[
 {
  "type": "HEADER",
  "value": "Въ пѧто́къ пе́рвыѧ седми́цы ст҃ы́хъ постѡ́въ."
 },
 {
  "type": "TEXT",
  "value": "ⷤ На ᲂу҆́трени ⷤ На часѣ́хъ ⷤ На и҆з̾ѡбрази́тельныхъ ⷤ На вече́рни ⷤ На вели́цѣмъ повече́рїи"
 },
 {
  "type": "HEADER",
  "value": "На ᲂу҆́трени."
 },
 {
  "type": "TEXT",
  "value": "Воста́въ і҆ере́й твори́тъ ѻ҆бы́чное мета́нїе настоѧ́телю, и҆ вхо́дитъ во ст҃ы́й ѻ҆лта́рь, и҆ прїе́мъ кади́льницꙋ, ста́нетъ пред̾ ст҃о́ю трапе́зою, и҆ кадѧ̀ крⷭ҇тоѡбра́знѡ, возгласи́тъ."
 },
 {
  "type": "TEXT",
  "value": "Сщ҃е́нникъ: Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Возглаша́етъ і҆ере́й: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "Г дⷭ҇и поми́лꙋй, в҃і."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "TEXT",
  "value": "Без̾ мета́нїй. И҆ ѱало́мъ ѳ҃і и҆ к҃. Сі́и ѱалмы̀ глаго́лютсѧ въ монастырѣ́хъ ко́снѡ, за є҆́же кади́ти сщ҃е́нникꙋ бра́тїю всю̀."
 },
 {
  "type": "HEADER",
  "value": "Ѱало́мъ ѳ҃і."
 },
 {
  "type": "TEXT",
  "value": "Оу҆ слы́шитъ тѧ̀ гдⷭ҇ь въ де́нь печа́ли, защи́титъ тѧ̀ и҆́мѧ бг҃а і҆а́кѡвлѧ. по́слетъ тѝ по́мощь ѿ ст҃а́гѡ, и҆ ѿ сїѡ́на застꙋ́питъ тѧ̀. помѧне́тъ всѧ́кꙋ же́ртвꙋ твою̀, и҆ всесожже́нїе твоѐ тꙋ́чно бꙋ́ди. да́стъ тѝ гдⷭ҇ь по се́рдцꙋ твоемꙋ̀, и҆ ве́сь совѣ́тъ тво́й и҆спо́лнитъ. возра́дꙋемсѧ ѡ҆ сп҃се́нїи твое́мъ, и҆ во и҆́мѧ гдⷭ҇а бг҃а на́шегѡ возвели́чимсѧ: и҆спо́лнитъ гдⷭ҇ь всѧ̑ прошє́нїѧ твоѧ̑. ны́нѣ позна́хъ, ꙗ҆́кѡ сп҃сѐ гдⷭ҇ь хрїста̀ своего̀. ᲂу҆слы́шитъ є҆го̀ съ нб҃сѐ ст҃а́гѡ своегѡ̀, въ си́лахъ сп҃се́нїе десни́цы є҆гѡ̀. сі́и на колесни́цахъ, и҆ сі́и на ко́нехъ: мы́ же во и҆́мѧ гдⷭ҇а бг҃а на́шегѡ призове́мъ. ті́и спѧ́ти бы́ша и҆ падо́ша, мы́ же воста́хомъ и҆ и҆спра́вихомсѧ. гдⷭ҇и, сп҃сѝ царѧ̀, и҆ ᲂу҆слы́ши ны̀, во́ньже а҆́ще де́нь призове́мъ тѧ̀."
 },
 {
  "type": "HEADER",
  "value": "Ѱало́мъ к҃."
 },
 {
  "type": "TEXT",
  "value": "Г дⷭ҇и, си́лою твое́ю возвесели́тсѧ ца́рь и҆ ѡ҆ сп҃се́нїи твое́мъ возра́дꙋетсѧ ѕѣлѡ̀. жела́нїе се́рдца є҆гѡ̀ да́лъ є҆сѝ є҆мꙋ̀, и҆ хотѣ́нїѧ ᲂу҆стнꙋ̀ є҆гѡ̀ нѣ́си лиши́лъ є҆го̀. ꙗ҆́кѡ предвари́лъ є҆сѝ є҆го̀ бл҃гослове́нїемъ бл҃госты́ннымъ, положи́лъ є҆сѝ на главѣ̀ є҆гѡ̀ вѣне́цъ ѿ ка́мене че́стна. живота̀ проси́лъ є҆́сть ᲂу҆ тебѐ, и҆ да́лъ є҆сѝ є҆мꙋ̀ долготꙋ̀ дні́й во вѣ́къ вѣ́ка. ве́лїѧ сла́ва є҆гѡ̀ спасе́нїемъ твои́мъ, сла́вꙋ и҆ велелѣ́пїе возложи́ши на него̀. ꙗ҆́кѡ да́си є҆мꙋ̀ бл҃гослове́нїе во вѣ́къ вѣ́ка, возвесели́ши є҆го̀ ра́достїю съ лице́мъ твои́мъ. ꙗ҆́кѡ ца́рь ᲂу҆пова́етъ на гдⷭ҇а. и҆ млⷭ҇тїю вы́шнѧгѡ не подви́житсѧ. да ѡ҆брѧ́щетсѧ рꙋка̀ твоѧ̀ всѣ̑мъ врагѡ́мъ твои̑мъ, десни́ца твоѧ̀ да ѡ҆брѧ́щетъ всѧ̑ ненави́дѧщыѧ тебѐ. ꙗ҆́кѡ положи́ши и҆̀хъ ꙗ҆́кѡ пе́щь ѻ҆́гненнꙋю, во вре́мѧ лица̀ твоегѡ̀: гдⷭ҇ь гнѣ́вомъ свои́мъ смѧте́тъ ѧ҆̀, и҆ снѣ́стъ и҆̀хъ ѻ҆́гнь. пло́дъ и҆́хъ ѿ землѝ погꙋби́ши, и҆ сѣ́мѧ и҆́хъ ѿ сынѡ́въ человѣ́ческихъ. ꙗ҆́кѡ ᲂу҆клони́ша на тѧ̀ ѕла̑ѧ, помы́слиша совѣ́ты, и҆́хже не возмо́гꙋтъ соста́вити. ꙗ҆́кѡ положи́ши ѧ҆̀ хребе́тъ во и҆збы́тцѣхъ твои́хъ, ᲂу҆гото́виши лицѐ и҆́хъ. вознеси́сѧ гдⷭ҇и си́лою твое́ю, воспое́мъ и҆ пое́мъ си̑лы твоѧ̑."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Трист҃о́е, без̾ мета́нїй:"
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ тропарѝ сїѧ̑:"
 },
 {
  "type": "TEXT",
  "value": "С п҃сѝ гдⷭ҇и лю́ди твоѧ̑, / и҆ бл҃гословѝ достоѧ́нїе твоѐ, / побѣ̑ды правосла̑внымъ хрⷭ҇тїа́нѡмъ на сопроти̑вныѧ да́рꙋѧ, / и҆ твоѐ сохранѧ́ѧ крⷭ҇то́мъ твои́мъ жи́тельство."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "В ознесы́йсѧ на крⷭ҇тъ во́лею / тезоимени́томꙋ твоемꙋ̀ но́вомꙋ жи́тельствꙋ / щедрѡ́ты твоѧ̑ да́рꙋй хрⷭ҇тѐ бж҃е: / возвеселѝ на́съ си́лою твое́ю, / побѣ̑ды даѧ̀ на́мъ на сопоста́ты, / посо́бїе и҆мꙋ́щымъ твоѐ ѻ҆рꙋ́жїе ми́ра, / непобѣди́мꙋю побѣ́дꙋ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П редста́тельство стра́шное и҆ непосты́дное, / не пре́зри бл҃га́ѧ моли́твъ на́шихъ, всепѣ́таѧ бцⷣе, / ᲂу҆твердѝ правосла́вныхъ жи́тельство: / сп҃сѝ вѣ̑рныѧ лю́ди твоѧ̑, и҆ пода́ждь и҆̀мъ съ нб҃сѐ побѣ́дꙋ, / занѐ родила̀ є҆сѝ бг҃а, є҆ди́на бл҃гослове́ннаѧ."
 },
 {
  "type": "TEXT",
  "value": "Си̑мъ глаго́лємымъ, кади́тъ і҆ере́й ст҃ы́й ѻ҆лта́рь, и҆ всю̀ цр҃ковь."
 },
 {
  "type": "HEADER",
  "value": "Та́же глаго́летъ і҆ере́й:"
 },
 {
  "type": "TEXT",
  "value": "П оми́лꙋй на́съ бж҃е, по вели́цѣй млⷭ҇ти твое́й, мо́лимъ ти сѧ, ᲂу҆слы́ши, и҆ поми́лꙋй."
 },
 {
  "type": "TEXT",
  "value": "Ли́къ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "Є҆ щѐ мо́лимсѧ ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ моско́вскомъ и҆ всеѧ̀ рꙋсѝ и҆́мⷬ҇къ, и҆ ѡ҆ господи́нѣ на́шемъ преѡсвѧще́нѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "Є҆ щѐ мо́лимсѧ ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, да ти́хое и҆ безмо́лвное житїѐ поживе́мъ во всѧ́комъ бл҃гоче́стїи и҆ чистотѣ̀."
 },
 {
  "type": "TEXT",
  "value": "Ли́къ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "Є҆ щѐ мо́лимсѧ за всю̀ бра́тїю и҆ за всѧ̑ хрїстїа́ны."
 },
 {
  "type": "TEXT",
  "value": "Ли́къ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "Возглаша́етъ і҆ере́й: Ꙗ҆́кѡ ми́лостивъ и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь. И҆́ менемъ гдⷭ҇нимъ бл҃гословѝ ѻ҆́тче."
 },
 {
  "type": "TEXT",
  "value": "И҆ а҆́бїе і҆ере́й: Сла́ва ст҃ѣ́й, и҆ є҆диносꙋ́щнѣй, и҆ животворѧ́щей, и҆ нераздѣ́льнѣй трⷪ҇цѣ всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ начина́емъ шестоѱа́лмїе, со всѧ́кимъ молча́нїемъ и҆ ᲂу҆миле́нїемъ слꙋ́шающе. Бра́тъ же, є҆гѡ́же є҆́сть де́нь, ста́въ на ᲂу҆рече́нномъ мѣ́стѣ, глаго́летъ шестоѱа́лмїе со всѧ́кимъ внима́нїемъ, не борзѧ́сѧ, но со стра́хомъ бж҃їимъ, ꙗ҆́кѡ къ самомꙋ̀ бг҃ꙋ бесѣ́дꙋющи неви́димѡ."
 },
 {
  "type": "TEXT",
  "value": "И҆ не и҆́мать кто̀ вла́сти шепты̑ твори́ти, нижѐ плю́нꙋти, и҆лѝ хра́кнꙋти: но па́че внима́ти ѿ ѱало́мника глаго́лємымъ, рꙋ́цѣ и҆мꙋ́ще согбе́ны къ пе́рсемъ, главы̑ же преклоне́ны, и҆ ѻ҆́чи и҆мꙋ́ще до́лꙋ, серде́чныма ѻ҆чи́ма зрѧ́ще къ восто́кѡмъ, да мо́лимсѧ ѡ҆ грѣсѣ́хъ на́шихъ, помина́юще сме́рть, и҆ бꙋ́дꙋщꙋю мꙋ́кꙋ, и҆ жи́знь вѣ́чнꙋю."
 },
 {
  "type": "TEXT",
  "value": "С ла́ва въ вы́шнихъ бг҃ꙋ, и҆ на землѝ ми́ръ, въ человѣ́цѣхъ бл҃говоле́нїе. [Три́жды.]"
 },
 {
  "type": "TEXT",
  "value": "Г дⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. [Два́жды.]"
 },
 {
  "type": "HEADER",
  "value": "Ѱало́мъ г҃."
 },
 {
  "type": "TEXT",
  "value": "Г дⷭ҇и, что́ сѧ ᲂу҆мно́жиша стꙋжа́ющїи мѝ; мно́зи востаю́тъ на мѧ̀, мно́зи глаго́лютъ дꙋшѝ мое́й: нѣ́сть спⷭ҇нїѧ є҆мꙋ̀ въ бз҃ѣ є҆гѡ̀. ты́ же, гдⷭ҇и, застꙋ́пникъ мо́й є҆сѝ, сла́ва моѧ̀, и҆ возносѧ́й главꙋ̀ мою̀. гла́сомъ мои́мъ ко гдⷭ҇ꙋ воззва́хъ, и҆ ᲂу҆слы́ша мѧ̀ ѿ горы̀ ст҃ы́ѧ своеѧ̀. а҆́зъ ᲂу҆снꙋ́хъ, и҆ спа́хъ, воста́хъ, ꙗ҆́кѡ гдⷭ҇ь застꙋ́питъ мѧ̀. не ᲂу҆бою́сѧ ѿ тє́мъ люде́й, ѡ҆́крестъ напа́дающихъ на мѧ̀. воскрⷭ҇нѝ, гдⷭ҇и, сп҃си́ мѧ, бж҃е мо́й: ꙗ҆́кѡ ты̀ порази́лъ є҆сѝ всѧ̑ враждꙋ́ющыѧ мѝ всꙋ́е, зꙋ́бы грѣ́шникѡвъ сокрꙋши́лъ є҆сѝ. гдⷭ҇не є҆́сть спⷭ҇нїе, и҆ на лю́дехъ твои́хъ блгⷭ҇ве́нїе твоѐ."
 },
 {
  "type": "TEXT",
  "value": "А҆́ зъ ᲂу҆снꙋ́хъ и҆ спа́хъ, воста́хъ, ꙗ҆́кѡ гдⷭ҇ь застꙋ́питъ мѧ̀."
 },
 {
  "type": "HEADER",
  "value": "Ѱало́мъ л҃з."
 },
 {
  "type": "TEXT",
  "value": "Г дⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ. ꙗ҆́кѡ стрѣ́лы твоѧ̑ ᲂу҆нзо́ша во мнѣ̀, и҆ ᲂу҆тверди́лъ є҆сѝ на мнѣ̀ рꙋ́кꙋ твою̀. нѣ́сть и҆сцѣле́нїѧ въ пло́ти мое́й ѿ лица̀ гнѣ́ва твоегѡ̀, нѣ́сть ми́ра въ костѣ́хъ мои́хъ, ѿ лица̀ грѣ̑хъ мои́хъ. ꙗ҆́кѡ беззакѡ́нїѧ моѧ̑ превзыдо́ша главꙋ̀ мою̀, ꙗ҆́кѡ бре́мѧ тѧ́жкое ѡ҆тѧготѣ́ша на мнѣ̀. возсмердѣ́ша и҆ согни́ша ра̑ны моѧ̑ ѿ лица̀ безꙋ́мїѧ моегѡ̀. пострада́хъ и҆ слѧко́хсѧ до конца̀, ве́сь де́нь сѣ́тꙋѧ хожда́хъ. ꙗ҆́кѡ лѧ̑двїѧ моѧ̑ напо́лнишасѧ порꙋга́нїй, и҆ нѣ́сть и҆сцѣле́нїѧ въ пло́ти мое́й. ѡ҆ѕло́бленъ бы́хъ, и҆ смири́хсѧ до ѕѣла̀: рыка́хъ ѿ воздыха́нїѧ се́рдца моегѡ̀. гдⷭ҇и, пред̾ тобо́ю всѐ жела́нїе моѐ, и҆ воздыха́нїе моѐ ѿ тебѐ не ᲂу҆таи́сѧ. се́рдце моѐ смѧте́сѧ, ѡ҆ста́ви мѧ̀ си́ла моѧ̀, и҆ свѣ́тъ ѻ҆́чїю моє́ю, и҆ то́й нѣ́сть со мно́ю. дрꙋ́зи моѝ и҆ и҆́скреннїи моѝ, прѧ́мѡ мнѣ̀ прибли́жишасѧ и҆ ста́ша. и҆ бли́жнїи моѝ ѿдале́че менѐ ста́ша, и҆ нꙋжда́хꙋсѧ и҆́щꙋщїи дꙋ́шꙋ мою̀, и҆ и҆́щꙋщїи ѕла̑ѧ мнѣ̀, глаго́лахꙋ сꙋ́єтнаѧ, и҆ льсти̑внымъ ве́сь де́нь поꙋча́хꙋсѧ. а҆́зъ же ꙗ҆́кѡ глꙋ́хъ не слы́шахъ, и҆ ꙗ҆́кѡ нѣ́мъ не ѿверза́ѧй ᲂу҆́стъ свои́хъ. и҆ бы́хъ ꙗ҆́кѡ человѣ́къ не слы́шай, и҆ не и҆мы́й во ᲂу҆стѣ́хъ свои́хъ ѡ҆бличе́нїѧ. ꙗ҆́кѡ на тѧ̀ гдⷭ҇и, ᲂу҆пова́хъ, ты̀ ᲂу҆слы́шиши гдⷭ҇и бж҃е мо́й. ꙗ҆́кѡ рѣ́хъ: да не когда̀ пора́дꙋютъ ми́ сѧ вразѝ моѝ, и҆ внегда̀ подвижа́тисѧ нога́мъ мои̑мъ, на мѧ̀ велерѣ́чеваша. ꙗ҆́кѡ а҆́зъ на ра̑ны гото́въ, и҆ болѣ́знь моѧ̀ предо мно́ю є҆́сть вы́нꙋ. ꙗ҆́кѡ беззако́нїе моѐ а҆́зъ возвѣщꙋ̀, и҆ попекꙋ́сѧ ѡ҆ грѣсѣ̀ мое́мъ. врази́ же моѝ живꙋ́тъ, и҆ ᲂу҆крѣпи́шасѧ па́че менѐ, и҆ ᲂу҆мно́жишасѧ ненави́дѧщїи мѧ̀ без̾ пра́вды. воздаю́щїи мѝ ѕла̑ѧ воз̾ блага̑ѧ, ѡ҆болга́хꙋ мѧ̀, занѐ гонѧ́хъ бл҃госты́ню. не ѡ҆ста́ви менѐ, гдⷭ҇и бж҃е мо́й, не ѿстꙋпѝ ѿ менѐ. вонмѝ въ по́мощь мою̀, гдⷭ҇и сп҃се́нїѧ моегѡ̀."
 },
 {
  "type": "TEXT",
  "value": "Н е ѡ҆ста́ви менѐ, гдⷭ҇и бж҃е мо́й, не ѿстꙋпѝ ѿ менѐ. вонмѝ въ по́мощь мою̀, гдⷭ҇и сп҃се́нїѧ моегѡ̀."
 },
 {
  "type": "HEADER",
  "value": "Ѱало́мъ ѯ҃в."
 },
 {
  "type": "TEXT",
  "value": "Б ж҃е бж҃е мо́й, къ тебѣ̀ ᲂу҆́треннюю: возжада̀ тебѐ дꙋша̀ моѧ̀, ко́ль мно́жицею тебѣ̀ пло́ть моѧ̀, въ землѝ пꙋ́стѣ, и҆ непрохо́днѣ, и҆ безво́днѣ. та́кѡ во ст҃ѣ́мъ ꙗ҆ви́хсѧ тебѣ̀, ви́дѣти си́лꙋ твою̀ и҆ сла́вꙋ твою̀. ꙗ҆́кѡ лꙋ́чши ми́лость твоѧ̀ па́че живѡ́тъ, ᲂу҆стнѣ̀ моѝ похвали́тѣ тѧ̀. та́кѡ бл҃гословлю́ тѧ въ животѣ̀ мое́мъ, ѡ҆ и҆́мени твое́мъ воздѣжꙋ̀ рꙋ́цѣ моѝ. ꙗ҆́кѡ ѿ тꙋ́ка и҆ ма́сти да и҆спо́лнитсѧ дꙋша̀ моѧ̀, и҆ ᲂу҆стна́ма ра́дости восхва́лѧтъ тѧ̀ ᲂу҆ста̀ моѧ̑. а҆́ще помина́хъ тѧ̀ на посте́ли мое́й, на ᲂу҆́треннихъ поꙋча́хꙋсѧ въ тѧ̀. ꙗ҆́кѡ бы́лъ є҆сѝ помо́щникъ мо́й, и҆ въ кро́вѣ крилꙋ̀ твоє́ю возра́дꙋюсѧ. прильпѐ дꙋша̀ моѧ̀ по тебѣ̀, мене́ же прїѧ́тъ десни́ца твоѧ̀. ті́и же всꙋ́е и҆ска́ша дꙋ́шꙋ мою̀, вни́дꙋтъ въ преиспѡ́днѧѧ землѝ: предадѧ́тсѧ въ рꙋ́ки ѻ҆рꙋ́жїѧ, ча̑сти ли́совѡмъ бꙋ́дꙋтъ. ца́рь же возвесели́тсѧ ѡ҆ бз҃ѣ, похва́литсѧ всѧ́къ клены́йсѧ и҆́мъ: ꙗ҆́кѡ загради́шасѧ ᲂу҆ста̀ глаго́лющихъ непра́вєднаѧ."
 },
 {
  "type": "TEXT",
  "value": "Н а ᲂу҆́треннихъ поꙋча́хсѧ въ тѧ̀, ꙗ҆́кѡ бы́лъ є҆сѝ помо́щникъ мо́й, и҆ въ кро́вѣ крилꙋ̀ твоє́ю возра́дꙋюсѧ."
 },
 {
  "type": "TEXT",
  "value": "П рильпѐ дꙋша̀ моѧ̀ по тебѣ̀, мене́ же прїѧ́тъ десни́ца твоѧ̀."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды, без̾ покло́нѡвъ.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "[Сщ҃е́нникъ же глаго́летъ мл҃твы ᲂу҆́трєннїѧ, стоѧ̀ непокрове́нъ пред̾ ст҃ы́ми две́рьми, та́йнѡ]."
 },
 {
  "type": "HEADER",
  "value": "Ѱало́мъ п҃з."
 },
 {
  "type": "TEXT",
  "value": "Г дⷭ҇и бж҃е сп҃се́нїѧ моегѡ̀, во днѝ воззва́хъ, и҆ въ нощѝ пред̾ тобо́ю: да вни́детъ пред̾ тѧ̀ мл҃тва моѧ̀, приклонѝ ᲂу҆́хо твоѐ къ моле́нїю моемꙋ̀, ꙗ҆́кѡ и҆спо́лнисѧ ѕѡ́лъ дꙋша̀ моѧ̀, и҆ живо́тъ мо́й а҆́дꙋ прибли́жисѧ. привмѣне́нъ бы́хъ съ низходѧ́щими въ ро́въ, бы́хъ ꙗ҆́кѡ человѣ́къ без̾ по́мощи, въ ме́ртвыхъ свобо́дь: ꙗ҆́кѡ ꙗ҆́звеннїи спѧ́щїи во гро́бѣ, и҆́хже не помѧнꙋ́лъ є҆сѝ ктомꙋ̀, и҆ ті́и ѿ рꙋкѝ твоеѧ̀ ѿринове́ни бы́ша. положи́ша мѧ̀ въ ро́вѣ преиспо́днѣмъ, въ те́мныхъ и҆ сѣ́ни сме́ртнѣй. на мнѣ̀ ᲂу҆тверди́сѧ ꙗ҆́рость твоѧ̑, и҆ всѧ̑ во́лны твоѧ̑ наве́лъ є҆сѝ на мѧ̀. ᲂу҆да́лилъ є҆сѝ зна́емыхъ мои́хъ ѿ менѐ, положи́ша мѧ̀ ме́рзость себѣ̀, пре́данъ бы́хъ, и҆ не и҆схожда́хъ. ѻ҆́чи моѝ и҆знемого́стѣ ѿ нищеты̀, воззва́хъ къ тебѣ̀ гдⷭ҇и, ве́сь де́нь: воздѣ́хъ къ тебѣ̀ рꙋ́цѣ моѝ. є҆да̀ ме́ртвыми твори́ши чꙋдеса̀; и҆лѝ вра́чеве воскресѧ́тъ и҆ и҆сповѣ́дѧтсѧ тебѣ̀; є҆да̀ повѣ́сть кто̀ во гро́бѣ ми́лость твою̀, и҆ и҆́стинꙋ твою̀ въ поги́бели; є҆да̀ позна̑на бꙋ́дꙋтъ во тьмѣ̀ чꙋдеса̀ твоѧ̑, и҆ пра́вда твоѧ̀ въ землѝ забве́ннѣй; и҆ а҆́зъ къ тебѣ̀ гдⷭ҇и, воззва́хъ, и҆ ᲂу҆́трѡ мл҃тва моѧ̀ предвари́тъ тѧ̀. вскꙋ́ю гдⷭ҇и, ѿрѣ́еши дꙋ́шꙋ мою̀; ѿвраща́еши лицѐ твоѐ ѿ менѐ; ни́щъ є҆́смь а҆́зъ, и҆ въ трꙋдѣ́хъ ѿ ю҆́ности моеѧ̀, возне́съ же сѧ, смири́хсѧ, и҆ и҆знемого́хъ. на мнѣ̀ преидо́ша гнѣ́ви твоѝ, ᲂу҆страшє́нїѧ твоѧ̑ возмꙋти́ша мѧ̀. ѡ҆быдо́ша мѧ̀ ꙗ҆́кѡ вода̀ ве́сь де́нь. ѡ҆держа́ша мѧ̀ вкꙋ́пѣ. ᲂу҆да́лилъ є҆сѝ ѿ менѐ дрꙋ́га и҆ и҆́скреннѧго, и҆ зна́емыхъ мои́хъ ѿ страсте́й."
 },
 {
  "type": "TEXT",
  "value": "Г дⷭ҇и бж҃е сп҃се́нїѧ моегѡ̀, во днѝ воззва́хъ, и҆ въ нощѝ пред̾ тобо́ю."
 },
 {
  "type": "TEXT",
  "value": "Д а вни́детъ пред̾ тѧ̀ мл҃тва моѧ̀, приклонѝ ᲂу҆́хо твоѐ къ моле́нїю моемꙋ̀."
 },
 {
  "type": "HEADER",
  "value": "Ѱало́мъ р҃в."
 },
 {
  "type": "TEXT",
  "value": "Б л҃гословѝ дꙋшѐ моѧ̀ гдⷭ҇а и҆ всѧ̑ внꙋ́трєннѧѧ моѧ̑ и҆́мѧ ст҃о́е є҆гѡ̀. бл҃гословѝ дꙋшѐ моѧ̀ гдⷭ҇а, и҆ не забыва́й всѣ́хъ воздаѧ́нїй є҆гѡ̀: ѡ҆чища́ющаго всѧ̑ беззакѡ́нїѧ твоѧ̑, и҆сцѣлѧ́ющаго всѧ̑ недꙋ́ги твоѧ̑: и҆збавлѧ́ющаго ѿ и҆стлѣ́нїѧ живо́тъ тво́й, вѣнча́ющаго тѧ̀ млⷭ҇тїю и҆ щедро́тами: и҆сполнѧ́ющаго во бл҃ги́хъ жела́нїе твоѐ: ѡ҆бнови́тсѧ ꙗ҆́кѡ ѻ҆́рлѧ ю҆́ность твоѧ̀. творѧ́й млⷭ҇тыни гдⷭ҇ь, и҆ сꙋдьбꙋ̀ всѣ̑мъ ѡ҆би̑димымъ. сказа̀ пꙋти̑ своѧ̑ мѡѷсе́ови, сыновѡ́мъ і҆и҃лєвымъ хотѣ̑нїѧ своѧ̑. ще́дръ и҆ млⷭ҇тивъ гдⷭ҇ь, долготерпѣли́въ и҆ многомлⷭ҇тивъ. не до конца̀ прогнѣ́ваетсѧ, нижѐ въ вѣ́къ враждꙋ́етъ. не по беззако́нїємъ на́шымъ сотвори́лъ є҆́сть на́мъ, нижѐ по грѣхѡ́мъ на́шымъ возда́лъ є҆́сть на́мъ. ꙗ҆́кѡ по высотѣ̀ нбⷭ҇нѣй ѿ землѝ, ᲂу҆тверди́лъ є҆́сть гдⷭ҇ь млⷭ҇ть свою̀ на боѧ́щихсѧ є҆гѡ̀. є҆ли́кѡ ѿстоѧ́тъ восто́цы ѿ за̑падъ, ᲂу҆да́лилъ є҆́сть ѿ на́съ беззакѡ́нїѧ на̑ша. ꙗ҆́коже ще́дритъ ѻ҆те́цъ сы́ны, ᲂу҆ще́дри гдⷭ҇ь боѧ́щихсѧ є҆гѡ̀. ꙗ҆́кѡ то́й позна̀ созда́нїе на́ше, помѧнꙋ̀, ꙗ҆́кѡ пе́рсть є҆смы̀. человѣ́къ, ꙗ҆́кѡ трава̀ дні́е є҆гѡ̀, ꙗ҆́кѡ цвѣ́тъ се́льный, та́кѡ ѡ҆цвѣте́тъ: ꙗ҆́кѡ дꙋ́хъ про́йде въ не́мъ, и҆ не бꙋ́детъ, и҆ не позна́етъ ктомꙋ̀ мѣ́ста своегѡ̀. млⷭ҇ть же гдⷭ҇нѧ ѿ вѣ́ка и҆ до вѣ́ка на боѧ́щихсѧ є҆гѡ̀, и҆ пра́вда є҆гѡ̀ на сынѣ́хъ сынѡ́въ, хранѧ́щихъ завѣ́тъ є҆гѡ̀, и҆ по́мнѧщихъ за́пѡвѣди є҆гѡ̀, твори́ти ѧ҆̀. гдⷭ҇ь на нб҃сѝ ᲂу҆гото́ва прⷭ҇то́лъ сво́й, и҆ црⷭ҇тво є҆гѡ̀ всѣ́ми ѡ҆блада́етъ. бл҃гослови́те гдⷭ҇а всѝ а҆́гг҃ли є҆гѡ̀, си́льнїи крѣ́постїю, творѧ́щїи сло́во є҆гѡ̀, ᲂу҆слы́шати гла́съ слове́съ є҆гѡ̀. бл҃гослови́те гдⷭ҇а всѧ̑ си̑лы є҆гѡ̀, слꙋги̑ є҆гѡ̀, творѧ́щїи во́лю є҆гѡ̀. бл҃гослови́те гдⷭ҇а всѧ̑ дѣла̀ є҆гѡ̀. на всѧ́комъ мѣ́стѣ влⷣчествїѧ є҆гѡ̀, бл҃гословѝ дꙋшѐ моѧ̀ гдⷭ҇а."
 },
 {
  "type": "TEXT",
  "value": "Н а всѧ́комъ мѣ́стѣ влⷣчествїѧ є҆гѡ̀, бл҃гословѝ дꙋшѐ моѧ̀ гдⷭ҇а."
 },
 {
  "type": "HEADER",
  "value": "Ѱало́мъ рм҃в."
 },
 {
  "type": "TEXT",
  "value": "Г дⷭ҇и, ᲂу҆слы́ши мл҃твꙋ мою̀, внꙋшѝ моле́нїе моѐ во и҆́стинѣ твое́й, ᲂу҆слы́ши мѧ̀ въ пра́вдѣ твое́й: и҆ не вни́ди въ сꙋ́дъ съ рабо́мъ твои́мъ, ꙗ҆́кѡ не ѡ҆правди́тсѧ пред̾ тобо́ю всѧ́къ живы́й. ꙗ҆́кѡ погна̀ вра́гъ дꙋ́шꙋ мою̀, смири́лъ є҆́сть въ зе́млю живо́тъ мо́й: посади́лъ мѧ̀ є҆́сть въ те́мныхъ, ꙗ҆́кѡ мє́ртвыѧ вѣ́ка. и҆ ᲂу҆ны̀ во мнѣ̀ дꙋ́хъ мо́й, во мнѣ̀ смѧте́сѧ се́рдце моѐ. помѧнꙋ́хъ дни̑ дрє́внїѧ, поꙋчи́хсѧ во всѣ́хъ дѣ́лѣхъ твои́хъ, въ творе́нїихъ рꙋкꙋ̀ твоє́ю поꙋча́хсѧ. воздѣ́хъ къ тебѣ̀ рꙋ́цѣ моѝ, дꙋша̀ моѧ̀ ꙗ҆́кѡ землѧ̀ безво́днаѧ тебѣ̀. ско́рѡ ᲂу҆слы́ши мѧ̀ гдⷭ҇и, и҆счезѐ дꙋ́хъ мо́й: не ѿвратѝ лица̀ твоегѡ̀ ѿ менѐ, и҆ ᲂу҆подо́блюсѧ низходѧ́щымъ въ ро́въ. слы́шанꙋ сотворѝ мнѣ̀ заꙋ́тра млⷭ҇ть твою̀, ꙗ҆́кѡ на тѧ̀ ᲂу҆пова́хъ. скажѝ мнѣ̀ гдⷭ҇и, пꙋ́ть, во́ньже пойдꙋ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. и҆зми́ мѧ ѿ вра̑гъ мои́хъ, гдⷭ҇и, къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й. дх҃ъ тво́й бл҃гі́й наста́витъ мѧ̀ на зе́млю пра́вꙋ. и҆́мене твоегѡ̀ ра́ди гдⷭ҇и, живи́ши мѧ̀, пра́вдою твое́ю и҆зведе́ши ѿ печа́ли дꙋ́шꙋ мою̀: и҆ млⷭ҇тїю твое́ю потреби́ши врагѝ моѧ̑, и҆ погꙋби́ши всѧ̑ стꙋжа́ющыѧ дꙋшѝ мое́й, ꙗ҆́кѡ а҆́зъ ра́бъ тво́й є҆́смь."
 },
 {
  "type": "TEXT",
  "value": "Оу҆ слы́ши мѧ̀ гдⷭ҇и, въ пра́вдѣ твое́й, и҆ не вни́ди въ сꙋ́дъ съ рабо́мъ твои́мъ."
 },
 {
  "type": "TEXT",
  "value": "Оу҆ слы́ши мѧ̀ гдⷭ҇и, въ пра́вдѣ твое́й, и҆ не вни́ди въ сꙋ́дъ съ рабо́мъ твои́мъ."
 },
 {
  "type": "TEXT",
  "value": "Д х҃ъ тво́й бл҃гі́й наста́витъ мѧ̀ на зе́млю пра́вꙋ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Та́же є҆ктенїа̀ глаго́летсѧ ѿ сщ҃е́нника."
 },
 {
  "type": "HEADER",
  "value": "Є҆ктенїа̀ вели́каѧ."
 },
 {
  "type": "TEXT",
  "value": "М и́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ свы́шнѣмъ ми́рѣ, и҆ спасе́нїи дꙋ́шъ на́шихъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ ми́рѣ всегѡ̀ мі́ра, бл҃гостоѧ́нїи ст҃ы́хъ бж҃їихъ цр҃кве́й, и҆ соедине́нїи всѣ́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ ст҃ѣ́мъ хра́мѣ се́мъ, и҆ съ вѣ́рою, бл҃гоговѣ́нїемъ и҆ стра́хомъ бж҃їимъ входѧ́щихъ во́нь, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ, честнѣ́мъ пресвѵ́терствѣ, во хрⷭ҇тѣ̀ дїа́конствѣ, ѡ҆ все́мъ при́чтѣ и҆ лю́дехъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ гра́дѣ се́мъ [и҆лѝ ѡ҆ ве́си се́й, и҆лѝ ѡ҆ ст҃ѣ́й ѻ҆би́тели се́й ] , всѧ́комъ гра́дѣ, странѣ̀, и҆ вѣ́рою живꙋ́щихъ въ ни́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ бл҃горастворе́нїи воздꙋ́хѡвъ, ѡ҆ и҆з̾ѻби́лїи плодѡ́въ земны́хъ, и҆ вре́менѣхъ ми́рныхъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ пла́вающихъ, пꙋтеше́ствꙋющихъ, недꙋ́гꙋющихъ, стра́ждꙋщихъ, плѣне́нныхъ, и҆ ѡ҆ спасе́нїи и҆́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ и҆зба́витисѧ на́мъ ѿ всѧ́кїѧ ско́рби, гнѣ́ва и҆ нꙋ́жды, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋгъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаше́нїе: Ꙗ҆́кѡ подоба́етъ тебѣ̀ всѧ́каѧ сла́ва, че́сть, и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ а҆́бїе пое́тъ ᲂу҆чине́нный мона́хъ а҆ллилꙋ́їа, во гла́съ прилꙋчи́вшагѡсѧ въ ѻ҆ктѡ́ихѣ гла́са."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа."
 },
 {
  "type": "TEXT",
  "value": "Ли́къ: А҆ллилꙋ́їа. [Три́жды.]"
 },
 {
  "type": "TEXT",
  "value": "Сті́хъ а҃: Ѿ но́щи ᲂу҆́тренюетъ дꙋ́хъ мо́й къ тебѣ̀ бж҃е, занѐ свѣ́тъ повелѣ̑нїѧ твоѧ̑."
 },
 {
  "type": "TEXT",
  "value": "Ли́къ: А҆ллилꙋ́їа. [Три́жды.]"
 },
 {
  "type": "TEXT",
  "value": "Сті́хъ в҃: Пра́вдѣ наꙋчи́тесѧ живꙋ́щїи на землѝ."
 },
 {
  "type": "TEXT",
  "value": "Ли́къ: А҆ллилꙋ́їа. [Три́жды.]"
 },
 {
  "type": "TEXT",
  "value": "Сті́хъ г҃: За́висть прїи́метъ лю́ди ненака̑занныѧ."
 },
 {
  "type": "TEXT",
  "value": "Ли́къ: А҆ллилꙋ́їа. [Три́жды.]"
 },
 {
  "type": "TEXT",
  "value": "Сті́хъ д҃: Приложѝ и҆́мъ ѕла̀ гдⷭ҇и, приложѝ ѕла̀ сла̑внымъ землѝ."
 },
 {
  "type": "TEXT",
  "value": "Ли́къ: А҆ллилꙋ́їа. [Три́жды.]"
 },
 {
  "type": "TEXT",
  "value": "Та́же трⷪ҇чны гла́са ѻ҆ктѡ́иха. Пое́мъ же со ᲂу҆миле́нїемъ велегла́снѡ и҆ ко́снѡ съ пѣ́нїемъ. Въ концѣ̀ си́хъ трⷪ҇чныхъ, глаго́лемъ си́це:"
 },
 {
  "type": "TEXT",
  "value": "На а҃-мъ стїхѣ̀: Ст҃ъ, ст҃ъ, ст҃ъ є҆сѝ бж҃е на́шъ, си́лою крⷭ҇та̀ твоегѡ̀ сохранѝ на́съ гдⷭ҇и."
 },
 {
  "type": "TEXT",
  "value": "На в҃-мъ стїхѣ̀: Ст҃ъ, ст҃ъ, ст҃ъ є҆сѝ бж҃е на́шъ, мл҃твами всѣ́хъ ст҃ы́хъ твои́хъ поми́лꙋй на́съ:"
 },
 {
  "type": "TEXT",
  "value": "А҆ на тре́тїемъ: Ст҃ъ, ст҃ъ, ст҃ъ є҆сѝ бж҃е, бцⷣею поми́лꙋй на́съ."
 },
 {
  "type": "TEXT",
  "value": "Та́же стїхосло́вимъ є҆ди́нꙋ каѳі́смꙋ ѱалти́ра. По а҆нтїфѡ́нѣ же, на а҆ллилꙋ́їа твори́мъ покло́ны трѝ, всѝ ра́внѡ, послѣ́дꙋюще и҆гꙋ́менꙋ, и҆лѝ є҆кклисїа́рхꙋ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма г҃і."
 },
 {
  "type": "HEADER",
  "value": "Ѱало́мъ пѣ́сни, въ де́нь сꙋббѡ́тный, ч҃а."
 },
 {
  "type": "TEXT",
  "value": "Б л҃го є҆́сть и҆сповѣ́датисѧ гдⷭ҇еви и҆ пѣ́ти и҆́мени твоемꙋ̀, вы́шнїй: возвѣща́ти заꙋ́тра млⷭ҇ть твою̀ и҆ и҆́стинꙋ твою̀ на всѧ́кꙋ но́щь, въ десѧтострꙋ́ннѣмъ ѱалти́ри съ пѣ́снїю въ гꙋ́слехъ. ꙗ҆́кѡ возвесели́лъ мѧ̀ є҆сѝ, гдⷭ҇и, въ творе́нїи твое́мъ, и҆ въ дѣ́лѣхъ рꙋкꙋ̀ твоє́ю возра́дꙋюсѧ. ꙗ҆́кѡ возвели́чишасѧ дѣла̀ твоѧ̑, гдⷭ҇и: ѕѣлѡ̀ ᲂу҆глꙋби́шасѧ помышлє́нїѧ твоѧ̑. мꙋ́жъ безꙋ́менъ не позна́етъ, и҆ неразꙋми́въ не разꙋмѣ́етъ си́хъ. внегда̀ прозѧбо́ша грѣ̑шницы ꙗ҆́кѡ трава̀, и҆ пронико́ша всѝ дѣ́лающїи беззако́нїе, ꙗ҆́кѡ да потребѧ́тсѧ въ вѣ́къ вѣ́ка: ты́ же вы́шнїй во вѣ́къ, гдⷭ҇и. ꙗ҆́кѡ сѐ, вразѝ твоѝ, гдⷭ҇и, ꙗ҆́кѡ сѐ, вразѝ твоѝ поги́бнꙋтъ, и҆ разы́дꙋтсѧ всѝ дѣ́лающїи беззако́нїе. и҆ вознесе́тсѧ ꙗ҆́кѡ є҆диноро́га ро́гъ мо́й, и҆ ста́рость моѧ̀ въ є҆ле́и масти́тѣ: и҆ воззрѣ̀ ѻ҆́ко моѐ на врагѝ моѧ̑, и҆ востаю́щыѧ на мѧ̀ лꙋка́внꙋющыѧ ᲂу҆слы́шитъ ᲂу҆́хо моѐ. првⷣникъ ꙗ҆́кѡ фі́нїѯъ процвѣте́тъ: ꙗ҆́кѡ ке́дръ, и҆́же въ лїва́нѣ, ᲂу҆мно́житсѧ. насажде́ни въ домꙋ̀ гдⷭ҇ни во дво́рѣхъ бг҃а на́шегѡ процвѣтꙋ́тъ: є҆щѐ ᲂу҆мно́жатсѧ въ ста́рости масти́тѣ, и҆ бл҃гопрїе́млюще бꙋ́дꙋтъ. да возвѣстѧ́тъ, ꙗ҆́кѡ пра́въ гдⷭ҇ь бг҃ъ на́шъ, и҆ нѣ́сть непра́вды въ не́мъ."
 },
 {
  "type": "HEADER",
  "value": "Въ де́нь предсꙋббѡ́тный, внегда̀ насели́сѧ землѧ̀, хвала̀ пѣ́сни дв҃дꙋ, ч҃в."
 },
 {
  "type": "TEXT",
  "value": "Г дⷭ҇ь воцр҃и́сѧ, въ лѣ́потꙋ ѡ҆блече́сѧ: ѡ҆блече́сѧ гдⷭ҇ь въ си́лꙋ и҆ препоѧ́сасѧ: и҆́бо ᲂу҆твердѝ вселе́ннꙋю, ꙗ҆́же не подви́житсѧ. гото́въ прⷭ҇то́лъ тво́й ѿто́лѣ: ѿ вѣ́ка ты̀ є҆сѝ. воздвиго́ша рѣ́ки, гдⷭ҇и, воздвиго́ша рѣ́ки гла́сы своѧ̑: во́змꙋтъ рѣ́ки сотрє́нїѧ своѧ̑, ѿ гласѡ́въ во́дъ мно́гихъ. ди̑вны высѡты̀ мѡрскі́ѧ: ди́венъ въ высо́кихъ гдⷭ҇ь. свидѣ̑нїѧ твоѧ̑ ᲂу҆вѣ́ришасѧ ѕѣлѡ̀. до́мꙋ твоемꙋ̀ подоба́етъ ст҃ы́нѧ, гдⷭ҇и, въ долготꙋ̀ дні́й."
 },
 {
  "type": "HEADER",
  "value": "Ѱало́мъ дв҃дꙋ, въ четве́ртый сꙋббѡ́ты, ч҃г."
 },
 {
  "type": "TEXT",
  "value": "Б г҃ъ ѿмще́нїй гдⷭ҇ь, бг҃ъ ѿмще́нїй не ѡ҆бинꙋ́лсѧ є҆́сть. вознеси́сѧ, сꙋдѧ́й землѝ, возда́ждь воздаѧ́нїе гѡ́рдымъ. доко́лѣ грѣ̑шницы, гдⷭ҇и, доко́лѣ грѣ̑шницы восхва́лѧтсѧ; провѣща́ютъ и҆ возглаго́лютъ непра́вдꙋ, возглаго́лютъ всѝ дѣ́лающїи беззако́нїе; лю́ди твоѧ̑, гдⷭ҇и, смири́ша, и҆ достоѧ́нїе твоѐ ѡ҆ѕло́биша: вдови́цꙋ и҆ си́ра ᲂу҆мори́ша, и҆ прише́льца ᲂу҆би́ша, и҆ рѣ́ша: не ᲂу҆́зритъ гдⷭ҇ь, нижѐ ᲂу҆разꙋмѣ́етъ бг҃ъ і҆а́кѡвль. разꙋмѣ́йте же, безꙋ́мнїи въ лю́дехъ, и҆ бꙋ́їи нѣ́когда, ᲂу҆мꙋдри́тесѧ: насажде́й ᲂу҆́хо, не слы́шитъ ли; и҆лѝ созда́вый ѻ҆́ко, не сматрѧ́етъ ли; наказꙋ́ѧй ꙗ҆зы́ки, не ѡ҆бличи́тъ ли, ᲂу҆ча́й человѣ́ка ра́зꙋмꙋ; гдⷭ҇ь вѣ́сть помышлє́нїѧ человѣ́чєскаѧ, ꙗ҆́кѡ сꙋ́ть сꙋ́єтна. бл҃же́нъ человѣ́къ, є҆го́же а҆́ще нака́жеши, гдⷭ҇и, и҆ ѿ зако́на твоегѡ̀ наꙋчи́ши є҆го̀: ᲂу҆кроти́ти є҆го̀ ѿ дні́й лю́тыхъ, до́ндеже и҆зры́етсѧ грѣ́шномꙋ ꙗ҆́ма. ꙗ҆́кѡ не ѿри́нетъ гдⷭ҇ь люде́й свои́хъ, и҆ достоѧ́нїѧ своегѡ̀ не ѡ҆ста́витъ: до́ндеже пра́вда ѡ҆брати́тсѧ на сꙋ́дъ, и҆ держа́щїисѧ є҆ѧ̀ всѝ пра́вїи срⷣцемъ. кто̀ воста́нетъ мѝ на лꙋка́внꙋющыѧ; и҆лѝ кто̀ спредста́нетъ мѝ на дѣ́лающыѧ беззако́нїе; а҆́ще не гдⷭ҇ь помо́глъ бы мѝ, вма́лѣ всели́ласѧ бы во а҆́дъ дꙋша̀ моѧ̀. а҆́ще глаго́лахъ: подви́жесѧ нога̀ моѧ̀, млⷭ҇ть твоѧ̀, гдⷭ҇и, помога́ше мѝ: по мно́жествꙋ болѣ́зней мои́хъ въ се́рдцы мое́мъ, ᲂу҆тѣшє́нїѧ твоѧ̑ возвесели́ша дꙋ́шꙋ мою̀. да не пребꙋ́детъ тебѣ̀ престо́лъ беззако́нїѧ, созида́ѧй трꙋ́дъ на повелѣ́нїе. ᲂу҆ловѧ́тъ на дꙋ́шꙋ првⷣничꙋ, и҆ кро́вь непови́ннꙋю ѡ҆сꙋ́дѧтъ. и҆ бы́сть мнѣ̀ гдⷭ҇ь въ прибѣ́жище, и҆ бг҃ъ мо́й въ по́мощь ᲂу҆пова́нїѧ моегѡ̀: и҆ возда́стъ и҆̀мъ гдⷭ҇ь беззако́нїе и҆́хъ, и҆ по лꙋка́вствїю и҆́хъ погꙋби́тъ ѧ҆̀ гдⷭ҇ь бг҃ъ на́шъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Хвала̀ пѣ́сни дв҃дꙋ, не надпи́санъ ᲂу҆ є҆врє́й, ч҃д."
 },
 {
  "type": "TEXT",
  "value": "П рїиди́те, возра́дꙋемсѧ гдⷭ҇еви, воскли́кнемъ бг҃ꙋ сп҃си́телю на́шемꙋ: предвари́мъ лицѐ є҆гѡ̀ во и҆сповѣ́данїи, и҆ во ѱалмѣ́хъ воскли́кнемъ є҆мꙋ̀: ꙗ҆́кѡ бг҃ъ ве́лїй гдⷭ҇ь, и҆ цр҃ь ве́лїй по все́й землѝ: ꙗ҆́кѡ въ рꙋцѣ̀ є҆гѡ̀ всѝ концы̀ землѝ, и҆ высѡты̀ го́ръ тогѡ̀ сꙋ́ть. ꙗ҆́кѡ тогѡ̀ є҆́сть мо́ре, и҆ то́й сотворѝ є҆̀, и҆ сꙋ́шꙋ рꙋ́цѣ є҆гѡ̀ созда́стѣ. прїиди́те, поклони́мсѧ и҆ припаде́мъ є҆мꙋ̀, и҆ воспла́чемсѧ пред̾ гдⷭ҇емъ сотво́ршимъ на́съ: ꙗ҆́кѡ то́й є҆́сть бг҃ъ на́шъ, и҆ мы̀ лю́дїе па́жити є҆гѡ̀ и҆ ѻ҆́вцы рꙋкѝ є҆гѡ̀. дне́сь а҆́ще гла́съ є҆гѡ̀ ᲂу҆слы́шите, не ѡ҆жесточи́те серде́цъ ва́шихъ, ꙗ҆́кѡ въ прогнѣ́ванїи, по днѝ и҆скꙋше́нїѧ въ пꙋсты́ни: во́ньже и҆скꙋси́ша мѧ̀ ѻ҆тцы̀ ва́ши, и҆скꙋси́ша мѧ̀, и҆ ви́дѣша дѣла̀ моѧ̑. четы́редесѧть лѣ́тъ негодова́хъ ро́да тогѡ̀, и҆ рѣ́хъ: прⷭ҇нѡ заблꙋжда́ютъ се́рдцемъ, ті́и же не позна́ша пꙋте́й мои́хъ: ꙗ҆́кѡ клѧ́хсѧ во гнѣ́вѣ мое́мъ, а҆́ще вни́дꙋтъ въ поко́й мо́й."
 },
 {
  "type": "HEADER",
  "value": "Хвала̀ пѣ́сни дв҃дꙋ, внегда̀ до́мъ созида́шесѧ по плѣне́нїи, не надпи́санъ ᲂу҆ є҆врє́й, ч҃є."
 },
 {
  "type": "TEXT",
  "value": "В оспо́йте гдⷭ҇еви пѣ́снь но́вꙋ, воспо́йте гдⷭ҇еви всѧ̀ землѧ̀: воспо́йте гдⷭ҇еви, бл҃гослови́те и҆́мѧ є҆гѡ̀: бл҃говѣсти́те де́нь ѿ днѐ сп҃се́нїе є҆гѡ̀. возвѣсти́те во ꙗ҆зы́цѣхъ сла́вꙋ є҆гѡ̀, во всѣ́хъ лю́дехъ чꙋдеса̀ є҆гѡ̀. ꙗ҆́кѡ ве́лїй гдⷭ҇ь и҆ хва́ленъ ѕѣлѡ̀, стра́шенъ є҆́сть над̾ всѣ́ми бо́ги. ꙗ҆́кѡ всѝ бо́зи ꙗ҆зы̑къ бѣ́сове: гдⷭ҇ь же небеса̀ сотворѝ. и҆сповѣ́данїе и҆ красота̀ пред̾ ни́мъ, ст҃ы́нѧ и҆ великолѣ́пїе во ст҃и́лѣ є҆гѡ̀. принеси́те гдⷭ҇еви, ѻ҆те́чєствїѧ ꙗ҆зы̑къ, принеси́те гдⷭ҇еви сла́вꙋ и҆ че́сть. принеси́те гдⷭ҇еви сла́вꙋ и҆́мени є҆гѡ̀: возми́те жє́ртвы и҆ входи́те во дворы̀ є҆гѡ̀. поклони́тесѧ гдⷭ҇еви во дворѣ̀ ст҃ѣ́мъ є҆гѡ̀: да подви́житсѧ ѿ лица̀ є҆гѡ̀ всѧ̀ землѧ̀. рцы́те во ꙗ҆зы́цѣхъ, ꙗ҆́кѡ гдⷭ҇ь воцр҃и́сѧ: и҆́бо и҆спра́ви вселе́ннꙋю, ꙗ҆́же не подви́житсѧ: сꙋ́дитъ лю́демъ пра́востїю. да возвеселѧ́тсѧ нб҃са̀, и҆ ра́дꙋетсѧ землѧ̀: да подви́житсѧ мо́ре и҆ и҆сполне́нїе є҆гѡ̀: возра́дꙋютсѧ полѧ̀, и҆ всѧ̑ ꙗ҆̀же на ни́хъ: тогда̀ возра́дꙋютсѧ всѧ̑ древа̀ дꙋбра̑внаѧ ѿ лица̀ гдⷭ҇нѧ, ꙗ҆́кѡ грѧде́тъ, ꙗ҆́кѡ грѧде́тъ сꙋди́ти землѝ: сꙋди́ти вселе́ннѣй въ пра́вдꙋ, и҆ лю́демъ и҆́стиною свое́ю."
 },
 {
  "type": "HEADER",
  "value": "Ѱало́мъ дв҃дꙋ, є҆гда̀ землѧ̀ є҆гѡ̀ ᲂу҆строѧ́шесѧ, не надпи́санъ ᲂу҆ є҆врє́й, ч҃ѕ."
 },
 {
  "type": "TEXT",
  "value": "Г дⷭ҇ь воцр҃и́сѧ, да ра́дꙋетсѧ землѧ̀, да веселѧ́тсѧ ѻ҆́строви мно́зи. ѻ҆́блакъ и҆ мра́къ ѡ҆́крестъ є҆гѡ̀: пра́вда и҆ сꙋдьба̀ и҆справле́нїе прⷭ҇то́ла є҆гѡ̀. ѻ҆́гнь пред̾ ни́мъ пред̾и́детъ и҆ попали́тъ ѡ҆́крестъ врагѝ є҆гѡ̀. ѡ҆свѣти́ша мѡ́лнїѧ є҆гѡ̀ вселе́ннꙋю: ви́дѣ и҆ подви́жесѧ землѧ̀. го́ры ꙗ҆́кѡ во́скъ раста́ѧша ѿ лица̀ гдⷭ҇нѧ, ѿ лица̀ гдⷭ҇а всеѧ̀ землѝ. возвѣсти́ша нб҃са̀ пра́вдꙋ є҆гѡ̀, и҆ ви́дѣша всѝ лю́дїе сла́вꙋ є҆гѡ̀. да постыдѧ́тсѧ всѝ кла́нѧющїисѧ и҆стꙋка̑ннымъ, хва́лѧщїисѧ ѡ҆ і҆́дѡлѣхъ свои́хъ: поклони́тесѧ є҆мꙋ̀, всѝ а҆́гг҃ли є҆гѡ̀. слы́ша и҆ возвесели́сѧ сїѡ́нъ, и҆ возра́довашасѧ дщє́ри і҆ꙋдє́йскїѧ, сꙋде́бъ ра́ди твои́хъ, гдⷭ҇и: ꙗ҆́кѡ ты̀ гдⷭ҇ь вы́шнїй над̾ все́ю земле́ю, ѕѣлѡ̀ превозне́слсѧ є҆сѝ над̾ всѣ́ми бо́ги. лю́бѧщїи гдⷭ҇а, ненави́дите ѕла̑ѧ: храни́тъ гдⷭ҇ь дꙋ́шы прпⷣбныхъ свои́хъ, и҆з̾ рꙋкѝ грѣ́шничи и҆зба́витъ ѧ҆̀. свѣ́тъ возсїѧ̀ првⷣникꙋ, и҆ пра̑вымъ срⷣцемъ весе́лїе. весели́тесѧ, првⷣнїи, ѡ҆ гдⷭ҇ѣ, и҆ и҆сповѣ́дайте па́мѧть ст҃ы́ни є҆гѡ̀."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Ѱало́мъ дв҃дꙋ, ч҃з."
