338 lines
31 KiB
JSON
338 lines
31 KiB
JSON
[
|
|
{
|
|
"type": "HEADER",
|
|
"value": "Канѡ́нъ прпⷣбномꙋ и҆ бг҃оно́сномꙋ ѻ҆тцꙋ̀ на́шемꙋ серафі́мꙋ, саро́вскомꙋ чꙋдотво́рцꙋ."
|
|
},
|
|
{
|
|
"type": "HEADER",
|
|
"value": "Тропа́рь прпⷣбнагѡ, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности хрⷭ҇та̀ возлюби́лъ є҆сѝ, бл҃же́нне, и҆ томꙋ̀ є҆ди́номꙋ рабо́тати пла́меннѣ вожделѣ́въ, непреста́нною моли́твою и҆ трꙋдо́мъ въ пꙋсты́ни подвиза́лсѧ є҆сѝ, ᲂу҆миле́ннымъ же се́рдцемъ любо́вь хрⷭ҇то́вꙋ стѧжа́въ, и҆збра́нникъ возлю́бленъ бж҃їѧ мт҃ре ꙗ҆ви́лсѧ є҆сѝ. сегѡ̀ ра́ди вопїе́мъ тѝ: сп҃са́й на́съ мл҃твами твои́ми, серафі́ме, прпⷣбне ѻ҆́тче на́шъ."
|
|
},
|
|
{
|
|
"type": "HEADER",
|
|
"value": "Канѡ́нъ ст҃о́мꙋ, гла́съ и҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Во́дꙋ проше́дъ ꙗ҆́кѡ сꙋ́шꙋ и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ серафі́ме, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "П о за́повѣди влⷣки хрⷭ҇та̀ ᲂу҆́зкимъ и҆ тѣ́снымъ пꙋте́мъ вше́лъ є҆сѝ, прпⷣбне, въ црⷭ҇тво нбⷭ҇ное, широ́кїй и҆ простра́нный пꙋ́ть возненави́дѣвъ: и҆ ны́нѣ моли́сѧ ѡ҆ на́съ, творѧ́щихъ пресвѣ́тлꙋю па́мѧть твою̀."
|
|
},
|
|
{
|
|
"type": "TEXT",
|
|
"value": "Ѿ ю҆́ности на безстра́стїѧ го́рꙋ возше́дъ и҆ кре́стъ сво́й взе́мъ, невозвра́тнѡ хрⷭ҇тꙋ̀ послѣ́довалъ є҆сѝ: и҆ дх҃о́внꙋю мꙋ́дрость стѧжа́въ, го́рнѧгѡ і҆ерⷭ҇ли́ма дости́глъ є҆сѝ, прпⷣбне: молѝ ѡ҆ на́съ є҆ди́наго чл҃вѣколю́бца."
|
|
},
|
|
{
|
|
"type": "TEXT",
|
|
"value": "Сла́ва: Ны́нѣ предстоѧ̀, прпⷣбне, престо́лꙋ бж҃їю, моли́сѧ ѡ҆ странѣ̀ на́шей и҆зба́витисѧ ѿ наше́ствїѧ и҆ноплеме́нныхъ, и҆ хрⷭ҇толюби̑вымъ лю́демъ землѝ рѡссі́йскїѧ сп҃се́нїе и҆спросѝ мл҃твами твои́ми, прпⷣбне."
|
|
},
|
|
{
|
|
"type": "TEXT",
|
|
"value": "И҆ ны́нѣ: Съ вѣ́рою и҆ любо́вїю притека́ющихъ къ тебѣ̀ и҆ со стра́хомъ пою́щихъ тѧ̀ мл҃твенный гла́съ ᲂу҆слы́ши, влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Нбⷭ҇нагѡ крꙋ́га верхотво́рче гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ серафі́ме, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "М оли́сѧ, бл҃же́нне, хрⷭ҇тꙋ̀ бг҃ꙋ и҆зба́витисѧ на́мъ ѿ гла́да и҆ па́гꙋбы, ѿ напра́сныѧ сме́рти, ѿ та́йныхъ прегрѣше́нїй и҆ помышле́нїй лꙋка́выхъ, да чⷭ҇тымъ се́рдцемъ хрⷭ҇тꙋ̀ возопїи́мъ: мл҃твами прпⷣбнагѡ сп҃сѝ на́съ, гдⷭ҇и."
