670 lines
58 KiB
JSON
670 lines
58 KiB
JSON
[
|
|
{
|
|
"type": "HEADER",
|
|
"value": "Деке́мврїа к҃"
|
|
},
|
|
{
|
|
"type": "HEADER",
|
|
"value": "И҆́же бо свѧты́хъ ѻ҆тца̀ на́шегѡ данїи́ла, а҆рхїепі́скопа се́рбскагѡ."
|
|
},
|
|
{
|
|
"type": "HEADER",
|
|
"value": "На ма́лѣй вече́рни, стїхи̑ры свѧто́мꙋ, гла́съ а҃."
|
|
},
|
|
{
|
|
"type": "TEXT",
|
|
"value": "Небе́снымъ чинѡ́мъ поревнова́лъ є҆сѝ свѧти́телю данїи́ле, на землѝ же бг҃оно́се, ѡ҆свѧще́нъ сосꙋ́дъ ꙗ҆ви́лсѧ є҆сѝ и҆ жили́ще ст҃а́гѡ дх҃а: тѣ́мже тѧ̀ ᲂу҆блажа́емъ и҆ свѧто́е твоѐ дне́сь че́стнѡ ра́дꙋющесѧ пра́зднꙋемъ ᲂу҆спе́нїе."
|
|
},
|
|
{
|
|
"type": "TEXT",
|
|
"value": "Небе́сныхъ чинѡ́въ ра́дованїе и҆ на землѝ а҆рхїере́ємъ похвала̀, свѧще́нникѡмъ сла́ва, данїи́ле премꙋ́дре, мона́шествꙋющымъ пра́вило и҆ це́ркве ᲂу҆твержде́нїе. Тѣ́мъ тѧ̀ мо́лимъ, не ѡ҆скꙋдѣ́й спомоществꙋ́ѧ на́мъ притека́ющымъ и҆ ѡ҆блобыза́ющымъ ра́кꙋ моще́й твои́хъ."
|
|
},
|
|
{
|
|
"type": "TEXT",
|
|
"value": "На небесѣ́хъ водворѧ́ѧсѧ, прїимѝ ны́нѣ хвалꙋ̀ ча̑дъ твои́хъ, ѻ҆́тче, пра́зднꙋющихъ че́стнѡ па́мѧть ᲂу҆спе́нїѧ твоегѡ̀, и҆ да́ждь и҆́хъ проше́нїѧмъ, молѧ́сѧ прилѣ́жнѡ пречⷭ҇тѣй мт҃ри бж҃їей, спасти́сѧ ѿ бѣ́дъ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃, самогла́сенъ."
|
|
},
|
|
{
|
|
"type": "TEXT",
|
|
"value": "Бж҃е́ственнаѧ благода́ть въ па́мѧти ᲂу҆спе́нїѧ твоегѡ̀, ѡ҆сѣнѧ́ющи притека́ющыѧ къ ра́цѣ моще́й твои́хъ, недꙋ́гѡвъ и҆сцѣле́нїе подоба́етъ, свѧти́телю ѻ҆́тче данїи́ле, мо́лисѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, предпра́зднства."
|
|
},
|
|
{
|
|
"type": "HEADER",
|
|
"value": "На стїхо́внѣ, стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "До́мъ дꙋхо́вный ꙗ҆ви́сѧ данїи́лъ, поспѣше́нїемъ благода́ти свѧта́гѡ дꙋ́ха: тѣ́мже ны́нѣ соше́дшесѧ того̀ воспое́мъ."
|
|
},
|
|
{
|
|
"type": "TEXT",
|
|
"value": "Сті́хъ: Свѧще́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, данїи́ле свѧти́телей похвало̀, свѧще́нникѡмъ сла́во, мона́хѡмъ пра́вило, це́ркве ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Сті́хъ: Восхва́лѧтсѧ преподо́бнїи во сла́вѣ, и҆ возра́дꙋютсѧ на ло́жахъ свои́хъ."
|
|
},
|
|
{
|
|
"type": "TEXT",
|
|
"value": "Прїимѝ ны́нѣ пѣ́нїе ча̑дъ твои́хъ, ѻ҆́тче, и҆ подава́й лю́бѧщымъ тѧ̀ ѻ҆бы̑чнаѧ проше́нїѧ."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ, предпра́зднствꙋ, гла́съ то́йже."
|
|
},
|
|
{
|
|
"type": "TEXT",
|
|
"value": "До́ме є҆ѵфра́ѳовъ, гра́де свѧты́й, ᲂу҆красѝ до́мъ, въ не́мже бж҃е́ственный ражда́етсѧ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃."
|
|
},
|
|
{
|
|
"type": "TEXT",
|
|
"value": "Чꙋ́до ꙗ҆ви́всѧ и҆звѣще́нїѧ, дѣ́лми добродѣ́телей бж҃їихъ возсїѧ́лъ є҆сѝ, мона́шествꙋющихъ ли́ки ᲂу҆па́слъ є҆сѝ, а҆рхїере́йскаѧ сѣда́лища ᲂу҆тверди́лъ є҆сѝ, є҆реті́ческагѡ нападе́нїѧ не ᲂу҆сꙋмнѣ́всѧ, це́рковїю хрⷭ҇то́вою ᲂу҆правлѧ́ѧ, преподо́бне ѻ҆́тче, данїи́ле премꙋ́дре, ᲂу҆снꙋ́въ ꙗ҆́кѡ спѧ̀, тѣ́ло же твоѐ цѣ́ло и҆ нетлѣ́ннѡ соблюде́но бы́сть, и҆ подае́тъ цѣльбы̀ болѧ́щымъ ѿ разли́чныхъ недꙋ́гѡвъ, и҆ де́мѡны прогонѧ́етъ: сегѡ̀ ра́ди мо́лимъ тѧ̀, мо́ли спасти́сѧ дꙋша́мъ на́шимъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни: Блаже́нъ мꙋ́жъ, а҆нтїфѡ́нъ а҃. На Гдⷭ҇и воззва́хъ: стїхи̑ры на и҃, предпра́зднствꙋ г҃, и҆ свѧто́мꙋ є҃."
|
|
},
|
|
{
|
|
"type": "HEADER",
|
|
"value": "Стїхи̑ры свѧто́мꙋ данїи́лꙋ, гла́съ в҃."
|
|
},
|
|
{
|
|
"type": "TEXT",
|
|
"value": "Кі́ими похва́льными вѣнцы̀ ᲂу҆вѧзе́мъ свѧти́телѧ, свѧще́нства вѣне́цъ, благоче́стїѧ ᲂу҆правле́нїе, свѣ́тлое це́ркве се́рбскїѧ ᲂу҆краше́нїе, и҆сто́чникъ бж҃е́ственныхъ и҆сцѣле́нїй неисчерпа́емый, проли́тїе дарѡ́въ дꙋхо́вныхъ, рѣ́кꙋ мно́гихъ чꙋде́съ, веселѧ́щꙋю се́рбскꙋю землю̀ тече́нми, данїи́ла те́плаго предста́телѧ на́шегѡ и҆ храни́телѧ."
|
|
},
|
|
{
|
|
"type": "TEXT",
|
|
"value": "Кі́ими смире́нными ᲂу҆стна́ми воспои́мъ свѧти́телѧ, ди́внагѡ въ чꙋдесѣ́хъ и҆ безпло́тныхъ сожи́телѧ, ѡ҆свѧще́ннаго столпа̀ це́ркве се́рбскїѧ неподви́жима. Є҆ѧ̀ побо́рника и҆ весе́лїе землѝ на́шеѧ, пра́вды пра́вило, сирота́мъ пода́телѧ, ѡ҆би́димыхъ застꙋ́пника и҆ бо́льнымъ врача̀ безме́здна."
|
|
},
|
|
{
|
|
"type": "TEXT",
|
|
"value": "Кі́ими всехва́льными вѣнцы̀ воспои́мъ и҆ соста́вимъ ликова́нїе въ честнѣ́мъ пра́здницѣ твоегѡ̀ ᲂу҆спе́нїѧ, і҆ера́рше. Ѻ҆ба́че дꙋхо́внѡ пра́зднꙋюще, мо́лимсѧ тѝ: молѝ влады́кꙋ всѣ́хъ, дарова́ти побѣ́дꙋ правосла̑внымъ на сопроти̑вныѧ: тебе́ бо те́пла моли́твенника къ влады́цѣ стѧжа́хомъ, подаю́щемꙋ мі́рꙋ ве́лїю ми́лость."
