570 lines
53 KiB
JSON
570 lines
53 KiB
JSON
[
|
|
{
|
|
"type": "HEADER",
|
|
"value": "Ма́рта в҃"
|
|
},
|
|
{
|
|
"type": "HEADER",
|
|
"value": "Преставле́нїе, и҆́же во ст҃ы́хъ, ѻ҆ц҃а̀ на́шегѡ а҆рсе́нїа, тферска́гѡ."
|
|
},
|
|
{
|
|
"type": "HEADER",
|
|
"value": "Стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Ве́сь ѡ҆свѧще́нъ, бг҃оно́сецъ показа́лсѧ є҆сѝ, ма́стїю бжⷭ҇твенною ст҃о́ю, ст҃ы́мъ дх҃омъ пома́занъ, и҆ свѣ́тлѡ всегда̀ ликꙋ́ѧ, ст҃и́телю, во ст҃а̑ѧ ст҃ы́хъ входѧ̀, и҆ лю́ди твоѧ̑, ꙗ҆́кѡ свѧщеннотаи́нникъ, нбⷭ҇нымъ та́йнамъ наꙋчи́лъ є҆сѝ, ꙗ҆́кѡ вои́стиннꙋ ᲂу҆чи́тель и҆збра́ненъ, ѻ҆́ч҃е а҆рсе́нїе бг҃оно́се, со дерзнове́нїемъ молѧ́сѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Ве́сь ѿ ю҆́ности ѡ҆блиста́лъ є҆сѝ, житїѧ̀ добродѣ́телей лꙋче́ю, всеблаже́нне свѧти́телю, и҆ лю́ди твоѧ̑ просвѣти́лъ є҆сѝ, и҆ хра́мъ пречⷭ҇тыѧ воздви́глъ є҆сѝ пречꙋ́денъ. И҆ ны́нѣ всели́лсѧ є҆сѝ, и҆дѣ́же свѣ́тъ невече́рнїй, и҆дѣ́же ликостоѧ̑нїѧ а҆́гг҃лъ: съ ни́миже предстоѧ̀, преподо́бне, помина́й на́съ, свѧти́телю а҆рсе́нїе, твою̀ па́мѧть соверша́ющихъ, со дерзнове́нїемъ молѧ́сѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Свѧти́тель бг҃опрїѧ́тенъ, и҆ па́стырь и҆́стиненъ, сто́лпъ непревра́тенъ, ѡ҆снова́нїе вѣ́ры недви́жимо, благоче́стїѧ степе́нь непоколеби́мый, забра́ло цр҃кве нерꙋши́мое, ст҃и́телей добро́та, и҆ чꙋде́съ и҆сто́чникъ, а҆рсе́нїе бы́лъ є҆сѝ. Тѣ́мъ тѧ̀ ᲂу҆блажа́емъ благочести́внѡ пѣ́ньми и҆ пѣ́сньми дꙋхо́вными, и҆ всесвѧще́ннꙋю соверша́емъ па́мѧть твою̀."
|
|
},
|
|
{
|
|
"type": "TEXT",
|
|
"value": "Со́лнца свѣтлѣ́йши просїѧ̀ на́мъ па́мѧть твоѧ̀, ст҃и́телю а҆рсе́нїе, вседо́блїи ѻ҆́ч҃е свѧще́нне: сегѡ̀ ра́ди тѧ̀ ᲂу҆блажа́емъ, бг҃омꙋ́дре, и҆ моле́бнѡ воспѣва́емъ, ꙗ҆́кѡ показа́лсѧ є҆сѝ землѝ на́шей чꙋдотво́рецъ, и҆ моле́бникъ, и҆ предста́тель теплѣ́йшїй. Тѣ́мъ моли́сѧ хрⷭ҇тꙋ̀ бг҃ꙋ, и҆зба́витисѧ ста́дꙋ твоемꙋ̀ ѿ навѣ́та вра́жїѧ, є҆́же стѧжа́лъ є҆сѝ, мꙋ́дре, моли́твами твои́ми."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Прїиди́те, всѝ рѡссі̑йскїѧ митропѡ́лїи, всѧ́ко ѻ҆ч҃ество, гра́дове и҆ страны̑, а҆рхїере́є, і҆ере́є и҆ мона́си, и҆ всѝ лю́дїе, и҆ всѧ́къ ꙗ҆зы́къ стеце́мсѧ къ честнѣ́й па́мѧти ст҃и́телѧ пресла́внѡ на́шеѧ землѝ, дне́сь въ пѣ́снехъ и҆ пѣ́нїихъ восхва́лимъ вели́каго па́стырѧ и҆ ᲂу҆чи́телѧ, а҆рсе́нїа бг҃омꙋ́драго: се́й бо и҆змла́да жела́нїе бжⷭ҇твенно прїи́мъ въ се́рдцы свое́мъ, и҆ возлюби́въ хрⷭ҇та̀, и҆ пречⷭ҇тꙋю є҆гѡ̀ мт҃рь, є҆́йже и҆ ѻ҆би́тель сотворѝ, и҆ хра́мъ че́стенъ созда̀, и҆ вельмѝ ᲂу҆красѝ, и҆ мно́жєства мона́хѡвъ собра̀. Тѣ́мже твоѐ пра́зднꙋемъ ᲂу҆спе́нїе всѝ вѣ́рнїи, ѻ҆́крестъ стоѧ́ще твоеѧ̀ ра́ки, моле́бнѡ къ тебѣ̀ рꙋ́цѣ простира́емъ, свѧти́телю а҆рсе́нїе: моли́сѧ хрⷭ҇тꙋ̀ бг҃ꙋ ѡ҆ ча́дѣхъ твои́хъ, и҆ ѡ҆ всѣ́хъ любо́вїю пра́зднꙋющихъ честнꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кто̀ тебє̀ не ᲂу҆блажи́тъ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. И҆ чтє́нїѧ."
|
|
},
|
|
{
|
|
"type": "HEADER",
|
|
"value": "При́тчей чте́нїе. (Глава̀ і҃.)"
