994 lines
92 KiB
JSON
994 lines
92 KiB
JSON
[
|
|
{
|
|
"type": "HEADER",
|
|
"value": "Феѵрꙋа́рїа г҃і"
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ ѻ҆ц҃а̀ на́шегѡ сѷмеѡ́на, се́рбскагѡ ᲂу҆чи́телѧ и҆ мѷрото́чца но́вагѡ."
|
|
},
|
|
{
|
|
"type": "HEADER",
|
|
"value": "На ма́лѣй вече́рни, стїхи̑ры на д҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "Бжⷭ҇твеннагѡ разꙋмѣ́нїѧ прїи́мъ сѷмеѡ́не сїѧ́нїе, ѻ҆́чи просвѣти́въ твоѝ срⷣчнїи, є҆́реси мра́къ ѿве́рглъ є҆сѝ, правосла́вїѧ же вѣ́рꙋ ꙗ҆́кѡ хорꙋ́гви воздви́глъ є҆сѝ, и҆ ѿ кнѧ́зѧ тмы̀ лю́ди твоѧ̑ и҆схи́тилъ є҆сѝ, и҆ бл҃гоче́стїемъ си́хъ просвѣти́лъ є҆сѝ, твою̀ па́мѧть досто́йнѡ сла́вимъ, молѧ́ще мл҃твами твои́ми, і҆и҃са чл҃колю́бца спастѝ и҆ просвѣти́ти дꙋ́шы на́шѧ. Два́жды."
|
|
},
|
|
{
|
|
"type": "TEXT",
|
|
"value": "Црⷭ҇твꙋющагѡ всѣ́ми цр҃ѧ̀ хрⷭ҇та̀, ꙗ҆́кѡ си́ленъ во́инъ, проти̑вныѧ вѣ́рѣ низложи́лъ є҆сѝ, и҆ лю́ди твоѧ̑ невреди́ми ѿ си́хъ соблю́лъ є҆сѝ, и҆ всѣ̑мъ и҆́же въ житїѝ добродѣ́телїю ѻ҆́ч҃е ѻ҆би́ленъ, ꙗ҆́кѡ ма́слина многоплодови́та, вои́стиннꙋ ꙗ҆ви́лсѧ є҆сѝ: и҆ ны́нѣ ма́стїю мѵ́ра твоегѡ̀ ѡ҆сщ҃а́еши, твою̀ па́мѧть сѷмеѡ́не пою́щыѧ, и҆ молѧ́щыѧ мл҃твами твои́ми і҆и҃са чл҃колю́бца, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Прⷭ҇нѡсꙋ́щагѡ житїѧ̀ свѣ́тлости и҆ є҆́же со а҆́гг҃лы пребыва́нїѧ сѷмеѡ́не воспомина́ѧ, свѣ́тлыхъ житїѧ̀ ѻ҆́ч҃е и҆збѣжа́въ, крⷭ҇тъ тво́й воспрїе́мъ, распе́ншемꙋсѧ тебѐ ра́ди, послѣ́довалъ є҆сѝ, и҆ въ пꙋсты́ни поста̀ тече́нїе соверши́лъ є҆сѝ: ны́нѣ же во свѣ́тлостехъ ст҃ы́хъ весели́шисѧ. Тѣ́мъ твою̀ па́мѧть досто́йнѡ сла́вимъ, молѧ́ще і҆и҃са чл҃колю́бца спастѝ и҆ просвѣ́тити дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е гла́съ є҆ѵⷢ҇лїа гдⷭ҇нѧ ᲂу҆слы́шавъ, мі́ръ ѡ҆ста́вилъ є҆сѝ бога́тство и҆ сла́вꙋ въ ничто́же вмѣни́въ, тѣ́мже всѣ̑мъ вопїѧ́лъ є҆сѝ: возлюби́те бг҃а, и҆ ѡ҆брѧ́щете блгⷣть вѣ́чнꙋю: ничто́же предпочти́те па́че любвѐ є҆гѡ̀, да є҆гда̀ прїи́детъ въ сла́вѣ свое́й, ѡ҆брѧ́щете поко́й со всѣ́ми ст҃ы́ми: є҆гѡ́же мл҃твами хрⷭ҇тѐ сохранѝ и҆ спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Тебѣ̀ мо́лимсѧ ꙗ҆́кѡ бж҃їи мт҃ри, блгⷭ҇ве́ннаѧ молѝ ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Бога́тство на землѝ ра́дꙋѧсѧ разда́въ, ны́нѣ ве́селѡ на небесѣ́хъ прїе́млеши, сѷмеѡ́не воздаѧ́нїе."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть, прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сла́вꙋ съ сн҃омъ презрѣ́вше тлѣ́ннꙋю, бжⷭ҇твенныѧ сла́вы во вѣ́ки сподо́бистесѧ, и҆дѣ́же ны́нѣ ѡ҆ на́съ моли́тесѧ."
|
|
},
|
|
{
|
|
"type": "TEXT",
|
|
"value": "Сті́хъ: Восхва́лѧтсѧ прпⷣбнїи во сла́вѣ и҆ возра́дꙋютсѧ:"
|
|
},
|
|
{
|
|
"type": "TEXT",
|
|
"value": "И҆зба́вите ѻ҆ц҃ы̀, ко хрⷭ҇тꙋ̀ мл҃твами ва́шими, ѿ всѧ́кихъ бѣ́дъ и҆ ѡ҆ѕлобле́нїй ва́шꙋ па́мѧть почита́ющихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃."
|
|
},
|
|
{
|
|
"type": "TEXT",
|
|
"value": "Цр҃ѧ̀ всѣ́хъ хрⷭ҇та̀ бг҃а любо́вїю, дꙋ́шы своѧ̑ ᲂу҆ѧзви́вше, црⷭ҇твїѧ красоты̀ ѡ҆ста́вивше, ни̑жнѧѧ всѧ̀ ꙗ҆́кѡ несꙋ̑щаѧ преминꙋ́вше, є҆ѵⷢ҇льскихъ томꙋ̀ послѣ́довали є҆стѐ: и҆ до́брѣ подвиза́вшесѧ въ пꙋсты́ни, смире́нїемъ и҆ воздержа́нїемъ, бѣсѡ́вскїѧ полкѝ ᲂу҆ничижи́ли є҆стѐ, тѣ́мже безконе́чныѧ жи́зни сподо́бившесѧ, съ нбⷭ҇ными ли́ки ны́нѣ весели́тесѧ съ ни́миже бг҃оно́снїи ѻ҆ц҃ы̀ сѷмеѡ́не и҆ са́вво, сп҃сꙋ̀ всѣ́хъ моли́тесѧ: ᲂу҆мири́ти мі́ръ и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Кро́въ тво́й бцⷣе дв҃о, врачевство̀ є҆́сть дх҃о́вное: во́нъ бо прибѣга́юще ѿ дꙋше́вныхъ недꙋ̑гъ и҆збавлѧ́емсѧ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃."
|
|
},
|
|
{
|
|
"type": "TEXT",
|
|
"value": "Бжⷭ҇твенною бл҃года́тїю просвѣти́всѧ, и҆ по сме́рти показꙋ́еши свѣ́тлостъ житїѧ̀ твоегѡ̀: и҆сточа́еши бо мѵ́ро бл҃гоꙋха́нїѧ, притека́ющымъ къ ра́цѣ моще́й твои́хъ: и҆ лю́ди твоѧ̑ наста́вилъ є҆сѝ къ свѣ́тꙋ бг҃оразꙋ́мїѧ, сѷмеѡ́не ѻ҆́ч҃е на́шъ, хрⷭ҇та̀ бг҃а молѝ, дарова́ти на́мъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀ хода́тайствовавшꙋю:"
|
|
},
|
|
{
|
|
"type": "HEADER",
|
|
"value": "Є҆ктенїа̀, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни, Бл҃же́нъ мꙋ́жъ, а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и воззва́хъ, поста́вимъ стїхѡ́въ и҃, и҆ пое́мъ стїхи̑ры, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ по́стникѡвъ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ сѷмеѡ́не бл҃же́нне, ра́зꙋмомъ трⷪ҇цы ѡ҆зари́всѧ,и҆ лю́ди твоѧ̑ къ не́й вѣ́рою просвѣти́лъ є҆сѝ, и҆ си́лою крⷭ҇та̀ ᲂу҆крѣплѧ́емъ. Дꙋшегꙋби́тельныѧ є҆́рєси низложи́лъ є҆сѝ и҆ цр҃кви ст҃ы́ѧ воздви́глъ є҆сѝ, сла́вити же вопло́щшагосѧ сн҃а, ра́вна ѻ҆ц҃ꙋ̀ и҆ дх҃ꙋ наꙋчи́лъ є҆сѝ, пра́вдою и҆ ми́лостїю ᲂу҆краша́ѧсѧ, и҆ всѣ́ми дѣ́лы бжⷭ҇твенными ѡ҆богаща́емъ ꙗ҆ви́лсѧ є҆сѝ: и҆ ны́нѣ со безпло́тными ра́дꙋѧсѧ предстои́ши, съ ни́ми же хрⷭ҇то́ви моли́сѧ, дꙋша́мъ на́шимъ пода́ти ве́лїю млⷭ҇ть. Два́жды."
|
|
},
|
|
{
|
|
"type": "TEXT",
|
|
"value": "Ра́дꙋйсѧ сѷмеѡ́не бг҃оно́се, и҆́стинною любо́вїю ᲂу҆ѧзви́всѧ, на́съ ра́ди на землѝ стра́нствовавшагѡ, и҆ ѿ дв҃ы вопло́щшагѡсѧ хрⷭ҇та̀ бг҃а, црⷭ҇твїѧ кра̑снаѧ преѡби́дѣлъ є҆сѝ, ро́да же и҆ ча́дъ ᲂу҆чꙋжди́всѧ, чл҃ки ᲂу҆диви́лъ є҆сѝ ᲂу҆стране́нїемъ мі́ра, бѣ́сы посрами́лъ є҆сѝ смире́нїемъ твои́мъ, а҆́гг҃льскїѧ ли́ки ра́дости и҆спо́лнилъ є҆сѝ: съ ни́миже водворѧ́ѧсѧ, свѣ́та и҆сполнѧ́ѧсѧ бж҃е́ственнагѡ, и҆ пребога́тагѡ наслажда́ѧсѧ сїѧ́нїѧ: хрⷭ҇то́ви ѻ҆́ч҃е моли́сѧ, дарова́ти мі́рови ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е сѷмеѡ́не досточꙋ́дне, горы̀ а҆ѳѡ́на доше́дъ, и҆ ревни́тель бы́въ въ не́й постѧ́щымсѧ, ю҆́ношески въ ста́рости подви́гсѧ воздержа́нїемъ и҆ мл҃твами, село̀, дꙋ́шꙋ твою̀ ѡ҆бнови́въ, и҆ тꙋ́чами сле́зными напои́въ сїю̀, трⷪ҇ческꙋю блгⷣть въ не́й посѣ́ѧвъ, и҆ возрасти́въ, и҆ кра́сное тоѧ̀ ны́нѣ ꙗ҆ви́лсѧ є҆сѝ прїѧ́телище: ны́нѣ же ра́ка твоѧ̀ ꙗ҆ви́сѧ и҆спо́лнь ст҃а́гѡ дх҃а. Мѵ́ро и҆сцѣле́нїѧ и҆злива́ющи, ю҆́же мы̀ лю́дїе твоѝ ѡ҆бстоѧ́ще бл҃же́нне, мл҃твами мо́лимсѧ хрⷭ҇тꙋ̀ бг҃ꙋ, дарова́ти на́мъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры ѡ҆ мѷроизли́тїи є҆гѡ̀, гла́съ в҃. Самогла́сны:"
|
|
},
|
|
{
|
|
"type": "TEXT",
|
|
"value": "Мѵ́ро бл҃гово́нно, ꙗ҆́кѡ рѣка̀ дх҃а блгⷣтїю наводнѧ́ема, ра́ка моще́й твои́хъ ꙗ҆́вѣ и҆сточа́етъ, и҆ бѣсѡ́въ полкѝ мы́сленнѡ погрꙋжа́етъ, бл҃гочести́выхъ же люде́й стра́сти и҆ че́рность ѡ҆чища́етъ, и҆ дꙋ́шъ скве́рнꙋ ѡ҆мыва́етъ, и҆ срⷣца весе́лїемъ напаѧ́етъ, тебѣ̀ ѻ҆́ч҃е предстоѧ́щихъ и҆ молѧ́щихсѧ ко гдⷭ҇ꙋ: моли́твами твои́ми и҆зба́витисѧ дш҃етлѣ́нныхъ томле́нїй. Два́жды."
|
|
},
|
|
{
|
|
"type": "TEXT",
|
|
"value": "Плотско́е роди́тельство, въ дх҃о́вное сыновство̀ повинꙋ́въ, твоемꙋ̀ сы́нꙋ ю҆́ноши, въ ста́рости послꙋшли́въ въ пꙋсты́ни сѷмеѡ́не ꙗ҆ви́лсѧ є҆сѝ. Тѣ́мже и҆ во гро́бѣ, ꙗ҆́кѡ жи́въ сы́й послꙋ́шалъ є҆сѝ, посла́нїе є҆гѡ̀ любо́вїю прїе́мъ, мѵ́ро ѿ моще́й твои́хъ и҆сточи́лъ є҆сѝ и҆́же вѣ́рою че́рплюще богати́мсѧ. Тѣ́мъ срⷣца̀ и҆ дꙋ́шы ѡ҆сщ҃а́юще, ва́съ просла́вльшагѡ хрⷭ҇та̀ велича́емъ, ꙗ҆́кѡ ди́вна во ст҃ы́хъ свои́хъ."
