1070 lines
87 KiB
JSON
1070 lines
87 KiB
JSON
[
|
|
{
|
|
"type": "HEADER",
|
|
"value": "Септе́мврїа к҃з"
|
|
},
|
|
{
|
|
"type": "HEADER",
|
|
"value": "Преставле́нїе прпⷣбнагѡ и҆ бг҃оно́снагѡ ѻ҆тца̀ на́шегѡ савва́тїа, солове́цкагѡ нача́льника и҆ чꙋдотво́рца."
|
|
},
|
|
{
|
|
"type": "HEADER",
|
|
"value": "Блгⷣтїю бж҃їею соверша́емъ всено́щное бдѣ́нїе."
|
|
},
|
|
{
|
|
"type": "HEADER",
|
|
"value": "На ма́лѣй вече́рни, на Гдⷭ҇и воззва́хъ, стⷯры на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "На нб҃о текꙋ́щꙋю возше́дъ четвероснꙋ́знꙋю добродѣ́телей колесни́цꙋ̀, ѻ҆́тче савва́тїе, премі́рныхъ дости́глъ є҆сѝ, и҆ та́мѡ водворѧ́ѧсѧ, наслажда́ешисѧ неизрече́нныхъ бла̑гъ. Два́жды."
|
|
},
|
|
{
|
|
"type": "TEXT",
|
|
"value": "До́льнихъ ꙗ҆́кѡ непостоѧ́тельныхъ преѡби́дѣлъ҆ є҆сѝ разꙋ́мнѣ, вы̑шнѧѧ пребыва́тєльнаѧ возлюби́лъ є҆сѝ, бл҃же́нне, и҆ та́мѡ простира́ѧсѧ добродѣ́телей восхожде́ньми."
|
|
},
|
|
{
|
|
"type": "TEXT",
|
|
"value": "Лꙋ́чшихъ бы́въ рачи́тель, и҆ ко стѧжа́нїю си́хъ ᲂу҆стреми́сѧ, гѡ́ршаѧ досто́йнѡ ѿри́нꙋ пра́востїю смы́сла, до́брѣ разсꙋжда́ѧ, савва́тїе ѻ҆́тче."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Прїиди́те, по́стническое сосло́вїе, дне́сь: ᲂу҆блажи́мъ и҆́же вои́стиннꙋ бл҃же́ннаго, по́стникѡмъ бо ᲂу҆добре́нїе ꙗ҆ви́сѧ, добродѣ́тельми ᲂу҆краша́ѧсѧ и҆зрѧ́днѡ. Тѣ́мже любо́вїю соше́дшесѧ, дꙋхо́внѣ торжествꙋ́емъ, къ немꙋ́же возопїе́мъ: ѽ прпⷣбне савва́тїе ѻ҆́тче на́шъ, ꙗ҆́кѡ и҆мѣ́ѧ дерзнове́нїе ко хрⷭ҇тꙋ̀ бг҃ꙋ, ми́ръ и҆ ѡ҆ставле́нїе и҆спросѝ, и҆̀же любо́вїю чтꙋ́щымъ всечестнꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Всѐ ᲂу҆пова́нїе моѐ на тѧ̀ возлага́ю, мт҃и бж҃їѧ, сохрани́ мѧ под̾ кро́вомъ твои́мъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "До́мъ добродѣ́телей ты̀ показа́сѧ, и҆ прїѧ́телище дарова́нїємъ, прпⷣбне ѻ҆́тче савва́тїе."
|
|
},
|
|
{
|
|
"type": "TEXT",
|
|
"value": "Сті́хъ: Чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Страсте́мъ и҆стерза́тель, пло́ти томи́тель, ѧ҆зы́кꙋ воздержа́тель, сласте́мъ ᲂу҆мертви́тель бы́лъ є҆сѝ, прпⷣбне савва́тїе."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Чи́стыми тѝ мл҃твами бг҃ови прибли́живсѧ, и҆ бл҃года́ть и҆мѣ́ѧ нечи̑стыѧ ѿгонѧ́ти дꙋ́хи ѿ человѣ̑къ, прпⷣбне савва́тїе."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ѡ҆бра́дованнаѧ, ра́дꙋйсѧ, ꙗ҆́же ра́дость мі́рꙋ ро́ждши, хрⷭ҇та̀ жизнода́вца, и҆ прама́тернюю, дв҃о, печа́ль ѿе́мшаѧ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности твоеѧ̀, прпⷣбне, ве́сь себѐ гдⷭ҇еви предложи́въ, и҆ земна̑ѧ всѧ̑ ѡ҆ста́вль, хрⷭ҇тѡ́вымъ стопа́мъ те́плѣ послѣ́довалъ є҆сѝ, и҆ безплѡ́тнымъ сожи́тель ꙗ҆ви́лсѧ є҆сѝ, и҆ всѣ̑мъ прпⷣбнымъ соѻ́бщникъ, пребл҃же́нне савва́тїе. Тѣ́мъ мо́лимъ ти сѧ, ѻ҆́тче, моли́сѧ ѡ҆ на́съ непреста́ннѡ хрⷭ҇тꙋ̀ бг҃ꙋ, ꙗ҆́кѡ да млⷭ҇тивъ бꙋ́детъ на́мъ въ де́нь сꙋ́дный."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Є҆́же ѿ вѣ́ка ᲂу҆тае́ное, и҆ а҆́гг҃лѡмъ несвѣ́домое та́инство: тобо́ю, бцⷣе, сꙋ́щымъ на землѝ ꙗ҆ви́сѧ бг҃ъ, въ несли́тномъ соедине́нїи воплоща́емь, и҆ крⷭ҇тъ во́лею на́съ ра́ди воспрїи́мъ, и҆́мже воскреси́въ первозда́ннаго, спасѐ ѿ сме́рти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни, Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче савва́тїе, любвѐ ра́ди хрⷭ҇то́вы, всѧ̑ ꙗ҆̀же на землѝ преѡби́дѣлъ҆́ є҆сѝ, и҆ въ пꙋсты́ню всели́сѧ, плотско́е по́хоти мꙋдрова́нїе ᲂу҆мертви́лъ є҆сѝ, по́стническими трꙋды̀ своѐ житїѐ ᲂу҆ѧсни́лъ є҆сѝ: тѣ́мъ и҆ хрⷭ҇то́съ да́ромъ чꙋде́съ ѡ҆богати́ тѧ. Помина́й на́съ чтꙋ́щихъ па́мѧть твою̀, досточꙋ́дне."
|
|
},
|
|
{
|
|
"type": "TEXT",
|
|
"value": "Преподо́бенъ и҆ че́стенъ свѣти́льникъ бж҃е́ственный и҆ свѣтоно́сный, под̾ спꙋ́домъ жите́йскїѧ толстоты̀ не скрыва́етсѧ николи́же: но на версѣ̀ полага́етъ є҆го̀ высо́кихъ чꙋде́съ чл҃вѣколю́бецъ. Тогѡ̀ мл҃твами, хрⷭ҇тѐ, да́рꙋй лю́демъ твои̑мъ ми́ръ и҆ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче савва́тїе, ты̀ ѿ ю҆́ности хрⷭ҇тꙋ̀ порабо́тивсѧ, кре́стъ всечⷭ҇тны́й на ра́мена твоѧ̑ возложи́лъ є҆сѝ, и҆ не возврати́лсѧ є҆сѝ вспѧ́ть, но бы́лъ є҆сѝ ᲂу҆пра́вленъ во црⷭ҇твїе хрⷭ҇та̀ вопло́щшагѡсѧ бг҃а, во сп҃се́нїе дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Въ лодїѝ тѣле́снѣй вози́мь, прпⷣбне савва́тїе, кро́ткими дыха̑нїи кро́ткагѡ дх҃а, легкѡ̀ преше́лъ є҆сѝ жите́йскꙋю пꙋчи́нꙋ, мꙋ́дре: и҆ на би́серѣ многоцѣ́ннѣмъ своѧ̑ и҆мѣ̑нїѧ прода́въ, и҆ ѡ҆брѣ́тъ є҆го̀ въ себѣ̀ ᲂу҆держа́лъ є҆сѝ, и҆ ѡ҆боже́нъ бы́въ бж҃е́ственными є҆гѡ̀ сїѧ̑нїи."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Є҆гда̀ ᲂу҆ѧзви́сѧ бж҃е́ственнымъ жела́нїемъ, тогда̀ всѧ̑ ꙗ҆̀же въ мі́рѣ кра̑снаѧ ни во что́же вмѣнѝ, во слѣ́дъ сп҃си́телѧ и҆зы́де: бога́тство мимотекꙋ́щее презрѣ̀ до́блественнѣ, сла́вꙋ же и҆ могꙋ́тство, ꙗ҆́кѡ ничто́же сꙋ́щее, ѡ҆плева̀. Молѝ, мо́лимъ тѧ̀, сп҃стѝ и҆ просвѣти́ти дꙋ́шы на́шѧ. Два́жды."
|
|
},
|
|
{
|
|
"type": "TEXT",
|
|
"value": "Є҆гда̀ ты̀ вни́де въ кїнові́ю, тогда̀ своеѧ̀ во́ли, савва́тїе, до конца̀ совлече́сѧ, настоѧ́щемꙋ повинꙋ́ѧсѧ неразсꙋ́днѣ, и҆ всѣ̑мъ покарѧ́ѧсѧ рабо́таѧ, доса̑ды и҆ безчє́стїѧ прїе́млѧ ра́дꙋѧсѧ: тѣ́мже и҆ гдⷭ҇ь, зрѧ̀ твоѐ, ѻ҆́тче, предложе́нїе бла́го, прославлѧ́етъ тѧ̀."
