330 lines
27 KiB
JSON
330 lines
27 KiB
JSON
[
|
|
{
|
|
"type": "HEADER",
|
|
"value": "Ѻ҆ктѡ́врїа д҃"
|
|
},
|
|
{
|
|
"type": "HEADER",
|
|
"value": "Ст҃а́гѡ свѧщенномꙋ́ченика і҆ероѳе́а, є҆пі́скопа а҆ѳи́нскагѡ."
|
|
},
|
|
{
|
|
"type": "HEADER",
|
|
"value": "Ве́черъ, на Гдⷭ҇и, воззва́хъ, стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Бл҃года́ть прїе́мь всест҃а́гѡ, всесла́вне і҆ероѳе́е, дх҃а, всю̀ проше́лъ є҆сѝ ны́нѣ вселе́ннꙋю, ᲂу҆чѧ̀ є҆ди́ницꙋ въ тре́хъ ѵ҆поста́сѣхъ честѝ, ѻ҆ц҃а̀ безнача́льна, нача́ло бж҃ества̀: съ ни́мже сн҃а ꙗ҆́кѡ сопресто́льна ѻ҆ц҃ꙋ̀ и҆ є҆диносꙋ́щна. Ѿ дв҃ы ражда́ема, плотоно́сца ꙗ҆́кѡ чл҃вѣ́ка."
|
|
},
|
|
{
|
|
"type": "TEXT",
|
|
"value": "Да́ръ свѧщеннобжⷭ҇твенный твою̀ дꙋ́шꙋ, ꙗ҆́кѡ благопрїѧ́тенъ прине́слъ є҆сѝ, и҆ тѣ́ло пре́далъ є҆сѝ свѧще́нно ꙗ҆́кѡ бжⷭ҇твенное, и҆ свѧщеннодѣ́йствꙋющее дꙋ́шы вѣ́рꙋющихъ вседержи́телю бг҃ꙋ, спасе́нїе вѣ̑рнымъ и҆сточа́ющее. Тѣ́мъ твою̀ па́мѧть и҆ погребе́нїе ᲂу҆блажа́емъ, и҆ чꙋдеса̀ лю́бимъ, и҆ словеса̀ проповѣ́дꙋемъ."
|
|
},
|
|
{
|
|
"type": "TEXT",
|
|
"value": "Ты̀ двоенадесѧ́тное число̀ а҆пⷭ҇лѡвъ ви́дѣлъ є҆сѝ, на ᲂу҆спе́нїи пресла́вныѧ, приснодв҃ы же пречⷭ҇тыѧ бцⷣы мт҃ре гдⷭ҇ни, и҆ дїонѵ́сїй съ тобо́ю, и҆́же бжⷭ҇твєнныѧ списа́въ чи́ны. Съ ни́миже твоѐ всепра́зднственное и҆ пресвѧто́е торжество̀ вѣ́рнїи ᲂу҆блажа́емъ, і҆ероѳе́е сла́вне."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Предста́въ ᲂу҆спе́нїю бжⷭ҇твенномꙋ, бг҃оповѣ́стниче, бг҃ома́тере, вѣща̑нїи бжⷭ҇твенными возвесели́лъ є҆сѝ сердца̀, бл҃же́нне, вѣ́рныхъ, и҆ свѧще́нное сосло́вїе бг҃опроповѣ́дателей а҆пⷭ҇лѡвъ ᲂу҆слади́въ, и҆зстꙋпле́нїемъ бжⷭ҇твеннѣйшимъ воспѣва́ѧ бж҃їѧ та̑йны. Тѣ́мъ дерзнове́нїе ко хрⷭ҇тꙋ̀ прїе́мъ, і҆ера́рше і҆ероѳе́е, моли́сѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Є҆гда̀ нескве́рнаѧ а҆́гница ви́дѣ своего̀ а҆́гнца на заколе́нїе ꙗ҆́кѡ человѣ́ка во́лею влеко́ма, пла́чꙋщи глаго́лаше: безча́дствовати мѧ̀ ны́нѣ тщи́шисѧ, хрⷭ҇тѐ, ро́ждшꙋю тѧ̀, что̀ сїѐ сотвори́лъ є҆сѝ, и҆зба́вителю всѧ́ческихъ; ѻ҆ба́че воспѣва́ю и҆ сла́влю твою̀, ю҆́же па́че ᲂу҆ма̀ и҆ сло́ва, кра́йнюю бл҃гость, чл҃вѣколю́бче."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Бла́гости наꙋчи́всѧ, и҆ трезвѧ́сѧ во всѣ́хъ благо́ю со́вѣстїю, свѧщеннолѣ́пнѡ ѡ҆бо́лксѧ, поче́рплъ є҆сѝ ѿ сосꙋ́да и҆збра́ннагѡ неизречє́ннаѧ, и҆ вѣ́рꙋ соблю́дъ, ра́вное тече́нїе соверши́лъ є҆сѝ, свѧщенномч҃ниче і҆ероѳе́е. Молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "HEADER",
