[{"type": "TEXT", "value": "Со стра́хомъ бж҃їимъ и҆ вѣ́рою пристꙋпи́те.", "who": "P"}, {"type": "TEXT", "value": "Бл҃гослове́нъ грѧды́й во и҆́мѧ гдⷭ҇не, бг҃ъ гдⷭ҇ь, и҆ ꙗ҆ви́сѧ на́мъ.", "who": "C"}, {"type": "TEXT", "value": "Сп҃сѝ, бж҃е, лю́ди твоѧ̑, и҆ благословѝ достоѧ́нїе твоѐ.", "who": "P"}, {"type": "TEXT", "value": "Ви́дѣхомъ свѣ́тъ и҆́стинный, прїѧ́хомъ дх҃а нбⷭ҇наго, ѡ҆брѣто́хомъ вѣ́рꙋ и҆́стиннꙋю, нераздѣ́льнѣй трⷪ҇цѣ покланѧ́емсѧ: та́ бо на́съ спасла̀ є҆́сть.", "who": "C"}, {"type": "TEXT", "value": "Бл҃гослове́нъ бг҃ъ на́шъ.", "who": "P"}, {"type": "TEXT", "value": "А҆ми́нь. ᲂу҆твердѝ, бж҃е, ст҃ꙋ́ю правосла́внꙋю вѣ́рꙋ, во вѣ́ки вѣкѡ́въ.", "who": "C"}, {"type": "TEXT", "value": "Всегда̀, ны́нѣ и҆ при́снѡ, и҆ во вѣ́ки вѣкѡ́въ.", "who": "P"}, {"type": "TEXT", "value": "А҆ми́нь.", "who": "C"}, {"type": "TEXT", "value": "Да и҆спо́лнѧтсѧ ᲂу҆ста̀ на́ша хвале́нїѧ твоегѡ̀ гдⷭ҇и, ꙗ҆́кѡ да пое́мъ сла́вꙋ твою̀, ꙗ҆́кѡ сподо́билъ є҆сѝ на́съ причасти́тисѧ ст҃ы̑мъ твои̑мъ, бж҃е́ственнымъ, безсме́ртнымъ и҆ животворѧ́щимъ та̑йнамъ твои̑мъ: са́ми на́съ во ст҃ы́ни твое́й соблюдѝ, ве́сь де́нь поꙋча́тисѧ пра́вдѣ твое́й. а҆ллилꙋ́їа, а҆ллилꙋ́їа, а҆ллилꙋ́їа.", "who": "C"}]