1478 lines
127 KiB
JSON
1478 lines
127 KiB
JSON
[
|
|
{
|
|
"type": "HEADER",
|
|
"value": "Мѣ́сѧца а҆́ѵгꙋста въ а҃-й де́нь. Происхожде́нїе честны́хъ дре́въ, честна́гѡ и҆ животворѧ́щагѡ крⷭ҇та̀. И҆ па́мѧть ст҃ы́хъ седмѝ мꙋ́чєникъ маккавє́й. И҆ ма́тере и҆́хъ соломѡні́и и҆ ᲂу҆чи́телѧ и҆́хъ є҆леаза́ра."
|
|
},
|
|
{
|
|
"type": "TEXT",
|
|
"value": "ⷤ На вече́рни ⷤ На ᲂу҆́трени ⷤ На лїтꙋргі́и ⷤ На ѡ҆свѧще́нїи воды̀"
|
|
},
|
|
{
|
|
"type": "HEADER",
|
|
"value": "На вече́рни."
|
|
},
|
|
{
|
|
"type": "TEXT",
|
|
"value": "Ѻ҆бы́чнаѧ каѳі́сма."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры на ѕ҃. Крⷭ҇та̀ г҃, гла́съ д҃. Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "Д не́сь ра́дꙋетсѧ вѣ́рныхъ мно́жество бжⷭ҇твенное: / ꙗ҆влѧ́етсѧ бо нбⷭ҇ный крⷭ҇тъ концє́мъ, / ѡ҆сїѧва́етъ тве́рдь свѣ́томъ непристꙋ́пнымъ, / воздꙋ́хъ ѡ҆зарѧ́етъ, / и҆ землѝ лицѐ ᲂу҆краша́етъ. / пое́тъ бжⷭ҇твенными пѣ́сньми цр҃ковь хрⷭ҇то́ва, / слꙋ́житъ почита́ющи, / свы́ше ю҆̀ соблюда́ющїй крⷭ҇тъ бжⷭ҇твенный и҆ пречꙋ́дный. / є҆гѡ́же си́лою ᲂу҆крѣплѧ́еми, / влⷣцѣ пристꙋ́пимъ зовꙋ́ще: / ᲂу҆мирѝ мі́ръ, и҆ просвѣтѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Д а ра́дꙋетсѧ тва́рь и҆ и҆гра́етъ: / дне́сь бо ѡ҆блиста̀ крⷭ҇тъ въ концѣ́хъ съ нб҃сѐ, / земна̑ѧ просвѣща́ѧ, / и҆ совокꙋ́плены показа̀ расточє́ныѧ. / дне́сь ликꙋ́ютъ съ ли́ки а҆́гг҃льскими человѣ́цы, / и҆́бо бранѧ́щее средогра́дїе крⷭ҇то́мъ разоре́но, / во є҆ди́но всѧ̑ ꙗ҆́вѣ совокꙋпѝ. / тѣ́мъ предсїѧ́ѧ па́че со́лнца, / всю̀ тва́рь просвѣща́етъ благода́тїю, / и҆ ᲂу҆ѧснѧ́етъ и҆ спаса́етъ / вѣ́рнѡ того̀ чтꙋ́щыѧ."
|
|
},
|
|
{
|
|
"type": "TEXT",
|
|
"value": "П а́че со́лнечныѧ зарѝ, / хотѧ́й мі́рови ꙗ҆́коже скѵ́птръ честны́й, / цр҃ѧ̀ хрⷭ҇та̀ и҆ кончи́нꙋ показа́ти, / кре́стъ бжⷭ҇твенный сѐ предсїѧ́етъ ꙗ҆́снѡ въ концѣ́хъ. / се́й возведѐ и҆зъ а҆́да ро́дъ человѣ́чь, / а҆́да вельмѝ плѣни́въ, врага̀ низложи́въ, / де́мѡнѡвъ горды́ню до конца̀ погꙋбѝ. / ны́нѣ же проѧвлѧ́етъ воскресе́нїе сп҃сово, / и҆ спаса́етъ зовꙋ́щыѧ, / ᲂу҆мирѝ мі́ръ и҆ просвѣтѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ст҃ы́хъ г҃, гла́съ а҃. Подо́бенъ: Всехва́льнїи мꙋ́чєницы:"
|
|
},
|
|
{
|
|
"type": "TEXT",
|
|
"value": "З ако́на ве́рхъ, седмїю̀ столпы̑ возвы́шенъ, / мꙋчи́тельство не поколеба̀: / и҆́бо ско́тскїй гони́телѧ гнѣ́въ мꙋ́жески претерпѣ́ша, / тѣ́ло преда́вше сѣкꙋ́щымъ, / благоро́днїи ю҆́ношы и҆ бра́тїѧ, / мѡѷсе́йскимъ преда́нїємъ храни́телїе."
|
|
},
|
|
{
|
|
"type": "TEXT",
|
|
"value": "П а́че зри́мыхъ ᲂу҆́мъ вои́стиннꙋ возвы́сивше, / ᲂу҆́ды плѡтскі́ѧ ѿсѣца́хꙋ, / благочести́вїи и҆ до́блїи ѻ҆́троцы, / съ ма́терїю бг҃омꙋ́дрою, / вели́кими наде́ждами вжилѧ́еми, / ꙗ҆̀же ны́нѣ полꙋчи́ша, / ᲂу҆ а҆враа́ма почи́вше на ло́нѣхъ пра́ѻтца своегѡ̀."
|
|
},
|
|
{
|
|
"type": "TEXT",
|
|
"value": "Д ꙋше́вною до́блестїю тве́рдѡ себѐ воѡрꙋжи́вше, / и҆ ꙗ҆́рость ꙗ҆́кѡ преѡби́дѣвше, / проти́вꙋ борцꙋ̀ крѣ́пкѡ прилѣжа́хꙋ / благоче́стїѧ ра́ди, / и҆ зако́на ѻ҆те́ческагѡ хране́нїемъ, / свѧще́ннѣйшїй є҆леаза́ръ и҆ премꙋ́дрїи ю҆́ношы, / съ ма́терїю бг҃омꙋ́дрою."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. І҆ѡа́нна мона́ха:"
|
|
},
|
|
{
|
|
"type": "TEXT",
|
|
"value": "С т҃і́и маккаве́и мꙋчи́телю глаго́лахꙋ: / на́мъ, ѽ а҆нтїо́ше є҆ди́нъ цр҃ь бг҃ъ, ѿ негѡ́же бы́хомъ, / и҆ къ немꙋ̀ ѡ҆браща́емсѧ: / мі́ръ жде́тъ и҆́нъ на́съ, / ви́димагѡ высоча́йшїй и҆ твердѣ́йшїй: / ѻ҆те́чество же на́мъ і҆ерⷭ҇ли́мъ крѣ́пкїй и҆ неги́бнꙋщїй: / торжество́ же, є҆́же со а҆́гг҃лы житїѐ. / гдⷭ҇и, моли́твами и҆́хъ поми́лꙋй и҆ спасѝ на́съ."
|
|
},
|
|
{
|
|
"type": "HEADER",
|
|
"value": "И҆ ны́нѣ, гла́съ то́йже. І҆ѡа́нна мона́ха:"
|
|
},
|
|
{
|
|
"type": "TEXT",
|
|
"value": "Є҆ го́же дре́вле мѡѷсе́й проѡбразова́въ собо́ю, / а҆мали́ка низложи́въ побѣдѝ: / и҆ дв҃дъ пѣснопѣ́вецъ, / подно́жїю твоемꙋ̀, вопїѧ̀, кла́нѧтисѧ повелѣва́ше, / честно́мꙋ крⷭ҇тꙋ̀ твоемꙋ̀, хрⷭ҇тѐ бж҃е, / дне́сь грѣ́шнїи кла́нѧемсѧ, / ᲂу҆стна́ми недосто́йными, / тѧ̀ и҆зво́лившаго пригвозди́тисѧ на не́мъ, воспѣва́юще мо́лимсѧ: / гдⷭ҇и, съ разбо́йникомъ црⷭ҇твїѧ твоегѡ̀ сподо́би на́съ."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха. Сла́ва, гла́съ и҃. Космы̀ мона́ха:"
|
|
},
|
|
{
|
|
"type": "TEXT",
|
|
"value": "Д ꙋ́шы пра́ведныхъ въ рꙋцѣ̀ гдⷭ҇ни, / ꙗ҆́коже а҆враа́ма и҆ і҆саа́ка и҆ і҆а́кѡва, / и҆̀же пре́жде зако́на пра́ѻтцы, и҆ маккаве́ѡвъ пра́дѣди, / ны́нѣ восхвалѧ́емыхъ ѿ на́съ: / сі́и бо крѣпкодꙋ́шнїи а҆враа́мстїи внꙋ́цы сꙋ́ще, / вѣ́рѣ поревнова́вше своегѡ̀ пра́ѻтца а҆враа́ма, / и҆ да́же до сме́рти подвиза́шасѧ за благоче́стїе. / благоче́стнѡ бо воспита́вшесѧ, / и҆ зако́ннѡ пострада́вше, / нече́стїе ѡ҆бличи́ша го́рдагѡ а҆нтїо́ха: / и҆ ничто́же предпоче́тше вре́менныѧ жи́зни / вѣ́чныѧ ра́ди, всѧ̑ бг҃ꙋ возложи́ша: / дꙋ́шꙋ, мꙋ́жество, ра́зꙋмъ, / тѣ́ло мѧ́гкое, и҆ воздаѧ̑нїѧ чистоты̀ воспита́нїемъ. / ѽ ко́рене благочести́ва, / и҆зъ негѡ́же вы̀ прозѧбо́сте, маккаве́и! / ѽ ма́тере ст҃ы́ѧ, / ро́ждшїѧ равночи́сленное седмери́цы число̀! / но мо́лимъ ва́съ, маккаве́и, / съ ма́терїю ва́шею соломѡні́ею, / и҆ мꙋ́дрымъ свѧще́нникомъ є҆леаза́ромъ, / є҆гда̀ предстоитѐ хрⷭ҇тꙋ̀ бг҃ꙋ, / є҆гѡ́же ра́ди потрꙋди́стесѧ, / трꙋды̀ плодѡ́въ ва́шихъ прїѧ́ти ѿ негѡ̀, / прилѣ́жнꙋ мольбꙋ̀ сотвори́те ѡ҆ человѣ́чествѣ: / твори́тъ бо, є҆ли́кѡ хо́щетъ, / и҆ и҆спо́лнитъ хотѣ̑нїѧ ва̑ша боѧ́щихсѧ є҆гѡ̀."
|
|
},
|
|
{
|
|
"type": "TEXT",
|
|
"value": "И҆ ны́нѣ, гла́съ то́йже: Гла́съ прⷪ҇ро́ка твоегѡ̀ мѡѷсе́а, бж҃е, / и҆спо́лнисѧ, глаго́лѧй: / ᲂу҆́зрите живо́тъ ва́шъ, ви́сѧщъ предъ ѻ҆чесы̀ ва́шими. / дне́сь крⷭ҇тъ воздвиза́етсѧ, / и҆ мі́ръ ѿ ле́сти свобожда́етсѧ: / дне́сь хрⷭ҇то́во воскрⷭ҇нїе ѡ҆бновлѧ́етсѧ, / и҆ концы̀ землѝ ра́дꙋютсѧ, / въ кѷмва́лѣхъ дв҃дски пѣ́снь тебѣ̀ приносѧ́ще и҆ глаго́люще: / содѣ́лалъ є҆сѝ спасе́нїе посредѣ̀ землѝ, бж҃е, / крⷭ҇тъ и҆ воскресе́нїе: / и҆́хже ра́ди на́съ спа́слъ є҆сѝ, бл҃же и҆ чл҃вѣколю́бче, / всеси́льне гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "Б олѣ́зньми ст҃ы́хъ, и҆́миже ѡ҆ тебѣ̀ пострада́ша, / ᲂу҆моле́нъ бꙋ́ди, гдⷭ҇и, / и҆ всѧ̑ на́шѧ болѣ̑зни и҆сцѣлѝ, / чл҃вѣколю́бче, мо́лимсѧ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ то́йже: Спасѝ, гдⷭ҇и, лю́ди твоѧ̑, / и҆ благословѝ достоѧ́нїе твоѐ, / побѣ̑ды на сопроти̑вныѧ да́рꙋѧ, / и҆ твоѐ сохранѧ́ѧ крⷭ҇то́мъ твои́мъ жи́тельство."
|
|
},
|
|
{
|
|
"type": "TEXT",
|
|
"value": "И҆звѣ́стно же да быва́етъ: ꙗ҆́кѡ пре́жде клепа́нїѧ вхо́дитъ і҆ере́й въ сосꙋдохрани́тельницꙋ, и҆ полага́етъ честны́й крⷭ҇тъ на же́ртвенницѣ. И҆ по ѿпꙋще́нїи вече́рни, і҆ере́й и҆ дїа́конъ ѡ҆блекꙋ́тсѧ въ ри̑зы. И҆ дїа́конъ покади́тъ честны́й крⷭ҇тъ, и҆ рече́тъ: Благословѝ, влады́ко. І҆ере́й: Бл҃гослове́нъ бг҃ъ на́шъ: Та́же: Трист҃о́е: По Ѻ҆́ч҃е на́шъ: тропа́рь крⷭ҇та̀: Сла́ва, и҆ ны́нѣ, конда́къ. И҆ взима́етъ і҆ере́й крⷭ҇тъ съ блю́домъ на главꙋ̀, и҆ вно́ситъ во ѻ҆лта́рь. пред̾и́дꙋтъ предъ ни́мъ со двѣма̀ лампа́дами. И҆ полага́етъ крⷭ҇тъ на трапе́зѣ, на є҆ѵⷢ҇льскомъ мѣ́стѣ: а҆ є҆ѵⷢ҇лїе на го́рнее мѣ́сто. И҆ возжгꙋ́тъ предъ ни́мъ свѣщꙋ̀ на всю̀ но́щь."
|
|
},
|
|
{
|
|
"type": "HEADER",
|
|
"value": "На ᲂу҆́трени."
|
|
},
|
|
{
|
|
"type": "HEADER",
|
|
"value": "На Бг҃ъ гдⷭ҇ь: тропа́рь крⷭ҇та̀, два́жды, гла́съ а҃:"
|
|
},
|
|
{
|
|
"type": "TEXT",
|
|
"value": "С пасѝ, гдⷭ҇и, лю́ди твоѧ̑, / и҆ благословѝ достоѧ́нїе твоѐ, / побѣ̑ды на сопроти̑вныѧ да́рꙋѧ, / и҆ твоѐ сохранѧ́ѧ крⷭ҇то́мъ твои́мъ жи́тельство."
|
|
},
|
|
{
|
|
"type": "HEADER",
|
|
"value": "Сла́ва, мꙋ́ченикѡвъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Б олѣ́зньми ст҃ы́хъ, и҆́миже ѡ҆ тебѣ̀ пострада́ша, / ᲂу҆моле́нъ бꙋ́ди, гдⷭ҇и, / и҆ всѧ̑ на́шѧ болѣ̑зни и҆сцѣлѝ, / чл҃вѣколю́бче, мо́лимсѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ, крⷭ҇та̀."
|
|
},
|
|
{
|
|
"type": "TEXT",
|
|
"value": "И҆ ѻ҆бы̑чныѧ каѳі̑смы, и҆ сѣда́льны ѻ҆ктѡ́иха. И҆ чте́нїе."
|
|
},
|
|
{
|
|
"type": "TEXT",
|
|
"value": "Канѡ́нъ ѻ҆ктѡ́иха є҆ди́нъ, на д҃: и҆ крⷭ҇та̀ на ѕ҃, гла́съ ѕ҃: и҆ мꙋ́ченикѡвъ на д҃, гла́съ и҃. А҆́ще ли слꙋчи́тсѧ пра́здникъ се́й въ сꙋббѡ́тꙋ: и҆ а҆́ще хра́мъ хрⷭ҇то́въ, и҆лѝ бцⷣы: и҆ пое́мъ канѡ́нъ хра́ма со і҆рмосо́мъ на д҃: и҆ крⷭ҇та̀ на ѕ҃: и҆ ст҃ы́хъ на д҃. Катава́сїа, Крⷭ҇тъ начерта́въ:"
|
|
},
|
|
{
|
|
"type": "HEADER",
|
|
"value": "Канѡ́нъ крⷭ҇та̀, є҆гѡ́же краегране́сїе: Крⷭ҇тꙋ̀ покланѧ́юсѧ, вѣ́рныхъ спасе́нїю. Гла́съ ѕ҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ по сꙋ́хꙋ пѣшеше́ствовавъ і҆и҃ль, / по бе́зднѣ стопа́ми, / гони́телѧ фараѡ́на / ви́дѧ потоплѧ́ема, / бг҃ꙋ побѣ́днꙋю пѣ́снь пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "К рⷭ҇тꙋ̀ вѣ́рныхъ спасе́нїю покланѧ́юсѧ, / и҆ те́плѣ ѡ҆блобыза́ю, и҆ ѡ҆б̾е́млѧ вопїю̀: / дре́во всеблаже́нное хрⷭ҇то́во, / дꙋ́шꙋ мою̀ и҆ ᲂу҆́мъ просвѣтѝ, молю́сѧ."
|
|
},
|
|
{
|
|
"type": "TEXT",
|
|
"value": "П обѣдоно́сно ꙗ҆ви́сѧ на стра̑сти и҆ бѣ́сы, дне́сь зна́менїе крⷭ҇та̀. / тѣ́мже вѣ́рнїи всѝ свѣ́тлѡ просвѣ́щше дꙋ́шы, ны́нѣ ѡ҆блобыза́емъ."
|
|
},
|
|
{
|
|
"type": "TEXT",
|
|
"value": "Л ꙋчеза̑рнаѧ ѡ҆блиста́етъ сїѧ̑нїѧ крⷭ҇тъ честны́й, / и҆ просвѣща́етъ вѣ́рнѡ покланѧ́ющыѧсѧ є҆мꙋ̀ дне́сь, / ѡ҆свѧща́ѧ дꙋ́шы на́шѧ и҆ тѣлеса̀."
