[
 {
  "type": "HEADER",
  "value": "Въ пѧто́къ свѣ́тлыѧ седми́цы."
 },
 {
  "type": "TEXT",
  "value": "ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
 },
 {
  "type": "HEADER",
  "value": "Въ четверто́къ свѣ́тлыѧ седми́цы ве́чера."
 },
 {
  "type": "TEXT",
  "value": "Пое́мъ настоѧ́щее послѣ́дованїе, бы́вшее ѿ гдⷭ҇и́на нїки́фора каллі́ста ѯанѳопꙋ́ла. На прест҃ꙋ́ю гпⷭ҇жꙋ̀ влⷣчцꙋ бцⷣꙋ живопрїе́мный и҆сто́чникъ. Не бо̀ ѡ҆брѣто́хомъ въ тѵ́пицѣ сицева́гѡ послѣ́дованїѧ, но положи́сѧ любвѐ ра́ди прест҃ы́ѧ бцⷣы."
 },
 {
  "type": "TEXT",
  "value": "По ѳ҃-мъ часѣ̀, во свѣти́льничномъ, ѡ҆блачи́тсѧ настоѧ́тель во всю̀ свѧще́ннꙋю ѻ҆де́ждꙋ. И҆ ста́въ пред̾ ст҃о́ю трапе́зою съ кади́льницею, зна́менꙋетъ крⷭ҇тови́днѡ, и҆ возглаша́етъ глаго́лѧ:"
 },
 {
  "type": "TEXT",
  "value": "Б лагослове́нъ бг҃ъ на́шъ всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "И҆ на́мъ ѿвѣща́ющымъ: А҆ми́нь."
 },
 {
  "type": "TEXT",
  "value": "И҆ то́й начина́етъ: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ. три́жды. И҆ мы̀ то́йжде ѿвѣща́емъ три́жды."
 },
 {
  "type": "HEADER",
  "value": "И҆ глаго́летъ настоѧ́тель преждеречє́нныѧ стїхѝ:"
 },
 {
  "type": "TEXT",
  "value": "а҃-й сті́хъ: Да воскре́снетъ бг҃ъ, и҆ расточа́тсѧ вразѝ є҆гѡ̀, / и҆ да бѣжа́тъ ѿ лица̀ є҆гѡ̀ ненави́дѧщїи є҆го̀."
 },
 {
  "type": "TEXT",
  "value": "И҆ на кі́йждо сті́хъ мы̀ пое́мъ тропа́рь: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ. Ве́сь по є҆ди́ножды."
 },
 {
  "type": "TEXT",
  "value": "в҃-й сті́хъ: Ꙗ҆́кѡ и҆счеза́етъ ды́мъ, да и҆сче́знꙋтъ, / ꙗ҆́кѡ та́етъ во́скъ ѿ лица̀ ѻ҆гнѧ̀. Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "г҃-й сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ. Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "д҃-й сті́хъ: Се́й де́нь є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь. Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "Сла́ва: Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "И҆ ны́нѣ: Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "Та́же настоѧ́тель: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ."
 },
 {
  "type": "TEXT",
  "value": "Мы́ же: И҆ сꙋ́щымъ во гробѣ́хъ живо́тъ дарова́въ."
 },
 {
  "type": "TEXT",
  "value": "Та́же є҆ктенїа̀ вели́каѧ ѿ дїа́кона: Ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "[зрѝ] Подоба́етъ вѣ́дати, ꙗ҆́кѡ по внегда̀ нача́ти і҆ере́ю, кади́тъ ст҃ꙋ́ю трапе́зꙋ по ѻ҆бы́чаю и҆ ве́сь ѻ҆лта́рь, ве́черъ, на Гдⷭ҇и воззва́хъ: на ᲂу҆́трени, въ нача́лѣ канѡ́на и҆схо́дитъ и҆ кади́тъ хра́мъ и҆ ли́ки и҆ бра́тїю по ѻ҆быкнове́нномꙋ чи́нꙋ."
 },
 {
  "type": "HEADER",
  "value": "На Гдⷭ҇и воззва́хъ: поста́вимъ стїхѡ́въ і҃. И҆ пое́мъ стїхи̑ры воскре́сны ѻ҆смогла́сника ѕ҃, гла́съ ѕ҃:"
 },
 {
  "type": "TEXT",
  "value": "Сті́хъ: И҆зведѝ и҆з̾ темни́цы дꙋ́шꙋ мою̀, и҆сповѣ́датисѧ и҆́мени твоемꙋ̀."
 },
 {
  "type": "TEXT",
  "value": "П обѣ́дꙋ и҆мѣ́ѧ хрⷭ҇тѐ, ю҆́же на а҆́да, / на крⷭ҇тъ возше́лъ є҆сѝ: / да во тьмѣ̀ сме́рти сѣдѧ́щыѧ воскр҃си́ши съ собо́ю, / и҆́же въ ме́ртвыхъ свобо́дь, / и҆сточа́ѧй живо́тъ ѿ своегѡ̀ свѣ́та, / всеси́льне сп҃се, поми́лꙋй на́съ."
 },
 {
  "type": "TEXT",
  "value": "Сті́хъ: Менє̀ ждꙋ́тъ пра́вєдницы, до́ндеже возда́си мнѣ̀."
 },
 {
  "type": "TEXT",
  "value": "Д не́сь хрⷭ҇то́съ сме́рть попра́въ, / ꙗ҆́коже речѐ, воскр҃се, / и҆ ра́дованїе мі́рови дарова̀, / да всѝ взыва́юще, пѣ́снь та́кѡ рце́мъ: / и҆сто́чниче жи́зни, непристꙋ́пный свѣ́те, / всеси́льне сп҃се, поми́лꙋй на́съ."
 },
 {
  "type": "TEXT",
  "value": "Сті́хъ: И҆з̾ глꙋбины̀ воззва́хъ къ тебѣ̀ гдⷭ҇и, гдⷭ҇и, ᲂу҆слы́ши гла́съ мо́й."
 },
 {
  "type": "TEXT",
  "value": "Т ебѐ гдⷭ҇и, сꙋ́щагѡ по все́й тва́ри, / грѣ́шнїи ка́мѡ бѣжи́мъ; / на нб҃сѝ са́мъ живе́ши, / во а҆́дѣ попра́лъ є҆сѝ сме́рть, / во глꙋбины̑ мѡрскі́ѧ; / та́мѡ рꙋка̀ твоѧ̀ влⷣко. / къ тебѣ̀ прибѣга́емъ, / тебѣ̀ припа́дающе мо́лимсѧ: / воскр҃сы́й и҆з̾ ме́ртвыхъ поми́лꙋй на́съ."
 },
 {
  "type": "HEADER",
  "value": "И҆ны́ѧ стїхи̑ры восто́чны, гла́съ то́йже:"
 },
 {
  "type": "TEXT",
  "value": "Сті́хъ: Да бꙋ́дꙋтъ ᲂу҆́ши твоѝ, вне́млющѣ гла́сꙋ моле́нїѧ моегѡ̀."
 },
 {
  "type": "TEXT",
  "value": "К рⷭ҇то́мъ твои́мъ хрⷭ҇тѐ хва́лимсѧ, / и҆ воскрⷭ҇нїе твоѐ пое́мъ и҆ сла́вимъ: / ты́ бо є҆сѝ бг҃ъ на́шъ. / ра́звѣ тебѐ и҆на́гѡ не вѣ́мы."
 },
 {
  "type": "TEXT",
  "value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
 },
 {
  "type": "TEXT",
  "value": "С ла́ва си́лѣ твое́й гдⷭ҇и, / ꙗ҆́кѡ ᲂу҆праздни́лъ є҆сѝ держа́вꙋ и҆мꙋ́щагѡ сме́рти: / ѡ҆бнови́лъ є҆сѝ на́съ крⷭ҇то́мъ твои́мъ, / да́рꙋѧ на́мъ живо́тъ и҆ нетлѣ́нїе."
 },
 {
  "type": "TEXT",
  "value": "Сті́хъ: И҆́мене ра́ди твоегѡ̀ потерпѣ́хъ тѧ̀, гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
 },
 {
  "type": "TEXT",
  "value": "В ы́нꙋ бл҃гословѧ́ще гдⷭ҇а, / пое́мъ воскрⷭ҇нїе є҆гѡ̀: / крⷭ҇тъ бо претерпѣ́въ, / сме́ртїю сме́рть погꙋбѝ."
 },
 {
  "type": "HEADER",
  "value": "Та́же стїхи̑ры живопрїе́мнагѡ и҆сто́чника, гла́съ то́йже. Подо́бенъ: Всѐ возло́жше:"
 },
 {
  "type": "TEXT",
  "value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
 },
 {
  "type": "TEXT",
  "value": "С тра̑ннаѧ и҆ пресла̑внаѧ нб҃съ влⷣка / на тебѣ̀ соверша́ше и҆знача́ла, всенепоро́чнаѧ: / и҆́бо свы́ше ꙗ҆́вственнѡ ᲂу҆ка́нꙋ, / ꙗ҆́коже до́ждь во ᲂу҆тро́бѣ твое́й бг҃оневѣ́сто, / и҆сто́чникъ тѧ̀ показꙋ́ѧ всѐ благо́е врѣ́ющїй, / ѻ҆би́лїе же и҆сцѣле́нїй, / благодѣѧ̑нїѧ и҆сточа́ющїй всѣ̑мъ незави́стнѡ, / тре́бꙋющымъ крѣ́пости дꙋ́шъ, и҆ здра́вїѧ тѣлесѐ, / водо́ю благода́ти."
 },
 {
  "type": "TEXT",
  "value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
 },
 {
  "type": "TEXT",
  "value": "М а́ннꙋ тѧ̀ нбⷭ҇нꙋю, / и҆ раѧ̀ дв҃о и҆сто́чникъ бж҃е́ственный / и҆менꙋ́ю влⷣчце, прїи́скреннѣ: / земли́ бо течѐ то́къ, / и҆ бл҃года́ть и҆сто́чника твоегѡ̀ четвероча́стїе є҆ѧ̀ покрыва́ющаѧ, / стра́нными чꙋдесы̀ всегда̀, / и҆ всѣ̑мъ проси́маѧ быва́етъ вода̀ пїе́маѧ. / тѣ́мже веселѧ́щесѧ хрⷭ҇тоимени́тїи, притека́емъ вѣ́рнѡ, / ст҃ы́ню че́рплюще всегда̀ сладкото́чнꙋю."
 },
 {
  "type": "TEXT",
  "value": "Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
 },
 {
  "type": "TEXT",
  "value": "С трꙋи̑ и҆сцѣле́нїй и҆сточа́еши дв҃о, / вѣ́рнѡ притека́ющымъ и҆сто́чникꙋ твоемꙋ̀ всегда̀ бг҃оневѣ́сто: / тꙋ́не бо и҆злива́еши, / ѻ҆би́льнѡ и҆ бога́тнѡ недꙋ́гꙋющымъ и҆сцѣлє́нїѧ: / слѣпы̑ѧ ви́дѧщыѧ ꙗ҆влѧ́еши ꙗ҆́снѡ, / пристꙋпа́ющыѧ къ тебѣ̀: / хрѡ́мыѧ мнѡ́гїѧ и҆спра́вила є҆сѝ, / и҆ разсла́блєнныѧ стѧгнꙋ́ла є҆сѝ, / ᲂу҆мерщвле́на же ѡ҆живи́ла є҆сѝ возлїѧ́нїемъ трегꙋ́бымъ, / наводне́нныхъ и҆ ѕлоды́шꙋщихъ стра̑сти и҆сцѣли́ла є҆сѝ."
 },
 {
  "type": "TEXT",
  "value": "Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
 },
 {
  "type": "TEXT",
  "value": "И҆ повторѧ́емъ а҃-ю стїхи́рꙋ: Стра̑ннаѧ и҆ пресла̑внаѧ нб҃съ влⷣка / на тебѣ̀ соверша́ше и҆знача́ла, всенепоро́чнаѧ: / и҆́бо свы́ше ꙗ҆́вственнѡ ᲂу҆ка́нꙋ, / ꙗ҆́коже до́ждь во ᲂу҆тро́бѣ твое́й бг҃оневѣ́сто, / и҆сто́чникъ тѧ̀ показꙋ́ѧ всѐ благо́е врѣ́ющїй, / ѻ҆би́лїе же и҆сцѣле́нїй, / благодѣѧ̑нїѧ и҆сточа́ющїй всѣ̑мъ незави́стнѡ, / тре́бꙋющымъ крѣ́пости дꙋ́шъ, и҆ здра́вїѧ тѣлесѐ, / водо́ю благода́ти."
 },
 {
  "type": "TEXT",
  "value": "Сла́ва, гла́съ ѕ҃: Кто̀ возглаго́летъ си̑лы твоѧ̀ и҆сто́чниче, / и҆́же неистоща́емыми чꙋдесы̀ и҆з̾ѡби́лꙋѧй, / мнѡ́гаѧ и҆ па́че є҆стества̀ содѣва́еши и҆сцѣле́ньми; / ѽле вели́чїй, ꙗ҆̀же всѣ̑мъ и҆злива́еши! / не то́кмѡ бо болѣ̑зни неꙋдѡ́бныѧ ѿгна́ла є҆сѝ / притека́ющихъ съ любо́вїю, / но и҆ дꙋшє́вныѧ стра̑сти и҆змыва́еши ѡ҆чища́ющи всенескве́рнаѧ, / всѣ̑мъ подаю́щи ве́лїю ми́лость."
 },
 {
  "type": "TEXT",
  "value": "И҆ ны́нѣ: Кто̀ тебѐ не ᲂу҆блажи́тъ прест҃а́ѧ дв҃о; / кто́ ли не воспое́тъ твоегѡ̀ пречи́стагѡ ржⷭ҇тва̀; / безлѣ́тнѡ бо ѿ ѻ҆ц҃а̀ возсїѧ́вый сн҃ъ є҆диноро́дный: / то́йже ѿ тебѐ чи́стыѧ про́йде, неизрече́ннѡ вопло́щсѧ. / є҆стество́мъ бг҃ъ сы́й, / и҆ є҆стество́мъ бы́въ человѣ́къ на́съ ра́ди: / не во двою̀ лицꙋ̀ раздѣлѧ́емый, / но во двою̀ є҆стествꙋ̀ несли́тнѡ познава́емый. / того̀ молѝ чи́стаѧ всебл҃же́ннаѧ, / поми́ловатисѧ дꙋша́мъ на́шымъ."
 },
 {
  "type": "TEXT",
  "value": "Вхо́дъ съ кади́ломъ. Свѣ́те ти́хїй: Прокі́менъ, гла́съ з҃: Возлюблю́ тѧ гдⷭ҇и крѣ́посте моѧ̀, / гдⷭ҇ь ᲂу҆тверже́нїе моѐ. Сті́хъ: Бг҃ъ мо́й, помо́щникъ мо́й, и҆ ᲂу҆пова́ю на него̀. Сті́хъ: Хвалѧ̀ призовꙋ̀ гдⷭ҇а, и҆ ѿ вра̑гъ мои́хъ спасꙋ́сѧ. Сті́хъ: Оу҆слы́ша ѿ хра́ма ст҃а́гѡ своегѡ̀ гла́съ мо́й. Та́же: Возлюблю́ тѧ гдⷭ҇и крѣ́посте моѧ̀, гдⷭ҇ь ᲂу҆тверже́нїе моѐ."