|
|
},
|
|
{
|
|
"type": "TEXT",
|
|
"value": "Кі́ими похва́льными добро́тами воспои́мъ во а҆рхїере́ехъ, сла́внагѡ, во вѣ́рѣ вели́каго и҆ пелена́хъ доброразсꙋ́днаго, во ᲂу҆че́нїи ѧ҆зы́ка сла́дкагѡ, ᲂу҆че́нїемъ се́рбскꙋю це́рковь ѡ҆богаща́юща стрꙋѧ́ми слове́съ свои́хъ. Тѣ́мъ мо́лимъ тѧ̀, свѧти́телю хрⷭ҇то́въ данїи́ле, моли́сѧ хрⷭ҇тꙋ̀ бг҃ꙋ и҆ прест҃ѣ́й бцⷣѣ, да и҆зба́вимсѧ ѿ бѣ́дъ моли́твами твои́ми."
|
|
},
|
|
{
|
|
"type": "TEXT",
|
|
"value": "Кі́ими дꙋхо́вными пѣ́снми, воспои́мъ а҆рхїере́а, ᲂу҆че́нїемъ къ бг҃оразꙋ́мїю всѣ́хъ наста́вльшаго, и҆сто́чника чꙋде́съ пречꙋ́дна и҆ ᲂу҆чи́телѧ премꙋ́дра, столпа̀ непоколеби́ма патрїа́ршескїѧ ла́ѵры, и҆ всеѧ̀ се́рбскїѧ землѝ ᲂу҆добре́нїе, и҆ тве́рдое защище́нїе, и҆ моли́твенника ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃."
|
|
},
|
|
{
|
|
"type": "TEXT",
|
|
"value": "А҆рхїере́євъ похвалꙋ̀, свѧще́нникѡмъ ᲂу҆краше́нїе, къ бг҃ꙋ моли́твенника непреста́ннаго, и҆сто́чника чꙋде́съ преиз̾ѡби́льна, дне́сь любо́вїю соше́дшесѧ, се́рбскїй наро́де, і҆ера́рха данїи́ла похва́лимъ и҆ честны̑ѧ мо́щи є҆гѡ̀ ѡ҆бстоѧ́ще лобже́мъ и҆ рце́мъ: ра́дꙋйсѧ а҆рхїере́е данїи́ле, свѣти́льниче свѣ́тлый, ѡ҆зарѝ и҆зрѧ́дное достоѧ́нїе, лю́ди и҆ ста́до твоѐ, ѡ҆ ни́хже непреста́ннѡ хрⷭ҇тꙋ̀ моли́сѧ, дарова́ти и҆́мъ ми́рное житїѐ, да всѝ че́стное твоѐ ᲂу҆спе́нїе любо́вїю почита́емъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ, чте́нїѧ г҃."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры свѧто́мꙋ, гла́съ д҃, самогла́сенъ."
|
|
},
|
|
{
|
|
"type": "TEXT",
|
|
"value": "Свѣ́тлѡ дне́сь це́рковь се́рбскаѧ ᲂу҆краша́етсѧ, и҆ ра́дꙋетсѧ зовꙋ́щи: ᲂу҆ѧсни́сѧ моѧ̀ добро́та па́че всѣ́хъ: свѧти́телемъ бо красота̀ сла́вный данїи́лъ взы́де на небеса̀ къ цр҃ю̀ всѣ́ми ца́рствꙋющемꙋ."
|
|
},
|
|
{
|
|
"type": "TEXT",
|
|
"value": "Прїиди́те ᲂу҆̀бо празднолю́бцы, правосла́вныхъ собо́ри, и҆ принесе́мъ є҆мꙋ̀ пѣ̑нїѧ и҆ похвалы̀, зовꙋ́ще: ѽ свѧти́телей добро́то и҆ се́рбскаѧ хва́ло, моли́сѧ хрⷭ҇тꙋ̀ бг҃ꙋ и҆зба́вити хрⷭ҇тоимени̑тыѧ лю́ди ѿ всѧ́кїѧ ско́рби, и҆ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Дꙋ́ха бж҃е́ственнаѧ благода́ть свѧти́телѧ тѧ̀ показа̀ и҆ ᲂу҆чи́телѧ и҆зрѧ́дна ꙗ҆вѝ. Тѣ́мже мра́къ нече́стїѧ ѡ҆бличи́лъ є҆сѝ лю́ди бг҃ора́зꙋмїѧ ᲂу҆че́нми просвѣти́лъ є҆сѝ, свѧти́телю богомꙋ́дре данїи́ле, а҆рхїере́ємъ сла́ва и҆ красота̀, ро́дꙋ же се́рбскомꙋ и҆ всѣ́мъ бы́лъ є҆сѝ и҆звѣ́стенъ ѻ҆́бразъ ᲂу҆че́нїѧ, дерзнове́нїе и҆мѣ́ѧ ко хрⷭ҇тꙋ̀ бг҃ꙋ, того̀ при́снѡ молѝ спасти́сѧ дꙋша́мъ на́шимъ."
|
|
},
|
|
{
|
|
"type": "TEXT",
|
|
"value": "До́блестей твои́хъ, свѧще́нне ѻ҆́тче данїи́ле, пло́дъ ᲂу҆ѧснѝ вѣ́рныхъ сердца̀. Кто́ бо слы́ша безмѣ́рное твоѐ смире́нїе и҆ терпѣ́нїю не ᲂу҆диви́тсѧ; и҆ є҆́же къ ни́щымъ ти́хость и҆ скорбѧ́щымъ ми́лованїе. Всѧ́ бо боголѣ́пнѡ наꙋчи́лъ є҆сѝ, свѧти́телю, ѻ҆́тче данїи́ле, и҆ ны́нѣ на небесѣ́хъ неꙋвѧда́емымъ вѣнча́всѧ вѣнце́мъ, мо́ли хрⷭ҇та̀ бг҃а и҆ пресвѧтꙋ́ю бцⷣꙋ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃."
|
|
},
|
|
{
|
|
"type": "TEXT",
|
|
"value": "Ты̀ є҆сѝ па́стырь до́брый и҆ ᲂу҆чи́тель те́плый свѧти́телю ѻ҆́тче данїи́ле, тѧ̀ всегда̀ хва́лѧще вопїе́мъ тѝ: тобо́ю ᲂу҆красѝ бг҃ъ це́рковь, и҆ ма́тере своеѧ̀, чꙋдотво́рный ѻ҆́бразъ въ хра́мѣ предстои́тъ, и҆ неисчерпа́емꙋю благода́ть ро́дꙋ се́рбскомꙋ подае́тъ, и҆дѣ́же, и҆ твоѧ̑ нетлѣ̑нныѧ мо́щи покрове́нны лежа́тъ ѿ толи́кихъ лѣ́тъ. Тѣ́мже тѧ̀ мо́лимъ и҆ вопїе́мъ: ѽ свѧтите́лю хрⷭ҇то́въ данїи́ле, мо́лисѧ непреста́ннѡ ѡ҆ хва́лѧщихъ и҆ чтꙋ́щихъ свѧтꙋ́ю па́мѧть твою̀, грѣхѡ́въ ѡ҆ставле́нїе полꙋчи́ти во спасе́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, предпра́зднства, гла́съ а҃."
|
|
},
|
|
{
|
|
"type": "TEXT",
|
|
"value": "Прїими́те ꙗ҆́сли, є҆го́же въ кꙋпинѣ̀ мѡѷсе́й законополо́жникъ прови́дѣ въ хори́вѣ, ны́нѣ ражда́ема ѿ дв҃ы дх҃омъ бж҃е́ственнымъ. Та̀ є҆́сть ꙗ҆́же въ зако́нѣ рече́ннаѧ: та̀ є҆́сть проро́ческаѧ печа́ть, ꙗ҆́же бг҃а пло́тїю тлѣ̑ннымъ ꙗ҆влѧ́ющи є҆мꙋ́же поклони́мсѧ."
|
|
},
|
|
{
|
|
"type": "HEADER",
|
|
"value": "На стїхо́внѣ, стїхи̑ры предпра́зднствꙋ, гла́съ в҃, самогла́сны."
|
|
},
|
|
{
|
|
"type": "TEXT",
|
|
"value": "Се́ вре́мѧ прибли́жисѧ спасе́нїѧ на́шегѡ, гото́висѧ верте́пе, дв҃а приближа́етсѧ є҆́же роди́ти, виѳлее́ме землѐ і҆ꙋ́дова, красꙋ́йсѧ и҆ весели́сѧ, ꙗ҆́кѡ и҆зъ тебѐ возсїѧ̀ гдⷭ҇ь на́шъ. Оу҆слы́шите го́ры и҆ хо́лмы, и҆ ѻ҆кре́стныѧ стра́ны і҆ꙋдє́йскїѧ, ꙗ҆́кѡ грѧде́тъ хрⷭ҇то́съ, да спасе́тъ є҆го́же созда̀ человѣ́ка, ꙗ҆́кѡ человѣколю́бецъ."
