[
 {
  "type": "HEADER",
  "value": "Недѣ́лѧ шеста́ѧ по па́сцѣ, ѡ҆ слѣпо́мъ."
 },
 {
  "type": "TEXT",
  "value": "ⷤ На ма́лѣй вече́рни ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
 },
 {
  "type": "HEADER",
  "value": "Въ сꙋббѡ́тꙋ ве́чера на ма́лѣй вече́рни."
 },
 {
  "type": "HEADER",
  "value": "На Гдⷭ҇и воззва́хъ: стїхи̑ры воскре́сны, гла́съ є҃."
 },
 {
  "type": "TEXT",
  "value": "Чⷭ҇ тны́мъ твои́мъ крⷭ҇то́мъ хрⷭ҇тѐ, / дїа́вола посрами́лъ є҆сѝ, / и҆ воскрⷭ҇нїемъ твои́мъ жа́ло грѣхо́вное притꙋпи́лъ є҆сѝ, / и҆ сп҃слъ є҆сѝ ны̀ ѿ вра́тъ сме́ртныхъ: / сла́вимъ тѧ̀ є҆диноро́дне."
 },
 {
  "type": "TEXT",
  "value": "В оскрⷭ҇нїе даѧ́й ро́дꙋ человѣ́ческомꙋ, / ꙗ҆́кѡ ѻ҆вча̀ на заколе́нїе веде́сѧ: / ᲂу҆страши́шасѧ сегѡ̀ кнѧ́зи а҆́дстїи, / и҆ взѧ́шасѧ врата̀ плачє́внаѧ. / вни́де бо цр҃ь сла́вы хрⷭ҇то́съ, / глаго́лѧ сꙋ́щымъ во ᲂу҆́захъ, и҆зыди́те: / и҆ сꙋ́щымъ во тьмѣ̀, ѿкры́йтесѧ."
 },
 {
  "type": "TEXT",
  "value": "В е́лїе чꙋ́до, / неви́димыхъ содѣ́тель, за чл҃вѣколю́бїе пло́тїю пострада́въ, / воскр҃се безсме́ртный, / прїиди́те ѻ҆те́чєствїѧ ꙗ҆зы̑къ, томꙋ̀ поклони́мсѧ: / бл҃гоꙋтро́бїемъ бо є҆гѡ̀ ѿ пре́лести и҆зба́вльшесѧ, / въ трїе́хъ ѵ҆поста́сѣхъ є҆ди́наго бг҃а пѣ́ти навыко́хомъ."
 },
 {
  "type": "TEXT",
  "value": "В ече́рнее поклоне́нїе / прино́симъ тебѣ̀ невече́рнемꙋ свѣ́тꙋ, / на коне́цъ вѣкѡ́въ, ꙗ҆́кѡ въ зерца́лѣ пло́тїю возсїѧ́вшемꙋ мі́рови, / и҆ да́же до а҆́да низше́дшемꙋ, / и҆ та́мѡ сꙋ́щꙋю тьмꙋ̀ разрꙋши́вшемꙋ, / и҆ свѣ́тъ воскрⷭ҇нїѧ ꙗ҆зы́кѡмъ показа́вшемꙋ: / свѣтода́вче гдⷭ҇и сла́ва тебѣ̀."
 },
 {
  "type": "TEXT",
  "value": "Сла́ва, гла́съ є҃: Гдⷭ҇и, мимоходѧ̀ пꙋте́мъ, / ѡ҆брѣ́лъ є҆сѝ человѣ́ка слѣ́па ѿ рожде́нїѧ, / и҆ ᲂу҆дивле́ни бы́вше ᲂу҆ченицы̀, вопроша́хꙋ тѧ̀ глаго́люще: / ᲂу҆чи́телю, кто̀ согрѣшѝ: се́й ли, / и҆лѝ роди́тели є҆гѡ̀, да слѣ́пъ роди́сѧ; / ты́ же сп҃се мо́й возопи́лъ є҆сѝ къ ни́мъ: / ни се́й согрѣшѝ, ни роди́тели є҆гѡ̀, / но да ꙗ҆вѧ́тсѧ дѣла̀ бж҃їѧ на не́мъ. / мнѣ̀ подоба́етъ дѣ́лати дѣла̀ посла́вшагѡ мѧ̀, / ꙗ҆̀же никто́же мо́жетъ дѣ́лати. / и҆ сїѧ̑ ре́къ, плю́нꙋвъ до́лꙋ, и҆ бре́нїе сотво́рь, / пома́залъ є҆сѝ ѻ҆́чи є҆гѡ̀, ре́къ къ немꙋ̀: / и҆дѝ, ᲂу҆мы́йсѧ въ сїлѡа́мстѣй кꙋпѣ́ли. / ѻ҆́нъ же ᲂу҆мы́всѧ здра́въ бы́сть, и҆ вопїѧ́ше къ тебѣ̀: / вѣ́рꙋю гдⷭ҇и, и҆ поклони́сѧ тебѣ̀. / тѣ́мже вопїе́мъ и҆ мы̀, поми́лꙋй на́съ."
 },
 {
  "type": "HEADER",
  "value": "И҆ ны́нѣ: бг҃оро́диченъ настоѧ́щїй, догма́тїкъ, гла́съ є҃:"
 },
 {
  "type": "TEXT",
  "value": "Б г҃олѣ́пнꙋю и҆ пречестнꙋ́ю ѻ҆трокови́цꙋ почти́мъ, / чⷭ҇тнѣ́йшꙋю херꙋві́мѡвъ: / содѣ́тель бо всѣ́хъ вочеловѣ́читисѧ восхотѣ́вый, / въ ню̀ всели́сѧ несказа́ннѡ. / ѽ стра́нныхъ веще́й, и҆ пресла́вныхъ та́инствъ! / кто́ бы не ᲂу҆диви́вилсѧ, сїѐ слы́шавъ, / ꙗ҆́кѡ бг҃ъ человѣ́къ быва́етъ, и҆ премѣне́нїѧ въ не́мъ не бы́сть; / и҆ дѣ́вства врата̀ ѿве́рзлъ, / ᲂу҆мале́нїѧ въ не́й не ѡ҆ста́висѧ, / ꙗ҆́коже проро́къ глаго́летъ: / человѣ́къ сїѧ̑ не про́йдетъ когда̀, / то́кмѡ є҆ди́нъ гдⷭ҇ь бг҃ъ і҆и҃левъ, / и҆мѣ́ѧй ве́лїю ми́лость."
 },
 {
  "type": "HEADER",
  "value": "На стїхо́внѣ стїхи́ра воскре́сна, гла́съ є҃:"
 },
 {
  "type": "TEXT",
  "value": "Т ебѐ воплоще́ннаго сп҃са хрⷭ҇та̀, / и҆ нб҃съ не разлꙋчи́вшасѧ, / во гла́сѣхъ пѣ́нїй велича́емъ: / ꙗ҆́кѡ крⷭ҇тъ и҆ сме́рть прїѧ́лъ є҆сѝ за ро́дъ на́шъ, / ꙗ҆́кѡ чл҃вѣколю́бецъ гдⷭ҇ь, / и҆спрове́ргїй а҆́дѡва врата̀, / тридне́внѡ воскре́слъ є҆сѝ, / сп҃са́ѧ дꙋ́шы на́шѧ."
 },
 {
  "type": "HEADER",
  "value": "Та́же настоѧ́щыѧ стїхи̑ры подо́бны, прест҃ы́ѧ бцⷣы, гла́съ є҃. Подо́бенъ: Ра́дꙋйсѧ по́стникѡмъ:"
 },
 {
  "type": "TEXT",
  "value": "Сті́хъ: Помѧнꙋ̀ и҆́мѧ твоѐ / во всѧ́комъ ро́дѣ и҆ ро́дѣ."
 },
 {
  "type": "TEXT",
  "value": "Р а́дꙋйсѧ проро́кѡвъ печа́те, / бг҃оглаго́ливыхъ а҆пⷭ҇лѡвъ проповѣ́данїе: / бг҃а бо вои́стиннꙋ сꙋ́щаго, / воплоще́на на́мъ па́че ᲂу҆ма̀ и҆ сло́ва, родила̀ є҆сѝ. / и҆́мже дре́внее воспрїи́мше благоро́дїе, / и҆ ра́йскїѧ сла́дости ᲂу҆лꙋчи́вше / тебѐ вино́вницꙋ сицевы́ѧ свѣ́тлости пѣ́сньми почита́емъ: / и҆ моли́твенницею благопрїѧ́тною тобо́ю всест҃а́ѧ богатѧ́щесѧ, / присносꙋ́щнагѡ полꙋче́нїѧ жи́зни сн҃а твоегѡ̀, / подаю́щагѡ бога́тнѡ ве́лїю ми́лость."
 },
 {
  "type": "TEXT",
  "value": "Сті́хъ: Слы́ши дщѝ и҆ ви́ждь, / и҆ приклонѝ ᲂу҆́хо твоѐ."
 },
 {
  "type": "TEXT",
  "value": "Р а́дꙋйсѧ слове́сное нб҃о, / въ не́мже бг҃ъ воплоти́всѧ всели́сѧ, / рꙋ́чко бж҃е́ственныѧ ма́нны, свѣ́щниче со́лнца, бж҃їѧ горо̀ прїѡсѣне́ннаѧ, / черто́же бг҃овмѣсти́тельный, живопода́тельнаѧ трапе́зо, / златы́й свѣти́льникъ, свѣтоно́сный раю̀, / кꙋпино̀ неѡпали́маѧ, ковче́же ст҃ы́ни, / лѣ́ствице нбⷭ҇наѧ, ѻ҆́блаче ѡ҆дꙋшевле́нный, / же́зле ѿ ко́рене дв҃о і҆ессе́ова возра́стшаѧ: / хрⷭ҇та̀ молѝ, / дꙋша́мъ на́шымъ да́тисѧ ве́лїей ми́лости."
 },
 {
  "type": "TEXT",
  "value": "Сті́хъ: Лицꙋ̀ твоемꙋ̀ помо́лѧтсѧ / бога́тїи лю́дстїи."
 },
 {
  "type": "TEXT",
  "value": "Р а́дꙋйсѧ сн҃а бж҃їѧ несказа́ннѡ заче́ншаѧ всенепоро́чнаѧ, / и҆ сего̀ ро́ждшаѧ, / пло́ть по на́мъ вои́стиннꙋ ѿ крове́й твои́хъ прїи́мшаго, / дꙋ́шꙋ ᲂу҆́мнꙋю же и҆ самовла́стнꙋю и҆мꙋ́щаго, / неѡскꙋ́днѡ же во а҆да́ма ѡ҆бле́кшагосѧ, / ми́лости ра́ди и҆ бла́гости неизрече́нныѧ, / ѿѻнꙋ́дꙋже во двою̀ є҆стествꙋ̀ на́мъ возвѣща́етсѧ, / ѻ҆бо́ихъ показꙋ́ѧ въ себѣ̀ дѣ́йство, хрⷭ҇то́съ: / є҆го́же молѝ, пою́щымъ тѧ̀ / да́ти ве́лїю ми́лость."
 },
 {
  "type": "TEXT",
  "value": "Сла́ва, гла́съ и҃: Пра́вды со́лнце мы́сленное хрⷭ҇тѐ бж҃е, / и҆з̾ ᲂу҆тро́бы свѣ́та лише́ннагѡ, / твои́мъ пречи́стымъ прикоснове́нїемъ просвѣти́вшее ѻ҆бою́дꙋ, / и҆ на́шѧ ѻ҆́чи дꙋшє́вныѧ ѡ҆зари́вшее, / сы́ны днѐ покажѝ, / да вѣ́рою вопїе́мъ тѝ: / мно́гое твоѐ и҆ неизрече́нное, є҆́же на на́съ благоꙋтро́бїе, / человѣколю́бче, сла́ва тебѣ̀."
 },
 {
  "type": "TEXT",
  "value": "И҆ ны́нѣ: гла́съ є҃: Хра́мъ и҆ две́рь є҆сѝ, / пала́та и҆ прⷭ҇то́лъ цр҃е́въ, / дв҃о всечⷭ҇тна́ѧ, / є҆́юже и҆зба́витель мо́й, хрⷭ҇то́съ гдⷭ҇ь, / во тьмѣ̀ спѧ́щымъ ꙗ҆ви́сѧ, / сл҃нце сы́й пра́вды, / просвѣти́ти хотѧ̀, ꙗ҆̀же созда̀ по ѡ҆́бразꙋ своемꙋ̀ рꙋко́ю свое́ю. / тѣ́мже всепѣ́таѧ, / ꙗ҆́кѡ мт҃рне дерзнове́нїе къ немꙋ̀ стѧжа́вшаѧ, / непреста́ннѡ молѝ / сп҃сти́сѧ дꙋша́мъ на́шымъ."
 },
 {
  "type": "HEADER",
  "value": "По трист҃о́мъ тропа́рь, гла́съ є҃:"
 },
 {
  "type": "TEXT",
  "value": "С обезнача́льное сло́во ѻ҆ц҃ꙋ̀ и҆ дх҃ови, / ѿ дв҃ы ро́ждшеесѧ на сп҃се́нїе на́ше, / воспои́мъ вѣ́рнїи и҆ поклони́мсѧ: / ꙗ҆́кѡ бл҃говолѝ пло́тїю взы́ти на крⷭ҇тъ, / и҆ сме́рть претерпѣ́ти, / и҆ воскр҃си́ти ᲂу҆ме́ршыѧ / сла́внымъ воскрⷭ҇нїемъ свои́мъ."
 },
 {
  "type": "TEXT",
  "value": "И҆ про́чее ѻ҆бы́чнѡ."
 },
 {
  "type": "HEADER",
  "value": "На вели́цѣй вече́рни."
 },
 {
  "type": "TEXT",
  "value": "Поста́вимъ стїхѡ́въ і҃. И҆ пое́мъ стїхи̑ры воскре́сны г҃, восто́чны д҃, и҆ два̀ самогла́сна ѡ҆ слѣпцѣ̀, повторѧ́юще є҆ди́нъ."
 },
 {
  "type": "HEADER",
  "value": "Стїхи̑ры воскре́сны, гла́съ є҃:"
 },
 {
  "type": "TEXT",
  "value": "Чⷭ҇ тны́мъ твои́мъ крⷭ҇то́мъ хрⷭ҇тѐ, / дїа́вола посрами́лъ є҆сѝ, / и҆ воскрⷭ҇нїемъ твои́мъ жа́ло грѣхо́вное притꙋпи́лъ є҆сѝ, / и҆ сп҃слъ є҆сѝ ны̀ ѿ вра́тъ сме́ртныхъ: / сла́вимъ тѧ̀ є҆диноро́дне."
 },
 {
  "type": "TEXT",
  "value": "В оскрⷭ҇нїе даѧ́й ро́дꙋ человѣ́ческомꙋ, / ꙗ҆́кѡ ѻ҆вча̀ на заколе́нїе веде́сѧ: / ᲂу҆страши́шасѧ сегѡ̀ кнѧ́зи а҆́дстїи, / и҆ взѧ́шасѧ врата̀ плачє́внаѧ. / вни́де бо цр҃ь сла́вы хрⷭ҇то́съ, / глаго́лѧ сꙋ́щымъ во ᲂу҆́захъ, и҆зыди́те: / и҆ сꙋ́щымъ во тьмѣ̀, ѿкры́йтесѧ."
 },
 {
  "type": "TEXT",
  "value": "В е́лїе чꙋ́до, / неви́димыхъ содѣ́тель, за чл҃вѣколю́бїе пло́тїю пострада́въ, / воскр҃се безсме́ртный, / прїиди́те ѻ҆те́чєствїѧ ꙗ҆зы̑къ, томꙋ̀ поклони́мсѧ: / бл҃гоꙋтро́бїемъ бо є҆гѡ̀ ѿ пре́лести и҆зба́вльшесѧ, / въ трїе́хъ ѵ҆поста́сѣхъ є҆ди́наго бг҃а пѣ́ти навыко́хомъ."
 },
 {
  "type": "HEADER",
  "value": "И҆́ны стїхи̑ры а҆нато́лїевы, гла́съ то́йже:"
 },
 {
  "type": "TEXT",
  "value": "В ече́рнее поклоне́нїе / прино́симъ тебѣ̀ невече́рнемꙋ свѣ́тꙋ, / на коне́цъ вѣкѡ́въ, ꙗ҆́кѡ въ зерца́лѣ пло́тїю возсїѧ́вшемꙋ мі́рови, / и҆ да́же до а҆́да низше́дшемꙋ, / и҆ та́мѡ сꙋ́щꙋю тьмꙋ̀ разрꙋши́вшемꙋ, / и҆ свѣ́тъ воскрⷭ҇нїѧ ꙗ҆зы́кѡмъ показа́вшемꙋ: / свѣтода́вче гдⷭ҇и сла́ва тебѣ̀."
 },
 {
  "type": "TEXT",
  "value": "Н ача́льника сп҃се́нїѧ на́шегѡ, / хрⷭ҇та̀ славосло́вимъ: / томꙋ́ бо и҆з̾ ме́ртвыхъ воскрⷭ҇шꙋ, / мі́ръ ѡ҆ пре́лести сп҃се́нъ бы́сть. / ра́дꙋетсѧ ли́къ а҆́гг҃льскїй, / бѣ́гаетъ де́монѡвъ пре́лесть, / а҆да́мъ пады́й воста̀, / дїа́волъ ᲂу҆праздни́сѧ."
