718 lines
58 KiB
JSON
718 lines
58 KiB
JSON
[
|
|
{
|
|
"type": "HEADER",
|
|
"value": "Ное́мврїа а҃і"
|
|
},
|
|
{
|
|
"type": "HEADER",
|
|
"value": "Свѧта́гѡ великомч҃ника во царѣ́хъ, стефа́на се́рбскагѡ, и҆́же въ деча́нѣхъ."
|
|
},
|
|
{
|
|
"type": "HEADER",
|
|
"value": "На ма́лѣй вече́рни, стїхи̑ры, на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Небе́сныхъ чи́нѡвъ:"
|
|
},
|
|
{
|
|
"type": "TEXT",
|
|
"value": "Благоче́стїѧ побо́рника, и҆ въ цр҃ѣ́хъ и҆зрѧ́днаго, стефа́на страда́льца и҆ вѣне́чника, дꙋхо́внѡ соше́дшесѧ воспои́мъ: и҆ того̀ пра́здникъ соверши́мъ, любо́вїю ра́дꙋющесѧ. Два́жды."
|
|
},
|
|
{
|
|
"type": "TEXT",
|
|
"value": "Небе́снїи ны́нѣ а҆́гг҃ли торжествꙋ́ютъ мы́сленнѡ, въ па́мѧть до́блѧгѡ подви́жника: и҆ къ на́мъ неви́димѡ сходѧ́ще ѡ҆сѣнѧ́ютъ, полє́знаѧ да́рꙋюще."
|
|
},
|
|
{
|
|
"type": "TEXT",
|
|
"value": "Мч҃никѡвъ чⷭ҇тны́й собо́ръ, съ на́ми совокꙋ́пльсѧ, сликовствꙋ́етъ и҆ торжествꙋ́етъ, сла́вѧ, и҆ воспѣва́ѧ хрⷭ҇та̀, и҆́же стефа́на си́це просла́вльшаго."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃."
|
|
},
|
|
{
|
|
"type": "TEXT",
|
|
"value": "Весна̀ на́мъ дне́сь въ земны̑ѧ го́ры возсїѧ̀: прїиди́те бра́тїе мч҃николю́бцы, ѡ҆бере́мъ цвѣ́ты добродѣ́телей, ꙗ҆̀же и҆знесѐ на́мъ стефа́нъ, хрⷭ҇то́въ ᲂу҆чени́къ нело́жный: и҆́же да́нный є҆мꙋ̀ тала́нтъ до́брѣ ᲂу҆мно́живый, и҆ вѣ́ренъ ꙗ҆ви́сѧ своемꙋ̀ влады́цѣ: и҆ и҆́же ꙗ҆́кѡ дре́во при и҆схо́дищихъ во́дъ, пло́дъ сво́й да́стъ во вре́мѧ своѐ: и҆ на́мъ про́ситъ ѿ хрⷭ҇та̀ бг҃а ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "А҆рха́гг҃льски воспои́мъ вѣ́рнїи, нбⷭ҇ный черто́гъ, и҆ две́рь запеча́танꙋ вои́стиннꙋ. Ра́дꙋйсѧ є҆ѧ́же ра́ди ѿрастѐ на́мъ сп҃съ всѣ́хъ хрⷭ҇то́съ, жизнода́вецъ и҆ бг҃ъ, низложѝ влады́чице мꙋчи́тели, безбѡ́жныѧ врагѝ на́шѧ, рꙋко́ю твое́ю пречи́стаѧ, ᲂу҆пова́нїе хрⷭ҇тїа́нъ."
|
|
},
|
|
{
|
|
"type": "HEADER",
|
|
"value": "На стїхо́внѣ, стїхи̑ры: гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Ѿ за́пада со́лнце возсїѧ̀, зарѝ благоче́стїѧ и҆спꙋща́ѧ стефа́нъ во царѣ́хъ мч҃никъ."
|
|
},
|
|
{
|
|
"type": "TEXT",
|
|
"value": "Сті́хъ: Првⷣникъ ꙗ҆́кѡ фі́нїѯъ процвѣте́тъ:"
|
|
},
|
|
{
|
|
"type": "TEXT",
|
|
"value": "Се́рбскаѧ племена̀ всѧ̑, ᲂу҆се́рднѡ стецы́тесѧ, своего̀ застꙋ́пника сла́вѧще."
|
|
},
|
|
{
|
|
"type": "TEXT",
|
|
"value": "Сті́хъ: Насажде́ни въ домꙋ̀ гдⷭ҇ни во дворѣ́хъ:"
|
|
},
|
|
{
|
|
"type": "TEXT",
|
|
"value": "Послѣ́днимъ сѝ вре́менемъ, ты̀ красота̀ показа́лсѧ є҆сѝ многострада́льне стефа́не."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Гдⷭ҇ви предстоѧ̀, сла́вне, є҆го́же возлюби́лъ є҆сѝ, твоѐ ста́до помина́й."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Бцⷣꙋ тѧ̀ вѣ́рнїи всѝ и҆сповѣ́дꙋемъ, марі́е прⷭ҇нодв҃о."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃."
|
|
},
|
|
{
|
|
"type": "TEXT",
|
|
"value": "Црⷭ҇тво є҆́же на землѝ до́брѣ ѡ҆кормлѧ́ѧ страда́льче, и҆ багрѧни́цꙋ носѧ̀, смире́ннѡ стѧжа́лъ є҆сѝ мꙋдрова́нїе, ни́щихъ посѣща́ѧ, и҆ си́мъ хлѣ́бъ раздроблѧ́ѧ. Тѣ́мже пребж҃е́ственнаѧ трⷪ҇ца, црⷭ҇твїѧ кꙋ́пнѡ и҆ мч҃ничества вѣнце́мъ ᲂу҆вѧзе́ тѧ."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ: бг҃оро́диченъ:"
|
|
},
|
|
{
|
|
"type": "TEXT",
|
|
"value": "Є҆́же ѿ вѣ́ка:"
|
|
},
|
|
{
|
|
"type": "HEADER",
|
|
"value": "На вели́цѣй вече́рни, Стїхосло́вимъ: Бл҃же́нъ мꙋ́жъ: а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и воззва́хъ, стїхи̑ры, на и҃: Гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Кі́ими похва́льными:"
|
|
},
|
|
{
|
|
"type": "TEXT",
|
|
"value": "Кі́ими бл҃гопохва́льными пѣ́снми воспои́мъ стефа́на, нбⷭ҇наго чл҃ка и҆ земна́го а҆́гг҃ла, бл҃гоче́стїѧ побо́рника, и҆ нече́стїѧ ѿгони́телѧ, столпа̀ непоколеби́маго своемꙋ̀ ѻ҆те́чествꙋ: во бра́нехъ до́блественнаго, и҆ въ напа́стехъ терпѣли́ваго, безчи́нствꙋющихъ казни́телѧ стра́шнаго, и҆ бл҃готекꙋ́щихъ помо́щника те́плаго. И҆́мже хрⷭ҇то́съ да́рꙋетъ на́мъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Кі́ими похва́льными вѣнцы̀ вѣнча́имъ стефа́на, бг҃оразꙋ́мїѧ красотꙋ̀, смиреномꙋ́дрїѧ высотꙋ̀, горды́ни низложи́телѧ, стѣнꙋ̀ неѡбори́мꙋю своеѧ̀ є҆мꙋ̀ ѻ҆би́тели, непобѣди́маго стра́дальца, и҆ втора́го і҆́ѡва ра́нами. Бѣсѡ́въ прогони́телѧ стра́шнаго, и҆ а҆́гг҃лѡвъ сожи́телѧ сла́внаго: и҆́мже хрⷭ҇то́съ на́мъ да́рꙋетъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Кі́ими бл҃госта́вными гла́сы возвели́чимъ стефа́на, высокопа́рнаго ѻ҆рла̀ чистото́ю ᲂу҆́мною, си́рыхъ помо́щника, и҆ вдо́въ пита́телѧ, стра́ждꙋщихъ ᲂу҆тѣ́шителѧ, и҆ ни́щихъ слꙋжи́телѧ ᲂу҆се́рдна, до́браго строи́телѧ да́нныхъ є҆мꙋ̀ ѿ бг҃а: непра́вдꙋ возненави́дѣвша, и҆ пра́вдꙋ предпоче́тшаго, и҆ на́мъ ѿ хрⷭ҇та̀ просѧ́ща ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Кі́ими добрособра́нными цвѣ́ты ᲂу҆вѧзе́мъ стефа́на, хрⷭ҇то́ва сосꙋ́да и҆збра́ннаго, въ не́йже со ѻ҆ц҃е́мъ и҆ дх҃омъ всели́сѧ. І҆ѡ́сифа втора́го въ напа́стехъ и҆ въ кро́тости дв҃да дрꙋга́го. Соломѡ́нꙋ въ премꙋ́дрости ра́внаго, и҆ и҆лїѝ въ ре́вности то́чнаго, цр҃е́й ѻ҆́бразъ въ добродѣ́тели, и҆ въ млⷭ҇ти наказа́нїе и҆звѣ́стное: и҆́мже хрⷭ҇то́съ на́мъ да́рꙋетъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Дне́сь чⷭ҇тно́е торжество̀ нбⷭ҇наѧ пра́зднꙋютъ мы́сленнѡ, земна̑ѧ къ весе́лїю созыва́юще въ па́мѧть до́блѧгѡ подви́жника, стефа́на терпѣливодꙋ́шнагѡ. Се́й бо всеизрѧ́дный хрⷭ҇то́выхъ за́повѣдей храни́тель бы́сть и҆звѣ́стнѣйшїй, не поми́лова тлѣ́ющихъ црⷭ҇твїѧ, ра́ди вѣ́чныѧ и҆ бл҃же́нныѧ вои́стиннꙋ жи́зни: но расточѝ и҆ дадѐ ᲂу҆бѡ́гимъ, и҆ мч҃нческимъ вѣнце́мъ вѣнча́сѧ: ст҃ѣ́й трⷪ҇цѣ предстоѧ̀ непосре́дственнѡ, смире́нїе про́ситъ мі́рови, и҆ грѣхѡ́въ ѡ҆ставле́нїе, и҆́же вѣ́рою тогѡ̀ соверша́ющихъ торжество̀."
