воспои́мъ вѣ́рнїи, и҆ просла́вимъ: ꙗ҆́кѡ пригвоздѝ на крⷭ҇тѣ̀ грѣхѝ человѣ́кѡвъ: и҆збавлѧ́ѧ ѿ пре́лести ро́дъ человѣ́ческїй, и҆ црⷭ҇твїю сподо́билъ є҆́сть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Возвы́шена на дре́вѣ ꙗ҆́кѡ ᲂу҆зрѣ̀ роди́вшаѧ тѧ̀ болѣ́зней кромѣ̀, рыда́ше съ пла́чемъ и҆ взыва́ше: ᲂу҆вы̀ мнѣ̀ сладча́йшїй сн҃е, ᲂу҆ѧзвлѧ́юсѧ дꙋше́ю, на крⷭ҇тѣ̀ зрѧ́щи тѧ̀ пригвожде́на, посредѣ̀ двою̀ ѕлѡдѣ́ю, ꙗ҆́коже ѕлодѣ́ѧ пригвожде́на."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны, гла́съ є҃."
|
||||
},
|
||||
{
|
||||
"type": "TEXT",
|
||||
"value": "Распѧ́тїе претерпѣ́вый свое́ю во́лею, и҆ ѿ и҆стлѣ́нїѧ человѣ́ки своводи́въ сп҃се, воспѣва́емъ вѣ́рнїи, и҆ покланѧ́емсѧ тѝ, ꙗ҆́кѡ просвѣти́лъ є҆сѝ на́съ си́лою крⷭ҇тною: и҆ стра́хомъ сла́вимъ тѧ̀ чл҃вѣколю́бче ще́дрый, ꙗ҆́кѡ жизнода́вца и҆ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла сп҃се́нїе посредѣ̀ землѝ."
|
||||
},
|
||||
{
|
||||
"type": "TEXT",
|
||||
"value": "Дре́во крⷭ҇та̀ твоегѡ̀ сп҃се на́шъ, мі́рови ꙗ҆ви́сѧ сп҃се́нїе: на то́мъ бо пригвозди́лсѧ є҆сѝ во́лею, и҆ ѿ клѧ́твы и҆зба́вилъ є҆сѝ земнорѡ́дныѧ: всѣ́хъ ра́досте, гдⷭ҇и, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Гдⷭ҇и, ча́шѣ стрⷭ҇те́й твои́хъ стрⷭ҇тоте́рпцы твоѝ поревнова́вше, ѡ҆ста́виша житє́йскаѧ краснѣ̑йшаѧ, и҆ бы́ша а҆́гг҃лѡмъ соприча̑стницы: тѣ́хъ мольба́ми пода́ждь дꙋша́мъ на́шымъ ми́ръ хрⷭ҇тѐ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Крⷭ҇то́мъ сн҃а твоегѡ̀ бг҃обл҃года́тнаѧ, і҆́дѡльскаѧ пре́лесть всѧ̑ ᲂу҆праздни́сѧ, и҆ де́мѡнскаѧ крѣ́пость попра́сѧ, сегѡ̀ ра́ди вѣ́рнїи, по до́лгꙋ тѧ̀ при́снѡ пое́мъ, и҆ бл҃гослови́мъ, и҆ бцⷣꙋ вои́стиннꙋ и҆сповѣ́дающе тѧ̀ велича́емъ."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи, сѣда́льны, гла́съ є҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Собезнача́льное сло́во:"
|
||||
},
|
||||
{
|
||||
"type": "TEXT",
|
||||
"value": "Прⷪ҇ро́чєскаѧ проречє́нїѧ ᲂу҆жѐ и҆спо́лнишасѧ, дре́внїй совѣ́тъ тво́й коне́цъ прїѧ́тъ: ты́ бо во́лею всѣ́хъ цр҃ю̀, пло́тїю ѡ҆ꙋбо́жалъ є҆сѝ хрⷭ҇тѐ, и҆ прїѧ́лъ є҆сѝ на́съ ра́ди взы́ти на крⷭ҇тъ, и҆ сме́рть претерпѣ́ти. Тѣ́мже сла́вимъ сло́ве, є҆́же па́че ᲂу҆ма̀ твоѐ схожде́нїе."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ́ тѧ пригвожде́на и҆ ᲂу҆снꙋ́вша а҆́гг҃льстїи чи́нове ви́дѣвше, ᲂу҆страши́шасѧ, і҆и҃се всецр҃ю̀: и҆ побѣго́ша а҆́бїе бѣсо́встїи полцы̀, и҆ сокрꙋши́шасѧ верєѝ а҆́дѡвы, и҆ сме́рти мꙋчи́тельство низложи́сѧ: и҆ и҆̀же во гробѣ́хъ ме́ртвїи воскр҃со́ша."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: На крⷭ҇тѣ̀ зрѧ́щи тѧ̀ хрⷭ҇тѐ мт҃и твоѧ̀, во́лею посредѣ̀ разбѡ́йникꙋ ви́сѧща, растерза́ющисѧ ᲂу҆тро́бою мт҃рски глаго́лаше: безгрѣ́шный сн҃е, ка́кѡ непра́веднѡ на крⷭ҇тѣ̀, ꙗ҆́коже ѕлодѣ́й пригвожде́нъ є҆сѝ; и҆́же человѣ́ческїй ро́дъ хотѧ̀ ѡ҆живи́ти, ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "HEADER",
|
||||
"value": "Канѡ́нъ крⷭ҇тꙋ̀, гла́съ є҃, творе́нїе і҆ѡ́сифово, є҆гѡ́же краегране́сїе си́це:"
|
||||
},
|
||||
{
|
||||
"type": "TEXT",
|
||||
"value": "Мі́ръ возносѧ́й хрⷭ҇тѐ, возне́слсѧ є҆сѝ на дре́во."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Конѧ̀ и҆ вса́дника въ мо́ре чермно́е, сокрꙋша́ѧй бра̑ни мы́шцею высо́кою, хрⷭ҇то́съ и҆стрѧсѐ: і҆и҃лѧ же сп҃сѐ, побѣ́днꙋю пѣ́снь пою́ща."
