1014 lines
84 KiB
JSON
1014 lines
84 KiB
JSON
[
|
|
{
|
|
"type": "HEADER",
|
|
"value": "А҆́ѵгꙋста л҃"
|
|
},
|
|
{
|
|
"type": "HEADER",
|
|
"value": "Воспомина́нїе заключе́ннагѡ ми́ра, междꙋ̀ і҆мпе́рїею рѡссі́йскою и҆ коро́ною свѣ́йскою."
|
|
},
|
|
{
|
|
"type": "HEADER",
|
|
"value": "Пренесе́нїе моще́й ст҃а́гѡ благовѣ́рнагѡ вели́кагѡ кнѧ́зѧ а҆леѯа́ндра не́вскагѡ и҆зъ влади́мїра въ ца́рствꙋющїй гра́дъ ст҃а́гѡ петра̀."
|
|
},
|
|
{
|
|
"type": "HEADER",
|
|
"value": "На ма́лѣй вече́рни, стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Всехва́льнїи мч҃ницы:"
|
|
},
|
|
{
|
|
"type": "TEXT",
|
|
"value": "Ѿ благочести́вагѡ ко́рене свѧтопома́заннаѧ розга̀ произше́дъ, пло́дъ прине́слъ є҆сѝ тебѐ преподо́бїѧ и҆ пра́вды, преми́рнѡ бл҃гоꙋха́ѧ вѣ́рнѡ ѿ дꙋшѝ чтꙋ́щыѧ тѧ̀: ѡ҆ ни́хже со а҆́гг҃лы хрⷭ҇тꙋ̀ моли́сѧ, блаже́нне, дарова́ти ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Мѡѷсе́а и҆ па́ѵла ре́вности подража́въ, и҆зво́лилъ па́че страда́ти за лю́ди бж҃їѧ: тѣ́мже и҆ къ ѕлочести̑вымъ ва́рварѡмъ ше́дъ, невре́днѡ возврати́лсѧ є҆сѝ, тишинꙋ̀ ѻ҆те́чествꙋ твоемꙋ̀ приносѧ̀. Ны́нѣ ᲂу҆́бѡ со ст҃ы́ми пребыва́ѧ, ми́рное житїѐ ᲂу҆ гдⷭ҇а и҆спросѝ наслѣ́дїю твоемꙋ̀."
|
|
},
|
|
{
|
|
"type": "TEXT",
|
|
"value": "Благоче́стїемъ и҆ вѣ́рою пресвѣ́тлѡ ᲂу҆кра́шенъ, ꙗ҆́кѡ благочести́въ скипетроно́сецъ, и҆ преизрѧ́денъ и҆ преимени́тъ, пречⷭ҇тыѧ трⷪ҇цы побо́рникъ бы́лъ є҆сѝ: ѿ неѧ́же просвѣти́всѧ, чꙋде́съ свѣ́тъ мі́рꙋ провозсїѧ́лъ є҆сѝ, и҆ моли́твенникъ ꙗ҆ви́лсѧ є҆сѝ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Благовѣ́рне кнѧ́же а҆леѯа́ндре, и҆зъ мла́да возлюби́въ хрⷭ҇та̀, бг҃оимени́тъ вѣнцено́сецъ бы́лъ є҆сѝ, прпⷣбїемъ и҆ пра́вдою свѣ́тлѡ ᲂу҆кра́шенъ: ми́лостынѧми же и҆ чистото́ю, простра́нное селе́нїе бы́лъ є҆сѝ дх҃а ст҃а́гѡ. Є҆мꙋ́же непреста́ннѡ моли́сѧ, є҆́же сохрани́тисѧ ѻ҆те́чествꙋ твоемꙋ̀, ѿ пога́ныхъ неѡбори́мꙋ бы́ти, и҆ сыновѡ́мъ рѡссі̑йскимъ спасти́сѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ а҃:"
|
|
},
|
|
{
|
|
"type": "TEXT",
|
|
"value": "Ве́лїѧ и҆ пресла́внаѧ, гдⷭ҇и, ми́лость твоѧ̀ въ ро́дѣ рѡссі́йскомъ ꙗ҆ви́сѧ, ꙗ҆́кѡ и҆̀хже пред̾ꙋста́вилъ, си́хъ и҆ ѡ҆правда́лъ є҆сѝ соѡбра̑знымъ бы́ти вели́чествїю смотре́нїй твои́хъ. И҆скꙋ́сства нико́егѡ и҆мꙋ́ще, въ бра́нь жесто́кꙋю со всеискꙋ́сными внидо́хомъ. Безси̑льныѧ, не и҆спыта́вше на́шеѧ си́лы, ѻ҆рꙋ́жїе воспрїѧ́хомъ на всеѻрꙋ̑жныѧ. Но пособи́вый, гдⷭ҇и, кро́ткомꙋ даві́дꙋ, ты̀ и҆ на́ши рꙋ́цѣ ᲂу҆крѣпи́лъ є҆сѝ на ѡ҆полче́нїе. Тѣ́мже ны́нѣ въ ми́рѣ торжествꙋ́юще пое́мъ: ве́лїй є҆сѝ, гдⷭ҇и, и҆ чꙋ́дна дѣла̀ твоѧ̑, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "До́мъ ст҃а́гѡ дх҃а, поспѣше́нїемъ бл҃года́ти, а҆леѯа́ндръ ꙗ҆ви́сѧ: тѣ́мже ны́нѣ соше́дшесѧ, томꙋ̀ воспои́мъ пѣ́снь."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, царе́й рѡссі́йскихъ похвало̀, и҆ во́инѡвъ соблюде́нїе, ва́рварѡвъ побѣжде́нїе, сирѡ́тъ и҆ вдѡ́въ застꙋ́пниче, и҆ ѻ҆те́чества на́шегѡ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆го̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Прїимѝ ны́нѣ пѣ́нїе люде́й твои́хъ, бл҃же́нне, и҆ молѧ́щымсѧ тѝ ᲂу҆ хрⷭ҇та̀ и҆спросѝ грѣхѡ́въ и҆збавле́нїе, да ᲂу҆блажа́емъ тѧ̀ при́снѡ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Бг҃омꙋ́дре а҆леѯа́ндре вели́кїй кнѧ́же, блаже́нъ є҆сѝ, ꙗ҆́кѡ блаже́нство наслѣ́дивый, є҆гѡ́же ра́ди житїѧ̀ сегѡ̀ небре́глъ є҆сѝ, неѿло́жнѡ тогѡ̀ взыскꙋ́ѧ, ни́щыѧ ᲂу҆довли́лъ є҆сѝ, сирѡ́тъ пита́тель, плѣ́нныхъ свободи́тель бы́въ: тѣ́мъ въ нестарѣ́емꙋю ра́дость вше́лъ є҆сѝ гдⷭ҇а твоегѡ̀. Є҆мꙋ́же со а҆́гг҃лы предстоѧ̀, молѝ вѣ́рою пою́щымъ тѧ̀ гобзова́нїе щедрѡ́тъ пода́ти, и҆ грѣхѡ́въ ѡ҆ставле́нїе."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ з҃:"
|
|
},
|
|
{
|
|
"type": "TEXT",
|
|
"value": "Прїиди́те, возра́дꙋемсѧ гдⷭ҇еви, дади́мъ вели́чїе бг҃ꙋ на́шемꙋ, наꙋчи́вшемꙋ рꙋ́цѣ на́шѧ на ѡ҆полче́нїе, и҆ пе́рсты на́шѧ воѡрꙋжи́вшемꙋ на бра́нь: вѣнча́вшемꙋ же на́съ всежела́емымъ ми́ромъ, и҆спо́лнившемꙋ во бл҃го́е намѣ́ренїе на́ше, и҆ си́мъ многовре́менное вражды̀ средостѣ́нїе разори́вшемꙋ, и҆ велегла́снѡ возопїе́мъ къ немꙋ̀: кто̀ бо́гъ ве́лїй ꙗ҆́кѡ бг҃ъ на́шъ; вои́стиннꙋ є҆ди́нъ є҆сѝ творѧ́й чꙋдеса̀."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Позна́й свою̀ бра́тїю, рѡссі́йскїй і҆ѡ́сифе, не въ є҆гѵ́птѣ, но на нб҃сѝ ца́рствꙋющїй, благовѣ́рный кнѧ́же а҆леѯа́ндре, и҆ прїимѝ молє́нїѧ и҆́хъ, ᲂу҆множа́ѧ жи̑та лю́демъ плодоно́сїемъ землѝ твоеѧ̀, гра́ды влады́чествїѧ твоегѡ̀ ѡ҆гражда́ѧ моле́нїемъ: и҆ правосла̑внымъ хрⷭ҇тїа́нѡмъ на сопроти̑вныѧ спобо́рствꙋѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҃:"
|
|
},
|
|
{
|
|
"type": "TEXT",
|
|
"value": "Бл҃гослове́нъ є҆сѝ, хрⷭ҇тѐ бж҃е на́шъ, и҆́же невѣ́дꙋщыѧ ны̀, во бра́ни премꙋ̑дрыѧ ꙗ҆вле́й, дарова́въ на́мъ крѣ́пость и҆ си́лꙋ бл҃года́ти твоеѧ̀, и҆збра́вый мꙋ́жа по се́рдцꙋ твоемꙋ̀, благовѣ́рнаго і҆мпера́тора на́шего петра̀, ᲂу҆крѣпи́вый мꙋ́жествомъ подвиза́ющеесѧ во́инство: и҆́мже и҆ си́ми рѡссі́и ми́ръ тво́й дарова́вый, чл҃вѣколю́бче, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На вели́цѣй вече́рни, стїхи̑ры благода́рствєнныѧ, на д҃, гла́съ а҃:"
|
|
},
|
|
{
|
|
"type": "TEXT",
|
|
"value": "Ѻ҆́ч҃е пребл҃гі́й, трїѷпоста́сный влⷣко, є҆ди́не во всѣ́хъ чꙋдодѣ́йствꙋѧй, прїимѝ ѿ на́съ благода́рствєнныѧ сїѧ̑ моли̑твы, ꙗ҆́кѡ вдовы̀ кодра́нтъ, твоемꙋ̀ бл҃гоꙋтро́бїю приноси̑мыѧ. Что́ бо возда́мы тебѣ̀ ѡ҆ всеще́дрыхъ собы́вшихсѧ на на́съ смотре́нїихъ; твое́ю всеси́льною десни́цею пресла́вными ᲂу҆вѣнча́лъ є҆сѝ на́съ побѣ́дами: неискꙋ́сныхъ въ во́инскомъ правле́нїи препоѧ́салъ си́лою на премꙋ̑дрыѧ, и҆ по толи́кихъ неча́ѧнныхъ вели́кихъ побѣ́дахъ, пресла́внымъ ми́ромъ ѡ҆гради́лъ предѣ́лы на́шѧ. Тебѣ̀ ᲂу҆̀бо є҆ди́номꙋ всѧ̑ сїѧ̑ восписꙋ́юще, и҆ побѣди́тєльныѧ пѣ̑сни воспѣва́юще, зове́мъ: сла́ва тебѣ̀, всѣ́хъ бл҃ги́хъ пода́телю."
|
|
},
|
|
{
|
|
"type": "TEXT",
|
|
"value": "Ве́лїѧ и҆ пресла́внаѧ, гдⷭ҇и, ми́лость твоѧ̀ въ ро́дѣ рѡссі́йскомъ ꙗ҆ви́сѧ, ꙗ҆́кѡ и҆̀хже пред̾ꙋста́вилъ, си́хъ и҆ ѡ҆правда́лъ є҆сѝ соѡбра̑знымъ бы́ти вели́чествїю смотре́нїй твои́хъ. И҆скꙋ́сства нико́егѡ и҆мꙋ́ще, въ бра́нь жесто́кꙋю со всеискꙋ́сными внидо́хомъ: безси̑льныѧ, не и҆спыта́вше на́шеѧ си́лы, ѻ҆рꙋ́жїе воспрїѧ́хомъ на всеѻрꙋ̑жныѧ. Но пособи́вый, гдⷭ҇и, кро́ткомꙋ дв҃дꙋ, ты̀ и҆ на́ши рꙋ́цѣ наꙋчи́лъ є҆сѝ на ѡ҆полче́нїе. Тѣ́мже ны́нѣ въ ми́рѣ торжествꙋ́юще, пое́мъ: ве́лїй є҆сѝ, гдⷭ҇и, и҆ чꙋ̑дна дѣла̀ твоѧ̑, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Назира́хꙋ пре́жде ѻ҆кре́стнїи наро́ди, ᲂу҆кло́нше на рѡссі́ю ѻ҆чеса̀ своѧ̑, и҆ є҆ѧ̀ си̑лы въ себѣ̀ разсмотрѣва́юще, со ѡ҆пасе́нїемъ мно́гимъ разсꙋжда́хꙋ: ка́кѡ свѣ́тъ ᲂу҆че́нїѧ ѿврати́ти; и҆скꙋ́сства во́инскагѡ и҆ морепла́ванїѧ не допꙋсти́ти, бра́ни наче́ншїѧсѧ не протѧза́ти; да не си́ми дви́жемїи и҆скꙋ́съ ᲂу҆че́нїѧ позна́ютъ, но ны́нѣ ᲂу҆ви́дѣша, є҆́же никогда́же ча́ѧхꙋ ви́дѣти: непоколеби́мое всемꙋ̀ положѝ пе́тръ ѡ҆снова́нїе на тве́рдомъ ка́мени наде́жды въ бз҃ѣ, є҆го́же и҆ благодари́мъ дарова́вшаго на́мъ сицевы̑ѧ своѧ̑ ми́лѡсти."