|
|
},
|
|
{
|
|
"type": "HEADER",
|
|
"value": "И҆ нн҃ѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Цр҃ь нбⷭ҇ный за человѣколю́бїе на землѝ ꙗ҆ви́сѧ, и҆ съ чл҃ки поживѐ. Ѿ дв҃ы бо чтⷭ҇ыѧ пло́ть прїе́мый, и҆ и҆зъ неѧ̀ проше́дый съ воспрїѧ́тїемъ. Є҆ди́нъ є҆́сть сн҃ъ, сꙋгꙋ́бъ є҆стество́мъ, но не ѵ҆поста́сїю. Тѣ́мже соверше́нна того̀ бг҃а и҆ соверше́нна чл҃ка вои́стиннꙋ проповѣ́дающе, и҆сповѣ́дꙋемъ хрⷭ҇та̀ бг҃а на́шего. Є҆го́же молѝ, мт҃и безневѣ́стнаѧ, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Та́же вхо́дъ. Прокі́менъ днѐ, чтє́нїѧ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры самогла́сны: гла́съ а҃."
|
|
},
|
|
{
|
|
"type": "TEXT",
|
|
"value": "За̑паднаѧ всѧ̑ ра́дꙋйтесѧ, и҆ веселѧ́щесѧ взыгра́йте: посредѣ̀ себѐ и҆мꙋ́ще ѕвѣздꙋ̀ незаходи́мꙋю, и҆ многосвѣ́тлꙋю, со́лнечныѧ зарѝ превосходѧ́щꙋю, стефа́на великоимени́таго, свѧта́гѡ ко́рене вѣ́твь многопло́днꙋю и҆ и҆збра́ннꙋю. И҆́стиннагѡ за́повѣдей хрⷭ҇то́выхъ дѣ́лателѧ, и҆́же хрⷭ҇та̀ мно́гѡ возлю́бльшаго, и҆ на́мъ ѿ негѡ̀ просѧ́ща ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Се́рбстїи ро́дове всѝ, дх҃о́внѡ ликовствꙋ́юще ѻ҆́бщꙋю по́лзꙋ восхвалѧ́йте, въ наро́читый дн҃ь тогѡ̀ па́мѧти, посредѣ́ бо ва́съ и҆зрастѐ ꙗ҆́кѡ шипо́къ бл҃гово́нный: и҆ нн҃ѣ посредѣ̀ мч҃никѡвъ, ꙗ҆́кѡ ѕвѣзда̀ свѣ́тлаѧ преѡсїѧва́етъ, и҆ на́съ неѡставлѧ́етъ ꙗ҆́кѡ па́стырь до́брый: но посѣща́етъ неви́димѡ, и҆ ѿ сп҃са на́мъ да́рꙋетъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Востѡ́чнаѧ за̑паднымъ сра́дꙋйтесѧ, и҆ не высокомꙋ́дрствꙋйте: и҆́бо со́лнце дрꙋго́е здѣ̀ пресла́внѡ просїѧ̀, не къ за́падѡмъ творѧ̀ тече́нїе, и҆ подъ земле́ю ᲂу҆стремлѧ́ѧсѧ, но къ небесе́мъ восхо́дъ и҆мѣ́етъ ѿ землѝ, и҆ невеще́ственнымъ спребыва́ѧ ᲂу҆мѡ́мъ, и҆ ꙗ҆̀же ѿтꙋ́дꙋ на́мъ предпосыла́етъ лꙋчѝ: и҆ соблюда́етъ и҆ ѡ҆свѧща́етъ, и҆ ѿ хрⷭ҇та̀ на́мъ да́рꙋетъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃."
|
|
},
|
|
{
|
|
"type": "TEXT",
|
|
"value": "Вострꙋ́бимъ дх҃о́вною цѣвни́цею, въ наро́читый дн҃ь пра́здника на́шегѡ, ꙗ҆̀же ѻ҆́крестъ созыва́юще благочестивомꙋ́дреннѣ, съ высо́кимъ проповѣ́данїемъ, и҆ глаго́люще: сѐ и҆́же на землѝ стра́хомъ црⷭ҇твовавый, ны́нѣ на небесѣ́хъ свобо́днѡ ца́рствꙋетъ. Прїиди́те ца́рїе, и҆ семꙋ̀ поревнꙋ́йте: и҆ поревнова́вше послѣ́дꙋйте дѣ́ланїю, да и҆ вы̀ подо́бнымъ вѣнце́мъ прїѡбщи́тесѧ. Сѐ ми́лостыни сокро́вище пребога́тое: прїиди́те стра́ждꙋщїи, и҆ прїими́те и҆сцѣлє́нїѧ, рꙋка́ бо, ꙗ҆́же тогда̀ пѣ́нѧзи даю́щаѧ, та́ѧжде и҆ ны́нѣ дае́тъ и҆сцѣлє́нїѧ тѣлє́снымъ болѣ́знемъ, и҆ дꙋшє́внымъ страсте́мъ. Бога́тїи и҆ ни́щїи, здра́вїи и҆ немощні́и прише́дше, почерпи́те по вѣ́рѣ проше́нїѧ, ѿ ковче́га сщ҃е́ннагѡ, ꙗ҆́кѡ ѿ нетлѣ́нна и҆сто́чника, во сла́вꙋ сп҃са и҆ бг҃а прославлѧ́ющаго, и҆́же того̀ прославлѧ́ющихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, подо́бенъ и҆ гла́съ то́йже:"
|
|
},
|
|
{
|
|
"type": "TEXT",
|
|
"value": "Ге́рмана патрїа́рха: Вострꙋ́бимъ трꙋбо́ю пѣ́сней, прекло́ншїисѧ бо свы́ше всецари́ца мт҃и дв҃а благослове́нми вѣнчава́етъ воспѣва́ющыѧ ю҆̀. Ца́рїе и҆ кнѧ́зи да стекꙋ́тсѧ, и҆ цари́цѣ да воспле́щꙋтъ въ пѣ́снехъ, царѧ̀ ро́ждшей, сме́ртїю ѡ҆держи̑мыѧ пе́рвѣе, разрѣши́ти чл҃колю́бнѡ бл҃говоли́вшаго. Па́стырїе, и҆ ᲂу҆чи́телїе, до́браго па́стырѧ пречⷭ҇тꙋю ма́терь соше́дшесѧ восхва́лимъ: свѣ́щникъ златоза́рный: свѣтоно́сный ѻ҆́блакъ, нб҃съ простра́ннѣйшꙋю: ѡ҆дꙋшевле́нный кївѡ́тъ, ѻ҆гнезра́чный влⷣчнь престо́лъ, маннопрїе́мнꙋю златꙋ́ю, ста́мнꙋ заключе́ннꙋю сло́ва две́рь. Всѣ́хъ хрⷭ҇тїа́нъ прибѣ́жище, пѣ́снми бг҃оглаго́ливыми похвалѧ́юще си́це рце́мъ: пала́то сло́ва, сподо́би смирє́нныѧ ны̀ нбⷭ҇нагѡ ца́рствїѧ, ничто́же бо невозмо́жно хода́тайствꙋ твоемꙋ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры: гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ тве́рда а҆дама́нта, всебл҃же́нне стефа́не, соше́дшесѧ дне́сь восхвалѧ́емъ тѧ̀: ꙗ҆́кѡ напа́сти претерпѣ́въ, и҆ сме́рть под̾ѧ́лъ є҆сѝ непра́веднꙋю: ꙗ҆́кѡ да двои́мъ дарѡ́мъ сподо́битъ тѧ̀ хрⷭ҇то́съ, є҆го́же возлюби́лъ є҆сѝ, ца́рской дїади́мѣ, и҆ вѣнцꙋ̀ мꙋ́ченическомꙋ."