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ ѿ ю҆́га прїи́детъ, и҆ свѧты́й и҆зъ горы̀ приѡсѣне́нныѧ ча́щи."
|
|
},
|
|
{
|
|
"type": "TEXT",
|
|
"value": "Виѳлее́ме землѐ і҆ꙋ́дова, є҆́же по пло́ти жи́тельство, свѣ́тлѡ ᲂу҆гото́ви бж҃е́ственный верте́пъ: въ не́мже бг҃ъ пло́тїю ражда́етсѧ ѿ неискꙋсомꙋ́жныѧ ст҃ы́ѧ дв҃ы, во є҆́же спастѝ ро́дъ на́шъ."
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇и ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: гдⷭ҇и разꙋмѣ́хъ дѣла̀ твоѧ̑, и҆ ᲂу҆жасо́хсѧ."
|
|
},
|
|
{
|
|
"type": "TEXT",
|
|
"value": "Прїиди́те всѝ хрⷭ҇то́во рождество̀ вѣ́рнѡ предпра́зднꙋимъ, и҆ мы́сленнѣ пѣ́нїе ꙗ҆́кѡ ѕвѣздꙋ̀ предлага́юще, волхвѡ́въ славослѡ́вїѧ съ па́стырьми возопїи́мъ: прїи́де спасе́нїе человѣ́кѡвъ и҆зъ двⷭ҇твенныхъ ложе́снъ, вѣ̑рныѧ воззыва́ѧ."
|
|
},
|
|
{
|
|
"type": "HEADER",
|
|
"value": "Сла́ва, свѧто́мꙋ, гла́съ д҃."
|
|
},
|
|
{
|
|
"type": "TEXT",
|
|
"value": "Ꙗ҆́кѡ со́лнце пресвѣ́тлое просвѣща́еши странꙋ̀ всю̀ се́рбскꙋю, тебе́ бо показа̀ бг҃ъ ѿ ю҆́ности свѧти́телю блаже́нне данїи́ле, па́стырѧ слове́сномꙋ своемꙋ̀ ста́дꙋ и҆ ѻ҆те́чествꙋ твоемꙋ̀. Ты̀ ᲂу҆краси́лъ є҆сѝ всечꙋ́днѡ це́рковь бж҃їѧ ма́тере, въ не́йже и҆ до ны́нѣ лежа́тъ честны̑ѧ мо́щи твоѧ̑, и҆мꙋ́щи въ себѣ̀ да́ръ и҆сцѣле́нїѧ благода́тїю. Сегѡ̀ ра́ди не забꙋ́ди въ моли́твахъ и҆спроси́ти благовѣ́рномꙋ и҆ хрⷭ҇толюби́вомꙋ наро́дꙋ се́рбскомꙋ побѣ́ды на сопроти̑вныѧ врагѝ. Тебе́ бо хрⷭ҇то́съ показа̀ свѣти́ло вели́кое патрїа́ршеской собо́рной це́ркви, ты̀ є҆сѝ похвала̀ землѝ на́шей и҆ крѣ́пкое застꙋпле́нїе, тѣ́мже пра́зднꙋюще дне́сь свѣ́тлѡ па́мѧть твою̀, мо́лимъ тѧ̀, свѧти́телю хрⷭ҇то́въ данїи́ле, ми́ръ мі́рꙋ и҆спроси́ти и҆ дꙋша́мъ на́шимъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, предпра́зднства, гла́съ є҃."
|
|
},
|
|
{
|
|
"type": "TEXT",
|
|
"value": "Виѳлее́ме гото́висѧ на срѣ́тенїе дв҃ѣ мр҃і́и и҆ бго҃ма́тере: се́ бо грѧде́тъ къ тебѣ̀ младе́нца носѧ́щи хрⷭ҇та̀, собезнача́льнаго ѻ҆ц҃ꙋ̀ и҆ дх҃ꙋ при́снѡ: є҆го́же во верте́пѣ роди́тъ, и҆ по рождествѣ̀ дв҃а па́ки ꙗ҆ви́тсѧ."
|
|
},
|
|
{
|
|
"type": "TEXT",
|
|
"value": "По Ны́нѣ ѿпꙋща́еши:"
|
|
},
|
|
{
|
|
"type": "HEADER",
|
|
"value": "Трист҃о́е, тропа́рь, гла́съ г҃."
|
|
},
|
|
{
|
|
"type": "TEXT",
|
|
"value": "Чꙋ́до ꙗ҆ви́всѧ и҆звѣще́нїѧ, дѣ́лми добродѣ́телей бж҃їихъ возсїѧ́лъ є҆сѝ, мона́шествꙋющихъ ли́ки ᲂу҆па́слъ є҆сѝ, а҆рхїере́йскаѧ сѣда́лища ᲂу҆тверди́лъ є҆сѝ, є҆реті́ческагѡ нападе́нїѧ не ᲂу҆сꙋмнѣ́всѧ, це́рковїю хрⷭ҇то́вою ᲂу҆правлѧ́ѧ, преподо́бне ѻ҆́тче, данїи́ле премꙋ́дре, ᲂу҆снꙋ́въ ꙗ҆́кѡ спѧ̀, тѣ́ло же твоѐ цѣ́ло и҆ нетлѣ́ннѡ соблюде́но бы́сть, и҆ подае́тъ цѣльбы̀ болѧ́щымъ ѿ разли́чныхъ недꙋ́гѡвъ, и҆ де́мѡны прогонѧ́етъ: сегѡ̀ ра́ди мо́лимъ тѧ̀, мо́ли спасти́сѧ дꙋша́мъ на́шимъ."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ, предпра́зднствꙋ:"
|
|
},
|
|
{
|
|
"type": "HEADER",
|
|
"value": "На ᲂу҆́трени, На Бг҃ъ гдⷭ҇ь, тропа́рь предпра́зднствꙋ, два́жды. Сла́ва свѧто́мꙋ, и҆ ны́нѣ предпра́зднствꙋ."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Слꙋжи́тель бы́въ хрⷭ҇тꙋ̀ всѧ́ческихъ влады́цѣ, просвѣти́лъ и҆ наꙋчи́лъ є҆сѝ лю́ди бж҃е́ственнымъ поꙋче́нїемъ, къ разꙋмѣ́нїю наставлѧ́ѧ свѧти́телю данїи́ле. Тѣ́мже тѧ̀ всѝ и҆менꙋ́емъ проповѣ́дника и҆́стины, ᲂу҆чи́телѧ и҆ ᲂу҆го́дника хрⷭ҇то́ва."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ, предпра́зднства, гла́съ то́йже."
|
|
},
|
|
{
|
|
"type": "TEXT",
|
|
"value": "Весели́сѧ виѳлее́ме, є҆ѵфра́ѳо гото́висѧ, се́ бо а҆́гница па́стырѧ вели́каго въ ложесна́хъ носѧ́щи, роди́ти грѧде́тъ: и҆ предви́дѧще бж҃е́ственнꙋю ѕвѣздꙋ̀ волсвѝ ра́дꙋютсѧ, съ па́стырьми пою́ще се́рдца пра́востїю."
|
|
},
|
|
{
|
|
"type": "HEADER",
|
|
"value": "По в҃-й каѳі́смѣ, сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Ѿ ю҆́ности взе́мь кре́стъ сво́й, благоче́стнѡ послѣ́довалъ є҆сѝ хрⷭ҇тꙋ̀, ᲂу҆сѣкнꙋ́въ плотско́е мꙋдрова́нїе воздержа́нїемъ: тѣ́мже на свѧти́тельстѣмъ сѣда́лищи сѣ́дъ, свѧти́телю, непреста́ннѡ ᲂу҆краша́еши це́рковь хрⷭ҇то́вꙋ, во сла́вꙋ влады́ки твоегѡ̀ и҆ пречи́стыѧ ма́тере є҆гѡ̀. Тогѡ̀ ра́ди и҆ хрⷭ҇то́съ разли́чными дарова́нми ᲂу҆красѝ твою̀ ра́кꙋ, данїи́ле всеблаже́нне."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ, предпра́зднствꙋ, гла́съ то́йже."
|
|
},
|
|
{
|
|
"type": "TEXT",
|
|
"value": "Дѣ̑вы предначни́те дѣви́ческꙋю ра́дость: ма́тєри восхвали́те провожде́нїе ма́тере хрⷭ҇та̀, бг҃а на́шегѡ: волсвѝ со а҆́гг҃лы, съ на́ми па́стырїе: грѧде́тъ бо дв҃а, во гра́дѣ виѳлее́мѣ, роди́ти сн҃а превѣ́чнагѡ бг҃а, спаса́ющаго мі́ръ ѿ тлѣ́нїѧ."
