enrich ru lives with Chetyi-Minei texts and track static data
This commit is contained in:
catarrh committed
1 parent
69fd5b7460
commit
7dde2168d1
6512 files changed
+1448065
-5
No files matched your search
@@ -0,0 +1,914 @@
|
||||
[
|
||||
{
|
||||
"type": "HEADER",
|
||||
"value": "Гла́съ и҃. Пѧто́къ"
|
||||
},
|
||||
{
|
||||
"type": "HEADER",
|
||||
"value": "Въ четверто́къ ве́чера, на Гдⷭ҇и воззва́хъ, стїхи̑ры крⷭ҇тны. Гла́съ и҃. Подо́бенъ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Ѽ пресла́внагѡ чꙋдесѐ! Живоно́сный са́дъ, крⷭ҇тъ прест҃ы́й, на высотꙋ̀ возноси́мь ꙗ҆влѧ́етсѧ дне́сь: славосло́вѧтъ всѝ концы̀ земні́и, ᲂу҆страша́ютсѧ де́мѡнскїѧ полкѝ. Ѽ каковы́й да́ръ зємны́мъ дарова́сѧ! И҆́мже хрⷭ҇тѐ сп҃сѝ дꙋ́шы на́шѧ, ꙗ҆́кѡ є҆ди́нъ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Ѽ пресла́внагѡ чꙋдесѐ! Ꙗ҆́кѡ гро́здъ и҆спо́лненъ живота̀, понесы́й вы́шнѧго, ѿ землѝ воздвиза́емь крⷭ҇тъ ви́дитсѧ дне́сь: и҆́мже всѝ къ бг҃ꙋ привлеко́хомсѧ, и҆ поже́рта бы́сть до конца̀ сме́рть. Ѽ дре́во пречестно́е! И҆́мже воспрїѧ́хомъ во є҆де́мѣ безсме́ртнꙋю пи́щꙋ, хрⷭ҇та̀ сла́вѧще."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Ѽ мно́гїѧ твоеѧ̀ бл҃гости, ꙗ҆́же къ на́мъ і҆и҃се бл҃же! Ка́кѡ себѐ смири́лъ є҆сѝ, и҆ бы́лъ є҆сѝ чл҃вѣ́къ, и҆ пострада́ти и҆зво́лилъ є҆сѝ, крⷭ҇тъ и҆ сме́рть поно́снꙋю, за непотрє́бныѧ рабы̑ претерпѣ́въ; кото́рый тѝ досто́йный да́ръ принесе́мъ бг҃оподо́бный; то́чїю сла́вимъ тѧ̀ бл҃годарѧ́ще вѣ́рнїи."
|
||||
},
|
||||
{
|
||||
"type": "HEADER",
|
||||
"value": "Та́же, мине́и стїхи̑ры ст҃о́мꙋ, а҆́ще и҆́мать. А҆́ще нѣ́сть мине́и, и҆́ны стїхи̑ры прест҃ѣ́й бцⷣѣ, гла́съ и҃."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Ѽ неизрече́нныѧ бл҃гости вопло́щшагѡсѧ и҆з̾ тебѐ бцⷣе всепѣ́таѧ! Крⷭ҇тъ бо и҆ сме́рть ꙗ҆́кѡ чл҃вѣколю́бецъ претерпѣ́въ, да мі́ръ сп҃се́тъ, є҆го́же созда̀. Того̀ молѝ и҆ менѐ ѻ҆каѧ́ннаго и҆ многоболѣ́зненнаго да и҆зба́витъ мꙋ́ки: и҆ и҆дѣ́же свѣ́тъ сїѧ́етъ невече́рнїй, всели́тъ мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Что̀ зри́мое видѣ́нїе, є҆́же мои́ма ѻ҆чи́ма ви́дитсѧ, ѽ влⷣко, содержа́й всю̀ тва́рь, на дре́во воздви́женъ бы́въ, и҆ ᲂу҆мира́еши всѣ̑мъ даѧ́й жи́знь; бцⷣа пла́чꙋщисѧ глаго́лаше, є҆гда̀ ᲂу҆зрѣ̀ на крⷭ҇тѣ̀ возноси́ма и҆з̾ неѧ̀ неизрече́ннѡ возсїѧ́вшаго бг҃а и҆ человѣ́ка."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Ста́до є҆́же стѧжа̀, пречⷭ҇таѧ, сн҃ъ тво́й и҆ бг҃ъ, ѡ҆кропи́вый кро́вїю, ѿ бѣ́дъ и҆зба́ви чⷭ҇тны́ми мл҃твами твои́ми, ви̑димыѧ и҆ неви̑димыѧ врагѝ ꙗ҆́коже ѕвѣ́ри ѿгонѧ́щи: и҆ тѣ́хъ ли́ца безче́стїѧ и҆спо́лни, ꙗ҆́коже дв҃дъ дре́вле провозгласѝ пѣснопѣ́вецъ, чⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Тѧ̀ ви́дѧщи пригвожда́ема на крⷭ҇тѣ̀ і҆и҃се, и҆ стрⷭ҇ти прїе́млюща во́лею, дв҃а и҆ мт҃и твоѧ̀, влⷣко, ᲂу҆вы̀ мнѣ̀, вопїѧ́ше, ча́до сла́дкое, ра̑ны непра́веднѡ ка́кѡ терпи́ши, врачꙋ̀ и҆сцѣли́вый человѣ́ческое неможе́нїе, и҆ ѿ тлѝ всѣ́хъ и҆зба́вивый млⷭ҇рдїемъ твои́мъ;"
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ:"
|
||||
},
|
||||
{
|
||||
"type": "TEXT",
|
||||
"value": "Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Возне́слсѧ є҆сѝ на крⷭ҇тъ хрⷭ҇тѐ бж҃е, и҆ сп҃слъ є҆сѝ человѣ́ческїй ро́дъ: сла́вимъ страда̑нїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀, та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Пригвозди́лсѧ є҆сѝ на крⷭ҇тѣ̀ хрⷭ҇тѐ бж҃е, и҆ ѿве́рзлъ є҆сѝ ра̑йскїѧ двє́ри: тѣ́мже сла́вимъ бж҃ество̀ твоѐ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мч҃нцы гдⷭ҇ни, Всѧ́ко мѣ́сто ѡ҆сщ҃а́ете, и҆ всѧ́къ недꙋ́гъ ᲂу҆врачꙋ́ете. И҆ ны́нѣ моли́тесѧ, и҆зба́витисѧ ѿ сѣ́тей вра́жїихъ дꙋша́мъ на́шымъ, мо́лимъ ва́съ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Ю҆́ница нескве́рнаѧ ю҆нца̀ ви́дѧщи на дре́вѣ пригвожда́ема во́лею, рыда́ющи жа́лостнѣ, ᲂу҆вы̀ мнѣ̀, вопїѧ́ше, люби́мѣйшее ча́до! Что̀ тебѣ̀ со́нмъ воздадѐ безбл҃года́тный є҆вре́йскїй, хотѧ́ мѧ ѡ҆безча́дствовати ѿ тебѐ вселюбе́зне;"
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ на повече́рїи, канѡ́нъ прест҃ѣ́й бцⷣѣ. Гла́съ и҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пои́мъ гдⷭ҇еви, прове́дшемꙋ лю́ди своѧ̑ сквозѣ̀ чермно́е мо́ре, ꙗ҆́кѡ є҆ди́нъ сла́внѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Прест҃а́ѧ бцⷣе сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "Млⷭ҇тива мнѣ̀ хрⷭ҇та̀ содѣ́лай, дв҃о пренепоро́чнаѧ, въ де́нь прѝ стра́шнагѡ ѡ҆сꙋжде́нїѧ и҆з̾има́ющи."
|
||||
},
|
||||
{
|
||||
"type": "TEXT",
|
||||
"value": "Ѡ҆дожди́ ми влⷣчце, молю́сѧ, ка̑пли ᲂу҆миле́нїѧ, сꙋ́щꙋю мѝ скве́рнꙋ ѿмыва́ющи, ꙗ҆́кѡ да сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Просвѣти́ мѧ дв҃о, ꙗ҆́же свѣ́тъ незаходи́мый ро́ждшаѧ, моеѧ̀ лѣ́ности глꙋбо́кꙋю тьмꙋ̀ ѿгонѧ́ющи."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Сп҃си́ мѧ бцⷣе, во мно́гихъ грѣсѣ́хъ поги́бшаго, и҆ мꙋ́ки всѧ́кїѧ, и҆ лю́тагѡ ѡ҆сꙋжде́нїѧ и҆зба́ви."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нбⷭ҇нагѡ крꙋ́га верхотво́рче гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сщ҃е́ннагѡ житїѧ̀ ѿпа́дъ пречⷭ҇таѧ, приложи́хсѧ скотѡ́мъ, и҆ ѡ҆сꙋжде́нъ ве́сь бы́хъ: но ты̀ ꙗ҆́же сꙋдїю̀ ро́ждшаѧ, ѿ всѧ́кагѡ ѡ҆сꙋжде́нїѧ и҆зба́ви мѧ̀ и҆ сп҃сѝ."
|
||||
},
|
||||
{
|
||||
"type": "TEXT",
|
||||
"value": "Къ тебѣ̀ прибѣга́ю влⷣчце, всегда̀ мно́жествомъ напа́стей ѡ҆бстои́ма ᲂу҆ще́дривши сп҃си́ мѧ, ꙗ҆́же сп҃са ро́ждшаѧ всѧ́ческихъ и҆ гдⷭ҇а, є҆ди́на препѣ́таѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Непроходи́маѧ две́ре, ꙗ҆́же къ бг҃ꙋ приводѧ́щи ѻ҆трокови́це, двє́ри покаѧ́нїѧ мѝ ѿве́рзи молю́сѧ, ѡ҆чи́стивши грѣхѡ́въ мои́хъ скве́рнꙋ, тꙋ́чами млⷭ҇ти твоеѧ̀, бг҃обл҃года́тнаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆зба́ви мѧ̀ страсте́й наведе́нїѧ влⷣчце, и҆ борю́щыѧсѧ врагѝ моѧ̑ ны́нѣ побѣдѝ: ᲂу҆тверди́ мѧ на ка́мени бж҃їихъ хотѣ́нїй, и҆ дꙋ́шꙋ мою̀ просвѣтѝ, две́ре бж҃е́ственнагѡ свѣ́та."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Дꙋшѝ моеѧ̀ ꙗ҆́звы и҆сцѣлѝ, бг҃обл҃года́тнаѧ дв҃о: ᲂу҆́мъ мо́й просвѣтѝ чⷭ҇таѧ, ѡ҆мраче́нный стра́стными нахо́ды."
|
||||
},
|
||||
{
|
||||
"type": "TEXT",
|
||||
"value": "Оу҆ны́нїемъ спѧ́щаго, и҆ грѣхо́мъ покрове́ннаго, къ покаѧ́нїю мѧ̀ пречⷭ҇таѧ, призовѝ, ꙗ҆́кѡ мт҃и сло́ва."
|
||||
},
|
||||
{
|
||||
"type": "TEXT",
|
||||
"value": "Сла́ва: Неискꙋсобра́чнаѧ влⷣчце, ꙗ҆́же воплоще́нное сло́во ро́ждшаѧ, дꙋ́шꙋ мою̀ просвѣтѝ, и҆ ѿ гее́нны и҆зба́ви и҆ мꙋче́нїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: На тѧ̀ наде́ждꙋ мою̀ возложи́хъ всю̀, мт҃и дв҃о: дꙋ́шꙋ мою̀ соблюдѝ, ꙗ҆́же бг҃а ро́ждши сп҃са моего̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀ свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви молю́сѧ."
|
||||
},
|
||||
{
|
||||
"type": "TEXT",
|
||||
"value": "Дꙋшѝ моеѧ̀ стра̑сти всенеисцѣ̑льныѧ ѻ҆трокови́це и҆сцѣлѝ, и҆ ᲂу҆га́сшїй лѣ́ностїю свѣти́льникъ мо́й возжзѝ, и҆ къ покаѧ́нїѧ пꙋтє́мъ наста́ви дв҃о, да вѣ́рою и҆ любо́вїю тѧ̀ сла́влю."
|
||||
},
|
||||
{
|
||||
"type": "TEXT",
|
||||
"value": "Себѐ ѡ҆сꙋжда́ю пре́жде и҆спыта́нїѧ бг҃ора́дованнаѧ, стꙋ̑днаѧ дѣла̀ ношꙋ̀ є҆ди́нъ ѡ҆сꙋжде́нный: но предста́ни мѝ ꙗ҆́кѡ предста́тельница сꙋ́щи всѣ̑мъ, и҆ лю́тагѡ ѡ҆сꙋжде́нїѧ и҆зба́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆збавлѧ́ющи мѧ̀ ѿ плѣне́нїѧ, и҆ ѡ҆держа́щїѧ дꙋшетлѣ́нныѧ молвы̀, и҆ страсте́й лю́тыхъ ᲂу҆мерщвлѧ́ющихъ мѧ̀, не преста́й прест҃а́ѧ ѻ҆трокови́це, грѣ́шникѡмъ застꙋ́пнице, человѣ́кѡмъ гото́ваѧ помо́щнице."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆мерщвле́на мѧ̀ всего̀ жа́ломъ сме́ртнымъ ѿ престꙋпле́нїѧ ѡ҆живѝ пречⷭ҇таѧ, ꙗ҆́же жи́знь заче́ншаѧ мі́рови и҆зба́вителѧ и҆ цр҃ѧ̀, и҆ къ свѣ́тꙋ наста́ви мѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆чи́сти мѧ̀ сп҃се, мнѡ́га бо беззакѡ́нїѧ моѧ̑, и҆ и҆з̾ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е сп҃се́нїѧ моегѡ̀."
|
||||
},
|
||||
{
|
||||
"type": "TEXT",
|
||||
"value": "Оу҆мерщвле́на мѧ̀ мно́гими престꙋпле́ньми, пречⷭ҇таѧ дв҃о, ѡ҆живѝ, ꙗ҆́же жи́знь человѣ́кѡмъ неизрече́ннѡ ро́ждшаѧ бцⷣе, и҆ твори́ти мѝ во́лю гдⷭ҇ню наста́ви."
|
||||
},
|
||||
{
|
||||
"type": "TEXT",
|
||||
"value": "Тѧ̀ предста́тельницꙋ и҆ стѣ́нꙋ вѣ́рнїи всѝ стѧжа́хомъ, и҆̀же во глꙋбинѣ̀ ѕѡ́лъ, и҆ мо́лвъ, и҆ печа́лей потоплѧ́емїи при́снѡ бцⷣе, є҆ди́на вѣ̑рнымъ прибѣ́жище."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆вѧди́вшаѧ сады̀ безбо́жїѧ пренепоро́чнаѧ, твои́мъ ст҃ы́мъ прозѧбе́нїемъ, растꙋ́щꙋю во мнѣ̀ при́снѡ вра́жїю ѕло́бꙋ потребѝ, пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѡ҆свѧтѝ мо́й ᲂу҆́мъ, и҆ просвѣтѝ се́рдце моѐ ст҃а́ѧ мт҃и бж҃їѧ, и҆ ѡ҆держа́щихъ мѧ̀ ѕѡ́лъ и҆змѣнѝ: да тѧ̀ сла́влю тве́рдꙋю застꙋ́пницꙋ мою̀."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ѽ чꙋдесѐ но́вагѡ! Ѽ стра́шнагѡ та́инства! Взыва́ше а҆́гница, сн҃а зрѧ́щи на дре́вѣ крⷭ҇тнѣмъ просте́рта: что̀ сѐ сло́ве бж҃їй безсме́ртный; ка́кѡ ме́ртвъ зри́шисѧ, и҆ зе́млю коле́блеши ꙗ҆́кѡ всеси́ленъ; но воспѣва́ю твоѐ стра́шное и҆ бж҃е́ственное схожде́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ гдⷭ҇и бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "Млⷭ҇тива бꙋ́ди мѝ дв҃о, и҆ ᲂу҆ра́нена мѧ̀ ѻ҆рꙋ́жїемъ грѣха̀, пла́стыремъ и҆сцѣлѝ твоеѧ̀ мл҃твы: и҆ ѻ҆гнѧ̀ негаси́магѡ и҆схити́ мѧ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆зба́ви мѧ̀ мт҃и сп҃сова, ѡ҆держа́щагѡ лю́тагѡ плѣне́нїѧ, помышле́нїй лꙋка́выхъ, и҆ ѡ҆держа́нїй прегрѣше́нїѧ, ꙗ҆́кѡ да при́снѡ сп҃са́емь, по до́лгꙋ тѧ̀ сла́влю."
|
||||
},
|
||||
{
|
||||
"type": "TEXT",
|
||||
"value": "Сла́ва: Ны́нѣ къ тебѣ̀ прибѣга́ю бг҃ома́ти, прегрѣше́нїй плени́цами стѧ́гнꙋтъ: за млⷭ҇рдїе млⷭ҇ти разрѣши́ мѧ дв҃о, и҆ ѿ бѣсѡ́въ и҆зба́ви мꙋче́нїѧ и҆ ѕло́бы."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆ще́дри и҆ сп҃си́ мѧ дв҃о, ꙗ҆́же ще́драго ро́ждши бж҃їѧ сло́ва: и҆ свѣ́томъ, и҆́же въ тебѣ̀, ѡ҆зарѝ дꙋ́шꙋ мою̀, и҆ ѿ бѣсѡ́въ и҆зба́ви мѧ̀ лю́тагѡ кова́рства."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею сп҃се́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆́же по всемꙋ̀ соверше́нъ, и҆ є҆стество́мъ непристꙋ́пенъ, ꙗ҆ви́сѧ прикоснове́нъ мнѣ̀, пло́тїю ѡ҆бложе́нъ и҆з̾ тебѐ неискꙋсобра́чнаѧ: є҆го́же прилѣ́жнѡ молѝ, беззако́нїй мои́хъ бре́мѧ ѡ҆блегчи́ти, и҆ сꙋда̀ бꙋ́дꙋщагѡ и҆зба́вити мѧ̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же сꙋдїю̀ и҆ гдⷭ҇а ро́ждши па́че сло́ва, сего̀ ꙗ҆́кѡ сн҃а твоего̀ прест҃а́ѧ, ᲂу҆молѝ: въ ча́съ сꙋда̀ ѡ҆сꙋжде́нїѧ, и҆ ѻ҆гнѧ̀, и҆ тьмы̀ несвѣти́мыѧ, и҆ скре́жета зꙋбна́гѡ и҆зба́вити мѧ̀, вѣ́рою бл҃гоче́стнѡ пою́щаго тѧ̀ всегда̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Бг҃ороди́тельнице пречⷭ҇таѧ, дꙋшѝ моеѧ̀ ꙗ҆́звы, и҆ грѣхѡ́вныѧ собла́зны ѡ҆чи́сти, и҆сто́чникомъ ѿмыва́ющи, и҆́же и҆з̾ ре́бръ ржⷭ҇тва̀ твоегѡ̀, и҆ и҆̀же ѿ ни́хъ поте́кшими стрꙋѧ́ми: къ тебѣ́ бо взыва́ю, и҆ къ тебѣ̀ прибѣга́ю, и҆ тебѐ молю̀ бг҃обл҃года́тнꙋю."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆мерщвле́ннꙋю дꙋ́шꙋ мою̀ ᲂу҆грызе́нїемъ ѕмїи́нымъ, є҆ди́на ꙗ҆́вѣ живо́тъ ро́ждшаѧ, пренепоро́чнаѧ ѡ҆живѝ: и҆ на́съ ра́ди дв҃о рожде́ннагѡ, дѣ́йствовати поспѣшѝ хотѣ̑нїѧ, вопїю́щꙋ: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те є҆го̀ во вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ. Тѣ́мъ тѧ̀ бцⷣꙋ а҆́гг҃лѡвъ и҆ человѣ̑къ чинонача̑лїѧ велича́ютъ."
|
||||
},
|
||||
{
|
||||
"type": "TEXT",
|
||||
"value": "Просвѣтѝ, две́ре свѣ́та, ѡ҆слѣпле́ннꙋю дꙋ́шꙋ мою̀ страстьмѝ, и҆ лꙋка́выми по́мыслы ѡ҆чернѣ́вшꙋю, и҆ бѣ́дствꙋющꙋю: и҆ и҆зба́ви мѧ̀ напа́стей, и҆ ѿ бѣсѡ́въ ѡ҆ѕлобле́нїѧ и҆ и҆стѧза́нїѧ лю́тагѡ, и҆ бꙋ́дꙋщагѡ пла́мене и҆ мꙋ́ки."
|
||||
},
|
||||
{
|
||||
"type": "TEXT",
|
||||
"value": "Пощади́ мѧ сп҃се, рожде́йсѧ ѿ дв҃ы, и҆ сохрани́вый ро́ждшꙋю тѧ̀ нетлѣ́ннꙋ и҆ по ржⷭ҇твѣ̀: є҆гда̀ сѧ́деши сꙋди́ти дѣлѡ́мъ мои́мъ, беззакѡ́нїѧ и҆ грѣхѝ моѧ̑ пре́зри, ꙗ҆́кѡ безгрѣ́шенъ, и҆ ꙗ҆́кѡ бг҃ъ млⷭ҇тивъ и҆ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Носѧ́щи нбⷭ҇ный ѻ҆́гнь рꙋка́ма ꙗ҆́кѡ клеща́ми, бг҃обл҃года́тнаѧ, дꙋшѝ моеѧ̀ стра̑сти попалѝ чⷭ҇таѧ, и҆ стра́шнагѡ ѡ҆сꙋжде́нїѧ и҆ ѻ҆гнѧ̀, и҆ томле́нїѧ лю́тагѡ бѣсо́вскагѡ свободи́ мѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѡ҆сїѧ́нїемъ твои́мъ мы́сленнымъ просвѣтѝ на̑ша помышлє́нїѧ, и҆ сердца̀ и҆ ра́зꙋмы, ѻ҆трокови́це бг҃обл҃года́тнаѧ, ꙗ҆́кѡ да стезѧ́ми живо́тными пра́вѣ ходѧ́ще, млⷭ҇ть полꙋчи́мъ, возвѣща́юще при́снѡ хвалы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ про́чее ѻ҆бы́чно, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ пѧто́къ ᲂу҆́тра, по а҃-мъ стїхосло́вїи сѣда́льны крⷭ҇тны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ви́дѧ разбо́йникъ нача́льника жи́зни на крⷭ҇тѣ̀ ви́сѧща, глаго́лаше: а҆́ще не бы̀ бг҃ъ бы́лъ вопло́щьсѧ, и҆́же съ на́ми распны́йсѧ, не бы со́лнце лꙋчы̀ своѧ̑ потаи́ло, ниже́ бы землѧ̀ трепе́щꙋщи трѧсла́сѧ. Но всѧ̑ терпѧ́й, помѧни́ мѧ гдⷭ҇и, во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть."
|
||||
},
|
||||
{
|
||||
"type": "TEXT",
|
||||
"value": "Посредѣ̀ двою̀ разбѡ́йникꙋ мѣ́рило пра́ведное ѡ҆брѣ́тесѧ крⷭ҇тъ тво́й, ѻ҆́вомꙋ ᲂу҆́бѡ низводи́мꙋ во а҆́дъ тѧгото́ю хꙋле́нїѧ, дрꙋго́мꙋ же легча́щꙋсѧ ѿ прегрѣше́нїй къ позна́нїю бг҃осло́вїѧ: хрⷭ҇тѐ бж҃е, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Сн҃а твоего̀ дв҃о, и҆ бг҃а крⷭ҇то́мъ сохранѧ́еми при́снѡ, бѣсѡ́вскїѧ прило́ги ѿгонѧ́емъ и҆ кѡ́зни: сꙋ́щꙋю тѧ̀ бцⷣꙋ вои́стиннꙋ воспѣва́юще, и҆ любо́вїю всѝ ро́ди бл҃жи́мъ пречⷭ҇таѧ, ꙗ҆́коже прорекла̀ є҆сѝ: тѣ́мже на́мъ согрѣше́нїй ѡ҆ставле́нїе мл҃твами твои́ми да́рꙋй."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны крⷭ҇тны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Посредѣ̀ є҆де́ма дре́во процвѣтѐ сме́рть, посредѣ́ же всеѧ̀ землѝ дре́во прозѧбѐ живо́тъ: вкꙋси́вше бо пе́рвое нетлѣ́ннїи сꙋ́ще, тлѣ́нни бы́хомъ: полꙋчи́вше же второ́е, нетлѣ́нїѧ напита́хомсѧ: крⷭ҇то́мъ бо сп҃са́еши ꙗ҆́кѡ бг҃ъ ро́дъ человѣ́ческїй."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла сп҃се́нїе посредѣ̀ землѝ."
|
||||
},
|
||||
{
|
||||
"type": "TEXT",
|
||||
"value": "Въ раѝ мѧ̀ ᲂу҆́бѡ пре́жде дре́во ѡ҆бнажѝ, вкꙋше́нїемъ вра́гъ вносѧ̀ ᲂу҆мерщвле́нїе: крⷭ҇тное же дре́во живота̀ вѣ́чнагѡ ѡ҆дѣѧ́нїе человѣ́кѡмъ носѧ̀, водрꙋзи́сѧ на землѝ, и҆ мі́ръ ве́сь и҆спо́лнисѧ всѧ́кїѧ ра́дости: є҆го́же зрѧ́ще возноси́ма, бг҃ꙋ вѣ́рою лю́дїе согла́снѡ возопїи́мъ: и҆спо́лнь сла́вы до́мъ тво́й."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѣ́томъ нбⷭ҇нымъ просвѣща́етсѧ дне́сь се́й хра́мъ: въ не́мъ бо вѡ́инства а҆́гг҃льскаѧ ра́дꙋютсѧ, съ ни́миже и҆ человѣ́честїи ли́цы веселѧ́тсѧ, въ па́мѧть страстоте́рпєцъ. Тѣ́хъ мольба́ми низпослѝ хрⷭ҇тѐ, мі́рꙋ твоемꙋ̀ ми́ръ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: И҆́же ѿ крове́й твои́хъ чⷭ҇тыхъ вопло́щшагосѧ, и҆ па́че ᲂу҆ма̀ ѿ тебѐ чⷭ҇таѧ роди́вшагосѧ, на дре́вѣ ви́сѧща посредѣ̀ ѕлодѣ́євъ зрѧ́щи, ᲂу҆тро́бою болѧ́ше, и҆ мт҃рски пла́чꙋщи вопїѧ́ше: ᲂу҆вы̀ мнѣ̀ ча́до моѐ! Что̀ бж҃е́ственное и҆ неизрече́нное смотре́нїе твоѐ, и҆́мже ѡ҆живи́лъ є҆сѝ созда́нїе твоѐ; воспѣва́ю твоѐ бл҃гоꙋтро́бїе."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное:"
|
||||
},
|
||||
{
|
||||
"type": "TEXT",
|
||||
"value": "Твои́мъ крⷭ҇то́мъ хрⷭ҇тѐ сп҃се и҆ сме́ртїю, мꙋчи́тельство вра́жїе низложи́сѧ, и҆ сме́рть ᲂу҆мертви́сѧ, и҆ мє́ртвыѧ ꙗ҆̀же и҆мѣ́ѧше а҆́дъ ѿ вѣ́ка въ себѣ̀ свѧ̑занныѧ, внеза́пꙋ ѿпꙋстѝ плѣ́нники всѧ̑, воспѣва́ющыѧ держа́вꙋ твою̀, и҆ стра́шное твоѐ бл҃же, и҆ бж҃е́ственное схожде́нїе, и҆́мже всѣ́хъ сп҃слъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Ѡ҆боже́нїѧ ло́жнагѡ ᲂу҆пова́нїѧ родонача́льникъ тлѣ́нїѧ, ꙗ҆̀же ѿ негѡ̀ всѣ̑мъ вино́венъ ꙗ҆ви́сѧ. Ты́ же крⷭ҇то́мъ твои́мъ жи́знь и҆сточа́еши ꙗ҆́кѡ пребл҃гі́й: во́лею бо пригвожде́нъ бы́лъ є҆сѝ, да ѿ пе́рвагѡ разрѣши́ши ѡ҆сꙋжде́нїѧ. Тѣ́мже воспѣва́емъ твою̀ хрⷭ҇тѐ во́льнꙋю стрⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Нескве́рнаѧ а҆́гница, а҆́гнца и҆ па́стырѧ ви́сѧща на крⷭ҇тѣ̀ зрѧ́щи, вопїѧ́ше: ча́до моѐ, что̀ стра́нное ᲂу҆́бѡ и҆ ненаде́жное сїѐ зрѣ́нїе; ка́кѡ жи́знь всѣ́хъ сме́ртїю ѡ҆сꙋжда́етсѧ земны̑мъ подо́бнѣ; но воскрⷭ҇нѝ тридне́внѡ и҆з̾ ме́ртвыхъ сло́ве, ꙗ҆́коже ре́клъ є҆сѝ: да ра́дꙋющисѧ сла́влю тѧ̀."
|
||||
},
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀. Творе́нїе і҆ѡ́сифово. Гла́съ и҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Крⷭ҇тъ начерта́въ мѡѷсе́й впрѧ́мѡ жезло́мъ чермно́е пресѣчѐ, і҆и҃лю пѣшеходѧ́щꙋ, то́же ѡ҆бра́тнѡ фараѡ́нѡвымъ колесни́цамъ ᲂу҆да́ривъ совокꙋпѝ, вопрекѝ написа́въ непобѣди́мое ѻ҆рꙋ́жїе. Тѣ́мъ хрⷭ҇тꙋ̀ пои́мъ бг҃ꙋ на́шемꙋ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Дла̑ни бж҃е́ствєнныѧ на крⷭ҇тѣ̀ і҆и҃се распросте́ръ, къ себѣ̀ собра́лъ є҆сѝ рꙋкꙋ̀ твоє́ю созда́нїе: и҆ ѿ рꙋкѝ лꙋка́вагѡ всѣ́хъ свободи́лъ є҆сѝ, и҆ покори́лъ є҆сѝ и҆ рꙋко́ю держа́вною цр҃ю̀ всѣ́хъ. Тѣ́мже вѣ́рнїи пои́мъ вели́чествꙋ твоемꙋ̀, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Вре́дно бы́сть во є҆де́мѣ дре́ва го́рькое вкꙋше́нїе, сме́рть вве́дшее: хрⷭ҇то́съ же ᲂу҆мертви́всѧ на дре́вѣ, всѣ̑мъ живо́тъ и҆сточѝ, и҆ ᲂу҆би́въ ѕмі́ѧ бж҃е́ственною си́лою. Тѣ́мже томꙋ̀ пои́мъ бг҃ꙋ на́шемꙋ, ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Хра́брствовавше і҆и҃се мч҃нкъ мно́жество, крⷭ҇то́мъ же и҆ стрⷭ҇тїю твое́ю на стра̑сти проти́вꙋ воста́ша, и҆ пред̾ врагѝ тѧ̀ ца́рствꙋющаго тва́рїю и҆сповѣ́даша: терпѣ́ша же мꙋчє́нїѧ и҆ бѣды̑ безмѣ̑рныѧ. Тѣ́мже твою̀ ᲂу҆лꙋчи́ша сла́вꙋ всѝ, сла́вы гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Кропле́нїемъ бг҃одѣ́тельныѧ чⷭ҇тны́ѧ твоеѧ̀ кро́ве, мч҃нцы твоѝ гдⷭ҇и, и҆збавле́нїе ѡ҆брѣ́тше, крѡ́ви своѧ̑ вои́стиннꙋ и҆злїѧ́ша, непра́веднѡ мꙋ́чими бы́ша жє́ртвы приноси́ти сквє́рнымъ бѣсѡ́мъ дꙋшетлѣ̑ннымъ. Тѣ́мже чⷭ҇тна̑ѧ заколє́нїѧ тебѣ̀ принесо́ша, цр҃ю̀ всѣ́хъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ ви́дѣ тѧ̀ на крⷭ҇тѣ̀ пригвожда́ема, всѧ̑ ви́дѧщаго, непоро́чнаѧ рыда́ющи глаго́лаше: что̀ сїѐ ча́до моѐ; что̀ тѝ возда́ша насла́ждшїисѧ мно́гихъ твои́хъ дарова́нїй; ка́кѡ претерплю̀ болѣ̑зни; сла́ва твоемꙋ̀ бл҃гоꙋтро́бїю, и҆ смотре́нїю стра́шномꙋ долготерпѣли́ве."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ прест҃ѣ́й бцⷣѣ. Гла́съ и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
||||
},
|
||||
{
|
||||
"type": "TEXT",
|
||||
"value": "Ѡ҆мраче́ннꙋю сластьмѝ житїѧ̀ дꙋ́шꙋ мою̀ бг҃ома́ти, и҆ мїрски́ми печа́льми безвре́меннѡ смꙋща́емꙋ, просвѣще́нїемъ твои́мъ просвѣтѝ."
|
||||
},
|
||||
{
|
||||
"type": "TEXT",
|
||||
"value": "Ѿверзо́шасѧ двє́ри нбⷭ҇ныѧ бж҃е́ственнымъ твои́мъ ржⷭ҇тво́мъ бг҃ома́ти: въ ни́хже вхо́дъ да́ждь дꙋшѝ мое́й ꙗ҆́кѡ млⷭ҇тива, и҆ къ тѣ̑мъ наста́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Оу҆стрѣле́нꙋю стрѣло́ю лꙋка́вагѡ, и҆ ко́зньми ѻ҆́нагѡ, и҆ кова́рствы ᲂу҆ѧзвле́нꙋю дꙋ́шꙋ мою̀, дв҃о, млⷭ҇тїю твое́ю и҆сцѣлѝ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же ненадѣ́ющихсѧ наде́жда, па́дшихъ и҆справле́нїе, свѣ́тъ бж҃е́ственный ро́ждшаѧ, дꙋ́шꙋ мою̀ сꙋ́щꙋю во тьмѣ̀ просвѣтѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Же́злъ во ѡ҆́бразъ та́йны прїе́млетсѧ, прозѧбе́нїемъ бо предразсꙋжда́етъ сщ҃е́нника, неплодѧ́щей же пре́жде цр҃кви, ны́нѣ процвѣтѐ дре́во крⷭ҇та̀ въ держа́вꙋ и҆ ᲂу҆твержде́нїе."
|
||||
},
|
||||
{
|
||||
"type": "TEXT",
|
||||
"value": "Въ че́рнꙋю ᲂу҆́тварь и҆змѣни́сѧ со́лнце, зрѧ̀ на дре́вѣ тебѐ непра́веднѡ воздви́жена: и҆ распаде́сѧ ка́менїе, и҆ землѧ̀ всѧ̀ стра́хомъ трѧса́шесѧ, є҆ди́не сп҃се, всѣ́хъ и҆збавле́нїе."
|
||||
},
|
||||
{
|
||||
"type": "TEXT",
|
||||
"value": "Распросте́ръ рꙋ́цѣ мѡѷсе́й, воѡбража́ше крⷭ҇тъ чⷭ҇тны́й: є҆го́же мы̀ ны́нѣ воѡбража́юще бл҃гомꙋ́дреннѣ, полкѝ и҆ноплемє́нныѧ всѧ̑ бѣсѡ́вскїѧ побѣжда́емъ, вре́да всѧ́кагѡ тѣ́хъ кромѣ̀ пребыва́юще."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стра̑сти терпѧ́ще стрⷭ҇тоте́рпцы, стрⷭ҇ть ѡ҆бразова́хꙋ, многоѡбра́знымъ страсте́мъ причасти́шасѧ, во́лею страда́вшагѡ, и҆ стра̑сти ᲂу҆мертви́вшагѡ, и҆ живо́тъ мі́рꙋ возсїѧ́вшагѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Невозвра́тнѡ мꙋче́нїѧ пꙋ́ть ше́ствовавше, преткновє́нїѧ пре́лести ѿ серде́цъ низложи́ша бл҃госла́внїи стрⷭ҇тоно́сцы, и҆ ᲂу҆стреми́шасѧ ко ᲂу҆покое́нїю бж҃е́ственномꙋ веселѧ́щесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Зако́нныхъ кромѣ̀ ѻ҆бы́чаевъ человѣ́ческихъ, тебѐ ча́до роди́хъ, бцⷣа пла́чꙋщи вѣща́ше: и҆ ка́кѡ беззако́ннїи воздвиго́ша тѧ̀ на дре́во, посредѣ̀ беззако́нныхъ, є҆ди́наго зако́нъ жи́зни положи́вшаго;"
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нбⷭ҇нагѡ крꙋ́га верхотво́рче гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Воздыха̑нїѧ немѡ́лчнаѧ, и҆ прилѣ̑жныѧ сле́зы, и҆ сокрꙋше́нно се́рдце да́ждь мѝ дв҃о, да пла́чꙋсѧ содѣ́ѧнныхъ мно́ю, и҆ совозраста́ющыѧ моѧ̑ стра̑сти потребѝ, є҆ди́на всепѣ́таѧ."
|
||||
},
|
||||
{
|
||||
"type": "TEXT",
|
||||
"value": "Дрема́ньми ѡ҆тѧгче́ннꙋю грѣхо́вными, и҆ ко а҆́довѣ ᲂу҆тро́бѣ низпопо́лзшꙋюсѧ дꙋ́шꙋ мою̀ и҆схитѝ влⷣчце, и҆ помышле́нїе покаѧ́нїѧ и҆́стиннагѡ пода́ждь мѝ бг҃обл҃же́ннаѧ."
|
||||
},
|
||||
{
|
||||
"type": "TEXT",
|
||||
"value": "Оу҆миле́нїѧ любо́вь, и҆ добродѣ́телей да́рꙋй всенепоро́чнаѧ, погрꙋже́ннѣй дꙋшѝ мое́й прегрѣше́ньми, и҆ нбⷭ҇ное житїѐ возлюби́ти, и҆ бж҃їе жела́нїе и҆мѣ́ти."
|
||||
},
|
||||
{
|
||||
"type": "TEXT",
|
||||
"value": "На тѧ̀ ᲂу҆пова́нїе возлага́ю мт҃и бж҃їѧ, и҆ ѿча́ѧнїѧ вско́рѣ и҆зба́влюсѧ: вѣ́мъ бо, вѣ́мъ твоегѡ̀ бл҃гоꙋтро́бїѧ бога́тство, и҆ крѣ́пость свѣ́дый дерзнове́нїѧ твоегѡ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ ке́дръ бл҃гоче́стїе, вѣ́рꙋ ꙗ҆́кѡ кѷпарі́съ, любо́вь же ꙗ҆́кѡ пе́ѵкъ носѧ́ще, крⷭ҇тꙋ̀ бж҃е́ственномꙋ поклони́мсѧ."
|
||||
},
|
||||
{
|
||||
"type": "TEXT",
|
||||
"value": "Крⷭ҇то́мъ твои́мъ сп҃се, ра́й ѿве́рзесѧ, и҆ ѡ҆сꙋжде́нный человѣ́къ па́ки вни́де в̾о́нь, твою̀ велича́ѧ бл҃госты́ню."
|
||||
},
|
||||
{
|
||||
"type": "TEXT",
|
||||
"value": "Оу҆мерщвлє́ныѧ ѡ҆живи́лъ є҆сѝ сп҃се человѣ́ки, ме́ртвъ бы́въ, и҆ ѕмі́ѧ ᲂу҆мертви́лъ є҆сѝ грѣ́хъ вве́дшаго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Стрⷭ҇те́мъ бы́вше соѡбра́зни хрⷭ҇тѡ́вымъ бж҃е́ственнїи мч҃нцы, прича̑стницы же и҆ свѣ́тлости нбⷭ҇ныѧ ꙗ҆ви́шасѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆краси́стесѧ мч҃нцы, сло́вꙋ кра́сномꙋ соедини́вшесѧ: и҆ свѣ́тлѡ просвѣти́стесѧ, сл҃нце пра́ведное возлюби́вше."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Но́во ѻ҆троча̀ родила̀ є҆сѝ, пре́жде вѣ̑къ сꙋ́ща соверше́ннаго, ѻ҆трокови́це всенепоро́чнаѧ, и҆ крⷭ҇то́мъ соверша́юща всѧ́чєскаѧ, и҆ бл҃гостїю."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ моѧ̀ крѣ́пость гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́тча, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же бг҃а сло́ва неизрече́ннѡ ро́ждшаѧ, дꙋшѝ моеѧ̀ стрꙋ́пы ѡ҆бѧжѝ, дѣ́йственнымъ бы́лїемъ, кро́вь сн҃а твоегѡ̀ чⷭ҇тнꙋ́ю возлїѧ́вши, разрꙋши́вшагѡ а҆́дово дꙋшетлѣ́нное чре́во, и҆ и҆сточи́вшагѡ мі́рꙋ воскрⷭ҇нїе."
|
||||
},
|
||||
{
|
||||
"type": "TEXT",
|
||||
"value": "Невѣ́сто бж҃їѧ, прегрѣше́нїй ѡ҆чище́нїе дꙋшѝ мое́й стрꙋи̑ низпослѝ, и҆ лꙋка̑ваѧ ѿмы́й помышлє́нїѧ, чи́стѣ бы́ти то́й сподо́би: къ твоемꙋ́ бо хода́тайствꙋ, и҆ твое́й по́мощи, бцⷣе дв҃о прибѣго́хъ."
|
||||
},
|
||||
{
|
||||
"type": "TEXT",
|
||||
"value": "Къ твоемꙋ̀ ны́нѣ прибѣга́ю застꙋпле́нїю пречⷭ҇таѧ, предвари́ мѧ и҆зба́вити лю́тыѧ бꙋ́ри вра́жїѧ, и҆ смꙋща́ющихъ пото́кѡвъ беззако́нїѧ: къ твоемꙋ́ же приста́нищꙋ, и҆ къ твое́й тишинѣ̀ неꙋкло́ннѡ бг҃ома́ти наста́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Вра́гъ грѣхо́вными стрѣла́ми дꙋ́шꙋ мою̀ всю̀ ᲂу҆ѧзвѝ, и҆ ѡ҆сквернѝ сластьмѝ моѐ се́рдце, и҆ ѿвратѝ ѿ пꙋтѝ пра́вагѡ. Сегѡ̀ ра́ди вопїю́ ти: ѡ҆брати́вши и҆сцѣли́ мѧ, и҆ сп҃сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѽ требл҃же́нное дре́во! На не́мже распѧ́сѧ хрⷭ҇то́съ, цр҃ь и҆ гдⷭ҇ь: и҆́мже падѐ дре́вомъ прельсти́вый, тобо́ю прельсти́всѧ, бг҃ꙋ пригвозди́вшꙋсѧ пло́тїю, подаю́щемꙋ ми́ръ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Ѻ҆де́ждею нетлѣ́нїѧ, ѡ҆бнажє́ныѧ ны̀ ѡ҆блещѝ возжелѣ́въ, совле́клсѧ є҆сѝ, и҆ на крⷭ҇тѣ̀ распѧ́тсѧ, ѡ҆бнажи́лъ є҆сѝ вра̑жїѧ хрⷭ҇тѐ кова̑рства: сегѡ̀ ра́ди твоѧ̑ страда̑нїѧ сла́вимъ."
|
||||
},
|
||||
{
|
||||
"type": "TEXT",
|
||||
"value": "Кро́вь и҆з̾ ре́бръ и҆сте́кшаѧ сп҃си́тельнаѧ ꙗ҆́вѣ, мі́ръ ѡ҆чи́стила є҆́сть, ка̑пищныѧ же крѡ́ви разрꙋшѝ, и҆ и҆стлѣ́вшыѧ плодо́мъ разꙋ́мнымъ ѡ҆бновѝ, и҆ и҆сточѝ нетлѣ́нїе дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Просвѣще́ни добро́тою многови́дныхъ ра́нъ, мч҃нцы сла́внїи, бж҃е́ственною же кро́вїю зна́менавшесѧ, возбранѧ́ющее пре́жде ѻ҆рꙋ́жїе проидо́ша ꙗ҆́вѣ, и҆ всели́шасѧ ра́дꙋющесѧ въ ра́й."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ ди́венъ ты̀ є҆сѝ во ст҃ы́хъ хрⷭ҇тѐ, вѣ́рою тебѐ возлюби́вшихъ: ѿ тебе́ бо ѡ҆богати́вшесѧ бж҃е́ствєнныѧ и҆сцѣле́нїй рѣ́ки мі́рови и҆сточа́ютъ, и҆ и҆зсꙋша́ютъ и҆злїѧ́нїе страсте́й на́шихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Недꙋ́говавшыѧ грѣхо́мъ ны̀ и҆сцѣли́ла є҆сѝ дв҃о, ро́ждши сп҃са и҆ врача̀ всѣ́хъ, на дре́вѣ крⷭ҇тнѣмъ пригвожде́ннаго пречⷭ҇таѧ, и҆ и҆сточи́вша сп҃се́нїе дꙋша́мъ на́шымъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀ свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
||||
},
|
||||
{
|
||||
"type": "TEXT",
|
||||
"value": "Со всѣ́мъ ᲂу҆се́рдїемъ тщꙋ́сѧ къ твоемꙋ̀ всенепоро́чнаѧ застꙋпле́нїю и҆ дꙋше́вное ѻ҆́ко возвождꙋ̀: не ѿвратѝ менѐ, но застꙋпи́ мѧ ꙗ҆́кѡ бл҃га́ѧ, и҆ и҆зба́ви мѧ̀, и҆ прегрѣше́нїй мои́хъ скве́рнꙋ ѿмы́й."
|
||||
},
|
||||
{
|
||||
"type": "TEXT",
|
||||
"value": "Ꙗ҆́дъ смертоно́сенъ грѣхо́вными зꙋбы̀ вложи́сѧ: но того̀ погꙋбѝ гвоздьмѝ и҆ копїе́мъ бж҃е́ственнымъ ржⷭ҇тва̀ твоегѡ̀, за млⷭ҇рдїе на́съ ра́ди пло́тїю пострада́вшагѡ, є҆ди́на всепѣ́таѧ."
|
||||
},
|
||||
{
|
||||
"type": "TEXT",
|
||||
"value": "Оу҆мерщвле́нна мѧ̀ нра́вомъ, и҆ и҆стлѣ́вшаго прегрѣше́ньми, ѡ҆живѝ ро́ждшаѧ живо́тъ вѣ́чный, и҆ ѡ҆бновле́нїемъ дх҃о́внымъ, къ нетлѣ́нїю претвори́ мѧ, бг҃обл҃же́ннаѧ."
|
||||
},
|
||||
{
|
||||
"type": "TEXT",
|
||||
"value": "Лꙋка́вства бѣсо́вскагѡ, и҆ ѕло́бы человѣ́ческїѧ и҆зба́ви мѧ̀, влⷣчце, и҆ дꙋше́внꙋю болѣ́знь, и҆ тѣле́снꙋю вско́рѣ и҆сцѣлѝ, ро́ждшаѧ є҆ди́на всѧ́кїѧ пло́ти и҆ согрѣше́нїй врача̀, сп҃са и҆ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́днагѡ ѕвѣ́рѧ во ᲂу҆тро́бѣ дла̑ни і҆ѡ́на крⷭ҇тови́днѡ распросте́ръ, сп҃си́тельнꙋю стрⷭ҇ть проѡбража́ше ꙗ҆́вѣ: тѣ́мъ тридне́венъ и҆зше́дъ, премі́рное воскрⷭ҇нїе прописа́ше, пло́тїю пригвожде́нагѡ хрⷭ҇та̀ бг҃а, и҆ тридне́внымъ воскрⷭ҇нїемъ мі́ръ просвѣ́щшагѡ."
|
||||
},
|
||||
{
|
||||
"type": "TEXT",
|
||||
"value": "Крⷭ҇тъ водрꙋзи́сѧ на мѣ́стѣ ло́бнѣмъ посредѣ̀ землѝ, и҆ посредѣ̀ раѧ̀ прозѧ́бшꙋю дре́вомъ ꙗ҆́звꙋ и҆сцѣлѝ: мессі́а бо і҆и҃съ посредѣ̀ беззако́нныхъ разбѡ́йникъ, є҆ди́нъ пра́ведный ꙗ҆ви́сѧ, съ собо́ю совоздви́же всѧ̑, и҆ съ высоты̀ па́дшаго въ пропа́сть вве́рже."
|
||||
},
|
||||
{
|
||||
"type": "TEXT",
|
||||
"value": "Лꙋ́къ хрⷭ҇тѐ напрѧ́гъ бж҃е́ственный, всечⷭ҇тны́й тво́й крⷭ҇тъ, и҆спꙋсти́лъ є҆сѝ стрѣ́лы на ᲂу҆бі́йцꙋ: гво́зди же рꙋкꙋ̀ твоє́ю влⷣко, вонзи́лъ є҆сѝ въ тогѡ̀ гнѣвли́вое и҆ всескверна́вое се́рдце: и҆ до конца̀ того̀ ᲂу҆мертви́лъ є҆сѝ, и҆ ѿ негѡ̀ ᲂу҆мерщвлє́ныѧ ще́дре ѡ҆живи́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Кро́внымъ и҆сте́кшымъ стрꙋѧ́мъ, и҆з̾ тѣле́съ ст҃ы́хъ страда́лєцъ, ᲂу҆гаси́ша дх҃омъ ве́сь і҆дѡлобѣ́сїѧ пла́мень, и҆ цр҃кве чⷭ҇тны̑ѧ бразды̑ напои́ша, и҆ кла́съ и҆зрасти́ти сотвори́ша сп҃се́нїѧ наде́жды и҆ вѣ́ры: и҆́мже пита́етсѧ всѧ́ка дꙋша̀, бж҃е́ственною бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Воспалѧ́хꙋсѧ ѻ҆гнѧ̀ мно́жае нра́вомъ, стра́ждꙋщїи сла́внїи стрⷭ҇тоте́рпцы, є҆гда̀ веще́ственнымъ ѻ҆гне́мъ ѡ҆палѧ́тисѧ. Лꙋка́вными сꙋдїѧ́ми сꙋдѡ́мъ ѿдава́еми, и҆ неꙋѧ́звлени сохранѧ́еми быва́хꙋ дѣ́йствомъ и҆ бл҃года́тїю ст҃а́гѡ дх҃а, вѣнча́вшагѡ тѣ́хъ зако́ннѡ пострада́вшихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѻ҆рꙋ́жїе се́рдце твоѐ про́йде, пречⷭ҇таѧ ѻ҆трокови́це, зрѧ́щи сн҃а твоего̀ на крⷭ҇тѣ̀ просте́рта, и҆ стрⷭ҇ти терпѧ́ща, и҆ копїе́мъ въ бж҃е́ствєннаѧ ре́бра пробода́ема во́лею, и҆ закала́юща тьмы̀ бори́тельнаго ѕмі́ѧ: тѣ́мже пла́чꙋщи мт҃рски, того̀ велича́ла є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆чи́сти мѧ̀ сп҃се, мнѡ́га бо беззакѡ́нїѧ моѧ̑, и҆ и҆з̾ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е сп҃се́нїѧ моегѡ̀."