|
|
},
|
|
{
|
|
"type": "TEXT",
|
|
"value": "Сті́хъ: Пра́ведникъ ꙗ҆́кѡ фі́нїѯъ процвѣте́тъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ᲂу҆́тро свѣтлѣ́йшее, терпѣ́нїѧ свѣ́тлостїю, достосла́вне показа́лсѧ є҆сѝ. Тѣ́мже и҆ стека́ютсѧ свѧще́нницы и҆ ца́рїе, и҆́ноцы и҆ мїрсті́и, бога́тїи и҆ ни́щїи, ковче́гꙋ припа́дающе свѧты́хъ твои́хъ моще́й, ѡ҆свѧще́нїе прїе́млюще."
|
|
},
|
|
{
|
|
"type": "TEXT",
|
|
"value": "Сті́хъ: Насажде́ни въ домꙋ̀ гдⷭ҇ни, во дворѣ́хъ бг҃а на́шегѡ:"
|
|
},
|
|
{
|
|
"type": "TEXT",
|
|
"value": "І҆́ѡвъ дре́вле на восто́цѣ, сла́венъ и҆ и҆мени́тъ, бг҃очте́цъ и҆ пра́веденъ, и҆ мч҃никѡвъ нача́ло: но и҆ стефа́нъ на за́падѣ, сла́вою и҆ бога́тствомъ нетлѣ́ннымъ, ꙗ҆́кѡ во́инъ всѣ́хъ царѧ̀, и҆ страда́льцєвъ и҆сполне́нїе."
|
|
},
|
|
{
|
|
"type": "HEADER",
|
|
"value": "Сла́ва, гла́съ г҃:"
|
|
},
|
|
{
|
|
"type": "TEXT",
|
|
"value": "Прїиди́те празднолю́бныхъ составле́нїѧ, прїиди́те и҆ ли́къ соста́вимъ: прїиди́те вѣнча́имъ пѣ́снми вѣнцє́въ тезоимени́таго стефа́на: тогѡ̀ ревнꙋ́юще ꙗ҆́же къ бг҃ꙋ любвѝ, и҆ терпѣ́нїе похвалѧ́юще. Вои́стиннꙋ бо до конца̀ претерпѣ̀ въ зако́нѣ гдⷭ҇ни, и҆ нꙋ́жднꙋю под̾ѧ́тъ сме́рть рꙋка́ми ᲂу҆бі́йственными. И҆ къ немꙋ̀ возопїи́мъ: многострада́льне и҆ пребл҃же́нне, ѻ҆би́тель ю҆́же возлюби́лъ є҆сѝ, въ не́йже чⷭ҇тны̑мъ твои̑мъ моще́мъ ста́ти и҆зво́лилъ є҆сѝ, и҆ ста́до є҆́же собра́лъ є҆сѝ, сохранѧ́й и҆ покрыва́й, ꙗ҆́кѡ и҆мѣ́ѧ ко хрⷭ҇тꙋ̀ дерзнове́нїе."
|
|
},
|
|
{
|
|
"type": "HEADER",
|
|
"value": "И҆ нн҃ѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Безъ сѣ́мене ѿ бжⷭ҇твеннагѡ дх҃а, во́лею же ѻ҆́тчею зачала̀ є҆сѝ сн҃а бж҃їѧ: ѻ҆ц҃а̀ безъ ма́тере пре́жде вѣ̑къ сꙋ́ща, на́съ же ра́ди и҆зъ тебѐ безъ ѻ҆ц҃а̀ бы́вша, пло́тїю родила̀ є҆сѝ, и҆ младе́нца млеко́мъ пита́ла є҆сѝ. Тѣ́мже непреста́й моли́ти, и҆зба́витисѧ ѿ бѣ́дъ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На бл҃гослове́нїи хлѣ́бѡвъ: тропа́рь, гла́съ д҃."
|
|
},
|
|
{
|
|
"type": "TEXT",
|
|
"value": "Въ терпѣ́нїи добрострада́льныхъ по́двигъ твои́хъ, многоѻбра̑зныѧ ра̑ны претерпѣ́лъ є҆сѝ: и҆ по кончи́нѣ свое́й вѣне́цъ ѿ бг҃а съ мч҃ническими ли́ки воспрїе́млеши, и҆ въ землѝ кро́ткихъ досто́йнѡ водворѧ́ешисѧ бл҃же́нне, ѿ на́съ хрⷭ҇та̀ бг҃а молѝ, дарова́ти дꙋша́мъ на́шымъ ве́лїю ми́лость. Два́жды."
|
|
},
|
|
{
|
|
"type": "TEXT",
|
|
"value": "И҆ Бцⷣе дв҃о: Є҆ди́ножды."
|
|
},
|
|
{
|
|
"type": "HEADER",
|
|
"value": "На ᲂу҆́трени, По а҃ стїхосло́вїи, сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ка́мени запеча́таннꙋ:"
|
|
},
|
|
{
|
|
"type": "TEXT",
|
|
"value": "Ра́ка твоѧ̀ свѧ́те, дрꙋгі́й бы́сть сїлѡа́мъ, и҆̀же вѣ́рою приходѧ́щымъ разли́чныхъ недꙋ́гѡвъ и҆сцѣлє́нїѧ точи́тъ. Сегѡ̀ ра́ди се́рбскаѧ племена̀ всѧ̑ въ па́мѧти твое́й ра́дꙋютсѧ, и҆ во хвале́нїи зовꙋ́тъ тебѣ̀: сла́ва просла́вльшемꙋ тѧ̀, сла́ва вѣнча́вшемꙋ тѧ̀, сла́ва дѣ́йствꙋющемꙋ тобо́ю пресла́внаѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ нн҃ѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Мт҃рь тѧ̀ бж҃їю свѣ́мы всѝ дв҃ꙋ вои́стиннꙋ, и҆ по рождествѣ̀ ꙗ҆́вльшꙋюсѧ, и҆̀же любо́вїю прибѣга́ющїи къ твое́й бла́гости, тебе́ бо и҆́мамы грѣ́шнїи предста́тельство, тебѐ стѧжа́хомъ въ напа́стехъ спасе́нїе: є҆ди́нꙋ всенепоро́чнꙋю."
