746 lines
61 KiB
JSON
746 lines
61 KiB
JSON
[
|
|
{
|
|
"type": "HEADER",
|
|
"value": "І҆аннꙋа́рїа л҃а"
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ, ѻ҆ц҃а̀ на́шегѡ нїки́ты є҆пⷭ҇копа, новгоро́дскагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "Ве́черъ: Блаже́нъ мꙋ́жъ: На Гдⷭ҇и, воззва́хъ, стїхи̑ры на ѕ҃, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Плотско́е стремле́нїе воздержа́нїемъ ᲂу҆вѧди́лъ є҆сѝ, ликѡ́мъ по́стничєскимъ совокꙋпи́лсѧ є҆сѝ: безстра́стїемъ ᲂу҆кра́шенъ, ᲂу҆́мъ пред̾ѡчи́стивъ непреста́нными къ бг҃ꙋ мановє́нїи, свѧти́тельства па́ствꙋ воспрїѧ́лъ є҆сѝ: прилѣ́жнѡ ѡ҆ ста́дѣ попече́нїе и҆мѣ́лъ є҆сѝ, свѧти́телю нїки́то, дꙋшетлѣ́нныхъ недꙋ́гѡвъ ѿгонѧ́ѧ мра́къ, и҆ просвѣща́ѧ свѣ́томъ бг҃оразꙋ́мїѧ, ѡ҆ всѣ́хъ прилѣ́жнѡ моли́сѧ, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Преподо́бне ѻ҆́ч҃е, бг҃облаже́нне свѧти́телю нїки́то, прилѣ̑жныѧ моли̑твы за лю́ди твоѧ̑ бг҃ꙋ приноси́лъ є҆сѝ: и҆ бездо́ждїю нѣ́когда бы́вшꙋ, ты̀ влⷣкꙋ хрⷭ҇та̀ ᲂу҆моли́въ, до́ждь съ нб҃сѐ све́лъ є҆сѝ, и҆ ча̑да твоѧ̑ возвесели́лъ є҆сѝ, и҆ бл҃годаре́нїе бг҃ꙋ возсыла́ти всѧ̑ наꙋчи́лъ є҆сѝ: и҆ ны́нѣ ѡ҆ ста́дѣ твое́мъ прилѣ́жнѡ моли́сѧ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Бг҃облаже́нне ѻ҆́ч҃е, ст҃и́телю нїки́то, человѣ́че нбⷭ҇ный, земны́й а҆́гг҃ле, дѣ́лателю вїногра́да хрⷭ҇то́ва, ᲂу҆́ме бж҃е́ственный, дх҃о́вный ѻ҆рга́не, свѣти́льниче многосвѣ́тлый, любвѐ стрꙋѧ̀ неистощи́маѧ, ви́дѧ гра́да запале́нїе, и҆ лю́ди въ печа́ли и҆ тꙋзѣ̀ пребыва́ющыѧ, прилѣ́жнѡ хрⷭ҇тꙋ̀ моли́лсѧ є҆сѝ, и҆ пла́мень ᲂу҆гаси́лъ є҆сѝ, и҆ ѿ ско́рби на ра́дость лю́ди твоѧ̑ премѣни́лъ є҆сѝ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Свѧще́ннаѧ и҆ сла́внаѧ цр҃ковь вели́кагѡ нова́града, а҆рхїерє́й же и҆ свѧще́нныхъ собо́ри, и҆ мно́жество наро́да, свѣ́тлѡ торжествꙋ́юще въ па́мѧть свѧти́телѧ нїки́ты, съ любо́вїю взыва́юще: ра́дꙋйсѧ, пресвѣ́тлый свѣти́льниче и҆ моли́твенниче те́плый: мнѡ́га бо лѣ̑та сокровє́ны бы́ша честны̑ѧ твоѧ̑ мо́щи, ны́нѣ же ѡ҆брѣто́шасѧ цѣ̑лы и҆ неразрꙋши̑мы, и҆ па́че со́лнца сїѧ́ющы, ꙗ҆̀же любе́знѡ лобыза́емъ, ѡ҆свѧще́нїе прїе́млюще и҆ глаго́люще: сїѧ̑ сꙋ́ть ча̑да твоѧ̑, свѧти́телю, ꙗ҆̀же є҆ѵⷢ҇лїемъ породи́лъ є҆сѝ, и҆ въ правосла́вїи ᲂу҆тверди́лъ є҆сѝ, и҆ ны́нѣ моли́сѧ гдⷭ҇ꙋ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. И҆ чтє́нїѧ г҃."