|
||||
},
|
||||
{
|
||||
"type": "TEXT",
|
||||
"value": "Ѿстꙋпи́хъ ѿ бг҃а блꙋ́днѡ жи́въ, и҆ ра́бъ сласте́й ѻ҆каѧ́нный бы́хъ, и҆ всѧ́кїѧ ѡ҆бнажи́хсѧ добродѣ́тели бж҃е́ственныѧ: но посѣти́ мѧ̀ пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Бѣжа́тель бы́хъ ѿ за́повѣдей да́нныхъ мѝ, и҆ ᲂу҆дали́всѧ ѿ живота̀ къ сме́рти прибли́жихсѧ: но наста́ви мѧ̀ къ возвраще́нїю, бг҃омт҃и пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Житїѐ моѐ лꙋка́вно, и҆спо́лнено нерадѣ́нїѧ: но млⷭ҇ть твоѧ̀ мно́гаѧ и҆ неизрече́ннаѧ, пречⷭ҇таѧ, да ѡ҆долѣ́етъ и҆ млⷭ҇рдїе бл҃гости твоеѧ̀ немощнѣ́й мы́сли мое́й."
|
||||
},
|
||||
{
|
||||
"type": "TEXT",
|
||||
"value": "Сп҃са и҆ и҆зба́вителѧ ро́ждши, и҆ всеще́драго, ᲂу҆ще́дри мѧ̀ чⷭ҇таѧ, и҆ сп҃сѝ, и҆ и҆зба́ви ѿ ѡ҆быше́дшихъ мѧ̀, и҆ напа́дающихъ немлⷭ҇тивнѡ на не́мощь мою̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Безꙋ́мное велѣ́нїе мꙋчи́телѧ ѕлочести́вагѡ лю́ди поколеба̀, ды́шꙋщее преще́нїе и҆ ѕлохꙋле́нїе бг҃оме́рзкое: ѻ҆ба́че трѝ ѻ҆́троки не ᲂу҆страшѝ ꙗ҆́рость ѕвѣ́рскаѧ, ни ѻ҆́гнь снѣда́ѧй, но проти́вѡ ды́шꙋщꙋ росоно́сномꙋ дꙋ́хꙋ, со ѻ҆гне́мъ сꙋ́ще поѧ́хꙋ: препѣ́тый ѻ҆тцє́въ и҆ на́съ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Є҆гда̀ распросте́рсѧ на дре́вѣ крⷭ҇тнѣмъ, ꙗ҆́коже вїногра́дъ сло́во ѻ҆́ч҃ее, мсто̀ и҆ска́палъ є҆сѝ та́йны, и҆змѣнѧ́ющее пїѧ́нство престꙋпле́нїѧ, и҆ всѣ́хъ веселѧ́щее, вѣ́дꙋщихъ тѧ̀ бг҃а и҆ зижди́телѧ, во́лею стра́ждꙋща, и҆ сп҃са́ющее пою́щыѧ: препѣ́тый ѻ҆тцє́въ и҆ на́съ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Распѧ́тїе претерпѣ́лъ є҆сѝ хрⷭ҇тѐ мо́й і҆и҃се, поно́сное, ᲂу҆ставлѧ́ющее человѣ́кѡмъ всѐ поноше́нїе и҆ воздыха́нїе, же́лчи же вкꙋси́лъ є҆сѝ, го́ресть всѧ́кꙋ ѕло́бнꙋю ѿе́млѧ, ᲂу҆ѧзви́лъ є҆сѝ рꙋ́цѣ твоѝ, ꙗ҆́звы ще́дре дꙋшє́вныѧ на́шѧ и҆сцѣлѧ́ѧ, и҆ пѣ́ти повелѣва́ѧ: препѣ́тый ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Болѣ́зньми неболѣ́зненный живо́тъ до́блїи страда́льцы притѧжа́ли є҆стѐ: тѣ́мже на́шѧ болѣ̑зни ѡ҆блегча́ете ѿню́дъ, бл҃года́ть прїе́мше свы́ше ст҃і́и, и҆сцѣлева́ти стра̑сти, и҆ дꙋ́хи ѿгонѧ́ти: и҆ вѣ̑рнымъ предстоитѐ, и҆ сп҃са́ете вопїю́щыѧ: препѣ́тый ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ста́сте мч҃нцы пред̾ сꙋди́щи хрⷭ҇та̀ и҆сповѣ́дающе, пло́ть на́съ ра́ди воспрїе́мшаго по на́мъ кромѣ̀ тлѣ́нїѧ: и҆ подѡ́бницы стрⷭ҇тє́мъ є҆гѡ̀ ꙗ҆влѧ́еми вои́стиннꙋ, ѻ҆гнѧ̀ ѡ҆ѕлоблє́нїѧ, и҆ всѧ̑кїѧ и҆ны̑ѧ мꙋ̑ки претерпѣ́сте, въ весе́лїи зовꙋ́ще: препѣ́тый ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Печа́ли и҆спо́лнихсѧ зрѧ́щи тебѐ сн҃е без̾ пра́вды стра́ждꙋща, ᲂу҆ѧзвлѧ́юсѧ дꙋше́ю, копїе́мъ ᲂу҆ѧ́звленꙋ тѝ въ ре́бра, бцⷣа вопїѧ́ше пла́чꙋщи и҆ рыда́ющи, є҆ди́на влⷣчца, ю҆́же досто́йнѡ всѝ ᲂу҆бл҃жа́емъ, и҆ бл҃гоче́стнѡ зове́мъ: препѣ́тый ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ гдⷭ҇и бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "Всѧ̀ є҆сѝ свѣтоно́сна, свѣ́тъ незаходи́мый дв҃о, прїе́мши, и҆ просвѣща́ющи чⷭ҇таѧ, вѣ́рою тебѣ̀ вопїю́щыѧ: бл҃гослове́нъ пречⷭ҇таѧ, пло́дъ твоегѡ̀ чре́ва."
|
||||
},
|
||||
{
|
||||
"type": "TEXT",
|
||||
"value": "Да твоѐ чл҃вѣколю́бїе и҆ млⷭ҇ть дв҃о ꙗ҆ви́ши, и҆з̾ глꙋбины́ мѧ ѕѡ́лъ возведѝ вопїю́ща: бл҃гослове́нъ пречⷭ҇таѧ, пло́дъ твоегѡ̀ чре́ва."
|
||||
},
|
||||
{
|
||||
"type": "TEXT",
|
||||
"value": "Къ тебѣ̀ мт҃и дв҃о, притека́ю, ᲂу҆ѧзвлѧ́емь стрѣла́ми дꙋшетлѣ́нными: всего́ мѧ мл҃твою твое́ю ѡ҆градѝ вопїю́ща: бл҃гослове́нъ пречⷭ҇таѧ, пло́дъ твоегѡ̀ чре́ва."
|
||||
},
|
||||
{
|
||||
"type": "TEXT",
|
||||
"value": "И҆зба́ви мѧ̀ мт҃и сп҃сова, ѡ҆держа́щагѡ лю́тагѡ плѣне́нїѧ, помышле́нїй лꙋка́выхъ, и҆ ви́нъ грѣхо́вныхъ: ꙗ҆́кѡ да при́снѡ сп҃са́емь по до́лгꙋ тѧ̀ сла́влю."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бл҃гослови́те ѻ҆́троцы, трⷪ҇цы равночи́сленнїи, содѣ́телѧ ѻ҆ц҃а̀ бг҃а, по́йте снизше́дшее сло́во, и҆ ѻ҆́гнь въ ро́сꙋ претво́ршее, и҆ превозноси́те всѣ̑мъ жи́знь подава́ющаго, дх҃а всест҃а́го во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бл҃гослови́тсѧ дре́во, и҆́мже всѧ̀ потреби́сѧ ꙗ҆́же во є҆де́мѣ ле́стнаѧ клѧ́тва, возра́стшаѧ снѣ́дїю лꙋка́вою дре́ва, и҆ хрⷭ҇то́съ возно́ситсѧ препросла́вленный, и҆́же вознести́сѧ на не́мъ во́лею свое́ю восхотѣ́вый за млⷭ҇рдїе."
|
||||
},
|
||||
{
|
||||
"type": "TEXT",
|
||||
"value": "Сщ҃е́ннѡ во премѣне́нїи рꙋка́ма присносла́вный, бл҃гословлѧ́ѧ внꙋ́ки и҆ногда̀, ѡ҆́бразъ ꙗ҆влѧ́ѧ свѧще́ннагѡ дре́ва, и҆́мже бл҃гослове́нїе всѣ̑мъ дарова́сѧ, проклѧ́тымъ ѕло́ю дре́ва снѣ́дїю, и҆ попо́лзшымсѧ во глꙋбинꙋ̀ ѕѡ́лъ."
|
||||
},
|
||||
{
|
||||
"type": "TEXT",
|
||||
"value": "И҆справлѧ́етсѧ всѐ человѣ́чество влⷣко, тебѣ̀ распросте́ртꙋ бы́вшꙋ на крⷭ҇тѣ̀, и҆ по́лкъ падѐ лꙋка́выхъ бѣсѡ́въ, и҆ разстоѧ̑щаѧсѧ совокꙋпле́нїе прїе́млютъ: и҆ превозно́ситсѧ держа́ва вла́сти твоеѧ̀, и҆ си́ла твоѧ̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бл҃же́ннꙋю сла́вꙋ, и҆ пи́щꙋ нетлѣ́ннꙋю, и҆ свѣтоза̑рна селє́нїѧ наслѣ́довасте ны́нѣ бж҃е́ственнїи страда́льцы гдⷭ҇ни, и҆ нбⷭ҇нымъ примѣси́стесѧ чинѡ́мъ, и҆ присносла́вныхъ наде́ждъ ва́шихъ коне́цъ ны́нѣ воспрїѧ́сте съ весе́лїемъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ва́ше мꙋ́жество па́че со́лнца возсїѧ̀, свѣтови́днїи хрⷭ҇тѡ́вы страда́льцы, и҆ всю̀ дїа́волю пре́лесть бж҃е́ственною си́лою помрачѝ и҆ вѣ́рныхъ всѣ́хъ сердца̀ бл҃гочестномꙋ́дреннѣ просвѣтѝ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мы́сленный ѻ҆́блакъ, и҆ сѣ́нь свѧще́нїѧ, престо́лъ бж҃їй, и҆ две́рь свѣ́та, свѣти́льникъ, и҆ восто́къ сло́ва, вѣ́рнїи всѝ и҆менꙋ́емъ тѧ̀, пречⷭ҇таѧ дв҃о, всѧ̑ сотво́ршагѡ мт҃и сꙋ́щи бл҃гослове́ннаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею сп҃се́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Вседержи́тель гдⷭ҇ь всели́выйсѧ во ᲂу҆тро́бꙋ твою̀, и҆ сто́лпъ ᲂу҆твержде́нїѧ вѣ̑рнымъ тѧ̀ показа̀: къ немꙋ́же прибѣга́юще напа́стей и҆збавлѧ́емсѧ и҆ бѣ́дъ, и҆ свобожда́емсѧ и҆скꙋше́нїѧ, согла́снѡ пою́ще: сщ҃е́нницы воспо́йте, лю́дїе превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сщ҃е́ннагѡ влⷣчце ѿпадо́хъ житїѧ̀, ко грѣхꙋ̀ невоздержи́мѡ влеко́мь, и҆ си́мъ порабоща́емь, свобожде́нїѧ є҆́же ѡ҆ хрⷭ҇тѣ̀ и҆ пра́вды и҆́стинныѧ ѡ҆бнажи́хсѧ: но не пре́зри мѧ̀, сокро́вище сп҃се́нїѧ, къ тебѣ̀ прибѣга́ющаго, на́га и҆ ѡ҆бнища́вшаго."
|
||||
},
|
||||
{
|
||||
"type": "TEXT",
|
||||
"value": "Да и҆спра́витсѧ мольба̀ мл҃твы моеѧ̀ ко гдⷭ҇ꙋ, и҆з̾ ᲂу҆тро́бы твоеѧ̀ произше́дшемꙋ, влⷣчце: и҆ ѿ престꙋпле́нїѧ за́повѣдей да и҆зба́витъ мѧ̀, и҆ ѡ҆сꙋжде́нїѧ и҆ клѧ́твы зако́нныѧ, и҆ скве́рнꙋ да ѿмы́етъ лю́тыхъ мои́хъ прегрѣше́нїй, ꙗ҆́кѡ є҆ди́нъ млⷭ҇тивъ."
|
||||
},
|
||||
{
|
||||
"type": "TEXT",
|
||||
"value": "Бг҃ороди́тельнице пречⷭ҇таѧ, дꙋшѝ моеѧ̀ ꙗ҆́звы, и҆ грѣхѡ́вныѧ собла́зны ѡ҆чи́сти, и҆сто́чникомъ ѿмыва́ющи, и҆́же и҆з̾ ре́бръ сн҃а твоегѡ̀, ѿ ни́хъ поте́кшими стрꙋѧ́ми: къ тебѣ́ бо взыва́ю, и҆ къ тебѣ̀ прибѣга́ю, и҆ тебѐ призыва́ю бг҃обл҃года́тнꙋю."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Снѣ́дїю дре́ва ро́дꙋ прибы́вшаѧ сме́рть, крⷭ҇то́мъ ᲂу҆праздни́сѧ дне́сь: и҆́бо прама́тернѧѧ всеро́днаѧ клѧ́тва разрꙋши́сѧ, прозѧбе́нїемъ чⷭ҇тыѧ бг҃ома́тере: ю҆́же всѧ̑ си̑лы нбⷭ҇ныѧ велича́ютъ."
|
||||
},
|
||||
{
|
||||
"type": "TEXT",
|
||||
"value": "Сщ҃е́ннѣйше тѧ̀ возносѧ́ще ще́дре, покланѧ́емсѧ твоемꙋ̀ крⷭ҇тꙋ̀, копїю́ же и҆ гꙋ́бѣ, и҆ тро́сти, и҆ въ рꙋкꙋ̀ вонзє́ннымъ и҆ въ нѡгꙋ̀ ст҃ы̑мъ гвоздє́мъ влⷣко: и҆́миже ѡ҆брѣто́хомъ соверше́нное ѡ҆ставле́нїе, и҆ ра́йскагѡ житїѧ̀ сподо́бихомсѧ."
|
||||
},
|
||||
{
|
||||
"type": "TEXT",
|
||||
"value": "Ѽ ка́кѡ непра́веднѡ ѡ҆сꙋжде́нъ бы́лъ є҆сѝ пригвозди́тисѧ на дре́вѣ распина́емь, пра́веднѣйшїй є҆ди́не всѣ́хъ цр҃ю̀, ѡ҆правда́ти всѣ́хъ и҆щѧ́й, вѣ́рою сла́вѧщихъ страда̑нїѧ твоѧ̑ вѡ́льнаѧ, и҆ смотре́нїе, и҆ тебѐ хрⷭ҇тѐ мо́й вѣ́рнѡ велича́ющихъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Тѣ́ло преда́вше мꙋ́камъ вседꙋ́шнѡ мч҃нцы сла́внїи, претерпѣ́ша ра̑ны и҆ нꙋ́жнꙋю сме́рть, ѿсѣче́нїе ᲂу҆дѡ́въ, и҆ растерза̑нїѧ, и҆ ѻ҆́гненное ѡ҆пале́нїе, любо́вїю же разгара́еми ко гдⷭ҇ꙋ. Тѣ́мже вѣнцено́сцы на нб҃сѣ́хъ живꙋ́тъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆́же а҆пⷭ҇лѡвъ и҆ мч҃нкѡвъ сла́досте, мл҃твами и҆́хъ всѣ́хъ на́съ млⷭ҇ти и҆спо́лни, ꙗ҆́кѡ бл҃гоꙋтро́бенъ, согрѣше́нїй разрѣше́нїе подаѧ̀, и҆ лю́тыхъ всѣ́хъ и҆збавле́нїе, и҆ твоегѡ̀ црⷭ҇твїѧ вселе́нїе хрⷭ҇тѐ бж҃е, и҆́же на́съ ра́ди ꙗ҆вле́йсѧ чл҃вѣ́къ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣтови́дный черто́гъ ꙗ҆ви́ласѧ є҆сѝ дв҃о, все́льшемꙋсѧ въ твою̀ нетлѣ́ннꙋю ᲂу҆тро́бꙋ, и҆ стрⷭ҇ть бл҃же́ннꙋю претерпѣ́вшемꙋ хотѣ́нїемъ, и҆ всѣ̑мъ безстра́стїе пода́вшемꙋ за неизрече́ннꙋю млⷭ҇ть: є҆мꙋ́же вѣ́рою покланѧ́ющесѧ, тебѐ бл҃гоче́стнѡ велича́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ. Тѣ́мъ тѧ̀ бцⷣꙋ а҆́гг҃лѡвъ и҆ человѣ̑къ чинонача̑лїѧ велича́ютъ."
|
||||
},
|
||||
{
|
||||
"type": "TEXT",
|
||||
"value": "Вои́стиннꙋ бг҃омт҃и сꙋ́щагѡ бг҃а, молѧ́щи не преста́й є҆го́же родила̀ є҆сѝ, грѣхѡ́въ ѡ҆ставле́нїе рабѡ́мъ твои̑мъ пода́ти, и҆ всесоверше́нное проще́нїе тѣ̑мъ ны́нѣ содѣ́ѧнныхъ ѕѡ́лъ: и҆ си́хъ сподо́бити со всѣ́ми ст҃ы́ми вѣ́чнагѡ наслажде́нїѧ."
|
||||
},
|
||||
{
|
||||
"type": "TEXT",
|
||||
"value": "Крѣ́постїю и҆ си́лою дх҃о́вною, и҆ ѻ҆рꙋ́жїемъ, и҆ держа́вою, препоѧ́ши смире́ннꙋю дꙋ́шꙋ мою̀ прест҃а́ѧ бцⷣе, и҆ крⷭ҇тнымъ ѻ҆рꙋ́жїемъ ѡ҆блецы̀, и҆ грѣха̀ моегѡ̀ ра̑ны ѡ҆чи́сти, росо́ю твоегѡ̀ чл҃вѣколю́бїѧ, и҆ вели́кою млⷭ҇тїю твое́ю."
|
||||
},
|
||||
{
|
||||
"type": "TEXT",
|
||||
"value": "Сп҃се́нїѧ бꙋ́ди мѝ сто́лпъ, чⷭ҇таѧ, бѣсѡ́въ бездѣ́льны сотворѝ полкѝ, и҆ напа́стей молвꙋ̀, и҆ бѣды̑ ѿгонѧ́ющи, и҆ страсте́й нахо́ды дале́че прогонѧ́ющи, и҆ чи́стое даю́щи свобожде́нїе."
|
||||
},
|
||||
{
|
||||
"type": "TEXT",
|
||||
"value": "Чⷭ҇таѧ препросла́вленнаѧ мт҃и бж҃їѧ, пою́щыѧ тѧ̀ любо́вїю сп҃сѝ, и҆ и҆скꙋше́нїй молвꙋ̀ разорѧ́ющи млⷭ҇тивнѡ: ꙗ҆́кѡ бг҃а бо ро́ждши дв҃о, всѧ̑ є҆ли́кѡ хо́щеши твори́ти мо́жеши, и҆ подае́ши млⷭ҇ть невозбра́ннѡ. Тѣ́мже тѧ̀ всѝ велича́емъ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀, и҆ свѣти́ленъ, и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Мѡѷсе́евъ же́злъ проѡбража́ше чⷭ҇тны́й крⷭ҇тъ тво́й, сп҃се на́шъ: тѣ́мъ бо сп҃са́еши, ꙗ҆́кѡ и҆з̾ глꙋбины̀ морскі́ѧ, лю́ди твоѧ̑ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Є҆́же дре́вле во є҆де́мѣ въ раѝ, дре́во снѣ́дное прозѧбло̀ є҆́сть посредѣ̀ садѡ́въ: цр҃ковь же твоѧ̀ хрⷭ҇тѐ, крⷭ҇тъ тво́й процвѣтѐ, и҆сточа́ющь всемꙋ̀ мі́рꙋ жи́знь. Но ѻ҆́но ᲂу҆́бѡ ᲂу҆мертвѝ снѣ́дїю ꙗ҆́дшаго а҆да́ма: сїе́ же жи́ва сотворѝ, вѣ́рою сп҃сшасѧ разбо́йника. Є҆го́же сп҃се́нїѧ прича́стники и҆ на́съ ꙗ҆вѝ хрⷭ҇тѐ бж҃е, и҆́же стрⷭ҇тїю твое́ю разрꙋши́вый, ꙗ҆̀же на ны̀ кѡ́зни вра̑жїѧ, и҆ сподо́би на́съ црⷭ҇твїѧ твоегѡ̀ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Что̀ ва́съ нарече́мъ ст҃і́и; херꙋві́мы ли; ꙗ҆́кѡ на ва́съ почи́лъ є҆́сть хрⷭ҇то́съ. Серафі́мы ли; ꙗ҆́кѡ непреста́ннѡ просла́висте є҆го̀. А҆́гг҃лы ли; тѣ́ла бо ѿврати́стесѧ. Си̑лы ли; дѣ́йствꙋете бо чꙋдесы̀. Мнѡ́гаѧ ва̑ша и҆мена̀, и҆ бѡ́льшаѧ дарова̑нїѧ. Моли́те сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Не терплю̀ ча́до, ви́дѧщи тѧ̀ на дре́вѣ ᲂу҆снꙋ́вша, бо́дрость всѣ̑мъ подаю́щаго, ꙗ҆́кѡ да и҆̀же дре́вле престꙋпле́нїѧ плодо́мъ, сно́мъ поги́бельнымъ ᲂу҆снꙋ́вшымъ, бж҃е́ственнꙋю и҆ сп҃си́тельнꙋю бо́дрость пода́си: дв҃а глаго́лаше пла́чꙋщисѧ, ю҆́же велича́емъ."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, є҆ктенїа̀, и҆ ча́съ пе́рвый, ѱалмы̀ ѻ҆бы̑чныѧ, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ пѧто́къ бл҃жє́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Помѧнѝ на́съ хрⷭ҇тѐ сп҃се мі́ра, ꙗ҆́коже разбо́йника помѧнꙋ́лъ є҆сѝ на дре́вѣ: и҆ сподо́би всѣ́хъ, є҆ди́не ще́дре, нбⷭ҇номꙋ црⷭ҇твїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Распросте́рлъ є҆сѝ хрⷭ҇тѐ дла̑ни на дре́вѣ, и҆ лꙋка̑ваѧ нача̑ла и҆ вла̑сти ѡ҆бличи́въ, сп҃слъ є҆сѝ ѿ тѣ́хъ вре́да бл҃гоче́стнѡ славосло́вѧщыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Копїе́мъ прободе́сѧ ви́сѧ на дре́вѣ, и҆сточи́лъ є҆сѝ на́мъ пото́ки безсме́ртїѧ, ᲂу҆мерщвлє́нымъ без̾ ᲂу҆ма̀ престꙋпле́нїемъ: тѣ́мже со стра́хомъ сла́вимъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Стра́нни земны́хъ ꙗ҆влѧ́емыхъ сла́дкихъ введе́нїѧ, стра̑ннымъ себѐ и҆зда́ша мꙋ́камъ страда́льцы, ᲂу҆ѧзвлѧ́юще ѿстꙋ́пника свои́ми ст҃ы́ми ꙗ҆́звами."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆́же ѿ безнача́льныѧ трⷪ҇цы є҆ди́нъ сы́й, стрⷭ҇ть на крⷭ҇тѣ̀ претерпѣ́лъ є҆сѝ во́лею: страсте́й мои́хъ и҆зсꙋшѝ всѧ̑ пото́ки, и҆ сп҃се́нїѧ сподо́би мѧ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Є҆мманꙋ́ила а҆́гнца бж҃їѧ и҆ сло́ва, ви́дѧщи пло́тїю ви́сѧща на дре́вѣ, а҆́гница є҆ди́на нескве́рнаѧ и҆ дв҃а, печа́лїю ѡ҆держи́ма бѧ́ше слезѧ́щи."
|
||||
}
|
||||
]
|
||||
@@ -0,0 +1,886 @@
|
||||
[
|
||||
{
|
||||
"type": "HEADER",
|
||||
"value": "Гла́съ и҃. Понедѣ́льникъ"
|
||||
},
|
||||
{
|
||||
"type": "HEADER",
|
||||
"value": "Въ недѣ́лю ве́чера, на Гдⷭ҇и воззва́хъ, стїхи̑ры покаѧ́нны, гла́съ и҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гдⷭ҇и, а҆́ще и҆ сꙋди́лище:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, прише́дый въ мі́ръ грѣ́шники призва́ти, и҆ разбо́йники, и҆ мытарѧ̀, и҆ блꙋдни́цꙋ, и҆ блꙋ́днаго прїе́мый: па́че всѣ́хъ менѐ согрѣши́вшаго тебѣ̀, хрⷭ҇тѐ мо́й, и҆ ника́коже ктомꙋ̀ ка́ющасѧ, чл҃вѣколю́бчѣ призовѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, и҆́же ѿ мытаре́й па́стыри цр҃кви твое́й поставле́й, и҆ и҆́же то́й пре́жде гони́телѧ, ны́нѣ застꙋ́пника содѣ́лавъ: и҆ менѐ тѣ́хъ мл҃твами твоѐ ѻ҆вча̀ покажѝ, сп҃се, и҆ да не въ снѣ́дь чꙋжде́мꙋ непотре́бный бꙋ́дꙋ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Пла́чи ѻ҆каѧ́ннаѧ дꙋшѐ, пре́жде конца̀, и҆ бг҃ꙋ прилѣпи́сѧ, зовꙋ́щи є҆мꙋ̀ ѿ се́рдца и҆ стена́ньми, ѽ всескве́рнаѧ, согрѣши́хъ тѝ хрⷭ҇тѐ, не гнꙋша́йсѧ менѐ, молю́сѧ, но ѡ҆брати́въ мѧ̀ ꙗ҆́кѡ млⷭ҇тивъ, и҆ проще́нїѧ сподо́би."
|
||||
},
|
||||
{
|
||||
"type": "HEADER",
|
||||
"value": "Та́же мине́и стїхи̑ры ст҃о́мꙋ, а҆́ще и҆́мать. А҆́ще нѣ́сть мине́и, и҆́ны стїхи̑ры, безплѡ́тнымъ ст҃ы̑мъ а҆́гг҃лѡмъ, подо́бенъ то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, безпло́тныхъ собо́ри непреста́ннѡ сла́вѧтъ тѧ̀, твоеѧ̀ наслажда́ющесѧ красоты̀, и҆ неизрече́нною добро́тою, и҆ трисо́лнечными лꙋча́ми бога́тнѡ ѡ҆зарѧ́еми: и҆́хже мл҃твами и҆ предста́тельствомъ, сп҃се, сп҃сѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, всесли̑чныѧ ли́ки а҆́гг҃льскїѧ, ты̀ поста́вилъ є҆сѝ всеси́льнымъ твои́мъ сло́вомъ, и҆ прест҃ы́мъ твои́мъ дх҃омъ, неѿпа́дающими зарѧ́ми сїѧ́нїе дарова́въ. И҆́хже мольба́ми и҆ предста́тельствы, сп҃се, сп҃сѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, серафі́ми воспѣва́ютъ тѧ̀, и҆ вла̑сти, и҆ а҆́гг҃ли, нача̑ла, гдⷭ҇ьствїѧ, прⷭ҇то́ли и҆ си̑лы, и҆ а҆рха́гг҃ли, и҆ херꙋві́ми стра́шнїи хвале́нїе тебѣ̀ прино́сѧтъ: и҆́хже мольба́ми и҆ предста́тельствы, сп҃се, сп҃сѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Всегда̀ творца̀ а҆́зъ тва́рь ѡ҆скорблѧ́ю и҆ прогнѣвлѧ́ю, да́ждь мѝ и҆справле́нїе, ѻ҆трокови́це, пре́жде того̀ премѣни́вши, и҆ по́мощїю твое́ю къ дѣлѡ́мъ ᲂу҆гѡ́днымъ возста́ви, ꙗ҆́кѡ да ᲂу҆лꙋчꙋ̀ сп҃се́нїе и҆ ѡ҆ставле́нїе."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ:"
|
||||
},
|
||||
{
|
||||
"type": "TEXT",
|
||||
"value": "Сподо́би гдⷭ҇и, въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры покаѧ́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Тебѐ цр҃ѧ̀ и҆ влⷣкꙋ, а҆́гг҃ли непреста́ннѡ воспѣва́ютъ, а҆́зъ же тѝ припа́даю, ꙗ҆́кѡ мыта́рь зовы́й: бж҃е, ѡ҆чи́сти мѧ̀, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Безсме́ртна сꙋ́щи дꙋшѐ моѧ̀, волна́ми жите́йскими не покрыва́йсѧ, но возни́кни вопїю́щи къ своемꙋ̀ бл҃года́телю: бж҃е, ѡ҆чи́сти мѧ̀, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нцы гдⷭ҇ни, всѧ́ко мѣ́сто ѡ҆свѧща́ете, и҆ всѧ́къ недꙋ́гъ ᲂу҆врачꙋ́ете: и҆ ны́нѣ моли́тесѧ, и҆зба́витисѧ ѿ сѣ́тей вра́жїихъ дꙋша́мъ на́шымъ, мо́лимъ вы̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: А҆рха́гг҃ла гаврїи́ла гла́съ воспрїи́мше, рце́мъ: ра́дꙋйсѧ мт҃и бж҃їѧ, ꙗ҆́же жизнода́вца хрⷭ҇та̀ мі́рꙋ ро́ждши."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, є҆ктенїа̀, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ недѣ́лю на повече́рїи, канѡ́нъ прест҃ѣ́й бцⷣѣ. Гла́съ и҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѡбра́знѡ порази́въ и҆ раздѣли́въ мо́ре: і҆и҃лѧ же бѣглеца̀, пѣшехо́дца сп҃сѐ, пѣ́снь бг҃ови воспѣва́юща."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Прест҃а́ѧ бцⷣе, сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "Пресла̑внаѧ ѡ҆ тебѣ̀ возглаго́лашасѧ, пречⷭ҇таѧ, вѣ́рныхъ сла́ва є҆ди́на бы́вша. Тѣ́мже бꙋ́дꙋщїѧ сла́вы прича́стника мѧ̀ покажѝ твои́ми мл҃твами, сла́вѧщаго тѧ̀, прест҃а́ѧ дв҃о всепѣ́таѧ."
|
||||
},
|
||||
{
|
||||
"type": "TEXT",
|
||||
"value": "Бл҃гослове́нъ пло́дъ, пречⷭ҇таѧ, чре́ва твоегѡ̀, и҆́мже земні́и всѝ клѧ́твы и҆зба́вихомсѧ, бл҃гослове́ннаѧ всечⷭ҇таѧ. Ѽ несказа́ннагѡ чꙋдесѐ, недоꙋмѣ́ннагѡ слы́шанїѧ, всѣ́хъ же вѣ́рныхъ сп҃се́нїѧ!"
|
||||
},
|
||||
{
|
||||
"type": "TEXT",
|
||||
"value": "Сла́ва: А҆́гг҃лъ мо́литъ тѧ̀, гдⷭ҇и, мно́жество всегда̀: ᲂу҆ч҃нкъ собо́ръ, и҆ прⷪ҇рѡ́къ, сослѡ́вїѧ мч҃нкъ, и҆ прпⷣбныхъ твои́хъ: бцⷣы ра́ди грѣхѡ́въ проще́нїе да́рꙋй на́мъ, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Тебѐ пречⷭ҇тꙋю, ю҆́же въ ложесна́хъ прїе́мшꙋю ѻ҆́гнь нестерпи́мый, молю̀ вѣ́рою: гее́нны ѻ҆гнѧ̀ и҆зба́вити мѧ̀ и҆ и҆схити́ти, и҆ вѣ́чнꙋющагѡ мꙋче́нїѧ свободи́ти твои́ми бл҃гопрїѧ́тными мл҃твами."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нбⷭ҇нагѡ крꙋ́га верхотво́рче гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Чи́стагѡ житїѧ̀ ѿпа́дъ пречⷭ҇таѧ, приложи́хсѧ скотѡ́мъ, и҆ ѡ҆сꙋжде́нъ ве́сь бы́хъ: ꙗ҆́же сꙋдїю̀ ро́ждшаѧ, всѧ́кагѡ ѡ҆сꙋжде́нїѧ и҆зба́ви, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Стена̑нїѧ чⷭ҇таѧ, и҆ дꙋше́внꙋю сле́зꙋ, и҆ при́сное мѝ ᲂу҆миле́нїе пода́ждь ѻ҆трокови́це: ꙗ҆́кѡ да пла́чꙋ ѡ҆держа́щїѧ мѧ̀ стра́сти ѿ невнѧ́тїѧ, бг҃обл҃года́тнаѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Нбⷭ҇нїи чи́нове, слꙋже́бнїи дꙋ́си, собо́ръ прⷪ҇рѡ́къ и҆ а҆пⷭ҇лъ, и҆ мч҃нкъ твои́хъ мо́лѧтъ тѧ̀ непреста́ннѡ ще́дре: лю́демъ твои̑мъ да́рꙋй прегрѣше́нїй ѡ҆ставле́нїе."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Млⷭ҇рдїѧ мѧ̀ бж҃е́ственнагѡ, ꙗ҆́кѡ млⷭ҇тива пречⷭ҇таѧ, ны́нѣ сподо́бити ᲂу҆молѝ млⷭ҇рдаго: нра́вы бо немлⷭ҇тивы немлⷭ҇рднѡ стѧжа́въ, вѣ́чномꙋ ѻ҆гню̀ досто́инъ бы́хъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ моѧ̀ крѣ́пость гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Лꙋка́вое грѣхѡ́въ мои́хъ рꙋкописа́нїе раздерѝ пречⷭ҇таѧ, бж҃е́ственнымъ копїе́мъ, пробо́дшимъ бж҃е́ствєннаѧ ре́бра, вочл҃вѣ́читисѧ и҆з̾ тебѐ восхотѣ́вшагѡ: и҆ молѝ сего̀, въ кни́зѣ мѧ̀ сп҃се́нныхъ написа́ти, безꙋ́мнѡ ѿ негѡ̀ ᲂу҆дали́вшагосѧ."
|
||||
},
|
||||
{
|
||||
"type": "TEXT",
|
||||
"value": "Да гла́сы бл҃года́рственными сла́влю тѧ̀, да любо́вїю бж҃е́ственною велича́ю тѧ̀, пренепоро́чнаѧ: є҆́же вели́кимъ твои́мъ ржⷭ҇тво́мъ, всѧ̑ ᲂу҆дали́вшыѧсѧ возвели́чивши, вельмѝ ᲂу҆дали́вшагосѧ и҆ лю́тѣ па́дшаго мѧ̀, проще́нїѧ бж҃е́ственнагѡ сподо́би."
|
||||
},
|
||||
{
|
||||
"type": "TEXT",
|
||||
"value": "Сла́ва: Зако́ны въ тебѣ̀ и҆спраздни́шасѧ є҆стества̀, па́че бо є҆стества̀ бг҃а сло́ва родила̀ є҆сѝ. Тѣ́мже тѧ̀ вѣ́рою молю̀, пренепоро́чнаѧ: па́че є҆стества̀ человѣ́ческагѡ мно́гѡ согрѣ́шша, и҆ бг҃а ᲂу҆да́льшасѧ, ѡ҆бра́щшагосѧ сп҃сѝ мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Вра́гъ ᲂу҆́бѡ грѣхо́вными стрѣла́ми дꙋ́шꙋ мою̀ всю̀ ᲂу҆ѧзвѝ, и҆ ѡ҆сквернѝ сластьмѝ моѐ се́рдце, и҆ ѿ пꙋтѝ ѿведѐ пра́вагѡ. Сегѡ̀ ра́ди дв҃о, вопїю́ ти: ѡ҆брати́вши и҆сцѣлѝ и҆ сп҃си́ мѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
||||
},
|
||||
{
|
||||
"type": "TEXT",
|
||||
"value": "Ро́дове родѡ́въ тѧ̀, дв҃о, приснобл҃же́ннꙋю ны́нѣ бл҃жа́тъ, нбⷭ҇ныѧ си̑лы, ꙗ҆́кѡ дѡ́льнѧѧ съ вы́шними совокꙋ́пльшꙋю, восхвалѧ́ютъ є҆ди́нꙋ въ жена́хъ бл҃гослове́ннꙋю, па́дшагѡ а҆да́ма и҆справле́нїе."
|
||||
},
|
||||
{
|
||||
"type": "TEXT",
|
||||
"value": "Пребы́ти мѝ цѣ́лꙋ, и҆ непрело́жна стоѧ́нїѧ ᲂу҆лꙋ́чшꙋ, но бл҃гоше́ствꙋющꙋ же, и҆ бг҃ꙋ ᲂу҆гѡ́днаѧ дѣ́лающꙋ, бл҃га́ѧ молѝ, бл҃га́го ро́ждши сло́ва, на́съ безслове́сїѧ и҆зба́вльшаго."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆́же кро́вь свою̀ сло́ве, на крⷭ҇тѣ̀ пролїѧ́вый, за премно́гꙋю млⷭ҇ти бе́зднꙋ, страсте́й мои́хъ бе́зднꙋ и҆зсꙋшѝ: и҆ во ᲂу҆миле́нїи тебѣ̀ бг҃ꙋ ᲂу҆годи́ти, бцⷣы ра́ди сподо́би."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Мт҃и дв҃о ѻ҆трокови́це, ꙗ҆́же неѡб̾име́ннаго пло́тїю ро́ждшаѧ, а҆́гг҃лѡвъ сла́вꙋ, и҆ бѣсѡ́въ ꙗ҆́звꙋ, бг҃оневѣ́сто, моѐ се́рдце ᲂу҆ѧзви́вшеесѧ грѣхо́мъ, цѣльбы̀ бж҃е́ственныѧ сподо́би."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆чи́сти мѧ̀ сп҃се, мнѡ́га бо беззакѡ́нїѧ моѧ̑, и҆ и҆з̾ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е сп҃се́нїѧ моегѡ̀."
|
||||
},
|
||||
{
|
||||
"type": "TEXT",
|
||||
"value": "Поми́ловасѧ тобо́ю є҆стество̀ человѣ́ческое, млⷭ҇тиваѧ влⷣчце: млⷭ҇тиваго бо родила̀ є҆сѝ пречⷭ҇таѧ. Тѣ́мже молю́ тѧ, мою̀ дꙋ́шꙋ поми́лꙋй."
|
||||
},
|
||||
{
|
||||
"type": "TEXT",
|
||||
"value": "Безпло́тныхъ чи́нове мо́лѧтъ тѧ̀ хрⷭ҇тѐ, мч҃нкъ, прⷪ҇рѡ́къ, и҆ а҆пⷭ҇лъ твои́хъ: ро́ждшїѧ тѧ̀ ра́ди, лю́ди твоѧ̑ сп҃сѝ ѿ всѧ́кагѡ ѡ҆бстоѧ́нїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́же недѣ́ланнаѧ землѧ̀, дѣ́лателѧ ро́ждши, и҆ всѣ́хъ зижди́телѧ, ѡ҆лѧденѣ́вшꙋю дꙋ́шꙋ мою̀ страстьмѝ, плодоно́снꙋ покажѝ бж҃е́ственнымъ разꙋмѣ́нїемъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Престꙋпи́хъ за́пѡвѣди ꙗ҆̀же къ бг҃ꙋ ведꙋ́щыѧ мѧ̀, и҆ не хотѧ̀ порабо́тихсѧ лꙋка̑вымъ страсте́мъ: тѣ́мже молю́ тѧ приснодв҃о, и҆схити́ мѧ ѿ тѣ́хъ влады́чествїѧ."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ и҃."
|
||||
},
|
||||
{
|
||||
"type": "TEXT",
|
||||
"value": "Нбⷭ҇ное бл҃гоче́стїе си́ламъ, и҆ похва́льнꙋю высотꙋ̀ дꙋша́мъ на́шымъ, мт҃редв҃ꙋ ѻ҆трокови́цꙋ восхва́лимъ вѣ́рнїи: ра́дꙋйсѧ, ꙗ҆́же а҆́гг҃лѡмъ творца̀ во ᲂу҆тро́бѣ заче́нши, ра́дꙋйсѧ, па́дающихъ ѡ҆чище́нїе, бг҃а сло́ва вопло́щши. Ра́дꙋйсѧ, невѣ́сто неневѣ́стнаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃їѧ снизхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀. Сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще поѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Неизрече́ннымъ ржⷭ҇тво́мъ твои́мъ, стра́шныхъ и҆ неизглаго́ланныхъ веще́й на́съ сподо́била є҆сѝ бцⷣе: тѣ́мже мѧ̀ стра́шныѧ мꙋ́ки и҆зба́ви, и҆ неизрече́нныѧ мѧ̀ ра́дости и҆спо́лни, да пою́ тѧ при́снѡ многопѣ́тꙋю."
|
||||
},
|
||||
{
|
||||
"type": "TEXT",
|
||||
"value": "Въ лѣ́ности житїѐ моѐ и҆жди́въ, бы́хъ безпло́денъ, и҆ ᲂу҆жаса́юсѧ прѣ́нїѧ, и҆ гее́нны ѻ҆гнѧ̀ негаси́магѡ: ꙗ҆́же ѻ҆́гнь ро́ждшаѧ бцⷣе нестерпи́мый, приложѝ и҆зба́вити мѧ̀ моли́твами твои́ми."
|
||||
},
|
||||
{
|
||||
"type": "TEXT",
|
||||
"value": "Сла́ва: Чꙋде́съ превы́ше вели́кое чꙋ́до твоегѡ̀ ржⷭ҇тва̀, чⷭ҇таѧ дв҃о, сегѡ̀ ра́ди вопїю́ ти бг҃ороди́тельнице: твоѧ̑ млⷭ҇ти на мнѣ̀ ᲂу҆дивѝ, и҆ бꙋ́дꙋщагѡ гнѣ́ва и҆зба́ви, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Менѐ жи́вшаго въ лѣ́ности, и҆ презрѣ́вшаго ст҃ы̑ѧ зако́ны твоѧ̑, и҆ чⷭ҇тна̑ѧ твоѧ̑ хрⷭ҇тѐ повелѣ̑нїѧ, ᲂу҆ще́дри сп҃се, ро́ждшїѧ тѧ̀ ра́ди, ꙗ҆́кѡ бл҃года́тель бг҃ъ, и҆ многомлⷭ҇тивъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею сп҃се́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Оу҆мерщвле́нꙋю ѡ҆живѝ, па́дшꙋю возста́ви, ᲂу҆ѧ́звенꙋю дꙋ́шꙋ мою̀ и҆сцѣлѝ, ᲂу҆́мъ мо́й ᲂу҆мирѝ, и҆скꙋше́нїй во́лны ᲂу҆кротѝ дв҃о, и҆ вопїю́ща мѧ̀ сп҃сѝ: ѻ҆́троцы бл҃гослови́те, сщ҃е́ннїи воспо́йте, лю́дїе превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ разбо́йникъ взыва́ю тѝ, помѧни́ мѧ чл҃вѣколю́бче: пла́чꙋ ꙗ҆́кѡ блꙋдни́ца, и҆ вопїю̀: согрѣши́хъ ꙗ҆́коже дре́вле блꙋ́дный, ка́ющасѧ прїими́ мѧ ѿча́ѧннаго, бцⷣы ра́ди, да ᲂу҆се́рднѡ вопїю́ ти: сщ҃е́ннїи воспо́йте, лю́дїе превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Раболѣ́пнѡ вопїе́мъ тѝ бцⷣе всепѣ́таѧ: со безчи́сленными ᲂу҆́мными си́лами, прⷪ҇ро́ки и҆ прпⷣбными, и҆ а҆пⷭ҇лы же и҆ мч҃нки, сотворѝ мольбꙋ̀ за всѧ̑ человѣ́ки, бж҃е́ственнѣ пою́щыѧ: сщ҃е́ннїи воспо́йте, лю́дїе превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Чⷭ҇тнѣ́йши є҆сѝ бцⷣе всенепоро́чнаѧ, премі́рныхъ а҆́гг҃льскихъ чинѡ́въ: си́хъ бо родила̀ є҆сѝ созда́телѧ и҆ гдⷭ҇а, ѿ дв҃и́ческїѧ неискꙋсобра́чныѧ ᲂу҆тро́бы, во двꙋ́хъ сꙋщества́хъ, несмѣ́снѡ и҆ непрело́жнѡ, є҆ди́нꙋ ѵ҆поста́сь, бцⷣе воплоща́емꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆страши́сѧ всѧ́къ слꙋ́хъ неизрече́нна бж҃їѧ снизхожде́нїѧ, ꙗ҆́кѡ вы́шнїй во́лею сни́де да́же и҆ до пло́ти, ѿ дв҃и́ческагѡ чре́ва бы́въ человѣ́къ: тѣ́мже тѧ̀ пречⷭ҇тꙋю бцⷣꙋ вѣ́рнїи велича́емъ."
|
||||
},
|
||||
{
|
||||
"type": "TEXT",
|
||||
"value": "Ѽ бж҃е́ственный ѻ҆́дре соломѡ́новъ, є҆го́же ѡ҆крꙋжа́ютъ ны́нѣ си́льнїи шестьдесѧ́тъ, глаго́лы бж҃е́ственнагѡ писа́нїѧ, на не́мже бг҃ъ почѝ, тьма́ми мѧ̀ при́снѡ де́мѡны ѡ҆крꙋже́на, невре́дна сохранѝ си́лою твое́ю, чⷭ҇таѧ приснодв҃о."
|
||||
},
|
||||
{
|
||||
"type": "TEXT",
|
||||
"value": "И҆ска́пающаѧ бж҃е́ственнꙋю сла́дость, всѣ́хъ сла́дость ро́ждшаѧ, дꙋ́шꙋ мою̀ ᲂу҆сладѝ, ꙗ҆́домъ ѕмїи́нымъ ѡ҆горче́нꙋю, ѿчꙋжда́ющи мѧ̀ го́рькагѡ вре́да, всегда̀ хода́тайствомъ твои́мъ, предста́тельнице вѣ́рныхъ непосты́днаѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Сл҃нце сла́вы і҆и҃се, ѻ҆каѧ́ннꙋю мою̀ дꙋ́шꙋ просвѣтѝ, мольба́ми тебѐ ро́ждшїѧ чⷭ҇тыѧ бг҃оѻтрокови́цы: и҆ безпло́тныхъ слꙋ́гъ, чⷭ҇тны́хъ а҆пⷭ҇лъ твои́хъ, и҆ ст҃и́телей, и҆ прⷪ҇рѡ́къ, и҆ мч҃нкъ и҆збра́нныхъ, и҆ прпⷣбныхъ твои́хъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Страшꙋ́сѧ є҆ди́не цр҃ю̀, твоегѡ̀ втора́гѡ и҆ стра́шнагѡ прише́ствїѧ, ве́сь ѡ҆сꙋжде́нъ и҆ недоꙋмѣ́ненъ сы́й, гдⷭ҇и. Тѣ́мже пре́жде конца̀ вопїю́ ти: ро́ждшїѧ тѧ̀ ра́ди пощади́ мѧ, и҆ сп҃сѝ млⷭ҇тиве, бл҃гі́й чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йнѡ є҆́сть: И҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ про́чее ѻ҆бы́чное, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ ᲂу҆́тра, по а҃-мъ стїхосло́вїи сѣда́льны покаѧ́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ѻ҆́комъ бл҃гоꙋтро́бнымъ, гдⷭ҇и, ви́ждь моѐ смире́нїе, ꙗ҆́кѡ вма́лѣ жи́знь моѧ̑ скончава́етсѧ, и҆ ѿ дѣ́лъ нѣ́сть мнѣ̀ сп҃се́нїѧ. Сегѡ̀ ра́ди молю́сѧ: ѻ҆́комъ бл҃гоꙋтро́бнымъ, гдⷭ҇и, ви́ждь моѐ смире́нїе, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ сꙋдїѝ сꙋ́щꙋ, попецы́сѧ ѽ дꙋшѐ, и҆ стра́шнагѡ днѐ ча́съ помышлѧ́й: сꙋ́дъ бо без̾ млⷭ҇ти є҆́сть не сотво́ршымъ млⷭ҇ти. Тѣ́мже пре́жде конца̀ возопі́й: пощади́ мѧ сп҃се, є҆ди́нъ бо є҆сѝ безгрѣ́шенъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Повелѣ́нное та́йнѡ прїи́мъ въ ра́зꙋмѣ, въ кро́вѣ і҆ѡ́сифовѣ, тща́нїемъ предста̀ безпло́тный, глаго́лѧ неискꙋсобра́чнѣй: приклони́вый схожде́нїемъ нб҃са̀, вмѣща́етсѧ неизмѣ́ннѡ ве́сь въ тѧ̀. Є҆го́же и҆ ви́дѧ въ ложесна́хъ твои́хъ прїе́мша ра́бїй зра́къ, ᲂу҆жаса́юсѧ зва́ти тебѣ̀: ра́дꙋйсѧ, невѣ́сто неневѣ́стнаѧ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Де́нь ѻ҆́нъ стра́шный помышлѧ́ющи дꙋшѐ моѧ̀, побдѝ, вжига́ющи свѣщꙋ̀ твою̀, є҆ле́емъ просвѣща́ющи, не вѣ́си бо, когда̀ прїи́детъ къ тебѣ̀ гла́съ глаго́лющїй: сѐ жени́хъ. Блюдѝ ᲂу҆̀бо дꙋшѐ моѧ̀, да не воздре́млеши, и҆ пребꙋ́деши внѣ̀ толкꙋ́щи ꙗ҆́кѡ пѧ́ть дѣ́въ: но бо́дреннѡ пождѝ, да ᲂу҆срѧ́щеши хрⷭ҇та̀ є҆ле́емъ масти́тымъ, и҆ да́стъ тѝ черто́гъ бж҃е́ственный сла́вы своеѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ блꙋдни́ца припа́даю тѝ, да прїимꙋ̀ ѡ҆ставле́нїе, и҆ вмѣ́стѡ мѵ́ра сле́зы ѿ се́рдца приношꙋ́ ти: да ꙗ҆́кѡ ѻ҆́нꙋю ᲂу҆ще́дриши мѧ̀ сп҃се, и҆ пода́си мѝ ѡ҆чище́нїе грѣхѡ́въ. Ꙗ҆́кѡ ѻ҆́наѧ бо зовꙋ́ ти: и҆зба́ви мѧ̀ ѿ тимѣ́нїѧ дѣ́лъ мои́хъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѣ́томъ нбⷭ҇нымъ просвѣща́етсѧ дне́сь се́й хра́мъ: въ не́мъ бо вѡ́инства а҆́гг҃льскаѧ ра́дꙋютсѧ, съ ни́миже и҆ првⷣныхъ ли́цы веселѧ́тсѧ, въ па́мѧть стрⷭ҇тоте́рпєцъ. Тѣ́хъ мл҃твами низпослѝ мі́рꙋ твоемꙋ̀ ми́ръ хрⷭ҇тѐ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ра́дꙋйсѧ врата̀ цр҃ѧ̀ сла́вы ꙗ҆̀же вы́шнїй є҆ди́нъ про́йде, и҆ є҆ди́нꙋ запеча́танꙋ сохранѝ, во сп҃се́нїе дꙋ́шъ на́шихъ."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи, сѣда́льны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное:"
|
||||
},
|
||||
{
|
||||
"type": "TEXT",
|
||||
"value": "Доко́лѣ, дꙋшѐ моѧ̀, живе́ши въ нерадѣ́нїи; доко́лѣ во ᲂу҆ны́нїи скончава́еши; ѿ сна̀ ᲂу҆ны́нїѧ воста́ни ѻ҆каѧ́ннаѧ, во ᲂу҆́мъ прїе́мши дѣѧ̑нїѧ твоѧ̑: возстенѝ, и҆ првⷣнагѡ сꙋдїѝ вострепещѝ и҆зрече́нїѧ, что̀ ѿвѣща́ти и҆́маши въ ча́съ ѻ҆́нъ; и҆лѝ ка́кѡ ѡ҆жида́ющагѡ тѧ̀ и҆зба́вишисѧ ѡ҆пале́нїѧ, неиспра́влена пребыва́ющи; возопі́й пре́жде конца̀ къ сꙋдїѝ: прегрѣше́нїй да́ждь мѝ, сп҃се, ѡ҆ставле́нїе, ты́ бо є҆ди́нъ є҆сѝ долготерпѣли́въ."