|
|
},
|
|
{
|
|
"type": "TEXT",
|
|
"value": "И҆сточи́вый во́дꙋ и҆зъ сꙋ́ха ка́мене, сꙋщество̀ є҆стества̀ претворѧ́ѧй ꙗ҆́коже хо́щетъ, и҆́же всеѧ̀ тва́ри гдⷭ҇ь крѣ́постїю, и҆ стѣнопи́санное твоегѡ̀ ѻ҆́браза подо́бїе и҆зъ сꙋха́гѡ ва́ра мѷроточи́во сѷмеѡ́не ѻ҆́ч҃е ꙗ҆ви́лъ є҆́сть. И҆ ꙗ҆́кѡ дре́вле непокори́ваго і҆и҃лѧ, бл҃гопокори̑выѧ лю́ди твоѧ̑ ᲂу҆дивлѧ́етъ, зна́менми же и҆ чꙋдесы̀ прославлѧ́етъ предъ ни́ми, ꙗ҆́кѡ мѡѷсе́а своегѡ̀ ᲂу҆го́дника."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃."
|
|
},
|
|
{
|
|
"type": "TEXT",
|
|
"value": "Всечестны́й пра́здникъ ст҃ы́ѧ твоеѧ̀ па́мѧти, сѷмеѡ́не ѻ҆́ч҃е всебл҃же́нне, любо́вїю собра́вшесѧ досто́йнѡ ᲂу҆блажа́юще гл҃емъ: ра́дꙋйсѧ, бл҃гоче́стїѧ нача́ло люде́й твои́хъ, и҆зъ ни́хже те́рнїе є҆́реси и҆скорени́въ, правосла́вныѧ вѣ́ры ло́зꙋ насади́лъ є҆сѝ. Ра́дꙋйсѧ, трⷪ҇цы побо́рниче, цр҃квей воздвиже́нїе, и҆ ни́щихъ богати́телю. Ра́дꙋйсѧ, смире́нїѧ ѻ҆́бразе и҆ стра́нствїѧ ᲂу҆чи́телю, и҆́же текꙋ́щее црⷭ҇тво ѿри́нꙋвъ, по́стнически въ пꙋсты́ни пожи́лъ є҆сѝ, и҆ ны́нѣ со а҆́гг҃лы ᲂу҆ хрⷭ҇та̀ весели́шисѧ, къ немꙋ́же ѡ҆ на́съ съ ни́ми моли́сѧ, спасти́сѧ дꙋша́мъ на́шимъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Кто̀ тебѐ не ᲂу҆бл҃жи́тъ прест҃а́ѧ дв҃о: кто́ ли не воспое́тъ твоегѡ̀ пречⷭ҇тагѡ ржⷭ҇тва̀: безлѣ́тнѡ бо ѿ ѻ҆ц҃а̀ возсїѧ́вый сн҃ъ є҆диноро́дный: то́йже ѿ тебѐ чⷭ҇тыѧ про́йде, неизрече́ннѡ вопло́щсѧ, є҆стество́мъ бг҃ъ сы́й: и҆ є҆стество́мъ бы́въ чл҃къ на́съ ра́ди, не во двою̀ лицꙋ̀ раздѣлѧ́емый, но во двою̀ є҆стествꙋ̑ несли́тнѡ познава́емый. Того̀ молѝ чⷭ҇таѧ, всебл҃же́ннаѧ, поми́ловатисѧ дꙋша́мъ на́шимъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ, и҆ чтє́нїѧ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры самогла́сны, гла́съ д҃."
|
|
},
|
|
{
|
|
"type": "TEXT",
|
|
"value": "Бл҃же́нъ є҆сѝ вои́стиннꙋ сѷмеѡ́не ѻ҆́ч҃е досточꙋ́дне, ты́ бо и҆́стинное соверше́нїе є҆ѵⷢ҇льски подража́въ, бога́тство разда́лъ є҆сѝ тре́бꙋющымъ, и҆ взе́мъ крⷭ҇тъ тво́й бг҃оно́се, си́мъ ᲂу҆ча́щемꙋ послѣ́довалъ є҆сѝ, земны́ми нбⷭ҇наѧ и҆змѣни́въ, тлѣ́нными сла́вꙋ нетлѣ́ннꙋю возмезди́лъ є҆сѝ ра́дꙋѧсѧ, и҆ ны́нѣ со а҆́гг҃льскими ли́ки, на нбⷭ҇ѣ́хъ сца́рствꙋеши хрⷭ҇тꙋ̀ бг҃ꙋ: є҆гѡ́же молѝ преподо́бне, всѧ́кїѧ собла́зни ѕмі́евы и҆зба́витисѧ, на землѝ твою̀ па́мѧть творѧ́щымъ."
|
|
},
|
|
{
|
|
"type": "TEXT",
|
|
"value": "Та́йными на нб҃сѝ блиста́нми, пресвѣ́тлыѧ трⷪ҇цы ѡ҆зарѧ́емъ сѷмеѡ́не приснобл҃же́нне, прича́стїемъ бж҃їей бл҃года́ти высо́къ быва́еши: и҆сточа́еши бо на землѝ мѵ́ро и҆сцѣле́нїѧ, ѡ҆богаща́ѧ вѣ́рою приходѧ́щыѧ, но ꙗ҆́кѡ прⷭ҇то́лꙋ предстоѧ̀ хрⷭ҇та̀ бг҃а, ѿ негѡ́же ѻ҆́ч҃е ѡ҆божа́емъ, вѣ́рою твою̀ па́мѧть творѧ́щымъ бжⷭ҇твеннꙋю, ѿ и҆скꙋше́нїй многоѻбра́зныхъ молѝ и҆зба́витисѧ, и҆ спасти́сѧ дꙋша́мъ на́шимъ."
|
|
},
|
|
{
|
|
"type": "TEXT",
|
|
"value": "Разше́дшесѧ по землѝ ꙗ҆́кѡ и҆сполни́телїе є҆ѵⷢ҇лїѧ, ѻ҆те́чество и҆ ро́дъ ѡ҆ста́висте: ѻ҆ба́че, и҆ по сме́рти живꙋ́ще, люде́й свои́хъ всѧ́чески неѡста́висте: бж҃їимъ бо манове́нїемъ ѿ чꙋжестра́нствїѧ во своѧ̑ прїидо́сте. Тѣ́мже и҆ цр҃ковь бж҃їѧ ве́селѡ мо́щи ва́шѧ прїѧ́тъ, и҆ си́ми ᲂу҆краси́вшисѧ ра́дꙋетсѧ, мы́сленнѡ же и҆сповѣ́даетсѧ гл҃ющи: просвѣти́сѧ добро́та моѧ̀, па́че всѧ́кїѧ лѣ́поты: вели́читъ сла́ва моѧ̀ гдⷭ҇а, возда́вшагѡ мѝ дво́ицꙋ ст҃ꙋ́ю, сы́на со ѻ҆тце́мъ невѣстово́жды, и҆ ᲂу҆твержде́нїе вѣ́ры, прїѧ́тїе досто́инствъ мои́хъ: се́ бо а҆рхїере́ѡвъ вели́кїй ве́рхъ, са́вва прехва́льный, и҆ сѷмеѡ́нъ ди́вный и҆ многопѣ́тый ше́ствїе дх҃омъ на нб҃са̀ сотво́рше, въ нѣ́дрѣхъ мои́хъ тѣле́снѡ па́ки водвори́шасѧ, прїиди́те праздниколю́бцы коего́ждо си́хъ вкꙋ́пѣ похва́лимъ: ѻ҆́вагѡ ᲂу҆́бѡ, ꙗ҆́кѡ црⷭ҇тво ѡ҆ста́вивша, въ пꙋсты́ни пости́вшасѧ, смире́нїемъ вознесе́нна, и҆ мѵ́ро и҆сточа́юща. Ѻ҆́ваго же пꙋсты́нное воспита́нїе, ꙗ҆́кѡ мч҃нка поще́нїемъ, и҆ ꙗ҆́кѡ а҆пⷭ҇лѡвъ проповѣ́данїе, ѻ҆бои́хъ и҆зѧ́щнѣ трꙋди́вшихсѧ, и҆ во всѣ́хъ хрⷭ҇тꙋ̀ ᲂу҆го́ждшихъ. Къ немꙋ́же ꙗ҆́кѡ и҆мꙋ́ще дерзнове́нїе, мо́лѧтсѧ спасти́сѧ дꙋша́мъ на́шимъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃."
|
|
},
|
|
{
|
|
"type": "TEXT",
|
|
"value": "Вострꙋ́бимъ трꙋбо́ю пѣ́сней, всѣ́хъ къ похвале́нїю досто́йномꙋ, бг҃оно́сныхъ ѻ҆ц҃ъ ны́нѣ созыва́юще. Цр҃їе и҆ кнѧ́зи да дивѧ́тсѧ, и҆́же всѣ́хъ цр҃ѧ̀ и҆́скрєннимъ рабѡ́мъ, и҆́же кнѧ́зѧ тмы̀, смире́нїемъ низложи́ша. Па́стырїе и҆ ᲂу҆чи́телїе, прпⷣбнїи же и҆ по́стницы всѝ сошⷣешесѧ восхва́лимъ: ѻ҆тца̀ ᲂу҆̀бо, ꙗ҆́кѡ пе́рвагѡ вѣ́ры наста́вника, рѣкꙋ̀ млⷭ҇тыни, ско́рбныхъ ᲂу҆тѣше́нїе, и҆ всѣ́хъ болѧ́щихъ ми́лованїе. Сы́на же, ꙗ҆́кѡ мл҃твами бг҃ода́нна, и҆ млеко́мъ поще́нїѧ воспита́нна, и҆зрѧ́дна па́стырѧ же и҆ ᲂу҆чи́телѧ: ѻ҆́ба наста̑вника люде́й свои́хъ, и҆ те́пла къ бг҃ꙋ мл҃твами прⷣеста̑телѧ, и҆́хже похвалѧ́юще, си́це рце́мъ: ѽ ѻ҆тцы̀ и҆ па́стыри, до́брїи, сѷмеѡ́не прпⷣбне, и҆ са́вво сщ҃е́нне! Трⷪ҇цѣ ны́нѣ ꙗ҆́кѡ прⷣестоитѐ, моли́те спасти́сѧ дш҃а́мъ на́шимъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Ге́рмана патрїа́рха: Вострꙋ́бимъ трꙋбо́ю пѣ́сней, прекло́ншисѧ бо свы́ше всецари́ца мт҃и дв҃а бл҃гослове́нми вѣнчава́етъ воспѣва́ющыѧ ю҆̀. Цр҃ѝ и҆ кн҃зи да стекꙋ́тсѧ, и҆ цр҃цѣ да воспле́щꙋтъ въ пѣ́снехъ цр҃ѧ̀ ро́ждшꙋю, сме́ртїю ѡ҆держи́мыѧ пе́рвѣе, разрѣши́ти чл҃колю́бнѡ бл҃гоизво́лившагѡ. Па́стырїе и҆ ᲂу҆чи́телїе до́брагѡ па́стырѧ, пречⷭ҇тꙋю мт҃рь соше́дшесѧ да восхва́лимъ. Свѣ́щникъ златоза́рный, свѣтоно́сный ѻ҆́блакъ, нб҃съ простра́ннѣйшꙋ, ѡ҆дꙋшевле́нный же кївѡ́тъ, ѻ҆гнезра́чный влⷣченъ прⷭ҇то́лъ, маннопрїе́мнꙋю златꙋ́ю ста́мнꙋ, заключе́ннꙋю сло́ва две́рь. Всѣ́хъ хрⷭ҇тїа́нъ прибѣ́жище, пѣ́снми бг҃оглаго́ливыми похвалѧ́юще си́це рце́мъ: пала́то сло́ва, сподо́би смире́нныхъ на́съ нбⷭ҇нагѡ црⷭ҇твїѧ, ничто́же бо невозмо́жнѡ хода́тайствꙋ твоемꙋ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Нбⷭ҇ныхъ красо́тъ сїѧ́нїемъ, разꙋ́мнѡ ѻ҆́ч҃е просвѣща́емь, всѧ̑ ꙗ҆̀же на землѝ кра̑снаѧ ѡ҆ста́вивъ, и҆ за всѧ̑ хрⷭ҇та̀ стѧжа́въ: тѣ́мъ свѣ́тлꙋю твою̀ па́мѧть пѣ́снми сла́вимъ, и҆ тво́й гро́бъ ст҃ы́й вѣ́рою ѡ҆блобыза́имъ, молѧ́щесѧ, мл҃твами твои́ми ко гдⷭ҇ꙋ, полꙋчи́ти живота̀ вѣ́чнагѡ свѣ́тлости."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Прише́ствїемъ ст҃ы́хъ моще́й твои́хъ, ѻ҆ч҃ество твоѐ ѡ҆богати́сѧ, и҆ свѣ́тлаѧ цр҃ковь твоѧ̀ си́хъ прїе́мши, и҆ мѷропода́тельны и҆́хъ и҆мꙋ́щи краси́тсѧ, и҆ всѧ̀ вѣ́рныѧ созыва́етъ, свѣтоно́снꙋю и҆ ст҃ꙋ́ю па́мѧть твою̀ пра́здновати, та́йнѡ къ ни́мъ гл҃ющи: стрꙋѝ и҆сцѣле́нїѧ, мѵ́ро почерпи́те; вѣ́рꙋ, ꙗ҆́кѡ вѣ́рнѡ даю́ще приходѧ́щымъ, празднолю́бцы прїими́те."
