526 lines
63 KiB
JSON
526 lines
63 KiB
JSON
[
|
|
{
|
|
"type": "HEADER",
|
|
"value": "Ѻ҆ктѡ́врїа ѳ҃і"
|
|
},
|
|
{
|
|
"type": "HEADER",
|
|
"value": "Ст҃а́гѡ мч҃нка ᲂу҆а́ра, є҆мꙋ́же дана̀ бы́сть бл҃года́ть ᲂу҆моли́ти за ᲂу҆ме́ршыѧ клеопа́трины прароди́тєли, не сподо́бльшыѧсѧ прїѧ́ти свѧта́го кр҃ще́нїѧ."
|
|
},
|
|
{
|
|
"type": "HEADER",
|
|
"value": "На ма́лой вече́рни: На Гдⷭ҇и, воззва́хъ: стїхи̑ры на д҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ, пресла́внагѡ чꙋдесѐ:"
|
|
},
|
|
{
|
|
"type": "TEXT",
|
|
"value": "Ѽ, пресла́вное чꙋ́до, ᲂу҆а́ръ мч҃нкъ подвиза́етсѧ на сꙋпоста́та неви́димаго, и҆, ᲂу҆ранѧ́емь, ᲂу҆ѧзвлѧ́етъ дїа́вола, и҆ кро́вными пото́ки ᲂу҆давлѧ́етъ́ є҆гѡ̀, и҆ крыла́ми страда́нїѧ возлета́етъ на нб҃о, є҆гѡ́же мл҃твами и҆ моле́нїемъ, влⷣко хрⷭ҇тѐ, спасѝ дꙋ́шы на́шѧ ꙗ҆́кѡ є҆ди́нъ млⷭ҇рдъ."
|
|
},
|
|
{
|
|
"type": "TEXT",
|
|
"value": "Ѽ, пресла́вное чꙋ́до, мꙋ́жа клеопа́тра ѡ҆ставлѧ́етъ, и҆ прїе́млетъ мѡ́щи мч҃нка, и҆ во ѻ҆те́чество ѿно́ситъ, ра́дꙋѧсѧ, и҆ во гробѣ́хъ дре́внихъ полага́етъ є҆гѡ̀, помазꙋ́ющи и҆ кадѧ́щи ча́стѡ, є҆гѡ́же мл҃твами проща́етъ ᲂу҆ме́ршыѧ ꙗ҆зы́чники влⷣка хрⷭ҇то́съ и҆ спаса́етъ дꙋ́шы на́шѧ ꙗ҆́кѡ є҆ди́нъ млⷭ҇рдъ."
|
|
},
|
|
{
|
|
"type": "TEXT",
|
|
"value": "Ѽ, пресла́вное чꙋ́до, невѣ́рнїи и҆збавлѧ́ютсѧ ᲂу҆ме́ршыѧ и҆ ѿ мѣ́стъ а҆́довыхъ свобожда́ютсѧ мл҃твами ᲂу҆а́ра мч҃нка, є҆мꙋ́же и҆ мы̀ прилѣ́жнѡ помо́лимсѧ, да и҆ на̑ша воспомѧ́нетъ сро́дники, ᲂу҆ме́ршыѧ въ невѣ́рїи, да поми́лꙋетъ ѧ҆̀ хрⷭ҇то́съ и҆ ѿ мꙋ́къ свободи́тъ ꙗ҆́кѡ є҆ди́нъ млⷭ҇рдъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃:"
|
|
},
|
|
{
|
|
"type": "TEXT",
|
|
"value": "Дне́сь, вели́кїй стрⷭ҇тоте́рпче, предста́ни къ неѡскꙋ́дномꙋ въ добро́тахъ влⷣцѣ и҆ приложѝ проси́ти щедро́тъ и҆ бл҃госты́ни ро́дꙋ на́шемꙋ, ꙗ҆́кѡже и҆ клеопа́тринꙋ, є҆́сть бо и҆ пребꙋ́детъ ми́лостивъ тебѣ̀, молѧ́щꙋсѧ къ немꙋ̀ ᲂу҆се́рднѡ и҆ неѿстꙋ́пнѡ, и҆збавле́нїѧ ѻ҆́нымъ просѧ́щꙋ: про́сите бо, речѐ, и҆ прїи́мете. Сегѡ̀ ра́ди послꙋ́шаетъ, и҆́же и҆ дрꙋ́гъ ѿ дрꙋ́га на́мъ по́льзꙋ промышлѧ́ѧй, вседобро́тный влⷣка и҆ ще́дрый, и҆ не па́че ли тебѐ ᲂу҆слы́шитъ, своегѡ̀ ᲂу҆го́дника, хотѧ́й при́снѡ ми́лости, и҆́же проща́ти лю́битъ вѧ́щше, не́жели ѿмща́ти, и҆ ѿсю́дꙋ ве́лїю показꙋ́етъ свою̀ сла́вꙋ и҆ на́мъ па́че всѣ́хъ пречꙋде́снꙋ. Тѣ́мже, великомч҃нче, потщи́сѧ прилѣ́жнѡ просѝ проси̑мымъ ѿпꙋще́нїе и҆ на́мъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Тридне́венъ воскрⷭ҇лъ є҆сѝ:"
|
|
},
|
|
{
|
|
"type": "TEXT",
|
|
"value": "Мч҃нче ᲂу҆а́ре сла́вный, ненаде́жнѡ и҆ неꙋмоли́мѡ пре́жде проще́нїе и҆ щедрѡ́ты и҆спроси́лъ є҆сѝ, мы́ же прилѣ́жнѡ мо́лимъ тѧ̀, и҆спо́лни дне́сь и҆ на̑ша прошє́нїѧ."
|
|
},
|
|
{
|
|
"type": "TEXT",
|
|
"value": "Сті́хъ: Воззва́ша пра́веднїи, и҆ гдⷭ҇ь ᲂу҆слы́ша ѧ҆̀."
|
|
},
|
|
{
|
|
"type": "TEXT",
|
|
"value": "А҆́ще ты̀ на́шеѧ похвалы̀ и҆ не тре́бꙋеши, просла́вленный сла́вою небе́сною, но мы̀ къ тебѣ̀ прибѣга́емъ и҆, бꙋ́ди ми́лостивъ, гл҃емъ, мч҃нче, и҆ прїимѝ ᲂу҆бо́гое сїѐ хвале́нїе, и҆ не пре́зри дне́сь на̑ша прошє́нїѧ."
|
|
},
|
|
{
|
|
"type": "TEXT",
|
|
"value": "Сті́хъ: Ѻ҆́чи гдⷭ҇ни на пра́вєдныѧ, и҆ ᲂу҆́ши є҆гѡ̀ въ мл҃твꙋ и҆́хъ."