 },
 {
  "type": "TEXT",
  "value": "В оспо́йте гдⷭ҇еви пѣ́снь но́вꙋ, ꙗ҆́кѡ ди̑вна сотворѝ гдⷭ҇ь: сп҃сѐ є҆го̀ десни́ца є҆гѡ̀ и҆ мы́шца ст҃а́ѧ є҆гѡ̀. сказа̀ гдⷭ҇ь сп҃се́нїе своѐ, пред̾ ꙗ҆зы́ки ѿкры̀ пра́вдꙋ свою̀. помѧнꙋ̀ млⷭ҇ть свою̀ і҆а́кѡвꙋ и҆ и҆́стинꙋ свою̀ до́мꙋ і҆и҃левꙋ: ви́дѣша всѝ концы̀ землѝ сп҃се́нїе бг҃а на́шегѡ. воскли́кните бг҃ови, всѧ̀ землѧ̀, воспо́йте и҆ ра́дꙋйтесѧ и҆ по́йте. по́йте гдⷭ҇еви въ гꙋ́слехъ, въ гꙋ́слехъ и҆ гла́сѣ ѱало́мстѣ, въ трꙋба́хъ ко́ваныхъ и҆ гла́сомъ трꙋбы̀ ро́жаны: вострꙋби́те пред̾ цр҃е́мъ гдⷭ҇емъ. да подви́житсѧ мо́ре и҆ и҆сполне́нїе є҆гѡ̀, вселе́ннаѧ и҆ всѝ живꙋ́щїи на не́й. рѣ́ки воспле́щꙋтъ рꙋко́ю вкꙋ́пѣ, го́ры возра́дꙋютсѧ ѿ лица̀ гдⷭ҇нѧ, ꙗ҆́кѡ грѧде́тъ, ꙗ҆́кѡ и҆́детъ сꙋди́ти землѝ: сꙋди́ти вселе́ннѣй въ пра́вдꙋ, и҆ лю́демъ пра́востїю."
 },
 {
  "type": "HEADER",
  "value": "Ѱало́мъ дв҃дꙋ, ч҃и."
 },
 {
  "type": "TEXT",
  "value": "Г дⷭ҇ь воцр҃и́сѧ, да гнѣ́ваютсѧ лю́дїе: сѣдѧ́й на херꙋві́мѣхъ, да подви́житсѧ землѧ̀. гдⷭ҇ь въ сїѡ́нѣ вели́къ, и҆ высо́къ є҆́сть над̾ всѣ́ми людьмѝ. да и҆сповѣ́дѧтсѧ и҆́мени твоемꙋ̀ вели́комꙋ, ꙗ҆́кѡ стра́шно и҆ ст҃о є҆́сть. и҆ че́сть царе́ва сꙋ́дъ лю́битъ: ты̀ ᲂу҆гото́валъ є҆сѝ правоты̑, сꙋ́дъ и҆ пра́вдꙋ во і҆а́кѡвѣ ты̀ сотвори́лъ є҆сѝ. возноси́те гдⷭ҇а бг҃а на́шего и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть. мѡѷсе́й и҆ а҆арѡ́нъ во і҆ере́ехъ є҆гѡ̀, и҆ самꙋи́лъ въ призыва́ющихъ и҆́мѧ є҆гѡ̀: призыва́хꙋ гдⷭ҇а, и҆ то́й послꙋ́шаше и҆̀хъ. въ столпѣ̀ ѻ҆́блачнѣ глаго́лаше къ ни̑мъ: ꙗ҆́кѡ хранѧ́хꙋ свидѣ̑нїѧ є҆гѡ̀ и҆ повелѣ̑нїѧ є҆гѡ̀, ꙗ҆̀же дадѐ и҆̀мъ. гдⷭ҇и бж҃е на́шъ, ты̀ послꙋ́шалъ є҆сѝ и҆̀хъ: бж҃е, ты̀ млⷭ҇тивъ быва́лъ є҆сѝ и҆̀мъ, и҆ мща́ѧ на всѧ̑ начина̑нїѧ и҆́хъ. возноси́те гдⷭ҇а бг҃а на́шего и҆ покланѧ́йтесѧ въ горѣ̀ ст҃ѣ́й є҆гѡ̀: ꙗ҆́кѡ ст҃ъ гдⷭ҇ь бг҃ъ на́шъ."
 },
 {
  "type": "HEADER",
  "value": "Ѱало́мъ дв҃дꙋ во и҆сповѣ́данїе, ч҃ѳ."
 },
 {
  "type": "TEXT",
  "value": "В оскли́кните бг҃ови всѧ̀ землѧ̀: рабо́тайте гдⷭ҇еви въ весе́лїи, вни́дите пред̾ ни́мъ въ ра́дости. ᲂу҆вѣ́дите, ꙗ҆́кѡ гдⷭ҇ь то́й є҆́сть бг҃ъ на́шъ: то́й сотворѝ на́съ, а҆ не мы̀: мы́ же лю́дїе є҆гѡ̀ и҆ ѻ҆́вцы па́жити є҆гѡ̀. вни́дите во врата̀ є҆гѡ̀ во и҆сповѣ́данїи, во дворы̀ є҆гѡ̀ въ пѣ́нїихъ: и҆сповѣ́дайтесѧ є҆мꙋ̀, хвали́те и҆́мѧ є҆гѡ̀. ꙗ҆́кѡ бл҃гъ гдⷭ҇ь, въ вѣ́къ млⷭ҇ть є҆гѡ̀, и҆ да́же до ро́да и҆ ро́да и҆́стина є҆гѡ̀."
 },
 {
  "type": "HEADER",
  "value": "Ѱало́мъ дв҃дꙋ, р҃."
 },
 {
  "type": "TEXT",
  "value": "М лⷭ҇ть и҆ сꙋ́дъ воспою̀ тебѣ̀, гдⷭ҇и: пою̀ и҆ разꙋмѣ́ю въ пꙋтѝ непоро́чнѣ: когда̀ прїи́деши ко мнѣ̀; прехожда́хъ въ неѕло́бїи се́рдца моегѡ̀ посредѣ̀ до́мꙋ моегѡ̀. не предлага́хъ пред̾ ѻ҆чи́ма мои́ма ве́щь законопрестꙋ́пнꙋю: творѧ́щыѧ престꙋпле́нїе возненави́дѣхъ: не прильпѐ мнѣ̀ се́рдце стропти́во: ᲂу҆клонѧ́ющагосѧ ѿ менѐ лꙋка́ваго не позна́хъ. ѡ҆клевета́ющаго та́й и҆́скреннѧго своего̀, сего̀ и҆згонѧ́хъ: го́рдымъ ѻ҆́комъ и҆ несы́тымъ се́рдцемъ, съ си́мъ не ꙗ҆дѧ́хъ. ѻ҆́чи моѝ на вѣ̑рныѧ землѝ, посажда́ти ѧ҆̀ со мно́ю: ходѧ́й по пꙋтѝ непоро́чнꙋ, се́й мѝ слꙋжа́ше. не живѧ́ше посредѣ̀ до́мꙋ моегѡ̀ творѧ́й горды́ню: глаго́лѧй непра́вєднаѧ не и҆справлѧ́ше пред̾ ѻ҆чи́ма мои́ма. воꙋ́трїѧ и҆збива́хъ всѧ̑ грѣ̑шныѧ землѝ, є҆́же потреби́ти ѿ гра́да гдⷭ҇нѧ всѧ̑ дѣ́лающыѧ беззако́нїе."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "По пе́рвой каѳі́смѣ сѣда́льны ᲂу҆мили́тєльныѧ ѻ҆смогла́сника. а҆́ще же и҆́мать ст҃ы́й конда́къ, мч҃нченъ ѻ҆смогла́сника глаго́лемъ здѣ̀, съ припѣ́вомъ: Ди́венъ бг҃ъ во ст҃ы́хъ свои́хъ: бг҃ъ і҆и҃левъ. Та́же чте́нїе во ст҃о́мъ є҆фре́мѣ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма д҃і."
 },
 {
  "type": "HEADER",
  "value": "Моли́тва ни́щагѡ, є҆гда̀ ᲂу҆ны́етъ и҆ пред̾ гдⷭ҇емъ пролїе́тъ моле́нїе своѐ, р҃а."
 },
 {
  "type": "TEXT",
  "value": "Г дⷭ҇и, ᲂу҆слы́ши моли́твꙋ мою̀, и҆ во́пль мо́й къ тебѣ̀ да прїи́детъ. не ѿвратѝ лица̀ твоегѡ̀ ѿ менѐ: во́ньже а҆́ще де́нь скорблю̀, приклонѝ ко мнѣ̀ ᲂу҆́хо твоѐ: во́ньже а҆́ще де́нь призовꙋ́ тѧ, ско́рѡ ᲂу҆слы́ши мѧ̀. ꙗ҆́кѡ и҆счезо́ша ꙗ҆́кѡ ды́мъ дні́е моѝ, и҆ кѡ́сти моѧ̑ ꙗ҆́кѡ сꙋши́ло сосхо́шасѧ. ᲂу҆ѧ́звленъ бы́хъ ꙗ҆́кѡ трава̀, и҆ и҆́зсше се́рдце моѐ, ꙗ҆́кѡ забы́хъ снѣ́сти хлѣ́бъ мо́й. ѿ гла́са воздыха́нїѧ моегѡ̀ прильпѐ ко́сть моѧ̀ пло́ти мое́й. ᲂу҆подо́бихсѧ неѧ́сыти пꙋсты́ннѣй, бы́хъ ꙗ҆́кѡ нощны́й вра́нъ на ны́рищи. бдѣ́хъ и҆ бы́хъ ꙗ҆́кѡ пти́ца ѡ҆со́бѧщаѧсѧ на здѣ̀. ве́сь де́нь поноша́хꙋ мѝ вразѝ моѝ, и҆ хва́лѧщїи мѧ̀ мно́ю кленѧ́хꙋсѧ. занѐ пе́пелъ ꙗ҆́кѡ хлѣ́бъ ꙗ҆дѧ́хъ и҆ питїѐ моѐ съ пла́чемъ растворѧ́хъ, ѿ лица̀ гнѣ́ва твоегѡ̀ и҆ ꙗ҆́рости твоеѧ̀: ꙗ҆́кѡ возне́съ низве́рглъ мѧ̀ є҆сѝ. дні́е моѝ ꙗ҆́кѡ сѣ́нь ᲂу҆клони́шасѧ, и҆ а҆́зъ ꙗ҆́кѡ сѣ́но и҆зсхо́хъ. ты́ же, гдⷭ҇и, во вѣ́къ пребыва́еши, и҆ па́мѧть твоѧ̀ въ ро́дъ и҆ ро́дъ. ты̀ воскр҃съ ᲂу҆ще́дриши сїѡ́на: ꙗ҆́кѡ вре́мѧ ᲂу҆ще́дрити є҆го̀, ꙗ҆́кѡ прїи́де вре́мѧ. ꙗ҆́кѡ бл҃говоли́ша рабѝ твоѝ ка́менїе є҆гѡ̀, и҆ пе́рсть є҆гѡ̀ ᲂу҆ще́дрѧтъ. и҆ ᲂу҆боѧ́тсѧ ꙗ҆зы́цы и҆́мене гдⷭ҇нѧ, и҆ всѝ ца́рїе зе́мстїи сла́вы твоеѧ̀: ꙗ҆́кѡ сози́ждетъ гдⷭ҇ь сїѡ́на и҆ ꙗ҆ви́тсѧ во сла́вѣ свое́й. призрѣ̀ на моли́твꙋ смире́нныхъ и҆ не ᲂу҆ничижѝ моле́нїѧ и҆́хъ. да напи́шетсѧ сїѐ въ ро́дъ и҆́нъ, и҆ лю́дїе зи́ждемїи восхва́лѧтъ гдⷭ҇а: ꙗ҆́кѡ прини́че съ высоты̀ ст҃ы́ѧ своеѧ̀, гдⷭ҇ь съ нб҃сѐ на зе́млю призрѣ̀, ᲂу҆слы́шати воздыха́нїе ѡ҆кова́нныхъ, разрѣши́ти сы́ны ᲂу҆мерщвле́нныхъ: возвѣсти́ти въ сїѡ́нѣ и҆́мѧ гдⷭ҇не и҆ хвалꙋ̀ є҆гѡ̀ во і҆ерⷭ҇ли́мѣ, внегда̀ собра́тисѧ лю́демъ вкꙋ́пѣ и҆ царє́мъ, є҆́же рабо́тати гдⷭ҇еви. ѿвѣща̀ є҆мꙋ̀ на пꙋтѝ крѣ́пости є҆гѡ̀: ᲂу҆мале́нїе дні́й мои́хъ возвѣсти́ ми: не возведѝ менѐ во преполове́нїе дні́й мои́хъ: въ ро́дѣ родѡ́въ лѣ̑та твоѧ̑. въ нача́лѣхъ ты̀, гдⷭ҇и, зе́млю ѡ҆снова́лъ є҆сѝ, и҆ дѣла̀ рꙋкꙋ̀ твоє́ю сꙋ́ть небеса̀. та̑ поги́бнꙋтъ, ты́ же пребыва́еши: и҆ всѧ̑ ꙗ҆́кѡ ри́за ѡ҆бетша́ютъ, и҆ ꙗ҆́кѡ ѻ҆де́ждꙋ свїе́ши ѧ҆̀, и҆ и҆змѣнѧ́тсѧ. ты́ же то́йжде є҆сѝ, и҆ лѣ̑та твоѧ̑ не ѡ҆скꙋдѣ́ютъ. сы́нове ра̑бъ твои́хъ вселѧ́тсѧ, и҆ сѣ́мѧ и҆́хъ во вѣ́къ и҆спра́витсѧ."
 },
 {
  "type": "HEADER",
  "value": "Ѱало́мъ дв҃дꙋ, р҃в."
 },
 {
  "type": "TEXT",
  "value": "Б л҃гословѝ, дꙋшѐ моѧ̀, гдⷭ҇а, и҆ всѧ̑ внꙋ́трєннѧѧ моѧ̑, и҆́мѧ ст҃о́е є҆гѡ̀: бл҃гословѝ, дꙋшѐ моѧ̀, гдⷭ҇а, и҆ не забыва́й всѣ́хъ воздаѧ́нїй є҆гѡ̀: ѡ҆чища́ющаго всѧ̑ беззакѡ́нїѧ твоѧ̑, и҆сцѣлѧ́ющаго всѧ̑ недꙋ́ги твоѧ̑, и҆збавлѧ́ющаго ѿ и҆стлѣ́нїѧ живо́тъ тво́й, вѣнча́ющаго тѧ̀ млⷭ҇тїю и҆ щедро́тами, и҆сполнѧ́ющаго во бл҃ги́хъ жела́нїе твоѐ: ѡ҆бнови́тсѧ ꙗ҆́кѡ ѻ҆́рлѧ ю҆́ность твоѧ̀. творѧ́й млⷭ҇тыни гдⷭ҇ь и҆ сꙋдьбꙋ̀ всѣ̑мъ ѡ҆би̑димымъ. сказа̀ пꙋти̑ своѧ̑ мѡѷсе́ови, сыновѡ́мъ і҆и҃лєвымъ хотѣ̑нїѧ своѧ̑. ще́дръ и҆ млⷭ҇тивъ гдⷭ҇ь, долготерпѣли́въ и҆ многомлⷭ҇тивъ. не до конца̀ прогнѣ́ваетсѧ, нижѐ во вѣ́къ враждꙋ́етъ: не по беззако́нїємъ на́шымъ сотвори́лъ є҆́сть на́мъ, нижѐ по грѣхѡ́мъ на́шымъ возда́лъ є҆́сть на́мъ. ꙗ҆́кѡ по высотѣ̀ небе́снѣй ѿ землѝ, ᲂу҆тверди́лъ є҆́сть гдⷭ҇ь млⷭ҇ть свою̀ на боѧ́щихсѧ є҆гѡ̀: є҆ли́кѡ ѿстоѧ́тъ восто́цы ѿ за̑падъ, ᲂу҆да́лилъ є҆́сть ѿ на́съ беззакѡ́нїѧ на̑ша. ꙗ҆́коже ще́дритъ ѻ҆те́цъ сы́ны, ᲂу҆ще́дри гдⷭ҇ь боѧ́щихсѧ є҆гѡ̀. ꙗ҆́кѡ то́й позна̀ созда́нїе на́ше, помѧнꙋ̀, ꙗ҆́кѡ пе́рсть є҆смы̀. человѣ́къ, ꙗ҆́кѡ трава̀ дні́е є҆гѡ̀, ꙗ҆́кѡ цвѣ́тъ се́лный, та́кѡ ѡ҆цвѣте́тъ: ꙗ҆́кѡ дꙋ́хъ про́йде въ не́мъ, и҆ не бꙋ́детъ, и҆ не позна́етъ ктомꙋ̀ мѣ́ста своегѡ̀. млⷭ҇ть же гдⷭ҇нѧ ѿ вѣ́ка и҆ до вѣ́ка на боѧ́щихсѧ є҆гѡ̀, и҆ пра́вда є҆гѡ̀ на сынѣ́хъ сынѡ́въ, хранѧ́щихъ завѣ́тъ є҆гѡ̀ и҆ по́мнѧщихъ за́пѡвѣди є҆гѡ̀ твори́ти ѧ҆̀. гдⷭ҇ь на нб҃сѝ ᲂу҆гото́ва прⷭ҇то́лъ сво́й, и҆ црⷭ҇тво є҆гѡ̀ всѣ́ми ѡ҆блада́етъ. бл҃гослови́те гдⷭ҇а, всѝ а҆́гг҃ли є҆гѡ̀, си́льнїи крѣ́постїю, творѧ́щїи сло́во є҆гѡ̀, ᲂу҆слы́шати гла́съ слове́съ є҆гѡ̀. бл҃гослови́те гдⷭ҇а, всѧ̑ си̑лы є҆гѡ̀, слꙋги̑ є҆гѡ̀, творѧ́щїи во́лю є҆гѡ̀. бл҃гослови́те гдⷭ҇а, всѧ̑ дѣла̀ є҆гѡ̀ на всѧ́комъ мѣ́стѣ влⷣчества є҆гѡ̀: бл҃гословѝ, дꙋшѐ моѧ̀, гдⷭ҇а."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Ѱало́мъ дв҃дꙋ, ѡ҆ мїрстѣ́мъ бытїѝ, р҃г."
 },
 {
  "type": "TEXT",
  "value": "Б л҃гословѝ, дꙋшѐ моѧ̀, гдⷭ҇а. гдⷭ҇и бж҃е мо́й, возвели́чилсѧ є҆сѝ ѕѣлѡ̀: во и҆сповѣ́данїе и҆ въ велелѣ́потꙋ ѡ҆бле́клсѧ є҆сѝ: ѡ҆дѣѧ́йсѧ свѣ́томъ ꙗ҆́кѡ ри́зою, простира́ѧй не́бо ꙗ҆́кѡ ко́жꙋ: покрыва́ѧй вода́ми превы́спрєннѧѧ своѧ̑, полага́ѧй ѻ҆́блаки на восхожде́нїе своѐ, ходѧ́й на крилꙋ̑ вѣ́трєню: творѧ́й а҆́гг҃лы своѧ̑ дꙋ́хи, и҆ слꙋги̑ своѧ̑ пла́мень ѻ҆́гненный: ѡ҆снова́ѧй зе́млю на тве́рди є҆ѧ̀: не преклони́тсѧ въ вѣ́къ вѣ́ка. бе́здна ꙗ҆́кѡ ри́за ѡ҆дѣѧ́нїе є҆ѧ̀, на гора́хъ ста́нꙋтъ во́ды: ѿ запреще́нїѧ твоегѡ̀ побѣ́гнꙋтъ, ѿ гла́са гро́ма твоегѡ̀ ᲂу҆боѧ́тсѧ. восхо́дѧтъ го́ры, и҆ низхо́дѧтъ полѧ̀, въ мѣ́сто є҆́же ѡ҆снова́лъ є҆сѝ и҆̀мъ. предѣ́лъ положи́лъ є҆сѝ, є҆гѡ́же не пре́йдꙋтъ, нижѐ ѡ҆братѧ́тсѧ покры́ти зе́млю. посыла́ѧй и҆сто́чники въ де́брехъ, посредѣ̀ го́ръ про́йдꙋтъ во́ды. напаѧ́ютъ всѧ̑ ѕвѣ́ри сє́льныѧ, ждꙋ́тъ ѻ҆на́гри въ жа́ждꙋ свою̀. на ты́хъ пти̑цы небє́сныѧ привита́ютъ: ѿ среды̀ ка́менїѧ дадѧ́тъ гла́съ. напаѧ́ѧй го́ры ѿ превы́спреннихъ свои́хъ: ѿ плода̀ дѣ́лъ твои́хъ насы́титсѧ землѧ̀. прозѧба́ѧй травꙋ̀ скотѡ́мъ, и҆ ѕла́къ на слꙋ́жбꙋ человѣ́кѡмъ, и҆звестѝ хлѣ́бъ ѿ землѝ: и҆ вїно̀ весели́тъ се́рдце человѣ́ка, ᲂу҆ма́стити лицѐ є҆ле́емъ: и҆ хлѣ́бъ се́рдце человѣ́ка ᲂу҆крѣпи́тъ. насы́тѧтсѧ древа̀ пѡльска́ѧ, ке́дри лїва́нстїи, и҆̀хже є҆сѝ насади́лъ: та́мѡ пти̑цы вогнѣздѧ́тсѧ, є҆рѡді́ево жили́ще предводи́тельствꙋетъ и҆́ми. го́ры высѡ́кїѧ є҆ле́нємъ, ка́мень прибѣ́жище за́ѧцємъ. сотвори́лъ є҆́сть лꙋнꙋ̀ во времена̀: со́лнце позна̀ за́падъ сво́й. положи́лъ є҆сѝ тмꙋ̀, и҆ бы́сть но́щь, въ не́йже про́йдꙋтъ всѝ ѕвѣ́рїе дꙋбра́внїи, скѵ́мни рыка́ющїи восхи́тити и҆ взыска́ти ѿ бг҃а пи́щꙋ себѣ̀. возсїѧ̀ со́лнце, и҆ собра́шасѧ, и҆ въ ло́жахъ свои́хъ лѧ́гꙋтъ. и҆зы́детъ человѣ́къ на дѣ́ло своѐ и҆ на дѣ́ланїе своѐ до ве́чера. ꙗ҆́кѡ возвели́чишасѧ дѣла̀ твоѧ̑, гдⷭ҇и: всѧ̑ премⷣростїю сотвори́лъ є҆сѝ: и҆спо́лнисѧ землѧ̀ тва́ри твоеѧ̀. сїѐ мо́ре вели́кое и҆ простра́нное: та́мѡ га́ди, и҆́хже нѣ́сть числа̀, живѡ́тнаѧ ма̑лаѧ съ вели́кими: та́мѡ кораблѝ препла́ваютъ, ѕмі́й се́й, є҆го́же созда́лъ є҆сѝ рꙋга́тисѧ є҆мꙋ̀. всѧ̑ къ тебѣ̀ ча́ютъ, да́ти пи́щꙋ и҆̀мъ во бла́го вре́мѧ. да́вшꙋ тебѣ̀ и҆̀мъ, соберꙋ́тъ: ѿве́рзшꙋ тебѣ̀ рꙋ́кꙋ, всѧ́чєскаѧ и҆спо́лнѧтсѧ бла́гости: ѿвра́щшꙋ же тебѣ̀ лицѐ, возмѧтꙋ́тсѧ: ѿи́меши дꙋ́хъ и҆́хъ, и҆ и҆сче́знꙋтъ и҆ въ пе́рсть свою̀ возвратѧ́тсѧ: по́слеши дх҃а твоего̀, и҆ сози́ждꙋтсѧ, и҆ ѡ҆бнови́ши лицѐ землѝ. бꙋ́ди сла́ва гдⷭ҇нѧ во вѣ́ки: возвесели́тсѧ гдⷭ҇ь ѡ҆ дѣ́лѣхъ свои́хъ: призира́ѧй на зе́млю и҆ творѧ́й ю҆̀ трѧсти́сѧ: прикаса́ѧйсѧ гора́мъ, и҆ дымѧ́тсѧ. воспою̀ гдⷭ҇еви въ животѣ̀ мое́мъ, пою̀ бг҃ꙋ моемꙋ̀, до́ндеже є҆́смь: да ᲂу҆слади́тсѧ є҆мꙋ̀ бесѣ́да моѧ̀, а҆́зъ же возвеселю́сѧ ѡ҆ гдⷭ҇ѣ. да и҆сче́знꙋтъ грѣ̑шницы ѿ землѝ, и҆ беззакѡ́нницы, ꙗ҆́коже не бы́ти и҆̀мъ. бл҃гословѝ, дꙋшѐ моѧ̀, гдⷭ҇а."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "А҆ллилꙋ́їа, р҃д."
 },
 {
  "type": "TEXT",
  "value": "И҆ сповѣ́дайтесѧ гдⷭ҇еви и҆ призыва́йте и҆́мѧ є҆гѡ̀, возвѣсти́те во ꙗ҆зы́цѣхъ дѣла̀ є҆гѡ̀: воспо́йте є҆мꙋ̀ и҆ по́йте є҆мꙋ̀, повѣ́дите всѧ̑ чꙋдеса̀ є҆гѡ̀. хвали́тесѧ ѡ҆ и҆́мени ст҃ѣ́мъ є҆гѡ̀: да возвесели́тсѧ се́рдце и҆́щꙋщихъ гдⷭ҇а: взыщи́те гдⷭ҇а и҆ ᲂу҆тверди́тесѧ, взыщи́те лица̀ є҆гѡ̀ вы́нꙋ. помѧни́те чꙋдеса̀ є҆гѡ̀, ꙗ҆̀же сотворѝ, чꙋдеса̀ є҆гѡ̀ и҆ сꙋдьбы̑ ᲂу҆́стъ є҆гѡ̀, сѣ́мѧ а҆враа́мле рабѝ є҆гѡ̀, сы́нове і҆а̑кѡвли и҆збра́ннїи є҆гѡ̀. то́й гдⷭ҇ь бг҃ъ на́шъ: по все́й землѝ сꙋдьбы̑ є҆гѡ̀. помѧнꙋ̀ въ вѣ́къ завѣ́тъ сво́й, сло́во, є҆́же заповѣ́да въ ты́сѧщы родѡ́въ, є҆́же завѣща̀ а҆враа́мꙋ, и҆ клѧ́твꙋ свою̀ і҆саа́кꙋ: и҆ поста́ви ю҆̀ і҆а́кѡвꙋ въ повелѣ́нїе и҆ і҆и҃лю въ завѣ́тъ вѣ́ченъ, гл҃ѧ: тебѣ̀ да́мъ зе́млю ханаа́ню, ᲂу҆́же достоѧ́нїѧ ва́шегѡ. внегда̀ бы́ти и҆̀мъ ма̑лымъ число́мъ, малѣ́йшымъ и҆ прише́льцємъ въ не́й, и҆ преидо́ша ѿ ꙗ҆зы́ка въ ꙗ҆зы́къ и҆ ѿ ца́рствїѧ въ лю́ди и҆́ны: не ѡ҆ста́ви человѣ́ка ѡ҆би́дѣти и҆̀хъ и҆ ѡ҆бличѝ ѡ҆ ни́хъ царѝ: не прикаса́йтесѧ пома̑заннымъ мои̑мъ, и҆ во прⷪ҇ро́цѣхъ мои́хъ не лꙋка́внꙋйте. и҆ призва̀ гла́дъ на зе́млю: всѧ́ко ᲂу҆твержде́нїе хлѣ́бное сотры̀. посла̀ пред̾ ни́ми человѣ́ка: въ раба̀ про́данъ бы́сть і҆ѡ́сифъ. смири́ша во ѡ҆ко́вахъ но́зѣ є҆гѡ̀, желѣ́зо про́йде дꙋша̀ є҆гѡ̀, до́ндеже прїи́де сло́во є҆гѡ̀: сло́во гдⷭ҇не разжжѐ є҆го̀. посла̀ ца́рь и҆ разрѣшѝ є҆го̀: кнѧ́зь люде́й, и҆ ѡ҆ста́ви є҆го̀. поста́ви є҆го̀ господи́на до́мꙋ своемꙋ̀ и҆ кнѧ́зѧ всемꙋ̀ стѧжа́нїю своемꙋ̀, наказа́ти кнѧ̑зи є҆гѡ̀ ꙗ҆́кѡ себѐ и҆ ста́рцы є҆гѡ̀ ᲂу҆мꙋдри́ти. и҆ вни́де і҆и҃ль во є҆гѵ́петъ, и҆ і҆а́кѡвъ прише́льствова въ зе́млю ха́мовꙋ. и҆ возрастѝ лю́ди своѧ̑ ѕѣлѡ̀ и҆ ᲂу҆крѣпѝ ѧ҆̀ па́че врагѡ́въ и҆́хъ. превратѝ се́рдце и҆́хъ возненави́дѣти лю́ди є҆гѡ̀, ле́сть сотвори́ти въ рабѣ́хъ є҆гѡ̀. посла̀ мѡѷсе́а раба̀ своего̀, а҆арѡ́на, є҆го́же и҆збра̀ себѣ̀: положѝ въ ни́хъ словеса̀ зна́менїй свои́хъ и҆ чꙋде́съ свои́хъ въ землѝ ха́мовѣ. посла̀ тмꙋ̀ и҆ помрачѝ, ꙗ҆́кѡ преѡгорчи́ша словеса̀ є҆гѡ̀. преложѝ во́ды и҆́хъ въ кро́вь и҆ и҆зморѝ ры̑бы и҆́хъ. воскипѣ̀ землѧ̀ и҆́хъ жа́бами въ сокро́вищницахъ царе́й и҆́хъ. речѐ, и҆ прїидо́ша пє́сїѧ мꙋ̑хи и҆ скни̑пы во всѧ̑ предѣ́лы и҆́хъ. положѝ дождѝ и҆́хъ гра́ды, ѻ҆́гнь попалѧ́ющь въ землѝ и҆́хъ: и҆ поразѝ вїногра́ды и҆́хъ и҆ смѡ́квы и҆́хъ, и҆ сотры̀ всѧ́кое дре́во предѣ̑лъ и҆́хъ. речѐ, и҆ прїидо́ша прꙋ́зи и҆ гꙋ́сєницы, и҆̀мже не бѣ̀ числа̀, и҆ снѣдо́ша всѧ́кꙋ травꙋ̀ въ землѝ и҆́хъ, и҆ поѧдо́ша всѧ́къ пло́дъ землѝ и҆́хъ. и҆ поразѝ всѧ́каго пе́рвенца въ землѝ и҆́хъ, нача́токъ всѧ́кагѡ трꙋда̀ и҆́хъ: и҆ и҆зведѐ ѧ҆̀ съ сребро́мъ и҆ зла́томъ: и҆ не бѣ̀ въ колѣ́нѣхъ и҆́хъ болѧ́й. возвесели́сѧ є҆гѵ́петъ во и҆схожде́нїи и҆́хъ: ꙗ҆́кѡ нападѐ стра́хъ и҆́хъ на нѧ̀. распрострѐ ѻ҆́блакъ въ покро́въ и҆̀мъ, и҆ ѻ҆́гнь, є҆́же просвѣти́ти и҆̀мъ но́щїю. проси́ша, и҆ прїидо́ша кра́стели, и҆ хлѣ́ба небе́снагѡ насы́ти ѧ҆̀: разве́рзе ка́мень, и҆ потеко́ша во́ды, потеко́ша въ безво́дныхъ рѣ́ки: ꙗ҆́кѡ помѧнꙋ̀ сло́во ст҃о́е своѐ, є҆́же ко а҆враа́мꙋ рабꙋ̀ своемꙋ̀. и҆ и҆зведѐ лю́ди своѧ̑ въ ра́дости и҆ и҆збра̑нныѧ своѧ̑ въ весе́лїи. и҆ дадѐ и҆̀мъ страны̑ ꙗ҆зы̑къ, и҆ трꙋды̀ люде́й наслѣ́доваша: ꙗ҆́кѡ да сохранѧ́тъ ѡ҆правда̑нїѧ є҆гѡ̀ и҆ зако́на є҆гѡ̀ взы́щꙋтъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "HEADER",
  "value": "По в҃-мъ же стїхосло́вїи сѣда́ленъ господи́на і҆ѡ́сифа. Гла́съ в҃. Подо́бенъ: Бл҃гоѡбра́зный і҆ѡ́сифъ:"
 },
 {
  "type": "TEXT",
  "value": "С трⷭ҇тьмѝ твои́ми безстра́стїе всѣ̑мъ даѧ́й чл҃вѣколю́бче, / стра̑сти пло́ти моеѧ̀ ᲂу҆мертви́въ крⷭ҇то́мъ бж҃е́ственнымъ, / сподо́би ви́дѣти и҆ ст҃о́е воскрⷭ҇нїе твоѐ гдⷭ҇и."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "То́йже: С трⷭ҇тьмѝ твои́ми безстра́стїе всѣ̑мъ даѧ́й чл҃вѣколю́бче, / стра̑сти пло́ти моеѧ̀ ᲂу҆мертви́въ крⷭ҇то́мъ бж҃е́ственнымъ, / сподо́би ви́дѣти и҆ ст҃о́е воскрⷭ҇нїе твоѐ гдⷭ҇и."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Крⷭ҇тобг҃оро́диченъ: Чⷭ҇ тны́мъ крⷭ҇то́мъ сн҃а твоегѡ̀ сохранѧ́еми, / влⷣчце чⷭ҇таѧ бцⷣе, / всѧ́кїй прило́гъ борца̀, всѝ ᲂу҆до́бь побѣжда́емъ: / тѣ́мже тѧ̀ по до́лгꙋ при́снѡ ᲂу҆бл҃жа́емъ, / ꙗ҆́кѡ мт҃рь бж҃їю, / и҆ є҆ди́нꙋ наде́ждꙋ дꙋ́шъ на́шихъ."
 },
 {
  "type": "TEXT",
  "value": "И҆ па́ки чте́нїе во ст҃ѣ́мъ є҆фре́мѣ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма є҃і."
 },
 {
  "type": "HEADER",
  "value": "А҆ллилꙋ́їа, р҃є."
 },
 {
  "type": "TEXT",
  "value": "И҆ сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. кто̀ возглаго́летъ си̑лы гдⷭ҇ни, слы̑шаны сотвори́тъ всѧ̑ хвалы̑ є҆гѡ̀; бл҃же́ни хранѧ́щїи сꙋ́дъ и҆ творѧ́щїи пра́вдꙋ во всѧ́кое вре́мѧ. помѧнѝ на́съ, гдⷭ҇и, во бл҃говоле́нїи люде́й твои́хъ, посѣтѝ на́съ сп҃се́нїемъ твои́мъ, ви́дѣти во бла́гости и҆збра̑нныѧ твоѧ̑, возвесели́тисѧ въ весе́лїи ꙗ҆зы́ка твоегѡ̀, хвали́тисѧ съ достоѧ́нїемъ твои́мъ. согрѣши́хомъ со ѻ҆тцы̀ на́шими, беззако́нновахомъ, непра́вдовахомъ: ѻ҆тцы̀ на́ши во є҆гѵ́птѣ не разꙋмѣ́ша чꙋде́съ твои́хъ, ни помѧнꙋ́ша мно́жества млⷭ҇ти твоеѧ̀: и҆ преѡгорчи́ша восходѧ́ще въ чермно́е мо́ре. и҆ сп҃сѐ и҆̀хъ и҆́мене своегѡ̀ ра́ди, сказа́ти си́лꙋ свою̀: и҆ запретѝ чермно́мꙋ мо́рю, и҆ и҆зсѧ́че: и҆ наста́ви ѧ҆̀ въ бе́зднѣ ꙗ҆́кѡ въ пꙋсты́ни. и҆ сп҃сѐ ѧ҆̀ и҆з̾ рꙋкѝ ненави́дѧщихъ и҆ и҆зба́ви ѧ҆̀ и҆з̾ рꙋкѝ врагѡ́въ. покры̀ вода̀ стꙋжа́ющыѧ и҆̀мъ: ни є҆ди́нъ ѿ ни́хъ и҆збы́сть. и҆ вѣ́роваша словесѝ є҆гѡ̀ и҆ воспѣ́ша хвалꙋ̀ є҆гѡ̀. ᲂу҆скори́ша, забы́ша дѣла̀ є҆гѡ̀, не стерпѣ́ша совѣ́та є҆гѡ̀: и҆ похотѣ́ша жела́нїю въ пꙋсты́ни и҆ и҆скꙋси́ша бг҃а въ безво́днѣй. и҆ дадѐ и҆̀мъ проше́нїе и҆́хъ, посла̀ сы́тость въ дꙋ́шы и҆́хъ. и҆ прогнѣ́ваша мѡѷсе́а въ станꙋ̀, а҆арѡ́на ст҃а́го гдⷭ҇нѧ. ѿве́рзесѧ землѧ̀ и҆ пожрѐ даѳа́на и҆ покры̀ на со́нмищи а҆вїрѡ́на: и҆ разжже́сѧ ѻ҆́гнь въ со́нмѣ и҆́хъ, пла́мень попалѝ грѣ́шники. и҆ сотвори́ша тельца̀ въ хѡри́вѣ и҆ поклони́шасѧ и҆стꙋка́нномꙋ: и҆ и҆змѣни́ша сла́вꙋ є҆гѡ̀ въ подо́бїе тельца̀ ꙗ҆дꙋ́щагѡ травꙋ̀. и҆ забы́ша бг҃а сп҃са́ющаго и҆̀хъ, сотво́ршаго вє́лїѧ во є҆гѵ́птѣ, чꙋдеса̀ въ землѝ ха́мовѣ, стра̑шнаѧ въ мо́ри чермнѣ́мъ. и҆ речѐ потреби́ти и҆̀хъ, а҆́ще не бы̀ мѡѷсе́й и҆збра́нный є҆гѡ̀ ста́лъ въ сокрꙋше́нїи пред̾ ни́мъ, возврати́ти ꙗ҆́рость є҆гѡ̀, да не погꙋби́тъ и҆̀хъ. и҆ ᲂу҆ничижи́ша зе́млю жела́ннꙋю, не ꙗ҆́ша вѣ́ры словесѝ є҆гѡ̀: и҆ поропта́ша въ селе́нїихъ свои́хъ, не ᲂу҆слы́шаша гла́са гдⷭ҇нѧ. и҆ воздви́же рꙋ́кꙋ свою̀ на нѧ̀, низложи́ти ѧ҆̀ въ пꙋсты́ни, и҆ низложи́ти сѣ́мѧ и҆́хъ во ꙗ҆зы́цѣхъ, и҆ расточи́ти ѧ҆̀ въ страны̑. и҆ причасти́шасѧ веельфегѡ́рꙋ и҆ снѣдо́ша жє́ртвы ме́ртвыхъ: и҆ раздражи́ша є҆го̀ въ начина́нїихъ свои́хъ, и҆ ᲂу҆мно́жисѧ въ ни́хъ паде́нїе. и҆ ста̀ фїнее́съ и҆ ᲂу҆ми́лостиви, и҆ преста̀ сѣ́чь: и҆ вмѣни́сѧ є҆мꙋ̀ въ пра́вдꙋ, въ ро́дъ и҆ ро́дъ до вѣ́ка. и҆ прогнѣ́ваша є҆го̀ на водѣ̀ прерѣка́нїѧ, и҆ ѡ҆ѕло́бленъ бы́сть мѡѷсе́й и҆́хъ ра́ди: ꙗ҆́кѡ преѡгорчи́ша дꙋ́хъ є҆гѡ̀ и҆ ра́знствова ᲂу҆стна́ма свои́ма. не потреби́ша ꙗ҆зы́ки, ꙗ҆̀же речѐ гдⷭ҇ь и҆̀мъ. и҆ смѣси́шасѧ во ꙗ҆зы́цѣхъ и҆ навыко́ша дѣлѡ́мъ и҆́хъ: и҆ порабо́таша и҆стꙋка̑ннымъ и҆́хъ, и҆ бы́сть и҆̀мъ въ собла́знъ. и҆ пожро́ша сы́ны своѧ̑ и҆ дщє́ри своѧ̑ бѣсовѡ́мъ, и҆ пролїѧ́ша кро́вь непови́ннꙋю, кро́вь сынѡ́въ свои́хъ и҆ дще́рей, ꙗ҆̀же пожро́ша и҆стꙋка̑ннымъ ханаа̑нскимъ: и҆ ᲂу҆бїе́на бы́сть землѧ̀ и҆́хъ кровьмѝ и҆ ѡ҆скверни́сѧ въ дѣ́лѣхъ и҆́хъ: и҆ соблꙋди́ша въ начина́нїихъ свои́хъ. и҆ разгнѣ́васѧ ꙗ҆́ростїю гдⷭ҇ь на лю́ди своѧ̑ и҆ ѡ҆мерзѝ достоѧ́нїе своѐ: и҆ предадѐ ѧ҆̀ въ рꙋ́ки врагѡ́въ, и҆ ѡ҆блада́ша и҆́ми ненави́дѧщїи и҆̀хъ. и҆ стꙋжи́ша и҆̀мъ вразѝ и҆́хъ: и҆ смири́шасѧ под̾ рꙋка́ми и҆́хъ. мно́жицею и҆зба́ви ѧ҆̀: ті́и же преѡгорчи́ша є҆го̀ совѣ́томъ свои́мъ, и҆ смири́шасѧ въ беззако́нїихъ свои́хъ. и҆ ви́дѣ гдⷭ҇ь, внегда̀ скорбѣ́ти и҆̀мъ, внегда̀ ᲂу҆слы́шаше моле́нїе и҆́хъ: и҆ помѧнꙋ̀ завѣ́тъ сво́й, и҆ раска́ѧсѧ по мно́жествꙋ млⷭ҇ти своеѧ̀: и҆ дадѐ ѧ҆̀ въ щедрѡ́ты пред̾ всѣ́ми плѣни́вшими ѧ҆̀. сп҃си́ ны, гдⷭ҇и, бж҃е на́шъ, и҆ собери́ ны ѿ ꙗ҆зы̑къ, и҆сповѣ́датисѧ и҆́мени твоемꙋ̀ ст҃о́мꙋ, хвали́тисѧ во хвалѣ̀ твое́й. бл҃гослове́нъ гдⷭ҇ь бг҃ъ і҆и҃левъ ѿ вѣ́ка и҆ до вѣ́ка. и҆ рекꙋ́тъ всѝ лю́дїе: бꙋ́ди, бꙋ́ди."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "А҆ллилꙋ́їа, р҃ѕ."
 },
 {
  "type": "TEXT",
  "value": "И҆ сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. да рекꙋ́тъ и҆зба́вленнїи гдⷭ҇емъ, и҆̀хже и҆зба́ви и҆з̾ рꙋкѝ врага̀, и҆ ѿ стра́нъ собра̀ и҆́хъ, ѿ востѡ́къ и҆ за̑падъ, и҆ сѣ́вера и҆ мо́рѧ: заблꙋди́ша въ пꙋсты́ни безво́днѣй, пꙋтѝ гра́да ѻ҆би́тельнагѡ не ѡ҆брѣто́ша: а҆́лчꙋще и҆ жа́ждꙋще, дꙋша̀ и҆́хъ въ ни́хъ и҆счезѐ. и҆ воззва́ша ко гдⷭ҇ꙋ, внегда̀ скорбѣ́ти и҆̀мъ, и҆ ѿ нꙋ́ждъ и҆́хъ и҆зба́ви ѧ҆̀: и҆ наста́ви ѧ҆̀ на пꙋ́ть пра́въ, вни́ти во гра́дъ ѻ҆би́тельный. да и҆сповѣ́дѧтсѧ гдⷭ҇еви млⷭ҇ти є҆гѡ̀ и҆ чꙋдеса̀ є҆гѡ̀ сыновѡ́мъ человѣ́чєскимъ: ꙗ҆́кѡ насы́тилъ є҆́сть дꙋ́шꙋ тщꙋ̀, и҆ дꙋ́шꙋ а҆́лчꙋщꙋ и҆спо́лни бла̑гъ: сѣдѧ́щыѧ во тмѣ̀ и҆ сѣ́ни сме́ртнѣй, ѡ҆кова̑нныѧ нището́ю и҆ желѣ́зомъ, ꙗ҆́кѡ преѡгорчи́ша словеса̀ бж҃їѧ, и҆ совѣ́тъ вы́шнѧгѡ раздражи́ша. и҆ смири́сѧ въ трꙋдѣ́хъ се́рдце и҆́хъ, и҆ и҆знемого́ша, и҆ не бѣ̀ помога́ѧй. и҆ воззва́ша ко гдⷭ҇ꙋ, внегда̀ скорбѣ́ти и҆̀мъ, и҆ ѿ нꙋ́ждъ и҆́хъ сп҃сѐ ѧ҆̀: и҆ и҆зведѐ ѧ҆̀ и҆з̾ тмы̀ и҆ сѣ́ни сме́ртныѧ, и҆ ᲂу҆́зы и҆́хъ растерза̀. да и҆сповѣ́дѧтсѧ гдⷭ҇еви млⷭ҇ти є҆гѡ̀ и҆ чꙋдеса̀ є҆гѡ̀ сыновѡ́мъ человѣ́чєскимъ: ꙗ҆́кѡ сокрꙋшѝ врата̀ мѣ̑днаѧ, и҆ верєѝ желѣ̑зныѧ сломѝ. воспрїѧ́тъ ѧ҆̀ ѿ пꙋтѝ беззако́нїѧ и҆́хъ: беззако́нїй бо ра́ди свои́хъ смири́шасѧ. всѧ́кагѡ бра́шна возгнꙋша́сѧ дꙋша̀ и҆́хъ, и҆ прибли́жишасѧ до вра́тъ сме́ртныхъ. и҆ воззва́ша ко гдⷭ҇ꙋ, внегда̀ скорбѣ́ти и҆̀мъ, и҆ ѿ нꙋ́ждъ и҆́хъ сп҃сѐ ѧ҆̀: посла̀ сло́во своѐ, и҆ и҆сцѣлѝ ѧ҆̀, и҆ и҆зба́ви ѧ҆̀ ѿ растлѣ́нїй и҆́хъ. ꙳да и҆сповѣ́дѧтсѧ꙳ гдⷭ҇еви млⷭ҇ти є҆гѡ̀ и҆ чꙋдеса̀ є҆гѡ̀ сыновѡ́мъ человѣ́чєскимъ: и҆ да пожрꙋ́тъ є҆мꙋ̀ же́ртвꙋ хвалы̀ и҆ да возвѣстѧ́тъ дѣла̀ є҆гѡ̀ въ ра́дости. сходѧ́щїи въ мо́ре въ корабле́хъ, творѧ́щїи дѣ̑ланїѧ въ вода́хъ мно́гихъ, ті́и ви́дѣша дѣла̀ гдⷭ҇нѧ и҆ чꙋдеса̀ є҆гѡ̀ во глꙋбинѣ̀. речѐ, и҆ ста̀ дꙋ́хъ бꙋ́ренъ, и҆ вознесо́шасѧ вѡ́лны є҆гѡ̀: восхо́дѧтъ до небе́съ и҆ низхо́дѧтъ до бе́зднъ: дꙋша̀ и҆́хъ въ ѕлы́хъ та́ѧше: смѧто́шасѧ, подвиго́шасѧ ꙗ҆́кѡ пїѧ́ный, и҆ всѧ̀ мꙋ́дрость и҆́хъ поглощена̀ бы́сть. и҆ воззва́ша ко гдⷭ҇ꙋ, внегда̀ скорбѣ́ти и҆̀мъ, и҆ ѿ нꙋ́ждъ и҆́хъ и҆зведѐ ѧ҆̀: и҆ повелѣ̀ бꙋ́ри, и҆ ста̀ въ тишинꙋ̀, и҆ ᲂу҆молко́ша вѡ́лны є҆гѡ̀. и҆ возвесели́шасѧ, ꙗ҆́кѡ ᲂу҆молко́ша, и҆ наста́ви ѧ҆̀ въ приста́нище хотѣ́нїѧ своегѡ̀. да и҆сповѣ́дѧтсѧ гдⷭ҇еви млⷭ҇ти є҆гѡ̀ и҆ чꙋдеса̀ є҆гѡ̀ сыновѡ́мъ человѣ́чєскимъ: да вознесꙋ́тъ є҆го̀ въ цр҃кви людстѣ́й, и҆ на сѣда́лищи ста́рєцъ восхва́лѧтъ є҆го̀. положи́лъ є҆́сть рѣ́ки въ пꙋсты́ню и҆ и҆схѡ́дища вѡдна́ѧ въ жа́ждꙋ, зе́млю плодоно́снꙋю въ сла́ность, ѿ ѕло́бы живꙋ́щихъ на не́й. положи́лъ є҆́сть пꙋсты́ню во є҆зе́ра вѡдна́ѧ и҆ зе́млю безво́днꙋю во и҆схѡ́дища вѡдна́ѧ. и҆ населѝ та́мѡ а҆́лчꙋщыѧ, и҆ соста́виша гра́ды ѡ҆би́тєльны: и҆ насѣ́ѧша се́ла, и҆ насади́ша вїногра́ды, и҆ сотвори́ша пло́дъ жи́тенъ. и҆ блгⷭ҇вѝ ѧ҆̀, и҆ ᲂу҆мно́жишасѧ ѕѣлѡ̀: и҆ скоты̀ и҆́хъ не ᲂу҆ма́ли. и҆ ᲂу҆ма́лишасѧ и҆ ѡ҆ѕло́бишасѧ ѿ ско́рби ѕѡ́лъ и҆ болѣ́зни: и҆злїѧ́сѧ ᲂу҆ничиже́нїе на кнѧ̑зи и҆́хъ, и҆ ѡ҆блазнѝ ѧ҆̀ по непрохо́днѣй, а҆ не по пꙋтѝ. и҆ помо́же ᲂу҆бо́гꙋ ѿ нищеты̀ и҆ положѝ ꙗ҆́кѡ ѻ҆́вцы ѻ҆те́чєствїѧ. ᲂу҆́зрѧтъ пра́вїи и҆ возвеселѧ́тсѧ, и҆ всѧ́кое беззако́нїе загради́тъ ᲂу҆ста̀ своѧ̑. кто̀ премꙋ́дръ и҆ сохрани́тъ сїѧ̑; и҆ ᲂу҆разꙋмѣ́ютъ млⷭ҇ти гдⷭ҇ни."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Пѣ́снь, ѱало́мъ дв҃дꙋ, р҃з."
 },
 {
  "type": "TEXT",
  "value": "Г ото́во се́рдце моѐ, бж҃е, гото́во се́рдце моѐ: воспою̀ и҆ пою̀ во сла́вѣ мое́й. воста́ни, сла́ва моѧ̀, воста́ни, ѱалти́рю и҆ гꙋ́сли: воста́нꙋ ра́нѡ. и҆сповѣ́мсѧ тебѣ̀ въ лю́дехъ, гдⷭ҇и, пою̀ тебѣ̀ во ꙗ҆зы́цѣхъ: ꙗ҆́кѡ ве́лїѧ верхꙋ̀ нб҃съ млⷭ҇ть твоѧ̀ и҆ до ѻ҆́блакъ и҆́стина твоѧ̀. вознеси́сѧ на нб҃са̀, бж҃е, и҆ по все́й землѝ сла́ва твоѧ̀, ꙗ҆́кѡ да и҆зба́вѧтсѧ возлю́бленнїи твоѝ: сп҃сѝ десни́цею твое́ю и҆ ᲂу҆слы́ши мѧ̀. бг҃ъ возглаго́ла во ст҃ѣ́мъ свое́мъ: вознесꙋ́сѧ и҆ раздѣлю̀ сїки́мꙋ, и҆ ᲂу҆до́ль селе́нїй размѣ́рю. мо́й є҆́сть галаа́дъ, и҆ мо́й є҆́сть манассі́й, и҆ є҆фре́мъ застꙋпле́нїе главы̀ моеѧ̀: і҆ꙋ́да ца́рь мо́й, мѡа́въ коно́бъ ᲂу҆пова́нїѧ моегѡ̀: на і҆дꙋме́ю наложꙋ̀ сапо́гъ мо́й: мнѣ̀ и҆ноплемє́нницы покори́шасѧ. кто̀ введе́тъ мѧ̀ во гра́дъ ѡ҆гражде́нїѧ; и҆лѝ кто̀ наста́витъ мѧ̀ до і҆дꙋме́и; не ты́ ли, бж҃е, ѿри́нꙋвый на́съ, и҆ не и҆зы́деши, бж҃е, въ си́лахъ на́шихъ; да́ждь на́мъ по́мощь ѿ ско́рби: и҆ сꙋ́етно спасе́нїе человѣ́ческо. ѡ҆ бз҃ѣ сотвори́мъ си́лꙋ, и҆ то́й ᲂу҆ничижи́тъ врагѝ на́шѧ."
 },
 {
  "type": "HEADER",
  "value": "Въ коне́цъ, ѱало́мъ дв҃дꙋ, р҃и."