|
|
},
|
|
{
|
|
"type": "TEXT",
|
|
"value": "Ж изнода́тельный крⷭ҇тъ предлежа́щъ, и҆ зри́мь, / свѣтови́днꙋю зарю̀ препосыла́етъ благода́тей: / пристꙋ́пимъ и҆ прїи́мемъ просвѣще́нїе, весе́лїе, и҆ спасе́нїе, и҆ ѡ҆ставле́нїе, / хвале́нїе гдⷭ҇еви приносѧ́ще."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Прест҃а́ѧ дв҃о, ꙗ҆́же хрⷭ҇та̀ пло́тїю ро́ждши, / пострада́вшаго на́съ ра́ди во́лею на крⷭ҇тѣ̀, / тѧ̀ блажа́щыѧ че́стнѡ, спаса́й мольба́ми твои́ми."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ мꙋ́ченикѡвъ, на д҃. Гла́съ и҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Во́дꙋ проше́дъ ꙗ҆́кѡ сꙋ́шꙋ, / и҆ є҆гѵ́петскагѡ ѕла̀ и҆збѣжа́въ, / і҆и҃льтѧнинъ вопїѧ́ше: / и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Л и́къ седмочи́сленныхъ страда́лєцъ ꙗ҆́вльсѧ, є҆ди́нымъ нра́вомъ въ лю́тыхъ, / по ᲂу҆твержде́нїю ѻ҆те́ческагѡ зако́на, ᲂу҆мре́ти не ѿреко́шасѧ."
|
|
},
|
|
{
|
|
"type": "TEXT",
|
|
"value": "С ла́вꙋ презрѣ́вше, ꙗ҆́же на землѝ, жела́нїемъ бжⷭ҇твеннагѡ црⷭ҇твїѧ, / всѧ́кꙋ болѣ́знь претерпѣ́ша бжⷭ҇твеннїи маккаве́и: / тѣ́мже досто́йнѡ ны́нѣ чтꙋ́тсѧ."
|
|
},
|
|
{
|
|
"type": "TEXT",
|
|
"value": "З ако́на храни́телїе мѡѷсе́ева, вои́стиннꙋ до́блїи маккаве́и, / бра́тїѧ дрꙋ́гъ со дрꙋ́гомъ ꙗ҆ви́шасѧ, / внегда̀ попра́ти и҆̀мъ а҆нтїо́хово безбо́жїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Чи́ни тѧ̀ а҆́гг҃лъ и҆ человѣ̑къ, безневѣ́стнаѧ мт҃и, восхвалѧ́ютъ непреста́ннѡ: / зижди́телѧ бо всѣ́хъ, ꙗ҆́кѡ младе́нца на рꙋкꙋ̀ твоє́ю понесла̀ є҆сѝ."
|
|
},
|
|
{
|
|
"type": "TEXT",
|
|
"value": "Катава́сїа: Крⷭ҇тъ начерта́въ мѡѷсе́й, / впрѧ́мѡ жезло́мъ чермно́е пресѣчѐ, / і҆и҃лю пѣшеходѧ́щꙋ, / то́же ѡ҆бра́тнѡ фараѡ́нѡвымъ колесни́цамъ / ᲂу҆да́ривъ совокꙋпѝ, / вопрекѝ написа́въ непобѣди́мое ѻ҆рꙋ́жїе: / тѣ́мъ хрⷭ҇тꙋ̀ пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Нѣ́сть ст҃ъ / ꙗ҆́коже ты̀ гдⷭ҇и бж҃е мо́й, / вознесы́й ро́гъ вѣ́рныхъ твои́хъ бл҃же, / и҆ ᲂу҆тверди́вый на́съ на ка́мени / и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "Ѻ҆ рꙋ́жїе дре́вле жи́зни, блаже́нное дре́во дарова́сѧ храни́ти, / за преслꙋша́нїе первозда́ннаго а҆да́ма: / крⷭ҇тъ же семꙋ̀ пꙋ́ть сотворѝ."
|
|
},
|
|
{
|
|
"type": "TEXT",
|
|
"value": "Ѻ҆ чи́ма, ᲂу҆стна́ми и҆ дꙋша́ми, ли́цы и҆ сердцы̀, / поклони́мсѧ всѝ прест҃о́мꙋ крⷭ҇тꙋ̀ жизнода́вца хрⷭ҇та̀, / и҆́мже мі́ръ ве́сь ѡ҆свѧща́етсѧ."
|
|
},
|
|
{
|
|
"type": "TEXT",
|
|
"value": "Х ра́мы бг҃ꙋ прⷪ҇ро́чески дне́сь бы́вше, / покланѧ́ющесѧ дре́вꙋ прест҃а́гѡ крⷭ҇та̀, / и҆ наслѣ̑дницы є҆гѡ̀ со стра́хомъ всѝ цѣлꙋ́емъ."
|
|
},
|
|
{
|
|
"type": "TEXT",
|
|
"value": "П ѣсносло́вимъ тѧ̀, крⷭ҇те, и҆ вѣ́рою молѧ́щїисѧ си́лѣ твое́й: / и҆змѝ на́съ сѣте́й вра́жїихъ, и҆ ᲂу҆пра́ви на́съ къ приста́нищꙋ всѣ́хъ спасе́нїѧ, пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃ою родила̀ є҆сѝ сн҃а, / пре́жде тебє̀ рожде́ннаго ѿ ѻ҆ц҃а̀ пре́жде вѣ̑къ, безъ мт҃ре ѿ бг҃а, / распѧ́таго пло́тїю, да спасе́тъ пре́жде согрѣ́шшыѧ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Нбⷭ҇нагѡ крꙋ́га верхотво́рче, гдⷭ҇и, / и҆ цр҃кве зижди́телю, / ты̀ менѐ ᲂу҆твердѝ въ любвѝ твое́й, / жела́нїй кра́ю, вѣ́рныхъ ᲂу҆твержде́нїе, / є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "П о ѻ҆те́ческимъ ходѧ́ще и҆справле́нїємъ закѡ́ннымъ, / блаже́ннїи хрⷭ҇то́вы страда́льцы, / жи́знь нестарѣ́емꙋю, ва́шими стѧжа́сте кровьмѝ, прехва́льнїи."
|
|
},
|
|
{
|
|
"type": "TEXT",
|
|
"value": "Н и ѻ҆́гнь, ни ме́чь преврати́ти когда̀ возмо́же, / до́блесть нра́ва, блаже́ннїи, ва́шꙋ, ꙗ҆́же въ вѣ́рѣ: / въ не́йже ᲂу҆праздни́сте мꙋчи́телей шата̑нїѧ."
|
|
},
|
|
{
|
|
"type": "TEXT",
|
|
"value": "Мꙋ̑ ки претерпѣ́ша за хрⷭ҇та̀ бг҃а, прехва́льнїи мꙋ́чєницы, / и҆ свы́ше прїѧ́ша побѣ́ды по́чєсти, / непреста́ннѡ молѧ́щесѧ, спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃ою родила̀ є҆сѝ неискꙋсобра́чнаѧ, / и҆ дв҃ою пребыла̀ є҆сѝ, мт҃и безневѣ́стнаѧ, бцⷣе марі́е, / хрⷭ҇та̀ бг҃а на́шего молѝ, спасти́сѧ на́мъ."
|
|
},
|
|
{
|
|
"type": "TEXT",
|
|
"value": "Катава́сїа: Же́злъ въ ѻ҆́бразъ та́йны прїе́млетсѧ, / прозѧбе́нїемъ бо предразсꙋжда́етъ свѧще́нника: / неплодѧ́щей же пре́жде цр҃кви, / ны́нѣ процвѣтѐ дре́во крⷭ҇та̀, / въ держа́вꙋ и҆ ᲂу҆твержде́нїе."
|
|
},
|
|
{
|
|
"type": "HEADER",
|
|
"value": "Конда́къ ст҃ы́хъ, гла́съ в҃. Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "П ремꙋ́дрости бж҃їѧ столпѝ седмочи́сленнїи, / и҆ бжⷭ҇твеннагѡ свѣ́та свѣти̑льницы седмосвѣ́щнїи, / маккаве́и всемꙋ́дрїи, / пре́жде мꙋ́ченикѡвъ преве́лїи мꙋ́чєницы: / съ ни́миже всѣ́хъ бг҃ꙋ моли́тесѧ, / спасти́сѧ почита́ющымъ ва́съ."
|
|
},
|
|
{
|
|
"type": "TEXT",
|
|
"value": "І҆́косъ: Хвалѝ те́плѣ, сїѡ́не, бг҃а твоего̀, / ꙗ҆́кѡ ᲂу҆крѣпи́лъ є҆́сть се́й верєѝ вра́тъ твои́хъ, и҆ сы́ны твоѧ̀ благословѝ: / сі́и бо, ꙗ҆́кѡ во́инство непобѣди́мое, / ѡ҆полче́нїе вои́стиннꙋ до́блественно и҆ крѣпкомꙋ́дренно, / проти́вꙋ кова́рствѡмъ ѕлочести́выхъ бг҃омꙋ́дреннѡ ста́ша, / вкꙋ́пѣ побѣ́ды вѣнцы̀ нбⷭ҇нагѡ сїѡ́на прїе́млютъ, / и҆ бжⷭ҇твенномꙋ престо́лꙋ предстоѧ́тъ, ѡ҆ всѣ́хъ непреста́ннѡ молѧ́щесѧ. / проси́те спасти́сѧ пою́щымъ ва́съ."
|
|
},
|
|
{
|
|
"type": "HEADER",
|
|
"value": "Сѣда́ленъ, ст҃ы́хъ, гла́съ и҃. Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Б лагоче́стнѡ наказа́вшесѧ, ѻ҆́троцы мꙋ́дрїи, мꙋ́ченически / мꙋчи́телей прещє́нїѧ мꙋ́жески посрами́сте: / ꙗ҆́кѡ зако́на побѡ́рницы, и҆ ѻ҆тцꙋ̀ послꙋ́шницы бы́сте, ст҃і́и, / съ ма́терїю бг҃омꙋ́дрою ᲂу҆се́рднѡ пострада́сте. / тѣ́мже и҆ сме́ртїю живо́тъ и҆скꙋ́пльше вои́стиннꙋ нбⷭ҇ный, / вѣ́чнѡ ра́дꙋетесѧ маккаве́и крѣпкодꙋ́шнїи: / моли́те хрⷭ҇та̀ бг҃а, согрѣше́нїй ѡ҆ставле́нїе дарова́ти, / чтꙋ́щымъ любо́вїю свѧтꙋ́ю па́мѧть ва́шꙋ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, крⷭ҇та̀, гла́съ ѕ҃: Крⷭ҇тъ тво́й, гдⷭ҇и, ѡ҆свѧти́сѧ, / въ не́мъ бо быва́ютъ и҆сцѣлє́нїѧ немѡщны́мъ во грѣсѣ́хъ: / є҆гѡ́же ра́ди припа́даемъ тѝ, поми́лꙋй на́съ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Хрⷭ҇то́съ моѧ̀ си́ла, / бг҃ъ и҆ гдⷭ҇ь, / честна́ѧ цр҃ковь / бг҃олѣ́пнѡ пое́тъ взыва́ющи, / ѿ смы́сла чи́ста, ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "Д а кропи́тъ всѧ̀ землѧ̀ ра́дованїе, да веселѧ́тсѧ древа̀ дꙋбра̑внаѧ, / дне́сь ѡ҆божє́на всечестны́мъ крⷭ҇то́мъ, сїѧ́ющи концє́мъ."
|
|
},
|
|
{
|
|
"type": "TEXT",
|
|
"value": "П оказа́вый ѻ҆рга́нъ ᲂу҆мерщвле́нїѧ, / живоно́сно мі́рови, побѣдотво́рное ѻ҆рꙋ́жїе непобѣди́мое, пресла́вный крⷭ҇те, / сердца̀ на̑ша просвѣтѝ."
|
|
},
|
|
{
|
|
"type": "TEXT",
|
|
"value": "Т ы̀ бжⷭ҇твеннаѧ побѣ́да, ты̀ содѣ́лованїе на́шегѡ спасе́нїѧ, / ты̀ вѣ̑рнымъ соѡдолѣ́нїе, и҆ бжⷭ҇твеннаѧ же́ртва, / ѽ всечⷭ҇тны́й крⷭ҇те! пою́щыѧ тѧ̀ ѡ҆свѧтѝ."
|
|
},
|
|
{
|
|
"type": "TEXT",
|
|
"value": "Н б҃о все́й землѝ свесели́тсѧ, / страстоте́рпцы, мꙋ́чєницы, а҆пⷭ҇ли, дꙋ́шы пра́ведныхъ ра́достнѡ ны́нѣ ра́дꙋютсѧ: / и҆ всѧ̑ спаса́етъ зри́мѡ предлежа́щее посредѣ̀ жизнода́тельное дре́во, / и҆ вѣ̑рныѧ ѡ҆свѧща́етъ благода́тїю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вои́стиннꙋ ты̀ ꙗ҆ви́ласѧ є҆сѝ: / вои́стиннꙋ родила̀ є҆сѝ сн҃а вы́шнѧго, / на крⷭ҇тѣ̀ рꙋ́цѣ просте́ршаго, дв҃о мт҃и марі́е, / и҆ мі́ръ призва́вшаго."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "И҆зъ горы̀ приѡсѣне́нныѧ, сло́ве, прⷪ҇ро́къ, / є҆ди́ныѧ бцⷣы, / хотѧ́ща воплоти́тисѧ, бг҃ови́днѡ ᲂу҆смотрѝ, / и҆ со стра́хомъ славосло́вѧше си́лꙋ твою̀."
|
|
},
|
|
{
|
|
"type": "TEXT",
|
|
"value": "З ако́нъ бл҃же́ннїи написа́вше, ꙗ҆́коже дре́вле мѡѷсе́й / во свои́хъ скрижа́лѣхъ по́мысла: не престꙋпи́сте сегѡ̀ да́же до сме́рти, / но тве́рдѡ подвиза́стесѧ."
|
|
},
|
|
{
|
|
"type": "TEXT",
|
|
"value": "З акѡ́нныѧ бг҃ꙋ приносѧ́ще жє́ртвы, и҆ мѡѷсе́йскомꙋ ревнꙋ́юще житїю̀, / преѡби́дѣша всѧ́ко законоположе́нїе мꙋчи́тельское, / страстоте́рпцы хрⷭ҇то́вы."
|
|
},
|
|
{
|
|
"type": "TEXT",
|
|
"value": "Ꙗ҆́ коже ка́мень во́лненное стоѧ́нїе, / си́це мно́ги мꙋ̑ки, страда́льцы, / мꙋ́жескимъ ᲂу҆мо́мъ, маккаве́и, да́же до сме́рти претерпѣ́сте."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Безнача́льнаѧ трⷪ҇це, є҆ди́нице покланѧ́емаѧ, / сопресто́льнаѧ є҆ди́нице, трⷪ҇це воспѣва́емаѧ, / мꙋ́чєникъ мольба́ми и҆зба́ви на́съ ѿ бѣ́дъ и҆ напа́стей, воспѣва́ющихъ тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ра́дꙋйсѧ, ѿ на́съ, ст҃а́ѧ бцⷣе: / ра́дꙋйсѧ, ра́дость ро́ждшаѧ мі́рови: / ра́дꙋйсѧ, є҆ди́на застꙋпле́нїе человѣ́кѡмъ, / бл҃гослове́ннаѧ бцⷣе чⷭ҇таѧ."
|
|
},
|
|
{
|
|
"type": "TEXT",
|
|
"value": "Катава́сїа: Оу҆слы́шахъ гдⷭ҇и, / смотре́нїѧ твоегѡ̀ та́инство, / разꙋмѣ́хъ дѣла̀ твоѧ̑, / и҆ просла́вихъ твоѐ бжⷭ҇тво̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бж҃їимъ / свѣ́томъ твои́мъ бл҃же, / ᲂу҆́тренюющихъ тѝ дꙋ́шы / любо́вїю ѡ҆зарѝ, молю́сѧ, / тѧ̀ вѣ́дѣти сло́ве бж҃їй, / и҆́стиннаго бг҃а, / ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "П од̾и́мемъ съ ра́достїю преблаже́нный крⷭ҇тъ, / въ цр҃квахъ и҆ градѣ́хъ се́й предложе́нный, и҆ поклони́мсѧ, / да долгѡ́въ прїи́мемъ ѡ҆ставле́нїе."
|
|
},
|
|
{
|
|
"type": "TEXT",
|
|
"value": "Оу҆ мерщвлѧ́етсѧ ѕмі́й лꙋка́вый ны́нѣ, и҆́же тмы̀ нача́льникъ, / сїѧ́нїѧ не терпѧ̀, є҆́же ѡ҆блиста́етъ живоно́сный крⷭ҇тъ, / бжⷭ҇твеннагѡ цр҃ѧ̀ ски́птро честно́е."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ пресвѣ́тла ѕвѣзда̀, и҆ ꙗ҆́кѡ би́серъ благолѣ́пенъ, и҆ пресїѧ́нное со́лнце, / всѧ̑ ѡ҆зарѧ́етъ землѝ концы̀ крⷭ҇тъ гдⷭ҇ень, / є҆го́же ѡ҆блобыза́емъ."
|
|
},
|
|
{
|
|
"type": "TEXT",
|
|
"value": "В оскли́кните ꙗ҆зы́цы, воспо́йте, и҆гра́йте колѣ̑на, и҆ по́йте бг҃ꙋ, / да́вшемꙋ крⷭ҇та̀ нерꙋши́мое ᲂу҆твержде́нїе, є҆́же ны́нѣ предлежи́тъ: / всѝ вѣ́рнїи ра́дꙋемсѧ, ꙗ҆́кѡ тогѡ̀ ра́ди блага̑ѧ прїе́млюще."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Спасе́нїю тѧ̀ нача́ло всѝ вѣ́рнїи вѣ́дꙋще, ᲂу҆блажа́емъ, чⷭ҇таѧ: / ты́ бо пре́жде сꙋ́щаго пло́тїю родила̀ є҆сѝ, / хотѣ́нїемъ свои́мъ пригвожде́нна на крⷭ҇тѣ̀."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ѿ но́щи невѣ́дѣнїѧ, / бг҃овѣ́дѣнїемъ просвѣти́вый концы̀, / просвѣти́ мѧ ᲂу҆́тромъ чл҃вѣколю́бїѧ твоегѡ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Ꙗ҆́ коже ѻ҆те́ческїй зако́нъ не разо́рше, ст҃і́и мꙋ́чєницы, / вѣнцы̀ пра́ведными хрⷭ҇то́съ ва́съ са́мъ вѣнча̀."
