[
 {
  "type": "HEADER",
  "value": "МѢ́СѦЦЪ І҆АННꙊА́РІЙ."
 },
 {
  "type": "TEXT",
  "value": "ⷤ ́ ⷤ ̀ ⷤ ҆́ ⷤ ҆̀ ⷤ ̑ ⷤ ж҃ ⷤ ́о́ ⷤ ́́ ⷤ ́̀ ⷤ ́҃ ⷤ ́̾ ⷤ ̀о́ ⷤ ̀́ ⷤ ̀҆̀ ⷤ ̀҃ ⷤ ̀̾ ⷤ ҆о́ ⷤ ҆́"
 },
 {
  "type": "HEADER",
  "value": "Въ пе́рвый де́нь, є҆́же по пло́ти ѡ҆брѣ́занїе гдⷭ҇а на́шегѡ і҆и҃са хрⷭ҇та̀: и҆ па́мѧть васі́лїа вели́кагѡ, а҆рхїепⷭ҇копа кесарі́и каппадокі́йскїѧ. а҃. Бытїѧ̀ чте́нїе."
 },
 {
  "type": "TEXT",
  "value": "Ꙗ҆ ви́сѧ гдⷭ҇ь а҆вра́мꙋ, и҆ речѐ є҆мꙋ̀: а҆́зъ є҆́смь бг҃ъ тво́й, бл҃гоꙋгожда́й предо мно́ю, и҆ бꙋ́ди непоро́ченъ. и҆ положꙋ̀ завѣ́тъ мо́й междꙋ̀ мно́ю и҆ междꙋ̀ тобо́ю, и҆ ᲂу҆мно́жꙋ тѧ̀ ѕѣлѡ̀. и҆ бꙋ́деши ѻ҆ц҃ъ мно́гихъ ꙗ҆зы́кѡвъ. и҆ не нарече́тсѧ ктомꙋ̀ и҆́мѧ твоѐ, а҆вра́мъ, но бꙋ́детъ и҆́мѧ твоѐ, а҆враа́мъ, ꙗ҆́кѡ ѻ҆ц҃а̀ мно́гихъ ꙗ҆зы́кѡвъ положи́хъ тѧ̀. и҆ возращꙋ́ тѧ ѕѣлѡ̀ ѕѣлѡ̀, и҆ положꙋ́ тѧ въ ꙗ҆зы́ки, и҆ ца́рїе и҆зъ тебє̀ и҆зы́дꙋтъ. и҆ положꙋ̀ завѣ́тъ мо́й междꙋ̀ мно́ю и҆ тобо́ю, и҆ междꙋ̀ сѣ́менемъ твои́мъ по тебѣ̀, въ ро́ды и҆́хъ, въ завѣ́тъ вѣ́чный, и҆ бꙋ́дꙋ и҆̀мъ бг҃ъ. и҆ падѐ а҆враа́мъ на лицѣ̀ свое́мъ, и҆ поклони́сѧ гдⷭ҇еви. и҆ речѐ бг҃ъ ко а҆враа́мꙋ: ты́ же завѣ́тъ мо́й да соблюде́ши, ты̀ и҆ сѣ́мѧ твоѐ по тебѣ̀ въ ро́ды и҆́хъ. и҆ се́й завѣ́тъ, и҆́же соблюде́ши междꙋ̀ мно́ю и҆ ва́ми, и҆ междꙋ̀ сѣ́менемъ твои́мъ по тебѣ̀ въ ро́ды и҆́хъ: ѡ҆брѣ́жите пло́ть ва́шꙋ кра́йнюю, и҆ бꙋ́детъ въ зна́менїе завѣ́та междꙋ̀ мно́ю и҆ ва́ми, и҆ междꙋ̀ сѣ́менемъ твои́мъ по тебѣ̀ въ ро́ды и҆́хъ. и҆ ѻ҆троча̀ ѻ҆смодне́внѡ ѡ҆брѣ́жетсѧ ва́мъ, всѧ́къ мꙋ́жескъ по́лъ въ ро́дѣхъ ва́шихъ. и҆ мꙋ́жескїй по́лъ, и҆́же не ѡ҆брѣ́жетъ пло́ть кра́йнюю свою̀ во ѻ҆смы́й де́нь, потреби́тсѧ дꙋша̀ ѻ҆́на ѿ ро́да своегѡ̀, ꙗ҆́кѡ завѣ́тъ мо́й разори́ла є҆́сть. Быт ́҃:́–̀, ҆́–҃, ҆, ж҃–́̀, ́҆́"
 },
 {
  "type": "HEADER",
  "value": "в҃. При́тчей чте́нїе."
 },
 {
  "type": "TEXT",
  "value": "Г дⷭ҇ь созда́ мѧ нача́ло пꙋте́й свои́хъ, въ дѣла̀ своѧ̑. пре́жде вѣ́ка ѡ҆снова́ мѧ въ нача́лѣ, пре́жде зе́млю сотвори́ти, и҆ пре́жде бє́здны содѣ́лати, пре́жде проитѝ и҆сто́чникѡмъ водны̑мъ: пре́жде гора́мъ водрꙋзи́тисѧ, пре́жде же всѣ́хъ холмѡ́въ ражда́етъ мѧ̀. гдⷭ҇ь сотворѝ страны̑ и҆ пꙋсты̑ни и҆ концы̀ населе́ны подъ нб҃се́мъ. є҆гда̀ гото́вѧше нб҃о, съ ни́мъ бѣ́хъ, и҆ є҆гда̀ ѿлꙋча́ше себѣ̀ прⷭ҇то́лъ на вѣ́трѣхъ. є҆гда̀ крѣ́пки творѧ́ше вы̑шнїѧ ѻ҆́блаки, и҆ ꙗ҆́кѡ тве́рды полага́ше и҆сто́чники поднбⷭ҇ныѧ. внегда̀ полага́ти мо́рю предѣ́лъ є҆гѡ̀, и҆ во́ды не мимои́дꙋтъ ᲂу҆́стъ є҆гѡ̀, и҆ крѣ́пки творѧ́ше ѡ҆снова̑нїѧ землѝ: бѣ́хъ къ немꙋ̀ подо́бна. а҆́зъ бѣ́хъ, ѡ҆ не́йже ра́довашесѧ по всѧ̑ же дни̑ веселѧ́хсѧ предъ лице́мъ є҆гѡ̀ на всѧ́ко вре́мѧ. Притч ̾:̀̀–҆о́"
 },
 {
  "type": "HEADER",
  "value": "г҃. При́тчей чте́нїе."
 },
 {
  "type": "TEXT",
  "value": "Оу҆ ста̀ првⷣнагѡ ка́плютъ премꙋ́дрость, ѧ҆зы́къ же непра́веднагѡ поги́бнетъ. ᲂу҆стнѣ̀ мꙋже́й првⷣныхъ ка́плютъ бл҃года̑ти, ᲂу҆ста́ же нечести́выхъ развраща́ютсѧ. мѣ̑рила льсти̑ваѧ, ме́рзость предъ гдⷭ҇емъ, вѣ́съ же пра́ведный прїѧ́тенъ є҆мꙋ̀. и҆дѣ́же а҆́ще вни́детъ досажде́нїе, та́мѡ и҆ безче́стїе: ᲂу҆ста́ же смире́нныхъ поꙋча́ютсѧ премꙋ́дрости. соверше́нїе пра́выхъ наста́витъ и҆̀хъ, и҆ поползнове́нїе ѿрица́ющихсѧ ᲂу҆пасе́тъ и҆̀хъ. не по́льзꙋютъ и҆мѣ̑нїѧ въ де́нь ꙗ҆́рости, пра́вда же и҆зба́витъ ѿ сме́рти. ᲂу҆́меръ првⷣный, ѡ҆ста́ви раска́ѧнїе: нарꙋ́чна же быва́етъ и҆ посмѣѧ́тельна нечести́выхъ па́гꙋба. пра́вда непоро́чнагѡ и҆справлѧ́етъ пꙋти̑, въ нече́стїе же па́даетъ непра́вда. пра́вда мꙋже́й пра́выхъ и҆зба́витъ и҆̀хъ: безсовѣ́тїемъ же плѣнѧ́ютсѧ беззако́ннїи. сконча́вшꙋсѧ мꙋ́жꙋ пра́веднꙋ, не поги́бнетъ наде́жда: похвала́ же нечести́выхъ поги́бнетъ. пра́ведникъ ѿ ло́ва ᲂу҆бѣ́гнетъ, въ мѣ́стѡ же є҆гѡ̀ предае́тсѧ нечести́вый. во ᲂу҆стѣ́хъ нечести́выхъ сѣ́ть гра́жданѡмъ, чꙋ́вство же пра́ведныхъ благоспѣ́шное. во благи́хъ пра́ведныхъ и҆спра́витсѧ гра́дъ, и҆ въ поги́бели нечести́выхъ ра́дованїе. во бл҃гослове́нїи пра́выхъ возвы́ситсѧ гра́дъ, ᲂу҆сты́ же нечести́выхъ раскопа́етсѧ. рꙋга́етсѧ гра́жданѡмъ лише́нный ра́зꙋма, мꙋ́жъ же мꙋ́дрый безмо́лвїе во́дитъ. Притч ́о́:҆́ – ́́:́̀"
 },
 {
  "type": "HEADER",
  "value": "Мѣ́сѧца і҆аннꙋа́рїа во в҃-й де́нь. Прпⷣбнагѡ серафі́ма саро́вскагѡ, чꙋдотво́рца."
 },
 {
  "type": "TEXT",
  "value": "Парємїѝ прпⷣбномꙋ"
 },
 {
  "type": "HEADER",
  "value": "Мѣ́сѧца і҆аннꙋа́рїа въ д҃-й де́нь. Собо́ръ ст҃ы́хъ седми́десѧти а҆пⷭ҇тѡлъ. а҃. Чи́слъ чте́нїе."
 },
 {
  "type": "TEXT",
  "value": "Р ечѐ гдⷭ҇ь къ мѡѷсе́ю: собери́ ми се́дмьдесѧтъ мꙋже́й ѿ ста́рєцъ і҆и҃левыхъ, и҆̀хже ты̀ са́мъ вѣ́си, ꙗ҆́кѡ ті́и сꙋ́ть ста́рцы людсті́и и҆ книгѡ́чїѧ и҆́хъ: и҆ да приведе́ши ѧ҆̀ ко ски́нїи свидѣ́нїѧ, и҆ да ста́нꙋтъ та́мѡ съ тобо́ю: и҆ сни́дꙋ и҆ возгл҃ю та́мѡ съ тобо́ю, и҆ ᲂу҆ймꙋ̀ ѿ дх҃а, и҆́же въ тебѣ̀, и҆ возложꙋ̀ на нѧ̀: да под̾и́мꙋтъ съ тобо́ю ᲂу҆стремле́нїе люді́й, и҆ не бꙋ́деши води́ти и҆̀хъ ты̀ є҆ди́нъ. и҆ и҆зы́де мѡѷсе́й и҆ глаго́ла лю́демъ словеса̀ гдⷭ҇нѧ: и҆ собра̀ се́дмьдесѧтъ мꙋже́й ѿ ста́рєцъ людски́хъ, и҆ поста́ви ѧ҆̀ ѡ҆́крестъ ски́нїи. и҆ сни́де гдⷭ҇ь во ѡ҆́блацѣ и҆ гл҃а къ немꙋ̀: и҆ ᲂу҆ѧ̀ ѿ дх҃а, и҆́же на не́мъ, и҆ возложѝ на се́дмьдесѧтъ мꙋже́й ста́рєцъ: є҆гда́ же препочѝ дх҃ъ на ни́хъ, и҆ проро́чествоваша, и҆ ктомꙋ̀ не приложи́ша. и҆ ѡ҆ста́шасѧ два̀ мꙋ̑жа въ полцѣ̀: и҆́мѧ є҆ди́номꙋ є҆лда́дъ, и҆ и҆́мѧ второ́мꙋ мѡда́дъ: и҆ препочѝ на ни́хъ дх҃ъ. и҆ сі́и бѣ́ша ѿ впи́санныхъ, и҆ не прїидо́ша ко ски́нїи, и҆ проро́чествоваша въ полцѣ̀. и҆ прите́къ ю҆́ноша возвѣстѝ мѡѷсе́ю, и҆ речѐ, глаго́лѧ: є҆лда́дъ и҆ мѡда́дъ проро́чествꙋютъ въ полцѣ́хъ. и҆ ѿвѣща́въ і҆исꙋ́съ наѵи́нъ, предстоѧ́й мѡѷсе́ю и҆збра́нный є҆мꙋ̀, речѐ: го́споди мо́й мѡѷсе́ю, запретѝ и҆̀мъ. и҆ речѐ є҆мꙋ̀ мѡѷсе́й: є҆да̀ ревнꙋ́еши ты̀ мнѣ̀; и҆ кто̀ да́стъ всѣ̑мъ лю́демъ гдⷭ҇нимъ бы́ти проро́ки, є҆гда̀ да́стъ гдⷭ҇ь дх҃а своего̀ на ни́хъ; и҆ и҆́де мѡѷсе́й въ по́лкъ са́мъ и҆ ста́рцы і҆и҃лтестїи. Числ ́́:́̑–́҃, ̀҆́–҆о́"
 },
 {
  "type": "HEADER",
  "value": "в҃. И҆схо́да чте́нїе."
 },
 {
  "type": "TEXT",
  "value": "П оѧ́тъ мѡѷсе́й сы́ны і҆и҃левы ѿ мо́рѧ чермна́гѡ, и҆ ведѐ ты́ѧ въ пꙋсты́ню сꙋ́ръ: и҆ и҆дѧ́хꙋ трѝ днѝ въ пꙋсты́ни, и҆ не ѡ҆брѣта́хꙋ воды̀, да бы́ша пи́ли. прїидо́ша же въ ме́ррꙋ, и҆ не можа́хꙋ пи́ти воды̀ и҆зъ ме́рры, горька́ бо бѣ̀: сегѡ̀ ра́ди нарече́сѧ и҆́мѧ мѣ́стꙋ томꙋ̀, го́ресть. и҆ ропта́хꙋ лю́дїе на мѡѷсе́а, глаго́люще: что̀ пїе́мъ; возопи́ же мѡѷсе́й ко гдⷭ҇ꙋ, и҆ показа̀ є҆мꙋ̀ гдⷭ҇ь дре́во, и҆ вложѝ то́е въ во́дꙋ, и҆ сладка̀ бы́сть вода̀: та́мѡ положѝ є҆мꙋ̀ бг҃ъ ѡ҆правда̑нїѧ и҆ сꙋды̀. и҆ та́мѡ и҆скꙋша́ше є҆го̀, и҆ речѐ: а҆́ще слꙋ́хомъ ᲂу҆слы́шиши гла́съ гдⷭ҇а бг҃а твоегѡ̀, и҆ ᲂу҆гѡ́днаѧ предъ ни́мъ сотвори́ши, и҆ внꙋши́ши за́пѡвѣди є҆гѡ̀, и҆ сохрани́ши всѧ̑ ѡ҆правда̑нїѧ є҆гѡ̀: всѧ́кꙋ болѣ́знь, ю҆́же наведо́хъ є҆гѵ́птѧнѡмъ, не наведꙋ̀ на тѧ̀, а҆́зъ бо є҆́смь гдⷭ҇ь и҆сцѣлѧ́ѧй тѧ̀. и҆ прїидо́ша во є҆лі́мъ, и҆ бѧ́хꙋ та́мѡ двана́десѧть и҆сто́чникѡвъ во́дъ, и҆ се́дмьдесѧтъ сте́блїй фі́нїковыхъ: и҆ ѡ҆полчи́шасѧ та́мѡ при вода́хъ. и҆ воздвиго́шасѧ ѿ є҆лі́ма, и҆ прїи́де ве́сь со́нмъ сынѡ́въ і҆и҃левыхъ въ пꙋсты́ню сі́нъ, ꙗ҆́же є҆́сть междꙋ̀ є҆лі́момъ, и҆ междꙋ̀ сі́ною. Исх ́҆̀:̀̀–̀҃; ́̑:́"
 },
 {
  "type": "HEADER",
  "value": "г҃. Премꙋ́дрости сїра́ха чте́нїе."