|
|
},
|
|
{
|
|
"type": "HEADER",
|
|
"value": "По в҃ стїхосло́вїи, сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Оу҆диви́шасѧ а҆́гг҃ли, па́че є҆сте́ственное зрѧ́ще, на тебѣ̀ быва́емо, ѿ црⷭ҇твїѧ преходѧ́ща въ нбⷭ҇наѧ црⷭ҇твїѧ: ᲂу҆жасо́шасѧ бѣ́сове, вѣнцено́сца тѧ̀ ви́дѧще, є҆го́же бо мнѧ́хꙋ страда́нми низложи́ти, си́мъ посра́мльшесѧ падо́ша, и҆́же сего̀ тогда̀ ᲂу҆крѣпи́вый, просвѣтѝ дꙋ́шы на́шѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ нн҃ѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Оу҆диви́сѧ і҆ѡ́сифъ є҆́же па́че є҆стества̀ зрѧ̀, и҆ внима́ше мы́слїю и҆́же на рꙋно̀ до́ждь, въ безсѣ́менномъ зача́тїи твое́мъ бцⷣе, кꙋпинꙋ̀ ѻ҆гне́мъ неѡпали́мꙋю, же́злъ а҆арѡ́новъ прозѧ́бшїй, и҆ свидѣ́тельствꙋѧ ѡ҆брꙋ́чникъ тво́й и҆ храни́тель, сщ҃е́нникѡмъ взыва́ше: дв҃а ражда́етъ, и҆ по рождествѣ̀ па́ки дв҃ою пребыва́етъ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ дѣ́вства."
|
|
},
|
|
{
|
|
"type": "TEXT",
|
|
"value": "Красе́нъ ѻ҆ч҃ествꙋ твоемꙋ̀, и҆ вселе́ннѣй благоцвѣтꙋ́щъ, вои́стиннꙋ цвѣ́тъ показа́лсѧ є҆сѝ: ѻ҆́чи всѣ́хъ ᲂу҆́мныѧ и҆ се́рдєчнаѧ привлача̀ разꙋмѣ́нїѧ, къ добро́тѣ твои́хъ и҆справле́нїй. Тѣ́мже ᲂу҆дивлѧ́еми ѿ ᲂу҆се́рдїѧ зове́мъ тѝ: ра́дꙋйсѧ деча́нѡмъ похвало̀ нело́жнаѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Красотѣ̀ дѣ́вства твоегѡ̀, и҆ пресвѣ́тлой чистотѣ̀ твое́й гаврїи́лъ ᲂу҆диви́всѧ вопїѧ́ше тѝ бцⷣе: кꙋ́ю тѝ похвалꙋ̀ принесꙋ̀ досто́йнꙋю; что́ же воз̾именꙋ́ю тѧ̀; недоꙋмѣва́ю и҆ ᲂу҆жаса́юсѧ. Тѣ́мже ꙗ҆́кѡ повелѣ́нъ бы́лъ, вопїю́ ти: ра́дꙋйсѧ благода́тнаѧ."
|
|
},
|
|
{
|
|
"type": "HEADER",
|
|
"value": "Степе́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́ши бж҃е гла́съ мо́й."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ лꙋкѝ, зача́ло ѯ҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀, стїхи́ра, гла́съ ѕ҃."
|
|
},
|
|
{
|
|
"type": "TEXT",
|
|
"value": "Дне́съ цр҃ковь ѡ҆зарѧ́етсѧ страстоте́рпца лꙋча́ми, и҆ ꙗ҆́кѡ цвѣ́ты ᲂу҆краша́ема, во весе́лїи хва́литсѧ, ꙗ҆́снымъ гла́сомъ вѣща́ющи: такова̀ моѧ̀ рожде́нїѧ, таковѝ моегѡ̀ чре́ва сы́нове. И҆̀хже породи́хъ креще́нїемъ, воспита́хъ же мле́комъ благоче́стїѧ, и҆ мч҃ники содѣ́лахъ и҆́стинны: да мо́лѧтсѧ ѡ҆ вселе́ннѣй ко гдⷭ҇ꙋ."
|
|
},
|
|
{
|
|
"type": "HEADER",
|
|
"value": "Канѡ́нъ, гла́съ а҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Но́вомꙋ мч҃никꙋ, но́вꙋ приношꙋ̀ да́ра пѣ́снь."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̀ побѣди́тельнаѧ десни́ца бг҃олѣ́пнѡ въ крѣ́пости просла́висѧ. Та́ бо безсме́ртне, ꙗ҆́кѡ всемогꙋ́щаѧ, проти̑вныѧ сотрѐ: і҆и҃льтѧнѡмъ пꙋ́ть глꙋбины̀ новосодѣ́лавшаѧ."
|
|
},
|
|
{
|
|
"type": "TEXT",
|
|
"value": "Новоѧвле́нна ꙗ҆́кѡ сл҃нце, и҆знесѐ тѧ̀ за́паднаѧ страна̀, зарѧ́ми свѣтолꙋ́чными стефа́не, концы̀ ѡ҆сїѧва́юща и҆ та́йнѡ просвѣща́юща, гдⷭ҇ви побѣ́днꙋю пѣ́снь пою́щихъ."
|
|
},
|
|
{
|
|
"type": "TEXT",
|
|
"value": "Ѻ҆́чи стѧжа́въ ᲂу҆́мныѧ, лише́нїемъ чꙋ́вственныхъ, ны́нѣ зри́ши ꙗ҆́снѡ, ꙗ҆̀же ѻ҆́ко не ви́дѣ, по а҆пⷭ҇лꙋ, и҆ на се́рдце чл҃кꙋ не взыдо́ша, ꙗ҆̀же тебѣ̀ дадѐ хрⷭ҇то́съ, того̀ возлю́бльшемꙋ."
|
|
},
|
|
{
|
|
"type": "TEXT",
|
|
"value": "Вои́стиннꙋ, речѐ соломѡ́нъ, па́мѧть пра́веднагѡ съ похвала́ми: се́ бо ны́нѣ собра́шасѧ разли́чныхъ ꙗ҆зы̑къ ро́дове, хвала́ми вѣнчава́юще стефа́новъ ве́рхъ нетлѣ́нный."
|
|
},
|
|
{
|
|
"type": "TEXT",
|
|
"value": "Ѡ҆чи́стивъ ᲂу҆́мъ и҆ се́рдце, и҆ дш҃ꙋ свобо́днꙋ содѣ́лавъ сла́вне, бы́лъ є҆сѝ сосꙋ́дъ и҆збра́нный, досто́инъ бж҃їѧ посѣще́нїѧ тѣ́мже и҆ прише́дъ хрⷭ҇то́съ, съ ѻ҆ц҃е́мъ и҆ дх҃омъ, ѻ҆би́тель въ тебѣ̀ сотворѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гора̀ высока̀, ю҆́же ви́дѣ данїи́лъ, ѿ неѧ́же ка́мень ѿсѣче́сѧ, мꙋ́жескихъ рꙋ́къ кромѣ̀, тебѐ проѡбразова̀ бцⷣе. Безъ мꙋ́жа бо на́мъ пло́тїю породила̀ є҆сѝ є҆мманꙋ́ила."
|
|
},
|
|
{
|
|
"type": "HEADER",
|
|
"value": "Катава́сїа, по ᲂу҆ста́вꙋ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆ди́не вѣ́дый чл҃ческагѡ сꙋщества̀ не́мощь, и҆ млⷭ҇тивнѡ въ нѐ воѡбра́жсѧ, препоѧ́ши мѧ̀ съ высоты̀ си́лою, є҆́же вопи́ти тебѣ̀ свѧты́й: ѡ҆дꙋшевле́нный хра́ме, неизрече́нныѧ сла́вы твоеѧ̀ человѣколю́бче."
|
|
},
|
|
{
|
|
"type": "TEXT",
|
|
"value": "Млеко̀ сса́въ премꙋ́дрости, ѿ ю҆́ностнагѡ бл҃же́нне во́зраста, и҆ въ стра́сѣ бж҃їи поꙋча́ѧсѧ при́снѡ, преплы́лъ є҆сѝ житїѧ̀ пꙋчи́нꙋ, хрⷭ҇та̀ и҆мѣ́ѧ ко́рмчїѧ: и҆́же и҆ наста́ви тѧ̀ въ небе́снаѧ бл҃га́ѧ приста́нища."
|
|
},
|
|
{
|
|
"type": "TEXT",
|
|
"value": "Оу҆че́нїю внима́ѧ є҆ѵⷢ҇льскомꙋ пребога́те, бл҃жа́щемꙋ млⷭ҇тивыѧ, млⷭ҇тивъ бы́лъ є҆сѝ и҆ кро́токъ. Тѣ́мже и҆ поми́лованъ бы́въ, зе́млю наслѣ́довалъ є҆сѝ, крѡ́ткимъ ᲂу҆гото́ваннꙋю."
