626 lines
52 KiB
JSON
626 lines
52 KiB
JSON
[
|
|
{
|
|
"type": "HEADER",
|
|
"value": "Ма́їа к҃а"
|
|
},
|
|
{
|
|
"type": "HEADER",
|
|
"value": "Ст҃ы́хъ вели́кихъ царе́й и҆ равноапо́столѡвъ, кѡнстанті́на и҆ є҆ле́ны."
|
|
},
|
|
{
|
|
"type": "HEADER",
|
|
"value": "Стїхи̑ры пра́здника г҃: И҆ ст҃ы́хъ є҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Ѻ҆рꙋ́жїе крѣпча́йшее царю̀ на́шемꙋ да́лъ є҆сѝ крⷭ҇тъ тво́й честны́й, и҆́мже ца́рствова на землѝ пра́веднѣ, просїѧ́въ благоче́стїемъ, и҆ црⷭ҇твїю нбⷭ҇номꙋ сподо́бисѧ милосе́рдїемъ твои́мъ: съ ни́мже твоѐ чл҃вѣколю́бное смотре́нїе сла́вимъ, і҆и҃се всеси́льне, сп҃се дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Да́лъ є҆сѝ, чл҃вѣколю́бче, благочести́вомꙋ твоемꙋ̀ ᲂу҆го́дникꙋ соломѡ́новꙋ мꙋ́дрость, дв҃довꙋ кро́тость и҆ а҆пⷭ҇льское правосла́вїе, ꙗ҆́кѡ царе́й цр҃ь, госпо́дьствꙋющихъ всѣ́хъ гдⷭ҇ь. Тѣ́мже твоѐ чл҃вѣколю́бное смотре́нїе сла́вимъ, і҆и҃се всеси́льне, сп҃се дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Пе́рвый повинꙋ́лъ є҆сѝ багрѧни́цꙋ, приснопо́мнимый царю̀, во́лею хрⷭ҇тꙋ̀, того̀ позна́въ бг҃а, и҆ всѣ́ми црⷭ҇твꙋющаго всѣ́хъ бл҃годѣ́телѧ, побѣдотво́рна всѧ́комꙋ нача́лꙋ, и҆ вла́сти превы́шшаго. Ѿсю́дꙋ тебѣ̀, хрⷭ҇толю́бче, ца́рство и҆спра́вилъ є҆́сть і҆и҃съ чл҃вѣколю́бецъ, и҆ сп҃съ дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃."
|
|
},
|
|
{
|
|
"type": "TEXT",
|
|
"value": "Вѷзанті́ево: Бога́тыхъ дарѡ́въ лꙋ̑чшаѧ прїе́мъ ѿ бг҃а, царю̀ держа́внѣйшїй, кѡнстанті́не превели́кїй, до́брѣ въ си́хъ преꙋспѣ́въ: ѡ҆зари́всѧ бо зарѧ́ми прест҃а́гѡ дх҃а ѿ сїльве́стра ст҃и́телѧ кр҃ще́нїемъ, во царѣ́хъ ꙗ҆ви́лсѧ є҆сѝ непобѣди́мь, вселе́ннꙋю ꙗ҆́кѡ да́ръ да́лъ є҆сѝ зижди́телю твоемꙋ̀, и҆ ца́рствꙋющїй гра́дъ благочести́вый. Тѣ́мже молѧ́сѧ не преста́й хрⷭ҇тꙋ̀ бг҃ꙋ, дарова́ти всѣ̑мъ творѧ́щымъ па́мѧть твою̀, ꙗ҆́кѡ дерзнове́нїе и҆мѣ́ѧ, согрѣше́нїй проще́нїе и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника. Вхо́дъ. Прокі́менъ днѐ. И҆ чтє́нїѧ."
|
|
},
|
|
{
|
|
"type": "HEADER",
|
|
"value": "Ца́рствъ тре́тїихъ чте́нїе. (Глава̀ и҃.)"
|
|
},
|
|
{
|
|
"type": "TEXT",
|
|
"value": "Ста̀ соломѡ́нъ предъ лице́мъ же́ртвенника гдⷭ҇нѧ, предъ всѣ́мъ собо́ромъ і҆и҃левымъ, и҆ воздѣ́въ рꙋ́цѣ своѝ на нб҃о, и҆ речѐ: Гдⷭ҇и бж҃е і҆и҃левъ, нѣ́сть бо́гъ, ꙗ҆́коже ты̀ на нб҃сѝ горѣ̀, и҆ на землѝ до́лѣ. А҆́ще бо нб҃о, и҆ нб҃о нб҃сѐ не довлѣ́ютъ тебѣ̀, ка́кѡ до́мъ се́й, є҆го́же созда́хъ и҆́мени твоемꙋ̀; ѻ҆ба́че и҆ при́зриши на моли́твꙋ мою̀, гдⷭ҇и бж҃е і҆и҃левъ, ᲂу҆слы́шати молє́нїѧ и҆ моли́твꙋ, є҆́юже ра́бъ тво́й мо́литсѧ предъ тобо́ю, къ тебѣ̀ дне́сь. Да бꙋ́дꙋтъ ѻ҆́чи твоѝ ѿвє́рсты на до́мъ се́й де́нь и҆ но́щь, на мѣ́сто сїѐ, ѡ҆ не́мже гл҃го́лалъ є҆сѝ: бꙋ́детъ и҆́мѧ моѐ та́мѡ, є҆́же ᲂу҆слы́шати моли́твꙋ, є҆́юже мо́литсѧ ра́бъ тво́й на мѣ́стѣ се́мъ, во дни̑ и҆ нѡ́щи: и҆ послꙋ́шати мольбы̑ раба̀ твоегѡ̀, и҆ люде́й твои́хъ і҆и҃лѧ. И҆ є҆ли̑ка а҆́ще помо́лѧтсѧ къ тебѣ̀ на мѣ́стѣ се́мъ, и҆ ты̀ ᲂу҆слы́шиши на мѣ́стѣ жили́ща твоегѡ̀ на нб҃сѝ: и҆ сотвори́ши, и҆ ми́лостивъ бꙋ́деши и҆̀мъ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе. (Главы̑ ѯ҃а и҆ ѯ҃в.)"