|
|
},
|
|
{
|
|
"type": "TEXT",
|
|
"value": "Па́мѧть пра́веднагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. Блаже́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Честнѣ́йша же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. Долгота́ бо дне́й, и҆ лѣ̑та живота̀ въ десни́цѣ є҆ѧ̀: въ шꙋ́йцѣ же є҆ѧ̀ бога́тство и҆ сла́ва. Ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. Послꙋ́шайте ᲂу҆̀бо менє̀, ѽ ча̑да! Честна̑ѧ бо рекꙋ̀: и҆ бл҃же́нъ человѣ́къ и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ, и҆ смы́слъ а҆́зъ призва́хъ. Мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. Разꙋмѣ́йте ᲂу҆̀бо, неѕло́бивїи, кова́рство, ненака́заннїи же, прилага́йте сердца̀. Послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра̑ваѧ, ꙗ҆́кѡ и҆́стинѣ поꙋчи́тсѧ горта́нь мо́й, мє́рзски же предо мно́ю ᲂу҆стны̀ лжи̑выѧ. Съ пра́вдою всѝ глаго́лы ᲂу҆́стъ мои́хъ, ничто́же въ ни́хъ стро́потно, нижѐ развраще́нно. Всѧ̑ пра̑ва сꙋ́ть разꙋмѣва́ющымъ, и҆ прѡ́ста ѡ҆брѣта́ющымъ ра́зꙋмъ. Наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
|
},
|
|
{
|
|
"type": "HEADER",
|
|
"value": "При́тчей чте́нїе. (Главы̑ і҃ и҆ а҃і.)"
|
|
},
|
|
{
|
|
"type": "TEXT",
|
|
"value": "Оу҆ста̀ пра́веднагѡ ка́плютъ премꙋ́дрость, ѧ҆зы́къ же непра́веднагѡ поги́бнетъ. Оу҆стнѣ̀ мꙋже́й пра́ведныхъ ка́плютъ бл҃года̑ти, ᲂу҆ста́ же нечести́выхъ развраща́ютсѧ. Мѣ̑рила льсти̑ваѧ ме́рзость предъ гдⷭ҇емъ: вѣ́съ же пра́ведный прїѧ́тенъ є҆мꙋ̀. И҆дѣ́же а҆́ще вни́детъ досажде́нїе, та́мѡ и҆ безче́стїе: ᲂу҆ста́ же смире́нныхъ поꙋча́ютсѧ премꙋ́дрости. Соверше́нїе пра́выхъ наста́витъ и҆̀хъ, и҆ поползнове́нїе ѿрица́ющихсѧ ᲂу҆пасе́тъ и҆̀хъ. Не по́льзꙋютъ и҆мѣ̑нїѧ въ де́нь ꙗ҆́рости, пра́вда же и҆зба́витъ ѿ сме́рти. Оу҆́меръ пра́ведный, ѡ҆ста́ви раска́ѧнїе: нарꙋ́чна же быва́етъ и҆ посмѣѧ́тельна нечести́выхъ па́гꙋба. Пра́вда непоро́чнагѡ и҆справлѧ́етъ пꙋти̑: въ нече́стїе же па́даетъ непра́вда. Пра́вда мꙋже́й пра́выхъ и҆зба́витъ и҆̀хъ: безсовѣ́тїемъ же плѣнѧ́ютсѧ беззако́ннїи. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда: похвала́ же нечести́выхъ поги́бнетъ. Пра́ведникъ ѿ ло́ва ᲂу҆бѣ́гнетъ, въ негѡ́же мѣ́стѡ предае́тсѧ нечести́вый. Во ᲂу҆стѣ́хъ нечести́выхъ сѣ́ть гра́жданѡмъ, чꙋ́вство же пра́ведныхъ бл҃госпѣ́шное. Во благи́хъ пра́ведныхъ и҆спра́витсѧ гра́дъ, и҆ въ поги́бели нечести́выхъ ра́дованїе. Во благослове́нїи пра́выхъ возвы́ситсѧ гра́дъ, ᲂу҆сты́ же нечести́выхъ раскопа́етсѧ. Рꙋга́етсѧ гра́жданѡмъ лише́нный ра́зꙋма, мꙋ́жъ же мꙋ́дрый безмо́лвїе во́дитъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна: нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ, преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ в҃, самогла́сны:"
|
|
},
|
|
{
|
|
"type": "TEXT",
|
|
"value": "Оу҆́мъ преподо́бенъ, ꙗ҆́кѡ при́снѡ къ бг҃ꙋ внима́ющь, свобо́денъ же и҆ самоизво́ленъ, ꙗ҆́кѡ страстьмѝ непорабоще́нъ, дꙋ́шꙋ чи́стꙋ и҆мѣ́ѧ, се́рдце ми́лостивно и҆ слеза́ми ᲂу҆миле́нно, тѣ́ло же моли́твами къ бг҃ꙋ слꙋже́бно притѧжа́лъ є҆сѝ, а҆рсе́нїе свѧти́телю, сло́во мꙋ́дростно и҆ смире́нно. Ве́сь ѿ ю҆́ности благонра́вїемъ хрⷭ҇тꙋ̀ ᲂу҆сво́исѧ, ѿ негѡ́же свѧти́тельства досто́инство прїѧ́лъ є҆сѝ, и҆ лю́ди твоѧ̑ ᲂу҆па́слъ є҆сѝ, и҆ правосла́вїемъ ѡ҆богати́лъ є҆сѝ. Ны́нѣ ꙗ҆́кѡ предстоѧ̀ хрⷭ҇тꙋ̀ бг҃ꙋ, ѿ всѧ́кихъ на́съ бѣ́дъ и҆зба́ви, и҆ спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Є҆ѵⷢ҇льскихъ и҆стѡ́чникъ словесы̀ твои́ми, свѧти́телю, люде́й твои́хъ сердца̀ напои́лъ є҆сѝ, и҆ сѣ́мѧ бл҃гоче́стїѧ въ ни́хъ моли́твами твои́ми возрасти́лъ є҆сѝ, и҆ си́хъ прине́слъ є҆сѝ хрⷭ҇тꙋ̀ пло́дъ и҆зрѧ́денъ. И҆ ны́нѣ ꙗ҆́кѡ предстоѧ̀ ᲂу҆ негѡ̀ съ ли́ки а҆пⷭ҇тѡлъ и҆ ст҃и́тєль, помина́й на́съ къ немꙋ̀ моли́твами твои́ми, и҆ сохранѝ на́съ ѿ всѧ́кагѡ ѡ҆ѕлобле́нїѧ, соверша́ющихъ вѣ́рою па́мѧть твою̀."