|
|
},
|
|
{
|
|
"type": "TEXT",
|
|
"value": "К ро́тостїю и҆ смире́нїемъ послѣ́дꙋѧ влⷣцѣ хрⷭ҇тꙋ̀, всѣ̑мъ всѧ̑ вои́стиннꙋ бы́лъ є҆сѝ, бога́тыхъ же и҆ ᲂу҆бо́гихъ неѡсла́бнѡ бл҃гоче́стїю поꙋча́ѧ, бꙋ̑дꙋщаѧ ꙗ҆́кѡ настѡѧ́щаѧ прови́дѣлъ є҆сѝ: молѝ хрⷭ҇та̀ бг҃а, прпⷣбне, согрѣше́нїй на́шихъ ѡ҆ставле́нїе дарова́ти."
|
|
},
|
|
{
|
|
"type": "TEXT",
|
|
"value": "Сла́ва: И҆зба́ви ѻ҆би́тель твою̀, прпⷣбне, ѿ всѧ́кагѡ навѣ́та вра́жїѧ и҆ и҆спо́лни ю҆̀ любвѐ и҆ бл҃года́ти, є҆́же не помышлѧ́ти ѡ҆ жите́йскихъ, но дꙋшесп҃си́тельныѧ дости́гнꙋти добро́ты мл҃твами твои́ми."
|
|
},
|
|
{
|
|
"type": "TEXT",
|
|
"value": "И҆ ны́нѣ: Оу҆пова́нїе и҆ наде́жда на́ша ты̀ є҆сѝ, прест҃а́ѧ влⷣчце, сп҃сѝ держа́вꙋ правосла́внꙋю и҆ лю́ди твоѧ̑ молѧ́щыѧсѧ и҆ и҆́мѧ твоѐ призыва́ющыѧ."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.]"
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ж ите́йское мо́ре страсте́й воздержа́нїемъ препобѣди́въ и҆ въ приста́нище безстра́стїѧ прите́къ, сосꙋ́дъ воздержа́нїѧ ꙗ҆ви́лсѧ є҆сѝ, прпⷣбне серафі́ме: молѝ хрⷭ҇та̀ бг҃а дарова́ти на́мъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Превзыдо́ша главꙋ̀ мою̀ грѣсѝ моѝ, влⷣчце, ѡ҆скверне́нъ и҆́ми є҆́смь, и҆ нѣ́сть и҆сцѣле́нїѧ въ пло́ти мое́й, но Ты̀, мно́го бл҃гоꙋтро́бнаѧ, да́рꙋй дꙋшѝ моеѧ̀ сле́зы покаѧ́нїѧ на ѡ҆чище́нїе скве́рнъ грѣхо́вныхъ и҆ тѣле́сныѧ недꙋ́ги ᲂу҆врачꙋ́й, врача̀ всѧ́ческихъ и҆ гдⷭ҇а ро́ждшаѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑ и҆ просла́вихъ твоѐ бжⷭ҇тво̀."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ серафі́ме, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Н е то́кмѡ ст҃а́ѧ ѻ҆би́тель саро́вскаѧ, но и҆ всѧ̀ рѡссі́йскаѧ землѧ̀ и҆мѣ́етъ тѧ̀, бл҃же́нне, мл҃твенника те́плаго и҆ ско́раго помо́щника, крѣ́пкаго и҆ непобѣди́маго застꙋ́пника и҆ хода́таѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Б ꙋ́ди ѡ҆ на́съ моле́бникъ и҆ хода́тай ко прест҃ѣ́й трⷪ҇цѣ, и҆ подви́гни на мл҃твꙋ съ тобо́ю ли́ки ст҃ы́хъ, и҆́хже житїю̀ поревнова́лъ є҆сѝ, прпⷣбне: съ ни́миже кꙋ́пнѡ моли́сѧ ѡ҆ ми́рѣ и҆ ᲂу҆строе́нїи всегѡ̀ мі́ра, да ти́хое и҆ безмо́лвное житїѐ поживе́мъ въ вѣ́цѣ се́мъ, и҆ въ бꙋ́дꙋщемъ жи́знь вѣ́чнꙋю наслѣ́дꙋемъ."