|
|
},
|
|
{
|
|
"type": "HEADER",
|
|
"value": "Та́же стїхи̑ры ст҃о́мꙋ на д҃, гла́съ ѕ҃:"
|
|
},
|
|
{
|
|
"type": "TEXT",
|
|
"value": "По и҆́мени твоемꙋ̀ та́кѡ и҆ житїѐ твоѐ, благовѣ́рный кнѧ́же а҆леѯа́ндре: мꙋ́жествомъ бо на землѝ, и҆ до́брымъ правле́нїемъ, ны́нѣ же на нб҃сѝ моли́твами помоществꙋ́еши лю́демъ твои̑мъ. Тѣ́мже тѧ̀ и҆ въ тебѣ̀ сла́вимаго во ст҃ы́хъ свои́хъ бг҃а почита́емъ."
|
|
},
|
|
{
|
|
"type": "TEXT",
|
|
"value": "До́бръ строи́тель и҆ до́бль во́инъ, ски́петромъ на престо́лѣ пра́вѡ пра́вѧ, и҆ во бра́ни ѻ҆рꙋ́жїемъ защища́ѧ лю́ди твоѧ̑, сꙋгꙋ́быѧ че́сти сподо́билсѧ є҆сѝ ѿ вы́шнѧгѡ прави́телѧ и҆ гдⷭ҇а саваѡ́ѳа."
|
|
},
|
|
{
|
|
"type": "TEXT",
|
|
"value": "Бо́льшїѧ любвѐ никто́же и҆́мать ѿ сеѧ̀, а҆́ще кто̀ положи́тъ дꙋ́шꙋ свою̀ за дрꙋ́ги своѧ̑: сицево́ю лю́ди твоѧ̑ возлюби́лъ є҆сѝ, на ѻ҆рꙋ́жїе вра́жїе за нѧ̀ мꙋ́жественнѡ и҆сходѧ̀, бг҃ꙋ ѡ҆сѣнѧ́ющꙋ надъ главо́ю твое́ю въ де́нь бра́ни."
|
|
},
|
|
{
|
|
"type": "TEXT",
|
|
"value": "Мѡѷсе́а и҆ дв҃да и҆ про́чїихъ люде́й бж҃їихъ вождѡ́въ подража́ѧ, мꙋ́жественнѡ во бра́нѣхъ за лю́ди твоѧ̑ подвиза́лсѧ є҆сѝ: тѣ́мже и҆ на нб҃сѝ съ ни́ми побѣди́тель торжествꙋ́еши, молѧ́сѧ ѡ҆ во́инствꙋющихъ ко гдⷭ҇ꙋ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Весели́сѧ, і҆́жерскаѧ землѐ, и҆ всѧ̀ рѡссі́йскаѧ страна̀, варѧ́жское мо́ре, восплещѝ рꙋка́ми, нево̀ рѣко̀, распространѝ своѧ̑ стрꙋи̑: се́ бо кнѧ́зь тво́й и҆ влⷣка, ѿ и҆́га свѣ́йскагѡ тѧ̀ свободи́вый, торжествꙋ́етъ во гра́дѣ бж҃їи, є҆го́же веселѧ́тъ рѣ̑чнаѧ ᲂу҆стремлє́нїѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, гла́съ и҃:"
|
|
},
|
|
{
|
|
"type": "TEXT",
|
|
"value": "Ве́лїе чꙋ́до бы́сть во і҆и҃ли просвѣще́нїемъ ѿ гдⷭ҇а є҆ди́нагѡ человѣ́ка, глаго́лахꙋ бо: кто̀ когда̀ ѿве́рзе ѻ҆́чи слѣпорожде́ннꙋ; но ны́нѣ то́йже несравни́тельное чꙋ́до на́мъ содѣ́ла, є҆гда̀ не є҆ди́номꙋ, но всемꙋ̀ наро́дꙋ ѻ҆́чи къ ра́зꙋмꙋ ѿве́рзе, и҆ си́мъ ᲂу҆ничиже́нїе на́ше ѿѧ́тъ. Зри́те, ѻ҆крє́стныѧ страны̑, во є҆ди́но всѧ̑ согласи́вшыѧсѧ, да возмо́гꙋтъ во тмѣ̀ пе́рвагѡ невѣ́жества рѡссі́ю ᲂу҆держа́ти: но са́ми намѣ́ренїе своѐ забы́вше, въ протѧже́нїе долговре́менныѧ бра́ни встꙋпи́ша, и҆ є҆́же всѣ́ми ѻ҆́бразы ѿвраща́хꙋ, къ семꙋ̀ са́ми да́ша поѡщре́нїе. Сицевы̑ѧ сꙋ́ть сꙋдьбы̑ бж҃їѧ: совѣ́ты є҆гѡ̀ не сꙋ́ть ꙗ҆́кѡ совѣ́ты человѣ́чєскїѧ, возвыша́етъ и҆ низверга́етъ и҆̀хже благоволи́тъ. Ны́нѣ сбы́шасѧ речє́нїѧ а҆пⷭ҇льскаѧ: бꙋ́ее бж҃їе премꙋ́дрѣе человѣ̑къ є҆́сть, и҆ немощно́е бж҃їе крѣпча́е человѣ̑къ є҆́сть: и҆́бо немощны̑ѧ и҆ ᲂу҆ничижє́нныѧ и҆збра̀ бг҃ъ, да посрами́тъ крѣ̑пкаѧ, и҆ не сꙋ̑щаѧ, да сꙋ̑щаѧ ᲂу҆праздни́тъ, ꙗ҆́кѡ да не похва́литсѧ всѧ́каѧ пло́ть предъ бг҃омъ."
|
|
},
|
|
{
|
|
"type": "HEADER",
|
|
"value": "Та́же вхо́дъ, и҆ прокі́менъ днѐ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе. (Глава̀ ѯ҃з.)"
|
|
},
|
|
{
|
|
"type": "TEXT",
|
|
"value": "Весели́сѧ, і҆ерⷭ҇ли́ме, и҆ торжествꙋ́йте въ не́мъ всѝ лю́бѧщїи є҆го̀, ра́дꙋйтесѧ вкꙋ́пѣ: ра́дꙋйтесѧ всѝ, є҆ли́цы пла́касте по не́мъ, да сса́вше насытите́сѧ ѿ сосє́цъ ᲂу҆тѣше́нїѧ є҆гѡ̀, да сса́вше насытите́сѧ ѿ вхо́да сла́вы є҆гѡ̀, ꙗ҆́кѡ сѐ гл҃го́летъ гдⷭ҇ь: Сѐ а҆́зъ совращꙋ̀ въ нѧ̀ ꙗ҆́кѡ рѣкꙋ̀ ми́ра, и҆ ꙗ҆́кѡ пото́къ потоплѧ́ющь сла́вꙋ ꙗ҆зы́кѡмъ. Дѣ́ти и҆́хъ на ра́мꙋ воздви́гнꙋтсѧ, и҆ на колѣ́нꙋ ᲂу҆тѣ́шатсѧ: ꙗ҆́коже кого̀ ма́ти є҆гѡ̀ ᲂу҆тѣша́етъ, та́коже и҆ а҆́зъ ᲂу҆тѣ́шꙋ вы̀, и҆ во і҆ерⷭ҇ли́мѣ ᲂу҆тѣ́шитесѧ, и҆ ᲂу҆́зрите, и҆ возра́дꙋетсѧ се́рдце ва́ше. И҆ кѡ́сти ва́шѧ ꙗ҆́кѡ трава̀ прозѧ́бнꙋтъ, и҆ позна́етсѧ рꙋка̀ гдⷭ҇нѧ чтꙋ́щымъ и҆̀, и҆ воспрети́тъ непокарѧ́ющымсѧ. Та́кѡ гл҃го́летъ гдⷭ҇ь и҆збавле́й тѧ̀, бг҃ъ і҆и҃левъ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе. (Главы̑ ѯ҃а и҆ ѯ҃в.)"
|
|
},
|
|
{
|
|
"type": "TEXT",
|
|
"value": "Да возра́дꙋетсѧ дꙋша̀ моѧ̀ ѡ҆ гдⷭ҇ѣ, ѡ҆блече́ бо мѧ̀ въ ри́зꙋ спасе́нїѧ, и҆ ѻ҆де́ждею весе́лїѧ ѡ҆дѣ́ѧ мѧ̀, ꙗ҆́кѡ женихꙋ̀ возложѝ мнѣ̀ вѣне́цъ, и҆ ꙗ҆́кѡ невѣ́стꙋ ᲂу҆краси́ мѧ красото́ю. И҆ ꙗ҆́кѡ землѧ̀ растѧ́щаѧ цвѣ́тъ сво́й, и҆ ꙗ҆́кѡ вертогра́дъ сѣ́мена своѧ̑ прозѧба́етъ: та́кѡ возсїѧ́етъ гдⷭ҇ь пра́вдꙋ, и҆ ра́дость предъ всѣ́ми ꙗ҆зы̑ки. Сїѡ́на ра́ди не ᲂу҆мо́лкнꙋ, и҆ і҆ерⷭ҇ли́ма ра́ди не попꙋщꙋ̀, до́ндеже ᲂу҆́бѡ и҆зы́детъ ꙗ҆́кѡ цвѣ́тъ пра́вда моѧ̀, спасе́нїе же моѐ ꙗ҆́кѡ свѣща̀ разжже́тсѧ. И҆ ᲂу҆́зрѧтъ ꙗ҆зы́цы пра́вдꙋ твою̀, и҆ всѝ ца́рїе зе́мстїи сла́вꙋ твою̀: и҆ нарекꙋ́тсѧ и҆́менемъ твои́мъ но́вымъ, є҆́же гдⷭ҇ь и҆менꙋ́етъ є҆̀. И҆ бꙋ́деши вѣне́цъ добро́ты въ рꙋцѣ̀ гдⷭ҇ни, и҆ дїади́ма ца́рствїѧ въ рꙋцѣ̀ бг҃а твоегѡ̀. И҆ ктомꙋ̀ не нарече́шисѧ ѡ҆ста́вленъ, и҆ землѧ̀ твоѧ̀ ктомꙋ̀ не нарече́тсѧ пꙋста̀. Тебѣ́ бо нарече́тсѧ во́лѧ моѧ̀, и҆ землѧ̀ твоѧ̀ вселе́ннаѧ, ꙗ҆́кѡ благоволи́тъ гдⷭ҇ь въ тебѣ̀, и҆ землѧ̀ твоѧ̀ насели́тсѧ. И҆ ꙗ҆́кѡ живы́й ю҆́ноша съ дѣ́вою, та́кѡ поживꙋ́тъ сы́нове твоѝ съ тобо́ю. И҆ бꙋ́детъ, и҆́мже ѻ҆́бразомъ возвесели́тсѧ жени́хъ ѡ҆ невѣ́стѣ, та́кѡ возвесели́тсѧ гдⷭ҇ь ѡ҆ тебѣ̀."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе. (Глава̀ ѯ҃.)"
