822 lines
88 KiB
JSON
822 lines
88 KiB
JSON
[
|
|
{
|
|
"type": "HEADER",
|
|
"value": "Мѣ́сѧца ѻ҆ктѡ́врїа въ к҃в-й де́нь. Слꙋ́жба ꙗ҆вле́нїю і҆кѡ́ны прест҃ы́ѧ влⷣчцы на́шеѧ бцⷣы каза́нскїѧ."
|
|
},
|
|
{
|
|
"type": "TEXT",
|
|
"value": "ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
|
|
},
|
|
{
|
|
"type": "TEXT",
|
|
"value": "Оу҆ста́висѧ же се́й пра́здникъ пра́здновати, въ ца́рствꙋющемъ гра́дѣ москвѣ̀, и҆збавле́нїѧ ра́ди ѿ лѧ́хѡвъ, въ лѣ́то ҂зрк҃а."
|
|
},
|
|
{
|
|
"type": "HEADER",
|
|
"value": "На вели́цѣй вече́рни."
|
|
},
|
|
{
|
|
"type": "TEXT",
|
|
"value": "Б лаже́нъ мꙋ́жъ:"
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, поста́вимъ стїхѡ́въ и҃, и҆ пое́мъ стїхи̑ры, гла́съ д҃. Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Ꙗ҆́ кѡ прекра́снаѧ сло́ва пала́та, / и҆ престо́лъ свѣтоноси́вый бцⷣе влⷣчце, / сопресто́льное сло́во ѻ҆́ч҃ее во твои́хъ ложесна́хъ вмѣсти́ла є҆сѝ, / и҆ ро́ждши свѣ́тъ незаходи́мый, на́ше ѡ҆мраче́нїе просвѣти́ла є҆сѝ: / ле́сть ѕмїи́нꙋ ѿгна́ла є҆сѝ, и҆ тлѣ́нїе потреби́ла є҆сѝ: / жи́знь вѣ́чнꙋю мі́рꙋ дарова́ла є҆сѝ твои́мъ ржⷭ҇тво́мъ: / врата̀ раѧ̀ ѿве́рзла є҆сѝ, / и҆ всѧ̑ блага̑ѧ человѣ́ческомꙋ є҆стествꙋ̀ дарова́ла є҆сѝ: / но и҆ ны́нѣ, гпⷭ҇жѐ, твои́ми моли́твами, / и҆збавлѧ́й рабы̑ твоѧ̑ ѿ всѣ́хъ бѣ́дъ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ вели́ка сꙋ́щи цр҃и́ца и҆ мт҃и, / на нб҃сѝ превысо́кихъ си́лъ цр҃ѧ̀, / пречⷭ҇тыѧ твоѧ̑ рꙋ́ки просте́рши, / моле́бнѡ за ны̀ предстои́ши, / и҆ на землѝ ꙗ҆́кѡ держа́внаѧ помо́щница / бжⷭ҇твенною твое́ю і҆кѡ́ною / и҆ дꙋ́хомъ съ твои́ми рабы̑ пребыва́еши, / и҆ ве́селѡ спаса́еши, и҆ и҆збавлѧ́еши ѿ всѧ́кїѧ напа́сти / благоче́стнѡ бцⷣꙋ тѧ̀ и҆сповѣ́дающыѧ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ златоза́рный ра́й, / и҆ мѣ́сто прекра́сное, и҆ бг҃опросвѣще́нное, / и҆ дре́во ст҃о́е, дх҃омъ ст҃ы́мъ ѡ҆сѣне́нное, / вмѣсти́лище свѣ́та невече́рнѧгѡ, / тебѐ вѣ́дꙋщымъ, / ꙗ҆́снѡ немерца́ющисѧ бжⷭ҇твенною лꙋче́ю, / млⷣнцемъ твои́мъ свѣ́тиши все́й тва́ри, / є҆го́же молѧ́щи, цр҃и́це бцⷣе, / спасѝ гра́дъ тво́й и҆ лю́ди, / къ тебѣ̀ прибѣга́ющыѧ ѿ всѣ́хъ бѣ́дъ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ порфѵ́рою ца́рскою и҆ вѵ́ссомъ, / і҆кѡ́ною твое́ю, и҆ твоегѡ̀ сн҃а, бцⷣе, / цр҃ковь бж҃їѧ просвѣти́вшисѧ, красꙋ́етсѧ чꙋдесы̀. / дне́сь ꙗ҆вле́нїемъ всѧ̑ созыва́етъ пра́здновати, / па́че сїѧ́нїѧ со́лнечнагѡ бл҃года́тїю ст҃а́гѡ дх҃а блиста́ющисѧ, / на болѧ́щихъ и҆ недꙋ́жныхъ и҆сцѣле́нїѧ и҆сто́чники и҆сточа́ющи, / и҆ всѣ̑мъ да́рꙋющи бога́тꙋю ми́лость."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ и҃:"
|
|
},
|
|
{
|
|
"type": "TEXT",
|
|
"value": "В ысо́кїй цр҃ю̀ непостижи́мый, / со ѻ҆ц҃е́мъ сѣдѧ́й на прⷭ҇то́лѣ и҆ бжⷭ҇твеннымъ дх҃омъ, / благоволи́вый роди́тисѧ на землѝ / ѿ дв҃ы неискꙋсобра́чныѧ, і҆и҃се: / ᲂу҆щедрѧ́ѧ твоѐ созда́нїе чл҃вѣ́ческое є҆стество̀, неизрече́нными добро́тами, / прїимѝ твоеѧ̀ мт҃ре приноси̑мыѧ тебѣ̀ за ны̀ моли̑твы, / и҆ не помѧнѝ беззако́нїй на́шихъ, / но поми́лꙋй и҆ спасѝ дꙋ́шы на́шѧ, ꙗ҆́кѡ милосе́рдъ. [Два́жды.]"
|
|
},
|
|
{
|
|
"type": "TEXT",
|
|
"value": "П реклони́въ нб҃са̀ цр҃ь сла́вы, сни́де / ѡ҆бнови́ти а҆да́ма, престꙋпле́нїемъ всего̀ и҆стлѣ́вшаго, всели́сѧ въ тѧ̀, чⷭ҇таѧ дв҃о, / и҆ роди́сѧ, ключе́й дѣ́вства не рꙋши́въ, / и҆ на рꙋка́хъ твои́хъ смире́нъ младе́нецъ, / и҆́же а҆рха́гг҃лѡвъ цр҃ь ноша́шесѧ: / и҆ ны́нѣ твою̀ моли́твꙋ прїе́млетъ, / и҆ проше́нїе твоѐ во все́мъ и҆сполнѧ́етъ, бцⷣе, / ꙗ҆́кѡ тво́й сн҃ъ и҆ бг҃ъ. / є҆мꙋ́же ᲂу҆се́рднѡ моли́сѧ, / да спасе́тъ дꙋ́шы на́шѧ, ꙗ҆́кѡ милосе́рдъ."
|
|
},
|
|
{
|
|
"type": "TEXT",
|
|
"value": "П а́че ски́нїи мѡѷсе́евы, / по ѻ҆́бразꙋ нбⷭ҇номꙋ сотворе́нныѧ, / всю́ тѧ бг҃ъ ѡ҆свѧтѝ, бцⷣе, дх҃омъ ст҃ы́мъ, / ве́сь всели́сѧ въ тѧ̀, всего̀ человѣ́ка ѡ҆живѝ: / тѣ́мъ и҆ твоѧ̀ і҆кѡ́на, па́че а҆арѡ́нѧ кївѡ́та, / напо́лнисѧ бл҃года́ти бж҃їѧ, / и҆ и҆сточа́етъ ѡ҆свѧще́нїе дꙋша́мъ и҆ тѣлесє́мъ. / є҆́йже любе́знѡ покланѧ́ющесѧ, / про́симъ ѿ тебє̀ вели́кїѧ ми́лости, / да спасе́ши дꙋ́шы на́шѧ, благослове́ннаѧ помо́щнице."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ и҃: Прїиди́те, возра́дꙋемсѧ держа́внѣй застꙋ́пницѣ ро́да на́шегѡ, / цр҃и́цѣ бцⷣѣ: / прїиди́те къ ти́хомꙋ є҆ѧ̀ чꙋ́дномꙋ, / почита́емомꙋ а҆́гг҃лы, / честно́мꙋ поклони́мсѧ ѻ҆́бразꙋ. / да́рꙋетъ бо бцⷣа вѣ̑рнымъ ѻ҆би̑льныѧ да́ры цѣлє́бныѧ / ѿ неистощи́магѡ и҆сто́чника ст҃ы́ѧ і҆кѡ́ны неѡскꙋ́днꙋю бл҃года́ть и҆сточа́ющи: / тмы̀ и҆збавлѧ́етъ на́съ, и҆скꙋше́нїй и҆ бѣ́дъ, и҆ всѧ́кагѡ грѣха̀, / благоче́стнѡ и҆ бг҃опрїѧ́тнѡ прославлѧ́ющихъ и҆ чтꙋ́щихъ / свѣ́тлꙋю и҆ чꙋ́днꙋю бг҃ома́тере ст҃ꙋ́ю і҆кѡ́нꙋ. / тѣ́мъ воспѣва́юще воззове́мъ первоѻбра́знѣй: / ра́дꙋйсѧ, любе́знаѧ мі́рꙋ по́моще, / во спасе́нїе дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Вхо́дъ. Прокі́менъ днѐ. И҆ чтє́нїѧ г҃."
|
|
},
|
|
{
|
|
"type": "HEADER",
|
|
"value": "Бытїѧ̀ чте́нїе."
|
|
},
|
|
{
|
|
"type": "TEXT",
|
|
"value": "[Глава̀ к҃и] И҆зы́де і҆а́кѡвъ ѿ стꙋденца̀ клѧ́твеннагѡ, и҆ и҆́де въ харра́нь. и҆ ѡ҆брѣ́те мѣ́сто, и҆ спа̀ та́мѡ: за́йде бо со́лнце, и҆ взѧ́тъ ѿ ка́менїѧ мѣ́ста тогѡ̀, и҆ положѝ возгла́вїе себѣ̀, и҆ спа̀ на мѣ́стѣ ѻ҆́номъ: и҆ со́нъ ви́дѣ. и҆ сѐ лѣ́ствица ᲂу҆твержде́на на землѝ, є҆ѧ́же глава̀ досѧза́ше до нб҃съ, и҆ а҆́гг҃ли бж҃їи восхожда́хꙋ и҆ низхожда́хꙋ по не́й. гдⷭ҇ь же ᲂу҆твержда́шесѧ на не́й, и҆ речѐ: а҆́зъ бг҃ъ а҆враа́мовъ, ѻ҆тца̀ твоегѡ̀, и҆ бг҃ъ і҆саа́ковъ, не бо́йсѧ: землѧ̀, и҆дѣ́же ты̀ спи́ши на не́й, тебѣ̀ да́мъ ю҆̀, и҆ сѣ́мени твоемꙋ̀. и҆ бꙋ́детъ сѣ́мѧ твоѐ, ꙗ҆́кѡ песо́къ земны́й, и҆ распространи́тсѧ на мо́ре, и҆ лі́вꙋ, и҆ сѣ́веръ, и҆ на восто́ки. и҆ возблагословѧ́тсѧ ѡ҆ тебѣ̀ всѧ̑ колѣ̑на земна̑ѧ, и҆ ѡ҆ сѣ́мени твое́мъ. и҆ сѐ а҆́зъ съ тобо́ю сохранѧ́ѧй тѧ̀ на всѧ́комъ пꙋтѝ, а҆́може а҆́ще по́йдеши, и҆ возвращꙋ́ тѧ въ зе́млю сїю̀, ꙗ҆́кѡ не и҆́мамъ тебѐ ѡ҆ста́вити, до́ндеже сотвори́ти мѝ всѧ̑, є҆ли̑ка глаго́лахъ тебѣ̀. и҆ воста̀ і҆а́кѡвъ ѿ сна̀ своегѡ̀, и҆ речѐ: ꙗ҆́кѡ є҆́сть гдⷭ҇ь на мѣ́стѣ се́мъ, а҆́зъ же не вѣ́дѣхъ. и҆ ᲂу҆боѧ́сѧ, и҆ речѐ: ꙗ҆́кѡ стра́шно мѣ́сто сїѐ, нѣ́сть сїѐ, но до́мъ бж҃їй, и҆ сїѧ̑ врата̀ небє́снаѧ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества і҆езекі́илева чте́нїе."
|
|
},
|
|
{
|
|
"type": "TEXT",
|
|
"value": "[Глава̀ м҃г и҆ м҃д] Та́кѡ глаго́летъ гдⷭ҇ь: бꙋ́детъ ѿ днѐ ѻ҆сма́гѡ и҆ про́чее, сотворѧ́тъ і҆ере́и на ѻ҆лтарѝ всесожже́нїѧ ва́шегѡ, и҆ ꙗ҆̀же спасе́нїѧ ва́шегѡ, и҆ прїимꙋ̀ вы̀, глаго́летъ а҆дѡнаі̀ гдⷭ҇ь. и҆ ѡ҆брати́ мѧ на пꙋ́ть вра́тъ ст҃ы́хъ внѣ́шнихъ, зрѧ́щихъ на восто́ки, и҆ сїѧ̑ бѧ́хꙋ затворє́на. и҆ речѐ гдⷭ҇ь ко мнѣ̀: врата̀ сїѧ̑ затворє́на бꙋ́дꙋтъ, и҆ не ѿве́рзꙋтсѧ, и҆ никто́же про́йдетъ сквозѣ̀ и҆̀хъ: ꙗ҆́кѡ гдⷭ҇ь бг҃ъ і҆и҃левъ про́йдетъ и҆́ми, и҆ бꙋ́дꙋтъ заключє́на. ꙗ҆́кѡ и҆гꙋ́менъ сѧ́детъ въ ни́хъ снѣ́сти хлѣ́бъ: по пꙋтѝ є҆ла́мскихъ вра́тъ вни́детъ, и҆ по пꙋтѝ є҆гѡ̀ и҆зы́детъ. и҆ введе́ мѧ по пꙋтѝ вра́тъ ст҃ы́хъ, сꙋ́щихъ къ сѣ́верꙋ, прѧ́мѡ до́мꙋ, и҆ ви́дѣхъ, и҆ сѐ и҆спо́лнь сла́вы до́мъ гдⷭ҇ень."