|
|
},
|
|
{
|
|
"type": "TEXT",
|
|
"value": "Сла́ва: Въ по́стницѣхъ вели́къ бы́въ, прпⷣбне, тѣ́сное и҆́ноческое въ пꙋсты́ни житїѐ проходи́лъ є҆сѝ, и҆ сїѐ во ᲂу҆миле́ннѣй мл҃твѣ сконча́лъ є҆сѝ: молѝ сп҃сти́сѧ на́мъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ты̀ є҆сѝ, пречⷭ҇таѧ бцⷣе, прибѣ́жище на́ше и҆ ᲂу҆твержде́нїе, молѝ сн҃а твоего̀ и҆ бг҃а на́шего пода́ти на́мъ сп҃се́нїе и҆ грѣхѡ́въ ѡ҆ставле́нїе."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Просвѣтѝ на́съ повелѣ̑нїи твои́ми, гдⷭ҇и, и҆ мы́шцею твое́ю высо́кою тво́й ми́ръ пода́ждь на́мъ, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ серафі́ме, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "П осто́мъ и҆ непреста́нною мл҃твою просла́вилъ є҆сѝ, прпⷣбне, ѻ҆би́тель саро́вскꙋю, є҆ле́емъ ѿ і҆кѡ́ны влⷣчцы помазꙋ́ѧ нєдꙋ́жныѧ и҆ тѣ́мъ и҆сцѣле́нїе неѡскꙋ́днѡ подава́ѧ: и҆ ны́нѣ моли́сѧ сп҃сти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "С т҃и́телїе и҆ сщ҃е́нницы сора́дꙋйтесѧ и҆́нокѡмъ сарѡ́вскимъ, и҆ прості́и лю́дїе вкꙋ́пѣ воспо́йте бл҃же́ннаго ѻ҆тца̀, ѡ҆бꙋрева́емыхъ скорбьмѝ ти́хое приста́нище, врача̀ дꙋшє́внымъ и҆ тѣлє́снымъ недꙋ́гѡмъ ско́раго."
|
|
},
|
|
{
|
|
"type": "TEXT",
|
|
"value": "Сла́ва: Принесѝ мл҃твы твоѧ̑, прпⷣбне, ꙗ҆́кѡ же́ртвꙋ бл҃гопрїѧ́тнꙋ и҆ непоро́чнꙋ ко прест҃ѣ́й трⷪ҇цѣ, и҆ не забꙋ́ди на́съ, ны́нѣ творѧ́щихъ па́мѧть твою̀: млⷭ҇ть и҆спросѝ ненави́дѧщымъ, ѻ҆би́дѧщымъ и҆ враждꙋ́ющымъ на на́съ, и҆ и҆зба́ви всѣ́хъ ѿ всѧ́кїѧ ско́рби."
|
|
},
|
|
{
|
|
"type": "TEXT",
|
|
"value": "И҆ ны́нѣ: Оу҆пра́ви ᲂу҆́мъ мо́й, влⷣчце, ѡ҆бꙋрева́емый страстьмѝ мно́гими: сп҃сѝ, бцⷣе, къ тебѣ̀ прибѣга́ющыѧ, и҆ны́ѧ бо по́мощи, чⷭ҇таѧ, ра́звѣ тебє̀ не зна́емъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Мл҃твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ пєча́ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ серафі́ме, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Г рѣхѡ́въ и҆спо́лнени всѝ є҆смы̀, твоѧ̑ же мл҃твы, прпⷣбне серафі́ме, ꙗ҆́кѡ кади́ло бл҃гово́нно, ко гдⷭ҇еви восхо́дѧтъ. ны́нѣ мо́лимъ тѧ̀: волнꙋ́ющеесѧ въ землѝ на́шей мо́ре ѕла́гѡ невѣ́рїѧ и҆зсꙋшѝ, и҆ сп҃се́нїе дꙋша́мъ на́шымъ ѿ гдⷭ҇а и҆спросѝ."
|
|
},
|
|
{
|
|
"type": "TEXT",
|
|
"value": "Б л҃же́нъ вои́стиннꙋ бы́лъ є҆сѝ, прпⷣбне серафі́ме, нището́ю бога́тство и҆ пла́чемъ ра́дость стѧжа́въ, ю҆́же приходѧ́щымъ ѻ҆би́льнѡ подава́лъ є҆сѝ: и҆ ны́нѣ лꙋчы̀ чꙋде́съ и҆сточа́еши, и҆ и҆сцѣлѧ́еши всѣ́хъ, съ вѣ́рою къ тебѣ̀ притека́ющихъ."