 },
 {
  "type": "TEXT",
  "value": "Посе́мъ є҆ктенїа̀: Рце́мъ всѝ: и҆ Сподо́би гдⷭ҇и въ ве́черъ се́й: Та́же: И҆спо́лнимъ вече́рнюю мл҃твꙋ:"
 },
 {
  "type": "HEADER",
  "value": "На стїхо́внѣ стїхи́ра воскрⷭ҇на гла́съ ѕ҃, ѻ҆смогла́сника:"
 },
 {
  "type": "TEXT",
  "value": "В оскрⷭ҇нїе твоѐ хрⷭ҇тѐ сп҃се, / а҆́гг҃ли пою́тъ на нб҃сѣ́хъ, / и҆ на́съ на землѝ сподо́би, / чⷭ҇тымъ се́рдцемъ тебѐ сла́вити."
 },
 {
  "type": "HEADER",
  "value": "Та́же, настоѧ́щыѧ стїхи̑ры бцⷣы, гла́съ є҃. Подо́бенъ:"
 },
 {
  "type": "TEXT",
  "value": "Р а́дꙋйсѧ живоно́сный и҆сто́чниче, / по морѧ́мъ разлива́ѧй чꙋдеса̀, на всю̀ вселе́ннꙋю. / ѻ҆кеа́не ᲂу҆́мный, / ні́лѡвы стрꙋи̑ превосходѧ́й и҆злива́нїемъ бл҃года́ти. / сїлѡа́ме вторы́й, во́дꙋ и҆сточа́ѧй, / а҆́ки ѿ ка́мене пресла́внꙋю, / і҆ѻрда́ново же прїе́мый дѣ́йство. / ма́нно спаси́тельнаѧ же, ꙗ҆́снѡ быва́емаѧ, / ко и҆́щꙋщагѡ тре́бованїю, бога́таѧ вои́стиннꙋ и҆ незави́стнаѧ, / хрⷭ҇то́ва мт҃и ѻ҆трокови́це, / и҆злива́ющаѧ мі́рови ве́лїю ми́лость."
 },
 {
  "type": "TEXT",
  "value": "Сті́хъ: Ѡ҆свѧти́лъ є҆́сть селе́нїе / своѐ вы́шнїй."
 },
 {
  "type": "TEXT",
  "value": "П ѣ́сньми чꙋ́дными вѣ́рнїи, / нбⷭ҇ный ѻ҆́блакъ воспои́мъ, / ка́плю нбⷭ҇нꙋю живода́вца хрⷭ҇та̀, / на зе́млю нетлѣ́ннѡ ѡ҆дожди́вшꙋю, / жи́вꙋ ска́чꙋщꙋю, и҆ и҆сточа́ющꙋю безсме́ртнаѧ: / во́дꙋ бж҃е́ственнꙋю, а҆мвросі́ю, не́ктара, / никогда́же по питїѝ и҆стлѣва́юща, / жа́ждꙋ же та́ющꙋю дꙋ́шы ѿгонѧ́юща. / ѿ негѡ́же пїю́щымъ разꙋ́мнѡ, / то́ки бж҃є́ственныѧ предлага́ютсѧ ѿ ᲂу҆́мнагѡ чре́ва, / точа́ща всѣ̑мъ бл҃года́ть незави́стнꙋю."
 },
 {
  "type": "TEXT",
  "value": "Сті́хъ: Рѣ́чнаѧ ᲂу҆стремлє́нїѧ / веселѧ́тъ гра́дъ бж҃їй."
 },
 {
  "type": "TEXT",
  "value": "Р а́дꙋйсѧ, живопрїе́мный и҆сто́чниче, / вѣ́чнѡ и҆сточа́ѧ бл҃года́ти, / лїѧ́нїе и҆сцѣле́нїй, всѧ́кꙋю недꙋ́гѡвъ крѣ́пость, / немощнꙋ́ю и҆ ѕлꙋ́ю ѿгонѧ́ющее, / слѣпы́хъ воззрѣ́нїе, и҆ прокаже́нныхъ бжⷭ҇твенное ѡ҆чище́нїе, / точа́щее недꙋ́гѡвъ всѧ́кое врачевство̀, / всѣ̑мъ притека́ющымъ вѣ́рнѡ къ хра́мꙋ твоемꙋ̀: / вели́каѧ ѻ҆́бщаѧ цѣльба̀, / безме́зднаѧ вои́стиннꙋ и҆ гото́ваѧ, / мт҃и хрⷭ҇та̀ сло́ва, / и҆сточа́ющагѡ мі́рови ве́лїю ми́лость."
 },
 {
  "type": "TEXT",
  "value": "Сла́ва, гла́съ є҃: Вострꙋ́бимъ празднолю́бцы въ пѣ́снехъ, / воспле́щемъ въ вода́хъ, и҆ возликꙋ́имъ ра́дꙋющесѧ, / вѣ́чными то́ками живоно́снагѡ и҆сто́чника: / ца́рїе и҆ кнѧ́зи да стека́ютсѧ, / и҆ и҆сто́чника бл҃года́ти да че́рплютъ незави́стнѡ: / цари́ бо спасѐ, / на ѻ҆дрѣ́ же содержи̑мыѧ прикоснове́нїемъ возста́ви. / па́стырїе же и҆ всѝ дождено́сный ѻ҆́блакъ, / спаси́тельнꙋю во́дꙋ сше́дшесѧ почерпе́мъ. / и҆̀же въ недꙋ́зѣхъ свобожде́нїе: / и҆̀же въ бѣда́хъ, крѣ́пость: / прохлажде́нїе, и҆̀же въ жа́ждѣ: / слѣпі́и ѻ҆́чи, глꙋсі́и бл҃гослы́шанїе, / ѕлостра́ждꙋщїи и҆сцѣле́нїе: / и҆̀же въ сме́ртехъ, живоно́снꙋю: / всѝ повсю́дꙋ вѣ̑рнымъ и҆сточа́ющꙋю во́ды спасе́нїѧ, / воспле́щꙋще си́це воззове́мъ: / присноживы́ѧ то́ки и҆злива́ющаѧ ѿ и҆сто́чника чи́стаѧ, / не преста́й дв҃о всегда̀ молѧ́щисѧ / ѡ҆ рабѣ́хъ твои́хъ."
 },
 {
  "type": "TEXT",
  "value": "И҆ ны́нѣ, гла́съ то́йже: Воскрⷭ҇нїѧ де́нь, / и҆ просвѣти́мсѧ торжество́мъ, / и҆ дрꙋ́гъ дрꙋ́га ѡ҆б̾и́мемъ. / рце́мъ бра́тїе, / и҆ ненави́дѧщымъ на́съ, / прости́мъ всѧ̑ воскрⷭ҇нїемъ, / и҆ та́кѡ возопїи́мъ: / хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
 },
 {
  "type": "TEXT",
  "value": "Х рⷭ҇то́съ воскре́се: три́жды, кромѣ̀ конца̀ стїхи́ры."
 },
 {
  "type": "TEXT",
  "value": "Та́же дїа́конъ: Премꙋ́дрость. Мы́ же: Бл҃гословѝ. Настоѧ́тель: Сы́й бл҃гослове́нъ хрⷭ҇то́съ бг҃ъ на́шъ: И҆ мы̀: Оу҆твердѝ бж҃е: Та́же настоѧ́тель, вмѣ́стѡ: Сла́ва тебѣ̀ хрⷭ҇тѐ бж҃е: Хрⷭ҇то́съ воскре́се и҆з̾ ме́ртвыхъ / сме́ртїю сме́рть попра́въ. И҆ мы̀: И҆ сꙋ́щымъ во гробѣ́хъ живо́тъ дарова́въ. И҆ а҆́бїе глаго́летъ ѿпꙋ́стъ со крⷭ҇то́мъ: Хрⷭ҇то́съ воскресы́й и҆з̾ ме́ртвыхъ: И҆ про́чее, ꙗ҆́коже и҆з̾ѧви́сѧ въ коне́цъ ᲂу҆́трени."
 },
 {
  "type": "TEXT",
  "value": "[зрѝ] И҆ цѣлꙋ́емъ ст҃ы́ѧ і҆кѡ́ны. И҆ вхо́димъ въ трапе́зꙋ, и҆ глаго́лемъ: Хрⷭ҇то́съ воскре́се: три́жды. Сла́ва, и҆ ны́нѣ: Настоѧ́тель: Хрⷭ҇тѐ бж҃е бл҃гословѝ: По воста́нїи же ѿ трапе́зы, глаго́лемъ: Хрⷭ҇то́съ воскре́се: три́жды. Сла́ва, и҆ ны́нѣ: Настоѧ́тель: Съ на́ми бг҃ъ свое́ю бл҃года́тїю:"
 },
 {
  "type": "HEADER",
  "value": "Въ пѧто́къ свѣ́тлыѧ седми́цы, на ᲂу҆́трени."
 },
 {
  "type": "TEXT",
  "value": "Пре́жде нача́ла, вжига́етъ канди̑ла и҆ свѣщы̀ параекклисїа́рхъ. Та́же кле́плетъ въ вели́кїй кампа́нъ, и҆ въ про́чыѧ. И҆ собра́вшымсѧ на́мъ во хра́мъ, і҆ере́й полага́етъ ѻ҆бы́чный покло́нъ настоѧ́телю, и҆ ѿхо́дитъ во ст҃ы́й ѻ҆лта́рь, и҆ взе́мъ кади́льницꙋ стои́тъ пред̾ ст҃о́ю трапе́зою, кромѣ̀ ᲂу҆́бѡ сщ҃е́нническїѧ ѻ҆де́жды, є҆пїтрахи́лїй то́чїю возло́жь све́рхъ ма́нтїи, кади́тъ крⷭ҇тоѻбра́знѡ, глаго́лѧ:"
 },
 {
  "type": "TEXT",
  "value": "С ла́ва ст҃ѣ́й, и҆ є҆диносꙋ́щнѣй, и҆ животворѧ́щей, и҆ нераздѣли́мѣй трⷪ҇цѣ, всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "И҆ на́мъ ѿвѣща́ющымъ: А҆ми́нь."
 },
 {
  "type": "HEADER",
  "value": "Начина́етъ настоѧ́тель, съ про́чими слꙋжи́тели, велегла́снѡ настоѧ́щїй тропа́рь, во гла́съ є҃:"
 },
 {
  "type": "TEXT",
  "value": "Х рⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
 },
 {
  "type": "TEXT",
  "value": "И҆ мы̀ то́йжде пое́мъ подо́бнѣ, со сладкопѣ́нїемъ. Пое́тсѧ же се́й тропа́рь три́жды ѿ настоѧ́телѧ, и҆ три́жды ѿ на́съ."
 },
 {
  "type": "HEADER",
  "value": "Та́же настоѧ́тель глаго́летъ стїхѝ:"
 },
 {
  "type": "TEXT",
  "value": "Пе́рвый сті́хъ: Да воскре́снетъ бг҃ъ, и҆ расточа́тсѧ вразѝ є҆гѡ̀, / и҆ да бѣжа́тъ ѿ лица̀ є҆гѡ̀ ненави́дѧщїи є҆го̀."
 },
 {
  "type": "TEXT",
  "value": "И҆ на кі́йждо сті́хъ мы̀ пое́мъ тропа́рь: Хрⷭ҇то́съ воскр҃се: ве́сь по є҆ди́ножды."
 },
 {
  "type": "TEXT",
  "value": "Вторы́й сті́хъ: Ꙗ҆́кѡ и҆счеза́етъ ды́мъ, да и҆сче́знꙋтъ, / ꙗ҆́кѡ та́етъ во́скъ ѿ лица̀ ѻ҆гнѧ̀. Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "Тре́тїй сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ. Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "Четве́ртый сті́хъ: Се́й де́нь є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь. Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "Сла́ва: Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "И҆ ны́нѣ: Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "Та́же настоѧ́тель: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ."
 },
 {
  "type": "TEXT",
  "value": "Мы́ же: И҆ сꙋ́щымъ во гробѣ́хъ живо́тъ дарова́въ."
 },
 {
  "type": "TEXT",
  "value": "Та́же є҆ктенїа̀ вели́каѧ. И҆ по возгла́сѣ а҆́бїе пое́мъ канѡ́нъ па́сцѣ, со і҆рмосы̀, на и҃: и҆ бцⷣы, на ѕ҃."
 },
 {
  "type": "HEADER",
  "value": "Канѡ́нъ, гла́съ а҃. Пѣ́снь а҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Воскресе́нїѧ де́нь, / просвѣти́мсѧ лю́дїе: / па́сха, гдⷭ҇нѧ па́сха! / ѿ сме́рти бо къ жи́зни, / и҆ ѿ землѝ къ нб҃сѝ, / хрⷭ҇то́съ бг҃ъ на́съ преведѐ, / побѣ́днꙋю пою́щыѧ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Ѡ҆ чи́стимъ чꙋ̑вствїѧ, и҆ ᲂу҆́зримъ / непристꙋ́пнымъ свѣ́томъ / воскресе́нїѧ, хрⷭ҇та̀ блиста́ющасѧ, / и҆ ра́дꙋйтесѧ, рекꙋ́ща / ꙗ҆́снѡ да ᲂу҆слы́шимъ, / побѣ́днꙋю пою́ще."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Н б҃са̀ ᲂу҆̀бо досто́йнѡ да веселѧ́тсѧ, / землѧ́ же да ра́дꙋетсѧ, / да пра́зднꙋетъ же мі́ръ, / ви́димый же ве́сь и҆ неви́димый: / хрⷭ҇то́съ бо воста̀, / весе́лїе вѣ́чное."
 },
 {
  "type": "HEADER",
  "value": "И҆ канѡ́нъ бцⷣы, є҆гѡ́же краестро́чїе: Нїки́форꙋ каллі́стꙋ тꙋ̀ ѯанѳопꙋ́лꙋ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[Н] Ны́нѣ и҆сточи́ ми дв҃о бцⷣе и҆сто́чниче, / бл҃года́ть даю́щи сло́ва, / ꙗ҆́кѡ да воспою́ тѧ и҆сто́чникъ, / врѣ́ющїй живо́тъ и҆ бл҃года́ть вѣ̑рнымъ: / ты́ бо ѵ҆поста́сное сло́во и҆сточи́ла є҆сѝ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[І] Врачевство̀ па́че є҆стества̀, / хра́мъ тво́й чⷭ҇тна́ѧ, / ꙗ҆влѧ́етсѧ всѣ̑мъ ѻ҆трокови́це: / ѿ сме́рти бо ꙗ҆́вныѧ / притека́ющыѧ вѣ̑рныѧ ꙗ҆́вѣ возставлѧ́етъ, / и҆ всѣ̑мъ незави́стнꙋю то́читъ сла́дость."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "[К] И҆злива́еши съ нб҃сѐ неистощи́мѡ / бл҃года̑ти вои́стиннꙋ є҆ди́на: / слѣпѣ́юща бо твори́ши взира́ти къ свѣ́тꙋ, бла́томъ но́вымъ, / возгласи́вши свы́ше па́че смы́сла леѡ́нови."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[Н] Ѻ҆́бщее любоче́стїе чл҃вѣ́чества честна́ѧ, / ра́дꙋйсѧ мр҃і́е, ра́дꙋйсѧ: / всѣ́хъ бо творе́цъ на тѧ̀, ꙗ҆́коже ка́плѧ сни́де ꙗ҆́вственнѡ, / и҆сто́чникъ тѧ̀ безсме́ртенъ показа́въ бг҃оневѣ́стнаѧ."
