682 lines
51 KiB
JSON
682 lines
51 KiB
JSON
[
|
|
{
|
|
"type": "HEADER",
|
|
"value": "Деке́мврїа в҃"
|
|
},
|
|
{
|
|
"type": "HEADER",
|
|
"value": "Преподо́бнагѡ ѻ҆тца̀ на́шегѡ і҆ѡанні́кїа дѣви́чкагѡ."
|
|
},
|
|
{
|
|
"type": "HEADER",
|
|
"value": "Стїхи̑ры на ма́лѣй вече́рни, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Свѣ́тлѡ ꙗ҆́коже со́лнце, просїѧ̀ твоѧ̀ па́мѧть, преподо́бне, лꙋче́ю ѡ҆блиста́ющаѧ твоѧ̑ добродѣ̑тельнаѧ дѣ̑ланїѧ всеблаже́нне, и҆ свѣ́томъ чꙋде́съ твои́хъ ѡ҆зарѧ́ющаѧ вѣ́рныхъ чꙋ̑вства: тѣ́мже пра́зднꙋемъ ра́достнѡ и҆ ᲂу҆блажа́емъ вѣ́рнѡ всепра́зднственнꙋю па́мѧть твою̀. Два́жды."
|
|
},
|
|
{
|
|
"type": "TEXT",
|
|
"value": "Мі́ръ возненави́дѣвъ преподо́бне, посто́мъ и҆ моли́твами къ небе́сной высотѣ̀ возлетѣ́лъ є҆сѝ: свѣти́ломъ свои́мъ человѣ́ки на землѝ просїѧва́еши, со а҆́гг҃лы на небесѝ ликꙋ́ѧ: тѣ́мъ тѧ̀ мо́лимъ, преподо́бне, съ вѣ́рою приходѧ́щїи къ твои́мъ моще́мъ, хрⷭ҇та̀ ᲂу҆молѝ, грѣхѡ́въ ѡ҆ставле́нїе на́мъ пода́ти."
|
|
},
|
|
{
|
|
"type": "TEXT",
|
|
"value": "Стра̑сти тѣлє́сныѧ воздержа́нїемъ ᲂу҆мертви́лъ є҆сѝ, и҆ прилѣ́жными моли́твами и҆ сле́зными то́ки ᲂу҆дави́лъ є҆сѝ льсти́ваго ѕмі́ѧ, ѻ҆́тче: бг҃ꙋ же ᲂу҆годи́лъ є҆сѝ па́че мно́гихъ досточꙋ́дне, і҆ѡанні́кїе преподо́бне. Тѣ́мже тѧ̀ свое́ю благода́тїю ᲂу҆красѝ творе́цъ мі́ра и҆ спа́съ дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃."
|
|
},
|
|
{
|
|
"type": "TEXT",
|
|
"value": "Преподо́бне и҆ блаже́нне ѻ҆́тче і҆ѡанні́кїе, во днѝ и҆ въ нощѝ поꙋча́лсѧ є҆сѝ за́повѣдемъ бж҃е́ственнымъ, и҆̀хже соблю́дь ꙗ҆ви́лсѧ є҆сѝ до́мъ свѧты́ѧ тро́ицы, ю҆́же молѝ непреста́ннѡ, преподо́бне ѻ҆́тче, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Влады́чице прїимѝ мѡлбы̀ рабѡ́въ твои́хъ, и҆ и҆зба́ви на́съ ѿ всѧ́кїѧ ско́рби и҆ печа́ли."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ ѿ ма́тернихъ пеле́нъ ѡ҆свѧще́нъ бг҃оно́се і҆ѡанні́кїе, и҆ бы́лъ є҆сѝ сосꙋ́дъ пресвѧ́тагѡ дꙋ́ха."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ле́сть лꙋка́выхъ бѣсѡ́въ посрами́лъ є҆сѝ, ѻ҆́тче і҆ѡанні́кїе: кре́стною си́лою ᲂу҆ѧсни́лъ є҆сѝ сла́вꙋ хрⷭ҇то́вꙋ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Носѧ̀ въ рꙋ́цѣ свое́й кре́стъ гдⷭ҇ень, бѣсѡ́вскаѧ мечта̑нїѧ съ ни́мъ погꙋби́лъ є҆сѝ: сегѡ̀ ра́ди и҆ мы̀ согла́снѡ вопїе́мъ тѝ: ра́дꙋйсѧ ѻ҆́тче на́шъ і҆ѡанні́кїе."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ, гла́съ то́йже."
|
|
},
|
|
{
|
|
"type": "TEXT",
|
|
"value": "Влады́чице блага́ѧ, преблагослове́ннаѧ и҆ пренепоро́чнаѧ, чи́стаѧ дѣви́це, защи́тнице ро́да хрⷭ҇тїа́нскагѡ, прилѣ́жнѡ всѝ къ тебѣ̀ зове́мъ: рꙋ́ки твоѧ̀ свѧты́ѧ распрострѝ ми́лостивнѡ къ сы́нꙋ своемꙋ̀, и҆ всегда̀ молѝ є҆го̀, спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃."
|
|
},
|
|
{
|
|
"type": "TEXT",
|
|
"value": "Поще́нїемъ, моли́твами и҆ благода́тїю бж҃е́ственною просвѣти́всѧ, земны̑ѧ концы̀ свѣ́тлѡ ѡ҆зарѧ́еши благоче́стнѡ, чꙋде́съ благода́ть ѿ бг҃а прїе́мь, и҆сцѣлѧ́еши недꙋ́ги, дꙋ́хи же лꙋка̑выѧ ѿ человѣ́кѡвъ ѿгонѧ́еши, и҆̀же съ вѣ́рою притека́ютъ къ ра́цѣ моще́й твои́хъ свѧты́хъ, преподо́бне ѻ҆́тче на́шъ і҆ѡанні́кїе: сла́ва да́вшемꙋ тѝ благода́ть, сла́ва ᲂу҆крѣпи́вшемꙋ тѧ̀, сла́ва дѣ́йствꙋющемꙋ тобо́ю всѣ́мъ и҆сцѣле́нїѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни, Блаже́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, поста́вимъ стїхѡ́въ и҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ:"
|
|
},
|
|
{
|
|
"type": "TEXT",
|
|
"value": "Ѻ҆́тче і҆ѡанні́кїе преподо́бне, вои́стиннꙋ вы́нꙋ носи́лъ є҆сѝ въ горта́ни бж҃їѧ возноше́нїѧ, поꙋча́ѧсѧ всемꙋ́дре дѣ́тельнѣйшымъ словесе́мъ бг҃одꙋхновє́ннымъ, и҆ ѿтꙋ́дꙋ ѡ҆богаще́нъ бы́въ и҆стека́ющею благода́тїю блаже́нне, всѣ́хъ нечести́выхъ совѣ́тованїѧ низвраща́еши."