|
|
},
|
|
{
|
|
"type": "TEXT",
|
|
"value": "А҆пⷭ҇льскагѡ престо́ла сподо́билсѧ є҆сѝ, ст҃и́тельство прїи́мъ, свѧти́телю а҆рсе́нїе: ты́ бо ᲂу҆краси́лъ є҆сѝ це́рковь мт҃ре гдⷭ҇ни, и҆ ᲂу҆го́дникѡвъ є҆ѧ̀, а҆нтѡ́нїа и҆ ѳеодо́сїа. Въ ню́же мы̀ ны́нѣ, ча̑да твоѧ̑, притека́юще, и҆ ли́ки составлѧ́юще, тебѐ восхвалѧ́емъ, ꙗ҆́кѡ ѻ҆ц҃а̀ чадолюби́ва, и҆ моле́бнѣ къ тебѣ̀ рꙋ́цѣ простира́емъ: моли́сѧ ѡ҆ на́съ хрⷭ҇тꙋ̀ бг҃ꙋ, и҆ пречⷭ҇тѣй є҆гѡ̀ мт҃ри, ѡ҆ и҆̀же вѣ́рою и҆ любо́вїю тебѐ почита́ющихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Всѧ́къ ѧ҆зы́къ да почꙋди́тсѧ ны́нѣ ѡ҆ пресла́вныхъ вели́чїихъ бг҃а на́шегѡ, и҆ всѧ̑ка ᲂу҆ста̀ да подви́жꙋтсѧ на похвале́нїе, и҆ да воспою́тъ хрⷭ҇та̀ бг҃а: ꙗ҆́кѡ въ послѣ̑днѧѧ времена̀ и҆ ро́ды такова̀ на́мъ произведѐ свѣти́льника вели́каго, свѧти́телѧ приснобл҃же́ннаго а҆рсе́нїа. Тѣ́мже вопїе́мъ є҆мꙋ̀: ра́дꙋйсѧ, ᲂу҆пасы́й це́рковь хрⷭ҇то́вꙋ и҆ лю́ди твоѧ̑, сегѡ̀ ра́ди ны́нѣ на нб҃сѣ́хъ въ весе́лїи водворѧ́ешисѧ: ра́дꙋйсѧ, и҆ ты̀ бг҃охрани́мый гра́де тфе́рь, ꙗ҆́кѡ такова̀ и҆мѣ́ѧ въ себѣ̀ пожи́вша свѧти́телѧ: весели́тесѧ и҆ вы̀, лю́дїе сегѡ̀ гра́да, ꙗ҆́кѡ такова̀ ст҃и́телѧ и҆ ᲂу҆чи́телѧ сподо́бистесѧ прїѧ́ти: ра́дꙋйсѧ и҆ весели́сѧ, бж҃їѧ мт҃ре це́рковь, ꙗ҆́кѡ люби́мый тобо́ю въ тебѣ̀ почи́лъ є҆́сть, бг҃омꙋ́дрый а҆рсе́нїй. Но, ѽ бг҃обл҃же́нный ѻ҆́ч҃е! Не преста́й молѧ́сѧ ѡ҆ и҆̀же вѣ́рою чтꙋ́щихъ всечестно́е твоѐ преставле́нїе."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ моли́твꙋ ра̑бъ твои́хъ:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ѻ҆́ч҃е свѧти́телю а҆рсе́нїе, ѡ҆крили́въ ᲂу҆́мъ къ бг҃ꙋ вѣ́рою, мїрска́гѡ смѣше́нїѧ возгнꙋша́лсѧ є҆сѝ неꙋста́внагѡ: и҆ кре́стъ тво́й взе́мъ, всеви́дцꙋ послѣ́довалъ є҆сѝ, и҆ люби́тель мона́хѡвъ бы́лъ є҆сѝ и҆зрѧ́денъ. Сегѡ̀ ра́ди свѧти́тельскагѡ престо́ла прїѧ́ти сподо́билсѧ є҆сѝ, тѣ́мъ не преста́й молѧ́сѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть, преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ѻ҆́ч҃е свѧти́телю а҆рсе́нїе, ты̀ ѿ ᲂу҆тро́бы къ бг҃ꙋ прибли́жилъ є҆сѝ тво́й ᲂу҆́мъ: и҆ весьма̀ прилѣжа́лъ є҆сѝ цр҃ю̀ вседержи́телю, плоды̀ достѡ́йны приносѧ̀ є҆мꙋ̀ ѿ твои́хъ пѡ́двигъ, свѧти́телю, сокрꙋша́емь добродѣ́тельными вѣнцы̀. Тѣ́мъ благи́хъ ѡ҆брѣ́лъ є҆сѝ воспрїѧ́тїе, досточꙋ́дне."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ѻ҆́ч҃е свѧти́телю а҆рсе́нїе, ты̀ мона́хѡмъ наказа́тель, и҆ рѡссі́йстѣй землѝ ѕвѣзда̀ пресвѣ́тлаѧ, ѡ҆сїѧва́ѧ чꙋдесы̀ всю̀ сїю̀ странꙋ̀: тѧ́ бо и҆збра̀ бг҃ъ ѿ ю҆́ности, ѻ҆́ч҃е, па́стырѧ ѻ҆вца́мъ словє́снымъ и҆ ᲂу҆чи́телѧ. Тѣ́мъ моли́сѧ ѡ҆ на́съ съ ли́ки свѧти́телей, и҆ просѝ ста́дꙋ твоемꙋ̀ грѣхѡ́въ ѡ҆ставле́нїѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всечестны́й коне́цъ ᲂу҆спе́нїѧ твоегѡ̀, и҆ є҆́же ѿше́ствїе твоѐ ко гдⷭ҇ꙋ, ᲂу҆вѣ́дѣвше благочести́вїи кнѧ́зи, и҆ свѧщенномона́си, и҆ всѝ лю́дїе, взе́мше чⷭ҇тно́е тѣ́ло твоѐ, принесо́ша тобо́ю въ бг҃озда́ннꙋю це́рковь пречⷭ҇тыѧ бж҃їѧ мт҃ре. Сїѧ̑ ви́дѣвше мона́си твоеѧ̀ ѻ҆би́тели, люби̑маѧ тобо́ю ча̑да, прите́кше, и҆ ᲂу҆зрѣ́вше тебѐ ме́ртва на ѻ҆дрѣ̀, пла́чꙋщесѧ го́рькѡ, и҆ ѻ҆́дръ слеза́ми ѡ҆блива́юще, велегла́снѡ тебѣ̀ вопїѧ́хꙋ: ᲂу҆вы̀ на́мъ, па́стырю на́шъ до́брый. Къ комꙋ̀ ᲂу҆жѐ прибѣ́гнемъ; кто̀ на́съ посѣти́тъ; кто̀ на́шꙋ нищетꙋ̀ ᲂу҆довли́тъ; кто́ бо тако́въ бы́сть, ꙗ҆́коже ты̀ любе́зенъ мона́хѡмъ; комꙋ̀ на́съ ѡ҆ставлѧ́еши, люби́мый на́шъ ѻ҆́ч҃е а҆рсе́нїе; а҆́ще и҆ тѣ́ломъ ѿше́лъ є҆сѝ ѿ на́съ, по дꙋ́хомъ пребыва́й съ на́ми, посѣща́ѧ на́съ, и҆ моли́сѧ за ны̀ ко гдⷭ҇ꙋ, и҆ пречⷭ҇тѣй є҆гѡ̀ мт҃ри, вѣ́рою и҆ любо́вїю па́мѧть твою̀ почита́ющыѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Благоче́стнѡ пожи́въ во свѧти́тельствѣ, лю́ди просвѣти́лъ є҆сѝ ᲂу҆че́нїемъ твои́мъ: и҆ ѡ҆ хра́мѣ пречⷭ҇тыѧ вельмѝ подвиза́всѧ, и҆ люби́тель мона́хѡвъ бы́въ, сегѡ̀ ра́ди ѿ хрⷭ҇та̀ па́ствы твоеѧ̀ вѣне́цъ прїѧ́лъ є҆сѝ. Тѣ́мже ꙗ҆́кѡ а҆пⷭ҇льскагѡ престо́ла намѣ́стника, и҆ свѧти́телѧ вели́каго чтꙋ́ще тѧ̀, мо́лимъ, ча̑да твоѧ̑, блаже́нне: ѿ всѣ́хъ бѣ́дъ и҆зба́ви на́съ, ꙗ҆̀же ко хрⷭ҇тꙋ̀ моли́твами твои́ми, ст҃и́телю хрⷭ҇то́въ а҆рсе́нїе, ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ. Бг҃оро́диченъ:"
|
|
},
|
|
{
|
|
"type": "TEXT",
|
|
"value": "И҆́же на́съ ра́ди рожде́йсѧ ѿ дв҃ы:"
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь ст҃а́гѡ два́жды: Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Ле́сть мі́ра и҆ бога́тства свѣ́тлость, и҆ высо́кꙋю любо́вь роди́телей преѡби́дѣвъ, смире́нїемъ же къ нищетѣ̀ ᲂу҆ча́щемꙋ влⷣцѣ хрⷭ҇тꙋ̀ послѣ́довалъ є҆сѝ, ѿ негѡ́же поще́нїемъ и҆ моли́твами и҆́стинное бога́тство и҆ сꙋ́щꙋю свѣ́тлость, и҆ ца́рство недви́жимо, свѧти́телю а҆рсе́нїе, наслѣ́довалъ є҆сѝ: къ немꙋ́же ны́нѣ моли́сѧ, грѣхѡ́въ ѡ҆ставле́нїе пода́ти чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Да сво́й па́ки сози́ждеши ѻ҆́бразъ, сп҃се, и҆стлѣ́вшїй страстьмѝ, нбⷭ҇ныхъ ᲂу҆таи́всѧ сꙋще́ствъ, воплоти́лсѧ є҆сѝ ѿ дв҃ы, є҆́йже со стра́хомъ вопїе́мъ: ра́дꙋйсѧ, ѡ҆бра́дованнаѧ, гдⷭ҇ь съ тобо́ю."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Добродѣ́телей дѣ́ланїемъ цр҃кви возсїѧ́лъ є҆сѝ вели́кое сл҃нце, и҆ ᲂу҆че́нїемъ слове́съ твои́хъ просвѣтѝ лю́ди твоѧ̑. Тѣ́мже и҆ по ᲂу҆спе́нїи несконча́емꙋ благода́ть прїѧ́лъ є҆сѝ, свѧти́телю а҆рсе́нїе, молѝ хрⷭ҇та̀ бг҃а, дарова́ти на́мъ ве́лїю ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ невоздѣ́ланнаѧ, дв҃о, лоза̀, краснѣ́йшїй гро́здъ прозѧбла̀ є҆сѝ, и҆сточа́ющъ на́мъ вїно̀ спасе́нїѧ, всѣ́хъ веселѧ́щее дꙋ́шы же и҆ тѣлеса̀. Тѣ́мже ꙗ҆́кѡ винꙋ́ тѧ до́брыхъ блажа́ще при́снѡ, со а҆́гг҃ломъ вопїе́мъ тѝ: ра́дꙋйсѧ, благода́тнаѧ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Ми́лостивомꙋ хрⷭ҇то́вꙋ ᲂу҆го́дникꙋ, неѕло́бивомꙋ и҆ кро́ткомꙋ, всѝ тебѣ̀ прилѣ́жнѡ мо́лимсѧ, и҆ любо́вїю зове́мъ: ра́дꙋйсѧ, свѧти́телю а҆рсе́нїе, ᲂу҆краси́вый хра́мъ бж҃їѧ мт҃ре, и҆ ᲂу҆го́дникѡвъ є҆ѧ̀, а҆нтѡ́нїа и҆ ѳеодо́сїа. Съ ни́миже молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Є҆гда̀ прїи́детъ сꙋди́ти все́й землѝ всѣ́хъ влⷣка и҆ творе́цъ, ѻ҆вца́мъ мѧ̀ причтѝ десны̑мъ ѡ҆сꙋжде́ннаго, и҆ кромѣ́шнїѧ тмы̀, и҆ всѧ́кагѡ мꙋче́нїѧ, твоего̀ непотре́бнаго раба̀ и҆схитѝ, молю́сѧ: да благода́рнѡ велича́ю бога́тство твоеѧ̀ бла́гости, бцⷣе всенепоро́чнаѧ, и҆ вопїю́ ти ра́дꙋѧсѧ: моли́сѧ хрⷭ҇тꙋ̀ бг҃ꙋ, прегрѣше́нїй ѡ҆ставле́нїе да́ти мнѣ̀, тебе́ бо и҆́мамъ наде́ждꙋ, ра́бъ тво́й."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са:"
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Свѧще́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Сті́хъ: Помѧнѝ, гдⷭ҇и, дв҃да, и҆ всю̀ кро́тость є҆гѡ̀."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе да хва́литъ гдⷭ҇а:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло л҃ѕ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дх҃а ст҃а́гѡ благода́ть въ твои́хъ ᲂу҆стна́хъ и҆злїѧ́сѧ, ѻ҆́ч҃е, и҆ бы́лъ є҆сѝ па́стырь хрⷭ҇то́вы цр҃кве, ᲂу҆чѧ̀ словє́сныѧ ѻ҆́вцы, вѣ́ровати въ трⷪ҇цꙋ є҆диносꙋ́щнꙋю, во є҆ди́но бж҃ество̀."