|
|
},
|
|
{
|
|
"type": "HEADER",
|
|
"value": "При́тчей чте́нїе."
|
|
},
|
|
{
|
|
"type": "TEXT",
|
|
"value": "[Глава̀ ѳ҃] Премꙋ́дрость созда̀ себѣ̀ до́мъ, и҆ ᲂу҆твердѝ столпѡ́въ се́дмь. закла̀ своѧ̑ же́ртвєннаѧ, и҆ растворѝ въ ча́ши свое́й вїно̀, и҆ ᲂу҆гото́ва свою̀ трапе́зꙋ. посла̀ своѧ̑ рабы̑ созыва́ющи съ высо́кимъ проповѣ́данїемъ на ча́шꙋ, глаго́лющи: и҆́же є҆́сть безꙋ́менъ, да ᲂу҆клони́тсѧ ко мнѣ̀, и҆ тре́бꙋющымъ ᲂу҆ма̀ речѐ: прїиди́те, ꙗ҆ди́те мо́й хлѣ́бъ, и҆ пі́йте вїно̀, є҆́же раствори́хъ ва́мъ. ѡ҆ста́вите безꙋ́мїе, и҆ жи́ви бꙋ́дете: и҆ взыщи́те ра́зꙋма, да поживетѐ, и҆ и҆спра́вите ра́зꙋмъ въ вѣ́дѣнїи. наказꙋ́ѧй ѕлы̑ѧ, прїи́метъ себѣ̀ безче́стїе: ѡ҆блича́ѧй же нечести́ваго, ѡ҆поро́читъ себѐ: ѡ҆бличе́нїе бо нечести́вомꙋ, ра̑ны є҆мꙋ̀. не ѡ҆блича́й ѕлы́хъ, да не возненави́дѧтъ тебѐ: ѡ҆блича́й премꙋ́дра, и҆ возлю́битъ тѧ̀. да́ждь премꙋ́дромꙋ винꙋ̀, и҆ премꙋ́дрѣйшїй бꙋ́детъ: сказꙋ́й пра́ведномꙋ, и҆ приложи́тъ прїима́ти. нача́ло премꙋ́дрости, стра́хъ гдⷭ҇ень, и҆ совѣ́тъ ст҃ы́хъ, ра́зꙋмъ. разꙋмѣ́ти бо зако́нъ, по́мысла є҆́сть блага́гѡ: си́мъ бо ѻ҆́бразомъ мно́гое поживе́ши вре́мѧ, и҆ приложа́тсѧ тебѣ̀ лѣ̑та живота̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ в҃, самогла́сны:"
|
|
},
|
|
{
|
|
"type": "TEXT",
|
|
"value": "Ꙗ҆́ кѡ вои́стиннꙋ дре́внѧгѡ кївѡ́та пречⷭ҇тнѣ́е, / є҆гда̀ дв҃дъ собра́въ чи́ны ликовствова́ше, / ны́нѣ твоѧ̀, бцⷣе, і҆кѡ́на, / є҆́йже предстоѧ́тъ а҆рхїере́євъ собо́ри, / и҆ съ чи́нми а҆́гг҃лъ сщ҃е́нницы и҆ всѐ хрⷭ҇тоимени́тыхъ люде́й мно́жество, / досто́йнѡ блажа́тъ тѧ̀ мт҃рь бж҃їю, / и҆ прославлѧ́ютъ раболѣ́пнѡ, и҆ чествꙋ́ютъ, / и҆ покланѧ́ютсѧ, и҆ мо́лѧтсѧ тебѣ̀ по бз҃ѣ, / да мі́ръ ᲂу҆мири́ши въ правосла́вїи, и҆ це́рковь ᲂу҆тверди́ши, / и҆ спасе́ши ѿ всѣ́хъ ѕѡ́лъ твоѧ̑ рабы̑, / ꙗ҆́кѡ є҆ди́на бл҃гослове́ннаѧ."
|
|
},
|
|
{
|
|
"type": "TEXT",
|
|
"value": "П редстоѧ́тъ тѝ, гпⷭ҇жѐ бцⷣе, / предъ твои́мъ, пречⷭ҇таѧ, ѻ҆́бразомъ, / а҆рхїере́євъ сосло́вїе, и҆ сщ҃е́нницы, / и҆ всѝ лю́дїе, мона́си и҆ прості́и, / вѣ́дꙋще тѧ̀ вои́стиннꙋ помо́щницꙋ си́льнꙋ и҆ непобѣди́мꙋ, / молє́нїѧ тебѣ̀ приноси́ти ѿ всеѧ̀ дꙋшѝ подвиза́ютъ, / и҆ поꙋща́ютъ на моли́твꙋ къ бг҃ꙋ, тре́бꙋюще твоеѧ̀ по́мощи, / да простре́ши бг҃онѡ́сныѧ твоѧ̑ рꙋ́ки, и҆ ᲂу҆мо́лиши за мі́ръ. / вонмѝ и҆ ᲂу҆слы́ши, влⷣчце, / и҆ пода́ждь ᲂу҆тѣше́нїе рабѡ́мъ твои̑мъ, / до́ндеже не ѡ҆долѣ́ютъ ны̀ грѣхѝ на́шѧ тѧ̑жкїѧ и҆ лю̑тыѧ: / твоеѧ́ бо всегда̀ тре́бꙋемъ всѝ по́мощи."
|
|
},
|
|
{
|
|
"type": "TEXT",
|
|
"value": "Гла́съ и҃: Пе́рвѣе написа́вшейсѧ твое́й і҆кѡ́нѣ, / є҆ѵⷢ҇льскихъ та̑инъ благовѣ́стникомъ, / и҆ къ тебѣ̀, цр҃и́цѣ, принесе́ннѣй, / да ᲂу҆сво́иши тꙋ̀, и҆ си́льнꙋ содѣ́лаеши спастѝ чествꙋ́ющыѧ тѧ̀: / и҆ пора́доваласѧ є҆сѝ ꙗ҆́кѡ сꙋ́щи ми́лостива, спасе́нїѧ на́шегѡ содѣ́тельница. / ꙗ҆́кѡ ᲂу҆ста̀ и҆ гла́съ і҆кѡ́нѣ бы́вше, / ꙗ҆́коже и҆ бг҃а внегда̀ зачина́ющи во чре́вѣ, / пѣ́снь воспѣ́ла є҆сѝ: / сѐ ѿ ны́нѣ ᲂу҆блажа́тъ мѧ̀ всѝ ро́ди! / и҆ на тꙋ̀ зрѧ́щи глаго́лала є҆сѝ со вла́стїю: / съ си́мъ ѻ҆́бразомъ бл҃года́ть моѧ̀ и҆ си́ла. / и҆ мы̀ и҆́стиннѡ вѣ́рꙋемъ, / ꙗ҆́кѡ сѐ рекла̀ є҆сѝ, гпⷭ҇жѐ, / си́мъ ѻ҆́бразомъ съ на́ми є҆сѝ: / тѣ́мъ благоговѣ́йнѡ предстоѧ́ще, / покланѧ́емсѧ тебѣ̀ рабѝ твоѝ, / посѣти́ ны твои́ми ма́терними щедро́тами."
|
|
},
|
|
{
|
|
"type": "TEXT",
|
|
"value": "Гла́съ з҃: Гора̀ є҆сѝ вели́каѧ и҆ пресла́внаѧ, / па́че горы̀ сїна́йскїѧ, бцⷣе: / ѻ҆́на бо не терпѧ́ше сни́тїѧ сла́вы бж҃їѧ / во ѻ҆́бразѣхъ и҆ сѣ́нехъ, ѻ҆гне́мъ возгара́шесѧ, / и҆ гро́ми и҆ мѡ́лнїи та́мѡ бы́ша. / ты́ же ве́сь бжⷭ҇твенный ѻ҆́гнь сꙋ́щь / бж҃їе сло́во, во чре́вѣ твое́мъ неѡпа́льнѡ носи́ла є҆сѝ, / и҆ ѿ сосє́цъ твои́хъ млеко́мъ пита́ла є҆сѝ, / ма́нїемъ носѧ́щаго всѧ̑. / и҆ ны́нѣ ма́тернее дерзнове́нїе къ немꙋ̀ и҆мꙋ́щи, / помозѝ, влⷣчце, / вѣ́рнѡ пра́зднꙋющымъ тво́й честны́й пра́здникъ, / и҆ не забꙋ́ди ми́лостивнѡ посѣща́ющи: / прїѧ́ла бо є҆сѝ ѿ бг҃а да́ръ, / стро́ити и҆ покрыва́ти хрⷭ҇тоимени́тое ста́до, рабы̑ твоѧ̑."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ ѕ҃: Тебѣ̀ всѝ ро́ди человѣ́честїи / хва̑льныѧ да́ры прино́сѧтъ, влⷣце, / и҆ мо́лѧтсѧ ꙗ҆́кѡ цр҃и́цѣ и҆ мт҃ри бж҃їи: / прⷪ҇ро́цы тѧ̀ премꙋ́дрѡ проповѣ́даша, / леѵі́ти благослови́ша, а҆пⷭ҇толи и҆ мч҃ницы и҆сповѣ́даша, / сщ҃е́нницы покланѧ́ютсѧ, а҆рхїере́є проповѣ́даютъ, / мона́си и҆ прості́и благоговѣ́ютъ, / бога́тїи и҆ ᲂу҆бо́зїи, сироты̑ и҆ вдѡвы̀, / и҆ всѧ́къ во́зрастъ, и҆ всѧ́ко преспѣ́ѧнїе, / ста́рческое и҆ младе́нческое, / подъ кро́въ тво́й держа́вный съ вѣ́рою прибѣга́емъ: / покры́й и҆ соблюдѝ, гпⷭ҇жѐ, моли́твами твои́ми, / и҆ спасѝ ѿ бѣ́дъ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃:"
|
|
},
|
|
{
|
|
"type": "TEXT",
|
|
"value": "В мѣсти́лище чи́стое свѣ́та пречи́стагѡ, бцⷣе, / ка́кѡ тѧ̀ рабѝ досто́йнѡ воспѣва́емъ; / ꙗ҆́кѡ ꙗ҆вле́нїемъ пречⷭ҇тыѧ твоеѧ̀ і҆кѡ́ны, / и҆ превѣ́чнагѡ млⷣнца, всѧ̑ ѡ҆свѣща́еши."
|
|
},
|
|
{
|
|
"type": "TEXT",
|
|
"value": "Сті́хъ: Помѧнꙋ̀ и҆́мѧ твоѐ / во всѧ́комъ ро́дѣ и҆ ро́дѣ."
|
|
},
|
|
{
|
|
"type": "TEXT",
|
|
"value": "Ѽ дв҃о нескве́рнаѧ бг҃ора́дованнаѧ! / что́ ти когда̀ таково̀ благодаре́нїе принесе́мъ; / ꙗ҆́кѡ бл҃же́ннагѡ твоегѡ̀ ржⷭ҇тва̀ всесїѧ́ющею лꙋче́ю, / всѣ́хъ ѿ тлѣ́нїѧ къ жи́зни возвела̀ є҆сѝ."
|
|
},
|
|
{
|
|
"type": "TEXT",
|
|
"value": "Сті́хъ: Слы́ши дщѝ и҆ ви́ждь, / и҆ приклонѝ ᲂу҆́хо твоѐ."