|
|
},
|
|
{
|
|
"type": "TEXT",
|
|
"value": "Є҆ леаза́рꙋ равноста́тни въ ра́зꙋмѣ ꙗ҆́вльшесѧ, блаже́ннїи дѣ́ти, / и҆ принесо́стесѧ со ѻ҆́нѣмъ хрⷭ҇тꙋ̀, дꙋхо́вное всесожже́нїе."
|
|
},
|
|
{
|
|
"type": "TEXT",
|
|
"value": "И҆́ же ст҃ы́ми свобожда́ѧй ѿ ле́сти всѧ́чєскаѧ, / спасѝ на́съ, гдⷭ҇и, тѣ́хъ моли́твами, ꙗ҆́кѡ бл҃гоꙋтро́бенъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Херꙋві́мѡвъ ꙗ҆́вльшисѧ честнѣ́йши, дв҃о всепѣ́таѧ, / моли́сѧ сн҃ꙋ твоемꙋ̀, спастѝ дꙋ́шы пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Катава́сїа: Ѽ треблаже́нное дре́во, / на не́мже распѧ́сѧ хрⷭ҇то́съ, цр҃ь и҆ гдⷭ҇ь, / и҆́мже падѐ, дре́вомъ прельсти́вый, / тобо́ю прельсти́всѧ, / бг҃ꙋ пригвозди́вшꙋсѧ пло́тїю, / подаю́щемꙋ ми́ръ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Жите́йское мо́ре / воздвиза́емое зрѧ̀ напа́стей бꙋ́рею, / къ ти́хомꙋ приста́нищꙋ твоемꙋ̀ прите́къ вопїю́ ти: / возведѝ ѿ тлѝ живо́тъ мо́й, / многомлⷭ҇тиве."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ бжⷭ҇твенъ сосꙋ́дъ, ꙗ҆́кѡ свѣти́льникъ свѣ́телъ въ цр҃квахъ дне́сь, / и҆ въ хра́мѣхъ и҆ градѣ́хъ, крⷭ҇тъ предлежи́мь ви́дѧще, / и҆ ᲂу҆ѧсни́вшаго сего̀ воспое́мъ."
|
|
},
|
|
{
|
|
"type": "TEXT",
|
|
"value": "Оу҆ мерщвлѧ́етсѧ сме́рть, и҆ ᲂу҆морѧ́етсѧ тлѣ́нїе, и҆ бѣсо́встїи полцы̀ ѿбѣга́ютъ / побѣ́дный и҆ стра́шный дне́сь предлежа́щь ви́дѧще крⷭ҇тъ хрⷭ҇то́въ, / не смѣ́юще прикоснꙋ́тисѧ є҆мꙋ̀."
|
|
},
|
|
{
|
|
"type": "TEXT",
|
|
"value": "В оспѣва́юще тѧ̀ бг҃а, и҆ цр҃ѧ̀ и҆ гдⷭ҇а, ꙗ҆́кѡ дарова́лъ є҆сѝ на́мъ крⷭ҇тъ стѣ́нꙋ нерꙋши́мꙋ: / є҆го́же ны́нѣ ѡ҆блобыза́емъ ра́достїю, и҆ лю́тыхъ ѿбѣга́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́домъ ѕмїи́нымъ, пра́баба пи́щею, ꙗ҆́же во є҆де́мѣ, пома́засѧ: / дв҃а же, ро́ждши нача́льника жи́зни, / и҆сточѝ мі́рꙋ нетлѣ́нїе и҆ воскресе́нїе."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ри́зꙋ мнѣ̀ пода́ждь свѣ́тлꙋ, / ѡ҆дѣѧ́йсѧ свѣ́томъ, ꙗ҆́кѡ ри́зою, / многомлⷭ҇тиве хрⷭ҇тѐ бж҃е на́шъ."
|
|
},
|
|
{
|
|
"type": "TEXT",
|
|
"value": "Р и́зою себѐ мꙋ́ченическою ѡ҆дѣ́ѧвше ст҃і́и, / сїю̀ трꙋды̑ страда́нїѧ ва́шегѡ и҆спестри́сте."
|
|
},
|
|
{
|
|
"type": "TEXT",
|
|
"value": "Ж ела́юще бы́ти со хрⷭ҇то́мъ, всесла́внїи мꙋ́чєницы, / тече́нїе страда́нїѧ неꙋкло́ннымъ по́мысломъ преидо́сте."
|
|
},
|
|
{
|
|
"type": "TEXT",
|
|
"value": "З ако́нъ, и҆́же предадѐ мѡѷсе́й, хранѧ́ще ст҃і́и, зако́ннѡ пострада́ша, / посра́мльше а҆нтїо́ха мꙋчи́телѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́на сло́вомъ пло́тїю сло́ва ро́ждшаѧ, / и҆зба́ви, мо́лимсѧ, ѿ сѣте́й врага̀ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Катава́сїа: Во́днагѡ ѕвѣ́рѧ во ᲂу҆тро́бѣ, / дла̑ни і҆ѡ́на крⷭ҇тови́днѡ распросте́ръ, / спаси́тельнꙋю стрⷭ҇ть проѡбража́ше ꙗ҆́вѣ. / тѣ́мъ тридне́венъ и҆зше́дъ, / премі́рное воскрⷭ҇нїе прописа́ше, / пло́тїю пригвожде́ннагѡ хрⷭ҇та̀ бг҃а, / и҆ тридне́внымъ воскрⷭ҇нїемъ мі́ръ просвѣ́щшагѡ."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃. Подо́бенъ:"
|
|
},
|
|
{
|
|
"type": "TEXT",
|
|
"value": "В ознесы́йсѧ на крⷭ҇тъ во́лею, / тезоимени́томꙋ твоемꙋ̀ но́вомꙋ жи́тельствꙋ, / щедрѡ́ты твоѧ̑ да́рꙋй, хрⷭ҇тѐ бж҃е. / возвеселѝ на́съ си́лою твое́ю, / побѣ̑ды даѧ̀ на́мъ на сопоста́ты, / посо́бїе и҆мꙋ́щымъ твоѐ ѻ҆рꙋ́жїе ми́ра, / непобѣди́мꙋю побѣ́дꙋ."
|
|
},
|
|
{
|
|
"type": "TEXT",
|
|
"value": "І҆́косъ: И҆́же до тре́тїѧгѡ небесѐ восхище́нъ бы́сть въ ра́й, / и҆ глаго́лы слы́шавъ неизречє́нныѧ, и҆ бжⷭ҇твєнныѧ, / и҆́хже не лѣ́ть ѧ҆зы̑ки человѣ́ческими глаго́лати, / что̀ гала́тѡмъ пи́шетъ, ꙗ҆́кѡ рачи́телїе писа́нїй, прочто́сте и҆ позна́сте: / мнѣ̀, глаго́летъ, хвали́тисѧ да не бꙋ́детъ, / то́кмѡ во є҆ди́номъ крⷭ҇тѣ̀ гдⷭ҇ни, на не́мже страда́въ, ᲂу҆бѝ стра̑сти. / того̀ ᲂу҆̀бо и҆ мы̀ и҆звѣ́стнѡ да держи́мъ, крⷭ҇тъ гдⷭ҇ень, хвалꙋ̀ всѝ: / є҆́сть бо на́мъ спаси́тельное сїѐ дре́во, / ѻ҆рꙋ́жїе ми́ра, непобѣди́маѧ побѣ́да."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Росода́тельнꙋ ᲂу҆́бѡ пе́щь / содѣ́ла а҆́гг҃лъ / прпⷣбнымъ ѻ҆трокѡ́мъ, / халде́и же ѡ҆палѧ́ющее / велѣ́нїе бж҃їе / мꙋчи́телѧ ᲂу҆вѣща̀ вопи́ти: / бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "С паси́тельномꙋ дре́вꙋ поклони́мсѧ, крⷭ҇тꙋ̀ прест҃о́мꙋ, / є҆мꙋ́же слꙋ́жатъ а҆́гг҃льскаѧ всѧ̑ вѡ́инства, / предлежа́щь ви́дѧще вѣ́рнїи, и҆сточа́ющъ на́мъ ѡ҆свѧще́нїе и҆ жи́знь."
|
|
},
|
|
{
|
|
"type": "TEXT",
|
|
"value": "П обѣдоно́сный ꙗ҆ви́сѧ прест҃ы́й крⷭ҇тъ живода́вца хрⷭ҇та̀: / свы́ше же бѣсѡ́въ всѣ́хъ мно́жество ѿгонѧ̀ ва́рварское шата́нїе, / и҆ побѣди́телѧ ꙗ҆влѧ́ѧ во́инство на́ше."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ ѡ҆дꙋшевле́нꙋ тебѣ̀ припа́даѧ взыва́ю: / крⷭ҇те мо́й прест҃ы́й, ты́ ми просвѣтѝ дꙋ́шꙋ, и҆ ᲂу҆́мъ, и҆ слꙋ́хъ, и҆ ᲂу҆стнѣ̀, / и҆ ѧ҆зы́къ, и҆ дыха́нїе, и҆ ѻ҆́чи, къ пꙋтє́мъ црⷭ҇тва хрⷭ҇то́ва."
|
|
},
|
|
{
|
|
"type": "TEXT",
|
|
"value": "П ое́мъ, сла́вимъ и҆ покланѧ́емсѧ, и҆ велича́емъ твою̀, хрⷭ҇тѐ, держа́вꙋ: / ꙗ҆́кѡ подадѐ на́мъ рабѡ́мъ твои̑мъ крⷭ҇тъ бжⷭ҇твенный / сла́дость неисчерпа́емꙋю, и҆ храни́лище дꙋша́мъ и҆ тѣ́лѡмъ на́шымъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ю҆́ношы трѝ пе́щь не ѡ҆палѝ, ржⷭ҇тво̀ проѡбразꙋ́ющи твоѐ: / и҆́бо бжⷭ҇твенный ѻ҆́гнь тѧ̀ не ѡ҆палѝ, всели́всѧ въ тѧ̀, и҆ всѧ̑ наꙋчи́въ пѣ́ти: / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Въ нача́лѣ зе́млю ѡ҆снова́вый, / и҆ нб҃са̀ сло́вомъ ᲂу҆тверди́вый, / бл҃гослове́нъ є҆сѝ во вѣ́ки, гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Мч҃ ническими пострада́вше болѣ́зньми, / мꙋчи́тельскихъ не ᲂу҆страши́стесѧ преще́нїй, хрⷭ҇тꙋ̀ вопїю́ще: / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Т ерпѣ́нїѧ пожда́вше болѣ́зней, / вра̑жїѧ лю̑таѧ побѣди́сте кова̑рства, хрⷭ҇тꙋ̀ вопїю́ще: / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́же во ᲂу҆тро́бꙋ дв҃ыѧ всели́выйсѧ, / и҆ тоѧ̀ ра́ди а҆да́ма ѡ҆бно́вль, / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Катава́сїа: Безꙋ́мное велѣ́нїе / мꙋчи́телѧ ѕлочести́вагѡ лю́ди поколеба̀, / ды́шꙋщее преще́нїе и҆ ѕлохꙋле́нїе бг҃оме́рзское: / ѻ҆ба́че трѝ ѻ҆́троки не ᲂу҆страшѝ ꙗ҆́рость ѕвѣ́рскаѧ, / ни ѻ҆́гнь снѣда́ѧй, / но противоды́шꙋщꙋ росоно́сномꙋ дх҃ꙋ, / со ѻ҆гне́мъ сꙋ́ще поѧ́хꙋ: / препѣ́тый ѻ҆тцє́въ и҆ на́съ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆жасни́сѧ, боѧ́йсѧ нб҃о, / и҆ да подви́жатсѧ ѡ҆снова̑нїѧ землѝ: / се́ бо въ мертвецѣ́хъ вмѣнѧ́етсѧ въ вы́шнихъ живы́й, / и҆ во гро́бъ ма́лъ страннопрїе́млетсѧ. / є҆го́же ѻ҆́троцы благослови́те, / свѧще́нницы воспо́йте, / лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Т во́й крⷭ҇тъ проѡбразꙋ́ѧ і҆а́кѡвъ и҆ногда̀, на внꙋ́ки поло́жь дла̑ни премѣ́ннѡ, / и҆ благослови́въ и҆́хъ, благода́ти во ꙗ҆зы́цѣхъ наꙋча́ѧ: / ѻ҆́троцы благослови́те, свѧще́ннїи по́йте, / лю́дїе превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Ѽ неизрече́ннагѡ твоегѡ̀, хрⷭ҇тѐ, сни́тїѧ, и҆ неизглаго́ланныхъ благи́хъ! / воплоти́сѧ, и҆ ра́спѧтъ бы́въ, сме́рть прїе́мъ, / и҆ рѣши́ши человѣ́ки ѿ клѧ́твы, и҆сточи́въ нетлѣ́нїе на треблаже́ннѣмъ дре́вѣ, / препросла́вленный крⷭ҇тъ се́й во вѣ́ки."
|
|
},
|
|
{
|
|
"type": "TEXT",
|
|
"value": "П рест҃ы́й крⷭ҇тъ, бжⷭ҇твеннꙋю побѣ́дꙋ, жи́зни нача́льника, / ле́сти потреби́телѧ, дне́сь похва́лимъ крⷭ҇тъ всест҃ы́й гдⷭ҇ень, / бѣсѡ́въ гꙋби́телѧ, и҆ ва́рварѡвъ прогони́телѧ, вѣ́рныхъ побѣдотво́рца и҆ покрови́телѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гвоздьмѝ пригвожде́на хрⷭ҇та̀, копїе́мъ прободе́на въ нетлѣ̑ннаѧ ре́бра, / тро́стїемъ въ главꙋ̀ бїе́ма, же́лчь вкꙋша́юща зрѧ́щи, дв҃а вопїѧ́ше: / гдѣ̀ твоѧ̀ добро́та за́йде, прекра́сное сло́во, / препросла́вленне па́че сынѡ́въ человѣ́ческихъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Безнача́льнаго цр҃ѧ̀ сла́вы, / є҆гѡ́же трепе́щꙋтъ нбⷭ҇ныѧ си̑лы, / по́йте свѧще́нницы, / лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆́ стины рачи́телїе, и҆ зако́на и҆звѣ́стнїи храни́телїе бы́вше, прехва́льнїи мꙋ́чєницы, / пое́те хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "С едмора́сленный пло́дъ ст҃а́гѡ ко́рене, ꙗ҆́кѡ вои́стиннꙋ / се́дмь маккаве́и, мꙋ́ченики гдⷭ҇ни почти́мъ досто́йнѡ."
|
|
},
|
|
{
|
|
"type": "TEXT",
|
|
"value": "З ако́нꙋ ревни́тели, є҆динодꙋ́шныѧ страда́льцы вѣ́рнїи, / се́дмь маккаве́и съ ро́ждшею и҆̀хъ, почти́мъ досто́йнѡ."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Трⷪ҇це нераздѣли́маѧ є҆ди́нице, / въ бж҃ествѣ̀ сла́влю є҆ди́нꙋ, / и҆ въ трїе́хъ пою́ тѧ ли́цѣхъ, є҆ди́нꙋ си́лꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ послѣ̑днѧѧ на́съ ра́ди, ѿ дв҃ы воплоще́ннаго бг҃а, / свѧще́нницы по́йте, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Катава́сїа: Благослови́те ѻ҆́троцы, / трⷪ҇цы равночи́сленнїи, / содѣ́телѧ ѻ҆ц҃а̀ бг҃а, / по́йте снизше́дшее сло́во, / и҆ ѻ҆́гнь въ ро́сꙋ претво́ршее, / и҆ превозноси́те всѣ̑мъ жи́знь подава́ющаго, / дх҃а всест҃а́го во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бг҃а / человѣ́кѡмъ невозмо́жно ви́дѣти / на него́же не смѣ́ютъ чи́ни а҆́гг҃льстїи взира́ти: / тобо́ю же всечⷭ҇таѧ, ꙗ҆ви́сѧ человѣ́кѡмъ / сло́во воплоще́нно: / є҆го́же велича́юще, / съ нбⷭ҇ными вѡ́и / тѧ̀ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Т лѣ́нни ѿ преслꙋша́нїѧ бы́хомъ, бж҃їѧ за́повѣди престꙋ̑пницы ꙗ҆́вльшесѧ: / сегѡ̀ ра́ди сме́рть прїи́де человѣ́кѡмъ. / тѣ́мже безсме́ртїе процвѣтѐ дне́сь побѣ́дный крⷭ҇тъ хрⷭ҇то́въ, є҆го́же цѣлꙋ́емъ."
|
|
},
|
|
{
|
|
"type": "TEXT",
|
|
"value": "С ѐ дре́во прест҃о́е, крѣ́пкаѧ наде́жда вѣ̑рнымъ ꙗ҆ви́сѧ, клѧ́твы и҆збавле́нїе, / человѣ́кѡвъ ра́дость предлежи́тъ, ѡ҆блича́ѧ тмы̀ нача́льника: / семꙋ̀ поклони́мсѧ вѣ́рнїи съ весе́лїемъ."
|
|
},
|
|
{
|
|
"type": "TEXT",
|
|
"value": "Н ача́ло благослове́нїѧ, и҆ ᲂу҆твержде́нїе хрⷭ҇тїа́нъ и҆ стѣна̀, и҆ тве́рдое застꙋпле́нїе, / и҆ клѧ́твы и҆збавле́нїе, ꙗ҆ви́сѧ на́мъ дре́во вожделѣ́нное, ѻ҆рꙋ́жїе непобѣди́мое: / просвѣтѝ и҆ ѡ҆свѧтѝ на́съ покланѧ́ющихсѧ тебѣ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Хра́ме и҆ две́ре ѡ҆свѧще́нїѧ, прⷭ҇то́ле бж҃їй, / ѻ҆́блаче и҆ свѣ́щниче всесвѣ́тлый, и҆ ковче́же благода́ти, всенепоро́чнаѧ, / че́стнѣ покланѧ́ющыѧсѧ ѻ҆́бразꙋ честно́мꙋ є҆диноро́днагѡ твоегѡ̀ сн҃а, покры́й и҆ сохранѝ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Велича́емъ тѧ̀ мт҃рь бж҃їю, / и҆ сла́вимъ тѧ̀, бцⷣе дв҃о, / ꙗ҆́кѡ сп҃са ро́ждшꙋю дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "С окро́вище бжⷭ҇твенныхъ дарова́нїй, вои́стиннꙋ показа́стесѧ, / бога́тство неѿе́млемое, всехва́льнїи мꙋ́чєницы."
