1046 lines
121 KiB
JSON
1046 lines
121 KiB
JSON
[
|
|
{
|
|
"type": "HEADER",
|
|
"value": "Послѣ́дованїе часѡ́въ, пѣва́емыхъ въ на́вечерїи ржⷭ҇тва̀ хрⷭ҇то́ва."
|
|
},
|
|
{
|
|
"type": "TEXT",
|
|
"value": "ⷤ На а҃-м часе ⷤ На г҃-м часе ⷤ На ѕ҃-мъ часѣ̀ ⷤ На ѳ҃-м часе ⷤ На изобразительных"
|
|
},
|
|
{
|
|
"type": "HEADER",
|
|
"value": "Ча́съ пе́рвый."
|
|
},
|
|
{
|
|
"type": "TEXT",
|
|
"value": "Въ нача́лѣ втора́гѡ часа̀ зна́менꙋетъ въ кампа́нъ. И҆ собра́вшымсѧ во хра́мъ, ѡ҆блачи́тсѧ і҆ере́й въ фелѡ́нь, дїа́конъ же въ стїха́рь. И҆ поставлѧ́етъ параекклисїа́рхъ а҆нало́гїй ᲂу҆кра́шенъ прѧ́мѡ ца́рскихъ вра́тъ, и҆ вжига́етъ свѣщꙋ̀ на свѣ́щницѣ. І҆ере́й же и҆схо́дитъ со є҆ѵⷢ҇лїемъ во хра́мъ, и҆лѝ въ трапе́зꙋ, ца́рскими враты̀, предходѧ́щꙋ є҆мꙋ̀ дїа́конꙋ съ кади́ломъ. И҆ полага́етъ і҆ере́й ст҃о́е є҆ѵⷢ҇лїе на а҆нало́гїи, и҆ ста́въ предъ а҆нало́гомъ, твори́тъ нача́ло по ѻ҆бы́чаю. И҆ по нача́лѣ чте́цъ: Сла́ва тебѣ̀, бж҃е на́шъ, сла́ва тебѣ̀. И҆ Цр҃ю̀ нбⷭ҇ный: и҆ прѡ́чаѧ. И҆ по возгла́сѣ кади́тъ свѧще́нникъ ст҃о́е є҆ѵⷢ҇лїе на а҆нало́гїи ѻ҆́крестъ: и҆ про́чыѧ і҆кѡ́ны, и҆ хра́мъ ве́сь, и҆ настоѧ́телѧ, и҆ бра́тїю."
|
|
},
|
|
{
|
|
"type": "TEXT",
|
|
"value": "Чте́цъ же чте́тъ: А҆ми́нь. С ла́ва тебѣ̀ бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Ц р҃ю̀ нбⷭ҇ный, ᲂу҆тѣ́шителю, дш҃е и҆́стины, и҆́же вездѣ̀ сы́й и҆ всѧ̑ и҆сполнѧ́ѧй, сокро́вище бл҃ги́хъ и҆ жи́зни пода́телю, прїидѝ и҆ всели́сѧ въ ны̀, и҆ ѡ҆чи́сти ны̀ ѿ всѧ́кїѧ скве́рны, и҆ сп҃сѝ бл҃же дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
|
|
},
|
|
{
|
|
"type": "TEXT",
|
|
"value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
|
|
},
|
|
{
|
|
"type": "TEXT",
|
|
"value": "Г дⷭ҇и поми́лꙋй, три́жды. Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Ꙗ҆́кѡ твоѐ є҆́сть црⷭ҇тво, и҆ си́ла, и҆ сла́ва, ѻ҆ц҃а̀, и҆ сн҃а, и҆ ст҃а́гѡ дх҃а, ны́нѣ и҆ при́снѡ, и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Та́же чте́цъ: А҆ми́нь. Г дⷭ҇и поми́лꙋй, в҃і. Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
|
|
},
|
|
{
|
|
"type": "HEADER",
|
|
"value": "Ѱало́мъ є҃."
|
|
},
|
|
{
|
|
"type": "TEXT",
|
|
"value": "Г лаго́лы моѧ̑ внꙋшѝ, гдⷭ҇и, разꙋмѣ́й зва́нїе моѐ. вонмѝ гла́сꙋ моле́нїѧ моегѡ̀, цр҃ю̀ мо́й и҆ бж҃е мо́й, ꙗ҆́кѡ къ тебѣ̀ помолю́сѧ, гдⷭ҇и. заꙋ́тра ᲂу҆слы́ши гла́съ мо́й: заꙋ́тра предста́нꙋ тѝ, и҆ ᲂу҆́зриши мѧ̀: ꙗ҆́кѡ бг҃ъ не хотѧ́й беззако́нїѧ, ты̀ є҆сѝ: не пресели́тсѧ къ тебѣ̀ лꙋка́внꙋѧй, нижѐ пребꙋ́детъ беззакѡ́нницы пред̾ ѻ҆чи́ма твои́ма. возненави́дѣлъ є҆сѝ всѧ̑ дѣ́лающыѧ беззако́нїе: погꙋби́ши всѧ̑ глаго́лющыѧ лжꙋ̀, мꙋ́жа крове́й и҆ льсти́ва гнꙋша́етсѧ гдⷭ҇ь. а҆́зъ же мно́жествомъ ми́лости твоеѧ̀, вни́дꙋ въ до́мъ тво́й, поклоню́сѧ ко хра́мꙋ ст҃о́мꙋ твоемꙋ̀ въ стра́сѣ твое́мъ. гдⷭ҇и, наста́ви мѧ̀ пра́вдою твое́ю, вра̑гъ мои́хъ ра́ди и҆спра́ви пред̾ тобо́ю пꙋ́ть мо́й. ꙗ҆́кѡ нѣ́сть во ᲂу҆стѣ́хъ и҆́хъ и҆́стины, срⷣце и҆́хъ сꙋ́етно, гро́бъ ѿве́рстъ горта́нь и҆́хъ, ѧ҆зы́ки свои́ми льща́хꙋ. сꙋдѝ и҆̀мъ, бж҃е, да ѿпадꙋ́тъ ѿ мы́слей свои́хъ: по мно́жествꙋ нече́стїѧ и҆́хъ и҆зри́ни ѧ҆̀, ꙗ҆́кѡ преѡгорчи́ша тѧ̀, гдⷭ҇и. и҆ да возвеселѧ́тсѧ всѝ ᲂу҆пова́ющїи на тѧ̀, во вѣ́къ возра́дꙋютсѧ, и҆ всели́шисѧ въ ни́хъ. и҆ похва́лѧтсѧ ѡ҆ тебѣ̀ лю́бѧщїи и҆́мѧ твоѐ. ꙗ҆́кѡ ты̀ благослови́ши пра́ведника, гдⷭ҇и, ꙗ҆́кѡ ѻ҆рꙋ́жїемъ благоволе́нїѧ вѣнча́лъ є҆сѝ на́съ."
|
|
},
|
|
{
|
|
"type": "HEADER",
|
|
"value": "Ѱало́мъ м҃д."
|
|
},
|
|
{
|
|
"type": "TEXT",
|
|
"value": "Ѿ ры́гнꙋ срⷣце моѐ сло́во бла́го, глаго́лю а҆́зъ дѣла̀ моѧ̑ царе́ви: ѧ҆зы́къ мо́й тро́сть кни́жника скоропи́сца. красе́нъ добро́тою па́че сынѡ́въ человѣ́ческихъ, и҆злїѧ́сѧ благода́ть во ᲂу҆стна́хъ твои́хъ: сегѡ̀ ра́ди благослови́ тѧ бг҃ъ во вѣ́къ. препоѧ́ши ме́чь тво́й по бедрѣ̀ твое́й, си́льне. красото́ю твое́ю и҆ добро́тою твое́ю: и҆ налѧцы̀, и҆ ᲂу҆спѣва́й, и҆ ца́рствꙋй, и҆́стины ра́ди и҆ кро́тости и҆ пра́вды: и҆ наста́витъ тѧ̀ ди́внѡ десни́ца твоѧ̀. стрѣ́лы твоѧ̑ и҆з̾ѡщрє́ны, си́льне: лю́дїе подъ тобо́ю падꙋ́тъ въ се́рдцы вра̑гъ царе́выхъ. прⷭ҇то́лъ тво́й, бж҃е, въ вѣ́къ вѣ́ка же́злъ пра́вости, же́злъ црⷭ҇твїѧ твоегѡ̀: возлюби́лъ є҆сѝ пра́вдꙋ, и҆ возненави́дѣлъ є҆сѝ беззако́нїе: сегѡ̀ ра́ди пома́за тѧ̀, бж҃е, бг҃ъ тво́й є҆ле́емъ ра́дости, па́че прича́стникъ твои́хъ. смѵ́рна и҆ ста́кти и҆ кассі́а ѿ ри́зъ твои́хъ, ѿ тѧ́жестей слоно́выхъ, и҆зъ ни́хже возвесели́ша тѧ̀ дщє́ри царе́й въ че́сти твое́й: предста̀ цари́ца ѡ҆деснꙋ́ю тебє̀ въ ри́захъ позлаще́нныхъ ѡ҆дѣ́ѧна, преиспещре́на. слы́ши, дщѝ, и҆ ви́ждь, и҆ приклонѝ ᲂу҆́хо твоѐ, и҆ забꙋ́ди лю́ди твоѧ̑, и҆ до́мъ ѻ҆тца̀ твоегѡ̀, и҆ возжела́етъ цр҃ь добро́ты твоеѧ̀: занѐ то́й є҆́сть гдⷭ҇ь тво́й, и҆ поклони́шасѧ є҆мꙋ̀. и҆ дщѝ тѵ́рова съ да̑ры: лицꙋ̀ твоемꙋ̀ помо́лѧтсѧ бога́тїи лю́дстїи. всѧ̀ сла́ва дще́ре цр҃е́вы внꙋ́трь: рѧ̑сны златы́ми ѡ҆дѣ́ѧна и҆ преиспещре́на. приведꙋ́тсѧ цр҃ю̀ дѣ́вы въ слѣ́дъ є҆ѧ̀. и҆́скрєннїѧ є҆ѧ̀ приведꙋ́тсѧ тебѣ̀: приведꙋ́тсѧ въ весе́лїи и҆ ра́дованїи, введꙋ́тсѧ въ хра́мъ цр҃е́въ. вмѣ́стѡ ѻ҆тє́цъ твои́хъ бы́ша сы́нове твоѝ: поста́виши ѧ҆̀ кнѧ́зи по все́й землѝ. помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ. сегѡ̀ ра́ди лю́дїе и҆сповѣ́дѧтсѧ тебѣ̀ въ вѣ́къ, и҆ во вѣ́къ вѣ́ка."
|
|
},
|
|
{
|
|
"type": "HEADER",
|
|
"value": "Ѱало́мъ м҃є."
|
|
},
|
|
{
|
|
"type": "TEXT",
|
|
"value": "Б г҃ъ на́мъ прибѣ́жище и҆ си́ла, помо́щникъ въ ско́рбехъ ѡ҆брѣ́тшихъ ны̀ ѕѣлѡ̀. сегѡ̀ ра́ди не ᲂу҆бои́мсѧ, внегда̀ смꙋща́етсѧ землѧ̀, и҆ прелага́ютсѧ го́ры въ сердца̀ мѡрска́ѧ. возшꙋмѣ́ша и҆ смѧто́шасѧ во́ды и҆́хъ, смѧто́шасѧ го́ры крѣ́постїю є҆гѡ̀. рѣ̑чнаѧ ᲂу҆стремлє́нїѧ веселѧ́тъ гра́дъ бж҃їй: ѡ҆свѧти́лъ є҆́сть селе́нїе своѐ вы́шнїй. бг҃ъ посредѣ̀ є҆гѡ̀, и҆ не подви́житсѧ: помо́жетъ є҆мꙋ̀ бг҃ъ ᲂу҆́трѡ заꙋ́тра. смѧто́шасѧ ꙗ҆зы́цы, ᲂу҆клони́шасѧ црⷭ҇твїѧ, дадѐ гла́съ сво́й вы́шнїй, подви́жесѧ землѧ̀. гдⷭ҇ь си́лъ съ на́ми, застꙋ́пникъ на́шъ бг҃ъ і҆а́кѡвль. прїиди́те и҆ ви́дите дѣла̀ бж҃їѧ, ꙗ҆̀же положѝ чꙋдеса̀ на землѝ: ѿе́млѧ бра̑ни до конє́цъ землѝ, лꙋ́къ сокрꙋши́тъ, и҆ сло́митъ ѻ҆рꙋ́жїе, и҆ щиты̀ сожже́тъ ѻ҆гне́мъ. ᲂу҆празни́тесѧ и҆ разꙋмѣ́йте, ꙗ҆́кѡ а҆́зъ є҆́смь бг҃ъ: вознесꙋ́сѧ во ꙗ҆зы́цѣхъ, вознесꙋ́сѧ на землѝ. гдⷭ҇ь си́лъ съ на́ми, застꙋ́пникъ на́шъ бг҃ъ і҆а́кѡвль."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, А҆ллилꙋ́їа, три́жды. Гдⷭ҇и поми́лꙋй три́жды."
|
|
},
|
|
{
|
|
"type": "HEADER",
|
|
"value": "Сла́ва, тропа́рь предпра́зднства, гла́съ д҃:"
|
|
},
|
|
{
|
|
"type": "TEXT",
|
|
"value": "Н аписова́шесѧ и҆ногда̀ со ста́рцемъ і҆ѡ́сифомъ, / ꙗ҆́кѡ ѿ сѣ́мене дв҃дова, въ виѳлее́мѣ марїа́мъ: / чревоносѧ́щи безсѣ́менное рожде́нїе: / наста́ же вре́мѧ ржⷭ҇тва̀, / и҆ мѣ́сто ни є҆ди́ноже бѣ̀ ѻ҆бита́лищꙋ: / но ꙗ҆́коже кра́снаѧ пала́та, / верте́пъ цр҃и́цѣ показа́шесѧ. / хрⷭ҇то́съ ражда́етсѧ, пре́жде па́дшїй воскреси́ти ѻ҆́бразъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Что́ тѧ нарече́мъ, ѽ бл҃года́тнаѧ; / не́бо, ꙗ҆́кѡ возсїѧ́ла є҆сѝ сл҃нце пра́вды. / ра́й, ꙗ҆́кѡ прозѧбла̀ є҆сѝ цвѣ́тъ нетлѣ́нїѧ. / дв҃ꙋ, ꙗ҆́кѡ пребыла̀ є҆сѝ нетлѣ́нна. / чⷭ҇тꙋю мт҃рь, ꙗ҆́кѡ и҆мѣ́ла є҆сѝ на ст҃ы́хъ твои́хъ ѡ҆б̾ѧ́тїѧхъ сн҃а, всѣ́хъ бг҃а: / того̀ молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Та́же тропарѝ сїѧ̑ по два́жды пое́мъ. Творе́нїе сѡфро́нїа, патрїа́рха і҆ерꙋсали́мскагѡ, гла́съ и҃:"
|
|
},
|
|
{
|
|
"type": "TEXT",
|
|
"value": "В иѳлее́ме, ᲂу҆гото́висѧ, / бл҃гоꙋкраси́тесѧ ꙗ҆́сли: / верте́пе, прїимѝ, и҆́стина прїи́де: / сѣ́нь мимотечѐ, и҆ бг҃ъ человѣ́кѡмъ ѿ дв҃ы ꙗ҆ви́сѧ, / воѡбрази́всѧ ꙗ҆́коже мы̀, и҆ ѡ҆божи́въ пло́ть. / тѣ́мъ а҆да́мъ ѡ҆бновлѧ́етсѧ, со є҆́ѵою зовꙋ́ще: / на землѝ благоволе́нїе ꙗ҆ви́сѧ спастѝ ро́дъ на́шъ."
|
|
},
|
|
{
|
|
"type": "TEXT",
|
|
"value": "Вторы́й ли́къ, то́йже тропа́рь, безъ припѣ́ва."
|
|
},
|
|
{
|
|
"type": "TEXT",
|
|
"value": "Посе́мъ сті́хъ: Бг҃ъ ѿ ю҆́га прїи́детъ, / и҆ ст҃ы́й и҆зъ горы̀ приѡсѣне́нныѧ ча́щи."
|
|
},
|
|
{
|
|
"type": "TEXT",
|
|
"value": "Гла́съ г҃: Ны́нѣ прⷪ҇ро́ческое прорица́нїе и҆спо́лнитисѧ грѧде́тъ, / та́йнѡ глаго́лющее: / и҆ ты̀ виѳлее́ме, землѐ і҆ꙋ́дова, / ника́коже нарече́шисѧ ме́нши во влады́кахъ, / пред̾ꙋготовлѧ́ющи верте́пъ: / и҆зъ тебє́ бо мѝ и҆зы́детъ и҆гꙋ́менъ ꙗ҆зы́кѡвъ во пло́ти, / ѿ дв҃ы ѻ҆трокови́цы хрⷭ҇то́съ бг҃ъ, / и҆́же ᲂу҆пасе́тъ лю́ди своѧ̑ но́ваго і҆и҃лѧ: / дади́мъ є҆мꙋ̀ всѝ вели́чїе."