|
|
},
|
|
{
|
|
"type": "TEXT",
|
|
"value": "Ѽ дв҃о гпⷭ҇жѐ, мт҃и зижди́телева! / нбⷭ҇ныхъ є҆сѝ чинѡ́въ ра́дованїе, / и҆ человѣ́ческомꙋ ро́дꙋ бл҃гослове́ннаѧ помо́щнице: / молѝ ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ є҃: Воспое́мъ лю́дїе свѣ́тлѡ дв҃дскꙋю пѣ́снь / ѻ҆трокови́цѣ невѣ́стѣ бж҃їи, и҆ мт҃ри цр҃ѧ̀ хрⷭ҇та̀: / предста̀ цр҃и́ца ѡ҆деснꙋ́ю тебѐ, влⷣко, рѧ̑сны златы́ми ѡ҆дѣ́ѧна, / и҆ преꙋкра́шена бжⷭ҇твенными благолѣ́потами. / сїю̀ ᲂу҆́бѡ ꙗ҆́кѡ и҆збра́ннꙋю и҆ до́брꙋю въ жена́хъ, па́че всегѡ̀ мі́ра ᲂу҆добри́въ, / благоволи́лъ є҆сѝ роди́тисѧ и҆зъ неѧ̀ вели́кїѧ ра́ди ми́лости: / и҆ сїю̀ помо́щницꙋ лю́демъ твои̑мъ дарова́лъ є҆сѝ, / спаса́ти и҆ покрыва́ти ѿ бѣ́дъ / всемогꙋ́щею твое́ю и҆ бжⷭ҇твенною си́лою, / є҆ѧ́же моли́твами, хрⷭ҇тѐ бж҃е, поми́лꙋй на́съ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "З астꙋ́пнице ᲂу҆се́рднаѧ, / мт҃и гдⷭ҇а вы́шнѧгѡ, / за всѣ́хъ мо́лиши сн҃а твоего̀ хрⷭ҇та̀ бг҃а на́шего, / и҆ всѣ̑мъ твори́ши спасти́сѧ, / въ держа́вный тво́й покро́въ прибѣга́ющымъ. / всѣ́хъ на́съ застꙋпѝ, ѽ гпⷭ҇жѐ цр҃и́це и҆ влⷣчце! / и҆̀же въ напа́стехъ и҆ ско́рбехъ, и҆ въ болѣ́знехъ ѡ҆бремене́нныхъ грѣхи̑ мно́гими, / предстоѧ́щихъ и҆ молѧ́щихсѧ тебѣ̀ / ᲂу҆миле́нною дꙋше́ю, и҆ сокрꙋше́ннымъ се́рдцемъ, / предъ пречⷭ҇тымъ твои́мъ ѻ҆́бразомъ со слеза́ми, / и҆ невозвра́тнѡ наде́ждꙋ и҆мꙋ́щихъ на тѧ̀, / и҆збавле́нїѧ всѣ́хъ ѕѡ́лъ. / всѣ̑мъ полє́знаѧ да́рꙋй, / и҆ всѧ̑ спасѝ, бцⷣе дв҃о: / ты́ бо є҆сѝ бжⷭ҇твенный покро́въ рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "На ᲂу҆́трени."
|
|
},
|
|
{
|
|
"type": "HEADER",
|
|
"value": "На Бг҃ъ гдⷭ҇ь, тропа́рь три́жды, гла́съ д҃:"
|
|
},
|
|
{
|
|
"type": "TEXT",
|
|
"value": "З астꙋ́пнице ᲂу҆се́рднаѧ, / мт҃и гдⷭ҇а вы́шнѧгѡ, / за всѣ́хъ мо́лиши сн҃а твоего̀ хрⷭ҇та̀ бг҃а на́шего, / и҆ всѣ̑мъ твори́ши спасти́сѧ, / въ держа́вный тво́й покро́въ прибѣга́ющымъ. / всѣ́хъ на́съ застꙋпѝ, ѽ гпⷭ҇жѐ цр҃и́це и҆ влⷣчце! / и҆̀же въ напа́стехъ и҆ ско́рбехъ, и҆ въ болѣ́знехъ ѡ҆бремене́нныхъ грѣхи̑ мно́гими, / предстоѧ́щихъ и҆ молѧ́щихсѧ тебѣ̀ / ᲂу҆миле́нною дꙋше́ю, и҆ сокрꙋше́ннымъ се́рдцемъ, / предъ пречⷭ҇тымъ твои́мъ ѻ҆́бразомъ со слеза́ми, / и҆ невозвра́тнѡ наде́ждꙋ и҆мꙋ́щихъ на тѧ̀, / и҆збавле́нїѧ всѣ́хъ ѕѡ́лъ. / всѣ̑мъ полє́знаѧ да́рꙋй, / и҆ всѧ̑ спасѝ, бцⷣе дв҃о: / ты́ бо є҆сѝ бжⷭ҇твенный покро́въ рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ г҃:"
|
|
},
|
|
{
|
|
"type": "TEXT",
|
|
"value": "Л ю́дїе благочести́вїи, правовѣ́рнїи собо́ри хрⷭ҇тоимени́тїи, / пристꙋпи́те вѣ́рнѡ всѝ, / бжⷭ҇твенномꙋ припа́дающе бж҃їѧ мт҃ре ѻ҆́бразꙋ: / та́ѧ бо и҆сцѣле́нїе болѧ́щымъ ра́достнѡ подае́тъ: / ᲂу҆ѧзвлѧ́етъ же ѕлосла̑внаѧ ꙗ҆́кѡ стрѣла̀ ѿ лꙋ́ка, / на́съ всѣ́хъ весели́тъ свѣтови́днѡ, / и҆ бл҃года́тїю ѡ҆зарѧ́етъ моли́твами свои́ми."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Всю́ тѧ бг҃ъ ѡ҆свѧтѝ дв҃ꙋ до́брꙋю, и҆ непоро́чнꙋю въ жена́хъ, / прⷪ҇рѡ́ки проѡбрази́въ че́стнѡ, і҆ерє́и бл҃гослови́въ, во ст҃а̑ѧ ст҃ы́хъ вселѝ: / а҆́гг҃ломъ воспита̀, съ нб҃сѐ пи́щꙋ хлѣ́бъ подаѧ̀, / са́мъ же пребл҃гі́й, є҆диноро́дное бг҃ъ сло́во, / всели́сѧ въ тѧ̀, и҆ пло́тїю про́йде и҆зъ тебє̀: / тѣ́мже тѝ покланѧ́емсѧ и҆ чти́мъ, / ꙗ҆́кѡ вои́стиннꙋ и҆́стиннꙋю сꙋ́щꙋю бцⷣꙋ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Д а ликовствꙋ́етъ свѣ́тлѡ вѣ́рныхъ всѐ мно́жество, / рыда́етъ же де́мѡнское во́инство, / ви́дѧще многоимє́нныѧ сїѧ́ющѧ пра́здники бж҃їѧ мт҃ре, / ᲂу҆блажа́емꙋ бж҃їю мт҃рь бжⷭ҇твенными пѣ́сньми: / и҆дѣ́же бо бг҃опрїѧ́тнѡ сла́витсѧ / пребл҃гослове́ннаѧ бцⷣа влⷣчца, бг҃оизбра́ннаѧ ѻ҆трокови́ца, / непрїѧ́зни паде́нїе, / хрⷭ҇тїа́нѡмъ же крѣ́пкое ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Ѽ всебл҃гослове́ннаѧ бцⷣе влⷣчце, / бг҃оизбра́ннаѧ ѻ҆трокови́це, / свѣ́тлое прⷪ҇ро́ческое сбытїѐ, / а҆пⷭ҇льскаѧ похвало̀, и҆ мч҃ническое и҆сповѣ́данїе и҆ вѣ́нче, / а҆́гг҃лы чти́маѧ, и҆ человѣ́ческими рѡ́ды многопѣ́таѧ, / и҆ всегѡ̀ мі́ра вожделѣ́ннаѧ помо́щница. / и҆зба́ви рабы̑ твоѧ̑ ѡ҆сꙋжде́нїѧ бꙋ́дꙋщагѡ, и҆ є҆́зера ѻ҆́гненнагѡ, / є҆ди́на бл҃гослове́ннаѧ."
|
|
},
|
|
{
|
|
"type": "HEADER",
|
|
"value": "Полѷеле́й и҆ велича́нїе:"
|
|
},
|
|
{
|
|
"type": "TEXT",
|
|
"value": "В елича́емъ тѧ̀, / прест҃а́ѧ дв҃о, / и҆ чти́мъ ѻ҆́бразъ тво́й ст҃ы́й / ѿ негѡ̀ же и҆стека́етъ бл҃года́тнаѧ по́мощь / всѣ́мъ съ вѣ́рою притека́ющимъ къ немꙋ̀."
|
|
},
|
|
{
|
|
"type": "HEADER",
|
|
"value": "Ѱало́мъ и҆збра́нный:"
|
|
},
|
|
{
|
|
"type": "TEXT",
|
|
"value": "а҃ Помѧнѝ гдⷭ҇и дв҃да, и҆ всю̀ кро́тость є҆гѡ̀. в҃ Ꙗ҆́кѡ клѧ́тсѧ гдⷭ҇еви, ѡ҆бѣща́сѧ бг҃ꙋ і҆а́кѡвлю. а҃ Сѐ слы́шахомъ ѧ҆̀ во є҆ѵфра́ѳѣ, ѡ҆брѣто́хомъ ѧ҆̀ въ полѧ́хъ дꙋбра́вы. в҃ Пресла̑внаѧ глаго́лашасѧ ѡ҆ тебѣ̀ гра́де бж҃їй. а҃ Бг҃ъ посредѣ̀ є҆гѡ̀, и҆ не подви́житсѧ. в҃ Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀: а҃ Ѿ пло́да чре́ва твоегѡ̀ посаждꙋ̀ на прⷭ҇то́лѣ твое́мъ. в҃ Ꙗ҆́кѡ и҆збра̀ гдⷭ҇ь сїѡ́на, и҆зво́ли є҆го̀ въ жили́ще себѣ̀. а҃ Ѡ҆ст҃и́лъ є҆́сть селе́нїе своѐ вы́шнїй. в҃ Ст҃ы́нѧ и҆ велелѣ́пота во ст҃и́лѣ є҆гѡ̀. а҃ Ст҃ъ хра́мъ тво́й, ди́венъ въ пра́вдѣ. в҃ До́мꙋ твоемꙋ̀ подоба́етъ ст҃ы́нѧ гдⷭ҇и въ долготꙋ̀ дні́й. а҃ Помѧнꙋ̀ и҆́мѧ твоѐ во всѧ́комъ ро́дѣ на ро́дѣ. в҃ Бл҃гослове́нъ гдⷭ҇ь во вѣ́къ, и҆ въ вѣ́къ вѣ́ка."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: А҆ллилꙋ́їа, три́жды."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "П равовѣ́рнѡ чтꙋ́щыѧ тѧ̀ лю́дїе къ тебѣ̀ прибѣга́ющыѧ, / и҆ і҆кѡ́нѣ твое́й ст҃ѣ́й любе́знѡ покланѧ́ющыѧсѧ, / ѽ бж҃їѧ мт҃и, спасѝ, и҆ не да́ждь въ расхище́нїе сопоста́тѡмъ, / нижѐ наи́дꙋтъ на ны̀ всѧ̑ ѕла̑ѧ, / ꙗ҆́же грѣхѝ на́шѧ ᲂу҆гото́ваша на́мъ, / нижѐ беззакѡ́нїѧ на̑ша превзы́дꙋтъ на главы̑ на́шѧ, / но да твоѧ̀ ма́тернѧѧ къ бг҃ꙋ преѡдолѣ́етъ / за ны̀ бг҃опрїѧ́тнаѧ моли́тва."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Пречⷭ҇таѧ твоѧ̀ і҆кѡ́на, бцⷣе дв҃о, / врачевство̀ всемꙋ̀ мі́рꙋ дꙋхо́вное: / къ не́йже прибѣга́юще, тебѣ̀ покланѧ́емсѧ, и҆ почита́емъ, и҆ лобыза́емъ, и҆ чти́мъ. / и҆сцѣле́нїй бл҃года́ть почерпа́юще ѿ неѧ̀, / и҆ недꙋ̑гъ тѣле́сныхъ, и҆ дꙋше́вныхъ страсте́й, твои́ми моли́твами свобожда́емсѧ."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са, и҆́хже стїхѝ повторѧ́юще пое́мъ:"
|
|
},
|
|
{
|
|
"type": "TEXT",
|
|
"value": "Ѿ ю҆́ности моеѧ̀ / мно́зи бо́рютъ мѧ̀ стра̑сти, / но са́мъ мѧ̀ застꙋпѝ, / и҆ сп҃сѝ сп҃се мо́й."
|
|
},
|
|
{
|
|
"type": "TEXT",
|
|
"value": "Н енави́дѧщїи сїѡ́на, / посрами́тесѧ ѿ гдⷭ҇а, / ꙗ҆́кѡ трава́ бо ѻ҆гне́мъ / бꙋ́дете и҆зсо́хше."
|
|
},
|
|
{
|
|
"type": "TEXT",
|
|
"value": "Сла́ва: Ст҃ы́мъ дх҃омъ / всѧ́ка дꙋша̀ живи́тсѧ, / и҆ чистото́ю возвыша́етсѧ, / свѣтлѣ́етсѧ трⷪ҇ческимъ є҆ди́нствомъ сщ҃еннота́йнѣ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "П омѧнꙋ̀ и҆́мѧ твоѐ / во всѧ́комъ ро́дѣ и҆ ро́дѣ. Сті́хъ: Слы́ши дщѝ и҆ ви́ждь, и҆ приклонѝ ᲂу҆́хо твоѐ."
|
|
},
|
|
{
|
|
"type": "TEXT",
|
|
"value": "Дрꙋгі́й прокі́менъ: Всѧ́кое дыха́нїе / да хва́литъ гдⷭ҇а. Сті́хъ: Хвали́те бг҃а во ст҃ы́хъ є҆гѡ̀, хвали́те є҆го̀ во ᲂу҆твержде́нїи си́лы є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло д҃."