|
|
},
|
|
{
|
|
"type": "TEXT",
|
|
"value": "Сті́хъ: Чⷭ҇тна̀ прⷣе гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Прⷪ҇ро́ческаѧ словеса̀ соверша́емаѧ ви́дѧще, гл҃емъ: првⷣницы во вѣ́ки живꙋ́тъ, ѿ тебѐ хрⷭ҇тѐ воздаѧ́нїемъ: се́ бо ѻ҆ц҃ъ съ сы́номъ, и҆ по сме́рти па́че живота̀ хвали́ми. Ѻ҆́въ ᲂу҆́бѡ мѵ́ро и҆сточа́ѧ ꙗ҆ви́сѧ: ѻ҆́въ же цѣ́лъ и҆ неразрꙋши́мъ бл҃гоꙋха́етъ, ѻ҆́ба ѿгонѧ́ща дꙋ́хи лꙋка́вствїѧ, ѿ тебѐ прославлѧ́ема свы́ше: ѻ҆́ба чꙋдесы̀ ᲂу҆дивлѧ́ема, си́лою твое́ю."
|
|
},
|
|
{
|
|
"type": "HEADER",
|
|
"value": "Сла́ва, гла́съ г҃."
|
|
},
|
|
{
|
|
"type": "TEXT",
|
|
"value": "Бл҃гоче́стїѧ и҆́стинныѧ проповѣ́дники, и҆ цр҃кве пресвѣ́тлыѧ ѕвѣзды̀, сѷмеѡ́на пе́рвагѡ вѣ́ры побо́рника, са́ввꙋ же и҆́стиннагѡ ᲂу҆чи́телѧ, и҆ слꙋжи́телѧ є҆ѵⷢ҇лїа, и҆ сказа́телѧ хрⷭ҇то́выхъ сщ҃е́нныхъ та́инъ, ѻ҆бои́хъ пѣ́снми похва́льными почти́мъ. Сі́и бо па́че со́лнца просїѧ́ша въ вѣ́рнѣй тве́рди, ꙗ҆́кѡ лꙋча́ми ᲂу҆че́нїемъ, въ но́щи невѣ́дѣнїѧ сꙋ́щихъ возведо́ша. Сі́и пле́велы ѕлоче́стїѧ и҆стерза́вше, бл҃гоче́стїемъ лю́ди своѧ̑ возрасти́ша. И҆ бога́тꙋю правовѣ́рїемъ ни́вꙋ воздѣ́лаша. Сі́и и҆́стиннагѡ вїногра́да хрⷭ҇то́ва гро́здъ зрѣ́лъ, и҆́стиннꙋю вѣ́рꙋ, на сте́блїѧхъ ча́дъ свои́хъ но́сѧтъ: є҆го́же вѣ́рнїи ꙗ҆дꙋ́ще, съ весе́лїемъ стеце́мсѧ къ ни́мъ, молѧ́щесѧ: сѷмеѡ́не бг҃оно́се, са́вво сщ҃е́нне, се́рбскаѧ похвало̀ и҆ ᲂу҆добре́нїе: па́стырїе и҆ ᲂу҆чи́телїе, пе́рвагѡ па́стырѧ и҆ ᲂу҆чи́телѧ хрⷭ҇та̀ моли́те: дꙋша́мъ на́шимъ пода́ти ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Безъ сѣ́мене ѿ бж҃е́ственнагѡ дх҃а, во́лею же ѻ҆́ч҃ею, зача́ла є҆сѝ сн҃а бж҃їѧ: ѿ ѻ҆ц҃а̀ безъ мт҃ре пре́жде вѣ̑къ сꙋ́ща, на́съ же ра́ди, и҆зъ тебѐ безъ ѻ҆ц҃а̀ бы́вша, пло́тїю родила̀ є҆сѝ, и҆ млⷣнца млеко́мъ пита́ла є҆сѝ: тѣ́мже не преста́й моли́ти и҆зба́витисѧ ѿ бѣ́дъ дш҃а́мъ на́шимъ."
|
|
},
|
|
{
|
|
"type": "HEADER",
|
|
"value": "На бл҃гослове́нїи хлѣ́бѡвъ, тропа́рь, гла́съ г҃."
|
|
},
|
|
{
|
|
"type": "TEXT",
|
|
"value": "Бжⷭ҇твенною бл҃года́тїю просвѣти́всѧ, и҆ по сме́рти показꙋ́еши свѣ́тлость житїѧ̀ твоегѡ̀: и҆сточа́еши бо мѵ́ро бл҃гоꙋха́нїѧ, притека́ющымъ къ ра́цѣ моще́й твои́хъ: и҆ лю́ди твоѧ̑ наста́вилъ є҆сѝ къ свѣ́тꙋ бг҃оразꙋ́мїѧ, сѷмеѡ́не ѻ҆́ч҃е на́шъ, хрⷭ҇та̀ бг҃а молѝ, дарова́ти на́мъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "И҆ Бцⷣе дв҃о:"
|
|
},
|
|
{
|
|
"type": "HEADER",
|
|
"value": "На ᲂу҆́трени, На Бг҃ъ гдⷭ҇ь, тропа́рь ст҃а́гѡ два́жды, Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "По а҃-й каѳі́смѣ, сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости и҆ сло́во:"
|
|
},
|
|
{
|
|
"type": "TEXT",
|
|
"value": "Млⷭ҇тва бг҃а, млⷭ҇тїю себѣ̀ ѻ҆́ч҃е ᲂу҆стро́ити хотѧ̀, млⷭ҇тивъ стѧжа́лъ є҆сѝ ра́зꙋмъ, и҆ млⷭ҇тивнѡ ни́щыѧ ᲂу҆ще́дрилъ є҆сѝ: нестоѧ́щимъ бога́тствомъ смы́сленнѡ, во вѣ́ки недви́жимое и҆скꙋпи́лъ є҆сѝ: є҆́же ны́нѣ воспрїе́млѧ ра́дꙋешисѧ, сѷмеѡ́не бг҃оно́се, и҆ всебл҃же́нне: молѝ хрⷭ҇та̀ бг҃а, прегрѣше́нїй проще́нїе дарова́ти, чтꙋ́щымъ любо́вїю ст҃ꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безсѣ́меннѡ ро́ждшꙋю бг҃а пло́тїю, всѝ бл҃жи́мъ ро́ди чл҃честїи: ѻ҆́гнь бо всели́сѧ въ тѧ̀ бж҃ества̀, и҆ ꙗ҆́кѡ млⷣнца млеко́мъ пита́еши зижди́телѧ и҆ гдⷭ҇а. Тѣ́мъ а҆́гг҃льскїй и҆ чл҃ческїй ро́дъ досто́йнѡ сла́вимъ всест҃о́е ржⷭ҇тво̀ твоѐ и҆ согла́снѡ вопїе́мъ тѝ: молѝ хрⷭ҇та̀ бг҃а, прегрѣше́нїй ѡ҆ставле́нїе дарова́ти, покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "По в҃-й каѳі́смѣ, сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й сп҃се:"
|
|
},
|
|
{
|
|
"type": "TEXT",
|
|
"value": "Оу҆́тро бл҃голѣ́пнѡ возсїѧ́въ лю́демъ твои̑мъ, тмꙋ̀ глꙋбо́кꙋю є҆́реси ѿгна́въ ѻ҆́ч҃е, и҆ дꙋ́шы и҆́хъ просвѣти́лъ є҆сѝ вѣ́рою. Тѣ́мже цр҃ковь твоѧ̀ свѣтоза́рнаѧ, мо́щи твоѧ̑ и҆мꙋ́щи, пое́тъ дне́сь свѣтоно́снꙋю твою̀ па́мѧть сѷмеѡ́не, хрⷭ҇та̀ велича́ющи. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Наста́ви ны̀ на пꙋ́ть покаѧ́нїѧ, ᲂу҆клонѧ́ющїѧсѧ прⷭ҇нѡ къ безпꙋ́тїемъ ѕѡ́лъ, пребл҃га́гѡ прогнѣ́вающыѧ гдⷭ҇а, неискꙋсобра́чнаѧ блгⷭ҇ве́ннаѧ мр҃і́е, прибѣ́жище ѿча́ѧнныхъ чл҃кѡвъ, бж҃їе пребыва́нїе."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премрⷣсть и҆ сло́во:"
|
|
},
|
|
{
|
|
"type": "TEXT",
|
|
"value": "Мїродержа́нїѧ и҆ мі́рскихъ красо́тъ ꙗ҆́кѡ со́нїѧ льстѧ́щаѧ ѡ҆ста́вивъ, и҆ во а҆ѳѡ́нстѣй пꙋсты́ни съ сн҃омъ всели́всѧ, и҆дѣ́же слове́сное ста́до гдⷭ҇ви собра́вше, и҆́мже и҆ всесвѣ́тлїи свѣти́льницы ꙗ҆ви́стесѧ смире́нїемъ проходѧ́ще. Тѣ́мже любо́вїю восхвалѧ́юще, велича́емъ и҆схо́днꙋю всест҃ꙋ́ю ва́шꙋ па́мѧть, молѧ́щесѧ бг҃оно́снїи ѻ҆тцы̀, са́вво и҆ сѷмеѡ́не хрⷭ҇тꙋ̀ бг҃ꙋ, па́ствꙋ ва́шꙋ въ ми́рѣ, и҆ сою́зѣ любвѐ сохрани́ти."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Ѿ трⷪ҇цы є҆ди́нагѡ преесте́ственнѡ заче́нши дв҃о, и҆ чꙋ́днѡ сегѡ̀ породила̀ є҆сѝ па́че сло́ва и҆ мы́сли, и҆ ѻ҆́бщнѡ бж҃е́ственнагѡ є҆стества̀ ᲂу҆стро́ила є҆сѝ чл҃вѣ́ческое є҆стество̀, дре́вле и҆згна́нное. Тѣ́мже соше́дшесѧ, ржⷭ҇тво́мъ твои́мъ всѝ спа́сшїисѧ всенепоро́чнаѧ, твои́мъ словесе́мъ послѣ́дꙋюще до́лжнѡ тѧ̀ ᲂу҆блажа́емъ: молѧ́ще хрⷭ҇та̀ бг҃а прегрѣше́нїй ѡ҆ставле́нїе дарова́ти, вѣ́рою тѧ̀ сла́вѧщымъ мт҃рь є҆гѡ̀."
|
|
},
|
|
{
|
|
"type": "HEADER",
|
|
"value": "Та́же степе́нна, а҃-й а҆нтїфѡ́нъ, д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть, прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃. Самогла́сна:"
|
|
},
|
|
{
|
|
"type": "TEXT",
|
|
"value": "Возсїѧ̀ дне́сь пресла́внѡ, всесвѣ́тлаѧ твоѧ̀ сѷмеѡ́не па́мѧть, созыва́ющи на́съ празднолю́бцєвъ, къ похвале́нїю во сла́вѣ хрⷭ҇та̀ бг҃а на́шегѡ: и҆́же прири́щꙋще къ ра́цѣ моще́й твои́хъ, мѷроисцѣле́нїѧ да́ры прїе́млемъ. Но ꙗ҆́кѡ и҆мѣ́ѧ дерзнове́нїе, ми́ръ и҆спросѝ дꙋша́мъ на́шимъ."
|
|
},
|
|
{
|
|
"type": "HEADER",
|
|
"value": "Канѡ́нъ прест҃ы́ѧ бцⷣы, со і҆рмосо́мъ на ѕ҃, гла́съ и҃. И҆ ст҃а́гѡ два̀ канѡ̑на, на и҃."
|
|
},
|
|
{
|
|
"type": "HEADER",
|
|
"value": "Канѡ́нъ ст҃а́гѡ, гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ли́цы і҆и҃льтестїи невла́жными стопа́ми по́нтъ че́рмный и҆ вла́жнꙋю глꙋбинꙋ̀ прогна́вше, всаⷣники трїста́ты врагѝ ви́дѧще въ не́й погрꙋже́ны, съ весе́лїемъ поѧ́хꙋ: пои́мъ бг҃ꙋ на́шемꙋ ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Ѳесві́тѧнина ре́вностїю, стꙋ̑дныѧ є҆́рєси потреби́лъ є҆сѝ: съ ни́миже ко хрⷭ҇тꙋ̀, мл҃твами твои́ми стꙋ̑дныѧ моѧ̑ по́мыслы потреби́ти моли́сѧ. Ꙗ҆́кѡ да возмогꙋ̀ дерзнове́ннѡ похвали́ти тѧ̀ сѷмеѡ́не бг҃оно́се прⷭ҇нобл҃же́нне."