|
||||
},
|
||||
{
|
||||
"type": "TEXT",
|
||||
"value": "И҆́же непостиже́нїемъ разꙋмѣва́емаго воплоще́нна, и҆ мі́рꙋ ꙗ҆́вльшасѧ пло́тїю, на дре́вѣ воздви́же дре́вле восхотѣ́вшаго, є҆вре́йскїй собо́ръ законопрестꙋ́пный."
|
||||
},
|
||||
{
|
||||
"type": "TEXT",
|
||||
"value": "Є҆гда̀ плодоно́сна вїногра́да тебѐ хрⷭ҇тѐ, на дре́во крⷭ҇тное є҆вре́и возбѣси́вшесѧ воздвиго́ша: тогда̀ вїно̀ и҆ска́палъ є҆сѝ весе́лїѧ сло́ве, всѧ́ко пїѧ́нство ѕлы́хъ ѿе́млющее."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Зако́нѡмъ не подпа́даетъ похва̑льнымъ мч҃нцы, ва́ше терпѣ́нїе: па́че бо є҆стества̀ всѧ́кагѡ чл҃вѣ́ческагѡ болѣ̑зни претерпѣ́сте, и҆ ко ᲂу҆покое́нїю неболѣ́зненномꙋ всели́стесѧ веселѧ́щесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Во́лны мꙋ́къ преплы́вше ѡ҆кормле́нїемъ сло́ва, всехва́льнїи хрⷭ҇тѡ́вы страда́льцы, во приста̑нища достиго́сте нбⷭ҇наѧ, бж҃е́ственныѧ тишины̀ ны́нѣ наслажда́ющесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Є҆гда̀ и҆з̾ чре́ва твоегѡ̀ рожде́ннагѡ гдⷭ҇а, ᲂу҆смотри́вши на дре́во без̾ пра́вды возвыша́ема, дв҃о прослези́ласѧ є҆сѝ, и҆ тогѡ̀ воспѣ́ла є҆сѝ неизрече́нное вои́стиннꙋ снизхожде́нїе."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ бцⷣѣ, гла́съ є҃, є҆гѡ́же краегране́сїе:"
|
||||
},
|
||||
{
|
||||
"type": "TEXT",
|
||||
"value": "Пѧ́тое быва́етъ пѣ́нїе ны́нѣ дв҃ѣ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Двє́ри бж҃е́ственныѧ сла́вы, ѿве́рзшаѧ ра̑йскїѧ двє́ри, покаѧ́нїѧ двє́ри и҆ мнѣ̀ ѿве́рзи молю́сѧ, и҆ ᲂу҆́мъ мо́й просвѣтѝ воспѣва́ти тѧ̀, бг҃ора́дованнаѧ."
|
||||
},
|
||||
{
|
||||
"type": "TEXT",
|
||||
"value": "Оу҆ста́вила є҆сѝ сме́ртное ᲂу҆стремле́нїе, ро́ждшаѧ живото́мъ и҆ сме́ртїю ѡ҆блада́ющаго, всенепоро́чнаѧ: того̀ ᲂу҆́бѡ молѝ, ᲂу҆мерщвлѧ́ющаѧ прегрѣшє́нїѧ, дꙋ́шꙋ мою̀ ᲂу҆ста́вити, и҆ сп҃сти́ мѧ."
|
||||
},
|
||||
{
|
||||
"type": "TEXT",
|
||||
"value": "Є҆ди́нꙋ ѿ родѡ́въ тѧ̀ добро́тꙋ і҆а́кѡвлю, и҆збра̀ сло́во ѻ҆ц҃ꙋ̀ собезнача́льное, и҆ ѿ твои́хъ воплоти́сѧ крове́й: влⷣчце, сп҃си́ мѧ хода́тайствы твои́ми."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже на рꙋно̀ до́ждь нбⷭ҇ный на тѧ̀ сше́дшїй, под̾ѧ́ла є҆сѝ всечⷭ҇таѧ: тѣ́мже ѡ҆дождє́нїѧ страсте́й мои́хъ и҆зсꙋшѝ, молю́ тѧ мт҃и дв҃о."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Водрꙋзи́вый на ничесо́мже зе́млю повелѣ́нїемъ твои́мъ, и҆ повѣ́сивый неѡдержи́мѡ тѧготѣ́ющꙋю, на недви́жимѣмъ хрⷭ҇тѐ, ка́мени за́повѣдей твои́хъ, цр҃ковь твою̀ ᲂу҆твердѝ, є҆ди́не бл҃же и҆ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Распина́ешисѧ, и҆ ра́й па́ки ѿверза́етсѧ, и҆ разбо́йникъ пре́жде всѣ́хъ ра́дꙋѧсѧ вхо́дитъ: и҆ ᲂу҆мира́еши і҆и҃се мо́й, и҆ вра́гъ льсте́цъ ᲂу҆мерщвлѧ́етсѧ, ᲂу҆мерщвле́нный же а҆да́мъ ѡ҆живлѧ́етсѧ: сла́ва мно́гомꙋ твоемꙋ̀ млⷭ҇рдїю."
