[{"type": "THEOTOKION"}, {"type": "HEADER", "value": "Бг҃оро́диченъ, гла́съ ѕ҃"}, {"type": "TEXT", "value": "Кто̀ тебѐ не ᲂу҆бл҃жи́тъ прест҃а́ѧ дв҃о; / кто́ ли не воспое́тъ твоегѡ̀ пречⷭ҇тагѡ ржⷭ҇тва̀; / безлѣ́тнѡ бо ѿ ѻ҆ц҃а̀ возсїѧ́вый сн҃ъ є҆диноро́дный, / то́йже ѿ тебѐ чⷭ҇тыѧ про́йде, / неизрече́ннѡ вопло́щьсѧ, /\nє҆стество́мъ бг҃ъ сы́й, / и҆ є҆стество́мъ бы́въ чл҃вѣ́къ на́съ ра́ди, / не во двою̀ лицꙋ̑ раздѣлѧ́емый, / но во двою̀ є҆стєствꙋ̀ несли́тнѡ познава́емый. /\nтого̀ молѝ чⷭ҇таѧ, всебл҃же́ннаѧ, / поми́ловатисѧ дꙋша́мъ на́шымъ.", "who": "C"}]