[
 {
  "type": "HEADER",
  "value": "Септе́мврїа к҃з"
 },
 {
  "type": "HEADER",
  "value": "Сщ҃енномꙋ́ченика петра̀, митрополі́та крꙋти́цкаго."
 },
 {
  "type": "HEADER",
  "value": "Тропа́рь, гла́съ в҃:"
 },
 {
  "type": "TEXT",
  "value": "Бж҃їимъ смотре́нїемъ къ ст҃и́тельскомꙋ слꙋже́нїю ст҃ы́мъ патрїа́рхомъ тѵ́хѡномъ призва́нный, ста́дꙋ хрⷭ҇то́вꙋ ꙗ҆ви́лсѧ є҆сѝ стра́жъ неꙋсы́пный и҆ защи́тникъ небоѧ́зненный, сщ҃енномꙋ́чениче пе́тре. Жестѡ́каѧ заточє́нїѧ и҆ да̑льнаѧ и҆згна̑нїѧ, страда́нїе и҆ сме́рть ѿ богобо́рцєвъ претерпѣ́лъ є҆сѝ. Вѣне́цъ мꙋ́ченическїй прїѧ́въ, на небесѝ ны́нѣ ра́дꙋешисѧ. Молѝ ми́лостиваго бг҃а, да сохрани́тъ це́рковь рѡссі́йскꙋю ѿ нестрое́нїй, є҆диномы́слїе и҆ ми́ръ лю́демъ свои́мъ да́рꙋетъ и҆ спасе́тъ дꙋ́ши на́ша."
 },
 {
  "type": "HEADER",
  "value": "Конда́къ, гла́съ д҃:"
 },
 {
  "type": "TEXT",
  "value": "Дꙋ́хъ ми́ренъ и҆ кро́токъ стѧжа́въ, тве́рдое ᲂу҆пова́нїе на милосе́рдїе бж҃їе и҆мѣ́ѧ, блюсти́тель вѣ́рный це́ркве рѡссі́йскїѧ и҆ и҆сповѣ́дникъ хрⷭ҇то́въ ꙗ҆ви́лсѧ є҆сѝ, сщ҃енномꙋ́чениче пе́тре, при́сный ѡ҆ на́съ предъ бг҃омъ предста́телю и҆ моли́твенниче ѡ҆ дꙋша́хъ на́шихъ."
 }
]