|
|
},
|
|
{
|
|
"type": "TEXT",
|
|
"value": "Прїимѝ жа́лость на́шꙋ, мч҃нче, да помѧне́ши во тьмѣ̀ и҆ сѣ́ни сме́ртнѣй сѣдѧ́щыѧ ѡ҆сꙋждє́нныѧ, ꙗ҆̀же ѿ на́съ сро́дники, и҆ гдⷭ҇а бг҃а да ᲂу҆мо́лиши и҆спо́лнити ѡ҆ ни́хъ на̑ша прошє́нїѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ нн҃ѣ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Съ пречⷭ҇тою бцⷣею, на́шею наде́ждою, предста́ни, мч҃нче, на мл҃твꙋ къ бг҃ꙋ; не пре́зритъ бо ва́съ, припа́дающихъ, влⷣка, но и҆злїе́тъ щедрѡ́ты и҆ млⷭ҇ть и҆ ᲂу҆довли́тъ̀ бога́тнѡ на̑ша прошє́нїѧ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Во́инствомъ свѧты́хъ стрⷭ҇тоте́рпєцъ стра́ждꙋщихъ зако́ннѣ, зрѧ̀ ѻ҆́нѣхъ, показа́лъ є҆сѝ мꙋ́жески крѣ́пость свою̀. И҆ ᲂу҆стреми́всѧ на стрⷭ҇ть во́лею, и҆ ᲂу҆мре́ти вожделѣ̀ за хрⷭ҇та̀, и҆́же прїѧ́лъ є҆сѝ по́честь побѣ́ды твоегѡ̀ страда́нїѧ, ᲂу҆а́ре, молѝ спⷭ҇ти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни: На Гдⷭ҇и, воззва́хъ: стїхи̑ры на и҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "Стрⷭ҇тоте́рпче до́блїй, вели́кїй мч҃нче ᲂу҆а́ре сла́вный, просвѣти́всѧ жела́нїемъ бж҃їимъ, на мꙋ̑ки мꙋ́жески дерзнꙋ́лъ є҆сѝ, хрⷭ҇та̀ и҆сповѣ́далъ пред̾ нечести́выми мꙋчи́тєли, ѿ ни́хже ра̑ны и҆ терза̑нїѧ гѡ́рькаѧ сла́дцѣ прїѧ́лъ є҆сѝ, ме́домъ любвѐ бж҃їѧ и҆спо́лнь, по́двигъ соверши́лъ є҆сѝ, влⷣкꙋ всѣ́хъ молѝ спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Сла́внаго тѧ̀ мч҃нка прїѧ́тъ клеопа́тра ди́внаѧ, во своѧ̑ ѿно́ситъ, ра́дꙋѧсѧ, и҆ во гробѣ́хъ полага́етъ дре́внихъ чⷭ҇тнѣ и҆ со ᲂу҆пова́нїемъ, ты́ же, пречꙋ́дный, всѣ̑мъ, лежа́щымъ ѻ҆́крестъ тебѐ, проще́нїе и҆ и҆збавлє́нїѧ и҆спроси́лъ є҆сѝ непросвѣщє́ннымъ и҆ невѣ̑рнымъ, тѣ́мже воспрїимѝ и҆ ѿ на́съ приноше́нїе и҆ ᲂу҆молѝ хрⷭ҇та̀ бг҃а всѧ́ческихъ ᲂу҆ще́дрити на̑ша сро́дники, вѣ́ры и҆ кр҃ще́нїѧ не дости́гшыѧ, поми́ловати ѻ҆́ныхъ и҆ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Є҆гда̀ смꙋти́сѧ клеопа́тра, пла́каше, мѧтꙋ́щисѧ и҆ жалѣ́ющи, на тѧ̀ приража́шесѧ҆ ропта́ше, мч҃нче, гл҃го́люще: почто̀ взѧ́лъ є҆сѝ сы́на моегѡ̀, чи́мъ є҆щѐ не ᲂу҆довлѣ́ѧхъ тѧ̀, возлюби́хъ бо тѧ̀, и҆ и҆скꙋпи́хъ, и҆ во своѧ̑ принесо́хъ, и҆ погребо́хъ, и҆ въ це́ркви дне́сь положи́хъ тебѐ, ю҆́же воздвиго́хъ тѝ потща́тельнѣ, ты́ же ра́дость мою̀ ѿѧ́лъ є҆сѝ, про́чее҆́ ѿкꙋ́дꙋ возвеселю́сѧ и҆ ка́кѡ возопїю́ ти, молѝ хрⷭ҇та̀ бг҃а ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "И҆́же ско́рый на по́мощь не презира́етъ печа́льнꙋю, ꙗ҆влѧ́етсѧ и҆ сы́на прино́ситъ не́й, сꙋ́ща во сла́вѣ и҆ свѣ́тлости. Вскꙋ́ю ᲂу҆корѧ́еши мѧ̀; гл҃го́лаше, є҆гда̀ забы́хъ и҆ ѡ҆ѕло́бихъ тѧ̀; сотвори́хъ бо тѝ возме́здїе, дарова́хъ ѿ гдⷭ҇а проще́нїе всѣ̑мъ невѣ̑рнымъ твои̑мъ прароди́телємъ, сн҃ъ же тво́й сла́витъ со мно́ю хрⷭ҇та̀ бг҃а на́шегѡ, є҆го́же мо́лимъ ᲂу҆слы́шати и҆ спастѝ вѣ́рою пою́щихъ ны̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Сла́вный великомч҃нче ᲂу҆а́ре чꙋ́дный, во страда́нїихъ соверши́выйсѧ и҆ ꙗ҆ви́сѧ свѣ́телъ побѣ́дникъ, побѣжда́ѧ врага̀ велехва́льнагѡ҆̀, мꙋче́ньми сте́рлъ є҆сѝ главꙋ̀ є҆гѡ̀, и҆ крове́й свои́хъ тече́нїемъ тогѡ̀ ᲂу҆дави́лъ є҆сѝ, и҆ нн҃ѣ на нбⷭ҇ѣ́хъ въ дерзнове́нїи мно́зѣ ст҃ѣ́й трⷪ҇цѣ предстои́ши, тѣ́мже ᲂу҆̀бо въ вели́чествѣ твоегѡ̀ весе́лїѧ воспомѧнѝ, и҆̀же въ го́рести мно́зѣй сꙋ́щыѧ, ᲂу҆милє́нныѧ̑ и҆ ѡ҆мрачє́нныѧ, пра́веднымъ сꙋдо́мъ влады́чнимъ ѡ҆сꙋждє́нныѧ, во тьмѣ̀ и҆ сѣ́ни сме́ртнѣй сѣдѧ́щыѧ лю̑тымъ премѣне́нїѧ не ᲂу҆пова́ющыѧ, ᲂу҆слы́ши ѻ҆́ныхъ стена̑нїѧ и҆ воплє́нїѧ, и҆̀же, ᲂу҆вы̀ на́мъ! И҆, го́ре! Восклица́ємыѧ, и҆́же своѧ̑ недоꙋмѣ̑нїѧ и҆ грꙋ́бѡсти весьма̀ ѡ҆пла́кавшїй на̑ша прароди́тєли и҆ сро́дники и҆ ꙗ҆̀же ѻ҆́крестъ и҆́хъ сꙋ́щыѧ, вѣ́ры и҆ кр҃ще́нїѧ свѧта́гѡ правосла́внѡ не дости́гшыѧ, но та́кѡ въ недоꙋмѣ́нїихъ, ꙗ҆́кѡ и҆ прекосло́вїихъ, ѡ҆больщє́нныѧ и҆ всеразли́чнѡ па́дшыѧ, ᲂу҆слы́ши, великомч҃нче, настоѧ́щыѧ воплє́нїѧ и҆ ᲂу҆молѝ да́ти ᲂу҆тѣснє́ннымъ ѻ҆́нымъ проще́нїе, и҆ ѿпꙋще́нїе, и҆ ѿ ско́рбныхъ и҆збавле́нїе не ѡ҆скꙋдѣ́ бо млⷭ҇ть влⷣчнѧ, но, ꙗ҆́кѡ же дре́влѣ, си́це и҆ нн҃ѣ, слы́шитъ твоѧ̑ прошє́нїѧ и҆ да́рꙋетъ бога́тнѡ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ в҃:"
|
|
},
|
|
{
|
|
"type": "TEXT",
|
|
"value": "Па́мѧть твоѧ̀, великомч҃нче, созва̀ на́съ просла́вити твоѧ̑ по́двиги и҆ ꙗ҆̀же по хрⷭ҇тѣ̀ страда̑нїѧ, тѣ́мже, пресла́вный стрⷭ҇тоте́рпче, воззрѝ на на́ше предстоѧ́нїе и҆ сни́ди съ высо́кихъ въ настоѧ́щее ликова́нїе, воспрїимѝ ᲂу҆се́рдїе и҆ возда́ждь бл҃года́ть, пребога́тый, и҆, ꙗ҆́кѡже клеопа́тринꙋ ро́дꙋ, и҆спроси́лъ є҆сѝ невѣ̑рнымъ проще́нїе, ди́вный, та́кѡ и҆ дне́сь помѧнѝ на̑ша сро́дники и҆ всѧ́чески ѻ҆́нымъ же и҆ на́мъ присꙋ́щыѧ и҆ всеѡбра́знѣ добро̀ и҆ ѕло̀ сотвори́вшыѧ, ꙗ҆̀же и҆носла́вїемъ ѿчꙋждє́нныѧ ᲂу҆ме́ршыѧ, невѣ̑рныѧ и҆ некрещє́нныѧ, и҆ молѝ хрⷭ҇та̀ бг҃а дарова́ти си̑мъ проще́нїе, и҆ ѿпꙋще́нїе, и҆ дꙋша́мъ на́шымъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Гла́съ є҃:"
|
|