|
|
},
|
|
{
|
|
"type": "HEADER",
|
|
"value": "Канѡ́нъ ст҃и́телѧ а҆рсе́нїа, гла́съ в҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Ст҃а́гѡ хрⷭ҇то́ва свѧти́телѧ а҆рсе́нїа похвали́ти, ра́зꙋмъ, бж҃е мо́й, да́рꙋй мѝ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Свѣ́те ѿ свѣ́та хрⷭ҇тѐ бж҃е, ѿ ѻ҆ц҃а̀ пре́жде вѣ̑къ рожде́йсѧ, и҆ и҆сконѝ сы́й со ѻ҆ц҃е́мъ и҆ дх҃омъ, мра́къ дꙋшѝ моеѧ̀ ѿгна́въ, ѡ҆зарѝ ᲂу҆́мъ мо́й, молю́сѧ, ꙗ҆́кѡ да возмогꙋ̀ пѣ́ти твоего̀ ᲂу҆го́дника а҆рсе́нїа свѧще́ннаго."
|
|
},
|
|
{
|
|
"type": "TEXT",
|
|
"value": "А҆́ще и҆ человѣ́къ є҆сѝ є҆стество́мъ, ѻ҆́ч҃е, но а҆́гг҃льски на землѝ пожи́лъ є҆сѝ, десна́гѡ пꙋтѝ ѿ ю҆́ности є҆́мьсѧ, цѣломꙋ́дрїѧ рачи́тель бы́въ, дх҃а ст҃а́гѡ честно́е ѻ҆би́телище, а҆рсе́нїе всесвѧще́нне, ꙗ҆ви́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Мꙋ́дрости глави́знꙋ, стра́хъ бж҃їй возлюби́въ, и҆ за́повѣдемъ є҆гѡ̀ при́снѡ поꙋча́ѧсѧ, дре́во насади́сѧ при и҆схо́дищахъ во́дъ дх҃о́вныхъ: ѿ ни́хже, ѻ҆́ч҃е, напоѧ́емь, пло́дъ хрⷭ҇тꙋ̀, а҆рсе́нїе, прине́слсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆слы́ша є҆́ѵа прама́ти, чⷭ҇таѧ: въ печа́лѣхъ роди́ши ча̑да. Ты́ же, дв҃о, ᲂу҆слы́шала є҆сѝ: гдⷭ҇ь съ тобо́ю, ра́дꙋйсѧ, и҆ ра́дованнымъ гла́сомъ, бг҃оневѣ́сто, печа́ль прама́тере потре́бльши."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑, возвесели́босѧ дꙋ́хъ мо́й, внегда̀ пѣ́ти: нѣ́сть свѧ́тъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Презрѣ́въ ни̑жнѧѧ, ꙗ҆́кѡ попира́єма, и҆ любо́вь роди́телей преѡби́дѣвъ, хрⷭ҇та̀ взыска́лъ є҆сѝ: є҆гѡ́же любо́вїю дꙋ́шꙋ твою̀ ᲂу҆ѧзви́лъ є҆сѝ, того̀ любѧ̀, и҆ тогѡ̀ и҆щѧ̀ красоты̀."
|
|
},
|
|
{
|
|
"type": "TEXT",
|
|
"value": "Свѣти́льникъ сы́й, твою̀ дꙋ́шꙋ ᲂу҆краша́ѧ слеза́ми, ра́нѡ ко хрⷭ҇тꙋ̀ ᲂу҆́тренюѧ, рꙋкꙋ́ же просте́ртїемъ въ моли́твахъ, а҆мали́ка тѣ́ло ᲂу҆мертви́лъ є҆сѝ, и҆ на го́рꙋ безстра́стїѧ возше́лъ є҆сѝ."
|
|
},
|
|
{
|
|
"type": "TEXT",
|
|
"value": "Благоро́дїемъ высо́къ, и҆ благодꙋ́шїемъ и҆зѧ́щенъ, ра́зꙋма мꙋ́дростїю ᲂу҆дивле́нъ бы́лъ є҆сѝ, цвѣ́тъ ꙗ҆́кѡ прекра́сный чистото́ю сїѧ́ѧ, и҆ свѣ́тлымъ смире́нїемъ, а҆рсе́нїе ѻ҆́ч҃е, ᲂу҆краси́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ма́ти бж҃їѧ пречⷭ҇таѧ, благослове́ннаѧ и҆ пренепоро́чнаѧ, дꙋшѝ моеѧ̀ стрꙋ́пы и҆сцѣлѝ, и҆ стра̑сти плотскі̑ѧ ᲂу҆мертвѝ, ᲂу҆мирѝ ᲂу҆́мъ мо́й, ѿ всѧ́кагѡ вре́да, и҆ вра́жїѧ напа́сти и҆зми́ мѧ, влⷣчце."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Вели́кїй хрⷭ҇то́въ свѧти́тель да воспое́тсѧ, сто́лпъ свѣ́тлый, просвѣща́ѧй на́съ чꙋде́съ свѣтлостьмѝ, бг҃оно́сный ѻ҆́ч҃е на́шъ а҆рсе́нїе, па́стырю и҆ ᲂу҆чи́телю землѝ на́шеѧ, хрⷭ҇та̀ молѝ ѡ҆ ста́дѣ твое́мъ, и҆ ѡ҆ всѣ́хъ вѣ́рою и҆ любо́вїю чтꙋ́щихъ ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пое́мъ тѧ̀, бг҃оневѣ́сто, мт҃и хрⷭ҇та̀ бг҃а, сла́вѧще рождество̀ твоѐ непостижи́мое, и҆́мже и҆зба́вихомсѧ ѿ ле́сти дїа́воли, и҆ всѧ́кїѧ бѣды̀, бцⷣе влⷣчце, и҆ вѣ́рнѡ вопїе́мъ: поми́лꙋй ста́до твоѐ, є҆ди́на всепѣ́таѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пою́ тѧ, слꙋ́хомъ бо, гдⷭ҇и, ᲂу҆слы́шахъ, и҆ ᲂу҆жасо́хсѧ, до менє́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю, многоми́лостиве."
|
|
},
|
|
{
|
|
"type": "TEXT",
|
|
"value": "Вельмѝ ᲂу҆краси́лъ є҆сѝ престо́лъ тво́й, свѧти́телю а҆рсе́нїе, вели́кими бо чꙋдесы̀ преспѣ́лъ є҆сѝ, и҆ житїе́мъ свѣ́тлымъ: сегѡ̀ ра́ди превели́кїй бг҃ъ на́шъ вельми́ тѧ просла́ви."
|
|
},
|
|
{
|
|
"type": "TEXT",
|
|
"value": "Ми́лости пода́телѧ гдⷭ҇а вѣ́дый, блаже́нне, те́плѣ є҆го̀ ᲂу҆моли́лъ є҆сѝ, на и҆сцѣле́нїе и҆ спасе́нїе мнѡ́гимъ, съ вѣ́рою къ тебѣ̀ притека́ющымъ, и҆ въ по́мощь тѧ̀ призыва́ющымъ."
