ponomar-pwa/static/data/shared/services/lamentations/full.json

[
 {
  "type": "HEADER",
  "value": "Во ст҃ꙋ́ю и҆ вели́кꙋю сꙋббѡ́тꙋ."
 },
 {
  "type": "HEADER",
  "value": "На ᲂу҆́трени."
 },
 {
  "type": "TEXT",
  "value": "Кле́плетъ ко ᲂу҆́трени въ седмы́й ча́съ но́щи. Начина́емъ ᲂу҆́треню по ѻ҆бы́чаю."
 },
 {
  "type": "TEXT",
  "value": "Сщ҃е́нникъ: Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ, да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "Та́же, Гдⷭ҇и поми́лꙋй, в҃і."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "TEXT",
  "value": "И҆ два̀ ѱалма̀. Сі́и ѱалмы̀ глаго́лютсѧ въ монастырѣ́хъ ко́снѡ, за є҆́же кади́ти сщ҃е́нникꙋ бра́тїю всю̀."
 },
 {
  "type": "HEADER",
  "value": "Ѱало́мъ ѳ҃і."
 },
 {
  "type": "TEXT",
  "value": "Оу҆ слы́шитъ тѧ̀ гдⷭ҇ь въ де́нь печа́ли, защи́титъ тѧ̀ и҆́мѧ бг҃а і҆а́кѡвлѧ. по́слетъ тѝ по́мощь ѿ ст҃а́гѡ, и҆ ѿ сїѡ́на застꙋ́питъ тѧ̀. помѧне́тъ всѧ́кꙋ же́ртвꙋ твою̀, и҆ всесожже́нїе твоѐ тꙋ́чно бꙋ́ди. да́стъ тѝ гдⷭ҇ь по се́рдцꙋ твоемꙋ̀, и҆ ве́сь совѣ́тъ тво́й и҆спо́лнитъ. возра́дꙋемсѧ ѡ҆ сп҃се́нїи твое́мъ, и҆ во и҆́мѧ гдⷭ҇а бг҃а на́шегѡ возвели́чимсѧ: и҆спо́лнитъ гдⷭ҇ь всѧ̑ прошє́нїѧ твоѧ̑. ны́нѣ позна́хъ, ꙗ҆́кѡ сп҃сѐ гдⷭ҇ь хрїста̀ своего̀. ᲂу҆слы́шитъ є҆го̀ съ нб҃сѐ ст҃а́гѡ своегѡ̀, въ си́лахъ сп҃се́нїе десни́цы є҆гѡ̀. сі́и на колесни́цахъ, и҆ сі́и на ко́нехъ: мы́ же во и҆́мѧ гдⷭ҇а бг҃а на́шегѡ призове́мъ. ті́и спѧ́ти бы́ша и҆ падо́ша, мы́ же воста́хомъ и҆ и҆спра́вихомсѧ. гдⷭ҇и, сп҃сѝ царѧ̀, и҆ ᲂу҆слы́ши ны̀, во́ньже а҆́ще де́нь призове́мъ тѧ̀."
 },
 {
  "type": "HEADER",
  "value": "Ѱало́мъ к҃."
 },
 {
  "type": "TEXT",
  "value": "Г дⷭ҇и, си́лою твое́ю возвесели́тсѧ ца́рь и҆ ѡ҆ сп҃се́нїи твое́мъ возра́дꙋетсѧ ѕѣлѡ̀. жела́нїе се́рдца є҆гѡ̀ да́лъ є҆сѝ є҆мꙋ̀, и҆ хотѣ́нїѧ ᲂу҆стнꙋ̀ є҆гѡ̀ нѣ́си лиши́лъ є҆го̀. ꙗ҆́кѡ предвари́лъ є҆сѝ є҆го̀ бл҃гослове́нїемъ бл҃госты́ннымъ, положи́лъ є҆сѝ на главѣ̀ є҆гѡ̀ вѣне́цъ ѿ ка́мене че́стна. живота̀ проси́лъ є҆́сть ᲂу҆ тебѐ, и҆ да́лъ є҆сѝ є҆мꙋ̀ долготꙋ̀ дні́й во вѣ́къ вѣ́ка. ве́лїѧ сла́ва є҆гѡ̀ спасе́нїемъ твои́мъ, сла́вꙋ и҆ велелѣ́пїе возложи́ши на него̀. ꙗ҆́кѡ да́си є҆мꙋ̀ бл҃гослове́нїе во вѣ́къ вѣ́ка, возвесели́ши є҆го̀ ра́достїю съ лице́мъ твои́мъ. ꙗ҆́кѡ ца́рь ᲂу҆пова́етъ на гдⷭ҇а. и҆ млⷭ҇тїю вы́шнѧгѡ не подви́житсѧ. да ѡ҆брѧ́щетсѧ рꙋка̀ твоѧ̀ всѣ̑мъ врагѡ́мъ твои̑мъ, десни́ца твоѧ̀ да ѡ҆брѧ́щетъ всѧ̑ ненави́дѧщыѧ тебѐ. ꙗ҆́кѡ положи́ши и҆̀хъ ꙗ҆́кѡ пе́щь ѻ҆́гненнꙋю, во вре́мѧ лица̀ твоегѡ̀: гдⷭ҇ь гнѣ́вомъ свои́мъ смѧте́тъ ѧ҆̀, и҆ снѣ́стъ и҆̀хъ ѻ҆́гнь. пло́дъ и҆́хъ ѿ землѝ погꙋби́ши, и҆ сѣ́мѧ и҆́хъ ѿ сынѡ́въ человѣ́ческихъ. ꙗ҆́кѡ ᲂу҆клони́ша на тѧ̀ ѕла̑ѧ, помы́слиша совѣ́ты, и҆́хже не возмо́гꙋтъ соста́вити. ꙗ҆́кѡ положи́ши ѧ҆̀ хребе́тъ во и҆збы́тцѣхъ твои́хъ, ᲂу҆гото́виши лицѐ и҆́хъ. вознеси́сѧ гдⷭ҇и си́лою твое́ю, воспое́мъ и҆ пое́мъ си̑лы твоѧ̑."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ тропарѝ сїѧ̑:"
 },
 {
  "type": "TEXT",
  "value": "С п҃сѝ гдⷭ҇и лю́ди твоѧ̑, / и҆ бл҃гословѝ достоѧ́нїе твоѐ, / побѣ̑ды на сопроти̑вныѧ да́рꙋѧ, / и҆ твоѐ сохранѧ́ѧ крⷭ҇то́мъ твои́мъ жи́тельство."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "В ознесы́йсѧ на крⷭ҇тъ во́лею / тезоимени́томꙋ твоемꙋ̀ но́вомꙋ жи́тельствꙋ / щедрѡ́ты твоѧ̑ да́рꙋй хрⷭ҇тѐ бж҃е: / возвеселѝ на́съ си́лою твое́ю, / побѣ̑ды даѧ̀ на́мъ на сопоста́ты, / посо́бїе и҆мꙋ́щымъ твоѐ ѻ҆рꙋ́жїе ми́ра, / непобѣди́мꙋю побѣ́дꙋ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П редста́тельство стра́шное и҆ непосты́дное, / не пре́зри бл҃га́ѧ моли́твъ на́шихъ, всепѣ́таѧ бцⷣе, / ᲂу҆твердѝ правосла́вныхъ жи́тельство: / сп҃сѝ вѣ̑рныѧ лю́ди твоѧ̑, и҆ пода́ждь и҆̀мъ съ нб҃сѐ побѣ́дꙋ, / занѐ родила̀ є҆сѝ бг҃а, є҆ди́на бл҃гослове́ннаѧ."
 },
 {
  "type": "HEADER",
  "value": "Та́же глаго́летъ і҆ере́й:"
 },
 {
  "type": "TEXT",
  "value": "П оми́лꙋй на́съ бж҃е, по вели́цѣй млⷭ҇ти твое́й, мо́лимъ ти сѧ, ᲂу҆слы́ши, и҆ поми́лꙋй."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ моско́вскомъ и҆ всеѧ̀ рꙋсѝ и҆́мⷬ҇къ, и҆ ѡ҆ господи́нѣ на́шемъ преѡсвѧще́нѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, да ти́хое и҆ безмо́лвное житїѐ поживе́мъ во всѧ́комъ бл҃гоче́стїи и҆ чистотѣ̀."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ за всю̀ бра́тїю и҆ за всѧ̑ хрїстїа́ны."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Возглаша́етъ і҆ере́й: Ꙗ҆́кѡ ми́лостивъ и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь. И҆́ менемъ гдⷭ҇нимъ бл҃гословѝ ѻ҆́тче."
 },
 {
  "type": "TEXT",
  "value": "Предстоѧ́тель возглаша́етъ си́це: Сла́ва ст҃ѣ́й, и҆ є҆диносꙋ́щнѣй, и҆ животворѧ́щей, и҆ нераздѣ́льнѣй трⷪ҇цѣ всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ начина́емъ шестоѱа́лмїе, со всѧ́кимъ молча́нїемъ и҆ ᲂу҆миле́нїемъ слꙋ́шающе: ᲂу҆чине́нный же бра́тъ со бл҃гоговѣ́нїемъ и҆ стра́хомъ бж҃їимъ глаго́летъ:"
 },
 {
  "type": "TEXT",
  "value": "С ла́ва въ вы́шнихъ бг҃ꙋ, и҆ на землѝ ми́ръ, въ человѣ́цѣхъ бл҃говоле́нїе. Три́жды."
 },
 {
  "type": "TEXT",
  "value": "Г дⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. Два́жды."
 },
 {
  "type": "HEADER",
  "value": "Ѱало́мъ г҃."
 },
 {
  "type": "TEXT",
  "value": "Г дⷭ҇и, что́ сѧ ᲂу҆мно́жиша стꙋжа́ющїи мѝ; мно́зи востаю́тъ на мѧ̀, мно́зи глаго́лютъ дꙋшѝ мое́й: нѣ́сть спⷭ҇нїѧ є҆мꙋ̀ въ бз҃ѣ є҆гѡ̀. ты́ же, гдⷭ҇и, застꙋ́пникъ мо́й є҆сѝ, сла́ва моѧ̀, и҆ возносѧ́й главꙋ̀ мою̀. гла́сомъ мои́мъ ко гдⷭ҇ꙋ воззва́хъ, и҆ ᲂу҆слы́ша мѧ̀ ѿ горы̀ ст҃ы́ѧ своеѧ̀. а҆́зъ ᲂу҆снꙋ́хъ, и҆ спа́хъ, воста́хъ, ꙗ҆́кѡ гдⷭ҇ь застꙋ́питъ мѧ̀. не ᲂу҆бою́сѧ ѿ тє́мъ люде́й, ѡ҆́крестъ напа́дающихъ на мѧ̀. воскрⷭ҇нѝ, гдⷭ҇и, сп҃си́ мѧ, бж҃е мо́й: ꙗ҆́кѡ ты̀ порази́лъ є҆сѝ всѧ̑ враждꙋ́ющыѧ мѝ всꙋ́е, зꙋ́бы грѣ́шникѡвъ сокрꙋши́лъ є҆сѝ. гдⷭ҇не є҆́сть спⷭ҇нїе, и҆ на лю́дехъ твои́хъ блгⷭ҇ве́нїе твоѐ."
 },
 {
  "type": "TEXT",
  "value": "А҆́ зъ ᲂу҆снꙋ́хъ и҆ спа́хъ, воста́хъ, ꙗ҆́кѡ гдⷭ҇ь застꙋ́питъ мѧ̀."
 },
 {
  "type": "HEADER",
  "value": "Ѱало́мъ л҃з."
 },
 {
  "type": "TEXT",
  "value": "Г дⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ. ꙗ҆́кѡ стрѣ́лы твоѧ̑ ᲂу҆нзо́ша во мнѣ̀, и҆ ᲂу҆тверди́лъ є҆сѝ на мнѣ̀ рꙋ́кꙋ твою̀. нѣ́сть и҆сцѣле́нїѧ въ пло́ти мое́й ѿ лица̀ гнѣ́ва твоегѡ̀, нѣ́сть ми́ра въ костѣ́хъ мои́хъ, ѿ лица̀ грѣ̑хъ мои́хъ. ꙗ҆́кѡ беззакѡ́нїѧ моѧ̑ превзыдо́ша главꙋ̀ мою̀, ꙗ҆́кѡ бре́мѧ тѧ́жкое ѡ҆тѧготѣ́ша на мнѣ̀. возсмердѣ́ша и҆ согни́ша ра̑ны моѧ̑ ѿ лица̀ безꙋ́мїѧ моегѡ̀. пострада́хъ и҆ слѧко́хсѧ до конца̀, ве́сь де́нь сѣ́тꙋѧ хожда́хъ. ꙗ҆́кѡ лѧ̑двїѧ моѧ̑ напо́лнишасѧ порꙋга́нїй, и҆ нѣ́сть и҆сцѣле́нїѧ въ пло́ти мое́й. ѡ҆ѕло́бленъ бы́хъ, и҆ смири́хсѧ до ѕѣла̀: рыка́хъ ѿ воздыха́нїѧ се́рдца моегѡ̀. гдⷭ҇и, пред̾ тобо́ю всѐ жела́нїе моѐ, и҆ воздыха́нїе моѐ ѿ тебѐ не ᲂу҆таи́сѧ. се́рдце моѐ смѧте́сѧ, ѡ҆ста́ви мѧ̀ си́ла моѧ̀, и҆ свѣ́тъ ѻ҆́чїю моє́ю, и҆ то́й нѣ́сть со мно́ю. дрꙋ́зи моѝ и҆ и҆́скреннїи моѝ, прѧ́мѡ мнѣ̀ прибли́жишасѧ и҆ ста́ша. и҆ бли́жнїи моѝ ѿдале́че менѐ ста́ша, и҆ нꙋжда́хꙋсѧ и҆́щꙋщїи дꙋ́шꙋ мою̀, и҆ и҆́щꙋщїи ѕла̑ѧ мнѣ̀, глаго́лахꙋ сꙋ́єтнаѧ, и҆ льсти̑внымъ ве́сь де́нь поꙋча́хꙋсѧ. а҆́зъ же ꙗ҆́кѡ глꙋ́хъ не слы́шахъ, и҆ ꙗ҆́кѡ нѣ́мъ не ѿверза́ѧй ᲂу҆́стъ свои́хъ. и҆ бы́хъ ꙗ҆́кѡ человѣ́къ не слы́шай, и҆ не и҆мы́й во ᲂу҆стѣ́хъ свои́хъ ѡ҆бличе́нїѧ. ꙗ҆́кѡ на тѧ̀ гдⷭ҇и, ᲂу҆пова́хъ, ты̀ ᲂу҆слы́шиши гдⷭ҇и бж҃е мо́й. ꙗ҆́кѡ рѣ́хъ: да не когда̀ пора́дꙋютъ ми́ сѧ вразѝ моѝ, и҆ внегда̀ подвижа́тисѧ нога́мъ мои̑мъ, на мѧ̀ велерѣ́чеваша. ꙗ҆́кѡ а҆́зъ на ра̑ны гото́въ, и҆ болѣ́знь моѧ̀ предо мно́ю є҆́сть вы́нꙋ. ꙗ҆́кѡ беззако́нїе моѐ а҆́зъ возвѣщꙋ̀, и҆ попекꙋ́сѧ ѡ҆ грѣсѣ̀ мое́мъ. врази́ же моѝ живꙋ́тъ, и҆ ᲂу҆крѣпи́шасѧ па́че менѐ, и҆ ᲂу҆мно́жишасѧ ненави́дѧщїи мѧ̀ без̾ пра́вды. воздаю́щїи мѝ ѕла̑ѧ воз̾ блага̑ѧ, ѡ҆болга́хꙋ мѧ̀, занѐ гонѧ́хъ бл҃госты́ню. не ѡ҆ста́ви менѐ, гдⷭ҇и бж҃е мо́й, не ѿстꙋпѝ ѿ менѐ. вонмѝ въ по́мощь мою̀, гдⷭ҇и сп҃се́нїѧ моегѡ̀."
 },
 {
  "type": "TEXT",
  "value": "Н е ѡ҆ста́ви менѐ, гдⷭ҇и бж҃е мо́й, не ѿстꙋпѝ ѿ менѐ. вонмѝ въ по́мощь мою̀, гдⷭ҇и сп҃се́нїѧ моегѡ̀."
 },
 {
  "type": "HEADER",
  "value": "Ѱало́мъ ѯ҃в."
 },
 {
  "type": "TEXT",
  "value": "Б ж҃е бж҃е мо́й, къ тебѣ̀ ᲂу҆́треннюю: возжада̀ тебѐ дꙋша̀ моѧ̀, ко́ль мно́жицею тебѣ̀ пло́ть моѧ̀, въ землѝ пꙋ́стѣ, и҆ непрохо́днѣ, и҆ безво́днѣ. та́кѡ во ст҃ѣ́мъ ꙗ҆ви́хсѧ тебѣ̀, ви́дѣти си́лꙋ твою̀ и҆ сла́вꙋ твою̀. ꙗ҆́кѡ лꙋ́чши ми́лость твоѧ̀ па́че живѡ́тъ, ᲂу҆стнѣ̀ моѝ похвали́тѣ тѧ̀. та́кѡ бл҃гословлю́ тѧ въ животѣ̀ мое́мъ, ѡ҆ и҆́мени твое́мъ воздѣжꙋ̀ рꙋ́цѣ моѝ. ꙗ҆́кѡ ѿ тꙋ́ка и҆ ма́сти да и҆спо́лнитсѧ дꙋша̀ моѧ̀, и҆ ᲂу҆стна́ма ра́дости восхва́лѧтъ тѧ̀ ᲂу҆ста̀ моѧ̑. а҆́ще помина́хъ тѧ̀ на посте́ли мое́й, на ᲂу҆́треннихъ поꙋча́хꙋсѧ въ тѧ̀. ꙗ҆́кѡ бы́лъ є҆сѝ помо́щникъ мо́й, и҆ въ кро́вѣ крилꙋ̀ твоє́ю возра́дꙋюсѧ. прильпѐ дꙋша̀ моѧ̀ по тебѣ̀, мене́ же прїѧ́тъ десни́ца твоѧ̀. ті́и же всꙋ́е и҆ска́ша дꙋ́шꙋ мою̀, вни́дꙋтъ въ преиспѡ́днѧѧ землѝ: предадѧ́тсѧ въ рꙋ́ки ѻ҆рꙋ́жїѧ, ча̑сти ли́совѡмъ бꙋ́дꙋтъ. ца́рь же возвесели́тсѧ ѡ҆ бз҃ѣ, похва́литсѧ всѧ́къ клены́йсѧ и҆́мъ: ꙗ҆́кѡ загради́шасѧ ᲂу҆ста̀ глаго́лющихъ непра́вєднаѧ."
 },
 {
  "type": "TEXT",
  "value": "Н а ᲂу҆́треннихъ поꙋча́хсѧ въ тѧ̀, ꙗ҆́кѡ бы́лъ є҆сѝ помо́щникъ мо́й, и҆ въ кро́вѣ крилꙋ̀ твоє́ю возра́дꙋюсѧ."
 },
 {
  "type": "TEXT",
  "value": "П рильпѐ дꙋша̀ моѧ̀ по тебѣ̀, мене́ же прїѧ́тъ десни́ца твоѧ̀."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды, без̾ покло́нѡвъ."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "[Сщ҃е́нникъ же глаго́летъ мл҃твы ᲂу҆́трєннїѧ, стоѧ̀ непокрове́нъ пред̾ ст҃ы́ми две́рьми, та́йнѡ]."
 },
 {
  "type": "HEADER",
  "value": "Ѱало́мъ п҃з."
 },
 {
  "type": "TEXT",
  "value": "Г дⷭ҇и бж҃е сп҃се́нїѧ моегѡ̀, во днѝ воззва́хъ, и҆ въ нощѝ пред̾ тобо́ю: да вни́детъ пред̾ тѧ̀ мл҃тва моѧ̀, приклонѝ ᲂу҆́хо твоѐ къ моле́нїю моемꙋ̀, ꙗ҆́кѡ и҆спо́лнисѧ ѕѡ́лъ дꙋша̀ моѧ̀, и҆ живо́тъ мо́й а҆́дꙋ прибли́жисѧ. привмѣне́нъ бы́хъ съ низходѧ́щими въ ро́въ, бы́хъ ꙗ҆́кѡ человѣ́къ без̾ по́мощи, въ ме́ртвыхъ свобо́дь: ꙗ҆́кѡ ꙗ҆́звеннїи спѧ́щїи во гро́бѣ, и҆́хже не помѧнꙋ́лъ є҆сѝ ктомꙋ̀, и҆ ті́и ѿ рꙋкѝ твоеѧ̀ ѿринове́ни бы́ша. положи́ша мѧ̀ въ ро́вѣ преиспо́днѣмъ, въ те́мныхъ и҆ сѣ́ни сме́ртнѣй. на мнѣ̀ ᲂу҆тверди́сѧ ꙗ҆́рость твоѧ̑, и҆ всѧ̑ во́лны твоѧ̑ наве́лъ є҆сѝ на мѧ̀. ᲂу҆да́лилъ є҆сѝ зна́емыхъ мои́хъ ѿ менѐ, положи́ша мѧ̀ ме́рзость себѣ̀, пре́данъ бы́хъ, и҆ не и҆схожда́хъ. ѻ҆́чи моѝ и҆знемого́стѣ ѿ нищеты̀, воззва́хъ къ тебѣ̀ гдⷭ҇и, ве́сь де́нь: воздѣ́хъ къ тебѣ̀ рꙋ́цѣ моѝ. є҆да̀ ме́ртвыми твори́ши чꙋдеса̀; и҆лѝ вра́чеве воскресѧ́тъ и҆ и҆сповѣ́дѧтсѧ тебѣ̀; є҆да̀ повѣ́сть кто̀ во гро́бѣ ми́лость твою̀, и҆ и҆́стинꙋ твою̀ въ поги́бели; є҆да̀ позна̑на бꙋ́дꙋтъ во тьмѣ̀ чꙋдеса̀ твоѧ̑, и҆ пра́вда твоѧ̀ въ землѝ забве́ннѣй; и҆ а҆́зъ къ тебѣ̀ гдⷭ҇и, воззва́хъ, и҆ ᲂу҆́трѡ мл҃тва моѧ̀ предвари́тъ тѧ̀. вскꙋ́ю гдⷭ҇и, ѿрѣ́еши дꙋ́шꙋ мою̀; ѿвраща́еши лицѐ твоѐ ѿ менѐ; Ни́щъ є҆́смь а҆́зъ, и҆ въ трꙋдѣ́хъ ѿ ю҆́ности моеѧ̀, возне́съ же сѧ, смири́хсѧ, и҆ и҆знемого́хъ. на мнѣ̀ преидо́ша гнѣ́ви твоѝ, ᲂу҆страшє́нїѧ твоѧ̑ возмꙋти́ша мѧ̀. ѡ҆быдо́ша мѧ̀ ꙗ҆́кѡ вода̀ ве́сь де́нь. ѡ҆держа́ша мѧ̀ вкꙋ́пѣ. ᲂу҆да́лилъ є҆сѝ ѿ менѐ дрꙋ́га и҆ и҆́скреннѧго, и҆ зна́емыхъ мои́хъ ѿ страсте́й."
 },
 {
  "type": "TEXT",
  "value": "Г дⷭ҇и бж҃е сп҃се́нїѧ моегѡ̀, во днѝ воззва́хъ, и҆ въ нощѝ пред̾ тобо́ю."
 },
 {
  "type": "TEXT",
  "value": "Д а вни́детъ пред̾ тѧ̀ мл҃тва моѧ̀, приклонѝ ᲂу҆́хо твоѐ къ моле́нїю моемꙋ̀."
 },
 {
  "type": "HEADER",
  "value": "Ѱало́мъ р҃в."
 },
 {
  "type": "TEXT",
  "value": "Б л҃гословѝ дꙋшѐ моѧ̀ гдⷭ҇а и҆ всѧ̑ внꙋ́трєннѧѧ моѧ̑ и҆́мѧ ст҃о́е є҆гѡ̀. бл҃гословѝ дꙋшѐ моѧ̀ гдⷭ҇а, и҆ не забыва́й всѣ́хъ воздаѧ́нїй є҆гѡ̀: ѡ҆чища́ющаго всѧ̑ беззакѡ́нїѧ твоѧ̑, и҆сцѣлѧ́ющаго всѧ̑ недꙋ́ги твоѧ̑: и҆збавлѧ́ющаго ѿ и҆стлѣ́нїѧ живо́тъ тво́й, вѣнча́ющаго тѧ̀ млⷭ҇тїю и҆ щедро́тами: и҆сполнѧ́ющаго во бл҃ги́хъ жела́нїе твоѐ: ѡ҆бнови́тсѧ ꙗ҆́кѡ ѻ҆́рлѧ ю҆́ность твоѧ̀. творѧ́й млⷭ҇тыни гдⷭ҇ь, и҆ сꙋдьбꙋ̀ всѣ̑мъ ѡ҆би̑димымъ. сказа̀ пꙋти̑ своѧ̑ мѡѷсе́ови, сыновѡ́мъ і҆и҃лєвымъ хотѣ̑нїѧ своѧ̑. ще́дръ и҆ млⷭ҇тивъ гдⷭ҇ь, долготерпѣли́въ и҆ многомлⷭ҇тивъ. не до конца̀ прогнѣ́ваетсѧ, нижѐ въ вѣ́къ враждꙋ́етъ. не по беззако́нїємъ на́шымъ сотвори́лъ є҆́сть на́мъ, нижѐ по грѣхѡ́мъ на́шымъ возда́лъ є҆́сть на́мъ. ꙗ҆́кѡ по высотѣ̀ нбⷭ҇нѣй ѿ землѝ, ᲂу҆тверди́лъ є҆́сть гдⷭ҇ь млⷭ҇ть свою̀ на боѧ́щихсѧ є҆гѡ̀. є҆ли́кѡ ѿстоѧ́тъ восто́цы ѿ за̑падъ, ᲂу҆да́лилъ є҆́сть ѿ на́съ беззакѡ́нїѧ на̑ша. ꙗ҆́коже ще́дритъ ѻ҆те́цъ сы́ны, ᲂу҆ще́дри гдⷭ҇ь боѧ́щихсѧ є҆гѡ̀. ꙗ҆́кѡ то́й позна̀ созда́нїе на́ше, помѧнꙋ̀, ꙗ҆́кѡ пе́рсть є҆смы̀. человѣ́къ, ꙗ҆́кѡ трава̀ дні́е є҆гѡ̀, ꙗ҆́кѡ цвѣ́тъ се́льный, та́кѡ ѡ҆цвѣте́тъ: ꙗ҆́кѡ дꙋ́хъ про́йде въ не́мъ, и҆ не бꙋ́детъ, и҆ не позна́етъ ктомꙋ̀ мѣ́ста своегѡ̀. млⷭ҇ть же гдⷭ҇нѧ ѿ вѣ́ка и҆ до вѣ́ка на боѧ́щихсѧ є҆гѡ̀, и҆ пра́вда є҆гѡ̀ на сынѣ́хъ сынѡ́въ, хранѧ́щихъ завѣ́тъ є҆гѡ̀, и҆ по́мнѧщихъ за́пѡвѣди є҆гѡ̀, твори́ти ѧ҆̀. гдⷭ҇ь на нб҃сѝ ᲂу҆гото́ва прⷭ҇то́лъ сво́й, и҆ црⷭ҇тво є҆гѡ̀ всѣ́ми ѡ҆блада́етъ. бл҃гослови́те гдⷭ҇а всѝ а҆́гг҃ли є҆гѡ̀, си́льнїи крѣ́постїю, творѧ́щїи сло́во є҆гѡ̀, ᲂу҆слы́шати гла́съ слове́съ є҆гѡ̀. бл҃гослови́те гдⷭ҇а всѧ̑ си̑лы є҆гѡ̀, слꙋги̑ є҆гѡ̀, творѧ́щїи во́лю є҆гѡ̀. бл҃гослови́те гдⷭ҇а всѧ̑ дѣла̀ є҆гѡ̀. на всѧ́комъ мѣ́стѣ влⷣчествїѧ є҆гѡ̀, бл҃гословѝ дꙋшѐ моѧ̀ гдⷭ҇а."