},
|
|
{
|
|
"type": "TEXT",
|
|
"value": "А҆́ще и҆ не мо́жемъ тѝ толи́кѡ содѣ́лати, ꙗ҆́кѡже ди́внаѧ ѻ҆́наѧ мч҃нколю́бица клеопа́тра сла́внаѧ, нижѐ моще́мъ твои̑мъ пренесе́нїе, ни це́ркви ᲂу҆строе́нїе, но то́кмѡ прино́симъ ᲂу҆се́рдїе и҆ пѣ́нїе, любо́вїю па́мѧть твою̀ пра́зднꙋюще, ча́юще мл҃твамъ ᲂу҆слы́шатисѧ и҆ полꙋчи́ти бога́тнѡ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Гла́съ и҃:"
|
|
},
|
|
{
|
|
"type": "TEXT",
|
|
"value": "Да не ѡ҆скꙋдѣ́етъ, мч҃нче, великодарови́таѧ бл҃года́ть твоѧ̀, да не забꙋ́деши дре́внѧгѡ про́мысла, и҆ є҆́же за неправосла́вныхъ ᲂу҆моле́нїе, ᲂу҆ме́ршихъ ᲂу҆жѐ многолѣ́тнѣ, и҆̀хже тебѐ ра́ди свободѝ гдⷭ҇ь ѿ лю́тыхъ и҆ прего́рькихъ томле́нїй, про́чее и҆ нн҃ѣ прилѣ́жнѡ помоли́сѧ, мч҃нче, ѿ затво́ръ а҆́дскихъ и҆зба́вити и҆ ѿ го́рести свободи́ти непрехо́дныѧ, и҆́же ᲂу҆мре́ти на́съ предвари́вшыѧ, ро́домъ, и҆ любо́вїю, и҆ враждо́ю, и҆ всѧ́чески присвое́нїѧ спаси́тельнагѡ же порожде́нїѧ не прїе́мшыѧ и҆ правосла́вныѧ вѣ́ры ѿчꙋждє́нныѧ, ᲂу҆скорѝ ᲂу҆́бѡ є҆́же и҆спроси́ти ѻ҆́нымъ ѿ хрⷭ҇та̀ бг҃а проще́нїе, и҆ ѿпꙋще́нїе, и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Є҆гѵ́петское прозѧбе́нїе въ виѳсаі́дꙋ҃ прехо́диши, преноси́мь сла́вною клеопа́трою, и҆ та́мѡ почива́еши, прїе́млѧ пѡ́чести и҆ каждє́нїѧ, сла́виши же сѧ̀ на нбⷭ҇ѣ́хъ и҆ прⷭ҇то́лꙋ предстои́ши царѧ̀ нбⷭ҇нагѡ, великомч҃нче ᲂу҆а́ре прехва́льный, и҆ полага́ющей ᲂу҆́бѡ тѧ̀, невѣ́дꙋщей, нижѐ молѧ́щейсѧ, ты́ же, до́блїй вѣне́чниче, ро́дꙋ є҆ѧ̀ невѣ́рномꙋ и҆спроси́лъ є҆сѝ проще́нїе и҆ ѿ лю́тыхъ мꙋ́къ свобожде́нїе, мы́ же тебѣ̀ вопїе́мъ ᲂу҆се́рднѡ и҆ мо́лимсѧ те́плѣ, поми́лꙋй и҆ на̑ша прароди́тєли ᲂу҆ме́ршыѧ, невѣ́рїемъ ѡ҆мрачє́нныѧ, ꙗ҆́кѡже бо тогда̀, си́це и҆ дне́сь, не ѡ҆скꙋдѣ̀ млⷭ҇ть влⷣчнѧ, и҆ бл҃года́ть є҆гѡ̀ не премѣни́сѧ. Тѣ́мже и҆ ты̀, великомч҃нче, не ѡ҆слабѣ́й ѡ҆ си́хъ нн҃ѣ, молѧ́сѧ, и҆ и҆спросѝ ѻ҆́нымъ проще́нїе и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ з҃:"
|
|
},
|
|
{
|
|
"type": "TEXT",
|
|
"value": "Дне́сь на́мъ свѣ́титъ мч҃нкъ ᲂу҆а́ръ сла́вный лѣ́тнымъ̾ воспомина́нїемъ ѡ҆бновлѧ́ѧ на̑ша по́мыслы, предлага́етъ бо на средꙋ̀ своѧ̑ страда́льчєскаѧ натрижнє́нїѧж҃ и҆ є҆́же ѻ҆́ныхъ ра́ди по́чєсти, тѣ́мже къ немꙋ̀ возопїе́мъ ᲂу҆се́рднѡ: ѽ до́блїй вѣне́чниче, добропобѣ́дный мч҃нче, молѝ хрⷭ҇та̀ бг҃а сп҃сти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Воззва́ша пра́веднїи, и҆ гдⷭ҇ь ᲂу҆слы́ша ѧ҆̀."
|
|
},
|
|
{
|
|
"type": "TEXT",
|
|
"value": "Седмери́цꙋ страда́льческꙋ ᲂу҆зрѣ́въ, ᲂу҆а́ре кра́сный, и҆, є҆́же ѡ҆ по́двизѣ ѿ ни́хъ ᲂу҆крѣпи́всѧ, на мꙋ̑ки дерзнꙋ́лъ є҆сѝ, хрⷭ҇та̀ и҆сповѣ́даѧ пред̾ нечести́вымъ мꙋчи́телемъ, тѣ́мже и҆, ра́дꙋѧсѧ, претерпѣ́лъ є҆сѝ строга̑нїѧ и҆ бїє́нїѧ лю̑таѧ, сконча́вшꙋ же тѝ до́брое тече́нїе, на нбⷭ҇ѣ́хъ со хрⷭ҇то́мъ ца́рствꙋеши, є҆гѡ́же молѝ спⷭ҇ти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби пра́вєднымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь."
|
|
},
|
|
{
|
|
"type": "TEXT",
|
|
"value": "Презрѣ́лъ є҆сѝ сла́вꙋ маловре́меннꙋю и҆ красотꙋ̀ ю҆́ности преѡби́дѣлъ є҆сѝ, самозва́нъ ᲂу҆стреми́сѧ къ по́двигꙋ, ѡ҆бличи́въ безбѡ́жныѧ і҆дѡлопокло́нники, и҆ во страда́нїихъ преꙋспѣва́ѧ, по́двигъ соверши́лъ є҆сѝ, тѣ́мже мы̀, соше́дшесѧ, воспѣва́емъ твоѧ̑ побѣдонѡ́сїѧ и҆ мл҃твами твои́ми ᲂу҆пова́емъ спⷭ҇ти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃:"
|
|
},
|
|
{
|
|
"type": "TEXT",
|
|
"value": "Мꙋ́драѧ клеопа́тра, ди́внаѧ мч҃нколю́бица, нн҃ѣ своегѡ̀ сн҃а зри́тъ, во́инствꙋющаѧ ца́рю нбⷭ҇номꙋ, предстоѧ́ща и҆ ликꙋ́юща со а҆́гг҃лы и҆ со ᲂу҆а́ромъ вели́кимъ стрⷭ҇тоте́рпцємъ вы́нꙋ веселѧ́щасѧ, сїѧ̀ ѡ҆брѣта́етъ своѧ̑ невѣ̑рныѧ сро́дники, мл҃твами сла́внаго мч҃нка ѿ го́рести вѣ́чныхъ мꙋ́къ и҆зба́влены. Тѣ́мже и҆ на̑ша роди́тєли и҆ бли́жники, и҆̀хже жалѣ́юще пече́мсѧ, ꙗ҆̀же вѣ́ры и҆ кр҃ще́нїѧ свѧта́гѡ ѿчꙋждє́нныѧ, и҆лѝ и҆́стиннагѡ позна́нїѧ недости́гшыѧ, и҆лѝ серде́чныѧ ра́ди тѧ́гости бж҃їѧ пра́вды ᲂу҆клони́вшыѧсѧ, ѡ҆ си́хъ ᲂу҆́бѡ, предста́вше со стрⷭ҇тоте́рпцемъ ᲂу҆а́ромъ и҆ со всѣ́ми ст҃ы́ми, и҆спроси́ти ᲂу҆ хрⷭ҇та̀ бг҃а пла́чꙋ и҆́хъ премѣне́нїе, и҆ ѿ тьмы̀ безконе́чныѧ ми́лостивое и҆збавле́нїе, и҆ дꙋша́мъ на́шымъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Во́инствомъ свѧты́хъ стрⷭ҇тоте́рпєцъ стра́ждꙋщихъ зако́ннѣ, зрѧ̀ ѻ҆́нѣхъ, показа́лъ є҆сѝ мꙋ́жески крѣ́пость свою̀. И҆ ᲂу҆стреми́всѧ на стрⷭ҇ть во́лею, и҆ ᲂу҆мре́ти вожделѣ̀ за хрⷭ҇та̀, и҆́же прїѧ́лъ є҆сѝ по́честь побѣ́ды твоегѡ̀ страда́нїѧ, ᲂу҆а́ре, молѝ спⷭ҇ти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На ᲂу҆́трени: По а҃-мъ стїхосло́вїи сѣда́ленъ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Стрⷭ҇тоте́рпца торжество̀ возвели́чимъ, бра́тїе, и҆ похва́лимъ сла́внагѡ великомч҃нка, то́й бо и҆́мать дерзнове́нїе ко гдⷭ҇ꙋ, и҆ мл҃твами свои́ми и҆сполнѧ́етъ на̑ша прошє́нїѧ, и҆ да́рꙋетъ да́ры благода̑тны, любо́вїю тогѡ̀ почита́ющимъ."