|
|
},
|
|
{
|
|
"type": "HEADER",
|
|
"value": "По полѷеле́и, сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Свѧти́телѧ вели́каго данїи́ла ка́кѡ досто́йнѡ воспое́мъ; мꙋ́жа чи́стагѡ ᲂу҆ма̀, бг҃оза́рнагѡ свѣ́та, ѡ҆свѣща́ющагѡ на́съ и҆ бж҃е́ственный ра́зꙋмъ подаю́щагѡ, та́инъ глꙋби́нныхъ повѣда́телѧ, є҆мꙋ́же согла́снѡ всѝ рце́мъ: ра́дꙋйсѧ ѻ҆́тче ѻ҆тцє́въ, данїи́ле."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ, предпра́зднствꙋ, гла́съ є҃."
|
|
},
|
|
{
|
|
"type": "TEXT",
|
|
"value": "Виѳлее́ме гото́висѧ на срѣ́тенїе дв҃ы мр҃і́и и҆ бг҃ома́тере: се́ бо грѧде́тъ къ тебѣ̀ младе́нца носѧ́щи хрⷭ҇та̀, собезнача́льнаго ѻ҆ц҃ꙋ̀ и҆ дх҃ꙋ при́снѡ: є҆го́же во верте́пѣ роди́тъ, и҆ по рождествѣ̀ па́ки ꙗ҆ви́тсѧ дв҃а."
|
|
},
|
|
{
|
|
"type": "HEADER",
|
|
"value": "Та́же, степе́нна, а҃ а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ гла́съ д҃:"
|
|
},
|
|
{
|
|
"type": "TEXT",
|
|
"value": "Оу҆ста̀ моѧ̑ возглаго́лютъ премꙋ́дрость и҆ поꙋче́нїе се́рдца моегѡ̀ ра́зꙋмъ."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́шите сїѧ̑ всѝ ꙗ҆зы́цы внꙋши́те всѝ живꙋ́щїи по вселе́ннѣй."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло л҃є, ѿ полꙋ̀."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀, стїхи́ра, гла́съ ѕ҃."
|
|
},
|
|
{
|
|
"type": "TEXT",
|
|
"value": "Є҆гда̀ преставле́нїе честна́гѡ твоегѡ̀ тѣ́ла ѻ҆́тче приспѣ̀, тогда̀ мно́жество вѣ́рныхъ, ѡ҆бстꙋпи́вше ѻ҆́дръ тво́й, ᲂу҆ми́льнѡ провожда́хꙋ тѧ̀, и҆ зрѧ́ще тѧ̀ благословлѧ́ща, лю́ди ᲂу҆дивлѧ́хꙋсѧ. Ца́рь же дꙋша́нъ со слеза́ми вопїѧ́ше: ѽ влады́ко, что́ ти возда́мъ за бг҃овѣ́дѣнїе є҆́же на́мъ дарова́лъ є҆сѝ, прїе́мь благода́ть ѿ бг҃а. Тѣ́мже свѧти́телю данїи́ле моли́сѧ прилѣ́жнѡ хрⷭ҇тꙋ̀ бг҃ꙋ и҆ пресвѧтѣ́й бцⷣѣ, да призыра́етъ на на́съ неѿстꙋ́пнѡ пречи́стымъ свои́мъ чꙋдотво́рнымъ ѻ҆́бразомъ, и҆́мже ты̀ хра́мъ ᲂу҆краси́лъ є҆сѝ, ѻ҆те́чествꙋ и҆ ста́дꙋ своемꙋ̀ непоколеби́мый сто́лпъ ѡ҆ставлѧ́ѧ. Твои́ми моли́твами да спасе́мсѧ."
|
|
},
|
|
{
|
|
"type": "HEADER",
|
|
"value": "Канѡ́нъ свѧто́мꙋ данїи́лꙋ, на ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃. І҆рмо́съ предпра́зднства."
|
|
},
|
|
{
|
|
"type": "TEXT",
|
|
"value": "Ѻ҆́тче богомꙋ́дре, свѧти́телю данїи́ле, ѿве́рзи моѧ̑ недосто́йнаѧ ᲂу҆ста̀, воспѣва́ти тѧ̀, и҆ прїимѝ ꙗ҆́кѡ благово́нное кади́ло ѿ ᲂу҆бо́жества моегѡ̀, є҆́же тебѣ̀ принесо́хъ недосто́йный а҆́зъ. Два́жды."
|
|
},
|
|
{
|
|
"type": "TEXT",
|
|
"value": "Воспои́мъ всѝ вели́каго свѧти́телѧ данїи́ла, почти́мъ застꙋ́пника и҆ ᲂу҆твержде́нїе землѝ се́рбскїѧ, є҆го́же дарова̀ гдⷭ҇ь ѻ҆би́тели собо́рной храни́телѧ бо́дра."
|
|
},
|
|
{
|
|
"type": "TEXT",
|
|
"value": "Спаси́тельнымъ хрⷭ҇то́вымъ за́повѣдемъ послѣ́довалъ є҆сѝ, премꙋ́дре свѧти́телю данїи́ле, вдо́въ и҆ сиро́тъ бы́лъ є҆сѝ предста́тель, и҆ землѝ се́рбстѣй вели́кое защище́нїе."
|
|
},
|
|
{
|
|
"type": "TEXT",
|
|
"value": "Вели́кїй ны́нѣ данїи́лъ, па́стырь це́ркве собо́рныѧ, па́стыри вкꙋ́пѣ и҆ пасѡ́мыѧ, и҆ всю̀ це́рковь въ па́мѧть призыва́етъ. Тѣ́мже собра́вшесѧ, торжествꙋ́имъ свѣ́тлѡ въ де́нь па́мѧти є҆гѡ̀."
|
|
},
|
|
{
|
|
"type": "TEXT",
|
|
"value": "Благода́ть дꙋ́ха прїе́мъ ѻ҆́тче, во своѐ се́рдце, хрⷭ҇то́въ свѧти́телю, ᲂу҆ѧснѝ ꙗ҆зы́къ и҆ се́рдце просвѣтѝ твои́хъ пѣвце́въ є҆́же свѧтꙋ́ю твою̀ па́мѧть воспѣ́ти свѣ́тлѡ, данїи́ле преподо́бне."
|
|
},
|
|
{
|
|
"type": "TEXT",
|
|
"value": "А҆́ще и҆ побѣжда́ютъ твоѧ̀ и҆справле́нїѧ словеса̀ на́ша и҆ помышле́нїѧ, ѻ҆́тче данїи́ле, ѻ҆ба́че дꙋше́вное на́ше предложе́нїе, по си́лѣ приноси́мое тебѣ̀, прїимѝ съ любо́вїю досточꙋ́дне, є҆́же бо по досто́инствꙋ пѣ́сни тебѣ̀ соплестѝ, невозмо́жнѡ є҆́сть на́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пречи́стаѧ бцⷣе содѣ́телѧ и҆ сп҃са ро́ждши, спасѝ ѿ бѣ́дъ гра́дъ тво́й непреста́ннѡ, молѧ́щи сн҃а твоего̀ и҆ бг҃а на́шего за ны̀."
|
|
},
|
|
{
|
|
"type": "HEADER",
|
|
"value": "Пѣ́снь г҃. І҆рмо́съ, ꙗ҆́коже пре́жде."
|
|
},
|
|
{
|
|
"type": "TEXT",
|
|
"value": "Ты̀ проѧви́лъ є҆сѝ влады́ко въ послѣ́днемъ ро́дѣ на́шемъ свѧти́телѧ вели́каго са́ввꙋ, и҆́же просвѣтѝ своѐ ѻ҆те́чество со свѧти́тели и҆ а҆рхїере́йми, є҆мꙋ̀ же послѣ́дꙋетъ данїи́лъ цвѣ́тъ пречꙋ́дный. Два́жды."
|
|
},
|
|
{
|
|
"type": "TEXT",
|
|
"value": "Тебѣ̀ прикоснꙋ́выйсѧ свѧ́те, сꙋ́щемꙋ въ честнѣ́мъ гро́бѣ твое́мъ и҆сцѣле́нїе полꙋчи́ти сподо́бисѧ: рꙋка́мъ бо тогѡ̀ къ пе́рсемъ со́гбеннымъ бж҃їею благода́тїю дае́ши простира́тисѧ."
|
|
},
|
|
{
|
|
"type": "TEXT",
|
|
"value": "Сокрꙋшѝ а҆га́рѧны и҆ всѧ̀ сопоста́ты безбо́жныѧ, преподо́бне данїи́ле, моле́нїемъ твои́мъ къ творцꙋ̀ и҆ бг҃ꙋ на́шемꙋ, и҆ си́лꙋ и҆́хъ борю́ющꙋю на ны̀ немощнꙋ̀ покажѝ, и҆ покорѝ и҆̀хъ благовѣ́рномꙋ наро́дꙋ на́шемꙋ."
|
|
},
|
|
{
|
|
"type": "TEXT",
|
|
"value": "Смире́нъ ꙗ҆ви́лсѧ є҆сѝ, кро́токъ же и҆ ти́хъ данїи́ле, ѿѻнꙋ́дꙋже дꙋ́ха благода́ть ѻ҆би́льнѣ и҆злїѧ́вшисѧ на тѧ̀, вели́ка показа̀ тѧ̀, чꙋде́съ лꙋча́ми зе́млю на́шꙋ ѡ҆сїѧва́юща. Два́жды."