 },
 {
  "type": "TEXT",
  "value": "Н а всѧ́комъ мѣ́стѣ влⷣчествїѧ є҆гѡ̀, бл҃гословѝ дꙋшѐ моѧ̀ гдⷭ҇а."
 },
 {
  "type": "HEADER",
  "value": "Ѱало́мъ рм҃в."
 },
 {
  "type": "TEXT",
  "value": "Г дⷭ҇и, ᲂу҆слы́ши мл҃твꙋ мою̀, внꙋшѝ моле́нїе моѐ во и҆́стинѣ твое́й, ᲂу҆слы́ши мѧ̀ въ пра́вдѣ твое́й: и҆ не вни́ди въ сꙋ́дъ съ рабо́мъ твои́мъ, ꙗ҆́кѡ не ѡ҆правди́тсѧ пред̾ тобо́ю всѧ́къ живы́й. ꙗ҆́кѡ погна̀ вра́гъ дꙋ́шꙋ мою̀, смири́лъ є҆́сть въ зе́млю живо́тъ мо́й: посади́лъ мѧ̀ є҆́сть въ те́мныхъ, ꙗ҆́кѡ мє́ртвыѧ вѣ́ка. и҆ ᲂу҆ны̀ во мнѣ̀ дꙋ́хъ мо́й, во мнѣ̀ смѧте́сѧ се́рдце моѐ. помѧнꙋ́хъ дни̑ дрє́внїѧ, поꙋчи́хсѧ во всѣ́хъ дѣ́лѣхъ твои́хъ, въ творе́нїихъ рꙋкꙋ̀ твоє́ю поꙋча́хсѧ. воздѣ́хъ къ тебѣ̀ рꙋ́цѣ моѝ, дꙋша̀ моѧ̀ ꙗ҆́кѡ землѧ̀ безво́днаѧ тебѣ̀. ско́рѡ ᲂу҆слы́ши мѧ̀ гдⷭ҇и, и҆счезѐ дꙋ́хъ мо́й: не ѿвратѝ лица̀ твоегѡ̀ ѿ менѐ, и҆ ᲂу҆подо́блюсѧ низходѧ́щымъ въ ро́въ. слы́шанꙋ сотворѝ мнѣ̀ заꙋ́тра млⷭ҇ть твою̀, ꙗ҆́кѡ на тѧ̀ ᲂу҆пова́хъ. скажѝ мнѣ̀ гдⷭ҇и, пꙋ́ть, во́ньже пойдꙋ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. и҆зми́ мѧ ѿ вра̑гъ мои́хъ, гдⷭ҇и, къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й. дх҃ъ тво́й бл҃гі́й наста́витъ мѧ̀ на зе́млю пра́вꙋ. и҆́мене твоегѡ̀ ра́ди гдⷭ҇и, живи́ши мѧ̀, пра́вдою твое́ю и҆зведе́ши ѿ печа́ли дꙋ́шꙋ мою̀: и҆ млⷭ҇тїю твое́ю потреби́ши врагѝ моѧ̑, и҆ погꙋби́ши всѧ̑ стꙋжа́ющыѧ дꙋшѝ мое́й, ꙗ҆́кѡ а҆́зъ ра́бъ тво́й є҆́смь."
 },
 {
  "type": "TEXT",
  "value": "Оу҆ слы́ши мѧ̀ гдⷭ҇и, въ пра́вдѣ твое́й, и҆ не вни́ди въ сꙋ́дъ съ рабо́мъ твои́мъ."
 },
 {
  "type": "TEXT",
  "value": "Оу҆ слы́ши мѧ̀ гдⷭ҇и, въ пра́вдѣ твое́й, и҆ не вни́ди въ сꙋ́дъ съ рабо́мъ твои́мъ."
 },
 {
  "type": "TEXT",
  "value": "Д х҃ъ тво́й бл҃гі́й наста́витъ мѧ̀ на зе́млю пра́вꙋ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды."
 },
 {
  "type": "HEADER",
  "value": "Та́же є҆ктенїа̀ вели́каѧ."
 },
 {
  "type": "TEXT",
  "value": "М и́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ свы́шнѣмъ ми́рѣ, и҆ спасе́нїи дꙋ́шъ на́шихъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ ми́рѣ всегѡ̀ мі́ра, бл҃гостоѧ́нїи ст҃ы́хъ бж҃їихъ цр҃кве́й, и҆ соедине́нїи всѣ́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ ст҃ѣ́мъ хра́мѣ се́мъ, и҆ съ вѣ́рою, бл҃гоговѣ́нїемъ и҆ стра́хомъ бж҃їимъ входѧ́щихъ во́нь, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ, честнѣ́мъ пресвѵ́терствѣ, во хрⷭ҇тѣ̀ дїа́конствѣ, ѡ҆ все́мъ при́чтѣ и҆ лю́дехъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ гра́дѣ се́мъ [и҆лѝ ѡ҆ ве́си се́й, и҆лѝ ѡ҆ ст҃ѣ́й ѻ҆би́тели се́й ] , всѧ́комъ гра́дѣ, странѣ̀, и҆ вѣ́рою живꙋ́щихъ въ ни́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ бл҃горастворе́нїи воздꙋ́хѡвъ, ѡ҆ и҆з̾ѻби́лїи плодѡ́въ земны́хъ, и҆ вре́менѣхъ ми́рныхъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ пла́вающихъ, пꙋтеше́ствꙋющихъ, недꙋ́гꙋющихъ, стра́ждꙋщихъ, плѣне́нныхъ, и҆ ѡ҆ спасе́нїи и҆́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ и҆зба́витисѧ на́мъ ѿ всѧ́кїѧ ско́рби, гнѣ́ва и҆ нꙋ́жды, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋгъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаше́нїе: Ꙗ҆́кѡ подоба́етъ тебѣ̀ всѧ́каѧ сла́ва, че́сть, и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ а҆́бїе сщ҃е́нникъ: Бг҃ъ гдⷭ҇ь, и҆ ꙗ҆ви́сѧ на́мъ, бл҃гослове́нъ грѧды́й во и҆́мѧ гдⷭ҇не."
 },
 {
  "type": "TEXT",
  "value": "Сті́хъ а҃: И҆сповѣ́дайтесѧ гдⷭ҇еви. ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀."
 },
 {
  "type": "TEXT",
  "value": "Сті́хъ в҃: Ѡ҆быше́дше ѡ҆быдо́ша мѧ̀, и҆ и҆́менемъ гдⷭ҇нимъ противлѧ́хсѧ и҆̀мъ."
 },
 {
  "type": "TEXT",
  "value": "Сті́хъ г҃: Не ᲂу҆мрꙋ̀, но жи́въ бꙋ́дꙋ, и҆ повѣ́мъ дѣла̀ гдⷭ҇нѧ."
 },
 {
  "type": "TEXT",
  "value": "Сті́хъ д҃: Ка́мень, є҆го́же небрего́ша зи́ждꙋщїи, се́й бы́сть во главꙋ̀ ᲂу҆́гла: ѿ гдⷭ҇а бы́сть се́й, и҆ є҆́сть ди́венъ во ѻ҆чесѣ́хъ на́шихъ."
 },
 {
  "type": "HEADER",
  "value": "На Бг҃ъ гдⷭ҇ь: тропа́рь, гла́съ в҃:"
 },
 {
  "type": "TEXT",
  "value": "Б л҃гоѡбра́зный і҆ѡ́сифъ, / съ дре́ва сне́мъ пречⷭ҇тое тѣ́ло твоѐ, / плащани́цею чи́стою ѡ҆бви́въ, и҆ вонѧ́ми / во гро́бѣ но́вѣ покры́въ положѝ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Є҆ гда̀ снизше́лъ є҆сѝ къ сме́рти, животѐ безсме́ртный, / тогда̀ а҆́дъ ᲂу҆мертви́лъ є҆сѝ блиста́нїемъ бж҃ества̀. / є҆гда́ же и҆ ᲂу҆ме́ршыѧ ѿ преиспо́днихъ воскр҃си́лъ є҆сѝ, / всѧ̑ си̑лы нбⷭ҇ныѧ взыва́хꙋ: / жизнода́вче хрⷭ҇тѐ бж҃е на́шъ, сла́ва тебѣ̀."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "М ѷроно́сицамъ жена́мъ, при гро́бѣ предста́въ а҆́гг҃лъ вопїѧ́ше: / мѵ̑ра мє́ртвымъ сꙋ́ть прили́чна, / хрⷭ҇то́съ же и҆стлѣ́нїѧ ꙗ҆ви́сѧ чꙋ́ждь."
 },
 {
  "type": "TEXT",
  "value": "Сщ҃е́нникъ же кади́тъ хра́мъ ве́сь, и҆ бра́тїю."
 },
 {
  "type": "TEXT",
  "value": "И҆ начина́емъ пѣ́ти непоро́чны со сладкопѣ́нїемъ, та́кожде по стїхꙋ̀, и҆ похвалы̑ возглаша́етъ пѣве́цъ, во гла́съ є҃:"
 },
 {
  "type": "TEXT",
  "value": "Б л҃гослове́нъ є҆сѝ гдⷭ҇и, наꙋчи́ мѧ ѡ҆правда́нїємъ твои̑мъ."
 },
 {
  "type": "HEADER",
  "value": "Статїѧ̀ пе́рваѧ."
 },
 {
  "type": "TEXT",
  "value": "[сⷯ а҃] Бл҃же́ни непоро́чнїи въ пꙋ́ть, / ходѧ́щїи въ зако́нѣ гдⷭ҇ни."
 },
 {
  "type": "HEADER",
  "value": "И҆ похвалы̑, во гла́съ є҃:"
 },
 {
  "type": "TEXT",
  "value": "Ж и́знь во гро́бѣ положи́лсѧ є҆сѝ хрⷭ҇тѐ, / и҆ а҆́гг҃льскаѧ вѡ́инства ᲂу҆жаса́хꙋсѧ, / снизхожде́нїе сла́вѧще твоѐ."
 },
 {
  "type": "TEXT",
  "value": "[в҃] Бл҃же́ни и҆спыта́ющїи свидѣ̑нїѧ є҆гѡ̀, / всѣ́мъ се́рдцемъ взы́щꙋтъ є҆го̀."
 },
 {
  "type": "TEXT",
  "value": "Ж ивотѐ, ка́кѡ ᲂу҆мира́еши; / ка́кѡ и҆ во гро́бѣ ѡ҆бита́еши; / сме́рти же ца́рство разрꙋша́еши, / и҆ ѿ а҆́да мє́ртвыѧ возставлѧ́еши;"
 },
 {
  "type": "TEXT",
  "value": "[г҃] Не дѣ́лающїи бо беззако́нїѧ, / въ пꙋте́хъ є҆гѡ̀ ходи́ша."
 },
 {
  "type": "TEXT",
  "value": "В елича́емъ тѧ̀ і҆и҃се цр҃ю̀, / и҆ чте́мъ погребе́нїе и҆ страда̑нїѧ твоѧ̑, / и҆́миже спа́слъ є҆сѝ на́съ ѿ и҆стлѣ́нїѧ."
 },
 {
  "type": "TEXT",
  "value": "[д҃] Ты̀ заповѣ́далъ є҆сѝ за́пѡвѣди твоѧ̑ / сохрани́ти ѕѣлѡ̀."
 },
 {
  "type": "TEXT",
  "value": "М ѣ̑ры землѝ положи́вый, / въ ма́ломъ ѡ҆бита́еши і҆и҃се всецр҃ю̀ гро́бѣ дне́сь, / ѿ гробѡ́въ мє́ртвыѧ возставлѧ́ѧй."
 },
 {
  "type": "TEXT",
  "value": "[є҃] Дабы̀ и҆спра́вилисѧ пꙋтїѐ моѝ, / сохрани́ти ѡ҆правда̑нїѧ твоѧ̑."
 },
 {
  "type": "TEXT",
  "value": "І҆ и҃се хрⷭ҇тѐ мо́й, цр҃ю̀ всѣ́хъ, / что̀ и҆щѧ̀ къ сꙋ́щымъ во а҆́дѣ прише́лъ є҆сѝ; / и҆лѝ ро́дъ ѿрѣши́ти человѣ́ческїй;"
 },
 {
  "type": "TEXT",
  "value": "[ѕ҃] Тогда̀ не постыжꙋ́сѧ, / внегда̀ призрѣ́ти мѝ на всѧ̑ за́пѡвѣди твоѧ̑."
 },
 {
  "type": "TEXT",
  "value": "В лⷣка всѣ́хъ зри́тсѧ ме́ртвъ, / и҆ во гро́бѣ но́вѣмъ полага́етсѧ, / и҆стощи́вый гро́бы ме́ртвыхъ."
 },
 {
  "type": "TEXT",
  "value": "[з҃] И҆сповѣ́мсѧ тебѣ̀ въ пра́вости се́рдца, / внегда̀ наꙋчи́ти ми сѧ сꙋдьба́мъ пра́вды твоеѧ̀."
 },
 {
  "type": "TEXT",
  "value": "Ж ивотѐ, во гро́бѣ положи́лсѧ є҆сѝ хрⷭ҇тѐ, / и҆ сме́ртїю твое́ю сме́рть погꙋби́лъ є҆сѝ, / и҆ и҆сточи́лъ є҆сѝ мі́рови жи́знь."
 },
 {
  "type": "TEXT",
  "value": "[и҃] Ѡ҆правда̑нїѧ твоѧ̑ сохраню̀, / не ѡ҆ста́ви менѐ до ѕѣла̀."
 },
 {
  "type": "TEXT",
  "value": "С о ѕлодѣ́и ꙗ҆́кѡ ѕлодѣ́й хрⷭ҇тѐ вмѣни́лсѧ є҆сѝ, / ѡ҆правда́ѧ на́съ всѣ́хъ, ѿ ѕлодѣ́йства дре́внѧгѡ запина́телѧ."
 },
 {
  "type": "TEXT",
  "value": "[ѳ҃] Въ чесо́мъ и҆спра́витъ ю҆нѣ́йшїй пꙋ́ть сво́й; / внегда̀ сохрани́ти словеса̀ твоѧ̑."
 },
 {
  "type": "TEXT",
  "value": "К ра́сный добро́тою па́че всѣ́хъ человѣ̑къ, / ꙗ҆́кѡ беззра́ченъ ме́ртвъ ꙗ҆влѧ́етсѧ, / є҆стество̀ ᲂу҆краси́вый всѣ́хъ."
 },
 {
  "type": "TEXT",
  "value": "[і҃] Всѣ́мъ се́рдцемъ мои́мъ взыска́хъ тебѐ, / не ѿри́ни менѐ ѿ за́повѣдей твои́хъ."
 },
 {
  "type": "TEXT",
  "value": "А҆́ дъ ка́кѡ стерпи́тъ сп҃се прише́ствїе твоѐ, / а҆ не па́че болѣ́знꙋетъ ѡ҆мрача́емь, / блиста́нїѧ свѣ́та твоегѡ̀ заре́ю ѡ҆слѣпле́нъ."
 },
 {
  "type": "TEXT",
  "value": "[а҃і] Въ се́рдцѣ мое́мъ скры́хъ словеса̀ твоѧ̑, / ꙗ҆́кѡ да не согрѣшꙋ̀ тебѣ̀."
 },
 {
  "type": "TEXT",
  "value": "І҆ и҃се сла́дкїй мо́й, и҆ сп҃си́тельный свѣ́те, / во гро́бѣ ка́кѡ те́мномъ скры́лсѧ є҆сѝ; / ѽ несказа́ннагѡ и҆ неизрече́ннагѡ терпѣ́нїѧ!"
 },
 {
  "type": "TEXT",
  "value": "[в҃і] Бл҃гослове́нъ є҆сѝ гдⷭ҇и, / наꙋчи́ мѧ ѡ҆правда́нїємъ твои̑мъ."
 },
 {
  "type": "TEXT",
  "value": "Н едоꙋмѣва́етъ и҆ є҆стество̀ ᲂу҆́мное, и҆ мно́жество безпло́тное хрⷭ҇тѐ, / та́инства несказа́ннагѡ, и҆ неизрече́ннагѡ твоегѡ̀ погребе́нїѧ."
 },
 {
  "type": "TEXT",
  "value": "[г҃і] Оу҆стна́ма мои́ма возвѣсти́хъ / всѧ̑ сꙋдьбы̑ ᲂу҆́стъ твои́хъ."
 },
 {
  "type": "TEXT",
  "value": "Ѽ чꙋде́съ стра́нныхъ! / ѽ веще́й но́выхъ! / дыха́нїѧ моегѡ̀ пода́тель бездыха́ненъ но́ситсѧ, / погреба́емь рꙋка́ма і҆ѡ́сифовыма."
 },
 {
  "type": "TEXT",
  "value": "[д҃і] На пꙋтѝ свидѣ́нїй твои́хъ наслади́хсѧ, / ꙗ҆́кѡ ѡ҆ всѧ́комъ бога́тствѣ."
 },
 {
  "type": "TEXT",
  "value": "И҆ во гро́бъ заше́лъ є҆сѝ, / и҆ нѣ́дръ хрⷭ҇тѐ ѻ҆те́ческихъ ника́коже ѿлꙋчи́лсѧ є҆сѝ: / сїѐ стра́нное и҆ пресла́вное кꙋ́пнѡ."
 },
 {
  "type": "TEXT",
  "value": "[є҃і] Въ за́повѣдехъ твои́хъ поглꙋмлю́сѧ, / и҆ ᲂу҆разꙋмѣ́ю пꙋти̑ твоѧ̑."
 },
 {
  "type": "TEXT",
  "value": "И҆́ стинный нб҃сѐ и҆ землѝ цр҃ю̀, / а҆́ще и҆ во гро́бѣ малѣ́йшемъ заключи́лсѧ є҆сѝ, / позна́лсѧ є҆сѝ все́й тва́ри і҆и҃се."
 },
 {
  "type": "TEXT",
  "value": "[ѕ҃і] Во ѡ҆правда́нїихъ твои́хъ поꙋчꙋ́сѧ, / не забꙋ́дꙋ слове́съ твои́хъ."
 },
 {
  "type": "TEXT",
  "value": "Т ебѣ̀ положе́нꙋ во гро́бѣ созда́телю хрⷭ҇тѐ, / а҆́дскаѧ подвиза́шасѧ ѡ҆снова̑нїѧ, / и҆ гро́би ѿверзо́шасѧ человѣ́кѡвъ."
 },
 {
  "type": "TEXT",
  "value": "[з҃і] Возда́ждь рабꙋ̀ твоемꙋ̀, живи́ мѧ, / и҆ сохраню̀ словеса̀ твоѧ̑."
 },
 {
  "type": "TEXT",
  "value": "З е́млю содержа́й дла́нїю, / ᲂу҆мерщвле́нъ пло́тїю под̾ земле́ю ны́нѣ содержи́тсѧ, / мє́ртвыѧ и҆збавлѧ́ѧ а҆́дова содержа́нїѧ."
 },
 {
  "type": "TEXT",
  "value": "[и҃і] Ѿкры́й ѻ҆́чи моѝ, / и҆ ᲂу҆разꙋмѣ́ю чꙋдеса̀ ѿ зако́на твоегѡ̀."
 },
 {
  "type": "TEXT",
  "value": "И҆ з̾ и҆стлѣ́нїѧ возше́лъ є҆сѝ животѐ сп҃се мо́й, / тебѣ̀ ᲂу҆ме́ршꙋ, и҆ къ мє́ртвымъ прише́дшꙋ, / и҆ сломи́вшꙋ а҆́дѡвы верєѝ."
 },
 {
  "type": "TEXT",
  "value": "[ѳ҃і] Пришле́цъ а҆́зъ є҆́смь на землѝ, / не скры́й ѿ менѐ за́пѡвѣди твоѧ̑."
 },
 {
  "type": "TEXT",
  "value": "Ꙗ҆́ коже свѣ́та свѣти́льникъ, / ны́нѣ пло́ть бж҃їѧ, под̾ зе́млю ꙗ҆́кѡ под̾ спꙋ́дъ кры́етсѧ, / и҆ ѿгонѧ́етъ сꙋ́щꙋю во а҆́дѣ тьмꙋ̀."
 },
 {
  "type": "TEXT",
  "value": "[к҃] Возлюбѝ дꙋша̀ моѧ̀ / возжела́ти сꙋдьбы̑ твоѧ̑ на всѧ́кое вре́мѧ."
 },
 {
  "type": "TEXT",
  "value": "Оу҆́ мныхъ стека́етсѧ во́инствъ мно́жество со і҆ѡ́сифомъ и҆ нїкоди́момъ, / погребсти́ тѧ невмѣсти́маго во гро́бѣ ма́лѣ."
 },
 {
  "type": "TEXT",
  "value": "[к҃а] Запрети́лъ є҆сѝ гѡ́рдымъ, / про́клѧти ᲂу҆клонѧ́ющїисѧ ѿ за́повѣдей твои́хъ."
 },
 {
  "type": "TEXT",
  "value": "Оу҆ мерщвле́нъ во́лею, и҆ положе́нъ под̾ земле́ю, / жизното́чне і҆и҃се мо́й, / ѡ҆живи́лъ є҆сѝ ᲂу҆мерщвле́на мѧ̀ престꙋпле́нїемъ го́рькимъ."
 },
 {
  "type": "TEXT",
  "value": "[к҃в] Ѿимѝ ѿ менѐ поно́съ и҆ ᲂу҆ничиже́нїе, / ꙗ҆́кѡ свидѣ́нїй твои́хъ взыска́хъ."
 },
 {
  "type": "TEXT",
  "value": "И҆ змѣнѧ́шесѧ всѧ̀ тва́рь стрⷭ҇тїю твое́ю, / всѧ̑ бо тебѣ̀, сло́ве сострада́хꙋ, / содержи́телѧ тѧ̀ вѣ́дꙋще всѣ́хъ."
 },
 {
  "type": "TEXT",
  "value": "[к҃г] И҆́бо сѣдо́ша кнѧ́зи, и҆ на мѧ̀ клевета́хꙋ: / ра́бъ же тво́й глꙋмлѧ́шесѧ во ѡ҆правда́нїихъ твои́хъ."
 },
 {
  "type": "TEXT",
  "value": "Ж ивота̀ ка́мень во чре́вѣ прїе́мъ / а҆́дъ всеѧ́децъ, и҆зблева̀, / ѿ вѣ́ка ꙗ҆̀же поглотѝ мє́ртвыѧ."
 },
 {
  "type": "TEXT",
  "value": "[к҃д] И҆́бо свидѣ̑нїѧ твоѧ̑ поꙋче́нїе моѐ є҆́сть, / и҆ совѣ́ти моѝ ѡ҆правда̑нїѧ твоѧ̑."
 },
 {
  "type": "TEXT",
  "value": "В о гро́бѣ но́вѣ положи́лсѧ є҆сѝ хрⷭ҇тѐ, / и҆ є҆стество̀ человѣ́ческое ѡ҆бнови́лъ є҆сѝ, / воскре́съ бг҃олѣ́пнѡ и҆з̾ ме́ртвыхъ."
 },
 {
  "type": "TEXT",
  "value": "[к҃є] Прильпѐ землѝ дꙋша̀ моѧ̀, / живи́ мѧ по словесѝ твоемꙋ̀."
 },
 {
  "type": "TEXT",
  "value": "Н а зе́млю сше́лъ є҆сѝ, да спасе́ши а҆да́ма, / и҆ на землѝ не ѡ҆брѣ́тъ сегѡ̀ влⷣко, / да́же до а҆́да снизше́лъ є҆сѝ и҆щѧ́й."
 },
 {
  "type": "TEXT",
  "value": "[к҃ѕ] Пꙋти̑ моѧ̑ возвѣсти́хъ, и҆ ᲂу҆слы́шалъ мѧ̀ є҆сѝ, / наꙋчѝ мѧ̀ ѡ҆правда́нїємъ твои̑мъ."
 },
 {
  "type": "TEXT",
  "value": "С отрѧсе́сѧ стра́хомъ, сло́ве, всѧ̀ землѧ̀, / и҆ денни́ца лꙋчы̀ скры̀, / велича́йшемꙋ въ землѝ сокрове́нномꙋ твоемꙋ̀ свѣ́тꙋ."
 },
 {
  "type": "TEXT",
  "value": "[к҃з] Пꙋ́ть ѡ҆правда́нїй твои́хъ вразꙋми́ ми, / и҆ поглꙋмлю́сѧ въ чꙋдесѣ́хъ твои́хъ."
 },
 {
  "type": "TEXT",
  "value": "Ꙗ҆́ кѡ человѣ́къ ᲂу҆́бѡ ᲂу҆мира́еши во́лею сп҃се, / ꙗ҆́кѡ бг҃ъ же смє́ртныѧ возста́вилъ є҆сѝ ѿ гробѡ́въ, / и҆ глꙋбины̀ грѣхо́вныѧ."
 },
 {
  "type": "TEXT",
  "value": "[к҃и] Воздрема̀ дꙋша̀ моѧ̀ ѡ҆ ᲂу҆ны́нїѧ, / ᲂу҆тверди́ мѧ въ словесѣ́хъ твои́хъ."
 },
 {
  "type": "TEXT",
  "value": "С лезотѡ́чнаѧ рыда̑нїѧ, на тебѐ чи́стаѧ / мт҃рски, ѽ і҆и҃се накраплѧ́ющи вопїѧ́ше: / ка́кѡ погребꙋ́ тѧ сн҃е;"
 },
 {
  "type": "TEXT",
  "value": "[к҃ѳ] Пꙋ́ть непра́вды ѿста́ви ѿ менѐ, / и҆ зако́номъ твои́мъ поми́лꙋй мѧ̀."