|
|
},
|
|
{
|
|
"type": "HEADER",
|
|
"value": "При́тчей чте́нїе. (Глава̀ і҃.)"
|
|
},
|
|
{
|
|
"type": "TEXT",
|
|
"value": "Па́мѧть пра́веднагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. Бл҃же́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. Долгота́ бо дне́й и҆ лѣ̑та живота̀ въ десни́цѣ є҆ѧ̀: въ шꙋ́йцѣ же є҆ѧ̀ бога́тство и҆ сла́ва. Ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. Послꙋ́шайте ᲂу҆́бѡ менє̀, ѽ ча̑да! Честна̑ѧ бо рекꙋ̀: и҆ блаже́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ, мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. Разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. Послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра̑ваѧ, ꙗ҆́кѡ и҆́стинѣ поꙋчи́тсѧ горта́нь мо́й, ме́рзски же предо мно́ю ᲂу҆стны̀ лжи̑выѧ. Съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. Всѧ̑ пра̑ва сꙋ́ть разꙋмѣва́ющымъ и҆ прѡ́ста ѡ҆брѣта́ющымъ ра́зꙋмъ. Наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Главы̑ д҃ и҆ є҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ѡ҆сꙋ́дитъ же пра́ведникъ, ᲂу҆мира́ѧй живꙋ́щыѧ нечести̑выѧ. Оу҆́зрѧтъ бо кончи́нꙋ пра́веднагѡ, и҆ не разꙋмѣ́ютъ, что̀ совѣща́ша ѡ҆ не́мъ: ꙗ҆́кѡ пове́ржетъ гдⷭ҇ь нечести̑выѧ, безгла̑сны ни́цъ: и҆ поколе́блетъ и҆̀хъ ѿ ѡ҆снова́нїй, и҆ до послѣ́днѧгѡ и҆сче́знꙋтъ въ болѣ́зни, и҆ па́мѧть и҆́хъ поги́бнетъ. Прїи́дꙋтъ бо въ помышле́нїе согрѣше́нїй свои́хъ ᲂу҆жа́сни, и҆ ѡ҆бличи́тъ и҆̀хъ сопроти́въ беззако́нїѧ и҆́хъ. Тогда̀ ста́нетъ въ дерзнове́нїи мно́зѣ пра́ведникъ предъ лице́мъ ѡ҆скорби́вшихъ є҆го̀, и҆ ѿмета́ющихъ трꙋды̀ є҆гѡ̀. Ви́дѣвше же є҆го̀ смѧтꙋ́тсѧ стра́хомъ мно́гимъ, и҆ ᲂу҆жа́снꙋтсѧ ѡ҆ пресла́вномъ спасе́нїи є҆гѡ̀. Рекꙋ́тъ бо въ себѣ̀ ка́ющесѧ, и҆ въ тѣснотѣ̀ дꙋ́ха воздо́хнꙋтъ, и҆ рекꙋ́тъ: се́й бѣ̀, є҆го́же и҆мѣ́хомъ нѣ́когда въ посмѣ́хъ, и҆ въ при́тчꙋ поноше́нїѧ безꙋ́мнїи. Житїѐ є҆гѡ̀ вмѣни́хомъ неи́стово, и҆ кончи́нꙋ є҆гѡ̀ безче́стнꙋ. Ка́кѡ вмѣни́сѧ въ сынѣ́хъ бж҃їихъ, и҆ во ст҃ы́хъ жре́бїй є҆гѡ̀ є҆́сть; Оу҆́бѡ заблꙋди́хомъ ѿ пꙋтѝ и҆́стиннагѡ, и҆ пра́вды свѣ́тъ не ѡ҆блиста̀ на́мъ, и҆ сл҃нце не возсїѧ̀ на́мъ. Беззако́нныхъ и҆спо́лнихомсѧ сте́зь, и҆ поги́бели, и҆ ходи́хомъ стєзѝ непрохѡ́дны, пꙋти́ же гдⷭ҇нѧ не разꙋмѣ́хомъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ і҃.)"