|
|
},
|
|
{
|
|
"type": "TEXT",
|
|
"value": "Є҆гда̀ сїѧ́нїемъ прест҃ы́ѧ трⷪ҇цы прпⷣбне ѻ҆́ч҃е ѡ҆зари́всѧ, є҆́реси мра́къ ѡ҆ста́вивъ, лю́ди твоѧ̑ возве́лъ є҆сѝ ѿ тмы̀ невѣ́дѣнїѧ, во свѣ́тѣ бг҃оразꙋ́мїѧ, сѷмеѡ́не бг҃оно́се, и҆ прⷭ҇ноблаже́нне."
|
|
},
|
|
{
|
|
"type": "TEXT",
|
|
"value": "Ѡ҆ бз҃ѣ вѣ́рою возмога́ѧ, є҆реті́ческое шата́нїе низложи́лъ є҆сѝ, и҆ ро́гъ вѣ́рныхъ цр҃кве возне́слъ є҆сѝ, хрⷭ҇та̀ ѻ҆ц҃ꙋ̀ сн҃а є҆диносꙋ́щна, и҆ дх҃ꙋ равноче́стна, трⷪ҇цꙋ нераздѣли́мꙋю во є҆ди́номъ бжⷭ҇твѣ̀ лю́ди твоѧ̑ честѝ наꙋчи́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Добро́тою блгⷣти преꙋкраше́ннаѧ бг҃ора́дованнаѧ, ѻ҆́ч҃ее сло́во пло́тїю ꙗ҆́вльшеесѧ, за бл҃госе́рдїе неизрече́нное, па́че ᲂу҆ма̀ и҆ сло́ва блгⷭ҇ве́ннаѧ родила̀ є҆сѝ: пребы́вши дв҃ою по ржⷭ҇твѣ̀ нескве́рнаѧ."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ ст҃а́гѡ ѡ҆ мѷроизли́тїи, гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Посѣ́ченный несѣко́магѡ пресѣчѐ, и҆ ви́дѣ со́лнце зе́млю, ю҆́же не ви́дѣ: лю́таго врага̀ вода̀ потопѝ, и҆ непроходи́мое про́йде і҆и҃ль. пѣ́снь же воспѣва́шесѧ: гдⷭ҇еви пои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Сло́во ра́зꙋма пода́ждь мѝ безнача́льне сло́ве: и҆́маши бо бога́тство млⷭ҇рдїѧ, безчи́сленныхъ твои́хъ сꙋде́бъ, да и҆ а҆́зъ дꙋше́внагѡ мра́ка и҆збѣ́гнꙋвъ, скве́рнꙋ же ᲂу҆ма̀ ѡ҆чи́стивъ, досто́йно воспою̀ твоегѡ̀ ᲂу҆го́дника."
|
|
},
|
|
{
|
|
"type": "TEXT",
|
|
"value": "Бг҃освѣ́тла тѧ̀ свѣти́льника позна́хомъ, свѣ́томъ бг҃оразꙋ́мїѧ лю́ди твоѧ̑ сѷмеѡ́не ѻ҆́ч҃е ѡ҆зари́вша, и҆ тмꙋ̀ є҆́реси ѿгна́вша пе́рвѣе: ны́нѣ же мѵ́ромъ моще́й твои́хъ всѧ̀ ѡ҆бл҃гоꙋха́еши. Тѣ́мъ свѣтоно́снꙋю твою̀ па́мѧть пра́зднꙋемъ."
|
|
},
|
|
{
|
|
"type": "TEXT",
|
|
"value": "И҆справле́нїемъ вѣ́ры ѻ҆́ч҃е просїѧ́въ, рѣкꙋ̀ млⷭ҇тыни и҆зъ се́рдца твоегѡ̀ ни́щымъ и҆сточи́лъ є҆сѝ, ѿню́дꙋже мѵ́ра и҆сто́чники и҆злива́еши: и҆́хже стрꙋи̑ веселѧ́тъ гра́дъ бж҃їй, твою̀ цр҃ковь: въ не́йже твою̀ па́мѧть пра́зднꙋемъ."
|
|
},
|
|
{
|
|
"type": "TEXT",
|
|
"value": "Ра́ка моще́й твои́хъ сѷмеѡ́не, кла́дѧзь ꙗ҆ви́сѧ и҆сцѣлє́нїѧ, и҆сточа́ющи мѵ́ро бл҃гоꙋха́нїѧ: и҆́мже срⷣце моѐ ѡ҆мы́й молю́сѧ тѝ, бл҃гоꙋха́нїе показꙋ́ѧ хрⷭ҇тꙋ̀, и҆ ᲂу҆́мъ мо́й ѡ҆бвеселѝ, твою̀ свѣтоно́снꙋю па́мѧть воспѣва́ти."
|
|
},
|
|
{
|
|
"type": "TEXT",
|
|
"value": "Ꙗ҆́кѡ два̀ свѣти̑ла вѣ́рою лю́ди своѧ̑ просвѣти́сте, чꙋде́сными блиста́нми, сло́ва проповѣ́данїемъ, мра́къ є҆́реси ѿ ни́хъ ѿгна́вше: и҆ ны́нѣ пога́нъ нахо́да, и҆ всѧ́кїѧ ско́рби, мл҃твами ва́шими са́вво и҆ сѷмеѡ́не си́хъ и҆зба́вите."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Цр҃ковь пресвѣ́тлꙋю бж҃їю вѣ́дый тѧ̀, всѣ́хъ тва́рей вои́стиннꙋ вы́шшꙋю, сѷмеѡ́нъ тво́й ᲂу҆го́дникъ бг҃ома́ти, свѣ́тлꙋ на землѝ цр҃ковь, во твою̀ сла́вꙋ воздви́же чⷭ҇таѧ: въ не́йже чⷭ҇тыми гла́сы, бл҃жа́щыѧ тѧ̀ сп҃са́й."
|
|
},
|
|
{
|
|
"type": "HEADER",
|
|
"value": "Катава́сїѧ, по ᲂу҆ста́вꙋ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не мꙋ́дростїю, и҆ си́лою, и҆ бога́тствомъ хва́лимсѧ, но тобо́ю ѻ҆́ч҃ею ѵ҆поста́сною мꙋ́дростїю хрⷭ҇тѐ: нѣ́сть бо ст҃ъ, па́че тебѐ чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ѡ҆ бл҃гоче́стїи зави́димъ, бра́тнею не́навистїю въ темни́цѣ затворѧ́ешисѧ: и҆дѣ́же ѻ҆́бразомъ мч҃ника геѡ́ргїѧ, а҆́гг҃лъ ѻ҆́ч҃е ꙗ҆влѧ́етсѧ тѝ, тѧ̑жкїѧ ѡ҆ко́вы ѿ тебѐ растерза́ѧ, и҆ ѿ смертоно́сныѧ ꙗ҆́мы сѷмеѡ́не и҆зведе́ тѧ."
|
|
},
|
|
{
|
|
"type": "TEXT",
|
|
"value": "Сꙋемꙋ́дренный пла́ча досто́инъ, ѡ҆ твое́й любвѝ негодꙋ́ѧ, ка́инъ нра́вомъ, па́ки ᲂу҆би́ти тѧ̀ покꙋси́сѧ, мно́жество и҆ноплеме́нныхъ на тѧ̀ совокꙋпи́въ. И҆́хъ же ѡ҆ гдⷭ҇ѣ возмога́ѧ, копїѐ ѡ҆браща́ѧ сѷмеѡ́не низложи́лъ є҆сѝ."
|
|
},
|
|
{
|
|
"type": "TEXT",
|
|
"value": "И҆́же на тѧ̀ сѣ̑ти ᲂу҆гото́вавъ, въ ни́хъ подо́бнѡ ᲂу҆вѧза́еть, бг҃ꙋ ме́сть свою̀ на не́мъ ѿда́вшꙋ: и҆ ꙗ҆́коже дре́вле мо́ремъ фараѡ́на, и҆ сего̀ рѣ́чными вода́ми потопѝ, тебѐ ѻ҆́ч҃е прославлѧ́ѧ досто́йнѡ, ꙗ҆́кѡ на негѡ̀ ᲂу҆пова́вша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́на ты̀ поро́ка неприча́стна, и҆ скве́рны не и҆мꙋ́щи дв҃о чⷭ҇таѧ, поко́ище же па́че ꙗ҆ви́ласѧ є҆сѝ нбⷭ҇ныхъ бл҃гъ, въ тѧ́ бо всели́сѧ хрⷭ҇то́съ, добродѣ́тели всѧ̀ ст҃ы́нѧ пренепоро́чнаѧ: є҆го́же мо́ли поро́ка на́съ и҆зба́вити мл҃твами твои́ми."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ и҆ землю̀ на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ, ꙗ҆́кѡ нѣ́сть ст҃ъ, па́че тебѐ, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Бл҃же́нъ мꙋ́жъ дв҃домъ пе́рвѣ нарече́сѧ, и҆ на́ми ны́нѣ похвалѧ́емъ, совѣ́та нечести́выхъ сѷмеѡ́нъ непрїе́мь, и҆ пꙋтѝ беззако́нныхъ ᲂу҆клони́всѧ, зако́нꙋ же гдⷭ҇ню поꙋча́ѧсѧ, дре́во плодови́то насади́всѧ, дх҃а блгⷣтїю напаѧ́емь."
|
|
},
|
|
{
|
|
"type": "TEXT",
|
|
"value": "Плоды̀ добродѣ́телей, бл҃гоꙋха́нїѧ дѣ́лателю хрⷭ҇тꙋ̀ приноша́ѧ ꙗ҆ви́лсѧ є҆сѝ, ѿ негѡ́же блгⷣть прїе́мъ, мѵ́ро ны́нѣ и҆сточа́еши, просвѣти́вшисѧ же па́мѧть твоѧ̀, во вѣ́ки просла́висѧ: сѷмеѡ́не бг҃оно́се, похвало̀ лю́демъ твои̑мъ."
|
|
},
|
|
{
|
|
"type": "TEXT",
|
|
"value": "Ѱало́мски ꙗ҆́кѡ фі́нїѯъ вѣ́рою сѷмеѡ́не во хрⷭ҇тѣ̀ процвѣ́лъ є҆сѝ, и҆ ꙗ҆́кѡ ке́дръ, бл҃гоче́стїемъ ча́да твоѧ̑ ᲂу҆мно́жилъ є҆сѝ, и҆ мѵ́ромъ моще́й твои́хъ ᲂу҆маща́ѧ, твою̀ па́мѧть любо́вїю пою́щихъ."
|
|
},
|
|
{
|
|
"type": "TEXT",
|
|
"value": "Всѣ́хъ кра́сныхъ мі́ра чꙋ̑вствїѧ преше́дъ, смы́сломъ ѻ҆́тче бг҃омꙋ́дрымъ, къ вы́шней жи́зни ᲂу҆мо́мъ преложи́всѧ: и҆дѣ́же ны́нѣ со а҆́гг҃лы весели́шисѧ, и҆ мѵ́ра твоегѡ̀ и҆сто́чники, лю́ди твоѧ̑ ра́достнѡ напаѧ́еши."
|
|
},
|
|
{
|
|
"type": "TEXT",
|
|
"value": "Свѣ́тꙋ вели́комꙋ предстоѧ́ще, и҆ ѿѻнꙋ́дными зарѧ́ми ѡ҆сїѧ́еми, и҆ пребога́тыми лѣ́потами сїѧ́юще, дꙋ́шы ра́бъ свои́хъ сѷмеѡ́не и҆ са́вво просвѣти́те, є҆́же воспѣ́ти свѣтоно́снꙋю ва́шꙋ па́мѧть досто́йнѡ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дои́ши млеко́мъ всѣ́хъ дв҃о пита́телѧ, рожде́ннагѡ безъ тлѝ, и҆з̾ пречⷭ҇тагѡ твоегѡ̀ тѣ́ла, и҆ держи́ши на рꙋкꙋ̀ всѧ̀ содержа́щагѡ, и҆ сокрꙋше́нныхъ тле́ю па́ки назида́юща: и҆ на́съ во вѣ́рѣ неподви́жимыхъ назда́ти, моли́сѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Дрꙋгі́й а҆враа́мъ нра́вомъ и҆ дѣ́лы ꙗ҆ви́лсѧ є҆сѝ, млⷭ҇тїю и҆ вѣ́рою ᲂу҆краша́ѧсѧ, ѻ҆те́чества и҆ ро́да и҆зше́лъ є҆сѝ бг҃а послꙋша́нїемъ, и҆ въ страна́хъ чꙋжди́хъ ᲂу҆го́днѡ томꙋ̀ пожи́лъ є҆сѝ, тѣ́мъ и҆ а҆враа́мле прича́стїе тебѣ̀ дарова́сѧ, и҆дѣ́же ны́нѣ воспрїе́млѧ ра́дꙋешисѧ: и҆ ра́ка моще́й твои́хъ и҆сточа́етъ мѵ́ро и҆сцѣле́нїѧ, твоѧ̑ сы́ны веселѧ́щи пою́щыѧ тѧ̀: сѷмеѡ́не ѻ҆́тче бг҃оно́се, молѝ хрⷭ҇та̀ бг҃а прегрѣше́нїй ѡ҆ставле́нїе дарова́ти, чтꙋ́щымъ любо́вїю ст҃ꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Є҆гда̀ прїи́детъ сꙋди́ти всю̀ зе́млю, всѣ́хъ влⷣка и҆ творе́цъ, ѻ҆вца́мъ мѧ̀ сопричтѝ десны́мъ ѡ҆сꙋжде́ннагѡ: и҆ кромѣ́шнїѧ тмы̀, и҆ всѧ́кагѡ мꙋче́нїѧ, твоегѡ̀ непотре́бнаго раба̀ и҆схитѝ молю́сѧ, да бл҃года́рнѡ велича́ю бога́тство твоеѧ̀ бл҃гости, бцⷣе всенепоро́чнаѧ, и҆ вопїю́ ти ра́дꙋѧсѧ: моли́сѧ хрⷭ҇тꙋ̀ бг҃ꙋ прегрѣше́нїй да́ти мнѣ̀, тебе́ бо и҆́мамъ наде́ждꙋ ра́бъ тво́й."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Любвѐ ра́ди ще́дре твоегѡ̀ ѻ҆́браза, на крⷭ҇тѣ̀ твое́мъ ста́лъ є҆сѝ, и҆ раста́ѧшасѧ ꙗ҆зы́цы, ты́ бо є҆сѝ чл҃колю́бче крѣ́пость моѧ̀ и҆ хвале́нїе."