 },
 {
  "type": "TEXT",
  "value": "И҆̀ же ѿ кꙋстѡді́и наꙋче́ни быва́хꙋ ѿ беззакѡ́нникъ, / покры́йте хрⷭ҇то́во воста́нїе, / и҆ прїими́те сре́бреники, и҆ рцы́те / ꙗ҆́кѡ на́мъ спѧ́щымъ, и҆з̾ гро́ба ᲂу҆кра́денъ бы́сть ме́ртвый. / кто̀ ви́дѣ, кто̀ слы́ша, мертвеца̀ ᲂу҆кра́дена когда̀, / па́че же пома́зана и҆ на́га, / ѡ҆ста́вльша и҆ во гро́бѣ погреба̑льнаѧ своѧ̑; / не прельща́йтесѧ і҆ꙋде́є, навы́кните рече́нїємъ прⷪ҇ро́чєскимъ, и҆ ᲂу҆разꙋмѣ́йте, / ꙗ҆́кѡ то́й є҆́сть вои́стиннꙋ и҆зба́витель мі́ра, и҆ всеси́льный."
 },
 {
  "type": "TEXT",
  "value": "Г дⷭ҇и, а҆́дъ плѣни́вый, / и҆ сме́рть попра́вый сп҃се на́шъ, / просвѣти́вый мі́ръ крⷭ҇то́мъ чⷭ҇тны́мъ, / поми́лꙋй на́съ."
 },
 {
  "type": "HEADER",
  "value": "И҆́ны стїхи̑ры самогла́сны, ѡ҆ слѣпо́мъ. Гла́съ в҃:"
 },
 {
  "type": "TEXT",
  "value": "С лѣпы́й роди́выйсѧ, въ свое́мъ по́мыслѣ глаго́лаше: / є҆да̀ а҆́зъ грѣ̑хъ ра́ди роди́тельныхъ роди́хсѧ без̾ ѻ҆́чїю; / є҆да̀ а҆́зъ за невѣ́рїе ꙗ҆зы́кѡвъ роди́хсѧ во ѡ҆бличе́нїе; / не домышлѧ́юсѧ вопроша́ти, / когда̀ но́щь, когда̀ де́нь; / не терпи́та мѝ но́зѣ ка́меннагѡ претыка́нїѧ, / не ви́дѣхъ бо сл҃нца сїѧ́юща, / нижѐ во ѻ҆́бразѣ менѐ созда́вшаго. / но молю́ ти сѧ хрⷭ҇тѐ бж҃е, / при́зри на мѧ̀ и҆ поми́лꙋй мѧ̀. [Два́жды]."
 },
 {
  "type": "TEXT",
  "value": "М имоходѧ̀ і҆и҃съ ѿ свѧти́лища, / ѡ҆брѣ́те человѣ́ка слѣ́па ѿ рожде́нїѧ, / и҆ ᲂу҆милосе́рдивсѧ положѝ бре́нїе на ѻ҆́чїю є҆гѡ̀, и҆ речѐ къ немꙋ̀: / и҆дѝ ᲂу҆мы́йсѧ въ сїлѡа́мѣ, / и҆ ᲂу҆мы́всѧ прозрѣ̀, сла́вꙋ возсыла́ѧ бг҃ꙋ. / сосѣ́ди же є҆гѡ̀ глаго́лахꙋ є҆мꙋ̀: / кто̀ твоѝ зѣ́ницы ѿве́рзе, / и҆̀хже никто́же ѿ зрѧ́щихъ и҆сцѣли́ти возмо́же; / ѻ҆́нъ же возопи́въ, речѐ: / человѣ́къ і҆и҃съ глаго́лемый, / ѻ҆́нъ мѝ речѐ, ᲂу҆мы́йсѧ въ сїлѡа́мѣ, и҆ прозрѣ́хъ. / то́й є҆́сть вои́стиннꙋ, / є҆го́же речѐ мѡѷсе́й зако́нѣ, хрⷭ҇та̀ мессі́ю: / то́й є҆́сть сп҃съ дꙋ́шъ на́шихъ."
 },
 {
  "type": "TEXT",
  "value": "Сла́ва, гла́съ є҃: Гдⷭ҇и, мимоходѧ̀ пꙋте́мъ, / ѡ҆брѣ́лъ є҆сѝ человѣ́ка слѣ́па ѿ рожде́нїѧ, / и҆ ᲂу҆дивле́ни бы́вше ᲂу҆ченицы̀, вопроша́хꙋ тѧ̀ глаго́люще: / ᲂу҆чи́телю, кто̀ согрѣшѝ: се́й ли, / и҆лѝ роди́тели є҆гѡ̀, да слѣ́пъ роди́сѧ; / ты́ же сп҃се мо́й возопи́лъ є҆сѝ къ ни́мъ: / ни се́й согрѣшѝ, ни роди́тели є҆гѡ̀, / но да ꙗ҆вѧ́тсѧ дѣла̀ бж҃їѧ на не́мъ. / мнѣ̀ подоба́етъ дѣ́лати дѣла̀ посла́вшагѡ мѧ̀, / ꙗ҆̀же никто́же мо́жетъ дѣ́лати. / и҆ сїѧ̑ ре́къ, плю́нꙋвъ до́лꙋ, и҆ бре́нїе сотво́рь, / пома́залъ є҆сѝ ѻ҆́чи є҆гѡ̀, ре́къ къ немꙋ̀: / и҆дѝ, ᲂу҆мы́йсѧ въ сїлѡа́мстѣй кꙋпѣ́ли. / ѻ҆́нъ же ᲂу҆мы́всѧ здра́въ бы́сть, и҆ вопїѧ́ше къ тебѣ̀: / вѣ́рꙋю гдⷭ҇и, и҆ поклони́сѧ тебѣ̀. / тѣ́мже вопїе́мъ и҆ мы̀, поми́лꙋй на́съ."
 },
 {
  "type": "HEADER",
  "value": "И҆ ны́нѣ, бг҃оро́диченъ: Въ чермнѣ́мъ мо́ри, / неискꙋсобра́чныѧ невѣ́сты ѡ҆́бразъ написа́сѧ и҆ногда̀: / та́мѡ мѡѷсе́й, раздѣли́тель воды̀: / здѣ́ же гаврїи́лъ, слꙋжи́тель чꙋдесѐ. / тогда̀ глꙋбинꙋ̀ ше́ствова немо́креннѡ і҆и҃ль: / ны́нѣ же хрⷭ҇та̀ родѝ безсѣ́меннѡ дв҃а. / мо́ре по проше́ствїи і҆и҃левѣ, пребы́сть непрохо́дно: / непоро́чнаѧ по ржⷭ҇твѣ̀ є҆мманꙋ́илевѣ, пребы́сть нетлѣ́нна. / сы́й, и҆ пре́жде сы́й, / ꙗ҆вле́йсѧ ꙗ҆́кѡ чл҃вѣ́къ, / бж҃е поми́лꙋй на́съ."
 },
 {
  "type": "TEXT",
  "value": "Вхо́дъ. Прокі́менъ днѐ."
 },
 {
  "type": "HEADER",
  "value": "На лїті́и стїхи́ра хра́ма."
 },
 {
  "type": "TEXT",
  "value": "Сла́ва, гла́съ д҃: Всѐ житїѐ слѣпы́й но́щь помышлѧ́ѧ, / возопѝ къ тебѣ̀: / гдⷭ҇и, ѿве́рзи мѝ зѣ̑ницы, / сн҃е дв҃довъ сп҃се на́шъ, / да со всѣ́ми и҆ а҆́зъ воспою̀ твою̀ си́лꙋ."
 },
 {
  "type": "TEXT",
  "value": "И҆ ны́нѣ: бг҃оро́диченъ, гла́съ то́йже: При́зри на молє́нїѧ твои́хъ ра̑бъ всенепоро́чнаѧ, / ᲂу҆толѧ́ющи лю̑таѧ на ны̀ воста̑нїѧ, / всѧ́кїѧ ско́рби на́съ и҆змѣнѧ́ющи: / тѧ́ бо є҆ди́нꙋ тве́рдое и҆ и҆звѣ́стное ᲂу҆твержде́нїе и҆́мамы, / и҆ твоѐ предста́тельство стѧжа́хомъ, / да не постыди́мсѧ влⷣчце, тѧ̀ призыва́ющїи. / потщи́сѧ на ᲂу҆моле́нїе тебѣ̀ вѣ́рнѡ вопїю́щихъ: / ра́дꙋйсѧ влⷣчце, всѣ́хъ по́моще, / ра́досте и҆ покро́ве, / и҆ спасе́нїе дꙋ́шъ на́шихъ."
 },
 {
  "type": "HEADER",
  "value": "На стїхо́внѣ стїхи́ра воскре́сна, гла́съ є҃:"
 },
 {
  "type": "TEXT",
  "value": "Т ебѐ воплоще́ннаго сп҃са хрⷭ҇та̀, / и҆ нб҃съ не разлꙋчи́вшасѧ, / во гла́сѣхъ пѣ́нїй велича́емъ: / ꙗ҆́кѡ крⷭ҇тъ и҆ сме́рть прїѧ́лъ є҆сѝ за ро́дъ на́шъ, / ꙗ҆́кѡ чл҃вѣколю́бецъ гдⷭ҇ь, / и҆спрове́ргїй а҆́дѡва врата̀, / тридне́внѡ воскре́слъ є҆сѝ, / сп҃са́ѧ дꙋ́шы на́шѧ."
 },
 {
  "type": "HEADER",
  "value": "Та́же стїхи̑ры па́сцѣ, съ припѣ́вы и҆́хъ. Гла́съ є҃."
 },
 {
  "type": "TEXT",
  "value": "Сті́хъ: Да воскре́снетъ бг҃ъ, / и҆ расточа́тсѧ вразѝ є҆гѡ̀."
 },
 {
  "type": "TEXT",
  "value": "П а́сха / сщ҃е́ннаѧ на́мъ дне́сь показа́сѧ: / па́сха но́ва ст҃а́ѧ: / па́сха та́инственнаѧ: / па́сха всечестна́ѧ: / па́сха хрⷭ҇то́съ и҆зба́витель: / па́сха непоро́чнаѧ: / па́сха вели́каѧ: / па́сха вѣ́рныхъ: / па́сха двє́ри ра̑йскїѧ на́мъ ѿверза́ющаѧ: / па́сха всѣ́хъ ѡ҆свѧща́ющаѧ вѣ́рныхъ."
 },
 {
  "type": "TEXT",
  "value": "Сті́хъ: Ꙗ҆́кѡ и҆счеза́етъ ды́мъ, / да и҆сче́знꙋтъ."
 },
 {
  "type": "TEXT",
  "value": "П рїиди́те / ѿ видѣ́нїѧ жєны̀ бл҃говѣ̑стницы, / и҆ сїѡ́нꙋ рцы́те: / прїимѝ / ѿ на́съ ра́дости бл҃говѣ́щенїѧ, воскресе́нїѧ хрⷭ҇то́ва: / красꙋ́йсѧ, ликꙋ́й, / и҆ ра́дꙋйсѧ і҆ерꙋсали́ме, / цр҃ѧ̀ хрⷭ҇та̀ ᲂу҆зрѣ́въ и҆з̾ гро́ба, / ꙗ҆́кѡ жениха̀ происходѧ́ща."
 },
 {
  "type": "TEXT",
  "value": "Сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ."
 },
 {
  "type": "TEXT",
  "value": "М ѷронѡ́сицы жєны̀, / ᲂу҆́трꙋ глꙋбокꙋ̀, / предста́вшѧ гро́бꙋ живода́вца, / ѡ҆брѣто́ша а҆́гг҃ла / на ка́мени сѣдѧ́ща, / и҆ то́й провѣща́въ и҆̀мъ / си́це глаго́лаше: / что̀ и҆́щете жива́гѡ съ ме́ртвыми; / что̀ пла́чете нетлѣ́ннагѡ во тлѝ; / ше́дше проповѣ́дите ᲂу҆ченикѡ́мъ є҆гѡ̀."
 },
 {
  "type": "TEXT",
  "value": "Сті́хъ: Се́й де́нь, є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь."
 },
 {
  "type": "TEXT",
  "value": "П а́сха кра́снаѧ, / па́сха, гдⷭ҇нѧ па́сха, / па́сха всечестна́ѧ / на́мъ возсїѧ̀. па́сха, / ра́достїю дрꙋ́гъ дрꙋ́га ѡ҆б̾и́мемъ. / ѽ па́сха! / и҆збавле́нїе ско́рби, / и҆́бо и҆з̾ гро́ба дне́сь / ꙗ҆́кѡ ѿ черто́га / возсїѧ́въ хрⷭ҇то́съ, / жєны̀ ра́дости и҆спо́лни глаго́лѧ: / проповѣ́дите а҆пⷭ҇лѡмъ."
 },
 {
  "type": "TEXT",
  "value": "Сла́ва, гла́съ и҃: Пра́вды сл҃нце мы́сленное хрⷭ҇тѐ бж҃е, / и҆з̾ ᲂу҆тро́бы свѣ́та лише́ннаго, / твои́мъ пречи́стымъ прикоснове́нїемъ просвѣти́вшее ѻ҆бою́дꙋ, / и҆ на́ши ѻ҆́чи дꙋшє́вныѧ ѡ҆зари́вшее, / сы́ны днѐ покажѝ, / да вѣ́рою вопїе́мъ тѝ: / мно́гое твоѐ и҆ неизрече́нное, є҆́же на на́съ бл҃гоꙋтро́бїе, / человѣколю́бче, сла́ва тебѣ̀."
 },
 {
  "type": "TEXT",
  "value": "И҆ ны́нѣ, гла́съ є҃: Воскрⷭ҇нїѧ де́нь, / и҆ просвѣти́мсѧ торжество́мъ, / и҆ дрꙋ́гъ дрꙋ́га ѡ҆б̾и́мемъ. / рце́мъ бра́тїе, / и҆ ненави́дѧщымъ на́съ, / прости́мъ всѧ̑ воскрⷭ҇нїемъ, / и҆ та́кѡ возопїи́мъ: / хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
 },
 {
  "type": "TEXT",
  "value": "И҆ про́чее, ꙗ҆́коже предписа́сѧ въ мимоше́дшыѧ недѣ́ли."
 },
 {
  "type": "HEADER",
  "value": "Та́же ѿпꙋсти́тельный тропа́рь, гла́съ є҃:"
 },
 {
  "type": "TEXT",
  "value": "С обезнача́льное сло́во ѻ҆ц҃ꙋ̀ и҆ дх҃ови, / ѿ дв҃ы ро́ждшеесѧ на сп҃се́нїе на́ше, / воспои́мъ вѣ́рнїи и҆ поклони́мсѧ: / ꙗ҆́кѡ бл҃говолѝ пло́тїю взы́ти на крⷭ҇тъ, / и҆ сме́рть претерпѣ́ти, / и҆ воскр҃си́ти ᲂу҆ме́ршыѧ / сла́внымъ воскрⷭ҇нїемъ свои́мъ."
 },
 {
  "type": "TEXT",
  "value": "Бг҃оро́диченъ: Ра́дꙋйсѧ две́ре гдⷭ҇нѧ непроходи́маѧ: / ра́дꙋйсѧ стѣно̀ и҆ покро́ве притека́ющихъ къ тебѣ̀. / ра́дꙋйсѧ, неѡбꙋрева́емое приста́нище, и҆ неискꙋсобра́чнаѧ, / ро́ждшаѧ пло́тїю творца̀ твоего̀ и҆ бг҃а: / молѧ́щи не ѡ҆скꙋдѣва́й ѡ҆ воспѣва́ющихъ, / и҆ кла́нѧющихсѧ ржⷭ҇твꙋ̀ твоемꙋ̀."
 },
 {
  "type": "TEXT",
  "value": "Въ недѣ́лю на полꙋ́нощницѣ пое́мъ канѡ́нъ тро́иченъ во ѻ҆ктѡ́ихѣ гла́са. Та́же, Досто́йно є҆́сть: и҆ про́чее, ꙗ҆́кѡ ѻ҆бы́чай, и҆ ѿпꙋ́стъ."
 },
 {
  "type": "HEADER",
  "value": "На ᲂу҆́трени."
 },
 {
  "type": "HEADER",
  "value": "На Бг҃ъ гдⷭ҇ь: тропа́рь воскре́сенъ, два́жды, гла́съ є҃:"
 },
 {
  "type": "TEXT",
  "value": "С обезнача́льное сло́во ѻ҆ц҃ꙋ̀ и҆ дх҃ови, / ѿ дв҃ы ро́ждшеесѧ на сп҃се́нїе на́ше, / воспои́мъ вѣ́рнїи и҆ поклони́мсѧ: / ꙗ҆́кѡ бл҃говолѝ пло́тїю взы́ти на крⷭ҇тъ, / и҆ сме́рть претерпѣ́ти, / и҆ воскр҃си́ти ᲂу҆ме́ршыѧ / сла́внымъ воскрⷭ҇нїемъ свои́мъ."
