1142 lines
114 KiB
JSON
1142 lines
114 KiB
JSON
[
|
|
{
|
|
"type": "HEADER",
|
|
"value": "Во ст҃ꙋ́ю и҆ вели́кꙋю недѣ́лю па́схи."
|
|
},
|
|
{
|
|
"type": "TEXT",
|
|
"value": "ⷤ На ᲂу҆́трени ⷤ На часѣ́х ⷤ На моле́бне ⷤ На лїтꙋргі́и ⷤ Послѣ́дованїе а҆́ртоса"
|
|
},
|
|
{
|
|
"type": "HEADER",
|
|
"value": "Во ст҃ꙋ́ю и҆ вели́кꙋю недѣ́лю па́схи на ᲂу҆́трени."
|
|
},
|
|
{
|
|
"type": "TEXT",
|
|
"value": "Ѡ҆б̾ часѣ̀ ᲂу҆́треннѣмъ параекклисїа́рхъ взе́мъ бл҃гослове́нїе ᲂу҆ настоѧ́телѧ, и҆схо́дитъ и҆ ᲂу҆дарѧ́етъ въ вели́кое, и҆ кле́плетъ дово́льнѡ. И҆ вше́дъ во хра́мъ, вжига́етъ свѣщы̀ всѧ̑, и҆ канди̑ла: ᲂу҆строѧ́етъ же сосꙋ́ды два̀ со ᲂу҆́глїемъ горѧ́щимъ, и҆ влага́етъ въ ни́хъ ѳѷмїа́ма мно́гѡ благово́ннагѡ, и҆ поставлѧ́етъ є҆ди́нъ сосꙋ́дъ средѝ цр҃кве, дрꙋгі́й же во ст҃о́мъ ѻ҆лтарѣ̀, ꙗ҆́кѡ да и҆спо́лнитсѧ цр҃ковь всѧ̀ благово́нїѧ. Та́же настоѧ́тель вше́дъ во ст҃ы́й ѻ҆лта́рь со і҆ере́и и҆ дїа́коны, ѡ҆блача́тсѧ въ ве́сь свѣтлѣ́йшїй са́нъ. И҆ раздае́тъ свѣщы̀ бра́тїи, и҆ взе́млетъ чⷭ҇тны́й крⷭ҇тъ: кади́ло же взе́млетъ дїа́конъ. І҆ере́й же ст҃о́е є҆ѵⷢ҇лїе, и҆́нъ і҆ере́й ѻ҆́бразъ воскрⷭ҇нїѧ хрⷭ҇то́ва: и҆ ста́вѧтсѧ лице́мъ на за́падъ. И҆ затворѧ́тъ врата̀ цр҃кѡ́внаѧ, ꙗ҆̀же къ за́падꙋ. И҆схо́дитъ настоѧ́тель со і҆ере́и въ притво́ръ сѣ́верными две́рьми, пред̾идꙋ́щымъ пред̾ ни́мъ дїа́конѡмъ со двѣма̀ свѣща́ми, и҆ ѻ҆́ба ли́ка пою́ще"
|
|
},
|
|
{
|
|
"type": "HEADER",
|
|
"value": "стїхи́рꙋ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "В оскрⷭ҇нїе твоѐ хрⷭ҇тѐ сп҃се, / а҆́гг҃ли пою́тъ на нб҃сѣ́хъ, / и҆ на́съ на землѝ сподо́би / чи́стымъ се́рдцемъ / тебѐ сла́вити."
|
|
},
|
|
{
|
|
"type": "TEXT",
|
|
"value": "Та́же ᲂу҆дарѧ́ютъ во всѧ̑ кампа́ны и҆ тѧ̑жкаѧ, и҆ кле́плютъ дово́льнѡ. И҆ вше́дше въ притво́ръ, ста́нꙋтъ со є҆ѵⷢ҇лїемъ, и҆ со ѻ҆́бразомъ, лице́мъ на за́падъ, ꙗ҆́коже ᲂу҆каза́сѧ пре́жде. Та́же настоѧ́тель взе́млетъ ᲂу҆ дїа́кона кади́ло въ пра́вꙋю рꙋ́кꙋ, крⷭ҇тъ же въ лѣ́вꙋю, и҆ кади́тъ ѻ҆́бразы, и҆ кли́росы, и҆ бра́тїю по ѻ҆бы́чаю. Дїа́конꙋ же предносѧ́щꙋ пред̾ ни́мъ свѣщꙋ̀ горѧ́щꙋ. Бра́тїѧ же всѝ стоѧ́тъ держа́ще свѣщы̀ своѧ̑, со внима́нїемъ молѧ́щесѧ въ себѣ̀, и҆ благодарѧ́ще на́съ ра́ди потрада́вшаго и҆ воскре́сшаго хрⷭ҇та̀ бг҃а на́шего. По сконча́нїи же кажде́нїѧ, прихо́дитъ настоѧ́тель пред̾ вели́кїѧ врата̀ цр҃кве, и҆ покади́тъ дїа́кона предстоѧ́щаго є҆мꙋ̀ со свѣще́ю. Тогда̀ взе́мъ кади́ло дїа́конъ ѿ рꙋкꙋ̀ настоѧ́телѧ, и҆ покади́тъ самого̀ настоѧ́телѧ. И҆ па́ки воспрїи́мъ настоѧ́тель кади́ло, ста́въ пред̾ цр҃ко́вными две́рьми, зрѧ̀ на восто́къ, и҆ назна́менаетъ вели̑кїѧ врата̀ цр҃кве, [затворє́наѧ сꙋ́ща], кади́ломъ крⷭ҇тоѻбра́знѡ, три́жды, держѧ̀ въ лѣ́вой рꙋцѣ̀ чⷭ҇тны́й крⷭ҇тъ, и҆ свѣти́льникѡмъ стоѧ́щымъ со ѻ҆бою̀ странꙋ̀."
|
|
},
|
|
{
|
|
"type": "HEADER",
|
|
"value": "И҆ велегла́снѡ возгласи́тъ:"
|
|
},
|
|
{
|
|
"type": "TEXT",
|
|
"value": "С ла́ва ст҃ѣ́й, и҆ є҆диносꙋ́щнѣй, и҆ животворѧ́щей, и҆ нераздѣли́мѣй трⷪ҇цѣ, всегда̀, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "И҆ на́мъ ѿвѣща́ющымъ: А҆ми́нь."
|
|
},
|
|
{
|
|
"type": "HEADER",
|
|
"value": "Начина́етъ настоѧ́тель, съ про́чими слꙋжи́тели, велегла́снѡ настоѧ́щїй тропа́рь, во гла́съ є҃:"
|
|
},
|
|
{
|
|
"type": "TEXT",
|
|
"value": "Х рⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
|
|
},
|
|
{
|
|
"type": "TEXT",
|
|
"value": "И҆ мы̀ то́йжде пое́мъ подо́бнѣ, со сладкопѣ́нїемъ. Пое́тсѧ же се́й тропа́рь три́жды ѿ настоѧ́телѧ, и҆ три́жды ѿ на́съ."
|
|
},
|
|
{
|
|
"type": "HEADER",
|
|
"value": "Та́же настоѧ́тель глаго́летъ стїхѝ:"
|
|
},
|
|
{
|
|
"type": "TEXT",
|
|
"value": "Пе́рвый сті́хъ: Да воскре́снетъ бг҃ъ, и҆ расточа́тсѧ вразѝ є҆гѡ̀, / и҆ да бѣжа́тъ ѿ лица̀ є҆гѡ̀ ненави́дѧщїи є҆го̀."
|
|
},
|
|
{
|
|
"type": "TEXT",
|
|
"value": "И҆ на кі́йждо сті́хъ мы̀ пое́мъ тропа́рь: Хрⷭ҇то́съ воскр҃се: ве́сь по є҆ди́ножды."
|
|
},
|
|
{
|
|
"type": "TEXT",
|
|
"value": "Вторы́й сті́хъ: Ꙗ҆́кѡ и҆счеза́етъ ды́мъ, да и҆сче́знꙋтъ, / ꙗ҆́кѡ та́етъ во́скъ ѿ лица̀ ѻ҆гнѧ̀. Х рⷭ҇то́съ воскре́се: є҆ди́ножды."
|
|
},
|
|
{
|
|
"type": "TEXT",
|
|
"value": "Тре́тїй сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ. Х рⷭ҇то́съ воскре́се: є҆ди́ножды."
|
|
},
|
|
{
|
|
"type": "TEXT",
|
|
"value": "Четве́ртый сті́хъ: Се́й де́нь є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь. Х рⷭ҇то́съ воскре́се: є҆ди́ножды."
|
|
},
|
|
{
|
|
"type": "TEXT",
|
|
"value": "Сла́ва: Хрⷭ҇то́съ воскре́се: є҆ди́ножды."
|
|
},
|
|
{
|
|
"type": "TEXT",
|
|
"value": "И҆ ны́нѣ: Хрⷭ҇то́съ воскре́се: є҆ди́ножды."
|
|
},
|
|
{
|
|
"type": "TEXT",
|
|
"value": "Та́же настоѧ́тель пое́тъ вы́шшимъ гла́сомъ: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ. И҆ ѿверза́етъ врата̀."
|
|
},
|
|
{
|
|
"type": "TEXT",
|
|
"value": "Вхо́дитъ настоѧ́тель съ честны́мъ крⷭ҇то́мъ, пред̾идꙋ́щымъ є҆мꙋ̀ со двѣма̀ лампа́дами: И҆ бра́тїѧмъ пою́щымъ: И҆ сꙋ́щымъ во гробѣ́хъ живо́тъ дарова́въ. Та́же ᲂу҆дарѧ́ютъ во всѧ̀ кампа́ны: и҆ кле́плютъ дово́льнѡ, трѝ зво́ны."
|
|
},
|
|
{
|
|
"type": "TEXT",
|
|
"value": "Вше́дъ же настоѧ́тель со і҆ере́и во ст҃ы́й ѻ҆лта́рь. И҆ дїа́конъ глаго́летъ є҆ктенїю̀ вели́кꙋю: Ми́ромъ гдⷭ҇ꙋ помо́лимсѧ: Возгла́съ: Ꙗ҆́кѡ подоба́етъ тебѣ̀ всѧ́каѧ сла́ва: И҆ начина́етъ предстоѧ́тель канѡ́нъ, творе́нїе гдⷭ҇и́на і҆ѡа́нна дамаскина̀. Гла́съ а҃. І҆рмо́съ: Воскрⷭ҇нїѧ де́нь: І҆рмосы̀ на д҃: И҆ тропарѝ на в҃і, съ припѣ́вы: Хрⷭ҇то́съ воскре́се и҆з̾ ме́ртвыхъ. И҆ па́ки послѣдѝ кі́йждо ли́къ і҆рмо́съ. Послѣди́ же на схо́дѣ катава́сїа, і҆рмо́съ то́йже: Воскрⷭ҇нїѧ де́нь: И҆ по не́мъ: Хрⷭ҇то́съ воскре́се: ве́сь три́жды. Твори́тъ же нача́ло канѡ́на на кꙋ́юждо пѣ́снь всегда̀ предстоѧ́тель, десно́й и҆лѝ лѣ́вой странѣ̀ слꙋчи́вшейсѧ нача́ти. И҆ кади́тъ въ нача́лѣ канѡ́на ст҃ы́ѧ і҆кѡ́ны, и҆ ѻ҆́ба ли́ки и҆ бра́тїю по чи́нꙋ. И҆ по ко́ейждо пѣ́сни быва́етъ є҆ктенїа̀ ма́лаѧ внѣ̀ ѻ҆лтарѧ̀, ꙗ҆́коже рѣ́хомъ, во ст҃ы́й се́й де́нь. Возгла́съ внꙋ́трь ѻ҆лтарѧ̀ ѿ і҆ере́а. По а҃-й пѣ́сни пое́тъ десна́ѧ страна̀. По г҃-й же пое́тъ лѣ́ваѧ. Си́це пое́мъ и҆ по про́чихъ пѣ́снехъ."
|
|
},
|
|
{
|
|
"type": "HEADER",
|
|
"value": "Канѡ́нъ, гла́съ а҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Воскресе́нїѧ де́нь, / просвѣти́мсѧ лю́дїе: / па́сха, гдⷭ҇нѧ па́сха! / ѿ сме́рти бо къ жи́зни, / и҆ ѿ землѝ къ нб҃сѝ, / хрⷭ҇то́съ бг҃ъ на́съ преведѐ, / побѣ́днꙋю пою́щыѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ѡ҆ чи́стимъ чꙋ̑вствїѧ, и҆ ᲂу҆́зримъ / непристꙋ́пнымъ свѣ́томъ / воскресе́нїѧ, хрⷭ҇та̀ блиста́ющасѧ, / и҆ ра́дꙋйтесѧ, рекꙋ́ща / ꙗ҆́снѡ да ᲂу҆слы́шимъ, / побѣ́днꙋю пою́ще."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Н б҃са̀ ᲂу҆̀бо досто́йнѡ да веселѧ́тсѧ, / землѧ́ же да ра́дꙋетсѧ, / да пра́зднꙋетъ же мі́ръ, / ви́димый же ве́сь и҆ неви́димый: / хрⷭ҇то́съ бо воста̀, / весе́лїе вѣ́чное."
|
|
},
|
|
{
|
|
"type": "TEXT",
|
|
"value": "Катава́сїа ѻ҆́ба ли́ка вкꙋ́пѣ: Воскрⷭ҇нїѧ де́нь: И҆ послѣдѝ: Хрⷭ҇то́съ воскре́се: три́жды."
|
|
},
|
|
{
|
|
"type": "TEXT",
|
|
"value": "Та́же, є҆ктенїа̀. И҆ возгла́съ: Ꙗ҆́кѡ твоѧ̀ держа́ва, и҆ твоѐ є҆́сть црⷭ҇тво, и҆ си́ла, сла́ва ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Прїиди́те пи́во пїе́мъ но́вое, / не ѿ ка́мене непло́дна чꙋдодѣ́емое, / но нетлѣ́нїѧ и҆сто́чникъ, / и҆з̾ гро́ба ѡ҆дожди́вша хрⷭ҇та̀, / въ не́мже ᲂу҆твержда́емсѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Н ы́нѣ всѧ̑ и҆спо́лнишасѧ свѣ́та, / нб҃о же и҆ землѧ̀ и҆ преиспѡ́днѧѧ: / да пра́зднꙋетъ ᲂу҆̀бо всѧ̀ тва́рь / воста́нїе хрⷭ҇то́во, / въ не́мже ᲂу҆твержда́етсѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "В чера̀ спогребо́хсѧ тебѣ̀ хрⷭ҇тѐ, / совостаю̀ дне́сь / воскрⷭ҇шꙋ тебѣ̀, / сраспина́хсѧ тебѣ̀ вчера̀, / са́мъ мѧ̀ спросла́ви сп҃се во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Катава́сїа: Прїиди́те пи́во пїе́мъ но́вое: И҆ тропа́рь: Хрⷭ҇то́съ воскре́се: три́жды."
|
|
},
|
|
{
|
|
"type": "TEXT",
|
|
"value": "Та́же, є҆ктенїа̀, и҆ возгла́съ: Ꙗ҆́кѡ ты̀ є҆сѝ бг҃ъ на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "HEADER",
|
|
"value": "Ѵ҆пакоѝ, гла́съ д҃:"
|
|
},
|
|
{
|
|
"type": "TEXT",
|
|
"value": "П редвари́вшыѧ ᲂу҆́тро ꙗ҆̀же ѡ҆ марі́и, / и҆ ѡ҆брѣ́тшыѧ ка́мень ѿвале́нъ ѿ гро́ба, / слы́шахꙋ ѿ а҆́гг҃ла: во свѣ́тѣ присносꙋ́щнѣмъ сꙋ́щаго, / съ ме́ртвыми что̀ и҆́щете ꙗ҆́кѡ человѣ́ка; / ви́дите грѡ́бныѧ пелєны̀, тецы́те, и҆ мі́рꙋ проповѣ́дите, / ꙗ҆́кѡ воста̀ гдⷭ҇ь, ᲂу҆мертви́вый сме́рть, / ꙗ҆́кѡ є҆́сть сн҃ъ бг҃а, спаса́ющагѡ ро́дъ человѣ́ческїй."