|
|
},
|
|
{
|
|
"type": "TEXT",
|
|
"value": "Свѣти́сѧ, свѣти́сѧ, і҆ерⷭ҇ли́ме, прїи́де бо тво́й свѣ́тъ, и҆ сла́ва гдⷭ҇нѧ на тебѣ̀ возсїѧ̀. Ꙗ҆́кѡ сѐ тма̀ покры́етъ зе́млю и҆ мра́къ на ꙗ҆зы́ки: на тебѣ́ бо ꙗ҆ви́тсѧ гдⷭ҇ь, и҆ сла́ва є҆гѡ̀ на тебѣ̀ ᲂу҆́зритсѧ. И҆ по́йдꙋтъ ца́рїе свѣ́томъ твои́мъ, и҆ ꙗ҆зы́цы свѣ́тлостїю восто́ка твоегѡ̀. Возведѝ ѻ҆́крестъ ѻ҆́чи твоѝ, и҆ ви́ждь сѡ́браннаѧ ча̑да твоѧ̑. Прїи́дꙋтъ всѝ сы́нове твоѝ и҆здале́ча и҆ дщє́ри твоѝ на ра́мѣхъ во́змꙋтсѧ. Тогда̀ ᲂу҆́зриши и҆ возра́дꙋешисѧ, и҆ ᲂу҆бои́шисѧ, и҆ ᲂу҆жа́снешисѧ се́рдцемъ, є҆гда̀ преложи́тъ на тѧ̀ бога́тство мо́рѧ, и҆ ꙗ҆зы̑къ и҆ люде́й, и҆ прїи́дꙋтъ тѝ стада̀ велблꙋ̑дъ, и҆ покры́ютъ тѧ̀ велблꙋ́ды мадїа́мстїи и҆ гефа́рстїи, всѝ ѿ сава̀ прїи́дꙋтъ, носѧ́ще тебѣ̀ зла́то и҆ лїва́нъ, принесꙋ́тъ тебѣ̀ и҆ ка́мень че́стенъ, и҆ спасе́нїе ѿ гдⷭ҇а благовѣстѧ́тъ. И҆ всѧ̑ ѻ҆́вцы кида̑рскїѧ соберꙋ́тсѧ тебѣ̀, и҆ ѻ҆внѝ навеѡ́ѳстїи прїи́дꙋтъ тебѣ̀, и҆ вознесꙋ́тсѧ прїѧ̑тнаѧ на же́ртвенникъ мо́й, и҆ до́мъ моли́твы моеѧ̀ просла́витсѧ. Кі́и сꙋ́ть, и҆̀же ꙗ҆́кѡ ѻ҆́блацы лета́ютъ, и҆ ꙗ҆́кѡ го́лꙋбїе со птєнцы̀ свои́ми; Со мно́ю є҆́сть сїѡ́нъ, менѐ ѻ҆́строви ѡ҆жида́ша, и҆ караблѝ ѳарсі́йстїи въ пе́рвыхъ, є҆́же привестѝ ча̑да твоѧ̑ и҆здале́ча: и҆ сребро̀ и҆ зла́то и҆́хъ съ ни́ми, за и҆́мѧ гдⷭ҇не ст҃о́е, и҆ за є҆́же ст҃о́мꙋ і҆и҃левꙋ сла́внꙋ бы́ти. И҆ сози́ждꙋтъ сы́нове и҆норо́днїи стѣ́ны твоѧ̑, и҆ ца́рїе и҆́хъ предста́нꙋтъ тебѣ̀: за гнѣ́въ бо мо́й порази́хъ тѧ̀, и҆ за ми́лость мою̀ возлюби́хъ тѧ̀. И҆ ѿве́рзꙋтсѧ врата̀ твоѧ̑, і҆ерⷭ҇ли́ме, вы́нꙋ де́нь и҆ но́щь, и҆ не затворѧ́тсѧ, є҆́же ввестѝ къ тебѣ̀ си́лꙋ ꙗ҆зы́кѡвъ, и҆ царѝ и҆́хъ ведѡ́мыѧ. Ꙗ҆зы́цы бо и҆ ца́рїе, и҆́же тебѣ̀ не порабо́таютъ, поги́бнꙋтъ: и҆ ꙗ҆зы́цы запꙋстѣ́нїемъ запꙋстѣ́ютъ. И҆ сла́ва лїва́нова къ тебѣ̀ прїи́детъ въ кѷпарі́сѣ и҆ пе́ѵкѣ и҆ ке́дрѣ вкꙋ́пѣ, просла́вити мѣ́сто ст҃о́е моѐ, и҆ мѣ́сто но́гъ мои́хъ просла́влю. И҆ по́йдꙋтъ къ тебѣ̀ боѧ́щїисѧ, сы́нове смири́вшихъ тѧ̀ и҆ прогнѣ́вавшихъ тѧ̀, и҆ покло́нѧтсѧ слѣда́мъ но́гъ твои́хъ всѝ прогнѣ́вавшїи тѧ̀: и҆ нарече́шисѧ гра́дъ гдⷭ҇ень, сїѡ́нъ ст҃а́гѡ і҆и҃лева. За є҆́же бы́ти тебѣ̀ ѡ҆ста́вленꙋ и҆ возненави́дѣнꙋ, и҆ не бѣ̀ помога́ѧй тебѣ̀, и҆ положꙋ́ тѧ въ ра́дость вѣ́чнꙋю, весе́лїе родѡ́мъ родѡ́въ. И҆ ссе́ши млеко̀ ꙗ҆зы́кѡвъ, и҆ бога́тство царе́й снѣ́си: и҆ разꙋмѣ́еши, ꙗ҆́кѡ а҆́зъ гдⷭ҇ь спаса́ѧй тѧ̀, и҆ и҆збавлѧ́ѧй тѧ̀ бг҃ъ і҆и҃левъ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ а҃:"
|
|
},
|
|
{
|
|
"type": "TEXT",
|
|
"value": "Гдⷭ҇а си́лъ, да́вшаго на́мъ крѣ́пость, дне́сь лю́дїе просла́вимъ: се́й бо бг҃ъ на́шъ, и҆ не вмѣни́тсѧ и҆́нъ къ немꙋ̀, се́й под̾ѧ́тъ на́съ, и҆ не возвели́чи ᲂу҆кори́вшыѧ ны̀. Бг҃ъ сы́й мі́ра, ѻ҆ц҃ъ щедрѡ́тъ, благословѝ достоѧ́нїе своѐ ми́ромъ. Се́й цр҃ь ца́рствꙋющихъ, мѡѷсе́емъ сохрани́вый лю́ди і҆и҃льтєскїѧ, и҆ ны́нѣ петро́мъ и҆зба́вивый ѿ бѣ́дъ рѡссі́ю: томꙋ̀ всегда̀ сла́вꙋ и҆ че́сть принесе́мъ."
|
|
},
|
|
{
|
|
"type": "HEADER",
|
|
"value": "Та́же ст҃о́мꙋ, гла́съ д҃:"
|
|
},
|
|
{
|
|
"type": "TEXT",
|
|
"value": "Да весели́тсѧ дне́сь но́вый і҆и҃ль, ѡ҆ сотво́ршемъ є҆гѡ̀, и҆ сы́нове рѡссі́йстїи да возра́дꙋютсѧ ѡ҆ кнѧ́зѣ свое́мъ благовѣ́рномъ а҆леѯа́ндрѣ не́вскомъ: се́ бо ца́рскою дїади́мою вѣнча̀ є҆го̀ цр҃ь ца́рствꙋющымъ."
|
|
},
|
|
{
|
|
"type": "TEXT",
|
|
"value": "А҆́ще на́мъ и҆ влады́чествꙋеши, благовѣ́рный кнѧ́же а҆леѯа́ндре, ѻ҆ба́че раба̀ бж҃їѧ тѧ̀ и҆менꙋ́емъ: є҆го́же влады́чествꙋѧ на́мъ гдⷭ҇а своего̀ и҆сповѣ́далъ, є҆мꙋ́же послꙋжи́лъ, ѿ негѡ́же и҆ ᲂу҆слы́шалъ є҆сѝ: благі́й ра́бе, до́брый и҆ вѣ́рный, вни́ди въ ра́дость гдⷭ҇а твоегѡ̀."
|
|
},
|
|
{
|
|
"type": "TEXT",
|
|
"value": "Прельсти́шасѧ фарїсе́є глаго́люще: кто̀ ѿ кнѧ̑зь вѣ́рова въ ѻ҆́нь; се́ бо благовѣ́рный кнѧ́зь а҆леѯа́ндръ не́вскїй вѣ́рова во і҆и҃са распѧ́таго, и҆ благоче́стїемъ ᲂу҆годѝ є҆мꙋ̀, и҆ воспрїѧ́тъ спасе́нїе вѣ́чное."
|
|
},
|
|
{
|
|
"type": "TEXT",
|
|
"value": "Вои́стиннꙋ вѣ́рный и҆ мꙋ́дрый строи́тель бы́лъ є҆сѝ, а҆леѯа́ндре, є҆го́же поста́ви гдⷭ҇ь надъ рабы̑ свои́ми рѡссі́йскими нарѡ́ды: блаже́нъ є҆сѝ, и҆́бо во вре́мѧ кончи́ны твоеѧ̀ прише́дъ къ тебѣ̀ гдⷭ҇ь, ѡ҆брѣ́те тѧ̀ до́брѣ творѧ́ща, и҆ надъ всѣ́мъ и҆мѣ́нїемъ на нб҃сѝ поста́ви тѧ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ а҃:"
|
|
},
|
|
{
|
|
"type": "TEXT",
|
|
"value": "Возвесели́тесѧ дне́сь, рѡссі́йстїи наро́ди, ликовствꙋ́йте нача̑ла и҆ вла̑сти: се́ бо пло́ть ѿ пло́ти, и҆ вла́сть ѿ вла́сти ва́шеѧ, благовѣ́рный кнѧ́зь а҆леѯа́ндръ не́вскїй ликꙋ́етъ со а҆́гг҃лы на нб҃сѝ, и҆ всѣ́хъ свои́хъ сро́дникѡвъ и҆ власте́й, и҆ подъ вла́стїю сꙋ́щихъ, на дꙋхо́вное созыва́етъ торжество̀: ѡ҆ всѣ́хъ мо́литсѧ ко гдⷭ҇ꙋ."
|
|
},
|
|
{
|
|
"type": "HEADER",
|
|
"value": "И҆ ны́нѣ, гла́съ є҃:"
|
|
},
|
|
{
|
|
"type": "TEXT",
|
|
"value": "Ви́дѣхомъ, бж҃е, сла́вꙋ твою̀, ви́дѣхомъ чꙋдеса̀ твоѧ̑ ꙗ҆ви́вшаѧсѧ въ на́съ: ᲂу҆жаса́етсѧ ᲂу҆́мъ воспомѧнꙋ́ти бѣ̑дствїѧ, ꙗ҆̀же всеси́льною твое́ю десни́цею ѿврати́лъ є҆сѝ. Не то́чїю бо си́льнїи ѿвнѣ̀ сопроти́внїи, торжествꙋ́юще мно́гимъ свои́мъ ѡ҆бꙋче́нїемъ, и҆ предъ прича́стники тогѡ́жде и҆скꙋ́сства, непобѣди̑мыѧ себѐ вмѣнѧ́юще: но и҆ внꙋ́трь мнѡ́гаѧ ѕла̑ѧ ѡ҆быдо́ша на́съ, смѧтє́нїѧ ѡ҆ всеѕло́бныхъ мѧте́жникѡвъ, мно́гое кровопроли́тїе простира́ющихъ. Подви́жесѧ всемꙋ̀ сопроти́вное се́рдце а҆вессалѡ́мле, не то́кмѡ дѣла̀ ѻ҆те́чєскаѧ тща́щеесѧ ѡ҆проверга́ти, но и҆ здра́вїѧ є҆гѡ̀ и҆́щꙋщее. Но не здѣ̀ предѣ́лъ ѡ҆бстоѧ́щихъ ны̀ лю́тыхъ: возмꙋти́ша проти́внїи є҆щѐ хрⷭ҇тоненави́стный ꙗ҆зы́къ і҆сма́ильтескїй. Ѽ коли́кихъ ѕлы́хъ и҆зба́вилъ є҆сѝ на́съ, непостижи́мый въ дѣ́лѣхъ твои́хъ влⷣко. Сла́ва ᲂу҆̀бо тебѣ̀ да бꙋ́детъ, всѧ̑ премꙋ́дрѣ стро́ѧщемꙋ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры ст҃о́мꙋ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "И҆сповѣ́давшаго и҆́мѧ і҆и҃сово предъ человѣ́ки, и҆сповѣ́дꙋетъ тѧ̀ і҆и҃съ предъ ѻ҆ц҃е́мъ свои́мъ на нб҃сѝ: и҆ мы̀ на землѝ воспѣва́емъ тѧ̀, благовѣ́рне а҆леѯа́ндре, ꙗ҆́кѡ молѧ́щагосѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Се́рдцемъ вѣ́ровалъ є҆сѝ въ пра́вдꙋ, ᲂу҆сты́ же предъ мꙋчи́телемъ и҆сповѣ́далъ є҆сѝ во спасе́нїе: ᲂу҆̀бо ꙗ҆́кѡ и҆́стинный и҆сповѣ́дникъ и҆ наслѣ́дникъ, моли́сѧ ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а:"
|
|
},
|
|
{
|
|
"type": "TEXT",
|
|
"value": "Мꙋ́ченикѡвъ подража́тель, не ᲂу҆боѧ́лсѧ є҆сѝ пострада́ти, ꙗ҆́кѡ до́бръ во́инъ і҆и҃съ хрⷭ҇то́въ, и҆зволе́нїемъ бы́въ мꙋ́ченикъ. Тѣ́мже и҆ съ мꙋ́чєники вѣнча́лсѧ є҆сѝ ѿ подвигополо́жника і҆и҃са."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Прїиди́те всѝ рѡссі́йстїи чи́ни, восхвали́те до́браго чинонача́льника: вла̑сти, мꙋ́драго строи́телѧ: во́ини, прехра́браго во́ина: правосла́вїѧ люби́тели, тве́рдаго и҆сповѣ́дника, и҆зволе́нїемъ мꙋ́ченика. Повинꙋ́йтесѧ наста́вникꙋ ва́шемꙋ и҆ покарѧ́йтесѧ, и҆ ви́дѣвше кончи́нꙋ є҆гѡ̀, подража́йте вѣ́рѣ є҆гѡ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, гла́съ з҃:"
|
|
},
|
|
{
|
|
"type": "TEXT",
|
|
"value": "Прїиди́те, возра́дꙋемсѧ гдⷭ҇еви, дади́мъ вели́чїе бг҃ꙋ на́шемꙋ, наꙋчи́вшемꙋ рꙋ́цѣ на́шѧ на ѡ҆полче́нїе, и҆ пе́рсты на́шѧ воѡрꙋжи́вшемꙋ на бра́нь: вѣнча́вшемꙋ же на́съ всежела́емымъ ми́ромъ, и҆спо́лнившемꙋ во благо́е намѣ́ренїе на́ше, и҆ си́мъ многовре́менное вражды̀ средостѣ́нїе разори́вшемꙋ. И҆ велегла́снѡ возопїе́мъ къ немꙋ̀: кто̀ бо́гъ ве́лїй ꙗ҆́кѡ бг҃ъ на́шъ; вои́стиннꙋ є҆ди́нъ є҆сѝ творѧ́й чꙋдеса̀."