|
|
},
|
|
{
|
|
"type": "TEXT",
|
|
"value": "Ѻ҆́тче і҆ѡанні́кїе пресла́вне, и҆сто́чниками сле́зъ дꙋ́шꙋ свою̀ ѡ҆чи́стивъ, и҆ всенощны́ми стоѧ́нїи бг҃а ᲂу҆ми́лостививъ, воспери́лсѧ є҆сѝ къ любле́нїю и҆ красотѣ̀ сегѡ̀, блаже́нне, є҆ѧ́же ны́нѣ досто́йнѡ наслажда́ѧсѧ, ра́дꙋешисѧ непре́станнѡ, со стра́дальцы твои́ми, бг҃омꙋ́дре преподо́бне."
|
|
},
|
|
{
|
|
"type": "TEXT",
|
|
"value": "Ѻ҆́тче і҆ѡанні́кїе преподо́бне, воспери́въ ᲂу҆́мъ къ Бо́гꙋ вѣ́рою, ѡ҆мерзи́лъ є҆сѝ непостоѧ́нное мїрска́гѡ смѣше́нїѧ, и҆ кре́стъ сво́й воспрїи́мъ всеви́дцꙋ послѣ́довалъ є҆сѝ, порабо́тивъ по́мыслꙋ неѡбꙋзда́нное тѣ́ло по́двигами ѡ҆бꙋче́нїѧ, крѣ́постїю бж҃е́ственнагѡ дꙋ́ха."
|
|
},
|
|
{
|
|
"type": "TEXT",
|
|
"value": "Ѻ҆́тче і҆ѡанні́кїе, твоѐ непрело́жное житїѐ вѣ́ра вои́стиннꙋ правосла́внаѧ: и҆́бо ѿ дѣѧ́нїѧ къ ѕѣлѡ̀ вели́комꙋ видѣ́нїю дости́глъ є҆сѝ, премꙋ́дрости бы́въ жили́ще, во двою̀ є҆стествꙋ̑ чты́й ѿ тро́ицы хрⷭ҇та̀ є҆го́же молѝ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Подо́бенъ: гла́съ є҃."
|
|
},
|
|
{
|
|
"type": "TEXT",
|
|
"value": "Ра́дꙋйсѧ преподо́бный по́стниче, свѧты́й ѻ҆́тче на́шъ, свѧти́телю бг҃омꙋ́дре, бг҃омъ возлю́бленне! Въ мі́рѣ жи́знь свою̀ свѧ́тѡ ᲂу҆стро́ивъ, дꙋ́хомъ бж҃е́ственнымъ ѡ҆живи́лъ є҆сѝ, є҆́же ѡ҆благоꙋха́ти на́ша чꙋ̑вства и҆ дꙋ́шы, и҆́миже восхо́димъ на небеса̀, и҆ земны̑ѧ стра́сти прогонѧ́емъ, хрⷭ҇та̀ зрѧ́ще, и҆́мже спаса́емсѧ."
|
|
},
|
|
{
|
|
"type": "TEXT",
|
|
"value": "Ра́дꙋйсѧ ѻ҆́тче, мїрска̑ѧ возненави́дѣвъ, и҆ и҆́ноческое житїѐ возлюби́въ, а҆́гг҃лѡмъ собесѣ́дникъ показа́лсѧ є҆сѝ, и҆ ꙗ҆влѧ́ешисѧ свои́ми чꙋде́сами а҆́ки ѕвѣзда̀ сїѧ́ющаѧ на небесѝ: моли́сѧ гдⷭ҇ꙋ ѡ҆ всѣ́хъ на́съ, соверша́ющихъ свѧтꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ свѧти́телю сла́вный, ѿстꙋпи́въ ѿ мїрскі́ѧ и҆ мѧте́жныѧ молвы̀, прите́клъ є҆сѝ ко хрⷭ҇то́вой тишинѣ̀, бг҃омꙋ́дре, и҆ видѣ́нїемъ бж҃е́ственныхъ дѣѧ́нїй ꙗ҆́кѡ всебога́тыми свѣ́тлостьми ѡ҆богати́всѧ вои́стиннꙋ, и҆́миже вѣ́рныѧ назирае́ши, благолѣ́пнымъ сїѧ́ѧ житїе́мъ."
|
|
},
|
|
{
|
|
"type": "TEXT",
|
|
"value": "Чꙋ́вственныѧ стра̑сти побѣди́лъ є҆сѝ брозда́ми воздержа́нїѧ чꙋдодѣ́йственниче, и҆ ре́вности безпло́тныхъ на землѝ показа́въ, всѧ̑ жела̑нїѧ плотска̑ѧ дꙋ́хови покори́лъ є҆сѝ. Тѣ́мъ ны́нѣ въ небе́сныхъ селе́нїихъ водворѧ́ѧсѧ, молѝ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃."
|
|
},
|
|
{
|
|
"type": "TEXT",
|
|
"value": "Преподо́бне ѻ҆́тче, гла́са є҆ѵⷢ҇лїа гдⷭ҇нѧ послꙋша́въ, мі́ръ ѡ҆ста́вилъ є҆сѝ, ни во что̀ же вмѣни́въ бога́тство и҆ сла́вꙋ, и҆ живы́й въ ᲂу҆едине́нїи, всѣ̑мъ взыва́лъ є҆сѝ ѿтꙋ́дꙋ: возлю́бите бг҃а и҆ ѡ҆брѧ́щете благода́ть и҆ ничто́ же предпочти́те любвѝ є҆гѡ̀, да є҆гда̀ прїи́детъ во сла́вѣ свое́й, ѡ҆брѧ́щете ᲂу҆покое́нїе со всѣ́ми свѧты́ми: и҆́хъ же моли́твами хрⷭ҇тѐ, сохранѝ и҆ спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ є҃ гла́са:"
|
|
},
|
|
{
|
|
"type": "TEXT",
|
|
"value": "Въ чермнѣ́мъ мо́ри."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ, и҆ чте́нїѧ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры свѧта́гѡ, гла́съ в҃."