|
|
},
|
|
{
|
|
"type": "TEXT",
|
|
"value": "И҆ чте́нїе въ григо́рїи бг҃осло́вѣ, є҆гѡ́же нача́ло: На стра́жи мое́й ста́нꙋ: По чте́нїи же па́ки вжига́ютъ свѣщы̀ бра́тїѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "На бж҃е́ственнѣй стра́жи, / бг҃оглаго́ливый а҆ввакꙋ́мъ / да ста́нетъ съ на́ми, и҆ пока́жетъ / свѣтоно́сна а҆́гг҃ла, / ꙗ҆́снѡ глаго́люща: / дне́сь спасе́нїе мі́рꙋ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "М ꙋ́жескїй ᲂу҆́бѡ по́лъ, / ꙗ҆́кѡ разве́рзый дѣ́вственнꙋю ᲂу҆тро́бꙋ, / ꙗ҆ви́сѧ хрⷭ҇то́съ: / ꙗ҆́кѡ чл҃вѣ́къ же, / а҆́гнецъ нарече́сѧ: / непоро́ченъ же, / ꙗ҆́кѡ невкꙋ́сенъ скве́рны, / на́ша па́сха, / и҆ ꙗ҆́кѡ бг҃ъ и҆́стиненъ / соверше́нъ рече́сѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ є҆динолѣ́тный а҆́гнецъ, / бл҃гослове́нный на́мъ вѣне́цъ хрⷭ҇то́съ, / во́лею за всѣ́хъ закла́нъ бы́сть, / па́сха чисти́тельнаѧ, / и҆ па́ки и҆з̾ гро́ба кра́сное / пра́вды на́мъ возсїѧ̀ со́лнце."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Б г҃оѻц҃ъ ᲂу҆́бѡ дв҃дъ / пред̾ сѣ́ннымъ ковче́гомъ скака́ше и҆гра́ѧ, / лю́дїе же бж҃їи ст҃і́и, / ѻ҆бразѡ́въ сбытїѐ зрѧ́ще, / весели́мсѧ бж҃е́ственнѣ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Катава́сїа: На бж҃е́ственнѣй стра́жи: И҆ тропа́рь: Хрⷭ҇то́съ воскре́се: три́жды."
|
|
},
|
|
{
|
|
"type": "TEXT",
|
|
"value": "Є҆ктенїа̀, и҆ возгла́съ: Ꙗ҆́кѡ бл҃гъ и҆ человѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆́тренюемъ ᲂу҆́треннюю глꙋбокꙋ̀, / и҆ вмѣ́стѡ мѵ́ра пѣ́снь принесе́мъ влⷣцѣ, / и҆ хрⷭ҇та̀ ᲂу҆́зримъ / пра́вды со́лнце, / всѣ̑мъ жи́знь возсїѧ́юща."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Б езмѣ́рное твоѐ бл҃гоꙋтро́бїе / а҆́довыми ᲂу҆́зами содержи́мїи зрѧ́ще, / къ свѣ́тꙋ и҆дѧ́хꙋ хрⷭ҇тѐ, / весе́лыми нога́ми, / па́схꙋ хва́лѧще вѣ́чнꙋю."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "П ристꙋ́пимъ свѣщено́снїи, / и҆сходѧ́щꙋ хрⷭ҇тꙋ̀ и҆з̾ гро́ба ꙗ҆́кѡ женихꙋ̀, / и҆ спра́зднꙋимъ любопра́зднственными чи́нми / па́схꙋ бж҃їю спаси́тельнꙋю."
|
|
},
|
|
{
|
|
"type": "TEXT",
|
|
"value": "Катава́сїа: Оу҆́тренюемъ ᲂу҆́треннюю глꙋбокꙋ̀: И҆ тропа́рь: Хрⷭ҇то́съ воскре́се: три́жды."
|
|
},
|
|
{
|
|
"type": "TEXT",
|
|
"value": "Є҆ктенїа̀, и҆ возгла́съ: Ꙗ҆́кѡ свѧти́сѧ и҆ просла́висѧ пречⷭ҇тно́е и҆ великолѣ́пое и҆́мѧ твоѐ, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Снизше́лъ є҆сѝ въ преиспѡ́днѧѧ землѝ, / и҆ сокрꙋши́лъ є҆сѝ верєѝ вѣ́чныѧ, / содержа́щыѧ свѧ̑занныѧ хрⷭ҇тѐ, / и҆ тридне́венъ ꙗ҆́кѡ ѿ ки́та і҆ѡ́на, / воскре́слъ є҆сѝ ѿ гро́ба."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "С охрани́въ цѣ́ла зна́мєнїѧ хрⷭ҇тѐ, / воскре́слъ є҆сѝ ѿ гро́ба, / ключѝ дв҃ы не вреди́вый въ ржⷭ҇твѣ̀ твое́мъ, / и҆ ѿве́рзлъ є҆сѝ на́мъ ра̑йскїѧ двє́ри."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "С п҃се мо́й, / живо́е же и҆ неже́ртвенное заколе́нїе, / ꙗ҆́кѡ бг҃ъ са́мъ себѐ / во́лею приве́дъ ѻ҆ц҃ꙋ̀, / совоскреси́лъ є҆сѝ всеро́днаго а҆да́ма, / воскре́съ ѿ гро́ба."
|
|
},
|
|
{
|
|
"type": "TEXT",
|
|
"value": "Катава́сїа: Снизше́лъ є҆сѝ въ преиспѡ́днѧѧ землѝ: И҆ тропа́рь: Хрⷭ҇то́съ воскре́се: три́жды."
|
|
},
|
|
{
|
|
"type": "TEXT",
|
|
"value": "Є҆ктенїа̀, и҆ возгла́съ: Ты́ бо є҆сѝ цр҃ь ми́ра, и҆ сп҃съ дꙋ́шъ на́шихъ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "HEADER",
|
|
"value": "Та́же конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "А҆́ ще и҆ во гро́бъ снизше́лъ є҆сѝ безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскре́слъ є҆сѝ ꙗ҆́кѡ побѣди́тель хрⷭ҇тѐ бж҃е, / жена́мъ мѷроно́сицамъ вѣща́вый: ра́дꙋйтесѧ, / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскресе́нїе."
|
|
},
|
|
{
|
|
"type": "TEXT",
|
|
"value": "І҆́косъ: Є҆́же пре́жде со́лнца сл҃нце заше́дшее и҆ногда̀ во гро́бъ, / предвари́ша ко ᲂу҆́трꙋ, и҆́щꙋщыѧ ꙗ҆́кѡ днѐ мѷронѡ́сицы дѣ̑вы, / и҆ дрꙋга̀ ко дрꙋзѣ́й вопїѧ́хꙋ: / ѽ дрꙋги́ни! прїиди́те, вонѧ́ми пома́жемъ тѣ́ло живоно́сное и҆ погребе́ное, / пло́ть воскреси́вшагѡ па́дшаго а҆да́ма, лежа́щꙋю во гро́бѣ. / и҆́демъ, потщи́мсѧ ꙗ҆́коже волсвѝ, и҆ поклони́мсѧ, / и҆ принесе́мъ мѵ̑ра ꙗ҆́кѡ да́ры, не въ пелена́хъ, но въ плащани́цѣ ѡ҆бви́томꙋ, / и҆ пла́чимъ, и҆ возопїи́мъ: ѽ влⷣко, воста́ни, / па́дшымъ подаѧ́й воскресе́нїе."
|
|
},
|
|
{
|
|
"type": "HEADER",
|
|
"value": "Сѷнаѯа́рь, во ст҃ꙋ́ю и҆ вели́кꙋю недѣ́лю па́схи."
|
|
},
|
|
{
|
|
"type": "TEXT",
|
|
"value": "Стїхѝ: Хрⷭ҇то́съ сше́дъ къ борьбѣ̀ а҆́довѣ є҆ди́нъ."
|
|
},
|
|
{
|
|
"type": "TEXT",
|
|
"value": "Мнѡ́гїѧ взе́мъ побѣ́ды коры̑сти, взы́де."
|
|
},
|
|
{
|
|
"type": "TEXT",
|
|
"value": "В о ст҃ꙋ́ю и҆ вели́кꙋю недѣ́лю па́схи, са́мое живоно́сное воскресе́нїе пра́зднꙋемъ гдⷭ҇а бг҃а и҆ сп҃са на́шегѡ і҆и҃са хрⷭ҇та̀, є҆́же ᲂу҆́бѡ и҆ па́схꙋ и҆менꙋ́емъ: ꙗ҆́же є҆вре́йскою бесѣ́дою преведе́нїе толкꙋ́етсѧ. то́й бо є҆́сть де́нь, во́ньже бг҃ъ въ нача́лѣ мі́ръ ѿ небытїѧ̀ приведѐ. въ то́й де́нь і҆и҃льтєскїѧ лю́ди, сквозѣ̀ чермно́е мо́ре прове́дъ, ѿ фараѡ́новыхъ и҆схища́етъ рꙋ́къ. въ то́й па́ки съ нб҃сѐ соше́дъ, во ᲂу҆тро́бꙋ дв҃ы всели́сѧ: и҆ ны́нѣ и҆з̾ а҆́довыхъ сокро́вищъ человѣ́ческое є҆стество̀ всѐ и҆схити́въ, на нб҃са̀ возведѐ, и҆ къ дре́внемꙋ достоѧ́нїю приведѐ нетлѣ́нїѧ. ѻ҆ба́че соше́дъ во а҆́дъ, не всѣ́хъ воскресѝ, но є҆ли́цы вѣ́ровати є҆мꙋ̀ и҆зво́лиша: дꙋ́шы же ꙗ҆̀же ѿ вѣ́ка ст҃ы́хъ нꙋ́ждею держи̑мыѧ ѿ а҆́да свободѝ, и҆ всѣ̑мъ дадѐ на нб҃са̀ взы́ти. сегѡ̀ ра́ди ра́дꙋющесѧ преесте́ственнѣ со свѣ́тлостїю воскрⷭ҇нїе пра́зднꙋемъ, ра́дость ѡ҆бразꙋ́юще, є҆́юже є҆стество̀ на́ше милосе́рдїѧ ра́ди млⷭ҇ти бж҃їѧ ѡ҆богати́сѧ: та́кожде и҆ вражды̀ разрꙋше́нїе, и҆ є҆́же съ бг҃омъ соедине́нїе и҆ съ самѣ́ми а҆́гг҃лы показꙋ́юще, ѻ҆бы́чное содѣва́емъ цѣлова́нїе. гдⷭ҇не же воскресе́нїе бы́сть си́це: во́инѡмъ стрегꙋ́щымъ гро́бъ, ѡ҆ полꙋ́нощи трꙋ́съ быва́етъ: соше́дъ бо а҆́гг҃лъ, ка́мень ѿвалѧ́етъ ѿ две́рей гро́ба, стра́жїе же ᲂу҆жаса́ющесѧ бѣ́гаютъ. и҆ прихожде́нїе здѣ̀ жена́мъ быва́етъ въ сꙋббѡ́тꙋ по́здѣ, ꙗ҆́коже ѿ полсꙋббѡ́тныѧ но́щи. и҆ пе́рвѣе ᲂу҆́бѡ воскрⷭ҇нїе бж҃їи мт҃ри познава́емо быва́етъ прѧ́мѡ сѣдѧ́щей гро́ба съ магдали́нею, ꙗ҆́коже глаго́летъ матѳе́й. но да не сомни́ло бы сѧ воскрⷭ҇нїе, за є҆́же къ ма́тери присвое́нїѧ, є҆ѵⷢ҇лі́сти глаго́лютъ: пе́рвѣе ꙗ҆влѧ́етсѧ магдали́ни марі́и, ѻ҆на́ же и҆ на ка́мени а҆́гг҃ла ви́дѣ: и҆ прини́кши па́ки сꙋ́щыѧ внꙋ́трь зри́тъ, и҆́же ᲂу҆́бѡ и҆ гдⷭ҇не воскрⷭ҇нїе возвѣща́ютъ: воста́ бо, глаго́лютъ, нѣ́сть здѣ̀: сѐ мѣ́сто, и҆дѣ́же положи́ша є҆го̀. тече́тъ ᲂу҆́бѡ сїѧ̀ слы́шавши, и҆ къ теплѣ́йшымъ ѿ ᲂу҆чени̑къ прихо́дитъ, къ петрꙋ̀ и҆ і҆ѡа́ннꙋ, и҆ воскрⷭ҇нїе си̑мъ благовѣствꙋ́етъ. возвраща́ющисѧ же є҆́й съ дрꙋго́ю марі́ею, срѣ́те ѧ҆̀ хрⷭ҇то́съ, глаго́лѧ: ра́дꙋйтесѧ. подоба́ше бо пе́рвѣе слы́шавшемꙋ ро́дꙋ: въ печа́лехъ роди́ши ча̑да, томꙋ̀ пре́жде и҆ ра́дость внꙋши́ти. сїѧ̑ же любо́вїю побѣжда́ємыѧ пристꙋпа́ютъ, и҆ пречи́стыма нога́ма є҆гѡ̀ каса́ютсѧ, ѻ҆па́снѣйше разꙋмѣ́ти хотѧ́ще. а҆пⷭ҇ла же ко гро́бꙋ притеко́ста, і҆ѡа́ннъ ᲂу҆́бѡ прини́къ то́чїю во гро́бъ, ѿи́де. пе́тръ же внꙋ́трь вхо́дитъ, и҆ и҆спы́тнѣйше зри́тъ, плащани́цѣ же каса́етсѧ и҆ сꙋдаре́ви. па́ки же магдали́на прихо́дитъ ко гро́бꙋ ѡ҆ ᲂу҆́трени, со дрꙋги́ми жена́ми, ви̑дѣннаѧ ᲂу҆вѣ́рити хотѧ́щи ѻ҆па́снѣ. ᲂу҆ внѣ́шнихъ же стоѧ́щи рыда́ше, внꙋ́трь же гро́ба прини́кши, зри́тъ два̀ а҆́гг҃ла блиста́ющасѧ свѣ́тлостїю, и҆ а҆́ки претѧ́ща є҆́й, и҆ глаго́люща: же́но, что̀ пла́чеши; и҆ кого̀ и҆́щеши; і҆и҃са и҆́щете назарѧни́на распѧ́таго: воста̀, нѣ́сть здѣ̀. и҆ а҆́бїе воста́ша пристра́шни, ви́дѣвше гдⷭ҇а. тѣ́мже ѻ҆на̀ ѡ҆бра́щшисѧ вспѧ́ть, ви́дитъ хрⷭ҇та̀ стоѧ́ща, вертогра́дарѧ же є҆го̀ бы́ти мнѧ́щи, [занѐ въ вертогра́дѣ гро́бъ бы́сть,] глаго́летъ: гдⷭ҇и, а҆́ще ты̀ є҆сѝ взѧ́лъ є҆го̀, рцы́ ми, гдѣ̀ є҆сѝ положи́лъ є҆го̀; и҆ а҆́зъ возмꙋ̀ є҆го̀. па́ки же сп҃съ ко а҆́гг҃лѡмъ помаа́въ, глаго́летъ къ магдали́ни: марі́е. ѻ҆на́ же сла́дкїй и҆ ѻ҆бы́чный хрⷭ҇то́въ ѡ҆щꙋти́вши гла́съ, прикоснꙋ́тисѧ є҆мꙋ̀ хотѧ́ше. ѻ҆́нъ же глаго́летъ: не прикаса́йсѧ мнѣ̀, не ᲂу҆ бо взыдо́хъ ко ѻ҆ц҃ꙋ̀ моемꙋ̀, ꙗ҆́коже ты̀ помышлѧ́еши, є҆щѐ чл҃вѣ́ка мѧ̀ бы́ти непщꙋ́ющи: и҆ди́ же къ бра́тїи мое́й, и҆ рцы̀ и҆̀мъ, є҆ли̑ка же ви́дѣла є҆сѝ и҆ слы́шала. и҆ сїѐ ᲂу҆́бѡ магдали́на дѣ́лаетъ. свита́ющꙋ же дню̀ па́ки ᲂу҆ гро́ба съ про́чими быва́етъ. сꙋ́щїи же со і҆ѡа́нною и҆ салѡмі́ею, возсїѧ́вшꙋ со́лнцꙋ прїидо́ша. и҆ про́стѡ рещѝ, разли́чнѡ є҆́же на гро́бъ же́нъ прихожде́нїе бы́сть, въ ни́хже бѣ̀ и҆ бцⷣа: та́ бо є҆́сть, ю҆́же і҆ѡсі́евꙋ глаго́летъ мр҃і́ю є҆ѵⷢ҇лїе. і҆ѡ́сифовъ же бѣ̀ сы́нъ се́й і҆ѡсі́й. въ неизвѣ́стномъ ᲂу҆́бѡ є҆́сть, въ кі́й ча́съ воскре́се гдⷭ҇ь: нѣ́цыи ᲂу҆́бѡ въ пе́рвое кꙋроглаше́нїе глаго́лютъ: дрꙋзі́и же є҆гда̀ трꙋ́съ бы́сть, и҆ разли́чнѡ дрꙋзі́и. си̑мъ же та́кѡ бы́вшымъ, сѐ нѣ́цыи ѿ кꙋстѡді́и доше́дше, возвѣсти́ша а҆рхїере́ємъ содѣ̑ѧвшаѧсѧ. ѻ҆ни́ же сре́брениками и҆̀хъ ᲂу҆мзди́вше, повинꙋ́ютъ рещѝ: ꙗ҆́кѡ ᲂу҆ченицы̀ є҆гѡ̀ прише́дше но́щїю, ᲂу҆крадо́ша є҆го̀. въ ве́черъ настоѧ́щагѡ днѐ, ᲂу҆ченикѡ́мъ во є҆ди́но собра̑нымъ стра́ха ра́ди і҆ꙋде́йскагѡ, и҆ две́ремъ тве́рдѡ заключє́нымъ, вхо́дитъ къ ни́мъ і҆и҃съ, ꙗ҆́кѡ въ нетлѣ́ннѣмъ тѣлесѝ бѣ̀, и҆ ми́ръ ѻ҆бы́чнѡ си̑мъ благовѣствꙋ́етъ. ѻ҆ни́ же сего̀ ви́дѣвше, премно́гѡ возра́довашасѧ, и҆ дꙋнове́нїемъ соверше́ннѣйшее всест҃а́гѡ дх҃а дѣ́йство прїе́млютъ. ка́кѡ же тридне́вное воскрⷭ҇нїе гдⷭ҇не; вѣ́ждь си́це: ве́черъ четвертка̀, и҆ де́нь пѧтка̀, та́кѡ бо нощеде́нство є҆вре́є и҆счита́ютъ, де́нь є҆ди́нъ. пѧтка̀ па́ки но́щь, и҆ сꙋббѡ́та всѧ̀, дрꙋго́е нощеде́нство, сѐ де́нь вторы́й. па́ки сꙋббѡ́тнаѧ но́щь, и҆ недѣ́ли де́нь, ѿ ча́сти бо нача́ла всѐ прїе́млетсѧ, тре́тїе нощеде́нство: сѐ де́нь тре́тїй. и҆лѝ си́це: въ тре́тїй ча́съ пѧтка̀ ра́спѧтъ бы́сть хрⷭ҇то́съ. та́же ѿ шеста́гѡ часа̀ до девѧ́тагѡ тма̀ бы́сть, сїѐ но́щь мѝ разꙋмѣ́й, сѐ ѿ тре́тїѧгѡ да́же до девѧ́тагѡ є҆ди́но нощеде́нство. та́же па́ки по тмѣ̀, де́нь и҆ но́щь пѧтка̀, сѐ два̀ нощедє́нства. де́нь сꙋббѡ́ты, и҆ но́щь є҆ѧ̀ па́ки, сѐ трѝ нощедє́нства, по є҆ѵⷢ҇лі́стꙋ глаго́лющемꙋ: свита́ющꙋ во є҆ди́нꙋ ѿ сꙋббѡ́тъ. а҆́ще ли въ тре́тїй ѡ҆бѣща́въ ѡ҆благодѣ́тельствова на́съ сп҃съ, скорѣ́йше содѣ́ла бл҃годѣ́йство. и҆ та́кѡ бл҃года́ть, и҆ сла́ва є҆мꙋ̀ во вѣ́ки вѣкѡ́въ. а҆ми́нь."