|
||||
},
|
||||
{
|
||||
"type": "TEXT",
|
||||
"value": "Мытаре́во стена́нїе, и҆ блꙋдни́цы рыда́нїе дꙋшѐ, пре́жде конца̀ воспрїимѝ, вѣ́дꙋщемꙋ та̑йнаѧ дѣла̀ твоѧ̑, не преста́й рыда́нїемъ и҆сповѣ́дающисѧ и҆ пла́чемъ, посто́мъ и҆ бдѣ́нїемъ, и҆ мл҃твою вопїю́щи: согрѣши́хъ, ѡ҆чи́сти мѧ̀ сп҃се, мл҃твами а҆́гг҃лъ твои́хъ, ꙗ҆́кѡ ще́дръ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Бг҃ора́дованнаѧ, чⷭ҇таѧ бл҃гослове́ннаѧ, за млⷭ҇рдїе щедро́тъ и҆з̾ тебѐ ро́ждшагѡсѧ, съ вы́шними си́лами и҆ а҆рха́гг҃лы, и҆ со всѣ́ми безпло́тными, ѡ҆ на́съ молѝ непреста́ннѡ, да́ти на́мъ пре́жде конца̀ проще́нїе и҆ ѡ҆чище́нїе грѣхѡ́въ, и҆ житїѧ̀ и҆справле́нїе: ꙗ҆́кѡ да ѡ҆брѧ́щемъ млⷭ҇ть."
|
||||
},
|
||||
{
|
||||
"type": "HEADER",
|
||||
"value": "Канѡ́нъ покаѧ́ненъ ко гдⷭ҇ꙋ на́шемꙋ і҆и҃сꙋ хрⷭ҇тꙋ̀, и҆ ст҃ы̑мъ є҆гѡ̀ мч҃нкѡмъ. Творе́нїе і҆ѡ́сифово. Гла́съ и҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
||||
},
|
||||
{
|
||||
"type": "TEXT",
|
||||
"value": "И҆зба́ви мѧ̀ гее́нны, ю҆́же себѣ̀ дѣ́лы безмѣ́стными и҆схода́таихъ, и҆зба́вителю: и҆ твоеѧ̀ любвѐ возжзи́ ми въ помышле́нїи ѻ҆́гнь бж҃е́ственный."
|
||||
},
|
||||
{
|
||||
"type": "TEXT",
|
||||
"value": "Подклони́хсѧ страсте́мъ и҆ ѡ҆мрачи́хсѧ, и҆ безслове́сенъ ꙗ҆ви́хсѧ, сло́вомъ почте́нъ бы́въ: гдⷭ҇и, возникнове́нїе да́ждь дꙋшѝ мое́й, и҆ и҆́миже вѣ́си сꙋдьба́ми, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Дрꙋчи́мо тѣ́ло бїе́ньми, ꙗ҆влѧ́ше нра́ва пра́вое же и҆ непрекло́нное, и҆ є҆́же къ зижди́телю любо́вь, вѣнцено́сцы всехва́льнїи мч҃нцы."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крове́й поте́кшѧ рѣ́ки тѣле́съ ст҃ы́хъ, сла́вныхъ твои́хъ страда́лєцъ, і҆дѡлобѣ́сїѧ те́рнїе твое́ю си́лою ще́дре подави́ша."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆сцѣлѝ чⷭ҇таѧ, недꙋ́гꙋюща мѧ̀ лю́тѣ смертоно́снымъ грѣхо́мъ, плотски́хъ и҆ дꙋше́вныхъ страсте́й, ꙗ҆́кѡ да вѣ́рою при́снѡ ᲂу҆бл҃жа́ю тѧ̀."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ безплѡ́тнымъ ст҃ы̑мъ а҆́гг҃лѡмъ. Творе́нїе кѵ́ръ ѳеофа́на. Гла́съ и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ст҃ы́хъ а҆́гг҃лъ ꙗ҆́кѡ началово́дцы, и҆ бг҃овидѣ́нїѧ наслажда́ющесѧ свѣ́тлостнѡ, бл҃года́вца и҆ сп҃са ѡ҆ на́съ моли́те а҆рха́гг҃ли. Два́жды."
|
||||
},
|
||||
{
|
||||
"type": "TEXT",
|
||||
"value": "Нꙋ́ждными ѡ҆держи́ми напа́стьми, къ ва́мъ ꙗ҆́кѡ предста́телємъ ны́нѣ прибѣга́емъ вѣ́рнїи, а҆рха́гг҃ли бж҃е́ственнїи, влⷣкꙋ ны́нѣ ѡ҆ на́съ прилѣ́жнѡ ᲂу҆моли́те."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Бꙋ́ди мѝ дв҃о, прибѣ́жище, приста́нище же и҆ стѣна̀ и҆ предста́тельница, ꙗ҆́же бг҃а пло́тїю ро́ждши бг҃ома́ти, и҆зба́вителѧ всеще́драго."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нбⷭ҇нагѡ крꙋ́га верхотво́рче гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Кото́рыми ᲂу҆зрю́ тѧ тогда̀, хрⷭ҇тѐ сп҃се, ѻ҆чи́ма, ниеди́нꙋ на землѝ за́повѣдь твою̀ сотвори́въ; ка́кѡ нестерпи́момꙋ твоемꙋ̀ предста́нꙋ прⷭ҇то́лꙋ, безмѣ́рныхъ мѝ ѕѡ́лъ творѧ́щꙋ ѿвѣ́тъ;"
|
||||
},
|
||||
{
|
||||
"type": "TEXT",
|
||||
"value": "Просте́ръ рꙋ́цѣ твои́хъ щедро́тъ, прїими́ мѧ ꙗ҆́коже пре́жде блꙋ́днаго, подо́бными ѡ҆́бразы порабо́тившагосѧ безчє́стнымъ страсте́мъ, и҆ ѿ тебѐ ᲂу҆дали́вшасѧ, і҆и҃се чл҃вѣколю́бче пребл҃гі́й."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆тверди́вшесѧ на ка́мени бж҃їѧгѡ ра́зꙋма, мч҃нцы хрⷭ҇тѡ́вы стрⷭ҇тоте́рпцы, ѻ҆рꙋ́жїемъ вѣ́ры и҆скорени́сте неразꙋ́мїѧ те́рнїе, и҆ плоды̀ страда́нїѧ воздѣ́ласте."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Непоколеби́мїи столпѝ, и҆́стинныѧ вѣ́ры пресвѣ̑тлаѧ цр҃кѡ́внаѧ ᲂу҆добрє́нїѧ, сщ҃є́ннѣйшаѧ ѻ҆вча́та хрⷭ҇тѡ́ва, во́лею заколє́наѧ, мч҃нцы да похва́лѧтсѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тебѐ храни́тельницꙋ прест҃а́ѧ, въ напа́стехъ стѧжа́хъ: тебѐ по бз҃ѣ мою̀ предста́тельницꙋ и҆́мамъ неꙋсы́пнꙋ: тебѐ да ѡ҆брѧ́щꙋ пречⷭ҇таѧ, и҆збавлѧ́ющꙋю мѧ̀ въ де́нь сꙋда̀ всѧ́кагѡ ѡ҆сꙋжде́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Дармѝ многоѡбра́зными а҆́гг҃льскагѡ чи́на, ꙗ҆́кѡ чинонача́льницы ꙗ҆влѧ́еми а҆рхїстрати́зи, ᲂу҆краша́еми. Хрⷭ҇тѡ́вы цр҃кви тве́рдѡ сохранѧ́йте предста́тельствы ва́шими. Два́жды."
|
||||
},
|
||||
{
|
||||
"type": "TEXT",
|
||||
"value": "Ѻ҆рꙋ́жїемъ бл҃говоле́нїѧ, вѣ́рныхъ и҆сполнє́нїѧ, правосла́вїѧ добро́тами ны́нѣ вѣнчава́еми, ѿ напа́стей ꙗ҆́кѡ бл҃госла́внїи предста́телїе бж҃їи и҆зба́вите, бж҃е́ственнїи а҆рха́гг҃ли."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Жи́зни нетлѣ́нныѧ бж҃е́ственнаѧ сѣ́нь была̀ є҆сѝ, є҆ди́на ѿ вѣ́къ ꙗ҆́вльшисѧ дв҃о мт҃и чⷭ҇таѧ. Тѣ́мже всепѣ́таѧ, сꙋ́щаго мѧ̀ въ сѣ́ни сме́ртнѣй, къ животꙋ̀ наста́ви ны́нѣ мл҃твами твои́ми."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆з̾ горы̀ прїѡсѣне́нныѧ сло́ве, прⷪ҇ро́къ, є҆ди́ныѧ бцⷣы, хотѧ́ща воплоти́тисѧ, бг҃ови́днѡ ᲂу҆смотрѝ. И҆ со стра́хомъ славосло́вѧше си́лꙋ твою̀."
|
||||
},
|
||||
{
|
||||
"type": "TEXT",
|
||||
"value": "Вели́къ по́двигъ дꙋшѝ разлꙋча́ющейсѧ, тре́петъ стра́шенъ, сꙋдїѝ сѣдѧ́щꙋ. И҆ сꙋди̑мымъ человѣ́кѡмъ согрѣши́вшымъ: ᲂу҆вы̀ мнѣ̀, что̀ сотворю̀ ѡ҆сꙋжде́ный;"
|
||||
},
|
||||
{
|
||||
"type": "TEXT",
|
||||
"value": "И҆мѣ́ѧ се́рдце сквє́рнъ и҆спо́лнено, и҆ грѣхѡ́въ неꙋдо́бь носи̑маѧ бремена̀, и҆ къ щедро́тамъ твои̑мъ притека́ю влⷣко: не пре́зри менѐ, но ᲂу҆ще́дри мѧ̀, молю́сѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Честна̀ ва́ша сме́рть показа́сѧ пред̾ бг҃омъ, до́блїи стрⷭ҇тоте́рпцы: не бо̀ ѿверго́стесѧ тогѡ̀, болѣ́зней тма́ми и҆ ра́нами ѡ҆крꙋжа́еми."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆ра́ненъ бы́сть вра́гъ ра́ною мч҃нкъ, падѐ є҆гѡ̀ бро́вь возвыша́емаѧ: и҆ велича́етсѧ тѣ́хъ вѣнцеда́тель, пѣ́сньми бж҃е́ственными прославлѧ́емь."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Тебѐ чⷭ҇тое прїѧ́телище влⷣки бг҃ороди́тельнице, вѣ́рою молю̀: ѡ҆чи́сти мѧ̀ ѿ всѧ́кїѧ скве́рны, и҆ до́мъ покажѝ вседѣ́тельнагѡ и҆ бж҃е́ственнагѡ дх҃а."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, смотре́нїѧ твоегѡ̀ та́инство: разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Дво́ице пе́рвенствꙋющаѧ а҆рха́гг҃льскомꙋ ны́нѣ собра́нїю, притека́ющыѧ къ покро́вꙋ ва́шемꙋ, ѿ всѧ́кїѧ бѣды̀ сп҃са́йте. Два́жды."
|
||||
},
|
||||
{
|
||||
"type": "TEXT",
|
||||
"value": "Зри́телїе свѣ́тлости бг҃онача́льнаѧ, и҆ бл҃годаѧ́нїѧ а҆рхїстрати́зи всесла́внїи, ны́нѣ ста́до ва́ше просвѣща́йте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сщ҃е́ннѡ тѧ̀ сла́вѧтъ безпло́тныхъ бж҃е́ствєннаѧ вѡ́инства, бг҃ома́ти всенепоро́чнаѧ: зижди́телѧ бо и҆́хъ родила̀ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣтѝ на́съ повелѣ́нїи твои́ми гдⷭ҇и, и҆ мы́шцею твое́ю высо́кою, тво́й ми́ръ пода́ждь на́мъ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Нра́вомъ лꙋка́вымъ преѡгорчи́хъ тѧ̀ гдⷭ҇и, дѣ́лаѧй безмѣ̑стнаѧ: но ᲂу҆ще́дри мѧ̀ ѡ҆браща́ющагосѧ, и҆ сп҃сѝ."
|
||||
},
|
||||
{
|
||||
"type": "TEXT",
|
||||
"value": "И҆мѣ́ѧй по́мыслъ ѿ ѕлы́хъ невозница́ющъ, не чꙋ́вствꙋю несмы́сленный, недоꙋмѣ́нїе моѐ і҆и҃се разрѣшѝ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Положѝ ва́съ бж҃е́ственнїи мч҃нцы свѣтода́тель, ꙗ҆́коже ка́мєнїѧ сїѧ̑ющаѧ бг҃оразꙋ́мїемъ, и҆ пре́лести тьмꙋ̀ разорѧ̑ющаѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Зако́нѡмъ лꙋка̑вымъ зако́ны бж҃е́ствєнныѧ сопротивоположи́сте, и҆ бг҃а проповѣ́дающе, ᲂу҆мертви́тисѧ є҆гѡ̀ ра́ди ᲂу҆се́дрнѡ под̾ѧ́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆мертвѝ чⷭ҇таѧ, пло́ти моеѧ̀ двиза̑нїѧ, ᲂу҆мертви́вшаѧ ржⷭ҇тво́мъ твои́мъ ѻ҆трокови́це, живꙋ́щїй грѣ́хъ пра́ѻтца."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ѻ҆́крестъ бг҃а предстоѧ́ще а҆рхїстрати́зи, и҆ ѿтꙋ́дꙋ и҆стека́ющими зарѧ́ми просвѣща́еми, ста́до ва́ше сохрани́те. Два́жды."
|
||||
},
|
||||
{
|
||||
"type": "TEXT",
|
||||
"value": "И҆збавле́нїе на́мъ дарова́ти, моли́тесѧ влⷣцѣ и҆ бг҃ꙋ на́шемꙋ, ꙗ҆́кѡ предста́телїе всѣ́хъ и҆збавле́нїѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мѵ́ро та́йное и҆менꙋ́емъ тѧ̀ всечⷭ҇таѧ сꙋ́щее, ро́ждшꙋю бг҃а пло́тїю, бл҃гоꙋха́нїѧ точа́щаго дарова̑нїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: І҆ѡ́нꙋ въ ки́тѣ гдⷭ҇и є҆ди́наго всели́лъ є҆сѝ, мене́ же свѧ́заннаго мре́жами вра́жїими, ꙗ҆́кѡ ѿ тлѝ ѻ҆́наго сп҃сѝ."
|
||||
},
|
||||
{
|
||||
"type": "TEXT",
|
||||
"value": "Со́лнечный свѣ́тъ покаѧ́нїѧ возсїѧ́й мѝ, хрⷭ҇тѐ свѣтода́телю, сꙋ́щемꙋ во тьмѣ̀ прегрѣше́нїй, да пою̀ твою̀ бл҃госты́ню."
|
||||
},
|
||||
{
|
||||
"type": "TEXT",
|
||||
"value": "Твоегѡ̀ стра́шнагѡ сꙋди́ща трепе́щꙋ всегда̀, ѕлы́хъ же не ѿстꙋпа́ю, рабо́таѧ ѕло́мꙋ ѻ҆бы́чаю: и҆спра́ви мѧ̀ хрⷭ҇тѐ, да пою̀ твою̀ бл҃госты́ню."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ли́цы чⷭ҇тны́хъ мч҃нкъ пострада́ша, и҆ полкѝ побѣди́ша бѣсѡ́вскїѧ, и҆ ликѡ́мъ а҆́гг҃льскимъ совокꙋпи́шасѧ въ ра́дости: тѣ́хъ мл҃твами гдⷭ҇и, сп҃сѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Крѣ́постїю твое́ю си́льны показа́лъ є҆сѝ мч҃нки твоѧ̑ гдⷭ҇и, и҆ всю̀ си́лꙋ низложи́ша ве́тхагѡ запина́телѧ: тѣ́хъ мл҃твами, гдⷭ҇и сп҃сѝ дꙋ́шы на́шѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Да гла́сы бл҃года́рственнѣ всегда̀ сла́влю тѧ̀ всенепоро́чнаѧ, дꙋшѝ моеѧ̀ ѿженѝ тьмꙋ̀, и҆ покаѧ́нїѧ свѣ́томъ разрѣшѝ мѝ мра̑чнаѧ согрѣшє́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мл҃твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑: ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ: и҆ молю́сѧ ꙗ҆́кѡ і҆ѡ́на: ѿ тлѝ бж҃е возведи́ мѧ."
|
||||
},
|
||||
{
|
||||
"type": "TEXT",
|
||||
"value": "Ны́нѣ прⷭ҇то́лꙋ стра́шномꙋ предстоѧ́ти неꙋкло́ннѡ сподо́бившесѧ бг҃ови́дцы, и҆ ѡ҆заре́нїи ст҃ы́ѧ трⷪ҇цы насыща́етесѧ: къ ва́мъ прибѣга́ющымъ ѿ напа́стей и҆ страсте́й моли́те и҆зба́витисѧ, а҆рха́гг҃ли. Два́жды."
|
||||
},
|
||||
{
|
||||
"type": "TEXT",
|
||||
"value": "Стра́нствїѧ влⷣчнѧгѡ моли́тесѧ ва́съ пѣ́сненнѡ воспѣва́ющымъ полꙋчи́ти, и҆ ра́дости присносꙋ́щныѧ сподо́битисѧ, и҆ бж҃е́ственныѧ свѣ́тлости, а҆рха́гг҃ли бг҃ови́днїи, гаврїи́ле и҆ мїхаи́ле всесла́внїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ѡ҆дꙋшевле́нный влⷣчнїй черто́гъ, и҆́же свѣ́тлыми лꙋча́ми дв҃ства свѣтови́днѣ, ꙗ҆́коже крі́нъ сїѧ́ющїй посредѣ̀ терно́внагѡ мѧте́жа, пречⷭ҇таѧ и҆ бл҃голѣ́пнаѧ бцⷣа дв҃а да сла́витсѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ і҆ꙋде́и доше́дше ѻ҆́троцы, въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша пою́ще: ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Воздыха́нїе мѝ да́ждь хрⷭ҇тѐ, ꙗ҆́коже и҆ногда̀ мытарю̀, и҆ ꙗ҆́коже блꙋдни́цѣ, слеза́ми ѿмы́въ гноє́нїѧ ѕѡ́лъ мои́хъ, и҆ вопїю́ща мѧ̀ ᲂу҆ще́дри: ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Въ разбо́йники дꙋшегꙋби́тєльныѧ сп҃се впа́дшаго, и҆ ᲂу҆ѧ́звленнаго лю́тѣ, и҆сцѣлѝ є҆ле́емъ и҆́скреннѧгѡ покаѧ́нїѧ, и҆ ᲂу҆милѝ пѣ́ти тебѣ̀: ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆мертви́стесѧ мі́рꙋ, и҆ ме́ртва бы́вша живоно́снагѡ хрⷭ҇та̀, ника́коже ѿверго́стесѧ до́блественнїи стрⷭ҇тоно́сцы, страда́льчествꙋюще и҆ пою́ще: ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Є҆ди́но є҆стество̀ трⷪ҇цы, въ трїе́хъ ѵ҆поста́сѣхъ и҆сповѣ́дающе мꙋ́дрїи, многобо́жнꙋю пре́лесть і҆́дѡльскꙋю стрⷭ҇тоте́рпцы разрꙋши́сте, пою́ще: ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆́же бж҃їе бг҃ъ сло́во, во ᲂу҆тро́бꙋ твою̀ все́льсѧ, дв҃о мт҃и чⷭ҇таѧ, всѣ̑мъ застꙋ́пницꙋ ѡ҆би̑димымъ ꙗ҆влѧ́етъ тѧ̀, вопїю́щымъ: ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Многоразли́чнꙋю бл҃года́ть а҆рхїстрати́зи бж҃е́ственнїи, ва́мъ дарова́лъ є҆́сть, и҆́же всѣ́хъ бл҃года́тель, є҆гѡ́же ны́нѣ цр҃ковь пою́щꙋю сп҃са́йте: ѻ҆тє́цъ на́шихъ бж҃е бл҃гослове́нъ є҆сѝ. Два́жды."
|
||||
},
|
||||
{
|
||||
"type": "TEXT",
|
||||
"value": "Си́лою всеви́дца ᲂу҆крѣплѧ́еми, всѧ̑ концы̀ землѝ ꙗ҆́снѡ назира́ете, и҆ всѣ́хъ сп҃са́ете вѣ́рою пою́щихъ: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сп҃си́тельное приста́нище бцⷣе дв҃о, тѧ̀ ны́нѣ и҆мꙋ́ще, жите́йскихъ бѣ́дъ и҆збѣга́емъ и҆ мѧте́жей, сн҃ꙋ твоемꙋ̀ зовꙋ́ще: ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: На горѣ̀ ст҃ѣ́й просла́вльшасѧ, и҆ въ кꙋпинѣ̀ ѻ҆гне́мъ приснодв҃ы мѡѷсе́ови та́йнꙋ ꙗ҆́вльшаго, гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Ѿведе́наго мѧ̀ плотски́ми любосла́стїи, и҆ ѿ тебѐ сло́ве безꙋ́мнѡ ᲂу҆дали́вшагосѧ, и҆ ᲂу҆подо́бльшасѧ всѣ̑мъ скотѡ́мъ, не пре́зри сп҃се, но пре́жде конца̀ ѡ҆брати́въ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Ѿ грѣ̑хъ ника́коже ѡ҆стаю́сѧ, ѡ҆браще́нїѧ никогда́же творѧ̀, и҆ вопїю̀ ѻ҆каѧ́нный: согрѣши́хъ тѝ гдⷭ҇и, и҆ ѡ҆жестѣ́вшꙋю ᲂу҆милѝ дꙋ́шꙋ мою̀, ще́дре."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: До́блїи гдⷭ҇ни стрⷭ҇тоте́рпцы, кро́вными стрꙋѧ́ми крⷭ҇ти́вшесѧ, вторы́ми скве́рнами не ѡ҆скверни́шасѧ, и҆ вѣнцено́сцы со а҆́гг҃лы ликовствꙋ́ютъ непреста́ннѡ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вжи́лившесѧ наде́ждею бꙋ́дꙋщихъ, бл҃гоче́стїѧ мч҃нцы, мꙋ́къ лю́тость до́блїи претерпѣ́ша: и҆ сконча́вшесѧ, прⷭ҇то́лꙋ влⷣчню предстоѧ́тъ непреста́ннѡ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Стоѧ́щихъ ᲂу҆твержде́нїе є҆сѝ, и҆ па́дшихъ и҆справле́нїе дв҃о. Тѣ́мже па́дшаго мѧ̀ возста́ви, да тѧ̀ сла́влю бл҃гослове́ннꙋю и҆ ѡ҆бра́дованнꙋю."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Предстоѧ́тели и҆ пѣвцы̀ неизрече́нныѧ и҆ неизглаго́ланныѧ твоеѧ̀ сла́вы, прїимѝ тебѣ̀ ны́нѣ молѧ́щыѧсѧ хрⷭ҇тѐ во вѣ́ки. Два́жды."
|
||||
},
|
||||
{
|
||||
"type": "TEXT",
|
||||
"value": "Є҆ди́не бл҃же хрⷭ҇тѐ, ѡ҆ на́съ молѧ̑щаѧсѧ ны́нѣ вѡ́инства а҆́гг҃льскаѧ прїимѝ, тебѐ воспѣва́ющаѧ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣтлѣ́йшими твои́ми блиста́ньми бг҃омт҃и, вѣ́рою пою́щыѧ тѧ̀ просвѣща́еши, тѧ̀ восхвалѧ́ющыѧ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "TEXT",
|
||||
"value": "Съ припѣ́вомъ: Чⷭ҇тнѣ́йшꙋю херꙋві̑мъ:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆стра́шисѧ всѧ́къ слꙋ́хъ неизрече́нна бж҃їѧ снисхожде́нїѧ, ꙗ҆́кѡ вы́шнїй во́лею сни́де да́же и҆ до пло́ти, ѿ дв҃и́ческагѡ чре́ва бы́въ человѣ́къ. Тѣ́мже пречⷭ҇тꙋю бцⷣꙋ вѣ́рнїи велича́емъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже дре́вле блꙋдни́цꙋ, съ пла́чемъ припа́дшꙋю къ тебѣ̀ сп҃се, ѡ҆чи́стилъ є҆сѝ: и҆ ꙗ҆́коже ѡ҆правда́лъ є҆сѝ мытарѧ̀ сло́ве, то́чїю воздохнꙋ́вша: и҆ ꙗ҆́коже прїѧ́лъ є҆сѝ манассі́ю, и҆ ꙗ҆́кѡ дв҃да поми́ловалъ є҆сѝ пока́ѧвшасѧ: та́кѡ и҆ менѐ прїимѝ, и҆ сп҃си́ мѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Воздохнѝ и҆ прослези́сѧ дꙋшѐ, пе́рвыхъ твои́хъ согрѣше́нїй ѿстꙋпѝ, и҆ къ вѣ́дꙋщемꙋ та̑йнаѧ твоѧ̑ ꙗ҆́вственнѡ припадѝ и҆ возопі́й те́плѣ: согрѣши́хъ тѝ гдⷭ҇и, тꙋ́не мѧ̀ ᲂу҆ще́дри, и҆мѣ́ѧй ᲂу҆трѡ́бы щедро́тъ многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пострада́вше бг҃озра́чнїи стрⷭ҇тоте́рпцы на землѝ терпѣли́внѣ, и҆ непоколеби́мое ны́нѣ црⷭ҇твїѧ наслѣ́дїе прїѧ́ша, и҆ ра́йскїѧ сла́дости причаща́ютсѧ ра́дꙋющесѧ: тѣ́хъ мл҃твами хрⷭ҇тѐ бж҃е, твоеѧ̀ сла́вы прича́стники сотворѝ на́съ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѣти̑ла восто́къ невече́рнїй просвѣти́вше ꙗ҆ви́стесѧ, и҆ но́щь безбо́жїѧ потреби́сте премꙋ́дрїи, и҆ лꙋча́ми сщ҃е́нными всѣ́хъ ѡ҆зарѧ́ете, свѣтоно́сный ва́шъ стрⷭ҇тоно́сцы пра́здникъ велича́ющихъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Просвѣтѝ влⷣчце, две́ре свѣ́та, се́рдца моегѡ̀ ѻ҆́чи молю́сѧ, и҆̀хже ѡ҆мрачѝ грѣхо́внаѧ тьма̀ глꙋбо́каѧ, и҆ покаѧ́нїѧ мѝ зарю̀ низпослѝ, и҆ ѻ҆гнѧ̀ вѣ́чнагѡ хода́тайствомъ твои́мъ, чⷭ҇таѧ, свободѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ, сп҃се́ннїи тобо́ю дв҃о чⷭ҇таѧ, съ безпло́тными ли́ки тѧ̀ велича́юще."
|
||||
},
|
||||
{
|
||||
"type": "TEXT",
|
||||
"value": "Ликѡ́мъ безпло́тныхъ ны́нѣ твою̀ цр҃ковь добродѣ́телїю подража́ющꙋ покажѝ, ѡ҆гражда́ѧ а҆́гг҃лы хрⷭ҇тѐ ста́до твоѐ."
|
||||
},
|
||||
{
|
||||
"type": "TEXT",
|
||||
"value": "Дꙋша́мъ сп҃се́нїю ѿ бг҃а дарова́тисѧ, а҆́гг҃ли застꙋ̑пницы моли́тесѧ, прибѣга́ющымъ под̾ кро́въ ва́шъ всесла́внїи."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ ᲂу҆́тро сꙋ́щымъ во тьмѣ̀ и҆ заблꙋ́ждшымъ дв҃о, пра́ведное сл҃нце на рꙋкꙋ̀ держа́щи хрⷭ҇та̀, возсїѧ́ла є҆сѝ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йнѡ є҆́сть: и҆ покло́нъ."
|
||||
},
|
||||
{
|
||||
"type": "HEADER",
|
||||
"value": "Посе́мъ є҆ктенїа̀ ма́лаѧ, и҆ свѣти́ленъ, и҆ ѱалмы̀ ѻ҆бы̑чныѧ, и҆ про́чее."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры покаѧ́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Є҆гда̀ прїимꙋ̀ во ᲂу҆мѣ̀ мно́жество содѣ́ѧнныхъ мно́ю ѕѡ́лъ, и҆ въ помышле́нїе прїидꙋ̀ стра́шнагѡ ѻ҆́нагѡ и҆спыта́нїѧ, тре́петомъ содержи́мь къ тебѣ̀ прибѣга́ю чл҃вѣколю́бцꙋ бг҃ꙋ. Тѣ́мже не пре́зри менѐ, молю̀ тѧ̀, є҆ди́не безгрѣ́шне: да́рꙋй ᲂу҆миле́нїе смире́ннѣй мое́й дꙋшѝ пре́жде конца̀, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Сле́зы мѝ да́ждь бж҃е, ꙗ҆́коже и҆ногда̀ женѣ̀ грѣ́шницѣ: и҆ сподо́би мѧ̀ ѡ҆мочи́ти но́зѣ твоѝ, ꙗ҆̀же мѧ̀ ѿ пꙋтѝ пре́лести свободи́вшыѧ, и҆ мѵ́ро бл҃гоꙋха́нїѧ тебѣ̀ приноси́ти житїѐ чи́сто, покаѧ́нїемъ мѝ созда́нное, да ᲂу҆слы́шꙋ и҆ а҆́зъ жела́емый тво́й гла́съ: вѣ́ра твоѧ̀ сп҃се́ тѧ, и҆дѝ въ ми́рѣ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Что̀ ва́съ нарече́мъ ст҃і́и; херꙋві́мы ли; ꙗ҆́кѡ на ва́съ почи́лъ є҆́сть хрⷭ҇то́съ. Серафі́мы ли; ꙗ҆́кѡ непреста́ннѡ просла́висте є҆го̀. А҆́гг҃лы ли; тѣ́ла бо ѿврати́стесѧ. Си̑лы ли; дѣ́йствꙋете бо чꙋдесы̀: мнѡ́гаѧ ва̑ша и҆мена̀, и҆ бѡ́льшаѧ дарова̑нїѧ: моли́те сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Нбⷭ҇наѧ пою́тъ тѧ̀, ѡ҆бра́дованнаѧ мт҃и безневѣ́стнаѧ: и҆ мы̀ славосло́вимъ неизслѣ́дованное твоѐ ржⷭ҇тво̀, бцⷣе, молѝ сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ є҆ктенїа̀. Та́же, ча́съ пе́рвый, ѱалмы̀ ѻ҆бы́чны: и҆ про́чее, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ бл҃жє́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Помѧнѝ на́съ хрⷭ҇тѐ сп҃се мі́ра, ꙗ҆́коже разбо́йника помѧнꙋ́лъ є҆сѝ на дре́вѣ: и҆ сподо́би всѣ́хъ, є҆ди́не ще́дре, нбⷭ҇номꙋ црⷭ҇твїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "И҆сцѣлѝ хрⷭ҇тѐ, стра̑сти дꙋ́ши моеѧ̀, є҆ди́не врачꙋ̀ дꙋ́шъ и҆ тѣле́съ: и҆ ᲂу҆миле́нїѧ стрꙋѧ́ми мѧ̀ ѡ҆мы́въ, всего̀ ѡ҆чи́сти ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Прⷭ҇то́лъ чⷭ҇тна́гѡ ѡ҆бстоѧ́ще бг҃онача́лїѧ, прⷭ҇то́ли, херꙋві́ми, нача̑ла и҆ вла̑сти, и҆ прѡ́чаѧ безпло́тныхъ чинонача̑лїѧ, сщ҃е́ннѡ воспѣва́ютъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Разгорѣ́нїемъ распала́ющесѧ хрⷭ҇то́вы любвѐ, неѡпали́ми пребы́ша посредѣ̀ ѻ҆гнѧ̀ страда́льцы, попали́вше те́рнїе ѕлоче́стїѧ бж҃е́ственною бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѽ трⷪ҇це прест҃а́ѧ, є҆ди́нице нача́льнѣйшаѧ! И҆зба́ви рабы̑ твоѧ̑ ѻ҆гнѧ̀ негаси́магѡ, мольба́ми бж҃е́ственныхъ безпло́тныхъ твои́хъ си́лъ, и҆ црⷭ҇твїѧ твоегѡ̀ сподо́би."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Сви́токъ тѧ̀ и҆ногда̀ прови́дѣ и҆са́їа бг҃обл҃года́тнаѧ, въ не́мже ѻ҆́ч҃имъ пе́рстомъ написа́сѧ сло́во несказа́ннѡ, въ кни́гахъ живо́тныхъ написꙋ́ющее на́съ."
|
||||
}
|
||||
]
|
||||
@@ -0,0 +1,950 @@
|
||||
[
|
||||
{
|
||||
"type": "HEADER",
|
||||
"value": "Гла́съ и҃. Сꙋббѡ́та"
|
||||
},
|
||||
{
|
||||
"type": "HEADER",
|
||||
"value": "Въ пѧто́къ ве́чера, на Гдⷭ҇и воззва́хъ, стїхи̑ры мч҃нчны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Мч҃нцы гдⷭ҇ни всѧ́ко мѣ́сто ѡ҆сщ҃а́ете, и҆ всѧ́къ недꙋ́гъ ᲂу҆врачꙋ́ете: и҆ ны́нѣ моли́те, и҆зба́витисѧ ѿ сѣ́тей вра́жїихъ дꙋша́мъ на́шымъ, мо́лимъ вы̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Мч҃нцы твоѝ гдⷭ҇и, забы́вше житє́йскаѧ, и҆ небре́гше ѡ҆ мꙋче́нїихъ, бꙋ́дꙋщїѧ ра́ди жи́зни, тоѧ̀ наслѣ̑дницы ꙗ҆ви́шасѧ: тѣ́мже и҆ со а҆́гг҃лы ра́дꙋютсѧ. Тѣ́хъ мл҃твами, да́рꙋй лю́демъ твои̑мъ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "А҆́ще ка́ѧ добродѣ́тель, и҆ а҆́ще ка́ѧ похвала̀, подоба́етъ ст҃ы̑мъ: мечє́мъ бо преклони́ша вы̑и, тебѐ ра́ди прекло́ньшагѡ нб҃са̀ и҆ соше́дшагѡ: и҆злїѧ́ша крѡ́ви своѧ̑, тебѐ ра́ди и҆стощи́вшагѡ себѐ, и҆ зра́къ ра́бїй прїе́мша: смири́шасѧ да́же до сме́рти, нищетꙋ̀ твою̀ подража́юще. И҆́хже мл҃твами, по мно́жествꙋ щедро́тъ твои́хъ, бж҃е поми́лꙋй на́съ."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры подѡ́бны, гла́съ и҃."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ѽ пресла́внагѡ чꙋдесѐ!:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе: и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Дре́вꙋ непло́дномꙋ ᲂу҆подо́бихсѧ, ѡ҆́бразомъ ꙗ҆́кѡ ли́ствїемъ тще́тнымъ ѡ҆бложе́нъ: и҆ бою́сѧ влⷣко. Да не ѿсѣ́къ, ѿсле́ши мѧ̀ во ѻ҆́гнь неꙋгаси́мый вѣ́чный. Но пода́ждь ѡ҆браще́нїѧ мнѣ̀ вре́мѧ, ꙗ҆́кѡ да принесꙋ́ ти добродѣ́тельныхъ дѣѧ́нїй пло́дъ до́брый, и҆ сподо́блюсѧ црⷭ҇твїѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, гдⷭ҇и, твоегѡ̀ раба̀ менѐ, мно́гѡ прогнѣвлѧ́юща твою̀ бл҃гость на всѧ́кїй де́нь чл҃вѣколю́бче, не ѿве́ржи ѿ лица̀ твоегѡ̀ хрⷭ҇тѐ, нижѐ накажѝ твои́мъ пра́веднымъ гнѣ́вомъ: согрѣши́хъ, согрѣши́хъ тѝ, ꙗ҆́кѡ никто́же и҆́нъ, и҆сповѣ́дꙋю, ᲂу҆ще́дри и҆ сп҃си́ мѧ, твоеѧ̀ мт҃ре мл҃твами."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Є҆гда̀ сѧ́деши во сла́вѣ твое́й, ꙗ҆́кѡ цр҃ь всѣ́хъ, на прⷭ҇то́лѣ сꙋда̀, предстоѧ́щымъ стра́хомъ тѝ ст҃ы̑мъ а҆́гг҃лѡмъ твои̑мъ, и҆ предста́нетъ тѝ є҆стество̀ всѐ человѣ́ческое хрⷭ҇тѐ, сꙋди́тисѧ и҆мꙋ́щее: тогда̀ мл҃твами мт҃ре твоеѧ̀ гдⷭ҇и, ѿ всѣ́хъ и҆зба́ви мꙋ́къ ᲂу҆со́пшыѧ вѣ́рнѡ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Цр҃ь нбⷭ҇ный за чл҃вѣколю́бїе на землѝ ꙗ҆ви́сѧ, и҆ съ человѣ́ки поживѐ: ѿ дв҃ы бо чⷭ҇тыѧ пло́ть прїе́мый. И҆ и҆з̾ неѧ̀ проше́дый съ воспрїѧ́тїемъ, є҆ди́нъ є҆́сть сн҃ъ, сꙋгꙋ́бъ є҆стество́мъ, но не ѵ҆поста́сїю. Тѣ́мже соверше́нна того̀ бг҃а, и҆ соверше́нна человѣ́ка вои́стиннꙋ проповѣ́дающе, и҆сповѣ́дꙋемъ хрⷭ҇та̀ бг҃а на́шего: є҆го́же молѝ, мт҃и безневѣ́стнаѧ, поми́ловатисѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: И҆ про́чее ꙗ҆́кѡ ѻ҆бы́чай."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Мч҃нцы гдⷭ҇ни, моли́те бг҃а на́шего, и҆ и҆спроси́те дꙋша́мъ на́шымъ мно́жество щедро́тъ, и҆ ѡ҆чище́нїе мно́гихъ прегрѣше́нїй, мо́лимсѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни, ꙗ҆̀же и҆збра́лъ и҆ прїѧ́лъ є҆сѝ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Поко́инъ: Пла́чꙋ и҆ рыда́ю, є҆гда̀ помышлѧ́ю сме́рть, и҆ ви́ждꙋ во гробѣ́хъ лежа́щꙋю, по ѡ҆́бразꙋ бж҃їю созда́ннꙋю на́шꙋ красотꙋ̀, без̾ѡбра́знꙋ и҆ безсла́внꙋ, не и҆мꙋ́щꙋю ви́да. Ѽле чꙋдесѐ, что̀ є҆́же ѡ҆ на́съ сїѐ бы́сть та́инство! Ка́кѡ преда́хомсѧ тлѣ́нїю; ка́кѡ припрѧго́хомсѧ сме́рти; вои́стиннꙋ бж҃їимъ повелѣ́нїемъ, ꙗ҆́коже є҆́сть пи́сано, подаю́щагѡ преста́вльшымсѧ ᲂу҆покое́нїе."
|
||||
},
|
||||
{
|
||||
"type": "TEXT",
|
||||
"value": "Сті́хъ: Дꙋ́шы и҆́хъ во бл҃ги́хъ водворѧ́тсѧ."
|
||||
},
|
||||
{
|
||||
"type": "TEXT",
|
||||
"value": "Сме́рть твоѧ̀ гдⷭ҇и, безсме́ртїѧ бы́сть хода́таица: а҆́ще бы не во гро́бѣ положе́нъ бы́лъ є҆сѝ. Не бы ра́й ѿве́рзлсѧ. Тѣ́мже преста́вльшихсѧ ᲂу҆поко́й, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Чⷭ҇таѧ дв҃о, сло́ва врата̀, бг҃а на́шегѡ мт҃и, молѝ сп҃сти́сѧ на́мъ."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши:"
|
||||
},
|
||||
{
|
||||
"type": "HEADER",
|
||||
"value": "И҆ про́чее ꙗ҆́кѡ ѻ҆бы́чай, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ пѧто́къ на повече́рїи, канѡ́нъ прест҃ѣ́й бцⷣѣ, гла́съ и҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пои́мъ гдⷭ҇еви, прове́дшемꙋ лю́ди своѧ̑ сквозѣ̀ чермно́е мо́ре, ꙗ҆́кѡ є҆ди́нъ сла́внѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Оу҆мертвѝ пло́ти моеѧ̀ мꙋдрова́нїе, пречⷭ҇таѧ дв҃о, ꙗ҆́же жи́знь ро́ждшаѧ, и҆ мꙋ́ки всѧ́кїѧ и҆зба́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Заре́ю пресвѣ́тлою, ѿ тебѐ дв҃о, возсїѧ́вшагѡ, дꙋшѝ моеѧ̀ зѣ̑ницы просвѣтѝ: ꙗ҆́кѡ да сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Моли́сѧ влⷣчце, є҆ди́на ст҃а́ѧ бцⷣе, ꙗ҆́кѡ да ᲂу҆лꙋчꙋ̀ въ де́нь сꙋда̀ сп҃се́нїе, и҆ бж҃е́ственнꙋю свѣ́тлость."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Пречⷭ҇таѧ бцⷣе, ᲂу҆тишѝ болѣ̑зни се́рдца моегѡ̀, ꙗ҆́же хрⷭ҇та̀ неболѣ́зненнѡ па́че ᲂу҆ма̀ и҆ сло́ва ро́ждшаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀ гдⷭ҇и: ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
||||
},
|
||||
{
|
||||
"type": "TEXT",
|
||||
"value": "И҆зба́ви мѧ̀ мл҃твами твои́ми пречⷭ҇таѧ, вра́жїихъ стрѣ́лъ: и҆ ѿ помышле́нїй находѧ́щихъ, пощадѝ се́рдце моѐ."
|
||||
},
|
||||
{
|
||||
"type": "TEXT",
|
||||
"value": "И҆сцѣлѝ пренепоро́чнаѧ дꙋшѝ моеѧ̀ ра̑ны, мт҃и бж҃їѧ, ᲂу҆тишѝ твои́ми мл҃твами серде́чное смꙋще́нїе."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆кротѝ неꙋста́вное помышле́нїй мои́хъ, чⷭ҇таѧ влⷣчце, и҆ ѿимѝ ѿ дꙋшѝ всѧ́кꙋ печа́ль, ꙗ҆́же ра́дость ро́ждшаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ра́дꙋйсѧ, сп҃се́нїе притека́ющихъ къ тебѣ̀, дв҃о мт҃и хрⷭ҇то́ва: ра́дꙋйсѧ, а҆пⷭ҇лѡвъ и҆ мч҃нкѡвъ похвало̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, смотре́нїѧ твоегѡ̀ та́инство: разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Дꙋшѝ моеѧ̀ ꙗ҆́звы сло́ве бж҃їй и҆сцѣлѝ, ᲂу҆ѧзви́выйсѧ менѐ ра́ди ꙗ҆́кѡ чл҃вѣколю́бецъ, и҆ ᲂу҆ма̀ моегѡ̀ тьмꙋ̀ просвѣтѝ."
|
||||
},
|
||||
{
|
||||
"type": "TEXT",
|
||||
"value": "Дрема́нїемъ лѣ́ности моеѧ̀ со́нъ грѣхо́вный пости́же дв҃о: бо́дренною твое́ю мл҃твою воздви́гни мѧ̀ къ покаѧ́нїю."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́же ѿ и҆стѡ́чникъ и҆сточи́вшаѧ во́дꙋ ѡ҆ставле́нїѧ, пренепоро́чнаѧ, се́рдце моѐ напо́й и҆зсо́хшее всѧ́кими престꙋпле́ньми."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Прест҃а́ѧ бг҃оневѣ́сто, влⷣчце мі́ра, ты́ мѧ сп҃сѝ, бѣ́дъ премѣнѧ́ющи, и҆ страсте́й молвꙋ̀ ѿгонѧ́ющи."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́тренююще вопїе́мъ тѝ гдⷭ҇и, сп҃си́ ны: ты́ бо є҆сѝ бг҃ъ на́шъ: ра́звѣ тебѐ и҆но́гѡ не вѣ́мы."
|
||||
},
|
||||
{
|
||||
"type": "TEXT",
|
||||
"value": "При́зри пречⷭ҇таѧ, и҆ ᲂу҆слы́ши гла́съ мо́й, и҆ всѧ̑ ѡ҆чи́сти беззакѡ́нїѧ моѧ̑ влⷣчце."
|
||||
},
|
||||
{
|
||||
"type": "TEXT",
|
||||
"value": "Сл҃нце незаходи́мое ро́ждшаѧ бцⷣе, всего́ мѧ просвѣтѝ ѡ҆мраче́ннаго страстьмѝ: да сла́влю тѧ̀ и҆ хвалю̀ пренепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆ще́дри прест҃а́ѧ ѻ҆трокови́це дꙋ́шꙋ мою̀, и҆ и҆зба́ви сꙋда̀, и҆ вѣ́чнꙋющагѡ мꙋче́нїѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Недꙋ́говавшꙋю дꙋ́шꙋ мою̀ и҆сцѣлѝ, ро́ждшаѧ всѣ́хъ взе́млющаго недꙋ́ги, прест҃а́ѧ влⷣчце."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна грѣхѡ́въ и҆ прегрѣше́нїй бꙋ́рѧ мѧ̀ смꙋща́етъ, и҆ во глꙋбинꙋ̀ нꙋ́жднагѡ рѣ́етъ мѧ̀ ѿча́ѧнїѧ: но твою̀ крѣ́пкꙋю рꙋ́кꙋ мнѣ̀ прострѝ ꙗ҆́кѡ петро́ви, ѽ ᲂу҆пра́вителю, и҆ сп҃сѝ."
|
||||
},
|
||||
{
|
||||
"type": "TEXT",
|
||||
"value": "Оу҆мертвѝ бцⷣе пло́ти моеѧ̀ безчи̑ннаѧ двиза̑нїѧ, ꙗ҆́же ᲂу҆мерщвлє́ныѧ ѕло́бою ѡ҆живи́вшаѧ, твои́мъ живы́мъ ржⷭ҇тво́мъ: ꙗ҆́кѡ да сла́влю тѧ̀, ꙗ҆́кѡ винꙋ̀ человѣ́ческагѡ ѡ҆бновле́нїѧ."
|
||||
},
|
||||
{
|
||||
"type": "TEXT",
|
||||
"value": "Бе́зднꙋ щедро́тъ ро́ждши бцⷣе дв҃о, ско́рбныхъ житїѧ̀ дꙋ́шꙋ мою̀ сп҃сѝ, и҆ ра́дости дх҃ѡ́вныѧ двє́ри ѿве́рзи мѝ: на тѧ́ бо є҆ди́нꙋ наде́ждꙋ возложи́хъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Да твоѧ̑ ра́достнѡ воспою̀ вели̑чїѧ дв҃о пречⷭ҇таѧ, и҆ вели́кꙋю бл҃года́ть чꙋде́съ, безмѣ̑стнаѧ помышлє́нїѧ томѧ̑щаѧ мѧ̀ всегда̀, мл҃твами твои́ми премѣнѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Родила̀ є҆сѝ па́че є҆стества̀ нѣ́дръ ѻ҆ч҃ескихъ неразлꙋ́чнаго, и҆ тобо́ю дв҃о къ человѣ́кѡмъ бесѣ́довавша: но ꙗ҆́кѡ похвала̀ на́съ всѣ́хъ, и҆ ᲂу҆твержде́нїе є҆сѝ бцⷣе, къ тебѣ̀ прибѣга́ющыѧ ᲂу҆ще́дри."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Сло́во ѻ҆́ч҃ее на зе́млю сни́де, и҆ а҆́гг҃лъ свѣ́телъ бцⷣѣ глаго́лаше: ра́дꙋйсѧ бл҃гослове́ннаѧ, ꙗ҆́же черто́гъ є҆ди́на сохра́ньшаѧ, зача́тїе прїе́мши превѣ́чнагѡ бг҃а и҆ гдⷭ҇а, да ѿ пре́лести ꙗ҆́кѡ бг҃ъ сп҃се́тъ ро́дъ человѣ́ческїй."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ: и҆ на ро́сꙋ ѻ҆́гнь преложи́ша вопїю́ще: бл҃гослове́нъ є҆сѝ гдⷭ҇и бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "Оу҆вы̀ мнѣ̀, ка́кѡ и҆збѣ́гнꙋ мꙋ́къ ждꙋ́щихъ мѧ̀, ѕлѣ̀ пожи́въ здѣ̀; ка́кѡ сꙋдїѝ стра́шномꙋ ꙗ҆влю́сѧ ѻ҆каѧ́нный; бг҃ороди́тельнице влⷣчце, помо́щница тогда̀ бꙋ́ди мѝ."
|
||||
},
|
||||
{
|
||||
"type": "TEXT",
|
||||
"value": "Оу҆гасѝ пла́мень страсте́й мои́хъ, и҆ ᲂу҆тишѝ бꙋ́рю се́рдца моегѡ̀ бг҃ома́ти чⷭ҇таѧ: и҆ и҆зба́ви мѧ̀ пречⷭ҇таѧ, бѣсѡ́въ томле́нїѧ, и҆ ѻ҆гнѧ̀ вѣ́чнагѡ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ви́ждь ско́рбь мою̀ дв҃о, ю҆́же наведѐ мно́жество ѕѡ́лъ мои́хъ: и҆ пре́жде ѿше́ствїѧ поко́й мѝ пода́ждь, мт҃рними твои́ми мл҃твами ᲂу҆молѧ́ющи сн҃а твоего̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Пла́мень страсте́й се́рдца моегѡ̀ погасѝ росо́ю твое́ю дв҃о, и҆ ѻ҆гнѧ̀ стра́шнагѡ и҆схитѝ ѻ҆трокови́це и҆ вѣ́чнагѡ сꙋда̀ и҆ бѣсо́вскагѡ томле́нїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бл҃гослови́те ѻ҆́троцы, трⷪ҇цы равночи́сленнїи, содѣ́телѧ ѻ҆ц҃а̀ бг҃а, по́йте снизше́дшее сло́во, и҆ ѻ҆́гнь въ ро́сꙋ претво́ршее, и҆ превозноси́те всѣ̑мъ жи́знь подава́ющаго, дх҃а всест҃а́го во вѣ́ки."