|
|
},
|
|
{
|
|
"type": "TEXT",
|
|
"value": "Моли́твами прилѣ́жными привле́клъ є҆сѝ ᲂу҆тѣ́шителѧ, и҆́же и҆ всели́всѧ въ чⷭ҇тꙋю твою̀ дꙋ́шꙋ, свѣтови́дна всего̀ тѧ̀ содѣ́ла, стра́шна же и҆ чꙋ́дна всѣ̑мъ и҆̀же ѻ҆́крестъ царе́мъ, въ на́шꙋ похвалꙋ̀ и҆ торжество̀."
|
|
},
|
|
{
|
|
"type": "TEXT",
|
|
"value": "Оу҆стыдѣ́сѧ твои́хъ слове́съ бг҃овѣща́нныхъ и҆ премꙋ́дрыхъ самоде́ржецъ гре́ческїй, и҆ собо́ръ ст҃и́тельскїй: не терпѧ́ше бо зрѣ́ти ѕлосла̑вныѧ, ꙗ҆́кѡ во́лки посредѣ̀ ста́да благочести́выхъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Речѐ бжⷭ҇твенный і҆езекїи́ль: и҆ бꙋ́детъ две́рь затворе́на. Сїѐ на тебѣ̀ и҆спо́лнисѧ влады́чице, вни́де бо несказа́ннѡ въ тѧ̀ ѻ҆́ч҃ее сло́во и҆ мі́рови ꙗ҆ви́сѧ и҆зъ тебѐ пло́тїю, дв҃ꙋ тѧ̀ сохрани́въ во ѻ҆бои́хъ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости сло́ва:"
|
|
},
|
|
{
|
|
"type": "TEXT",
|
|
"value": "Премꙋ́дрости рачи́тель бы́въ, и҆ сокро́вище добродѣ́телей, ѿѻнꙋ́дꙋже и҆ поче́рплъ є҆сѝ бж҃е́ственнаѧ разꙋмѣ̑нїѧ, и҆ ѡ҆ тлѣ́ющихъ нерадѣ́въ, нетлѣ́ннымъ внима́лъ є҆сѝ. Тѣ́мже и҆ ꙗ҆̀же возлюби́лъ сїѧ̀ по кончи́нѣ наслѣ́довалъ є҆сѝ, прїе́млѧ досто́йныѧ мзды̀ дѣ́ланїемъ, ѿ правосꙋ́дѧщагѡ всѧ̀ про́мысла. Сегѡ̀ ра́ди вопїе́мъ тѝ: молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти, покланѧ́ющымсѧ вѣ́рою свѧты̑мъ моще́мъ твои̑мъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва: и҆ ны́нѣ: бг҃оро́диченъ."
|
|
},
|
|
{
|
|
"type": "TEXT",
|
|
"value": "Помышлѧ́ю сꙋ́дъ и҆ бою́сѧ и҆стѧза́нїѧ, трепе́щꙋ стра́шныѧ и҆ ᲂу҆жа́сныѧ мꙋ́ки, ѻ҆гнѧ̀, болѣ́зни, тмы́ же и҆ тарта́ра: ᲂу҆вы̀, что̀ сотворю̀; стꙋ́дъ ка́кѡ претерплю̀; є҆гда̀ кни̑ги ѿве́рзꙋтсѧ, и҆ дѣѧ̑нїѧ ѡ҆блича́тсѧ: сегѡ̀ ра́ди припа́даю тѝ, бцⷣе пречⷭ҇таѧ: тогда̀ предста́ни мѝ, нꙋ́жды ѻ҆́ныѧ и҆з̾има́ющи, тебе́ бо и҆́мамы прибѣ́жище влады́чице."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Го́рꙋ тѧ̀ благода́тїю бж҃їею приѡсѣне́ннꙋю, прозорли́выма а҆ввакꙋ́мъ ᲂу҆смотри́въ ѻ҆чи́ма, и҆зъ тебѐ и҆зы́ти і҆и҃левꙋ провозглаша́ше свѧто́мꙋ, во спасе́нїе на́ше и҆ ѡ҆бновле́нїе."
|
|
},
|
|
{
|
|
"type": "TEXT",
|
|
"value": "Чл҃къ ᲂу҆́бѡ стефа́нъ по є҆стествꙋ̀, но па́че чл҃ка ре́вностїю, ꙗ҆́коже дрꙋгі́й и҆лїа̀, казнѧ̀ нечести̑выѧ, и҆ снабдѣва́ѧ правосла̑вныѧ: є҆ретїкѡ́въ же ча̑да, ꙗ҆́кѡ дш҃егꙋ̑бныѧ во́лки, ѿ свои́хъ предѣ̑лъ ѿгонѧ́етъ."
|
|
},
|
|
{
|
|
"type": "TEXT",
|
|
"value": "Є҆́же ᲂу҆́бѡ по ѻ҆́бразꙋ до́брѣ соблюдѐ стефа́нъ вои́стиннꙋ, но и҆ є҆́же по подо́бїю въ таковѣ́мъ пла́ванїи житїѧ̀ на́шегѡ мо́ри: ᲂу҆́мъ бо влады́кꙋ страсте́мъ ᲂу҆стро́и, зовы́й съ весе́лїемъ дш҃и: сла́ва си́лѣ твое́й гдⷭ҇и."
|
|
},
|
|
{
|
|
"type": "TEXT",
|
|
"value": "Нижѐ ско́рбь, ни тѣснота̀, нижѐ заточе́нїе многолѣ́тное, ни и҆збоде́нїе ѻ҆че́съ твоѐ возмого́ша поколеба́ти ѡ҆ влады́цѣ жела́нїе, но пребы́лъ є҆сѝ неизмѣне́нъ, зовы́й съ весе́лїемъ: сла́ва си́лѣ твое́й гдⷭ҇и."
|
|
},
|
|
{
|
|
"type": "TEXT",
|
|
"value": "И҆мѣ́ѧ ко влады́цѣ твое́мъ великомч҃ниче дерзнове́нїе, вселе́ннѣй ми́ръ и҆спросѝ, твоегѡ̀ ѻ҆ч҃ества хорꙋ́гви ᲂу҆крѣпѝ на варва́ры безбѡ́жныѧ, и҆ тишинꙋ̀ да́рꙋй твои̑мъ лю́демъ: и҆́бо и҆ съ на́ми є҆гда̀ бы́лъ є҆сѝ, ми́рно ᲂу҆строе́нїе на́ше и҆мѣ́ѧше жи́тельство."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆з̾ѡбра́зоваше и҆ногда̀ дре́внѧгѡ і҆и҃лѧ въ чермнѣ́мъ проше́ствїе твоѐ непостижи́мое рождество̀. Ꙗ҆́коже бо ѻ҆́нъ немо́кренными стопа́ми про́йде бе́зднꙋ морскꙋ́ю: та́кѡ и҆ хрⷭ҇то́съ дв҃о безъ сѣ́мене ѿ пречⷭ҇тыхъ твои́хъ крове́й произы́де."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣти́вый сїѧ́нїемъ прише́ствїѧ твоегѡ̀ хрⷭ҇тѐ, и҆ ѡ҆свѣти́вый крⷭ҇то́мъ твои́мъ мі́ра концы̀. Сердца̀ просвѣтѝ свѣ́томъ твоегѡ̀ бг҃оразꙋ́мїѧ, правосла́внѡ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Къ црⷭ҇твїю ѻ҆́бласть, и҆ ᲂу҆чи́тельства да́ръ приложи́сѧ тебѣ̀: вѣща́ѧ бо поле́знаѧ, всѣ́хъ сердца̀ привле́клъ є҆сѝ къ вѣ́рѣ и҆́стиннѣй, плодоно́сныхъ показа́въ, и҆ ꙗ҆́кѡ сотвори́въ и҆ наꙋчи́въ, вели́къ ѡ҆брѣ́лсѧ є҆сѝ во црⷭ҇твїи небе́снѣмъ."
|
|
},
|
|
{
|
|
"type": "TEXT",
|
|
"value": "Оу҆́жасъ ѡ҆б̾е́млетъ мѧ̀ слы́шаща, непра́ведныхъ тѝ сме́рти ѻ҆́бразы: но ра́дость прїе́млетъ мѧ̀, чтⷭ҇ны̑ѧ твоѧ̑ мо́щи зрѧ́ща. Вои́стиннꙋ бо по вели́комꙋ а҆пⷭ҇лꙋ, недосто́йна страда́нїѧ ны́нѣшнѧгѡ вре́мене, ко ѿкры́вшейсѧ сла́вѣ на тебѣ̀."