 },
 {
  "type": "TEXT",
  "value": "В осхва́лимъ ᲂу҆́бѡ мꙋ́жы сла̑вны и҆ ѻ҆тцы̀ на́шѧ въ бытїѝ. мно́гꙋ сла́вꙋ созда̀ гдⷭ҇ь въ ни́хъ вели́чїемъ свои́мъ ѿ вѣ́ка. госпо́дствꙋюще во ца́рствїихъ свои́хъ и҆ мꙋ́жїе и҆мени́ти си́лою, совѣ́тꙋюще ра́зꙋмомъ свои́мъ, провѣща́вшїи во прⷪ҇ро́чествахъ, старѣ̑йшины люді́й въ совѣ́тѣхъ и҆ въ ра́зꙋмѣ писа̑нїѧ люді́й: премꙋ̑драѧ словеса̀ въ наказа́нїи и҆́хъ, и҆́щꙋще гла́са мꙋсїкі́йска и҆ повѣ́дающе пѡ́вѣсти во писа́нїихъ: мꙋ́жїе бога́тїи, ѡ҆бдарова́ни крѣ́постїю, ми́рнѡ живꙋ́ще въ жили́щихъ свои́хъ. всѝ сі́и въ ро́дѣхъ просла́влени бы́ша, и҆ во дне́хъ и҆́хъ похвала̀. до вѣ́ка пребꙋ́детъ сѣ́мѧ и҆́хъ, и҆ сла́ва и҆́хъ не потреби́тсѧ: тѣлеса̀ и҆́хъ въ ми́рѣ погребє́на бы́ша, а҆ и҆мена̀ и҆́хъ живꙋ́тъ въ ро́ды. премꙋ́дрость и҆́хъ повѣ́дѧтъ лю́дїе, и҆ похвалꙋ̀ и҆́хъ и҆сповѣ́сть цр҃ковь. Сир ҆́҆́:́–҃, ́̀–́҆́"
 },
 {
  "type": "HEADER",
  "value": "Мѣ́сѧца і҆аннꙋа́рїа въ є҃-й де́нь. На́вечерїе просвѣще́нїѧ. На пе́рвѣмъ часѣ̀. Прокі́менъ, гла́съ д҃:"
 },
 {
  "type": "TEXT",
  "value": "И҆ возгремѣ̀ съ нб҃сѐ гдⷭ҇ь, / и҆ вы́шнїй дадѐ гла́съ сво́й."
 },
 {
  "type": "TEXT",
  "value": "Сті́хъ: Возлюблю́ тѧ, гдⷭ҇и, крѣ́посте моѧ̀: гдⷭ҇ь ᲂу҆твержде́нїе моѐ. Пс ́҃:́҆́, ̀–҆А"
 },
 {
  "type": "HEADER",
  "value": "Прⷪ҇ро́чества и҆са́їина чте́нїе."
 },
 {
  "type": "TEXT",
  "value": "Т а́кѡ гл҃го́летъ гдⷭ҇ь: да возвесели́тсѧ пꙋсты́нѧ жа́ждꙋщаѧ да возра́дꙋетсѧ пꙋсты́нѧ, и҆ процвѣте́тъ, ꙗ҆́кѡ крі́нъ, и҆ да прозѧ́бнетъ, и҆ всѧ̑ возвеселѧ́тсѧ. и҆ возра́дꙋютсѧ пꙋсты̑ннаѧ і҆ѻрда́нѡва, и҆ сла́ва лїва́нова дана̀ бы́сть є҆́й, и҆ че́сть карми́лова: и҆ лю́дїе моѝ ᲂу҆́зрѧтъ сла́вꙋ гдⷭ҇ню и҆ высотꙋ̀ бж҃їю. ᲂу҆крѣпи́тесѧ рꙋ́ки ѡ҆сла́блєнныѧ, и҆ колѣ̑на разсла́блєннаѧ ᲂу҆тѣ́шитесѧ, и҆ рцы́те малодꙋ̑шнымъ мы́слїю: ᲂу҆крѣпи́тесѧ и҆ не бо́йтесѧ, сѐ бг҃ъ на́шъ сꙋ́дъ воздае́тъ, то́й прїи́детъ и҆ спасе́тъ на́съ. тогда̀ ѿве́рзꙋтсѧ ѻ҆чеса̀ слѣпы́хъ, и҆ ᲂу҆шеса̀ глꙋхи́хъ ᲂу҆слы́шатъ: тогда̀ ско́читъ хромы́й, ꙗ҆́кѡ є҆ле́нь, и҆ ꙗ҆́сенъ бꙋ́детъ ѧ҆зы́къ гꙋгни́выхъ, ꙗ҆́кѡ прорази́сѧ въ пꙋсты́ни вода̀, и҆ де́брь въ землѝ жа́ждꙋщей. и҆ бꙋ́детъ безво́днаѧ въ бла̑та, и҆ въ жа́ждꙋщей землѝ и҆сто́чникъ воды̀ бꙋ́детъ: та́мѡ бꙋ́детъ весе́лїе пти́цъ, водворе́нїе сѵ́рїнѡвъ, и҆ тро́стїй, и҆ бла́та. та́мѡ бꙋ́детъ пꙋ́ть чи́стъ, и҆ пꙋ́ть ст҃ъ нарече́тсѧ: и҆ не мимои́детъ та́мѡ нечи́стъ, нижѐ бꙋ́детъ та́мѡ пꙋ́ть нечи́стый, разсѣ́ѧннїи же по́йдꙋтъ по немꙋ̀, и҆ не заблꙋ́дѧтъ. и҆ не бꙋ́детъ та́мѡ льва̀, нижѐ ѿ ѕвѣре́й лю́тыхъ взы́детъ на́нь, нижѐ ѡ҆брѧ́щетсѧ та́мѡ: но по́йдꙋтъ по немꙋ̀ и҆зба́вленнїи и҆ собра́ннїи ѿ гдⷭ҇а, и҆ ѡ҆братѧ́тсѧ, и҆ прїи́дꙋтъ въ сїѡ́нъ съ весе́лїемъ и҆ ра́достїю, и҆ весе́лїе вѣ́чное над̾ главо́ю и҆́хъ. хвала̀ и҆ ра́дованїе и҆ весе́лїе пости́гнетъ и҆̀хъ. ѿбѣжѐ болѣ́знь, печа́ль и҆ воздыха́нїе. Ис ҆҆̀:́–́о́"
 },
 {
  "type": "HEADER",
  "value": "На тре́тїемъ часѣ̀. Прокі́менъ, гла́съ ѕ҃:"
 },
 {
  "type": "TEXT",
  "value": "В и́дѣша тѧ̀ во́ды, бж҃е, / ви́дѣша тѧ̀ во́ды, и҆ ᲂу҆боѧ́шасѧ."
 },
 {
  "type": "TEXT",
  "value": "Сті́хъ: Гла́сомъ мои́мъ ко гдⷭ҇ꙋ воззва́хъ, гла́сомъ мои́мъ къ бг҃ꙋ, и҆ внѧ́тъ мѝ. Пс ҃̑:́҃А, ̀"
 },
 {
  "type": "HEADER",
  "value": "Прⷪ҇ро́чества и҆са́їина чте́нїе."
 },
 {
  "type": "TEXT",
  "value": "Т а́кѡ гл҃го́летъ гдⷭ҇ь: и҆змы́йтесѧ, и҆ чи́сти бꙋ́дете, ѿими́те лꙋка̑вствїѧ ѿ дꙋ́шъ ва́шихъ предъ ѻ҆чи́ма мои́ма: преста́ните ѿ лꙋка́вствїй ва́шихъ. наꙋчи́тесѧ до́брое твори́ти, и҆зыщи́те сꙋда̀, и҆зба́вите ѡ҆би́дима, сꙋди́те си́рꙋ, и҆ ѡ҆правди́те вдови́цꙋ. и҆ прїиди́те и҆стѧ́жимсѧ, гл҃го́летъ гдⷭ҇ь: и҆ а҆́ще бꙋ́дꙋтъ грѣсѝ ва́ши, ꙗ҆́кѡ багрѧ́ное, ꙗ҆́кѡ снѣ́гъ, ᲂу҆бѣлю̀: а҆́ще же бꙋ́дꙋтъ, ꙗ҆́кѡ червле́ное, ꙗ҆́кѡ во́лнꙋ, ᲂу҆бѣлю̀. и҆ а҆́ще хо́щете, и҆ послꙋ́шаете менє̀, бл҃га̑ѧ землѝ снѣ́сте. а҆́ще ли же не хо́щете, нижѐ послꙋ́шаете менє̀, ме́чь ва́съ поѧ́стъ: ᲂу҆ста́ бо гдⷭ҇нѧ гл҃го́лаша сїѧ̑. Ис ́:́̑–̀о́"
 },
 {
  "type": "HEADER",
  "value": "На шесто́мъ часѣ̀. Прокі́менъ, гла́съ д҃:"
 },
 {
  "type": "TEXT",
  "value": "В ъ мо́ри пꙋтїѐ твоѝ, / и҆ стези̑ твоѧ̑ въ вода́хъ мно́гихъ."
 },
 {
  "type": "TEXT",
  "value": "Сті́хъ: Гла́съ гро́ма твоегѡ̀ въ колесѝ. Пс ҃̑:̀о́А, ́ж҃А"
 },
 {
  "type": "HEADER",
  "value": "Прⷪ҇ро́чества и҆са́їина чте́нїе."
 },
 {
  "type": "TEXT",
  "value": "Т а́кѡ гл҃го́летъ гдⷭ҇ь: почерпи́те во́дꙋ съ весе́лїемъ ѿ и҆сто́чникѡвъ спасе́нїѧ. и҆ рече́ши въ де́нь ѻ҆́нъ: и҆сповѣ́дайтесѧ гдⷭ҇еви, и҆ призови́те и҆́мѧ є҆гѡ̀, возвѣсти́те во ꙗ҆зы́цѣхъ сла́вꙋ є҆гѡ̀: помѧни́те, ꙗ҆́кѡ вознесе́сѧ и҆́мѧ є҆гѡ̀. по́йте и҆́мѧ гдⷭ҇не, ꙗ҆́кѡ высѡ́каѧ сотворѝ: возвѣсти́те сїѧ̑ во все́й землѝ. ра́дꙋйтесѧ и҆ весели́тесѧ живꙋ́щїи въ сїѡ́нѣ, ꙗ҆́кѡ вознесе́сѧ ст҃ы́й і҆и҃левъ посредѣ̀ є҆гѡ̀. Ис ́̀:҆–̑"
 },
 {
  "type": "HEADER",
  "value": "На девѧ́томъ часѣ̀. Прокі́менъ, гла́съ г҃:"
 },
 {
  "type": "TEXT",
  "value": "Г дⷭ҇ь просвѣще́нїе моѐ, / и҆ спаси́тель мо́й, когѡ̀ ᲂу҆бою́сѧ;"
 },
 {
  "type": "TEXT",
  "value": "Сті́хъ: Гдⷭ҇ь защи́титель живота̀ моегѡ̀, ѿ когѡ̀ ᲂу҆страшꙋ́сѧ; Пс ̀̑:́"
 },
 {
  "type": "HEADER",
  "value": "Прⷪ҇ро́чества и҆са́їина чте́нїе."
 },
 {
  "type": "TEXT",
  "value": "Т а́кѡ гл҃го́летъ гдⷭ҇ь: во вре́мѧ прїѧ́тное послꙋ́шахъ тѧ̀ и҆ въ де́нь спасе́нїѧ помого́хъ тебѣ̀: и҆ созда́хъ тѧ̀, и҆ да́хъ тѧ̀ въ завѣ́тъ ꙗ҆зы́кѡвъ, є҆́же ᲂу҆стро́ити зе́млю, и҆ наслѣ́дити наслѣ́дїе пꙋсты́ни: гл҃го́люща сꙋ́щымъ во ᲂу҆́захъ: и҆зыди́те: и҆ сꙋ́щымъ во тмѣ̀: ѿкры́йтесѧ. на всѣ́хъ пꙋте́хъ пасти́сѧ бꙋ́дꙋтъ, и҆ на всѣ́хъ стезѧ́хъ па́жить и҆́хъ. не вза́лчꙋтъ, нижѐ вжа́ждꙋтъ, нижѐ порази́тъ и҆̀хъ зно́й, нижѐ со́лнце: но ми́лꙋѧй и҆̀хъ ᲂу҆тѣ́шитъ ѧ҆̀, и҆ сквозѣ̀ и҆сто́чники во́дъ проведе́тъ ѧ҆̀. и҆ положꙋ̀ всѧ́кꙋю го́рꙋ въ пꙋ́ть, и҆ всѧ́кꙋю стезю̀ въ па́ствꙋ и҆́хъ. сѐ сі́и и҆здале́ча прїи́дꙋтъ, сі́и ѿ сѣ́вера и҆ мо́рѧ, и҆ні́и же ѿ землѝ пе́рсскїѧ. да веселѧ́тсѧ нб҃са̀, и҆ ра́дꙋетсѧ землѧ̀: да ѿры́гнꙋтъ го́ры весе́лїе, и҆ хо́лми пра́вдꙋ, ꙗ҆́кѡ поми́лова бг҃ъ лю́ди своѧ̑, и҆ смирє́нныѧ люде́й ᲂу҆тѣ́ши. рече́ же сїѡ́нъ: ѡ҆ста́ви мѧ̀ гдⷭ҇ь, и҆ бг҃ъ забы́ мѧ. є҆да̀ забꙋ́детъ жена̀ ѻ҆троча̀ своѐ; и҆лѝ не поми́лꙋетъ и҆сча́дїѧ чре́ва своегѡ̀; а҆́ще ли же и҆ си́хъ забꙋ́детъ жена̀, но а҆́зъ не забꙋ́дꙋ тебє̀, гл҃го́летъ гдⷭ҇ь. Ис ҆́ж҃:̾–́҆̀"
 },
 {
  "type": "HEADER",
  "value": "Мѣ́сѧца і҆аннꙋа́рїа въ ѕ҃-й де́нь. Ст҃о́е бг҃оѧвле́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀. На вели́цѣй вече́рни. а҃. Бытїѧ̀ чте́нїе."
 },
 {
  "type": "TEXT",
  "value": "В ъ нача́лѣ сотворѝ бг҃ъ не́бо и҆ зе́млю. землѧ́ же бѣ̀ неви́дима и҆ неꙋстро́ена, и҆ тма̀ верхꙋ̀ бе́здны: и҆ дх҃ъ бж҃їй ноша́шесѧ верхꙋ̀ воды̀. и҆ речѐ бг҃ъ: да бꙋ́детъ свѣ́тъ: и҆ бы́сть свѣ́тъ. и҆ ви́дѣ бг҃ъ свѣ́тъ, ꙗ҆́кѡ добро̀: и҆ разлꙋчѝ бг҃ъ междꙋ̀ свѣ́томъ, и҆ междꙋ̀ тмо́ю. и҆ наречѐ бг҃ъ свѣ́тъ, де́нь: и҆ тмꙋ̀ наречѐ, но́щь. и҆ бы́сть ве́черъ, и҆ бы́сть ᲂу҆́тро, де́нь є҆ди́нъ. и҆ речѐ бг҃ъ: да бꙋ́детъ тве́рдь посредѣ̀ воды̀, и҆ да бꙋ́детъ разлꙋча́ющи посредѣ̀ воды̀, и҆ воды̀: и҆ бы́сть та́кѡ. и҆ сотворѝ бг҃ъ тве́рдь: и҆ разлꙋчѝ бг҃ъ междꙋ̀ водо́ю, ꙗ҆́же бѣ̀ подъ тве́рдїю, и҆ междꙋ̀ водо́ю, ꙗ҆́же бѣ̀ надъ тве́рдїю. и҆ наречѐ бг҃ъ тве́рдь не́бо: и҆ ви́дѣ бг҃ъ, ꙗ҆́кѡ добро̀. и҆ бы́сть ве́черъ, и҆ бы́сть ᲂу҆́тро, де́нь вторы́й. и҆ речѐ бг҃ъ: да собере́тсѧ вода̀, ꙗ҆́же подъ небесе́мъ въ собра́нїе є҆ди́но, и҆ да ꙗ҆ви́тсѧ сꙋ́ша: и҆ бы́сть та́кѡ, и҆ собра́сѧ вода̀, ꙗ҆́же подъ небесе́мъ въ собра̑нїѧ своѧ̑, и҆ ꙗ҆ви́сѧ сꙋ́ша. и҆ наречѐ бг҃ъ сꙋ́шꙋ, зе́млю: и҆ собра̑нїѧ во́дъ, наречѐ морѧ̀. и҆ ви́дѣ бг҃ъ, ꙗ҆́кѡ добро̀. и҆ речѐ бг҃ъ: да прорасти́тъ землѧ̀ бы́лїе травно́е, сѣ́ющее сѣ́мѧ по ро́дꙋ и҆ по подо́бїю, и҆ дре́во плодови́тое, творѧ́щее пло́дъ, є҆мꙋ́же сѣ́мѧ є҆гѡ̀ въ не́мъ, по ро́дꙋ на землѝ: и҆ бы́сть та́кѡ. и҆ и҆знесѐ землѧ̀ бы́лїе травно́е, сѣ́ющее сѣ́мѧ по ро́дꙋ и҆ по подо́бїю, и҆ дре́во плодови́тое, творѧ́щее пло́дъ, є҆мꙋ́же сѣ́мѧ є҆гѡ̀ въ не́мъ по ро́дꙋ на землѝ: и҆ ви́дѣ бг҃ъ, ꙗ҆́кѡ добро̀. и҆ бы́сть ве́черъ, и҆ бы́сть ᲂу҆́тро, де́нь тре́тїй. Быт ́:́–́҆"
 },
 {
  "type": "HEADER",
  "value": "в҃. И҆схо́да чте́нїе."