|
|
},
|
|
{
|
|
"type": "TEXT",
|
|
"value": "По Ны́нѣ ѿпꙋща́еши:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Бл҃гослове́нъ є҆сѝ, хрⷭ҇тѐ бж҃е на́шъ, и҆́же невѣ́дꙋщыѧ ны̀, во бра́ни премꙋ̑дрыѧ ꙗ҆вле́й, дарова́въ на́мъ крѣ́пость и҆ си́лꙋ бл҃года́ти твоеѧ̀, и҆збра́вый мꙋ́жа по се́рдцꙋ твоемꙋ̀, благовѣ́рнаго і҆мпера́тора на́шего петра̀, ᲂу҆крѣпи́вый мꙋ́жествомъ подвиза́ющеесѧ во́инство: и҆́мже и҆ си́ми рѡссі́и ми́ръ тво́й дарова́вый, чл҃вѣколю́бче, сла́ва тебѣ̀. Два́жды."
|
|
},
|
|
{
|
|
"type": "HEADER",
|
|
"value": "Ст҃о́мꙋ, гла́съ д҃:"
|
|
},
|
|
{
|
|
"type": "TEXT",
|
|
"value": "Позна́й свою̀ бра́тїю, рѡссі́йскїй і҆ѡ́сифе, не въ є҆гѵ́птѣ, но на нб҃сѝ ца́рствꙋющїй, благовѣ́рный кнѧ́же а҆леѯа́ндре, и҆ прїимѝ молє́нїѧ и҆́хъ, ᲂу҆множа́ѧ жи̑та лю́демъ плодоно́сїемъ землѝ твоеѧ̀, гра́ды влады́чествїѧ твоегѡ̀ ѡ҆гражда́ѧ моле́нїемъ: и҆ правосла̑внымъ хрⷭ҇тїа́нѡмъ на сопроти̑вныѧ спобо́рствꙋѧ. Є҆ди́ножды."
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, ст҃о́мꙋ гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Да весели́тсѧ дне́сь но́вый і҆и҃ль ѡ҆ сотво́ршемъ є҆го̀, и҆ сы́нове рѡссі́йстїи да возра́дꙋютсѧ ѡ҆ кнѧ́зѣ свое́мъ, благовѣ́рномъ а҆леѯа́ндрѣ не́вскомъ: се́ бо ца́рскою дїади́мою вѣнча̀ є҆го̀ цр҃ь ца́рствꙋющымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Воспо́йте, рѡссі́йстїи наро́ди, воспо́йте пѣ́снь но́вꙋ, ди̑внаѧ сотво́ршемꙋ бг҃ꙋ на́шемꙋ: и҆́же мы́шцею высо́кою возведѐ лю́ди своѧ̑ въ поко́й, и҆ по неизрече́нныхъ и҆ жесто́кихъ бра́нехъ, ми́ромъ ѡ҆градѝ предѣ́лы на́шѧ, и҆ проти̑вныѧ си̑лы во є҆ди́но совокꙋпѝ. Є҆мꙋ́же дади́мъ вели́чїе, ꙗ҆ви́вшемꙋ на́мъ бога́тꙋю ми́лость."
|
|
},
|
|
{
|
|
"type": "HEADER",
|
|
"value": "По в҃-й сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ дѣ́вства:"
|
|
},
|
|
{
|
|
"type": "TEXT",
|
|
"value": "Благода́рнѡ зове́мъ всѝ хрⷭ҇то́вꙋ ᲂу҆го́дникꙋ, прилѣ́жнѡ молѧ́щесѧ: разрꙋшѝ бра́нь страсте́й на́шихъ, и҆ ѿженѝ дє́мѡнскаѧ мечта̑нїѧ, блаже́нне, и҆ молѝ хрⷭ҇та̀ бг҃а дарова́ти на́мъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Тебѣ̀ подоба́етъ пѣ́снь, бж҃е, въ рѡссі́и, тебѣ̀ да возда́стсѧ моли́тва по все́й землѝ благода́рственнаѧ, и҆́же наче́нъ съ на́ми и҆ совершѝ дѣ́ло, ᲂу҆дивле́нїѧ и҆ бл҃года́рствїѧ досто́йное: предъ ѻ҆кре́стными наро́ды сла́вою и҆ че́стїю вѣнча́лъ є҆сѝ на́съ, и҆ внꙋ́трєннїѧ пресла́внѡ посрамѝ мѧте́жники. Да ви́дѧтъ и҆ разꙋмѣ́ютъ всѝ, ꙗ҆́кѡ є҆́сть защи́тникъ на́шъ, по на́мъ побо́рствꙋѧй."
|
|
},
|
|
{
|
|
"type": "HEADER",
|
|
"value": "Велича́нїе пое́тъ пе́рвый ли́къ:"
|
|
},
|
|
{
|
|
"type": "TEXT",
|
|
"value": "Велича́емъ тѧ̀, трїѷпоста́сне влⷣко, всеми́лостивнѡ на на́съ рабѡ́въ твои́хъ призрѣ́вшаго, и҆ ми́ромъ вожделѣ́ннымъ предѣ́лы на́шѧ ѡ҆гради́вшаго."
|
|
},
|
|
{
|
|
"type": "HEADER",
|
|
"value": "Вторы́й ли́къ, ст҃о́мꙋ:"
|
|
},
|
|
{
|
|
"type": "TEXT",
|
|
"value": "Велича́емъ тѧ̀, благовѣ́рный кнѧ́же а҆леѯа́ндре, и҆ чте́мъ ст҃ꙋ́ю па́мѧть твою̀: ты́ бо мо́лиши ѡ҆ на́съ хрⷭ҇та̀ бг҃а на́шего."
|
|
},
|
|
{
|
|
"type": "HEADER",
|
|
"value": "Ѱало́мъ и҆збра́нный."
|
|
},
|
|
{
|
|
"type": "TEXT",
|
|
"value": "Ли́къ а҃-й: Воскли́кните гдⷭ҇еви всѧ̀ землѧ̀, по́йте же и҆́мени є҆гѡ̀, дади́те сла́вꙋ хвалѣ̀ є҆гѡ̀."
|
|
},
|
|
{
|
|
"type": "TEXT",
|
|
"value": "Ли́къ в҃-й: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй."
|
|
},
|
|
{
|
|
"type": "TEXT",
|
|
"value": "Ли́къ а҃-й: Кро́тцыи наслѣ́дѧтъ зе́млю, и҆ насладѧ́тсѧ ѡ҆ мно́жествѣ ми́ра."
|
|
},
|
|
{
|
|
"type": "TEXT",
|
|
"value": "Ли́къ в҃-й: Гдⷭ҇и, возлюби́хъ благолѣ́пїе до́мꙋ твоегѡ̀, и҆ мѣ́сто селе́нїѧ сла́вы твоеѧ̀."
|
|
},
|
|
{
|
|
"type": "TEXT",
|
|
"value": "Ли́къ а҃-й: Возсїѧ́етъ во дне́хъ є҆гѡ̀ пра́вда и҆ мно́жество ми́ра, до́ндеже ѿи́метсѧ лꙋна̀."
|
|
},
|
|
{
|
|
"type": "TEXT",
|
|
"value": "Ли́къ в҃-й: Оу҆ста̀ пра́веднагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ."
|
|
},
|
|
{
|
|
"type": "TEXT",
|
|
"value": "Ли́къ а҃-й: Гдⷭ҇ь крѣ́пость лю́демъ свои̑мъ да́стъ, гдⷭ҇ь благослови́тъ лю́ди своѧ̑ ми́ромъ."
|
|
},
|
|
{
|
|
"type": "TEXT",
|
|
"value": "Ли́къ в҃-й: Блаже́ни живꙋ́щїи въ домꙋ̀ твое́мъ, въ вѣ́ки вѣкѡ́въ восхва́лѧтъ тѧ̀."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Дх҃ъ ст҃ы́й тѧ̀, бл҃же́нне, наста́ви ѻ҆те́чество твоѐ па́ствити на па́житехъ спаси́тельныхъ, и҆ хрⷭ҇то́съ свѣти́льника тѧ̀ показа̀ ꙗ҆́вѣ. Сегѡ̀ ра́ди ликꙋ́й и҆ весели́сѧ со дерзнове́нїемъ, ꙗ҆́кѡ сꙋгꙋ́быѧ вѣнцы̀ ѿ вѣнцеда́вца прїи́мь."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Воспо́йте, рѡссі́йстїи наро́ди, воспо́йте пѣ́снь но́вꙋ, ди̑внаѧ сотво́ршемꙋ бг҃ꙋ на́шемꙋ: и҆́же мы́шцею высо́кою возведѐ лю́ди своѧ̑ въ поко́й, и҆ по неизрече́нныхъ и҆ жесто́кихъ бра́нехъ ми́ромъ ѡ҆градѝ предѣ́лы на́шѧ, и҆ проти̑вныѧ си̑лы во є҆ди́но совокꙋпѝ. Є҆мꙋ́же дади́мъ вели́чїе, ꙗ҆ви́вшемꙋ на́мъ бога́тꙋю ми́лость."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Вознесо́хъ и҆збра́ннаго ѿ люде́й мои́хъ."
|
|
},
|
|
{
|
|
"type": "TEXT",
|
|
"value": "Сті́хъ: Сегѡ̀ ра́ди пома́за тѧ̀, бж҃е, бг҃ъ тво́й:"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло л҃ѕ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прїиди́те, всѝ лю́дїе, хвалꙋ̀ принесе́мъ блаже́нномꙋ, вопїю́ще си́це: ра́дꙋйсѧ, пресвѣ́тлый сто́лпе, просвѣща́ѧ на́съ чꙋде́съ свѣтлостьмѝ: ра́дꙋйсѧ, ро́сный ѻ҆́блаче, пла́мень погаша́ѧй страсте́й, и҆ ѡ҆роша́ѧй вѣ́рныхъ мы̑сли, бжⷭ҇твенный а҆леѯа́ндре."