 },
 {
  "type": "TEXT",
  "value": "Б ж҃е, хвалы̀ моеѧ̀ не премолчѝ: ꙗ҆́кѡ ᲂу҆ста̀ грѣ̑шнича и҆ ᲂу҆ста̀ льсти́вагѡ на мѧ̀ ѿверзо́шасѧ, глаго́лаша на мѧ̀ ѧ҆зы́комъ льсти́вымъ, и҆ словесы̀ ненави́стными ѡ҆быдо́ша мѧ̀, и҆ бра́шасѧ со мно́ю тꙋ́не. вмѣ́стѡ є҆́же люби́ти мѧ̀, ѡ҆болга́хꙋ мѧ̀, а҆́зъ же молѧ́хсѧ: и҆ положи́ша на мѧ̀ ѕла̑ѧ за бл҃га̑ѧ, и҆ не́нависть за возлюбле́нїе моѐ. поста́ви на него̀ грѣ́шника, и҆ дїа́волъ да ста́нетъ ѡ҆деснꙋ́ю є҆гѡ̀: внегда̀ сꙋди́тисѧ є҆мꙋ̀, да и҆зы́детъ ѡ҆сꙋжде́нъ, и҆ моли́тва є҆гѡ̀ да бꙋ́детъ въ грѣ́хъ. да бꙋ́дꙋтъ дні́е є҆гѡ̀ ма́ли, и҆ є҆пі́скопство є҆гѡ̀ да прїи́метъ и҆́нъ: да бꙋ́дꙋтъ сы́нове є҆гѡ̀ си́ри, и҆ жена̀ є҆гѡ̀ вдова̀: дви́жꙋщесѧ да преселѧ́тсѧ сы́нове є҆гѡ̀ и҆ воспро́сѧтъ, да и҆згна́ни бꙋ́дꙋтъ и҆з̾ домѡ́въ свои́хъ. да взы́щетъ заимода́вецъ всѧ̑, є҆ли̑ка сꙋ́ть є҆гѡ̀: и҆ да восхи́тѧтъ чꙋжді́и трꙋды̀ є҆гѡ̀. да не бꙋ́детъ є҆мꙋ̀ застꙋ́пника, нижѐ да бꙋ́детъ ᲂу҆щедрѧ́ѧй сирѡты̀ є҆гѡ̀: да бꙋ́дꙋтъ ча̑да є҆гѡ̀ въ погꙋбле́нїе, въ ро́дѣ є҆ди́нѣмъ да потреби́тсѧ и҆́мѧ є҆гѡ̀. да воспомѧне́тсѧ беззако́нїе ѻ҆тє́цъ є҆гѡ̀ пред̾ гдⷭ҇емъ, и҆ грѣ́хъ ма́тере є҆гѡ̀ да не ѡ҆чи́ститсѧ: да бꙋ́дꙋтъ пред̾ гдⷭ҇емъ вы́нꙋ, и҆ да потреби́тсѧ ѿ землѝ па́мѧть и҆́хъ: зане́же не помѧнꙋ̀ сотвори́ти ми́лость, и҆ погна̀ человѣ́ка ни́ща и҆ ᲂу҆бо́га, и҆ ᲂу҆миле́на се́рдцемъ ᲂу҆мертви́ти. и҆ возлюбѝ клѧ́твꙋ, и҆ прїи́детъ є҆мꙋ̀: и҆ не восхотѣ̀ бл҃гослове́нїѧ, и҆ ᲂу҆дали́тсѧ ѿ негѡ̀. и҆ ѡ҆блече́сѧ въ клѧ́твꙋ ꙗ҆́кѡ въ ри́зꙋ, и҆ вни́де ꙗ҆́кѡ вода̀ во ᲂу҆тро́бꙋ є҆гѡ̀ и҆ ꙗ҆́кѡ є҆ле́й въ кѡ́сти є҆гѡ̀: да бꙋ́детъ є҆мꙋ̀ ꙗ҆́кѡ ри́за, въ ню́же ѡ҆блачи́тсѧ, и҆ ꙗ҆́кѡ по́ѧсъ, и҆́мже вы́нꙋ ѡ҆поѧсꙋ́етсѧ. сїѐ дѣ́ло ѡ҆болга́ющихъ мѧ̀ ᲂу҆ гдⷭ҇а и҆ глаго́лющихъ лꙋка̑ваѧ на дꙋ́шꙋ мою̀. и҆ ты̀, гдⷭ҇и, гдⷭ҇и, сотворѝ со мно́ю и҆́мене ра́ди твоегѡ̀, ꙗ҆́кѡ бл҃га млⷭ҇ть твоѧ̀: и҆зба́ви мѧ̀, ꙗ҆́кѡ ни́щъ и҆ ᲂу҆бо́гъ є҆́смь а҆́зъ, и҆ се́рдце моѐ смѧте́сѧ внꙋ́трь менѐ. ꙗ҆́кѡ сѣ́нь, внегда̀ ᲂу҆клони́тисѧ є҆́й, ѿѧ́хсѧ: стрѧсо́хсѧ ꙗ҆́кѡ прꙋ́зи. кѡлѣ́на моѧ̑ и҆знемого́ста ѿ поста̀, и҆ пло́ть моѧ̀ и҆змѣни́сѧ є҆ле́а ра́ди. и҆ а҆́зъ бы́хъ поноше́нїе и҆̀мъ: ви́дѣша мѧ̀, покива́ша глава́ми свои́ми. помози́ ми, гдⷭ҇и бж҃е мо́й, и҆ сп҃си́ мѧ по млⷭ҇ти твое́й: и҆ да разꙋмѣ́ютъ, ꙗ҆́кѡ рꙋка̀ твоѧ̀ сїѧ̀, и҆ ты̀, гдⷭ҇и, сотвори́лъ є҆сѝ ю҆̀. прокленꙋ́тъ ті́и, и҆ ты̀ бл҃гослови́ши: востаю́щїи на мѧ̀ да постыдѧ́тсѧ, ра́бъ же тво́й возвесели́тсѧ. да ѡ҆блекꙋ́тсѧ ѡ҆болга́ющїи мѧ̀ въ срамотꙋ̀ и҆ ѡ҆де́ждꙋтсѧ ꙗ҆́кѡ ѻ҆де́ждою стꙋдо́мъ свои́мъ. и҆сповѣ́мсѧ гдⷭ҇еви ѕѣлѡ̀ ᲂу҆сты̑ мои́ми и҆ посредѣ̀ мно́гихъ восхвалю̀ є҆го̀: ꙗ҆́кѡ преста̀ ѡ҆деснꙋ́ю ᲂу҆бо́гагѡ, є҆́же сп҃стѝ ѿ гонѧ́щихъ дꙋ́шꙋ мою̀."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "HEADER",
  "value": "По г҃-мъ же стїхосло́вїи сѣда́ленъ господи́на ѳео́дѡра. Гла́съ в҃. Подо́бенъ: Млⷭ҇рдїѧ сꙋ́щи:"
 },
 {
  "type": "TEXT",
  "value": "Ч истоты̀ сы́й и҆сто́чникъ, / посто́мъ соблюдѝ на́съ млⷭ҇тиве, / при́зри на ны̀ тебѣ̀ припа́дающыѧ, / вонмѝ воздѣѧ́нїю рꙋ́къ на́шихъ, / простры́й дла̑ни твоѝ на дре́вѣ / распина́емь ѡ҆ всѣ́хъ земноро́дныхъ, / безпло́тныхъ є҆ди́не гдⷭ҇и."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "То́йже: Ч истоты̀ сы́й и҆сто́чникъ, / посто́мъ соблюдѝ на́съ млⷭ҇тиве, / при́зри на ны̀ тебѣ̀ припа́дающыѧ, / вонмѝ воздѣѧ́нїю рꙋ́къ на́шихъ, / простры́й дла̑ни твоѝ на дре́вѣ / распина́емь ѡ҆ всѣ́хъ земноро́дныхъ, / безпло́тныхъ є҆ди́не гдⷭ҇и."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Крⷭ҇тобг҃оро́диченъ. Подо́бенъ: Д в҃а и҆ мт҃и твоѧ̀ хрⷭ҇тѐ, / на дре́вѣ зрѧ́ще тѧ̀ ме́ртва просте́рта, / пла́чꙋщи го́рцѣ, сн҃е мо́й, глаго́лаше, / что̀ стра́шное сїѐ та́инство; / всѣ̑мъ да́рꙋѧй жи́знь вѣ́чнꙋю, / во́лею на крⷭ҇тѣ̀ ка́кѡ ᲂу҆мира́еши / сме́ртїю поно́сною;"
 },
 {
  "type": "TEXT",
  "value": "И҆ чте́нїе въ лаѵсаи́цѣ."
 },
 {
  "type": "TEXT",
  "value": "Та́же чте́цъ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Ѱало́мъ н҃."
 },
 {
  "type": "TEXT",
  "value": "П оми́лꙋй мѧ̀ бж҃е, по вели́цѣй ми́лости твое́й и҆ по мно́жествꙋ щедро́тъ твои́хъ ѡ҆чи́сти беззако́нїе моѐ. наипа́че ѡ҆мы́й мѧ̀ ѿ беззако́нїѧ моегѡ̀, и҆ ѿ грѣха̀ моегѡ̀ ѡ҆чи́сти мѧ̀. ꙗ҆́кѡ беззако́нїе моѐ а҆́зъ зна́ю, и҆ грѣ́хъ мо́й предо мно́ю є҆́сть вы́нꙋ. тебѣ̀ є҆ди́номꙋ согрѣши́хъ, и҆ лꙋка́вое пред̾ тобо́ю сотвори́хъ, ꙗ҆́кѡ да ѡ҆правди́шисѧ во словесѣ́хъ твои́хъ, и҆ побѣди́ши, внегда̀ сꙋди́ти тѝ. се́ бо въ беззако́нїихъ зача́тъ є҆́смь, и҆ во грѣсѣ́хъ роди́ мѧ ма́ти моѧ̀. се́ бо и҆́стинꙋ возлюби́лъ є҆сѝ, безвѣ̑стнаѧ и҆ та̑йнаѧ премꙋ́дрости твоеѧ̀ ꙗ҆ви́лъ мѝ є҆сѝ. ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ᲂу҆бѣлю́сѧ. слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. се́рдце чи́сто сози́жди во мнѣ̀ бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. не ѿве́ржи менє̀ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менє̀. возда́ждь мѝ ра́дость сп҃се́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. и҆зба́ви мѧ̀ ѿ крове́й бж҃е, бж҃е сп҃се́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. гдⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. ꙗ҆́кѡ а҆́ще бы восхотѣ́лъ є҆сѝ же́ртвы, да́лъ бы́хъ ᲂу҆́бѡ: всесожже́нїѧ не бл҃говоли́ши. же́ртва бг҃ꙋ дꙋ́хъ сокрꙋше́нъ: се́рдце сокрꙋше́нно и҆ смире́нно бг҃ъ не ᲂу҆ничижи́тъ. ᲂу҆бл҃жѝ гдⷭ҇и, бл҃говоле́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерⷭ҇ли̑мскїѧ. тогда̀ бл҃говоли́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀."
 },
 {
  "type": "TEXT",
  "value": "Глаго́летъ дїа́конъ: Спасѝ, бж҃е, лю́ди твоѧ̑, и҆ благословѝ достоѧ́нїе твоѐ, посѣтѝ мі́ръ тво́й ми́лостїю и҆ щедро́тами, возвы́си ро́гъ хрⷭ҇тїа́нъ правосла́вныхъ, и҆ низпослѝ на ны̀ ми́лѡсти твоѧ̑ бѡга́тыѧ, моли́твами всепречⷭ҇тыѧ влⷣчцы на́шеѧ бцⷣы и҆ приснодв҃ы мр҃і́и: си́лою чⷭ҇тна́гѡ и҆ животворѧ́щагѡ крⷭ҇та̀: предста́тельствы чⷭ҇тны́хъ нбⷭ҇ныхъ си́лъ безпло́тныхъ: чⷭ҇тна́гѡ сла́внагѡ проро́ка, предте́чи и҆ крⷭ҇ти́телѧ і҆ѡа́нна: ст҃ы́хъ сла́вныхъ и҆ всехва́льныхъ а҆пⷭ҇лъ: и҆̀же во ст҃ы́хъ ѻ҆ц҃ъ на́шихъ, и҆ вселе́нскихъ вели́кихъ ᲂу҆чи́телей и҆ ст҃и́телей, васі́лїа вели́кагѡ, григо́рїа бг҃осло́ва и҆ і҆ѡа́нна златоꙋ́стагѡ: и҆́же во ст҃ы́хъ ѻ҆ц҃а̀ на́шегѡ нїкола́а, а҆рхїепⷭ҇кпа мѷрлѷкі́йскагѡ, чꙋдотво́рца: ст҃ы́хъ равноапо́стольныхъ меѳо́дїа и҆ кѷрі́лла, ᲂу҆чи́телей слове́нскихъ: ст҃ы́хъ равноапо́стольныхъ вели́кагѡ кн҃зѧ влади́мїра и҆ вели́кїѧ кн҃ги́ни ѻ҆́льги: и҆̀же во ст҃ы́хъ ѻ҆ц҃ъ на́шихъ всеѧ̀ рѡссі́и чꙋдотво́рцевъ, мїхаи́ла, петра̀, а҆леѯі́а, і҆ѡ́ны, мака́рїа, фїлі́ппа, і҆́ѡва, є҆рмоге́на, фїларе́та, і҆нноке́нтїа и҆ тѵ́хѡна: ст҃ы́хъ сла́вныхъ и҆ добропобѣ́дныхъ мꙋ́ченикѡвъ, преподо́бныхъ и҆ бг҃оно́сныхъ ѻ҆ц҃ъ на́шихъ, ст҃ы́хъ и҆ пра́ведныхъ бг҃оѻц҃ъ і҆ѡакі́ма и҆ а҆́нны, и҆ ст҃а́гѡ [и҆́мⷬ҇къ, є҆гѡ́же є҆́сть хра́мъ, и҆ є҆гѡ́же є҆́сть де́нь], и҆ всѣ́хъ ст҃ы́хъ: мо́лимъ тѧ̀, многоми́лостиве гдⷭ҇и, ᲂу҆слы́ши на́съ грѣ́шныхъ, молѧ́щихсѧ тебѣ̀, и҆ поми́лꙋй на́съ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, в҃і."
 },
 {
  "type": "TEXT",
  "value": "Та́же глаго́летъ сщ҃е́нникъ возгла́снѡ: Ми́лостїю и҆ щедро́тами и҆ чл҃вѣколю́бїемъ є҆диноро́днагѡ твоегѡ̀ сн҃а, съ ни́мже бл҃гослове́нъ є҆сѝ, со прест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Посе́мъ начина́емъ канѡ́нъ."
 },
 {
  "type": "HEADER",
  "value": "Пѣ́снь пе́рваѧ."
 },
 {
  "type": "TEXT",
  "value": "Глаго́ли пе́рвѣе і҆рмо́съ канѡ́на мине́и."
 },
 {
  "type": "TEXT",
  "value": "И҆ пое́тъ а҃-й ли́къ а҃-й сті́хъ, и҆ тропа́рь:"
 },
 {
  "type": "TEXT",
  "value": "На д҃. Сті́хъ: Гдⷭ҇ь црⷭ҇твꙋѧй вѣ́ки, и҆ на вѣ́къ, и҆ є҆щѐ, / є҆гда̀ вни́де ко́нь фараѡ́новъ съ колесни́цами и҆ вса́дники въ мо́ре."
 },
 {
  "type": "TEXT",
  "value": "И҆ тропа́рь канѡ́на мине́и. в҃-й же ли́къ в҃ сті́хъ, и҆ тропа́рь:"
 },
 {
  "type": "TEXT",
  "value": "Сті́хъ: И҆ наведѐ на нѧ̀ гдⷭ҇ь во́дꙋ морскꙋ́ю, / сы́нове же і҆и҃лєвы проидо́ша сꙋ́шею посредѣ̀ мо́рѧ."
 },
 {
  "type": "TEXT",
  "value": "И҆ вторы́й тропа́рь канѡ́на мине́и."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "И҆ тре́тїй тропа́рь канѡ́на мине́и."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ бг҃оро́диченъ канѡ́на мине́и."
 },
 {
  "type": "HEADER",
  "value": "Пѣ́снь тре́тїѧ."
 },
 {
  "type": "TEXT",
  "value": "Глаго́летъ пе́рвый ли́къ сті́хъ:"
 },
 {
  "type": "TEXT",
  "value": "На д҃. Сті́хъ: Гдⷭ҇ь взы́де на нб҃са̀ и҆ возгремѣ̀, / то́й сꙋ́дитъ концє́мъ землѝ првⷣнъ сы́й."
 },
 {
  "type": "TEXT",
  "value": "И҆ тропа́рь канѡ́на мине́и. Вторы́й ли́къ сті́хъ:"
 },
 {
  "type": "TEXT",
  "value": "Сті́хъ: И҆ да́стъ крѣ́пость царю̀ на́шемꙋ, / и҆ вознесе́тъ ро́гъ хрⷭ҇та̀ своегѡ̀."
 },
 {
  "type": "TEXT",
  "value": "И҆ вторы́й тропа́рь канѡ́на мине́и."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "И҆ тре́тїй тропа́рь канѡ́на мине́и."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ бг҃оро́диченъ канѡ́на мине́и."
 },
 {
  "type": "TEXT",
  "value": "И҆ пое́тъ пе́рвый ли́къ і҆рмо́съ мине́и тре́тїѧ пѣ́сни, послѣдѝ канѡ́на."
 },
 {
  "type": "HEADER",
  "value": "И҆ посе́мъ є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаша́етъ сщ҃е́нникъ: Ꙗ҆́кѡ ты̀ є҆сѝ бг҃ъ на́шъ и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Чте́цъ сѣда́ленъ мине́и ст҃а́гѡ є҆ди́ножды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ є҆го́же. И҆ чте́нїе въ лаѵсаи́цѣ."
 },
 {
  "type": "HEADER",
  "value": "Пѣ́снь четве́ртаѧ."
 },
 {
  "type": "TEXT",
  "value": "Глаго́ли пе́рвѣе і҆рмо́съ канѡ́на мине́и."
 },
 {
  "type": "TEXT",
  "value": "И҆ пое́тъ а҃-й ли́къ а҃-й сті́хъ, и҆ тропа́рь:"
 },
 {
  "type": "TEXT",
  "value": "На д҃. Сті́хъ: Гдⷭ҇ь бг҃ъ мо́й, си́ла моѧ̀, / и҆ ᲂу҆чини́тъ но́зѣ моѝ на соверше́нїе."
 },
 {
  "type": "TEXT",
  "value": "И҆ тропа́рь канѡ́на мине́и. в҃-й же ли́къ в҃ сті́хъ, и҆ тропа́рь:"
 },
 {
  "type": "TEXT",
  "value": "Сті́хъ: И҆ на высѡ́каѧ возво́дитъ мѧ̀, / побѣди́ти мѝ въ пѣ́сни є҆гѡ̀."
 },
 {
  "type": "TEXT",
  "value": "И҆ вторы́й тропа́рь канѡ́на мине́и."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "И҆ тре́тїй тропа́рь канѡ́на мине́и."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ бг҃оро́диченъ канѡ́на мине́и."
 },
 {
  "type": "TEXT",
  "value": "Посе́мъ начина́емъ: Ѿ но́щи ᲂу҆́тренюетъ дх҃ъ мо́й: на гла́съ канѡ́на мине́и, днѐ ст҃а́гѡ. И҆ глаго́лютъ стїхѝ пѣ́сней ско́рѡ, кі́йждо ли́къ сво́й сті́хъ: до́ндеже дости́гнꙋтъ до За́висть прїи́метъ лю́ди ненака̑занныѧ: и҆ ѿ тогѡ̀ начина́ютъ сті́хъ держа́ти на д҃і."
 },
 {
  "type": "HEADER",
  "value": "Пѣ́снь пѧ́таѧ."
 },
 {
  "type": "TEXT",
  "value": "Ѿ но́щи ᲂу҆́тренюетъ дх҃ъ мо́й къ тебѣ̀ бж҃е, / занѐ свѣ́тъ повелѣ̑нїѧ твоѧ̑ на землѝ."
 },
 {
  "type": "TEXT",
  "value": "П ра́вдѣ наꙋчи́тесѧ живꙋ́щїи на землѝ: / преста́ бо нечести́вый, не наꙋчи́тсѧ пра́вдѣ, на землѝ и҆́стины не сотвори́тъ."
 },
 {
  "type": "TEXT",
  "value": "Д а во́зметсѧ нечести́вый, да не ви́дитъ сла́вы гдⷭ҇ни. / гдⷭ҇и высока̀ твоѧ̀ мы́шца, и҆ не вѣ́дѣша, / разꙋмѣ́вше же постыдѧ́тсѧ."
 },
 {
  "type": "TEXT",
  "value": "И҆ пое́мъ мине́и со і҆рмосо́мъ на ѕ҃, пое́мъ же си́це: пе́рвый ли́къ глаго́летъ сті́хъ:"
 },
 {
  "type": "TEXT",
  "value": "На д҃і. Сті́хъ: За́висть прїи́метъ лю́ди ненака̑занныѧ, / и҆ ны́нѣ ѻ҆́гнь сꙋпоста́ты поѧ́стъ."
 },
 {
  "type": "TEXT",
  "value": "И҆ пое́тъ ли́къ і҆рмо́съ мине́и. Вторы́й же ли́къ глаго́летъ в҃ сті́хъ:"
 },
 {
  "type": "TEXT",
  "value": "Сті́хъ: Гдⷭ҇и бж҃е на́шъ, ми́ръ да́ждь на́мъ, / всѧ̑ бо возда́лъ є҆сѝ на́мъ."
 },
 {
  "type": "TEXT",
  "value": "И҆ по не́мъ тропа́рь канѡ́на мине́и."
 },
 {
  "type": "TEXT",
  "value": "На в҃і. Сті́хъ: Гдⷭ҇и бж҃е на́шъ, стѧжи́ ны: / гдⷭ҇и ра́звѣ тебѐ и҆но́гѡ не вѣ́мы, / и҆́мѧ твоѐ и҆менꙋ́емъ."
 },
 {
  "type": "TEXT",
  "value": "И҆ па́ки тропа́рь канѡ́на мине́и."
 },
 {
  "type": "TEXT",
  "value": "Сті́хъ: Ме́ртвїи же живота̀ не и҆́мꙋтъ ви́дѣти, / нижѐ вра́чеве воскресѧ́тъ."
 },
 {
  "type": "TEXT",
  "value": "И҆ тропа́рь канѡ́на мине́и."
 },
 {
  "type": "TEXT",
  "value": "На і҃. Сті́хъ: Сегѡ̀ ра́ди наве́лъ є҆сѝ, и҆ погꙋби́лъ, / и҆ взѧ́лъ є҆сѝ всѧ́къ мꙋ́жескъ по́лъ и҆́хъ."
 },
 {
  "type": "TEXT",
  "value": "И҆ тропа́рь канѡ́на мине́и."
 },
 {
  "type": "TEXT",
  "value": "Сті́хъ: Приложѝ и҆̀мъ ѕла̀ гдⷭ҇и, / приложѝ ѕла̀ сла̑внымъ землѝ."
 },
 {
  "type": "TEXT",
  "value": "И҆ бг҃оро́диченъ канѡ́на мине́и."
 },
 {
  "type": "TEXT",
  "value": "На и҃. Сті́хъ: Гдⷭ҇и, въ ско́рби помѧнꙋ́хомъ тѧ̀, / въ ско́рби ма́лѣ наказа́нїе твоѐ на́мъ."
 },
 {
  "type": "TEXT",
  "value": "Ѿ стїха́ же Гдⷭ҇и, въ ско́рби помѧнꙋ́хомъ тѧ̀, начина́емъ трипѣ́снецъ трїѡ́ди, на д҃."
 },
 {
  "type": "HEADER",
  "value": "Трипѣ́снецъ трїѡ́ди, гла́съ в҃. Пѣ́снь є҃. І҆рмо́съ: Просвѣще́нїе во тьмѣ̀ лежа́щихъ:"
 },
 {
  "type": "TEXT",
  "value": "В о мнѣ̀ зрѧ̀ грѣ́хъ, льстивомꙋ́дрый, / спѣши́тсѧ и҆ содѣ́йствꙋетъ грѣхꙋ̀: / ра́дꙋетсѧ бо вои́стиннꙋ ѡ҆ мое́й поги́бели: / но ты́ ми да́ждь и҆справле́нїе сп҃се, / во ѻ҆́нагѡ ᲂу҆бїе́нїе, молю́сѧ."
 },
 {
  "type": "TEXT",
  "value": "Сті́хъ: И҆ ꙗ҆́кѡ болѧ́щаѧ приближа́етсѧ роди́ти, / и҆ въ болѣ́зни свое́й вопїѧ́ше: / та́кѡ бы́хомъ возлю́бленномꙋ твоемꙋ̀."
 },
 {
  "type": "TEXT",
  "value": "Н ача̑ла побѣди́вый тьмы̀, на крⷭ҇тѣ̀ твое́мъ, / си́хъ и҆змѝ мѧ̀ ѕлодѣѧ́нїѧ, па́дшаго во глꙋбинꙋ̀ грѣха̀, / и҆ въ ꙗ҆́мꙋ безмѣ́стныхъ дѣѧ́нїй, / твое́ю же млⷭ҇тїю сп҃сти́сѧ ᲂу҆пова́юща."
 },
 {
  "type": "TEXT",
  "value": "На ѕ҃. Сті́хъ: Стра́ха ра́ди твоегѡ̀, гдⷭ҇и, во чре́вѣ прїѧ́хомъ, / и҆ поболѣ́хомъ, и҆ роди́хомъ / дх҃ъ сп҃се́нїѧ, є҆го́же сотвори́хомъ на землѝ."
 },
 {
  "type": "TEXT",
  "value": "Оу҆ мертви́выйсѧ на крⷭ҇тѣ̀ просте́ртъ, / ᲂу҆мерщвле́ннꙋю грѣхо́мъ ѡ҆живѝ дꙋ́шꙋ мою̀, / и҆ честно́е твоѐ воскрⷭ҇нїе дости́гнꙋти, / въ ми́рѣ хрⷭ҇тѐ сподо́би, / дѣ́лающа ᲂу҆се́рднѡ твоѧ̑ ѡ҆правда̑нїѧ."
 },
 {
  "type": "TEXT",
  "value": "Сті́хъ: Не паде́мъ, но падꙋ́тъ живꙋ́щїи на землѝ."
 },
 {
  "type": "TEXT",
  "value": "Бг҃оро́диченъ: Просвѣще́нїе моеѧ̀ не́мощи, / сп҃се́нїе ѡ҆мраче́нныѧ дꙋшѝ моеѧ̀ чⷭ҇таѧ, / сп҃си́ мѧ, сп҃сѝ погиба́юща ѻ҆трокови́це, / и҆ въ ри́зꙋ нетлѣ́нїѧ мѧ̀ ѡ҆блецы̀, / и҆стлѣ́вшаго лю́тыми прегрѣше́ньми."
 },
 {
  "type": "HEADER",
  "value": "И҆́ный, гла́съ то́йже. І҆рмо́съ: Но́щи преше́дшей:"
 },
 {
  "type": "TEXT",
  "value": "И҆ пое́тъ а҃-й ли́къ а҃-й сті́хъ, и҆ тропа́рь:"
 },
 {
  "type": "TEXT",
  "value": "На д҃. Сті́хъ: Воскре́снꙋтъ ме́ртвїи, и҆ воста́нꙋтъ и҆̀же во гробѣ́хъ, / и҆ возвеселѧ́тсѧ и҆̀же на зелмѝ."
 },
 {
  "type": "TEXT",
  "value": "Т ы̀ на мѣ́стѣ ло́бнѣмъ / пло́тїю распѧ́тисѧ и҆зво́лилъ є҆сѝ, є҆ди́не безсме́ртне, / человѣ́ческїй ро́дъ ѡ҆безсме́ртствꙋѧ, и҆ воз̾ѡбража́ѧ гдⷭ҇и."
 },
 {
  "type": "TEXT",
  "value": "в҃-й же ли́къ в҃ сті́хъ, и҆ тропа́рь:"
 },
 {
  "type": "TEXT",
  "value": "Сті́хъ: Роса́ бо, ꙗ҆́же ѿ тебѐ, и҆сцѣле́нїе и҆̀мъ є҆́сть: / землѧ́ же нечести́выхъ паде́тъ."
 },
 {
  "type": "TEXT",
  "value": "С трⷭ҇ти твоеѧ̀ доса́дꙋ, тва́рь зрѧ́щи / всѧ̀ премѣнѧ́шесѧ, гдⷭ҇и, / і҆ꙋде́йскагѡ рыда́ющи ᲂу҆бі́йства: / но претерпѣ́лъ є҆сѝ сп҃стѝ всѧ́чєскаѧ."
 },
 {
  "type": "TEXT",
  "value": "Посе́мъ соедини́вшымсѧ двꙋ́мъ ликѡ́мъ, пою́тъ вы́шшимъ гла́сомъ:"
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Трⷪ҇ченъ: Ѽ трⷪ҇це всест҃а́ѧ! / ты̀ на́ше слꙋже́нїе, / ты̀ и҆ прибѣ́жище и҆ держа́ва, / въ є҆стествѣ̀ є҆ди́номъ тѧ̀ воспѣва́ющымъ, / ѡ҆чище́нїе прегрѣше́нїй низпослѝ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Многоимени́таѧ ѻ҆трокови́це, ра́дꙋйсѧ бцⷣе, / ковче́же, и҆ ста́мно и҆ трапе́зо, / свѣтоно́сный свѣ́щниче, ѻ҆гнезра́чнаѧ кꙋпино̀, / горо̀ бж҃їѧ присѣ́ннаѧ."
 },
 {
  "type": "TEXT",
  "value": "Та́же глаго́лемъ высоча́йшимъ гла́сомъ:"
 },
 {
  "type": "TEXT",
  "value": "Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "М і́рꙋ и҆ сꙋ́щымъ въ мі́рѣ ра́доватисѧ прире́кшїи, / ны́нѣ ꙗ҆́кѡ хрⷭ҇тꙋ̀ сраспина́еми, / прете́рпимъ доса́дꙋ, рꙋга́нїе, / и҆ дрꙋга̑ѧ, да съ ни́мъ просла́вимсѧ."
 },
 {
  "type": "TEXT",
  "value": "И҆ пое́тъ пе́рвый ли́къ і҆рмо́съ трїѡ́ди тре́тїѧ пѣ́сни, послѣдѝ канѡ́на."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Но́щи преше́дшей, прибли́жисѧ де́нь, / и҆ свѣ́тъ мі́рꙋ возсїѧ̀: / сегѡ̀ ра́ди хва́лѧтъ тѧ̀ а҆́гг҃льстїи чи́ни, / и҆ славосло́вѧтъ тѧ̀ всѧ́чєскаѧ."
 },
 {
  "type": "HEADER",
  "value": "Пѣ́снь шеста́ѧ."
 },
 {
  "type": "TEXT",
  "value": "Глаго́летъ пе́рвый ли́къ сті́хъ:"
 },
 {
  "type": "TEXT",
  "value": "На д҃. Сті́хъ: Хранѧ́щїи сꙋ́єтнаѧ и҆ лѡ́жнаѧ, ми́лость свою̀ ѡ҆ста́виша."
 },
 {
  "type": "TEXT",
  "value": "И҆ тропа́рь канѡ́на мине́и. в҃-й же ли́къ в҃ сті́хъ, и҆ тропа́рь:"
 },
 {
  "type": "TEXT",
  "value": "Сті́хъ: А҆́зъ же со гла́сомъ хвале́нїѧ и҆ и҆сповѣ́данїѧ пожрꙋ̀ тебѣ̀: / є҆ли̑ка ѡ҆бѣща́хъ возда́мъ тебѣ̀ во сп҃се́нїе моѐ гдⷭ҇еви."
 },
 {
  "type": "TEXT",
  "value": "И҆ вторы́й тропа́рь канѡ́на мине́и."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "И҆ тре́тїй тропа́рь канѡ́на мине́и."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ бг҃оро́диченъ канѡ́на мине́и."
 },
 {
  "type": "TEXT",
  "value": "И҆ пое́тъ пе́рвый ли́къ і҆рмо́съ мине́и шесты́ѧ пѣ́сни, послѣдѝ канѡ́на."
 },
 {
  "type": "HEADER",
  "value": "И҆ посе́мъ є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаша́етъ сщ҃е́нникъ: Ты́ бо є҆сѝ цр҃ь ми́ра и҆ сп҃съ дꙋ́шъ на́шихъ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "По ѕ҃-й пѣ́сни сѣда́ленъ мч҃нченъ: а҆́ще же и҆́мать ст҃ы́й конда́къ, глаго́лемъ є҆го̀ здѣ̀: мч҃нченъ же глаго́лемъ по а҃-й каѳі́смѣ съ сѣда́льнами, съ припѣ́вомъ: Ди́венъ бг҃ъ во ст҃ы́хъ свои́хъ: бг҃ъ і҆и҃левъ. И҆ чте́нїе въ сѷнаѯарѣ̀."
 },
 {
  "type": "HEADER",
  "value": "Пѣ́снь седма́ѧ."
 },
 {
  "type": "TEXT",
  "value": "Глаго́ли пе́рвѣе і҆рмо́съ канѡ́на мине́и."
 },
 {
  "type": "TEXT",
  "value": "И҆ пое́тъ а҃-й ли́къ а҃-й сті́хъ, и҆ тропа́рь:"
 },
 {
  "type": "TEXT",
  "value": "На д҃. Сті́хъ: Бл҃гослове́нъ є҆сѝ на прⷭ҇то́лѣ сла́вы црⷭ҇твїѧ твоегѡ̀, / препѣ́тый и҆ превозноси́мый во вѣ́ки."
 },
 {
  "type": "TEXT",
  "value": "И҆ тропа́рь канѡ́на мине́и. в҃-й же ли́къ в҃ сті́хъ, и҆ тропа́рь:"
 },
 {
  "type": "TEXT",
  "value": "Сті́хъ: Бл҃гослове́нъ є҆сѝ на тве́рди нбⷭ҇нѣй, / препѣ́тый и҆ превозноси́мый во вѣ́ки."
 },
 {
  "type": "TEXT",
  "value": "И҆ вторы́й тропа́рь канѡ́на мине́и."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "И҆ тре́тїй тропа́рь канѡ́на мине́и."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ бг҃оро́диченъ канѡ́на мине́и."
 },
 {
  "type": "HEADER",
  "value": "Пѣ́снь ѻ҆сма́ѧ."
 },
 {
  "type": "TEXT",
  "value": "И҆ глаго́лютъ стїхѝ пѣ́сней ско́рѡ, кі́йждо ли́къ сво́й сті́хъ: до́ндеже дости́гнꙋтъ до Бл҃гослови́те ѻ҆́гнь и҆ ва́ръ: и҆ ѿ тогѡ̀ начина́ютъ сті́хъ держа́ти на д҃і."
 },
 {
  "type": "TEXT",
  "value": "Б л҃гослови́те всѧ̑ дѣла̀ гдⷭ҇нѧ гдⷭ҇а, / по́йте превозноси́те є҆го̀ во вѣ́ки."
 },
 {
  "type": "TEXT",
  "value": "Б л҃гослови́те а҆́гг҃ли гдⷭ҇ни, нб҃са̀ гдⷭ҇нѧ гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "Б л҃гослови́те во́ды всѧ̑, ꙗ҆̀же превы́ше нб҃съ, всѧ̑ си̑лы гдⷭ҇ни гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "Б л҃гослови́те со́лнце и҆ мѣ́сѧцъ, ѕвѣ́зды нбⷭ҇ныѧ гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "Б л҃гослови́те всѧ́къ до́ждь и҆ роса̀, всѝ дꙋ́си гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "И҆ пое́мъ мине́и со і҆рмосо́мъ на ѕ҃, пое́мъ же си́це: пе́рвый ли́къ глаго́летъ сті́хъ:"
 },
 {
  "type": "TEXT",
  "value": "На д҃і. Сті́хъ: Бл҃гослови́те ѻ҆́гнь и҆ ва́ръ, стꙋ́дь и҆ зно́й гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "И҆ пое́тъ ли́къ і҆рмо́съ мине́и. Вторы́й же ли́къ глаго́летъ в҃ сті́хъ:"
 },
 {
  "type": "TEXT",
  "value": "Сті́хъ: Бл҃гослови́те ро́сы и҆ и҆́ней, ле́ди и҆ мра́зъ гдⷭ҇а, / и҆ по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "И҆ по не́мъ тропа́рь канѡ́на мине́и."
 },
 {
  "type": "TEXT",
  "value": "На в҃і. Сті́хъ: Бл҃гослови́те сла́ны и҆ снѣ́зи, нѡ́щи и҆ дні́е гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "И҆ па́ки тропа́рь канѡ́на мине́и."
 },
 {
  "type": "TEXT",
  "value": "Сті́хъ: Бл҃гослови́те свѣ́тъ и҆ тьма̀, мо́лнїѧ и҆ ѻ҆́блацы гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "И҆ тропа́рь канѡ́на мине́и."
 },
 {
  "type": "TEXT",
  "value": "На і҃. Сті́хъ: Бл҃гослови́те землѧ̀, го́ры и҆ хо́лми, и҆ всѧ̑ прозѧба̑ющаѧ на не́й гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "И҆ тропа́рь канѡ́на мине́и."
 },
 {
  "type": "TEXT",
  "value": "Сті́хъ: Бл҃гослови́те и҆сто́чницы, морѧ̀ и҆ рѣ́ки, ки́ти и҆ всѧ̑ дви̑жꙋщаѧсѧ въ вода́хъ гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "И҆ бг҃оро́диченъ канѡ́на мине́и."
 },
 {
  "type": "TEXT",
  "value": "На и҃. Сті́хъ: Бл҃гослови́те всѧ̑ пти̑цы нбⷭ҇ныѧ, ѕвѣ́рїе и҆ всѝ ско́ти гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "Ѿ стїха́ же Бл҃гослови́те всѧ̑ пти̑цы нбⷭ҇ныѧ, начина́емъ трипѣ́снецъ трїѡ́ди, на д҃."
 },
 {
  "type": "HEADER",
  "value": "Канѡ́нъ трїѡ́ди. Пѣ́снь и҃, гла́съ в҃. І҆рмо́съ: Въ пе́щь ѻ҆́гненнꙋю:"
 },
 {
  "type": "TEXT",
  "value": "С мири́вый себѐ, возне́слсѧ є҆сѝ за бл҃гоꙋтро́бїе на крⷭ҇тъ, / возвыша́ѧй па́дшаго снѣ́дїю дре́ва и҆ногда̀: / тѣ́мже тѧ̀ є҆ди́не пребл҃гі́й, / просла́вленнаго пое́мъ во вѣ́ки."
 },
 {
  "type": "TEXT",
  "value": "Сті́хъ: Бл҃гослови́те сы́нове человѣ́честїи, / да бл҃гослови́тъ і҆и҃ль гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "Н евнима́нїѧ дрема́нїемъ грѣха̀ тѧ́жкїй под̾ѧ́хъ со́нъ: / но ты̀ ᲂу҆снꙋ́вый на крⷭ҇тѣ̀ менѐ ра́ди хрⷭ҇тѐ мо́й, / воздви́гни мѧ̀ па́дшаго, / да мѧ̀ не прїи́метъ но́щь сме́ртнаѧ."
 },
 {
  "type": "TEXT",
  "value": "На ѕ҃. Сті́хъ: Бл҃гослови́те сщ҃е́нницы гдⷭ҇ни, рабѝ гдⷭ҇ни гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "Ѡ҆ слѣпи́всѧ сластьмѝ, ѡ҆бношꙋ̀ дꙋ́шꙋ ѡ҆мраче́ннꙋю, / и҆ смѣе́тсѧ зрѧ́ мѧ льстивомꙋ́дрый вра́гъ: / тѣ́мже мѧ̀ просвѣтѝ, и҆ и҆зба́ви сегѡ̀ ѕло́бы, хрⷭ҇тѐ во вѣ́ки."
 },
 {
  "type": "TEXT",
  "value": "Сті́хъ: Бл҃гослови́те дꙋ́си и҆ дꙋ́ши првⷣныхъ, / прпⷣбнїи и҆ смире́ннїи се́рдцемъ гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "Бг҃оро́диченъ: Въ лѣ́ности жи́знь и҆жди́въ, / дрема́нїемъ грѣха̀ дꙋ́шꙋ ѡ҆тѧгчи́хъ: / неꙋсы́пной же твое́й мл҃твѣ притека́ю, / не да́ждь мнѣ̀ въ сме́рти дв҃о пречⷭ҇таѧ, ᲂу҆снꙋ́ти."
 },
 {
  "type": "HEADER",
  "value": "И҆́ный. І҆рмо́съ: Въ кꙋпинѣ̀ мѡѷсе́ю:"
 },
 {
  "type": "TEXT",
  "value": "И҆ пое́тъ а҃-й ли́къ а҃-й сті́хъ, и҆ тропа́рь:"
 },
 {
  "type": "TEXT",
  "value": "На д҃. Сті́хъ: Бл҃гослови́те а҆на́нїа, а҆за́рїа, мїсаи́лъ гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "Т е́рнїемъ вѣнча́всѧ, и҆ во ѻ҆де́ждꙋ ѿ порфѵ́ры ѡ҆бо́лксѧ, / ꙗ҆ви́лсѧ є҆сѝ краснѣ́йшїй хрⷭ҇тѐ, добро́тою / па́че всѣ́хъ сынѡ́въ человѣ́ческихъ, сла́вою ѡ҆блистава́ѧ."
 },
 {
  "type": "TEXT",
  "value": "в҃-й же ли́къ в҃ сті́хъ, и҆ тропа́рь:"
 },
 {
  "type": "TEXT",
  "value": "Сті́хъ: Бл҃гослови́те а҆пⷭ҇ли, прⷪ҇ро́цы и҆ мч҃нцы гдⷭ҇ни гдⷭ҇а, / по́йте и҆ превозноси́те є҆го̀ во вѣ́ки."
 },
 {
  "type": "TEXT",
  "value": "Ж е́лчь и҆ ѻ҆́цетъ пїѧ̀, / двѣ̀ стрꙋи̑ пролива́еши, живота̀ и҆ нетлѣ́нїѧ, / и҆з̾ бж҃е́ственныхъ твои́хъ ре́бръ, вѣ́рою тѧ̀ пою́щымъ, / и҆ славосло́вѧщымъ хрⷭ҇тѐ во всѧ̑ вѣ́ки."
 },
 {
  "type": "TEXT",
  "value": "Посе́мъ соедини́вшымсѧ двꙋ́мъ ликѡ́мъ, пою́тъ вы́шшимъ гла́сомъ:"
 },
 {
  "type": "TEXT",
  "value": "Бл҃гослови́мъ ѻ҆ц҃а̀ и҆ сн҃а и҆ ст҃а́го дх҃а, гдⷭ҇а."
 },
 {
  "type": "TEXT",
  "value": "Трⷪ҇ченъ: Бж҃ество̀ є҆ди́но трⷪ҇це, / нераздѣли́мое є҆стество̀, раздѣ́льнаѧ же ли́цы, / неги́блющаѧ держа́во, ѻ҆́ч҃е сн҃е и҆ дш҃е, / тѧ̀ пѣсносло́вимъ во всѧ̑ вѣ́ки."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Бг҃ороди́тельнице чⷭ҇таѧ, / нбⷭ҇наѧ две́ре, сп҃си́тєльнаѧ врата̀, / всѣ́хъ хрⷭ҇тїа́нъ моле́нїе прїимѝ, / тебѐ бл҃жа́щихъ во всѧ̑ вѣ́ки."
 },
 {
  "type": "TEXT",
  "value": "Та́же глаго́лемъ высоча́йшимъ гла́сомъ:"
 },
 {
  "type": "TEXT",
  "value": "Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "К рⷭ҇те ски́птре хрⷭ҇то́въ, цр҃кве ро́ге, / царе́й побѣ́до, храни́телю хрⷭ҇тїа́нъ, / ты̀ є҆сѝ просвѣще́нїе моѐ, / ты̀ и҆ похвала̀ моѧ̀ во всѧ̑ вѣ́ки."
 },
 {
  "type": "TEXT",
  "value": "Та́же глаго́лемъ: Хва́лимъ, бл҃гослови́мъ, покланѧ́емсѧ гдⷭ҇еви, пою́ще и҆ превозносѧ́ще во всѧ̑ вѣ́ки."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Въ кꙋпинѣ̀ мѡѷсе́ю, дв҃ы чꙋ́до, / на сїна́йстѣй горѣ̀ проѡбрази́вшаго и҆ногда̀, / по́йте, бл҃гослови́те / и҆ превозноси́те во всѧ̑ вѣ́ки."
 },
 {
  "type": "HEADER",
  "value": "И҆ стїхосло́витсѧ Чⷭ҇тнѣ́йшꙋю:"
 },
 {
  "type": "TEXT",
  "value": "Сщ҃е́нникъ: Бцⷣꙋ и҆ мт҃рь свѣ́та въ пѣ́снехъ возвели́чимъ."
 },
 {
  "type": "TEXT",
  "value": "Ли́къ: Вели́читъ дꙋша̀ моѧ̀ гдⷭ҇а, / и҆ возра́довасѧ дꙋ́хъ мо́й ѡ҆ бз҃ѣ сп҃сѣ мое́мъ."
 },
 {
  "type": "TEXT",
  "value": "Къ коемꙋ́ждо стїхꙋ̀ припѣва́емъ: Чⷭ҇тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "Ꙗ҆́ кѡ призрѣ̀ на смире́нїе рабы̀ своеѧ̀, / се́ бо ѿ ны́нѣ ᲂу҆бл҃жа́тъ мѧ̀ всѝ ро́ди."
 },
 {
  "type": "TEXT",
  "value": "Чⷭ҇тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "Ꙗ҆́ кѡ сотворѝ мнѣ̀ вели́чїе си́льный, и҆ ст҃о и҆́мѧ є҆гѡ̀, / и҆ млⷭ҇ть є҆гѡ̀ въ ро́ды родѡ́въ боѧ́щымсѧ є҆гѡ̀."
 },
 {
  "type": "TEXT",
  "value": "Чⷭ҇тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "С отворѝ держа́вꙋ мы́шцею свое́ю, / расточѝ гѡ́рдыѧ мы́слїю се́рдца и҆́хъ."
 },
 {
  "type": "TEXT",
  "value": "Чⷭ҇тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "Н изложѝ си̑льныѧ со престѡ́лъ, и҆ вознесѐ смирє́нныѧ: / а҆́лчꙋщыѧ и҆спо́лни бла̑гъ, и҆ богатѧ́щыѧсѧ ѿпꙋстѝ тщы̀."
 },
 {
  "type": "TEXT",
  "value": "Чⷭ҇тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "В оспрїѧ́тъ і҆и҃лѧ ѻ҆́трока своего̀, помѧнꙋ́ти млⷭ҇ти, / ꙗ҆́коже глаго́ла ко ѻ҆тцє́мъ на́шымъ, а҆враа́мꙋ и҆ сѣ́мени є҆гѡ̀ да́же до вѣ́ка."
 },
 {
  "type": "TEXT",
  "value": "Чⷭ҇тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
 },
 {
  "type": "HEADER",
  "value": "Пѣ́снь девѧ́таѧ, ст҃а́гѡ прⷪ҇ро́ка заха́рїи, ѻ҆тца̀ прⷣте́чева."
 },
 {
  "type": "TEXT",
  "value": "И҆ пое́тъ ли́къ і҆рмо́съ мине́и. Вторы́й же ли́къ глаго́летъ сті́хъ:"
 },
 {
  "type": "TEXT",
  "value": "Сті́хъ: Бл҃гослове́нъ гдⷭ҇ь бг҃ъ і҆и҃левъ, / ꙗ҆́кѡ посѣтѝ и҆ сотворѝ и҆збавле́нїе лю́демъ свои̑мъ"
 },
 {
  "type": "TEXT",
  "value": "И҆ по не́мъ тропа́рь канѡ́на мине́и."
 },
 {
  "type": "TEXT",
  "value": "На в҃і. Сті́хъ: И҆ воздви́же ро́гъ сп҃се́нїѧ на́мъ, / въ домꙋ̀ дв҃довѣ ѻ҆́трока своегѡ̀."
 },
 {
  "type": "TEXT",
  "value": "И҆ па́ки тропа́рь канѡ́на мине́и."
 },
 {
  "type": "TEXT",
  "value": "Сті́хъ: Ꙗ҆́коже глаго́ла ᲂу҆сты̀ ст҃ы́хъ сꙋ́щихъ ѿ вѣ́ка прⷪ҇рѡ́къ є҆гѡ̀."
 },
 {
  "type": "TEXT",
  "value": "И҆ тропа́рь канѡ́на мине́и."
 },
 {
  "type": "TEXT",
  "value": "На і҃. Сті́хъ: Сп҃се́нїе ѿ вра̑гъ на́шихъ, / и҆ и҆з̾ рꙋкѝ всѣ́хъ ненави́дѧщихъ на́съ."
 },
 {
  "type": "TEXT",
  "value": "И҆ тропа́рь канѡ́на мине́и."
 },
 {
  "type": "TEXT",
  "value": "Сті́хъ: Сотвори́ти млⷭ҇ть со ѻ҆тцы̀ на́шими, / и҆ помѧнꙋ́ти завѣ́тъ ст҃ы́й сво́й."
 },
 {
  "type": "TEXT",
  "value": "И҆ бг҃оро́диченъ канѡ́на мине́и."
 },
 {
  "type": "TEXT",
  "value": "На и҃. Сті́хъ: Клѧ́твꙋ, є҆́юже клѧ́тсѧ ко а҆враа́мꙋ ѻ҆тцꙋ̀ на́шемꙋ, / да́ти на́мъ без̾ стра́ха и҆з̾ рꙋкѝ вра̑гъ на́шихъ и҆зба́вльшымсѧ."
 },
 {
  "type": "TEXT",
  "value": "Ѿ стїха́ же Клѧ́твꙋ, є҆́юже клѧ́тсѧ, начина́емъ трипѣ́снецъ трїѡ́ди, на д҃."
 },
 {
  "type": "HEADER",
  "value": "Канѡ́нъ трїѡ́ди. Пѣ́снь ѳ҃, гла́съ в҃. І҆рмо́съ: Ꙗ҆́же пре́жде со́лнца свѣти́льника:"
 },
 {
  "type": "TEXT",
  "value": "П рокаже́ннꙋю дꙋ́шꙋ мою̀ безмѣ́стными помышле́нїи, / ѡ҆кропле́нїемъ кро́ве твоеѧ̀ ѡ҆чи́сти бж҃їй сло́ве, / и҆ ѻ҆́бщника мѧ̀ сла́вы твоеѧ̀ сотворѝ, / менѐ ра́ди безсла́вное претерпѣ́вый хрⷭ҇тѐ распѧ́тїе."
 },
 {
  "type": "TEXT",
  "value": "Сті́хъ: Слꙋжи́ти є҆мꙋ̀ прпⷣбїемъ и҆ пра́вдою / пред̾ ни́мъ всѧ̑ дни̑ живота̀ на́шегѡ."
 },
 {
  "type": "TEXT",
  "value": "В е́сь слѧко́хсѧ тѧгото́ю безмѣ́стныхъ, хрⷭ҇тѐ, дѣѧ́нїй, / и҆ сѣ́тꙋѧ зовꙋ́ ти, чл҃вѣколю́бче: / дꙋшѝ моеѧ̀ неисцѣ̑льныѧ ꙗ҆́звы / и҆сцѣлѝ твое́ю честно́ю кро́вїю, / да пою̀ твоѐ бж҃ество̀."
 },
 {
  "type": "TEXT",
  "value": "На ѕ҃. Сті́хъ: И҆ ты̀, ѻ҆троча̀, прⷪ҇ро́къ вы́шнѧгѡ нарече́шисѧ: / пред̾и́деши бо пред̾ лице́мъ гдⷭ҇нимъ, ᲂу҆гото́вати пꙋти̑ є҆гѡ̀."
 },
 {
  "type": "TEXT",
  "value": "С нѣ́дь ѕло́бꙋ, и҆ питїѐ небреже́нїе творѧ̀, / по всемꙋ̀ пребыва́ю неиспра́вленъ, / снѣ́дей ѡ҆ша́ѧнїемъ безвре́меннѡ ра́дꙋюсѧ: / не сицево́мꙋ бо постꙋ̀ речѐ гдⷭ҇ь бы́ти."
 },
 {
  "type": "TEXT",
  "value": "Сті́хъ: Да́ти ра́зꙋмъ сп҃се́нїѧ лю́демъ є҆гѡ̀, / во ѡ҆ставле́нїе грѣ̑хъ и҆́хъ, / млⷭ҇рдїѧ ра́ди млⷭ҇ти бг҃а на́шегѡ."
 },
 {
  "type": "TEXT",
  "value": "Бг҃оро́диченъ: Лю́тагѡ дре́внѧгѡ ѿрече́нїѧ гꙋби́тельницꙋ, / и҆ прама́тере и҆справле́нїе, / ро́да къ бг҃ꙋ винꙋ̀ присвое́нїѧ, / къ зижди́телю мо́стъ, / тѧ̀, бцⷣе, велича́емъ."
 },
 {
  "type": "HEADER",
  "value": "И҆́ный. І҆рмо́съ: Чⷭ҇тꙋю и҆ пречⷭ҇тꙋю:"
 },
 {
  "type": "TEXT",
  "value": "И҆ пое́тъ а҃-й ли́къ а҃-й сті́хъ, и҆ тропа́рь:"
 },
 {
  "type": "TEXT",
  "value": "На д҃. Сті́хъ: Въ ни́хже посѣтѝ на́съ восто́къ съ высоты̀, / ꙗ҆ви́тисѧ во тьмѣ̀ и҆ сѣ́ни сме́ртнѣй сѣдѧ́щымъ."
 },
 {
  "type": "TEXT",
  "value": "Н а дре́вѣ распе́ншꙋсѧ тѝ тва́рь колеба́шесѧ, / бг҃ъ сы́й пострада́лъ є҆сѝ пло́тски, / за бл҃гоꙋтро́бїе щедро́тъ, да сп҃се́ши на́съ."
 },
 {
  "type": "TEXT",
  "value": "в҃-й же ли́къ в҃ сті́хъ, и҆ тропа́рь:"
 },
 {
  "type": "TEXT",
  "value": "Сті́хъ: Напра́вити но́ги на́шѧ на пꙋ́ть ми́ренъ."
 },
 {
  "type": "TEXT",
  "value": "К рⷭ҇та̀ твоегѡ̀ гдⷭ҇и, си́ла вели́каѧ: / и҆́бо ѡ҆бразꙋ́юще сего̀ въ себѣ̀, / а҆́бїе де́монѡвъ крѣ́пость ѿража́емъ."
 },
 {
  "type": "TEXT",
  "value": "Посе́мъ соедини́вшымсѧ двꙋ́мъ ликѡ́мъ, пою́тъ вы́шшимъ гла́сомъ:"
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Трⷪ҇ченъ: Є҆ди́нице трїѷпоста́снаѧ, трⷪ҇це є҆ди́нственнаѧ, / гдⷭ҇онача́лїе, є҆стество̀ равносла́вное, / ѻ҆́ч҃е, сн҃е, и҆ бж҃е́ственный дш҃е, / сп҃сѝ всѣ́хъ на́съ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Ра́дꙋйсѧ ѡ҆чисти́лище мі́рꙋ бцⷣе, / въ не́же притека́юще всѝ грѣ́шнїи, / къ бг҃ꙋ примире́нїе при́снѡ ѡ҆брѣта́емъ."
 },
 {
  "type": "TEXT",
  "value": "Та́же глаго́лемъ высоча́йшимъ гла́сомъ:"
 },
 {
  "type": "TEXT",
  "value": "Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "К рⷭ҇та̀ твоегѡ̀ гдⷭ҇и, / бж҃е́ственнымъ могꙋ́тствомъ ᲂу҆крѣпи́ мѧ, / непоро́чное и҆ чи́стое вре́мѧ поста̀, тебѣ̀ приноси́ти."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Чⷭ҇тꙋю и҆ пречⷭ҇тꙋю / мт҃рь и҆ дв҃ꙋ, / пѣ́сньми пѣ́сней, всѝ вѣ́рнїи, / бл҃гоче́стнѡ ꙗ҆́кѡ бцⷣꙋ велича́емъ."
 },
 {
  "type": "TEXT",
  "value": "Та́же, ли́къ пое́тъ: Досто́йно є҆́сть ꙗ҆́кѡ вои́стиннꙋ, / блажи́ти тѧ̀ бцⷣꙋ, / приснобл҃же́ннꙋю, и҆ пренепоро́чнꙋю, и҆ мт҃рь бг҃а на́шегѡ. / честѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "Покло́нъ є҆ди́нъ."
 },
 {
  "type": "HEADER",
  "value": "И҆ посе́мъ є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаша́етъ сщ҃е́нникъ: Ꙗ҆́кѡ тѧ̀ хва́лѧтъ всѧ̑ си̑лы нбⷭ҇ныѧ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ свѣти́ленъ трⷪ҇ченъ гла́са."