|
|
},
|
|
{
|
|
"type": "TEXT",
|
|
"value": "Кі́ими похва́льными пѣ́снми ᲂу҆блажи́мъ свѧти́телѧ і҆ѡанні́кїа, по́стникѡвъ ᲂу҆краси́телѧ, преподо́бныхъ побо́рника, свѣти́ло свѧще́нникѡмъ и҆ похвала̀ и҆́нокѡмъ, це́ркви свое́й ᲂу҆твержде́нїе непоколеби́мое, недꙋ́гѡмъ врача̀, є҆гѡ̀ же моли́твами гдⷭ҇и спасѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Кі́ими слове́сными вѣнцы̀ вѣнча́емъ і҆ѡанні́кїа, свѧще́ннагѡ тече́нїѧ жела́телѧ, небе́снаго ᲂу҆ченика̀, бж҃е́ственныма крило́ма превзѧ́таго бг҃ови́дца, сто́лпъ смире́нїѧ неѡбори́мый, стѣнꙋ̀ разсꙋжде́нїѧ непоколеби́мꙋю, нра́вѡмъ ᲂу҆краше́нїе, честно́е благолѣ́пїе, моли́твенника хрⷭ҇тꙋ̀ непреста́ннѡ молѧ́щагосѧ ѡ҆ ча́дѣхъ свои́хъ."
|
|
},
|
|
{
|
|
"type": "TEXT",
|
|
"value": "Кі́ими пѣ́сненными пѣ́нїи воспои́мъ і҆ѡанні́кїа, преиспещре́нна дѣѧ́нми и҆ и҆з̾ѡби́льна благода́тїю, равноа́гг҃льна житїе́мъ, вѣ́ры ᲂу҆твержде́нїе, недꙋ́гѡвъ цѣли́телѧ, бѣсѡ́въ прогони́телѧ, и҆ всѣ́мъ правовѣ́рнымъ ско́раго помо́щника:"
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃."
|
|
},
|
|
{
|
|
"type": "TEXT",
|
|
"value": "Прїиди́те всѝ празднолю́бцы ᲂу҆блажи́мъ па́мѧть свѧти́телѧ хрⷭ҇то́ва і҆ѡанні́кїа: а҆́ще бо и҆ возлетѣ̀ ѿ на́съ, но неви́димѡ съ на́ми стои́тъ и҆ преподо́бныѧ рꙋ́ки своѧ̀ простира́етъ ѡ҆ на́съ ко гдⷭ҇ꙋ: притеце́мъ ᲂу҆̀бо и҆ припаде́мъ къ ра́цѣ свѧты́хъ моще́й є҆гѡ̀ и҆ поклони́мсѧ просѧ́ще, ꙗ҆́кѡ да свѧты́ми свои́ми моли́твами и҆спро́ситъ ча́дѡмъ свои́мъ ми́ръ и҆ дꙋша́мъ и҆́хъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́ста творцꙋ̀, ꙗ҆́кѡ неискꙋсомꙋ́жнаѧ ма́ти, прїѧ́телище и҆зба́вителѧ и҆ ᲂу҆тѣ́шителѧ потщи́сѧ и҆зба́вити мѧ̀ бѣсо́вскагѡ ѕлодѣ́йства, преложи́вши скве́рное тѣ́ло моѐ въ свѣ́тлое жили́ще добродѣ́телей: разженѝ ѻ҆́блакъ страсте́й мои́хъ твои́ми моли́твами и҆ сподо́би мѧ̀ вы́шнѧгѡ прича́стїѧ въ невече́рнѣмъ свѣ́тѣ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи́ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Небе́сныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Небе́сныѧ крꙋ́ги превозлетѣ́въ бж҃е́ственною добродѣ́телїю, преблаже́нне ѻ҆́тче, заше́лъ є҆сѝ въ мра́къ, и҆дѣ́же ѡ҆сїѧ́нїе прїи́мъ ѿ благода́ти бж҃їѧ, вои́стиннꙋ свѣтлѣ́ешисѧ преподо́бне."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Добродѣ́телми просвѣти́въ дꙋ́шꙋ и҆ ᲂу҆́мъ, къ небесѝ предста́вилсѧ є҆сѝ въ ца́рствїи хрⷭ҇то́вѣ, і҆ѡанні́кїе блаже́нне, приносѧ̀ є҆мꙋ̀ рꙋкоѧ́ти трꙋдѡ́въ свои́хъ, въ по́стницѣхъ бо ты ꙗ҆ви́сѧ свѣти́льникъ, наслажда́ѧсѧ нестарѣ́емыѧ пи́щи."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Преподо́бне ѻ҆́тче, не да́лъ є҆сѝ сна̀ ѻ҆чи́ма свои́ма, нижѐ вѣ́ждома свои́ма дрема́нїѧ, до́ндеже дꙋ́шꙋ и҆ тѣ́ло ѿ страсте́й свободи́лъ є҆сѝ, ᲂу҆гото́вавъ себѐ въ жили́ще дꙋ́хови: прише́дъ бо хрⷭ҇то́съ со ѻ҆тце́мъ, ѻ҆би́тель сотворѝ ᲂу҆ тебѐ: тѣ́мже є҆диносꙋ́щныѧ тро́ицы слꙋжи́тель бы́лъ є҆сѝ, великопроповѣ́дниче і҆ѡанні́кїе, моли́сѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃."
|
|
},
|
|
{
|
|
"type": "TEXT",
|
|
"value": "На землѝ а҆́гг҃ла и҆ на небесѣ́хъ человѣ́ка бж҃їѧ, благоꙋкраше́нїе мі́ра, наслажде́нїе благи́хъ, добродѣ́телей по́стническихъ похвалꙋ̀, і҆ѡанні́кїа почти́мъ: насажде́нъ бо въ домꙋ̀ бж҃їи процвѣтѐ пра́веднѡ, и҆ ꙗ҆́кѡ ке́дръ въ пꙋсты́ни ᲂу҆мно́жи ста́до хрⷭ҇то́во слове́сными ѻ҆вца́ми въ преподо́бїи и҆ пра́вдѣ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "На благослове́нїи хлѣ́бѡвъ, тропа́рь свѧто́мꙋ два́жды, гла́съ а҃."
|
|
},
|
|
{
|
|
"type": "TEXT",
|
|
"value": "Поще́нїемъ, моли́твами и҆ благода́тїю бж҃е́ственною просвѣти́всѧ, земны̑ѧ концы̀ свѣ́тлѡ ѡ҆зарѧ́еши благоче́стнѡ, чꙋде́съ благода́ть ѿ бг҃а прїе́мь, и҆сцѣлѧ́еши недꙋ́ги, дꙋ́хи же лꙋка̑выѧ ѿ человѣ́кѡвъ ѿгонѧ́еши, и҆̀же съ вѣ́рою притека́ютъ къ ра́цѣ моще́й твои́хъ свѧты́хъ, преподо́бне ѻ҆́тче на́шъ і҆ѡанні́кїе: сла́ва да́вшемꙋ тѝ благода́ть, сла́ва ᲂу҆крѣпи́вшемꙋ тѧ̀, сла́ва дѣ́йствꙋющемꙋ тобо́ю всѣ̑мъ и҆сцѣлє́нїѧ."