 },
 {
  "type": "TEXT",
  "value": "Катава́сїа ѻ҆́ба ли́ка вкꙋ́пѣ: Воскрⷭ҇нїѧ де́нь: И҆ послѣдѝ: Хрⷭ҇то́съ воскре́се: три́жды."
 },
 {
  "type": "HEADER",
  "value": "Пѣ́снь г҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Прїиди́те пи́во пїе́мъ но́вое, / не ѿ ка́мене непло́дна чꙋдодѣ́емое, / но нетлѣ́нїѧ и҆сто́чникъ, / и҆з̾ гро́ба ѡ҆дожди́вша хрⷭ҇та̀, / въ не́мже ᲂу҆твержда́емсѧ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Н ы́нѣ всѧ̑ и҆спо́лнишасѧ свѣ́та, / нб҃о же и҆ землѧ̀ и҆ преиспѡ́днѧѧ: / да пра́зднꙋетъ ᲂу҆̀бо всѧ̀ тва́рь / воста́нїе хрⷭ҇то́во, / въ не́мже ᲂу҆твержда́етсѧ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "В чера̀ спогребо́хсѧ тебѣ̀ хрⷭ҇тѐ, / совостаю̀ дне́сь / воскрⷭ҇шꙋ тебѣ̀, / сраспина́хсѧ тебѣ̀ вчера̀, / са́мъ мѧ̀ спросла́ви сп҃се во црⷭ҇твїи твое́мъ."
 },
 {
  "type": "HEADER",
  "value": "Бцⷣы подо́бны:"
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[Ф] Свѣ́тлый тѧ̀ ст҃ы́й хра́мъ / влⷣки всѣ́хъ ѻ҆трокови́це вѣ́мъ, / и҆ нетлѣ́нїѧ и҆сто́чникъ, / во́дꙋ и҆злива́ющъ хрⷭ҇та̀, / ѿ негѡ́же напаѧ́емсѧ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[О] Ѿ твоеѧ̀ бл҃года́ти влⷣчце и҆сто́чниче, / самоде́ржцꙋ дае́ши и҆схо́дѡвъ происхожде́нїе содержи́мо лю́тѣ, / ка́мене подстоѧ́нїе стра́шное, / водо́ю разрѣши́вшеесѧ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "[Р] Тече́тъ бл҃года́ть незави́стнаѧ / ѿ тебѐ, бцⷣе дв҃о, ѻ҆би́льнѡ точа́щаѧ, / хромі́и ска́чꙋтъ ѡ҆ тебѣ̀, / прокаже́нныхъ ѡ҆чища́етсѧ мно́жество, / и҆ де́мѡни ᲂу҆гнѣта́ютсѧ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[О] Всѣ̑мъ дае́ши и҆сцѣле́нїе вѣ̑рнымъ, / царє́мъ, простцє́мъ, ни́щымъ, / кнѧзє́мъ, ᲂу҆бѡ́гимъ, бога̑тымъ ѻ҆́бще, / во́дꙋ и҆злива́ѧй и҆сто́чниче / разли́чное и҆сцѣле́нїе."
 },
 {
  "type": "TEXT",
  "value": "Катава́сїа: Прїиди́те пи́во пїе́мъ но́вое: И҆ тропа́рь: Хрⷭ҇то́съ воскре́се: три́жды."
 },
 {
  "type": "TEXT",
  "value": "Та́же, є҆ктенїа̀."
 },
 {
  "type": "HEADER",
  "value": "Та́же конда́къ па́сцѣ, гла́съ и҃:"
 },
 {
  "type": "TEXT",
  "value": "А҆́ ще и҆ во гро́бъ снизше́лъ є҆сѝ безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскре́слъ є҆сѝ ꙗ҆́кѡ побѣди́тель хрⷭ҇тѐ бж҃е, / жена́мъ мѷроно́сицамъ вѣща́вый: ра́дꙋйтесѧ, / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскресе́нїе."
 },
 {
  "type": "TEXT",
  "value": "І҆́косъ: Є҆́же пре́жде со́лнца сл҃нце заше́дшее и҆ногда̀ во гро́бъ, / предвари́ша ко ᲂу҆́трꙋ, и҆́щꙋщыѧ ꙗ҆́кѡ днѐ мѷронѡ́сицы дѣ̑вы, / и҆ дрꙋга̀ ко дрꙋзѣ́й вопїѧ́хꙋ: / ѽ дрꙋги́ни! прїиди́те, вонѧ́ми пома́жемъ тѣ́ло живоно́сное и҆ погребе́ное, / пло́ть воскреси́вшагѡ па́дшаго а҆да́ма, лежа́щꙋю во гро́бѣ. / и҆́демъ, потщи́мсѧ ꙗ҆́коже волсвѝ, и҆ поклони́мсѧ, / и҆ принесе́мъ мѵ̑ра ꙗ҆́кѡ да́ры, не въ пелена́хъ, но въ плащани́цѣ ѡ҆бви́томꙋ, / и҆ пла́чимъ, и҆ возопїи́мъ: ѽ влⷣко, воста́ни, / па́дшымъ подаѧ́й воскресе́нїе."
 },
 {
  "type": "HEADER",
  "value": "Сѣда́ленъ, гла́съ и҃. Подо́бный: Премꙋ́дрости сло́ва:"
 },
 {
  "type": "TEXT",
  "value": "П риснотекꙋ́щїй и҆сто́чникъ, и҆ живо́тный, / и҆сточа́ѧй стрꙋѧ̀ бж҃е́ственный то́къ, / согла́снѡ восхва́лимъ бл҃года́ти просѧ́ще: / на кі́йждо бо де́нь и҆сточа́етъ и҆сцѣлє́нїѧ, / ꙗ҆́кѡ рѣ́къ течє́нїѧ показꙋ́ѧй малѣ́йшаѧ. / тѣ́мже по до́лгꙋ пристꙋпа́юще съ любо́вїю, / вѣ́рнѡ почерпе́мъ ѿ и҆сто́чника / неисчерпа́емое здра́вїе, вои́стиннꙋ безсме́ртное, / ѡ҆роша́ющее вѣ́рнѡ благочести́выхъ сердца̀: / ᲂу҆стна́ми возопїи́мъ, / ты̀ є҆сѝ вѣ́рныхъ ᲂу҆тѣше́нїе."
 },
 {
  "type": "HEADER",
  "value": "Пѣ́снь д҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "На бж҃е́ственнѣй стра́жи, / бг҃оглаго́ливый а҆ввакꙋ́мъ / да ста́нетъ съ на́ми, и҆ пока́жетъ / свѣтоно́сна а҆́гг҃ла, / ꙗ҆́снѡ глаго́люща: / дне́сь спасе́нїе мі́рꙋ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "М ꙋ́жескїй ᲂу҆́бѡ по́лъ, / ꙗ҆́кѡ разве́рзый дѣ́вственнꙋю ᲂу҆тро́бꙋ, / ꙗ҆ви́сѧ хрⷭ҇то́съ: / ꙗ҆́кѡ чл҃вѣ́къ же, / а҆́гнецъ нарече́сѧ: / непоро́ченъ же, / ꙗ҆́кѡ невкꙋ́сенъ скве́рны, / на́ша па́сха, / и҆ ꙗ҆́кѡ бг҃ъ и҆́стиненъ / соверше́нъ рече́сѧ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Ꙗ҆́ кѡ є҆динолѣ́тный а҆́гнецъ, / бл҃гослове́нный на́мъ вѣне́цъ хрⷭ҇то́съ, / во́лею за всѣ́хъ закла́нъ бы́сть, / па́сха чисти́тельнаѧ, / и҆ па́ки и҆з̾ гро́ба кра́сное / пра́вды на́мъ возсїѧ̀ со́лнце."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Б г҃оѻц҃ъ ᲂу҆́бѡ дв҃дъ / пред̾ сѣ́ннымъ ковче́гомъ скака́ше и҆гра́ѧ, / лю́дїе же бж҃їи ст҃і́и, / ѻ҆бразѡ́въ сбытїѐ зрѧ́ще, / весели́мсѧ бж҃е́ственнѣ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
 },
 {
  "type": "HEADER",
  "value": "Бцⷣы подо́бны:"
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[Ѵ] Па́че песка̀ вои́стиннꙋ, и҆ ка́плїй дожде́вныхъ, / бы́ша бцⷣе мно́жєства, и҆сто́чника дѣ́лъ твои́хъ, / непреста́ннѡ текꙋ̑щаѧ на всю̀ зе́млю бога́тнѡ, / и҆ всѧ́каго болѧ́ща лю́тѣ / ско́рѡ и҆сцѣлѧ̑ющаѧ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[К] На стѣсне́нный жены̀ ѿ каркі́на сосе́цъ, / вода̀ возлива́етсѧ дв҃о, / и҆сто́чника твоегѡ̀ влⷣчце, / и҆ а҆́бїе преста́ша стра̑сти смертонѡ́сныѧ стрꙋе́ю, / и҆ каркі́нъ про́стѡ и҆зы́ти позна̀."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "[А] Недомы́слимое въ тебѣ̀, / и҆ па́че є҆стества̀ содѣ́ѧнное / є҆́сть ꙗ҆́вственнѡ бцⷣе: / вода́ бо быва́етъ и҆сто́чника твоегѡ̀ и҆сцѣле́нїе, / недꙋ́гѡмъ смертонѡ́снымъ проти́вное, / є҆гѡ́же є҆стество̀ ꙗ҆́вѣ / никогда́же вѣ́дѧше."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[Л] При́снѡ ᲂу҆мерщвлѧ́етъ мѧ̀ вра́гъ / сла́стными прило́ги, / влⷣчце и҆сто́чниче бцⷣе не пре́зри, / предварѝ ско́раѧ по́моще: / сегѡ́ же сѣ́тей мѧ̀ и҆зба́ви, / да воспою́ тѧ при́снѡ многопѣ́тꙋю."
 },
 {
  "type": "TEXT",
  "value": "Катава́сїа: На бж҃е́ственнѣй стра́жи: И҆ тропа́рь: Хрⷭ҇то́съ воскре́се: три́жды."
 },
 {
  "type": "HEADER",
  "value": "Пѣ́снь є҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Оу҆́тренюемъ ᲂу҆́треннюю глꙋбокꙋ̀, / и҆ вмѣ́стѡ мѵ́ра пѣ́снь принесе́мъ влⷣцѣ, / и҆ хрⷭ҇та̀ ᲂу҆́зримъ / пра́вды со́лнце, / всѣ̑мъ жи́знь возсїѧ́юща."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Б езмѣ́рное твоѐ бл҃гоꙋтро́бїе / а҆́довыми ᲂу҆́зами содержи́мїи зрѧ́ще, / къ свѣ́тꙋ и҆дѧ́хꙋ хрⷭ҇тѐ, / весе́лыми нога́ми, / па́схꙋ хва́лѧще вѣ́чнꙋю."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "П ристꙋ́пимъ свѣщено́снїи, / и҆сходѧ́щꙋ хрⷭ҇тꙋ̀ и҆з̾ гро́ба ꙗ҆́кѡ женихꙋ̀, / и҆ спра́зднꙋимъ любопра́зднственными чи́нми / па́схꙋ бж҃їю спаси́тельнꙋю."
 },
 {
  "type": "HEADER",
  "value": "Бцⷣы подо́бны:"
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[Л] Глагѡ́ланнаѧ дв҃о ѻ҆трокови́це, / и҆сто́чника твоегѡ̀ вои́стиннꙋ чꙋдеса̀, / ᲂу҆жаса́ютъ чл҃вѣ́кѡвъ помышле́нїе: / па́че бо є҆стества̀ сꙋ́ть, / всѧ̑ вѣ̑рныѧ ѡ҆свѧща̑ющаѧ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[І] Повѣствова̀ рꙋно̀, ма́нна / и҆ сїлѡа́мъ, и҆ ка́мень точа́щь, / соломѡ́новъ притво́ръ, бл҃года́ть твою̀, / і҆ѻрда̑нскїѧ во́ды, и҆ и҆сто́чникъ самарѧны́ни."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "[С] Ка̑пли твоѧ̀ ѻ҆трокови́це дв҃о, / ꙗ҆̀же и҆сто́чника, и҆ ме́ртваго ѡ҆живи́ша, / па́че сло́ва содѣ́ѧнное и҆ смы́сла: / всѧ̑ бо твоѧ̑ всечⷭ҇таѧ, / сло́во побѣжда́ютъ человѣ́ческое."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[Т] Стра̑сти моѧ̀ ѻ҆трокови́це и҆сцѣлѝ, / кровотече́нїѧ и҆сто́чникъ и҆зсꙋша́ющи, / и҆ лю́тое пла́мене возжже́нїе, и҆ здра́вїѧ преложе́нїе, / и҆схо́дѡвъ сою́зъ, и҆ чревотече́нїе."
 },
 {
  "type": "TEXT",
  "value": "Катава́сїа: Оу҆́тренюемъ ᲂу҆́треннюю глꙋбокꙋ̀: И҆ тропа́рь: Хрⷭ҇то́съ воскре́се: три́жды."
 },
 {
  "type": "HEADER",
  "value": "Пѣ́снь ѕ҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Снизше́лъ є҆сѝ въ преиспѡ́днѧѧ землѝ, / и҆ сокрꙋши́лъ є҆сѝ верєѝ вѣ́чныѧ, / содержа́щыѧ свѧ̑занныѧ хрⷭ҇тѐ, / и҆ тридне́венъ ꙗ҆́кѡ ѿ ки́та і҆ѡ́на, / воскре́слъ є҆сѝ ѿ гро́ба."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "С охрани́въ цѣ́ла зна́мєнїѧ хрⷭ҇тѐ, / воскре́слъ є҆сѝ ѿ гро́ба, / ключѝ дв҃ы не вреди́вый въ ржⷭ҇твѣ̀ твое́мъ, / и҆ ѿве́рзлъ є҆сѝ на́мъ ра̑йскїѧ двє́ри."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "С п҃се мо́й, / живо́е же и҆ неже́ртвенное заколе́нїе, / ꙗ҆́кѡ бг҃ъ са́мъ себѐ / во́лею приве́дъ ѻ҆ц҃ꙋ̀, / совоскреси́лъ є҆сѝ всеро́днаго а҆да́ма, / воскре́съ ѿ гро́ба."