 },
 {
  "type": "TEXT",
  "value": "Сла́ва, и҆ ны́нѣ, бг҃оро́диченъ: Ра́дꙋйсѧ две́ре гдⷭ҇нѧ непроходи́маѧ: / ра́дꙋйсѧ стѣно̀ и҆ покро́ве притека́ющихъ къ тебѣ̀. / ра́дꙋйсѧ, неѡбꙋрева́емое приста́нище, и҆ неискꙋсобра́чнаѧ, / ро́ждшаѧ пло́тїю творца̀ твоего̀ и҆ бг҃а: / молѧ́щи не ѡ҆скꙋдѣва́й ѡ҆ воспѣва́ющихъ, / и҆ кла́нѧющихсѧ ржⷭ҇твꙋ̀ твоемꙋ̀."
 },
 {
  "type": "HEADER",
  "value": "По а҃-мъ стїхосло́вїи, сѣда́льны воскре́сны, гла́съ є҃:"
 },
 {
  "type": "TEXT",
  "value": "К рⷭ҇тъ гдⷭ҇ень похва́лимъ, / погребе́нїе ст҃о́е пѣ́сньми почти́мъ, / и҆ воскрⷭ҇нїе є҆гѡ̀ препросла́вимъ: / ꙗ҆́кѡ совозста́ви мє́ртвыѧ ѿ грѡ́бъ ꙗ҆́кѡ бг҃ъ, / плѣни́въ сме́рти держа́вꙋ, и҆ крѣ́пость дїа́волю, / и҆ сꙋ́щымъ во а҆́дѣ свѣ́тъ возсїѧ̀."
 },
 {
  "type": "TEXT",
  "value": "Сті́хъ: Воскрⷭ҇нѝ гдⷭ҇и бж҃е мо́й, да вознесе́тсѧ рꙋка̀ твоѧ̀, / не забꙋ́ди ᲂу҆бо́гихъ твои́хъ до конца̀."
 },
 {
  "type": "TEXT",
  "value": "Г дⷭ҇и ме́ртвъ наре́клсѧ є҆сѝ, ᲂу҆мертви́вый сме́рть, / во гро́бѣ положи́лсѧ є҆сѝ, и҆стощи́вый гро́бы: / горѣ̀ во́ини гро́ба стрежа́хꙋ, / до́лѣ ѿ вѣ́ка мє́ртвыѧ воскр҃си́лъ є҆сѝ. / всеси́льне и҆ непостижи́ме гдⷭ҇и, сла́ва тебѣ̀."
 },
 {
  "type": "TEXT",
  "value": "Сла́ва, и҆ ны́нѣ, бг҃оро́диченъ: Ра́дꙋйсѧ ст҃а́ѧ горо̀ и҆ бг҃опрохо́днаѧ, / ра́дꙋйсѧ ѡ҆дꙋшевле́ннаѧ кꙋпино̀ и҆ неѡпали́маѧ. / ра́дꙋйсѧ є҆ди́на къ бг҃ꙋ мі́рови мо́сте, / преводѧ́й мє́ртвыѧ къ вѣ́чномꙋ животꙋ̀. / ра́дꙋйсѧ нетлѣ́ннаѧ ѻ҆трокови́це, / неискꙋсомꙋ́жнѡ ро́ждшаѧ сп҃се́нїе дꙋ́шъ на́шихъ."
 },
 {
  "type": "HEADER",
  "value": "По в҃-мъ стїхосло́вїи сѣда́ленъ, гла́съ є҃:"
 },
 {
  "type": "TEXT",
  "value": "Г дⷭ҇и, посредѣ́ тѧ ѡ҆сꙋжде́нныхъ пригвозди́ша беззако́ннїи, / и҆ копїе́мъ ребро̀ твоѐ прободо́ша, / ѽ ми́лостиве! / погребе́нїе бо прїѧ́лъ є҆сѝ, / разрꙋши́вый а҆́дова врата̀, и҆ воскрⷭ҇лъ є҆сѝ тридне́внѡ: / притеко́ша жєны̀ ви́дѣти тѧ̀, и҆ возвѣсти́ша а҆пⷭ҇лѡмъ воста́нїе. / превозноси́мый сп҃се є҆го́же пою́тъ а҆́гг҃ли, бл҃гослове́нный гдⷭ҇и, сла́ва тебѣ̀."
 },
 {
  "type": "TEXT",
  "value": "Сті́хъ: И҆сповѣ́мсѧ тебѣ̀ гдⷭ҇и, всѣ́мъ се́рдцемъ мои́мъ, / повѣ́мъ всѧ̑ чꙋдеса̀ твоѧ̑."
 },
 {
  "type": "TEXT",
  "value": "С тра́нное твоѐ сп҃се мо́й, та́инство, мі́рови спасе́нїе бы́сть: / воскре́съ бо ѿ гро́ба бг҃олѣ́пнѡ, / и҆стлѣ́вшихъ совоздви́глъ є҆сѝ ꙗ҆́кѡ бг҃ъ, / всѣ́хъ животѐ, гдⷭ҇и сла́ва тебѣ̀."
 },
 {
  "type": "TEXT",
  "value": "Сла́ва, и҆ ны́нѣ, бг҃оро́диченъ: Неискꙋсобра́чнаѧ мт҃и, бг҃ороди́тельнице / чи́стаѧ, є҆́ѵинꙋ печа́ль ѡ҆бра́довавшаѧ, / воспѣва́емъ вѣ́рнїи, и҆ покланѧ́емсѧ тебѣ̀, / ꙗ҆́кѡ возвела̀ є҆сѝ на́съ ѿ дре́внїѧ клѧ́твы: / и҆ ны́нѣ молѝ непреста́ннѡ, всепѣ́таѧ, прест҃а́ѧ, / во є҆́же сп҃сти́сѧ на́мъ."
 },
 {
  "type": "TEXT",
  "value": "И҆ чте́нїе въ толкова́нїи є҆ѵⷢ҇лїа, є҆́же ѿ і҆ѡа́нна, сло́во н҃ѕ, н҃з, и҆ н҃и: По непоро́чнахъ тропарѝ: А҆́гг҃льскїй собо́ръ: и҆ про́чее ꙗ҆́кѡ ѻ҆бы́чно."
 },
 {
  "type": "HEADER",
  "value": "И҆ а҆́бїе ѵ҆пакоѝ, гла́съ є҃:"
 },
 {
  "type": "TEXT",
  "value": "А҆́ гг҃льскимъ зра́комъ ᲂу҆́мъ смꙋща́ющѧ, / и҆ бж҃е́ственнымъ воста́нїемъ дꙋше́ю просвѣща́емы, / мѷронѡ́сицы а҆пⷭ҇лѡмъ бл҃говѣствова́хꙋ: / возвѣсти́те во ꙗ҆зы́цѣхъ воскрⷭ҇нїе, / гдⷭ҇ꙋ содѣ́йствꙋющꙋ чꙋдесы̀, / подаю́щемꙋ на́мъ ве́лїю млⷭ҇ть."
 },
 {
  "type": "HEADER",
  "value": "Степє́нна, гла́съ є҃. А҆нтїфѡ́нъ а҃:"
 },
 {
  "type": "TEXT",
  "value": "В негда̀ скорбѣ́ти мнѣ̀, / даві́дски пою̀ тебѣ̀ сп҃се мо́й: / и҆зба́ви дꙋ́шꙋ мою̀ ѿ ѧ҆зы́ка льсти́вагѡ."
 },
 {
  "type": "TEXT",
  "value": "П ꙋсты̑ннымъ живо́тъ бл҃же́нъ є҆́сть, / бж҃е́ственнымъ раче́нїемъ воскрилѧ́ющымсѧ."
 },
 {
  "type": "TEXT",
  "value": "Сла́ва: Ст҃ы́мъ дх҃омъ ѡ҆держа́тсѧ всѧ̑, / ви̑димаѧ же съ неви́димыми: / самодержа́венъ бо сы́й, / трⷪ҇цы є҆ди́нъ є҆́сть нело́жнѡ."
 },
 {
  "type": "TEXT",
  "value": "И҆ ны́нѣ, то́йже."
 },
 {
  "type": "HEADER",
  "value": "А҆нтїфѡ́нъ в҃:"
 },
 {
  "type": "TEXT",
  "value": "Н а го́ры дꙋшѐ, воздви́гнемсѧ, / грѧдѝ та́мѡ, ѿню́дꙋже по́мощь и҆́детъ."
 },
 {
  "type": "TEXT",
  "value": "Д есна́ѧ твоѧ̀ рꙋка̀, и҆ менѐ хрⷭ҇тѐ каса́ющисѧ, / ѿ ле́сти всѧ́кїѧ да сохрани́тъ."
 },
 {
  "type": "TEXT",
  "value": "Сла́ва: Ст҃о́мꙋ дх҃ꙋ бг҃осло́вѧще рце́мъ: / ты̀ є҆сѝ бг҃ъ, живо́тъ, раче́нїе, свѣ́тъ, ᲂу҆́мъ: / ты̀ бл҃госты́нѧ, ты̀ црⷭ҇твꙋеши во вѣ́ки."
 },
 {
  "type": "TEXT",
  "value": "И҆ ны́нѣ, то́йже."
 },
 {
  "type": "HEADER",
  "value": "А҆нтїфѡ́нъ г҃:"
 },
 {
  "type": "TEXT",
  "value": "Ѡ҆ ре́кшихъ мнѣ̀: во дворы̀ вни́демъ гдⷭ҇нѧ: / ра́дости мно́гїѧ и҆спо́лненъ бы́въ, мл҃твы возсыла́ю."
 },
 {
  "type": "TEXT",
  "value": "В ъ домꙋ̀ дв҃довѣ стра̑шнаѧ соверша́ютсѧ: / ѻ҆́гнь бо та́мѡ палѧ̀ всѧ́къ сра́мный ᲂу҆́мъ."
 },
 {
  "type": "TEXT",
  "value": "Сла́ва: Ст҃о́мꙋ дх҃ꙋ живонача́льное досто́инство, / ѿ негѡ́же всѧ́кое живо́тно ѡ҆дꙋшевлѧ́етсѧ, / ꙗ҆́кѡ во ѻ҆ц҃ѣ̀, кꙋ́пнѡ же и҆ сло́вѣ."
 },
 {
  "type": "TEXT",
  "value": "И҆ ны́нѣ, то́йже."
 },
 {
  "type": "HEADER",
  "value": "Прокі́менъ, гла́съ є҃:"
 },
 {
  "type": "TEXT",
  "value": "В оскреснѝ гдⷭ҇и бж҃е мо́й, да вознесе́тсѧ рꙋка̀ твоѧ̀, / ꙗ҆́кѡ ты̀ црⷭ҇твꙋеши во вѣ́ки. Сті́хъ: И҆сповѣ́мсѧ тебѣ̀ гдⷭ҇и, всѣ́мъ се́рдцемъ мои́мъ, повѣ́мъ всѧ̑ чꙋдеса̀ твоѧ̑."
 },
 {
  "type": "TEXT",
  "value": "Та́же дрꙋгі́й прокі́менъ: Всѧ́кое дыха́нїе / да хва́литъ гдⷭ҇а. Сті́хъ: Хвали́те бг҃а во ст҃ы́хъ є҆гѡ̀, хвали́те є҆го̀ во ᲂу҆твержде́нїи си́лы є҆гѡ̀."
 },
 {
  "type": "HEADER",
  "value": "Є҆ѵⷢ҇лїе і҆ѡа́нна, зача́ло ѯ҃д."
 },
 {
  "type": "TEXT",
  "value": "В о вре́мѧ ѻ҆́но, марі́а стоѧ́ше ᲂу҆ гро́ба внѣ̀ пла́чꙋщи. ꙗ҆́коже пла́кашесѧ, прини́че во гро́бъ: и҆ ви́дѣ два̀ а҆́гг҃ла въ бѣ́лыхъ ри́захъ сѣдѧ́ща, є҆ди́наго ᲂу҆ главы̀, и҆ є҆ди́наго ᲂу҆ ногꙋ̀, и҆дѣ́же бѣ̀ лежа́ло тѣ́ло і҆и҃сово. и҆ глаго́ласта є҆́й ѻ҆́на: же́но, что̀ пла́чешисѧ; глаго́ла и҆́ма, ꙗ҆́кѡ взѧ́ша гдⷭ҇а моего̀, и҆ не вѣ́мъ гдѣ̀ положи́ша є҆го̀. и҆ сїѧ̑ ре́кши, ѡ҆брати́сѧ вспѧ́ть, и҆ ви́дѣ і҆и҃са стоѧ́ща, и҆ не вѣ́дѧше, ꙗ҆́кѡ і҆и҃съ є҆́сть. глаго́ла є҆́й і҆и҃съ: же́но, что̀ пла́чеши; кого̀ и҆́щеши; ѻ҆на́ же мнѧ́щи, ꙗ҆́кѡ вертогра́дарь є҆́сть, глаго́ла є҆мꙋ̀: гдⷭ҇и, а҆́ще ты̀ є҆сѝ взѧ́лъ є҆го̀, повѣ́ждь мѝ, гдѣ̀ є҆сѝ положи́лъ є҆го̀, и҆ а҆́зъ воз̾мꙋ̀ є҆го̀. глаго́ла є҆́й і҆и҃съ: марі́е. ѻ҆на́ же ѡ҆бра́щшисѧ глаго́ла є҆мꙋ̀: раввꙋні̀, є҆́же глаго́летсѧ, ᲂу҆чи́телю. глаго́ла є҆́й і҆и҃съ: не прикаса́йсѧ мнѣ̀, не ᲂу҆́ бо взыдо́хъ ко ѻ҆ц҃ꙋ̀ моемꙋ̀. и҆ди́ же ко бра́тїи мое́й, и҆ рцы̀ и҆̀мъ: восхождꙋ̀ ко ѻ҆ц҃ꙋ̀ моемꙋ̀ и҆ ѻ҆ц҃ꙋ̀ ва́шемꙋ, и҆ бг҃ꙋ моемꙋ̀ и҆ бг҃ꙋ ва́шемꙋ. прїи́де же марі́а магдали́на повѣ́дающи ᲂу҆ченикѡ́мъ, ꙗ҆́кѡ ви́дѣ гдⷭ҇а, и҆ сїѧ̑ речѐ є҆́й."
 },
 {
  "type": "HEADER",
  "value": "Та́же глаго́лемъ три́жды:"
 },
 {
  "type": "TEXT",
  "value": "В оскресе́нїе хрⷭ҇то́во ви́дѣвше, / поклони́мсѧ ст҃о́мꙋ гдⷭ҇ꙋ і҆и҃сꙋ, / є҆ди́номꙋ безгрѣ́шномꙋ. / крⷭ҇тꙋ̀ твоемꙋ̀ покланѧ́емсѧ хрⷭ҇тѐ, / и҆ ст҃о́е воскресе́нїе твоѐ пое́мъ и҆ сла́вимъ: / ты́ бо є҆сѝ бг҃ъ на́шъ, / ра́звѣ тебѐ и҆но́гѡ не зна́емъ, / и҆́мѧ твоѐ и҆менꙋ́емъ. / прїиди́те всѝ вѣ́рнїи, / поклони́мсѧ ст҃о́мꙋ хрⷭ҇то́вꙋ воскресе́нїю: / се́ бо прїи́де крⷭ҇то́мъ ра́дость всемꙋ̀ мі́рꙋ. / всегда̀ бл҃гословѧ́ще гдⷭ҇а, / пое́мъ воскресе́нїе є҆гѡ̀: / распѧ́тїе бо претерпѣ́въ, / сме́ртїю сме́рть разрꙋшѝ."
 },
 {
  "type": "TEXT",
  "value": "Ѱало́мъ н҃. И҆ цѣлова́нїе є҆ѵⷢ҇лїа."
 },
 {
  "type": "TEXT",
  "value": "Та́же, Сла́ва: Мл҃твами а҆пⷭ҇лѡвъ, / млⷭ҇тиве, ѡ҆чи́сти / мно́жєства согрѣше́нїй на́шихъ."
 },
 {
  "type": "TEXT",
  "value": "И҆ ны́нѣ: Мл҃твами бцⷣы, / млⷭ҇тиве, ѡ҆чи́сти / мно́жєства согрѣше́нїй на́шихъ."
 },
 {
  "type": "TEXT",
  "value": "Та́же, гла́съ ѕ҃: Поми́лꙋй мѧ̀ бж҃е / по вели́цѣй млⷭ҇ти твое́й, / и҆ по мно́жествꙋ щедро́тъ твои́хъ / ѡ҆чи́сти беззако́нїе моѐ."
 },
 {
  "type": "TEXT",
  "value": "Посе́мъ стїхи́ра: Воскре́съ і҆и҃съ ѿ гро́ба, / ꙗ҆́коже проречѐ, / дадѐ на́мъ живо́тъ вѣ́чный / и҆ ве́лїю ми́лость."
 },
 {
  "type": "TEXT",
  "value": "Та́же, Спасѝ бж҃е лю́ди твоѧ̀:"
 },
 {
  "type": "TEXT",
  "value": "Канѡ́нъ па́сцѣ, со і҆рмосы̀ и҆ съ бг҃оро́дичнами на и҃: и҆ слѣпа́гѡ на ѕ҃."