|
|
},
|
|
{
|
|
"type": "HEADER",
|
|
"value": "Та́же глаго́лемъ:"
|
|
},
|
|
{
|
|
"type": "TEXT",
|
|
"value": "В оскресе́нїе хрⷭ҇то́во ви́дѣвше, / поклони́мсѧ ст҃о́мꙋ гдⷭ҇ꙋ і҆и҃сꙋ, / є҆ди́номꙋ безгрѣ́шномꙋ. / крⷭ҇тꙋ̀ твоемꙋ̀ покланѧ́емсѧ хрⷭ҇тѐ, / и҆ ст҃о́е воскресе́нїе твоѐ пое́мъ и҆ сла́вимъ: / ты́ бо є҆сѝ бг҃ъ на́шъ, / ра́звѣ тебѐ и҆но́гѡ не зна́емъ, / и҆́мѧ твоѐ и҆менꙋ́емъ. / прїиди́те всѝ вѣ́рнїи, / поклони́мсѧ ст҃о́мꙋ хрⷭ҇то́вꙋ воскресе́нїю: / се́ бо прїи́де крⷭ҇то́мъ ра́дость всемꙋ̀ мі́рꙋ. / всегда̀ бл҃гословѧ́ще гдⷭ҇а, / пое́мъ воскресе́нїе є҆гѡ̀: / распѧ́тїе бо претерпѣ́въ, / сме́ртїю сме́рть разрꙋшѝ. [Три́жды.]"
|
|
},
|
|
{
|
|
"type": "TEXT",
|
|
"value": "В оскре́съ і҆и҃съ ѿ гро́ба, / ꙗ҆́коже проречѐ, / дадѐ на́мъ живо́тъ вѣ́чный / и҆ ве́лїю ми́лость. [Три́жды.]"
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆́троки ѿ пе́щи и҆зба́вивый, / бы́въ человѣ́къ, / стра́ждетъ ꙗ҆́кѡ сме́ртенъ, / и҆ стра́стїю сме́ртное / въ нетлѣ́нїѧ ѡ҆блачи́тъ благолѣ́пїе, / є҆ди́нъ бл҃гослове́нъ / ѻ҆ц҃є́въ бг҃ъ, и҆ препросла́вленъ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ж єны̀ съ мѵ́ры бг҃омꙋ̑дрыѧ въ слѣ́дъ тебѐ теча́хꙋ: / є҆го́же ꙗ҆́кѡ ме́ртва со слеза́ми и҆ска́хꙋ, / поклони́шасѧ ра́дꙋющыѧсѧ живо́мꙋ бг҃ꙋ, / и҆ па́схꙋ та́йнꙋю / твои́мъ хрⷭ҇тѐ ᲂу҆ченикѡ́мъ бл҃говѣсти́ша."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "С ме́рти пра́зднꙋемъ ᲂу҆мерщвле́нїе, / а҆́дово разрꙋше́нїе, / и҆но́гѡ житїѧ̀ вѣ́чнагѡ нача́ло, / и҆ и҆гра́юще пое́мъ вино́внаго, / є҆ди́наго бл҃гослове́ннаго / ѻ҆ц҃є́въ бг҃а, и҆ препросла́вленнаго."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ вои́стиннꙋ сщ҃е́ннаѧ, / и҆ всепра́зднственнаѧ сїѧ̀ спаси́тельнаѧ но́щь, / и҆ свѣтоза́рнаѧ, / свѣтоно́снагѡ днѐ, / воста́нїѧ сꙋ́щи провозвѣ́стница: / въ не́йже безлѣ́тный свѣ́тъ и҆з̾ гро́ба пло́тски всѣ̑мъ возсїѧ̀."
|
|
},
|
|
{
|
|
"type": "TEXT",
|
|
"value": "Катава́сїа: Ѻ҆́троки ѿ пе́щи и҆зба́вивый̀: И҆ тропа́рь: Хрⷭ҇то́съ воскре́се: три́жды."
|
|
},
|
|
{
|
|
"type": "TEXT",
|
|
"value": "Є҆ктенїа̀, и҆ возгла́съ: Бꙋ́ди держа́ва црⷭ҇твїѧ твоегѡ̀ бл҃гослове́нна и҆ препросла́вленна, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Се́й нарече́нный и҆ ст҃ы́й де́нь, / є҆ди́нъ сꙋббѡ́тъ цр҃ь и҆ гдⷭ҇ь, / пра́здникѡвъ пра́здникъ, / и҆ торжество̀ є҆́сть торже́ствъ: / во́ньже благослови́мъ хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "П рїиди́те но́вагѡ вїногра́да рожде́нїѧ, / бж҃е́ственнагѡ весе́лїѧ, / въ наро́читомъ днѝ воскрⷭ҇нїѧ, / црⷭ҇твїѧ хрⷭ҇то́ва прїѡбщи́мсѧ, / пою́ще є҆го̀ / ꙗ҆́кѡ бг҃а во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "В озведѝ ѻ҆́крестъ ѻ҆́чи твоѝ сїѡ́не и҆ ви́ждь: / се́ бо прїидо́ша къ тебѣ̀ / ꙗ҆́кѡ бг҃освѣ̑тлаѧ свѣти̑ла, / ѿ за́пада, и҆ сѣ́вера, и҆ мо́рѧ, / и҆ восто́ка ча́да твоѧ̑, / въ тебѣ̀ благословѧ̑щаѧ хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ трⷪ҇це, бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Ѻ҆́ч҃е вседержи́телю, и҆ сло́ве, и҆ дш҃е, / тремѝ соединѧ́емое во ѵ҆поста́сѣхъ є҆стество̀, / пресꙋ́щественне и҆ пребж҃е́ственне, / въ тѧ̀ крⷭ҇ти́хомсѧ, / и҆ тѧ̀ бл҃гослови́мъ во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "Катава́сїа: Се́й нарече́нный и҆ ст҃ы́й де́нь: И҆ тропа́рь: Хрⷭ҇то́съ воскре́се: три́жды."
|
|
},
|
|
{
|
|
"type": "TEXT",
|
|
"value": "Та́же, є҆ктенїа̀, и҆ возгла́съ: Ꙗ҆́кѡ бл҃гослови́сѧ и҆́мѧ твоѐ, и҆ просла́висѧ црⷭ҇тво твоѐ, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ, во вѣ́ки вѣкѡ́въ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "Дїа́конъ: Вели́читъ дꙋша̀ моѧ̀ / воскре́сшаго тридне́внѡ ѿ гро́ба, / хрⷭ҇та̀ жизнода́вца."
|
|
},
|
|
{
|
|
"type": "TEXT",
|
|
"value": "И҆ пе́рвый ли́къ пое́тъ і҆рмо́съ: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
|
|
},
|
|
{
|
|
"type": "TEXT",
|
|
"value": "И҆ вторы́й ли́къ пое́тъ то́йже припѣ́въ, и҆ і҆рмо́съ."
|
|
},
|
|
{
|
|
"type": "TEXT",
|
|
"value": "Та́же, пе́рвый ли́къ пое́тъ вторы́й припѣ́въ: Вели́читъ дꙋша̀ моѧ̀ / во́лею страда́вша, и҆ погребе́на, / и҆ воскре́сшаго тридне́внѡ ѿ гро́ба. И҆ і҆рмо́съ: Свѣти́сѧ:"
|
|
},
|
|
{
|
|
"type": "TEXT",
|
|
"value": "И҆ вторы́й ли́къ пое́тъ то́йже припѣ́въ и҆ і҆рмо́съ."
|
|
},
|
|
{
|
|
"type": "TEXT",
|
|
"value": "Та́же, пе́рвый ли́къ пое́тъ тре́тїй припѣ́въ: Хрⷭ҇то́съ но́ваѧ па́сха, / же́ртва жива́ѧ, / а҆́гнецъ бж҃їй / взе́млѧй грѣхѝ ми́ра."
|
|
},
|
|
{
|
|
"type": "TEXT",
|
|
"value": "Ѽ бж҃е́ственнагѡ, ѽ любе́знагѡ, / ѽ сладча́йшагѡ твоегѡ̀ гла́са! / съ на́ми бо нело́жнѡ / ѡ҆бѣща́лсѧ є҆сѝ бы́ти, / до сконча́нїѧ вѣ́ка хрⷭ҇тѐ: / є҆го́же вѣ́рнїи, / ᲂу҆твержде́нїе наде́жди и҆мꙋ́ще, ра́дꙋемсѧ."
|
|
},
|
|
{
|
|
"type": "TEXT",
|
|
"value": "И҆ вторы́й ли́къ пое́тъ то́йже припѣ́въ, и҆ тропа́рь."
|
|
},
|
|
{
|
|
"type": "TEXT",
|
|
"value": "Та́же, пе́рвый ли́къ пое́тъ четве́ртый припѣ́въ: А҆́гг҃лъ вопїѧ́ше бл҃года́тнѣй: / чи́стаѧ дв҃о, ра́дꙋйсѧ, / и҆ па́ки рекꙋ̀, ра́дꙋйсѧ: / тво́й сн҃ъ воскре́се / тридне́венъ ѿ гро́ба, / и҆ мє́ртвыѧ воздви́гнꙋвый, / лю́дїе весели́тесѧ. И҆ тропа́рь: Ѽ бж҃е́ственнагѡ, ѽ любе́знагѡ:"
|
|
},
|
|
{
|
|
"type": "TEXT",
|
|
"value": "И҆ вторы́й ли́къ пое́тъ то́йже припѣ́въ, и҆ тропа́рь."
|
|
},
|
|
{
|
|
"type": "TEXT",
|
|
"value": "Та́же, пе́рвый ли́къ пое́тъ припѣ́въ: Возбꙋди́лъ є҆сѝ ᲂу҆снꙋ́въ мє́ртвыѧ ѿ вѣ́ка, / ца́рски рыка́вый ꙗ҆́кѡ ѿ і҆ꙋ́ды ле́въ. И҆ тропа́рь: Ѽ бж҃е́ственнагѡ, ѽ любе́знагѡ:"
|
|
},
|
|
{
|
|
"type": "TEXT",
|
|
"value": "И҆ вторы́й ли́къ: Магдали́на марі́а притечѐ ко гро́бꙋ, / и҆ хрⷭ҇та̀ ви́дѣвши, / ꙗ҆́кѡ вертогра́дарѧ вопроша́ше. И҆ тропа́рь: Ѽ бж҃е́ственнагѡ, ѽ любе́знагѡ:"
|
|
},
|
|
{
|
|
"type": "TEXT",
|
|
"value": "Пе́рвый ли́къ: А҆́гг҃лъ ѡ҆блиста́ѧй жена́мъ вопїѧ́ше: / преста́ните ѿ сле́зъ, ꙗ҆́кѡ хрⷭ҇то́съ воскре́се."
|
|
},
|
|
{
|
|
"type": "TEXT",
|
|
"value": "Ѽ па́сха ве́лїѧ и҆ сщ҃е́ннѣйшаѧ, хрⷭ҇тѐ! / ѽ мꙋ́дросте, и҆ сло́ве бж҃їй, и҆ си́ло! / подава́й на́мъ и҆́стѣе тебѐ причаща́тисѧ, / въ невече́рнѣмъ днѝ црⷭ҇твїѧ твоегѡ̀."
|
|
},
|
|
{
|
|
"type": "TEXT",
|
|
"value": "Вторы́й ли́къ: Хрⷭ҇то́съ воскре́се, сме́рть попра́вый, / и҆ мє́ртвыѧ воздви́гнꙋвый, / лю́дїе весели́тесѧ. И҆ тропа́рь: Ѽ па́сха ве́лїѧ и҆ сщ҃е́ннѣйшаѧ:"
|
|
},
|
|
{
|
|
"type": "TEXT",
|
|
"value": "Пе́рвый ли́къ: Дне́сь всѧ́ка тва́рь весели́тсѧ и҆ ра́дꙋетсѧ: / ꙗ҆́кѡ хрⷭ҇то́съ воскре́се, и҆ а҆́дъ плѣни́сѧ. И҆ тропа́рь: Ѽ па́сха ве́лїѧ и҆ сщ҃е́ннѣйшаѧ:"
|
|
},
|
|
{
|
|
"type": "TEXT",
|
|
"value": "Вторы́й ли́къ: Дне́сь влⷣка плѣнѝ а҆́да, / воздви́гнꙋвый ю҆́зники, ꙗ҆̀же ѿ вѣ́ка и҆мѧ́ше лю́тѣ ѡ҆держи̑мыѧ. И҆ тропа́рь: Ѽ па́сха ве́лїѧ и҆ сщ҃е́ннѣйшаѧ:"
|
|
},
|
|
{
|
|
"type": "TEXT",
|
|
"value": "Пе́рвый ли́къ: Вели́читъ дꙋша̀ моѧ̀ / трїѷпоста́снагѡ и҆ нераздѣ́льнагѡ бж҃ества̀ держа́вꙋ. И҆ тропа́рь: Ѽ па́сха ве́лїѧ и҆ сщ҃е́ннѣйшаѧ:"
|
|
},
|
|
{
|
|
"type": "TEXT",
|
|
"value": "Вторы́й ли́къ: Ра́дꙋйсѧ дв҃о, ра́дꙋйсѧ, / ра́дꙋйсѧ бл҃гослове́ннаѧ, / ра́дꙋйсѧ препросла́вленнаѧ: / тво́й бо сн҃ъ воскре́се тридне́венъ ѿ гро́ба. И҆ тропа́рь: Ѽ па́сха ве́лїѧ и҆ сщ҃е́ннѣйшаѧ:"
|
|
},
|
|
{
|
|
"type": "TEXT",
|
|
"value": "Послѣди́ же пе́рвый ли́къ пое́тъ па́ки пе́рвый припѣ́въ: Вели́читъ дꙋша̀ моѧ̀ / воскре́сшаго тридне́внѡ ѿ гро́ба, / хрⷭ҇та̀ жизнода́вца."