|
||||
},
|
||||
{
|
||||
"type": "TEXT",
|
||||
"value": "Оу҆мертвѝ дв҃о, всѧ̑ тѣлє́снаѧ на̑ша двиза̑нїѧ, ꙗ҆́же ме́ртва ѕмі́ѧ живоно́снымъ ржⷭ҇тво́мъ твои́мъ содѣ́лавши: и҆ жи́знь нестарѣ́ющꙋю ᲂу҆лꙋчи́ти на́мъ помоли́сѧ, ꙗ҆́кѡ да тѧ̀ пое́мъ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Тѧ̀ бг҃ороди́тельнице, на по́мощь всегда̀ призыва́ю, не посрамѝ менѐ стѧжа́вшаго стꙋдꙋ̀ дѣла̀: но ᲂу҆ще́дри мѧ̀ пречⷭ҇таѧ, и҆ пла́мене и҆схитѝ, и҆ вѣ́чныхъ и҆зба́ви мꙋче́нїй."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆бра́дованнаѧ помо́щница мѝ ꙗ҆ви́сѧ во ѡ҆бстоѧ́нїи ѕѡ́лъ, и҆збавлѧ́ющи ѿ находѧ́щихъ мѝ бѣсо́вскихъ навѣ̑тъ, ꙗ҆́кѡ да ᲂу҆бл҃жа́ю тѧ̀ всегда̀ бцⷣе, предста́тельнице всѣ́хъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Прест҃а́ѧ ѻ҆трокови́це, а҆пⷭ҇лѡвъ похвало̀, мꙋ́ченикѡвъ сла́во, сла́вы вѣ́чныѧ прича́стника мѧ̀ сотворѝ, взыва́юща: бл҃гослови́те дх҃а прест҃а́го во вѣ́ки всѧ̑."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆ста́вы прешла̀ є҆сѝ є҆стества̀, содѣ́телѧ заче́нши и҆ гдⷭ҇а, и҆ две́рь сп҃се́нїѧ мі́рови была̀ є҆сѝ: тѣ́мъ тѧ̀ бцⷣе непреста́ннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Свѣ́томъ твои́мъ невече́рнимъ, две́ре свѣ́та, дꙋшѝ моеѧ̀ тьмꙋ̀ ѿженѝ лю́тꙋю, и҆ покаѧ́нїѧ мѝ пꙋти̑ свѣтоза̑рныѧ покажѝ: ꙗ҆́кѡ да ше́ствꙋѧ въ ни́хъ, мра́ка ѿбѣ́гнꙋ грѣхо́внагѡ, и҆ непреста́ннѡ велича́ю тѧ̀."
|
||||
},
|
||||
{
|
||||
"type": "TEXT",
|
||||
"value": "Ѡ҆чи́сти рабы̑ твоѧ̑ бл҃же, и҆ прегрѣше́нїй проще́нїе да́рꙋй: и҆ вѣ́чнꙋющагѡ пла́мене и҆зба́ви на́съ, и҆ прича́стники содѣ́лай твоегѡ̀ црⷭ҇твїѧ сло́ве бж҃їй: и҆́бо за є҆́же хотѧ̀ сп҃стѝ ро́дъ человѣ́чь, крⷭ҇тъ претерпѣ́лъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆до́бь бцⷣе, прейти́ ми житїѧ̀ пода́ждь прехожде́нїе, и҆ напа́стей воста̑нїѧ и҆ страсте́й, ꙗ҆́кѡ бл҃га̀ ᲂу҆кротѧ́щи, и҆ наставлѧ́ющи къ добродѣ́тели нбⷭ҇нагѡ црⷭ҇твїѧ, и҆ поко́ѧ бж҃е́ственна: ꙗ҆́кѡ да сп҃са́емь прославлѧ́ю тѧ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Недꙋ́говавшꙋю дꙋ́шꙋ мою̀ стра́стїю лю́тою, ꙗ҆́же ро́ждши бг҃а пребл҃га́го, ꙗ҆́кѡ млⷭ҇тива и҆сцѣлѝ, и҆ и҆зба́ви при́снѡ ѡ҆скорблѧ́ющихъ мѧ̀ пречⷭ҇таѧ, и҆ прибыва́ющихъ ѕлолю́тыхъ: ꙗ҆́кѡ да сп҃са́емь, тѧ̀ ᲂу҆се́рднѡ велича́ю, возвели́чившꙋю ро́дъ на́шъ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сꙋббѡ́тꙋ ᲂу҆́тра, по а҃-мъ стїхосло́вїи, сѣда́льны мч҃нчны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Свѣти̑ла ᲂу҆́мнаѧ ꙗ҆ви́стесѧ ст҃і́и мч҃нцы, мглꙋ́ бо пре́лести ᲂу҆праздни́сте вѣ́рою, и҆ дꙋшє́вныѧ свѣщы̀ ва́шѧ просвѣти́сте, и҆ съ женихо́мъ со сла́вою внидо́сте въ нбⷭ҇ный черто́гъ. И҆ ны́нѣ мо́лимъ вы̀, моли́тесѧ сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное та́йнѡ:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Воздержа́нїемъ страсте́й ѻ҆гнепа̑льныѧ и҆спепели́вше зра́ки и҆ движє́нїѧ, хрⷭ҇тѡ́вы мч҃нцы, прїѧ́ша бл҃года́ть, недꙋ́ги ѿгонѧ́ти немощствꙋ́ющихъ, и҆ живꙋ́ще и҆ по концѣ̀ чꙋдодѣ́йствовати. Вои́стиннꙋ чꙋ́до пресла́вное, ꙗ҆́кѡ кѡ́сти на́ги и҆сточа́ютъ и҆сцѣлє́нїѧ: сла́ва є҆ди́номꙋ бг҃ꙋ на́шемꙋ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: И҆́же на́съ ра́ди рожде́йсѧ ѿ дв҃ы, и҆ распѧ́тїе претерпѣ́въ бл҃гі́й, и҆спрове́ргїй сме́ртїю сме́рть, и҆ воскрⷭ҇нїе ꙗ҆вле́й ꙗ҆́кѡ бг҃ъ, не пре́зри ꙗ҆̀же созда́лъ є҆сѝ рꙋко́ю твое́ю: ꙗ҆вѝ чл҃вѣколю́бїе твоѐ млⷭ҇тиве, прїимѝ ро́ждшꙋю тѧ̀ бцⷣꙋ молѧ́щꙋюсѧ за ны̀, и҆ сп҃сѝ сп҃се на́шъ лю́ди ѿча̑ѧнныѧ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное та́йнѡ:"
|
||||
},
|
||||
{
|
||||
"type": "TEXT",
|
||||
"value": "Прⷪ҇ро́цы, мч҃нцы хрⷭ҇тѡ́вы, и҆ ст҃и́телїе, и҆̀же по́двигъ до́брый бл҃гочестномꙋ́дреннѡ зако́ннѡ сконча́вше, и҆ прїи́мше вѣнцы̀ неꙋвѧда́ємыѧ ѿ бг҃а, непреста́ннѡ моли́те ѡ҆ на́съ є҆гѡ̀ бл҃гость: ꙗ҆́кѡ да да́рꙋетъ на́мъ прегрѣше́нїй проще́нїе, ꙗ҆́кѡ бг҃ъ бл҃гоꙋвѣ́тливъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни, ꙗ҆̀же и҆збра́лъ и҆ прїѧ́лъ є҆сѝ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Ме́ртвенъ: Преста́вльшыѧсѧ бл҃гоче́стнѡ ѿ вре́менныхъ, въ селе́нїихъ и҆збра́нныхъ съ пра́ведными сопричтѝ влⷣко, тѣ́хъ ᲂу҆покоева́ѧ на мѣ́стѣ пра́зднꙋющихъ, и҆ въ сла́дости неконча́емѣй ра́йстѣй, ꙗ҆́кѡ бл҃гъ, вѡ́льнаѧ прегрѣшє́нїѧ и҆ невѡ́льнаѧ и҆́хъ, за кра́йнюю бл҃гость прости́вый чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сті́хъ: Дꙋ́шы и҆́хъ во бл҃ги́хъ водворѧ́тсѧ."
|
||||
},
|
||||
{
|
||||
"type": "TEXT",
|
||||
"value": "Ме́ртвенъ: Глꙋбино́ю мꙋ́дрости чл҃вѣколю́бнѡ всѧ̑ стро́ѧй, и҆ поле́зное всѣ̑мъ подава́ѧй, є҆ди́не содѣ́телю, ᲂу҆поко́й гдⷭ҇и, дꙋ́шы ра̑бъ твои́хъ: на тѧ́ бо ᲂу҆пова́нїе возложи́ша, творца̀ и҆ зижди́телѧ и҆ бг҃а на́шего."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Тебѐ и҆ стѣ́нꙋ, и҆ приста́нище и҆́мамы, и҆ мл҃твенницꙋ бл҃гопрїѧ́тнꙋ къ бг҃ꙋ, є҆го́же родила̀ є҆сѝ, бцⷣе безневѣ́стнаѧ, вѣ́рныхъ сп҃се́нїе."
|
||||
},
|
||||
{
|
||||
"type": "HEADER",
|
||||
"value": "Канѡ́нъ ст҃ы̑мъ мч҃нкѡмъ, і҆ера́рхѡмъ, прпⷣбнымъ и҆ ᲂу҆со́пшымъ, гла́съ и҃, трꙋ́дъ же і҆ѡ́сифовъ, є҆гѡ́же краестро́чїе си́це:"
|
||||
},
|
||||
{
|
||||
"type": "TEXT",
|
||||
"value": "Ѻ҆смогла́сника но́вагѡ бж҃е́ственный коне́цъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Пои́мъ гдⷭ҇еви, прове́дшемꙋ лю́ди своѧ̑ сквозѣ̀ чермно́е мо́ре, ꙗ҆́кѡ є҆ди́нъ сла́внѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "Честні́и би́серїе ꙗ҆ви́стесѧ, вѣне́цъ просвѣща́юще чⷭ҇тны́ѧ цр҃кве, стрⷭ҇тоте́рпцы хрⷭ҇тѡ́вы до́блественнѣйшїи."
|
||||
},
|
||||
{
|
||||
"type": "TEXT",
|
||||
"value": "Ѡ҆блиста́ша догма́тъ добродѣ́телей бж҃е́ственными свѣтлостьмѝ премꙋ́дрїи ст҃и́телїе, и҆ вѣ́рныхъ сердца̀ просвѣти́ша."
|
||||
},
|
||||
{
|
||||
"type": "TEXT",
|
||||
"value": "Тебѐ въ прⷪ҇ро́цѣхъ и҆ въ прпⷣбныхъ чꙋ́днаго мо́лимъ сло́ве: тѣ́хъ мольба́ми сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва: Є҆гда̀ сꙋ́дъ пра́ведный прїи́деши сотвори́ти пра́веднѣйшїй: неѡсꙋжде́ннѡ сло́ве, тѣ́хъ мольба́ми сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Гдⷭ҇а ро́ждшꙋю тѧ̀ свѣ́дый, же́нскїй ли́къ тебѐ во слѣ́дъ дв҃о страда́льчествовавъ, томꙋ̀ приведе́сѧ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ ᲂу҆со́пшихъ, Гла́съ и҃, є҆гѡ́же краестро́чїе:"
|
||||
},
|
||||
{
|
||||
"type": "TEXT",
|
||||
"value": "Оу҆мира́ющымъ вѣ̑рнымъ ѻ҆сьмо́е плетꙋ̀ пѣ́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
||||
},
|
||||
{
|
||||
"type": "TEXT",
|
||||
"value": "Сме́ртїю сме́рть хрⷭ҇то́вꙋ, и҆ страстьмѝ стрⷭ҇ть подража́вше чⷭ҇тнꙋ́ю, мч҃нцы всѝ, бж҃е́ственныѧ и҆ бл҃же́нныѧ жи́зни полꙋчи́ша."
|
||||
},
|
||||
{
|
||||
"type": "TEXT",
|
||||
"value": "Ю҆́ности прегрѣшє́нїѧ презрѧ̀, и҆ грѣхѝ превосходѧ̀ хрⷭ҇тѐ сп҃се, пре́жде ᲂу҆со́пшыѧ рабы̑ твоѧ̑ со и҆збра́нными твои́ми сопричтѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ю҆́же полꙋчи́ша сла́вꙋ же и҆ ра́дость, и҆̀же бл҃же́нное стѧжа́вше пребыва́нїе, пода́ждь бога́тнѡ твои̑мъ рабѡ́мъ, ꙗ҆̀же прїѧ́лъ є҆сѝ многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Зачала̀ є҆сѝ сло́во ѻ҆́ч҃ее, пло́ти соеди́ншеесѧ по ѵ҆поста́си, є҆́же и҆з̾ тебѐ всенепоро́чнаѧ ѻ҆трокови́це, а҆́дъ бж҃е́ственною си́лою ᲂу҆праздни́вшее."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твержде́й въ нача́лѣ нб҃са̀, и҆ зе́млю ѡ҆снова́вый на вода́хъ мно́гихъ, ᲂу҆тверди́ мѧ къ пѣ́нїю славосло́вїѧ твоегѡ̀ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Мє́рзкїѧ жє́ртвы страда́льцы крѣпча́йшею мы́слїю ѿтрѧ́сше, же́ртва чистѣ́йша сло́вꙋ поже́ршемꙋсѧ бы́ша."
|
||||
},
|
||||
{
|
||||
"type": "TEXT",
|
||||
"value": "Ѡ҆бновлѧ́юще словесы̀ сщ҃еннодѣ́тельными ѡ҆бетша́вшаѧ всѧ́кими страстьмѝ, ѡ҆бнови́вшагѡ мі́ръ бж҃е́ственнїи ᲂу҆ч҃нцы̀ ꙗ҆ви́стесѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же прⷪ҇ро́кѡмъ пре́жде ꙗ҆вле́ннѡ, да́ннаѧ бл҃года́ть всест҃а́гѡ дх҃а, по́стники въ послѣ̑днѧѧ бж҃е́ственныхъ дарова́нїй и҆спо́лни."
|
||||
},
|
||||
{
|
||||
"type": "TEXT",
|
||||
"value": "Сла́ва: Ликѡ́мъ ст҃ы́хъ сочета́й бж҃е, вѣ́рнѡ ѿ житїѧ̀ преше́дшыѧ, и҆ раѧ̀ жи́тели сотворѝ, за неизрече́ннꙋю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: И҆́же ника́коже вмѣща́емый і҆и҃съ и҆ гдⷭ҇ь, нетѣсновмѣ́стнѡ въ твоѐ всели́сѧ ѡ҆сщ҃е́нное чре́во пречⷭ҇таѧ дв҃о всепѣ́таѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нбⷭ҇нагѡ крꙋ́га верхотво́рче гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ѡ҆чи́стившесѧ дре́внѧгѡ прароди́тельнагѡ паде́нїѧ, кр҃ще́нїемъ и҆ па́ки порожде́нїемъ, стрꙋѧ́ми же крове́й свои́хъ ѡ҆кропи́вшесѧ хрⷭ҇тꙋ̀ бл҃же́ннїи, сца́рствꙋете."
|
||||
},
|
||||
{
|
||||
"type": "TEXT",
|
||||
"value": "И҆́же ме́ртвъ во́лею поло́жьсѧ во гро́бѣ, и҆ живꙋ́щыѧ во гробѣ́хъ взыва́ѧй сп҃се, бл҃говолѝ, ꙗ҆̀же ѿ на́съ прїѧ́лъ є҆сѝ, въ селе́нїихъ првⷣныхъ твои́хъ си̑мъ водворѧ́тисѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Бл҃гоꙋтро́бїемъ бж҃е́ственныѧ твоеѧ̀ влⷣко, и҆ соесте́ственнѣ разꙋмѣва́емыѧ бл҃гости, ᲂу҆моле́нъ быва́ѧ, грѣхѡ́въ разрѣше́нїе пода́въ рабѡ́мъ твои̑мъ сп҃се, ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Вопло́щьсѧ и҆з̾ чре́ва твоегѡ̀, и҆ бы́въ человѣ́къ, и҆́же и҆зрѧ́днѣ сы́й є҆ди́нъ чл҃вѣколю́бецъ, сп҃са́етъ человѣ́ка ѿ вра́тъ сме́ртныхъ, бг҃ома́ти пречⷭ҇таѧ є҆ди́на всепѣ́таѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Преше́дше по́прище мꙋче́нїѧ, теплото́ю дх҃о́вною страда́льцы бг҃обл҃же́ннїи, веще́ственнꙋю пре́лесть попали́сте."
|
||||
},
|
||||
{
|
||||
"type": "TEXT",
|
||||
"value": "Прпⷣбныѧ твоѧ̑ гдⷭ҇и, и҆ ст҃и́тели свѣ́тлѡ просла́вилъ є҆сѝ: тѣ́хъ бж҃е́ственными мольба́ми, прича́стника мѧ̀ сла́вы твоеѧ̀ сотворѝ."
|
||||
},
|
||||
{
|
||||
"type": "TEXT",
|
||||
"value": "Є҆́же бж҃е́ственнагѡ дх҃а вдохнове́нїе, прⷪ҇ро́ки просвѣти́вшее, жена́мъ крѣ́пость дарова̀, врагѡ́въ погꙋблѧ́ти шата̑нїѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Сликовствова́ти сподо́би со всѣ́ми ст҃ы́ми, ꙗ҆̀же преста́вилъ є҆сѝ пребл҃гі́й рабы̑ твоѧ̑, въ селе́нїихъ ст҃ы́хъ твои́хъ, ᲂу҆моле́нъ быва́ѧй."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Зако́на бж҃е́ственнагѡ пода́телѧ, є҆стества̀ зако́на вы́ше родила̀ є҆сѝ, возсозида́юща всенепоро́чнаѧ, человѣ́ческое є҆стество̀ попо́лзшеесѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ моѧ̀ крѣ́пость гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Да твоеѧ̀ влⷣко сла́вы ᲂу҆́зрѧтъ, и҆ свѣ́тлость твою̀ свѣтода́тельнꙋю на нб҃сѣ́хъ полꙋча́тъ свѣ́тлѡ, всѧ́къ ви́дъ мꙋче́нїй носи́ти претерпѣ́ша, мч҃нцы бж҃е́ственнїи, тебѣ̀ хрⷭ҇тѐ пою́ще: си́лѣ твое́й сла́ва чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Мнѡ́ги ѻ҆би́тєли ᲂу҆ тебѐ сп҃се сꙋ́ть, по достоѧ́нїю всѣ̑мъ раздѣлѧ́емы, по мѣ́рѣ добродѣ́телей: ты̑ѧ ᲂу҆́бѡ ще́дре и҆спо́лнити си́хъ сподо́би, ꙗ҆̀же вѣ́рою преста́вльшыѧсѧ, бл҃гоче́стнѡ тебѣ̀ вопїю́щыѧ: си́лѣ твое́й сла́ва чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сла́ва: Ра́венъ на́мъ человѣ́къ ꙗ҆ви́лсѧ є҆сѝ, безсме́ртне, всѣ̑мъ ра́внѡ сме́рть претерпѣ́лъ є҆сѝ, и҆ жи́зни показа́лъ є҆сѝ пꙋ́ть: є҆ѧ́же преста́вльшыѧсѧ сподо́би ꙗ҆́кѡ чл҃вѣколю́бецъ, проще́нїе согрѣше́нїй ꙗ҆́кѡ влⷣка подава́ѧ, и҆ свѣ́та прича́стїе да́рꙋй."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ты̀ вѣ́рныхъ похвала̀ є҆сѝ безневѣ́стнаѧ, ты̀ предста́тельница, и҆ ты̀ прибѣ́жище хрⷭ҇тїа́нъ: стѣна̀ и҆ приста́нище, къ сн҃ꙋ твоемꙋ̀ мольбы̑ но́сиши всенепоро́чнаѧ, и҆ сп҃са́еши ѿ бѣ́дъ, и҆̀же вѣ́рою и҆ любо́вїю бцⷣꙋ чⷭ҇тꙋю тѧ̀ вѣ́дꙋщыѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣтѝ на́съ повелѣ́нїи твои́ми гдⷭ҇и, и҆ мы́шцею твое́ю высо́кою тво́й ми́ръ пода́ждь на́мъ, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Претерпѣ́ша ꙗ҆́звы плотскі̑ѧ бж҃е́ственнїи мч҃нцы, и҆ сегѡ̀ ра́ди ꙗ҆́звы на́шѧ при́снѡ и҆сцѣлѧ́ютъ, ᲂу҆ѧзвлѧ́юще де́мѡны."
|
||||
},
|
||||
{
|
||||
"type": "TEXT",
|
||||
"value": "Ст҃і́и бж҃їи ст҃и́тели, моли́те со всѣ́ми прпⷣбными хрⷭ҇та̀, грѣхѡ́въ ѡ҆ставле́нїе дарова́ти на́мъ."
|
||||
},
|
||||
{
|
||||
"type": "TEXT",
|
||||
"value": "Пло́ть ра́нами и҆ ѡ҆бꙋче́нїемъ и҆знꙋри́вше, жєны̀ прпⷣбныѧ чл҃вѣколю́бче, въ наде́ждахъ бл҃ги́хъ сподо́бишасѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Сме́рть погꙋби́въ, сме́ртїю твое́ю безсме́ртне, ᲂу҆ме́ршыѧ въ наде́жди и҆ жи́зни, вѣ̑рныѧ твоѧ̑ рабы̑ ꙗ҆́кѡ чл҃вѣколю́бецъ ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Оу҆праздни́ла є҆сѝ чⷭ҇таѧ пра́ѻтєцъ ѡ҆сꙋжде́нїе, всѣ́хъ ѡ҆правда́вшаго пло́тїю ро́ждши і҆и҃са є҆ди́наго гдⷭ҇а."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀ свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
||||
},
|
||||
{
|
||||
"type": "TEXT",
|
||||
"value": "Несказа́нныѧ твоеѧ̀ сла́вы, и҆ є҆́же па́че сло́ва твоегѡ̀ бл҃же́нства, въ селе́нїихъ ст҃ы́хъ, и҆дѣ́же гла́съ красе́нъ пра́зднꙋющихъ, преста́влєнныѧ къ безстра́стнѣй жи́зни ᲂу҆ще́дривъ, сподо́би є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "И҆дѣ́же чи́ни а҆́гг҃льстїи, и҆дѣ́же пра́ведныхъ собо́ри ра́дꙋютсѧ, а҆враа́ма въ нѣ́дрѣхъ вселѝ сп҃се рабы̑ твоѧ̑, и҆ со дерзнове́нїемъ стра́шномꙋ и҆ бж҃е́ственномꙋ прⷭ҇то́лꙋ предста́ти бл҃говолѝ бл҃гоꙋтро́бне."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆чище́нїе на́мъ ꙗ҆ви́лсѧ є҆сѝ, пра́вда же и҆ и҆збавле́нїе, и҆ ꙗ҆́звою твое́ю на́шѧ не́мѡщи ᲂу҆врачева́лъ є҆сѝ. Ты̀ ᲂу҆́бѡ ще́дре, ꙗ҆́кѡ бл҃гъ, преста́вльшыѧсѧ въ сла́дости ра́йстѣй ᲂу҆чинѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Млⷭ҇тивнѡ млⷭ҇тиве, чл҃вѣ́чества мѣ́рꙋ воспрїѧ́лъ є҆сѝ, и҆́же бж҃е́ственныѧ сла́вы превы́шшими ᲂу҆краша́ѧй возвыше́ньми, ѿ дв҃и́ческихъ ложе́снъ пло́ть прїе́мъ ѡ҆дꙋшевле́нꙋ, слове́снꙋ, є҆́юже сме́рть погꙋби́лъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆чи́сти мѧ̀ сп҃се, мнѡ́га бо беззакѡ́нїѧ моѧ̑, и҆ и҆з̾ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е сп҃се́нїѧ моегѡ̀."
|
||||
},
|
||||
{
|
||||
"type": "TEXT",
|
||||
"value": "Гное́нїи ва́шими чⷭ҇тны́ми дꙋ́шъ и҆сцѣлѧ́ете недꙋ́ги ст҃і́и мч҃нцы, и҆ согни̑тїѧ тѣле́съ при́снѡ ѿе́млете, ᲂу҆ѧзвлѧ́юще лꙋка́выхъ де́мѡновъ мно́жество."
|
||||
},
|
||||
{
|
||||
"type": "TEXT",
|
||||
"value": "Прпⷣбныхъ ли́къ, ст҃и́телей же сосло́вїе, и҆ же́нъ сщ҃е́нныхъ бж҃е́ственное сочета́нїе, тве́рдѡ страда́льчествовавше, на нб҃сѣ́хъ наслаждє́нїѧ наслѣ́доваша."
|
||||
},
|
||||
{
|
||||
"type": "TEXT",
|
||||
"value": "Оу҆мертви́вше пѡ́стницы пло́ть, живо́тъ ᲂу҆лꙋчи́сте: па́сше же до́брѣ хрⷭ҇то́во ста́до, ст҃и́телїе премꙋ́дрїи, безсме́ртныѧ сла́вы по кончи́нѣ сподо́бистесѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Живы́хъ сло́ве живо́тъ, и҆ ᲂу҆ме́ршихъ поко́й сы́й, ꙗ҆̀же ѿ на́съ бж҃е́ственнымъ твои́мъ манове́нїемъ, преста́влєныѧ рабы̑ твоѧ̑, а҆враа́ма въ нѣ́дра ᲂу҆го́дника твоегѡ̀ вселѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Всели́сѧ въ тѧ̀ чⷭ҇таѧ, ѻ҆́ч҃ее сїѧ́нїе, и҆ невеще́ственными зарѧ́ми своегѡ̀ бж҃ества̀, тьмꙋ̀ разрꙋшѝ многобо́жїѧ, и҆ мі́ръ просвѣтѝ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Мч҃нцы твоѝ сп҃се, мнѡ́гїѧ мꙋ̑ки претерпѣ́ша, любо́вїю твое́ю дꙋша́ми ᲂу҆ѧзви́вшесѧ ст҃і́и, твоеѧ̀ жела́юще присносꙋ́щныѧ сла́вы, и҆ сла́дкагѡ твоегѡ̀ прича́стїѧ."
|
||||
},
|
||||
{
|
||||
"type": "TEXT",
|
||||
"value": "Чре́во врага̀ сме́ртїю растерза́лъ є҆сѝ сп҃се, и҆ всѧ̑ ꙗ҆̀же въ не́мъ ю҆́зники воскрⷭ҇и́лъ є҆сѝ, живо́тъ дарова́вый: є҆гѡ́же преста́влєныѧ бл҃годѣ́телю, сподо́би."
|
||||
},
|
||||
{
|
||||
"type": "TEXT",
|
||||
"value": "Сла́ва: Сле́зъ и҆ воздыха́нїѧ сꙋ́щыѧ во а҆́дѣ рабы̑ твоѧ̑ свободѝ сп҃се: ꙗ҆́кѡ є҆ди́нъ бо бл҃гоꙋтро́бенъ, ѿѧ́лъ є҆сѝ всѧ́кꙋ сле́зꙋ ѿ всѧ́кагѡ лица̀, вѣ́рнѡ бл҃гословѧ́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆́же є҆стество́мъ содѣ́тель, содѣ́тельствꙋетсѧ въ ложесна́хъ твои́хъ, по́лный ꙗ҆́кѡ бг҃ъ, и҆стощава́етсѧ всенепоро́чнаѧ: є҆ди́нъ безсме́ртный, за всѣ́хъ сп҃се́нїе ᲂу҆мира́етъ сме́ртїю."
|
||||
},
|
||||
{
|
||||
"type": "TEXT",
|
||||
"value": "Конда́къ, гла́съ и҃: Со ст҃ы́ми ᲂу҆поко́й хрⷭ҇тѐ дꙋ́шы ра̑бъ твои́хъ, и҆дѣ́же нѣ́сть болѣ́знь, ни печа́ль, ни воздыха́нїе, но жи́знь безконе́чнаѧ."
|
||||
},
|
||||
{
|
||||
"type": "TEXT",
|
||||
"value": "І҆́косъ: Са́мъ є҆ди́нъ є҆сѝ безсме́ртный, сотвори́вый и҆ созда́вый человѣ́ка: земні́и ᲂу҆́бѡ ѿ землѝ созда́хомсѧ, и҆ въ зе́млю тꙋ́южде по́йдемъ, ꙗ҆́коже повелѣ́лъ є҆сѝ, созда́вый мѧ̀, и҆ рекі́й мѝ: ꙗ҆́кѡ землѧ̀ є҆сѝ, и҆ въ зе́млю ѿи́деши, а҆́може всѝ человѣ́цы по́йдемъ, надгро́бное рыда́нїе творѧ́ще пѣ́снь, а҆ллилꙋ́їа."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы бг҃очести́вїи въ вавѷлѡ́нѣ ѡ҆́бразꙋ злато́мꙋ не поклони́шасѧ, но посредѣ̀ пе́щи ѻ҆́гненныѧ ѡ҆роша́еми пѣ́снь воспѣва́хꙋ, глаго́люще: превозноси́мый ѻ҆тцє́въ и҆ на́съ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Разрꙋши́вше ѡ҆пло́тъ ѕлоче́стїѧ вѧза́ньми сщ҃е́нными ва́шими всехва́льнїи, мои́хъ согрѣше́нїй бре́мѧ расточи́те, и҆ вопїю́ща мч҃нцы сп҃си́те: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Тꙋ́чами сщ҃е́нныхъ ва́шихъ крове́й, є҆ресе́й ѻ҆́гнь ᲂу҆гаси́сте: и҆ пла́менемъ ст҃и́телїе премꙋ́дрїи попали́сте нече́стїѧ пре́лести пле́велы, и҆ вѣ́рныхъ дꙋ́шы просвѣти́сте."
|
||||
},
|
||||
{
|
||||
"type": "TEXT",
|
||||
"value": "Пѡ́стницы воздержа́нїемъ плѡ́ти ᲂу҆мертви́вше, живꙋ́тъ по сме́рти: прⷪ҇рѡ́къ же првⷣныхъ ли́къ, и҆ сочета́нїе же́нское страда́льчествовавшее просла́висѧ. Тѣ́хъ мл҃твами хрⷭ҇тѐ, ѿ бѣ́дъ и҆зба́ви на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва: Всѣ́хъ въ наде́жди жи́зни ᲂу҆со́пшихъ дꙋ́шы хрⷭ҇тѐ, ᲂу҆поко́й, презира́ѧй ꙗ҆̀же въ житїѝ тѣ́хъ согрѣшє́нїѧ, за мно́гое бл҃гоꙋтро́бїе твоѐ, бл҃гоꙋтро́бне є҆ди́не сп҃се, ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Всѧ̀ ꙗ҆́кѡ чⷭ҇таѧ воспрїѧ́ла є҆сѝ во ᲂу҆тро́бꙋ сло́во воплоща́емо: того̀ молѝ пречⷭ҇таѧ, прегрѣше́нїй ѡ҆чи́стити мѧ̀ дꙋшѝ и҆ тѣ́ла, къ тебѣ̀ чи́стою вѣ́рою притека́ющаго."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ гдⷭ҇и бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "Всѐ жела́нїе мч҃нкѡвъ простре́сѧ ко є҆ди́номꙋ влⷣцѣ, любо́вїю томꙋ̀ соединѧ́емое, и҆ пою́щее: бл҃гослове́нъ є҆сѝ гдⷭ҇и бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "Подае́ши вѣ́рою преста́вльшымсѧ свѣ́тлость бж҃е́ственнагѡ црⷭ҇твїѧ, нетлѣ́нїѧ ѻ҆де́ждꙋ да́рꙋѧй вопїю́щымъ: бл҃гослове́нъ є҆сѝ гдⷭ҇и бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆спо́лни ра́дости и҆ весе́лїѧ, ꙗ҆̀же преста́вилъ є҆сѝ рабы̑ твоѧ̑ ще́дре, сподо́бивый и҆́хъ взыва́ти тебѣ̀ и҆ пѣ́ти: бл҃гослове́нъ є҆сѝ гдⷭ҇и бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Разрѣша́ѧ є҆́ѵинꙋ клѧ́твꙋ, въ пренепоро́чнꙋю всели́лсѧ є҆сѝ дв҃ꙋ, бл҃гослове́нїѧ и҆сто́чникъ и҆сточа́ѧ вопїю́щымъ: бл҃гослове́нъ пречⷭ҇таѧ пло́дъ твоегѡ̀ чре́ва."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃оглаго́ливїи ѻ҆́троцы въ пещѝ со ѻ҆гне́мъ пла́мень попира́юще поѧ́хꙋ: бл҃гослови́те дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Хра́мы і҆́дѡльскїѧ низложи́сте страда́льчествꙋюще, и҆ себѐ трⷪ҇цы бж҃е́ствєнныѧ хра́мы созда́сте, стрⷭ҇тоте́рпцы гдⷭ҇ни а҆́гг҃лѡмъ собесѣ̑дницы."
|
||||
},
|
||||
{
|
||||
"type": "TEXT",
|
||||
"value": "Сщ҃е́нницы твоѝ хрⷭ҇тѐ, въ пра́вдꙋ ѡ҆бле́кшесѧ прпⷣбнѡ съ сꙋ́щими ѿ вѣ́ка ны́нѣ ра́дꙋютсѧ, твою̀ добро́тꙋ зрѧ́ще бж҃е́ственнꙋю ꙗ҆снѣ́йше."
|
||||
},
|
||||
{
|
||||
"type": "TEXT",
|
||||
"value": "Сщ҃е́ннѣйшихъ мл҃твами прⷪ҇рѡ́къ твои́хъ, и҆ же́нъ присносла́вныхъ, сꙋ́щихъ ѿ вѣ́ка првⷣныхъ, млⷭ҇ти твоѧ̑ сло́ве мі́рꙋ твоемꙋ̀ да́рꙋй."
|
||||
},
|
||||
{
|
||||
"type": "TEXT",
|
||||
"value": "Бл҃гослови́мъ ѻ҆ц҃а̀, и҆ сн҃а, и҆ ст҃а́го дх҃а, гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Правосꙋ́де, є҆гда̀ хо́щеши сꙋди́ти, ꙗ҆̀же ѿ на́съ прїѧ́лъ є҆сѝ, неѡсꙋжде́ны соблюдѝ, презрѣ́въ тѣ́хъ согрѣшє́нїѧ влⷣко."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́вльшисѧ дв҃о, дꙋшѝ моеѧ̀ темнѣ́йшыѧ ѻ҆́блаки просвѣще́нїемъ твои́мъ ѿженѝ, пра́вды сл҃нца ро́ждшаѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мꙋсїкі̑йскимъ ѻ҆рга́нѡмъ согласꙋ́ющымъ, и҆ лю́демъ безчи́слєннымъ покланѧ́ющымсѧ ѡ҆́бразꙋ въ деи́рѣ, трѝ ѻ҆́троцы не повинꙋ́вшесѧ, гдⷭ҇а воспѣва́хꙋ, и҆ славосло́влѧхꙋ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Землены̑ѧ по́двиги проше́дше, нбⷭ҇ныѧ прїѧ́ша вѣнцы̀ мч҃нцы и҆́стиннїи, вопїю́ще тѝ непреста́ннѡ: гдⷭ҇а по́йте, и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Соше́дъ въ ро́въ преиспо́днѣйшїй, и҆̀же во гробѣ́хъ живꙋ́щыѧ воскр҃си́лъ є҆сѝ живонача́льною дла́нїю, и҆ по́далъ є҆сѝ рабѡ́мъ твои̑мъ, вѣ́рою пре́жде ᲂу҆со́пшымъ поко́й ще́дре."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́кѡ и҆сто́чникъ жи́зни присносꙋ́щныѧ, ꙗ҆́кѡ сла́дости сы́й пото́къ, рабы̑ твоѧ̑ бл҃гоче́стнѡ къ тебѣ̀ преста́влєныѧ сподо́би пѣ́ти, и҆ славосло́вити тѧ̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Мр҃і́е дв҃о бцⷣе, ꙗ҆́же бг҃а сп҃са человѣ́кѡмъ ро́ждшаѧ тѣле́снѡ, сп҃са́й вѣ́рою пою́щыѧ твоѐ ржⷭ҇тво̀, и҆ превозносѧ́щыѧ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Та́же, пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Тѧ̀ неискꙋсобра́чнꙋю мт҃рь бг҃а вы́шнѧгѡ, тѧ̀ па́че ᲂу҆ма̀ ро́ждшꙋю сло́вомъ вои́стиннꙋ бг҃а, вы́шшꙋю пречⷭ҇тыхъ си́лъ, немо́лчными славословле́нїи велича́емъ."
|
||||
},
|
||||
{
|
||||
"type": "TEXT",
|
||||
"value": "Стоѧ́хꙋ мч҃нцы пред̾ непра́ведными сꙋди́щи, всю̀ непра́вдꙋ бл҃года́тїю хрⷭ҇то́вою ѡ҆сꙋди́вше, и҆ ꙗ҆̀же ѿ ни́хъ держи̑мыѧ и҆з̾е́млюще, и҆ вѣнцы̀ пра́вды прїе́млюще."
|
||||
},
|
||||
{
|
||||
"type": "TEXT",
|
||||
"value": "Ꙗ҆ви́стесѧ ꙗ҆́коже корми̑ла цр҃кве, кора́бль ве́сь бл҃гоче́стнѡ напра́вивше бж҃їихъ за́повѣдей, всѝ первосщ҃еннонача́льницы и҆ па́стырїе бл҃же́ннїи: сегѡ̀ ра́ди ꙗ҆́кѡ ѡ҆корми́тели ва́съ чти́мъ."
|
||||
},
|
||||
{
|
||||
"type": "TEXT",
|
||||
"value": "Собо́ръ мо́литъ тѧ̀ гдⷭ҇и прⷪ҇рѡ́къ, и҆ прпⷣбныхъ, сосло́вїе же́нъ страда́льчествовавшихъ свѣтлѣ́йше, и҆ возсїѧ́вшихъ во ѡ҆бꙋче́нїи чл҃вѣколю́бче, мо́литъ тѧ̀, щедрѡ́ты твоѧ̑ на́мъ да́рꙋй."
|
||||
},
|
||||
{
|
||||
"type": "TEXT",
|
||||
"value": "Сла́ва: Є҆ѧ́же сподо́бишасѧ че́сти и҆ сла́вы вѣ́чныѧ всѝ ст҃і́и хрⷭ҇тѡ́вы: ꙗ҆̀же вѣ́рнѡ ѿше́дшыѧ житїѧ̀ сꙋ́етнагѡ, причасти́тисѧ рабы̑ твоѧ̑ сподо́би, млⷭ҇тиве, мл҃твами ст҃ы́хъ твои́хъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Носѧ́щи и҆сполне́нїе бл҃ги́хъ во ѡ҆б̾ѧ́тїихъ всенепоро́чнаѧ, и҆спо́лни на́съ мольбы̑ ра̑бъ твои́хъ: и҆ ꙗ҆̀же къ бг҃ꙋ шє́ствїѧ на̑ша и҆спра́ви, добродѣ́тельнѣ ᲂу҆крѣплѧ́ющи жи́тельствовати."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆страши́сѧ всѧ́къ слꙋ́хъ неизрече́нна бж҃їѧ снизхожде́нїѧ, ꙗ҆́кѡ вы́шшїй во́лею сни́де да́же и҆ до пло́ти, ѿ дв҃и́ческагѡ чре́ва бы́въ человѣ́къ. Тѣ́мже пречⷭ҇тꙋю бцⷣꙋ вѣ́рнїи велича́емъ."
|
||||
},
|
||||
{
|
||||
"type": "TEXT",
|
||||
"value": "И҆мꙋ́ще мч҃нцы хрⷭ҇тѡ́вы непобѣди́мꙋю крѣ́пость, и҆ неѡдолѣ́емꙋю, ᲂу҆ничижи́сте мꙋчи́телей безбо́жное велѣ́нїе, и҆ црⷭ҇твїѧ нбⷭ҇нагѡ ꙗ҆́вѣ сподо́бистесѧ, просвѣща́еми трⷪ҇чными зарѧ́ми достохва́льнїи."
|
||||
},
|
||||
{
|
||||
"type": "TEXT",
|
||||
"value": "Разрꙋши́сѧ а҆́дъ го́рькїй, разрꙋши́вшꙋ тѝ є҆го̀ чл҃вѣколю́бче, и҆ воскр҃си́вшꙋ ꙗ҆̀же ѿ вѣ́ка та́мѡ спѧ́щыѧ: но и҆ ны́нѣ ꙗ҆́кѡ бл҃гъ преше́дшыѧ къ тебѣ̀ бл҃гоꙋтро́бне, невече́рнѧгѡ свѣ́та твоегѡ̀ сподо́би."
|
||||
},
|
||||
{
|
||||
"type": "TEXT",
|
||||
"value": "Сла́ва: Ве́сь є҆сѝ сп҃се сла́дость: ве́сь є҆сѝ жела́нїе, и҆ любо́вь вои́стиннꙋ ненасы́тнаѧ: ве́сь є҆сѝ добро́та несказа́ннаѧ: преста́вльшыѧсѧ ᲂу҆́бѡ къ тебѣ̀, твоеѧ̀ красоты̀ наслажда́тисѧ бл҃говолѝ, и҆ бж҃е́ственныѧ добро́ты твоеѧ̀ сподо́би."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Сп҃си́ мѧ мт҃и бж҃їѧ, ро́ждшаѧ хрⷭ҇та̀ сп҃са моего̀, бг҃а и҆ человѣ́ка, сꙋгꙋ́ба є҆стество́мъ, не ѵ҆поста́сїю: є҆диноро́дна ᲂу҆́бѡ ѿ ѻ҆ц҃а̀, и҆з̾ тебе́ же перворо́дна всеѧ̀ тва́ри: є҆го́же въ сꙋгꙋ́бомъ є҆стествѣ̀ велича́емъ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀, и҆ свѣти́ленъ, и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На хвали́техъ стїхи̑ры мч҃нчны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Вельмѝ подвиза́стесѧ ст҃і́и, мꙋ̑ки беззако́нныхъ претерпѣ́сте до́блественнѣ, и҆ хрⷭ҇та̀ и҆сповѣ́давше пред̾ царѝ: и҆ па́ки преста́вльшесѧ ѿ житїѧ̀, си̑лы дѣ́йствꙋете въ мі́рѣ: и҆ немѡщны́ѧ и҆сцѣлѧ́ете ѿ страсте́й и҆́хъ ст҃і́и, молѧ́ще сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Мч҃нцы хрⷭ҇тѡ́вы непобѣди́мїи, побѣди́вше пре́лесть си́лою кре́стною, наслажда́етесѧ бл҃года́ти вѣ́чныѧ жи́зни: мꙋчи́телей преще́нїѧ не ᲂу҆боѧ́стесѧ, мꙋ́ками ᲂу҆ранѧ́еми весели́стесѧ: и҆ ны́нѣ крѡ́ви ва́шѧ бы́ша и҆сцѣлє́нїѧ дꙋша́мъ на́шымъ, моли́те сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Во бронѧ̀ вѣ́ры ѡ҆бо́лкшесѧ до́брѣ, и҆ ѡ҆́бразомъ кре́стнымъ воѡрꙋжи́вше себѐ, во́ини бл҃гомо́щнїи ꙗ҆ви́стесѧ: мꙋчи́телємъ мꙋ́жески проти́вистесѧ, и҆ дїа́волю пре́лесть низложи́сте, побѣ́дницы бы́вше, вѣнцє́въ сподо́бистесѧ, молѧ́щесѧ при́снѡ ѡ҆ на́съ, во є҆́же сп҃сти́сѧ на́мъ."
|
||||
},
|
||||
{
|
||||
"type": "TEXT",
|
||||
"value": "Поко́инъ: Безмѣ́рна є҆́сть блꙋ́днѡ живꙋ́щымъ мꙋ́ка, скре́жетъ зꙋбѡ́въ, и҆ пла́чь неꙋтѣ́шимый, гее́нна ѻ҆́гненнаѧ, и҆ тма̀ кромѣ́шнаѧ, и҆ че́рвь неꙋсыпа́емый, сле́зы недѣйстви́тельны, и҆ сꙋ́дъ немлⷭ҇тивый. Сегѡ̀ ра́ди пре́жде конца̀ возопїи́мъ, глаго́люще: влⷣко хрⷭ҇тѐ, ꙗ҆̀же и҆збра́лъ є҆сѝ, со и҆збра́нными твои́ми ᲂу҆поко́й."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: А҆́зъ, дв҃о ст҃а́ѧ бцⷣе, къ покро́вꙋ твоемꙋ̀ прибѣга́ю, вѣ́мъ, ꙗ҆́кѡ ѡ҆брѧ́щꙋ тобо́ю сп҃се́нїе: мо́жеши бо чⷭ҇таѧ, помощѝ мнѣ̀."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры поко́йны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ѽ пресла́внагѡ чꙋдесѐ!"
|
||||
},
|
||||
{
|
||||
"type": "TEXT",
|
||||
"value": "Црⷭ҇кое мѝ подписа́въ свобожде́нїе, ша́ры червле́ными, пе́рсты твоѧ̑ ѡ҆кровави́въ влⷣко, и҆ ѡ҆багри́въ твое́ю кро́вїю. Тѣ́мже тѧ̀ вѣ́рою мо́лимъ: съ перворо́дными твои́ми причтѝ, и҆ пра́ведныхъ твои́хъ ра́дости сподо́би ᲂу҆лꙋчи́ти, преше́дшыѧ къ тебѣ̀ бл҃гоꙋтро́бномꙋ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни, ꙗ҆̀же и҆збра́лъ и҆ прїѧ́лъ є҆сѝ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Сщ҃е́нствовавъ ꙗ҆́кѡ человѣ́къ, закла́нъ бы́въ ꙗ҆́кѡ а҆́гнецъ, приноше́нїе приноси́лсѧ є҆сѝ ѻ҆ц҃ꙋ̀, человѣ́ка ѿ тлѝ и҆з̾има́ѧ: преста́вльшыѧсѧ ᲂу҆́бѡ ꙗ҆́кѡ чл҃вѣколю́бецъ, въ живꙋ́щихъ странѣ̀ ᲂу҆чинѝ, и҆дѣ́же пото́цы сла́дости пролива́ютсѧ, и҆дѣ́же и҆сто́чницы присносꙋ́щества и҆стека́ютъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Дꙋ́шы и҆́хъ во бл҃ги́хъ водворѧ́тсѧ."
|
||||
},
|
||||
{
|
||||
"type": "TEXT",
|
||||
"value": "Глꙋбино́ю мꙋ́дрости неизрече́нныѧ твоеѧ̀ предѣлополага́еши живо́тъ, и҆ прови́диши бꙋ̑дꙋщаѧ, и҆ къ жи́зни дрꙋго́й преселѧ́еши рабы̑ твоѧ̑, ꙗ҆̀же прїѧ́лъ є҆сѝ ᲂу҆̀бо, ᲂу҆чинѝ на вода́хъ ᲂу҆покое́нїѧ, во свѣ́тлости ст҃ы́хъ, гдⷭ҇и, и҆дѣ́же гла́съ ра́дованїѧ и҆ хвале́нїѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ па́мѧть и҆́хъ въ ро́дъ и҆ ро́дъ."
|
||||
},
|
||||
{
|
||||
"type": "TEXT",
|
||||
"value": "Сло́во сы́й неви́димый, є҆динора́сленный ѻ҆ц҃ꙋ̀ и҆ дх҃ꙋ созра́чный, менѐ ра́ди человѣ́ка пло́тїю ꙗ҆ви́лсѧ є҆сѝ: ꙗ҆́кѡ млⷭ҇тивъ ᲂу҆́бѡ и҆ чл҃вѣколю́бецъ, ꙗ҆̀же ѿ житїѧ̀ преше́дшыѧ, бл҃голѣ́пїѧ твоегѡ̀ и҆ красоты̀ добро́тами, тѣ́хъ просвѣтѝ живонача́льнѣйшїй."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ꙗ҆́кѡ заче́нши безнача́льное сло́во бг҃а ѻ҆ц҃а̀, мт҃рнимъ твои́мъ дерзнове́нїемъ прилѣ́жнѡ молѝ, бг҃ороди́тельнице, ᲂу҆чини́ти рабы̑ твоѧ̑, и҆дѣ́же ликова́нїе првⷣныхъ непреста́нное веселѧ́щихсѧ и҆ хва́лѧщихъ тѧ̀, и҆дѣ́же свѣ́тлость вѣ́чнꙋющаѧ, и҆ сла́дкїй гла́съ пра́зднꙋющагѡ."
|
||||
},
|
||||
{
|
||||
"type": "HEADER",
|
||||
"value": "Тропа́рь, є҆ктенїа̀ и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сꙋббѡ́тꙋ на лїтꙋргі́и бл҃жє́нна, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Помѧнѝ на́съ хрⷭ҇тѐ сп҃се мі́ра, ꙗ҆́коже разбо́йника помѧнꙋ́лъ є҆сѝ на дре́вѣ: и҆ сподо́би всѣ́хъ є҆ди́не ще́дре, нбⷭ҇нагѡ црⷭ҇твїѧ твоегѡ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Всѣ̑мъ болѣ́знемъ крѣ́пкѡ прїѡбща́ющесѧ, ꙗ҆́звами ва́шими ст҃ы́ми стрⷭ҇тоте́рпцы, ᲂу҆ѧзви́сте всѧ̑ тмы̑ бѣсѡ́въ, бж҃е́ственною бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Прпⷣбнїи хрⷭ҇тѡ́вы, и҆ бж҃е́ственнїи ст҃и́телїе, собо́ръ прⷪ҇ро́ческїй, и҆ всѣ́хъ ст҃ы́хъ првⷣныхъ, нбⷭ҇ное полꙋчи́ша наслѣ́дїе: и҆̀хже по достоѧ́нїю да ᲂу҆бл҃жи́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Всѣ́хъ вѣ́рнѡ ѿ житїѧ̀ преста́вленныхъ ᲂу҆чинѝ бж҃е, въ страна́хъ пра́ведныхъ: и҆ раѧ̀ покажѝ наслѣ́дники, бг҃олѣ́пнѡ пѣсносло́вѧщихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Пѣ́нїе тѝ трⷪ҇це, приношꙋ̀ коне́чное: и҆̀хже ѿ землѝ преста́вила є҆сѝ въ вѣ́рѣ, ст҃ы́хъ сподо́би селе́нїѧ, и҆ менѐ блꙋ́днаго поми́лꙋй."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ, бг҃оро́диченъ: Всѣ́хъ до́брыхъ и҆сполне́нїе ро́ждши, и҆спо́лни на̑ша, дв҃о, молє́нїѧ. Согрѣше́нїй на́мъ ѡ҆ставле́нїѧ просѧ́щи, и҆ просвѣще́нїѧ и҆ ве́лїѧ млⷭ҇ти."
|
||||
},
|
||||
{
|
||||
"type": "HEADER",
|
||||
"value": "Коне́цъ ѻ҆смо́мꙋ гла́сꙋ."