|
|
},
|
|
{
|
|
"type": "TEXT",
|
|
"value": "М оли́твєнницы до́блїи къ зижди́телю всѣ́хъ сꙋ́ще, / и҆спроси́те невла́емꙋю жи́знь дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "И҆́ же бжⷭ҇твенною ре́вностїю и҆ теплото́ю дꙋшѝ, творѧ́щыѧ ва́шꙋ па́мѧть, / сохрани́те неснѣда́еми ѿ лꙋка́вагѡ."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Съ сн҃омъ ѻ҆ц҃ꙋ̀ и҆ дх҃ꙋ пра́вомꙋ поклони́мсѧ, со а҆́гг҃лы зовꙋ́ще: / сла́ва въ вы́шнихъ бг҃ꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ра́дꙋйсѧ, две́ре ст҃а́ѧ, бг҃ꙋ ѿве́рстаѧ, є҆ди́номꙋ премꙋ́дромꙋ, / ю҆́же ѡ҆сѣнѝ дх҃ъ прест҃ы́й."
|
|
},
|
|
{
|
|
"type": "TEXT",
|
|
"value": "Катава́сїа: Та́инъ є҆сѝ бцⷣе, ра́й, / невоздѣ́ланнѡ возрасти́вшїй хрⷭ҇та̀, / и҆́мже кре́стное живоно́сное на землѝ насади́сѧ дре́во. / тѣ́мъ ны́нѣ возноси́мꙋ, / покланѧ́ющесѧ є҆мꙋ̀, тѧ̀ велича́емъ."
|
|
},
|
|
{
|
|
"type": "HEADER",
|
|
"value": "Свѣти́ленъ ѻ҆ктѡ́иха."
|
|
},
|
|
{
|
|
"type": "TEXT",
|
|
"value": "Сла́ва, мꙋ́ченикѡвъ: Чꙋ̑дныѧ воспое́мъ маккаве́и, є҆леаза́ра, ѻ҆́троки и҆ соломѡні́ю: / сі́и бо низложи́ша шата̑нїѧ началоѕло́бнагѡ ѕмі́ѧ, / и҆ зако́на слꙋжи́телїе бы́вше, вѣнча́шасѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ, крⷭ҇та̀: Крⷭ҇тъ, храни́тель всеѧ̀ вселе́нныѧ: / крⷭ҇тъ, красота̀ цр҃кве: / крⷭ҇тъ, на́ша держа́ва: / крⷭ҇тъ вѣ́рныхъ ᲂу҆твержде́нїе: / крⷭ҇тъ, а҆́гг҃лѡвъ сла́ва и҆ де́мѡнѡвъ ꙗ҆́зва."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на ѕ҃, крⷭ҇та̀ г҃, гла́съ а҃. Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Н бⷭ҇наѧ шє́ствїѧ / крⷭ҇тъ честны́й гото́витъ всѣ̑мъ, / томꙋ̀ покланѧ́ющымсѧ вѣ́рою несꙋмнѣ́нною: / и҆ ликѡ́мъ невеще́ственныхъ си́лъ, / и҆́же на не́мъ пригвозди́выйсѧ, / сочета́етъ любо́вїю пою́щыѧ того̀."
|
|
},
|
|
{
|
|
"type": "TEXT",
|
|
"value": "К ла́нѧющесѧ вѣ́рою крⷭ҇тꙋ̀ честно́мꙋ, / на не́мъ распе́ншагосѧ воспое́мъ влⷣкꙋ: / тогѡ̀ манове́нїемъ / ᲂу҆стнѣ̀ вкꙋ́пѣ и҆ дꙋ́шꙋ ѡ҆чища́юще, / и҆ сїѧ́нїи сегѡ̀ мы́сленными ᲂу҆ѧсни́мсѧ, / хва́лѧще є҆го̀."
|
|
},
|
|
{
|
|
"type": "TEXT",
|
|
"value": "Г о́ресть дре́вле ᲂу҆слажда́ѧ мѡѷсе́й, / и҆зба́ви і҆и҃лѧ, / ѻ҆́бразъ крⷭ҇та̀ написꙋ́ѧ: / мы́ же сего̀ всѝ вѣ́рнїи, / та́йнѡ и҆ бжⷭ҇твеннѡ воѡбража́юще въ сердца́хъ на́шихъ, / всегда̀ спаса́емсѧ держа́вою є҆гѡ̀."
|
|
},
|
|
{
|
|
"type": "HEADER",
|
|
"value": "И҆ ст҃ы́хъ г҃, самогла́сны, гла́съ то́йже:"
|
|
},
|
|
{
|
|
"type": "TEXT",
|
|
"value": "М ногострада́льнаѧ ма́ти, / къ подвигѡ́мъ созва́вши своѧ̑ дѣ́ти, глаго́лаше: / а҆враа́мстѣй сѣди́нѣ послѣ́дꙋйте, / да заколе́нїю і҆саа́ковꙋ причастите́сѧ. / ті́и же прїима́хꙋ наставлѧ́ющꙋю, / предпостиза́хꙋ ᲂу҆ча́щꙋю, / дрꙋ́гъ по дрꙋ́зѣ томлє́нїѧ мꙋ́ки ви́дѧще: / и҆́хже моли́твами, бж҃е, поми́лꙋй на́съ."
|
|
},
|
|
{
|
|
"type": "TEXT",
|
|
"value": "Гла́съ д҃: Се́дмь столпѝ и҆збра́ннїи, / ѿ є҆ди́нагѡ ка́мене слове́снагѡ ᲂу҆сѣ́чены бы́ша, / непоколеби́мь показа́ша зако́на сто́лпъ. / тѣ́мже бл҃говолѝ, сп҃се, / въ ми́рѣ сохрани́тисѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Гла́съ є҃: И҆̀же зако́на храни́телїе / и҆ соломѡні́и сы́нове, / на сꙋди́щи стра́ждꙋще, ко а҆нтїо́хꙋ вопїѧ́хꙋ: / мы̀, а҆нтїо́ше, за ѻ҆те́ческїй зако́нъ терпи́мъ. / не ѿлꙋчи́тъ же на́съ, ни ѻ҆́гнь, ни ме́чь, ни ѕвѣ́рїе, ни ра̑ны: / но вкꙋ́пѣ ᲂу҆́мремъ съ ма́терїю ста́рицею, / и҆ ᲂу҆чи́телемъ ѻ҆тце́мъ, / живꙋ́ще и҆ сра́дꙋющесѧ въ неконча́ємыѧ вѣ́ки."
|
|
},
|
|
{
|
|
"type": "TEXT",
|
|
"value": "Сла́ва, гла́съ д҃: На маккаве́и собра́вшꙋюсѧ ра́ть, / прїиди́те, ᲂу҆́зримъ вѣ́рнїи мꙋ́жество: / мꙋчи́тель бо ца́рь всѧ̑ ꙗ҆зы́ки ᲂу҆держа́въ, / держи́мь бѣ́ѧше ѿ ста́рца и҆ дѣте́й седьмѝ, / и҆ є҆ди́ныѧ жены̀. / тѣ́мже моли́твами и҆́хъ, бж҃е, / поми́лꙋй на́съ."
|
|
},
|
|
{
|
|
"type": "TEXT",
|
|
"value": "И҆ ны́нѣ, крⷭ҇та̀, гла́съ то́йже: Пособи́вый, гдⷭ҇и, кро́ткомꙋ дв҃дꙋ покори́ти и҆ноплеме́нника, / вѣ́рномꙋ на́шемꙋ во́инствꙋ спобо́рствꙋй, / и҆ ѻ҆рꙋ́жїемъ крⷭ҇та̀ низложѝ врагѝ на́шѧ. / покажѝ, бл҃гоꙋтро́бне, на на́съ дрє́внїѧ ми́лѡсти твоѧ̑: / и҆ да разꙋмѣ́ютъ вои́стиннꙋ, ꙗ҆́кѡ ты̀ є҆сѝ бг҃ъ, / и҆ на тѧ̀ надѣ́ющїисѧ побѣжда́емъ, / молѧ́щїисѧ ѻ҆бы́чнѡ пречⷭ҇тѣй твое́й мт҃ри, / дарова́тисѧ на́мъ ве́лїей ми́лости."
|
|
},
|
|
{
|
|
"type": "TEXT",
|
|
"value": "Славосло́вїе вели́кое, ти́хѡ, со гла́сомъ. І҆ере́ю же ѡ҆болче́нꙋ сꙋ́щꙋ во всю̀ ѻ҆де́ждꙋ свѧще́нническꙋю, прихо́дитъ съ кади́ломъ къ ст҃ѣ́й трапе́зѣ, предходѧ́щꙋ є҆мꙋ̀ дїа́конꙋ съ лампа́дою, и҆ кади́тъ свѧтꙋ́ю трапе́зꙋ, и҆ честны́й крⷭ҇тъ, и҆ та́кѡ взима́етъ честны́й крⷭ҇тъ съ блю́домъ на главꙋ̀, и҆ и҆схо́дитъ сѣ́верными дверьмѝ и҆зъ ѻ҆лтарѧ̀, пред̾идꙋ́щымъ є҆мꙋ̀ со двѣма̀ лампа́дами и҆ съ кади́ломъ: прихо́дитъ же прѧ́мѡ ца́рскихъ двере́й, и҆ стои́тъ, ѡ҆жида́ѧ конца̀ трист҃а́гѡ. Кончава́емꙋ же трист҃о́мꙋ, возглаша́етъ і҆ере́й: Премꙋ́дрость, про́сти:"
|
|
},
|
|
{
|
|
"type": "HEADER",
|
|
"value": "И҆ кли́рїцы пою́тъ тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "С пасѝ, гдⷭ҇и, лю́ди твоѧ̑, / и҆ благословѝ достоѧ́нїе твоѐ, / побѣ̑ды на сопроти̑вныѧ да́рꙋѧ, / и҆ твоѐ сохранѧ́ѧ крⷭ҇то́мъ твои́мъ жи́тельство. [Три́жды.]"
|
|
},
|
|
{
|
|
"type": "TEXT",
|
|
"value": "И҆ та́кѡ прихо́дитъ і҆ере́й, носѧ̀ на главѣ̀ честны́й крⷭ҇тъ, предъ ст҃ы́ѧ ца́рскїѧ двє́ри ко а҆нало́гїю, є҆мꙋ́же ᲂу҆кра́шенꙋ сꙋ́щꙋ, полага́етъ на не́мъ честны́й крⷭ҇тъ. И҆ твори́тъ поклоне́нїе честно́мꙋ крⷭ҇тꙋ̀, три́жды, поѧ̀ тихогла́снѡ:"
|
|
},
|
|
{
|
|
"type": "TEXT",
|
|
"value": "К рⷭ҇тꙋ̀ твоемꙋ̀ / покланѧ́емсѧ, влⷣко, / и҆ ст҃о́е воскрⷭ҇нїе твоѐ сла́вимъ."
|
|
},
|
|
{
|
|
"type": "TEXT",
|
|
"value": "И҆ ли́кове то́же пою́тъ велегла́снѡ, три́жды. Та́же цѣлꙋ́ютъ честны́й крⷭ҇тъ, и҆ покланѧ́ютсѧ па́ки є҆ди́ною."
|
|
},
|
|
{
|
|
"type": "HEADER",
|
|
"value": "Пою́ще стїхи̑ры самогла́сны, гла́съ в҃:"
|
|
},
|
|
{
|
|
"type": "TEXT",
|
|
"value": "П рїиди́те, вѣ́рнїи, / животворѧ́щемꙋ дре́вꙋ поклони́мсѧ, / на не́мже хрⷭ҇то́съ цр҃ь сла́вы во́лею рꙋ́цѣ распросте́ръ, / вознесѐ на́съ на пе́рвое блаже́нство, / ꙗ҆̀же пре́жде вра́гъ сла́стїю ᲂу҆кра́дъ, / и҆згна́ны ѿ бг҃а сотворѝ. / прїиди́те, вѣ́рнїи, дре́вꙋ поклони́мсѧ, / и҆́мже сподо́бихомсѧ неви́димыхъ вра̑гъ сокрꙋши́ти главы̑. / прїиди́те, всѧ̑ ѻ҆те́чєствїѧ ꙗ҆зы́кѡвъ, / крⷭ҇тъ гдⷭ҇ень пѣ́сньми почти́мъ: / ра́дꙋйсѧ, крⷭ҇те, па́дшагѡ а҆да́ма соверше́нное и҆збавле́нїе, / ѡ҆ тебѣ́ бо вѣ́рнѣйшїи ца́рїе на́ши хва́лѧтсѧ, / ꙗ҆́кѡ твое́ю си́лою і҆сма́ильтєскїѧ лю́ди держа́внѡ покарѧ́юще. / тѧ̀ ны́нѣ со стра́хомъ хрїстїа́не цѣлꙋ́юще, / на тебѣ̀ пригвозди́вшагосѧ бг҃а сла́вимъ, глаго́люще: / гдⷭ҇и, на то́мъ пригвозди́выйсѧ, поми́лꙋй на́съ, / ꙗ҆́кѡ бл҃гъ и҆ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Гла́съ є҃: Зрѧ́щи тѧ̀ тва́рь всѧ̀ на крⷭ҇тѣ̀ на́га ви́сѧща, / содѣ́телѧ и҆ зижди́телѧ всѣ́хъ, / и҆змѣнѧ́шесѧ стра́хомъ и҆ рыда́ше: / со́лнце же свѣ́тъ ѡ҆мрачѝ, / и҆ землѧ̀ колеба́шесѧ, / ка́менїе же разсѣда́шесѧ, / и҆ хра́ма свѣ́тлость раздира́шесѧ. / ме́ртвїи воста́ша ѿ гробѡ́въ, / и҆ а҆́гг҃льскїѧ си̑лы ᲂу҆жасо́шасѧ, гл҃го́люще. / ѽ чꙋдесѐ! сꙋдїѧ̀ сꙋ́дитсѧ, / и҆ стра́ждетъ хотѧ̀ за спасе́нїе мі́ра и҆ ѡ҆бновле́нїе."
|
|
},
|
|
{
|
|
"type": "TEXT",
|
|
"value": "Гла́съ и҃: Дне́сь влⷣка тва́ри, / и҆ гдⷭ҇ь сла́вы, / на крⷭ҇тѣ̀ пригвожда́етсѧ, / и҆ въ рє́бра пробода́етсѧ! / же́лчи и҆ ѻ҆́цта вкꙋша́етъ, / сла́дость цр҃ко́внаѧ: / вѣнце́мъ ѿ те́рнїѧ ѡ҆блага́етсѧ: / покрыва́ѧй нб҃о ѻ҆́блаки, / ѻ҆де́ждею ѡ҆блачи́тсѧ порꙋга́нїѧ: / и҆ заꙋша́етсѧ бре́нною рꙋко́ю, / рꙋко́ю созда́вый человѣ́ка: / по плеще́ма бїе́нъ быва́етъ, / ѡ҆дѣва́ѧй нб҃о ѻ҆́блаки: / заплева̑нїѧ и҆ ра̑ны прїе́млетъ, / поношє́нїѧ и҆ заꙋшє́нїѧ, / и҆ всѧ̑ терпи́тъ менє̀ ра́ди ѡ҆сꙋжде́ннагѡ, / и҆зба́витель мо́й и҆ бг҃ъ, / да спасе́тъ мі́ръ ѿ пре́лести, ꙗ҆́кѡ бл҃гоꙋтро́бенъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ то́йже: Дне́сь неприкоснове́нный сꙋщество́мъ, / прикоснове́нъ мнѣ̀ быва́етъ, / и҆ стра́ждетъ стрⷭ҇ти / свобожда́ѧй мѧ̀ ѿ страсте́й: / свѣ́тъ подава́ѧй слѣпы̑мъ, / ѿ беззако́нныхъ ᲂу҆сте́нъ ѡ҆плева́етсѧ, / и҆ дае́тъ плещы̀ за плѣнє́нныѧ на ра̑ны. / сего̀ чⷭ҇таѧ дв҃а и҆ мт҃и на крⷭ҇тѣ̀ зрѧ́щи, / болѣ́зненнѡ вѣща́ше: / ᲂу҆вы̀ мнѣ̀, ча́до моѐ, / что̀ сїѐ сотвори́лъ є҆сѝ; / кра́сный добро́тою па́че всѣ́хъ человѣ̑къ, / бездыха́нный и҆ беззра́чный ꙗ҆влѧ́ешисѧ, / не и҆мѣ́ѧ ви́да, нижѐ добро́ты. / ᲂу҆вы̀ мнѣ̀, мо́й свѣ́те, / не могꙋ̀ спѧ́ща зрѣ́ти тѧ̀, / ᲂу҆тро́бою ᲂу҆ѧзвлѧ́юсѧ, / и҆ лю́тое ѻ҆рꙋ́жїе се́рдце моѐ прохо́дитъ: / воспѣва́ю твоѧ̑ стрⷭ҇ти, / покланѧ́юсѧ бл҃гоꙋтро́бїю твоемꙋ̀, / долготерпѣли́ве, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Посе́мъ є҆ктєнїѝ: Поми́лꙋй на́съ, бж҃е: И҆ И҆спо́лнимъ ᲂу҆́треннюю моли́твꙋ: Дїа́конъ: Премꙋ́дрость. І҆ере́й ѿпꙋ́стъ, и҆ пе́рвый ча́съ. На а҃-мъ часѣ̀, тропа́рь крⷭ҇та̀: Сла́ва, ст҃ы́хъ. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ крⷭ҇та̀: и҆ соверше́нный ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "TEXT",
|
|
"value": "Бл҃жє́нна, ѿ канѡ́на крⷭ҇та̀ пѣ́снь г҃-ѧ на д҃: и҆ ст҃ы́хъ, пѣ́снь ѕ҃-ѧ на д҃."