|
|
},
|
|
{
|
|
"type": "TEXT",
|
|
"value": "И҆ і҆рмо́съ: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
|
|
},
|
|
{
|
|
"type": "TEXT",
|
|
"value": "И҆ вторы́й ли́къ пое́тъ па́ки вторы́й припѣ́въ: Вели́читъ дꙋша̀ моѧ̀ / во́лею страда́вша, и҆ погребе́на, / и҆ воскре́сшаго тридне́внѡ ѿ гро́ба. И҆ і҆рмо́съ: Свѣти́сѧ:"
|
|
},
|
|
{
|
|
"type": "TEXT",
|
|
"value": "Та́же ѻ҆́ба ли́ка, соше́дшесѧ вкꙋ́пѣ, пою́тъ і҆рмо́съ: Свѣти́сѧ: и҆ тропа́рь: Хрⷭ҇то́съ воскре́се: три́жды."
|
|
},
|
|
{
|
|
"type": "TEXT",
|
|
"value": "Є҆ктенїа̀, и҆ возгла́съ: Ꙗ҆́кѡ тѧ̀ хва́лѧтъ всѧ̑ си̑лы нбⷭ҇ныѧ, ѻ҆ц҃а̀ и҆ сн҃а и҆ ст҃а́го дх҃а, и҆ тебѣ̀ сла́вꙋ возсыла́ютъ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "HEADER",
|
|
"value": "Є҆ѯапостїла́рїй. Самогла́сенъ:"
|
|
},
|
|
{
|
|
"type": "TEXT",
|
|
"value": "П ло́тїю ᲂу҆снꙋ́въ, / ꙗ҆́кѡ ме́ртвъ / цр҃ю̀ и҆ гдⷭ҇и, / тридне́венъ воскре́слъ є҆сѝ, / а҆да́ма воздви́гъ ѿ тлѝ, / и҆ ᲂу҆праздни́въ сме́рть: / па́сха нетлѣ́нїѧ, / мі́ра спасе́нїе. [Три́жды.]"
|
|
},
|
|
{
|
|
"type": "HEADER",
|
|
"value": "На хвали́техъ, Всѧ́кое дыха́нїе: на гла́съ а҃. Поста́вимъ стїхѝ д҃ и҆ пое́мъ стїхи̑ры воскре́сны, гла́съ а҃."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ на си́лахъ є҆гѡ̀, / хвали́те є҆го̀ по мно́жествꙋ вели́чествїѧ є҆гѡ̀."
|
|
},
|
|
{
|
|
"type": "TEXT",
|
|
"value": "П ое́мъ твою̀ хрⷭ҇тѐ, сп҃си́тельнꙋю стрⷭ҇ть, / и҆ сла́вимъ твоѐ воскрⷭ҇нїе."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ во гла́сѣ трꙋ́бнѣмъ, / хвали́те є҆го̀ во ѱалти́ри и҆ гꙋ́слехъ."
|
|
},
|
|
{
|
|
"type": "TEXT",
|
|
"value": "К рⷭ҇тъ претерпѣ́вый, и҆ сме́рть ᲂу҆праздни́вый, / и҆ воскр҃сы́й и҆з̾ ме́ртвыхъ, / ᲂу҆мирѝ на́шꙋ жи́знь гдⷭ҇и, / ꙗ҆́кѡ є҆ди́нъ всеси́ленъ."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ въ тѷмпа́нѣ и҆ ли́цѣ, / хвали́те є҆го̀ во стрꙋ́нахъ и҆ ѻ҆рга́нѣ."
|
|
},
|
|
{
|
|
"type": "TEXT",
|
|
"value": "А҆́ да плѣни́вый, и҆ человѣ́ка воскр҃си́вый, / воскрⷭ҇нїемъ твои́мъ хрⷭ҇тѐ, / сподо́би на́съ чи́стымъ се́рдцемъ, / тебѐ пѣ́ти и҆ сла́вити."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ въ кѷмва́лѣхъ доброгла́сныхъ, / хвали́те є҆го̀ въ кѷмва́лѣхъ восклица́нїѧ, / всѧ́кое дыха́нїе да хва́литъ гдⷭ҇а."
|
|
},
|
|
{
|
|
"type": "TEXT",
|
|
"value": "Б г҃олѣ́пное твоѐ снисхожде́нїе сла́вѧще, / пое́мъ тѧ̀ хрⷭ҇тѐ: / роди́лсѧ є҆сѝ ѿ дв҃ы, / и҆ не разлꙋче́нъ бы́лъ є҆сѝ ѿ ѻ҆ц҃а̀, / пострада́лъ є҆сѝ ꙗ҆́кѡ чл҃вѣ́къ, / и҆ во́лею претерпѣ́лъ є҆сѝ крⷭ҇тъ, / воскрⷭ҇лъ є҆сѝ ѿ гро́ба, ꙗ҆́кѡ ѿ черто́га произше́дъ / да сп҃се́ши мі́ръ, / гдⷭ҇и сла́ва тебѣ̀."
|
|
},
|
|
{
|
|
"type": "HEADER",
|
|
"value": "Та́же совокꙋ́пльшесѧ ѻ҆́ба ли́ка, пою́тъ стїхи̑ры па́схи. Гла́съ є҃."
|
|
},
|
|
{
|
|
"type": "TEXT",
|
|
"value": "Сті́хъ: Да воскре́снетъ бг҃ъ, / и҆ расточа́тсѧ вразѝ є҆гѡ̀."
|
|
},
|
|
{
|
|
"type": "TEXT",
|
|
"value": "П а́сха / сщ҃е́ннаѧ на́мъ дне́сь показа́сѧ: / па́сха но́ва ст҃а́ѧ: / па́сха та́инственнаѧ: / па́сха всечестна́ѧ: / па́сха хрⷭ҇то́съ и҆зба́витель: / па́сха непоро́чнаѧ: / па́сха вели́каѧ: / па́сха вѣ́рныхъ: / па́сха двє́ри ра̑йскїѧ на́мъ ѿверза́ющаѧ: / па́сха всѣ́хъ ѡ҆свѧща́ющаѧ вѣ́рныхъ."
|
|
},
|
|
{
|
|
"type": "TEXT",
|
|
"value": "Сті́хъ: Ꙗ҆́кѡ и҆счеза́етъ ды́мъ, / да и҆сче́знꙋтъ."
|
|
},
|
|
{
|
|
"type": "TEXT",
|
|
"value": "П рїиди́те / ѿ видѣ́нїѧ жєны̀ бл҃говѣ̑стницы, / и҆ сїѡ́нꙋ рцы́те: / прїимѝ / ѿ на́съ ра́дости бл҃говѣ́щенїѧ, воскресе́нїѧ хрⷭ҇то́ва: / красꙋ́йсѧ, ликꙋ́й, / и҆ ра́дꙋйсѧ і҆ерꙋсали́ме, / цр҃ѧ̀ хрⷭ҇та̀ ᲂу҆зрѣ́въ и҆з̾ гро́ба, / ꙗ҆́кѡ жениха̀ происходѧ́ща."
|
|
},
|
|
{
|
|
"type": "TEXT",
|
|
"value": "Сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ."
|
|
},
|
|
{
|
|
"type": "TEXT",
|
|
"value": "М ѷронѡ́сицы жєны̀, / ᲂу҆́трꙋ глꙋбокꙋ̀, / предста́вшѧ гро́бꙋ живода́вца, / ѡ҆брѣто́ша а҆́гг҃ла / на ка́мени сѣдѧ́ща, / и҆ то́й провѣща́въ и҆̀мъ / си́це глаго́лаше: / что̀ и҆́щете жива́гѡ съ ме́ртвыми; / что̀ пла́чете нетлѣ́ннагѡ во тлѝ; / ше́дше проповѣ́дите ᲂу҆ченикѡ́мъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Се́й де́нь, є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь."
|
|
},
|
|
{
|
|
"type": "TEXT",
|
|
"value": "П а́сха кра́снаѧ, / па́сха, гдⷭ҇нѧ па́сха, / па́сха всечестна́ѧ / на́мъ возсїѧ̀. па́сха, / ра́достїю дрꙋ́гъ дрꙋ́га ѡ҆б̾и́мемъ. / ѽ па́сха! / и҆збавле́нїе ско́рби, / и҆́бо и҆з̾ гро́ба дне́сь / ꙗ҆́кѡ ѿ черто́га / возсїѧ́въ хрⷭ҇то́съ, / жєны̀ ра́дости и҆спо́лни глаго́лѧ: / проповѣ́дите а҆пⷭ҇лѡмъ."
|
|
},
|
|
{
|
|
"type": "TEXT",
|
|
"value": "Сла́ва и҆ ны́нѣ, гла́съ є҃: Воскрⷭ҇нїѧ де́нь, / и҆ просвѣти́мсѧ торжество́мъ, / и҆ дрꙋ́гъ дрꙋ́га ѡ҆б̾и́мемъ. / рце́мъ бра́тїе, / и҆ ненави́дѧщымъ на́съ, / прости́мъ всѧ̑ воскрⷭ҇нїемъ, / и҆ та́кѡ возопїи́мъ: / хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
|
|
},
|
|
{
|
|
"type": "HEADER",
|
|
"value": "Та́же настоѧ́щїй тропа́рь, во гла́съ є҃, три́жды:"
|
|
},
|
|
{
|
|
"type": "TEXT",
|
|
"value": "Х рⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
|
|
},
|
|
{
|
|
"type": "TEXT",
|
|
"value": "И҆ пое́мъ сїѐ мно́гажды, до́ндеже цѣлꙋ́ютъ бра́тїѧ дрꙋ́гъ дрꙋ́га."
|
|
},
|
|
{
|
|
"type": "TEXT",
|
|
"value": "Цѣлова́нїе же настоѧ́телѧ съ про́чими і҆ере́и и҆ дїа́коны во ст҃о́мъ ѻ҆лтарѝ быва́етъ си́це: Глаго́летъ приходѧ́й: Хрⷭ҇то́съ воскре́се: Ѻ҆́номꙋ же ѿвѣща́вшꙋ: Вои́стиннꙋ воскре́се. Посе́мъ взе́мъ настоѧ́тель честны́й крⷭ҇тъ и҆ ста́нетъ внѣ̀ пред̾ ст҃ы́ми црⷭ҇кими две́рьми. Та́кожде и҆ всѝ сщ҃е́нницы, є҆ли́кѡ и҆̀хъ є҆́сть, и҆ дїа́кони, взе́мше кі́йждо и҆̀хъ, ст҃о́е є҆ѵⷢ҇лїе, и҆ честны̑ѧ і҆кѡ́ны, по чи́нꙋ своемꙋ̀: и҆ ста́нꙋтъ всѝ рѧ́домъ, ѿ десны́ѧ страны̀ настоѧ́телѧ. И҆ прихо́дѧтъ пре́жде честнѣ́йшїи церко́вницы, ста́рцы, є҆ди́нъ по є҆ди́номꙋ: и҆ ма́ло преклонѧ́ютсѧ пред̾ настоѧ́телемъ: и҆ цѣлꙋ́ютъ кі́йждо и҆́хъ честны́й крⷭ҇тъ, и҆ ст҃о́е є҆ѵⷢ҇лїе, є҆го́же держи́тъ і҆ере́й, и҆ про́чыѧ ѻ҆́бразы. Та́же и҆ самаго̀ настоѧ́телѧ во ᲂу҆ста̀ цѣлꙋ́ютъ, глаго́люще: Хрⷭ҇то́съ воскре́се. Ѻ҆́номꙋ же ѿвѣща́вшꙋ: Вои́стиннꙋ воскре́се. По томꙋ́же ѻ҆́бразꙋ и҆ і҆ере́євъ цѣлꙋ́ютъ, и҆ са́ми междꙋ̀ собо́ю по чи́нꙋ своемꙋ̀. И҆ ста́вѧтсѧ ѿ і҆ере́євъ по десно́й странѣ̀ рѧ́домъ. Та́же по ни́хъ и҆ мїрѧ́не та́кожде цѣлова́нїе творѧ́тъ. Рабо́тницы же монасты́рстїи въ то́мже чинꙋ̀ да ста́нꙋтъ, и҆ дрꙋ́гъ дрꙋ́га цѣлꙋ́юще. Быва́етъ же посредѝ во всѣ́хъ ве́лїе молча́нїе. По цѣлова́нїи же чте́тсѧ ѡ҆гласи́тельное сло́во златоꙋ́стагѡ ѿ настоѧ́телѧ, и҆лѝ є҆кклисїа́рха: не сѣди́мъ же на сицево́мъ чте́нїи, но стоѧ́ще слꙋ́шаемъ всѝ."
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ ѻ҆ц҃а̀ на́шегѡ і҆ѡа́нна а҆рхїепі́скопа кѡнстантїнопо́льскагѡ, златоꙋ́стагѡ сло́во ѡ҆гласи́тельное во ст҃ы́й и҆ свѣтоно́сный де́нь пресла́внагѡ и҆ спаси́тельнагѡ хрⷭ҇та̀ бг҃а на́шегѡ воскрⷭ҇нїѧ."
|
|
},
|
|
{
|
|
"type": "TEXT",
|
|
"value": "А҆́ ще кто̀ бл҃гочести́въ и҆ бг҃олюби́въ, да наслади́тсѧ сегѡ̀ до́брагѡ и҆ свѣ́тлагѡ торжества̀. а҆́ще кто̀ ра́бъ бл҃горазꙋ́мный, да вни́детъ ра́дꙋѧсѧ въ ра́дость гдⷭ҇а своегѡ̀. а҆́ще кто̀ потрꙋди́сѧ постѧ́сѧ, да воспрїи́метъ ны́нѣ дина́рїй. а҆́ще кто̀ ѿ пе́рвагѡ часа̀ дѣ́лалъ є҆́сть, да прїи́метъ дне́сь првⷣный до́лгъ. а҆́ще кто̀ по тре́тїемъ часѣ̀ прїи́де, благодарѧ̀ да пра́зднꙋетъ. а҆́ще кто̀ по шесто́мъ часѣ̀ дости́же, ничто́же да сꙋмни́тсѧ, и҆́бо ничи́мже ѿтщетѣва́етсѧ. а҆́ще кто̀ лиши́сѧ и҆ девѧ́тагѡ часа̀, да пристꙋ́питъ, ничто́же сꙋмнѧ́сѧ, ничто́же боѧ́сѧ. а҆́ще кто̀ то́чїю дости́же и҆ во є҆динонадесѧ́тый ча́съ, да не ᲂу҆страши́тсѧ замедле́нїѧ: любочести́въ бо сы́й влⷣка, прїе́млетъ послѣ́днѧго ꙗ҆́коже и҆ пе́рваго: ᲂу҆покоева́етъ въ є҆динонадесѧ́тый ча́съ прише́дшаго, ꙗ҆́коже дѣ́лавшаго ѿ пе́рвагѡ часа̀. и҆ послѣ́днѧго ми́лꙋетъ, и҆ пе́рвомꙋ ᲂу҆гожда́етъ, и҆ ѻ҆́номꙋ дае́тъ, и҆ семꙋ̀ да́рствꙋетъ, и҆ дѣла̀ прїе́млетъ, и҆ намѣ́ренїе цѣлꙋ́етъ, и҆ дѣѧ́нїе почита́етъ, и҆ предложе́нїе хва́литъ. тѣ́мже ᲂу҆́бѡ вни́дите всѝ въ ра́дость гдⷭ҇а своегѡ̀: и҆ пе́рвїи и҆ вторі́и, мздꙋ̀ прїими́те. бога́тїи и҆ ᲂу҆бо́зїи, дрꙋ́гъ со дрꙋ́гомъ ликꙋ́йте. воздє́ржницы и҆ лѣни́вїи, де́нь почти́те. пости́вшїисѧ и҆ непости́вшїисѧ, возвесели́тесѧ дне́сь. трапе́за и҆спо́лнена, наслади́тесѧ всѝ. тѣле́цъ ᲂу҆пита́нный, никто́же да и҆зы́детъ а҆́лчай: всѝ наслади́тесѧ пи́ра вѣ́ры: всѝ воспрїими́те бога́тство бла́гости. никто́же да рыда́етъ ᲂу҆бо́жества, ꙗ҆ви́сѧ бо ѻ҆́бщее црⷭ҇тво. никто́же да пла́четъ прегрѣше́нїй, проще́нїе бо ѿ гро́ба возсїѧ̀. никто́же да ᲂу҆бои́тсѧ сме́рти, свободи́ бо на́съ сп҃сова сме́рть. ᲂу҆гасѝ ю҆̀, и҆́же ѿ неѧ̀ держи́мый. плѣнѝ а҆́да, соше́дый во а҆́дъ. ѡ҆горчѝ є҆го̀ вкꙋси́вша пло́ти є҆гѡ̀. и҆ сїѐ предпрїе́мый и҆са́їа возопѝ: а҆́дъ, глаго́летъ, ѡ҆горчи́сѧ, срѣ́тъ тѧ̀ до́лѣ. ѡ҆горчи́сѧ, и҆́бо ᲂу҆праздни́сѧ. ѡ҆горчи́сѧ, и҆́бо порꙋ́ганъ бы́сть. ѡ҆горчи́сѧ, и҆́бо ᲂу҆мертви́сѧ. ѡ҆горчи́сѧ, и҆́бо низложи́сѧ. ѡ҆горчи́сѧ, и҆́бо свѧза́сѧ. прїѧ́тъ тѣ́ло, и҆ бг҃ꙋ прирази́сѧ. прїѧ́тъ зе́млю, и҆ срѣ́те нб҃о. прїѧ́тъ є҆́же ви́дѧше, и҆ впадѐ во є҆́же не ви́дѧше. гдѣ̀ твоѐ, сме́рте, жа́ло, гдѣ̀ твоѧ̀, а҆́де, побѣ́да; воскре́се хрⷭ҇то́съ, и҆ ты̀ низве́рглсѧ є҆сѝ. воскре́се хрⷭ҇то́съ, и҆ падо́ша де́мѡни. воскре́се хрⷭ҇то́съ, и҆ ра́дꙋютсѧ а҆́гг҃ли. воскре́се хрⷭ҇то́съ, и҆ жи́знь жи́тельствꙋетъ. воскре́се хрⷭ҇то́съ, и҆ ме́ртвый ни є҆ди́нъ во гро́бѣ: хрⷭ҇то́съ бо воста́въ ѿ ме́ртвыхъ, нача́токъ ᲂу҆со́пшихъ бы́сть. томꙋ̀ сла́ва и҆ держа́ва, во вѣ́ки вѣкѡ́въ. а҆ми́нь."