|
|
"value": "На ᲂу҆́трени, ѻ҆́ба канѡ́на ѻ҆ктѡ́иха, и҆ ст҃а́гѡ канѡ́нъ на д҃, гла́съ и҃, творе́нїе ѳеофа́ново, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Свѣтоно́снꙋю твою̀ всебл҃же́нне па́мѧть почита́емъ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Нбⷭ҇наго ᲂу҆ченика̀ тайноводи́телѧ, бг҃опрїѧ́тне, па́ѵла, мїрска́гѡ ловца̀, ᲂу҆чи́телѧ и҆мѣ́ѧ, видѣ́нїѧ го́рнѣйшагѡ ᲂу҆чени́къ бы́лъ є҆сѝ."
|
|
},
|
|
{
|
|
"type": "TEXT",
|
|
"value": "Дх҃одви́жный ꙗ҆́вственнѡ па́ѵловъ тѧ̀ ѧ҆зы́къ, вѣща́ющъ бж҃їѧ та̑йны, бл҃же́нне, ѡ҆б̾ѧ́ше, и҆ бг҃овѣща́телѧ содѣ́ѧ."
|
|
},
|
|
{
|
|
"type": "TEXT",
|
|
"value": "Оу҆нзе́нъ любо́вїю дꙋхо́вною, и҆ бжⷭ҇твенными словесы̀ въ ра́зꙋмѣ бесѣ́дꙋѧ всѣ́хъ влⷣцѣ, всесвѧще́нне, свѧщє́ннаѧ словеса̀ возложи́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́та присносꙋ́щнагѡ прїѧ́телище бг҃олѣ́пное бы́вши, дв҃о чⷭ҇таѧ, сквє́рнъ мѧ̀ всѧ́кагѡ грѣха̀, и҆ тимѣ́нїй и҆змы́й, влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нбⷭ҇нагѡ крꙋ́га верхотво́рче, гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѧщенносло́вѧща свѧщє́ннаѧ пи́смена, и҆ благоче́стїѧ сло́во проповѣ́дающа, всѝ почита́емъ тѧ̀ ве́селѡ соше́дшесѧ, и҆ твою̀ свѧще́ннꙋю па́мѧть сла́вимъ."
|
|
},
|
|
{
|
|
"type": "TEXT",
|
|
"value": "Крѣ́постїю и҆ ма́нїемъ, и҆ бжⷭ҇твеннымъ рече́нїемъ, къ бл҃годѣ́телю всѣ́хъ возпростира́ѧсѧ, ᲂу҆́мъ тво́й ѡ҆зари́лъ є҆сѝ лꙋча́ми та́мошними, и҆ дꙋ́шꙋ просвѣти́лъ є҆сѝ, пребл҃же́нне."
|
|
},
|
|
{
|
|
"type": "TEXT",
|
|
"value": "Тезоиме́ннѣ наре́клсѧ є҆сѝ свѧще́нное бжⷭ҇твенное, и҆ ст҃о́е бг҃омꙋ́дрое ꙗ҆ви́лсѧ є҆сѝ возложе́нїе, вседержи́телю и҆ творцꙋ̀ вѣкѡ́въ, и҆ хра́мъ ᲂу҆краси́лъ є҆сѝ нбⷭ҇ный."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Не́бо простры́й, и҆ земны́й, чⷭ҇таѧ, содержа́й крꙋ́гъ, и҆ по всемꙋ̀ є҆стество́мъ бжⷭ҇тва̀ во ѡ҆б̾ѧ́тїихъ твои́хъ пло́тски содержа́сѧ, и҆ вѣ̑рнымъ тѧ̀ ᲂу҆твержде́нїе всѣ̑мъ показа̀."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "Свѧщеннонача́льника а҆ѳи́нскаго восхвалѧ́емъ тѧ̀, ꙗ҆́кѡ тайноꙋчи́вшесѧ тобо́ю стра̑ннымъ и҆ неизречє́ннымъ: ꙗ҆ви́лсѧ бо є҆сѝ бг҃опрїѧ́тный пѣсносло́вецъ. Но молѝ всебл҃же́нне і҆ероѳе́е, ѿ всѧ́кихъ на́мъ грѣхопаде́нїй и҆зба́витисѧ, да зове́мъ: ра́дꙋйсѧ, ѻ҆́ч҃е бг҃омꙋ́дре."