|
|
},
|
|
{
|
|
"type": "TEXT",
|
|
"value": "Врача̀ и҆зрѧ́дна разли́чнѡ недꙋ́гꙋющымъ, и҆ наставле́нїе всѣ̑мъ прельщє́нымъ ѕлы́мъ совѣ́томъ, хрⷭ҇то́съ тѧ̀ дарова̀ чꙋдотво́рца землѝ на́шей, свѧти́телѧ а҆рсе́нїа: тѣ́мже тѧ̀ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сцѣли́ла є҆сѝ сокрꙋше́нїе, всенепоро́чнаѧ, дре́внѧгѡ ѻ҆каѧ́нства землены́хъ, поро́ждшаѧ гдⷭ҇а и҆ цр҃ѧ̀ хрⷭ҇та̀, поне́сшаго недꙋ́ги на́шѧ, за благосе́рдїе неизглаго́ланное, дв҃о мт҃и."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣще́нїе во тмѣ̀ лежа́щихъ, спасе́нїе ѿча́ѧнныхъ, хрⷭ҇тѐ, сп҃се мо́й, къ тебѣ̀ ᲂу҆́тренюю, цр҃ю̀ ми́ра, просвѣти́ мѧ сїѧ́нїемъ твои́мъ: и҆но́гѡ бо, ра́звѣ тебє̀, бо́га не зна́ю."
|
|
},
|
|
{
|
|
"type": "TEXT",
|
|
"value": "Сла́вный па́стырь, неистощи́мый и҆сто́чникъ и҆сцѣле́нїѧ, церко́вный сто́лпъ, вѣ́рныхъ ᲂу҆твержде́нїе, вели́кїй свѣти́льникъ многосвѣ́тлый, свѧти́телю а҆рсе́нїе."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣтоза́рно житїѐ, ꙗ҆́кѡ ѕѣлѡ̀ чꙋ́дно, ꙗ҆́кѡ краснѝ трꙋ́дове твоѝ, ꙗ҆́кѡ вели́ка благода́ть свы́ше дана̀ тѝ, мꙋ́дре: сегѡ̀ ра́ди вѣ́рою почита́емъ тѧ̀, свѧти́телю а҆рсе́нїе."
|
|
},
|
|
{
|
|
"type": "TEXT",
|
|
"value": "Пресвѣ́тлаѧ твоѧ̀ па́мѧть простира́етсѧ въ мі́рѣ, и҆ просвѣща́етъ человѣ́чєскїѧ дꙋ́шы свѣ́томъ благода́ти: ю҆́же соверша́ющихъ любо́вїю, ѿ бѣ́дъ на́съ и҆зба́ви, мо́лимсѧ, свѧти́телю а҆рсе́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сѐ ѻ҆́дръ соломѡ́новъ, є҆го́же ѡ҆бстоѧ́тъ си́льнїи, бг҃одꙋхнове́нныхъ списа́нїй ны́нѣ прорица̑нїѧ: на не́мже хрⷭ҇то́съ бг҃ъ воплоще́нїемъ почи́лъ є҆́сть, благослове́ннаѧ и҆ ѡ҆бра́дованнаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Свѣти́льника тѧ̀ сꙋ́щїи во тмѣ̀ пре́лести, неле́стнѡ наставлѧ́юща, ѡ҆брѣ́тше, къ пꙋтє́мъ живота̀, бг҃облаже́нне а҆рсе́нїе. И҆ ны́нѣ по сме́рти вра́чь ꙗ҆ви́лсѧ є҆сѝ болѧ́щымъ, дх҃а бжⷭ҇твенною благода́тїю."
|
|
},
|
|
{
|
|
"type": "TEXT",
|
|
"value": "Зако́нѡмъ повинꙋ́ѧсѧ влⷣчнимъ, заблꙋ́ждшыѧ взыска́лъ є҆сѝ, и҆ во ѡ҆гра́дꙋ покаѧ́нїѧ приве́лъ є҆сѝ, ꙗ҆́кѡ па́стырь и҆́стиненъ показа́всѧ ста́дꙋ твоемꙋ̀, ѻ҆́ч҃е свѧти́телю а҆рсе́нїе."
|
|
},
|
|
{
|
|
"type": "TEXT",
|
|
"value": "Свѧще́нїѧ хра́мъ, ѻ҆́ч҃е, бжⷭ҇твеннагѡ дх҃а вѣ́рою бы́въ, созда́лъ є҆сѝ хра́мъ пречⷭ҇тыѧ мт҃ре бж҃їѧ, и҆ є҆ѧ̀ ᲂу҆го́дникѡвъ, а҆нтѡ́нїа и҆ ѳеодо́сїа: и҆ ѻ҆би́тель пречꙋ́днꙋ сотвори́лъ и҆ ᲂу҆краси́лъ є҆сѝ, въ не́йже тѣ́ло твоѐ положено̀ бы́сть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зако́ни ѡ҆ тебѣ̀ пресла́внѡ, дв҃о, ѡ҆бновлѧ́ютсѧ: ражда́еши бо безъ сѣ́мене бг҃а сп҃са, и҆ пребыва́еши дѣ́вствꙋющи па́ки, стра́нно чꙋ́до. Тѣ́мъ тѧ̀ мт҃рь є҆мманꙋ́илевꙋ благоче́стнѡ и҆сповѣ́дꙋемъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Воспрїе́мши ра́достнѡ честны̑ѧ твоѧ̑ мо́щи, пречⷭ҇таѧ це́рковь, въ ню́же че́стнѡ вноси̑мы мно́жествомъ сщ҃енномона́хѡвъ, и҆ кнѧ́зи благовѣ́рными, и҆ ꙗ҆̀же прїе́мши, ꙗ҆́кѡ сокро́вище многоцѣ́нное. Тѣ́мже и҆ мы̀ ны́нѣ твоеѧ̀ ѻ҆гра́ды словє́сныѧ ѻ҆́вцы, ѻ҆́крестъ ра́ки твоеѧ̀ предстоѧ́ще, любе́знѡ вопїе́мъ тѝ: не забꙋ́ди ча̑дъ твои́хъ, ѻ҆́ч҃е, и҆̀хже мꙋ́дрѣ собра́лъ и҆ возлюби́лъ є҆сѝ, ꙗ҆́кѡ да зове́мъ тѝ: ра́дꙋйсѧ, ст҃и́телю а҆рсе́нїе, па́стырю и҆ ᲂу҆чи́телю на́шъ."