 },
 {
  "type": "HEADER",
  "value": "Канѡ́нъ па́сцѣ, гла́съ а҃. Пѣ́снь а҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Воскрⷭ҇нїѧ де́нь, / просвѣти́мсѧ лю́дїе: / па́сха, гдⷭ҇нѧ па́сха! / ѿ сме́рти бо къ жи́зни, / и҆ ѿ землѝ къ нб҃сѝ, / хрⷭ҇то́съ бг҃ъ на́съ преведѐ, / побѣ́днꙋю пою́щыѧ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Ѡ҆ чи́стимъ чꙋ̑вствїѧ, и҆ ᲂу҆́зримъ / непристꙋ́пнымъ свѣ́томъ / воскресе́нїѧ, хрⷭ҇та̀ блиста́ющасѧ, / и҆ ра́дꙋйтесѧ, рекꙋ́ща / ꙗ҆́снѡ да ᲂу҆слы́шимъ, / побѣ́днꙋю пою́ще."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Н б҃са̀ ᲂу҆̀бо досто́йнѡ да веселѧ́тсѧ, / землѧ́ же да ра́дꙋетсѧ, / да пра́зднꙋетъ же мі́ръ, / ви́димый же ве́сь и҆ неви́димый: / хрⷭ҇то́съ бо воста̀, / весе́лїе вѣ́чное."
 },
 {
  "type": "HEADER",
  "value": "И҆́ный канѡ́нъ бг҃оро́диченъ, подо́бенъ. Є҆гѡ́же краестро́чїе на пе́рвыхъ тропарѣ́хъ: Ѳеофа́нꙋсъ. Гла́съ то́йже."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "Оу҆ мерщвле́нїѧ предѣ́лъ сломи́ла є҆сѝ, / вѣ́чнꙋю жи́знь ро́ждшаѧ хрⷭ҇та̀, и҆з̾ гро́ба возсїѧ́вшаго дне́сь, / дв҃о всенепоро́чнаѧ, и҆ мі́ръ просвѣти́вшаго."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "В оскре́сшаго ви́дѣвши сн҃а твоего̀ и҆ бг҃а, / ра́дꙋйсѧ со а҆пⷭ҇лы бг҃обл҃года́тнаѧ чⷭ҇таѧ: / и҆ є҆́же ра́дꙋйсѧ пе́рвѣе, ꙗ҆́кѡ всѣ́хъ ра́дости вина̀, / воспрїѧ́ла є҆сѝ, бг҃омт҃и всенепоро́чнаѧ."
 },
 {
  "type": "HEADER",
  "value": "Дрꙋгі́й канѡ́нъ слѣпа́гѡ, гла́съ є҃. Пѣ́снь а҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Зе́млю, на ню́же не возсїѧ̀, ни ви́дѣ со́лнце когда̀, / бе́зднꙋ, ю҆́же не ви́дѣ на́гꙋ широта̀ небе́снаѧ, / і҆зра́иль про́йде невла́жнѡ, гдⷭ҇и, / и҆ вве́лъ є҆сѝ є҆го̀ въ го́рꙋ ст҃ы́ни твоеѧ̀, / хва́лѧща и҆ пою́ща побѣ́днꙋю пѣ́снь."
 },
 {
  "type": "TEXT",
  "value": "Р аспѧ́тїе во́льное воспрїи́мъ сп҃се пло́тїю, / и҆сточи́лъ є҆сѝ благослове́нїе, и҆ жи́знь мі́рови влⷣко, / є҆ди́не всебл҃гослове́нне, и҆ всѣ́хъ содѣ́телю. / тѣ́мже благослови́мъ тѧ̀, пое́мъ и҆ сла́вимъ, пою́ще, / воспѣва́юще побѣ́днꙋю пѣ́снь."
 },
 {
  "type": "TEXT",
  "value": "В ъ ро́вѣ тѧ̀ преиспо́днѣйшемъ ме́ртва бы́вша хрⷭ҇тѐ, / положѝ бл҃гоѻбра́зный і҆ѡ́сифъ, / и҆ привалѝ къ две́ремъ гро́ба ка́мень, долготерпѣли́ве. / но воскре́слъ є҆сѝ сла́вне, и҆ мі́ръ совозста́вилъ є҆сѝ пою́щїй, / воспѣва́ющїй побѣ́днꙋю пѣ́снь."
 },
 {
  "type": "TEXT",
  "value": "М ѵ́ра что̀ прино́сите со слеза́ми вы̀, / глаго́лаше честны̑мъ жена́мъ а҆́гг҃лъ ꙗ҆вле́йсѧ; / хрⷭ҇то́съ воста̀: / те́кше рцы́те бг҃ови́дцємъ ᲂу҆ченикѡ́мъ, рыда́ющымъ и҆ пла́чꙋщымъ, / ꙗ҆́кѡ да взыгра́ютъ и҆ ликовствꙋ́ютъ свѣ́тлѡ."
 },
 {
  "type": "TEXT",
  "value": "Ч ꙋдеса̀ пресла̑внаѧ сотворѧ́ѧ, и҆зба́витель / и҆сцѣлѝ и҆ слѣ́па ѿ рожде́нїѧ, / бре́нїемъ пома́завъ, и҆ ре́къ: / и҆дѝ ᲂу҆мы́йсѧ въ сїлѡа́мѣ, / ꙗ҆́кѡ да позна́еши мѧ̀ бг҃а / по землѝ ше́ствꙋюща, пло́ть носѧ́ща, / за милосе́рдїе щедро́тъ."
 },
 {
  "type": "HEADER",
  "value": "Сла́ва, трⷪ҇ченъ: Є҆ди́но трїѷпоста́сное сꙋщество̀ почита́юще вѣ́рнїи, / просла́вимъ ѻ҆ц҃а̀, и҆ сн҃а, и҆ дх҃а пра́ваго, / творца̀, и҆ гдⷭ҇а, и҆ и҆зба́вителѧ всѣ́хъ, є҆ди́наго несозда́ннаго бг҃а, / со безпло́тными взыва́юще: / ст҃ъ, ст҃ъ, ст҃ъ є҆сѝ цр҃ю̀."
 },
 {
  "type": "HEADER",
  "value": "И҆ ны́нѣ, бг҃оро́диченъ: Во ᲂу҆тро́бꙋ неискꙋсобра́чнꙋю твою̀ / всели́сѧ чи́стаѧ гдⷭ҇ь, за милосе́рдїе щедро́тъ, / спастѝ хотѧ̀ человѣ́ка и҆стлѣ́вшаго козньмѝ вра́жїими. / того̀ ᲂу҆́бѡ молѝ, гра́дъ се́й спастѝ / ѿ всѧ́кагѡ плѣне́нїѧ, и҆ врагѡ́въ наше́ствїѧ."
 },
 {
  "type": "TEXT",
  "value": "Катава́сїа: Сп҃си́телю бг҃ꙋ, / въ мо́ри лю́ди немо́крыми нога́ми наста́вльшемꙋ, / и҆ фараѡ́на со всево́инствомъ пото́пльшемꙋ, / томꙋ̀ є҆ди́номꙋ пои́мъ, / ꙗ҆́кѡ просла́висѧ."
 },
 {
  "type": "HEADER",
  "value": "Пѣ́снь г҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Прїиди́те пи́во пїе́мъ но́вое, / не ѿ ка́мене непло́дна чꙋдодѣ́емое, / но нетлѣ́нїѧ и҆сто́чникъ, / и҆з̾ гро́ба ѡ҆дожди́вша хрⷭ҇та̀, / въ не́мже ᲂу҆твержда́емсѧ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Н ы́нѣ всѧ̑ и҆спо́лнишасѧ свѣ́та, / нб҃о же и҆ землѧ̀ и҆ преиспѡ́днѧѧ: / да пра́зднꙋетъ ᲂу҆̀бо всѧ̀ тва́рь / воста́нїе хрⷭ҇то́во, / въ не́мже ᲂу҆твержда́етсѧ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "В чера̀ спогребо́хсѧ тебѣ̀ хрⷭ҇тѐ, / совостаю̀ дне́сь / воскрⷭ҇шꙋ тебѣ̀, / сраспина́хсѧ тебѣ̀ вчера̀, / са́мъ мѧ̀ спросла́ви сп҃се во црⷭ҇твїи твое́мъ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "Н а нетлѣ́ннꙋю жи́знь / прихождꙋ̀ дне́сь бл҃гостїю ро́ждшагѡсѧ и҆з̾ тебѐ чи́стаѧ, / и҆ всѣ̑мъ концє́мъ свѣ́тъ ѡ҆блиста́вшагѡ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "Б г҃а є҆го́же родила̀ є҆сѝ пло́тїю, и҆з̾ ме́ртвыхъ, / ꙗ҆́коже речѐ, воста́вша ви́дѣвши чⷭ҇таѧ, ликꙋ́й, / и҆ сегѡ̀ ꙗ҆́кѡ бг҃а пречи́стаѧ возвелича́й."
 },
 {
  "type": "TEXT",
  "value": "И҆́нъ, і҆рмо́съ: Дви́жимое се́рдце моѐ гдⷭ҇и, / волна́ми жите́йскими, / ᲂу҆твердѝ, во приста́нище ти́хое / наставлѧ́ѧ ꙗ҆́кѡ бг҃ъ."
 },
 {
  "type": "TEXT",
  "value": "К оле́блющихсѧ сердца̀ ᲂу҆тверди́лъ є҆сѝ, / зе́млю всю̀ поколеба́въ долготерпѣли́ве, / честны́мъ распѧ́тїемъ твои́мъ / є҆́же претерпѣ́лъ є҆сѝ пло́тїю."
 },
 {
  "type": "TEXT",
  "value": "В ъ но́вѣмъ гро́бѣ тебѐ положѝ ще́дре, і҆ѡ́сифъ благоѻбра́зный, / воскре́слъ же є҆сѝ и҆з̾ ме́ртвыхъ тридне́венъ новосотвори́вый на́съ."
 },
 {
  "type": "TEXT",
  "value": "Ч то̀ ꙗ҆́кѡ ме́ртва и҆́щете гдⷭ҇а; / воскре́се, ꙗ҆́коже речѐ / а҆́гг҃лъ жена́мъ вѣща́ше, / блиста́ѧсѧ бж҃е́ственнымъ зра́комъ."
 },
 {
  "type": "TEXT",
  "value": "С лѣ́па и҆ногда̀ ѿ рожде́нїѧ, пристꙋ́пльша къ тебѣ̀ / и҆сцѣли́лъ є҆сѝ всеще́дре, / сла́вѧща смотре́нїе твоѐ и҆ чꙋдеса̀."
 },
 {
  "type": "HEADER",
  "value": "Сла́ва, трⷪ҇ченъ: Бг҃ꙋ ѻ҆ц҃ꙋ̀ покланѧ́емсѧ пребезнача́льномꙋ, и҆ сн҃ꙋ, и҆ бж҃е́ственномꙋ дх҃ꙋ, / тринесозда́нномꙋ є҆стествꙋ̀, трїѷпоста́сномꙋ, є҆ди́номꙋ бг҃ꙋ всѣ́хъ."
 },
 {
  "type": "HEADER",
  "value": "И҆ ны́нѣ, бг҃оро́диченъ: И҆з̾ чре́ва дѣви́ческа родила̀ є҆сѝ бг҃а воплоще́нна, / є҆мꙋ́же моли́сѧ всест҃а́ѧ влⷣчце, ᲂу҆ще́дрити на́съ."
 },
 {
  "type": "TEXT",
  "value": "Катава́сїа: Си́лою крⷭ҇та̀ твоегѡ̀ хрⷭ҇тѐ, / ᲂу҆твердѝ моѐ помышле́нїе, / во є҆́же пѣ́ти и҆ сла́вити / спаси́тельное твоѐ вознесе́нїе."
 },
 {
  "type": "HEADER",
  "value": "Конда́къ и҆ і҆́косъ па́сцѣ, гла́съ и҃:"
 },
 {
  "type": "TEXT",
  "value": "А҆́ ще и҆ во гро́бъ снизше́лъ є҆сѝ безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскре́слъ є҆сѝ ꙗ҆́кѡ побѣди́тель хрⷭ҇тѐ бж҃е, / жена́мъ мѷроно́сицамъ вѣща́вый: ра́дꙋйтесѧ, / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскресе́нїе."
 },
 {
  "type": "TEXT",
  "value": "І҆́косъ: Є҆́же пре́жде со́лнца сл҃нце заше́дшее и҆ногда̀ во гро́бъ, / предвари́ша ко ᲂу҆́трꙋ, и҆́щꙋщыѧ ꙗ҆́кѡ днѐ мѷронѡ́сицы дѣ̑вы, / и҆ дрꙋга̀ ко дрꙋзѣ́й вопїѧ́хꙋ: / ѽ дрꙋги́ни! прїиди́те, вонѧ́ми пома́жемъ тѣ́ло живоно́сное и҆ погребе́ное, / пло́ть воскреси́вшагѡ па́дшаго а҆да́ма, лежа́щꙋю во гро́бѣ. / и҆́демъ, потщи́мсѧ ꙗ҆́коже волсвѝ, и҆ поклони́мсѧ, / и҆ принесе́мъ мѵ̑ра ꙗ҆́кѡ да́ры, не въ пелена́хъ, но въ плащани́цѣ ѡ҆бви́томꙋ, / и҆ пла́чимъ, и҆ возопїи́мъ: ѽ влⷣко, воста́ни, / па́дшымъ подаѧ́й воскресе́нїе."
 },
 {
  "type": "HEADER",
  "value": "Та́же сѣда́ленъ, гла́съ и҃. Подо́бенъ: Премꙋ́дрости:"
 },
 {
  "type": "TEXT",
  "value": "В сѣ́хъ влⷣка и҆ творе́цъ преходѧ̀, / ѡ҆брѣ́те на пꙋтѝ слѣ́па сѣдѧ́ща, пла́чꙋща и҆ глаго́люща: / не ви́дѣхъ въ житїѝ со́лнца сїѧ́юща, / нижѐ лꙋны̀ свѣ́та ѡ҆зарѧ́ющагѡ. / тѣ́мже вопїю́ ти: / рожде́йсѧ ѿ дв҃ы, просвѣще́й всѧ́чєскаѧ, / просвѣти́ мѧ ꙗ҆́кѡ бл҃гоꙋтро́бенъ, / да зовꙋ̀ припа́даѧ тебѣ̀ влⷣко хрⷭ҇тѐ бж҃е: / прегрѣше́нїй ѡ҆ставле́нїе да́рꙋй, / за мно́жество ми́лости на́мъ человѣколю́бче."
 },
 {
  "type": "TEXT",
  "value": "Сла́ва, и҆ ны́нѣ: то́йже. И҆ чте́нїе."
 },
 {
  "type": "HEADER",
  "value": "Пѣ́снь д҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "На бж҃е́ственнѣй стра́жи, / бг҃оглаго́ливый а҆ввакꙋ́мъ / да ста́нетъ съ на́ми, и҆ пока́жетъ / свѣтоно́сна а҆́гг҃ла, / ꙗ҆́снѡ глаго́люща: / дне́сь спасе́нїе мі́рꙋ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "М ꙋ́жескїй ᲂу҆́бѡ по́лъ, / ꙗ҆́кѡ разве́рзый дѣ́вственнꙋю ᲂу҆тро́бꙋ, / ꙗ҆ви́сѧ хрⷭ҇то́съ: / ꙗ҆́кѡ чл҃вѣ́къ же, / а҆́гнецъ нарече́сѧ: / непоро́ченъ же, / ꙗ҆́кѡ невкꙋ́сенъ скве́рны, / на́ша па́сха, / и҆ ꙗ҆́кѡ бг҃ъ и҆́стиненъ / соверше́нъ рече́сѧ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Ꙗ҆́ кѡ є҆динолѣ́тный а҆́гнецъ, / бл҃гослове́нный на́мъ вѣне́цъ хрⷭ҇то́съ, / во́лею за всѣ́хъ закла́нъ бы́сть, / па́сха чисти́тельнаѧ, / и҆ па́ки и҆з̾ гро́ба кра́сное / пра́вды на́мъ возсїѧ̀ со́лнце."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Б г҃оѻц҃ъ ᲂу҆́бѡ дв҃дъ / пред̾ сѣ́ннымъ ковче́гомъ скака́ше и҆гра́ѧ, / лю́дїе же бж҃їи ст҃і́и, / ѻ҆бразѡ́въ сбытїѐ зрѧ́ще, / весели́мсѧ бж҃е́ственнѣ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "С озда́вый а҆да́ма твоего̀ пра́ѻц҃а чи́стаѧ, / зи́ждетсѧ ѿ тебѐ, и҆ сме́ртное жили́ще разорѝ свое́ю сме́ртїю дне́сь, / и҆ ѡ҆зарѝ всѧ̑ / бж҃е́ственными блиста́ньми воскрⷭ҇нїѧ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "Є҆ го́же родила̀ є҆сѝ хрⷭ҇та̀, / прекра́снѡ и҆з̾ ме́ртвыхъ возсїѧ́вша чи́стаѧ зрѧ́щи, / до́браѧ и҆ непоро́чнаѧ въ жена́хъ и҆ кра́снаѧ, / дне́сь во спасе́нїе всѣ́хъ, со а҆пⷭ҇лы ра́дꙋющисѧ / того̀ прославлѧ́й."
 },
 {
  "type": "TEXT",
  "value": "И҆́нъ, і҆рмо́съ: Оу҆слы́шахъ гдⷭ҇и слꙋ́хъ тво́й, и҆ ᲂу҆боѧ́хсѧ, / разꙋмѣ́хъ смотре́нїе твоѐ, и҆ просла́вихъ тѧ̀, / є҆ди́не человѣколю́бче."