|
|
},
|
|
{
|
|
"type": "HEADER",
|
|
"value": "Та́же сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "А҆пⷭ҇льскимъ вѣща́нїемъ ѡ҆гласи́въ тво́й ᲂу҆́мъ, и҆ ᲂу҆па́съ прпⷣбне, вѣ́рныхъ составлє́нїѧ, же́ртвꙋ чи́стꙋ прине́слъ є҆сѝ цр҃ю̀ и҆ творцꙋ̀, вопло́щшемꙋсѧ за ны̀ ѿ дв҃ы бцⷣы, и҆ воскре́сша со сла́вою и҆сповѣ́давъ є҆го̀, і҆ероѳе́е."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Те́плаѧ предста́тельнице и҆ непобѣди́маѧ, ᲂу҆пова́нїе и҆звѣ́стное, и҆ непосты́дное, стѣно̀ и҆ покро́ве и҆ приста́нище прибѣга́ющымъ къ тебѣ̀, приснодв҃о чⷭ҇таѧ, сн҃а твоего̀ и҆ бг҃а молѝ со а҆́гг҃лы, ᲂу҆мире́нїе да́ти мі́рꙋ, и҆ спасе́нїе, и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: На крⷭ҇тѣ̀ зрѧ́щи тѧ̀, хрⷭ҇тѐ, мт҃и твоѧ̀, во́лею посредѣ̀ разбо́йникѡвъ ви́сѧща, растерза́ющисѧ ᲂу҆тро́бою мт҃рски, глаго́лаше: безгрѣ́шный сн҃е, ка́кѡ непра́веднѡ на крⷭ҇тѣ̀ ꙗ҆́коже ѕлодѣ́й пригвожде́нъ є҆сѝ, человѣ́ческїй ро́дъ хотѧ̀ ѡ҆живи́ти ꙗ҆́кѡ бл҃гоꙋтро́бенъ;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Виті́йскими бг҃овѣща́ньми ᲂу҆краси́лъ є҆сѝ ликостоѧ̑нїѧ бл҃же́нне і҆ероѳе́е, вѣ́рныхъ, и҆ свѧще́нный собо́ръ бг҃омꙋ́дре, возвесели́лъ є҆сѝ а҆пⷭ҇льскїй, ᲂу҆дивле́нїемъ бжⷭ҇твеннымъ дѣ́йствꙋѧ, и҆ поѧ̀: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ве́сь бг҃ꙋ ѡ҆свѧще́нъ бы́лъ є҆сѝ всеѻбра́знѡ, бл҃же́нне, и҆зстꙋпа́ѧ къ немꙋ̀ бг҃осло́вными свѧщеннослѡ́вїи, свѧщенноѧвле́нъ бг҃опрїѧ́тне, и҆ бжⷭ҇твенъ пѣсносло́вецъ, и҆ мꙋ́дръ бг҃овѣща́тель, присꙋ́щымъ смы́сленнѡ сꙋди́мь."