|
|
},
|
|
{
|
|
"type": "HEADER",
|
|
"value": "Сла́ва, и҆ нн҃ѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчцѣ всеми́лостиваѧ, нбⷭ҇наѧ цари́цѣ, сло́вꙋ бж҃їю всекра́снаѧ пала́то, пꙋчи́ною твои́хъ щедро́тъ ѡ҆градѝ на́съ, и҆ прошє́нїѧ къ поле́зномꙋ ᲂу҆стро́й, и҆ тре́бꙋющимъ вели́кїѧ ми́лости преклони́сѧ дарова́ти проще́нїе и҆ ѿпꙋ́стъ, ᲂу҆моле́на быва́ющи ѿ любо́вїю тѧ̀ почита́ющихъ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Влⷣко многомлⷭ҇тиве, чл҃вѣколюби́вый, и҆́же кро́вь свою̀ за ны̀ и҆злїѧ́вый, прїимѝ кро́вь свою̀ за тѧ̀ и҆злїѧ́вшагѡ ᲂу҆а́ра вели́кагѡ, молѧ́щасѧ къ тебѣ̀ ᲂу҆слы́шатисѧ на́шымъ проше́нїємъ, и҆ є҆гѡ̀ ра́ди и҆ твои́хъ щедро́тъ ᲂу҆мно́жи проще́нїе и҆ ѿпꙋще́нїе, и҆ пода́ждь ᲂу҆теснѧ́ємымъ бога́тнѡ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, и҆ нн҃ѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце пречⷭ҇таѧ, всеѧ̀ тва́ри влⷣкꙋ и҆ содѣ́телѧ ро́ждшаѧ, є҆ди́на всѣ́хъ превы́шшаѧ, наде́ждо на́ша и҆ ᲂу҆пова́нїе, прибѣ́жище непосты́дное, ди́внаѧ похвало̀ ро́дꙋ на́шемꙋ, ᲂу҆молѝ сн҃а своегѡ̀ ᲂу҆мно́жити на́мъ проси̑маѧ и҆ низпосла́ти всѣ̑мъ бога́тнѡ ве́лїю млⷭ҇ть"
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Кра́снаѧ церко́внаѧ добро́то, сла́дость тебѐ воспомина́ющымъ, ты̀ на́ше возра́дованїе и҆ по́двигꙋ ᲂу҆пова́нїе, преди́вный великомч҃нче, мы̀ къ тебѣ̀ во ᲂу҆миле́нїи прибѣга́емъ и҆ ᲂу҆пова́тельнꙋ возлага́емъ мл҃твꙋ: воззрѝ на жа́лость, и҆ ᲂу҆́зы, и҆ го́рькое томле́нїе сꙋ́щихъ въ темни́цахъ преиспо́днихъ, и҆дѣ́же свѣ́тъ ѿбѣжѐ и҆ всѧ́ка ѿра́да, и҆̀хже вра́гъ, ꙗ҆́кѡ добы́чꙋ, прїѡбрѣ́тъ, ѕлотворѧ̀ си̑мъ, весели́тсѧ, ѡ҆скорблѧ́ѧ ᲂу҆милє́нныѧ дꙋ́шы на́шихъ прароди́телей и҆ сро́дникѡвъ, и҆̀же невѣ́рїѧ тѧ́жестїю до а҆́довыхъ глꙋби́нъ погрꙋжє́нныѧ и҆ всѧ̑, ꙗ҆̀же ѡ҆ ни́хъ, бли̑жнїѧ и҆ да̑льнїѧ, и҆ всѧ̑, на́ми воспомина́ємыѧ. Ты̀, простра́нствомъ свое́й добро́ты и҆ широта́ми твоегѡ̀ страда́нїѧ ѡ҆б̾е́мъ, къ щедро́тамъ приве́ргни ще́драгѡ влⷣки и҆ и҆спросѝ и҆знꙋрє́ннымъ и҆ безпомѡ́щнымъ проще́нїе и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, и҆ нн҃ѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Прекра́снаѧ сло́вꙋ пала́то, вожделѣ́ннаѧ ца́рскаѧ ло́жнице, ѡ҆дш҃евле́нный хрⷭ҇то́въ черто́же, непоро́чнаѧ невѣ́сто ѻ҆́ч҃а, мр҃і́е, пречⷭ҇таѧ дв҃и́цѣ, при́зри ко ᲂу҆милє́ннымъ на́шымъ проше́нїємъ и҆ ви́ждь, ꙗ҆́кѡ бѣ́дствꙋемъ ѿ жа́лости, зрѧ́ще стра́ждꙋщихъ лю̑таѧ на́шихъ прароди́телей и҆ бли́жниковъ, а҆́ще бо и҆ по досто́инствꙋ, но премно́гое вы́нꙋ срѣта́ютъ томлє́нїѧ, и҆ ско́рбь, и҆ мꙋче́нїе, при́зри ᲂу҆́бѡ, всеми́лостиваѧ, на си́хъ ѿ высо́тъ своеѧ̀ ра́дости, и҆ лю́тыми ѻ҆́ныхъ нꙋ́ждами подви́гнисѧ, и҆ не преста́ни ѿ проше́нїѧ, влⷣчцѣ, до́ндеже ᲂу҆мо́лиши своегѡ̀ сн҃а и҆ гдⷭ҇а пода́ти безпомѡ́щнымъ проще́нїе и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Та́же степе́нна, а҃-й а҆нтїфѡ́нъ д҃-го гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Возвесели́тсѧ пра́ведникъ ѡ҆ гдⷭ҇ѣ и҆ ᲂу҆пова́етъ на него̀. Сті́хъ: Мнѡ́ги скѡ́рби пра́вєднымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь. Всѧ́кое дыха́нїе: Є҆ѵⷢ҇лїе ѿ матѳе́а, зача́ло л҃ѕ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀, стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прїиди́те, мч҃нколю́бцы, стрⷭ҇тоте́рпца восхва́лимъ и҆ пѣ́сненными гла́сы, торжествꙋ́юще, возопїе́мъ: ра́дꙋйсѧ, чꙋ́дный великомч҃нче, пресла́вный цр҃ѧ̀ хрⷭ҇та̀ вѣне́чниче и҆ во́ине до́блїй и҆ непобѣди́мый, сопоста́та врага̀ хра́брѡ побѣди́вши, ты̀ дне́сь вѣнцы̀ нбⷭ҇ныѧ и҆ пѡ́чести воспрїѧ́лъ є҆сѝ ѿ подвигополо́жника влⷣки, къ немꙋ́же предста́ни, молѧ́сѧ и҆зба́вити на̑ша невѣ̑рныѧ сро́дники и҆ прароди́тєли и҆ всѣ́хъ, ѡ҆ ни́хже мо́лимсѧ, ѿ лю́тагѡ и҆ го́рькагѡ томле́нїѧ и҆ сподо́бити ѿ мра́чныхъ ᲂу҆́зъ а҆́довыхъ, ᲂу҆же́ бо раска́ѧшасѧ ѕло́бахъ своегѡ̀ тѧжкосе́рдїѧ и҆ лѣ́ности, ѿню́дꙋ же ᲂу҆ны́вше и҆ ᲂу҆́мъ въ земны́хъ погре́бше, ко и҆́стинномꙋ свѣ́тꙋ не достиго́ша, и҆, плоды̀ своегѡ̀ нерадѣ́нїѧ поже́нше, вѣ́чнꙋю па́гꙋбꙋ прїѡбрѣто́ша, и҆ непра̑вды своѧ̑ мра́комъ непрехо́днагѡ томле́нїѧ ви́дѧтъ, ᲂу҆гнета́ємы. Преклони́сѧ про́чее, ди́вный, и҆ преклонѝ на млⷭ҇ть преклони́вшаго нб҃са̀ и҆ спастѝ грѣ̑шныѧ соше́дша, да твои́ми мл҃твами подви́женъ, млⷭ҇ть и҆злїе́тъ до конца̀ ѻ҆́ныѧ лишє́ннымъ и҆ не ча́ющымъ ни ѿкꙋ́дꙋ же ѿра́ды, ю҆́же, твои́ми мл҃твами полꙋчи́вше, неизмѣ́рнымъ возра́дованїемъ ѡ҆блекꙋ́тсѧ и҆, возвесели́вшесѧ неска́заннѡ, возопїю́тъ хрⷭ҇тꙋ̀ бг҃ꙋ: ве́лїѧ твоѧ̀ млⷭ҇ть, влⷣко, и҆ неѡскꙋ̑дны твоѧ̑ щедрѡ́ты, ꙗ҆́кѡ всѣ̑мъ подае́ши бога́тнѡ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Канѡ́нъ ст҃о́мꙋ мч҃нкꙋ ᲂу҆а́рꙋ, гла́съ и҃, и҆мы́й краестро́чїе:"
|
|
},
|
|
{
|
|
"type": "TEXT",
|
|
"value": "Оу҆молѝ, ᲂу҆а́ре, за внѣ̑шнїѧ на̑ша рѡ́ды."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀, мѡѷсе́йскїй же́злъ крⷭ҇тоѻбра́знѡ порази́въ и҆ раздѣли́въ мо́ре, і҆и҃лѧ же бѣглеца̀ пѣшехо́дца спасѐ, пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "Оу҆моле́нъ бꙋ́ди, гдⷭ҇и, ст҃ы́мъ твои́мъ ᲂу҆а́ромъ мч҃нкомъ и҆ ѡ҆блецы́сѧ въ млⷭ҇ть и҆ щедрѡ́ты; и҆ сїѧ̑ да́же до а҆́да и҆злїю́тсѧ, чл҃вѣколю́бче, и҆ ᲂу҆ще́дрѧтъ, ꙗ҆̀же ѿ на́съ проси̑мыѧ бога́тнымъ твои́мъ милосе́рдїемъ."
