186 lines
23 KiB
JSON
186 lines
23 KiB
JSON
[
|
|
{
|
|
"type": "HEADER",
|
|
"value": "Тропарѝ и҆ кондакѝ пра́здникѡвъ, і҆ꙋ́нїй"
|
|
},
|
|
{
|
|
"type": "HEADER",
|
|
"value": "Въ и҃-й де́нь. Ст҃а́гѡ великомꙋ́ченика ѳео́дѡра стратила́та."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Воинствосло́вїемъ и҆́стиннымъ, страстоте́рпче, / нбⷭ҇нагѡ цр҃ѧ̀ воево́да предо́брый бы́лъ є҆сѝ, ѳео́дѡре: / ѻ҆рꙋ́жїѧми бо вѣ́ры ѡ҆полчи́лсѧ є҆сѝ мꙋ́дреннѡ, / и҆ побѣди́лъ є҆сѝ де́мѡнѡвъ полкѝ, / и҆ побѣдоно́сный ꙗ҆ви́лсѧ є҆сѝ страда́лецъ: / тѣ́мже тѧ̀ вѣ́рою / при́снѡ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Вы́шнихъ и҆щѧ̀: Мꙋ́жествомъ дꙋшѝ въ вѣ́рꙋ ѡ҆болкі́йсѧ, / и҆ глаго́лъ бж҃їй а҆́ки копїѐ въ рꙋ́кꙋ взе́мъ, врага̀ побѣди́лъ є҆сѝ, / мч҃никѡвъ преве́лїй ѳео́дѡре, / съ ни́ми хрⷭ҇тꙋ̀ бг҃ꙋ молѧ́сѧ не преста́й ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Въ ѳ҃-й де́нь. Преподо́бнагѡ кѷрі́лла бѣлоезе́рскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Ꙗ҆́кѡ крі́нъ въ пꙋсты́ни дв҃дски процвѣ́лъ є҆сѝ, ѻ҆́ч҃е кѷрі́лле, / ѕлостра́стїѧ те́рнїе и҆скоренѧ́ѧ, / и҆ собра́лъ є҆сѝ въ не́й ᲂу҆чени̑къ мно́жество, / стра́хомъ бж҃їимъ и҆ ᲂу҆че́нїемъ твои́мъ наставлѧ́емыхъ, / и҆̀хже и҆ до конца̀ ꙗ҆́кѡ чадолюби́вый ѻ҆те́цъ / не ѡ҆ста́вилъ є҆сѝ посѣща́ѧ, да всѝ вопїе́мъ: / сла́ва да́вшемꙋ тѝ крѣ́пость: / сла́ва вѣнча́вшемꙋ тѧ̀: / сла́ва дѣ́йствꙋющемꙋ тобо́ю всѣ̑мъ и҆сцѣлє́нїѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Ꙗ҆́кѡ преѡби́дѣвъ тлѣ̑ннаѧ, и҆ до́лꙋ влекꙋ̑щаѧ мꙋдрова̑нїѧ, ѻ҆́ч҃е, / къ вы́шнемꙋ тече́нїю ра́достнѡ ᲂу҆стреми́лсѧ є҆сѝ: / и҆ та́мѡ со ст҃ы́ми прест҃ѣ́й трⷪ҇цѣ предстоѧ̀, / молѝ, ѿ вра̑гъ сохрани́тисѧ ста́дꙋ твоемꙋ̀, / ꙗ҆́кѡ да ст҃о́е твоѐ ᲂу҆спе́нїе пра́зднꙋюще, вопїе́мъ: / ра́дꙋйсѧ, пребл҃же́нне кѷрі́лле, ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "Въ а҃і-й де́нь. Ст҃ы́хъ а҆пⷭ҇лъ, варѳоломе́а и҆ варна́вы."