 },
 {
  "type": "TEXT",
  "value": "Оу҆ ме́рша мѧ̀ дре́вомъ, пожре́нъ бы́въ сп҃се мо́й, / жи́знь сы́й ѡ҆живи́лъ є҆сѝ, за вели́кꙋю ми́лость: / сегѡ̀ ра́ди сло́ве сла́влю тѧ̀."
 },
 {
  "type": "TEXT",
  "value": "Оу҆ ченикѡ́мъ гдⷭ҇и, соводворѧ́ѧсѧ пресла́внѡ, / си̑мъ глаго́лалъ є҆сѝ: и҆ди́те, / проповѣ́дите всю́дꙋ моѐ воскрⷭ҇нїе."
 },
 {
  "type": "TEXT",
  "value": "Оу҆ вѣрѧ́ѧ гдⷭ҇и, воста́нїе твоѐ, є҆́же и҆з̾ гро́ба, / лю́бѧщымъ тѧ̀ хрⷭ҇тѐ, / во днѝ мнѡ́ги соводвори́лсѧ є҆сѝ, ра́дость творѧ̀ и҆̀мъ."
 },
 {
  "type": "TEXT",
  "value": "В оѻчи́лъ є҆сѝ гдⷭ҇и, слѣ́па и҆з̾ ᲂу҆тро́бы рожде́нна, ре́къ: / и҆дѝ, ᲂу҆мы́йсѧ, и҆ прозрѝ, моѐ сла́вѧ бж҃ество̀."
 },
 {
  "type": "HEADER",
  "value": "Сла́ва, трⷪ҇ченъ: Є҆диноче́стнаѧ, безнача́льнаѧ трⷪ҇це, / нераздѣ́льнаѧ сꙋщество́мъ, раздѣ́льна ѵ҆поста́сьми, / спаса́й всѧ̑ вѣ́рнѡ тѧ̀ стра́хомъ сла́вѧщыѧ."
 },
 {
  "type": "HEADER",
  "value": "И҆ ны́нѣ, бг҃оро́диченъ: Ржⷭ҇тво̀ твоѐ чи́стаѧ є҆́же па́че є҆стества̀ / славосло́вимъ блажа́ще вѣ́рнѡ тебѐ пренепоро́чнаѧ, / ꙗ҆́кѡ бг҃а всѣ́хъ роди́тельницꙋ."
 },
 {
  "type": "TEXT",
  "value": "Катава́сїа: Оу҆слы́шахъ слꙋ́хъ си́лы крⷭ҇та̀, / ꙗ҆́кѡ ра́й ѿве́рзесѧ и҆́мъ, / и҆ возопи́хъ: / сла́ва си́лѣ твое́й гдⷭ҇и."
 },
 {
  "type": "HEADER",
  "value": "Пѣ́снь є҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Оу҆́тренюемъ ᲂу҆́треннюю глꙋбокꙋ̀, / и҆ вмѣ́стѡ мѵ́ра пѣ́снь принесе́мъ влⷣцѣ, / и҆ хрⷭ҇та̀ ᲂу҆́зримъ / пра́вды со́лнце, / всѣ̑мъ жи́знь возсїѧ́юща."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Б езмѣ́рное твоѐ бл҃гоꙋтро́бїе / а҆́довыми ᲂу҆́зами содержи́мїи зрѧ́ще, / къ свѣ́тꙋ и҆дѧ́хꙋ хрⷭ҇тѐ, / весе́лыми нога́ми, / па́схꙋ хва́лѧще вѣ́чнꙋю."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "П ристꙋ́пимъ свѣщено́снїи, / и҆сходѧ́щꙋ хрⷭ҇тꙋ̀ и҆з̾ гро́ба ꙗ҆́кѡ женихꙋ̀, / и҆ спра́зднꙋимъ любопра́зднственными чи́нми / па́схꙋ бж҃їю спаси́тельнꙋю."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "П росвѣща́етсѧ бж҃е́ственными лꙋча́ми и҆ живоно́сными / воскресе́нїѧ сн҃а твоегѡ̀, бг҃омт҃и пречи́стаѧ, / и҆ ра́дости и҆сполнѧ́етсѧ / бл҃гочести́выхъ собра́нїе."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "Н е разве́рзлъ є҆сѝ врата̀ дѣ́вства въ воплоще́нїи, / гро́ба не разрꙋши́лъ є҆сѝ печа́тей цр҃ю̀ созда́нїѧ: / ѿѻнꙋ́дꙋже воскре́сшаго тѧ̀ зрѧ́щи / мт҃и, ра́довашесѧ."
 },
 {
  "type": "TEXT",
  "value": "И҆́нъ, і҆рмо́съ: Ѻ҆каѧ́ннꙋю дꙋ́шꙋ мою̀, нощеборю́щꙋюсѧ со тмо́ю страсте́й, / предвари́въ ᲂу҆ще́дри, и҆ возсїѧ́й мы́сленное со́лнце, / днесвѣ́тлыѧ ѕвѣзды̀ во мнѣ̀, / во є҆́же раздѣли́ти но́щь ѿ свѣ́та."
 },
 {
  "type": "TEXT",
  "value": "В озне́слсѧ є҆сѝ на дре́во ще́дре, / и҆ совозне́слъ є҆сѝ всѧ̑ человѣ́ки, / и҆ бори́телѧ ѕмі́ѧ ᲂу҆мертви́лъ є҆сѝ, / и҆ ѡ҆живи́лъ є҆сѝ созда́нїе рꙋ́къ твои́хъ, ꙗ҆́кѡ є҆ди́нъ бг҃ъ всѣ́хъ."
 },
 {
  "type": "TEXT",
  "value": "П оложи́лсѧ є҆сѝ во гро́бѣ во́лею цр҃ю̀ безсме́ртне, / и҆ ца́рствїѧ а҆́дова всѧ̑ и҆стощи́лъ є҆сѝ, / мє́ртвыѧ воскресе́нїемъ твои́мъ воздви́гнꙋвъ."
 },
 {
  "type": "TEXT",
  "value": "Ч ꙋдеса̀ вє́лїѧ содѣ́ловающаго сло́ве на землѝ, / лю́дїе ᲂу҆би́ша тѧ̀ беззако́ннїи: но са́мъ гдⷭ҇и, є҆ди́нъ всеси́ленъ сы́й, ꙗ҆́коже предре́клъ є҆сѝ, / и҆з̾ ме́ртвыхъ воскре́слъ є҆сѝ хрⷭ҇тѐ."
 },
 {
  "type": "TEXT",
  "value": "Ѻ҆́ чи ѿве́рзлъ неви́дѣвшагѡ свѣ́тъ чꙋ́вственный, / дꙋшѝ просвѣти́лъ є҆сѝ зѣ̑ницы, / и҆ сла́вити сотвори́лъ є҆сѝ сего̀, позна́вша тѧ̀ творца̀, / за благоꙋтро́бїе ꙗ҆ви́вшасѧ чл҃вѣ́ка."
 },
 {
  "type": "HEADER",
  "value": "Сла́ва, трⷪ҇ченъ: Трⷪ҇цꙋ во є҆ди́ницѣ, / и҆ въ трⷪ҇цѣ є҆ди́ницꙋ вѣ́рнїи славосло́вимъ всѝ, / ѻ҆ц҃а̀ и҆ сн҃а, и҆ дх҃а пра́ваго, / є҆ди́наго бг҃а, содѣ́телѧ всѣ́хъ вои́стиннꙋ."
 },
 {
  "type": "HEADER",
  "value": "И҆ ны́нѣ, бг҃оро́диченъ: Ка́кѡ родила̀ є҆сѝ бг҃облагода́тнаѧ дв҃о мт҃и чи́стаѧ, / не позна́вши и҆скꙋ́са мꙋ́жеска; / ка́кѡ пита́еши пита́ющаго всю̀ тва́рь; / ꙗ҆́коже є҆ди́нъ вѣ́сть са́мъ, всѣ́хъ творе́цъ и҆ бг҃ъ."
 },
 {
  "type": "TEXT",
  "value": "Катава́сїа: Оу҆́тренююще вопїе́мъ тѝ / гдⷭ҇и, спаси́ ны: / ты́ бо є҆сѝ бг҃ъ на́шъ, / ра́звѣ бо тебѐ и҆но́гѡ не зна́емъ."
 },
 {
  "type": "HEADER",
  "value": "Пѣ́снь ѕ҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Снизше́лъ є҆сѝ въ преиспѡ́днѧѧ землѝ, / и҆ сокрꙋши́лъ є҆сѝ верєѝ вѣ́чныѧ, / содержа́щыѧ свѧ̑занныѧ хрⷭ҇тѐ, / и҆ тридне́венъ ꙗ҆́кѡ ѿ ки́та і҆ѡ́на, / воскре́слъ є҆сѝ ѿ гро́ба."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "С охрани́въ цѣ́ла зна́мєнїѧ хрⷭ҇тѐ, / воскре́слъ є҆сѝ ѿ гро́ба, / ключѝ дв҃ы не вреди́вый въ ржⷭ҇твѣ̀ твое́мъ, / и҆ ѿве́рзлъ є҆сѝ на́мъ ра̑йскїѧ двє́ри."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "С п҃се мо́й, / живо́е же и҆ неже́ртвенное заколе́нїе, / ꙗ҆́кѡ бг҃ъ са́мъ себѐ / во́лею приве́дъ ѻ҆ц҃ꙋ̀, / совоскреси́лъ є҆сѝ всеро́днаго а҆да́ма, / воскре́съ ѿ гро́ба."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "В озведе́сѧ дре́вле держи́мое сме́ртїю и҆ тлѣ́нїемъ, / воплоти́вшимсѧ ѿ твоегѡ̀ пречⷭ҇тагѡ чре́ва, / къ нетлѣ́ннѣй, и҆ присносꙋ́щнѣй жи́зни, / бцⷣе дв҃о."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "С ни́де въ преиспѡ́днѧѧ землѝ, / въ ложесна̀ твоѧ̑ чⷭ҇таѧ сше́дый, / и҆ всели́выйсѧ и҆ воплоти́выйсѧ па́че ᲂу҆ма̀, / и҆ воздви́же съ собо́ю а҆да́ма, / воскре́съ ѿ гро́ба."
 },
 {
  "type": "TEXT",
  "value": "И҆́нъ, і҆рмо́съ: Ꙗ҆́коже проро́ка ѿ ѕвѣ́рѧ и҆зба́вилъ є҆сѝ гдⷭ҇и, / и҆ менѐ и҆з̾ глꙋбины̀ несодержи́мыхъ страсте́й возведѝ, молю́сѧ, / да приложꙋ̀ призрѣ́ти мѝ ко хра́мꙋ ст҃о́мꙋ твоемꙋ̀."
 },
 {
  "type": "TEXT",
  "value": "Р аспны́йсѧ съ разбо́йники влⷣко, / и҆зба́вилъ є҆сѝ ѿ разбѡ́йникъ лꙋка́выхъ, дꙋшетлѣ́нныхъ страсте́й, человѣколю́бче гдⷭ҇и, / всѧ̑ пою́щыѧ твоѐ распѧ́тїе, и҆ воста́нїе согла́снѡ."
 },
 {
  "type": "TEXT",
  "value": "П оложи́ша без̾ дыха́нїѧ тебѐ ме́ртва хрⷭ҇тѐ, во гро́бѣ, / всѣ̑мъ мє́ртвымъ вдыха́юща жи́знь: / воскре́слъ же є҆сѝ гдⷭ҇и, всѧ̑ и҆стощи́вый сло́ве гро́бы, / бж҃е́ственною твое́ю си́лою."
 },
 {
  "type": "TEXT",
  "value": "П о воста́нїи хрⷭ҇тѐ, дрꙋгѡ́мъ глаго́лалъ є҆сѝ: / сѣди́те ᲂу҆́бѡ во і҆ерꙋсали́мѣ, / до́ндеже ѡ҆блече́тесѧ си́лою свы́ше непобѣди́мою, и҆ и҆звѣ́стною по́мощїю."
 },
 {
  "type": "TEXT",
  "value": "Б ре́нїе сотво́рь, ѻ҆́чи слѣпа́гѡ ѿ рожде́нїѧ пома́залъ є҆сѝ, / и҆ дарова́лъ є҆сѝ є҆мꙋ̀ прозрѣ́ти, / пою́щꙋ твою̀ сло́ве неизрече́ннꙋю си́лꙋ, є҆́юже спа́слъ є҆сѝ мі́ръ."
 },
 {
  "type": "HEADER",
  "value": "Сла́ва, трⷪ҇ченъ: Трїѷпоста́снаѧ є҆ди́нице, / ѻ҆́ч҃е нерожде́нне, сн҃е рожде́нне, и҆ дш҃е и҆схо́дне, / трист҃ы́й гдⷭ҇и, є҆ди́но сꙋщество̀ и҆ си́ла, / спаса́й всѧ̑ лю́ди твоѧ̀."
 },
 {
  "type": "HEADER",
  "value": "И҆ ны́нѣ, бг҃оро́диченъ: Вели̑чїѧ твоѧ̀, чи́стаѧ, кто̀ и҆сповѣ́сть; / бг҃а бо пло́тїю родила̀ є҆сѝ преесте́ственнѡ, / мі́ръ тобо́ю и҆збавлѧ́ющаго, дв҃о всенепоро́чнаѧ, ѿ всѧ́кагѡ грѣха̀."
 },
 {
  "type": "TEXT",
  "value": "Катава́сїа: Ѡ҆бы́де мѧ̀ бе́здна, / гро́бъ мнѣ̀ ки́тъ бы́сть: / а҆́зъ же возопи́хъ къ тебѣ̀ чл҃вѣколю́бцꙋ, / и҆ спасе́ мѧ десни́ца твоѧ̀, гдⷭ҇и."
 },
 {
  "type": "HEADER",
  "value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь:"
 },
 {
  "type": "TEXT",
  "value": "Д ꙋше́вныма ѻ҆чи́ма ѡ҆слѣпле́нъ, / къ тебѣ̀ хрⷭ҇тѐ прихождꙋ̀, / ꙗ҆́коже слѣпы́й ѿ рожде́нїѧ, / покаѧ́нїемъ зовꙋ́ ти: / ты̀ сꙋ́щихъ во тмѣ̀ свѣ́тъ пресвѣ́тлый."
 },
 {
  "type": "TEXT",
  "value": "І҆́косъ: Стрꙋю́ ми да́рꙋй хрⷭ҇тѐ, премꙋ́дрости неизрече́нныѧ, и҆ ра́зꙋма го́рнѧгѡ, / свѣ́те сꙋ́щихъ во тмѣ̀, и҆ прельща́емыхъ наста́вниче, / да возмогꙋ̀ чꙋдеса̀ твоѧ̑ повѣ́дати ѻ҆каѧ́нный, / ꙗ҆̀же бж҃е́ственнаѧ кни́га наꙋчѝ є҆ѵⷢ҇лїа ми́ра, / сі́есть, слѣпа́гѡ чꙋдотворе́нїе: / ꙗ҆́кѡ ѿ рожде́нїѧ слѣ́пъ сы́й, / ѻ҆́чи чꙋ́вствєнныѧ прїе́млетъ и҆ дꙋшє́вныѧ, вѣ́рою взыва́ѧ: / ты̀ сꙋ́щихъ во тмѣ̀ свѣ́тъ пресвѣ́тлый."
 },
 {
  "type": "TEXT",
  "value": "Сѷнаѯа́рь мине́и. Та́же трїѡ́ди."
 },
 {
  "type": "HEADER",
  "value": "Пѣ́снь з҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Ѻ҆́троки ѿ пе́щи и҆зба́вивый, / бы́въ человѣ́къ, / стра́ждетъ ꙗ҆́кѡ сме́ртенъ, / и҆ стра́стїю сме́ртное / въ нетлѣ́нїѧ ѡ҆блачи́тъ благолѣ́пїе, / є҆ди́нъ бл҃гослове́нъ / ѻ҆ц҃є́въ бг҃ъ, и҆ препросла́вленъ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Ж єны̀ съ мѵ́ры бг҃омꙋ̑дрыѧ въ слѣ́дъ тебѐ теча́хꙋ: / є҆го́же ꙗ҆́кѡ ме́ртва со слеза́ми и҆ска́хꙋ, / поклони́шасѧ ра́дꙋющыѧсѧ живо́мꙋ бг҃ꙋ, / и҆ па́схꙋ та́йнꙋю / твои́мъ хрⷭ҇тѐ ᲂу҆ченикѡ́мъ бл҃говѣсти́ша."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "С ме́рти пра́зднꙋемъ ᲂу҆мерщвле́нїе, / а҆́дово разрꙋше́нїе, / и҆но́гѡ житїѧ̀ вѣ́чнагѡ нача́ло, / и҆ и҆гра́юще пое́мъ вино́внаго, / є҆ди́наго бл҃гослове́ннаго / ѻ҆ц҃є́въ бг҃а, и҆ препросла́вленнаго."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Ꙗ҆́ кѡ вои́стиннꙋ сщ҃е́ннаѧ, / и҆ всепра́зднственнаѧ сїѧ̀ спаси́тельнаѧ но́щь, / и҆ свѣтоза́рнаѧ, / свѣтоно́снагѡ днѐ, / воста́нїѧ сꙋ́щи провозвѣ́стница: / въ не́йже безлѣ́тный свѣ́тъ и҆з̾ гро́ба пло́тски всѣ̑мъ возсїѧ̀."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "Оу҆ мертви́въ сн҃ъ тво́й сме́рть, всенепоро́чнаѧ / дне́сь, всѣ̑мъ смє́ртнымъ пребыва́ющїй живо́тъ во вѣ́ки вѣкѡ́въ дарова̀, / є҆ди́нъ бл҃гослове́нный / ѻ҆тцє́въ бг҃ъ и҆ препросла́вленный."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "В сѣ́мъ црⷭ҇твꙋѧй созда́нїемъ, / бы́въ человѣ́къ, / всели́сѧ во твою̀ бг҃облагода́тнаѧ ᲂу҆тро́бꙋ, / и҆ распѧ́тїе претерпѣ́въ и҆ сме́рть, / воскре́се бг҃олѣ́пнѡ, / совозста́вивъ на́съ ꙗ҆́кѡ всеси́ленъ."