|
|
},
|
|
{
|
|
"type": "TEXT",
|
|
"value": "Є҆гда̀ ѡ҆бѣ́ты и҆́ночества гдⷭ҇еви воздадѐ, тогда̀ ᲂу҆́мное ѻ҆́ко бо́дрѡ зрѣ́ти поста́вилъ є҆сѝ, мы́слєнныѧ врагѝ слеза́ми потоплѧ́ѧ, и҆ непоро́чнѡ ходи́ти въ пꙋте́хъ зако́на гдⷭ҇нѧ дꙋ́шꙋ наставлѧ́ѧ, савва́тїе: дерзнове́нїе и҆мѣ́ѧ къ бг҃ꙋ, молѝ, мо́лимъ тѧ̀, сп҃стѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Что́ ти принесе́мъ, прпⷣбне, ꙗ҆́кѡ неѡскꙋ́днѡ и҆злива́еши тре́бꙋющымъ бл҃года́ти; и҆́бо тѣ́ло твоѐ, ѻ҆́тче, чистоты̀ жили́ще показа́сѧ, тѣ́мже и҆ посѣще́нїемъ ст҃а́гѡ дх҃а ѡ҆зари́всѧ, нетлѣ́нно въ на́ше бл҃гослове́нїе соблюда́етсѧ, бл҃года́тныхъ лꙋ̑чь сїѧ́нїѧ и҆спо́лнено, и҆̀хже бѣ́сове не терпѧ́ще зрѣ́ти, дале́че ѿбѣга́ютъ, да́нныѧ тѝ бл҃года́ти трепе́щꙋще. И҆̀хже ѿ дꙋ́шъ на́шихъ и҆ тѣле́съ ѿженѝ, мо́лимъ тѧ̀, ненавѣ̑тны на́съ при́снѡ соблюда́й тѣ́хъ ла́ѧнїѧ твои́ми мл҃твами."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Цр҃ь нбⷭ҇ный за человѣколю́бїе на землѝ ꙗ҆ви́сѧ, и҆ съ человѣ́ки поживѐ: ѿ дв҃ы бо чⷭ҇тыѧ пло́ть прїе́мый, и҆ и҆з̾ неѧ̀ проше́дый съ воспрїѧ́тїемъ, є҆ди́нъ є҆́сть сн҃ъ, сꙋгꙋ́бъ є҆стество́мъ, но не ѵ҆поста́сїю. Тѣ́мже соверше́нна того̀ бг҃а, и҆ соверше́нна чл҃вѣ́ка вои́стиннꙋ проповѣ́дающе, и҆сповѣ́дꙋемъ хрⷭ҇та̀ бг҃а на́шего: є҆го́же молѝ, мт҃и безневѣ́стнаѧ, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. И҆ чтє́нїѧ г҃ прпⷣбничєскаѧ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Главы̑ є҃ и҆ ѕ҃.)"
|
|
},
|
|
{
|
|
"type": "TEXT",
|
|
"value": "Првⷣницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе бл҃голѣ́пїѧ, и҆ вѣне́цъ добро́ты ѿ рꙋкѝ гдⷭ҇ни, занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ. Прїи́метъ щи́тъ непобѣди́мый преподо́бїе. Поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ. По́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ, на намѣ́ренїе полетѧ́тъ. И҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды. Вознегодꙋ́етъ на ни́хъ вода̀ морска́ѧ: рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе: и҆ ѕлодѣ́йство преврати́тъ престо́лы си́льныхъ. Слы́шите ᲂу҆́бѡ ца́рїе, и҆ разꙋмѣ́йте: навы́кните сꙋдїи̑ концє́въ землѝ. Внꙋши́те держа́щїи мно́жєства, и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Првⷣныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ. И҆ є҆́же ѿ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. И҆́бо пред̾ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ: и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Првⷣникъ а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть: и҆ живы́й посредѣ̀ грѣ̑шникъ преста́вленъ бы́сть: восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀. Сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ ми́лость въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи́ра хра́ма, и҆ прпⷣбномꙋ."
|
|
},
|
|
{
|
|
"type": "HEADER",
|
|
"value": "Гла́съ а҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче савва́тїе, соше́дшесѧ любо́вїю въ па́мѧть твою̀, ко всечⷭ҇тны̑мъ и҆ чꙋдотвѡ́рнымъ твои̑мъ моще́мъ, свѣ́тлѡ торжествꙋ́юще, во гла́сѣхъ пѣ́сненныхъ пою́ще, даві́дски глаго́лемъ: бл҃же́нъ мꙋ́жъ боѧ́йсѧ гдⷭ҇а, непоро́чнѡ бо въ пꙋте́хъ гдⷭ҇нихъ ходи́лъ є҆сѝ, тѣ́мже со прпⷣбными водворѧ́ѧсѧ. Съ ни́миже моли́сѧ гдⷭ҇еви, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Гла́съ в҃:"
|
|
},
|
|
{
|
|
"type": "TEXT",
|
|
"value": "Предстоѧ́ще знаменонѡ́снымъ моще́мъ прпⷣбнагѡ ѻ҆тца̀ на́шегѡ, ѽ празднолю́бцы, возопїи́мъ похва́льными гла́сы, глаго́люще: ка́кѡ тѧ̀ ᲂу҆блажи́мъ, савва́тїе, на землѝ пожи́вша па́че человѣ́ка, и҆ въ вы́шнихъ бл҃жи́маго со всѣ́ми ᲂу҆го́ждшими гдⷭ҇еви; съ ни́миже предстоѧ̀ во свѣ́тѣ бж҃е́ственнѣмъ, молѝ, мо́лимъ тѧ̀, и҆зба́витисѧ на́мъ ѿ собла̑знъ льсти́вагѡ, и҆ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Гла́съ г҃:"
|
|
},
|
|
{
|
|
"type": "TEXT",
|
|
"value": "Ка̑ѧ пѣ̑нїѧ тѝ принесе́мъ, прпⷣбне, тебѣ̀ въ нбⷭ҇ныхъ пребыва́ющꙋ; но є҆́же въ па́мѧть твою̀ сте́кшесѧ, пѣ́нїе пѣ́сней сплета́емъ, похвалѧ́юще гдⷭ҇а, прїе́мша твоѧ̑ трꙋды̀ и҆ по́двиги, и҆ бога́тнѡ возда́вша: тѣлесѝ ᲂу҆̀бо и҆сточа́ти здра́вїе болѧ́щымъ, дꙋ́шꙋ же на премі̑рнаѧ прїѧ́тъ, бж҃е́ственными зарѧ́ми ѡ҆блиста́ѧ тꙋ̀. Тѣ́мже молѝ, ѻ҆́тче, ꙗ҆́кѡ и҆мы́й дерзнове́нїе ко гдⷭ҇ꙋ, ми́ръ мі́рови дарова́ти, и҆ це́рквамъ є҆диномы́слїе, и҆ дꙋша́мъ на́шымъ ве́лїю и҆ бога́тꙋю млⷭ҇ть."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Дне́сь соше́дшесѧ, бра́тїе, дх҃о́внѣ почти́мъ чⷭ҇тна́го ѻ҆тца̀ на́шего, и҆́же посто́мъ тѣ́ло своѐ и҆знꙋри́вша, воздержа́нїемъ же стра̑сти ѡ҆хꙋди́вша, и҆ бдѣ́нїемъ ᲂу҆́мъ ѡ҆чи́стивша, моли́твою же дꙋ́шꙋ просвѣ́щша, нището́ю бога́тство прїе́мша бл҃года́ти, и҆ послꙋша́нїемъ бг҃а бл҃гопослꙋ́шна стѧжа́вша, чистото́ю жили́ще прест҃а́гѡ дх҃а бы́вша: є҆гѡ́же ра́ди врагѡ́въ шата̑нїѧ хрⷭ҇то́съ низложи́въ, да́рꙋетъ на́мъ ми́ръ и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче савва́тїе, бж҃е́ственною любо́вїю ты̀ мі́ра ѿчꙋжди́сѧ, и҆ за и҆́же на́съ ра́ди съ нб҃съ стра́нствовавша стра́ненъ бы́лъ є҆сѝ, и҆ страда́вшагѡ ра́ди въ на́ше сп҃се́нїе, трꙋды̀ поне́слъ є҆сѝ, по́двигомъ и҆ посто́мъ пꙋ́ть смире́нїѧ ѡ҆брѣ́те, и҆́мже и҆ прибли́жилсѧ є҆сѝ и҆́же на́съ ра́ди смири́вшꙋсѧ сло́вꙋ бж҃їю да́же до крⷭ҇та̀ и҆ сме́рти. Сегѡ̀ ра́ди па́мѧть твою̀ свѣ́тлѡ пра́зднꙋюще, про́симъ твои́ми мл҃твами ѿ хрⷭ҇та̀ бг҃а прїѧ́ти странѣ̀ на́шей побѣ́дное на врагѝ ѡ҆долѣ́нїе, и҆ мі́рꙋ ᲂу҆мире́нїе, и҆ це́рквамъ є҆диномы́слїе, и҆ дꙋша́мъ на́шымъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ, возрасти́вшаѧ на́мъ пло́дъ живота̀, тебѣ̀ мо́лимсѧ: моли́сѧ, влⷣчце, со ст҃ы́ми а҆пⷭ҇лы, поми́ловати дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Прїиди́те и҆ прїими́те, бра́тїе, лїю́щїѧсѧ бл҃года́ти ѿ моще́й прпⷣбнагѡ ѻ҆тца̀ на́шегѡ савва́тїа: то́й бо подвиза́сѧ без̾ лѣ́ности во вре́меннѣй жи́зни, и҆ ꙗ҆́кѡ безпло́тенъ во пло́ти поживѐ. Тѣ́мже прїѧ́тъ да́ры ѿ хрⷭ҇та̀ бг҃а, и҆ на́мъ про́ситъ ѡ҆чище́нїѧ и҆ ве́лїѧ млⷭ҇ти."