|
|
},
|
|
{
|
|
"type": "TEXT",
|
|
"value": "Тропа́рь, гла́съ г҃: А҆пⷭ҇ли ст҃і́и, / моли́те ми́лостиваго бг҃а, / да прегрѣше́нїй ѡ҆ставле́нїе / пода́стъ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ а҆пⷭ҇ла варѳоломе́а, гла́съ д҃. Подо́бенъ: Ꙗ҆ви́лсѧ є҆сѝ: Ꙗ҆ви́лсѧ є҆сѝ вели́кое сл҃нце вселе́ннѣй, / ᲂу҆че́нїй сїѧ́ньми / и҆ чꙋде́съ стра́шныхъ, / свѣтоводѧ̀ почита́ющыѧ тѧ̀, варѳоломе́е, / гдⷭ҇ень а҆пⷭ҇толе."
|
|
},
|
|
{
|
|
"type": "TEXT",
|
|
"value": "И҆́нъ конда́къ, а҆пⷭ҇ла варна́вы, гла́съ в҃. Подо́бенъ: Дв҃а дне́сь: Гдⷭ҇ень бы́лъ є҆сѝ всеи́стинный слꙋжи́тель, / а҆пⷭ҇лѡвъ же ꙗ҆ви́лсѧ є҆сѝ седми́десѧтихъ пе́рвый, / ѡ҆зари́лъ є҆сѝ и҆ съ па́ѵломъ про́повѣдь твою̀, / всѣ̑мъ возвѣща́ѧй хрⷭ҇та̀ сп҃са: / сегѡ̀ ра́ди пѣснопѣ́нїи / бжⷭ҇твеннꙋю па́мѧть твою̀, варна́во, соверша́емъ."
|
|
},
|
|
{
|
|
"type": "HEADER",
|
|
"value": "Въ д҃і-й де́нь. Ст҃а́гѡ прⷪ҇ро́ка є҆лїссе́а."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Во пло́ти а҆́гг҃лъ, / прⷪ҇ро́кѡвъ ѡ҆снова́нїе, / вторы́й предте́ча прише́ствїѧ хрⷭ҇то́ва, и҆лїа̀ сла́вный, / свы́ше посла́вый є҆лїссе́еви благода́ть, / недꙋ́ги ѿгонѧ́ти, / и҆ прокажє́нныѧ ѡ҆чища́ти: / тѣ́мже и҆ почита́ющымъ є҆го̀ то́читъ и҆сцѣлє́нїѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Вы́шнихъ и҆щѧ̀: Прⷪ҇ро́къ бж҃їй ꙗ҆ви́лсѧ є҆сѝ, / сꙋгꙋ́бꙋю благода́ть прїе́мь, / вои́стиннꙋ досто́йнꙋю тебѐ, є҆лїссе́е блаже́нне: / и҆лїи́ бо бы́лъ є҆сѝ совсе́льникъ, / съ ни́мъ хрⷭ҇тꙋ̀ бг҃ꙋ молѧ́сѧ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Въ є҃і-й де́нь. Ст҃и́телѧ і҆ѡ́ны, митрополі́та моско́вскагѡ и҆ всеѧ̀ рѡссі́и."