 },
 {
  "type": "TEXT",
  "value": "И҆́нъ, і҆рмо́съ: Ѻ҆гнѧ̀ гаси́лище ѻ҆трокѡ́въ моли́тва, ѡ҆роша́ющаѧ пе́щь / проповѣ́дница чꙋдесѐ, не ѡ҆палѧ́ющи, нижѐ сожига́ющи, / пѣсносло́вцы бг҃а ѻ҆ц҃ъ на́шихъ."
 },
 {
  "type": "TEXT",
  "value": "В здви́женꙋ тебѣ̀ на дре́во сп҃се, / погасѐ со́лнце, землѧ̀ волнꙋ́ѧшесѧ, колеба́шесѧ тва́рь всѧ̀, / и҆ ѿ грѡ́бъ ме́ртвїи востаѧ́хꙋ."
 },
 {
  "type": "TEXT",
  "value": "В оста́вшꙋ тѝ и҆з̾ ме́ртвыхъ цр҃ю̀, / дꙋ́шы совозста́ша та́мѡ спѧ́щыѧ, / сла́вѧщыѧ си́лꙋ твою̀, / є҆́юже смє́ртныѧ ᲂу҆́зы разрѣши́шасѧ."
 },
 {
  "type": "TEXT",
  "value": "Р а́нѡ мѷропома́зати тѧ̀ же́нскїй прїи́де ли́къ, / ᲂу҆вѣ́дѣвше же гдⷭ҇и воста́вша тѧ̀, / ра́довахꙋсѧ со свѧще́нными ᲂу҆ченикѝ: / и҆́миже пода́ждь на́мъ ѡ҆чище́нїе ѕѡ́лъ."
 },
 {
  "type": "TEXT",
  "value": "Б ре́нїемъ пома́залъ є҆сѝ ѻ҆́чи слѣпа́гѡ, / и҆ семꙋ̀ повелѣ́лъ є҆сѝ къ сїлѡа́мꙋ и҆тѝ, / ѡ҆мы́всѧ же прозрѣ̀, / пѣсносло́вѧ тѧ̀ хрⷭ҇тѐ, цр҃ю̀ всѣ́хъ."
 },
 {
  "type": "HEADER",
  "value": "Сла́ва, трⷪ҇ченъ: Ѻ҆ц҃а̀ безнача́льна, собезнача́льна же сн҃а, и҆ дх҃а прест҃а́го пѣсносло́вимъ: / ст҃ъ, ст҃ъ, ст҃ъ є҆сѝ бж҃е, цр҃ю̀ всѣ́хъ."
 },
 {
  "type": "HEADER",
  "value": "И҆ ны́нѣ, бг҃оро́диченъ: По ржⷭ҇твѣ̀ дв҃а ꙗ҆ви́ласѧ є҆сѝ чи́стаѧ, / бг҃а бо родила̀ є҆сѝ, / ѡ҆бнови́вшаго є҆стества̀ пречи́стаѧ си́лою свое́ю: / є҆го́же молѝ спасти́сѧ всѣ́мъ на́мъ."
 },
 {
  "type": "TEXT",
  "value": "Катава́сїа: Въ пещѝ ѻ҆́гненнѣй / пѣсносло́вцы спасы́й ѻ҆́троки, / бл҃гослове́нъ бг҃ъ ѻ҆тє́цъ на́шихъ."
 },
 {
  "type": "HEADER",
  "value": "Пѣ́снь и҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Се́й нарече́нный и҆ ст҃ы́й де́нь, / є҆ди́нъ сꙋббѡ́тъ цр҃ь и҆ гдⷭ҇ь, / пра́здникѡвъ пра́здникъ, / и҆ торжество̀ є҆́сть торже́ствъ: / во́ньже благослови́мъ хрⷭ҇та̀ во вѣ́ки."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "П рїиди́те но́вагѡ вїногра́да рожде́нїѧ, / бж҃е́ственнагѡ весе́лїѧ, / въ наро́читомъ днѝ воскрⷭ҇нїѧ, / црⷭ҇твїѧ хрⷭ҇то́ва прїѡбщи́мсѧ, / пою́ще є҆го̀ / ꙗ҆́кѡ бг҃а во вѣ́ки."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "В озведѝ ѻ҆́крестъ ѻ҆́чи твоѝ сїѡ́не и҆ ви́ждь: / се́ бо прїидо́ша къ тебѣ̀ / ꙗ҆́кѡ бг҃освѣ̑тлаѧ свѣти̑ла, / ѿ за́пада, и҆ сѣ́вера, и҆ мо́рѧ, / и҆ восто́ка ча́да твоѧ̑, / въ тебѣ̀ благословѧ̑щаѧ хрⷭ҇та̀ во вѣ́ки."
 },
 {
  "type": "TEXT",
  "value": "Припѣ́въ: Прест҃а́ѧ трⷪ҇це, бж҃е на́шъ, сла́ва тебѣ̀."
 },
 {
  "type": "TEXT",
  "value": "Трⷪ҇ченъ: Ѻ҆́ч҃е вседержи́телю, и҆ сло́ве, и҆ дш҃е, / тремѝ соединѧ́емое во ѵ҆поста́сѣхъ є҆стество̀, / пресꙋ́щественне и҆ пребж҃е́ственне, / въ тѧ̀ крⷭ҇ти́хомсѧ, / и҆ тѧ̀ бл҃гослови́мъ во всѧ̀ вѣ́ки."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "П рїи́де тобо́ю въ мі́ръ гдⷭ҇ь / дв҃о бцⷣе, / и҆ чре́во а҆́дово расто́ргъ, / смє́ртнымъ на́мъ воскресе́нїе дарова̀: / тѣ́мже бл҃гослови́мъ є҆го̀ во вѣ́ки."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "В сю̀ низложи́въ сме́рти держа́вꙋ / сн҃ъ тво́й дв҃о, свои́мъ воскресе́нїемъ, / ꙗ҆́кѡ бг҃ъ крѣ́пкїй совознесѐ на́съ и҆ ѡ҆божѝ: / тѣ́мже воспѣва́емъ є҆го̀ во вѣ́ки."
 },
 {
  "type": "TEXT",
  "value": "И҆́нъ, і҆рмо́съ: А҆́гг҃лѡвъ со́нмъ, человѣ́кѡвъ собо́ръ, / цр҃ѧ̀ и҆ зижди́телѧ всѣ́хъ, / сщ҃е́нницы по́йте, благослови́те леѵі́ти, / лю́дїе превозноси́те во всѧ̑ вѣ́ки."
 },
 {
  "type": "TEXT",
  "value": "А҆́ гг҃льстїи чи́нове на крⷭ҇тѣ̀ тѧ̀ ви́дѣвше ви́сима хрⷭ҇тѐ всецр҃ю̀, / и҆ тва́рь всю̀ и҆змѣнѧ́юща стра́хомъ, / ᲂу҆жасо́шасѧ пою́ще твоѐ человѣколю́бїе."
 },
 {
  "type": "TEXT",
  "value": "А҆́ дъ до́лѣ тебѐ ви́дѣвъ стенѧ́ше, / и҆ подава́ше ско́рѡ мє́ртвыѧ / ѿ вѣ́ка та́мѡ храни̑мыѧ хрⷭ҇тѐ, / пѣсносло́вѧщыѧ твоѐ человѣколю́бїе."
 },
 {
  "type": "TEXT",
  "value": "С отворѧ́ѧ чꙋдеса̀ хрⷭ҇тѐ и҆зрѧ́днаѧ, / во́лею воздви́женъ бы́лъ є҆сѝ на крⷭ҇тъ, / и҆ съ ме́ртвыми совокꙋпи́лсѧ є҆сѝ ᲂу҆мертви́вый а҆́да, / и҆ всѧ̑ мꙋ́жествомъ ѿрѣши́лъ є҆сѝ ᲂу҆́зники."
 },
 {
  "type": "TEXT",
  "value": "С лѣпа́го воѻчи́лъ є҆сѝ къ тебѣ̀ пристꙋпи́вша хрⷭ҇тѐ, / семꙋ̀ повелѣ́вый въ сїлѡа́мовꙋ кꙋпѣ́ль и҆тѝ, / ѡ҆мы́тисѧ и҆ прозрѣ́ти, и҆ бг҃а тѧ̀ проповѣ́дати, / пло́тїю ꙗ҆ви́вшагосѧ во спасе́нїе мі́ра."
 },
 {
  "type": "TEXT",
  "value": "Бл҃гослови́мъ ѻ҆ц҃а̀ и҆ сн҃а и҆ ст҃а́го дх҃а, гдⷭ҇а."
 },
 {
  "type": "TEXT",
  "value": "Трⷪ҇ченъ: Трⷪ҇це нераздѣ́льнаѧ, є҆ди́нице неслїѧ́ннаѧ, / бж҃е всѧ́ческихъ и҆ зижди́телю всѣ́хъ, / пѣсносло́вѧщыѧ и҆ вѣ́рнѡ покланѧ́ющыѧсѧ держа́вѣ твое́й, / ѿ всѧ́кихъ и҆скꙋше́нїй спаса́й."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Бг҃оро́диченъ: Дв҃о пречи́стаѧ, бг҃облагода́тнаѧ, / твоего̀ молѝ сн҃а всегда̀, / да не посрами́тъ мѧ̀ въ де́нь ѡ҆сꙋжде́нїѧ, но сочте́тъ и҆збра̑ннымъ ѻ҆вца́мъ."
 },
 {
  "type": "TEXT",
  "value": "Та́же: Хва́лимъ, благослови́мъ, покланѧ́емсѧ гдⷭ҇ви, пою́ще и҆ превозносѧ́ще во всѧ̀ вѣ́ки."
 },
 {
  "type": "TEXT",
  "value": "Катава́сїа: И҆з̾ ѻ҆ц҃а̀ пре́жде вѣ́къ рожде́ннаго сн҃а и҆ бг҃а, / и҆ въ послѣ̑днѧѧ лѣ́та воплоще́ннаго ѿ дв҃ы мт҃ре, / сщ҃е́нницы по́йте, / лю́дїе превозноси́те во всѧ̀ вѣ́ки."
 },
 {
  "type": "TEXT",
  "value": "Честнѣ́йшꙋю: не пое́мъ."
 },
 {
  "type": "HEADER",
  "value": "Пѣ́снь ѳ҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Ѽ бж҃е́ственнагѡ, ѽ любе́знагѡ, / ѽ сладча́йшагѡ твоегѡ̀ гла́са! / съ на́ми бо нело́жнѡ / ѡ҆бѣща́лсѧ є҆сѝ бы́ти, / до сконча́нїѧ вѣ́ка хрⷭ҇тѐ: / є҆го́же вѣ́рнїи, / ᲂу҆твержде́нїе наде́жди и҆мꙋ́ще, ра́дꙋемсѧ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Ѽ па́сха ве́лїѧ и҆ сщ҃е́ннѣйшаѧ, хрⷭ҇тѐ! / ѽ мꙋ́дросте, и҆ сло́ве бж҃їй, и҆ си́ло! / подава́й на́мъ и҆́стѣе тебѐ причаща́тисѧ, / въ невече́рнѣмъ днѝ црⷭ҇твїѧ твоегѡ̀."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "С огла́снѡ дв҃о, тебѐ бл҃жи́мъ вѣ́рнїи: / ра́дꙋйсѧ две́ре гдⷭ҇нѧ: / ра́дꙋйсѧ гра́де ѡ҆дꙋшевле́нный: / ра́дꙋйсѧ, є҆ѧ́же ра́ди на́мъ ны́нѣ возсїѧ̀ свѣ́тъ, / и҆з̾ тебѐ рожде́ннагѡ и҆з̾ ме́ртвыхъ воскресе́нїѧ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "В есели́сѧ и҆ ра́дꙋйсѧ бжⷭ҇твеннаѧ две́ре свѣ́та: / заше́дый бо і҆и҃съ во гро́бъ возсїѧ̀, / просїѧ́въ со́лнца свѣтлѣ́е, / и҆ вѣ̑рныѧ всѧ̑ ѡ҆зари́въ, / бг҃ора́дованнаѧ влⷣчце."
 },
 {
  "type": "TEXT",
  "value": "И҆́нъ, і҆рмо́съ: Ꙗ҆́кѡ сотворѝ тебѣ̀ вели́чїѧ си́льный, / дв҃ꙋ ꙗ҆́вль тѧ̀ чи́стꙋ по рождествѣ̀, / ꙗ҆́кѡ ро́ждшꙋю без̾ сѣ́мене своего̀ творца̀: / тѣ́мъ тѧ̀ бцⷣе велича́емъ."
 },
 {
  "type": "TEXT",
  "value": "Н а дре́вѣ крⷭ҇тнѣмъ пригвозди́лсѧ є҆сѝ хрⷭ҇тѐ бж҃е, / и҆ всѧ̑ побѣди́лъ є҆сѝ вра́жїѧ сопроти́внаѧ нача̑ла, / и҆ пе́рвꙋю клѧ́твꙋ потреби́лъ є҆сѝ сп҃се: / тѣ́мже тѧ̀ по до́лгꙋ велича́емъ."
 },
 {
  "type": "TEXT",
  "value": "Ꙗ҆́ кѡ ви́дѣ тѧ̀ сло́ве, а҆́дъ до́лѣ съ дꙋше́ю, воздохнꙋ̀, / и҆ всѧ̑ мє́ртвыѧ стра́хомъ ѿрѣшѝ, / позна́вшыѧ держа́вꙋ вла́сти твоеѧ̀: / тѣ́мже тѧ̀ по до́лгꙋ велича́емъ."
 },
 {
  "type": "TEXT",
  "value": "З на́мєнїѧ сотворѧ́юща, и҆ чꙋдеса̀ стра̑шнаѧ, / собо́ръ є҆вре́йскїй зрѧ̀, за́вистїю ᲂу҆бѝ / плѣни́вшаго а҆́дъ воскресе́нїемъ свои́мъ, / и҆ всѣ́хъ ꙗ҆́кѡ си́ленъ возставлѧ́ющаго."
 },
 {
  "type": "TEXT",
  "value": "В оста́лъ є҆сѝ, ꙗ҆́коже ре́клъ є҆сѝ, животода́вче и҆з̾ ме́ртвыхъ, / и҆ ꙗ҆ви́лсѧ є҆сѝ ст҃ы̑мъ ᲂу҆ч҃нкѡ́мъ по воста́нїи, / зна́мєнїѧ сотвори́вый, и҆ воѻчи́вый слѣпы̑ѧ: / съ ни́ми же тѧ̀ во вѣ́ки велича́емъ."
 },
 {
  "type": "HEADER",
  "value": "Сла́ва, трⷪ҇ченъ: Свѣ́тъ ѻ҆ц҃а̀ чтꙋ̀, свѣ́тъ сла́влю и҆ сн҃а, свѣ́тъ воспѣва́ю дх҃а пра́ваго, / є҆ди́нъ свѣ́тъ нераздѣ́льный, въ трїе́хъ ли́цѣхъ разꙋмѣва́емый, / бг҃а цр҃ѧ̀ всеѧ̀ тва́ри."
 },
 {
  "type": "HEADER",
  "value": "И҆ ны́нѣ, бг҃оро́диченъ: Ꙗ҆ви́вшисѧ простра́ннѣйшаѧ нб҃съ дв҃о чи́стаѧ, / вмѣсти́ла є҆сѝ пло́тїю бг҃а неѡпи́саннаго, / и҆ родила̀ є҆сѝ всѣ́хъ и҆збавле́нїе, / вѣ́рою несꙋмнѣ́нною воспѣва́ющихъ тѧ̀."
 },
 {
  "type": "TEXT",
  "value": "Катава́сїа: Тѧ̀ па́че ᲂу҆ма̀ и҆ словесѐ ма́терь бж҃їю, / въ лѣ́то безлѣ́тнаго неизрече́ннѡ ро́ждшꙋю, / вѣ́рнїи є҆диномꙋ́дреннѡ велича́емъ."
 },
 {
  "type": "HEADER",
  "value": "Є҆ѯапостїла́рїй пра́здника:"
 },
 {
  "type": "TEXT",
  "value": "П ло́тїю ᲂу҆снꙋ́въ, / ꙗ҆́кѡ ме́ртвъ / цр҃ю̀ и҆ гдⷭ҇и, / тридне́венъ воскре́слъ є҆сѝ, / а҆да́ма воздви́гъ ѿ тлѝ, / и҆ ᲂу҆праздни́въ сме́рть: / па́сха нетлѣ́нїѧ, / мі́ра спасе́нїе. Є҆ди́ножды."