|
|
},
|
|
{
|
|
"type": "TEXT",
|
|
"value": "Оу҆ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й мꙋ́дрыхъ вѣ́дѧтъ бл҃года́ть. Оу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда. Сы́нъ бо пра́веденъ ражда́етсѧ въ живо́тъ: и҆ во бл҃ги́хъ свои́хъ пло́дъ пра́вды ѡ҆б̾и́метъ. Свѣ́тъ пра́вєднымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. Лю́битъ гдⷭ҇ь преподѡ́бнаѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. Мꙋ́дрость гдⷭ҇нѧ просвѣща́етъ лицѐ разꙋ́мнагѡ. Постига́етъ бо жела́ющыѧ ю҆̀, пре́жде да́же разꙋмѣ́ти ю҆̀: и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. Оу҆́треневавый къ не́й не ᲂу҆трꙋди́тсѧ: и҆ бдѧ́й є҆ѧ̀ ра́ди вско́рѣ безъ печа́ли бꙋ́детъ. Ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи: и҆ во стезѧ́хъ є҆ѧ̀ ꙗ҆влѧ́етсѧ и҆̀мъ благопрїе́мнѣ. Мꙋ́дрости никогда́же ѡ҆долѣ́етъ ѕло́ба. Си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: И҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀. Таи́нница бо є҆́сть бж҃їѧ хи́трости, и҆ ѡ҆брѣта́тельница дѣ́лъ є҆гѡ̀. Трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. А҆́ще же и҆ многоисскꙋ́ства жела́етъ кто̀, вѣ́сть дрє́внѧѧ, и҆ бы́ти хотѧ̑щаѧ разсмо́тритъ: Свѣ́сть и҆зви̑тїѧ слове́съ, и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бла́гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѡ҆бще́нїи слове́съ є҆ѧ̀. Сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: Бж҃е ѻ҆ц҃є́въ и҆ гдⷭ҇и ми́лости, сотвори́вый всѧ̑ сло́вомъ твои́мъ, и҆ мꙋ́дростїю твое́ю ᲂу҆стро́ивый человѣ́ка: да владѣ́етъ бы́вшими ѿ тебє̀ тварьмѝ, и҆ да ᲂу҆правлѧ́етъ мі́ръ въ преподо́бїи и҆ пра́вдѣ. Да́ждь мѝ твои̑мъ престо́лѡмъ присѣдѧ́щꙋю премꙋ́дрость, и҆ не ѿлꙋчѝ менє̀ ѿ ѻ҆́трѡкъ твои́хъ: ꙗ҆́кѡ а҆́зъ ра́бъ тво́й, и҆ сы́нъ рабы́ни твоеѧ̀. Послѝ ю҆̀ съ нб҃съ ѿ ст҃а́гѡ жили́ща твоегѡ̀, и҆ ѿ прⷭ҇то́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть предъ тобо́ю: И҆ наста́витъ мѧ̀ въ ра́зꙋмъ, и҆ сохрани́тъ мѧ̀ въ сла́вѣ свое́й. Помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Бж҃е́ственнаѧ благода́ть дх҃о́внаѧ пома́за тѧ̀ мѵ́ромъ разꙋ́мнымъ, свѧти́телю, вели́комꙋ новꙋ́градꙋ первопресто́льника, и҆ бг҃оꙋго́дное твоѐ житїѐ прекра́сна тѧ̀, бг҃омꙋ́дре, показа̀. Свѧти́телей бы́лъ є҆сѝ бл҃голѣ́пїе, преподо́бныхъ ᲂу҆краше́нїе, и҆ ны́нѣ мі́ръ ве́сь просвѣща́еши чꙋде́сными зарѧ́ми: тѣ́мъ па́мѧть твою̀, нїки́то, торжествꙋ́емъ."