 },
 {
  "type": "TEXT",
  "value": "Ꙗ҆́ коже пшени́чное зе́рно, / заше́дъ въ нѣ̑дра земна̑ѧ, / многопе́рстный возда́лъ є҆сѝ кла́съ, / возста́вивъ человѣ́ки, ꙗ҆̀же ѿ а҆да́ма."
 },
 {
  "type": "TEXT",
  "value": "[л҃] Пꙋ́ть и҆́стины и҆зво́лихъ, / и҆ сꙋдьбы̑ твоѧ̑ не забы́хъ."
 },
 {
  "type": "TEXT",
  "value": "П од̾ земле́ю скры́лсѧ є҆сѝ ꙗ҆́кѡ сл҃нце ны́нѣ, / и҆ но́щїю сме́ртною покрове́нъ бы́лъ є҆сѝ: / но возсїѧ́й свѣтлѣ́йше сп҃се."
 },
 {
  "type": "TEXT",
  "value": "[л҃а] Прилѣпи́хсѧ свидѣ́нїємъ твои̑мъ, гдⷭ҇и, / не посрамѝ менѐ."
 },
 {
  "type": "TEXT",
  "value": "Ꙗ҆́ коже со́лнечный крꙋ́гъ лꙋна̀ сп҃се сокрыва́етъ, / и҆ тебѐ ны́нѣ гро́бъ скры̀, / сконча́вшагосѧ сме́ртїю пло́тски."
 },
 {
  "type": "TEXT",
  "value": "[л҃в] Пꙋ́ть за́повѣдей твои́хъ теко́хъ, / є҆гда̀ разшири́лъ є҆сѝ се́рдце моѐ."
 },
 {
  "type": "TEXT",
  "value": "Ж иво́тъ сме́рти вкꙋси́вый хрⷭ҇то́съ, / ѿ сме́рти смє́ртныѧ свободѝ, / и҆ всѣ̑мъ ны́нѣ да́рꙋетъ живо́тъ."
 },
 {
  "type": "TEXT",
  "value": "[л҃г] Законоположѝ мнѣ̀ гдⷭ҇и пꙋ́ть ѡ҆правда́нїй твои́хъ, / и҆ взыщꙋ̀ и҆̀ вы́нꙋ."
 },
 {
  "type": "TEXT",
  "value": "Оу҆ мерщвле́на дре́вле а҆да́ма зави́стнѡ, / возво́диши къ животꙋ̀ ᲂу҆мерщвле́нїемъ твои́мъ, / но́вый, сп҃се, во пло́ти ꙗ҆вле́йсѧ а҆да́мъ."
 },
 {
  "type": "TEXT",
  "value": "[л҃д] Вразꙋми́ мѧ, и҆ и҆спыта́ю зако́нъ тво́й, / и҆ сохраню̀ и҆̀ всѣ́мъ се́рдцемъ мои́мъ."
 },
 {
  "type": "TEXT",
  "value": "Оу҆́ мнїи тѧ̀ чи́ни, просте́рта ме́ртва зрѧ́ще на́съ ра́ди, / ᲂу҆жаса́хꙋсѧ, покрыва́еми крилы̀ сп҃се."
 },
 {
  "type": "TEXT",
  "value": "[л҃є] Наста́ви мѧ̀ на стезю̀ за́повѣдей твои́хъ, / ꙗ҆́кѡ тꙋ́ю восхотѣ́хъ."
 },
 {
  "type": "TEXT",
  "value": "С не́мъ тѧ̀ сло́ве ѿ дре́ва ме́ртва, / во гро́бѣ і҆ѡ́сифъ ны́нѣ положѝ: / но воста́ни сп҃са́ѧй всѧ̑ ꙗ҆́кѡ бг҃ъ."
 },
 {
  "type": "TEXT",
  "value": "[л҃ѕ] Приклонѝ се́рдце моѐ во свидѣ̑нїѧ твоѧ̑, / а҆ не въ лихои́мство."
 },
 {
  "type": "TEXT",
  "value": "А҆́ гг҃льскаѧ сп҃се ра́дость бы́въ, / ны́нѣ и҆ печа́ли си̑мъ бы́лъ є҆сѝ вино́венъ, / ви́димь пло́тїю бездыха́ненъ ме́ртвъ."
 },
 {
  "type": "TEXT",
  "value": "[л҃з] Ѿвратѝ ѻ҆́чи моѝ, є҆́же не ви́дѣти сꙋеты̀, / въ пꙋтѝ твое́мъ живи́ мѧ."
 },
 {
  "type": "TEXT",
  "value": "В озне́слсѧ є҆сѝ на дре́вѣ, / и҆ живꙋ́щыѧ человѣ́ки совозно́сиши: / под̾ земле́ю же бы́въ, лежа́щыѧ под̾ не́ю воскреша́еши."
 },
 {
  "type": "TEXT",
  "value": "[л҃и] Поста́ви рабꙋ̀ твоемꙋ̀ / сло́во твоѐ въ стра́хъ тво́й."
 },
 {
  "type": "TEXT",
  "value": "Ꙗ҆́ коже ле́въ сп҃се ᲂу҆снꙋ́въ пло́тїю, / ꙗ҆́кѡ нѣ́кїй скѵ́менъ ме́ртвъ востае́ши, / ѿложи́въ ста́рость плотскꙋ́ю."
 },
 {
  "type": "TEXT",
  "value": "[л҃ѳ] Ѿимѝ поноше́нїе моѐ, є҆́же непщева́хъ, / ꙗ҆́кѡ сꙋдьбы̑ твоѧ̑ бла́ги."
 },
 {
  "type": "TEXT",
  "value": "В ъ ре́бра прободе́нъ бы́лъ є҆сѝ, / ребро̀ взе́мый а҆да́мле, / ѿ негѡ́же є҆́ѵꙋ созда́лъ є҆сѝ, / и҆ и҆сточи́лъ є҆сѝ то́ки чисти́тєльныѧ."
 },
 {
  "type": "TEXT",
  "value": "[м҃] Сѐ возжела́хъ за́пѡвѣди твоѧ̑, / въ пра́вдѣ твое́й живи́ мѧ."
 },
 {
  "type": "TEXT",
  "value": "Т а́йнѡ ᲂу҆́бѡ дре́вле жре́тсѧ а҆́гнецъ: / ты́ же ꙗ҆́вѣ жре́нъ бы́въ неѕло́биве, / всю̀ тва́рь ѡ҆чи́стилъ є҆сѝ сп҃се."
 },
 {
  "type": "TEXT",
  "value": "[м҃а] И҆ да прїи́детъ на мѧ̀ млⷭ҇ть твоѧ̀ гдⷭ҇и, / сп҃се́нїе твоѐ по словесѝ твоемꙋ̀."
 },
 {
  "type": "TEXT",
  "value": "К то̀ и҆зрече́тъ ѡ҆́бразъ стра́шный вои́стиннꙋ но́вый; / влады́чествꙋѧй бо тва́рїю, / дне́сь стрⷭ҇ть прїе́млетъ, и҆ ᲂу҆мира́етъ на́съ ра́ди."
 },
 {
  "type": "TEXT",
  "value": "[м҃в] И҆ ѿвѣща́ю поноша́ющымъ мѝ сло́во, / ꙗ҆́кѡ ᲂу҆пова́хъ на словеса̀ твоѧ̑."
 },
 {
  "type": "TEXT",
  "value": "Ж ивота̀ сокро́вище, ка́кѡ зри́тсѧ ме́ртвый; / ᲂу҆жаса́ющесѧ а҆́гг҃ли взыва́хꙋ: / ка́кѡ же во гро́бѣ заключа́етсѧ бг҃ъ;"
 },
 {
  "type": "TEXT",
  "value": "[м҃г] И҆ не ѿимѝ ѿ ᲂу҆́стъ мои́хъ словесѐ и҆́стинна до ѕѣла̀, / ꙗ҆́кѡ на сꙋдьбы̑ твоѧ̑ ᲂу҆пова́хъ."
 },
 {
  "type": "TEXT",
  "value": "К опїе́мъ прободе́ннагѡ сп҃се и҆з̾ ребра̀ твоегѡ̀, / живо́тъ живото́мъ и҆з̾ живота̀ спа́сшагѡ мѧ̀ и҆ска́паеши, / и҆ живи́ши мѧ̀ съ ни́мъ."
 },
 {
  "type": "TEXT",
  "value": "[м҃д] И҆ сохраню̀ зако́нъ тво́й вы́нꙋ / въ вѣ́къ, и҆ въ вѣ́къ вѣ́ка."
 },
 {
  "type": "TEXT",
  "value": "Р аспросте́ртъ на дре́вѣ, собра́лъ є҆сѝ человѣ́ки: / въ ре́бра же прободе́нъ, / живото́чное всѣ̑мъ ѡ҆ставле́нїе и҆сточа́еши і҆и҃се."
 },
 {
  "type": "TEXT",
  "value": "[м҃є] И҆ хожда́хъ въ широтѣ̀, / ꙗ҆́кѡ за́пѡвѣди твоѧ̑ взыска́хъ."
 },
 {
  "type": "TEXT",
  "value": "Б л҃гоѡбра́зный сп҃се ѡ҆бразꙋ́етъ стра́шнѡ, / и҆ погреба́етъ тѧ̀ ꙗ҆́кѡ ме́ртва бл҃гоѡбра́знѡ, / и҆ ᲂу҆жаса́етсѧ твоегѡ̀ ѡ҆́браза стра́шнагѡ."
 },
 {
  "type": "TEXT",
  "value": "[м҃ѕ] И҆ глаго́лахъ ѡ҆ свидѣ́нїихъ твои́хъ пред̾ царѝ, / и҆ не стыдѧ́хсѧ."
 },
 {
  "type": "TEXT",
  "value": "П од̾ земле́ю хотѣ́нїемъ низше́дъ ꙗ҆́кѡ ме́ртвъ, / возво́диши ѿ землѝ къ нбⷭ҇нымъ, ѿтꙋ́дꙋ па́дшыѧ і҆и҃се."
 },
 {
  "type": "TEXT",
  "value": "[м҃з] И҆ поꙋча́хсѧ въ за́повѣдехъ твои́хъ, / ꙗ҆̀же возлюби́хъ ѕѣлѡ̀."
 },
 {
  "type": "TEXT",
  "value": "А҆́ ще и҆ ме́ртвъ ви́дѣнъ бы́лъ є҆сѝ, но живы́й ꙗ҆́кѡ бг҃ъ, / возво́диши ѿ землѝ къ нбⷭ҇нымъ, ѿтꙋ́дꙋ па́дшыѧ і҆и҃се."
 },
 {
  "type": "TEXT",
  "value": "[м҃и] И҆ воздвиго́хъ рꙋ́цѣ моѝ / къ за́повѣдемъ твои̑мъ, ꙗ҆̀же возлюби́хъ."
 },
 {
  "type": "TEXT",
  "value": "А҆́ ще и҆ ме́ртвъ ви́дѣнъ бы́лъ є҆сѝ, но жи́въ ꙗ҆́кѡ бг҃ъ, / ᲂу҆мерщвлє́ныѧ человѣ́ки ѡ҆живи́лъ є҆сѝ, / моего̀ ᲂу҆мертви́въ ᲂу҆мертви́телѧ."
 },
 {
  "type": "TEXT",
  "value": "[м҃и] И҆ глꙋмлѧ́хсѧ / во ѡ҆правда́нїихъ твои́хъ."
 },
 {
  "type": "TEXT",
  "value": "Ѽ ра́дости ѻ҆́ныѧ! / ѽ мно́гїѧ сла́дости! / и҆̀хже во а҆́дѣ напо́лнилъ є҆сѝ, / во дна́хъ мра́чныхъ свѣ́тъ возсїѧ́въ."
 },
 {
  "type": "TEXT",
  "value": "[м҃ѳ] Помѧнѝ словеса̀ твоѧ̑ рабꙋ̀ твоемꙋ̀, / и҆́хже ᲂу҆пова́нїе да́лъ мѝ є҆сѝ."
 },
 {
  "type": "TEXT",
  "value": "П окланѧ́юсѧ стрⷭ҇ти, / воспѣва́ю погребе́нїе, / велича́ю твою̀ держа́вꙋ чл҃вѣколю́бче, / и҆́миже свободи́хсѧ страсте́й тлетво́рныхъ."
 },
 {
  "type": "TEXT",
  "value": "[н҃] То́ мѧ ᲂу҆тѣ́ши во смире́нїи мое́мъ, / ꙗ҆́кѡ сло́во твоѐ живи́ мѧ."
 },
 {
  "type": "TEXT",
  "value": "Н а тѧ̀ ме́чь ѡ҆бнажи́сѧ хрⷭ҇тѐ, / и҆ ме́чь крѣ́пкагѡ ᲂу҆́бѡ притꙋплѧ́етсѧ, / и҆ ме́чь же ѡ҆браща́етсѧ є҆де́мскїй."
 },
 {
  "type": "TEXT",
  "value": "[н҃а] Го́рдїи законопрестꙋпова́хꙋ до ѕѣла̀, / ѿ зако́на же твоегѡ̀ не ᲂу҆клони́хсѧ."
 },
 {
  "type": "TEXT",
  "value": "А҆́ гница а҆́гнца зрѧ́щи въ заколе́нїи, / ѻ҆́стрїемъ пробода́ема рыда́ше, / сподви́гши и҆ ста́до вопи́ти."
 },
 {
  "type": "TEXT",
  "value": "[н҃в] Помѧнꙋ́хъ сꙋдьбы̑ твоѧ̑ ѿ вѣ́ка гдⷭ҇и, / и҆ ᲂу҆тѣ́шихсѧ."
 },
 {
  "type": "TEXT",
  "value": "А҆́ ще и҆ во гро́бѣ погреба́ешисѧ, / а҆́ще и҆ во а҆́дъ и҆́деши: / но и҆ гро́бы и҆стощи́лъ є҆сѝ, / и҆ а҆́дъ ѡ҆бнажи́лъ є҆сѝ хрⷭ҇тѐ."
 },
 {
  "type": "TEXT",
  "value": "[н҃г] Печа́ль прїѧ́тъ мѧ̀ ѿ грѣ̑шникъ, / ѡ҆ставлѧ́ющихъ зако́нъ тво́й."
 },
 {
  "type": "TEXT",
  "value": "В о́лею снизше́лъ є҆сѝ сп҃се, под̾ зе́млю, / ᲂу҆мерщвлє́ныѧ человѣ́ки ѡ҆живи́лъ є҆сѝ, / и҆ возве́лъ є҆сѝ во сла́вѣ ѻ҆́ч҃ей."
 },
 {
  "type": "TEXT",
  "value": "[н҃д] Пѣ́та бѧ́хꙋ мнѣ̀ ѡ҆правда̑нїѧ твоѧ̑ / на мѣ́стѣ прише́льствїѧ моегѡ̀."
 },
 {
  "type": "TEXT",
  "value": "Т рⷪ҇цы є҆ди́нъ во пло́ти, / на́съ ра́ди поно́снꙋю претерпѣ̀ сме́рть, / ᲂу҆жаса́етсѧ же со́лнце, и҆ трепе́щетъ землѧ̀."
 },
 {
  "type": "TEXT",
  "value": "[н҃є] Помѧнꙋ́хъ въ нощѝ и҆́мѧ твоѐ гдⷭ҇и, / и҆ сохрани́хъ зако́нъ тво́й."
 },
 {
  "type": "TEXT",
  "value": "Ꙗ҆́ кѡ ѿ и҆сто́чника го́рькагѡ, / і҆ꙋ́дова колѣ́на и҆сча̑дїѧ въ ро́вѣ положи́ша, / пита́телѧ маннода́вца і҆и҃са."
 },
 {
  "type": "TEXT",
  "value": "[н҃ѕ] Се́й бы́сть мнѣ̀, / ꙗ҆́кѡ ѡ҆правда́нїй твои́хъ взыска́хъ."
 },
 {
  "type": "TEXT",
  "value": "С ꙋдїѧ̀ ꙗ҆́кѡ сꙋди́мь пред̾ пїла́томъ сꙋдїе́ю, / и҆ предста̀, и҆ сме́ртїю непра́ведною ѡ҆сꙋжде́нъ бы́сть, дре́вомъ кре́стнымъ."
 },
 {
  "type": "TEXT",
  "value": "[н҃з] Ча́сть моѧ̀ є҆сѝ, гдⷭ҇и: / рѣ́хъ сохрани́ти зако́нъ тво́й."
 },
 {
  "type": "TEXT",
  "value": "Г о́рдый і҆и҃лю, / ᲂу҆бі́йственнїи лю́дїе, / что̀ пострада́вше, вара́ввꙋ свободи́сте, / и҆ сп҃са преда́сте крⷭ҇тꙋ̀;"
 },
 {
  "type": "TEXT",
  "value": "[н҃и] Помоли́хсѧ лицꙋ̀ твоемꙋ̀ всѣ́мъ се́рдцемъ мои́мъ: / поми́лꙋй мѧ̀ по словесѝ твоемꙋ̀."
 },
 {
  "type": "TEXT",
  "value": "Р ꙋко́ю твое́ю созда́вый а҆да́ма ѿ землѝ, / тогѡ̀ ра́ди є҆стество́мъ бы́лъ є҆сѝ человѣ́къ, / и҆ распѧ́лсѧ є҆сѝ во́лею твое́ю."
 },
 {
  "type": "TEXT",
  "value": "[н҃ѳ] Помы́слихъ пꙋти̑ твоѧ̑ / и҆ возврати́хъ но́зѣ моѝ во свидѣ̑нїѧ твоѧ̑."
 },
 {
  "type": "TEXT",
  "value": "П ослꙋ́шавъ сло́ве, ѻ҆ц҃а̀ твоегѡ̀, / да́же до а҆́да лю́тагѡ соше́лъ є҆сѝ, / и҆ воскр҃си́лъ є҆сѝ ро́дъ человѣ́ческїй."
 },
 {
  "type": "TEXT",
  "value": "[ѯ҃] Оу҆гото́вихсѧ и҆ не смꙋти́хсѧ / сохрани́ти за́пѡвѣди твоѧ̑."
 },
 {
  "type": "TEXT",
  "value": "Оу҆ вы̀ мнѣ̀ свѣ́те мі́ра! / ᲂу҆вы̀ мнѣ̀ свѣ́те мо́й, / і҆и҃се мо́й возжелѣ́нный! / вопїѧ́ше дв҃а, рыда́ющи го́рькѡ взыва́ше."
 },
 {
  "type": "TEXT",
  "value": "[ѯ҃а] Оу҆́жѧ грѣ̑шникъ ѡ҆бѧза́шасѧ мнѣ̀, / и҆ зако́на твоегѡ̀ не забы́хъ."
 },
 {
  "type": "TEXT",
  "value": "З ави́стливїи, ᲂу҆бі́йственнїи и҆ го́рдїи лю́дїе, / понѐ плащани́цы и҆ сꙋдарѧ̀ самагѡ̀ да стыдѧ́тсѧ, воскре́сшꙋ хрⷭ҇тꙋ̀."
 },
 {
  "type": "TEXT",
  "value": "[ѯ҃в] Полꙋ́нощи воста́хъ и҆сповѣ́датисѧ тебѣ̀ / ѡ҆ сꙋдьба́хъ пра́вды твоеѧ̀."
 },
 {
  "type": "TEXT",
  "value": "П рїидѝ ᲂу҆́бѡ скве́рный ᲂу҆бі́йце ᲂу҆ченичѐ, / и҆ нра́въ ѕло́бы твоеѧ̀ покажи́ ми, / и҆́мже бы́лъ є҆сѝ преда́тель хрⷭ҇то́въ."
 },
 {
  "type": "TEXT",
  "value": "[ѯ҃г] Прича́стникъ а҆́зъ є҆́смь всѣ̑мъ боѧ́щымсѧ тебє̀, / и҆ хранѧ́щымъ за́пѡвѣди твоѧ̑."
 },
 {
  "type": "TEXT",
  "value": "Ꙗ҆́ кѡ человѣколюби́въ нѣ́кто притворѧ́ешисѧ бꙋ́е, и҆ слѣ́пе / всегꙋби́тельнѣйшїй, невѣ́рный, мѵ́ро прода́вый на цѣнѣ̀."
 },
 {
  "type": "TEXT",
  "value": "[ѯ҃д] Млⷭ҇ти твоеѧ̀, гдⷭ҇и, и҆спо́лнь землѧ̀: / ѡ҆правда́нїємъ твои̑мъ наꙋчи́ мѧ."
 },
 {
  "type": "TEXT",
  "value": "Н бⷭ҇нагѡ мѵ́ра кꙋ́ю и҆мѣ́лъ є҆сѝ цѣ́нꙋ многоцѣ́ннагѡ; / ко́е прїѧ́лъ є҆сѝ противодосто́йное; / неи́стовство ѡ҆брѣ́лъ є҆сѝ проклѧ́тѣйшїй сатано̀."
 },
 {
  "type": "TEXT",
  "value": "[ѯ҃є] Бл҃гость сотвори́лъ є҆сѝ съ рабо́мъ твои́мъ гдⷭ҇и, / по словесѝ твоемꙋ̀."
 },
 {
  "type": "TEXT",
  "value": "А҆́ ще нищелю́бецъ є҆сѝ, / и҆ ѡ҆ мѵ́рѣ печа́лꙋеши и҆стоща́емомъ во ѡ҆чище́нїе дꙋшѝ, / ка́кѡ на зла́тѣ продае́ши свѣтоза́рна;"
 },
 {
  "type": "TEXT",
  "value": "[ѯ҃ѕ] Бл҃гости и҆ наказа́нїю и҆ ра́зꙋмꙋ наꙋчи́ мѧ, / ꙗ҆́кѡ за́повѣдемъ твои̑мъ вѣ́ровахъ."
 },
 {
  "type": "TEXT",
  "value": "Ѽ бж҃їй сло́ве! / ѽ ра́досте моѧ̀! / ка́кѡ претерплю̀ тридне́вное твоѐ погребе́нїе; / ны́нѣ терза́юсѧ ᲂу҆тро́бою мт҃рски."
 },
 {
  "type": "TEXT",
  "value": "[ѯ҃з] Пре́жде да́же не смири́ти ми сѧ, а҆́зъ прегрѣши́хъ, / сегѡ̀ ра́ди сло́во твоѐ сохрани́хъ."
 },
 {
  "type": "TEXT",
  "value": "К то̀ да́стъ мѝ во́дꙋ и҆ сле́зъ и҆сто́чники, / бг҃оневѣ́стнаѧ дв҃а взыва́ше, / да воспла́чꙋ сла́дкаго мѝ і҆и҃са;"
 },
 {
  "type": "TEXT",
  "value": "[ѯ҃и] Бл҃гъ є҆сѝ ты̀ гдⷭ҇и, / и҆ бл҃гостїю твое́ю наꙋчи́ мѧ ѡ҆правда́нїємъ твои̑мъ."
 },
 {
  "type": "TEXT",
  "value": "Ѽ го́ры и҆ хо́лми, и҆ человѣ́кѡвъ мно́жєства! / воспла́читесѧ, и҆ всѧ̑ рыда́йте со мно́ю / бг҃а ва́шегѡ мт҃рїю!"
 },
 {
  "type": "TEXT",
  "value": "[ѯ҃ѳ] Оу҆мно́жисѧ на мѧ̀ непра́вда го́рдыхъ, / а҆́зъ же всѣ́мъ се́рдцемъ мои́мъ и҆спыта́ю за́пѡвѣди твоѧ̑."
 },
 {
  "type": "TEXT",
  "value": "К огда̀ ви́ждꙋ тѧ̀ сп҃се, безлѣ́тнаго свѣ́та, / ра́дость и҆ сла́дость се́рдца моегѡ̀; / дв҃а го́рькѡ вопїѧ́ше."
 },
 {
  "type": "TEXT",
  "value": "[ѻ҃] Оу҆сыри́сѧ ꙗ҆́кѡ млеко̀ се́рдце и҆́хъ, / а҆́зъ же зако́нꙋ твоемꙋ̀ поꙋчи́хсѧ."
 },
 {
  "type": "TEXT",
  "value": "А҆́ ще и҆ ꙗ҆́кѡ ка́мень сп҃се, краесѣко́мый, / ты̀ прїѧ́лъ є҆сѝ сѣче́нїе, / но и҆сточи́лъ є҆сѝ живꙋ́ю стрꙋю̀, / ꙗ҆́кѡ и҆сто́чникъ сы́й жи́зни."
 },
 {
  "type": "TEXT",
  "value": "[ѻ҃а] Бл҃го мнѣ̀, ꙗ҆́кѡ смири́лъ мѧ̀ є҆сѝ, / ꙗ҆́кѡ да наꙋчꙋ́сѧ ѡ҆правда́нїємъ твои̑мъ."
 },
 {
  "type": "TEXT",
  "value": "Ꙗ҆́ кѡ ѿ и҆сто́чника є҆ди́нагѡ сꙋгꙋ́бою рѣко́ю / ре́брѡмъ твои̑мъ и҆злива́ющымъ напаѧ́ющесѧ, / безсме́ртнꙋю прїѡбрѣта́емъ жи́знь."
 },
 {
  "type": "TEXT",
  "value": "[ѻ҃в] Бл҃гъ мнѣ̀ зако́нъ ᲂу҆́стъ твои́хъ, / па́че ты́сѧщъ зла́та и҆ сребра̀."
 },
 {
  "type": "TEXT",
  "value": "В о́лею ꙗ҆ви́лсѧ є҆сѝ сло́ве во гро́бѣ ме́ртвъ, но живе́ши, / и҆ человѣ́ки, ꙗ҆́коже предре́клъ є҆сѝ, / воскрⷭ҇нїемъ твои́мъ сп҃се мо́й, воздвиза́еши."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "В оспѣва́емъ сло́ве, тебѐ всѣ́хъ бг҃а, / со ѻ҆ц҃е́мъ и҆ ст҃ы́мъ твои́мъ дх҃омъ, / и҆ сла́вимъ бж҃е́ственное твоѐ погребе́нїе."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Бг҃оро́диченъ: Бл҃жи́мъ тѧ̀ бцⷣе чⷭ҇таѧ, / и҆ почита́емъ тридне́вное погребе́нїе / сн҃а твоегѡ̀ и҆ бг҃а на́шегѡ вѣ́рнѡ."
 },
 {
  "type": "TEXT",
  "value": "И҆ па́ки пе́рвый припѣ́въ ѻ҆́ба ли̑ка вкꙋ́пѣ:"
 },
 {
  "type": "TEXT",
  "value": "Ж и́знь во гро́бѣ положи́лсѧ є҆сѝ хрⷭ҇тѐ, / и҆ а҆́гг҃льскаѧ вѡ́инства ᲂу҆жаса́хꙋсѧ, / снизхожде́нїе сла́вѧще твоѐ."