|
|
},
|
|
{
|
|
"type": "TEXT",
|
|
"value": "Ны́нѣ ви́дѧ, ѻ҆́ч҃е, бжⷭ҇твєннаѧ ꙗ҆снѣ́йше, мимоше́дшихъ всѣ́хъ свѧще́ннѣйше гада́нїй, и҆ сѣ́нїй сꙋ́щихъ на землѝ, и҆́стиннѣйшаѧ бг҃овидѣ̑нїѧ сїѧ́нїй, молѝ спасти́сѧ вѣ́рнѡ пою́щымъ: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ бг҃а невмѣсти́маго, вмѣ́щшагосѧ во чре́во твоѐ, пречⷭ҇таѧ, родила̀ є҆сѝ, ꙗ҆́кѡ чⷭ҇таѧ дѣ́вственными ᲂу҆кра́шена свѣтлостьмѝ, всебл҃же́ннаѧ. Тѣ́мъ тѧ̀ бцⷣꙋ и҆́стиннѡ благохва́лимъ, и҆ ржⷭ҇тво̀ твоѐ всѝ сла́вимъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Кꙋпножи́тель, ѻ҆́ч҃е, а҆пⷭ҇льскомꙋ сы́й собра́нїю, съ ни́миже предста́лъ є҆сѝ на ᲂу҆спе́нїе бжⷭ҇твенное, бг҃огла́се, жизнода́вца пло́тїю на́мъ ро́ждшїѧ, прест҃ы́ѧ и҆ чⷭ҇тыѧ бг҃ома́тере."
|
|
},
|
|
{
|
|
"type": "TEXT",
|
|
"value": "Преесте́ственнѡ разꙋмѣ́въ, и҆ ста́рчески ꙗ҆̀же па́че словесѐ видѣ̑нїѧ, и҆сповѣ́да всѣ̑мъ прїе́млющымъ вѣ́рнѡ сїѧ́нїе и҆ твоѧ̀ всебл҃же́нне, созри́тєльнаѧ бг҃ослѡ́вїѧ, разꙋмѣ́ти лю́бѧщымъ вседо́блественнѣйше."
|
|
},
|
|
{
|
|
"type": "TEXT",
|
|
"value": "Пребога́тными лꙋча́ми па́че є҆стества̀ свѣтозаре́нїемъ свѣтѧ́сѧ, и҆звѣствова́нїемъ бжⷭ҇твенныхъ ѿкрове́нїй, и҆ чистото́ю мно́гихъ ѡ҆держа́лъ є҆сѝ вре́меннымъ и҆спыта́нїемъ, и҆ видѣ́нїемъ мꙋдрѣ́йшаѧ бжⷭ҇твєннаѧ наꙋча́емь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсомꙋ́жнѡ дв҃о, непредѣ́льнаго є҆стество́мъ бж҃ества̀, вмꙋжи́вшагосѧ сло́ва на́съ ра́ди человѣ́кѡвъ, зачала̀ є҆сѝ ѿ крове́й, ѻ҆трокови́це, дѣ́вственныхъ, воѡбраже́на па́че сло́ва и҆ зако́на, и҆ є҆стества̀."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Навыче́нїемъ бг҃олѣ́пнымъ бжⷭ҇твенномꙋ зна́нїю наꙋча́емь, словеса̀, ѻ҆́ч҃е, твоѧ̀, ꙗ҆́кѡ втора́ѧ словеса̀ ѡ҆ста́вилъ є҆сѝ ꙗ҆́вѣ свѧщеннозна́нїѧ, дꙋ́шы на́шѧ просвѣща́ющаѧ."
|
|
},
|
|
{
|
|
"type": "TEXT",
|
|
"value": "Бл҃же́нъ и҆́стиннѡ бы́лъ є҆сѝ, бг҃облаже́нне, ѡ҆чище́нною дꙋше́ю, и҆ сꙋ́щее бл҃же́нство, и҆ є҆ди́но жела́емое возлюби́лъ є҆сѝ, добро́ты сп҃совы, і҆ероѳе́е."
|
|
},
|
|
{
|
|
"type": "TEXT",
|
|
"value": "На пречи́стыѧ лꙋчы̀ взира́ѧ, бг҃опрїѧ́тне, разꙋ́мными блиста́ньми бжⷭ҇твенныхъ свѣ́тлостей, тѣ́хъ наслажде́нїѧ и҆ свѣтодаѧ́нїѧ ѻ҆́бщникъ ꙗ҆ви́лсѧ є҆сѝ, бл҃же́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гдⷭ҇ьственнѡ, и҆ и҆́стиннѡ тѧ̀, бцⷣе, сла́вимъ, сꙋ́щѡ бо сꙋ́щаго бг҃а неизрече́ннѡ родила̀ є҆сѝ, пло́тїю по ѵ҆поста́си совокꙋ́пльшасѧ, прест҃а́ѧ мт҃и дв҃о."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Ꙗ҆́коже сто́лпъ непоколеби́мь, і҆ероѳе́е, преще́нїѧ врагѡ́въ не ᲂу҆страши́сѧ: но пре́лести разрꙋши́лъ є҆сѝ тверды́ню, ꙗ҆́кѡ ка́мень че́стенъ валѧ́ѧсѧ, ѻ҆́ч҃е. Тѣ́мъ влⷣка тѧ̀ хра́брствовавша вѣнча́етъ живонача́льною и҆ бжⷭ҇твенною десни́цею: є҆го́же ѡ҆ всѣ́хъ на́съ ᲂу҆молѝ."