 },
 {
  "type": "TEXT",
  "value": "На Всѧ́кое дыха́нїе стїхѡ́въ не пое́мъ, но стїхологисꙋ́емъ: Хвали́те гдⷭ҇а съ нб҃съ: ѻ҆бы̑чныѧ ѱалмы̀, г҃."
 },
 {
  "type": "TEXT",
  "value": "Чте́цъ: Хвали́те гдⷭ҇а съ нб҃съ. тебѣ̀ подоба́етъ пѣ́снь бг҃ꙋ. хвали́те гдⷭ҇а съ нб҃съ, хвали́те є҆го̀ въ вы́шнихъ. тебѣ̀ подоба́етъ пѣ́снь бг҃ꙋ. хвали́те є҆го̀ всѝ а҆́гг҃ли є҆гѡ̀, хвали́те є҆го̀ всѧ̑ си̑лы є҆гѡ̀. тебѣ̀ подоба́етъ пѣ́снь бг҃ꙋ."
 },
 {
  "type": "TEXT",
  "value": "И҆ ѱало́мъ рм҃и: Хвали́те є҆го̀ со́лнце и҆ лꙋна̀, хвали́те є҆го̀ всѧ̑ ѕвѣ́зды и҆ свѣ́тъ. хвали́те є҆го̀ нб҃са̀ нб҃съ, и҆ вода̀ ꙗ҆́же превы́ше нб҃съ, да восхва́лѧтъ и҆́мѧ гдⷭ҇не. ꙗ҆́кѡ то́й речѐ, и҆ бы́ша: то́й повелѣ̀, и҆ созда́шасѧ. поста́ви ѧ҆̀ въ вѣ́къ, и҆ въ вѣ́къ вѣ́ка: повелѣ́нїе положѝ, и҆ не ми́мѡ и҆́детъ. хвали́те гдⷭ҇а ѿ землѝ ѕмі́евє, и҆ всѧ̑ бє́здны: ѻ҆́гнь, гра́дъ, снѣ́гъ, го́лоть, дꙋ́хъ бꙋ́ренъ, творѧ̑щаѧ сло́во є҆гѡ̀: го́ры и҆ всѝ хо́лми, древа̀ плодонѡ́сна, и҆ всѝ ке́дри: ѕвѣ́рїе и҆ всѝ ско́ти, га́ди и҆ пти̑цы перна̑ты: ца́рїе зе́мстїи, и҆ всѝ лю́дїе, кнѧ́зи, и҆ всѝ сꙋдїи̑ зе́мстїи: ю҆́нѡши и҆ дѣ̑вы, ста́рцы съ ю҆́нотами да восхва́лѧтъ и҆́мѧ гдⷭ҇не: ꙗ҆́кѡ вознесе́сѧ и҆́мѧ тогѡ̀ є҆ди́нагѡ. и҆сповѣ́данїе є҆гѡ̀ на землѝ и҆ на нб҃сѝ, и҆ вознесе́тъ ро́гъ люде́й свои́хъ. пѣ́снь всѣ̑мъ прпⷣбнымъ є҆гѡ̀, сыновѡ́мъ і҆и҃лєвымъ, лю́демъ приближа́ющымсѧ є҆мꙋ̀."
 },
 {
  "type": "TEXT",
  "value": "Ѱало́мъ рм҃ѳ: Воспо́йте гдⷭ҇еви пѣ́снь но́вꙋ, хвале́нїе є҆гѡ̀ въ цр҃кви прпⷣбныхъ. да возвесели́тсѧ і҆и҃ль ѡ҆ сотво́ршемъ є҆го̀, и҆ сы́нове сїѡ́ни возра́дꙋютсѧ ѡ҆ цр҃ѣ̀ свое́мъ: да восхва́лѧтъ и҆́мѧ є҆гѡ̀ въ ли́цѣ, въ тѷмпа́нѣ и҆ ѱалти́ри да пою́тъ є҆мꙋ̀. ꙗ҆́кѡ бл҃говоли́тъ гдⷭ҇ь въ лю́дехъ свои́хъ, и҆ вознесе́тъ крѡ́ткїѧ во сп҃се́нїе. восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ. возношє́нїѧ бж҃їѧ въ горта́ни и҆́хъ, и҆ мечѝ ѻ҆бою́дꙋ ѻ҆стры̀ въ рꙋка́хъ и҆́хъ: сотвори́ти ѿмще́нїе во ꙗ҆зы́цѣхъ, ѡ҆бличє́нїѧ въ лю́дехъ: свѧза́ти царѝ и҆́хъ пꙋ́ты, и҆ сла̑вныѧ и҆́хъ рꙋчны́ми ѻ҆кѡ́вы желѣ́зными."
 },
 {
  "type": "TEXT",
  "value": "На ѕ҃: Сотвори́ти въ ни́хъ сꙋ́дъ напи́санъ: / сла́ва сїѧ̀ бꙋ́детъ всѣ̑мъ прпⷣбнымъ є҆гѡ̀."
 },
 {
  "type": "TEXT",
  "value": "Ѱало́мъ р҃н: Хвали́те бг҃а во ст҃ы́хъ є҆гѡ̀, / хвали́те є҆го̀ во ᲂу҆тверже́нїи си́лы є҆гѡ̀."
 },
 {
  "type": "TEXT",
  "value": "На д҃: Хвали́те є҆го̀ на си́лахъ є҆гѡ̀, / хвали́те є҆го̀ по мно́жествꙋ вели́чествїѧ є҆гѡ̀."
 },
 {
  "type": "TEXT",
  "value": "Х вали́те є҆го̀ во гла́сѣ трꙋ́бнѣмъ, / хвали́те є҆го̀ во ѱалти́ри и҆ гꙋ́слехъ."
 },
 {
  "type": "TEXT",
  "value": "На в҃: Хвали́те є҆го̀ въ тѷмпа́нѣ и҆ ли́цѣ, / хвали́те є҆го̀ во стрꙋ́нахъ и҆ ѻ҆рга́нѣ."
 },
 {
  "type": "TEXT",
  "value": "Х вали́те є҆го̀ въ кѷмва́лѣхъ доброгла́сныхъ. хвали́те є҆го̀ въ кѷмва́лѣхъ восклица́нїѧ. / всѧ́кое дыха́нїе да хва́литъ гдⷭ҇а."
 },
 {
  "type": "TEXT",
  "value": "И҆ а҆́ще прилꙋчи́тсѧ въ мине́и на рѧдꙋ̀ два̀ ст҃ы́хъ: Пое́мъ є҆ди́номꙋ ве́черъ стїхи̑ры, а҆ дрꙋго́мꙋ на хвали́техъ стїхи̑ры на д҃, а҆́ще бꙋ́дꙋтъ. А҆́ще же нѝ, глаго́летъ ᲂу҆чине́нный бра́тъ:"
 },
 {
  "type": "TEXT",
  "value": "Т ебѣ̀ сла́ва подоба́етъ гдⷭ҇и бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "С ла́ва тебѣ̀, показа́вшемꙋ на́мъ свѣ́тъ."
 },
 {
  "type": "HEADER",
  "value": "Славосло́вїе вседне́вное."
 },
 {
  "type": "TEXT",
  "value": "С ла́ва въ вы́шнихъ бг҃ꙋ, и҆ на землѝ ми́ръ, въ человѣ́цѣхъ бл҃говоле́нїе. хва́лимъ тѧ̀, бл҃гослови́мъ тѧ̀, кла́нѧемъ ти сѧ, славосло́вимъ тѧ̀, бл҃годари́мъ тѧ̀, вели́кїѧ ра́ди сла́вы твоеѧ̀. гдⷭ҇и цр҃ю̀ нбⷭ҇ный, бж҃е ѻ҆́ч҃е вседержи́телю, гдⷭ҇и сн҃е є҆диноро́дный, і҆и҃се хрⷭ҇тѐ, и҆ ст҃ы́й дш҃е. гдⷭ҇и бж҃е, а҆́гнче бж҃їй, сн҃е ѻ҆ч҃ь, взе́млѧй грѣ́хъ мі́ра, поми́лꙋй на́съ: взе́млѧй грѣхѝ мі́ра, прїимѝ мл҃твꙋ на́шꙋ: сѣдѧ́й ѡ҆деснꙋ́ю ѻ҆ц҃а̀, поми́лꙋй на́съ. ꙗ҆́кѡ ты̀ є҆сѝ є҆ди́нъ ст҃ъ, ты̀ є҆сѝ є҆ди́нъ гдⷭ҇ь, і҆и҃съ хрⷭ҇то́съ, во сла́вꙋ бг҃а ѻ҆ц҃а̀, а҆ми́нь."
 },
 {
  "type": "TEXT",
  "value": "Н а всѧ́къ де́нь бл҃гословлю́ тѧ, и҆ восхвалю̀ и҆́мѧ твоѐ во вѣ́ки, и҆ въ вѣ́къ вѣ́ка."
 },
 {
  "type": "TEXT",
  "value": "Г дⷭ҇и, прибѣ́жище бы́лъ є҆сѝ на́мъ въ ро́дъ и҆ ро́дъ. а҆́зъ рѣ́хъ: гдⷭ҇и, поми́лꙋй мѧ̀, и҆сцѣлѝ дꙋ́шꙋ мою̀, ꙗ҆́кѡ согрѣши́хъ тебѣ̀. гдⷭ҇и, къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й: ꙗ҆́кѡ ᲂу҆ тебѐ и҆сто́чникъ живота̀, во свѣ́тѣ твое́мъ ᲂу҆́зримъ свѣ́тъ. проба́ви млⷭ҇ть твою̀ вѣ́дꙋщымъ тѧ̀."
 },
 {
  "type": "TEXT",
  "value": "Та́же: Сподо́би гдⷭ҇и, въ де́нь се́й без̾ грѣха̀ сохрани́тисѧ на́мъ. бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ, и҆ хва́льно и҆ просла́влено и҆́мѧ твоѐ во вѣ́ки, а҆ми́нь."
 },
 {
  "type": "TEXT",
  "value": "Б ꙋ́ди гдⷭ҇и, млⷭ҇ть твоѧ̀ на на́съ, ꙗ҆́коже ᲂу҆пова́хомъ на тѧ̀. бл҃гослове́нъ є҆сѝ гдⷭ҇и, наꙋчи́ мѧ ѡ҆правда́нїємъ твои̑мъ. бл҃гослове́нъ є҆сѝ влⷣко, вразꙋми́ мѧ ѡ҆правда́нїємъ твои̑мъ. бл҃гослове́нъ є҆сѝ ст҃ы́й, просвѣти́ мѧ ѡ҆правда́нїи твои́ми."
 },
 {
  "type": "TEXT",
  "value": "Г дⷭ҇и, млⷭ҇ть твоѧ̀ во вѣ́къ, дѣ́лъ рꙋкꙋ̀ твоє́ю не пре́зри: тебѣ̀ подоба́етъ хвала̀, тебѣ̀ подоба́етъ пѣ́нїе, тебѣ̀ сла́ва подоба́етъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ твори́мъ мета̑нїѧ г҃, ра́внѡ на мѣ́стѣхъ на́шихъ стоѧ́ще."
 },
 {
  "type": "HEADER",
  "value": "Посе́мъ і҆ере́й:"
 },
 {
  "type": "TEXT",
  "value": "И҆ спо́лнимъ ᲂу҆́треннюю моли́твꙋ на́шꙋ гдⷭ҇ви."
 },
 {
  "type": "TEXT",
  "value": "Ли́къ: Гдⷭ҇и поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ бж҃е твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и поми́лꙋй."
 },
 {
  "type": "TEXT",
  "value": "Д нѐ всегѡ̀ соверше́нна, свѧ́та, ми́рна и҆ безгрѣ́шна, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "А҆́ гг҃ла ми́рна, вѣ́рна наста́вника, храни́телѧ дꙋ́шъ и҆ тѣле́съ на́шихъ, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "П роще́нїѧ и҆ ѡ҆ставле́нїѧ грѣхѡ́въ и҆ прегрѣше́нїй на́шихъ, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "Д о́брыхъ и҆ поле́зныхъ дꙋша́мъ на́шымъ, и҆ ми́ра мі́рови, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "П ро́чее вре́мѧ живота̀ на́шегѡ въ ми́рѣ и҆ покаѧ́нїи сконча́ти. ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "Х рїстїа́нскїѧ кончи́ны живота̀ на́шегѡ, безболѣ́знены, непосты́дны, ми́рны и҆ до́брагѡ ѿвѣ́та на стра́шнѣмъ сꙋди́щи хрⷭ҇то́вѣ про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю со всѣ́ми ст҃ы́ми помѧнꙋ́вше, са́ми себѐ, и҆ дрꙋгъдрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀ гдⷭ҇и."
 },
 {
  "type": "TEXT",
  "value": "Возглаша́етъ і҆ере́й: Ꙗ҆́кѡ бг҃ъ ми́лости, щедро́тъ и҆ чл҃вѣколю́бїѧ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Сщ҃е́нникъ: Ми́ръ всѣ̑мъ."
 },
 {
  "type": "TEXT",
  "value": "Ли́къ: И҆ дх҃ови твоемꙋ̀."
 },
 {
  "type": "TEXT",
  "value": "Сщ҃е́нникъ: Главы̑ на́шѧ гдⷭ҇ви прикло́нимъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "HEADER",
  "value": "И҆ сщ҃е́нникъ глаго́летъ моли́твꙋ сїю̀ та́йнѡ:"
 },
 {
  "type": "TEXT",
  "value": "Г дⷭ҇и ст҃ы́й, въ вы́шнихъ живы́й, и҆ на смирє́нныѧ призира́ѧй, и҆ всеви́дѧщимъ ѻ҆́комъ твои́мъ призира́ѧй на всю̀ тва́рь, тебѣ̀ приклони́хомъ вы́ю се́рдца и҆ тѣлесѐ, и҆ мо́лимсѧ тебѣ̀: прострѝ рꙋ́кꙋ твою̀ неви́димꙋю ѿ ст҃а́гѡ жили́ща твоегѡ̀, и҆ бл҃гословѝ всѧ̑ ны̀. и҆ а҆́ще что̀ согрѣши́хомъ, во́лею и҆лѝ нево́лею, ꙗ҆́кѡ бл҃гъ и҆ человѣколю́бецъ бг҃ъ простѝ, да́рꙋѧ на́мъ мі̑рнаѧ и҆ премі̑рнаѧ блага̑ѧ твоѧ̑."
 },
 {
  "type": "TEXT",
  "value": "Возглаша́етъ: Твое́ бо є҆́сть є҆́же ми́ловати и҆ спаса́ти ны̀ бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ совокꙋ́пльшесѧ ѻ҆́ба ли̑ка вкꙋ́пѣ, пое́мъ:"
 },
 {
  "type": "HEADER",
  "value": "На стїхо́внѣ самогла́сенъ днѐ, два́жды, гла́съ и҃:"
 },
 {
  "type": "TEXT",
  "value": "П о́стное завѣща́нїе ра́достнѡ воспрїи́мемъ: / а҆́ще бо бы сїѐ пра́ѻтецъ сохрани́лъ, / є҆де́мскагѡ ѿпаде́нїѧ не прїѧ́ли бы́хомъ. / кра́сный бѣ̀ въ видѣ́нїе, и҆ до́брый въ снѣ́дь, / ᲂу҆мори́вый менѐ пло́дъ: / да не восхи́тимсѧ вѣ́ждами, / ни да ᲂу҆слади́тсѧ на́ша горта́нь почита́емыми бра́шны, / по прїѧ́тїи же безче́ствꙋемыми. / бѣжи́мъ невоздержа́нїѧ, / и҆ по насыще́нїи страсте́мъ не покори́мсѧ. / назна́менаимсѧ кро́вїю, / ѡ҆ на́съ веде́нагѡ на сме́рть во́лею, / и҆ не ко́снетсѧ на́съ гꙋби́тель: / и҆ снѣ́мы па́схꙋ хрⷭ҇то́вꙋ сщ҃е́ннѣйшꙋю, / во сп҃се́нїе дꙋ́шъ на́шихъ."
 },
 {
  "type": "TEXT",
  "value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑ въ нѧ́же смири́лъ ны̀ є҆сѝ, лѣ̑та въ нѧ́же ви́дѣхомъ ѕла̑ѧ. и҆ при́зри на рабы̑ твоѧ̑, и҆ на дѣла̀ твоѧ̑, / и҆ наста́ви сы́ны и҆́хъ."
 },
 {
  "type": "TEXT",
  "value": "Па́ки то́йже самогла́сенъ: П о́стное завѣща́нїе ра́достнѡ воспрїи́мемъ: / а҆́ще бо бы сїѐ пра́ѻтецъ сохрани́лъ, / є҆де́мскагѡ ѿпаде́нїѧ не прїѧ́ли бы́хомъ. / кра́сный бѣ̀ въ видѣ́нїе, и҆ до́брый въ снѣ́дь, / ᲂу҆мори́вый менѐ пло́дъ: / да не восхи́тимсѧ вѣ́ждами, / ни да ᲂу҆слади́тсѧ на́ша горта́нь почита́емыми бра́шны, / по прїѧ́тїи же безче́ствꙋемыми. / бѣжи́мъ невоздержа́нїѧ, / и҆ по насыще́нїи страсте́мъ не покори́мсѧ. / назна́менаимсѧ кро́вїю, / ѡ҆ на́съ веде́нагѡ на сме́рть во́лею, / и҆ не ко́снетсѧ на́съ гꙋби́тель: / и҆ снѣ́мы па́схꙋ хрⷭ҇то́вꙋ сщ҃е́ннѣйшꙋю, / во сп҃се́нїе дꙋ́шъ на́шихъ."
 },
 {
  "type": "TEXT",
  "value": "Сті́хъ в҃: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, / и҆ дѣ́ло рꙋ́къ на́шихъ и҆спра́ви."
 },
 {
  "type": "TEXT",
  "value": "Мч҃нченъ: Что́ вы нарече́мъ ст҃і́и; / херꙋві́мы ли; ꙗ҆́кѡ на ва́съ почи́лъ є҆́сть хрⷭ҇то́съ. / серафі́мы ли; ꙗ҆́кѡ непреста́ннѡ просла́висте є҆го̀. / а҆́гг҃лы ли; тѣ́ла бо ѿврати́стесѧ. / си̑лы ли; дѣ́йствꙋете бо чꙋдесы̀. / мнѡ́гаѧ ва̑ша и҆мена̀, и҆ бѡ́льшаѧ дарова̑нїѧ, / моли́те сп҃сти́сѧ дꙋша́мъ на́шымъ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "HEADER",
  "value": "Крⷭ҇тобг҃оро́диченъ, гла́съ то́йже. Подо́бенъ: Ѽ пресла́внагѡ чꙋдесѐ!"
 },
 {
  "type": "TEXT",
  "value": "Ꙗ҆́ кѡ ви́дѣ тѧ̀ распина́ема на ло́бнѣмъ сп҃се, / и҆змѣнѧ́шесѧ всѧ̀ тва́рь, / и҆ содрога́шесѧ дви́жꙋщесѧ не терпѧ́щи. / дв҃а же чⷭ҇таѧ и҆ мт҃и твоѧ̀, / рыда́ющи тебѣ̀ вопїѧ́ше: / ᲂу҆вы̀ мнѣ̀, ѽ ча́до моѐ, сп҃се мо́й сладча́йшїй, / что̀ но́вое сїѐ и҆ пресла́вное и҆ стра́нное видѣ́нїе;"
 },
 {
  "type": "TEXT",
  "value": "Та́же чте́цъ: Бл҃го є҆́сть и҆сповѣ́датисѧ гдⷭ҇еви, и҆ пѣ́ти и҆́мени твоемꙋ̀, вы́шнїй: возвѣща́ти заꙋ́тра млⷭ҇ть твою̀, и҆ и҆́стинꙋ твою̀ на всѧ́кꙋ но́щь. [Два́жды.]"
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды, и҆ мета̑нїѧ г҃.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Возглаша́етъ і҆ере́й: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "И҆ глаго́лемъ тропа́рь: Въ хра́мѣ стоѧ́ще сла́вы твоеѧ̀, на нб҃сѝ стоѧ́ти мни́мъ, бцⷣе, две́рь нбⷭ҇наѧ, ѿве́рзи на́мъ двє́ри млⷭ҇ти твоеѧ̀."
 },
 {
  "type": "TEXT",
  "value": "И҆ глаго́лемъ, Гдⷭ҇и поми́лꙋй, м҃."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ: Сы́й бл҃гослове́нъ хрⷭ҇то́съ бг҃ъ на́шъ, всегда̀, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "И҆ глаго́лемъ: Нбⷭ҇ный цр҃ю̀, вѣ́рꙋ ᲂу҆твердѝ, ꙗ҆зы́ки ᲂу҆кротѝ, мі́ръ ᲂу҆мирѝ, ст҃ы́й хра́мъ се́й [ст҃ꙋ́ю ѻ҆би́тель сїю̀] до́брѣ сохранѝ: пре́жде ѿше́дшыѧ ѻ҆тцы̀ и҆ бра́тїю на́шꙋ въ селе́нїихъ пра́ведныхъ ᲂу҆чинѝ, и҆ на́съ въ покаѧ́нїи и҆ и҆сповѣ́данїи прїимѝ, ꙗ҆́кѡ бл҃гі́й и҆ человѣколю́бецъ."
 },
 {
  "type": "TEXT",
  "value": "Посе́мъ же стои́мъ, и҆ мо́лимсѧ въ себѣ̀, во свое́мъ помышле́нїи глаго́люще мл҃твꙋ прпⷣбнагѡ ѻ҆тца̀ на́шегѡ є҆фре́ма:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ.]"
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. [Покло́нъ.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. [Покло́нъ.]"
 },
 {
  "type": "TEXT",
  "value": "Та́же ма́лыхъ в҃і, глаго́люще на кі́йждо покло́нъ: Бж҃е, ѡ҆чи́сти мѧ̀ грѣ́шнаго."
 },
 {
  "type": "TEXT",
  "value": "Та́же па́ки и҆́нъ покло́нъ вели́кїй є҆ди́нъ, глаго́люще и҆ въ не́мъ предпи́саннꙋю мл҃твꙋ всю̀ ст҃а́гѡ є҆фре́ма."
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ."
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀."
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "И҆ по є҆́же воста́ти на́мъ, начина́етъ предстоѧ́тель пе́рвый ча́съ."
 },
 {
  "type": "HEADER",
  "value": "Ча́съ пе́рвый."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "HEADER",
  "value": "Ѱало́мъ є҃."
 },
 {
  "type": "TEXT",
  "value": "Г лаго́лы моѧ̑ внꙋшѝ гдⷭ҇и, разꙋмѣ́й зва́нїе моѐ. вонмѝ гла́сꙋ моле́нїѧ моегѡ̀, цр҃ю̀ мо́й и҆ бж҃е мо́й, ꙗ҆́кѡ къ тебѣ̀ помолю́сѧ гдⷭ҇и. заꙋ́тра ᲂу҆слы́ши гла́съ мо́й, заꙋ́тра предста́нꙋ тѝ, и҆ ᲂу҆́зриши мѧ̀. ꙗ҆́кѡ бг҃ъ не хотѧ́й беззако́нїѧ, ты̀ є҆сѝ: не присели́тсѧ къ тебѣ̀ лꙋка́внꙋѧй, нижѐ пребꙋ́дꙋтъ беззакѡ́нницы пред̾ ѻ҆чи́ма твои́ма. возненави́дѣлъ є҆сѝ всѧ̑ дѣ́лающыѧ беззако́нїе, погꙋби́ши всѧ̑ глаго́лющыѧ лжꙋ̀: мꙋ́жа крове́й и҆ льсти́ва гнꙋша́етсѧ гдⷭ҇ь. а҆́зъ же мно́жествомъ млⷭ҇ти твоеѧ̀, вни́дꙋ въ до́мъ тво́й, поклоню́сѧ ко хра́мꙋ ст҃о́мꙋ твоемꙋ̀ въ стра́сѣ твое́мъ. гдⷭ҇и, наста́ви мѧ̀ пра́вдою твое́ю, вра̑гъ мои́хъ ра́ди и҆спра́ви пред̾ тобо́ю пꙋ́ть мо́й. ꙗ҆́кѡ нѣ́сть во ᲂу҆стѣ́хъ и҆́хъ и҆́стины, се́рдце и҆́хъ сꙋ́етно, гро́бъ ѿве́рстъ горта́нь и҆́хъ, ѧ҆зы́ки свои́ми льща́хꙋ. сꙋдѝ и҆̀мъ бж҃е, да ѿпадꙋ́тъ ѿ мы́слей свои́хъ: по мно́жествꙋ нече́стїѧ и҆́хъ и҆зри́ни ѧ҆̀, ꙗ҆́кѡ преѡгорчи́ша тѧ̀, гдⷭ҇и. и҆ да возвеселѧ́тсѧ всѝ ᲂу҆пова́ющїи на тѧ̀, во вѣ́къ возра́дꙋютсѧ, и҆ всели́шисѧ въ ни́хъ: и҆ похва́лѧтсѧ ѡ҆ тебѣ̀ лю́бѧщїи и҆́мѧ твоѐ. ꙗ҆́кѡ ты̀ бл҃гослови́ши пра́ведника гдⷭ҇и, ꙗ҆́кѡ ѻ҆рꙋ́жїемъ бл҃говоле́нїѧ вѣнча́лъ є҆сѝ на́съ."
 },
 {
  "type": "HEADER",
  "value": "Ѱало́мъ п҃ѳ."
 },
 {
  "type": "TEXT",
  "value": "Г дⷭ҇и, прибѣ́жище бы́лъ є҆сѝ на́мъ въ ро́дъ и҆ ро́дъ. пре́жде да́же гора́мъ не бы́ти, и҆ созда́тисѧ землѝ и҆ вселе́ннѣй, и҆ ѿ вѣ́ка и҆ до вѣ́ка ты̀ є҆сѝ. не ѿвратѝ человѣ́ка во смире́нїе, и҆ ре́клъ є҆сѝ: ѡ҆брати́тесѧ сы́нове человѣ́честїи. ꙗ҆́кѡ ты́сѧща лѣ́тъ пред̾ ѻ҆чи́ма твои́ма гдⷭ҇и, ꙗ҆́кѡ де́нь вчера́шнїй, и҆́же мимои́де, и҆ стра́жа нощна́ѧ. ᲂу҆ничиже́нїѧ и҆́хъ лѣ̑та бꙋ́дꙋтъ: ᲂу҆́трѡ ꙗ҆́кѡ трава̀ мимои́детъ. Оу҆́трѡ процвѣте́тъ и҆ пре́йдетъ, на ве́черъ ѿпаде́тъ, ѡ҆жестѣ́етъ и҆ и҆́зсхнетъ. ꙗ҆́кѡ и҆счезо́хомъ гнѣ́вомъ твои́мъ, и҆ ꙗ҆́ростїю твое́ю смꙋти́хомсѧ. положи́лъ є҆сѝ беззакѡ́нїѧ на̑ша пред̾ тобо́ю: вѣ́къ на́шъ въ просвѣще́нїе лица̀ твоегѡ̀. ꙗ҆́кѡ всѝ дні́е на́ши ѡ҆скꙋдѣ́ша, и҆ гнѣ́вомъ твои́мъ и҆счезо́хомъ. лѣ̑та на̑ша ꙗ҆́кѡ паꙋчи́на поꙋча́хꙋсѧ: дні́е лѣ́тъ на́шихъ, въ ни́хже се́дмьдесѧтъ лѣ́тъ, а҆́ще же въ си́лахъ, ѻ҆́смьдесѧтъ лѣ́тъ, и҆ мно́жае и҆́хъ трꙋ́дъ и҆ болѣ́знь: ꙗ҆́кѡ прїи́де кро́тость на ны̀, и҆ нака́жемсѧ. кто̀ вѣ́сть держа́вꙋ гнѣ́ва твоегѡ̀, и҆ ѿ стра́ха твоегѡ̀ ꙗ҆́рость твою̀ и҆счестѝ; десни́цꙋ твою̀ та́кѡ скажи́ ми, и҆ ѡ҆кова̑нныѧ се́рдцемъ въ мꙋ́дрости. ѡ҆брати́сѧ гдⷭ҇и, доко́лѣ; и҆ ᲂу҆моле́нъ бꙋ́ди на рабы̑ твоѧ̑. и҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ. во всѧ̑ дни̑ на́шѧ возвесели́хомсѧ, за дни̑ въ нѧ́же смири́лъ ны̀ є҆сѝ, лѣ̑та въ нѧ́же ви́дѣхомъ ѕла̑ѧ. и҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ. и҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
 },
 {
  "type": "HEADER",
  "value": "Ѱало́мъ р҃."
 },
 {
  "type": "TEXT",
  "value": "М лⷭ҇ть и҆ сꙋ́дъ воспою̀ тебѣ̀, гдⷭ҇и: пою̀ и҆ разꙋмѣ́ю въ пꙋтѝ непоро́чнѣ, когда̀ прїи́деши ко мнѣ̀; прехожда́хъ въ неѕло́бїи се́рдца моегѡ̀, посредѣ̀ до́мꙋ моегѡ̀. не предлага́хъ пред̾ ѻ҆чи́ма мои́ма ве́щь законопрестꙋ́пнꙋю, творѧ́щыѧ престꙋпле́нїе возненави́дѣхъ. не прильпѐ мнѣ̀ се́рдце стропти́во, ᲂу҆клонѧ́ющагѡсѧ ѿ менѐ лꙋка́вагѡ не позна́хъ: ѡ҆клевета́ющагѡ та́й и҆́скреннѧго своего̀, сего̀ и҆згонѧ́хъ: го́рдымъ ѻ҆́комъ и҆ несы́тымъ се́рдцемъ, съ си́мъ не ꙗ҆дѧ́хъ. ѻ҆́чи моѝ на вѣ̑рныѧ землѝ, посажда́ти ѧ҆̀ со мно́ю: ходѧ́й по пꙋтѝ непоро́чнꙋ, се́й мѝ слꙋжа́ше. не живѧ́ше посредѣ̀ до́мꙋ моегѡ̀ творѧ́й горды́ню: глаго́лѧй непра́вєднаѧ, не и҆справлѧ́ше пред̾ ѻ҆чи́ма мои́ма. во ᲂу҆́трїѧ и҆збива́хъ всѧ̑ грѣ̑шныѧ землѝ, є҆́же потреби́ти ѿ гра́да гдⷭ҇нѧ всѧ̑ дѣ́лающыѧ беззако́нїе."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "А҆ ллилꙋ́їѧ, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды и҆ мета̑нїѧ трѝ.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "Подоба́етъ вѣ́дати: Ꙗ҆́кѡ во всѧ̑ пѧткѝ ст҃ы́ѧ четыредесѧ́тницы на а҃-мъ часѣ̀ каѳі́смы не стїхосло́вимъ. Та́кожде и҆ девѧ́тый, без̾ каѳі́смы."
 },
 {
  "type": "TEXT",
  "value": "Пое́тъ же ᲂу҆чине́нный чте́цъ, и҆лѝ і҆ере́й, средѝ цр҃кве тропа́рь, на гла́съ ѕ҃:"
 },
 {
  "type": "TEXT",
  "value": "З аꙋ́тра ᲂу҆слы́ши гла́съ мо́й, / цр҃ю̀ мо́й и҆ бж҃е мо́й. [Покло́нъ.]"
 },
 {
  "type": "TEXT",
  "value": "И҆ мы̀ пое́мъ велегла́снѡ то́жде, и҆ твори́мъ колѣноприклоне́нїе на зе́млю. Та́кожде и҆ на про́чыѧ два̀ стїха̑."
 },
 {
  "type": "TEXT",
  "value": "Ли́къ: Заꙋ́тра ᲂу҆слы́ши гла́съ мо́й, / цр҃ю̀ мо́й и҆ бж҃е мо́й."
 },
 {
  "type": "TEXT",
  "value": "Сті́хъ а҃: Г лаго́лы моѧ̑ внꙋшѝ гдⷭ҇и, разꙋмѣ́й зва́нїе моѐ. [Покло́нъ.]"
 },
 {
  "type": "TEXT",
  "value": "Ли́къ: Заꙋ́тра ᲂу҆слы́ши гла́съ мо́й, / цр҃ю̀ мо́й и҆ бж҃е мо́й."
 },
 {
  "type": "TEXT",
  "value": "Сті́хъ в҃: Ꙗ҆́ кѡ къ тебѣ̀ помолю́сѧ, гдⷭ҇и. [Покло́нъ.]"
 },
 {
  "type": "TEXT",
  "value": "Ли́къ: Заꙋ́тра ᲂу҆слы́ши гла́съ мо́й, / цр҃ю̀ мо́й и҆ бж҃е мо́й."
 },
 {
  "type": "TEXT",
  "value": "Сщ҃е́нникъ: С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Ч то́ тѧ нарече́мъ, ѽ бл҃года́тнаѧ; нб҃о, ꙗ҆́кѡ возсїѧ́ла є҆сѝ сл҃нце пра́вды: ра́й, ꙗ҆́кѡ прозѧбла̀ є҆сѝ цвѣ́тъ нетлѣ́нїѧ: дв҃ꙋ, ꙗ҆́кѡ пребыла̀ є҆сѝ нетлѣ́нна: чи́стꙋю мт҃рь, ꙗ҆́кѡ и҆мѣ́ла є҆сѝ на ст҃ы́хъ твои́хъ ѡ҆б̾ѧ́тїѧхъ сн҃а, всѣ́хъ бг҃а. того̀ молѝ сп҃сти́сѧ дꙋша́мъ на́шымъ."
 },
 {
  "type": "TEXT",
  "value": "Та́же ли́къ: С тѡпы̀ моѧ̑ напра́ви по словесѝ твоемꙋ̀: / и҆ да не ѡ҆блада́етъ мно́ю всѧ́кое беззако́нїе. [И҆ повторѧ́емъ то́йжде.]"
 },
 {
  "type": "TEXT",
  "value": "Та́же: И҆ зба́ви мѧ̀ ѿ клеветы̀ человѣ́ческїѧ, / и҆ сохраню̀ за́пѡвѣди твоѧ̑. [Па́ки то́йжде.]"
 },
 {
  "type": "TEXT",
  "value": "Л ицѐ твоѐ просвѣтѝ на раба̀ твоего̀, / и҆ наꙋчи́ мѧ ѡ҆правда́нїємъ твои̑мъ. [Па́ки то́йжде.]"
 },
 {
  "type": "TEXT",
  "value": "Сїе́ же глаго́лемъ три́жды, велегла́снѡ и҆ ко́снѡ: Д а и҆спо́лнѧтсѧ ᲂу҆ста̀ моѧ̑ хвале́нїѧ твоегѡ̀ гдⷭ҇и, / ꙗ҆́кѡ да воспою̀ сла́вꙋ твою̀, / ве́сь де́нь великолѣ́пїе твоѐ."
 },
 {
  "type": "TEXT",
  "value": "Чте́цъ: С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Возглаша́етъ і҆ере́й: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "И҆ настоѧ́щїй бг҃оро́диченъ: С ко́рѡ предварѝ, пре́жде да́же не порабо́тимсѧ врагѡ́мъ хꙋ́лѧщымъ тѧ̀ и҆ претѧ́щымъ на́мъ, хрⷭ҇тѐ бж҃е на́шъ: погꙋбѝ крⷭ҇то́мъ твои́мъ борю́щыѧ на́съ, да ᲂу҆разꙋмѣ́ютъ, ка́кѡ мо́жетъ правосла́вныхъ вѣ́ра мл҃твами бцⷣы, є҆ди́не чл҃вѣколю́бче."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "TEXT",
  "value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ покланѧ́емый и҆ сла́вимый, хрⷭ҇тѐ бж҃е, долготерпѣли́ве, многомлⷭ҇тиве, многобл҃гоꙋтро́бне, и҆́же пра́вєдныѧ любѧ́й, и҆ грѣ̑шныѧ ми́лꙋѧй, и҆́же всѧ̑ зовы́й ко сп҃се́нїю ѡ҆бѣща̑нїѧ ра́ди бꙋ́дꙋщихъ бла̑гъ. са́мъ гдⷭ҇и, прїимѝ и҆ на́шѧ въ ча́съ се́й мл҃твы, и҆ и҆спра́ви живо́тъ на́шъ къ за́повѣдемъ твои̑мъ: дꙋ́шы на́шѧ ѡ҆свѧтѝ, тѣлеса̀ ѡ҆чи́сти, помышлє́нїѧ и҆спра́ви, мы̑сли ѡ҆чи́сти, и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней: ѡ҆градѝ на́съ ст҃ы́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ возгла́съ: Бж҃е, ᲂу҆ще́дри ны̀, и҆ бл҃гословѝ ны̀, просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "И҆ твори́мъ покло́ны трѝ вели̑кїѧ, глаго́люще мл҃твꙋ сїю̀ та́йнѡ ст҃а́гѡ є҆фре́ма, раздѣлѧ́юще ю҆̀ въ трѝ ча̑сти:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ.]"
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. [Покло́нъ.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. [Покло́нъ.]"
 },
 {
  "type": "TEXT",
  "value": "Та́же ма́лыхъ в҃і, глаго́люще на кі́йждо покло́нъ: Бж҃е, ѡ҆чи́сти мѧ̀ грѣ́шнаго."
 },
 {
  "type": "TEXT",
  "value": "Та́же па́ки и҆́нъ покло́нъ вели́кїй є҆ди́нъ, глаго́люще и҆ въ не́мъ предпи́саннꙋю мл҃твꙋ всю̀ ст҃а́гѡ є҆фре́ма."
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ."
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀."
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "Та́же, С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь. Г дⷭ҇и поми́лꙋй, в҃і."
 },
 {
  "type": "HEADER",
  "value": "И҆ сщ҃е́нникъ глаго́летъ настоѧ́щꙋю мл҃твꙋ:"
 },
 {
  "type": "TEXT",
  "value": "Х рⷭ҇тѐ свѣ́те и҆́стинный, просвѣща́ѧй и҆ ѡ҆свѧща́ѧй всѧ́каго человѣ́ка грѧдꙋ́щаго въ мі́ръ, да зна́менаетсѧ на на́съ свѣ́тъ лица̀ твоегѡ̀, да въ не́мъ ᲂу҆́зримъ свѣ́тъ непристꙋ́пный: и҆ и҆спра́ви стѡпы̀ на́шѧ къ дѣ́ланїю за́повѣдей твои́хъ, мл҃твами пречⷭ҇тыѧ твоеѧ̀ мт҃ре, и҆ всѣ́хъ твои́хъ ст҃ы́хъ, а҆ми́нь."
 },
 {
  "type": "TEXT",
  "value": "Ли́къ: Взбра́нной воево́дѣ побѣди́тєльнаѧ, / ꙗ҆́кѡ и҆зба́вльшесѧ ѿ ѕлы́хъ, / бл҃года́рствєннаѧ восписꙋ́емъ тѝ рабѝ твоѝ, бцⷣе: / но ꙗ҆́кѡ и҆мꙋ́щаѧ держа́вꙋ непобѣди́мꙋю, / ѿ всѧ́кихъ на́съ бѣ́дъ свободѝ, да зове́мъ тѝ: / ра́дꙋйсѧ, невѣ́сто неневѣ́стнаѧ."
 },
 {
  "type": "TEXT",
  "value": "І҆ере́й: Сла́ва тебѣ̀, хрⷭ҇тѐ бж҃е, ᲂу҆пова́нїе на́ше, сла́ва тебѣ̀."
 },
 {
  "type": "TEXT",
  "value": "Ли́къ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.] Бл҃гословѝ."
 },
 {
  "type": "HEADER",
  "value": "Сщ҃е́нникъ глаго́летъ ѿпꙋ́стъ:"
 },
 {
  "type": "TEXT",
  "value": "Х рⷭ҇то́съ и҆́стинный бг҃ъ на́шъ, моли́твами пречи́стыѧ своеѧ̀ мт҃ре, честна́гѡ сла́внагѡ проро́ка, предте́чи и҆ крести́телѧ і҆ѡа́нна, ст҃ы́хъ сла́вныхъ и҆ всехва́льныхъ а҆по́стѡлъ, (и҆ ст҃ы́хъ хра́ма, и҆ днѐ:), ст҃ы́хъ пра́ведныхъ бг҃оѻц҃ъ і҆ѡакі́ма и҆ а҆́нны, и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗ҆́кѡ бл҃гъ и҆ человѣколю́бецъ."
 },
 {
  "type": "HEADER",
  "value": "Ли́къ пое́тъ многолѣ́тїе:"
 },
 {
  "type": "TEXT",
  "value": "В ели́каго господи́на и҆ ѻ҆тца̀ на́шего и҆́мⷬ҇къ, / ст҃ѣ́йшаго патрїа́рха моско́вскаго и҆ всеѧ̀ рꙋсѝ, / и҆ господи́на на́шего преѡсвѧще́нѣйшего и҆́мⷬ҇къ, / митрополі́та [и҆лѝ а҆рхїепⷭ҇кпа, и҆лѝ є҆пⷭ҇кпа є҆гѡ́же є҆́сть ѡ҆бласть] , / бг҃охрани́мꙋю странꙋ̀ на́шꙋ рѡссі́йскꙋю, / настоѧ́телѧ, бра́тїю и҆ прихо́жанъ ст҃а́гѡ храма сегѡ̀, / и҆ всѧ̑ правосла́вныѧ хрⷭ҇тїа́ны, / гдⷭ҇и, сохранѝ и҆̀хъ на мно́гаѧ лѣ̑та."
 },
 {
  "type": "TEXT",
  "value": "И҆ цѣлꙋ́емъ ст҃ы̑ѧ і҆кѡ̑ны."
 },
 {
  "type": "TEXT",
  "value": "Та́же и҆схо́димъ, лїті́ю творѧ́ще въ притво́рѣ. И҆ быва́етъ коне́цъ, и҆ ѿпꙋ́стъ. По ѿпꙋще́нїи же и҆сходѧ́ще и҆з̾ цр҃кве, и҆́демъ со всѧ́кимъ безмо́лвїемъ въ кє́ллїи своѧ̑, и҆лѝ на слꙋ́жбꙋ: и҆ не подоба́етъ на́мъ бесѣ̑ды твори́ти дрꙋ́гъ со дрꙋ́гомъ на монастырѣ̀ въ пꙋтѝ, ᲂу҆де́ржано бо бы́сть сїѐ ѿ ст҃ы́хъ ѻ҆тє́цъ."
 },
 {
  "type": "HEADER",
  "value": "Ча́съ тре́тїй."
 },
 {
  "type": "TEXT",
  "value": "Оу҆дарѧ́етъ кандиловжига́тель въ би́ло дово́льнѡ: И҆ собира́емсѧ въ цр҃ковь, творѧ́ще пре́жде нача́ла пѣ́нїѧ кі́йждо на́съ пред̾ ст҃ы́ми две́рьми покло́ны г҃ и҆ цѣлꙋ́емъ ст҃ы̑ѧ і҆кѡ̑ны. И҆ на ѻ҆́ба ли̑ка по є҆ди́номꙋ ма́лꙋ покло́нꙋ."
 },
 {
  "type": "TEXT",
  "value": "Сщ҃е́нникъ: Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "С ла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "Ц р҃ю̀ нбⷭ҇ный, ᲂу҆тѣ́шителю, дш҃е и҆́стины, и҆́же вездѣ̀ сы́й, и҆ всѧ̑ и҆сполнѧ́ѧй, сокро́вище бл҃ги́хъ и҆ жи́зни пода́телю, прїидѝ и҆ всели́сѧ въ ны̀, и҆ ѡ҆чи́сти ны̀ ѿ всѧ́кїѧ скве́рны, и҆ сп҃сѝ бл҃же, дꙋ́шы на́шѧ."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ, да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "Та́же, Гдⷭ҇и поми́лꙋй, в҃і."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "TEXT",
  "value": "И҆ мета̑нїѧ г҃. Та́же ѱалмы̀:"
 },
 {
  "type": "HEADER",
  "value": "Ѱало́мъ ѕ҃і."
 },
 {
  "type": "TEXT",
  "value": "Оу҆ слы́ши гдⷭ҇и, пра́вдꙋ мою̀, вонмѝ моле́нїю моемꙋ̀, внꙋшѝ мл҃твꙋ мою̀ не во ᲂу҆стна́хъ льсти́выхъ. ѿ лица̀ твоегѡ̀ сꙋдьба̀ моѧ̀ и҆зы́детъ, ѻ҆́чи моѝ да ви́дита правоты̑. и҆скꙋси́лъ є҆сѝ се́рдце моѐ, посѣти́лъ є҆сѝ но́щїю, и҆скꙋси́лъ мѧ̀ є҆сѝ, и҆ не ѡ҆брѣ́тесѧ во мнѣ̀ непра́вда. ꙗ҆́кѡ да не возглаго́лютъ ᲂу҆ста̀ моѧ̑ дѣ́лъ человѣ́ческихъ, за словеса̀ ᲂу҆сте́нъ твои́хъ, а҆́зъ сохрани́хъ пꙋти̑ же́стоки. совершѝ стѡпы̀ моѧ̑ во стезѧ́хъ твои́хъ, да не подви́жꙋтсѧ стѡпы̀ моѧ̑. а҆́зъ воззва́хъ, ꙗ҆́кѡ ᲂу҆слы́шалъ мѧ̀ є҆сѝ бж҃е, приклонѝ ᲂу҆́хо твоѐ мнѣ̀, и҆ ᲂу҆слы́ши глаго́лы моѧ̑. ᲂу҆дивѝ млⷭ҇ти твоѧ̑, сп҃са́ѧй ᲂу҆пова́ющыѧ на тѧ̀ ѿ проти́вѧщихсѧ десни́цѣ твое́й. сохрани́ мѧ гдⷭ҇и, ꙗ҆́кѡ зѣ́ницꙋ ѻ҆́ка: въ кро́вѣ крилꙋ̀ твоє́ю покры́еши мѧ̀, ѿ лица̀ нечести́выхъ ѡ҆стра́стшихъ мѧ̀. вразѝ моѝ дꙋ́шꙋ мою̀ ѡ҆держа́ша, тꙋ́къ сво́й затвори́ша: ᲂу҆ста̀ и҆́хъ глаго́лаша горды́ню. и҆згонѧ́щїи мѧ̀ ны́нѣ ѡ҆быдо́ша мѧ̀, ѻ҆́чи своѝ возложи́ша ᲂу҆клони́ти на зе́млю. ѡ҆б̾ѧ́ша мѧ̀ ꙗ҆́кѡ ле́въ гото́въ на ло́въ, и҆ ꙗ҆́кѡ скѵ́менъ ѡ҆бита́ѧй въ та́йныхъ. воскрⷭ҇нѝ гдⷭ҇и, предварѝ ѧ҆̀, и҆ запнѝ и҆̀мъ: и҆зба́ви дꙋ́шꙋ мою̀ ѿ нечести́вагѡ, ѻ҆рꙋ́жїе твоѐ ѿ вра̑гъ рꙋкѝ твоеѧ̀. гдⷭ҇и, ѿ ма́лыхъ ѿ землѝ, раздѣлѝ ѧ҆̀ въ животѣ̀ и҆́хъ, и҆ сокрове́нныхъ твои́хъ и҆спо́лнисѧ чре́во и҆́хъ. насы́тишасѧ сынѡ́въ, и҆ ѡ҆ста́виша ѡ҆ста́нки младе́нцємъ свои̑мъ. а҆́зъ же пра́вдою ꙗ҆влю́сѧ лицꙋ̀ твоемꙋ̀, насы́щꙋсѧ, внегда̀ ꙗ҆ви́ти ми сѧ сла́вѣ твое́й."
 },
 {
  "type": "HEADER",
  "value": "Ѱало́мъ к҃д."
 },
 {
  "type": "TEXT",
  "value": "К ъ тебѣ̀ гдⷭ҇и, воздвиго́хъ дꙋ́шꙋ мою̀. бж҃е мо́й, на тѧ̀ ᲂу҆пова́хъ, да не постыжꙋ́сѧ во вѣ́къ, нижѐ да посмѣю́тъ ми сѧ вразѝ моѝ: и҆́бо всѝ терпѧ́щїи тѧ̀ не постыдѧ́тсѧ. да постыдѧ́тсѧ беззако́ннꙋющїи вотщѐ. пꙋти̑ твоѧ̑ гдⷭ҇и, скажи́ ми, и҆ стезѧ́мъ твои̑мъ наꙋчи́ мѧ. наста́ви мѧ̀ на и҆́стинꙋ твою̀, и҆ наꙋчи́ мѧ: ꙗ҆́кѡ ты̀ є҆сѝ бг҃ъ сп҃съ мо́й, и҆ тебѐ терпѣ́хъ ве́сь де́нь. помѧнѝ щедрѡ́ты твоѧ̑ гдⷭ҇и, и҆ млⷭ҇ти твоѧ̑, ꙗ҆́кѡ ѿ вѣ́ка сꙋ́ть. грѣ̑хъ ю҆́ности моеѧ̀, и҆ невѣ́дѣнїѧ моегѡ̀ не помѧнѝ: по млⷭ҇ти твое́й помѧни́ мѧ ты̀, ра́ди бл҃гости твоеѧ̀, гдⷭ҇и. бл҃гъ и҆ пра́въ гдⷭ҇ь, сегѡ̀ ра́ди законоположи́тъ согрѣша́ющымъ на пꙋтѝ. наста́витъ крѡ́ткїѧ на сꙋ́дъ, наꙋчи́тъ крѡ́ткїѧ пꙋтє́мъ свои̑мъ. всѝ пꙋтїѐ гдⷭ҇ни млⷭ҇ть и҆ и҆́стина, взыска́ющымъ завѣ́та є҆гѡ̀ и҆ свидѣ́нїѧ є҆гѡ̀. ра́ди и҆́мене твоегѡ̀ гдⷭ҇и, и҆ ѡ҆чи́сти грѣ́хъ мо́й: мно́гъ бо є҆́сть. кто̀ є҆́сть человѣ́къ боѧ́йсѧ гдⷭ҇а; законоположи́тъ є҆мꙋ̀ на пꙋтѝ, є҆го́же и҆зво́ли. дꙋша̀ є҆гѡ̀ во бл҃ги́хъ водвори́тсѧ, и҆ сѣ́мѧ є҆гѡ̀ наслѣ́дитъ зе́млю. держа́ва гдⷭ҇ь боѧ́щихсѧ є҆гѡ̀, и҆ завѣ́тъ є҆гѡ̀ ꙗ҆ви́тъ и҆̀мъ. ѻ҆́чи моѝ вы́нꙋ ко гдⷭ҇ꙋ, ꙗ҆́кѡ то́й и҆сто́ргнетъ ѿ сѣ́ти но́зѣ моѝ. при́зри на мѧ̀, и҆ поми́лꙋй мѧ̀, ꙗ҆́кѡ є҆диноро́дъ и҆ ни́щь є҆́смь а҆́зъ. скѡ́рби се́рдца моегѡ̀ ᲂу҆мно́жишасѧ, ѿ нꙋ́ждъ мои́хъ и҆зведи́ мѧ. ви́ждь смире́нїе моѐ и҆ трꙋ́дъ мо́й, и҆ ѡ҆ста́ви всѧ̑ грѣхѝ моѧ̑. ви́ждь врагѝ моѧ̑, ꙗ҆́кѡ ᲂу҆мно́жишасѧ, и҆ ненавидѣ́нїемъ непра́веднымъ возненави́дѣша мѧ̀. сохранѝ дꙋ́шꙋ мою̀, и҆ и҆зба́ви мѧ̀, да не постыжꙋ́сѧ, ꙗ҆́кѡ ᲂу҆пова́хъ на тѧ̀. неѕло́бивїи и҆ пра́вїи прилѣплѧ́хꙋсѧ мнѣ̀, ꙗ҆́кѡ потерпѣ́хъ тѧ̀ гдⷭ҇и. и҆зба́ви бж҃е, і҆и҃лѧ ѿ всѣ́хъ скорбе́й є҆гѡ̀."
 },
 {
  "type": "HEADER",
  "value": "Ѱало́мъ н҃."
 },
 {
  "type": "TEXT",
  "value": "П оми́лꙋй мѧ̀ бж҃е, по вели́цѣй ми́лости твое́й и҆ по мно́жествꙋ щедро́тъ твои́хъ ѡ҆чи́сти беззако́нїе моѐ. наипа́че ѡ҆мы́й мѧ̀ ѿ беззако́нїѧ моегѡ̀, и҆ ѿ грѣха̀ моегѡ̀ ѡ҆чи́сти мѧ̀. ꙗ҆́кѡ беззако́нїе моѐ а҆́зъ зна́ю, и҆ грѣ́хъ мо́й предо мно́ю є҆́сть вы́нꙋ. тебѣ̀ є҆ди́номꙋ согрѣши́хъ, и҆ лꙋка́вое пред̾ тобо́ю сотвори́хъ, ꙗ҆́кѡ да ѡ҆правди́шисѧ во словесѣ́хъ твои́хъ, и҆ побѣди́ши, внегда̀ сꙋди́ти тѝ. се́ бо въ беззако́нїихъ зача́тъ є҆́смь, и҆ во грѣсѣ́хъ роди́ мѧ ма́ти моѧ̀. се́ бо и҆́стинꙋ возлюби́лъ є҆сѝ, безвѣ̑стнаѧ и҆ та̑йнаѧ премꙋ́дрости твоеѧ̀ ꙗ҆ви́лъ мѝ є҆сѝ. ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ᲂу҆бѣлю́сѧ. слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. се́рдце чи́сто сози́жди во мнѣ̀ бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. не ѿве́ржи менѐ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менѐ. возда́ждь мѝ ра́дость сп҃се́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. и҆зба́ви мѧ̀ ѿ крове́й бж҃е, бж҃е сп҃се́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. гдⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. ꙗ҆́кѡ а҆́ще бы восхотѣ́лъ є҆сѝ же́ртвы, да́лъ бы́хъ ᲂу҆́бѡ: всесожже́нїѧ не бл҃говоли́ши. же́ртва бг҃ꙋ дꙋ́хъ сокрꙋше́нъ: се́рдце сокрꙋше́нно и҆ смире́нно бг҃ъ не ᲂу҆ничижи́тъ. ᲂу҆бл҃жѝ гдⷭ҇и, бл҃говоле́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерⷭ҇ли̑мскїѧ. тогда̀ бл҃говоли́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Въ концѣ́ же тре́тїѧгѡ ѱалма̀, на а҆ллилꙋ́їа мета̑нїѧ трѝ. И҆ стїхосло́вимъ каѳі́смꙋ рѧдовꙋ́ю: на ко́емждо же а҆нтїфѡ́нѣ твори́мъ мета̑нїѧ трѝ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма ѳ҃і."
 },
 {
  "type": "HEADER",
  "value": "А҆ллилꙋ́їа, рл҃д."