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "И҆ возгла́съ на пе́рвꙋю статїю̀: Ꙗ҆́кѡ бл҃гослови́сѧ твоѐ и҆́мѧ, и҆ просла́висѧ твоѐ црⷭ҇тво, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ покади́въ, начина́етъ вторꙋ́ю статїю̀."
 },
 {
  "type": "HEADER",
  "value": "Статїѧ̀ втора́ѧ."
 },
 {
  "type": "TEXT",
  "value": "Начина́етъ лѣ́вый ли́къ бл҃гочи́ннѡ тропа́рь, во гла́съ є҃:"
 },
 {
  "type": "TEXT",
  "value": "Д осто́йно є҆́сть / велича́ти тѧ̀ жизнода́вца, / на крⷭ҇тѣ̀ рꙋ́цѣ просте́ршаго, / и҆ сокрꙋ́шшаго держа́вꙋ вра́жїю."
 },
 {
  "type": "TEXT",
  "value": "[ѻ҃в] Рꙋ́цѣ твоѝ сотвори́стѣ мѧ̀, и҆ созда́стѣ мѧ̀: / вразꙋми́ мѧ, и҆ наꙋчꙋ́сѧ за́повѣдемъ твои̑мъ."
 },
 {
  "type": "TEXT",
  "value": "Д осто́йно є҆́сть / велича́ти тѧ̀ всѣ́хъ зижди́телѧ: / твои́ми бо страда́ньми и҆́мамы безстра́стїе, / и҆зба́вльшесѧ тлѣ́нїѧ."
 },
 {
  "type": "TEXT",
  "value": "[ѻ҃д] Боѧ́щїисѧ тебѐ ᲂу҆́зрѧтъ мѧ̀ и҆ возвеселѧ́тсѧ, / ꙗ҆́кѡ на словеса̀ твоѧ̑ ᲂу҆пова́хъ."
 },
 {
  "type": "TEXT",
  "value": "Оу҆ жасе́сѧ землѧ̀, / и҆ со́лнце сп҃се скры́сѧ, / тебѣ̀ невече́рнемꙋ свѣ́тꙋ хрⷭ҇тѐ, / заше́дшꙋ во гро́бѣ пло́тски."
 },
 {
  "type": "TEXT",
  "value": "[ѻ҃є] Разꙋмѣ́хъ гдⷭ҇и, ꙗ҆́кѡ пра́вда сꙋдьбы̑ твоѧ̑, / и҆ вои́стиннꙋ смири́лъ мѧ̀ є҆сѝ."
 },
 {
  "type": "TEXT",
  "value": "Оу҆ снꙋ́лъ є҆сѝ хрⷭ҇тѐ, / є҆стественноживо́тнымъ сно́мъ во гро́бѣ, / и҆ ѿ тѧ́жкагѡ сна̀ грѣхо́внагѡ / воздви́глъ є҆сѝ ро́дъ человѣ́ческїй."
 },
 {
  "type": "TEXT",
  "value": "[ѻ҃ѕ] Бꙋ́ди же млⷭ҇ть твоѧ̀, да ᲂу҆тѣ́шитъ мѧ̀, / по словесѝ твоемꙋ̀ рабꙋ̀ твоемꙋ̀."
 },
 {
  "type": "TEXT",
  "value": "Є҆ ди́на же́нъ, кромѣ̀ болѣ́зней роди́хъ тѧ̀ ча́до, / болѣ̑зни же ны́нѣ терплю̀ стрⷭ҇тїю твое́ю нестерпи̑мыѧ, / глаго́лаше чⷭ҇таѧ."
 },
 {
  "type": "TEXT",
  "value": "[ѻ҃з] Да прїи́дꙋтъ мнѣ̀ щедрѡ́ты твоѧ̑, и҆ жи́въ бꙋ́дꙋ, / ꙗ҆́кѡ зако́нъ тво́й поꙋче́нїе моѐ є҆́сть."
 },
 {
  "type": "TEXT",
  "value": "Г орѣ́ тѧ сп҃се, неразлꙋ́чнѡ со ѻ҆ц҃е́мъ сꙋ́ща, / до́лѣ же ме́ртва просте́рта на землѝ, / ᲂу҆жаса́ютсѧ зрѧ́ще серафі́ми."
 },
 {
  "type": "TEXT",
  "value": "[ѻ҃и] Да постыдѧ́тсѧ го́рдїи, ꙗ҆́кѡ непра́веднѡ беззако́нноваша на мѧ̀, / а҆́зъ же поглꙋмлю́сѧ въ за́повѣдехъ твои́хъ."
 },
 {
  "type": "TEXT",
  "value": "Р аздира́етсѧ цр҃ко́внаѧ завѣ́са твои́мъ распѧ́тїемъ, / покрыва́ютъ свѣти̑ла сло́ве свѣ́тъ, / тебѣ̀ скры́вшꙋсѧ сл҃нцꙋ под̾ зе́млю."
 },
 {
  "type": "TEXT",
  "value": "[ѻ҃ѳ] Да ѡ҆братѧ́тъ мѧ̀ боѧ́щїисѧ тебѐ, / и҆ вѣ́дѧщїи свидѣ̑нїѧ твоѧ̑."
 },
 {
  "type": "TEXT",
  "value": "З емлѝ и҆знача́ла є҆ди́нѣмъ ма́нїемъ водрꙋзи́вый крꙋ́гъ, / бездыха́ненъ ꙗ҆́кѡ человѣ́къ за́йде под̾ зе́млю: / ᲂу҆жасни́сѧ видѣ́нїемъ нб҃о."
 },
 {
  "type": "TEXT",
  "value": "[п҃] Бꙋ́ди се́рдце моѐ непоро́чно во ѡ҆правда́нїихъ твои́хъ, / ꙗ҆́кѡ да не постыжꙋ́сѧ."
 },
 {
  "type": "TEXT",
  "value": "З аше́лъ є҆сѝ под̾ зе́млю, рꙋко́ю твое́ю созда́вый человѣ́ка, / да воздви́гнеши ѿ паде́нїѧ собо́ры человѣ́чєскїѧ всеси́льною держа́вою."
 },
 {
  "type": "TEXT",
  "value": "[п҃а] И҆счеза́етъ во сп҃се́нїе твоѐ дꙋша̀ моѧ̀, / на словеса̀ твоѧ̑ ᲂу҆пова́хъ."
 },
 {
  "type": "TEXT",
  "value": "П ла́чь свѧще́нный прїиди́те воспои́мъ хрⷭ҇тꙋ̀ ᲂу҆ме́ршемꙋ, / ꙗ҆́кѡ дре́вле жєны̀ мѷронѡ́сицы, / да и҆ ра́дꙋйсѧ ᲂу҆слы́шимъ съ ни́ми."
 },
 {
  "type": "TEXT",
  "value": "[п҃в] И҆счезо́ша ѻ҆́чи моѝ въ сло́во твоѐ, глаго́люще: / когда̀ ᲂу҆тѣ́шиши мѧ̀;"
 },
 {
  "type": "TEXT",
  "value": "М ѵ́ро вои́стиннꙋ є҆сѝ ты̀ сло́ве неистощи́мое: / тѣ́мже тѝ и҆ мѵ́ра приноша́хꙋ, / ꙗ҆́кѡ ме́ртвꙋ живо́мꙋ, жєны̀ мѷронѡ́сицы."
 },
 {
  "type": "TEXT",
  "value": "[п҃г] Занѐ бы́хъ ꙗ҆́кѡ мѣ́хъ на сла́нѣ, / ѡ҆правда́нїй твои́хъ не забы́хъ."
 },
 {
  "type": "TEXT",
  "value": "А҆́ дѡва ᲂу҆́бѡ погребе́нъ ца̑рствїѧ хрⷭ҇тѐ сокрꙋша́еши, / сме́ртїю же сме́рть ᲂу҆мерщвлѧ́еши, / и҆ тлѣ́нїѧ свобожда́еши земнорѡ́дныѧ."
 },
 {
  "type": "TEXT",
  "value": "[п҃д] Коли́кѡ є҆́сть дне́й раба̀ твоегѡ̀; / когда̀ сотвори́ши мѝ ѿ гонѧ́щихъ мѧ̀ сꙋ́дъ;"
 },
 {
  "type": "TEXT",
  "value": "Т о́ки жи́зни пролива́ющаѧ бж҃їѧ премꙋ́дрость, / во гро́бъ заходѧ́щи, животвори́тъ / сꙋ́щыѧ въ незаходи́мыхъ а҆́довыхъ мѣ́стѣхъ."
 },
 {
  "type": "TEXT",
  "value": "[п҃є] Повѣ́даша мнѣ̀ законопрестꙋ̑пницы глꙋмлє́нїѧ, / но не ꙗ҆́кѡ зако́нъ тво́й гдⷭ҇и."
 },
 {
  "type": "TEXT",
  "value": "Д а человѣ́ческое ѡ҆бновлю̀ сокрꙋше́нное є҆стество̀, / ᲂу҆ѧ́звленъ є҆́смь сме́ртїю хотѧ̀ пло́тїю: / мт҃и моѧ̀, не терза́йсѧ рыда́ньми."
 },
 {
  "type": "TEXT",
  "value": "[п҃ѕ] Всѧ̑ за́пѡвѣди твоѧ̑ и҆́стина, / непра́веднѡ погна́ша мѧ̀, помози́ ми."
 },
 {
  "type": "TEXT",
  "value": "З аше́лъ є҆сѝ под̾ зе́млю свѣтоно́сецъ пра́вды, / и҆ мє́ртвыѧ ꙗ҆́коже ѿ сна̀ воздви́глъ є҆сѝ, / ѿгна́въ всѧ́кꙋю тьмꙋ̀ сꙋ́щꙋю во а҆́дѣ."
 },
 {
  "type": "TEXT",
  "value": "[п҃з] Вма́лѣ не сконча́ша менѐ на землѝ: / а҆́зъ же не ѡ҆ста́вихъ за́повѣдей твои́хъ."
 },
 {
  "type": "TEXT",
  "value": "З е́рно двоера́сленное є҆стественожи́зненное, / въ бока̀ земна̑ѧ сѣ́етсѧ со слеза́ми дне́сь: / но прозѧ́бше, мі́ръ радостносотвори́тъ."
 },
 {
  "type": "TEXT",
  "value": "[п҃и] По млⷭ҇ти твое́й живи́ мѧ, / и҆ сохраню̀ свидѣ̑нїѧ ᲂу҆́стъ твои́хъ."
 },
 {
  "type": "TEXT",
  "value": "Оу҆ боѧ́сѧ а҆да́мъ, бг҃ꙋ ходѧ́щꙋ въ раѝ: / ра́дꙋетсѧ же, ко а҆́дꙋ соше́дшꙋ, / пады́й пре́жде, и҆ ны́нѣ воздвиза́емь."
 },
 {
  "type": "TEXT",
  "value": "[п҃ѳ] Во вѣ́къ гдⷭ҇и, сло́во твоѐ / пребыва́етъ на нб҃сѝ."
 },
 {
  "type": "TEXT",
  "value": "Ж ре́тъ тебѣ̀ жє́ртвы слє́зныѧ ро́ждшаѧ тѧ̀ хрⷭ҇тѐ, / пло́тїю положе́нꙋ во гро́бѣ, вопїю́щи: / воста́ни ча́до, ꙗ҆́коже предре́клъ є҆сѝ."
 },
 {
  "type": "TEXT",
  "value": "[ч҃] Въ ро́дъ и҆ ро́дъ и҆́стина твоѧ̀, / ѡ҆снова́лъ є҆сѝ зе́млю, и҆ пребыва́етъ."
 },
 {
  "type": "TEXT",
  "value": "В о гро́бѣ і҆ѡ́сифъ бл҃гоговѣ́йнѡ тѧ̀ но́вѣмъ сокрыва́ѧ / пѣ̑сни и҆схѡ́дныѧ бг҃олѣ̑пныѧ пое́тъ тебѣ̀, / смѣшє́ныѧ рыда́ньми сп҃се."
 },
 {
  "type": "TEXT",
  "value": "[ч҃а] Оу҆чине́нїемъ твои́мъ пребыва́етъ де́нь, / ꙗ҆́кѡ всѧ́чєскаѧ рабѡ́тна тебѣ̀."
 },
 {
  "type": "TEXT",
  "value": "Г воздьми́ тѧ крⷭ҇тꙋ̀ пригвожде́на, / мт҃и твоѧ̀ сло́ве зрѧ́щи, / гвоздьмѝ печа́ли го́рькїѧ пронза́етъ, и҆ стрѣла́ми дꙋ́шꙋ."
 },
 {
  "type": "TEXT",
  "value": "[ч҃в] Ꙗ҆́кѡ а҆́ще бы не зако́нъ тво́й поꙋче́нїе моѐ бы́лъ, / тогда̀ ᲂу҆́бѡ поги́блъ бы́хъ во смире́нїи мое́мъ."
 },
 {
  "type": "TEXT",
  "value": "Т ѧ̀ всѣ́хъ наслажде́нїе мт҃и зрѧ́щи, / питїе́мъ напаѧ́ема го́рькимъ, / слеза́ми лицѐ ѡ҆мака́етъ го́рцѣ."
 },
 {
  "type": "TEXT",
  "value": "[ч҃г] Во вѣ́къ не забꙋ́дꙋ ѡ҆правда́нїй твои́хъ, / ꙗ҆́кѡ въ ни́хъ ѡ҆живи́лъ мѧ̀ є҆сѝ."
 },
 {
  "type": "TEXT",
  "value": "Оу҆ ѧзвлѧ́юсѧ лю́тѣ, и҆ растерза́юсѧ ᲂу҆тро́бою сло́ве, / зрѧ́щи непра́ведное твоѐ заколе́нїе, / глаго́лаше пречⷭ҇таѧ съ пла́чемъ."
 },
 {
  "type": "TEXT",
  "value": "[ч҃д] Тво́й є҆́смь а҆́зъ, сп҃си́ мѧ, / ꙗ҆́кѡ ѡ҆правда́нїй твои́хъ взыска́хъ."
 },
 {
  "type": "TEXT",
  "value": "Ѻ҆́ ко сла́дкое, и҆ ᲂу҆стнѣ̀ твоѝ ка́кѡ заключꙋ̀ сло́ве; / ка́кѡ же тѧ̀ мертволѣ́пнѡ погребꙋ̀; / ᲂу҆жаса́юсѧ, вопїѧ́ше і҆ѡ́сифъ."
 },
 {
  "type": "TEXT",
  "value": "[ч҃є] Менѐ жда́ша грѣ̑шницы погꙋби́ти мѧ̀, / свидѣ̑нїѧ твоѧ̑ разꙋмѣ́хъ."
 },
 {
  "type": "TEXT",
  "value": "П ѣ̑сни і҆ѡ́сифъ и҆ нїкоди́мъ надгрѡ́бныѧ / пою́тъ хрⷭ҇тꙋ̀ ᲂу҆ме́ршемꙋ ны́нѣ, / пою́тъ же съ ни́ми и҆ серафі́ми."
 },
 {
  "type": "TEXT",
  "value": "[ч҃ѕ] Всѧ́кїѧ кончи́ны ви́дѣхъ коне́цъ, / широка̀ за́повѣдь твоѧ̀ ѕѣлѡ̀."
 },
 {
  "type": "TEXT",
  "value": "З ахо́диши под̾ зе́млю сп҃се, сл҃нце пра́вды: / тѣ́мже ро́ждшаѧ тѧ̀ лꙋна̀ печа́льми ѡ҆скꙋдѣва́етъ, / ви́да твоегѡ̀ лиша́ема."
 },
 {
  "type": "TEXT",
  "value": "[ч҃з] Ко́ль возлюби́хъ зако́нъ тво́й гдⷭ҇и, / ве́сь де́нь поꙋче́нїе моѐ є҆́сть."
 },
 {
  "type": "TEXT",
  "value": "Оу҆ жасе́сѧ а҆́дъ сп҃се, зрѧ́ тѧ жизнода́вца, / бога́тство ѻ҆́нагѡ ᲂу҆пражднѧ́юща, / и҆ ꙗ҆̀же ѿ вѣ́ка мє́ртвыѧ возставлѧ́юща."
 },
 {
  "type": "TEXT",
  "value": "[ч҃и] Па́че вра̑гъ мои́хъ ᲂу҆мꙋдри́лъ мѧ̀ є҆сѝ за́повѣдїю твое́ю, / ꙗ҆́кѡ въ вѣ́къ моѧ̀ є҆́сть."
 },
 {
  "type": "TEXT",
  "value": "С о́лнце свѣ́тъ возсїѧва́етъ по но́щи сло́ве: / и҆ ты́ же воскр҃съ, просїѧва́еши по сме́рти ꙗ҆́снѡ, / ꙗ҆́кѡ ѿ черто́га."
 },
 {
  "type": "TEXT",
  "value": "[ч҃ѳ] Па́че всѣ́хъ ᲂу҆ча́щихъ мѧ̀ разꙋмѣ́хъ, / ꙗ҆́кѡ свидѣ̑нїѧ твоѧ̑ поꙋче́нїе моѐ є҆́сть."
 },
 {
  "type": "TEXT",
  "value": "З емлѧ́ тѧ созда́телю, въ нѣ́дра прїе́мши, / тре́петомъ содержи́ма сп҃се трѧсе́тсѧ, / ᲂу҆спи́вши мє́ртвыѧ трѧсе́нїемъ."
 },
 {
  "type": "TEXT",
  "value": "[р҃] Па́че ста́рєцъ разꙋмѣ́хъ, / ꙗ҆́кѡ за́пѡвѣди твоѧ̑ взыска́хъ."
 },
 {
  "type": "TEXT",
  "value": "М ѵ́ры тѧ̀ хрⷭ҇тѐ, нїкоди́мъ и҆ бл҃гоѡбра́зный, / ны́нѣ новолѣ́пнѡ помазꙋ́юще, / ᲂу҆жасни́сѧ, вопїѧ́хꙋ, всѧ̀ землѧ̀."
 },
 {
  "type": "TEXT",
  "value": "[р҃а] Ѿ всѧ́кагѡ пꙋтѝ лꙋка́ва возбрани́хъ нога́мъ мои̑мъ, / ꙗ҆́кѡ да сохраню̀ словеса̀ твоѧ̑."
 },
 {
  "type": "TEXT",
  "value": "З аше́лъ є҆сѝ свѣтотво́рче, / и҆ съ тобо́ю за́йде свѣ́тъ со́лнца: / тре́петомъ же тва́рь содержи́тсѧ, / всѣ́хъ тѧ̀ проповѣ́дающи творца̀."
 },
 {
  "type": "TEXT",
  "value": "[р҃в] Ѿ сꙋде́бъ твои́хъ не ᲂу҆клони́хсѧ, / ꙗ҆́кѡ ты̀ законоположи́лъ мѝ є҆сѝ."
 },
 {
  "type": "TEXT",
  "value": "К а́мень ᲂу҆глажде́нный, краеꙋго́льный покрыва́етъ ка́мень: / человѣ́къ же сме́ртный ꙗ҆́кѡ сме́ртна, / бг҃а покрыва́етъ ны́нѣ во гро́бѣ: / ᲂу҆жасни́сѧ землѐ."
 },
 {
  "type": "TEXT",
  "value": "[р҃г] Ко́ль сладка̀ горта́ни моемꙋ̀ словеса̀ твоѧ̑, / па́че ме́да ᲂу҆стѡ́мъ мои̑мъ."
 },
 {
  "type": "TEXT",
  "value": "В и́ждь ᲂу҆ч҃нка̀, є҆го́же люби́лъ є҆сѝ, / и҆ твою̀ мт҃рь ча́до, / и҆ вѣща́нїе да́ждь сладча́йшее, / взыва́ше пла́чꙋщи чⷭ҇таѧ."
 },
 {
  "type": "TEXT",
  "value": "[р҃д] Ѿ за́повѣдей твои́хъ разꙋмѣ́хъ, / сегѡ̀ ра́ди возненави́дѣхъ всѧ́къ пꙋ́ть непра́вды."
 },
 {
  "type": "TEXT",
  "value": "Т ы̀ сло́ве, ꙗ҆́кѡ сы́й живота̀ да́тель, / і҆ꙋде́ѡвъ, на крⷭ҇тѣ̀ простры́йсѧ, не ᲂу҆мертви́лъ є҆сѝ, / но воскреси́лъ є҆сѝ и҆ си́хъ мє́ртвыѧ."
 },
 {
  "type": "TEXT",
  "value": "[р҃є] Свѣти́льникъ нога́ма мои́ма зако́нъ тво́й, / и҆ свѣ́тъ стезѧ́мъ мои̑мъ."
 },
 {
  "type": "TEXT",
  "value": "Д обро́ты сло́ве пре́жде не и҆мѣ́лъ є҆сѝ, / нижѐ ви́да, є҆гда̀ страда́лъ є҆сѝ, / но воскр҃съ провозсїѧ́лъ є҆сѝ, / ᲂу҆добри́въ человѣ́ки бж҃е́ственными зарѧ́ми."
 },
 {
  "type": "TEXT",
  "value": "[р҃ѕ] Клѧ́хсѧ, и҆ поста́вихъ / сохрани́ти сꙋдьбы̑ пра́вды твоеѧ̀."
 },
 {
  "type": "TEXT",
  "value": "З аше́лъ є҆сѝ пло́тїю въ зе́млю невече́рнїй свѣтоно́сецъ, / и҆ не терпѧ̀ зрѣ́ти со́лнце поме́рче, / полꙋ́дни є҆щѐ сꙋ́щꙋ."
 },
 {
  "type": "TEXT",
  "value": "[р҃з] Смири́хсѧ до ѕѣла̀ гдⷭ҇и, / живи́ мѧ по словесѝ твоемꙋ̀."
 },
 {
  "type": "TEXT",
  "value": "С о́лнце вкꙋ́пѣ и҆ лꙋна̀ поме́ркше сп҃се, / рабѡ́мъ бл҃горазꙋ̑мнымъ ѡ҆бразова́хꙋсѧ, / и҆̀же въ чє́рныѧ ѻ҆дє́жды ѡ҆блача́тсѧ."
 },
 {
  "type": "TEXT",
  "value": "[р҃и] Вѡ́льнаѧ ᲂу҆́стъ мои́хъ бл҃говоли́ же гдⷭ҇и, / и҆ сꙋдьба́мъ твои̑мъ наꙋчи́ мѧ."
 },
 {
  "type": "TEXT",
  "value": "В и́дѣ тѧ̀ бг҃а со́тникъ, а҆́ще и҆ ᲂу҆мертви́лсѧ є҆сѝ: / ка́кѡ тѧ̀ ᲂу҆́бѡ бж҃е мо́й, ѡ҆сѧжꙋ̀ рꙋка́ма; / ᲂу҆жаса́юсѧ, вопїѧ́ше і҆ѡ́сифъ."
 },
 {
  "type": "TEXT",
  "value": "[р҃ѳ] Дꙋша̀ моѧ̀ въ рꙋкꙋ̀ твоє́ю вы́нꙋ, / и҆ зако́на твоегѡ̀ не забы́хъ."
 },
 {
  "type": "TEXT",
  "value": "Оу҆ снꙋ̀ а҆да́мъ, но сме́рть и҆з̾ ре́бръ и҆зво́дитъ: / ты́ же ны́нѣ ᲂу҆снꙋ́лъ є҆сѝ сло́ве бж҃їй, / и҆сточа́еши ѿ ре́бръ твои́хъ мі́рови жи́знь."
 },
 {
  "type": "TEXT",
  "value": "[р҃і] Положи́ша грѣ̑шницы сѣ́ть мнѣ̀, / и҆ ѿ за́повѣдей твои́хъ не заблꙋди́хъ."
 },
 {
  "type": "TEXT",
  "value": "Оу҆ снꙋ́лъ є҆сѝ ма́лѡ, и҆ ѡ҆живи́лъ є҆сѝ ᲂу҆ме́ршыѧ, / и҆ воскр҃съ, воскр҃си́лъ є҆сѝ спѧ́щыѧ ѿ вѣ́ка бл҃же."
 },
 {
  "type": "TEXT",
  "value": "[ра҃і] Наслѣ́довахъ свидѣ̑нїѧ твоѧ̑ во вѣ́къ, / ꙗ҆́кѡ ра́дованїе се́рдца моегѡ̀ сꙋ́ть."
 },
 {
  "type": "TEXT",
  "value": "В зѧ́тъ є҆сѝ ѿ землѝ, / но и҆сточи́лъ є҆сѝ сп҃се́нїѧ вїно̀, живото́чнаѧ лозо̀: / прославлѧ́ю стрⷭ҇ть и҆ крⷭ҇тъ."
 },
 {
  "type": "TEXT",
  "value": "[рв҃і] Приклони́хъ се́рдце моѐ, / сотвори́ти ѡ҆правда̑нїѧ твоѧ̑ въ вѣ́къ за воздаѧ́нїе."
 },
 {
  "type": "TEXT",
  "value": "К а́кѡ ᲂу҆́мнаѧ чинонача̑лїѧ тѧ̀ сп҃се пою́тъ, / на́га, ѡ҆кровавле́на, ѡ҆сꙋжде́на, / терпѧ́ще де́рзость распина́телей;"
 },
 {
  "type": "TEXT",
  "value": "[рг҃і] Законопрестꙋ̑пныѧ возненави́дѣхъ, / зако́нъ же тво́й возлюби́хъ."
 },
 {
  "type": "TEXT",
  "value": "Ѡ҆ брꙋче́нный, стропо́тнѣйшїй ро́де є҆вре́йскїй, / вѣ́далъ є҆сѝ воздвиже́нїе хра́ма, / почто̀ ѡ҆сꙋди́лъ є҆сѝ хрⷭ҇та̀;"
 },
 {
  "type": "TEXT",
  "value": "[рд҃і] Помо́щникъ мо́й, и҆ застꙋ́пникъ мо́й є҆сѝ ты̀, / на словеса̀ твоѧ̑ ᲂу҆пова́хъ."
 },
 {
  "type": "TEXT",
  "value": "В о ѻ҆де́ждꙋ порꙋга́нїѧ ᲂу҆краси́телѧ всѣ́хъ ѡ҆блека́еши, / и҆́же нб҃о ᲂу҆твердѝ, и҆ зе́млю ᲂу҆красѝ чꙋ́днѡ."
 },
 {
  "type": "TEXT",
  "value": "[рє҃і] Оу҆клони́тесѧ ѿ менѐ лꙋка́внꙋющїи, / и҆ и҆спыта́ю за́пѡвѣди бг҃а моегѡ̀."
 },
 {
  "type": "TEXT",
  "value": "Ꙗ҆́ коже неѧ́сыть ᲂу҆ѧ́звленъ въ ре́бра твоѧ̑ сло́ве, / ѻ҆́троки твоѧ̑ ᲂу҆ме́ршыѧ ѡ҆живи́лъ є҆сѝ, / и҆ска́павъ живѡ́тныѧ и҆̀мъ то́ки."