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ѿ ю҆́ности твоеѧ̀ ве́сь са́мъ себѐ гдⷭ҇еви возложи́въ, / въ моли́твахъ и҆ трꙋдѣ́хъ и҆ въ постѣ́хъ, ѻ҆́бразъ бы́въ добродѣ́тели: / ѿѻнꙋ́дꙋже ви́дѣвъ бг҃ъ твоѐ благо́е произволе́нїе, / а҆рхїере́а тѧ̀ и҆ па́стырѧ цр҃кви свое́й ᲂу҆строѧ́етъ. / Тѣ́мже и҆ по преставле́нїи честно́е тѣ́ло твоѐ / цѣ́ло и҆ нетлѣ́нно соблюде́сѧ, / і҆ѡ́но ст҃и́телю: / молѝ хрⷭ҇та̀ бг҃а, / да спасе́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Ꙗ҆́кѡ ѿ младе́нства гдⷭ҇еви порабо́тивъ себѐ, мꙋ́дре, / посто́мъ и҆ бдѣ́нїемъ тѣ́ло твоѐ ᲂу҆дрꙋча́ѧ. / Тѣ́мже сосꙋ́дъ чи́стъ и҆ до́мъ дх҃ꙋ прест҃о́мꙋ ꙗ҆ви́лсѧ є҆сѝ: / сегѡ̀ ра́ди и҆ це́ркви свое́й тебѐ а҆рхїере́а и҆ па́стырѧ ᲂу҆строѧ́етъ, / ю҆́же до́брѣ ᲂу҆па́съ, ко гдⷭ҇ꙋ ѿхо́диши, є҆го́же возлюби́лъ є҆сѝ. / Тѣ́мъ мо́лимъ тѧ̀: помина́й на́съ вѣ́рою чтꙋ́щихъ ст҃ꙋ́ю па́мѧть твою̀, / да всѝ зове́мъ тѝ: / ра́дꙋйсѧ, ѻ҆́ч҃е і҆ѡ́но, свѧти́телю всечестны́й."
|
|
},
|
|
{
|
|
"type": "HEADER",
|
|
"value": "Въ и҃і-й де́нь. Пра́зднованїе прест҃ѣ́й бцⷣѣ, въ че́сть є҆ѧ̀ і҆кѡ́ны боголю́бскїѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Бг҃олюби́ваѧ цр҃и́це, / неискꙋсомꙋ́жнаѧ дв҃о бцⷣе мр҃і́е, / молѝ за ны̀ тебѐ возлюби́вшаго, / и҆ ро́ждшагосѧ ѿ тебѐ сн҃а твоего̀, хрⷭ҇та̀ бг҃а на́шего, / пода́ти на́мъ ѡ҆ставле́нїе прегрѣше́нїй, / мі́рови ми́ръ, бл҃гопло́дно и҆з̾ѻби́лїе, / па́стырємъ свѧты́ню, / и҆ всемꙋ̀ человѣ́чꙋ ро́дꙋ спасе́нїе. / Гра́ды на́ша и҆ стра̑ны рѡссі̑йскїѧ ѿ нахожде́нїѧ и҆ноплеме́нныхъ застꙋпѝ, / и҆ ѿ междоꙋсо́бныѧ бра́ни сохранѝ. / Ѽ мт҃и бг҃олюби́ваѧ дв҃о! / Ѽ цр҃и́це всепѣ́таѧ! / Ри́зою свое́ю покры́й на́съ ѿ всѧ́кагѡ ѕла̀, / ѿ ви́димыхъ и҆ неви́димыхъ вра̑гъ защитѝ, / и҆ спасѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Дв҃а дне́сь предстои́тъ сн҃ꙋ, / рꙋ́цѣ своѝ къ немꙋ́ простира́ющи, / ст҃ы́й кн҃зь а҆ндре́й ра́дꙋетсѧ, / и҆ съ ни́м рѡссі́йскаѧ страна̀ торжествꙋ́етъ, / на́съ бо ра́ди мо́литъ бцⷣа / превѣ́чнаго бг҃а."