|
|
},
|
|
{
|
|
"type": "TEXT",
|
|
"value": "Мч҃нче хрⷭ҇то́въ вели́кїй, ѡ҆ѕло́блєнныѧ и҆ безпомѡ́щныѧ воспомѧнѝ, сѣдѧ́щыѧ во мра́цѣ тьмы̀ не просвѣти̑мыѧ, и҆ не преста́ни, припа́даѧ ко ще́дромꙋ гдⷭ҇ꙋ, до́ндеже ᲂу҆тѣ́шитъ ѧ҆̀ бога́тнымъ свои̑мъ милосе́рдїемъ."
|
|
},
|
|
{
|
|
"type": "TEXT",
|
|
"value": "Ѡ҆ ро́дѣ клеопа́тры ди́вныѧ ᲂу҆моли́ти возмо́глъ є҆сѝ, сла́вный стрⷭ҇тоте́рпче, ᲂу҆́бѡ и҆ дне́сь, возмога́ѧ, возмо́жеши свободи́ти ѿ мꙋ́къ, и҆́же ѿ на́съ воспомина́емый, а҆́ще прилѣ́жнѡ ѡ҆ ни́хъ ко гдⷭ҇ꙋ помо́лишисѧ, тебѣ́ бо ра́ди ᲂу҆тѣ́шитъ ѧ҆̀ влⷣка бога́тнымъ свои́мъ милосе́рдїемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Безпомѡ́щнымъ бл҃га́ѧ помо́щнице, при́зри ѿ сла́вы свое́й, влⷣчцѣ, ко мра́кꙋ а҆́довꙋ и҆ ви́ждь бѣды̑ ᲂу҆миле́нныхъ, пред̾ тобо́ю на́ми воспомина́емыхъ, и҆ не преста́ни ѡ҆ ни́хъ ᲂу҆молѧ́ѧ своегѡ̀ сн҃а и҆ ще́драгѡ гдⷭ҇а и҆ влⷣкꙋ, до́ндеже ᲂу҆тѣ́шитъ ѧ҆̀ бога́тнымъ свои̑мъ милосе́рдїемъ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ и҆ землю̀ на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ, ꙗ҆́кѡ нѣ́сть ст҃ъ, па́че тебѐ, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ли́къ ст҃ы́хъ си́лъ нбⷭ҇ныхъ подви́гни съ собо́ю на мл҃твꙋ, мч҃нче, и҆ сотворѝ дѣ́ло пречꙋ́дно, и҆ вели́ко, и҆ чⷭ҇тно, па́че же ра́дость неимꙋ́щымъ наде́жды и҆ ᲂу҆тѣше́нїѧ не ᲂу҆пова́ющымъ, гѡ́рькимъ на́шымъ невѣ́рнѡ ᲂу҆ме́ршымъ прароди́телємъ и҆ є҆́же съ ни́ми воспомина́ємымъ, є҆́же дарова́ти си̑мъ ѿ гдⷭ҇а проще́нїе и҆ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "И҆зрѧ́дный стрⷭ҇тоте́рпче и҆ хрⷭ҇тꙋ̀ люби́мый, ᲂу҆вѣ́ждь, ко́ль жела́тельна свобо́да мꙋ̑чимымъ и҆ ѿра́да, си́це ᲂу҆́бѡ и҆ на̑ша сро́дники, и҆ и҆̀же съ ни́ми невѣ́рїѧ ра́ди вѣ̑чныѧ мꙋ̑ки притѧжа́вшаѧ, мѣ́ры не ѡ҆брѧ́щꙋтъ свои̑мъ ра́достемъ, а҆́ще и҆спро́сиши си̑мъ ѿ гдⷭ҇а проще́нїе и҆ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Оу҆а́ре, добропобѣ́дный страда́льче, ми́лостивъ бꙋ́ди и҆ къ на́шымъ моле́нїємъ, и҆ зрѝ ᲂу҆дрꙋче́нныхъ несказа́ннꙋю нꙋ́ждꙋ, и҆ са́мъ, ѿ жа́лости понꙋжде́нъ, неѿстꙋ́пнѡ моли́сѧ къ чл҃вѣколю́бцꙋ влⷣцѣ, да пода́стъ и҆̀мъ проще́нїе и҆ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всемі́рнаѧ наде́ждо, бг҃опрїѧ́тное селе́нїе, на́ше къ бг҃ꙋ примире́нїе, мр҃і́е влⷣчце, прїимѝ прошє́нїѧ настоѧ́щагѡ предстоѧ́нїѧ и҆ не преста́ни молѧ́сѧ къ сн҃ꙋ своемꙋ̀ и҆ всѧ́ческихъ гдⷭ҇ꙋ, да пода́стъ безнадє́жнымъ тебѐ ра́ди проще́нїе и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ є҃:"
|
|
},
|
|
{
|
|
"type": "TEXT",
|
|
"value": "А҆́ще мо́лишисѧ за ве́сь мі́ръ, великомч҃нче, и҆ не престае́ши, просѧ̀ всѣ̑мъ ми́лости и҆ всѧ́кимъ престꙋ́пникѡмъ всѣ́ми ѻ҆́бразы лю́тѡ влⷣцѣ досади́вшымъ и҆ непреста́нно досажда́ющымъ, и҆̀же ме́ртвыми дѣ́лы себѐ до конца̀ ᲂу҆мертви́вшымъ и҆ ничто́же прїѡбрѣ́тшымъ, ꙗ҆́кѡ ѕло̀ сотво́ршымъ, та́коже, стрⷭ҇тоте́рпче, предста́ни и҆ ѡ҆ на́шихъ ᲂу҆ме́ршихъ сро́дницѣхъ, ꙗ҆́кѡ возмѡ́жнаѧ начина́ѧ, не ѿстꙋпѝ, молѧ́сѧ и҆ припа́даѧ къ ми́лꙋющемꙋ всѣ́хъ гдⷭ҇ꙋ, да прости́тъ и҆ поми́лꙋетъ, и҆̀же во тьмѣ̀ сѣдѧ́щыѧ и҆ лю́тѣ ѕѣлѡ̀ ѡ҆горчє́нныѧ."
|
|
},
|
|
{
|
|
"type": "HEADER",
|
|
"value": "Дрꙋгі́й сѣда́ленъ, гла́съ г҃:"
|
|
},
|
|
{
|
|
"type": "TEXT",
|
|
"value": "Ра́дости вѣ́чныѧ насе́льниче, нбⷭ҇номꙋ поко́ю тезоимени́тый, ᲂу҆а́ре вели́кїй, дерза́ѧ, да де́рзнеши воспомѧнꙋ́ти пред̾ гдⷭ҇емъ ᲂу҆милє́нныѧ четы̑ на́шихъ прароди́телей, а҆́ще бо и҆ не въ гро́бѣ ѻ҆́ныхъ полага́емъ тѧ̀, ᲂу҆се́рднымъ же проше́нїемъ къ жа́лости, є҆́же ѿ ни́хъ, совокꙋплѧ́емъ тѧ̀. Тѣ́мже припадѝ и҆ моли́сѧ, не ѿри́нетъ бо предстоѧ́нїѧ твоегѡ̀ влⷣка, но ѿ безмѣ́рныѧ бл҃госты́ни преклоне́нъ, по́слетъ преѡгорчє́ннымъ и҆збавле́нїе и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, и҆ нн҃ѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пресвѣ́тлаѧ гпⷭ҇жѐ, ѿ нбⷭ҇ныхъ си̑лъ превоспѣва́емаѧ, и҆ вы́нꙋ возвелича́емаѧ, мт҃и цр҃ѧ̀ всѧ́ческихъ, гдѣ̀ ᲂу҆́бѡ и҆ когда̀ хо́щетъ ᲂу҆мно́житисѧ твоѧ̀ сла́ва и҆ вели́чество, не тогда́ ли, є҆гда̀ грѣ̑шныѧ застꙋпа́еши и҆ ве́сь мі́ръ мл҃твами свои́ми покрыва́еши, тѣ́мже и҆ дне́сь ᲂу҆мно́жи, влⷣчцѣ, велелѣ́потꙋ твоегѡ̀ превозхожде́нїѧ, и҆зба́ви те́плыми твои́ми мл҃твами ѿ лю́тыхъ мꙋ́къ невѣ̑рныѧ на̑ша и҆ некрещє́нныѧ сро́дники и҆ съ ꙗ҆̀же ѡ҆ ни́хъ и҆ съ ни́ми воспомина́ємыѧ, и҆ пода́ждь ѻ҆́нымъ и҆збавле́нїе и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ, тѣ́мъ съ прⷪ҇ро́комъ а҆ввакꙋ́момъ зо́вꙋ тѝ: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Є҆льма̀ ᲂу҆́бѡ́о́, стрⷭ҇тоте́рпче, всѣ́хъ лю́биши съ вѣ́рою къ тебѣ̀ прибѣга́ющихъ, тѣ́мже и҆ люби́мь бы́ти ѿ молѧ́щихъ тѧ̀ бл҃гопоспѣшѝ. Что́ же и҆́но съ жела́нїемъ просла́вити тѧ̀ чл҃вѣколю́бный сотвори́тъ, не пода́нїемъ ли проси́мыѧ ми́лости ᲂу҆милє́ннымъ всѧ́кїѧ ѿра́ды лишє́ннымъ вѣ̑чнымъ ᲂу҆́зникѡмъ, та́кѡ и҆ впре́дь, ѽ до́блїй мч҃нче, не ѡ҆скꙋдѣ́й ѡ҆ си́хъ молѧ́сѧ."