|
|
},
|
|
{
|
|
"type": "TEXT",
|
|
"value": "Да возра́дꙋетсѧ дꙋша̀ моѧ̀ ѡ҆ гдⷭ҇ѣ: ѡ҆блече́ бо мѧ̀ въ ри́зꙋ спасе́нїѧ, и҆ ѻ҆де́ждею весе́лїѧ ѡ҆дѣ́ѧ мѧ̀: ꙗ҆́кѡ женихꙋ̀ возложѝ мнѣ̀ вѣне́цъ: ꙗ҆́кѡ невѣ́стꙋ ᲂу҆краси́ мѧ красото́ю. И҆ ꙗ҆́кѡ землѧ̀ растѧ́щаѧ цвѣ́тъ сво́й, и҆ ꙗ҆́кѡ вертогра́дъ сѣ́мена своѧ̑ прозѧба́етъ: та́кѡ возсїѧ́етъ гдⷭ҇ь пра́вдꙋ, и҆ ра́дость предъ всѣ́ми ꙗ҆зы́ки. Сїѡ́на ра́ди не ᲂу҆мо́лкнꙋ, и҆ і҆ерⷭ҇ли́ма ра́ди не попꙋщꙋ̀, до́ндеже ᲂу҆́бѡ и҆зы́детъ ꙗ҆́кѡ свѣ́тъ пра́вда моѧ̀, спасе́нїе же моѐ ꙗ҆́кѡ свѣща̀ разжже́тсѧ. И҆ ᲂу҆́зрѧтъ ꙗ҆зы́цы пра́вдꙋ твою̀, и҆ всѝ ца́рїе зе́мстїи сла́вꙋ твою̀, и҆ нарекꙋ́тсѧ и҆́менемъ твои́мъ но́вымъ, є҆́же гдⷭ҇ь и҆менꙋ́етъ є҆̀. И҆ бꙋ́деши вѣне́цъ добро́ты въ рꙋцѣ̀ гдⷭ҇ни, и҆ дїади́ма ца́рствїѧ въ рꙋцѣ̀ бг҃а твоегѡ̀. И҆ ктомꙋ̀ не нарече́шисѧ ѡ҆ста́вленъ, и҆ землѧ̀ твоѧ̀ ктомꙋ̀ не нарече́тсѧ пꙋста̀: тебѣ́ бо нарече́тсѧ во́лѧ моѧ̀, и҆ землѧ̀ твоѧ̀ вселе́ннаѧ, ꙗ҆́кѡ благоволи́тъ гдⷭ҇и въ тебѣ̀, и҆ землѧ̀ твоѧ̀ насели́тсѧ. И҆ ꙗ҆́кѡ живы́й ю҆́ноша съ дѣ́вою, та́кѡ поживꙋ́тъ сы́нове твоѝ съ тобо́ю: и҆ бꙋ́детъ и҆́мже ѻ҆́бразомъ возвесели́тсѧ жени́хъ ѡ҆ невѣ́стѣ, та́кѡ возвесели́тсѧ гдⷭ҇ь ѡ҆ тебѣ̀."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе. (Глава̀ ѯ҃.)"
|
|
},
|
|
{
|
|
"type": "TEXT",
|
|
"value": "Свѣти́сѧ, свѣти́сѧ, і҆ерⷭ҇ли́ме: прїи́де бо тво́й свѣ́тъ, и҆ сла́ва гдⷭ҇нѧ на тебѣ̀ возсїѧ̀. Ꙗ҆́кѡ сѐ тма̀ покры́етъ зе́млю, и҆ мра́къ на ꙗ҆зы́ки: на тебѣ́ же ꙗ҆ви́тсѧ гдⷭ҇ь, и҆ сла́ва є҆гѡ̀ на тебѣ̀ ᲂу҆́зритсѧ. И҆ по́йдꙋтъ ца́рїе свѣ́томъ твои́мъ, и҆ ꙗ҆зы́цы свѣ́тлостїю восто́ка твоегѡ̀. Возведѝ ѻ҆́крестъ ѻ҆́чи твоѝ, и҆ ви́ждь сѡ́браннаѧ ча̑да твоѧ̑: прїи́дꙋтъ всѝ сы́нове твоѝ и҆здале́ча, и҆ дщє́ри твоѝ на ра́мѣхъ во́змꙋтсѧ. Тогда̀ ᲂу҆́зриши и҆ возра́дꙋешисѧ, и҆ ᲂу҆бои́шисѧ, и҆ ᲂу҆жа́снешисѧ се́рдцемъ, є҆гда̀ приложи́тъ на тѧ̀ бога́тство мо́рѧ, и҆ ꙗ҆зы̑къ, и҆ люде́й. И҆ прїи́дꙋтъ тѝ стада̀ велблꙋ̑дъ, и҆ покры́ютъ тѧ̀ велблꙋ́ды мадїа́мстїи и҆ гефа́рстїи, всѝ ѿ сава̀ прїи́дꙋтъ, носѧ́ще тебѣ̀ зла́то и҆ лїва́нъ, принесꙋ́тъ тебѣ̀ и҆ ка́мень че́стенъ, и҆ спасе́нїе ѿ гдⷭ҇а благовѣстѧ́тъ. И҆ всѧ̑ ѻ҆́вцы кида̑рскїѧ соберꙋ́тсѧ тебѣ̀, и҆ ѻ҆внѝ навеѡ́ѳстїи прїи́дꙋтъ тебѣ̀, и҆ вознесꙋ́тсѧ прїѧ̑тнаѧ на же́ртвенникъ мо́й, и҆ до́мъ моли́твы моеѧ̀ просла́витсѧ. Кі́и сꙋ́ть, и҆̀же ꙗ҆́кѡ ѻ҆́блацы лета́ютъ, и҆ ꙗ҆́кѡ го́лꙋбїе со птенцы̀ свои́ми; Со мно́ю є҆́сть сїѡ́нъ, менє̀ ѻ҆́строви ѡ҆жида́ша, и҆ кораблѝ ѳарсі́йстїи въ пе́рвыхъ, є҆́же привестѝ ча̑да твоѧ̑ и҆здале́ча, и҆ сребро̀, и҆ зла́то и҆́хъ съ ни́ми, за и҆́мѧ гдⷭ҇не ст҃о́е, и҆ за є҆́же свѧто́мꙋ і҆и҃левꙋ сла́внꙋ бы́ти. И҆ сози́ждꙋтъ сы́нове и҆норо́днїи стѣ́ны твоѧ̑, и҆ ца́рїе и҆́хъ предста́нꙋтъ тебѣ̀: за гнѣ́въ бо мо́й порази́хъ тѧ̀, и҆ за ми́лость мою̀ возлюби́хъ тѧ̀. И҆ ѿве́рзꙋтсѧ врата̀ твоѧ̑, і҆ерⷭ҇ли́ме, вы́нꙋ де́нь и҆ но́щь, и҆ не затворѧ́тсѧ, є҆́же ввестѝ къ тебѣ̀ си́лꙋ ꙗ҆зы́кѡвъ, и҆ царѝ и҆́хъ ведѡ́мыѧ. Ꙗ҆зы́цы бо и҆ ца́рїе, и҆̀же тебѣ̀ не порабо́таютъ, поги́бнꙋтъ: и҆ ꙗ҆зы́цы запꙋстѣ́нїемъ запꙋстѣ́ютъ. И҆ сла́ва лїва́нова къ тебѣ̀ прїи́детъ въ кѷпарі́сѣ и҆ пе́ѵкѣ, и҆ ке́дрѣ, вкꙋ́пѣ, просла́вити мѣ́сто ст҃о́е моѐ, и҆ мѣ́сто но́гъ мои́хъ просла́влю. И҆ по́йдꙋтъ къ тебѣ̀ боѧ́щїисѧ, сы́нове смири́вшихъ тѧ̀, и҆ прогнѣ́вавшихъ тѧ̀, и҆ покло́нѧтсѧ слѣда́мъ но́гъ твои́хъ всѝ прогнѣ́вавшїи тѧ̀, и҆ нарече́шисѧ гра́дъ гдⷭ҇ень сїѡ́нъ ст҃а́гѡ і҆и҃лева. За є҆́же бы́ти тебѣ̀ ѡ҆ста́вленꙋ и҆ возненави́дѣнꙋ, и҆ не бѣ̀ помога́ѧй тебѣ̀: и҆ положꙋ́ тѧ въ ра́дость вѣ́чнꙋю, весе́лїе родѡ́мъ родѡ́въ. И҆ и҆ссе́ши млеко̀ ꙗ҆зы́кѡвъ, и҆ бога́тство царе́й снѣ́си, и҆ разꙋмѣ́еши, ꙗ҆́кѡ а҆́зъ гдⷭ҇ь спаса́ѧй тѧ̀, и҆ и҆збавлѧ́ѧй тѧ̀ бг҃ъ і҆и҃левъ."