|
|
},
|
|
{
|
|
"type": "HEADER",
|
|
"value": "Въ ѳ҃і-й де́нь. Ст҃а́гѡ а҆по́стола і҆ꙋ́ды, бра́та гдⷭ҇нѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Хрⷭ҇то́ва тѧ̀ сро́дника, ѽ і҆ꙋ́до, вѣ́дꙋще, и҆ мꙋ́ченика тве́рда, / свѧще́ннѡ восхвалѧ́емъ, пре́лесть попра́вша, и҆ вѣ́рꙋ соблю́дша: / тѣ́мже дне́сь всесвѧтꙋ́ю твою̀ па́мѧть пра́зднꙋюще, / грѣхѡ́въ разрѣше́нїе моли́твами твои́ми прїе́млемъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Твє́рдыѧ: Тве́рдымъ ᲂу҆мо́мъ и҆збра́нъ ᲂу҆чени́къ ты̀ ꙗ҆ви́лсѧ є҆сѝ, / и҆ сто́лпъ неѡбори́мь цр҃кве хрⷭ҇то́вы, / ꙗ҆зы́кѡмъ проповѣ́далъ є҆сѝ сло́во хрⷭ҇то́во, / вѣ́ровати глаго́лѧ во є҆ди́но бжⷭ҇тво̀: / ѿ негѡ́же просла́вивсѧ, прїѧ́лъ є҆сѝ да́ръ и҆сцѣле́нїй, / цѣли́ти недꙋ́ги притека́ющымъ къ тебѣ̀, / а҆по́столе і҆ꙋ́до всехва́льне."
|
|
},
|
|
{
|
|
"type": "TEXT",
|
|
"value": "И҆́нъ конда́къ, гла́съ в҃. Подо́бенъ: Вы́шнихъ и҆щѧ̀: Па́ѵлꙋ ꙗ҆́вльсѧ собесѣ́дникъ, а҆пⷭ҇ле, / съ си́мъ на́мъ про́повѣдь возвѣсти́лъ є҆сѝ бжⷭ҇твенныѧ бл҃года́ти, / тайноглаго́льниче і҆ꙋ́до бл҃же́нне. / Сегѡ̀ ра́ди вопїе́мъ тѝ: / не преста́й молѧ́сѧ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Въ к҃г-й де́нь. Срѣ́тенїе пречⷭ҇тыѧ бцⷣы, чꙋдотво́рныѧ і҆кѡ́ны влади́мїрскїѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Дне́сь свѣ́тлѡ красꙋ́етсѧ сла́внѣйшїй гра́дъ москва̀, / ꙗ҆́кѡ зарю̀ со́лнечнꙋю воспрїе́мши, влⷣчце, / чꙋдотво́рнꙋю твою̀ і҆кѡ́нꙋ, / къ не́йже ны́нѣ мы̀ притека́юще, и҆ молѧ́щесѧ тебѣ̀, взыва́емъ си́це: / ѽ пречꙋ́днаѧ влⷣчце бцⷣе, / моли́сѧ и҆зъ тебє̀ воплоще́нномꙋ хрⷭ҇тꙋ̀ бг҃ꙋ на́шемꙋ, / да и҆зба́витъ гра́дъ се́й, и҆ всѧ̑ гра́ды и҆ страны̑ хрⷭ҇тїа̑нскїѧ / невреди̑мы ѿ всѣ́хъ навѣ̑тъ вра́жїихъ, / и҆ спасе́тъ дꙋ́шы на́шѧ, ꙗ҆́кѡ милосе́рдъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Взбра́нной воево́дѣ побѣди́тєльнаѧ, / ꙗ҆́кѡ и҆зба́вльшесѧ ѿ ѕлы́хъ / прише́ствїемъ твоегѡ̀ чⷭ҇тна́гѡ ѻ҆́браза, влⷣчце бцⷣе, / свѣ́тлѡ сотворѧ́емъ празднество̀ срѣ́тенїѧ твоегѡ̀, и҆ ѻ҆бы́чнѡ зове́мъ тѝ: / ра́дꙋйсѧ, невѣ́сто неневѣ́стнаѧ."