|
|
},
|
|
{
|
|
"type": "TEXT",
|
|
"value": "Нераздѣ́льнымъ свѣ́томъ бжⷭ҇тва̀ трисвѣ́тлыѧ трⷪ҇цы сѷмеѡ́не, лю́ди твоѧ̑ ѡ҆сїѧ́нїемъ просвѣти́лъ є҆сѝ: є҆́юже ѻ҆́ч҃е возмога́ѧ во́лки є҆ретїкѝ ѿгна́лъ є҆сѝ вопїѧ̀: сла́ва си́лѣ твое́й гдⷭ҇и."
|
|
},
|
|
{
|
|
"type": "TEXT",
|
|
"value": "Є҆ди́нствомъ вѣ́ры и҆ наде́жды, и҆ любвѐ сою́зомъ дш҃ꙋ твою̀ прпⷣбне и҆мѣ́ѧ ᲂу҆твержде́ннꙋ, млⷭ҇тивъ и҆ пра́въ срⷣцемъ ꙗ҆ви́лсѧ є҆сѝ: и҆ сегѡ̀ ра́ди ꙗ҆́кѡ пра́ведникꙋ свѣ́тъ и҆́стины возсїѧ̀ тебѣ̀, и҆ тогѡ̀ сꙋпрꙋ́гꙋ весе́лїе."
|
|
},
|
|
{
|
|
"type": "TEXT",
|
|
"value": "Добро́ты вожделѣ́въ недомы́слимыѧ, ꙗ҆́же въ житїѝ до́брѣ ᲂу҆стро́ивъ, све́рстники же и҆ ча̑да ѡ҆ста́вивъ, бога́тство и҆ црⷭ҇тво ѻ҆́ч҃е преѡби́дѣвъ, крⷭ҇тоно́снѡ пꙋсты́ню наслѣ́довалъ є҆сѝ, и҆ съ сы́номъ ᲂу҆праздни́всѧ вопїѧ̀: сла́ва си́лѣ твое́й гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆живи́ мѧ є҆ди́на застꙋ́пнице вѣ́рныхъ, ты́ бо мт҃и бг҃а была̀ є҆сѝ, творца́ же и҆ содѣ́телѧ, прїе́мша на́шъ ѻ҆́бразъ пренепоро́чнаѧ, и҆ спа́сшагѡ ѿ тлѝ и҆ сме́рти, и҆ сла́вою бж҃їею просла́вльша."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ гдⷭ҇и смотре́нїѧ твоего̀ та́инство, разꙋмѣ́хъ дѣла̀ твоѧ̑, и҆ просла́вихъ твоѧ̑ чꙋдеса̀."
|
|
},
|
|
{
|
|
"type": "TEXT",
|
|
"value": "А҆враа́ма страннопрїѧ́тїемъ подо́бѧсѧ, і҆́ѡва млⷭ҇тивное нищелю́бїемъ подража́ѧ, ѻ҆́ко слѣпы́мъ, и҆ нога̀ хромы̑мъ, ѻ҆те́цъ си̑рымъ, и҆ всѣ̑мъ ми́лованїе ꙗ҆ви́лсѧ є҆сѝ, и҆ па́че си́хъ и҆зѧ́щнѣйшаѧ взыска́лъ є҆сѝ."
|
|
},
|
|
{
|
|
"type": "TEXT",
|
|
"value": "Ю҆́ношеское соверше́нїе возлюби́въ, бога́тство твоѐ ни́щымъ разда́лъ є҆сѝ, и҆ црⷭ҇тво ѡ҆ста́вивъ, хрⷭ҇тꙋ̀ послѣ́довалъ є҆сѝ. Тѣ́мже на нб҃сѣ́хъ сокро́вище тебѣ̀ дарова́лъ є҆́сть, ѿѻнꙋ́дꙋже бога́тство, мѵ́ро сѷмеѡ́не и҆сточа́еши."
|
|
},
|
|
{
|
|
"type": "TEXT",
|
|
"value": "Ѿ бл҃гоꙋтро́бнагѡ твоегѡ̀ срⷣца, бога́тою рꙋко́ю є҆́же къ ни́щымъ, мѵ́ро ны́нѣ и҆стека́етъ, лю́ди твоѧ̑ ᲂу҆маща́ѧ прпⷣбне, твоѧ̑ добродѣ́тєли похвалѧ́ющыѧ: возме́здна бо бы́ша тебѣ̀ ѻ҆́тче пе́рвымъ втора̑ѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ра́йскїй крі́нъ вѣ́рою процвѣ́лъ є҆сѝ, и҆ ꙗ҆́кѡ ма́слина млⷭ҇ть и҆сточа́ѧ ꙗ҆ви́лсѧ є҆сѝ, и҆ ꙗ҆́кѡ шипо́къ та́йный процвѣ́лъ є҆сѝ поще́нїемъ: сегѡ̀ ра́ди бл҃гово́нїѧ и҆ чⷭ҇тна́гѡ мѵ́ра цр҃ковь твою̀ и҆сполнѧ́ѧ, бл҃гоꙋха́еши лю́ди твоѧ̑."
|
|
},
|
|
{
|
|
"type": "TEXT",
|
|
"value": "Тлѣ́емыѧ сла́вы красотꙋ̀ возненави́дѣвше, мі́ра и҆ мїродержа́нїѧ мы́слїю бг҃омꙋ́дрою и҆збѣжа́вше, и҆ въ пꙋсты́ни поще́нїемъ просвѣ́щшесѧ сѷмеѡ́не и҆ са́вво, па́мѧть ва́шꙋ пою́щихъ мл҃твами ва́шими ѡ҆зари́те."
|
|
},
|
|
{
|
|
"type": "TEXT",
|
|
"value": "Бг҃оро́диченъ: По́мощь и҆мени́тꙋ ѡ҆брѣ́тше тѧ̀ бцⷣе са́вва и҆ сѷмеѡ́нъ твоѝ ᲂу҆гѡ́дницы, є҆ресе́й хра́мы разо́рше, и҆ цр҃кви въ сла́вꙋ всѣ́хъ бг҃а сн҃а твоегѡ̀ воздвиго́ша: въ ни́хже чⷭ҇таѧ влⷣчице, застꙋ́пницꙋ хрⷭ҇тїа́нъ тебѐ пою́щихъ спаса́й."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ны́нѣ воста́нꙋ, прⷪ҇ро́чески речѐ бг҃ъ, ны́нѣ просла́влюсѧ, ны́нѣ вознесꙋ́сѧ, па́дшагѡ прїе́мь ѿ дв҃ы, и҆ къ свѣ́тꙋ ᲂу҆́мномꙋ возносѧ́й моегѡ̀ бжⷭ҇тва̀."
|
|
},
|
|
{
|
|
"type": "TEXT",
|
|
"value": "Сла́венъ въ житїѝ земна́гѡ црⷭ҇твїѧ, бога́тствомъ и҆ си́лою ꙗ҆ви́лсѧ є҆сѝ, и҆ сїѐ по́стническимъ и҆змѣни́въ, хрⷭ҇та̀ цр҃ѧ̀ на землѝ вопло́щшагосѧ, нищетѣ̀ ѻ҆́ч҃е ᲂу҆подо́билсѧ є҆сѝ: тѣ́мъ мно́гими тѧ̀ да́рми ѡ҆богати́лъ є҆́сть."
|
|
},
|
|
{
|
|
"type": "TEXT",
|
|
"value": "Текꙋ́щими нестоѧ́тельными, стоѧ̑щаѧ и҆ вѣ̑чнꙋющаѧ, и҆ вре́менными и҆ тлѣ́нными нбⷭ҇наѧ и҆змѣни́въ: и҆дѣ́же со а҆́гг҃лы ликꙋ́ѧ ра́дꙋешисѧ. Ѡ҆ на́съ и҆́же твою̀ па́мѧть сѷмеѡ́не соверша́ющихъ моли́сѧ."
|
|
},
|
|
{
|
|
"type": "TEXT",
|
|
"value": "Ѽ до́брыѧ кꙋ́пли твоеѧ̀, и҆ премꙋ́драгѡ премѣне́нїѧ! Погиба́ющимъ бога́тствомъ, вѣ́чное и҆скꙋпи́лъ є҆сѝ, и҆ ни́жнею вла́стїю вы́шнее црⷭ҇тво и҆змѣни́въ: въ не́мже ны́нѣ ѻ҆́ч҃е веселѧ́сѧ, ко хрⷭ҇тꙋ̀ ѡ҆ на́съ моли́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́стиннꙋю тѧ̀ бцⷣꙋ свѣ́мы пречⷭ҇таѧ влⷣчце, и҆ и҆зъ тебѐ ро́ждшагѡсѧ бг҃а сло́ва вѣ́дꙋще во двою̀ сꙋществꙋ̑ проповѣ́дꙋема и҆ во́ли, самовла́стнѡ познава́емꙋ хрⷭ҇та̀ бг҃а мт҃рь бг҃оневѣ́стнаѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго. Но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Оу҆празни́тесѧ и҆ разꙋмѣ́йте, дв҃домъ ᲂу҆слы́шавъ, ꙗ҆́кѡ а҆́зъ є҆́смь бг҃ъ, бг҃а гл҃юща: црⷭ҇тво мѧте́жное сѷмеѡ́не ѡ҆ста́вивъ, въ пꙋсты́ни поще́нїемъ ᲂу҆праздни́лсѧ є҆сѝ, ꙗ҆́кѡ подо́бнѡ разꙋмѣ́ти бг҃а, и҆ ѿ негѡ̀ разꙋмѣ́тисѧ."
|
|
},
|
|
{
|
|
"type": "TEXT",
|
|
"value": "Свѣти́льника мы́сленнѡ пресвѣ́тла, лю́дїе твоѝ полꙋчи́вше тѧ̀ весели́мсѧ: бжⷭ҇твенною бо вѣ́рою тобо́ю просвѣща́еми, и҆ мѵ́ромъ ст҃ы́хъ твои́хъ моще́й сѷмеѡ́не ѡ҆бл҃гоꙋха́еми ѡ҆бога́щшесѧ ра́дꙋемсѧ."
|
|
},
|
|
{
|
|
"type": "TEXT",
|
|
"value": "Слы́шахомъ твоѧ̑ ди̑внаѧ пе́рвѣ, сла́вы црⷭ҇твїѧ преѡби́дѣнїе, ны́нѣ же пресла́внаѧ ви́димъ чꙋдеса̀: стѣнопи́санное бо твоегѡ̀ ѻ҆́браза подо́бїе, ѿ сꙋха́гѡ ва́ра моще́мъ подо́бнѡ мѵ́ро и҆сточа́етъ."
|
|
},
|
|
{
|
|
"type": "TEXT",
|
|
"value": "Таково́ю сла́вою просла́ви тѧ̀, тако́выми чꙋдесы̀ ᲂу҆диви́ тѧ, таковы́ѧ по́чести дарова̀ тебѣ̀ на землѝ, и҆́же бога́тыѧ да́ры дае́тъ хрⷭ҇то́съ лю́бѧщымъ є҆гѡ̀, въ нбⷭ҇ныхъ ѻ҆́ч҃е, и҆́хже ѻ҆́ко не ви́дѣ кто̀ дово́ленъ и҆згл҃ати."
|
|
},
|
|
{
|
|
"type": "TEXT",
|
|
"value": "Къ животꙋ̀ нестарѣ́ющемꙋсѧ, и҆ ра́дости нетлѣ́ннѣй, къ весе́лїю вои́стиннꙋ па́че ᲂу҆ма̀ сѷмеѡ́не и҆ са́вво преста́вистесѧ: дѣ́тельнымъ бо любомꙋ́дрїемъ веще́ственныхъ ѿбѣ́гше невеще́ствєннаѧ полꙋчи́сте."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Стра́нное твоѐ зача́тїе ѻ҆трокови́це, стра́нное и҆ стра́шно є҆́же па́че ᲂу҆ма̀ чⷭ҇таѧ твоѐ ржⷭ҇тво̀, ᲂу҆стра́ншеесѧ дре́вле ѿ бг҃а чл҃ческое сꙋщество̀ томꙋ̀ собира́ющи влⷣчце, и҆ добро́тꙋ пе́рвꙋю назида́ющи."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бꙋ́рѧ мѧ̀ мно́гихъ согрѣше́нїй мои́хъ потоплѧ́етъ, и҆ и҆знемога́етъ дꙋ́хъ мо́й: но ты̀ гдⷭ҇и ꙗ҆́кѡ млⷭ҇тивъ сше́дъ, возведѝ живо́тъ мо́й."