|
|
},
|
|
{
|
|
"type": "TEXT",
|
|
"value": "Сла́ва: Въ пꙋсты́ни кладене́цъ и҆скопа́въ твои́ма рꙋка́ма, прпⷣбне, приходѧ́щыѧ жа́ждꙋщыѧ лю́ди напои́лъ є҆сѝ, и҆ ны́нѣ мнѡ́гимъ нєдꙋ́жнымъ водо́ю кладенца̀ сегѡ̀ бѡлѣ́зни и҆сцѣлѧ́еши: вои́стиннꙋ ди́внаго мл҃твенника и҆ чꙋдотво́рца всѣ̑мъ, прпⷣбне, влⷣка тѧ̀ показа̀."
|
|
},
|
|
{
|
|
"type": "TEXT",
|
|
"value": "И҆ ны́нѣ: Вои́стиннꙋ тѧ̀ мт҃рь бж҃їю и҆сповѣ́дꙋемъ, и҆́стиннꙋю бцⷣꙋ, твои́мъ бо рождество́мъ тлѣ́ннагѡ ѡ҆сꙋжде́нїѧ и҆зба́вихомсѧ, милосе́рдїѧ ра́ди чл҃вѣколю́бца бг҃а, и҆ къ жи́зни нетлѣ́ннѣй воззва́ни бы́хомъ."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.] Сла́ва, и҆ ны́нѣ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "М і́ра красотꙋ̀ и҆ ꙗ҆̀же въ не́мъ тлѣ̑ннаѧ ѡ҆ста́вивъ, прпⷣбне, въ саро́вскꙋю ѻ҆би́тель всели́лсѧ є҆сѝ: и҆ та́мѡ а҆́гг҃льски пожи́въ, мнѡ́гимъ пꙋ́ть бы́лъ є҆сѝ ко сп҃се́нїю: сегѡ̀ ра́ди и҆ хрⷭ҇то́съ тебѐ, ѻ҆́тче серафі́ме, просла́ви, и҆ да́ромъ и҆сцѣле́нїй и҆ чꙋде́съ ѡ҆богатѝ. тѣ́мже вопїе́мъ тѝ: ра́дꙋйсѧ, серафі́ме, прпⷣбне ѻ҆́тче на́шъ."
|
|
},
|
|
{
|
|
"type": "TEXT",
|
|
"value": "І҆́косъ: Ѡ҆ста́вивъ ро́дъ и҆ дрꙋ́ги, бога́тство ꙗ҆́кѡ пра́хъ вмѣни́въ, въ пꙋсты́ни саро́встѣй водвори́лсѧ є҆сѝ: и҆ на стра̑сти ꙗ҆́кѡ безпло́тенъ подвиза́всѧ, а҆́гг҃лѡвъ ликостоѧ́нїѧ сподо́билсѧ є҆сѝ. тѣ́мже дх҃ѡ́внаѧ разꙋмѣ̑нїѧ прїи́мъ, пода́ждь и҆ на́мъ, прпⷣбне, разꙋ́мнѡ пѣ́сньми воспѣ́ти тѧ̀, си́це гл҃го́лющымъ: ра́дꙋйсѧ, серафі́ме бл҃же́нне, нбⷭ҇ный чл҃вѣ́че и҆ земны́й а҆́гг҃ле: ра́дꙋйсѧ, въ любвѝ хрⷭ҇тꙋ̀ подража́телю. ра́дꙋйсѧ, ст҃а́гѡ дх҃а ѻ҆би́тель: ра́дꙋйсѧ, ᲂу҆ныва́ющымъ ве́лїе ра́дованїе. ра́дꙋйсѧ, и҆сто́чниче и҆сцѣле́нїй: ра́дꙋйсѧ, скорбѧ́щымъ дꙋша́мъ сла́дкое ᲂу҆тѣше́нїе. ра́дꙋйсѧ, и҆́нокѡмъ ти́хое приста́нище и҆ ᲂу҆чи́телю премꙋ́дрый: ра́дꙋйсѧ, похвало̀ землѝ рѡссі́йскїѧ: ра́дꙋйсѧ, серафі́ме, прпⷣбне ѻ҆́тче на́шъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѿ і҆ꙋде́и доше́дше ѻ҆́троцы, въ вавѷлѡ́нѣ и҆ногда̀ вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ серафі́ме, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "П оми́лꙋй на́съ, гдⷭ҇и, и҆ ѿ всѧ́кагѡ ѕла̀ дꙋшетлѣ́ннагѡ сохранѝ мл҃твами ᲂу҆го́дника твоегѡ̀, прпⷣбнагѡ серафі́ма, да всѝ ᲂу҆ми́льнѡ вопїе́мъ тѝ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "К то̀ не почꙋди́тсѧ, кто̀ не просла́витъ неизслѣ́димꙋю глꙋбинꙋ̀ милосе́рдїѧ твоегѡ̀, гдⷭ҇и, ꙗ҆́кѡ ꙗ҆ви́лъ є҆сѝ всемꙋ̀ мі́рꙋ ᲂу҆го́дника твоего̀, прпⷣбнаго серафі́ма, мл҃твенника те́плаго ѡ҆ на́съ вопїю́щихъ тебѣ̀: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Сла́ва: Бл҃года́рное сїѐ пѣ́нїе, ѿ на́съ приноси́мое тебѣ̀, прпⷣбне серафі́ме, прїимѝ, и҆ всѣ̑мъ на́мъ, пра́зднꙋющымъ ст҃ꙋ́ю па́мѧть твою̀ и҆ покланѧ́ющымсѧ ра́цѣ моще́й твои́хъ, и҆сцѣле́нїе да́рꙋй, вопїю́щымъ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ты̀ є҆сѝ, прест҃а́ѧ бцⷣе, прибѣ́жище на́ше и҆ ᲂу҆твержде́нїе: молѝ сн҃а твоего̀ и҆ бг҃а на́шего пода́ти на́мъ сп҃се́нїе и҆ грѣхѡ́въ ѡ҆ставле́нїе."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ серафі́ме, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Д обродѣ́тельномꙋ житїю̀ твоемꙋ̀, прпⷣбне, позави́дѣвъ вра́гъ вселꙋка́вый, восхотѣ̀ запѧ́тїе тебѣ̀ сотвори́ти: ты́ же, бл҃года́тїю бж҃їею и҆ мл҃твами влⷣчцы посрами́въ того̀, бг҃а просла́вилъ є҆сѝ, пѣсносло́вѧ: гдⷭ҇а по́йте, дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ мо́лнїѧ блиста́ющисѧ свѣ́титсѧ на поднебе́снѣй, та́кѡ и҆ вѣща̑нїѧ ѡ҆ твои́хъ, прпⷣбне, чꙋдесѣ́хъ во всю̀ зе́млю и҆зыдо́ша. мы́ же, дивѧ́щесѧ сла́вѣ твое́й, вопїе́мъ: дѣ́ти бл҃гослови́те, сщ҃е́нницы воспо́йте, лю́дїе превозноси́те гдⷭ҇а во вѣ́ки."