|
|
},
|
|
{
|
|
"type": "TEXT",
|
|
"value": "По честнѣ́мъ твое́мъ преставле́нїи, мнѡ́га лѣ̑та сокровє́ны бы́ша честны̑ѧ мо́щи твоѧ̑, свѧти́телю нїки́то: ны́нѣ же ѡ҆брѣто́шасѧ цѣ̑лы, и҆ невреди̑мы, и҆ ꙗ҆́кѡ свѣтоза́рное со́лнце сїѧ́юще, вѣ́рныхъ сердца̀ просвѣща́юще, и҆ ве́сь мі́ръ ѡ҆зарѧ́юще. Тѣ́мже ра́достнѡ соверша́емъ пречестнꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣща̀ пресвѣ́тлаѧ, и҆ ꙗ҆́кѡ свѣти́льникъ всемі́рный, и҆ ꙗ҆́кѡ зарѧ̀ прекра́снаѧ, и҆ ꙗ҆́кѡ ѕвѣзда̀ незаходи́маѧ, посредѝ вели́кїѧ це́ркве, просїѧ́ша честны̑ѧ мо́щи твоѧ̑, ст҃и́телю, свѣтоно́сными блиста̑нїи ста́до твоѐ просвѣща́юще, и҆ всѧ̑ со стра́хомъ прикаса́ющыѧсѧ, и҆ ᲂу҆ми́льнѡ вопїю́щыѧ: со́нъ че́стенъ пред̾ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ то́йже:"
|
|
},
|
|
{
|
|
"type": "TEXT",
|
|
"value": "Зако́ны соблю́лъ є҆сѝ дх҃ѡ́вныѧ, лю́ди твоѧ̑ бл҃гоче́стїю наꙋчи́лъ є҆сѝ, первосвѧти́тельствꙋѧ вели́комꙋ новꙋ́градꙋ, и҆ тѣ́ло твоѐ въ не́мъ положи́лъ є҆сѝ ꙗ҆́кѡ да́ръ ѡ҆свѧще́нъ, и҆ сїѐ мно́гими лѣ́ты сокрове́но бы́сть, ны́нѣ же ѡ҆брѣ́тесѧ цѣ́ло и҆ нетлѣ́нно, приходѧ́щїи же къ ра́цѣ твое́й лобза́юще ѡ҆свѧща́ютсѧ, съ вѣ́рою и҆ любо́вїю вопїю́ще: ѻ҆́ч҃е на́шъ, свѧти́телю нїки́то, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, сщ҃е́ннаѧ главо̀, а҆рхїере́ю нїки́то, свѧти́телємъ ᲂу҆добре́нїе, по́стникѡмъ ᲂу҆краше́нїе, сщ҃е́нникѡмъ бл҃голѣ́пїе, вели́комꙋ новꙋ́градꙋ ᲂу҆твержде́нїе: на земли́ бо ꙗ҆́кѡ а҆́гг҃лъ пожи́лъ є҆сѝ, безѕло́бїемъ и҆ пра́вдою ᲂу҆кра́шенъ, свѣти́ло вели́кое ꙗ҆ви́всѧ на́мъ, и҆ мі́ръ ве́сь просвѣща́ѧ преди́вными чꙋдесы̀. Тѣ́мже моли́сѧ хрⷭ҇то́ви, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ пред̾ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, сщ҃е́ннаѧ главо̀, по́стникѡвъ непоколеби́мый сто́лпе, а҆́гг҃лѡвъ собесѣ́дниче: пречи́сто зерца́ло дх҃а прест҃а́гѡ ꙗ҆ви́лсѧ є҆сѝ, и҆ тогѡ̀ зарѧ́ми при́снѡ ѡ҆блиста́ѧсѧ, вѣ́рныхъ сердца̀ ѡ҆зарѧ́еши, болѣ̑зни ѡ҆блегча́еши, недꙋ́ги ѿгонѧ́еши. Тѣ́мже моли́сѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, свѧще́ннаѧ главо̀, свѧти́телю бг҃опрїѧ́тне, сто́лпе непревра́тный, непоколеби́мо ѡ҆снова́нїе вѣ́ры, цр҃ко́вное ᲂу҆краше́нїе, ст҃и́телей ᲂу҆добре́нїе, сла́ва пра́ведныхъ. Тѣ́мже тѧ̀ ᲂу҆блажа́емъ моле́бнѡ воспѣва́юще: свѧти́телю бг҃одохнове́нне, моли́сѧ хрⷭ҇тꙋ̀ дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃."