|
|
},
|
|
{
|
|
"type": "TEXT",
|
|
"value": "Жезло́мъ воздержа́нїѧ страсте́й мо́ре раздѣли́въ блаже́нне, ꙗ҆́кѡ мѡѷсе́й на безстра́стїѧ го́рꙋ возше́лъ є҆сѝ, и҆ прїе́мъ мы́слєнныѧ скрижа̑ли, па́ствꙋ твою̀ наꙋчи́лъ є҆сѝ зако́нꙋ хрⷭ҇то́вꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бꙋ́ди мѝ дв҃о прибѣ́жище и҆ приста́нище, стѣна̀ неѡбори́маѧ и҆ застꙋ́пница, бг҃а пло́тїю ро́ждшаѧ, пречи́стаѧ и҆зба́вителѧ всеще́драго и҆ сп҃са пою́щихъ тѧ̀, бг҃оневѣ́стнаѧ."
|
|
},
|
|
{
|
|
"type": "HEADER",
|
|
"value": "Сѣда́ленъ свѧто́мꙋ, гла́съ д҃."
|
|
},
|
|
{
|
|
"type": "TEXT",
|
|
"value": "Свѣти́льникъ свѣтосїѧ́ненъ ꙗ҆ви́лсѧ є҆сѝ землѝ се́рбстѣй, просвѣща́ѧй блиста́ньми бж҃е́ственныхъ твои́хъ слове́съ вѣ́рныхъ помышле́нїѧ свѧти́телю ѻ҆́тче данїи́ле. Тѣ́мъ всѝ свѧще́ннꙋю твою̀ и҆ бж҃е́ственнꙋю па́мѧть дне́съ ра́достнѡ соверша́емъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства, гла́съ то́йже."
|
|
},
|
|
{
|
|
"type": "TEXT",
|
|
"value": "Дѣ̑вы предначни́те дѣви́ческꙋю ра́дость: ма́тєри восхвали́те предпровожде́нїе ма́тере хрⷭ҇та̀ бг҃а на́шегѡ, волсвѝ со а҆́гг҃лми, съ на́ми па́стырїе ликꙋ́йте: грѧде́тъ во дв҃а во гра́дѣ виѳлее́мстѣмъ роди́ти сн҃а, превѣ́чнаго бг҃а, спаса́ющаго мі́ръ ѿ и҆стлѣ́нїѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃. І҆рмо́съ."
|
|
},
|
|
{
|
|
"type": "TEXT",
|
|
"value": "Благода́тїю дꙋ́ха пома́залсѧ є҆сѝ а҆рхїере́е всеизрѧ́дне данїи́ле. Во хрⷭ҇та́ бо ѡ҆дѣ́ѧсѧ житїѧ̀ ра́ди чи́стагѡ. Тѣ́мъ наꙋчи́лъ є҆сѝ сла́вити въ трⷪ҇цѣ є҆ди́наго бг҃а."
|
|
},
|
|
{
|
|
"type": "TEXT",
|
|
"value": "И҆зба́ви твоѐ ста́до ѿ бꙋ́рей грѣха̀, преподо́бне свѧти́телю данїи́ле, бѣ́дъ же и҆ скорбе́й, приводѧ́ ны въ приста̑нища ти̑хаѧ бж҃е́ственныѧ во́ли хрⷭ҇то́вы."
|
|
},
|
|
{
|
|
"type": "TEXT",
|
|
"value": "Хрⷭ҇то́въ ꙗ҆ви́лсѧ є҆сѝ ᲂу҆го́дникъ, ѻ҆́тче преподо́бне данїи́ле, преѡсвѧще́нне а҆рхїере́е. Тѣ́мъ молѧ́сѧ не преста́й ко гдⷭ҇ꙋ, ѿ напа́стей, бѣ́дъ и҆ скорбе́й и҆зба́вити ста́до твоѐ ѿ и҆скꙋше́нїй."
|
|
},
|
|
{
|
|
"type": "TEXT",
|
|
"value": "Оу҆мертвѝ мꙋдрова́нїе премꙋ́дре, пло́ти моеѧ̀ неисцѣ́льное, и҆ къ бж҃е́ственнымъ стезѧ́мъ наста́ви ны̀, ꙗ҆́кѡ крѣ́покъ и҆ си́ленъ, зако́нѡмъ же благи̑мъ повини́ мѧ, блаже́нне, и҆ раба̀ покажи́ мѧ хрⷭ҇то́ва, порабоще́нна лю́тыми страстмѝ."
|
|
},
|
|
{
|
|
"type": "TEXT",
|
|
"value": "Сна̀ ѻ҆чесе́мъ твои̑мъ и҆ дрема́нїѧ вѣ́ждома не да́лъ є҆сѝ, до́ндеже ѡ҆брѣ́те мѣ́сто поко́йно се́рдце твоѐ, ѻ҆́тче. Тѣ́мъ ѡ҆чи́стившесѧ досто́йнѣ, ᲂу҆зрѣ̀ жили́ще сла́вы всѣ́хъ содѣ́телѧ, цр҃ѧ̀ и҆ бг҃а вѣ́чнагѡ. Два́жды."
|
|
},
|
|
{
|
|
"type": "TEXT",
|
|
"value": "Ве́сь ᲂу҆́бѡ ᲂу҆́мъ впери́въ къ высотѣ̀, и҆ земна̑ѧ ни во что̀ же вмѣни́въ, смире́нїемъ, достоблаже́нне данїи́ле, высѡ́каѧ прїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ка́ѧ вои́стиннꙋ ꙗ҆́кѡ сїѧ̀ бли́зъ бг҃а, ꙗ҆́кѡ превозше́дшаѧ всѧ̑ а҆́гг҃льскїѧ чи́ны є҆ди́на добро́тою дѣ́вства сїѧ́ющи, ꙗ҆́кѡ мт҃и вседержи́телѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃. І҆рмо́съ."
|
|
},
|
|
{
|
|
"type": "TEXT",
|
|
"value": "Ѻ҆́крестъ стоѧ́ще ра́ки твоеѧ̀, свѧти́телю преподо́бне данїи́ле, и҆мѣ́емъ тѧ̀ хода́таѧ къ бг҃ꙋ и҆ застꙋпле́нїе землѝ се́рбстѣй, ᲂу҆твержде́нїе же незы́блемое."
|
|
},
|
|
{
|
|
"type": "TEXT",
|
|
"value": "Ми́лостивъ бы́въ ᲂу҆бѡ́гимъ ми́лость дꙋше́внꙋю и҆спросѝ прехва́льне, ми́лостынею бо стѧжа́лъ є҆сѝ ѻ҆́тче данїи́ле свѣщꙋ̀, и҆ тꙋ́ю свѣ́тлѡ ᲂу҆краси́лъ є҆сѝ."
|
|
},
|
|
{
|
|
"type": "TEXT",
|
|
"value": "Жили́ще бы́лъ є҆сѝ свѧта́гѡ дꙋ́ха вои́стиннꙋ блаже́нне данїи́ле, и҆ тогѡ̀ ꙗ҆вле́нми разбогатѣ́лъ є҆сѝ до́брѣ бж҃е́ственными да́рми."
|
|
},
|
|
{
|
|
"type": "TEXT",
|
|
"value": "Кро́токъ ꙗ҆ви́лсѧ є҆сѝ кꙋ́пнѡ и҆ смире́нъ дѣ́ломъ и҆ сло́вомъ, и҆ си́мъ всѧ̑ къ себѣ̀ привле́клъ є҆сѝ, любо́вїю же и҆ до́брыми дѣлмѝ всѧ̑ ᲂу҆кроти́лъ є҆сѝ и҆ сердца̀ возвесели́лъ є҆сѝ твои́ми чꙋдеса́ми. Два́жды."
|
|
},
|
|
{
|
|
"type": "TEXT",
|
|
"value": "Вели́кїй па́стырь всѣ́хъ хрⷭ҇то́съ, ѻ҆ве́цъ свои́хъ па́стырѧ тѧ̀ блаже́нне показа̀ и҆ ᲂу҆чи́телѧ слове́сныхъ. Тѣ́мже заблꙋжда́ющаго мѧ̀ на гора́хъ поги́бели, ꙗ҆́кѡ па́стырь твоегѡ̀ ѻ҆вча́те взыщѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ вели́кое бога́тство твои́хъ щедро́тъ ꙗ҆ви́сѧ въ землѝ на́шей безчи́сленное проли́тїе ми́лости твоеѧ̀, слꙋго̀ хрⷭ҇то́въ, ты́ бо просѧ́щымъ сꙋ́щаѧ подае́ши и҆ ты̑ѧ насы́тити тщи́шисѧ твои́мъ предложе́нїемъ блаже́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мѵ́ро тѧ̀ и҆менꙋ́емъ пречи́стаѧ, ꙗ҆́кѡ ро́ждшꙋю бг҃а пло́тїю, и҆ благода́тное мѵ́ро точа́щꙋю всѣ̑мъ притека́ющымъ подъ кро́въ тво́й."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃. І҆рмо́съ."