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇и, ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: / гдⷭ҇и, разꙋмѣ́хъ дѣла̀ твоѧ̑ и҆ ᲂу҆жасо́хсѧ."
|
|
},
|
|
{
|
|
"type": "TEXT",
|
|
"value": "Па́ки то́йже тропа́рь. Та́же:"
|
|
},
|
|
{
|
|
"type": "TEXT",
|
|
"value": "Сла́ва, гла́съ и҃: Сїѧ̑ глаго́летъ і҆ѡ́сифъ къ дв҃ѣ: / марі́е, что̀ дѣ́ло сїѐ, є҆́же въ тебѣ̀ зрю̀; / недоꙋмѣ́ю и҆ ᲂу҆дивлѧ́юсѧ, и҆ ᲂу҆мо́мъ ᲂу҆жаса́юсѧ: / ѻ҆́тай ᲂу҆́бѡ ѿ менє̀ бꙋ́ди вско́рѣ. / марі́е, что̀ дѣ́ло сїѐ, є҆́же въ тебѣ̀ ви́жꙋ; / за че́сть, срамотꙋ̀: за весе́лїе, ско́рбь: / вмѣ́стѡ є҆́же хвали́тисѧ, ᲂу҆кори́знꙋ мѝ принесла̀ є҆сѝ. / ктомꙋ̀ не терплю̀ ᲂу҆жѐ поноше́нїй человѣ́ческихъ: / и҆́бо ѿ і҆ерє́й и҆зъ цр҃кве гдⷭ҇ни ꙗ҆́кѡ непоро́чнꙋ тѧ̀ прїѧ́хъ, / и҆ что̀ ви́димое;"
|
|
},
|
|
{
|
|
"type": "TEXT",
|
|
"value": "И҆ ны́нѣ, па́ки то́йже."
|
|
},
|
|
{
|
|
"type": "TEXT",
|
|
"value": "Посе́мъ прокі́менъ, гла́съ д҃: Гдⷭ҇ь речѐ ко мнѣ̀: / сн҃ъ мо́й є҆сѝ ты̀, а҆́зъ дне́сь роди́хъ тѧ̀. Сті́хъ: Просѝ ѿ менє̀, и҆ да́мъ тѝ ꙗ҆зы́ки достоѧ́нїе твоѐ, и҆ ѡ҆держа́нїе твоѐ концы̀ землѝ."
|
|
},
|
|
{
|
|
"type": "HEADER",
|
|
"value": "Та́же, паремїа̀. Прⷪ҇ро́чества мїхе́ина чте́нїе."
|
|
},
|
|
{
|
|
"type": "TEXT",
|
|
"value": "[Глава̀ є҃] Та́кѡ гл҃го́летъ гдⷭ҇ь: и҆ ты̀ виѳлее́ме, до́ме є҆ѵфра́ѳовъ, є҆да̀ ма́лъ є҆сѝ є҆́же бы́ти въ ты́сѧщахъ і҆ꙋ́довыхъ; и҆зъ тебє́ бо мнѣ̀ и҆зы́детъ старѣ́йшина, є҆́же бы́ти въ кнѧ́зѧ во і҆и҃ли: и҆ и҆схо́ди є҆гѡ̀ и҆зъ нача́ла ѿ дне́й вѣ́ка. сегѡ̀ ра́ди да́стъ ѧ҆̀, до вре́мене ражда́ющїѧ роди́тъ, и҆ про́чїи ѿ бра́тїй є҆гѡ̀ ѡ҆братѧ́тсѧ къ сынѡ́мъ і҆и҃лєвымъ. и҆ ста́нетъ, и҆ ᲂу҆́зритъ, и҆ ᲂу҆пасе́тъ ста́до своѐ крѣ́постїю гдⷭ҇ь. и҆ въ сла́вѣ и҆́мени гдⷭ҇а бг҃а своегѡ̀ пребꙋ́дꙋтъ: занѐ ны́нѣ возвели́читсѧ да́же до конє́цъ землѝ."
|
|
},
|
|
{
|
|
"type": "HEADER",
|
|
"value": "Къ є҆вре́ємъ посла́нїѧ ст҃а́гѡ а҆пⷭ҇ла па́ѵла чте́нїе."
|
|
},
|
|
{
|
|
"type": "TEXT",
|
|
"value": "[Зач: т҃г] Многоча́стнѣ и҆ многоѻбра́знѣ дре́вле бг҃ъ гл҃го́лавый ѻ҆тцє́мъ во прⷪ҇ро́цѣхъ, въ послѣ́докъ дні́й си́хъ глаго́ла на́мъ въ сн҃ѣ, є҆го́же положѝ наслѣ́дника всѣ̑мъ, и҆́мже и҆ вѣ́ки сотворѝ. и҆́же сы́й сїѧ́нїе сла́вы, и҆ ѻ҆́бразъ ѵ҆поста́си є҆гѡ̀: носѧ́ же всѧ́чєскаѧ глаго́ломъ си́лы своеѧ̀, собо́ю ѡ҆чище́нїе сотвори́въ грѣхѡ́въ на́шихъ, сѣ́де ѡ҆деснꙋ́ю прⷭ҇то́ла вели́чествїѧ на высо́кихъ. толи́кѡ лꙋ́чшїй бы́въ а҆́гг҃лъ, є҆ли́кѡ пресла́внѣе па́че и҆́хъ наслѣ́дствова и҆́мѧ. комꙋ́ бо речѐ когда̀ ѿ а҆́гг҃лъ: сн҃ъ мо́й є҆сѝ ты̀, а҆́зъ дне́сь роди́хъ тѧ̀; и҆ па́ки, а҆́зъ бꙋ́дꙋ є҆мꙋ̀ во ѻ҆ц҃а̀, и҆ то́й бꙋ́детъ мнѣ̀ въ сн҃а; є҆гда́ же па́ки вво́дитъ перворо́днаго во вселе́ннꙋю, глаго́летъ: и҆ да покло́нѧтсѧ є҆мꙋ̀ всѝ а҆́гг҃ли бж҃їи. и҆ ко а҆́гг҃лѡмъ ᲂу҆́бѡ глаго́летъ: творѧ́й а҆́гг҃лы своѧ̑ дꙋ́хи, и҆ слꙋги̑ своѧ̑ ѻ҆́гнь палѧ́щъ. къ сн҃ꙋ же: прⷭ҇то́лъ тво́й, бж҃е, въ вѣ́къ вѣ́ка: же́злъ пра́вости, же́злъ црⷭ҇твїѧ твоегѡ̀. возлюби́лъ є҆сѝ пра́вдꙋ, и҆ возненави́дѣлъ є҆сѝ беззако́нїе: сегѡ̀ ра́ди пома́за тѧ̀, бж҃е, бг҃ъ тво́й є҆ле́емъ ра́дости, па́че прича̑стникъ твои́хъ. и҆ па́ки: въ нача́лѣ ты̀, гдⷭ҇и, зе́млю ѡ҆снова́лъ є҆сѝ, и҆ дѣла̀ рꙋкꙋ̀ твоє́ю сꙋ́ть нб҃са̀. та̑ поги́бнꙋтъ, ты́ же пребыва́еши, и҆ всѧ̑ ꙗ҆́коже ри́за ѡ҆бетша́ютъ, и҆ ꙗ҆́кѡ ѻ҆де́ждꙋ свїе́ши и҆̀хъ, и҆ и҆змѣнѧ́тсѧ: ты́ же то́йжде є҆сѝ, и҆ лѣ̑та твоѧ̑ не ѡ҆скꙋдѣ́ютъ."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость, про́сти ᲂу҆слы́шимъ ст҃а́гѡ є҆ѵⷢ҇лїа."
|
|
},
|
|
{
|
|
"type": "HEADER",
|
|
"value": "І҆ере́й: Ѿ матѳе́а ст҃а́гѡ є҆ѵⷢ҇лїа чте́нїе."
|
|
},
|
|
{
|
|
"type": "TEXT",
|
|
"value": "[Зач: в҃] І҆и҃съ хрⷭ҇то́во ржⷭ҇тво̀ си́це бѣ̀: ѡ҆брꙋче́ннѣй ᲂу҆́бѡ бы́вши ма́тери є҆гѡ̀ марі́и і҆ѡ́сифови, пре́жде да́же не сни́тисѧ и҆́ма: ѡ҆брѣ́тесѧ и҆мꙋ́щи во чре́вѣ ѿ дх҃а ст҃а. і҆ѡ́сифъ же мꙋ́жъ є҆ѧ̀, пра́веденъ сы́й и҆ не хотѧ̀ є҆ѧ̀ ѡ҆бличи́ти, восхотѣ̀ та́й пꙋсти́ти ю҆̀. сїѧ̑ же є҆мꙋ̀ помы́слившꙋ, сѐ а҆́гг҃лъ гдⷭ҇ень во снѣ̀ ꙗ҆ви́сѧ є҆мꙋ̀, глаго́лѧ. і҆ѡ́сифе, сы́не дв҃довъ, не ᲂу҆бо́йсѧ прїѧ́ти марїа́мъ жены̀ твоеѧ̀: ро́ждшеебосѧ въ не́й, ѿ дх҃а є҆́сть ст҃а. роди́тъ же сн҃а, и҆ нарече́ши и҆́мѧ є҆мꙋ̀ і҆и҃съ: то́й бо спасе́тъ лю́ди своѧ̑ ѿ грѣ̑хъ и҆́хъ. сїе́ же всѐ бы́сть, да сбꙋ́детсѧ рече́нное ѿ гдⷭ҇а прⷪ҇ро́комъ глаго́лющимъ: сѐ дв҃а во чре́вѣ прїи́метъ, и҆ роди́тъ сн҃а, и҆ нарекꙋ́тъ и҆́мѧ є҆мꙋ̀ є҆мманꙋ́илъ, є҆́же є҆́сть сказа́емо, съ на́ми бг҃ъ. воста́въ же і҆ѡ́сифъ ѿ сна̀, сотворѝ, ꙗ҆́коже повелѣ̀ є҆мꙋ̀ а҆́гг҃лъ гдⷭ҇ень, и҆ прїѧ́тъ женꙋ̀ свою̀. и҆ не зна́ѧше є҆ѧ̀, до́ндеже родѝ сн҃а своего̀ пе́рвенца, и҆ наречѐ и҆́мѧ є҆мꙋ̀ і҆и҃съ."
|
|
},
|
|
{
|
|
"type": "HEADER",
|
|
"value": "Посе́мъ тропа́рь:"
|
|
},
|
|
{
|
|
"type": "TEXT",
|
|
"value": "С тѡпы̀ моѧ̑ напра́ви по словесѝ твоемꙋ̀, / и҆ да не ѡ҆блада́етъ мно́ю всѧ́кое беззако́нїе. / и҆зба́ви мѧ̀ ѿ клеветы̀ человѣ́ческїѧ, и҆ сохраню̀ за́пѡвѣди твоѧ̑. / лицѐ твоѐ просвѣтѝ на раба̀ твоего̀, / и҆ наꙋчи́ мѧ ѡ҆правда́нїємъ твои̑мъ."
|
|
},
|
|
{
|
|
"type": "TEXT",
|
|
"value": "Д а и҆спо́лнѧтсѧ ᲂу҆ста̀ моѧ̑ хвале́нїѧ твоегѡ̀, гдⷭ҇и, / ꙗ҆́кѡ да воспою̀ сла́вꙋ твою̀, / ве́сь де́нь великолѣ́пїе твоѐ."
|
|
},
|
|
{
|
|
"type": "TEXT",
|
|
"value": "Та́же Трист҃о́е, и҆ по Ѻ҆́ч҃е на́шъ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃:"
|
|
},
|
|
{
|
|
"type": "TEXT",
|
|
"value": "Д в҃а дне́сь превѣ́чное сло́во / въ верте́пѣ грѧде́тъ роди́ти неизрече́ннѡ: / ликꙋ́й, вселе́ннаѧ, ᲂу҆слы́шавши, / просла́ви со а҆́гг҃лы и҆ па́стырьми / хотѧ́щаго ꙗ҆ви́тисѧ ѻ҆троча̀ мла́до, превѣ́чнаго бг҃а."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй, м҃."
|
|
},
|
|
{
|
|
"type": "HEADER",
|
|
"value": "И҆ моли́тва:"
|
|
},
|
|
{
|
|
"type": "TEXT",
|
|
"value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ, покланѧ́емый и҆ сла́вимый, хрⷭ҇тѐ бж҃е, долготерпѣли́ве, многоми́лостиве, многобл҃гоꙋтро́бне, и҆́же пра́вєдныѧ любѧ́й и҆ грѣ̑шныѧ ми́лꙋѧй, и҆́же всѧ̑ зовы́й ко спасе́нїю, ѡ҆бѣща́нїѧ ра́ди бꙋ́дꙋщихъ бла̑гъ. са́мъ, гдⷭ҇и, прїимѝ и҆ на́шѧ въ ча́съ се́й моли̑твы, и҆ и҆спра́ви живо́тъ на́шъ къ за́повѣдємъ твои̑мъ, дꙋ́шы на́шѧ ѡ҆свѧтѝ, тѣлеса̀ ѡ҆чи́сти: помышлє́нїѧ и҆спра́ви, мы̑сли ѡ҆чи́сти: и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней: ѡ҆градѝ на́съ ст҃ы́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы, ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй, три́жды."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Ч естнѣ́йшꙋю херꙋві̑мъ, / и҆ сла́внѣйшꙋю безъ сравне́нїѧ серафі̑мъ, / безъ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "И҆́ менемъ гдⷭ҇нимъ благословѝ, ѻ҆́ч҃е."
|
|
},
|
|
{
|
|
"type": "TEXT",
|
|
"value": "Свѧще́нникъ возглаша́етъ: Бж҃е, ᲂу҆ще́дри ны̀, и҆ благослови́ ны, просвѣтѝ лицѐ твоѐ на ны̀, и҆ поми́лꙋй ны̀."
|
|
},
|
|
{
|
|
"type": "HEADER",
|
|
"value": "Та́же моли́твꙋ сїю̀:"
|
|
},
|
|
{
|
|
"type": "TEXT",
|
|
"value": "Х рⷭ҇тѐ, свѣ́те и҆́стинный, просвѣща́ѧй и҆ ѡ҆свѧща́ѧй всѧ́каго человѣ́ка грѧдꙋ́щаго въ мі́ръ, да зна́менаетсѧ на на́съ свѣ́тъ лица̀ твоегѡ̀, да въ не́мъ ᲂу҆́зримъ свѣ́тъ непристꙋ́пный, и҆ и҆спра́ви стѡпы̀ на́шѧ къ дѣ́ланїю за́повѣдей твои́хъ, моли́твами пречⷭ҇тыѧ твоеѧ̀ мт҃ре, и҆ всѣ́хъ твои́хъ ст҃ы́хъ, а҆ми́нь."
|
|
},
|
|
{
|
|
"type": "HEADER",
|
|
"value": "Ча́съ тре́тїй."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
|
|
},
|
|
{
|
|
"type": "HEADER",
|
|
"value": "Та́же ѱало́мъ ѯ҃ѕ."
|
|
},
|
|
{
|
|
"type": "TEXT",
|
|
"value": "Б ж҃е, ᲂу҆ще́дри ны̀, и҆ благослови́ ны, и҆ просвѣтѝ лицѐ твоѐ на ны̀, и҆ поми́лꙋй ны̀: позна́ти на землѝ пꙋ́ть тво́й, во всѣ́хъ ꙗ҆зы́цѣхъ спасе́нїе твоѐ. да и҆сповѣ́дѧтсѧ тебѣ̀ лю́дїе, бж҃е, да и҆сповѣ́дѧтсѧ тебѣ̀ лю́дїе всѝ. да возвеселѧ́тсѧ, и҆ да возра́дꙋютсѧ ꙗ҆зы́цы: ꙗ҆́кѡ сꙋ́диши лю́демъ правото́ю, и҆ ꙗ҆зы́ки на землѝ наста́виши. да и҆сповѣ́дѧтсѧ тебѣ̀ лю́дїе, бж҃е, да и҆сповѣ́дѧтсѧ тебѣ̀ лю́дїе всѝ. землѧ̀ дадѐ пло́дъ сво́й. благослови́ ны, бж҃е, бж҃е на́шъ. благослови́ ны, бж҃е: и҆ да ᲂу҆боѧ́тсѧ є҆гѡ̀ всѝ концы̀ землѝ."
|
|
},
|
|
{
|
|
"type": "HEADER",
|
|
"value": "Ѱало́мъ п҃ѕ."
|
|
},
|
|
{
|
|
"type": "TEXT",
|
|
"value": "Ѡ҆ снова̑нїѧ є҆гѡ̀ на гора́хъ ст҃ы́хъ, лю́битъ гдⷭ҇ь врата̀ сїѡ́нѧ па́че всѣ́хъ селе́нїй і҆а́кѡвлихъ. пресла̑внаѧ глаго́лашасѧ ѡ҆ тебѣ̀, гра́де бж҃їй. помѧнꙋ̀ раа́въ и҆ вавѷлѡ́на вѣ́дꙋщымъ мѧ̀: и҆ сѐ и҆ноплемє́нницы, и҆ тѵ́ръ, и҆ лю́дїе є҆ѳїо́пстїи, сі́и бы́ша та́мѡ. ма́ти сїѡ́нъ, рече́тъ человѣ́къ, и҆ человѣ́къ роди́сѧ въ не́мъ, и҆ то́й ѡ҆снова̀ и҆ вы́шнїй. гдⷭ҇и повѣ́сть въ писа́нїи люде́й, и҆ кнѧзе́й си́хъ бы́вшихъ въ не́мъ. ꙗ҆́кѡ веселѧ́щихсѧ всѣ́хъ жили́ще въ тебѣ̀."
|
|
},
|
|
{
|
|
"type": "HEADER",
|
|
"value": "Ѱало́мъ н҃."
|
|
},
|
|
{
|
|
"type": "TEXT",
|
|
"value": "П оми́лꙋй мѧ̀, бж҃е, по вели́цѣй ми́лости твое́й, и҆ по мно́жествꙋ щедро́тъ твои́хъ, ѡ҆чи́сти беззако́нїе моѐ. наипа́че ѡ҆мы́й мѧ̀ ѿ беззако́нїѧ моегѡ̀, и҆ ѿ грѣха̀ моегѡ̀ ѡ҆чи́сти мѧ̀. ꙗ҆́кѡ беззако́нїе моѐ а҆́зъ зна́ю, и҆ грѣ́хъ мо́й предо мно́ю є҆́сть вы́нꙋ. тебѣ̀ є҆ди́номꙋ согрѣши́хъ, и҆ лꙋка́вое предъ тобо́ю сотвори́хъ: ꙗ҆́кѡ да ѡ҆правди́шисѧ во словесѣ́хъ твои́хъ, и҆ побѣди́ши внегда̀ сꙋди́ти тѝ. се́ бо въ беззако́нїихъ зача́тъ є҆́смь и҆ во грѣсѣ́хъ роди́ мѧ ма́ти моѧ̀. се́ бо и҆́стинꙋ возлюби́лъ є҆сѝ, безвѣ̑стнаѧ и҆ та̑йнаѧ премꙋ́дрости твоеѧ̀ ꙗ҆ви́лъ мѝ є҆сѝ. ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ᲂу҆бѣлю́сѧ. слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. се́рдце чи́сто сози́жди во мнѣ̀, бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. не ѿве́ржи менѐ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менє̀. возда́ждь мѝ ра́дость спасе́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. и҆зба́ви мѧ̀ ѿ крове́й, бж҃е, бж҃е спасе́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. гдⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. ꙗ҆́кѡ а҆́ще бы восхотѣ́лъ є҆сѝ же́ртвы, да́лъ бы́хъ ᲂу҆́бѡ: всесожже́нїѧ не благоволи́ши. же́ртва бг҃ꙋ дх҃ъ сокрꙋше́нъ, се́рдце сокрꙋше́нно и҆ смире́нно бг҃ъ не ᲂу҆ничижи́тъ. ᲂу҆блажѝ, гдⷭ҇и, благоволе́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерꙋсали̑мскїѧ. тогда̀ благоволи́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, А҆ллилꙋ́їа, три́жды. Гдⷭ҇и, поми́лꙋй, три́жды."