|
|
},
|
|
{
|
|
"type": "TEXT",
|
|
"value": "Сті́хъ: Чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Приноси́те вѣ́рꙋ всѝ хотѧ́щїи и҆сцѣле́нїѧ, и҆ прїе́млите незави́стнѡ, почерпи́те вїно̀ дꙋ́шы веселѧ́щее, ника́коже сꙋмнѧ́щесѧ, всѣ̑мъ бо ѡ҆кри́нъ҆̀ бл҃года́ти предстои́тъ: и҆спо́лнь честнѣ́йшаѧ ча́ша пребл҃же́ннагѡ ѻ҆тца̀ на́шегѡ савва́тїа, и҆злива́етъ приходѧ́щымъ съ вѣ́рою дꙋша́мъ и҆ тѣлесє́мъ здра́вїе."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "И҆сто́чникъ приснотекꙋ́щїй врачевства̀ безме́зднагѡ, мѡ́щи знаменоно́снагѡ ѻ҆тца̀ на́шегѡ савва́тїа, и҆ всѧ́къ приходѧ́й прїе́млетъ, подава́етъ бо приходѧ́щымъ съ вѣ́рою. Ѽ вели́кїѧ бл҃года́ти, ѽ си́лы живоно́снагѡ мертвеца̀! Є҆гѡ́же мл҃твами, і҆и҃се цр҃ю̀, сп҃сѝ дꙋ́шы на́шѧ, ꙗ҆́кѡ є҆ди́нъ милосе́рдъ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры на стїхо́внѣ, гла́съ є҃:"
|
|
},
|
|
{
|
|
"type": "HEADER",
|
|
"value": "Сла́ва, гла́съ а҃:"
|
|
},
|
|
{
|
|
"type": "TEXT",
|
|
"value": "Досто́йнѡ по́чєсти прїѧ́лъ є҆сѝ, савва́тїе, ѿ вѣ́дѧщагѡ та̑йнаѧ гдⷭ҇а: а҆́ще и҆ въ пꙋста̑ѧ мѣста̀ ѿше́лъ є҆сѝ, но и҆ по сме́рти твоѧ̑ чꙋдеса̀ во вселе́ннѣй показа́ша тѧ̀, бг҃ꙋ прославлѧ́ющꙋ тѧ̀, и҆ твоѧ̑ по́двиги всѣ̑мъ показꙋ́ющꙋ. Є҆мꙋ́же ны́нѣ предстоѧ̀, ѡ҆ на́съ предстоѧ́щихъ тѝ, прилѣ́жнѡ моли́сѧ, полꙋчи́ти на́мъ предстоѧ́нїѧ бж҃е́ственнагѡ, и҆ неизрече́нныѧ сла́вы ѻ҆́ноѧ насыща́тисѧ, и҆ бл҃же́нства воспрїѧ́ти твои́ми къ бг҃ꙋ мл҃твами."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Сѐ и҆спо́лнисѧ и҆са́їино прорече́нїе, дв҃а бо родила̀ є҆сѝ и҆ по ржⷭ҇твѣ̀ ꙗ҆́кѡ пре́жде ржⷭ҇тва̀ пребыла̀ є҆сѝ: бг҃ъ бо бѣ̀ рожде́йсѧ, тѣ́мже и҆ є҆стєства̀ новопресѣчѐ. Но ѽ бг҃ома́ти, молє́нїѧ твои́хъ рабѡ́въ, въ твое́мъ хра́мѣ приноси̑маѧ тебѣ̀ не пре́зри: но ꙗ҆́кѡ бл҃гоꙋтро́бнаго твои́ма рꙋка́ма носѧ́щи, на твоѧ̑ рабы̑ ᲂу҆милосе́рдисѧ, и҆ молѝ сп҃сти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На бл҃гослове́нїи хлѣ́бѡвъ тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Оу҆дали́всѧ мі́ра и҆ водвори́всѧ въ пꙋсты́ни, до́брымъ по́двигомъ подвиза́лсѧ є҆сѝ, ѕлострада́нїемъ, и҆ внима́нїемъ, и҆ мл҃твами, ѿѻнꙋ́дꙋже и҆ по сме́рти и҆сточа́еши и҆сцѣлє́нїѧ, савва́тїе ѻ҆́тче на́шъ, молѝ хрⷭ҇та̀ бг҃а, сп҃сти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆́нъ тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности твоеѧ̀, прпⷣбне, ве́сь себѐ гдⷭ҇еви предложи́въ, и҆ земна̑ѧ всѧ̑ ѡ҆ста́вль, хрⷭ҇тѡ́вымъ стопа́мъ те́плѣ послѣ́довалъ є҆сѝ, и҆ безплѡ́тнымъ сожи́тель ꙗ҆ви́лсѧ є҆сѝ, и҆ всѣ̑мъ прпⷣбнымъ соѻ́бщникъ, пребл҃же́нне савва́тїе. Тѣ́мъ мо́лимъ ти сѧ, ѻ҆́тче, моли́сѧ ѡ҆ на́съ непреста́ннѡ хрⷭ҇тꙋ̀ бг҃ꙋ, ꙗ҆́кѡ да млⷭ҇тивъ бꙋ́детъ на́мъ въ де́нь сꙋ́дный."
|
|
},
|
|
{
|
|
"type": "TEXT",
|
|
"value": "И҆ Бцⷣе дв҃о:"
|
|
},
|
|
{
|
|
"type": "HEADER",
|
|
"value": "А҆ и҆дѣ́же нѣ́сть бдѣ́нїѧ, по Ны́нѣ ѿпꙋща́еши, и҆ по Трист҃о́мъ, тропа́рь, гла́съ г҃, є҆ди́ножды:"
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀ хода́тайствовавшꙋю сп҃се́нїе ро́да на́шегѡ:"
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Оу҆дали́всѧ мі́ра и҆ водвори́всѧ въ пꙋсты́ни, до́брымъ по́двигомъ подвиза́лсѧ є҆сѝ, ѕлострада́нїемъ, и҆ внима́нїемъ, и҆ мл҃твами, ѿѻнꙋ́дꙋже и҆ по сме́рти и҆сточа́еши и҆сцѣлє́нїѧ, савва́тїе ѻ҆́тче на́шъ, молѝ хрⷭ҇та̀ бг҃а, сп҃сти́сѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Тѧ̀ хода́тайствовавшꙋю сп҃се́нїе ро́да на́шегѡ, воспѣва́емъ, бцⷣе дв҃о: пло́тїю бо ѿ тебѐ воспрїѧ́тою сн҃ъ тво́й, и҆ бг҃ъ на́шъ, крⷭ҇то́мъ воспрїи́мъ стра́сть, и҆зба́ви на́съ ѿ тлѝ ꙗ҆́кѡ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Пꙋсты́ни морска́гѡ ѡ҆то́ка все́льникъ, безмо́лвное житїѐ проходѧ̀, жела́ѧ прилѣпи́тисѧ по бз҃ѣ, немѧте́жнꙋ мы́сль соблюда́ѧ, бг҃а полꙋчи́лъ є҆сѝ: є҆го́же молѝ, савва́тїе, сп҃сти́сѧ пою́щымъ тѧ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "И҆́же на прⷭ҇то́лѣ херꙋві́мстѣ сѣдѧ́й, и҆ въ нѣ́дрѣхъ ѻ҆́ч҃ихъ водворѧ́ѧйсѧ, ꙗ҆́кѡ на прⷭ҇то́лѣ ст҃ѣ́мъ свое́мъ сѣди́тъ, влⷣчце, въ нѣ́дрѣхъ твои́хъ, во пло́ти плотоно́сецъ: бг҃ъ бо вои́стиннꙋ воцр҃и́сѧ над̾ всѣ́ми ꙗ҆зы̑ки, и҆ разꙋ́мнѡ ны́нѣ пое́мъ є҆мꙋ̀, є҆го́же молѝ сп҃сти́сѧ рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ є҃:"
|
|
},
|
|
{
|
|
"type": "TEXT",
|
|
"value": "Молвы̀ жите́йскїѧ ѿлꙋчи́всѧ, и҆́ноческое пребыва́нїе возлюби́въ, воздержа́нїемъ дꙋ́шꙋ ᲂу҆добри́лъ є҆сѝ, чꙋдесє́мъ дѣ́йство прїе́мъ ѿ бг҃а: є҆го́же молѝ, савва́тїе, ѡ҆ на́съ восхвалѧ́ющихъ тѧ̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Оу҆жа́сно чꙋ́до зача́тїѧ, и҆ несказа́ненъ ѡ҆́бразъ ржⷭ҇тва̀ въ тебѣ̀ позна́сѧ, приснодв҃о чⷭ҇таѧ: ᲂу҆жаса́етъ мѝ ᲂу҆́мъ, и҆ ᲂу҆дивлѧ́етъ по́мыслъ. Сла́ва твоѧ̀, бцⷣе, всѣ̑мъ простре́сѧ, во сп҃се́нїе дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Велича́нїе: Оу҆блажа́емъ тѧ̀, прпⷣбне ѻ҆́тче на́шъ савва́тїе, и҆ чти́мъ ст҃ꙋ́ю па́мѧть твою̀, наста́вниче мона́хѡвъ, и҆ собесѣ́дниче а҆́гг҃лѡвъ."