|
|
},
|
|
{
|
|
"type": "HEADER",
|
|
"value": "Тропа́рь крⷭ҇та̀, гла́съ а҃:"
|
|
},
|
|
{
|
|
"type": "TEXT",
|
|
"value": "С пасѝ, гдⷭ҇и, лю́ди твоѧ̑, / и҆ благословѝ достоѧ́нїе твоѐ, / побѣ̑ды на сопроти̑вныѧ да́рꙋѧ, / и҆ твоѐ сохранѧ́ѧ крⷭ҇то́мъ твои́мъ жи́тельство."
|
|
},
|
|
{
|
|
"type": "HEADER",
|
|
"value": "И҆ мч҃никѡвъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Б олѣ́зньми ст҃ы́хъ, и҆́миже ѡ҆ тебѣ̀ пострада́ша, / ᲂу҆моле́нъ бꙋ́ди, гдⷭ҇и, / и҆ всѧ̑ на́шѧ болѣ̑зни и҆сцѣлѝ, / чл҃вѣколю́бче, мо́лимсѧ."
|
|
},
|
|
{
|
|
"type": "HEADER",
|
|
"value": "Сла́ва: конда́къ ст҃ы́хъ, гла́съ в҃. Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "П ремꙋ́дрости бж҃їѧ столпѝ седмочи́сленнїи, / и҆ бжⷭ҇твеннагѡ свѣ́та свѣти̑льницы седмосвѣ́щнїи, / маккаве́и всемꙋ́дрїи, / пре́жде мꙋ́ченикѡвъ преве́лїи мꙋ́чєницы: / съ ни́миже всѣ́хъ бг҃ꙋ моли́тесѧ, / спасти́сѧ почита́ющымъ ва́съ."
|
|
},
|
|
{
|
|
"type": "HEADER",
|
|
"value": "И҆ ны́нѣ: конда́къ крⷭ҇та̀, гла́съ д҃. Подо́бенъ:"
|
|
},
|
|
{
|
|
"type": "TEXT",
|
|
"value": "В ознесы́йсѧ на крⷭ҇тъ во́лею, / тезоимени́томꙋ твоемꙋ̀ но́вомꙋ жи́тельствꙋ, / щедрѡ́ты твоѧ̑ да́рꙋй, хрⷭ҇тѐ бж҃е. / возвеселѝ на́съ си́лою твое́ю, / побѣ̑ды даѧ̀ на́мъ на сопоста́ты, / посо́бїе и҆мꙋ́щымъ твоѐ ѻ҆рꙋ́жїе ми́ра, / непобѣди́мꙋю побѣ́дꙋ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "С пасѝ, гдⷭ҇и, лю́ди твоѧ̑, / и҆ благословѝ достоѧ́нїе твоѐ. Сті́хъ: Къ тебѣ̀, гдⷭ҇и, воззовꙋ̀, бж҃е мо́й, да не премолчи́ши ѿ менє̀."
|
|
},
|
|
{
|
|
"type": "TEXT",
|
|
"value": "И҆ ст҃ы̑мъ, прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̀ хотѣ̑нїѧ своѧ̀ въ ни́хъ."
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ корі́нѳѧнѡмъ, зача́ло рк҃є."
|
|
},
|
|
{
|
|
"type": "TEXT",
|
|
"value": "Б ра́тїе, сло́во кре́стное, погиба́ющымъ ᲂу҆́бѡ ю҆ро́дство є҆́сть, а҆ спаса́ємымъ на́мъ си́ла бж҃їѧ є҆́сть. пи́сано бо є҆́сть: погꙋблю̀ премꙋ́дрость премꙋ́дрыхъ, и҆ ра́зꙋмъ разꙋ́мныхъ ѿве́ргꙋ. гдѣ̀ премꙋ́дръ; гдѣ̀ кни́жникъ; гдѣ̀ совопро́сникъ вѣ́ка сегѡ̀; не ѡ҆бꙋи́ ли бг҃ъ премꙋ́дрость мі́ра сегѡ̀; поне́же бо въ премꙋ́дрости бж҃їей не разꙋмѣ̀ мі́ръ премꙋ́дростїю бг҃а, бл҃гоизво́лилъ бг҃ъ бꙋ́йствомъ про́повѣди спастѝ вѣ́рꙋющихъ. поне́же и҆ і҆ꙋде́є зна́менїѧ про́сѧтъ и҆ є҆́ллини премꙋ́дрости и҆́щꙋтъ: мы́ же проповѣ́дꙋемъ хрⷭ҇та̀ ра́спѧта, і҆ꙋде́ємъ ᲂу҆́бѡ собла́знъ, є҆́ллинѡмъ же безꙋ́мїе: самѣ́мъ же зва̑ннымъ, і҆ꙋде́ємъ же и҆ є҆́ллинѡмъ, хрⷭ҇та̀, бж҃їю си́лꙋ и҆ бж҃їю премꙋ́дрость."
|
|
},
|
|
{
|
|
"type": "HEADER",
|
|
"value": "И҆ ст҃ы̑мъ, ко є҆вре́ємъ посла́нїе, зача́ло т҃л."
|
|
},
|
|
{
|
|
"type": "TEXT",
|
|
"value": "Б ра́тїе, ст҃і́и всѝ вѣ́рою побѣди́ша ца́рствїѧ, содѣ́ѧша пра́вдꙋ, полꙋчи́ша ѡ҆бѣтова̑нїѧ, загради́ша ᲂу҆ста̀ львѡ́въ: ᲂу҆гаси́ша си́лꙋ ѻ҆́гненнꙋю, и҆збѣго́ша ѻ҆́стреѧ меча̀, возмого́ша ѿ не́мощи, бы́ша крѣ́пцы во бране́хъ, ѡ҆брати́ша въ бѣ́гство полкѝ чꙋжи́хъ. прїѧ́ша жєны̀ ѿ воскресе́нїѧ мє́ртвыѧ своѧ̀: и҆ні́и же и҆збїе́ни бы́ша, не прїе́мше и҆збавле́нїѧ, да лꙋ́чшее воскрⷭ҇нїе ᲂу҆лꙋча́тъ: дрꙋзі́и же рꙋга́нїемъ и҆ ра́нами и҆скꙋше́нїе прїѧ́ша, є҆ще́ же и҆ ᲂу҆́зъ и҆ темни́цъ. ка́менїемъ побїе́ни бы́ша, претре́ни бы́ша, и҆скꙋше́ни бы́ша, ᲂу҆бі́йствомъ меча̀ ᲂу҆мро́ша: проидо́ша въ ми́лѡтехъ, и҆ въ ко́зїѧхъ ко́жахъ, лише́ни, скорбѧ́ще, ѡ҆ѕло́блени: и҆́хже не бѣ̀ досто́инъ ве́сь мі́ръ, въ пꙋсты́нѧхъ скита́ющесѧ, и҆ въ гора́хъ, и҆ въ верте́пахъ, и҆ въ про́пастехъ земны́хъ. и҆ сі́и всѝ послꙋ́шествовани бы́вше вѣ́рою, не прїѧ́ша ѡ҆бѣтова́нїѧ: бг҃ꙋ лꙋ́чшее что̀ ѡ҆ на́съ предзрѣ́вшꙋ, да не без̾ на́съ соверше́нство прїи́мꙋтъ. тѣ́мже ᲂу҆́бѡ и҆ мы̀, толи́къ и҆мꙋ́ще ѡ҆блежа́щъ на́съ ѻ҆́блакъ свидѣ́телей, го́рдость всѧ́кꙋ ѿло́жше, и҆ ᲂу҆до́бь ѡ҆бстоѧ́тельный грѣ́хъ, терпѣ́нїемъ да тече́мъ на предлежа́щїй на́мъ по́двигъ: взира́юще на нача́льника вѣ́ры, и҆ соверши́телѧ і҆и҃са."
|
|
},
|
|
{
|
|
"type": "HEADER",
|
|
"value": "А҆ллилꙋ́їа, гла́съ а҃."
|
|
},
|
|
{
|
|
"type": "TEXT",
|
|
"value": "Сті́хъ: Помѧнѝ со́нмъ тво́й, є҆го́же стѧжа́лъ є҆сѝ и҆спе́рва. Сті́хъ: Бг҃ъ же цр҃ь на́шъ пре́жде вѣ́ка, содѣ́ла спасе́нїе посредѣ̀ землѝ."
|
|
},
|
|
{
|
|
"type": "TEXT",
|
|
"value": "И҆ ст҃ы̑мъ сті́хъ: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ, и҆ ѿ всѣ́хъ скорбе́й и҆́хъ и҆зба́ви и҆̀хъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло ѯ҃."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, совѣ́тъ сотвори́ша всѝ а҆рхїере́є и҆ ста́рцы на і҆и҃са, ꙗ҆́кѡ да ᲂу҆бїю́тъ є҆го̀. и҆ преведо́ша є҆го̀ къ пїла́тꙋ, глаго́люще: воз̾мѝ воз̾мѝ, распнѝ є҆го̀. глаго́ла и҆̀мъ пїла́тъ: поими́те є҆го̀ вы̀, и҆ распни́те: а҆́зъ бо не ѡ҆брѣта́ю въ не́мъ вины̀. ѿвѣща́ша є҆мꙋ̀ і҆ꙋде́є: мы̀ зако́нъ и҆́мамы, и҆ по зако́нꙋ на́шемꙋ до́лженъ є҆́сть ᲂу҆мре́ти, ꙗ҆́кѡ себѐ сн҃а бж҃їѧ сотворѝ. є҆гда́ же слы́ша пїла́тъ сїѐ сло́во, па́че ᲂу҆боѧ́сѧ. и҆ вни́де въ претѡ́ръ па́ки, и҆ глаго́ла і҆и҃сови: ѿкꙋ́дꙋ є҆сѝ ты̀; і҆и҃съ же ѿвѣ́та не дадѐ є҆мꙋ̀. глаго́ла же є҆мꙋ̀ пїла́тъ: мнѣ́ ли не глаго́леши; не вѣ́си ли, ꙗ҆́кѡ вла́сть и҆́мамъ распѧ́ти тѧ̀, и҆ вла́сть и҆́мамъ пꙋсти́ти тѧ̀; ѿвѣща̀ і҆и҃съ: не и҆́маши вла́сти ни є҆ди́ныѧ на мнѣ̀, а҆́ще не бы̀ тѝ дано̀ свы́ше. пїла́тъ же слы́шавъ сїѐ сло́во, и҆зведѐ во́нъ і҆и҃са, и҆ сѣ́де на сꙋди́щи, на мѣ́стѣ глаго́лемѣмъ лїѳострѡто́нъ, є҆вре́йски же гавва́ѳа. бѣ́ же пѧто́къ па́сцѣ, ча́съ же ꙗ҆́кѡ шесты́й. и҆ глаго́ла і҆ꙋде́ѡмъ: сѐ цр҃ь ва́шъ. ѻ҆ни́ же вопїѧ́хꙋ: воз̾мѝ, воз̾мѝ распнѝ є҆го̀. глаго́ла и҆̀мъ пїла́тъ: цр҃ѧ́ ли ва́шего распнꙋ̀; ѿвѣща́ша а҆рхїере́є: не и҆́мамы цр҃ѧ̀, то́кмѡ ке́сарѧ. тогда́ же предадѐ є҆го̀ и҆̀мъ, да ра́спнетсѧ. пое́мше же і҆и҃са, и҆ ведо́ша. и҆ носѧ̀ крⷭ҇тъ сво́й, и҆зы́де въ глаго́лемое ло́бное мѣ́сто, є҆́же глаго́летсѧ є҆вре́йски голго́ѳа, и҆дѣ́же пропѧ́ша є҆го̀: и҆ съ ни́мъ и҆́на два̀ сю́дꙋ и҆ сю́дꙋ, посредѣ́ же і҆и҃са. написа́ же и҆ ті̑тла пїла́тъ, и҆ положѝ на крⷭ҇тѣ̀. бѣ́ же напи́сано: і҆и҃съ назѡрѧни́нъ цр҃ь і҆ꙋде́йскїй. сегѡ́ же ті́тла мно́зи что́ша ѿ і҆ꙋдє́й, ꙗ҆́кѡ бли́зъ бѣ̀ мѣ́сто гра́да, и҆дѣ́же пропѧ́ша і҆и҃са: и҆ бѣ̀ напи́сано, є҆вре́йски, гре́чески, ри́мски. стоѧ́хꙋ же при крⷭ҇тѣ̀ і҆и҃совѣ мт҃и є҆гѡ̀, и҆ сестра̀ мт҃ре є҆гѡ̀, марі́а клео́пова, и҆ марі́а магдали́на, і҆и҃съ же ви́дѣвъ мт҃рь, и҆ ᲂу҆ченика̀ стоѧ́ща, є҆го́же люблѧ́ше, глаго́ла мт҃ри свое́й: же́но, сѐ сн҃ъ тво́й. пото́мъ же глаго́ла ᲂу҆ченикꙋ̀: сѐ мт҃и твоѧ̀. и҆ ѿ тогѡ̀ часа̀ поѧ́тъ ю҆̀ ᲂу҆чени́къ во своѧ́си. посе́мъ вѣ́дый і҆и҃съ, ꙗ҆́кѡ всѧ̑ ᲂу҆жѐ соверши́шасѧ, и҆ прекло́нь главꙋ̀, предадѐ дх҃ъ. і҆ꙋде́є же, поне́же пѧто́къ бѣ̀, да не ѡ҆ста́нꙋтъ на крⷭ҇тѣ̀ тѣлеса̀ въ сꙋббѡ́тꙋ: бѣ́ бо вели́къ де́нь тоѧ̀ сꙋббѡ́ты, моли́ша пїла́та, да пребїю́тъ го́лєни и҆́хъ, и҆ во́з̾мꙋтъ. прїидо́ша же во́ини, и҆ пе́рвомꙋ ᲂу҆́бѡ преби́ша го́лєни, и҆ дрꙋго́мꙋ распѧ́томꙋ съ ни́мъ. на і҆и҃са же прише́дше, ꙗ҆́кѡ ви́дѣша є҆го̀ ᲂу҆жѐ ᲂу҆ме́рша, не преби́ша є҆мꙋ̀ го́ленїй: но є҆ди́нъ ѿ вѡ́инъ копїе́мъ ре́бра є҆мꙋ̀ прободѐ, и҆ а҆́бїе и҆зы́де кро́вь и҆ вода̀. и҆ ви́дѣвый свидѣ́тельствова, и҆ и҆́стинно є҆́сть свидѣ́тельство є҆гѡ̀."
|
|
},
|
|
{
|
|
"type": "HEADER",
|
|
"value": "И҆ ст҃ы̑мъ, ѿ матѳе́а, зача́ло л҃и."
|
|
},
|
|
{
|
|
"type": "TEXT",
|
|
"value": "Р ечѐ гдⷭ҇ь свои́мъ ᲂу҆ченикѡ́мъ: всѧ́къ и҆́же и҆сповѣ́сть мѧ̀ пред̾ человѣ́ки, и҆сповѣ́мъ є҆го̀ и҆ а҆́зъ пред̾ ѻ҆ц҃е́мъ мои́мъ, и҆́же на нб҃сѣ́хъ. а҆ и҆́же ѿве́ржетсѧ менѐ пред̾ человѣ́ки, ѿве́ргꙋсѧ є҆гѡ̀ и҆ а҆́зъ пред̾ ѻ҆ц҃е́мъ мои́мъ, и҆́же на нб҃сѣ́хъ. не мни́те, ꙗ҆́кѡ прїидо́хъ воврещѝ ми́ръ на зе́млю: не прїидо́хъ бо воврещѝ ми́ръ, но ме́чь. прїидо́хъ бо разлꙋчи́ти человѣ́ка на ѻ҆тца̀ своего̀, и҆ дще́рь на ма́терь свою̀, и҆ невѣ́стꙋ на свекро́вь свою̀. и҆ вразѝ человѣ́кꙋ дома́шнїи є҆гѡ̀. и҆ бы́сть, є҆гда̀ совершѝ і҆и҃съ, заповѣ́даѧ ѻ҆бѣмана́десѧте ᲂу҆ченико́ма свои́ма, пре́йде ѿтꙋ́дꙋ ᲂу҆чи́ти, и҆ проповѣ́дати во гра́дѣхъ и҆́хъ."
|
|
},
|
|
{
|
|
"type": "TEXT",
|
|
"value": "На лїтꙋргі́и пое́мъ Досто́йно, а҆ не і҆рмо́съ крⷭ҇та̀."
|
|
},
|
|
{
|
|
"type": "HEADER",
|
|
"value": "Прича́стенъ:"
|
|
},
|
|
{
|
|
"type": "TEXT",
|
|
"value": "З на́менасѧ на на́съ свѣ́тъ лица̀ твоегѡ̀, гдⷭ҇и. И҆ ст҃ы̑мъ: Ра́дꙋйтесѧ, првⷣнїи, ѡ҆ гдⷭ҇ѣ: / пра̑вымъ подоба́етъ похвала̀. / А҆ ллилꙋ́їа, три́жды."
|
|
},
|
|
{
|
|
"type": "HEADER",
|
|
"value": "Чи́нъ свѧще́нїѧ воды̀."
|
|
},
|
|
{
|
|
"type": "TEXT",
|
|
"value": "Въ сі́й а҃-й де́нь а҆́ѵгꙋста, во ѻ҆би́телехъ и҆ прихо́дскихъ хра́мѣхъ, соверша́ютъ чи́нъ свѧще́нїѧ воды̀, и҆ быва́етъ си́це:"
|
|
},
|
|
{
|
|
"type": "TEXT",
|
|
"value": "Приꙋгото́ванꙋ столꙋ̀ и҆ ᲂу҆кра́шенꙋ, и҆ водѣ̀ въ ча́шѣ, и҆лѝ и҆схо́димъ на и҆сто́чники. И҆ благослови́вшꙋ і҆ере́ю, глаго́летсѧ трист҃о́е:"
|
|
},
|
|
{
|
|
"type": "TEXT",
|
|
"value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. [Три́жды.]"