|
|
},
|
|
{
|
|
"type": "TEXT",
|
|
"value": "Зима̀ лю́та и҆ спасе́нїѧ безпло́дїе ѡ҆блежи́тъ въ нече́стїихъ ᲂу҆ме́ршыѧ и҆ пла́чъ без̾ѿра́денъ, здѣ̀ ᲂу҆́бѡ вочтє́ни́́ сꙋ́ть, и҆̀же ѿ на́съ воспомина́ємыѧ. Ты́ же, стрⷭ҇тоте́рпче, соедини́ти си́хъ къ ро́дꙋ пра́ведныхъ потщи́сѧ и҆ не ѡ҆скꙋдѣ́й ѡ҆ ни́хъ молѧ́сѧ."
|
|
},
|
|
{
|
|
"type": "TEXT",
|
|
"value": "А҆́дова мра́чнаѧ темни́ца во вѣ́ки да не ѡ҆б̾и́метъ прароди́тєли и҆ сро́дники на̑ша и҆ всѧ̑, воспомина́ємыѧ съ ни́ми: тебѣ̀, ди́вномꙋ страда́льцꙋ, си́лꙋ невѣ́рїѧ и҆ грѣхо́внꙋю мо́щь низложи́вшꙋ, та́кѡ и҆ впре́дь си́хъ є҆́же съ клеопа́триным ро́домъ прости́ти не ѡ҆скꙋдѣ́й, мч҃нче, молѧ́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тобо́ю, пречⷭ҇таѧ, позна́хомъ сла́вити всѧ́ческихъ содѣ́телѧ, и҆ ѿ тебѣ̀ плотоно́сца непреле́стна спа́са велича́ти навыко́хомъ, и҆ тѧ̀, влⷣчцꙋ, хва́лимъ, и҆ тебѣ̀ покланѧ́емсѧ, и҆ мо́лимъ, поми́лꙋй ᲂу҆ме́ршыѧ въ невѣ́рїи на̑ша сро́дники є҆́же и҆зба́вити си́хъ не ѡ҆скꙋдѣ́й къ сн҃ꙋ молѧ́сѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋ́ждаѧ тьма̀, ѻ҆каѧ́ннагѡ, но ѡ҆братѝ мѧ̀ и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Всѧ́ко дарова́нїе, мч҃нче, и҆ всѧ́ка млⷭ҇ть ѿ ми́лостивагѡ гдⷭ҇а и҆злива́ємы, а҆́ще и҆ преди̑вны, и҆ пречꙋдє́сны сꙋ́ть, слага́ємы же къ проще́нїю нече́стїи ᲂу҆ме́ршихъ, вели́чество преизѧ́щно семꙋ̀ ѡ҆ставлѧ́ютъ. Тѣ́мже и҆ дне́сь вели̑каѧ сотвори́ти потщи́сѧ, влⷣкꙋ, мч҃нче, ᲂу҆моли́ти."
|
|
},
|
|
{
|
|
"type": "TEXT",
|
|
"value": "Не ѿврати́сѧ, гдⷭ҇и, ѿ на́шегѡ ᲂу҆миле́нїѧ, нижѐ помѧнѝ мно́жество грѣхѡ́въ на́шихъ, па́че же помѧнѝ дрє́внїѧ своѧ̑ ми́лѡсти, и҆ ра́ди щедро́тъ твои́хъ, и҆ ра́ди ᲂу҆а́ра страда́льца до́блѧгѡ, не ѡ҆скꙋдѣ́й въ бога́тствѣ безмѣ́рнагѡ твоегѡ̀ милосе́рдїѧ, но и҆зле́й ми́лѡсти и҆ проще́нїе, є҆́же ѿ на́съ воспомина́ємымъ."
|
|
},
|
|
{
|
|
"type": "TEXT",
|
|
"value": "Є҆́сть ᲂу҆́бѡ, великомч҃нче, и҆ достиза́етъ чл҃вѣколю́бїе влⷣчнѣ и҆ къ сꙋ́щимъ мо́ри дале́че, тѣ́мже предста́ни и҆ дне́сь и҆, припа́даѧ, ᲂу҆молѝ є҆гѡ̀ є҆́же поми́ловати ᲂу҆далє́нныѧ и҆ вѣ́ры, и҆ кр҃ще́нїѧ ѿчꙋждє́нныѧ ᲂу҆ме́ршыѧ на̑ша сро́дники и҆ всѣ̑мъ, и҆̀же съ ни́ми воспомина́ємымъ, дарова́ти проще́нїе и҆ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Предста́ни, влⷣчцѣ, на́шемꙋ и҆знеможе́нїю и҆ бꙋ́ди вы́нꙋ въ нꙋ́ждахъ, помога́ѧ на́мъ всю́дꙋ и҆ при́снѡ, ты́ бо є҆сѝ хрⷭ҇тїа́нскаѧ наде́жда и҆ ᲂу҆пова́нїе, тѣ́мже не ѿри́ни на̑ша прошє́нїѧ, но сотворѝ совершє́на и҆ и҆спо́лнєна неиспи́санною твое́ю бл҃года́тїю."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чⷭ҇ти мѧ̀, спасѐ, мнѡ́га бо беззакѡ́нїѧ моѧ̑, и҆ и҆з̾ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Шата̑нїѧ вра̑жїѧ да не возра́дꙋютсѧ, дꙋ́шы въ коры́сть полꙋчи́вши, ты́ же, мч҃нче, те́плыми свои́ми мл҃твами разрꙋшѝ хотѣ̑нїѧ є҆гѡ̀, ᲂу҆молѧ́ѧ гдⷭ҇а є҆́же прости́ти на́ми воспомина́ємыѧ и҆ ѿ вѣ́чныѧ мꙋ́ки тоѧ̀ и҆ на́съ и҆зба́вити."
|
|
},
|
|
{
|
|
"type": "TEXT",
|
|
"value": "Нача́ло на́шемꙋ по́двигꙋ клеопа́трина ро́да проще́нїе, ѿсю́дꙋ ᲂу҆́бѡ вино́вное воспрїѧ́хомъ возста́вити тѧ̀ на мл҃твꙋ, и҆ ѡ҆ є҆́же на́ми помина́емыхъ не пре́зри, великомч҃нче, и҆ не ѿри́ни грѣ́шныхъ предстоѧ́нїе, но, потща́всѧ, и҆спросѝ ᲂу҆ влⷣки хрⷭ҇та̀ ѻ҆́нымъ проще́нїе и҆ ѿ го́рькихъ мꙋ́къ и҆збавле́нїе."
|
|
},
|
|
{
|
|
"type": "TEXT",
|
|
"value": "И҆́же невѣ́рїѧ ра́ди срѣ́те коне́цъ ѕѡ́лъ, и҆ ча́ѧнїе бл҃ги́хъ весьма̀ поги́бе прогнѣ́ванїѧ бж҃їѧ ра́ди, ты́ же, стрⷭ҇тоте́рпче, дерзнове́нїе прїе́мъ, ра́дость ѿпꙋще́нїѧ вмѣ́стѡ стра́шнагѡ томле́нїѧ ѿ нбⷭ҇нагѡ цр҃ѧ̀ и҆спросѝ и҆, и҆зве́дъ ѿ го́рести, соблюдѝ во влⷣчнѣй млⷭ҇ти."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ка́ѧ, влⷣчце, ѕло́ба превозмо́жетъ твоѧ̑ ма́тєрнїѧ мл҃твы; вои́стинꙋ ᲂу҆́бѡ, а҆́ще предста́неши и҆ дне́сь, молѧ̀ за проси̑мыѧ тобо́ю, сотвори́ши ѻ҆́нымъ ра́достное проще́нїе, и҆збавле́нїе и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃:"
|
|
},
|
|
{
|
|
"type": "TEXT",
|
|
"value": "Хрⷭ҇тꙋ̀ послѣ́дꙋѧ, мч҃нче ᲂу҆а́ре, тогѡ̀ и҆спи́въ ча́шꙋ, и҆ вѣнце́мъ мꙋче́нїѧ ᲂу҆вѧзе́сѧ, и҆ со а҆́гг҃лы ликовствꙋ́еши, молѝ непреста́ннѡ за дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "І҆́косъ: Воспомѧнѝ на̑ша гл҃го́лы, свѣ́тлый жи́телю нбⷭ҇ный, хрⷭ҇то́въ сла́вный великомч҃нче ᲂу҆а́ре, вѣ́чномꙋ поко́ю тезоимени́тый, и҆ вели́кими твои́ми страда̑нїи непроходи́мое и҆ свѣ́тлое поко́ище прїѡбрѣты́й ѿ непрехо́дныѧ темни́цы, и҆ томле́нїѧ непреста́ннагѡ, и҆ нꙋ́жды, потщи́сѧ бг҃опрїѧ́тными твои́ми мл҃твами и҆зба́вити рабы̑ ᲂу҆милє́нныѧ, и҆̀хже ра́ди мо́лимъ тѧ̀, предстоѧ́ще и҆ во ᲂу҆се́рдїи взыва́юще, и҆спо́лни на̑ша прошє́нїѧ, свѧ́те, и҆ хрⷭ҇та̀ бг҃а молѝ непреста́ннѡ за дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снизхо́жденїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ, ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ же со́лнце, гдⷭ҇и, всѣ́хъ просвѣща́еши, и҆ всѣ̑мъ до́ждь незави́стнѡ и҆злива́еши, и҆ прогнѣ́вающымъ тѧ̀ млⷭ҇ть непреста́ннѡ да́рꙋеши, и҆ нн҃ѣ послꙋ́шай ᲂу҆а́ра, твоегѡ̀ страда́льца, и҆ проле́й млⷭ҇ть твою̀ до конца̀ ѻ҆́ныѧ ѿчꙋждє́ннымъ сро́дникѡмъ на́шымъ и҆ ꙗ҆̀же съ ни́ми невѣ̑рнымъ, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Нн҃ѣ, ꙗ҆́кѡже и҆ пре́жде, ще́дръ бꙋ́ди, гдⷭ҇и, и҆ ᲂу҆моле́нъ ꙗ҆ви́сѧ, влⷣко, ꙗ҆́кѡже ѡ҆ клеопа́тре содѣ́ѧ, си́це и҆ ѡ҆ на́съ, млⷭ҇тиве, сотворѝ; послѝ своѧ̑ щедрѡ́ты и҆ милосе́рдїе ко є҆́же на́ми воспомина́ємымъ, и҆сто́чникъ бо є҆сѝ ми́лости неисчерпа́емый."