|
|
},
|
|
{
|
|
"type": "HEADER",
|
|
"value": "И҆збра́нный ѱало́мъ:"
|
|
},
|
|
{
|
|
"type": "TEXT",
|
|
"value": "Терпѧ̀ потерпѣ́хъ гдⷭ҇а, и҆ внѧ́тъ мѝ, и҆ ᲂу҆слы́ша мл҃твꙋ мою̀: Поста́ви на ка́мени но́зѣ моѝ, и҆ и҆спра́ви стѡпы̀ моѧ̑. Сѐ ᲂу҆дали́хсѧ бѣ́гаѧ, и҆ водвори́хсѧ въ пꙋсты́ни. Оу҆подо́бихсѧ неѧ́сыти пꙋсты́ннѣй. Бдѣ́хъ, и҆ бы́хъ ꙗ҆́кѡ пти́ца ѡ҆со́бѧщаѧсѧ на здѣ̀. Кѡлѣ́на моѧ̑ и҆знемого́ста ѿ поста̀: И҆ пло́ть моѧ̀ и҆змѣни́сѧ є҆ле́а ра́ди. Слеза́ми мои́ми посте́лю мою̀ ѡ҆мочꙋ̀. Ꙗ҆́кѡ ѡ҆быдо́ша мѧ̀ псѝ мно́зи, со́нмъ лꙋка́выхъ ѡ҆держа́ша мѧ̀. Напрѧго́ша лꙋ́къ сво́й ве́щь го́рькꙋ: Сострѣлѧ́ти въ та́йныхъ непоро́чнаго. Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менє̀ є҆́сть, да не подви́жꙋсѧ. Всѝ ꙗ҆зы́цы ѡ҆быдо́ша мѧ̀, и҆ и҆́менемъ гдⷭ҇нимъ противлѧ́хсѧ и҆̀мъ. Бл҃гослове́нъ гдⷭ҇ь, и҆́же не дадѐ на́съ въ лови́твꙋ зꙋбѡ́мъ и҆́хъ: Да и҆сповѣ́дѧтсѧ тебѣ̀, гдⷭ҇и, всѧ̑ дѣла̀ твоѧ̑: И҆ прпⷣбнїи твоѝ да бл҃гословѧ́тъ тѧ̀. И҆ ᲂу҆вѣ́дите, ꙗ҆́кѡ ᲂу҆дивѝ гдⷭ҇ь прпⷣбнаго своего̀. И҆ ᲂу҆трꙋди́сѧ во вѣ́къ, и҆ жи́въ бꙋ́детъ до конца̀. Храни́тъ гдⷭ҇ь дꙋ́шы прпⷣбныхъ свои́хъ. Восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ. Чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀. По́йте гдⷭ҇еви прпⷣбнїи є҆гѡ̀, и҆ и҆сповѣ́дайте па́мѧть ст҃ы́ни є҆гѡ̀, во всѣ́хъ лю́дехъ чꙋдеса̀ є҆гѡ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "А҆ллилꙋ́їа, три́жды."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "По́стника гдⷭ҇нѧ пѣ́сньми почти́мъ, ꙗ҆́кѡ воздержа́нїемъ, и҆ тве́рдымъ поще́нїемъ, и҆ терпѣ́нїемъ посра́мльша вои́стиннꙋ сопроти́внаго. Тѣ́мже и҆́нокꙋющымъ ꙗ҆ви́сѧ похвала̀, и҆ согла́снѡ вопїе́мъ є҆мꙋ̀: прпⷣбне ѻ҆́тче савва́тїе, молѝ хрⷭ҇та̀ бг҃а, грѣхѡ́въ ѡ҆ставле́нїе пода́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Ѿ крове́й твои́хъ, чⷭ҇таѧ, воплоще́ннаго бг҃а ро́ждшаѧ, и҆змѣнѧ́ема мѧ̀ при́снѡ грѣхо́мъ и҆ прило́ги лꙋка́вагѡ, бг҃обл҃года́тнаѧ, ᲂу҆твердѝ се́рдце моѐ, бл҃га́ѧ, мт҃рними тѝ мл҃твами, да и҆ а҆́зъ благода́рственнѡ зовꙋ́ ти: бг҃ороди́тельнице мр҃і́е, поми́лꙋй ста́до твоѐ, є҆́же стѧжа́ла є҆сѝ, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, заⷱ҇ м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀:"
|
|
},
|
|
{
|
|
"type": "TEXT",
|
|
"value": "Сла́ва: Мл҃твами прпⷣбнагѡ ѻ҆тца̀ на́шегѡ савва́тїа, млⷭ҇тиве, ѡ҆чи́сти мно́жєства согрѣше́нїй на́шихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Мл҃твами бцⷣы:"
|
|
},
|
|
{
|
|
"type": "TEXT",
|
|
"value": "Та́же: Поми́лꙋй мѧ̀, бж҃е:"
|
|
},
|
|
{
|
|
"type": "HEADER",
|
|
"value": "Стїхи́ра, гла́съ є҃:"
|
|
},
|
|
{
|
|
"type": "TEXT",
|
|
"value": "Прпⷣбне и҆ бг҃оно́се ѻ҆́тче на́шъ савва́тїе, гла́съ є҆ѵⷢ҇лїа ᲂу҆слы́шавъ, послѣ́довалъ є҆сѝ хрⷭ҇тꙋ̀ поще́нїемъ и҆ бдѣ́нїемъ, и҆ всено́щнымъ стоѧ́нїемъ, и҆ мл҃твами, стра́нствомъ и҆ терпѣ́нїемъ: тѣ́мже прїѧ́тъ да́ръ и҆сточа́ти и҆сцѣлє́нїѧ. И҆ на́мъ бл҃года́ть возда́ждь твои́хъ мл҃твъ, да всегда̀ любо́вїю па́мѧть твою̀ чти́мъ и҆ ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣѣ, со і҆рмосо́мъ на ѕ҃, і҆рмо́съ по два́жды, и҆ прпⷣбномꙋ савва́тїю два̀ канѡ̑на, на и҃."
|
|
},
|
|
{
|
|
"type": "TEXT",
|
|
"value": "Катава́сїа, гла́съ д҃: Ѿве́рзꙋ ᲂу҆ста̀ моѧ̑:"
|
|
},
|
|
{
|
|
"type": "HEADER",
|
|
"value": "Канѡ́нъ прпⷣбномꙋ савва́тїю, гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆з̾ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́тче на́шъ савва́тїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Просвѣще́нїемъ трисл҃нечнагѡ бжⷭ҇тва̀ ѡ҆зари́всѧ, премꙋ́дре, свѣти́льникъ сїѧ́ѧ ꙗ҆ви́лсѧ є҆сѝ, просвѣща́ѧ вѣ́рнѡ свѣтоно́снꙋю твою̀ па́мѧть чтꙋ́щыѧ."
|
|
},
|
|
{
|
|
"type": "TEXT",
|
|
"value": "Со́вѣсть и҆мѣ́лъ є҆сѝ бла́гꙋ, и҆ ѻ҆́ко серде́чное взира́ющее къ бг҃ꙋ: тѣ́мже и҆ хрⷭ҇то́съ внѧ́тъ мл҃твѣ твое́й, савва́тїе, и҆ съ прпⷣбными сочета́ тѧ."
|
|
},
|
|
{
|
|
"type": "TEXT",
|
|
"value": "Ве́сь трⷪ҇цы бы́лъ є҆сѝ жили́ще, и҆ та́мѡ дꙋше́вное возложи́въ жела́нїе, прпⷣбне: сегѡ̀ ра́ди вѣ́чнꙋю па́мѧть воспрїѧ́лъ є҆сѝ, и҆ жи́знь неконча́емꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пло́тїю ро́ждши безпло́тнаго, бцⷣе пречⷭ҇таѧ, стра̑сти лю̑тыѧ ᲂу҆ма̀ моегѡ̀ ᲂу҆толѝ, дв҃о, и҆ и҆спра́ви мѧ̀ заблꙋ́ждшаго, мт҃и бж҃їѧ, ꙗ҆́кѡ да сла́влю тѧ̀."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ прпⷣбномꙋ, льва̀ фїлоло́га, гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ невла́жными стопа́ми дре́внїй пѣшеше́ствовавъ і҆и҃ль, крⷭ҇тоѡбра́зныма мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Припѣ́въ: Гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ."
|
|
},
|
|
{
|
|
"type": "TEXT",
|
|
"value": "Препѣ́таѧ соесте́ственнаѧ трⷪ҇це, пребл҃гі́й бж҃е, и҆́же па́че ᲂу҆ма̀ да́ры рабѡ́мъ свои̑мъ даѧ̀, и҆ моемꙋ̀ мра́чномꙋ ᲂу҆мꙋ̀ свѣ́тлꙋю послѝ бл҃года́ть, всѣ́хъ страсте́й ѡ҆чища́ющꙋю, пѣ́снь ны́нѣ начина́ющꙋ мѝ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́тче на́шъ савва́тїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Твоѧ̑ похвалы̑ нача́ти хотѧ́щꙋ мѝ, савва́тїе, мл҃твами твои́ми послѝ блгⷣть, стра̑сти дꙋшѝ и҆ тѣлесѐ ѡ҆чища́ющꙋ мѝ, и҆ ᲂу҆ма̀ просвѣща́ющꙋ, да воспою̀ твоѧ̑ по́двиги, прпⷣбне."
|
|
},
|
|
{
|
|
"type": "TEXT",
|
|
"value": "Жела́нїе бжⷭ҇твенно въ се́рдцы прїе́мъ, ᲂу҆се́рднѡ мїрска́гѡ многово́лненнагѡ смꙋще́нїѧ ѿбѣ́гъ, къ ти́хомꙋ приста́нищꙋ безмо́лвїѧ прїи́де: тѣ́мже и҆ хрⷭ҇то́съ и҆зволе́нїе твоѐ прїѧ́тъ, ѻ҆́тче."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Без̾ сѣ́мене ѻ҆́ч҃ею во́лею ѿ бжⷭ҇твеннагѡ дх҃а, бж҃їѧ зачала̀ є҆сѝ сн҃а, и҆ пло́тїю родила̀ є҆сѝ, пречⷭ҇таѧ, и҆́же и҆з̾ ѻ҆ц҃а̀ без̾ ма́тере, и҆ на́съ ра́ди и҆з̾ тебє̀ без̾ ѻ҆тца̀."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑. Возвесели́ бо сѧ дꙋ́хъ мо́й, внегда̀ пѣ́ти: нѣ́сть ст҃ъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Напо́лнивъ се́рдце твоѐ сле́зными пото́ки, прпⷣбне савва́тїе, плоды̀ всѧ́кихъ добродѣ́телей и҆зносѧ́щее, чꙋде́съ показа́нїемъ, пребл҃же́нне."
|
|
},
|
|
{
|
|
"type": "TEXT",
|
|
"value": "Высото́ю смире́нїѧ ᲂу҆краша́емь, прпⷣбне, низве́рглъ є҆сѝ на зе́млю велехва́льнаго, савва́тїе ѻ҆́тче пребл҃же́нне, и҆зрѧ́дными дѣ́лы твои́ми, посто́мъ и҆ мл҃твами."
|
|
},
|
|
{
|
|
"type": "TEXT",
|
|
"value": "И҆сцѣлє́нїѧ безчи́слєннаѧ и҆сточа́ютъ мѡ́щи твоѧ̑, пребл҃же́нне ѻ҆́тче савва́тїе, и҆ ѿго́нѧтъ болѣ̑зни человѣ́чєскїѧ, и҆ дꙋшє́вныѧ врачꙋ́ютъ стра̑сти, похвалѧ́ющихъ трꙋды̀ твоѧ̑, всече́стне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆з̾ ложе́снъ твои́хъ возсїѧ̀ пресла́внѡ вели́кое сл҃нце хрⷭ҇то́съ бг҃ъ, бцⷣе дв҃о, всѧ̑ земны̑ѧ концы̀ просвѣти́въ, и҆ прпⷣбныхъ ли́къ че́стнѡ вѣнча́лъ є҆́сть."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Возвесели́лъ є҆сѝ, ѻ҆́тче, над̾ всѣ́ми сꙋ́щаго бг҃а терпѣ́нїемъ свои́мъ, тѣ́мже тѧ̀ досто́йнѡ просла́ви."
