[
 {
  "type": "HEADER",
  "value": "А҆прі́ллїа и҃і"
 },
 {
  "type": "HEADER",
  "value": "Прпⷣбномꙋ и҆ бг҃оно́сномꙋ ѻ҆тцꙋ̀ на́шемꙋ є҆ѵѳѵ́мїю, ст҃ы̑мъ првⷣнымъ а҆нтѡ́нїю и҆ фе́лїѯꙋ, нїко́ло-корє́льскимъ."
 },
 {
  "type": "HEADER",
  "value": "Тропа́рь, гла́съ д҃:"
 },
 {
  "type": "TEXT",
  "value": "Бг҃ꙋ посвѧти́въ себѐ, дарова́нїй ве́лїихъ ѿ тогѡ̀ и҆спо́лнивсѧ, многосвѣ́тлꙋю зарю̀ возсїѧ́лъ є҆сѝ въ предѣ́лѣхъ бѣломо́рїѧ ѿкрове́нїемъ бжⷭ҇твеннагѡ вѣ́дѣнїѧ. Прпⷣбныхъ ли́къ ᲂу҆краси́лъ є҆сѝ, ѻ҆́тче на́шъ є҆ѵѳѵ́мїе, моли́сѧ съ првⷣными а҆нтѡ́нїемъ и҆ фе́лїѯомъ дарова́ти на́мъ ми́ръ и҆ ве́лїю млⷭ҇ть."
 },
 {
  "type": "HEADER",
  "value": "Конда́къ, гла́съ є҃:"
 },
 {
  "type": "TEXT",
  "value": "На землѝ нбⷭ҇нѣ жи́тельствꙋѧ, чистоты̀ и҆ бл҃гоче́стїѧ ѡ҆́бразъ показа́лъ є҆сѝ, є҆ѵѳѵ́мїе, ѻ҆би́тель бы́въ ст҃о́мꙋ дх҃ꙋ, во странѣ̀ полꙋ́нощнѣй и҆́нокѡмъ ѻ҆би́тель ѡ҆снова́лъ є҆сѝ, ꙗ҆́же мѡ́щи прїѧ́тъ првⷣныхъ а҆нтѡ́нїа и҆ фе́лїѯа. Съ ни́миже тѧ̀ прославлѧ́юще, прпⷣбне, воспѣва́емъ: ра́дꙋйтесѧ, ѻ҆тцы̀ всечⷭ҇тні́и, страны̀ помо́рскїѧ сла́во и҆ ᲂу҆твержде́нїе."
 }
]