|
|
},
|
|
{
|
|
"type": "HEADER",
|
|
"value": "Сла́ва, тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Н аписова́шесѧ и҆ногда̀ со ста́рцемъ і҆ѡ́сифомъ, / ꙗ҆́кѡ ѿ сѣ́мене дв҃дова, въ виѳлее́мѣ марїа́мъ: / чревоносѧ́щи безсѣ́менное рожде́нїе: / наста́ же вре́мѧ ржⷭ҇тва̀, / и҆ мѣ́сто ни є҆ди́ноже бѣ̀ ѻ҆бита́лищꙋ: / но ꙗ҆́коже кра́снаѧ пала́та, / верте́пъ цр҃и́цѣ показа́шесѧ. / хрⷭ҇то́съ ражда́етсѧ, пре́жде па́дшїй воскреси́ти ѻ҆́бразъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Бцⷣе, ты̀ є҆сѝ лоза̀ и҆́стиннаѧ, / возрасти́вшаѧ на́мъ пло́дъ живота̀, / тебѣ̀ мо́лимсѧ: / моли́сѧ, влⷣчце, со ст҃ы́ми а҆пⷭ҇лы, / поми́ловати дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Та́же тропарѝ сїѧ̑ по два́жды пое́мъ."
|
|
},
|
|
{
|
|
"type": "TEXT",
|
|
"value": "Гла́съ ѕ҃: Се́й бг҃ъ на́шъ, / не вмѣни́тсѧ и҆́нъ къ немꙋ̀, / роди́выйсѧ ѿ дв҃ы, и҆ съ человѣ́ки поживѐ: / во ꙗ҆́слехъ ᲂу҆бо́гихъ, / сн҃ъ є҆диноро́дный, лежа́щь ви́дитсѧ чл҃вѣ́къ: / и҆ пелена́ми повива́етсѧ и҆́же сла́вы гдⷭ҇ь. / и҆ волхвѡ́мъ ѕвѣзда̀ возвѣща́етъ въ є҆гѡ̀ поклоне́нїе. / и҆ мы̀ пои́мъ: / трⷪ҇це ст҃а́ѧ, спасѝ дꙋ́шы на́шѧ. [Два́жды.]"
|
|
},
|
|
{
|
|
"type": "TEXT",
|
|
"value": "Та́же пое́мъ, гла́съ и҃:"
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ ѡ҆ ю҆́га прїи́детъ, / и҆ ст҃ы́й и҆зъ горы̀ приѡсѣне́нныѧ ча́щи."
|
|
},
|
|
{
|
|
"type": "TEXT",
|
|
"value": "П ре́жде ржⷭ҇тва̀ твоегѡ̀, / тре́петнѡ зрѧ́ще та́инство твоѐ, гдⷭ҇и, / разꙋ̑мнаѧ вѡ́инства дивлѧ́хꙋсѧ: / ꙗ҆́коже бо младе́нецъ роди́тисѧ благоизво́лилъ є҆сѝ, / не́бо ᲂу҆краси́вый ѕвѣзда́ми, / и҆ во ꙗ҆́слехъ безслове́сныхъ возлежи́ши, / дла́нїю содержа́й всеѧ̀ землѝ концы̀. / таковы́мъ бо смотре́нїемъ ᲂу҆вѣ́дѣно бы́сть милосе́рдїе твоѐ, хрⷭ҇тѐ, / ве́лїѧ ми́лость твоѧ̀, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇и ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: / гдⷭ҇и, разꙋмѣ́хъ дѣла̀ твоѧ̑, и҆ ᲂу҆жасо́хсѧ."
|
|
},
|
|
{
|
|
"type": "TEXT",
|
|
"value": "И҆ па́ки пое́мъ то́йже тропа́рь. Посе́мъ,"
|
|
},
|
|
{
|
|
"type": "TEXT",
|
|
"value": "Сла́ва, гла́съ г҃: І҆ѡ́сифе, рцы̀ на́мъ: / ка́кѡ, ю҆́же ѿ ст҃ы́хъ прїѧ́лъ є҆сѝ, / дв҃ꙋ непра́зднꙋ приво́диши въ виѳлее́мъ; / а҆́зъ, речѐ, прⷪ҇ро́ки и҆спыта́хъ, / и҆ вѣ́сть прїе́мъ ѿ а҆́гг҃ла, ᲂу҆вѣ́рихсѧ, / ꙗ҆́кѡ бг҃а роди́тъ марі́а несказа́ннѡ: / є҆мꙋ́же на поклоне́нїе волсвѝ ѿ восто́кѡвъ прїи́дꙋтъ, / съ да́ры честны́ми слꙋжа́ще. / воплоти́выйсѧ на́съ ра́ди, гдⷭ҇и, / сла́ва тебѣ̀."
|
|
},
|
|
{
|
|
"type": "TEXT",
|
|
"value": "И҆ ны́нѣ, па́ки то́йже тропа́рь."
|
|
},
|
|
{
|
|
"type": "TEXT",
|
|
"value": "Прокі́менъ, гла́съ д҃: Ѻ҆троча̀ роди́сѧ на́мъ, / сн҃ъ, и҆ даде́сѧ на́мъ. Сті́хъ: Є҆гѡ́же нача́льство бы́сть на ра́мѣ є҆гѡ̀."
|
|
},
|
|
{
|
|
"type": "HEADER",
|
|
"value": "Прⷪ҇ро́чества варꙋ́хова чте́нїе."
|
|
},
|
|
{
|
|
"type": "TEXT",
|
|
"value": "[Варꙋⷯ. Главы̑ г҃ и҆ д҃] Се́й бг҃ъ на́шъ, и҆ не приложи́тсѧ и҆́нъ къ немꙋ̀. и҆з̾ѡбрѣ́те всѧ́къ пꙋ́ть хꙋдо́жества, и҆ дадѐ и҆ і҆а́кѡвꙋ ѻ҆́трокꙋ своемꙋ̀, и҆ і҆и҃лю возлю́бленномꙋ ѿ негѡ̀. посе́мъ же на землѝ ꙗ҆ви́сѧ, и҆ съ человѣ̑ки поживѐ. сїѧ̀ кни́га повелѣ́нїй бж҃їихъ, и҆ зако́нъ сы́й во вѣ́ки: всѝ держа́щїисѧ є҆ѧ̀ въ живо́тъ вни́дꙋтъ, ѡ҆ста́вившїи же ю҆̀ ᲂу҆́мрꙋтъ. ѡ҆брати́сѧ, і҆а́кѡве, и҆ и҆ми́сѧ є҆ѧ̀. поидѝ къ сїѧ́нїю прѧ́мѡ свѣ́та є҆ѧ̀. не да́ждь и҆но́мꙋ сла́вы твоеѧ̀: и҆ поле́зныхъ тебѣ̀ ꙗ҆зы́кꙋ чꙋжде́мꙋ. бл҃же́ни є҆смы̀, і҆и҃лю, ꙗ҆́кѡ ᲂу҆гѡ́днаѧ бг҃ꙋ на́мъ разꙋ́мна сꙋ́ть."
|
|
},
|
|
{
|
|
"type": "HEADER",
|
|
"value": "Та́же а҆пⷭ҇лъ, къ гала́тѡмъ посла́нїѧ ст҃а́гѡ а҆пⷭ҇ла па́ѵла чте́нїе."
|
|
},
|
|
{
|
|
"type": "TEXT",
|
|
"value": "[Зач: с҃и] Бра́тїе, пре́жде, прише́ствїѧ вѣ́ры, подъ зако́номъ стрего́ми бѣ́хомъ, затворе́ни въ хотѧ́щꙋю вѣ́рꙋ ѿкры́тисѧ. тѣ́мже зако́нъ пѣ́стꙋнъ на́мъ бы́сть во хрⷭ҇та̀, да ѿ вѣ́ры ѡ҆правди́мсѧ. прише́дшей же вѣ́рѣ, ᲂу҆жѐ не подъ пѣ́стꙋномъ є҆смы̀. вси́ бо вы̀ сы́нове бж҃їи є҆стѐ вѣ́рою ѡ҆ хрⷭ҇тѣ̀ і҆и҃сѣ: є҆ли́цы бо во хрⷭ҇та̀ крⷭ҇ти́стесѧ, во хрⷭ҇та̀ ѡ҆блеко́стесѧ. нѣ́сть і҆ꙋде́й, ни є҆́ллинъ: нѣ́сть ра́бъ, ни свобо́дь: нѣ́сть мꙋ́жескїй по́лъ, ни же́нскїй: вси́ бо вы̀ є҆ди́но є҆стѐ ѡ҆ хрⷭ҇тѣ̀ і҆и҃сѣ. а҆́ще ли вы̀ хрⷭ҇то́вы: ᲂу҆̀бо а҆враа́мле сѣ́мѧ є҆стѐ, и҆ по ѡ҆бѣтова́нїю наслѣ̑дницы."
|
|
},
|
|
{
|
|
"type": "TEXT",
|
|
"value": "Дїа́конъ возглаша́етъ: Премꙋ́дрость, про́сти ᲂу҆слы́шимъ ст҃а́гѡ є҆ѵⷢ҇лїа."
|
|
},
|
|
{
|
|
"type": "HEADER",
|
|
"value": "І҆ере́й: Ѿ лꙋкѝ ст҃а́гѡ є҆ѵⷢ҇лїа чте́нїе."
|
|
},
|
|
{
|
|
"type": "TEXT",
|
|
"value": "[Зач: є҃] Во дне́хъ ѻ҆́нѣхъ, и҆зы́де повелѣ́нїе ѿ ке́сарѧ а҆́ѵгꙋста, написа́ти всю̀ вселе́ннꙋю. сїѐ написа́нїе пе́рвое бы́сть, владѧ́щꙋ сѷрі́ею кѷрині́ю. и҆ и҆дѧ́хꙋ всѝ написа́тисѧ, ко́ждо во сво́й гра́дъ. взы́де же и҆ і҆ѡ́сифъ ѿ галїле́и, и҆зъ гра́да назаре́та во і҆ꙋде́ю, во гра́дъ дв҃довъ, и҆́же нарица́етсѧ виѳлее́мъ, занѐ бы́ти є҆мꙋ̀ ѿ до́мꙋ и҆ ѻ҆те́чества, дв҃дова, написа́тисѧ съ марі́ею, ѡ҆брꙋче́нною є҆мꙋ̀ жено́ю, сꙋ́щею непра́здною. бы́сть же, є҆гда̀ бы́ша та́мѡ, и҆спо́лнишасѧ дні́е роди́ти є҆́й. и҆ родѝ сн҃а своего̀ пе́рвенца, и҆ пови́тъ є҆го̀, и҆ положѝ є҆го̀ въ ꙗ҆́слехъ: занѐ не бѣ̀ и҆̀мъ мѣ́ста во ѻ҆би́тели. и҆ па́стырїе бѣ́хꙋ въ то́йже странѣ̀ бдѧ́ще, и҆ стрегꙋ́ще стра́жꙋ нощнꙋ́ю ѡ҆ ста́дѣ свое́мъ. и҆ сѐ а҆́гг҃лъ гдⷭ҇ень ста̀ въ ни́хъ, и҆ сла́ва гдⷭ҇нѧ ѡ҆сїѧ̀ и҆̀хъ: и҆ ᲂу҆боѧ́шасѧ стра́хомъ ве́лїимъ. и҆ речѐ и҆̀мъ а҆́гг҃лъ: не бо́йтесѧ, се́ бо благовѣствꙋ́ю ва́мъ ра́дость ве́лїю, ꙗ҆́же бꙋ́детъ всѣ̑мъ лю́демъ, ꙗ҆́кѡ роди́сѧ ва́мъ дне́сь сп҃съ, и҆́же є҆́сть хрⷭ҇то́съ гдⷭ҇ь, во гра́дѣ дв҃довѣ. и҆ сѐ ва́мъ зна́менїе: ѡ҆брѧ́щете млⷣнца пови́та, лежа́ща въ ꙗ҆́слехъ. и҆ внеза́пꙋ бы́сть со а҆́гг҃ломъ мно́жество вѡ́й нбⷭ҇ныхъ, хва́лѧщихъ бг҃а, и҆ глаго́лющихъ: сла́ва въ вы́шнихъ бг҃ꙋ, и҆ на землѝ ми́ръ, въ человѣ́цѣхъ благоволе́нїе. и҆ бы́сть, ꙗ҆́кѡ ѿидо́ша ѿ ни́хъ на нб҃о а҆́гг҃ли, и҆ человѣ́цы па́стырїе рѣ́ша дрꙋ́гъ ко дрꙋ́гꙋ: пре́йдемъ до виѳлее́ма, и҆ ви́димъ глаго́лъ се́й бы́вшїй, є҆го́же гдⷭ҇ь сказа̀ на́мъ. и҆ прїидо́ша поспѣ́шшесѧ, и҆ ѡ҆брѣто́ша марїа́мь же и҆ і҆ѡ́сифа, и҆ млⷣнца лежа́ща во ꙗ҆́слехъ. ви́дѣвше же сказа́ша ѡ҆ глаго́лѣ глаго́ланномъ и҆̀мъ ѡ҆ ѻ҆троча́ти се́мъ. и҆ всѝ слы́шавшїи диви́шасѧ ѡ҆ глаго́ланныхъ ѿ па́стырей къ ни̑мъ. марїа́мъ же соблюда́ше всѧ̑ глаго́лы сїѧ̑, слага́ющи въ се́рдцы свое́мъ. и҆ возврати́шасѧ па́стырїе, сла́вѧще и҆ хва́лѧще бг҃а ѡ҆ всѣ́хъ, ꙗ҆̀же слы́шаша и҆ ви́дѣша, ꙗ҆́коже глаго́лано бы́сть къ ни̑мъ."
|
|
},
|
|
{
|
|
"type": "HEADER",
|
|
"value": "Та́же:"
|
|
},
|
|
{
|
|
"type": "TEXT",
|
|
"value": "Г дⷭ҇ь бг҃ъ бл҃гослове́нъ, / бл҃гослове́нъ гдⷭ҇ь де́нь днѐ, / поспѣши́тъ на́мъ бг҃ъ спасе́нїй на́шихъ, / бг҃ъ на́шъ, бг҃ъ спаса́ти."
|
|
},
|
|
{
|
|
"type": "TEXT",
|
|
"value": "Посе́мъ Трист҃о́е, и҆ по Ѻ҆́ч҃е на́шъ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃:"
|
|
},
|
|
{
|
|
"type": "TEXT",
|
|
"value": "Д в҃а дне́сь превѣ́чное сло́во / въ верте́пѣ грѧде́тъ роди́ти неизрече́ннѡ: / ликꙋ́й, вселе́ннаѧ, ᲂу҆слы́шавши, / просла́ви со а҆́гг҃лы и҆ па́стырьми / хотѧ́щаго ꙗ҆ви́тисѧ ѻ҆троча̀ мла́до, превѣ́чнаго бг҃а."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй, м҃."
|
|
},
|
|
{
|
|
"type": "HEADER",
|
|
"value": "И҆ моли́тва:"
|
|
},
|
|
{
|
|
"type": "TEXT",
|
|
"value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ, покланѧ́емый и҆ сла́вимый, хрⷭ҇тѐ бж҃е, долготерпѣли́ве, многоми́лостиве, многобл҃гоꙋтро́бне, и҆́же пра́вєдныѧ любѧ́й и҆ грѣ̑шныѧ ми́лꙋѧй, и҆́же всѧ̑ зовы́й ко спасе́нїю, ѡ҆бѣща́нїѧ ра́ди бꙋ́дꙋщихъ бла̑гъ. са́мъ, гдⷭ҇и, прїимѝ и҆ на́шѧ въ ча́съ се́й моли̑твы, и҆ и҆спра́ви живо́тъ на́шъ къ за́повѣдємъ твои̑мъ, дꙋ́шы на́шѧ ѡ҆свѧтѝ, тѣлеса̀ ѡ҆чи́сти: помышлє́нїѧ и҆спра́ви, мы̑сли ѡ҆чи́сти: и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней: ѡ҆градѝ на́съ ст҃ы́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы, ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй, три́жды."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Ч естнѣ́йшꙋю херꙋві̑мъ, / и҆ сла́внѣйшꙋю безъ сравне́нїѧ серафі̑мъ, / безъ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "И҆́ менемъ гдⷭ҇нимъ благословѝ, ѻ҆́ч҃е."
|
|
},
|
|
{
|
|
"type": "TEXT",
|
|
"value": "Свѧще́нникъ возглаша́етъ: Бж҃е, ᲂу҆ще́дри ны̀, и҆ благослови́ ны, просвѣтѝ лицѐ твоѐ на ны̀, и҆ поми́лꙋй ны̀."
|
|
},
|
|
{
|
|
"type": "HEADER",
|
|
"value": "Посе́мъ моли́тва:"
|
|
},
|
|
{
|
|
"type": "TEXT",
|
|
"value": "В лⷣко бж҃е ѻ҆́ч҃е вседержи́телю, гдⷭ҇и сн҃е є҆диноро́дный і҆и҃се хрⷭ҇тѐ, и҆ ст҃ы́й дш҃е, є҆ди́но бжⷭ҇тво̀, є҆ди́на си́ла, поми́лꙋй мѧ̀ грѣ́шнаго: и҆ и҆́миже вѣ́си сꙋдьба́ми, спасѝ мѧ недосто́йнаго раба̀ твоего̀, ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "[Зрѝ] На тре́тїемъ и҆ шесто́мъ часѣ̀ кади́тъ дїа́конъ є҆ѵⷢ҇лїе и҆ і҆кѡ́ны, и҆ настоѧ́телѧ, и҆ ли́ки то́кмѡ."