|
||||
},
|
||||
{
|
||||
"type": "TEXT",
|
||||
"value": "Оу҆вѧда́еши грѣхо́вный пла́мень, распина́емь і҆и҃се на дре́вѣ за бл҃гость: рѣши́ши пре́лесть свѧзꙋ́емь, ѡ҆бнаже́нъ бы́въ ѡ҆дѣва́еши ѻ҆де́ждею сла́вы человѣ́ка: сла́ва мно́гомꙋ бл҃гоꙋтро́бїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆вле́й при́снѡ сїѧ́ющыѧ ѕвѣ́зды мч҃нки, нече́стїѧ тьмꙋ̀ прогонѧ́ющыѧ: тѣ́хъ мольба́ми хрⷭ҇тѐ, но́щь ѕѡ́лъ мои́хъ ѿженѝ, и҆ просвѣтѝ ѡ҆мраче́нное моѐ се́рдце."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Зако́ннѡ бл҃госла́внїи пострада́вше мч҃нцы, и҆ зако́нною вѣ́рою вѣнцы̀ вѣнча́ни бы́ша, и҆ беззако́ннꙋющихъ совѣ́ты ᲂу҆клони́ша мꙋ́дрѣ, и҆ пи́щꙋ бж҃е́ственнꙋю прїѧ́ша, и҆ ра́йское вселе́нїе."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пою́тъ а҆́гг҃льстїи ли́цы тѧ̀ всепѣ́таѧ, без̾ разсꙋжде́нїѧ си́хъ преимꙋ́щꙋю: бг҃а бо родила̀ є҆сѝ пло́тїю, ѿ дре́ва клѧ́твꙋ дре́вомъ погꙋ́бльшаго, и҆ бл҃гослове́нїе и҆сточи́вшаго."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Стрѣла́ми грѣхо́вными ᲂу҆ѧ́звленнаго мѧ̀, въ тебѣ̀ лѣчьбо́ю всего̀ и҆сцѣлѝ, чⷭ҇таѧ: и҆ ѿ содержа́щихъ мѧ̀ и҆змѣнѝ болѣ́зней, ꙗ҆̀же болѣ́зней премѣни́вшаѧ ро́дъ человѣ́ческїй ржⷭ҇тво́мъ твои́мъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆̀же всꙋ́е смире́нное се́рдце моѐ ѡ҆скорблѧ́ющыѧ и҆ и҆́щꙋщыѧ ᲂу҆мертви́ти мѧ̀ неви̑димыѧ врагѝ, влⷣчце, твои́мъ низложѝ застꙋпле́нїемъ, да пребꙋ́дꙋтъ бездѣ́льни, стꙋда̀ и҆сполнѧ́еми."
|
||||
},
|
||||
{
|
||||
"type": "TEXT",
|
||||
"value": "Во́дъ животво́рныхъ мѧ̀ и҆спо́лни влⷣчце, ꙗ҆́же бж҃е́ственнꙋю во́дꙋ мі́рови и҆сточи́вшаѧ: беззако́нїй мои́хъ лю̑тыѧ и҆зсꙋшѝ пото́ки, и҆ се́рдца моегѡ̀ во́лны бж҃е́ственною твое́ю тишино́ю ᲂу҆кротѝ."
|
||||
},
|
||||
{
|
||||
"type": "TEXT",
|
||||
"value": "Пре́йде сѣ́нь, зако́нꙋ сконча́емꙋ: законода́вца бо хрⷭ҇та̀ родила̀ є҆сѝ, бл҃года́ть ѡ҆чище́нїѧ и҆ просвѣще́нїѧ на́мъ законополага́юща, и҆ клѧ́твы и҆з̾има́юща, пречⷭ҇таѧ дв҃о, всенепоро́чнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃е́ственное твоѐ разꙋмѣ́въ и҆стоща́нїе, прозорли́вѡ а҆ввакꙋ́мъ, хрⷭ҇тѐ, со тре́петомъ вопїѧ́ше тебѣ̀: во сп҃се́нїе люде́й твои́хъ, сп҃стѝ пома̑занныѧ твоѧ̑ прише́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Дꙋша́мъ всеконе́чное и҆збавле́нїе сотворѧ́ѧ хрⷭ҇тѐ, въ рꙋ́цѣ ѻ҆ц҃ꙋ̀ пре́далъ є҆сѝ прест҃ꙋ́ю дꙋ́шꙋ твою̀, на дре́вѣ во́лею ви́симь."
