1202 lines
117 KiB
JSON
1202 lines
117 KiB
JSON
[
|
|
{
|
|
"type": "HEADER",
|
|
"value": "А҆́ѵгꙋста и҃"
|
|
},
|
|
{
|
|
"type": "HEADER",
|
|
"value": "Пе́рвое и҆ второ́е пренесе́нїе чⷭ҇тны́хъ и҆ многоцѣле́бныхъ моще́й прпⷣбныхъ и҆ бг҃оно́сныхъ ѻ҆тє́цъ на́шихъ зѡсі́мы, савва́тїа и҆ ге́рмана, солове́цкихъ нача́льникѡвъ и҆ чꙋдотво́рцєвъ."
|
|
},
|
|
{
|
|
"type": "HEADER",
|
|
"value": "Блгⷣтїю бж҃їею соверша́емъ всено́щное бдѣ́нїе."
|
|
},
|
|
{
|
|
"type": "HEADER",
|
|
"value": "На ма́лѣй вече́рни, на Гдⷭ҇и воззва́хъ, стⷯры на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "На нб҃о возносѧ́щїи крилѣ̑ є҆ѵⷢ҇льскихъ до́блестей воспрїи́мше, ѻ҆тцы̀ ст҃і́и, премі́рныхъ достиго́сте, и҆ та́мѡ водворѧ́ющесѧ, зѡсі́мо, савва́тїе и҆ ге́рмане, наслажда́етесѧ неизрече́нныхъ бла̑гъ."
|
|
},
|
|
{
|
|
"type": "TEXT",
|
|
"value": "Нбⷭ҇ныхъ бла̑гъ жела́юще, мїрска̑ѧ сла̑дкаѧ ѿверго́сте, ненасы́тимыѧ сла́дости рачи́телїе бы́сте, а҆́лчбою и҆ жа́ждою томѧ́ще себѐ, є҆́же ны́нѣ вои́стиннꙋ ѡ҆брѣто́сте, ѻ҆тцы̀ прпⷣбнїи зѡсі́мо, савва́тїе и҆ ге́рмане."
|
|
},
|
|
{
|
|
"type": "TEXT",
|
|
"value": "Дѡ́льнѧѧ, ꙗ҆́кѡ преходѧ̑щаѧ, ѿве́ргше разꙋ́мнѡ, вы̑шнѧѧ при́снѡ пребыва̑ющаѧ возлюби́сте, бл҃же́ннїи ѻ҆тцы̀ зѡсі́мо, савва́тїе и҆ ге́рмане, и҆ та́мѡ водворѧ́етесѧ, добродѣ́телей восхожде́ньми."
|
|
},
|
|
{
|
|
"type": "TEXT",
|
|
"value": "Воздержа́нїемъ сла̑сти попра́сте, и҆ сле́зными и҆сто́чники пла́мень погаси́сте страсте́й: тѣ́мже зе́млю ны́нѣ кро́ткихъ наслѣ́довавше, свеселѧ́етесѧ прпⷣбнымъ и҆ првⷣнымъ, ѻ҆тцы̀ ст҃і́и зѡсі́мо, савва́тїе и҆ ге́рмане."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Прїиди́те, по́стническое сосло́вїе, дне́сь ᲂу҆бл҃жи́мъ сꙋ́щыѧ вои́стиннꙋ бл҃жє́нныѧ ѻ҆тцы̀: по́стникѡмъ бо ᲂу҆добре́нїе ꙗ҆ви́шасѧ, добродѣ́тельми ᲂу҆краси́вшесѧ и҆зрѧ́днѡ. Тѣ́мже любо́вїю соше́дшесѧ, дх҃о́внѣ торжествꙋ́емъ, къ ни̑мже возопїи́мъ: ѽ прпⷣбнїи ѻ҆тцы̀ зѡсі́мо, савва́тїе и҆ ге́рмане, ꙗ҆́кѡ и҆мꙋ́ще дерзнове́нїе ко хрⷭ҇тꙋ̀ бг҃ꙋ, ми́ръ и҆ ѡ҆ставле́нїе и҆спроси́те любо́вїю чтꙋ́щымъ всечестнꙋ́ю па́мѧть ва́шꙋ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ и҃:"
|
|
},
|
|
{
|
|
"type": "TEXT",
|
|
"value": "Мра́къ зако́нный свѣ́тлый преѡбраже́нїѧ прїѧ́тъ ѻ҆́блакъ: въ не́мже мѡѷсе́й и҆ и҆лїа̀ бы̑вша, и҆ пресвѣ́тлыѧ сла́вы сподѡ́бльшасѧ, бг҃ꙋ глаго́ласта: ты̀ є҆сѝ бг҃ъ на́шъ, цр҃ь вѣкѡ́въ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "До́мъ добродѣ́телей вы̀ показа́стесѧ, и҆ прїѧ́телище дарова́нїємъ, ѻ҆тцы̀ прпⷣбнїи зѡсі́мо, савва́тїе и҆ ге́рмане."
|
|
},
|
|
{
|
|
"type": "TEXT",
|
|
"value": "Сті́хъ: Чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Страсте́й побѣди́телїе, пло́ти томи́телїе, ѧ҆зы́кꙋ воздержа́телїе, сласте́мъ ᲂу҆мертви́телїе бы́сте, прпⷣбнїи зѡсі́мо, савва́тїе и҆ ге́рмане."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Чи́стыми ва́шими мл҃твами бг҃ови прибли́жившесѧ, бл҃года́ть и҆́мате нечи̑стыѧ ѿгонѧ́ти дꙋ́хи ѿ человѣ̑къ, прпⷣбнїи ѻ҆тцы̀ зѡсі́мо, савва́тїе и҆ ге́рмане."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ѡ҆бра́дованнаѧ, ра́дꙋйсѧ, ꙗ҆́же ра́дость мі́рꙋ ро́ждшаѧ, хрⷭ҇та̀ жизнода́вца: и҆ прама́тернюю, дв҃о, печа́ль ѿе́мшаѧ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣти́льницы ꙗ҆ви́стесѧ всесвѣ́тлїи во ѡ҆то́цѣ ѻ҆кїа́на мо́рѧ, прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане: вы́ бо крⷭ҇тъ хрⷭ҇то́въ на ра́мо взе́мше, ᲂу҆се́рднѡ томꙋ̀ послѣ́довасте, и҆ чистото́ю бг҃ови прибли́жившесѧ, ѿѻнꙋ́дꙋже си́лами чꙋде́съ ѡ҆богати́стесѧ. Тѣ́мже и҆ мы̀ любе́знѡ притека́емъ ко ст҃ы̑мъ моще́мъ ва́шымъ, и҆ ᲂу҆ми́льнѡ глаго́лемъ: ѽ прпⷣбнїи, моли́те хрⷭ҇та̀ бг҃а сп҃сти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ з҃:"
|
|
},
|
|
{
|
|
"type": "TEXT",
|
|
"value": "Преѡбрази́лсѧ є҆сѝ на горѣ̀, хрⷭ҇тѐ бж҃е, показа́вый ᲂу҆ченикѡ́мъ твои̑мъ сла́вꙋ твою̀, ꙗ҆́коже можа́хꙋ: да возсїѧ́етъ и҆ на́мъ грѣ̑шнымъ свѣ́тъ тво́й присносꙋ́щный, мл҃твами бцⷣы, свѣтода́вче, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На вели́цѣй вече́рни, Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на і҃: пра́здника д҃, и҆ прпⷣбнымъ ѕ҃."
|
|
},
|
|
{
|
|
"type": "HEADER",
|
|
"value": "Стїхи́ра пра́здника, самогла́сна, гла́съ д҃."
|
|
},
|
|
{
|
|
"type": "TEXT",
|
|
"value": "Космы̀ мона́ха: Пре́жде крⷭ҇та̀ твоегѡ̀, гдⷭ҇и, пои́мь ᲂу҆ченикѝ на горꙋ̀ высокꙋ̀, преѡбрази́лсѧ є҆сѝ пред̾ ни́ми, лꙋче́ю си́лы ѡ҆зарѧ́ѧ и҆̀хъ, ѿсю́дꙋ ᲂу҆́бѡ человѣколю́бїемъ, ѿѻнꙋ́дꙋ вла́стїю, показа́ти хотѧ̀ воскрⷭ҇нїѧ свѣ́тлость: є҆гѡ́же и҆ на́съ, бж҃е, въ ми́рѣ сподо́би, ꙗ҆́кѡ ми́лостивъ и҆ человѣколю́бецъ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры пра́здника, гла́съ то́йже."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Прїиди́те и҆ мы̀ до́брымъ и҆змѣни́мсѧ и҆змѣне́нїемъ, бг҃омꙋ́дрїи дне́сь, хрⷭ҇тꙋ̀ спреѡбрази́вшесѧ, бл҃гоче́стнѡ и҆ ра́достнѡ, на высотꙋ̀ возне́сшесѧ добродѣ́тели, высо́че возра́дꙋемсѧ: за милосе́рдїе бо без̾ѡбра́зїе преѡбра́жьсѧ человѣ́ка на ѳавѡ́рѣ ᲂу҆ѧснѝ сп҃съ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Ѽ любозри́телїе сꙋ́щихъ па́че ᲂу҆ма̀, и҆ любопослꙋ̑шницы! ᲂу҆́мнѡ ᲂу҆́зримъ хрⷭ҇та̀, ѡ҆блиста́вша бж҃е́ственными зарѧ́ми, и҆ ѡ҆гласи́мсѧ роди́тельнымъ гла́сомъ, возлю́бленнаго проповѣ́дающе сн҃а, ᲂу҆крѣ́пльшаго человѣ́ческꙋю не́мощь на ѳавѡ́рѣ, и҆ и҆сточи́вшаго просвѣще́нїе дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Дне́сь показа́лъ є҆сѝ твоѐ бжⷭ҇тво̀, гдⷭ҇и, чⷭ҇тны̑мъ а҆пⷭ҇лѡмъ твои̑мъ, мѡѷсе́ю и҆ и҆лїи́ же, ꙗ҆́кѡ бг҃ъ зако́на и҆ бл҃года́ти сы́й, и҆збавлѧ́ѧ на́съ ѿ сме́ртныхъ ны́нѣ соꙋ̑зъ: съ ни́миже твоѐ человѣколю́бное смотре́нїе сла́вимъ, і҆и҃се всеси́льне, сп҃се дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Стїхи̑ры прпⷣбнымъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ѻ҆тцы̀ прпⷣбнїи зѡсі́мо, савва́тїе и҆ ге́рмане, впери́вше ᲂу҆́мъ ва́шъ къ бг҃ꙋ вѣ́рою, мїрска́гѡ смѣше́нїѧ возгнꙋша́лисѧ є҆стѐ непостоѧ́ннагѡ: и҆ крⷭ҇тъ ва́шъ взе́мше, всеви́дцꙋ послѣ́довали є҆стѐ, тѣ́ло непокори́вое по́двиги воздержа́нїѧ по́мыслꙋ порабо́тивше, си́лою бж҃е́ственнагѡ дх҃а."
|
|
},
|
|
{
|
|
"type": "TEXT",
|
|
"value": "Ѻ҆тцы̀ бг҃омꙋ́дрїи зѡсі́мо, савва́тїе и҆ ге́рмане, вы̀ ѿ ᲂу҆тро́бы ма́терни хрⷭ҇тꙋ̀ прибли́жилисѧ є҆стѐ, и҆ всѣ́мъ смы́сломъ томꙋ̀ прилѣжа́ли є҆стѐ, и҆ ѿ ва́шихъ по́двигѡвъ бг҃ꙋ вседержи́телю плоды̀ достѡ́йныѧ принеслѝ є҆стѐ, прпⷣбнїи, добродѣ́тельными цвѣ́ты ᲂу҆краша́еми: тѣ́мже бл҃ги́хъ наслажде́нїе воспрїѧ́ли є҆стѐ, досточꙋ́днїи."
|
|
},
|
|
{
|
|
"type": "TEXT",
|
|
"value": "Прпⷣбнїи ѻ҆тцы̀, премꙋ́дрїи зѡсі́мо, савва́тїе и҆ ге́рмане, болѧ́щымъ вы̀ ꙗ҆ви́лисѧ є҆стѐ и҆сцѣле́нїе, и҆ хромы̑мъ хожде́нїе: и҆ всѣ̑мъ притека́ющымъ съ вѣ́рою къ цѣльбонѡ́снымъ моще́мъ ва́шымъ, и҆ просѧ́щымъ по́мощи и҆ застꙋпле́нїѧ, моли́твами ва́шими ми́лѡсти неѡскꙋ́днѡ подава́ете."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры прпⷣбнымъ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Є҆гда̀ ᲂу҆ѧзви́лисѧ є҆стѐ бж҃е́ственнымъ жела́нїемъ, тогда̀ всѧ̑ ꙗ҆̀же въ мі́рѣ кра̑снаѧ ни во что́же вмѣни́вше, хрⷭ҇тꙋ̀ сп҃си́телю послѣ́довали є҆стѐ: бога́тство мимотекꙋ́щее презрѣ́ли є҆стѐ до́блественнѣ, сла́вꙋ же и҆ могꙋ́щество, ꙗ҆́кѡ ничто́же сꙋ́щее, ѡ҆плева́ли є҆стѐ. Моли́те, мо́лимъ ва́съ, сп҃стѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Є҆гда̀ бж҃е́ственное раче́нїе на́йде на ва́съ, прпⷣбнїи ѻ҆тцы̀, тогда̀ жите́йскїѧ молвы̀ ѿлꙋча́ющесѧ, въ помо́рїе пꙋсты́нное ѿидо́сте, та́же въ морскі́й ѻ҆́стровъ ᲂу҆дали́вшесѧ, въ не́мъ мнѡ́га лѣ̑та терпѣли́внѣ пребыва́ли є҆стѐ, мꙋ́жественнѡ со врагѝ неви́димыми борѧ́щесѧ, и҆̀хже и҆ побѣди́сте си́лою хрⷭ҇то́вою: тѣ́мже вѣнцы̀ прїѧ́ли є҆стѐ ѿ хрⷭ҇та̀ бг҃а, є҆мꙋ́же моли́тесѧ ѡ҆ чтꙋ́щихъ честнꙋ́ю па́мѧть ва́шꙋ."