|
|
},
|
|
{
|
|
"type": "HEADER",
|
|
"value": "На лїті́и стїхи́ра хра́ма, и҆ ст҃ы́хъ, гла́съ а҃:"
|
|
},
|
|
{
|
|
"type": "TEXT",
|
|
"value": "Достодо́лжнѡ соверша́емъ па́мѧть твою̀, кѡнстанті́не равноапо́стольне, всѣ́хъ царе́й степе́нь и҆ похвало̀: просвѣще́нъ бо бы́въ лꙋча́ми дх҃а, всю̀ ᲂу҆ѧсни́лъ є҆сѝ цр҃ковь хрⷭ҇то́вꙋ: собо́ры вѣ́рныхъ ѿвсю́дꙋ собра́въ, въ свѣ́тлѣмъ гра́дѣ нїке́йстѣмъ, и҆дѣ́же ѕлочести́выхъ ᲂу҆гаси́сѧ шата́нїе, и҆ є҆реті́чєскїѧ и҆знемого́ша ѧ҆зы́ки, и҆ ѡ҆бꙋѧ́ша, правосла́вныхъ же вознесе́сѧ вѣне́цъ, ꙗ҆́вльшейсѧ вѣ́рѣ. Ѿню́дꙋже ѿ ни́хъ просла́висѧ правосла́внѣйшїй, и҆ всѣ̑мъ царє́мъ проповѣ́данъ бы́лъ є҆сѝ ѻ҆те́цъ, ꙗ҆́кѡ пе́рвый багрѧни́цꙋ ѿ бг҃а прїе́мъ. Тѣ́мже мо́лимтисѧ соверша́ющїи па́мѧть твою̀ вѣ́рнѡ: и҆спросѝ ѡ҆чище́нїе прегрѣше́нїй дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Гла́съ в҃."
|
|
},
|
|
{
|
|
"type": "TEXT",
|
|
"value": "Вѷзанті́ево: Не ѿ человѣ̑къ зва́нїе прїи́мъ, но ꙗ҆́кѡ бжⷭ҇твенный па́ѵелъ, и҆мѣ́лъ є҆сѝ сїѐ па́че свы́шше, пресла́вне кѡнстанті́не, ѿ хрⷭ҇та̀ бг҃а. Зна́менїе бо крⷭ҇та̀ на нб҃сѝ ви́дѣвъ, си́мъ ᲂу҆лови́лсѧ є҆сѝ ꙗ҆́кѡ добрѣ́йшїй ло́въ: ѡ҆ се́мъ и҆ побѣди́тель проти́вꙋ ви́димыхъ и҆ неви́димыхъ врагѡ́въ ꙗ҆ви́лсѧ є҆сѝ непобѣди́мь. Тѣ́мже мо́лимъ тѧ̀ ꙗ҆́кѡ те́пла моли́твенника земні́и, досто́йнѡ па́мѧть твою̀ почита́юще, въ дерзнове́нїи и҆спроси́ти на́мъ просвѣще́нїѧ, ѡ҆чище́нїѧ и҆ ве́лїѧ ми́лости."
|
|
},
|
|
{
|
|
"type": "TEXT",
|
|
"value": "Бл҃гочести́вагѡ кѡнстанті́на па́мѧть, ꙗ҆́кѡ мѵ́ро и҆стощева́емо дне́сь возсїѧ̀: хрⷭ҇та́ бо возжелѣ́въ, і҆́дѡлы пренебрежѐ, хра́мъ воздви́гъ на землѝ распе́ншемꙋсѧ на́съ ра́ди, на нб҃сѣ́хъ же воспрїѧ̀ наде́жды вѣне́цъ."
|
|
},
|
|
{
|
|
"type": "HEADER",
|
|
"value": "Гла́съ г҃:"
|
|
},
|
|
{
|
|
"type": "TEXT",
|
|
"value": "Ю҆́ношескїй провожда́ѧ во́зрастъ, ꙗ҆́коже бжⷭ҇твенный па́ѵелъ, съ вы́шнихъ прїѧ́лъ є҆сѝ бжⷭ҇твенное дарова́нїе: и҆ лю́тагѡ борца̀ ра́ть всеѻрꙋ́жествомъ крⷭ҇та̀ низве́рглъ є҆сѝ, царе́й похвало̀, кѡнстанті́не а҆по́столе, ѡ҆ на́съ ко гдⷭ҇ꙋ моли́сѧ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Хвала̀ бг҃ꙋ ѿ бре́нныхъ ᲂу҆сте́нъ воспѣва́ема є҆́сть въ бжⷭ҇твеннѣй па́мѧти твое́й, кѡнстанті́не всехва́льне: ты́ бо ꙗ҆ви́лсѧ є҆сѝ преизѧ́щный во́инъ словесѐ вѣ́ры, порꙋга́въ и҆зва̑ѧнныѧ і҆́дѡлѡвъ зра́ки: и҆ ны́нѣ приче́лсѧ є҆сѝ свѣ́тлости трⷪ҇чнѣй, просвѣща́ѧй помышлє́нїѧ на̑ша мольба́ми твои́ми."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃:"
|
|
},
|
|
{
|
|
"type": "TEXT",
|
|
"value": "Цр҃ковь дне́сь ᲂу҆краси́вшисѧ держа́вою твое́ю, царю̀, та́йнѡ весели́тсѧ, и҆ твою̀ всечестнꙋ́ю па́мѧть по достоѧ́нїю прехва́льнѡ почита́етъ зовꙋ́щи: ра́дꙋйсѧ, и҆́же па́ѵлꙋ поревнова́вый, и҆ крⷭ҇тъ хрⷭ҇то́въ взе́мый и҆ сѣ̑ти сокрꙋши́вый сопротивоборца̀: ра́дꙋйсѧ, царе́й всеизрѧ́дне, и҆ а҆пⷭ҇лѡмъ равноче́стне, ра́дꙋйсѧ, вѣ́рныхъ ᲂу҆твержде́нїе, и҆ во́инѡвъ крѣ́пкое забра́ло, кѡнстанті́не блаже́нне, ѡ҆ на́съ ко гдⷭ҇ꙋ не ѡ҆скꙋдѣ́й молѧ́сѧ, ꙗ҆́кѡ дерзнове́нїе и҆мѣ́ѧй, царе́й ᲂу҆краше́нїе."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника: и҆лѝ, бг҃оро́диченъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Пе́рвый ца́рь во хрⷭ҇тїа́нѣхъ ѿ бг҃а, кѡнстанті́не, ски́птръ воспрїѧ́лъ є҆сѝ: тебѣ́ бо ꙗ҆ви́сѧ въ землѝ кры́емо спаси́тельное зна́менїе, и҆́мже и҆ ꙗ҆зы́ки всѧ̑ покори́лъ є҆сѝ подъ но́ги ри́млѧнъ, ѻ҆рꙋ́жїе неѡбори́мое и҆мѣ́ѧй животворѧ́щїй крⷭ҇тъ, блаже́нне, и҆́мже и҆ приве́лсѧ є҆сѝ бг҃ꙋ на́шемꙋ."