|
|
},
|
|
{
|
|
"type": "TEXT",
|
|
"value": "Наꙋче́нъ вы́шнею сѷмеѡ́не премꙋ́дростїю, и҆ ни̑жнѧѧ презрѣ́въ ꙗ҆́кѡ несꙋ̑щаѧ, въ пꙋсты́ни поще́нїемъ всели́лсѧ є҆сѝ, бг҃ꙋ же прⷭ҇нѡ и҆сповѣ́даѧсѧ, и҆ къ немꙋ̀ ѻ҆́ч҃е любо́вїю прилѣплѧ́ѧсѧ, ра́достнѡ пожи́лъ є҆сѝ."
|
|
},
|
|
{
|
|
"type": "TEXT",
|
|
"value": "И҆скꙋ́сенъ въ житїѝ земно́мꙋ во́инствꙋ, на сꙋпоста́ты побѣ̑ды мнѡ́гїѧ поста́вивъ: и҆ во и҆́ночествѣ смире́нїемъ и҆ мл҃твами бѣсѡ́въ полкѝ мы́сленнѡ побѣди́лъ є҆сѝ сѷмеѡ́не ѻ҆́ч҃е, во ѻ҆бои́хъ хвали́мъ."
|
|
},
|
|
{
|
|
"type": "TEXT",
|
|
"value": "Па́че ᲂу҆́мныѧ сла́вы, ра́йскїѧ добро́ты наслажде́нїѧ, и҆ свѣ́та разꙋ́мнагѡ сꙋ́щїѧ ра́дости наде́ждею ѻ҆́ч҃е ᲂу҆веселѧ́емъ, въ пꙋсты́ни ᲂу҆се́рднѡ съ сы́номъ пожи́лъ є҆сѝ: тѣ́мъ ᲂу҆ хрⷭ҇та̀ во вѣ́ки съ ни́мъ сѷмеѡ́не ра́дꙋешисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆ на́съ молѝ сы́на твоегѡ̀, гдⷭ҇а же и҆ бг҃а чⷭ҇таѧ влⷣчце, вседержи́тельною си́лою всѧ̀ носѧ́щагѡ, и҆ въ немощно́е пло́ти и҆зъ тебѐ ѡ҆бле́кшасѧ, дв҃о всенепоро́чнаѧ, на бл҃годѣѧ́нїе чл҃кѡвъ чл҃колю́бецъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Мл҃твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Ѿ мно́гихъ слꙋжи́мь, послꙋжи́ти и҆зво́лилъ є҆сѝ, ѿ пребога́та ᲂу҆бо́гъ хотѧ̀ бы́ти вои́стиннꙋ ѻ҆́ч҃е, до́брою и҆змѣ́ною и҆змѣни́всѧ, ѱало́мски подо́бнѡ рещѝ: сїѧ̀ и҆змѣ́на десни́цы вы́шнѧгѡ."
|
|
},
|
|
{
|
|
"type": "TEXT",
|
|
"value": "Хра́мъ себѐ бг҃ꙋ сотвори́въ, цр҃ковь тогѡ̀ мт҃ре съ сн҃омъ въ горѣ̀ ст҃ѣ́й воздви́глъ є҆сѝ, ю҆́же и҆ ѡ҆бл҃гоꙋха́лъ є҆сѝ мѵ́ромъ ст҃а́гѡ твоегѡ̀ тѣ́ла: ꙗ҆́же ны́нѣ бл҃голѣ́пїемъ, сы́ны твои́ми ᲂу҆краша́ема гро́бъ тво́й ѡ҆бновлѧ́етъ, па́мѧть твою̀ пра́зднꙋющихъ."
|
|
},
|
|
{
|
|
"type": "TEXT",
|
|
"value": "Дѣ́лы добродѣ́телей живонача́льное дѣ́йство ѿ живонача́льныѧ трⷪ҇цы прїе́мь, ме́ртвость гро́ба забве́нїѧ хода́таѧ, ꙗ҆́кѡ животоча́щъ ны́нѣ ꙗ҆влѧ́еши: непотаи́ бо твои́хъ и҆справле́нїй сѷмеѡ́не, стрꙋѧ́ми мѵ́ра твоегѡ̀."
|
|
},
|
|
{
|
|
"type": "TEXT",
|
|
"value": "Блⷣгть вседѣ́тельнаѧ дх҃а пе́рвѣе селе́нїе въ тебѣ̀ ѡ҆брѣ́тши, ны́нѣ ра́кꙋ моще́й твои́хъ ѡ҆сѣнѧ́ющи мѵ́ра и҆здаю́щꙋю кла́дѧзь, сїю̀ содѣ́ла: ѿ негѡ́же блⷣгть бл҃жа́ще тѧ̀ почерпа́емъ, сѷмеѡ́не прпⷣбне, и҆ и҆́нокѡвъ ᲂу҆краше́нїе."
|
|
},
|
|
{
|
|
"type": "TEXT",
|
|
"value": "Непрекло́ннїи столпѝ цр҃кве хрⷭ҇то́вы, сѷмеѡ́не и҆ са́вво ꙗ҆ви́стесѧ: вы́ бо ꙗ҆́кѡ пе́рсть, є҆́реси попра́вше, лю́ди своѧ̑ возвы́систе къ вѣ́рѣ бл҃гоче́стїѧ. Тѣ́мъ а҆́гг҃лѡмъ согра́ждане бы́сте, воспѣва́юще съ ни́ми: ст҃ъ, ст҃ъ, ст҃ъ, ѻ҆ц҃ъ, и҆ сы́нъ, и҆ дх҃ъ ст҃ы́й."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́же манове́нїемъ всѧ̀ содержа́й, и҆ црⷭ҇твꙋѧй вѣ́ки всѣ́ми хрⷭ҇то́съ бг҃ъ, и҆зъ тебѐ бг҃ома́ти воплоти́сѧ безстра́стенъ сы́й бжⷭ҇тво́мъ, менѐ ра́ди крⷭ҇тꙋ̀ сочта́сѧ, є҆гѡ́же стра́сти жела́юще твоѝ ᲂу҆гѡ́дницы, црⷭ҇тво земно́е ѡ҆ста́вльше, по́стнически томꙋ̀ сраспѧ́шасѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆́же ѡ҆ на́съ и҆спо́лнивъ:"
|
|
},
|
|
{
|
|
"type": "TEXT",
|
|
"value": "А҆́гг҃льское возлюби́въ на землѝ житїѐ, мїродержа́нїе и҆ мі́ръ ѡ҆ста́вивъ, поще́нїемъ хрⷭ҇тꙋ̀ сѷмеѡ́не послѣ́довалъ є҆сѝ, къ немꙋ́же лю́бѧщихъ тѧ̀ а҆пⷭ҇льски наста́вилъ є҆сѝ, вопїѧ̀: возлюби́те бг҃а, ꙗ҆́коже ѻ҆́нъ возлюбѝ на́съ."
|
|
},
|
|
{
|
|
"type": "TEXT",
|
|
"value": "І҆́косъ: И҆́же до распѧ́тїѧ и҆ сме́рти на́съ ра́ди смири́вшагѡсѧ, крⷭ҇тъ поще́нїемъ смири́всѧ ѻ҆́ч҃е, поне́слъ є҆сѝ: и҆ тѣ́мъ хва́лѧщагосѧ прⷭ҇то́лъ сво́й ᲂу҆тверди́ти на ѻ҆́блацѣхъ, ꙗ҆́коже на го́рдагѡ до́блественнѣ подви́гсѧ, низложи́лъ є҆сѝ. Тѣ́мъ велмѝ тѧ̀ просла́ви хрⷭ҇то́съ, вели́кїй дарода́тель: є҆мꙋ́же ны́нѣ предстоѧ̀ помина́й, ꙗ҆́кѡ ѻ҆течестволю́бецъ, и҆ ѿ нападе́нїѧ проти́вныхъ ста́до твоѐ соблюда́й неразсыпа́емо, и҆ ᲂу҆маща́ѧ мѵ́ромъ твоѧ̑ лю́ди знамена́й, гꙋби́телѧ дꙋ́шъ бѣжа́ти ѿ ни́хъ творѧ́й сѷмеѡ́не мл҃твами твои́ми: а҆пⷭ҇льски же наставлѧ́ѧ, и҆ вопїѧ̀ лю́бѧщымъ тѧ̀: возлюби́те бг҃а, ꙗ҆́коже ѻ҆́нъ возлюбѝ на́съ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Спаса́й во ѻ҆гнѝ а҆враа́мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆́же пра́вда пра́веднѡ ᲂу҆ловлѧ́ше, препѣ́тый гдⷭ҇и бж҃е ѻ҆ц҃ъ на́шихъ благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ю҆́ношески, въ ста́рости тѣ́сный пꙋ́ть ше́ствовати и҆зво́ливъ, къ простра́нствꙋ раѧ̀, и҆ дре́ва живо́тнагѡ дости́глъ є҆сѝ, и҆дѣ́же ны́нѣ наслажда́емъ ра́дꙋешисѧ, и҆ на́мъ си́хъ дости́гнꙋти, ко хрⷭ҇тꙋ̀ сѷмеѡ́не моли́сѧ."
|
|
},
|
|
{
|
|
"type": "TEXT",
|
|
"value": "Ты̀ на землѝ ни́щымъ, бг҃а ѻ҆́ч҃е взаимова́въ, и҆́же тебѣ̀ въ нбⷭ҇ныхъ, прпⷣбныхъ и҆ првⷣныхъ прича́стїе дарова̀, ꙗ҆́кѡ ревни́телю и҆́хъ на землѝ бы́вшꙋ: и҆ а҆́гг҃лѡмъ равноче́стна тѧ̀ ᲂу҆стро́и."
|
|
},
|
|
{
|
|
"type": "TEXT",
|
|
"value": "Є҆гѡ́же за́повѣди соблюда́ѧ хрⷭ҇та̀, любо́вїю просвѣща́емь, свѣ́тлаѧ мі́ра ѡ҆ста́вивъ молвы́ же пꙋсты́нею жите́йскїѧ и҆збѣжа́въ, и҆ ѡ҆ гдⷭ҇ѣ ѻ҆́ч҃е поꙋча́ѧсѧ, премі́рнꙋю тишинꙋ̀ полꙋчи́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѽ вы́ше ᲂу҆ма̀ твои́хъ похва́лъ пречⷭ҇таѧ дв҃о! Ꙗ҆́кѡ бг҃а заче́нши, содѣ́телѧ же творца̀ и҆ гдⷭ҇а: тѣ́мже ро́ди всѝ чл҃вѣ́честїи, и҆ безпло́тныхъ ᲂу҆мѡ́въ чинонача̑лїѧ тѧ̀ блажа́тъ, и҆ мы̀ всѝ ꙗ҆́кѡ мт҃рь бж҃їю, непреста́ннѡ тѧ̀ сла́вимъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снисхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще поѧ́хꙋ: блгⷭ҇ве́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Разꙋмѣва́ѧ на ни́ща и҆ ᲂу҆бо́га, бл҃гъ мꙋ́жъ ми́лꙋѧй и҆ даѧ̀ ꙗ҆ви́лсѧ є҆сѝ, и҆ бл҃гости бж҃їѧ сподо́бивсѧ, бл҃ги́хъ зе́млю наслѣ́довалъ є҆сѝ: ѿѻнꙋ́дꙋже и҆ на́съ ны́нѣ сѷмеѡ́не весели́ши, ѡ҆бл҃гоꙋха́ѧ стрꙋѧ́ми мѵ́ра твоегѡ̀."
|
|
},
|
|
{
|
|
"type": "TEXT",
|
|
"value": "Вседꙋ́шнѡ хрⷭ҇та̀ возлюби́въ, и҆ тогѡ̀ за́повѣди соблюда́ѧ, ꙗ҆́кѡ рѣко́ю бл҃гоꙋтро́бїемъ, и҆зсо́хшихъ нището́ю бога́тнѡ напои́лъ є҆сѝ. Тѣ́мъ твою̀ па́мѧть возвели́чилъ є҆́сть, и҆ ра́кꙋ моще́й твои́хъ мѵ́ромъ ѻ҆́ч҃е ѡ҆богати́лъ є҆́сть."
|
|
},
|
|
{
|
|
"type": "TEXT",
|
|
"value": "Въ пещѝ пла́менемъ ро́сꙋ и҆сточи́вый, и҆ и҆зъ сꙋха́гѡ жезла̀ цвѣ́тъ и҆зрасти́вый, ди́венъ въ дѣ́лѣхъ свои́хъ гдⷭ҇ь: и҆ твоегѡ̀ ѻ҆́браза стѣнопи́санное подо́бїе, и҆зъ сꙋха́гѡ ва́ра сѷмеѡ́не, мѷропрозѧба́ющее ꙗ҆ви́лъ є҆́сть."