|
|
},
|
|
{
|
|
"type": "TEXT",
|
|
"value": "В о днѝ ѻ҆́ны воста́вши марїа́мъ, и҆́де въ гѡ́рнѧѧ со тща́нїемъ, во гра́дъ і҆ꙋ́довъ. и҆ вни́де въ до́мъ заха́рїинъ, и҆ цѣлова̀ є҆лїсаве́тъ. и҆ бы́сть, ꙗ҆́кѡ ᲂу҆слы́ша є҆лїсаве́тъ цѣлова́нїе марі́ино, взыгра́сѧ младе́нецъ во чре́вѣ є҆ѧ̀: и҆ и҆спо́лнисѧ дх҃а ст҃а є҆лїсаве́тъ. и҆ возопѝ гла́сомъ ве́лїимъ, и҆ речѐ: благослове́на ты̀ въ жена́хъ, и҆ благослове́нъ пло́дъ чре́ва твоегѡ̀. и҆ ѿкꙋ́дꙋ мнѣ̀ сїѐ, да прїи́де мт҃и гдⷭ҇а моегѡ̀ ко мнѣ̀; се́ бо ꙗ҆́кѡ бы́сть гла́съ цѣлова́нїѧ твоегѡ̀ во ᲂу҆́шїю мое́ю, взыгра́сѧ младе́нецъ ра́дощами во чре́вѣ мое́мъ: и҆ блаже́нна вѣ́ровавшаѧ, ꙗ҆́кѡ бꙋ́детъ соверше́нїе глагѡ́ланнымъ є҆́й ѿ гдⷭ҇а. и҆ речѐ марїа́мъ: вели́читъ дꙋша̀ моѧ̀ гдⷭ҇а, и҆ возра́довасѧ дх҃ъ мо́й ѡ҆ бз҃ѣ сп҃сѣ мое́мъ: ꙗ҆́кѡ призрѣ̀ на смире́нїе рабы̀ своеѧ̀: се́ бо ѿ ны́нѣ ᲂу҆блажа́тъ мѧ̀ всѝ ро́ди. ꙗ҆́кѡ сотворѝ мнѣ̀ вели́чїе си́льный, и҆ ст҃о и҆́мѧ є҆гѡ̀. пребы́сть же марїа́мъ съ не́ю ꙗ҆́кѡ трѝ мѣ́сѧцы: и҆ возврати́сѧ въ до́мъ сво́й."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀:"
|
|
},
|
|
{
|
|
"type": "TEXT",
|
|
"value": "Сла́ва: Мл҃твами бцⷣы, / ми́лостиве, ѡ҆чи́сти / мно́жєства согрѣше́нїй на́шихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "TEXT",
|
|
"value": "И҆ посе́мъ, гла́съ ѕ҃: Поми́лꙋй мѧ̀ бж҃е, / по вели́цѣй ми́лости твое́й, / и҆ по мно́жествꙋ щедро́тъ твои́хъ, / ѡ҆чи́сти беззако́нїе моѐ."
|
|
},
|
|
{
|
|
"type": "HEADER",
|
|
"value": "И҆ стїхи́ра, гла́съ и҃:"
|
|
},
|
|
{
|
|
"type": "TEXT",
|
|
"value": "П рїиди́те, возра́дꙋемсѧ держа́внѣй застꙋ́пницѣ ро́да на́шегѡ, / цр҃и́цѣ бцⷣѣ: / прїиди́те къ ти́хомꙋ є҆ѧ̀ чꙋ́дномꙋ, / почита́емомꙋ а҆́гг҃лы, / честно́мꙋ поклони́мсѧ ѻ҆́бразꙋ. / да́рꙋетъ бо бцⷣа вѣ̑рнымъ ѻ҆би̑льныѧ да́ры цѣлє́бныѧ / ѿ неистощи́магѡ и҆сто́чника ст҃ы́ѧ і҆кѡ́ны неѡскꙋ́днꙋю бл҃года́ть и҆сточа́ющи: / тмы̀ и҆збавлѧ́етъ на́съ, и҆скꙋше́нїй и҆ бѣ́дъ, и҆ всѧ́кагѡ грѣха̀, / благоче́стнѡ и҆ бг҃опрїѧ́тнѡ прославлѧ́ющихъ и҆ чтꙋ́щихъ / свѣ́тлꙋю и҆ чꙋ́днꙋю бг҃ома́тере ст҃ꙋ́ю і҆кѡ́нꙋ. / тѣ́мъ воспѣва́юще воззове́мъ первоѻбра́знѣй: / ра́дꙋйсѧ, любе́знаѧ мі́рꙋ по́моще, / во спасе́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Канѡ́нъ ѻ҆диги́трїю прест҃ы́ѧ бцⷣы, со і҆рмосо́мъ на ѕ҃. Творе́нїе і҆еромона́ха і҆гна́тїа. Гла́съ д҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѿве́рзꙋ ᲂу҆ста̀ моѧ̑, / и҆ напо́лнѧтсѧ дх҃а, / и҆ сло́во ѿры́гнꙋ цр҃и́цѣ мт҃ри, / и҆ ꙗ҆влю́сѧ свѣ́тлѡ торжествꙋ́ѧ, / и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Р а́достнѡ, чⷭ҇таѧ, ны́нѣ наста́вшее хвале́нїе приноша́ю, ра́дꙋѧсѧ, / и҆ ти́химъ гла́сомъ, ѻ҆дїги́трїе, вопїю́ ти: / ра́дꙋйсѧ, и҆ и҆спо́лни мѧ̀ ра́зꙋма, пѣ́ти начина́юща."
|
|
},
|
|
{
|
|
"type": "TEXT",
|
|
"value": "Х рⷭ҇та̀ роди́вшаѧ, ра́дость на́мъ вѣ́чнꙋю, / ѽ ра́дꙋйсѧ, всепѣ́таѧ, правосла́вныхъ наде́ждо, / ѻ҆дїги́трїе, всепѣ́таѧ дв҃и́це. / ра́дости и҆спо́лни мѧ̀, мі́рови жела́ннаѧ."
|
|
},
|
|
{
|
|
"type": "TEXT",
|
|
"value": "Л икꙋ́ютъ всѝ человѣ́цы и҆ а҆́гг҃ли, / всегда̀ согла́снѡ вопїю́ще, на нб҃сѝ и҆ на землѝ, ѻ҆дїги́трїе: ра́дꙋйсѧ дв҃и́це, / ра́дости бо ржⷭ҇тво́мъ твои́мъ всѧ́чєскаѧ и҆спо́лнила є҆сѝ."
|
|
},
|
|
{
|
|
"type": "TEXT",
|
|
"value": "Р а́дость, ѻ҆дїги́трїе, / со стра́хомъ тѝ вопїю́щихъ ра́дости сподо́би, / мт҃и сꙋ́щїѧ ра́дости, и҆збавлѧ́ющи скорбе́й всѧ́ческихъ, / и҆ всѣ́хъ поми́лꙋй, къ тебѣ̀ прибѣга́ющихъ."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ пра́здника на и҃, гла́съ то́йже. Пѣ́снь а҃. І҆рмо́съ то́йже."
|
|
},
|
|
{
|
|
"type": "TEXT",
|
|
"value": "Б лагоговѣ́ютъ тѝ, бцⷣе, а҆́гг҃лѡвъ нача̑льницы, и҆ ст҃ы́хъ чи́ни че́стнѡ слꙋ́жатъ, / пра́веднїи красꙋ́ютсѧ, нбⷭ҇ныхъ хода́таицꙋ блажа́тъ тѧ̀: / кꙋ́пнѡ же и҆ землѧ̀ и҆ нб҃о въ весе́лїи свѣ́тлѡ восхвалѧ́ютъ тѧ̀, / и҆ мы̀ грѣ́шнїи ми́лости про́симъ: / ѡ҆зарѝ на̑ша сердца̀, влⷣчце, воспѣ́ти пѣ́снь ст҃ы́ѧ твоеѧ̀ і҆кѡ́ны ꙗ҆вле́нїю."
|
|
},
|
|
{
|
|
"type": "TEXT",
|
|
"value": "П рїиди́те, собери́тесѧ, хрⷭ҇тоимени́тїи лю́дїе, ᲂу҆мы̀ та́йнѡ ѡ҆чи́стившесѧ, во ст҃ꙋ́ю цр҃ковь мт҃ре хрⷭ҇та̀ бг҃а на́шегѡ: / и҆сточа́етъ бо на́мъ неѡскꙋ́днѡ ѿ ст҃ы́ѧ і҆кѡ́ны и҆сто́чникъ дх҃о́венъ, / цѣле́бенъ дꙋша́мъ и҆ тѣ́лѡмъ, пѣ́снь вопїю́щымъ: / бл҃гослове́нъ и҆зъ тебє̀ рожде́йсѧ бг҃ъ на́шъ."
|
|
},
|
|
{
|
|
"type": "TEXT",
|
|
"value": "Д иви́тъ, пренепоро́чнаѧ, и҆ ᲂу҆жаса́етъ всѧ́къ слꙋ́хъ стра́нно чꙋ́до бжⷭ҇твеннагѡ твоегѡ̀ ржⷭ҇тва̀: / ка́кѡ херꙋві́мскаго творца̀ зачала̀ є҆сѝ; / ка́кѡ ѻ҆́гнь нестерпи́мый во ᲂу҆тро́бѣ носи́ла є҆сѝ; / ка́кѡ сꙋ́щꙋю жи́знь пло́тїю ѡ҆блекла̀ є҆сѝ, и҆ живо́тъ всемꙋ̀ мі́рꙋ родила̀ є҆сѝ / бг҃а кꙋ́пнѡ и҆ чл҃вѣ́ка;"
|
|
},
|
|
{
|
|
"type": "TEXT",
|
|
"value": "П одъ кро́въ тво́й, дв҃о гпⷭ҇жѐ, прибѣга́емъ всѝ ро́ди человѣ́честїи: / просвѣти́ ны свѣ́томъ ржⷭ҇тва̀ твоегѡ̀, грѣ̑шныѧ рабы̑ твоѧ̑ / молѧ́щыѧсѧ прилѣ́жнѡ, и҆ кла́нѧющыѧсѧ пречⷭ҇тѣй твое́й і҆кѡ́нѣ, / просѧ́ще ѿ тебє̀ прїѧ́ти вели̑кїѧ ми́лѡсти."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑, / и҆ напо́лнѧтсѧ дх҃а, / и҆ сло́во ѿры́гнꙋ цр҃и́цѣ мт҃ри, / и҆ ꙗ҆влю́сѧ свѣ́тлѡ торжествꙋ́ѧ, / и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Твоѧ̑ пѣсносло́вцы бцⷣе, / живы́й и҆ незави́стный и҆сто́чниче, / ли́къ себѣ̀ совокꙋ́пльшыѧ дх҃о́внѡ ᲂу҆твердѝ, / въ бж҃е́ственнѣй твое́й сла́вѣ, / вѣнцє́въ сла́вы сподо́би."
|
|
},
|
|
{
|
|
"type": "TEXT",
|
|
"value": "Х рⷭ҇та̀ вы́шнѧгѡ цр҃ѧ̀, ѽ ра́дꙋйсѧ, непоколеби́маѧ, чⷭ҇таѧ, и҆ ѡ҆дꙋшевле́ннаѧ пала́то! / ра́дꙋйсѧ ѻ҆дїги́трїе, ра́дꙋйсѧ, / тобо́ю бо нерꙋши́мъ на́шъ гра́дъ сохранѧ́етсѧ."
|
|
},
|
|
{
|
|
"type": "TEXT",
|
|
"value": "В мѣсти́ти є҆го́же не возмо́же тва́рь, / во ᲂу҆тро́бꙋ неискꙋсобра́чнꙋю, ѻ҆дїги́трїе дв҃и́це, тѣле́снѡ вмѣсти́ла є҆сѝ: / тѣ́мже тѝ ра́дꙋйсѧ, пое́мъ, по до́лгꙋ велича́юще."
|
|
},
|
|
{
|
|
"type": "TEXT",
|
|
"value": "Р а́дость многопѣ́таѧ мі́рови, / ра́достнѡ тѝ пою́ще при́снѡ, вѣ́чнꙋющїѧ, чⷭ҇таѧ, ра́дости сподоблѧ́емсѧ, / твои́ми мт҃рними моли́твами къ ро́ждшемꙋсѧ и҆зъ тебє̀, ѻ҆дїги́трїе."
|
|
},
|
|
{
|
|
"type": "TEXT",
|
|
"value": "З латꙋ́ю тѧ̀ ста́мнꙋ, и҆ свѣ́щникъ, и҆ же́злъ, и҆ трапе́зꙋ, чⷭ҇таѧ, призыва́емъ, ѻ҆дїги́трїе: / и҆ гла́съ є҆́же ра́дꙋйсѧ, тебѣ̀ при́снѡ привноша́емъ, / съ си́миже и҆мены̀."
|
|
},
|
|
{
|
|
"type": "TEXT",
|
|
"value": "И҆́нъ. І҆рмо́съ то́йже."
|
|
},
|
|
{
|
|
"type": "TEXT",
|
|
"value": "К ꙋ́ю тѝ досто́йнꙋю похвалꙋ̀ на́ше принесе́тъ коне́чное неможе́нїе; / ꙗ҆́кѡ ꙗ҆вле́нїемъ пречⷭ҇тыѧ твоеѧ̀ бжⷭ҇твенныѧ і҆кѡ́ны, незави̑стныѧ и҆сто́чники цѣлє́бныѧ и҆сточа́еши, / вѣ́рнѡ прибѣга́ющымъ къ тебѣ̀ рабѡ́мъ твои̑мъ."
|
|
},
|
|
{
|
|
"type": "TEXT",
|
|
"value": "Б жⷭ҇твенныѧ твоеѧ̀ і҆кѡ́ны ст҃о́е ꙗ҆вле́нїе, бцⷣе дв҃о, / ꙗ҆́кѡ свѣтоза́рное возсїѧ̀ на́мъ со́лнце, пресла́вныхъ чꙋде́съ лꙋчѝ пꙋща́ющи, / тмы̑ лю́тыхъ ѡ҆бстоѧ́нїй ѿгонѧ́ющи, / свѧще́нными твои́ми, влⷣчце, предста́тельствы."
|
|
},
|
|
{
|
|
"type": "TEXT",
|
|
"value": "И҆ спо́лнила є҆сѝ бл҃года́ти и҆ногда̀ первопи́саннꙋю твою̀ і҆кѡ́нꙋ, гпⷭ҇жѐ дв҃о бцⷣе: / и҆ ны́нѣ та́же бл҃года́ть и҆́стинствꙋетъ сїѧ́нїемъ вѣ́ры чꙋде́съ, ꙗ҆́кѡ тоѧ̀ ра́ди первопи́санныѧ, / ко спасе́нїю вѣ́рнѡ къ тебѣ̀ по бз҃ѣ прибѣга́ющымъ."