|
|
},
|
|
{
|
|
"type": "TEXT",
|
|
"value": "Житїѐ твоѐ цѣломꙋ́дреннѡ соверши́лъ є҆сѝ свѧщенноѧвле́нне, пра́вдою ᲂу҆краси́всѧ и҆ мꙋ́жествомъ смы́сла добродѣ́тели сочета́въ себѣ̀, преблаже́нне свѧти́телю данїи́ле."
|
|
},
|
|
{
|
|
"type": "TEXT",
|
|
"value": "Хранѝ гра́дъ тво́й свѧти́телю данїи́ле преблаже́нне, ѿ безбо́жныхъ и҆ чꙋжевѣ́рныхъ нахожде́нїй и҆ ѿ междоꙋсо́бныѧ бра́ни. Моли́сѧ же непреста́ннѡ влады́цѣ хрⷭ҇тꙋ̀ и҆ пресвѧтѣ́й бцⷣѣ, є҆́же ми́ръ дарова́ти па́ствѣ свое́й."
|
|
},
|
|
{
|
|
"type": "TEXT",
|
|
"value": "Ты̀ ᲂу҆́бѡ и҆ по сме́рти сла́вимь, ꙗ҆́кѡ жи́въ чꙋдодѣ́йствꙋеши. Немѡщны́мъ бо слѧчє́ннымъ дае́ши и҆сцѣле́нїе бж҃е́ственною благода́тїю, занѐ глаго́летъ гдⷭ҇ь: прославлѧ́ющаго мѧ̀ просла́влю."
|
|
},
|
|
{
|
|
"type": "TEXT",
|
|
"value": "И҆спо́лнилсѧ є҆сѝ свѣтоѧвле́нїѧ данїи́ле мꙋ́дре, ꙗ҆́кѡ храни́тель за́повѣдей хрⷭ҇то́выхъ, ѡ҆чище́нъ же ѿ страсте́й, бы́лъ є҆сѝ вои́стиннꙋ жили́ще пребж҃е́ственныѧ трⷪ҇цы."
|
|
},
|
|
{
|
|
"type": "TEXT",
|
|
"value": "Мꙋ́жїе свѧще́ннїи ра́достнѡ съ наро́домъ дне́сь твою̀ ѻ҆́тче па́мѧть пра́зднꙋюще, торжествꙋ́ютъ, и҆́мже согла́снѡ и҆́стиннїи безмо́лвницы и҆ про́стїи всѝ ѻ҆́бще тѧ̀ воспѣва́ютъ предста́телѧ вкꙋ́пѣ и҆ ᲂу҆чи́телѧ. Два́жды."
|
|
},
|
|
{
|
|
"type": "TEXT",
|
|
"value": "Ти́нꙋ страсте́й ѿ дꙋшѝ ѿтрѧ́слъ є҆сѝ данїи́ле, низложи́въ всѧ́кое по́мыслѡвъ возноше́нїе на хрⷭ҇та̀ превозносѧ́щеесѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Совѣ́та превѣ́чнагѡ хра́мъ воздви́глъ є҆сѝ свѧти́телю, а҆рхїстрати́га гаврїи́ла ра́достное провѣща́нїе бцⷣѣ вседне́внѡ воспѣва́ѧ: ра́дꙋйсѧ невѣ́сто неневѣ́стнаѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Возбра́нномꙋ и҆ ди́вномꙋ на́шеѧ землѝ свѣти́льникꙋ дне́сь любо́вїю притека́емъ, и҆ пѣ́снь тебѣ̀ бг҃оно́се, плете́мъ, ꙗ҆́кѡ и҆мꙋ́щемꙋ дерзнове́нїе ко гдⷭ҇ꙋ, и҆зба́ви на́съ ѿ многоѻбра́зныхъ ѡ҆бстоѧ́нїй, да зове́мъ тѝ: ра́дꙋйсѧ ᲂу҆твержде́нїе ѻ҆те́чествꙋ на́шемꙋ и҆ вели́кїй покрови́телю ѻ҆би́тели своеѧ̀."
|
|
},
|
|
{
|
|
"type": "TEXT",
|
|
"value": "І҆́косъ: Вели́кїй свѣти́льникъ ꙗ҆ви́лсѧ є҆сѝ ро́дꙋ се́рбскомꙋ, стрꙋѧ́ми слове́съ твои́хъ вѣ̑рныѧ просвѣща́ѧ, и҆ всеꙋсе́рднѡ приходѧ́щымъ къ тебѣ̀ и҆сцѣле́нїѧ подава́ѧ. Хрⷭ҇то́вы бо лю́ди бг҃оно́се, неви́димѡ посѣща́еши и҆ тѣ́мъ зе́млю на́шꙋ просвѣща́еши, сегѡ̀ ра́ди согла́снѡ зове́мъ тѝ си́це: ра́дꙋйсѧ, свѣ́та безстра́стнагѡ до́ме. Ра́дꙋйсѧ, страсте́й те́мныхъ прогони́телю. Ра́дꙋйсѧ, де́мѡнскїѧ разрꙋши́вый ко́зни. Ра́дꙋйсѧ, а҆́гг҃льскїѧ возвесели́вый чи́ны. Ра́дꙋйсѧ, высото̀ бг҃овидѣ́нїѧ чи́стагѡ. Ра́дꙋйсѧ, глꙋбино̀ смире́нїѧ болѣ́зни ѡ҆мыва́ющаѧ. Ра́дꙋйсѧ, ꙗ҆́кѡ бы́лъ є҆сѝ зри́тель неви́димыхъ. Ра́дꙋйсѧ, ꙗ҆́кѡ соѡбщи́лсѧ є҆сѝ ли́кꙋ свѧти́телей. Ра́дꙋйсѧ, землѝ се́рбскїѧ па́стырю и҆ ᲂу҆чи́телю. Ра́дꙋйсѧ, свѧти́телемъ и҆зрѧ́днаѧ похвало̀. Ра́дꙋйсѧ, ꙗ҆́кѡ тебѐ ра́ди посла̀ бг҃ъ въ ѻ҆би́тель твою̀ чꙋдотво́рный ѻ҆́бразъ ма́тере своеѧ̀. Ра́дꙋйсѧ, ꙗ҆́кѡ тебѐ ра́ди пресвѧта́ѧ чꙋдотво́рнаѧ і҆кѡ́на ма́тере бж҃їѧ сла́витсѧ. Ра́дꙋйсѧ, ꙗ҆́кѡ ᲂу҆краша́еши престо́лъ первосвѧти́телей се́рбскихъ. Ра́дꙋйсѧ, ᲂу҆твержде́нїе ро́дꙋ се́рбскомꙋ."
|
|
},
|
|
{
|
|
"type": "HEADER",
|
|
"value": "Пѣ́снь з҃. І҆рмо́съ."
|
|
},
|
|
{
|
|
"type": "TEXT",
|
|
"value": "Ѿве́рзи мѝ две́ри покаѧ́нїѧ, преблаже́нне а҆рхїере́е данїи́ле, да ѡ҆мыю̀ скве́рнꙋ ѡ҆каѧ́нныѧ моеѧ̀ дꙋ́ши, моѐ тѣ́ло и҆ всѧ̑ чꙋ̑вства и҆ со́вѣсть во є҆́же пѣ́ти бг҃ꙋ: ѻ҆тцє́въ бж҃е благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "И҆́мамы тѧ̀ застꙋ́пника те́пла, твоѝ рабѝ, и҆ стѣ́нꙋ неѡбори́мꙋ це́ркве твоеѧ̀, и҆ ᲂу҆твержде́нїе ро́дꙋ се́рбскомꙋ, не бои́мсѧ врагѡ́въ и҆ сопоста́тѡвъ, но побѣжда́емъ ты̑ѧ си́лою чꙋдотво́рныѧ і҆кѡ́ны, пою́ще: хрⷭ҇тѐ бцⷣею благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆ста́вы ѻ҆те́ческїѧ ᲂу҆тверди́лъ є҆сѝ мꙋ́дре, и҆ це́рковь пресвѧты́ѧ бж҃їѧ ма́тере чꙋдотво́рнымъ ѻ҆́бразомъ ᲂу҆краси́лъ є҆сѝ, и҆ свѧще́нства лѣпото́ю прекра́снꙋ ᲂу҆стро́илъ є҆сѝ, ᲂу҆че́нми же твои́ми лю́ди наказа́лъ є҆сѝ пѣ́ти: бо́же бцⷣею благослове́нъ є҆сѝ. Два́жды."
|
|
},
|
|
{
|
|
"type": "TEXT",
|
|
"value": "Землѧ̀ на́ша и҆ страна̀ согла́снѡ ѻ҆́тче поꙋчє́нїѧ твоѧ̑ возвѣща́етъ, наꙋче́нна тобо́ю пѣ́ти всю́дꙋ хрⷭ҇та̀: ѻ҆тцє́въ на́шихъ бо́же, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Жени́хъ красе́нъ добро́тою па́че всѣ́хъ сынѡ́въ человѣ́ческихъ, ꙗ҆́коже пи́сано є҆́сть, невѣ́стѣ, блаже́нне, свое́й це́ркви, краснѣ́йша тѧ̀ показа̀ жениха̀, тогѡ̀ носѧ́ща ѻ҆́бразъ и҆ подо́бїе."
|
|
},
|
|
{
|
|
"type": "TEXT",
|
|
"value": "Оу҆краси́въ своѐ житїѐ ми́лостынею и҆ кро́тостїю, любо́вїю же и҆ и҆́стиною, подража́тель показа́лсѧ є҆сѝ и҆зрѧ́дный па́стырѧ до́брагѡ, и҆збра́въ тогѡ̀ добродѣ́тели до́брѣ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Прихо́дитъ влады́ка во верте́пъ роди́тисѧ ꙗ҆́кѡ человѣ́къ: пред̾ꙋсрѧ́щимъ вѣ́рнїи дв҃ꙋ чи́стꙋю, воспѣва́юще є҆́й ра́достнѡ: ра́дꙋйсѧ мі́рꙋ ра́досте, ра́дꙋйсѧ дв҃о, мт҃и хрⷭ҇то́ва."
|
|
},
|
|
{
|
|
"type": "HEADER",
|
|
"value": "Пѣ́снь и҃. І҆рмо́съ."
|
|
},
|
|
{
|
|
"type": "TEXT",
|
|
"value": "Побѣжде́нъ бы́въ ѿ врага̀ прегрѣше́нми мно́гими и҆ ѿ мо́лвъ жите́йскихъ, прихождꙋ̀ съ вѣ́рою, и҆ ꙗ҆́кѡ манассі́а въ покаѧ́нїи вопїю́ ти хрⷭ҇тѐ: гдⷭ҇а по́йте дѣла̀ и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Моли̑твы преблаже́нне и҆ молє́нїѧ творѝ прилѣ́жнѡ къ бг҃ꙋ при́снѡ за рабы̀ твоѧ̑, въ печа́лехъ застꙋ́пника бо и҆ побо́рника тѧ̀ и҆мꙋ́ще спаса́емсѧ ѿ бѣ́дъ, гдⷭ҇а пою́ще и҆ превозносѧ́ще во всѧ̑ вѣ́ки. Два́жды."
|
|
},
|
|
{
|
|
"type": "TEXT",
|
|
"value": "Воѡрꙋжа́ютсѧ на лю́ди твоѧ̑ смирє́нныѧ, свѧти́телю пречестны́й ѻ҆́тче данїи́ле, сы́нове а҆га́рѧнстїи: сокрꙋшѝ и҆̀хъ неви́димою си́лою моли́твъ твои́хъ ко влады́цѣ и҆ бцⷣѣ, на́съ ра́ди гдⷭ҇а пою́щихъ и҆ превозносѧ́щихъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѡ҆кормѝ моли́твою твое́ю па́ствꙋ сїю̀ многочеловѣ́чнꙋю твою̀ и҆ ᲂу҆ста́ви бꙋ́рю вѣ́трѡвъ проти́вныхъ, чꙋ́вственныхъ и҆ мы́сленныхъ, моли́твами твои́ми, и҆зба́ви же всѧ́кихъ и҆скꙋше́нїй и҆ смꙋще́нїй, и҆ да́же до конца̀ неврежде́ннꙋ сохранѝ."
|
|
},
|
|
{
|
|
"type": "TEXT",
|
|
"value": "Неизрече́нное твоѐ чадолю́бїе ѻ҆́тче, превосходѧ́щее ѻ҆те́ческꙋю любо́вь, посѣща́етъ, на́съ всегда̀ твои́ми моли́твами, и҆спроша́ѧ на́мъ спасе́нїе и҆ подава́ѧ на́мъ съ ти́хостїю данїи́ле ра́доватисѧ."
|
|
},
|
|
{
|
|
"type": "TEXT",
|
|
"value": "Воздꙋ́хъ ᲂу҆́бѡ ѡ҆свѧти́сѧ благово́нїемъ моще́й твои́хъ данїи́ле, премꙋ́дре хрⷭ҇то́въ свѧти́телю: це́рковь же веселѧ́щисѧ вопїе́тъ: благослове́нъ бг҃ъ ѻ҆те́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѕвѣзда̀ возсїѧ̀ хрⷭ҇то́съ ѿ і҆а́кѡва, и҆ волсвѝ стека́ютсѧ во гра́дъ виѳлее́мъ, пѣ́ти, че́ствовати и҆ поклони́тисѧ є҆мꙋ̀, рожде́нномꙋ и҆зъ ложе́снъ чи́стыѧ бцⷣы."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃. І҆рмо́съ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ блꙋдни́ца, и҆ разбо́йникъ и҆ мыта́рь вопїю́ ти ѿ се́рдца хрⷭ҇тѐ: согрѣши́хъ, простѝ мнѣ̀ влады́ко, мнѡ́гаѧ моѧ̑ согрѣше́нїѧ, и҆ и҆зба́ви мѧ̀ ѿ всѧ́кагѡ гнѣ́ва, твоегѡ̀ свѧти́телѧ моли́твами, ꙗ҆́кѡ да тѧ̀ непреста́ннѡ велича́ю."
|
|
},
|
|
{
|
|
"type": "TEXT",
|
|
"value": "Прїиди́те собери́тесѧ всѝ се́рби ко блаже́ннагѡ свѧти́телѧ данїи́ла гро́бꙋ, и҆ со слеза́ми возопі́йте къ бг҃ꙋ: и҆зба́ви гдⷭ҇и ѿ бѣ́дъ лю́ди твоѧ̑ и҆ сохранѝ ро́дъ на́шъ во благоче́стїи, покори́ же десни́цѣ є҆гѡ̀ всѧ̑ навѣ́тꙋющыѧ є҆мꙋ̀, да тѧ̀ велича́емъ во вѣ́ки."
|
|
},
|
|
{
|
|
"type": "TEXT",
|
|
"value": "Велмѝ ра́дꙋетсѧ ѡ҆ тебѣ̀ пречестны́й ѻ҆́тче свѧти́телю данїи́ле, ро́дъ тво́й, помо́щника и҆ застꙋ́пника тѧ̀ и҆мѣ́ѧ: и҆ ны́нѣ влады́ко, не ѿходѝ дꙋ́хомъ ѿ на́съ, моли́твꙋ творѧ̀ за ны̀ ко гдⷭ҇ꙋ бг҃ꙋ и҆ пресвѧтѣ́й бцⷣѣ, ꙗ҆́кѡ да и҆зба́витъ на́съ ѿ наси́лїѧ безбо́жныхъ а҆га́рѧнѡвъ врагѡ́въ на́шихъ, да тѧ̀ всегда̀ велича́емъ."
|
|
},
|
|
{
|
|
"type": "TEXT",
|
|
"value": "Сла́вꙋ твою̀ воспѣ́ти по досто́инствꙋ невозмо́жнѡ, чꙋдеса́ бо премно́га и҆ и҆сцѣлє́нїѧ ѻ҆би́лнѡ подае́ши, съ те́плою вѣ́рою приходѧ́щымъ къ тебѣ̀, данїи́ле свѧти́телю, похвало̀ землѝ на́шеѧ."
|
|
},
|
|
{
|
|
"type": "TEXT",
|
|
"value": "Положѝ тебѐ це́ркве своеѧ̀ ѡ҆снова́нїе хрⷭ҇то́съ, и҆ столпа̀ крѣ́пка и҆ незы́блема во вѣ́къ, соблюда́юща ѻ҆би́тель твою̀ до конца̀ ѿ врагѡ́въ. Два́жды."
|
|
},
|
|
{
|
|
"type": "TEXT",
|
|
"value": "Свѧти́телїе ᲂу҆́бѡ, ца́рїе и҆ кнѧ́зи, сано́вницы и҆ всѝ лю́дїе, мꙋ́жїе и҆ жє́ны, ста́рцы съ младе́нцами, и҆ всѧ́къ во́зрастъ, и҆ всѧ́кое досто́инство, свѧти́телѧ на́шегѡ па́мѧть свѣ́тлѡ да пра́зднꙋимъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆краси́сѧ виѳлее́ме, гото́висѧ є҆ѵфра́ѳо без̾ ма́тере бо ѿ ѻ҆тца̀ и҆ без̾ ѻ҆тца̀ ма́терїю чревоно́ситсѧ и҆ ражда́етсѧ спаса́ѧ на́съ."