|
|
},
|
|
{
|
|
"type": "TEXT",
|
|
"value": "И҆ Бцⷣѣ: Є҆ди́ножды."
|
|
},
|
|
{
|
|
"type": "HEADER",
|
|
"value": "Прѡ́чаѧ до конца̀ по рѧ́дꙋ."
|
|
},
|
|
{
|
|
"type": "HEADER",
|
|
"value": "На ᲂу҆́трени, По пе́рвомъ стїхосло́вїи, сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Многосвѣ́тлаѧ ѕвѣзда̀ и҆́ночествꙋющымъ показа́сѧ, и҆ степе́нь и҆звѣ́стенъ, и҆ предѣ́лъ воздержа́нїѧ, пресвѣ́тлое зерца́ло разсꙋжде́нїѧ преподо́бне бг҃ови предстоѧ̀, просѝ проще́нїѧ прегрѣше́нїи ра́достнѡ соверша́ющымъ твою̀ па́мѧть, преблаже́нне."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Наста́ви на́съ на пꙋ́ть покаѧ́нїѧ, ᲂу҆клонѧ́ющыѧсѧ при́снѡ къ ѕлы̑мъ безпꙋ́тїѧмъ, и҆ преблага́го прогнѣ́вающыѧ гдⷭ҇а, и҆ молѝ, неискꙋсобра́чнаѧ, благослове́ннаѧ марі́е, спасти́сѧ всѣ̑мъ, ча́ющымъ ᲂу҆тѣше́нїѧ."
|
|
},
|
|
{
|
|
"type": "HEADER",
|
|
"value": "По второ́мъ стїхосло́вїи, сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Бж҃е́ственнымъ жела́нїемъ безсме́ртїѧ ѡ҆держи́мъ, ѻ҆́тче і҆ѡанні́кїе, и҆ кре́стъ, на ра́мо взе́мь, въ пꙋсты́нѧхъ всели́лсѧ є҆сѝ, и҆дѣ́же гдⷭ҇еви ᲂу҆се́рднѡ порабо́та: тѣ́мже тѧ̀ и҆ стѧжа́хомъ те́пла моли́твенника ко гдⷭ҇ꙋ."
|
|
},
|
|
{
|
|
"type": "TEXT",
|
|
"value": "Сла́ва: Бж҃е́ственное селе́нїе была̀ є҆сѝ сло́вꙋ, є҆ди́на всечи́стаѧ, дѣ́во, чистото́ю а҆́гг҃лы превозше́дшаѧ, ѡ҆чи́сти мѧ̀, ѡ҆скверне́нна плотски́ми прегрѣше́нми, моли́твами твои́ми."
|
|
},
|
|
{
|
|
"type": "HEADER",
|
|
"value": "По полѷеле́и, велича́нїе:"
|
|
},
|
|
{
|
|
"type": "TEXT",
|
|
"value": "Велича́емъ тѧ̀, преподо́бне ѻ҆́тче і҆ѡанні́кїе, и҆ чте́мъ свѧтꙋ́ю па́мѧть твою̀, наста́вниче мона́хѡвъ, и҆ собесѣ́дниче а҆́гг҃лѡвъ."
|
|
},
|
|
{
|
|
"type": "HEADER",
|
|
"value": "Ѱало́мъ и҆збра́нный:"
|
|
},
|
|
{
|
|
"type": "TEXT",
|
|
"value": "Терпѧ̀ потерпѣ́хъ гдⷭ҇а:"
|
|
},
|
|
{
|
|
"type": "HEADER",
|
|
"value": "По полѷеле́и, сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "На землѝ а҆́гг҃ла и҆ на небесѣ́хъ человѣ́ка бж҃їѧ, мі́ра благоꙋкраше́нїе, наслажде́нїе благи́хъ, по́стническихъ добродѣ́телей похвалꙋ̀, і҆ѡанні́кїа всѝ почти́мъ: насажде́нъ бо въ до́мꙋ бж҃їи процвѣтѐ пра́веднѡ, и҆ ꙗ҆́кѡ ке́дръ въ пꙋсты́ни, ᲂу҆мно́жи ста́до слове́сное хрⷭ҇то́выхъ ѻ҆ве́цъ въ преподо́бїи и҆ пра́вдѣ, є҆мꙋ́же всѝ воскли́кнемъ: преподо́бне, помина́й на́съ, любо́вїю творѧ́щихъ свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Оу҆диви́сѧ і҆ѡ́сифъ є҆́же па́че є҆стества̀ зрѧ̀ и҆ внима́ше мы́слїю, и҆́же на рꙋно̀ до́ждь, въ безсѣ́менномъ зача́тїи твое́мъ бцⷣе, кꙋпинꙋ̀ ѻ҆гне́мъ неѡпали́мꙋю, же́злъ а҆арѡ́новъ прозѧ́бшїй, и҆ свидѣ́тельствꙋѧ ѡ҆брꙋ́чникъ тво́й и҆ храни́тель, свѧще́нникѡмъ взыва́ше: дѣ́ва ражда́етъ, и҆ по рождествѣ̀ па́ки дв҃ою пребыва́етъ."
|
|
},
|
|
{
|
|
"type": "HEADER",
|
|
"value": "Та́же: а҆нтїфѡ́нъ пе́рвый четве́ртагѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-омъ ѱалмѣ̀, стїхи́ра самогла́сна, гла́съ ѕ҃."
|
|
},
|
|
{
|
|
"type": "TEXT",
|
|
"value": "Гора̀ небесѝ подо́бѧшесѧ, прїе́млющи свѣти́льникъ, въ пꙋсты́ни горѧ́щь, ѻ҆тца̀ і҆ѡанні́кїа: ты́ же, преподо́бне ѻ҆́тче, свѧты́мъ дꙋ́хомъ ꙗ҆́кѡ ѻ҆ре́лъ прелетѣ́въ горы̀ и҆ верте́пы дѣви́чкїѧ, ѽ краснодꙋ́шне, просвѣща́еши вѣ̑рныѧ, притека́ющыѧ къ ра́цѣ моще́й твои́хъ, и҆ съ весе́лїемъ взыва́ющыѧ тѝ: моли́сѧ съ бцⷣею ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Канѡ́нъ воведе́нїѧ, со і҆рмосо́мъ на ѕ҃, гла́съ д҃, и҆ преподо́бномꙋ ѻ҆тцꙋ̀ на и҃, гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во глꙋбинѣ̀ постла̀ и҆ногда̀, фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть, препросла́вленный гдⷭ҇ь, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Присносꙋ́щнымъ свѣ́томъ триѷпоста́снагѡ ны́нѣ ѡ҆зарѧ́емь, предстои́ши ве́сь свѣ́телъ, ꙗ҆́коже а҆́гг҃ли: но молю̀ тѧ̀, ѻ҆́тче і҆ѡанні́кїе, ѿженѝ ѿ се́рдца моегѡ̀ ѡ҆мраче́нїе, преподаѧ̀ свѣ́тъ житїѧ̀ твоегѡ̀."