|
||||
}
|
||||
]
|
||||
@@ -0,0 +1,870 @@
|
||||
[
|
||||
{
|
||||
"type": "HEADER",
|
||||
"value": "Гла́съ и҃. Четверто́къ"
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ ве́чера, на Гдⷭ҇и воззва́хъ, стїхи̑ры ст҃ы̑мъ а҆пⷭ҇лѡмъ. Гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гдⷭ҇и, а҆́ще и҆ на сꙋди́щи:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, ты̀ ᲂу҆тѣ́шителѧ зарѧ́ми а҆пⷭ҇лы твоѧ̑ просвѣти́лъ є҆сѝ, и҆ свѣти̑ла положи́въ тѣ́хъ вѣ́рѣ ᲂу҆твержде́нїе, ᲂу҆́мнымъ просвѣще́нїемъ ра́зꙋма твоегѡ̀ влⷣко: сегѡ̀ ра́ди покланѧ́емсѧ неизрече́нномꙋ чл҃вѣколю́бїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆менѐ ра́ди твоегѡ̀, потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, ты̀ а҆пⷭ҇лъ мл҃твами ѡ҆гради́лъ є҆сѝ ста́до твоѐ сїѐ, ѿ врагѡ́въ и҆скꙋше́нїѧ невре́днѡ сохранѧ́ѧ: занѐ чⷭ҇тно́ю то̀ и҆скꙋпи́лъ є҆сѝ кро́вїю ѿ рабо́ты чꙋжда́гѡ, ꙗ҆́кѡ ще́дръ и҆ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Ꙗ҆ви́стесѧ кꙋ́пнѡ во ѡ҆снова́нїи цр҃ко́внѣмъ, ꙗ҆́кѡ честно́е ка́менїе, заре́ю свѣ́тлою вселе́ннѣй блиста́юще бг҃оразꙋ́мїе и҆звѣ́стно, а҆пⷭ҇ли бж҃е́ственнїи, трⷪ҇цѣ предстоѧ́тели, и҆ мл҃твєнницы ѡ҆ дꙋша́хъ на́шихъ."
|
||||
},
|
||||
{
|
||||
"type": "HEADER",
|
||||
"value": "Та́же въ мине́и стїхи̑ры ст҃о́мꙋ, а҆́ще и҆́мать. А҆́ще нѣ́сть мине́и, и҆́ны стїхи̑ры ст҃о́мꙋ и҆ вели́комꙋ чꙋдотво́рцꙋ нїкола́ю, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе: и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, ты̀ чⷭ҇тна́го твоего̀ ст҃и́телѧ нїкола́а въ конца́хъ просла́вилъ є҆сѝ, да́въ томꙋ̀ чꙋде́съ бл҃года́ть: и҆ побо́рника показа́лъ є҆сѝ сꙋ́щымъ въ бѣда́хъ лю́тыхъ, и҆ въ ско́рбехъ и҆ ѕло́бахъ припа́дающымъ, и҆ просѧ́щымъ тогѡ̀ при́снѡ застꙋпле́нїѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, ты̀ ст҃и́телѧ твоегѡ̀ бж҃е́ственными мольба́ми ᲂу҆милосе́рдисѧ: и҆ всѧ́кїѧ бѣды̀, и҆ всѧ́кагѡ ѡ҆ѕлобле́нїѧ, и҆ нахожде́нїѧ вра́жїѧ свободѝ рабы̑ твоѧ̑, вѣ́рою покланѧ́ющыѧсѧ твое́й держа́вѣ непобѣди́мѣй."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "И҆мꙋ́ще тебѐ ко влⷣцѣ предста́телѧ, и҆ застꙋ́пника те́пла нїко́лае, къ тебѣ̀ притека́емъ вѣ́рою, и҆ взыва́емъ: не ѿвратѝ на́съ бездѣ́льны ѿ покро́ва твоегѡ̀, но покажѝ твоѐ млⷭ҇рдїе просте́рто на рабы̑ твоѧ̑."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ви́ждь моегѡ̀ сокрꙋше́ннагѡ се́рдца воздыха́нїе бг҃оневѣ́сто, прїимѝ дв҃о мр҃і́е чⷭ҇таѧ, рꙋ́къ мои́хъ воздѣѧ́нїе, ꙗ҆́кѡ чл҃вѣколюби́ва, и҆ не ѿри́ни всенепоро́чнаѧ: да пою̀ и҆ велича́ю тѧ̀ возвели́чившꙋю ро́дъ на́шъ."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: Прокі́менъ днѐ:"
|
||||
},
|
||||
{
|
||||
"type": "TEXT",
|
||||
"value": "И҆ Сподо́би гдⷭ҇и, въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры а҆пⷭ҇льскїѧ. Гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, тебѐ ᲂу҆се́рднѡ на землѝ а҆пⷭ҇ли возлюби́вше, ᲂу҆ме́ты вмѣни́ша всѧ̑, да тебѐ є҆ди́наго прїѡбрѧ́щꙋтъ, и҆ за тѧ̀ на ра̑ны тѣлеса̀ своѧ̑ преда́ша: сегѡ̀ ра́ди просла́влени бы́вше, и҆ мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, ты̀ а҆пⷭ҇лѡвъ па́мѧть на землѝ возвели́чилъ є҆сѝ: вси́ бо вкꙋ́пѣ соше́дшесѧ въ не́й славосло́вимъ тѧ̀: ꙗ҆́кѡ подае́ши на́мъ тѣ́хъ ра́ди и҆сцѣлє́нїѧ, и҆ всемꙋ̀ мі́рꙋ ᲂу҆мире́нїе мл҃твами и҆́хъ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: А҆́ще ка́ѧ добродѣ́тель, и҆ а҆́ще ка́ѧ похвала̀ подоба́етъ ст҃ы̑мъ: мечє́мъ бо преклони́ша вы̑и, тебѐ ра́ди прекло́ньшаго нб҃са̀ и҆ соше́дша: пролїѧ́ша крѡ́ви своѧ̀ тебѐ ра́ди и҆стощи́вшагѡ себѐ, и҆ зра́къ раба̀ прїе́мша: смири́шасѧ да́же до сме́рти, нищетѣ̀ твое́й подо́бѧщесѧ: и҆́хже моли́твами, по мно́жествꙋ щедро́тъ твои́хъ, бж҃е поми́лꙋй на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: А҆́зъ, дв҃о ст҃а́ѧ бцⷣе, къ покро́вꙋ твоемꙋ̀ прибѣга́ю: вѣ́мъ, ꙗ҆́кѡ ѡ҆брѧ́щꙋ тобо́ю сп҃се́нїе, мо́жеши бо чⷭ҇таѧ, помощѝ мнѣ̀."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ є҆ктенїа̀, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ на повече́рїи, канѡ́нъ моле́бный ко прест҃ѣ́й бцⷣѣ. Гла́съ и҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѡбра́знѡ порази́въ, и҆ раздѣли́въ мо́ре, і҆и҃лѧ же бѣглеца̀, пѣшехо́дца сп҃сѐ, пѣ́снь бг҃ови воспѣва́юща."
|
||||
},
|
||||
{
|
||||
"type": "TEXT",
|
||||
"value": "Сло́во бж҃їе родила̀ є҆сѝ воплоще́нно, є҆́же пре́жде безпло́тное, па́че є҆стества̀, всенепоро́чнаѧ бцⷣе дв҃о, бг҃омꙋ́жнѡ въ мі́рѣ пожи́вшее: тѣ́мже тѧ̀ всѝ сла́вимъ, сꙋ́щее по бз҃ѣ застꙋпле́нїе на́ше."
|
||||
},
|
||||
{
|
||||
"type": "TEXT",
|
||||
"value": "И҆спещре́на разли́чїемъ ша́ра бг҃обл҃года́тнаѧ, ѻ҆́ч҃ее сло́во пло́ть бы́вшее за млⷭ҇рдїе неизрече́нное, па́че ᲂу҆ма̀ и҆ сло́ва бл҃гослове́ннаѧ родила̀ є҆сѝ, пребы́вши дв҃а нескве́рнаѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѿ ко́рене чⷭ҇таѧ ца́рска прозѧбла̀ є҆сѝ, цр҃ѧ̀ хрⷭ҇та̀, бж҃їе сло́во, па́че ᲂу҆ма̀ и҆ смы́сла, воплоще́нна родила̀ є҆сѝ ѿ чⷭ҇тыхъ крове́й твои́хъ, сꙋгꙋ́ба є҆стество́мъ показꙋ́ема, и҆ є҆ди́нственна во ѵ҆поста́си."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆́же бцⷣꙋ тѧ̀ проповѣ́дꙋетъ пречⷭ҇таѧ, на всѧ̑кїѧ є҆́рєси побѣжде́нїе но́ситъ: пло́ть ᲂу҆́бѡ бы́вшаго неизмѣ́ннѡ породила́ є҆си бг҃ороди́тельнице, вы́шша всѧ́кїѧ тва́ри, сло́во бж҃їе присносꙋ́щное."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ, ꙗ҆́кѡ нѣ́сть ст҃ъ, па́че тебѐ є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Во твою̀ ст҃ꙋ́ю ᲂу҆тро́бꙋ бг҃ъ всели́сѧ, и҆ воплоти́сѧ ꙗ҆́коже вѣ́сть бг҃ома́ти, и҆ сп҃сѐ на́съ живоно́сными стрⷭ҇тьмѝ: тѣ́мъ тѧ̀ сп҃се́нїѧ две́рь сла́вимъ."
|
||||
},
|
||||
{
|
||||
"type": "TEXT",
|
||||
"value": "На землѝ вопло́щьсѧ и҆ поживѐ съ человѣ́ки, и҆́же дꙋ́шꙋ всѣ̑мъ человѣ́кѡмъ вдохнꙋ́вый, ѿ ᲂу҆тро́бы твоеѧ̀ проше́дъ, без̾ сѣ́мене пребж҃е́ственный: тѣ́мже тѧ̀ вѣ́рнїи всѝ пѣ́сньми чⷭ҇таѧ, ᲂу҆бл҃жа́емъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѿ ѻ҆ц҃а̀ пре́жде вѣ̑къ рожде́на во ᲂу҆тро́бѣ твое́й заче́нши дв҃о неискꙋсобра́чнѡ, и҆ родила̀ є҆сѝ на́мъ вкꙋ́пѣ бг҃а и҆ человѣ́ка, во ѻ҆бою̀ є҆стєствꙋ̀ соверше́нна и҆ нераздѣ́льна."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Же́злъ прозѧ́бшїй цвѣ́тъ нетлѣ́нїѧ хрⷭ҇та̀, и҆ златꙋ́ю кади́льницꙋ всѝ тѧ̀ зна́емъ чⷭ҇таѧ, бж҃е́ственное сꙋщество̀ носѧ́щꙋю на рꙋкꙋ̀ ᲂу҆́гль, дв҃о бг҃обл҃же́ннаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ моѧ̀ крѣ́пость гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́тча, и҆ на́шꙋ нищетꙋ̀ посѣти́въ: тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Кївѡ́тъ и҆здале́ча проѡбразѝ прїе́мшїи зако́нъ бг҃опи́санный, во ᲂу҆тро́бѣ живонача́льное сло́во, зача́тое несказа́ннѡ пренепоро́чнаѧ, пита́ющее бога́тнѡ дꙋ́шы пою́щихъ: си́лѣ твое́й сла́ва чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ты̀ и҆́стиннаѧ сп҃се́нїѧ вина̀, бг҃ома́ти, є҆ди́на была̀ є҆сѝ, творцꙋ̀ и҆ зижди́телю, ѿ твои́хъ пречⷭ҇тыхъ крове́й пло́ть взаи́мъ да́вши: є҆́юже смє́ртныѧ сокрꙋши́шасѧ двє́ри, и҆ жи́знь человѣ́кѡмъ дарова́сѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Да ѡ҆́бразъ погребе́ный страстьмѝ взы́щеши бога́тствомъ бл҃гости, въ дв҃ыѧ всели́лсѧ є҆сѝ ᲂу҆тро́бꙋ, и҆з̾ неѧ́же ты̀ премꙋ́дрость бж҃їѧ хра́мъ созда́лъ є҆сѝ: и҆́мже пожи́въ съ человѣ́ки ще́дре, и҆ сп҃слъ є҆сѝ мі́ра концы̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: По бз҃ѣ тѧ̀ предста́тельницꙋ стѧжа́хомъ, пренепоро́чнаѧ: ты́ бо бж҃їѧ мт҃и была̀ є҆сѝ творца̀ и҆ зижди́телѧ, и҆ на́шъ зра́къ прїе́мшагѡ, и҆ сі́й сп҃сша ѿ тлѝ и҆ бѣ́дъ, и҆ сла́вою бж҃е́ственною просла́вльша."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀ свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ бг҃а заче́ншꙋю пречⷭ҇таѧ, зижди́телѧ, содѣ́телѧ же и҆ гдⷭ҇а, ро́дове тѧ̀ всѣ́хъ человѣ̑къ бл҃жа́тъ, и҆ безпло́тныхъ ᲂу҆́мнїи чинонача́льницы, ꙗ҆́кѡ мт҃рь тѧ̀ бг҃а сла́вѧтъ."
|
||||
},
|
||||
{
|
||||
"type": "TEXT",
|
||||
"value": "Вѡ́инства вы́шнихъ си́лъ пречⷭ҇таѧ, бл҃жа́тъ тѧ̀: тобо́ю бо то́кмѡ, и҆̀же на землѝ съ нбⷭ҇ными совокꙋ́пльшесѧ, пое́мъ ржⷭ҇тво̀ твоѐ."
|
||||
},
|
||||
{
|
||||
"type": "TEXT",
|
||||
"value": "Сла́ва: Несказа́ннымъ дв҃о ѡ҆́бразомъ, сло́во всели́сѧ въ тѧ̀ и҆ чл҃вѣ́къ бы́сть, и҆́же пре́жде вѣ̑къ ѿ ѻ҆ц҃а̀ возсїѧ́вый, и҆ человѣ́ки ѿ тлѝ и҆збавлѧ́ѧ, къ жи́зни нетлѣ́ннѣй возводѧ̀ є҆ди́нъ бл҃госе́рдый."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Оу҆краси́ласѧ є҆сѝ, пречⷭ҇таѧ дв҃о, дв҃ства добро́тами, и҆ пе́рвыѧ є҆́ѵы ѿпꙋсти́ла є҆сѝ ѕлоѡбра́зное, хрⷭ҇та̀ ро́ждши, ѻ҆де́ждꙋ безсме́ртїѧ да́рꙋющаго, тебѐ пою́щымъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆чи́сти мѧ̀ сп҃се, мнѡ́га бо беззакѡ́нїѧ моѧ̑, и҆ и҆з̾ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е сп҃се́нїѧ моегѡ̀."
|
||||
},
|
||||
{
|
||||
"type": "TEXT",
|
||||
"value": "И҆́же вседержа́вною си́лою носѧ́й всѧ́чєскаѧ, въ неможе́нїе плотско́е ѿ тебѐ ѡ҆блече́сѧ дв҃о всенепоро́чнаѧ, во бл҃годѣѧ́нїе человѣ́кѡвъ, ꙗ҆́кѡ чл҃вѣколю́бецъ."
|
||||
},
|
||||
{
|
||||
"type": "TEXT",
|
||||
"value": "На́йде на тѧ̀ вседѣ́тельный дх҃ъ всенепоро́чнаѧ, и҆ сло́во бж҃їе въ тѧ̀ всели́сѧ, и҆ пло́ть бы́сть несказа́ннѡ, пребы́въ неизмѣ́ненъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Просвѣтѝ дꙋ́шы правосла́внѡ пою́щихъ тѧ̀: речє́нїѧ прⷪ҇рѡ́къ твоѐ провозвѣсти́ша пречⷭ҇тое зача́тїе, и҆ па́че сло́ва бг҃оневѣ́стнаѧ ржⷭ҇тво̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Селе́нїе бж҃їе, бж҃е́ственное вои́стиннꙋ и҆ пречⷭ҇тно́е, пое́мъ бл҃гоче́стнѡ мр҃і́ю пречⷭ҇тꙋю: бг҃а бо вмѣстѝ, воспрїе́мши невмѣсти́маго и҆ непостижи́маго."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ всенепоро́чнаѧ невѣ́сто творцꙋ̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, ꙗ҆́кѡ прїѧ́телище сꙋ́щи ᲂу҆тѣ́шителѧ всепѣ́таѧ: беззако́нїю мѧ̀ сꙋ́ща скве́рно жили́ще, и҆ бѣсѡ́мъ и҆гра́лище въ ра́зꙋмѣ бы́вша, потщи́сѧ и҆ си́хъ ѕлодѣ́йствїѧ мѧ̀ и҆зба́вити, свѣ́тло жили́ще добродѣ́тельми содѣ́лавши, свѣтода́тельнаѧ и҆ нетлѣ́ннаѧ: разженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ мл҃твами твои́ми."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃їѧ снизхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀: сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще поѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Пречⷭ҇таѧ влⷣчце, заче́ншаѧ и҆зба́вителѧ всѣ́хъ, несказа́ннагѡ и҆ бж҃е́ственнагѡ сподо́би мѧ̀ и҆збавле́нїѧ, велегла́снѡ вопїю́щаго, и҆ пою́ща: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ны́нѣ всѧ̑ и҆спо́лнишасѧ свѣ́та бж҃е́ственнагѡ, тобо́ю пречⷭ҇таѧ: ты́ бо две́рь ꙗ҆ви́ласѧ є҆сѝ, є҆́юже мі́рови бг҃ъ бесѣ́дова, просвѣща́ѧ вѣ́рою зовꙋ́щыѧ: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Сѐ ны́нѣ и҆спо́лнисѧ дв҃да бж҃е́ственнагѡ бж҃е́ственное прорече́нїе: мо́лѧтсѧ вои́стиннꙋ твоемꙋ̀ лицꙋ̀ бг҃ороди́тельнице чⷭ҇таѧ, стѧжа́вшїи бога́тство бл҃года́ти, ны́нѣ бл҃гословѧ́ще бг҃а ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Зачала̀ є҆сѝ пречⷭ҇таѧ над̾ всѣ́ми бг҃а и҆ гдⷭ҇а, бл҃говоли́вшаго сп҃стѝ человѣ́ческїй ро́дъ ѿ сме́рти и҆ тлѝ, є҆го́же досто́йнѡ пою́ще, зове́мъ: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Побѣди́тели мꙋчи́телѧ и҆ пла́мене, бл҃года́тїю твое́ю бы́вше, за́повѣдемъ твои̑мъ ѕѣлѡ̀ прилѣжа́ще, ѻ҆́троцы вопїѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Бл҃гослове́ннаѧ пречⷭ҇таѧ, дꙋшѝ моеѧ̀ ꙗ҆́звы, и҆ грѣхѡ́вныѧ стрꙋ́пы ѡ҆чи́сти, бг҃а ро́ждшаѧ и҆́же над̾ всѣ́ми, ѻ҆трокови́це чⷭ҇таѧ, ѿ дв҃и́ческїѧ неискꙋсобра́чныѧ ᲂу҆тро́бы: є҆го́же дѣ́ти бл҃гослови́те, и҆ превозноси́те во вѣ́ки."
|
||||
},
|
||||
{
|
||||
"type": "TEXT",
|
||||
"value": "Свѣ́та незаходи́магѡ была̀ є҆сѝ прїѧ́телище всечⷭ҇таѧ, дв҃ства добро́тами сїѧ́ющи: и҆ всѣ́хъ ѡ҆зари́ла є҆сѝ, бцⷣꙋ тѧ̀ и҆́стиннꙋю и҆сповѣ́дающихъ ѿ дꙋшѝ, и҆ вопїю́щихъ: дѣ́ти бл҃гослови́те, сщ҃е́нницы воспо́йте, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Ѡ҆свѧ́щшисѧ дх҃омъ ст҃ы́мъ, бцⷣе всенепоро́чнаѧ, вои́стиннꙋ прїѧ́ла є҆сѝ во ᲂу҆тро́бѣ безнача́льна сн҃а и҆ соприсносꙋ́щна ѻ҆ц҃ꙋ̀, въ тебѣ̀ чⷭ҇таѧ воплоща́ема, во бл҃годѣѧ́нїе вѣ́рою вопїю́щымъ: дѣ́ти бл҃гослови́те, сщ҃е́нницы по́йте, и҆ превозноси́те є҆го̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ꙗ҆́кѡ бг҃а ро́ждши па́че сло́ва и҆ смы́сла, сего̀ ᲂу҆молѝ пречⷭ҇таѧ бг҃ома́ти, бы́ти бл҃гоꙋвѣ́тливꙋ недостѡ́йнымъ на́мъ всѣ̑мъ, во стра́шное є҆гѡ̀ и҆ ᲂу҆жа́сное прише́ствїе, є҆гда̀ хо́щетъ сꙋди́ти человѣ́ческомꙋ є҆стествꙋ̀, наги̑мъ стоѧ́щымъ всѣ̑мъ, и҆ со стра́хомъ сꙋди̑мымъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
||||
},
|
||||
{
|
||||
"type": "TEXT",
|
||||
"value": "Ѿве́рженыхъ вѣ́чнагѡ пребыва́нїѧ, и҆ па́дшихъ ѻ҆каѧ́ннѡ въ сме́рть, па́ки на́съ призвала̀ є҆сѝ, пречⷭ҇таѧ мт҃и бы́вши и҆зба́вителѧ, и҆ къ пре́жнемꙋ тещѝ сподо́била є҆сѝ ѻ҆те́чествꙋ: тѣ́мъ тѧ̀ бг҃ома́ти, непреста́ннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Оу҆до́бь бцⷣе, пода́ждь мѝ преитѝ житїѧ̀ во́лнꙋ напа́стей, и҆ настоѧ́нїѧ страсте́й, ꙗ҆́кѡ бл҃га̀ ᲂу҆кротѧ́щи, и҆ наставлѧ́ющи къ добродѣ́тели нбⷭ҇нагѡ ше́ствїѧ: да ꙗ҆́кѡ бл҃года́тельницꙋ непреста́ннѡ велича́ю тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Чⷭ҇таѧ пресла́внаѧ мт҃и бж҃їѧ, пою́щыѧ тѧ̀ любо́вїю сп҃сѝ ѿ напа́стей, молвꙋ̀ рѣша́ющи млⷭ҇тивнѡ, ꙗ҆́кѡ бг҃а ᲂу҆́бѡ ро́ждши: всѧ̑, є҆ли́кѡ хо́щеши твори́ти, твори́ши невозбра́ннѡ, и҆ мо́жеши дв҃о. Тѣ́мже тѧ̀ всѝ велича́емъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Побѣжда́ющꙋю є҆́рєси ю҆́ношскїѧ, чⷭ҇тнꙋ́ю цр҃ковь покажѝ, ю҆́же хрⷭ҇то́съ сн҃ъ тво́й ѡ҆бра́дованнаѧ, кро́вїю чⷭ҇тно́ю свое́ю ꙗ҆́кѡ бл҃гъ стѧжа̀, и҆ сп҃сѐ ѿ бѣ́дъ и҆ ѿ наси́лїѧ ѡ҆держа́щагѡ на́съ, влⷣчце."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ ᲂу҆́тра, по а҃-мъ стїхосло́вїи сѣда́льны а҆пⷭ҇льскїѧ. Гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ свѣти̑ла мі́ра, и҆ наста́вники на́шегѡ сп҃се́нїѧ, и҆̀же ѿ нача́ла бж҃е́ствєнныѧ воспои́мъ ᲂу҆ч҃нкѝ бг҃а на́шегѡ, ꙗ҆́кѡ свѣ́тъ сꙋ́щымъ во тьмѣ̀ на́мъ возсїѧ́ша, и҆ со́лнце сла́вы всѣ̑мъ сказа́ша. Тѣ́мже и҆ ле́сть і҆́дѡльскꙋю низложи́ша, трⷪ҇цꙋ проповѣ́давше во є҆ди́номъ бж҃ествѣ̀. Сегѡ̀ ра́ди мо́лимсѧ ва́мъ а҆пⷭ҇ли, хрⷭ҇та̀ бг҃а моли́те, грѣхѡ́въ ѡ҆ставле́нїе дарова́ти на́мъ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ."
|
||||
},
|
||||
{
|
||||
"type": "TEXT",
|
||||
"value": "Во всѧ̑ концы̀ и҆зше́дшее премꙋ́дрое ва́ше вѣща́нїе, ꙗ҆́кѡ вои́стиннꙋ мі́рꙋ прехва́льнїи гдⷭ҇ни а҆пⷭ҇ли, бг҃оразꙋ́мїе всѣ̑мъ ꙗ҆́вѣ возпроповѣ́да, и҆ ꙗ҆зы́ческое невѣ́дѣнїе, во ᲂу҆вѣ́дѣнїе преведѐ. Ѿѻнꙋ́дꙋже и҆ і҆́дѡльскꙋю мглꙋ̀ ѿгна́вше, свѣ́тъ ра́зꙋма сꙋ́щымъ во тьмѣ̀ возсїѧ̀. Сегѡ̀ ра́ди мо́лимсѧ, моли́тесѧ хрⷭ҇тꙋ̀ бг҃ꙋ, прегрѣше́нїй ѡ҆ставле́нїе дарова́ти, чтꙋ́щымъ любо́вїю ст҃ꙋ́ю па́мѧть ва́шꙋ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Во и҆скꙋшє́нїѧ многоплетє́наѧ впа́дъ, ѿ вра̑гъ ви́димыхъ и҆ неви́димыхъ, и҆ бꙋ́рею безчи́сленныхъ мои́хъ грѣхѡ́въ ѡ҆держи́мь є҆́смь пречⷭ҇таѧ: да ꙗ҆́кѡ къ те́пломꙋ застꙋпле́нїю, и҆ покро́вꙋ, и҆ къ приста́нищꙋ моемꙋ̀ притека́ю твоеѧ̀ бл҃гости. Тѣ́мже пречⷭ҇таѧ, и҆з̾ тебѐ воплоти́вшагосѧ без̾ сѣ́мене молѝ ѡ҆ всѣ́хъ рабѣ́хъ твои́хъ, непреста́ннѡ пою́щихъ тѧ̀, бцⷣе пречⷭ҇таѧ, молѧ́щи того̀ прилѣ́жнѡ, согрѣше́нїй ѡ҆ставле́нїе дарова́ти покланѧ́ющымсѧ вѣ́рою ржⷭ҇твꙋ̀ твоемꙋ̀."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи, сѣда́льны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Во всю̀ зе́млю, ꙗ҆́коже речѐ прⷪ҇ро́къ, и҆зы́де премꙋ́дрыхъ а҆пⷭ҇лъ вѣща́нїе: проповѣ́давше бо сло́во, ꙗ҆зы́ки всѧ̑ просвѣти́ша, тѣ́мже тѣ́хъ по до́лгꙋ восхвалѧ́юще пѣ́сньми почти́мъ, ꙗ҆́кѡ мо́лѧтъ всегда̀ хрⷭ҇та̀, сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆сповѣ́дѧтъ нб҃са̀ чꙋдеса̀ твоѧ̑ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Гдⷭ҇нѧ завѣща̑нїѧ въ дꙋшѝ, ꙗ҆́кѡ сокро́вище богатотво́рное, вѣ́рою воспрїе́мше а҆пⷭ҇ли, ꙗ҆ви́шасѧ всѣ̑мъ бл҃года́телїе, нищетꙋ̀ ѿгонѧ́юще бѣсо́вскꙋю, и҆ всѣ́хъ ѡ҆богаща́юще бога́тствомъ бж҃їимъ, къ ни̑мже всѝ возопїи́мъ: ѡ҆богати́те и҆ на́съ добродѣ́тельными дѣѧ́нїи ны́нѣ ѡ҆бнища́вшихъ, мо́лимсѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Воздержа́нїемъ страсте́й ѻ҆гнепа̑льныѧ ᲂу҆мертви́вше зра́ки и҆ двиза̑нїѧ, хрⷭ҇то́вꙋ прїѧ́ша бл҃года́ть мч҃нцы, недꙋ́ги ѿгонѧ́ти болѧ́щымъ, и҆ живꙋ́ще, и҆ по кончи́нѣ чꙋдеса̀ твори́ти: вои́стиннꙋ чꙋ́до пресла́вно, ꙗ҆́кѡ кѡ́сти на̑ги и҆сточа́ютъ и҆сцѣлє́нїѧ. Сла́ва є҆ди́номꙋ премꙋ́дромꙋ зижди́телю бг҃ꙋ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Предста́тельнице вѣ́рныхъ бг҃ороди́тельнице, скорбѧ́щихъ ра́досте, и҆ пла́чꙋщихъ вели́кое ᲂу҆тѣше́нїе, и҆з̾ чре́ва твоегѡ̀ дв҃о всест҃а́гѡ, па́че є҆стества̀ ро́ждшагосѧ непреста́ннѡ ѡ҆ на́съ со а҆пⷭ҇лы ст҃ы́ми молѝ, и҆зба́вити на́съ въ ча́съ и҆спыта́нїѧ, лю́тагѡ ѡ҆сꙋжде́нїѧ."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́льны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное:"
|
||||
},
|
||||
{
|
||||
"type": "TEXT",
|
||||
"value": "Свѣти̑ла ꙗ҆ви́стесѧ свѣ̑тлаѧ, хрⷭ҇тѡ́вы самови́дцы, всегда̀ всю̀ зе́млю просвѣща́юще, и҆ тьмꙋ̀ ѿгонѧ́юще многобо́жїѧ, свѣ́томъ бл҃гоче́стїѧ ᲂу҆че́ньми: тѣ́мже мѧ̀ сꙋ́ща во тьмѣ̀ страсте́й, без̾ стра́ха ходѧ́ща, просвѣти́те ва́шими ст҃ы́ми мл҃твами, бг҃оно́снїи а҆пⷭ҇ли."
|
||||
},
|
||||
{
|
||||
"type": "TEXT",
|
||||
"value": "Мре́жею слове́съ бж҃е́ственныхъ, а҆́ки ры̑бы живоловѧ́ще словє́сныѧ, тѣ́хъ приведо́сте, нача́токъ бг҃ꙋ на́шемꙋ: и҆ хрⷭ҇тѡ́вы ра̑ны возлю́бльше, въ ни́хъ ѡ҆блеко́стесѧ, и҆ подража́телїе стрⷭ҇те́й є҆гѡ̀ ꙗ҆ви́стесѧ. Тѣ́мже соше́дшесѧ по до́лгꙋ почита́емъ а҆пⷭ҇ли сла́внїи, ва́ше ны́нѣ торжество̀, и҆ согла́снѡ зове́мъ: моли́тесѧ хрⷭ҇тꙋ̀ бг҃ꙋ, прегрѣше́нїй ѡ҆ставле́нїю дарова́тисѧ, чтꙋ́щымъ любо́вїю ст҃ꙋ́ю па́мѧть ва́шꙋ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Непостижи́маго сло́ва сн҃а бж҃їѧ, несказа́ннѡ па́че ᲂу҆ма̀ и҆з̾ тебѐ ро́ждшагосѧ бцⷣе, молѝ со а҆пⷭ҇лы, ᲂу҆мире́нїе чи́сто вселе́ннѣй пода́ти, и҆ прегрѣше́нїй дарова́ти на́мъ пре́жде конца̀ проще́нїе, и҆ црⷭ҇твїѧ нбⷭ҇нагѡ, кра́йнїѧ ра́ди бл҃гости, сподо́бити рабы̑ твоѧ̑."
|
||||
},
|
||||
{
|
||||
"type": "HEADER",
|
||||
"value": "Въ четверто́къ канѡ́нъ ст҃ы̑мъ сла̑внымъ и҆ всехва̑льнымъ а҆пⷭ҇лѡмъ. Творе́нїе ѳеофа́ново. Гла́съ и҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
||||
},
|
||||
{
|
||||
"type": "TEXT",
|
||||
"value": "Ли́че а҆пⷭ҇льскїй свѣтови́дный, свѣ́тꙋ вели́комꙋ предстоѧ́й, моѐ ѡ҆мраче́ное ѡ҆зарѝ се́рдце, и҆ ко сп҃си́тєльнымъ стезѧ́мъ наста́ви. Два́жды."
|
||||
},
|
||||
{
|
||||
"type": "TEXT",
|
||||
"value": "И҆́скреннїи дрꙋ́зи и҆зба́вителѧ, страсте́й мѧ̀ любвѐ и҆зба́вите, мно́гими лестьмѝ житїѧ̀ прельще́наго, и҆ неразꙋ́мїѧ но́щїю покрыва́емаго."
|
||||
},
|
||||
{
|
||||
"type": "TEXT",
|
||||
"value": "Ѻ҆рꙋ́жїемъ ᲂу҆ѧ́звлєныѧ лꙋка́вагѡ и҆сцѣли́те, стрѣ́лы сꙋ́ще си́льнагѡ, а҆пⷭ҇ли бж҃е́ственнїи, вѣ́рою под̾ кро́въ ва́шъ прибѣга́ющыѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: По́лный и҆стощава́етсѧ бг҃олѣ́пнѡ, и҆ ѿ твоегѡ̀ чре́ва плотоно́сецъ мт҃и чⷭ҇таѧ, происхо́дитъ, сп҃са́ѧй бл҃гоꙋтро́бїемъ прельщє́ныѧ ѕло́бою ѕмі́евою."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ ст҃о́мꙋ чꙋдотво́рцꙋ нїкола́ю. Гла́съ и҃:"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Посѣ́ченый несѣко́маго пресѣчѐ, и҆ ви́дѣ со́лнце зе́млю, ю҆́же не ви́дѣ: лю́таго врага̀ вода̀ потопѝ, и҆ непроходи́мое про́йде і҆и҃ль: пѣ́снь же воспѣва́шесѧ, гдⷭ҇еви пои́мъ, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Съ ли́ки вы́шнихъ си́лъ, цр҃ю̀ всѣ́хъ бл҃же́нне предстоѧ́й, на́съ на землѝ при́снѡ призыва́ющихъ тѧ̀, всѧ́кагѡ и҆скꙋше́нїѧ ѕла́гѡ, нїко́лае сп҃са́й, разрѣше́нїѧ просѧ̀ прегрѣше́нїй на́шихъ."
|
||||
},
|
||||
{
|
||||
"type": "TEXT",
|
||||
"value": "И҆́же тобо́ю предста́телемъ ѡ҆бога́щшїисѧ нїко́лае, во дни́ же и҆ въ нощѝ вѣ́рою тебѣ̀ взыва́емъ: ны́нѣ предвари́ ны вельмѝ бѣ́дствꙋющыѧ бѣсо́вскими лꙋка́выми навѣ́ты, и҆ тлетво́рныхъ человѣ̑къ: ꙗ҆́кѡ да тишинꙋ̀ полꙋчи́вше, восхвалѧ́емъ тѧ̀."
|
||||
},
|
||||
{
|
||||
"type": "TEXT",
|
||||
"value": "Крѣ́пкими жи́лами мл҃твъ твои́хъ нїко́лае, ᲂу҆дави́ти на́съ тща́щихсѧ коне́чномꙋ ᲂу҆давле́нїю преда́ждь, и҆збавлѧ́ѧ на́съ ѿ тѣ́хъ лꙋка́вагѡ навѣ́та, во хвале́нїи зовꙋ́щыѧ: гдⷭ҇еви пои́мъ, сла́внѡ бо просла́висѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Зако́нѡвъ є҆сте́ственныхъ кромѣ̀, родила̀ є҆сѝ бг҃а и҆ законода́вца, чл҃вѣ́ка бы́вша. Того̀ ꙗ҆́кѡ бл҃га молѝ всенепоро́чнаѧ, на̑ша беззакѡ́нїѧ презрѣ́ти, вопїю́щихъ всегда̀: гдⷭ҇еви пои́мъ, сла́внѡ бо просла́висѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀ гдⷭ҇и: ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
||||
},
|
||||
{
|
||||
"type": "TEXT",
|
||||
"value": "Си́лою препоѧ́шите. Сп҃сѡвы а҆пⷭ҇ли, и҆знемо́гшее страстьмѝ и҆ помышле́ньми се́рдце моѐ. Два́жды."
|
||||
},
|
||||
{
|
||||
"type": "TEXT",
|
||||
"value": "Є҆ди́но возвѣща́юще ᲂу҆ч҃нцы̀, трисвѣ́тлое бж҃їе сїѧ́нїе, многобо́жїѧ мглꙋ̀ потреби́ша."
|
||||
},
|
||||
{
|
||||
"type": "TEXT",
|
||||
"value": "Гно́й лꙋка́вый се́рдца моегѡ̀ ᲂу҆толи́те, ꙗ҆́кѡ вра́чеве бж҃е́ственнагѡ рꙋкодѣ́йствїѧ, ᲂу҆ч҃нцы̀ бг҃а на́шегѡ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сп҃си́ мѧ чⷭ҇таѧ влⷣчце, ро́ждшаѧ па́че є҆стества̀ и҆зба́вителѧ всѣ́хъ, и҆ влⷣкꙋ, и҆ сп҃са и҆ гдⷭ҇а."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Да тѧ̀ почита́емъ, да пое́мъ тѧ̀ всегда̀, пода́ждь на́мъ рꙋ́кꙋ по́мощи, ст҃и́телю нїко́лае."
|
||||
},
|
||||
{
|
||||
"type": "TEXT",
|
||||
"value": "Оу҆спѝ, нїко́лае, твои́ми неꙋсыпа́ющими моли́твами, ꙗ҆̀же на ны̀ востаю́щыѧ напа̑сти, мо́лимъ тѧ̀."
|
||||
},
|
||||
{
|
||||
"type": "TEXT",
|
||||
"value": "Всего́ мѧ страстьмѝ напа́ствꙋема, и҆ и҆скꙋше́нїй лꙋка́выхъ человѣ̑къ, хода́тайствомъ твои́мъ ст҃е нїко́лае и҆зба́ви."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Разрѣше́нїе грѣхѡ́въ чⷭ҇таѧ, дарова́ти мѝ, молѝ и҆зба́вителѧ, и҆ жите́йскихъ лю́тыхъ напа́стей."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Оу҆краси́стесѧ сла́внїи а҆пⷭ҇ли, бж҃е́ственными свѣ́тлостьми ᲂу҆добрѧ́еми, и҆ зарѧ́ми просвѣща́еми ва́съ свѣти̑ла показа́вшагѡ. Два́жды."
|
||||
},
|
||||
{
|
||||
"type": "TEXT",
|
||||
"value": "Бꙋ́ри всѧ́кїѧ и҆зба́вите мѧ̀, всѣ́хъ ко́рмчїи, бж҃е́ственнїи а҆пⷭ҇ли, въ пꙋчи́нѣ бѣ́дствꙋющаго, и҆ напа́стьми жите́йскими коле́блемаго."
|
||||
},
|
||||
{
|
||||
"type": "TEXT",
|
||||
"value": "Мо́ре смꙋща́юще многобо́жїѧ, ко́ни бг҃оизбра́ннїи, прегрѣше́нїй мои́хъ бе́зднꙋ ва́шими мл҃твами потопи́те."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Равнодѣ́йственно роди́телю сло́во, и҆з̾ бокꙋ̀ твоє́ю воплоти́ла є҆сѝ дв҃о: тѣ́мже ꙗ҆ви́ласѧ є҆сѝ превы́шши всѣ́хъ тва́рей влⷣчце."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ѿ мно́жества прегрѣше́нїй мои́хъ, во мнѡ́гїѧ впа́даю безчи́слєнныѧ скѡ́рби: потщи́сѧ ст҃е нїко́лае помощи́ ми, бл҃года́телю подо́бѧсѧ."
|
||||
},
|
||||
{
|
||||
"type": "TEXT",
|
||||
"value": "Себѐ самого̀ пла́чꙋсѧ погиба́юща, живы́й въ лѣ́ности, мл҃твами твои́ми нїко́лае, къ покаѧ́нїю рꙋководи́ мѧ."
|
||||
},
|
||||
{
|
||||
"type": "TEXT",
|
||||
"value": "И҆́же трѝ ю҆́ношы и҆збавле́й, ѻ҆́тче нїко́лае, ᲂу҆мре́ти хотѧ́щыѧ, всѧ́кїѧ мѧ̀ и҆зба́ви тѣсноты̀, и҆ вѣ́чнагѡ ѡ҆сꙋжде́нїѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Дѣ́лати мѝ ра́зꙋмы нбⷭ҇ныѧ, пречⷭ҇таѧ ᲂу҆крѣпи́ мѧ, и҆ дꙋшѝ моеѧ̀ направлѧ́ющи къ живѡ́тнымъ вхо́дѡмъ движє́нїѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́тренююще вопїе́мъ тѝ, гдⷭ҇и, сп҃си́ ны: ты́ бо є҆сѝ бг҃ъ на́шъ: ра́звѣ тебѐ и҆но́гѡ не вѣ́мы."
|
||||
},
|
||||
{
|
||||
"type": "TEXT",
|
||||
"value": "Стѣснѧ́ема мѧ̀ мно́гими прегрѣше́ньми, къ сп҃си́тельной широтѣ̀ и҆спра́вите, ꙗ҆́кѡ ѡ҆корми́телїе а҆пⷭ҇ли. Два́жды."
|
||||
},
|
||||
{
|
||||
"type": "TEXT",
|
||||
"value": "Почита́ющаго мѧ̀ всечестны́й собо́ръ ва́шъ, бг҃ови́дцы а҆пⷭ҇ли, всѧ́кагѡ и҆зба́вите безче́стнагѡ дѣѧ́нїѧ, молю́сѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ стрⷭ҇тє́мъ ᲂу҆подо́бльшесѧ ст҃і́и сп҃сѡвымъ, всѧ́кое сладостра́стїе ѿ дꙋшѝ моеѧ̀ ѿжени́те а҆пⷭ҇ли."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Болѧ́щꙋю дꙋ́шꙋ мою̀ и҆сцѣлѝ, ро́ждшаѧ всѣ́хъ взе́млющаго недꙋ́ги, пречⷭ҇таѧ влⷣчце."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Оу҆крѣпѝ на́съ мл҃твами твои́ми бг҃обл҃же́нне нїко́лае, соблюда́ти повелѣ̑нїѧ хрⷭ҇та̀, є҆ди́нагѡ бг҃а на́шегѡ."
|
||||
},
|
||||
{
|
||||
"type": "TEXT",
|
||||
"value": "Въ мѵ́рѣхъ пожи́въ нїко́лае, бл҃гоꙋха́нїѧ бж҃е́ственнагѡ на́съ и҆спо́лни, бл҃гоче́стнѡ воспѣва́ющихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Оу҆ще́дри на́съ мл҃твами твои́ми ст҃и́телю, бг҃а всеще́драгѡ ᲂу҆молѧ́ѧ нїко́лае, да и҆зба́вимсѧ бѣ́дъ и҆ скорбе́й."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Во́дъ живото́чныхъ и҆спо́лнена сꙋ́щи ѻ҆трокови́це, всѣ́хъ на́съ напо́й, бл҃гочестномꙋ́дреннѣ пою́щыѧ тѧ̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мл҃твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑: ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ ꙗ҆́кѡ і҆ѡ́на: ѿ тлѝ бж҃е, возведи́ мѧ."
|
||||
},
|
||||
{
|
||||
"type": "TEXT",
|
||||
"value": "Сотрѧ́сше мл҃твъ призыва́нїемъ, низложи́сте хра́мы і҆́дѡльскїѧ, ᲂу҆ч҃нцы̀ хрⷭ҇тѡ́вы. Но молю́сѧ вѣ́рою: ᲂу҆ма̀ моегѡ̀ сокрꙋши́те і҆́дѡлы, и҆ покажи́те хра́мъ бж҃їй мно́гими грѣхѝ пови́ннаго. Два́жды."
|
||||
},
|
||||
{
|
||||
"type": "TEXT",
|
||||
"value": "И҆́же на ка́мени непоколеби́мѣмъ созда́вшесѧ, ꙗ҆́кѡ ка́менїе, и҆збра́ннїи бг҃ови́дцы, моѐ се́рдце въ песцѣ̀ ᲂу҆мовре́днѡ созда́нное сп҃си́те: стека́ютсѧ бо напа́стей рѣ́ки, и҆ лю́тѣ мѧ̀ ѡ҆бꙋрева́ютъ."
|
||||
},
|
||||
{
|
||||
"type": "TEXT",
|
||||
"value": "Любвѐ льсти́выѧ ꙗ҆́же къ пло́ти, и҆ ме́рзка мно́гїѧ ра́ди ѕло́бы ꙗ҆́вльшагосѧ, и҆зба́вите мѧ̀ дрꙋ́зи сло́ва: и҆ къ любвѝ привѧжи́те возлюби́вшагѡ грѣ̑шныѧ, мно́гїѧ ра́ди млⷭ҇ти ѡ҆ставле́нїѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ ши́покъ, ꙗ҆́кѡ чистѣ́йшїй крі́нъ, ꙗ҆́кѡ бл҃гоꙋха́нное ѡ҆бонѧ́нїе ѿ кра́сныхъ ᲂу҆до́лїй мїрски́хъ, творе́цъ и҆збра́въ тѧ̀ ѻ҆трокови́це, всели́всѧ во ᲂу҆тро́бꙋ твою̀, и҆ роди́всѧ, бл҃гоꙋха́нїѧ всѧ́чєскаѧ и҆спо́лнилъ є҆́сть."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "Ра́й се́рдце твоѐ ꙗ҆ви́сѧ нїко́лае, жи́зни дре́во посредѣ̀ и҆мѣ́ѧ и҆зба́вителѧ хрⷭ҇та̀: є҆го́же молѝ непреста́ннѡ, раѧ̀ сотвори́ти жи́тели всѧ̑ ны̀, те́плымъ застꙋ́пникомъ тобо́ю ѡ҆бога́щшыѧсѧ."
|
||||
},
|
||||
{
|
||||
"type": "TEXT",
|
||||
"value": "Въ лѣ́ности жи́знь мою̀ прехождꙋ̀, и҆ безбоѧ́зненнѡ согрѣша́ю ѻ҆каѧ́нный: и҆ та́мѡ неѿрица́емое сꙋди́ще помышлѧ́ѧ, стра́хомъ содержи́мь є҆́смь: ᲂу҆ще́дри мѧ̀ бж҃е, нїкола́а мл҃твами, ꙗ҆́кѡ бл҃гоꙋтро́бенъ."
|
||||
},
|
||||
{
|
||||
"type": "TEXT",
|
||||
"value": "Внеза́пꙋ находѧ́щꙋю мѝ бꙋ́рю и҆скꙋше́нїй многоѡбра́зныхъ, за мно́жество мои́хъ согрѣше́нїй, вопїю̀: не ѡ҆ста́ви менѐ бл҃же́нне без̾ застꙋпле́нїѧ, но простри́ ми ꙗ҆́кѡ млⷭ҇тивъ по́мощи рꙋ́кꙋ, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Пала́та высо́кагѡ цр҃ѧ̀, и҆ ѻ҆гнеѡбра́зный была̀ є҆сѝ прⷭ҇то́лъ дв҃о, херꙋві̑мъ превы́шши, и҆ серафі̑мъ, па́че ᲂу҆ма̀ бы́вшаѧ. Тѣ́мже тѧ̀ всѧ́кое дыха́нїе сла́витъ, ꙗ҆́кѡ мт҃рь зижди́телѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ гдⷭ҇и бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "Но́щь мѧ̀ содержи́тъ лѣ́ностей, и҆ покрыва́етъ мѧ̀ тьма̀ грѣхо́внаѧ: свѣ́тъ мі́ра премꙋ́дрїи а҆пⷭ҇ли ꙗ҆́вльшесѧ, ѡ҆зари́ти потщи́тесѧ ѡ҆мраче́нное моѐ се́рдце. Два́жды."
|
||||
},
|
||||
{
|
||||
"type": "TEXT",
|
||||
"value": "Дрꙋго́е нб҃о ꙗ҆́вльшесѧ, повѣ́дающе бг҃а на́шегѡ сла́вꙋ, безсла́вїѧ страсте́й и҆зба́вите бг҃оглаго́ливїи, вѣ́рою прибѣга́ющыѧ къ держа́вномꙋ ва́шемꙋ покро́вꙋ."
|
||||
},
|
||||
{
|
||||
"type": "TEXT",
|
||||
"value": "Ѻ҆́гненное ᲂу҆́глїе ꙗ҆́вльшесѧ а҆пⷭ҇ли, возжига́еми ѻ҆гне́мъ ᲂу҆тѣ́шителѧ, всѧ́кꙋ ве́щь попали́те на́шеѧ ѕло́бы, и҆ ѻ҆гнѧ̀ негаси́магѡ и҆зба́вите на́съ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Гора̀ присѣ́ннаѧ ꙗ҆ви́ласѧ є҆сѝ нерꙋкосѣ́чнаѧ, ѿ неѧ́же ѿсѣче́сѧ ка́мень: тѣ́мже влⷣчце, ᲂу҆миле́нїе дꙋшѝ мое́й пода́ждь ѡ҆мраче́ннѣй, и҆ ѡ҆камене́ннѣй го́рькими любосла́стьми."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "И҆сточи́лъ є҆сѝ стрꙋи̑ ᲂу҆че́нїй, є҆ресе́й и҆зсꙋша́ѧ пото́ки, и҆ вѣ́рныхъ дꙋ́шы напоѧ́ющїй бога́тнѡ, сщ҃еннодѣ́йственниче нїко́лае: сегѡ̀ ра́ди тѧ̀ почита́емъ."
|
||||
},
|
||||
{
|
||||
"type": "TEXT",
|
||||
"value": "Оу҆крѣпи́лсѧ є҆сѝ си́лою трⷪ҇ческою возмога́емь, кꙋмі́ры лє́стныѧ погꙋби́ти, тѣ́мже вѣ́рнѡ молю́сѧ тѝ ѻ҆́тче: ᲂу҆ма̀ моегѡ̀ і҆́дѡлы стра̑стныѧ ѿженѝ."
|
||||
},
|
||||
{
|
||||
"type": "TEXT",
|
||||
"value": "Мѵ́рѧнѡвъ прпⷣбне первопресто́льникъ бы́въ, по сме́рти и҆сточа́еши бж҃е́ственное мѵ́ро, ѕлосмра̑дныѧ на́шѧ ѿгонѧ́ѧ недꙋ́ги, нїко́лае всебл҃же́нне, вѣ́рнѡ къ тебѣ̀ пристꙋпа́ющымъ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Оу҆кроти́ла є҆сѝ тече́нїе сме́ртное, безсме́ртнаго бг҃а ро́ждшаѧ: є҆го́же молѝ чⷭ҇таѧ, стра̑сти ᲂу҆мертви́ти смире́ннагѡ моегѡ̀ тѣлесѐ, и҆ жи́зни мѧ̀ сподо́бити."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею сп҃се́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Коле́блемꙋю страстьмѝ дꙋ́шꙋ мою̀ ᲂу҆крѣпи́те, цр҃кве неразори̑маѧ ѡ҆снова̑нїѧ сꙋ́ще, и҆ столпѝ непоколеби́мїи, вѣ́рныхъ предгра̑дїѧ, ловцы̀ сꙋ́щихъ во глꙋбинѣ̀ поги́бели, бл҃гоꙋти̑шнаѧ приста̑нища вѣ́рнѡ пою́щихъ: дѣ́ти бл҃гослови́те, сщ҃е́нницы воспо́йте, лю́дїе превозноси́те є҆го̀ во вѣ́ки. Два́жды."