 },
 {
  "type": "HEADER",
  "value": "Бцⷣы подо́бны:"
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[О] Словеса̀ сло́ва, ꙗ҆́кѡ вои́стиннꙋ и҆сто́чника, / воспѣва́емъ тѧ̀ чⷭ҇таѧ: / премꙋ́дрости бо глꙋбинꙋ̀ / ꙗ҆́кѡ па́че сло́ва ражда́еши, / повѣ́сивша на воздꙋ́сѣ тече́нїѧ, / и҆ зе́млю на водѣ̀."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[Ѵ] Подшла̀ є҆сѝ лѣ́ствицъ несе́нїе, / ѿе́млющее сокрꙋше́нїе и҆̀же та́мѡ живопи́сцѡвъ, / ѽ всест҃ы́й и҆сто́чниче! спаса́ѧй лю́ди / ѿ трꙋ́са до́мꙋ па́дшыѧ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "[Т] Оу҆трѡ́бы неродѧ́щыѧ непло́дствомъ пре́жде, / разрѣша́еши ꙗ҆́вѣ, / и҆сто́чника твоегѡ̀ стрꙋѧ́ми: / и҆́бо ꙗ҆́кѡ роди́вшаѧ влⷣкꙋ всѣ́хъ. / и҆ рожде́нїѧ подае́ши."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[О] Ни сло́во, ни ᲂу҆́мъ, нижѐ ѧ҆зы́къ / твоѐ возмо́гꙋтъ чⷭ҇таѧ ржⷭ҇тво̀ похвали́ти, / но немощствꙋ́ютъ въ тебѣ̀, / и҆ ѡ҆блича́етсѧ фїлосо́фѡвъ че́стность, / и҆ ри́торѡвъ красота̀."
 },
 {
  "type": "TEXT",
  "value": "Катава́сїа: Снизше́лъ є҆сѝ въ преиспѡ́днѧѧ землѝ: И҆ тропа́рь: Хрⷭ҇то́съ воскре́се: три́жды."
 },
 {
  "type": "TEXT",
  "value": "Є҆ктенїа̀."
 },
 {
  "type": "HEADER",
  "value": "Конда́къ, гла́съ и҃. Подо́бенъ: Взбра́нной:"
 },
 {
  "type": "TEXT",
  "value": "Ѿ неистощи́мыѧ ты̀, и҆сто́чниче бг҃облагода́тный, / подае́ши мѝ, точа́щи во́ды твоеѧ̀ бл҃года́ти, / приснотекꙋ́щїй па́че сло́ва: / ꙗ҆́кѡ бо сло́во ро́ждшаѧ па́че смы́сла, / молю́ ти сѧ, ѡ҆роси́ мѧ бл҃года́тїю, да зовꙋ́ ти: / ра́дꙋйсѧ, водо̀ спаси́тельнаѧ."
 },
 {
  "type": "TEXT",
  "value": "І҆́косъ: Нескве́рнаѧ бцⷣе, ро́ждшаѧ сло́во ѻ҆́ч҃ее, / пре́жде вѣ̑къ нетлѣ́ннѡ ро́ждшеесѧ, / разширѝ моѧ̑ ᲂу҆ста̀ чи́стаѧ, / спривносѧ́щи мѧ̀ къ твоемꙋ̀ похвале́нїю, / ꙗ҆́кѡ да восхвалю́ тѧ, зовы́й и҆сто́чникꙋ твоемꙋ̀ сїѧ̑: / ра́дꙋйсѧ, и҆сто́чниче ра́дости непреста́емыѧ: / ра́дꙋйсѧ, то́че добро́ты неизрече́нныѧ. / ра́дꙋйсѧ, недꙋ́гѡвъ разли́чныхъ разрѣше́нїе: / ра́дꙋйсѧ страсте́й всѧ́кихъ потопле́нїе. / ра́дꙋйсѧ стрꙋѐ свѣтови́днѣйшаѧ, здра́вы творѧ́щаѧ вѣ̑рныѧ: / ра́дꙋйсѧ водо̀ бл҃года́тнѣйшаѧ недꙋ́гꙋющымъ многоразли́чнѡ. / ра́дꙋйсѧ ча́ше ма́нны живото́чныѧ: / ра́дꙋйсѧ ба́не и҆ не́ктарю бг҃оизлїѧ́нный. / ра́дꙋйсѧ водо̀, премꙋ́дрости невѣ́дѣнїе ѿе́млющаѧ: / ра́дꙋйсѧ растворе́нїе се́рдца, пи́щꙋ бж҃е́ственнꙋю и҆злива́ющее. / ра́дꙋйсѧ приста́нище неможе́нїѧ и҆сточа́ющаѧ: / ра́дꙋйсѧ пла́мень недꙋ́гованїѧ ᲂу҆гаша́ющаѧ. / ра́дꙋйсѧ водо̀ спаси́тельнаѧ."
 },
 {
  "type": "HEADER",
  "value": "Сѷнаѯа́рь на прест҃ꙋ́ю гпⷭ҇жꙋ̀ влⷣчцꙋ бцⷣꙋ, живопрїе́мный и҆сто́чникъ."
 },
 {
  "type": "TEXT",
  "value": "В ъ пѧто́къ свѣ́тлыѧ седми́цы, пра́зднꙋемъ ѡ҆бновле́нїе хра́ма прест҃ы́ѧ и҆ гпⷭ҇жѝ на́шеѧ бцⷣы, и҆менꙋ́емагѡ живоно́снагѡ и҆сто́чника. є҆ще́ же па́мѧть твори́мъ и҆зрѧ́дныхъ и҆ па́че є҆стества̀ чꙋде́съ бы́вшихъ, во ѻ҆́номъ хра́мѣ ѿ бг҃ома́тере. се́й ᲂу҆́бѡ хра́мъ пе́рвѣе ѡ҆снова́сѧ ѿ царѧ̀ льва̀ вели́кагѡ, и҆́же и҆ маке́ллъ и҆менова́сѧ. се́й поне́же бѧ́ше бла́гъ и҆ смире́нъ человѣ́къ, за до́брое своѐ намѣ́ренїе и҆ ми́лостивное, є҆́же и҆мѧ́ше, пре́жде не́же бы́ти царю̀, ѡ҆брѣта́ѧйсѧ во ѻ҆́номъ мѣ́стѣ, ѡ҆брѣ́те є҆ди́наго человѣ́ка слѣпа́го, не ви́дѧща ка́мѡ и҆тѝ: и҆ взе́мъ є҆го̀ за рꙋ́кꙋ, ведѧ́ше. дости́гшима же ѻ҆бои́ма та́мѡ бли́зъ, и҆дѣ́же бѧ́ше се́й и҆сто́чникъ, возжада̀ слѣпы́й, и҆ молѧ́ше льва̀, да ѡ҆роси́тъ є҆го̀: и҆́же и҆дѧ̀ во внꙋ́треннее ѻ҆́ное лѣ́са, и҆дѣ́же бѧ́ше древе́съ и҆ насажде́нїй разли́чныхъ и҆спо́лнено, и҆ска́ше воды̀, и҆ не ѡ҆брѣта́ѧй и҆сто́чника, ѡ҆браща́шесѧ а҆́ки ѡ҆тѧгча́емь. и҆ слы́шитъ гла́съ свы́ше глаго́лющь: ѽ львѐ! не ᲂу҆ныва́й, занѐ вода̀, є҆ѧ́же и҆́щеши, бли́зъ тебѐ є҆́сть, и҆ ѡ҆брати́сѧ ѡ҆брѣстѝ ю҆̀. и҆ ле́въ ᲂу҆́бѡ ѡ҆браща́ѧйсѧ, и҆ и҆ща́й мно́гѡ, не ѡ҆брѣ́те є҆ѧ̀. и҆ па́ки слы́шитъ ра́вный пе́рвомꙋ гла́съ, и҆ глаго́летъ є҆мꙋ̀: цр҃ю̀ львѐ, вни́ди во внꙋ́треннюю ча́сть загꙋще́ннагѡ сегѡ̀ лѣ́са, и҆ возмѝ свои́ма рꙋка́ма ѿ сеѧ̀ мꙋ́тныѧ воды̀, и҆ и҆сцѣлѝ жа́ждꙋ слѣпа́гѡ, и҆ пома́жи и҆ помрачє́нныѧ є҆гѡ̀ ѻ҆́чи: и҆ а҆́бїе позна́еши, ка́ѧ є҆́смь, и҆ ѿ мно́гагѡ вре́мене живꙋ̀ на се́мъ мѣ́стѣ. ле́въ ᲂу҆́бѡ сотворѝ ꙗ҆́коже гла́съ повелѣ̀ є҆мꙋ̀, и҆ а҆́бїе воззрѣ̀ слѣпы́й. и҆ по бг҃ома́тере прорече́нїю, по ма́лѣ вре́мени бы́сть ца́рь ле́въ: и҆ созда̀ та́мѡ ᲂу҆ и҆сто́чника хра́мъ пе́рвый, бога́тою рꙋко́ю, ꙗ҆́коже зри́тсѧ дне́сь. и҆ поне́же быва́хꙋ чꙋдеса̀ множа́йшаѧ на всѧ́кїй де́нь, по мно́гихъ лѣ́тѣхъ і҆ꙋстїнїа́нъ вели́кїй самоде́ржецъ гре́ческїй, поне́же пострада̀ ѕѣлѡ̀ ѿ не́мощи водотрꙋ́дїѧ, и҆ ѡ҆брѣ́те та́мѡ и҆сцѣле́нїе своѐ, хотѧ̀ да́ти воздаѧ́нїе мт҃ри бж҃їей, па́ки созда̀ ѻ҆́ный пе́рвый хра́мъ, и҆ сотворѝ и҆ велича́йшїй и҆ краснѣ́йшїй, и҆́же ѿ мно́гихъ трꙋ́сѡвъ внегда̀ разсѣ́десѧ, послѣдѝ ца́рь васі́лїй македѡ́нскїй, и҆ сы́нъ є҆гѡ̀ ле́въ мꙋ́дрый, па́ки созда́ша и҆ и҆спра́виша и҆̀. во вре́мѧ и҆́хъ се́й и҆сто́чникъ мнѡ́га чꙋдеса̀ дѣ́йствова: и҆ во́дъ задержа̑нїѧ, и҆ пти́сы, и҆ и҆ны̑ѧ тмочи́слєнныѧ стра̑сти и҆сцѣлѝ: каркі́нскїѧ стра̑сти, и҆ кровотечє́нїѧ мно́гихъ родѡ́въ, и҆́миже стражда́хꙋ царє́вны и҆ и҆ны̑ѧ жєны̀, и҆ разли́чныѧ ѻ҆гнє́вицы, и҆ и҆ны̑ѧ болѣ́зни, и҆ ꙗ҆́звы неисцѣ̑льныѧ, и҆ неплѡ́дныѧ разрѣшѝ: ꙗ҆́кѡ и҆ цари́ца зоѝ непло́ды сꙋ́щи прїѧ́тъ да́ръ ѿ сегѡ̀ и҆сто́чника, сы́на кѡнстанті́на порфѷроге́нита. воскреси́ же и҆ ме́ртваго, и҆́же бѣ̀ ѿ ѳессалі́и, и҆ приходѧ̀ ко ст҃о́мꙋ и҆сто́чникꙋ ᲂу҆́мре на пꙋтѝ. є҆гда́ же хотѧ́ше ᲂу҆мре́ти, заповѣ́да кора́бленикѡмъ взѧ́ти є҆го̀ та́мѡ во хра́мъ и҆сто́чника, и҆ возлїѧ́ти на него̀ трѝ ка́ди ѿ ѻ҆́ныѧ воды̀, и҆ тогда̀ погребстѝ є҆го̀. є҆́же творѧ́ще кора́блєницы, и҆ возлива́юще на него̀ во́дꙋ, а҆́бїе воскре́се ме́ртвый. по мно́гомъ же вре́мени, хотѧ̀ па́сти вели́кїй хра́мъ ѻ҆́ный, ꙗ҆ви́сѧ бцⷣа, и҆ держа́ше є҆го̀, до́ндеже и҆зы́де во́нъ всѐ мно́жество люде́й, и҆ никто́же вреди́сѧ. та́ѧжде ст҃а́ѧ вода̀ пива́ема, мнѡ́гїѧ бѣснꙋ́ємыѧ и҆сцѣлѝ: и҆ ѿ темни́цы человѣ́ки свѧ̑занныѧ разрѣшѝ. и҆сцѣли́ же и҆ царѧ̀ льва̀ ѿ каменозаѧ́тїѧ, и҆ жены̀ є҆гѡ̀ ѳеофа́ны ᲂу҆гасѝ ѕѣ́льнѣйшꙋю ѻ҆гне́вицꙋ. и҆ бра́та є҆гѡ̀ стефа́на разрѣшѝ ѿ пти́сныѧ не́мощи. дарова́ же и҆ слꙋ́хъ і҆ѡа́ннꙋ патрїа́рхꙋ і҆ерꙋсали́мскомꙋ. и҆сцѣлѝ є҆щѐ и҆ си́льнꙋю ѻ҆гне́вицꙋ патрі́кїа тара́сїа, и҆ ма́тере є҆гѡ̀ магїстрі́ссы, и҆ сы́на стѷлїа́нова и҆сцѣлѝ ѿ водозадержа́нїѧ. и҆ нѣ́кꙋю женꙋ̀ и҆́менемъ схі́зїнꙋ свободѝ ѿ чревоболѣ́нїѧ. и҆ царѧ̀ рѡма́на и҆сцѣлѝ, ѿ разрѣше́нїѧ и҆ свѧза́нїѧ чре́ва та́ѧжде вода̀, подо́бнѣ и҆ женꙋ̀ є҆гѡ̀. призва́нїемъ же то́кмѡ и҆сцѣлѝ всест҃а́ѧ мона́ха пе́перинъ, и҆ ᲂу҆ченика̀ є҆гѡ̀ въ халде́и. подо́бнѣ и҆ мона́ха матѳе́а, и҆ меле́тїа, и҆̀хже ѡ҆болга́ша царю̀, свободѝ ѿ гнѣ́ва: патрі́кїа же и҆ прѡтоспаѳа́рїа, и҆ и҆ны̑ѧ тмочи́слєнныѧ кто̀ и҆сповѣ́дати мо́жетъ; нѣ́сть же пра́ведно не воспомина́ти и҆ и҆сцѣле́нїѧ и҆схі́ова: нижѐ кі́й ѧ҆зы́къ мо́жетъ повѣ́дати, є҆ли̑ка чꙋдеса̀ та́ѧжде вода̀ дѣ́йствова, и҆ да́же до дне́сь дѣ́йствꙋетъ, па́че ка́плей дожде́вныхъ, и҆ па́че ѕвѣ́здъ нбⷭ҇ныхъ, и҆ листѡ́въ мно́жества, ꙗ҆̀же въ на́ша времена̀ ви́дѣхомъ. є҆щѐ и҆сцѣлѝ и҆ и҆ны̑ѧ смертонѡ́сныѧ болѣ̑зни, прока̑зы, свербѡ́ты па́че є҆стества̀, и҆ ѡ҆пꙋхлє́нїѧ жє́нскаѧ, и҆ дꙋшє́вныѧ стра̑сти мнѡ́гїѧ и҆сцѣлѝ, и҆ разли̑чныѧ ѻ҆чны̑ѧ болѣ̑зни. є҆ще́ же и҆сцѣлѝ вара́гга і҆ѡа́нна ѿ воднотрꙋдова́нїѧ, и҆ дрꙋга́го вара́гга и҆сцѣлѝ ѿ ѕлы́хъ ꙗ҆́звъ, и҆ сщ҃енномона́ха ма́рка ѿ ѻ҆́спы, и҆ каменозаѧ́тїѧ мона́ха заха́рїю. и҆ и҆на̑ѧ мнѡ́жайшаѧ чꙋдеса̀, ꙗ҆́же не возмо́жно є҆́сть и҆счи́слити, ꙗ҆̀же дѣ́йствова и҆ дѣ́йствꙋетъ непреста́ннѡ. твоеѧ̀ мт҃ре мл҃твами, хрⷭ҇тѐ бж҃е на́шъ поми́лꙋй на́съ. а҆ми́нь."