|
|
},
|
|
{
|
|
"type": "HEADER",
|
|
"value": "Та́же глаго́летсѧ тропа́рь ст҃а́гѡ. Гла́съ и҃:"
|
|
},
|
|
{
|
|
"type": "TEXT",
|
|
"value": "Оу҆́ стъ твои́хъ ꙗ҆́коже свѣ́тлость ѻ҆гнѧ̀ / возсїѧ́вши бл҃года́ть, вселе́ннꙋю просвѣтѝ: / не сребролю́бїѧ мі́рови сокрѡ́вища сниска̀, / высотꙋ̀ на́мъ смиреномꙋ́дрїѧ показа̀, / но твои́ми словесы̀ наказꙋ́ѧ, ѻ҆́тче і҆ѡа́нне златоꙋ́сте, / молѝ сло́ва хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Посе́мъ дїа́конъ глаго́летъ є҆ктенїѝ: Поми́лꙋй на́съ бж҃е: и҆ И҆спо́лнимъ ᲂу҆́треннюю моли́твꙋ на́шꙋ гдⷭ҇ви: И҆ по возгла́сѣ, дїа́конъ: Премꙋ́дрость. Мы́ же: Бл҃гословѝ. Настоѧ́тель: Сы́й бл҃гослове́нъ хрⷭ҇то́съ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ. И҆ мы̀: А҆ми́нь. Оу҆ твердѝ бж҃е: Посе́мъ настоѧ́тель держѧ̀ крⷭ҇тъ, вмѣ́стѡ: Сла́ва тебѣ̀ хрⷭ҇тѐ бж҃е: пое́тъ: Хрⷭ҇то́съ воскре́се и҆з̾ ме́ртвыхъ, сме́ртїю сме́рть попра́въ. И҆ мы̀ пое́мъ: И҆ сꙋ́щымъ во гробѣ́хъ живо́тъ дарова́въ. И҆ а҆́бїе настоѧ́тель глаго́летъ ѿпꙋ́стъ: Хрⷭ҇то́съ воскресы́й и҆з̾ ме́ртвыхъ, сме́ртїю сме́рть попра́вый, и҆ сꙋ́щымъ во гробѣ́хъ живо́тъ дарова́вый: и҆́стинный бг҃ъ на́шъ, моли́твами пречⷭ҇тыѧ своеѧ̀ мт҃ре и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗ҆́кѡ бл҃гъ и҆ чл҃вѣколю́бецъ. Та́же крⷭ҇тъ возвыша́ѧ, глаго́летъ: Хрⷭ҇то́съ воскре́се. три́жды. Мы́ же ѿвѣща́емъ: Вои́стиннꙋ воскре́се. три́жды. Та́же, пое́мъ коне́чное: Хрⷭ҇то́съ воскре́се: три́жды, ве́сь тропа́рь. И҆ по не́мъ пѣ́нїемъ кончи́мъ: И҆ на́мъ дарова̀ живо́тъ вѣ́чный, покланѧ́емсѧ є҆гѡ̀ тридне́вномꙋ воскрⷭ҇нїю. Посе́мъ многолѣ́тны: и҆ цѣлꙋ́емъ честны́й крⷭ҇тъ держи́мый въ рꙋкꙋ̀ настоѧ́телѧ."
|
|
},
|
|
{
|
|
"type": "TEXT",
|
|
"value": "И҆ ча́съ пе́рвый. Глаго́лемъ: Хрⷭ҇то́съ воскре́се: три́жды. И҆ про́чее, ꙗ҆́коже ни́же ᲂу҆ка́зъ є҆́сть ѡ҆ часѣ́хъ свѣ́тлыѧ седми́цы. Лїті́а же въ сі́й де́нь не быва́етъ."
|
|
},
|
|
{
|
|
"type": "HEADER",
|
|
"value": "Ѡ҆ часѣ́хъ свѧты́ѧ па́схи и҆ всеѧ̀ свѣ́тлыѧ седми́цы."
|
|
},
|
|
{
|
|
"type": "TEXT",
|
|
"value": "Подоба́етъ вѣ́дати, ꙗ҆́кѡ ѿ сегѡ̀ днѐ ст҃ы́ѧ и҆ вели́кїѧ недѣ́ли па́схи, да́же до сꙋббѡ́ты, часы̀ и҆ повече́рїе си́це пою́тсѧ."
|
|
},
|
|
{
|
|
"type": "TEXT",
|
|
"value": "Наче́ншꙋ і҆ере́ю: Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "И҆ мы̀: А҆ми́нь."
|
|
},
|
|
{
|
|
"type": "HEADER",
|
|
"value": "И҆ настоѧ́щїй тропа́рь, во гла́съ є, три́жды:"
|
|
},
|
|
{
|
|
"type": "TEXT",
|
|
"value": "Х рⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
|
|
},
|
|
{
|
|
"type": "HEADER",
|
|
"value": "Та́же глаго́лемъ три́жды:"
|
|
},
|
|
{
|
|
"type": "TEXT",
|
|
"value": "В оскрⷭ҇нїе хрⷭ҇то́во ви́дѣвше, / поклони́мсѧ ст҃о́мꙋ гдⷭ҇ꙋ і҆и҃сꙋ, / є҆ди́номꙋ безгрѣ́шномꙋ. / крⷭ҇тꙋ̀ твоемꙋ̀ покланѧ́емсѧ хрⷭ҇тѐ, / и҆ ст҃о́е воскрⷭ҇нїе твоѐ пое́мъ и҆ сла́вимъ: / ты́ бо є҆сѝ бг҃ъ на́шъ, / ра́звѣ тебѐ и҆но́гѡ не зна́емъ, / и҆́мѧ твоѐ и҆менꙋ́емъ. / прїиди́те всѝ вѣ́рнїи, / поклони́мсѧ ст҃о́мꙋ хрⷭ҇то́вꙋ воскрⷭ҇нїю: / се́ бо прїи́де крⷭ҇то́мъ ра́дость всемꙋ̀ мі́рꙋ. / всегда̀ бл҃гословѧ́ще гдⷭ҇а, / пое́мъ воскрⷭ҇нїе є҆гѡ̀: / распѧ́тїе бо претерпѣ́въ, / сме́ртїю сме́рть разрꙋшѝ."
|
|
},
|
|
{
|
|
"type": "HEADER",
|
|
"value": "Та́же ѵ҆пакоѝ, гла́съ д҃, є҆ди́нощи:"
|
|
},
|
|
{
|
|
"type": "TEXT",
|
|
"value": "П редвари́вшыѧ ᲂу҆́тро ꙗ҆̀же ѡ҆ марі́и, / и҆ ѡ҆брѣ́тшыѧ ка́мень ѿвале́нъ ѿ гро́ба, / слы́шахꙋ ѿ а҆́гг҃ла: во свѣ́тѣ присносꙋ́щнѣмъ сꙋ́щаго / съ ме́ртвыми что̀ и҆́щете ꙗ҆́кѡ человѣ́ка; / ви́дите грѡ́бныѧ пелєны̀, тецы́те, и҆ мі́рꙋ проповѣ́дите, / ꙗ҆́кѡ воста̀ гдⷭ҇ь, ᲂу҆мертви́вый сме́рть, / ꙗ҆́кѡ є҆́сть сн҃ъ бг҃а, сп҃са́ющагѡ ро́дъ человѣ́ческїй."
|
|
},
|
|
{
|
|
"type": "HEADER",
|
|
"value": "Посе́мъ конда́къ, гла́съ и҃, є҆ди́нощи:"
|
|
},
|
|
{
|
|
"type": "TEXT",
|
|
"value": "А҆́ ще и҆ во гро́бъ снизше́лъ є҆сѝ, безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскрⷭ҇лъ є҆сѝ ꙗ҆́кѡ побѣди́тель, хрⷭ҇тѐ бж҃е, / жена́мъ мѷроно́сицамъ вѣща́вый, ра́дꙋйтесѧ: / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскрⷭ҇нїе."
|
|
},
|
|
{
|
|
"type": "HEADER",
|
|
"value": "Та́же и҆ се́й тропа́рь, є҆ди́нощи:"
|
|
},
|
|
{
|
|
"type": "TEXT",
|
|
"value": "В о гро́бѣ пло́тски, во а҆́дѣ же съ дꙋше́ю ꙗ҆́кѡ бг҃ъ, / въ раи́ же съ разбо́йникомъ и҆ на прⷭ҇то́лѣ бы́лъ є҆сѝ хрⷭ҇тѐ со ѻ҆ц҃е́мъ и҆ дх҃омъ, / всѧ̑ и҆сполнѧ́ѧй неѡпи́санный."
|
|
},
|
|
{
|
|
"type": "TEXT",
|
|
"value": "Сла́ва: Ꙗ҆́кѡ живоно́сецъ, ꙗ҆́кѡ раѧ̀ краснѣ́йшїй, / вои́стиннꙋ и҆ черто́га всѧ́кагѡ ца́рскагѡ показа́сѧ свѣтлѣ́йшїй хрⷭ҇тѐ гро́бъ тво́й, и҆сто́чникъ на́шегѡ воскрⷭ҇нїѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Вы́шнѧгѡ ѡ҆сщ҃е́нное бж҃е́ственное селе́нїе, ра́дꙋйсѧ. / тобо́ю бо даде́сѧ ра́дость бцⷣе, зовꙋ́щымъ: / бл҃гослове́на ты̀ въ жена́хъ є҆сѝ всенепоро́чнаѧ влⷣчце."
|
|
},
|
|
{
|
|
"type": "TEXT",
|
|
"value": "Та́же, Гдⷭ҇и поми́лꙋй, м҃."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Чⷭ҇ тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "И҆́ менемъ гдⷭ҇нимъ бл҃гословѝ ѻ҆́ч҃е."
|
|
},
|
|
{
|
|
"type": "TEXT",
|
|
"value": "І҆ере́й: Мл҃твами ст҃ы́хъ ѻ҆тє́цъ на́шихъ, гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ."
|
|
},
|
|
{
|
|
"type": "TEXT",
|
|
"value": "Мы́ же рече́мъ: А҆ми́нь. И҆ па́ки глаго́лемъ подо́бнѣ: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ. три́жды. Сла́ва, и҆ ны́нѣ: Г дⷭ҇и поми́лꙋй. три́жды. Блгⷭ҇вѝ. И҆ ѿпꙋ́стъ пе́рвагѡ часа̀."
|
|
},
|
|
{
|
|
"type": "TEXT",
|
|
"value": "Си́мъ же ѻ҆́бразомъ пое́тсѧ за тре́тїй, за шесты́й, пред̾ лїтꙋргі́ею. Та́кожде и҆ пред̾ вече́рнею, за девѧ́тый ча́съ: и҆ за повече́рїе є҆ди́ножды. Та́кожде и҆ за полꙋ́нощницꙋ. [зрѝ] А҆́ще ли не бꙋ́детъ когда̀ по нꙋ́ждѣ лїтꙋргі́и: вмѣ́стѡ и҆з̾ѡбрази́тельныхъ, глаго́лемъ си́це: Хрⷭ҇то́съ воскре́се: три́жды. Воскресе́нїе хрⷭ҇то́во: є҆ди́ножды. Посе́мъ: Предвари́вшыѧ ᲂу҆́тро: Сла́ва: конда́къ: А҆́ще и҆ во гро́бъ: И҆ ны́нѣ: Є҆диноро́дный сн҃е: Посе́мъ блажє́нна ѿ канѡ́на, пѣ́снь г҃ и҆ ѕ҃. І҆ере́й: Премꙋ́дрость. Чте́цъ надписа́нїе а҆пⷭ҇ла, и҆ са́мое чте́нїе. Посе́мъ і҆ере́й є҆ѵⷢ҇лїе. Та́же, Помѧнѝ на́съ гдⷭ҇и: Ли́къ нбⷭ҇ный: И҆ посе́мъ: Вѣ́рꙋю во є҆ди́наго бг҃а: Ѡ҆ сла́би, ѡ҆ста́ви: И҆ по Ѻ҆́ч҃е на́шъ: конда́къ: А҆́ще и҆ во гро́бъ: Сла́ва и҆ ны́нѣ: бг҃оро́диченъ: Вы́шнѧгѡ ѡ҆сщ҃е́нное: Г дⷭ҇и поми́лꙋй, м҃. Та́же: Є҆ди́нъ ст҃ъ, є҆ди́нъ гдⷭ҇ь і҆и҃съ хрⷭ҇то́съ, во сла́вꙋ бг҃а ѻ҆ц҃а̀. а҆ми́нь. И҆ посе́мъ вмѣ́стѡ, Бꙋ́ди и҆́мѧ гдⷭ҇не: Хрⷭ҇то́съ воскре́се: три́жды. Та́же, ѱало́мъ л҃г: Бл҃гословлю̀ гдⷭ҇а на всѧ́кое вре́мѧ: коне́цъ: не лиша́тсѧ всѧ́кагѡ бла́га. И҆ посе́мъ ѿпꙋ́стъ. И҆ и҆схо́димъ въ трапе́зꙋ."
|
|
},
|
|
{
|
|
"type": "HEADER",
|
|
"value": "Подоба́етъ вѣ́дати, ка́кѡ пое́тсѧ моле́бенъ на ст҃ꙋ́ю па́схꙋ."