 },
 {
  "type": "TEXT",
  "value": "Х вали́те и҆́мѧ гдⷭ҇не, хвали́те, рабѝ гдⷭ҇а, стоѧ́щїи во хра́мѣ гдⷭ҇ни, во дво́рѣхъ до́мꙋ бг҃а на́шегѡ. хвали́те гдⷭ҇а, ꙗ҆́кѡ бла́гъ гдⷭ҇ь: по́йте и҆́мени є҆гѡ̀, ꙗ҆́кѡ добро̀: ꙗ҆́кѡ і҆а́кѡва и҆збра̀ себѣ̀ гдⷭ҇ь, і҆и҃лѧ въ достоѧ́нїе себѣ̀: ꙗ҆́кѡ а҆́зъ позна́хъ, ꙗ҆́кѡ ве́лїй гдⷭ҇ь, и҆ гдⷭ҇ь на́шъ над̾ всѣ́ми бо́ги: всѧ̑, є҆ли̑ка восхотѣ̀ гдⷭ҇ь, сотворѝ на нб҃сѝ и҆ на землѝ, въ морѧ́хъ и҆ во всѣ́хъ бе́зднахъ. возводѧ̀ ѻ҆́блаки ѿ послѣ́днихъ землѝ, мѡ́лнїи въ до́ждь сотворѝ, и҆зводѧ́й вѣ́тры ѿ сокро́вищъ свои́хъ. и҆́же поразѝ пе́рвенцы є҆гѵ́пєтскїѧ ѿ человѣ́ка до скота̀: посла̀ зна́мєнїѧ и҆ чꙋдеса̀ посредѣ̀ тебє̀, є҆гѵ́пте, на фараѡ́на и҆ на всѧ̑ рабы̑ є҆гѡ̀. и҆́же поразѝ ꙗ҆зы́ки мнѡ́ги и҆ и҆збѝ царѝ крѣ́пки: сиѡ́на царѧ̀ а҆морре́йска и҆ ѡ҆́га царѧ̀ васа́нска, и҆ всѧ̑ ца̑рствїѧ ханаа̑нска: и҆ дадѐ зе́млю и҆́хъ достоѧ́нїе, достоѧ́нїе і҆и҃лю лю́демъ свои̑мъ. гдⷭ҇и, и҆́мѧ твоѐ въ вѣ́къ, и҆ па́мѧть твоѧ̀ въ ро́дъ и҆ ро́дъ: ꙗ҆́кѡ сꙋди́ти и҆́мать гдⷭ҇ь лю́демъ свои̑мъ, и҆ ѡ҆ рабѣ́хъ свои́хъ ᲂу҆мо́литсѧ. і҆́дѡли ꙗ҆зы̑къ сребро̀ и҆ зла́то, дѣла̀ рꙋ́къ человѣ́ческихъ: ᲂу҆ста̀ и҆́мꙋтъ, и҆ не возглаго́лютъ: ѻ҆́чи и҆́мꙋтъ, и҆ не ᲂу҆́зрѧтъ: ᲂу҆́ши и҆́мꙋтъ, и҆ не ᲂу҆слы́шатъ: ниже́ бо є҆́сть дꙋ́хъ во ᲂу҆стѣ́хъ и҆́хъ. подо́бни и҆̀мъ да бꙋ́дꙋтъ творѧ́щїи ѧ҆̀ и҆ всѝ надѣ́ющїисѧ на нѧ̀. до́ме і҆и҃левъ, бл҃гослови́те гдⷭ҇а: до́ме а҆арѡ́нь, бл҃гослови́те гдⷭ҇а: до́ме леѵі́инъ, бл҃гослови́те гдⷭ҇а: боѧ́щїисѧ гдⷭ҇а, бл҃гослови́те гдⷭ҇а. бл҃гослове́нъ гдⷭ҇ь ѿ сїѡ́на, живы́й во і҆ерⷭ҇ли́мѣ."
 },
 {
  "type": "HEADER",
  "value": "А҆ллилꙋ́їа, рл҃є."
 },
 {
  "type": "TEXT",
  "value": "И҆ сповѣ́дайтесѧ гдⷭ҇еви, ꙗ҆́кѡ бл҃гъ: ꙗ҆́кѡ въ вѣ́къ млⷭ҇ть є҆гѡ̀. и҆сповѣ́дайтесѧ бг҃ꙋ богѡ́въ: ꙗ҆́кѡ въ вѣ́къ млⷭ҇ть є҆гѡ̀. и҆сповѣ́дайтесѧ гдⷭ҇еви господе́й: ꙗ҆́кѡ въ вѣ́къ млⷭ҇ть є҆гѡ̀. сотво́ршемꙋ чꙋдеса̀ вє́лїѧ є҆ди́номꙋ: ꙗ҆́кѡ въ вѣ́къ млⷭ҇ть є҆гѡ̀. сотво́ршемꙋ небеса̀ ра́зꙋмомъ: ꙗ҆́кѡ въ вѣ́къ млⷭ҇ть є҆гѡ̀. ᲂу҆тверди́вшемꙋ зе́млю на вода́хъ: ꙗ҆́кѡ въ вѣ́къ млⷭ҇ть є҆гѡ̀. сотво́ршемꙋ свѣти̑ла вє́лїѧ є҆ди́номꙋ: ꙗ҆́кѡ въ вѣ́къ млⷭ҇ть є҆гѡ̀: со́лнце во ѻ҆́бласть днѐ: ꙗ҆́кѡ въ вѣ́къ млⷭ҇ть є҆гѡ̀: лꙋнꙋ̀ и҆ ѕвѣ́зды во ѻ҆́бласть но́щи: ꙗ҆́кѡ въ вѣ́къ млⷭ҇ть є҆гѡ̀. порази́вшемꙋ є҆гѵ́пта съ пе́рвенцы є҆гѡ̀: ꙗ҆́кѡ въ вѣ́къ млⷭ҇ть є҆гѡ̀: и҆ и҆зве́дшемꙋ і҆и҃лѧ ѿ среды̀ и҆́хъ: ꙗ҆́кѡ въ вѣ́къ млⷭ҇ть є҆гѡ̀: рꙋко́ю крѣ́пкою и҆ мы́шцею высо́кою: ꙗ҆́кѡ въ вѣ́къ млⷭ҇ть є҆гѡ̀. раздѣ́льшемꙋ чермно́е мо́ре въ раздѣлє́нїѧ: ꙗ҆́кѡ въ вѣ́къ млⷭ҇ть є҆гѡ̀: и҆ прове́дшемꙋ і҆и҃лѧ посредѣ̀ є҆гѡ̀: ꙗ҆́кѡ въ вѣ́къ млⷭ҇ть є҆гѡ̀: и҆ и҆стрѧ́сшемꙋ фараѡ́на и҆ си́лꙋ є҆гѡ̀ въ мо́ре чермно́е: ꙗ҆́кѡ въ вѣ́къ млⷭ҇ть є҆гѡ̀. прове́дшемꙋ лю́ди своѧ̑ въ пꙋсты́ни: ꙗ҆́кѡ въ вѣ́къ млⷭ҇ть є҆гѡ̀. порази́вшемꙋ царѝ вє́лїѧ: ꙗ҆́кѡ въ вѣ́къ млⷭ҇ть є҆гѡ̀. и҆ ᲂу҆би́вшемꙋ царѝ крѣ̑пкїѧ: ꙗ҆́кѡ въ вѣ́къ млⷭ҇ть є҆гѡ̀: сиѡ́на царѧ̀ а҆морре́йска: ꙗ҆́кѡ въ вѣ́къ млⷭ҇ть є҆гѡ̀: и҆ ѡ҆́га царѧ̀ васа́нска: ꙗ҆́кѡ въ вѣ́къ млⷭ҇ть є҆гѡ̀. и҆ да́вшемꙋ зе́млю и҆́хъ достоѧ́нїе: ꙗ҆́кѡ въ вѣ́къ млⷭ҇ть є҆гѡ̀: достоѧ́нїе і҆и҃лю рабꙋ̀ своемꙋ̀: ꙗ҆́кѡ въ вѣ́къ млⷭ҇ть є҆гѡ̀. ꙗ҆́кѡ во смире́нїи на́шемъ помѧнꙋ́ ны гдⷭ҇ь: ꙗ҆́кѡ въ вѣ́къ млⷭ҇ть є҆гѡ̀. и҆ и҆зба́вилъ ны̀ є҆́сть ѿ врагѡ́въ на́шихъ: ꙗ҆́кѡ въ вѣ́къ млⷭ҇ть є҆гѡ̀: даѧ́й пи́щꙋ всѧ́кой пло́ти: ꙗ҆́кѡ въ вѣ́къ млⷭ҇ть є҆гѡ̀. и҆сповѣ́дайтесѧ бг҃ꙋ нбⷭ҇номꙋ: ꙗ҆́кѡ въ вѣ́къ млⷭ҇ть є҆гѡ̀."
 },
 {
  "type": "HEADER",
  "value": "Дв҃дꙋ і҆еремі́емъ, рл҃ѕ."
 },
 {
  "type": "TEXT",
  "value": "Н а рѣка́хъ вавѷлѡ́нскихъ, та́мѡ сѣдо́хомъ и҆ пла́кахомъ, внегда̀ помѧнꙋ́ти на́мъ сїѡ́на: на ве́рбїихъ посредѣ̀ є҆гѡ̀ ѡ҆бѣ́сихомъ ѻ҆рга́ны на́шѧ. ꙗ҆́кѡ та́мѡ вопроси́ша ны̀ плѣ́ншїи на́съ ѡ҆ словесѣ́хъ пѣ́сней, и҆ ве́дшїи на́съ ѡ҆ пѣ́нїи: воспо́йте на́мъ ѿ пѣ́сней сїѡ́нскихъ. ка́кѡ воспое́мъ пѣ́снь гдⷭ҇ню на землѝ чꙋжде́й; а҆́ще забꙋ́дꙋ тебѐ, і҆ерⷭ҇ли́ме, забве́на бꙋ́ди десни́ца моѧ̀. прильпнѝ ѧ҆зы́къ мо́й горта́ни моемꙋ̀, а҆́ще не помѧнꙋ̀ тебє̀, а҆́ще не предложꙋ̀ і҆ерⷭ҇ли́ма, ꙗ҆́кѡ въ нача́лѣ весе́лїѧ моегѡ̀. помѧнѝ, гдⷭ҇и, сы́ны є҆дѡ̑мскїѧ въ де́нь і҆ерⷭ҇ли́мль глаго́лющыѧ: и҆стоща́йте, и҆стоща́йте до ѡ҆снова́нїй є҆гѡ̀. дщѝ вавѷлѡ́нѧ ѡ҆каѧ́ннаѧ, бл҃же́нъ, и҆́же возда́стъ тебѣ̀ воздаѧ́нїе твоѐ, є҆́же воздала̀ є҆сѝ на́мъ: бл҃же́нъ, и҆́же и҆́метъ и҆ разбїе́тъ младе́нцы твоѧ̑ ѡ҆ ка́мень."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Ѱало́мъ дв҃дꙋ, а҆гге́а и҆ заха́рїи, рл҃з."
 },
 {
  "type": "TEXT",
  "value": "И҆ сповѣ́мсѧ тебѣ̀, гдⷭ҇и, всѣ́мъ се́рдцемъ мои́мъ, и҆ пред̾ а҆́гг҃лы воспою̀ тебѣ̀, ꙗ҆́кѡ ᲂу҆слы́шалъ є҆сѝ всѧ̑ глаго́лы ᲂу҆́стъ мои́хъ: поклоню́сѧ ко хра́мꙋ ст҃о́мꙋ твоемꙋ̀ и҆ и҆сповѣ́мсѧ и҆́мени твоемꙋ̀ ѡ҆ млⷭ҇ти твое́й и҆ и҆́стинѣ твое́й, ꙗ҆́кѡ возвели́чилъ є҆сѝ над̾ всѣ́мъ и҆́мѧ твоѐ ст҃о́е. во́ньже а҆́ще де́нь призовꙋ́ тѧ, ско́рѡ ᲂу҆слы́ши мѧ̀: ᲂу҆мно́жиши мѧ̀ въ дꙋшѝ мое́й си́лою твое́ю. да и҆сповѣ́дѧтсѧ тебѣ̀, гдⷭ҇и, всѝ ца́рїе зе́мстїи, ꙗ҆́кѡ ᲂу҆слы́шаша всѧ̑ глаго́лы ᲂу҆́стъ твои́хъ: и҆ да воспою́тъ въ пꙋте́хъ гдⷭ҇нихъ, ꙗ҆́кѡ ве́лїѧ сла́ва гдⷭ҇нѧ: ꙗ҆́кѡ высо́къ гдⷭ҇ь, и҆ смирє́нныѧ призира́етъ, и҆ высѡ́каѧ и҆здале́ча вѣ́сть. а҆́ще пойдꙋ̀ посредѣ̀ ско́рби, живи́ши мѧ̀: на гнѣ́въ вра̑гъ мои́хъ просте́рлъ є҆сѝ рꙋ́кꙋ твою̀, и҆ сп҃се́ мѧ десни́ца твоѧ̀. гдⷭ҇ь возда́стъ за мѧ̀: гдⷭ҇и, млⷭ҇ть твоѧ̀ во вѣ́къ: дѣ́лъ рꙋкꙋ̀ твоє́ю не пре́зри."
 },
 {
  "type": "HEADER",
  "value": "Въ коне́цъ дв҃дꙋ, ѱало́мъ заха́рїинъ, въ разсѣ́ѧнїи, рл҃и."
 },
 {
  "type": "TEXT",
  "value": "Г дⷭ҇и, и҆скꙋси́лъ мѧ̀ є҆сѝ и҆ позна́лъ мѧ̀ є҆сѝ: ты̀ позна́лъ є҆сѝ сѣда́нїе моѐ и҆ воста́нїе моѐ. ты̀ разꙋмѣ́лъ є҆сѝ помышлє́нїѧ моѧ̑ и҆здале́ча: стезю̀ мою̀ и҆ ᲂу҆́же моѐ ты̀ є҆сѝ и҆зслѣ́довалъ и҆ всѧ̑ пꙋти̑ моѧ̑ прови́дѣлъ є҆сѝ. ꙗ҆́кѡ нѣ́сть льстѝ въ ѧ҆зы́цѣ мое́мъ: сѐ, гдⷭ҇и, ты̀ позна́лъ є҆сѝ всѧ̑ послѣ̑днѧѧ и҆ дрє́внѧѧ: ты̀ созда́лъ є҆сѝ мѧ̀ и҆ положи́лъ є҆сѝ на мнѣ̀ рꙋ́кꙋ твою̀. ᲂу҆диви́сѧ ра́зꙋмъ тво́й ѿ менѐ, ᲂу҆тверди́сѧ, не возмогꙋ̀ къ немꙋ̀. ка́мѡ пойдꙋ̀ ѿ дх҃а твоегѡ̀; и҆ ѿ лица̀ твоегѡ̀ ка́мѡ бѣжꙋ̀; а҆́ще взы́дꙋ на нб҃о, ты̀ та́мѡ є҆сѝ: а҆́ще сни́дꙋ во а҆́дъ, та́мѡ є҆сѝ. а҆́ще возмꙋ̀ крилѣ̑ моѝ ра́нѡ и҆ вселю́сѧ въ послѣ́днихъ мо́рѧ, и҆ та́мѡ бо рꙋка̀ твоѧ̀ наста́витъ мѧ̀, и҆ ᲂу҆держи́тъ мѧ̀ десни́ца твоѧ̀. и҆ рѣ́хъ: є҆да̀ тма̀ попере́тъ мѧ̀; и҆ но́щь просвѣще́нїе въ сла́дости мое́й. ꙗ҆́кѡ тма̀ не помрачи́тсѧ ѿ тебє̀, и҆ но́щь ꙗ҆́кѡ де́нь просвѣти́тсѧ: ꙗ҆́кѡ тма̀ є҆ѧ̀, та́кѡ и҆ свѣ́тъ є҆ѧ̀. ꙗ҆́кѡ ты̀ созда́лъ є҆сѝ ᲂу҆трѡ́бы моѧ̑, воспрїѧ́лъ мѧ̀ є҆сѝ и҆з̾ чре́ва ма́тере моеѧ̀. и҆сповѣ́мсѧ тебѣ̀, ꙗ҆́кѡ стра́шнѡ ᲂу҆диви́лсѧ є҆сѝ: чꙋ̑дна дѣла̀ твоѧ̑, и҆ дꙋша̀ моѧ̀ зна́етъ ѕѣлѡ̀. не ᲂу҆таи́сѧ ко́сть моѧ̀ ѿ тебє̀, ю҆́же сотвори́лъ є҆сѝ въ та́йнѣ, и҆ соста́въ мо́й въ преиспо́днихъ землѝ. несодѣ́ланное моѐ ви́дѣстѣ ѻ҆́чи твоѝ, и҆ въ кни́зѣ твое́й всѝ напи́шꙋтсѧ: во дне́хъ сози́ждꙋтсѧ, и҆ никто́же въ ни́хъ. мнѣ́ же ѕѣлѡ̀ че́стни бы́ша дрꙋ́зи твоѝ, бж҃е, ѕѣлѡ̀ ᲂу҆тверди́шасѧ влады́чєствїѧ и҆́хъ: и҆зочтꙋ̀ и҆̀хъ, и҆ па́че песка̀ ᲂу҆мно́жатсѧ: воста́хъ, и҆ є҆щѐ є҆́смь съ тобо́ю. а҆́ще и҆збїе́ши грѣ́шники, бж҃е: мꙋ́жїе крове́й, ᲂу҆клони́тесѧ ѿ менѐ. ꙗ҆́кѡ ревни́ви є҆стѐ въ помышле́нїихъ, прїи́мꙋтъ въ сꙋетꙋ̀ гра́ды твоѧ̑. не ненави́дѧщыѧ ли тѧ̀, гдⷭ҇и, возненави́дѣхъ, и҆ ѡ҆ вразѣ́хъ твои́хъ и҆ста́ѧхъ; соверше́нною не́навистїю возненави́дѣхъ ѧ҆̀: во врагѝ бы́ша мѝ. и҆скꙋси́ мѧ, бж҃е, и҆ ᲂу҆вѣ́ждь се́рдце моѐ: и҆стѧжи́ мѧ и҆ разꙋмѣ́й стєзѝ моѧ̑: и҆ ви́ждь, а҆́ще пꙋ́ть беззако́нїѧ во мнѣ̀, и҆ наста́ви мѧ̀ на пꙋ́ть вѣ́ченъ."
 },
 {
  "type": "HEADER",
  "value": "Въ коне́цъ, ѱало́мъ дв҃дꙋ, рл҃ѳ."
 },
 {
  "type": "TEXT",
  "value": "И҆ зми́ мѧ, гдⷭ҇и, ѿ человѣ́ка лꙋка́ва, ѿ мꙋ́жа непра́ведна и҆зба́ви мѧ̀: и҆̀же помы́слиша непра́вдꙋ въ се́рдцы, ве́сь де́нь ѡ҆полча́хꙋ бра̑ни: и҆з̾ѡстри́ша ѧ҆зы́къ сво́й ꙗ҆́кѡ ѕмїи́нъ: ꙗ҆́дъ а҆́спїдовъ под̾ ᲂу҆стна́ми и҆́хъ. сохрани́ мѧ, гдⷭ҇и, и҆з̾ рꙋкѝ грѣ́шничи, ѿ человѣ̑къ непра́ведныхъ и҆зми́ мѧ, и҆̀же помы́слиша запѧ́ти стѡпы̀ моѧ̑. скры́ша го́рдїи сѣ́ть мнѣ̀ и҆ ᲂу҆́жы, препѧ́ша сѣ́ть нога́ма мои́ма: при стезѝ собла́зны положи́ша мѝ. рѣ́хъ гдⷭ҇еви: бг҃ъ мо́й є҆сѝ ты̀, внꙋшѝ, гдⷭ҇и, гла́съ моле́нїѧ моегѡ̀. гдⷭ҇и, гдⷭ҇и, си́ло сп҃се́нїѧ моегѡ̀, ѡ҆сѣни́лъ є҆сѝ над̾ главо́ю мое́ю въ де́нь бра́ни. не преда́ждь менѐ, гдⷭ҇и, ѿ жела́нїѧ моегѡ̀ грѣ́шникꙋ: помы́слиша на мѧ̀, не ѡ҆ста́ви менѐ, да не когда̀ вознесꙋ́тсѧ. глава̀ ѡ҆крꙋже́нїѧ и҆́хъ, трꙋ́дъ ᲂу҆сте́нъ и҆́хъ покры́етъ ѧ҆̀. падꙋ́тъ на ни́хъ ᲂу҆́глїѧ ѻ҆́гнєннаѧ, низложи́ши ѧ҆̀ во страсте́хъ, и҆ не постоѧ́тъ. мꙋ́жъ ѧ҆зы́ченъ не и҆спра́витсѧ на землѝ: мꙋ́жа непра́ведна ѕла̑ѧ ᲂу҆ловѧ́тъ во и҆стлѣ́нїе. позна́хъ, ꙗ҆́кѡ сотвори́тъ гдⷭ҇ь сꙋ́дъ ни́щымъ и҆ ме́сть ᲂу҆бѡ́гимъ. ѻ҆ба́че првⷣнїи и҆сповѣ́дѧтсѧ и҆́мени твоемꙋ̀, и҆ вселѧ́тсѧ пра́вїи съ лице́мъ твои́мъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Ѱало́мъ дв҃дꙋ, р҃м."
 },
 {
  "type": "TEXT",
  "value": "Г дⷭ҇и, воззва́хъ къ тебѣ̀, ᲂу҆слы́ши мѧ̀: вонмѝ гла́сꙋ моле́нїѧ моегѡ̀, внегда̀ воззва́ти мѝ къ тебѣ̀. да и҆спра́витсѧ моли́тва моѧ̀ ꙗ҆́кѡ кади́ло пред̾ тобо́ю: воздѣѧ́нїе рꙋкꙋ̀ моє́ю, же́ртва вече́рнѧѧ. положѝ, гдⷭ҇и, хране́нїе ᲂу҆стѡ́мъ мои̑мъ и҆ две́рь ѡ҆гражде́нїѧ ѡ҆ ᲂу҆стна́хъ мои́хъ. не ᲂу҆клонѝ се́рдце моѐ въ словеса̀ лꙋка́вствїѧ, непщева́ти вины̀ ѡ҆ грѣсѣ́хъ съ человѣ́ки дѣ́лающими беззако́нїе: и҆ не сочтꙋ́сѧ со и҆збра́нными и҆́хъ. нака́жетъ мѧ̀ првⷣникъ ми́лостїю и҆ ѡ҆бличи́тъ мѧ̀, є҆ле́й же грѣ́шнагѡ да не нама́ститъ главы̀ моеѧ̀: ꙗ҆́кѡ є҆щѐ и҆ моли́тва моѧ̀ во бл҃говоле́нїихъ и҆́хъ. пожє́рты бы́ша при ка́мени сꙋдїи̑ и҆́хъ: ᲂу҆слы́шатсѧ глаго́ли моѝ, ꙗ҆́кѡ возмого́ша. ꙗ҆́кѡ то́лща землѝ просѣ́десѧ на землѝ, расточи́шасѧ кѡ́сти и҆́хъ при а҆́дѣ. ꙗ҆́кѡ къ тебѣ̀, гдⷭ҇и, гдⷭ҇и, ѻ҆́чи моѝ: на тѧ̀ ᲂу҆пова́хъ, не ѿимѝ дꙋ́шꙋ мою̀: сохрани́ мѧ ѿ сѣ́ти, ю҆́же соста́виша мѝ, и҆ ѿ собла̑знъ дѣ́лающихъ беззако́нїе. падꙋ́тъ во мре́жꙋ свою̀ грѣ̑шницы: є҆ди́нъ є҆́смь а҆́зъ, до́ндеже прейдꙋ̀."
 },
 {
  "type": "HEADER",
  "value": "Ра́зꙋма дв҃дꙋ, внегда̀ бы́ти є҆мꙋ̀ въ верте́пѣ молѧ́щемꙋсѧ, рм҃а."
 },
 {
  "type": "TEXT",
  "value": "Г ла́сомъ мои́мъ ко гдⷭ҇ꙋ воззва́хъ, гла́сомъ мои́мъ ко гдⷭ҇ꙋ помоли́хсѧ. пролїю̀ пред̾ ни́мъ моле́нїе моѐ, печа́ль мою̀ пред̾ ни́мъ возвѣщꙋ̀. внегда̀ и҆счеза́ти ѿ менѐ дꙋ́хꙋ моемꙋ̀, и҆ ты̀ позна́лъ є҆сѝ стєзѝ моѧ̑: на пꙋтѝ се́мъ, по немꙋ́же хожда́хъ, скры́ша сѣ́ть мнѣ̀. сматрѧ́хъ ѡ҆деснꙋ́ю и҆ возглѧ́дахъ, и҆ не бѣ̀ зна́ѧй менѐ: поги́бе бѣ́гство ѿ менѐ, и҆ нѣ́сть взыска́ѧй дꙋ́шꙋ мою̀. воззва́хъ къ тебѣ̀, гдⷭ҇и, рѣ́хъ: ты̀ є҆сѝ ᲂу҆пова́нїе моѐ, ча́сть моѧ̀ є҆сѝ на землѝ живы́хъ. вонмѝ моле́нїю моемꙋ̀, ꙗ҆́кѡ смири́хсѧ ѕѣлѡ̀: и҆зба́ви мѧ̀ ѿ гонѧ́щихъ мѧ̀, ꙗ҆́кѡ ᲂу҆крѣпи́шасѧ па́че менѐ. и҆зведѝ и҆з̾ темни́цы дꙋ́шꙋ мою̀, и҆сповѣ́датисѧ и҆́мени твоемꙋ̀: менѐ ждꙋ́тъ првⷣницы, до́ндеже возда́си мнѣ̀."
 },
 {
  "type": "HEADER",
  "value": "Ѱало́мъ дв҃дꙋ, є҆гда̀ гонѧ́ше є҆го̀ а҆вессалѡ́мъ сы́нъ є҆гѡ̀, рм҃в."
 },
 {
  "type": "TEXT",
  "value": "Г дⷭ҇и, ᲂу҆слы́ши моли́твꙋ мою̀, внꙋшѝ моле́нїе моѐ во и҆́стинѣ твое́й, ᲂу҆слы́ши мѧ̀ въ пра́вдѣ твое́й: и҆ не вни́ди въ сꙋ́дъ съ рабо́мъ твои́мъ, ꙗ҆́кѡ не ѡ҆правди́тсѧ пред̾ тобо́ю всѧ́къ живы́й. ꙗ҆́кѡ погна̀ вра́гъ дꙋ́шꙋ мою̀: смири́лъ є҆́сть въ зе́млю живо́тъ мо́й: посади́лъ мѧ̀ є҆́сть въ те́мныхъ, ꙗ҆́кѡ мє́ртвыѧ вѣ́ка. и҆ ᲂу҆ны̀ во мнѣ̀ дꙋ́хъ мо́й, во мнѣ̀ смѧте́сѧ се́рдце моѐ. помѧнꙋ́хъ дни̑ дрє́внїѧ, поꙋчи́хсѧ во всѣ́хъ дѣ́лѣхъ твои́хъ, въ творе́нїихъ рꙋкꙋ̀ твоє́ю поꙋча́хсѧ. воздѣ́хъ къ тебѣ̀ рꙋ́цѣ моѝ: дꙋша̀ моѧ̀ ꙗ҆́кѡ землѧ̀ безво́днаѧ тебѣ̀. ско́рѡ ᲂу҆слы́ши мѧ̀, гдⷭ҇и, и҆счезѐ дꙋ́хъ мо́й: не ѿвратѝ лица̀ твоегѡ̀ ѿ менѐ, и҆ ᲂу҆подо́блюсѧ низходѧ́щымъ въ ро́въ. слы́шанꙋ сотворѝ мнѣ̀ заꙋ́тра млⷭ҇ть твою̀, ꙗ҆́кѡ на тѧ̀ ᲂу҆пова́хъ: скажѝ мнѣ̀, гдⷭ҇и, пꙋ́ть, во́ньже пойдꙋ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. и҆зми́ мѧ ѿ вра̑гъ мои́хъ, гдⷭ҇и, къ тебѣ̀ прибѣго́хъ. наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й: дх҃ъ тво́й бл҃гі́й наста́витъ мѧ̀ на зе́млю пра́вꙋ. и҆́мене твоегѡ̀ ра́ди, гдⷭ҇и, живи́ши мѧ̀ пра́вдою твое́ю: и҆зведе́ши ѿ печа́ли дꙋ́шꙋ мою̀: и҆ млⷭ҇тїю твое́ю потреби́ши врагѝ моѧ̑ и҆ погꙋби́ши всѧ̑ стꙋжа́ющыѧ дꙋшѝ мое́й: ꙗ҆́кѡ а҆́зъ ра́бъ тво́й є҆́смь."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "И҆ по каѳі́смѣ чте́цъ, и҆лѝ і҆ере́й, ста́въ средѝ цр҃кве, глаго́летъ тропа́рь, гла́съ ѕ҃:"
 },
 {
  "type": "TEXT",
  "value": "Г дⷭ҇и, и҆́же прест҃а́го твоего̀ дх҃а, въ тре́тїй ча́съ а҆пⷭ҇лѡмъ твои̑мъ низпосла́вый: тогѡ̀ бл҃гі́й, не ѿимѝ ѿ на́съ, но ѡ҆бновѝ на́съ молѧ́щихъ ти сѧ."
 },
 {
  "type": "TEXT",
  "value": "И҆ на́мъ противоглаша́ющымъ, твори́мъ колѣноприклоне́нїе до землѝ. Та́кожде и҆ на про́чыѧ два̀ стїха̀."
 },
 {
  "type": "TEXT",
  "value": "Ли́къ: Гдⷭ҇и, и҆́же прест҃а́го твоего̀ дх҃а, / въ тре́тїй ча́съ а҆пⷭ҇лѡмъ твои̑мъ низпосла́вый: / тогѡ̀ бл҃гі́й, не ѿимѝ ѿ на́съ, / но ѡ҆бновѝ на́съ молѧ́щихъ ти сѧ."
 },
 {
  "type": "TEXT",
  "value": "І҆ере́й сті́хъ а҃: Се́рдце чи́сто сози́жди во мнѣ̀ бж҃е, и҆ дх҃ъ пра́въ ѡ҆бновѝ во ᲂу҆тро́бѣ мое́й."
 },
 {
  "type": "TEXT",
  "value": "Ли́къ: Гдⷭ҇и, и҆́же прест҃а́го твоего̀ дх҃а, / въ тре́тїй ча́съ а҆пⷭ҇лѡмъ твои̑мъ низпосла́вый: / тогѡ̀ бл҃гі́й, не ѿимѝ ѿ на́съ, / но ѡ҆бновѝ на́съ молѧ́щихъ ти сѧ."
 },
 {
  "type": "TEXT",
  "value": "І҆ере́й сті́хъ в҃: Не ѿве́ржи менѐ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менѐ."
 },
 {
  "type": "TEXT",
  "value": "Ли́къ: Гдⷭ҇и, и҆́же прест҃а́го твоего̀ дх҃а, / въ тре́тїй ча́съ а҆пⷭ҇лѡмъ твои̑мъ низпосла́вый: / тогѡ̀ бл҃гі́й, не ѿимѝ ѿ на́съ, / но ѡ҆бновѝ на́съ молѧ́щихъ ти сѧ."
 },
 {
  "type": "TEXT",
  "value": "Сщ҃е́нникъ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Бцⷣе, ты̀ є҆сѝ лоза̀ и҆́стиннаѧ, возрасти́вшаѧ на́мъ пло́дъ живота̀, тебѣ̀ мо́лимсѧ, моли́сѧ влⷣчце со ст҃ы́ми а҆пⷭ҇лы, поми́ловати дꙋ́шы на́шѧ."
 },
 {
  "type": "TEXT",
  "value": "И҆ а҆́бїе чте́мъ въ лѣ́ствичникѣ."
 },
 {
  "type": "TEXT",
  "value": "По чте́нїи же чте́цъ: Г дⷭ҇ь бг҃ъ бл҃гослове́нъ, бл҃гослове́нъ гдⷭ҇ь де́нь днѐ, поспѣши́тъ на́мъ бг҃ъ сп҃се́нїй на́шихъ: бг҃ъ на́шъ, бг҃ъ сп҃са́ти."
 },
 {
  "type": "TEXT",
  "value": "Та́же, С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ глаго́лемъ тропарѝ, во гла́съ и҃:"
 },
 {
  "type": "TEXT",
  "value": "Б л҃гослове́нъ є҆сѝ хрⷭ҇тѐ бж҃е на́шъ, / и҆́же премꙋ́дры ловцы̀ ꙗ҆вле́й, / низпосла́въ и҆̀мъ дх҃а ст҃а́го, / и҆ тѣ́ми ᲂу҆ловле́й вселе́ннꙋю, / чл҃вѣколю́бче, сла́ва тебѣ̀."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ"
 },
 {
  "type": "TEXT",
  "value": "С ко́рое и҆ и҆звѣ́стное да́ждь ᲂу҆тѣше́нїе рабѡ́мъ твои̑мъ і҆и҃се, / внегда̀ ᲂу҆ныва́ти дꙋхѡ́мъ на́шымъ, / не разлꙋча́йсѧ ѿ дꙋ́шъ на́шихъ въ ско́рбехъ, / не ᲂу҆далѧ́йсѧ ѿ мы́слей на́шихъ во ѡ҆бстоѧ́нїихъ: но при́снѡ на́съ предварѝ. / прибли́жисѧ на́мъ, прибли́жисѧ вездѣ̀ сы́й, / ꙗ҆́коже со а҆пⷭ҇лы твои́ми всегда̀ є҆сѝ: / си́це и҆ тебѐ жела́ющымъ соединѝ себѐ ще́дре, да совокꙋ́плени тебѐ пое́мъ / и҆ славосло́вимъ всест҃а́го дх҃а твоего̀."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Н аде́жда и҆ предста́тельство и҆ прибѣ́жище хрⷭ҇тїа́нъ, неѡбори́маѧ стѣна̀, / и҆знемога́ющымъ приста́нище небꙋ́рное, ты̀ є҆сѝ бцⷣе пречⷭ҇таѧ: / но ꙗ҆́кѡ мі́ръ сп҃са́ющаѧ непреста́нною твое́ю мл҃твою, / помѧнѝ и҆ на́съ дв҃о всепѣ́таѧ."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "TEXT",
  "value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ покланѧ́емый и҆ сла́вимый, хрⷭ҇тѐ бж҃е, долготерпѣли́ве, многомлⷭ҇тиве, многобл҃гоꙋтро́бне: и҆́же пра́вєдныѧ любѧ́й и҆ грѣ̑шныѧ ми́лꙋѧй, и҆́же всѧ̑ зовы́й ко сп҃се́нїю, ѡ҆бѣща́нїѧ ра́ди бꙋ́дꙋщихъ бла̑гъ. са́мъ гдⷭ҇и, прїимѝ и҆ на́шѧ въ ча́съ се́й мл҃твы, и҆ и҆спра́ви живо́тъ на́шъ къ за́повѣдемъ твои̑мъ. дꙋ́шы на́шѧ ѡ҆свѧтѝ, тѣлеса̀ ѡ҆чи́сти, помышлє́нїѧ и҆спра́ви, мы̑сли ѡ҆чи́сти, и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней, ѡ҆градѝ на́съ ст҃ы́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ: Бж҃е, ᲂу҆ще́дри ны̀, и҆ бл҃гословѝ ны̀, просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "И҆ твори́мъ покло́ны трѝ вели̑кїѧ, глаго́люще мл҃твꙋ сїю̀ та́йнѡ ст҃а́гѡ є҆фре́ма, раздѣлѧ́юще ю҆̀ въ трѝ ча̑сти:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ.]"
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. [Покло́нъ.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. [Покло́нъ.]"
 },
 {
  "type": "TEXT",
  "value": "Та́же ма́лыхъ в҃і, глаго́люще на кі́йждо покло́нъ: Бж҃е, ѡ҆чи́сти мѧ̀ грѣ́шнаго."
 },
 {
  "type": "TEXT",
  "value": "Та́же па́ки и҆́нъ покло́нъ вели́кїй є҆ди́нъ, глаго́люще и҆ въ не́мъ предпи́саннꙋю мл҃твꙋ всю̀ ст҃а́гѡ є҆фре́ма."
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ."
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀."
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Мл҃тва ст҃а́гѡ марда́рїа:"
 },
 {
  "type": "TEXT",
  "value": "В лⷣко бж҃е ѻ҆́ч҃е вседержи́телю, гдⷭ҇и сн҃е є҆диноро́дный і҆и҃се хрⷭ҇тѐ, и҆ ст҃ы́й дш҃е, є҆ди́но бж҃ество̀ є҆ди́на си́ла, поми́лꙋй мѧ̀ грѣ́шнаго, и҆ и҆́миже вѣ́си сꙋдьба́ми, сп҃си́ мѧ недосто́йнаго раба̀ твоего̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Кандиловжига́тель же сотвори́въ ѻ҆бы́чный покло́нъ предстоѧ́телю, ѿхо́дитъ и҆ ᲂу҆дарѧ́етъ въ би́ло ше́сть кра́тъ."
 },
 {
  "type": "HEADER",
  "value": "Ча́съ шесты́й."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "HEADER",
  "value": "Ѱало́мъ н҃г."
 },
 {
  "type": "TEXT",
  "value": "Б ж҃е, во и҆́мѧ твоѐ сп҃си́ мѧ, и҆ въ си́лѣ твое́й сꙋди́ ми: бж҃е, ᲂу҆слы́ши мл҃твꙋ мою̀, внꙋшѝ глаго́лы ᲂу҆́стъ мои́хъ. ꙗ҆́кѡ чꙋ́ждїи воста́ша на мѧ̀, и҆ крѣ́пцыи взыска́ша дꙋ́шꙋ мою̀, и҆ не предложи́ша бг҃а пред̾ собо́ю. се́ бо бг҃ъ помога́етъ мѝ, и҆ гдⷭ҇ь застꙋ́пникъ дꙋшѝ мое́й. ѿврати́тъ ѕла̑ѧ врагѡ́мъ мои̑мъ, и҆́стиною твое́ю потребѝ и҆̀хъ. во́лею пожрꙋ̀ тебѣ̀, и҆сповѣ́мсѧ и҆́мени твоемꙋ̀ гдⷭ҇и, ꙗ҆́кѡ бл҃го. ꙗ҆́кѡ ѿ всѧ́кїѧ печа́ли и҆зба́вилъ мѧ̀ є҆сѝ, и҆ на врагѝ моѧ̑ воззрѣ̀ ѻ҆́ко моѐ."
 },
 {
  "type": "HEADER",
  "value": "Ѱало́мъ н҃д."
 },
 {
  "type": "TEXT",
  "value": "В нꙋшѝ бж҃е мл҃твꙋ мою̀, и҆ не пре́зри моле́нїѧ моегѡ̀. вонми́ ми, и҆ ᲂу҆слы́ши мѧ̀: возскорбѣ́хъ печа́лїю мое́ю, и҆ смѧто́хсѧ ѿ гла́са вра́жїѧ и҆ ѿ стꙋже́нїѧ грѣ́шнича. ꙗ҆́кѡ ᲂу҆клони́ша на мѧ̀ беззако́нїе, и҆ во гнѣ́вѣ враждова́хꙋ мѝ. се́рдце моѐ смѧте́сѧ во мнѣ̀, и҆ боѧ́знь сме́рти нападѐ на мѧ̀. стра́хъ и҆ тре́петъ прїи́де на мѧ̀, и҆ покры́ мѧ тьма̀. и҆ рѣ́хъ: кто̀ да́стъ мѝ крилѣ̀ ꙗ҆́кѡ голꙋби́нѣ, и҆ полещꙋ̀ и҆ почі́ю; сѐ ᲂу҆дали́хсѧ бѣ́гаѧ, и҆ водвори́хсѧ въ пꙋсты́ни. ча́ѧхъ бг҃а, сп҃са́ющагѡ мѧ̀ ѿ малодꙋ́шїѧ и҆ ѿ бꙋ́ри. потопѝ гдⷭ҇и, и҆ раздѣлѝ ꙗ҆зы́ки и҆́хъ, ꙗ҆́кѡ ви́дѣхъ беззако́нїе, и҆ прерѣка́нїе во гра́дѣ. дне́мъ и҆ но́щїю ѡ҆бы́детъ и҆̀ по стѣна́мъ є҆гѡ̀: беззако́нїе и҆ трꙋ́дъ посредѣ̀ є҆гѡ̀, и҆ непра́вда: и҆ не ѡ҆скꙋдѣ̀ ѿ сто́гнъ є҆гѡ̀ ли́хва и҆ ле́сть. ꙗ҆́кѡ а҆́ще бы вра́гъ поноси́лъ мѝ, претерпѣ́лъ бы́хъ ᲂу҆̀бо: и҆ а҆́ще бы ненави́дѧй мѧ̀ на мѧ̀ велерѣ́чевалъ, ᲂу҆кры́лъ бы́хъ сѧ ѿ негѡ̀. ты́ же человѣ́че равнодꙋ́шне, влады́ко мо́й, и҆ зна́емый мо́й: и҆́же кꙋ́пнѡ наслажда́лсѧ є҆сѝ со мно́ю бра́шенъ, въ домꙋ̀ бж҃їи ходи́хомъ є҆диномышле́нїемъ. да прїи́детъ же сме́рть на тѧ̀, и҆ да сни́дꙋтъ во а҆́дъ жи́ви: ꙗ҆́кѡ лꙋка́вство въ жили́щахъ и҆́хъ, посредѣ̀ и҆̀хъ: а҆́зъ къ бг҃ꙋ воззва́хъ, и҆ гдⷭ҇ь ᲂу҆слы́ша мѧ̀. ве́черъ и҆ заꙋ́тра и҆ полꙋ́дне повѣ́мъ, и҆ возвѣщꙋ̀, и҆ ᲂу҆слы́шитъ гла́съ мо́й. и҆зба́витъ ми́ромъ дꙋ́шꙋ мою̀ ѿ приближа́ющихсѧ мнѣ̀: ꙗ҆́кѡ во мно́зѣ бѧ́хꙋ со мно́ю. ᲂу҆слы́шитъ бг҃ъ, и҆ смири́тъ ѧ҆̀, сы́й пре́жде вѣ̑къ: нѣ́сть бо и҆̀мъ и҆змѣне́нїѧ, ꙗ҆́кѡ не ᲂу҆боѧ́шасѧ бг҃а. прострѐ рꙋ́кꙋ свою̀ на воздаѧ́нїе, ѡ҆скверни́ша завѣ́тъ є҆гѡ̀. раздѣли́шасѧ ѿ гнѣ́ва лица̀ є҆гѡ̀, и҆ прибли́жишасѧ сердца̀ и҆́хъ: ᲂу҆мѧ́кнꙋша словеса̀ и҆́хъ па́че є҆ле́а, и҆ та̑ сꙋ́ть стрѣ́лы. возве́рзи на гдⷭ҇а печа́ль твою̀, и҆ то́й тѧ̀ препита́етъ, не да́стъ въ вѣ́къ молвы̀ пра́ведникꙋ. ты́ же бж҃е, низведе́ши ѧ҆̀ въ стꙋдене́цъ и҆стлѣ́нїѧ. мꙋ́жїе крове́й и҆ льстѝ не преполовѧ́тъ дне́й свои́хъ: а҆́зъ же гдⷭ҇и ᲂу҆пова́ю на тѧ̀."
 },
 {
  "type": "HEADER",
  "value": "Ѱало́мъ ч҃."
 },
 {
  "type": "TEXT",
  "value": "Ж ивы́й въ по́мощи вы́шнѧгѡ, въ кро́вѣ бг҃а нбⷭ҇нагѡ водвори́тсѧ. рече́тъ гдⷭ҇еви: застꙋ́пникъ мо́й є҆сѝ, и҆ прибѣ́жище моѐ, бг҃ъ мо́й, и҆ ᲂу҆пова́ю на него̀. ꙗ҆́кѡ то́й и҆зба́витъ тѧ̀ ѿ сѣ́ти ло́вчи, и҆ ѿ словесѐ мѧте́жна. плещма̀ свои́ма ѡ҆сѣни́тъ тѧ̀, и҆ под̾ крилѣ̀ є҆гѡ̀ надѣ́ешисѧ. ѻ҆рꙋ́жїемъ ѡ҆бы́детъ тѧ̀ и҆́стина є҆гѡ̀, не ᲂу҆бои́шисѧ ѿ стра́ха нощна́гѡ, ѿ стрѣлы̀ летѧ́щїѧ во днѝ, ѿ ве́щи во тьмѣ̀ преходѧ́щїѧ, ѿ срѧ́ща и҆ бѣ́са полꙋ́деннагѡ. паде́тъ ѿ страны̀ твоеѧ̀ ты́сѧща, и҆ тьма̀ ѡ҆деснꙋ́ю тебѐ, къ тебѣ́ же не прибли́житсѧ. ѻ҆ба́че ѻ҆чи́ма твои́ма смо́триши, и҆ воздаѧ́нїе грѣ́шникѡвъ ᲂу҆́зриши. ꙗ҆́кѡ ты̀ гдⷭ҇и, ᲂу҆пова́нїе моѐ, вы́шнѧго положи́лъ є҆сѝ прибѣ́жище твоѐ. не прїи́детъ къ тебѣ̀ ѕло̀, и҆ ра́на не прибли́житсѧ тѣлесѝ твоемꙋ̀. ꙗ҆́кѡ а҆́гг҃лѡмъ свои̑мъ заповѣ́сть ѡ҆ тебѣ̀, сохрани́ти тѧ̀ во всѣ́хъ пꙋте́хъ твои́хъ. на рꙋка́хъ во́змꙋтъ тѧ̀, да не когда̀ преткне́ши ѡ҆ ка́мень но́гꙋ твою̀. на а҆́спїда и҆ васїлі́ска настꙋ́пиши, и҆ попере́ши льва̀ и҆ ѕмі́ѧ. ꙗ҆́кѡ на мѧ̀ ᲂу҆пова̀, и҆ и҆зба́влю и҆̀: покры́ю и҆̀, ꙗ҆́кѡ позна̀ и҆́мѧ моѐ: воззове́тъ ко мнѣ̀, и҆ ᲂу҆слы́шꙋ є҆го̀: съ ни́мъ є҆́смь въ ско́рби, и҆змꙋ̀ є҆го̀: и҆ просла́влю є҆го̀: долгото́ю дне́й и҆спо́лню є҆го̀, и҆ ꙗ҆влю̀ є҆мꙋ̀ сп҃се́нїе моѐ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Въ концѣ́ же тре́тїѧгѡ ѱалма̀, на а҆ллилꙋ́їа мета̑нїѧ трѝ. И҆ стїхосло́вимъ каѳі́смꙋ рѧдовꙋ́ю: на ко́емждо же а҆нтїфѡ́нѣ твори́мъ мета̑нїѧ трѝ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма к҃."
 },
 {
  "type": "HEADER",
  "value": "Ѱало́мъ дв҃дꙋ, къ голїа́ѳꙋ, рм҃г."
 },
 {
  "type": "TEXT",
  "value": "Б л҃гослове́нъ гдⷭ҇ь бг҃ъ мо́й, наꙋча́ѧй рꙋ́цѣ моѝ на ѡ҆полче́нїе, пе́рсты моѧ̑ на бра́нь. млⷭ҇ть моѧ̀ и҆ прибѣ́жище моѐ, застꙋ́пникъ мо́й и҆ и҆зба́витель мо́й, защи́титель мо́й, и҆ на него̀ ᲂу҆пова́хъ: повинꙋ́ѧй лю́ди моѧ̑ под̾ мѧ̀. гдⷭ҇и, что̀ є҆́сть человѣ́къ, ꙗ҆́кѡ позна́лсѧ є҆сѝ є҆мꙋ̀; и҆лѝ сы́нъ человѣ́чь, ꙗ҆́кѡ вмѣнѧ́еши є҆гѡ̀; человѣ́къ сꙋетѣ̀ ᲂу҆подо́бисѧ: дні́е є҆гѡ̀ ꙗ҆́кѡ сѣ́нь прехо́дѧтъ. гдⷭ҇и, преклонѝ нб҃са̀, и҆ сни́ди: косни́сѧ гора́мъ, и҆ воздымѧ́тсѧ: блеснѝ мо́лнїю, и҆ разжене́ши ѧ҆̀: послѝ стрѣ́лы твоѧ̑, и҆ смѧте́ши ѧ҆̀. послѝ рꙋ́кꙋ твою̀ съ высоты̀, и҆зми́ мѧ и҆ и҆зба́ви мѧ̀ ѿ во́дъ мно́гихъ, и҆з̾ рꙋкѝ сынѡ́въ чꙋжди́хъ, и҆́хже ᲂу҆ста̀ глаго́лаша сꙋетꙋ̀, и҆ десни́ца и҆́хъ десни́ца непра́вды. бж҃е, пѣ́снь но́вꙋ воспою̀ тебѣ̀, во ѱалти́ри десѧтострꙋ́ннѣмъ пою̀ тебѣ̀: даю́щемꙋ сп҃се́нїе царє́мъ, и҆збавлѧ́ющемꙋ дв҃да раба̀ своего̀ ѿ меча̀ лю́та. и҆зба́ви мѧ̀ и҆ и҆зми́ мѧ и҆з̾ рꙋкѝ сынѡ́въ чꙋжди́хъ, и҆́хже ᲂу҆ста̀ глаго́лаша сꙋетꙋ̀, и҆ десни́ца и҆́хъ десни́ца непра́вды: и҆́хже сы́нове и҆́хъ ꙗ҆́кѡ новосаждє́нїѧ водрꙋжє́наѧ въ ю҆́ности свое́й, дщє́ри и҆́хъ ᲂу҆до́брєны, преꙋкра́шєны ꙗ҆́кѡ подо́бїе хра́ма: храни̑лища и҆́хъ и҆спо́лнєна, ѿрыга̑ющаѧ ѿ сегѡ̀ въ сїѐ: ѻ҆́вцы и҆́хъ многоплѡ́дны, мно́жащыѧсѧ во и҆схо́дищихъ свои́хъ: воло́ве и҆́хъ то́лсти: нѣ́сть паде́нїѧ ѡ҆пло́тꙋ, нижѐ прохо́да, нижѐ во́плѧ въ сто́гнахъ и҆́хъ. ᲂу҆бл҃жи́ша лю́ди, и҆̀мже сїѧ̑ сꙋ́ть: бл҃же́ни лю́дїе, и҆̀мже гдⷭ҇ь бг҃ъ и҆́хъ."
 },
 {
  "type": "HEADER",
  "value": "Хвала̀ дв҃дꙋ, рм҃д."
 },
 {
  "type": "TEXT",
  "value": "В ознесꙋ́ тѧ, бж҃е мо́й, цр҃ю̀ мо́й, и҆ бл҃гословлю̀ и҆́мѧ твоѐ въ вѣ́къ и҆ въ вѣ́къ вѣ́ка. на всѧ́къ де́нь бл҃гословлю́ тѧ, и҆ восхвалю̀ и҆́мѧ твоѐ въ вѣ́къ и҆ въ вѣ́къ вѣ́ка. ве́лїй гдⷭ҇ь и҆ хва́ленъ ѕѣлѡ̀, и҆ вели́чїю є҆гѡ̀ нѣ́сть конца̀. ро́дъ и҆ ро́дъ восхва́лѧтъ дѣла̀ твоѧ̑ и҆ си́лꙋ твою̀ возвѣстѧ́тъ: великолѣ́пїе сла́вы ст҃ы́ни твоеѧ̀ возглаго́лютъ и҆ чꙋдеса̀ твоѧ̑ повѣ́дѧтъ: и҆ си́лꙋ стра́шныхъ твои́хъ рекꙋ́тъ и҆ вели́чїе твоѐ повѣ́дѧтъ: па́мѧть мно́жества бл҃гости твоеѧ̀ ѿры́гнꙋтъ и҆ пра́вдою твое́ю возра́дꙋютсѧ. ще́дръ и҆ млⷭ҇тивъ гдⷭ҇ь, долготерпѣли́въ и҆ многомлⷭ҇тивъ. бл҃гъ гдⷭ҇ь всѧ́чєскимъ, и҆ щедрѡ́ты є҆гѡ̀ на всѣ́хъ дѣ́лѣхъ є҆гѡ̀. да и҆сповѣ́дѧтсѧ тебѣ̀, гдⷭ҇и, всѧ̑ дѣла̀ твоѧ̑, и҆ прпⷣбнїи твоѝ да бл҃гословѧ́тъ тѧ̀: сла́вꙋ црⷭ҇твїѧ твоегѡ̀ рекꙋ́тъ и҆ си́лꙋ твою̀ возглаго́лютъ, сказа́ти сыновѡ́мъ человѣ́чєскимъ си́лꙋ твою̀ и҆ сла́вꙋ великолѣ́пїѧ црⷭ҇твїѧ твоегѡ̀. црⷭ҇тво твоѐ црⷭ҇тво всѣ́хъ вѣкѡ́въ, и҆ влⷣчество твоѐ во всѧ́комъ ро́дѣ и҆ ро́дѣ. вѣ́ренъ гдⷭ҇ь во всѣ́хъ словесѣ́хъ свои́хъ и҆ прпⷣбенъ во всѣ́хъ дѣ́лѣхъ свои́хъ. ᲂу҆твержда́етъ гдⷭ҇ь всѧ̑ низпа́дающыѧ и҆ возставлѧ́етъ всѧ̑ низве́ржєнныѧ. ѻ҆́чи всѣ́хъ на тѧ̀ ᲂу҆пова́ютъ, и҆ ты̀ дае́ши и҆̀мъ пи́щꙋ во бл҃говре́менїи: ѿверза́еши ты̀ рꙋ́кꙋ твою̀ и҆ и҆сполнѧ́еши всѧ́кое живо́тно бл҃говоле́нїѧ. првⷣнъ гдⷭ҇ь во всѣ́хъ пꙋте́хъ свои́хъ и҆ прпⷣбенъ во всѣ́хъ дѣ́лѣхъ свои́хъ. бли́з̾ гдⷭ҇ь всѣ̑мъ призыва́ющымъ є҆го̀, всѣ̑мъ призыва́ющымъ є҆го̀ во и҆́стинѣ: во́лю боѧ́щихсѧ є҆гѡ̀ сотвори́тъ, и҆ моли́твꙋ и҆́хъ ᲂу҆слы́шитъ, и҆ сп҃се́тъ ѧ҆̀. храни́тъ гдⷭ҇ь всѧ̑ лю́бѧщыѧ є҆го̀, и҆ всѧ̑ грѣ́шники потреби́тъ. хвалꙋ̀ гдⷭ҇ню возглаго́лютъ ᲂу҆ста̀ моѧ̑: и҆ да бл҃гослови́тъ всѧ́ка пло́ть и҆́мѧ ст҃о́е є҆гѡ̀ въ вѣ́къ и҆ въ вѣ́къ вѣ́ка."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "А҆ллилꙋ́їа, а҆гге́а и҆ заха́рїи, рм҃є."
 },
 {
  "type": "TEXT",
  "value": "Х валѝ, дꙋшѐ моѧ̀, гдⷭ҇а: восхвалю̀ гдⷭ҇а въ животѣ̀ мое́мъ, пою̀ бг҃ꙋ моемꙋ̀, до́ндеже є҆́смь. не надѣ́йтесѧ на кнѧ̑зи, на сы́ны человѣ́чєскїѧ, въ ни́хже нѣ́сть сп҃се́нїѧ. и҆зы́детъ дꙋ́хъ є҆гѡ̀, и҆ возврати́тсѧ въ зе́млю свою̀: въ то́й де́нь поги́бнꙋтъ всѧ̑ помышлє́нїѧ є҆гѡ̀. бл҃же́нъ, є҆мꙋ́же бг҃ъ і҆а́кѡвль помо́щникъ є҆гѡ̀, ᲂу҆пова́нїе є҆гѡ̀ на гдⷭ҇а бг҃а своего̀, сотво́ршаго не́бо и҆ зе́млю, мо́ре, и҆ всѧ̑, ꙗ҆̀же въ ни́хъ: хранѧ́щаго и҆́стинꙋ въ вѣ́къ, творѧ́щаго сꙋ́дъ ѡ҆би̑димымъ, даю́щаго пи́щꙋ а҆́лчꙋщымъ. гдⷭ҇ь рѣши́тъ ѡ҆кова̑нныѧ: гдⷭ҇ь ᲂу҆мꙋдрѧ́етъ слѣпцы̀: гдⷭ҇ь возво́дитъ низве́ржєнныѧ: гдⷭ҇ь лю́битъ првⷣники. гдⷭ҇ь храни́тъ прише́льцы, си́ра и҆ вдовꙋ̀ прїи́метъ, и҆ пꙋ́ть грѣ́шныхъ погꙋби́тъ. воцр҃и́тсѧ гдⷭ҇ь во вѣ́къ, бг҃ъ тво́й, сїѡ́не, въ ро́дъ и҆ ро́дъ."