|
|
},
|
|
{
|
|
"type": "TEXT",
|
|
"value": "Показа́ тѧ хрⷭ҇то́съ, савва́тїе, ѕвѣздꙋ̀ пресвѣ́тлꙋ, кры́ющасѧ ꙗ҆́кѡ во ѻ҆́блацѣ въ пꙋсты́ни, чꙋдесы̀ ѡ҆зарѧ́юща на́съ."
|
|
},
|
|
{
|
|
"type": "TEXT",
|
|
"value": "Добродѣ́телей трꙋды̀ и҆ по́ты, савва́тїе, поко́й со всѣ́ми ст҃ы́ми прїѧ́лъ є҆сѝ, и҆̀хже и҆ возвесели́лъ є҆сѝ свои́мъ житїе́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ є҆ди́на сꙋ́щымъ на землѝ, и҆̀же па́че є҆стества̀ бл҃ги́хъ хода́таица, мт҃и бж҃їѧ, ꙗ҆ви́сѧ: тѣ́мже тѝ, ра́дꙋйсѧ, вопїе́мъ."
|
|
},
|
|
{
|
|
"type": "TEXT",
|
|
"value": "Катава́сїа: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ, дх҃о́внѡ ᲂу҆твердѝ, въ бжⷭ҇твеннѣй твое́й сла́вѣ вѣнцє́въ сла́вы сподо́би."
|
|
},
|
|
{
|
|
"type": "HEADER",
|
|
"value": "И҆́нъ конда́къ, гла́съ г҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ всесвѣ́тлаѧ, добродѣ́тельми сїѧ́ющи, чꙋде́съ лꙋчы̀ и҆спꙋща́ющи, ѻ҆бою́дꙋ богатѧ̀ приходѧ́щихъ, дꙋ́шы цѣлѧ̀ и҆ тѣлеса̀, блгⷣть и҆мѣ́ѧ, савва́тїе: прославлѧ́етъ бо своѧ̑ сѝ вели́кїй дарода́тель."
|
|
},
|
|
{
|
|
"type": "TEXT",
|
|
"value": "І҆́косъ: Простри́ ми рꙋ́кꙋ твою̀, блгⷣть подаю́щꙋ, бла́же, є҆ди́не гдⷭ҇и бж҃е, да восхвалю̀ твоего̀ раба̀, ꙗ҆́кѡ мі́ра всѧ̑ презрѣ́въ, ᲂу҆се́рднѡ тебѣ̀ послѣ́дова, твоемꙋ̀ неизрече́нномꙋ, є҆́же въ на́ше сп҃се́нїе стра́нствїю, влⷣко: стра́ненъ быва́ѧ, слꙋжа̀ па́че, а҆ не слꙋгꙋ́емь, ѡ҆бходѧ́ же и҆ ра́тꙋѧ врага̀, є҆го́же и҆ низложѝ, са́мъ себѐ ѡ҆зе́мствꙋѧ̑ во ѡ҆то́цѣ мо́рѧ, жела́ѧ прилѣпи́тисѧ бз҃ѣ. Тѣ́мже и҆ ᲂу҆ме́ръ, ꙗ҆́кѡ жи́въ, бли́зъ всѣ̑мъ бѣдꙋ́ющымъ ѡ҆брѣта́етсѧ, бѣ́сы ѿгонѧ́ѧ, цѣльбы̑ точа̀: прославлѧ́етъ бо своѧ̑ сѝ вели́кїй дарода́тель."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "По́стничествомъ воѡрꙋжи́всѧ, бл҃же́нне, стра̑сти побѣди́въ, и҆ пло́ть покори́въ дꙋ́хови, бѣсовѡ́мъ прогони́тель показа́сѧ, и҆ недꙋ́ги цѣлѧ̀. Тѣ́мже любо́вїю па́мѧть твоегѡ̀ ᲂу҆спе́нїѧ почита́юще, про́симъ воспрїѧ́ти и҆справле́нїе житїю̀, и҆ мі́рꙋ ᲂу҆мире́нїе, вопїю́ще тѝ: прпⷣбне савва́тїе ѻ҆́тче на́шъ, молѝ хрⷭ҇та̀ бг҃а, грѣхѡ́въ ѡ҆ставле́нїе пода́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́сто творцꙋ̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, ꙗ҆́кѡ прїѧ́телище сꙋ́щи ᲂу҆тѣ́шителѧ, всепѣ́таѧ, беззако́нїѧ мѧ̀ сꙋ́ща скве́рно жили́ще, и҆ де́мѡнѡвъ и҆гра́лище въ ра́зꙋмѣ бы́вша, потщи́сѧ и҆ си́хъ ѕлодѣ́йствїѧ мѧ̀ и҆зба́вити, свѣ́тло жили́ще добродѣ́тельми содѣ́лавши: свѣтопода́тельнаѧ и҆ нетлѣ́ннаѧ, разженѝ ѻ҆́блакъ страсте́й, и҆ вы́шнѧгѡ прича́стїѧ сподо́би и҆ свѣ́та невече́рнѧгѡ, мл҃твами твои́ми."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃лъ, но са́мъ гдⷭ҇и вопло́щьсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Зе́млю до́льнюю преминꙋ́въ, нбⷭ҇нꙋю стѧжа́лъ є҆сѝ жи́знь, и҆ со безпло́тными ли́ки смѣси́лсѧ є҆сѝ, прпⷣбне савва́тїе, содѣ́лавъ дꙋ́шꙋ твою̀ хра́мъ ст҃о́мꙋ дх҃ꙋ, и҆ кро́ткихъ зе́млю наслѣ́довалъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ хрⷭ҇то́во смире́нїе возлюби́въ, прпⷣбне савва́тїе, стѧжа́лъ є҆сѝ безстра́стїе: смири́въ же всю̀ де́мѡнскꙋю горды́ню, бл҃же́нне, низложи́въ, низве́рглъ є҆сѝ."
|
|
},
|
|
{
|
|
"type": "TEXT",
|
|
"value": "Возсїѧ́въ ꙗ҆́кѡ со́лнце ѿ восто́ка чꙋде́съ лꙋча́ми, и҆ а҆́гг҃льскомꙋ житїю̀ поревнова́въ, непреста́нными мл҃твами, прпⷣбне, просвѣти́лъ є҆сѝ всю̀ подсо́лнечнꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бл҃жи́тъ тѧ̀, пречⷭ҇таѧ бцⷣе, всѧ́къ во́зрастъ и҆ всѧ́ка дꙋша̀ вѣ́рныхъ: бж҃їе бо сло́во па́че ᲂу҆ма̀ и҆ сло́ва родила̀ є҆сѝ, препѣ́таѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Въ мѣ́сто ѿ мѣ́ста преходѧ̀, бѣ́гаѧ сла́вы человѣ́ческїѧ, нбⷭ҇ныѧ сла́вы рачи́тель бы́лъ є҆сѝ, ѻ҆́тче прпⷣбне."
|
|
},
|
|
{
|
|
"type": "TEXT",
|
|
"value": "Терпѣли́внѡ трꙋ́дъ проходи́лъ є҆сѝ въ кїнові́и, томѧ̀ пло́ть и҆ порабоща́ѧ разꙋ́мнѣ, до́брыми ᲂу҆твержда́ѧсѧ."
|
|
},
|
|
{
|
|
"type": "TEXT",
|
|
"value": "Болѣ́знь болѣ́зньми ѿража́ти разсꙋди́въ, во́лею въ рабо́тꙋ вдава́ѧсѧ хрⷭ҇та̀ ра́ди, страсте́й рабо́ты и҆збѣжа́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсобра́чнѡ родила̀ є҆сѝ, ѽ дв҃о, и҆ по ржⷭ҇твѣ̀ па́ки ꙗ҆ви́ласѧ є҆сѝ двⷭ҇твꙋющи: тѣ́мже немо́лчными гла́сы, є҆́же ра́дꙋйсѧ, тебѣ̀, влⷣчце, вѣ́рою несꙋмѣ́нною вопїе́мъ."
|
|
},
|
|
{
|
|
"type": "TEXT",
|
|
"value": "Катава́сїа: Сѣдѧ́й въ сла́вѣ, на прⷭ҇то́лѣ бжⷭ҇тва̀, во ѻ҆́блацѣ ле́гцѣ, прїи́де і҆и҃съ пребжⷭ҇твенный нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Свѣ́та пода́телю, и҆ вѣкѡ́въ тво́рче, гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебє̀ и҆но́гѡ бо́га не зна́емъ."
|
|
},
|
|
{
|
|
"type": "TEXT",
|
|
"value": "Возсїѧ̀ тебѣ̀ гдⷭ҇ь, є҆гѡ́же ѿ дꙋшѝ возжелѣ́лъ є҆сѝ, прпⷣбне савва́тїе, жили́ще и҆мѣ́ющꙋ въ морстѣ́мъ ѻ҆́стровѣ любвѐ ра́ди є҆гѡ̀: и҆ ны́нѣ тогѡ̀ сла́вы наслажда́ешисѧ непреста́ннѡ."
|
|
},
|
|
{
|
|
"type": "TEXT",
|
|
"value": "Є҆ди́ной хрⷭ҇то́вѣ любвѝ, прпⷣбне савва́тїе, приложи́всѧ, и҆ все́ю дꙋше́ю потща́всѧ и҆спо́лнитель бж҃їихъ за́повѣдей бы́ти, и҆ мно́гихъ чꙋде́съ, прпⷣбне, прїѧ́лъ є҆сѝ блгⷣть."
|
|
},
|
|
{
|
|
"type": "TEXT",
|
|
"value": "Неѕло́бивъ и҆ кро́токъ бы́сть, всѧ̑ ѕлѡ́бы вра̑жїѧ погꙋ́бль: и҆ ми́лостивъ до конца̀ ꙗ҆́вльсѧ, ми́лость дꙋше́внꙋю стѧжа́въ ѿ є҆ди́нагѡ бг҃а, блгⷣть и҆ млⷭ҇ть прїѧ́лъ є҆сѝ и҆́стиннꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Воспо́йте гдⷭ҇еви всѧ̑ землѧ̀, по́йте всѝ ꙗ҆ви́вшемꙋсѧ и҆з̾ чре́ва дв҃ыѧ неизрече́ннѡ, бг҃олѣ́пнѡ и҆з̾ неискꙋсобра́чныѧ, и҆ сїю̀ вѣ̑рнымъ показа́вшемꙋ тве́рдꙋю наде́ждꙋ и҆ похвалꙋ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ гдⷭ҇и мо́й, свѣ́тъ, въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆з̾ мра́чна невѣ́дѣнїѧ вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Разгна́въ страсте́й мра́къ, ѻ҆́тче, къ свѣ́тꙋ добродѣ́телей доше́дъ, и҆ свѣ́телъ бы́въ, мра̑чныѧ дꙋ́хи лꙋка́вствїѧ ѿгонѧ́еши ѿ человѣ̑къ, савва́тїе."