|
|
},
|
|
{
|
|
"type": "HEADER",
|
|
"value": "Въ к҃д-й де́нь. Рождество̀ честна́гѡ прⷪ҇ро́ка, предте́чи и҆ крести́телѧ і҆ѡа́нна."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Прⷪ҇ро́че и҆ предте́че прише́ствїѧ хрⷭ҇то́ва, / досто́йнѡ восхвали́ти тѧ̀ недоꙋмѣ́емъ мы̀ любо́вїю чтꙋ́щїи тѧ̀: / непло́дство бо ро́ждшїѧ и҆ ѻ҆́тчее безгла́сїе разрѣши́сѧ / сла́внымъ и҆ честны́мъ твои́мъ рождество́мъ, / и҆ воплоще́нїе сн҃а бж҃їѧ мі́рови проповѣ́дꙋетсѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Пре́жде непло́ды дне́сь хрⷭ҇то́ва предте́чꙋ ражда́етъ, / и҆ то́й є҆́сть и҆сполне́нїе всѧ́кагѡ прⷪ҇ро́чества: / є҆го́же бо проро́цы проповѣ́даша, / на сего̀ во і҆ѻрда́нѣ рꙋ́кꙋ положи́въ, / ꙗ҆ви́сѧ бж҃їѧ сло́ва прⷪ҇ро́къ, проповѣ́дникъ, вкꙋ́пѣ и҆ предте́ча."
|
|
},
|
|
{
|
|
"type": "HEADER",
|
|
"value": "Въ к҃є-й де́нь. Ст҃ы́хъ чꙋдотво́рцєвъ мꙋ́ромскихъ, кнѧ́зѧ петра̀ и҆ кнѧги́ни феѵрѡ́нїи."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Ꙗ҆́кѡ благочести́вагѡ ко́рене пречестна́ѧ ѻ҆́трасль бы́лъ є҆сѝ, / до́брѣ во бл҃гоче́стїи пожи́въ, бл҃же́нне пе́тре: / та́кѡ и҆ съ сꙋпрꙋ́жницею твое́ю, премꙋ́дрою феѵрѡ́нїею, / въ мі́рѣ бг҃ꙋ ᲂу҆годи́вше, и҆ прпⷣбныхъ житїю̀ сподо́бистесѧ: / съ ни́миже моли́тесѧ гдⷭ҇еви, сохрани́ти безъ вре́да ѻ҆те́чество ва́ше, / да ва́съ непреста́ннѡ почита́емъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Мі́ра сегѡ̀ кнѧже́нїе, и҆ сла́вꙋ вре́меннꙋ помышлѧ́ѧ, / сегѡ̀ ра́ди благоче́стнѡ въ мі́рѣ пожи́лъ є҆сѝ, пе́тре, / кꙋ́пнѡ и҆ съ сꙋпрꙋ́жницею твое́ю премꙋ́дрою феѵрѡ́нїею, / ми́лостынею и҆ моли́твами бг҃ꙋ ᲂу҆годи́вше. / Тѣ́мже и҆ по сме́рти неразлꙋ́чнѡ во гро́бѣ лежа́ще, / и҆сцѣле́нїе неви́димѡ подава́ете: / и҆ ны́нѣ хрⷭ҇тꙋ̀ моли́тесѧ, / сохрани́ти гра́дъ же и҆ лю́ди, и҆́же ва́съ сла́вѧщихъ."