|
|
},
|
|
{
|
|
"type": "HEADER",
|
|
"value": "И҆ глаго́лемъ ча́съ шесты́й."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
|
|
},
|
|
{
|
|
"type": "HEADER",
|
|
"value": "И҆ ѱало́мъ ѻ҃а."
|
|
},
|
|
{
|
|
"type": "TEXT",
|
|
"value": "Б ж҃е, сꙋ́дъ тво́й царе́ви да́ждь, и҆ пра́вдꙋ твою̀ сы́нꙋ царе́вꙋ: сꙋди́ти лю́демъ твои̑мъ въ пра́вдѣ, и҆ ни́щымъ твои̑мъ въ сꙋдѣ̀. да воспрїи́мꙋтъ го́ры ми́ръ лю́демъ, и҆ хо́лми пра́вдꙋ. сꙋ́дитъ ни́щымъ людски̑мъ, и҆ спасе́тъ сы́ны ᲂу҆бо́гихъ, и҆ смири́тъ клеветника̀. и҆ пребꙋ́детъ съ со́лнцемъ, и҆ пре́жде лꙋны̀ ро́да родѡ́въ. сни́детъ ꙗ҆́кѡ до́ждь на рꙋно̀, и҆ ꙗ҆́кѡ ка́плѧ ка́плющаѧ на зе́млю. возсїѧ́етъ во дне́хъ є҆гѡ̀ пра́вда и҆ мно́жество ми́ра, до́ндеже ѿи́метсѧ лꙋна̀. и҆ ѡ҆блада́етъ ѿ мо́рѧ до мо́рѧ, и҆ ѿ рѣ́къ до конє́цъ вселе́нныѧ. предъ ни́мъ припадꙋ́тъ є҆ѳїо́плѧне, и҆ вразѝ є҆гѡ̀ пе́рсть поли́жꙋтъ. ца́рїе ѳарсі́йстїи и҆ ѻ҆́строви, да́ры принесꙋ́тъ. ца́рїе а҆ра́встїи и҆ сава̀, да́ры приведꙋ́тъ. и҆ покло́нѧтсѧ є҆мꙋ̀ всѝ ца́рїе зе́мстїи, всѝ ꙗ҆зы́цы порабо́таютъ є҆мꙋ̀. ꙗ҆́кѡ и҆зба́ви ни́ща ѿ си́льна, и҆ ᲂу҆бо́га, є҆мꙋ́же не бѣ̀ помо́щника. пощади́тъ ни́ща и҆ ᲂу҆бо́га, и҆ дꙋ́шы ᲂу҆бо́гихъ спасе́тъ. ѿ ли́хвы и҆ ѿ непра́вды и҆зба́витъ дꙋ́шы и҆́хъ: и҆ че́стно и҆́мѧ є҆гѡ̀ предъ ни́ми. и҆ жи́въ бꙋ́детъ, и҆ да́стсѧ є҆мꙋ̀ ѿ зла́та а҆раві́йска, и҆ помо́лѧтсѧ ѡ҆ не́мъ вы́нꙋ: ве́сь де́нь благословѧ́тъ є҆го̀. бꙋ́детъ ᲂу҆тверже́нїе на землѝ на версѣ́хъ го́ръ: превознесе́тсѧ па́че лїва́на пло́дъ є҆гѡ̀. и҆ процвѣтꙋ́тъ ѿ гра́да, ꙗ҆́кѡ трава̀ земна́ѧ. бꙋ́детъ и҆́мѧ є҆гѡ̀ бл҃гослове́нно во вѣ́ки, пре́жде со́лнца пребыва́етъ и҆́мѧ є҆гѡ̀: и҆ благословѧ́тсѧ въ не́мъ всѧ̑ кѡлѣ́на земна̑ѧ, всѝ ꙗ҆зы́цы ᲂу҆блажа́тъ є҆го̀. бл҃гослове́нъ гдⷭ҇ь бг҃ъ і҆и҃левъ, творѧ́й чꙋдеса̀ є҆ди́нъ. и҆ бл҃гослове́но и҆́мѧ сла́вы є҆гѡ̀ во вѣ́къ, и҆ въ вѣ́къ вѣ́ка: и҆ и҆спо́лнитсѧ сла́вы є҆гѡ̀ всѧ̀ землѧ̀: бꙋ́ди, бꙋ́ди."
|
|
},
|
|
{
|
|
"type": "HEADER",
|
|
"value": "Ѱало́мъ рл҃а."
|
|
},
|
|
{
|
|
"type": "TEXT",
|
|
"value": "П омѧнѝ, гдⷭ҇и, дв҃да, и҆ всю̀ кро́тость є҆гѡ̀. ꙗ҆́кѡ клѧ́тсѧ гдⷭ҇еви, ѡ҆бѣща́сѧ бг҃ꙋ і҆а́кѡвлю: а҆́ще вни́дꙋ въ селе́нїе до́мꙋ моегѡ̀, и҆лѝ взы́дꙋ на ѻ҆́дръ посте́ли моеѧ̀: а҆́ще да́мъ со́нъ ѻ҆чи́ма мои́ма, и҆ вѣ́ждома мои́ма дрема́нїе, и҆ поко́й скранїа́ма мои́ма, до́ндеже ѡ҆брѧ́щꙋ мѣ́сто гдⷭ҇еви, селе́нїе бг҃ꙋ і҆а́кѡвлю. сѐ слы́шахомъ ѧ҆̀ во є҆ѵфра́ѳѣ: ѡ҆брѣто́хомъ ѧ҆̀ въ полѧ́хъ дꙋбра́вы. вни́демъ въ селє́нїѧ є҆гѡ̀, поклони́мсѧ на мѣ́сто, и҆дѣ́же стоѧ́стѣ но́зѣ є҆гѡ̀. воскрⷭ҇нѝ, гдⷭ҇и, въ поко́й тво́й, ты̀ и҆ кївѡ́тъ ст҃ы́ни твоеѧ̀. свѧще́нницы твоѝ ѡ҆блекꙋ́тсѧ пра́вдою, и҆ прпⷣбнїи твоѝ возра́дꙋютсѧ. дв҃да ра́ди раба̀ твоегѡ̀ не ѿвратѝ лицѐ пома́заннагѡ твоегѡ̀. клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀, ѿ плода̀ чре́ва твоегѡ̀ посаждꙋ̀ на престо́лѣ твое́мъ. а҆́ще сохранѧ́тъ сы́нове твоѝ завѣ́тъ мо́й, и҆ свидѣ̑нїѧ моѧ̑ сїѧ̑, и҆̀мже наꙋчꙋ̀ ѧ҆̀: и҆ сы́нове и҆́хъ до вѣ́ка сѧ́дꙋтъ на прⷭ҇то́лѣ твое́мъ. ꙗ҆́кѡ и҆збра̀ гдⷭ҇ь сїѡ́на, и҆зво́ли и҆ въ жили́ще себѣ̀. се́й поко́й мо́й во вѣ́къ вѣ́ка, здѣ̀ вселю́сѧ, ꙗ҆́кѡ и҆зво́лихъ и҆̀. лови́твꙋ є҆гѡ̀ благословлѧ́ѧй благословлю̀, ни́щыѧ є҆гѡ̀ насыщꙋ̀ хлѣ̑бы. свѧще́нники є҆гѡ̀ ѡ҆блекꙋ̀ во спасе́нїе, и҆ прпⷣбнїи є҆гѡ̀ ра́достїю возра́дꙋютсѧ. та́мѡ возращꙋ̀ ро́гъ дв҃дови, ᲂу҆гото́вахъ свѣти́льникъ пома́занномꙋ моемꙋ̀. врагѝ є҆гѡ̀ ѡ҆блекꙋ̀ стꙋдо́мъ, на не́мже процвѣте́тъ свѧты́нѧ моѧ̀."
|
|
},
|
|
{
|
|
"type": "HEADER",
|
|
"value": "Ѱало́мъ ч҃."
|
|
},
|
|
{
|
|
"type": "TEXT",
|
|
"value": "Ж ивы́й въ по́мощи вы́шнѧгѡ, въ кро́вѣ бг҃а нбⷭ҇нагѡ водвори́тсѧ. рече́тъ гдⷭ҇еви: застꙋ́пникъ мо́й є҆сѝ, и҆ прибѣ́жище моѐ, бг҃ъ мо́й, и҆ ᲂу҆пова́ю на него̀. ꙗ҆́кѡ то́й и҆зба́витъ тѧ̀ ѿ сѣ́ти ло́вчи, и҆ ѿ словесѐ мѧте́жна. плещма̀ свои́ма ѡ҆сѣни́тъ тѧ̀, и҆ подъ крилѣ̑ є҆гѡ̀ надѣ́ешисѧ, ѻ҆рꙋ́жїемъ ѡ҆бы́детъ тѧ̀ и҆́стина є҆гѡ̀. не ᲂу҆бои́шисѧ ѿ стра́ха нощна́гѡ, ѿ стрѣлы̀ летѧ́щїѧ во днѝ, ѿ ве́щи во тмѣ̀ преходѧ́щїѧ, ѿ срѧ́ща и҆ бѣ́са полꙋ́деннагѡ. паде́тъ ѿ страны̀ твоеѧ̀ ты́сѧща, и҆ тма̀ ѡ҆деснꙋ́ю тебє̀, къ тебѣ́ же не прибли́житсѧ. ѻ҆ба́че ѻ҆чи́ма твои́ма смо́триши, и҆ воздаѧ́нїе грѣ́шникѡвъ ᲂу҆́зриши. ꙗ҆́кѡ ты̀, гдⷭ҇и, ᲂу҆пова́нїе моѐ, вы́шнѧгѡ положи́лъ є҆сѝ прибѣ́жище твоѐ. не прїи́детъ къ тебѣ̀ ѕло̀, и҆ ра́на неприбли́житсѧ тѣлесѝ твоемꙋ̀. ꙗ҆́кѡ а҆́гг҃лѡмъ свои̑мъ заповѣ́сть ѡ҆ тебѣ̀, сохрани́ти тѧ̀ во всѣ́хъ пꙋте́хъ твои́хъ. на рꙋка́хъ во́змꙋтъ тѧ̀, да не когда̀ преткне́ши ѡ҆ ка́мень но́гꙋ твою̀. на а҆́спїда и҆ васїлі́ска настꙋ́пиши, и҆ попере́ши льва̀ и҆ ѕмі́ѧ. ꙗ҆́кѡ на мѧ̀ ᲂу҆пова̀, и҆ и҆зба́влю и҆̀: покры́ю и҆̀, ꙗ҆́кѡ позна̀ и҆́мѧ моѐ. воззове́тъ ко мнѣ̀, и҆ ᲂу҆слы́шꙋ є҆го̀: съ ни́мъ є҆́смь въ ско́рби, и҆змꙋ̀ є҆го̀, и҆ просла́влю є҆го̀. долгото́ю дне́й и҆спо́лню є҆го̀, и҆ ꙗ҆влю̀ є҆мꙋ̀ спасе́нїе моѐ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, А҆ллилꙋ́їа, три́жды. Гдⷭ҇и, поми́лꙋй, три́жды."
|
|
},
|
|
{
|
|
"type": "HEADER",
|
|
"value": "Сла́ва, тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Н аписова́шесѧ и҆ногда̀ со ста́рцемъ і҆ѡ́сифомъ, / ꙗ҆́кѡ ѿ сѣ́мене дв҃дова, въ виѳлее́мѣ марїа́мъ: / чревоносѧ́щи безсѣ́менное рожде́нїе: / наста́ же вре́мѧ ржⷭ҇тва̀, / и҆ мѣ́сто ни є҆ди́ноже бѣ̀ ѻ҆бита́лищꙋ: / но ꙗ҆́коже кра́снаѧ пала́та, / верте́пъ цр҃и́цѣ показа́шесѧ. / хрⷭ҇то́съ ражда́етсѧ, пре́жде па́дшїй воскреси́ти ѻ҆́бразъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Ꙗ҆́кѡ не и҆́мамы дерзнове́нїѧ за премнѡ́гїѧ грѣхѝ на́шѧ: / ты̀ и҆́же ѿ тебє̀ ро́ждшагосѧ молѝ, бцⷣе дв҃о, / мно́гѡ бо мо́жетъ моле́нїе мт҃рнее ко бл҃госе́рдїю влⷣки. / не пре́зри грѣ́шныхъ мольбы̀, всечⷭ҇таѧ, / ꙗ҆́кѡ ми́лостивъ є҆́сть, и҆ спастѝ могі́й, / и҆́же и҆ страда́ти ѡ҆ на́съ и҆зво́ливый."
|
|
},
|
|
{
|
|
"type": "HEADER",
|
|
"value": "Та́же тропарѝ сїѧ̑, гла́съ а҃:"
|
|
},
|
|
{
|
|
"type": "TEXT",
|
|
"value": "П рїиди́те, вѣ́рнїи, возведе́мсѧ бжⷭ҇твеннѣ, / и҆ ви́димъ схожде́нїе бжⷭ҇твенное свы́ше, / въ виѳлее́мѣ къ на́мъ ꙗ҆вле́ннѣ: / и҆ ᲂу҆мо́мъ ѡ҆чи́стившесѧ житїѐ принесе́мъ добродѣ́тели, / вмѣ́стѡ мѵ́ра пред̾ꙋготовлѧ́юще вѣ́рнѡ рожде́ствєнныѧ вхо́ды, / ѿ дꙋше́вныхъ сокро́вищъ зовꙋ́ще: / въ вы́шнихъ сла́ва бг҃ꙋ, / сꙋ́щемꙋ въ трⷪ҇цѣ: / є҆гѡ́же ра́ди въ человѣ́цѣхъ благоволе́нїе ꙗ҆ви́сѧ, / а҆да́ма и҆збавлѧ́ѧ перворо́дныѧ клѧ́твы, ꙗ҆́кѡ чл҃вѣколю́бецъ. [Два́жды.]"
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ ѿ ю҆́га прїи́детъ, / и҆ ст҃ы́й и҆зъ горы̀ приѡсѣне́нныѧ ча́щи."
|
|
},
|
|
{
|
|
"type": "TEXT",
|
|
"value": "Гла́съ д҃: Слы́ши, нб҃о, и҆ внꙋшѝ, землѐ, / да подви́жатсѧ ѡ҆снова̑нїѧ, / да прїи́мꙋтъ тре́петъ преиспѡ́днѧѧ: / ꙗ҆́кѡ бг҃ъ же и҆ творе́цъ въ плотско́е ѡ҆дѣ́ѧсѧ зда́нїе, / и҆ и҆́же держа́вною рꙋко́ю созда́вый тва́рь, / ᲂу҆тро́бы зри́тсѧ зда́нїе. / ѽ глꙋбина̀ бога́тства, и҆ премꙋ́дрости, и҆ ра́зꙋма бж҃їѧ! / ꙗ҆́кѡ неиспы́таны сꙋдьбы̑ є҆гѡ̀, / и҆ неизслѣ́довани пꙋтїѐ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇и, ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: / гдⷭ҇и, разꙋмѣ́хъ дѣла̀ твоѧ̑, и҆ ᲂу҆жасо́хсѧ."
|
|
},
|
|
{
|
|
"type": "TEXT",
|
|
"value": "И҆ па́ки то́йже."
|
|
},
|
|
{
|
|
"type": "TEXT",
|
|
"value": "Сла́ва, гла́съ є҃: Прїиди́те хрⷭ҇тоно́снїи лю́дїе, да ви́димъ чꙋ́до, / всѧ́кїй ра́зꙋмъ ᲂу҆жаса́ющее и҆ ѡ҆бдержа́щее: / и҆ благоче́стнѡ воспѣва́юще вѣ́рнїи, поклони́мсѧ. / дне́сь къ виѳлее́мꙋ непра́здна сꙋ́щи дв҃а прихо́дитъ роди́ти гдⷭ҇а: / ли́цы же а҆́гг҃льстїи предтекꙋ́тъ. / и҆ сїѧ̑ ви́дѣвъ, вопїѧ́ше і҆ѡ́сифъ ѡ҆брꙋ́чникъ: / что̀ є҆́же въ тебѣ̀ стра́нное та́инство, дв҃о; / и҆ ка́кѡ хо́щеши роди́ти, неискꙋсобра́чнаѧ ю҆́нице;"
|
|
},
|
|
{
|
|
"type": "TEXT",
|
|
"value": "И҆ ны́нѣ, па́ки то́йже."
|
|
},
|
|
{
|
|
"type": "TEXT",
|
|
"value": "Та́же прокі́менъ, гла́съ д҃: И҆зъ чре́ва пре́жде десни́цы роди́хъ тѧ̀, / клѧ́тсѧ гдⷭ҇ь и҆ не раска́етсѧ. Сті́хъ: Речѐ гдⷭ҇ь гдⷭ҇еви моемꙋ̀: сѣдѝ ѡ҆деснꙋ́ю менє̀."