|
|
},
|
|
{
|
|
"type": "TEXT",
|
|
"value": "Тьмꙋ̀ бѣсѡ́въ потреблѧ́ѧ, савва́тїе, чи́стыми тѝ мл҃твами, тьмꙋ̀ грѣхѡ́въ мои́хъ потребѝ, ѻ҆́тче, чистотꙋ̀ добродѣ́телей наставлѧ́ѧ мѧ̀ твори́ти."
|
|
},
|
|
{
|
|
"type": "TEXT",
|
|
"value": "Страстьмѝ ѡ҆черне́на мѧ̀, ѻ҆́тче, прило́ги чꙋжда́го всего̀ бы́вша, предста́тель те́плый бꙋ́ди мѝ, всѧ́кагѡ ѕла̀ и҆збавлѧ́ѧ, и҆ и҆сцѣлѧ́ѧ стрꙋ́пы ꙗ҆́звъ мои́хъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ ѻ҆рꙋ́жїе непобѣди́мое, на врагѝ предлага́емъ: тѧ̀ ᲂу҆твержде́нїе и҆ наде́ждꙋ на́шемꙋ сп҃се́нїю, бг҃оневѣ́сто, и҆́мамы."
|
|
},
|
|
{
|
|
"type": "TEXT",
|
|
"value": "Катава́сїа: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ над̾ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Си́лою хрⷭ҇то́вою ᲂу҆крѣплѧ́емь, прпⷣбне савва́тїе, всѧ̑ кова̑рства лꙋка́вагѡ низве́рглъ є҆сѝ, и҆ ны́нѣ безстра́стїѧ ᲂу҆мо́мъ ѡ҆чище́ннымъ предстои́ши бг҃ꙋ вседержи́телю, на него́же всѐ жела́нїе возложи́лъ є҆сѝ."
|
|
},
|
|
{
|
|
"type": "TEXT",
|
|
"value": "Твоѧ̑, всебл҃же́нне савва́тїе, преподѡ́бныѧ и҆ ст҃ы̑ѧ мѡ́щи въ ра́цѣ лежа́щѧ, недꙋ́ги врачꙋ́ютъ, де́мѡнскїѧ же полкѝ ѿгонѧ́ютъ всегда̀ ѿ дꙋшѝ приходѧ́щихъ съ вѣ́рою."
|
|
},
|
|
{
|
|
"type": "TEXT",
|
|
"value": "Бжⷭ҇твенныхъ повелѣ́нїй, ѻ҆́тче, нра́вы стѧжа́въ, кро́тость, и҆ безѕло́бїе, и҆ смире́нїе: сегѡ̀ ра́ди ѿ бл҃года́телѧ бг҃а бога́тно дарова́нїе прїѧ́лъ є҆сѝ, и҆сцѣле́нїѧ же да́ры тре́бꙋющымъ да́рꙋеши."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дꙋшє́вныѧ мѝ стра̑сти, пречⷭ҇таѧ, и҆сцѣлѝ, ꙗ҆́же безстра́стїѧ бы́вши и҆сто́чникъ, мт҃и бж҃їѧ: просвѣтѝ ржⷭ҇тво́мъ твои́мъ, прпⷣбныхъ мл҃твы прїе́млющи."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди млⷭ҇ти ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Преше́дъ мо́ре, въ пꙋстѣ́мъ ѡ҆то́цѣ вселѧ́ешисѧ, страсте́й мо́ре и҆зсꙋша́ѧ, и҆ то̀ немо́креннѡ проходѧ̀, крⷭ҇тови́днымъ поще́нїемъ раздѣлѧ́ѧ, въ тве́рдости добродѣ́телей вселѧ́ѧсѧ, ѻ҆́тче, бѣсѡ́въ крѣ́пость разрꙋши́лъ є҆сѝ."
|
|
},
|
|
{
|
|
"type": "TEXT",
|
|
"value": "Во ᲂу҆спе́нїи твое́мъ, ѻ҆́тче, бꙋ́ри ве́лїей бы́вшей, і҆ѡа́ннови стремле́нїе ᲂу҆ставлѧ́етъ, и҆ твоемꙋ̀ погребе́нїю слꙋ́житъ.҃ ѳео́дѡръ же ѿ и҆стопле́нїѧ въ мо́ри предста́тельствомъ твои́мъ пресла́внѡ спаса́етсѧ, гдⷭ҇ꙋ тѧ̀ прославлѧ́ющꙋ."
|
|
},
|
|
{
|
|
"type": "TEXT",
|
|
"value": "Всѝ и҆̀же въ мо́ри ѡ҆бꙋрева́емїи, къ твоемꙋ̀ предста́тельствꙋ прибѣга́ютъ, и҆ тѧ̀ призыва́юще, бѣдꙋ́ющїи спаса́ютсѧ: и҆ на́съ бѣ́дствꙋющихъ лю́тѣ и҆ напа́стьми ѡ҆держи́мыхъ, ми́лостивнѡ, ѻ҆́тче, предста́въ сп҃сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѽ чꙋ́до є҆́же всѣ́хъ чꙋде́съ новѣ́йшее: ꙗ҆́кѡ дв҃аѧ во ᲂу҆тро́бѣ, и҆́же всѧ́чєскаѧ содержа́щаго сло́вомъ, неискꙋсомꙋ́жнѡ прїе́мши, нетѣ́снѡ вмѣстѝ."
|
|
},
|
|
{
|
|
"type": "TEXT",
|
|
"value": "Катава́сїа: Бжⷭ҇твенное сїѐ и҆ всечⷭ҇тно́е соверша́юще пра́зднество, бг҃омꙋ́дрїи, бг҃омт҃ре, прїиди́те рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "Жите́йскїѧ молвы̀ ѿбѣ́гъ, и҆ всели́лсѧ є҆сѝ въ морскі́й ѻ҆́стровъ, мꙋ́дре, и҆ крⷭ҇тъ тво́й взе́мъ, хрⷭ҇тꙋ̀ послѣ́довалъ є҆сѝ, въ мл҃твахъ, и҆ во бдѣ́нїихъ, и҆ въ поще́нїихъ, ѕлострада́ньми пло́ть твою̀ и҆знꙋрѧ́ѧ: тѣ́мъ бы́лъ є҆сѝ прпⷣбныхъ ᲂу҆добре́нїе. Сегѡ̀ ра́ди любо́вїю па́мѧть твою̀ пра́зднꙋемъ, прпⷣбне савва́тїе: молѝ хрⷭ҇та̀ бг҃а непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "TEXT",
|
|
"value": "І҆́косъ: Ка́кѡ возмогꙋ̀ твоѧ̑ премнѡ́гаѧ чꙋдеса̀, ѻ҆́тче, и҆зрещѝ, и҆лѝ трꙋды̀ твоѧ̑ и҆ ѕлострада̑нїѧ, и҆́миже потрꙋди́лсѧ є҆сѝ, прпⷣбне савва́тїе, а҆́ще не ты̀, ст҃е, пода́си мѝ сло́во недосто́йномꙋ рабꙋ̀ твоемꙋ̀; ты́ бо є҆сѝ и҆́нокѡмъ похвала̀ и҆ ᲂу҆твержде́нїе. Съ ни́миже хрⷭ҇та̀ бг҃а молѝ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆́бразꙋ злато́мꙋ на по́лѣ деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ, посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Всѣ́хъ текꙋ́щихъ привре́менныхъ страсте́й, прпⷣбне савва́тїе, сподо́билсѧ є҆сѝ ᲂу҆бѣжа́ти, всю̀ наде́ждꙋ стѧжа́въ къ бг҃ꙋ: є҆гѡ́же ра́ди дѣ́йствꙋеши, бл҃же́нне, пресла̑внаѧ чꙋдеса̀, поѧ̀: бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѻ҆рꙋ́жїемъ мл҃твъ твои́хъ лꙋка̑выѧ побѣди́въ полкѝ, съ нб҃сѐ блгⷣть прїѧ́лъ є҆сѝ цѣли́ти недꙋ́ги, и҆ прогонѧ́ти бѣ́сы ѿ взыва́ющихъ вѣ́рою: бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Пло́ть твою̀ повинꙋ́въ дꙋ́хꙋ, ѻ҆́тче прпⷣбне савва́тїе, въ воздержа́нїи всѧ́цѣмъ пожи́лъ є҆сѝ, въ трꙋдѣ́хъ и҆ бдѣ́нїихъ, прехва́льне, и҆мѣ́ѧ чи́стꙋ со́вѣсть и҆ житїѐ нбⷭ҇но, воспѣва́ѧ: бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѻ҆рꙋ́жїе, чⷭ҇таѧ, хранѧ́щее пре́жде врата̀ є҆дє́мскаѧ, плещы̀, дв҃и́це, всѣ̑мъ дае́тъ̾, низложи́вшымъ врага̀ гꙋби́телѧ по́стническими борє́нїи, и҆ при́снѡ взыва́ющымъ: бл҃гослове́нъ, пречⷭ҇таѧ, пло́дъ чре́ва твоегѡ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю бл҃гоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Просла́вити восхотѣ̀ влⷣка и҆ ꙗ҆ви́ти тѧ̀, таѧ́щасѧ своего̀ раба̀, гро́бъ тво́й зна́меньми и҆ си́лами ѡ҆богатѝ: и҆ въ мо́ри бѣдꙋ́ющихъ и҆ тѧ̀ призыва́ющихъ спаса́етъ, вопїю́щихъ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Сщ҃е́нный зѡсі́ма сщ҃є́нныѧ твоѧ̑ мѡ́щи, ѻ҆́тче, нетлѣ̑нны ѡ҆брѣ́тъ во гро́бѣ, ᲂу҆се́рднѡ под̾е́млетъ, ꙗ҆́кѡ многоцѣ́нное бога́тство носѧ̀, неистощи́мо сокро́вище своеѧ̀ кїнові́и сокры́въ, вопїѧ́ше: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Ни гро́бъ, хода́тай забве́нїѧ, возмо́же твоѧ̑ добродѣ́тєли, ѻ҆́тче, ᲂу҆таи́ти: трꙋбы́ бо ꙗ҆снѣ́йше зна́меньми проповѣ́да твоѧ̑ болѣ̑зни по́стничєскїѧ, и҆́миже бг҃ови прибли́жилсѧ є҆сѝ, ꙗ҆̀же зрѧ̀ чꙋ́дный зѡсі́ма со ᲂу҆ченикѝ, вопїѧ́ше: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́шнѧгѡ ѡ҆сщ҃е́нное бжⷭ҇твенное селе́нїе, ра́дꙋйсѧ: тобо́ю бо даде́сѧ ра́дость, бцⷣе, зовꙋ́щымъ: бл҃гослове́нна ты̀ въ жена́хъ є҆сѝ, всенепоро́чнаѧ влⷣчце."