|
|
},
|
|
{
|
|
"type": "TEXT",
|
|
"value": "Не бы́лъ є҆сѝ ме́ншїй вѣ́рою и҆ жела́нїемъ бж҃е́ственнымъ сѷмеѡ́на и҆ са́ввы, свѧще́нныхъ и҆ бг҃оно́сныхъ твои́хъ ѻ҆ц҃ъ: но си́ми ᲂу҆́бѡ и҆ и҆́нѣми добродѣ́тельми подо́бенъ и҆̀мъ бы́лъ є҆сѝ: превозше́лъ же є҆сѝ тѣ́хъ и҆́менемъ и҆ вѣнце́мъ мч҃ническимъ."
|
|
},
|
|
{
|
|
"type": "TEXT",
|
|
"value": "Ѻ҆́чи всѣ́хъ ни́щихъ на тѧ̀ ᲂу҆пова́хꙋ, ꙗ҆́коже къ бг҃ꙋ, речѐ дв҃дъ, и҆ ты̀ даѧ́лъ є҆сѝ пи́щꙋ и҆̀мъ, ꙗ҆́кѡ бж҃їй слꙋжи́тель предъ ѻ҆чи́ма гдⷭ҇нима. Тѣ́мже и҆ наслѣ́довалъ є҆сѝ бл҃же́нне, ᲂу҆гото́ванное млⷭ҇тивымъ црⷭ҇твїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гора̀ сїна́йскаѧ дре́вле ѻ҆́бразъ показа̀ непостижи́магѡ твоегѡ̀ ржⷭ҇тва̀, законода́вцꙋ въ кꙋпинѣ̀. И҆́бо ѻ҆́гнь та́мѡ неѡпалѝ кꙋпинꙋ̀, нижѐ здѣ̀ бг҃ороди́тельнице, ѻ҆́гнь бжⷭ҇тва̀ твою̀ бг҃овмѣсти́мꙋю ᲂу҆тро́бꙋ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆бы́де на́съ послѣ́днѧѧ бе́здна, нѣ́сть и҆збавлѧ́ѧй: вмѣни́хомсѧ ꙗ҆́кѡ ѻ҆вцы̀ заколе́нїѧ: сп҃сѝ лю́ди твоѧ̑ бж҃е на́шъ: ты́ бо крѣ́пость немощствꙋ́ющихъ и҆ и҆справле́нїе."
|
|
},
|
|
{
|
|
"type": "TEXT",
|
|
"value": "Во бра́нехъ до́блественъ бы́лъ є҆сѝ, сопроти́вныхъ побѣжда́ѧ, не щи́томъ ни копїе́мъ: не на лꙋ́къ бо тво́й ᲂу҆пова́лъ є҆сѝ когда̀, но чтⷭ҇ны́хъ рꙋ́къ воздѣѧ́нїемъ, ꙗ҆́коже мѡѷсе́й а҆мали́ка въ пꙋсты́ни, и҆ мл҃твою го́рдыхъ низлага́лъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆блажи́ша тѧ̀ цр҃їе, блгⷭ҇ви́ша ст҃и́телїе, слы́шаще пресла̑внаѧ твоѧ̑ и҆справлє́нїѧ: ѻ҆́бразъ бо и҆ надписа́нїе къ добродѣ́тели стѧжа́ша тѧ̀, и҆ нн҃ѣ вѣ́рою приходѧ́ще, чтⷭ҇ны̑мъ стопа́мъ покланѧ́ютсѧ."
|
|
},
|
|
{
|
|
"type": "TEXT",
|
|
"value": "Прине́слсѧ є҆сѝ же́ртва непоро́чнаѧ, на́съ ра́ди поже́ршемꙋсѧ, срⷣчною чистото́ю и҆ неѕло́бїемъ: и҆ всесожже́нїе и҆́стинное, ст҃о и҆ ѡ҆дш҃евле́нно, мч҃ническимъ и҆схо́домъ заколе́нїе соверше́нно бг҃ови."
|
|
},
|
|
{
|
|
"type": "TEXT",
|
|
"value": "Разжже́нїе стрѣлы̀ неви́димагѡ стрѣльца̀, тебѣ̀ прирази́вшеесѧ стефа́не, погаси́лъ є҆сѝ бл҃года́рственнымъ терпѣ́нїемъ, и҆ недѣ́йственна показа́лъ є҆сѝ: дѣ́лы на́съ наꙋча́ѧ, терпѣ́нїемъ того̀ ко́зни побѣжда́ти."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѻ҆́бразы подоба́ше пе́рвѣе пречⷭ҇томꙋ твоемꙋ̀ прописа́тисѧ ржⷭ҇твꙋ̀, є҆́же и҆ предвозвѣстѝ и҆́же при нѡ́и ковче́гъ: ꙗ҆́коже бо ѻ҆́нъ бг҃ороди́тельнице ѿ пото́па сохранѝ ѡ҆ста́нокъ ро́да, си́це и҆ сїѐ ѿ пото́па грѣхо́внагѡ сп҃сѐ чл҃чество."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Дрꙋга́гѡ кѡнстанті́на стѧжа̀ тѧ̀ цр҃ковь бл҃гоче́стїемъ блаже́нне, кро́тостїю, пра́вдою и҆ млⷭ҇тынѧми: но и҆ великомч҃ника и҆ страда́льца и҆́стинна. Тѣ́мже и҆ тобо́ю красѧ́щисѧ вопїе́тъ: стефа́нъ мнѣ̀ похвала̀ и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "І҆́косъ: До́брый влⷣка, бг҃ъ и҆ созда́тель, ꙗ҆́коже въ при́тчи є҆ѵⷢ҇льской речѐ ѡ҆ дѣ́лателехъ вїногра́да, тогѡ̀ за́повѣдей сп҃си́тельныхъ коего́ждо во своѐ вре́мѧ дѣ́лавша, и҆ мздꙋ̀ прїе́мша: и҆знесѐ нн҃ѣ во є҆динонадесѧ́тый ча́съ къ концꙋ̀ лѣ́тѡмъ, и҆ въ са́мое соверше́нїе ты́сѧщамъ вели́каго сего̀ мч҃ника и҆ цр҃ѧ̀: своемꙋ̀ ѻ҆те́чествꙋ непоколеби́мое забра́ло, и҆ свое́й ѻ҆би́тели нерꙋши́мꙋю стѣнꙋ̀, и҆ гри́внꙋ всезлатꙋ́ю цр҃кви. ю҆́же и҆ носѧ́щи, съ на́ми зове́тъ є҆диногла́снѡ: стефа́нъ мнѣ̀ похвала̀ и҆ ᲂу҆твержде́нїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Тебѐ ᲂу҆́мнꙋю бцⷣе пе́щь, разсмотрѧ́емъ вѣ́рнїи: ꙗ҆́коже бо ѻ҆́троки спасѐ трѝ превозноси́мый, мі́ръ ѡ҆бнови́ бо чре́вѣ твое́мъ всецѣ́лъ, хва́льный ѻ҆ц҃є́въ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "І҆и҃съ наѵи́нъ и҆ногда̀ а҆́гг҃ла ви́дѣ, повелѣва́юща є҆мꙋ̀ и҆зꙋ́ти сапо́гъ но́гꙋ свое́ю, мѣ́стꙋ бо гл҃аше, ст҃ꙋ бы́ти: ты́ же всеблаже́нне, нїкола́а ви́дѣлъ є҆сѝ вели́каго, пло́ти совлещи́сѧ повелѣва́юща, и҆ въ землѝ ст҃ѣ́й присели́тисѧ."
|
|
},
|
|
{
|
|
"type": "TEXT",
|
|
"value": "Нощна̑ѧ твоѧ̑ хождє́нїѧ, и҆ ꙗ҆̀же ѡ҆ ка́мень ча̑стаѧ претыка́нїѧ, ꙗ҆̀же под̾ѧ́лъ є҆сѝ ни́щыѧ посѣща́ѧ, лѣ́ствицы тебѣ̀ ᲂу҆стро́ишасѧ, и҆ степе́нь къ нбⷭ҇нымъ, и҆́миже къ самомꙋ̀ бг҃ꙋ дости́глъ є҆сѝ: тогѡ̀ десни́цею вѣнчава́емь."