|
|
},
|
|
{
|
|
"type": "HEADER",
|
|
"value": "И҆ паремїа̀. Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "[Главы̑ з҃ и҆ и҃] Приложѝ гдⷭ҇ь гл҃го́лати ко а҆ха́зꙋ, гл҃го́лѧ: просѝ себѣ̀ зна́менїѧ ᲂу҆ гдⷭ҇а бг҃а твоегѡ̀, во глꙋбинꙋ̀, и҆лѝ въ высотꙋ̀. и҆ речѐ а҆ха́зъ: не и҆́мамъ проси́ти, нижѐ и҆скꙋси́ти гдⷭ҇а. и҆ речѐ и҆са́їа: ᲂу҆слы́шите ᲂу҆̀бо, до́ме дв҃довъ: є҆да̀ ма́лъ ва́мъ трꙋ́дъ даѧ́ти человѣ́кѡмъ, и҆ ка́кѡ гдⷭ҇ꙋ трꙋ́дъ даетѐ; сегѡ̀ ра́ди да́стъ гдⷭ҇ь са́мъ ва́мъ зна́менїе. сѐ дв҃а во чре́вѣ прїи́метъ, и҆ роди́тъ сн҃а, и҆ нарекꙋ́тъ и҆́мѧ є҆гѡ̀ є҆мманꙋ́илъ: ма́сло и҆ ме́дъ и҆́мать снѣ́сти, пре́жде не́же ᲂу҆вѣ́дѣти є҆мꙋ̀, и҆лѝ и҆зво́лити лꙋка́вое, и҆збере́тъ благо́е: занѐ пре́жде не́же разꙋмѣ́ти ѻ҆троча́ти благо́е и҆лѝ ѕло́е, ѿри́нетъ лꙋка̑ваѧ, и҆збере́тъ благо́е. и҆ речѐ гдⷭ҇ь ко мнѣ̀: прїимѝ себѣ̀ сви́токъ но́въ, вели́къ, и҆ напишѝ въ не́мъ писа́ломъ человѣ́ческимъ, є҆́же ско́рѡ плѣне́нїе сотвори́ти коры́стей, настоѧ́тъ бо. и҆ свидѣ́тели мнѣ̀ сотворѝ вѣ́рны человѣ́ки, ᲂу҆рі́ю і҆ере́а, и҆ заха́рїю сы́на варахі́ина. и҆ пристꙋпи́хъ ко прⷪ҇ро́чицѣ, и҆ во чре́вѣ прїѧ́тъ, и҆ родѝ сы́на. и҆ речѐ мнѣ̀ гдⷭ҇ь: нарцы̀ и҆́мѧ є҆мꙋ̀, ско́рѡ плѣнѝ, и҆ напра́снѡ и҆спрове́рзи. занѐ пре́жде не́же разꙋмѣ́ти ѻ҆троча́ти назва́ти ѻ҆тца̀ и҆лѝ ма́терь, прїи́метъ си́лꙋ дама́сковꙋ, и҆ коры̑сти самарі̑йскїѧ, прѧ́мѡ царю̀ а҆сѷрі́йскомꙋ. съ на́ми бг҃ъ, разꙋмѣ́йте ꙗ҆зы́цы, и҆ покарѧ́йтесѧ. ᲂу҆слы́шите да́же до послѣ́днихъ землѝ, могꙋ́щїи покарѧ́йтесѧ: а҆́ще бо па́ки возмо́жете, и҆ па́ки побѣжде́ни бꙋ́дете. и҆ и҆́же а҆́ще совѣ́тъ совѣщава́ете, разори́тъ гдⷭ҇ь: и҆ сло́во, є҆́же а҆́ще возглаго́лете, не пребꙋ́детъ въ ва́съ, ꙗ҆́кѡ съ на́ми бг҃ъ."
|
|
},
|
|
{
|
|
"type": "HEADER",
|
|
"value": "Къ є҆вре́ємъ посла́нїѧ ст҃а́гѡ а҆пⷭ҇ла па́ѵла чте́нїе."
|
|
},
|
|
{
|
|
"type": "TEXT",
|
|
"value": "[Зач: т҃д] Въ нача́лѣ ты̀, гдⷭ҇и, зе́млю ѡ҆снова́лъ є҆сѝ, и҆ дѣла̀ рꙋкꙋ̀ твоє́ю сꙋ́ть нб҃са̀. та̑ поги́бнꙋтъ, ты́ же пребыва́еши, и҆ всѧ̑ ꙗ҆́коже ри́за ѡ҆бетша́ютъ: и҆ ꙗ҆́кѡ ѡ҆де́ждꙋ свїе́ши и҆̀хъ, и҆ и҆змѣнѧ́тсѧ: ты́ же то́йжде є҆сѝ, и҆ лѣ̑та твоѧ̑ не ѡ҆скꙋдѣ́ютъ. комꙋ́ же ѿ а҆́гг҃лъ речѐ когда̀: сѣдѝ ѡ҆деснꙋ́ю менє̀, до́ндеже положꙋ̀ врагѝ твоѧ̑ подно́жїе но́гъ твои́хъ; не вси́ ли сꙋ́ть слꙋже́бнїи дꙋ́си, въ слꙋже́нїе посыла́еми за хотѧ́щихъ наслѣ́довати спасе́нїе; сегѡ̀ ра́ди подоба́етъ на́мъ ли́шше внима́ти слы̑шаннымъ, да не когда̀ ѿпа́днемъ. а҆́ще бо глаго́ланное а҆́гг҃лы сло́во бы́сть и҆звѣ́стно, и҆ всѧ́ко престꙋпле́нїе и҆ ѡ҆слꙋша́нїе, пра́ведное прїѧ́тъ мздовоздаѧ́нїе: ка́кѡ мы̀ ᲂу҆бѣжи́мъ ѡ҆ толи́цѣмъ неради́вше спасе́нїи, є҆́же зача́ло прїе́мше глаго́латисѧ ѿ гдⷭ҇а, слы́шавшими въ на́съ и҆звѣсти́сѧ;"
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость, про́сти ᲂу҆слы́шимъ ст҃а́гѡ є҆ѵⷢ҇лїа."
|
|
},
|
|
{
|
|
"type": "HEADER",
|
|
"value": "І҆ере́й: Ѿ матѳе́а ст҃а́гѡ є҆ѵⷢ҇лїа чте́нїе."
|
|
},
|
|
{
|
|
"type": "TEXT",
|
|
"value": "[Зач: г҃] І҆и҃сꙋ ро́ждшꙋсѧ въ виѳлее́мѣ і҆ꙋде́йстѣмъ, во дни̑ и҆́рѡда царѧ̀, сѐ волсвѝ ѿ востѡ́къ прїидо́ша во і҆ерꙋсали́мъ, глаго́люще: гдѣ́ є҆сть рожде́йсѧ цр҃ь і҆ꙋде́йскїй; ви́дѣхомъ бо ѕвѣздꙋ̀ є҆гѡ̀ на восто́цѣ, и҆ прїидо́хомъ поклони́тисѧ є҆мꙋ̀. слы́шавъ же и҆́рѡдъ ца́рь, смꙋти́сѧ, и҆ ве́сь і҆ерꙋсали́мъ съ ни́мъ. и҆ собра́въ всѧ̑ первосвѧще́нники и҆ кни́жники людскі̑ѧ, вопроша́ше ѿ ни́хъ: гдѣ̀ хрⷭ҇то́съ ражда́етсѧ; ѻ҆ни́ же реко́ша є҆мꙋ̀: въ виѳлее́мѣ і҆ꙋде́йстѣмъ; та́кѡ бо пи́сано є҆́сть прⷪ҇ро́комъ: и҆ ты̀, виѳлее́ме, землѐ і҆ꙋ́дова, ничи́мже ме́ньши є҆сѝ во влады́кахъ і҆ꙋ́довыхъ: и҆зъ тебє́ бо и҆зы́детъ во́ждь, и҆́же ᲂу҆пасе́тъ лю́ди моѧ̑ і҆и҃лѧ. тогда̀ и҆́рѡдъ та́й призва̀ волхвы̀, и҆ и҆спы́товаше ѿ ни́хъ вре́мѧ ꙗ҆́вльшїѧсѧ ѕвѣзды̀. и҆ посла́въ и҆̀хъ въ виѳлее́мъ, речѐ: ше́дше и҆спыта́йте и҆звѣ́стнѡ ѡ҆ ѻ҆троча́ти: є҆гда́ же ѡ҆брѧ́щете, возвѣсти́те мѝ, ꙗ҆́кѡ да и҆ а҆́зъ ше́дъ поклоню́сѧ є҆мꙋ̀. ѻ҆ни́ же послꙋ́шавше царѧ̀, и҆до́ша. и҆ сѐ ѕвѣзда̀, ю҆́же ви́дѣша на восто́цѣ, и҆дѧ́ше предъ ни́ми, до́ндеже прише́дши ста̀ верхꙋ̀, и҆дѣ́же бѣ̀ ѻ҆троча̀. ви́дѣвше же ѕвѣздꙋ̀, возра́довашасѧ ра́достїю ве́лїею ѕѣлѡ̀. и҆ прише́дше въ хра́минꙋ, ви́дѣша ѻ҆троча̀ съ марі́ею, мт҃рїю є҆гѡ̀: и҆ па́дше поклони́шасѧ є҆мꙋ̀: и҆ ѿве́рзше сокрѡ́вища своѧ̑, принесо́ша є҆мꙋ̀ да́ры, зла́то, и҆ лїва́нъ, и҆ смѵ́рнꙋ. и҆ вѣ́сть прїе́мше во снѣ̀ не возврати́тисѧ ко и҆́рѡдꙋ, и҆ны́мъ пꙋте́мъ ѿидо́ша во странꙋ̀ свою̀."
|
|
},
|
|
{
|
|
"type": "HEADER",
|
|
"value": "Та́же:"
|
|
},
|
|
{
|
|
"type": "TEXT",
|
|
"value": "С ко́рѡ да предварѧ́тъ ны̀ щедрѡ́ты твоѧ̑, гдⷭ҇и, / ꙗ҆́кѡ ѡ҆бнища́хомъ ѕѣлѡ̀: / помозѝ на́мъ, бж҃е сп҃се на́шъ, / сла́вы ра́ди и҆́мене твоегѡ̀, гдⷭ҇и, и҆зба́ви на́съ, / и҆ ѡ҆чи́сти грѣхѝ на́шѧ, и҆́мене ра́ди твоегѡ̀."
|
|
},
|
|
{
|
|
"type": "TEXT",
|
|
"value": "Та́же Трист҃о́е, и҆ по Ѻ҆́ч҃е на́шъ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃:"
|
|
},
|
|
{
|
|
"type": "TEXT",
|
|
"value": "Д в҃а дне́сь превѣ́чное сло́во / въ верте́пѣ грѧде́тъ роди́ти неизрече́ннѡ: / ликꙋ́й, вселе́ннаѧ, ᲂу҆слы́шавши, / просла́ви со а҆́гг҃лы и҆ па́стырьми / хотѧ́щаго ꙗ҆ви́тисѧ ѻ҆троча̀ мла́до, превѣ́чнаго бг҃а."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй, м҃."
|
|
},
|
|
{
|
|
"type": "HEADER",
|
|
"value": "И҆ моли́тва:"
|
|
},
|
|
{
|
|
"type": "TEXT",
|
|
"value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ, покланѧ́емый и҆ сла́вимый, хрⷭ҇тѐ бж҃е, долготерпѣли́ве, многоми́лостиве, многобл҃гоꙋтро́бне, и҆́же пра́вєдныѧ любѧ́й и҆ грѣ̑шныѧ ми́лꙋѧй, и҆́же всѧ̑ зовы́й ко спасе́нїю, ѡ҆бѣща́нїѧ ра́ди бꙋ́дꙋщихъ бла̑гъ. са́мъ, гдⷭ҇и, прїимѝ и҆ на́шѧ въ ча́съ се́й моли̑твы, и҆ и҆спра́ви живо́тъ на́шъ къ за́повѣдємъ твои̑мъ, дꙋ́шы на́шѧ ѡ҆свѧтѝ, тѣлеса̀ ѡ҆чи́сти: помышлє́нїѧ и҆спра́ви, мы̑сли ѡ҆чи́сти: и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней: ѡ҆градѝ на́съ ст҃ы́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы, ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй, три́жды."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Ч естнѣ́йшꙋю херꙋві̑мъ, / и҆ сла́внѣйшꙋю безъ сравне́нїѧ серафі̑мъ, / безъ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "И҆́ менемъ гдⷭ҇нимъ благословѝ, ѻ҆́ч҃е."
|
|
},
|
|
{
|
|
"type": "TEXT",
|
|
"value": "Свѧще́нникъ возглаша́етъ: Бж҃е, ᲂу҆ще́дри ны̀, и҆ благослови́ ны, просвѣтѝ лицѐ твоѐ на ны̀, и҆ поми́лꙋй ны̀."
|
|
},
|
|
{
|
|
"type": "HEADER",
|
|
"value": "Посе́мъ моли́тва вели́кагѡ васі́лїа."
|
|
},
|
|
{
|
|
"type": "TEXT",
|
|
"value": "Б ж҃е и҆ гдⷭ҇и си́лъ и҆ всеѧ̀ тва́ри содѣ́телю, и҆́же за милосе́рдїе безприкла́дныѧ ми́лости твоеѧ̀, є҆диноро́днаго сн҃а твоего̀, гдⷭ҇а на́шего і҆и҃са хрⷭ҇та̀, низпосла́вый на спасе́нїе ро́да на́шегѡ, и҆ честны́мъ є҆гѡ̀ крⷭ҇то́мъ рꙋкописа́нїе грѣ̑хъ на́шихъ растерза́вый, и҆ побѣди́вый тѣ́мъ нача̑ла и҆ вла̑сти тмы̀. са́мъ, влⷣко чл҃вѣколю́бче, прїимѝ и҆ на́съ грѣ́шныхъ, благода́рствєнныѧ сїѧ̑ и҆ молє́бныѧ моли̑твы, и҆ и҆зба́ви на́съ ѿ всѧ́кагѡ всегꙋби́тельнагѡ и҆ мра́чнагѡ прегрѣше́нїѧ, и҆ всѣ́хъ ѡ҆ѕло́бити на́съ и҆́щꙋщихъ, ви́димыхъ и҆ неви́димыхъ вра̑гъ. пригвоздѝ стра́хꙋ твоемꙋ̀ плѡ́ти на́шѧ, и҆ не ᲂу҆клонѝ серде́цъ на́шихъ въ словеса̀ и҆лѝ помышлє́нїѧ лꙋка́вствїѧ: по любо́вїю твое́ю ᲂу҆ѧзвѝ дꙋ́шы на́шѧ, да къ тебѣ̀ всегда̀ взира́юще, и҆ є҆́же ѿ тебє̀ свѣ́томъ наставлѧ́еми, тебѐ непристꙋ́пнаго и҆ присносꙋ́щнаго зрѧ́ще свѣ́та, непреста́нное тебѣ̀ и҆сповѣ́данїе и҆ благодаре́нїе возсыла́емъ, безнача́льномꙋ ѻ҆ц҃ꙋ̀, со є҆диноро́днымъ твои́мъ сн҃омъ, и҆ всест҃ы́мъ, и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "HEADER",
|
|
"value": "Та́же ча́съ девѧ́тый."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
|
|
},
|
|
{
|
|
"type": "HEADER",
|
|
"value": "И҆ ѱало́мъ р҃ѳ."
|
|
},
|
|
{
|
|
"type": "TEXT",
|
|
"value": "Р ечѐ гдⷭ҇ь гдⷭ҇еви моемꙋ̀: сѣдѝ ѡ҆деснꙋ́ю менє̀, до́ндеже положꙋ̀ врагѝ твоѧ̑ подно́жїе но́гъ твои́хъ. же́злъ си́лы по́слетъ тѝ гдⷭ҇и ѿ сїѡ́на, и҆ госпо́дствꙋй посредѣ̀ врагѡ́въ твои́хъ. съ тобо́ю нача́ло въ де́нь си̑лы твоеѧ̀, во свѣ́тлостехъ ст҃ы́хъ твои́хъ. и҆зъ чре́ва пре́жде денни́цы роди́хъ тѧ̀. клѧ́тсѧ гдⷭ҇ь и҆ не раска́етсѧ, ты̀ і҆ере́й во вѣ́къ, по чи́нꙋ мелхїседе́ковꙋ. гдⷭ҇ь ѡ҆деснꙋ́ю тебє̀, сокрꙋши́лъ є҆́сть въ де́нь гнѣ́ва своегѡ̀ царѝ. сꙋ́дитъ во ꙗ҆зы́цѣхъ, и҆спо́лнитъ падє́нїѧ, сокрꙋши́тъ главы̑ на землѝ мно́гихъ. ѡ҆ пото́ка на пꙋтѝ пїе́тъ, сегѡ̀ ра́ди вознесе́тъ главꙋ̀."
|
|
},
|
|
{
|
|
"type": "HEADER",
|
|
"value": "Ѱало́мъ р҃і."
|
|
},
|
|
{
|
|
"type": "TEXT",
|
|
"value": "И҆ сповѣ́мсѧ тебѣ̀, гдⷭ҇и, всѣ́мъ се́рдцемъ мои́мъ, въ совѣ́тѣ пра́выхъ и҆ со́нмѣ. вє́лїѧ дѣла̀ гдⷭ҇нѧ, и҆зы̑скана во всѣ́хъ во́лѧхъ є҆гѡ̀. и҆сповѣ́данїе и҆ великолѣ́пїе дѣ́ло є҆гѡ̀, и҆ пра́вда є҆гѡ̀ пребыва́етъ въ вѣ́къ вѣ́ка. па́мѧть сотвори́лъ є҆́сть чꙋде́съ свои́хъ: ми́лостивъ и҆ ще́дръ гдⷭ҇ь: пи́щꙋ дадѐ боѧ́щымсѧ є҆гѡ̀, помѧне́тъ въ вѣ́къ завѣ́тъ сво́й. крѣ́пость дѣ́лъ свои́хъ возвѣстѝ лю́демъ свои̑мъ, да́ти и҆̀мъ достоѧ́нїе ꙗ҆зы̑къ. дѣла̀ рꙋ́къ є҆гѡ̀, и҆́стина и҆ сꙋ́дъ: вѣ̑рны всѧ̑ за́пѡвѣди є҆гѡ̀, ᲂу҆твержє́ны въ вѣ́къ вѣ́ка, сотворє́ны во и҆́стинѣ и҆ правотѣ̀. и҆збавле́нїе посла̀ лю́демъ свои̑мъ, заповѣ́да въ вѣ́къ завѣ́тъ сво́й, свѧ́то и҆ стра́шно и҆́мѧ є҆гѡ̀. нача́ло премꙋ́дрости стра́хъ гдⷭ҇ень, ра́зꙋмъ же бла́гъ всѣ̑мъ творѧ́щымъ и҆̀. хвала̀ є҆гѡ̀ пребыва́етъ въ вѣ́къ вѣ́ка."
|
|
},
|
|
{
|
|
"type": "HEADER",
|
|
"value": "Ѱало́мъ п҃є."