 },
 {
  "type": "TEXT",
  "value": "[рѕ҃і] Застꙋпи́ мѧ по словесѝ твоемꙋ̀: и҆ жи́въ бꙋ́дꙋ, / и҆ не посрамѝ менѐ ѿ ча́ѧнїѧ моегѡ̀."
 },
 {
  "type": "TEXT",
  "value": "С о́лнце пре́жде ᲂу҆ста́ви і҆исꙋ́съ, и҆ноплеме́нники сѣкі́й: / ты́ же скры́лсѧ є҆сѝ низлага́ѧ тьмы̀ нача́льника."
 },
 {
  "type": "TEXT",
  "value": "[рз҃і] Помози́ ми, и҆ сп҃сꙋ́сѧ, / и҆ поꙋчꙋ́сѧ во ѡ҆правда́нїихъ твои́хъ вы́нꙋ."
 },
 {
  "type": "TEXT",
  "value": "Н ѣ́дръ ѻ҆ч҃ескихъ неисхо́денъ пребы́въ ще́дре, / и҆ человѣ́къ бы́ти бл҃говоли́лъ є҆сѝ, / и҆ во а҆́дъ снизше́лъ є҆сѝ хрⷭ҇тѐ."
 },
 {
  "type": "TEXT",
  "value": "[ри҃і] Оу҆ничижи́лъ є҆сѝ всѧ̑ ѿстꙋпа́ющїѧ ѿ ѡ҆правда́нїй твои́хъ, / ꙗ҆́кѡ непра́ведно помышле́нїе и҆́хъ."
 },
 {
  "type": "TEXT",
  "value": "В зѧ́тсѧ распны́йсѧ, / и҆́же на вода́хъ зе́млю повѣ́шей, / и҆ ꙗ҆́кѡ бездыха́ненъ въ не́й ны́нѣ возлега́етъ: / ꙗ҆́же не терпѧ́щи трѧса́шесѧ лю́тѣ."
 },
 {
  "type": "TEXT",
  "value": "[рѳ҃і] Престꙋпа́ющыѧ непщева́хъ всѧ̑ грѣ̑шныѧ землѝ: / сегѡ̀ ра́ди возлюби́хъ свидѣ̑нїѧ твоѧ̑."
 },
 {
  "type": "TEXT",
  "value": "Оу҆ вы̀ мнѣ̀, ѽ сн҃е, / неискꙋсомꙋ́жнаѧ рыда́ше глаго́лющи: / є҆го́же бо ꙗ҆́кѡ цр҃ѧ̀ надѣ́ѧхсѧ, / ѡ҆сꙋжде́на зрю̀ ны́нѣ на крⷭ҇тѣ̀."
 },
 {
  "type": "TEXT",
  "value": "[р҃к] Пригвоздѝ стра́хꙋ твоемꙋ̀ плѡ́ти моѧ̑, / ѿ сꙋде́бъ бо твои́хъ ᲂу҆боѧ́хсѧ."
 },
 {
  "type": "TEXT",
  "value": "С їѧ̑ гаврїи́лъ мнѣ̀ возвѣстѝ, є҆гда̀ слетѣ̀, / и҆́же црⷭ҇тво вѣ́чное речѐ, сн҃а моегѡ̀ і҆и҃са."
 },
 {
  "type": "TEXT",
  "value": "[рк҃а] Сотвори́хъ сꙋ́дъ и҆ пра́вдꙋ, / не преда́ждь менѐ ѡ҆би́дѧщымъ мѧ̀."
 },
 {
  "type": "TEXT",
  "value": "Оу҆ вы̀, сѷмеѡ́ново соверши́сѧ прⷪ҇ро́чество: / тво́й бо ме́чь про́йде се́рдце моѐ, є҆мманꙋ́иле."
 },
 {
  "type": "TEXT",
  "value": "[рк҃в] Воспрїимѝ раба̀ твоего̀ во бл҃го, / да не ѡ҆клевета́ютъ менѐ го́рдїи."
 },
 {
  "type": "TEXT",
  "value": "П онѐ сꙋ́щихъ ѿ ме́ртвыхъ постыди́тесѧ, ѽ і҆ꙋде́є! / и҆̀хже животода́вецъ возста́ви, / є҆го́же вы̀ ᲂу҆би́сте зави́стнѡ."
 },
 {
  "type": "TEXT",
  "value": "[рк҃г] Ѻ҆́чи моѝ и҆счезо́стѣ во сп҃се́нїе твоѐ, / и҆ въ сло́во пра́вды твоеѧ̀."
 },
 {
  "type": "TEXT",
  "value": "Оу҆ жасе́сѧ ви́дѣвшее, неви́димый свѣ́те, / тебѐ хрⷭ҇тѐ мо́й во гро́бѣ сокрыва́ема, бездыха́нна же, / и҆ помрачѝ со́лнце свѣ́тъ."
 },
 {
  "type": "TEXT",
  "value": "[рк҃д] Сотворѝ съ рабо́мъ твои́мъ по млⷭ҇ти твое́й, / и҆ ѡ҆правда́нїємъ твои̑мъ наꙋчи́ мѧ."
 },
 {
  "type": "TEXT",
  "value": "П ла́каше го́рькѡ пренепоро́чнаѧ мт҃и твоѧ̀ сло́ве, / є҆гда̀ во гро́бѣ ви́дѣ тебѐ неизрече́ннаго и҆ безнача́льнаго бг҃а."
 },
 {
  "type": "TEXT",
  "value": "[рк҃є] Ра́бъ тво́й є҆́смь а҆́зъ, вразꙋми́ мѧ, / и҆ ᲂу҆вѣ́мъ свидѣ̑нїѧ твоѧ̑."
 },
 {
  "type": "TEXT",
  "value": "М е́ртвость твою̀ нетлѣ́ннаѧ хрⷭ҇тѐ, / мт҃и твоѧ̀ зрѧ́щи, / го́рькѡ къ тебѣ̀ вѣща́ше: / не коснѝ животѐ въ ме́ртвыхъ."
 },
 {
  "type": "TEXT",
  "value": "[рк҃ѕ] Вре́мѧ сотвори́ти гдⷭ҇ви, / разори́ша зако́нъ тво́й."
 },
 {
  "type": "TEXT",
  "value": "А҆́ дъ лю́тый потрепета̀, / є҆гда́ тѧ ви́дѣ сл҃нце сла́вы безсме́ртне, / и҆ и҆здава́ше ю҆́зники тща́тельнѡ."
 },
 {
  "type": "TEXT",
  "value": "[рк҃з] Сегѡ̀ ра́ди возлюби́хъ за́пѡвѣди твоѧ̑ / па́че зла́та и҆ топа́зїѧ."
 },
 {
  "type": "TEXT",
  "value": "В е́лїе и҆ ᲂу҆жа́сное видѣ́нїе ны́нѣ зри́тсѧ: / живота̀ сы́й вино́вный, сме́рть под̾ѧ́тъ, / ѡ҆живи́ти хотѧ̀ всѣ́хъ."
 },
 {
  "type": "TEXT",
  "value": "[рк҃и] Сегѡ̀ ра́ди ко всѣ̑мъ за́повѣдемъ твои̑мъ направлѧ́хсѧ, / всѧ́къ пꙋ́ть непра́вды возненави́дѣхъ."
 },
 {
  "type": "TEXT",
  "value": "П робода́ешисѧ въ ре́бра, / и҆ пригвожда́ешисѧ влⷣко рꙋка́ми, / ꙗ҆́звꙋ ѿ ребра̀ ты̀ и҆сцѣлѧ́ѧ, / и҆ невоздержа́нїе рꙋ́къ пра́ѻтєцъ."
 },
 {
  "type": "TEXT",
  "value": "[рк҃ѳ] Ди̑вна свидѣ̑нїѧ твоѧ̑, / сегѡ̀ ра́ди и҆спыта̀ ѧ҆̀ дꙋша̀ моѧ̀."
 },
 {
  "type": "TEXT",
  "value": "П ре́жде рахи́лина сы́на пла́каше всѧ́къ и҆́же въ домꙋ̀, / и҆ сн҃а дв҃ыѧ рыда́хꙋ ᲂу҆чєни́къ ли́къ съ мт҃рїю."
 },
 {
  "type": "TEXT",
  "value": "[р҃л] Ꙗ҆вле́нїе слове́съ твои́хъ / просвѣща́етъ, и҆ вразꙋмлѧ́етъ младе́нцы."
 },
 {
  "type": "TEXT",
  "value": "Оу҆ даре́нїе рꙋ́къ да́ша хрⷭ҇то́вой лани́тѣ, / рꙋко́ю человѣ́ка созда́вшагѡ, / и҆ чє́люсти ѕвѣ́рѧ сокрꙋши́вшагѡ."
 },
 {
  "type": "TEXT",
  "value": "[рл҃а] Оу҆ста̀ моѧ̑ ѿверзо́хъ, и҆ привлеко́хъ дꙋ́хъ, / ꙗ҆́кѡ за́повѣдей твои́хъ жела́хъ."
 },
 {
  "type": "TEXT",
  "value": "П ѣ́сньми твоѐ хрⷭ҇тѐ, ны́нѣ распѧ́тїе и҆ погребе́нїе, всѝ вѣ́рнїи пра́зднꙋемъ, / и҆зба́вльшесѧ сме́рти погребе́нїемъ твои́мъ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Трⷪ҇ченъ: Безнача́льне бж҃е, соприсносꙋ́щне сло́ве, и҆ дш҃е ст҃ы́й, / лю́ди правосла́вныѧ въ вѣ́рѣ ᲂу҆крѣпѝ на ра̑тныѧ ꙗ҆́кѡ бл҃гъ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Жи́знь ро́ждшаѧ, / пренепоро́чнаѧ чⷭ҇таѧ дв҃о, / ᲂу҆толѝ церкѡ́вныѧ собла́зны, / и҆ пода́ждь ми́ръ ꙗ҆́кѡ бл҃га́ѧ."
 },
 {
  "type": "TEXT",
  "value": "И҆ па́ки пе́рвый тропа́рь ѻ҆́ба ли̑ка:"
 },
 {
  "type": "TEXT",
  "value": "Д осто́йно є҆́сть / велича́ти тѧ̀ жизнода́вца, / на крⷭ҇тѣ̀ рꙋ́цѣ просте́ршаго, / и҆ сокрꙋ́шшаго держа́вꙋ вра́жїю."
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возгла́съ во вторꙋ́ю статїю̀: Ꙗ҆́кѡ ст҃ъ є҆сѝ бж҃е на́шъ, и҆́же на прⷭ҇то́лѣ сла́вы херꙋві́мстѣмъ почива́ѧй, и҆ тебѣ̀ сла́вꙋ возсыла́емъ со безнача́льнымъ твои́мъ ѻ҆ц҃е́мъ и҆ съ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ начина́емъ тре́тїю статїю̀, кадѧ́щꙋ сщ҃е́нникꙋ."
 },
 {
  "type": "HEADER",
  "value": "Статїѧ̀ тре́тїѧ."
 },
 {
  "type": "TEXT",
  "value": "Начина́етъ па́ки со сладкопѣ́нїемъ десны́й, си́рѣчь пе́рвый ли́къ на гла́съ г҃-й."
 },
 {
  "type": "TEXT",
  "value": "Р о́ди всѝ пѣ́снь / погребе́нїю твоемꙋ̀ прино́сѧтъ, хрⷭ҇тѐ мо́й."
 },
 {
  "type": "TEXT",
  "value": "[рл҃в] При́зри на мѧ̀, и҆ поми́лꙋй мѧ̀, / по сꙋдꙋ̀ лю́бѧщихъ и҆́мѧ твоѐ."
 },
 {
  "type": "TEXT",
  "value": "С не́мъ съ дре́ва и҆́же ѿ а҆рїмаѳе́а, / плащани́цею ѡ҆бви́въ / во гро́бѣ тѧ̀ погреба́етъ."
 },
 {
  "type": "TEXT",
  "value": "[рл҃г] Стѡпы̀ моѧ̑ напра́ви по словесѝ твоемꙋ̀, / и҆ да не ѡ҆блада́етъ мно́ю всѧ́кое беззако́нїе."
 },
 {
  "type": "TEXT",
  "value": "М ѷронѡ́сицы прїидо́ша, / мѵ́ра тебѣ̀ хрⷭ҇тѐ мо́й носѧ́щыѧ премꙋ́дрѡ."
 },
 {
  "type": "TEXT",
  "value": "[рл҃д] И҆зба́ви мѧ̀ ѿ клеветы̀ человѣ́ческїѧ, / и҆ сохраню̀ за́пѡвѣди твоѧ̑."
 },
 {
  "type": "TEXT",
  "value": "Г рѧдѝ всѧ̀ тва́рь, / пѣ̑сни и҆схѡ́дныѧ принесе́мъ зижди́телю."
 },
 {
  "type": "TEXT",
  "value": "[рл҃є] Лицѐ твоѐ просвѣтѝ на раба̀ твоего̀, / и҆ наꙋчи́ мѧ ѡ҆правда́нїємъ твои̑мъ."
 },
 {
  "type": "TEXT",
  "value": "Ꙗ҆́ кѡ ме́ртва жива́го / съ мѷроно́сицами, всѝ мѷропома́жемъ мꙋ́дреннѡ."
 },
 {
  "type": "TEXT",
  "value": "[рл҃ѕ] И҆схѡ́дища водна̑ѧ и҆зведо́стѣ ѻ҆́чи моѝ, / поне́же не сохрани́хъ зако́на твоегѡ̀."
 },
 {
  "type": "TEXT",
  "value": "І҆ ѡ́сифе требл҃же́нне, / погребѝ тѣ́ло хрⷭ҇та̀ жизнода́вца."
 },
 {
  "type": "TEXT",
  "value": "[рл҃з] Пра́веденъ є҆сѝ гдⷭ҇и, / и҆ пра́ви сꙋдѝ твоѝ."
 },
 {
  "type": "TEXT",
  "value": "И҆̀ хже воспита̀ ма́нною, / воздвиго́ша пѧ́тꙋ на бл҃годѣ́телѧ."
 },
 {
  "type": "TEXT",
  "value": "[рл҃и] Заповѣ́далъ є҆сѝ пра́вдꙋ, свидѣ̑нїѧ твоѧ̑, / и҆ и҆́стинꙋ ѕѣлѡ̀."
 },
 {
  "type": "TEXT",
  "value": "И҆̀ хже воспита̀ ма́нною, / прино́сѧтъ сп҃сꙋ же́лчь кꙋ́пнѡ и҆ ѻ҆́цетъ."
 },
 {
  "type": "TEXT",
  "value": "[рл҃ѳ] И҆ста́ѧла мѧ̀ є҆́сть ре́вность твоѧ̀, / ꙗ҆́кѡ забы́ша словеса̀ твоѧ̑ вразѝ моѝ."
 },
 {
  "type": "TEXT",
  "value": "Ѽ пребезꙋ́мїѧ, и҆ хрⷭ҇тоꙋбі́йства прⷪ҇рокоꙋбі́йцъ!"
 },
 {
  "type": "TEXT",
  "value": "[р҃м] Разжже́но сло́во твоѐ ѕѣлѡ̀, / и҆ ра́бъ тво́й возлюбѝ є҆̀."
 },
 {
  "type": "TEXT",
  "value": "Ꙗ҆́ коже безꙋ́мный слꙋжи́тель, / предадѐ ᲂу҆чени́къ бе́зднꙋ премꙋ́дрости."
 },
 {
  "type": "TEXT",
  "value": "[рм҃а] Ю҆нѣ́йшїй а҆́зъ є҆́смь и҆ ᲂу҆ничиже́нъ, / ѡ҆правда́нїй твои́хъ не забы́хъ."
 },
 {
  "type": "TEXT",
  "value": "И҆ зба́вителѧ ѡ҆ста́вивъ, / плѣ́нникъ ѡ҆ста́висѧ льсти́вый і҆ꙋ́да."
 },
 {
  "type": "TEXT",
  "value": "[рм҃в] Пра́вда твоѧ̀ пра́вда во вѣ́къ, / и҆ зако́нъ тво́й и҆́стина."
 },
 {
  "type": "TEXT",
  "value": "П о соломѡ́нꙋ, ро́въ глꙋбо́кїй, / ᲂу҆ста̀ є҆врє́й беззако́нныхъ."
 },
 {
  "type": "TEXT",
  "value": "[рм҃г] Скѡ́рби и҆ нꙋ́жди ѡ҆брѣто́ша мѧ̀, / за́пѡвѣди твоѧ̑ поꙋче́нїе моѐ."
 },
 {
  "type": "TEXT",
  "value": "В ъ стропо́тныхъ ше́ствїихъ є҆вре́ѡвъ беззако́нныхъ, волчцы̀ и҆ сѣ̑ти."
 },
 {
  "type": "TEXT",
  "value": "[рм҃д] Пра́вда свидѣ̑нїѧ твоѧ̑ въ вѣ́къ: / вразꙋми́ мѧ, и҆ жи́въ бꙋ́дꙋ."
 },
 {
  "type": "TEXT",
  "value": "І҆ ѡ́сифъ погреба́етъ съ нїкоди́момъ мертволѣ́пнѡ зижди́телѧ."
 },
 {
  "type": "TEXT",
  "value": "[рм҃є] Воззва́хъ всѣ́мъ се́рдцемъ мои́мъ, ᲂу҆слы́ши мѧ̀ гдⷭ҇и, / ѡ҆правда̑нїѧ твоѧ̑ взыщꙋ̀."
 },
 {
  "type": "TEXT",
  "value": "Ж изнода́вче сп҃се, / сла́ва держа́вѣ твое́й, а҆́дъ разо́ршей."
 },
 {
  "type": "TEXT",
  "value": "[рм҃ѕ] Воззва́хъ тѝ, сп҃си́ мѧ, / и҆ сохраню̀ свидѣ̑нїѧ твоѧ̑."
 },
 {
  "type": "TEXT",
  "value": "Л ежа́ща тѧ̀ пречⷭ҇таѧ ви́дѧщи, сло́ве, / матеролѣ́пнѡ пла́каше."
 },
 {
  "type": "TEXT",
  "value": "[рм҃з] Предвари́хъ въ безго́дїи, и҆ воззва́хъ, / на словеса̀ твоѧ̑ ᲂу҆пова́хъ."
 },
 {
  "type": "TEXT",
  "value": "Ѽ сладча́йшаѧ моѧ̀ весно̀, сладча́йшее моѐ ча́до! / гдѣ̀ твоѧ̀ за́йде добро́та;"
 },
 {
  "type": "TEXT",
  "value": "[рм҃и] Предвари́стѣ ѻ҆́чи моѝ ко ᲂу҆́трꙋ, / поꙋчи́тисѧ словесє́мъ твои̑мъ."
 },
 {
  "type": "TEXT",
  "value": "П ла́чь сподвиза́ше всечⷭ҇таѧ твоѧ̀ мт҃и, / тебѣ̀ сло́ве ᲂу҆ме́ршꙋ."
 },
 {
  "type": "TEXT",
  "value": "[рм҃ѳ] Гла́съ мо́й ᲂу҆слы́ши гдⷭ҇и, по млⷭ҇ти твое́й, / по сꙋдьбѣ̀ твое́й живи́ мѧ."
 },
 {
  "type": "TEXT",
  "value": "Ж єны̀ съ мѵ́ры прїидо́ша / пома́зати хрⷭ҇та̀ бж҃е́ственнаго мѵ́ра."
 },
 {
  "type": "TEXT",
  "value": "[р҃н] Прибли́жишасѧ гонѧ́щїи мѧ̀ беззако́нїемъ, / ѿ зако́на же твоегѡ̀ ᲂу҆дали́шасѧ."
 },
 {
  "type": "TEXT",
  "value": "С ме́рть сме́ртїю ты̀ ᲂу҆мерщвлѧ́еши бж҃е мо́й, / бж҃е́ственною си́лою твое́ю."
 },
 {
  "type": "TEXT",
  "value": "[рн҃а] Бли́зъ є҆сѝ ты̀ гдⷭ҇и, / и҆ всѝ пꙋтїѐ твоѝ и҆́стина."
 },
 {
  "type": "TEXT",
  "value": "П рельсти́сѧ преле́стникъ, / прельсти́выйсѧ и҆збавлѧ́етсѧ, / премꙋ́дростїю твое́ю бж҃е мо́й."
 },
 {
  "type": "TEXT",
  "value": "[рн҃в] И҆спе́рва позна́хъ ѿ свидѣ́нїй твои́хъ, / ꙗ҆́кѡ во вѣ́къ ѡ҆снова́лъ ѧ҆̀ є҆сѝ."
 },
 {
  "type": "TEXT",
  "value": "В о дно̀ а҆́дово низведе́нъ бы́сть преда́тель, / въ кла́денецъ и҆стлѣ́нїѧ."
 },
 {
  "type": "TEXT",
  "value": "[рн҃г] Ви́ждь смире́нїе моѐ, и҆ и҆зми́ мѧ, / ꙗ҆́кѡ зако́на твоегѡ̀ не забы́хъ."
 },
 {
  "type": "TEXT",
  "value": "В олчцы̀ и҆ сѣ̑ти пꙋтїѐ / треѻкаѧ́ннагѡ безꙋ́мнагѡ і҆ꙋ́ды."
 },
 {
  "type": "TEXT",
  "value": "[рн҃д] Сꙋдѝ сꙋ́дъ мо́й, и҆ и҆зба́ви мѧ̀, / словесѐ ра́ди твоегѡ̀ живи́ мѧ."
 },
 {
  "type": "TEXT",
  "value": "В сѝ спогиба́ютъ распина́телїе твоѝ сло́ве, / сн҃е бж҃їй всецр҃ю̀."
 },
 {
  "type": "TEXT",
  "value": "[рн҃є] Дале́че ѿ грѣ̑шникъ сп҃се́нїе, / ꙗ҆́кѡ ѡ҆правда́нїй твои́хъ не взыска́ша."
 },
 {
  "type": "TEXT",
  "value": "В ъ кла́денецъ и҆стлѣ́нїѧ всѝ спогиба́ютъ мꙋ́жїе крове́й."
 },
 {
  "type": "TEXT",
  "value": "[рн҃ѕ] Щедрѡ́ты твоѧ̑ мно́ги гдⷭ҇и, / по сꙋдьбѣ̀ твое́й живи́ мѧ."
 },
 {
  "type": "TEXT",
  "value": "С н҃е бж҃їй всецр҃ю̀ бж҃е мо́й, созда́телю мо́й, / ка́кѡ стрⷭ҇ть под̾ѧ́лъ є҆сѝ;"
 },
 {
  "type": "TEXT",
  "value": "[рн҃з] Мно́зи и҆згонѧ́щїи мѧ̀ и҆ стꙋжа́ющїи мѝ, / ѿ свидѣ́нїй твои́хъ не ᲂу҆клони́хсѧ."
 },
 {
  "type": "TEXT",
  "value": "Ю҆́ ница тельца̀ на дре́вѣ повѣ́шена взыва́ше зрѧ́щи."
 },
 {
  "type": "TEXT",
  "value": "[рн҃и] Ви́дѣхъ неразꙋмѣва́ющыѧ и҆ и҆ста́ѧхъ, / ꙗ҆́кѡ слове́съ твои́хъ не сохрани́ша."
 },
 {
  "type": "TEXT",
  "value": "Т ѣ́ло живоно́сное і҆ѡ́сифъ погреба́етъ съ нїкоди́момъ."
 },
 {
  "type": "TEXT",
  "value": "[рн҃ѳ] Ви́ждь, ꙗ҆́кѡ за́пѡвѣди твоѧ̑ возлюби́хъ гдⷭ҇и, / по млⷭ҇ти твое́й живи́ мѧ."
 },
 {
  "type": "TEXT",
  "value": "В зыва́ше ѻ҆трокови́ца / те́плѣ сле́зы точа́щи, / ᲂу҆тро́бою пробода́ема."
 },
 {
  "type": "TEXT",
  "value": "[р҃ѯ] Нача́ло слове́съ твои́хъ и҆́стина, / и҆ во вѣ́къ всѧ̑ сꙋдьбы̑ пра́вды твоеѧ̀."
 },
 {
  "type": "TEXT",
  "value": "С вѣ́те ѻ҆́чїю моє́ю, / сладча́йшее моѐ ча́до, / ка́кѡ во гро́бѣ ны́нѣ покрыва́ешисѧ;"
 },
 {
  "type": "TEXT",
  "value": "[рѯ҃а] Кнѧ́зи погна́ша мѧ̀ тꙋ́не, / и҆ ѿ слове́съ твои́хъ ᲂу҆боѧ́сѧ се́рдце моѐ."
 },
 {
  "type": "TEXT",
  "value": "А҆ да́ма и҆ є҆́ѵꙋ свободи́ти, мт҃и не рыда́й, сїѧ̑ страждꙋ̀."
 },
 {
  "type": "TEXT",
  "value": "[рѯ҃в] Возра́дꙋюсѧ а҆́зъ ѡ҆ словесѣ́хъ твои́хъ, / ꙗ҆́кѡ ѡ҆брѣта́ѧй коры́сть мно́гꙋ."
 },
 {
  "type": "TEXT",
  "value": "П рославлѧ́ю твоѐ, сн҃е мо́й, кра́йнее бл҃гоꙋтро́бїе, / є҆гѡ́же ра́ди сїѧ̑ стра́ждеши."
 },
 {
  "type": "TEXT",
  "value": "[рѯ҃г] Непра́вдꙋ возненави́дѣхъ и҆ ѡ҆мерзи́хъ / зако́нъ же тво́й возлюби́хъ."
 },
 {
  "type": "TEXT",
  "value": "Ѻ҆́ цтомъ напое́нъ бы́лъ є҆сѝ и҆ же́лчїю ще́дре, / дре́внее разрѣша́ѧ вкꙋше́нїе."
 },
 {
  "type": "TEXT",
  "value": "[рѯ҃д] Седмери́цею дне́мъ хвали́хъ тѧ̀, / ѡ҆ сꙋдьба́хъ пра́вды твоеѧ̀."
 },
 {
  "type": "TEXT",
  "value": "Н а крⷭ҇тѣ̀ пригвозди́лсѧ є҆сѝ, / дре́вле лю́ди твоѧ̑ столпо́мъ ѻ҆́блачнымъ покрыва́ѧй."
 },
 {
  "type": "TEXT",
  "value": "[рѯ҃є] Ми́ръ мно́гъ лю́бѧщымъ зако́нъ тво́й, / и҆ нѣ́сть и҆̀мъ собла́зна."
 },
 {
  "type": "TEXT",
  "value": "М ѷронѡ́сицы сп҃се ко гро́бꙋ прише́дшыѧ, / мѵ́ра принесо́ша тебѣ̀."