|
|
},
|
|
{
|
|
"type": "HEADER",
|
|
"value": "Канѡ́нъ. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те лю́дїе:"
|
|
},
|
|
{
|
|
"type": "TEXT",
|
|
"value": "Пѣ́снь по достоѧ́нїю принестѝ тебѣ̀, влⷣко, недоꙋмѣва́емъ. Кто́ бо и҆зрече́тъ ми́лѡсти твоѧ̑, ꙗ҆̀же ꙗ҆ви́лъ є҆сѝ на́мъ; ты̀ на́ше невѣ́жество ѿ сокро́вища премꙋ́дрости твоеѧ̀ просвѣти́лъ є҆сѝ: ты̀ и҆ наꙋчѝ со стра́хомъ и҆ любо́вїю благода́рствєннаѧ тебѣ̀ воспѣ́ти."
|
|
},
|
|
{
|
|
"type": "TEXT",
|
|
"value": "Оу҆тверждє́нныѧ въ бз҃ѣ вара́къ и҆ дево́ра, сопроти́вныхъ во́инство и҆зби́вше, пѣ́снь но́вꙋю бг҃ꙋ побѣди́телю воспѣ́ша: си́хъ, рѡссі́е, побѣ́дными ᲂу҆кра́шеннаѧ вѣнца́ми подража́ющаѧ, пѣ́снь побѣ́днꙋю бг҃ꙋ воскли́кни, прославлѧ́ющи сла́вꙋ и҆ си́лꙋ є҆гѡ̀."
|
|
},
|
|
{
|
|
"type": "TEXT",
|
|
"value": "А҆га́рь и҆ногда̀ и҆знемо́гши ѿ зно́ѧ возопѝ ко гдⷭ҇ꙋ, є҆́йже а҆́гг҃лъ и҆сто́чникъ показа̀ воды̀ текꙋ́щїѧ, да пїю́щи съ ча́домъ жива̀ бꙋ́детъ. И҆ рѡссі́а, и҆знемо́гши многолѣ́тнымъ трꙋдо́мъ, возопѝ ко гдⷭ҇ꙋ: да́ждь мѝ и҆сто́чникъ ми́ра, ѿ негѡ́же напою̀ ча̑да моѧ̑, и҆ воспою́ тѧ гдⷭ҇а во вѣ́ки."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ ст҃о́мꙋ. Гла́съ и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ:"
|
|
},
|
|
{
|
|
"type": "TEXT",
|
|
"value": "Досто́йными похвала́ми воспѣ́ти пресла́внаго чꙋдотво́рца ᲂу҆́мъ и҆ смы́слъ да́рꙋй мѝ, хрⷭ҇тѐ бж҃е, ꙗ҆́кѡ да воспою̀ ра́дꙋѧсѧ па́мѧть є҆гѡ̀."
|
|
},
|
|
{
|
|
"type": "TEXT",
|
|
"value": "Свѣти́льниче многосвѣ́тлый рѡссі́йскїѧ землѝ, ꙗ҆́коже второ́е сл҃нце чꙋдєсы̀ сїѧ́ѧ, всѣ́хъ на́съ помина́й, соверша́ющихъ па́мѧть твою̀, а҆леѯа́ндре блаже́нне."
|
|
},
|
|
{
|
|
"type": "TEXT",
|
|
"value": "Бг҃омꙋ́дре а҆леѯа́ндре, а҆́ще тѧ̀ и҆ напослѣ́докъ лѣ́тъ бг҃опросвѣще́ннаѧ рѡссі́йскаѧ страна̀ возрастѝ: но дре́внихъ че́сти сподо́билсѧ є҆сѝ, дарова́нїе чꙋде́съ досто́йнѡ прїе́мъ."
|
|
},
|
|
{
|
|
"type": "TEXT",
|
|
"value": "Зако́нѡвъ кромѣ̀ є҆сте́ственныхъ, дв҃о, родила̀ є҆сѝ законода́вца бг҃а, человѣ́ка бы́вша: того̀ ꙗ҆́кѡ бла́га молѝ, всенепоро́чнаѧ, на̑ша беззакѡ́нїѧ презрѣ́ти."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Лꙋ́къ сокрꙋши́сѧ си́льныхъ:"
|
|
},
|
|
{
|
|
"type": "TEXT",
|
|
"value": "Ѡ҆бнови́сѧ ны́нѣ, но́вый і҆и҃лю, благода́тїю ѿ всѣ́хъ бла̑гъ пода́телѧ, и҆́же мы́шцею высо́кою проведе́ тѧ чрезъ мо́ре долголѣ́тныѧ бра́ни, и҆ введе́ тѧ въ зе́млю благослове́ннꙋю ми́ра сегѡ̀."
|
|
},
|
|
{
|
|
"type": "TEXT",
|
|
"value": "Ви́дите, ꙗ҆зы́цы, и҆ разꙋмѣ́йте, ꙗ҆́кѡ съ на́ми бг҃ъ, и҆́же въ бра́ни бы́сть, и҆ побора́ше по на́съ: смири́ ны пре́жде, да пресла́внѣе возвели́читъ. Се́й ᲂу҆́бѡ бг҃ъ на́шъ, ѡ҆ не́мже въ ми́рѣ и҆ бра́ни вѣ́рнїи ᲂу҆твержда́емсѧ."
|
|
},
|
|
{
|
|
"type": "TEXT",
|
|
"value": "Возведѝ ѻ҆́крестъ ѻ҆́чи твоѝ, рѡссі́е, и҆ ви́ждь, се́ бо распространи́шасѧ предѣ́лы твоѧ̑, приꙋсꙋгꙋ́бишасѧ ѿ за́пада, сѣ́вера и҆ ю҆́га ча̑да твоѧ̑, и҆ про́мыслꙋ вы́шнѧгѡ по бра́нѣхъ въ ми́рѣ воспо́й пѣ̑сни твоѧ̑."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Небе́снагѡ крꙋ́га:"
|
|
},
|
|
{
|
|
"type": "TEXT",
|
|
"value": "Свѣти́льникъ свѣ́та ꙗ҆ви́лсѧ є҆сѝ, а҆леѯа́ндре всеблаже́нне, недꙋ́гѡвъ глꙋбо́кꙋю тмꙋ̀ разрꙋша́ѧ всегда̀ заре́ю свѣ́тлою чꙋде́съ, премꙋ́дре."
|
|
},
|
|
{
|
|
"type": "TEXT",
|
|
"value": "Прⷭ҇то́лꙋ предстои́ши благода́ти со всѣ́ми а҆́гг҃лы ра́дꙋѧсѧ дне́сь, и҆ мі́рꙋ и҆сцѣле́нїѧ раздава́ѧ бога́тство, спасѝ всѣ́хъ на́съ моли́твами твои́ми, блаже́нне."
|
|
},
|
|
{
|
|
"type": "TEXT",
|
|
"value": "Благочести́ваго и҆ вѣнцено́снаго а҆леѯа́ндра соше́дшесѧ по достоѧ́нїю восхва́лимъ, ꙗ҆́кѡ чꙋде́съ пода́телѧ ѻ҆би́льнаго, и҆ гдⷭ҇ꙋ молѧ́щасѧ ѡ҆ всѣ́хъ на́съ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ вои́стиннꙋ гдⷭ҇ь воцр҃и́сѧ въ црⷭ҇твїе не ѿпа́дающее, и҆ ѡ҆блече́сѧ ѱало́мски и҆зъ тебє̀, бг҃ома́ти, въ кра́сное бл҃голѣ́пїе пло́ть ст҃ꙋ́ю, є҆́юже сме́рть прїѧ́тъ, и҆ разрꙋшѝ є҆ѧ̀ ца́рство."
|
|
},
|
|
{
|
|
"type": "HEADER",
|
|
"value": "Конда́къ ст҃а́гѡ:"
|
|
},
|
|
{
|
|
"type": "TEXT",
|
|
"value": "Ꙗ҆́коже сро́дники твоѝ бори́съ и҆ глѣ́бъ ꙗ҆ви́шасѧ тебѣ̀ съ нб҃сѐ въ по́мощь, подвиза́ющемꙋсѧ на ве́лгера свѣ́йскаго и҆ во́євъ є҆гѡ̀: та́кѡ и҆ ты̀ ны́нѣ, блаже́нне а҆леѯа́ндре, прїидѝ въ по́мощь твои̑мъ сро́дникѡмъ, и҆ поборѝ борю́щыѧ ны̀."
|
|
},
|
|
{
|
|
"type": "TEXT",
|
|
"value": "І҆́косъ: И҆́же дре́вле навѣ́тами вра́жїими расточє́нныѧ, ꙗ҆́кѡ ѻ҆ре́лъ птенцы̀ подъ крилѣ̀, собира́ше лю́ди своѧ̑, се́й и҆ ны́нѣ на дꙋхо́вное торжество̀ собира́етъ на́съ: прїиди́те ᲂу҆̀бо, возра́дꙋемсѧ гдⷭ҇еви, и҆ просла́вимъ просла́вльшаго сро́дника на́шего, и҆ влады́кꙋ, и҆ возопїи́мъ: ра́дꙋйсѧ, рѡссі́йскаѧ сла́во, ски́петрѡвъ держа́во, во́євъ хра́брость, ѻ҆рꙋ́жїѧ крѣ́пость, помина́й ста́до твоѐ, надъ ни́мже гдⷭ҇ь поста́ви тѧ̀, и҆ поборѝ борю́щыѧ ны̀."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ многосвѣ́тлаѧ ꙗ҆ви́лсѧ є҆сѝ, свѣ́тлагѡ ра́ди житїѧ̀ твоегѡ̀, сосꙋ́дъ ст҃а́гѡ дх҃а бы́въ: сегѡ̀ ра́ди по мно́гихъ лѣ́тѣхъ во гро́бѣ нетлѣ́нны ѡ҆брѣто́шасѧ ст҃ы̑ѧ твоѧ̑ мо́щи, ѿ ни́хже и҆сточа́еши рѣ́ки чꙋде́съ и҆сцѣле́нїй вѣ́рнѡ зовꙋ́щымъ тѝ: ра́дꙋйсѧ, благовѣ́рный вели́кїй кнѧ́же а҆леѯа́ндре."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ то́йже."
|
|
},
|
|
{
|
|
"type": "TEXT",
|
|
"value": "Трⷪ҇цꙋ славосло́вимъ вѣ́рнїи є҆диносꙋ́щнꙋю: призрѣ́ бо на смире́нїе на́ше, ѿѧ́тъ поноше́нїе во человѣ́цѣхъ, ᲂу҆твердѝ ми́лость свою̀ на на́съ, во є҆́же соблюстѝ на́съ, и҆ невре́дныхъ сохрани́ти. Тѣ́мже благослови́мъ бг҃а на́шего."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Внегда̀ прибли́житисѧ лѣ́тѡмъ:"
|
|
},
|
|
{
|
|
"type": "TEXT",
|
|
"value": "Неизрече́нное и҆ неисповѣди́мое смотре́нїе и҆сповѣ́дꙋемъ рабѝ твоѝ, влⷣко, благода́рными си́ми словесы̀: ничто́же бо бо́лѣе за бла́гость твою̀ возда́ти мо́жемъ, ꙗ҆́кѡ ѿ тмы̀ ко свѣ́тꙋ произве́лъ є҆сѝ, то́чїю ма́лое сїѐ прїимѝ ѿ на́съ благодаре́нїе."
|
|
},
|
|
{
|
|
"type": "TEXT",
|
|
"value": "Гдѣ̀ ны́нѣ ᲂу҆мышлє́нїѧ и҆ совѣ́ты ва́ши, ѻ҆кре́стнїи наро́ди, ѿ дре́внихъ вѣкѡ́въ во є҆ди́но согласꙋ́ющїисѧ, а҆́ки предви́дѧще и҆ зави́дѧще бꙋ́дꙋщемꙋ рѡссі́и благополꙋ́чїю, позна́нїе ᲂу҆че́нїй и҆ хꙋдо́жествъ ѿвраща́ющїи; полꙋчѝ ны́нѣ, є҆́же не хотѣ́сте, и҆ славосло́витъ бг҃а, сїѐ є҆́й дарова́вшаго."