|
|
},
|
|
{
|
|
"type": "TEXT",
|
|
"value": "Є҆гда̀ ѡ҆бѣ́ты и҆́ночества гдⷭ҇еви возда́ли є҆стѐ, тогда̀ ᲂу҆́мное ѻ҆́ко бо́дрственнѡ на нб҃о впери́вше, мы́слєнныѧ врагѝ слеза́ми потопи́ли є҆стѐ: и҆ непоро́чнѡ ходи́ти въ пꙋте́хъ зако́на гдⷭ҇нѧ дꙋ́шꙋ ᲂу҆тверди́вше, зѡсі́мо, савва́тїе и҆ ге́рмане, дерзнове́нїе къ бг҃ꙋ стѧжа́ли є҆стѐ. Сегѡ̀ ра́ди мо́лимъ ва́съ: того̀ моли́те сп҃стѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ а҃:"
|
|
},
|
|
{
|
|
"type": "TEXT",
|
|
"value": "Дне́сь пресвѣ́тлаѧ на́мъ наста̀ па́мѧть прпⷣбныхъ ѻ҆тє́цъ на́шихъ зѡсі́мы, савва́тїа и҆ ге́рмана, ю҆́же соше́дшесѧ досто́йнѡ почти́мъ, во ѱалмѣ́хъ и҆ пѣ́снехъ и҆ пѣ́нїихъ дх҃о́вныхъ взыва́юще, и҆ тѣ́хъ чꙋдотвѡ́рнымъ моще́мъ предстоѧ́ще, си́це рце́мъ: Ра́дꙋйтесѧ, сокрѡ́вища неистощи̑маѧ: ра́дꙋйтесѧ, и҆сто́чницы бл҃года́ти приснотекꙋ́щїи: ра́дꙋйтесѧ, превожделѣ̑нныѧ на́мъ цѣльбонѡ́сныѧ мѡ́щи вселюбе́зныхъ ѻ҆тє́цъ на́шихъ: ра́дꙋйтесѧ, люботрꙋ̑дныѧ плѡ́ти показꙋ́ющыѧ: ра́дꙋйтесѧ, бл҃гоꙋха́ющыѧ на́мъ сщ҃є́нныѧ а҆рѡма́ты. Ѽ чꙋдотвори̑выѧ мѡ́щи, цѣлꙋ́юще ва́съ прїе́млемъ бл҃года́ть, и҆ бл҃года́телѧ бг҃а прославлѧ́емъ, прославлѧ́ющаго рабы̑ своѧ̑ бога́тыми дарова̑нїи, вопїю́ще є҆мꙋ̀: ѡ҆ всѣ́хъ бл҃гі́й гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ то́йже:"
|
|
},
|
|
{
|
|
"type": "TEXT",
|
|
"value": "И҆́же дре́вле съ мѡѷсе́омъ глаго́лавый на горѣ̀ сїна́йстѣй ѡ҆́бразы, а҆́зъ є҆́смь, глаго́лѧ, сы́й, дне́сь на горѣ̀ ѳавѡ́рстѣй преѡбра́жьсѧ пред̾ ᲂу҆ч҃нкѝ, показа̀ началоѡбра́знꙋю добро́тꙋ зра́ка, въ себѣ̀ воспрїи́мъ чл҃вѣ́ческое сꙋщество̀. И҆ таковы́ѧ бл҃года́ти свидѣ́тєлѧ поста́вль, мѡѷсе́а и҆ и҆лїю̀, ѡ҆́бщника творѧ́ше весе́лїѧ, провозвѣща̑ющаѧ сла́вное крⷭ҇та̀ ра́ди, и҆ сп҃си́тельное воскрⷭ҇нїе."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. И҆ чтє́нїѧ г҃ прпⷣбничєскаѧ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе:"
|
|
},
|
|
{
|
|
"type": "TEXT",
|
|
"value": "Првⷣницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе бл҃голѣ́пїѧ и҆ вѣне́цъ добро́ты ѿ рꙋкѝ гдⷭ҇ни, занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ. Прїи́метъ щи́тъ непобѣди́мый преподо́бїе. Поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ. По́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ бл҃гокрꙋ́гла лꙋ́ка ѻ҆блакѡ́въ, на намѣ́ренїе полетѧ́тъ. И҆ ѿ каменоме́тныѧ ꙗ҆́рости и҆спо́лнь падꙋ́тъ гра́ды. Вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо ца́рїе, и҆ разꙋмѣ́йте, навы́кните сꙋдїи̑ концє́въ землѝ. Внꙋши́те держа́щїи мно́жєства, и҆ гордѧ́щїисѧ ѡ҆ наро́дѣхъ ꙗ҆зы́кѡвъ, ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе:"
|
|
},
|
|
{
|
|
"type": "TEXT",
|
|
"value": "Првⷣныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша въ ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ. И҆ є҆́же ѿ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. И҆́бо пред̾ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими бл҃годѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе:"
|
|
},
|
|
{
|
|
"type": "TEXT",
|
|
"value": "Првⷣникъ а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: Оу҆го́дна бо бѣ̀ гдⷭ҇еви дꙋша̀ є҆гѡ̀. Сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи́ра хра́ма, и҆ прпⷣбнымъ, гла́съ а҃:"
|
|
},
|
|
{
|
|
"type": "TEXT",
|
|
"value": "Прпⷣбнїи ѻ҆тцы̀ зѡсі́мо, савва́тїе и҆ ге́рмане, соше́дшесѧ любо́вїю въ па́мѧть ва́шꙋ ко всечⷭ҇тны̑мъ и҆ чꙋдотвѡ́рнымъ ва́шымъ моще́мъ, свѣ́тлѡ торжествꙋ́юще и҆ во гла́сѣхъ пѣ́сненныхъ пою́ще, вопїе́мъ: моли́тесѧ гдⷭ҇еви, поми́ловатисѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Свѣ́тлаѧ ва́ша па́мѧть, прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане, на́мъ сердца̀ просвѣща́етъ: зрѧ́ще бо чⷭ҇тны̑ѧ ва́шѧ мѡ́щи, врачевство̀ страсте́мъ не ᲂу҆до́бь цѣли̑мымъ, прославлѧ́емъ просла́вльшаго ва́съ гдⷭ҇а, и҆ ва́шѧ трꙋды̀ и҆ по́двиги вѣнча́вша бл҃года́тїю. Оу҆се́рднѡ и҆ мы̀ подвигѡ́мъ и҆ трꙋдѡ́мъ є҆́мшесѧ, ва́шею стезе́ю позна́хомъ ходи́ти во слѣ́дъ хрⷭ҇тꙋ̀ бг҃ꙋ, є҆го́же моли́те сп҃стѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Гла́съ в҃:"
|
|
},
|
|
{
|
|
"type": "TEXT",
|
|
"value": "Предстоѧ́ще чⷭ҇тны̑мъ моще́мъ прпⷣбныхъ ѻ҆тє́цъ на́шихъ, ѽ празднолю́бцы, возопїи́мъ похва́льными гла́сы, глаго́люще: ка́кѡ ва́съ ᲂу҆бл҃жи́мъ, зѡсі́мо, савва́тїе и҆ ге́рмане, на землѝ пожи́вшихъ па́че человѣ̑къ, и҆ въ вы́шнихъ бл҃жи́мыхъ со всѣ́ми ᲂу҆го́ждшими гдⷭ҇еви; съ ни́миже предстоѧ́ще во свѣ́тѣ бжⷭ҇твеннѣмъ, моли́те, мо́лимъ ва́съ, и҆зба́витисѧ на́мъ ѿ собла̑знъ льсти́вагѡ, и҆ сп҃сти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "По ᲂу҆спе́нїи ва́шемъ, бл҃же́ннїи зѡсі́мо, савва́тїе и҆ ге́рмане, ᲂу҆чи́тели на́мъ быва́ютъ ва́шѧ мѡ́щи, при́снѡ бо и҆злива́ющимисѧ чꙋдесы̀ вопїю́тъ: возлюби́те гдⷭ҇а, да ѡ҆брѧ́щете бл҃года́ть вѣ́чнꙋю, и҆ ничто́же па́че є҆гѡ̀ почти́те, да є҆гда̀ прїи́детъ, ѡ҆брѧ́щете поко́й со и҆збра́нными є҆гѡ̀. Є҆го́же да ᲂу҆лꙋчи́мъ ва́шими моли́твами, прпⷣбнїи."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Дне́сь соше́дшесѧ, бра́тїе, дх҃о́внѣ почти́мъ прпⷣбныхъ ѻ҆тє́цъ на́шихъ зѡсі́мꙋ, савва́тїа и҆ ге́рмана, и҆̀же посто́мъ тѣлеса̀ своѧ̑ и҆знꙋри́ша, воздержа́нїемъ стра̑сти потреби́ша, и҆ бдѣ́нїемъ ᲂу҆́мъ ѡ҆чи́стиша, мл҃твами же дꙋ́шы просвѣти́ша, нището́ю бога́тство прїѧ́ша бл҃года́ти, и҆ послꙋша́нїемъ бг҃а бл҃гопослꙋ́шна стѧжа́ша, чистото́ю жили́ще прест҃а́гѡ дх҃а бы́ша: и҆́хже ра́ди врагѡ́въ шата̑нїѧ хрⷭ҇то́съ низложи́въ, да́рꙋетъ на́мъ ми́ръ и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Мона́хѡвъ мно́жества наста́вники ва́съ чти́мъ, ѻ҆тцы̀ ст҃і́и: ва́ми бо пꙋ́ть пра́вый вои́стиннꙋ ходи́ти позна́хомъ. Бл҃же́ни є҆стѐ, ꙗ҆́кѡ хрⷭ҇тꙋ̀ рабо́тасте, и҆ вра́жїю низложи́сте си́лꙋ, а҆́гг҃лѡмъ собесѣ̑дницы, прпⷣбнымъ соприча̑стницы и҆ првⷣнымъ: съ ни́миже моли́тесѧ гдⷭ҇еви, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ є҃:"
|
|
},
|
|
{
|
|
"type": "TEXT",
|
|
"value": "Зако́на и҆ проро́кѡвъ тѧ̀, хрⷭ҇тѐ, творца̀ и҆ и҆спо́лнителѧ свидѣ́тельствоваста, зрѧ̑ща во ѻ҆́блацѣ, мѡѷсе́й бг҃ови́децъ и҆ и҆лїа̀ ѻ҆гнеколесни́чникъ и҆ неѡпа́льный небоше́ственникъ, въ преѡбраже́нїи твое́мъ. Съ ни́миже и҆ на́съ твоегѡ̀ просвѣще́нїѧ сподо́би, влⷣко, пѣ́ти тѧ̀ во вѣ́ки."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Прїиди́те и҆ прїими́те, бра́тїе, лїю́щїѧсѧ бл҃года́ти ѿ моще́й прпⷣбныхъ ѻ҆тє́цъ на́шихъ зѡсі́мы, савва́тїа и҆ ге́рмана: ті́и бо подвиза́шасѧ без̾ лѣ́ности во вре́меннѣй жи́зни, и҆ ꙗ҆́кѡ безпло́тнїи во пло́ти пожи́ша. Тѣ́мже и҆ прїѧ́ша да́ры ѿ хрⷭ҇та̀ бг҃а, и҆ на́мъ про́сѧтъ ѡ҆чище́нїѧ и҆ ве́лїѧ млⷭ҇ти."
|
|
},
|
|
{
|
|
"type": "TEXT",
|
|
"value": "Сті́хъ: Чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Цѣльбонѡ́снымъ ва́шымъ моще́мъ предстоѧ́ще, ѻ҆тцы̀ на́ши зѡсі́мо, савва́тїе и҆ ге́рмане, прїе́млемъ ѻ҆би́льнѡ бл҃года́ть: всѧ́къ бо приходѧ́й съ вѣ́рою не посрами́тсѧ, прїе́млетъ бо, и҆̀хже тре́бꙋетъ, прославлѧ́ющꙋ ва́съ гдⷭ҇ꙋ, ꙗ҆́кѡ бл҃гоꙋго́дныхъ рабѡ́въ бы́вшихъ своемꙋ̀ влⷣцѣ, и҆ тогѡ̀ за́пѡвѣди сохра́ньшихъ. Тѣ́мже ва́съ чти́мъ и҆ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "И҆сто́чницы приснотекꙋ́щїи врачевства̀ безме́зднагѡ, чⷭ҇тны̑ѧ мѡ́щи ва́шѧ, досточꙋ́днїи ѻ҆тцы̀ зѡсі́мо, савва́тїе и҆ ге́рмане: ѽ вели́кїѧ бл҃года́ти, ѽ си́лы живоно́сныхъ мертвецє́въ! И҆́хже мл҃твами, і҆и҃се цр҃ю̀, сп҃сѝ дꙋ́шы на́шѧ, ꙗ҆́кѡ є҆ди́нъ милосе́рдъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃:"
|
|
},
|
|
{
|
|
"type": "TEXT",
|
|
"value": "Весели́тсѧ ꙗ҆вле́ннѡ хрⷭ҇то́ва цр҃ковь чⷭ҇тна́ѧ, и҆ торжествꙋ́етъ свѣ́тлѡ: возсїѧ́ бо дне́сь пресвѣ́тлаѧ и҆ всепра́зднственнаѧ па́мѧть пренесе́нїѧ чⷭ҇тны́хъ моще́й прпⷣбныхъ и҆ бг҃обл҃же́нныхъ ѻ҆тє́цъ на́шихъ зѡсі́мы, савва́тїа и҆ ге́рмана, красѧ́щисѧ и҆́хъ многотрꙋ́дными по́двиги, ꙗ҆́кѡ многоцѣ́нною ѻ҆де́ждею, и҆ вопїе́тъ хва́лѧщисѧ, глаго́лющи: сицєва́ѧ моѧ̑ рождє́нїѧ, такові́и моѝ сы́нове, и҆̀хже є҆ѵⷢ҇лїемъ породи́хъ, воспита́хъ же стра́хомъ гдⷭ҇нимъ, и҆ ны́нѣ преподѡ́бны ви́жꙋ. Прїиди́те, по́стническое сосло́вїе, и҆ прпⷣбныхъ ликостоѧ́нїе, и҆ ра́дꙋйтесѧ со мно́ю: и҆мѣ́ю бо въ себѣ̀ принесе́нное неистощи́мое сокро́вище, пречⷭ҇тны̑ѧ и҆ всебога̑тыѧ мѡ́щи прпⷣбныхъ ѻ҆тє́цъ, ѡ҆бл҃гоꙋха́юще вѣ́рныхъ, и҆ веселѧ́ще дꙋшє́внаѧ чꙋ̑вства и҆ тѣлє́снаѧ, и҆ и҆сцѣлє́нїѧ подаю́ще, и҆ просѧ́ще ѿ бг҃а ве́лїѧ ми́лости, ꙗ҆́кѡ да млⷭ҇тивъ бꙋ́детъ на́мъ въ де́нь сꙋ́дный."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ а҃:"
|
|
},
|
|
{
|
|
"type": "TEXT",
|
|
"value": "Твоегѡ̀ є҆диноро́днагѡ сн҃а прови́дѣвъ дх҃омъ плотско́е къ человѣ́кѡмъ прише́ствїе, бг҃оѻц҃ъ дв҃дъ и҆здале́ча къ весе́лїю созыва́етъ тва́рь, и҆ проро́чески взыва́етъ: ѳавѡ́ръ и҆ є҆рмѡ́нъ ѡ҆ и҆́мени твое́мъ возра́дꙋетасѧ. На сїю́ бо возше́дъ горꙋ̀, сп҃се, со ᲂу҆ченикѝ твои́ми, ѡ҆чернѣ́вшее а҆да́мово є҆стество̀, преѡбра́жьсѧ, ѡ҆блиста́ти па́ки сотвори́лъ є҆сѝ, претвори́въ є҆̀ въ твоегѡ̀ бжⷭ҇тва̀ сла́вꙋ же и҆ свѣ́тлость. Тѣ́мже вопїе́мъ тѝ: содѣ́телю всѧ́ческихъ гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На бл҃гослове́нїи хлѣ́бѡвъ: Тропа́рь прпⷣбнымъ, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣти́льницы ꙗ҆ви́стесѧ всесвѣ́тлїи во ѡ҆то́цѣ ѻ҆кїа́на мо́рѧ, прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане: вы́ бо крⷭ҇тъ хрⷭ҇то́въ на ра́мо взе́мше, ᲂу҆се́рднѡ томꙋ̀ послѣ́довасте, и҆ чистото́ю бг҃ови прибли́жившесѧ, ѿѻнꙋ́дꙋже си́лами чꙋде́съ ѡ҆богати́стесѧ. Тѣ́мже и҆ мы̀ любе́знѡ притека́емъ ко ст҃ы̑мъ моще́мъ ва́шымъ, и҆ ᲂу҆ми́льнѡ глаго́лемъ: ѽ прпⷣбнїи, моли́те хрⷭ҇та̀ бг҃а сп҃сти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆́нъ тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "По́стническое и҆ равноа́гг҃льное житїѐ ва́ше, прпⷣбнїи ѻ҆тцы̀ зѡсі́мо, савва́тїе и҆ ге́рмане, вселе́ннѣй позна́ны сотворѝ ва́съ: чꙋдодѣѧ̑нїи разли́чными, бг҃оно́снїи, просвѣща́ете вѣ́рою призыва́ющыѧ вы̀, и҆ чтꙋ́щыѧ чⷭ҇тнꙋ́ю па́мѧть ва́шꙋ."