 },
 {
  "type": "HEADER",
  "value": "Та́же глаго́лемъ:"
 },
 {
  "type": "TEXT",
  "value": "В оскресе́нїе хрⷭ҇то́во ви́дѣвше, / поклони́мсѧ ст҃о́мꙋ гдⷭ҇ꙋ і҆и҃сꙋ, / є҆ди́номꙋ безгрѣ́шномꙋ. / крⷭ҇тꙋ̀ твоемꙋ̀ покланѧ́емсѧ хрⷭ҇тѐ, / и҆ ст҃о́е воскресе́нїе твоѐ пое́мъ и҆ сла́вимъ: / ты́ бо є҆сѝ бг҃ъ на́шъ, / ра́звѣ тебѐ и҆но́гѡ не зна́емъ, / и҆́мѧ твоѐ и҆менꙋ́емъ. / прїиди́те всѝ вѣ́рнїи, / поклони́мсѧ ст҃о́мꙋ хрⷭ҇то́вꙋ воскресе́нїю: / се́ бо прїи́де крⷭ҇то́мъ ра́дость всемꙋ̀ мі́рꙋ. / всегда̀ бл҃гословѧ́ще гдⷭ҇а, / пое́мъ воскресе́нїе є҆гѡ̀: / распѧ́тїе бо претерпѣ́въ, / сме́ртїю сме́рть разрꙋшѝ. [Три́жды.]"
 },
 {
  "type": "TEXT",
  "value": "В оскре́съ і҆и҃съ ѿ гро́ба, / ꙗ҆́коже проречѐ, / дадѐ на́мъ живо́тъ вѣ́чный / и҆ ве́лїю ми́лость. [Три́жды.]"
 },
 {
  "type": "HEADER",
  "value": "Пѣ́снь з҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Ѻ҆́троки ѿ пе́щи и҆зба́вивый, / бы́въ человѣ́къ, / стра́ждетъ ꙗ҆́кѡ сме́ртенъ, / и҆ стра́стїю сме́ртное / въ нетлѣ́нїѧ ѡ҆блачи́тъ благолѣ́пїе, / є҆ди́нъ бл҃гослове́нъ / ѻ҆ц҃є́въ бг҃ъ, и҆ препросла́вленъ."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Ж єны̀ съ мѵ́ры бг҃омꙋ̑дрыѧ въ слѣ́дъ тебѐ теча́хꙋ: / є҆го́же ꙗ҆́кѡ ме́ртва со слеза́ми и҆ска́хꙋ, / поклони́шасѧ ра́дꙋющыѧсѧ живо́мꙋ бг҃ꙋ, / и҆ па́схꙋ та́йнꙋю / твои́мъ хрⷭ҇тѐ ᲂу҆ченикѡ́мъ бл҃говѣсти́ша."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "С ме́рти пра́зднꙋемъ ᲂу҆мерщвле́нїе, / а҆́дово разрꙋше́нїе, / и҆но́гѡ житїѧ̀ вѣ́чнагѡ нача́ло, / и҆ и҆гра́юще пое́мъ вино́внаго, / є҆ди́наго бл҃гослове́ннаго / ѻ҆ц҃є́въ бг҃а, и҆ препросла́вленнаго."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "Ꙗ҆́ кѡ вои́стиннꙋ сщ҃е́ннаѧ, / и҆ всепра́зднственнаѧ сїѧ̀ спаси́тельнаѧ но́щь, / и҆ свѣтоза́рнаѧ, / свѣтоно́снагѡ днѐ, / воста́нїѧ сꙋ́щи провозвѣ́стница: / въ не́йже безлѣ́тный свѣ́тъ и҆з̾ гро́ба пло́тски всѣ̑мъ возсїѧ̀."
 },
 {
  "type": "HEADER",
  "value": "Бцⷣы подо́бны:"
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[Ѵ] Почерпи́те недꙋ́гꙋющїи и҆сцѣлє́нїѧ: / всечи́стаѧ бо то́читъ ѿ бжⷭ҇твеннагѡ и҆сто́чника сла́дость и҆́стиннꙋю, / пото́къ сла́дости вои́стиннꙋ врѣ́ющїй, / тѣ́мже и҆ вѣ́рою то́ки незави̑стныѧ / поче́рпемъ всѝ."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[Ѯ] Оу҆дивлѧ́ютъ слы́шащыѧ влⷣчце, / стра̑ннаѧ твоѧ̑ чꙋдеса̀, всѧ̑ вѣ̑рныѧ: / нѣмы̑ѧ бо и҆ глꙋхі̑ѧ, ꙗ҆́кѡ бл҃гоглагѡ́ливыѧ / показꙋ́етъ вода̀ твоѧ̀, / стра́ждꙋщыѧ же лю́тѣ врачꙋ́етъ, / и҆ и҆сцѣле́нїе да́рꙋетъ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "[А] Возво́диши ѿ пе́щи скорбе́й, / ѡ҆роша́ющи вода́ми ѿ стра́ннагѡ и҆сто́чника, / пристꙋпа́ющыѧ къ тебѣ̀ чи́стаѧ: / каркі́нскїѧ бо ра́ны свобожда́етсѧ человѣ́къ, / прокаже́нна же и҆сцѣлѧ́еши, / и҆ распале́нїе ᲂу҆гаси́ла є҆сѝ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[Н] Ю҆́нѡши и҆ ѻ҆трокови̑цы влⷣчцꙋ, / и҆ всѝ человѣ́цы вѣ́рою ѿ дꙋшѝ восхва́лимъ свѣ́тлѡ: / сокрꙋшє́нїѧ бо гное́вицъ, и҆ вре́ды лꙋка́выхъ, / и҆ ѡ҆то́ки, и҆ разсла́бленнаго и҆сцѣлѝ."
 },
 {
  "type": "TEXT",
  "value": "Катава́сїа: Ѻ҆́троки ѿ пе́щи и҆зба́вивый̀: И҆ тропа́рь: Хрⷭ҇то́съ воскре́се: три́жды."
 },
 {
  "type": "HEADER",
  "value": "Пѣ́снь и҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Се́й нарече́нный и҆ ст҃ы́й де́нь, / є҆ди́нъ сꙋббѡ́тъ цр҃ь и҆ гдⷭ҇ь, / пра́здникѡвъ пра́здникъ, / и҆ торжество̀ є҆́сть торже́ствъ: / во́ньже благослови́мъ хрⷭ҇та̀ во вѣ́ки."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "П рїиди́те но́вагѡ вїногра́да рожде́нїѧ, / бж҃е́ственнагѡ весе́лїѧ, / въ наро́читомъ днѝ воскрⷭ҇нїѧ, / црⷭ҇твїѧ хрⷭ҇то́ва прїѡбщи́мсѧ, / пою́ще є҆го̀ / ꙗ҆́кѡ бг҃а во вѣ́ки."
 },
 {
  "type": "TEXT",
  "value": "Припѣ́въ: Хрⷭ҇то́съ воскре́се и҆з̾ ме́ртвыхъ."
 },
 {
  "type": "TEXT",
  "value": "В озведѝ ѻ҆́крестъ ѻ҆́чи твоѝ сїѡ́не и҆ ви́ждь: / се́ бо прїидо́ша къ тебѣ̀ / ꙗ҆́кѡ бг҃освѣ̑тлаѧ свѣти̑ла, / ѿ за́пада, и҆ сѣ́вера, и҆ мо́рѧ, / и҆ восто́ка ча́да твоѧ̑, / въ тебѣ̀ благословѧ̑щаѧ хрⷭ҇та̀ во вѣ́ки."
 },
 {
  "type": "TEXT",
  "value": "Припѣ́въ: Прест҃а́ѧ трⷪ҇це, бж҃е на́шъ, сла́ва тебѣ̀."
 },
 {
  "type": "TEXT",
  "value": "Трⷪ҇ченъ: Ѻ҆́ч҃е вседержи́телю, и҆ сло́ве, и҆ дш҃е, / тремѝ соединѧ́емое во ѵ҆поста́сѣхъ є҆стество̀, / пресꙋ́щественне и҆ пребж҃е́ственне, / въ тѧ̀ крⷭ҇ти́хомсѧ, / и҆ тѧ̀ бл҃гослови́мъ во всѧ̀ вѣ́ки."
 },
 {
  "type": "HEADER",
  "value": "Бцⷣы подо́бны:"
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[Ѳ] Бж҃е́ственнꙋю и҆сто́чникъ и҆ честнꙋ́ю во́дꙋ / и҆злива́етъ тво́й дв҃о: / водны́хъ бо тече́нїе вспѧща́етъ ѕѣлѡ̀, / призыва́нїемъ бж҃е́ственнымъ бл҃года́ти. / тѣ́мже тѧ̀ почита́емъ, и҆сто́чниче, во вѣ́ки."
 },
 {
  "type": "TEXT",
  "value": "Припѣ́въ: Прест҃а́ѧ бцⷣе, сп҃сѝ на́съ."
 },
 {
  "type": "TEXT",
  "value": "[О] Всѝ честнꙋ́ю живото́чнꙋю во́дꙋ / воспои́мъ мꙋ́дреннѣ: / ѕлодыха́нїѧ бо то́къ по страна́мъ ᲂу҆ставлѧ́етъ, / и҆ свобо́дное твори́тъ происхожде́нїе. / ѽле твои́хъ чꙋде́съ, / чи́стаѧ бг҃ороди́тельнице!"
 },
 {
  "type": "TEXT",
  "value": "Бл҃гослови́мъ ѻ҆ц҃а̀ и҆ сн҃а и҆ ст҃а́го дх҃а, гдⷭ҇а."
 },
 {
  "type": "TEXT",
  "value": "[П] Ка́ѧ, всепѣ́таѧ, восхва́лѧтъ ᲂу҆ста̀ / рождества̀ твоегѡ̀ стра́нное; / но и҆ ᲂу҆́мъ кі́й бы чꙋде́съ и҆сто́чникъ и҆зслѣ́довалъ, / и҆ сло́во и҆зглаго́лало; / нѣ́сть є҆стествꙋ̀ крѣ́пость, твои̑мъ чꙋди́тисѧ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[О] Всѧ̀ ѡ҆ тебѣ̀ сме́рти держа́ва / разори́сѧ внеза́пꙋ, ѽ цр҃и́це и҆ гпⷭ҇жѐ: / и҆́бо цр҃ѧ̀ безсме́ртнагѡ, живо́тъ ты̀ и҆сточи́ла є҆сѝ, / во́дꙋ, ма́ннꙋ, хрⷭ҇та̀ во вѣ́ки."
 },
 {
  "type": "TEXT",
  "value": "Катава́сїа: Се́й нарече́нный и҆ ст҃ы́й де́нь: И҆ тропа́рь: Хрⷭ҇то́съ воскре́се: три́жды."
 },
 {
  "type": "HEADER",
  "value": "Пѣ́снь ѳ҃."
 },
 {
  "type": "TEXT",
  "value": "Дїа́конъ: Вели́читъ дꙋша̀ моѧ̀ / воскре́сшаго тридне́внѡ ѿ гро́ба, / хрⷭ҇та̀ жизнода́вца."
 },
 {
  "type": "TEXT",
  "value": "И҆ пе́рвый ли́къ пое́тъ і҆рмо́съ: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
 },
 {
  "type": "TEXT",
  "value": "Та́же, вторы́й ли́къ пое́тъ припѣ́въ: Вели́читъ дꙋша̀ моѧ̀ / во́лею страда́вша, и҆ погребе́на, / и҆ воскре́сшаго тридне́внѡ ѿ гро́ба. И҆ і҆рмо́съ: Свѣти́сѧ:"
 },
 {
  "type": "TEXT",
  "value": "Та́же, пе́рвый ли́къ пое́тъ припѣ́въ: Хрⷭ҇то́съ но́ваѧ па́сха, / же́ртва жива́ѧ, / а҆́гнецъ бж҃їй / взе́млѧй грѣхѝ ми́ра."
 },
 {
  "type": "TEXT",
  "value": "Ѽ бж҃е́ственнагѡ, ѽ любе́знагѡ, / ѽ сладча́йшагѡ твоегѡ̀ гла́са! / съ на́ми бо нело́жнѡ / ѡ҆бѣща́лсѧ є҆сѝ бы́ти, / до сконча́нїѧ вѣ́ка хрⷭ҇тѐ: / є҆го́же вѣ́рнїи, / ᲂу҆твержде́нїе наде́жди и҆мꙋ́ще, ра́дꙋемсѧ."
 },
 {
  "type": "TEXT",
  "value": "Та́же, вторы́й ли́къ пое́тъ припѣ́въ: А҆́гг҃лъ вопїѧ́ше бл҃года́тнѣй: / чи́стаѧ дв҃о, ра́дꙋйсѧ, / и҆ па́ки рекꙋ̀, ра́дꙋйсѧ: / тво́й сн҃ъ воскре́се / тридне́венъ ѿ гро́ба, / и҆ мє́ртвыѧ воздви́гнꙋвый, / лю́дїе весели́тесѧ. И҆ тропа́рь: Ѽ бж҃е́ственнагѡ, ѽ любе́знагѡ:"
 },
 {
  "type": "TEXT",
  "value": "Та́же, пе́рвый ли́къ: Возбꙋди́лъ є҆сѝ ᲂу҆снꙋ́въ мє́ртвыѧ ѿ вѣ́ка, / ца́рски рыка́вый ꙗ҆́кѡ ѿ і҆ꙋ́ды ле́въ. И҆ тропа́рь: Ѽ бж҃е́ственнагѡ, ѽ любе́знагѡ:"
 },
 {
  "type": "TEXT",
  "value": "Вторы́й ли́къ: Магдали́на марі́а притечѐ ко гро́бꙋ, / и҆ хрⷭ҇та̀ ви́дѣвши, / ꙗ҆́кѡ вертогра́дарѧ вопроша́ше."
 },
 {
  "type": "TEXT",
  "value": "Ѽ па́сха ве́лїѧ и҆ сщ҃е́ннѣйшаѧ, хрⷭ҇тѐ! / ѽ мꙋ́дросте, и҆ сло́ве бж҃їй, и҆ си́ло! / подава́й на́мъ и҆́стѣе тебѐ причаща́тисѧ, / въ невече́рнѣмъ днѝ црⷭ҇твїѧ твоегѡ̀."