|
|
},
|
|
{
|
|
"type": "TEXT",
|
|
"value": "П окланѧ́емсѧ бцⷣе, твоемꙋ̀ пречи́стомꙋ ѻ҆́бразꙋ, и҆ пресла́дкомꙋ твоемꙋ̀ млⷣнцꙋ, / превѣ́чномꙋ и҆ незаходи́момꙋ свѣ́тꙋ хрⷭ҇тꙋ̀, / и҆́мже спасла̀ є҆сѝ ѿ лю́тыхъ ѕѡ́лъ и҆ тлѣ́нїѧ сме́ртнагѡ всѐ человѣ́ческое є҆стество̀."
|
|
},
|
|
{
|
|
"type": "TEXT",
|
|
"value": "Катава́сїа: Твоѧ̑ пѣсносло́вцы бцⷣе, / живы́й и҆ незави́стный и҆сто́чниче, / ли́къ себѣ̀ совокꙋ́пльшыѧ дх҃о́внѡ ᲂу҆твердѝ, / въ бж҃е́ственнѣй твое́й сла́вѣ, / вѣнцє́въ сла́вы сподо́би."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃. Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Б жⷭ҇твеннїи сло́ва а҆пⷭ҇ли, / є҆ѵⷢ҇лїа хрⷭ҇то́ва велегла́снїи вселе́нныѧ благовѣ́стницы, / бжⷭ҇твеннꙋю цр҃ковь созда́вше въ прест҃о́е твоѐ и҆́мѧ, бцⷣе, / и҆ къ тебѣ̀, гпⷭ҇жѐ, прихо́дѧтъ молѧ́ще тѧ̀ прїитѝ на тоѧ̀ ѡ҆свѧще́нїе. / ты́ же, ѽ бг҃ома́ти, рекла̀ є҆сѝ: / и҆ди́те съ ми́ромъ, и҆ а҆́зъ съ ва́ми та́мѡ є҆́смь. / ѻ҆ни́ же ше́дше ѡ҆брѣта́ютъ та́мѡ на стѣнѣ̀ це́ркве, твоегѡ̀, влⷣчце, ѻ҆́браза подо́бїе, / бжⷭ҇твенною пи́сано си́лою шаро́вными подѡ́бїи, / и҆ ви́дѣвше поклони́шасѧ тѝ и҆ просла́виша бг҃а. / съ ни́миже и҆ мы̀ бжⷭ҇твеннѣй твое́й покланѧ́емсѧ і҆кѡ́нѣ, / просѧ́ще ѿ тебє̀ вели́кїѧ ми́лости: / да́рꙋй согрѣше́нїй ѡ҆ставле́нїе рабѡ́мъ твои̑мъ, є҆ди́на бл҃гослове́ннаѧ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Сѣдѧ́й въ сла́вѣ, / на прⷭ҇то́лѣ бж҃ества̀, / во ѻ҆́блацѣ ле́гцѣ / прїи́де і҆и҃съ пребж҃е́ственный, / нетлѣ́нною дла́нїю, / и҆ сп҃се зовꙋ́щыѧ: / сла́ва хрⷭ҇тѐ си́лѣ твое́й."
|
|
},
|
|
{
|
|
"type": "TEXT",
|
|
"value": "Р а́дꙋйсѧ чꙋ́до чꙋде́съ, ѻ҆дїги́трїе влⷣчце. / ра́дꙋйсѧ, всѣ́хъ ра́досте градѡ́въ и҆ ве́сей, / непобѣди́мое хрⷭ҇тїа́нское въ бѣда́хъ храни́лище, / и҆ предгра́дїе, и҆ на врагѝ побѣжде́нїе."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, ра́дꙋйсѧ люде́й правосла́вныхъ похвало̀, и҆ хрⷭ҇толюби́выхъ во́инствъ покро́въ пребыва́еши всѣ́хъ цр҃и́це. / ра́дꙋйсѧ ѻ҆дїги́трїе, прибѣ́жище всѣ̑мъ на́мъ и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, всѣ̑мъ ско́рое въ бѣда́хъ и҆збавле́нїе. / ра́дꙋйсѧ, гото́вое всѣ̑мъ скорбѧ́щымъ ᲂу҆тѣше́нїе, / ра́дꙋйсѧ всепѣ́таѧ, ра́дꙋйсѧ, ѻ҆дїги́трїе всебл҃гослове́ннаѧ, / всѣ̑мъ немѡщны́мъ и҆сцѣли́тельнице."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, є҆ѧ́же вели̑чїѧ всѧ̀ тва́рь / сла́вити ᲂу҆́бѡ спѣши́тъ по достоѧ́нїю, но не возмога́етъ, ѻ҆дїги́трїе: / и҆ сегѡ̀ ра́ди зове́тъ тѝ: / ра́дꙋйсѧ, влⷣчце, бг҃овмѣсти́мое жили́ще."
|
|
},
|
|
{
|
|
"type": "TEXT",
|
|
"value": "И҆́нъ. І҆рмо́съ то́йже."
|
|
},
|
|
{
|
|
"type": "TEXT",
|
|
"value": "П очти́мъ лю́дїе чⷭ҇тыѧ въ чистотѣ̀ і҆кѡ́нꙋ дв҃ы бцⷣы, / и҆ тоѧ̀ бжⷭ҇твеннагѡ млⷣнца, хрⷭ҇та̀ бг҃а на́шегѡ, / и҆ лобыза́емъ и҆ прославлѧ́емъ со стра́хомъ и҆ тре́петомъ: / почита́емъ бо і҆кѡ́нꙋ благоче́стнѡ, / па́че же почита́емъ са́мꙋю тꙋ́ю сꙋ́щꙋю чⷭ҇тꙋю бг҃омт҃рь."
|
|
},
|
|
{
|
|
"type": "TEXT",
|
|
"value": "Д в҃дъ бжⷭ҇твенный и҆ чꙋ́дный прⷪ҇ро́къ и҆здале́че прови́дѧ, глаго́ла: / лицꙋ̀ твоемꙋ̀ помо́лѧтсѧ бога́тїи лю́дїе. / мы́ же вѣ́рнїи покланѧ́емсѧ, и҆ лобыза́емъ честнꙋ́ю і҆кѡ́нꙋ, / дꙋша́ми кꙋ́пнѡ и҆ тѣлесы̀ ѡ҆свѧща́емсѧ."
|
|
},
|
|
{
|
|
"type": "TEXT",
|
|
"value": "Є҆ ѵⷢ҇лїа хрⷭ҇то́ва бг҃огла́сный списа́тель лꙋка̀, / бж҃їимъ манове́нїемъ всенепоро́чный тво́й написꙋ́етъ ѻ҆́бразъ, бцⷣе, / и҆ млⷣнца превѣ́чнаго на рꙋка́хъ твои́хъ воѡбрази́въ: / къ немꙋ́же притека́ющыѧ напа́стей и҆ бѣ́дъ и҆збавлѧ́еши, / и҆ всѧ̑ покрыва́еши, и҆ спаса́еши твое́ю ми́лостїю."
|
|
},
|
|
{
|
|
"type": "TEXT",
|
|
"value": "Т ы̀ є҆сѝ похвало̀ и҆ вѣне́цъ ст҃ы̑мъ всѣ̑мъ, ѽ цр҃и́це! / ты̀ ᲂу҆пова́нїе на́ше и҆ помо́щнице по бз҃ѣ, / и҆ на тѧ̀ наде́ждꙋ спасе́нїѧ на́шегѡ возложи́хомъ всѝ. / тебѣ̀ мо́лимсѧ, ꙗ҆́кѡ бж҃їи мт҃ри: / ѡ҆дождѝ грѣ̑шнымъ рабѡ́мъ твои̑мъ бога̑тыѧ твоѧ̑ дꙋшеспаси́тєльныѧ ми́лѡсти."
|
|
},
|
|
{
|
|
"type": "TEXT",
|
|
"value": "Катава́сїа: Сѣдѧ́й въ сла́вѣ, / на прⷭ҇то́лѣ бж҃ества̀, / во ѻ҆́блацѣ ле́гцѣ / прїи́де і҆и҃съ пребж҃е́ственный, / нетлѣ́нною дла́нїю, / и҆ сп҃се зовꙋ́щыѧ: / сла́ва хрⷭ҇тѐ си́лѣ твое́й."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆жасо́шасѧ всѧ́чєскаѧ / ѡ҆ бж҃е́ственнѣй сла́вѣ твое́й: / ты́ бо неискꙋсобра́чнаѧ дв҃о, / и҆мѣ́ла є҆сѝ во ᲂу҆тро́бѣ над̾ всѣ́ми бг҃а, / и҆ родила̀ є҆сѝ безлѣ́тнаго сн҃а, / всѣ̑мъ воспѣва́ющымъ тѧ̀, / ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Б лагосты́ни бе́здно и҆ щедро́тамъ є҆сѝ, ра́дꙋйсѧ ѻ҆дїги́трїе дв҃и́це. / ра́дꙋйсѧ, всѣ́мъ ра́дость творѧ́щи вѣ̑рнымъ. / ѽ ра́дꙋйсѧ сꙋ́щымъ въ бѣда́хъ, скорбѧ́щымъ пребы́страѧ застꙋ́пнице!"
|
|
},
|
|
{
|
|
"type": "TEXT",
|
|
"value": "Р а́дости ѿ и҆сполне́нїѧ вели́чїѧ чꙋде́съ твои́хъ зрѧ́ще и҆сполнѧ́емсѧ всѝ, / не зрѧ́ще, и҆ слы́шаще же вѣ́рнїи: / тѣ́мже ра́дꙋйсѧ тебѣ̀ при́снѡ, / всю́дꙋ и҆ всѝ, ѻ҆дїги́трїе, пое́мъ."
|
|
},
|
|
{
|
|
"type": "TEXT",
|
|
"value": "Х рⷭ҇та̀ бг҃а на́шегѡ, ѽ ра́дꙋйсѧ, ѻ҆дїги́трїе, жили́ще, / и҆ до́мъ неизрече́ннѣй и҆ пребжⷭ҇твеннѣй, дв҃о, сла́вѣ є҆гѡ̀! / ѽ ра́дꙋйсѧ, пала́то преꙋкраше́ннаѧ! / ра́дꙋйсѧ гра́де ѡ҆дꙋшевле́нный, присноца́рствꙋющїй!"
|
|
},
|
|
{
|
|
"type": "TEXT",
|
|
"value": "Р а́дость неѡскꙋ́днꙋю тѧ̀ разсмотрѧ́юще, / ꙗ҆́кѡ мо́ре, ѻ҆трокови́це, ѻ҆дїги́трїе дв҃и́це, / ра́дꙋющесѧ всѝ, ра́дꙋйсѧ, вопїе́мъ тѝ: / и҆ пою́ще, бжⷭ҇твенныхъ дарѡ́въ неви́димѡ при́снѡ ѿ тебє̀ ѡ҆жида́емъ."
|
|
},
|
|
{
|
|
"type": "TEXT",
|
|
"value": "И҆́нъ. І҆рмо́съ то́йже."
|
|
},
|
|
{
|
|
"type": "TEXT",
|
|
"value": "В сѧ́кѡ, пречⷭ҇таѧ, сꙋщество̀ воспѣ́ти недоꙋмѣ́етъ тѧ̀, / па́че бо го́рнихъ ᲂу҆мѡ́въ превозвы́силасѧ є҆сѝ, / ро́ждши непристꙋ́пнаго и҆ стра́шнаго всецр҃ѧ̀ и҆ бг҃а: / но ꙗ҆́кѡ ми́лостива и҆ ско́раѧ человѣ́кѡмъ помо́щница, / вонмѝ моле́нїю ра̑бъ твои́хъ, и҆ да́рꙋй твою̀ по́мощь."
|
|
},
|
|
{
|
|
"type": "TEXT",
|
|
"value": "И҆ дѣ́же ѡ҆сѣни́тъ бл҃года́ть твоѧ̀, бцⷣе, стра́хомъ и҆счеза́ютъ де́мѡни, / и҆ разрꙋша́етсѧ ѕлоко́зненное тѣ́хъ мечта́нїе, бѣ́гаютъ дꙋ́си те́мнїи, / ра́дꙋетсѧ же вѣ́рныхъ всѐ мно́жество, тебѣ̀ пѣ́снь хва́льнꙋ ѿ се́рдца вопїю́ще: / ра́дꙋйсѧ, бжⷭ҇твенный покро́ве дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Б ез̾ѻчє́снымъ сла́дкое зрѣ́нїе дае́тсѧ, глꙋхи̑мъ слы́шанїе, / нѣмы̑мъ благоглаго́ланїе, хромы̑мъ хожде́нїе, прокажє́ннымъ ѡ҆чище́нїе, / де́мѡнствꙋємымъ цѣломꙋ́дрїе, и҆ въ болѣ́знехъ сꙋ́щымъ разли́чныхъ и҆сцѣле́нїе, / ѡ҆сѣне́нїемъ пречⷭ҇тыѧ твоеѧ̀, бцⷣе, і҆кѡ́ны."
|
|
},
|
|
{
|
|
"type": "TEXT",
|
|
"value": "Н е ᲂу҆молчи́мъ никогда́же, бцⷣе, ѱалмы̑ и҆ пѣ́сньми воспѣва́ти вели̑чїѧ твоѧ̑, ѡ҆бра́дованнаѧ: / бг҃а бо вои́стиннꙋ воплоти́вшагосѧ родила̀ є҆сѝ, / во спасе́нїе на́ше всемі́рное, и҆ и҆збавле́нїе."