|
|
},
|
|
{
|
|
"type": "TEXT",
|
|
"value": "І҆́косъ: Зако́нꙋ покорѧ́ющесѧ твоемꙋ̀, хрⷭ҇тѐ, ᲂу҆ч҃ницы̀ твоѝ, и҆ и҆̀же ѿ ꙗ҆зы̑къ всѣ̑мъ проповѣ́дающе сло́во бжⷭ҇твеннагѡ твоегѡ̀ прише́ствїѧ, це́рквамъ всѣ̑мъ рꙋкополага́ютъ вѣ̑рныѧ, па́стыри же и҆ проповѣ́датели. Па́стырѧ ᲂу҆́бѡ и҆ сего̀ положи́ша, є҆го́же и҆збра́лъ є҆сѝ ѿ младе́нства, и҆ просвѣти́въ ꙗ҆́кѡ непоро́чна тебѣ̀, и҆ произво́ли на сїѐ того̀ возве́дъ, и҆ ста́до твоѐ врꙋчи́въ, свидѣ́телѧ ꙗ҆ви́лъ є҆сѝ твоегѡ̀ црⷭ҇твїѧ, молѧ́щасѧ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снисхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ст҃ы́хъ ст҃а̑ѧ тща́сѧ ви́дѣти, бг҃облаже́нне, чистото́ю житїѧ̀, и҆ зрѣ́нїѧ бжⷭ҇твеннагѡ высо́кое, мꙋ́дрѣ стѧжа́лъ є҆сѝ, и҆ поѧ̀ взыва́лъ є҆сѝ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Глагѡ́лъ вѣща́нїе твои́хъ, и҆ списа́нїй доброслове́сїе, возвеселѧ́етъ любо́вїю чествꙋ́ющыѧ, и҆ поꙋща́етъ къ пѣснопѣ́нїю, зва́ти наꙋча́ѧ: бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Є҆ди́ницꙋ бж҃ество́мъ зна́емꙋю благосло́вилъ є҆сѝ, въ ли́цѣхъ трⷪ҇цꙋ, и҆ пое́мꙋ во ѵ҆поста́сѣхъ тре́хъ бг҃омꙋ́дре, и҆ поѧ̀ взыва́лъ є҆сѝ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зако́нныхъ є҆сте́ствъ, дв҃ома́ти, кромѣ̀ родила̀ є҆сѝ, влады́чествꙋющаго всѣ́ми ви́димыми и҆ разꙋ́мными, чⷭ҇таѧ, є҆го́же пое́мъ согла́снѡ зовꙋ́ще: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Всеси́льное дх҃а ст҃а́гѡ дѣ́йство въ чистѣ́йшꙋю твою̀ дꙋ́шꙋ все́льшисѧ, бг҃опрїѧ́тна проповѣ́дника и҆ бг҃оглаго́льника показа̀, свѧщеннолѣ́пнѡ и҆зба́вителѧ пою́ща, и҆ вѣ́рою хва́лѧща: свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Съ благоче́стнымъ взыска́нїемъ и҆спыта́въ неизречє́ннаѧ строє́нїѧ хрⷭ҇то́выхъ та̑инъ, ꙗ҆́снѡ и҆з̾ѧви́лъ є҆сѝ высокослове́сїемъ дѣ́йствꙋѧ, и҆ сладча́йшимъ твои́хъ вѣща́нїй сложе́нїемъ вопїѧ̀ непреста́ннѡ: свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Всебога́таѧ тѧ̀ благода́ть бжⷭ҇твеннѣйшимъ вдохнове́нїемъ и҆ бг҃осло́вїемъ и҆спы́тнымъ и҆спо́лнила є҆́сть: ѿсю́дꙋ и҆сточи́лъ є҆сѝ ꙗ҆́кѡ рѣ́ки ᲂу҆чє́нїѧ, а҆пⷭ҇льскаѧ возвеселѧ́щѧ ликостоѧ̑нїѧ, съ ни́миже ны́нѣ воспѣва́еши: свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆мерщвле́нꙋ пречⷭ҇таѧ, дꙋ́шꙋ мою̀ грѣхмѝ, и҆ ѡ҆ѕло́бленꙋ ꙗ҆дови́тымъ ᲂу҆грызе́нїемъ, бг҃а могꙋ́щаго животвори́ти всѧ́чєскаѧ, неискꙋсобра́чнѡ па́че є҆стества̀ ро́ждши, возста́ви вопїю́щꙋю: дѣ́ти, благослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Мꙋ́дрости премꙋ́драгѡ ꙗ҆́кѡ рачи́тель бы́въ, бл҃года́тный вѣне́цъ благолѣ́пный ра́дꙋѧсѧ прїѧ́лъ є҆сѝ ны́нѣ ѿ неѧ̀: и҆ лико́вникъ небе́сный ᲂу҆ всѧ́ческихъ содѣ́телѧ бы́въ, молѝ спасти́сѧ ѿ бѣ́дъ хва́лѧщымъ тѧ̀, і҆ероѳе́е."