 },
 {
  "type": "TEXT",
  "value": "[рѯ҃ѕ] Ча́ѧхъ сп҃се́нїѧ твоегѡ̀ гдⷭ҇и, / и҆ за́пѡвѣди твоѧ̑ возлюби́хъ."
 },
 {
  "type": "TEXT",
  "value": "В оста́ни ще́дре, / ѿ про́пастей а҆́дскихъ возставлѧ́ѧй на́съ."
 },
 {
  "type": "TEXT",
  "value": "[рѯ҃з] Сохранѝ дꙋша̀ моѧ̀ свидѣ̑нїѧ твоѧ̑, / и҆ возлюбѝ ѧ҆̀ ѕѣлѡ̀."
 },
 {
  "type": "TEXT",
  "value": "В оскреснѝ жизнода́вче, / ро́ждшаѧ тѧ̀ мт҃и сле́зы точа́щи глаго́летъ."
 },
 {
  "type": "TEXT",
  "value": "[рѯ҃и] Сохрани́хъ за́пѡвѣди твоѧ̑ и҆ свидѣ̑нїѧ твоѧ̑, / ꙗ҆́кѡ всѝ пꙋтїѐ моѝ пред̾ тобо́ю гдⷭ҇и."
 },
 {
  "type": "TEXT",
  "value": "П отщи́сѧ воскрⷭ҇нꙋти, печа́ль разрѣша́ѧ сло́ве, / чи́стѡ ро́ждшїѧ тѧ̀."
 },
 {
  "type": "TEXT",
  "value": "[рѯ҃ѳ] Да прибли́житсѧ моле́нїе моѐ пред̾ тѧ̀ гдⷭ҇и, / по словесѝ твоемꙋ̀ вразꙋми́ мѧ."
 },
 {
  "type": "TEXT",
  "value": "Н бⷭ҇ныѧ си̑лы ᲂу҆жасо́шасѧ стра́хомъ, / ме́ртва тѧ̀ зрѧ́ще."
 },
 {
  "type": "TEXT",
  "value": "[р҃ѻ] Да вни́детъ проше́нїе моѐ пред̾ тѧ̀ гдⷭ҇и, / по словесѝ твоемꙋ̀ и҆зба́ви мѧ̀."
 },
 {
  "type": "TEXT",
  "value": "Л юбо́вїю же и҆ стра́хомъ стрⷭ҇ти твоѧ̑ почита́ющымъ, / да́ждь прегрѣше́нїй разрѣше́нїе."
 },
 {
  "type": "TEXT",
  "value": "[рѻ҃а] Ѿры́гнꙋтъ ᲂу҆стнѣ̀ моѝ пѣ́нїе, / є҆гда̀ наꙋчи́ши мѧ̀ ѡ҆правда́нїємъ твои̑мъ."
 },
 {
  "type": "TEXT",
  "value": "Ѽ ᲂу҆жа́снагѡ и҆ стра́ннагѡ видѣ́нїѧ, бж҃їй сло́ве! / ка́кѡ землѧ́ тѧ спокрыва́етъ;"
 },
 {
  "type": "TEXT",
  "value": "[рѻ҃в] Провѣща́етъ ѧ҆зы́къ мо́й словеса̀ твоѧ̑, / ꙗ҆́кѡ всѧ̑ за́пѡвѣди твоѧ̑ пра́вда."
 },
 {
  "type": "TEXT",
  "value": "Н осѧ́й тѧ̀ дре́вле сп҃се, і҆ѡ́сифъ бѣ́гаетъ, / и҆ ны́нѣ тѧ̀ и҆ны́й погреба́етъ."
 },
 {
  "type": "TEXT",
  "value": "[рѻ҃г] Да бꙋ́детъ рꙋка̀ твоѧ̀ є҆́же сп҃сти́ мѧ, / ꙗ҆́кѡ за́пѡвѣди твоѧ̑ и҆зво́лихъ."
 },
 {
  "type": "TEXT",
  "value": "П ла́четъ и҆ рыда́етъ тѧ̀ пречⷭ҇таѧ мт҃и твоѧ̀, / сп҃се мо́й ᲂу҆мерщвле́наго."
 },
 {
  "type": "TEXT",
  "value": "[рѻ҃д] Возжела́хъ сп҃се́нїе твоѐ гдⷭ҇и, / и҆ зако́нъ тво́й поꙋче́нїе моѐ є҆́сть."
 },
 {
  "type": "TEXT",
  "value": "Оу҆ жаса́ютсѧ ᲂу҆мы̀ стра́ннагѡ, / и҆ ᲂу҆жа́снагѡ тебѐ всѣ́хъ созда́телѧ, погребе́нїѧ."
 },
 {
  "type": "TEXT",
  "value": "[рѻ҃є] Жива̀ бꙋ́детъ дꙋша̀ моѧ̀, и҆ восхва́литъ тѧ̀, / и҆ сꙋдьбы̑ твоѧ̑ помо́гꙋтъ мнѣ̀."
 },
 {
  "type": "TEXT",
  "value": "И҆ злїѧ́ша на гро́бъ мѷронѡ́сицы мѵ̑ра, / ѕѣлѡ̀ ра́нѡ прише́дшыѧ."
 },
 {
  "type": "TEXT",
  "value": "[рѻ҃ѕ] Заблꙋди́хъ ꙗ҆́кѡ ѻ҆вча̀ поги́бшее, / взыщѝ раба̀ твоего̀, ꙗ҆́кѡ за́повѣдей твои́хъ не забы́хъ."
 },
 {
  "type": "TEXT",
  "value": "М и́ръ цр҃кви, / лю́демъ твои̑мъ сп҃се́нїе / да́рꙋй воста́нїемъ твои́мъ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ѽ трⷪ҇це бж҃е мо́й, / ѻ҆́ч҃е, сн҃е и҆ дш҃е, / поми́лꙋй мі́ръ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "В и́дѣти твоегѡ̀ сн҃а воскрⷭ҇нїе, / дв҃о, сподо́би твоѧ̑ рабы̑."
 },
 {
  "type": "HEADER",
  "value": "И҆ а҆́бїе пое́мъ тропарѝ сїѧ̑, во гла́съ є҃:"
 },
 {
  "type": "TEXT",
  "value": "Бл҃гослове́нъ є҆сѝ гдⷭ҇и, / наꙋчи́ мѧ ѡ҆правда́нїємъ твои̑мъ."
 },
 {
  "type": "TEXT",
  "value": "А҆́ гг҃льскїй собо́ръ ᲂу҆диви́сѧ, / зрѧ̀ тебѐ въ ме́ртвыхъ вмѣни́вшасѧ, / сме́ртнꙋю же сп҃се крѣ́пость разори́вша, / и҆ съ собо́ю а҆да́ма воздви́гша, / и҆ ѿ а҆́да всѧ̑ свобо́ждша."
 },
 {
  "type": "TEXT",
  "value": "Бл҃гослове́нъ є҆сѝ гдⷭ҇и, / наꙋчи́ мѧ ѡ҆правда́нїємъ твои̑мъ."
 },
 {
  "type": "TEXT",
  "value": "П очто̀ мѵ̑ра съ ми́лостивными слеза́ми, / ѽ ᲂу҆чєни́цы растворѧ́ете; / блиста́ѧйсѧ во гро́бѣ а҆́гг҃лъ мѷроно́сицамъ вѣща́ше: / ви́дите вы̀ гро́бъ, и҆ ᲂу҆разꙋмѣ́йте, / сп҃съ бо воскр҃се ѿ гро́ба."
 },
 {
  "type": "TEXT",
  "value": "Бл҃гослове́нъ є҆сѝ гдⷭ҇и, / наꙋчи́ мѧ ѡ҆правда́нїємъ твои̑мъ."
 },
 {
  "type": "TEXT",
  "value": "Ѕ ѣлѡ̀ ра́нѡ мѷронѡ́сицы теча́хꙋ / ко гро́бꙋ твоемꙋ̀, рыда́ющыѧ, / но предста̀ къ ни̑мъ а҆́гг҃лъ и҆ речѐ: / рыда́нїѧ вре́мѧ преста̀, не пла́чите: / воскрⷭ҇нїе же а҆пⷭ҇лѡмъ рцы́те."
 },
 {
  "type": "TEXT",
  "value": "Бл҃гослове́нъ є҆сѝ гдⷭ҇и, / наꙋчи́ мѧ ѡ҆правда́нїємъ твои̑мъ."
 },
 {
  "type": "TEXT",
  "value": "М ѷронѡ́сицы жєны̀, съ мѵ́ры прише́дшыѧ / ко гро́бꙋ твоемꙋ̀ сп҃се, рыда́хꙋ: / а҆́гг҃лъ же къ ни̑мъ речѐ, глаго́лѧ: / что̀ съ ме́ртвыми жива́го помышлѧ́ете; / ꙗ҆́кѡ бг҃ъ бо воскр҃се ѿ гро́ба."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Трⷪ҇ченъ: Поклони́мсѧ ѻ҆ц҃ꙋ̀, / и҆ є҆гѡ̀ сн҃ови, и҆ ст҃о́мꙋ дх҃ꙋ, / ст҃ѣ́й трⷪ҇цѣ во є҆ди́номъ сꙋществѣ̀, / съ серафі́мы зовꙋ́ще: / ст҃ъ, ст҃ъ, ст҃ъ є҆сѝ гдⷭ҇и."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ: Жизнода́вца ро́ждши, / грѣха̀ дв҃о а҆да́ма и҆зба́вила є҆сѝ, / ра́дость же є҆́ѵѣ / въ печа́ли мѣ́сто подала̀ є҆сѝ: / па́дшыѧ же ѿ жи́зни / къ се́й напра́ви, / и҆з̾ тебѐ воплоти́выйсѧ бг҃ъ и҆ чл҃вѣ́къ."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды."
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаша́етъ сщ҃е́нникъ: Ты́ бо є҆сѝ цр҃ь ми́ра, хрⷭ҇тѐ бж҃е на́шъ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ и҆ съ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "HEADER",
  "value": "И҆ пое́мъ сѣда́ленъ днѐ, гла́съ а҃. Подо́бенъ: Гро́бъ тво́й сп҃се:"
 },
 {
  "type": "TEXT",
  "value": "П лащани́цею чи́стою, и҆ а҆рѡма́ты бж҃е́ственными / тѣ́ло чⷭ҇тно́е, и҆спроси́въ ᲂу҆ пїла́та мѷропомазꙋ́етъ, / и҆ полага́етъ і҆ѡ́сифъ въ но́вомъ гро́бѣ. / тѣ́мже ᲂу҆ра́нше мѷронѡ́сицы жєны̀, возопи́ша / покажѝ на́мъ, ꙗ҆́коже предре́клъ є҆сѝ хрⷭ҇тѐ, воскрⷭ҇нїе."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "П окажѝ на́мъ, ꙗ҆́коже предре́клъ є҆сѝ хрⷭ҇тѐ, воскрⷭ҇нїе."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Дрꙋгі́й подо́бенъ: Оу҆жасо́шасѧ ли́цы а҆́гг҃льстїи, / зрѧ́ще сѣдѧ́щаго въ нѣ́дрѣхъ ѻ҆́ч҃ихъ: / ка́кѡ во гро́бъ полага́етсѧ ꙗ҆́кѡ ме́ртвъ безсме́ртный! / є҆го́же чи́ни а҆́гг҃льстїи ѡ҆крꙋжа́ютъ и҆ сла́вѧтъ съ ме́ртвыми во а҆́дѣ, / ꙗ҆́кѡ зижди́телѧ и҆ гдⷭ҇а."
 },
 {
  "type": "TEXT",
  "value": "Та́же быва́етъ чте́нїе въ толкова́нїи є҆ѵⷢ҇лїа на матѳе́а, зача́ло рд҃і: Во ᲂу҆́трїй же де́нь, и҆́же є҆́сть по пѧтцѣ̀:"
 },
 {
  "type": "TEXT",
  "value": "Воскрⷭ҇нїе хрⷭ҇то́во не глаго́лемъ. Но а҆́бїе чте́цъ:"
 },
 {
  "type": "HEADER",
  "value": "Ѱало́мъ н҃."
 },
 {
  "type": "TEXT",
  "value": "П оми́лꙋй мѧ̀ бж҃е, по вели́цѣй ми́лости твое́й и҆ по мно́жествꙋ щедро́тъ твои́хъ ѡ҆чи́сти беззако́нїе моѐ. наипа́че ѡ҆мы́й мѧ̀ ѿ беззако́нїѧ моегѡ̀, и҆ ѿ грѣха̀ моегѡ̀ ѡ҆чи́сти мѧ̀. ꙗ҆́кѡ беззако́нїе моѐ а҆́зъ зна́ю, и҆ грѣ́хъ мо́й предо мно́ю є҆́сть вы́нꙋ. тебѣ̀ є҆ди́номꙋ согрѣши́хъ, и҆ лꙋка́вое пред̾ тобо́ю сотвори́хъ, ꙗ҆́кѡ да ѡ҆правди́шисѧ во словесѣ́хъ твои́хъ, и҆ побѣди́ши, внегда̀ сꙋди́ти тѝ. се́ бо въ беззако́нїихъ зача́тъ є҆́смь, и҆ во грѣсѣ́хъ роди́ мѧ ма́ти моѧ̀. се́ бо и҆́стинꙋ возлюби́лъ є҆сѝ, безвѣ̑стнаѧ и҆ та̑йнаѧ премꙋ́дрости твоеѧ̀ ꙗ҆ви́лъ мѝ є҆сѝ. ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ᲂу҆бѣлю́сѧ. слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. се́рдце чи́сто сози́жди во мнѣ̀ бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. не ѿве́ржи менѐ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менѐ. возда́ждь мѝ ра́дость сп҃се́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. и҆зба́ви мѧ̀ ѿ крове́й бж҃е, бж҃е сп҃се́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. гдⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. ꙗ҆́кѡ а҆́ще бы восхотѣ́лъ є҆сѝ же́ртвы, да́лъ бы́хъ ᲂу҆́бѡ: всесожже́нїѧ не бл҃говоли́ши. же́ртва бг҃ꙋ дꙋ́хъ сокрꙋше́нъ: се́рдце сокрꙋше́нно и҆ смире́нно бг҃ъ не ᲂу҆ничижи́тъ. ᲂу҆бл҃жѝ гдⷭ҇и, бл҃говоле́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерⷭ҇ли̑мскїѧ. тогда̀ бл҃говоли́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀."
 },
 {
  "type": "TEXT",
  "value": "И҆ пое́мъ канѡ́нъ, і҆рмо́съ по два́жды, а҆ тропарѝ на в҃і. И҆ па́ки послѣдѝ і҆рмо́съ ѻ҆́ба ли̑ка вкꙋ́пѣ. Є҆́сть же канѡ́нъ, ѿ пе́рвыѧ пѣ́сни до шесты́ѧ, творе́нїе ма́рка мона́ха, є҆пⷭ҇кпа і҆дрꙋ́итскагѡ: і҆рмосы́ же творе́нїе жены̀ нѣ́кїѧ, кассі́и и҆менꙋ́емыѧ. Ѿ ѕ҃-й же пѣ́сни до конца̀ творе́нїе господи́на космы̀. Краегране́сїе же канѡ́на: Каі̀ си́мерон дѐ са́вватон ме́лпѡ ме́га. Сі́есть: И҆ дне́сь же сꙋббѡ́тꙋ пою̀ вели́кꙋю. Гла́съ ѕ҃."
 },
 {
  "type": "HEADER",
  "value": "Пѣ́снь а҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Волно́ю морско́ю / скры́вшаго дре́вле, / гони́телѧ мꙋчи́телѧ под̾ земле́ю скры́ша / сп҃се́нныхъ ѻ҆́троцы: / но мы̀ ꙗ҆́кѡ ѻ҆трокови̑цы, / гдⷭ҇ви пои́мъ, / сла́внѡ во просла́висѧ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[К] Гдⷭ҇и бж҃е мо́й, / и҆схо́дное пѣ́нїе, и҆ надгро́бнꙋю тебѣ̀ пѣ́снь воспою̀, / погребе́нїемъ твои́мъ жи́зни моеѧ̀ вхо́ды ѿве́рзшемꙋ, / и҆ сме́ртїю сме́рть и҆ а҆́дъ ᲂу҆мертви́вшемꙋ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[А] Горѣ́ тѧ на прⷭ҇то́лѣ и҆ до́лѣ во гро́бѣ, / премі̑рнаѧ и҆ подзє́мнаѧ, помышлѧ́ющаѧ сп҃се мо́й, / зы́блѧхꙋсѧ ᲂу҆мерщвле́нїемъ твои́мъ: / па́че ᲂу҆ма́ бо ви́дѣнъ бы́лъ є҆сѝ ме́ртвъ, живонача́льниче."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[І] Да твоеѧ̀ сла́вы всѧ̑ и҆спо́лниши, / сше́лъ є҆сѝ въ ни̑жнѧѧ землѝ: / ѿ тебе́ бо не скры́сѧ соста́въ мо́й и҆́же во а҆да́мѣ, и҆ погребе́нъ, / и҆стлѣ́вша мѧ̀ ѡ҆бновлѧ́еши чл҃вѣколю́бче."
 },
 {
  "type": "TEXT",
  "value": "И҆ па́ки і҆рмо́съ: Волно́ю морско́ю / скры́вшаго дре́вле, / гони́телѧ мꙋчи́телѧ под̾ земле́ю скры́ша / сп҃се́нныхъ ѻ҆́троцы: / но мы̀ ꙗ҆́кѡ ѻ҆трокови̑цы, / гдⷭ҇ви пои́мъ, / сла́внѡ во просла́висѧ."
 },
 {
  "type": "HEADER",
  "value": "Пѣ́снь г҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Тебѐ на вода́хъ / повѣ́сившаго / всю̀ зе́млю неѡдержи́мѡ, / тва́рь ви́дѣвши / на ло́бнѣмъ ви́сима, / ᲂу҆́жасомъ мно́гимъ содрога́шесѧ, / нѣ́сть ст҃ъ, / ра́звѣ тебѐ гдⷭ҇и, взыва́ющи."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[С] Ѡ҆́бразы погребе́нїѧ твоегѡ̀ показа́лъ є҆сѝ, видѣ̑нїѧ ᲂу҆мно́живъ: / ны́нѣ же сокровє́ннаѧ твоѧ̑ бг҃омꙋ́жнѡ ᲂу҆ѧсни́лъ є҆сѝ, и҆ сꙋ́щымъ во а҆́дѣ влⷣко, / нѣ́сть ст҃ъ, ра́звѣ тебѐ гдⷭ҇и, взыва́ющымъ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[И] Просте́рлъ є҆сѝ дла̑ни, и҆ соедини́лъ є҆сѝ дре́вле разстоѧ̑щаѧсѧ: / ѡ҆дѣѧ́нїемъ же сп҃се, є҆́же въ плащани́цѣ и҆ во гро́бѣ, / ѡ҆кова̑нныѧ разрѣши́лъ є҆сѝ, / нѣ́сть ст҃ъ, ра́звѣ тебѐ гдⷭ҇и, взыва́ющыѧ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[М] Гро́бомъ и҆ печа́тьми, невмѣсти́ме, / содержи́мь бы́лъ є҆сѝ хотѣ́нїемъ: / и҆́бо си́лꙋ твою̀ дѣ́йствы показа́лъ є҆сѝ, / бг҃одѣ́йственнѡ пою́щымъ: / нѣ́сть ст҃ъ, ра́звѣ тебѐ гдⷭ҇и, чл҃вѣколю́бче."
 },
 {
  "type": "TEXT",
  "value": "И҆ па́ки і҆рмо́съ: Тебѐ на вода́хъ / повѣ́сившаго / всю̀ зе́млю неѡдержи́мѡ, / тва́рь ви́дѣвши / на ло́бнѣмъ ви́сима, / ᲂу҆́жасомъ мно́гимъ содрога́шесѧ, / нѣ́сть ст҃ъ, / ра́звѣ тебѐ гдⷭ҇и, взыва́ющи."
 },
 {
  "type": "HEADER",
  "value": "Та́же е҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаша́етъ сщ҃е́нникъ: Ꙗ҆́кѡ ты̀ є҆сѝ бг҃ъ на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "HEADER",
  "value": "Сѣда́ленъ, гла́съ а҃:"
 },
 {
  "type": "TEXT",
  "value": "Г ро́бъ тво́й сп҃се, во́ини стрегꙋ́щїи, / ме́ртви ѿ ѡ҆блиста́нїѧ ꙗ҆́вльшагѡсѧ а҆́гг҃ла бы́ша, / проповѣ́дающа жена́мъ воскрⷭ҇нїе. / тебѐ сла́вимъ тлѝ потреби́телѧ: / тебѣ̀ припа́даемъ воскрⷭ҇шемꙋ и҆з̾ гро́ба, / и҆ є҆ди́номꙋ бг҃ꙋ на́шемꙋ."
 },
 {
  "type": "TEXT",
  "value": "Сла́ва, и҆ ны́нѣ, то́йже."
 },
 {
  "type": "HEADER",
  "value": "Пѣ́снь д҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "На крⷭ҇тѣ̀ твоѐ / бж҃е́ственное и҆стоща́нїе / прови́дѧ а҆ввакꙋ́мъ, / ᲂу҆жа́ссѧ, вопїѧ́ше: / ты̀ си́льныхъ пресѣ́клъ є҆сѝ / держа́вꙋ бл҃же, / прїѡбща́ѧсѧ сꙋ́щымъ во а҆́дѣ, ꙗ҆́кѡ всеси́ленъ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Е] Седьмы́й де́нь дне́сь ѡ҆ст҃и́лъ є҆сѝ, / є҆го́же дре́вле бл҃гослови́лъ є҆сѝ ᲂу҆покое́нїемъ дѣ́лъ: / прево́диши бо всѧ́чєскаѧ и҆ ѡ҆бновлѧ́еши, / сꙋббѡ́тствꙋѧ сп҃се мо́й, и҆ назида́ѧ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Р] Си́лою лꙋ́чшагѡ, побѣди́вшагѡ тебѐ, / ѿ пло́ти дꙋша̀ твоѧ̀ раздѣли́сѧ: / растерза́ющи бо ѻ҆боѧ̀ ᲂу҆́зы, / сме́рти и҆ а҆́да, сло́ве, держа́вою твое́ю."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[О] А҆́дъ сло́ве срѣ́тъ тѧ̀ ѡ҆горчи́сѧ, / чл҃вѣ́ка зрѧ̀ ѡ҆боже́на, / ᲂу҆ѧ́звлена ра́нами, и҆ всесильнодѣ́телѧ, / стра́шнымъ же зра́комъ поги́бе."
 },
 {
  "type": "TEXT",
  "value": "И҆ па́ки і҆рмо́съ: На крⷭ҇тѣ̀ твоѐ / бж҃е́ственное и҆стоща́нїе / прови́дѧ а҆ввакꙋ́мъ, / ᲂу҆жа́ссѧ, вопїѧ́ше: / ты̀ си́льныхъ пресѣ́клъ є҆сѝ / держа́вꙋ бл҃же, / прїѡбща́ѧсѧ сꙋ́щымъ во а҆́дѣ, ꙗ҆́кѡ всеси́ленъ."
 },
 {
  "type": "HEADER",
  "value": "Пѣ́снь є҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Бг҃оѧвле́нїѧ твоегѡ̀ хрⷭ҇тѐ, / къ на́мъ ми́лостивнѡ бы́вшагѡ, / и҆са́їа свѣ́тъ ви́дѣвъ невече́рнїй, / и҆з̾ но́щи ᲂу҆́треневавъ взыва́ше: / воскрⷭ҇нꙋтъ ме́ртвїи, / и҆ воста́нꙋтъ сꙋ́щїи во гробѣ́хъ, / и҆ всѝ земноро́днїи возра́дꙋютсѧ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Н] Новотвори́ши земны̑ѧ созда́телю, пе́рстенъ бы́въ, / и҆ плащани́ца и҆ гро́бъ ꙗ҆влѧ́ютъ є҆́же въ тебѣ̀ сло́ве, та́инство: / бл҃гоѡбра́зный бо совѣ́тникъ, тебѐ ро́ждшагѡ совѣ́тъ ѡ҆бразꙋ́етъ, / въ тебѣ̀ велелѣ́пнѡ новотворѧ́щагѡ мѧ̀."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Д] Сме́ртїю сме́ртное, / погребе́нїемъ тлѣ́нное прелага́еши, / нетлѣ́нно твори́ши бо, / бг҃олѣ́пнѡ безсме́ртно творѧ̀ прїѧ́тїе: / пло́ть бо твоѧ̀ и҆стлѣ́нїѧ не ви́дѣ влⷣко, / нижѐ дш҃а̀ твоѧ̀ во а҆́дѣ страннолѣ́пнѡ ѡ҆ста́влена бы́сть."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[Е] И҆з̾ небра́чныѧ проше́дъ, и҆ прободе́нъ въ ре́бра содѣ́телю мо́й, / и҆з̾ неѧ̀ содѣ́лалъ є҆сѝ ѡ҆бновле́нїе є҆́ѵино, а҆да́мъ бы́въ, / ᲂу҆снꙋ́въ па́че є҆стества̀ сно́мъ є҆сте́ственнымъ, / и҆ жи́знь воздви́гнꙋвъ ѿ сна̀ и҆ тлѣ́нїѧ, ꙗ҆́кѡ всеси́ленъ."
 },
 {
  "type": "TEXT",
  "value": "И҆ і҆рмо́съ: Бг҃оѧвле́нїѧ твоегѡ̀ хрⷭ҇тѐ, / къ на́мъ ми́лостивнѡ бы́вшагѡ, / и҆са́їа свѣ́тъ ви́дѣвъ невече́рнїй, / и҆з̾ но́щи ᲂу҆́треневавъ взыва́ше: / воскрⷭ҇нꙋтъ ме́ртвїи, / и҆ воста́нꙋтъ сꙋ́щїи во гробѣ́хъ, / и҆ всѝ земноро́днїи возра́дꙋютсѧ."
 },
 {
  "type": "HEADER",
  "value": "Пѣ́снь ѕ҃."