|
|
},
|
|
{
|
|
"type": "TEXT",
|
|
"value": "І҆ере́й глаго́летъ: Бл҃гослове́нъ бг҃ъ на́шъ: И҆ мы̀: А҆ми́нь. Та́же і҆ере́й: Хрⷭ҇то́съ воскре́се: три́жды. Та́же, Хрⷭ҇то́съ воскре́се, три́жды, на ли́ки, ꙗ҆́коже пред̾из̾ѧви́сѧ въ нача́лѣ ᲂу҆́трени. По Сла́ва и҆ ны́нѣ: І҆ере́й глаго́летъ: Хрⷭ҇то́съ воскре́се и҆з̾ ме́ртвыхъ, сме́ртїю сме́рть попра́въ. Мы́ же: И҆ сꙋ́щымъ во гробѣ́хъ живо́тъ дарова́въ. Та́же, Сла́ва, и҆ ны́нѣ: Ѵ҆пакоѝ: Предвари́вшыѧ ᲂу҆́тро: А҆́ще ли хо́щеши приложи́ти канѡ́нъ ко́егѡ ст҃а́гѡ. И҆ глаго́ли пре́жде тропа́рь ст҃а́гѡ, є҆ди́ножды. Сла́ва, и҆ ны́нѣ: П редвари́вшыѧ ᲂу҆́тро: Посе́мъ канѡ́нъ па́схи, со і҆рмосо́мъ на ѕ҃. Припѣ́въ: Хрⷭ҇то́съ воскре́се: И҆ ст҃а́гѡ, а҆́ще бꙋ́детъ, на д҃. Катава́сїа. По г҃-й, и҆ ѕ҃-й пѣ́сни: Спасѝ ѿ бѣ́дъ: По ѕ҃-й пѣ́сни, конда́къ и҆ і҆́косъ па́схи. Та́же прокі́менъ, гла́съ и҃: Се́й де́нь, є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь. Сті́хъ: И҆сповѣ́дайтесѧ гдⷭ҇ви, ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀. Та́же ст҃а́гѡ прокі́менъ. Є҆ѵⷢ҇лїе лꙋкѝ, зача́ло рд҃і. Пото́мъ ст҃а́гѡ. По ѳ҃-й пѣ́сни, за Досто́йно є҆́сть: і҆рмо́съ: Свѣти́сѧ, свѣти́сѧ: Та́же, Хрⷭ҇то́съ воскре́се: три́жды. Посе́мъ ѵ҆пакоѝ: Предвари́вшыѧ ᲂу҆́тро: С ла́ва: тропа́рь ст҃а́гѡ: И҆ ны́нѣ: конда́къ: А҆́ще и҆ во гро́бъ: Та́же є҆ктенїа̀: Поми́лꙋй на́съ бж҃е: Посе́мъ і҆ере́й глаго́летъ: Премꙋ́дрость. Мы́ же, Хрⷭ҇то́съ воскре́се: три́жды. Та́же і҆ере́й, вмѣ́стѡ, Сла́ва тебѣ̀ хрⷭ҇тѐ бж҃е: Хрⷭ҇то́съ воскре́се и҆з̾ ме́ртвыхъ, сме́ртїю сме́рть попра́въ. И҆ мы̀: И҆ сꙋ́щымъ во гробѣ́хъ живо́тъ дарова́въ. И҆ ѿпꙋ́стъ со крⷭ҇то́мъ глаго́летъ си́це: Хрⷭ҇то́съ воскресы́й и҆з̾ ме́ртвыхъ: и҆ прѡ́чаѧ, ꙗ҆́кѡ предписа́сѧ въ концѣ̀ ᲂу҆́трени. Посе́мъ возглаша́етъ: Хрⷭ҇то́съ воскре́се. три́жды. Мы́ же ѿвѣща́емъ: Вои́стиннꙋ воскре́се. три́жды. И҆ па́ки пое́мъ: Хрⷭ҇то́съ воскре́се: три́жды. Та́же, Гдⷭ҇и поми́лꙋй. три́жды, съ пѣ́нїемъ."
|
|
},
|
|
{
|
|
"type": "HEADER",
|
|
"value": "Послѣ́дованїе лїтꙋргі́и, быва́етъ пора́нꙋ."
|
|
},
|
|
{
|
|
"type": "TEXT",
|
|
"value": "Наче́ншꙋ дїа́конꙋ: Бл҃гословѝ влⷣко."
|
|
},
|
|
{
|
|
"type": "TEXT",
|
|
"value": "Настоѧ́телю же возгласи́вшꙋ: Бл҃гослове́но црⷭ҇тво ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "И҆ мы̀: А҆ми́нь. Настоѧ́тель пое́тъ съ про́чими слꙋжи́тели во ст҃о́мъ ѻ҆лтарѣ̀: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ. Три́жды. И҆ ли́ки то́йжде, три́жды."
|
|
},
|
|
{
|
|
"type": "HEADER",
|
|
"value": "Настоѧ́тель глаго́летъ припѣ́вы:"
|
|
},
|
|
{
|
|
"type": "TEXT",
|
|
"value": "а҃-й сті́хъ: Да воскре́снетъ бг҃ъ, и҆ расточа́тсѧ вразѝ є҆гѡ̀, / и҆ да бѣжа́тъ ѿ лица̀ є҆гѡ̀ ненави́дѧщїи є҆го̀."
|
|
},
|
|
{
|
|
"type": "TEXT",
|
|
"value": "И҆ на кі́йждо сті́хъ мы̀ пое́мъ тропа́рь: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ. Ве́сь по є҆ди́ножды."
|
|
},
|
|
{
|
|
"type": "TEXT",
|
|
"value": "в҃-й сті́хъ: Ꙗ҆́кѡ и҆счеза́етъ ды́мъ, да и҆сче́знꙋтъ, / ꙗ҆́кѡ та́етъ во́скъ ѿ лица̀ ѻ҆гнѧ̀. Х рⷭ҇то́съ воскре́се: є҆ди́ножды."
|
|
},
|
|
{
|
|
"type": "TEXT",
|
|
"value": "г҃-й сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ. Х рⷭ҇то́съ воскре́се: є҆ди́ножды."
|
|
},
|
|
{
|
|
"type": "TEXT",
|
|
"value": "д҃-й сті́хъ: Се́й де́нь є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь. Х рⷭ҇то́съ воскре́се: є҆ди́ножды."
|
|
},
|
|
{
|
|
"type": "TEXT",
|
|
"value": "Сла́ва: Хрⷭ҇то́съ воскре́се: є҆ди́ножды."
|
|
},
|
|
{
|
|
"type": "TEXT",
|
|
"value": "И҆ ны́нѣ: Хрⷭ҇то́съ воскре́се: є҆ди́ножды."
|
|
},
|
|
{
|
|
"type": "TEXT",
|
|
"value": "Та́же настоѧ́тель пое́тъ вы́шшимъ гла́сомъ: Хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ."
|
|
},
|
|
{
|
|
"type": "TEXT",
|
|
"value": "Мы́ же: И҆ сꙋ́щымъ во гробѣ́хъ живо́тъ дарова́въ."
|
|
},
|
|
{
|
|
"type": "TEXT",
|
|
"value": "Посе́мъ глаго́летъ дїа́конъ є҆ктенїю̀ вели́кꙋю. По є҆ктенїи́ же и҆ по возгла́сѣ:"
|
|
},
|
|
{
|
|
"type": "HEADER",
|
|
"value": "А҆нтїфѡ́нъ пе́рвый, ѱало́мъ ѯ҃є, гла́съ в҃."
|
|
},
|
|
{
|
|
"type": "TEXT",
|
|
"value": "Сті́хъ а҃: Воскли́кните гдⷭ҇ви всѧ̀ землѧ̀."
|
|
},
|
|
{
|
|
"type": "TEXT",
|
|
"value": "Припѣ́въ: Мл҃твами бцⷣы, / сп҃се спасѝ на́съ."
|
|
},
|
|
{
|
|
"type": "TEXT",
|
|
"value": "И҆ дрꙋгі́й ли́къ то́йжде сті́хъ: Воскли́кните гдⷭ҇ви всѧ̀ землѧ̀, / по́йте же и҆́мени є҆гѡ̀, дади́те сла́вꙋ хвалѣ̀ є҆гѡ̀."
|
|
},
|
|
{
|
|
"type": "TEXT",
|
|
"value": "Припѣ́въ: Мл҃твами бцⷣы, / сп҃се спасѝ на́съ."
|
|
},
|
|
{
|
|
"type": "TEXT",
|
|
"value": "Сті́хъ в҃: Рцы́те бг҃ꙋ: ко́ль стра́шна дѣла̀ твоѧ̀, / во мно́жествѣ си́лы твоеѧ̀ со́лжꙋтъ тебѣ̀ вразѝ твоѝ."
|
|
},
|
|
{
|
|
"type": "TEXT",
|
|
"value": "Припѣ́въ: Мл҃твами бцⷣы, / сп҃се спасѝ на́съ."
|
|
},
|
|
{
|
|
"type": "TEXT",
|
|
"value": "Сті́хъ г҃: Всѧ̀ землѧ̀ да покло́нитсѧ тебѣ̀, / и҆ пое́тъ тебѣ̀, да пое́тъ же и҆́мени твоемꙋ̀ вы́шнїй."
|
|
},
|
|
{
|
|
"type": "TEXT",
|
|
"value": "Припѣ́въ: Мл҃твами бцⷣы, / сп҃се спасѝ на́съ."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, / и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Кꙋ́пнѡ ѻ҆́ба ли́ка вы́шшимъ гла́сомъ: Мл҃твами бцⷣы, / сп҃се спасѝ на́съ."
|
|
},
|
|
{
|
|
"type": "TEXT",
|
|
"value": "Та́же, є҆ктенїа̀ ма́лаѧ."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ вторы́й, ѱало́мъ ѯ҃ѕ, гла́съ то́йже."
|
|
},
|
|
{
|
|
"type": "TEXT",
|
|
"value": "Сті́хъ а҃: Бж҃е ᲂу҆ще́дри ны̀, и҆ бл҃гослови́ ны."
|
|
},
|
|
{
|
|
"type": "TEXT",
|
|
"value": "Припѣ́въ: Спаси́ ны сн҃е бж҃їй, / воскресы́й и҆з̾ ме́ртвыхъ, пою́щыѧ тѝ: / а҆ллилꙋ́їа. [Є҆ди́ножды.]"
|
|
},
|
|
{
|
|
"type": "TEXT",
|
|
"value": "Дрꙋга́ѧ страна̀, то́йже сті́хъ: Бж҃е, ᲂу҆ще́дри ны̀, и҆ бл҃гослови́ ны, / просвѣтѝ лицѐ твоѐ на ны̀, и҆ поми́лꙋй ны̀."
|
|
},
|
|
{
|
|
"type": "TEXT",
|
|
"value": "Припѣ́въ: Спаси́ ны сн҃е бж҃їй, / воскресы́й и҆з̾ ме́ртвыхъ, пою́щыѧ тѝ: / а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Сті́хъ в҃: Да позна́емъ на землѝ пꙋ́ть тво́й, / во всѣ́хъ ꙗ҆зы́цѣхъ спасе́нїе твоѐ."
|
|
},
|
|
{
|
|
"type": "TEXT",
|
|
"value": "Припѣ́въ: Спаси́ ны сн҃е бж҃їй, / воскресы́й и҆з̾ ме́ртвыхъ, пою́щыѧ тѝ: / а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Сті́хъ г҃: Да и҆сповѣ́дѧтсѧ тебѣ̀ лю́дїе бж҃е, / да и҆сповѣ́дѧтсѧ тебѣ̀ лю́дїе всѝ."
|
|
},
|
|
{
|
|
"type": "TEXT",
|
|
"value": "Припѣ́въ: Спаси́ ны сн҃е бж҃їй, / воскресы́й и҆з̾ ме́ртвыхъ, пою́щыѧ тѝ: / а҆ллилꙋ́їа."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, / и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Вкꙋ́пѣ два̀ ли́ка: Є҆диноро́дный сн҃е:"
|
|
},
|
|
{
|
|
"type": "TEXT",
|
|
"value": "Та́же, є҆ктенїа̀."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ г҃-й, ѱало́мъ ѯ҃з, гла́съ є҃."
|
|
},
|
|
{
|
|
"type": "TEXT",
|
|
"value": "Сті́хъ а҃: Да воскре́снетъ бг҃ъ, и҆ расточа́тсѧ вразѝ є҆гѡ̀."
|
|
},
|
|
{
|
|
"type": "HEADER",
|
|
"value": "Тропа́рь, гла́съ є҃:"
|
|
},
|
|
{
|
|
"type": "TEXT",
|
|
"value": "Х рⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
|
|
},
|
|
{
|
|
"type": "TEXT",
|
|
"value": "Дрꙋга́ѧ страна̀, то́й же сті́хъ: Да воскре́снетъ бг҃ъ, и҆ расточа́тсѧ вразѝ є҆гѡ̀, / и҆ да бѣжа́тъ ѿ лица̀ є҆гѡ̀ ненави́дѧщїи є҆го̀."
|
|
},
|
|
{
|
|
"type": "TEXT",
|
|
"value": "Тропа́рь: Хрⷭ҇то́съ воскре́се и҆з̾ ме́ртвыхъ:"
|
|
},
|
|
{
|
|
"type": "TEXT",
|
|
"value": "Сті́хъ в҃: Ꙗ҆́кѡ и҆счеза́етъ ды́мъ, да и҆сче́знꙋтъ, / ꙗ҆́кѡ та́етъ во́скъ ѿ лица̀ ѻ҆гнѧ̀."
|
|
},
|
|
{
|
|
"type": "TEXT",
|
|
"value": "Тропа́рь: Хрⷭ҇то́съ воскре́се и҆з̾ ме́ртвыхъ:"
|
|
},
|
|
{
|
|
"type": "TEXT",
|
|
"value": "Сті́хъ г҃: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ, да возра́дꙋютсѧ пред̾ бг҃омъ."
|
|
},
|
|
{
|
|
"type": "TEXT",
|
|
"value": "Тропа́рь: Хрⷭ҇то́съ воскре́се и҆з̾ ме́ртвыхъ:"
|
|
},
|
|
{
|
|
"type": "HEADER",
|
|
"value": "И҆ быва́етъ вхо́дъ."
|
|
},
|
|
{
|
|
"type": "TEXT",
|
|
"value": "И҆ возглаша́етъ дїа́конъ, а҆́ще є҆́сть, а҆́ще же нѝ, і҆ере́й: Премꙋ́дрость, про́сти."
|
|
},
|
|
{
|
|
"type": "TEXT",
|
|
"value": "Мы́ же вхо́дное: Въ це́рквахъ благослови́те бг҃а, гдⷭ҇а ѿ и҆стѡ́чникъ і҆зра́илевыхъ."
|
|
},
|
|
{
|
|
"type": "HEADER",
|
|
"value": "И҆ пое́мъ тропа́рь, гла́съ є҃:"
|
|
},
|
|
{
|
|
"type": "TEXT",
|
|
"value": "Х рⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ."
|
|
},
|
|
{
|
|
"type": "HEADER",
|
|
"value": "Ѵ҆пакоѝ, гла́съ д҃:"
|
|
},
|
|
{
|
|
"type": "TEXT",
|
|
"value": "П редвари́вшыѧ ᲂу҆́тро ꙗ҆̀же ѡ҆ марі́и, / и҆ ѡ҆брѣ́тшыѧ ка́мень ѿвале́нъ ѿ гро́ба, / слы́шахꙋ ѿ а҆́гг҃ла: во свѣ́тѣ присносꙋ́щнѣмъ сꙋ́щаго, / съ ме́ртвыми что̀ и҆́щете ꙗ҆́кѡ человѣ́ка; / ви́дите грѡ́бныѧ пелєны̀, тецы́те, и҆ мі́рꙋ проповѣ́дите, / ꙗ҆́кѡ воста̀ гдⷭ҇ь, ᲂу҆мертви́вый сме́рть, / ꙗ҆́кѡ є҆́сть сн҃ъ бг҃а, спаса́ющагѡ ро́дъ человѣ́ческїй."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ: конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "А҆́ ще и҆ во гро́бъ снизше́лъ є҆сѝ безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскре́слъ є҆сѝ ꙗ҆́кѡ побѣди́тель хрⷭ҇тѐ бж҃е, / жена́мъ мѷроно́сицамъ вѣща́вый: ра́дꙋйтесѧ, / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскресе́нїе."
|
|
},
|
|
{
|
|
"type": "HEADER",
|
|
"value": "Вмѣ́стѡ же трист҃а́гѡ:"
|
|
},
|
|
{
|
|
"type": "TEXT",
|
|
"value": "Є҆ ли́цы во хрⷭ҇та̀ крести́стесѧ, / во хрⷭ҇та̀ ѡ҆блеко́стесѧ: / а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Подоба́етъ вѣ́дати, ꙗ҆́кѡ сїѐ нача́ло лїтꙋргі́и, и҆ а҆нтїфѡ́ны, и҆ Є҆ли́цы во хрⷭ҇та̀ крести́стесѧ: пое́мъ во всю̀ седми́цꙋ свѣ́тлꙋю, да́же до недѣ́ли но́выѧ: та́кожде и҆ прича́стный."
|
|
},
|
|
{
|
|
"type": "TEXT",
|
|
"value": "Прокі́менъ, гла́съ и҃: Се́й де́нь є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь. Сті́хъ: И҆сповѣ́дайтесѧ гдⷭ҇ви, ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀."
|
|
},
|
|
{
|
|
"type": "HEADER",
|
|
"value": "А҆пⷭ҇лъ, дѣѧ̑нїѧ ст҃ы́хъ а҆пⷭ҇лъ, зача́ло а҃."