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
|
|
},
|
|
{
|
|
"type": "TEXT",
|
|
"value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
|
|
},
|
|
{
|
|
"type": "TEXT",
|
|
"value": "Г дⷭ҇и поми́лꙋй, три́жды. Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Ꙗ҆́кѡ твоѐ є҆́сть црⷭ҇тво, и҆ си́ла, и҆ сла́ва, ѻ҆ц҃а̀, и҆ сн҃а, и҆ ст҃а́гѡ дх҃а, ны́нѣ и҆ при́снѡ, и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Та́же чте́цъ: А҆ми́нь. Г дⷭ҇и поми́лꙋй, в҃і. С ла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
|
|
},
|
|
{
|
|
"type": "HEADER",
|
|
"value": "И҆ ѱало́мъ рм҃в:"
|
|
},
|
|
{
|
|
"type": "TEXT",
|
|
"value": "Г дⷭ҇и, ᲂу҆слы́ши моли́твꙋ мою̀, внꙋшѝ моле́нїе моѐ во и҆́стинѣ твое́й, ᲂу҆слы́ши мѧ̀ въ пра́вдѣ твое́й: и҆ не вни́ди въ сꙋ́дъ съ рабо́мъ твои́мъ, ꙗ҆́кѡ не ѡ҆правди́тсѧ пред̾ тобо́ю всѧ́къ живы́й. ꙗ҆́кѡ погна̀ вра́гъ дꙋ́шꙋ мою̀: смири́лъ є҆́сть въ зе́млю живо́тъ мо́й: посади́лъ мѧ̀ є҆́сть въ те́мныхъ, ꙗ҆́кѡ мє́ртвыѧ вѣ́ка. и҆ ᲂу҆ны̀ во мнѣ̀ дꙋ́хъ мо́й, во мнѣ̀ смѧте́сѧ се́рдце моѐ. помѧнꙋ́хъ дни̑ дрє́внїѧ, поꙋчи́хсѧ во всѣ́хъ дѣ́лѣхъ твои́хъ, въ творе́нїихъ рꙋкꙋ̀ твоє́ю поꙋча́хсѧ. воздѣ́хъ къ тебѣ̀ рꙋ́цѣ моѝ: дꙋша̀ моѧ̀ ꙗ҆́кѡ землѧ̀ безво́днаѧ тебѣ̀. ско́рѡ ᲂу҆слы́ши мѧ̀, гдⷭ҇и, и҆счезѐ дꙋ́хъ мо́й: не ѿвратѝ лица̀ твоегѡ̀ ѿ менѐ, и҆ ᲂу҆подо́блюсѧ низходѧ́щымъ въ ро́въ. слы́шанꙋ сотворѝ мнѣ̀ заꙋ́тра млⷭ҇ть твою̀, ꙗ҆́кѡ на тѧ̀ ᲂу҆пова́хъ: скажѝ мнѣ̀, гдⷭ҇и, пꙋ́ть, во́ньже пойдꙋ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. и҆зми́ мѧ ѿ вра̑гъ мои́хъ, гдⷭ҇и, къ тебѣ̀ прибѣго́хъ. наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й: дх҃ъ тво́й бл҃гі́й наста́витъ мѧ̀ на зе́млю пра́вꙋ. и҆́мене твоегѡ̀ ра́ди, гдⷭ҇и, живи́ши мѧ̀ пра́вдою твое́ю: и҆зведе́ши ѿ печа́ли дꙋ́шꙋ мою̀: и҆ млⷭ҇тїю твое́ю потреби́ши врагѝ моѧ̑ и҆ погꙋби́ши всѧ̑ стꙋжа́ющыѧ дꙋшѝ мое́й: ꙗ҆́кѡ а҆́зъ ра́бъ тво́й є҆́смь."
|
|
},
|
|
{
|
|
"type": "HEADER",
|
|
"value": "Та́же, Бг҃ъ гдⷭ҇ь, во гла́съ д҃:"
|
|
},
|
|
{
|
|
"type": "TEXT",
|
|
"value": "Б г҃ъ гдⷭ҇ь и҆ ꙗ҆ви́сѧ на́мъ, / бл҃гослове́нъ грѧды́й во и҆́мѧ гдⷭ҇не."
|
|
},
|
|
{
|
|
"type": "TEXT",
|
|
"value": "Сті́хъ: И҆сповѣ́дайтесѧ гдⷭ҇ви, ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Ѡ҆быше́дше ѡ҆быдо́ша мѧ̀, и҆ и҆́менемъ гдⷭ҇нимъ противлѧ́хсѧ и҆̀мъ."
|
|
},
|
|
{
|
|
"type": "TEXT",
|
|
"value": "Сті́хъ: Не ᲂу҆мрꙋ̀, но жи́въ бꙋ́дꙋ, и҆ повѣ́мъ дѣла̀ гдⷭ҇нѧ."
|
|
},
|
|
{
|
|
"type": "TEXT",
|
|
"value": "Сті́хъ: Ка́мень є҆го́же небрего́ша зи́ждꙋщїи, се́й бы́сть во главꙋ̀ ᲂу҆́гла: ѿ гдⷭ҇а бы́сть се́й, и҆ є҆́сть ди́венъ во ѻ҆чесѣ́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ настоѧ́щыѧ тропарѝ, гла́съ д҃:"
|
|
},
|
|
{
|
|
"type": "TEXT",
|
|
"value": "К ъ бцⷣѣ прилѣ́жнѡ ны́нѣ притеце́мъ / грѣ́шнїи и҆ смире́ннїи и҆ припаде́мъ, / въ покаѧ́нїи зовꙋ́ще и҆з̾ глꙋбины̀ дꙋшѝ: / влⷣчце, помозѝ на ны̀ млⷭ҇рдовавши: / потщи́сѧ, погиба́емъ ѿ мно́жества прегрѣше́нїй, / не ѿвратѝ твоѧ̑ рабы̑ тщы̀: / тѧ́ бо и҆ є҆ди́нꙋ наде́ждꙋ и҆́мамы. [Два́жды.]"
|
|
},
|
|
{
|
|
"type": "TEXT",
|
|
"value": "Слава, и҆ ны́нѣ: Не ᲂу҆молчи́мъ никогда̀ бцⷣе, / си̑лы твоѧ̑ глаго́лати недосто́йнїи: / а҆́ще бо ты̀ не бы̀ предстоѧ́ла молѧ́щи, / кто̀ бы на́съ и҆зба́вилъ ѿ толи́кихъ бѣ́дъ; / кто́же бы сохрани́лъ до ны́нѣ свобо́дны; / не ѿстꙋ́пимъ влⷣчце ѿ тебѐ: / твоѧ̑ бо рабы̑ сп҃са́еши при́снѡ ѿ всѧ́кихъ лю́тыхъ."
|
|
},
|
|
{
|
|
"type": "HEADER",
|
|
"value": "Та́же, ѱало́мъ н҃."
|
|
},
|
|
{
|
|
"type": "TEXT",
|
|
"value": "П оми́лꙋй мѧ̀, бж҃е, по вели́цѣй ми́лости твое́й, и҆ по мно́жествꙋ щедро́тъ твои́хъ, ѡ҆чи́сти беззако́нїе моѐ. наипа́че ѡ҆мы́й мѧ̀ ѿ беззако́нїѧ моегѡ̀, и҆ ѿ грѣха̀ моегѡ̀ ѡ҆чи́сти мѧ̀. ꙗ҆́кѡ беззако́нїе моѐ а҆́зъ зна́ю, и҆ грѣ́хъ мо́й предо мно́ю є҆́сть вы́нꙋ. тебѣ̀ є҆ди́номꙋ согрѣши́хъ, и҆ лꙋка́вое предъ тобо́ю сотвори́хъ: ꙗ҆́кѡ да ѡ҆правди́шисѧ во словесѣ́хъ твои́хъ, и҆ побѣди́ши внегда̀ сꙋди́ти тѝ. се́ бо въ беззако́нїихъ зача́тъ є҆́смь и҆ во грѣсѣ́хъ роди́ мѧ ма́ти моѧ̀. се́ бо и҆́стинꙋ возлюби́лъ є҆сѝ, безвѣ̑стнаѧ и҆ та̑йнаѧ премꙋ́дрости твоеѧ̀ ꙗ҆ви́лъ мѝ є҆сѝ. ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ᲂу҆бѣлю́сѧ. слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. се́рдце чи́сто сози́жди во мнѣ̀, бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. не ѿве́ржи менѐ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менє̀. возда́ждь мѝ ра́дость спасе́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. и҆зба́ви мѧ̀ ѿ крове́й, бж҃е, бж҃е спасе́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. гдⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. ꙗ҆́кѡ а҆́ще бы восхотѣ́лъ є҆сѝ же́ртвы, да́лъ бы́хъ ᲂу҆́бѡ: всесожже́нїѧ не благоволи́ши. же́ртва бг҃ꙋ дх҃ъ сокрꙋше́нъ, се́рдце сокрꙋше́нно и҆ смире́нно бг҃ъ не ᲂу҆ничижи́тъ. ᲂу҆блажѝ, гдⷭ҇и, благоволе́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерꙋсали̑мскїѧ. тогда̀ благоволи́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀."
|
|
},
|
|
{
|
|
"type": "HEADER",
|
|
"value": "Та́же, пое́мъ тропарѝ сїѧ̑, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Є҆́ же ра́дꙋйсѧ а҆́гг҃ломъ прїи́мшаѧ, / и҆ ро́ждшаѧ зижди́телѧ твоего̀, / дв҃о, сп҃са́й тѧ̀ велича́ющыѧ. [Два́жды.]"
|
|
},
|
|
{
|
|
"type": "TEXT",
|
|
"value": "В оспѣва́емъ сн҃а твоего̀ бцⷣе, / и҆ вопїе́мъ: пречⷭ҇таѧ влⷣчце, / всѧ́кїѧ бѣды̀ и҆зба́ви рабы̑ твоѧ̑."
|
|
},
|
|
{
|
|
"type": "TEXT",
|
|
"value": "Ц арє́мъ, прⷪ҇ро́кѡмъ и҆ а҆пⷭ҇лѡмъ, / и҆ мч҃нкѡмъ ты̀ є҆сѝ похвала̀, / и҆ предста́тельница мі́рꙋ, всенепоро́чнаѧ."
|
|
},
|
|
{
|
|
"type": "TEXT",
|
|
"value": "Ꙗ҆ зы́къ всѧ́къ правосла́вныхъ похвалѧ́етъ, и҆ бл҃жи́тъ, / и҆ сла́витъ пречⷭ҇тое ржⷭ҇тво̀ твоѐ, / мр҃і́е бг҃оневѣ́стнаѧ."
|
|
},
|
|
{
|
|
"type": "TEXT",
|
|
"value": "Д а́ждь хрⷭ҇тѐ мо́й, и҆ мнѣ̀ недосто́йномꙋ / долгѡ́въ ѡ҆ставле́нїе, молю́сѧ / тѧ̀ ро́ждшїѧ мл҃твами, ꙗ҆́кѡ бл҃гоꙋтро́бенъ."
|
|
},
|
|
{
|
|
"type": "TEXT",
|
|
"value": "Н а тѧ̀ моѧ̑ ᲂу҆пова̑нїѧ возложи́хъ бцⷣе, / сп҃си́ мѧ мл҃твами твои́ми, / да́рꙋй мѝ прегрѣше́нїй ѡ҆ставле́нїе."
|
|
},
|
|
{
|
|
"type": "TEXT",
|
|
"value": "Ѡ҆ живи́ мѧ, ро́ждшаѧ жизнода́вца и҆ сп҃са, / сп҃сѝ мл҃твами твои́ми: / бл҃гослове́ннаѧ наде́ждо дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "З ижди́телѧ всѣ́хъ во ᲂу҆тро́бѣ твое́й заче́ншаѧ / дв҃о всенепоро́чнаѧ, / мл҃твами твои́ми сп҃сѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Б цⷣе ро́ждшаѧ сло́вомъ па́че сло́ва, / сло́во всепѣ́таѧ, / того̀ молѝ сп҃стѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "М лⷭ҇тива мнѣ̀ сꙋдїю́ же и҆ сн҃а твоего̀ / прегрѣши́вшемꙋ па́че всѧ́кагѡ человѣ́ка, / твои́ми мл҃твами содѣ́лай влⷣчце."
|
|
},
|
|
{
|
|
"type": "TEXT",
|
|
"value": "П о до́лгꙋ вопїе́мъ тѝ: / ра́дꙋйсѧ бцⷣе чⷭ҇таѧ приснодв҃о, / молѧ́щесѧ мл҃твами твои́ми сп҃сти́сѧ."
|
|
},
|
|
{
|
|
"type": "TEXT",
|
|
"value": "И҆ зба́ви мѧ̀ ѻ҆гнѧ̀ вѣ́чнагѡ, / и҆ мꙋ́къ предлежа́щихъ мнѣ̀ бг҃ороди́тельнице, / ꙗ҆́кѡ да ᲂу҆блажа́ю тѧ̀."
|
|
},
|
|
{
|
|
"type": "TEXT",
|
|
"value": "Н е пре́зри молє́нїѧ твои́хъ рабѡ́въ, / мо́лимсѧ влⷣчце всепѣ́таѧ, / ꙗ҆́кѡ да и҆зба́вимсѧ всѧ́кагѡ ѡ҆бстоѧ́нїѧ."
|
|
},
|
|
{
|
|
"type": "TEXT",
|
|
"value": "Н едꙋ́гѡвъ, и҆ всѧ́кихъ болѣ́зней, / и҆ бѣ́дъ на́съ свободѝ, / къ сщ҃е́нномꙋ твоемꙋ̀ покро́вꙋ прибѣга́ющихъ."
|
|
},
|
|
{
|
|
"type": "TEXT",
|
|
"value": "С тра́нное чꙋ́до, є҆́же въ тебѣ̀ бг҃ороди́тельнице: / на́съ бо ра́ди по на́мъ роди́сѧ / всѣ́хъ зижди́тель и҆з̾ тебѐ, и҆ бг҃ъ на́шъ."
|
|
},
|
|
{
|
|
"type": "TEXT",
|
|
"value": "Х ра́мъ тво́й бцⷣе / показа́сѧ врачевство̀ недꙋ́гѡвъ безме́здное, / и҆ ѡ҆скорблѧ́емыхъ дꙋ́шъ ᲂу҆тѣше́нїе."
|
|
},
|
|
{
|
|
"type": "TEXT",
|
|
"value": "П рест҃а́ѧ бцⷣе, ро́ждшаѧ сп҃са, / ѿ бѣ́дъ сп҃сѝ, / и҆ всѧ́кїѧ и҆ны́ѧ нꙋ́жды рабы̑ твоѧ̑."
|
|
},
|
|
{
|
|
"type": "TEXT",
|
|
"value": "И҆ зба́ви ѿ всѧ́кагѡ преще́нїѧ находѧ́щагѡ рабы̑ твоѧ̑ / прест҃а́ѧ влⷣчце, / и҆ всѧ́кагѡ вре́да дꙋше́внагѡ же и҆ тѣле́снагѡ."
|
|
},
|
|
{
|
|
"type": "TEXT",
|
|
"value": "С п҃сѝ всѣ́хъ мл҃твами твои́ми, дв҃о бцⷣе, / къ тебѣ̀ притека́ющихъ, / и҆ и҆зба́ви всѧ́кїѧ нꙋ́жды и҆ ско́рби."
|
|
},
|
|
{
|
|
"type": "TEXT",
|
|
"value": "К то̀ притека́ѧй въ хра́мъ тво́й бцⷣе, / не прїе́млетъ ско́рѡ и҆сцѣле́нїѧ, / дꙋше́внагѡ вкꙋ́пѣ и҆ тѣле́снагѡ, пречⷭ҇таѧ;"
|
|
},
|
|
{
|
|
"type": "TEXT",
|
|
"value": "Ѿ всѣ́хъ ᲂу҆молѧ́емь ще́дре, / ст҃ы́хъ и҆ го́рнихъ чинѡ́въ, / ѡ҆чи́сти мѧ̀ ро́ждшею тѧ̀."
|
|
},
|
|
{
|
|
"type": "TEXT",
|
|
"value": "П ощадѝ сп҃се, дꙋ́шы ᲂу҆ме́ршихъ бра́тїй на́шихъ, / въ наде́жди жи́зни: / и҆ ѡ҆сла́би, ѡ҆ста́ви и҆̀мъ согрѣшє́нїѧ."
|
|
},
|
|
{
|
|
"type": "TEXT",
|
|
"value": "Р а́дꙋйсѧ мі́ра ѡ҆чисти́лище дв҃о, / ра́дꙋйсѧ рꙋ́чко и҆ свѣ́щниче всезлаты́й, / бж҃е́ственныѧ ма́нны и҆ свѣ́та, бг҃оневѣ́сто."
|
|
},
|
|
{
|
|
"type": "TEXT",
|
|
"value": "П ое́мъ тѧ̀ бг҃а є҆ди́наго въ трⷪ҇цѣ, / вопїю́ще гла́съ трист҃ы́й, / молѧ́щесѧ сп҃се́нїе полꙋчи́ти."
|
|
},
|
|
{
|
|
"type": "TEXT",
|
|
"value": "Сла́ва: Ѽ дв҃о, ро́ждшаѧ сп҃са / и҆ влⷣкꙋ мі́ра и҆ гдⷭ҇а, / того̀ молѝ сп҃стѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ра́дꙋйсѧ горо̀, ра́дꙋйсѧ кꙋпино̀, / ра́дꙋйсѧ врата̀, ра́дꙋйсѧ лѣ́ствице, / ра́дꙋйсѧ бж҃е́ственнаѧ трапе́зо, / ра́дꙋйсѧ всѣ́хъ по́моще влⷣчце."
|
|
},
|
|
{
|
|
"type": "TEXT",
|
|
"value": "М л҃твами, млⷭ҇тиве, мт҃ре твоеѧ̀ пречⷭ҇тыѧ, / и҆ всѣ́хъ ст҃ы́хъ твои́хъ, / твоѧ̑ млⷭ҇ти лю́демъ твои̑мъ да́рꙋй."
|
|
},
|
|
{
|
|
"type": "TEXT",
|
|
"value": "М л҃твами сла́вныхъ а҆рха̑гг҃лъ, и҆ а҆́гг҃лъ, / и҆ го́рнихъ чинѡ́въ, / рабы̑ твоѧ̑ сп҃се до́брѣ сохранѝ."
|
|
},
|
|
{
|
|
"type": "TEXT",
|
|
"value": "М л҃твами чⷭ҇тна́гѡ и҆ сла́внагѡ крⷭ҇ти́телѧ твоегѡ̀, / прⷪ҇ро́ка, предте́чи, / хрⷭ҇тѐ сп҃се мо́й, рабы̑ твоѧ̑ сохранѝ."