|
|
},
|
|
{
|
|
"type": "TEXT",
|
|
"value": "Катава́сїа: Оу҆жасо́шасѧ всѧ́чєскаѧ / ѡ҆ бж҃е́ственнѣй сла́вѣ твое́й: / ты́ бо неискꙋсобра́чнаѧ дв҃о, / и҆мѣ́ла є҆сѝ во ᲂу҆тро́бѣ над̾ всѣ́ми бг҃а, / и҆ родила̀ є҆сѝ безлѣ́тнаго сн҃а, / всѣ̑мъ воспѣва́ющымъ тѧ̀, / ми́ръ подава́ющаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бж҃е́ственное сїѐ и҆ всечестно́е, / соверша́юще пра́зднество, / бг҃омꙋ́дрїи бг҃омт҃ре, / прїиди́те рꙋка́ми воспле́щимъ, / ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Х рⷭ҇та̀, чⷭ҇таѧ, прїе́млющи, / гла́съ є҆́же ра́дꙋйсѧ, ѻ҆дїги́трїе дв҃и́це, слы́шала є҆сѝ: / є҆го́же неизрече́ннѡ ро́ждши, и҆ ра́дꙋйсѧ, ѿ всѣ́хъ слы́шиши всегда̀."
|
|
},
|
|
{
|
|
"type": "TEXT",
|
|
"value": "Р а́дости всѧ̑ и҆спо́лнила є҆сѝ, / вы̑шнѧѧ и҆ ни̑жнѧѧ ты̀ совокꙋпи́ла є҆сѝ, ѻ҆дїги́трїе: / тѣ́мже ра́достнѡ и҆ согла́снѡ ны́нѣ, нб҃о и҆ всѧ̀ землѧ̀ зове́тъ тѝ."
|
|
},
|
|
{
|
|
"type": "TEXT",
|
|
"value": "В дова́мъ, ѽ ра́дꙋйсѧ всепѣ́таѧ, и҆ всѣ̑мъ си̑рымъ ѻ҆дїги́трїе, ᲂу҆тѣше́нїе! / ра́дꙋйсѧ, всѣ̑мъ и҆сточа́ющи ни́щымъ бога́тство неистощи́мое!"
|
|
},
|
|
{
|
|
"type": "TEXT",
|
|
"value": "З ла́та всѧ́кагѡ блиста́ема, и҆ ᲂу҆́тра со́лнечнагѡ свѣтлѣ́йши, / жили́ще хрⷭ҇то́во, ра́дꙋйсѧ ѻ҆дїги́трїе, ра́дꙋйсѧ дв҃и́це: / ра́дꙋйсѧ невѣ́сто неневѣ́стнаѧ."
|
|
},
|
|
{
|
|
"type": "TEXT",
|
|
"value": "И҆́нъ. І҆рмо́съ то́йже."
|
|
},
|
|
{
|
|
"type": "TEXT",
|
|
"value": "Б жⷭ҇твеннагѡ твоегѡ̀ ржⷭ҇тва̀, дв҃о гпⷭ҇жѐ, пребога́таѧ бл҃года́ть, / ю҆́же дре́вле и҆зглаше́нїемъ предала̀ є҆сѝ пречⷭ҇томꙋ твоемꙋ̀ ѻ҆́бразꙋ, / неѡскꙋ́днѣ дѣ́йствовати вели̑каѧ же и҆ пресла̑внаѧ, во спасе́нїе на тѧ̀ надѣ́ющымсѧ."
|
|
},
|
|
{
|
|
"type": "TEXT",
|
|
"value": "И҆ дѣ́же прославлѧ́етсѧ ст҃о́е и҆́мѧ ѡ҆бра́дованныѧ бцⷣы, / та́мѡ всѧ́ческихъ благи́хъ и҆сто́чницы пролива́ютсѧ, / прїиди́те въ чистотѣ̀, человѣ́цы, / се́ бо ꙗ҆вле́нїемъ бжⷭ҇твенныѧ дв҃ы і҆кѡ́ны, сказꙋ́етъ цр҃и́цы прише́ствїе, во спасе́нїе всѣ́хъ вѣ́рныхъ."
|
|
},
|
|
{
|
|
"type": "TEXT",
|
|
"value": "Ц ѣлє́нїѧ болѣ́зней, ѿгна́нїе же страсте́й и҆ дꙋшепита́тельное спасе́нїе, / грѣхѡ́въ проще́нїе, и҆ вѣ́чное и҆збавле́нїе, ѿ пречⷭ҇тыѧ твоеѧ̀ і҆кѡ́ны, влⷣчце, / вѣ́рнѡ приходѧ́ще прїе́млемъ, бг҃ома́ти всенепоро́чнаѧ."
|
|
},
|
|
{
|
|
"type": "TEXT",
|
|
"value": "К ъ тебѣ̀, гпⷭ҇жѐ, прибѣга́ютъ ро́ди правовѣ́рныхъ, про́сѧтъ вели́кїѧ ми́лости, / и҆ прїе́млютъ неѡскꙋ́днѡ сꙋ́щїи въ недꙋ́зѣхъ и҆сцѣле́нїе, въ страсте́хъ премѣне́нїе, въ печа́лѣхъ ᲂу҆тѣше́нїе. / и҆сточѝ и҆ мнѣ̀, влⷣчце, ка́плю дꙋшеспаси́тельнꙋю, / да со всѣ́ми и҆ а҆́зъ пою̀ твоѐ вели́чїе."
|
|
},
|
|
{
|
|
"type": "TEXT",
|
|
"value": "Катава́сїа: Бж҃е́ственное сїѐ и҆ всечестно́е, / соверша́юще пра́зднество, / бг҃омꙋ́дрїи бг҃омт҃ре, / прїиди́те рꙋка́ми воспле́щимъ, / ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃. Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "П ритеце́мъ, лю́дїе, къ ти́хомꙋ семꙋ̀ и҆ до́бромꙋ приста́нищꙋ, / ско́рой помо́щницѣ, гото́вомꙋ и҆ те́пломꙋ спасе́нїю, покро́вꙋ дв҃ы: / ᲂу҆скори́мъ на моли́твꙋ, и҆ потщи́мсѧ на покаѧ́нїе: / и҆сточа́етъ бо на́мъ неѡскꙋ̑дныѧ ми́лѡсти пречⷭ҇таѧ бцⷣа, / предварѧ́етъ на по́мощь, и҆ и҆збавлѧ́етъ ѿ вели́кихъ бѣ́дъ и҆ ѕѡ́лъ, / благонра̑вныѧ и҆ бг҃обоѧ́щыѧсѧ рабы̑ своѧ̑."
|
|
},
|
|
{
|
|
"type": "TEXT",
|
|
"value": "І҆́косъ: Смы́слъ ѡ҆чи́стивше и҆ ᲂу҆́мъ, притеце́мъ къ бцⷣѣ, / свѣ́тлѡ пѣ́сньми ᲂу҆блажа́юще ю҆̀, / и҆ пречⷭ҇тꙋю і҆кѡ́нꙋ є҆ѧ̀ прославлѧ́емъ и҆ чти́мъ, / и҆ припа́дающе покланѧ́емсѧ ꙗ҆́кѡ само́й сꙋ́щей ѻ҆́ной: / че́сть бо і҆кѡ́ны на первоѻбра́зное восхо́дитъ, / и҆ почита́ѧй и҆ покланѧ́ѧйсѧ є҆́й, почита́етъ са́мое первоѻбра́зное, / ꙗ҆́коже бжⷭ҇твеннїи ѻ҆тцы̀ реко́ша. / и҆ а҆́ще кто̀ не чти́тъ прест҃ы́ѧ бцⷣы, и҆ не покланѧ́етсѧ і҆кѡ́нѣ є҆ѧ̀, а҆на́ѳема да бꙋ́детъ: / посрамлѧ́етъ бо и҆ погꙋблѧ́етъ не чтꙋ́щыѧ ю҆̀: / и҆збавлѧ́етъ же ѿ вели́кихъ бѣ́дъ и҆ ѕѡ́лъ, благонра̑вныѧ и҆ бг҃обоѧ́щыѧсѧ рабы̑ своѧ̑."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Не послꙋжи́ша тва́ри бг҃омꙋ́дрїи / па́че созда́вшагѡ, / но ѻ҆́гненное преще́нїе мꙋ́жески попра́вше, / ра́довахꙋсѧ пою́ще: / препѣ́тый ѻ҆тцє́въ гдⷭ҇ь и҆ бг҃ъ бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, ра́дꙋйсѧ, бцⷣе ѻ҆дїги́трїе, / всѣ́хъ и҆ всегда̀ наставлѧ́ющи вѣ́рныхъ, ше́ствовати ко всѧ́комꙋ пꙋтѝ спаси́тельномꙋ, / ра́дꙋйсѧ влⷣчце, тобо́ю бо при́снѡ и҆збавлѧ́емсѧ настоѧ́щїѧ ва́рварскїѧ бѣды̀."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, ра́дꙋйсѧ ѻ҆дїги́трїе, / бдѧ́щи и҆ молѧ́щисѧ ѡ҆ на́съ къ бг҃ꙋ, / и҆ всѧ́кїѧ ѕло́бы хода́тайствомъ твои́мъ, всѧ́ческихъ скорбе́й, / бг҃ороди́тельнице, всѣ́хъ люде́й и҆збавлѧ́ющи."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, ра́дꙋйсѧ прест҃а́ѧ ѻ҆дїги́трїе, / прошє́нїѧ на̑ша къ по́льзѣ на́мъ и҆сполнѧ́ющи, / и҆ хотѧ́щи всѣ̑мъ при́снѡ всегда̀ любодрꙋ́жное благо́е є҆ди́нство, / спѣ́шное же во и҆зѧ́щныхъ."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, ра́дꙋйсѧ кораблє́мъ, ѻ҆дїги́трїе, / нꙋ́жднѡ пла́вающымъ, и҆збавлѧ́ющи вѣ́рныхъ, / и҆ всѣ̑мъ и҆збавле́нїе ѿ всѧ́кїѧ ско́рби, и҆ недꙋ́ги пестрѡ́тныѧ, / и҆ ме́длєнныѧ разрѣша́ющи вско́рѣ."
|
|
},
|
|
{
|
|
"type": "TEXT",
|
|
"value": "И҆́нъ. І҆рмо́съ то́йже."
|
|
},
|
|
{
|
|
"type": "TEXT",
|
|
"value": "П рїиди́те, почерпе́мъ ѿпꙋще́нїе ѿ неистощи́магѡ и҆сто́чника, / точа́щагѡ ст҃ы́ню пречⷭ҇тыѧ дв҃ы, / и҆ тоѧ̀ пречи́стагѡ млⷣнца бж҃їѧ сло́ва, на́съ ра́ди вочл҃вѣ́чшагѡсѧ: / къ немꙋ́же возопїи́мъ: / тво́рче и҆зба́вителю, / препросла́вленный со ѻ҆ц҃е́мъ и҆ дх҃омъ, бж҃е бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Н еꙋсы́пнꙋю, чⷭ҇таѧ, и҆ бг҃опрїѧ́тнꙋю и҆мꙋ́щи моли́твꙋ, / и҆ непреѡдолѣ́емꙋю держа́вꙋ крѣ́пости, / врагѡ́въ на́шихъ де́рзость, ꙗ҆́же на ны̀ разорѝ, / и҆ вы̑ѧ и҆́хъ подъ но́зѣ вѣ́рномꙋ наро́дꙋ на́шемꙋ низложѝ, / да возвесели́мсѧ ѡ҆ тебѣ̀ рабѝ, сн҃ꙋ твоемꙋ̀ вопїю́ще: / ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Р а́дꙋемсѧ и҆ весели́мсѧ вѣ́рнїи лю́дїе, чꙋ́дномꙋ ꙗ҆вле́нїю і҆кѡ́ны пречⷭ҇тыѧ влⷣчцы бцⷣы: / рѣка́ бо ꙗ҆ви́сѧ неисчерпа́ема, цѣле́бнꙋю во́дꙋ точа́щи, / слѣпы̑мъ бо ви́дѣти дае́тъ, и҆ глꙋхи̑мъ слы́шанїе, / хромы̑мъ хожде́нїе, и҆ всѣ̑мъ сꙋ́щымъ въ недꙋ́зѣхъ безме́здно и҆сцѣле́нїе."