|
|
},
|
|
{
|
|
"type": "TEXT",
|
|
"value": "Жела́нїе хрⷭ҇то́вы красоты̀ стѧжа́въ, затвори́лъ є҆сѝ чꙋ́вства своѧ̀ ѿ всегѡ̀ тлѣ́ннагѡ и҆ мимотекꙋ́щагѡ, и҆ по́двигами дꙋшѝ своеѧ̀ возше́лъ є҆сѝ на высотꙋ̀ блаже́нне."
|
|
},
|
|
{
|
|
"type": "TEXT",
|
|
"value": "Вели́кое смотре́нїе бж҃їе ѡ҆свѧтѝ тѧ̀ ѿ ᲂу҆тро́бы, и҆ показа́ тѧ сосꙋ́дъ прїѧ́тенъ свѧто́мꙋ дꙋ́хꙋ: тѣ́мже ꙗ҆ви́лсѧ є҆сѝ ѿ ю҆́ности ѡ҆гражда́емь стра́хомъ бж҃їимъ."
|
|
},
|
|
{
|
|
"type": "TEXT",
|
|
"value": "Сла́ва: Любо́вїю влады́чнею разже́гсѧ, ѡ҆ста́вилъ є҆сѝ всѧ̀ земна́ѧ, и҆ воспрїѧ́въ кре́стъ сво́й на ра́мо, томꙋ̀ послѣ́довалъ є҆сѝ, просла́вльсѧ зна́менми и҆ чꙋдесы̀, преподо́бне."
|
|
},
|
|
{
|
|
"type": "TEXT",
|
|
"value": "И҆ ны́нѣ: Словеса̀ гаврїи́ла а҆рхїстрати́га слы́шавши непоро́чнаѧ, и҆ наше́дшꙋ на тѧ̀ дꙋ́хꙋ свѧто́мꙋ заче́нши родила̀ є҆сѝ сы́на, ѻ҆тцꙋ̀ собезнача́льна."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑. Возвесели́ бо сѧ дꙋ́хъ мо́й, внегда̀ пѣ́ти: нѣ́сть ст҃ъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Ви́дѣвши бо́дреннаѧ дꙋша̀ твоѧ̀ разꙋ́мныма ѻ҆чи́ма, ꙗ҆́кѡ всѧ̀ сꙋ́етна сꙋ́ть, ѿве́рглъ є҆сѝ всю̀ мїрскꙋ́ю красотꙋ̀, и҆ разда́въ и҆мѣ́нїе своѐ ни́щымъ, стѧжа́лъ є҆сѝ некра́домое."
|
|
},
|
|
{
|
|
"type": "TEXT",
|
|
"value": "Боже́ственныѧ послꙋ́шавъ за́повѣди, въ молча́нїи пребы́лъ є҆сѝ чре́зъ всѐ житїѐ своѐ, и҆ бы́въ въ поноше́нїе во ѻ҆те́чествїи свое́мъ, пита́лсѧ є҆сѝ жела́нїемъ и҆́стинныѧ сла́вы."
|
|
},
|
|
{
|
|
"type": "TEXT",
|
|
"value": "Ѿврати́лъ є҆сѝ плещѝ своѧ̀ ѿ мїрскі́ѧ красоты̀, и҆ возве́лъ є҆сѝ ѻ҆́чи своѝ на го́рꙋ, ча́ѧ ѿтꙋ́дꙋ бж҃е́ственныѧ по́мощи: тѣ́мже ѿ горы̀ свѧты́ѧ ᲂу҆слы́ша тебѐ гдⷭ҇ь, и҆ свои́ми просла́ви чꙋдесы̀."
|
|
},
|
|
{
|
|
"type": "TEXT",
|
|
"value": "Крѣ́пкꙋю съ высоты̀ по́мощь и҆ ѡ҆заре́нїе ра́зꙋма полꙋчи́въ, пожи́лъ є҆сѝ на землѝ равноа́гг҃льски. Тѣ́мже бы́лъ є҆сѝ и҆сто́чникъ чꙋде́съ, ѻ҆́тче і҆ѡанні́кїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆мы̀ нбⷭ҇нїи, та́йнѡ і҆а́кѡвлю восходѧ́щꙋю лѣ́ствицꙋ, та́кѡжде и҆ низходѧ́щꙋю, твоѐ дѣ́вице стра́нное рождество̀ проѧвлѧ́юще, досѧза́ющаѧ до небе́съ, со стра́хомъ ᲂу҆ѧснѧ́ютъ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Мона́хѡвъ све́рстникъ ꙗ҆ви́лсѧ є҆сѝ мꙋ́дре, подо́бникъ бы́въ а҆нтѡ́нїю въ послѣ́докъ лѣ́тъ, бл҃же́нне, просвѣща́ѧ вѣ̑рныѧ свѣ́тлостїю чꙋде́съ, преподо́бне: тѣ́мже собра́вшесѧ въ па́мѧть твою̀ всѝ вѣ́рнїи, про́симъ благода́ти ко и҆сцѣле́нїю страсте́й на́шихъ, и҆ вопїе́мъ тѝ: молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, ꙗ҆́же а҆́гг҃ломъ ра́дость ми́ра прїе́мшаѧ. Ра́дꙋйсѧ ро́ждшаѧ творца̀ твоего̀ и҆ гдⷭ҇а. Ра́дꙋйсѧ сподо́бльшаѧсѧ бы́ти мт҃и бж҃їѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃елъ, но са́мъ, гдⷭ҇и вопло́щсѧ, и҆ спа́слъ є҆сѝ всего́ мѧ, человѣ́ка, тѣ́мъ зовꙋ́ ти: сла́ва си́лѣ твое́й гдⷭ҇и."
|
|
},
|
|
{
|
|
"type": "TEXT",
|
|
"value": "Воззва́лъ тѧ̀ є҆́сть гдⷭ҇ь ѿ сїѡ́на, ꙗ҆́кѡже дре́вле пра́ѻтца а҆враа́ма, повелѣ́въ тѝ и҆зы́ти ѿ землѝ ѻ҆те́чествїѧ: ты̀ же послѣ́довалъ є҆сѝ тогѡ̀ словесѝ, ѻ҆́тче і҆ѡанні́кїе, со ᲂу҆се́рдїемъ."