|
|
},
|
|
{
|
|
"type": "TEXT",
|
|
"value": "М л҃твами сла́вныхъ а҆пⷭ҇лѡвъ и҆ мꙋ́ченикѡвъ, / и҆ всѣ́хъ ст҃ы́хъ твои́хъ, / твоѧ̑ млⷭ҇ти лю́демъ твои̑мъ да́рꙋй."
|
|
},
|
|
{
|
|
"type": "TEXT",
|
|
"value": "М л҃твами сла́вныхъ безсре́брєнникъ, / бцⷣе рабы̑ твоѧ̑ сохранѝ, / ꙗ҆́кѡ предста́тельство мі́ра и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Сла́ва: Ѻ҆ц҃а̀ и҆ сн҃а славосло́вимъ, / и҆ дх҃а ст҃а́го, глаго́люще: / трⷪ҇це ст҃а́ѧ, сп҃сѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Неизрече́ннѡ въ послѣ̑днѧѧ заче́ншаѧ, / и҆ ро́ждшаѧ созда́телѧ твоего̀, / дв҃о, сп҃са́й тѧ̀ велича́ющыѧ."
|
|
},
|
|
{
|
|
"type": "TEXT",
|
|
"value": "Та́же: Млⷭ҇рдїѧ двє́ри ѿве́рзи на́мъ / бл҃гослове́ннаѧ бцⷣе, / надѣ́ющїисѧ на тѧ̀ да не поги́бнемъ, / но да и҆зба́вимсѧ тобо́ю ѿ бѣ́дъ: / ты́ бо є҆сѝ сп҃се́нїе ро́да хрⷭ҇тїа́нскагѡ."
|
|
},
|
|
{
|
|
"type": "TEXT",
|
|
"value": "Та́же, Гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Сщ҃е́нникъ возглаша́етъ: Ꙗ҆́кѡ свѧ́тъ є҆сѝ бж҃е на́шъ, и҆ во ст҃ы́хъ почива́еши, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "HEADER",
|
|
"value": "Та́же, настоѧ́щыѧ тропарѝ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Н ы́нѣ наста̀ вре́мѧ всѣ́хъ ѡ҆сщ҃а́ющее, / и҆ првⷣный на́съ жде́тъ сꙋдїѧ̀, / но ѡ҆брати́сѧ дꙋшѐ къ покаѧ́нїю, / ꙗ҆́кѡ блꙋдни́ца зовꙋ́щи со слеза́ми: / гдⷭ҇и, поми́лꙋй мѧ̀."
|
|
},
|
|
{
|
|
"type": "TEXT",
|
|
"value": "В ода́ми ѡ҆дожди́вый хрⷭ҇тѐ и҆сто́чникъ и҆сцѣле́нїй, / во всечⷭ҇тнѣ́мъ хра́мѣ дв҃ы дне́сь, / твоегѡ̀ бл҃гослове́нїѧ ѡ҆кропле́нїемъ, / ѿгонѧ́еши недꙋ́ги немощствꙋ́ющихъ, / врачꙋ̀ дꙋ́шъ и҆ тѣле́съ на́шихъ."
|
|
},
|
|
{
|
|
"type": "TEXT",
|
|
"value": "Д в҃а родила̀ є҆сѝ неискꙋсобра́чнаѧ / и҆ дв҃о пребыла̀ є҆сѝ мт҃и безневѣ́стнаѧ, / бцⷣе мр҃і́е, / хрⷭ҇та̀ бг҃а на́шего молѝ сп҃сти́сѧ на́мъ."
|
|
},
|
|
{
|
|
"type": "TEXT",
|
|
"value": "П рест҃а́ѧ бцⷣе дв҃о, / рꙋ́къ на́шихъ дѣла̀ и҆спра́ви, / и҆ проще́нїе прегрѣше́нїй на́шихъ и҆спросѝ, / внегда̀ пѣ́ти на́мъ а҆́гг҃льское пѣ́нїе:"
|
|
},
|
|
{
|
|
"type": "TEXT",
|
|
"value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, / поми́лꙋй на́съ. [Три́жды.]"
|
|
},
|
|
{
|
|
"type": "TEXT",
|
|
"value": "Ѿпѣ́вше же по ѻ҆бы́чаю, и҆ по трист҃о́мъ дїа́конъ глаго́летъ: Во́нмемъ."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Ми́ръ всѣ̑мъ."
|
|
},
|
|
{
|
|
"type": "TEXT",
|
|
"value": "Ли́къ: И҆ дꙋ́хови твоемꙋ̀."
|
|
},
|
|
{
|
|
"type": "HEADER",
|
|
"value": "Чте́цъ, прокі́менъ, гла́съ г҃:"
|
|
},
|
|
{
|
|
"type": "TEXT",
|
|
"value": "Г дⷭ҇ь просвѣще́нїе моѐ, / и҆ сп҃си́тель мо́й, когѡ̀ ᲂу҆бою́сѧ;"
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇ь защи́титель живота̀ моегѡ̀, ѿ когѡ̀ ᲂу҆страшꙋ́сѧ;"
|
|
},
|
|
{
|
|
"type": "HEADER",
|
|
"value": "А҆по́столъ къ є҆вре́ѡмъ, зача́ло т҃ѕ."
|
|
},
|
|
{
|
|
"type": "TEXT",
|
|
"value": "Б ра́тїе, ст҃ѧ́й и҆ ѡ҆свѧща́емїи, ѿ є҆ди́нагѡ всѝ: є҆ѧ́же ра́ди вины̀ не стыди́тсѧ бра́тїю нарица́ти и҆̀хъ, глаго́лѧ: возвѣщꙋ̀ и҆́мѧ твоѐ бра́тїи мое́й, посредѣ̀ цр҃кве воспою̀ тѧ̀. и҆ па́ки: а҆́зъ бꙋ́дꙋ надѣ́ѧсѧ на́нь. и҆ па́ки: сѐ а҆́зъ и҆ дѣ́ти, ꙗ҆̀же мѝ да́лъ є҆́сть бг҃ъ. поне́же ᲂу҆́бѡ дѣ́ти прїѡбщи́шасѧ пло́ти и҆ кро́ви, и҆ то́й прїи́скреннѣ прїѡбщи́сѧ тѣ́хже, да сме́ртїю ᲂу҆праздни́тъ и҆мꙋ́щаго держа́вꙋ сме́рти, си́рѣчь дїа́вола: и҆ и҆зба́витъ си́хъ є҆ли́цы стра́хомъ сме́рти чрез̾ всѐ житїѐ пови́нни бѣ́ша рабо́тѣ. не ѿ а҆́гг҃лъ ᲂу҆́бѡ когда̀ прїе́млетъ, но ѿ сѣ́мене а҆враа́мова прїе́млетъ. ѿню́дꙋже до́лженъ бѣ̀ по всемꙋ̀ подо́битисѧ бра́тїи, да млⷭ҇тивъ бꙋ́детъ и҆ вѣ́ренъ первосщ҃е́нникъ, ꙗ҆̀же къ бг҃ꙋ, во є҆́же ѡ҆чи́стити грѣхѝ людскі̑ѧ. въ не́мже бо пострада̀ са́мъ, и҆скꙋше́нъ бы́въ, мо́жетъ и҆ и҆скꙋша́ємымъ помощѝ."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Ми́ръ тѝ."
|
|
},
|
|
{
|
|
"type": "HEADER",
|
|
"value": "А҆ллилꙋ́їа. Гла́съ ѕ҃."
|
|
},
|
|
{
|
|
"type": "TEXT",
|
|
"value": "Сті́хъ а҃: Ѿры́гнꙋ се́рдце моѐ сло́во бла́го."
|
|
},
|
|
{
|
|
"type": "TEXT",
|
|
"value": "Сті́хъ в҃: Глаго́лю а҆́зъ дѣла̀ моѧ̑ цр҃е́ви."
|
|
},
|
|
{
|
|
"type": "TEXT",
|
|
"value": "И҆ посе́мъ возглаша́етъ дїа́конъ: И҆ ѡ҆ сподо́битисѧ на́мъ слы́шанїю ст҃а́гѡ є҆ѵⷢ҇лїа гдⷭ҇а бг҃а мо́лимъ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй, три́жды."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость, про́сти ᲂу҆слы́шимъ ст҃а́гѡ є҆ѵⷢ҇лїа."
|
|
},
|
|
{
|
|
"type": "TEXT",
|
|
"value": "И҆ сщ҃е́нникъ: Ми́ръ всѣ̑мъ."
|
|
},
|
|
{
|
|
"type": "TEXT",
|
|
"value": "Лю́дїе: И҆ дх҃ови твоемꙋ̀."
|
|
},
|
|
{
|
|
"type": "TEXT",
|
|
"value": "Дїа́конъ: Ѿ і҆ѡа́нна ст҃а́гѡ є҆ѵⷢ҇лїа чте́нїе."
|
|
},
|
|
{
|
|
"type": "TEXT",
|
|
"value": "Ли́къ: Сла́ва тебѣ̀ гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Во́нмемъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло д҃і."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, взы́де і҆и҃съ во і҆ерⷭ҇ли́мъ. є҆́сть же бо і҆ерⷭ҇ли́мѣхъ на ѻ҆́вчей кꙋпѣ́ли, ꙗ҆́же глаго́летсѧ є҆вре́йски виѳесда̀, пѧ́ть притвѡ́ръ и҆мꙋ́щи. въ тѣ́хъ слежа́ше мно́жество болѧ́щихъ, слѣпы́хъ, хромы́хъ, сꙋхи́хъ, ча́ющихъ движе́нїѧ воды̀. а҆́гг҃лъ бо гдⷭ҇ень на всѧ́ко лѣ́то схожда́ше въ кꙋпѣ́ль, и҆ возмꙋща́ше во́дꙋ: и҆ и҆́же пе́рвѣе вла́зѧше по возмꙋще́нїи воды̀, здра́въ быва́ше, ꙗ҆цѣ́мъ же недꙋ́гомъ ѡ҆держи́мь быва́ше."
|
|
},
|
|
{
|
|
"type": "TEXT",
|
|
"value": "Ли́къ: Сла́ва тебѣ̀ гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Та́же, дїа́конъ є҆ктенїю̀:"
|
|
},
|
|
{
|
|
"type": "TEXT",
|
|
"value": "М и́ромъ гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ свы́шнѣмъ ми́рѣ, и҆ спасе́нїи дꙋ́шъ на́шихъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ ми́рѣ всегѡ̀ мі́ра, бл҃гостоѧ́нїи ст҃ы́хъ бж҃їихъ цр҃кве́й, и҆ соедине́нїи всѣ́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ ст҃ѣ́мъ хра́мѣ се́мъ, и҆ съ вѣ́рою, бл҃гоговѣ́нїемъ и҆ стра́хомъ бж҃їимъ входѧ́щихъ во́нь, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ] и҆́мⷬ҇къ, честнѣ́мъ пресвѵ́терствѣ, во хрⷭ҇тѣ̀ дїа́конствѣ, ѡ҆ все́мъ при́чтѣ и҆ лю́дехъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ гра́дѣ се́мъ, [и҆лѝ ѡ҆ ве́си се́й, и҆лѝ ѡ҆ ст҃ѣ́й ѻ҆би́тели се́й ] всѧ́комъ гра́дѣ, странѣ̀, и҆ вѣ́рою живꙋ́щихъ въ ни́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ бл҃горастворе́нїи воздꙋ́хѡвъ, ѡ҆ и҆з̾ѻби́лїи плодѡ́въ земны́хъ, и҆ вре́менѣхъ ми́рныхъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ пла́вающихъ, пꙋтеше́ствꙋющихъ, недꙋ́гꙋющихъ, стра́ждꙋщихъ, плѣне́нныхъ, и҆ ѡ҆ сп҃се́нїи и҆́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же ѡ҆свѧти́тисѧ вода́мъ си̑мъ, си́лою и҆ дѣ́йствїемъ, и҆ наи́тїемъ ст҃а́гѡ дх҃а, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же снизходи́ти на во́ды сїѧ̑ ѡ҆чисти́тельномꙋ пресꙋ́щныѧ трⷪ҇цы дѣ́йствꙋ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же бы́ти водѣ̀ се́й цѣли́тельной дꙋ́шъ и҆ тѣле́съ, и҆ всѧ́кїѧ сопроти́вныѧ си́лы ѿгна́тельнѣй, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же низпосла́ти гдⷭ҇ꙋ бг҃ꙋ бл҃гослове́нїе і҆ѻрда́ново, и҆ ѡ҆свѧти́ти во́ды сїѧ̑, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ всѣ́хъ тре́бꙋющихъ ѿ бг҃а по́мощи и҆ застꙋпле́нїѧ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же просвѣти́тисѧ на́мъ просвѣще́нїемъ ра́зꙋма, є҆диносꙋ́щною трⷪ҇цею, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ да гдⷭ҇ь бг҃ъ на́шъ пока́жетъ ны̀ сы́ны, и҆ наслѣ́дники црⷭ҇твїѧ своегѡ̀, воды̀ сеѧ̀ причаще́нїемъ же и҆ кропле́нїемъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ и҆зба́витисѧ на́мъ ѿ всѧ́кїѧ ско́рби, гнѣ́ва и҆ нꙋ́жды, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
|
|
},
|
|
{
|
|
"type": "TEXT",
|
|
"value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ, и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀ гдⷭ҇и."
|
|
},
|
|
{
|
|
"type": "TEXT",
|
|
"value": "Возгла́съ: Ꙗ҆́кѡ подоба́етъ тебѣ̀ всѧ́каѧ сла́ва, че́сть, и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "HEADER",
|
|
"value": "Та́же мл҃твꙋ сїю̀:"
|
|
},
|
|
{
|
|
"type": "TEXT",
|
|
"value": "Г дⷭ҇и бж҃е на́шъ, вели́кїй въ совѣ́тѣ, и҆ ди́вный въ дѣ́лѣхъ, всеѧ̀ тва́ри содѣ́телю, хранѧ́й завѣ́тъ тво́й, и҆ млⷭ҇ть твою̀ лю́бѧщымъ тѧ̀, и҆ соблюда́ющымъ повелѣ̑нїѧ твоѧ̑, всѣ́хъ въ нꙋ́ждахъ ᲂу҆милє́нныѧ прїе́млѧй сле́зы, сегѡ́ бо ра́ди прише́лъ є҆сѝ въ ра́бїи зра́цѣ. не привидѣ́нїи на́съ ᲂу҆страша́ѧ, но здра́вїе тѣ́лꙋ и҆́стинное подава́ѧй, и҆ глаго́лѧй: сѐ здра́въ бы́лъ є҆сѝ, ктомꙋ̀ не согрѣша́й. но и҆ ѿ бре́нїѧ здра́вы ѻ҆́чи содѣ́лалъ є҆сѝ, и҆ ᲂу҆мы́тисѧ повелѣ́въ, свѣ́тꙋ всели́тисѧ сотвори́лъ є҆сѝ сло́вомъ, сопроти́вныхъ страсте́й во́лны смꙋща́ѧй, и҆ житїѧ̀ сегѡ̀ сла́ное мо́ре и҆зсꙋша́ѧй. и҆ тѧжелонѡ́сныѧ сласте́й ᲂу҆кроща́ѧй во́лны: са́мъ чл҃вѣколю́бче цр҃ю̀, да́вый на́мъ снѣгосвѣ́тлою ѡ҆дѣ́ѧтисѧ ѻ҆де́ждею, ѿ воды́ же и҆ дх҃а, и҆ прича́стїемъ же воды̀ сеѧ̀ и҆ ѡ҆кропле́нїемъ твоѐ бл҃гослове́нїе на́мъ низпослѝ, скве́рнꙋ страсте́й ѡ҆мыва́ющее. є҆́й, мо́лимсѧ посѣтѝ на́шꙋ бл҃же не́мощь, и҆ и҆сцѣлѝ на́шѧ недꙋ́ги дꙋшє́вныѧ же и҆ тѣлє́сныѧ, млⷭ҇тїю твое́ю: мл҃твами всепречⷭ҇тыѧ, пребл҃гослове́нныѧ влⷣчцы на́шеѧ бцⷣы и҆ приснодв҃ы мр҃і́и. си́лою чⷭ҇тна́гѡ и҆ животворѧ́щагѡ крⷭ҇та̀. предста́тельствы чⷭ҇тны́хъ нбⷭ҇ныхъ си́лъ безпло́тныхъ. чⷭ҇тна́гѡ, сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна. ст҃ы́хъ сла́вныхъ и҆ всехва́льныхъ а҆пⷭ҇лъ. преподо́бныхъ и҆ бг҃оно́сныхъ ѻ҆тє́цъ на́шихъ. и҆̀же во ст҃ы́хъ ѻ҆тє́цъ на́шихъ, вели́кихъ і҆ера́рхѡвъ, и҆ вселе́нскихъ ᲂу҆чи́телей: васі́лїа вели́кагѡ, григо́рїа бг҃осло́ва и҆ і҆ѡа́нна златоꙋ́стагѡ. и҆̀же во ст҃ы́хъ ѻ҆тє́цъ на́шихъ, а҆ѳана́сїа и҆ кѷрі́лла, патрїа́рхѡвъ а҆леѯандрі́йскихъ. и҆́же во ст҃ы́хъ ѻ҆тца̀ на́шегѡ спѷрїдѡ́на, трїмѷѳꙋ́нтскагѡ чꙋдотво́рца. и҆́же во ст҃ы́хъ ѻ҆тца̀ на́шегѡ нїкола́а а҆рхїепі́скопа, мѷрлѷкі́йскагѡ чꙋдотво́рца. и҆̀же во ст҃ы́хъ ѻ҆тє́цъ на́шихъ, меѳо́дїа и҆ кѷрі́лла ᲂу҆чи́телей слове́нскихъ. ст҃а́гѡ равноапⷭ҇льнагѡ вели́кагѡ кн҃зѧ влади́мїра и҆ вели́кїѧ кн҃ги́ни ѻ҆́льги: и҆̀же во ст҃ы́хъ ѻ҆ц҃ъ на́шихъ всеѧ̀ рѡссі́и чꙋдотво́рцевъ, мїхаи́ла, петра̀, а҆леѯі́а, і҆ѡ́ны, мака́рїа, фїлі́ппа, і҆́ѡва, є҆рмоге́на, фїларе́та, і҆нноке́нтїа и҆ тѵ́хѡна. ст҃а́гѡ и҆ сла́внагѡ великомч҃нка геѡ́ргїа побѣдоно́сца. ст҃а́гѡ и҆ сла́внагѡ великомч҃нка дими́трїа мѷроточи́вагѡ. ст҃ы́хъ и҆ добропобѣ́дныхъ мꙋ́чєникъ. ст҃ы́хъ и҆ пра́ведныхъ бг҃оѻтє́цъ і҆ѡакі́ма и҆ а҆́нны. ст҃ы́хъ сла́вныхъ и҆ чꙋдотво́рцѡвъ безсре́бреникѡвъ, космы̀ и҆ дамїа́на, кѵ́ра и҆ і҆ѡа́нна, пантелеи́мона и҆ є҆рмола́а, самѱѡ́на и҆ дїоми́да, мѡкі́а и҆ а҆нїки́ты, ѳалале́а и҆ трѵ́ѳѡна, ст҃ы́хъ седмѝ мч҃никъ маккавє́й, а҆ві́ма, а҆нтѡні́на, гꙋ́рїа, є҆леаза́ра, є҆ѵсевѡ́на, а҆лі́ма и҆ марке́лла, и҆ ма́тере и҆́хъ соломѡні́и, и҆ ᲂу҆чи́телѧ и҆́хъ ст҃а́гѡ мч҃ника є҆леаза́ра, и҆́хже и҆ па́мѧть соверша́емъ, и҆ всѣ́хъ ст҃ы́хъ твои́хъ."