|
|
},
|
|
{
|
|
"type": "TEXT",
|
|
"value": "И҆ Бцⷣе дв҃о:"
|
|
},
|
|
{
|
|
"type": "HEADER",
|
|
"value": "А҆ и҆дѣ́же нѣ́сть бдѣ́нїѧ: По Ны́нѣ ѿпꙋща́еши: и҆ по трист҃о́мъ, тропа́рь прпⷣбнымъ, гла́съ и҃, є҆ди́ножды: Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь пра́здника, гла́съ з҃:"
|
|
},
|
|
{
|
|
"type": "TEXT",
|
|
"value": "Преѡбрази́лсѧ є҆сѝ на горѣ̀, хрⷭ҇тѐ бж҃е, показа́вый ᲂу҆ченикѡ́мъ твои̑мъ сла́вꙋ твою̀, ꙗ҆́коже можа́хꙋ: да возсїѧ́етъ и҆ на́мъ грѣ̑шнымъ свѣ́тъ тво́й присносꙋ́щный, мл҃твами бцⷣы, свѣтода́вче, сла́ва тебѣ̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, прпⷣбнымъ: И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "Житїѐ на землѝ бл҃гоче́стнѡ сконча́вше, чи́сто селе́нїе ст҃о́мꙋ дх҃ꙋ ꙗ҆ви́стесѧ: просвѣща́ете и҆̀же вѣ́рою приходѧ́щыѧ къ чⷭ҇тны̑мъ моще́мъ ва́шымъ, бл҃же́ннїи. Тѣ́мже моли́те влⷣкꙋ хрⷭ҇та̀ бг҃а, просвѣти́ти дꙋ́шы пра́зднꙋющихъ всечестнꙋ́ю па́мѧть ва́шꙋ, бг҃омꙋ́дрїи ѻ҆тцы̀ зѡсі́мо, савва́тїе и҆ ге́рмане. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "На горѣ̀ ѳавѡ́рстѣй преѡбрази́лсѧ є҆сѝ, і҆и҃се, и҆ ѻ҆́блакъ свѣ́телъ протѧза́ѧйсѧ ꙗ҆́кѡ сѣ́нь, а҆пⷭ҇лы сла́вою покры̀: тѣ́мже и҆ на зе́млю ни́цъ па́дахꙋ, не терпѧ́ще зрѣ́ти свѣ́тлости непристꙋ́пныѧ сла́вы лица̀ твоегѡ̀, безнача́льне сп҃се хрⷭ҇тѐ бж҃е. И҆́же тогда̀ си̑мъ свѣ́тъ тво́й возсїѧ́вый, просвѣтѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "А҆́ще же внѣ̀ попра́зднства, глаго́ли се́й бг҃оро́диченъ, гла́съ а҃:"
|
|
},
|
|
{
|
|
"type": "TEXT",
|
|
"value": "Всѣ́хъ творца̀ и҆ влⷣкꙋ, бг҃а же и҆ содѣ́телѧ, всенепоро́чнаѧ чⷭ҇таѧ дх҃омъ бжⷭ҇твеннымъ въ ложесна́хъ твои́хъ зача́тъ, и҆ без̾ и҆стлѣ́нїѧ родила̀ є҆сѝ: є҆го́же сла́вѧще тѧ̀ велича́емъ, дв҃о, ꙗ҆́кѡ пала́тꙋ всѣ́хъ цр҃ѧ̀, и҆ мі́рови застꙋпле́нїе."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ є҃:"
|
|
},
|
|
{
|
|
"type": "TEXT",
|
|
"value": "По́стники гдⷭ҇ни пѣ́сньми почти́мъ, ꙗ҆́кѡ ᲂу҆мертви́вшыѧ всѧ̑ прило́ги страсте́й воздержа́нїемъ тве́рдымъ и҆ крѣ́пкимъ терпѣ́нїемъ, и҆ посрами́вшыѧ сопроти́внагѡ всю̀ горды́ню. Ны́нѣ моли́тесѧ гдⷭ҇еви, прпⷣбнїи ѻ҆тцы̀ зѡсі́мо, савва́тїе и҆ ге́рмане, поми́ловатисѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Непристꙋ́пною твое́ю, хрⷭ҇тѐ, сла́вою бжⷭ҇твеннагѡ твоегѡ̀ свѣ́та преѡбра́жьсѧ, твоѧ̑ ѡ҆блиста́лъ є҆сѝ бжⷭ҇твєнныѧ ᲂу҆ч҃нкѝ, і҆ѡа́нна и҆ петра̀ и҆ і҆а́кѡва, ᲂу҆жаси́лъ є҆сѝ тѣ́хъ бжⷭ҇твенною бл҃года́тїю: гла́съ же ѻ҆те́чь возлю́бленнаго сн҃а свидѣ́тельствꙋющь слы́шаша, и҆ ви́дѣша лица̀ твоегѡ̀ сла́вꙋ, сп҃се. И҆́же всѣ́хъ, сло́ве, сп҃стѝ хотѧ̀, просвѣтѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "А҆́ще же внѣ̀ попра́зднства, бг҃оро́диченъ, гла́съ є҃:"
|
|
},
|
|
{
|
|
"type": "TEXT",
|
|
"value": "Оу҆жа́сно чꙋ́до зача́тїѧ, и҆ несказа́ненъ ѡ҆́бразъ ржⷭ҇тва̀ въ тебѣ̀ позна́сѧ, чⷭ҇таѧ приснодв҃о: ᲂу҆жаса́етъ мѝ ᲂу҆́мъ, ᲂу҆дивлѧ́етъ мѝ по́мыслъ. Сла́ва твоѧ̀, бцⷣе, всѣ̑мъ простре́сѧ во сп҃се́нїе дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Велича́нїе: Оу҆бл҃жа́емъ ва́съ, прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане, и҆ чти́мъ ст҃ꙋ́ю па́мѧть ва́шꙋ, наста̑вницы мона́хѡвъ, и҆ собесѣ̑дницы а҆́гг҃лѡвъ."
|
|
},
|
|
{
|
|
"type": "HEADER",
|
|
"value": "И҆збра́нный ѱало́мъ:"
|
|
},
|
|
{
|
|
"type": "TEXT",
|
|
"value": "Терпѧ̀ потерпѣ́хъ гдⷭ҇а, и҆ внѧ́тъ мѝ, и҆ ᲂу҆слы́ша мл҃твꙋ мою̀: Поста́ви на ка́мени но́зѣ моѝ, и҆ и҆спра́ви стѡпы̀ моѧ̑. Сѐ ᲂу҆дали́хсѧ бѣ́гаѧ, и҆ водвори́хсѧ въ пꙋсты́ни. Оу҆подо́бихсѧ неѧ́сыти пꙋсты́ннѣй. Бдѣ́хъ, и҆ бы́хъ ꙗ҆́кѡ пти́ца ѡ҆со́бѧщаѧсѧ на здѣ̀. Кѡлѣ́на моѧ̑ и҆знемого́ста ѿ поста̀: И҆ пло́ть моѧ̀ и҆змѣни́сѧ є҆ле́а ра́ди. Слеза́ми мои́ми посте́лю мою̀ ѡ҆мочꙋ̀. Ꙗ҆́кѡ ѡ҆быдо́ша мѧ̀ псѝ мно́зи, со́нмъ лꙋка́выхъ ѡ҆держа́ша мѧ̀. Напрѧго́ша лꙋ́къ сво́й ве́щь го́рькꙋ: Сострѣлѧ́ти въ та́йныхъ непоро́чнаго. Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менє̀ є҆́сть, да не подви́жꙋсѧ. Всѝ ꙗ҆зы́цы ѡ҆быдо́ша мѧ̀, и҆ и҆́менемъ гдⷭ҇нимъ противлѧ́хсѧ и҆̀мъ. Бл҃гослове́нъ гдⷭ҇ь, и҆́же не дадѐ на́съ въ лови́твꙋ зꙋбѡ́мъ и҆́хъ: Да и҆сповѣ́дѧтсѧ тебѣ̀, гдⷭ҇и, всѧ̑ дѣла̀ твоѧ̑: И҆ прпⷣбнїи твоѝ да бл҃гословѧ́тъ тѧ̀. И҆ ᲂу҆вѣ́дите, ꙗ҆́кѡ ᲂу҆дивѝ гдⷭ҇ь прпⷣбнаго своего̀. И҆ ᲂу҆трꙋди́сѧ во вѣ́къ, и҆ жи́въ бꙋ́детъ до конца̀. Храни́тъ гдⷭ҇ь дꙋ́шы прпⷣбныхъ свои́хъ. Восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ. Чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀. По́йте гдⷭ҇еви прпⷣбнїи є҆гѡ̀, и҆ и҆сповѣ́дайте па́мѧть ст҃ы́ни є҆гѡ̀, во всѣ́хъ лю́дехъ чꙋдеса̀ є҆гѡ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "А҆ллилꙋ́їа, три́жды."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Є҆гда̀, бл҃же́ннїи, къ бж҃е́ственномꙋ жела́нїю ᲂу҆́мъ сво́й впери́сте, тогда̀ ѡ҆ста́висте всѧ̑ до́лꙋ влекꙋ̑щаѧ мꙋдрова̑нїѧ, и҆ въ пꙋсты́ню всели́стесѧ въ морскі́й ѻ҆́стровъ, и҆дѣ́же процвѣто́сте ꙗ҆́кѡ ке́дри, добродѣ́тельми прекра́снїи, страсте́й и҆скорени́вше те́рнїе, и҆ въ не́мъ насади́сте плоды̀ трꙋдѡ́въ свои́хъ: тѣ́мже и҆ пожа́сте рꙋкоѧ́тїе, неѿе́млемо бога́тство на нб҃сѣ́хъ. Зѡсі́мо, савва́тїе и҆ ге́рмане прпⷣбнїи, моли́те хрⷭ҇та̀ бг҃а, согрѣше́нїй ѡ҆ставле́нїе пода́ти чтꙋ́щымъ любо́вїю ст҃ꙋ́ю па́мѧть ва́шꙋ. Двⷤа."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Возше́дъ со ᲂу҆ченикѝ на горꙋ̀, и҆ во сла́вѣ ѻ҆́ч҃и ѡ҆блиста́въ, съ мѡѷсе́омъ и҆лїа̀ тебѣ̀ предстои́та: зако́нъ и҆ прⷪ҇ро́цы бо ꙗ҆́кѡ бг҃ꙋ слꙋ́жатъ. Є҆мꙋ́же и҆ сн҃овство̀ є҆сте́ственное роди́тель и҆сповѣ́даѧ, нарица́ше сн҃а, є҆го́же воспѣва́емъ съ тобо́ю и҆ дх҃омъ."
|
|
},
|
|
{
|
|
"type": "HEADER",
|
|
"value": "А҆́ще же внѣ̀ попра́зднства, и҆лѝ хра́мъ въ недѣ́лю, бг҃оро́диченъ, гла́съ и҃:"
|
|
},
|
|
{
|
|
"type": "TEXT",
|
|
"value": "Вопло́щшеесѧ сло́во ѿ ᲂу҆тро́бы твоеѧ̀ ро́ждши, пречⷭ҇таѧ, мене́ же растлѣ́ннаго грѣхмѝ ѿ прилѡ́гъ ᲂу҆крѣпѝ, мт҃и бж҃їѧ, и҆ се́рдце моѐ ѡ҆чи́сти, бг҃обл҃года́тнаѧ, мт҃рними твои́ми мл҃твами. Да и҆ а҆́зъ бл҃года́рнѡ взыва́ю тѝ: марі́е бцⷣе, молѝ сн҃а твоего̀ хрⷭ҇та̀ бг҃а на́шего, поми́ловати ста́до своѐ є҆́же стѧжа̀, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, заⷱ҇ м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀:"
|
|
},
|
|
{
|
|
"type": "TEXT",
|
|
"value": "Сла́ва: Мл҃твами прпⷣбныхъ ѻ҆тє́цъ на́шихъ зѡсі́мы, савва́тїа и҆ ге́рмана, млⷭ҇тиве, ѡ҆чи́сти мно́жєства согрѣше́нїй на́шихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Мл҃твами бцⷣы:"
|
|
},
|
|
{
|
|
"type": "TEXT",
|
|
"value": "Та́же: Поми́лꙋй мѧ̀, бж҃е:"
|
|
},
|
|
{
|
|
"type": "HEADER",
|
|
"value": "Стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбнїи ѻ҆тцы̀, слꙋ́хъ сво́й смире́ннѡ є҆ѵⷢ҇лїю хрⷭ҇то́вꙋ приклони́вше, призыва́нїе ѿ вы́шнѧгѡ во ѻ҆би́тєли нбⷭ҇ныѧ прїѧ́сте, и҆ томꙋ̀ вѣ́рнѡ послѣ́дꙋюще, мі́ра кра̑снаѧ во ᲂу҆ме́ты вмѣни́вше, є҆ди́ныѧ добро́ты вожделѣ́сте хрⷭ҇та̀: є҆мꙋ́же прилѣ́жнѡ моли́тесѧ, низпосла́ти мі́рови ми́ръ, и҆ це́рквамъ є҆диномы́слїе, странѣ̀ на́шей на врагѝ ѡ҆долѣ́нїе, бра́тїи ѻ҆би́тели ва́шеѧ є҆динодꙋ́шїе и҆ смиренномꙋ́дрїе, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Канѡ̑на два̀: пра́здника, со і҆рмосо́мъ на ѕ҃, і҆рмо́съ по два́жды: и҆ прпⷣбнымъ ѻ҆тцє́мъ, на и҃. Катава́сїа, гла́съ д҃:"
|
|
},
|
|
{
|
|
"type": "TEXT",
|
|
"value": "Ли́цы і҆и҃льтестїи:"
|
|
},
|
|
{
|
|
"type": "HEADER",
|
|
"value": "Канѡ́нъ пра́здника, кѵ́ръ і҆ѡа́нна, гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Мѡѷсе́й на мо́ри проро́чески, ви́дѣвъ ѻ҆́блакомъ и҆ столпо́мъ дре́вле ѻ҆́гненнымъ сла́вꙋ гдⷭ҇ню, вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ка́менемъ тѣ́ломъ покры́всѧ, ѡ҆боже́нїемъ неви́димаго зрѧ̀, мѡѷсе́й бг҃ови́децъ взыва́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Ты̀ на горѣ̀ зако́ннѣй, и҆ на ѳавѡ́рстѣй ви́дѣнъ бы́лъ є҆сѝ мѡѷсе́емъ во мра́цѣ дре́вле, во свѣ́тѣ же ны́нѣ непристꙋ́пнѣмъ бжⷭ҇тва̀."