|
|
},
|
|
{
|
|
"type": "TEXT",
|
|
"value": "Человѣ́че нбⷭ҇ный, земны́й а҆́гг҃ле, дѣ́лателю вїногра́да хрⷭ҇то́ва, ᲂу҆ѧсни́лъ є҆сѝ вѣ́рныхъ сердца̀ медото́чными ᲂу҆чє́нїи, и҆ всѧ̑ благолѣ́пнѡ просвѣти́лъ є҆сѝ: и҆ ны́нѣ ѿ хрⷭ҇та̀ неꙋвѧда́емымъ ᲂу҆вѧ́злсѧ є҆сѝ вѣнце́мъ, молѝ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Наслади́всѧ, бг҃омꙋ́дре, воздержа́нїѧ, и҆ жела́нїе пло́ти твоеѧ̀ ѡ҆бꙋзда́въ, на престо́лѣ свѧти́тельства сѣ́лъ є҆сѝ, и҆ ꙗ҆́кѡ ѕвѣзда̀ многосвѣ́тлаѧ просвѣща́ѧ вѣ́рныхъ сердца̀ зарѧ́ми чꙋде́съ твои́хъ, ѻ҆́ч҃е на́шъ ст҃и́телю нїки́то: и҆ ны́нѣ молѝ хрⷭ҇та̀ бг҃а, да спасе́тъ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь ст҃а́гѡ два́жды: Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, гла́съ г҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ пресвѣ́тло со́лнце возсїѧ́въ, лю́ди твоѧ̑ просвѣти́лъ є҆сѝ ᲂу҆чє́нїи слове́съ твои́хъ, страсте́й ѡ҆черне́нїе потреби́лъ є҆сѝ, ст҃и́телю нїки́то, молѝ хрⷭ҇та̀ бг҃а, дарова́ти на́мъ ве́лїю ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ невоздѣ́ланнаѧ, дв҃о, лоза̀, краснѣ́йшїй гро́здъ прозѧбла̀ є҆сѝ, и҆сточа́ющъ на́мъ вїно̀ спасе́нїѧ, всѣ́хъ веселѧ́щее дꙋ́шы же и҆ тѣлеса̀. Тѣ́мже ꙗ҆́кѡ винꙋ́ тѧ до́брыхъ блажа́ще при́снѡ, со а҆́гг҃ломъ вопїе́мъ тѝ: ра́дꙋйсѧ, благода́тнаѧ."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ и҆скꙋше́нїй лꙋка́вагѡ премꙋ́дреннѡ себѐ соблю́лъ є҆сѝ, ст҃и́телю, и҆ вконе́цъ того̀ низложи́лъ є҆сѝ, и҆ хрⷭ҇то́вы цр҃кве сто́лпъ и҆ ᲂу҆твержде́нїе бы́лъ є҆сѝ: тѣ́мже соше́дшесѧ, па́мѧть твою̀ почита́емъ, бг҃омꙋ́дре. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Въ кро́въ тво́й, пречⷭ҇таѧ дв҃о, прибѣга́ющихъ, мольбꙋ̀ прїе́мши ѿ на́съ, не преста́й молѧ́щи чл҃вѣколю́бца, спасти́сѧ рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Смире́нїемъ влⷣцѣ хрⷭ҇тꙋ̀ послѣ́довавъ, воздержа́нїемъ житїѐ ᲂу҆краси́лъ є҆сѝ, и҆ ѿ сегѡ̀ мꙋ́дрости сло́во ввѣрѧ́ѧ, къ добродѣ́тели наказа́тель ꙗ҆ви́лсѧ є҆сѝ. Тѣ́мже вопїе́мъ тѝ: свѧти́телю нїки́то, молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Нбⷭ҇нꙋю две́рь и҆ кївѡ́тъ, прест҃ꙋ́ю го́рꙋ, свѣ́тлый ѻ҆́блакъ воспои́мъ, неѡпали́мꙋю кꙋпинꙋ̀, слове́сный ра́й, є҆́ѵы воззва́нїе, вселе́нныѧ всеѧ̀ вели́кое сокро́вище, ꙗ҆́кѡ спасе́нїе въ не́й содѣ́ласѧ мі́рꙋ, и҆ ѡ҆ставле́нїе дре́внихъ согрѣше́нїй. Сегѡ̀ ра́ди вопїе́мъ є҆́й: моли́сѧ сн҃ꙋ твоемꙋ̀, прегрѣше́нїй ѡ҆ставле́нїе дарова́ти благоче́стнѡ покланѧ́ющымсѧ всест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Та́же степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло а҃і."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дх҃а ст҃а́гѡ благода́ть въ твои́хъ ᲂу҆стна́хъ и҆злїѧ́сѧ, ѻ҆́ч҃е нїки́то ст҃и́телю, и҆ бы́лъ є҆сѝ па́стырь хрⷭ҇то́вы цр҃кве, ᲂу҆чѧ̀ словє́сныѧ ѻ҆́вцы вѣ́ровати въ трⷪ҇цꙋ є҆диносꙋ́щнꙋю, во є҆ди́но бжⷭ҇тво̀."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы со і҆рмосо́мъ на ѕ҃: и҆ ст҃а́гѡ два̀ канѡ́на на и҃."
|
|
},
|
|
{
|
|
"type": "HEADER",
|
|
"value": "Канѡ́нъ ст҃а́гѡ: пѣ́нїе моле́бно, сложено̀ по а҆́збꙋцѣ, совершено́ же и҆́менемъ списа́вшагѡ. Гла́съ г҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сꙋ́шꙋ глꙋбороди́тельнꙋю зе́млю со́лнце наше́ствова и҆ногда̀: ꙗ҆́кѡ стѣна́ бо ѡ҆гꙋстѣ̀ ѻ҆бапо́лы вода̀, лю́демъ пѣшемореходѧ́щымъ, и҆ бг҃оꙋго́днѡ пою́щымъ: пои́мъ гдⷭ҇еви, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "А҆́гнче непоро́чный бж҃їй сло́ве, ѿве́рзи моѧ̑ недостѡ́йнаѧ ᲂу҆ста̀, да возмогꙋ̀ воспѣ́ти ст҃и́телѧ нїки́тꙋ, твоего̀ ᲂу҆го́дника."
|
|
},
|
|
{
|
|
"type": "TEXT",
|
|
"value": "Болѣ́зньми по́стническими дꙋ́шꙋ просвѣти́въ, преподо́бне, ꙗ҆́кѡ чи́стꙋ же́ртвꙋ хрⷭ҇тꙋ̀ предста́вилъ є҆сѝ, ра́дꙋѧсѧ поѧ̀: сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Воздержа́нїемъ тѣ́ло дꙋ́хꙋ порабо́тилъ є҆сѝ, дꙋ́шꙋ же равноа́гг҃льнꙋ сотвори́лъ є҆сѝ. Помина́й вѣ́рою чтꙋ́щыѧ тѧ̀, поѧ̀ бг҃ꙋ: сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гдⷭ҇ороди́тельнице влⷣчце мр҃і́е, молѝ, є҆го́же родила̀ є҆сѝ бг҃а и҆ цр҃ѧ̀ на́шего, да ми́лостивъ бꙋ́детъ на́мъ въ де́нь сꙋ́дный."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ, сложе́нъ та́коже по а҆́збꙋцѣ воспѧтослове́снѡ. Гла́съ з҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Поспѣ́шествовавшемꙋ бг҃ꙋ во є҆гѵ́птѣ мѡѷсе́ови, и҆звестѝ і҆и҃лѧ, томꙋ̀ є҆ди́номꙋ пои́мъ: ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Щедрѡ́ты твоѧ̑ призыва́емъ, гдⷭ҇и, да досто́йнѡ пѣ́нїе принесе́мъ ᲂу҆го́дникꙋ твоемꙋ̀ ст҃и́телю нїки́тѣ, тѧ̀ воспѣва́юще, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Ше́ствїе твоѐ до́брѣ сконча́лъ є҆сѝ, и҆ на нб҃са̀ возше́лъ є҆сѝ, прⷭ҇то́лꙋ влⷣчню предстоѧ̀, со а҆́гг҃лы того̀ воспѣва́еши, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Что̀ шꙋ́мъ пра́зднꙋющихъ быва́етъ, и҆ лю́дїе свѣ́тлѡ торжествꙋ́ютъ; дне́сь бо ѡ҆брѣто́шасѧ честны̑ѧ мо́щи свѧти́телѧ нїки́ты, и҆ всѝ ра́достнѡ вопїю́тъ хрⷭ҇тꙋ̀, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Цр҃и́цꙋ и҆ влⷣчцꙋ тѧ̀ и҆менꙋ́емъ, дв҃о, подъ кро́въ тво́й прибѣга́юще, и҆ по́мощи ѿ тебє̀ просѧ́ще, сн҃ꙋ твоемꙋ̀ воспѣва́юще, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Катава́сїа: Сꙋ́шꙋ глꙋбороди́тельнꙋю