|
|
},
|
|
{
|
|
"type": "TEXT",
|
|
"value": "Ѻ҆боѝ ᲂу҆́бѡ на тебѣ̀ вѣнцы̀ блаже́нне стеко́шасѧ, црⷭ҇твїѧ кꙋ́пнѡ и҆ мч҃ничества: ѻ҆бои́хъ бо чи́нъ соблю́лъ є҆сѝ. Тѣ́мже царе́й є҆сѝ похвала̀, и҆ мч҃никѡвъ красота̀: своеѧ́ же ѻ҆би́тели ѕвѣзда̀ многосвѣ́тлаѧ."
|
|
},
|
|
{
|
|
"type": "TEXT",
|
|
"value": "Широта̀ землѝ и҆ долгота̀ со мно́гихъ ꙗ҆зы́къ ро́ды, тебѣ̀ ввѣ́рисѧ ѿ бг҃а, ѿ заточе́нїѧ призва́вшагѡ тѧ̀. ю҆́же и҆ соблю́лъ є҆сѝ до́брѣ во благоче́стїи и҆ въ зако́нѣхъ пра́ведныхъ. Тѣ́мже и҆ мздꙋ̀ прїѧ́лъ є҆сѝ досто́йнꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Роди́выйсѧ соприсносꙋ́щенъ бг҃ꙋ и҆ ѻ҆ц҃ꙋ̀, бг҃ъ сло́во, бцⷣе, и҆ съ на́ми бг҃ъ чл҃къ, тобо́ю сни́де къ на́шемꙋ смире́нїю, ѿ клѧ́твы пра́дѣднїѧ: тебе́ бо ви́дѣ і҆а́кѡвъ лѣ́ствицꙋ до нбⷭ҇ъ досѧ́жꙋщꙋ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ ѻ҆́троцы і҆и҃левы, ꙗ҆́коже въ горни́лѣ добро́тою благоче́стїѧ, чи́стѣе зла́та блеща́хꙋсѧ, гл҃юще: блгⷭ҇ви́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆стнѣ̀ ᲂу҆́бѡ дви́жа и҆ рꙋ́цѣ въ мл҃твахъ воздѣва́ѧ,ѻ҆́чи же гдⷭ҇ни призира́хꙋ, и҆ тогѡ̀ ᲂу҆́ши мл҃твꙋ послꙋ́шахꙋ: и҆ хотѣ̑нїѧ твоѧ̑ бл҃га̑ѧ пресла́внѡ соверша́хꙋсѧ."
|
|
},
|
|
{
|
|
"type": "TEXT",
|
|
"value": "Да́ръ че́стенъ вои́стиннꙋ, принесе́ тѧ гдⷭ҇ви, благоро́дное твоѐ ѻ҆те́чество, па́че дарѡ́въ а҆́велевыхъ, и҆ же́ртвъ нѡ́евыхъ: на всѧ́къ бо де́нь сокрꙋше́нїемъ дх҃а, же́ртва бы́лъ є҆сѝ созда́телю."
|
|
},
|
|
{
|
|
"type": "TEXT",
|
|
"value": "А҆га́рѧнскаѧ ча̑да блаже́нне подъ но́ги гдⷭ҇амъ на́шымъ подложѝ: се́ бо ча́сть достоѧ́нїѧ твоегѡ̀ безвѣ́стнꙋ тща́всѧ сотвори́ти, но предвари́въ, досто́йною накажѝ ка́знїю."
|
|
},
|
|
{
|
|
"type": "TEXT",
|
|
"value": "Разшири́ша ᲂу҆ста̀ своѧ̑ ꙗ҆́кѡ ѕвѣ́рїе, спѣша́ще твоѐ поглоти́ти ѻ҆те́чество і҆смаили́те безбо́жнїи: си́лою ᲂу҆́бѡ твое́ю си́хъ низложѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆са́їа ви́дѣ тѧ̀ клещꙋ̀ ᲂу҆́глѧ бжⷭ҇твеннагѡ, проро́ческима ѻ҆трокови́це ѻ҆чи́ма, тогѡ̀ ᲂу҆стна́мъ каса́ющасѧ, и҆ грѣхѝ ѡ҆ставлѧ́юща: и҆́бо и҆зъ тебѐ бг҃ъ вочл҃вѣ́чисѧ, мі́ра грѣхѡ́въ ѡ҆ставле́нїе."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́бразъ чⷭ҇тагѡ ржⷭ҇тва̀ твоегѡ̀, ѻ҆гнепали́маѧ кꙋпина̀ показа̀ неѡпа́льнаѧ, и҆ ны́нѣ на на́съ свирѣ́пѣющꙋю ᲂу҆гаси́ти мо́лимсѧ пе́щь: да тѧ̀ бцⷣе непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "А҆́ще и҆ ѿ на́съ преста́вленъ бы́лъ є҆сѝ ꙗ҆́коже и҆лїа̀, но на́мъ ѡ҆ста́вилъ є҆сѝ ст҃ы́ѧ твоѧ̀ мо́щи, ꙗ҆́коже ми́лѡть чтⷭ҇нѣ́йшꙋю: и҆́миже на́съ страда́льче покрыва́й, ѿ всѧ́кагѡ вреда̀ дꙋшетлѣ́ннагѡ."
|
|
},
|
|
{
|
|
"type": "TEXT",
|
|
"value": "Па́че зла́та и҆ топа́зїа, ра́ка моще́й твои́хъ на́мъ ꙗ҆ви́сѧ: па́мѧть же твоѧ̀ сла́внаѧ, па́че со́та медо́внагѡ, горта́немъ на́шимъ ᲂу҆слади́сѧ, въ не́йже на́съ ѡ҆сїѧва́ютъ а҆́гг҃ли съ тобо́ю сходѧ́ще."
|
|
},
|
|
{
|
|
"type": "TEXT",
|
|
"value": "Ю҆́же жела́хомъ па́мѧть свѣтоно́снꙋю твою̀, и҆ сладча́йшꙋю прїѧ́хомъ и҆ ѡ҆блобыза́хомъ, и҆ мо́лимсѧ бл҃же́нне твои́мъ ко хрⷭ҇тꙋ̀ дерзнове́нїемъ, сохранѧ́й и҆ сп҃са́й ста́до твоѐ."
|
|
},
|
|
{
|
|
"type": "TEXT",
|
|
"value": "Сїю̀ ю҆́же стѧжа́лъ є҆сѝ ѻ҆би́тель, ю҆́же возлюби́лъ є҆сѝ, и҆ ю҆́же многоꙋсе́рднѣ ᲂу҆краси́лъ є҆сѝ стефа́не: и҆ нн҃ѣ мощмѝ твои́ми просла́вилъ є҆сѝ, и҆ ста́до є҆́же въ не́й, мл҃твами твои́ми ѡ҆кормлѧ́еши."
|
|
},
|
|
{
|
|
"type": "TEXT",
|
|
"value": "Не и҆́мамы и҆́нагѡ къ бг҃ꙋ хода́таѧ, и҆̀же твоеѧ̀ ѻ҆би́тели и҆́ноцы, то́кмѡ тебѐ стефа́не, на́съ собра́вшагѡ. И҆ мо́лимъ тѧ̀ прилѣ́жнѡ: и҆ та́мѡ на́съ неразлꙋчѝ, ѿ дарова́нныѧ тѝ сла́вы ѿ бг҃а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆го́же всѝ проро́цы, рече́нїѧми кꙋ́пнѡ, и҆ гада́ньми предвозвѣсти́ша, всецр҃це хотѧ́ща роди́тисѧ, и҆ спастѝ чл҃вѣ́чество: сего̀ ты̀ заче́нши несказа́ннѡ, неизрече́ннѡ породи́ла є҆сѝ бцⷣе: проро́кѡвъ бы́вши сбытїѐ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Пло́тїю ᲂу҆снꙋ́въ:"
|
|
},
|
|
{
|
|
"type": "TEXT",
|
|
"value": "Позлаще́нныма крыло́ма добродѣ́телей, къ бг҃ꙋ возлетѣ́въ стефа́нъ на́съ назира́етъ. И҆́же па́мѧть є҆гѡ̀ творѧ́щихъ: и҆ свѣ́та и҆сполнѧ́етъ невеще́ственнагѡ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ:"
|
|
},
|
|
{
|
|
"type": "TEXT",
|
|
"value": "Да́лъ є҆сѝ ᲂу҆твержде́нїе лю́бѧщымъ тѧ̀ гдⷭ҇и, страда́льца твоего̀ до́блѧго, и҆́мже подви́глъ на́съ къ терпѣ́нїю напа́стемъ, и҆ си́мъ низложи́лъ є҆сѝ твоегѡ̀ созда́нїѧ ра́тника, тѣ́мже твоѐ бж҃е́ственное смотре́нїе сла́вимъ: і҆и҃се всеси́льне, сп҃се дш҃ъ на́шихъ. Два́жды."