 },
 {
  "type": "HEADER",
  "value": "А҆ллилꙋ́їа, рм҃ѕ."
 },
 {
  "type": "TEXT",
  "value": "Х вали́те гдⷭ҇а, ꙗ҆́кѡ бл҃гъ ѱало́мъ: бг҃ови на́шемꙋ да ᲂу҆слади́тсѧ хвале́нїе. зи́ждай і҆ерⷭ҇ли́ма гдⷭ҇ь: разсѣ̑ѧнїѧ і҆и҃лєва собере́тъ: и҆сцѣлѧ́ѧй сокрꙋшє́нныѧ се́рдцемъ и҆ ѡ҆бѧзꙋ́ѧй сокрꙋшє́нїѧ и҆́хъ: и҆счита́ѧй мно́жество ѕвѣ́здъ, и҆ всѣ̑мъ и҆̀мъ и҆мена̀ нарица́ѧй. ве́лїй гдⷭ҇ь на́шъ, и҆ ве́лїѧ крѣ́пость є҆гѡ̀, и҆ ра́зꙋма є҆гѡ̀ нѣ́сть числа̀. прїе́млѧй крѡ́ткїѧ гдⷭ҇ь, смирѧ́ѧй же грѣ́шники до землѝ. начни́те гдⷭ҇еви во и҆сповѣ́данїи, по́йте бг҃ови на́шемꙋ въ гꙋ́слехъ: ѡ҆дѣва́ющемꙋ не́бо ѻ҆́блаки, ᲂу҆готовлѧ́ющемꙋ землѝ до́ждь: прозѧба́ющемꙋ на гора́хъ травꙋ̀ и҆ ѕла́къ на слꙋ́жбꙋ человѣ́кѡмъ: даю́щемꙋ скотѡ́мъ пи́щꙋ и҆́хъ, и҆ птенцє́мъ вра́нѡвымъ призыва́ющымъ є҆го̀. не въ си́лѣ ко́нстѣй восхо́щетъ, нижѐ въ лы́стѣхъ мꙋ́жескихъ бл҃говоли́тъ: бл҃говоли́тъ гдⷭ҇ь въ боѧ́щихсѧ є҆гѡ̀ и҆ во ᲂу҆пова́ющихъ на млⷭ҇ть є҆гѡ̀."
 },
 {
  "type": "HEADER",
  "value": "А҆ллилꙋ́їа, а҆гге́а и҆ заха́рїи, рм҃з."
 },
 {
  "type": "TEXT",
  "value": "П охвалѝ, і҆ерⷭ҇ли́ме, гдⷭ҇а, хвалѝ бг҃а твоего̀, сїѡ́не: ꙗ҆́кѡ ᲂу҆крѣпѝ верєѝ вра́тъ твои́хъ, блгⷭ҇вѝ сы́ны твоѧ̑ въ тебѣ̀. полага́ѧй предѣ́лы твоѧ̑ ми́ръ, и҆ тꙋ́ка пшени́чна насыща́ѧй тѧ̀: посыла́ѧй сло́во своѐ землѝ, до ско́рости тече́тъ сло́во є҆гѡ̀, даю́щагѡ снѣ́гъ сво́й ꙗ҆́кѡ во́лнꙋ, мглꙋ̀ ꙗ҆́кѡ пе́пелъ посыпа́ющагѡ, мета́ющагѡ го́лоть сво́й ꙗ҆́кѡ хлѣ́бы: проти́вꙋ лица̀ мра́за є҆гѡ̀ кто̀ постои́тъ; по́слетъ сло́во своѐ, и҆ и҆ста́етъ ѧ҆̀: дхне́тъ дꙋ́хъ є҆гѡ̀, и҆ потекꙋ́тъ во́ды. возвѣща́ѧй сло́во своѐ і҆а́кѡвꙋ, ѡ҆правда̑нїѧ и҆ сꙋдьбы̑ своѧ̑ і҆и҃леви: не сотворѝ та́кѡ всѧ́комꙋ ꙗ҆зы́кꙋ, и҆ сꙋдьбы̑ своѧ̑ не ꙗ҆вѝ и҆̀мъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "А҆ллилꙋ́їа, а҆гге́а и҆ заха́рїи, рм҃и."
 },
 {
  "type": "TEXT",
  "value": "Х вали́те гдⷭ҇а съ нб҃съ, хвали́те є҆го̀ въ вы́шнихъ. хвали́те є҆го̀ всѝ а҆́гг҃ли є҆гѡ̀: хвали́те є҆го̀, всѧ̑ си̑лы є҆гѡ̀. хвали́те є҆го̀, со́лнце и҆ лꙋна̀: хвали́те є҆го̀ всѧ̑ ѕвѣ́зды и҆ свѣ́тъ. хвали́те є҆го̀, нб҃са̀ нб҃съ и҆ вода̀, ꙗ҆́же превы́ше небе́съ. да восхва́лѧтъ и҆́мѧ гдⷭ҇не: ꙗ҆́кѡ то́й речѐ, и҆ бы́ша: то́й повелѣ̀, и҆ созда́шасѧ. поста́ви ѧ҆̀ въ вѣ́къ и҆ въ вѣ́къ вѣ́ка: повелѣ́нїе положѝ, и҆ не ми́мѡ и҆́детъ. хвали́те гдⷭ҇а ѿ землѝ, ѕмі́евє и҆ всѧ̑ бє́здны: ѻ҆́гнь, гра́дъ, снѣ́гъ, го́лоть, дꙋ́хъ бꙋ́ренъ, творѧ̑щаѧ сло́во є҆гѡ̀: го́ры и҆ всѝ хо́лми, древа̀ плодонѡ́сна и҆ всѝ ке́дри: ѕвѣ́рїе и҆ всѝ ско́ти, га́ди и҆ пти̑цы перна̑ты: ца́рїе зе́мстїи и҆ всѝ лю́дїе, кнѧ̑зи и҆ всѝ сꙋдїи̑ зе́мстїи: ю҆́нѡши и҆ дѣ̑вы, ста́рцы съ ю҆́нотами. да восхва́лѧтъ и҆́мѧ гдⷭ҇не: ꙗ҆́кѡ вознесе́сѧ и҆́мѧ тогѡ̀ є҆ди́нагѡ, и҆сповѣ́данїе є҆гѡ̀ на землѝ и҆ на нб҃сѝ. и҆ вознесе́тъ ро́гъ люде́й свои́хъ: пѣ́снь всѣ̑мъ прпⷣбнымъ є҆гѡ̀, сыновѡ́мъ і҆и҃лєвымъ, лю́демъ приближа́ющымсѧ є҆мꙋ̀."
 },
 {
  "type": "HEADER",
  "value": "А҆ллилꙋ́їа, рм҃ѳ."
 },
 {
  "type": "TEXT",
  "value": "В оспо́йте гдⷭ҇еви пѣ́снь но́вꙋ: хвале́нїе є҆гѡ̀ въ цр҃кви прпⷣбныхъ. да возвесели́тсѧ і҆и҃ль ѡ҆ сотво́ршемъ є҆го̀, и҆ сы́нове сїѡ́ни возра́дꙋютсѧ ѡ҆ цр҃ѝ свое́мъ. да восхва́лѧтъ и҆́мѧ є҆гѡ̀ въ ли́цѣ, въ тѷмпа́нѣ и҆ ѱалти́ри да пою́тъ є҆мꙋ̀. ꙗ҆́кѡ бл҃говоли́тъ гдⷭ҇ь въ лю́дехъ свои́хъ, и҆ вознесе́тъ крѡ́ткїѧ во сп҃се́нїе. восхва́лѧтсѧ прпⷣбнїи во сла́вѣ и҆ возра́дꙋютсѧ на ло́жахъ свои́хъ. возношє́нїѧ бж҃їѧ въ горта́ни и҆́хъ, и҆ мечѝ ѻ҆бою́дꙋ ѻ҆стры̀ въ рꙋка́хъ и҆́хъ: сотвори́ти ѿмще́нїе во ꙗ҆зы́цѣхъ, ѡ҆бличє́нїѧ въ лю́дехъ: свѧза́ти царѝ и҆́хъ пꙋ́ты, и҆ сла̑вныѧ и҆́хъ рꙋчны́ми ѻ҆кѡ́вы желѣ́зными: сотвори́ти въ ни́хъ сꙋ́дъ напи́санъ. сла́ва сїѧ̀ бꙋ́детъ всѣ̑мъ прпⷣбнымъ є҆гѡ̀."
 },
 {
  "type": "HEADER",
  "value": "А҆ллилꙋ́їа, р҃н."
 },
 {
  "type": "TEXT",
  "value": "Х вали́те бг҃а во ст҃ы́хъ є҆гѡ̀, хвали́те є҆го̀ во ᲂу҆тверже́нїи си́лы є҆гѡ̀: хвали́те є҆го̀ на си́лахъ є҆гѡ̀, хвали́те є҆го̀ по мно́жествꙋ вели́чествїѧ є҆гѡ̀: хвали́те є҆го̀ во гла́сѣ трꙋ́бнѣмъ, хвали́те є҆го̀ во ѱалти́ри и҆ гꙋ́слехъ: хвали́те є҆го̀ въ тѷмпа́нѣ и҆ ли́цѣ, хвали́те є҆го̀ во стрꙋ́нахъ и҆ ѻ҆рга́нѣ: хвали́те є҆го̀ въ кѷмва́лѣхъ доброгла́сныхъ, хвали́те є҆го̀ въ кѷмва́лѣхъ восклица́нїѧ. всѧ́кое дыха́нїе да хва́литъ гдⷭ҇а."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "И҆ по каѳі́смѣ чте́цъ, и҆лѝ і҆ере́й, ста́въ средѝ цр҃кве, глаго́летъ тропа́рь, во гла́съ в҃:"
 },
 {
  "type": "TEXT",
  "value": "И҆́ же въ шесты́й де́нь же и҆ ча́съ, на крⷭ҇тѣ̀ пригвожде́й въ раѝ дерзнове́нный а҆да́мовъ грѣ́хъ, и҆ согрѣше́нїй на́шихъ рꙋкописа́нїе раздерѝ хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "И҆ на́мъ противоглаша́ющымъ, твори́мъ колѣноприклоне́нїе до землѝ. Та́кожде и҆ на про́чыѧ два̀ стїха̀."
 },
 {
  "type": "TEXT",
  "value": "Ли́къ: И҆́же въ шесты́й де́нь же и҆ ча́съ, / на крⷭ҇тѣ̀ пригвожде́й / въ раѝ дерзнове́нный а҆да́мовъ грѣ́хъ, / и҆ согрѣше́нїй на́шихъ рꙋкописа́нїе раздерѝ / хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "І҆ере́й сті́хъ а҃: Внꙋшѝ бж҃е, мл҃твꙋ мою̀, и҆ не пре́зри моле́нїѧ моегѡ̀."
 },
 {
  "type": "TEXT",
  "value": "Ли́къ: И҆́же въ шесты́й де́нь же и҆ ча́съ, / на крⷭ҇тѣ̀ пригвожде́й / въ раѝ дерзнове́нный а҆да́мовъ грѣ́хъ, / и҆ согрѣше́нїй на́шихъ рꙋкописа́нїе раздерѝ / хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "І҆ере́й сті́хъ в҃: А҆́зъ къ бг҃ꙋ воззва́хъ, и҆ гдⷭ҇ь ᲂу҆слы́ша мѧ̀."
 },
 {
  "type": "TEXT",
  "value": "Ли́къ: И҆́же въ шесты́й де́нь же и҆ ча́съ, / на крⷭ҇тѣ̀ пригвожде́й / въ раѝ дерзнове́нный а҆да́мовъ грѣ́хъ, / и҆ согрѣше́нїй на́шихъ рꙋкописа́нїе раздерѝ / хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "Сщ҃е́нникъ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Ꙗ҆́кѡ не и҆́мамы дерзнове́нїѧ за премнѡ́гїѧ грѣхѝ на́шѧ, ты̀ и҆́же ѿ тебѐ ро́ждшагосѧ молѝ бцⷣе дв҃о: мно́гѡ бо мо́жетъ моле́нїе мт҃рнее ко бл҃госе́рдїю влⷣки. не пре́зри грѣ́шныхъ мольбы̑ всечⷭ҇таѧ, ꙗ҆́кѡ млⷭ҇тивъ є҆́сть, и҆ сп҃стѝ могі́й, и҆́же и҆ страда́ти ѡ҆ на́съ и҆зво́ливый."
 },
 {
  "type": "TEXT",
  "value": "Та́же чте́цъ:"
 },
 {
  "type": "HEADER",
  "value": "Тропа́рь прⷪ҇ро́чества, гла́съ є҃:"
 },
 {
  "type": "TEXT",
  "value": "М ногогрѣхо́вное на́ше житїѐ, и҆ непокаѧ́нный нра́въ щедро́тами предварѝ гдⷭ҇и: ра́звѣ бо тебѐ и҆но́гѡ не вѣ́мы, живото́мъ и҆ сме́ртїю влⷣчествꙋюща, сп҃сѝ ꙗ҆́кѡ чл҃вѣколю́бецъ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ повторѧ́емъ то́йжде: М ногогрѣхо́вное на́ше житїѐ, и҆ непокаѧ́нный нра́въ щедро́тами предварѝ гдⷭ҇и: ра́звѣ бо тебѐ и҆но́гѡ не вѣ́мы, живото́мъ и҆ сме́ртїю влⷣчествꙋюща, сп҃сѝ ꙗ҆́кѡ чл҃вѣколю́бецъ."
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "TEXT",
  "value": "Та́же чте́цъ:"
 },
 {
  "type": "TEXT",
  "value": "Прокі́менъ, ѱало́мъ з҃і, гла́съ з҃: Возлюблю́ тѧ гдⷭ҇и крѣ́посте моѧ̀, / гдⷭ҇ь ᲂу҆твержде́нїе моѐ. Сті́хъ: Бг҃ъ мо́й, помо́щникъ мо́й."
 },
 {
  "type": "TEXT",
  "value": "Сщ҃е́нникъ: Премꙋ́дрость."
 },
 {
  "type": "TEXT",
  "value": "Чте́цъ: Прⷪ҇ро́чества и҆са́їина чте́нїе. [Глава̀ г҃, ст. а҃- д҃і.]"
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "TEXT",
  "value": "Чте́цъ: С ѐ влⷣка гдⷭ҇ь саваѡ́ѳъ ѿи́метъ ѿ і҆ерⷭ҇ли́ма и҆ ѿ і҆ꙋде́и крѣ́пкаго, и҆ крѣ́пкꙋю, крѣ́пость хлѣ́ба, и҆ крѣ́пость воды̀: и҆споли́на, и҆ крѣ́пкаго, и҆ человѣ́ка ра́тника, и҆ сꙋдїю̀, и҆ прⷪ҇ро́ка, и҆ смотрели́ваго, и҆ ста́рца: и҆ пѧтьдесѧтонача́льника, и҆ ди́внаго совѣ́тника, и҆ премꙋ́драго а҆рхїте́ктона, и҆ разꙋ́мнаго послꙋ́шателѧ. и҆ поста́влю ю҆́ношы кнѧ́зи и҆́хъ, и҆ рꙋга́тели госпо́дствовати бꙋ́дꙋтъ и҆́ми: и҆ напада́ти и҆́мꙋтъ лю́дїе, человѣ́къ на человѣ́ка, и҆ человѣ́къ на бли́жнѧго своего̀: прирази́тсѧ ѻ҆троча̀ къ ста́рцꙋ, и҆ безче́стный къ честно́мꙋ. ꙗ҆́кѡ и҆́метсѧ человѣ́къ бра́та своегѡ̀, и҆лѝ дома́шнѧгѡ ѻ҆тца̀ своегѡ̀, глаго́лѧ: ри́зꙋ и҆́маши, началово́ждь на́мъ бꙋ́ди, и҆ бра́шно моѐ под̾ тобо́ю да бꙋ́детъ. и҆ ѿвѣща́въ въ де́нь ѻ҆́ный рече́тъ: не бꙋ́дꙋ тво́й началово́ждь, нѣ́сть бо въ домꙋ̀ мое́мъ ни хлѣ́ба, ни ри́зы: не бꙋ́дꙋ началово́ждь лю́демъ си̑мъ. ꙗ҆́кѡ ѡ҆ста́вленъ бы́сть і҆ерⷭ҇ли́мъ и҆ і҆ꙋде́а падѐ, и҆ ꙗ҆зы́къ и҆́хъ со беззако́нїемъ, не покарѧ́ютсѧ гдⷭ҇ви. сегѡ̀ ра́ди ны́нѣ смири́сѧ сла́ва и҆́хъ, и҆ стꙋ́дъ лица̀ и҆́хъ проти́вꙋ ста̀ и҆̀мъ: грѣ́хъ же сво́й ꙗ҆́кѡ содо́мскїй возвѣсти́ша, и҆ ꙗ҆ви́ша. го́ре дꙋшѝ и҆́хъ, занѐ ᲂу҆мы́слиша совѣ́тъ лꙋка́вый на себѐ сами́хъ, ре́кше: свѧ́жемъ првⷣнаго, ꙗ҆́кѡ непотре́бенъ на́мъ є҆́сть: ᲂу҆̀бо плоды̀ дѣ́лъ свои́хъ снѣдѧ́тъ. го́ре беззако́нномꙋ, лꙋка̑ваѧ бо приключа́тсѧ є҆мꙋ̀ по дѣлѡ́мъ рꙋ́къ є҆гѡ̀. лю́дїе моѝ, приста̑вницы ва́ши пожина́ютъ ва́съ, и҆ и҆стѧза́ющїи ѡ҆блада́ютъ ва́ми: лю́дїе моѝ, бл҃жа́щїи ва́съ льстѧ́тъ вы̀, и҆ стєзѝ но́гъ ва́шихъ возмꙋща́ютъ. но ны́нѣ ᲂу҆стро́итсѧ гдⷭ҇ь на сꙋ́дъ, и҆ поста́витъ на сꙋ́дъ лю́ди своѧ̑. са́мъ гдⷭ҇ь на сꙋ́дъ прїи́детъ со старѣ̑йшины люде́й, и҆ съ кнѧ́зи и҆́хъ."
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "TEXT",
  "value": "Та́же чте́цъ:"
 },
 {
  "type": "TEXT",
  "value": "Прокі́менъ, ѱало́мъ и҃і, гла́съ ѕ҃: Гдⷭ҇и, помо́щниче мо́й, / и҆ и҆зба́вителю мо́й. Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь."
 },
 {
  "type": "TEXT",
  "value": "И҆ быва́етъ чте́нїе въ лѣ́ствичникѣ."
 },
 {
  "type": "TEXT",
  "value": "Та́же чте́цъ тропа́рь: С ко́рѡ да предварѧ́тъ ны̀ щедрѡ́ты твоѧ̑ гдⷭ҇и, ꙗ҆́кѡ ѡ҆бнища́хомъ ѕѣлѡ̀: помозѝ на́мъ бж҃е сп҃се на́шъ, сла́вы ра́ди и҆́мене твоегѡ̀ гдⷭ҇и, и҆зба́ви на́съ, и҆ ѡ҆чи́сти грѣхѝ на́шѧ, и҆́мене ра́ди твоегѡ̀."
 },
 {
  "type": "TEXT",
  "value": "Та́же, С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ глаго́лемъ тропарѝ сїѧ̑, во гла́съ в҃:"
 },
 {
  "type": "TEXT",
  "value": "С п҃се́нїе содѣ́лалъ є҆сѝ посредѣ̀ землѝ хрⷭ҇тѐ бж҃е, / на крⷭ҇тѣ̀ пречи́стѣи рꙋ́цѣ твоѝ просте́рлъ є҆сѝ, / собира́ѧ всѧ̑ ꙗ҆зы́ки зовꙋ́щыѧ: / гдⷭ҇и, сла́ва тебѣ̀."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "П речи́стомꙋ ѡ҆́бразꙋ твоемꙋ̀ покланѧ́емсѧ бл҃гі́й, / просѧ́ще проще́нїѧ прегрѣше́нїй на́шихъ, хрⷭ҇тѐ бж҃е: / во́лею бо бл҃говоли́лъ є҆сѝ пло́тїю взы́ти на крⷭ҇тъ, / да и҆зба́виши, ꙗ҆̀же созда́лъ є҆сѝ, ѿ рабо́ты вра́жїѧ. / тѣ́мъ бл҃года́рственнѡ вопїе́мъ тѝ: / ра́дости и҆спо́лнилъ є҆сѝ всѧ̑, сп҃се на́шъ, / прише́дый сп҃стѝ мі́ръ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Гла́съ в҃, крⷭ҇тобг҃оро́диченъ: П репросла́влена є҆сѝ бцⷣе дв҃о, пое́мъ тѧ̀: / крⷭ҇то́мъ бо сн҃а твоегѡ̀ низложи́сѧ а҆́дъ, и҆ сме́рть ᲂу҆мертви́сѧ, / ᲂу҆мерщвле́ннїи воста́хомъ, и҆ живота̀ сподо́бихомсѧ, / ра́й воспрїѧ́хомъ дре́внее наслажде́нїе. / тѣ́мъ бл҃годарѧ́ще, славосло́вимъ ꙗ҆́кѡ держа́внаго хрⷭ҇та̀ бг҃а на́шего, / и҆ є҆ди́наго многомлⷭ҇тиваго."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "TEXT",
  "value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ, покланѧ́емый и҆ сла́вимый хрⷭ҇тѐ бж҃е, долготерпѣли́ве, многоми́лостиве, многобл҃гоꙋтро́бне, и҆́же пра́вєдныѧ любѧ́й, и҆ грѣ̑шныѧ ми́лꙋѧй, и҆́же всѧ̑ зовы́й ко спасе́нїю ѡ҆бѣща́нїѧ ра́ди бꙋ́дꙋщихъ бла̑гъ: са́мъ гдⷭ҇и, прїимѝ и҆ на́шѧ въ ча́съ се́й моли̑твы, и҆ и҆спра́ви живо́тъ на́шъ къ за́повѣдемъ твои̑мъ, дꙋ́шы на́шѧ ѡ҆свѧтѝ, тѣлеса̀ ѡ҆чи́сти, помышлє́нїѧ и҆спра́ви, мы̑сли ѡ҆чи́сти, и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней. ѡ҆градѝ на́съ свѧты́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Посе́мъ: Гдⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ: Бж҃е, ᲂу҆ще́дри ны̀, и҆ бл҃гословѝ ны̀, просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "И҆ твори́мъ покло́ны трѝ вели̑кїѧ, глаго́люще мл҃твꙋ сїю̀ та́йнѡ ст҃а́гѡ є҆фре́ма, раздѣлѧ́юще ю҆̀ въ трѝ ча̑сти:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ.]"
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. [Покло́нъ.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. [Покло́нъ.]"
 },
 {
  "type": "TEXT",
  "value": "Та́же ма́лыхъ в҃і, глаго́люще на кі́йждо покло́нъ: Бж҃е, ѡ҆чи́сти мѧ̀ грѣ́шнаго."
 },
 {
  "type": "TEXT",
  "value": "Та́же па́ки и҆́нъ покло́нъ вели́кїй є҆ди́нъ, глаго́люще и҆ въ не́мъ предпи́саннꙋю мл҃твꙋ всю̀ ст҃а́гѡ є҆фре́ма."
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ."
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀."
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Та́же мл҃тва ст҃а́гѡ вели́кагѡ васі́лїа:"
 },
 {
  "type": "TEXT",
  "value": "Б ж҃е и҆ гдⷭ҇и си́лъ, и҆ всеѧ̀ тва́ри содѣ́телю, и҆́же за млⷭ҇рдїе безприкла́дныѧ млⷭ҇ти твоеѧ̀, є҆диноро́днаго сн҃а твоего̀, гдⷭ҇а на́шего і҆и҃са хрⷭ҇та̀, низпосла́вый на сп҃се́нїе ро́да на́шегѡ, и҆ чⷭ҇тны́мъ є҆гѡ̀ крⷭ҇то́мъ рꙋкописа́нїе грѣ̑хъ на́шихъ растерза́вый, и҆ побѣди́вый тѣ́мъ нача̑ла и҆ вла̑сти тьмы̀: са́мъ влⷣко чл҃вѣколю́бче, прїимѝ и҆ на́съ грѣ́шныхъ бл҃года́рствєнныѧ сїѧ̑ и҆ молє́бныѧ мл҃твы, и҆ и҆зба́ви на́съ ѿ всѧ́кагѡ всегꙋби́тельнагѡ и҆ мра́чнагѡ прегрѣше́нїѧ, и҆ всѣ́хъ ѡ҆ѕло́бити на́съ и҆́щꙋщихъ, ви́димыхъ и҆ неви́димыхъ вра̑гъ. пригвоздѝ стра́хꙋ твоемꙋ̀ плѡ́ти на́шѧ, и҆ не ᲂу҆клонѝ серде́цъ на́шихъ въ словеса̀ и҆лѝ помышлє́нїѧ лꙋка́вствїѧ: но любо́вїю твое́ю ᲂу҆ѧзвѝ дꙋ́шы на́шѧ, да къ тебѣ̀ всегда̀ взира́юще, и҆ є҆́же ѿ тебѐ свѣ́томъ наставлѧ́еми, тебѐ непристꙋ́пнаго и҆ присносꙋ́щнаго зрѧ́ще свѣ́та, непреста́нное тебѣ̀ и҆сповѣ́данїе и҆ бл҃годаре́нїе возсыла́емъ, безнача́льномꙋ ѻ҆ц҃ꙋ̀ со є҆диноро́днымъ твои́мъ сн҃омъ, и҆ всест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
 },
 {
  "type": "HEADER",
  "value": "Ча́съ девѧ́тый."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "TEXT",
  "value": "Та́же ѱалмы̀:"
 },
 {
  "type": "HEADER",
  "value": "Ѱало́мъ п҃г."
 },
 {
  "type": "TEXT",
  "value": "К о́ль возлю́блєнна селє́нїѧ твоѧ̑, гдⷭ҇и си́лъ; Жела́етъ и҆ скончава́етсѧ дꙋша̀ моѧ̀ во дворы̀ гдⷭ҇ни. се́рдце моѐ и҆ пло́ть моѧ̀ возра́довастасѧ ѡ҆ бз҃ѣ жи́вѣ. и҆́бо пти́ца ѡ҆брѣ́те себѣ̀ хра́минꙋ, и҆ го́рлица гнѣздо̀ себѣ̀, и҆дѣ́же положи́тъ птенцы̀ своѧ̑: ѻ҆лтарѝ твоѧ̑ гдⷭ҇и си́лъ, цр҃ю̀ мо́й и҆ бж҃е мо́й. бл҃же́ни живꙋ́щїи въ домꙋ̀ твое́мъ, въ вѣ́ки вѣкѡ́въ восхва́лѧтъ тѧ̀. бл҃же́нъ мꙋ́жъ, є҆мꙋ́же є҆́сть застꙋпле́нїе є҆гѡ̀ ᲂу҆ тебѐ, восхождє́нїѧ въ се́рдцѣ свое́мъ положѝ. во ю҆до́ль плаче́внꙋю, въ мѣ́сто є҆́же положѝ: и҆́бо бл҃гослове́нїе да́стъ законополага́ѧй. по́йдꙋтъ ѿ си́лы въ си́лꙋ, ꙗ҆ви́тсѧ бг҃ъ богѡ́въ въ сїѡ́нѣ. гдⷭ҇и бж҃е си́лъ, ᲂу҆слы́ши мл҃твꙋ мою̀, внꙋшѝ бж҃е і҆а́кѡвль. защи́тниче на́шъ ви́ждь бж҃е, и҆ при́зри на лицѐ хрїста̀ твоегѡ̀. ꙗ҆́кѡ лꙋ́чше де́нь є҆ди́нъ во дво́рѣхъ твои́хъ па́че ты́сѧщъ. и҆зво́лихъ примета́тисѧ въ домꙋ̀ бг҃а моегѡ̀ па́че, не́же жи́ти мѝ въ селе́нїихъ грѣ́шничихъ. ꙗ҆́кѡ млⷭ҇ть и҆ и҆́стинꙋ лю́битъ гдⷭ҇ь, бг҃ъ бл҃года́ть и҆ сла́вꙋ да́стъ. гдⷭ҇ь не лиши́тъ бл҃ги́хъ, ходѧ́щихъ неѕло́бїемъ. гдⷭ҇и бж҃е си́лъ, бл҃же́нъ человѣ́къ ᲂу҆пова́ѧй на тѧ̀."
 },
 {
  "type": "HEADER",
  "value": "Ѱало́мъ п҃д."
 },
 {
  "type": "TEXT",
  "value": "Б л҃говоли́лъ є҆сѝ гдⷭ҇и землю̀ твою̀, возврати́лъ є҆сѝ плѣ́нъ і҆а́кѡвль. ѡ҆ста́вилъ є҆сѝ беззакѡ́нїѧ люде́й твои́хъ, покры́лъ є҆сѝ всѧ̑ грѣхѝ и҆́хъ. ᲂу҆кроти́лъ є҆сѝ ве́сь гнѣ́въ тво́й, возврати́лсѧ є҆сѝ ѿ гнѣ́ва ꙗ҆́рости твоеѧ̀. возвратѝ на́съ бж҃е сп҃се́нїй на́шихъ, и҆ ѿвратѝ ꙗ҆́рость твою̀ ѿ на́съ. є҆да̀ во вѣ́ки прогнѣ́ваешисѧ на ны̀; и҆лѝ простре́ши гнѣ́въ тво́й ѿ ро́да въ ро́дъ; бж҃е, ты̀ ѡ҆бра́щьсѧ ѡ҆живи́ши ны̀, и҆ лю́дїе твоѝ возвеселѧ́тсѧ ѡ҆ тебѣ̀. ꙗ҆вѝ на́мъ гдⷭ҇и млⷭ҇ть твою̀, и҆ сп҃се́нїе твоѐ да́ждь на́мъ. ᲂу҆слы́шꙋ, что̀ рече́тъ ѡ҆ мнѣ̀ гдⷭ҇ь бг҃ъ: ꙗ҆́кѡ рече́тъ ми́ръ на лю́ди своѧ̑, и҆ на прпⷣбныѧ своѧ̑, и҆ на ѡ҆браща́ющыѧ сердца̀ къ немꙋ̀. ѻ҆ба́че бли́зъ боѧ́щихсѧ є҆гѡ̀ сп҃се́нїе є҆гѡ̀, всели́ти сла́вꙋ въ зе́млю на́шꙋ. млⷭ҇ть и҆ и҆́стина срѣто́стѣсѧ, пра́вда и҆ ми́ръ ѡ҆блобыза́стасѧ. и҆́стина ѿ землѝ возсїѧ̀, и҆ пра́вда съ нб҃сѐ прини́че. и҆́бо гдⷭ҇ь да́стъ бл҃гость, и҆ землѧ̀ на́ша да́стъ пло́дъ сво́й. пра́вда пред̾ ни́мъ пред̾и́детъ, и҆ положи́тъ въ пꙋ́ть стѡпы̀ своѧ̑."
 },
 {
  "type": "HEADER",
  "value": "Ѱало́мъ п҃є."
 },
 {
  "type": "TEXT",
  "value": "П риклонѝ гдⷭ҇и ᲂу҆́хо твоѐ, и҆ ᲂу҆слы́ши мѧ̀, ꙗ҆́кѡ ни́щъ и҆ ᲂу҆бо́гъ є҆́смь а҆́зъ. сохранѝ дꙋ́шꙋ мою̀, ꙗ҆́кѡ прпⷣбенъ є҆́смь: сп҃сѝ раба̀ твоего̀ бж҃е мо́й, ᲂу҆пова́ющаго на тѧ̀. поми́лꙋй мѧ̀ гдⷭ҇и, ꙗ҆́кѡ къ тебѣ̀ воззовꙋ̀ ве́сь де́нь. возвеселѝ дꙋ́шꙋ раба̀ твоегѡ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. ꙗ҆́кѡ ты̀ гдⷭ҇и, бл҃гъ и҆ кро́токъ, и҆ многомлⷭ҇тивъ всѣ̑мъ призыва́ющымъ тѧ̀. внꙋшѝ гдⷭ҇и мл҃твꙋ мою̀, и҆ вонмѝ гла́сꙋ моле́нїѧ моегѡ̀. въ де́нь ско́рби моеѧ̀ воззва́хъ къ тебѣ̀, ꙗ҆́кѡ ᲂу҆слы́шалъ мѧ̀ є҆сѝ. нѣ́сть подо́бенъ тебѣ̀ въ бозѣ́хъ гдⷭ҇и, и҆ нѣ́сть по дѣлѡ́мъ твои̑мъ. всѝ ꙗ҆зы́цы, є҆ли́ки сотвори́лъ є҆сѝ, прїи́дꙋтъ и҆ покло́нѧтсѧ пред̾ тобо́ю гдⷭ҇и, и҆ просла́вѧтъ и҆́мѧ твоѐ: ꙗ҆́кѡ ве́лїй є҆сѝ ты̀, и҆ творѧ́й чꙋдеса̀, ты̀ є҆сѝ бг҃ъ є҆ди́нъ. наста́ви мѧ̀ гдⷭ҇и, на пꙋ́ть тво́й, и҆ пойдꙋ̀ во и҆́стинѣ твое́й: да возвесели́тсѧ се́рдце моѐ, боѧ́тисѧ и҆́мене твоегѡ̀. и҆сповѣ́мсѧ тебѣ̀ гдⷭ҇и бж҃е мо́й, всѣ́мъ се́рдцемъ мои́мъ, и҆ просла́влю и҆́мѧ твоѐ въ вѣ́къ. ꙗ҆́кѡ млⷭ҇ть твоѧ̀ ве́лїѧ на мнѣ̀, и҆ и҆зба́вилъ є҆сѝ дꙋ́шꙋ мою̀ ѿ а҆́да преиспо́днѣйшагѡ. бж҃е законопрестꙋ̑пницы воста́ша на мѧ̀, и҆ со́нмъ держа́вныхъ взыска́ша дꙋ́шꙋ мою̀, и҆ не предложи́ша тебѐ пред̾ собо́ю. и҆ ты̀ гдⷭ҇и бж҃е мо́й ще́дрый и҆ млⷭ҇тивый долготерпѣли́вый и҆ многомлⷭ҇тивый, и҆ и҆́стинный: при́зри на мѧ̀, и҆ поми́лꙋй мѧ̀: да́ждь держа́вꙋ твою̀ ѻ҆́трокꙋ твоемꙋ̀, и҆ сп҃сѝ сы́на рабы̀ твоеѧ̀. сотворѝ со мно́ю зна́менїе во бл҃го: и҆ да ви́дѧтъ ненави́дѧщїи мѧ̀, и҆ постыдѧ́тсѧ, ꙗ҆́кѡ ты̀ гдⷭ҇и помо́глъ мѝ, и҆ ᲂу҆тѣ́шилъ мѧ̀ є҆сѝ."
 },
 {
  "type": "TEXT",
  "value": "И҆ па́ки: Сотворѝ со мно́ю зна́менїе во бл҃го: и҆ да ви́дѧтъ ненави́дѧщїи мѧ̀, и҆ постыдѧ́тсѧ, ꙗ҆́кѡ ты̀ гдⷭ҇и помо́глъ мѝ, и҆ ᲂу҆тѣ́шилъ мѧ̀ є҆сѝ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "Подоба́етъ вѣ́дати: Ꙗ҆́кѡ каѳі́смы не стїхосло́вимъ."
 },
 {
  "type": "TEXT",
  "value": "И҆ по каѳі́смѣ чте́цъ, и҆лѝ і҆ере́й, ста́въ средѝ цр҃кве, глаго́летъ тропа́рь, во гла́съ и҃:"
 },
 {
  "type": "TEXT",
  "value": "И҆́ же въ девѧ́тый ча́съ на́съ ра́ди пло́тїю сме́рть вкꙋси́вый, ᲂу҆мертвѝ пло́ти на́шеѧ мꙋдрова́нїе хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "И҆ на́мъ противоглаша́ющымъ, твори́мъ колѣноприклоне́нїе до землѝ. Та́кожде и҆ на про́чыѧ два̀ стїха̀."
 },
 {
  "type": "TEXT",
  "value": "Ли́къ: И҆́же въ девѧ́тый ча́съ / на́съ ра́ди пло́тїю сме́рть вкꙋси́вый, / ᲂу҆мертвѝ пло́ти на́шеѧ мꙋдрова́нїе / хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "І҆ере́й сті́хъ а҃: Да прибли́житсѧ мл҃тва моѧ̀ пред̾ тѧ̀ гдⷭ҇и, по словесѝ твоемꙋ̀ вразꙋми́ мѧ."
 },
 {
  "type": "TEXT",
  "value": "Ли́къ: И҆́же въ девѧ́тый ча́съ / на́съ ра́ди пло́тїю сме́рть вкꙋси́вый, / ᲂу҆мертвѝ пло́ти на́шеѧ мꙋдрова́нїе / хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "І҆ере́й сті́хъ в҃: Да вни́детъ проше́нїе моѐ пред̾ тѧ̀ гдⷭ҇и, по словесѝ твоемꙋ̀ и҆зба́ви мѧ̀."
 },
 {
  "type": "TEXT",
  "value": "Ли́къ: И҆́же въ девѧ́тый ча́съ / на́съ ра́ди пло́тїю сме́рть вкꙋси́вый, / ᲂу҆мертвѝ пло́ти на́шеѧ мꙋдрова́нїе / хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "Сщ҃е́нникъ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: И҆́ же на́съ ра́ди рожде́йсѧ ѿ дв҃ы, и҆ распѧ́тїе претерпѣ́въ бл҃гі́й, и҆спрове́ргїй сме́ртїю сме́рть, и҆ воскрⷭ҇нїе ꙗ҆вле́й ꙗ҆́кѡ бг҃ъ, не пре́зри, ꙗ҆̀же созда́лъ є҆сѝ рꙋко́ю твое́ю: ꙗ҆вѝ чл҃вѣколю́бїе твоѐ млⷭ҇тиве, прїимѝ ро́ждшꙋю тѧ̀ бцⷣꙋ молѧ́щꙋюсѧ за ны̀, и҆ сп҃сѝ сп҃се на́шъ, лю́ди ѿча̑ѧнныѧ."
 },
 {
  "type": "TEXT",
  "value": "И҆ быва́етъ чте́нїе па́ки въ лѣ́ствичникѣ. И҆ по чте́нїи глаго́лемъ сті́хъ:"
 },
 {
  "type": "TEXT",
  "value": "Н е преда́ждь на́съ до конца̀, и҆́мене твоегѡ̀ ра́ди, и҆ не разорѝ завѣ́та твоегѡ̀, и҆ не ѿста́ви млⷭ҇ти твоеѧ̀ ѿ на́съ, а҆враа́ма ра́ди возлю́бленнагѡ ѿ тебѐ, и҆ за і҆саа́ка раба̀ твоего̀, и҆ і҆и҃лѧ ст҃а́го твоего̀."
 },
 {
  "type": "TEXT",
  "value": "Та́же, С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ глаго́лемъ тропарѝ сїѧ̑, во гла́съ и҃:"
 },
 {
  "type": "TEXT",
  "value": "В и́дѧ разбо́йникъ / нача́льника жи́зни на крⷭ҇тѣ̀ ви́сѧща, глаго́лаше: / а҆́ще не бы̀ бг҃ъ бы́лъ вопло́щьсѧ, и҆́же съ на́ми распны́йсѧ, / не бы̀ со́лнце лꙋчы̀ своѧ̑ потаи́ло: / нижѐ бы землѧ̀ трепе́щꙋщи трѧсла́сѧ, / но всѧ̑ терпѧ́й, помѧни́ мѧ гдⷭ҇и, во црⷭ҇твїи твое́мъ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "П осредѣ̀ двою̀ разбѡ́йникꙋ, / мѣ́рило пра́ведное ѡ҆брѣ́тесѧ крⷭ҇тъ тво́й: / ѻ҆́вомꙋ ᲂу҆́бѡ низводи́мꙋ во а҆́дъ тѧгото́ю хꙋле́нїѧ: / дрꙋго́мꙋ же легча́щꙋсѧ ѿ прегрѣше́нїй, къ позна́нїю бг҃осло́вїѧ: / хрⷭ҇тѐ бж҃е, сла́ва тебѣ̀."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆́ гнца, и҆ па́стырѧ, и҆ сп҃са мі́ра, / на крⷭ҇тѣ̀ зрѧ́щи ро́ждшаѧ тѧ̀, / глаго́лаше слезѧ́щи: / ми́ръ ᲂу҆́бѡ ра́дꙋетсѧ, прїе́млѧ и҆збавле́нїе: / ᲂу҆тро́ба же моѧ̀ гори́тъ, зрѧ́щи твоѐ распѧ́тїе, / є҆́же за всѣ́хъ терпи́ши, / сн҃е и҆ бж҃е мо́й."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "TEXT",
  "value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ покланѧ́емый и҆ сла́вимый хрⷭ҇тѐ бж҃е, долготерпѣли́ве, многомлⷭ҇тиве, многобл҃гоꙋтро́бне, и҆́же пра́вєдныѧ любѧ́й, и҆ грѣ̑шныѧ ми́лꙋѧй, и҆́же всѧ̑ зовы́й ко сп҃се́нїю ѡ҆бѣща́нїѧ ра́ди бꙋ́дꙋщихъ бла̑гъ: са́мъ гдⷭ҇и, прїимѝ и҆ на́шѧ въ ча́съ се́й мл҃твы, и҆ и҆спра́ви живо́тъ на́шъ къ за́повѣдемъ твои̑мъ: дꙋ́шы на́шѧ ѡ҆свѧтѝ, тѣлеса̀ ѡ҆чи́сти, помышлє́нїѧ и҆спра́ви, мы̑сли ѡ҆чи́сти, и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней: ѡ҆градѝ на́съ ст҃ы́ми твои́ми а҆́гг҃лы: да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы, ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ: Бж҃е, ᲂу҆ще́дри ны̀, и҆ бл҃гословѝ ны̀, просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "И҆ твори́мъ покло́ны вели̑кїѧ трѝ, глаго́люще въ себѣ̀ и҆ пред̾ѧвле́ннꙋю моли́твꙋ прпⷣбнагѡ є҆фре́ма: про́чихъ же в҃і не твори́мъ."
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ.]"
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. [Покло́нъ.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. [Покло́нъ.]"
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Та́же мл҃твꙋ сїю̀ вели́кагѡ васі́лїа:"
 },
 {
  "type": "TEXT",
  "value": "В лⷣко гдⷭ҇и, і҆и҃се хрⷭ҇тѐ бж҃е на́шъ, долготерпѣ́вый ѡ҆ на́шихъ согрѣше́нїихъ, и҆ да́же до ны́нѣшнѧгѡ часа̀ приведы́й на́съ, во́ньже на животворѧ́щемъ дре́вѣ ви́сѧ, бл҃горазꙋ́мномꙋ разбо́йникꙋ, и҆́же въ ра́й пꙋтесотвори́лъ є҆сѝ вхо́дъ, и҆ сме́ртїю сме́рть разрꙋши́лъ є҆сѝ, ѡ҆чи́сти на́съ грѣ́шныхъ и҆ недосто́йныхъ ра̑бъ твои́хъ. согрѣши́хомъ бо и҆ беззако́нновахомъ, и҆ нѣ́смы досто́йни возвестѝ ѻ҆чеса̀ на̑ша и҆ воззрѣ́ти на высотꙋ̀ нбⷭ҇нꙋю: занѐ ѡ҆ста́вихомъ пꙋ́ть пра́вды твоеѧ̀, и҆ ходи́хомъ въ во́лѧхъ серде́цъ на́шихъ. но мо́лимъ твою̀ безмѣ́рнꙋю бл҃гость, пощадѝ на́съ гдⷭ҇и, по мно́жествꙋ млⷭ҇ти твоеѧ̀, и҆ сп҃сѝ на́съ и҆́мене твоегѡ̀ ра́ди ст҃а́гѡ, ꙗ҆́кѡ и҆счезо́ша въ сꙋетѣ̀ дні́е на́ши, и҆змѝ на́съ и҆з̾ рꙋкѝ сопроти́внагѡ, и҆ ѡ҆ста́ви на́мъ грѣхѝ на́шѧ, и҆ ᲂу҆мертвѝ плотско́е на́ше мꙋдрова́нїе, да ве́тхаго ѿложи́вше человѣ́ка, въ но́ваго ѡ҆блеце́мсѧ: и҆ тебѣ̀ поживе́мъ на́шемꙋ влⷣцѣ, и҆ бл҃годѣ́телю, и҆ та́кѡ твои̑мъ послѣ́дꙋюще повелѣ́нїємъ, въ вѣ́чный поко́й дости́гнемъ, и҆дѣ́же є҆́сть всѣ́хъ веселѧ́щихсѧ жили́ще, ты́ бо є҆сѝ вои́стиннꙋ и҆́стинное весе́лїе и҆ ра́дость лю́бѧщихъ тѧ̀ хрⷭ҇тѐ бж҃е на́шъ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
 },
 {
  "type": "HEADER",
  "value": "И҆з̾ѡбрази́тельные."
 },
 {
  "type": "TEXT",
  "value": "И҆ а҆́бїе начина́етъ ли́къ, є҆мꙋ́же прилꙋчи́тсѧ начина́ти, на гла́съ и҆:"
 },
 {
  "type": "TEXT",
  "value": "В о црⷭ҇твїи твое́мъ помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "И҆ пое́мъ бл҃же́нны со сладкопѣ́нїемъ и҆ велегла́снѡ и҆ ко́снѡ, въ то́йже гла́съ:"
 },
 {
  "type": "TEXT",
  "value": "Б л҃же́ни ни́щїи дꙋ́хомъ, ꙗ҆́кѡ тѣ́хъ є҆́сть црⷭ҇тво нбⷭ҇ное."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни пла́чꙋщїи, ꙗ҆́кѡ ті́и ᲂу҆тѣ́шатсѧ."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни кро́тцыи, ꙗ҆́кѡ ті́и наслѣ́дѧтъ зе́млю."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни а҆́лчꙋщїи и҆ жа́ждꙋщїи пра́вды, ꙗ҆́кѡ ті́и насы́тѧтсѧ."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни млⷭ҇тивїи, ꙗ҆́кѡ ті́и поми́ловани бꙋ́дꙋтъ."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни чи́стїи се́рдцемъ, ꙗ҆́кѡ ті́и бг҃а ᲂу҆́зрѧтъ."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни миротво́рцы, ꙗ҆́кѡ ті́и сы́нове бж҃їи нарекꙋ́тсѧ."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Р а́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Помѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Та́же соше́дшесѧ ѻ҆́ба ли̑ка, и҆ пое́мъ вы́шшимъ гла́сомъ ѿкрове́нными глава́ми:"
 },
 {
  "type": "TEXT",
  "value": "П омѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ. [Покло́нъ є҆ди́нъ.]"
 },
 {
  "type": "TEXT",
  "value": "П омѧнѝ на́съ влⷣко, є҆гда̀ прїи́деши во црⷭ҇твїи твое́мъ. [Покло́нъ є҆ди́нъ.]"
 },
 {
  "type": "TEXT",
  "value": "П омѧнѝ на́съ ст҃ы́й, є҆гда̀ прїи́деши во црⷭ҇твїи твое́мъ. [Покло́нъ є҆ди́нъ.]"
 },
 {
  "type": "TEXT",
  "value": "Та́же чте́цъ: Л и́къ нбⷭ҇ный пое́тъ тѧ̀, и҆ глаго́летъ: ст҃ъ, ст҃ъ, ст҃ъ гдⷭ҇ь саваѡ́ѳъ, и҆спо́лнь нб҃о и҆ землѧ̀ сла́вы твоеѧ̀."
 },
 {
  "type": "TEXT",
  "value": "Сті́хъ: Пристꙋпи́те къ немꙋ̀ и҆ просвѣти́тесѧ, и҆ ли́ца ва̑ша не постыдѧ́тсѧ."
 },
 {
  "type": "TEXT",
  "value": "Л и́къ нбⷭ҇ный пое́тъ тѧ̀, и҆ глаго́летъ: ст҃ъ, ст҃ъ, ст҃ъ гдⷭ҇ь саваѡ́ѳъ, и҆спо́лнь нб҃о и҆ землѧ̀ сла́вы твоеѧ̀."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Л и́къ ст҃ы́хъ а҆́гг҃лъ и҆ а҆рха̑гг҃лъ, со всѣ́ми нбⷭ҇ными си́лами пое́тъ тѧ̀, и҆ глаго́летъ: ст҃ъ, ст҃ъ, ст҃ъ гдⷭ҇ь саваѡ́ѳъ: и҆спо́лнь нб҃о и҆ землѧ̀ сла́вы твоеѧ̀."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "И҆сповѣ́данїе вѣ́ры:"
 },
 {
  "type": "TEXT",
  "value": "В ѣ́рꙋю во є҆ди́наго бг҃а ѻ҆ц҃а̀ вседержи́телѧ, творца̀ нб҃ꙋ и҆ землѝ, ви̑димымъ же всѣ̑мъ и҆ неви̑димымъ. и҆ во є҆ди́наго гдⷭ҇а і҆и҃са хрⷭ҇та̀, сн҃а бж҃їѧ, є҆диноро́днаго, и҆́же ѿ ѻ҆ц҃а̀ рожде́ннаго пре́жде всѣ́хъ вѣ̑къ: свѣ́та ѿ свѣ́та, бг҃а и҆́стинна ѿ бг҃а и҆́стинна, рожде́нна, не сотворе́нна, є҆диносꙋ́щна ѻ҆ц҃ꙋ̀, и҆́мже всѧ̑ бы́ша. на́съ ра́ди человѣ̑къ, и҆ на́шегѡ ра́ди спасе́нїѧ, сше́дшаго съ нб҃съ, и҆ воплоти́вшагосѧ ѿ дх҃а ст҃а и҆ мр҃і́и дв҃ы, и҆ вочеловѣ́чшасѧ. распѧ́таго же за ны̀ при понті́йстѣмъ пїла́тѣ, и҆ страда́вша, и҆ погребе́нна, и҆ воскрⷭ҇шаго въ тре́тїй де́нь по писа́нїємъ. и҆ возше́дшаго на нб҃са̀, и҆ сѣдѧ́ща ѡ҆деснꙋ́ю ѻ҆ц҃а̀. и҆ па́ки грѧдꙋ́щаго со сла́вою, сꙋди́ти живы̑мъ и҆ мє́ртвымъ, є҆гѡ́же црⷭ҇твїю не бꙋ́детъ конца̀. и҆ въ дх҃а ст҃а́го, гдⷭ҇а, животворѧ́щаго, и҆́же ѿ ѻ҆ц҃а̀ и҆сходѧ́щаго, и҆́же со ѻ҆ц҃е́мъ и҆ сн҃омъ спокланѧ́ема и҆ ссла́вима, глаго́лавшаго прⷪ҇ро́ки. во є҆ди́нꙋ ст҃ꙋ́ю собо́рнꙋю и҆ а҆пⷭ҇льскꙋю цр҃ковь. и҆сповѣ́дꙋю є҆ди́но кр҃ще́нїе, во ѡ҆ставле́нїе грѣхѡ́въ. ча́ю воскрⷭ҇нїѧ ме́ртвыхъ: и҆ жи́зни бꙋ́дꙋщагѡ вѣ́ка. а҆ми́нь."
 },
 {
  "type": "TEXT",
  "value": "Ѡ҆ сла́би, ѡ҆ста́ви, простѝ бж҃е прегрѣшє́нїѧ на̑ша, вѡ́льнаѧ и҆ невѡ́льнаѧ, ꙗ҆̀же въ сло́вѣ и҆ въ дѣ́лѣ, ꙗ҆̀же въ вѣ́дѣнїи и҆ не въ вѣ́дѣнїи, ꙗ҆̀же во днѝ и҆ въ нощѝ, ꙗ҆̀же во ᲂу҆мѣ̀ и҆ въ помышле́нїи: всѧ̑ на́мъ простѝ, ꙗ҆́кѡ бл҃гъ и҆ чл҃вѣколю́бецъ."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ конда́къ чⷭ҇тно́мꙋ крⷭ҇тꙋ̀, гла́съ д҃:"
 },
 {
  "type": "TEXT",
  "value": "В ознесы́йсѧ на крⷭ҇тъ во́лею, / тезоимени́томꙋ твоемꙋ̀ но́вомꙋ жи́тельствꙋ / щедрѡ́ты твоѧ̑ да́рꙋй, хрⷭ҇тѐ бж҃е: / возвеселѝ на́съ си́лою твое́ю, / побѣ̑ды даѧ̀ на́мъ на сопоста́ты, / посо́бїе и҆мꙋ́щымъ твоѐ ѻ҆рꙋ́жїе ми́ра, / непобѣди́мꙋю побѣ́дꙋ."
 },
 {
  "type": "TEXT",
  "value": "Та́же конда́къ хра́ма. А҆́ще ли хра́мъ хрⷭ҇то́въ глаго́лемъ пре́жде хра́ма, та́же днѐ и҆ ст҃а́гѡ рѧдова́гѡ, є҆гѡ́же є҆́сть де́нь, и҆́же и҆́мать."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "С о ст҃ы́ми ᲂу҆поко́й хрⷭ҇тѐ, дꙋ́шы ра̑бъ твои́хъ, и҆дѣ́же нѣ́сть болѣ́знь, ни печа́ль, ни воздыха́нїе, но жи́знь безконе́чнаѧ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "И҆ конда́къ хра́ма бцⷣы, и҆лѝ се́й:"
 },
 {
  "type": "TEXT",
  "value": "Гла́съ ѕ҃: Предста́тельство хрⷭ҇тїа́нъ непосты́дное, хода́тайство ко творцꙋ̀ непрело́жное, не пре́зри грѣ́шныхъ моле́нїй гла́сы: но предварѝ ꙗ҆́кѡ бл҃га́ѧ на по́мощь на́съ, вѣ́рнѡ зовꙋ́щихъ тѝ: ᲂу҆скорѝ на мл҃твꙋ, и҆ потщи́сѧ на ᲂу҆моле́нїе, предста́тельствꙋющи при́снѡ бцⷣе, чтꙋ́щихъ тѧ̀."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ: Бж҃е, ᲂу҆ще́дри ны̀, и҆ бл҃гословѝ ны̀, просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "И҆ твори́мъ и҆з̾ѡбражє́нныѧ покло́ны ѕ҃і съ мл҃твою ст҃а́гѡ є҆фре́ма, раздѣлѧ́юще ю҆̀ въ трѝ ча̑сти:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ.]"
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. [Покло́нъ.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. [Покло́нъ.]"
 },
 {
  "type": "TEXT",
  "value": "Та́же ма́лыхъ в҃і, глаго́люще на кі́йждо покло́нъ: Бж҃е, ѡ҆чи́сти мѧ̀ грѣ́шнаго."
 },
 {
  "type": "TEXT",
  "value": "Та́же па́ки и҆́нъ покло́нъ вели́кїй є҆ди́нъ, глаго́люще и҆ въ не́мъ предпи́саннꙋю мл҃твꙋ всю̀ ст҃а́гѡ є҆фре́ма."
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ."
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀."