 },
 {
  "type": "TEXT",
  "value": "Р ечѐ гдⷭ҇ь къ мѡѷсе́ю: что̀ вопїе́ши ко мнѣ̀; глаго́ли сыновѡ́мъ і҆и҃лєвымъ, и҆ да пꙋтеше́ствꙋютъ. и҆ ты̀ возмѝ же́злъ тво́й, и҆ прострѝ рꙋ́кꙋ твою̀ на мо́ре, и҆ расто́ргни є҆̀, и҆ да вни́дꙋтъ сы́нове і҆и҃лєвы посредѣ̀ мо́рѧ по сꙋ́хꙋ. и҆ сѐ а҆́зъ ѡ҆жесточꙋ̀ се́рдце фараѡ́ново, и҆ слꙋ́гъ є҆гѡ̀, и҆ є҆гѵ́птѧнъ всѣ́хъ, и҆ вни́дꙋтъ въ слѣ́дъ и҆́хъ, и҆ просла́влюсѧ въ фараѡ́нѣ, и҆ во все́мъ во́инствѣ є҆гѡ̀, и҆ въ колесни́цахъ, и҆ въ ко́нѣхъ є҆гѡ̀. и҆ ᲂу҆разꙋмѣ́ютъ всѝ є҆гѵ́птѧне, ꙗ҆́кѡ а҆́зъ є҆́смь гдⷭ҇ь, є҆гда̀ прославлѧ́юсѧ въ фараѡ́нѣ, и҆ въ колесни́цахъ, и҆ въ ко́нѣхъ є҆гѡ̀. простре́ же мѡѷсе́й рꙋ́кꙋ на мо́ре, и҆ возгна̀ гдⷭ҇ь мо́ре вѣ́тромъ ю҆́жнымъ си́льнымъ, всю̀ но́щь, и҆ сотворѝ мо́ре сꙋ́хо, и҆ разстꙋпи́сѧ вода̀. и҆ внидо́ша сы́ны і҆и҃лєвы въ посре́дъ мо́рѧ по сꙋ́хꙋ: и҆ вода̀ и҆̀мъ бы́сть, стѣна̀ ѡ҆деснꙋ́ю, и҆ стѣна̀ ѡ҆шꙋ́юю. погна́ша же є҆гѵ́птѧне, и҆ внидо́ша созадѝ и҆́хъ. всѧ́къ ко́нь фараѡ́новъ, и҆ колесни̑цы, и҆ вса́дницы по средѣ̀ мо́рѧ. простре́ же мѡѷсе́й рꙋ́кꙋ на мо́ре, и҆ ᲂу҆стро́исѧ вода̀ ко дню̀ на мѣ́сто, є҆гѵ́птѧне же бѣжа́ша под̾ водо́ю, и҆ и҆стрѧсѐ гдⷭ҇ь є҆гѵ́птѧны по средѣ̀ мо́рѧ. и҆ ѡ҆брати́вшисѧ вода̀ покры̀ колесни̑цы, и҆ вса́дники, и҆ трїста́ты, и҆ всю̀ си́лꙋ фараѡ́новꙋ, вше́дшихъ въ слѣ́дъ и҆́хъ въ мо́ре, и҆ не ѡ҆ста̀ ѿ ни́хъ ни є҆ди́нъ. сы́нове же і҆и҃лєвы проидо́ша по сꙋ́хꙋ по средѣ̀ мо́рѧ. Исх ́҆́:́҆̀–́̾, ̀́–̀҆, ̀҃–̀ж҃"
 },
 {
  "type": "HEADER",
  "value": "г҃. И҆схо́да чте́нїе."
 },
 {
  "type": "TEXT",
  "value": "П оѧ́тъ мѡѷсе́й сы́ны і҆и҃левы ѿ мо́рѧ чермна́гѡ, и҆ ведѐ ты́ѧ въ пꙋсты́ню сꙋ́ръ: и҆ и҆дѧ́хꙋ трѝ днѝ въ пꙋсты́ни, и҆ не ѡ҆брѣта́хꙋ воды̀, да бы́ша пи́ли. прїидо́ша же въ ме́ррꙋ, и҆ не можа́хꙋ пи́ти воды̀ и҆зъ ме́рры, горька́ бо бѣ̀: сегѡ̀ ра́ди нарече́сѧ и҆́мѧ мѣ́стꙋ томꙋ̀, го́ресть. и҆ ропта́хꙋ лю́дїе на мѡѷсе́а, глаго́люще: что̀ пїе́мъ; возопи́ же мѡѷсе́й ко гдⷭ҇ꙋ, и҆ показа̀ є҆мꙋ̀ гдⷭ҇ь дре́во, и҆ вложѝ то́е въ во́дꙋ, и҆ сладка̀ бы́сть вода̀: та́мѡ положѝ є҆мꙋ̀ бг҃ъ ѡ҆правда̑нїѧ и҆ сꙋды̀. и҆ та́мѡ и҆скꙋша́ше є҆го̀, и҆ речѐ: а҆́ще слꙋ́хомъ ᲂу҆слы́шиши гла́съ гдⷭ҇а бг҃а твоегѡ̀, и҆ ᲂу҆гѡ́днаѧ предъ ни́мъ сотвори́ши, и҆ внꙋши́ши за́пѡвѣди є҆гѡ̀, и҆ сохрани́ши всѧ̑ ѡ҆правда̑нїѧ є҆гѡ̀: всѧ́кꙋ болѣ́знь, ю҆́же наведо́хъ є҆гѵ́птѧнѡмъ, не наведꙋ̀ на тѧ̀, а҆́зъ бо є҆́смь гдⷭ҇ь и҆сцѣлѧ́ѧй тѧ̀. и҆ прїидо́ша во є҆лі́мъ, и҆ бѧ́хꙋ та́мѡ двана́десѧть и҆сто́чникѡвъ во́дъ, и҆ се́дмьдесѧтъ сте́блїй фі́нїковыхъ: и҆ ѡ҆полчи́шасѧ та́мѡ при вода́хъ. и҆ воздвиго́шасѧ ѿ є҆лі́ма, и҆ прїи́де ве́сь со́нмъ сынѡ́въ і҆и҃левыхъ въ пꙋсты́ню сі́нъ, ꙗ҆́же є҆́сть междꙋ̀ є҆лі́момъ, и҆ междꙋ̀ сі́ною. Исх ́҆̀:̀̀–̀҃; ́̑:́"
 },
 {
  "type": "HEADER",
  "value": "Чте́цъ глаго́летъ тропа́рь се́й, гла́съ є҃:"
 },
 {
  "type": "TEXT",
  "value": "Ꙗ҆ ви́лсѧ є҆сѝ въ мі́рѣ, и҆́же мі́ръ сотвори́вый, / да просвѣти́ши во тмѣ̀ сѣдѧ́щыѧ, / чл҃вѣколю́бче, сла́ва тебѣ̀."
 },
 {
  "type": "TEXT",
  "value": "Ли́къ пое́тъ то́йже."
 },
 {
  "type": "TEXT",
  "value": "Чте́цъ, сті́хъ а҃: Бж҃е, ᲂу҆ще́дри ны̀, и҆ бл҃гослови́ ны, просвѣтѝ лицѐ твоѐ на ны̀, и҆ поми́лꙋй ны̀: позна́ти на землѝ пꙋ́ть тво́й, во всѣ́хъ ꙗ҆зы́цѣхъ спасе́нїе твоѐ. Пс ̑̑:̀, ҆"
 },
 {
  "type": "TEXT",
  "value": "И҆ посе́мъ ли́къ пое́тъ коне́цъ: Да просвѣти́ши во тмѣ̀ сѣдѧ́щыѧ, / чл҃вѣколю́бче, сла́ва тебѣ̀."
 },
 {
  "type": "TEXT",
  "value": "Чте́цъ, сті́хъ в҃: Да и҆сповѣ́дѧтсѧ тебѣ̀ лю́дїе, бж҃е, да и҆сповѣ́дѧтсѧ тебѣ̀ лю́дїе всѝ. да возвеселѧ́тсѧ, и҆ да возра́дꙋютсѧ ꙗ҆зы́цы, ꙗ҆́кѡ сꙋ́диши лю́демъ правото́ю, и҆ ꙗ҆зы́ки на землѝ наста́виши. Пс ̑̑:҆́, ҆̀"
 },
 {
  "type": "TEXT",
  "value": "И҆ па́ки ли́къ пое́тъ: Да просвѣти́ши во тмѣ̀ сѣдѧ́щыѧ, / чл҃вѣколю́бче, сла́ва тебѣ̀."
 },
 {
  "type": "TEXT",
  "value": "Чте́цъ, сті́хъ г҃: Да и҆сповѣ́дѧтсѧ тебѣ̀ лю́дїе, бж҃е, да и҆сповѣ́дѧтсѧ тебѣ̀ лю́дїе всѝ. землѧ̀ дадѐ пло́дъ сво́й, бл҃гослови́ ны, бж҃е, бж҃е на́шъ. бл҃гослови́ ны, бж҃е: и҆ да ᲂу҆боѧ́тсѧ є҆гѡ̀ всѝ концы̀ землѝ. Пс ̑̑:̑–̾"
 },
 {
  "type": "TEXT",
  "value": "Ли́къ пое́тъ: Да просвѣти́ши во тмѣ̀ сѣдѧ́щыѧ, / чл҃вѣколю́бче, сла́ва тебѣ̀."
 },
 {
  "type": "TEXT",
  "value": "Та́же, Сла́ва: пое́тъ ли́къ пра́вый, коне́цъ тропарѧ̀."
 },
 {
  "type": "TEXT",
  "value": "И҆ ны́нѣ: лѣ́вый пое́тъ та́кожде коне́цъ."
 },
 {
  "type": "TEXT",
  "value": "Посе́мъ глаго́летъ чте́цъ тропа́рь: Ꙗ҆ви́лсѧ є҆сѝ въ мі́рѣ, и҆́же мі́ръ сотвори́вый."
 },
 {
  "type": "TEXT",
  "value": "И҆ пое́тъ са́мъ коне́цъ є҆гѡ̀: Да просвѣти́ши во тмѣ̀ сѣдѧ́щыѧ, / чл҃вѣколю́бче, сла́ва тебѣ̀."
 },
 {
  "type": "TEXT",
  "value": "И҆ чтꙋ́тсѧ па́ки по ѻ҆бы́чаю чтє́нїѧ сїѧ̑."
 },
 {
  "type": "HEADER",
  "value": "д҃. І҆исꙋ́са наѵи́на чте́нїе."
 },
 {
  "type": "TEXT",
  "value": "Р ечѐ гдⷭ҇ь ко і҆и҃сꙋ: въ де́нь се́й начина́ю вознести́ тѧ предъ всѣ́ми сы́нми і҆и҃левыми, да разꙋмѣ́ютъ, занѐ ꙗ҆́коже бѣ́хъ съ мѡѷсе́омъ, та́кѡ бꙋ́дꙋ и҆ съ тобо́ю. и҆ ны́нѣ заповѣ́ждь сщ҃е́нникѡмъ, взима́ющымъ ковче́гъ завѣ́та, глаго́лѧ: да ꙗ҆́кѡ вни́дете въ ча́сть воды̀ і҆ѻрда́нскїѧ, и҆ ста́нете при і҆ѻрда́нѣ. ꙗ҆́коже и҆дѧ́хꙋ свѧще́нницы, взе́мшїи ковче́гъ завѣ́та гдⷭ҇нѧ во і҆ѻрда́нъ: и҆ но́ги свѧще́нникѡвъ, носѧ́щихъ ковче́гъ ѡ҆мочи́шасѧ въ ча́сти воды̀ і҆ѻрда́нскїѧ. і҆ѻрда́нъ же и҆сполнѧ́шесѧ во все́мъ ло́жи свое́мъ, ꙗ҆́коже во дни̑ жа́твы пшени́цы: и҆ ста́ша во́ды, низходѧ́щыѧ свы́ше, въ со́нмъ є҆ди́нъ, ѿстоѧ́щыѧ дале́че ѕѣлѡ̀ ѿ а҆дама̀ гра́да, да́же до страны̀ карїаѳїарі́ма. низходѧ́щаѧ же сни́де въ мо́ре а҆рави́тское, да́же до мо́рѧ соли́щнагѡ, до́ндеже вконе́цъ ѡ҆скꙋдѣ̀, и҆ лю́дїе стоѧ́хꙋ прѧ́мѡ і҆ерїхѡ́на: и҆ ста́ша сщ҃е́нницы, взе́мшїи ковче́гъ завѣ́та гдⷭ҇нѧ, на сꙋ́сѣ посредѣ̀ і҆ѻрда́на готѡ́вы. и҆ всѝ сы́нове і҆и҃лєвы преидо́ша по сꙋ́хꙋ, до́ндеже сконча́ша всѝ лю́дїе преходѧ́ще і҆ѻрда́нъ. Ис Нав ҆:҃–̾, ́҆́–́҃"
 },
 {
  "type": "HEADER",
  "value": "є҃. Ца́рствъ четве́ртыхъ чте́нїе."
 },
 {
  "type": "TEXT",
  "value": "Р ечѐ и҆лїа̀ къ є҆лїссе́ю: сѣдѝ ᲂу҆́бѡ здѣ̀, ꙗ҆́кѡ гдⷭ҇ь посла́ мѧ до і҆ѻрда́на. и҆ речѐ є҆лїссе́й: жи́въ гдⷭ҇ь, и҆ жива̀ дꙋша̀ твоѧ̀, а҆́ще ѡ҆ста́влю тѧ̀. и҆ поидо́ста ѻ҆́ба, и҆ пѧтьдесѧ́тъ мꙋже́й ѿ сынѡ́въ прⷪ҇ро́ческихъ, прїидо́ша и҆ ста́ша прѧ́мѡ и҆здале́ча, ѻ҆́ба же ста́ста при і҆ѻрда́нѣ. и҆ прїѧ́тъ и҆лїа̀ ми́лѡть свою̀, и҆ сви́тъ ю҆̀, и҆ ᲂу҆да́ри є҆́ю во́ды, и҆ раздѣли́сѧ вода̀ сю́дꙋ и҆ сю́дꙋ, и҆ преидо́ста ѻ҆́ба по сꙋ́хꙋ. и҆ бы́сть ꙗ҆́кѡ преидо́ста, и҆ речѐ и҆лїа̀ є҆лїссе́ю: просѝ, что̀ сотворю̀ тебѣ̀, пре́жде да́же не взѧ́тъ бꙋ́дꙋ ѿ тебє̀; и҆ речѐ є҆лїссе́й: да бꙋ́детъ ᲂу҆́бѡ дꙋ́хъ, и҆́же въ тебѣ̀, сꙋгꙋ́бъ во мнѣ̀. и҆ речѐ и҆лїа̀: ѡ҆жесточи́лъ є҆сѝ проси́ти, ѻ҆ба́че а҆́ще ᲂу҆ви́диши мѧ̀ взе́млема ѿ тебє̀, бꙋ́детъ тѝ та́кѡ: а҆́ще ли же не ᲂу҆ви́диши, не бꙋ́детъ. и҆ бы́сть и҆дꙋ́щымъ и҆̀мъ, и҆ глаго́лющымъ, и҆ сѐ колесни́ца ѻ҆́гненна, и҆ ко́ни ѻ҆́гненни, и҆ раздѣлѝ междꙋ̀ ѻ҆бѣ́ма: и҆ взѧ́тсѧ и҆лїа̀ ви́хремъ, ꙗ҆́кѡ на нб҃о. и҆ є҆лїссе́й зрѧ́ше, и҆ то́й вопїѧ́ше: ѻ҆́ч҃е, ѻ҆́ч҃е, колесни́ца і҆и҃лева, и҆ ко́ни є҆гѡ̀, и҆ не ви́дѣ є҆гѡ̀ ктомꙋ̀. и҆ ꙗ҆́тсѧ є҆лїссе́й за ри̑зы своѧ̑, и҆ раздра̀ ѧ҆̀ на дво́е, и҆ взѧ́тъ ми́лѡть и҆лїинꙋ̀ є҆лїссе́й, па́дшꙋю верхꙋ̀ є҆гѡ̀. и҆ ѡ҆брати́сѧ є҆лїссе́й, и҆ ста̀ на бре́зѣ і҆ѻрда́на. и҆ прїѧ́тъ є҆лїссе́й ми́лѡть и҆лїинꙋ̀, па́дшꙋю верхꙋ̀ є҆гѡ̀, и҆ ᲂу҆да́ри во́ды, и҆ не раздѣли́шасѧ. и҆ речѐ є҆лїссе́й: гдѣ̀ ᲂу҆́бѡ є҆́сть бг҃ъ и҆лїи́нъ а҆ффѡ̀; и҆ ᲂу҆да́ри є҆лїссе́й во́ды второ́е, и҆ раздѣли́шасѧ во́ды, и҆ пре́йде по сꙋ́хꙋ. ҆́ Цар ̀:̑–́҆́"
 },
 {
  "type": "HEADER",
  "value": "ѕ҃. Ца́рствъ четве́ртыхъ чте́нїе."