|
|
},
|
|
{
|
|
"type": "TEXT",
|
|
"value": "Свѣти́льникъ нога́ма твои́ма зако́нъ благода́ти, и҆ сегѡ̀ зако́на придержа́всѧ, ве́лъ є҆сѝ твоѧ̀ и҆справле́нїѧ: тѣ́мже и҆ просїѧ́лъ є҆сѝ, ѻ҆́тче, ꙗ҆́кѡ въ полꙋ́дни."
|
|
},
|
|
{
|
|
"type": "TEXT",
|
|
"value": "Ѻ҆де́жда пло́ти твоеѧ̀ ри́за ко́жна, въ ню́ же ѡ҆бле́ксѧ, ᲂу҆мертви́лъ є҆сѝ, ѻ҆́тче страстна̑ѧ взыгра̑нїѧ. Тѣ́мже и҆ и҆стни́лъ є҆сѝ дебе́льство ко́жное."
|
|
},
|
|
{
|
|
"type": "TEXT",
|
|
"value": "Оу҆мертви́лъ є҆сѝ похо́ть плотскꙋ́ю, бы́въ ча́до бг҃а на́шегѡ, не роди́всѧ ѿ по́хоти плотскі́ѧ, но сы́нъ бы́въ благода́тїю. Тѣ́мже и҆ прїѧ́лъ є҆сѝ жре́бїй ѻ҆те́ческїй во вѣ́чномъ ца́рствѣ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Написа́сѧ пе́рстомъ бж҃їе сло́во въ тебѣ̀ препѣ́таѧ, безнача́льное, ꙗ҆́кѡже въ глави́знѣ кни́жнѣ: тѣ́мже припа́даѧ тѝ, молю̀ тѧ̀, до́лгое рꙋкописа́нїе мно́гихъ мои́хъ страсте́й и҆згла́ди и҆зъ кни́ги живо́тныѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хода́тай бг҃ꙋ и҆ человѣ́кѡмъ бы́лъ є҆сѝ, хрⷭ҇тѐ бж҃е, тобо́ю бо влⷣко, къ свѣтонача́льникꙋ ѻ҆ц҃ꙋ̀ твоемꙋ̀ ѿ но́щи невѣ́дѣнїѧ приведе́нїе и҆́мамы."
|
|
},
|
|
{
|
|
"type": "TEXT",
|
|
"value": "Собла́знъ готовлѧ́етъ тебѣ̀ дїа́волъ, полага́ѧ претыка́нїѧ дꙋшѝ твое́й, и҆ посла̀ разбо́йники ѿгна́ти тѧ̀ ѿ ма́лыѧ хра́мины: ты́ же, преблаже́нне ѻ҆́тче, ꙗ҆́кѡ за хрⷭ҇та̀ гони́мъ, ра́довашесѧ."
|
|
},
|
|
{
|
|
"type": "TEXT",
|
|
"value": "Завѣща́лъ є҆сѝ дꙋшѝ свое́й по гора́мъ превита́ти, ꙗ҆́кѡ птене́цъ го́рличищь, ѻ҆́тче і҆ѡанні́кїе, и҆ тꙋ̀ наꙋчи́лсѧ є҆сѝ ви́дѣти бо́га."
|
|
},
|
|
{
|
|
"type": "TEXT",
|
|
"value": "Наꙋче́нъ зако́номъ хрⷭ҇то́вымъ непещи́сѧ ѡ҆ пи́щи и҆ ѡ҆ ѻ҆де́жди и҆спо́лнилъ є҆сѝ дѣ́ланїе пти́цъ небе́сныхъ, тѣ́мже всели́всѧ въ дꙋ́пленно древо̀, въ мнѡ́гїѧ днѝ пребы́лъ є҆сѝ безъ кро́ва и҆ пи́щи."
|
|
},
|
|
{
|
|
"type": "TEXT",
|
|
"value": "Не да́лъ є҆сѝ сна̀ свои́ма ѻ҆чи́ма, преподо́бне, ни́же вѣ́ждома свои́ма дрема́нїѧ, до́ндеже плотска̑ѧ ᲂу҆ста́вилъ є҆сѝ стремлє́нїѧ и҆ къ свѣ́тꙋ за́йде незаходи́момꙋ; влады́кꙋ всѣ́хъ воспѣва́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Рꙋ́чкꙋ златꙋ́ю, и҆ свѣ́щникъ дѣви́це, и҆ трапе́зꙋ дре́вле проѡбразова́хꙋ нело́жнѡ проро́ческаѧ прорече́нїѧ, быва́ющаѧ по бж҃їю смотре́нїю; во є҆́же бы ты̀ была̀ бг҃ороди́тельница рождество́мъ свои́мъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ:"
|
|
},
|
|
{
|
|
"type": "TEXT",
|
|
"value": "Пꙋтѝ мы́сленнагѡ лꙋка́вства и҆збѣ́глъ є҆сѝ воздержа́нїемъ и҆ моли́твою, любо́вїю же и҆ и҆́стинною. Тѣ́мже крѣ́плимъ жела́нїемъ и҆ и҆́стиннымъ смире́нїемъ восхо́дъ ко хрⷭ҇тꙋ̀ стѧжа́лъ є҆сѝ, ѻ҆́тче."
|
|
},
|
|
{
|
|
"type": "TEXT",
|
|
"value": "Не да́лъ є҆сѝ сна̀ свои́мъ ѻ҆чесє́мъ, до́ндеже показа́лсѧ до́мъ свѧты́ѧ тро́ицы, и҆ премꙋ́дрости сокро́вище, мі́ръ ѡ҆богаща́ѧ бж҃е́ственными и҆сцѣле́ньми."
|
|
},
|
|
{
|
|
"type": "TEXT",
|
|
"value": "Благоговѣ́нїемъ же къ творцꙋ̀ ꙗ҆́вственнѣ прибли́живсѧ къ вели́комꙋ свѣ́тꙋ, содѣ́лалсѧ є҆сѝ земны́й а҆́гг҃лъ и҆ небе́сный человѣ́къ."