|
|
},
|
|
{
|
|
"type": "TEXT",
|
|
"value": "П риклонѝ, гдⷭ҇и, ᲂу҆́хо твоѐ, и҆ ᲂу҆слы́ши мѧ̀, ꙗ҆́кѡ ни́щъ и҆ ᲂу҆бо́гъ є҆́смь а҆́зъ. сохранѝ дꙋ́шꙋ мою̀, ꙗ҆́кѡ преподо́бенъ є҆́смь: спасѝ раба̀ твоего̀, бж҃е мо́й, ᲂу҆пова́ющаго на тѧ̀. поми́лꙋй мѧ̀, гдⷭ҇и, ꙗ҆́кѡ къ тебѣ̀ воззовꙋ̀ ве́сь де́нь. возвеселѝ дꙋ́шꙋ раба̀ твоегѡ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. ꙗ҆́кѡ ты̀, гдⷭ҇и, бл҃гъ и҆ кро́токъ, и҆ многоми́лостивъ всѣ̑мъ призыва́ющымъ тѧ̀. внꙋшѝ, гдⷭ҇и, моли́твꙋ мою̀ и҆ вонмѝ гла́сꙋ моле́нїѧ моегѡ̀. въ де́нь ско́рби моеѧ̀ воззва́хъ къ тебѣ̀, ꙗ҆́кѡ ᲂу҆слы́шалъ мѧ̀ є҆сѝ. нѣ́сть подо́бенъ тебѣ̀ въ бозѣ́хъ, гдⷭ҇и, и҆ нѣ́сть по дѣлѡ́мъ твои̑мъ. всѝ ꙗ҆зы́цы, є҆ли́ки сотвори́лъ є҆сѝ, прїи́дꙋтъ, и҆ покло́нѧтсѧ предъ тобо́ю, гдⷭ҇и, и҆ просла́вѧтъ и҆́мѧ твоѐ: ꙗ҆́кѡ ве́лїй є҆сѝ ты̀ и҆ творѧ́й чꙋдеса̀, ты̀ є҆сѝ бг҃ъ є҆ди́нъ. наста́ви мѧ̀, гдⷭ҇и, на пꙋ́ть тво́й, и҆ пойдꙋ̀ во и҆́стинѣ твое́й: да возвесели́тсѧ се́рдце моѐ боѧ́тисѧ и҆́мене твоегѡ̀. и҆сповѣ́мсѧ тебѣ̀, гдⷭ҇и бж҃е мо́й, всѣ́мъ се́рдцемъ мои́мъ: и҆ просла́влю и҆́мѧ твоѐ въ вѣ́къ. ꙗ҆́кѡ ми́лость твоѧ̀ ве́лїѧ на мнѣ̀, и҆ и҆зба́вилъ є҆сѝ дꙋ́шꙋ мою̀ ѿ а҆́да преиспо́днѣйшагѡ. бж҃е, законопрєстꙋ́пницы воста́ша на мѧ̀, и҆ со́нмъ держа́вныхъ взыска́ша дꙋ́шꙋ мою̀, и҆ не предложи́ша тебѐ предъ собо́ю. и҆ ты̀, гдⷭ҇и бж҃е мо́й, ще́дрый и҆ ми́лостивый, долготерпѣли́вый и҆ многоми́лостивый и҆ и҆́стинный, при́зри на мѧ̀, и҆ поми́лꙋй мѧ̀, да́ждь держа́вꙋ твою̀ ѻ҆́трокꙋ твоемꙋ̀, и҆ спасѝ сы́на рабы̀ твоеѧ̀. сотворѝ со мно́ю зна́менїе во бла́го, и҆ да ви́дѧтъ ненави́дѧщїи мѧ̀, и҆ постыдѧ́тсѧ, ꙗ҆́кѡ ты̀, гдⷭ҇и, помо́глъ мѝ и҆ ᲂу҆тѣ́шилъ мѧ̀ є҆сѝ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, А҆ллилꙋ́їа, три́жды, Гдⷭ҇и, поми́лꙋй, три́жды."
|
|
},
|
|
{
|
|
"type": "HEADER",
|
|
"value": "Сла́ва, тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Н аписова́шесѧ и҆ногда̀ со ста́рцемъ і҆ѡ́сифомъ, / ꙗ҆́кѡ ѿ сѣ́мене дв҃дова, въ виѳлее́мѣ марїа́мъ: / чревоносѧ́щи безсѣ́менное рожде́нїе: / наста́ же вре́мѧ ржⷭ҇тва̀, / и҆ мѣ́сто ни є҆ди́ноже бѣ̀ ѻ҆бита́лищꙋ: / но ꙗ҆́коже кра́снаѧ пала́та, / верте́пъ цр҃и́цѣ показа́шесѧ. / хрⷭ҇то́съ ражда́етсѧ, пре́жде па́дшїй воскреси́ти ѻ҆́бразъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: И҆́же на́съ ра́ди рожде́йсѧ ѿ дв҃ы, / и҆ распѧ́тїе претерпѣ́въ бл҃гі́й, / и҆спрове́ргїй сме́ртїю сме́рть, / и҆ воскрⷭ҇нїе ꙗ҆вле́й ꙗ҆́кѡ бг҃ъ, / не пре́зри ꙗ҆̀же созда́лъ є҆сѝ рꙋко́ю твое́ю. / ꙗ҆вѝ чл҃вѣколю́бїе твоѐ, ми́лостиве. / прїимѝ ро́ждшꙋю тѧ̀ бцⷣꙋ, молѧ́щꙋюсѧ за ны̀. / и҆ сп҃сѝ, сп҃се на́шъ, лю́ди ѿча̑ѧнныѧ."
|
|
},
|
|
{
|
|
"type": "HEADER",
|
|
"value": "Та́же тропарѝ сїѧ̑, гла́съ з҃:"
|
|
},
|
|
{
|
|
"type": "TEXT",
|
|
"value": "Оу҆ дивлѧ́шесѧ и҆́рѡдъ, / зрѧ̀ волхвѡ́въ благоче́стїе, / и҆ гнѣ́вомъ побѣжда́емь, / лѣ̑та и҆спыта́ше разстоѧ́нїѧ: / ма́тєри безча́дствꙋємы быва́хꙋ, / и҆ безвре́менный во́зрастъ младе́нцєвъ го́рцѣ пожина́шесѧ, / сосцы̀ ссыха́хꙋсѧ, / и҆ и҆сто́чницы мле́чнїи ᲂу҆держава́хꙋсѧ, / ве́лїе бѧ́ше лю́тое. / тѣ́мже бл҃гоче́стнѡ, вѣ́рнїи, соше́дшесѧ, / поклони́мсѧ хрⷭ҇то́вꙋ рождествꙋ̀. [Два́жды.]"
|
|
},
|
|
{
|
|
"type": "TEXT",
|
|
"value": "Та́же сті́хъ: Бг҃ъ ѿ ю҆́га прїи́детъ, / и҆ ст҃ы́й и҆зъ горы̀ приѡсѣне́нныѧ ча́щи."
|
|
},
|
|
{
|
|
"type": "TEXT",
|
|
"value": "Тропа́рь, гла́съ в҃: Є҆гда̀ і҆ѡ́сифъ, дв҃о, печа́лїю ᲂу҆ѧзвлѧ́шесѧ, / къ виѳлее́мꙋ и҆дѧ̀, вопїѧ́ла є҆сѝ къ немꙋ̀: / что́ мѧ зрѧ̀ непра́зднꙋ дрѧ́хлꙋеши и҆ смꙋща́ешисѧ, / не вѣ́дый всѧ́кѡ є҆́же во мнѣ̀ стра́шнагѡ та́инства; / про́чее ѿложѝ стра́хъ всѧ́къ, пресла́вное познава́ѧ: / бг҃ъ бо низхо́дитъ на зе́млю ми́лости ра́ди, / во чре́вѣ мое́мъ ны́нѣ, а҆́ще и҆ пло́ть прїѧ́тъ. / є҆го́же ражда́ема ᲂу҆́зриши, ꙗ҆́коже благоизво́ли, / и҆ ра́дости и҆спо́лнивсѧ поклони́шисѧ ꙗ҆́кѡ зижди́телю твоемꙋ̀, / є҆го́же а҆́гг҃ли пою́тъ непреста́ннѡ, / и҆ славосло́вѧтъ со ѻ҆ц҃е́мъ и҆ дх҃омъ ст҃ы́мъ."
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇и, ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: / гдⷭ҇и, разꙋмѣ́хъ дѣла̀ твоѧ̑, и҆ ᲂу҆жасо́хсѧ."
|
|
},
|
|
{
|
|
"type": "TEXT",
|
|
"value": "Па́ки то́йже тропа́рь."
|
|
},
|
|
{
|
|
"type": "TEXT",
|
|
"value": "Та́же ста́въ посредѣ̀ це́ркве канѡна́рхъ, прочита́етъ велегла́снѡ всю̀ стїхи́рꙋ сїю̀."
|
|
},
|
|
{
|
|
"type": "TEXT",
|
|
"value": "Гла́съ ѕ҃: Дне́сь ражда́етсѧ ѿ дв҃ы, / рꙋко́ю всю̀ содержа́й тва́рь, / пелена́ми ꙗ҆́коже зе́менъ повива́етсѧ, / и҆́же сꙋщество́мъ неприкоснове́ненъ бг҃ъ. / въ ꙗ҆́слехъ возлежи́тъ, / ᲂу҆тверди́вый нб҃са̀ сло́вомъ въ нача́лѣхъ: / ѿ сосцє́въ млеко́мъ пита́етсѧ, / и҆́же въ пꙋсты́ни ма́ннꙋ ѡ҆дожди́вый лю́демъ: / волхвы̀ призыва́етъ жени́хъ цр҃ко́вный, / да́ры си́хъ прїе́млетъ сн҃ъ дв҃ы. / покланѧ́емсѧ ржⷭ҇твꙋ̀ твоемꙋ̀, хрⷭ҇тѐ: / покланѧ́емсѧ ржⷭ҇твꙋ̀ твоемꙋ̀, хрⷭ҇тѐ. / покланѧ́емсѧ ржⷭ҇твꙋ̀ твоемꙋ̀, хрⷭ҇тѐ. / покажѝ на́мъ и҆ бжⷭ҇твєннаѧ твоѧ̑ бг҃оѧвлє́нїѧ."
|
|
},
|
|
{
|
|
"type": "TEXT",
|
|
"value": "И҆ твори́мъ трѝ покло́ны."
|
|
},
|
|
{
|
|
"type": "HEADER",
|
|
"value": "Пото́мъ чте́тъ дїа́конъ та́кожде велегла́снѡ сїѐ:"
|
|
},
|
|
{
|
|
"type": "TEXT",
|
|
"value": "В ели́комꙋ господи́нꙋ и҆ ѻ҆тцꙋ̀ на́шемꙋ ст҃ѣ́йшемꙋ патрїа́рхꙋ моско́вскомꙋ и҆ всеѧ̀ рꙋсѝ [и҆ ст҃отро́ицкїѧ се́ргїевы ла́ѵры сщ҃енноархїмантрі́тꙋ ] (и҆́мⷬ҇къ), сщ҃е́нномꙋ сѷно́дꙋ, преѡсвѧщє́ннымъ митрополі́тѡмъ, а҆рхїепі́скопѡмъ и҆ є҆пі́скопѡмъ, и҆ господи́нꙋ на́шемꙋ преѡсвѧще́нномꙋ (и҆́мⷬ҇къ, є҆гѡ́же є҆́сть ѻ҆́бласть), настоѧ́телю свѧта́гѡ хра́ма сегѡ̀ и҆ всемꙋ̀ ѡ҆свѧще́нномꙋ собо́рꙋ, бг҃охрани́мѣй странѣ̀ на́шей, власте́мъ и҆ во́инствꙋ є҆ѧ̀, мнѡ́га лѣ̑та."
|
|
},
|
|
{
|
|
"type": "TEXT",
|
|
"value": "В сѣ̑мъ правосла̑внымъ хрⷭ҇тїа́нѡмъ пода́ждь, гдⷭ҇и, тишинꙋ̀ и҆ благоде́нствїе, и҆ и҆з̾ѡби́лїе плодѡ́въ земны́хъ, и҆ мнѡ́га лѣ̑та."
|
|
},
|
|
{
|
|
"type": "HEADER",
|
|
"value": "А҆́ще ли въ монастырѣ̀:"
|
|
},
|
|
{
|
|
"type": "TEXT",
|
|
"value": "С пасѝ, хрⷭ҇тѐ бж҃е, прпⷣбнаго ѻ҆тца̀ на́шего и҆гꙋ́мена (и҆лѝ а҆рхїмандрі́та), и҆́мⷬ҇къ, є҆́же ѡ҆ хрⷭ҇тѣ̀ съ бра́тїею, и҆ свѧтꙋ́ю ѻ҆би́тель сїю̀ въ ми́рѣ сохранѝ, и҆ хра́мъ се́й ст҃ы́й ᲂу҆твердѝ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "И҆ пою́тъ три́жды: Спасѝ, хрⷭ҇тѐ бж҃е."
|
|
},
|
|
{
|
|
"type": "TEXT",
|
|
"value": "Вѣ́домо же бꙋ́ди, ꙗ҆́кѡ сїѐ многолѣ́тное поздравле́нїе въ собо́рныхъ це́рквахъ при а҆рхїере́ехъ, и҆ и҆́ндѣ, гдѣ̀ прили́чно, твори́тсѧ въ на́вечерїи по ѿпꙋ́стѣ ст҃ы́ѧ лїтꙋргі́и, и҆лѝ по вече́рни, є҆гда̀ быва́етъ на́вечерїе въ сꙋббѡ́тꙋ и҆ недѣ́лю: во ѻ҆би́телехъ же во всѣ́хъ тѵ́пїкахъ чи́нъ положе́нъ семꙋ̀ быва́ти на часѣ́хъ въ се́мъ мѣ́стѣ."
|
|
},
|
|
{
|
|
"type": "TEXT",
|
|
"value": "Та́же ѻ҆́ба ли̑ка вкꙋ́пѣ пою́тъ предрече́ннꙋю стїхи́рꙋ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Д не́сь ражда́етсѧ ѿ дв҃ы, / рꙋко́ю всю̀ содержа́й тва́рь, / пелена́ми ꙗ҆́коже зе́менъ повива́етсѧ, / и҆́же сꙋщество́мъ неприкоснове́ненъ бг҃ъ. / въ ꙗ҆́слехъ возлежи́тъ, / ᲂу҆тверди́вый нб҃са̀ сло́вомъ въ нача́лѣхъ: / ѿ сосцє́въ млеко́мъ пита́етсѧ, / и҆́же въ пꙋсты́ни ма́ннꙋ ѡ҆дожди́вый лю́демъ: / волхвы̀ призыва́етъ жени́хъ цр҃ко́вный, / да́ры си́хъ прїе́млетъ сн҃ъ дв҃ы. / покланѧ́емсѧ ржⷭ҇твꙋ̀ твоемꙋ̀, хрⷭ҇тѐ: / покланѧ́емсѧ ржⷭ҇твꙋ̀ твоемꙋ̀, хрⷭ҇тѐ: / покланѧ́емсѧ ржⷭ҇твꙋ̀ твоемꙋ̀, хрⷭ҇тѐ: / покажѝ на́мъ и҆ бжⷭ҇твєннаѧ твоѧ̑ бг҃оѧвлє́нїѧ."
|
|
},
|
|
{
|
|
"type": "TEXT",
|
|
"value": "На девѧ́томъ часѣ̀ кади́тъ дїа́конъ ве́сь хра́мъ."
|
|
},
|
|
{
|
|
"type": "TEXT",
|
|
"value": "Та́же прокі́менъ, гла́съ д҃: Ма́ти сїѡ́нъ, рече́тъ / человѣ́къ, и҆ человѣ́къ роди́сѧ въ не́мъ. Сті́хъ: Ѡ҆снова̑нїѧ є҆гѡ̀ на гора́хъ ст҃ы́хъ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "[Глава̀ ѳ҃] Ѻ҆троча̀ роди́сѧ на́мъ, сн҃ъ, и҆ даде́сѧ на́мъ, є҆гѡ́же нача́льство бы́сть на ра́мѣ є҆гѡ̀. и҆ нарица́етсѧ и҆́мѧ є҆гѡ̀, вели́кагѡ совѣ́та а҆́гг҃лъ, чꙋ́денъ совѣ́тникъ, бг҃ъ крѣ́покъ, власти́тель, нача́льникъ ми́ра, ѻ҆ц҃ъ бꙋ́дꙋщагѡ вѣ́ка: приведе́тъ бо ми́ръ на нача́льники, и҆ здра́вїе є҆гѡ̀. и҆ ве́лїе нача́льство є҆гѡ̀, и҆ ми́ра є҆гѡ̀ нѣ́сть предѣ́ла. на престо́лъ дв҃довъ, и҆ на ца́рство є҆гѡ̀, и҆спра́вити є҆̀, и҆ застꙋпи́ти є҆̀ сꙋдьбо́ю и҆ пра́вдою ѿ ны́нѣ и҆ до вѣ́ка. ре́вность гдⷭ҇а саваѡ́ѳа сотвори́тъ сїѧ̑."
|
|
},
|
|
{
|
|
"type": "HEADER",
|
|
"value": "Къ є҆вре́ємъ посла́нїѧ ст҃а́гѡ а҆пⷭ҇ла па́ѵла чте́нїе."
|
|
},
|
|
{
|
|
"type": "TEXT",
|
|
"value": "[Зач: т҃ѕ] Бра́тїе, ст҃ѧ́й и҆ ѡ҆свѧща́емїи, ѿ є҆ди́нагѡ всѝ, є҆ѧ́же ра́ди вины̀ не стыди́тсѧ бра́тїю нарица́ти и҆̀хъ, глаго́лѧ: возвѣщꙋ̀ и҆́мѧ твоѐ бра́тїи мое́й: посредѣ̀ цр҃кве воспою́ тѧ. и҆ па́ки: а҆́зъ бꙋ́дꙋ надѣ́ѧсѧ на́нь. и҆ па́ки: сѐ а҆́зъ и҆ дѣ́ти, ꙗ҆̀же мѝ да́лъ є҆́сть бг҃ъ. поне́же ᲂу҆́бѡ дѣ́ти приѡбщи́шасѧ пло́ти и҆ кро́ви, и҆ то́й прїи́скреннѣ приѡбщи́сѧ тѣ́хже, да сме́ртїю ᲂу҆праздни́тъ и҆мꙋ́щаго держа́вꙋ сме́рти, си́рѣчь дїа́вола: и҆ и҆зба́витъ си́хъ, є҆ли́цы стра́хомъ сме́рти чрезъ всѐ житїѐ пови́нни бѣ́ша рабо́тѣ. не ѿ а҆́гг҃лъ ᲂу҆́бѡ когда̀ прїе́млетъ, но ѿ сѣ́мене а҆враа́мова прїе́млетъ: ѿню́дꙋже до́лженъ бѣ̀ по всемꙋ̀ подо́битисѧ бра́тїи, да ми́лостивъ бꙋ́детъ и҆ вѣ́ренъ первосвѧще́нникъ въ тѣ́хъ, ꙗ҆̀же къ бг҃ꙋ, во є҆́же ѡ҆чи́стити грѣхѝ людскі̑ѧ. въ не́мже бо пострада̀ са́мъ и҆скꙋше́нъ бы́въ, мо́жетъ и҆ и҆скꙋша́ємымъ помощѝ."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость, про́сти ᲂу҆слы́шимъ ст҃а́гѡ є҆ѵⷢ҇лїа."