|
|
},
|
|
{
|
|
"type": "TEXT",
|
|
"value": "Сті́хъ: Вознесо́хъ и҆збра́ннаго ѿ люде́й мои́хъ, ѡ҆брѣто́хъ дв҃да раба̀ моего̀."
|
|
},
|
|
{
|
|
"type": "TEXT",
|
|
"value": "Вои́стиннꙋ блаже́нно чре́во, и҆ ѡ҆свѧще́ннаѧ ᲂу҆тро́ба тебѐ носи́вшаѧ, царю̀ мировожделѣ́нне, хрⷭ҇тїа́нѡвъ ра́досте, кѡнстанті́не бг҃овѣнча́нне: ри́млѧнъ сла́во, бога́тство и҆ побо́рниче си́рыхъ и҆ вдови́цъ, покро́въ смире́нныхъ, и҆ недоꙋмѣ́ющихсѧ въ ско́рбехъ и҆справле́нїе, вои́стиннꙋ и҆ плѣ́нныхъ и҆збавле́нїе."
|
|
},
|
|
{
|
|
"type": "TEXT",
|
|
"value": "Сті́хъ: Сегѡ̀ ра́ди пома́за тѧ̀, бж҃е, бг҃ъ тво́й є҆ле́емъ ра́дости."
|
|
},
|
|
{
|
|
"type": "TEXT",
|
|
"value": "Жела́нїемъ и҆ любо́вїю хрⷭ҇то́вою ᲂу҆ѧзви́вшисѧ ма́ти пресла́дкїѧ ѻ҆́трасли, со тща́нїемъ прїи́де въ ст҃ы́й сїѡ́нъ, на мѣ́сто ст҃о́е, на не́мже распѧ́тсѧ во́лею сп҃съ на́шъ, во є҆́же спастѝ на́съ: и҆дѣ́же крⷭ҇тъ взе́мши, ра́дꙋющисѧ взыва́ше: сла́ва дарова́вшемꙋ мнѣ̀, є҆гѡ́же надѣ́ѧхсѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Свѣ́тъ пресвѣ́тлый, ца́рскаѧ ѕвѣзда̀ невече́рнѧѧ, ѿ невѣ́рїѧ въ вѣ́рꙋ бжⷭ҇тва̀ преше́дши, приведе́сѧ ѡ҆ст҃и́ти лю́ди и҆ гра́дъ: и҆ ѻ҆́бразъ крⷭ҇та̀ на нб҃сѝ ви́дѣвъ, ᲂу҆слы́ша ѿтꙋ́дꙋ: си́мъ побѣжда́й врагѝ твоѧ̑. Ѿѻнꙋ́дꙋже прїе́мь разꙋмѣ́нїе дх҃а свѧще́нникъ и҆звѣще́нъ, и҆ ца́рь, є҆ле́емъ ᲂу҆тверди́лъ є҆сѝ цр҃ковь бж҃їю, правосла́вныхъ царе́й, ѻ҆́ч҃е, є҆гѡ́же и҆ ра́ка и҆сцѣле́нїе то́читъ, кѡнстанті́не равноапо́стольне, моли́сѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника. Тропа́рь, гла́съ и҃."
|
|
},
|
|
{
|
|
"type": "TEXT",
|
|
"value": "Крⷭ҇та̀ твоегѡ̀ ѻ҆́бразъ на нб҃сѝ ви́дѣвъ, и҆ ꙗ҆́коже па́ѵелъ зва́нїе не ѿ человѣ̑къ прїе́мъ, въ царѣ́хъ а҆по́столъ тво́й, гдⷭ҇и, ца́рствꙋющїй гра́дъ въ рꙋцѣ̀ твое́й положѝ: є҆го́же спаса́й всегда̀ въ ми́рѣ, моли́твами бг҃оро́дицы, є҆ди́не чл҃вѣколю́бче."
|
|
},
|
|
{
|
|
"type": "HEADER",
|
|
"value": "На ᲂу҆́трени на Бг҃ъ гдⷭ҇ь, тропа́рь пра́здника, два́жды: Сла́ва, ст҃ы́хъ: И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "По а҃-й каѳі́смѣ, сѣда́ленъ, гла́съ г҃:"
|
|
},
|
|
{
|
|
"type": "TEXT",
|
|
"value": "Подо́бенъ: Бжⷭ҇твенныѧ вѣ́ры:"
|
|
},
|
|
{
|
|
"type": "TEXT",
|
|
"value": "Но́вый бы́лъ є҆сѝ дв҃дъ ѻ҆́бразы, ро́гъ свы́ше воспрїе́мъ ца́рствїѧ ве́рхъ тво́й: є҆ле́емъ бо дх҃а пома́за тѧ̀, сла́вне, пресꙋ́щное сло́во и҆ гдⷭ҇ь: ѿѻнꙋ́дꙋже прїѧ́лъ є҆сѝ и҆ ски́птръ, премꙋ́дре, ца́рскїй, просѧ̀ на́мъ ве́лїѧ ми́лости. Два́жды."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ ски́нїѧ была̀ є҆сѝ сло́ва, є҆ди́на пречⷭ҇таѧ мт҃и дв҃о, чистото́ю а҆́гг҃лы превозше́дшаѧ, па́че всѣ́хъ менѐ пе́рсть бы́вша, ѡ҆скверне́на плотски́ми прегрѣше́ньми, ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость."
|
|
},
|
|
{
|
|
"type": "HEADER",
|
|
"value": "По в҃-й каѳі́смѣ, сѣда́ленъ гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: А҆́гг҃льскїѧ:"
|
|
},
|
|
{
|
|
"type": "TEXT",
|
|
"value": "Оу҆ѧзвлѧ́емь на крⷭ҇тѣ̀, творе́цъ со́лнца и҆ тва́ри, тебѐ ꙗ҆́кѡ ѕвѣздꙋ̀ свѣ́тлꙋю съ нб҃сѐ ѕвѣзда́ми привлечѐ: є҆мꙋ́же и҆ держа́вꙋ пе́рвомꙋ ца́рскꙋю возложѝ. Тѣ́мже тѧ̀ восхвалѧ́емъ, кѡнстанті́не, царю̀ благочести́вѣйшїй, съ є҆ле́ною ма́терїю бг҃омꙋ́дрою. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "TEXT",
|
|
"value": "Преднаписꙋ́етъ гедеѡ́нъ зача́тїе, и҆ сказꙋ́етъ дв҃дъ ржⷭ҇тво̀ твоѐ, бцⷣе: сни́де бо ꙗ҆́кѡ до́ждь на рꙋно̀ сло́во во чре́во твоѐ, и҆ прозѧбла̀ є҆сѝ безъ сѣ́мене, землѐ свѧта́ѧ, мі́рови спасе́нїе, хрⷭ҇та̀ бг҃а на́шего, бл҃года́тнаѧ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Благонаро́чита па́мѧть твоѧ̀ ꙗ҆́вльшисѧ на́мъ, ѡ҆зарѧ́етъ концы̀ бг҃оразꙋ́мїѧ свѣ́томъ, кѡнстанті́не бг҃одꙋхнове́нне. Ты́ бо въ царѣ́хъ благочести́внѣ показа́лсѧ є҆сѝ, зако́ны нбⷭ҇нагѡ цр҃ѧ̀ соблю́дъ. Тѣ́мже моли́твами твои́ми и҆зба́ви на́съ ѿ и҆скꙋше́нїй. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ и҆стлѣ́вшее во страсте́хъ земноро́дныхъ ме́ртвенное сꙋщество̀, и҆ воздви́гла є҆сѝ всѧ̑ ѿ сме́рти къ животꙋ̀ нетлѣ́нїѧ: тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Вознесо́хъ и҆збра́ннаго ѿ люде́й мои́хъ."