|
|
},
|
|
{
|
|
"type": "TEXT",
|
|
"value": "Ѿ небе́съ прїе́мъ ѻ҆би́льно дарова́нїе дꙋ́ха пресвѧта́гѡ, ѻ҆́тче і҆ѡанні́кїе, да́рꙋй мѝ сло́во во ѿверзе́нїе ᲂу҆́стъ мои́хъ, да воспою̀ равноа́гг҃льское житїѐ твоѐ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Марі́е пресвѧта́ѧ, чи́стое дѣ́вства сокро́вище, ѡ҆чи́сти ᲂу҆́мъ мо́й, стра́стїю ѡ҆мраче́нный, и҆ и҆спо́лни се́рдце моѐ бж҃е́ственною благода́тїю, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Возбра́нной воево́дѣ:"
|
|
},
|
|
{
|
|
"type": "TEXT",
|
|
"value": "Ѿ ю҆́ности бг҃омꙋ́дре возлюби́въ а҆́гг҃льское житїѐ, всѧ̀ кра́снаѧ ѡ҆ста́вилъ є҆сѝ: за́йде бо ꙗ҆́кѡже ѕвѣзда̀ ѿ мі́ра, восте́къ къ разꙋ́мномꙋ и҆ пра́ведномꙋ со́лнцꙋ, хрⷭ҇тꙋ̀, ѿ негѡ̀ же прїе́мь благода́ть и҆сцѣле́нїѧ, разли́чныѧ недꙋ́ги врачꙋ́еши притека́ющихъ къ свѧще́ннѣй ра́цѣ твое́й. Тѣ́мже и҆ мы̀ соверша́юще любо́вїю всечестнꙋ́ю твою̀ па́мѧть, вопїе́мъ тѝ: ра́дꙋйсѧ ѻ҆́тче і҆ѡанні́кїе."
|
|
},
|
|
{
|
|
"type": "TEXT",
|
|
"value": "І҆́косъ: Хрⷭ҇то́въ ᲂу҆слы́шавъ гла́съ, преподо́бне, ше́ствовалъ є҆сѝ вслѣ́дъ за́повѣдей є҆гѡ̀, на́гъ жи́тель бы́въ, занѐ ѿрече́сѧ попече́нїѧ ѿ стѧжа́нїи, па́че же ѿве́ржесѧ при́сныхъ и҆ сро́дныхъ свои́хъ, є҆ди́нъ въ пꙋсты́ни бесѣ́дꙋѧ съ бг҃омъ, съ ни́мже соединѧ́ѧсѧ бдѣ́нїемъ, посто́мъ и҆ моли́твами, ра́зꙋма дарова́нїе воспрїѧ́лъ є҆сѝ: то́й же да́ръ и҆ на́мъ ниспослѝ, пою́щымъ тѝ си́це: ра́дꙋйсѧ ѻ҆́тче і҆ѡанні́кїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дꙋхо́внꙋю, сы́й бл҃гослове́нъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Взѧ́лсѧ є҆сѝ къ высотѣ̀ безстра́стїѧ, ᲂу҆подо́бивсѧ а҆́гг҃лѡмъ, въ пло́ти сы́й, и҆ бы́въ прича́стникъ присносꙋ́щнѣй пи́щи, взыва́лъ є҆сѝ блаже́нне: благослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Сїѧ́ѧ лꙋча́ми бг҃ови́дными, разгна́лъ є҆сѝ бѣсо́вскїѧ нахо́ды, и҆ вѣ̑рныѧ ѿ ѡ҆ѕлобле́нїй мно́гихъ и҆зба́вилъ є҆сѝ, вопїю́щихъ, преподо́бне: благослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ дре́во, ѻ҆́тче, насажде́нное при и҆схо́дищихъ во́дъ, процвѣ́лъ є҆сѝ бж҃е́ственными добродѣ́тельми ꙗ҆́кѡ ке́дръ въ лїва́нѣ, тѣ́мже ѡ҆сѣнѧ́еши недꙋ̑жныѧ."
|
|
},
|
|
{
|
|
"type": "TEXT",
|
|
"value": "Свѧты́ѧ свѣ́тлости, и҆ жи́зни безконе́чныѧ, и҆ ра́дости неизрече́нныѧ, и҆ ца́рствїѧ небе́снагѡ сподо́бивсѧ всеблаже́нне, посыла́еши ѡ҆свѧще́нїе и҆ и҆збавле́нїе всѣ̑мъ вѣ́рою взыва́ющымъ: благослове́нъ є҆сѝ гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сѐ дѣ́ва, ю҆́же дꙋ́хомъ прови́дѣ и҆са́їа, заче́нши ро́ди спа́са и҆ и҆зба́вителѧ на́мъ пою́щымъ: благослове́нъ є҆сѝ гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ пою́щыѧ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Недрема́ннꙋ дꙋше́внꙋю свѣщꙋ̀ ма́сломъ по́двигѡвъ твои́хъ сохрани́въ, ра́достнѡ вше́лъ є҆сѝ къ нетлѣ́нномꙋ женихꙋ̀, и҆дѣ́же вѣ́чнѡ живе́ши, вопїѧ̀: всѧ̑ дѣла̀ благослови́те, по́йте гдⷭ҇а."
|
|
},
|
|
{
|
|
"type": "TEXT",
|
|
"value": "Ѡ҆кормле́нїемъ свѧта́гѡ дꙋ́ха преплы́въ мо́ре и҆скꙋше́нїй немо́креннѡ, преподо́бне, дости́глъ є҆сѝ тишинꙋ̀ ца́рствїѧ небе́снагѡ, потопи́въ неви́димыѧ врагѝ сле́зными стрꙋѧ́ми, ѿѻнꙋ́дꙋже и҆сточа́еши цѣльбы̑ приходѧ́щымъ и҆ вопїю́щымъ: благослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Ны́нѣ дерзнове́нїе и҆мѣ́ѧ, ꙗ҆́кѡ бг҃ꙋ предстоѧ̀ и҆ ѕлоко́знєнныѧ бѣ́сы побѣди́въ, сотворѝ моли́твꙋ ѡ҆ на́съ ко гдⷭ҇ꙋ, ꙗ҆́кѡ да и҆зба́вимсѧ собла́знѡвъ дїа́вольскихъ и҆ вѣ́чныхъ и҆збꙋ́демъ мꙋ́къ, вѣ́рою зовꙋ́ще: благослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Ра́зꙋмъ и҆ ᲂу҆́мъ сво́й ᲂу҆краси́лъ є҆сѝ ѿ ю҆́ности, стѧжа́въ ста́рость соломѡ́новꙋ: ѻ҆ба́че всю̀ сладостра́стнꙋю пи́щꙋ ѿмета́лъ є҆сѝ, потща́всѧ стѧжа́ти нестарѣ́ющꙋю пи́щꙋ трꙋдо́мъ и҆ болѣ́знми свои́хъ по́двигѡвъ, вопїѧ̀: благослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆мерщвле́ннꙋю дꙋ́шꙋ мою̀ ѡ҆живѝ, па́дшꙋю возста́ви, ᲂу҆ѧзвле́ннꙋю и҆сцѣлѝ, ᲂу҆́мъ мо́й ᲂу҆мирѝ, волне́нїѧ и҆скꙋше́нїй дѣ́во ᲂу҆кротѝ, и҆ спасѝ вопїю́щыѧ: благослови́те дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щьсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ; тѣ́мъ всепѣ́тꙋю бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Напои́лъ є҆сѝ зе́млю дꙋшѝ твоеѧ̀ слеза́ми, блаже́нне, тѣ́мже и҆ ненасѣ́ѧннаѧ землѧ̀ препита̀ тѧ̀, даю́щи тѣ́лꙋ твоемꙋ̀ ма́лое ᲂу҆тѣше́нїе."