 },
 {
  "type": "HEADER",
  "value": "Сла́ва: слѣпа́гѡ. Подо́бенъ:"
 },
 {
  "type": "TEXT",
  "value": "Оу҆́ мныѧ моѝ ѻ҆́чи, / ѡ҆слѣпле́нныѧ гдⷭ҇и, ѿ мра́чнагѡ грѣха̀, ты̀ просвѣтѝ, / вложи́въ ще́дре смире́нїе, / и҆ покаѧ́нїѧ ѡ҆мы́й слеза́ми."
 },
 {
  "type": "HEADER",
  "value": "И҆ ны́нѣ: Подо́бенъ: Жєны̀ ᲂу҆слы́шите:"
 },
 {
  "type": "TEXT",
  "value": "М имоиды́й сп҃съ на́шъ, ѡ҆брѣ́те слѣ́па без̾ ѻ҆́чїю, / плю́нꙋвъ на зе́млю и҆ сотвори́въ бре́нїе, пома́за є҆го̀, / къ сїлѡа́мꙋ посла̀ и҆тѝ и҆ ᲂу҆мы́тисѧ. / ѻ҆́нъ же ᲂу҆мы́всѧ, прїи́де ви́дѧ свѣ́тъ тво́й хрⷭ҇тѐ мо́й."
 },
 {
  "type": "HEADER",
  "value": "На хвали́техъ поста́вимъ стїхѡ́въ и҃. И҆ пое́мъ стїхи̑ры воскре́сны, гла́съ є҃:"
 },
 {
  "type": "TEXT",
  "value": "Г дⷭ҇и, запеча́танꙋ гро́бꙋ ѿ беззако́нникѡвъ, / проше́лъ є҆сѝ и҆з̾ гро́ба, ꙗ҆́коже роди́лсѧ є҆сѝ ѿ бцⷣы: / не ᲂу҆разꙋмѣ́ша, ка́кѡ воплоти́лсѧ є҆сѝ, безпло́тнїи твоѝ а҆́гг҃ли: / не чꙋ́вствоваша, когда̀ воскр҃слъ є҆сѝ, стрегꙋ́щїи тѧ̀ во́ини. / ѻ҆боѧ́ бо запечатлѣ́стасѧ и҆спытꙋ́ющымъ, / ꙗ҆ви́шасѧ же чꙋдеса̀ кла́нѧющымсѧ вѣ́рою та́инствꙋ: / є҆́же воспѣва́ющымъ, / возда́ждь на́мъ ра́дость и҆ ве́лїю млⷭ҇ть."
 },
 {
  "type": "TEXT",
  "value": "Г дⷭ҇и, верєѝ вѣ́чныѧ сокрꙋши́вый, / и҆ ᲂу҆́зы растерза́вый, ѿ гро́ба воскре́слъ є҆сѝ, / ѡ҆ста́вль твоѧ̑ погреба̑льнаѧ, / во свидѣ́тельство и҆́стиннагѡ тридне́внагѡ твоегѡ̀ погребе́нїѧ: / и҆ предвари́лъ є҆сѝ въ галїле́и, въ пеще́рѣ стрего́мый: / вели́каѧ твоѧ̀ ми́лость, непостижи́ме сп҃се, / поми́лꙋй, и҆ спасѝ на́съ."
 },
 {
  "type": "TEXT",
  "value": "Г дⷭ҇и, жєны̀ теко́ша на гро́бъ, / ви́дѣти тѧ̀ хрⷭ҇та̀ на́съ ра́ди пострада́вшаго, / и҆ прише́дшѧ, ѡ҆брѣто́ша а҆́гг҃ла на ка́мени сѣдѧ́ща, / стра́хомъ ѿва́льшемсѧ, / и҆ къ ни̑мъ возопѝ глаго́лѧ: / воскр҃се гдⷭ҇ь, рцы́те ᲂу҆ч҃нкѡ́мъ, / ꙗ҆́кѡ воскр҃се ѿ ме́ртвыхъ, / сп҃са́ѧй дꙋ́шы на́шѧ."
 },
 {
  "type": "TEXT",
  "value": "Г дⷭ҇и, ꙗ҆́коже и҆зше́лъ є҆сѝ ѿ запеча́таннагѡ гро́ба, / та́кѡ вше́лъ є҆сѝ и҆ две́ремъ заключє́нымъ ко ᲂу҆ч҃нкѡ́мъ твои̑мъ, / показꙋ́ѧ и҆̀мъ тѣлє́снаѧ страда̑нїѧ, / ꙗ҆̀же под̾ѧ́лъ є҆сѝ сп҃се долготерпѣли́вый: / ꙗ҆́кѡ ѿ сѣ́мене дв҃дова ꙗ҆́звы претерпѣ́лъ є҆сѝ: / ꙗ҆́кѡ сн҃ъ же бж҃їй, мі́ръ свободи́лъ є҆сѝ. / ве́лїѧ твоѧ̀ млⷭ҇ть, непостижи́ме сп҃се, / поми́лꙋй и҆ сп҃сѝ на́съ."
 },
 {
  "type": "HEADER",
  "value": "И҆́ны стїхи̑ры а҆нато́лїевы:"
 },
 {
  "type": "TEXT",
  "value": "Г дⷭ҇и цр҃ю̀ вѣкѡ́въ, и҆ тво́рче всѣ́хъ, / на́съ ра́ди распѧ́тїе и҆ погребе́нїе пло́тїю прїи́мый, / да на́съ ѿ а҆́да свободи́ши всѣ́хъ: / ты̀ є҆сѝ бг҃ъ на́шъ, / ра́звѣ тебѐ и҆но́гѡ не вѣ́мы."
 },
 {
  "type": "TEXT",
  "value": "Г дⷭ҇и, пресїѧ̑ющаѧ твоѧ̑ чꙋдеса̀ кто̀ и҆сповѣ́сть; / и҆лѝ кто̀ возвѣсти́тъ стра̑шнаѧ твоѧ̑ та̑инства; / вочл҃вѣ́чивыйсѧ бо на́съ ра́ди, ꙗ҆́кѡ са́мъ восхотѣ́лъ є҆сѝ, / держа́вꙋ ꙗ҆ви́лъ є҆сѝ си́лы твоеѧ̀: / крⷭ҇то́мъ бо твои́мъ разбо́йникꙋ ра́й ѿве́рзлъ є҆сѝ, / и҆ погребе́нїемъ твои́мъ верєѝ а҆́дѡвы сокрꙋши́лъ є҆сѝ, / воскрⷭ҇нїемъ же твои́мъ всѧ́чєскаѧ ѡ҆богати́лъ є҆сѝ: / бл҃гоꙋтро́бне гдⷭ҇и, сла́ва тебѣ̀."
 },
 {
  "type": "TEXT",
  "value": "М ѷронѡ́сицы жєны̀ гро́ба твоегѡ̀ дости́гше, / ѕѣлѡ̀ ра́нѡ и҆ска́хꙋ тебѐ мѵ́ры пома́зати, / безсме́ртнаго сло́ва и҆ бг҃а, / и҆ а҆́гг҃ла глаго́лы ѡ҆гласи́вшесѧ, / возвраща́хꙋсѧ ра́достїю, а҆пⷭ҇лѡмъ возвѣсти́ти ꙗ҆́вѣ: / ꙗ҆́кѡ воскре́слъ є҆сѝ животѐ всѣ́хъ, / и҆ пода́лъ є҆сѝ мі́рови ѡ҆чище́нїе, и҆ ве́лїю ми́лость."
 },
 {
  "type": "TEXT",
  "value": "Сті́хъ: При́зри на мѧ̀, / и҆ поми́лꙋй мѧ̀."
 },
 {
  "type": "HEADER",
  "value": "Самогла́сенъ слѣпа́гѡ, гла́съ и҃:"
 },
 {
  "type": "TEXT",
  "value": "З а милосе́рдїе ми́лости воплоти́выйсѧ хрⷭ҇тѐ бж҃е, / свѣ́та лише́ннаго ѿ ᲂу҆тро́бы, / милосе́рдїемъ неизрече́нныхъ щедро́тъ, / сїѧ́нїѧ бж҃е́ственнагѡ сподо́билъ є҆сѝ, / сегѡ̀ зѣ́ницамъ пе́рстїю / созда́тельными пе́рсты твои́ми прикоснꙋ́выйсѧ: / са́мъ и҆ ны́нѣ свѣтода́телю, / и҆ на́шѧ ѡ҆зарѝ дꙋшє́внаѧ чꙋ̑вства, / ꙗ҆́кѡ є҆ди́нъ независтнода́тель."
 },
 {
  "type": "TEXT",
  "value": "Сла́ва, гла́съ и҃: Кто̀ возглаго́летъ си̑лы твоѧ̀ хрⷭ҇тѐ; / и҆лѝ кто̀ и҆зочте́тъ чꙋде́съ твои́хъ мно́жєства; / сꙋгꙋ́бъ бо ꙗ҆́кѡ ви́дѣнъ бы́лъ є҆сѝ на землѝ за бла́гость, / сꙋгꙋ̑бы и҆ цѣльбы̑ недꙋ́гꙋющымъ подава́лъ є҆сѝ: / не то́чїю бо тѣлє́ныѧ ѻ҆́чи ѿве́рзлъ є҆сѝ, / и҆́же ѿ ᲂу҆тро́бы слѣпо́мꙋ, / но и҆ дꙋшє́вныѧ: / тѣ́мже бг҃а тѧ̀ и҆сповѣ́даше таѧ́щагосѧ, / и҆ всѣ̑мъ подаю́ща ве́лїю ми́лость."
 },
 {
  "type": "TEXT",
  "value": "И҆ ны́нѣ: Преблгⷭ҇ве́нна є҆сѝ: Славосло́вїе вели́кое, и҆ ѿпꙋ́стъ."
 },
 {
  "type": "HEADER",
  "value": "Стїхи́ра ᲂу҆́треннѧѧ, гла́съ и҃:"
 },
 {
  "type": "TEXT",
  "value": "М арі̑ины сле́зы не всꙋ́е пролива́ютсѧ те́плѣ, / се́ бо сподо́бисѧ и҆ ᲂу҆ча́щихъ а҆́гг҃лѡвъ, / и҆ видѣ́нїѧ самогѡ̀ і҆и҃са: / но є҆щѐ земна̑ѧ мꙋ́дрствꙋетъ, ꙗ҆́кѡ жена̀ немощна́ѧ: / тѣ́мже и҆ ѿсыла́етсѧ не прикаса́тисѧ хрⷭ҇тꙋ̀. / но ѻ҆ба́че проповѣ́дница посыла́етсѧ твои̑мъ ᲂу҆ч҃нкѡ́мъ, / и҆̀мже бл҃говѣствова́нїе носѧ́щи, / є҆́же ко ѻ҆те́ческомꙋ жре́бїю восхо́дъ возвѣща́ющи: / съ не́юже сподо́би и҆ на́съ ꙗ҆вле́нїѧ твоегѡ̀, влⷣко гдⷭ҇и."
 },
 {
  "type": "HEADER",
  "value": "На лїтꙋргі́и."
 },
 {
  "type": "HEADER",
  "value": "Блажє́нна, гла́съ є҃:"
 },
 {
  "type": "TEXT",
  "value": "Р азбо́йникъ на крⷭ҇тѣ̀ бг҃а тѧ̀ бы́ти вѣ́ровавъ хрⷭ҇тѐ, / и҆сповѣ́да тѧ̀ чи́стѣ ѿ се́рдца, / помѧни́ мѧ гдⷭ҇и, вопїѧ̀, во црⷭ҇твїи твое́мъ."
 },
 {
  "type": "TEXT",
  "value": "И҆́ же на дре́вѣ крⷭ҇тнѣмъ / жи́знь процвѣ́тшаго ро́дꙋ на́шемꙋ, / и҆ и҆зсꙋши́вша ю҆́же ѿ дре́ва клѧ́твꙋ, / ꙗ҆́кѡ сп҃са и҆ содѣ́телѧ согла́снѡ воспои́мъ."
 },
 {
  "type": "TEXT",
  "value": "Р аспе́ншемꙋсѧ тебѣ̀ хрⷭ҇тѐ, посредѣ̀ двою̀ ѡ҆сꙋждє́нною разбо́йникꙋ, / є҆ди́нъ ᲂу҆́бѡ хꙋ́лѧ тѧ̀, ѡ҆сꙋжде́нъ бы́сть пра́веднѣ: / дрꙋгі́й же и҆сповѣ́даѧ тѧ̀, въ ра́й всели́сѧ."
 },
 {
  "type": "TEXT",
  "value": "К о а҆пⷭ҇лѡвъ ли́кꙋ прише́дшѧ жєны̀ чєстны́ѧ, / возопи́ша: хрⷭ҇то́съ воскр҃се, / ꙗ҆́кѡ влⷣцѣ и҆ содѣ́телю томꙋ̀ поклони́мсѧ."
 },
 {
  "type": "HEADER",
  "value": "И҆ ѿ канѡ́на слѣпа́гѡ, пѣ́снь ѕ҃:"
 },
 {
  "type": "TEXT",
  "value": "Р аспны́йсѧ съ разбо́йники влⷣко, / и҆зба́вилъ є҆сѝ ѿ разбѡ́йникъ лꙋка́выхъ, дꙋшетлѣ́нныхъ страсте́й, человѣколю́бче гдⷭ҇и, / всѧ̑ пою́щыѧ твоѐ распѧ́тїе, и҆ воста́нїе согла́снѡ."
 },
 {
  "type": "TEXT",
  "value": "П оложи́ша без̾ дыха́нїѧ тебѐ ме́ртва хрⷭ҇тѐ, во гро́бѣ, / всѣ̑мъ мє́ртвымъ вдыха́юща жи́знь: / воскре́слъ же є҆сѝ гдⷭ҇и, всѧ̑ и҆стощи́вый сло́ве гро́бы, / бж҃е́ственною твое́ю си́лою."
 },
 {
  "type": "TEXT",
  "value": "П о воста́нїи хрⷭ҇тѐ, дрꙋгѡ́мъ глаго́лалъ є҆сѝ: / сѣди́те ᲂу҆́бѡ во і҆ерꙋсали́мѣ, / до́ндеже ѡ҆блече́тесѧ си́лою свы́ше непобѣди́мою, и҆ и҆звѣ́стною по́мощїю."
 },
 {
  "type": "TEXT",
  "value": "Б ре́нїе сотво́рь, ѻ҆́чи слѣпа́гѡ ѿ рожде́нїѧ пома́залъ є҆сѝ, / и҆ дарова́лъ є҆сѝ є҆мꙋ̀ прозрѣ́ти, / пою́щꙋ твою̀ сло́ве неизрече́ннꙋю си́лꙋ, є҆́юже спа́слъ є҆сѝ мі́ръ."
 },
 {
  "type": "HEADER",
  "value": "Сла́ва, трⷪ҇ченъ: Трїѷпоста́снаѧ є҆ди́нице, / ѻ҆́ч҃е нерожде́нне, сн҃е рожде́нне, и҆ дш҃е и҆схо́дне, / трист҃ы́й гдⷭ҇и, є҆ди́но сꙋщество̀ и҆ си́ла, / спаса́й всѧ̑ лю́ди твоѧ̀."
 },
 {
  "type": "HEADER",
  "value": "И҆ ны́нѣ, бг҃оро́диченъ: Вели̑чїѧ твоѧ̀, чи́стаѧ, кто̀ и҆сповѣ́сть; / бг҃а бо пло́тїю родила̀ є҆сѝ преесте́ственнѡ, / мі́ръ тобо́ю и҆збавлѧ́ющаго, дв҃о всенепоро́чнаѧ, ѿ всѧ́кагѡ грѣха̀."
 },
 {
  "type": "HEADER",
  "value": "По вхо́дѣ тропа́рь воскре́сенъ, гла́съ є҃:"
 },
 {
  "type": "TEXT",
  "value": "С обезнача́льное сло́во ѻ҆ц҃ꙋ̀ и҆ дх҃ови, / ѿ дв҃ы ро́ждшеесѧ на сп҃се́нїе на́ше, / воспои́мъ вѣ́рнїи и҆ поклони́мсѧ: / ꙗ҆́кѡ бл҃говолѝ пло́тїю взы́ти на крⷭ҇тъ, / и҆ сме́рть претерпѣ́ти, / и҆ воскр҃си́ти ᲂу҆ме́ршыѧ / сла́внымъ воскрⷭ҇нїемъ свои́мъ."
 },
 {
  "type": "HEADER",
  "value": "Сла́ва: конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь:"
 },
 {
  "type": "TEXT",
  "value": "Д ꙋше́вныма ѻ҆чи́ма ѡ҆слѣпле́нъ, / къ тебѣ̀ хрⷭ҇тѐ прихождꙋ̀, / ꙗ҆́коже слѣпы́й ѿ рожде́нїѧ, / покаѧ́нїемъ зовꙋ́ ти: / ты̀ сꙋ́щихъ во тмѣ̀ свѣ́тъ пресвѣ́тлый."
 },
 {
  "type": "HEADER",
  "value": "И҆ ны́нѣ, конда́къ па́сцѣ, гла́съ и҃:"
 },
 {
  "type": "TEXT",
  "value": "А҆́ ще и҆ во гро́бъ снизше́лъ є҆сѝ безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскре́слъ є҆сѝ ꙗ҆́кѡ побѣди́тель хрⷭ҇тѐ бж҃е, / жена́мъ мѷроно́сицамъ вѣща́вый: ра́дꙋйтесѧ, / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскресе́нїе."