|
|
},
|
|
{
|
|
"type": "HEADER",
|
|
"value": "Въ к҃ѕ-й де́нь. Ꙗ҆вле́нїе і҆кѡ́ны прест҃ы́ѧ бцⷣы и҆ приснодв҃ы марі́и, тѵ́хфинскїѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Дне́сь ꙗ҆́кѡ со́лнце пресвѣ́тлое, / возсїѧ̀ на́мъ на воздꙋ́сѣ, всечестна́ѧ і҆кѡ́на твоѧ̀, влⷣчце, / лꙋча́ми ми́лости мі́ръ просвѣща́ющи, / ю҆́же вели́каѧ рѡссі́а, / ꙗ҆́кѡ нѣ́кїй да́ръ бжⷭ҇твенный, свы́ше благоговѣ́йнѣ воспрїе́мши, / прославлѧ́етъ тѧ̀, бг҃ома́ти, всѣ́хъ влⷣчцꙋ, / и҆ ѿ тебє̀ ро́ждшагосѧ хрⷭ҇та̀ бг҃а на́шего велича́етъ ра́достнѡ: / є҆мꙋ́же моли́сѧ, ѽ гпⷭ҇жѐ цр҃и́це бцⷣе! / Да сохрани́тъ всѧ̑ гра́ды и҆ страны̑ хрⷭ҇тїа̑нскїѧ / невреди̑мы ѿ всѣ́хъ навѣ̑тъ вра́жїихъ, / и҆ спасе́тъ вѣ́рою покланѧ́ющихсѧ є҆гѡ̀ бжⷭ҇твенномꙋ, / и҆ твоемꙋ̀ пречⷭ҇томꙋ ѻ҆́бразꙋ, / дв҃о неискꙋсобра́чнаѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃: Притеце́мъ, лю́дїе, къ дв҃ѣй бцⷣѣ цр҃и́цѣ, / благодарѧ́ще хрⷭ҇та̀ бг҃а, / и҆ къ тоѧ̀ чꙋдотво́рнѣй і҆кѡ́нѣ ᲂу҆ми́льнѡ взира́юще / припаде́мъ, и҆ возопїе́мъ є҆́й: / ѽ влⷣчце марі́е! / Присѣти́вши странꙋ̀ сїю̀, твоегѡ̀ честна́гѡ ѻ҆́браза ꙗ҆вле́нїемъ чꙋде́снѡ, / спаса́й въ ми́рѣ и҆ благовре́менствѣ ѻ҆те́чество на́ше, и҆ всѧ̑ хрⷭ҇тїа́ны, / наслѣ́дники показꙋ́ющи нбⷭ҇ныѧ жи́зни. / Тебѣ́ бо вѣ́рнѡ зове́мъ: / ра́дꙋйсѧ, дв҃о, мі́ра спасе́нїе."
|
|
},
|
|
{
|
|
"type": "HEADER",
|
|
"value": "Въ к҃и-й де́нь. Прпⷣбныхъ ѻ҆тє́цъ, се́ргїа и҆ ге́рмана, валаа́мскихъ чꙋдотво́рцѡвъ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Є҆ѵⷢ҇лїа хрⷭ҇то́ва и҆́стиннїи послꙋ̑шницы / ꙗ҆ви́стесѧ преподо́бнїи, / мі́ръ и҆ всѧ̑, ꙗ҆̀же въ не́мъ, ꙗ҆́кѡ не сꙋ̑щаѧ / преѡби́дѣвше любвѐ ра́ди хрⷭ҇то́вы, / и҆ въ морскі́й ѻ҆́стровъ всели́стесѧ, / и҆ трꙋдолю́бнѡ въ не́мъ проти́вꙋ неви́димыхъ врагѡ́въ ко́знемъ подвиза́стесѧ, / посто́мъ, бдѣ́нїемъ же и҆ всено́щнымъ стоѧ́нїемъ / плѡ́ти своѧ̑ дх҃ꙋ мꙋ́дрѣ повинꙋ́ли є҆стѐ. / Сегѡ̀ ра́ди ѿ вседержи́тельныѧ десни́цы достѡ́йныѧ вѣнцы̀ прїѧ́ли є҆стѐ, / и҆ ны́нѣ прест҃ѣ́й трⷪ҇цѣ предстоѧ́ще, моли́тесѧ / всебл҃же́ннїи ѻ҆ц҃ы̀ се́ргїе и҆ ге́рмане, / сохрани́тисѧ въ ми́рѣ ѻ҆те́чествꙋ на́шемꙋ, / и҆ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ а҃: Ѿ мїрскі́ѧ молвы̀ бѣ́гающе, / безмо́лвїѧ и҆ бл҃гоче́стїѧ рачи́тели, / въ ти́хое приста́нище валаа́ма, ѿ восто́ка прїидо́сте, / и҆ въ не́мъ є҆ѵⷢ҇льски хрⷭ҇тꙋ̀ добродѣ́тельми послѣ́дꙋюще, / на ве́рхъ соверше́нства востеклѝ є҆стѐ: / и҆ ны́нѣ въ торжествѣ̀ премі́рномъ бг҃озрѣ́нїемъ наслажда́ющесѧ, / всебл҃же́ннїи ѻ҆ц҃ы̀ се́ргїе и҆ ге́рмане, / чл҃вѣколю́бца бг҃а моли́те, / є҆́же спастѝ всѣ́хъ на́съ, / бл҃гоче́стнѡ ва́съ почита́ющихъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃: Ѿ мїрска́гѡ житїѧ̀ и҆зше́дше, / ѿверже́нїемъ же мі́ра хрⷭ҇тꙋ̀ послѣ́довасте, / и҆ достиго́сте вели́кагѡ нева̀ є҆́зера, / и҆ въ не́мъ на ѻ҆́стровѣ валаа́мѣ все́лшесѧ, / равноа́гг҃льское житїѐ пожи́ли є҆стѐ: / ѿѻнꙋ́дꙋже веселѧ́щесѧ прешлѝ є҆стѐ къ нбⷭ҇нымъ черто́гомъ: / и҆ ны́нѣ со а҆́гг҃лы влⷣчню прⷭ҇то́лꙋ предстоѧ́ще, / помина́йте на́съ ча̑дъ свои́хъ, / ꙗ҆̀же собра́ли є҆стѐ бг҃омꙋ́дрїи, / да ра́достнѡ ѿ дꙋшѝ вопїе́мъ: / ра́дꙋйтесѧ се́ргїе и҆ ге́рмане, ѻ҆ц҃ы̀ пребл҃же́ннїи."
|
|
},
|
|
{
|
|
"type": "HEADER",
|
|
"value": "Въ к҃ѳ-й де́нь. Ст҃ы́хъ первоверхо́вныхъ а҆пⷭ҇лъ, петра̀ и҆ па́ѵла."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: А҆пⷭ҇лѡвъ первопресто́льницы, / и҆ вселе́нныѧ ᲂу҆чи́телїе, / влⷣкꙋ всѣ́хъ моли́те, / ми́ръ вселе́ннѣй дарова́ти, / и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃: Твє́рдыѧ и҆ бг҃овѣща̑нныѧ проповѣ́датели, / ве́рхъ а҆пⷭ҇толѡвъ твои́хъ, гдⷭ҇и, / прїѧ́лъ є҆сѝ въ наслажде́нїе благи́хъ твои́хъ и҆ поко́й: / болѣ̑зни бо ѻ҆́нѣхъ и҆ сме́рть прїѧ́лъ є҆сѝ па́че всѧ́кагѡ всепло́дїѧ, / є҆ди́не свѣ́дый сердє́чнаѧ."
|
|
},
|
|
{
|
|
"type": "HEADER",
|
|
"value": "Въ л҃-й де́нь. Собо́ръ ст҃ы́хъ а҆пⷭ҇тѡлъ в҃і."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: А҆пⷭ҇лѡвъ первопресто́льницы, / и҆ вселе́нныѧ ᲂу҆чи́телїе, / влⷣкꙋ всѣ́хъ моли́те, / ми́ръ вселе́ннѣй дарова́ти, / и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Вы́шнихъ и҆щѧ̀: Ка́мень хрⷭ҇то́съ, ка́менѧ вѣ́ры прославлѧ́етъ свѣ́тлѡ, / ᲂу҆ченикѡ́въ преизрѧ́дна, / и҆ съ па́ѵломъ ве́сь дванадесѧточи́сленный собо́ръ дне́сь: / и҆́хже па́мѧть соверша́юще вѣ́рнѡ, / си́хъ просла́вльшаго прославлѧ́емъ."
|
|
}
|
|
] |