 },
 {
  "type": "TEXT",
  "value": "Та́же, пе́рвый ли́къ: А҆́гг҃лъ ѡ҆блиста́ѧй жена́мъ вопїѧ́ше: / преста́ните ѿ сле́зъ, ꙗ҆́кѡ хрⷭ҇то́съ воскре́се. И҆ тропа́рь: Ѽ па́сха ве́лїѧ и҆ сщ҃е́ннѣйшаѧ:"
 },
 {
  "type": "TEXT",
  "value": "Вторы́й ли́къ: Хрⷭ҇то́съ воскре́се, сме́рть попра́вый, / и҆ мє́ртвыѧ воздви́гнꙋвый, / лю́дїе весели́тесѧ. И҆ тропа́рь: Ѽ па́сха ве́лїѧ и҆ сщ҃е́ннѣйшаѧ:"
 },
 {
  "type": "HEADER",
  "value": "Бцⷣы подо́бны:"
 },
 {
  "type": "TEXT",
  "value": "Та́же, пе́рвый ли́къ: Ра́дꙋйсѧ дв҃о, ра́дꙋйсѧ, / ра́дꙋйсѧ бл҃гослове́ннаѧ, / ра́дꙋйсѧ препросла́вленнаѧ: / тво́й бо сн҃ъ воскре́се тридне́венъ ѿ гро́ба."
 },
 {
  "type": "TEXT",
  "value": "[Ѵ] Во́ды всѧ̀ превосхо́дитъ, ѻ҆трокови́це чⷭ҇таѧ, / и҆сто́чника твоегѡ̀ вода̀, / ꙗ҆́вѣ да́рꙋющаѧ свобожде́нїе недꙋ́гѡвъ лю́тыхъ, / и҆ дꙋша́мъ всѧ́кое здра́вїе, / ꙗ҆́кѡ па́че є҆стества̀ и҆злива́емаѧ."
 },
 {
  "type": "TEXT",
  "value": "Вторы́й ли́къ: Ра́дꙋйсѧ дв҃о, ра́дꙋйсѧ, / ра́дꙋйсѧ бл҃гослове́ннаѧ, / ра́дꙋйсѧ препросла́вленнаѧ: / тво́й бо сн҃ъ воскре́се тридне́венъ ѿ гро́ба."
 },
 {
  "type": "TEXT",
  "value": "В о́ды всѧ̀ превосхо́дитъ, ѻ҆трокови́це чⷭ҇таѧ, / и҆сто́чника твоегѡ̀ вода̀, / ꙗ҆́вѣ да́рꙋющаѧ свобожде́нїе недꙋ́гѡвъ лю́тыхъ, / и҆ дꙋша́мъ всѧ́кое здра́вїе, / ꙗ҆́кѡ па́че є҆стества̀ и҆злива́емаѧ."
 },
 {
  "type": "TEXT",
  "value": "Та́же, пе́рвый ли́къ: Ра́дꙋйсѧ дв҃о, ра́дꙋйсѧ, / ра́дꙋйсѧ бл҃гослове́ннаѧ, / ра́дꙋйсѧ препросла́вленнаѧ: / тво́й бо сн҃ъ воскре́се тридне́венъ ѿ гро́ба."
 },
 {
  "type": "TEXT",
  "value": "[Л] Рѣши́тель недꙋ́гѡвъ но́вый сѐ сїлѡа́мъ, / и҆сто́чника твоегѡ̀ дв҃о, зри́мъ всѝ: / ѻ҆́чи бо прїе́млетъ ѻ҆гнѧ̀, / вси́ же здра́вїе при́снѡ къ животꙋ̀ прїе́млемъ."
 },
 {
  "type": "TEXT",
  "value": "Вторы́й ли́къ: Ра́дꙋйсѧ дв҃о, ра́дꙋйсѧ, / ра́дꙋйсѧ бл҃гослове́ннаѧ, / ра́дꙋйсѧ препросла́вленнаѧ: / тво́й бо сн҃ъ воскре́се тридне́венъ ѿ гро́ба."
 },
 {
  "type": "TEXT",
  "value": "[О] Здра́вїѧ и҆́щꙋщїи притецы́те ко и҆сто́чникꙋ: / ѻ҆трокови́ца бо дв҃а жи́тельствꙋетъ при водѣ̀. / ликꙋ́й и҆ весели́сѧ вѣ́рныхъ мно́жество / си́це, ꙗ҆́коже подоба́етъ: / и҆́же бо прїи́детъ къ хра́мꙋ, / воздаѧ́нїе проше́нїй прїе́млетъ."
 },
 {
  "type": "TEXT",
  "value": "Та́же, пе́рвый ли́къ: Ра́дꙋйсѧ дв҃о, ра́дꙋйсѧ, / ра́дꙋйсѧ бл҃гослове́ннаѧ, / ра́дꙋйсѧ препросла́вленнаѧ: / тво́й бо сн҃ъ воскре́се тридне́венъ ѿ гро́ба."
 },
 {
  "type": "TEXT",
  "value": "[Ѵ] Возвы́сисѧ и҆сто́чника твоегѡ̀ вода̀ вы́ше нб҃съ, / и҆ землѝ бє́здны то́ки претечѐ: / сїѧ̀ є҆́сть пи́ща дꙋшѝ, питїѐ вѣ́рныхъ, / ме́дъ и҆з̾ ка́мене, и҆ ма́нны раздаѧ́нїе."
 },
 {
  "type": "TEXT",
  "value": "Вторы́й ли́къ: Ра́дꙋйсѧ дв҃о, ра́дꙋйсѧ, / ра́дꙋйсѧ бл҃гослове́ннаѧ, / ра́дꙋйсѧ препросла́вленнаѧ: / тво́й бо сн҃ъ воскре́се тридне́венъ ѿ гро́ба."
 },
 {
  "type": "TEXT",
  "value": "[Е] Весели́ши дв҃о царѧ̀ преесте́ственнѣ, / и҆сточа́ющи бл҃года́ть ѿ и҆сто́чника присносꙋ́щнꙋю, / семꙋ̀ подава́ющи на врагѝ крѣ́пость, побѣ̑ды при́снѡ, / здра́вїе и҆ ми́ръ, и҆ проше́нїй и҆сполне́нїе."
 },
 {
  "type": "TEXT",
  "value": "Та́же ѻ҆́ба ли́ка, соше́дшесѧ вкꙋ́пѣ, пою́тъ припѣ́въ: Вели́читъ дꙋша̀ моѧ̀ / воскре́сшаго тридне́внѡ ѿ гро́ба, / хрⷭ҇та̀ жизнода́вца."
 },
 {
  "type": "TEXT",
  "value": "И҆ і҆рмо́съ: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
 },
 {
  "type": "TEXT",
  "value": "И҆ тропа́рь: Хрⷭ҇то́съ воскре́се: три́жды. И҆ є҆ктенїа̀."
 },
 {
  "type": "HEADER",
  "value": "Є҆ѯапостїла́рїй. Самогла́сенъ:"
 },
 {
  "type": "TEXT",
  "value": "П ло́тїю ᲂу҆снꙋ́въ, / ꙗ҆́кѡ ме́ртвъ / цр҃ю̀ и҆ гдⷭ҇и, / тридне́венъ воскре́слъ є҆сѝ, / а҆да́ма воздви́гъ ѿ тлѝ, / и҆ ᲂу҆праздни́въ сме́рть: / па́сха нетлѣ́нїѧ, / мі́ра спасе́нїе. [Три́жды.]"
 },
 {
  "type": "HEADER",
  "value": "И҆ и҆сто́чникꙋ. Подо́бенъ:"
 },
 {
  "type": "TEXT",
  "value": "И҆ сто́чникъ є҆сѝ вои́стиннꙋ воды̀ живы́ѧ, влⷣчце: / и҆змыва́еши ᲂу҆́бѡ недꙋ́ги дꙋ́шъ и҆ тѣле́съ лю̑тыѧ, / прикоснове́нїемъ твои́мъ є҆ди́нымъ то́кмѡ, / во́дꙋ спасе́нїѧ хрⷭ҇та̀ и҆злива́ющи."
 },
 {
  "type": "HEADER",
  "value": "На хвали́техъ, Всѧ́кое дыха́нїе: поста́вимъ стїхѡ́въ и҃. И҆ пое́мъ стїхи̑ры воскре́сны ѻ҆смогла́сника д҃, гла́съ ѕ҃:"
 },
 {
  "type": "TEXT",
  "value": "Сті́хъ: Сотвори́ти ѿмще́нїе во ꙗ҆зы́цѣхъ, / ѡ҆бличє́нїѧ въ лю́дехъ."
 },
 {
  "type": "TEXT",
  "value": "К рⷭ҇тъ тво́й гдⷭ҇и, / жи́знь и҆ воскресе́нїе лю́демъ твои̑мъ є҆́сть, / и҆ на́нь надѣ́ющесѧ, / тебѐ воскре́сшаго бг҃а на́шего пое́мъ: поми́лꙋй на́съ."
 },
 {
  "type": "TEXT",
  "value": "Сті́хъ: Свѧза́ти царѝ и҆́хъ пꙋ́ты, / и҆ сла̑вныѧ и҆́хъ рꙋчны́ми ѻ҆кѡ́вы желѣ́зными."
 },
 {
  "type": "TEXT",
  "value": "П огребе́нїе твоѐ влⷣко, / ра́й ѿве́рзе человѣ́ческомꙋ ро́дꙋ, / и҆ ѿ тлѝ и҆зба́вльшесѧ, / тебѐ воскре́сшаго бг҃а на́шего пое́мъ: поми́лꙋй на́съ."
 },
 {
  "type": "TEXT",
  "value": "Сті́хъ: Сотвори́ти въ ни́хъ сꙋ́дъ напи́санъ: / сла́ва сїѧ̀ бꙋ́детъ всѣ̑мъ прпⷣбнымъ є҆гѡ̀."
 },
 {
  "type": "TEXT",
  "value": "С о ѻ҆ц҃е́мъ и҆ дх҃омъ хрⷭ҇та̀ воспои́мъ / воскре́сшаго и҆з̾ ме́ртвыхъ, / и҆ къ немꙋ̀ возопїи́мъ: / ты̀ є҆сѝ жи́знь на́ша и҆ воскресе́нїе, поми́лꙋй на́съ."
 },
 {
  "type": "TEXT",
  "value": "Сті́хъ: Хвали́те бг҃а во ст҃ы́хъ є҆гѡ̀, / хвали́те є҆го̀ во ᲂу҆тверже́нїи си́лы є҆гѡ̀."
 },
 {
  "type": "TEXT",
  "value": "Т ридне́венъ воскре́слъ є҆сѝ хрⷭ҇тѐ и҆з̾ гро́ба, / ꙗ҆́коже є҆́сть пи́сано, / совоздви́гнꙋвый пра́ѻц҃а на́шего: / тѣ́мже тѧ̀ и҆ сла́витъ ро́дъ человѣ́ческїй, / и҆ пое́тъ твоѐ воскрⷭ҇нїе."
 },
 {
  "type": "HEADER",
  "value": "И҆ бцⷣы стїхи̑ры, гла́съ в҃. Подо́бенъ: До́ме є҆ѵфра́ѳовъ:"
 },
 {
  "type": "TEXT",
  "value": "Сті́хъ: Хвали́те є҆го̀ на си́лахъ є҆гѡ̀, / хвали́те є҆го̀ по мно́жествꙋ вели́чествїѧ є҆гѡ̀."
 },
 {
  "type": "TEXT",
  "value": "В ода̀ и҆сто́чника, спаси́тельнаѧ є҆́сть / всѣ́мъ немощствꙋ́ющымъ: / пристꙋ́пимъ вѣ́рою, бл҃года́ть почерпе́мъ."
 },
 {
  "type": "TEXT",
  "value": "Сті́хъ: Хвали́те є҆го̀ во гла́сѣ трꙋ́бнѣмъ, / хвали́те є҆го̀ во ѱалти́ри и҆ гꙋ́слехъ."
 },
 {
  "type": "TEXT",
  "value": "К ла́дѧзь живото́чный и҆сто́чника безсме́ртнагѡ, / пристꙋпа́ющымъ любо́вїю, и҆сцѣле́нїй подае́тъ / и҆злїѧ́нїе неисчерпа́емое."
 },
 {
  "type": "TEXT",
  "value": "Сті́хъ: Хвали́те є҆го̀ въ тѷмпа́нѣ и҆ ли́цѣ, / хвали́те є҆го̀ во стрꙋ́нахъ и҆ ѻ҆рга́нѣ."
 },
 {
  "type": "TEXT",
  "value": "Оу҆ крѣплѧ́етъ дꙋ́шы вода̀ дв҃ыѧ: / и҆̀же въ скве́рнахъ страсте́й, / притеце́мъ ко ѻ҆трокови́цѣ, и҆ сїѧ̑ и҆змы́емъ."
 },
 {
  "type": "TEXT",
  "value": "Сті́хъ: Хвали́те є҆го̀ въ кѷмва́лѣхъ доброгла́сныхъ. хвали́те є҆го̀ въ кѷмва́лѣхъ восклица́нїѧ. / всѧ́кое дыха́нїе да хва́литъ гдⷭ҇а."
 },
 {
  "type": "TEXT",
  "value": "Р ꙋ́чка сщ҃е́ннаѧ, и҆ ма́нна незави́стнаѧ / и҆з̾ пречⷭ҇тыѧ ᲂу҆тро́бы, и҆злива́етъ влⷣкꙋ: / потре́бꙋ всѧ́ческꙋю поче́рпемъ."
 },
 {
  "type": "HEADER",
  "value": "И҆ стїхи̑ры па́схи съ припѣ́вы и҆́хъ, гла́съ є҃."
 },
 {
  "type": "TEXT",
  "value": "Сті́хъ: Да воскре́снетъ бг҃ъ, / и҆ расточа́тсѧ вразѝ є҆гѡ̀."
 },
 {
  "type": "TEXT",
  "value": "П а́сха / сщ҃е́ннаѧ на́мъ дне́сь показа́сѧ: / па́сха но́ва ст҃а́ѧ: / па́сха та́инственнаѧ: / па́сха всечестна́ѧ: / па́сха хрⷭ҇то́съ и҆зба́витель: / па́сха непоро́чнаѧ: / па́сха вели́каѧ: / па́сха вѣ́рныхъ: / па́сха двє́ри ра̑йскїѧ на́мъ ѿверза́ющаѧ: / па́сха всѣ́хъ ѡ҆свѧща́ющаѧ вѣ́рныхъ."
 },
 {
  "type": "TEXT",
  "value": "Сті́хъ: Ꙗ҆́кѡ и҆счеза́етъ ды́мъ, / да и҆сче́знꙋтъ."