|
||||
},
|
||||
{
|
||||
"type": "TEXT",
|
||||
"value": "И҆́же во гро́бѣ те́мнагѡ ѿча́ѧнїѧ, и҆ въ преиспо́днихъ паде́нїѧ сласте́й лежа́щаго мѧ̀, ва́шими мл҃твами возвестѝ, ᲂу҆млⷭ҇рдитесѧ ᲂу҆ч҃нцы̀ сп҃сѡвы, и҆́же ᲂу҆чи́телева бл҃гоꙋтро́бїѧ ѡ҆богати́тисѧ ꙗ҆́вѣ сподо́бистесѧ, а҆пⷭ҇ли бг҃ови́дцы во всѧ̑ вѣ́ки. Два́жды."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ свѣтла̀ въ красота́хъ добродѣ́тели ꙗ҆ви́ласѧ є҆сѝ всечⷭ҇таѧ, добротвори́тельное вседѣ́телево бл҃голѣ́пїе во ᲂу҆тро́бꙋ вмѣсти́ла є҆сѝ: є҆го́же прилѣ́жнѡ молѝ, грѣха́ми страсте́й содержи́мꙋю, и҆ добро́ты дре́внїѧ и҆́щꙋщꙋю чⷭ҇таѧ, ѕѣлѡ̀ бл҃голѣ́пнѣйше дꙋ́шꙋ мою̀ просвѣти́ти во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бг҃оглаго́ливїи ѻ҆́троцы въ пещѝ, со ѻ҆гне́мъ пла́мень попира́юще, поѧ́хꙋ: бл҃гослови́те дѣла̀ гдⷭ҇нѧ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Просвѣще́нъ сы́й бг҃омꙋ́дре ст҃и́телю, свѣтоза́рными лꙋча́ми трисо́лнечнагѡ бж҃ества̀, страсте́й мои́хъ тьмꙋ̀ мл҃твами твои́ми разорѝ нїко́лае."
|
||||
},
|
||||
{
|
||||
"type": "TEXT",
|
||||
"value": "И҆́же воево́ды трѝ и҆збавле́й ѿ сме́рти, прише́ствїемъ стра́шнымъ твои́мъ, сщ҃еннотаи́нниче нїко́лае, ѿ всѧ́кагѡ смертоно́снагѡ вре́да и҆ на́съ и҆зба́ви."
|
||||
},
|
||||
{
|
||||
"type": "TEXT",
|
||||
"value": "Коле́блющыѧсѧ бѣсо́вскими и҆скꙋше́нїи, и҆ ѿ ѡ҆би́дѧщихъ человѣ̑къ, твои́ми мл҃твами ᲂу҆твердѝ на́съ, и҆ невре́дны сп҃сѝ всебл҃же́нне нїко́лае."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Мольбꙋ̀ принесѝ гдⷭ҇еви, ᲂу҆ще́дрити и҆ сп҃стѝ вѣ́рою къ тебѣ̀ притека́ющыѧ, прест҃а́ѧ дв҃о, человѣ́кѡмъ помо́щнице."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ. Тѣ́мъ тѧ̀ бцⷣꙋ а҆́гг҃лѡвъ и҆ человѣ̑къ чинонача̑лїѧ велича́ютъ."
|
||||
},
|
||||
{
|
||||
"type": "TEXT",
|
||||
"value": "Львѡ́въ дꙋшетлѣ́нныхъ си́лою бж҃їею сокрꙋши́вше чє́люсти а҆пⷭ҇ли, ꙗ҆́кѡ ѿ хрⷭ҇та̀ кнѧ́зи поста́влени бы́сте на землѝ, ѱало́мски дꙋ́хꙋ сїю̀ покарѧ́юще бл҃гоче́стнѡ: тѣ́мже безчи̑ннаѧ двиза̑нїѧ моегѡ̀ се́рдца зако́нѡмъ бж҃е́ственнымъ покори́те."
|
||||
},
|
||||
{
|
||||
"type": "TEXT",
|
||||
"value": "Кра́снаго па́че всѣ́хъ сынѡ́въ человѣ́ческихъ, ꙗ҆́вльшагосѧ въ мі́рѣ проповѣ́давше, сло́ва бж҃їѧ, но́зѣ ᲂу҆краси́сте ꙗ҆́кѡ бл҃говѣствꙋ́ющїи всемꙋ́дрїи, ми́ръ же и҆ живо́тъ. Тѣ́мже смꙋща́емꙋю страстьмѝ дꙋ́шꙋ мою̀ ва́шими мл҃твами ᲂу҆мири́те."
|
||||
},
|
||||
{
|
||||
"type": "TEXT",
|
||||
"value": "Оу҆мертви́вше ᲂу҆́ды ꙗ҆̀же на землѝ, въ живо́тъ всѧ́ческїй ѡ҆блеко́стесѧ, страстьмѝ стрⷭ҇ть и҆з̾ѡбразꙋ́юще честнꙋ́ю. Тѣ́мже ᲂу҆мерщвле́ннаго мѧ̀ стрѣло́ю ѕло́бы лꙋка́вагѡ, ѡ҆живи́те лѣчьба́ми и҆́стиннагѡ покаѧ́нїѧ, бг҃обл҃же́ннїи а҆пⷭ҇ли."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Недꙋ́гꙋющꙋю дꙋ́шꙋ мою̀ стра́стїю лю́тою, ро́ждшаѧ бг҃а пребл҃га́го, ꙗ҆́кѡ млⷭ҇тива и҆сцѣлѝ, и҆ и҆зба́ви мѧ̀ при́снѡ пречⷭ҇таѧ, подстрека́ющихъ и҆ находѧ́щихъ мѝ врагѡ́въ, ꙗ҆́кѡ да сп҃са́емь ᲂу҆се́рднѡ тѧ̀ велича́ю, возвели́чившꙋю ро́дъ на́шъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ, сп҃се́ннїи тобо́ю дв҃о чⷭ҇таѧ, съ безпло́тными ли́ки тѧ̀ велича́юще."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ и҆зба́витель въ ско́рби вѣ́рою тѧ̀ молѧ́щымъ, и҆зба́ви мѧ̀ ѕло́бы всѧ́кїѧ нїко́лае, бл҃га́го молѧ̀ бг҃а и҆ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Сы́й съ нбⷭ҇ными ны́нѣ ликостоѧ́ньми, ст҃ѣ́йшїй ѻ҆́тче нїко́лае, бл҃га́го ᲂу҆молѝ бг҃а, сп҃стѝ на́съ."
|
||||
},
|
||||
{
|
||||
"type": "TEXT",
|
||||
"value": "Сꙋ́дъ при две́рехъ, блюдѝ дꙋшѐ моѧ̀, и҆ сꙋдїѝ бг҃ꙋ возопі́й: нїкола́а мл҃твами сп҃си́ мѧ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Свѣ́та сꙋ́щи прїѧ́телище дв҃о, просвѣтѝ ѡ҆мраче́ннꙋю страстьмѝ дꙋ́шꙋ мою̀: ꙗ҆́кѡ да вѣ́рою и҆ любо́вїю при́снѡ сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть:"
|
||||
},
|
||||
{
|
||||
"type": "HEADER",
|
||||
"value": "И҆ є҆ктенїа̀, и҆ свѣти́ленъ, и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры а҆пⷭ҇льскїѧ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, тебѐ ᲂу҆се́рднѡ на землѝ а҆пⷭ҇ли возлюби́вше, ᲂу҆ме́ты всѧ̑ вмѣни́ша, да тебѐ є҆ди́наго прїѡбрѧ́щꙋтъ: и҆ за тѧ̀ на ра̑ны тѣлеса̀ своѧ̑ преда́ша. Сегѡ̀ ра́ди просла́вльшесѧ, мо́лѧтсѧ ѡ҆ дꙋша́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, ты̀ а҆пⷭ҇льскꙋю па́мѧть на землѝ возвели́чилъ є҆сѝ: вси́ бо въ не́й вкꙋ́пѣ соше́дшесѧ славосло́вимъ тѧ̀: ꙗ҆́кѡ подае́ши на́мъ тѣ́ми и҆сцѣлє́нїѧ, и҆ всемꙋ̀ мі́рꙋ ми́ръ мл҃твами и҆́хъ, и҆ ве́лїю млⷭ҇ть."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Во бронѧ̀ вѣ́ры ѡ҆бо́лкшесѧ до́брѣ, и҆ ѻ҆рꙋ́жїемъ крⷭ҇тнымъ воѡрꙋжи́вше себѐ, во́ини крѣ́пцы ꙗ҆ви́стесѧ, мꙋчи́телємъ мꙋ́жески проти́вистесѧ, и҆ дїа́волю пре́лесть низложи́сте, побѣди́телїе бы́вше, вѣнцє́въ сподо́бистесѧ. Моли́те при́снѡ ѡ҆ на́съ, сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: И҆схити́ мѧ влⷣчце, рꙋкѝ ѕмі́ѧ чл҃вѣкоꙋбі́йцы, хотѧ́ща мѧ̀ лꙋка́вствомъ поглоти́ти до конца̀. Сокрꙋшѝ чє́люсти є҆гѡ̀, молю́ тѧ, и҆ кѡ́зни разорѝ: ꙗ҆́кѡ да и҆збы́въ ѿ ногте́й є҆гѡ̀, велича́ю застꙋпле́нїе твоѐ."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ є҆ктенїа̀, и҆ ча́съ а҃-й, ѱалмы̀ ѻ҆бы̑чныѧ, и҆ про́чее: и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ четверто́къ бл҃жє́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Помѧнѝ на́съ хрⷭ҇тѐ сп҃се мі́ра, ꙗ҆́коже разбо́йника помѧнꙋ́лъ є҆сѝ на дре́вѣ: и҆ сподо́би всѣ́хъ є҆ди́не ще́дре, нбⷭ҇номꙋ црⷭ҇твїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Трꙋбы̑ ꙗ҆́вльшесѧ хрⷭ҇тѡ́вы а҆пⷭ҇ли, сꙋ́щыѧ во гробѣ́хъ ѕловѣ́рїѧ лежа́щыѧ воздви́гнꙋли є҆стѐ, и҆ бж҃е́ственныѧ жи́зни прича́стники содѣ́ласте."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Сѣ́менемъ та́йнымъ сло́ва бг҃оглаго́ливїи, всѣ́хъ ꙗ҆зы̑къ сердца̀ неплѡ́днаѧ плодонѡ́сна содѣ́ласте бж҃е́ственнагѡ ра́зꙋма: тѣ́мже досто́йнѡ бл҃жи́ми є҆стѐ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Всѧ́кїѧ себѐ ѡ҆бнажи́вше ѕло́бы, посредѣ̀ лю́тыхъ проидо́ша до́блественнѡ, и҆ съ нб҃сѐ въ ри́зꙋ сп҃се́нїѧ страда́льцы ѡ҆дѣ́ѧшасѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆мертвѝ ѕлотво́рныхъ страсте́й воста̑нїѧ дꙋшѝ моеѧ̀ ѻ҆каѧ́нныѧ, чⷭ҇тна́ѧ трⷪ҇це всест҃а́ѧ, мл҃твами бж҃е́ственныхъ а҆пⷭ҇лъ твои́хъ, ꙗ҆́кѡ да сп҃са́емь сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ра́дꙋйсѧ клещѐ ᲂу҆́глѧ бж҃е́ственнагѡ: ра́дꙋйсѧ прⷪ҇ро́кѡвъ печа́ть, и҆ а҆пⷭ҇лѡвъ ѡ҆глаше́нїе, пречⷭ҇таѧ бцⷣе, є҆ѧ́же ра́ди ѿ и҆стлѣ́нїѧ свободи́хомсѧ."
|
||||
}
|
||||
]
|
||||
@@ -0,0 +1,914 @@
|
||||
[
|
||||
{
|
||||
"type": "HEADER",
|
||||
"value": "Гла́съ и҃. Вто́рникъ"
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ ве́чера, на Гдⷭ҇и воззва́хъ, стїхи̑ры покаѧ́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Ѽ пресла́внагѡ чꙋдесѐ!"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "Ни ᲂу҆миле́нїѧ стѧжа́хъ, нижѐ сле́зъ и҆сто́чника, ни те́плагѡ и҆сповѣ́данїѧ, нижѐ пла́ча ѡ҆мыва́ющагѡ, ни серде́чнагѡ смире́нїѧ: ни мытарю̀ ревни́тель бы́хъ, нижѐ блꙋдни́цѣ, нижѐ блꙋ́дномꙋ ѻ҆́трокꙋ. Ка́кѡ ᲂу҆̀бо ѡ҆брѧ́щꙋ мои́хъ мно́гихъ грѣхѡ́въ ѡ҆ставле́нїе; но и҆́миже хрⷭ҇тѐ вѣ́си сꙋдьба́ми, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Стра́ненъ всѧ́кїѧ сотвори́хсѧ бж҃е́ственныѧ за́повѣди: ѡ҆ добродѣ́тели же лꙋ́чшей всѧ́кѡ небрего́хъ, и҆ безꙋ́мнѡ пожи́хъ въ лѣ́ности всѐ житїѐ моѐ, въ блꙋдѣ̀ всѧ̑ дѣла̀ моѧ̑ содѣ́ѧхъ, неподѡ́бнаѧ и҆ беззакѡ́ннаѧ. Тѣ́мже хрⷭ҇тѐ, ᲂу҆ще́дри ꙗ҆́кѡ бл҃гоꙋтро́бенъ, и҆ тꙋ́не мѧ̀ сп҃сѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Не ꙗ҆́ростїю твое́ю ѡ҆бличѝ менѐ, дѣ́ло рꙋ́къ твоеѧ̀ бл҃гости, ѿто́ргшасѧ ᲂу҆мо́мъ неразꙋ́мнымъ, и҆́же менѐ ра́ди по мнѣ̀ бл҃гоизво́ливый бы́ти, неизрече́нныѧ ра́ди бл҃гоꙋтро́бїѧ пꙋчи́ны чл҃вѣколю́бче: но мл҃твами приснодв҃ы, твоеѧ̀ сло́ве мт҃ре, бж҃е́ственнагѡ сподо́би мѧ̀ ѡ҆браще́нїѧ, ꙗ҆́кѡ бг҃ъ."
|
||||
},
|
||||
{
|
||||
"type": "HEADER",
|
||||
"value": "И҆́ны стїхи̑ры ст҃о́мꙋ и҆ вели́комꙋ і҆ѡа́ннꙋ прⷣте́чи. Гла́съ и҆ подо́бенъ то́йже."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Бл҃же́нне і҆ѡа́нне прⷣте́че, смире́ннꙋю мою̀ дꙋ́шꙋ, ꙗ҆́же ко гдⷭ҇ꙋ любо́вїю возвраща́й всегда̀, сщ҃е́нными хода́тайствы твои́ми сласте́й мои́хъ ѻ҆́гнь ᲂу҆гасѝ, приводѧ́ мѧ ко и҆сполне́нїю бж҃е́ственныхъ повелѣ́нїй, и҆ се́рдца моегѡ̀ ѡ҆чища́ѧ вои́стиннꙋ чꙋ̑вствїѧ, да сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Непло́дныѧ прозѧбе́нїе, и҆ чистоты̀ са́дъ влⷣчнїй, человѣ́кѡвъ ᲂу҆добре́нїе, прⷣте́че і҆ѡа́нне всехва́льне, храни́телю бж҃е́ственный смире́нныѧ моеѧ̀ дꙋшѝ, твои́ми мл҃твами и҆ по́мощїю бл҃гоꙋвѣ́тїе да́ждь, и҆збавлѧ́ѧ ѿ ѕмі́ева кова́рства, и҆ лꙋка́выхъ тогѡ̀ ла́ѧнїй и҆ прилѡ́гъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Ве́сь є҆сѝ сладча́йшїй, и҆ сла́дости бж҃е́ственныѧ и҆спо́лненъ присносла́вне, и҆ весели́ши всѧ̑ вѣ́рнѡ приходѧ́щыѧ къ тебѣ̀, ᲂу҆слажда́ѧ чꙋ̑вства дꙋшє́внаѧ же и҆ тѣлє́снаѧ, недꙋ̑гъ и҆ скорбе́й, и҆ нахожде́нїй ѕлы́хъ, и҆ сласте́й дꙋшетлѣ́нныхъ, всегда̀ разрѣша́ѧ на́съ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Вѣ́рою притека́ю къ покро́вꙋ твоемꙋ̀, бг҃ороди́тельнице чⷭ҇таѧ, ѿ напа́стей и҆ бѣ́дъ и҆ стра́стнагѡ слїѧ́нїѧ, и҆ ѿ бѣсо́вскагѡ ѡ҆ѕлобле́нїѧ сп҃си́ мѧ: ꙗ҆́кѡ млⷭ҇ти и҆мꙋ́щи пꙋчи́нꙋ, и҆ сп҃се́нїѧ ꙗ҆́вльшисѧ хода́таица влⷣчце, ꙗ҆́же бг҃а ро́ждши млⷭ҇тиваго, є҆ди́наго всеще́драго, и҆ многобл҃гоꙋтро́бнаго."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: И҆ прокі́менъ днѐ."
|
||||
},
|
||||
{
|
||||
"type": "TEXT",
|
||||
"value": "Посе́мъ: Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры покаѧ́нны, гла́съ ѕ҃ (и҃):"
|
||||
},
|
||||
{
|
||||
"type": "TEXT",
|
||||
"value": "Тебѐ цр҃ѧ̀ и҆ влⷣкꙋ, а҆́гг҃ли непреста́ннѡ воспѣва́ютъ, а҆́зъ же тѝ припа́даю ꙗ҆́кѡ мыта́рь зовы́й: бж҃е ѡ҆чи́сти мѧ̀, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Безсме́ртна сꙋ́щи дꙋшѐ моѧ̀, волна́ми жите́йскими не покрыва́йсѧ, но возни́кни вопїю́щи къ твоемꙋ̀ бл҃года́телю: бж҃е ѡ҆чи́сти мѧ̀, и҆ поми́лꙋй мѧ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мч҃нцы гдⷭ҇ни, моли́те бг҃а на́шего, и҆ и҆спроси́те дꙋша́мъ на́шымъ мно́жество щедро́тъ, и҆ ѡ҆чище́нїе мно́гихъ прегрѣше́нїй, мо́лимъ вы̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Ра́дꙋйсѧ вселе́нныѧ похвало̀. Ра́дꙋйсѧ хра́ме гдⷭ҇ень. Ра́дꙋйсѧ горо̀ прїѡсѣне́ннаѧ. Ра́дꙋйсѧ всѣ́хъ прибѣ́жище. Ра́дꙋйсѧ свѣ́щниче златы́й. Ра́дꙋйсѧ сла́во правосла́вныхъ чⷭ҇тна́ѧ. Ра́дꙋйсѧ мр҃і́е мт҃и хрⷭ҇та̀ бг҃а. Ра́дꙋйсѧ раю̀. Ра́дꙋйсѧ бж҃е́ственнаѧ трапе́зо. Ра́дꙋйсѧ сѣ́не. Ра́дꙋйсѧ рꙋ́чко всезлата́ѧ. Ра́дꙋйсѧ всѣ́хъ ᲂу҆пова́нїе."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ понедѣ́льникъ на повече́рїи, канѡ́нъ моле́бный прест҃ѣ́й бцⷣѣ, гла́съ и҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Прест҃а́ѧ бцⷣе сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "Во́дъ и҆сто́чникъ мл҃твенный, тѧ̀ бг҃ороди́тельницꙋ вѣ́дꙋще всѝ, и҆сточа́ющъ вѣ̑рнымъ стрꙋи̑ дꙋша́мъ и҆ тѣ́лѡмъ: тѣ́мже тѧ̀ непреста́ннѡ сла́вимъ."
|
||||
},
|
||||
{
|
||||
"type": "TEXT",
|
||||
"value": "Па́че є҆стества̀ бг҃онача́льное сло́во родила̀ є҆сѝ дв҃о, и҆ є҆стество̀ ѿ тлѝ и҆зба́вила є҆сѝ: тѣ́мже безслове́сныхъ мѧ̀, и҆ чрез̾есте́ственныхъ страсте́й свободѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Па̑жити страсте́й плотски́хъ ны́нѣ ѡ҆крꙋжа́ютъ мѧ̀, и҆ ѡ҆скорблѧ́ютъ лю́тѣ: посѣтѝ ско́рѡ раба̀ твоегѡ̀ дв҃о, и҆ ѿ ѡ҆ѕлоблѧ́ющихъ мѧ̀ сп҃сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆́же всю̀ тва́рь содержа́й и҆ носѧ́й и҆ сп҃са́ѧй, на рꙋкꙋ̀ твоє́ю чⷭ҇таѧ ѡ҆пи́санъ ꙗ҆ви́сѧ, и҆ человѣ́ческїй ро́дъ ѡ҆бновѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀ гдⷭ҇и: ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
||||
},
|
||||
{
|
||||
"type": "TEXT",
|
||||
"value": "Оу҆спѝ смꙋще́нїе лю́тагѡ недꙋ́га ѡ҆бдержа́щагѡ мѧ̀ ны́нѣ, пречⷭ҇таѧ влⷣчце, и҆ прегрѣше́нїй и҆ страсте́й свободѝ."
|
||||
},
|
||||
{
|
||||
"type": "TEXT",
|
||||
"value": "Неизрече́нна пꙋчи́на щедро́тъ твои́хъ пречⷭ҇таѧ, и҆́миже и҆ менѐ и҆зба́ви прегрѣше́нїй, и҆ недꙋ́гѡвъ."
|
||||
},
|
||||
{
|
||||
"type": "TEXT",
|
||||
"value": "Сла́ва: Оу҆скорѝ и҆ посѣтѝ пречⷭ҇таѧ, недꙋ́гꙋющаго мѧ̀, и҆ тѧ́жкїѧ болѣ́зни и҆зба́ви, и҆ всѧ́кїѧ ско́рби."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Возвели́чи млⷭ҇ть и҆ застꙋпле́нїе пречⷭ҇таѧ, твои́хъ мл҃твъ на мнѣ̀: и҆ и҆зба́ви мѧ̀ ѿ напа́стей и҆ скорбе́й."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, смотре́нїѧ твоегѡ̀ та́инство: разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Ѡ҆чисти́лище всегда̀ моемꙋ̀ се́рдцꙋ покажѝ пречⷭ҇таѧ, ст҃ы́хъ воспомина́нїе, и҆ прегрѣше́нїй ѡ҆чище́нїе."
|
||||
},
|
||||
{
|
||||
"type": "TEXT",
|
||||
"value": "Сп҃се́нїе пода́ждь мѝ дꙋше́вное и҆ тѣле́сное пренепоро́чнаѧ: и҆ болѧ́щемꙋ да́ждь цѣльбꙋ̀, и҆ лю́тыхъ и҆збавле́нїе."
|
||||
},
|
||||
{
|
||||
"type": "TEXT",
|
||||
"value": "Сла́ва: Кова̑рствїѧ ᲂу҆празднѝ лꙋка́выхъ бѣсѡ́въ, пречⷭ҇таѧ, и҆ страсте́й воста̑нїѧ, и҆ немощны̑мъ на́мъ си́лꙋ пода́ждь."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Ѿ ложе́снъ твои́хъ пречⷭ҇таѧ, пра́вды сл҃нце возсїѧ̀, и҆ мі́ръ просвѣтѝ: є҆гѡ́же бж҃е́ственными зарѧ́ми и҆ менѐ просвѣтѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀ свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
||||
},
|
||||
{
|
||||
"type": "TEXT",
|
||||
"value": "Разрѣши́шасѧ твои́мъ ржⷭ҇тво́мъ ᲂу҆́зы смє́ртныѧ, и҆ свѧза́сѧ тлѝ держа́ва, прест҃а́ѧ дв҃о всепѣ́таѧ. Тѣ́мже разрѣшѝ вско́рѣ и҆ мои́хъ прегрѣше́нїй плени̑цы, и҆ тѧ̑жкїѧ печа̑ли."
|
||||
},
|
||||
{
|
||||
"type": "TEXT",
|
||||
"value": "Лꙋка́вствїѧ бѣсѡ́въ, и҆ ѕло́бы человѣ́ческїѧ и҆зба́ви влⷣчце: и҆ дꙋше́вный недꙋ́гъ и҆ тѣле́сный ско́рѡ ᲂу҆врачꙋ́й, ро́ждшаѧ є҆ди́на всѧ́кїѧ пло́ти и҆ дꙋхѡ́въ врача̀, сп҃са и҆ гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́кѡ клеща̀ бж҃е́ственнагѡ ᲂу҆́глѧ, пречⷭ҇таѧ, молю́ тѧ, попалѝ всѧ́кꙋю стра́стнꙋю по́хоть раба̀ твоегѡ̀, и҆ неможє́нїѧ лю̑таѧ неꙋдо́бь стерпи̑маѧ, и҆ и҆зсꙋшѝ пото́ки печа́лей."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Сп҃се́нїе тѧ̀ всѣ̑мъ пода́лъ є҆́сть сн҃ъ тво́й всечⷭ҇таѧ влⷣчце, вѣ́ровавшымъ въ него̀, и҆ бг҃а проповѣ́дающымъ воплоще́нна ѿ тебѐ ꙗ҆́вѣ: тѣ́мже мѧ̀ сп҃сѝ ѿ разли́чныхъ бѣ́дъ и҆ скорбе́й."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆чи́сти мѧ̀ сп҃се, мнѡ́га бо беззакѡ́нїѧ моѧ̑, и҆ и҆з̾ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е сп҃се́нїѧ моегѡ̀."
|
||||
},
|
||||
{
|
||||
"type": "TEXT",
|
||||
"value": "При́зри на мѧ̀ млⷭ҇тивнымъ твои́мъ ѻ҆́комъ влⷣчце, и҆ ѿ недꙋ́гѡвъ лю́тыхъ и҆зба́ви вско́рѣ, и҆ всѧ́кагѡ ѡ҆ѕлобле́нїѧ ча́емагѡ ны́нѣ, и҆ сѣ́тей, и҆ паде́нїѧ."
|
||||
},
|
||||
{
|
||||
"type": "TEXT",
|
||||
"value": "Безꙋ́мнагѡ нра́ва стра́стнагѡ, и҆ за́висти неподо́бныхъ, и҆ всѧ́кїѧ ѕло́бы, и҆ ѡ҆ѕлобле́нїѧ жите́йскагѡ и҆зба́ви мѧ̀, пречⷭ҇таѧ влⷣчце, твои́ми мольба́ми."
|
||||
},
|
||||
{
|
||||
"type": "TEXT",
|
||||
"value": "Сла́ва: Созда́вый на́съ, въ тебѣ̀ дв҃о созда́сѧ, є҆стество̀ человѣ́ческое ѿ тлѝ и҆збавлѧ́ѧ, и҆ менѐ ᲂу҆́бѡ и҆зба́ви чⷭ҇таѧ, ѿ ѡ҆держа́щихъ мѧ̀ и҆скꙋше́нїй твои́ми мл҃твами."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Хра́мъ показа́ласѧ є҆сѝ бг҃а невмѣсти́магѡ пречи́стъ, ты̀ пречⷭ҇таѧ влⷣчце: хра́мъ и҆ менѐ покажѝ тогѡ̀ бл҃года́ти, твои́ми мл҃твами, и҆ соблюдѝ невреди́ма."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ без̾ сѣ́мене ро́ждшꙋю бг҃а пло́тїю, всѝ бл҃жи́мъ ро́ди человѣ́честїи: ѻ҆́гнь бо всели́сѧ въ тѧ̀ бж҃ества̀, и҆ ꙗ҆́кѡ младе́нца дои́ши зижди́телѧ и҆ гдⷭ҇а. Тѣ́мже а҆́гг҃льскїй и҆ человѣ́ческїй ро́дъ досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а согрѣше́нїй ѡ҆ставле́нїе дарова́ти воспѣва́ющымъ досто́йнѡ сла́вꙋ твою̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ і҆ꙋде́и доше́дше ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Тѧ́жкїѧ болѣ́зни воздаѧ̑нїѧ ѡ҆брѣто́хъ, и҆ мно́гимъ недꙋ́гомъ ѡ҆держи́мь болю̀: но молю́ тѧ бцⷣе, помози́ ми, и҆ пода́ждь здра́вїе вско́рѣ твои́ми мл҃твами."
|
||||
},
|
||||
{
|
||||
"type": "TEXT",
|
||||
"value": "Бл҃же́ннаѧ дв҃о, прибѣ́жище скорбѧ́щихъ всѣ́хъ вѣ́рныхъ, ѿ всѧ́кагѡ и҆скꙋше́нїѧ и҆ печа́ли и҆ ѕло́бы зави́дѧщихъ мнѣ̀ и҆змѝ, и҆ ѿ грѣ̑хъ и҆ разли́чныхъ недꙋ̑гъ и҆зба́ви."
|
||||
},
|
||||
{
|
||||
"type": "TEXT",
|
||||
"value": "Сла́ва: Златокова́ннаѧ ста́мно, и҆з̾ неѧ́же и҆стечѐ мѵ́ро животво́рное вѣ̑рнымъ, ѿимѝ дꙋшѝ моеѧ̀ и҆ тѣ́ла недꙋ́гъ, и҆ прегрѣше́нїй скве́рнꙋ, застꙋпле́ньми твои́ми чⷭ҇таѧ бг҃ороди́тельнице."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Рожде́ннаго неизрече́ннѡ и҆з̾ тебѐ бг҃ома́ти, собезнача́льнагѡ сло́ва ѻ҆ц҃ꙋ̀ и҆ дх҃ꙋ сла́вѧще непреста́ннѡ, во хвале́нїи пое́мъ: ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею сп҃се́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Вели́чєствїѧ разли́чныхъ чꙋде́съ твои́хъ влⷣчце всѝ проповѣ́дꙋемъ, вѣ́рнѡ притека́ющїи къ твоемꙋ̀ застꙋпле́нїю: но ны́нѣ мѧ̀ ѿ недꙋ́га лю́та и҆ болѣ́зней дꙋше́вныхъ же и҆ тѣле́сныхъ премѣнѝ, и҆ покажѝ здра́ва ѻ҆бою́дꙋ, сла́вити сн҃а твоего̀ хрⷭ҇та̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Напра́снѡ возвѣ́ѧша зави́дѧщихъ вѣ́три, и҆ ѕлолю́тыхъ рѣ́ки припро́шасѧ ѕѣлѡ̀ хра́минѣ мое́й ᲂу҆́мнѣй, дв҃о чⷭ҇таѧ: но ꙗ҆́коже безꙋ́мнѡ волнꙋ́ющагѡсѧ мо́рѧ, разорѝ стремле́нїе печа́льныхъ всѣ́хъ: да́ждь и҆ мнѣ̀ твои́ми мл҃твами тишинꙋ̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: Созда́вый бре́нное тѣ́ло человѣ́ка, та́же дꙋ́шꙋ є҆мꙋ̀ вложи́вый безсме́ртнꙋ, въ тебѣ̀ зи́ждетсѧ дв҃о, сы́й, и҆ ѡ҆бновлѧ́етъ па́ки того̀: є҆го́же мнѣ̀ бл҃гоꙋвѣ́тлива, и҆ бл҃гопремѣ́нна покажѝ твои́ми мл҃твами, и҆ си́лꙋ пода́ждь всѣ̑мъ скорбѧ́щымъ, и҆ и҆збавле́нїе вско́рѣ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Свѣ́томъ ѡ҆зарѧ́еши всегда̀ пречⷭ҇таѧ сла́вѧщихъ тѧ̀: и҆з̾ твоеѧ́ бо ᲂу҆тро́бы возсїѧ̀ свѣ́тъ невече́рнїй, и҆ ѿ стра́ха нощна́гѡ и҆ те́мнагѡ и҆ бѣсо́вскагѡ ла́ѧнїѧ и҆збавлѧ́еши твоѧ̑ рабы̑: ѿ ни́хже и҆змѝ и҆ менѐ, и҆ сп҃сѝ ѿ ѡ҆держа́щихъ ѕѡ́лъ твои́ми мл҃твами."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ, сп҃се́ннїи тобо́ю дв҃о чⷭ҇таѧ, съ безпло́тными ли́ки тѧ̀ велича́юще."
|
||||
},
|
||||
{
|
||||
"type": "TEXT",
|
||||
"value": "Вознесѝ ро́гъ цр҃кве, пречⷭ҇таѧ, вѣ̑рнымъ пода́ждь крѣ́пость и҆ ᲂу҆твердѝ."
|
||||
},
|
||||
{
|
||||
"type": "TEXT",
|
||||
"value": "Низложѝ вознесє́нныѧ, и҆ побѣдѝ полкѝ и҆ноплеме́нныхъ хотѧ́щыѧ бра́ней, дв҃о чⷭ҇таѧ: и҆ твоѧ̑ рабы̑ невре́дны ѿ си́хъ свободѝ, ѻ҆трокови́це."
|
||||
},
|
||||
{
|
||||
"type": "TEXT",
|
||||
"value": "Сла́ва: Є҆ди́на побо́рнице хрⷭ҇тїа́нѡмъ правосла̑внымъ, тебѐ сла́вѧщымъ, мл҃твами твои́ми а҆га́рѧны ѻ҆рꙋженѡ́сныѧ вско́рѣ посрамѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Вразꙋмѝ дв҃о, вѣ́рныхъ ли́ки, на врагѝ неви̑димыѧ и҆ ви̑димыѧ ᲂу҆крѣ́пльши, и҆ сп҃сѝ ѿ всѧ́кїѧ ско́рби."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: и҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропарѝ, и҆ про́чее ѻ҆бы́чно, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ ᲂу҆́тра, по а҃-мъ стїхосло́вїи сѣда́льны покаѧ́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ѻ҆́комъ бл҃гоꙋтро́бнымъ гдⷭ҇и, ви́ждь моѐ смире́нїе, ꙗ҆́кѡ пома́лѣ жи́знь моѧ̀ скончава́етсѧ, и҆ ѿ дѣ́лъ нѣ́сть мнѣ̀ сп҃се́нїѧ. Сегѡ̀ ра́ди молю́сѧ: ѻ҆́комъ бл҃гоꙋтро́бнымъ ви́ждь моѐ смире́нїе, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ сꙋдїѝ прише́дшꙋ попецы́сѧ ѽ дꙋшѐ! И҆ стра́шнагѡ днѐ ча́съ помышлѧ́й: сꙋ́дъ бо без̾ млⷭ҇ти є҆́сть не содѣ́лавшымъ млⷭ҇ти. Тѣ́мже пре́жде конца̀ вопі́й: пощади́ мѧ сп҃се, є҆ди́нъ бо є҆сѝ безгрѣ́шенъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Недви́жимое ᲂу҆твержде́нїе вѣ́ры, и҆ чⷭ҇тны́й да́ръ дꙋ́шъ на́шихъ, бцⷣꙋ пѣ́сньми велича́емъ вѣ́рнїи: ра́дꙋйсѧ, ка́мень жи́зни во чре́вѣ твое́мъ вмѣсти́вшаѧ. Ра́дꙋйсѧ концє́въ наде́ждо, скорбѧ́щихъ застꙋпле́нїе. Ра́дꙋйсѧ невѣ́сто неневѣ́стнаѧ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ блꙋдни́ца припа́даю тѝ, да прїимꙋ̀ ѡ҆ставле́нїе, и҆ вмѣ́стѡ мѵ́ра сле́зы ѿ се́рдца приношꙋ́ ти: да ꙗ҆́кѡ ѻ҆́нꙋю ᲂу҆ще́дриши мѧ̀ сп҃се, и҆ пода́си мѝ ѡ҆чище́нїе грѣхѡ́въ. Ꙗ҆́кѡ ѻ҆́наѧ бо зовꙋ́ ти: и҆зба́ви мѧ̀ ѿ тимѣ́нїѧ дѣ́лъ мои́хъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ."
|
||||
},
|
||||
{
|
||||
"type": "TEXT",
|
||||
"value": "Вѣ́къ мо́й скончава́етсѧ, житїѐ мимохо́дитъ, и҆ стра́шный тво́й престо́лъ гото́витсѧ сп҃се: сꙋ́дъ менѐ жде́тъ, претѧ̀ мнѣ̀ ѻ҆́гненною мꙋ́кою, пла́менемъ негаси́мымъ: сле́зъ тꙋ́чꙋ да́ждь мѝ, и҆ ᲂу҆гасѝ є҆гѡ̀ си́лꙋ, хотѧ́й сп҃сти́сѧ всѣ̑мъ человѣ́кѡмъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѣти̑ла ᲂу҆́мнаѧ ꙗ҆ви́стесѧ ст҃і́и мч҃нцы: мглꙋ́ бо пре́лести ᲂу҆праздни́сте вѣ́рою, дꙋшє́вныѧ ва́шѧ свѣщы̀ просвѣти́сте, и҆ съ женихо́мъ со сла́вою внидо́сте въ нбⷭ҇ный черто́гъ: и҆ ны́нѣ моли́тесѧ сп҃сти́сѧ, мо́лимсѧ, дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Пречⷭ҇таѧ дв҃о, мт҃и хрⷭ҇то́ва, дꙋшѝ моеѧ̀ стра̑сти лю̑тыѧ и҆сцѣлѝ, молю́сѧ, и҆ проще́нїе да́рꙋй мои́хъ прегрѣше́нїй, ꙗ҆̀же безꙋ́мнѣ содѣ́ѧхъ, дꙋ́шꙋ мою̀ ѡ҆скверни́въ, и҆ тѣ́ло ѡ҆калѧ́хъ ѻ҆каѧ́нный. Оу҆вы̀ мнѣ̀, что̀ сотворю̀ въ ча́съ ѻ҆́нъ, внегда̀ а҆́гг҃ли дꙋ́шꙋ мою̀ разлꙋча́тъ ѿ ᲂу҆бо́гагѡ моегѡ̀ тѣлесѐ; тогда̀ помо́щница мѝ бꙋ́ди и҆ предста́тельница: тебе́ бо и҆́мамъ ᲂу҆пова́нїе ра́бъ тво́й."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́льны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное та́йнѡ:"
|
||||
},
|
||||
{
|
||||
"type": "TEXT",
|
||||
"value": "Стра́шнагѡ и҆ ᲂу҆жа́снагѡ и҆ неꙋмы́тнагѡ сꙋди́ща твоегѡ̀ влⷣко хрⷭ҇тѐ, во ᲂу҆мѣ̀ прїе́млю де́нь и҆ ча́съ, трепе́щꙋ ꙗ҆́кѡ ѕлодѣ́й: стꙋ̑днаѧ дѣла̀ и҆́мамъ, и҆ дѣѧ̑нїѧ лю̑таѧ, ꙗ҆̀же є҆ди́нъ содѣ́ѧхъ прилѣ́жнѡ. Тѣ́мже со стра́хомъ припа́даю тѝ, и҆ вопїю̀ болѣ́зненнѡ: мл҃твами прⷣте́чи твоегѡ̀, многомлⷭ҇тиве, сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Дꙋшѐ моѧ̀, неради́вѡ жи́знь и҆знꙋрѧ́ющи, воста́ни нѣ́когда, къ покаѧ́нїю воззрѝ: воспла́чисѧ го́рцѣ и҆з̾ глꙋбины̀ серде́чныѧ, да не ка́кѡ возрыда́еши та́мѡ без̾ ᲂу҆спѣ́ха: содрогни́сѧ, помышлѧ́ющи влⷣчнее второ́е прише́ствїе, и҆ пре́жде сꙋда̀ сама̀ себѐ ѡ҆сꙋдѝ: и҆ ᲂу҆бѣ́гнеши ѻ҆́нагѡ сꙋда̀ пра́веднагѡ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Безпло́тныхъ твои́хъ, хрⷭ҇тѐ, и҆ прⷣте́чи твоегѡ̀, и҆ ᲂу҆чєни́къ, и҆ прⷪ҇рѡ́къ, и҆ мч҃нкъ, и҆ ст҃ы́хъ всѣ́хъ, и҆ бцⷣы неискꙋсомꙋ́жныѧ и҆ бл҃гі́ѧ мт҃ре твоеѧ̀ мл҃твами ᲂу҆моле́нъ бы́въ, да́ждь на́мъ во свѣ́тѣ твое́мъ ходи́ти: и҆ сподо́би на́съ ᲂу҆лꙋчи́ти црⷭ҇твїе твоѐ, за млⷭ҇рдїе млⷭ҇ти твоеѧ̀."
|
||||
},
|
||||
{
|
||||
"type": "HEADER",
|
||||
"value": "Канѡ́нъ покаѧ́ненъ ко гдⷭ҇ꙋ на́шемꙋ і҆и҃сꙋ хрⷭ҇тꙋ̀, и҆ ст҃ы̑мъ є҆гѡ̀ мч҃нкѡмъ. Творе́нїе кѵ́ръ і҆ѡ́сифа, гла́съ и҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Сокрꙋши́вшемꙋ бра̑ни мы́шцею свое́ю, и҆ прове́дшемꙋ і҆и҃лѧ сквозѣ̀ чермно́е мо́ре, пои́мъ є҆мꙋ̀, ꙗ҆́кѡ и҆зба́вителю на́шемꙋ бг҃ꙋ: ꙗ҆́кѡ просла́висѧ."
|
||||
},
|
||||
{
|
||||
"type": "TEXT",
|
||||
"value": "И҆спо́лни моѐ се́рдце ᲂу҆миле́нїѧ хрⷭ҇тѐ, ꙗ҆́кѡ да вни́дꙋ покаѧ́нїемъ въ селє́нїѧ твоѧ̑: и҆ и҆сповѣ́данїемъ помолю́сѧ тебѣ̀, ѿ долгѡ́въ мѧ̀ разрѣша́ющꙋ."
|
||||
},
|
||||
{
|
||||
"type": "TEXT",
|
||||
"value": "Разрѣши́ мѧ сло́ве, ѿ соꙋ́зъ безчи́сленныхъ мои́хъ ѕѡ́лъ, да ше́ствꙋю въ покаѧ́нїи пра́вєдныѧ стєзѝ твоѧ̑, въ бж҃е́ственное наставлѧ́ющыѧ поко́ище вѣ́чныхъ красо́тъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Взѧ́тсѧ къ высотѣ̀ вели́кое мч҃нкъ твои́хъ хрⷭ҇тѐ великолѣ́пїе, всесла́внѡ бо пострада́вше, и҆ превели́кими твои́ми бл҃года́тьми возвели́чишасѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Кропле́нїемъ бж҃е́ственныхъ крове́й ст҃ы́хъ страда́лєцъ, кро́вь тре́бищнаѧ приноси́маѧ врагꙋ̀ преста̀, и҆ ѡ҆свѧти́шасѧ земна̑ѧ дх҃а бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Покаѧ́нїѧ мѝ дв҃о покажѝ пꙋти̑, и҆ ѿ водѧ́щїѧ мѧ̀ ко грѣхꙋ̀ возвратѝ стезѝ: да тѧ̀ пою̀ многопѣ́тꙋю бж҃їю роди́тельницꙋ."
|
||||
},
|
||||
{
|
||||
"type": "HEADER",
|
||||
"value": "И҆́нъ канѡ́нъ ст҃о́мꙋ и҆ вели́комꙋ і҆ѡа́ннꙋ прⷣте́чи, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: И҆стрѧ́сшемꙋ въ мо́ри мꙋчи́тельство фараѡ́не, и҆ і҆и҃лѧ сꙋ́шею наста́вльшемꙋ пои́мъ хрⷭ҇тꙋ̀ ꙗ҆́кѡ просла́висѧ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Прⷣте́че проповѣ́дателю покаѧ́нїѧ, пока́ѧтисѧ мѝ ѿ дꙋшѝ всеѧ̀, молѝ сп҃са и҆ гдⷭ҇а, ᲂу҆́мъ мо́й просвѣща́ѧ и҆ се́рдце, любо́вїю чтꙋ́щагѡ тѧ̀."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ пꙋсты́нное краснѣ́йшее ѻ҆вча̀ прⷣте́че, мч҃нче хрⷭ҇то́въ, ны́нѣ въ пꙋсты́ни мѧ̀ страсте́й водворѧ́ющасѧ, наста́ви къ жи́зни покаѧ́нїѧ, бж҃е́ственною твое́ю мл҃твою."
|
||||
},
|
||||
{
|
||||
"type": "TEXT",
|
||||
"value": "Мꙋ́чащагѡ мѧ̀ грѣха̀ ско́рѡ свободѝ, хода́тайствомъ твои́мъ мꙋ́дре прⷣте́че, молю́сѧ, и҆ разрꙋшѝ на мѧ̀ дви́жимꙋю бѣсо́вскꙋю бꙋ́рю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Сп҃си́ мѧ мт҃и и҆́стины, ѡ҆бꙋрева́емаго лю́тѣ ѿ страсте́й, и҆ ча́стѡ погрꙋжа́ема, и҆ и҆спра́ви мѧ̀ чⷭ҇таѧ къ сп҃се́нїѧ бл҃гоꙋти́шномꙋ приста́нищꙋ."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆тверди́сѧ се́рдце моѐ во гдⷭ҇ѣ, вознесе́сѧ ро́гъ мо́й въ бз҃ѣ мое́мъ, разшири́шасѧ на врагѝ моѧ̑ ᲂу҆ста̀ моѧ̑, возвесели́хсѧ ѡ҆ сп҃се́нїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сквє́рны ѕлѡ́бныѧ ѿмы́въ моегѡ̀ се́рдца, и҆ ꙗ҆ви́тисѧ мѝ непоро́чнꙋ пред̾ тобо́ю въ де́нь стра́шный сподо́би хрⷭ҇тѐ мо́й, ꙗ҆́кѡ пребл҃гі́й."
|
||||
},
|
||||
{
|
||||
"type": "TEXT",
|
||||
"value": "Возмо́же лꙋка́вствомъ ᲂу҆мертви́ти мѧ̀ ѿстꙋ́пникъ, жа́ломъ сло́ве грѣхо́внымъ: но са́мъ мѧ̀ хрⷭ҇тѐ, живоно́снымъ и҆сцѣлѝ бы́лїемъ покаѧ́нїѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ста́немъ мꙋ́жески, возглаша́хꙋ стрⷭ҇тоте́рпцы дрꙋ́гъ дрꙋ́гꙋ, да не кто̀ во́инства ѿве́ржетсѧ: влⷣка помо́щникъ на́мъ предстои́тъ, стра́ждꙋщымъ до́блественнымъ ᲂу҆мо́мъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Пречестно́е ка́менїе цр҃кве, бж҃е́ствєнныѧ столпы̀ бл҃гоче́стїѧ, пре́лести побѣди́тели, всѝ въ пѣ́снехъ почти́мъ вѣ́рнїи мч҃нки гдⷭ҇ни."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Низпа́дшымъ и҆справле́нїе бцⷣе, па́дшаго мѧ̀ воздви́гни и҆з̾ ро́ва ѕѡ́лъ мои́хъ: и҆ ᲂу҆твердѝ влⷣчце, на ка́мени за́повѣдей бж҃їихъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твердѝ на́шъ ᲂу҆́мъ и҆ сердца̀, нб҃са̀ сло́вомъ ᲂу҆твержде́й, во є҆́же пѣ́ти и҆ сла́вити тѧ̀, во сп҃се́нїе дꙋ́шъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ѡ҆дождѝ и҆ мнѣ̀ ка̑пли покаѧ́нїѧ, и҆́же въ рѣцѣ̀ бе́зднꙋ крⷭ҇ти́вый бл҃гоꙋтро́бїѧ, гдⷭ҇а всѣ́хъ прⷣте́че, мч҃нче достосла́вне."
|
||||
},
|
||||
{
|
||||
"type": "TEXT",
|
||||
"value": "Напа́стными волна́ми житїѧ̀ всегда̀ ᲂу҆мо́мъ коле́блемь, прибѣга́ю под̾ кро́въ тво́й прⷣте́че сп҃совъ, потщи́сѧ помощи́ ми рабꙋ̀ твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Въ нощны́хъ мл҃твахъ призыва́ю дневна́го свѣти́льника тебѐ мі́рꙋ, бг҃обл҃же́нне прⷣте́че, просвѣтѝ моѧ̑ сердє́чнаѧ чꙋ̑вства."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ра́дꙋйсѧ ѿ на́съ ст҃а́ѧ бцⷣе: ра́дꙋйсѧ, ꙗ҆́же ра́дость ро́ждшаѧ мі́рꙋ: ра́дꙋйсѧ рꙋ́чко, и҆з̾ неѧ́же ма́нна нбⷭ҇наѧ всѣ̑мъ вѣ̑рнымъ даде́сѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, слꙋ́хъ тво́й, и҆ ᲂу҆боѧ́хсѧ: ꙗ҆́кѡ неизрече́ннымъ совѣ́томъ, бг҃ъ сы́й присносꙋ́щный, ѿ дв҃ы проше́лъ є҆сѝ вопло́щьсѧ: сла́ва снизхожде́нїю твоемꙋ̀ хрⷭ҇тѐ, сла́ва си́лѣ твое́й."
|
||||
},
|
||||
{
|
||||
"type": "TEXT",
|
||||
"value": "Прельстѝ мѧ̀ вкꙋше́нїемъ грѣхо́внымъ вра́гъ льсте́цъ, и҆ ѿ тебѐ бл҃же, дале́че ᲂу҆далѝ, и҆ зꙋбѡ́мъ свои̑мъ снѣ́дь содѣ́ла мѧ̀: є҆ди́не сп҃се, потщи́сѧ и҆з̾ѧ́ти мѧ̀."
|
||||
},
|
||||
{
|
||||
"type": "TEXT",
|
||||
"value": "Неѧвлє́наѧ гдⷭ҇и, и҆ сокровє́наѧ моѧ̑ са́мъ вѣ́си, согрѣши́вшагѡ тѝ мно́гѡ: мно́гими твои́ми щедро́тами ᲂу҆ще́дри сло́ве бж҃їй, ꙗ҆́кѡ млⷭ҇тивъ, и҆ покаѧ́нїѧ мѝ вре́мѧ пода́ждь ѡ҆чисти́тельно."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ волна́ми мꙋче́ньми потоплѧ́еми мч҃нцы, ѡ҆кормле́нїемъ хрⷭ҇то́вымъ ко приста́нищємъ приведо́стесѧ нбⷭ҇нагѡ црⷭ҇твїѧ, ѿ негѡ̀ побѣдоно́сными вѣнцы̀ вои́стиннꙋ ᲂу҆добрѧ́еми."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѡ҆бнови́вше мч҃нцы, бл҃гоче́стїемъ зе́млю серде́чнꙋю, и҆сповѣ́данїѧ на не́й сѣ́мѧ вложи́сте: и҆ мꙋче́нїѧ пожа́сте ꙗ҆́вѣ стори́чествꙋющїй кра́сный кла́съ бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Всепѣ́таѧ влⷣчце, велегла́снѡ воспѣва́ющагѡ тѝ, и҆спо́лни всѧ́кїѧ ра́дости мою̀ мы́сль, подаю́щи мѝ пла́чь бл҃гъ, и҆ покаѧ́нїѧ вины̑, и҆ ра́зꙋмъ сп҃се́нїѧ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, смотре́нїѧ твоегѡ̀ та́инство: разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Себѐ самого̀ пла́чꙋ, житїѐ неиспра́влено и҆мѣ́ѧ всегда̀: сп҃сѝ и҆ ᲂу҆ще́дри мѧ̀ прⷣте́че, грѣхѝ погиба́ющаго."