|
|
},
|
|
{
|
|
"type": "TEXT",
|
|
"value": "П е́рвое ᲂу҆́бѡ сло́во сотвори́хъ ѡ҆ всѣ́хъ ѽ ѳео́фїле, ꙗ҆̀же нача́тъ і҆и҃съ твори́ти же и҆ ᲂу҆чи́ти, да́же до днѐ, во́ньже заповѣ́давъ а҆пⷭ҇толѡмъ дх҃омъ ст҃ы́мъ, и҆̀хже и҆збра̀, вознесе́сѧ. пред̾ ни́миже и҆ поста́ви себѐ жи́ва по страда́нїи свое́мъ, во мно́зѣхъ и҆́стинныхъ зна́менїихъ де́ньми четы́редесѧтьми ꙗ҆влѧ́ѧсѧ и҆̀мъ, и҆ глаго́лѧ ꙗ҆̀же ѡ҆ црⷭ҇твїи бж҃їи. съ ни́миже и҆ ꙗ҆ды́й, повелѣ̀ и҆̀мъ ѿ і҆ерꙋсали́ма не ѿлꙋча́тисѧ, но жда́ти ѡ҆бѣтова́нїѧ ѻ҆́ч҃а, є҆́же слы́шасте ѿ менѐ: ꙗ҆́кѡ і҆ѡа́ннъ ᲂу҆́бѡ крⷭ҇ти́лъ є҆́сть водо́ю, вы́ же и҆́мате крⷭ҇ти́тисѧ дх҃омъ ст҃ы́мъ, не по мно́зѣхъ си́хъ дне́хъ. ѻ҆ни́ же ᲂу҆̀бо соше́дшесѧ, вопроша́хꙋ є҆го̀, глаго́люще: гдⷭ҇и, а҆́ще въ лѣ́то сїѐ ᲂу҆строѧ́еши црⷭ҇твїе і҆и҃лево; рече́ же къ ни́мъ: нѣ́сть ва́ше разꙋмѣ́ти времена̀ и҆ лѣ́та, ꙗ҆̀же ѻ҆ц҃ъ положѝ во свое́й вла́сти. но прїи́мете си́лꙋ, наше́дшꙋ ст҃о́мꙋ дх҃ꙋ на вы̀: и҆ бꙋ́дете мѝ свидѣ́тели во і҆ерꙋсали́мѣ же и҆ во все́й і҆ꙋде́и и҆ самарі́и, и҆ да́же до послѣ́днихъ землѝ."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ д҃: Ты̀ воскре́съ ᲂу҆ще́дриши сїѡ́на. Сті́хъ: Гдⷭ҇ь съ нб҃сѐ на зе́млю призрѣ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло а҃."
|
|
},
|
|
{
|
|
"type": "TEXT",
|
|
"value": "В ъ нача́лѣ бѣ̀ сло́во, и҆ сло́во, бѣ̀ къ бг҃ꙋ, и҆ бг҃ъ бѣ̀ сло́во. се́й бѣ̀ и҆сконѝ къ бг҃ꙋ. всѧ̑ тѣ́мъ бы́ша, и҆ без̾ негѡ̀ ничто́же бы́сть, є҆́же бы́сть. въ то́мъ живо́тъ бѣ̀, и҆ живо́тъ бѣ̀ свѣ́тъ чл҃вѣ́кѡмъ. и҆ свѣ́тъ во тмѣ̀ свѣ́титсѧ, и҆ тма̀ є҆гѡ̀ не ѡ҆б̾ѧ́тъ. бы́сть человѣ́къ по́сланъ ѿ бг҃а, и҆́мѧ є҆мꙋ̀ і҆ѡа́ннъ. се́й прїи́де во свидѣ́тельство, да свидѣ́тельствꙋетъ ѡ҆ свѣ́тѣ, да всѝ вѣ́рꙋ и҆́мꙋтъ є҆мꙋ̀. не бѣ̀ то́й свѣ́тъ, но да свидѣ́тельствꙋетъ ѡ҆ свѣ́тѣ. бѣ̀ свѣ́тъ и҆́стинный, и҆́же просвѣща́етъ всѧ́каго человѣ́ка грѧдꙋ́щаго въ мі́ръ. въ мі́рѣ бѣ̀, и҆ мі́ръ тѣ́мъ бы́сть, и҆ мі́ръ є҆гѡ̀ не позна̀. во своѧ̑ прїи́де, и҆ своѝ є҆гѡ̀ не прїѧ́ша. є҆ли́цы же прїѧ́ша є҆го̀, дадѐ и҆̀мъ ѻ҆́бласть ча́дѡмъ бж҃їимъ бы́ти, вѣ́рꙋющымъ во и҆́мѧ є҆гѡ̀: и҆̀же не ѿ кро́ве, ни ѿ по́хоти плотскі́ѧ, ни ѿ по́хоти мꙋ́жескїѧ, но ѿ бг҃а роди́шасѧ. и҆ сло́во пло́ть бы́сть, и҆ всели́сѧ въ ны̀: и҆ ви́дѣхомъ сла́вꙋ є҆гѡ̀, сла́вꙋ ꙗ҆́кѡ є҆диноро́днагѡ ѿ ѻ҆ц҃а̀, и҆спо́лнь благода́ти и҆ и҆́стины. і҆ѡа́ннъ свидѣ́тельствꙋетъ ѡ҆ не́мъ, и҆ воззва̀, глаго́лѧ: се́й бѣ̀, є҆го́же рѣ́хъ, и҆́же по мнѣ̀ грѧды́й, предо мно́ю бы́сть: ꙗ҆́кѡ пе́рвѣе менѐ бѣ̀. и҆ ѿ и҆сполне́нїѧ є҆гѡ̀ мы̀ всѝ прїѧ́хомъ, и҆ благода́ть воз̾ благода́ть. ꙗ҆́кѡ зако́нъ мѡѷсе́омъ да́нъ бы́сть: благода́ть же и҆ и҆́стина і҆и҃съ хрⷭ҇то́мъ бы́сть."
|
|
},
|
|
{
|
|
"type": "TEXT",
|
|
"value": "Вре́мене же приспѣ́вшꙋ чте́нїѧ ст҃а́гѡ є҆ѵⷢ҇лїа, нача́льный дїа́конъ, хотѧ́й є҆ѵⷢ҇лїе честѝ, глаго́летъ: Бл҃гословѝ влⷣко бл҃говѣсти́телѧ: Та́же настоѧ́тель глаго́летъ: Бг҃ъ мл҃твами ст҃а́гѡ сла́внагѡ: и҆ прѡ́чаѧ, ꙗ҆́коже ᲂу҆каза́сѧ въ лїтꙋргїа́рїи. И҆ и҆схо́дитъ дїа́конъ, и҆ на ѻ҆бы́чномъ мѣ́стѣ прѧ́мѡ цр҃скихъ вра́тъ, на восто́къ лице́мъ ста́нетъ, настоѧ́телю пре́жде возгласи́вшꙋ пред̾ престо́ломъ: Премꙋ́дрость про́сти ᲂу҆слы́шимъ ст҃а́гѡ є҆ѵⷢ҇лїа. То́жде и҆ всѝ і҆ерє́и, є҆ли́цы сꙋ́ть слꙋжа́щїи, по си́хъ же и҆ дїа́кони глаго́лютъ, на разли́чныхъ мѣ́стѣхъ ста́вше, ѿ ст҃а́гѡ престо́ла, и҆ до за́падныхъ вра́тъ церко́вныхъ, є҆ди́нъ по є҆ди́номꙋ. Посреди́ же всѣ́хъ стои́тъ а҆рхїдїа́конъ, и҆ чтꙋ́тъ всѝ по настоѧ́тели, є҆ди́нъ по є҆ди́номꙋ по статїѧ́мъ, ꙗ҆́коже настоѧ́тель расположи́тъ. И҆ предначина́етъ настоѧ́тель: Ѿ і҆ѡа́нна ст҃а́гѡ є҆ѵⷢ҇лїа чте́нїе. Про́чїи то́жде. Настоѧ́тель: Во́нмемъ. Про́чїи то́жде. Настоѧ́тель стоѧ̀ пред̾ престо́ломъ на восто́къ лице́мъ, чте́тъ: Въ нача́лѣ бѣ̀ сло́во: и҆ прѡ́чаѧ. Про́чїи то́жде. И҆ на всѧ́комъ возгла́сѣ, и҆лѝ статїѝ є҆ѵⷢ҇лїа, ᲂу҆дарѧ́ютъ въ це́ркви по є҆ди́нощи въ кандїю̀. Параекклисїа́рхъ же внѣ̀ це́ркве въ вели́кое би́ло, и҆ въ вели́кїй кампа́нъ: на послѣ́днемъ же возгла́сѣ ᲂу҆дарѧ́ютъ во всѧ̀ кампа́ны, и҆ въ вели́кое би́ло, и҆ быва́етъ по чи́нꙋ бж҃е́ственнаѧ лїтꙋргі́а златоꙋ́стагѡ."
|
|
},
|
|
{
|
|
"type": "HEADER",
|
|
"value": "Вмѣ́стѡ же Досто́йно: пое́мъ:"
|
|
},
|
|
{
|
|
"type": "TEXT",
|
|
"value": "А҆́ гг҃лъ вопїѧ́ше бл҃года́тнѣй, / чи́стаѧ дв҃о ра́дꙋйсѧ, / и҆ па́ки рекꙋ̀, ра́дꙋйсѧ: / тво́й сн҃ъ воскре́се / тридне́венъ ѿ гро́ба, / и҆ мє́ртвыѧ воздви́гнꙋвый, / лю́дїе весели́тесѧ."
|
|
},
|
|
{
|
|
"type": "TEXT",
|
|
"value": "Та́же і҆рмо́съ: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
|
|
},
|
|
{
|
|
"type": "HEADER",
|
|
"value": "Прича́стный:"
|
|
},
|
|
{
|
|
"type": "TEXT",
|
|
"value": "Т ѣ́ло хрⷭ҇то́во прїими́те, / и҆сто́чника безсме́ртнагѡ вкꙋси́те. / А҆ ллилꙋ́їа, три́жды."
|
|
},
|
|
{
|
|
"type": "TEXT",
|
|
"value": "Є҆гда́ же настоѧ́тель глаго́летъ: Со стра́хомъ бж҃їимъ и҆ вѣ́рою пристꙋпи́те. Мы̀ вмѣ́стѡ, Бл҃гослове́нъ грѧды́й во и҆́мѧ гдⷭ҇не: пое́мъ: Хрⷭ҇то́съ воскре́се: є҆ди́ножды. Настоѧ́тель глаго́летъ: Спасѝ бж҃е лю́ди твоѧ̀: И҆ мы̀: Хрⷭ҇то́съ воскре́се: є҆ди́ножды. Є҆гда́ же и҆зглаго́летъ і҆ере́й: Всегда̀ ны́нѣ и҆ при́снѡ: И҆ мы̀: Хрⷭ҇то́съ воскре́се: є҆ди́ножды. Посе́мъ є҆ктенїа̀. Вмѣ́стѡ же, Бꙋ́ди и҆́мѧ гдⷭ҇не: и҆ вмѣ́стѡ ѱалма̀, Бл҃гословлю̀ гдⷭ҇а: пое́мъ: Хрⷭ҇то́съ воскре́се: двана́десѧть, и҆ мно́жае: до́ндеже а҆нафо́ра ѿ и҆гꙋ́мена разда́стсѧ. Та́же настоѧ́тель, Бл҃гослове́нїе гдⷭ҇не на ва́съ: Ли́къ: А҆ми́нь. Посе́мъ настоѧ́тель вмѣ́стѡ, Сла́ва тебѣ̀ хрⷭ҇тѐ бж҃е: пое́тъ: Хрⷭ҇то́съ воскре́се и҆з̾ ме́ртвыхъ сме́ртїю сме́рть попра́въ. И҆ ли́къ: И҆ сꙋ́щымъ во гробѣ́хъ живо́тъ дарова́въ. Посе́мъ настоѧ́тель глаго́летъ ѿпꙋ́стъ со крⷭ҇то́мъ по ѻ҆бы́чаю, ꙗ҆́коже ᲂу҆каза́сѧ на ᲂу҆́трени."
|
|
},
|
|
{
|
|
"type": "TEXT",
|
|
"value": "Да бꙋ́детъ же вѣ́стно и҆ сѐ, ꙗ҆́кѡ вра́тъ црⷭ҇кихъ ѻ҆лтарѧ̀, вели́кихъ же и҆ ѿ стра́нъ ма́лыхъ, по всѣ́мъ це́рквамъ во всю̀ свѣ́тлꙋю седми́цꙋ не затворѧ́емъ и҆ во вре́мѧ причаще́нїѧ."
|
|
},
|
|
{
|
|
"type": "HEADER",
|
|
"value": "Мл҃тва на бл҃гослове́нїе а҆́ртоса во ст҃ꙋ́ю недѣ́лю па́схи."
|
|
},
|
|
{
|
|
"type": "TEXT",
|
|
"value": "Принесе́нъ быва́етъ а҆́ртосъ, сі́есть хлѣ́бъ на сїѐ прїꙋгото́вленный, и҆ на не́мъ крⷭ҇тъ напи́санный ѻ҆бы́чнѡ, къ і҆ере́ю въ ѻ҆лта́рь, по соверше́нїи бж҃е́ственныѧ лїтꙋргі́и и҆ по заамвѡ́нной мл҃твѣ, ре́кшꙋ дїа́конꙋ: Гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "И҆ кли́рꙋ: Гдⷭ҇и поми́лꙋй."
|
|
},
|
|
{
|
|
"type": "HEADER",
|
|
"value": "Чте́тъ над̾ ни́мъ і҆ере́й мл҃твꙋ сїю̀:"
|
|
},
|
|
{
|
|
"type": "TEXT",
|
|
"value": "Б ж҃е всеси́льный и҆ гдⷭ҇и вседержи́телю, и҆́же рабо́мъ твои́мъ мѡѷсе́омъ во и҆схо́дѣ і҆и҃левѣ ѿ є҆гѵ́пта, и҆ въ ѡ҆свобожде́нїи люде́й твои́хъ ѿ го́рькїѧ рабо́ты фараѡ́новы, а҆́гнца закла́ти повелѣ́лъ є҆сѝ, проѡбразꙋ́ѧ на крⷭ҇тѣ̀ закла́ннаго во́лею на́съ дѣ́лѧ а҆́гнца, взе́млющаго всегѡ̀ мі́ра грѣхѝ, возлю́бленнаго сн҃а твоего̀, гдⷭ҇а на́шего і҆и҃са хрⷭ҇та̀: ты̀ и҆ ны́нѣ, смире́ннѡ мо́лимъ тѧ̀, при́зри на хлѣ́бъ се́й, и҆ бл҃гословѝ и҆ ѡ҆ст҃ѝ є҆го̀. и҆́бо и҆ мы̀ рабѝ твоѝ въ че́сть и҆ сла́вꙋ, и҆ въ воспомина́нїе сла́внагѡ воскрⷭ҇нїѧ тогѡ́жде сн҃а твоегѡ̀ гдⷭ҇а на́шегѡ і҆и҃са хрⷭ҇та̀, и҆́мже ѿ вѣ́чныѧ рабо́ты вра́жїѧ, и҆ ѿ а҆́довыхъ нерѣши́мыхъ ᲂу҆́зъ разрѣше́нїе, свобо́дꙋ и҆ преведе́нїе ᲂу҆лꙋчи́хомъ, пред̾ твои́мъ вели́чествомъ ны́нѣ во всесвѣ́тлый се́й, пресла́вный и҆ сп҃си́тельный де́нь па́схи, се́й прино́симъ: на́съ же сего̀ приносѧ́щихъ, и҆ того̀ лобза́ющихъ, и҆ ѿ негѡ̀ вкꙋша́ющихъ, твоемꙋ̀ нбⷭ҇номꙋ бл҃гослове́нїю прича́стники бы́ти сотворѝ, и҆ всѧ́кꙋю болѣ́знь и҆ недꙋ́гъ ѿ на́съ твое́ю си́лою ѿженѝ, здра́вїе всѣ̑мъ подава́ѧ. ты́ бо є҆сѝ и҆сто́чникъ бл҃гослове́нїѧ, и҆ цѣльба́мъ пода́тель, и҆ тебѣ̀ сла́вꙋ возсыла́емъ безнача́льномꙋ ѻ҆ц҃ꙋ̀, со є҆диноро́днымъ твои́мъ сн҃омъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "TEXT",
|
|
"value": "А҆́бїе же кропи́тъ а҆́ртосъ сщ҃е́нною водо́ю, глаго́лѧ: Бл҃гословлѧ́етсѧ и҆ ѡ҆сщ҃а́етсѧ а҆́ртосъ се́й, ѡ҆кропле́нїемъ воды̀ сеѧ̀ сщ҃е́нныѧ, во и҆́мѧ ѻ҆ц҃а̀, и҆ сн҃а, и҆ ст҃а́гѡ дх҃а, а҆ми́нь. Три́жды."
|
|
},
|
|
{
|
|
"type": "TEXT",
|
|
"value": "И҆ посе́мъ и҆схо́дитъ, и҆ полага́етъ є҆го̀ на а҆нало́гїи, лю́дїе же, прїе́млюще а҆нті́дѡръ, лобза́ютъ а҆́ртосъ."
|
|
},
|
|
{
|
|
"type": "TEXT",
|
|
"value": "Вѣ́домо же бꙋ́ди и҆ сѐ, ꙗ҆́кѡ мѧ́съ правосла́внїи хрїстїа́не къ це́ркви не прино́сѧтъ, но въ до́мъ ко і҆ере́ю."