|
|
},
|
|
{
|
|
"type": "HEADER",
|
|
"value": "Свѣти́ленъ предпра́зднства."
|
|
},
|
|
{
|
|
"type": "TEXT",
|
|
"value": "Предпра́зднствєнныѧ вѣ́рнїи рождества̀ пѣ̑сни прїиди́те принесе́мъ всѝ: грѧде́тъ ᲂу҆жѐ хрⷭ҇то́съ въ виѳлее́мъ роди́тисѧ, спастѝ вселе́ннꙋю, ꙗ҆́кѡ є҆ди́нъ человѣколю́бецъ."
|
|
},
|
|
{
|
|
"type": "HEADER",
|
|
"value": "Сла́ва, свѧто́мꙋ:"
|
|
},
|
|
{
|
|
"type": "TEXT",
|
|
"value": "Дꙋ́хъ свѧты́й пома́за тѧ̀ свѧти́телю данїи́ле блаже́нне, хрⷭ҇то́вꙋ па́ствꙋ па́сти на па́житехъ спаси́тельныхъ. Тѣ́мъ и҆ потща́лсѧ є҆сѝ наставлѧ́ти лю́ди пра́выми стезѧ́ми: тогѡ̀ ра́ди ны́нѣ сꙋгꙋ́быѧ вѣнцы̀ ѿ вѣнцеда́вца прїѧ́лъ є҆сѝ."
|
|
},
|
|
{
|
|
"type": "HEADER",
|
|
"value": "И҆ ны́нѣ, предпра́зднства:"
|
|
},
|
|
{
|
|
"type": "TEXT",
|
|
"value": "Гото́висѧ виѳлее́ме, ᲂу҆красѝ домы̀ твоѧ̑: къ тебѣ́ бо грѧде́тъ дв҃а, младе́нца носѧ́щи хрⷭ҇та̀ ѻ҆тцꙋ̀ собезнача́льнаго: прїи́де бо да спасе́тъ ро́дъ человѣ́ческїй."
|
|
},
|
|
{
|
|
"type": "HEADER",
|
|
"value": "На хвали́техъ, стїхи̑ры предпра́зднствꙋ г҃, и҆ свѧто́мꙋ г҃, гла́съ и҃."
|
|
},
|
|
{
|
|
"type": "TEXT",
|
|
"value": "Что́ тѧ нарече́мъ свѧти́телю, а҆́гг҃ла, ꙗ҆́кѡ безпло́тенъ на землѝ пожи́лъ є҆сѝ; а҆по́стола ли, ꙗ҆́кѡ благовѣ́рїю наꙋчи́лъ є҆сѝ се́рбскꙋю зе́млю; мꙋ́ченика ли, ꙗ҆́кѡ хрⷭ҇та̀ ра́ди подвиза́лсѧ є҆сѝ до сме́рти; ѡ҆браща́ѧ лю́ди ѿ тмы̀ нече́стїѧ и҆ приводѧ̀ и҆̀хъ па́жить бг҃оразꙋ́мїѧ. Молѝ спасти́сѧ дꙋша́мъ на́шимъ."
|
|
},
|
|
{
|
|
"type": "TEXT",
|
|
"value": "Что́ тѧ и҆менꙋ́емъ бг҃облаже́нне данїи́ле, рѣкꙋ̀ дꙋхо́вныхъ во́дъ наполнѧ́емꙋ и҆ проходѧ́щꙋ се́рбскїѧ концы̀, жа́ждꙋщаѧ се́рдца напаѧ́ющꙋ твои́мъ ᲂу҆че́нїемъ. Ча́шꙋ бж҃е́ственнагѡ дꙋ́ха наполнѧ́емꙋ. Свѣщꙋ̀ це́рковь ѡ҆зарѧ́ющꙋю. Свѣти́льника, ꙗ҆́кѡ па́ствꙋ свою̀ просвѣща́еши. Мнѡ́га тѝ и҆мена̀ и҆ бѡ́льшаѧ дарова̑нїѧ. Молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Свѧти́телю хрⷭ҇то́въ, бж҃е́ственныхъ преда́нїй ᲂу҆чи́телю, вои́стиннꙋ тебѐ ꙗ҆́кѡ и҆́стиннаго па́стырѧ хрⷭ҇то́съ показа́лъ є҆́сть новоизбра́нномꙋ своемꙋ̀ слове́сномꙋ ста́дꙋ, се́рбскимъ лю́демъ, и҆̀хже и҆ ѿ собла́знѡвъ спа́слъ є҆сѝ и҆ ᲂу҆крѣпи́лъ є҆сѝ и҆̀хъ бы́ти въ правосла́вїи, тѣ́мже ны́нѣ мо́лимъ тѧ̀, данїи́ле досточꙋ́дне, моли́сѧ бг҃ꙋ спа́сꙋ ѡ҆ и҆̀же вѣ́рою пра́зднꙋющихъ пречестнꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃."
|
|
},
|
|
{
|
|
"type": "TEXT",
|
|
"value": "Сѐ прибли́жисѧ весе́лое торжество̀ и҆ пресвѣ́тлаѧ па́мѧть бг҃оно́снагѡ ѻ҆тца̀. Ра́дꙋйсѧ и҆ красꙋ́йсѧ патрїа́рхїе се́рбскаѧ, весели́сѧ пе́кскаѧ митропо́лїе, глаго́лющи: ра́дꙋйсѧ, це́ркве се́рбскїѧ храни́телю. Ра́дꙋйсѧ, царе́й се́рбскихъ вѣнча́телю. Ра́дꙋйсѧ, помаза́вый царѧ̀ дꙋша́на на ца́рство. Ра́дꙋйсѧ, ро́дꙋ се́рбскомꙋ честны́й наста́вниче и҆ сто́лпе неподвижи́мый, ра́дꙋйсѧ, це́рквамъ вели́кое пра́вило. Ра́дꙋйсѧ, сопресто́льниче престо́ла се́рбскагѡ. Ра́дꙋйсѧ, ᲂу҆чи́телю царе́й благочести́выхъ. Ра́дꙋйсѧ, свѣти́льниче всесвѣ́тлый, просвѣща́ющь се́рбскїѧ концы̀ ᲂу҆че́нми свои́ми. Ра́дꙋйсѧ, скорбѧ́щихъ бж҃е́ственное ᲂу҆тѣше́нїе и҆ ѡ҆би́димыхъ те́плый побо́рниче. Тѣ́мъ непреста́й молѧ́сѧ хрⷭ҇тꙋ̀ бг҃ꙋ и҆ пресвѧтѣ́й бцⷣѣ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, предпра́зднствꙋ, гла́съ ѕ҃."
|
|
},
|
|
{
|
|
"type": "TEXT",
|
|
"value": "Приближа́етсѧ хрⷭ҇то́съ, виѳлее́ме пред̾ꙋгото́висѧ, ᲂу҆жѐ спасе́нїе ꙗ҆зы́кѡвъ, ѡ҆зарѧ́етъ. Благоꙋкрасѝ ꙗ҆́сли, па́стыри соберѝ, призовѝ волхвы̀ ѿ персі́ды. Вѡ́инства безпло́тныхъ ᲂу҆мѡ́въ воззови́те: цр҃ь небе́съ на зе́млю прихо́дитъ."
|
|
},
|
|
{
|
|
"type": "HEADER",
|
|
"value": "Славосло́вїе, вели́кое и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и, Блаже́нна ѿ канѡ́на предпра́зднствꙋ и҆ свѧто́мꙋ. По вхо́дѣ, тропа́рь предпра́зднствꙋ, чꙋдотво́рнѣй і҆кѡ́нѣ и҆ свѧто́мꙋ, конда́къ і҆кѡ́нѣ, сла́ва свѧто́мꙋ, и҆ ны́нѣ предпра́зднствꙋ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ а҃:"
|
|
},
|
|
{
|
|
"type": "TEXT",
|
|
"value": "Оу҆ста̀ моѧ̑ возглаго́лютъ премꙋ́дрость и҆ поꙋче́нїе се́рдца моегѡ̀ ра́зꙋмъ."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй."
|
|
},
|
|
{
|
|
"type": "HEADER",
|
|
"value": "А҆пⷭ҇лъ ко є҆вре́ємъ, зача́ло ти҃і, ѿ полꙋ̀."
|
|
},
|
|
{
|
|
"type": "TEXT",
|
|
"value": "А҆ллилꙋ́їа: Оу҆ста̀ пра́веднагѡ поꙋча́тсѧ въ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло а҃і."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ пра́ведникъ."
|
|
}
|
|
] |