|
|
},
|
|
{
|
|
"type": "HEADER",
|
|
"value": "І҆ере́й: Ѿ матѳе́а ст҃а́гѡ є҆ѵⷢ҇лїа чте́нїе."
|
|
},
|
|
{
|
|
"type": "TEXT",
|
|
"value": "[Зач: д҃] Ѿше́дшымъ волхвѡ́мъ, сѐ а҆́гг҃лъ гдⷭ҇ень во снѣ̀ ꙗ҆ви́сѧ і҆ѡ́сифꙋ глаго́лѧ: воста́въ, поимѝ ѻ҆троча̀ и҆ мт҃рь є҆гѡ̀, и҆ бѣжѝ во є҆гѵ́петъ, и҆ бꙋ́ди та́мѡ, до́ндеже рекꙋ́ ти: хо́щетъ бо и҆́рѡдъ и҆ска́ти ѻ҆троча́те, да погꙋби́тъ є҆̀. ѻ҆́нъ же воста́въ, поѧ́тъ ѻ҆троча̀ и҆ мт҃рь є҆гѡ̀ но́щїю, и҆ ѿи́де во є҆гѵ́петъ. и҆ бѣ̀ та́мѡ до ᲂу҆ме́ртвїѧ и҆́рѡдова, да сбꙋ́детсѧ рече́нное ѿ гдⷭ҇а прⷪ҇ро́комъ, глаго́лющимъ: ѿ є҆гѵ́пта воззва́хъ сн҃а моего̀. тогда̀ и҆́рѡдъ ви́дѣвъ, ꙗ҆́кѡ порꙋ́ганъ бы́сть ѿ волхвѡ́въ, разгнѣ́васѧ ѕѣлѡ̀, и҆ посла́въ, и҆збѝ всѧ̑ дѣ́ти сꙋ́щыѧ въ виѳлее́мѣ, и҆ во всѣ́хъ предѣ́лѣхъ є҆гѡ̀, ѿ двою̀ лѣ̑тꙋ и҆ нижа́йше, по вре́мени, є҆́же и҆звѣ́стнѡ и҆спыта̀ ѿ волхвѡ́въ. тогда̀ сбы́стсѧ рече́нное і҆еремі́емъ прⷪ҇ро́комъ, глаго́лющимъ: гла́съ въ ра́мѣ слы́шанъ бы́сть, пла́чь, и҆ рыда́нїе, и҆ во́пль мно́гъ. рахи́ль пла́чꙋщисѧ ча̑дъ свои́хъ, и҆ не хотѧ́ше ᲂу҆тѣ́шитисѧ, ꙗ҆́кѡ не сꙋ́ть. ᲂу҆ме́ршꙋ же и҆́рѡдꙋ, сѐ а҆́гг҃лъ гдⷭ҇ень во снѣ̀ ꙗ҆ви́сѧ і҆ѡ́сифꙋ во є҆гѵ́птѣ, глаго́лѧ: воста́въ, поимѝ ѻ҆троча̀ и҆ мт҃рь є҆гѡ̀, и҆ и҆дѝ въ зе́млю і҆и҃левꙋ: и҆зомро́ша бо и҆́щꙋщїи дꙋшѝ ѻ҆троча́те. ѻ҆́нъ же воста́въ, поѧ́тъ ѻ҆троча̀ и҆ мт҃рь є҆гѡ̀, и҆ прїи́де въ зе́млю і҆и҃левꙋ. слы́шавъ же, ꙗ҆́кѡ а҆рхела́й ца́рствꙋетъ во і҆ꙋде́и, вмѣ́стѡ и҆́рѡда ѻ҆тца̀ своегѡ̀, ᲂу҆боѧ́сѧ та́мѡ и҆тѝ. вѣ́сть же прїе́мь во снѣ̀, ѿи́де въ предѣ́лы галїлє́йскїѧ. и҆ прише́дъ всели́сѧ во гра́дѣ нарица́емѣмъ назаре́тъ: ꙗ҆́кѡ да сбꙋ́детсѧ рече́нное прⷪ҇рѡ́ки, ꙗ҆́кѡ назѡре́й нарече́тсѧ."
|
|
},
|
|
{
|
|
"type": "HEADER",
|
|
"value": "Та́же:"
|
|
},
|
|
{
|
|
"type": "TEXT",
|
|
"value": "Н е преда́ждь на́съ до конца̀ и҆́мене твоегѡ̀ ра́ди, / и҆ неразорѝ завѣ́та твоегѡ̀, / и҆ не ѿста́ви ми́лости твоеѧ̀ ѿ на́съ, / а҆враа́ма ра́ди возлю́бленнагѡ ѿ тебє̀, / и҆ за і҆саа́ка раба̀ твоего̀, / и҆ і҆и҃лѧ ст҃а́го твоего̀."
|
|
},
|
|
{
|
|
"type": "TEXT",
|
|
"value": "Та́же Трист҃о́е, и҆ по Ѻ҆́ч҃е на́шъ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃:"
|
|
},
|
|
{
|
|
"type": "TEXT",
|
|
"value": "Д в҃а дне́сь превѣ́чное сло́во / въ верте́пѣ грѧде́тъ роди́ти неизрече́ннѡ: / ликꙋ́й, вселе́ннаѧ, ᲂу҆слы́шавши, / просла́ви со а҆́гг҃лы и҆ па́стырьми / хотѧ́щаго ꙗ҆ви́тисѧ ѻ҆троча̀ мла́до, превѣ́чнаго бг҃а."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй, м҃."
|
|
},
|
|
{
|
|
"type": "HEADER",
|
|
"value": "И҆ моли́тва:"
|
|
},
|
|
{
|
|
"type": "TEXT",
|
|
"value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ, покланѧ́емый и҆ сла́вимый, хрⷭ҇тѐ бж҃е, долготерпѣли́ве, многоми́лостиве, многобл҃гоꙋтро́бне, и҆́же пра́вєдныѧ любѧ́й и҆ грѣ̑шныѧ ми́лꙋѧй, и҆́же всѧ̑ зовы́й ко спасе́нїю, ѡ҆бѣща́нїѧ ра́ди бꙋ́дꙋщихъ бла̑гъ. са́мъ, гдⷭ҇и, прїимѝ и҆ на́шѧ въ ча́съ се́й моли̑твы, и҆ и҆спра́ви живо́тъ на́шъ къ за́повѣдємъ твои̑мъ, дꙋ́шы на́шѧ ѡ҆свѧтѝ, тѣлеса̀ ѡ҆чи́сти: помышлє́нїѧ и҆спра́ви, мы̑сли ѡ҆чи́сти: и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней: ѡ҆градѝ на́съ ст҃ы́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы, ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй, три́жды."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Ч естнѣ́йшꙋю херꙋві̑мъ, / и҆ сла́внѣйшꙋю безъ сравне́нїѧ серафі̑мъ, / безъ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "И҆́ менемъ гдⷭ҇нимъ благословѝ, ѻ҆́ч҃е."
|
|
},
|
|
{
|
|
"type": "TEXT",
|
|
"value": "Свѧще́нникъ возглаша́етъ: Бж҃е, ᲂу҆ще́дри ны̀, и҆ благослови́ ны, просвѣтѝ лицѐ твоѐ на ны̀, и҆ поми́лꙋй ны̀."
|
|
},
|
|
{
|
|
"type": "HEADER",
|
|
"value": "Та́же моли́тва вели́кагѡ васі́лїа."
|
|
},
|
|
{
|
|
"type": "TEXT",
|
|
"value": "В лⷣко гдⷭ҇и і҆и҃се хрⷭ҇тѐ бж҃е на́шъ, долготерпѣ́вый ѡ҆ на́шихъ согрѣше́нїихъ, и҆ да́же до ны́нѣшнѧгѡ часа̀ приведы́й на́съ, въ ѻ҆́ньже на животворѧ́щемъ дре́вѣ ви́сѧ, благоразꙋ́мномꙋ разбо́йникꙋ, и҆́же въ ра́й пꙋтесотвори́лъ є҆сѝ вхо́дъ, и҆ сме́ртїю сме́рть разрꙋши́лъ є҆сѝ: ѡ҆чи́сти на́съ грѣ́шныхъ, и҆ недосто́йныхъ ра̑бъ твои́хъ, согрѣши́хомъ бо и҆ беззако́нновахомъ, и҆ нѣ́смы досто́йни возвестѝ ѻ҆чеса̀ на̑ша, и҆ воззрѣ́ти на высотꙋ̀ нбⷭ҇нꙋю: занѐ ѡ҆ста́вихомъ пꙋ́ть пра́вды твоеѧ̀, и҆ ходи́хомъ въ во́лѧхъ серде́цъ на́шихъ. но мо́лимъ твою̀ безмѣ́рнꙋю бла́гость: пощадѝ на́съ, гдⷭ҇и, по мно́жествꙋ ми́лости твоеѧ̀, и҆ спасѝ на́съ и҆́мене твоегѡ̀ ра́ди ст҃а́гѡ, ꙗ҆́кѡ и҆счезо́ша въ сꙋетѣ̀ дні́е на́ши: и҆змѝ на́съ и҆зъ рꙋкѝ сопроти́внагѡ, и҆ ѡ҆ста́ви на́мъ грѣхѝ на́шѧ, и҆ ᲂу҆мертвѝ плотско́е на́ше мꙋдрова́нїе, да ве́тхаго ѿложи́вше человѣ́ка, въ но́ваго ѡ҆блеце́мсѧ: и҆ тебѣ̀ поживе́мъ на́шемꙋ влⷣцѣ и҆ бл҃годѣ́телю. и҆ та́кѡ твои̑мъ послѣ́дꙋюще повелѣ́нїємъ, въ вѣ́чный поко́й дости́гнемъ: и҆дѣ́же є҆́сть всѣ́хъ веселѧ́щихсѧ жили́ще. ты́ бо є҆сѝ вои́стиннꙋ и҆́стинное весе́лїе и҆ ра́дость лю́бѧщихъ тѧ̀, хрⷭ҇тѐ бж҃е на́шъ: и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "HEADER",
|
|
"value": "Посе́мъ и҆з̾ѡбрази́тельнаѧ."
|
|
},
|
|
{
|
|
"type": "HEADER",
|
|
"value": "Ѱало́мъ р҃в."
|
|
},
|
|
{
|
|
"type": "TEXT",
|
|
"value": "Б лагословѝ, дꙋшѐ моѧ̀, гдⷭ҇а, и҆ всѧ̑ внꙋ́трєннѧѧ моѧ̑ и҆́мѧ ст҃о́е є҆гѡ̀. благословѝ, дꙋшѐ моѧ̀, гдⷭ҇а, и҆ не забыва́й всѣ́хъ воздаѧ́нїй є҆гѡ̀. ѡ҆чища́ющаго всѧ̑ беззакѡ́нїѧ твоѧ̑, и҆сцѣлѧ́ющаго всѧ̑ недꙋ́ги твоѧ̑. и҆збавлѧ́ющаго ѿ и҆стлѣ́нїѧ живо́тъ тво́й, вѣнча́ющаго тѧ̀ ми́лостїю и҆ щедро́тами. и҆сполнѧ́ющаго во благи́хъ жела́нїе твоѐ, ѡ҆бнови́тсѧ ꙗ҆́кѡ ѻ҆́рлѧ ю҆́ность твоѧ̀. творѧ́й ми́лѡстыни гдⷭ҇ь, и҆ сꙋдьбꙋ̀ всѣ̑мъ ѡ҆би̑димымъ. сказа̀ пꙋти̑ своѧ̑ мѡѷсе́ови, сыновѡ́мъ і҆и҃лєвымъ хотѣ̑нїѧ своѧ̑. ще́дръ и҆ ми́лостивъ гдⷭ҇ь, долготерпѣли́въ и҆ многоми́лостивъ. не до конца̀ прогнѣ́ваетсѧ, нижѐ въ вѣ́къ враждꙋ́етъ. не по беззако́нїємъ на́шымъ сотвори́лъ є҆́сть на́мъ, нижѐ по грѣхѡ́мъ на́шымъ возда́лъ є҆́сть на́мъ. ꙗ҆́кѡ по высотѣ̀ нбⷭ҇нѣй ѿ землѝ, ᲂу҆тверди́лъ є҆́сть гдⷭ҇ь ми́лость свою̀ на боѧ́щихсѧ є҆гѡ̀. є҆ли́кѡ ѿстоѧ́тъ восто́цы ѿ за̑падъ: ᲂу҆да́лилъ є҆́сть ѿ на́съ беззакѡ́нїѧ на̑ша. ꙗ҆́коже ще́дритъ ѻ҆те́цъ сы́ны, ᲂу҆ще́дри гдⷭ҇ь боѧ́щихсѧ є҆гѡ̀. ꙗ҆́кѡ то́й позна̀ созда́нїе на́ше, помѧнꙋ̀, ꙗ҆́кѡ пе́рсть є҆смы̀. человѣ́къ ꙗ҆́кѡ трава̀ дні́е є҆гѡ̀, ꙗ҆́кѡ цвѣ́тъ се́льный, та́кѡ ѡ҆цвѣте́тъ. ꙗ҆́кѡ дꙋ́хъ про́йде въ не́мъ, и҆ не бꙋ́детъ, и҆ не позна́етъ ктомꙋ̀ мѣ́ста своегѡ̀. ми́лость же гдⷭ҇нѧ ѿ вѣ́ка и҆ до вѣ́ка на боѧ́щихсѧ є҆гѡ̀. и҆ пра́вда є҆гѡ̀ на сынѣ́хъ сынѡ́въ хранѧ́щихъ завѣ́тъ є҆гѡ̀, и҆ по́мнѧщихъ за́пѡвѣди є҆гѡ̀ твори́ти ѧ҆̀. гдⷭ҇ь на нб҃сѝ ᲂу҆гото́ва прⷭ҇то́лъ сво́й, и҆ црⷭ҇тво є҆гѡ̀ всѣ́ми ѡ҆блада́етъ. благослови́те гдⷭ҇а всѝ а҆́гг҃ли є҆гѡ̀, си́льнїи крѣ́постїю, творѧ́щїи сло́во є҆гѡ̀, ᲂу҆слы́шати гла́съ слове́съ є҆гѡ̀. благослови́те гдⷭ҇а всѧ̑ си̑лы є҆гѡ̀, слꙋги̑ є҆гѡ̀, творѧ́щїи во́лю є҆гѡ̀. благослови́те гдⷭ҇а всѧ̑ дѣла̀ є҆гѡ̀: на всѧ́комъ мѣ́стѣ влⷣчества є҆гѡ̀, бл҃гословѝ, дꙋшѐ моѧ̀, гдⷭ҇а."
|
|
},
|
|
{
|
|
"type": "TEXT",
|
|
"value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
|
|
},
|
|
{
|
|
"type": "HEADER",
|
|
"value": "Ѱало́мъ рм҃є."
|
|
},
|
|
{
|
|
"type": "TEXT",
|
|
"value": "Х валѝ, дꙋшѐ моѧ̀, гдⷭ҇а, восхвалю̀ гдⷭ҇а въ животѣ̀ мое́мъ. пою̀ бг҃ꙋ моемꙋ̀, до́ндеже є҆́смь. не надѣ́йтесѧ на кнѧ́зи, на сы́ны человѣ́чєскїѧ, въ ни́хже нѣ́сть спасе́нїѧ. и҆зы́детъ дꙋ́хъ є҆гѡ̀, и҆ возврати́тсѧ въ зе́млю свою̀, въ то́й де́нь поги́бнꙋтъ всѧ̑ помышлє́нїѧ є҆гѡ̀. блаже́нъ, є҆мꙋ́же бг҃ъ і҆а́кѡвль помо́щникъ є҆гѡ̀, ᲂу҆пова́нїе є҆гѡ̀ на гдⷭ҇а бг҃а своего̀, сотво́ршаго нб҃о и҆ зе́млю, мо́ре и҆ всѧ̑, ꙗ҆̀же въ ни́хъ, хранѧ́щаго и҆́стинꙋ въ вѣ́къ, творѧ́щаго сꙋ́дъ ѡ҆би̑димымъ, даю́щаго пи́щꙋ а҆́лчꙋщымъ. гдⷭ҇ь рѣши́тъ ѡ҆кова̑нныѧ, гдⷭ҇ь ᲂу҆мꙋдрѧ́етъ слѣпцы̀, гдⷭ҇ь возво́дитъ низве́ржєнныѧ, гдⷭ҇ь лю́битъ првⷣники, гдⷭ҇ь храни́тъ прише́льцы, си́ра и҆ вдовꙋ̀ прїи́метъ, и҆ пꙋ́ть грѣ́шныхъ погꙋби́тъ. воцр҃и́тсѧ гдⷭ҇ь во вѣ́къ, бг҃ъ тво́й, сїѡ́не, въ ро́дъ и҆ ро́дъ."
|
|
},
|
|
{
|
|
"type": "TEXT",
|
|
"value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Є҆ диноро́дный сн҃е, и҆ сло́ве бж҃їй, безсме́ртенъ сы́й, / и҆ и҆зво́ливый спасе́нїѧ на́шегѡ ра́ди воплоти́тисѧ ѿ ст҃ы́ѧ бцⷣы и҆ приснодв҃ы марі́и, / непрело́жнѡ вочл҃вѣ́чивыйсѧ, / распны́йсѧ же, хрⷭ҇тѐ бж҃е, / сме́ртїю сме́рть попра́вый, / є҆ди́нъ сы́й ст҃ы́ѧ трⷪ҇цы, / спрославлѧ́емый ѻ҆ц҃ꙋ̀, и҆ ст҃о́мꙋ дх҃ꙋ, / спасѝ на́съ."