|
||||
},
|
||||
{
|
||||
"type": "TEXT",
|
||||
"value": "Въ мл҃твахъ и҆ моле́нїихъ да ѡ҆брѧ́щꙋ тѧ̀ помо́щника бл҃же́нне, дꙋ́шꙋ мою̀ ᲂу҆крѣплѧ́юща, и҆ помышле́нїе моѐ ѡ҆зарѧ́юща."
|
||||
},
|
||||
{
|
||||
"type": "TEXT",
|
||||
"value": "Потоплѧ́ема бꙋ́рею согрѣше́нїй, и҆ бѣ́дствꙋюща мѧ̀, крⷭ҇ти́телю хрⷭ҇то́въ, ѡ҆кормѝ къ приста́нищꙋ бж҃е́ственнагѡ ра́зꙋма."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Смири́вши мѧ̀ высокомꙋ́дреннѡ живꙋ́щаго, сп҃сѝ пречⷭ҇таѧ, ро́ждшаѧ возне́сшаго смири́вшеесѧ є҆стество̀."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мра́къ дꙋшѝ моеѧ̀ разженѝ свѣтода́вче хрⷭ҇тѐ бж҃е, началоро́днꙋю тьмꙋ̀ и҆згна́въ бе́здны: и҆ да́рꙋй мѝ свѣ́тъ повелѣ́нїй твои́хъ сло́ве, да ᲂу҆́тренюѧ сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "И҆́же блꙋдни́цꙋ ѡ҆чи́стивый, и҆ прокажє́нныѧ, твои́мъ повелѣ́нїемъ содѣ́телю всѧ́ческихъ, скве́рнагѡ грѣха̀ смире́ннꙋю дꙋ́шꙋ мою̀ ѡ҆чи́сти, и҆ ѻ҆де́ждами блиста́ющими краснꙋ̀ содѣ́лай влⷣко, молю́сѧ."
|
||||
},
|
||||
{
|
||||
"type": "TEXT",
|
||||
"value": "Ѿ ᲂу҆́зъ разрѣши́въ мѧ̀ мно́гихъ мои́хъ прегрѣше́нїй хрⷭ҇тѐ бж҃е, невозбра́ннѡ ходи́ти напра́ви въ пꙋти̑ твоѧ̑: ꙗ҆́кѡ да ѿрѣши́всѧ ѿ пло́ти, въ покѡ́ища ст҃а̑ѧ всели́всѧ, сла́влю тѧ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: И҆стка́вше ѿ болѣ́зней себѣ̀ ри́зꙋ сла́вы мч҃нцы, и҆ ѡ҆дѣ́ѧвшесѧ краснѡ̀, въ вы́шнѣмъ живꙋ́тъ црⷭ҇твїи въ ра́дости, побѣ́ды вѣнцы̀ кра́сными ᲂу҆добрѧ́еми."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Текꙋ́щими стоѧ̑щаѧ и҆змѣни́ша бл҃гомꙋ́дреннѡ мч҃нцы: тѣснота́ми бо мꙋче́нїй разли́чныхъ ѡ҆б̾ѧ́ти бы́вше, къ простра́нствꙋ и҆́стинномꙋ нбⷭ҇нагѡ црⷭ҇твїѧ мꙋ́дрїи достиго́сте ра́дꙋющесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ст҃а́ѧ бцⷣе, ꙗ҆́же ст҃о́е сло́во ро́ждшаѧ пло́тїю, є҆ди́наго почива́ющаго на всѣ́хъ ст҃ы́хъ, ѡ҆свѧтѝ мо́й ᲂу҆́мъ въ лꙋка́выхъ дѣ́лѣхъ при́снѡ пребыва́ющїй."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ но́щи невѣ́дѣнїѧ, бг҃овѣ́дѣнїѧ де́нь во свѣ́тѣ лица̀ твоегѡ̀ хрⷭ҇тѐ, да возсїѧ́етъ, ко ᲂу҆́трꙋ хвале́нїе твоѐ въ сердца́хъ на́шихъ."
|
||||
},
|
||||
{
|
||||
"type": "TEXT",
|
||||
"value": "Въ нощѝ житїѧ̀ заблꙋ́ждшаго мѧ̀ просвѣтѝ, сла́вный прⷣте́че, свѣти́льникъ сы́й сл҃нца пра́веднагѡ."
|
||||
},
|
||||
{
|
||||
"type": "TEXT",
|
||||
"value": "Въ бꙋ́дꙋщемъ сꙋдѣ̀, є҆гда̀ и҆́мамъ гдⷭ҇еви предста́ти, да ѡ҆брѧ́щꙋ тѧ̀ предста́телѧ прⷣте́че, ѡ҆сꙋжде́нїѧ мѧ̀ стра́шнагѡ и҆з̾има́юща."
|
||||
},
|
||||
{
|
||||
"type": "TEXT",
|
||||
"value": "Напа́ствꙋемаго мѧ̀, и҆ и҆скꙋше́ньми бѣсо́вскими коле́блемаго, ᲂу҆твердѝ на ка́мени бж҃е́ственныхъ хотѣ́нїй приснопѣва́емый."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Ꙗ҆́кѡ превы́шшаѧ всѣ́хъ тва́рей, мт҃и бж҃їѧ приснодв҃о, вы́шша покажи́ мѧ вра́жїихъ сѣ́тей."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ꙗ҆́коже прⷪ҇ро́ка и҆зба́вилъ є҆сѝ и҆з̾ глꙋбины̀ преиспо́днїѧ хрⷭ҇тѐ бж҃е, и҆ менѐ ѿ грѣхѡ́въ мои́хъ и҆зба́ви ꙗ҆́кѡ чл҃вѣколю́бецъ, и҆ ᲂу҆пра́ви живо́тъ мо́й, молю́сѧ."
|
||||
},
|
||||
{
|
||||
"type": "TEXT",
|
||||
"value": "Ка́ющасѧ прїими́ мѧ, ꙗ҆́коже и҆ногда̀ нїнеѵі́тѧны, вѣ́ровавшыѧ бж҃е́ственнѣй про́повѣди, хрⷭ҇тѐ, прⷪ҇ро́ка твоегѡ̀: и҆ ѡ҆кормѝ живо́тъ мо́й, молю́сѧ тѝ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ мыта́рь воздыха́ю, ꙗ҆́коже блꙋдни́ца слезю̀, ꙗ҆́кѡ пе́тръ вопїю̀, мно́гими погрꙋжа́емь прегрѣше́нїи хрⷭ҇тѐ: по́мощи мѝ рꙋ́кꙋ да́ждь, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆́кѡ бг҃освѣ̑тлаѧ свѣти̑ла мч҃нцы, лꙋча́ми страда́нїѧ ѡ҆зарѧ́ете всегда̀ земны́й мі́ръ, и҆ ѿгонѧ́ете пре́лести тьмꙋ̀ глꙋбо́кꙋю."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Бл҃же́ннѣйшїй коне́цъ ѡ҆брѣ́тше всест҃і́и мч҃нцы, почита́ете всегда̀ бг҃а бл҃же́ннаго, наслажда́еми тогѡ̀ свѣ́тлостїю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Маннопрїе́мнаѧ рꙋ́чка, тѧ̀ бцⷣе и҆ногда̀ проѡбразѝ: хрⷭ҇та́ бо носи́ла є҆сѝ, ма́ннꙋ ра́зꙋма ѡ҆дожди́вшаго всѣ̑мъ чтꙋ́щымъ тѧ̀."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ри́зꙋ мнѣ̀ пода́ждь свѣ́тлꙋ, ѡ҆дѣѧ́йсѧ свѣ́томъ. Ꙗ҆́кѡ ри́зою, многомлⷭ҇тиве хрⷭ҇тѐ бж҃е на́шъ."
|
||||
},
|
||||
{
|
||||
"type": "TEXT",
|
||||
"value": "Сѣки́рою покаѧ́нїѧ и҆́стиннагѡ всѐ ѡ҆чи́сти се́рдце моѐ і҆ѡа́нне премꙋ́дре, плодоно́сно добродѣ́тельми содѣ́ловаѧ є҆̀."
|
||||
},
|
||||
{
|
||||
"type": "TEXT",
|
||||
"value": "Ки́томъ содержи́мь напа́стей, и҆з̾ глꙋбины̀ се́рдца моегѡ̀ взыва́ю тѝ прⷣте́че: болѣ́зней мѧ̀ лю́тыхъ свободѝ."
|
||||
},
|
||||
{
|
||||
"type": "TEXT",
|
||||
"value": "Дꙋшѐ моѧ̀, пока́йсѧ те́плѣ, сѐ сꙋди́ще прїи́де, возни́кни зовꙋ́щи: і҆и҃се бж҃е мо́й, прⷣте́чи ра́ди твоегѡ̀ ты́ мѧ ᲂу҆ще́дри."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Є҆ди́на сло́вомъ, пло́тїю сло́во ро́ждшаѧ чⷭ҇таѧ, мо́лимсѧ, и҆зба́ви сѣ́тей вра́жїихъ дꙋ́шы на́шѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: А҆́гг҃ломъ ѻ҆́троки и҆з̾ ѻ҆гнѧ̀ сп҃сы́й, и҆ гремѧ́щꙋю пе́щь преложи́вый на ро́сꙋ, бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ въ беззако́нїихъ зача́тъ и҆ роди́хсѧ, ще́дре, согрѣши́хъ па́че всѣ́хъ человѣ̑къ: ѡ҆браще́нїѧ мѝ пода́ждь вре́мѧ ѡ҆правда́ющее мѧ̀."
|
||||
},
|
||||
{
|
||||
"type": "TEXT",
|
||||
"value": "Превозне́слсѧ безꙋ́мнѡ, ꙗ҆́коже пре́жде фарїсе́й, и҆ паде́нїемъ лю́тымъ падо́хсѧ, и҆ ви́дѧ мѧ̀ ра́дꙋетсѧ вражде́бный: сло́ве бж҃їй, не пре́зри менѐ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Собо́ръ чⷭ҇тны́хъ мч҃нкъ, во́инство непобори́мое, по́лкъ же ст҃ы́й, гра́дꙋ написа́сѧ на нб҃сѣ́хъ, на землѝ мꙋ́жествовавшее."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Во́лею стрⷭ҇ть проше́дше мч҃нцы, хода́таицꙋ безсме́ртїѧ, стрꙋю̀ и҆сцѣле́нїй и҆сточа́ете, человѣ́кѡвъ стра̑сти ѿгонѧ́ющꙋ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Па́че вины̀ ражда́еши всѣ́хъ винꙋ̀, премно́жествомъ бл҃гости человѣ́ка бы́вшаго: тѣ́мже согла́снѡ тѧ̀ чⷭ҇таѧ, ᲂу҆бл҃жа́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Въ нача́лѣ зе́млю ѡ҆снова́вый, и҆ нб҃са̀ сло́вомъ ᲂу҆тверди́вый, бл҃гослове́нъ є҆сѝ во вѣ́ки, гдⷭ҇и бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "И҆́же пꙋти̑ гдⷭ҇ни ᲂу҆гото́вавый прⷣте́че, къ томꙋ́же и҆спра́ви и҆ моѧ̑ стєзѝ, да зовꙋ̀: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Проповѣ́дниче свѣ́та, просвѣтѝ дꙋ́шꙋ мою̀, и҆ лю́тыѧ тьмы̀, и҆ гее́нны палѧ́щїѧ и҆зба́ви мѧ̀, прибѣга́ющаго къ тебѣ̀ несꙋмнѣ́нною дꙋше́ю."
|
||||
},
|
||||
{
|
||||
"type": "TEXT",
|
||||
"value": "Непло́дныѧ и҆зраще́нїе плодови́тое сы́й, моегѡ̀ се́рдца непло́дїе во бл҃гопло́дїе претворѝ твои́ми мл҃твами мꙋ́дре крⷭ҇ти́телю хрⷭ҇то́въ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆збра́ннаѧ а҆́гнице бж҃їѧ сло́ва, молѝ и҆з̾ тебѐ вопло́щшагосѧ бг҃а, ко и҆збра̑ннымъ ѻ҆вца́мъ мѧ̀ причта́ти въ ча́съ стра́шный."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Покрыва́ѧй вода́ми превы́спрєннѧѧ своѧ̑, полага́ѧй мо́рю предѣ́лъ песо́къ, и҆ содержа́й всѧ̑, тѧ̀ пое́тъ со́лнце, тѧ̀ сла́витъ лꙋна̀, тебѣ̀ прино́ситъ пѣ́снь всѧ̀ тва́рь, ꙗ҆́кѡ содѣ́телю всѣ́хъ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Рꙋ́цѣ всѧ́кими ѡ҆скверни́ла є҆сѝ ѕлодѣѧ́ньми дꙋшѐ моѧ̀: и҆ ка́кѡ тѣ́хъ воздѣва́еши на высотꙋ̀ бесѣ́дꙋющи бг҃ꙋ; но́зѣ непотре́бны сотвори́ла є҆сѝ, на дѣла̀ ходѧ́щи стꙋ̑днаѧ: потщи́сѧ ходи́ти покаѧ́нїемъ въ пꙋти̑ сп҃си́тєльныѧ."
|
||||
},
|
||||
{
|
||||
"type": "TEXT",
|
||||
"value": "Не пребы́хъ гдⷭ҇и, въ за́повѣдехъ твои́хъ никогда́же, не сотвори́хъ ни є҆ди́нъ де́нь твоегѡ̀ хотѣ́нїѧ бл҃же: кото́рыма ᲂу҆́бѡ ѻ҆чи́ма воззрю̀ на тѧ̀ тогда̀, творѧ́ща сꙋ́дъ пра́ведный, и҆ пови̑нныѧ ѿсыла́юща во ѻ҆́гнь гее́нскїй;"
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Разжжє́нныѧ ᲂу҆гаси́сте пє́щи многобо́жїѧ, мꙋ́дрїи страда́льцы, ꙗ҆́коже во́дꙋ и҆злива́юще мно́гꙋ ва́шѧ крѡ́ви, непра́веднѡ пролїѧ́вшыѧсѧ, за любо́вь творца̀: тѣ́мже пото́къ сла́достный наслѣ́дꙋете."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Превзыдо́сте ст҃і́и, смире́нїѧ земно́е тѣ́ло, и҆ мꙋ̑ки ꙗ҆́коже стра́ждꙋщꙋ и҆но́мꙋ претерпѣ́сте, ѿсѣче́нїе рꙋка́мъ же и҆ нога́мъ: ѿню́дꙋже превы́шшїѧ ны́нѣ сподо́бистесѧ жи́зни во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Волнꙋ́ема мѧ̀ бꙋ́рею грѣхо́вною, вопїю́ ти влⷣчце чⷭ҇таѧ, твои́мъ хода́тайствомъ напра́ви мѧ̀ ко сп҃си́тельномꙋ покаѧ́нїю, и҆ ко всеꙋти́шномꙋ приста́нищꙋ: ꙗ҆́кѡ да ᲂу҆ви́жꙋ свѣ́тъ сп҃се́нїѧ, ѡ҆мрача́емый при́снѡ лѣ́ностїю."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Безнача́льнаго цр҃ѧ̀ сла́вы, є҆гѡ́же трепе́щꙋтъ нбⷭ҇ныѧ си̑лы, по́йте сщ҃е́нницы, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Взе́млющаго грѣхѝ мі́ра а҆́гнца бж҃їѧ, є҆го́же показа́лъ є҆сѝ всѣ̑мъ, молѝ крⷭ҇ти́телю, стра̑сти моѧ̑ ᲂу҆мертви́ти, и҆ сп҃стѝ дꙋ́шꙋ мою̀."
|
||||
},
|
||||
{
|
||||
"type": "TEXT",
|
||||
"value": "Ѡ҆блегчѝ бре́мѧ дꙋшѝ моеѧ̀, поборѝ борю́щыѧ мѧ̀, гдⷭ҇ень крⷭ҇ти́телю: и҆ не ᲂу҆ѧ́звлена мѧ̀ покажѝ ѿ тѣ́хъ ѕлодѣ́йствїѧ."
|
||||
},
|
||||
{
|
||||
"type": "TEXT",
|
||||
"value": "Оу҆дали́лсѧ є҆сѝ бѣ́гаѧй прⷪ҇ро́че, водвори́лсѧ же є҆сѝ въ пꙋсты́ню непрохо́днꙋю: тѣ́мже тѧ̀ молю̀, стра̑сти дꙋшѝ моеѧ̀ пꙋ́сты сотворѝ вско́рѣ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Лоза̀ є҆сѝ дв҃о, ꙗ҆́же гро́здъ зрѣ́лъ ро́ждшаѧ, ᲂу҆миле́нїѧ питїе́мъ напоѧ́ющи мѧ̀ ны́нѣ, ѿимѝ пїѧ́нство ѕѡ́лъ мои́хъ."
|
||||
},
|
||||
{
|
||||
"type": "TEXT",
|
||||
"value": "Та́же, пое́мъ пѣ́снь бцⷣы: Вели́читъ дꙋша̀ моѧ̀ гдⷭ҇а:"
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бл҃гослове́нъ гдⷭ҇ь бг҃ъ і҆и҃левъ, воздви́гнꙋвый ро́гъ сп҃се́нїѧ на́мъ, въ домꙋ̀ дв҃довѣ ѻ҆́трока своегѡ̀. Въ ни́хже посѣтѝ на́съ восто́къ съ высоты̀, и҆ напра́вилъ ны̀ є҆́сть на пꙋ́ть ми́ра."
|
||||
},
|
||||
{
|
||||
"type": "TEXT",
|
||||
"value": "Да и҆ а҆́зъ сп҃са́емь бл҃года́рственнѡ тебѐ, хрⷭ҇тѐ, велича́ю, при́зри на мѧ̀ мнѡ́ги ра̑ны на плещꙋ̀ прїе́мшаго, и҆ и҆сцѣлѝ, вїно̀ на ни́хъ и҆ є҆ле́й возлива́ѧ, твоегѡ̀ сп҃се бл҃гоꙋтро́бїѧ позна́нїе."
|
||||
},
|
||||
{
|
||||
"type": "TEXT",
|
||||
"value": "Ꙗ҆́коже разбо́йника бл҃гонра́внаго и҆спꙋсти́вшаго гла́съ, и҆зба́вилъ є҆сѝ ᲂу҆бі́йства и҆ тє́мъ ѕлы́хъ, ꙗ҆́коже ᲂу҆ще́дрилъ є҆сѝ блꙋдни́цꙋ прослези́вшꙋюсѧ, ꙗ҆́кѡ петра̀ вели́каго ᲂу҆ченика̀, и҆ дв҃да прⷪ҇ро́ка: и҆ менѐ сп҃се, поми́лꙋй ѿча́ѧннаго."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Соѡбра́зни бы́вше стрⷭ҇тє́мъ, страда́вшагѡ на́съ ра́ди стрⷭ҇тоте́рпцы, съ ни́мъ ны́нѣ кꙋ́пнѡ прославлѧ́етесѧ, ѡ҆божа́еми бж҃е́ственными прича́стїи, и҆ сїѧ́юще па́че заре́й чꙋ́вственнагѡ со́лнца, и҆ просвѣща́юще вѣ́рныхъ сердца̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Добродѣ́тель возсїѧ̀ ст҃ы́хъ страда́лєцъ, всѧ́къ гра́дъ си́ми сокро́вищи вои́стиннꙋ некра́домыми ѡ҆богаща́етсѧ вѣ́рою, ѡ҆блиста́ющихъ бл҃года́ть ѻ҆би́льнѡ чꙋде́съ пресла́вныхъ: ꙗ҆̀же пѣсносло́вимъ ꙗ҆́кѡ тє́плыѧ предста́тели."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Просвѣти́тельными мо́лнїѧми, всенепоро́чнаѧ, и҆з̾ твоеѧ̀ проше́дшагѡ ᲂу҆тро́бы, сн҃а бж҃їѧ, вѣ́рою пою́щыѧ тѧ̀ просвѣтѝ: и҆ тьмы̀ на́съ несвѣти́мыѧ, и҆ вѣ́чныѧ мꙋ́ки и҆змѝ твои́мъ предста́тельствомъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Проѧвле́нное на горѣ̀ законополо́жникꙋ во ѻ҆гнѝ и҆ кꙋпинѣ̀, ржⷭ҇тво̀ приснодв҃ы, въ на́ше вѣ́рныхъ сп҃се́нїе, пѣ́сньми немо́лчными велича́емъ."
|
||||
},
|
||||
{
|
||||
"type": "TEXT",
|
||||
"value": "Хотѧ́щꙋ стра́шномꙋ твоемꙋ̀ предста́ти престо́лꙋ сло́ве, и҆ дѣѧ́нїй мои́хъ и҆стѧза́емѣй бы́ти винѣ̀, кото́рый ѡ҆брѧ́щꙋ ѿвѣ́тъ, ѻ҆каѧ́нный; твоегѡ̀ ра́ди крⷭ҇ти́телѧ, гдⷭ҇и бж҃е мо́й, тогда̀ пощади́ мѧ."
|
||||
},
|
||||
{
|
||||
"type": "TEXT",
|
||||
"value": "Ꙗ҆́кѡ гла́съ сло́ва, и҆спра́ви гла́сы моѧ̑ къ бг҃ꙋ, премꙋ́дре крⷭ҇ти́телю, и҆ и҆зба́ви мѧ̀ ѕло́бы бѣсо́вскїѧ и҆ и҆скꙋше́нїѧ человѣ̑къ: да по до́лгꙋ ᲂу҆бл҃жа́ю тѧ̀."
|
||||
},
|
||||
{
|
||||
"type": "TEXT",
|
||||
"value": "Напита́й мѧ̀ пи́щею безсме́ртною хрⷭ҇то́выхъ за́повѣдей, напо́й мѧ̀ питїе́мъ живо́тнымъ крⷭ҇ти́телю и҆ прⷪ҇ро́че: и҆ предста́ви бг҃ꙋ сп҃се́на, под̾ кро́въ тво́й притека́ющаго."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Влⷣчце дв҃о чⷭ҇таѧ, и҆ препросла́вленнаѧ, съ прⷣте́чею сн҃а твоего̀ и҆ цр҃ѧ̀ молѝ, ѿ всѧ́кїѧ нꙋ́жды сп҃стѝ вѣ́рою тѧ̀ бл҃жа́щыѧ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: и҆ покло́нъ."
|
||||
},
|
||||
{
|
||||
"type": "HEADER",
|
||||
"value": "И҆ є҆ктенїа̀, и҆ свѣти́ленъ, и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры покаѧ́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Є҆гда̀ прїимꙋ̀ во ᲂу҆мѣ̀ мно́жество содѣ́ѧнныхъ мно́ю ѕѡ́лъ, и҆ въ помышле́нїе прїидꙋ̀ стра́шнагѡ ѻ҆́нагѡ и҆спыта́нїѧ; тре́петомъ содержи́мь къ тебѣ̀ прибѣга́ю чл҃вѣколю́бцꙋ бг҃ꙋ. Тѣ́мже не пре́зри менѐ, молю́ тѧ, є҆ди́не безгрѣ́шне: да́рꙋй ᲂу҆миле́нїе смире́ннѣй мое́й дꙋшѝ пре́жде конца̀, и҆ сп҃си́ мѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ и҆ возвесели́хомсѧ. Во всѧ̑ дни̑ на́шѧ возвесели́хомсѧ: за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Сле́зы мѝ да́ждь бж҃е, ꙗ҆́коже и҆ногда̀ женѣ̀ грѣ́шницѣ, и҆ сподо́би мѧ̀ ѡ҆мочи́ти но́зѣ твоѝ, ꙗ҆̀же мѧ̀ ѿ пꙋтѝ пре́лести свободи́вшыѧ, и҆ мѵ́ро бл҃гоꙋха́нїѧ тебѣ̀ приноси́ти житїѐ чи́сто, покаѧ́нїемъ мѝ созда́ное, да ᲂу҆слы́шꙋ и҆ а҆́зъ жела́емый тво́й гла́съ: вѣ́ра твоѧ̀ сп҃се́ тѧ, и҆дѝ въ ми́рѣ."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вельмѝ подвиза́стесѧ ст҃і́и, мꙋ̑ки ѿ беззакѡ́нникъ претерпѣ́вше до́блественнѣ, и҆ хрⷭ҇та̀ и҆сповѣ́давше пред̾ царѝ: и҆ преста́вльшесѧ ѿ житїѧ̀ па́ки си̑лы дѣ́йствꙋете въ мі́рѣ, и҆ недꙋ́гꙋющыѧ и҆сцѣлѧ́ете стрⷭ҇тьмѝ свои́ми ст҃і́и. Моли́те сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, бг҃оро́диченъ: Кро́въ тво́й бцⷣе дв҃о, врачевство̀ є҆́сть дꙋхо́вное: во́нь бо прибѣга́юще, ѿ дꙋше́вныхъ недꙋ̑гъ и҆збавлѧ́емсѧ."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ є҆ктенїа̀. Та́же, ча́съ а҃-й, и҆ ѱалмы̀ ѻ҆бы́чны, и҆ про́чее, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ бл҃жє́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Помѧнѝ на́съ хрⷭ҇тѐ сп҃се мі́ра, ꙗ҆́коже разбо́йника помѧнꙋ́лъ є҆сѝ на дре́вѣ: и҆ сподо́би всѣ́хъ, є҆ди́не ще́дре, нбⷭ҇номꙋ црⷭ҇твїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Пꙋчи́нꙋ ꙗ҆́кѡ и҆мѣ́ѧ хрⷭ҇тѐ млⷭ҇рдїѧ, и҆зсꙋшѝ мои́хъ прегрѣше́нїй пꙋчи́нꙋ: и҆ ᲂу҆миле́нїѧ слеза́ми дꙋ́шꙋ мою̀ ѡ҆камене́ннꙋю претворѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Дре́вле хрⷭ҇та̀ въ водѣ̀ крⷭ҇ти́въ, бж҃е́ственный крⷭ҇ти́телю, ѿ страсте́й мѧ̀ треволне́нїѧ ѡ҆бꙋрева́ема, ко приста́нищꙋ покаѧ́нїѧ твои́ми мольба́ми ᲂу҆стремѝ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Кровьмѝ ва́шими, ст҃і́и стрⷭ҇тоте́рпцы, ᲂу҆гаси́вше ѻ҆́гнь і҆дѡлобѣ́сїѧ, стрꙋи̑ и҆сточа́ете, всегда̀ и҆сцѣле́нїй, стра̑сти разли̑чныѧ и҆сцѣлѧ́юще."
|
||||
},
|
||||
{
|
||||
"type": "TEXT",
|
||||
"value": "Сла́ва: Безнача́льне ѻ҆́ч҃е, и҆ сн҃е, и҆ бж҃е́ственный дш҃е, крⷭ҇ти́телѧ мл҃твами, многолѣ̑тныѧ стра̑сти дꙋшѝ моеѧ̀ ᲂу҆толѝ, молю́сѧ: и҆ сп҃си́ мѧ раба̀ твоего̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆зба́ви на́съ ѿ страсте́й безче́стїѧ, и҆ лю́тагѡ во а҆́дѣ мꙋче́нїѧ. Мольба́ми твои́ми пречⷭ҇таѧ бцⷣе, бл҃гоче́стнѡ тѧ̀ ᲂу҆бл҃жа́ющихъ."
|
||||
}
|
||||
]
|
||||
@@ -0,0 +1,922 @@
|
||||
[
|
||||
{
|
||||
"type": "HEADER",
|
||||
"value": "Гла́съ и҃. Среда̀"
|
||||
},
|
||||
{
|
||||
"type": "HEADER",
|
||||
"value": "Во вто́рникъ ве́чера, на Гдⷭ҇и воззва́хъ, стїхи̑ры крⷭ҇тны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Мч҃нцы гдⷭ҇ни:"
|
||||
},
|
||||
{
|
||||
"type": "TEXT",
|
||||
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ хрⷭ҇тѐ пригво́ждсѧ, пронза́емь въ рꙋ́цѣ и҆ но́зѣ, въ ребро́ же ст҃о́е прободе́нъ бы́лъ є҆сѝ, и҆сточа́ѧ мѝ ка̑пли бж҃е́ственнагѡ сп҃се́нїѧ, пребл҃гі́й, кро́вь же и҆ во́дꙋ, ꙗ҆́кѡ да ѡ҆мы́еши мо́й гно́й и҆ скве́рнꙋ: сла́ва твое́й всеще́дре бл҃гости."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆́мене ра́ди твоегѡ̀ потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Страда́ти претерпѣ́лъ є҆сѝ влⷣко, ꙗ҆́кѡ да безстра́стїе всѣ̑мъ пода́си, покланѧ́ющымсѧ твои̑мъ стрⷭ҇тє́мъ, и҆ во́льномꙋ заколе́нїю, и҆ копїю̀, и҆ гвоздє́мъ, и҆ тро́сти, ꙗ҆̀же долготерпѣли́внѡ хотѧ̀ претерпѣ́лъ є҆сѝ: ꙗ҆́кѡ да и҆ мнѣ̀ и҆схода́таиши гдⷭ҇и, ра́ди стрⷭ҇те́й твои́хъ безстра́стїе."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а."
|
||||
},
|
||||
{
|
||||
"type": "TEXT",
|
||||
"value": "Ю҆́ница нескве́рнаѧ, ю҆нца̀ ви́дѧщи на дре́во воздви́жена во́лею, рыда́ющи ᲂу҆ми́льнѡ вопїѧ́ше: ᲂу҆вы̀ мнѣ̀, возлю́бленнѣйшее ча́до, что́ ти со́нмъ воздадѐ безбл҃года́тный є҆вре́йскїй, хотѧ̀ мѧ̀ безча́дствовати ѿ тебѐ вселюби́мый;"
|
||||
},
|
||||
{
|
||||
"type": "HEADER",
|
||||
"value": "Та́же, мине́и стїхи̑ры ст҃о́мꙋ. А҆́ще ли нѣ́сть мине́и, и҆́ны стїхи̑ры бцⷣѣ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
||||
},
|
||||
{
|
||||
"type": "TEXT",
|
||||
"value": "Не терплю̀ ча́до, зрѣ́ти тѧ̀ на дре́вѣ ᲂу҆снꙋ́вша, бо́дрость всѣ̑мъ даю́щаго: ꙗ҆́кѡ да дре́вле ѿ престꙋпле́нїѧ плода̀, сно́мъ всепа́гꙋбнымъ ᲂу҆снꙋ́вшымъ, бж҃е́ственнꙋю и҆ сп҃си́тельнꙋю бо́дрость пода́си, дв҃а глаго́лаше пла́чꙋщисѧ, ю҆́же велича́емъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
||||
},
|
||||
{
|
||||
"type": "TEXT",
|
||||
"value": "Собо́ръ непра́ведный тебѐ на крⷭ҇тъ воздви́же а҆́гнца, взе́млющаго мі́ра прегрѣшє́нїѧ, и҆ копїе́мъ твоѧ̑ ре́бра прободо́ша долготерпѣли́ве, и҆ рꙋ́ки пригвозди́ша твоѧ̑ и҆ но́ги. Ѽ сꙋро́вства ѕла́гѡ! Ѽле дерзнове́нїѧ! Пречⷭ҇таѧ сїѧ̑ взыва́ше ᲂу҆ми́льнѡ слезѧ́щи."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
||||
},
|
||||
{
|
||||
"type": "TEXT",
|
||||
"value": "Что̀ зри́мое сїѐ, є҆́же ны́нѣ ви́ждꙋ влⷣко; и҆́же го́рстїю всю̀ тва́рь пречꙋ́днѣ содержа́й, на дре́вѣ ꙗ҆́коже а҆́гнецъ непра́веднѣ ви́сиши, сло́ве бж҃їй, ѿ ра̑бъ непокори́выхъ повѣ́шенъ; ѽле терпѣ́нїѧ! Ѽле твоеѧ̀ бл҃гости всеще́дре! Слезѧ́щи глаго́лаше пренепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: А҆́гнца тѧ̀ є҆гда̀ а҆́гница и҆ дв҃аѧ къ заколе́нїю ведо́ма ᲂу҆зрѣ̀ со слеза́ми сло́ве послѣ́доваше, и҆ взыва́ше: гдѣ̀ тщи́шисѧ ча́до моѐ; сше́ствꙋю тебѣ̀ сладча́йшїй, не терплю́ бо не зрѣ́ти тебѐ і҆и҃се мо́й многомлⷭ҇тиве."
|
||||
},
|
||||
{
|
||||
"type": "TEXT",
|
||||
"value": "Та́же, Свѣ́те ти́хїй: и҆ прокі́менъ днѐ."
|
||||
},
|
||||
{
|
||||
"type": "TEXT",
|
||||
"value": "И҆ Сподо́би гдⷭ҇и въ ве́черъ се́й:"
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Вознесы́йсѧ на крⷭ҇тъ хрⷭ҇тѐ бж҃е, и҆ сп҃слъ є҆сѝ человѣ́ческїй ро́дъ: сла́вимъ страда̑нїѧ твоѧ̑."
|
||||
},
|
||||
{
|
||||
"type": "TEXT",
|
||||
"value": "Сті́хъ: Къ тебѣ̀ возведо́хъ ѻ҆́чи моѝ живꙋ́щемꙋ на нб҃сѝ. Сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀."
|
||||
},
|
||||
{
|
||||
"type": "TEXT",
|
||||
"value": "Пригвозди́лсѧ є҆сѝ на крⷭ҇тѣ̀ хрⷭ҇тѐ бж҃е, и҆ ѿве́рзлъ є҆сѝ ра̑йскїѧ двє́ри: сла́вимъ бж҃ество̀ твоѐ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ, наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ."
|
||||
},
|
||||
{
|
||||
"type": "TEXT",
|
||||
"value": "Мч҃нцы твоѝ гдⷭ҇и, забы́ша житє́йскаѧ, небре́гше ѡ҆ мꙋче́нїихъ, бꙋ́дꙋщїѧ ра́ди жи́зни, тоѧ̀ наслѣ̑дницы ꙗ҆ви́шасѧ: тѣ́мже и҆ со а҆́гг҃лы ра́дꙋютсѧ. Тѣ́хъ мл҃твами да́рꙋй лю́демъ твои̑мъ ве́лїю млⷭ҇ть."
|
||||
},
|
||||
{
|
||||
"type": "HEADER",
|
||||
"value": "Сла́ва, и҆ ны́нѣ, крⷭ҇тобг҃оро́диченъ:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Гдⷭ҇и, а҆́ще и҆ на сꙋди́щи:"
|
||||
},
|
||||
{
|
||||
"type": "TEXT",
|
||||
"value": "Гдⷭ҇и, є҆гда́ тѧ сл҃нца пра́веднаго со́лнце ви́дѣ на дре́вѣ повѣ́шена, лꙋчы̀ скры̀, и҆ лꙋна̀ свѣ́тъ во тьмꙋ̀ преложѝ: всенепоро́чнаѧ же твоѧ̀ мт҃и ᲂу҆тро́бою ᲂу҆ѧзвлѧ́шесѧ."
|
||||
},
|
||||
{
|
||||
"type": "TEXT",
|
||||
"value": "Та́же, Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ є҆ктенїа̀, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Во вто́рникъ на повече́рїи, канѡ́нъ моле́бный прест҃ѣ́й бцⷣѣ, гла́съ и҃:"
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
||||
},
|
||||
{
|
||||
"type": "TEXT",
|
||||
"value": "Припѣ́въ: Прест҃а́ѧ бцⷣе, сп҃сѝ на́съ."
|
||||
},
|
||||
{
|
||||
"type": "TEXT",
|
||||
"value": "Мно́гими содержи́мь напа́стьми, къ тебѣ̀ прибѣга́ю сп҃се́нїѧ и҆скі́й, ѽ мт҃и сло́ва и҆ дв҃о! Ѿ тѧ́жкихъ и҆ лю́тыхъ мѧ̀ сп҃сѝ."
|
||||
},
|
||||
{
|
||||
"type": "TEXT",
|
||||
"value": "Страсте́й мѧ̀ смꙋща́ютъ прило́зи, мно́гагѡ ᲂу҆ны́нїѧ и҆спо́лнити мою̀ дꙋ́шꙋ: ᲂу҆мирѝ ѻ҆трокови́це тишино́ю сн҃а и҆ бг҃а твоегѡ̀ всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Сп҃са ро́ждшꙋю тѧ̀ и҆ бг҃а, молю̀ дв҃о, и҆зба́вити ми сѧ лю́тыхъ: къ тебѣ́ бо ны́нѣ прибѣга́ѧ, простира́ю и҆ дꙋ́шꙋ и҆ помышле́нїе."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Недꙋ́гꙋюща тѣ́ломъ и҆ дꙋше́ю, посѣще́нїѧ бж҃е́ственнагѡ, и҆ промышле́нїѧ ѿ тебѐ сподо́би є҆ди́на бг҃ома́ти, ꙗ҆́кѡ бл҃га́ѧ, бл҃га́гѡ же роди́тельнице."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Нбⷭ҇нагѡ крꙋ́га верхотво́рче гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Предста́тельство и҆ покро́въ жи́зни моеѧ̀, полага́ю тѧ̀ бг҃ороди́тельнице дв҃о, ты́ мѧ ѡ҆кормѝ ко приста́нищꙋ твоемꙋ̀, бл҃ги́хъ вино́вна, вѣ́рныхъ ᲂу҆твержде́нїе, є҆ди́на всепѣ́таѧ."
|
||||
},
|
||||
{
|
||||
"type": "TEXT",
|
||||
"value": "Молю̀ дв҃о, дꙋше́вное смꙋще́нїе, и҆ печа́ли моеѧ̀ бꙋ́рю разори́ти: ты́ бо бг҃оневѣ́стнаѧ, нача́льника тишины̀ хрⷭ҇та̀ родила̀ є҆сѝ є҆ди́на пречⷭ҇таѧ."
|
||||
},
|
||||
{
|
||||
"type": "TEXT",
|
||||
"value": "Сла́ва: Бл҃годѣ́телѧ ро́ждши до́брыхъ вино́внаго, бл҃годѣѧ́нїѧ бога́тство всѣ̑мъ и҆сточѝ: всѧ̑ бо мо́жеши, ꙗ҆́кѡ си́льнаго въ крѣ́пости хрⷭ҇та̀ ро́ждши, бг҃обл҃же́ннаѧ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Лю́тыми недꙋ́ги, и҆ болѣ́зненными страстьмѝ и҆стѧза́емꙋ, дв҃о, ты́ ми помозѝ, и҆сцѣле́нїй бо неѡскꙋ́дное тѧ̀ зна́ю сокро́вище пренепоро́чнаѧ, неиждива́емое."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, смотре́нїѧ твоегѡ̀ та́инство: разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Страсте́й мои́хъ смꙋще́нїе, ко́рмчїю ро́ждшаѧ гдⷭ҇а, и҆ бꙋ́рю ᲂу҆тишѝ мои́хъ прегрѣше́нїй, бг҃оневѣ́стнаѧ."
|
||||
},
|
||||
{
|
||||
"type": "TEXT",
|
||||
"value": "Млⷭ҇рдїѧ твоегѡ̀ бе́зднꙋ призыва́ющꙋ пода́ждь мѝ, ꙗ҆́же бл҃госе́рдаго ро́ждшаѧ, и҆ сп҃са всѣ́хъ пою́щихъ тѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Наслажда́ющесѧ пречⷭ҇таѧ, твои́хъ дарова́нїй, бл҃года́рственное воспѣва́емъ пѣ́нїе, вѣ́дꙋще тѧ̀ бг҃ома́терь."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: На ѻ҆дрѣ̀ болѣ́зни моеѧ̀, и҆ не́мощи низлежа́щꙋ мѝ, ꙗ҆́кѡ бл҃голюби́ва помозѝ бцⷣе, є҆ди́на приснодв҃о."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Просвѣтѝ на́съ повелѣ́нїи твои́ми гдⷭ҇и, и҆ мы́шцею твое́ю высо́кою тво́й ми́ръ пода́ждь на́мъ, чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "И҆спо́лни чⷭ҇таѧ, весе́лїѧ се́рдце моѐ, твою̀ нетлѣ́ннꙋю даю́щи ра́дость, весе́лїѧ ро́ждшаѧ вино́внаго."
|
||||
},
|
||||
{
|
||||
"type": "TEXT",
|
||||
"value": "И҆зба́ви на́съ ѿ бѣ́дъ бцⷣе чⷭ҇таѧ, вѣ́чное ро́ждши и҆збавле́нїе, и҆ ми́ръ всѧ́къ ᲂу҆́мъ преимꙋ́щїй."
|
||||
},
|
||||
{
|
||||
"type": "TEXT",
|
||||
"value": "Сла́ва: Разрѣшѝ мглꙋ̀ прегрѣше́нїй мои́хъ бг҃оневѣ́сто, просвѣще́нїемъ твоеѧ̀ свѣ́тлости, свѣ́тъ ро́ждшаѧ бж҃е́ственный и҆ превѣ́чный."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆сцѣлѝ чⷭ҇таѧ, дꙋшѝ моеѧ̀ неможе́нїе, посѣще́нїѧ твоегѡ̀ сподо́бльшаѧ, и҆ здра́вїе мл҃твами твои́ми пода́ждь мѝ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Мл҃твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ ꙗ҆́кѡ і҆ѡ́на: ѿ тлѝ бж҃е, возведи́ мѧ."
|
||||
},
|
||||
{
|
||||
"type": "TEXT",
|
||||
"value": "Сме́рти и҆ тлѝ ꙗ҆́кѡ сп҃слъ є҆́сть, са́мъ сѧ̀ и҆зда́въ сме́рти, тлѣ́нїемъ и҆ сме́ртїю моѐ є҆стество̀ ꙗ҆́то бы́вшее, дв҃о, молѝ гдⷭ҇а и҆ сн҃а твоего̀, врагѡ́въ ѕлодѣ́йствїѧ мѧ̀ и҆зба́вити."
|
||||
},
|
||||
{
|
||||
"type": "TEXT",
|
||||
"value": "Предста́тельницꙋ тѧ̀ живота̀ вѣ́мъ, и҆ храни́тельницꙋ тве́рдꙋ дв҃о, и҆ напа́стей рѣша́щꙋ молвы̑, и҆ нало́ги бѣсѡ́въ ѿгонѧ́ющꙋ: и҆ молю́сѧ всегда̀. Ѿ тлѝ страсте́й мои́хъ и҆зба́вити мѧ̀."
|
||||
},
|
||||
{
|
||||
"type": "TEXT",
|
||||
"value": "Сла́ва: Ꙗ҆́кѡ стѣ́нꙋ прибѣ́жища стѧжа́хомъ, и҆ дꙋ́шъ всесоверше́нное сп҃се́нїе, и҆ простра́нство въ ско́рбехъ, ѻ҆трокови́це, и҆ просвѣще́нїемъ твои́мъ при́снѡ ра́дꙋемсѧ. Ѽ влⷣчце, и҆ ны́нѣ на́съ ѿ страсте́й и҆ бѣ́дъ сп҃сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: На ѡ҆дрѣ̀ ны́нѣ немощствꙋ́ѧй лежꙋ̀, и҆ нѣ́сть и҆сцѣле́нїѧ пло́ти мое́й: но бг҃а и҆ сп҃са мі́рꙋ, и҆ и҆зба́вителѧ недꙋ́гѡвъ ро́ждшаѧ, тебѣ̀ молю́сѧ бл҃го́й, ѿ тлѝ недꙋ̑гъ возста́ви мѧ̀."
|
||||
},
|
||||
{
|
||||
"type": "TEXT",
|
||||
"value": "Та́же, Гдⷭ҇и поми́лꙋй, три́жды. Сла́ва, и҆ ны́нѣ:"
|
||||
},
|
||||
{
|
||||
"type": "HEADER",
|
||||
"value": "Сѣда́ленъ, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "А҆́гнца и҆ па́стырѧ, и҆ сп҃са мі́ра, на крⷭ҇тѣ̀ зрѧ́щи, ро́ждшаѧ тѧ̀, глаго́лаше слезѧ́щи: мі́ръ ᲂу҆́бѡ ра́дꙋетсѧ, прїе́млѧ и҆збавле́нїе: ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же за всѣ́хъ терпи́ши сн҃е и҆ бж҃е мо́й."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѿ і҆ꙋде́и доше́дше ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "На́ше сп҃се́нїе ꙗ҆́коже восхотѣ́лъ є҆сѝ сп҃се, ᲂу҆стро́ити, во ᲂу҆тро́бꙋ дв҃ыѧ всели́лсѧ є҆сѝ, ю҆́же мі́рꙋ предста́тельницꙋ показа́лъ є҆сѝ: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Воли́телѧ млⷭ҇ти є҆го́же родила̀ є҆сѝ мт҃и чⷭ҇таѧ, ᲂу҆молѝ, и҆зба́витисѧ ѿ прегрѣше́нїй, и҆ дꙋше́вныхъ скве́рнъ, вѣ́рою зовꙋ́щымъ: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Сла́ва: Сокро́вище сп҃се́нїѧ, и҆ и҆сто́чникъ нетлѣ́нїѧ, тѧ̀ ро́ждшꙋю, и҆ сто́лпъ ᲂу҆твержде́нїѧ, и҆ две́рь покаѧ́нїѧ зовꙋ́щымъ показа́лъ є҆сѝ: ѻ҆тє́цъ на́шихъ бж҃е, бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Тѣлє́сныѧ сла́бѡсти, и҆ дꙋшє́вныѧ недꙋ́ги бг҃ороди́тельнице, любо́вїю пристꙋпа́ющихъ къ кро́вꙋ твоемꙋ̀ дв҃о, и҆сцѣли́ти сподо́би, сп҃са хрⷭ҇та̀ на́мъ ро́ждшаѧ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ во́и а҆́гг҃льстїи, хвали́те и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "По́мощи ꙗ҆́же ѿ тебѐ тре́бꙋющыѧ не пре́зри дв҃о, пою́щыѧ и҆ превозносѧ́щыѧ тѧ̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Неможе́нїе дꙋшѝ моеѧ̀ и҆сцѣлѧ́еши, и҆ тѣлє́сныѧ болѣ̑зни дв҃о, да тѧ̀ просла́влю чⷭ҇таѧ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Сла́ва: И҆сцѣле́нїй бога́тство и҆злива́еши, вѣ́рнѡ пою́щымъ тѧ̀ дв҃о, и҆ превозносѧ́щымъ неизрече́нное твоѐ ржⷭ҇тво̀."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: Напа́стей ты̀ прило́ги ѿгонѧ́еши, и҆ страсте́й нахо́ды дв҃о: тѣ́мже тѧ̀ пое́мъ во всѧ̑ вѣ́ки."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ сп҃се́ннїи тобо́ю дв҃о чⷭ҇таѧ, съ безпло́тными ли́ки тѧ̀ велича́юще."
|
||||
},
|
||||
{
|
||||
"type": "TEXT",
|
||||
"value": "То́ка сле́зъ мои́хъ не ѿврати́сѧ, ꙗ҆́же ѿ всѧ́кагѡ лица̀ всѧ́кꙋ сле́зꙋ ѿе́мшаго, дв҃о, хрⷭ҇та̀ ро́ждшаѧ."
|
||||
},
|
||||
{
|
||||
"type": "TEXT",
|
||||
"value": "Ра́дости моѐ се́рдце и҆спо́лни дв҃о: ꙗ҆́же ра́дости прїе́мшаѧ и҆сполне́нїе, грѣхо́внꙋю печа́ль потреблѧ́ющи."
|
||||
},
|
||||
{
|
||||
"type": "TEXT",
|
||||
"value": "Сла́ва: Свѣ́та твоегѡ̀ зарѧ́ми просвѣтѝ дв҃о, мра́къ невѣ́дѣнїѧ ѿгонѧ́щи, бл҃говѣ́рнѡ бцⷣꙋ тѧ̀ и҆сповѣ́дающихъ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: На мѣ́стѣ ѡ҆ѕлобле́нїѧ не́мощи, смири́вшагосѧ дв҃о, и҆сцѣлѝ, и҆з̾ нездра́вїѧ во здра́вїе претворѧ́ющи."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: и҆ покло́нъ."
|
||||
},
|
||||
{
|
||||
"type": "TEXT",
|
||||
"value": "Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ про́чее ѻ҆бы́чно, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ ᲂу҆́тра, по а҃-мъ стїхосло́вїи сѣда́льны крⷭ҇тны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Ви́дѧ разбо́йникъ нача́льника жи́зни, на крⷭ҇тѣ̀ ви́сѧща, глаго́лаше: а҆́ще не бы бг҃ъ бы́лъ вопло́щьсѧ, и҆́же съ на́ми распны́йсѧ: не бы̀ со́лнце лꙋчѝ своѧ̑ потаи́ло, нижѐ бы землѧ̀ трепе́щꙋщи трѧсла́сѧ: но всѧ̑ терпѧ́й, помѧни́ мѧ гдⷭ҇и, во црⷭ҇твїи твое́мъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть."
|
||||
},
|
||||
{
|
||||
"type": "TEXT",
|
||||
"value": "Посредѣ̀ двою̀ разбѡ́йникꙋ, мѣ́рило пра́ведное ѡ҆брѣ́тесѧ крⷭ҇тъ тво́й: ѻ҆́вомꙋ ᲂу҆́бѡ низводи́мꙋ во а҆́дъ тѧгото́ю хꙋле́нїѧ: дрꙋго́мꙋ же легча́щꙋсѧ ѿ прегрѣше́нїй къ позна́нїю бг҃осло́вїѧ. Хрⷭ҇тѐ бж҃е, сла́ва тебѣ̀."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: А҆́гнца и҆ па́стырѧ, и҆ и҆зба́вителѧ, а҆́гница зрѧ́щи на крⷭ҇тѣ̀ непра́веднѡ воздви́жена, пла́чꙋщисѧ го́рькѡ взыва́ше: мі́ръ ᲂу҆́бѡ ра́дꙋетсѧ, прїе́млѧ тобо́ю и҆збавле́нїе: ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за млⷭ҇рдїе млⷭ҇ти бж҃е пребл҃гі́й, безгрѣ́шне гдⷭ҇и. Є҆́йже вѣ́рнѡ возопїи́мъ: бл҃гоꙋтро́бїе покажѝ дв҃о на ны̀, и҆ согрѣше́нїй ѡ҆ставле́нїе да́рꙋй, покланѧ́ющымсѧ тогѡ̀ страда́нїємъ."