 },
 {
  "type": "HEADER",
  "value": "[С] І҆рмо́съ:"
 },
 {
  "type": "TEXT",
  "value": "Ꙗ҆́тъ бы́сть, / но не ᲂу҆держа́нъ въ пе́рсѣхъ ки́товыхъ і҆ѡ́на: / тво́й бо ѡ҆́бразъ носѧ̀, страда́вшагѡ, и҆ погребе́нїю да́вшагѡсѧ, / ꙗ҆́кѡ ѿ черто́га ѿ ѕвѣ́рѧ и҆зы́де: / приглаша́ше же кꙋстѡді́и, / хранѧ́щїи сꙋ́єтнаѧ и҆ лѡ́жнаѧ, / млⷭ҇ть сїю̀ ѡ҆ста́вили є҆стѐ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[А] Бїе́нъ бы́лъ є҆сѝ, но не раздѣли́лсѧ є҆сѝ сло́ве, / є҆ѧ́же причасти́лсѧ є҆сѝ пло́ти: / а҆́ще бо и҆ разори́сѧ тво́й хра́мъ во вре́мѧ стрⷭ҇ти, / но и҆ та́кѡ є҆ди́нъ бѣ̀ соста́въ бж҃ества̀ и҆ пло́ти твоеѧ̀. / во ѻ҆бои́хъ бо є҆ди́нъ є҆сѝ сн҃ъ, сло́во бж҃їе, бг҃ъ и҆ чл҃вѣ́къ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[В] Человѣкоꙋбі́йственно, но не бг҃оꙋбі́йственно бы́сть прегрѣше́нїе а҆да́мово: / а҆́ще бо и҆ пострада̀ твоеѧ̀ пло́ти пе́рстное сꙋщество̀, / но бж҃ество̀ безстра́стно пребы́сть: / тлѣ́нное же твоѐ на нетлѣ́нїе преложи́лъ є҆сѝ, / и҆ нетлѣ́нныѧ жи́зни показа́лъ є҆сѝ и҆сто́чникъ воскрⷭ҇нїемъ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[В] Ца́рствꙋетъ а҆́дъ, но не вѣ́чнꙋетъ над̾ ро́домъ человѣ́ческимъ: / ты́ бо поло́жсѧ во гро́бѣ держа́вне, живонача́льною дла́нїю, / сме́рти ключѝ разве́рглъ є҆сѝ, / и҆ проповѣ́далъ є҆сѝ ѿ вѣ́ка та́мѡ спѧ́щымъ, и҆збавле́нїе нело́жное / бы́въ сп҃се, мє́ртвымъ пе́рвенецъ."
 },
 {
  "type": "TEXT",
  "value": "И҆ па́ки і҆рмо́съ: Ꙗ҆́тъ бы́сть, / но не ᲂу҆держа́нъ въ пе́рсѣхъ ки́товыхъ і҆ѡ́на: / тво́й бо ѡ҆́бразъ носѧ̀, страда́вшагѡ, и҆ погребе́нїю да́вшагѡсѧ, / ꙗ҆́кѡ ѿ черто́га ѿ ѕвѣ́рѧ и҆зы́де: / приглаша́ше же кꙋстѡді́и, / хранѧ́щїи сꙋ́єтнаѧ и҆ лѡ́жнаѧ, / млⷭ҇ть сїю̀ ѡ҆ста́вили є҆стѐ."
 },
 {
  "type": "HEADER",
  "value": "Та́же е҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаша́етъ сщ҃е́нникъ: Ты́ бо є҆сѝ цр҃ь ми́ра, и҆ сп҃съ дꙋ́шъ на́шихъ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "HEADER",
  "value": "Конда́къ, гла́съ ѕ҃:"
 },
 {
  "type": "TEXT",
  "value": "Б е́зднꙋ заключи́вый, ме́ртвъ зри́тсѧ, / и҆ смѵ́рною и҆ плащани́цею ѡ҆бви́всѧ, / во гро́бѣ полага́етсѧ ꙗ҆́кѡ сме́ртный безсме́ртный: / жєны́ же прїидо́ша пома́зати є҆го̀ мѵ́ромъ, / пла́чꙋщыѧ го́рькѡ и҆ вопїю́щыѧ: / сїѧ̀ сꙋббѡ́та є҆́сть пребл҃гослове́ннаѧ, / въ не́йже хрⷭ҇то́съ ᲂу҆снꙋ́въ, воскре́снетъ тридне́венъ."
 },
 {
  "type": "TEXT",
  "value": "І҆́косъ: Содержа́й всѧ̑ на крⷭ҇тъ вознесе́сѧ, / и҆ рыда́етъ всѧ̀ тва́рь, того̀ ви́дѧщи на́га ви́сѧща на дре́вѣ, / со́лнце лꙋчы̀ сокры̀, и҆ ѕвѣ́зды ѿложи́ша свѣ́тъ: / землѧ́ же со мно́гимъ стра́хомъ поколеба́сѧ, и҆ мо́ре побѣжѐ, / и҆ ка́менїе распаде́сѧ, гро́би же мно́зи ѿверзо́шасѧ, / и҆ тѣлеса̀ воста́ша ст҃ы́хъ мꙋже́й. / а҆́дъ ни́зꙋ сте́нетъ, / и҆ і҆ꙋде́є совѣ́тꙋютъ ѡ҆клевета́ти хрⷭ҇то́во воскрⷭ҇нїе. / жєны́ же взыва́ютъ: / сїѧ̀ сꙋббѡ́та є҆́сть пребл҃гослове́ннаѧ, / въ не́йже хрⷭ҇то́съ ᲂу҆снꙋ́въ, воскрⷭ҇нетъ тридне́венъ."
 },
 {
  "type": "TEXT",
  "value": "Сѷнаѯа́рь."
 },
 {
  "type": "HEADER",
  "value": "Пѣ́снь з҃."
 },
 {
  "type": "HEADER",
  "value": "[А] І҆рмо́съ:"
 },
 {
  "type": "TEXT",
  "value": "Неизрече́нное чꙋ́до, / въ пещѝ и҆зба́вивый / прпⷣбныѧ ѻ҆́троки и҆з̾ пла́мене, / во гро́бѣ ме́ртвъ / бездыха́ненъ полага́етсѧ, / во сп҃се́нїе на́съ пою́щихъ: / и҆зба́вителю бж҃е / бл҃гослове́нъ є҆сѝ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Т] Оу҆ѧзви́сѧ а҆́дъ, въ се́рдцѣ / прїе́мъ ᲂу҆ѧ́звенаго копїе́мъ въ ре́бра, / и҆ воздыха́етъ ѻ҆гне́мъ бж҃е́ственнымъ и҆ждива́емь, / во сп҃се́нїе на́съ пою́щихъ: / и҆зба́вителю бж҃е бл҃гослове́нъ є҆сѝ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[О] Бога́тъ гро́бъ, / въ себѣ́ бо прїи́мъ ꙗ҆́кѡ спѧ́ща содѣ́телѧ, / жи́зни бж҃е́ственное сокро́вище показа́сѧ, / во сп҃се́нїе на́съ пою́щихъ: / и҆зба́вителю бж҃е, бл҃гослове́нъ є҆сѝ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Н] Зако́номъ ᲂу҆ме́ршихъ / є҆́же во гро́бѣ положе́нїе, всѣ́хъ прїе́млетъ жи́знь, / и҆ сего̀ и҆сто́чника показꙋ́етъ воста́нїѧ, / во сп҃се́нїе на́съ пою́щихъ: / и҆зба́вителю бж҃е, бл҃гослове́нъ є҆сѝ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[М] Є҆ди́но бѧ́ше неразлꙋ́чное, / є҆́же во а҆́дѣ, и҆ во гро́бѣ, и҆ во є҆де́мѣ, / бж҃ество̀ хрⷭ҇то́во, со ѻ҆ц҃е́мъ, и҆ дх҃омъ, / во сп҃се́нїе на́съ пою́щихъ: / и҆зба́вителю бж҃е, бл҃гослове́нъ є҆сѝ."
 },
 {
  "type": "TEXT",
  "value": "И҆ і҆рмо́съ: Неизрече́нное чꙋ́до, / въ пещѝ и҆зба́вивый / прпⷣбныѧ ѻ҆́троки и҆з̾ пла́мене, / во гро́бѣ ме́ртвъ / бездыха́ненъ полага́етсѧ, / во сп҃се́нїе на́съ пою́щихъ: / и҆зба́вителю бж҃е / бл҃гослове́нъ є҆сѝ."
 },
 {
  "type": "HEADER",
  "value": "Пѣ́снь и҃."
 },
 {
  "type": "HEADER",
  "value": "[Е] І҆рмо́съ:"
 },
 {
  "type": "TEXT",
  "value": "Оу҆жасни́сѧ боѧ́йсѧ нб҃о, / и҆ да подви́жатсѧ ѡ҆снова̑нїѧ землѝ: / се́ бо въ мертвецѣ́хъ вмѣнѧ́етсѧ въ вы́шнихъ живы́й, / и҆ во гро́бъ ма́лъ страннопрїе́млетсѧ. / є҆го́же ѻ҆́троцы бл҃гослови́те, / сщ҃е́нницы воспо́йте, / лю́дїе превозноси́те во всѧ̑ вѣ́ки."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Л] Разрꙋши́сѧ пречⷭ҇тый хра́мъ, / па́дшꙋю же совозставлѧ́етъ ски́нїю: / а҆да́мꙋ бо пе́рвомꙋ вторы́й, и҆́же въ вы́шнихъ живы́й, / сни́де да́же до а҆́довыхъ сокро́вищъ. / є҆го́же ѻ҆́троцы бл҃гослови́те, / сщ҃е́нницы воспо́йте, / лю́дїе превозноси́те во всѧ̑ вѣ́ки."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[П] Преста̀ де́рзость ᲂу҆ч҃нкѡ́въ, / а҆рїмаѳе́й же и҆зрѧ́дствꙋетъ і҆ѡ́сифъ: / ме́ртва бо и҆ на́га зрѧ̀, над̾ всѣ́ми бг҃а, / про́ситъ и҆ погреба́етъ, зовы́й: / ѻ҆́троцы бл҃гослови́те, / сщ҃е́нницы воспо́йте, / лю́дїе превозноси́те во всѧ̑ вѣ́ки."
 },
 {
  "type": "TEXT",
  "value": "Бл҃гослови́мъ ѻ҆ц҃а̀ и҆ сн҃а и҆ ст҃а́го дх҃а, гдⷭ҇а, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[Ѡ] Ѽ чꙋде́съ но́выхъ! / ѽ бл҃гости! / ѽ неизрече́ннагѡ терпѣ́нїѧ! / во́лею бо под̾ земле́ю печатлѣ́етсѧ, и҆́же въ вы́шнихъ живы́й, / и҆ ꙗ҆́кѡ льсте́цъ, бг҃ъ ѡ҆клевета́етсѧ. / є҆го́же ѻ҆́троцы бл҃гослови́те, / сщ҃е́нницы воспо́йте, / лю́дїе превозноси́те во всѧ̑ вѣ́ки."
 },
 {
  "type": "TEXT",
  "value": "Та́же: Хва́лимъ, бл҃гослови́мъ, покланѧ́емсѧ гдⷭ҇ви, пою́ще, и҆ превозносѧ́ще во всѧ̑ вѣ́ки."
 },
 {
  "type": "TEXT",
  "value": "Та́же і҆рмо́съ: Оу҆жасни́сѧ боѧ́йсѧ нб҃о, / и҆ да подви́жатсѧ ѡ҆снова̑нїѧ землѝ: / се́ бо въ мертвецѣ́хъ вмѣнѧ́етсѧ въ вы́шнихъ живы́й, / и҆ во гро́бъ ма́лъ страннопрїе́млетсѧ. / є҆го́же ѻ҆́троцы бл҃гослови́те, / сщ҃е́нницы воспо́йте, / лю́дїе превозноси́те во всѧ̑ вѣ́ки."
 },
 {
  "type": "HEADER",
  "value": "Пѣ́снь ѳ҃."
 },
 {
  "type": "HEADER",
  "value": "[М] І҆рмо́съ:"
 },
 {
  "type": "TEXT",
  "value": "Не рыда́й менѐ мт҃и, / зрѧ́щи во гро́бѣ, / є҆го́же во чре́вѣ без̾ сѣ́мене зачала̀ є҆сѝ сн҃а: / воста́нꙋ бо и҆ просла́влюсѧ, / и҆ вознесꙋ̀ со сла́вою, непреста́ннѡ ꙗ҆́кѡ бг҃ъ, / вѣ́рою и҆ любо́вїю тѧ̀ велича́ющыѧ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Е] Въ стра́ннѣмъ твое́мъ ржⷭ҇твѣ̀, / болѣ́зней и҆збѣжа́вше па́че є҆стества̀, / ᲂу҆бл҃жи́хсѧ безнача́льне сн҃е: / ны́нѣ же тѧ̀ бж҃е мо́й, / бездыха́нна зрѧ́щи ме́ртва, / ѻ҆рꙋ́жїемъ печа́ли растерза́юсѧ лю́тѣ: / но воскрⷭ҇нѝ, ꙗ҆́кѡ да возвели́чꙋсѧ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Г] Землѧ̀ покрыва́етъ мѧ̀ хотѧ́ща, / но ᲂу҆страша́ютсѧ а҆́дѡвы вра́тницы, / ѡ҆дѣ́ѧна ви́дѧще ѻ҆де́ждею ѡ҆кровавле́ною, мт҃и, ѿмще́нїѧ: / враги́ бо крⷭ҇то́мъ порази́въ ꙗ҆́кѡ бг҃ъ, / воскрⷭ҇нꙋ па́ки, и҆ возвели́чꙋ тѧ̀."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[А] Да ра́дꙋетсѧ тва́рь, / да веселѧ́тсѧ всѝ земноро́днїи, / вра́гъ бо плѣни́сѧ а҆́дъ: / съ мѵ́ры жєны̀ да срѣта́ютъ, / а҆да́ма со є҆́ѵою и҆збавлѧ́ю всеро́дна, / и҆ въ тре́тїй де́нь воскрⷭ҇нꙋ."
 },
 {
  "type": "TEXT",
  "value": "И҆ і҆рмо́съ: Не рыда́й менѐ мт҃и, / зрѧ́щи во гро́бѣ, / є҆го́же во чре́вѣ без̾ сѣ́мене зачала̀ є҆сѝ сн҃а: / воста́нꙋ бо и҆ просла́влюсѧ, / и҆ вознесꙋ̀ со сла́вою, непреста́ннѡ ꙗ҆́кѡ бг҃ъ, / вѣ́рою и҆ любо́вїю тѧ̀ велича́ющыѧ."
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаша́етъ сщ҃е́нникъ: Ꙗ҆́кѡ тѧ̀ хва́лѧтъ всѧ̑ си̑лы нбⷭ҇ныѧ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "HEADER",
  "value": "Дїа́конъ глаго́летъ, во гла́съ в҃:"
 },
 {
  "type": "TEXT",
  "value": "С вѧ́тъ гдⷭ҇ь бг҃ъ на́шъ."
 },
 {
  "type": "TEXT",
  "value": "Ли́къ: Свѧ́тъ гдⷭ҇ь бг҃ъ на́шъ."
 },
 {
  "type": "TEXT",
  "value": "Дїа́конъ: Ꙗ҆́кѡ свѧ́тъ гдⷭ҇ь бг҃ъ на́шъ."
 },
 {
  "type": "TEXT",
  "value": "Ли́къ: Свѧ́тъ гдⷭ҇ь бг҃ъ на́шъ."
 },
 {
  "type": "TEXT",
  "value": "Дїа́конъ: Над̾ всѣ́ми людьмѝ бг҃ъ на́шъ."
 },
 {
  "type": "TEXT",
  "value": "Ли́къ: Свѧ́тъ гдⷭ҇ь бг҃ъ на́шъ."
 },
 {
  "type": "TEXT",
  "value": "Гла́съ то́йже: Всѧ́кое дыха́нїе да хва́литъ гдⷭ҇а. / хвали́те гдⷭ҇а съ нб҃съ, / хвали́те є҆го̀ въ вы́шнихъ. / тебѣ̀ подоба́етъ пѣ́снь бг҃ꙋ. / хвали́те є҆го̀ всѝ а҆́гг҃ли є҆гѡ̀, / хвали́те є҆го̀ всѧ̑ си̑лы є҆гѡ̀. / тебѣ̀ подоба́етъ пѣ́снь бг҃ꙋ."
 },
 {
  "type": "TEXT",
  "value": "Чте́цъ, ѱало́мъ рм҃и: Хвали́те є҆го̀ со́лнце и҆ лꙋна̀, хвали́те є҆го̀ всѧ̑ ѕвѣ́зды и҆ свѣ́тъ. Хвали́те є҆го̀ нб҃са̀ нб҃съ, и҆ вода̀ ꙗ҆́же превы́ше нб҃съ, да восхва́лѧтъ и҆́мѧ гдⷭ҇не. ꙗ҆́кѡ то́й речѐ, и҆ бы́ша: то́й повелѣ̀, и҆ созда́шасѧ. поста́ви ѧ҆̀ въ вѣ́къ, и҆ въ вѣ́къ вѣ́ка: повелѣ́нїе положѝ, и҆ не ми́мѡ и҆́детъ. хвали́те гдⷭ҇а ѿ землѝ ѕмі́евє, и҆ всѧ̑ бє́здны: ѻ҆́гнь, гра́дъ, снѣ́гъ, го́лоть, дꙋ́хъ бꙋ́ренъ, творѧ̑щаѧ сло́во є҆гѡ̀: го́ры и҆ всѝ хо́лми, древа̀ плодонѡ́сна, и҆ всѝ ке́дри: ѕвѣ́рїе и҆ всѝ ско́ти, га́ди и҆ пти̑цы перна̑ты: ца́рїе зе́мстїи, и҆ всѝ лю́дїе, кнѧ́зи, и҆ всѝ сꙋдїи̑ зе́мстїи: ю҆́нѡши и҆ дѣ̑вы, ста́рцы съ ю҆́нотами да восхва́лѧтъ и҆́мѧ гдⷭ҇не: ꙗ҆́кѡ вознесе́сѧ и҆́мѧ тогѡ̀ є҆ди́нагѡ. и҆сповѣ́данїе є҆гѡ̀ на землѝ и҆ на нб҃сѝ, и҆ вознесе́тъ ро́гъ люде́й свои́хъ. пѣ́снь всѣ̑мъ прпⷣбнымъ є҆гѡ̀, сыновѡ́мъ і҆и҃лєвымъ, лю́демъ приближа́ющымсѧ є҆мꙋ̀."
 },
 {
  "type": "TEXT",
  "value": "Ѱало́мъ рм҃ѳ: Воспо́йте гдⷭ҇еви пѣ́снь но́вꙋ, хвале́нїе є҆гѡ̀ въ цр҃кви прпⷣбныхъ. да возвесели́тсѧ і҆и҃ль ѡ҆ сотво́ршемъ є҆го̀, и҆ сы́нове сїѡ́ни возра́дꙋютсѧ ѡ҆ цр҃ѣ̀ свое́мъ: да восхва́лѧтъ и҆́мѧ є҆гѡ̀ въ ли́цѣ, въ тѷмпа́нѣ и҆ ѱалти́ри да пою́тъ є҆мꙋ̀. ꙗ҆́кѡ бл҃говоли́тъ гдⷭ҇ь въ лю́дехъ свои́хъ, и҆ вознесе́тъ крѡ́ткїѧ во сп҃се́нїе. восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ. возношє́нїѧ бж҃їѧ въ горта́ни и҆́хъ, и҆ мечѝ ѻ҆бою́дꙋ ѻ҆стры̀ въ рꙋка́хъ и҆́хъ: сотвори́ти ѿмще́нїе во ꙗ҆зы́цѣхъ, ѡ҆бличє́нїѧ въ лю́дехъ: свѧза́ти царѝ и҆́хъ пꙋ́ты, и҆ сла̑вныѧ и҆́хъ рꙋчны́ми ѻ҆кѡ́вы желѣ́зными."
 },
 {
  "type": "TEXT",
  "value": "Ѿ здѣ̀ начина́емъ стїхи̑ры на ѕ҃: Сотвори́ти въ ни́хъ сꙋ́дъ напи́санъ: / сла́ва сїѧ̀ бꙋ́детъ всѣ̑мъ прпⷣбнымъ є҆гѡ̀."
 },
 {
  "type": "TEXT",
  "value": "Ѱало́мъ р҃н: Хвали́те бг҃а во ст҃ы́хъ є҆гѡ̀, / хвали́те є҆го̀ во ᲂу҆тверже́нїи си́лы є҆гѡ̀."
 },
 {
  "type": "TEXT",
  "value": "На д҃: Хвали́те є҆го̀ на си́лахъ є҆гѡ̀, / хвали́те є҆го̀ по мно́жествꙋ вели́чествїѧ є҆гѡ̀."
 },
 {
  "type": "HEADER",
  "value": "Стїхи̑ры самогла́сны на д҃, гла́съ в҃:"
 },
 {
  "type": "TEXT",
  "value": "Д не́сь содержи́тъ гро́бъ содержа́щаго дла́нїю тва́рь, / покрыва́етъ ка́мень покры́вшаго добродѣ́телїю нб҃са̀: / спи́тъ живо́тъ, и҆ а҆́дъ трепе́щетъ, / и҆ а҆да́мъ ѿ ᲂу҆́зъ разрѣша́етсѧ. / сла́ва твоемꙋ̀ смотре́нїю, / и҆́мже соверши́въ всѐ ᲂу҆покое́нїе вѣ́чное, / дарова́лъ є҆сѝ на́мъ бж҃е, / всест҃о́е и҆з̾ ме́ртвыхъ твоѐ воскрⷭ҇нїе."
 },
 {
  "type": "TEXT",
  "value": "Хвали́те є҆го̀ во гла́сѣ трꙋ́бнѣмъ, / хвали́те є҆го̀ во ѱалти́ри и҆ гꙋ́слехъ."
 },
 {
  "type": "TEXT",
  "value": "Ч то̀ зри́мое видѣ́нїе; / ко́е настоѧ́щее ᲂу҆покое́нїе; / цр҃ь вѣкѡ́въ, и҆́же стрⷭ҇тїю соверши́въ смотре́нїе, / во гро́бѣ сꙋббѡ́тствꙋетъ, но́вое на́мъ подаѧ̀ сꙋббѡ́тство. / томꙋ̀ возопїи́мъ: / воскрⷭ҇нѝ бж҃е, сꙋдѧ́й землѝ, / ꙗ҆́кѡ ты̀ црⷭ҇твꙋеши во вѣ́ки, / неизмѣ́рнꙋю и҆мѣ́ѧй ве́лїю млⷭ҇ть."
 },
 {
  "type": "TEXT",
  "value": "На в҃: Хвали́те є҆го̀ въ тѷмпа́нѣ и҆ ли́цѣ, / хвали́те є҆го̀ во стрꙋ́нахъ и҆ ѻ҆рга́нѣ."
 },
 {
  "type": "TEXT",
  "value": "П рїиди́те ви́димъ живо́тъ на́шъ во гро́бѣ лежа́щъ, / да во гробѣ́хъ лежа́щыѧ ѡ҆живи́тъ. / прїиди́те дне́сь и҆̀же и҆з̾ і҆ꙋ́ды спѧ́ща зрѧ́ще, / прⷪ҇ро́чески є҆мꙋ̀ возопїи́мъ: / возле́гъ ᲂу҆снꙋ́лъ є҆сѝ ꙗ҆́кѡ ле́въ, / кто̀ воздви́гнетъ тѧ̀ цр҃ю̀; / но воста́ни самовла́стнѡ, / да́вый себѐ ѡ҆ на́съ во́лею, / гдⷭ҇и сла́ва тебѣ̀."
 },
 {
  "type": "TEXT",
  "value": "Хвали́те є҆го̀ въ кѷмва́лѣхъ доброгла́сныхъ. хвали́те є҆го̀ въ кѷмва́лѣхъ восклица́нїѧ. / всѧ́кое дыха́нїе да хва́литъ гдⷭ҇а."
 },
 {
  "type": "TEXT",
  "value": "Гла́съ ѕ҃: Просѝ і҆ѡ́сифъ тѣ́ло і҆и҃сово, / и҆ положѝ є҆̀ въ но́вѣмъ свое́мъ гро́бѣ: / подоба́ше бо є҆мꙋ̀ и҆з̾ гро́ба, / ꙗ҆́кѡ и҆з̾ черто́га проитѝ. / сокрꙋши́вый держа́вꙋ сме́рти, / и҆ ѿве́рзый врата̀ ра̑йскаѧ человѣ́кѡмъ, / гдⷭ҇и сла́ва тебѣ̀."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Гла́съ то́йже: Дне́шнїй де́нь та́йнѡ вели́кїй мѡѷсе́й / проѡбразова́ше, глаго́лѧ: / и҆ бл҃гословѝ бг҃ъ де́нь седьмы́й, / сїѧ́ бо є҆́сть бл҃гослове́ннаѧ сꙋббѡ́та. / се́й є҆́сть ᲂу҆покое́нїѧ де́нь, / во́ньже почѝ ѿ всѣ́хъ дѣ́лъ свои́хъ є҆диноро́дный сн҃ъ бж҃їй, / смотре́нїемъ є҆́же на сме́рть, пло́тїю сꙋббѡ́тствовавъ: / и҆ во є҆́же бѣ̀, па́ки возвра́щьсѧ воскрⷭ҇нїемъ, / дарова̀ на́мъ живо́тъ вѣ́чный, / ꙗ҆́кѡ є҆ди́нъ бл҃гъ и҆ чл҃вѣколю́бецъ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Бг҃оро́диченъ, гла́съ в҃: Пребл҃гослове́нна є҆сѝ бцⷣе дв҃о, / вопло́щшимъ бо сѧ и҆з̾ тебѐ а҆́дъ плѣни́сѧ, / а҆да́мъ воззва́сѧ, / клѧ́тва потреби́сѧ, / є҆́ѵа свободи́сѧ, / сме́рть ᲂу҆мертви́сѧ, и҆ мы̀ ѡ҆жи́хомъ. / тѣ́мъ воспѣва́юще вопїе́мъ: / бл҃гослове́нъ хрⷭ҇то́съ бг҃ъ / бл҃говоли́вый та́кѡ, сла́ва тебѣ̀."
 },
 {
  "type": "TEXT",
  "value": "Сщ҃е́нникъ: Сла́ва тебѣ̀ показа́вшемꙋ на́мъ свѣ́тъ."
 },
 {
  "type": "HEADER",
  "value": "Славосло́вїе вели́кое."
 },
 {
  "type": "TEXT",
  "value": "Ли́къ: Сла́ва въ вы́шнихъ бг҃ꙋ, и҆ на землѝ ми́ръ, въ человѣ́цѣхъ бл҃говоле́нїе. хва́лимъ тѧ̀, бл҃гослови́мъ тѧ̀, кла́нѧемъ ти сѧ, славосло́вимъ тѧ̀, бл҃годари́мъ тѧ̀ вели́кїѧ ра́ди сла́вы твоеѧ̀. гдⷭ҇и цр҃ю̀ нбⷭ҇ный, бж҃е ѻ҆́ч҃е вседержи́телю, гдⷭ҇и сн҃е є҆диноро́дный і҆и҃се хрⷭ҇тѐ, и҆ ст҃ы́й дш҃е. гдⷭ҇и бж҃е, а҆́гнче бж҃їй, сн҃е ѻ҆ч҃ь, взе́млѧй грѣ́хъ мі́ра, поми́лꙋй на́съ: взе́млѧй грѣхѝ мі́ра, прїимѝ мл҃твꙋ на́шꙋ: сѣдѧ́й ѡ҆деснꙋ́ю ѻ҆ц҃а̀, поми́лꙋй на́съ. ꙗ҆́кѡ ты̀ є҆сѝ є҆ди́нъ свѧ́тъ, ты̀ є҆сѝ є҆ди́нъ гдⷭ҇ь, і҆и҃съ хрⷭ҇то́съ, во сла́вꙋ бг҃а ѻ҆ц҃а̀, а҆ми́нь."