|
|
},
|
|
{
|
|
"type": "TEXT",
|
|
"value": "А҆́ще прⷪ҇ро́къ, восперѧ́ѧсѧ, пое́тъ ми́лѡсти твоѧ̑, гдⷭ҇и, во вѣ́ки, ᲂу҆̀бо неѡскꙋдѣ́вша тѧ̀ въ щедро́тахъ вѣ́рꙋемъ, ꙗ҆́кѡ милосе́рдїѧ твоегѡ̀ предѣ́лы неизмѣри̑мы, и҆ ѿ пꙋчи́ны во глꙋбинꙋ̀ пото́пшымъ и҆злїѧ́ти ми́лѡсти тѧ̀ ᲂу҆молѧ́емъ, и҆спо́лни ᲂу҆́бѡ ра́ди мч҃нка сїѐ, ѽ влⷣко на́шъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Го́рꙋ тѧ̀ сказꙋ́етъ премꙋ́дрый во прⷪ҇ро́цѣхъ, мы́ же томꙋ̀ и҆ є҆́же ѿ тебѣ̀ ка́меню бг҃оро́дїѧ и҆зы́ти без̾ примѣше́нїѧ мꙋ́жеска, вѣ́рꙋемъ; и҆́мже на́ше спⷭ҇нїе и҆ ѿ глꙋби́нъ а҆́довыхъ возведе́нїе полꙋчи́хомъ, влⷣчцѣ, возведѝ и҆ дне́сь ѿ а҆́да воспомина́ємыѧ на́ми, да тѧ̀, всемлⷭ҇тивꙋю, непреста́ннѡ велича́емъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мꙋсїкі̑йскимъ ѻ҆рга́нѡмъ согласꙋ́ющымъ и҆ лю́демъ безчи́слєннымъ покланѧ́ющымсѧ ѻ҆́бразꙋ въ деи́рѣ, трѝ ѻ҆́троцы не повинꙋ́вшесѧ, гдⷭ҇а воспѣва́хꙋ и҆ славосло́влѧхꙋ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ша́ры́̀ да бꙋ́дꙋтъ словеса̀ дрє́внїѧ твоѧ̑, ми́лѡсти, гдⷭ҇и, сказꙋ́ющыѧ и҆ на́шꙋ наде́ждꙋ воздви́жꙋщыѧ, ꙗ҆́кѡ послꙋ́шалъ є҆сѝ ст҃ы̑ѧ твоѧ̑, гдⷭ҇и, є҆́же поми́ловати невѣ̑рныѧ ᲂу҆ме́ршыѧ, и҆̀хже и҆ дне́сь приво́димъ тѝ на мл҃твꙋ, да прошє́нїѧ и҆́хъ ра́ди ᲂу҆ще́дриши и҆носла́внѡ ᲂу҆ме́ршыѧ, вѣ́дѣнїемъ и҆ невѣ́дѣнїемъ тебѣ̀, влⷣко, досади́вшыѧ."
|
|
},
|
|
{
|
|
"type": "TEXT",
|
|
"value": "А҆́гнче бж҃їй, пречⷭ҇тою свое́ю кро́вїю на́съ и҆скꙋпи́вый, ѳе́клино и҆ бл҃же́ннагѡ григо́рїѧ моле́нїе ᲂу҆слы́шавъ, меѳо́дїа со мно́гими и҆ мака́рїа прїе́мъ прошє́нїѧ, ѿра́дꙋ, и҆ и҆зба́вꙋ ѕловѣ̑рнымъ пода́въ ᲂу҆ме́ршымъ, и҆ златоꙋ́стагѡ ѡ҆ си́хъ моли́тисѧ написа́ти воздви́гнꙋвъ, прїимѝ ᲂу҆́бѡ, влⷣко, съ си́ми сла́внагѡ ᲂу҆а́ра и҆ мл҃твами и҆́хъ воспомина́ємыѧ ѿ на́съ про́сти и҆ поми́лꙋй."
|
|
},
|
|
{
|
|
"type": "TEXT",
|
|
"value": "Ра́дость на́мъ и҆спросѝ, великомч҃нче, возвесели́мсѧ бо, а҆́ще ѡ҆брѧ́щемъ твои́ми мл҃твами и҆зба́влєнныѧ ѿ вѣ́чныхъ мꙋ́къ на̑ша сро́дники; всегда́ бо твоѧ̑ мл҃твы влⷣка слы́шитъ и҆ прошє́нїѧ и҆сполнѧ́етъ, ты́ же ᲂу҆́бѡ не ѡ҆скꙋдѣ́й ѡ҆ си́хъ и҆ нн҃ѣ молѧ́сѧ, да тѧ̀ вы́нꙋ прославлѧ́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пренепоро́чнаѧ влⷣчце, ѡ҆би́лꙋй мно́жествомъ милосе́рдїѧ и҆ щедро́тъ, ди́внаѧ и҆ безневѣ́стнаѧ мт҃и цр҃е́ва, на́мъ бо ми́лости взыска́ющымъ, гдѣ̀ и҆́ндѣ сїю̀ ѡ҆брѧ́щемъ, а҆́ще не къ тебѣ̀ поспѣши́мъ, припа́дающе, ты́ бо пото́къ сла́дости преиз̾ѻби́ленъ на́мъ родила̀ є҆сѝ, пребл҃гослове́ннаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ, тѣ́мъ тѧ̀, бцⷣꙋ, а҆́гг҃лѡвъ и҆ чл҃вѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Ѡ҆ бз҃ѣ да возмо́жеши, ᲂу҆а́ре сла́вный, бг҃опрїѧ́тными твои́ми мл҃твами воспрїѧ́ти и҆ и҆злїѧ́ти ми́лѡсти, и҆̀же до конца̀ ѻ҆́ныѧ ѿчꙋждєннымъ, є҆ди́нъ бо є҆́сть щедро́тъ милосе́рдїѧ роди́тель, и҆ всѧ̑ є҆мꙋ̀ возмѡ́жна ꙗ҆́кѡ влⷣцѣ, къ немꙋ́ же неѿстꙋ́пнѡ, страда́льче, моли́сѧ прости́ти и҆ поми́ловати ꙗ҆̀же ѿ на́съ воспомина́ємыѧ."
|
|
},
|
|
{
|
|
"type": "TEXT",
|
|
"value": "Дѣ́ло совершѝ преди́вно, ѽ великомч҃нче, и҆ сла́вѣ твое́й прикла́днѡ, є҆́же ѿ гдⷭ҇а проще́нїе и҆ пра́веднагѡ є҆гѡ̀ гнѣ́ва премѣне́нїе и҆спроси́ти ѡ҆горчє́ннымъ те́мнагѡ ѕловѣ́рїѧ ра́ди на́шимъ прароди́телємъ и҆ є҆́же си́хъ, въ го́рести и҆ во ѡ҆жида́нїи лютѣ́йшихъ сꙋ́щихъ, да во́змеши въ безстра́шное и҆збавле́нїе, и҆дѣ́же вѣ́си влⷣка прощє́нныѧ положи́ти."