|
|
},
|
|
{
|
|
"type": "TEXT",
|
|
"value": "Всѧ̀ тва́рь да ра́дꙋетсѧ съ на́ми, да пое́тъ и҆́мени гдⷭ҇а вы́шнѧгѡ: содѣ́ла бо чꙋ́до въ на́съ, всѧ́къ ᲂу҆́мъ преимꙋ́щее, хи̑траѧ превратѝ намѣ́рєнїѧ сопроти́вныхъ, и҆ и҆́миже хотѧ́хꙋ на́съ ᲂу҆лови́ти, си́ми ᲂу҆ловле́ни сꙋ́ть сѣтьмѝ. Мы́ же и҆зба́вльшесѧ всера́достнѡ є҆го̀ велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ:"
|
|
},
|
|
{
|
|
"type": "TEXT",
|
|
"value": "Заре́ю трисо́лнечныѧ бл҃года́ти, сїѧ́ѧ, свѣ́тлѣ тво́й пра́здникъ творѧ́щихъ ѡ҆зарѝ, и҆ стра́стнагѡ ѡ҆мраче́нїѧ де́мѡнскагѡ и҆зба́ви, а҆леѯа́ндре пресла́вне."
|
|
},
|
|
{
|
|
"type": "TEXT",
|
|
"value": "Свѧти́телїе и҆ мона́си, свѧще́нницы и҆ прості́и, и҆ ста́рцы со ю҆́нотами, и҆ ве́сь во́зрастъ свѣ́тлѡ пред̾игра́йте, и҆ па́мѧть блаже́ннагѡ въ пѣ́снехъ возвели́чите."
|
|
},
|
|
{
|
|
"type": "TEXT",
|
|
"value": "Къ бжⷭ҇твенномꙋ свѣ́тꙋ ны́нѣ преста́вилсѧ є҆сѝ, свѣ́та сы́нъ возлю́бленъ бы́въ, въ ра́дости и҆ красотѣ̀ съ ли̑ки а҆́гг҃льскими ны́нѣ ра́достнѡ ликꙋ́еши."
|
|
},
|
|
{
|
|
"type": "TEXT",
|
|
"value": "И҆мѣ́ю тѧ̀ помо́щницꙋ и҆ непостыждꙋ́сѧ, пречⷭ҇таѧ мт҃и бж҃їѧ: и҆мѣ́ю тѧ̀ предста́тельницꙋ, и҆ вра̑гъ мои́хъ не ᲂу҆бою́сѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Но́щи преше́дшей:"
|
|
},
|
|
{
|
|
"type": "TEXT",
|
|
"value": "Созида́й гра́ды твоѧ̑ нѡ́выѧ, рѡссі́е, ᲂу҆твержда́й ми́ромъ предѣ́лы твоѧ̑: гдⷭ҇ь съ тобо́ю, гдⷭ҇ь помо́щникъ. Да́ждь ᲂу҆̀бо сла́вꙋ и҆́мени є҆гѡ̀, пресла́внѡ ны́нѣ просла́вившагѡ тѧ̀."
|
|
},
|
|
{
|
|
"type": "TEXT",
|
|
"value": "Не тꙋжѝ ны́нѣ, рѡссі́е, дни̑ прє́жнїѧ и҆ лѣ̑та прешє́дшаѧ скѡ́рбнаѧ помина́ющи: є҆гда̀ бѣ́дствїѧми а҆́ки потрѧсе́сѧ, ѿ восто́ка, ю҆́га и҆ сѣ́вера смꙋща́емаѧ, внꙋ́трь же мѧте́жными несогла̑сїи раздира́емаѧ. Прогна̀ бг҃ъ ѻ҆́блакъ печа́ли твоеѧ̀, и҆ свѣ́томъ безсме́ртныѧ сла́вы ѡ҆зари́ тѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ взыска́ла є҆сѝ, рѡссі́е, гдⷭ҇а бг҃а твоего̀ въ де́нь ско́рби твоеѧ̀, сегѡ̀ ра́ди ꙗ҆ви́сѧ тебѣ̀ въ чꙋ́дныхъ дѣ́лѣхъ свои́хъ: и҆́же и҆зба́ви тѧ̀ ѿ крѣ́пкихъ рꙋ́къ сꙋпоста̑тъ твои́хъ, и҆ вѣне́цъ ми́ра и҆ благоволе́нїѧ возложѝ на главꙋ̀ твою̀."
|
|
},
|
|
{
|
|
"type": "TEXT",
|
|
"value": "Возвесели́тесѧ съ на́ми, вели́цыи кнѧ́зи рѡссі́йстїи, ви́дѣвше вїногра́дъ се́й ва́ми насажде́нный, ка́кѡ бг҃ъ вы́шнїй, цр҃ь вѣ́чный є҆го̀ возрастѝ, и҆ ѡ҆пло́томъ ми́ра вѣ́чнагѡ ѡ҆градѝ: и҆ съ на́ми благода́рствєннаѧ є҆мꙋ̀ воспо́йте."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆́тренююще вопїе́мъ тѝ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ свѣ́тла ꙗ҆ви́сѧ непреле́стна, плѣне́нныхъ свободи́тель, и҆ ни́щихъ богати́тель, и҆ болѧ́щихъ вра́чь, це́ркве побо́рникъ, и҆ ѻ҆те́чества на́шегѡ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Ꙗ҆ви́сѧ въ рѡссі́йстѣй землѝ чꙋдотво́рецъ пресла́венъ а҆леѯа́ндръ бл҃же́нный, ꙗ҆́кѡ всесвѣ́телъ свѣти́льникъ сїѧ́ѧ во все́мъ мі́рѣ, и҆ во мра́цѣ страсте́й ѡ҆зарѧ́ѧ всѧ̑."
|
|
},
|
|
{
|
|
"type": "TEXT",
|
|
"value": "Досточꙋ́днаѧ и҆ пресла́внаѧ па́мѧть твоѧ̀ возсїѧ̀ въ рѡссі́йстѣй землѝ, блаже́нне, и҆ ра́достнѡ вѣ́рныхъ весели́тъ собо́ры."
|
|
},
|
|
{
|
|
"type": "TEXT",
|
|
"value": "Ѿверзо́шасѧ тебѣ̀ двє́ри є҆дє́мскїѧ, и҆ несказа́ненъ свѣ́тъ и҆ трисїѧ́ненъ возсїѧ̀, бл҃же́нне, въ неподви́жнѣмъ црⷭ҇твїи нбⷭ҇нѣмъ, и҆ пра́ведныхъ весе́лїе прїѧ́лъ є҆сѝ ра́дꙋѧсѧ."
|
|
},
|
|
{
|
|
"type": "TEXT",
|
|
"value": "Ме́ртвости и҆ тлѝ и҆зба́вила є҆сѝ человѣ́чество, є҆стество́мъ бо жизнода́вца и҆ бг҃а безъ сѣ́мене родила̀ є҆сѝ, дв҃о всенепоро́чнаѧ, на благодѣѧ́нїе восхвалѧ́ющихъ тѧ̀ вѣ́рнѡ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Гла́съ глагѡ́лъ моле́бныхъ:"
|
|
},
|
|
{
|
|
"type": "TEXT",
|
|
"value": "Бл҃же́ни всѝ ᲂу҆пова́ющїи на гдⷭ҇а, ꙗ҆́кѡ гора̀ сїѡ́нъ не подви́жатсѧ во вѣ́къ: гдⷭ҇ь бо прибѣ́жище и҆̀мъ, гдⷭ҇ь спасе́нїе. Въ де́нь, въ ѻ҆́ньже призовꙋ́тъ, посѣти́тъ и҆̀хъ."
|
|
},
|
|
{
|
|
"type": "TEXT",
|
|
"value": "Въ де́нь печа́ли сы́номъ гони́мый дв҃дъ, возопѝ ко гдⷭ҇ꙋ, и҆ ѿ бѣ́дъ и҆зба́вилъ є҆го̀, и҆ въ сїѡ́нѣ па́ки, ѿ негѡ́же и҆згна́нъ бы́сть, просла́ви бг҃а спаса́ющаго. Прогна̀ сицевꙋ́ю находѧ́щꙋю ско́рбь ѿ своегѡ̀ достоѧ́нїѧ всевы́шнїй гдⷭ҇ь, ѿврати́вый ѻ҆тцегони́тельное кровопроли́тїе: тѣ́мже и҆ мы̀ ны́нѣ є҆го̀ въ рѡссі́йскомъ сїѡ́нѣ просла́вимъ."
|
|
},
|
|
{
|
|
"type": "TEXT",
|
|
"value": "Дадѐ ми́ръ предѣ́лѡмъ твои̑мъ, рѡссі́е, гдⷭ҇ь, да не бꙋ́детъ стꙋжа́ѧй тебѣ̀, ме́чь чꙋжды́й да не ᲂу҆страша́етъ тѧ̀: вы́шнїй бо ѡ҆градѝ крѣ́пкою рꙋко́ю концы̀ землѝ твоеѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се:"
|
|
},
|
|
{
|
|
"type": "TEXT",
|
|
"value": "Ѿ пречестна́гѡ ко́рене и҆зра́слъ є҆сѝ вѣ́твь, пресла́вне, и҆ благоче́стнѡ на землѝ пожи́лъ є҆сѝ, и҆ прїѧ́телище чи́сто дх҃а ꙗ҆ви́лсѧ ѡ҆свѧща́ѧ вѣ́рою притека́ющыѧ тѝ, бл҃же́нне."
|
|
},
|
|
{
|
|
"type": "TEXT",
|
|
"value": "Весе́лїѧ дне́сь и҆спо́лнисѧ всѧ̀ рѡссі́йскаѧ землѧ̀ въ наро́читый де́нь пра́здника, пресла́внагѡ чꙋдотво́рца а҆леѯа́ндра блаже́ннагѡ: соблюда́етъ бо ѻ҆те́чество своѐ вы́нꙋ ненавѣ́тно."
|
|
},
|
|
{
|
|
"type": "TEXT",
|
|
"value": "Сирѡ́тъ и҆ вдѡ́въ застꙋ́пника, и҆ въ бѣда́хъ непобори́маго помо́щника, пѣ́сньми а҆леѯа́ндра ᲂу҆блажи́мъ сла́вѧще: пра́зднꙋющихъ бо па́мѧть є҆гѡ̀ ве́селѡ, ѿ бѣ́дъ и҆збавлѧ́етъ и҆ скорбе́й."
|
|
},
|
|
{
|
|
"type": "TEXT",
|
|
"value": "Сꙋ́щїй прест҃ы́й хра́мъ, бцⷣе, и҆сто́чникъ родила̀ є҆сѝ, всенепоро́чнаѧ, неисчерпа́емый, влⷣчце."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: А҆́ще и҆ во гро́бъ:"
|
|
},
|
|
{
|
|
"type": "TEXT",
|
|
"value": "Оу҆крѣпи́вый дв҃да на голїа́ѳа, ᲂу҆крѣпи́лъ є҆сѝ и҆ і҆мпера́тора на́шего петра̀, въ простотѣ̀ се́рдца слꙋжа́щаго тѝ, и҆ ѡ҆ и҆́мени твое́мъ подвиза́ющагосѧ, бл҃годѣѧ̑нїѧ твоѧ̑ прославлѧ́ющаго: щедрѡ́ты твоѧ̑ дарова́лъ є҆сѝ є҆мꙋ̀, хрⷭ҇тѐ бж҃е, ты́ бо наде́жда на́ша и҆ спасе́нїе, и҆ непобѣди́маѧ побѣ́да."
|
|
},
|
|
{
|
|
"type": "TEXT",
|
|
"value": "І҆́косъ: Са́мъ, гдⷭ҇и, созда́лъ є҆сѝ премꙋ́дрость, и҆ ви́дѣлъ и҆ и҆сче́лъ ю҆̀, и҆ и҆злїѧ́лъ є҆сѝ ю҆̀ на всѧ̑ дѣла̀ твоѧ̑ со всѧ́кою пло́тїю по щедро́тамъ твои́мъ, по даѧ́нїю твоемꙋ̀ дарова́лъ є҆сѝ: ты̀ и҆ благочести́вѣйшаго і҆мпера́тора на́шего петра̀ ѿ сокро́вищъ свои́хъ ᲂу҆мꙋдри́вый, и҆́мъ рѡссі́йское во́инство во бра́нехъ премꙋ́дрѡ наста́вилъ є҆сѝ. Тѣ́мже ны́нѣ торже́ственными пѣ́сньми твою̀ премꙋ́дрость воспѣва́емъ, и҆ благодари́мъ тѧ̀, премнѡ́гїѧ на́мъ дарова́вшаго побѣ̑ды."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вѣті̑и ꙗ҆ви́шасѧ ѻ҆́троцы:"
|
|
},
|
|
{
|
|
"type": "TEXT",
|
|
"value": "Ꙗ҆́коже а҆маза́и рѣ́ша, ѽ дв҃де, ми́ръ тебѣ̀ и҆ помо́щникѡмъ твои̑мъ: та́кѡ и҆ ны́нѣ бра́вшїисѧ съ на́ми глаго́лютъ: ми́ръ тебѣ̀, благовѣ́рный пе́тре, бг҃ъ тво́й помо́щникъ тебѣ̀. Є҆мꙋ́же зове́мъ: бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆поко́и предѣ́лы на́шѧ гдⷭ҇ь си́лъ, да́вый ми́ръ достоѧ́нїю своемꙋ̀: входѧ́щїи и҆ и҆сходѧ́щїи на мо́ре, безъ стра́ха и҆ печа́ли коры̑сти своѧ̑ собира́йте. Бг҃ъ бо на́шъ ѿѧ́тъ ско́рбь ра́тнꙋю, є҆мꙋ́же зове́мъ: бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Прїиди́те, возвели́чимъ чꙋ̑днаѧ дѣла̀ бж҃їѧ, ка́кѡ смире́нныхъ на́съ вознесѐ, ка́кѡ ᲂу҆ничиже́нныхъ просла́ви, ка́кѡ побѣди́тельнымъ вѣнце́мъ ᲂу҆вѣнча̀, и҆ ми́ромъ ѡ҆градѝ, и҆ радостотво́рнѡ возопїи́мъ: бж҃е ѻ҆тє́цъ на́шихъ, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы:"
|
|
},
|
|
{
|
|
"type": "TEXT",
|
|
"value": "Дне́сь це́рковь хрⷭ҇то́ва пра́зднꙋющи а҆леѯа́ндрово торжество̀, соше́дшымсѧ вои́стиннꙋ и҆сточа́етъ бл҃года́ть, прилѣ́жнѡ молѧ́щымсѧ и҆ любо́вїю пою́щымъ є҆го̀."