|
||||
},
|
||||
{
|
||||
"type": "HEADER",
|
||||
"value": "По в҃-мъ стїхосло́вїи сѣда́льны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Посредѣ̀ є҆де́ма дре́во процвѣтѐ сме́рть, посредѣ́ же всеѧ̀ землѝ дре́во возрастѝ жи́знь: вкꙋси́вше бо пе́рвѣе плода̀, нетлѣ́нни сꙋ́ще, тлѣ́нни бы́хомъ: ᲂу҆лꙋчи́вше же второ́е, нетлѣ́нїѧ наслади́хомсѧ: крⷭ҇то́мъ бо сп҃са́еши ꙗ҆́кѡ бг҃ъ, ро́дъ человѣ́ческїй."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бг҃ъ же ца́рь на́шъ пре́жде вѣ́ка, содѣ́ла сп҃се́нїе посредѣ̀ землѝ."
|
||||
},
|
||||
{
|
||||
"type": "TEXT",
|
||||
"value": "Въ раи́ мѧ пре́жде дре́во ѡ҆бнажѝ, вкꙋше́нїемъ вра́гъ вносѧ̀ ᲂу҆мерщвле́нїе: крⷭ҇та́ же дре́во, жи́зни вѣ́чныѧ ѡ҆дѣѧ̑нїѧ человѣ́кѡмъ носѧ̀, водрꙋзи́сѧ на землѝ, и҆ мі́ръ ве́сь и҆спо́лнисѧ всѧ́кїѧ ра́дости. Є҆го́же зрѧ́ще возноси́ма, бг҃ꙋ вѣ́рою лю́дїе согла́снѡ возопїи́мъ: и҆спо́лнь сла́вы до́мъ тво́й."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вселе́ннѣй свѣти̑ла присносвѣ̑тлаѧ показа́стесѧ вѣ́рою: мч҃нческꙋю всю̀ возложи́вше наде́ждꙋ на бг҃а, и҆ мы́сленнымъ є҆ле́емъ дх҃а ст҃а́гѡ, дꙋшє́вныѧ свѣщы̀ ва́шѧ просвѣти́сте. Тѣ́мже и҆ ча́шы ᲂу҆́мныѧ, человѣ́кѡмъ пролива́юще и҆сцѣлє́нїѧ ꙗ҆́коже во́ды, цр҃кви ꙗ҆ви́стесѧ, стрⷭ҇тоте́рпцы всехва́льнїи. Моли́те хрⷭ҇та̀ бг҃а, прегрѣше́нїй ѡ҆ставле́нїе дарова́ти, пра́зднꙋющымъ любо́вїю ст҃ꙋ́ю па́мѧть ва́шꙋ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Дв҃о и҆з̾ тебѐ вопло́щшагосѧ, ꙗ҆́кѡ ви́дѣла є҆сѝ возвыша́ема на крⷭ҇тъ посредѣ̀ двою̀ разбѡ́йникꙋ, пла́чь воспрїе́мши вопїѧ́ше: ᲂу҆вы̀ мнѣ̀ ча́до сладча́йшее, ка́кѡ во́лею ра́спѧтъ бы́сть, и҆́же грѣхѝ взе́млѧй мі́ра ꙗ҆́кѡ бл҃гоꙋтро́бенъ; человѣ́чєскимъ хотѧ̀, ꙗ҆́кѡ бг҃ъ, пѣ́снемъ хвале́нїѧ приноси̑мымъ бы́ти тебѣ̀."
|
||||
},
|
||||
{
|
||||
"type": "HEADER",
|
||||
"value": "По г҃-мъ стїхосло́вїи сѣда́льны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Подо́бенъ: Повелѣ́нное та́йнѡ:"
|
||||
},
|
||||
{
|
||||
"type": "TEXT",
|
||||
"value": "На крⷭ҇тѣ̀ тѧ̀ ви́дѣвше возвы́шена, сл҃нца незаходи́маго хрⷭ҇тѐ, стра́хомъ со́лнце помрачи́сѧ а҆́бїе: землѧ̀ поколеба́сѧ, и҆ ка́менїе тре́петомъ распада́шесѧ, и҆ цр҃ко́внаѧ завѣ́са раздра́сѧ, и҆ ме́ртвїи ѿ грѡ́бъ воста́ша, славосло́вѧще стра́шное твоѐ и҆ бж҃е́ственное снизхожде́нїе є҆ди́нагѡ бг҃а на́шегѡ."
|
||||
},
|
||||
{
|
||||
"type": "TEXT",
|
||||
"value": "Дре́во го́ресть во є҆де́мѣ пре́жде произнесѐ, дре́во же крⷭ҇тное сла́дкꙋю жи́знь процвѣтѐ: а҆да́мъ бо ꙗ҆ды́й во тлю̀ поползе́сѧ: мы́ же наслажда́ющесѧ пло́ти хрⷭ҇то́вы ѡ҆живлѧ́еми быва́емъ, и҆ ѡ҆божа́еми та́инственнѣ, црⷭ҇твїе прїе́млюще присносꙋ́щное бж҃їе. Тѣ́мже и҆ вѣ́рою зове́мъ: сла́ва, сло́ве, стрⷭ҇ти твое́й."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: Сн҃а твоегѡ̀ и҆ бг҃а крⷭ҇то́мъ дв҃о, сохранѧ́еми при́снѡ, бѣсѡ́вскїѧ прило́ги и҆ кѡ́зни побѣжда́емъ, сꙋ́щꙋю бцⷣꙋ тѧ̀ вои́стиннꙋ воспѣва́юще: и҆ любо́вїю всѝ ро́ди бл҃жи́мъ пречⷭ҇таѧ, ꙗ҆́коже прорекла̀ є҆сѝ. Тѣ́мже согрѣше́нїй на́шихъ ѡ҆ставле́нїе мл҃твами твои́ми да́рꙋй."
|
||||
},
|
||||
{
|
||||
"type": "HEADER",
|
||||
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀, гла́съ и҃, творе́нїе і҆ѡ́сифово, є҆гѡ́же краегране́сїе без̾ бг҃оро́дичнѡвъ:"
|
||||
},
|
||||
{
|
||||
"type": "TEXT",
|
||||
"value": "Пригво́ждшемꙋсѧ на дре́вѣ бг҃ꙋ бл҃года́ть."
|
||||
},
|
||||
{
|
||||
"type": "HEADER",
|
||||
"value": "Пѣ́снь а҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѡбра́знѡ порази́въ, и҆ раздѣли́въ мо́ре: і҆и҃лѧ же бѣглеца̀ пѣшехо́дца сп҃сѐ, пѣ́снь бг҃ови воспѣва́юща."
|
||||
},
|
||||
{
|
||||
"type": "TEXT",
|
||||
"value": "И҆́же ѿ дре́ва сла́стною снѣ́дїю ме́ртва мѧ̀ бы́вшаго, на крⷭ҇тѣ̀ сло́ве ᲂу҆мертви́выйсѧ, ѡ҆живи́лъ є҆сѝ, и҆ сла́вою ᲂу҆добри́лъ є҆сѝ: покланѧ́юсѧ твое́й держа́вѣ, славосло́вѧ страда̑нїѧ, и҆ бл҃гоꙋтро́бїе неисче́тное."
|
||||
},
|
||||
{
|
||||
"type": "TEXT",
|
||||
"value": "Є҆гда̀ распростре́сѧ на дре́вѣ вїногра́дъ невоздѣ́ланный, вїно̀ на́мъ бж҃е́ственныѧ бл҃года́ти и҆сточѝ, сердца̀ веселѧ́щее, и҆ пре́лести пїѧ́нство ѿню́дъ потреблѧ́ющее, и҆ грѣхѝ ѡ҆чища́ющее."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Преиспещре́ни ра́нами великомч҃нцы, и҆ страда́нїй болѣ́зньми ᲂу҆краша́еми, красны̀ добротвори́тельномꙋ влⷣцѣ предста́сте со сла́вою, всесла́внѡ веселѧ́щесѧ, и҆ бг҃ови́дны познава́еми."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Си́лою бж҃е́ственною проѧвле́ннѡ ᲂу҆крѣплѧ́еми ст҃і́и, си́льнагѡ всю̀ крѣ́пость гꙋби́тельнꙋю мꙋ́жески низложи́сте: и҆ вѣнча́вшесѧ краснѡ̀ побѣди́тельными вѣнцы̀, ра́дꙋющесѧ бг҃ꙋ предста́сте."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Предстоѧ́щи крⷭ҇тꙋ̀ твоемꙋ̀ гдⷭ҇и, неискꙋсобра́чнаѧ, и҆ твоѐ ᲂу҆ѧзвле́нїе зрѧ́щи влⷣко, ᲂу҆ѧзвлѧ́ема глаго́лаше: ᲂу҆вы̀ мнѣ̀ ча́до, болѣ́зни и҆збѣ́гши въ ржⷭ҇твѣ̀ твое́мъ, ны́нѣ болѣ́зненнѡ терза́юсѧ."
|
||||
},
|
||||
{
|
||||
"type": "HEADER",
|
||||
"value": "Дрꙋгі́й канѡ́нъ прест҃ѣ́й бцⷣѣ. Гла́съ и҃:"
|
||||
},
|
||||
{
|
||||
"type": "TEXT",
|
||||
"value": "І҆рмо́съ то́йже."
|
||||
},
|
||||
{
|
||||
"type": "TEXT",
|
||||
"value": "На тѧ̀ дв҃о, наде́ждꙋ возложи́хъ сп҃се́нїѧ моегѡ̀, грѣхо́вныѧ скве́рны всего́ мѧ ѡ҆мы́й, и҆ чи́ста содѣ́лай, бг҃ꙋ и҆ сн҃ꙋ твоемꙋ̀ бл҃гоꙋгожда́ти и҆ дѣ́ѧти, и҆ тогѡ̀ всест҃о́мꙋ и҆́мени."
|
||||
},
|
||||
{
|
||||
"type": "TEXT",
|
||||
"value": "Двє́ри свѣ́та, ѻ҆́чи моѝ просвѣтѝ, и҆̀же помрачѝ мра́чный ѕмі́й тьмо́ю прегрѣше́нїй, и҆ двє́ри мѝ ѿве́рзи покаѧ́нїѧ дв҃о, и҆ къ животꙋ̀ наста́ви мѧ̀, ѿ пла́мене и҆ тьмы̀ и҆схитѝ."
|
||||
},
|
||||
{
|
||||
"type": "TEXT",
|
||||
"value": "Мт҃и бж҃їѧ, ꙗ҆́кѡ дерзнове́нїе и҆мꙋ́щи къ ро́ждшемꙋсѧ и҆з̾ тебѐ, є҆диноро́дномꙋ сло́вꙋ, и҆ ѻ҆ц҃ꙋ̀ собезнача́льномꙋ, молѝ всенепоро́чнаѧ, дꙋ́шꙋ мою̀ и҆зба́вити ѿ бѣсо́вскагѡ ѡ҆ѕлобле́нїѧ, и҆ ѻ҆гнѧ̀, и҆ всѧ́кагѡ мꙋче́нїѧ."
|
||||
},
|
||||
{
|
||||
"type": "TEXT",
|
||||
"value": "Бл҃гослове́нъ пло́дъ бг҃оневѣ́сто твоегѡ̀ чре́ва, и҆́мже земні́и всѝ ѿ клѧ́твы и҆зба́вихомсѧ, бл҃гослове́ннаѧ, пречⷭ҇таѧ, несказа́нное чꙋ́до, недоразꙋмѣ́емое вѣ́дѣнїе, всѣ́хъ вѣ́рныхъ сп҃се́нїе."
|
||||
},
|
||||
{
|
||||
"type": "HEADER",
|
||||
"value": "Пѣ́снь г҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀ хрⷭ҇тѐ за́повѣдей твои́хъ ᲂу҆твердѝ: ꙗ҆́кѡ нѣ́сть ст҃ъ, па́че тебѐ є҆ди́не чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Оу҆твержде́й нб҃са̀, и҆ зе́млю ѡ҆снова́вый, и҆ мо́ре сло́вомъ свѧза́вый, ты̀ свѧ́занъ бы́лъ є҆сѝ менѐ ра́ди, и҆ на крⷭ҇тѣ̀ пригвожда́емь: ꙗ҆́кѡ да ѿ ᲂу҆́зъ грѣха̀ разрѣши́ши мѧ̀ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Крⷭ҇тномꙋ дре́вꙋ вра́гъ прирази́всѧ, ᲂу҆мертви́сѧ съ бѣ́сы свои́ми ѕлодѣ́йственными: и҆ вкꙋше́нїемъ лꙋка́вымъ ѡ҆сꙋжде́нный, поми́лованъ бы́сть, и҆ ᲂу҆твержде́нїемъ бл҃гоче́стїѧ тва́рь ᲂу҆тверди́сѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Многови̑днымъ ра́намъ, и҆ мечє́мъ, и҆ ѕвѣрє́мъ, и҆ ѡ҆бнаже́нїємъ тѣлє́снымъ вдава́еми, лꙋка̑вымъ гони́телємъ, бж҃е́ственнїи и҆ до́блїи страда́льцы, и҆ не ꙗ҆́ты пребы́ша манове́нїемъ лꙋ́чшимъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Взира́юще помышле́нїемъ, и҆ тре́звенною мы́слїю къ бꙋ́дꙋщымъ, и҆ текꙋ́щыѧ до конца̀ пренебрего́ша хрⷭ҇тѡ́вы мч҃нцы сла́внїи: тѣ́мже нестерпи́мыѧ болѣ̑зни претерпѣ́ша ра́дꙋющесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Многопѣ́таѧ а҆́гница, а҆́гнца зрѧ́щи воздвиза́ема на дре́во непра́веднѣ, пла́чꙋщи восклица́ше, мт҃рски слезѧ́щи: и҆ долготерпѣ́нїе поѧ́ше, того̀ сла́вѧщи."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀ гдⷭ҇и, ты̀ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
||||
},
|
||||
{
|
||||
"type": "TEXT",
|
||||
"value": "Всѐ моѐ жела́нїе къ тебѣ̀ движа̀, влⷣчце чⷭ҇таѧ, плотски́хъ мѧ̀ жела́нїй вско́рѣ премѣнѝ."
|
||||
},
|
||||
{
|
||||
"type": "TEXT",
|
||||
"value": "Возсїѧ́й мѝ покаѧ́нїѧ чи̑стыѧ зари̑, влⷣчце две́ре свѣ́та, и҆ грѣхѡ́въ мои́хъ мглꙋ̀ потребѝ."
|
||||
},
|
||||
{
|
||||
"type": "TEXT",
|
||||
"value": "Є҆ди́на всенепоро́чнаѧ, поро́ка всѧ́кагѡ на́съ и҆зба́ви, и҆ и҆скꙋше́нїй находѧ́щихъ, и҆ ѻ҆гнѧ̀ вѣ́чнꙋющагѡ."
|
||||
},
|
||||
{
|
||||
"type": "TEXT",
|
||||
"value": "Оу҆скорѝ посѣти́ти болѧ́щаго, пречⷭ҇таѧ, и҆ ѿ лю́тыѧ ра́ны и҆зба́ви мѧ̀, и҆ всѧ́кїѧ ско́рби."
|
||||
},
|
||||
{
|
||||
"type": "HEADER",
|
||||
"value": "Пѣ́снь д҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ты̀ моѧ̀ крѣ́пость гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ̑мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Ро́дъ человѣ́ческїй ѿ паде́нїѧ призва́сѧ, є҆го́же под̾ѧ́тъ дре́вле первозда́нный: всѣ́хъ бо содѣ́тель воздви́женъ бы́сть на дре́во, пе́рсты ѡ҆кровавлѧ́емь, и҆ гвоздьмѝ во́лею пригвожда́емь въ рꙋ́цѣ, и҆ въ ре́бра копїе́мъ пробода́емь."
|
||||
},
|
||||
{
|
||||
"type": "TEXT",
|
||||
"value": "Ста̀ крⷭ҇тъ, и҆ ле́сть всѧ̀ низпаде́сѧ: тебѣ̀ сп҃се, ѡ҆бнаже́нꙋ бы́вшꙋ, ѡ҆бнажи́сѧ чꙋ́ждїй: и҆ а҆да́мъ бж҃е́ственнагѡ нетлѣ́нїѧ ри́зою ѡ҆дѣ́ѧнъ бы́сть, тва́рь просвѣти́сѧ помрача́емꙋ со́лнцꙋ, на дре́вѣ хрⷭ҇тѐ распина́емꙋ тѝ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Но́вагѡ заколе́нїѧ, ꙗ҆́коже ѻ҆вча́та мч҃нцы, пожре́номꙋ сло́вꙋ принесо́стесѧ: кро́вными тече́нїи, пре́лести морѧ̀ и҆зсꙋши́вше бж҃е́ственною бл҃года́тїю, и҆злїѧ́нїе страсте́й ѡ҆дожде́нїемъ чꙋде́съ потреблѧ́ете всегда̀ сла́внїи."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѿсѣче́нїе ᲂу҆дѡ́въ всѣ́хъ под̾ѧ́сте мч҃нцы, и҆ зꙋбѡ́въ и҆ ногте́й и҆скорене́нїе, рꙋ́къ ѿрѣ́занїе неща́дно, ѧ҆зы́ка же и҆ но́гъ и҆ соста́вѡвъ тѣле́сныхъ: тѣ́мже превели́кїѧ сподо́бистесѧ сла́вы, всѣ́хъ бг҃ꙋ предстоѧ́ще."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Своего́ си ю҆нца̀ непоро́чнаѧ ю҆́ница ви́дѣвши на дре́во воздви́жена, вопїѧ́ше со восклица́нїемъ: ча́до, ка́кѡ тѧ̀ законопрестꙋ́пныхъ со́нмъ ѿню́дъ не ᲂу҆ще́дри, ᲂу҆ще́дрившаго и҆̀; но ᲂу҆смотре́нїемъ льсти́вымъ сме́рти преда́ти непра́веднѡ произво́ли."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆слы́шахъ гдⷭ҇и, смотре́нїѧ твоегѡ̀ та́инство: разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
||||
},
|
||||
{
|
||||
"type": "TEXT",
|
||||
"value": "Дꙋ́шꙋ мою̀, ѡ҆мраче́ннꙋю прегрѣше́ньми, ѡ҆зарѝ свѣ́томъ приснодв҃о, ꙗ҆́же сл҃нце ро́ждшаѧ пра́вды."
|
||||
},
|
||||
{
|
||||
"type": "TEXT",
|
||||
"value": "И҆скꙋше́нїй мѧ̀ и҆схитѝ, и҆ житїѧ̀ дꙋшетлѣ́нныѧ бꙋ́ри, и҆ ѻ҆гнѧ̀ вѣ́чнагѡ свободи́ мѧ бг҃оневѣ́сто."
|
||||
},
|
||||
{
|
||||
"type": "TEXT",
|
||||
"value": "Дв҃ства сщ҃е́нный сосꙋ́де, и҆ невмѣсти́магѡ є҆стество́мъ вселе́нїе. Дꙋ́шꙋ мою̀ ѡ҆мраче́ннꙋю ѿ мно́гихъ страсте́й, просвѣтѝ."
|
||||
},
|
||||
{
|
||||
"type": "TEXT",
|
||||
"value": "Всест҃а́ѧ бг҃оневѣ́сто, влⷣчце мі́ра, ты́ мѧ сп҃сѝ, ѿ бѣ́дъ и҆збавлѧ́ющи, и҆ страсте́й молвꙋ̀ ѿгонѧ́ющи."
|
||||
},
|
||||
{
|
||||
"type": "HEADER",
|
||||
"value": "Пѣ́снь є҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀ свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
||||
},
|
||||
{
|
||||
"type": "TEXT",
|
||||
"value": "Да сла́стнагѡ вкꙋше́нїѧ и҆зба́виши мѧ̀, же́лчи долготерпѣли́ве вкꙋси́лъ є҆сѝ хотѧ̀: и҆ ꙗ҆́кѡ да ме́ртвости совлече́ши мѧ̀ і҆и҃се, страсте́й, на́гъ пригвозди́тисѧ и҆зво́лилъ є҆сѝ на дре́вѣ: пою̀ твоѐ бл҃гоꙋтро́бное."
|
||||
},
|
||||
{
|
||||
"type": "TEXT",
|
||||
"value": "И҆стлѣ́вшꙋю страстьмѝ дꙋ́шꙋ мою̀, сло́ве, но́вꙋ творѧ̀, дꙋ́шꙋ пре́далъ є҆сѝ ѻ҆ц҃ꙋ̀, на дре́вѣ ви́сѧ, и҆ не терпи́тъ бездꙋ́шнаѧ землѧ̀ сїѧ̑ поразꙋмѣва́ющи, но стра́хомъ коле́блетсѧ воспѣва́ющи тѧ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆краси́стесѧ мч҃нцы бж҃е́ственными стрⷭ҇тьмѝ ᲂу҆добрѧ́еми, и҆ стопа́мъ послѣ́довавше стрⷭ҇тьмѝ всѣ̑мъ безстра́стїе пода́вшемꙋ, сло́вꙋ є҆диноро́дномꙋ, ѻ҆тца̀ безнача́льнагѡ: сегѡ̀ ра́ди съ ни́мъ прославлѧ́етесѧ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Оу҆страни́вшесѧ до́льнихъ, неви̑димыѧ наслѣ́довасте, въ нбⷭ҇ныхъ водворѧ́ющесѧ бж҃е́ственныхъ селе́нїихъ, и҆ прича́стїемъ бж҃е́ственнымъ ѡ҆божа́еми невеще́ственнѡ, сп҃совы непобѣди́мїи мч҃нцы."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Стра́нно видѣ́нїе, ви́жꙋ, взыва́ше препѣ́таѧ: ка́кѡ и҆́же зрѣ́нїемъ всю̀ зе́млю коле́блѧй, на дре́вѣ возвыша́емь ᲂу҆снꙋ́лъ є҆сѝ, спѧ́щыѧ ѿ вѣ́ка хотѧ̀ возбꙋди́ти; покланѧ́юсѧ сн҃е, твоемꙋ̀ долготерпѣ́нїю."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆́тренююще вопїе́мъ тѝ, гдⷭ҇и, сп҃си́ ны: ты́ бо є҆сѝ бг҃ъ на́шъ, ра́звѣ тебѐ и҆но́гѡ не вѣ́мы."
|
||||
},
|
||||
{
|
||||
"type": "TEXT",
|
||||
"value": "Пое́мъ тѧ̀ дв҃о всепѣ́таѧ, ꙗ҆́же сло́во бж҃їе вмѣсти́вшаѧ во чре́вѣ твое́мъ пренепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "Ѻ҆гнѧ̀ негаси́магѡ, и҆ че́рвїѧ и҆зба́ви мѧ̀ мт҃и бж҃їѧ, ꙗ҆́кѡ и҆мꙋ́щаѧ є҆́же ми́ловати цѣле́бнѡ."
|
||||
},
|
||||
{
|
||||
"type": "TEXT",
|
||||
"value": "Стѣна̀ ты̀ вѣ́рныхъ и҆ держа́ва всест҃а́ѧ є҆сѝ, сп҃са́ющи ѿ и҆скꙋше́нїй пою́щыѧ тѧ̀."
|
||||
},
|
||||
{
|
||||
"type": "TEXT",
|
||||
"value": "Недꙋ́гꙋющꙋю дꙋ́шꙋ мою̀ и҆сцѣлѝ, ро́ждшаѧ всѣ́хъ сп҃се́нїе, и҆ взе́млющаго недꙋ́ги, пречⷭ҇таѧ влⷣчце."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѕ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бе́здна грѣхѡ́въ и҆ прегрѣше́нїй бꙋ́рѧ мѧ̀ смꙋща́етъ, и҆ во глꙋбинꙋ̀ нꙋ́жднагѡ рѣ́етъ мѧ̀ ѿча́ѧнїѧ: но твою̀ крѣ́пкꙋю рꙋ́кꙋ мнѣ̀ прострѝ ꙗ҆́кѡ петро́ви, ѽ ᲂу҆пра́вителю, и҆ сп҃сѝ."
|
||||
},
|
||||
{
|
||||
"type": "TEXT",
|
||||
"value": "Воспѣ́ша нбⷭ҇ныѧ си̑лы всѧ̑ и҆ ᲂу҆диви́шасѧ, на крⷭ҇тѣ́ тѧ сло́ве взира́юще ви́сѧща: и҆ а҆да́мъ ᲂу҆ѧ́звленный сп҃се, и҆сцѣлѣ̀ ꙗ҆́звою твое́ю, и҆ клѧ́тва прогна́на бы́сть."
|
||||
},
|
||||
{
|
||||
"type": "TEXT",
|
||||
"value": "Разрѣша́етсѧ ѿ ᲂу҆́зъ нерѣши́мыхъ человѣ́чество, тебѣ̀ сло́ве пло́тїю свѧ́занꙋ бы́вшꙋ: и҆ свѧзꙋ́етсѧ мꙋчи́тель ꙗ҆́кѡ пти́ца, и҆ ѿ всѣ́хъ вѣ́рныхъ нарꙋга́емь: сла́ва хрⷭ҇тѐ бл҃гоꙋтро́бїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ꙗ҆ви́стесѧ бг҃озра́чнїи стрⷭ҇тоте́рпцы ꙗ҆́коже ᲂу҆́глїе, всѧ́кꙋ ѕлоче́стїѧ ве́щь попалѧ́юще бл҃года́тїю, на ᲂу҆́глїѧхъ же ѻ҆гнѧ̀ всесожига́еми, и҆ бж҃е́ственное прохлажде́нїе прїе́млюще."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ѻ҆вча́та и҆́стиннагѡ па́стырѧ стрⷭ҇тоно́сцы ꙗ҆влѧ́еми, посредѣ̀ ди́вїихъ волкѡ́въ неврежде́ни пребы́сте, и҆ сконча́вше до́брѣ тече́нїе бж҃е́ственнїи, во ѡ҆гра́дꙋ нбⷭ҇нꙋю всели́стесѧ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Гдⷭ҇а тѧ̀ живота̀ породи́хъ, и҆ кра́сна добро́тою па́че сынѡ́въ человѣ́ческихъ, дв҃а взыва́ше: и҆ ка́кѡ ны́нѣ ᲂу҆мира́еши сн҃е, добро́ты не и҆мѣ́ѧ въ распѧ́тїи, ᲂу҆добри́вый всѧ̑ манове́нїемъ;"
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѡ҆чи́сти мѧ̀ сп҃се, мнѡ́га бо беззакѡ́нїѧ моѧ̑, и҆ и҆з̾ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е сп҃се́нїѧ моегѡ̀."
|
||||
},
|
||||
{
|
||||
"type": "TEXT",
|
||||
"value": "Мр҃і́е, чи́стое и҆ всечестно́е жили́ще всѣ́хъ содѣ́телѧ, дꙋ́шꙋ ѡ҆чища́ющыѧ пода́ждь мѝ сле́зы, и҆ бꙋ́дꙋщагѡ сꙋда̀ и҆ мꙋ́ки и҆схити́ мѧ."
|
||||
},
|
||||
{
|
||||
"type": "TEXT",
|
||||
"value": "Двє́ри бж҃їѧ, вхо́ды бж҃е́ственныѧ покажѝ смире́ннѣй мое́й дꙋшѝ: въ нѧ́же вше́дъ и҆сповѣ́даѧсѧ, ѕлы́хъ разрѣше́нїе бцⷣе воспрїимꙋ̀."
|
||||
},
|
||||
{
|
||||
"type": "TEXT",
|
||||
"value": "Пꙋчи́на грѣхѡ́въ, и҆ во́лны ѿча́ѧнїѧ ѡ҆бꙋрева́ютъ мо́й ᲂу҆́мъ: ᲂу҆млⷭ҇рдисѧ влⷣчце, и҆ рꙋ́кꙋ мѝ прострѝ, и҆ сп҃си́ мѧ, ꙗ҆́же сп҃са ро́ждшаѧ."
|
||||
},
|
||||
{
|
||||
"type": "TEXT",
|
||||
"value": "Тѧ̀ предста́тельницꙋ и҆ стѣ́нꙋ вѣ́рнїи всѝ и҆́мамы, и҆̀же во глꙋбинѣ̀ ѕлы́хъ, и҆ мѧте́жей и҆ скорбе́й при́снѡ бѣ́дствꙋющїи, бцⷣе, є҆ди́на вѣ́рныхъ прибѣ́жище."
|
||||
},
|
||||
{
|
||||
"type": "HEADER",
|
||||
"value": "Пѣ́снь з҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Бж҃їѧ снизхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀. Сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Оу҆ра́ненъ бы́лъ є҆сѝ въ рꙋ́цѣ твоѝ хрⷭ҇тѐ, и҆́маже содѣ́лалъ є҆сѝ чꙋдеса̀: и҆ ра̑ны претерпѣ́лъ є҆сѝ, ра̑ны моѧ̑ всѧ̑ и҆сцѣлѧ́ѧ. Пою́ тѧ є҆ди́не долготерпѣли́ве, зовы́й: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Пригвожде́нъ бы́лъ є҆сѝ въ рꙋ́цѣ твоѝ и҆ но́зѣ гвоздьмѝ сп҃се, распина́емь, и҆ въ ре́бра прободе́нъ бы́въ, ка̑пли и҆сточа́ѧ всѣ̑мъ ѡ҆ставле́нїѧ пою́щымъ непреста́ннѡ, и҆ глаго́лющымъ: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Ли́къ соста́вимъ пѣсносло́вѧще бж҃їѧ мч҃нки, и҆̀же ликѡ́мъ а҆́гг҃льскимъ сопричтє́ныѧ, и҆ зємны́ѧ просвѣща́ющыѧ, и҆ всегда̀ пою́щыѧ: бл҃гослове́нъ бг҃ъ ѻ҆тє́цъ на́шихъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Во ст҃ы́хъ свѣ́тлостехъ ѡ҆ст҃и́вшесѧ всели́стесѧ, посыла́юще всѣ̑мъ ѡ҆сщ҃е́нїе же и҆ и҆збавле́нїе, восхвалѧ́ющымъ ва́съ бж҃е́ственнїи мч҃нцы, и҆ воспѣва́ющымъ хрⷭ҇та̀, ѻ҆тє́цъ на́шихъ бж҃е бл҃гослове́нъ є҆сѝ."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Незаходи́мое сл҃нце, ка́кѡ за́йде на дре́вѣ распина́емь; дв҃а вопїѧ́ше тѝ сло́ве: и҆ ви́дѣвъ со́лнце, ѡ҆ста́ви тече́нїе, свѣти́ти не могі́й, тебѣ̀ стра́ждꙋщꙋ влⷣко. Пѣсносло́влю твоѐ сн҃е безѕло́бїе."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ гдⷭ҇и бж҃е во вѣ́ки."
|
||||
},
|
||||
{
|
||||
"type": "TEXT",
|
||||
"value": "Молю́ тѧ пречⷭ҇таѧ, ᲂу҆мертвѝ живꙋ́щїй во мнѣ̀ грѣ́хъ, и҆ живота̀ полꙋчи́ти сподо́би мѧ̀ дв҃о: и҆ ча́сти мѧ̀ и҆зба́ви та́мѡ мꙋ́чимыхъ."
|
||||
},
|
||||
{
|
||||
"type": "TEXT",
|
||||
"value": "Стра̑сти разли̑чныѧ мѧ̀ ѡ҆бꙋрева́ютъ, ро́ждшаѧ чⷭ҇таѧ, и҆сто́чника безстра́стїѧ, тѣ́хъ ѡ҆держа́нїѧ, и҆ ѻ҆гнѧ̀ вѣ́чнагѡ и҆зба́ви мѧ̀ бцⷣе, мл҃твами твои́ми."
|
||||
},
|
||||
{
|
||||
"type": "TEXT",
|
||||
"value": "Нра́вомъ во́льнымъ согрѣша́ю, и҆ порабоща́емь є҆́смь безмѣ́стнымъ ѻ҆бы́чаемъ, ны́нѣ ко ѻ҆бы́чнѣй твое́й млⷭ҇ти притека́ю: ѿча́ѧннаго сп҃си́ мѧ всест҃а́ѧ бцⷣе."
|
||||
},
|
||||
{
|
||||
"type": "TEXT",
|
||||
"value": "Оу҆гасѝ пла́мень страсте́й мои́хъ, и҆ ᲂу҆тишѝ бꙋ́рю се́рдца моегѡ̀, бг҃ома́ти чⷭ҇таѧ: и҆ и҆зба́ви мѧ̀ пречⷭ҇таѧ, ѿ бѣсѡ́въ мꙋчи́тельства, и҆ ѻ҆гнѧ̀ вѣ́чнагѡ."
|
||||
},
|
||||
{
|
||||
"type": "HEADER",
|
||||
"value": "Пѣ́снь и҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею сп҃се́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "И҆з̾ ко́рене хрⷭ҇тѐ, прозѧ́блъ є҆сѝ і҆ессе́ова воплоща́емь, и҆ и҆скоренѧ́еши и҆зра́стшее те́рнїе а҆да́мова престꙋпле́нїѧ, вѣне́цъ носѧ́й терно́въ: на дре́вѣ же пригво́ждьсѧ, ю҆́же ѿ дре́ва и҆сцѣлѧ́еши и҆зра́стшꙋю клѧ́твꙋ, и҆ пою́щыѧ сп҃са́еши: сщ҃е́нницы воспо́йте, лю́дїе превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Да бг҃а человѣ́ка содѣ́лаеши чл҃вѣколю́бче, бы́лъ є҆сѝ чл҃вѣ́къ, и҆ крⷭ҇тꙋ̀ прїѡбщи́всѧ въ ре́бра пробода́емь, и҆ ѻ҆́цтомъ съ же́лчїю напоѧ́емь, ѿѻнꙋ́дꙋже сп҃сшїисѧ твои́ми стрⷭ҇тьмѝ сло́ве, вопїе́мъ бл҃года́рственнѡ: сщ҃е́нницы воспо́йте, лю́дїе превозноси́те хрⷭ҇та̀ во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Свѧ́зани бы́вше мч҃нцы, и҆ ꙗ҆́кѡ а҆́гнцы закала́еми, и҆ на ѻ҆гнѝ немлⷭ҇тивнѡ и҆спеца́еми, ѕвѣрє́мъ же ѿдава́еми, и҆ въ главы̑ ᲂу҆сѣка́еми, ра́довастесѧ ра́достїю неизглаго́ланною, вопїю́ще: дѣ́ти бл҃гослови́те, сщ҃е́нницы воспо́йте, лю́дїе превозноси́те хрⷭ҇та̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вѣнцено́сцы мч҃нцы, а҆́гг҃лѡмъ соприча̑стницы, и҆̀же безплѡ́тныѧ врагѝ попра́вше, мл҃твꙋ сотвори́те ѡ҆ на́съ ко гдⷭ҇ꙋ, ꙗ҆́кѡ да въ любвѝ и҆ во мно́зѣ є҆диномы́слїи поживе́мъ, вопїю́ще несꙋмнѣ́ннымъ се́рдцемъ: дѣ́ти бл҃гослови́те, сщ҃е́нницы воспо́йте, лю́дїе превозноси́те хрⷭ҇та̀ во вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: Болѣ́зненнѣ стеню́щи, ма́терски восклица́ше, и҆ ᲂу҆тро́бнагѡ смꙋще́нїѧ не терпѧ́щи на крⷭ҇тѣ̀, взира́ше къ ро́ждшемꙋсѧ и҆з̾ твоегѡ̀ чре́ва, вопїю́щи: что̀ зрѣ́нїе сїѐ ча́до, ка́кѡ стра́ждеши, и҆́же є҆стество́мъ безстрⷭ҇тный, всѧ́кѡ хотѧ̀ ро́дъ человѣ́ческїй ѿ страсте́й свободи́ти;"
|
||||
},
|
||||
{
|
||||
"type": "HEADER",
|
||||
"value": "И҆́нъ."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ во́и а҆́гг҃льстїи, хвали́те и҆ превозноси́те во всѧ̑ вѣ́ки."
|
||||
},
|
||||
{
|
||||
"type": "TEXT",
|
||||
"value": "Бг҃ороди́тельнице дв҃о, ты̀ моѧ̑ грѣхѝ и҆ бре́мѧ ѡ҆блегчѝ ѿ прегрѣше́нїй, ꙗ҆́кѡ да тѧ̀ велича́ю."
|
||||
},
|
||||
{
|
||||
"type": "TEXT",
|
||||
"value": "Ꙗ҆́же сꙋдїю̀ ро́ждши и҆ бг҃а, мольба́ми бл҃гопремѣни́тельными твои́ми млⷭ҇тива мнѣ̀ того̀ покажѝ, чⷭ҇таѧ: ꙗ҆́кѡ да сп҃се́тъ мѧ̀ ѿ вѣ́чнагѡ ѻ҆гнѧ̀."
|
||||
},
|
||||
{
|
||||
"type": "TEXT",
|
||||
"value": "Прегрѣшє́нїѧ моѧ̑ мнѡ́га превзыдо́ша бцⷣе, да́ждь мѝ ны́нѣ рꙋ́кꙋ по́мощи, и҆ ѿ пла́мене негаси́магѡ и҆зба́ви мѧ̀ непотре́бнаго."
|
||||
},
|
||||
{
|
||||
"type": "TEXT",
|
||||
"value": "Просвѣтѝ пречⷭ҇таѧ, се́рдца моегѡ̀ ѻ҆́чи молю́сѧ, че́рностїю грѣхо́вною ѡ҆слѣплє́ныѧ, и҆ прїѧ́тны бж҃е́ственнагѡ сїѧ́нїѧ покажѝ, ꙗ҆́кѡ да ꙗ҆влю́сѧ тебѐ ра́ди твоемꙋ̀ сн҃ꙋ чи́стъ."
|
||||
},
|
||||
{
|
||||
"type": "HEADER",
|
||||
"value": "Пѣ́снь ѳ҃."
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ. Тѣ́мъ тѧ̀ бцⷣꙋ а҆́гг҃лѡвъ и҆ человѣ̑къ чинонача̑лїѧ велича́ютъ."
|
||||
},
|
||||
{
|
||||
"type": "TEXT",
|
||||
"value": "И҆сцѣли́лъ є҆сѝ влⷣко моѧ̑ ꙗ҆́звы, ᲂу҆ѧзви́всѧ и҆ ѡ҆кровави́въ рꙋ́цѣ своѝ, и҆ къ пꙋтє́мъ ходи́ти сп҃си́тєльнымъ, ꙗ҆́кѡ бл҃гъ напра́вилъ мѧ̀ є҆сѝ гдⷭ҇и, но́зѣ и҆скопа́въ своѧ̑ на крⷭ҇тѣ̀, и҆́хже дре́вле родонача́льницы ви́дѣвше ходѧ́ща тѧ̀ въ раѝ, сокрыва́хꙋсѧ."
|
||||
},
|
||||
{
|
||||
"type": "TEXT",
|
||||
"value": "И҆спра́вившꙋсѧ тѝ на крⷭ҇тѣ̀, и҆спра́висѧ пады́й паде́нїемъ ве́лїимъ первозда́нный. Крѣ́пость же всѧ̀ паде́сѧ вра́жїѧ, всѧ́ же землѧ̀ ѡ҆ст҃и́сѧ кро́вїю и҆ водо́ю, ѿ ре́бръ твои́хъ и҆злїѧ́нною. Тѣ́мже тѧ̀ всеще́дре, непреста́ннѡ велича́емъ."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Вѧ́жеми ст҃і́и мч҃нцы, вѧза̑нїѧ лꙋка́вагѡ разрꙋши́сте, и҆ ᲂу҆́зами, ꙗ҆̀же претерпѣ́сте терпѣли́внѡ, того̀ свѧза́сте, и҆ покори́сте под̾ но́зѣ, стꙋда̀ и҆спо́лнена, и҆ смѣ́хъ зрѧ́щымъ сотвори́сте, бл҃года́тїю бж҃е́ственною."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Землѧ̀ положе́нїемъ сщ҃е́нныхъ мч҃нкъ моще́й ѡ҆ст҃и́сѧ: и҆́бо и҆сто́чникъ и҆сточа́ющъ и҆сцѣле́нїй всѧ́ческихъ сїѧ̀ бж҃е́ственнагѡ стѧжава́етъ, стра̑сти тѣлє́сныѧ и҆ дꙋшє́вныѧ непреста́ннѡ и҆сцѣлѧ́ющи, и҆ врежде́нїе бѣсо́вское ѿрѣва́ющи бж҃е́ственною бл҃года́тїю."
|
||||
},
|
||||
{
|
||||
"type": "TEXT",
|
||||
"value": "Бг҃оро́диченъ: И҆збѣ́гши болѣ́зней ма́тернихъ во вре́мѧ рожде́нїѧ, долготерпѣли́ве, є҆гда́ же тѝ ны́нѣ стрⷭ҇ти во́льнѣй причасти́вшꙋсѧ, и҆ болѣ̑зни прїи́мшꙋ, поболѣ́хъ ᲂу҆тро́бою, и҆ дꙋше́ю болѣ́зни и҆спо́лнихсѧ, пречⷭ҇таѧ вопїѧ́ше, ю҆́же досто́йнѡ велича́емъ."
|
||||
},
|
||||
{
|
||||
"type": "HEADER",
|
||||
"value": "И҆́нъ"
|
||||
},
|
||||
{
|
||||
"type": "TEXT",
|
||||
"value": "І҆рмо́съ: Оу҆страши́сѧ всѧ́къ слꙋ́хъ неизрече́нна бж҃їѧ снизхожде́нїѧ, ꙗ҆́кѡ вы́шнїй во́лею сни́де да́же и҆ до пло́ти, ѿ дв҃и́ческагѡ чре́ва бы́въ чл҃вѣ́къ: тѣ́мже пречⷭ҇тꙋю бцⷣꙋ вѣ́рнїи велича́емъ."
|
||||
},
|
||||
{
|
||||
"type": "TEXT",
|
||||
"value": "Оу҆ще́дри пречⷭ҇таѧ, ѻ҆каѧ́ннꙋю мою̀ дꙋ́шꙋ, и҆ ᲂу҆мертвѝ стра̑сти гꙋби́тєльныѧ, и҆ мꙋчи́тельное недоꙋмѣ́нїе ѿженѝ: стрꙋи̑ же сле́зъ ст҃ы̑ѧ да́рꙋй присноживѡ́тныѧ, и҆́миже и҆зба́влюсѧ ждꙋ́щагѡ мѧ̀ лю́тагѡ ѡ҆сꙋжде́нїѧ."
|
||||
},
|
||||
{
|
||||
"type": "TEXT",
|
||||
"value": "Стѣна̀ хрⷭ҇тїа́нѡмъ, и҆ прибѣ́жище тве́рдое мі́рꙋ, въ не́мже сп҃са́емсѧ, ты̀ є҆сѝ дв҃о чⷭ҇таѧ бг҃оневѣ́сто: и҆з̾ тебе́ бо бг҃ъ воплоти́всѧ, тебѐ всѣ̑мъ подадѐ покро́въ сп҃си́тельный. Тѣ́мже чⷭ҇таѧ, сп҃си́ мѧ недосто́йнаго."
|
||||
},
|
||||
{
|
||||
"type": "TEXT",
|
||||
"value": "Безнача́льне сло́ве ѻ҆́ч҃їй, и҆ сн҃е мо́й, и҆ ст҃о́мꙋ дх҃ꙋ сопрⷭ҇то́льный, ка́кѡ своѝ пречⷭ҇тѣи дла̑ни на крⷭ҇тѣ̀ просте́рлъ є҆сѝ; что̀ ны́нѣ толи́каѧ твоѧ̀ нищета̀, пребл҃гі́й; предстоѧ́щи твоемꙋ̀ распѧ́тїю, вопїѧ́ше всенепоро́чнаѧ."
|
||||
},
|
||||
{
|
||||
"type": "TEXT",
|
||||
"value": "И҆ска́пающи бж҃е́ственнꙋю сла́дость, ꙗ҆́же всѣ́хъ сла́дость ро́ждшаѧ, ᲂу҆сладѝ дꙋ́шꙋ мою̀, ѡ҆горче́ннꙋю ꙗ҆́домъ ѕмі́ѧ, ѿчꙋжда́ющи мѧ̀ го́рькагѡ грѣха̀ всегда̀ хода́тайствомъ твои́мъ, предста́тельнице вѣ́рныхъ непосты́днаѧ."
|
||||
},
|
||||
{
|
||||
"type": "TEXT",
|
||||
"value": "Та́же, Досто́йно є҆́сть: И҆ покло́нъ."
|
||||
},
|
||||
{
|
||||
"type": "HEADER",
|
||||
"value": "Є҆ктенїа̀, и҆ свѣти́ленъ, и҆ ѱалмы̀ ѻ҆бы̑чныѧ."
|
||||
},
|
||||
{
|
||||
"type": "HEADER",
|
||||
"value": "На стїхо́внѣ стїхи̑ры крⷭ҇тны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Мѡѷсе́евъ же́злъ проѡбража́ше чⷭ҇тны́й крⷭ҇тъ тво́й сп҃се на́шъ: тѣ́мъ бо сп҃са́еши ꙗ҆́кѡ и҆з̾ глꙋбины̀ морскі́ѧ, лю́ди твоѧ̑ чл҃вѣколю́бче."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ: за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ."
|
||||
},
|
||||
{
|
||||
"type": "TEXT",
|
||||
"value": "Є҆́же дре́вле во є҆де́мѣ въ раѝ, дре́во снѣ́дное прозѧбло̀ є҆́сть посредѣ̀ садѡ́въ: цр҃ковь же твоѧ̀ хрⷭ҇тѐ, крⷭ҇тъ тво́й процвѣтѐ, и҆сточа́ющъ всемꙋ̀ мі́рꙋ жи́знь. Но ѻ҆́но ᲂу҆́бѡ ᲂу҆мертвѝ снѣ́дїю ꙗ҆́дшаго а҆да́ма: сїе́ же жи́ва сотворѝ, вѣ́рою сп҃сшасѧ разбо́йника: є҆гѡ́же сп҃се́нїѧ прича́стники и҆ на́съ ꙗ҆вѝ хрⷭ҇тѐ бж҃е, и҆́же стрⷭ҇тїю твое́ю разрꙋши́въ, ꙗ҆́же на ны̀ кѡ́зни вра̑жїѧ, и҆ сподо́би на́съ црⷭ҇твїѧ твоегѡ̀ гдⷭ҇и."
|
||||
},
|
||||
{
|
||||
"type": "TEXT",
|
||||
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
||||
},
|
||||
{
|
||||
"type": "TEXT",
|
||||
"value": "Мч҃нченъ: Мч҃нцы хрⷭ҇тѡ́вы непобѣди́мїи, побѣди́вше ле́сть си́лою крⷭ҇тною, воспрїѧ́сте бл҃года́ть вѣ́чныѧ жи́зни, мꙋчи́телей преще́нїѧ не ᲂу҆боѧ́вшесѧ, мꙋ́ками ᲂу҆ранѧ́еми весели́стесѧ: и҆ ны́нѣ крѡ́ви ва́шѧ бы́ша и҆сцѣлє́нїѧ дꙋша́мъ на́шымъ. Моли́те сп҃сти́сѧ дꙋша́мъ на́шымъ."
|
||||
},
|
||||
{
|
||||
"type": "TEXT",
|
||||
"value": "Сла́ва, и҆ ны́нѣ, крⷭ҇тобг҃оро́диченъ: На крⷭ҇тѣ̀ повѣ́шена зрѧ́щи чⷭ҇таѧ тебѐ ро́ждшаѧ гдⷭ҇и, и҆ бли́зъ бы́вши, пла́чꙋщи глаго́лаше: ча́до, что̀ сїѧ̑ стра́ждеши пло́тїю, и҆ тщи́шисѧ безча́дствовати мѧ̀; потщи́сѧ просла́витисѧ, ꙗ҆́кѡ да возвели́чꙋсѧ стрⷭ҇тїю твое́ю."
|
||||
},
|
||||
{
|
||||
"type": "TEXT",
|
||||
"value": "Та́же, Бл҃го є҆́сть: Трист҃о́е. По Ѻ҆́ч҃е на́шъ:"
|
||||
},
|
||||
{
|
||||
"type": "HEADER",
|
||||
"value": "Тропа́рь, и҆ є҆ктенїа̀, и҆ ча́съ а҃-й, и҆ ѿпꙋ́стъ."
|
||||
},
|
||||
{
|
||||
"type": "HEADER",
|
||||
"value": "Въ сре́дꙋ бл҃жє́нны, гла́съ и҃:"
|
||||
},
|
||||
{
|
||||
"type": "TEXT",
|
||||
"value": "Помѧнѝ на́съ, хрⷭ҇тѐ сп҃се мі́ра, ꙗ҆́коже разбо́йника помѧнꙋ́лъ є҆сѝ на дре́вѣ: и҆ сподо́би всѣ́хъ є҆ди́не ще́дре, нбⷭ҇номꙋ црⷭ҇твїю твоемꙋ̀."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
||||
},
|
||||
{
|
||||
"type": "TEXT",
|
||||
"value": "Жезло́мъ мѡѷсе́й крⷭ҇тъ воѡбража́ѧ, раздѣлѧ́ше глꙋбинꙋ̀, лю́ди і҆и҃льтєскїѧ преводѧ̀: мы́ же того̀ воѡбража́юще, мы́слєнныѧ врагѝ побѣжда́емъ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
||||
},
|
||||
{
|
||||
"type": "TEXT",
|
||||
"value": "Дре́вле і҆а́кѡвъ бл҃гословлѧ́ѧ ѻ҆́троки, сы́ны сынѡ́въ свои́хъ, рꙋ́цѣ премѣнѧ́ѧ простира́ше, зна́менаѧ тво́й крⷭ҇тъ хрⷭ҇тѐ сп҃се, и҆́мже всѝ ѿ клѧ́твы свободи́хомсѧ."
|
||||
},
|
||||
{
|
||||
"type": "TEXT",
|
||||
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
||||
},
|
||||
{
|
||||
"type": "TEXT",
|
||||
"value": "Стрⷭ҇те́мъ хрⷭ҇тѡ́вымъ ревнꙋ́юще стрⷭ҇тоте́рпцы, мꙋ̑ки гѡ́рькїѧ под̾ѧ́сте мꙋ́жески, и҆ нетлѣ́нными вѣнцы̀ вѣнча́вшесѧ, на нб҃сѣ́хъ живетѐ."
|
||||
},
|
||||
{
|
||||
"type": "TEXT",
|
||||
"value": "Сла́ва: Сла́ва ѻ҆ц҃ꙋ̀ є҆ди́номꙋ безсме́ртномꙋ: сла́ва сн҃ꙋ во вѣ́ки живꙋ́щемꙋ: сла́ва кꙋ́пнѡ дх҃ꙋ всест҃о́мꙋ, всю̀ тва́рь ѡ҆сщ҃а́ющемꙋ."
|
||||
},
|
||||
{
|
||||
"type": "TEXT",
|
||||
"value": "И҆ ны́нѣ: И҆з̾ дв҃и́ческагѡ чре́ва твоегѡ̀ чⷭ҇таѧ, возсїѧ̀ содѣ́тель со́лнца и҆ лꙋны̀: є҆го́же зрѧ́щи повѣ́шена на дре́вѣ, всѧ̀ тва́рь колеба́шесѧ."
|
||||
}
|
||||
]
|
||||
Reference in new issue
Block a user