 },
 {
  "type": "TEXT",
  "value": "П рїиди́те / ѿ видѣ́нїѧ жєны̀ бл҃говѣ̑стницы, / и҆ сїѡ́нꙋ рцы́те: / прїимѝ / ѿ на́съ ра́дости бл҃говѣ́щенїѧ, воскресе́нїѧ хрⷭ҇то́ва: / красꙋ́йсѧ, ликꙋ́й, / и҆ ра́дꙋйсѧ і҆ерꙋсали́ме, / цр҃ѧ̀ хрⷭ҇та̀ ᲂу҆зрѣ́въ и҆з̾ гро́ба, / ꙗ҆́кѡ жениха̀ происходѧ́ща."
 },
 {
  "type": "TEXT",
  "value": "Сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ."
 },
 {
  "type": "TEXT",
  "value": "М ѷронѡ́сицы жєны̀, / ᲂу҆́трꙋ глꙋбокꙋ̀, / предста́вшѧ гро́бꙋ живода́вца, / ѡ҆брѣто́ша а҆́гг҃ла / на ка́мени сѣдѧ́ща, / и҆ то́й провѣща́въ и҆̀мъ / си́це глаго́лаше: / что̀ и҆́щете жива́гѡ съ ме́ртвыми; / что̀ пла́чете нетлѣ́ннагѡ во тлѝ; / ше́дше проповѣ́дите ᲂу҆ченикѡ́мъ є҆гѡ̀."
 },
 {
  "type": "TEXT",
  "value": "Сті́хъ: Се́й де́нь, є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь."
 },
 {
  "type": "TEXT",
  "value": "П а́сха кра́снаѧ, / па́сха, гдⷭ҇нѧ па́сха, / па́сха всечестна́ѧ / на́мъ возсїѧ̀. па́сха, / ра́достїю дрꙋ́гъ дрꙋ́га ѡ҆б̾и́мемъ. / ѽ па́сха! / и҆збавле́нїе ско́рби, / и҆́бо и҆з̾ гро́ба дне́сь / ꙗ҆́кѡ ѿ черто́га / возсїѧ́въ хрⷭ҇то́съ, / жєны̀ ра́дости и҆спо́лни глаго́лѧ: / проповѣ́дите а҆пⷭ҇лѡмъ."
 },
 {
  "type": "TEXT",
  "value": "Сла́ва и҆ ны́нѣ, гла́съ є҃: Воскрⷭ҇нїѧ де́нь, / и҆ просвѣти́мсѧ торжество́мъ, / и҆ дрꙋ́гъ дрꙋ́га ѡ҆б̾и́мемъ. / рце́мъ бра́тїе, / и҆ ненави́дѧщымъ на́съ, / прости́мъ всѧ̑ воскрⷭ҇нїемъ, / и҆ та́кѡ возопїи́мъ: / хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
 },
 {
  "type": "HEADER",
  "value": "Та́же настоѧ́щїй тропа́рь, во гла́съ є҃, три́жды:"
 },
 {
  "type": "TEXT",
  "value": "Х рⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
 },
 {
  "type": "TEXT",
  "value": "И҆ є҆ктєнїѝ, и҆ ѿпꙋ́стъ. И҆ ча́съ а҃-й. Си́це же быва́етъ слꙋ́жба ᲂу҆́трени во всю̀ седми́цꙋ свѣ́тлꙋю. Твори́мъ же и҆ лїті́ю внѣ̀ ѻ҆би́тели."
 },
 {
  "type": "TEXT",
  "value": "[зрѝ] Подоба́етъ вѣ́дати, ꙗ҆́кѡ твори́мъ и҆схожде́нїе дне́сь внѣ̀ монастырѧ̀, предносѧ́ще хорꙋ̑гви. Въ рꙋка́хъ же держа́ще ст҃о́е є҆ѵⷢ҇лїе, честны́й крⷭ҇тъ, и҆ і҆кѡ̑ны воскрⷭ҇нїѧ хрⷭ҇то́ва, пречⷭ҇тыѧ бцⷣы. Пое́мъ канѡ́нъ па́схи съ бг҃оро́дичны, на и҃. И҆ катава́сїа, і҆рмо́съ то́йже. По ѕ҃-й пѣ́сни, послѣдѝ є҆ѵⷢ҇лїа глаго́лемъ: Воскрⷭ҇нїе хрⷭ҇то́во ви́дѣвше: три́жды. Та́же, стїхи́ра: Воскре́съ і҆и҃съ ѿ гро́ба: три́жды. Та́же, з҃-ѧ, и҃-ѧ и҆ ѳ҃-ѧ пѣ́сни. И҆ про́чее моле́бна."
 },
 {
  "type": "TEXT",
  "value": "Часы̀ па́схи."
 },
 {
  "type": "HEADER",
  "value": "На лїтꙋргі́и."
 },
 {
  "type": "TEXT",
  "value": "Наче́ншꙋ дїа́конꙋ: Бл҃гословѝ влⷣко."
 },
 {
  "type": "TEXT",
  "value": "Настоѧ́телю же возгласи́вшꙋ: Бл҃гослове́но црⷭ҇тво ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "И҆ мы̀: А҆ми́нь. Настоѧ́тель пое́тъ съ про́чими слꙋжи́тели во ст҃о́мъ ѻ҆лтарѣ̀: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ. [Три́жды. И҆ ли́ки то́йжде, три́жды.]"
 },
 {
  "type": "HEADER",
  "value": "Настоѧ́тель глаго́летъ припѣ́вы:"
 },
 {
  "type": "TEXT",
  "value": "а҃-й сті́хъ: Да воскре́снетъ бг҃ъ, и҆ расточа́тсѧ вразѝ є҆гѡ̀, / и҆ да бѣжа́тъ ѿ лица̀ є҆гѡ̀ ненави́дѧщїи є҆го̀."
 },
 {
  "type": "TEXT",
  "value": "И҆ на кі́йждо сті́хъ мы̀ пое́мъ тропа́рь: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ. [Ве́сь по є҆ди́ножды.]"
 },
 {
  "type": "TEXT",
  "value": "в҃-й сті́хъ: Ꙗ҆́кѡ и҆счеза́етъ ды́мъ, да и҆сче́знꙋтъ, / ꙗ҆́кѡ та́етъ во́скъ ѿ лица̀ ѻ҆гнѧ̀. Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "г҃-й сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ. Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "д҃-й сті́хъ: Се́й де́нь є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь. Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "Сла́ва: Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "И҆ ны́нѣ: Х рⷭ҇то́съ воскре́се: є҆ди́ножды."
 },
 {
  "type": "TEXT",
  "value": "Та́же настоѧ́тель пое́тъ вы́шшимъ гла́сомъ: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ."
 },
 {
  "type": "TEXT",
  "value": "Мы́ же: И҆ сꙋ́щымъ во гробѣ́хъ живо́тъ дарова́въ."
 },
 {
  "type": "TEXT",
  "value": "Посе́мъ глаго́летъ дїа́конъ є҆ктенїю̀ вели́кꙋю. По є҆ктенїи́ же и҆ по возгла́сѣ:"
 },
 {
  "type": "HEADER",
  "value": "А҆нтїфѡ́нъ пе́рвый, ѱало́мъ ѯ҃є, гла́съ в҃."
 },
 {
  "type": "TEXT",
  "value": "Сті́хъ а҃: Воскли́кните гдⷭ҇ви всѧ̀ землѧ̀."
 },
 {
  "type": "TEXT",
  "value": "Припѣ́въ: Мл҃твами бцⷣы, / сп҃се спасѝ на́съ."
 },
 {
  "type": "TEXT",
  "value": "И҆ дрꙋгі́й ли́къ то́йжде сті́хъ: Воскли́кните гдⷭ҇ви всѧ̀ землѧ̀, / по́йте же и҆́мени є҆гѡ̀, дади́те сла́вꙋ хвалѣ̀ є҆гѡ̀."
 },
 {
  "type": "TEXT",
  "value": "Припѣ́въ: Мл҃твами бцⷣы, / сп҃се спасѝ на́съ."
 },
 {
  "type": "TEXT",
  "value": "Сті́хъ в҃: Рцы́те бг҃ꙋ: ко́ль стра́шна дѣла̀ твоѧ̀, / во мно́жествѣ си́лы твоеѧ̀ со́лжꙋтъ тебѣ̀ вразѝ твоѝ."
 },
 {
  "type": "TEXT",
  "value": "Припѣ́въ: Мл҃твами бцⷣы, / сп҃се спасѝ на́съ."
 },
 {
  "type": "TEXT",
  "value": "Сті́хъ г҃: Всѧ̀ землѧ̀ да покло́нитсѧ тебѣ̀, / и҆ пое́тъ тебѣ̀, да пое́тъ же и҆́мени твоемꙋ̀ вы́шнїй."
 },
 {
  "type": "TEXT",
  "value": "Припѣ́въ: Мл҃твами бцⷣы, / сп҃се спасѝ на́съ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, / и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Кꙋ́пнѡ ѻ҆́ба ли́ка вы́шшимъ гла́сомъ: Мл҃твами бцⷣы, / сп҃се спасѝ на́съ."
 },
 {
  "type": "TEXT",
  "value": "Та́же, є҆ктенїа̀ ма́лаѧ."
 },
 {
  "type": "HEADER",
  "value": "А҆нтїфѡ́нъ вторы́й, ѱало́мъ ѯ҃ѕ, гла́съ то́йже."
 },
 {
  "type": "TEXT",
  "value": "Сті́хъ а҃: Бж҃е ᲂу҆ще́дри ны̀, и҆ бл҃гослови́ ны."
 },
 {
  "type": "TEXT",
  "value": "Припѣ́въ: Спаси́ ны сн҃е бж҃їй, / воскресы́й и҆з̾ ме́ртвыхъ, пою́щыѧ тѝ: / а҆ллилꙋ́їа. [Є҆ди́ножды.]"
 },
 {
  "type": "TEXT",
  "value": "Дрꙋга́ѧ страна̀, то́йже сті́хъ: Бж҃е, ᲂу҆ще́дри ны̀, и҆ бл҃гослови́ ны, / просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Припѣ́въ: Спаси́ ны сн҃е бж҃їй, / воскресы́й и҆з̾ ме́ртвыхъ, пою́щыѧ тѝ: / а҆ллилꙋ́їа."
 },
 {
  "type": "TEXT",
  "value": "Сті́хъ в҃: Да позна́емъ на землѝ пꙋ́ть тво́й, / во всѣ́хъ ꙗ҆зы́цѣхъ спасе́нїе твоѐ."
 },
 {
  "type": "TEXT",
  "value": "Припѣ́въ: Спаси́ ны сн҃е бж҃їй, / воскресы́й и҆з̾ ме́ртвыхъ, пою́щыѧ тѝ: / а҆ллилꙋ́їа."
 },
 {
  "type": "TEXT",
  "value": "Сті́хъ г҃: Да и҆сповѣ́дѧтсѧ тебѣ̀ лю́дїе бж҃е, / да и҆сповѣ́дѧтсѧ тебѣ̀ лю́дїе всѝ."
 },
 {
  "type": "TEXT",
  "value": "Припѣ́въ: Спаси́ ны сн҃е бж҃їй, / воскресы́й и҆з̾ ме́ртвыхъ, пою́щыѧ тѝ: / а҆ллилꙋ́їа."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, / и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Вкꙋ́пѣ два̀ ли́ка: Є҆диноро́дный сн҃е и҆ сло́ве бж҃їй, безсме́ртенъ сы́й, / и҆ и҆зво́ливый сп҃се́нїѧ на́шегѡ ра́ди / воплоти́тисѧ ѿ ст҃ы́ѧ бцⷣы, и҆ приснодв҃ы мр҃і́и, / непрело́жнѡ вочл҃вѣ́чивыйсѧ: / распны́йсѧ же, хрⷭ҇тѐ бж҃е, сме́ртїю сме́рть попра́вый, / є҆ди́нъ сы́й ст҃ы́ѧ трⷪ҇цы, / спрославлѧ́емый ѻ҆ц҃ꙋ̀, и҆ ст҃о́мꙋ дх҃ꙋ, сп҃сѝ на́съ."
 },
 {
  "type": "TEXT",
  "value": "Та́же, є҆ктенїа̀."
 },
 {
  "type": "HEADER",
  "value": "А҆нтїфѡ́нъ г҃-й, ѱало́мъ ѯ҃з, гла́съ є҃."
 },
 {
  "type": "TEXT",
  "value": "Сті́хъ а҃: Да воскре́снетъ бг҃ъ, и҆ расточа́тсѧ вразѝ є҆гѡ̀."
 },
 {
  "type": "HEADER",
  "value": "Тропа́рь, гла́съ є҃:"
 },
 {
  "type": "TEXT",
  "value": "Х рⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
 },
 {
  "type": "TEXT",
  "value": "Дрꙋга́ѧ страна̀, то́й же сті́хъ: Да воскре́снетъ бг҃ъ, и҆ расточа́тсѧ вразѝ є҆гѡ̀, / и҆ да бѣжа́тъ ѿ лица̀ є҆гѡ̀ ненави́дѧщїи є҆го̀."
 },
 {
  "type": "TEXT",
  "value": "Тропа́рь: Хрⷭ҇то́съ воскре́се и҆з̾ ме́ртвыхъ:"
 },
 {
  "type": "TEXT",
  "value": "Сті́хъ в҃: Ꙗ҆́кѡ и҆счеза́етъ ды́мъ, да и҆сче́знꙋтъ, / ꙗ҆́кѡ та́етъ во́скъ ѿ лица̀ ѻ҆гнѧ̀."
 },
 {
  "type": "TEXT",
  "value": "Тропа́рь: Хрⷭ҇то́съ воскре́се и҆з̾ ме́ртвыхъ:"
 },
 {
  "type": "TEXT",
  "value": "Сті́хъ г҃: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ, да возра́дꙋютсѧ пред̾ бг҃омъ."
 },
 {
  "type": "TEXT",
  "value": "Тропа́рь: Хрⷭ҇то́съ воскре́се и҆з̾ ме́ртвыхъ:"
 },
 {
  "type": "HEADER",
  "value": "И҆ быва́етъ вхо́дъ."
 },
 {
  "type": "TEXT",
  "value": "И҆ возглаша́етъ дїа́конъ, а҆́ще є҆́сть, а҆́ще же нѝ, і҆ере́й: Премꙋ́дрость, про́сти."
 },
 {
  "type": "TEXT",
  "value": "Мы́ же вхо́дное: Въ це́рквахъ благослови́те бг҃а, гдⷭ҇а ѿ и҆стѡ́чникъ і҆зра́илевыхъ."
 },
 {
  "type": "HEADER",
  "value": "И҆ пое́мъ тропа́рь, гла́съ є҃:"
 },
 {
  "type": "TEXT",
  "value": "Х рⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
 },
 {
  "type": "HEADER",
  "value": "Ѵ҆пакоѝ, гла́съ д҃:"
 },
 {
  "type": "TEXT",
  "value": "П редвари́вшыѧ ᲂу҆́тро ꙗ҆̀же ѡ҆ марі́и, / и҆ ѡ҆брѣ́тшыѧ ка́мень ѿвале́нъ ѿ гро́ба, / слы́шахꙋ ѿ а҆́гг҃ла: во свѣ́тѣ присносꙋ́щнѣмъ сꙋ́щаго, / съ ме́ртвыми что̀ и҆́щете ꙗ҆́кѡ человѣ́ка; / ви́дите грѡ́бныѧ пелєны̀, тецы́те, и҆ мі́рꙋ проповѣ́дите, / ꙗ҆́кѡ воста̀ гдⷭ҇ь, ᲂу҆мертви́вый сме́рть, / ꙗ҆́кѡ є҆́сть сн҃ъ бг҃а, спаса́ющагѡ ро́дъ человѣ́ческїй."