|
|
},
|
|
{
|
|
"type": "TEXT",
|
|
"value": "І҆́косъ: Ѿ скве́рныхъ ᲂу҆сте́нъ, ѿ нечи́ста се́рдца, ка́кѡ тѝ принесꙋ̀ хвалє́нїѧ, ѻ҆каѧ́нный; ᲂу҆жаса́юсѧ и҆ трепе́щꙋ: по надѣ́ѧсѧ на тво́й благосе́рдный нра́въ, ѻ҆́ч҃е, хвалꙋ́ ти прино́симъ, глаго́люще: ра́дꙋйсѧ, па́стырю на́шъ до́брый свѧти́телю а҆рсе́нїе, ᲂу҆пасы́й ста́до хрⷭ҇то́во: ра́дꙋйсѧ, ди́вный чꙋдотво́рче, предтека́ющымъ къ тебѣ̀ съ вѣ́рою, неѡскꙋ́дно и҆сцѣле́нїе подава́ѧ: ра́дꙋйсѧ, це́рквамъ воздви́женїе, и҆ и҆́нокѡвъ люби́телю, си̑рымъ и҆ ни́щымъ пода́телю: ра́дꙋйсѧ, и҆ ты̀ бг҃охрани́мый гра́де тфе́рь, ꙗ҆́кѡ такова̀ и҆мѣ̀ въ себѣ̀ пожи́вша свѧти́телѧ: ра́дꙋйсѧ и҆ весели́сѧ, бж҃їѧ мт҃ере це́рковь, ꙗ҆́кѡ люби́мый тобо́ю въ тебѣ̀ почи́лъ є҆́сть бг҃омꙋ́дрый а҆рсе́нїй. Но, ѽ бг҃облаже́нне ѻ҆́ч҃е! А҆́ще и҆ тѣ́ломъ преше́лъ є҆сѝ ѿ на́съ, но дꙋ́хомъ пребыва́ѧ съ на́ми: и҆ моли́сѧ за ны̀ хрⷭ҇тꙋ̀, и҆ пречⷭ҇тѣй є҆гѡ̀ мт҃ери, съ є҆ѧ̀ ᲂу҆го́дники, а҆нтѡ́нїемъ и҆ ѳеодо́сїемъ, и҆ спаса́й пою́щихъ тѧ̀, да зове́мъ тѝ: ра́дꙋйсѧ, свѧти́телю а҆рсе́нїе, па́стырю и҆ ᲂу҆чи́телю на́шъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ, высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й благослове́нъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Вы́шнїй цр҃ю̀ и҆ вседержи́телю, моли́твами твоегѡ̀ ᲂу҆го́дника жи́знь ᲂу҆мирѝ всѣ̑мъ, сло́ве, хрⷭ҇тїа́нѡмъ, посо́бствꙋѧ на ва́рвары благовѣ̑рнымъ, да тебѣ̀, хрⷭ҇тѐ, зове́мъ: благослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Прⷭ҇то́лꙋ предстоѧ̀ бж҃їю, свѧти́телю хрⷭ҇то́въ а҆рсе́нїе, моли́ти прилѣ́жнѡ не преста́й ѡ҆ на́съ твои́хъ рабѣ́хъ, да ѻ҆гнѧ̀ вѣ́чнагѡ и҆зба́вимсѧ и҆ всѧ́кагѡ ѡ҆ѕлобле́нїѧ, ѿ вра̑гъ находѧ́щагѡ, твои́ми моли́твами."
|
|
},
|
|
{
|
|
"type": "TEXT",
|
|
"value": "И҆сцѣлє́нїѧ подава́еши, всю́дꙋ вѣ́рою къ тебѣ̀ притека́ющымъ, свѧти́телю а҆рсе́нїе. Тѣ́мже мо́лимъ тѧ̀, твоѝ рабѝ: печа́ль на́шꙋ въ ра́дость преложѝ, и҆ ѿ всѧ́кїѧ и҆зба́ви ско́рби твои́ми моли́твами."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Стра̑сти моегѡ̀ се́рдца и҆сцѣлѝ ми́лостїю твое́ю, всепѣ́таѧ, ᲂу҆́мъ мо́й ᲂу҆мирѝ, и҆ дꙋ́шꙋ мою̀ просвѣтѝ, и҆ ходи́ти мѧ̀ напра́ви на стезю̀ спаси́тельнꙋю, ꙗ҆́кѡ да пою́ тѧ, препѣ́таѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте, дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆стро́ивъ твою̀ жи́знь бг҃олѣ́пнѡ, свѧти́телю а҆рсе́нїе, строи́тель и҆зрѧ́денъ показа́лсѧ є҆сѝ твое́й ѻ҆би́тели, и҆ свѣ́тло прїѧ́телище бж҃їе."
|
|
},
|
|
{
|
|
"type": "TEXT",
|
|
"value": "Чꙋде́съ глꙋбина̀ и҆ и҆сцѣле́нїй рѣка̀, и҆сто́чникъ непреста́ненъ, стрꙋѧ̀ ника́коже ѡ҆скꙋдѣва́ема, твоѧ̀ ра́ка показа́сѧ, ѻ҆́ч҃е."
|
|
},
|
|
{
|
|
"type": "TEXT",
|
|
"value": "И҆́же къ бг҃ꙋ моли́твами твои́ми те́плыми, ѡ҆чи́сти на́съ ѿ всѧ́кїѧ скве́рны, и҆ скорбе́й, и҆ болѣ́зней, и҆ всѧ́кїѧ нꙋ́жды, ст҃и́телю а҆рсе́нїе, и҆зба́ви."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Прест҃а́ѧ дв҃о, ты́ мѧ спасѝ, и҆ не́мощи мое́й бꙋ́ди по́мощь: скорбе́й мно́гихъ и҆ лю́тыхъ мѧ̀ и҆зба́ви, да тѧ̀ сла́влю є҆ди́нꙋ бцⷣꙋ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щсѧ ѿ дв҃ы, на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ: тѣ́мъ всепѣ́тꙋю бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Чꙋдеса́ бо твоѧ̑ мнѡ́га и҆ и҆сцѣлє́нїѧ безчи́слєнна, незави́стнѡ подава́еши съ те́плою вѣ́рою приходѧ́щымъ, а҆рсе́нїе ст҃и́телю, похвала̀ землѝ на́шей."
|
|
},
|
|
{
|
|
"type": "TEXT",
|
|
"value": "Поста́ви тебѐ хрⷭ҇то́съ, мт҃ре своеѧ̀ це́ркве, столпа̀ крѣ́пка и҆ неподви́жима, соблюда́юща и҆ назира́юща гра́дъ тво́й неподви́жимь, и҆ ст҃ꙋ́ю ѻ҆би́тель свою̀."