|
|
},
|
|
{
|
|
"type": "TEXT",
|
|
"value": "Всели́лсѧ є҆сѝ въ вы̑шнїѧ бжⷭ҇твєнныѧ дворы̀, и҆ ѻ҆би́тєли вѣ̑чныѧ наслѣ́дивъ, съ во́инствы а҆́гг҃льскими ны́нѣ пра́зднꙋеши, и҆ съ а҆пⷭ҇льскими чи́нми, и҆̀мже свесели́шисѧ ра́достнѣ: съ ни́миже и҆ соводворѧ́ѧсѧ, вѣ́рою чествꙋ́ющымъ тѧ̀ бжⷭ҇твеннагѡ ми́ра просѝ."
|
|
},
|
|
{
|
|
"type": "TEXT",
|
|
"value": "И҆звѣ̑стнаѧ воздаѧ̑нїѧ воспрїе́мъ, и҆́хже на землѝ ꙗ҆влє́нїѧ стѧжа́лъ є҆сѝ, при́сною любо́вїю взира́ѧ къ бг҃ꙋ: ны́нѣ прилѣ́жнѡ молѝ, ѻ҆́ч҃е і҆ероѳе́е, ми́лость и҆ ѡ҆чище́нїе пода́ти, вѣ́рою па́мѧть твою̀ соверша́ющымъ свѣтоно́снꙋю и҆ всесвѧще́ннꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ мт҃и всѣ́хъ содѣ́телѧ, мт҃рнимъ твои́мъ дерзнове́нїемъ ᲂу҆молѝ твоего̀ сн҃а, спастѝ ѿ наси́лїѧ мꙋчи́тельскагѡ плѣнє́нныѧ рабы̑ твоѧ̑, и҆ клевєты̀ человѣ̑къ лꙋка́выхъ ᲂу҆праздни́ти, ми́ръ же пода́ти и҆ спасе́нїе пою́щымъ тѧ̀."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀, ᲂу҆слы́шите:"
|
|
},
|
|
{
|
|
"type": "TEXT",
|
|
"value": "Хꙋ́ждшее покори́лъ є҆сѝ лꙋ́чшемꙋ, бг҃опрїѧ́тне, ᲂу҆́мъ страсте́й вожда̀ предвчини́въ всемꙋ́дрѡ: ѿвсю́дꙋ, і҆ероѳе́е, бг҃осло́вїѧ бы́лъ є҆сѝ ѻ҆рга́нъ, и҆ а҆пⷭ҇лъ хрⷭ҇то́въ мꙋ́дре і҆ера́рше, ѡ҆ мі́рѣ моли́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆спе́нїю твоемꙋ̀ пречⷭ҇томꙋ прише́дъ і҆ероѳе́й, съ про́чими а҆пⷭ҇лы пѣ́снь пое́тъ тебѣ̀ ѻ҆трокови́цѣ, стра́ннꙋю и҆ неизрече́ннꙋю, бжⷭ҇твеннѡ и҆зстꙋпа́ѧ, ꙗ҆́кѡ и҆́стиннѡ бг҃опрїѧ́тенъ: є҆мꙋ́же подо́бники и҆ на́съ покажѝ, бг҃ома́ти дв҃и́це."
|
|
}
|
|
] |