|
|
},
|
|
{
|
|
"type": "TEXT",
|
|
"value": "Да́лъ є҆сѝ ᲂу҆краше́нїе деча́нской цр҃кви гдⷭ҇и, стефа́на твоего̀ ᲂу҆го́дника, чꙋдеса̀ содѣва́юща, и҆ и҆сцѣле́нїѧ точа́ща, во сла́вꙋ твои́хъ дарова́нїй, тѣ́мже твоѐ бж҃е́ственное смотре́нїе сла́вимъ, и҆̀же ѿ негѡ̀ со́браннїи: і҆и҃се всеси́льне, сп҃се дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Да́лъ є҆сѝ ᲂу҆добре́нїе сє́рбскимъ царе́мъ гдⷭ҇и, стефа́на премꙋ́драго, тогѡ̀ ревнова́ти дѣ́ланїемъ, ꙗ҆́же къ тебѣ̀ любвѝ созда́вшемꙋ, и҆ и҆́же къ стра́ждꙋщымъ млⷭ҇ти, тѣ́мже твоѐ бж҃е́ственное смотре́нїе сла́вимъ: і҆и҃се всеси́льне, сп҃се дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃."
|
|
},
|
|
{
|
|
"type": "TEXT",
|
|
"value": "Прїи́дите и҆́ночестїи ли́цы, дх҃о́внѡ возвесели́мсѧ, и҆ кївѡ́тъ ѻ҆́крестъ ѡ҆бстꙋ́пльше. Пѣ́снми воспои́мъ похва́льными, благоговѣ́йнѡ ᲂу҆стна́ми, ст҃ы́мъ прикаса́ющесѧ моще́мъ, и҆ къ слеза́мъ мольбꙋ̀ смѣси́вше, къ немꙋ̀ возопїи́мъ: хрⷭ҇то́въ ᲂу҆го́дниче стефа́не, и҆ чꙋдотво́рче вои́стиннꙋ, на́съ, и҆́хже собра́лъ є҆сѝ здѣ̀, и҆ та́мѡ соберѝ въ ча́сти спаса́емыхъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Дв҃о бцⷣе, поми́лꙋй рабы̑ твоѧ̑, и҆ и҆зба́ви ѻ҆гнѧ̀ и҆ всѧ́кїѧ мꙋ́ки, въ нощѝ и҆ во днѝ вопїю́щихъ, сы́нꙋ твоемꙋ̀ пречⷭ҇таѧ: не пре́зри ста́до твоѐ, мл҃твами хрⷭ҇тѐ ро́ждшїѧ тѧ̀."
|
|
},
|
|
{
|
|
"type": "HEADER",
|
|
"value": "Славосло́вїе вели́кое, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "Стїхи́ра ᲂу҆́треннѧѧ по славосло́вїи."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃. Самогла́сенъ."
|
|
},
|
|
{
|
|
"type": "TEXT",
|
|
"value": "Свѧті́и се́рбстїи просвѣти́телїе и҆ ᲂу҆чи́тели, преподо́бнїи кра́льи, ца́рїе и҆ кнѧ́зи, сѷмеѡ́не мѷроточи́вый, са́вво равноапо́стольный: а҆рсе́нїе чꙋдотво́рче, стефа́не первовѣнча́нный, вла́диславе и҆ са́вво вторы́й, со ѳеокті́стомъ всехва́льнымъ и҆ є҆ѵстра́тїемъ: пресла́вный милꙋти́не, нїкоди́ме, данїи́ле, і҆ѡанні́кїе, є҆фре́ме: во премꙋ́дрости преди́вный, и҆ во страда́нїихъ а҆дама́нтный свѣ́тлый и҆ вели́кїй чꙋдотво́рче царю̀ стефа́не деча́нскїй и҆ є҆ле́но. Сла́ва и҆ ᲂу҆́рошꙋ младо́мꙋ, ѿра́сль є҆гѡ̀ че́стна и҆ свѧ́та. Пресла́вный и҆ вели́кїй кнѧ́же ла́заре, и҆́же пролїѧ̀ кро́вь свою̀ за вѣ́рꙋ и҆ ѻ҆те́чество и҆ достоѧ́нїе твоѐ. Сла́ва тебѣ̀ всехва́льна цари́це и҆ вели́каѧ кнѧги́не деспо́тице гпⷭ҇жѐ а҆́нно, а҆наста́сїе, є҆ле́но и҆ а҆ггели́но. Свѧті́и сла́внїи деспо́ты геѡ́ргїе, стефа́не, маѯі́ме, і҆ѡа́нне, сирмі́йскїѧ и҆ крꙋшедо́лскїѧ ѻ҆би́тели: сла́ва во бра́нехъ во́ине стефа́не щилѧ́новичꙋ, вели́кїй цѣле́бниче приходѧ́щымъ къ тебѣ̀ съ вѣ́рою, свѧты́й пе́тре кори́жкїй, і҆ѡанні́кїе дѣви́чкїй, про́хѡре пши́нскїй, і҆ѡа́нне ры́льскїй, гаврїи́ле десно́вскїй, і҆ларїѡ́не ѻ҆сого́вскїй, і҆ларїѡ́не мїгаи́нскїй, є҆ѵѳѵ́мїе, не́сторе, и҆́же во деча́нстѣй пꙋсты́ни пости́вшїисѧ: свѧты́й васі́лїе но́вый чꙋдотво́рче захолмі́йскй, пе́тре черного́рскїй а҆рхїере́ю преѡсвѧще́нный, и҆̀же всѣ́хъ ва́съ прославлѧ́емъ и҆ сла́вимъ, ꙗ҆́кѡ вели̑кїѧ столпы̀ и҆ предста́тели ро́да се́рбскагѡ крестоно́снагѡ, моли́те бг҃а ѡ҆ дꙋша́хъ на́шихъ, спасти́сѧ на́мъ."
|
|
},
|
|
{
|
|
"type": "HEADER",
|
|
"value": "И҆ ны́нѣ хра́ма."
|
|
},
|
|
{
|
|
"type": "HEADER",
|
|
"value": "На лїтꙋргі́и, Бл҃же́нна ѿ канѡ́на ст҃а́гѡ пѣ́снь г҃ и҆ ѕ҃."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Возвесели́тсѧ првⷣникъ ѡ҆ гдⷭ҇ѣ и҆ ᲂу҆пова́етъ на него̀."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́ши бж҃е гла́съ мо́й, внегда̀ моли́тимисѧ къ тебѣ̀."
|
|
},
|
|
{
|
|
"type": "HEADER",
|
|
"value": "А҆пⷭ҇лъ дѣѧ́нїй, зача́ло к҃ѳ:"
|
|
},
|
|
{
|
|
"type": "TEXT",
|
|
"value": "Возложѝ и҆́родъ ца́рь рꙋ́цѣ:"
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ процвѣте́тъ, и҆ ꙗ҆́кѡ ке́дръ и҆́же въ лїва́нѣ ᲂу҆мно́житсѧ."
|
|
},
|
|
{
|
|
"type": "TEXT",
|
|
"value": "Сті́хъ: Насажде́ни въ домꙋ̀ гдⷭ҇ни во дво́рѣхъ бг҃а на́шегѡ процвѣтꙋ́тъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло н҃в:"
|
|
},
|
|
{
|
|
"type": "TEXT",
|
|
"value": "Сїѧ̀ заповѣ́даю ва́мъ:"
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю."
|
|
}
|
|
] |