|
|
},
|
|
{
|
|
"type": "TEXT",
|
|
"value": "Сті́хъ: Сегѡ̀ ра́ди пома́за тѧ̀, бж҃е, бг҃ъ тво́й:"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло л҃ѕ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀, Сла́ва:"
|
|
},
|
|
{
|
|
"type": "TEXT",
|
|
"value": "Моли́твами бг҃овѣнча́нныхъ царе́й, ми́лостиве:"
|
|
},
|
|
{
|
|
"type": "HEADER",
|
|
"value": "И҆ ны́нѣ:"
|
|
},
|
|
{
|
|
"type": "TEXT",
|
|
"value": "Моли́твами бцⷣы:"
|
|
},
|
|
{
|
|
"type": "TEXT",
|
|
"value": "Та́же: Поми́лꙋй мѧ̀, бж҃е:"
|
|
},
|
|
{
|
|
"type": "HEADER",
|
|
"value": "Посе́мъ стїхи́ра гла́съ в҃:"
|
|
},
|
|
{
|
|
"type": "TEXT",
|
|
"value": "Бл҃гочести́вагѡ кѡнстанті́на па́мѧть, ꙗ҆́кѡ мѵ́ро и҆стощева́емо дне́сь возсїѧ̀: хрⷭ҇та́ бо возжелѣ́въ, і҆́дѡлы пренебрежѐ, хра́мъ воздви́гъ на землѝ распе́ншемꙋсѧ на́съ ра́ди, на нб҃сѣ́хъ же воспрїѧ̀ наде́жды вѣне́цъ."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника, на ѕ҃: и҆ ст҃ы́хъ, на и҃. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Є҆ди́не нбⷭ҇ный цр҃ю̀, ца́рствꙋющагѡ грѣха̀ ны́нѣ во мнѣ̀, твои́хъ ᲂу҆го́дникѡвъ мольба́ми, смире́ннꙋю дꙋ́шꙋ мою̀ свободѝ."
|
|
},
|
|
{
|
|
"type": "TEXT",
|
|
"value": "Го́рнѧгѡ бы́въ рачи́тель црⷭ҇твїѧ, блаже́нне кѡнстанті́не, царю̀ всѣ́хъ и҆ влⷣцѣ ᲂу҆мо́мъ чи́стымъ вѣ́ровавъ послꙋжи́лъ є҆сѝ."
|
|
},
|
|
{
|
|
"type": "TEXT",
|
|
"value": "Свѣ́томъ ѡ҆блиста́вшисѧ бг҃онача́льнымъ, тмꙋ̀ неразꙋ́мїѧ ѡ҆ста́вила є҆сѝ вои́стиннꙋ, бг҃омꙋ́драѧ є҆ле́но, прїи́скреннѡ цр҃ю̀ вѣкѡ́въ порабо́тала є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Две́рь бжⷭ҇твеннагѡ восто́ка, ѿве́рзи мѝ двє́ри покаѧ́нїѧ: и҆ ѿ двере́й смертоно́снагѡ грѣха̀ хода́тайствомъ твои́мъ и҆зба́ви мѧ̀, влⷣчце."
|
|
},
|
|
{
|
|
"type": "HEADER",
|
|
"value": "Катава́сїа пра́здника."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нбⷭ҇нагѡ крꙋ́га верхотво́рче, гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Возмє́здїѧ нбⷭ҇наѧ полꙋчи́ти потща́лсѧ є҆сѝ: тѣ́мже зовꙋ́щемꙋ, бг҃омꙋ́дре, послѣ́довалъ є҆сѝ, и҆ тмꙋ̀ ѡ҆ста́вилъ є҆сѝ, ѻ҆́ч҃е, пре́данныѧ тѝ ле́сти, и҆ свѣти́льникъ дх҃омъ бжⷭ҇твеннымъ бы́лъ є҆сѝ."
|
|
},
|
|
{
|
|
"type": "TEXT",
|
|
"value": "Хрⷭ҇тꙋ̀ прилѣпи́вшисѧ, и҆ на него̀, всечестна́ѧ, всю̀ возложи́вши наде́ждꙋ, свѧщє́ннаѧ є҆гѡ̀ мѣста̀ дости́гла є҆сѝ, въ ни́хже пречⷭ҇тыѧ стрⷭ҇ти, воплоти́всѧ, претерпѣ̀ пребл҃гі́й."
|
|
},
|
|
{
|
|
"type": "TEXT",
|
|
"value": "Спаси́тельное ѻ҆рꙋ́жїе, неразори́мое ѡ҆долѣ́нїе, хрⷭ҇тїа́нскꙋю наде́ждꙋ, крⷭ҇тъ честны́й, за́вистїю сокрове́нный, ты̀ ꙗ҆ви́ла є҆сѝ, бжⷭ҇твеннымъ распалѧ́ема жела́нїемъ, бг҃облаже́ннаѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѧще́ннагѡ гражда́нства ѿпа́дъ, пречⷭ҇таѧ, приложи́хсѧ скотѡ́мъ, и҆ ѡ҆сꙋжде́нъ ве́сь бы́хъ: ꙗ҆́же сꙋдїю̀ ро́ждшаѧ, всѧ́кагѡ ѡ҆сꙋжде́нїѧ и҆зба́ви и҆ спаси́ мѧ."