|
|
},
|
|
{
|
|
"type": "HEADER",
|
|
"value": "Канѡ́нъ прпⷣбнымъ, гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆з̾ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане, моли́те бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Просвѣще́нїемъ трисо́лнечнагѡ бж҃ества̀ ѡ҆зари́вшесѧ, премꙋ́дрїи, свѣти̑ла ꙗ҆ви́стесѧ ѡ҆сїѧва̑юща всю́дꙋ: тѣ́мъ и҆ на́съ те́мностїю страсте́й ѡ҆мраче́нныхъ, просвѣще́нїемъ бл҃года́ти ѡ҆зари́ти помоли́тесѧ, и҆ сꙋ́щагѡ полꙋчи́ти сп҃се́нїѧ."
|
|
},
|
|
{
|
|
"type": "TEXT",
|
|
"value": "Свѣ́томъ бж҃е́ственныѧ бл҃года́ти просвѣща́еми, зѡсі́мо, савва́тїе и҆ ге́рмане пребл҃же́ннїи, вѣ́рнѡ свѣтоно́снꙋю ва́шꙋ па́мѧть торжествꙋ́ющихъ просвѣти́те, и҆ ѿ тьмы̀ грѣхо́вныѧ мл҃твами ва́шими, прпⷣбнїи, и҆зба́вите."
|
|
},
|
|
{
|
|
"type": "TEXT",
|
|
"value": "Дх҃ꙋ ст҃о́мꙋ хра́ми, премꙋ́дрїи, бы́сте, и҆ къ немꙋ̀ всѐ дꙋхо́вное жела́нїе ѡ҆брати́сте, и҆ сегѡ̀ ра́ди кро́ткихъ зе́млю наслѣ́довасте: дꙋше́внꙋю на́шꙋ стра́стнꙋю бꙋ́рю, прпⷣбнїи, ᲂу҆кроти́те, да въ тишинѣ̀ бж҃е́ственнѣй бы́вше, пѣсносло́вимъ ва́шѧ по́двиги. Бг҃оро́диченъ:"
|
|
},
|
|
{
|
|
"type": "TEXT",
|
|
"value": "Лю́тыми страсте́й навѣ́ты ѡ҆бꙋрева́емь є҆́смь, ѻ҆трокови́це, и҆ прило́ги грѣхо́вными погрꙋжа́емь: къ твоемꙋ̀ є҆ди́номꙋ ти́хомꙋ и҆ невла́емомꙋ приста́нищꙋ любо́вїю прибѣга́ю, всепѣ́таѧ: ᲂу҆ще́дривши сп҃си́ мѧ, приснодв҃о. Катава́сїа:"
|
|
},
|
|
{
|
|
"type": "TEXT",
|
|
"value": "Ли́цы і҆и҃льтестїи, невла́жными стопа́ми по́нтъ чермны́й, и҆ вла́жнꙋю глꙋбинꙋ̀ прогна́вше, вса́дники трїста́ты врагѝ ви́дѧще въ не́й погрꙋжє́ны, съ весе́лїемъ поѧ́хꙋ: пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нбⷭ҇нагѡ крꙋ́га верхотво́рче гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ѡ҆сѣнѧ́ющаѧ сла́ва, въ сѣ́ни пе́рвѣе, и҆ мѡѷсе́ови бесѣ́дꙋющи твоемꙋ̀ ᲂу҆го́дникꙋ, ѡ҆́бразъ бы́сть ѡ҆блиста́вшагѡ неизрече́ннѡ, на ѳавѡ́рѣ, влⷣко, твоегѡ̀ преѡбраже́нїѧ."
|
|
},
|
|
{
|
|
"type": "TEXT",
|
|
"value": "Совзыдо́ша тѝ, сло́ве є҆диноро́дный, вы́шнїи а҆пⷭ҇льстїи версѝ, на горꙋ̀ ѳавѡ́рскꙋю: и҆ сопредста́ста тѝ мѡѷсе́й же и҆ и҆лїа̀, ꙗ҆́кѡ бж҃їѧ слꙋзѣ̑, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Бг҃ъ сло́во сы́й, ве́сь зе́мленъ бы́сть, всемꙋ̀ бж҃ествꙋ̀ смѣси́въ человѣ́чество, во ѵ҆поста́си свое́й: ю҆́же во двою̀ сꙋщєствꙋ̀ мѡѷсе́й и҆ и҆лїа́ же ви́дѣста на горѣ̀ ѳавѡ́рѣ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑. Возвесели́ бо сѧ дꙋ́хъ мо́й, внегда̀ пѣ́ти: нѣ́сть ст҃ъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Высото́ю смире́нїѧ ᲂу҆краша́еми, зѡсі́мо, савва́тїе и҆ ге́рмане прпⷣбнїи, всѐ ᲂу҆́бѡ жела́нїе ко влⷣцѣ своемꙋ̀ простро́сте, ꙗ҆́рѡстнаѧ же движє́нїѧ на врагѝ воѡрꙋжи́сте, со и҆зрѧ́дными дѣ́лы свои́ми, посто́мъ и҆ мл҃твами."
|
|
},
|
|
{
|
|
"type": "TEXT",
|
|
"value": "Пло́тей свои́хъ воста̑нїѧ крѣ́пкимъ поще́нїемъ, прпⷣбнїи, ᲂу҆мертви́вше, ѻ҆би́телище бы́сте влⷣчне: є҆го́же ᲂу҆моли́те и҆зба́витисѧ скорбе́й и҆ мꙋчи́тельства страсте́й, съ вѣ́рою притека́ющымъ къ ва́мъ, пребл҃же́ннїи."
|
|
},
|
|
{
|
|
"type": "TEXT",
|
|
"value": "И҆мꙋ́щѧ споспѣшествꙋ́ющꙋ бж҃е́ственнꙋю си́лꙋ, и҆сцѣлє́нїѧ безчи́слєннаѧ и҆сточа́ютъ мѡ́щи ва́шѧ, зѡсі́мо, савва́тїе и҆ ге́рмане прпⷣбнїи: ѿгонѧ́ютъ ѿ человѣ̑къ болѣ̑зни тѣлє́сныѧ, и҆ дꙋшє́вныѧ стра̑сти врачꙋ́ютъ, по́двиги ва́шими, всечестні́и. Бг҃оро́диченъ:"
|
|
},
|
|
{
|
|
"type": "TEXT",
|
|
"value": "Трꙋжда́етъ мѧ̀ бꙋ́рѧ грѣхо́внаѧ, и҆ возмꙋще́нїе безмѣ́стныхъ помышле́нїй: ᲂу҆милосе́рдисѧ, всенепоро́чнаѧ, и҆ рꙋ́кꙋ мѝ по́мощи ꙗ҆́кѡ млⷭ҇тива прострѝ, ꙗ҆́кѡ да спа́ссѧ велича́ю тѧ̀. Катава́сїа:"
|
|
},
|
|
{
|
|
"type": "TEXT",
|
|
"value": "Лꙋ́къ си́льныхъ и҆знемо́же, и҆ немощствꙋ́ющїи препоѧ́сашасѧ си́лою: сегѡ̀ ра́ди ᲂу҆тверди́сѧ въ гдⷭ҇ѣ се́рдце моѐ."
|
|
},
|
|
{
|
|
"type": "TEXT",
|
|
"value": "Конда́къ пра́здника, гла́съ з҃. Самогла́сенъ:"
|
|
},
|
|
{
|
|
"type": "TEXT",
|
|
"value": "На горѣ̀ преѡбрази́лсѧ є҆сѝ, и҆ ꙗ҆́коже вмѣща́хꙋ ᲂу҆ченицы̀ твоѝ, сла́вꙋ твою̀, хрⷭ҇тѐ бж҃е, ви́дѣша: да є҆гда́ тѧ ᲂу҆́зрѧтъ распина́ема, страда́нїе ᲂу҆́бѡ ᲂу҆разꙋмѣ́ютъ во́льное, мі́рови же проповѣ́дѧтъ: ꙗ҆́кѡ ты̀ є҆сѝ вои́стиннꙋ ѻ҆́ч҃ее сїѧ́нїе."
|
|
},
|
|
{
|
|
"type": "TEXT",
|
|
"value": "І҆́косъ: Воста́ните, лѣни́вїи, и҆̀же всегда̀ ни́зꙋ пони́кшїи въ зе́млю, дꙋшѝ моеѧ̀ по́мыслы, возми́тесѧ и҆ возвы́ситесѧ на высотꙋ̀ бж҃е́ственнагѡ восхожде́нїѧ. Притеце́мъ къ петрꙋ̀ и҆ къ зеведе́євымъ, и҆ вкꙋ́пѣ со ѻ҆́нѣми ѳавѡ́рскꙋю горꙋ̀ дости́гнемъ, да ви́димъ съ ни́ми сла́вꙋ бг҃а на́шегѡ, гла́съ же ᲂу҆слы́шимъ, є҆го́же свы́ше слы́шаша, и҆ проповѣ́даша ѻ҆́ч҃ее сїѧ́нїе."
|
|
},
|
|
{
|
|
"type": "HEADER",
|
|
"value": "Сѣда́ленъ прпⷣбнымъ, гла́съ д҃:"
|
|
},
|
|
{
|
|
"type": "TEXT",
|
|
"value": "Жите́йское мо́ре воздержа́нїемъ безбѣ́днѡ преплы́сте, и҆ ко приста́нищꙋ мы́сленномꙋ безстра́стїѧ ра́дꙋющесѧ доидо́сте, прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане, бг҃омꙋ́дрїи и҆ пребл҃же́ннїи: моли́те хрⷭ҇та̀ бг҃а, спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ двⷭ҇тва:"
|
|
},
|
|
{
|
|
"type": "TEXT",
|
|
"value": "Бж҃е́ственныѧ твоеѧ̀ сла́вы сїѧ́нїе, ꙗ҆́коже можа́хꙋ, показа́лъ є҆сѝ, сло́ве бж҃їй, ᲂу҆ч҃нкѡ́мъ твои̑мъ, на ѳавѡ́рстѣй горѣ̀ преѡбразꙋ́ѧйсѧ, и҆́мже спросвѣти́хомсѧ и҆ мы̀ пою́щїи тѧ̀, є҆ди́не неизмѣ́нне и҆ безсме́ртне гдⷭ҇и, тебѣ́ бо вѣ́рою вопїе́мъ: сла́ва, хрⷭ҇тѐ, црⷭ҇твїю твоемꙋ̀."
|
|
},
|
|
{
|
|
"type": "HEADER",
|
|
"value": "А҆́ще же внѣ̀ попра́зднства, и҆лѝ хра́мъ въ недѣ́лю, глаго́ли се́й бг҃оро́диченъ, гла́съ д҃:"
|
|
},
|
|
{
|
|
"type": "TEXT",
|
|
"value": "Стѣна̀ непобѣди́маѧ на́мъ хрⷭ҇тїа́нѡмъ є҆сѝ, бцⷣе дв҃о: къ тебѣ́ бо прибѣга́юще невреди́ми пребыва́емъ, и҆ па́ки согрѣша́юще и҆́мамы тѧ̀ мл҃твенницꙋ. Тѣ́мъ бл҃годарѧ́ще вопїе́мъ тѝ: ра́дꙋйсѧ, ѡ҆бра́дованнаѧ, гдⷭ҇ь съ тобо́ю."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆з̾ пло́ти твоеѧ̀ лꙋчи̑ бж҃ества̀ и҆схожда́хꙋ прⷪ҇ро́кѡмъ и҆ а҆пⷭ҇лѡмъ. Тѣ́мъ нача̑льницы пою́ще взыва́хꙋ: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "И҆́же кꙋпинꙋ̀ сохрани́вый неврежде́нꙋ, прикоснꙋ́вшꙋюсѧ ѻ҆гню̀, мѡѷсе́ю бг҃осїѧ́ннꙋю пло́ть показа́лъ є҆сѝ, влⷣко, пою́щемꙋ: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Скры́сѧ заре́ю бжⷭ҇тва̀ чꙋ́вственное со́лнце, ꙗ҆́кѡ на горѣ̀ ѳавѡ́рѣ ви́дѣвъ тѧ̀ преѡбразꙋ́ющасѧ, і҆и҃се мо́й: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Ѻ҆́гнь не ѡ҆палѧ́ѧ ве́щи тѣле́сныѧ, ви́дѣнъ бы́сть невеще́ственъ: ꙗ҆́коже мѡѷсе́ю и҆ а҆пⷭ҇лѡмъ ꙗ҆ви́лсѧ є҆сѝ, и҆лїи́ же, влⷣко, є҆ди́нъ ѿ двою̀, во двꙋ̀ совершє́нꙋ є҆стєствꙋ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Прише́лъ є҆сѝ ѿ дв҃ы не хода́тай, ни а҆́гг҃лъ, но са́мъ гдⷭ҇и вопло́щьсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Оу҆мо́мъ и҆ дꙋше́ю пред̾ѡчи́стившесѧ, прпⷣбнїи, пре́лесть дꙋшепа́гꙋбнꙋю всеконе́чнѣ ѿ себє̀ ѿверго́сте, и҆ чꙋ̑вства своѧ̑ къ немꙋ́тнѣй тишинѣ̀ ᲂу҆пра́вивше, во ѡ҆то́къ морскі́й, премꙋ́дрїи, всели́стесѧ, воспѣва́юще: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Зако́ны но́выми и҆ ве́тхимъ завѣ́томъ ра́зꙋмꙋ ст҃ы́хъ поꙋча́ющесѧ, зѡсі́мо, савва́тїе и҆ ге́рмане прпⷣбнїи, всѧ́кїѧ добродѣ́тели ѡ҆́бразꙋ навыко́сте, мꙋ́дрѣй пчелѣ̀ подо́бѧщесѧ, и҆ прїѧ́телище и҆зрѧ́дно дх҃ꙋ ст҃о́мꙋ, премꙋ́дрїи, бы́сте, воспѣва́юще: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Всѧ́ческими, прпⷣбнїи, свѣтѧ́щесѧ чꙋдодѣ́йствы, и҆ бж҃е́ственною ѡ҆зарѧ́еми бл҃года́тїю, всѣ̑мъ позна́стесѧ сокро́вище и҆сцѣле́нїй неистощи́мо, страсте́й ѿгонѧ́ете ѡ҆мраче́нїе, и҆ вра̑жїѧ низлага́ете ѡ҆полчє́нїѧ, воспѣва́юще: сла́ва си́лѣ твое́й, гдⷭ҇и. Бг҃оро́диченъ:"
|
|
},
|
|
{
|
|
"type": "TEXT",
|
|
"value": "И҆з̾ ᲂу҆тро́бы твоеѧ̀, чⷭ҇таѧ ѻ҆трокови́це, возсїѧ́въ бж҃е́ственное сл҃нце, сꙋ́щыѧ во тьмѣ̀ многобо́жїѧ просвѣтѝ, и҆ въ сѣ́ни сме́ртнѣй сѣдѧ́щыѧ, влⷣчце, ѡ҆сїѧ̀, є҆мꙋ́же воспѣва́юще зове́мъ: сла́ва си́лѣ твое́й, гдⷭ҇и. Катава́сїа:"
|
|
},
|
|
{
|
|
"type": "TEXT",
|
|
"value": "Оу҆слы́шахъ сла́вное смотре́нїе твоѐ, хрⷭ҇тѐ бж҃е, ꙗ҆́кѡ роди́лсѧ є҆сѝ ѿ дв҃ы, да ѿ ле́сти и҆зба́виши зовꙋ́щыѧ: сла́ва си́лѣ твое́й, гдⷭ҇и."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго. Но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Вѣті́йствꙋющїй ѧ҆зы́къ твоегѡ̀ вели́чества не мо́жетъ вѣща́ти: ꙗ҆́кѡ бо держа́й живо́тъ, и҆ сме́ртїю влады́й, предста́вилъ є҆сѝ на ѳавѡ́рстѣй горѣ̀ мѡѷсе́а и҆ и҆лїю̀, свидѣ́тєльствꙋющаѧ твоѐ бжⷭ҇тво̀."
|
|
},
|
|
{
|
|
"type": "TEXT",
|
|
"value": "И҆́же рꙋка́ма неви́димыма созда́въ по ѡ҆́бразꙋ твоемꙋ̀, хрⷭ҇тѐ, человѣ́ка, началоѡбра́знꙋю твою̀ въ созда́нїи добро́тꙋ показа́лъ є҆сѝ: не ꙗ҆́кѡ во ѡ҆́бразѣ, но ꙗ҆́кѡ са́мъ сы́й по сꙋществꙋ̀, бг҃ъ бы́лъ є҆сѝ и҆ чл҃вѣ́къ."
|
|
},
|
|
{
|
|
"type": "TEXT",
|
|
"value": "Сраствори́всѧ неслїѧ́ннѡ, ᲂу҆́гль горѧ́щь показа́лъ є҆сѝ на́мъ бжⷭ҇тва̀, попалѧ́ющь ᲂу҆́бѡ грѣхѝ, дꙋ́шы же просвѣща́ющь, на ѳавѡ́рстѣй горѣ̀: мѡѷсе́а со и҆лїе́ю, ᲂу҆ченикѡ́въ же старѣ́йшыѧ ᲂу҆диви́лъ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣще́нїе во тьмѣ̀ лежа́щихъ, спасе́нїе ѿча́ѧнныхъ, хрⷭ҇тѐ сп҃се мо́й, къ тебѣ̀ ᲂу҆́тренюю, цр҃ю̀ ми́ра, просвѣти́ мѧ сїѧ́нїемъ твои́мъ: и҆но́гѡ бо ра́звѣ тебє̀ бо́га не зна́ю."
|
|
},
|
|
{
|
|
"type": "TEXT",
|
|
"value": "Тѣ́сный предпоче́тше простра́нномꙋ пꙋтѝ, прпⷣбнїи, и҆ ра́дꙋющесѧ, во ѡ҆то́цѣ морстѣ́мъ всѧ́чески ᲂу҆тѣснѧ́еми, претерпѣ́сте, бжⷭ҇твенными поꙋчє́нїи дꙋ́шы своѧ̑ ѡ҆чища́юще, и҆ добро́тꙋ бж҃їю неизглаго́ланнꙋю при́снѡ взира́юще, пребл҃же́ннїи."
|
|
},
|
|
{
|
|
"type": "TEXT",
|
|
"value": "Неѕло́биви и҆ кро́тцы и҆ ми́лостиви бы́сте, прпⷣбнїи, всѧ̑ ѕлѡ́бы и҆ стрѣ́лы вра̑жїѧ до конца̀ погꙋ́бльше: тѣ́мже блгⷣть ѿ бг҃а свы́ше прїе́мше, ми́лостивнѡ на́съ посѣща́йте, любо́вїю ст҃ꙋ́ю па́мѧть ва́шꙋ почита́ющихъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ вели́кое со́лнце, вели́чїемъ пѡ́двигъ ва́шихъ возсїѧ́сте на́мъ, зѡсі́мо, савва́тїе и҆ ге́рмане прпⷣбнїи, земны̑ѧ ѡ҆сїѧва́юще концы̀, и҆ всѧ̑ просвѣща́юще свѣ́томъ бг҃оразꙋ́мїѧ: тѣ́мже мо́лимъ вы̀, просвѣти́те на́шъ ра́зꙋмъ, ѻ҆тцы̀ пребл҃же́ннїи. Бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѿ мно́жества востаю́щихъ на ны̀, въ болѣ́зни и҆счезѐ живо́тъ на́шъ, погрѧзо́хомъ въ про́пасти безчи́сленныхъ согрѣше́нїй. Сп҃си́ ны, влⷣчце, и҆ возведѝ ꙗ҆́кѡ млⷭ҇тива, всенепоро́чнаѧ: тебе́ бо и҆́мамы є҆ди́нꙋ предста́тельницꙋ непобѣди́мꙋ, рабѝ твоѝ. Катава́сїа:"
|
|
},
|
|
{
|
|
"type": "TEXT",
|
|
"value": "Ѿ свѣ́та пресѣкі́й перворо́дный свѣ́тъ, ꙗ҆́кѡ во свѣ́тѣ дѣла̀ пою́тъ тѧ̀, хрⷭ҇тѐ, содѣ́телѧ, во свѣ́тѣ твое́мъ пꙋти̑ на́шѧ напра́ви."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆з̾ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ве́лїе и҆ стра́шное ᲂу҆зрѣ́сѧ видѣ́нїе дне́сь: съ нб҃сѐ ᲂу҆́бѡ чꙋ́вственное, ѿ земли́ же несравне́нное, ѡ҆блиста̀ сл҃нце пра́вды мы́сленное на горѣ̀ ѳавѡ́рстѣй."
|
|
},
|
|
{
|
|
"type": "TEXT",
|
|
"value": "Пре́йде ᲂу҆́бѡ сѣ́нь зако́ннаѧ, и҆знемо́гшаѧ, прїи́де же ꙗ҆́вѣ хрⷭ҇то́съ и҆́стина, мѡѷсе́й возопѝ, на ѳавѡ́рѣ ви́дѣвъ твоѐ бж҃ество̀."
|
|
},
|
|
{
|
|
"type": "TEXT",
|
|
"value": "Сто́лпъ ѻ҆́гненный, хрⷭ҇та̀ преѡбразꙋ́ющасѧ, ѻ҆́блакъ же ꙗ҆́вѣ блгⷣть дх҃а, ѡ҆сѣни́вшꙋю на ѳавѡ́рѣ, предсказа́ста ꙗ҆влє́ннѣйша."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Є҆ѵⷢ҇льски, прпⷣбнїи, хрⷭ҇та̀ возлю́бльше, мі́ра ѿврати́стесѧ, въ непроходи̑мыѧ же и҆ въ пꙋсты̑ѧ ѡ҆то́ки заше́дше, є҆ди́номꙋ влⷣцѣ своемꙋ̀ прилѣпи́стесѧ: ѿ негѡ́же и҆ трꙋдѡ́мъ воздаѧ́нїе прїе́мше, животꙋ̀ вѣ́чномꙋ ꙗ҆́вѣ причасти́стесѧ, за пою́щыѧ вы̀ моли́тесѧ."
|
|
},
|
|
{
|
|
"type": "TEXT",
|
|
"value": "Бг҃омꙋ́дрыми по́мыслы преꙋдобри́вшесѧ, прпⷣбнїи, и҆ всѧ̑ ꙗ҆̀же на землѝ льстѧ̑щаѧ, ꙗ҆́кѡ ᲂу҆ме́ты вмѣни́вше, къ нестарѣ́ющемꙋ преста́вистесѧ бл҃же́нствꙋ, съ ли́ки во свѣ́тѣ безпло́тныхъ си́лъ ѡ҆ бз҃ѣ при́снѡ сликовствꙋ́юще, пребл҃же́ннїи."
|
|
},
|
|
{
|
|
"type": "TEXT",
|
|
"value": "Стра̑нна и҆ пресла̑вна, прпⷣбнїи, ѡ҆ бз҃ѣ содѣва́юще чꙋдеса̀, всѣ̑мъ и҆̀же въ мо́ри пла́вающымъ, и҆ ѕлѣ̀ стра́ждꙋщымъ, призыва́еми, ско́рѡ предстае́те, ѿ бѣ́дъ и҆збавлѧ́юще: и҆ на́съ бѣ́дствꙋющихъ лю́тѣ, и҆ напа́стьми ѡ҆держи́мыхъ, ми́лостивнѡ предста́вше спаса́йте, пребл҃же́ннїи. Бг҃оро́диченъ:"
|
|
},
|
|
{
|
|
"type": "TEXT",
|
|
"value": "Грѣха̀ тѧ́жкое бре́мѧ, є҆́же ѡ҆тѧготѣ̀ на мнѣ̀, пречⷭ҇таѧ, ѡ҆блегчѝ: ты́ бо є҆сѝ предста́тельница грѣ́шникѡмъ пресла́внаѧ, и҆зба́вителѧ и҆ сп҃са ро́ждши земны̑мъ. Катава́сїа:"
|
|
},
|
|
{
|
|
"type": "TEXT",
|
|
"value": "Внегда̀ скорбѣ́ти мѝ, возопи́хъ ко гдⷭ҇ꙋ, и҆ ᲂу҆слы́ша мѧ̀ бг҃ъ сп҃се́нїѧ моегѡ̀."
|
|
},
|
|
{
|
|
"type": "HEADER",
|
|
"value": "Конда́къ прпⷣбнымъ, гла́съ в҃:"
|
|
},
|
|
{
|
|
"type": "TEXT",
|
|
"value": "Хрⷭ҇то́вою любо́вїю ᲂу҆ѧзви́вшесѧ, прпⷣбнїи, и҆ тогѡ̀ крⷭ҇тъ на ра́мо взе́мше, понеслѝ є҆стѐ, бж҃е́ственнѣ воѡрꙋжи́вшесѧ на неви̑димыѧ врагѝ, и҆ непреста̑нныѧ мл҃твы ꙗ҆́кѡ копїѐ въ рꙋка́хъ и҆мꙋ́ще, крѣ́пкѡ побѣди́ли є҆стѐ бѣсѡ́вскаѧ ѡ҆полчє́нїѧ: бл҃года́ть гдⷭ҇ню прїе́мше цѣли́ти недꙋ́ги дꙋ́шъ и҆ тѣле́съ притека́ющихъ ко ст҃ы̑мъ моще́мъ ва́шымъ, чꙋде́съ лꙋчы̀ и҆спꙋща́ете всю́дꙋ. Тѣ́мъ зове́мъ ва́мъ: Ра́дꙋйтесѧ, прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане, мона́хѡмъ ᲂу҆добре́нїе."
|
|
},
|
|
{
|
|
"type": "TEXT",
|
|
"value": "І҆́косъ: Кто̀ дово́ленъ и҆зрещѝ ва̑ша чꙋдодѣѧ̑нїѧ, прпⷣбнїи ѻ҆тцы̀ зѡсі́мо, савва́тїе и҆ ге́рмане; мы̀ ᲂу҆́бѡ ра́достїю и҆ бжⷭ҇твенною любо́вїю почита́юще всехва́льнꙋю и҆ всечⷭ҇тнꙋ́ю па́мѧть ва́шꙋ, ѿ непости́жнагѡ ᲂу҆ма̀ на́шегѡ недосто́йнїи, ма́лое сїѐ пѣ́нїе прино́симъ: Ра́дꙋйтесѧ, и҆спо́лненнїи хрⷭ҇то́вы красоты̀, и҆ пресвѣ̑тла ѿ негѡ̀ и҆ преиз̾ѻби̑льна воспрїи́мшїи вѣ̑чнꙋющаѧ воздаѧ̑нїѧ: тѣлесы̀ ᲂу҆́бѡ ва́съ морскі́й ѻ҆́стровъ прїѧ́тъ, дꙋ́шы же са́мое нб҃о, и҆дѣ́же по́чєсти трꙋдѡ́въ свои́хъ, прехва́льнїи, воспрїѧ́сте ѿ хрⷭ҇та̀ всѣ́хъ цр҃ѧ̀ и҆ бг҃а. Тѣ́мже мо́лимъ вы̀, посѣща́йте млⷭ҇тивнѡ, и҆ моли́те непреста́ннѡ ѡ҆ всѣ́хъ на́съ, прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане, мона́хѡмъ ᲂу҆добре́нїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Ны́нѣ ви̑дѣна бы́ша а҆пⷭ҇лѡмъ неви̑димаѧ бж҃ества̀ во пло́ти, на горѣ̀ ѳавѡ́рстѣй ѡ҆блиста́вша, вопїю́щымъ: бл҃гослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Оу҆жасо́шасѧ стра́хомъ, ᲂу҆ди́вльшесѧ бл҃голѣ́пїю бж҃е́ственнагѡ црⷭ҇тва, на горѣ̀ ѳавѡ́рстѣй а҆пⷭ҇ли, вопїю́ще: бл҃гослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Ны́нѣ неꙋслы̑шаннаѧ ᲂу҆слы̑шана бы́ша: без̾ ѻ҆ц҃а́ бо сн҃ъ ѿ дв҃ы, ѻ҆ч҃ескимъ гла́сомъ сла́внѡ свидѣ́тельствꙋетсѧ, ꙗ҆́кѡ бг҃ъ и҆ чл҃вѣ́къ, то́йже во вѣ́ки."