|
|
},
|
|
{
|
|
"type": "TEXT",
|
|
"value": "Безмѣ́рнымъ твои́мъ смире́нїемъ, безмѣ́рнѡ хвало́ю вы́сѧщагосѧ, на землѝ го́рдагѡ смири́лъ є҆сѝ. Ны́нѣ щито́мъ мл҃твъ твои́хъ, ѿ ко́зней є҆гѡ̀ лю́ди твоѧ̑ сѷмеѡ́не защища́й, ма́стїю мѵ́ра твоегѡ̀ знаменꙋ́ѧ пою́щыѧ: блⷭ҇гве́нъ бг҃ъ ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Свѣ́тло ѻ҆тцы̀ пе́рвѣе ва́ше житїѐ свѣтлѣ́йше же ны́нѣ па́мѧть и҆ чⷭ҇тнѣ́йши: сокро́вище бо бл҃гости, и҆ до́мъ млⷭ҇ти ꙗ҆ви́стесѧ, и҆ пе́рвыѧ бл҃гости сꙋщества̀ сподо́бистесѧ, сѷмеѡ́не и҆ са́вво и҆́стинно ᲂу҆бл҃жа́еми и҆ досто́йнѡ хвали́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѻ҆́гненными блиста́нїи, просвѣтѝ ѡ҆мраче́нное моѐ срⷣце ро́ждшаѧ на землѝ восто́ка, мы́сленнагѡ сл҃нце: и҆́мже просвѣти́вшесѧ твоѝ слꙋжи́тели, са́вва и҆ сѷмеѡ́нъ бг҃ома́ти. Лю́ди своѧ̑ на за́падѣ ѡ҆зари́ша, и҆ наꙋчи́ша пѣ́ти: блⷭ҇гве́нъ бг҃ъ ѻ҆ц҃ъ нш҃ихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зба́вителю всѣ́хъ всеси́льне, посредѣ̀ пла́мене бл҃гоче́ствовавшыѧ, снизше́дъ ѡ҆роси́лъ є҆сѝ, и҆ наꙋчи́лъ є҆сѝ пѣ́ти: всѧ̑ дѣла̀ блⷭ҇гви́те гдⷭ҇а."
|
|
},
|
|
{
|
|
"type": "TEXT",
|
|
"value": "Чꙋ́вственныхъ добро́тъ ꙗ҆́кѡ со́нїѧ и҆збѣжа́въ, и҆ мы́сленныхъ полꙋчи́ти вожделѣ́въ, въ горꙋ̀ ст҃ꙋ́ю вше́лъ є҆сѝ сѷмеѡ́не, сн҃а наста́вника подвигѡ́мъ дх҃о́внымъ и҆мѣ́ѧ, жела́емыхъ непогрѣши́лъ є҆сѝ."
|
|
},
|
|
{
|
|
"type": "TEXT",
|
|
"value": "Є҆ди́нагѡ жела́ѧ къ жи́зни ведꙋ́щагѡ пꙋтѝ, мі́ра кра́сныхъ мимоте́клъ є҆сѝ. Тѣ́мъ премі́рное наслѣ́дїе стѧжа́лъ є҆сѝ, ѿѻнꙋ́дꙋже просвѣти́лъ є҆сѝ дш҃ы пою́щихъ тѧ̀, просвѣще́нїѧ неизрече́ннагѡ сѷмеѡ́не сподоблѧ́емь."
|
|
},
|
|
{
|
|
"type": "TEXT",
|
|
"value": "Сл҃нце на землѝ добродѣ́телїю сы́на твоегѡ̀ ѡ҆брѣ́тъ, тогѡ̀ словесы̀ ѻ҆́ч҃е просвѣща́емь, ѕвѣзда̀ свѣтлѣ́йшаѧ ꙗ҆ви́лсѧ є҆сѝ: съ ни́мъ же предстоѧ̀ хрⷭ҇тꙋ̀ бг҃ꙋ, ѡ҆ на́съ хва́лѧщихъ ва́шꙋ па́мѧть ѻ҆тцы̀ моли́тесѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́же ѻ҆ц҃ꙋ̀ є҆диноро́днагѡ, и҆ ѿ небытїѧ̀ ѻ҆́ч҃имъ совѣ́томъ всѧ́ческаѧ соста́вившагѡ, сло́ва бж҃їѧ безнача́льна бг҃олѣ́пнѡ родила̀ є҆сѝ, пло́тїю бы́вшагѡ на́съ ра́ди чл҃ка. Сегѡ̀ ра́ди тѧ̀ бг҃ороди́тельницꙋ правосла́внѡ мꙋ́дрствꙋемъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею сп҃сє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, сщ҃е́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ᲂу҆́тро, ꙗ҆́кѡ сл҃нце па́мѧть твоѧ̀ возсїѧ̀, просвѣща́ющи срⷣца̀ вѣ́рныхъ: ты́ бо свѣ́та и҆ днѐ ꙗ҆ви́лсѧ є҆сѝ наслѣ́дникъ, и҆дѣ́же ѻ҆́ч҃е водворѧ́ѧсѧ ны́нѣ помина́й твою̀ па́мѧть бл҃жа́щихъ, и҆ пою́щихъ: дѣ́ти блгⷭ҇ви́те, сщ҃е́нницы воспо́йте: лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Село̀ мы́сленное, дꙋ́шꙋ твою̀ къ ни́щымъ млⷭ҇тїю посѣ́ѧвъ, ᲂу҆гобзи́вшыѧсѧ тѝ плоды̀ живѡ́тныѧ, въ вѣ́чныхъ жи́тницахъ собра́лъ є҆сѝ, и҆ ѿ ѻ҆би́лїѧ нбⷭ҇нагѡ твоегѡ̀ бога́тства, мѵ́ромъ на землѝ бл҃гово́ннымъ, сы́ны твоѧ̑ ᲂу҆краша́еши."
|
|
},
|
|
{
|
|
"type": "TEXT",
|
|
"value": "Прекра́сный дꙋше́ю, тво́й ѻ҆́ч҃е са́вва любе́зный, дрꙋга́гѡ тѧ̀ патрїа́рха ꙗ҆́кѡ пе́рвагѡ і҆ѡ́сифъ, но́ваго на́мъ і҆и҃лѧ прино́ситъ, не ѿ є҆гѵ́пта рабо́ты, но ѿ ст҃ы́ѧ горы̀: и҆ въ землѝ люде́й твои́хъ ᲂу҆твержде́нїе, мѷроточи́ва положи́лъ є҆́сть."
|
|
},
|
|
{
|
|
"type": "TEXT",
|
|
"value": "Цр҃ковь твоѧ̀ вели́каѧ, бжⷭ҇твенный ꙗ҆́кѡ ра́й ви́дитсѧ, ра́кꙋ моще́й твои́хъ ѻ҆́ч҃е и҆мꙋ́щи цвѣ́ты разли́чныѧ многоѡбра́зныѧ твоеѧ̀ добродѣ́тели чꙋде́снѡ прозѧба́ющи, и҆ твою̀ па́мѧть сѷмеѡ́не чтꙋ́щыѧ ѡ҆бл҃гоꙋха́етъ пою́щи: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Чꙋжестра́ннїи гро́би ва́ши, по́стническими ва́шими тѣлесы̀ ѡ҆ст҃и́шасѧ, землѧ̀ ва́ша блгⷭ҇ви́сѧ прише́ствїемъ моще́й ва́шихъ, цр҃кви же ва́шѧ ᲂу҆краша́ютсѧ, мѷропода́тельны и҆ бл҃гоꙋха́нны си́хъ и҆мꙋ́щѧ: ꙗ҆́же ѿ бг҃а ми́ромъ сп҃са́йте."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ст҃а́ѧ, две́ри ѿве́рзи мѝ чⷭ҇таѧ бцⷣе, сꙋ́щымъ во тмѣ̀ свѣ́тъ неѡпи́санный, ѡ҆пи́саннагѡ пло́тїю хрⷭ҇та̀ пра́вды сл҃нце ѡ҆блиста́вши. Є҆гѡ́же лꙋча́ми са́вва и҆ сѷмеѡ́нъ ѡ҆зари́вшесѧ, странꙋ̀ люде́й свои́хъ, вѣ́рою томꙋ̀ присво́иша."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ, клѧ́твꙋ всели́ла є҆́сть. Ты́ же дв҃о бцⷣе, прозѧбе́нїемъ чревоноше́нїѧ, мі́рови бл҃гослове́нїе процвѣла̀ є҆сѝ. Тѣ́мъ тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "Мно́гъ въ млⷭ҇ти и҆ во бл҃гости ѡ҆брѣ́тсѧ, мно́гихъ вы́ше ᲂу҆ма̀ бл҃гъ наслѣ́дникъ ꙗ҆ви́лсѧ є҆сѝ, ꙗ҆́кѡ сн҃ъ ѻ҆ч҃ескихъ сокро́вищъ. Ѽ великода́рныѧ рꙋкѝ! Ѽ дарова́нїѧ превосходѧ́щаго хрⷭ҇та̀ просла́вльшагѡ тѧ̀ ѻ҆́ч҃е сѷмеѡ́не."
|
|
},
|
|
{
|
|
"type": "TEXT",
|
|
"value": "Є҆ди́нагѡ ѿ трⷪ҇цы роди́вшагѡсѧ, цр҃ковь свѣ́тлꙋ воздви́глъ є҆сѝ, и҆дѣ́же твоѧ̀ мѷроточи́выѧ мо́щи, цѣльбꙋ̀ вѣ́рою приходѧ́щымъ подава́ютъ. Въ не́йже лю́дїе твоѝ па́мѧть твою̀ ѻ҆́тче ᲂу҆бл҃жа́юще, хрⷭ҇та̀ велича́емъ."
|
|
},
|
|
{
|
|
"type": "TEXT",
|
|
"value": "Ѡ҆тѧгче́ннїи прегрѣше́нми, и҆ страстмѝ преклоне́ннїи, къ тебѣ̀ ѻ҆́тче прибѣга́емъ, ѻ҆бои́хъ разрѣше́нїе и҆́щꙋще, но ꙗ҆́кѡ и҆збра́нникъ влⷣки хрⷭ҇та̀, твои́ми мл҃твами воздви́гни на́съ ѿ дш҃етлѣ́нныхъ страсте́й."
|
|
},
|
|
{
|
|
"type": "TEXT",
|
|
"value": "Ны́нѣ ст҃а́ѧ твоѧ̀ па́мѧть, соверша́ющихъ ю҆̀ ѡ҆сщ҃а́етъ, ст҃о бо ѻ҆́тче пожи́лъ є҆сѝ житїѐ, и҆ свѣ́тлости ст҃ы́хъ ᲂу҆лꙋчи́ти сподо́билсѧ є҆сѝ: сподо́би и҆ на́съ ᲂу҆лꙋчи́ти ча́сть достоѧ́нїй твои́хъ, не поносѧ̀ вели́чествꙋ проше́нїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́нагѡ ѿ трⷪ҇цы, є҆ди́на мт҃и бы́вши, со дерзнове́нїемъ сн҃ꙋ твоемꙋ̀ моли́сѧ, спастѝ ѿ наси́лїѧ мꙋчи́тельска, плѣне́нїѧ же и҆ рабо́ты рабы̑ твоѧ̑: ти́хость же и҆ сп҃се́нїе пода́ти, тѧ̀ велича́ющымъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ. Тѣ́мъ тѧ̀ бцⷣꙋ а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Прише́ствїемъ пе́рвѣе моще́й твои́хъ, ѻ҆ч҃ество твоѐ ра́дости и҆спо́лнисѧ, предста́телѧ тѧ̀ къ бг҃ꙋ стѧжа́вше; и҆ па́мѧть твою̀ ны́нѣ торжествꙋ́юще весели́мсѧ, ѡ҆богаща́емы ма́стїю мѵ́ра твоегѡ̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ столпа̀ высока̀ и҆ крѣ́пка, ꙗ҆́кѡ бл҃га побо́рника и҆ ѻ҆течестволю́бца, хрⷭ҇тоимени́тїи лю́дїе твоѝ и҆мꙋ́ще тѧ̀, проти́вныхъ ѻ҆́ч҃е воста́нїѧ, и҆ всѧ́кїѧ ѕло́бы, ко хрⷭ҇тꙋ̀ моли́твами твои́ми сѷмеѡ́не и҆збавлѧ́емсѧ."
|
|
},
|
|
{
|
|
"type": "TEXT",
|
|
"value": "Моще́й ва́шихъ прїѧ́тїемъ, цр҃кви ва́шѧ на землѝ ѡ҆бога́щшесѧ, и҆ дх҃омъ на нб҃сѣ́хъ, пе́рвенецъ цр҃ковь просвѣща́ете: въ не́йже со а҆пⷭ҇лы ꙗ҆́кѡ ᲂу҆чи́тели, и҆ со прпⷣбными ꙗ҆́кѡ спо́стницы, ѡ҆ на́съ сѷмеѡ́не, и҆ са́вво моли́тесѧ."
|
|
},
|
|
{
|
|
"type": "TEXT",
|
|
"value": "Прⷭ҇то́лꙋ вели́комꙋ предстоѧ́ще, призира́йте на лю́ди своѧ̑: и҆ прїе́мше на́ше моле́нїе, ми́ръ ѿ хрⷭ҇та̀ и҆спроси́те землѝ на́шей, ро́дꙋ на́шемꙋ на сопроти́вныѧ побѣ́дꙋ пода́ти, и҆ во бл҃говѣ́рїи є҆гѡ̀ съ на́ми ᲂу҆тверди́ти."