|
|
},
|
|
{
|
|
"type": "HEADER",
|
|
"value": "Конда́къ и҆ і҆́косъ пра́здника. Та́же сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Чꙋ̑вства просте́ръ къ нб҃сѝ, и҆ ѕвѣ́зднꙋю навы́кнꙋвъ добро́тꙋ, ѿ си́хъ тайноꙋчи́мь быва́ѧ всѧ́ческихъ гдⷭ҇а: крⷭ҇тное же ѻ҆рꙋ́жїе посредѣ̀ ѡ҆блиста̀, написꙋ́ѧ ѡ҆ се́мъ побѣжда́ти, и҆ держа́внымъ бы́ти. Тѣ́мже дꙋшѝ твоеѧ̀ ѿве́рзъ ѻ҆чеса̀, письмо̀ проче́лъ є҆сѝ, и҆ ѻ҆́бразꙋ наꙋчи́всѧ, кѡнстанті́не всече́стне: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти пра́зднꙋющымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "TEXT",
|
|
"value": "Премꙋ́дрость и҆ сло́во въ твое́мъ чре́вѣ заче́нши неѡпа́льнѡ, мт҃и бж҃їѧ, мі́рови родила̀ є҆сѝ мі́ръ содержа́щаго, и҆ въ ѡ҆б̾ѧ́тїѧхъ понесла̀ є҆сѝ всѧ̑ носѧ́щаго, пита́телѧ всѣ́хъ, и҆ творца̀ тва́ри. Тѣ́мже молю́ тѧ, всест҃а́ѧ дв҃о, и҆ вѣ́рнѡ сла́влю тѧ̀, и҆зба́витисѧ мѝ ѿ прегрѣше́нїй, и҆ въ де́нь сꙋда̀, є҆гда̀ предста́ти и҆́мамъ предъ лице́мъ созда́телѧ моегѡ̀, влⷣчце дв҃о чⷭ҇таѧ, твою̀ по́мощь тогда̀ пода́ждь мѝ: всѧ̑ бо мо́жеши, є҆ли̑ка хо́щеши, всепѣ́таѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
|
},
|
|
{
|
|
"type": "TEXT",
|
|
"value": "Съ нб҃сѐ ꙗ҆́кѡ па́ѵла тѧ̀ дре́вле ᲂу҆ловлѧ́етъ хрⷭ҇то́съ гдⷭ҇ь, кѡнстанті́не, наꙋча́ѧ тѧ̀, цр҃ѧ̀ є҆ди́наго сего̀ почита́ти."
|
|
},
|
|
{
|
|
"type": "TEXT",
|
|
"value": "Пресвѣ́тлымъ зна́менїемъ, тѧ̀, блаже́нне, ѕвѣзда́ми хрⷭ҇то́съ со́лнце ѡ҆зарѧ́етъ: и҆ свѣти́льника тѧ̀ ѡ҆мрачє́ннымъ показа̀."
|
|
},
|
|
{
|
|
"type": "TEXT",
|
|
"value": "И҆ нра̑вы бг҃олюби́ва, и҆ бжⷭ҇твенными дѣѧ̑нїи досточꙋ́дна, блаже́ннаѧ, была̀ є҆сѝ: сегѡ̀ ра́ди вѣ́рою тѧ̀ сла́вимъ."
|
|
},
|
|
{
|
|
"type": "TEXT",
|
|
"value": "Ꙗ҆влѧ́еши кры́емꙋю лѣ́ты мно́гими ны́нѣ бжⷭ҇твеннꙋю побѣ́дꙋ крⷭ҇та̀: и҆́мже спасо́хомсѧ, и҆ де́мѡнскїѧ пре́лести и҆зба́вихомсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дꙋ́шꙋ мою̀ ѡ҆зарѝ, ѡ҆мраче́ннꙋю согрѣше́ньми, ꙗ҆́же со́лнце пра́вды ро́ждшаѧ, приснодв҃о."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆́тренююще, вопїе́мъ тѝ, гдⷭ҇и, спаси́ ны: ты́ бо є҆сѝ бг҃ъ на́шъ, ра́звѣ бо тебє̀ и҆но́гѡ не вѣ́мы."
|
|
},
|
|
{
|
|
"type": "TEXT",
|
|
"value": "Оу҆́треневавъ къ незаходи́момꙋ сл҃нцꙋ и҆ влⷣцѣ, царю̀ бг҃омꙋ́дре, свѣ́та и҆спо́лненъ бы́лъ є҆сѝ."
|
|
},
|
|
{
|
|
"type": "TEXT",
|
|
"value": "Любо́вь и҆ соверше́нное милосе́рдїе, ꙗ҆́кѡ порфѵ́рꙋ носѧ́щи, всели́ласѧ є҆сѝ ны́нѣ въ вы̑шнѧѧ црⷭ҇твїѧ."
|
|
},
|
|
{
|
|
"type": "TEXT",
|
|
"value": "Совокꙋпи́ласѧ є҆сѝ со безпло́тныхъ, є҆ле́но, ликостоѧ̑нїи, бг҃ꙋ ᲂу҆годи́вши добродѣ́тельными твои́ми дѣѧ̑нїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃о, дꙋ́шꙋ мою̀ ѡ҆чи́сти, ѡ҆скверне́ннꙋю сластьмѝ тѣле́сными, навѣ́томъ ѕмїи́нымъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Собра́лъ є҆сѝ бг҃оно́сныхъ ѻ҆тє́цъ блаже́нный ли́къ пресла́внѡ: и҆ тѣ́ми, кѡнстанті́не, всѣ́хъ ѡ҆бꙋрева́ємаѧ сердца̀ ᲂу҆тверди́лъ є҆сѝ, є҆диноче́стна славосло́вити ро́ждшемꙋ сло́ва, и҆ сопресто́льна."
|
|
},
|
|
{
|
|
"type": "TEXT",
|
|
"value": "Вѣ́ровавши въ гдⷭ҇а жи́ва, є҆́же бы́ти всѣ̑мъ подаю́щаго, ме́рзскихъ и҆ сꙋ́етныхъ і҆́дѡлѡвъ ме́ртвєннаѧ ѿри́нꙋла є҆сѝ слꙋжє́нїѧ, и҆ прїѧ́ла є҆сѝ ра́достнѡ, є҆ле́но, црⷭ҇тво нбⷭ҇ное."
|
|
},
|
|
{
|
|
"type": "TEXT",
|
|
"value": "Дла́нїю твое́ю ѡ҆кормлѧ́еми, сло́ве, невѣ́дѣнїѧ глꙋбоча́йшꙋю тмꙋ̀, и҆ лю́тагѡ безбо́жїѧ бꙋ́рю, тобо́ю ца́рствовавшїи ѿри́нꙋша, и҆ приведо́шасѧ къ ти̑химъ благоче́стїѧ приста́нищамъ ра́дꙋющесѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сцѣлѝ неисцѣ́льнѡ недꙋ́говавшее, и҆ ᲂу҆хапле́нїемъ лꙋка́вагѡ лю́тѣ ᲂу҆ѧзви́вшеесѧ се́рдце моѐ, ѻ҆трокови́це, и҆ твоегѡ̀ и҆сцѣле́нїѧ сподо́би и҆ спаси́ мѧ, на тѧ̀ надѣ́ющагосѧ, мольба́ми твои́ми, пречⷭ҇таѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Дв҃а дне́сь:"
|
|
},
|
|
{
|
|
"type": "TEXT",
|
|
"value": "Кѡнстанті́нъ дне́сь съ ма́терїю є҆ле́ною крⷭ҇тъ ꙗ҆влѧ́ютъ, всечестно́е дре́во, всѣ́хъ ᲂу҆́бѡ і҆ꙋде́євъ посрамле́нїе сꙋ́ще, ѻ҆рꙋ́жїе же на проти̑вныѧ вѣ́рныхъ люде́й: на́съ бо ра́ди ꙗ҆ви́сѧ зна́менїе ве́лїе, и҆ во бранѣ́хъ гро́зное."