|
|
},
|
|
{
|
|
"type": "TEXT",
|
|
"value": "Н еиспы́тана глꙋбина̀, недовѣ́домо та́инство, непостижи́мъ ѻ҆́бразъ, дв҃о, зача́тїѧ твоегѡ̀, / зача́тїе безъ сѣ́мене, безъ мꙋ́жа ржⷭ҇тво̀. / безпло́тный воплоти́сѧ, превѣ́чный младе́нствꙋетъ, / сн҃ъ бж҃їй, сн҃ъ тебє̀, дв҃ы, быва́етъ, є҆мꙋ́же вопїе́мъ: / бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Катава́сїа: Не послꙋжи́ша тва́ри бг҃омꙋ́дрїи / па́че созда́вшагѡ, / но ѻ҆́гненное преще́нїе мꙋ́жески попра́вше, / ра́довахꙋсѧ пою́ще: / препѣ́тый ѻ҆тцє́въ гдⷭ҇ь и҆ бг҃ъ бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆́троки бл҃гочєсти́выѧ въ пещѝ / ржⷭ҇тво̀ бг҃оро́дичо сп҃сло̀ є҆́сть, / тогда̀ ᲂу҆́бѡ ѡ҆бразꙋ́емое: / ны́нѣ же дѣ́йствꙋемое, / вселе́ннꙋю всю̀ воздвиза́етъ пѣ́ти тебѣ̀: / гдⷭ҇а по́йте дѣла̀, / и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, всебл҃гослове́ннаѧ марі́е, / и҆зъ тебє́ бо всебл҃гослове́нный бг҃ъ ѡ҆дѣ́ѧвсѧ во всего́ мѧ человѣ́ка. / и҆ ѡ҆дѣ́ѧвсѧ соединѝ своемꙋ̀ бжⷭ҇твꙋ̀, неизрече́ннымъ соедине́нїемъ, дв҃о ѻ҆дїги́трїе. / ра́дꙋйсѧ, ѡ҆бра́дованнаѧ, ра́досте всегѡ̀ мі́ра."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, лꙋка́выхъ дꙋхѡ́въ прогони́тельнице. / ра́дꙋйсѧ бцⷣе ѻ҆дїги́трїе. / ра́дꙋйсѧ, ю҆́же нбⷭ҇наѧ неви̑димаѧ вѡ́инства славосло́вѧтъ всегда̀, и҆ велича́ютъ, ꙗ҆́кѡ мт҃рь бж҃їю бы́вшꙋю. / ра́дꙋйсѧ, ꙗ҆́же ни̑жнѧѧ сочета́вши съ вы́шними."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, всѣ́хъ нбⷭ҇ныхъ си́лъ безъ разсꙋжде́нїѧ превосходѧ́щаѧ. / ра́дꙋйсѧ, ѻ҆дїги́трїе, / ра́дꙋйсѧ, всѧ́кїѧ тва́ри, ꙗ҆́кѡ бг҃а ро́ждшаѧ госпо́дствꙋющи, є҆́й, влⷣчце всепѣ́таѧ. / ра́дꙋйсѧ, пребыва́еши дв҃а чⷭ҇таѧ и҆ по ржⷭ҇твѣ̀."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, жена́мъ всѣ̑мъ сла́во, хра́ме преѡсвѧще́нный бг҃а на́шегѡ. / ра́дꙋйсѧ, ѻ҆дїги́трїе. / ра́дꙋйсѧ, дꙋшеспаси́тельнаѧ все́й вселе́ннѣй. / ра́дꙋйсѧ, покрыва́ющїй ѻ҆́блаче, нб҃съ ши́ршаѧ. / ра́дꙋйсѧ, мѷрополо́жнице, бжⷭ҇твеннагѡ мѵ́ра полна̀."
|
|
},
|
|
{
|
|
"type": "TEXT",
|
|
"value": "И҆́нъ. І҆рмо́съ то́йже."
|
|
},
|
|
{
|
|
"type": "TEXT",
|
|
"value": "Оу҆́ мъ а҆́гг҃льскїй и҆ человѣ́ческїй ᲂу҆жаса́етсѧ, бцⷣе, / ка́кѡ бг҃а нбⷭ҇наго ложесна́ми ѡ҆б̾е́мши воплоти́ла є҆сѝ; / ка́кѡ млⷣнца ро́ждши, ꙗ҆́кѡ сн҃а на рꙋкꙋ̀ но́сиши; / є҆го́же ᲂу҆жаса́етсѧ тва́рь, и҆ трепе́щꙋтъ го́рнїи престо́ли, вопїю́ще непреста́ннѡ: / ст҃ъ, ст҃ъ, ст҃ъ є҆сѝ, бж҃е, препѣ́тый и҆ превозноси́мый во вѣ́ки."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, сꙋ́щаѧ ра́досте всегѡ̀ мі́ра, / со а҆рха́гг҃ломъ гаврїи́ломъ вопїе́мъ тѝ, бцⷣе: / ра́дꙋйсѧ, вмѣсти́лище невмѣсти́магѡ. / ра́дꙋйсѧ, бл҃года́тнаѧ, носи́ло бж҃ества̀ всегѡ̀. / ра́дꙋйсѧ, а҆да́мово воззва́нїе, съ тобо́ю гдⷭ҇ь, и҆ тебє̀ ра́ди съ на́ми спаса́ѧ на́съ. / є҆го́же пое́мъ и҆ превозно́симъ во вѣ́ки."
|
|
},
|
|
{
|
|
"type": "TEXT",
|
|
"value": "К о́рень і҆ессе́евъ ѡ҆свѧще́нный, ко́рень грѣха̀ на́шегѡ и҆сто́ргнꙋла є҆сѝ. / же́злъ а҆арѡ́новъ процвѣ́тшїй, жизнода́телѧ цвѣ́та и҆зрасти́вши хрⷭ҇та̀, / ста́мно маннопрїе́мнаѧ, сме́рти всю̀ си́лꙋ сокрꙋши́ла є҆сѝ, / и҆ въ поро́дꙋ жи́зни возвела̀ є҆сѝ ро́дъ человѣ́ческїй: / тѣ́мже тѧ̀ пое́мъ до́брыхъ вино́внꙋю."
|
|
},
|
|
{
|
|
"type": "TEXT",
|
|
"value": "Т ы̀ похвала̀ хрⷭ҇тїа́нѡмъ є҆сѝ, влⷣчце, / ты̀ ѻ҆рꙋ́жїе на врагѝ, и҆ стѣна̀ къ тебѣ̀ прибѣга́ющымъ. / тѧ̀ и҆ ны́нѣ на по́мощь призыва́емъ, гпⷭ҇жѐ, / не да́ждь врагѡ́мъ вознести́сѧ на лю́ди твоѧ̑, / и҆̀же тебѐ не хва́лѧтъ, ни сн҃а твоегѡ̀, бцⷣе, и҆ твое́й і҆кѡ́нѣ не кла́нѧютсѧ: / си́хъ побѣдѝ, и҆ дꙋ́шы на́шѧ спасѝ."
|
|
},
|
|
{
|
|
"type": "TEXT",
|
|
"value": "Катава́сїа: Ѻ҆́троки бл҃гочєсти́выѧ въ пещѝ / ржⷭ҇тво̀ бг҃оро́дичо сп҃сло̀ є҆́сть, / тогда̀ ᲂу҆́бѡ ѡ҆бразꙋ́емое: / ны́нѣ же дѣ́йствꙋемое, / вселе́ннꙋю всю̀ воздвиза́етъ пѣ́ти тебѣ̀: / гдⷭ҇а по́йте дѣла̀, / и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Всѧ́къ земноро́дный / да взыгра́етсѧ дх҃омъ просвѣща́емь, / да торжествꙋ́етъ же безпло́тныхъ ᲂу҆мѡ́въ є҆стество̀, / почита́ющее сщ҃е́нное торжество̀ бг҃омт҃ре, / и҆ да вопїе́тъ: / ра́дꙋйсѧ всебл҃же́ннаѧ / бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, свѣщѐ, свѣ́тъ невече́рнїй поне́сшаѧ, / и҆ въ ржⷭ҇твѣ̀ твое́мъ многобо́жїѧ тмꙋ̀ разрꙋши́вшаѧ, / и҆ а҆́довы про́пасти и҆зба́вльшаѧ лю́ди. / ра́дꙋйсѧ, ѻ҆дїги́трїе бцⷣе, добро́тъ всѣ́хъ предхода́таице."
|
|
},
|
|
{
|
|
"type": "TEXT",
|
|
"value": "Р а́дꙋйсѧ, землѐ, и҆зъ неѧ́же кла́съ прозѧ́бши нбⷭ҇ный вѣ̑рнымъ, / и҆ мі́ра всегѡ̀ дꙋшегꙋ́бнагѡ гла́да и҆зба́ви, разꙋ́мнаѧ и҆ ѡ҆дꙋшевле́ннаѧ. / ѽ ра́дꙋйсѧ, вїногра́де, и҆́же гро́здъ живо́тный ро́ждшаѧ, / бцⷣе чⷭ҇таѧ ѻ҆дїги́трїе!"
|
|
},
|
|
{
|
|
"type": "TEXT",
|
|
"value": "Р а́дꙋйсѧ, та́йныхъ цвѣтѡ́въ прекра́сный сꙋ́щїй раю̀. / ра́дꙋйсѧ, мт҃и дв҃о, неви́димыхъ ра́зꙋмъ чистото́ю страннолѣ́пнѡ побѣ́ждши, бг҃ороди́тельнице. / ра́дꙋйсѧ, ѻ҆трокови́це. / ра́дꙋйсѧ, ѻ҆дїги́трїе, всемі́рное чꙋ́до и҆ слы́шанїе."
|
|
},
|
|
{
|
|
"type": "TEXT",
|
|
"value": "Л ѣ́то живота̀ на́шегѡ про́чее сохранѝ неврежде́нно, поможе́нїемъ твои́мъ, дв҃о ѻ҆трокови́це, / и҆ сподо́би коне́цъ благі́й полꙋчи́ти на́мъ воспѣва́ющымъ тѧ̀, и҆ взыва́ющымъ: / ра́дꙋйсѧ, всебл҃же́ннаѧ, бцⷣе чⷭ҇таѧ ѻ҆дїги́трїе."
|
|
},
|
|
{
|
|
"type": "TEXT",
|
|
"value": "И҆́нъ. І҆рмо́съ то́йже."
|
|
},
|
|
{
|
|
"type": "TEXT",
|
|
"value": "Т ебѐ тве́рдꙋю помо́щницꙋ ро́дꙋ человѣ́ческомꙋ, бцⷣе марі́е, ли́къ проро́ческїй многоѻбра́знѡ провозвѣстѝ, / сѣ́нь ст҃ꙋ́ю, нб҃съ простра́ннѣйшꙋю, / скрижа́ль бг҃опи́саннꙋю, и҆ кꙋпинꙋ̀ неѡпали́мꙋю, / две́рь бг҃опрохо́днꙋю, го́рꙋ же и҆ лѣ́ствицꙋ, и҆ мо́стъ, и҆ же́злъ процвѣ́тшїй: / мы́ же вои́стиннꙋ бцⷣꙋ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Т а́йна глꙋбины̀ ржⷭ҇тва̀ твоегѡ̀ ᲂу҆́мъ а҆́гг҃льскїй ᲂу҆жаса́етъ, дв҃о, / и҆ пречⷭ҇таѧ і҆кѡ́на де́мѡны прого́нитъ, / и҆ ли́ца нечести́выхъ ѡ҆мрача́етъ, и҆ въ стꙋ́дъ порѣва́етъ: / не терпѧ́тъ бо взира́ти на си́лꙋ є҆ѧ̀, бѣ́гаютъ же и҆ и҆счеза́ютъ. / мы́ же любе́знѡ покланѧ́емсѧ и҆ лобыза́емъ, и҆ тѧ̀ бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "П редста́тельница сꙋ́щи неѿстꙋ́пна къ вы́шнемꙋ цр҃ю̀, / ꙗ҆́кѡ и҆мꙋ́щи мт҃рне дерзнове́нїе непосты́дно, / въ ми́рѣ глꙋбо́цѣ правосла́вныхъ житїѐ ᲂу҆твердѝ, и҆ ѻ҆те́чество на́ше возвы́си, / и҆ всѧ̑ полє́знаѧ да́рꙋй всегда̀ рабѡ́мъ твои̑мъ, / да тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Ѽ всеми́лостиваѧ хрⷭ҇тїа́нѡмъ помо́щнице! / не мо́жетъ тѧ̀ воспѣ́ти досто́йнѡ ᲂу҆́мъ человѣ́ческїй и҆ а҆́гг҃льскїй, / ꙗ҆́кѡ всеѧ̀ тва́ри честнѣ́йши, нбⷭ҇ныхъ и҆ земны́хъ сла́внѣйши. / всѣ́хъ бо родила̀ є҆сѝ творца̀ и҆ бг҃а. / но, ѽ влⷣчце! / прїимѝ ми́лостивнѡ, ю҆́же тебѣ̀ ѿ се́рдца возложи́хомъ пѣ́снь, / спаса́й на́съ всегда̀, на тѧ́ бо надѣ́емсѧ."
|
|
},
|
|
{
|
|
"type": "TEXT",
|
|
"value": "Катава́сїа: Всѧ́къ земноро́дный / да взыгра́етсѧ дх҃омъ просвѣща́емь, / да торжествꙋ́етъ же безпло́тныхъ ᲂу҆мѡ́въ є҆стество̀, / почита́ющее сщ҃е́нное торжество̀ бг҃омт҃ре, / и҆ да вопїе́тъ: / ра́дꙋйсѧ всебл҃же́ннаѧ / бцⷣе, чⷭ҇таѧ приснодв҃о."
|
|
},
|
|
{
|
|
"type": "HEADER",
|
|
"value": "Свѣти́ленъ:"
|
|
},
|
|
{
|
|
"type": "TEXT",
|
|
"value": "Д а почти́тсѧ всепѣ́таѧ мт҃и бж҃їѧ, / жи́знь сꙋ́щꙋю ро́ждши хрⷭ҇та̀ бг҃а на́шего, / ра́йскихъ двере́й ѿверзе́нїе, и҆ всегѡ̀ мі́ра ѡ҆чище́нїе, къ животꙋ̀ возведе́нїе, / се́й є҆́сть прⷪ҇ро́кѡмъ глаго́лавый, / томꙋ̀ поклони́мсѧ, бг҃ꙋ и҆ сп҃сꙋ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ ѕ҃: Прїиди́те, вѣ́рнїи съ чистото́ю, возвели́чимъ пречⷭ҇тыѧ мт҃ре бг҃а на́шегѡ чꙋ́днꙋю і҆кѡ́нꙋ, / и҆ бжⷭ҇твеннагѡ млⷣнца сп҃са хрⷭ҇та̀: / є҆го́же ꙗ҆́кѡ ро́ждшаѧ на рꙋкꙋ̀ носи́вши, / и҆ мт҃рне дерзнове́нїе къ немꙋ̀ и҆мꙋ́щи, / непреста́ннѡ мо́литъ за ны̀, и҆ подае́тъ рабѡ́мъ свои̑мъ бога̑тыѧ ми́лѡсти."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ д҃."