|
||||
},
|
||||
{
|
||||
"type": "TEXT",
|
||||
"value": "Непра́ведный сꙋдїѧ̀ ѡ҆сꙋди́ тѧ првⷣнаго сꙋдїю̀ і҆и҃се, ᲂу҆мре́ти на дре́вѣ ви́симꙋ: ꙗ҆́кѡ да ѡ҆правди́ши на́съ, непра́веднѡ врагꙋ̀ подкло́ншыѧсѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ви́дѣти сподо́бистесѧ мч҃нцы ꙗ҆̀же ѿ вѣ́ка бл҃га́ѧ, бѣда́мъ мнѡ́гимъ и҆ ско́рбемъ, и҆ неизчє́тнымъ мꙋ́камъ на землѝ ꙗ҆вле́ннѡ причасти́вшесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Зи́мꙋ и҆скꙋше́нїй преидо́сте, и҆ къ веснѣ̀ воздаѧ́нїѧ нбⷭ҇нагѡ достиго́сте, и҆ ликѡ́мъ а҆́гг҃льскимъ, честні́и сочета́стесѧ мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѻ҆рꙋ́жїе бж҃е́ственныхъ стрⷭ҇те́й про́йде твою̀ бл҃гослове́ннаѧ, дꙋ́шꙋ, внегда̀ ви́дѣла є҆сѝ распина́ема твоего̀ сн҃а, и҆ въ рꙋ́цѣ ѻ҆́ч҃и дꙋ́шꙋ преда́вша."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ѿ дѣ́лъ сп҃се́нїѧ нѣ́сть мѝ: тѣ́мже под̾ кро́въ тво́й съ наде́ждею прибѣга́ю, дв҃о всенепоро́чнаѧ, ѿча́ѧннаго мѧ̀ сп҃сѝ мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "Свѣ́та чи́стое прїѧ́телище, сл҃нца носи́ло честно́е, ѡ҆мраче́ное се́рдце моѐ лю́тыхъ мра́комъ, ѡ҆зарѝ и҆ сп҃си́ мѧ, молю́сѧ, влⷣчце."
|
||||
},
|
||||
{
|
||||
"type": "TEXT",
|
||||
"value": "И҆стка́вшаѧ ѻ҆де́ждꙋ ѿ крове́й твои́хъ дв҃ственныхъ, нб҃о ѻ҆́блаки ѻ҆трокови́це ѡ҆дѣва́ющемꙋ, ѻ҆де́ждею нетлѣ́нїѧ ѡ҆блецы̀, пре́лестїю ѡ҆бнаже́ннаго мѧ̀."
|
||||
},
|
||||
{
|
||||
"type": "TEXT",
|
||||
"value": "Ѿ ᲂу҆до́лїй жите́йскихъ, ꙗ҆́кѡ крі́нъ воспрїѧ́тъ тѧ̀ зижди́тель: и҆з̾ тебѐ мі́рови вдохнꙋ̀ дх҃о́вное бл҃гоꙋха́нїе, дв҃о прест҃а́ѧ бг҃оневѣ́сто."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆дѣѧ́йсѧ свѣ́томъ ꙗ҆́кѡ ри́зою, къ тебѣ̀ ᲂу҆́тренюю и҆ тебѣ̀ зовꙋ̀: дꙋ́шꙋ мою̀ просвѣтѝ ѡ҆мраче́ннꙋю хрⷭ҇тѐ, ꙗ҆́кѡ є҆ди́нъ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Стоѧ́лъ є҆сѝ сꙋди́мь првⷣный сꙋдїѐ, хрⷭ҇тѐ и҆ ѡ҆сꙋжда́ѧ пло́тїю враждꙋ̀, тро́стїю бїе́мь, и҆ свобожде́нїе соверше́нное подписꙋ́ѧ мнѣ̀."
|
||||
},
|
||||
{
|
||||
"type": "TEXT",
|
||||
"value": "Тебѐ ꙗ҆́кѡ ви́дѣ пло́тїю ви́сима хрⷭ҇тѐ на дре́вѣ, со́лнце свѣ́тъ во тьмꙋ̀ преложѝ, и҆ землѧ̀ поколеба́сѧ, и҆ ка́менїе распаде́сѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Землѝ концы̀ ѡ҆свѧти́ли є҆стѐ, ꙗ҆́кѡ и҆спо́лнителїе бо зако́на бж҃е́ственнагѡ, всехва́льнїи мч҃нцы, стра́ждꙋще, ст҃ы́ню наслѣ́довасте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Предо́брѣйшїи и҆ бг҃оза́рнѣйшїи, и҆̀же бж҃е́ственною сла́вою ѡ҆дѣ́ѧни, и҆ ѡ҆бнажи́вше вра́жїю ѕло́бꙋ, мч҃нцы да почита́ютсѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тебѐ всенепоро́чнꙋю бж҃їю роди́тельницꙋ ᲂу҆бл҃жа́емъ: є҆ѧ́же ра́ди клѧ́тва непло́дна бы́сть, и҆ и҆збавле́нїе и҆ бл҃гослове́нїе даде́сѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Да ѡ҆брѧ́щꙋ тѧ̀ по́мощь дв҃о, и҆з̾има́ющꙋю мѧ̀ въ ча́съ сꙋ́дный ѡ҆сꙋжде́нїѧ, є҆гда̀ сꙋди́щꙋ и҆з̾ тебѐ ро́ждшагѡсѧ предста́нꙋ."