|
|
},
|
|
{
|
|
"type": "TEXT",
|
|
"value": "Положе́нїемъ не бы́лъ є҆сѝ вы́шнѧгѡ, сꙋщество́мъ же сн҃ъ возлю́бленъ, пре́жде сы́й на́мъ прибли́жилсѧ є҆сѝ непрело́жнѡ: бл҃гослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆́бразꙋ злато́мꙋ на по́ли деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ, посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Въ моли́твахъ бо́дренное, и҆ въ поще́нїихъ крѣ́пкое, и҆ терпѣ́нїе во и҆скꙋше́нїихъ неѡсла́бное, ᲂу҆ма̀ чистото́ю, прпⷣбнїи, показа́сте, земли́ бо и҆ земны́хъ досто́йнѡ ѿстꙋ́пльше, нбⷭ҇ное ѡ҆брѣто́сте наслажде́нїе, воспѣва́юще: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Пло́дъ дꙋхо́вный, и҆ же́ртвꙋ непоро́чнꙋю, житїѐ своѐ, прпⷣбнїи, влⷣцѣ принесо́сте, въ воздержа́нїи бо всѧ́цѣмъ пожи́сте, ѿ негѡ́же и҆ по́чєсти трꙋдѡ́мъ ꙗ҆́кѡ подвигополѡ́жницы воспрїе́мше, дѣ́йствꙋете пресла́внаѧ чꙋдеса̀, воспѣва́юще: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Страстьмѝ коле́блющихсѧ, и҆ бꙋ́рею грѣхо́вною, прпⷣбнїи, погрꙋжа́емыхъ, ꙗ҆́кѡ вели́кое къ бг҃ꙋ дерзнове́нїе и҆мꙋ́ще, рꙋково́дствꙋйте, и҆ всегда̀, премꙋ́дрїи, сохранѧ́йте почита́ющихъ ва́съ бл҃гоче́стнѡ, ꙗ҆́кѡ да воспѣва́емъ: бл҃гослове́нъ бг҃ъ ѻ҆тє́цъ на́шихъ. Бг҃оро́диченъ:"
|
|
},
|
|
{
|
|
"type": "TEXT",
|
|
"value": "И҆зба́ви на́съ ѿ напа́стей и҆ скорбе́й, и҆ печа́лей разли́чныхъ, и҆ и҆ноплеме́нныхъ наше́ствїѧ, и҆ междоꙋсо́бныѧ бра́ни, влⷣчце всепѣ́таѧ, ꙗ҆́кѡ да тѧ̀ сла́вимъ, и҆ сн҃ꙋ твоемꙋ̀ взыва́емъ: бл҃гослове́нъ бг҃ъ ѻ҆тє́цъ на́шихъ. Катава́сїа:"
|
|
},
|
|
{
|
|
"type": "TEXT",
|
|
"value": "А҆враа́мстїи и҆ногда̀ въ вавѷлѡ́нѣ ѻ҆́троцы пе́щный пла́мень попра́ша, пѣ́сньми взыва́юще: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею сп҃сє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, сщ҃е́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆слы́шавше, влⷣко, ѿ ѻ҆ц҃а̀ свидѣ́тельствꙋема, и҆ ꙗ҆́кѡ человѣ́ческа твердѣ́йша зра́ка, зрѣ́ти лица̀ твоегѡ̀ блиста́нїѧ не терпѧ́ще, твоѝ ᲂу҆ченицы̀ на зе́млю ни́цъ па́дахꙋ, со стра́хомъ пою́ще: свѧще́нницы, бл҃гослови́те, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ца́рствꙋющымъ є҆сѝ цр҃ь прекра́сенъ, и҆ и҆̀же всю́дꙋ владѧ́щымъ гдⷭ҇ь си́ленъ, бл҃же́нъ, и҆ во свѣ́тѣ живы́й непристꙋ́пнѣмъ. Є҆мꙋ́же ᲂу҆ченицы̀ ᲂу҆ди́вльшесѧ, мѡѷсе́й же и҆ и҆лїа̀, вопїѧ́хꙋ: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́кѡ нб҃омъ владꙋ́щемꙋ, и҆ земле́ю гдⷭ҇ьствꙋющемꙋ, и҆ над̾ преиспо́дними ѻ҆́бласть и҆мꙋ́щемꙋ, хрⷭ҇тѐ, предста́ша тѝ: ѿ землѝ ᲂу҆́бѡ а҆пⷭ҇ли, ꙗ҆́кѡ съ нб҃се́ же ѳесві́тѧнинъ и҆лїа̀, мѡѷсе́й же ѿ ме́ртвыхъ, пою́ще согла́снѡ: лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆ны́нїѧ ражда́ющыѧ печа̑ли на землѝ ѡ҆ста́виша а҆пⷭ҇лѡвъ и҆збра́ннїи, чл҃вѣколю́бче: ꙗ҆́кѡ тебѣ̀ послѣ́доваша, ко и҆́же ѿ землѝ преложе́нїю бжⷭ҇твеннагѡ житїѧ̀. Тѣ́мже и҆ по достоѧ́нїю твоегѡ̀ бг҃оѧвле́нїѧ ᲂу҆лꙋчи́вше, поѧ́хꙋ: лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Въ пребыва̑лища при́снѡ живꙋ̑щаѧ всели́стесѧ, прпⷣбнїи, нетлѣ́нныхъ бла̑гъ наслажда́ющесѧ, и҆ трисо́лнечныѧ свѣ́тлости и҆сполнѧ́ющесѧ. На́съ призыва́ющихъ вы̀, те́плымъ предста́тельствомъ ва́шимъ ѿ всѣ́хъ лю́тыхъ спаса́йте, пою́щихъ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "На́мъ и҆̀же любо́вїю почита́ющымъ ва́съ, и҆ честно́е ва́ше соверша́ющымъ торжество̀, хрⷭ҇тѡ́вы ᲂу҆гѡ́дницы зѡсі́мо, савва́тїе и҆ ге́рмане, прпⷣбнїи ѻ҆тцы̀, согрѣше́нїємъ и҆спроси́те ѡ҆ставле́нїе, и҆ страсте́й премѣне́нїе, и҆ бж҃е́ственнагѡ свѣ́та ѡ҆сїѧ́нїе, пою́щымъ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Бл҃гослови́мъ ѻ҆ц҃а̀, и҆ сн҃а, и҆ ст҃а́го дх҃а, гдⷭ҇а. Трⷪ҇ченъ:"
|
|
},
|
|
{
|
|
"type": "TEXT",
|
|
"value": "Ѽ пребезнача́льное є҆стество̀ и҆ трїѷпоста́сное є҆ди́нство, ѻ҆́ч҃е и҆ сн҃е и҆ дш҃е прест҃ы́й, прїимѝ ѡ҆ на́съ мл҃твенники твоѧ̑ прпⷣбныѧ ᲂу҆го́дники, и҆ пода́ждь прегрѣше́нїємъ разрѣше́нїе, и҆ житїю̀ и҆справле́нїе, и҆ ѕлы́хъ ѿчꙋжде́нїе, и҆ сподо́би ны̀ въ ми́рѣ воспѣва́ти твою̀ держа́вꙋ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ є҆ди́на ро́ждшаѧ безсѣ́меннымъ рождество́мъ хрⷭ҇та̀ бг҃а, мт҃и безневѣ́стнаѧ чⷭ҇таѧ, сего̀ млⷭ҇тива сотворѝ, влⷣчце, сп҃стѝ рабы̑ твоѧ̑ ѿ наси́лїѧ и҆ мꙋчи́тельства вра́жїѧ, вопїю́щыѧ хрⷭ҇тꙋ̀ сн҃ꙋ твоемꙋ̀: бл҃гослови́те всѧ̑ дѣла̀ гдⷭ҇нѧ гдⷭ҇а. Та́же:"
|
|
},
|
|
{
|
|
"type": "TEXT",
|
|
"value": "Хва́лимъ, блгⷭ҇ви́мъ, покланѧ́емсѧ гдⷭ҇ви, пою́ще и҆ превозносѧ́ще во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Катава́сїа: Въ вавѷлѡ́нѣ ѻ҆́троцы, бж҃е́ственною распала́еми ре́вностїю, мꙋчи́телѧ и҆ пла́мене преще́нїе мꙋ́жески попра́ша, и҆ посредѣ̀ ѻ҆гнѧ̀ вве́ржени, ѡ҆роша́еми поѧ́хꙋ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆страши́сѧ всѧ́къ слꙋ́хъ неизрече́нна бж҃їѧ снизхожде́нїѧ, ꙗ҆́кѡ вы́шнїй во́лею сни́де да́же и҆ до пло́ти, ѿ дв҃и́ческагѡ чре́ва бы́въ чл҃вѣ́къ: тѣ́мже пречⷭ҇тꙋю бцⷣꙋ вѣ́рнїи велича́емъ."
|
|
},
|
|
{
|
|
"type": "TEXT",
|
|
"value": "Да твоѐ пока́жеши ꙗ҆́вѣ неизрече́нное второ́е сни́тїе, ꙗ҆́кѡ да вы́шнїй бг҃ъ ꙗ҆ви́шисѧ, стоѧ̀ посредѣ̀ богѡ́въ а҆пⷭ҇тѡлъ на ѳавѡ́рѣ, мѡѷсе́а же и҆ и҆лїю̀ неизрече́ннѡ ѡ҆сїѧ́лъ є҆сѝ: тѣ́мже всѝ тѧ̀, хрⷭ҇тѐ, велича́емъ."
|
|
},
|
|
{
|
|
"type": "TEXT",
|
|
"value": "Прїиди́те, мнѣ̀ покори́тесѧ, лю́дїе, возше́дше на горꙋ̀ ст҃ꙋ́ю пренбⷭ҇нꙋю, невеще́ственнѡ ста́немъ во гра́дѣ жива́гѡ бг҃а, и҆ ᲂу҆́зримъ мы́сленнѡ бж҃ество̀ невеще́ственное, ѻ҆ц҃а̀ и҆ дх҃а, въ сн҃ѣ є҆диноро́днѣмъ ѡ҆блиста́ющее."
|
|
},
|
|
{
|
|
"type": "TEXT",
|
|
"value": "Привле́клъ є҆сѝ любо́вїю мѧ̀, сп҃се, и҆ премѣни́лъ є҆сѝ бж҃е́ственнымъ твои́мъ жела́нїемъ: но попалѝ ѻ҆гне́мъ невеще́ственнымъ грѣхѝ моѧ̑, и҆ насы́титисѧ твоеѧ̀ пи́щи сподо́би: да ѻ҆боѐ и҆гра́ѧ, велича́ю, бл҃же, вели̑чїѧ твоѧ̑."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щьсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ: тѣ́мъ всепѣ́тꙋю бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Вы́спрь къ бг҃ꙋ и҆мꙋ́ще мы́сль, зѡсі́мо, савва́тїе и҆ ге́рмане прпⷣбнїи, земна̑ѧ ѡ҆ста́вльше, нбⷭ҇наѧ воспрїѧ́сте, бг҃ꙋ и҆ сп҃сꙋ ва́съ вельмѝ просла́вльшꙋ, трꙋдѡ́въ ра́ди ва́шихъ, и҆ воздержа́нїѧ неѡсла́бнагѡ: сегѡ̀ ра́ди почита́емъ ва́съ, пребл҃же́ннїи."
|
|
},
|
|
{
|
|
"type": "TEXT",
|
|
"value": "И҆̀хже бла̑гъ, прпⷣбнїи, полꙋчи́сте, и҆ нбⷭ҇ныѧ сла́вы, є҆ѧ́же ѿ бг҃а сподо́бистесѧ, и҆ є҆мꙋ́же вы́нꙋ предстоѧ́ще, моли́тесѧ и҆ на́мъ неѿлꙋчє́ннымъ бы́ти, мо́лимъ вы̀, ра́достїю и҆ бж҃е́ственною любо́вїю почита́ющымъ по́двиги ва́шѧ, всечестні́и."
|
|
},
|
|
{
|
|
"type": "TEXT",
|
|
"value": "Ѽ бж҃е́ственнїи и҆ бг҃омꙋ́дрїи ѻ҆тцы̀ зѡсі́мо, савва́тїе и҆ ге́рмане! Мі́рови ми́рꙋ ѿ бг҃а низпосла́тисѧ и҆спроси́те, це́рквамъ соедине́нїе, ст҃ѣ́й ѻ҆би́тели ва́шей ᲂу҆твержде́нїе, и҆ всѣ̑мъ правосла̑внымъ хрⷭ҇тїа́нѡмъ предста́тельство и҆ сп҃се́нїе, пребл҃же́ннїи. Бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пощади́ мѧ, хрⷭ҇тѐ сп҃се, пощадѝ мл҃твами ро́ждшїѧ тѧ̀, и҆ всѣ́хъ ст҃ы́хъ твои́хъ: є҆гда̀ сѧ́деши сꙋди́ти дѣлѡ́мъ мои̑мъ, беззакѡ́нїѧ и҆ грѣхѝ моѧ̑ пре́зри, ꙗ҆́кѡ є҆ди́нъ безгрѣ́шенъ. Ми́ръ же пода́ждь и҆ сп҃се́нїе воспѣва́ющымъ тѧ̀, ми́лостивый бж҃е и҆ чл҃вѣколю́бче. Катава́сїа:"
|
|
},
|
|
{
|
|
"type": "TEXT",
|
|
"value": "Ржⷭ҇тво̀ твоѐ нетлѣ́нно ꙗ҆ви́сѧ: бг҃ъ и҆з̾ бокꙋ̑ твоє́ю про́йде, ꙗ҆́кѡ плотоно́сецъ ꙗ҆ви́сѧ на землѝ, и҆ съ человѣ́ки поживѐ. Тѧ̀, бцⷣе, тѣ́мъ всѝ велича́емъ."
|
|
},
|
|
{
|
|
"type": "HEADER",
|
|
"value": "Свѣти́ленъ прпⷣбнымъ:"
|
|
},
|
|
{
|
|
"type": "TEXT",
|
|
"value": "Мїрска́гѡ пристра́стїѧ, ꙗ҆́кѡ скве́рны ᲂу҆клони́вшесѧ, и҆ а҆́лчбою пло́ть ᲂу҆мертви́вше, бл҃же́ннїи, нбⷭ҇ною сла́вою со а҆́гг҃лы ѡ҆богати́стесѧ: тѣ́мже непреста́ннѡ ѡ҆ на́съ моли́те хрⷭ҇та̀ бг҃а, прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника:"
|
|
},
|
|
{
|
|
"type": "TEXT",
|
|
"value": "Свѣ́те неизмѣ́нный, сло́ве, свѣ́та ѻ҆ц҃а̀ нерожде́нна, въ ꙗ҆вле́ннѣмъ свѣ́тѣ твое́мъ, дне́сь на ѳавѡ́рѣ свѣ́тъ ви́дѣхомъ ѻ҆ц҃а̀, свѣ́тъ и҆ дх҃а, свѣ́томъ наставлѧ́ющаго всю̀ тва́рь."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры прпⷣбнымъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "И҆мѣ́ѧ бж҃е́ственнꙋю бл҃года́ть ᲂу҆чи́телѧ, цѣлоꙋ́мїемъ ва́съ наставлѧ́ющꙋ къ жела́нїю бж҃е́ственномꙋ, ѿню́дꙋже мїрска́гѡ мѧте́жа ѿрекли́сѧ є҆стѐ, къ ра́зꙋмꙋ и҆́стинномꙋ возвели́сѧ є҆стѐ, и҆ болѣ́зненными себѐ трꙋды̀ ᲂу҆мꙋдрѧ́юще, покори́ли є҆стѐ лꙋ́чшемꙋ хꙋ́ждшее: зѡсі́мо, савва́тїе и҆ ге́рмане прпⷣбнїи, моли́те сп҃сти́сѧ на́мъ."
|
|
},
|
|
{
|
|
"type": "TEXT",
|
|
"value": "Прпⷣбнїи ѻ҆тцы̀ зѡсі́мо, савва́тїе и҆ ге́рмане, любвѐ ра́ди хрⷭ҇то́вы, всѧ̑ ꙗ҆̀же на землѝ презрѣ́ли є҆стѐ, и҆ въ пꙋсты́ню всели́вшесѧ, плотскі́ѧ по́хоти мꙋдрова́нїе ᲂу҆мертви́ли є҆стѐ, по́стническими трꙋды̀ своѐ житїѐ ᲂу҆ѧсни́ли є҆стѐ: тѣ́мъ и҆ хрⷭ҇то́съ да́ромъ чꙋде́съ ѡ҆богатѝ ва́съ. Помина́йте на́съ, чтꙋ́щихъ па́мѧть ва́шꙋ, досточꙋ́днїи."
|
|
},
|
|
{
|
|
"type": "TEXT",
|
|
"value": "Добродѣ́тєли стѧжа́ли є҆стѐ, прпⷣбнїи зѡсі́мо, савва́тїе и҆ ге́рмане, и҆́миже бг҃ови прибли́житисѧ разꙋмѣва́юще, къ томꙋ̀ востеклѝ є҆стѐ, и҆ при́снѡ хода́тайствꙋете ѡ҆ на́съ, є҆́же ми́рнѡ житїѐ преитѝ, спасти́сѧ ѿ собла̑знъ льсти́вагѡ, и҆ ст҃ы́хъ ра́дости ѻ҆́бщникѡмъ бы́ти."
|
|
},
|
|
{
|
|
"type": "TEXT",
|
|
"value": "Прїиди́те всѝ хотѧ́щїи и҆сцѣле́нїѧ, и҆ почерпи́те вїно̀ дꙋ́шы веселѧ́щее, ника́коже сꙋмнѧ́щесѧ: и҆спо́лнь бо честнѣ́йшаѧ ча́ша пребл҃же́нныхъ ѻ҆тє́цъ на́шихъ зѡсі́мы, савва́тїа и҆ ге́рмана, и҆злива́етъ всѣ̑мъ приходѧ́щымъ съ вѣ́рою, дꙋша́мъ и҆ тѣлесє́мъ здра́вїе."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане, во всю̀ зе́млю и҆зы́де вѣща́нїе и҆справле́нїй ва́шихъ, тѣ́мже и҆ на небесѣ́хъ ѡ҆брѣто́сте мздꙋ̀ трꙋдѡ́въ свои́хъ: бѣсѡ́вскїѧ полкѝ погꙋби́сте, и҆ а҆́гг҃льскимъ чинѡ́мъ совокꙋпи́стесѧ, и҆́хже житїю̀ до́брѣ поревнова́сте. Дерзнове́нїе и҆мꙋ́ще къ бг҃ꙋ, ми́ра проси́те дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ и҃."
|
|
},
|
|
{
|
|
"type": "TEXT",
|
|
"value": "Вѷзанті́ево: Поѧ́тъ хрⷭ҇то́съ петра̀, і҆а́кѡва и҆ і҆ѡа́нна, на горꙋ̀ высокꙋ̀ є҆ди̑ны, и҆ преѡбрази́сѧ пред̾ ни́ми: и҆ просвѣти́сѧ лицѐ є҆гѡ̀ ꙗ҆́кѡ со́лнце, ри̑зы же є҆гѡ̀ бы́ша бѣлы̀ ꙗ҆́кѡ свѣ́тъ: и҆ ꙗ҆ви́стасѧ мѡѷсе́й и҆ и҆лїа̀ съ ни́мъ глагѡ́люща, и҆ ѻ҆́блакъ свѣ́телъ ѡ҆сѣнѝ и҆̀хъ. И҆ сѐ гла́съ и҆з̾ ѻ҆́блака глаго́лющь: се́й є҆́сть сн҃ъ мо́й возлю́бленный, ѡ҆ не́мже бл҃говоли́хъ, тогѡ̀ послꙋ́шайте."