|
|
},
|
|
{
|
|
"type": "TEXT",
|
|
"value": "Прпⷣбнїи и҆ пребл҃же́ннїи, бг҃омꙋ́дрїи и҆ бг҃оно́снїи, равноапо́столы и҆ чꙋдотво́рцы, па́стыри же и҆ ᲂу҆чи́тели, многохвали́мїи же и҆ многоимени́тїи ѻ҆ц҃ы̀ сѷмеѡ́не и҆ са́вво досточꙋ́днїи, ѿ на́съ пѣ́снь сїю̀ прїе́мше, сп҃са́йте рабы̑ своѧ̑."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пла́мене ѻ҆́гненнагѡ мѧ̀ свободѝ ꙗ҆́же па́че ᲂу҆ма̀ ѻ҆́гнь ро́ждши непостоѧ́нный, прише́дшагѡ ѻ҆́гнь ра́зꙋма на зе́млю воврещѝ: и҆́мже твоѝ ᲂу҆гѡ́дницы разже́гшесѧ бг҃ома́ти, любо́вїю томꙋ̀ послѣ́доваша."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Дх҃омъ во ст҃и́лищи:"
|
|
},
|
|
{
|
|
"type": "TEXT",
|
|
"value": "Ѿ бж҃е́ственныѧ блгⷣти ѻ҆́ч҃е просвѣща́емь. Мра́комъ є҆́реси ѡ҆держи́мыѧ просвѣти́лъ є҆сѝ лю́ди твоѧ̑: и҆ житїѧ̀ свѣ́тлости ѿврещи́сѧ собо́ю наꙋчи́лъ є҆сѝ. Тѣ́мъ тѧ̀ любо́вїю чти́мъ сѷмеѡ́не мꙋ́дре, мона́хѡвъ похвало̀."
|
|
},
|
|
{
|
|
"type": "HEADER",
|
|
"value": "Сла́ва, дрꙋгі́й."
|
|
},
|
|
{
|
|
"type": "TEXT",
|
|
"value": "Ꙗ҆́кѡ два̀ свѣти̑ла мы́сленныѧ тве́рди, странꙋ̀ люде́й свои́хъ вѣ́рою просвѣща́ете. Тѣ́мже па́мѧть ва́шꙋ че́стно соверша́юще, сла́вимъ просла́вльшꙋю ва́съ прест҃ꙋ́ю трⷪ҇цꙋ: сѷмеѡ́не и҆ са́вво, дво́ице ст҃а́ѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "И҆́же тво́й всенепоро́чнаѧ бцⷣе ѻ҆́бразъ не цѣлꙋ́етъ, во ѻ҆́гнь вмѣща́етсѧ гее́нскїй, ꙗ҆́коже безꙋ́мный а҆́рїй: мы́ же пречⷭ҇таѧ любо́вїю любыза́емъ, застꙋ́пнице мі́ра, вѣ́рою тѧ̀ сла́вѧще."
|
|
},
|
|
{
|
|
"type": "HEADER",
|
|
"value": "На хвали́техъ, стїхи́ры на д҃, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Є҆гда̀ на землѝ зако́нно пожи́лъ є҆сѝ, сокро́вище добродѣ́телей ѡ҆брѣ́тсѧ: до́мъ ѿве́рстъ всѧ́комꙋ любо́вїю и҆мѣ́ѧ, си́рыхъ ѻ҆те́цъ, и҆ ни́щихъ застꙋ́пникъ ꙗ҆ви́лсѧ є҆сѝ, млⷭ҇ти же не пресыха́ѧй и҆сто́чникъ, млⷭ҇ти ра́ди ꙗ҆́вльшагѡсѧ на землѝ, хрⷭ҇та̀ сло́ва бж҃їѧ за́повѣди соблюда́ѧ, тѣ́мъ и҆ во црⷭ҇твїи є҆гѡ̀ ны́нѣ прїи́мленъ, сѷмеѡ́не ѻ҆́тче ра́дꙋешисѧ."
|
|
},
|
|
{
|
|
"type": "TEXT",
|
|
"value": "Є҆гда̀ промышле́нїемъ вы́шнѧгѡ тебѣ̀ жре́бїй подаде́сѧ, пе́рвомꙋ побо́рникꙋ цр҃квей во ѻ҆те́чествїи твое́мъ бы́ти подви́жнѡ є҆́реси ѿгна́лъ є҆сѝ, и҆ вседꙋ́шнѡ цр҃кви бг҃ꙋ воздви́глъ є҆сѝ, правосла́вїѧ же вѣ́рою лю́ди твоѧ̑ ᲂу҆тверди́лъ є҆сѝ. Тѣ́мъ ст҃ꙋ́ю твою̀ па́мѧть почита́юще, мл҃твами твои́ми ко хрⷭ҇тꙋ̀ сѷмеѡ́не, мо́лимсѧ: въ де́нь сꙋ́дный и҆зба́витисѧ на́мъ мꙋче́нїѧ."
|
|
},
|
|
{
|
|
"type": "TEXT",
|
|
"value": "Є҆гда̀ ко хрⷭ҇тꙋ̀ любо́вїю ᲂу҆ѧзви́всѧ, црⷭ҇твїѧ красоты̀ ѡ҆ста́вилъ є҆сѝ, и҆ ра́дꙋѧсѧ томꙋ̀ послѣ́довавъ, ᲂу҆се́рднѡ пꙋсты́ню пости́глъ є҆сѝ, и҆ въ не́й бг҃оꙋго́днѡ пожи́лъ є҆сѝ: и҆ ны́нѣ дх҃о́вное во пло́ти дѣ́йство, ме́ртвъ во гро́бѣ, ꙗ҆́кѡ жи́въ показꙋ́еши, мѵ́ро и҆сточа́ѧ, лю́ди твоѧ̑ ѡ҆сщ҃а́еши, сѷмеѡ́не ѻ҆те́чествꙋ сѝ ᲂу҆добре́нїе."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ ᲂу҆́тро возвѣща́ющаѧ, сїѧ́еши лю́демъ твои̑мъ прпⷣбне: пе́рвѣе возвѣсти́въ и҆̀мъ мы́сленное ᲂу҆́тро хрⷭ҇та̀ бг҃а, и҆ вѣ́рою къ немꙋ̀ па́че сл҃нца просвѣти́въ, ны́нѣ же покрыва́еши ѿ ѡ҆ѕлобле́нїѧ вра̑гъ, и҆ ѿ бꙋ́ри всѧ́кїѧ и҆ бѣды̀ ѻ҆́ч҃е и҆з̾има́еши. Тѣ́мъ твою̀ па́мѧть соверша́юще хрⷭ҇та̀ сп҃са восхвалѧ́емъ, тебѐ просла́вльшагѡ сѷмеѡ́не."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃."
|
|
},
|
|
{
|
|
"type": "TEXT",
|
|
"value": "Съ похвало́ю свѣ́тлѡ па́мѧть твоѧ̀ прпⷣбне сотворѧ́етсѧ, и҆ ра́дости наполнѧ́етъ твоѧ̑ до́блєсти похвалѧ́ющихъ. Ты́ бо дв҃дски бг҃ꙋ, держа́венъ землѝ ѕѣлѡ̀ ᲂу҆мо́мъ взѧ́всѧ, црⷭ҇тво ѡ҆ста́вивъ хрⷭ҇тꙋ̀ послѣ́довалъ є҆сѝ, и҆ въ го́рꙋ ст҃ꙋ́ю прише́дъ: и҆дѣ́же по́стнически съ сн҃омъ подвиза́всѧ, ѻ҆́чи дꙋше́вныѧ просвѣти́лъ є҆сѝ, и҆ свѣ́тъ сѷмеѡ́не бы́въ, къ сїѧ́нїю не заходи́момꙋ преминꙋ́лъ є҆сѝ. Съ ни́мже ны́нѣ хрⷭ҇тꙋ̀ предстоѧ́ще, мл҃твами ва́шими къ немꙋ̀ помина́йте, ста́до ва́ше сохрани́ти ѿ во́лкѡвъ гꙋ́бѧщихъ є҆̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Влⷣчце прїимѝ мл҃твы рабѡ́въ твои́хъ, и҆ и҆зба́ви на́съ ѿ всѧ́кїѧ нꙋ́жды и҆ печа́ли."
|
|
},
|
|
{
|
|
"type": "HEADER",
|
|
"value": "Та́же, славосло́вїе вели́кое."
|
|
},
|
|
{
|
|
"type": "HEADER",
|
|
"value": "И҆ дае́тсѧ є҆ле́й бра́тїи ѿ канди́ла ст҃а́гѡ, пою́ще вкꙋ́пѣ стїхи̑ры, гла́съ д҃. Самогла́сны:"
|
|
},
|
|
{
|
|
"type": "TEXT",
|
|
"value": "Прїиди́те праздниколю́бцы: прїи́демъ и҆ мы̀ бра́тїе: и҆́бо пресвѣ́тлаѧ па́мѧть ѻ҆ц҃а̀ на́шегѡ возсїѧ̀. Прїи́дите любе́знѡ сїю̀ соверша́юще, рце́мъ: ра́дꙋйсѧ свѣ́тлаѧ похвало̀ вѣ́ры, и҆ є҆ресе́й низложи́телю. Ра́дꙋйсѧ, цр҃кве ᲂу҆краше́нїе. Ра́дꙋйсѧ, дх҃а ст҃а́гѡ ѡ҆би́телище. Ра́дꙋйсѧ, мѷроточи́ве сѷмеѡ́не ѻ҆́тче бг҃оно́се: всѣ́хъ цр҃ѧ̀ хрⷭ҇та̀ бг҃а на́шегѡ молѝ, и҆зба́вити на́съ ѿ собла́зни лꙋка́вагѡ, и҆ спа́сти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Сті́хъ: Чⷭ҇тна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Предъ гдⷭ҇емъ сме́рть ва́ша прпⷣбнїи, чⷭ҇тна̀ вои́стиннꙋ ꙗ҆ви́сѧ: ꙗ҆́коже бо безпло́тнїи во пло́ти тѣле́снѣй, врагѝ неви̑димыѧ подви́гшесѧ побѣди́ли є҆стѐ, ро́ды ᲂу҆́бѡ бл҃гочести́выхъ воспѣва́ютъ ва́съ, и҆зрѧ́днѣе же чⷭ҇тна̑ѧ ста̑да и҆́нокѡвъ, ꙗ҆́же бг҃олѣ́пнѡ въ цр҃квахъ бжⷭ҇твенныхъ собра́ли є҆стѐ, въ ни́хъ же похвалѧ́юще ва́шꙋ па́мѧть сѷмеѡ́не и҆ са́вво, ва́шими моли́твами всѧ́кїѧ напа́сти соблюсти́сѧ на́мъ, ко хрⷭ҇тꙋ̀ моли́тесѧ, и҆мꙋ́щемꙋ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃."
|
|
},
|
|
{
|
|
"type": "TEXT",
|
|
"value": "Прїиди́те правосла́вныхъ собо́ры, во всечⷭ҇тно́мъ хра́мѣ бг҃оно́сныхъ ѻ҆ц҃ъ, ѱало́мски согла́снꙋю пѣ́снь, си́хъ просла́вльшемꙋ воспои́мъ, ди́венъ є҆сѝ бж҃е во ст҃ы́хъ твои́хъ гл҃юще: и҆ коемꙋ́ждо си́хъ вкꙋ́пѣ возопїи́мъ: ра́дꙋйсѧ, земны́й а҆́гг҃ле, нбⷭ҇ный чл҃вѣ́че сѷмеѡ́не прпⷣбне. Ра́дꙋйсѧ, равноапⷭ҇лѡвъ ᲂу҆чи́телю са́вво всесщ҃е́нне. Ра́дꙋйсѧ, предста́телю и҆ похвало̀ хрⷭ҇тоимени́тыхъ люде́й свои́хъ. И҆ ны́нѣ ᲂу҆ хрⷭ҇та̀ предстоѧ́ще, прилѣ́жнѡ къ немꙋ̀ ѻ҆тцы̀ моли́тесѧ, ѿ всѧ́кихъ бѣ́дъ на́съ и҆зба́вити, и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Преложе́нїе скорбѧ́щихъ, премѣне́нїе болѧ́щихъ є҆сѝ бцⷣе всепѣ́таѧ, спасѝ гра́дъ и҆ лю́ди, бори́мыхъ ᲂу҆мире́нїе, ѡ҆бꙋрева́емыхъ тишина̀, є҆ди́на предста́тельница вѣ́рныхъ."
|
|
},
|
|
{
|
|
"type": "HEADER",
|
|
"value": "На лїтꙋргі́и, Бл҃же́нна ѿ канѡ́на д҃-гѡ гла́са, пѣ́снь г҃-ѧ, и҆ и҃-гѡ гла́са, пѣ́снь ѕ҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ гла́съ з҃:"
|
|
},
|
|
{
|
|
"type": "TEXT",
|
|
"value": "Чⷭ҇тна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇ви ѡ҆ всѣ́хъ ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ ко гала́тѡмъ, зача́ло сг҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ в҃: Бл҃же́нъ мꙋ́жъ боѧ́йсѧ гдⷭ҇а."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ ма́рка, зача́ло л҃з."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ првⷣникъ."
|
|
}
|
|
] |