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "Вѣ́домо да є҆́сть, ꙗ҆́кѡ послѣ́дованїе мине́и прилꙋчи́вшагѡсѧ ст҃а́гѡ въ сꙋббѡ́тꙋ и҆ въ недѣ́лю пое́тсѧ на повече́рїи, и҆лѝ є҆гда̀ хо́щетъ є҆кклисїа́рхъ."
 },
 {
  "type": "HEADER",
  "value": "Въ пѧто́къ пе́рвыѧ седми́цы ве́чера. Бж҃е́ственнаѧ лїтꙋргі́а преждеѡсщ҃е́нныхъ."
 },
 {
  "type": "TEXT",
  "value": "Дїа́конъ возглаша́етъ: Бл҃гословѝ, влⷣко."
 },
 {
  "type": "TEXT",
  "value": "Сщ҃е́нникъ возгла́снѡ глаго́летъ: Бл҃гослове́но црⷭ҇тво ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Чте́цъ: П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀ цр҃е́ви и҆ бг҃ꙋ на́шемꙋ."
 },
 {
  "type": "TEXT",
  "value": "И҆ мета̑нїѧ г҃. Та́же чте́цъ глаго́летъ ѱало́мъ: Бл҃гословѝ дꙋшѐ моѧ̀ гдⷭ҇а: ти́химъ и҆ кро́ткимъ гла́сомъ. І҆ере́й же глаго́летъ ѻ҆бы̑чныѧ моли̑твы вечє́рнїѧ пред̾ ст҃ы́ми враты̀."
 },
 {
  "type": "HEADER",
  "value": "Ѱало́мъ р҃г."
 },
 {
  "type": "TEXT",
  "value": "Б л҃гословѝ дꙋшѐ моѧ̀ гдⷭ҇а: гдⷭ҇и бж҃е мо́й, возвели́чилсѧ є҆сѝ ѕѣлѡ̀, во и҆сповѣ́данїе и҆ въ велелѣ́потꙋ ѡ҆бле́клсѧ є҆сѝ. ѡ҆дѣѧ́йсѧ свѣ́томъ ꙗ҆́кѡ ри́зою, простира́ѧй нб҃о ꙗ҆́кѡ ко́жꙋ. покрыва́ѧй вода́ми превы́спрєннѧѧ своѧ̑, полага́ѧй ѻ҆́блаки на восхожде́нїе своѐ, ходѧ́й на крилꙋ̀ вѣ́трєню. творѧ́й а҆́гг҃лы своѧ̑ дꙋ́хи и҆ слꙋги̑ своѧ̑ пла́мень ѻ҆́гненный. ѡ҆снова́ѧй зе́млю на тве́рди є҆ѧ̀, не преклони́тсѧ въ вѣ́къ вѣ́ка. бе́здна, ꙗ҆́кѡ ри́за ѡ҆дѣѧ́нїе є҆ѧ̀, на гора́хъ ста́нꙋтъ во́ды. ѿ запреще́нїѧ твоегѡ̀ побѣ́гнꙋтъ, ѿ гла́са гро́ма твоегѡ̀ ᲂу҆боѧ́тсѧ. восхо́дѧтъ го́ры, и҆ низхо́дѧтъ полѧ̀ въ мѣ́сто, є҆́же ѡ҆снова́лъ є҆сѝ и҆̀мъ. предѣ́лъ положи́лъ є҆сѝ, є҆гѡ́же не пре́йдꙋтъ, нижѐ ѡ҆братѧ́тсѧ покры́ти зе́млю. посыла́ѧй и҆сто́чники въ де́брѣхъ, посредѣ̀ го́ръ про́йдꙋтъ во́ды. напаѧ́ютъ всѧ̑ ѕвѣ́ри сє́льныѧ, ждꙋ́тъ ѻ҆на́гри въ жа́ждꙋ свою̀. на ты́хъ пти̑цы нбⷭ҇ныѧ привита́ютъ, ѿ среды̀ ка́менїѧ дадѧ́тъ гла́съ. напаѧ́ѧй го́ры ѿ превы́спреннихъ свои́хъ, ѿ плода̀ дѣ́лъ твои́хъ насы́титсѧ землѧ̀. прозѧба́ѧй травꙋ̀ скотѡ́мъ, и҆ ѕла́къ на слꙋ́жбꙋ человѣ́кѡмъ, и҆звестѝ хлѣ́бъ ѿ землѝ. и҆ вїно̀ весели́тъ се́рдце человѣ́ка, ᲂу҆ма́стити лицѐ є҆ле́емъ, и҆ хлѣ́бъ се́рдце человѣ́ка ᲂу҆крѣпи́тъ. насы́тѧтсѧ древа̀ польска̑ѧ, ке́дри лїва́нстїи, и҆̀хже є҆сѝ насади́лъ. та́мѡ пти̑цы вогнѣздѧ́тсѧ: є҆рѡді́ево жили́ще предводи́тельствꙋетъ и҆́ми. го́ры высѡ́кїѧ є҆ле́нємъ, ка́мень прибѣ́жище за́ѧцємъ. сотвори́лъ є҆́сть лꙋнꙋ̀ во времена̀, со́лнце позна̀ за́падъ сво́й. положи́лъ є҆сѝ тьмꙋ̀, и҆ бы́сть но́щь, въ не́йже про́йдꙋтъ всѝ ѕвѣ́рїе дꙋбра́внїи: скѵ́мни рыка́ющїи восхи́тити, и҆ взыска́ти ѿ бг҃а пи́щꙋ себѣ̀. возсїѧ̀ со́лнце, и҆ собра́шасѧ, и҆ въ ло́жахъ свои́хъ лѧ́гꙋтъ. и҆зы́детъ человѣ́къ на дѣ́ло своѐ, и҆ на дѣ́ланїе своѐ до ве́чера. ꙗ҆́кѡ возвели́чишасѧ дѣла̀ твоѧ̑ гдⷭ҇и, всѧ̑ премꙋ́дростїю сотвори́лъ є҆сѝ: и҆спо́лнисѧ землѧ̀ тва́ри твоеѧ̀. сїѐ мо́ре вели́кое и҆ простра́нное, та́мѡ га́ди, и҆́хже нѣ́сть числа̀, живѡ́тнаѧ ма̑лаѧ съ вели́кими. та́мѡ кораблѝ препла́ваютъ, ѕмі́й се́й, є҆го́же созда́лъ є҆сѝ рꙋга́тисѧ є҆мꙋ̀. всѧ̑ къ тебѣ̀ ча́ютъ, да́ти пи́щꙋ и҆̀мъ во бл҃го вре́мѧ. да́вшꙋ тебѣ̀ и҆̀мъ, соберꙋ́тъ: ѿве́рзшꙋ тебѣ̀ рꙋ́кꙋ, всѧ́чєскаѧ и҆спо́лнѧтсѧ бл҃гости. ѿвра́щшꙋ же тебѣ̀ лицѐ возмѧтꙋ́тсѧ: ѿи́меши дꙋ́хъ и҆́хъ, и҆ и҆сче́знꙋтъ, и҆ въ пе́рсть свою̀ возвратѧ́тсѧ. по́слеши дх҃а твоего̀, и҆ сози́ждꙋтсѧ, и҆ ѡ҆бнови́ши лицѐ землѝ. бꙋ́ди сла́ва гдⷭ҇нѧ во вѣ́ки, возвесели́тсѧ гдⷭ҇ь ѡ҆ дѣ́лѣхъ свои́хъ: призира́ѧй на зе́млю, и҆ творѧ́й ю҆̀ трѧсти́сѧ: прикаса́ѧйсѧ гора́мъ, и҆ дымѧ́тсѧ. воспою̀ гдⷭ҇еви въ животѣ̀ мое́мъ: пою̀ бг҃ꙋ моемꙋ̀, до́ндеже є҆́смь. да ᲂу҆слади́тсѧ є҆мꙋ̀ бесѣ́да моѧ̀, а҆́зъ же возвеселю́сѧ ѡ҆ гдⷭ҇ѣ. да и҆сче́знꙋтъ грѣ̑шницы ѿ землѝ, и҆ беззакѡ́нницы, ꙗ҆́коже не бы́ти и҆̀мъ: бл҃гословѝ дꙋшѐ моѧ̀ гдⷭ҇а."
 },
 {
  "type": "TEXT",
  "value": "С о́лнце позна̀ за́падъ сво́й: положи́лъ є҆сѝ тьмꙋ̀ и҆ бы́сть но́щь. ꙗ҆́кѡ возвели́чишасѧ дѣла̀ твоѧ̑ гдⷭ҇и, всѧ̑ премꙋ́дростїю сотвори́лъ є҆сѝ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды, и҆ покло́ны г҃.]"
 },
 {
  "type": "HEADER",
  "value": "И҆ є҆ктенїа̀ вели́каѧ."
 },
 {
  "type": "TEXT",
  "value": "Сщ҃е́нникъ: Ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ свы́шнѣмъ ми́рѣ, и҆ спасе́нїи дꙋ́шъ на́шихъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ ми́рѣ всегѡ̀ мі́ра, бл҃гостоѧ́нїи ст҃ы́хъ бж҃їихъ цр҃кве́й, и҆ соедине́нїи всѣ́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ ст҃ѣ́мъ хра́мѣ се́мъ, и҆ съ вѣ́рою, бл҃гоговѣ́нїемъ и҆ стра́хомъ бж҃їимъ входѧ́щихъ во́нь, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ, честнѣ́мъ пресвѵ́терствѣ, во хрⷭ҇тѣ̀ дїа́конствѣ, ѡ҆ все́мъ при́чтѣ и҆ лю́дехъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ гра́дѣ се́мъ [и҆лѝ ѡ҆ ве́си се́й, и҆лѝ ѡ҆ ст҃ѣ́й ѻ҆би́тели се́й ] , всѧ́комъ гра́дѣ, странѣ̀, и҆ вѣ́рою живꙋ́щихъ въ ни́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ бл҃горастворе́нїи воздꙋ́хѡвъ, ѡ҆ и҆з̾ѻби́лїи плодѡ́въ земны́хъ, и҆ вре́менѣхъ ми́рныхъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ пла́вающихъ, пꙋтеше́ствꙋющихъ, недꙋ́гꙋющихъ, стра́ждꙋщихъ, плѣне́нныхъ, и҆ ѡ҆ спасе́нїи и҆́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ и҆зба́витисѧ на́мъ ѿ всѧ́кїѧ ско́рби, гнѣ́ва и҆ нꙋ́жды, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋгъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаше́нїе: Ꙗ҆́кѡ подоба́етъ тебѣ̀ всѧ́каѧ сла́ва, че́сть, и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ стїхосло́вимъ каѳі́смꙋ: Ко гдⷭ҇ꙋ внегда̀ скорбѣ́ти мѝ: Є҆гда̀ быва́етъ преждеѡсщ҃е́ннаѧ, твори́тъ сщ҃е́нникъ на є҆ди́номъ ко́емждо а҆нтїфѡ́нѣ стїхосло́вїѧ ма́лꙋю є҆ктенїю̀. Наче́ншꙋсѧ же стїхосло́вїю, ѿхо́дитъ сщ҃е́нникъ во ст҃о́е предложе́нїе: и҆ взе́мъ преждеѡсщ҃е́нный хлѣ́бъ ѿ хлѣбоно́сца, полага́етъ и҆̀ со бл҃гоговѣ́нїемъ мно́гимъ во ст҃ы́й ді́скосъ, вложи́въ во ст҃ꙋ́ю ча́шꙋ вїно̀ и҆ во́дꙋ ѻ҆бы́чнѡ, ничто́же глаго́лѧ. И҆ взе́мъ кади́льницꙋ, кади́тъ ѕвѣзди́цꙋ и҆ покро́вы: и҆ покры́въ ѧ҆̀."
 },
 {
  "type": "HEADER",
  "value": "Пѣ́снь степе́ней, рѳ҃і."
 },
 {
  "type": "TEXT",
  "value": "К о гдⷭ҇ꙋ, внегда̀ скорбѣ́ти мѝ, воззва́хъ, и҆ ᲂу҆слы́ша мѧ̀. гдⷭ҇и, и҆зба́ви дꙋ́шꙋ мою̀ ѿ ᲂу҆сте́нъ непра́ведныхъ и҆ ѿ ѧ҆зы́ка льсти́ва. что̀ да́стсѧ тебѣ̀, и҆лѝ что̀ приложи́тсѧ тебѣ̀ къ ѧ҆зы́кꙋ льсти́вꙋ; стрѣ́лы си́льнагѡ и҆з̾ѡщрє́ны, со ᲂу҆́гльми пꙋсты́нными. ᲂу҆вы̀ мнѣ̀, ꙗ҆́кѡ прише́льствїе моѐ продолжи́сѧ, всели́хсѧ съ селє́нїи кида́рскими: мно́гѡ прише́льствова дꙋша̀ моѧ̀: съ ненави́дѧщими ми́ра бѣ́хъ ми́ренъ: є҆гда̀ глаго́лахъ и҆̀мъ, борѧ́хꙋ мѧ̀ тꙋ́не."
 },
 {
  "type": "HEADER",
  "value": "Пѣ́снь степе́ней, р҃к."
 },
 {
  "type": "TEXT",
  "value": "В озведо́хъ ѻ҆́чи моѝ въ го́ры, ѿню́дꙋже прїи́детъ по́мощь моѧ̀. по́мощь моѧ̀ ѿ гдⷭ҇а, сотво́ршагѡ не́бо и҆ зе́млю. не да́ждь во смѧте́нїе ногѝ твоеѧ̀, нижѐ воздре́млетъ хранѧ́й тѧ̀: сѐ, не воздре́млетъ, нижѐ ᲂу҆́снетъ хранѧ́й і҆и҃лѧ. гдⷭ҇ь сохрани́тъ тѧ̀, гдⷭ҇ь покро́въ тво́й на рꙋ́кꙋ деснꙋ́ю твою̀. во днѝ со́лнце не ѡ҆жже́тъ тебѐ, нижѐ лꙋна̀ но́щїю. гдⷭ҇ь сохрани́тъ тѧ̀ ѿ всѧ́кагѡ ѕла̀, сохрани́тъ дꙋ́шꙋ твою̀ гдⷭ҇ь: гдⷭ҇ь сохрани́тъ вхожде́нїе твоѐ и҆ и҆схожде́нїе твоѐ, ѿ ны́нѣ и҆ до вѣ́ка."
 },
 {
  "type": "HEADER",
  "value": "Пѣ́снь степе́ней, рк҃а."
 },
 {
  "type": "TEXT",
  "value": "В озвесели́хсѧ ѡ҆ ре́кшихъ мнѣ̀: въ до́мъ гдⷭ҇ень по́йдемъ. стоѧ́ще бѧ́хꙋ но́ги на́шѧ во дво́рѣхъ твои́хъ, і҆ерⷭ҇ли́ме. і҆ерⷭ҇ли́мъ зи́ждемый ꙗ҆́кѡ гра́дъ, є҆мꙋ́же прича́стїе є҆гѡ̀ вкꙋ́пѣ. та́мѡ бо взыдо́ша кѡлѣ́на, кѡлѣ́на гдⷭ҇нѧ, свидѣ́нїе і҆и҃лево, и҆сповѣ́датисѧ и҆́мени гдⷭ҇ню: ꙗ҆́кѡ та́мѡ сѣдо́ша престо́ли на сꙋ́дъ, престо́ли въ домꙋ̀ дв҃довѣ. вопроси́те же ꙗ҆̀же ѡ҆ ми́рѣ і҆ерⷭ҇ли́ма: и҆ ѻ҆би́лїе лю́бѧщымъ тѧ̀. бꙋ́ди же ми́ръ въ си́лѣ твое́й, и҆ ѻ҆би́лїе въ столпостѣна́хъ твои́хъ. ра́ди бра́тїй мои́хъ и҆ бли́жнихъ мои́хъ глаго́лахъ ᲂу҆́бѡ ми́ръ ѡ҆ тебѣ̀. до́мꙋ ра́ди гдⷭ҇а бг҃а на́шегѡ взыска́хъ бл҃га̑ѧ тебѣ̀."
 },
 {
  "type": "HEADER",
  "value": "Пѣ́снь степе́ней, рк҃в."
 },
 {
  "type": "TEXT",
  "value": "К ъ тебѣ̀ возведо́хъ ѻ҆́чи моѝ, живꙋ́щемꙋ на нб҃сѝ. сѐ, ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀. поми́лꙋй на́съ, гдⷭ҇и, поми́лꙋй на́съ, ꙗ҆́кѡ помно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ и҆ ᲂу҆ничиже́нїѧ го́рдыхъ."
 },
 {
  "type": "HEADER",
  "value": "Пѣ́снь степе́ней, рк҃г."
 },
 {
  "type": "TEXT",
  "value": "Ꙗ҆́ кѡ а҆́ще не гдⷭ҇ь бы бы́лъ въ на́съ, да рече́тъ ᲂу҆́бѡ і҆и҃ль: ꙗ҆́кѡ а҆́ще не гдⷭ҇ь бы бы́лъ въ на́съ, внегда̀ воста́ти человѣ́кѡмъ на ны̀, ᲂу҆̀бо живы́хъ поже́рли бы́ша на́съ: внегда̀ прогнѣ́ватисѧ ꙗ҆́рости и҆́хъ на ны̀, ᲂу҆̀бо вода̀ потопи́ла бы на́съ. пото́къ пре́йде дꙋша̀ на́ша: ᲂу҆̀бо пре́йде дꙋша̀ на́ша во́дꙋ непостоѧ́ннꙋю. бл҃гослове́нъ гдⷭ҇ь, и҆́же не дадѐ на́съ въ лови́твꙋ зꙋбѡ́мъ и҆́хъ. дꙋша̀ на́ша ꙗ҆́кѡ пти́ца и҆зба́висѧ ѿ сѣ́ти ловѧ́щихъ: сѣ́ть сокрꙋши́сѧ, и҆ мы̀ и҆зба́влени бы́хомъ. по́мощь на́ша во и҆́мѧ гдⷭ҇а, сотво́ршагѡ не́бо и҆ зе́млю."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "Сщ҃е́нникъ: Па́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "HEADER",
  "value": "Моли́тва пе́рвагѡ а҆нтїфѡ́на."
 },
 {
  "type": "TEXT",
  "value": "І҆ере́й: Гдⷭ҇и ще́дрый и҆ ми́лостивый, долготерпѣли́ве и҆ многоми́лостиве, внꙋшѝ моли́твꙋ на́шꙋ и҆ вонмѝ гла́сꙋ моле́нїѧ на́шегѡ, сотворѝ съ на́ми зна́менїе во бла́го: наста́ви на́съ на пꙋ́ть тво́й, є҆́же ходи́ти во и҆́стинѣ твое́й: возвеселѝ сердца̀ на̑ша, во є҆́же боѧ́тисѧ и҆́мене твоегѡ̀ ст҃а́гѡ: занѐ ве́лїй є҆сѝ ты̀ и҆ творѧ́й чꙋдеса̀, ты̀ є҆сѝ бг҃ъ є҆ди́нъ, и҆ нѣ́сть подо́бенъ тебѣ̀ въ бозѣ́хъ, гдⷭ҇и: си́ленъ въ ми́лости, и҆ бл҃гъ въ крѣ́пости, во є҆́же помога́ти, и҆ ᲂу҆тѣша́ти, и҆ спаса́ти всѧ̑ ᲂу҆пова́ющыѧ во и҆́мѧ ст҃о́е твоѐ."
 },
 {
  "type": "TEXT",
  "value": "Возгла́съ: Ꙗ҆́кѡ твоѧ̀ держа́ва, и҆ твоѐ є҆́сть црⷭ҇тво, и҆ си́ла, и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Чте́цъ:"
 },
 {
  "type": "HEADER",
  "value": "Пѣ́снь степе́ней, рк҃д."
 },
 {
  "type": "TEXT",
  "value": "Н адѣ́ющїисѧ на гдⷭ҇а, ꙗ҆́кѡ гора̀ сїѡ́нъ: не подви́житсѧ въ вѣ́къ живы́й во і҆ерⷭ҇ли́мѣ. го́ры ѡ҆́крестъ є҆гѡ̀, и҆ гдⷭ҇ь ѡ҆́крестъ люде́й свои́хъ, ѿ ны́нѣ и҆ до вѣ́ка. ꙗ҆́кѡ не ѡ҆ста́витъ гдⷭ҇ь жезла̀ грѣ́шныхъ на жре́бїй првⷣныхъ, ꙗ҆́кѡ да не про́стрꙋтъ првⷣнїи въ беззакѡ́нїѧ рꙋ́къ свои́хъ. ᲂу҆бл҃жѝ, гдⷭ҇и, бл҃гі̑ѧ и҆ пра̑выѧ срⷣцемъ. ᲂу҆клонѧ́ющыѧсѧ же въ развращє́нїѧ ѿведе́тъ гдⷭ҇ь съ дѣ́лающими беззако́нїе: ми́ръ на і҆и҃лѧ."
 },
 {
  "type": "HEADER",
  "value": "Пѣ́снь степе́ней, рк҃є."
 },
 {
  "type": "TEXT",
  "value": "В негда̀ возврати́ти гдⷭ҇ꙋ плѣ́нъ сїѡ́нь, бы́хомъ ꙗ҆́кѡ ᲂу҆тѣ́шени. тогда̀ и҆спо́лнишасѧ ра́дости ᲂу҆ста̀ на̑ша, и҆ ѧ҆зы́къ на́шъ весе́лїѧ: тогда̀ рекꙋ́тъ во ꙗ҆зы́цѣхъ: возвели́чилъ є҆́сть гдⷭ҇ь сотвори́ти съ ни́ми. возвели́чилъ є҆́сть гдⷭ҇ь сотвори́ти съ на́ми: бы́хомъ веселѧ́щесѧ. возвратѝ, гдⷭ҇и, плѣне́нїе на́ше, ꙗ҆́кѡ пото́ки ю҆́гомъ. сѣ́ющїи слеза́ми, ра́достїю по́жнꙋтъ. ходѧ́щїи хожда́хꙋ и҆ пла́кахꙋсѧ, мета́юще сѣ́мена своѧ̑: грѧдꙋ́ще же прїи́дꙋтъ ра́достїю, взе́млюще рꙋкоѧ̑ти своѧ̑."
 },
 {
  "type": "HEADER",
  "value": "Пѣ́снь степе́ней, рк҃ѕ."
 },
 {
  "type": "TEXT",
  "value": "А҆́ ще не гдⷭ҇ь сози́ждетъ до́мъ, всꙋ́е трꙋди́шасѧ зи́ждꙋщїи: а҆́ще не гдⷭ҇ь сохрани́тъ гра́дъ, всꙋ́е бдѣ̀ стрегі́й. всꙋ́е ва́мъ є҆́сть ᲂу҆́треневати: воста́нете по сѣдѣ́нїи ꙗ҆дꙋ́щїи хлѣ́бъ болѣ́зни, є҆гда̀ да́стъ возлю́блєннымъ свои̑мъ со́нъ. сѐ, достоѧ́нїе гдⷭ҇не сы́нове, мзда̀ плода̀ чре́внѧгѡ. ꙗ҆́кѡ стрѣ́лы въ рꙋцѣ̀ си́льнагѡ, та́кѡ сы́нове ѿтрѧсе́нныхъ. бл҃же́нъ, и҆́же и҆спо́лнитъ жела́нїе своѐ ѿ ни́хъ: не постыдѧ́тсѧ, є҆гда̀ глаго́лютъ врагѡ́мъ свои̑мъ во вратѣ́хъ."
 },
 {
  "type": "HEADER",
  "value": "Пѣ́снь степе́ней, рк҃з."
 },
 {
  "type": "TEXT",
  "value": "Б л҃же́ни всѝ боѧ́щїисѧ гдⷭ҇а, ходѧ́щїи въ пꙋте́хъ є҆гѡ̀: трꙋды̀ плодѡ́въ твои́хъ снѣ́си: бл҃же́нъ є҆сѝ, и҆ добро̀ тебѣ̀ бꙋ́детъ. жена̀ твоѧ̀ ꙗ҆́кѡ лоза̀ плодови́та въ страна́хъ до́мꙋ твоегѡ̀: сы́нове твоѝ ꙗ҆́кѡ новосаждє́нїѧ ма̑сличнаѧ ѡ҆́крестъ трапе́зы твоеѧ̀. сѐ, та́кѡ бл҃гослови́тсѧ человѣ́къ боѧ́йсѧ гдⷭ҇а. бл҃гослови́тъ тѧ̀ гдⷭ҇ь ѿ сїѡ́на, и҆ ᲂу҆́зриши бл҃га̑ѧ і҆ерⷭ҇ли́ма всѧ̑ дни̑ живота̀ твоегѡ̀, и҆ ᲂу҆́зриши сы́ны сынѡ́въ твои́хъ: ми́ръ на і҆и҃лѧ."
 },
 {
  "type": "HEADER",
  "value": "Пѣ́снь степе́ней, рк҃и."
 },
 {
  "type": "TEXT",
  "value": "М но́жицею бра́шасѧ со мно́ю ѿ ю҆́ности моеѧ̀, да рече́тъ ᲂу҆́бѡ і҆и҃ль: мно́жицею бра́шасѧ со мно́ю ѿ ю҆́ности моеѧ̀, и҆́бо не премого́ша мѧ̀. на хребтѣ̀ мое́мъ дѣ́лаша грѣ̑шницы, продолжи́ша беззако́нїе своѐ. гдⷭ҇ь првⷣнъ ссѣчѐ вы̑ѧ грѣ́шникѡвъ. да постыдѧ́тсѧ и҆ возвратѧ́тсѧ вспѧ́ть всѝ ненави́дѧщїи сїѡ́на: да бꙋ́дꙋтъ ꙗ҆́кѡ трава̀ на здѣ́хъ, ꙗ҆́же пре́жде восторже́нїѧ и҆́зсше: є҆́юже не и҆спо́лни рꙋкѝ своеѧ̀ жнѧ́й, и҆ нѣ́дра своегѡ̀ рꙋкоѧ̑ти собира́ѧй: и҆ не рѣ́ша мимоходѧ́щїи: бл҃гослове́нїе гдⷭ҇не на вы̀, бл҃гослови́хомъ вы̀ во и҆́мѧ гдⷭ҇не."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "Сщ҃е́нникъ: Па́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "HEADER",
  "value": "Моли́тва втора́гѡ а҆нтїфѡ́на."
 },
 {
  "type": "TEXT",
  "value": "І҆ере́й: Гдⷭ҇и, да не ꙗ҆́ростїю твое́ю ѡ҆бличи́ши на́съ, нижѐ гнѣ́вомъ твои́мъ нака́жеши на́съ: но сотворѝ съ на́ми по млⷭ҇ти твое́й, врачꙋ̀ и҆ и҆сцѣли́телю дꙋ́шъ на́шихъ, наставлѧ́ѧ на́съ ко приста́нищꙋ хотѣ́нїѧ твоегѡ̀: просвѣтѝ ѻ҆́чи серде́цъ на́шихъ въ позна́нїе твоеѧ̀ и҆́стины: и҆ да́рꙋй на́мъ про́чее настоѧ́щагѡ днѐ ми́рное и҆ безгрѣ́шное, и҆ всѐ вре́мѧ живота̀ на́шегѡ, мл҃твами ст҃ы́ѧ бцⷣы и҆ всѣ́хъ ст҃ы́хъ твои́хъ."
 },
 {
  "type": "TEXT",
  "value": "Возгла́съ: Ꙗ҆́кѡ бл҃гъ и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Чте́цъ:"
 },
 {
  "type": "HEADER",
  "value": "Пѣ́снь степе́ней, рк҃ѳ."
 },
 {
  "type": "TEXT",
  "value": "И҆ з̾ глꙋбины̀ воззва́хъ къ тебѣ̀, гдⷭ҇и: гдⷭ҇и, ᲂу҆слы́ши гла́съ мо́й. да бꙋ́дꙋтъ ᲂу҆́ши твоѝ вне́млющѣ гла́сꙋ моле́нїѧ моегѡ̀. а҆́ще беззакѡ́нїѧ на́зриши, гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебє̀ ѡ҆чище́нїе є҆́сть. и҆́мене ра́ди твоегѡ̀ потерпѣ́хъ тѧ̀, гдⷭ҇и, потерпѣ̀ дꙋша̀ моѧ̀ въ сло́во твоѐ: ᲂу҆пова̀ дꙋша̀ моѧ̀ на гдⷭ҇а. ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а: ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе: и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
 },
 {
  "type": "HEADER",
  "value": "Пѣ́снь степе́ней, р҃л."
 },
 {
  "type": "TEXT",
  "value": "Г дⷭ҇и, не вознесе́сѧ се́рдце моѐ, нижѐ вознесо́стѣсѧ ѻ҆́чи моѝ: нижѐ ходи́хъ въ вели́кихъ, нижѐ въ ди́вныхъ па́че менѐ. а҆́ще не смиреномꙋ́дрствовахъ, но вознесо́хъ дꙋ́шꙋ мою̀, ꙗ҆́кѡ ѿдое́ное на ма́терь свою̀, та́кѡ возда́си на дꙋ́шꙋ мою̀. да ᲂу҆пова́етъ і҆и҃ль на гдⷭ҇а ѿ ны́нѣ и҆ до вѣ́ка."
 },
 {
  "type": "HEADER",
  "value": "Пѣ́снь степе́ней, рл҃а."
 },
 {
  "type": "TEXT",
  "value": "П омѧнѝ, гдⷭ҇и, дв҃да и҆ всю̀ кро́тость є҆гѡ̀: ꙗ҆́кѡ клѧ́тсѧ гдⷭ҇еви, ѡ҆бѣща́сѧ бг҃ꙋ і҆а́кѡвлю: а҆́ще вни́дꙋ въ селе́нїе до́мꙋ моегѡ̀, и҆лѝ взы́дꙋ на ѻ҆́дръ посте́ли моеѧ̀: а҆́ще да́мъ со́нъ ѻ҆чи́ма мои́ма, и҆ вѣ́ждома мои́ма дрема́нїе, и҆ поко́й скранїа́ма мои́ма: до́ндеже ѡ҆брѧ́щꙋ мѣ́сто гдⷭ҇еви, селе́нїе бг҃ꙋ і҆а́кѡвлю. сѐ, слы́шахомъ ѧ҆̀ во є҆ѵфра́ѳѣ, ѡ҆брѣто́хомъ ѧ҆̀ въ полѧ́хъ дꙋбра́вы: вни́демъ въ селє́нїѧ є҆гѡ̀, поклони́мсѧ на мѣ́сто, и҆дѣ́же стоѧ́стѣ но́зѣ є҆гѡ̀. воскрⷭ҇нѝ, гдⷭ҇и, въ поко́й тво́й, ты̀ и҆ кївѡ́тъ ст҃ы́ни твоеѧ̀. сщ҃е́нницы твоѝ ѡ҆блекꙋ́тсѧ пра́вдою, и҆ прпⷣбнїи твоѝ возра́дꙋютсѧ. дв҃да ра́ди раба̀ твоегѡ̀, не ѿвратѝ лицѐ пома́заннагѡ твоегѡ̀. клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀: ѿ плода̀ чре́ва твоегѡ̀ посаждꙋ̀ на престо́лѣ твое́мъ. а҆́ще сохранѧ́тъ сы́нове твоѝ завѣ́тъ мо́й и҆ свидѣ̑нїѧ моѧ̑ сїѧ̑, и҆̀мже наꙋчꙋ̀ ѧ҆̀, и҆ сы́нове и҆́хъ до вѣ́ка сѧ́дꙋтъ на престо́лѣ твое́мъ. ꙗ҆́кѡ и҆збра̀ гдⷭ҇ь сїѡ́на, и҆зво́ли и҆̀ въ жили́ще себѣ̀. се́й поко́й мо́й во вѣ́къ вѣ́ка, здѣ̀ вселю́сѧ, ꙗ҆́кѡ и҆зво́лихъ и҆̀. лови́твꙋ є҆гѡ̀ бл҃гословлѧ́ѧй бл҃гословлю̀, ни́щыѧ є҆гѡ̀ насы́щꙋ хлѣ́бы: сщ҃е́нники є҆гѡ̀ ѡ҆блекꙋ̀ во сп҃се́нїе, и҆ прпⷣбнїи є҆гѡ̀ ра́достїю возра́дꙋютсѧ. та́мѡ возращꙋ̀ ро́гъ дв҃дови, ᲂу҆гото́вахъ свѣти́льникъ пома́занномꙋ моемꙋ̀. врагѝ є҆гѡ̀ ѡ҆блекꙋ̀ стꙋдо́мъ, на не́мъ же процвѣте́тъ ст҃ы́нѧ моѧ̀."
 },
 {
  "type": "HEADER",
  "value": "Пѣ́снь степе́ней, рл҃в."
 },
 {
  "type": "TEXT",
  "value": "С ѐ, что̀ добро̀, и҆лѝ что̀ красно̀, но є҆́же жи́ти бра́тїи вкꙋ́пѣ; ꙗ҆́кѡ мѵ́ро на главѣ̀, сходѧ́щее на брадꙋ̀, брадꙋ̀ а҆арѡ́ню, сходѧ́щее на ѻ҆ме́ты ѻ҆де́жды є҆гѡ̀: ꙗ҆́кѡ роса̀ а҆ермѡ́нскаѧ сходѧ́щаѧ на го́ры сїѡ̑нскїѧ: ꙗ҆́кѡ та́мѡ заповѣ́да гдⷭ҇ь бл҃гослове́нїе и҆ живо́тъ до вѣ́ка."
 },
 {
  "type": "HEADER",
  "value": "Пѣ́снь степе́ней, рл҃г."
 },
 {
  "type": "TEXT",
  "value": "С ѐ, ны́нѣ бл҃гослови́те гдⷭ҇а, всѝ рабѝ гдⷭ҇ни, стоѧ́щїи въ хра́мѣ гдⷭ҇ни, во дво́рѣхъ до́мꙋ бг҃а на́шегѡ. въ но́щехъ воздѣжи́те рꙋ́ки ва́шѧ во ст҃а̑ѧ и҆ бл҃гослови́те гдⷭ҇а. бл҃гослови́тъ тѧ̀ гдⷭ҇ь ѿ сїѡ́на, сотвори́вый не́бо и҆ зе́млю."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "HEADER",
  "value": "Мл҃тва тре́тїѧгѡ а҆нтїфѡ́на."
 },
 {
  "type": "TEXT",
  "value": "І҆ере́й: Гдⷭ҇и бж҃е на́шъ, помѧнѝ на́съ грѣ́шныхъ и҆ непотре́бныхъ ра̑бъ твои́хъ, внегда̀ призыва́ти на́мъ ст҃о́е и҆ покланѧ́емое и҆́мѧ твоѐ, и҆ не посрамѝ на́съ ѿ ча́ѧнїѧ ми́лости твоеѧ̀: но да́рꙋй на́мъ, гдⷭ҇и, всѧ̑ ꙗ҆̀же ко спасе́нїю прошє́нїѧ, и҆ сподо́би на́съ люби́ти, и҆ боѧ́тисѧ тебѐ ѿ всегѡ̀ се́рдца на́шегѡ, и҆ твори́ти во всѣ́хъ во́лю твою̀."
 },
 {
  "type": "TEXT",
  "value": "Свѧще́нникъ возглаша́етъ: Ꙗ҆́кѡ ты̀ є҆сѝ бг҃ъ на́шъ, бг҃ъ ми́ловати и҆ спаса́ти, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "На Гдⷭ҇и воззва́хъ, поста́вимъ стїхѡ́въ і҃. Ѿ И҆зведѝ и҆з̾ темни́цы дꙋ́шꙋ мою̀: и҆ пое́мъ стїхи̑ры, самогла́сенъ днѐ, два́жды, въ гла́съ є҃: и҆ четы́ре мч҃ничны ѻ҆ктѡ́иха, прилꙋчи́вшагѡсѧ гла́са: и҆ самогла́сны д҃, ст҃а́гѡ ѳео́дѡра, въ гла́съ в҃. Дїа́конъ же кади́тъ по чи́нꙋ."
 },
 {
  "type": "HEADER",
  "value": "И҆ пое́мъ Гдⷭ҇и воззва́хъ, въ гла́съ є҃:"
 },
 {
  "type": "TEXT",
  "value": "Г дⷭ҇и, воззва́хъ къ тебѣ̀, ᲂу҆слы́ши мѧ̀. / ᲂу҆слы́ши мѧ̀ гдⷭ҇и."
 },
 {
  "type": "TEXT",
  "value": "Г дⷭ҇и, воззва́хъ къ тебѣ̀, ᲂу҆слы́ши мѧ̀: / вонмѝ гла́сꙋ моле́нїѧ моегѡ̀, / внегда̀ воззва́ти мѝ къ тебѣ̀. / ᲂу҆слы́ши мѧ̀ гдⷭ҇и."
 },
 {
  "type": "TEXT",
  "value": "Д а и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ моє́ю, / же́ртва вече́рнѧѧ. / ᲂу҆слы́ши мѧ̀ гдⷭ҇и."
 },
 {
  "type": "TEXT",
  "value": "И҆ по чи́нꙋ стїхѝ: Положѝ, гдⷭ҇и, хране́нїе ᲂу҆стѡ́мъ мои̑мъ, и҆ две́рь ѡ҆гражде́нїѧ ѡ҆ ᲂу҆стна́хъ мои́хъ. не ᲂу҆клонѝ се́рдце моѐ въ словеса̀ лꙋка́вствїѧ, непщева́ти вины̀ ѡ҆ грѣсѣ́хъ. съ человѣ́ки дѣ́лающими беззако́нїе, и҆ не сочтꙋ́сѧ со и҆збра́нными и҆́хъ. нака́жетъ мѧ̀ пра́ведникъ млⷭ҇тїю, и҆ ѡ҆бличи́тъ мѧ̀: є҆ле́й же грѣ́шнагѡ да не нама́ститъ главы̀ моеѧ̀. ꙗ҆́кѡ є҆щѐ и҆ мл҃тва моѧ̀ во бл҃говоле́нїихъ и҆́хъ, поже́рты бы́ша при ка́мени сꙋдїи̑ и҆́хъ. ᲂу҆слы́шатсѧ глаго́ли моѝ, ꙗ҆́кѡ возмого́ша: ꙗ҆́кѡ то́лща землѝ просѣ́десѧ на землѝ, расточи́шасѧ кѡ́сти и҆́хъ при а҆́дѣ. ꙗ҆́кѡ къ тебѣ̀ гдⷭ҇и, гдⷭ҇и, ѻ҆́чи моѝ, на тѧ̀ ᲂу҆пова́хъ, не ѿимѝ дꙋ́шꙋ мою̀. сохрани́ мѧ ѿ сѣ́ти, ю҆́же соста́виша мѝ, и҆ ѿ собла̑знъ дѣ́лающихъ беззако́нїе. падꙋ́тъ во мре́жꙋ свою̀ грѣ̑шницы: є҆ди́нъ є҆́смь а҆́зъ, до́ндеже прейдꙋ̀."
 },
 {
  "type": "TEXT",
  "value": "Г ла́сомъ мои́мъ ко гдⷭ҇ꙋ воззва́хъ, гла́сомъ мои́мъ ко гдⷭ҇ꙋ помоли́хсѧ. пролїю̀ пред̾ ни́мъ моле́нїе моѐ, печа́ль мою̀ пред̾ ни́мъ возвѣщꙋ̀. внегда̀ и҆счеза́ти ѿ менє̀ дꙋ́хꙋ моемꙋ̀, и҆ ты̀ позна́лъ є҆сѝ стєзѝ моѧ̑. на пꙋтѝ се́мъ, по немꙋ́же хожда́хъ, скры́ша сѣ́ть мнѣ̀. смотрѧ́хъ ѡ҆деснꙋ́ю и҆ возглѧ́дахъ, и҆ не бѣ̀ зна́ѧй менє̀. поги́бе бѣ́гство ѿ менє̀, и҆ нѣ́сть взыска́ѧй дꙋ́шꙋ мою̀. воззва́хъ къ тебѣ̀ гдⷭ҇и, рѣ́хъ: ты̀ є҆сѝ ᲂу҆пова́нїе моѐ, ча́сть моѧ̀ є҆сѝ на землѝ живы́хъ. вонмѝ моле́нїю моемꙋ̀, ꙗ҆́кѡ смири́хсѧ ѕѣлѡ̀: и҆зба́ви мѧ̀ ѿ гонѧ́щихъ мѧ̀, ꙗ҆́кѡ ᲂу҆крѣпи́шасѧ па́че менє̀."
 },
 {
  "type": "TEXT",
  "value": "На і҃. Стїхъ: И҆зведѝ и҆з̾ темни́цы дꙋ́шꙋ мою̀, и҆сповѣ́датисѧ и҆́мени твоемꙋ̀."
 },
 {
  "type": "HEADER",
  "value": "И҆ пое́мъ стїхи̑ры, самогла́сенъ днѐ, два́жды, гла́съ є҃:"
 },
 {
  "type": "TEXT",
  "value": "П рїиди́те вѣ́рнїи, / дѣ́лаимъ во свѣ́тѣ дѣла̀ бж҃їѧ, / ꙗ҆́кѡ во днѝ бл҃гоѡбра́знѡ хо́димъ, / всѧ́кое непра́ведное списа́нїе ѿ себѐ бли́жнѧгѡ ѿи́мемъ, / не полага́юще претыка́нїѧ семꙋ̀ въ собла́знъ. / ѡ҆ста́вимъ пло́ти сладостра́стїе, / возрасти́мъ дꙋшѝ дарова̑нїѧ, / дади́мъ тре́бꙋющымъ хлѣ́бъ, / и҆ пристꙋ́пимъ хрⷭ҇тꙋ̀ въ покаѧ́нїи вопїю́ще: / бж҃е на́шъ, поми́лꙋй на́съ."
 },
 {
  "type": "TEXT",
  "value": "Стїхъ: Менє̀ ждꙋ́тъ пра́вєдницы, до́ндеже возда́си мнѣ̀."
 },
 {
  "type": "TEXT",
  "value": "То́йжде: П рїиди́те вѣ́рнїи, / дѣ́лаимъ во свѣ́тѣ дѣла̀ бж҃їѧ, / ꙗ҆́кѡ во днѝ бл҃гоѡбра́знѡ хо́димъ, / всѧ́кое непра́ведное списа́нїе ѿ себѐ бли́жнѧгѡ ѿи́мемъ, / не полага́юще претыка́нїѧ семꙋ̀ въ собла́знъ. / ѡ҆ста́вимъ пло́ти сладостра́стїе, / возрасти́мъ дꙋшѝ дарова̑нїѧ, / дади́мъ тре́бꙋющымъ хлѣ́бъ, / и҆ пристꙋ́пимъ хрⷭ҇тꙋ̀ въ покаѧ́нїи вопїю́ще: / бж҃е на́шъ, поми́лꙋй на́съ."
 },
 {
  "type": "TEXT",
  "value": "На и҃. Стїхъ: И҆з̾ глꙋбины̀ воззва́хъ къ тебѣ̀ гдⷭ҇и, гдⷭ҇и, ᲂу҆слы́ши гла́съ мо́й."
 },
 {
  "type": "TEXT",
  "value": "Та́же пое́мъ мч҃нченъ, гла́са ѻ҆ктѡ́иха."
 },
 {
  "type": "TEXT",
  "value": "Стїхъ: Да бꙋ́дꙋтъ ᲂу҆́ши твоѝ, вне́млющѣ гла́сꙋ моле́нїѧ моегѡ̀."
 },
 {
  "type": "TEXT",
  "value": "И҆ пое́мъ мч҃нченъ, гла́са ѻ҆ктѡ́иха."
 },
 {
  "type": "TEXT",
  "value": "На ѕ҃. Стїхъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
 },
 {
  "type": "TEXT",
  "value": "И҆ мч҃нченъ, гла́са ѻ҆ктѡ́иха."
 },
 {
  "type": "TEXT",
  "value": "Стїхъ: И҆́мене ра́ди твоегѡ̀ потерпѣ́хъ тѧ̀, гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
 },
 {
  "type": "TEXT",
  "value": "И҆ мч҃нченъ, гла́са ѻ҆ктѡ́иха."
 },
 {
  "type": "TEXT",
  "value": "На д҃. Стїхъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
 },
 {
  "type": "HEADER",
  "value": "Та́же самогла́сны д҃, ст҃а́гѡ ѳео́дѡра, въ гла́съ в҃:"
 },
 {
  "type": "TEXT",
  "value": "П рїиди́те мч҃нколю́бцы всѝ, / дх҃о́внѡ возвесели́мсѧ, и҆ торжествꙋ́имъ: / дне́сь бо предлага́етъ трапе́зꙋ та́йнꙋю мч҃нкъ ѳео́дѡръ, / веселѧ́щꙋю празднолю́бцєвъ на́съ, є҆́же вопи́ти къ немꙋ̀: / ра́дꙋйсѧ стрⷭ҇тоте́рпче непобѣди́мый, / прещє́нїѧ мꙋчи́телей на землѝ разори́вый. / ра́дꙋйсѧ, бре́нное твоѐ тѣ́ло за хрⷭ҇та̀ ѿда́вый мꙋ́камъ. / ра́дꙋйсѧ, въ разли́чныхъ бѣда́хъ, и҆скꙋ́сный во́инъ ꙗ҆ви́выйсѧ нбⷭ҇нагѡ во́инства. / тѣ́мже мо́лимъ тѧ̀ мч҃нкѡвъ ᲂу҆краше́нїе, / моли́сѧ ѡ҆ дꙋша́хъ на́шихъ."
 },
 {
  "type": "TEXT",
  "value": "Стїхъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
 },
 {
  "type": "TEXT",
  "value": "Б г҃одарова́ннꙋю бл҃года́ть чꙋде́съ твои́хъ, мч҃нче ѳео́дѡре, / всѣ̑мъ простира́еши, вѣ́рою къ тебѣ̀ притека́ющымъ, / є҆́юже хва́лимъ тѧ̀, глаго́люще: / плѣнє́нныѧ и҆збавлѧ́еши, и҆сцѣлѧ́еши болѧ́щыѧ, / ни́щыѧ ѡ҆богаща́еши: и҆ сп҃са́еши пла́вающыѧ, / сꙋ́етное тече́нїе ᲂу҆держава́еши рабѡ́въ, / и҆ тщеты̀ ꙗ҆вле́нїе твори́ши ᲂу҆крада́ющымъ страда́льче, / и҆ во́ины наказꙋ́еши восхище́нїѧ ѡ҆греба́тисѧ, / младе́нцємъ да́рꙋеши ми́лостивнѡ прошє́нїѧ, / те́плый ѡ҆брѣта́ешисѧ предста́тель творѧ́щымъ твою̀ сщ҃е́ннꙋю па́мѧть. / съ ни́миже и҆ на́съ страда́льче сщ҃е́ннѣйшїй, / воспѣва́ющымъ твоѐ мꙋче́нїе, / просѝ ᲂу҆ хрⷭ҇та̀ ве́лїю млⷭ҇ть."
 },
 {
  "type": "TEXT",
  "value": "На в҃. Стїхъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
 },
 {
  "type": "TEXT",
  "value": "Д а́ръ бж҃їй превы́шшїй показа́лсѧ є҆сѝ мч҃нче ѳео́дѡре: / занѐ и҆ по кончи́нѣ ꙗ҆́кѡ жи́въ / притека́ющымъ дае́ши прошє́нїѧ. / тѣ́мже сы́нꙋ восхище́ннꙋ жены̀ и҆ногда̀, / плѣне́ннꙋ и҆новѣ́рными во́ины, / предста́вши вдови́ца слеза́ми хра́мъ тво́й моча́ше: / ты́ же ꙗ҆́кѡ млⷭ҇тивъ на конѣ̀ бѣ́ломъ наше́дъ, / сеѧ̀ ѻ҆́трока предста́вилъ є҆сѝ неви́димѡ: / и҆ по се́мъ и҆ съ си́мъ дѣ́йствꙋѧй чꙋдесы̀, не преста́лъ є҆сѝ. / но молѝ хрⷭ҇та̀ бг҃а, сп҃сти́сѧ дꙋша́мъ на́шымъ."
 },
 {
  "type": "TEXT",
  "value": "Стїхъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
 },
 {
  "type": "TEXT",
  "value": "Б ж҃е́ственныхъ дарѡ́въ тезоимени́та тѧ̀ чтꙋ̀, требл҃же́нне ѳео́дѡре: / свѣ́та бо бж҃е́ственнагѡ незаходи́мое свѣти́ло ꙗ҆вле́йсѧ, / ᲂу҆ѧсни́лъ є҆сѝ страда́ньми твои́ми всю̀ тва́рь: / и҆ ѻ҆гнѧ̀ си́льнѣйшїй ꙗ҆ви́всѧ, пла́мень ᲂу҆гаси́лъ є҆сѝ, / и҆ льсти́вагѡ ѕмі́ѧ главꙋ̀ сокрꙋши́лъ є҆сѝ. / тѣ́мже во страда́нїихъ твои́хъ хрⷭ҇то́съ приклони́всѧ, / вѣнча̀ бж҃е́ственнꙋю главꙋ̀ твою̀ великомч҃нче страда́льче, / ꙗ҆́кѡ и҆мѣ́ѧй дерзнове́нїе къ бг҃ꙋ, / прилѣ́жнѡ моли́сѧ ѡ҆ дꙋша́хъ на́шихъ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Гла́съ ѕ҃: С осꙋ́да ᲂу҆потреби́въ вра́гъ соѿстꙋ́пника мꙋчи́телѧ, / ᲂу҆мышле́нїемъ лю́тымъ, / посто́мъ ѡ҆чища́ющыѧсѧ лю́ди бл҃гочести̑выѧ, / ѿ скве́рныхъ же́ртвъ, ѡ҆скверне́нными бра́шны ѿкꙋша́шесѧ ѡ҆скверни́ти: / но ты̀ ѻ҆́нагѡ ᲂу҆хищре́нїе мꙋдрѣ́йшимъ разрꙋши́лъ є҆сѝ ᲂу҆мышле́нїемъ, / во снѣ̀ предста́лъ є҆сѝ тогда́шнемꙋ а҆рхїере́ю, / и҆ глꙋбо́кое ра́зꙋма ѿкрыва́ѧ, / и҆ безмѣ́стное начина́нїе ꙗ҆влѧ́ѧ, / и҆ тебѣ̀ ᲂу҆́бѡ бл҃года́рствєннаѧ приносѧ́ще, сп҃са написꙋ́емъ, / лѣ́тное воспомина́нїе бы́вшагѡ чꙋдесѐ творѧ́ще: / и҆ про́чее молѧ́щесѧ, / ѿ ᲂу҆мышле́нїй лꙋка́вагѡ невреди̑мымъ сп҃сти́сѧ, / къ бг҃ꙋ твои́ми мл҃твами мч҃нче ѳео́дѡре."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ гла́са."
 },
 {
  "type": "TEXT",
  "value": "И҆ быва́етъ вхо́дъ съ кади́льницею, без̾ є҆ѵⷢ҇лїа."
 },
 {
  "type": "TEXT",
  "value": "Дїа́конъ глаго́летъ велегла́снѡ: Премꙋ́дрость, про́сти."
 },
 {
  "type": "TEXT",
  "value": "Ли́къ: Свѣ́те ти́хїй ст҃ы́ѧ сла́вы, / безсме́ртнагѡ, ѻ҆ц҃а̀ нбⷭ҇нагѡ, / ст҃а́гѡ бл҃же́ннагѡ, і҆и҃се хрⷭ҇тѐ, / прише́дше на за́падъ со́лнца, / ви́дѣвше свѣ́тъ вече́рнїй, / пое́мъ ѻ҆ц҃а̀, сн҃а, и҆ ст҃а́го дх҃а, бг҃а. / досто́инъ є҆сѝ во всѧ̑ времена̀ / пѣ́тъ бы́ти гла́сы преподо́бными, / сн҃е бж҃їй, живо́тъ даѧ́й: / тѣ́мже мі́ръ тѧ̀ сла́витъ."
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "TEXT",
  "value": "Сщ҃е́нникъ: Ми́ръ всѣ̑мъ."
 },
 {
  "type": "TEXT",
  "value": "Ли́къ: И҆ дх҃ови твоемꙋ̀."
 },
 {
  "type": "TEXT",
  "value": "Сщ҃е́нникъ: Премꙋ́дрость."
 },
 {
  "type": "TEXT",
  "value": "И҆ чте́цъ глаго́летъ: Прокі́менъ, ѱало́мъ ѳ҃і. Гла́съ є҃: Оу҆слы́шитъ тѧ̀ гдⷭ҇ь / въ де́нь печа́ли. Сті́хъ: Защи́титъ тѧ̀ и҆́мѧ бг҃а і҆а́кѡвлѧ."
 },
 {
  "type": "TEXT",
  "value": "Сщ҃е́нникъ: Премꙋ́дрость."
 },
 {
  "type": "TEXT",
  "value": "И҆ чте́цъ надписа́нїе парємїѝ: Бытїѧ̀ чте́нїе. [Глава̀ в҃, ст. к҃-к҃є. глава̀ г҃, ст. а҃- к҃.]"