 },
 {
  "type": "TEXT",
  "value": "П рїи́де неема́нъ, кнѧ́зь царѧ̀ а҆ссѷрі́йскагѡ, съ колесни́цами, и҆ ко́ньми свои́ми, и҆ ста̀ при две́рехъ хра́ма є҆лїссе́ева. и҆ посла̀ є҆лїссе́й къ немꙋ̀ вѣ́стника, глаго́лѧ: ше́дъ, и҆змы́йсѧ во і҆ѻрда́нѣ седми́жды, и҆ ѡ҆брати́тсѧ пло́ть твоѧ̀ къ тебѣ̀, и҆ ѡ҆чи́стишисѧ. и҆ разгнѣ́васѧ неема́нъ, и҆ ѿи́де, и҆ речѐ: сѐ рѣ́хъ, да и҆зы́детъ ко мнѣ̀, и҆ призове́тъ ѡ҆ и҆́мени гдⷭ҇а бг҃а своегѡ̀, и҆ положи́тъ рꙋ́кꙋ свою̀ на прока́зꙋ, и҆ ѿи́метъ ю҆̀ ѿ пло́ти моеѧ̀. не добрѣ́йши ли сꙋ́ть а҆рвана̀ и҆ фарфа̀, рѣ́ци дама́скѡвы, па́че і҆ѻрда́на, и҆ всѣ́хъ во́дъ і҆и҃левыхъ; не ше́дъ ли и҆змы́юсѧ въ ни́хъ, и҆ ѡ҆чи́щꙋсѧ; и҆ возврати́сѧ, и҆ ѿи́де съ гнѣ́вомъ. и҆ пристꙋпи́ша ѻ҆́троцы є҆гѡ̀, и҆ рѣ́ша къ немꙋ̀: го́споди, а҆́ще бы ве́лїе сло́во глаго́лалъ къ тебѣ̀ прⷪ҇ро́къ, не бы́ ли сотвори́лъ, ꙗ҆́коже речѐ къ тебѣ̀: и҆змы́йсѧ, и҆ ѡ҆чи́стишисѧ, и҆ сни́де неема́нъ, и҆ погрꙋзи́сѧ во і҆ѻрда́нѣ седми́жды, по глаго́лꙋ человѣ́ка бж҃їѧ, и҆ ѡ҆брати́сѧ пло́ть є҆гѡ̀ къ немꙋ̀, ꙗ҆́кѡ ѻ҆троча́те ма́ла, и҆ ѡ҆чи́стисѧ. ҆́ Цар ҆̀:ж҃–́҆́"
 },
 {
  "type": "HEADER",
  "value": "Чте́цъ глаго́летъ тропа́рь се́й, гла́съ ѕ҃:"
 },
 {
  "type": "TEXT",
  "value": "Г рѣ́шникѡмъ и҆ мытарє́мъ, / за мно́жество ми́лости твоеѧ̀, ꙗ҆ви́лсѧ є҆сѝ, сп҃се на́шъ. / гдѣ́ бо и҆мѣ́лъ бы свѣ́тъ тво́й возсїѧ́ти, то́кмѡ на сѣдѧ́щыѧ во тмѣ̀; / сла́ва тебѣ̀."
 },
 {
  "type": "TEXT",
  "value": "Ли́къ пое́тъ то́йже."
 },
 {
  "type": "TEXT",
  "value": "Чте́цъ, сті́хъ а҃: Гдⷭ҇ь воцр҃и́сѧ, въ лѣ́потꙋ ѡ҆блече́сѧ: ѡ҆блече́сѧ гдⷭ҇ь въ си́лꙋ и҆ препоѧ́сасѧ: и҆́бо ᲂу҆твердѝ вселе́ннꙋю, ꙗ҆́же не подви́житсѧ. гото́въ прⷭ҇то́лъ тво́й ѿто́лѣ, ѿ вѣ́ка ты̀ є҆сѝ. Пс ж҃̀:́–̀"
 },
 {
  "type": "TEXT",
  "value": "И҆ посе́мъ ли́къ пое́тъ коне́цъ: Гдѣ́ бо и҆мѣ́лъ бы свѣ́тъ тво́й возсїѧ́ти, то́кмѡ на сѣдѧ́щыѧ во тмѣ̀; / сла́ва тебѣ̀."
 },
 {
  "type": "TEXT",
  "value": "Чте́цъ, сті́хъ в҃: Воздвиго́ша рѣ́ки, гдⷭ҇и, воздвиго́ша рѣ́ки гла́сы своѧ̑: во́змꙋтъ рѣ́ки сотрє́нїѧ своѧ̑ ѿ гла́сѡвъ во́дъ мно́гихъ. Пс ж҃̀:҆"
 },
 {
  "type": "TEXT",
  "value": "И҆ па́ки ли́къ пое́тъ: Гдѣ́ бо и҆мѣ́лъ бы свѣ́тъ тво́й возсїѧ́ти, то́кмѡ на сѣдѧ́щыѧ во тмѣ̀; / сла́ва тебѣ̀."
 },
 {
  "type": "TEXT",
  "value": "Чте́цъ, сті́хъ г҃: Ди̑вны высоты̑ морскі̑ѧ, ди́венъ въ высо́кихъ гдⷭ҇ь. свидѣ̑нїѧ твоѧ̑ ᲂу҆вѣ́ришасѧ ѕѣлѡ̀. до́мꙋ твоемꙋ̀ подоба́етъ ст҃ы́нѧ, гдⷭ҇и, въ долготꙋ̀ дні́й. Пс ж҃̀:҆́, ҆̀"
 },
 {
  "type": "TEXT",
  "value": "Ли́къ пое́тъ: Гдѣ́ бо и҆мѣ́лъ бы свѣ́тъ тво́й возсїѧ́ти, то́кмѡ на сѣдѧ́щыѧ во тмѣ̀; / сла́ва тебѣ̀."
 },
 {
  "type": "TEXT",
  "value": "Та́же, Сла́ва: пое́тъ ли́къ пра́вый, коне́цъ тропарѧ̀."
 },
 {
  "type": "TEXT",
  "value": "И҆ ны́нѣ: лѣ́вый пое́тъ та́кожде коне́цъ."
 },
 {
  "type": "TEXT",
  "value": "Посе́мъ глаго́летъ чте́цъ тропа́рь: Грѣ́шникѡмъ и҆ мытарє́мъ, за мно́жество ми́лости твоеѧ̀, ꙗ҆ви́лсѧ є҆сѝ, сп҃се на́шъ."
 },
 {
  "type": "TEXT",
  "value": "И҆ пое́тъ са́мъ коне́цъ є҆гѡ̀: Гдѣ́ бо и҆мѣ́лъ бы свѣ́тъ тво́й возсїѧ́ти, то́кмѡ на сѣдѧ́щыѧ во тмѣ̀; / сла́ва тебѣ̀."
 },
 {
  "type": "TEXT",
  "value": "И҆ посе́мъ чте́тъ:"
 },
 {
  "type": "HEADER",
  "value": "з҃. Прⷪ҇ро́чества и҆са́їина чте́нїе."
 },
 {
  "type": "TEXT",
  "value": "Т а́кѡ гл҃го́летъ гдⷭ҇ь: и҆змы́йтесѧ, и҆ чи́сти бꙋ́дете, ѿими́те лꙋка̑вствїѧ ѿ дꙋ́шъ ва́шихъ предъ ѻ҆чи́ма мои́ма: преста́ните ѿ лꙋка́вствїй ва́шихъ. наꙋчи́тесѧ до́брое твори́ти, и҆зыщи́те сꙋда̀, и҆зба́вите ѡ҆би́дима, сꙋди́те си́рꙋ, и҆ ѡ҆правди́те вдови́цꙋ. и҆ прїиди́те и҆стѧ́жимсѧ, гл҃го́летъ гдⷭ҇ь: и҆ а҆́ще бꙋ́дꙋтъ грѣсѝ ва́ши, ꙗ҆́кѡ багрѧ́ное, ꙗ҆́кѡ снѣ́гъ, ᲂу҆бѣлю̀: а҆́ще же бꙋ́дꙋтъ, ꙗ҆́кѡ червле́ное, ꙗ҆́кѡ во́лнꙋ, ᲂу҆бѣлю̀. и҆ а҆́ще хо́щете, и҆ послꙋ́шаете менє̀, бл҃га̑ѧ землѝ снѣ́сте. а҆́ще ли же не хо́щете, нижѐ послꙋ́шаете менє̀, ме́чь ва́съ поѧ́стъ: ᲂу҆ста́ бо гдⷭ҇нѧ гл҃го́лаша сїѧ̑. Ис ́:́̑–̀о́"
 },
 {
  "type": "HEADER",
  "value": "и҃. Бытїѧ̀ чте́нїе."
 },
 {
  "type": "TEXT",
  "value": "В оззрѣ́въ і҆а́кѡвъ, и҆ ви́дѣ по́лкъ бж҃їй, ѡ҆полчи́вшїйсѧ, и҆ срѣто́ша є҆го̀ а҆́гг҃ли бж҃їи. рече́ же і҆а́кѡвъ, є҆гда̀ ви́дѣ и҆̀хъ: по́лкъ бж҃їй се́й. и҆ наречѐ и҆́мѧ мѣ́стꙋ томꙋ̀, полкѝ. посла́ же і҆а́кѡвъ вѣ́стники предъ собо́ю ко и҆са́ѵꙋ, бра́тꙋ своемꙋ̀, въ зе́млю сїи́ръ, во странꙋ̀ є҆дѡ́мскꙋю. и҆ заповѣ́да и҆̀мъ, глаго́лѧ: си́це рцы́те гдⷭ҇и́нꙋ моемꙋ̀ и҆са́ѵꙋ: та́кѡ глаго́летъ ѻ҆́трокъ тво́й і҆а́кѡвъ: съ лава́номъ пожи́хъ, и҆ ᲂу҆коснѣ́хъ до ны́нѣ: и҆ бы́ша мѝ ѻ҆́вцы и҆ воло́ве, и҆ ѻ҆слѧ́та, и҆ рабы̑ и҆ рабы̑ни. и҆ посла́хъ возвѣсти́ти гдⷭ҇и́нꙋ моемꙋ̀ и҆са́ѵови, да ѡ҆брѧ́щетъ бл҃года́ть ѻ҆́трокъ тво́й предъ тобо́ю. и҆ возврати́шасѧ вѣ̑стницы ко і҆а́кѡвꙋ, глаго́люще: и҆до́хомъ ко и҆са́ѵꙋ бра́тꙋ твоемꙋ̀, и҆ сѐ са́мъ грѧде́тъ въ срѣ́тенїе твоѐ, и҆ четы́ре ста̀ мꙋже́й съ ни́мъ. ᲂу҆боѧ́сѧ же і҆а́кѡвъ ѕѣлѡ̀, и҆ недоꙋмѣва́шесѧ, и҆ раздѣлѝ лю́ди, и҆̀же съ ни́мъ, и҆ волы̀ и҆ ѻ҆́вцы, на два̀ полка̀. и҆ речѐ і҆а́кѡвъ: а҆́ще прїи́детъ и҆са́ѵъ на по́лкъ є҆ди́нъ, и҆ посѣче́тъ и҆̀, бꙋ́детъ по́лкъ вторы́й во спасе́нїе. и҆ речѐ і҆а́кѡвъ: бг҃ъ ѻ҆тца̀ моегѡ̀ а҆враа́ма, и҆ бг҃ъ ѻ҆тца̀ моегѡ̀ і҆саа́ка, гдⷭ҇и, рекі́й мѝ: ѿбѣжѝ въ зе́млю бытїѧ̀ твоегѡ̀, и҆ добро́ ти сотворю̀. дово́льнѡ мѝ да бꙋ́детъ ѿ всѧ́кїѧ пра́вды, и҆ ѿ всѧ́кїѧ и҆́стины, ю҆́же сотвори́лъ є҆сѝ ѻ҆́трокꙋ твоемꙋ̀: съ жезло́мъ бо мои́мъ си́мъ преидо́хъ і҆ѻрда́нъ. Быт ҆̀:́–́о́"
 },
 {
  "type": "HEADER",
  "value": "ѳ҃. И҆схо́да чте́нїе."
 },
 {
  "type": "TEXT",
  "value": "С ни́де дщѝ фараѡ́нова и҆змы́тисѧ на рѣкꙋ̀, и҆ рабы̑ни є҆ѧ̀ прехожда́хꙋ при рѣцѣ̀: и҆ ви́дѣвши крабі́йцꙋ въ лꙋчи́цѣ, посла́вши рабы́ню, взѧ́тъ ю҆̀. ѿве́рзши же, ви́дитъ ѻ҆троча̀ пла́чꙋщеесѧ въ крабі́йцѣ, и҆ пощадѝ є҆̀ дщѝ фараѡ́нова, и҆ речѐ: ѿ дѣте́й є҆вре́йскихъ сїѐ. и҆ речѐ сестра̀ є҆гѡ̀ дще́ри фараѡ́новѣ: хо́щеши ли призовꙋ́ ти женꙋ̀ пита́тельницꙋ ѿ є҆врє́й, и҆ воздои́тъ тѝ ѻ҆троча̀; и҆ речѐ є҆́й дщѝ фараѡ́нова: и҆дѝ. ше́дши же ѻ҆трокови́ца, призва̀ ма́терь ѻ҆троча́те. рече́ же къ не́й дщѝ фараѡ́нова: соблюди́ ми ѻ҆троча̀ сїѐ, и҆ воздо́й мѝ є҆̀, а҆́зъ же да́мъ тѝ мздꙋ̀. прїе́мши же жена̀ ѻ҆троча̀, и҆ доѧ́ше є҆̀. возмꙋжа́вшꙋ же ѻ҆троча́ти, введѐ є҆̀ ко дще́ри фараѡ́новѣ, и҆ бы́сть є҆́й въ сы́на. и҆менова́ же и҆́мѧ є҆мꙋ̀ мѡѷсе́й, глаго́лющи: ѿ воды̀ взѧ́хъ є҆го̀. Исх ̀:҆̀–́о́"
 },
 {
  "type": "HEADER",
  "value": "і҃. Сꙋде́й чте́нїе."
 },
 {
  "type": "TEXT",
  "value": "Р ечѐ гедеѡ́нъ къ бг҃ꙋ: а҆́ще спаса́еши рꙋко́ю мое́ю і҆и҃лѧ, и҆́мже ѻ҆́бразомъ ре́клъ є҆сѝ, сѐ а҆́зъ положꙋ̀ рꙋно̀ ѻ҆́вчее на гꙋмнѣ̀: и҆ а҆́ще бꙋ́детъ роса̀ на рꙋнѣ̀ то́кмѡ, по все́й же землѝ сꙋ́ша, разꙋмѣ́ю, ꙗ҆́кѡ спасе́ши рꙋко́ю мое́ю і҆и҃лѧ, и҆́мже ѻ҆́бразомъ ре́клъ є҆сѝ. и҆ бы́сть та́кѡ: и҆ ᲂу҆ра́нивъ гедеѡ́нъ наꙋ́трїе, и҆ и҆сцѣдѝ рꙋно̀, и҆ и҆стечѐ роса̀ ѿ рꙋна̀, и҆спо́лненъ ѻ҆крі́нъ воды̀. и҆ речѐ гедеѡ́нъ къ бг҃ꙋ: да не прогнѣ́ваетсѧ ᲂу҆́бѡ ꙗ҆́рость твоѧ̀ на мѧ̀, и҆ возглаго́лю є҆щѐ є҆ди́ною, и҆ и҆скꙋшꙋ̀ є҆щѐ є҆ди́ною рꙋно́мъ: да бꙋ́детъ ᲂу҆́бѡ сꙋ́ша на рꙋнѣ̀ то́кмѡ, по все́й же землѝ роса̀. и҆ сотворѝ бг҃ъ та́кѡ въ нощѝ то́й, и҆ бы́сть сꙋ́ша на рꙋнѣ̀ то́кмѡ, по все́й же землѝ бы́сть роса̀. Сꙋд ̑:҆̑–҆́о́"
 },
 {
  "type": "HEADER",
  "value": "а҃і. Ца́рствъ тре́тїихъ чте́нїе."
 },
 {
  "type": "TEXT",
  "value": "Р ечѐ и҆лїа̀ къ лю́демъ: пристꙋпи́те ко мнѣ̀. и҆ пристꙋпи́ша всѝ лю́дїе къ немꙋ̀. и҆ взѧ́тъ и҆лїа̀ двана́десѧть ка́менїй, по числꙋ̀ двана́десѧти колѣ́нъ сн҃ѡ́въ і҆и҃левыхъ, ꙗ҆́коже гл҃го́ла гдⷭ҇ь къ немꙋ̀, гл҃го́лѧй: і҆и҃ль бꙋ́детъ и҆́мѧ твоѐ. и҆ созда̀ ка́менїе, и҆ и҆сцѣлѝ ѻ҆лта́рь гдⷭ҇ень раско́панный, и҆ сотворѝ ро́въ, вмѣща́ющь по двѣ̀ мѣ̑ры сѣ́мени, ѻ҆́крестъ ѻ҆лтарѧ̀. и҆ положѝ полѣ̑на на ѻ҆лтарѝ, є҆го́же сотворѝ. и҆ раздробѝ всесожжє́нїѧ, и҆ положѝ на полѣ̑на, и҆ ѡ҆бы́де ѻ҆лта́рь. и҆ речѐ и҆лїа̀: прїими́те мѝ четы́ре водоно́сы воды̀, и҆ да пролїю́тсѧ на ѻ҆лта́рь, на всесожже́нїе же и҆ на полѣ̑на. и҆ речѐ: ᲂу҆дво́йте, и҆ ᲂу҆дво́иша. и҆ речѐ: ᲂу҆тро́йте, и҆ ᲂу҆тро́иша. и҆ и҆дѧ́ше вода̀ ѻ҆́крестъ ѻ҆лтарѧ̀, и҆ ро́въ и҆спо́лнисѧ воды̀. и҆ возопѝ и҆лїа̀ на нб҃о, и҆ речѐ: гдⷭ҇и бж҃е а҆враа́мовъ и҆ і҆саа́ковъ и҆ і҆а́кѡвль, ᲂу҆слы́ши менѐ дне́сь ѻ҆гне́мъ: и҆ разꙋмѣ́ютъ всѝ лю́дїе сі́и, ꙗ҆́кѡ ты̀ є҆сѝ є҆ди́нъ гдⷭ҇ь бг҃ъ і҆и҃левъ, и҆ а҆́зъ ра́бъ тво́й. и҆ тебє̀ ра́ди сотвори́хъ сїѧ̑ всѧ̑, и҆ ты̀ ѡ҆братѝ сердца̀ люде́й си́хъ въ слѣ́дъ тебє̀. и҆ падѐ ѻ҆́гнь ѿ гдⷭ҇а съ нб҃сѐ, и҆ поѧдѐ всесожжє́нїѧ, и҆ полѣ̑на и҆ во́дꙋ, ꙗ҆́же на ни́хъ, и҆ во́дꙋ, ꙗ҆́же въ ро́вѣ, и҆ ка́менїе, и҆ пе́рсть полиза̀ ѻ҆́гнь. и҆ падо́ша всѝ лю́дїе на лицѣ̀ свое́мъ, и҆ рѣ́ша: вои́стиннꙋ гдⷭ҇ь бг҃ъ, то́й є҆́сть бг҃ъ. ҆ Цар ́̾:҆о́–҆ж҃"
 },
 {
  "type": "HEADER",
  "value": "в҃і. Ца́рствъ четве́ртыхъ чте́нїе."
 },
 {
  "type": "TEXT",
  "value": "Р еко́ша мꙋ́жїе гра́да і҆ерїхѡ́нска ко є҆лїссе́ю: сѐ жили́ще гра́да сегѡ̀ добро̀, ꙗ҆́коже ты̀, гдⷭ҇и́не, ви́диши, и҆ во́ды ѕлы̑ и҆ безча̑дны. и҆ речѐ є҆лїссе́й: принеси́те мѝ водоно́съ но́въ, и҆ всы́плите тꙋ̀ со́ль: и҆ принесо́ша и҆̀. и҆ и҆зы́де на и҆схожде́нїе во́дъ, и҆ вве́рже та́мѡ со́ль, и҆ речѐ: та́кѡ глаго́летъ гдⷭ҇ь: и҆сцѣли́хъ во́ды сїѧ̑, и҆ не ктомꙋ̀ бꙋ́детъ ѿню́дъ ᲂу҆мира́ѧ, нижѐ безча́дствꙋющаѧ си́ми. и҆ и҆сцѣлѣ́ша во́ды до днѐ сегѡ̀, по глаго́лꙋ, и҆́же глаго́ла є҆лїссе́й. ҆́ Цар ̀:́ж҃–̀̀"
 },
 {
  "type": "HEADER",
  "value": "г҃і. Прⷪ҇ро́чества и҆са́їина чте́нїе."
 },
 {
  "type": "TEXT",
  "value": "Т а́кѡ гл҃го́летъ гдⷭ҇ь: во вре́мѧ прїѧ́тное послꙋ́шахъ тѧ̀ и҆ въ де́нь спасе́нїѧ помого́хъ тебѣ̀: и҆ созда́хъ тѧ̀, и҆ да́хъ тѧ̀ въ завѣ́тъ ꙗ҆зы́кѡвъ, є҆́же ᲂу҆стро́ити зе́млю, и҆ наслѣ́дити наслѣ́дїе пꙋсты́ни: гл҃го́люща сꙋ́щымъ во ᲂу҆́захъ: и҆зыди́те: и҆ сꙋ́щымъ во тмѣ̀: ѿкры́йтесѧ. на всѣ́хъ пꙋте́хъ пасти́сѧ бꙋ́дꙋтъ, и҆ на всѣ́хъ стезѧ́хъ па́жить и҆́хъ. не вза́лчꙋтъ, нижѐ вжа́ждꙋтъ, нижѐ порази́тъ и҆̀хъ зно́й, нижѐ со́лнце: но ми́лꙋѧй и҆̀хъ ᲂу҆тѣ́шитъ ѧ҆̀, и҆ сквозѣ̀ и҆сто́чники во́дъ проведе́тъ ѧ҆̀. и҆ положꙋ̀ всѧ́кꙋю го́рꙋ въ пꙋ́ть, и҆ всѧ́кꙋю стезю̀ въ па́ствꙋ и҆́хъ. сѐ сі́и и҆здале́ча прїи́дꙋтъ, сі́и ѿ сѣ́вера и҆ мо́рѧ, и҆ні́и же ѿ землѝ пе́рсскїѧ. да веселѧ́тсѧ нб҃са̀, и҆ ра́дꙋетсѧ землѧ̀: да ѿры́гнꙋтъ го́ры весе́лїе, и҆ хо́лми пра́вдꙋ, ꙗ҆́кѡ поми́лова бг҃ъ лю́ди своѧ̑, и҆ смирє́нныѧ люде́й ᲂу҆тѣ́ши. рече́ же сїѡ́нъ: ѡ҆ста́ви мѧ̀ гдⷭ҇ь, и҆ бг҃ъ забы́ мѧ. є҆да̀ забꙋ́детъ жена̀ ѻ҆троча̀ своѐ; и҆лѝ не поми́лꙋетъ и҆сча́дїѧ чре́ва своегѡ̀; а҆́ще ли же и҆ си́хъ забꙋ́детъ жена̀, но а҆́зъ не забꙋ́дꙋ тебє̀, гл҃го́летъ гдⷭ҇ь. Ис ҆́ж҃:̾–́҆̀"
 },
 {
  "type": "HEADER",
  "value": "На ѡ҆свѧще́нїе воды̀. а҃. Прⷪ҇ро́чества и҆са́їина чте́нїе."
 },
 {
  "type": "TEXT",
  "value": "Т а́кѡ глаго́летъ гдⷭ҇ь: да возвесели́тсѧ пꙋсты́нѧ жа́ждꙋщаѧ, да возра́дꙋетсѧ пꙋсты́нѧ, и҆ процвѣте́тъ, ꙗ҆́кѡ крі́нъ, и҆ да прозѧ́бнетъ, и҆ всѧ̑ возвеселѧ́тсѧ. и҆ возра́дꙋютсѧ пꙋсты̑ннаѧ і҆ѻрда́нѡва, и҆ сла́ва лїва́нова дана̀ бы́сть є҆́й, и҆ че́сть карми́лова, и҆ лю́дїе моѝ ᲂу҆́зрѧтъ сла́вꙋ гдⷭ҇ню и҆ высотꙋ̀ бж҃їю. ᲂу҆крѣпи́тесѧ рꙋ́ки ѡ҆сла́блєнныѧ, и҆ колѣ̑на разсла́блєнныѧ ᲂу҆тѣ́шитесѧ, и҆ рцы́те малодꙋ̑шнымъ мы́слїю: ᲂу҆крѣпи́тесѧ и҆ не бо́йтесѧ, сѐ бг҃ъ на́шъ сꙋ́дъ воздае́тъ, то́й прїи́детъ и҆ спасе́тъ на́съ. тогда̀ ѿве́рзꙋтсѧ ѻ҆чеса̀ слѣпы́хъ, и҆ ᲂу҆шеса̀ глꙋхи́хъ ᲂу҆слы́шатъ. тогда̀ ско́читъ хромы́й, ꙗ҆́кѡ є҆ле́нь, и҆ ꙗ҆́сенъ бꙋ́детъ ѧ҆зы́къ гꙋгни́выхъ, ꙗ҆́кѡ прорази́сѧ въ пꙋсты́ни вода̀, и҆ де́брь въ землѝ жа́ждꙋщей. и҆ бꙋ́детъ безво́днаѧ въ бла̑та, и҆ въ жа́ждꙋщей землѝ и҆сто́чникъ воды̀ бꙋ́детъ: та́мѡ бꙋ́детъ весе́лїе пти́цъ, водворе́нїе сѵ́рїнѡвъ, и҆ тро́стїй, и҆ бла́та. та́мѡ бꙋ́детъ пꙋ́ть чи́стъ, и҆ пꙋ́ть ст҃ъ нарече́тсѧ: и҆ не мимои́детъ та́мѡ нечи́стъ, нижѐ бꙋ́детъ та́мѡ пꙋ́ть нечи́стый: разсѣ́ѧннїи же по́йдꙋтъ по немꙋ̀, и҆ не заблꙋ́дѧтъ. и҆ не бꙋ́детъ та́мѡ льва̀, нижѐ ѿ ѕвѣре́й лю́тыхъ взы́детъ на́нь, нижѐ ѡ҆брѧ́щетсѧ та́мѡ: но по́йдꙋтъ по немꙋ̀ и҆зба́вленнїи и҆ со́браннїи ѿ гдⷭ҇а, и҆ ѡ҆братѧ́тсѧ, и҆ прїи́дꙋтъ въ сїѡ́нъ съ весе́лїемъ и҆ ра́достїю, и҆ весе́лїе вѣ́чное надъ главо́ю и҆́хъ: хвала̀ и҆ ра́дованїе и҆ весе́лїе пости́гнетъ и҆̀хъ: ѿбѣжѐ болѣ́знь, печа́ль и҆ воздыха́нїе. Ис ҆҆̀:́–́о́"
 },
 {
  "type": "HEADER",
  "value": "в҃. Прⷪ҇ро́чества и҆са́їина чте́нїе."
 },
 {
  "type": "TEXT",
  "value": "Т а́кѡ гл҃го́летъ гдⷭ҇ь: жа́ждꙋщїи на во́дꙋ и҆ди́те, и҆ є҆ли́цы не и҆́мате сребра̀, ше́дше кꙋпи́те, и҆ ꙗ҆ди́те и҆ пі́йте, безъ сребра̀ и҆ цѣны̀, вїно̀ и҆ тꙋ́къ. вскꙋ́ю цѣнитѐ сребро̀ не въ хлѣ́бы, и҆ трꙋ́дъ ва́шъ не въ сы́тость; послꙋ́шайте менє̀, и҆ снѣ́сте блага̑ѧ, и҆ наслади́тсѧ во бл҃ги́хъ дꙋша̀ ва́ша. внима́йте ᲂу҆ши́ма ва́шима, и҆ послѣ́дꙋйте пꙋтє́мъ мои̑мъ: ᲂу҆слы́шите менѐ, и҆ жива̀ бꙋ́детъ во бл҃ги́хъ дꙋша̀ ва́ша. и҆ завѣща́ю ва́мъ завѣ́тъ вѣ́ченъ, прпⷣбнаѧ даві́дѡва вѣ̑рнаѧ. сѐ свидѣ́тельство во ꙗ҆зы́цѣхъ, да́хъ є҆го̀ кнѧ́зѧ, и҆ повели́телѧ во ꙗ҆зы́цѣхъ. сѐ ꙗ҆зы́цы, и҆̀же не вѣ́дѧхꙋ тѧ̀, призовꙋ́тъ тѧ̀, и҆ лю́дїе, и҆̀же не позна́ша тѧ̀, къ тебѣ̀ прибѣ́гнꙋтъ, ра́ди гдⷭ҇а твоегѡ̀, и҆ ст҃а́гѡ і҆и҃лева, ꙗ҆́кѡ просла́вихъ тѧ̀. взыщи́те бг҃а, и҆ внегда̀ ва́мъ ѡ҆брѣстѝ є҆го̀, призови́те. є҆гда́ же а҆́ще прибли́житсѧ ва́мъ, да ѡ҆ста́витъ нечести́вый пꙋти̑ своѧ̑, и҆ мꙋ́жъ беззако́нный совѣ́ты своѧ̑: и҆ ѡ҆брати́тесѧ ко гдⷭ҇ꙋ бг҃ꙋ ва́шемꙋ, и҆ поми́ловани бꙋ́дете, ꙗ҆́кѡ помно́гꙋ ѡ҆ста́витъ грѣхѝ ва́шѧ. не сꙋ́ть бо совѣ́ти моѝ, ꙗ҆́коже совѣ́ти ва́ши: нижѐ ꙗ҆́коже пꙋтїѐ ва́ши, пꙋтїѐ моѝ, гл҃го́летъ гдⷭ҇ь. но ꙗ҆́коже ѿстои́тъ нб҃о ѿ землѝ, та́кѡ ѿстои́тъ пꙋ́ть мо́й ѿ пꙋте́й ва́шихъ, и҆ размышлє́нїѧ ва̑ша ѿ мы́сли моеѧ̀. ꙗ҆́коже бо а҆́ще сни́детъ до́ждь, и҆лѝ снѣ́гъ съ нб҃сѐ, и҆ не возврати́тсѧ ѿтꙋ́дꙋ, до́ндеже ᲂу҆пои́тъ зе́млю, и҆ роди́тъ и҆ прозѧ́бнетъ, и҆ да́стъ сѣ́мѧ сѣ́ющемꙋ, и҆ хлѣ́бъ въ снѣ́дь. та́кѡ бꙋ́детъ глаго́лъ мо́й, и҆́же а҆́ще и҆зы́детъ и҆зъ ᲂу҆́стъ мои́хъ, и҆ не ѡ҆брати́тсѧ ко мнѣ̀ то́щъ, до́ндеже а҆́ще сконча́етъ всѧ̑, є҆ли̑ка восхотѣ́хъ, и҆ поспѣшꙋ̀ пꙋти̑ моѧ̑, и҆ повелѣ̑нїѧ моѧ̑. весе́лїемъ бо и҆зы́дете, и҆ ра́достїю наꙋчи́тесѧ. го́ры бо и҆ хо́лми ско́чатъ, ждꙋ́ще ва́съ въ ра́дости, и҆ всѧ̑ древеса̀ сє́льнаѧ воспле́щꙋтъ вѣ́твьми. и҆ вмѣ́стѡ дра́чїѧ взы́детъ кѷпарі́съ, вмѣ́стѡ же кропи́вы взы́детъ мѷрсі́на: и҆ бꙋ́детъ гдⷭ҇ь во и҆́мѧ, и҆ въ зна́менїе вѣ́чное, и҆ не ѡ҆скꙋдѣ́етъ. Ис ҆̀҆̀:́–́҆"
 },
 {
  "type": "HEADER",
  "value": "г҃. Прⷪ҇ро́чества и҆са́їина чте́нїе."
 },
 {
  "type": "TEXT",
  "value": "Т а́кѡ гл҃го́летъ гдⷭ҇ь: почерпи́те во́дꙋ съ весе́лїемъ ѿ и҆сто́чникѡвъ спасе́нїѧ. и҆ рече́ши въ де́нь ѻ҆́нъ: и҆сповѣ́дайтесѧ гдⷭ҇еви, и҆ призови́те и҆́мѧ є҆гѡ̀, возвѣсти́те во ꙗ҆зы́цѣхъ сла́вꙋ є҆гѡ̀: помѧни́те, ꙗ҆́кѡ вознесе́сѧ и҆́мѧ є҆гѡ̀. по́йте и҆́мѧ гдⷭ҇не, ꙗ҆́кѡ высѡ́каѧ сотворѝ: возвѣсти́те сїѧ̑ во все́й землѝ. ра́дꙋйтесѧ и҆ весели́тесѧ живꙋ́щїи въ сїѡ́нѣ, ꙗ҆́кѡ вознесе́сѧ ст҃ы́й і҆и҃левъ посредѣ̀ є҆гѡ̀. Ис ́̀:҆–̑"
 },
 {
  "type": "HEADER",
  "value": "Мѣ́сѧца і҆аннꙋа́рїа въ ѳ҃-й де́нь. И҆́же во ст҃ы́хъ, ѻ҆ц҃а̀ на́шегѡ фїлі́ппа, митрополі́та всеѧ̀ рѡссі́и. а҃. При́тчей чте́нїе."
 },
 {
  "type": "TEXT",
  "value": "П а́мѧть пра́веднагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. бл҃же́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. долгота́ бо дне́й и҆ лѣ́та живота̀ въ десни́цѣ є҆ѧ̀: въ шꙋ́йцѣ же є҆ѧ̀ бога́тство и҆ сла́ва. ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. послꙋ́шайте ᲂу҆́бѡ менє̀, ѽ ча̑да, честна̑ѧ бо рекꙋ̀: и҆ блаже́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ, мо́й совѣ́тъ и҆ ᲂу҆тверже́нїе, мо́й ра́зꙋмъ, моѧ́ же крѣ́пость. а҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра́ваѧ, ꙗ҆́кѡ и҆́стинѣ поꙋчи́тсѧ. съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. всѧ̑ пра̑ва сꙋ́ть разꙋмѣва́ющымъ и҆ прѡ́ста ѡ҆брѣта́ющымъ ра́зꙋмъ. наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а. ⷭ҇р. Притч ́о́:҃А, ҆̀А; ҆:́҆–́̑; ̾:̑, ҆҆́А, ҆҆̀, ҆́, ́̀, ́҆́, ́҃, ҆̀–ж҃; (ⷱ҇)"
 },
 {
  "type": "HEADER",
  "value": "в҃. Премꙋ́дрости соломѡ́ни чте́нїе."
 },
 {
  "type": "TEXT",
  "value": "П ра́ведникъ, а҆́ще пости́гнетъ сконча́тисѧ, въ поко́и бꙋ́детъ. ѡ҆сꙋ́дитъ же првⷣникъ ᲂу҆мира́ѧй живꙋ́щыѧ нечести̑выѧ. ᲂу҆́зрѧтъ бо кончи́нꙋ пра́веднагѡ, и҆ не разꙋмѣ́ютъ, что̀ совѣща́ша ѡ҆ не́мъ: ꙗ҆́кѡ пове́ржетъ гдⷭ҇ь нечести̑выѧ безгла́сны ни́цъ, и҆ поколе́блетъ и҆̀хъ ѿ ѡ҆снова́нїй, и҆ до послѣ́днѧгѡ и҆сче́знꙋтъ въ болѣ́зни, и҆ па́мѧть и҆́хъ поги́бнетъ. прїи́дꙋтъ бо въ помышле́нїе согрѣше́нїй свои́хъ ᲂу҆жа́сни, и҆ ѡ҆бличи́тъ и҆̀хъ сопроти́въ беззако́нїѧ и҆́хъ. тогда̀ ста́нетъ въ дерзнове́нїи мно́зѣ првⷣникъ предъ лице́мъ ѡ҆скорби́вшихъ є҆го̀, и҆ ѿмета́ющихъ трꙋды̀ є҆гѡ̀. ви́дѣвше же є҆го̀, смѧтꙋ́тсѧ стра́хомъ мно́гимъ, и҆ ᲂу҆жа́снꙋтсѧ ѡ҆ пресла́вномъ спасе́нїи є҆гѡ̀. рекꙋ́тъ бо въ себѣ̀ ка́ющесѧ, и҆ въ тѣснотѣ̀ дꙋ́ха воздо́хнꙋтъ, и҆ рекꙋ́тъ: се́й бѣ̀, є҆го́же и҆мѣ́хомъ нѣ́когда въ посмѣ́хъ и҆ въ при́тчꙋ поноше́нїѧ безꙋ́мнїи. житїѐ є҆гѡ̀ вмѣни́хомъ неи́стово, и҆ кончи́нꙋ є҆гѡ̀ безче́стнꙋ. ка́кѡ вмѣни́сѧ въ сынѣ́хъ бж҃їихъ, и҆ во ст҃ы́хъ жре́бїй є҆гѡ̀ є҆́сть; ᲂу҆̀бо заблꙋди́хомъ ѿ пꙋтѝ и҆́стиннагѡ, и҆ пра́вды свѣ́тъ не ѡ҆блиста̀ на́мъ, и҆ со́лнце не возсїѧ̀ на́мъ. беззако́нныхъ и҆спо́лнихомсѧ стє́зь, и҆ поги́бели, и҆ ходи́хомъ стєзѝ непрохо́дны, пꙋти́ же гдⷭ҇нѧ не разꙋмѣ́хомъ. Прем ҆́:҃, ́̑А, ́҃, ́ж҃–̀о́; ҆̀:́–҃"
 },
 {
  "type": "HEADER",
  "value": "г҃. Премꙋ́дрости соломѡ́ни чте́нїе."
 },
 {
  "type": "TEXT",
  "value": "Оу҆ ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й мꙋ́дрыхъ вѣ́дѧтъ бл҃года́ть. ᲂу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. сконча́вшꙋсѧ мꙋ́жꙋ пра́веднꙋ, не поги́бнетъ наде́жда. сы́нъ бо пра́веденъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. свѣ́тъ првⷣнымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. Ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. лю́битъ гдⷭ҇ь преподѡ́бнаѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. мꙋ́дрость гдⷭ҇нѧ просвѣща́етъ лицѐ разꙋ́мнагѡ: постига́етъ бо жела́ющыѧ ю҆̀, пре́жде да́же разꙋмѣ́ти ю҆̀, и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. ᲂу҆́треневавый къ не́й, не ᲂу҆трꙋди́тсѧ: и҆ бдѧ́й є҆ѧ̀ ра́ди, вско́рѣ без̾ печа́ли бꙋ́детъ. ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи, и҆ во стезѧ́хъ є҆ѧ̀ ꙗ҆влѧ́етсѧ и҆̀мъ бл҃гопрїе́мнѣ. мꙋ́дрости никогда́же ѡ҆долѣ́етъ ѕло́ба. си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: и҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀. таи́бница бо є҆́сть бж҃їѧ хи́трости и҆ ѡ҆брѣта́тельница дѣ́лъ є҆гѡ̀. трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. а҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ и҆ бы́ти хотѧ̑щаѧ разсмо́тритъ: свѣ́сть и҆зви̑тїѧ слове́съ и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бл҃гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: бж҃е ѻ҆тцє́въ и҆ гдⷭ҇и млⷭ҇ти, сотвори́вый всѧ̑ сло́вомъ твои́мъ и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебє̀ тварьмѝ и҆ да ᲂу҆правлѧ́етъ мі́ръ въ преподо́бїи и҆ пра́вдѣ: да́ждь мѝ твои́хъ прⷭ҇то́лѡвъ присѣдѧ́щꙋю премꙋ́дрость: и҆ не ѿлꙋчѝ менѐ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й и҆ сы́нъ рабы́ни твоеѧ̀. послѝ ю҆̀ съ нб҃съ ѿ ст҃а́гѡ жили́ща твоегѡ̀ и҆ ѿ прⷭ҇то́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть пред̾ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ во сла́вѣ свое́й. помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ. Притч ́о́:҆́А; ́о́: ҆̀А; ср. Притч ́́:̀Б; ́о́:̀Б; Притч ́́:҃А; ́́:́ж҃А; ср. Притч ́҆:̀А, ж҃А, ⷱ҇; ́҆̀:̀А; ср. Притч ́҆́:҆҆; Притч ̀̀:́́А, ⷱ҇; Прем ̑:́҆; ̑:́̀Б; ̑:́҆́А; ̑:́҆̀Б; ̑:́̑А; ҃:҆о́Б; ̾:̀Б; ̾:̀Б; ̾:҆Б; ̾:҆́; ̾:҃Б; ̾:̾; ср. Прем ̾:ж҃Б; ср. Прем ̾:́҃Б; Прем ̾:́̾Б; ̾:̀́Б; ж҃:́-҆А; ж҃:҆́-҆̀А; ж҃:́о́; ж҃:́́Б; ж҃:́҆́."
 },
 {
  "type": "HEADER",
  "value": "Мѣ́сѧца і҆аннꙋа́рїа въ і҃-й де́нь. Прпⷣбнагѡ па́ѵла коме́льскагѡ, и҆́же на ѻ҆бно́рѣ рѣцѣ̀."
 },
 {
  "type": "TEXT",
  "value": "Парємїѝ прпⷣбномꙋ"
 },
 {
  "type": "HEADER",
  "value": "Мѣ́сѧца і҆аннꙋа́рїа въ а҃і-й де́нь. Прпⷣбнагѡ ѳеодо́сїа, ѻ҆́бщихъ жи́тїй нача́льника."
 },
 {
  "type": "TEXT",
  "value": "Парємїѝ прпⷣбномꙋ"
 },
 {
  "type": "HEADER",
  "value": "Мѣ́сѧца і҆аннꙋа́рїа въ в҃і-й де́нь. Ст҃а́гѡ ѻ҆ц҃а̀ са́ввы, а҆рхїепⷭ҇копа се́рбскагѡ. а҃. При́тчей чте́нїе."
 },
 {
  "type": "TEXT",
  "value": "П а́мѧть пра́веднагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. бл҃же́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. долгота́ бо дне́й и҆ лѣ́та живота̀ въ десни́цѣ є҆ѧ̀: въ шꙋ́йцѣ же є҆ѧ̀ бога́тство и҆ сла́ва. ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. послꙋ́шайте ᲂу҆́бѡ менє̀, ѽ ча̑да, честна̑ѧ бо рекꙋ̀: и҆ блаже́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ, мо́й совѣ́тъ и҆ ᲂу҆тверже́нїе, мо́й ра́зꙋмъ, моѧ́ же крѣ́пость. а҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра́ваѧ, ꙗ҆́кѡ и҆́стинѣ поꙋчи́тсѧ. съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. всѧ̑ пра̑ва сꙋ́ть разꙋмѣва́ющымъ и҆ прѡ́ста ѡ҆брѣта́ющымъ ра́зꙋмъ. наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а. ⷭ҇р. Притч ́о́:҃А, ҆̀А; ҆:́҆–́̑; ̾:̑, ҆҆́А, ҆҆̀, ҆́, ́̀, ́҆́, ́҃, ҆̀–ж҃; (ⷱ҇)"
 },
 {
  "type": "HEADER",
  "value": "в҃. Премꙋ́дрости соломѡ́ни чте́нїе."
 },
 {
  "type": "TEXT",
  "value": "П ра́ведникъ, а҆́ще пости́гнетъ сконча́тисѧ, въ поко́и бꙋ́детъ. ѡ҆сꙋ́дитъ же првⷣникъ ᲂу҆мира́ѧй живꙋ́щыѧ нечести̑выѧ. ᲂу҆́зрѧтъ бо кончи́нꙋ пра́веднагѡ, и҆ не разꙋмѣ́ютъ, что̀ совѣща́ша ѡ҆ не́мъ: ꙗ҆́кѡ пове́ржетъ гдⷭ҇ь нечести̑выѧ безгла́сны ни́цъ, и҆ поколе́блетъ и҆̀хъ ѿ ѡ҆снова́нїй, и҆ до послѣ́днѧгѡ и҆сче́знꙋтъ въ болѣ́зни, и҆ па́мѧть и҆́хъ поги́бнетъ. прїи́дꙋтъ бо въ помышле́нїе согрѣше́нїй свои́хъ ᲂу҆жа́сни, и҆ ѡ҆бличи́тъ и҆̀хъ сопроти́въ беззако́нїѧ и҆́хъ. тогда̀ ста́нетъ въ дерзнове́нїи мно́зѣ првⷣникъ предъ лице́мъ ѡ҆скорби́вшихъ є҆го̀, и҆ ѿмета́ющихъ трꙋды̀ є҆гѡ̀. ви́дѣвше же є҆го̀, смѧтꙋ́тсѧ стра́хомъ мно́гимъ, и҆ ᲂу҆жа́снꙋтсѧ ѡ҆ пресла́вномъ спасе́нїи є҆гѡ̀. рекꙋ́тъ бо въ себѣ̀ ка́ющесѧ, и҆ въ тѣснотѣ̀ дꙋ́ха воздо́хнꙋтъ, и҆ рекꙋ́тъ: се́й бѣ̀, є҆го́же и҆мѣ́хомъ нѣ́когда въ посмѣ́хъ и҆ въ при́тчꙋ поноше́нїѧ безꙋ́мнїи. житїѐ є҆гѡ̀ вмѣни́хомъ неи́стово, и҆ кончи́нꙋ є҆гѡ̀ безче́стнꙋ. ка́кѡ вмѣни́сѧ въ сынѣ́хъ бж҃їихъ, и҆ во ст҃ы́хъ жре́бїй є҆гѡ̀ є҆́сть; ᲂу҆̀бо заблꙋди́хомъ ѿ пꙋтѝ и҆́стиннагѡ, и҆ пра́вды свѣ́тъ не ѡ҆блиста̀ на́мъ, и҆ со́лнце не возсїѧ̀ на́мъ. беззако́нныхъ и҆спо́лнихомсѧ стє́зь, и҆ поги́бели, и҆ ходи́хомъ стєзѝ непрохо́дны, пꙋти́ же гдⷭ҇нѧ не разꙋмѣ́хомъ. Прем ҆́:҃, ́̑А, ́҃, ́ж҃–̀о́; ҆̀:́–҃"
 },
 {
  "type": "HEADER",
  "value": "г҃. Премꙋ́дрости соломѡ́ни чте́нїе."
 },
 {
  "type": "TEXT",
  "value": "Оу҆ ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й мꙋ́дрыхъ вѣ́дѧтъ бл҃года́ть. ᲂу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. сконча́вшꙋсѧ мꙋ́жꙋ пра́веднꙋ, не поги́бнетъ наде́жда. сы́нъ бо пра́веденъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. свѣ́тъ првⷣнымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. Ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. лю́битъ гдⷭ҇ь преподѡ́бнаѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. мꙋ́дрость гдⷭ҇нѧ просвѣща́етъ лицѐ разꙋ́мнагѡ: постига́етъ бо жела́ющыѧ ю҆̀, пре́жде да́же разꙋмѣ́ти ю҆̀, и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. ᲂу҆́треневавый къ не́й, не ᲂу҆трꙋди́тсѧ: и҆ бдѧ́й є҆ѧ̀ ра́ди, вско́рѣ без̾ печа́ли бꙋ́детъ. ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи, и҆ во стезѧ́хъ є҆ѧ̀ ꙗ҆влѧ́етсѧ и҆̀мъ бл҃гопрїе́мнѣ. мꙋ́дрости никогда́же ѡ҆долѣ́етъ ѕло́ба. си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: и҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀. таи́бница бо є҆́сть бж҃їѧ хи́трости и҆ ѡ҆брѣта́тельница дѣ́лъ є҆гѡ̀. трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. а҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ и҆ бы́ти хотѧ̑щаѧ разсмо́тритъ: свѣ́сть и҆зви̑тїѧ слове́съ и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бл҃гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: бж҃е ѻ҆тцє́въ и҆ гдⷭ҇и млⷭ҇ти, сотвори́вый всѧ̑ сло́вомъ твои́мъ и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебє̀ тварьмѝ и҆ да ᲂу҆правлѧ́етъ мі́ръ въ преподо́бїи и҆ пра́вдѣ: да́ждь мѝ твои́хъ прⷭ҇то́лѡвъ присѣдѧ́щꙋю премꙋ́дрость: и҆ не ѿлꙋчѝ менѐ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й и҆ сы́нъ рабы́ни твоеѧ̀. послѝ ю҆̀ съ нб҃съ ѿ ст҃а́гѡ жили́ща твоегѡ̀ и҆ ѿ прⷭ҇то́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть пред̾ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ во сла́вѣ свое́й. помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ. Притч ́о́:҆́А; ́о́: ҆̀А; ср. Притч ́́:̀Б; ́о́:̀Б; Притч ́́:҃А; ́́:́ж҃А; ср. Притч ́҆:̀А, ж҃А, ⷱ҇; ́҆̀:̀А; ср. Притч ́҆́:҆҆; Притч ̀̀:́́А, ⷱ҇; Прем ̑:́҆; ̑:́̀Б; ̑:́҆́А; ̑:́҆̀Б; ̑:́̑А; ҃:҆о́Б; ̾:̀Б; ̾:̀Б; ̾:҆Б; ̾:҆́; ̾:҃Б; ̾:̾; ср. Прем ̾:ж҃Б; ср. Прем ̾:́҃Б; Прем ̾:́̾Б; ̾:̀́Б; ж҃:́-҆А; ж҃:҆́-҆̀А; ж҃:́о́; ж҃:́́Б; ж҃:́҆́."
 },
 {
  "type": "HEADER",
  "value": "Мѣ́сѧца і҆аннꙋа́рїа въ з҃і-й де́нь. Прпⷣбнагѡ и҆ бг҃оно́снагѡ ѻ҆ц҃а̀ на́шегѡ а҆нтѡ́нїа вели́кагѡ."
 },
 {
  "type": "TEXT",
  "value": "Парємїѝ прпⷣбномꙋ"
 },
 {
  "type": "HEADER",
  "value": "Мѣ́сѧца і҆аннꙋа́рїа въ и҃і-й де́нь. Прпⷣбныхъ кѷрі́лла и҆ марі́и, роди́телей прпⷣбнагѡ се́ргїа, и҆гꙋ́мена ра́донежскагѡ."
 },
 {
  "type": "TEXT",
  "value": "Парємїѝ прпⷣбнымъ"
 },
 {
  "type": "HEADER",
  "value": "Мѣ́сѧца і҆аннꙋа́рїа въ к҃-й де́нь. Прпⷣбнагѡ и҆ бг҃оно́снагѡ ѻ҆ц҃а̀ на́шегѡ є҆ѵѳѵ́мїа вели́кагѡ."
 },
 {
  "type": "TEXT",
  "value": "Парємїѝ прпⷣбномꙋ"
 },
 {
  "type": "HEADER",
  "value": "Мѣ́сѧца і҆аннꙋа́рїа въ к҃а-й де́нь. Прпⷣбнагѡ маѯі́ма гре́ка."
 },
 {
  "type": "TEXT",
  "value": "Парємїѝ прпⷣбномꙋ"
 },
 {
  "type": "HEADER",
  "value": "Ѿ к҃г-гѡ до л҃а-гѡ днѐ мѣ́сѧца сегѡ̀. Пра́зднованїе собо́рꙋ новомч҃никѡвъ, и҆ и҆сповѣ́дникѡвъ рѡссі́йскихъ. а҃. Ѿ дѣѧ́нїй ст҃ы́хъ а҆пⷭ҇лъ чте́нїе."
 },
 {
  "type": "TEXT",
  "value": "В о днѝ ты́ѧ, собра́тисѧ кнѧзє́мъ и҆́хъ и҆ ста́рцємъ и҆ кни́жникѡмъ во і҆ерⷭ҇ли́мъ, и҆ а҆́ннѣ а҆рхїере́ю и҆ каїа́фѣ и҆ і҆ѡа́ннꙋ и҆ а҆леѯа́ндрꙋ, и҆ є҆ли́цы бѣ́ша ѿ ро́да а҆рхїере́йска: и҆ поста́вльше и҆̀хъ посредѣ̀, вопроша́хꙋ: ко́ею си́лою и҆лѝ ко́имъ и҆́менемъ сотвори́сте сїѐ вы̀; тогда̀ пе́тръ, и҆спо́лнивсѧ дх҃а ст҃а, речѐ къ ни̑мъ: кнѧ̑зи лю́дстїи и҆ ста́рцы і҆и҃лєвы, а҆́ще мы̀ дне́сь и҆стѧзꙋ́еми є҆смы̀ ѡ҆ бл҃годѣѧ́нїи человѣ́ка не́мощна, ѡ҆ чесо́мъ се́й спасе́сѧ, разꙋ́мно бꙋ́ди всѣ̑мъ ва́мъ и҆ всѣ̑мъ лю́демъ і҆и҃лєвымъ, ꙗ҆́кѡ во и҆́мѧ і҆и҃са хрⷭ҇та̀ назѡре́а, є҆го́же вы̀ распѧ́сте, є҆го́же бг҃ъ воскр҃сѝ ѿ ме́ртвыхъ, ѡ҆ се́мъ се́й стои́тъ пред̾ ва́ми здра́въ: се́й є҆́сть ка́мень ᲂу҆коре́ный ѿ ва́съ зи́ждꙋщихъ, бы́вый во главꙋ̀ ᲂу҆́гла, и҆ нѣ́сть ни ѡ҆ є҆ди́нѣмъ же и҆нѣ́мъ спⷭ҇нїѧ: нѣ́сть бо и҆но́гѡ и҆́мене под̾ небесе́мъ, да́ннагѡ въ человѣ́цѣхъ, ѡ҆ не́мже подоба́етъ спⷭ҇ти́сѧ на́мъ. ви́дѧще же петро́во дерзнове́нїе и҆ і҆ѡа́нново и҆ разꙋмѣ́вше, ꙗ҆́кѡ человѣ̑ка некни̑жна є҆ста̀ и҆ прѡ́ста, дивлѧ́хꙋсѧ, зна́хꙋ же и҆̀хъ, ꙗ҆́кѡ со і҆и҃сомъ бѣ́ста: ви́дѧще же и҆сцѣлѣ́вшаго человѣ́ка съ ни́ма стоѧ́ща, ничто́же и҆мѧ́хꙋ проти́вꙋ рещѝ. повелѣ́вше же и҆́ма во́нъ и҆з̾ со́нмища и҆зы́ти, стѧза́хꙋсѧ дрꙋ́гъ со дрꙋ́гомъ, глаго́люще: что̀ сотвори́мъ человѣ́кома си́ма; ꙗ҆́кѡ ᲂу҆́бѡ наро́читое зна́менїе бы́сть и҆́ма, всѣ̑мъ живꙋ́щымъ во і҆ерⷭ҇ли́мѣ ꙗ҆́вѣ, и҆ не мо́жемъ ѿврещи́сѧ: но да не бо́лѣе простре́тсѧ въ лю́дехъ, преще́нїемъ да запрети́мъ и҆́ма ктомꙋ̀ не глаго́лати ѡ҆ и҆́мени се́мъ ни є҆ди́номꙋ ѿ человѣ́къ. и҆ призва́вше и҆̀хъ, заповѣ́даша и҆́ма ѿню́дъ не провѣщава́ти нижѐ ᲂу҆чи́ти ѡ҆ и҆́мени і҆и҃совѣ. пе́тръ же и҆ і҆ѡа́ннъ ѿвѣща̑вша къ ни̑мъ рѣ́ста: а҆́ще првⷣно є҆́сть пред̾ бг҃омъ ва́съ послꙋ́шати па́че, не́жели бг҃а, сꙋди́те: не мо́жемъ бо мы̀, ꙗ҆̀же ви́дѣхомъ и҆ слы́шахомъ, не глаго́лати. ѻ҆ни́ же призапре́щше и҆́ма, пꙋсти́ша ѧ҆̀, ничто́же ѡ҆брѣ́тше ка́кѡ мꙋ́чити и҆̀хъ, люді́й ра́ди, ꙗ҆́кѡ всѝ прославлѧ́хꙋ бг҃а ѡ҆ бы́вшемъ: лѣ́тъ бо бѧ́ше мно́жае четы́редесѧти человѣ́къ то́й, на не́мже бы́сть чꙋ́до сїѐ и҆сцѣле́нїѧ. ѿпꙋщє́на же бы̑вша прїидо́ста ко свои̑мъ и҆ возвѣсти́ста, є҆ли̑ка къ ни́ма а҆рхїере́є и҆ ста́рцы рѣ́ша. ѻ҆ни́ же слы́шавше є҆динодꙋ́шнѡ воздвиго́ша гла́съ къ бг҃ꙋ и҆ реко́ша: влⷣко, ты̀, бж҃е, сотвори́вый не́бо и҆ зе́млю и҆ мо́ре и҆ всѧ̑, ꙗ҆̀же въ ни́хъ, и҆́же дх҃омъ ст҃ы́мъ ᲂу҆сты̑ ѻ҆тца̀ на́шегѡ дв҃да ѻ҆́трока твоегѡ̀ ре́клъ є҆сѝ: вскꙋ́ю шата́шасѧ ꙗ҆зы́цы, и҆ лю́дїе поꙋчи́шасѧ тщє́тнымъ; предста́ша ца́рїе зе́мстїи, и҆ кнѧ̑зи собра́шасѧ вкꙋ́пѣ на гдⷭ҇а и҆ на хрⷭ҇та̀ є҆гѡ̀. собра́шасѧ бо вои́стиннꙋ во гра́дѣ се́мъ на ст҃а́го ѻ҆́трока твоего̀ і҆и҃са, є҆го́же пома́залъ є҆сѝ, и҆́рѡдъ же и҆ понті́йскїй пїла́тъ съ ꙗ҆зы̑ки и҆ людьмѝ і҆и҃левыми, сотвори́ти, є҆ли̑ка рꙋка̀ твоѧ̀ и҆ совѣ́тъ тво́й преднаречѐ бы́ти: и҆ нн҃ѣ, гдⷭ҇и, при́зри на прещє́нїѧ и҆́хъ и҆ да́ждь рабѡ́мъ твои̑мъ со всѧ́кимъ дерзнове́нїемъ глаго́лати сло́во твоѐ, внегда̀ рꙋ́кꙋ твою̀ простре́ти тѝ во и҆сцѣлє́нїѧ, и҆ зна́менїємъ и҆ чꙋдесє́мъ быва́ти и҆́менемъ ст҃ы́мъ ѻ҆́трока твоегѡ̀ і҆и҃са. и҆ помоли́вшымсѧ и҆̀мъ, подви́жесѧ мѣ́сто, и҆дѣ́же бѧ́хꙋ со́брани, и҆ и҆спо́лнишасѧ всѝ дх҃а ст҃а и҆ глаго́лахꙋ сло́во бж҃їе со дерзнове́нїемъ. Деꙗн ҆́:҆̀–҆́"
 },
 {
  "type": "HEADER",
  "value": "в҃. Къ тїмоѳе́ю втора́гѡ посла́нїѧ чте́нїе."
 },
 {
  "type": "TEXT",
  "value": "Ч а́до тїмоѳе́е, засвидѣ́тельствꙋю же а҆́зъ пред̾ бг҃омъ, и҆ гдⷭ҇емъ на́шимъ і҆и҃съ хрⷭ҇то́мъ, хотѧ́щимъ сꙋди́ти живы̑мъ и҆ мє́ртвымъ, въ ꙗ҆вле́нїи є҆гѡ̀, и҆ црⷭ҇твїи є҆гѡ̀. проповѣ́дꙋй сло́во, насто́й благовре́меннѣ, и҆ безвре́меннѣ, ѡ҆бличѝ, запретѝ, ᲂу҆молѝ, со всѧ́кимъ долготерпѣ́нїемъ и҆ ᲂу҆че́нїемъ. бꙋ́детъ бо вре́мѧ, є҆гда̀ здра́вагѡ ᲂу҆че́нїѧ не послꙋ́шаютъ: но по свои́хъ по́хотехъ и҆зберꙋ́тъ себѣ̀ ᲂу҆чи́тели, че́шеми слꙋ́хомъ. и҆ ѿ и҆́стины слꙋ́хъ ѿвратѧ́тъ, и҆ къ ба́снемъ ᲂу҆клонѧ́тсѧ. трезви́сѧ ѡ҆ все́мъ, ѕлопостраждѝ, дѣ́ло сотворѝ бл҃говѣ́стника: слꙋже́нїе твоѐ и҆звѣ́стно сотворѝ. а҆́зъ бо ᲂу҆жѐ жре́нъ быва́ю, и҆ вре́мѧ моегѡ̀ ѿше́ствїѧ наста̀. по́двигомъ до́брымъ подвиза́хсѧ, тече́нїе сконча́хъ, вѣ́рꙋ соблюдо́хъ: про́чее ᲂу҆́бѡ соблюда́етсѧ мѝ вѣне́цъ пра́вды, є҆го́же возда́стъ мѝ гдⷭ҇ь въ де́нь ѻ҆́нъ, првⷣный сꙋдїѧ̀: не то́кмѡ же мнѣ̀, но и҆ всѣ̑мъ возлю́бльшымъ ꙗ҆вле́нїе є҆гѡ̀. ̀ Тим ҆́:́–̾"
 },
 {
  "type": "HEADER",
  "value": "г҃. Ко є҆вре́ємъ посла́нїе а҆пⷭ҇ла па́ѵла чте́нїе."
 },
 {
  "type": "TEXT",
  "value": "Б ра́тїе, ст҃і́и всѝ вѣ́рою побѣди́ша ца́рствїѧ, содѣ́ѧша пра́вдꙋ, полꙋчи́ша ѡ҆бѣтова̑нїѧ, загради́ша ᲂу҆ста̀ львѡ́въ: ᲂу҆гаси́ша си́лꙋ ѻ҆́гненнꙋю, и҆збѣго́ша ѻ҆́стреѧ меча̀, возмого́ша ѿ не́мощи, бы́ша крѣ́пцы во бране́хъ, ѡ҆брати́ша въ бѣ́гство полкѝ чꙋжи́хъ. прїѧ́ша жєны̀ ѿ воскресе́нїѧ мє́ртвыѧ своѧ̀: и҆ні́и же и҆збїе́ни бы́ша, не прїе́мше и҆збавле́нїѧ, да лꙋ́чшее воскрⷭ҇нїе ᲂу҆лꙋча́тъ: дрꙋзі́и же рꙋга́нїемъ и҆ ра́нами и҆скꙋше́нїе прїѧ́ша, є҆ще́ же и҆ ᲂу҆́зъ и҆ темни́цъ. ка́менїемъ побїе́ни бы́ша, претре́ни бы́ша, и҆скꙋше́ни бы́ша, ᲂу҆бі́йствомъ меча̀ ᲂу҆мро́ша: проидо́ша въ ми́лѡтехъ, и҆ въ ко́зїѧхъ ко́жахъ, лише́ни, скорбѧ́ще, ѡ҆ѕло́блени: и҆́хже не бѣ̀ досто́инъ ве́сь мі́ръ, въ пꙋсты́нѧхъ скита́ющесѧ, и҆ въ гора́хъ, и҆ въ верте́пахъ, и҆ въ про́пастехъ земны́хъ. и҆ сі́и всѝ послꙋ́шествовани бы́вше вѣ́рою, не прїѧ́ша ѡ҆бѣтова́нїѧ: бг҃ꙋ лꙋ́чшее что̀ ѡ҆ на́съ предзрѣ́вшꙋ, да не без̾ на́съ соверше́нство прїи́мꙋтъ. Евр ́́:҆҆-҆́о́"
 },
 {
  "type": "HEADER",
  "value": "Мѣ́сѧца і҆аннꙋа́рїа въ к҃є-й де́нь. И҆́же во ст҃ы́хъ ѻ҆ц҃а̀ на́шегѡ григо́рїа, а҆рхїепⷭ҇копа кѡнстанті́нѧ гра́да, бг҃осло́ва. а҃. При́тчей чте́нїе."