|
|
},
|
|
{
|
|
"type": "TEXT",
|
|
"value": "Хрⷭ҇то́ви соца́рствовати вы́нꙋ сподо́билсѧ є҆сѝ на небесѣ́хъ, равноа́гг҃льное житїѐ на землѝ пожи́въ, моли́сѧ творцꙋ̀ и҆ влады́цѣ со дерзнове́нїемъ ѡ҆ всѣ́хъ, вѣ́рою соверша́ющихъ всечестнꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Въ землѝ положє́нныѧ твоѧ̑ свѧщє́нныѧ мо́щи ѡ҆свѧща́ютсѧ, стѧжа́вши бж҃е́ственнꙋю благода́ть, є҆́юже точа́тъ и҆сцѣлє́нїѧ, стра̑сти дꙋшє́вныѧ и҆сцѣлѧ́ютъ и҆ ѿ вредоно́сныхъ ꙗ҆́звъ бѣсо́вскихъ свобожда́ютъ."
|
|
},
|
|
{
|
|
"type": "TEXT",
|
|
"value": "Бж҃е́ственными добро́тами ѻ҆́тче ѡ҆бложе́нъ, свѧты́мъ житїе́мъ ѡ҆божи́лсѧ є҆сѝ, и҆ просвѣще́нъ предстоѧ̀ вели́комꙋ свѣ́тꙋ, помина́й приближа́ющихсѧ тебѣ̀, чтꙋ́щихъ тѧ̀ вѣ́рнѡ, и҆ па́мѧть твою̀ вѣ́рнѡ соверша́ющихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пречи́стаѧ бцⷣе, ꙗ҆́же бг҃а несказа́ннѡ заче́нши и҆ ро́ждши пло́тїю на спасе́нїе всемꙋ̀ мі́рꙋ. Того̀ молѝ, преблага́ѧ, ᲂу҆мири́ти мі́ръ и҆ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Свѣти́ленъ: Добродѣ́тели крило́ма на небеса̀ возлетѣ́въ, прибли́живсѧ же трисо́лнечномꙋ свѣ́тꙋ, со а҆́гг҃лы воспѣва́еши трисвѧтꙋ́ю пѣ́снь, съ ни́миже всѣ́хъ на́съ помина́й, почита́ющихъ па́мѧть твою̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ю҆́же дре́вле проповѣ́даша проро́чески ли́цы, а҆по́столи наꙋчи́ша дв҃ꙋ по рождествѣ̀, мꙋ́ченицы и҆сповѣ́даша и҆́стиннꙋю бцⷣꙋ, тꙋ́южде и҆ мы̀ согла́снѡ воспои́мъ и҆ велича́емъ ꙗ҆́кѡ ма́терь бж҃їю, и҆ съ гаврїи́ломъ зове́мъ къ не́й: ра́дꙋйсѧ ма́ти гдⷭ҇нѧ, хрⷭ҇тїа́нѡмъ застꙋ́пнице."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Небе́сныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Презира́тель до́лнихъ и҆ пресе́льникъ, рачи́тель вы́шнихъ и҆ пꙋсты́нный граждани́нъ і҆ѡанні́кїй бг҃омꙋ́дрый, всѣ̑мъ на́мъ пра́здновати повелѣва́етъ є҆́же къ бг҃ꙋ ѿше́ствїе є҆гѡ̀, тѣ́мже и҆ твори́мъ сїѐ наꙋча́емїи ѿ дꙋ́ха свѧта́гѡ. Два́жды."
|
|
},
|
|
{
|
|
"type": "TEXT",
|
|
"value": "Мі́ръ добродѣ́телей бы́въ во пло́ти, ѻ҆́тче бг҃омꙋ́дре, житїе́мъ свои́мъ на землѝ просла́вилъ є҆сѝ гдⷭ҇а сла́вы, и҆́же тѧ̀ по достоѧ́нїю просла́ви. Є҆сѝ бо и҆сто́чникъ цѣле́бный си́лою є҆гѡ̀, і҆ѡанні́кїе преподо́бне."
|
|
},
|
|
{
|
|
"type": "TEXT",
|
|
"value": "Вѣ́дѧще тѧ̀ смире́нна, неѕлоби́ва, кро́тка, про́ста, молчали́ва, прославлѧ́емъ ꙗ҆́кѡ вои́стиннꙋ па́че человѣ́ка, ѻ҆́тче, ꙗ҆́кѡ невеще́ственна ꙗ҆́кѡ хра́мъ бж҃їй, ѿ негѡ́же прибы́вшаѧ тѝ дарова̑нїѧ ми́лостивнѡ подава́й на́мъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃."
|
|
},
|
|
{
|
|
"type": "TEXT",
|
|
"value": "Преподо́бне ѻ҆́тче, во всю̀ зе́млю и҆зы́де вѣща́нїе и҆справле́нїй твои́хъ, тѣ́мже на небесѝ ѡ҆брѣ́лъ є҆сѝ полкѝ, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ непоро́чнѡ поревнова́въ, и҆́маши дерзнове́нїе моли́тисѧ влады́цѣ, ми́ръ и҆спросѝ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Богоро́дице, ты̀ є҆сѝ лоза̀ и҆́стиннаѧ, возрасти́вшаѧ на́мъ пло́дъ живота̀, тебѣ̀ мо́лимсѧ, моли́сѧ влады́чице со свѧты́ми а҆по́столы, поми́ловатисѧ дꙋша́мъ на́шимъ."
|
|
},
|
|
{
|
|
"type": "HEADER",
|
|
"value": "Та́же славосло́вїе вели́кое и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и, Блаже́нна ѿ канѡ́на свѧто́мꙋ, пѣ́снь г҃-ѧ и҆ ѕ҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Восхва́лѧтсѧ преподо́бнїи во сла́вѣ и҆ возра́дꙋютсѧ на ло́жахъ свои́хъ."
|
|
},
|
|
{
|
|
"type": "HEADER",
|
|
"value": "А҆по́столъ ко є҆вре́ємъ, зача́ло тл҃є."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ в҃: Свѧще́нницы твоѝ, гдⷭ҇и, ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ лꙋкѝ, зача́ло к҃д."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ пра́ведникъ."
|
|
}
|
|
] |