 },
 {
  "type": "TEXT",
  "value": "Н а всѧ́къ де́нь бл҃гословлю́ тѧ, и҆ восхвалю̀ и҆́мѧ твоѐ во вѣ́ки, и҆ въ вѣ́къ вѣ́ка."
 },
 {
  "type": "TEXT",
  "value": "С подо́би гдⷭ҇и въ де́нь се́й без̾ грѣха̀ сохрани́тисѧ на́мъ. бл҃гослове́нъ є҆сѝ гдⷭ҇и, бж҃е ѻ҆тє́цъ на́шихъ, и҆ хва́льно и҆ просла́влено и҆́мѧ твоѐ во вѣ́ки, а҆ми́нь."
 },
 {
  "type": "TEXT",
  "value": "Б ꙋ́ди гдⷭ҇и, млⷭ҇ть твоѧ̀ на на́съ, ꙗ҆́коже ᲂу҆пова́хомъ на тѧ̀."
 },
 {
  "type": "TEXT",
  "value": "Б л҃гослове́нъ є҆сѝ гдⷭ҇и, наꙋчи́ мѧ ѡ҆правда́нїємъ твои̑мъ. Три́жды."
 },
 {
  "type": "TEXT",
  "value": "Г дⷭ҇и, прибѣ́жище бы́лъ є҆сѝ на́мъ въ ро́дъ и҆ ро́дъ. а҆́зъ рѣ́хъ: гдⷭ҇и, поми́лꙋй мѧ̀, и҆сцѣлѝ дꙋ́шꙋ мою̀, ꙗ҆́кѡ согрѣши́хъ тебѣ̀."
 },
 {
  "type": "TEXT",
  "value": "Г дⷭ҇и, къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й: ꙗ҆́кѡ ᲂу҆ тебѐ и҆сто́чникъ живота̀, во свѣ́тѣ твое́мъ ᲂу҆́зримъ свѣ́тъ. проба́ви млⷭ҇ть твою̀ вѣ́дꙋщымъ тѧ̀."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "С т҃ы́й безсме́ртный, поми́лꙋй на́съ."
 },
 {
  "type": "TEXT",
  "value": "Та́же высоча́йшимъ гла́сомъ: Ст҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ."
 },
 {
  "type": "TEXT",
  "value": "Сщ҃е́нникъ же ѡ҆блачи́тсѧ во всю̀ сщ҃е́нническꙋю ѻ҆де́ждꙋ, и҆ вхо́дитъ со ст҃ы́мъ є҆ѵⷢ҇лїемъ. По трист҃о́мъ же глаго́летъ сщ҃е́нникъ: Премꙋ́дрость, про́сти."
 },
 {
  "type": "HEADER",
  "value": "И҆ мы̀ тропа́рь є҆ди́ножды, гла́съ в҃:"
 },
 {
  "type": "TEXT",
  "value": "Б л҃гоѡбра́зный і҆ѡ́сифъ / съ дре́ва сне́мъ пречⷭ҇тое тѣ́ло твоѐ, / плащани́цею чи́стою ѡ҆бви́въ, и҆ вонѧ́ми / во гро́бѣ но́вѣ покры́въ положѝ."
 },
 {
  "type": "TEXT",
  "value": "И҆ чте́цъ:"
 },
 {
  "type": "HEADER",
  "value": "Тропа́рь прⷪ҇ро́чества, гла́съ в҃:"
 },
 {
  "type": "TEXT",
  "value": "С одержа́й концы̀, / гро́бомъ содержа́тисѧ и҆зво́лилъ є҆сѝ хрⷭ҇тѐ, / да ѿ а҆́дова поглоще́нїѧ и҆зба́виши человѣ́чество / и҆ воскр҃съ ѡ҆живи́ши на́съ, / ꙗ҆́кѡ бг҃ъ безсме́ртный."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "И҆ воскр҃съ ѡ҆живи́ши на́съ, / ꙗ҆́кѡ бг҃ъ безсме́ртный."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Па́ки ве́сь: Содержа́й концы̀, / гро́бомъ содержа́тисѧ и҆зво́лилъ є҆сѝ хрⷭ҇тѐ, / да ѿ а҆́дова поглоще́нїѧ и҆зба́виши человѣ́чество / и҆ воскр҃съ ѡ҆живи́ши на́съ, / ꙗ҆́кѡ бг҃ъ безсме́ртный."
 },
 {
  "type": "TEXT",
  "value": "Дїа́конъ: Во́нмемъ."
 },
 {
  "type": "TEXT",
  "value": "Та́же чте́цъ: Прокі́менъ, гла́съ д҃: Воскрⷭ҇нѝ гдⷭ҇и, помозѝ на́мъ, / и҆ и҆зба́ви на́съ и҆́мене ра́ди твоегѡ̀. Сті́хъ: Бж҃е, ᲂу҆ши́ма на́шима ᲂу҆слы́шахомъ и҆ ѻ҆тцы̀ на́ши возвѣсти́ша на́мъ."
 },
 {
  "type": "TEXT",
  "value": "Дїа́конъ: Премꙋ́дрость."
 },
 {
  "type": "TEXT",
  "value": "Чте́цъ: Прⷪ҇ро́чества і҆езекі́илева чте́нїе. [Глава̀ л҃з, ст. а҃-д҃і]"
 },
 {
  "type": "TEXT",
  "value": "Дїа́конъ: Во́нмемъ."
 },
 {
  "type": "TEXT",
  "value": "Чте́цъ: Бы́сть на мнѣ̀ рꙋка̀ гдⷭ҇нѧ, и҆ и҆зведе́ мѧ въ дс҃ѣ гдⷭ҇ни, и҆ поста́ви мѧ̀ средѣ̀ по́лѧ, се́ же бѧ́ше по́лно косте́й человѣ́ческихъ. и҆ ѡ҆бведе́ мѧ ѻ҆́крестъ и҆̀хъ ѻ҆́колѡ, и҆ сѐ мнѡ́ги ѕѣлѡ̀ на лицы̀ по́лѧ, и҆ сѐ сꙋ́хи ѕѣлѡ̀. и҆ речѐ ко мнѣ̀: сы́не человѣ́чь, ѡ҆живꙋ́тъ ли кѡ́сти сїѧ̑; и҆ реко́хъ: гдⷭ҇и бж҃е, ты̀ вѣ́си сїѧ̑. и҆ речѐ ко мнѣ̀: сы́не человѣ́чь, прорцы̀ на кѡ́сти сїѧ̑, и҆ рече́ши и҆̀мъ: кѡ́сти сꙋхі̑ѧ, слы́шите сло́во гдⷭ҇не. сѐ глаго́летъ а҆дѡнаі̀ гдⷭ҇ь косте́мъ си̑мъ: сѐ а҆́зъ введꙋ̀ въ ва́съ дх҃ъ живо́тенъ. и҆ да́мъ на ва́съ жи̑лы, и҆ возведꙋ̀ на ва́съ пло́ть, и҆ прострꙋ̀ по ва́мъ ко́жꙋ, и҆ да́мъ дх҃ъ мо́й въ ва́съ, и҆ ѡ҆живетѐ, и҆ ᲂу҆вѣ́сте, ꙗ҆́кѡ а҆́зъ є҆́смь гдⷭ҇ь. и҆ прореко́хъ, ꙗ҆́коже заповѣ́да мѝ гдⷭ҇ь: и҆ бы́сть гла́съ внегда́ ми прⷪ҇ро́чествовати, и҆ сѐ трꙋ́съ, и҆ совокꙋплѧ́хꙋсѧ кѡ́сти, ко́сть къ ко́сти, ка́ѧждо къ соста́вꙋ своемꙋ̀. и҆ ви́дѣхъ, и҆ сѐ бы́ша и҆̀мъ жи̑лы, и҆ пло́ть растѧ́ше, и҆ восхожда́ше, [и҆ протѧже́сѧ] и҆̀мъ ко́жа верхꙋ̀, дх҃ъ же не бѧ́ше въ ни́хъ. и҆ речѐ ко мнѣ̀: прорцы̀ ѡ҆ дс҃ѣ, прорцы̀ сы́не человѣ́чь, и҆ рцы̀ дх҃ови: сїѧ̑ глаго́летъ а҆дѡнаі̀ гдⷭ҇ь, ѿ четы́рехъ вѣ́трѡвъ прїидѝ дш҃е, и҆ вдꙋ́ни на мє́ртвыѧ сїѧ̑, и҆ да ѡ҆живꙋ́тъ. и҆ прореко́хъ, ꙗ҆́коже повелѣ̀ мѝ: и҆ вни́де въ нѧ̀ дх҃ъ жи́зни, и҆ ѡ҆жи́ша, и҆ ста́ша на нога́хъ свои́хъ, собо́ръ мно́гъ ѕѣлѡ̀. и҆ речѐ гдⷭ҇ь ко мнѣ̀, глаго́лѧ: сы́не человѣ́чь, сїѧ̑ кѡ́сти ве́сь до́мъ і҆и҃левъ є҆́сть, ті́и бо глаго́лютъ: сꙋ́хи бы́ша кѡ́сти на́шѧ, поги́бе наде́жда на́ша, ᲂу҆бїе́ни бы́хомъ. тогѡ̀ ра́ди прорцы̀ [сы́не человѣ́чь], и҆ рцы̀ къ ни̑мъ, сїѧ̑ глаго́летъ а҆дѡнаі̀ гдⷭ҇ь: сѐ а҆́зъ ѿве́рзꙋ гро́бы ва́шѧ, и҆ и҆зведꙋ̀ ва́съ ѿ грѡ́бъ ва́шихъ, лю́дїе моѝ, и҆ введꙋ̀ вы̀ въ зе́млю і҆и҃левꙋ. и҆ ᲂу҆вѣ́сте, ꙗ҆́кѡ а҆́зъ є҆́смь гдⷭ҇ь, внегда̀ ѿве́рсти мѝ гро́бы ва́шѧ, є҆́же возвести́ ми ва́съ ѿ гробѡ́въ ва́шихъ, лю́дїе моѝ: и҆ да́мъ дх҃ъ мо́й въ ва́съ, и҆ жи́ви бꙋ́дете. и҆ поста́влю вы̀ на землѝ ва́шей, и҆ ᲂу҆вѣ́сте, ꙗ҆́кѡ а҆́зъ гдⷭ҇ь: глаго́лахъ, и҆ сотворю̀, глаго́летъ а҆дѡнаі̀ гдⷭ҇ь."
 },
 {
  "type": "TEXT",
  "value": "Дїа́конъ: Во́нмемъ."
 },
 {
  "type": "TEXT",
  "value": "Чте́цъ: Прокі́менъ, гла́съ з҃: Воскрⷭ҇нѝ гдⷭ҇и бж҃е мо́й, да вознесе́тсѧ рꙋка̀ твоѧ̀, / не забꙋ́ди ᲂу҆бо́гихъ твои́хъ до конца̀. Сті́хъ: И҆сповѣ́мсѧ тебѣ̀ гдⷭ҇и, всѣ́мъ се́рдцемъ мои́мъ, повѣ́мъ всѧ̑ чꙋдеса̀ твоѧ̑."
 },
 {
  "type": "TEXT",
  "value": "Дїа́конъ: Премꙋ́дрость."
 },
 {
  "type": "TEXT",
  "value": "Чте́цъ: Къ корі́нѳѧнѡмъ посла́нїѧ ст҃а́гѡ а҆пⷭ҇ла па́ѵла чте́нїе."
 },
 {
  "type": "TEXT",
  "value": "И҆ па́ки дїа́конъ: Во́нмемъ."
 },
 {
  "type": "HEADER",
  "value": "А҆по́столъ, зача́ло рл҃г."
 },
 {
  "type": "TEXT",
  "value": "Чте́цъ: Бра́тїе, ма́лъ ква́съ всѐ смѣше́нїе ква́ситъ; ѡ҆чи́стите ᲂу҆̀бо ве́тхїй ква́съ, да бꙋ́дете но́во смѣше́нїе, ꙗ҆́коже є҆стѐ безква́сни: и҆́бо па́сха на́ша за ны̀ пожре́нъ бы́сть хрⷭ҇то́съ. тѣ́мже да пра́зднꙋемъ, не въ ква́сѣ ве́тсѣ, ни въ ква́сѣ ѕло́бы и҆ лꙋка́вства, но въ безква́сїихъ чистоты̀ и҆ и҆́стины. хрⷭ҇то́съ ны̀ и҆скꙋпи́лъ є҆́сть ѿ клѧ́твы зако́нныѧ, бы́въ по на́съ клѧ́тва: пи́сано бо є҆́сть: про́клѧтъ всѧ́къ ви́сѧй на дре́вѣ. да въ ꙗ҆зы́цѣхъ бл҃гослове́нїе а҆враа́мле бꙋ́детъ ѡ҆ хрⷭ҇тѣ̀ і҆и҃сѣ, да ѡ҆бѣтова́нїе дх҃а прїи́мемъ вѣ́рою."
 },
 {
  "type": "TEXT",
  "value": "Сщ҃е́нникъ: Ми́ръ тѝ."
 },
 {
  "type": "TEXT",
  "value": "Чте́цъ: И҆ дх҃ови твоемꙋ̀."
 },
 {
  "type": "TEXT",
  "value": "Дїа́конъ: Премꙋ́дрость."
 },
 {
  "type": "TEXT",
  "value": "И҆ чте́цъ: А҆ллилꙋ́їа, гла́съ є҃: Да воскрⷭ҇нетъ бг҃ъ, и҆ расточа́тсѧ вразѝ є҆гѡ̀, и҆ да бѣжа́тъ ѿ лица̀ є҆гѡ̀ ненави́дѧщїи є҆го̀. Сті́хъ: Ꙗ҆́кѡ и҆счеза́етъ ды́мъ, да и҆сче́знꙋтъ, ꙗ҆́кѡ та́етъ во́скъ ѿ лица̀ ѻ҆гнѧ̀. Сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, а҆ првⷣницы да возвеселѧ́тсѧ."
 },
 {
  "type": "TEXT",
  "value": "Дїа́конъ: Премꙋ́дрость, простѝ, ᲂу҆слы́шимъ ст҃а́гѡ є҆ѵⷢ҇лїа."
 },
 {
  "type": "TEXT",
  "value": "Сщ҃е́нникъ: Ми́ръ всѣ̑мъ."
 },
 {
  "type": "TEXT",
  "value": "Ли́къ: И҆ дх҃ови твоемꙋ̀."
 },
 {
  "type": "TEXT",
  "value": "Сщ҃е́нникъ: Ѿ матѳе́а ст҃а́гѡ є҆ѵⷢ҇лїа чте́нїе."
 },
 {
  "type": "TEXT",
  "value": "Ли́къ: Сла́ва тебѣ̀ гдⷭ҇и, сла́ва тебѣ̀."
 },
 {
  "type": "TEXT",
  "value": "Дїа́конъ: Во́нмемъ."
 },
 {
  "type": "HEADER",
  "value": "Є҆ѵⷢ҇лїе ѿ матѳе́а, зача́ло рд҃і."
 },
 {
  "type": "TEXT",
  "value": "В о ᲂу҆́трїй де́нь, и҆́же є҆́сть по пѧтцѣ̀, собра́шасѧ а҆рхїере́є и҆ фарїсе́є къ пїла́тꙋ: глаго́люще: го́споди, помѧнꙋ́хомъ, ꙗ҆́кѡ льсте́цъ ѻ҆́нъ речѐ є҆щѐ сы́й жи́въ: по трїе́хъ дне́хъ воста́нꙋ. повелѝ ᲂу҆̀бо ᲂу҆тверди́ти гро́бъ до тре́тїѧгѡ днѐ: да не ка́кѡ прише́дше ᲂу҆ченицы̀ є҆гѡ̀ но́щїю, ᲂу҆кра́дꙋтъ є҆го̀, и҆ рекꙋ́тъ лю́демъ: воста̀ ѿ ме́ртвыхъ, и҆ бꙋ́детъ послѣ́днѧѧ ле́сть го́рша пе́рвыѧ. рече́ же и҆̀мъ пїла́тъ: и҆́мате кꙋстѡді́ю, и҆ди́те, ᲂу҆тверди́те, ꙗ҆́коже вѣ́сте. ѻ҆ни́ же ше́дше ᲂу҆тверди́ша гро́бъ, зна́менавше ка́мень съ кꙋстѡді́ею."
 },
 {
  "type": "TEXT",
  "value": "Ли́къ: Сла́ва тебѣ̀ гдⷭ҇и, сла́ва тебѣ̀."
 },
 {
  "type": "HEADER",
  "value": "Є҆ктенїа̀ сꙋгꙋ́баѧ."
 },
 {
  "type": "TEXT",
  "value": "Р це́мъ всѝ ѿ всеѧ̀ дꙋшѝ, и҆ ѿ всегѡ̀ помышле́нїѧ на́шегѡ рце́мъ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Г дⷭ҇и вседержи́телю, бж҃е ѻ҆ц҃ъ на́шихъ, мо́лимъ ти сѧ, ᲂу҆слы́ши и҆ поми́лꙋй."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П оми́лꙋй на́съ, бж҃е, по вели́цѣй ми́лости твое́й, мо́лимъ ти сѧ, ᲂу҆слы́ши и҆ поми́лꙋй."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ, и҆ все́й во хрⷭ҇тѣ̀ бра́тїи на́шей."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, да ти́хое и҆ безмо́лвное житїѐ поживе́мъ во всѧ́комъ бл҃гоче́стїи и҆ чистотѣ̀."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ ѡ҆ бра́тїѧхъ на́шихъ, сщ҃е́нницѣхъ, сщ҃енномона́сѣхъ и҆ все́мъ во хрⷭ҇тѣ̀ бра́тствѣ на́шемъ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ ѡ҆ ми́лости, жи́зни, ми́рѣ, здра́вїи, спасе́нїи, посѣще́нїи, проще́нїи и҆ ѡ҆ставле́нїи грѣхѡ́въ рабѡ́въ бж҃їихъ, бра́тїи ст҃а́гѡ хра́ма сегѡ̀ [а҆́ще во ѻ҆би́тели: ст҃ы́ѧ ѻ҆би́тели сеѧ̀ ] ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ ѡ҆ плодоносѧ́щихъ и҆ добродѣ́ющихъ во ст҃ѣ́мъ и҆ всечестнѣ́мъ хра́мѣ се́мъ, трꙋжда́ющихсѧ, пою́щихъ и҆ предстоѧ́щихъ лю́дехъ, ѡ҆жида́ющихъ ѿ тебѐ вели́кїѧ и҆ бога́тыѧ млⷭ҇ти."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Возглаша́етъ сщ҃е́нникъ: Ꙗ҆́кѡ ми́лостивъ и҆ человѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "HEADER",
  "value": "Та́же є҆ктенїа̀:"
 },
 {
  "type": "TEXT",
  "value": "И҆ спо́лнимъ ᲂу҆́треннюю моли́твꙋ на́шꙋ гдⷭ҇ви."
 },
 {
  "type": "TEXT",
  "value": "Ли́къ: Гдⷭ҇и поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ бж҃е твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и поми́лꙋй."
 },
 {
  "type": "TEXT",
  "value": "Д нѐ всегѡ̀ соверше́нна, свѧ́та, ми́рна и҆ безгрѣ́шна, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "А҆́ гг҃ла ми́рна, вѣ́рна наста́вника, храни́телѧ дꙋ́шъ и҆ тѣле́съ на́шихъ, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "П роще́нїѧ и҆ ѡ҆ставле́нїѧ грѣхѡ́въ и҆ прегрѣше́нїй на́шихъ, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "Д о́брыхъ и҆ поле́зныхъ дꙋша́мъ на́шымъ, и҆ ми́ра мі́рови, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "П ро́чее вре́мѧ живота̀ на́шегѡ въ ми́рѣ и҆ покаѧ́нїи сконча́ти. ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "Х рїстїа́нскїѧ кончи́ны живота̀ на́шегѡ, безболѣ́знены, непосты́дны, ми́рны и҆ до́брагѡ ѿвѣ́та на стра́шнѣмъ сꙋди́щи хрⷭ҇то́вѣ про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю со всѣ́ми ст҃ы́ми помѧнꙋ́вше, са́ми себѐ, и҆ дрꙋгъдрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀ гдⷭ҇и."
 },
 {
  "type": "TEXT",
  "value": "Возглаша́етъ і҆ере́й: Ꙗ҆́кѡ бг҃ъ ми́лости, щедро́тъ и҆ чл҃вѣколю́бїѧ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Сщ҃е́нникъ: Ми́ръ всѣ̑мъ."
 },
 {
  "type": "TEXT",
  "value": "Ли́къ: И҆ дх҃ови твоемꙋ̀."
 },
 {
  "type": "TEXT",
  "value": "Сщ҃е́нникъ: Главы̑ на́шѧ гдⷭ҇ви прикло́нимъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Сщ҃е́нникъ: Твое́ бо є҆́сть є҆́же ми́ловати и҆ спаса́ти ны̀ бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Дїа́конъ: Премꙋ́дрость."
 },
 {
  "type": "TEXT",
  "value": "Ли́къ: Бл҃гословѝ."
 },
 {
  "type": "TEXT",
  "value": "Сщ҃е́нникъ: Сы́й блгⷭ҇ве́нъ хрⷭ҇то́съ бг҃ъ на́шъ, всегда̀, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь. Оу҆ твердѝ бж҃е, и҆ ст҃ꙋ́ю правосла́внꙋю вѣ́рꙋ, правосла́вныхъ хрⷭ҇тїа́нъ во вѣ́къ вѣ́ка."
 },
 {
  "type": "TEXT",
  "value": "Сщ҃е́нникъ: Прест҃а́ѧ бцⷣе, спасѝ на́съ."
 },
 {
  "type": "TEXT",
  "value": "Ли́къ: Чⷭ҇тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "Сщ҃е́нникъ: Сла́ва тебѣ̀ хрⷭ҇тѐ бж҃е, ᲂу҆пова́нїе на́ше, сла́ва тебѣ̀."
 },
 {
  "type": "TEXT",
  "value": "Ли́къ: С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь. Г дⷭ҇и поми́лꙋй, три́жды. Бл҃гословѝ."
 },
 {
  "type": "HEADER",
  "value": "Сщ҃е́нникъ глаго́летъ ѿпꙋ́стъ:"
 },
 {
  "type": "TEXT",
  "value": "И҆́ же на́съ ра́ди человѣ́кѡвъ и҆ на́шегѡ ра́ди спасе́нїѧ стра̑шныѧ стрⷭ҇ти и҆ животворѧ́щїй крⷭ҇тъ, и҆ во́льное погребе́нїе пло́тїю и҆зво́ливый, хрⷭ҇то́съ и҆́стинный бг҃ъ на́шъ, моли́твами пречи́стыѧ своеѧ̀ мт҃ре, и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗ҆́кѡ бл҃гъ и҆ человѣколю́бецъ."
 },
 {
  "type": "HEADER",
  "value": "Ли́къ пое́тъ многолѣ́тїе:"
 },
 {
  "type": "TEXT",
  "value": "В ели́каго господи́на и҆ ѻ҆тца̀ на́шего и҆́мⷬ҇къ, / ст҃ѣ́йшаго патрїа́рха моско́вскаго и҆ всеѧ̀ рꙋсѝ, / и҆ господи́на на́шего преѡсвѧще́нѣйшего и҆́мⷬ҇къ, / митрополі́та [и҆лѝ а҆рхїепⷭ҇кпа, и҆лѝ є҆пⷭ҇кпа є҆гѡ́же є҆́сть ѡ҆бласть] , / бг҃охрани́мꙋю странꙋ̀ на́шꙋ рѡссі́йскꙋю, / настоѧ́телѧ, бра́тїю и҆ прихо́жанъ ст҃а́гѡ храма сегѡ̀, / и҆ всѧ̑ правосла́вныѧ хрⷭ҇тїа́ны, / гдⷭ҇и, сохранѝ и҆̀хъ на мно́гаѧ лѣ̑та."
 },
 {
  "type": "TEXT",
  "value": "И҆ быва́етъ цѣлова́нїе плащани́цы, а҆ и҆дѣ́же нѣ́сть плащани́цы, цѣлꙋ́ютъ ѡ҆́бразъ."
 },
 {
  "type": "HEADER",
  "value": "Пѣвцы́ же пою́тъ стїхи́рꙋ, гла́съ є҃:"
 },
 {
  "type": "TEXT",
  "value": "П рїиди́те ᲂу҆бл҃жи́мъ і҆ѡ́сифа приснопа́мѧтнаго, / въ нощѝ къ пїла́тꙋ прише́дшаго, / и҆ живота̀ всѣ́хъ и҆спроси́вшаго: / да́ждь мѝ сего̀ стра́ннаго, / и҆́же не и҆мѣ́етъ гдѣ̀ главы̀ подклони́ти: / да́ждь мѝ сего̀ стра́ннаго, є҆го́же ᲂу҆чени́къ лꙋка́вый на сме́рть предадѐ: / да́ждь мѝ сего̀ стра́ннаго, / є҆го́же мт҃и зрѧ́щи на крⷭ҇тѣ̀ ви́сѧща, / рыда́ющи вопїѧ́ше, / и҆ мт҃рски восклица́ше: / ᲂу҆вы̀ мнѣ̀, ча́до моѐ! / ᲂу҆вы̀ мнѣ̀, свѣ́те мо́й, / и҆ ᲂу҆тро́ба моѧ̀ возлю́бленнаѧ! / сѷмеѡ́номъ бо предрече́нное въ цр҃кви дне́сь собы́стсѧ: / моѐ се́рдце ѻ҆рꙋ́жїе про́йде, / но въ ра́дость воскрⷭ҇нїѧ твоегѡ̀ / пла́чь преложѝ. / покланѧ́емсѧ страсте́мъ твои̑мъ хрⷭ҇тѐ, / покланѧ́емсѧ страсте́мъ твои̑мъ хрⷭ҇тѐ, / покланѧ́емсѧ страсте́мъ твои̑мъ хрⷭ҇тѐ, / и҆ ст҃о́мꙋ воскрⷭ҇нїю."
 },
 {
  "type": "TEXT",
  "value": "Пе́рвый же ча́съ пое́тсѧ въ притво́рѣ: тре́тїй же ча́съ, шесты́й и҆ девѧ́тый, пою́тсѧ вкꙋ́пѣ про́стѡ въ притво́рѣ съ бл҃же́ннами во своѐ вре́мѧ."
 }
]