 },
 {
  "type": "HEADER",
  "value": "Сла́ва, конда́къ бцⷣы, гла́съ и҃. Подо́бенъ: Взбра́нной:"
 },
 {
  "type": "TEXT",
  "value": "Ѿ неистощи́мыѧ ты̀, и҆сто́чниче бг҃облагода́тный, / подае́ши мѝ, точа́щи во́ды твоеѧ̀ бл҃года́ти, / приснотекꙋ́щїй па́че сло́ва: / ꙗ҆́кѡ бо сло́во ро́ждшаѧ па́че смы́сла, / молю́ ти сѧ, ѡ҆роси́ мѧ бл҃года́тїю, да зовꙋ́ ти: / ра́дꙋйсѧ, водо̀ спаси́тельнаѧ."
 },
 {
  "type": "HEADER",
  "value": "И҆ ны́нѣ: конда́къ па́сцѣ, гла́съ и҃:"
 },
 {
  "type": "TEXT",
  "value": "А҆́ ще и҆ во гро́бъ снизше́лъ є҆сѝ безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскре́слъ є҆сѝ ꙗ҆́кѡ побѣди́тель хрⷭ҇тѐ бж҃е, / жена́мъ мѷроно́сицамъ вѣща́вый: ра́дꙋйтесѧ, / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскресе́нїе."
 },
 {
  "type": "HEADER",
  "value": "Вмѣ́стѡ же трист҃а́гѡ:"
 },
 {
  "type": "TEXT",
  "value": "Є҆ ли́цы во хрⷭ҇та̀ крести́стесѧ, / во хрⷭ҇та̀ ѡ҆блеко́стесѧ: / а҆ллилꙋ́їа."
 },
 {
  "type": "TEXT",
  "value": "Прокі́менъ днѐ, гла́съ и҃: Во всю̀ зе́млю и҆зы́де вѣща́нїе и҆́хъ, / и҆ въ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь."
 },
 {
  "type": "TEXT",
  "value": "И҆ прокі́менъ, гла́съ г҃, пѣ́снь бцⷣы: Вели́читъ дꙋша̀ моѧ̀ гдⷭ҇а, и҆ возра́довасѧ дх҃ъ мо́й ѡ҆ бз҃ѣ сп҃сѣ мое́мъ."
 },
 {
  "type": "HEADER",
  "value": "Дѣѧ̑нїѧ ст҃ы́хъ а҆пⷭ҇лъ, зача́ло з҃."
 },
 {
  "type": "TEXT",
  "value": "В о днѝ ѻ҆́ны, вкꙋ́пѣ пе́тръ и҆ і҆ѡа́ннъ восхожда́ста во свѧти́лище на моли́твꙋ, въ ча́съ девѧ́тый. и҆ нѣ́кїй мꙋ́жъ хро́мъ ѿ чре́ва ма́тере своеѧ̀ сы́й, носи́мь быва́ше, є҆го́же полага́хꙋ по всѧ̀ днѝ пред̾ две́рьми церко́вными, реко́мыми кра́сными, проси́ти ми́лостыни ѿ входѧ́щихъ въ це́рковь. и҆́же ви́дѣвъ петра̀ и҆ і҆ѡа́нна, хотѧ́щыѧ вни́ти въ це́рковь, проша́ше ми́лостыни. воззрѣ́въ же пе́тръ на́нь со і҆ѡа́нномъ, речѐ: воззрѝ на ны̀. ѻ҆́нъ же прилѣжа́ше и҆́ма, мнѧ̀ нѣ́что ѿ нею̀ прїѧ́ти. рече́ же пе́тръ: сребра̀ и҆ зла́та нѣ́сть ᲂу҆ менѐ, но є҆́же и҆́мамъ, сїе́ ти даю̀: во и҆́мѧ і҆и҃са хрⷭ҇та̀ назѡре́а, воста́ни и҆ ходѝ. и҆ є҆́мъ є҆го̀ за деснꙋ́ю рꙋ́кꙋ воздви́же: а҆́бїе же ᲂу҆тверди́стѣсѧ є҆гѡ̀ плеснѣ̀ и҆ гле́знѣ. и҆ вскочи́въ ста̀ и҆ хожда́ше, и҆ вни́де съ ни́ма въ це́рковь, ходѧ̀, и҆ скачѧ̀, и҆ хвалѧ̀ бг҃а."
 },
 {
  "type": "HEADER",
  "value": "И҆ бцⷣы, къ фїлїпписі́ємъ посла́нїе, зача́ло с҃м."
 },
 {
  "type": "TEXT",
  "value": "Б ра́тїе, сїѐ да мꙋ́дрствꙋетсѧ въ ва́съ, є҆́же и҆ во хрⷭ҇тѣ̀ і҆и҃сѣ, и҆́же во ѻ҆́бразѣ бж҃їи сы́й, не восхище́нїемъ непщева̀ бы́ти ра́венъ бг҃ꙋ. но себѐ ᲂу҆ма́лилъ, зра́къ раба̀ прїи́мъ, въ подо́бїи человѣ́честѣмъ бы́въ и҆ ѻ҆́бразомъ ѡ҆брѣ́тесѧ ꙗ҆́коже человѣ́къ. смири́лъ себѐ, послꙋшли́въ бы́въ да́же до сме́рти, сме́рти же крⷭ҇тныѧ. тѣ́мже и҆ бг҃ъ є҆го̀ превознесѐ, и҆ дарова̀ є҆мꙋ̀ и҆́мѧ, є҆́же па́че всѧ́кагѡ и҆́мене: да ѡ҆ и҆́мени і҆и҃совѣ всѧ́ко колѣ́но поклони́тсѧ, нбⷭ҇ныхъ, и҆ земны́хъ, и҆ преиспо́днихъ: и҆ всѧ́къ ѧ҆зы́къ и҆сповѣ́сть ꙗ҆́кѡ гдⷭ҇ь і҆и҃съ хрⷭ҇то́съ, въ сла́вꙋ бг҃а ѻ҆ц҃а̀."
 },
 {
  "type": "TEXT",
  "value": "А҆ллилꙋ́їа, гла́съ а҃. И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Сті́хъ: Слы́ши дщѝ и҆ ви́ждь и҆ приклонѝ ᲂу҆́хо твоѐ."
 },
 {
  "type": "HEADER",
  "value": "Є҆ѵⷢ҇лїе днѐ, ѿ і҆ѡа́нна, зача́ло з҃."
 },
 {
  "type": "TEXT",
  "value": "В о вре́мѧ ѻ҆́но, сни́де і҆и҃съ въ капернаꙋ́мъ са́мъ, и҆ мт҃и є҆гѡ̀, и҆ бра́тїѧ є҆гѡ̀, и҆ ᲂу҆чн҃цы̀ є҆гѡ̀: и҆ тꙋ̀ не мно́ги днѝ пребы́ша. и҆ бли́зъ бѣ̀ па́сха і҆ꙋде́йска, и҆ взы́де во і҆ерꙋсали́мъ і҆и҃съ: и҆ ѡ҆брѣ́те въ цр҃кви продаю́щыѧ ѻ҆́вцы и҆ волы̀ и҆ го́лꙋби, и҆ пѣ́нѧжники сѣдѧ́щыѧ. и҆ сотворѝ би́чь ѿ ве́рвїй, всѧ̑ и҆згна̀ и҆з̾ цр҃кве, ѻ҆́вцы и҆ волы̀, и҆ торжникѡ́мъ разсы́па пѣ́нѧзи, и҆ дски̑ ѡ҆прове́рже. и҆ продаю́щымъ го́лꙋби речѐ: воз̾ми́те сїѧ̑ ѿсю́дꙋ, и҆ не твори́те до́мꙋ ѻ҆ц҃а̀ моегѡ̀, до́мꙋ кꙋ́пленагѡ. помѧнꙋ́ша же ᲂу҆ченицы̀ є҆гѡ̀, ꙗ҆́кѡ пи́сано є҆́сть: жа́лость до́мꙋ твоегѡ̀ снѣ́сть мѧ̀. ѿвѣща́ша же і҆ꙋде́є, и҆ рѣ́ша є҆мꙋ̀: ко́е зна́менїе ꙗ҆влѧ́еши на́мъ, ꙗ҆́кѡ сїѧ̑ твори́ши; ѿвѣща̀ і҆и҃съ, речѐ и҆̀мъ: разоритѐ цр҃ковь сїю̀, и҆ тре́ми де́ньми воздви́гнꙋ ю҆̀. рѣ́ша же і҆ꙋде́є: четы́редесѧть и҆ шестїю̀ лѣ́тъ создана̀ бы́сть це́рковь сїѧ̀, и҆ ты́ ли тре́ми де́ньми воздви́гнеши ю҆̀; ѻ҆́нъ же глаго́лаше ѡ҆ це́ркви тѣ́ла своегѡ̀. є҆гда̀ ᲂу҆́бѡ воста̀ ѿ ме́ртвыхъ, помѧнꙋ́ша ᲂу҆ченицы̀ є҆гѡ̀, ꙗ҆́кѡ сѐ глаго́лаше: и҆ вѣ́роваша писа́нїю, и҆ словесѝ, є҆́же речѐ і҆и҃съ."
 },
 {
  "type": "HEADER",
  "value": "И҆ бцⷣы, ѿ лꙋкѝ, зача́ло н҃д."
 },
 {
  "type": "TEXT",
  "value": "В о вре́мѧ ѻ҆́но, вни́де і҆и҃съ въ ве́сь нѣ́кꙋю: жена́ же нѣ́каѧ и҆́менемъ ма́рѳа прїѧ́тъ є҆го̀ въ до́мъ сво́й. и҆ сестра̀ є҆́й бѣ̀ нарица́емаѧ марі́а, ꙗ҆́же и҆ сѣ́дши при ногꙋ̀ і҆и҃совꙋ слы́шаше сло́во є҆гѡ̀. ма́рѳа же мо́лвѧше ѡ҆ мно́зѣ слꙋ́жбѣ, ста́вши же речѐ: гдⷭ҇и, не бреже́ши ли, ꙗ҆́кѡ сестра̀ моѧ̀ є҆ди́нꙋ мѧ̀ ѡ҆ста́ви слꙋжи́ти; рцы̀ ᲂу҆́бѡ є҆́й, да мѝ помо́жетъ. ѿвѣща́въ же і҆и҃съ, речѐ є҆́й: ма́рѳо, ма́рѳо, пече́шисѧ, и҆ мо́лвиши ѡ҆ мно́зѣ. є҆ди́но же є҆́сть на потре́бꙋ: марі́а же благꙋ́ю ча́сть и҆збра̀, ꙗ҆́же не ѿи́метсѧ ѿ неѧ̀. бы́сть же є҆гда̀ глаго́лаше сїѧ̀, воздви́гши нѣ́каѧ жена̀ гла́съ ѿ наро́да, речѐ є҆мꙋ̀: блаже́но чре́во носи́вшее тѧ̀, и҆ сосца̀ ꙗ҆̀же є҆сѝ сса́лъ. ѻ҆́нъ же речѐ: тѣ́мже ᲂу҆́бѡ блаже́ни слы́шащїи сло́во бж҃їе, и҆ хранѧ́ще є҆̀."
 },
 {
  "type": "TEXT",
  "value": "И҆ быва́етъ по чи́нꙋ бж҃е́ственнаѧ лїтꙋргі́а златоꙋ́стагѡ."
 },
 {
  "type": "HEADER",
  "value": "Вмѣ́стѡ же Досто́йно: пое́мъ:"
 },
 {
  "type": "TEXT",
  "value": "А҆́ гг҃лъ вопїѧ́ше бл҃года́тнѣй, / чи́стаѧ дв҃о ра́дꙋйсѧ, / и҆ па́ки рекꙋ̀, ра́дꙋйсѧ: / тво́й сн҃ъ воскре́се / тридне́венъ ѿ гро́ба, / и҆ мє́ртвыѧ воздви́гнꙋвый, / лю́дїе весели́тесѧ."
 },
 {
  "type": "TEXT",
  "value": "Та́же і҆рмо́съ: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
 },
 {
  "type": "HEADER",
  "value": "Прича́стный:"
 },
 {
  "type": "TEXT",
  "value": "Т ѣ́ло хрⷭ҇то́во прїими́те, / и҆сто́чника безсме́ртнагѡ вкꙋси́те."
 },
 {
  "type": "TEXT",
  "value": "И҆ бцⷣѣ: Ча́шꙋ спасе́нїѧ прїимꙋ̀, / и҆ и҆́мѧ гдⷭ҇не призовꙋ̀. / А҆ ллилꙋ́їа, три́жды."
 },
 {
  "type": "TEXT",
  "value": "Є҆гда́ же настоѧ́тель глаго́летъ: Со стра́хомъ бж҃їимъ и҆ вѣ́рою пристꙋпи́те. Мы̀ вмѣ́стѡ, Бл҃гослове́нъ грѧды́й во и҆́мѧ гдⷭ҇не: пое́мъ: Хрⷭ҇то́съ воскре́се: є҆ди́ножды. Настоѧ́тель глаго́летъ: Спасѝ бж҃е лю́ди твоѧ̀: И҆ мы̀: Хрⷭ҇то́съ воскре́се: є҆ди́ножды. Є҆гда́ же и҆зглаго́летъ і҆ере́й: Всегда̀ ны́нѣ и҆ при́снѡ: И҆ мы̀: Хрⷭ҇то́съ воскре́се: є҆ди́ножды. Посе́мъ є҆ктенїа̀. Вмѣ́стѡ же, Бꙋ́ди и҆́мѧ гдⷭ҇не: и҆ вмѣ́стѡ ѱалма̀, Бл҃гословлю̀ гдⷭ҇а: пое́мъ: Хрⷭ҇то́съ воскре́се: двана́десѧть, и҆ мно́жае: до́ндеже а҆нафо́ра ѿ и҆гꙋ́мена разда́стсѧ. Та́же настоѧ́тель, Бл҃гослове́нїе гдⷭ҇не на ва́съ: Ли́къ: А҆ми́нь. Посе́мъ настоѧ́тель вмѣ́стѡ, Сла́ва тебѣ̀ хрⷭ҇тѐ бж҃е: пое́тъ: Хрⷭ҇то́съ воскре́се и҆з̾ ме́ртвыхъ сме́ртїю сме́рть попра́въ. И҆ ли́къ: И҆ сꙋ́щымъ во гробѣ́хъ живо́тъ дарова́въ. Посе́мъ настоѧ́тель глаго́летъ ѿпꙋ́стъ со крⷭ҇то́мъ по ѻ҆бы́чаю."
 }
]