|
|
},
|
|
{
|
|
"type": "TEXT",
|
|
"value": "Сла́ва: Сꙋ́етными и҆ стра́стными помышлє́нїи мѧтꙋ́щїйсѧ ᲂу҆́мъ на́шъ и҆сцѣлѝ, прпⷣбне, вѡ́лны ѕла́гѡ невѣ́рїѧ въ землѝ на́шей ᲂу҆кротѝ, разсла́блєннаѧ жите́йскими попечє́нїи сердца̀ на̑ша ᲂу҆крѣпѝ, да сла́вимъ хрⷭ҇та̀ содѣ́телѧ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ра́дꙋйсѧ, прⷭ҇то́ле гдⷭ҇ень ѻ҆гнезра́чный: ра́дꙋйсѧ, зарѐ невеще́ственнагѡ блиста́нїѧ: ра́дꙋйсѧ, ѻ҆́блаче возсїѧ́вшагѡ сл҃нца првⷣнагѡ, хрⷭ҇та̀ сп҃са на́шегѡ, є҆го́же превозно́симъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Вои́стиннꙋ бцⷣꙋ тѧ̀ и҆сповѣ́дꙋемъ, сп҃се́ннїи тобо́ю, дв҃о чⷭ҇таѧ, съ безпло́тными ли̑ки тѧ̀ велича́юще."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ серафі́ме, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "В єли́кимъ ѻ҆тцє́мъ, дре́вле въ постѣ̀ и҆ по́двизѣхъ просїѧ́вшымъ, поревнова́въ, прпⷣбне, чрез̾ всѧ̑ дни̑ живота̀ твоегѡ̀ въ мл҃твѣ, слеза́хъ и҆ трꙋдѣ́хъ пребы́лъ є҆сѝ, до́ндеже дости́глъ є҆сѝ нбⷭ҇ныѧ ѻ҆би́тели: тѣ́мже тѧ̀ досто́йнѡ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "К рѣ́пкою си́лою хрⷭ҇то́съ бг҃ъ тѧ̀ препоѧ́са и҆ ᲂу҆крѣпѝ побѣжда́ти кѡ́зни де́мѡнскїѧ, прпⷣбне. тѣ́мже ны́нѣ мо́лимъ тѧ̀: молѝ чл҃вѣколю́бца бг҃а, да и҆зба́витъ всѣ́хъ на́съ ѿ вра́жїихъ нахожде́нїй и҆ и҆скꙋше́нїй, и҆ сп҃се́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Сла́ва: Въ болѣ́знехъ и҆ ско́рбехъ на́шихъ къ тебѣ̀, прпⷣбне, прибѣга́емъ и҆ и҆з̾ глꙋбины̀ дꙋше́вныѧ вопїе́мъ: бꙋ́ди на́мъ небꙋ́рное приста́нище и҆ болѣ́знемъ ско́рый цѣли́тель, и҆ и҆зба́ви на́съ ѿ всѧ́кагѡ недꙋ́га и҆ нꙋ́жды, да тѧ̀ непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Є҆ди́наго ѿ ст҃ы́ѧ трⷪ҇цы, сло́ва и҆ сн҃а родила̀ є҆сѝ, дв҃о пречⷭ҇таѧ, є҆го́же съ прпⷣбными и҆ ҆̀првⷣными молѝ ѡ҆ рабѣ́хъ твои́хъ, вѣ́рою просѧ́щихъ грѣхѡ́въ проще́нїѧ."
|
|
},
|
|
{
|
|
"type": "HEADER",
|
|
"value": "Свѣти́ленъ. Подо́бенъ: Жєны̀, ᲂу҆слы́шите:"
|
|
},
|
|
{
|
|
"type": "TEXT",
|
|