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ по трист҃о́мъ, тропа́рь прпⷣбнымъ, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣти́льницы ꙗ҆ви́стесѧ всесвѣ́тлїи во ѡ҆то́цѣ ѻ҆кїа́на мо́рѧ, прпⷣбнїи ѻ҆тцы̀ на́ши зѡсі́мо, савва́тїе и҆ ге́рмане: вы́ бо крⷭ҇тъ хрⷭ҇то́въ на ра́мо взе́мше, ᲂу҆се́рднѡ томꙋ̀ послѣ́довасте, и҆ чистото́ю бг҃ови прибли́жившесѧ, ѿѻнꙋ́дꙋже си́лами чꙋде́съ ѡ҆богати́стесѧ. Тѣ́мже и҆ мы̀ любе́знѡ притека́емъ ко ст҃ы̑мъ моще́мъ ва́шымъ, и҆ ᲂу҆ми́льнѡ глаго́лемъ: ѽ прпⷣбнїи, моли́те хрⷭ҇та̀ бг҃а сп҃сти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ з҃:"
|
|
},
|
|
{
|
|
"type": "TEXT",
|
|
"value": "Преѡбрази́лсѧ є҆сѝ на горѣ̀, хрⷭ҇тѐ бж҃е, показа́вый ᲂу҆ченикѡ́мъ твои̑мъ сла́вꙋ твою̀, ꙗ҆́коже можа́хꙋ: да возсїѧ́етъ и҆ на́мъ грѣ̑шнымъ свѣ́тъ тво́й присносꙋ́щный, мл҃твами бцⷣы, свѣтода́вче, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Є҆ктєнїѝ, и҆ ѿпꙋ́стъ, и҆ ча́съ а҃-й."
|
|
},
|
|
{
|
|
"type": "HEADER",
|
|
"value": "На часѣ́хъ тропа́рь пра́здника: Сла́ва, прпⷣбнымъ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ пра́здника, и҆ прпⷣбнымъ, премѣнѧ́юще гл҃емъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна праⷥ, ѿ втора́гѡ канѡ́на пѣ́снь г҃-ѧ, на д҃: и҆ прпⷣбнымъ, пѣ́снь ѕ҃-ѧ, на д҃. По вхо́дѣ:"
|
|
},
|
|
{
|
|
"type": "TEXT",
|
|
"value": "Сп҃си́ ны, сн҃е бж҃їй, преѡбрази́выйсѧ на горѣ̀, пою́щыѧ тѝ: а҆ллилꙋ́їа."
|
|
},
|
|
{
|
|
"type": "HEADER",
|
|
"value": "Тропа́рь пра́здника. Та́же хра́ма бцⷣы. (А҆́ще полѷеле́й, прилага́емъ тропа́рь хра́ма ст҃а́гѡ: а҆́ще же бдѣ́нїе, тропарѧ̀ и҆ кондака̀ хра́ма ст҃а́гѡ не глаго́лемъ.) Та́же прпⷣбнымъ."
|
|
},
|
|
{
|
|
"type": "HEADER",
|
|
"value": "Конда́къ хра́ма бцⷣы: (а҆́ще полѷеле́й, и҆ хра́ма ст҃а́гѡ.)"
|
|
},
|
|
{
|
|
"type": "HEADER",
|
|
"value": "Сла́ва: конда́къ прпⷣбнымъ: И҆ ны́нѣ, пра́здника. (Хрⷭ҇то́ва же хра́ма тропарѧ̀ и҆ кондака̀ не глаго́лемъ.)"
|
|
},
|
|
{
|
|
"type": "HEADER",
|
|
"value": "Прокі́менъ пра́здника, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ возвели́чишасѧ дѣла̀ твоѧ̑ гдⷭ҇и, всѧ̑ премꙋ́дростїю сотвори́лъ є҆сѝ."
|
|
},
|
|
{
|
|
"type": "HEADER",
|
|
"value": "И҆ прпⷣбнымъ, гла́съ з҃:"
|
|
},
|
|
{
|
|
"type": "TEXT",
|
|
"value": "Чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, заⷱ҇ сг҃і."
|
|
},
|
|
{
|
|
"type": "HEADER",
|
|
"value": "А҆ллилꙋ́їа, праⷥ, гла́съ и҃."
|
|
},
|
|
{
|
|
"type": "HEADER",
|
|
"value": "И҆ прпⷣбнымъ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Си́льно на землѝ бꙋ́детъ сѣ́мѧ є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ лꙋкѝ, заⷱ҇ к҃д. (А҆́ще ли полѷеле́й, а҆пⷭ҇лъ и҆ є҆ѵⷢ҇лїе пре́жде рѧ́дъ, та́же прпⷣбнымъ.)"
|
|
},
|
|
{
|
|
"type": "TEXT",
|
|
"value": "Прича́стенъ пра́здника: Гдⷭ҇и, во свѣ́тѣ лица̀ твоегѡ̀ по́йдемъ, и҆ ѡ҆ и҆́мени твое́мъ возра́дꙋемсѧ во вѣ́ки."
|
|
},
|
|
{
|
|
"type": "TEXT",
|
|
"value": "И҆ прпⷣбнымъ: Въ па́мѧть вѣ́чнꙋю бꙋ́детъ првⷣникъ, ѿ слꙋ́ха ѕла̀ не ᲂу҆бои́тсѧ."
|
|
},
|
|
{
|
|
"type": "HEADER",
|
|
"value": "Моли́тва прпⷣбнымъ и҆ бг҃онѡ́снымъ ѻ҆тцє́мъ на́шымъ зѡсі́мѣ, савва́тїю и҆ ге́рманꙋ, соловє́цкимъ чꙋдотво́рцємъ:"
|
|
},
|
|
{
|
|
"type": "TEXT",
|
|
"value": "Ѽ прпⷣбнїи и҆ бг҃оно́снїи ѻ҆тцы̀ на́ши зѡсі́мо, савва́тїе и҆ ге́рмане, земні́и а҆́гг҃ли и҆ нбⷭ҇нїи человѣ́цы, бли́жнїи дрꙋ́зи хрⷭ҇тѡ́вы и҆ ᲂу҆гѡ́дницы бж҃їи, ѻ҆би́тели ва́шеѧ сла́во и҆ ᲂу҆краше́нїе, всеѧ́ же сѣ́верныѧ страны̀, па́че и҆ всегѡ̀ правосла́внагѡ ѻ҆те́чества на́шегѡ неѡбори́маѧ стѣно̀ и҆ вели́кое застꙋпле́нїе! Сѐ мы̀ недосто́йнїи и҆ многогрѣ́шнїи, съ бл҃гоговѣ́йною любо́вїю ко ст҃ы̑мъ моще́мъ ва́шымъ припа́дающе, дꙋ́хомъ сокрꙋше́ннымъ и҆ смире́ннымъ се́рдцемъ прилѣ́жнѡ мо́лимъ ва́съ: моли́те непреста́ннѡ бл҃госе́рдаго влⷣкꙋ и҆ гдⷭ҇а на́шего і҆и҃са хрⷭ҇та̀, ꙗ҆́кѡ дерзнове́нїе ве́лїе къ томꙋ̀ и҆мꙋ́щїи, да не ѿстꙋ́питъ ѿ на́съ є҆гѡ̀ вседѣ́йствꙋющаѧ блгⷣть, покро́въ же и҆ застꙋпле́нїе прест҃ы́ѧ влⷣчцы на́шеѧ бцⷣы на мѣ́стѣ се́мъ да пребꙋ́детъ, и҆ да не ѡ҆скꙋдѣ́ютъ никогда́же и҆́стиннїи ревни́тели а҆́гг҃льскагѡ житїѧ̀ во ст҃ѣ́й ѻ҆би́тели се́й, и҆дѣ́же вы̀, бг҃оно́снїи ѻ҆тцы̀ и҆ нача̑льницы, безмѣ́рными трꙋды̀ и҆ пощє́нїи, то́ки же сле́зными и҆ всено́щными бдѣ̑нїи, непреста́нными мл҃твами и҆ молє́нїи нача́ло и҆́ноческомꙋ житїю̀ положи́сте. Є҆́й, ᲂу҆гѡ́дницы ст҃і́и, мл҃твєнницы къ бг҃ꙋ бл҃гопрїѧ́тнѣйшїи, те́плыми ва́шими къ немꙋ̀ мольба́ми ѡ҆гради́те и҆ сохрани́те ны̀ и҆ ст҃о́е селе́нїе сїѐ ва́ше ѿ трꙋ́са, пото́па, ѻ҆гнѧ̀ и҆ меча̀, наше́ствїѧ и҆ноплеме́нныхъ и҆ смертоно́сныѧ ꙗ҆́звы, ѿ вражды̀ и҆ всѧ́кихъ нестрое́нїй, ѿ всѧ́кїѧ бѣды̀ и҆ ско́рби и҆ ѿ всѧ́кагѡ ѕла̀: да непреста́ннѡ на мѣ́стѣ се́мъ, въ ми́рѣ и҆ безмо́лвїи, бл҃гоче́стнѡ сла́витсѧ прест҃о́е и҆́мѧ гдⷭ҇а и҆ бг҃а, и҆ ѡ҆брѣта́ютъ вѣ́чное сп҃се́нїе и҆́щꙋщїи є҆гѡ̀. Ѽ пребл҃же́ннїи ѻ҆тцы̀ на́ши зѡсі́мо, савва́тїе и҆ ге́рмане! Оу҆слы́шите ны̀ грѣ̑шныѧ, во ст҃ѣ́й ѻ҆би́тели ва́шей и҆ под̾ кро́вомъ ва́шегѡ защище́нїѧ недосто́йнѡ жи́тельствꙋющыѧ, и҆ бл҃гомо́щными ва́шими къ бг҃ꙋ хода́тайствы и҆спроси́те дꙋша́мъ на́шымъ грѣхѡ́въ ѡ҆ставле́нїе, житїѧ̀ и҆справле́нїе и҆ вѣ́чныхъ бла̑гъ воспрїѧ́тїе въ нбⷭ҇нѣмъ црⷭ҇твїи: всѣ̑мъ же вѣ́рꙋющымъ, и҆̀же на всѧ́комъ мѣ́стѣ и҆ во всѧ́кой нꙋ́ждѣ призыва́ютъ ва́съ въ по́мощь и҆ застꙋпле́нїе, и҆ и҆̀же съ бл҃гоговѣ́йною любо́вїю во ѻ҆би́тель ва́шꙋ притека́ютъ, не преста́ните и҆злива́ти всѧ́кꙋю бл҃года́ть и҆ млⷭ҇ть, сохранѧ́юще и҆̀хъ ѿ всѧ́кїѧ сопроти́вныѧ си́лы, ѿ всѧ́кїѧ напа́сти и҆ ѿ всѧ́кагѡ ѕла́гѡ ѡ҆бстоѧ́нїѧ, и҆ подаю́ще и҆̀мъ всѧ̑ потрє́бнаѧ къ дꙋше́внѣй и҆ тѣле́снѣй по́льзѣ. Наипа́че же моли́те премлⷭ҇рдаго бг҃а, да ᲂу҆тверди́тъ и҆ ᲂу҆крѣпи́тъ цр҃ковь свою̀ ст҃ꙋ́ю и҆ всѐ на́ше правосла́вное ѻ҆те́чество въ ми́рѣ и҆ тишинѣ̀, въ любвѝ и҆ є҆диномы́слїи, въ правовѣ́рїи и҆ бл҃гоче́стїи да сохрани́тъ и҆ соблюде́тъ во вѣ́ки вѣкѡ́въ. А҆ми́нь."
|
|
},
|
|
{
|
|
"type": "HEADER",
|
|
"value": "И҆́на моли́тва:"
|
|
},
|
|
{
|
|
"type": "TEXT",
|
|
"value": "Ѽ прпⷣбнїи ѻ҆тцы̀, вели́цыи застꙋ̑пницы въ ско́рби и҆ ᲂу҆слы́шателїе моли́твъ, ᲂу҆гѡ́дницы бж҃їи и҆ чꙋдотво́рцы зѡсі́мо, савва́тїе и҆ ге́рмане! Не забꙋ́дите, ꙗ҆́коже ѡ҆бѣща́стесѧ, посѣща́ти ча̑да ва̑ша. А҆́ще бо и҆ ѿидо́сте ѿ на́съ тѣ́ломъ, но дꙋ́хомъ при́снѡ съ на́ми пребыва́ете. Мо́лимъ ᲂу҆̀бо вы̀, ѽ прпⷣбнїи: и҆зба́вите ны̀ ѿ ѻ҆гнѧ̀, ѿ наше́ствїѧ и҆ноплеме́нникѡвъ и҆ междоꙋсо́бныѧ бра́ни, ѿ тлѣтво́рныхъ вѣ́трѡвъ, и҆ ѿ напра́сныѧ сме́рти, и҆ ѿ всѣ́хъ прило́гѡвъ бѣсо́вскихъ, находѧ́щихъ на ны̀. Оу҆слы́шите на́съ грѣ́шныхъ, и҆ прїими́те моли́твꙋ сїю̀ и҆ моле́нїе на́ше, ꙗ҆́кѡ кади́ло бл҃гово́нное, ꙗ҆́кѡ же́ртвꙋ бл҃гоꙋго́днꙋ, и҆ дꙋ́шы на́шѧ, ѕлы́ми дѣ́лы и҆ совѣ́ты и҆ по́мыслы ᲂу҆мерщвлє́нныѧ, ѡ҆живи́те, и҆ ꙗ҆́коже ᲂу҆ме́ршꙋю ѻ҆трокови́цꙋ возста́висте, ꙗ҆́коже неисцѣ̑льныѧ ра̑ны мно́гихъ и҆сцѣли́сте, ѿ дꙋхѡ́въ нечи́стыхъ ѕлѣ̀ мꙋ́чимыхъ и҆зба́висте, та́кѡ и҆ на́съ, содержи́мыхъ во ᲂу҆́захъ вра́жїихъ, и҆зми́те, и҆ ѿ сѣте́й дїа́вола и҆зба́вите, и҆з̾ глꙋбины̀ прегрѣше́нїй и҆зведи́те, и҆ ми́лостивымъ ва́шимъ посѣще́нїемъ и҆ хода́тайствомъ ѿ врагѡ́въ ви́димыхъ и҆ неви́димыхъ ѡ҆гради́те ны̀ бл҃года́тїю и҆ си́лою всест҃ы́ѧ трⷪ҇цы, всегда̀, ны́нѣ и҆ при́снѡ, и҆ во вѣ́ки вѣкѡ́въ. А҆ми́нь."