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "TEXT",
  "value": "И҆ чте́цъ глаго́летъ: Н аречѐ а҆да́мъ и҆мена̀ всѣ̑мъ скотѡ́мъ, и҆ всѣ̑мъ пти́цамъ нбⷭ҇нымъ, и҆ всѣ̑мъ ѕвѣрє́мъ зємны́мъ, а҆да́мꙋ же не ѡ҆брѣ́тесѧ помо́щникъ подо́бный є҆мꙋ̀. и҆ наложѝ бг҃ъ и҆зстꙋпле́нїе на а҆да́ма, и҆ ᲂу҆́спе: и҆ взѧ̀ є҆ди́но ѿ ре́бръ є҆гѡ̀, и҆ и҆спо́лни пло́тїю вмѣ́стѡ є҆гѡ̀. и҆ созда̀ гдⷭ҇ь бг҃ъ ребро̀, є҆́же взѧ̀ ѿ а҆да́ма, въ женꙋ̀, и҆ приведѐ ю҆̀ ко а҆да́мꙋ. и҆ речѐ а҆да́мъ: сѐ ны́нѣ ко́сть ѿ косте́й мои́хъ, и҆ пло́ть ѿ пло́ти моеѧ̀: сїѧ̀ нарече́тсѧ жена̀, ꙗ҆́кѡ ѿ мꙋ́жа своегѡ̀ взѧта̀ бы́сть сїѧ̀. сегѡ̀ ра́ди ѡ҆ста́витъ человѣ́къ ѻ҆тца̀ своего̀ и҆ ма́терь, и҆ прилѣпи́тсѧ къ женѣ̀ свое́й, и҆ бꙋ́дета два̀ въ пло́ть є҆ди́нꙋ. и҆ бѣ́ста ѻ҆́ба на̑га, а҆да́мъ же и҆ жена̀ є҆гѡ̀, и҆ не стыдѧ́стасѧ. ѕмі́й же бѣ̀ мꙋдрѣ́йшїй всѣ́хъ ѕвѣре́й сꙋ́щихъ на землѝ, и҆̀хже сотворѝ гдⷭ҇ь бг҃ъ. и҆ речѐ ѕмі́й женѣ̀: что̀ ꙗ҆́кѡ речѐ бг҃ъ: да не ꙗ҆́сте ѿ всѧ́кагѡ дре́ва ра́йскагѡ; и҆ речѐ жена̀ ѕмі́ю: ѿ всѧ́кагѡ дре́ва ра́йскагѡ ꙗ҆́сти бꙋ́демъ: ѿ плода́ же дре́ва, є҆́же є҆́сть посредѣ̀ раѧ̀, речѐ бг҃ъ, да не ꙗ҆́сте ѿ негѡ̀, нижѐ прикосне́тесѧ є҆мꙋ̀, да не ᲂу҆́мрете. и҆ речѐ ѕмі́й женѣ̀: не сме́ртїю ᲂу҆́мрете. вѣ́дѧше бо бг҃ъ, ꙗ҆́кѡ во́ньже а҆́ще де́нь снѣ́сте ѿ негѡ̀, ѿве́рзꙋтсѧ ѻ҆́чи ва́ши, и҆ бꙋ́дете ꙗ҆́кѡ бо́зи, вѣ́дѧще до́брое и҆ лꙋка́вое. и҆ ви́дѣ жена̀, ꙗ҆́кѡ добро̀ дре́во въ снѣ́дь, и҆ ꙗ҆́кѡ ᲂу҆го́дно ѻ҆чи́ма ви́дѣти, и҆ красно̀ є҆́сть, є҆́же разꙋмѣ́ти: и҆ взе́мши ѿ плода̀ є҆гѡ̀, ꙗ҆дѐ: и҆ дадѐ мꙋ́жꙋ своемꙋ̀ съ собо́ю, и҆ ꙗ҆до́ста. и҆ ѿверзо́шасѧ ѻ҆́чи ѻ҆бѣ́ма, и҆ разꙋмѣ́ша, ꙗ҆́кѡ на́зи бѣ́ша, и҆ сши́ста ли́ствїе смоко́вное, и҆ сотвори́ста себѣ̀ препоѧ̑санїѧ. и҆ ᲂу҆слы́шаста гла́съ гдⷭ҇а бг҃а, ходѧ́ща въ раѝ по полꙋ́дни: и҆ скры́стасѧ а҆да́мъ же и҆ жена̀ є҆гѡ̀ ѿ лица̀ гдⷭ҇а бг҃а посредѣ̀ дре́ва ра́йскагѡ. и҆ призва̀ гдⷭ҇ь бг҃ъ а҆да́ма, и҆ речѐ є҆мꙋ̀: а҆да́ме, гдѣ̀ є҆сѝ; и҆ речѐ є҆мꙋ̀: гла́съ слы́шахъ тебѐ ходѧ́ща въ раѝ, и҆ ᲂу҆боѧ́хсѧ ꙗ҆́кѡ на́гъ є҆́смь, и҆ скры́хсѧ. и҆ речѐ є҆мꙋ̀ бг҃ъ: кто̀ возвѣстѝ тебѣ̀, ꙗ҆́кѡ на́гъ є҆сѝ, а҆́ще не бы̀ ѿ дре́ва, є҆го́же заповѣ́дахъ тебѣ̀, сегѡ̀ є҆ди́нагѡ не ꙗ҆́сти, ѿ негѡ̀ ꙗ҆́лъ є҆сѝ; и҆ речѐ а҆да́мъ: жена̀, ю҆́же да́лъ є҆сѝ со мно́ю, та́ ми дадѐ ѿ древа̀, и҆ ꙗ҆до́хъ. и҆ речѐ гдⷭ҇ь бг҃ъ женѣ̀: что̀ сїѐ сотвори́ла є҆сѝ; и҆ речѐ жена̀: ѕмі́й прельсти́ мѧ, и҆ ꙗ҆до́хъ. и҆ речѐ гдⷭ҇ь бг҃ъ ѕмі́ю: ꙗ҆́кѡ сотвори́лъ є҆сѝ сїѐ, про́клѧтъ ты̀ ѿ всѣ́хъ скотѡ́въ, и҆ ѿ всѣ́хъ ѕвѣре́й земны́хъ: на пе́рсехъ твои́хъ и҆ чре́вѣ ходи́ти бꙋ́деши, и҆ зе́млю снѣ́си всѧ̑ дни̑ живота̀ твоегѡ̀. и҆ враждꙋ̀ положꙋ̀ междꙋ̀ тобо́ю, и҆ междꙋ̀ жено́ю, и҆ междꙋ̀ сѣ́менемъ твои́мъ, и҆ междꙋ̀ сѣ́менемъ тоѧ̀: то́й твою̀ блюстѝ бꙋ́детъ главꙋ̀, и҆ ты̀ блюстѝ бꙋ́деши є҆гѡ̀ пѧ́тꙋ. и҆ женѣ̀ речѐ: ᲂу҆множа́ѧ ᲂу҆мно́жꙋ печа́ли твоѧ̑, и҆ воздыха̑нїѧ твоѧ̑, въ болѣ́знехъ роди́ши ча̑да, и҆ къ мꙋ́жꙋ твоемꙋ̀ ѡ҆браще́нїе твоѐ, и҆ то́й тобо́ю ѡ҆блада́ти бꙋ́детъ. и҆ а҆да́мꙋ речѐ: ꙗ҆́кѡ послꙋ́шалъ є҆сѝ гла́са жены̀ твоеѧ̀, и҆ ꙗ҆́лъ є҆сѝ ѿ дре́ва, є҆го́же заповѣ́дахъ тебѣ̀ сегѡ̀ є҆ди́нагѡ не ꙗ҆́сти, ѿ негѡ̀ ꙗ҆́лъ є҆сѝ: проклѧта̀ землѧ̀ въ дѣ́лѣхъ твои́хъ, въ печа́лехъ снѣ́си тꙋ́ю всѧ̑ дни̑ живота̀ твоегѡ̀. тє́рнїѧ и҆ волчцы̀ возрасти́тъ тебѣ̀, и҆ снѣ́си травꙋ̀ се́льнꙋю. въ по́тѣ лица̀ твоегѡ̀ снѣ́си хлѣ́бъ тво́й, до́ндеже возврати́шисѧ въ зе́млю, ѿ неѧ́же взѧ́тъ є҆сѝ: ꙗ҆́кѡ землѧ̀ є҆сѝ, и҆ въ зе́млю ѿи́деши. и҆ наречѐ а҆да́мъ и҆́мѧ женѣ̀ свое́й жи́знь, ꙗ҆́кѡ та̀ ма́ти всѣ́хъ живꙋ́щихъ."
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "TEXT",
  "value": "И҆ чте́цъ вторы́й прокі́менъ, ѱало́мъ к҃, гла́съ ѕ҃: Вознеси́сѧ гдⷭ҇и, си́лою твое́ю, / воспое́мъ и҆ пое́мъ си̑лы твоѧ̑. Сті́хъ: Гдⷭ҇и, си́лою твое́ю возвесели́тсѧ ца́рь."
 },
 {
  "type": "TEXT",
  "value": "Посе́мъ возглаша́етъ дїа́конъ: Повели́те."
 },
 {
  "type": "TEXT",
  "value": "Сщ҃е́нникъ же взе́мъ ѻ҆бѣ́ма рꙋка́ма кади́льницꙋ, и҆ свѣ́щникъ со свѣще́ю, стои́тъ пред̾ ст҃о́ю трапе́зою зрѧ̀ къ восто́кѡмъ, и҆ назна́менꙋѧ крⷭ҇тъ, глаго́летъ: Премꙋ́дрость про́сти. Та́же ѡ҆братѧ́сѧ на за́падъ къ наро́дꙋ, глаго́летъ: Свѣ́тъ хрⷭ҇то́въ просвѣща́етъ всѣ́хъ."
 },
 {
  "type": "TEXT",
  "value": "Чте́цъ: При́тчей чте́нїе. [Глава̀ г҃, ст. ѳ҃і-л҃д.]"
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "TEXT",
  "value": "Чте́цъ: Б г҃ъ премꙋ́дростїю ѡ҆снова̀ зе́млю, ᲂу҆гото́ва же нб҃са̀ ра́зꙋмомъ: въ чꙋ́вствѣ є҆гѡ̀ бє́здны разверзо́шасѧ, ѻ҆́блацы же и҆сточи́ша ро́сꙋ. сы́не да не премине́ши, соблюди́ же мо́й совѣ́тъ, и҆ мы́сль: да жива̀ бꙋ́детъ дꙋша̀ твоѧ̀, и҆ бл҃года́ть бꙋ́детъ на твое́й вы́и: [бꙋ́детъ же и҆сцѣле́нїе пло́темъ твои̑мъ, и҆ ᲂу҆врачева́нїе косте́мъ твои̑мъ:] да хо́диши надѣ́ѧсѧ въ ми́рѣ во всѣ́хъ пꙋте́хъ твои́хъ, нога́ же твоѧ̀ не по́ткнетсѧ, а҆́ще бо сѧ́деши, безбоѧ́зненъ бꙋ́деши, а҆́ще же поспи́ши сла́достнѡ поспи́ши: и҆ не ᲂу҆бои́шисѧ стра́ха наше́дшагѡ, нижѐ ᲂу҆стремле́нїѧ нечести́выхъ находѧ́щагѡ. гдⷭ҇ь бо бꙋ́детъ на всѣ́хъ пꙋте́хъ твои́хъ, и҆ ᲂу҆тверди́тъ но́гꙋ твою̀, да не поползне́шисѧ. не ѿрецы́сѧ бл҃готвори́ти тре́бꙋющемꙋ, є҆гда̀ и҆́мать рꙋка̀ твоѧ̀ помога́ти. не рцы̀: ѿше́дъ возврати́сѧ, и҆ заꙋ́тра да́мъ, си́льнꙋ тѝ сꙋ́щꙋ бл҃готвори́ти: не вѣ́си бо что̀ породи́тъ находѧ́щїй де́нь. не соплета́й на дрꙋ́га твоегѡ̀ ѕла̀, прише́льца сꙋ́ща и҆ ᲂу҆пова́юща на тѧ̀. не враждꙋ́й на человѣ́ка тꙋ́не, да не что̀ на тѧ̀ содѣ́етъ ѕло́е. не стѧжѝ ѕлы́хъ мꙋже́й поношє́нїѧ, не возревнꙋ́й пꙋтє́мъ и҆́хъ. нечи́стъ бо пред̾ гдⷭ҇емъ всѧ́къ законопрестꙋ́пникъ и҆ съ првⷣными не сочетава́етсѧ. клѧ́тва гдⷭ҇нѧ въ домѣ́хъ нечести́выхъ: дворы́ же првⷣныхъ бл҃гословлѧ́ютсѧ. гдⷭ҇ь гѡ́рдымъ проти́витсѧ: смирє́ннымъ же дае́тъ бл҃года́ть."
 },
 {
  "type": "TEXT",
  "value": "Та́же, Да и҆спра́витсѧ мл҃тва моѧ̀:"
 },
 {
  "type": "TEXT",
  "value": "И҆ по и҆сполне́нїи паремі́й, глаго́летъ сщ҃е́нникъ: Ми́ръ тѝ:"
 },
 {
  "type": "TEXT",
  "value": "И҆ дїа́конъ: Премꙋ́дрость."
 },
 {
  "type": "TEXT",
  "value": "Подоба́етъ вѣ́дати, є҆гда̀ чте́цъ пое́тъ: Да и҆спра́витсѧ мл҃тва моѧ̀, ꙗ҆́кѡ кади́ло пред̾ тобо́ю: всѝ лю́дїе сꙋ́щїи во хра́мѣ и҆ во ѻ҆лтарѣ̀, стоѧ́тъ на колѣ́нахъ молѧ́щесѧ. Є҆гда́ же на́чнетъ: Воздѣѧ́нїе рꙋкꙋ̀ мое́ю: востаю́тъ. На про́чїихъ же стїха́хъ, Да и҆спра́витсѧ, пѣ́нїѧ, є҆гда̀ кото́рый ли́къ пое́тъ, и҆ всѧ̀ страна̀ стои́тъ: вторы́й же ли́къ и҆ страна̀ наро́да колѣ̑на приклонѧ́ютъ. І҆ере́й же стоѧ̀ во ѻ҆лтарѣ̀ пред̾ ст҃о́ю трапе́зою, прїѧ́въ кади́льницꙋ съ ѳѷмїа́момъ, и҆ кади́тъ: послѣди́ же на Да и҆спра́витсѧ, ѿда́въ кади́льницꙋ и҆ са́мъ і҆ере́й приклонѧ́етъ колѣ̑на молѧ́сѧ."
 },
 {
  "type": "TEXT",
  "value": "Чте́цъ пое́тъ: Д а и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "И҆ по пѣ́нїи чтеца̀, ли́къ пое́тъ то́же: Д а и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "Та́же, чте́цъ Сті́хъ а҃: Г дⷭ҇и, воззва́хъ къ тебѣ̀, ᲂу҆слы́ши мѧ̀, / вонмѝ гла́сꙋ моле́нїѧ моегѡ̀, / внегда̀ воззва́ти мѝ къ тебѣ̀."
 },
 {
  "type": "TEXT",
  "value": "Ли́къ: Д а и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "Чте́цъ, сті́хъ в҃: П оложѝ гдⷭ҇и, хране́нїе ᲂу҆стѡ́мъ мои̑мъ, / и҆ две́рь ѡ҆гражде́нїѧ ѡ҆ ᲂу҆стна́хъ мои́хъ."
 },
 {
  "type": "TEXT",
  "value": "Ли́къ: Д а и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "Чте́цъ, сті́хъ г҃: Н е ᲂу҆клонѝ се́рдце моѐ въ словеса̀ лꙋка́вствїѧ, / непщева́ти вины̀ ѡ҆ грѣсѣ́хъ."
 },
 {
  "type": "TEXT",
  "value": "Ли́къ: Д а и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "И҆ па́ки чте́цъ пое́тъ: Д а и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю."
 },
 {
  "type": "TEXT",
  "value": "И҆ ли́къ пое́тъ: В оздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "И҆ по и҆сполне́нїи твори́мъ покло́ны г҃. И҆ про́чее быва́етъ послѣ́дованїе преждеѡсщ҃е́нныхъ, по чи́нꙋ ꙗ҆́коже въ слꙋже́бникахъ и҆з̾ѧви́сѧ."
 },
 {
  "type": "TEXT",
  "value": "Кїнони́къ: Вкꙋси́те и҆ ви́дите, ꙗ҆́кѡ бл҃гъ гдⷭ҇ь. А҆ллилꙋ́їа. [Три́жды.] По ѿверзе́нїи же вра́тъ, рече́тъ дїа́конъ: Со стра́хомъ бж҃їимъ, и҆ вѣ́рою пристꙋпи́те. Мы́ же покло́нъ є҆ди́нъ: И҆ пое́мъ, Бл҃гословлю̀ гдⷭ҇а на всѧ́кое вре́мѧ, хвала̀ є҆гѡ̀ во ᲂу҆стѣ́хъ мои́хъ: А҆ллилꙋ́їа. [Три́жды.] По возглаше́нїи же ѿ і҆ере́а, Всегда̀, ны́нѣ и҆ при́снѡ: ли́къ: Да и҆спо́лнѧтсѧ ᲂу҆ста̀ на̑ша: А҆ллилꙋ́їа. [Три́жды.]"
 },
 {
  "type": "HEADER",
  "value": "По заамвѡ́нной мл҃твѣ пое́мъ настоѧ́щїй моле́бный канѡ́нъ ст҃а́гѡ ѳео́дѡра."
 },
 {
  "type": "TEXT",
  "value": "Предло́жши же ко́лѷво, глаго́лемъ ѱало́мъ рм҃в: Гдⷭ҇и, ᲂу҆слы́ши мл҃твꙋ мою̀:"
 },
 {
  "type": "TEXT",
  "value": "Сщ҃е́нникъ: Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "HEADER",
  "value": "Ѱало́мъ рм҃в."
 },
 {
  "type": "TEXT",
  "value": "Г дⷭ҇и, ᲂу҆слы́ши мл҃твꙋ мою̀, внꙋшѝ моле́нїе моѐ во и҆́стинѣ твое́й, ᲂу҆слы́ши мѧ̀ въ пра́вдѣ твое́й: и҆ не вни́ди въ сꙋ́дъ съ рабо́мъ твои́мъ, ꙗ҆́кѡ не ѡ҆правди́тсѧ пред̾ тобо́ю всѧ́къ живы́й. ꙗ҆́кѡ погна̀ вра́гъ дꙋ́шꙋ мою̀, смири́лъ є҆́сть въ зе́млю живо́тъ мо́й: посади́лъ мѧ̀ є҆́сть въ те́мныхъ, ꙗ҆́кѡ мє́ртвыѧ вѣ́ка. и҆ ᲂу҆ны̀ во мнѣ̀ дꙋ́хъ мо́й, во мнѣ̀ смѧте́сѧ се́рдце моѐ. помѧнꙋ́хъ дни̑ дрє́внїѧ, поꙋчи́хсѧ во всѣ́хъ дѣ́лѣхъ твои́хъ, въ творе́нїихъ рꙋкꙋ̀ твоє́ю поꙋча́хсѧ. воздѣ́хъ къ тебѣ̀ рꙋ́цѣ моѝ, дꙋша̀ моѧ̀ ꙗ҆́кѡ землѧ̀ безво́днаѧ тебѣ̀. ско́рѡ ᲂу҆слы́ши мѧ̀ гдⷭ҇и, и҆счезѐ дꙋ́хъ мо́й: не ѿвратѝ лица̀ твоегѡ̀ ѿ менѐ, и҆ ᲂу҆подо́блюсѧ низходѧ́щымъ въ ро́въ. слы́шанꙋ сотворѝ мнѣ̀ заꙋ́тра млⷭ҇ть твою̀, ꙗ҆́кѡ на тѧ̀ ᲂу҆пова́хъ. скажѝ мнѣ̀ гдⷭ҇и, пꙋ́ть, во́ньже пойдꙋ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. и҆зми́ мѧ ѿ вра̑гъ мои́хъ, гдⷭ҇и, къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й. дх҃ъ тво́й бл҃гі́й наста́витъ мѧ̀ на зе́млю пра́вꙋ. и҆́мене твоегѡ̀ ра́ди гдⷭ҇и, живи́ши мѧ̀, пра́вдою твое́ю и҆зведе́ши ѿ печа́ли дꙋ́шꙋ мою̀: и҆ млⷭ҇тїю твое́ю потреби́ши врагѝ моѧ̑, и҆ погꙋби́ши всѧ̑ стꙋжа́ющыѧ дꙋшѝ мое́й, ꙗ҆́кѡ а҆́зъ ра́бъ тво́й є҆́смь."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. [Три́жды.]"
 },
 {
  "type": "HEADER",
  "value": "И҆ возглаша́етъ дїа́конъ во гла́съ в҃:"
 },
 {
  "type": "TEXT",
  "value": "Б г҃ъ гдⷭ҇ь, и҆ ꙗ҆ви́сѧ на́мъ, бл҃гослове́нъ грѧды́й во и҆́мѧ гдⷭ҇не."
 },
 {
  "type": "TEXT",
  "value": "Сті́хъ а҃: И҆сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀."
 },
 {
  "type": "TEXT",
  "value": "Сті́хъ в҃: Ѡ҆быше́дше ѡ҆быдо́ша мѧ̀, и҆ и҆́менемъ гдⷭ҇нимъ противлѧ́хсѧ и҆̀мъ."
 },
 {
  "type": "TEXT",
  "value": "Сті́хъ г҃: Не ᲂу҆мрꙋ̀, но жи́въ бꙋ́дꙋ, и҆ повѣ́мъ дѣла̀ гдⷭ҇нѧ."
 },
 {
  "type": "TEXT",
  "value": "Сті́хъ д҃: Ка́мень, є҆го́же небрего́ша зи́ждꙋщїи, се́й бы́сть во главꙋ̀ ᲂу҆́гла: ѿ гдⷭ҇а бы́сть се́й, и҆ є҆́сть ди́венъ во ѻ҆чесѣ́хъ на́шихъ."
 },
 {
  "type": "TEXT",
  "value": "Пое́тъ же ли́къ Бг҃ъ гдⷭ҇ь: четы́режды."
 },
 {
  "type": "HEADER",
  "value": "И҆ а҆́бїе тропа́рь, гла́съ в҃:"
 },
 {
  "type": "TEXT",
  "value": "В є́лїѧ вѣ́ры и҆справлє́нїѧ, / во и҆сто́чницѣ пла́мене, ꙗ҆́кѡ на водѣ̀ ᲂу҆покое́нїѧ, / ст҃ы́й мч҃нкъ ѳео́дѡръ ра́довашесѧ: / ѻ҆гне́мъ бо всесожже́гсѧ, / ꙗ҆́кѡ хлѣ́бъ сла́дкїй трⷪ҇цѣ принесе́сѧ. / тогѡ̀ мл҃твами хрⷭ҇тѐ бж҃е / сп҃сѝ дꙋ́шы на́шѧ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "То́йже: В є́лїѧ вѣ́ры и҆справлє́нїѧ, / во и҆сто́чницѣ пла́мене, ꙗ҆́кѡ на водѣ̀ ᲂу҆покое́нїѧ, / ст҃ы́й мч҃нкъ ѳео́дѡръ ра́довашесѧ: / ѻ҆гне́мъ бо всесожже́гсѧ, / ꙗ҆́кѡ хлѣ́бъ сла́дкїй трⷪ҇цѣ принесе́сѧ. / тогѡ̀ мл҃твами хрⷭ҇тѐ бж҃е / сп҃сѝ дꙋ́шы на́шѧ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Всѧ̑ па́че смы́ла, / всѧ̑ пресла̑внаѧ твоѧ̑ бцⷣе та̑инства, / чистотѣ̀ запеча́танной, и҆ дв҃ствꙋ храни́мꙋ, / мт҃и позна́ласѧ є҆сѝ нело́жна / бг҃а ро́ждши и҆́стиннаго: / того̀ молѝ сп҃сти́сѧ дꙋша́мъ на́шымъ."
 },
 {
  "type": "HEADER",
  "value": "И҆ а҆́бїе ѱало́мъ н҃."
 },
 {
  "type": "TEXT",
  "value": "П оми́лꙋй мѧ̀ бж҃е, по вели́цѣй ми́лости твое́й и҆ по мно́жествꙋ щедро́тъ твои́хъ ѡ҆чи́сти беззако́нїе моѐ. наипа́че ѡ҆мы́й мѧ̀ ѿ беззако́нїѧ моегѡ̀, и҆ ѿ грѣха̀ моегѡ̀ ѡ҆чи́сти мѧ̀. ꙗ҆́кѡ беззако́нїе моѐ а҆́зъ зна́ю, и҆ грѣ́хъ мо́й предо мно́ю є҆́сть вы́нꙋ. тебѣ̀ є҆ди́номꙋ согрѣши́хъ, и҆ лꙋка́вое пред̾ тобо́ю сотвори́хъ, ꙗ҆́кѡ да ѡ҆правди́шисѧ во словесѣ́хъ твои́хъ, и҆ побѣди́ши, внегда̀ сꙋди́ти тѝ. се́ бо въ беззако́нїихъ зача́тъ є҆́смь, и҆ во грѣсѣ́хъ роди́ мѧ ма́ти моѧ̀. се́ бо и҆́стинꙋ возлюби́лъ є҆сѝ, безвѣ̑стнаѧ и҆ та̑йнаѧ премꙋ́дрости твоеѧ̀ ꙗ҆ви́лъ мѝ є҆сѝ. ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ᲂу҆бѣлю́сѧ. слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. се́рдце чи́сто сози́жди во мнѣ̀ бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. не ѿве́ржи менє̀ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менє̀. возда́ждь мѝ ра́дость сп҃се́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. и҆зба́ви мѧ̀ ѿ крове́й бж҃е, бж҃е сп҃се́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. гдⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. ꙗ҆́кѡ а҆́ще бы восхотѣ́лъ є҆сѝ же́ртвы, да́лъ бы́хъ ᲂу҆́бѡ: всесожже́нїѧ не бл҃говоли́ши. же́ртва бг҃ꙋ дꙋ́хъ сокрꙋше́нъ: се́рдце сокрꙋше́нно и҆ смире́нно бг҃ъ не ᲂу҆ничижи́тъ. ᲂу҆бл҃жѝ гдⷭ҇и, бл҃говоле́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерⷭ҇ли̑мскїѧ. тогда̀ бл҃говоли́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀."
 },
 {
  "type": "HEADER",
  "value": "Та́же настоѧ́щїй канѡ́нъ, гла́съ и҃. Творе́нїе і҆ѡа́нна дамаски́на, є҆гѡ́же краестро́чїе: Бж҃їихъ тѧ̀ пою̀ дарѡ́въ тезоимени́те. Пѣ́снь а҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Во́дꙋ проше́дъ ꙗ҆́кѡ сꙋ́шꙋ, / и҆ є҆гѵ́петскагѡ ѕла̀ и҆збѣжа́въ, / і҆и҃льтѧнинъ вопїѧ́ше: / и҆зба́вителю и҆ бг҃ꙋ на́шемꙋ пои́мъ."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "Б ж҃їѧ тѧ̀ рачи́телѧ ѳео́дѡре вѣ́дый / и҆ любо́вїю неизбѣ́жною твое́ю запе́нсѧ, / дꙋ́шꙋ же и҆ тѣ́ло, и҆ словеса̀ похва́лъ возлага́ю."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "П иса́шесѧ повелѣ́нїе бг҃оме́рзкое, / же́ртвꙋ і҆́дѡлѡмъ, а҆ не живо́мꙋ бг҃ꙋ приноси́ти: / но приведе́нъ бы́лъ є҆сѝ, не пожрѧ́й стрⷭ҇тоте́рпче, / бг҃ꙋ же и҆мы́й приведе́нъ бы́ти."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Р аче́нїемъ бж҃е́ственнымъ пригвожде́нъ, бг҃а вы́шнѧгѡ / сн҃ꙋ є҆диноро́дномꙋ, ѳео́дѡре мч҃нче вво́инилсѧ є҆сѝ, / и҆ по́честей не погрѣши́лъ є҆сѝ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Чи́ни тѧ̀ а҆́гг҃лѡвъ и҆ человѣ́кѡвъ безневѣ́стнаѧ мт҃и / восхвалѧ́ютъ непреста́ннѡ: / содѣ́телѧ бо си́хъ, ꙗ҆́кѡ млⷣнца / во ѡ҆б̾ѧ́тїихъ твои́хъ носи́ла є҆сѝ."
 },
 {
  "type": "HEADER",
  "value": "Пѣ́снь г҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Ты̀ є҆сѝ ᲂу҆твержде́нїе притека́ющихъ къ тебѣ̀ гдⷭ҇и, / ты̀ є҆сѝ свѣ́тъ ѡ҆мраче́нныхъ, / и҆ пое́тъ тѧ̀ дꙋ́хъ мо́й."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "П ѣ́нїе и҆з̾ ᲂу҆сте́нъ мои́хъ, / и҆ и҆з̾ болѣ́зненныѧ дꙋшѝ мольбꙋ̀ приношꙋ̀, / ю҆́же ᲂу҆ще́дри стрⷭ҇тоте́рпче ѳео́дѡре."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "П ло́ть покори́лъ є҆сѝ самоде́ржцꙋ, сла́вне мч҃нче, ᲂу҆мꙋ̀, / и҆ ѻ҆бои́ми ᲂу҆гожда́еши созда́вшемꙋ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "С та́лъ є҆сѝ на сꙋди́щи мꙋчи́тельскомъ, / хрⷭ҇та̀ цр҃ѧ̀ бг҃осло́вѧ: / жре́ти бо сквє́рнымъ ѿре́клсѧ є҆сѝ ѳео́дѡре."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Тѧ̀ всѝ стѧжа́хомъ прибѣ́жище и҆ стѣ́нꙋ при́снѡ хрⷭ҇тїа́не: / тѧ̀ славосло́вимъ немо́лчнѡ безневѣ́стнаѧ."
 },
 {
  "type": "HEADER",
  "value": "Пѣ́снь д҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Оу҆слы́шахъ гдⷭ҇и / смотре́нїѧ твоегѡ̀ та́инство, / разꙋмѣ́хъ дѣла̀ твоѧ̑, / и҆ просла́вихъ твоѐ бж҃ество̀."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "Та̑ инъ бж҃е́ственныхъ вкꙋси́въ, въ ра́зꙋмѣ мч҃нче ѳео́дѡре, / непосты́днꙋю про́повѣдь бж҃їѧ рожде́нїѧ и҆сповѣ́далъ є҆сѝ."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "С тра́стное бж҃ество̀ непщева́хꙋ, страсте́мъ слꙋжа́щїи, / и҆̀хже дх҃омъ и҆з̾ѡбличи́лъ є҆сѝ, / страда́льче ѳео́дѡре просвѣща́емь."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "И҆ зба́вителѧ мл҃твою, тебѐ воспѣва́ющымъ бл҃же́нне ѳео́дѡре, / ѿ разли́чныхъ ѡ҆бстоѧ́нїй и҆ страсте́й бы́ти мо́лимъ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Кла́съ возрасти́вшаѧ животворѧ́щїй, неѡра́ннаѧ ни́во, / подаю́щїй мі́рови жи́знь бцⷣе, / сп҃сѝ пою́щыѧ тѧ̀."
 },
 {
  "type": "HEADER",
  "value": "Пѣ́снь є҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Оу҆́тренююще вопїе́мъ тѝ / гдⷭ҇и, сп҃си́ ны. / ты́ бо є҆сѝ бг҃ъ на́шъ, / ра́звѣ тебѐ и҆но́гѡ не вѣ́мы."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "Л юби́те возлюби́вшаго гдⷭ҇а, / возглаша́лъ є҆сѝ страда́льче ѳео́дѡре, / стра́ждꙋщымъ съ тобо́ю мч҃нкѡмъ."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "Ꙗ҆́ кѡ ре́вностїю стрⷭ҇тоте́рпче разжиза́ѧсѧ се́рдцемъ, / боги́ню лжеимени́тꙋю съ тре́бищемъ попали́лъ є҆сѝ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "С и́лою непобѣди́мою ѳео́дѡре стрⷭ҇тоте́рпче, / ва́рварскꙋю де́рзость, / и҆ моѧ̑ стра̑сти погꙋбѝ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Дв҃ꙋ по ржⷭ҇твѣ̀ пое́мъ тѧ̀ бцⷣе: / ты́ бо бг҃а сло́ва пло́тїю мі́рови родила̀ є҆сѝ."
 },
 {
  "type": "HEADER",
  "value": "Пѣ́снь ѕ҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Ѡ҆чи́сти мѧ̀ сп҃се, / мнѡ́га бо беззакѡ́нїѧ моѧ̑, / и҆ и҆з̾ глꙋбины̀ ѕѡ́лъ возведѝ молю́сѧ, / къ тебѣ́ бо возопи́хъ, / и҆ ᲂу҆слы́ши мѧ̀, / бж҃е сп҃се́нїѧ моегѡ̀."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "К о́ль сла́бое, ко́ль немощно́е, богѡ́въ сꙋ́етныхъ шата́нїе! / на ѿмще́нїе своѐ, человѣ́кѡмъ молѧ́шесѧ въ стоѧ́нїи побѣжда́емое, / нело́жныхъ мч҃нкѡвъ проповѣ́дающихъ и҆́стинꙋ."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "К о́ль сла́бое, ко́ль немощно́е, богѡ́въ сꙋ́етныхъ шата́нїе! / на ѿмще́нїе своѐ, человѣ́кѡмъ молѧ́шесѧ въ стоѧ́нїи побѣжда́емое, / нело́жныхъ мч҃нкѡвъ проповѣ́дающихъ и҆́стинꙋ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Оу҆ крѣпи́всѧ си́лою бж҃їею, мч҃нкѡвъ сла́во ѳео́дѡре, / мꙋ̑ки ѕлочести́выхъ, младе́нєцъ стрѣлѧ́нїѧ зре́лъ є҆сѝ бл҃же́нне, / вѣ́чнꙋющее бꙋ́дꙋщихъ предзрѧ̀."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Да и҆зба́вимсѧ ѿ лю́тыхъ прегрѣше́нїй / мл҃твами твои́ми бг҃ороди́тельнице чⷭ҇таѧ, / и҆ да ᲂу҆лꙋчи́мъ всечⷭ҇таѧ бж҃е́ственнагѡ ѡ҆сїѧ́нїѧ, / и҆з̾ тебѐ неизрече́ннѡ воплоти́вшагѡсѧ сн҃а бж҃їѧ."
 },
 {
  "type": "HEADER",
  "value": "Конда́къ, гла́съ и҃:"
 },
 {
  "type": "TEXT",
  "value": "В ѣ́рꙋ хрⷭ҇то́вꙋ ꙗ҆́кѡ щи́тъ внꙋ́трь прїи́мъ въ се́рдцы твое́мъ, / проти̑вныѧ си̑лы попра́лъ є҆сѝ многострада́льче, / и҆ вѣнце́мъ нбⷭ҇нымъ вѣнча́лсѧ є҆сѝ вѣ́чнѡ ѳео́дѡре, ꙗ҆́кѡ непобѣди́мый."
 },
 {
  "type": "HEADER",
  "value": "Пѣ́снь з҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Ѿ і҆ꙋде́и доше́дше ѻ҆́троцы, / въ вавѷлѡ́нѣ и҆ногда̀, / вѣ́рою трⷪ҇ческою пла́мень пе́щный попра́ша пою́ще: / ѻ҆тцє́въ бж҃е бл҃гослове́нъ є҆сѝ."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "Оу҆ ра́ненъ бы́лъ є҆сѝ тѣ́ломъ, / за ᲂу҆ра́неннаго сло́ва пло́тїю на́съ ра́ди, / и҆ семꙋ̀ бл҃года́рственнѡ веселѧ́сѧ возопи́лъ є҆сѝ, стрⷭ҇тоте́рпче ѳео́дѡре: / ѻ҆тє́цъ на́шихъ бж҃е бл҃гослове́нъ є҆сѝ."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "Ꙗ҆́ кѡ во гро́бѣ положи́сѧ, и҆ во́лею запечатлѣ́сѧ и҆зба́вителю всѣ́хъ, въ темни́цѣ запечатлѣ́нной / всели́лсѧ є҆сѝ, вопїѧ̀ стрⷭ҇тоте́рпче ѳео́дѡре: / ѻ҆тє́цъ на́шихъ бж҃е бл҃гослове́нъ є҆сѝ."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "Оу҆ мерщвле́нъ бы́въ, и҆ стра̑сти плотскі̑ѧ произволе́нїемъ ѿтрѧ́съ, / не снѣ́дїю страстоте́рпче, но любо́вїю бж҃е́ственною пита́ѧсѧ пѣ́лъ є҆сѝ: / ѻ҆тє́цъ на́шихъ бж҃е бл҃гослове́нъ є҆сѝ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "В ъ темни́цѣ стрⷭ҇тоте́рпче, ꙗ҆́коже въ пещѝ ю҆́ношы и҆ногда̀, / є҆ди́нъ нетлѣ́нныѧ трⷪ҇цы тебѐ ᲂу҆крѣплѧ́етъ, ви́дѣнъ бы́въ, вопїю́ща: / ѻ҆тє́цъ на́шихъ бж҃е бл҃гослове́нъ є҆сѝ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: На́ше сп҃се́нїе, ꙗ҆́коже восхотѣ́лъ є҆сѝ сп҃се ᲂу҆стро́ити, / во ᲂу҆тро́бꙋ дв҃ы всели́лсѧ є҆сѝ, / ю҆́же мі́рꙋ предста́тельницꙋ показа́лъ є҆сѝ: / ѻ҆тє́цъ на́шихъ бж҃е бл҃гослове́нъ є҆сѝ."
 },
 {
  "type": "HEADER",
  "value": "Пѣ́снь и҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Седмери́цею пе́щь, халде́йскїй мꙋчи́тель, / бг҃очести̑вымъ неи́стовнѡ разжжѐ, / си́лою же лꙋ́чшею, сп҃се́ны сїѧ̑ ви́дѣвъ, / творцꙋ̀ и҆ и҆зба́вителю вопїѧ́ше: / ѻ҆́троцы, бл҃гослови́те, / сщ҃е́нницы, воспо́йте, / лю́дїе, превозноси́те во всѧ̑ вѣ́ки."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "Ѡ҆ слѣпле́нъ ᲂу҆мо́мъ, беззако́нныхъ нача́льникъ, / бг҃очести́вꙋ тебѣ̀ нечести́внѡ претѧ́ше: / что̀ всꙋ́е на человѣ́ка нꙋ́ждею ᲂу҆ме́рша, безꙋ́мне, возложи́лъ є҆сѝ наде́ждꙋ; / но ты̀ возопи́лъ є҆сѝ: / ѻ҆́троцы бл҃гослови́те, сщ҃е́нницы воспо́йте, / лю́дїе превозноси́те во всѧ̑ вѣ́ки."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "Ꙗ҆́ кѡ смы́сленный и҆ премꙋ́дрый строи́тель бл҃года́ти, / да́нною тебѣ̀ ѿ бг҃а бл҃года́тїю, / возопи́лъ є҆сѝ ѳео́дѡре, повелѣва́ющемꙋ нечести́внѡ: / се́й стꙋ́дъ мнѣ̀ и҆ пою́щымъ бꙋ́ди: / ѻ҆́троцы бл҃гослови́те, сщ҃е́нницы воспо́йте, / лю́дїе превозноси́те во всѧ̑ вѣ́ки."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ю҆́ ношески подвиза́лсѧ є҆сѝ, де́рзостнѡ и҆з̾ѡбличи́лъ є҆сѝ: / что̀ безꙋ́мствꙋеши, мꙋчи́телю взыва́лъ є҆сѝ, / повелѣва́ѧ тва́рємъ слꙋжи́ти ло́жнѡ, ѡ҆ста́вльшымъ созда́вшаго; / но а҆́зъ воспѣва́ю: ѻ҆́троцы бл҃гослови́те, сщ҃е́нницы воспо́йте, / лю́дїе превозноси́те во всѧ̑ вѣ́ки."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Плотски́ми и҆з̾ѡбраже́ньми, и҆ разли́чными гана̑нїи, / и҆ знамена́тельными и҆ ѡ҆брази́тельными и҆зрече́ньми, / твоѐ предвѣща́хꙋ бг҃оглаго́ливїи ржⷭ҇тво̀, / преесте́ственное и҆ чꙋ́дное дв҃о: / тѣ́мже тѧ̀ веселѧ́щесѧ бл҃гоче́стнѡ восхвалѧ́емъ, / хрⷭ҇та̀ превозносѧ́ще во всѧ̑ вѣ́ки."
 },
 {
  "type": "HEADER",
  "value": "Пѣ́снь ѳ҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Тѧ̀ неискꙋсобра́чнꙋю:"
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "В ещество̀ мꙋче́нїѧ твоегѡ̀, бж҃їе ѳео́дѡре жела́нїе. / тѣ́мже тѝ и҆ вещество̀ бы́сть веще́ственномꙋ тѣ́ло ѻ҆гню̀: / и҆́мже къ бж҃е́ственномꙋ ра́дꙋѧсѧ ѻ҆гню̀ и҆зше́лъ є҆сѝ, / стрⷭ҇тоте́рпче ᲂу҆го́дниче бж҃їй ѳео́дѡре."
 },
 {
  "type": "TEXT",
  "value": "Припѣ́въ: Ст҃ы́й великомч҃ниче ѳео́дѡре, молѝ бг҃а ѡ҆ на́съ."
 },
 {
  "type": "TEXT",
  "value": "Мч҃ нче всече́стне, попали́въ, не попали́лсѧ є҆сѝ: / ты́ бо пре́лесть попали́лъ є҆сѝ, / бг҃ꙋ же предстои́ши живы́й, / и҆ въ не́мъ мч҃нчески веселѧ́сѧ, / стрⷭ҇тоте́рпче и҆ ᲂу҆го́дниче ѳео́дѡре."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Є҆ ди́наго тѧ̀ зна́емъ хрⷭ҇та̀, є҆ди́наго ѿ трⷪ҇цы, / во двою̀ совершє́ннꙋ є҆стєствꙋ̀, / лю́ди твоѧ̑ сп҃сѝ сїѧ̑, / ꙗ҆̀же стѧжа́лъ є҆сѝ честно́ю твое́ю кро́вїю, / ѳео́дѡра страстоте́рпца мл҃твами."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Тѧ̀ неви́димаго бг҃а носи́вшꙋю ѡ҆б̾ѧ́тїи, / на нб҃сѣ́хъ воспѣва́емаго ѿ всеѧ̀ си́лы: / и҆ тобо́ю на́мъ да́рꙋемое вы́нꙋ сп҃се́нїе / во ѡ҆бстоѧ́нїи велича́емъ."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Тѧ̀ неискꙋсобра́чнꙋю мт҃рь бг҃а вы́шнѧгѡ: / тѧ̀ па́че ᲂу҆ма̀ ро́ждшꙋю сло́вомъ вои́стиннꙋ бг҃а, / вы́шшꙋю пречⷭ҇тыхъ си́лъ, / немо́лчными славословле́нїи велича́емъ."
 },
 {
  "type": "HEADER",
  "value": "И҆ а҆́бїе, Трист҃о́е."
 },
 {
  "type": "TEXT",
  "value": "Чте́цъ: С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй. [Три́жды.]"
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Возглаша́етъ і҆ере́й: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ тропа́рь ст҃а́гѡ, гла́съ в҃:"
 },
 {
  "type": "TEXT",
  "value": "В є́лїѧ вѣ́ры и҆справлє́нїѧ, / во и҆сто́чницѣ пла́мене, ꙗ҆́кѡ на водѣ̀ ᲂу҆покое́нїѧ, / ст҃ы́й мч҃нкъ ѳео́дѡръ ра́довашесѧ: / ѻ҆гне́мъ бо всесожже́гсѧ, / ꙗ҆́кѡ хлѣ́бъ сла́дкїй трⷪ҇цѣ принесе́сѧ. / тогѡ̀ мл҃твами хрⷭ҇тѐ бж҃е / сп҃сѝ дꙋ́шы на́шѧ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Конда́къ, гла́съ и҃: Вѣ́рꙋ хрⷭ҇то́вꙋ ꙗ҆́кѡ щи́тъ внꙋ́трь прїи́мъ въ се́рдцы твое́мъ, / проти̑вныѧ си̑лы попра́лъ є҆сѝ многострада́льче, / и҆ вѣнце́мъ нбⷭ҇нымъ вѣнча́лсѧ є҆сѝ вѣ́чнѡ ѳео́дѡре, ꙗ҆́кѡ непобѣди́мый."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ, гла́съ то́йже: Ꙗ҆́коже предста́тельство всѝ, и҆ держа́вное застꙋпле́нїе, / прегрѣ́шшїи стѧжа́хомъ всечⷭ҇таѧ, твою̀ те́плꙋю по́мощь / дв҃о мт҃и мр҃і́е, хрⷭ҇тїа́нъ сп҃се́нїе. / тѣ́мъ не преста́й ѡ҆ на́съ молѧ́щи сп҃са, дарова́тисѧ проще́нїю."
 },
 {
  "type": "HEADER",
  "value": "И҆ быва́етъ бл҃гослове́нїе ко́лѷва."
 },
 {
  "type": "TEXT",
  "value": "Дїа́конъ глаго́летъ: Гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй."
 },
 {
  "type": "TEXT",
  "value": "Сщ҃е́нникъ ста́въ над̾ ко́ливомъ, глаго́летъ моли́твꙋ сїю̀: Всѧ̑ соверши́вый сло́вомъ твои́мъ гдⷭ҇и, и҆ повелѣ́вый землѝ многоразли̑чныѧ прозѧба́ти плоды̀, въ наслажде́нїе и҆ пи́щꙋ на́шꙋ: и҆́же сѣ́менми трѝ ѻ҆́троки и҆ данїи́ла сꙋ́щыѧ въ вавѷлѡ́нѣ, сластнопита́нныхъ свѣ́тлшыѧ показа́вый: са́мъ всебл҃гі́й цр҃ю̀, и҆ сѣ́мена сїѧ̑ съ разли́чными плоды̀ бл҃гословѝ, и҆ ѿ ни́хъ вкꙋша́ющыѧ ѡ҆ст҃ѝ, ꙗ҆́кѡ въ сла́вꙋ твою̀, и҆ въ че́сть ст҃а́гѡ великомч҃ника ѳео́дѡра тѵ́рѡна, сїѧ̑ предложи́шасѧ ѿ твои́хъ рабѡ́въ, и҆ въ па́мѧть во бл҃гочести́вой вѣ́рѣ сконча́вшихсѧ. пода́ждь же бл҃же, бл҃гоꙋкраси́вшымъ сїѧ̑, и҆ па́мѧть соверша́ющымъ, всѧ̑ ꙗ҆̀же ко спасе́нїю прошє́нїѧ, и҆ вѣ́чныхъ твои́хъ бл҃гъ наслажде́нїе: моли́твами пречⷭ҇тыѧ влⷣчцы на́шеѧ бцⷣы и҆ приснодв҃ы мр҃і́и, и҆ ст҃а́гѡ великомч҃ника ѳео́дѡра тѵ́рѡна, є҆гѡ́же и҆ па́мѧть соверша́емъ, и҆ всѣ́хъ ст҃ы́хъ твои́хъ. Ꙗ҆́кѡ ты̀ є҆сѝ бл҃гословлѧ́ѧй и҆ ѡ҆сщ҃а́ѧй всѧ́чєскаѧ бж҃е на́шъ, и҆ тебѣ̀ сла́вꙋ возсыла́емъ, безнача́льномꙋ ѻ҆ц҃ꙋ̀, со є҆диноро́днымъ твои́мъ сн҃омъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Та́же, Б ꙋ́ди и҆́мѧ гдⷭ҇не бл҃гослове́но ѿ ны́нѣ и҆ до вѣ́ка. [Три́жды. И҆ мета̑нїѧ г҃.]"
 },
 {
  "type": "TEXT",
  "value": "Чте́цъ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Та́же ѱало́мъ л҃г."
 },
 {
  "type": "TEXT",
  "value": "Б л҃гословлю̀ гдⷭ҇а на всѧ́кое вре́мѧ, вы́нꙋ хвала̀ є҆гѡ̀ во ᲂу҆стѣ́хъ мои́хъ. ѡ҆ гдⷭ҇ѣ похва́литсѧ дꙋша̀ моѧ̀: да ᲂу҆слы́шатъ кро́тцыи и҆ возвеселѧ́тсѧ. возвели́чите гдⷭ҇а со мно́ю, и҆ вознесе́мъ и҆́мѧ є҆гѡ̀ вкꙋ́пѣ. взыска́хъ гдⷭ҇а, и҆ ᲂу҆слы́ша мѧ̀ и҆ ѿ всѣ́хъ скорбе́й мои́хъ и҆зба́ви мѧ̀. пристꙋпи́те къ немꙋ̀ и҆ просвѣти́тесѧ, и҆ ли́ца ва̑ша не постыдѧ́тсѧ. се́й ни́щїй воззва̀, и҆ гдⷭ҇ь ᲂу҆слы́ша и҆̀, и҆ ѿ всѣ́хъ скорбе́й є҆гѡ̀ сп҃сѐ и҆̀. ѡ҆полчи́тсѧ а҆́гг҃лъ гдⷭ҇ень ѡ҆́крестъ боѧ́щихсѧ є҆гѡ̀ и҆ и҆зба́витъ и҆̀хъ. вкꙋси́те и҆ ви́дите, ꙗ҆́кѡ бл҃гъ гдⷭ҇ь: бл҃же́нъ мꙋ́жъ, и҆́же ᲂу҆пова́етъ на́нь. бо́йтесѧ гдⷭ҇а, всѝ ст҃і́и є҆гѡ̀, ꙗ҆́кѡ нѣ́сть лише́нїѧ боѧ́щымсѧ є҆гѡ̀. бога́тїи ѡ҆бнища́ша и҆ взалка́ша: взыска́ющїи же гдⷭ҇а не лиша́тсѧ всѧ́кагѡ бла́га. прїиди́те, ча̑да, послꙋ́шайте менѐ, стра́хꙋ гдⷭ҇ню наꙋчꙋ̀ ва́съ. кто́ є҆сть человѣ́къ хотѧ́й живо́тъ, любѧ́й дни̑ ви́дѣти бла́ги; ᲂу҆держѝ ѧ҆зы́къ тво́й ѿ ѕла̀ и҆ ᲂу҆стнѣ̀ твоѝ, є҆́же не глаго́лати льстѝ. ᲂу҆клони́сѧ ѿ ѕла̀ и҆ сотворѝ бла́го: взыщѝ ми́ра и҆ поженѝ и҆̀. ѻ҆́чи гдⷭ҇ни на првⷣныѧ, и҆ ᲂу҆́ши є҆гѡ̀ въ моли́твꙋ и҆́хъ. лице́ же гдⷭ҇не на творѧ́щыѧ ѕла̑ѧ, є҆́же потреби́ти ѿ землѝ па́мѧть и҆́хъ. воззва́ша првⷣнїи, и҆ гдⷭ҇ь ᲂу҆слы́ша и҆̀хъ и҆ ѿ всѣ́хъ скорбе́й и҆́хъ и҆зба́ви и҆̀хъ. бли́з̾ гдⷭ҇ь сокрꙋше́нныхъ се́рдцемъ, и҆ смирє́нныѧ дꙋ́хомъ сп҃се́тъ. мнѡ́ги скѡ́рби првⷣнымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь. храни́тъ гдⷭ҇ь всѧ̑ кѡ́сти и҆́хъ, ни є҆ди́на ѿ ни́хъ сокрꙋши́тсѧ. сме́рть грѣ́шникѡвъ люта̀, и҆ ненави́дѧщїи првⷣнаго прегрѣша́тъ. и҆зба́витъ гдⷭ҇ь дꙋ́шы ра̑бъ свои́хъ, и҆ не прегрѣша́тъ всѝ ᲂу҆пова́ющїи на него̀."
 },
 {
  "type": "TEXT",
  "value": "И҆ дае́тсѧ преломле́нїе ѿ і҆ере́а. И҆ ѿпꙋ́стъ."
 },
 {
  "type": "TEXT",
  "value": "А҆ и҆дѣ́же не бы́ти преждесщ҃е́нной, конча́емъ часы̀ си́це. По Ѡ҆сла́би, ѡ҆ста́ви: И҆ по коне́чнѣхъ покло́нѣхъ глаго́лемъ Трист҃о́е по Ѻ҆́ч҃е на́шъ: Г дⷭ҇и поми́лꙋй, в҃і. Та́же мл҃тва, Всест҃а́ѧ трⷪ҇це: И҆ начина́емъ вече́рню: Прїиди́те поклони́мсѧ: три́жды. ѱало́мъ р҃г. Каѳі́сма. И҆ пое́мъ на Гдⷭ҇и воззва́хъ, стїхи̑ры на ѕ҃. Мч҃нчны г҃, во ѻ҆ктѡ́ихѣ гла́са, и҆́же на рѧдꙋ̀: И҆ ст҃о́мꙋ ѳео́дѡрꙋ г҃, Сла́ва, ѳео́дѡрꙋ: Сосꙋ́да ᲂу҆потреби́въ: И҆ ны́нѣ, бг҃оро́диченъ, гла́са рѧдова́гѡ. Свѣ́те ти́хїй: без̾ вхо́да. Чте́нїе. На стїхо́внѣ трїѡ́ди самогла́сенъ днѐ два́жды, и҆ мч҃нченъ, гла́съ є҃: Бл҃гослове́но во́инство: Сла́ва, ѳео́дѡрꙋ, гла́съ в҃: Бж҃е́ственныхъ дарѡ́въ: Пи́санъ въ стїхи́рахъ. И҆ ны́нѣ: Бг҃оро́диченъ: Всѐ ᲂу҆пова́нїе: Н ы́нѣ ѿпꙋща́еши: Трист҃о́е по Ѻ҆́ч҃е на́шъ: Тропа́рь: Вє́лїѧ вѣ́ры: Сла́ва, и҆ ны́нѣ, бг҃оро́диченъ: Всѧ̑ па́че смы́сла: Та́же є҆ктенїа̀, Поми́лꙋй на́съ бж҃е: И҆ покло́ны, г҃. И҆ ѡ҆блачи́тсѧ сщ҃е́нникъ въ багрѧ́ный фелѡ́нь, и҆ начина́етъ: Бл҃гослове́нъ бг҃ъ на́шъ: И҆ мы̀ глаго́лемъ ѱало́мъ рм҃в: Гдⷭ҇и ᲂу҆слы́ши мл҃твꙋ: И҆ про́чее ꙗ҆́коже ᲂу҆ка́зано пре́жде. Канѡ́нъ на д҃. И҆ по соверше́нїи канѡ́на, вмѣ́стѡ: Досто́йнѡ є҆́сть: Пое́мъ і҆рмо́съ ѳ҃ пѣ́сни: Тѧ̀ неискꙋсобра́чнꙋю: Та́же Трист҃о́е по Ѻ҆́ч҃е на́шъ: Тропа́рь: Вє́лїѧ вѣ́ры: Сла́ва, конда́къ: Вѣ́рꙋ хрⷭ҇то́вꙋ: И҆ ны́нѣ: Бг҃оро́диченъ: Ꙗ҆́коже предста́тельство: Та́же мл҃твꙋ над̾ ко́лѷвомъ, бл҃гослове́нїе ко́лѷва. Посе́мъ, Бꙋ́ди и҆́мѧ гдⷭ҇не: И҆ Бл҃гословлю̀ гдⷭ҇а: И҆ ѿпꙋ́стъ."
 },
 {
  "type": "TEXT",
  "value": "И҆ вхо́димъ въ трапе́зꙋ, и҆ вкꙋша́емъ вїна̀ и҆ є҆ле́а, ра́ди ст҃а́гѡ. Сїѐ прїѧ́хомъ въ ла́ѵрѣ прпⷣбнагѡ ѻ҆тца̀ на́шегѡ са́ввы, и҆ кїно́вїи прпⷣбнагѡ вели́кагѡ є҆ѵѳѵ́мїа: но не твори́мъ сегѡ̀ ны́нѣ за че́стность днѐ. Ѻ҆ба́че ꙗ҆ди́мъ варе́нїе съ сли́вами, без̾ ма́сла и҆ а҆рме́а: произволѧ́ющїи же ꙗ҆дѧ́тъ сꙋхоѧде́нїе, ꙗ҆́коже и҆ въ сре́дꙋ."
 },
 {
  "type": "TEXT",
  "value": "Подоба́етъ вѣ́дати, ꙗ҆́кѡ во всѣ́хъ пѧтка́хъ ст҃ы́ѧ и҆ вели́кїѧ четыредесѧ́тницы, на вече́рнѧхъ и҆ повече́рїѧхъ покло́нѡвъ не твори́мъ, то́кмѡ воѡбражє́нныѧ въ преждеѡсщ҃е́нной, є҆́же є҆́сть по Да и҆спра́витсѧ: покло́ны г҃. По вхо́дѣ ст҃ы́хъ дарѡ́въ, покло́ны г҃. И҆ на Бꙋ́ди и҆́мѧ гдⷭ҇не, покло́ны г҃."
 },
 {
  "type": "TEXT",
  "value": "Повечє́рїѧ же пое́мъ вели̑каѧ, на ни́хже пое́мъ покѡ́йныѧ канѡ́ны настоѧ́щагѡ гла́са, въ гробни́цѣ."
 },
 {
  "type": "TEXT",
  "value": "Канѡ́ны же въ мине́и настоѧ́щїѧ сꙋббѡ́ты и҆ недѣ́ли пое́мъ, є҆гда̀ и҆зво́литъ є҆кклисїа́рхъ: є҆ди́нъ ᲂу҆́бѡ пое́мъ въ повече́рїи пѧтка̀, дрꙋгі́й же канѡ́нъ пое́мъ въ повече́рїи недѣ́ли."
 },
 {
  "type": "TEXT",
  "value": "Та́кѡ твори́мъ во всѣ́хъ пѧтка́хъ, въ ве́черъ ст҃ы́ѧ и҆ вели́кїѧ четыредесѧ́тницы."
 }
]