"value": "П рїиди́те, всѝ вѣ́рнїи, сщ҃е́нными пѣ́сньми восхва́лимъ ди́внаго въ чꙋдесѣ́хъ прпⷣбнаго серафі́ма, но́ваго свѣти́льника рѡссі́йскїѧ землѝ, а҆́гг҃лѡмъ собесѣ́дника и҆ те́плаго мл҃твенника къ бг҃ꙋ ѡ҆ чтꙋ́щихъ ст҃ꙋ́ю па́мѧть є҆гѡ̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: По бз҃ѣ ᲂу҆пова́нїе и҆мꙋ́ще на тѧ̀, пречⷭ҇таѧ бцⷣе, мо́лимъ ти сѧ: ро́ждшагосѧ и҆з̾ тебє̀ ᲂу҆молѝ дарова́ти ми́ръ вселе́ннѣй и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Мл҃тва прпⷣбномꙋ серафі́мꙋ саро́вскомꙋ:"
|
|
},
|
|
{
|
|
"type": "TEXT",
|
|
"value": "Ѽ пречꙋ́дный ѻ҆́тче серафі́ме, вели́кїй саро́вскїй чꙋдотво́рче, всѣ̑мъ прибѣга́ющымъ къ тебѣ̀ скоропослꙋ́шный помо́щниче! Во дни̑ земна́гѡ житїѧ̀ твоегѡ̀ никто́же ѿ тебє̀ то́щь и҆ неꙋтѣ́шенъ ѿи́де, но всѣ̑мъ въ сла́дость бы́сть видѣ́нїе ли́ка твоегѡ̀ и҆ бл҃гоꙋвѣ́тливый гла́съ слове́съ твои́хъ. Къ си̑мъ же и҆ да́ръ и҆сцѣле́нїй, да́ръ прозрѣ́нїѧ, да́ръ немощны́хъ дꙋ́шъ врачева́нїѧ, ѻ҆би́ленъ въ тебѣ̀ ꙗ҆ви́сѧ, Є҆гда́ же призва́ тѧ бг҃ъ ѿ земны́хъ трꙋдѡ́въ къ нбⷭ҇номꙋ ᲂу҆покое́нїю, николи́же любы̀ твоѧ̀ преста̀ ѿ на́съ, и҆ невозмо́жно є҆́сть и҆счи́слити чꙋдеса̀ твоѧ̑, ᲂу҆мнѡ́жившаѧсѧ ꙗ҆́кѡ ѕвѣ́зды небє́сныѧ: се́ бо по всѣ̑мъ концє́мъ землѝ на́шеѧ лю́демъ бж҃їимъ ꙗ҆влѧ́ешисѧ и҆ да́рꙋеши и҆̀мъ и҆сцѣлє́нїѧ. Тѣ́мже и҆ мы̀ вопїе́мъ тѝ: ѽ прети́хїй и҆ кро́ткїй ᲂу҆го́дниче бж҃їй, дерзнове́нный къ немꙋ̀ мл҃твенниче, николи́же призыва́ющыѧ тѧ̀ ѿрѣва́ѧй! вознесѝ ѡ҆ на́съ бл҃гомо́щнꙋю твою̀ мл҃твꙋ ко гдⷭ҇ꙋ си́лъ, да ᲂу҆крѣпи́тъ держа́вꙋ благовѣ́рнагѡ царѧ̀ на́шегѡ, да да́рꙋетъ на́мъ всѧ̑ бл҃гопотрє́бнаѧ въ жи́зни се́й и҆ всѧ̑ къ дꙋше́вномꙋ сп҃се́нїю полє́знаѧ, да ѡ҆гради́тъ на́съ ѿ паде́нїй грѣхо́вныхъ и҆ и҆́стинномꙋ покаѧ́нїю да наꙋчи́тъ на́съ, во є҆́же безпреткнове́ннѡ вни́ти на́мъ въ вѣ́чное нбⷭ҇ное црⷭ҇тво, и҆дѣ́же ты̀ ны́нѣ въ незаходи́мѣй сїѧ́еши сла́вѣ, и҆ та́мѡ воспѣва́ти со всѣ́ми ст҃ы́ми живонача́льнꙋю трⷪ҇цꙋ во вѣ́ки вѣкѡ́въ. А҆ми́нь."
|
|
},
|
|
{
|
|
"type": "HEADER",
|
|
"value": "Мл҃тва в҃:"
|
|
},
|
|
{
|
|
"type": "TEXT",
|
|
"value": "Ѽ вели́кїй ᲂу҆го́дниче бж҃їй, прпⷣбне и҆ бг҃оно́сне ѻ҆́тче на́шъ серафі́ме! При́зри ѿ го́рнїѧ сла́вы на на́съ смире́нныхъ и҆ немощны́хъ, ѡ҆бремене́нныхъ грѣхмѝ мно́гими, твоеѧ̀ по́мощи и҆ ᲂу҆тѣше́нїѧ просѧ́щихъ. Прини́кни къ на́мъ бл҃госе́рдїемъ твои́мъ и҆ помозѝ на́мъ за́пѡвѣди гдⷭ҇ни непоро́чнѡ сохранѧ́ти, вѣ́рꙋ правосла́внꙋю крѣ́пкѡ содержа́ти, покаѧ́нїе во грѣсѣ́хъ на́шихъ ᲂу҆се́рднѡ бг҃ꙋ приноси́ти, во бл҃гоче́стїи хрⷭ҇тїа́нстѣмъ бл҃года́тнѡ преꙋспѣва́ти и҆ достѡ́йнымъ бы́ти твоегѡ̀ ѡ҆ на́съ моли́твеннагѡ къ бг҃ꙋ предста́тельства. Є҆́й, свѧ́тче бж҃їй, ᲂу҆слы́ши на́съ, молѧ́щихсѧ тебѣ̀ съ вѣ́рою и҆ любо́вїю, и҆ не пре́зри на́съ, тре́бꙋющихъ твоегѡ̀ застꙋпле́нїѧ: ны́нѣ и҆ въ ча́съ кончи́ны на́шеѧ помозѝ на́мъ, и҆ застꙋпѝ на́съ мл҃твами твои́ми ѿ ѕло́бныхъ навѣ́тѡвъ дїа́вольскихъ, да не ѡ҆блада́етъ на́ми тѣ́хъ си́ла, но да сподо́бимсѧ по́мощїю твое́ю наслѣ́довати бл҃же́нство ѡ҆би́тели ра́йскїѧ. На тѧ́ бо ᲂу҆пова́нїе на́ше ны́нѣ возлага́емъ, ѻ҆́тче бл҃госе́рдый: бꙋ́ди на́мъ вои́стинꙋ ко сп҃се́нїю пꙋтево́ждь, и҆ приведѝ на́съ къ невече́рнемꙋ свѣ́тꙋ жи́зни вѣ́чныѧ бг҃опрїѧ́тнымъ предста́тельствомъ твои́мъ ᲂу҆ прⷭ҇то́ла прест҃ы́ѧ трⷪ҇цы, да сла́вимъ и҆ пое́мъ со всѣ́ми ст҃ы́ми достопокланѧ́емое и҆́мѧ ѻ҆ц҃а̀ и҆ сн҃а и҆ ст҃а́гѡ дх҃а во вѣ́ки вѣкѡ́въ. А҆ми́нь."
|
|
},
|
|
{
|
|
"type": "HEADER",
|
|
"value": "Мл҃тва г҃:"
|
|
},
|
|
{
|
|
"type": "TEXT",
|
|
"value": "Ѽ прпⷣбне ѻ҆́тче серафі́ме, бг҃а и҆́стиннагѡ ᲂу҆се́рдный ревни́телю, цр҃кве правосла́вныѧ но́вое ᲂу҆краше́нїе, хрⷭ҇тїа́нскагѡ бл҃гоче́стїѧ ди́вный подви́жниче! Къ тебѣ̀ прибѣга́емъ, тебѐ про́симъ, тебѣ̀ ско́рбныхъ дꙋ́шъ на́шихъ помышлє́нїѧ ѿверза́емъ. Молѝ бг҃а ѡ҆ лю́дехъ, страстьмѝ и҆ сꙋето́ю мі́ра сегѡ̀ ѡ҆бꙋрева́емыхъ: не преста́й моли́тисѧ є҆мꙋ̀ ѡ҆ всѣ́хъ къ тебѣ̀ притека́ющихъ и҆ по́мощи твоеѧ̀ просѧ́щихъ. Не пре́зри ма́лагѡ ᲂу҆се́рдїѧ на́шегѡ, ᲂу҆мно́жи сїѐ мл҃твою твое́ю. Да́рꙋй на́мъ бл҃года́тїю бж҃їею ѿ скорбе́й и҆збавле́нїе и҆ ѿ болѣ́зней и҆сцѣле́нїе, ᲂу҆врачꙋ́й на́шѧ недꙋ́ги дꙋшє́вныѧ и҆ тѣлє́сныѧ, ра́зꙋмъ на́шъ къ позна́нїю правосла́вныѧ вѣ́ры напра́ви, и҆ за́пѡвѣди бж҃їѧ всѧ̑ соблюда́ти на́мъ помозѝ. Оу҆́мъ правосла́вныхъ люде́й ѿ ѡ҆мраче́нїѧ и҆ невѣ́рїѧ сохранѝ, всѣ̑мъ же хрⷭ҇то́вꙋ любо́вь дрꙋ́гъ ко дрꙋ́гꙋ и҆мѣ́ти сотворѝ, да та́кѡ во бл҃гоче́стїи хрⷭ҇то́вѣ преспѣва́юще, въ ра́дости се́рдца восклица́емъ тебѣ̀: ра́дꙋйсѧ, помо́щниче на́шъ: ра́дꙋйсѧ, и҆сцѣле́нїе на́ше: ра́дꙋйсѧ, ᲂу҆тѣше́нїе на́ше: ра́дꙋйсѧ, ра́досте на́ша, прпⷣбне ѻ҆́тче серафі́ме, и҆ на́съ твоеѧ̀ ра́дости сподо́би во вѣ́ки вѣкѡ́въ. А҆ми́нь."
|
|
}
|
|
] |