|
|
},
|
|
{
|
|
"type": "HEADER",
|
|
"value": "А҆́ще ли слꙋчи́тсѧ попра́зднство преѡбраже́нїѧ хрⷭ҇то́ва и҆ па́мѧть прпⷣбныхъ солове́цкихъ чꙋдотво́рцєвъ въ сꙋббѡ́тꙋ:"
|
|
},
|
|
{
|
|
"type": "TEXT",
|
|
"value": "Въ пѧто́къ: На Гдⷭ҇и воззва́хъ, Сла́ва, пра́здника: И҆ ны́нѣ, бг҃оро́диченъ пе́рвый настоѧ́щагѡ гла́са."
|
|
},
|
|
{
|
|
"type": "TEXT",
|
|
"value": "На лїтꙋргі́и: А҆́ще полѷеле́й, а҆пⷭ҇лъ и҆ є҆ѵⷢ҇лїе пе́рвѣе прпⷣбнымъ, та́же рѧ́дъ."
|
|
},
|
|
{
|
|
"type": "HEADER",
|
|
"value": "А҆́ще ли слꙋчи́тсѧ попра́зднство преѡбраже́нїѧ хрⷭ҇то́ва и҆ па́мѧть прпⷣбныхъ солове́цкихъ чꙋдотво́рцєвъ въ недѣ́лю:"
|
|
},
|
|
{
|
|
"type": "TEXT",
|
|
"value": "Въ сꙋббѡ́тꙋ на ма́лѣй вече́рни: На Гдⷭ҇и воззва́хъ, стїхи̑ры воскрⷭ҇ны д҃: Сла́ва, прпⷣбнымъ: И҆ ны́нѣ, бг҃оро́диченъ гла́са ма́лыѧ вече́рни, пи́санъ во ѻ҆ктѡ́ихѣ на рѧдꙋ̀. (А҆ и҆дѣ́же прпⷣбнымъ полѷеле́й то́чїю: Сла́ва, и҆ ны́нѣ, бг҃оро́диченъ гла́са на рѧдꙋ̀.) На стїхо́внѣ стїхи́ра воскрⷭ҇на є҆ди́на: и҆ прпⷣбнымъ стїхо́вна вели́кїѧ вече́рни, со стїхѝ свои́ми. Сла́ва, прпⷣбнымъ: И҆ ны́нѣ, бг҃оро́диченъ, въ то́йже гла́съ. По Ны́нѣ ѿпꙋща́еши, и҆ по Трист҃о́мъ, тропа́рь воскрⷭ҇нъ. Сла́ва, прпⷣбнымъ: И҆ ны́нѣ, бг҃оро́диченъ воскрⷭ҇нъ, по гла́сꙋ тропарѧ̀ прпⷣбнымъ. Є҆ктенїа̀ ма́лаѧ, и҆ ѿпꙋ́стъ."
|
|
},
|
|
{
|
|
"type": "TEXT",
|
|
"value": "На вели́цѣй вече́рни: По ѻ҆бы́чной каѳі́смѣ, на Гдⷭ҇и воззва́хъ, стСла́ва, прпⷣбнымъ: И҆ ны́нѣ, бг҃оро́диченъ пе́рвый гла́са. Вхо́дъ. Прокі́менъ днѐ: и҆ чтє́нїѧ г҃ преподо́бничєскаѧ. На лїті́и стїхи̑ры пра́здника: стїхо́вна вече́рнѧѧ тогѡ̀ днѐ. И҆ прпⷣбнымъ, лїті̑йныѧ стїхи̑ры. Сла́ва, прпⷣбнымъ: И҆ ны́нѣ, праⷥ. На стїхо́внѣ стСла́ва, прпⷣбнымъ: И҆ ны́нѣ, пра́здника. На бл҃гослове́нїи хлѣ́бѡвъ, тропа́рь: Бцⷣе дв҃о, два́жды: и҆ прпⷣбнымъ є҆ди́ножды (а҆ и҆дѣ́же прпⷣбнымъ полѷеле́й то́чїю, праⷥ є҆ди́ножды)."
|
|
},
|
|
{
|
|
"type": "TEXT",
|
|
"value": "На ᲂу҆́трени: На Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, прпⷣбнымъ: И҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ. Полѷеле́й прпⷣбнымъ: и҆ по полѷеле́и, тропарѝ: А҆́гг҃льскїй собо́ръ: и҆ ѵ҆пакоѝ гла́са, и҆ сѣда́льны прпⷣбнымъ и҆̀же по каѳі́смахъ, по є҆ди́ножды. Сла́ва, полѷеле́йный сѣда́ленъ: И҆ ны́нѣ, пра́здника. Степє́нна гла́са. Прокі́менъ гла́са, и҆ Всѧ́кое дыха́нїе: є҆ѵⷢ҇лїе воскрⷭ҇но. Воскрⷭ҇нїе хрⷭ҇то́во: и҆ ѱало́мъ н҃, и҆ про́чее воскре́сно. Канѡ́нъ воскрⷭ҇нъ со і҆рмосо́мъ на д҃: и҆ праⷥ на д҃: и҆ прпⷣбнымъ на ѕ҃. Катава́сїа: Ли́цы і҆и҃льтестїи: По г҃-й пѣ́сни, конда́къ и҆ і҆́косъ пра́здника и҆ прпⷣбнымъ, и҆ сѣда́ленъ прпⷣбнымъ. Сла́ва, и҆ ны́нѣ, праⷥ. По ѕ҃-й пѣ́сни, конда́къ воскрⷭ҇нъ, и҆ і҆́косъ. По ѳ҃-й пѣ́сни, свѣти́ленъ воскрⷭ҇нъ: Сла́ва, прпⷣбнымъ: И҆ ны́нѣ, пра́здника. На хвали́техъ стїхи̑ры воскрⷭ҇ны д҃: и҆ прпⷣбнымъ д҃: пое́мъ съ припѣ́вы и҆́хъ вече́рними. Сла́ва, стИ҆ ны́нѣ: Пребл҃гослове́нна є҆сѝ: Славосло́вїе вели́кое: и҆ по Трист҃о́мъ, тропа́рь воскрⷭ҇нъ то́чїю. Є҆ктєнїѝ, и҆ ѿпꙋ́стъ. Та́же ча́съ а҃-й. На а҃-мъ часѣ̀ тропа́рь воскрⷭ҇нъ: Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ воскрⷭ҇нъ. На г҃-мъ часѣ̀ тропа́рь воскрⷭ҇нъ: Сла́ва, прпⷣбнымъ. По Трист҃о́мъ, конда́къ праⷥ. На ѕ҃-мъ часѣ̀ тропа́рь воскрⷭ҇нъ: Сла́ва, пра́здника. По Трист҃о́мъ, конда́къ прпⷣбнымъ."
|
|
},
|
|
{
|
|
"type": "TEXT",
|
|
"value": "На лїтꙋргі́и: Бл҃жє́нна гла́са, на д҃: и҆ праⷥ ѿ втора́гѡ канѡ́на пѣ́снь г҃-ѧ, на д҃: и҆ прпⷣбнымъ пѣ́снь ѕ҃-ѧ, на д҃. По вхо́дѣ тропа́рь воскрⷭ҇нъ, и҆ пра́здника: та́же хра́ма бцⷣы. (А҆́ще полѷеле́й, прилага́емъ тропа́рь хра́ма ст҃а́гѡ.) Та́же прпⷣбнымъ. Конда́къ воскрⷭ҇нъ: та́же хра́ма бцⷣы: (а҆́ще полѷеле́й, и҆ хра́ма ст҃а́гѡ). Сла́ва, конда́къ прпⷣбнымъ: И҆ ны́нѣ, пра́здника. Прокі́менъ, а҆пⷭ҇лъ, а҆ллилꙋ́їа, є҆ѵⷢ҇лїе и҆ прича́стенъ, пре́жде воскрⷭ҇нъ, та́же прпⷣбнымъ."
|
|
},
|
|
{
|
|
"type": "HEADER",
|
|
"value": "А҆́ще ли хра́мъ прпⷣбныхъ солове́цкихъ чꙋдотво́рцєвъ въ недѣ́лю:"
|
|
},
|
|
{
|
|
"type": "HEADER",
|
|
"value": "И҆ ѡ҆ставлѧ́емъ слꙋ́жбꙋ попра́зднства, пое́мъ же слꙋ́жбꙋ хра́ма си́це:"
|
|
},
|
|
{
|
|
"type": "TEXT",
|
|
"value": "Въ сꙋббѡ́тꙋ на ма́лѣй вече́рни: На Гдⷭ҇и воззва́хъ, стїхи̑ры воскрⷭ҇ны д҃: Сла́ва, прпⷣбнымъ: И҆ ны́нѣ, бг҃оро́диченъ гла́са ма́лыѧ вече́рни, пи́санъ во ѻ҆ктѡ́ихѣ на рѧдꙋ̀. На стїхо́внѣ стїхи́ра воскрⷭ҇на є҆ди́на: и҆ прпⷣбнымъ стїхо́вна вели́кїѧ вече́рни, со стїхѝ свои́ми. Сла́ва, прпⷣбнымъ: И҆ ны́нѣ, бг҃оро́диченъ, въ то́йже гла́съ. По Ны́нѣ ѿпꙋща́еши, и҆ по Трист҃о́мъ, тропа́рь воскрⷭ҇нъ. Сла́ва, прпⷣбнымъ: И҆ ны́нѣ, бг҃оро́диченъ воскрⷭ҇нъ, по гла́сꙋ тропарѧ̀ прпⷣбнымъ. Є҆ктенїа̀ ма́лаѧ, и҆ ѿпꙋ́стъ."
|
|
},
|
|
{
|
|
"type": "TEXT",
|
|
"value": "На вели́цѣй вече́рни: СтСла́ва, прпⷣбнымъ: И҆ ны́нѣ, бг҃оро́диченъ а҃-й гла́са. На лїті́и стїхи̑ры прпⷣбнымъ. Сла́ва, прпⷣбнымъ: И҆ ны́нѣ, бг҃оро́диченъ: Безневѣ́стнаѧ дв҃о: На стїхо́внѣ стСла́ва, прпⷣбнымъ: И҆ ны́нѣ, бг҃оро́диченъ: При́зри на молє́нїѧ твои́хъ ра̑бъ: На бл҃гослове́нїи хлѣ́бѡвъ, тропа́рь: Бцⷣе дв҃о, два́жды: и҆ прпⷣбнымъ є҆ди́ножды."
|
|
},
|
|
{
|
|
"type": "TEXT",
|
|
"value": "На ᲂу҆́трени: На Бг҃ъ гдⷭ҇ь, тропа́рь воскрⷭ҇нъ, два́жды: Сла́ва, прпⷣбнымъ: И҆ ны́нѣ, бг҃оро́диченъ, въ то́йже гла́съ. По каѳі́смахъ сѣда́льны воскрⷭ҇ны, съ бг҃оро́дичны и҆́хъ. Полѷеле́й прпⷣбнымъ: и҆ по полѷеле́и, тропарѝ: А҆́гг҃льскїй собо́ръ: и҆ сѣда́льны прпⷣбнымъ и҆̀же по каѳі́смахъ, по є҆ди́ножды. Сла́ва, полѷеле́йный сѣда́ленъ: И҆ ны́нѣ, бг҃оро́диченъ: Вопло́щшеесѧ сло́во: Степє́нна гла́са. Прокі́менъ и҆ є҆ѵⷢ҇лїе хра́ма. Воскрⷭ҇нїе хрⷭ҇то́во: По н҃ ѱалмѣ̀: Сла́ва, Мл҃твами прпⷣбныхъ: И҆ ны́нѣ, Мл҃твами бцⷣы: и҆ стїхи́ра прпⷣбнымъ. Канѡ́нъ воскрⷭ҇нъ со і҆рмосо́мъ на д҃: и҆ бцⷣѣ на в҃: и҆ прпⷣбнымъ на и҃. Катава́сїа: Ли́цы і҆и҃льтестїи: По г҃-й пѣ́сни, конда́къ и҆ і҆́косъ воскрⷭ҇нъ, и҆ сѣда́ленъ прпⷣбнымъ, два́жды. Сла́ва, и҆ ны́нѣ, бг҃оро́диченъ: Стѣна̀ непобѣди́маѧ: По ѕ҃-й пѣ́сни, конда́къ прпⷣбнымъ, и҆ і҆́косъ. По ѳ҃-й пѣ́сни, свѣти́ленъ воскрⷭ҇нъ: Сла́ва, прпⷣбнымъ: И҆ ны́нѣ, бг҃оро́диченъ воскрⷭ҇нъ. На хвали́техъ стїхи̑ры воскрⷭ҇ны д҃: и҆ прпⷣбнымъ д҃: пое́мъ съ припѣ́вы и҆́хъ вече́рними. Сла́ва, стїхи́ра прпⷣбнымъ: И҆ ны́нѣ, Пребл҃гослове́нна є҆сѝ: Славосло́вїе вели́кое: и҆ по Трист҃о́мъ, тропа́рь воскрⷭ҇нъ то́чїю. Є҆ктєнїѝ, и҆ ѿпꙋ́стъ. Сла́ва, и҆ ны́нѣ, стСла́ва, прпⷣбнымъ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ прпⷣбнымъ и҆ воскрⷭ҇нъ премѣнѧ́юще глаго́лемъ."
|
|
},
|
|
{
|
|
"type": "TEXT",
|
|
"value": "На лїтꙋргі́и: Бл҃жє́нна гла́са, на ѕ҃: и҆ прпⷣбнымъ пѣ́снь г҃-ѧ, на д҃. По вхо́дѣ тропа́рь воскрⷭ҇нъ, и҆ прпⷣбнымъ. Конда́къ воскрⷭ҇нъ: Сла́ва, прпⷣбнымъ: И҆ ны́нѣ, Предста́тельство хрїстїа́нъ. Прокі́менъ, а҆пⷭ҇лъ, а҆ллилꙋ́їа, є҆ѵⷢ҇лїе и҆ прича́стенъ, пре́жде воскрⷭ҇нъ, та́же прпⷣбнымъ."
|
|
}
|
|
] |