|
||||
},
|
||||
{
|
||||
"type": "TEXT",
|
||||
"value": "Зако́номъ мѧ̀ побѣжда́ема грѣхо́внымъ чⷭ҇таѧ, и҆ пре́лестьми чꙋжда́гѡ ча́стѡ прельща́ема, и҆ въ бре́ги прегрѣше́нїй низрѣ́ема ѡ҆братѝ."
|
||||
},
|
||||
{
|
||||
"type": "TEXT",
|
||||
"value": "Оу҆́гль ро́ждшаѧ, є҆го́же ᲂу҆зрѣ̀ и҆са́їа, попалѝ ве́щь всенепоро́чнаѧ, мои́хъ согрѣше́нїй, и҆ просвѣти́ мѧ, молю́сѧ."
|
||||
},
|
||||
{
|
||||
"type": "TEXT",
|
||||
"value": "Пло́ть ѿ крове́й твои́хъ хрⷭ҇тꙋ̀ взаи́мъ да́вши, плѡтскі́ѧ моѧ̑, дв҃о, стра̑сти ѿню́дъ ѡ҆чи́сти, и҆ безстра́стїѧ стезю̀ покажи́ ми."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Неи́стовствꙋющеесѧ бꙋ́рею дꙋшетлѣ́нною, влⷣко хрⷭ҇тѐ, страсте́й мо́ре ᲂу҆кротѝ, и҆ ѿ тлѝ возведи́ мѧ, ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Воздви́жесѧ долготерпѣли́ве на дре́во, всѧ̑ вра̑жїѧ возвышє́нїѧ низложи́лъ є҆сѝ, и҆ сп҃слъ є҆сѝ па́дшаго, мно́гїѧ ра́ди твоеѧ̀ бл҃гости."
|
||||
},
|
||||
{
|
||||
"type": "TEXT",
|
||||
"value": "Дꙋ́шы првⷣныхъ, на дре́вѣ дре́вле дш҃ꙋ тѧ̀ предаю́ща влⷣко, ꙗ҆́кѡ ѡ҆щꙋти́ша, вѣ́чныхъ ᲂу҆́зъ сло́ве ѿпꙋща́еми быва́хꙋ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́коже тве́рдїи а҆дама́нти, мꙋ́къ всѧ́ко разжже́нїе терпѣли́вымъ нра́вомъ претерпѣ́сте, и҆ врага̀ смири́вшесѧ низложи́сте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Подѡ́бницы хрⷭ҇тѡ́вымъ стрⷭ҇те́мъ бы́вше, под̾ѧ́сте всѧ́ко мꙋче́нїе стрⷭ҇тоте́рпцы гдⷭ҇ни: сегѡ̀ ра́ди нбⷭ҇ныхъ красо́тъ сподо́бистесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ди́вно ржⷭ҇тво̀ твоѐ, є҆́же вє́лїѧ чꙋдеса̀ творѧ́щее, и҆ во ст҃ы́хъ прославлѧ́емо, бцⷣе є҆ди́на всечꙋ́днаѧ влⷣчце."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Да не пожре́тъ менѐ, влⷣчце, ᲂу҆ны́нїѧ глꙋбина̀, и҆ грѣхо́внаѧ волна̀ да не покры́етъ менѐ: но твое́ю мл҃твою да сп҃се́нъ бꙋ́дꙋ, є҆ди́на чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Зако́на свѣ́щникъ проѡбража́ше тѧ̀ ро́ждшꙋю свѣ́тъ, просвѣти́вшаго, пречⷭ҇таѧ, всѧ́чєскаѧ. Тѣ́мже вопїю́ ти: ѡ҆мраче́ннаго мѧ̀ просвѣтѝ."
|
||||
},
|
||||
{
|
||||
"type": "TEXT",
|
||||
"value": "Бл҃га́го ро́ждшаѧ бл҃годѣ́телѧ и҆ содѣ́телѧ, всечⷭ҇таѧ влⷣчце, и҆ бл҃голюби́ваѧ, дꙋ́шꙋ мою̀ ѡ҆ѕло́бленнꙋю ᲂу҆бл҃жѝ."