|
|
},
|
|
{
|
|
"type": "TEXT",
|
|
"value": "И҆ ко́е ᲂу҆́бѡ чꙋ́до ꙗ҆ви́тсѧ сегѡ̀ дивнѣ́йши, ка́ѧ сла́ва знамени́тѣйши, и҆ ко́е милосе́рдїе такова́гѡ бо́льши, а҆́ще ты̀, мч҃нче, сожалѣ́въ, ᲂу҆мо́лиши ми́лостивагѡ гдⷭ҇а ѿпꙋсти́ти грѣ́хъ нече́стїѧ, и҆̀же ѿ на́съ помина́емыхъ, и҆ лю́тагѡ томле́нїѧ ѻ҆́ныхъ и҆зба́вити."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Влⷣчцѣ ми́лостиваѧ, чл҃вѣколюби́ваѧ и҆ ѕло̀ не по́мнѧщаѧ, прїимѝ жа́лость на́шегѡ проше́нїѧ и҆ хода́тайствꙋй неѿстꙋ́пнѡ ѡ҆ ми́лости къ ми́лостивомꙋ твоемꙋ̀ сн҃ꙋ и҆ влⷣцѣ, є҆́же поми́ловати и҆ прости́ти грѣ́хъ и҆носла́вїѧ ᲂу҆ме́ршымъ сро́дникѡмъ на́шымъ и҆ ꙗ҆̀же съ ни́ми помѧнꙋ̑тымъ, ѿпꙋще́нїе и҆ мѣ́стѡ си̑мъ ми́лости неѿе́млемо пода́ти."
|
|
},
|
|
{
|
|
"type": "TEXT",
|
|
"value": "Свѣти́ленъ: Пра́веднѡ ᲂу҆́бѡ да бꙋ́детъ, влⷣко гдⷭ҇и, прости́вшемꙋ тѝ клеопа́трины прароди́тєли, и҆ дне́сь ᲂу҆слы́шати мл҃твꙋ ᲂу҆а́ра твоегѡ̀ великомч҃нка и҆ на́ше, многогрѣ́шныхъ, предстоѧ́нїе: ѿ мꙋ́къ и҆зба́вити, и҆́же съ жа́лостїю пред̾ тобо́ю воспомина́ємыѧ. Тѣ́мже ᲂу҆скорѝ, ще́дрый, и҆ потщи́сѧ ꙗ҆́кѡ ми́лостивъ поми́ловати си́хъ, ꙗ҆́кѡ мо́жеши, хотѧ́й."
|
|
},
|
|
{
|
|
"type": "HEADER",
|
|
"value": "Сла́ва, и҆ нн҃ѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Потщи́сѧ, влⷣчцѣ, ᲂу҆слы́шати на́шꙋ мл҃твꙋ, ꙗ҆́же въ твое́й це́ркви къ тебѣ̀ приноси́мꙋю, и҆ сама̀, бг҃ороди́тельнице, преклонѝ на млⷭ҇ть сн҃а своегѡ̀ и҆ влⷣкꙋ є҆́же поми́ловати и҆ ѿ пра́веднагѡ гнѣ́ва разрѣши́ти ᲂу҆ме́ршыѧ прароди́тєли, дрꙋ́ги же и҆ сро́дники на̑ша, ᲂу҆скорѝ ᲂу҆́бѡ, всеми́лостиваѧ, и҆зба́вити си́хъ, мо́жеши бо ꙗ҆́кѡ ми́лостива, хотѧ́щаѧ всѣ̑мъ ми́лости."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ в҃:"
|
|
},
|
|
{
|
|
"type": "TEXT",
|
|
"value": "Что́ ти принесе́мъ, чꙋ́дный мч҃нче, всѧ́ка бо це́рковь почита́етъ тѧ̀, ꙗ҆́кѡ прославлѧ́емагѡ ѿ влⷣки хрⷭ҇та̀ сла́вою небе́сною, и҆́же дарова̀ тебѣ̀ бл҃года́ть вели́кагѡ къ немꙋ̀ дерзнове́нїѧ, и҆ нн҃ѣ предстои́ши є҆мꙋ̀ со а҆́гг҃лы, сла́вный ᲂу҆а́ре, хрⷭ҇то́въ стрⷭ҇тоте́рпче, є҆го́же молѝ прости́ти ᲂу҆ме́ршыѧ и҆носла́внѡ и҆ спⷭ҇ти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Ст҃ы́й мч҃нче ᲂу҆а́ре вели́кїй, зрѧ̀ хрⷭ҇тѡ́вы страда́льцы, ра́нами тѧ́жкими ѡ҆бложє́нныѧ, ре́вностїю по влⷣце разжига́емь, нбⷭ҇нагѡ цр҃ѧ̀ пред̾ мꙋчи́телемъ и҆сповѣ́далъ є҆сѝ, и҆ ѡ҆ нѣ́мъ ᲂу҆се́рднѡ пострада́лъ є҆сѝ, и҆ съ ни́мъ нн҃ѣ ца́рствꙋеши, є҆гѡ́же молѝ посла́ти млⷭ҇ть ᲂу҆ме́ршымъ въ невѣ́рїи и҆ спⷭ҇ти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Преди́вный ᲂу҆а́ре, сла́ва твоѧ̀ велелѣ́пнаѧ, въ нетлѣ́нныхъ ра́достехъ весели́шисѧ, съ нбⷭ҇ными си́лами въ вы́шнихъ ликꙋ́еши, и҆ зри́ши ꙗ҆́снѡ ст҃ꙋ́ю трⷪ҇цꙋ, и҆ свѣ́томъ безнача́льнагѡ сїѧ́нїѧ наслажда́ешисѧ, воспомѧнѝ ᲂу҆́бѡ и҆ на́съ въ твое́мъ весе́лїи, воспомѧнѝ и҆ на́шихъ сро́дникѡвъ томле́нїе, ᲂу҆ме́ршихъ въ нече́стїи, и҆ молѝ хрⷭ҇та̀ бг҃а си́хъ поми́ловати и҆ спⷭ҇ти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "И҆́же вѣ́чномꙋ поко́ю соиме́нный, сла́вный мч҃нче, ѿ бг҃а на́мъ дарова́нный на по́льзꙋ на́шꙋ и҆ на спⷭ҇нїе, и҆́же за хрⷭ҇та̀ въ страда́нїихъ просвѣти́всѧ, равностоѧ́тель ст҃ы̑мъ а҆́гг҃лѡмъ ꙗ҆ви́лсѧ є҆сѝ и҆ гдⷭ҇а мо́лиши дарова́ти мі́рови смире́нїе и҆ є҆́же ѿ на́съ воспомина́ємымъ и҆збавле́нїе, мы́ же тѧ̀ ᲂу҆се́рднѡ воспѣва́емъ: прїимѝ на̑ша прошє́нїѧ, гл҃го́люще, и҆ вознесѝ ѻ҆́ныѧ ко хрⷭ҇тꙋ̀ бг҃ꙋ, и҆ низпослѝ всѣ̑мъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Прїиди́те ᲂу҆́бѡ, мч҃нколю́бцы, стецы́тесѧ ᲂу҆се́рднѡ дне́сь, возвели́чимъ стрⷭ҇тоте́рпца, нбⷭ҇нагѡ вѣне́чника, сла́внагѡ ᲂу҆а́ра великомч҃нка, и҆ возопїе́мъ къ немꙋ̀, молѧ́щесѧ и҆ гл҃го́люще: ѽ ди́вный во́ине и҆ хра́брый, цр҃ѧ̀ хрⷭ҇та̀ воево́до, сни́ди къ настоѧ́щемꙋ ликова́нїю во є҆́же ви́дѣти съ моле́нїемъ предстоѧ́нїе, и҆ прїимѝ на́ше проше́нїе, и҆ не забꙋ́ди поми́ловати на́ми помина́ємыѧ, па́дшыѧ въ невѣ́рїи є҆́же ѡ҆ на́съ сро́дники, ꙗ҆́кѡже и҆ клеопа́тринъ ро́дъ невѣ́рный мл҃твами свои́ми ѿ вѣ́чныхъ мꙋ́къ свободи́лъ є҆сѝ, та́кѡ воспомѧнѝ воспомина́ємыѧ вы́нꙋ на́ши дѣ́ды и҆ пра́дѣды, и҆ ꙗ҆̀же съ ни́ми вочтє́нныѧ, є҆ли̑цы противобо́жнѣ погребє́нныѧ, ᲂу҆ме́ршыѧ некрещє́нныѧ. За си́хъ ᲂу҆́бѡ предста́ни ко хрⷭ҇тꙋ̀ бг҃ꙋ, къ твоемꙋ̀ подвигополо́жникꙋ, за негѡ́ же ᲂу҆се́рднѡ пострада́лъ є҆сѝ, и҆ потщи́сѧ и҆спроси́ти ѻ҆́нымъ ѿ вѣ́чныѧ тьмы̀ и҆збавле́нїе и҆ дꙋша́мъ на́шымъ проще́нїе и҆ ве́лїю млⷭ҇ть."
|
|
}
|
|
] |