|
|
},
|
|
{
|
|
"type": "HEADER",
|
|
"value": "Моли́тва во є҆́же благослови́ти бра̑шна мѧ́съ, во ст҃ꙋ́ю и҆ вели́кꙋю недѣ́лю па́схи."
|
|
},
|
|
{
|
|
"type": "TEXT",
|
|
"value": "Твори́тъ і҆ере́й: Блгⷭ҇ве́нъ бг҃ъ на́шъ: Х рⷭ҇то́съ воскре́се: три́жды. Та́же: Гдⷭ҇ꙋ помо́лимсѧ. Г дⷭ҇и поми́лꙋй."
|
|
},
|
|
{
|
|
"type": "TEXT",
|
|
"value": "П ри́зри гдⷭ҇и і҆и҃се хрⷭ҇тѐ бж҃е на́шъ, на бра̑шна мѧ́съ, и҆ ѡ҆свѧтѝ ѧ҆̀, ꙗ҆́коже ѡ҆свѧти́лъ є҆сѝ ѻ҆вна̀, є҆го́же тебѣ̀ приведѐ вѣ́рный а҆враа́мъ, и҆ а҆́гнца, є҆го́же тебѣ̀ а҆́вель во всепло́дїе принесѐ: подо́бнѣ и҆ тельца̀ ᲂу҆пита́ннаго, є҆го́же жре́ти повелѣ́лъ є҆сѝ сы́нови твоемꙋ̀ заблꙋ́ждшемꙋ, и҆ па́ки къ тебѣ̀ возвра́щшемꙋсѧ: да ꙗ҆́коже то́й сподо́бисѧ твоеѧ̀ бл҃гости наслади́тисѧ, си́це и҆ ѡ҆сщ҃е́нныхъ ѿ тебѐ, и҆ бл҃гослове́нныхъ наслади́мсѧ въ пи́щꙋ всѣ́хъ на́съ. ты́ бо є҆сѝ и҆́стиннаѧ пи́ща, и҆ пода́тель благи́хъ, и҆ тебѣ̀ сла́вꙋ возсыла́емъ со безнача́льнымъ твои́мъ ѻ҆ц҃е́мъ, и҆ прест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
|
|
},
|
|
{
|
|
"type": "HEADER",
|
|
"value": "Моли́тва во є҆́же бл҃гослови́ти сы́ръ и҆ ꙗ҆́ица."
|
|
},
|
|
{
|
|
"type": "TEXT",
|
|
"value": "Ꙗ҆́ица же и҆ сы́ръ принесє́нныѧ поставлѧ́ютсѧ въ притво́рѣ, въ цр҃ковь же ѿню́дъ не подоба́етъ вноси́ти."
|
|
},
|
|
{
|
|
"type": "TEXT",
|
|
"value": "Сщ҃е́нникъ же и҆зше́дъ глаго́летъ: Гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "В лⷣко гдⷭ҇и бж҃е на́шъ, зижди́телю и҆ содѣ́телю всѣ́хъ, бл҃гословѝ млеко̀ ѡ҆гꙋстѣ́вшее, съ ни́мже и҆ ꙗ҆́ица, и҆ на́съ соблюдѝ во бл҃гости твое́й, ꙗ҆́кѡ да причаща́ющесѧ и҆̀хъ, твои́хъ незави́стнѡ пода́тельныхъ дарѡ́въ и҆спо́лнимсѧ, и҆ неизглаго́ланныѧ твоеѧ̀ бл҃гости: ꙗ҆́кѡ твоѧ̀ держа́ва, и҆ твоѐ є҆́сть црⷭ҇тво, и҆ си́ла, и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
|
|
},
|
|
{
|
|
"type": "TEXT",
|
|
"value": "Вѣ́стно же бꙋ́ди: ꙗ҆́кѡ сицевы́й, мѧ́съ и҆ набѣ́лꙋ, прино́съ, нѣ́сть па́сха, нижѐ а҆́гнецъ, ꙗ҆́коже нѣ́цыи глаго́лютъ, и҆ прїе́млютъ, и҆ є҆мꙋ̀ со всѧ́кимъ говѣ́нїемъ ꙗ҆́коже нѣ́коей ст҃ы́ни причаща́ютсѧ, но просто́е приноше́нїе. не а҆́ки бо сїѐ въ же́ртвꙋ бг҃ꙋ приноси́тисѧ и҆́мать, но то́кмѡ да начина́ющымъ по постѣ̀ мѧ́со и҆ сы́ръ ꙗ҆́сти, ѿ і҆ере́а предложе́нными моли́твами въ снѣ́дь бл҃гослове́но бꙋ́детъ: па́сха бо са́мъ хрⷭ҇то́съ є҆́сть и҆ а҆́гнецъ взе́млѧй грѣхѝ мі́ра, на ѻ҆лтарѝ въ безкро́вной же́ртвѣ, въ пречи́стыхъ та́йнахъ, честна́гѡ тѣ́ла, и҆ животворѧ́щїѧ кро́ве своеѧ̀, ѿ і҆ере́а бг҃ꙋ и҆ ѻ҆ц҃ꙋ̀ приноси́мый, и҆ томꙋ̀ досто́йнѡ причаща́ющїисѧ и҆́стиннꙋю ꙗ҆дѧ́тъ па́схꙋ. И҆ сегѡ̀ ра́ди ѻ҆́ныѧ прино́сы, ꙗ҆́кѡ не сꙋ́ть па́сха, во ѻ҆лта́рь и҆лѝ въ цр҃ковь не досто́итъ вноси́ти, но внѣ̀ цр҃кве, и҆лѝ въ притво́рѣ, моли́твою бл҃гослови́ти, по тре́тїемꙋ пра́вилꙋ ст҃ы́хъ а҆по́стѡлъ глаго́лющихъ: А҆́ще кто̀ є҆пі́скопъ, и҆лѝ пресвѵ́теръ, кромѣ̀ вчине́нїѧ гдⷭ҇нѧ ѡ҆ же́ртвѣ, и҆на̑ѧ нѣ̑каѧ ко ѻ҆лтарю̀ принесе́тъ, ме́дъ и҆лѝ млеко̀, и҆лѝ вмѣ́стѡ вїна̀ сїке́рꙋ. сі́есть ѻ҆лови́нꙋ, и҆лѝ медови́нꙋ, и҆лѝ пти̑цы, и҆лѝ ка́ѧ живѡ́тнаѧ, и҆лѝ сѡ́чива, ра́звѣ гро́здїѧ въ лѣ́тѣ, и҆ є҆ле́а на свѣ́щники, и҆ ѳѷмїа́ма во вре́мѧ лїтꙋргі́и, да и҆зве́ржетсѧ. И҆ по шесто́мꙋ собо́рꙋ, и҆́же въ трꙋ́ллѣ, въ пра́вилѣ ч҃ѳ-мъ, глаго́лющꙋ: И҆ семꙋ̀ во а҆рме́нстѣй странѣ̀ быва́ти ᲂу҆вѣ́дѣхомъ, ꙗ҆́кѡ нѣ́цыи внꙋ́трь во ст҃ы́хъ ѻ҆лтарѣ́хъ ᲂу҆́ды мѧ́съ варѧ́ще, ча́сти прино́сѧтъ свѧще́нникѡмъ, жидо́вски раздѣлѧ́юще. Тѣ́мже цр҃ковь непоро́чнꙋ хранѧ́ще, ᲂу҆зако́нихомъ, ꙗ҆́кѡ не подоба́етъ ниеди́номꙋ же свѧще́нникꙋ разли́чныхъ мѧ́съ часте́й ѿ приносѧ́щихъ прїима́ти, но тѣ́ми дово́льни да бꙋ́дꙋтъ, ꙗ҆́же приносѧ́щемꙋ возмнѧ́тсѧ. Сицево́мꙋ приноше́нїю быва́емꙋ внѣ̀ цр҃кви: а҆́ще же кто̀ сегѡ̀ не сотвори́тъ, да ѿлꙋчи́тсѧ."
|
|
},
|
|
{
|
|
"type": "HEADER",
|
|
"value": "Послѣ́дованїе а҆́ртоса, въ де́нь ст҃ы́ѧ па́схи."
|
|
},
|
|
{
|
|
"type": "TEXT",
|
|
"value": "По ѿпꙋ́стѣ бж҃е́ственныѧ лїтꙋргі́и, взе́мшꙋ і҆ере́ю ѻ҆́бразъ воскрⷭ҇нїѧ хрⷭ҇то́ва, дїа́конꙋ же прїи́мшꙋ ѿ и҆́нагѡ а҆́ртосъ црⷭ҇кими враты̀, а҆́ще во ѻ҆лтарѣ̀ бꙋ́детъ. [зрѝ] [Въ нѣ́кихъ же ѻ҆би́телехъ на а҆нало́гїи, во хра́мѣ на сїѐ ᲂу҆стро́енномъ, кꙋ́пнѡ со ѻ҆́бразомъ воскрⷭ҇нїѧ гдⷭ҇нѧ поставлѧ́етсѧ, и҆ ко а҆нафо́рѣ и҆дꙋ́ще цѣлꙋ́ютъ пе́рвѣе пра́здникъ, та́же а҆́ртосъ.]"
|
|
},
|
|
{
|
|
"type": "TEXT",
|
|
"value": "И҆ дїа́конъ взе́млетъ є҆го̀ и҆з̾ мѣ́ста, съ панагїа́ромъ, и҆ въ рꙋка́хъ несе́тъ, пред̾идꙋ́щей лампа́дѣ, и҆лѝ двѣма̀. Настоѧ́тель же и҆ бра́тїѧ всѧ̀ по чи́нꙋ своемꙋ̀ и҆схо́дѧтъ со а҆́ртосомъ, [сі́есть хлѣ́бомъ, просфоро́ю всецѣ́лою на сѐ со крⷭ҇то́мъ на не́й и҆з̾ѡбраже́ннымъ ᲂу҆гото́ванною] и҆з̾ цр҃кве въ трапе́зꙋ, вмѣ́стѡ ѱалма̀, Вознесꙋ́ тѧ бж҃е мо́й: Хрⷭ҇то́съ воскре́се: пою́ще. Параекклисїа́рхꙋ же, и҆ про́чей бра́тїи во всѧ̀ зво́ны ᲂу҆дарѧ́ющымъ."
|
|
},
|
|
{
|
|
"type": "TEXT",
|
|
"value": "И҆ вше́дше въ трапе́зꙋ поставлѧ́ютъ пра́здникъ и҆ а҆́ртосъ на мѣ́стѣхъ и҆́хъ. И҆ глаго́летъ настоѧ́тель: Хрⷭ҇то́съ воскре́се: три́жды. и҆ Ѻ҆́ч҃е на́шъ: Сла́ва и҆ ны́нѣ: Гдⷭ҇и поми́лꙋй. три́жды. Бл҃гословѝ. Настоѧ́тель: Хрⷭ҇тѐ бж҃е, бл҃гословѝ ꙗ҆́стїе: И҆ про́чее. Мы́ же: А҆ми́нь. Сѣда́емъ кі́йждо на мѣ́стѣ свое́мъ, со всѧ́кимъ безмо́лвїемъ и҆ бл҃гоговѣ́инствомъ. И҆ быва́етъ ᲂу҆тѣше́нїе ве́лїе на всѧ̑. И҆ чте́нїе по ѻ҆бы́чаю. По ѻ҆бы́чной трапе́зѣ востаю́ще бра́тїѧ, поставлѧ́ютъ а҆́ртосъ на трапе́зѣ, пою́ще: Хрⷭ҇то́съ воскре́се: три́жды. И҆ Гдⷭ҇и поми́лꙋй, три́жды. Бл҃гословѝ. Та́же кела́рь прїе́мъ ѻ҆бы́чное проще́нїе ѿ настоѧ́телѧ и҆ бра́тїи: Бл҃гослови́те мѧ̀ ѻ҆ц҃ы̀ ст҃і́и, и҆ прости́те мѧ̀ грѣ́шнаго. Мы́ же рече́мъ: Бг҃ъ да прости́тъ и҆ бл҃гослови́тъ. Та́же сне́мъ камила́ѵхїй, возгласи́тъ, вмѣ́стѡ, Вели́ко и҆́мѧ ст҃ы́ѧ трⷪ҇цы: Хрⷭ҇то́съ воскре́се. Є҆ди́ножды. На́мъ же ѿвѣща́ющымъ: Вои́стиннꙋ воскре́се: То́йжде назна́менавъ крⷭ҇тоѻбра́знѡ а҆́ртосомъ, глаго́летъ: Покланѧ́емсѧ є҆гѡ̀ тридне́вномꙋ воскрⷭ҇нїю: полага́етъ и҆̀ на панагїа́рѣ. Пото́мъ прино́ситъ кела́рь а҆́ртосъ съ панагїа́ромъ къ настоѧ́телю, и҆ цѣлꙋ́етъ а҆́ртосъ и҆ всѧ̀ по не́мъ бра́тїѧ, пою́ще пѣ́снь ѳ҃-ю. І҆рмо́съ: Свѣти́сѧ свѣти́сѧ: И҆ прѡ́чаѧ, ѻ҆́ба тропарѧ̀ тоѧ̀ пѣ́сни. И҆ па́ки і҆рмо́съ: Свѣти́сѧ, свѣти́сѧ: По цѣлова́нїи же просфоры̀ ѿ всѣ́хъ, возврати́всѧ кела́рь, поставлѧ́етъ ю҆̀ пред̾ настоѧ́телемъ, и҆ рече́тъ сті́хъ: Мл҃твами ст҃ы́хъ ѻ҆ц҃ъ на́шихъ, гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ. И҆ мы̀: А҆ми́нь. И҆ пое́мъ: Хрⷭ҇то́съ воскре́се: три́жды. Сла́ва: ѵ҆пакоѝ глаго́лемъ: Предвари́вшыѧ ᲂу҆́тро: И҆ ны́нѣ: конда́къ: А҆́ще и҆ во гро́бъ: Г дⷭ҇и поми́лꙋй, три́жды. Бл҃гословѝ. Настоѧ́тель: Бл҃гослове́нъ бг҃ъ ми́лꙋѧй, и҆ пита́ѧй на́съ ѿ свои́хъ бога́тыхъ дарѡ́въ, свое́ю бл҃года́тїю и҆ чл҃вѣколю́бїемъ, всегда̀, ны́нѣ и҆ при́снѡ и҆ во вѣ́ки вѣкѡ́въ. И҆ мы̀: А҆ми́нь. Та́же настоѧ́тель: Бг҃ъ да прости́тъ и҆ поми́лꙋетъ послꙋжи́вшихъ на́мъ. И҆ а҆́бїе и҆схо́дитъ и҆з̾ трапе́зы въ цр҃ковь, и҆ бра́тїѧ всѧ̀ по чи́нꙋ своемꙋ̀, пред̾идꙋ́щꙋ і҆ере́ю со і҆кѡ́ною воскрⷭ҇нїѧ хрⷭ҇то́ва, и҆ дїа́конꙋ со а҆́ртосомъ, и҆ кли́рїкѡмъ пою́щымъ: Хрⷭ҇то́съ воскре́се: Тогда̀ параекклисїа́рхъ и҆ прѡ́чаѧ бра́тїѧ ᲂу҆дарѧ́ютъ во всѧ̑ зво́ны. Вше́дшꙋ же настоѧ́телю и҆ бра́тїи въ цр҃ковь, і҆ере́й и҆ дїа́конъ поставлѧ́ютъ на свои́хъ и҆̀мъ мѣ́стѣхъ і҆кѡ́нꙋ и҆ а҆́ртосъ: мы́ же пое́мъ: И҆ на́мъ дарова̀ живо́тъ вѣ́чный: И҆ и҆́демъ въ кє́ллїи своѧ̀."
|
|
},
|
|
{
|
|
"type": "TEXT",
|
|
"value": "Си́це же возслѣ́дꙋетсѧ цѣлова́нїе ѡ҆ просфорѣ̀, ꙗ҆́же є҆́сть а҆́ртосъ, чрез̾ всю̀ седми́цꙋ ст҃ы́ѧ свѣ́тлыѧ недѣ́ли, да́же до сꙋббѡ́ты."
|
|
},
|
|
{
|
|
"type": "TEXT",
|
|
"value": "Подоба́етъ вѣ́дати, ꙗ҆́кѡ а҆́ще слꙋчи́тсѧ бра́тꙋ ко́емꙋ ѿитѝ ко гдⷭ҇ꙋ въ сїю̀ ст҃ꙋ́ю седми́цꙋ па́схи: и҆ ѡ҆ се́мъ зрѝ всегѡ̀ послѣ́дованїѧ си́хъ дне́й ѡ҆ ᲂу҆со́пшихъ въ тре́бникѣ."
|
|
}
|
|
] |