|
||||
},
|
||||
{
|
||||
"type": "TEXT",
|
||||
"value": "Винꙋ̀ сп҃се́нїѧ жизнода́вца родила̀ є҆сѝ на́мъ, вѣ́чное и҆збавле́нїе да́рꙋюща вои́стиннꙋ, тѧ̀ бцⷣꙋ проповѣ́дающымъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Превозноси́мый ѻ҆тцє́въ гдⷭ҇ь, пла́мень ᲂу҆гасѝ, ѻ҆́троки ѡ҆росѝ согла́снѡ пою́щыѧ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Вѣнча̀ те́рнїемъ тѧ̀, цр҃ю̀ безсме́ртне, собо́ръ законопрестꙋ́пный, и҆з̾ ко́рене и҆зсѣца́юща преле́стное те́рнїе: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Да ѡ҆блече́ши мѧ̀ ѻ҆де́ждею сло́ве, нетлѣ́нїѧ, ѡ҆бнажи́лсѧ є҆сѝ во́лею: и҆ терпи́ши ѡ҆плева̑нїѧ, и҆ распѧ́тїе, и҆ стрⷭ҇ть, безстра́стенъ сы́й по сꙋществꙋ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Соѡбра́зни бы́вше страсте́мъ, ст҃і́и, всѣ́ми влⷣчествꙋющемꙋ, вои́стиннꙋ є҆стѐ сы́нове и҆ наслѣ̑дницы црⷭ҇твїѧ непоколеби́магѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Древесє́мъ безслове́снѣйшымъ не принесо́сте че́сти, на дре́вѣ просте́ршаго рꙋ́цѣ чтꙋ́ще, ꙗ҆́кѡ всѣ́хъ цр҃ѧ̀ и҆ влⷣкꙋ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Стра́нно є҆́сть ржⷭ҇тво̀ твоѐ всенепоро́чнаѧ: бг҃а бо родила̀ є҆сѝ, дре́вомъ ᲂу҆вѧди́вшаго пла́мень пре́лести, и҆ просвѣти́вшаго мі́ръ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Пою́ тѧ всепѣ́таѧ, бг҃а бо препѣ́таго без̾ сѣ́мене родила̀ є҆сѝ дв҃о всест҃а́ѧ, ѡ҆божа́ющаго пою́щихъ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Оу҆мертвѝ стра̑сти моѧ̑, жи́знь ро́ждшаѧ, воздви́гни мѧ̀ лежа́ща ѿ гро́ба нечꙋ́вствїѧ: да любо́вїю сла́влю тѧ̀ бг҃оневѣ́сто."
|
||||
},
|
||||
{
|
||||
"type": "TEXT",
|
||||
"value": "При́зри на молє́нїѧ рабѡ́въ твои́хъ влⷣчце, ѿ бѣ́дъ и҆збавлѧ́ющи, и҆ ѿ скорбе́й сп҃са́ющи, вѣ́рою пою́щыѧ: бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Неисчетноси́льнаго, на́шꙋ не́мощь поне́сшаго, родила̀ є҆сѝ чⷭ҇таѧ: є҆го́же молѝ, и҆сцѣли́ти дꙋ́шꙋ мою̀, лю́тѣ и҆знемо́гшꙋю."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тебѣ̀ вседѣ́телю въ пещѝ ѻ҆́троцы, всемі́рный ли́къ спле́тше, поѧ́хꙋ: дѣла̀ всѧ̑каѧ гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Вы́шнїй бж҃е, на крⷭ҇тъ воздви́глсѧ є҆сѝ, же́лчи напоѧ́емь, сла́досте жи́зненнаѧ: копїе́мъ пробода́ешисѧ, закала́ѧ ѕмі́ѧ, въ раѝ а҆да́ма низложи́вшаго."
|
||||
},
|
||||
{
|
||||
"type": "TEXT",
|
||||
"value": "Разрѣша́еши мѧ̀ ѿ ᲂу҆́зъ грѣхо́вныхъ сло́ве, хотѣ́нїемъ свѧзꙋ́емь, и҆ вѣ́чными ᲂу҆́зами свѧзꙋ́ѧ сп҃се, врага̀ ѿстꙋ́пника: тѣ́мже твоѧ̑ сла́влю стрⷭ҇ти во вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆ви́стесѧ прича̑стницы свѣ́та невеще́ственнагѡ, свѣ́ти сꙋ́ще вторі́и ст҃і́и мч҃нцы, тьмꙋ̀ пре́лести ѿе́млюще, и҆ всѣ́хъ вѣ́рныхъ сердца̀ просвѣща́юще бж҃е́ственнѣ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: І҆ерⷭ҇ли́ма вы́шнѧгѡ свобо́днагѡ сн҃ове бы́сте мч҃нцы, просвѣща́юще перворо́дныхъ цр҃ковь, и҆ превозносѧ́ще хрⷭ҇та̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Стоѧ́ла є҆сѝ ᲂу҆ крⷭ҇та̀ смотрѧ́ющи ѻ҆трокови́це, пригвожде́на хрⷭ҇та̀, є҆го́же родила̀ є҆сѝ влⷣчце. Тѣ́мже вопїѧ́ше: не безча́днꙋ мѧ̀ ꙗ҆вѝ безнача́льне, безнача́льнагѡ ѻ҆ц҃а̀ сн҃е и҆ сло́ве."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же предо́браѧ и҆ бг҃озра́чнаѧ дв҃о, до́брыхъ мѧ̀ видѣ́нїемъ ᲂу҆добри́вши просвѣтѝ, ꙗ҆́кѡ да зовꙋ̀: гдⷭ҇а по́йте, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Врата̀ свѣ́та, покаѧ́нїѧ мѝ врата̀ свѣтоза̑рнаѧ ѿве́рзи, показꙋ́ющи всѧ́кїй пра́вый пꙋ́ть пра́вды, приводѧ́щїй къ бж҃е́ственнагѡ хотѣ́нїѧ вхо́дꙋ."
|
||||
},
|
||||
{
|
||||
"type": "TEXT",
|
||||
"value": "Ст҃о́е чⷭ҇таѧ сло́во, вѣ̑рныѧ ѡ҆свѧща́ющее, неизглаго́ланнѡ родила̀ є҆сѝ: того̀ молѝ прест҃а́ѧ, смире́ннꙋю дꙋ́шꙋ мою̀ ны́нѣ ѡ҆свѧти́ти, ѕло́бою ѡ҆скверне́нꙋю."