|
|
},
|
|
{
|
|
"type": "TEXT",
|
|
"value": "Во всѣ́хъ страна́хъ рѡссі́йскихъ произы́де вѣща́нїе, ꙗ҆́кѡ ꙗ҆ви́сѧ въ ни́хъ чꙋдотво́рецъ пресла́венъ, и҆сточа́ѧ и҆сцѣле́нїй мно́жество всѣ̑мъ пою́щымъ те́плѣ."
|
|
},
|
|
{
|
|
"type": "TEXT",
|
|
"value": "Чꙋдесы̑ ᲂу҆́бѡ твои́ми ꙗ҆́кѡ цвѣ́тъ процвѣ́лъ є҆сѝ, блаже́нне, и҆ и҆сцѣлє́нїѧ подава́еши притека́ющымъ въ кро́въ тво́й, мꙋ́дре и҆ досточꙋ́дне."
|
|
},
|
|
{
|
|
"type": "TEXT",
|
|
"value": "Ѿ дѣ́вственныхъ ложе́снъ твои́хъ вопло́щсѧ бг҃ъ, ꙗ҆ви́сѧ на спасе́нїе на́ше. Тѣ́мже тѧ̀ мт҃рь вѣ́дꙋще, бцⷣе, правовѣ́рнѡ вопїе́мъ є҆мꙋ̀: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Неизрече́нною мꙋ́дростїю:"
|
|
},
|
|
{
|
|
"type": "TEXT",
|
|
"value": "Гдⷭ҇ь крѣ́пость лю́демъ свои̑мъ дадѐ, гдⷭ҇ь наꙋчѝ пе́рсты на́шѧ на бра́нь, и҆ рꙋ́цѣ на ѡ҆полче́нїе, торже́ственными на́съ ᲂу҆краси́въ побѣ́дами, и҆ благословлѧ́етъ ны́нѣ лю́ди своѧ̑ ми́ромъ: є҆го́же благослови́мъ и҆ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѽ непостижи́магѡ ᲂу҆ма̀ твоегѡ̀, влⷣко! Нѣ́сть и҆́же сопротивоста́нетъ во́ли твое́й: и҆̀хже бо пред̾ꙋста́вилъ є҆сѝ просла́вити, всѧ̑ ᲂу҆хищрє́нїѧ на и҆̀хъ соплета́ємаѧ ѿвраща́еши. Чꙋдодѣ́йствїе твоѐ сїѐ на на́съ собы́вшеесѧ ви́димъ, и҆ славосло́вѧще превозно́симъ тѧ̀ во вѣ́ки."
|
|
},
|
|
{
|
|
"type": "TEXT",
|
|
"value": "Хотѣ́сте, ѻ҆кре́стнїи наро́ди, ѿ на́съ ᲂу҆таи́ти и҆скꙋ́сство во́инское, мно́гѡ ѡ҆ се́мъ трꙋди́стесѧ, но не возмого́сте. Творѧ́й держа́вꙋ мы́шцею свое́ю гдⷭ҇ь, низлага́ѧй си̑льныѧ со престѡ́лъ, и҆ возносѧ́й смирє́нныѧ, ѿкры̀ предъ на́ми пра́вдꙋ свою̀, и҆з̾ѧвѝ и҆ наꙋчѝ ва́ми сокрыва́ємаѧ: є҆мꙋ́же благода́рствєннаѧ ны́нѣ прино́симъ, и҆ просла́вимъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ:"
|
|
},
|
|
{
|
|
"type": "TEXT",
|
|
"value": "Тебѐ въ чꙋдесѣ́хъ сла́вна рѡссі̑йскимъ страна́мъ показа̀ бг҃ъ, а҆леѯа́ндре, и҆ ᲂу҆краси́ тѧ нбⷭ҇ными дара́ми: того̀ молѝ поми́ловати всѣ́хъ на́съ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ᲂу҆́тро, ꙗ҆́кѡ де́нь свѣ́тлый тво́й пра́здникъ ꙗ҆ви́сѧ, просвѣща́ѧ на̑ша сердца̀, и҆ всѣ́хъ съ вѣ́рою восхвалѧ́ющихъ тѧ̀, а҆леѯа́ндре пресла́вне."
|
|
},
|
|
{
|
|
"type": "TEXT",
|
|
"value": "Де́нь торжества̀, и҆ пра́здникъ весе́лїѧ наста̀, стеце́мсѧ, вѣ́рнїи, ѡ҆чи́стивше вкꙋ́пѣ дꙋ́шы и҆ тѣлеса̀: се́ бо на́съ призыва́етъ а҆леѯа́ндръ бжⷭ҇твенный."
|
|
},
|
|
{
|
|
"type": "TEXT",
|
|
"value": "Ѻ҆́бразы носѧ́щи дре́вле ржⷭ҇тва̀ твоегѡ̀, дв҃о мт҃и, пе́щь ᲂу҆́бѡ ю҆́ношей не ѡ҆палѝ, та́кожде и҆ ѻ҆́гнь бжⷭ҇твенный ᲂу҆тро́бы твоеѧ̀, чⷭ҇таѧ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "Велича́й, дꙋшѐ моѧ̀, трїѷпоста́снаго влⷣкꙋ, наꙋчи́вшаго и҆ вразꙋми́вшаго, и҆ сохранѧ́ющаго во бра́ни."
|
|
},
|
|
{
|
|
"type": "TEXT",
|
|
"value": "Велича́й, дꙋшѐ моѧ̀, превы́шнѧго гдⷭ҇а си́лъ, даю́щаго крѣ́пость лю́демъ свои̑мъ."
|
|
},
|
|
{
|
|
"type": "TEXT",
|
|
"value": "Оу҆диви́тесѧ съ на́ми, ѻ҆крє́стныѧ страны̑, и҆ просла́вите гдⷭ҇а, смирє́нныѧ сла́вою и҆ че́стїю вѣнча́вшаго."
|
|
},
|
|
{
|
|
"type": "TEXT",
|
|
"value": "Ѽ влⷣко непостижи́ме, держа́во, крѣ́посте и҆ си́ло на́ша! За всѧ̑, ꙗ҆̀же сотвори́лъ є҆сѝ съ на́ми, благода́рнѡ воспѣва́емъ тѧ̀."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ земноро́дныхъ кто̀ слы́ша таково́е:"
|
|
},
|
|
{
|
|
"type": "TEXT",
|
|
"value": "Возведе́мъ ᲂу҆́мнїи ѻ҆́чи се́рдца на́шегѡ ко всеси́льномꙋ бг҃ꙋ на́шемꙋ, и҆ принесе́мъ моли̑твы вседꙋ́шныѧ, и҆ молє́нїѧ прилѣ̑жнаѧ, ꙗ҆́кѡ посѣтѝ на́съ ми́лостїю свое́ю: ꙗ҆вѝ на́мъ смирє́ннымъ вели́кꙋю и҆ бога́тꙋю ми́лость, є҆го́же велича́емъ."
|
|
},
|
|
{
|
|
"type": "TEXT",
|
|
"value": "Бл҃гоꙋтро́бїѧ неизслѣ́димаѧ пꙋчи́но, влⷣко, прославлѧ́емъ чꙋдє́снаѧ дѣла̀ твоѧ̑, ꙗ҆́вльшаѧсѧ на на́съ и҆ въ ро́дѣ на́шемъ: ѿ вѣ́ка бо сокрове́нное твоѐ ѡ҆ на́съ смотре́нїе во дни̑ сїѧ̑ ꙗ҆́вственнѡ показа́лъ є҆сѝ, всеси́льною десни́цею твое́ю безси́льныхъ на́съ совоздви́гъ, да благодари́мъ и҆ велича́емъ тѧ̀ бг҃а на́шего."
|
|
},
|
|
{
|
|
"type": "TEXT",
|
|
"value": "Славосло́вимъ тѧ̀ бг҃а безнача́льнаго, ѻ҆ц҃а̀ бл҃гоꙋтро́бнаго ѡ҆ щедро́тахъ твои́хъ, всѧ̑ ѕла̑ѧ ѿ на́съ ѿврати́вшаго, побѣ̑ды и҆ ѡ҆долѣ̑нїѧ на проти́вѧщихсѧ на́мъ дарова́вшаго, торже́ственными вѣнцы̑ ᲂу҆краси́вшаго, и҆ во всежела́емый поко́й вве́дшаго, и҆ ѿ всѣ́хъ ѕлы́хъ на́съ и҆збавлѧ́ющаго."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный:"
|
|
},
|
|
{
|
|
"type": "TEXT",
|
|
"value": "Твоѐ свѧто́е преставле́нїе дне́сь свѣ́тлѡ пра́зднꙋемъ, и҆спо́лни ра́дости и҆ весе́лїѧ восхвалѧ́ющыѧ тѧ̀, а҆леѯа́ндре великоимени́те."
|
|
},
|
|
{
|
|
"type": "TEXT",
|
|
"value": "Ве́лїй щи́тъ и҆ крѣ́пость въ рѡссі́йстѣй землѝ, а҆леѯа́ндре, ѡ҆брѣ́лсѧ є҆сѝ, правосла̑внымъ же лю́демъ на́шымъ похвале́нїе: и҆ ны́нѣ мо́лимсѧ тѝ, сохранѧ́й ѻ҆те́чество твоѐ ѿ ꙗ҆зы́ка чꙋжда́гѡ."
|
|
},
|
|
{
|
|
"type": "TEXT",
|
|
"value": "Незаходи́магѡ свѣ́та лꙋча́ми во тмѣ̀ сꙋ́щымъ сїѧ́ѧ, сла́вне, къ просвѣще́нїю весе́лїѧ наста́ви ны̀ пою́щыѧ тѧ̀."
|
|
},
|
|
{
|
|
"type": "TEXT",
|
|
"value": "Бл҃же́нне а҆леѯа́ндре, ка́кѡ тѧ̀ возмо́жемъ воспѣ́ти досто́йнѡ; не мо́жетъ бо ѧ҆зы́къ и҆зглаго́лати твоѧ̑ разли̑чнаѧ и҆сцѣлє́нїѧ, и҆ мнѡ́гаѧ дарѡва́нїѧ и҆ чꙋдеса̀, ꙗ҆̀же подава́еши наслѣ́дїю твоемꙋ̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ᲂу҆́тро тє́мнымъ и҆ блꙋдѧ́щымъ, дв҃о, возсїѧ̀ пра́вды сл҃нце хрⷭ҇то́съ: є҆го́же на рꙋка́хъ твои́хъ носи́ла є҆сѝ, чⷭ҇таѧ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀ ᲂу҆слы́шаша:"
|
|
},
|
|
{
|
|
"type": "TEXT",
|
|
"value": "Слы́шана бы́сть въ свѣ́йскихъ страна́хъ превели́каѧ сла́ва твоѧ̀, а҆леѯа́ндре, ꙗ҆́кѡ є҆ди́нымъ мꙋ́жественнымъ и҆́менемъ твои́мъ ᲂу҆страша́хꙋсѧ сопроти́внїи: и҆ ны́нѣ, бл҃же́нне, врагѝ на́шѧ неви́димѡ ᲂу҆страша́й, ѡ҆полча́ющыѧсѧ на хрⷭ҇толюби́вое твоѐ во́инство."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "И҆зба́вивый ны̀ ѿ вла́сти те́мныѧ, и҆ преста́вивый въ ца́рство любвѐ сн҃а твоегѡ̀, бж҃е на́шъ, преведы́й ѿ тмы̀ невѣ́дѣнїѧ ко свѣ́тꙋ благоразꙋ́мїѧ и҆ сла́вы, и҆ и҆мени́ты сотвори́вый по все́й землѝ, тебѐ и҆ ны́нѣ про́симъ, да ꙗ҆́коже сохрани́лъ и҆ возвы́силъ є҆сѝ на́съ всеси́льною твое́ю десни́цею, то́южде защища́й, и҆збавлѧ́й и҆ содержѝ."