зе́млю:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Непло́днаѧ дꙋшѐ и҆ безча́днаѧ, стѧжѝ пло́дъ благосла́вный, веселѧ́щисѧ возопі́й: ᲂу҆тверди́хсѧ тобо́ю, бж҃е, нѣ́сть свѧ́тъ, нѣ́сть пра́веденъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Дѣ́латель бы́въ за́повѣдей гдⷭ҇нихъ, непреста́ннѡ въ ни́хъ поꙋча́ѧсѧ, ѻ҆́ч҃е нїки́то: сегѡ̀ ра́ди вше́лъ є҆сѝ въ нбⷭ҇наѧ, вопїѧ̀ ра́достнѡ: нѣ́сть свѧ́тъ, и҆ нѣ́сть пра́веденъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Є҆гда̀ зави́дѣвъ тебѣ̀ прелꙋка́вый, хотѧ́ше запѧ́ти ѿ добродѣ́телей, сопротивоста́въ, преподо́бне, безъ вѣ́сти того̀ сотвори́лъ є҆сѝ, хрⷭ҇тꙋ̀ вопїѧ̀: нѣ́сть свѧ́тъ, и҆ нѣ́сть пра́веденъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Житїе́мъ добродѣ́тельнымъ бг҃ꙋ ᲂу҆годи́лъ є҆сѝ, велїа́ра посрами́въ, и҆ хрⷭ҇тꙋ̀ возопи́лъ є҆сѝ: нѣ́сть свѧ́тъ, и҆ нѣ́сть пра́веденъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зачала̀ є҆сѝ ѻ҆́ч҃ее сло́во ѵ҆поста́сное, є҆го́же молѝ, бцⷣе, и҆зба́вити ѿ бѣ́дъ рабы̑ твоѧ̑, вои́стиннꙋ призыва́ющыѧ тѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆тверди́сѧ вѣ́рою хрⷭ҇то́ва цр҃ковь: и҆́бо непреста́ннѡ пѣ́сньми вопїе́тъ пою́щи: ст҃ъ є҆сѝ, гдⷭ҇и, и҆ тѧ̀ пое́тъ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "Ѿ земны́хъ нѣ́дръ воспрїе́млемъ ꙗ҆́кѡ да́ръ ѡ҆свѧще́нъ, честны̑ѧ мо́щи твоѧ̑, ст҃и́телю, и҆ ѿ си́хъ ѡ҆свѧще́нїе прїе́млемъ, хрⷭ҇та̀ воспѣва́юще: ст҃ъ є҆сѝ, гдⷭ҇и, спаса́ѧй дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Хра́мъ ст҃а́гѡ дх҃а ѿ ю҆́ности бы́лъ є҆сѝ, ѻ҆́ч҃е, сегѡ̀ ра́ди и҆ по сме́рти соблюде́сѧ тѣ́ло твоѐ нетлѣ́нно, и҆ сїѐ ра́достнѡ лобыза́юще, вопїе́мъ хрⷭ҇тꙋ̀: ст҃ъ є҆сѝ, гдⷭ҇и, спаса́ѧй дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Фарїсе́йское тщесла́вїе ѿри́нꙋвше, со смире́нїемъ и҆ ра́достїю цѣлꙋ́емъ честны̑ѧ твоѧ̑ мо́щи, ст҃и́телю нїки́то, хрⷭ҇тꙋ̀ вопїю́ще: ст҃ъ є҆сѝ, гдⷭ҇и, спаса́ѧй дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆кра́шена рѧ́снами чистоты̀, пречⷭ҇таѧ ѻ҆трокови́це, благослове́ннаѧ влⷣчце, предста́тельнице ро́да на́шегѡ."
|
|
},
|
|
{
|
|
"type": "TEXT",
|
|
"value": "Катава́сїа: Оу҆твержде́нїе на тѧ̀:"
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ са́дъ присноцвѣтꙋ́щъ лю́ди твоