278 lines
30 KiB
JSON
278 lines
30 KiB
JSON
[
|
|
{
|
|
"type": "HEADER",
|
|
"value": "Тропарѝ и҆ кондакѝ пра́здникѡвъ, і҆аннꙋа́рїй"
|
|
},
|
|
{
|
|
"type": "HEADER",
|
|
"value": "Въ пе́рвый де́нь, є҆́же по пло́ти ѡ҆брѣ́занїе гдⷭ҇а на́шегѡ і҆и҃са хрⷭ҇та̀."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: На прⷭ҇то́лѣ ѻ҆гнезра́чнѣмъ / въ вы́шнихъ сѣдѧ́й со ѻ҆ц҃е́мъ безнача́льнымъ и҆ бжⷭ҇твеннымъ твои́мъ дх҃омъ, / благоволи́лъ є҆сѝ роди́тисѧ на землѝ, / ѿ ѻ҆трокови́цы, неискꙋсомꙋ́жныѧ твоеѧ̀ мт҃ре, і҆и҃се: / сегѡ̀ ра́ди и҆ ѡ҆брѣ́занъ бы́лъ є҆сѝ, ꙗ҆́кѡ чл҃вѣ́къ ѻ҆смодне́вный. / Сла́ва всеблаго́мꙋ твоемꙋ̀ совѣ́тꙋ, / сла́ва смотре́нїю твоемꙋ̀, / сла́ва снизхожде́нїю твоемꙋ̀, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Всѣ́хъ гдⷭ҇ь ѡ҆брѣ́занїе терпи́тъ, / и҆ человѣ́чєскаѧ прегрѣшє́нїѧ, ꙗ҆́кѡ бл҃гъ ѡ҆брѣ́зꙋетъ, / дае́тъ спасе́нїе дне́сь мі́рꙋ: / ра́дꙋетсѧ же въ вы́шнихъ и҆ созда́телевъ і҆ера́рхъ / и҆ свѣтоно́сный бжⷭ҇твенный таи́нникъ хрⷭ҇то́въ васі́лїй."
|
|
},
|
|
{
|
|
"type": "HEADER",
|
|
"value": "Въ то́йже де́нь, па́мѧть васі́лїа вели́кагѡ, а҆рхїепⷭ҇копа кесарі́и каппадокі́йскїѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Во всю̀ зе́млю и҆зы́де вѣща́нїе твоѐ, / ꙗ҆́кѡ прїе́мшꙋю сло́во твоѐ, / и҆́мже бг҃олѣ́пнѡ наꙋчи́лъ є҆сѝ, / є҆стество̀ сꙋ́щихъ ᲂу҆ѧсни́лъ є҆сѝ, / человѣ́чєскїѧ ѻ҆бы́чаи ᲂу҆краси́лъ є҆сѝ, / црⷭ҇кое свѧще́нїе, ѻ҆́ч҃е прпⷣбне: / молѝ хрⷭ҇та̀ бг҃а / спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Кви́лсѧ є҆сѝ дне́сь: Ꙗ҆ви́лсѧ є҆сѝ ѡ҆снова́нїе непоколеби́мое цр҃кве, / подаѧ̀ всѣ̑мъ некра́домое гдⷭ҇ство человѣ́кѡмъ, / запечатлѣ́ѧ твои́ми велѣ́ньми, / небоѧвле́нне васі́лїе преподо́бне."
|
|
},
|
|
{
|
|
"type": "HEADER",
|
|
"value": "Во в҃-й де́нь. Предпра́зднство просвѣще́нїѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Гото́висѧ, завꙋлѡ́не, / и҆ красꙋ́йсѧ, нефѳалі́ме, / і҆ѻрда́не рѣко̀, ста́ни, / под̾имѝ взыгра́ѧ крⷭ҇ти́тисѧ грѧдꙋ́ща влⷣкꙋ, / весели́сѧ, а҆да́ме, съ прама́терїю, / не кры́йта себѐ, ꙗ҆́коже въ раѝ пре́жде: / и҆́бо, на́ги ви́дѣвъ вы̀, ꙗ҆ви́сѧ, / да ѡ҆блече́тъ въ пе́рвꙋю ѻ҆де́ждꙋ. / Хрⷭ҇то́съ ꙗ҆ви́сѧ, всю̀ тва́рь хотѧ̀ ѡ҆бнови́ти."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь: Во стрꙋѧ́хъ дне́сь і҆ѻрда́нскихъ бы́въ, гдⷭ҇ь / і҆ѡа́ннꙋ вопїе́тъ: / не ᲂу҆бо́йсѧ крⷭ҇ти́ти мѧ̀, / спасти́ бо прїидо́хъ / а҆да́ма первозда́ннаго."
|
|
},
|
|
{
|
|
"type": "HEADER",
|
|
"value": "Въ то́йже де́нь. Прпⷣбнагѡ серафі́ма саро́вскагѡ, чꙋдотво́рца."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ѿ ю҆́ности хрⷭ҇та̀ возлюби́лъ є҆сѝ, бл҃же́нне, / и҆ томꙋ̀ є҆ди́номꙋ рабо́тати пла́меннѣ вожделѣ́въ, / непреста́нною моли́твою и҆ трꙋдо́мъ въ пꙋсты́ни подвиза́лсѧ є҆сѝ, / ᲂу҆миле́ннымъ же се́рдцемъ любо́вь хрⷭ҇то́вꙋ стѧжа́въ, / и҆збра́нникъ возлю́бленъ бж҃їѧ мт҃ре ꙗ҆ви́лсѧ є҆сѝ. / Сегѡ̀ ра́ди вопїе́мъ тѝ: / сп҃са́й на́съ мл҃твами твои́ми, серафі́ме, прпⷣбне ѻ҆́тче на́шъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃: Мі́ра красотꙋ̀ и҆ ꙗ҆̀же въ не́мъ тлѣ̑ннаѧ ѡ҆ста́вивъ, прпⷣбне, / въ саро́вскꙋю ѡ҆би́тель всели́лсѧ є҆сѝ: / и҆ та́мѡ а҆́гг҃льски пожи́въ, / мнѡ́гимъ пꙋ́ть бы́лъ є҆сѝ ко сп҃се́нїю: / сегѡ̀ ра́ди и҆ хрⷭ҇то́съ тебѐ, ѻ҆́тче серафі́ме, просла́ви, / и҆ да́ромъ и҆сцѣле́нїй и҆ чꙋде́съ ѡ҆богатѝ. / Тѣ́мже вопїе́мъ тѝ: / ра́дꙋйсѧ, серафі́ме, прпⷣбне ѻ҆́тче на́шъ."
|
|
},
|
|
{
|
|
"type": "HEADER",
|
|
"value": "Въ є҃-й де́нь. Предпра́зднство просвѣще́нїѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Возвраща́шесѧ и҆ногда̀ і҆ѻрда́нъ, рѣка̀, ми́лѡтїю є҆лїсе́евою, / возне́сшꙋсѧ и҆лїѝ, / и҆ раздѣлѧ́хꙋсѧ во́ды сю́дꙋ и҆ сю́дꙋ, / и҆ бы́сть є҆мꙋ̀ сꙋ́хъ пꙋ́ть, и҆́же мо́крый, / во ѻ҆́бразъ вои́стиннꙋ кр҃ще́нїѧ, / и҆́мже мы̀ текꙋ́щее житїѧ̀ прехо́димъ ше́ствїе: / хрⷭ҇то́съ ꙗ҆ви́сѧ во і҆ѻрда́нѣ ѡ҆свѧти́ти во́ды."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃: Во стрꙋѧ́хъ дне́сь і҆ѻрда́нскихъ бы́въ гдⷭ҇ь, / і҆ѡа́ннꙋ вопїе́тъ: / не ᲂу҆бо́йсѧ крести́ти мѧ̀, / спасти́ бо прїидо́хъ / а҆да́ма первозда́ннаго."
|
|
},
|
|
{
|
|
"type": "TEXT",
|
|
"value": "И҆́нъ конда́къ, гла́съ в҃. Подо́бенъ: Вы́шнихъ и҆щѧ̀: Всѣ́хъ, хрⷭ҇тѐ, бл҃гоꙋтро́бнѣ ѿе́млѧй прегрѣше́нїй мно́жество, / ми́лости ра́ди безмѣ́рныѧ, / і҆ѻрда́нскими вода́ми крести́тисѧ грѧде́ши, ꙗ҆́кѡ человѣ́къ, / ѻ҆де́ждею мѧ̀ ѡ҆дѣва́ѧ, / сла́вы дре́внїѧ ѡ҆бнаже́нна лю́тѣ."
|
|
},
|
|
{
|
|
"type": "HEADER",
|
|
"value": "Въ ѕ҃-й де́нь. Ст҃о́е бг҃оѧвле́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Во і҆ѻрда́нѣ креща́ющꙋсѧ тебѣ̀, гдⷭ҇и, / трⷪ҇ческое ꙗ҆ви́сѧ поклоне́нїе: / роди́телевъ бо гла́съ свидѣ́тельствоваше тебѣ̀, / возлю́бленнаго тѧ̀ сн҃а и҆менꙋ́ѧ, / и҆ дх҃ъ въ ви́дѣ голꙋби́нѣ, / и҆звѣ́ствоваше словесѐ ᲂу҆твержде́нїе. / Ꙗ҆вле́йсѧ хрⷭ҇тѐ бж҃е, / и҆ мі́ръ просвѣще́й, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃: Ꙗ҆ви́лсѧ є҆сѝ дне́сь вселе́ннѣй, / и҆ свѣ́тъ тво́й, гдⷭ҇и, зна́менасѧ на на́съ, / въ ра́зꙋмѣ пою́щихъ тѧ̀: / прише́лъ є҆сѝ, и҆ ꙗ҆ви́лсѧ є҆сѝ / свѣ́тъ непристꙋ́пный."
|
|
},
|
|
{
|
|
"type": "HEADER",
|
|
"value": "Въ з҃-й де́нь. Собо́ръ ст҃а́гѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна."
|
|
},
|
|
{
|
|
"type": "TEXT",
|
|
"value": "Тропа́рь, гла́съ в҃: Па́мѧть пра́веднагѡ съ похвала́ми, / тебѣ́ же довлѣ́етъ свидѣ́тельство гдⷭ҇не, прⷣте́че, / показа́лбосѧ є҆сѝ вои́стиннꙋ и҆ прⷪ҇ро́кѡвъ честнѣ́йшїй, / ꙗ҆́кѡ и҆ въ стрꙋѧ́хъ крⷭ҇ти́ти сподо́билсѧ є҆сѝ проповѣ́даннаго. / Тѣ́мже за и҆́стинꙋ пострада́въ ра́дꙋѧсѧ, / бл҃говѣсти́лъ є҆сѝ и҆ сꙋ́щымъ во а҆́дѣ бг҃а ꙗ҆́вльшагосѧ пло́тїю, / взе́млющаго грѣ́хъ мі́ра / и҆ подаю́щаго на́мъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Конда́къ, гла́съ ѕ҃: Плотска́гѡ твоегѡ̀ прише́ствїѧ ᲂу҆боѧ́всѧ / і҆ѻрда́нъ, стра́хомъ возвраща́шесѧ: / прⷪ҇ро́ческое же слꙋже́нїе и҆сполнѧ́ѧ / і҆ѡа́ннъ, тре́петомъ спрѧ́ташесѧ: / а҆́гг҃льскїѧ чи́ни ᲂу҆жаса́хꙋсѧ, / зрѧ́ше тѧ̀ во стрꙋѧ́хъ пло́тїю креща́ема: / и҆ всѝ сꙋ́щїи во тмѣ̀ ѡ҆зарѧ́хꙋсѧ, / воспѣва́юще тѧ̀ ꙗ҆́вльшагосѧ, и҆ просвѣти́вшаго всѧ̑."
|
|
},
|
|
{
|
|
"type": "HEADER",
|
|
"value": "Въ ѳ҃-й де́нь. Ст҃и́телѧ фїлі́ппа, митрополі́та всеѧ̀ рѡссі́и."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Первопресто́льникѡвъ прее́мниче, сто́лпе правосла́вїѧ, / и҆́стины побо́рниче, но́вый и҆сповѣ́дниче, / ст҃и́телю фїлі́ппе, положи́вый дꙋ́шꙋ за па́ствꙋ твою̀. / Тѣ́мже, ꙗ҆́кѡ и҆мѣ́ѧ дерзнове́нїе ко хрⷭ҇тꙋ̀, / молѝ за гра́дъ же и҆ лю́ди, / чтꙋ́щыѧ досто́йнѡ ст҃ꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Правосла́вїѧ наста́вника, и҆ и҆́стины провозвѣ́стника, / златоꙋ́стаго ревни́телѧ, / рѡссі́йскаго свѣти́льника, фїлі́ппа премꙋ́драго восхва́лимъ, / пи́щею слове́съ свои́хъ разꙋ́мнѡ ча̑да своѧ̑ пита́юща: / то́й бо ѧ҆зы́комъ хвале́нїе поѧ́ше, / ᲂу҆стна́ма же пѣ́нїе вѣща́ше, / ꙗ҆́кѡ таи́нникъ бж҃їѧ бл҃года́ти."
|
|
},
|
|
{
|
|
"type": "HEADER",
|
|
"value": "Въ а҃і-й де́нь. Прпⷣбнагѡ ѳеодо́сїа, ѻ҆́бщихъ жи́тїй нача́льника."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Сле́зъ твои́хъ тече́ньми, пꙋсты́ни безпло́дное воздѣ́лалъ є҆сѝ, / и҆ и҆̀же и҆з̾ глꙋбины̀ воздыха́ньми во сто̀ трꙋдѡ́въ ᲂу҆плодоноси́лъ є҆сѝ, / и҆ бы́лъ є҆сѝ свѣти́льникъ вселе́ннѣй, сїѧ́ѧ чꙋдесы̀: ѳеодо́сїе ѻ҆́ч҃е на́шъ, / молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Насажде́нъ во дво́рѣхъ гдⷭ҇а твоегѡ̀, / прпⷣбными твои́ми добродѣ́тельми краснѡ̀ процвѣ́лъ є҆сѝ, / и҆ ᲂу҆мно́жилъ є҆сѝ ча̑да твоѧ̑ въ пꙋсты́ни, / сле́зъ твои́хъ тꙋ́чами напаѧ́ємаѧ, / стадонача́льниче бж҃їи бжⷭ҇твенныхъ дворѡ́въ. / Тѣ́мже зове́мъ: ра́дꙋйсѧ, ѻ҆́ч҃е ѳеодо́сїе."
|
|
},
|
|
{
|
|
"type": "HEADER",
|
|
"value": "Въ в҃і-й де́нь. Ст҃а́гѡ ѻ҆ц҃а̀ са́ввы, а҆рхїепⷭ҇копа се́рбскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Правосла́вїѧ наста́вниче, / бл҃гоче́стїѧ ᲂу҆чи́телю и҆ чистоты̀, / вселе́нныѧ свѣти́льниче, / а҆рхїере́євъ бг҃одꙋхнове́нное ᲂу҆добре́нїе, / са́вво премꙋ́дре, / ᲂу҆че́ньми твои́ми всѧ̑ просвѣти́лъ є҆сѝ, цѣвни́це дх҃о́внаѧ, / молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ г҃: Пꙋтѝ, вводѧ́щагѡ въ жи́знь, / наста́вникъ и҆ первопресто́льникъ и҆ ᲂу҆чи́тель бы́лъ є҆сѝ: / пе́рвѣе бо прише́дъ, свѧти́телю са́вво, / ѻ҆те́чество твоѐ просвѣти́лъ є҆сѝ, / и҆ породи́въ то́е дх҃омъ ст҃ы́мъ, / ꙗ҆́кѡ древа̀ ма̑слиннаѧ / въ мы́сленнѣмъ раѝ насади́лъ є҆сѝ всеѡсвѧщє́ннаѧ твоѧ̑ ча̑да. / Тѣ́мъ ꙗ҆́кѡ а҆пⷭ҇лѡмъ и҆ ст҃и́телємъ сопресто́льна, / чтꙋ́ще тѧ̀ мо́лимъ: / молѝ хрⷭ҇та̀ бг҃а, / дарова́ти на́мъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Ꙗ҆́кѡ первосвѧти́телѧ вели́каго и҆ а҆пⷭ҇лѡвъ соѻ́бщника, / цр҃ковь прославлѧ́етъ тѧ̀ люде́й твои́хъ, преподо́бне: / но ꙗ҆́кѡ и҆мѣ́ѧ дерзнове́нїе ко хрⷭ҇тꙋ̀ бг҃ꙋ, / моли́твами твои́ми ѿ всѧ́кихъ на́съ бѣ́дъ спаса́й, да зове́мъ тѝ: / ра́дꙋйсѧ, ѻ҆́ч҃е са́вво бг҃омꙋ́дре."
|
|
},
|
|
{
|
|
"type": "HEADER",
|
|
"value": "Въ д҃і-й де́нь. Свѧты́ѧ равноапⷭ҇льныѧ ні́ны просвѣти́тельницы грꙋ́зїи."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Сло́ва бж҃їѧ слꙋжи́тельнице, / во а҆пⷭ҇льстѣй про́повѣди первозва́нномꙋ а҆ндре́ю / и҆ про́чымъ а҆пⷭ҇лѡмъ подража́вшаѧ, / просвѣти́тельнице і҆ве́рїи, и҆ дх҃а ст҃а́гѡ цѣвни́це, / ст҃а́ѧ равноапⷭ҇льнаѧ ні́но, / молѝ хрⷭ҇та̀ бг҃а / сп҃сти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃: Прїиди́те дне́сь всѝ, / воспои́мъ и҆збра́ннꙋю ѿ хрⷭ҇та̀ / равноапⷭ҇льнꙋю проповѣ́дницꙋ бж҃їѧ сло́ва, / мꙋ́дрꙋю бл҃говѣ́стницꙋ, / лю́ди картали́нїи приве́дшꙋ на пꙋ́ть живота̀ и҆ и҆́стины, / бг҃ома́тере ᲂу҆чени́цꙋ, / ᲂу҆се́рднꙋю застꙋ́пницꙋ и҆ неꙋсыпа́ющꙋю храни́тельницꙋ на́шꙋ, / ні́нꙋ прехва́льнꙋю."
|
|
},
|
|
{
|
|
"type": "HEADER",
|
|
"value": "Въ з҃і-й де́нь. Прпⷣбнагѡ а҆нтѡ́нїа вели́кагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ревни́телѧ и҆лїю̀ нра́вы подража́ѧ, / крⷭ҇ти́телю пра́выми стезѧ́ми послѣ́дꙋѧ, / ѻ҆́ч҃е а҆нтѡ́нїе, / пꙋсты́ни бы́лъ є҆сѝ жи́тель, / и҆ вселе́ннꙋю ᲂу҆тверди́лъ є҆сѝ моли́твами твои́ми: / тѣ́мже молѝ хрⷭ҇та̀ бг҃а, / спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Вы́шнихъ и҆щѧ̀: Житє́йскїѧ молвы̑ ѿри́нꙋвъ, / безмо́лвно житїѐ сконча́лъ є҆сѝ, / крⷭ҇ти́телѧ подража́ѧй всѧ́кимъ ѻ҆́бразомъ преподо́бнѣйшїй: / съ ни́мъ ᲂу҆́бѡ тѧ̀ почита́емъ, / ѻ҆ц҃є́въ нача́льниче а҆нтѡ́нїе."
|
|
},
|
|
{
|
|
"type": "HEADER",
|
|
"value": "Въ и҃і-й де́нь. А҆рхїепⷭ҇копѡвъ а҆леѯандрі́йскихъ, а҆ѳана́сїа и҆ кѷрі́лла."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Бж҃е ѻ҆ц҃ъ на́шихъ, / творѧ́й при́снѡ съ на́ми по твое́й кро́тости, / не ѿста́ви ми́лость твою̀ ѿ на́съ: / но моли́твами и҆́хъ / въ ми́рѣ ᲂу҆пра́ви живо́тъ на́шъ."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ г҃: Дѣ́лы возсїѧ́вше правосла́вїѧ, / всѐ погаси́вше ѕлосла́вїе, / побѣди́телїе побѣдоно́сцы бы́сте, / бл҃гоче́стїемъ всѧ̑ ѡ҆богати́вше, / цр҃ковь вельмѝ ᲂу҆краси́вше, / досто́йнѡ ѡ҆брѣто́сте хрⷭ҇та̀ бг҃а, / да́рꙋющаго на́мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Конда́къ ст҃а́гѡ а҆ѳана́сїа, гла́съ в҃. Подо́бенъ: Крове́й твои́хъ: Правосла́вїѧ насади́въ ᲂу҆чє́нїѧ, / ѕлосла́вїѧ те́рнїе и҆зсѣ́клъ є҆сѝ, ᲂу҆мно́живъ сѣ́мѧ вѣ́ры ѡ҆дожде́нїемъ дх҃а, преподо́бне: / тѣ́мже тѧ̀ пое́мъ, а҆ѳана́сїе."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ: Свѧщеннонача̑льницы велича́йшїи благоче́стїѧ, / и҆ до́блїи побѡ́рницы цр҃кве хрⷭ҇то́вы, / всѧ̑ соблюди́те пою́щыѧ: / спасѝ, ще́дре, / вѣ́рою чтꙋ́щыѧ тѧ̀."
|
|
},
|
|
{
|
|
"type": "HEADER",
|
|
"value": "Въ к҃-й де́нь. Прпⷣбнагѡ є҆ѵѳѵ́мїа вели́кагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Весели́сѧ, пꙋсты́нѧ неражда́ющаѧ, / благодꙋ́шствꙋй, неболѧ́щаѧ, / ꙗ҆́кѡ ᲂу҆мно́жи тебѣ̀ ча̑да мꙋ́жъ жела́нїй дх҃о́вныхъ, / бл҃гоче́стїемъ насади́въ, / воздержа́нїемъ воспита́въ добродѣ́телей въ соверше́нство. / Тогѡ̀ моли́твами, хрⷭ҇тѐ бж҃е, / ᲂу҆мирѝ живо́тъ на́шъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Ꙗ҆́кѡ нача́тки: Въ честнѣ́мъ рождествѣ̀ твое́мъ ра́дость тва́рь ѡ҆брѣ́те, / и҆ въ бж҃е́ственнѣй па́мѧти твое́й, преподо́бне, / благодꙋ́шїе прїѧ́тъ мно́гихъ твои́хъ чꙋде́съ: / ѿ ни́хже пода́ждь бога́тнѡ въ дꙋ́шы на́шѧ, / и҆ ѡ҆чи́сти грѣхѡ́въ сквє́рны, / ꙗ҆́кѡ да пое́мъ: а҆ллилꙋ́їа."
|
|
},
|
|
{
|
|
"type": "HEADER",
|
|
"value": "Въ к҃а-й де́нь. Прпⷣбнагѡ маѯі́ма и҆сповѣ́дника."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Правосла́вїѧ наста́вниче, бл҃гоче́стїѧ ᲂу҆чи́телю и҆ чистоты̀, / вселе́нныѧ свѣти́льниче, мона́шествꙋющихъ бг҃одꙋхнове́нное ᲂу҆добре́нїе, / маѯі́ме премꙋ́дре, ᲂу҆че́ньми твои́ми всѧ̑ просвѣти́лъ є҆сѝ, цѣвни́це дх҃о́внаѧ, / молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ ѕ҃. Подо́бенъ: Є҆́же ѡ҆ на́съ и҆спо́лнивъ: Свѣ́тъ трисїѧ́нный, все́льшїйсѧ въ дꙋ́шꙋ твою̀, / сосꙋ́дъ и҆збра́нъ показа́ тѧ, всебл҃же́нне, / ꙗ҆влѧ́юща бж҃е́ствєннаѧ концє́мъ, / неꙋдобопости́жныхъ разꙋмѣ́нїй ты̀ сказꙋ́ѧй, бл҃же́нне, / и҆ трⷪ҇цꙋ всѣ̑мъ, маѯі́ме, возпроповѣ́дꙋѧй ꙗ҆́снѡ, / пресꙋ́щнꙋю безнача́льнꙋю."
|
|
},
|
|
{
|
|
"type": "TEXT",
|
|
"value": "И҆́нъ конда́къ, гла́съ и҃. Подо́бенъ: Взбра́нной: Трⷪ҇цы рачи́телѧ и҆ вели́каго маѯі́ма, наꙋча́юща ꙗ҆́снѡ вѣ́рѣ бжⷭ҇твеннѣй, / є҆́же сла́вити хрⷭ҇та̀ во двꙋ̀ є҆стества́хъ, во́лѧхъ же и҆ дѣ́йствахъ сꙋ́ща, / въ пѣ́снехъ досто́йныхъ, вѣ́рнїи, почти́мъ взыва́юще: / ра́дꙋйсѧ, проповѣ́дниче вѣ́ры."
|
|
},
|
|
{
|
|
"type": "HEADER",
|
|
"value": "Въ то́йже де́нь, прпⷣбнагѡ маѯі́ма гре́ка."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Заре́ю дх҃а ѡ҆блиста́емь, / виті́йствꙋющихъ бг҃омꙋ́дреннѡ сподо́билсѧ є҆сѝ разꙋмѣ́нїѧ, / невѣ́дѣнїемъ ѡ҆мрачє́ннаѧ сердца̀ человѣ́кѡвъ свѣ́томъ бл҃гоче́стїѧ просвѣща́ѧ, / пресвѣ́телъ ꙗ҆ви́лсѧ є҆сѝ правосла́вїѧ свѣти́льникъ, маѯі́ме прпⷣбне, / ѿѻнꙋ́дꙋже ре́вности ра́ди всеви́дѧщагѡ / ѻ҆те́чества чꙋ́ждъ и҆ стра́ненъ, рѡссі́йскїѧ страны̀ бы́лъ є҆сѝ пресе́льникъ, / страда̑нїѧ темни́цъ и҆ заточе́нїѧ ѿ самодержа́внагѡ претерпѣ́въ, / десни́цею вы́шнѧгѡ вѣнча́ешисѧ и҆ чꙋдодѣ́йствꙋеши пресла̑внаѧ. / И҆ ѡ҆ на́съ хода́тай бꙋ́ди непрело́женъ, / чтꙋ́щихъ любо́вїю ст҃ꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Премꙋ́дрости: Бг҃одꙋхнове́ннымъ писа́нїемъ и҆ бг҃осло́вїѧ проповѣ́данїемъ / невѣ́рствꙋющихъ сꙋемꙋ́дрїе ѡ҆бличи́лъ є҆сѝ, всебога́те, / па́че же, въ правосла́вїи и҆справлѧ́ѧ, / на стезю̀ и҆́стиннагѡ позна́нїѧ наста́вилъ є҆сѝ, / ꙗ҆́коже свирѣ́ль бг҃огла́снаѧ, / ᲂу҆слажда́ѧ слы́шащихъ ра́зꙋмы, / непреста́ннѡ весели́ши, маѯі́ме досточꙋ́дне, / сегѡ̀ ра́ди мо́лимъ тѧ̀: / молѝ хрⷭ҇та̀ бг҃а грѣхѡ́въ ѡ҆ставле́нїе низпосла́ти / вѣ́рою пою́щымъ всест҃о́е твоѐ ᲂу҆спе́нїе, маѯі́ме, ѻ҆́тче на́шъ."
|
|
},
|
|
{
|
|
"type": "HEADER",
|
|
"value": "Въ к҃є-й де́нь. Ст҃и́телѧ григо́рїа бг҃осло́ва."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Па́стырскаѧ свирѣ́ль бг҃осло́вїѧ твоегѡ̀ / ри́торѡвъ побѣдѝ трꙋбы̑: / ꙗ҆́коже бо глꙋбины̑ дх҃а и҆зыска́вшꙋ, / и҆ добрѡ́ты вѣща́нїѧ приложи́шасѧ тебѣ̀. / Но молѝ хрⷭ҇та̀ бг҃а, ѻ҆́ч҃е григо́рїе, / спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Бг҃осло́внымъ ѧ҆зы́комъ твои́мъ сплетє́нїѧ ри́тѡрскаѧ разрꙋши́вый, сла́вне, / правосла́вїѧ ѻ҆де́ждею свы́ше и҆стка́нною цр҃ковь ᲂу҆краси́лъ є҆сѝ: / ю҆́же и҆ носѧ́щи съ на́ми зове́тъ твои́ми ча́ды, / ра́дꙋйсѧ, ѻ҆́ч҃е, / бг҃осло́вїѧ ᲂу҆́ме кра́йнѣйшїй."
|
|
},
|
|
{
|
|
"type": "HEADER",
|
|
"value": "Въ к҃з-й де́нь. Пренесе́нїе моще́й ст҃и́телѧ і҆ѡа́нна златоꙋ́стагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Оу҆́стъ твои́хъ ꙗ҆́коже свѣ́тлость ѻ҆гнѧ̀ возсїѧ́вши благода́ть, / вселе́ннꙋю просвѣтѝ: / не сребролю́бїѧ мі́рови сокрѡ́вища сниска̀, / высотꙋ̀ на́мъ смиренномꙋ́дрїѧ показа̀. / Но твои́ми словесы̀ наказꙋ́ѧ, ѻ҆́ч҃е і҆ѡа́нне златоꙋ́сте. / Молѝ сло́ва хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ а҃. Подо́бенъ: Ли́къ а҆́гг҃льскїй. Возвесели́сѧ та́инственнѡ честна́ѧ це́рковь, / возвраще́нїемъ честны́хъ твои́хъ моще́й, / и҆ сїѧ̑ сокры́вши, ꙗ҆́кѡ зла́то многоцѣ́нное, / пою́щымъ тѧ̀ неѡскꙋ́днѡ подава́етъ / моли́твами твои́ми и҆сцѣле́нїй благода́ть, / і҆ѡа́нне златоꙋ́сте."
|
|
},
|
|
{
|
|
"type": "HEADER",
|
|
"value": "Въ к҃ѳ-й де́нь. Пренесе́нїе моще́й сщ҃енномꙋ́ченика і҆гна́тїа бг҃оно́сца."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: И҆ нра́вѡмъ прича́стникъ, / и҆ прⷭ҇то́лѡмъ намѣ́стникъ а҆по́столѡмъ бы́въ, / дѣѧ́нїе ѡ҆брѣ́лъ є҆сѝ, бг҃одохнове́нне, / въ видѣ́нїѧ восхо́дъ: / сегѡ̀ ра́ди сло́во и҆́стины и҆справлѧ́ѧ, / и҆ вѣ́ры ра́ди пострада́лъ є҆сѝ да́же до кро́ве, / сщ҃енномч҃ниче і҆гна́тїе, / молѝ хрⷭ҇та̀ бг҃а, / спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь. Ѿ восто́ка дне́сь возсїѧ́вый, / и҆ тва́рь всю̀ просвѣти́вый ᲂу҆че́ньми, / мꙋ́ченичествомъ ᲂу҆краси́сѧ, бг҃оно́сный и҆ бж҃е́ственный і҆гна́тїй."
|
|
},
|
|
{
|
|
"type": "HEADER",
|
|
"value": "Въ л҃-й де́нь. Ст҃и́телей васі́лїа вели́кагѡ, григо́рїа бг҃осло́ва и҆ і҆ѡа́нна златоꙋ́стагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ꙗ҆́кѡ а҆пⷭ҇лѡвъ є҆динонра́внїи, / и҆ вселе́нныѧ ᲂу҆чи́телїе, / влⷣкꙋ всѣ́хъ моли́те, / ми́ръ вселе́ннѣй дарова́ти, / и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Твє́рдыѧ: Свѧщє́нныѧ и҆ бг҃овѣща̑нныѧ проповѣ́дники, / ве́рхъ ᲂу҆чи́телей, гдⷭ҇и, / прїѧ́лъ є҆сѝ въ наслажде́нїе благи́хъ твои́хъ и҆ ᲂу҆покое́нїе: / трꙋды́ бо ѻ҆́нѣхъ и҆ сме́рть прїѧ́лъ є҆сѝ па́че всѧ́кагѡ всепло́дїѧ, / є҆ди́не прославлѧ́ѧй ст҃ы̑ѧ твоѧ̑."
|
|
},
|
|
{
|
|
"type": "HEADER",
|
|
"value": "Въ л҃а-й де́нь. Ст҃ы́хъ безсре́бренникѡвъ, кѵ́ра и҆ и҆ і҆ѡа́нна."
|
|
},
|
|
{
|
|
"type": "TEXT",
|
|
"value": "Тропа́рь, гла́съ є҃: Чꙋдеса̀ ст҃ы́хъ твои́хъ мч҃никъ, / стѣ́нꙋ неѡбори́мꙋ на́мъ дарова́вый, хрⷭ҇тѐ бж҃е: / тѣ́хъ моли́твами совѣ́ты ꙗ҆зы́кѡвъ разорѝ, / цр҃ковь ст҃ꙋ́ю ᲂу҆крѣпѝ, / ꙗ҆́кѡ є҆ди́нъ бл҃гъ и҆ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Ѿ бж҃е́ственныѧ благода́ти да́ръ чꙋде́съ прїе́мше, ст҃і́и, / чꙋдодѣ́йствꙋете непреста́ннѡ, / всѧ̑ на́шѧ стра̑сти рꙋкодѣ́йствомъ сѣкꙋ́ще неви́димымъ, / кѵ́ре бг҃омꙋ́дре со і҆ѡа́нномъ сла́внымъ: / вы́ бо бж҃е́ственнїи вра́чеве є҆стѐ."
|
|
}
|
|
] |