|
||||
},
|
||||
{
|
||||
"type": "TEXT",
|
||||
"value": "Стрꙋѧ̀ свѣ́тлаѧ и҆ и҆сто́чникъ безсме́ртїѧ ст҃а́ѧ влⷣчце, и҆з̾ тебѐ произы́де, и҆́же всѣ́хъ гдⷭ҇ь. Тѣ́мже вопїю́ ти чⷭ҇таѧ: стрꙋи̑ ѕѡ́лъ мои́хъ и҆зсꙋшѝ тꙋ́чами твои́хъ мл҃твъ."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣѣ: Вели́читъ дш҃а̀ моѧ̀ гдⷭ҇а: покло́ны."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆са́їе ликꙋ́й, дв҃а и҆мѣ̀ во чре́вѣ, и҆ родѝ сы́на є҆мманꙋ́ила, бг҃а же и҆ чл҃вѣ́ка, восто́къ и҆́мѧ є҆мꙋ̀: є҆го́же велича́юще, дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ а҆́гнецъ воздви́глсѧ є҆сѝ на дре́во влⷣко хрⷭ҇тѐ, чє́люсти сокрꙋша́ѧ во́лка мы́сленнагѡ, и҆ ѿ ᲂу҆́стъ є҆гѡ̀ и҆схища́ѧ твоѧ̑ словє́сныѧ ѻ҆́вцы, и҆ приводѧ̀ влⷣко роди́телю."
|
||||
},
|
||||
{
|
||||
"type": "TEXT",
|
||||
"value": "Вѣнце́мъ терно́вымъ ᲂу҆вѧ́злсѧ є҆сѝ, ꙗ҆́коже цр҃ь црⷭ҇твꙋющихъ хрⷭ҇тѐ, лꙋка́вагѡ потреблѧ́ѧ ца́рствїѧ, и҆ и҆з̾ ко́рене и҆зсѣца́ѧ пре́лести те́рнїе: тѣ́мже вѣ́рою тѧ̀ бл҃же сла́вимъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆блиста̀ ꙗ҆́коже со́лнце тве́рдое стоѧ́тельное сопротивле́нїе ва́ше, и҆ всю̀ разрꙋшѝ вра́жїю мглꙋ̀, мч҃нцы непобѣди́мїи, просвѣти́телїе всѣ́хъ вѣ́рныхъ, столпѝ непрекло́ннїи бл҃гоче́стїѧ, достосла́внїи."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: По́лкъ бг҃осо́бранъ, во́инство нбⷭ҇ное, собо́ръ и҆збра́нный, ст҃а́ѧ сѣ́нь ꙗ҆ви́стесѧ, вы̀ всехва́льнїи мч҃нцы сп҃са, лꙋка́вагѡ гра́ды разрꙋша́юще бж҃е́ственною бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Садодѣ́телѧ родила̀ є҆сѝ, бл҃гоче́стїѧ сади́телѧ, всажда́юща на землѝ ра́зꙋмъ и҆́стинный, и҆ прозѧ́бшꙋю, ѿ сада̀ разорѧ́юща клѧ́твꙋ, є҆го́же велича́юще, тебѐ дв҃ꙋ ᲂу҆бл҃жа́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ѡ҆снова́нїе непоколеби́мо, сп҃са родила̀ є҆сѝ чⷭ҇таѧ, на вода́хъ зе́млю бж҃е́ственнымъ повелѣ́нїемъ ѡ҆снова́вшаго: є҆го́же молѝ на́съ ᲂу҆тверди́ти, чи́стѡ тебѐ бл҃жа́щихъ."
|
||||
},
|
||||
{
|
||||
"type": "TEXT",
|
||||
"value": "Въ пꙋ́ть смире́нїѧ повелѣ́нїй бж҃е́ственныхъ, незаблꙋ́днѡ ше́ствовати, и҆ непреле́стнѡ сотвори́ мѧ чⷭ҇таѧ, бѣсо́вскїй мѧте́жъ, и҆ страсте́й нахождє́нїѧ ѿгонѧ́ющи, и҆ тишинꙋ̀ подаю́щи мѝ."