|
|
},
|
|
{
|
|
"type": "TEXT",
|
|
"value": "І҆́косъ: Кѡнстанті́на, вѣ́рнїи, съ ма́терїю почти́мъ: дв҃да бо и҆ сі́и словеса̀ ᲂу҆слы́шавше, на ке́дрѣ и҆ пе́ѵгѣ, и҆ кѷпарі́сѣ, тресло́жный крⷭ҇тъ позна́ша, и҆́мже спаси́тельнаѧ стрⷭ҇ть послѣ́дова: и҆ всѧ̑ предста́виша і҆ꙋдє́и, ᲂу҆гото́витисѧ показа́ти лю́демъ ве́лїе ѡ҆правда́нїе, сокрове́нное за́висти ра́ди и҆ не́нависти тѣ́хъ: и҆ сїѐ ѡ҆брѣ́тше показа́ша ѻ҆нѝ. Сегѡ̀ ра́ди всѣ̑мъ побѣдоно́снїи ꙗ҆ви́шасѧ, ѻ҆рꙋ́жїе носѧ́ще неѡбори́мое, зна́менїе ве́лїе, и҆ во бранѣ́хъ гро́зное."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Твоѧ̑ повелѣ̑нїѧ сохранѧ́ѧ, повинꙋ́сѧ твоемꙋ̀ зако́нꙋ кѡнстанті́нъ. Тѣ́мже беззако́ннꙋющихъ низложѝ ѡ҆полчє́нїѧ, вопїѧ̀ тебѣ̀: гдⷭ҇и бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Дре́во, є҆́же всѣ́хъ и҆звле́кшее, досточꙋ́дне, и҆зъ ро́ва поги́бели, загребе́нное за́вистїю, на́мъ ѿкрыва́еши, погреба́ѧй де́мѡны всегꙋби́тєльныѧ во вѣ́ки."
|
|
},
|
|
{
|
|
"type": "TEXT",
|
|
"value": "Дѣѧ̑нїи бжⷭ҇твенными создала̀ є҆сѝ се́рдце твоѐ цр҃ковь бг҃ꙋ, є҆ле́но, и҆ хра́мы свѧщє́нныѧ томꙋ̀ содѣ́лала є҆сѝ, и҆дѣ́же пло́тїю пречⷭ҇тыѧ на́съ ра́ди под̾ѧ́тъ стрⷭ҇ти."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Во́лею мое́ю согрѣша́ѧй, и҆ порабоще́нъ безмѣ́стными ѻ҆бы́чайми, ко ѻ҆бы́чномꙋ твоемꙋ̀ ны́нѣ притека́ю милосе́рдїю, ѿча́ѧннаго спаси́ мѧ, прест҃а́ѧ бцⷣе."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́кѡ багрѧни́цею, сла́вне, ѡ҆дѣ́ѧвсѧ милосе́рдїемъ, и҆ ꙗ҆́коже хламѵ́дою, въ до́брꙋю кро́тость вѣнце́мъ ᲂу҆кра́шенъ бы́лъ є҆сѝ, добродѣ́телей соверше́ннымъ ᲂу҆мо́мъ, и҆ преста́вльсѧ ѿ землѝ къ вы́шнемꙋ црⷭ҇твїю, зове́ши: і҆ерє́и, благослови́те, лю́дїе, превозноси́те хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Веселѧ́щꙋюсѧ ви́дѧщїи съ сы́номъ тѧ̀ бг҃омꙋ́дрымъ, сла́внаѧ є҆ле́но, въ бж҃їи црⷭ҇твїи, хрⷭ҇та̀ велича́емъ, ва́шъ честны́й пра́здникъ показа́вшаго на́мъ, па́че лꙋчѝ со́лнєчныѧ на́съ ѡ҆зари́вшїй, вѣ́рнѡ пою́щихъ: лю́дїе, превозноси́те хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́кѡ чꙋ́дно жела́нїе твоѐ, и҆ нра́въ бжⷭ҇твенный, сла́внаѧ є҆ле́но, жена́мъ похвало̀: мѣ́стъ бо дости́гши честны̑ѧ стрⷭ҇ти под̾е́мшихъ, влⷣцѣ всѣ́хъ хра̑мы прекра́сными ᲂу҆добри́ла є҆сѝ, вопїю́щи: лю́дїе, превозноси́те хрⷭ҇та̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дꙋшѝ моеѧ̀ ѻ҆́чи, мно́гими престꙋплє́нїи ѡ҆слѣплє́нныѧ, бцⷣе, просвѣтѝ: ᲂу҆́мъ мо́й ᲂу҆мирѝ, и҆ се́рдце, молю́сѧ, смꙋще́нное сластьмѝ многоѻбра́зными, и҆ спаси́ мѧ вопїю́ща: і҆ерє́и, благослови́те, лю́дїе, превозноси́те чⷭ҇тꙋю во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Гро́бъ, и҆дѣ́же лежи́тъ свѧще́нное, кѡнстанті́не, и҆ честно́е тѣ́ло твоѐ, зарю̀ бжⷭ҇твенныхъ и҆сцѣле́нїй, чи́стѣ пристꙋпа́ющымъ всегда̀ и҆сточа́етъ, страсте́й разли́чныхъ тмꙋ̀ ѿгонѧ̀, и҆ свѣ́томъ невече́рнимъ просвѣща́ѧ восхвалѧ́ющихъ тѧ̀."
|
|
},
|
|
{
|
|
"type": "TEXT",
|
|
"value": "Свѧ́тѡ свою̀ сконча́вши жи́знь, со ст҃ы́ми ны́нѣ всели́ласѧ є҆сѝ, ѡ҆свѧще́нїѧ и҆спо́лнена бы́вши и҆ просвѣще́нїѧ. Тѣ́мже и҆ и҆сцѣле́нїй всегда̀ и҆сточа́еши рѣ́ки, и҆ стра̑сти попалѧ́еши, є҆ле́но блаже́ннаѧ, и҆ напаѧ́еши дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Пребезнача́льне безсме́ртне цр҃ю̀, црⷭ҇твїѧ вы́шнѧгѡ сподо́билъ є҆сѝ, и҆̀хже благоче́стнѡ дре́вле ѡ҆правда́лъ є҆сѝ на землѝ, є҆́же ца́рствовати, гдⷭ҇и, тѧ̀ возлюби́вшихъ чи́стѣ, є҆ле́нꙋ свѧтꙋ́ю и҆ вели́каго кѡнстанті́на, и҆́хже моли́твами всѣ́хъ ᲂу҆ще́дри."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всѣ́хъ цр҃ѧ̀ и҆ творца̀ заче́нши, дв҃о, родила̀ є҆сѝ: и҆ сѐ ны́нѣ ꙗ҆́коже цр҃и́ца ѡ҆деснꙋ́ю сегѡ̀, чⷭ҇таѧ, предстои́ши. Тѣ́мже молю́ тѧ, шꙋ́їѧ ча́сти и҆зба́ви мѧ̀ въ ча́съ сꙋда̀, и҆ десны̑мъ ѻ҆вца́мъ сопричтѝ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀ ᲂу҆слы́шите:"
|
|
},
|
|
{
|
|
"type": "TEXT",
|
|
"value": "Свѣти́льницы, просвѣти́вшїи вселе́ннꙋю всю̀ благоче́стїѧ вѣ́рою, вы̀ ꙗ҆ви́стесѧ вои́стиннꙋ, бг҃овѣнча́нне кѡнстанті́не и҆ є҆ле́но сла́внаѧ: ва́съ возвели́чившаго хрⷭ҇та̀ пѣ́сньми славосло́вимъ, ди́внаго во ст҃ы́хъ."