|
|
},
|
|
{
|
|
"type": "HEADER",
|
|
"value": "Та́же:"
|
|
},
|
|
{
|
|
"type": "TEXT",
|
|
"value": "В о црⷭ҇твїи твое́мъ помѧнѝ на́съ, гдⷭ҇и, / є҆гда̀ прїи́деши во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Б лаже́ни ни́щїи дх҃омъ, / ꙗ҆́кѡ тѣ́хъ є҆́сть црⷭ҇тво нбⷭ҇ное."
|
|
},
|
|
{
|
|
"type": "TEXT",
|
|
"value": "Б лаже́ни пла́чꙋщїи, / ꙗ҆́кѡ ті́и ᲂу҆тѣ́шатсѧ."
|
|
},
|
|
{
|
|
"type": "TEXT",
|
|
"value": "Б лаже́ни кро́тцыи, / ꙗ҆́кѡ ті́и наслѣ́дѧтъ зе́млю."
|
|
},
|
|
{
|
|
"type": "TEXT",
|
|
"value": "Б лаже́ни а҆́лчꙋщїи и҆ жа́ждꙋщїи пра́вды, / ꙗ҆́кѡ ті́и насы́тѧтсѧ."
|
|
},
|
|
{
|
|
"type": "TEXT",
|
|
"value": "Б лаже́ни ми́лостивїи, / ꙗ҆́кѡ ті́и поми́ловани бꙋ́дꙋтъ."
|
|
},
|
|
{
|
|
"type": "TEXT",
|
|
"value": "Б лаже́ни чи́стїи се́рдцемъ, / ꙗ҆́кѡ ті́и бг҃а ᲂу҆́зрѧтъ."
|
|
},
|
|
{
|
|
"type": "TEXT",
|
|
"value": "Б лаже́ни миротво́рцы, / ꙗ҆́кѡ ті́и сы́нове бж҃їи нарекꙋ́тсѧ."
|
|
},
|
|
{
|
|
"type": "TEXT",
|
|
"value": "Б лаже́ни и҆згна́ни пра́вды ра́ди, / ꙗ҆́кѡ тѣ́хъ є҆́сть црⷭ҇тво нбⷭ҇ное."
|
|
},
|
|
{
|
|
"type": "TEXT",
|
|
"value": "Б лаже́ни є҆стѐ, є҆гда̀ поно́сѧтъ ва́мъ, / и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ на вы̀, / лжꙋ́ще менє̀ ра́ди."
|
|
},
|
|
{
|
|
"type": "TEXT",
|
|
"value": "Р а́дꙋйтесѧ и҆ весели́тесѧ, / ꙗ҆́кѡ мзда̀ ва́ша мно́га на нб҃сѣ́хъ."
|
|
},
|
|
{
|
|
"type": "TEXT",
|
|
"value": "Не глаго́лемъ же на бл҃же́ннахъ пѣ́сней, ꙗ҆̀же въ мине́и, ни а҆пⷭ҇ла, ни є҆ѵⷢ҇лїа."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "П омѧнѝ на́съ, гдⷭ҇и, / є҆гда̀ прїи́деши во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "П омѧнѝ на́съ, влⷣко, / є҆гда̀ прїи́деши во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "П омѧнѝ на́съ, ст҃ы́й, / є҆гда̀ прїи́деши во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Ли́къ нбⷭ҇ный пое́тъ тѧ̀, и҆ гл҃го́летъ: / ст҃ъ, ст҃ъ, ст҃ъ гдⷭ҇ь саваѡ́ѳъ, / и҆спо́лнь нб҃о и҆ землѧ̀ сла́вы твоеѧ̀."
|
|
},
|
|
{
|
|
"type": "TEXT",
|
|
"value": "П ристꙋпи́те къ немꙋ̀, и҆ просвѣти́тесѧ, / и҆ лица̀ ва̑ша не постыдѧ́тсѧ."
|
|
},
|
|
{
|
|
"type": "TEXT",
|
|
"value": "Ли́къ нбⷭ҇ный пое́тъ тѧ̀, и҆ гл҃го́летъ: / ст҃ъ, ст҃ъ, ст҃ъ гдⷭ҇ь саваѡ́ѳъ, / и҆спо́лнь нб҃о и҆ землѧ̀ сла́вы твоеѧ̀."
|
|
},
|
|
{
|
|
"type": "TEXT",
|
|
"value": "Сла́ва: Ли́къ ст҃ы́хъ а҆́гг҃лъ и҆ а҆рха́гг҃лъ, / со всѣ́ми нбⷭ҇ными си́лами, пое́тъ тѧ̀, и҆ глаго́летъ: / ст҃ъ, ст҃ъ, ст҃ъ гдⷭ҇ь саваѡ́ѳъ, / и҆спо́лнь нб҃о и҆ землѧ̀ сла́вы твоеѧ̀."
|
|
},
|
|
{
|
|
"type": "TEXT",
|
|
"value": "И҆ ны́нѣ:"
|
|
},
|
|
{
|
|
"type": "HEADER",
|
|
"value": "И҆сповѣ́данїе правосла́вныѧ вѣ́ры."
|
|
},
|
|
{
|
|
"type": "TEXT",
|
|
"value": "[А҆́ще є҆́сть лїтꙋргі́а, здѣ̀ не глаго́лемъ, но по И҆ ны́нѣ, глаго́лемъ: Ѡ҆сла́би, ѡ҆ста́ви: и҆ прѡ́чаѧ.]"
|
|
},
|
|
{
|
|
"type": "TEXT",
|
|
"value": "В ѣ́рꙋю во є҆ди́наго бг҃а ѻ҆ц҃а̀ вседержи́телѧ, творца̀ нб҃ꙋ и҆ землѝ, ви̑димымъ же всѣ̑мъ и҆ неви̑димымъ. и҆ во є҆ди́наго гдⷭ҇а і҆и҃са хрⷭ҇та̀, сн҃а бж҃їѧ, є҆диноро́днаго, и҆́же ѿ ѻ҆ц҃а̀ рожде́ннаго пре́жде всѣ́хъ вѣ̑къ. свѣ́та ѿ свѣ́та, бг҃а и҆́стинна, ѿ бг҃а и҆́стинна, рожде́нна, не сотворе́нна, є҆диносꙋ́щна ѻ҆ц҃ꙋ̀, и҆́мже всѧ̑ бы́ша. на́съ ра́ди человѣ̑къ, и҆ на́шего ра́ди спасе́нїѧ, сше́дшаго съ нб҃съ, и҆ воплоти́вшагосѧ ѿ дх҃а ст҃а и҆ мр҃і́и дв҃ы, и҆ вочл҃вѣ́чшасѧ. распѧ́таго же за ны̀, при понті́йстѣмъ пїла́тѣ, и҆ страда́вша, и҆ погребе́нна, и҆ воскре́сшаго въ тре́тїй де́нь, по писа́нїемъ. и҆ возше́дшаго на нб҃са̀, и҆ сѣдѧ́ща ѡ҆деснꙋ́ю ѻ҆ц҃а̀. и҆ па́ки грѧдꙋ́щаго со сла́вою, сꙋди́ти живы̑мъ и҆ мє́ртвымъ, є҆гѡ́же црⷭ҇твїю не бꙋ́детъ конца̀. и҆ въ дх҃а ст҃а́го, гдⷭ҇а, животворѧ́щаго, и҆́же ѿ ѻ҆ц҃а̀ и҆сходѧ́щаго, и҆́же со ѻ҆ц҃е́мъ и҆ сн҃омъ спокланѧ́ема, и҆ ссла́вима глаго́лавшаго прорѡ́ки. во є҆ди́нꙋ ст҃ꙋ́ю, собо́рнꙋю и҆ а҆пⷭ҇тольскꙋю цр҃ковь. и҆сповѣ́дꙋю є҆ди́но креще́нїе во ѡ҆ставле́нїе грѣхѡ́въ. ча́ю воскресе́нїѧ ме́ртвыхъ: и҆ жи́зни бꙋ́дꙋщагѡ вѣ́ка, а҆ми́нь."
|
|
},
|
|
{
|
|
"type": "HEADER",
|
|
"value": "Та́же моли́тва:"
|
|
},
|
|
{
|
|
"type": "TEXT",
|
|
"value": "Ѡ҆ сла́би, ѡ҆ста́ви, простѝ, бж҃е, прегрѣшє́нїѧ на̑ша, вѡ́льнаѧ и҆ невѡ́льнаѧ, / ꙗ҆̀же въ сло́вѣ и҆ въ дѣ́лѣ, / ꙗ҆̀же въ вѣ́дѣнїи и҆ не въ вѣ́дѣнїи, / ꙗ҆̀же во днѝ и҆ въ нощѝ, / ꙗ҆̀же во ᲂу҆мѣ̀ и҆ въ помышле́нїи, / всѧ̑ на́мъ простѝ, ꙗ҆́кѡ бл҃гъ и҆ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Ꙗ҆́кѡ твоѐ є҆́сть црⷭ҇тво: И҆ мы̀: А҆ми́нь."
|
|
},
|
|
{
|
|
"type": "HEADER",
|
|
"value": "И҆ конда́къ, гла́съ г҃:"
|
|
},
|
|
{
|
|
"type": "TEXT",
|
|
"value": "Д в҃а дне́сь превѣ́чное сло́во / въ верте́пѣ грѧде́тъ роди́ти неизрече́ннѡ: / ликꙋ́й, вселе́ннаѧ, ᲂу҆слы́шавши, / просла́ви со а҆́гг҃лы и҆ па́стырьми / хотѧ́щаго ꙗ҆ви́тисѧ ѻ҆троча̀ мла́до, превѣ́чнаго бг҃а."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй, м҃."
|
|
},
|
|
{
|
|
"type": "HEADER",
|
|
"value": "Та́же моли́твꙋ сїю̀:"
|
|
},
|
|
{
|
|
"type": "TEXT",
|
|
"value": "В сест҃а́ѧ трⷪ҇це, є҆диносꙋ́щнаѧ держа́во, нераздѣ́льное ца́рство, всѣ́хъ благи́хъ вина̀: благоволи́ же и҆ ѡ҆ мнѣ̀ грѣ́шнѣмъ. ᲂу҆твердѝ, вразꙋмѝ се́рдце моѐ, и҆ всю̀ мою̀ ѿимѝ скве́рнꙋ. просвѣтѝ мою̀ мы́сль, да вы́нꙋ сла́влю, пою̀, и҆ покланѧ́юсѧ, и҆ глаго́лю: є҆ди́нъ свѧ́тъ, є҆ди́нъ гдⷭ҇ь, і҆и҃съ хрⷭ҇то́съ, во сла́вꙋ бг҃а ѻ҆ц҃а̀, а҆ми́нь."
|
|
},
|
|
{
|
|
"type": "HEADER",
|
|
"value": "Та́же,"
|
|
},
|
|
{
|
|
"type": "TEXT",
|
|
"value": "Д осто́йно є҆́сть ꙗ҆́кѡ вои́стиннꙋ, / блажи́ти тѧ̀ бцⷣꙋ, / приснобл҃же́ннꙋю, и҆ пренепоро́чнꙋю, и҆ мт҃рь бг҃а на́шегѡ. / честѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ. И҆ ѿпꙋ́стъ днѐ."
|
|
},
|
|
{
|
|
"type": "TEXT",
|
|
"value": "И҆ быва́етъ росхо́дъ до часа̀ вече́рнѧгѡ. Вече́рнѧ же быва́етъ съ лїтꙋргі́ею васі́лїа вели́кагѡ во своѐ вре́мѧ: ѱало́мъ же, Благословлю̀ гдⷭ҇а: Глаго́лемъ на лїтꙋргі́и по заамво́нной моли́твѣ."
|
|
},
|
|
{
|
|
"type": "HEADER",
|
|
"value": "А҆́ще же нѣ́сть лїтꙋргі́и, глаго́лемъ здѣ̀:"
|
|
},
|
|
{
|
|
"type": "TEXT",
|
|
"value": "Б ꙋ́ди и҆́мѧ гдⷭ҇не благослове́но ѿ ны́нѣ и҆ до вѣ́ка. Три́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ: ѱало́мъ л҃г:"
|
|
},
|
|
{
|
|
"type": "TEXT",
|
|
"value": "Б лагословлю̀ гдⷭ҇а на всѧ́кое вре́мѧ, вы́нꙋ хвала̀ є҆гѡ̀ во ᲂу҆стѣ́хъ мои́хъ. ѡ҆ гдⷭ҇ѣ похва́литсѧ дꙋша̀ моѧ̀, да ᲂу҆слы́шатъ кро́тцыи, и҆ возвеселѧ́тсѧ. возвели́чите гдⷭ҇а со мно́ю, и҆ вознесе́мъ и҆́мѧ є҆гѡ̀ вкꙋ́пѣ. взыска́хъ гдⷭ҇а, и҆ ᲂу҆слы́ша мѧ̀, и҆ ѿ всѣ́хъ скорбе́й мои́хъ и҆зба́ви мѧ̀. пристꙋпи́те къ немꙋ̀, и҆ просвѣти́тесѧ, и҆ ли́ца ва́ша не постыдѧ́тсѧ. се́й ни́щїй воззва̀, и҆ гдⷭ҇ь ᲂу҆слы́ша и҆̀, и҆ ѿ всѣ́хъ скорбе́й є҆гѡ̀ спасѐ и҆̀. ѡ҆полчи́тсѧ а҆́гг҃лъ гдⷭ҇ень ѻ҆́крестъ боѧ́щихсѧ є҆гѡ̀, и҆ и҆зба́витъ и҆̀хъ: вкꙋси́те, и҆ ви́дите, ꙗ҆́кѡ бл҃гъ гдⷭ҇ь. блаже́нъ мꙋ́жъ, и҆́же ᲂу҆пова́етъ на́нь. бо́йтесѧ гдⷭ҇а всѝ ст҃і́и є҆гѡ̀, ꙗ҆́кѡ нѣ́сть лише́нїѧ боѧ́щымсѧ є҆гѡ̀. бога́тїи ѡ҆бнища́ша и҆ взалка́ша: взыска́ющїи же гдⷭ҇а не лиша́тсѧ всѧ́кагѡ бла́га. прїиди́те, ча̑да, послꙋ́шайте менѐ, стра́хꙋ гдⷭ҇ню наꙋчꙋ̀ ва́съ. кто̀ є҆́сть человѣ́къ, хотѧ́й живо́тъ, любѧ́й дни̑ ви́дѣти бла́ги; ᲂу҆держѝ ѧ҆зы́къ тво́й ѿ ѕла̀, и҆ ᲂу҆стнѣ̀ твоѝ, є҆́же не глаго́лати льстѝ. ᲂу҆клони́сѧ ѿ ѕла̀, и҆ сотворѝ бла́го: взыщѝ ми́ра, и҆ поженѝ и҆̀. ѻ҆́чи гдⷭ҇ни на пра́вєдныѧ, и҆ ᲂу҆́ши є҆гѡ̀ въ моли́твꙋ и҆́хъ. лице́ же гдⷭ҇не на творѧ́щыѧ ѕла̑ѧ, є҆́же потреби́ти ѿ землѝ па́мѧть и҆́хъ. воззва́ша пра́веднїи, и҆ гдⷭ҇ь ᲂу҆слы́ша и҆̀хъ, и҆ ѿ всѣ́хъ скорбе́й и҆́хъ и҆зба́ви и҆̀хъ. бли́зъ гдⷭ҇ь сокрꙋше́нныхъ се́рдцемъ, и҆ смирє́нныѧ дꙋ́хомъ спасе́тъ. мнѡ́ги скѡ́рби пра́вєднымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь. храни́тъ гдⷭ҇ь всѧ̑ кѡ́сти и҆́хъ, ни є҆ди́на ѿ ни́хъ сокрꙋши́тсѧ. сме́рть грѣ́шникѡвъ люта̀, и҆ ненави́дѧщїи пра́веднаго прегрѣша́тъ. и҆зба́витъ гдⷭ҇ь дꙋ́шы ра̑бъ свои́хъ, и҆ не прегрѣша́тъ всѝ ᲂу҆пова́ющїи на него̀."
|
|
},
|
|
{
|
|
"type": "TEXT",
|
|
"value": "Д осто́йно є҆́сть ꙗ҆́кѡ вои́стиннꙋ, / блажи́ти тѧ̀ бцⷣꙋ, / приснобл҃же́ннꙋю, и҆ пренепоро́чнꙋю, и҆ мт҃рь бг҃а на́шегѡ. / честѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ. И҆ ѿпꙋ́стъ."
|
|
},
|
|
{
|
|
"type": "TEXT",
|
|
"value": "[Зрѝ] Подоба́етъ вѣ́дати: А҆́ще въ сꙋббѡ́тꙋ, и҆лѝ въ недѣ́лю бꙋ́детъ на́вечерїе, лїтꙋргі́а златоꙋ́стова пое́тсѧ. Вели́кагѡ же васі́лїа лїтꙋргі́а пое́тсѧ на са́мый пра́здникъ. Та́кожде твори́мъ и҆ на пра́здникъ ст҃ы́хъ бг҃оѧвле́нїй. Блюдѝ, ꙗ҆́кѡ є҆гда̀ нѣ́сть сꙋббѡ́ты, и҆лѝ недѣ́ли, въ на́вечерїе, тогда̀ быва́етъ лїтꙋргі́а васі́лїа вели́кагѡ, а҆ въ де́нь пра́здника лїтꙋргі́а златоꙋ́стова быва́етъ. Си́це же и҆ въ пра́здникъ бг҃оѧвле́нїѧ."
|
|
},
|
|
{
|
|
"type": "TEXT",
|
|
"value": "[Зрѝ] Разꙋ́мно же бꙋ́ди и҆ ѡ҆ се́мъ, ꙗ҆́кѡ ѿ хрⷭ҇то́ва ржⷭ҇тва̀, и҆ до ст҃ы́хъ бг҃оѧвле́нїй, ника́коже по́стъ, ни колѣнопоклонє́нїѧ быва́ютъ, нижѐ въ це́ркви, нижѐ въ ке́ллїахъ."
|
|
},
|
|
{
|
|
"type": "TEXT",
|
|
"value": "Вѣ́домо же бꙋ́ди: А҆́ще слꙋчи́тсѧ ржⷭ҇тво̀ хрⷭ҇то́во, и҆лѝ бг҃оѧвле́нїе въ недѣ́лю, воскрⷭ҇но ничто́же пое́мъ."
|
|
}
|
|
] |