 },
 {
  "type": "TEXT",
  "value": "П а́мѧть пра́веднагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. бл҃же́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. долгота́ бо дне́й и҆ лѣ́та живота̀ въ десни́цѣ є҆ѧ̀: въ шꙋ́йцѣ же є҆ѧ̀ бога́тство и҆ сла́ва. ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. послꙋ́шайте ᲂу҆́бѡ менє̀, ѽ ча̑да, честна̑ѧ бо рекꙋ̀: и҆ блаже́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ, мо́й совѣ́тъ и҆ ᲂу҆тверже́нїе, мо́й ра́зꙋмъ, моѧ́ же крѣ́пость. а҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра́ваѧ, ꙗ҆́кѡ и҆́стинѣ поꙋчи́тсѧ. съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. всѧ̑ пра̑ва сꙋ́ть разꙋмѣва́ющымъ и҆ прѡ́ста ѡ҆брѣта́ющымъ ра́зꙋмъ. наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а. ⷭ҇р. Притч ́о́:҃А, ҆̀А; ҆:́҆–́̑; ̾:̑, ҆҆́А, ҆҆̀, ҆́, ́̀, ́҆́, ́҃, ҆̀–ж҃; (ⷱ҇)"
 },
 {
  "type": "HEADER",
  "value": "в҃. Премꙋ́дрости соломѡ́ни чте́нїе."
 },
 {
  "type": "TEXT",
  "value": "Оу҆ ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й мꙋ́дрыхъ вѣ́дѧтъ бл҃года́ть. ᲂу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. сконча́вшꙋсѧ мꙋ́жꙋ пра́веднꙋ, не поги́бнетъ наде́жда. сы́нъ бо пра́веденъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. свѣ́тъ првⷣнымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. Ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. лю́битъ гдⷭ҇ь преподѡ́бнаѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. мꙋ́дрость гдⷭ҇нѧ просвѣща́етъ лицѐ разꙋ́мнагѡ: постига́етъ бо жела́ющыѧ ю҆̀, пре́жде да́же разꙋмѣ́ти ю҆̀, и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. ᲂу҆́треневавый къ не́й, не ᲂу҆трꙋди́тсѧ: и҆ бдѧ́й є҆ѧ̀ ра́ди, вско́рѣ без̾ печа́ли бꙋ́детъ. ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи, и҆ во стезѧ́хъ є҆ѧ̀ ꙗ҆влѧ́етсѧ и҆̀мъ бл҃гопрїе́мнѣ. мꙋ́дрости никогда́же ѡ҆долѣ́етъ ѕло́ба. си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: и҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀. таи́бница бо є҆́сть бж҃їѧ хи́трости и҆ ѡ҆брѣта́тельница дѣ́лъ є҆гѡ̀. трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. а҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ и҆ бы́ти хотѧ̑щаѧ разсмо́тритъ: свѣ́сть и҆зви̑тїѧ слове́съ и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бл҃гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: бж҃е ѻ҆тцє́въ и҆ гдⷭ҇и млⷭ҇ти, сотвори́вый всѧ̑ сло́вомъ твои́мъ и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебє̀ тварьмѝ и҆ да ᲂу҆правлѧ́етъ мі́ръ въ преподо́бїи и҆ пра́вдѣ: да́ждь мѝ твои́хъ прⷭ҇то́лѡвъ присѣдѧ́щꙋю премꙋ́дрость: и҆ не ѿлꙋчѝ менѐ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й и҆ сы́нъ рабы́ни твоеѧ̀. послѝ ю҆̀ съ нб҃съ ѿ ст҃а́гѡ жили́ща твоегѡ̀ и҆ ѿ прⷭ҇то́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть пред̾ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ во сла́вѣ свое́й. помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ. Притч ́о́:҆́А; ́о́: ҆̀А; ср. Притч ́́:̀Б; ́о́:̀Б; Притч ́́:҃А; ́́:́ж҃А; ср. Притч ́҆:̀А, ж҃А, ⷱ҇; ́҆̀:̀А; ср. Притч ́҆́:҆҆; Притч ̀̀:́́А, ⷱ҇; Прем ̑:́҆; ̑:́̀Б; ̑:́҆́А; ̑:́҆̀Б; ̑:́̑А; ҃:҆о́Б; ̾:̀Б; ̾:̀Б; ̾:҆Б; ̾:҆́; ̾:҃Б; ̾:̾; ср. Прем ̾:ж҃Б; ср. Прем ̾:́҃Б; Прем ̾:́̾Б; ̾:̀́Б; ж҃:́-҆А; ж҃:҆́-҆̀А; ж҃:́о́; ж҃:́́Б; ж҃:́҆́."
 },
 {
  "type": "HEADER",
  "value": "г҃. Премꙋ́дрости соломѡ́ни чте́нїе."
 },
 {
  "type": "TEXT",
  "value": "П ра́ведникъ, а҆́ще пости́гнетъ сконча́тисѧ, въ поко́и бꙋ́детъ. ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀. Прем ҆́:҃–́҆̀"
 },
 {
  "type": "HEADER",
  "value": "Въ то́йже де́нь, сщ҃енномч҃нка влади́мїра, митрополі́та кі́евскагѡ и҆ га́лїцкагѡ"
 },
 {
  "type": "TEXT",
  "value": "Парємїѝ мч҃нкѡмъ"
 },
 {
  "type": "HEADER",
  "value": "Мѣ́сѧца і҆аннꙋа́рїа въ к҃з-й де́нь. Пренесе́нїе моще́й и҆́же во ст҃ы́хъ ѻ҆ц҃а̀ на́шегѡ і҆ѡа́нна златоꙋ́стагѡ."
 },
 {
  "type": "TEXT",
  "value": "Парємїѝ ст҃и́телю"
 },
 {
  "type": "HEADER",
  "value": "Мѣ́сѧца і҆аннꙋа́рїа въ к҃и-й де́нь. Прпⷣбнагѡ ѳеодо́сїа то́темскагѡ, сп҃сосꙋмо́рина монастырѧ̀ нача́льника и҆ ѡ҆снова́телѧ, новоѧвле́ннагѡ чꙋдотво́рца."
 },
 {
  "type": "TEXT",
  "value": "Парємїѝ прпⷣбномꙋ"
 },
 {
  "type": "HEADER",
  "value": "Мѣ́сѧца і҆аннꙋа́рїа въ л҃-й де́нь. И҆ и҆́же во ст҃ы́хъ ѻ҆тцє́въ на́шихъ и҆ вели́кихъ і҆ера́рхѡвъ, васі́лїа вели́кагѡ, григо́рїа бг҃осло́ва и҆ і҆ѡа́нна златоꙋ́стагѡ. а҃. Втора́гѡ зако́на чте́нїе."
 },
 {
  "type": "TEXT",
  "value": "В о дне́хъ ѻ҆́нѣхъ, речѐ мѡѷсе́й къ сынѡ́мъ і҆и҃лєвымъ: ви́дите, преда́хъ предъ лице́мъ ва́шимъ зе́млю, вше́дше наслѣ́дꙋйте зе́млю, ю҆́же клѧ́тсѧ гдⷭ҇ь ѻ҆тцє́мъ ва́шымъ: а҆враа́мꙋ и҆ і҆саа́кꙋ и҆ і҆а́кѡвꙋ, да́ти и҆̀мъ и҆ сѣ́мени и҆́хъ по ни́хъ. и҆ реко́хъ къ ва́мъ во вре́мѧ ѻ҆́но, глаго́лѧ: не возмогꙋ̀ є҆ди́нъ води́ти ва́съ. гдⷭ҇ь бг҃ъ на́шъ ᲂу҆мно́жилъ вы̀ є҆́сть, и҆ сѐ є҆стѐ дне́сь ꙗ҆́кѡ ѕвѣ́зды нбⷭ҇ныѧ мно́жествомъ. гдⷭ҇ь бг҃ъ ѻ҆тє́цъ на́шихъ да приложи́тъ ва́мъ, ꙗ҆́кѡ да бꙋ́дете ты́сѧщами сꙋгꙋ́бѡ, и҆ да благослови́тъ ва́съ, ꙗ҆́коже гл҃го́ла ва́мъ. и҆ взѧ́хъ ѿ ва́съ мꙋ́жы мꙋ́дры, и҆ свѣ́домы, и҆ смы́сленны, и҆ поста́вихъ и҆̀хъ владѣ́ти надъ ва́ми, тысѧщенача́льники, и҆ стонача́льники, и҆ пѧтдесѧтонача́льники, и҆ десѧтонача́льники, и҆ писмовводи́тели сꙋдїѧ́мъ ва́шымъ. и҆ заповѣ́дахъ сꙋдїѧ́мъ ва́шымъ во вре́мѧ ѻ҆́но, глаго́лѧ: разслꙋ́шайте посредѣ̀ бра́тїй ва́шихъ, и҆ сꙋди́те пра́веднѡ, посредѣ̀ мꙋ́жа, и҆ посредѣ̀ бра́та є҆гѡ̀, и҆ посредѣ̀ прише́льца є҆гѡ̀. да не позна́ете лица̀ въ сꙋдѣ̀, ма́ломꙋ и҆ вели́комꙋ сꙋ́диши, и҆ не ᲂу҆стыди́шисѧ лица̀ человѣ́ческа, ꙗ҆́кѡ сꙋ́дъ бж҃їй є҆́сть. Втор ́:̾–́́; ́҆̀–́҃"
 },
 {
  "type": "HEADER",
  "value": "в҃. Втора́гѡ зако́на чте́нїе."
 },
 {
  "type": "TEXT",
  "value": "В о дне́хъ ѻ҆́нѣхъ, речѐ мѡѷсе́й къ сынѡ́мъ і҆и҃лєвымъ: сѐ гдⷭ҇а бг҃а твоегѡ̀ не́бо, и҆ не́бо небесѐ, землѧ̀ и҆ всѧ̑ є҆ли̑ка сꙋ́ть на не́й. ѻ҆ба́че ѻ҆тцы̀ ва́ши произво́ли гдⷭ҇ь люби́ти и҆̀хъ: и҆ и҆збра̀ сѣ́мѧ и҆́хъ по ни́хъ, ва́съ па́че всѣ́хъ ꙗ҆зы̑къ, въ де́нь се́й. и҆ ѡ҆брѣ́жите жестосе́рдїе ва́ше, и҆ вы̑ѧ ва́шѧ не ѡ҆жесточи́те ктомꙋ̀. и҆́бо гдⷭ҇ь бг҃ъ ва́шъ, се́й бг҃ъ богѡ́въ, и҆ гдⷭ҇ь господе́й: бг҃ъ вели́кїй, и҆ крѣ́пкїй, и҆ стра́шный, и҆́же не диви́тсѧ лицꙋ̀, нижѐ взе́млетъ да́ръ. творѧ́й сꙋ́дъ прише́льцꙋ, и҆ си́рꙋ, и҆ вдови́цѣ, и҆ лю́битъ прише́льца, да́ти є҆мꙋ̀ хлѣ́бъ и҆ ри́зꙋ. и҆ возлюби́те прише́льца, прише́льцы бо бѣ́сте въ землѝ є҆гѵ́петстѣй. гдⷭ҇а бг҃а твоегѡ̀ да ᲂу҆бои́шисѧ, и҆ томꙋ̀ є҆ди́номꙋ послꙋ́жиши, и҆ къ немꙋ̀ прилѣпи́шисѧ, и҆ и҆́менемъ є҆гѡ̀ клене́шисѧ. то́й хвала̀ твоѧ̀, и҆ то́й бг҃ъ тво́й, и҆́же сотвори́лъ тѝ є҆́сть вели̑каѧ и҆ сла̑внаѧ сїѧ̑, ꙗ҆̀же ви́дѣстѣ ѻ҆́чи твоѝ. Втор ́о́:́҆́–̀́"
 },
 {
  "type": "HEADER",
  "value": "г҃. Премꙋ́дрости соломѡ́ни чте́нїе."
 },
 {
  "type": "TEXT",
  "value": "П ра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. и҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. и҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ: сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀. ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀. Прем ҆:́–ж҃"
 },
 {
  "type": "HEADER",
  "value": "Мѣ́сѧца і҆аннꙋа́рїа въ л҃а-й де́нь. Па́мѧть во ст҃ы́хъ ѻ҆ц҃а̀ на́шегѡ нїки́ты є҆пⷭ҇кпа, новгоро́дскагѡ чꙋдотво́рца. а҃. При́тчей чте́нїе."
 },
 {
  "type": "TEXT",
  "value": "П а́мѧть пра́веднагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. бл҃же́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. долгота́ бо дне́й и҆ лѣ́та живота̀ въ десни́цѣ є҆ѧ̀: въ шꙋ́йцѣ же є҆ѧ̀ бога́тство и҆ сла́ва. ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. послꙋ́шайте ᲂу҆́бѡ менє̀, ѽ ча̑да, честна̑ѧ бо рекꙋ̀: и҆ блаже́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ, мо́й совѣ́тъ и҆ ᲂу҆тверже́нїе, мо́й ра́зꙋмъ, моѧ́ же крѣ́пость. а҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра́ваѧ, ꙗ҆́кѡ и҆́стинѣ поꙋчи́тсѧ. съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. всѧ̑ пра̑ва сꙋ́ть разꙋмѣва́ющымъ и҆ прѡ́ста ѡ҆брѣта́ющымъ ра́зꙋмъ. наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а. ⷭ҇р. Притч ́о́:҃А, ҆̀А; ҆:́҆–́̑; ̾:̑, ҆҆́А, ҆҆̀, ҆́, ́̀, ́҆́, ́҃, ҆̀–ж҃; (ⷱ҇)"
 },
 {
  "type": "HEADER",
  "value": "в҃. Премꙋ́дрости соломѡ́ни чте́нїе."
 },
 {
  "type": "TEXT",
  "value": "Оу҆ ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й мꙋ́дрыхъ вѣ́дѧтъ бл҃года́ть. ᲂу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. сконча́вшꙋсѧ мꙋ́жꙋ пра́веднꙋ, не поги́бнетъ наде́жда. сы́нъ бо пра́веденъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. свѣ́тъ првⷣнымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. Ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. лю́битъ гдⷭ҇ь преподѡ́бнаѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. мꙋ́дрость гдⷭ҇нѧ просвѣща́етъ лицѐ разꙋ́мнагѡ: постига́етъ бо жела́ющыѧ ю҆̀, пре́жде да́же разꙋмѣ́ти ю҆̀, и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. ᲂу҆́треневавый къ не́й, не ᲂу҆трꙋди́тсѧ: и҆ бдѧ́й є҆ѧ̀ ра́ди, вско́рѣ без̾ печа́ли бꙋ́детъ. ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи, и҆ во стезѧ́хъ є҆ѧ̀ ꙗ҆влѧ́етсѧ и҆̀мъ бл҃гопрїе́мнѣ. мꙋ́дрости никогда́же ѡ҆долѣ́етъ ѕло́ба. си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: и҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀. таи́бница бо є҆́сть бж҃їѧ хи́трости и҆ ѡ҆брѣта́тельница дѣ́лъ є҆гѡ̀. трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. а҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ и҆ бы́ти хотѧ̑щаѧ разсмо́тритъ: свѣ́сть и҆зви̑тїѧ слове́съ и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бл҃гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: бж҃е ѻ҆тцє́въ и҆ гдⷭ҇и млⷭ҇ти, сотвори́вый всѧ̑ сло́вомъ твои́мъ и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебє̀ тварьмѝ и҆ да ᲂу҆правлѧ́етъ мі́ръ въ преподо́бїи и҆ пра́вдѣ: да́ждь мѝ твои́хъ прⷭ҇то́лѡвъ присѣдѧ́щꙋю премꙋ́дрость: и҆ не ѿлꙋчѝ менѐ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й и҆ сы́нъ рабы́ни твоеѧ̀. послѝ ю҆̀ съ нб҃съ ѿ ст҃а́гѡ жили́ща твоегѡ̀ и҆ ѿ прⷭ҇то́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть пред̾ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ во сла́вѣ свое́й. помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ. Притч ́о́:҆́А; ́о́: ҆̀А; ср. Притч ́́:̀Б; ́о́:̀Б; Притч ́́:҃А; ́́:́ж҃А; ср. Притч ́҆:̀А, ж҃А, ⷱ҇; ́҆̀:̀А; ср. Притч ́҆́:҆҆; Притч ̀̀:́́А, ⷱ҇; Прем ̑:́҆; ̑:́̀Б; ̑:́҆́А; ̑:́҆̀Б; ̑:́̑А; ҃:҆о́Б; ̾:̀Б; ̾:̀Б; ̾:҆Б; ̾:҆́; ̾:҃Б; ̾:̾; ср. Прем ̾:ж҃Б; ср. Прем ̾:́҃Б; Прем ̾:́̾Б; ̾:̀́Б; ж҃:́-҆А; ж҃:҆́-҆̀А; ж҃:́о́; ж҃:́́Б; ж҃:́҆́."
 },
 {
  "type": "HEADER",
  "value": "г҃. Премꙋ́дрости соломѡ́ни чте́нїе."
 },
 {
  "type": "TEXT",
  "value": "П ра́ведникъ, а҆́ще пости́гнетъ сконча́тисѧ, въ поко́и бꙋ́детъ. ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀. Прем ҆́:҃–́҆̀"
 }
]