|
|
},
|
|
{
|
|
"type": "HEADER",
|
|
"value": "Сла́ва, дрꙋгі́й подо́бенъ:"
|
|
},
|
|
{
|
|
"type": "TEXT",
|
|
"value": "Оу҆ченикѡ́мъ:"
|
|
},
|
|
{
|
|
"type": "TEXT",
|
|
"value": "Не ѿ человѣ̑къ прїѧ́тъ ца́рственнꙋю держа́вꙋ, но ѿ бж҃е́ственныѧ бл҃года́ти, кѡнстанті́нъ вели́кїй съ ма́терїю: съ нб҃сѐ ѡ҆блиста́емь же зри́тъ крⷭ҇та̀ бжⷭ҇твеннꙋю побѣ́дꙋ, и҆́же си́мъ погꙋби́въ врагѡ́въ, і҆́дѡльскꙋю разрꙋшѝ ле́сть: въ ми́рѣ же ᲂу҆крѣпѝ правосла́внꙋю вѣ́рꙋ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, пра́здника г҃, и҆ ст҃ы́хъ г҃. Гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, кѡнстанті́не премꙋ́дре, правосла́вїѧ и҆сто́чниче, напаѧ́ѧй всегда̀ сла́дкими вода́ми всю̀ подсо́лнечнꙋю: ра́дꙋйсѧ, ко́реню, и҆зъ негѡ́же прозѧбѐ пло́дъ, пита́ѧй це́рковь хрⷭ҇то́вꙋ: ра́дꙋйсѧ, похвало̀ концє́въ пресла́вне, хрїстїа́нскихъ царе́й пе́рвѣйшїй: ра́дꙋйсѧ, ра́досте вѣ́рныхъ."
|
|
},
|
|
{
|
|
"type": "TEXT",
|
|
"value": "Ца́рствꙋѧй тва́рїю, благопоко́рное предзрѧ́й, се́рдца твоегѡ̀, премꙋ́дре, слове́снѣ ᲂу҆ловлѧ́етъ тѧ̀, безслове́сїемъ держи́ма: и҆ ѡ҆зари́въ твоѐ помышле́нїе благоче́стїѧ разꙋмѣ̑нїи, мі́рꙋ показа̀ свѣтоза́рна ꙗ҆́кѡ со́лнце, лꙋчы̀ и҆спꙋща́юща бжⷭ҇твенныхъ дѣѧ́нїй, пресла́вне."
|
|
},
|
|
{
|
|
"type": "TEXT",
|
|
"value": "Гдⷭ҇нѧ ᲂу҆чє́нїѧ, ꙗ҆́коже землѧ̀ и҆збра́ннаѧ, прїе́мши, всехва́льнаѧ, добродѣ́тельныхъ дѣѧ́нїй благопло́дїе прозѧбла̀ є҆сѝ, помышлє́нїѧ на̑ша пита́ющее, ᲂу҆подобле́нїемъ, є҆ле́но премꙋ́драѧ, гражда́нства твоегѡ̀. Тѣ́мже пра́зднꙋемъ ра́достнѡ, дне́сь па́мѧть твою̀ торжествꙋ́юще."
|
|
},
|
|
{
|
|
"type": "TEXT",
|
|
"value": "Є҆ле́емъ ра́дости, твоѧ̑ прича́стники, хрⷭ҇тѐ, кѡнстанті́на и҆ є҆ле́нꙋ, пресла́внѡ пома́залъ є҆сѝ, пре́лесть возненави́дѣвшихъ, и҆ твоеѧ̀ добро́ты возжела́вшихъ, и҆ црⷭ҇твїѧ нбⷭ҇нагѡ твоегѡ̀ си́хъ сподо́билъ є҆сѝ, благоче́стнѡ пе́рвѣе на землѝ, сло́ве, ца́рствовавшихъ, манове́нїемъ твои́мъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Меѳо́дїа патрїа́рха:"
|
|
},
|
|
{
|
|
"type": "TEXT",
|
|
"value": "Цр҃ь царе́й и҆ бг҃ъ, бога́тыми дарова̑нїи ᲂу҆краша́ѧй достѡ́йныѧ, са́мъ съ нб҃сѐ, ꙗ҆́коже па́ѵла пресла́внаго, зна́менїемъ крⷭ҇тнымъ, тебѐ кѡнстанті́не ᲂу҆ловѝ, си́мъ, ре́къ, побѣжда́й врагѝ твоѧ̑. Є҆го́же взыска́въ съ ма́терїю бг҃омꙋ́дрою, и҆ ѡ҆брѣ́тъ, ꙗ҆́коже жела́лъ є҆сѝ, си́хъ держа́внѡ въ бѣ́гство ѡ҆брати́лъ є҆сѝ. Съ не́ю ᲂу҆́бѡ молѝ ѡ҆ правосла́вныхъ лю́дѣхъ и҆ хрⷭ҇толюби́вомъ во́инствѣ, и҆ ѡ҆ всѣ́хъ па́мѧть твою̀ соверша́ющихъ вѣ́рнѡ, є҆ди́наго человѣколю́бца, и҆зба́витисѧ всѧ́кагѡ гнѣ́ва."
|
|
},
|
|
{
|
|
"type": "HEADER",
|
|
"value": "И҆ ны́нѣ пра́здника. Славосло́вїе вели́кое. Є҆ктєнїѝ. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и блажє́нна, пра́здника пѣ́снь рѧдова́ѧ: и҆ ст҃ы́хъ пѣ́снь ѕ҃, на д҃."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ и҃:"
|
|
},
|
|
{
|
|
"type": "TEXT",
|
|
"value": "Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ."
|
|
},
|
|
{
|
|
"type": "TEXT",
|
|
"value": "Сті́хъ: Нб҃са̀ повѣ́даютъ сла́вꙋ бж҃їю:"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, зача́ло с҃."
|
|
},
|
|
{
|
|
"type": "HEADER",
|
|
"value": "А҆́ще ли прилꙋчи́тсѧ внꙋ́трь н҃-цы, чте́тсѧ а҆пⷭ҇лъ въ дѣѧ́нїихъ, зача́ло м҃ѳ."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ а҃: Вознесо́хъ и҆збра́ннаго ѿ люде́й мои́хъ."
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇и, си́лою твое́ю возвесели́тсѧ ца́рь."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло л҃є ѿ полꙋ̀."
|
|
},
|
|
{
|
|
"type": "TEXT",
|
|
"value": "Прича́стенъ: Во всю̀ зе́млю:"
|
|
},
|
|
{
|
|
"type": "HEADER",
|
|
"value": "(Зрѝ) Вѣ́стнѡ бꙋ́ди, а҆́ще слꙋчи́тсѧ па́мѧть ст҃а́гѡ царѧ̀ кѡнстанті́на въ четверто́къ вознесе́нїѧ, и҆лѝ въ недѣ́лю з҃-ю ст҃ы́хъ ѻ҆ц҃ъ: слꙋ́жбꙋ є҆гѡ̀ пѣ́ти, ꙗ҆́коже і҆ѡа́ннꙋ бг҃осло́вꙋ, по тѣ́мже глава́мъ."
|
|
}
|
|
] |