 },
 {
  "type": "HEADER",
  "value": "Прокі́менъ, гла́съ и҃:"
 },
 {
  "type": "TEXT",
  "value": "П омоли́тесѧ и҆ воздади́те / гдⷭ҇ви бг҃ꙋ на́шемꙋ. Сті́хъ: Вѣ́домъ во і҆ꙋде́и бг҃ъ, во і҆и҃ли ве́лїе и҆́мѧ є҆гѡ̀."
 },
 {
  "type": "HEADER",
  "value": "А҆пⷭ҇лъ дѣѧ́нїй, зача́ло л҃и."
 },
 {
  "type": "TEXT",
  "value": "В о днѝ ѻ҆́ны, бы́сть и҆дꙋ́щымъ а҆по́столѡмъ на моли́твꙋ, ѻ҆трокови́ца нѣ́каѧ и҆мꙋ́щаѧ дꙋ́хъ пытли́въ срѣ́те на́съ, ꙗ҆́же тѧжа́нїе мно́го даѧ́ше господє́мъ свои́мъ волхвꙋ́ющи. та̀ послѣ́довавши па́ѵлꙋ и҆ на́мъ, взыва́ше глаго́лющи: сі́и человѣ́цы рабѝ бг҃а вы́шнѧгѡ сꙋ́ть, и҆̀же возвѣща́ютъ на́мъ пꙋ́ть спасе́нїѧ. се́ же творѧ́ше на мно́ги днѝ. стꙋжи́въ же сѝ па́ѵелъ, и҆ ѡ҆бра́щсѧ, дꙋ́хови речѐ: запреща́ю тѝ и҆́менемъ і҆и҃са хрⷭ҇та̀, и҆зы́ди и҆з̾ неѧ̀: и҆ и҆зы́де въ то́мъ часѣ̀. ви́дѣвше же госпо́дїе є҆ѧ̀, ꙗ҆́кѡ и҆зы́де наде́жда тѧжа́нїѧ и҆́хъ, пое́мше па́ѵла и҆ сі́лꙋ, влеко́ша на то́ргъ ко кнѧзє́мъ. и҆ вве́дше и҆̀хъ къ воево́дамъ, рѣ́ша: сі́и человѣ́цы возмꙋща́ютъ гра́дъ на́шъ, і҆ꙋде́є сꙋ́ще. и҆ завѣщава́ютъ ѻ҆бы́чаи, ꙗ҆̀же не досто́итъ на́мъ прїима́ти, ни твори́ти, ри́млѧнѡмъ сꙋ́щымъ. и҆ сни́десѧ наро́дъ на ни́хъ, и҆ воевѡ́ды растерза́вше и҆̀мъ ри́зы, велѧ́хꙋ па́лицами би́ти и҆̀хъ. мно́ги же да́вше и҆̀мъ ра̑ны, всади́ша въ темни́цꙋ, завѣща́вше темни́чномꙋ стра́жꙋ тве́рдѡ стрещѝ и҆̀хъ: и҆́же таково̀ завѣща́нїе прїе́мъ, всадѝ и҆̀хъ во внꙋ́треннюю темни́цꙋ, и҆ но́ги и҆́хъ забѝ въ кла́дѣ. въ полꙋ́нощи же па́ѵелъ и҆ сі́ла молѧ́щасѧ поѧ́ста бг҃а: послꙋ́шахꙋ же и҆́хъ ю҆́зницы. внеза́пꙋ же трꙋ́съ бы́сть ве́лїй, ꙗ҆́кѡ поколеба́тисѧ ѡ҆снова́нїю темни́чномꙋ: ѿверзо́ша же сѧ а҆́бїе двє́ри всѧ̀, и҆ всѣ̑мъ ю҆́зы ѡ҆слабѣ́ша. возбꙋ́ждьсѧ же темни́чный стра́жъ, и҆ ви́дѣвъ ѿве́рсты двє́ри темни́цы, и҆звле́къ но́жъ, хотѧ́ше себѐ ᲂу҆би́ти, мнѧ̀ и҆збѣ́гшѧ ю҆́зники. возгласи́ же гла́сомъ ве́лїимъ па́ѵелъ, глаго́лѧ: ничто́же сотворѝ себѣ̀ ѕла̀, вси́ бо є҆смы̀ здѣ̀. проси́въ же свѣщѝ, вскочѝ, и҆ тре́петенъ бы́въ, припадѐ къ па́ѵлꙋ и҆ сі́лѣ: и҆ и҆зве́дъ и҆̀хъ во́нъ, речѐ: госпо́дїе, что́ ми подоба́етъ твори́ти, да спасꙋ́сѧ; ѻ҆́на же реко́ста: вѣ́рꙋй въ гдⷭ҇а і҆и҃са хрⷭ҇та̀, и҆ спасе́шисѧ ты̀, и҆ ве́сь до́мъ тво́й. и҆ глаго́ласта є҆мꙋ̀ сло́во гдⷭ҇не, и҆ всѣ̑мъ и҆̀же въ домꙋ̀ є҆гѡ̀. и҆ пое́мъ ѧ҆̀ въ то́й же ча́съ но́щи, и҆змы̀ ѿ ра́нъ, и҆ крести́сѧ са́мъ, и҆ своѝ є҆мꙋ̀ всѝ а҆́бїе. вве́дъ же ѧ҆̀ въ до́мъ сво́й, поста́ви трапе́зꙋ, и҆ возра́довасѧ со всѣ́мъ до́момъ свои́мъ, вѣ́ровавъ бг҃ꙋ."
 },
 {
  "type": "TEXT",
  "value": "А҆ллилꙋ́їа, гла́съ и҃: При́зри на мѧ̀, и҆ поми́лꙋй мѧ̀. Сті́хъ: Стопы̀ моѧ̀ напра́ви по словесѝ твоемꙋ̀."
 },
 {
  "type": "HEADER",
  "value": "Є҆ѵⷢ҇лїе і҆ѡа́нна, зача́ло л҃д."
 },
 {
  "type": "TEXT",
  "value": "В о вре́мѧ ѻ҆́но, мимоиды́й і҆и҃съ ви́дѣ человѣ́ка слѣ́па ѿ рождества̀. и҆ вопроси́ша є҆го̀ ᲂу҆ченицы̀ є҆гѡ̀, глаго́люще: равві̀, кто̀ согрѣшѝ; се́й ли, и҆лѝ роди́тєлѧ є҆гѡ̀, да слѣ́пъ роди́сѧ; ѿвѣща̀ і҆и҃съ: ни се́й согрѣшѝ, ни роди́тєлѧ є҆гѡ̀, но да ꙗ҆вѧ́тсѧ дѣла̀ бж҃їѧ на не́мъ. мнѣ̀ подоба́етъ дѣ́лати дѣла̀ посла́вшагѡ мѧ̀, до́ндеже де́нь є҆́сть: прїи́детъ но́щь, є҆гда̀ никто́же мо́жетъ дѣ́лати. є҆гда̀ въ мі́рѣ є҆́смь, свѣ́тъ є҆́смь мі́рꙋ. сїѧ̑ ре́къ, плю́нꙋ на зе́млю, и҆ сотворѝ бре́нїе ѿ плюнове́нїѧ, и҆ пома́за ѻ҆́чи бре́нїемъ слѣпо́мꙋ. и҆ речѐ є҆мꙋ̀: и҆дѝ, ᲂу҆мы́йсѧ въ кꙋпѣ́ли сїлѡа́мстѣ, є҆́же сказа́етсѧ по́сланъ. и҆́де же и҆ ᲂу҆мы́сѧ, и҆ прїи́де ви́дѧ. сосѣ́ди же и҆ и҆̀же бѧ́хꙋ ви́дѣли є҆го̀ пре́жде, ꙗ҆́кѡ слѣ́пъ бѣ̀, глаго́лахꙋ: не се́й ли є҆́сть сѣдѧ́й и҆ просѧ́й; ѻ҆́вїи глаго́лахꙋ, ꙗ҆́кѡ се́й є҆́сть: и҆ні́и же глаго́лахꙋ, ꙗ҆́кѡ подо́бенъ є҆мꙋ̀ є҆́сть: ѻ҆́нъ же глаго́лаше, ꙗ҆́кѡ а҆́зъ є҆́смь. глаго́лахꙋ же є҆мꙋ̀: ка́кѡ тѝ ѿверзо́стѣсѧ ѻ҆́чи; ѿвѣща̀ ѻ҆́нъ и҆ речѐ: человѣ́къ нарица́емый і҆и҃съ бре́нїе сотворѝ, и҆ пома́за ѻ҆́чи моѝ, и҆ рече́ ми: и҆дѝ въ кꙋпѣ́ль сїлѡа́млю, и҆ ᲂу҆мы́йсѧ. ше́дъ же и҆ ᲂу҆мы́всѧ, прозрѣ́хъ. рѣ́ша же є҆мꙋ̀: кто̀ то́й є҆́сть; глаго́ла, не вѣ́мъ. ведо́ша же є҆го̀ къ фарїсе́ѡмъ, и҆́же бѣ̀ и҆ногда̀ слѣ́пъ. бѣ́ же сꙋббѡ́та, є҆гда̀ сотворѝ бре́нїе і҆и҃съ, и҆ ѿве́рзе є҆мꙋ̀ ѻ҆́чи. па́ки же вопроша́хꙋ є҆го̀ и҆ фарїсе́є: ка́кѡ прозрѣ̀; ѻ҆́нъ же речѐ и҆̀мъ: бре́нїе положѝ мнѣ̀ на ѻ҆́чи, и҆ ᲂу҆мы́хсѧ, и҆ ви́жꙋ. глаго́лахꙋ же ѿ фарїсє́й нѣ́цыи: нѣ́сть се́й ѿ бг҃а человѣ́къ, ꙗ҆́кѡ сꙋббѡ́тꙋ не храни́тъ. ѻ҆́вїи глаго́лахꙋ: ка́кѡ мо́жетъ человѣ́къ грѣ́шенъ сицєва̀ зна́мєнїѧ твори́ти; и҆ ра́спрѧ бѣ̀ въ ни́хъ. глаго́лахꙋ ᲂу҆́бѡ слѣпцꙋ̀ па́ки: ты̀ что̀ глаго́леши ѡ҆ не́мъ, ꙗ҆́кѡ ѿве́рзе ѻ҆́чи твоѝ; ѻ҆́нъ же речѐ, ꙗ҆́кѡ проро́къ є҆́сть. не ꙗ҆́ша ᲂу҆́бѡ вѣ́ры і҆ꙋде́є ѡ҆ не́мъ, ꙗ҆́кѡ слѣ́пъ бѣ̀, и҆ прозрѣ̀, до́ндеже возгласи́ша роди́тєлѧ тогѡ̀ прозрѣ́вшагѡ. и҆ вопроси́ша ѧ҆̀, глаго́люще: се́й ли є҆́сть сы́нъ ва́ю, є҆го́же вы̀ глаго́лете, ꙗ҆́кѡ слѣ́пъ роди́сѧ; ка́кѡ ᲂу҆́бѡ ны́нѣ ви́дитъ; ѿвѣща́ста же и҆́ма роди́тєлѧ є҆гѡ̀ и҆ рѣ́ста: вѣ́мы, ꙗ҆́кѡ се́й є҆́сть сы́нъ на́ю, и҆ ꙗ҆́кѡ слѣ́пъ роди́сѧ. ка́кѡ же ны́нѣ ви́дитъ, не вѣ́мы, и҆лѝ кто̀ ѿве́рзе є҆мꙋ̀ ѻ҆́чи, мы̀ не вѣ́мы. са́мъ во́зрастъ и҆́мать, самого̀ вопроси́те: са́мъ ѡ҆ себѣ̀ да глаго́летъ. сїѧ̑ реко́ста роди́тєлѧ є҆гѡ̀, ꙗ҆́кѡ боѧ́стасѧ жидѡ́въ: ᲂу҆же́ бо бѧ́хꙋ сложи́лисѧ жи́дове, да а҆́ще кто̀ є҆го̀ и҆сповѣ́сть хрⷭ҇та̀, ѿлꙋче́нъ со́нмища да бꙋ́детъ. сегѡ̀ ра́ди роди́тєлѧ є҆гѡ̀ реко́ста: ꙗ҆́кѡ во́зрастъ и҆́мать, самого̀ вопроси́те. возгласи́ша же втори́цею человѣ́ка, и҆́же бѣ̀ слѣ́пъ, и҆ рѣ́ша є҆мꙋ̀: да́ждь сла́вꙋ бг҃ꙋ, мы̀ вѣ́мы, ꙗ҆́кѡ человѣ́къ се́й грѣ́шенъ є҆́сть. ѿвѣща́ же ѻ҆́нъ, и҆ речѐ: а҆́ще грѣ́шенъ є҆́сть, не вѣ́мъ: є҆ди́но вѣ́мъ, ꙗ҆́кѡ слѣ́пъ бѣ́хъ, ны́нѣ же ви́жꙋ. рѣ́ша же є҆мꙋ̀ па́ки: что̀ сотворѝ тебѣ̀; ка́кѡ ѿве́рзе ѻ҆́чи твоѝ; ѿвѣща̀ и҆̀мъ: реко́хъ ва́мъ ᲂу҆жѐ, и҆ не слы́шасте: что̀ па́ки хо́щете слы́шати; є҆да̀ и҆ вы̀ ᲂу҆ченицы̀ є҆гѡ̀ хо́щете бы́ти; ѻ҆ни́ же ᲂу҆кори́ша є҆го̀, и҆ рѣ́ша є҆мꙋ̀: ты̀ ᲂу҆чени́къ є҆сѝ тогѡ̀, мы́ же мѡѷсе́овы є҆смы̀ ᲂу҆ченицы̀. мы̀ вѣ́мы, ꙗ҆́кѡ мѡѷсе́ови глаго́ла бг҃ъ: сегѡ́ же не вѣ́мы, ѿкꙋ́дꙋ є҆́сть. ѿвѣща̀ человѣ́къ, и҆ речѐ и҆̀мъ: ѡ҆ се́мъ бо ди́вно є҆́сть, ꙗ҆́кѡ вы̀ не вѣ́сте, ѿкꙋ́дꙋ є҆́сть, и҆ ѿве́рзе ѻ҆́чи моѝ. вѣ́мъ же, ꙗ҆́кѡ грѣ́шники бг҃ъ не послꙋ́шаетъ: но а҆́ще кто̀ бг҃очте́цъ є҆́сть, и҆ во́лю є҆гѡ̀ твори́тъ, тогѡ̀ послꙋ́шаетъ. ѿ вѣ́ка нѣ́сть слы́шано, ꙗ҆́кѡ кто̀ ѿве́рзе ѻ҆́чи слѣ́пꙋ рожде́нꙋ. а҆́ще не бы̀ бы́лъ се́й ѿ бг҃а, не мо́глъ бы твори́ти ничесѡ́же. ѿвѣща́ша и҆ рѣ́ша є҆мꙋ̀: во грѣсѣ́хъ ты̀ роди́лсѧ є҆сѝ ве́сь, и҆ ты́ ли ны̀ ᲂу҆чи́ши; и҆ и҆згна́ша є҆го̀ во́нъ. ᲂу҆слы́ша і҆и҃съ, ꙗ҆́кѡ и҆згна́ша є҆го̀ во́нъ, и҆ ѡ҆брѣ́тъ є҆го̀, речѐ є҆мꙋ̀: ты̀ вѣ́рꙋеши ли въ сн҃а бж҃їѧ; ѿвѣща̀ ѻ҆́нъ, и҆ речѐ: и҆ кто́ є҆сть гдⷭ҇и, да вѣ́рꙋю въ него̀; рече́ же є҆мꙋ̀ і҆и҃съ: и҆ ви́дѣлъ є҆сѝ є҆го̀, и҆ глаго́лѧй съ тобо́ю, то́й є҆́сть. ѻ҆́нъ же речѐ: вѣ́рꙋю гдⷭ҇и, и҆ поклони́сѧ є҆мꙋ̀."
 },
 {
  "type": "HEADER",
  "value": "Вмѣ́стѡ же Досто́йно: пое́мъ:"
 },
 {
  "type": "TEXT",
  "value": "А҆́ гг҃лъ вопїѧ́ше бл҃года́тнѣй, / чи́стаѧ дв҃о ра́дꙋйсѧ, / и҆ па́ки рекꙋ̀, ра́дꙋйсѧ: / тво́й сн҃ъ воскре́се / тридне́венъ ѿ гро́ба, / и҆ мє́ртвыѧ воздви́гнꙋвый, / лю́дїе весели́тесѧ."
 },
 {
  "type": "TEXT",
  "value": "Та́же і҆рмо́съ: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
 },
 {
  "type": "HEADER",
  "value": "Прича́стный:"
 },
 {
  "type": "TEXT",
  "value": "Т ѣ́ло хрⷭ҇то́во прїими́те, / и҆сто́чника безсме́ртнагѡ вкꙋси́те. Дрꙋгі́й: Хвали́те гдⷭ҇а съ нб҃съ, / хвали́те є҆гѡ̀ въ вы́шнихъ. / А҆ ллилꙋ́їа. Три́жды."
 },
 {
  "type": "TEXT",
  "value": "[зрѝ] Слꙋ́жбꙋ ст҃а́гѡ слꙋчи́вшагѡсѧ въ недѣ́лю сїю̀ пое́мъ на повече́рїи."
 }
]