|
||||
},
|
||||
{
|
||||
"type": "TEXT",
|
||||
"value": "Дрема́нїемъ ѡ҆держи́ма нерадѣ́нїѧ, ви́дѧ вра́гъ нахо́дитъ неѡсла́бнѡ, сно́мъ сла́стнымъ надѣ́ѧсѧ ᲂу҆кра́сти мѧ̀: но сама́ мѧ сохранѝ чⷭ҇таѧ, неꙋсы́пною твое́ю мл҃твою мт҃и дв҃о."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ самоѡсꙋжде́нъ, помышлѧ́ю мои́хъ грѣхѡ́въ мно́жество, и҆ стра́шное сꙋди́ще сꙋдїѝ, на не́мже хощꙋ̀ сꙋди́тисѧ: но ꙗ҆́же сꙋдїю̀ ро́ждшаѧ бг҃а, тогда́ мѧ соблюдѝ бцⷣе, неѡсꙋжде́на."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "HEADER",
|
||||
"value": "Та́же, є҆ктенїа̀ ма́лаѧ, свѣти́ленъ: и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "То́чїю водрꙋзи́сѧ дре́во хрⷭ҇тѐ крⷭ҇та̀ твоегѡ̀, пре́лесть прогна́на бы́сть і҆́дѡльскаѧ, и҆ бл҃года́ть процвѣтѐ: не бо̀ ктомꙋ̀ ѡ҆сꙋжде́нїѧ є҆́сть мꙋчи́тельство, но побѣ́да ꙗ҆ви́сѧ на́съ сп҃се́нїѧ. Крⷭ҇тъ бо на́мъ є҆́сть похвала̀, крⷭ҇тъ на́мъ ᲂу҆твержде́нїе, крⷭ҇тъ на́мъ ра́дованїе."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ, и҆ при́зри на рабы̑ твоѧ̑ и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Веде́нъ бы́лъ є҆сѝ на́съ ра́ди на же́ртвꙋ хрⷭ҇тѐ, ꙗ҆́кѡ ѻ҆вча̀, и҆ ꙗ҆́кѡ а҆́гнецъ неѕло́бивъ є҆мманꙋ́илъ, на заколе́нїе во́льное, съ беззако́нники вмѣне́нъ бы́лъ є҆сѝ. Прїиди́те, воспо́йте ѻ҆те́чєствїѧ ꙗ҆зы̑къ, и҆ поклони́тесѧ на крⷭ҇тѣ̀ повѣ́шеномꙋ животꙋ̀ безконе́чномꙋ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Ст҃і́и мч҃нцы на землѝ подви́гшесѧ, мра́зъ претерпѣ́ша, ѻ҆гню̀ преда́шасѧ, вода̀ и҆́хъ прїѧ́тъ, тѣ́хъ є҆́сть гла́съ: проидо́хомъ сквозѣ̀ ѻ҆́гнь и҆ во́дꙋ, и҆ и҆зведе́ ны въ поко́й. Мл҃твами и҆́хъ хрⷭ҇тѐ бж҃е, поми́лꙋй на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Зрѧ́щи дре́вле а҆́гнца и҆ сн҃а своего̀, дв҃а мт҃и и҆ всебл҃же́ннаѧ ѻ҆трокови́ца, на крⷭ҇тъ воздви́жена, вопїѧ́ше слезѧ́щи: ᲂу҆вы̀ мнѣ̀, сн҃е мо́й, ка́кѡ ᲂу҆мира́еши. Бг҃ъ є҆стество́мъ сы́й безсме́ртенъ;"
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть и҆сповѣ́датисѧ гдⷭ҇еви: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, ст҃о́мꙋ. Є҆ктенїа̀. Та́же, ча́съ пе́рвый, ѱалмы̀ ѻ҆бы̑чныѧ, и҆ про́чаѧ порѧ́дꙋ: и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ бл҃жє́нны, гла́съ є҃:"
|
||||
},
|
||||
{
|
||||
"type": "TEXT",
|
||||
"value": "Разбо́йникъ на крⷭ҇тѣ̀ бг҃а тѧ̀ бы́ти вѣ́ровавъ, хрⷭ҇тѐ, и҆сповѣ́да тѧ̀ чи́стѣ ѿ се́рдца, помѧни́ мѧ гдⷭ҇и, вопїѧ̀, во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Прободе́нъ бы́въ въ ре́бра, пото́ки ѡ҆ставле́нїѧ и҆сточи́лъ є҆сѝ хрⷭ҇тѐ: пригвозди́въ же своѝ на крⷭ҇тѣ̀ рꙋ́цѣ, ве́сь разорѧ́ѧ стра́стный человѣ́кѡмъ ра́зꙋмъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Возше́дъ на крⷭ҇тъ, всѐ поколеба́лъ є҆сѝ бѣсо́вское мно́жество, и҆ низве́рглъ є҆сѝ па́гꙋбнꙋю держа́вꙋ мꙋчи́телѧ, влⷣко хрⷭ҇тѐ, и҆ сп҃слъ є҆сѝ человѣ́чество."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Подо́бницы хрⷭ҇тѡ́вымъ стрⷭ҇те́мъ бл҃же́ннїи бы́вше, под̾ѧ́сте всѧ́ко мꙋче́нїе, стрⷭ҇тоте́рпцы гдⷭ҇ни: сегѡ̀ ра́ди нбⷭ҇ныхъ красо́тъ сподо́бистесѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: На крⷭ҇тѣ̀, и҆́же ѻ҆ц҃ꙋ̀ и҆ бж҃е́ственномꙋ дх҃ꙋ нераздѣ́льный, во́льнꙋю претерпѣ́лъ є҆сѝ стрⷭ҇ть хрⷭ҇тѐ, стра̑сти всѧ̑ тлетвѡ́рныѧ на́шѧ ѿе́млѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Предстоѧ́щи ᲂу҆ крⷭ҇та̀ бг҃ора́дованнаѧ, и҆ сн҃а своего̀ ви́дѧщи ᲂу҆ѧ́звлена, дꙋше́ю ᲂу҆ѧзвлѧ́шесѧ, воспѣва́ше тогѡ̀ мно́гое вои́стиннꙋ смотре́нїе."
|
||||
}
|
||||
]
|
||||
Reference in new issue
Block a user