|
|
},
|
|
{
|
|
"type": "TEXT",
|
|
"value": "П росла́вимъ, вѣ́рнїи, ѡ҆бра́дованнꙋю бцⷣꙋ, / па́че же во ᲂу҆стѣ́хъ на́шихъ и҆́мамы всегда̀ / ст҃о́е и҆ бл҃гослове́нное и҆́мѧ є҆ѧ̀, / непреста́ннѡ прибѣга́юще къ пречⷭ҇тѣй є҆ѧ̀ и҆ цѣльбоно́снѣй і҆кѡ́нѣ. / того́ бо ѡ҆брѣта́емъ ꙗ҆̀же на землѝ всѧ̑ блага̑ѧ и҆ полє́знаѧ, / и҆ сꙋ́щихъ на воздꙋ́сѣ ѿ де́мѡнѡвъ запина́нїй и҆збавлѧ́емсѧ, / ꙗ҆́кѡ мт҃и ро́ждшаѧ всѣ́хъ творца̀, / спаса́етъ ѿ бѣ́дъ дꙋ́шы на́шѧ. [Два́жды.]"
|
|
},
|
|
{
|
|
"type": "TEXT",
|
|
"value": "Д а рыда́етъ вѣ́чнѡ со́нмъ ѕлочести́выхъ, / не и҆сповѣ́дающихъ тѧ̀ въ ржⷭ҇твѣ̀ чⷭ҇тꙋю бг҃ороди́тельницꙋ, / и҆ не покланѧ́ющихсѧ пречⷭ҇тѣй твое́й і҆кѡ́нѣ: / вѣ́рнїи же лю́дїе ра́дꙋющесѧ, / и҆сповѣ́даемъ тѧ̀ и҆́стиннꙋю дв҃ꙋ бцⷣꙋ, / ꙗ҆́кѡ вои́стиннꙋ родила̀ є҆сѝ пло́тїю хрⷭ҇та̀ бг҃а на́шего. / тлѣ́нїе а҆да́мово попра́ла є҆сѝ, / и҆ ѿ грѣха̀ ве́сь мі́ръ ѡ҆чи́стила є҆сѝ, / жи́знь безконе́чнꙋю дарова́ла є҆сѝ, / ра́йскїй вхо́дъ вѣ̑рнымъ ѿве́рзла є҆сѝ / бжⷭ҇твеннымъ твои́мъ ржⷭ҇тво́мъ. / є҆го́же молѝ, спасти́сѧ на́мъ / пою́щымъ вѣ́рнѡ твоѐ та́инство."
|
|
},
|
|
{
|
|
"type": "TEXT",
|
|
"value": "Р а́дꙋетсѧ ᲂу҆́бѡ и҆ весели́тсѧ / неизрече́нною ра́достїю всѐ мно́жество благочести́выхъ: / припа́дающе же покланѧ́ютсѧ, / всѝ благоговѣ́ютъ бж҃їи мт҃ри съ боѧ́знїю, / благодарѧ́ще сїю̀ по бз҃ѣ ꙗ҆́кѡ бг҃а, / толи́кихъ превели́кихъ бла̑гъ хода́таицꙋ, / въ нѧ́же жела́ютъ а҆́гг҃ли прини́кнꙋти, / дарова̀ бцⷣею вѣ̑рнымъ хрⷭ҇то́съ бг҃ъ на́шъ, / и҆мѣ́ѧй премно́жество щедро́тъ, и҆ вели́кꙋю пребога́тꙋю ми́лость."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ и҃: Ст҃а́ѧ твоѧ̀ и҆ соѻбра́знаѧ і҆кѡ́на, бцⷣе дв҃о, / бл҃года́тїю твое́ю пребога́тый сꙋ́щїй и҆сто́чникъ, / кипѧ́щїй все́й подсо́лнечнѣй, / и҆ свѣтѧ́щїй всемꙋ̀ мі́рꙋ / свѣтолꙋ́чными ст҃а́гѡ дх҃а сїѧ́ньми, и҆ и҆сцѣле́нїй свѣтлостьмѝ. / ты́ бо бг҃а сло́ва пло́тїю несказа́ннѡ родила̀ є҆сѝ, / ѿ а҆рха́гг҃ла гаврїи́ла сицева̑ѧ слы́шавши: / ра́дꙋйсѧ ѡ҆бра́дованнаѧ, гдⷭ҇ь съ тобо́ю, / и҆ дх҃ъ ст҃ы́й ѡ҆сѣни́тъ тѧ̀ къ зача́тїю. / та́кожде рекла̀ є҆сѝ къ первопи́санной твое́й і҆кѡ́нѣ, на тꙋ̀ зрѧ́щи: / съ то́ю моѧ̀ бл҃года́ть, / и҆ сло́во твоѐ со вла́стїю і҆кѡ́нѣ бы́сть. / и҆ ѻ҆́бразъ и҆ гла́съ, и҆ си́ла и҆ дѣ́ло, и҆ всѧ́къ ᲂу҆́мъ / превосходѧ́щаѧ бжⷭ҇твеннаѧ бл҃года́ть, спребыва́ющи вѣ́чнѡ, / зна́мєнїѧ и҆ чꙋдеса̀ непреста́ннѡ содѣва́етъ, / и҆ дꙋшеполе́зное и҆сцѣле́нїе всѣ̑мъ вѣ́рнѡ приходѧ́щымъ подае́тъ, / твои́ми бг҃ома́терними непреста́нными къ бг҃ꙋ моли́твами."
|
|
},
|
|
{
|
|
"type": "TEXT",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "TEXT",
|
|
"value": "Бл҃жє́нна ѿ канѡ́на, пѣ́снь г҃-ѧ, на д҃: и҆ ѕ҃-ѧ, на д҃."
|
|
},
|
|
{
|
|
"type": "HEADER",
|
|
"value": "Тропа́рь пра́здника, гла́съ д҃:"
|
|
},
|
|
{
|
|
"type": "TEXT",
|
|
"value": "З астꙋ́пнице ᲂу҆се́рднаѧ, / мт҃и гдⷭ҇а вы́шнѧгѡ, / за всѣ́хъ мо́лиши сн҃а твоего̀ хрⷭ҇та̀ бг҃а на́шего, / и҆ всѣ̑мъ твори́ши спасти́сѧ, / въ держа́вный тво́й покро́въ прибѣга́ющымъ. / всѣ́хъ на́съ застꙋпѝ, ѽ гпⷭ҇жѐ цр҃и́це и҆ влⷣчце! / и҆̀же въ напа́стехъ и҆ ско́рбехъ, и҆ въ болѣ́знехъ ѡ҆бремене́нныхъ грѣхи̑ мно́гими, / предстоѧ́щихъ и҆ молѧ́щихсѧ тебѣ̀ / ᲂу҆миле́нною дꙋше́ю, и҆ сокрꙋше́ннымъ се́рдцемъ, / предъ пречⷭ҇тымъ твои́мъ ѻ҆́бразомъ со слеза́ми, / и҆ невозвра́тнѡ наде́ждꙋ и҆мꙋ́щихъ на тѧ̀, / и҆збавле́нїѧ всѣ́хъ ѕѡ́лъ. / всѣ̑мъ полє́знаѧ да́рꙋй, / и҆ всѧ̑ спасѝ, бцⷣе дв҃о: / ты́ бо є҆сѝ бжⷭ҇твенный покро́въ рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃. Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "П ритеце́мъ, лю́дїе, къ ти́хомꙋ семꙋ̀ и҆ до́бромꙋ приста́нищꙋ, / ско́рой помо́щницѣ, гото́вомꙋ и҆ те́пломꙋ спасе́нїю, покро́вꙋ дв҃ы: / ᲂу҆скори́мъ на моли́твꙋ, и҆ потщи́мсѧ на покаѧ́нїе: / и҆сточа́етъ бо на́мъ неѡскꙋ̑дныѧ ми́лѡсти пречⷭ҇таѧ бцⷣа, / предварѧ́етъ на по́мощь, и҆ и҆збавлѧ́етъ ѿ вели́кихъ бѣ́дъ и҆ ѕѡ́лъ, / благонра̑вныѧ и҆ бг҃обоѧ́щыѧсѧ рабы̑ своѧ̑."
|
|
},
|
|
{
|
|
"type": "HEADER",
|
|
"value": "Прокі́менъ, пѣ́снь бцⷣы, гла́съ г҃:"
|
|
},
|
|
{
|
|
"type": "TEXT",
|
|
"value": "В ели́читъ дꙋша̀ моѧ̀ гдⷭ҇а, / и҆ возра́довасѧ дꙋ́хъ мо́й ѡ҆ бз҃ѣ сп҃сѣ мое́мъ. Сті́хъ: Ꙗ҆́кѡ призрѣ̀ на смире́нїе рабы̀ своеѧ̀: се́ бо ѿ ны́нѣ ᲂу҆блажа́тъ мѧ̀ всѝ ро́ди."
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ фїлїпписі́ємъ, зача́ло с҃м."
|
|
},
|
|
{
|
|
"type": "TEXT",
|
|
"value": "Б ра́тїе, сїѐ да мꙋ́дрствꙋетсѧ въ ва́съ, є҆́же и҆ во хрⷭ҇тѣ̀ і҆и҃сѣ, и҆́же во ѻ҆́бразѣ бж҃їи сы́й, не восхище́нїемъ непщева̀ бы́ти ра́венъ бг҃ꙋ. но себѐ ᲂу҆ма́лилъ, зра́къ раба̀ прїи́мъ, въ подо́бїи человѣ́честѣмъ бы́въ и҆ ѻ҆́бразомъ ѡ҆брѣ́тесѧ ꙗ҆́коже человѣ́къ. смири́лъ себѐ, послꙋшли́въ бы́въ да́же до сме́рти, сме́рти же крⷭ҇тныѧ. тѣ́мже и҆ бг҃ъ є҆го̀ превознесѐ, и҆ дарова̀ є҆мꙋ̀ и҆́мѧ, є҆́же па́че всѧ́кагѡ и҆́мене: да ѡ҆ и҆́мени і҆и҃совѣ всѧ́ко колѣ́но поклони́тсѧ, нбⷭ҇ныхъ, и҆ земны́хъ, и҆ преиспо́днихъ: и҆ всѧ́къ ѧ҆зы́къ и҆сповѣ́сть ꙗ҆́кѡ гдⷭ҇ь і҆и҃съ хрⷭ҇то́съ, въ сла́вꙋ бг҃а ѻ҆ц҃а̀."
|
|
},
|
|
{
|
|
"type": "HEADER",
|
|
"value": "А҆ллилꙋ́їа, гла́съ и҃."
|
|
},
|
|
{
|
|
"type": "TEXT",
|
|
"value": "Сті́хъ: Слы́ши, дщѝ, и҆ ви́ждь, и҆ приклонѝ ᲂу҆́хо твоѐ. Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло н҃д."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, вни́де і҆и҃съ въ ве́сь нѣ́кꙋю: жена́ же нѣ́каѧ и҆́менемъ ма́рѳа прїѧ́тъ є҆го̀ въ до́мъ сво́й. и҆ сестра̀ є҆́й бѣ̀ нарица́емаѧ марі́а, ꙗ҆́же и҆ сѣ́дши при ногꙋ̀ і҆и҃совꙋ слы́шаше сло́во є҆гѡ̀. ма́рѳа же мо́лвѧше ѡ҆ мно́зѣ слꙋ́жбѣ, ста́вши же речѐ: гдⷭ҇и, не бреже́ши ли, ꙗ҆́кѡ сестра̀ моѧ̀ є҆ди́нꙋ мѧ̀ ѡ҆ста́ви слꙋжи́ти; рцы̀ ᲂу҆́бѡ є҆́й, да мѝ помо́жетъ. ѿвѣща́въ же і҆и҃съ, речѐ є҆́й: ма́рѳо, ма́рѳо, пече́шисѧ, и҆ мо́лвиши ѡ҆ мно́зѣ. є҆ди́но же є҆́сть на потре́бꙋ: марі́а же благꙋ́ю ча́сть и҆збра̀, ꙗ҆́же не ѿи́метсѧ ѿ неѧ̀. бы́сть же є҆гда̀ глаго́лаше сїѧ̀, воздви́гши нѣ́каѧ жена̀ гла́съ ѿ наро́да, речѐ є҆мꙋ̀: блаже́но чре́во носи́вшее тѧ̀, и҆ сосца̀ ꙗ҆̀же є҆сѝ сса́лъ. ѻ҆́нъ же речѐ: тѣ́мже ᲂу҆́бѡ блаже́ни слы́шащїи сло́во бж҃їе, и҆ хранѧ́ще є҆̀."
|
|
},
|
|
{
|
|
"type": "HEADER",
|
|
"value": "Прича́стенъ:"
|
|
},
|
|
{
|
|
"type": "TEXT",
|
|
"value": "Ч а́шꙋ спасе́нїѧ прїимꙋ̀, / и҆ и҆́мѧ гдⷭ҇не призовꙋ̀. / А҆ ллилꙋ́їа, три́жды."
|
|
}
|
|
] |