|
|
},
|
|
{
|
|
"type": "HEADER",
|
|
"value": "На Хвали́техъ стїхи̑ры ст҃а́гѡ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ! Ми́ромъ ѡ҆блада́ющїй ѡ҆ставлѧ́етъ мі́ръ, скипетроно́сецъ рѡссі́йскїй ѿлага́етъ ски́петръ, совлачи́сѧ съ порфѵ́ры, и҆ гро́бною покрыва́етсѧ плащани́цею, вѣнча́ннаѧ глава̀ кнѧ́жескꙋю дїади́мꙋ съ себѐ низлага́етъ, вре́менное ца́рство ѡ҆ставлѧ́етъ на землѝ, ѡ҆ вѣ́чномъ и҆звѣ́стенъ на нб҃сѝ, и҆дѣ́же вѣнча́сѧ ца́рскою дїади́мою."
|
|
},
|
|
{
|
|
"type": "TEXT",
|
|
"value": "Ѽ ко́ль мнѡ́гїѧ врагѝ побѣди́лъ є҆сѝ, прехра́брый во́инъ і҆и҃съ хрⷭ҇то́въ! Ви̑димыѧ мече́мъ и҆ благоче́стїемъ, неви̑димыѧ моли́твою, пло́ть воздержа́нїемъ, мі́ръ ѿверже́нїемъ мі́ра, и҆ та́кѡ пресла́вный побѣди́тель на нб҃о возше́лъ є҆сѝ."
|
|
},
|
|
{
|
|
"type": "TEXT",
|
|
"value": "Наꙋчи́лъ є҆сѝ на́съ премꙋ́дрымъ дѣ́ломъ твои́мъ, ничто́же мо́жемъ и҆знестѝ ѿ мі́ра сегѡ̀, въ ѻ҆́ньже ничто́же внесо́хомъ: тогѡ̀ ра́ди ѡ҆ста́вивъ вре́мєннаѧ, и҆ возжела́въ нбⷭ҇наѧ, ꙗ҆̀же и҆ наслѣ́дивъ, и҆ на́мъ ѻ҆́нѣхъ не лиши́тисѧ мо́лимтисѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃."
|
|
},
|
|
{
|
|
"type": "TEXT",
|
|
"value": "По́двигомъ до́брымъ подвиза́лсѧ є҆сѝ, тече́нїе сконча́лъ, вѣ́рꙋ соблю́лъ, благовѣ́рный кнѧ́же а҆леѯа́ндре, про́чее же соблюде́сѧ тебѣ̀ вѣне́цъ пра́вды, и҆́мже вѣнча́ тѧ и҆́стинный мздовоздаѧ́тель: того̀ молѝ, пребл҃же́нне, врꙋче́нномꙋ тебѣ̀ ста́дꙋ, сынѡ́мъ рѡссі̑йскимъ спасти́сѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, гла́съ г҃:"
|
|
},
|
|
{
|
|
"type": "TEXT",
|
|
"value": "Тебѐ бг҃а хва́лимъ, твоѧ̑ бл҃года̑ти и҆сповѣ́дꙋемъ, бж҃е на́шъ, твоѧ̑ щедрѡ́ты благода́рственнымъ се́рдцемъ превозно́симъ: прогна́вшаго мра́чный ѻ҆́блакъ бра́ни, и҆ вве́дшаго ны̀ во сла́дкїй свѣ́тъ вѣ́чнагѡ ми́ра: во́инство рѡссі́йское во бра́нехъ премꙋ́дростїю и҆спо́лнившаго, и҆ рѡссі́йскими кораблѧ́ми балті́йское мо́ре ᲂу҆краси́вшаго: гра́дъ се́й въ че́сть а҆пⷭ҇ла петра̀ воздви́гшаго и҆ просла́вившаго, и҆ пото́комъ сла́дости твоеѧ̀ на́съ насыща́ющаго, и҆ благодарѧ́ще вопїе́мъ: ѽ влⷣко всеще́дрый! Оу҆крѣпѝ и҆ ᲂу҆твердѝ сїѧ̑, ꙗ҆̀же дарова́лъ є҆сѝ на́мъ, въ ро́дъ и҆ ро́дъ, и҆ спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На лїтꙋргі́и Бл҃жє́нны ѿ канѡ́на пра́здника пѣ́снь г҃, и҆ ст҃а́гѡ пѣ́снь ѕ҃, на и҃."
|
|
},
|
|
{
|
|
"type": "HEADER",
|
|
"value": "Прокі́менъ пра́здника, гла́съ з҃:"
|
|
},
|
|
{
|
|
"type": "TEXT",
|
|
"value": "Гдⷭ҇ь крѣ́пость лю́демъ свои̑мъ да́стъ, гдⷭ҇ь благослови́тъ лю́ди своѧ̑ ми́ромъ."
|
|
},
|
|
{
|
|
"type": "TEXT",
|
|
"value": "Сті́хъ: Принеси́те гдⷭ҇еви сы́нове бж҃їи, принеси́те гдⷭ҇еви сы́ны ѻ҆́вни."
|
|
},
|
|
{
|
|
"type": "HEADER",
|
|
"value": "Ст҃а́гѡ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "HEADER",
|
|
"value": "А҆пⷭ҇лъ въ благодаре́нїе ѡ҆ ми́рѣ."
|
|
},
|
|
{
|
|
"type": "HEADER",
|
|
"value": "Къ корі́нѳѧнѡмъ посла́нїѧ ст҃а́гѡ а҆пⷭ҇ла па́ѵла чте́нїе. (Глава̀ а҃.)"
|
|
},
|
|
{
|
|
"type": "TEXT",
|
|
"value": "Бра́тїе, бл҃года́ть ва́мъ и҆ ми́ръ ѿ бг҃а ѻ҆ц҃а̀ на́шегѡ и҆ гдⷭ҇а і҆и҃са хрⷭ҇та̀."
|
|
},
|
|
{
|
|
"type": "HEADER",
|
|
"value": "Є҆фес. (Глава̀ в҃.)"
|
|
},
|
|
{
|
|
"type": "TEXT",
|
|
"value": "И҆́же є҆́сть ми́ръ на́шъ сотвори́вый ѻ҆боѧ̀ є҆ди́но, и҆ средостѣ́нїе ѡ҆гра́ды разори́вый враждꙋ̀."
|
|
},
|
|
{
|
|
"type": "HEADER",
|
|
"value": "а҃ Кор. (Главы̑ д҃і и҆ г҃і.)"
|
|
},
|
|
{
|
|
"type": "TEXT",
|
|
"value": "И҆́же нѣ́сть нестрое́нїѧ бг҃ъ, но ми́ра, ꙗ҆́кѡ во всѣ́хъ цр҃квахъ ст҃ы́хъ. Держи́тесѧ ᲂу҆́бѡ любвѐ, ревнꙋ́йте же дꙋхѡ́внымъ. Любы̀ долготерпи́тъ, милосе́рдствꙋетъ, любы̀ не зави́дитъ, любы̀ не превозно́ситсѧ, не горди́тсѧ, не безчи́нствꙋетъ, не и҆́щетъ своѧ̀ сѝ, не раздража́етсѧ, не мы́слитъ ѕла̀, не ра́дꙋетсѧ ѡ҆ непра́вдѣ, ра́дꙋетсѧ же ѡ҆ и҆́стинѣ: всѧ̑ лю́битъ, всемꙋ̀ вѣ́рꙋ є҆́млетъ, всѧ̑ ᲂу҆пова́етъ, всѧ̑ терпи́тъ: любы̀ николи́же ѿпа́даетъ."
|
|
},
|
|
{
|
|
"type": "HEADER",
|
|
"value": "в҃ Кор. (Глава̀ г҃і.)"
|
|
},
|
|
{
|
|
"type": "TEXT",
|
|
"value": "Про́чее же бра́тїе, ра́дꙋйтесѧ, соверша́йтесѧ, ᲂу҆тѣша́йтесѧ, то́жде мꙋ́дрствꙋйте, ми́ръ и҆мѣ́йте: и҆ бг҃ъ любвѐ и҆ ми́ра бꙋ́детъ съ ва́ми."
|
|
},
|
|
{
|
|
"type": "HEADER",
|
|
"value": "Дрꙋгі́й а҆пⷭ҇лъ ст҃о́мꙋ. (Зача́ло сг҃і.)"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе въ благодаре́нїе ѡ҆ ми́рѣ, ѿ і҆ѡа́нна. (Главы̑ г҃і, д҃і, є҃і)"
|
|
},
|
|
{
|
|
"type": "TEXT",
|
|
"value": "Речѐ гдⷭ҇ь свои̑мъ ᲂу҆ч҃никѡ́мъ: ми́ръ ѡ҆ставлѧ́ю ва́мъ, ми́ръ мо́й даю̀ ва́мъ: не ꙗ҆́коже мі́ръ дае́тъ, а҆́зъ даю̀ ва́мъ. За́повѣдь но́вꙋю даю̀ ва́мъ, да лю́бите дрꙋ́гъ дрꙋ́га: ꙗ҆́коже возлюби́хъ вы̀, да и҆ вы̀ лю́бите себѐ. Ѡ҆ се́мъ разꙋмѣ́ютъ всѝ, ꙗ҆́кѡ моѝ ᲂу҆ч҃ницы̀ є҆стѐ, а҆́ще любо́вь и҆́мате междꙋ̀ собо́ю. Ꙗ҆́коже возлюби́ мѧ ѻ҆ц҃ъ, и҆ а҆́зъ возлюби́хъ ва́съ: бꙋ́дите въ любвѝ мое́й. А҆́ще за́пѡвѣди моѧ̑ соблюде́те, пребꙋ́дете въ любвѝ мое́й: ꙗ҆́коже а҆́зъ за́пѡвѣди ѻ҆ц҃а̀ моегѡ̀ соблюдо́хъ, и҆ пребыва́ю въ любвѝ є҆гѡ̀. Сїѧ̑ гл҃го́лахъ ва́мъ, да ра́дость моѧ̀ въ ва́съ бꙋ́детъ, и҆ ра́дость ва́ша и҆спо́лнитсѧ. Бо́льши сеѧ̀ любвѐ никто́же и҆́мать, да кто̀ дꙋ́шꙋ свою̀ положи́тъ за дрꙋ́ги своѧ̑. Вы̀ дрꙋ́зи моѝ є҆стѐ, а҆́ще творитѐ, є҆ли̑ка а҆́зъ заповѣ́даю ва́мъ. Не вы̀ менѐ и҆збра́сте, но а҆́зъ и҆збра́хъ ва́съ, и҆ положи́хъ: да вы̀ и҆́дете и҆ пло́дъ принесе́те, и҆ пло́дъ ва́шъ пребꙋ́детъ: да є҆гѡ́же а҆́ще про́сите ѿ ѻ҆ц҃а̀ во и҆́мѧ моѐ, да́стъ ва́мъ."
|
|
},
|
|
{
|
|
"type": "HEADER",
|
|
"value": "Ст҃о́мꙋ, ѿ матѳе́а, зача́ло м҃г."
|
|
},
|
|
{
|
|
"type": "TEXT",
|
|
"value": "Прича́стенъ пра́здника: Похвалѝ, і҆ерⷭ҇ли́ме, гдⷭ҇а, хвалѝ бг҃а твоего̀, сїѡ́не."
|
|
},
|
|
{
|
|
"type": "TEXT",
|
|
"value": "Ст҃а́гѡ: Въ па́мѧть вѣ́чнꙋю бꙋ́детъ пра́ведникъ:"
|
|
},
|
|
{
|
|
"type": "TEXT",
|
|
"value": "А҆ллилꙋ́їа, три́жды."
|
|
}
|
|
] |