|
|
},
|
|
{
|
|
"type": "TEXT",
|
|
"value": "С п҃сѝ гдⷭ҇и, и҆ поми́лꙋй вели́каго господи́на и҆ ѻ҆тца̀ на́шего и҆́мⷬ҇къ, ст҃ѣ́йшаго патрїа́рха моско́вскаго и҆ всеѧ̀ рꙋсѝ, и҆ господи́на на́шего преѡсвѧще́ннаго и҆́мⷬ҇къ, митрополі́та [и҆лѝ а҆рхїепⷭ҇кпа, и҆лѝ є҆пⷭ҇кпа є҆гѡ́же є҆́сть ѡ҆бласть], да́рꙋй и҆̀мъ дꙋше́вное и҆ тѣле́сное здра́вїе, и҆ рабо́тномꙋ тебѣ̀ семꙋ̀ хрⷭ҇тїа́нскомꙋ жи́тельствꙋ во все́мъ млⷭ҇тивъ бꙋ́ди. Помѧнѝ гдⷭ҇и всѧ́кое є҆пі́скопство правосла́вныхъ, пра́вѡ пра́вѧщихъ сло́во твоеѧ̀ и҆́стины, и҆ ве́сь сщ҃е́нническїй, и҆ мона́шескїй чи́нъ, и҆ сп҃се́нїе и҆́хъ. Помѧнѝ гдⷭ҇и, ненави́дѧщихъ и҆ лю́бѧщихъ на́съ, слꙋжа́щихъ бра́тїй на́шихъ, предстоѧ́щихъ, и҆ бл҃госло́вною вино́ю ѿше́дшихъ, и҆ заповѣ́давшихъ на́мъ недостѡ́йнымъ моли́тисѧ ѡ҆ ни́хъ. Помѧнѝ гдⷭ҇и, въ плѣне́нїи и҆ ско́рбехъ сꙋ́щихъ бра́тїй на́шихъ, и҆ поми́лꙋй и҆̀хъ по вели́цѣй млⷭ҇ти твое́й, всѧ́кїѧ нꙋ́жды и҆збавлѧ́ѧй: ꙗ҆́кѡ ты̀ є҆сѝ и҆сто́чникъ и҆сцѣле́нїй, хрⷭ҇тѐ бж҃е на́шъ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ съ прест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Ми́ръ всѣ̑мъ."
|
|
},
|
|
{
|
|
"type": "TEXT",
|
|
"value": "Ли́къ: И҆ дꙋ́хови твоемꙋ̀."
|
|
},
|
|
{
|
|
"type": "TEXT",
|
|
"value": "Дїа́конъ: Главы̑ ва́шѧ гдⷭ҇еви приклони́те."
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀ гдⷭ҇и."
|
|
},
|
|
{
|
|
"type": "HEADER",
|
|
"value": "Сщ҃е́нникъ же мл҃твꙋ та́йнѡ:"
|
|
},
|
|
{
|
|
"type": "TEXT",
|
|
"value": "П риклонѝ гдⷭ҇и ᲂу҆́хо твоѐ, и҆ ᲂу҆слы́ши ны̀, и҆́же во і҆ѻрда́нѣ крести́тисѧ и҆зво́ливый, и҆ ѡ҆свѧти́вый во́ды: и҆ бл҃гословѝ всѣ́хъ на́съ, и҆̀же преклоне́нїемъ своеѧ̀ вы́и, назна́менающихъ рабо́тное воѡбраже́нїе: и҆ сподо́би на́съ и҆спо́лнитисѧ ѡ҆свѧще́нїѧ твоегѡ̀, воды̀ сеѧ̀ причаще́нїемъ: и҆ да бꙋ́детъ на́мъ гдⷭ҇и, во здра́вїе дꙋшѝ и҆ тѣ́ла."
|
|
},
|
|
{
|
|
"type": "TEXT",
|
|
"value": "Возгла́съ: Ты́ бо є҆сѝ ѡ҆сщ҃е́нїе на́ше, и҆ тебѣ̀ сла́вꙋ и҆ бл҃годаре́нїе и҆ поклоне́нїе возсыла́емъ, со безнача́льнымъ твои́мъ ѻ҆ц҃е́мъ, и҆ всест҃ы́мъ, бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "TEXT",
|
|
"value": "Та́же взе́мъ чⷭ҇тны́й крⷭ҇тъ, бл҃гословлѧ́етъ во́ды три́жды, крⷭ҇тоѡбра́знѡ низводѧ̀ и҆ возводѧ̀ и҆ пра́вѡ, и҆ поѧ̀ настоѧ́щїй тропа́рь, гла́съ а҃, три́жды:"
|
|
},
|
|
{
|
|
"type": "TEXT",
|
|
"value": "С п҃сѝ гдⷭ҇и лю́ди твоѧ̑, / и҆ бл҃гословѝ достоѧ́нїе твоѐ, / побѣ̑ды на сопроти̑вныѧ да́рꙋѧ, / и҆ твоѐ сохранѧ́ѧ крⷭ҇то́мъ твои́мъ жи́тельство."
|
|
},
|
|
{
|
|
"type": "HEADER",
|
|
"value": "И҆ посе́мъ пою́тъ тропа́рь се́й, гла́съ в҃:"
|
|
},
|
|
{
|
|
"type": "TEXT",
|
|
"value": "Т вои́хъ дарѡ́въ досто́йны на́съ сотворѝ бцⷣе дв҃о, / презира́ющи согрѣшє́нїѧ на̑ша, / и҆ подаю́щи и҆сцѣлє́нїѧ / вѣ́рою прїе́млющымъ бл҃гослове́нїе твоѐ пречⷭ҇таѧ."
|
|
},
|
|
{
|
|
"type": "TEXT",
|
|
"value": "Та́же лобза́етъ і҆ере́й чⷭ҇тны́й крⷭ҇тъ, та́кожде и҆ всѝ лю́дїе, и҆ кропи́тъ всѣ́хъ сщ҃е́нною водо́ю, ѻ҆лта́рь и҆ цр҃ковь всю̀."
|
|
},
|
|
{
|
|
"type": "HEADER",
|
|
"value": "Лю́дїе же пою́тъ настоѧ́щїй тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "И҆ сто́чникъ и҆сцѣле́нїй, и҆мꙋ́ще ст҃і́и безсре́брєницы, / и҆сцѣлє́нїѧ подава́ете всѣ̑мъ тре́бꙋющымъ, / ꙗ҆́кѡ преве́лїихъ дарова́нїй сподо́бльшїисѧ / ѿ приснотекꙋ́щагѡ и҆сто́чника сп҃са на́шегѡ. / глаго́летъ бо къ ва́мъ гдⷭ҇ь, / ꙗ҆́кѡ є҆диноревни́телємъ а҆пⷭ҇льскимъ: / сѐ да́хъ ва́мъ вла́сть на дꙋ́хи нечи̑стыѧ, / ꙗ҆́коже тѣ́хъ и҆згони́ти, / и҆ цѣли́ти всѧ́кїй недꙋ́гъ, и҆ всѧ́кꙋю ꙗ҆́зю: / тѣ́мже въ повелѣ́нїихъ є҆гѡ̀ до́брѣ жи́тельствовавше, / тꙋ́не прїѧ́сте, / тꙋ́не подава́ете, / и҆сцѣлѧ́юще стра̑сти дꙋ́шъ и҆ тѣле́съ на́шихъ."
|
|
},
|
|
{
|
|
"type": "TEXT",
|
|
"value": "П ри́зри на молє́нїѧ твои́хъ ра̑бъ всенепоро́чнаѧ, / ᲂу҆толѧ́ющи лю̑таѧ на ны̀ воста̑нїѧ, / всѧ́кїѧ ско́рби на́съ и҆змѣнѧ́ющи: / тѧ́ бо є҆ди́нꙋ тве́рдое и҆ и҆звѣ́стное ᲂу҆твержде́нїе и҆́мамы, / и҆ твоѐ предста́тельство стѧжа́хомъ, / да не постыди́мсѧ влⷣчце, тѧ̀ призыва́ющїи, / потщи́сѧ на ᲂу҆моле́нїе, тебѣ̀ вѣ́рнѡ вопїю́щихъ: / ра́дꙋйсѧ влⷣчце, всѣ́хъ по́моще, ра́досте и҆ покро́ве, / и҆ сп҃се́нїе дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "В лⷣчце, прїимѝ мл҃твы рабѡ́въ твои́хъ, / и҆ и҆зба́ви на́съ ѿ всѧ́кїѧ нꙋ́жды и҆ печа́ли."
|
|
},
|
|
{
|
|
"type": "HEADER",
|
|
"value": "По кропле́нїи же є҆ктенїа̀:"
|
|
},
|
|
{
|
|
"type": "TEXT",
|
|
"value": "П оми́лꙋй на́съ, бж҃е, по вели́цѣй ми́лости твое́й, мо́лимъ ти сѧ, ᲂу҆слы́ши и҆ поми́лꙋй."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй, три́жды."
|
|
},
|
|
{
|
|
"type": "TEXT",
|
|
"value": "Є҆ щѐ мо́лимсѧ, ѡ҆ є҆́же сохрани́тисѧ ст҃ѣ́й ѻ҆би́тели се́й, и҆ всѧ́комꙋ гра́дꙋ и҆ странѣ̀ ѿ гла́да, гꙋби́тельства, трꙋ́са, пото́па, ѻ҆гнѧ̀, меча̀, наше́ствїѧ и҆ноплеме́нникѡвъ, и҆ междоꙋсо́бныѧ бра́ни: ѡ҆ є҆́же млⷭ҇тивꙋ и҆ бл҃гоꙋвѣ́тливꙋ бы́ти бл҃го́мꙋ и҆ чл҃вѣколюби́вомꙋ бг҃ꙋ на́шемꙋ, ѿврати́ти всѧ́кїй гнѣ́въ на ны̀ дви́жимый, и҆ и҆зба́вити ны̀ ѿ належа́щагѡ и҆ првⷣнагѡ своегѡ̀ преще́нїѧ, и҆ поми́ловати ны̀."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй, м҃."
|
|
},
|
|
{
|
|
"type": "HEADER",
|
|
"value": "Сщ҃е́нникъ же возглаша́етъ:"
|
|
},
|
|
{
|
|
"type": "TEXT",
|
|
"value": "Оу҆ слы́ши ны̀, бж҃е сп҃си́телю на́шъ, ᲂу҆пова́нїе всѣ́хъ конце́въ землѝ, и҆ сꙋ́щихъ въ мо́ри дале́че, и҆ ми́лостивъ, ми́лостивъ бꙋ́ди, влⷣко, ѡ҆ грѣсѣ́хъ на́шихъ, и҆ поми́лꙋй ны̀: ми́лостивъ бо и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Ми́ръ всѣ̑мъ."
|
|
},
|
|
{
|
|
"type": "TEXT",
|
|
"value": "Ли́къ: И҆ дꙋ́хови твоемꙋ̀."
|
|
},
|
|
{
|
|
"type": "TEXT",
|
|
"value": "Дїа́конъ: Главы̑ на́шѧ гдⷭ҇еви прикло́нимъ:"
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀ гдⷭ҇и."
|
|
},
|
|
{
|
|
"type": "HEADER",
|
|
"value": "Сщ҃е́нникъ мл҃твꙋ сїю̀ велегла́снѡ:"
|
|
},
|
|
{
|
|
"type": "TEXT",
|
|
"value": "В лⷣко многомлⷭ҇тиве гдⷭ҇и і҆и҃се хрⷭ҇тѐ бж҃е на́шъ, мл҃твами всепречⷭ҇тыѧ влⷣчцы на́шеѧ бцⷣы и҆ приснодв҃ы мр҃і́и: си́лою чⷭ҇тна́гѡ и҆ животворѧ́щагѡ крⷭ҇та̀: предста́тельствы чⷭ҇тны́хъ нбⷭ҇ныхъ си́лъ безпло́тныхъ: чⷭ҇тна́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна: ст҃ы́хъ сла́вныхъ и҆ всехва́льныхъ а҆пⷭ҇лъ: ст҃ы́хъ сла́вныхъ и҆ добропобѣ́дныхъ мч҃нкъ: прпⷣбныхъ и҆ бг҃оно́сныхъ ѻ҆тє́цъ на́шихъ: и҆̀же во ст҃ы́хъ ѻ҆тє́цъ на́шихъ, и҆ вселе́нскихъ вели́кихъ ᲂу҆чи́телей и҆ ст҃и́телей: васі́лїа вели́кагѡ, григо́рїа бг҃осло́ва и҆ і҆ѡа́нна златоꙋ́стагѡ: и҆́же во ст҃ы́хъ ѻ҆тца̀ на́шегѡ нїкола́а а҆рхїепі́скопа, мѷрлѷкі́йскагѡ чꙋдотво́рца: и҆̀же во ст҃ы́хъ ѻ҆тє́цъ на́шихъ, меѳо́дїа и҆ кѷрі́лла ᲂу҆чи́телей слове́нскихъ: ст҃а́гѡ равноапⷭ҇тольнагѡ вели́кагѡ кн҃зѧ влади́мїра и҆ вели́кїѧ кн҃ги́ни ѻ҆́льги: и҆̀же во ст҃ы́хъ ѻ҆ц҃ъ на́шихъ всеѧ̀ рѡссі́и чꙋдотво́рцевъ, мїхаи́ла, петра̀, а҆леѯі́а, і҆ѡ́ны, мака́рїа, фїлі́ппа, і҆́ѡва, є҆рмоге́на, фїларе́та, і҆нноке́нтїа и҆ тѵ́хѡна: ст҃ы́хъ и҆ првⷣныхъ бг҃оѻтє́цъ і҆ѡакі́ма и҆ а҆́нны, ст҃ы́хъ седмѝ мч҃никъ маккавє́й, а҆ві́ма, а҆нтѡні́на, гꙋ́рїа, є҆леаза́ра, є҆ѵсевѡ́на, а҆лі́ма и҆ марке́лла, и҆ ма́тере и҆́хъ соломѡні́и, и҆ ᲂу҆чи́телѧ и҆́хъ ст҃а́гѡ мч҃ника є҆леаза́ра, и҆ всѣ́хъ ст҃ы́хъ твои́хъ, бл҃гопрїѧ́тнꙋ сотворѝ мл҃твꙋ на́шꙋ: да́рꙋй на́мъ ѡ҆ставле́нїе прегрѣше́нїй на́шихъ: покры́й на́съ кро́вомъ крилꙋ̀ твоє́ю: ѿженѝ ѿ на́съ всѧ́каго врага̀ и҆ сꙋпоста́та: ᲂу҆мирѝ на́шꙋ жи́знь, гдⷭ҇и поми́лꙋй на́съ, и҆ мі́ръ тво́й, и҆ сп҃сѝ дꙋ́шы на́шѧ, ꙗ҆́кѡ бл҃гъ и҆ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "Мл҃тва на блгⷭ҇ве́нїе но́вагѡ ме́да."
|
|
},
|
|
{
|
|
"type": "TEXT",
|
|
"value": "Н еѡб̾име́нный въ млⷭ҇ти и҆ неизрече́нный во щедро́тахъ, гдⷭ҇и і҆и҃се хрⷭ҇тѐ, ди́венъ сы́й во сла́вѣ и҆ творѧ́й чꙋдеса̀: ты́ дѣ́йствомъ ст҃а́гѡ дх҃а и҆ногда̀ блгⷭ҇ви́вый і҆и҃лѧ, и҆ є҆го̀ ме́домъ насы́тивый ѿ ка́мене: са́мъ и҆ ны́нѣ при́зри свы́ше на созда́нїе твоѐ сїѐ, и҆ блгⷭ҇ве́нїемъ твои́мъ нб҃снымъ блгⷭ҇вѝ и҆ ѡ҆ст҃ѝ сѡ́ты пче́лъ, и҆ ѿ ни́хъ ме́дъ, и҆ пода́ждь є҆мꙋ̀ дѣ́йственнꙋ блгⷣть па́че всѣ́хъ соверше́ннꙋ: да всѧ́къ ѿ негѡ̀ вкꙋша́ѧй, прїе́млѧй и҆ ꙗ҆ды́й ѡ҆брѧ́щетъ благополꙋ́чное здра́вїе, и҆ пи́щею се́ю насы́титсѧ, и҆ и҆спо́лнитсѧ всѧ́кагѡ бла́га. ꙗ҆́кѡ ты̀ є҆сѝ подава́ѧй всѧ́чєскаѧ блага̑ѧ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ. а҆ми́нь."
|
|
},
|
|
{
|
|
"type": "TEXT",
|
|
"value": "И҆ кропи́тъ сщ҃е́нною водо́ю."
|
|
}
|
|
] |