|
|
},
|
|
{
|
|
"type": "TEXT",
|
|
"value": "Катава́сїа: Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆тцє́въ гдⷭ҇ь и҆ бг҃ъ бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте дѣла̀ ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Мы́слїю ѡ҆чище́нною, премꙋ́дре савва́тїе, къ бг҃ꙋ приближа́ѧсѧ, и҆ всѣ̑мъ всѧ́къ бы́въ, да хрⷭ҇та̀ прїѡбрѧ́щеши, молѝ сп҃стѝ всѧ̑ пою́щыѧ тѧ̀, прпⷣбне ѻ҆́тче."
|
|
},
|
|
{
|
|
"type": "TEXT",
|
|
"value": "Сле́зъ твои́хъ ка̑пли погаси́ша ѻ҆́гнь грѣхо́вный, рѣкꙋ́ же чꙋде́съ показа́лъ є҆сѝ всѣ̑мъ на́мъ, всѧ̑кїѧ стра̑сти потоплѧ́ющꙋ притека́ющихъ къ тебѣ̀, ѻ҆́тче прехва́льне."
|
|
},
|
|
{
|
|
"type": "TEXT",
|
|
"value": "Вѣ́рꙋ и҆ наде́ждꙋ неразори́мꙋ, и҆ любо́вь и҆́стиннꙋю и҆мѣ́лъ є҆сѝ, ѻ҆́тче, и҆ бжⷭ҇твенное прилѣжа́нїе и҆ терпѣ́нїе, бл҃гоꙋче́нїе дх҃о́вныхъ слове́съ смиреномꙋ́дренно, и҆ соверше́нное безѕло́бїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сп҃си́ мѧ, мт҃и бж҃їѧ, нача́ло сп҃се́нїѧ мі́рови ꙗ҆́вльшисѧ, и҆збавлѧ́ющи мѧ̀ молвы̀ж҃ нечи́стыхъ страсте́й и҆ всѧ́кїѧ проти́вныѧ ско́рби, да тѧ̀ сла́влю во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, бл҃гоче́стїѧ рачи́тели ѻ҆́троцы, взыва́юще: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Прилѣпи́сѧ любо́вїю тѝ, ѻ҆́тче савва́тїе, бл҃же́нный зѡсі́ма, бдѣ̑нїѧ при́снѡ но́щїю въ гробни́цѣ тѝ творѧ̀, твою̀ по́мощь на врагѝ прїе́млѧ, и҆ ча́дѡмъ свои̑мъ застꙋ́пника тѧ̀ и҆мѣ́ѧ, съ ни́миже поѧ́ше: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Наслѣ́дникъ ѡ҆то́ка, наслѣ́дникъ и҆ добродѣ́телемъ тѝ, ѻ҆́тче, бл҃же́нный зѡсі́ма снаслѣ́дникъ и҆ вѣ́чнагѡ тѝ бл҃же́нства бы́сть: ѿню́дꙋже и҆ бѣдꙋ́ющымъ кꙋ́пнѡ предстае́те. Тѣ́мже сп҃са́еми вопїю́тъ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Бл҃гослови́мъ ѻ҆ц҃а̀, и҆ сн҃а, и҆ ст҃а́го дх҃а, гдⷭ҇а."
|
|
},
|
|
{
|
|
"type": "TEXT",
|
|
"value": "Ѽ дво́ице приснобл҃же́ннаѧ, ꙗ҆́кѡ є҆ди́но бл҃же́нство и҆мꙋ́щаѧ ѿ бг҃а версто̀́о́ предо́браѧ, савва́тїе и҆ зѡсі́мо, на́съ призыва́ющихъ вы̀, те́плымъ предста́тельствомъ ва́шимъ ѿ всѣ́хъ лю́тыхъ сп҃са́йте, пою́щихъ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ты̀ є҆ди́на во всѣ́хъ ро́дѣхъ, дв҃о пречⷭ҇таѧ, мт҃и ꙗ҆ви́ласѧ є҆сѝ бг҃ꙋ: ты̀ бжⷭ҇твꙋ̀ бы́сть пребыва́нїе, всенепоро́чнаѧ, не ѡ҆пали́вшисѧ ѻ҆гне́мъ непристꙋ́пнагѡ свѣ́та. Тѣ́мже вси́ тѧ бл҃жи́мъ, мр҃і́е бг҃оневѣ́стнаѧ."
|
|
},
|
|
{
|
|
"type": "TEXT",
|
|
"value": "Та́же: Хва́лимъ, блгⷭ҇ви́мъ, покланѧ́емсѧ гдⷭ҇ви, пою́ще и҆ превозносѧ́ще во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Катава́сїа: Ѻ҆́троки бл҃гочєсти́выѧ въ пещѝ, ржⷭ҇тво̀ бг҃оро́дичо сп҃сло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щьсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ: тѣ́мъ всепѣ́тꙋю бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Процвѣ́лъ є҆сѝ въ по́двизѣхъ по́стническихъ, прехва́льне савва́тїе, ꙗ҆́кѡ ши́покъ бл҃гово́ненъ, и҆ ꙗ҆́кѡ ке́дръ бл҃гоꙋха́ненъ, вѣ́рныхъ сердца̀ ѡ҆бл҃гоꙋха́лъ є҆сѝ добродѣ́тельми и҆ чꙋдесы̀: тѣ́мже, прпⷣбне, ѿженѝ ѿ на́съ стра̑сти смердѧ́щыѧ."
|
|
},
|
|
{
|
|
"type": "TEXT",
|
|
"value": "Ѿве́рзесѧ тебѣ̀, ѻ҆́тче, нбⷭ҇ное црⷭ҇тво, сконча́вшꙋ до́брое тече́нїе, и҆ ви́диши ꙗ҆̀же а҆́гг҃ли ви́дѧтъ, и҆ трꙋдѡ́въ воздаѧ́нїе прїе́млеши: по́чєсти бо тебѣ̀ хрⷭ҇то́съ да́рꙋетъ ꙗ҆́кѡ ᲂу҆го́дникꙋ своемꙋ̀. Тѣ́мже тѧ̀, прпⷣбне, ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Сле́зъ твои́хъ тꙋ́чами ѻ҆́гнь грѣхо́вный погаси́лъ є҆сѝ, бг҃ꙋ ᲂу҆годи́въ, савва́тїе прпⷣбне, сокрꙋши́лъ є҆сѝ де́мѡнѡвъ кѡ́зни: тѣ́мже предстоѧ́ще ра́цѣ моще́й твои́хъ, вѣ́рнѡ ᲂу҆блажа́емъ тѧ̀, досточꙋ́дне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пощади́ мѧ, гдⷭ҇и, пощадѝ, є҆гда̀ хо́щеши мѝ сꙋди́ти, и҆ не ѡ҆сꙋдѝ менѐ во ѻ҆́гнь, ни ꙗ҆́ростїю твое́ю ѡ҆бличѝ менѐ: мо́литъ тѧ̀, хрⷭ҇тѐ, ро́ждшаѧ тѧ̀ дв҃а, и҆ а҆́гг҃льстїи чи́ни, и҆ прпⷣбныхъ собо́ри."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебѐ, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀ бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Воспрїе́мъ ꙗ҆́кѡ ны́нѣ трꙋдѡ́въ свои́хъ и҆ по́тѡвъ, прпⷣбне, че́сть и҆ сла́вꙋ неистлѣ́ннꙋ ѿ хрⷭ҇та̀ бг҃а: свы́ше на́съ назира́й, твоѧ̑ по́двиги почита́ющихъ, бога̑тныѧ тѝ да́ры бога́тнѡ на́мъ и҆сточа́ѧ."
|
|
},
|
|
{
|
|
"type": "TEXT",
|
|
"value": "Ны́нѣ на нб҃сѣ́хъ првⷣнымъ свеселѧ́сѧ, савва́тїе, съ ни́миже хрⷭ҇то́ви предстоѧ̀, молѝ ми́ръ мі́рови пода́ти, и҆ це́рквамъ є҆ди́нство, странѣ̀ на́шей побѣ̑днаѧ, и҆ всѣ̑мъ скорбѧ́щымъ предста́тельство и҆ сп҃се́нїе, ѻ҆́тче."
|
|
},
|
|
{
|
|
"type": "TEXT",
|
|
"value": "Прїимѝ пѣ́снь твоегѡ̀ раба̀, ѻ҆́тче, бога́тными бл҃года́тьми возда́ждь грѣхѡ́въ ѡ҆ставле́нїе, житїѧ̀ и҆справле́нїе, и҆ лю́тыхъ и҆збавле́нїе, на сꙋдѣ̀ ми́лость, и҆ нбⷭ҇нагѡ црⷭ҇твїѧ наслѣ́дїе, и҆дѣ́же ты̀ пребыва́еши, ѻ҆́тче."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Є҆ди́но ᲂу҆̀бо бжⷭ҇твенное сꙋщество̀, но соста́вми трⷪ҇цꙋ, всѝ вѣ́рнїи восхва́лимъ, въ неслїѧ́нныхъ соста́вѣхъ ѻ҆ц҃а̀ пребезнача́льна, сн҃а, и҆ дх҃а всест҃а́го."