|
|
},
|
|
{
|
|
"type": "TEXT",
|
|
"value": "Свѧти́тели ᲂу҆́бѡ и҆ кнѧ́зи благочести́вїи, свѧще́нницы и҆ и҆́ноцы, и҆ всѝ лю́дїе, мꙋ́жи и҆ жєны̀, и҆ ста́рцы со младє́нцы, и҆ всѧ́къ во́зрастъ, и҆ всѧ́ко состоѧ́нїе, ст҃и́телю на́шемꙋ а҆рсе́нїю свѣ́тлѡ пра́зднꙋемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Молѝ твоего̀ сн҃а, гпⷭ҇жѐ пречⷭ҇таѧ бцⷣе, и҆зба́вити мѧ̀ въ де́нь лю́тъ стра́шнагѡ ѡ҆сꙋжде́нїѧ, да ра́дꙋѧсѧ пѣ́сньми велича́ю тѧ̀."
|
|
},
|
|
{
|
|
"type": "TEXT",
|
|
"value": "Свѣти́ленъ: Восхва́лимъ дне́сь пѣ́сньми вели́каго па́стырѧ и҆ ᲂу҆чи́телѧ, а҆рсе́нїѧ бг҃омꙋ́драго: се́й бо и҆змла́да возлюбѝ хрⷭ҇та̀, и҆ пречⷭ҇тꙋю є҆гѡ̀ мт҃рь. Съ не́юже ны́нѣ мо́литъ хрⷭ҇та̀ бг҃а, поми́ловати дꙋ́шы на́шѧ. Два́жды."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́же ѿ бг҃а мі́рꙋ пѡ́даннымъ благи̑мъ, ты̀ вина̀ была̀ є҆сѝ, бцⷣе: но и҆ ны́нѣ ми́лостива сотворѝ ѡ҆ ѻ҆́бщемъ спасе́нїи благопремѣ́ннаго бг҃а."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Кі́ими похва́льными:"
|
|
},
|
|
{
|
|
"type": "TEXT",
|
|
"value": "Кі́ими похва́льными вѣнцы̀ ᲂу҆вѧзе́мъ свѧти́телѧ, благоче́стїѧ ᲂу҆правле́нїе, цѣломꙋ́дрїѧ рачи́телѧ, свѣ́тлое цр҃кве ᲂу҆краше́нїе, и҆сто́чника бжⷭ҇твенныхъ и҆сцѣле́нїй, проли́тїе дарова́нїй дꙋхо́вныхъ, рѣкꙋ̀ мно́гихъ чꙋде́съ, зе́млю на́шꙋ веселѧ́щꙋ, ди́внаго чꙋдотво́рца а҆рсе́нїа, предста́телѧ на́шего и҆ храни́телѧ. Два́жды."
|
|
},
|
|
{
|
|
"type": "TEXT",
|
|
"value": "Кі́ими дꙋхо́вными пѣ́сньми похва́лимъ а҆рсе́нїа свѧще́ннаго, ди́внаго въ чꙋдесѣ́хъ, и҆ безплѡ́тнымъ сожи́телѧ, ѡ҆сщ҃е́ннаго ѿ пеле́нъ, столпа̀ цр҃кви неподви́жима, весе́лїе землѝ на́шей, и҆́нокѡмъ люби́телѧ, ꙗ҆́кѡ вои́стиннꙋ ѻ҆ц҃а̀ чадолюби́ва, и҆ больны̑мъ врача̀ безме́здна;"
|
|
},
|
|
{
|
|
"type": "TEXT",
|
|
"value": "Кі́ими пѣ́сненными добро́тами ᲂу҆блажи́мъ а҆рсе́нїа досточꙋ́днаго, печа̑льнымъ ᲂу҆тѣше́нїе, ѿча̑ѧннымъ застꙋ́пника, и҆́нокѡмъ ᲂу҆твержде́нїе, похвалꙋ̀ землѝ на́шей, ст҃и́телємъ ᲂу҆краше́нїе, рѣкꙋ̀ ми́лости вои́стиннꙋ, бжⷭ҇твеннагѡ хрⷭ҇то́ва смире́нїѧ ревни́телѧ, подаю́щаго мі́рови ве́лїю ми́лость;"
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. Самогла́сенъ."
|
|
},
|
|
{
|
|
"type": "TEXT",
|
|
"value": "Прїиди́те, стеце́мсѧ всѝ къ бжⷭ҇твенной па́мѧти ѻ҆ц҃а̀ на́шегѡ, и҆зрѧ́днагѡ чꙋдотво́рца а҆рсе́нїа: се́й бо ѿ ю҆́ности жела́нїе бжⷭ҇твенное въ се́рдцы свое́мъ прїи́мъ, и҆ возлюби́въ хрⷭ҇та̀ и҆ пречⷭ҇тꙋю є҆гѡ̀ мт҃рь, є҆́йже и҆ ѻ҆би́тель сотворѝ и҆ вельмѝ ᲂу҆красѝ, и҆ мно́жество мона́хѡвъ собра̀. Тѣ́мъ бы́въ хрⷭ҇толюби̑вымъ кнѧ́зємъ ᲂу҆чи́тель пра́выѧ вѣ́ры, вельмѡ́жамъ тве́рдое защище́нїе, си̑рымъ ꙗ҆́кѡ ѻ҆те́цъ милосе́рдъ, вдови́цамъ те́плое застꙋпле́нїе, скорбѧ́щымъ ᲂу҆тѣше́нїе, болѧ́щымъ и҆сцѣле́нїе: ра́дꙋйсѧ и҆ весели́сѧ, бж҃їѧ мт҃ере це́рковь, ꙗ҆́кѡ люби́мый тобо́ю въ тебѣ̀ почи́лъ є҆́сть бг҃омꙋ́дрый а҆рсе́нїй. Но, ѽ бг҃облаже́нный ѻ҆́ч҃е! Не преста́й молѧ́сѧ ѡ҆ ста́дѣ твое́мъ, и҆ ѡ҆ всѣ́хъ вѣ́рою чтꙋ́щихъ всечестно́е ᲂу҆спе́нїе твоѐ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ моли́твꙋ ра̑бъ твои́хъ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое. Є҆ктєнїѝ. И҆ ѿпꙋ́стъ. Ча́съ пе́рвый."
|
|
},
|
|
{
|
|
"type": "HEADER",
|
|
"value": "На лїтꙋргі́и: Блажє́нна, ѿ канѡ́на ст҃а́гѡ пѣ́снь г҃, и҆ ѕ҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ, ко є҆вре́ѡмъ, зача́ло та҃і ѿ полꙋ̀."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ в҃: Свѧще́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло а҃і."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ пра́ведникъ:"
|
|
}
|
|
] |