|
|
},
|
|
{
|
|
"type": "TEXT",
|
|
"value": "Катава́сїа: Всѧ́къ земноро́дный да взыгра́етсѧ дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее сщ҃е́нное торжество̀ бг҃омт҃ре, и҆ да вопїе́тъ: ра́дꙋйсѧ, всебл҃же́ннаѧ бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Свѣти́ленъ: Свѣти́льника свы́ше просвѣща́емаго, ѡ҆заре́нїе дѣ́тельми прїе́млюща, ны́нѣ па́мѧтїю свое́ю дꙋ́шы на́шѧ ѡ҆свѣща́ющаго, достодо́лжнѡ почти́мъ."
|
|
},
|
|
{
|
|
"type": "TEXT",
|
|
"value": "И҆́нъ свѣти́ленъ: Ст҃ы́ни хра́мъ бы́лъ є҆сѝ, бл҃же́нне, по бжⷭ҇твенномꙋ прича́стїю ра́йскїй граждани́нъ, въ не́мже напитава́ешисѧ невозбра́ннѡ дре́ва разꙋ́мнагѡ и҆ нетлѣ́нныѧ сла́вы, па́мѧть творѧ̀, савва́тїе ѻ҆́тче бг҃омꙋ́дре, вѣ́рнѡ хва́лѧщихъ тѧ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "По бз҃ѣ ᲂу҆пова́нїе и҆мꙋ́ще на тѧ̀, бцⷣе, мо́лимъ ти сѧ: ко и҆́же и҆з̾ тебє̀ ро́ждшемꙋсѧ мольба́ми, невреди̑мы на́съ до конца̀ сохранѝ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры самогла́сны на д҃, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Савва́тїе пребл҃же́нне ѻ҆́тче на́шъ, ты̀ мїрскі́ѧ сла́вы возгнꙋша́сѧ и҆ бѣжа̀, вы́шнїѧ сла́вы жела́ѧ, ю҆́же и҆ полꙋчѝ, и҆ ны́нѣ тоѧ̀ наслажда́ешисѧ. Тѣ́мже и҆ мы̀ дне́сь въ па́мѧть твою̀ сте́кшесѧ, ра́достїю ѱало́мски пое́мъ: со́нъ че́стенъ пред̾ гдⷭ҇емъ сме́рть прпⷣбныхъ є҆гѡ̀. Два́жды."
|
|
},
|
|
{
|
|
"type": "TEXT",
|
|
"value": "Бл҃же́нъ є҆сѝ, ѻ҆́тче прпⷣбне, и҆ добро́тꙋ бжⷭ҇твеннꙋю прїе́млѧ бы́лъ є҆сѝ, ꙗ҆́кѡ лоза̀ плодови́та, и҆зраща́ѧ добродѣ́тєли: и҆́хже ра́ди ны́нѣ въ премі́рныхъ водворѧ́ѧсѧ, просѝ и҆ на́мъ полꙋчи́ти ми́ра ѿ хрⷭ҇та̀ бг҃а, и҆ ве́лїѧ млⷭ҇ти."
|
|
},
|
|
{
|
|
"type": "TEXT",
|
|
"value": "Позна́хомъ тѧ̀, ѻ҆́тче, бжⷭ҇твенныхъ рачи́телѧ, ꙗ҆́кѡ добродѣ́телемъ ᲂу҆се́рднѡ прилѣжа́лъ є҆сѝ, восхожде́нїе въ се́рдцѣ свое́мъ полага́ѧ. Ꙗ҆́коже во ᲂу҆до́ли ᲂу҆миле́нїѧ слеза́ми сѣ́ѧ пшени́цꙋ дѣ́телей, ра́достїю рꙋкоѧ̑ти ѡ҆б̾е́млеши ны́нѣ на нб҃сѣ́хъ: ѿню́дꙋже помина́й на́съ, чтꙋ́щихъ тѧ̀."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры на хвали́техъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Прпⷣбне ѻ҆́тче:"
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Мона́хѡвъ мно́жества наста́вника тѧ̀ чти́мъ, ѻ҆́тче на́шъ савва́тїе: твое́ю бо стезе́ю пра́вою вои́стиннꙋ ходи́ти позна́хомъ. Бл҃же́нъ є҆сѝ хрⷭ҇то́ви рабо́тавъ, и҆ вра́жїю ѡ҆бличи́въ си́лꙋ, а҆́гг҃лѡмъ собесѣ́дниче, прпⷣбнымъ є҆динокро́вне, и҆ зѡсі́мѣ соприча́стниче: съ ни́миже моли́сѧ гдⷭ҇еви, ᲂу҆ще́дрити мі́ра, и҆ сп҃стѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ мл҃твы ра̑бъ твои́хъ, и҆ и҆зба́ви на́съ ѿ всѧ́кїѧ нꙋ́жды и҆ печа́ли."
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ по трист҃о́мъ, тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности твоеѧ̀, прпⷣбне, ве́сь себѐ гдⷭ҇еви предложи́въ, и҆ земна̑ѧ всѧ̑ ѡ҆ста́вль, хрⷭ҇тѡ́вымъ стопа́мъ те́плѣ послѣ́довалъ є҆сѝ, и҆ безплѡ́тнымъ сожи́тель ꙗ҆ви́лсѧ є҆сѝ, и҆ всѣ̑мъ прпⷣбнымъ соѻ́бщникъ, пребл҃же́нне савва́тїе. Тѣ́мъ мо́лимъ ти сѧ, ѻ҆́тче, моли́сѧ ѡ҆ на́съ непреста́ннѡ хрⷭ҇тꙋ̀ бг҃ꙋ, ꙗ҆́кѡ да млⷭ҇тивъ бꙋ́детъ на́мъ въ де́нь сꙋ́дный."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Є҆́же ѿ вѣ́ка ᲂу҆тае́ное, и҆ а҆́гг҃лѡмъ несвѣ́домое та́инство: тобо́ю, бцⷣе, сꙋ́щымъ на землѝ ꙗ҆ви́сѧ бг҃ъ, въ несли́тномъ соедине́нїи воплоща́емь, и҆ крⷭ҇тъ во́лею на́съ ра́ди воспрїи́мъ, и҆́мже воскреси́въ первозда́ннаго, спасѐ ѿ сме́рти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Є҆ктєнїѝ, и҆ ѿпꙋ́стъ, и҆ ча́съ а҃-й."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна ѿ канѡ́на ст҃а́гѡ, пѣ́снь г҃ и҆ ѕ҃."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Чтⷭ҇на̀ пред̾ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, зача́ло сг҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Си́льно на землѝ бꙋ́детъ сѣ́мѧ є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, заⷱ҇ і҃."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ првⷣникъ, ѿ слꙋ́ха ѕла̀ не ᲂу҆бои́тсѧ."
|
|
},
|
|
{
|
|
"type": "HEADER",
|
|
"value": "Моли́тва прпⷣбномꙋ и҆ бг҃оно́сномꙋ ѻ҆тцꙋ̀ на́шемꙋ савва́тїю, солове́цкомꙋ нача́льникꙋ и҆ чꙋдотво́рцꙋ:"
|
|
},
|
|
{
|
|
"type": "TEXT",
|
|
"value": "Ѽ прпⷣбне ѻ҆́тче, ᲂу҆го́дниче хрⷭ҇то́въ савва́тїе, все́ю дꙋше́ю гдⷭ҇а возлюби́вый, и҆ ᲂу҆дали́выйсѧ въ пꙋсты́ню сїю̀, и҆ тече́нїе по́двига сп҃си́тельнагѡ соверши́вый! Ѽ вѣ́рный ра́бе цр҃ѧ̀ нбⷭ҇нагѡ, ᲂу҆чи́телю добродѣ́телей, ѡ҆́бразе смире́нїѧ, граждани́не пꙋсты́нный, а҆́гг҃лѡмъ собесѣ́дниче, херꙋві́ме земны́й, человѣ́че нбⷭ҇ный! Ѽ свѣ́те немра́чный ѡ҆то́ка солове́цкагѡ, па́че же ве́лїе свѣти́ло всеѧ̀ цр҃кве правовѣ́рныхъ! Молю́сѧ тѝ, прече́стне, а҆́зъ многогрѣ́шный и҆́мⷬ҇къ: ᲂу҆слы́ши ᲂу҆бо́гое моѐ моле́нїе, вонмѝ глаго́лѡмъ нечи́стыхъ ᲂу҆сте́нъ мои́хъ, твоеѧ̀ ны́нѣ по́мощи тре́бꙋющагѡ. Се́ бо вра́гъ прелꙋка́вый на всѧ́ко вре́мѧ тщи́тсѧ мѧ̀ погꙋби́ти, и҆скі́й го́рькѡ поглоти́ти дꙋ́шꙋ мою̀, и҆ нѣ́сть мнѣ̀ спасе́нїѧ, и҆дѣ́же по́мощь прїѧ́ти, занѐ не́мощїю пло́ти моеѧ̀ ѡ҆бложе́нъ є҆́смь, и҆ страстьмѝ ве́сь до́лꙋ приклони́хсѧ, не и҆́мамъ къ бг҃ꙋ дерзнове́нїѧ. Ны́нѣ же то́чїю къ твоемꙋ̀ поверга́ю себѐ застꙋпле́нїю: поми́лꙋй мѧ̀ ѡ҆мраче́ннаго всѣ́ми ѕлы́ми дѣ́лы, воздѣжѝ ѡ҆ мнѣ̀ всечестнѣ́и твоѝ рꙋ́цѣ ко гдⷭ҇ꙋ, ѽ мл҃твенниче те́плый, савва́тїе прпⷣбне: да за бл҃гоꙋтро́бїе щедро́тъ свои́хъ пода́стъ мѝ грѣхѡ́въ ѡ҆ставле́нїе, и҆ въ де́нь сꙋ́дный и҆зба́витъ мѧ̀ вѣ́чнагѡ мꙋче́нїѧ, и҆ црⷭ҇твїѧ своегѡ̀ сподо́битъ блгⷣтїю свое́ю, є҆мꙋ́же бꙋ́ди всегда̀ сла́ва, че́сть и҆ поклоне́нїе во вѣ́ки. А҆ми́нь."
|
|
}
|
|
] |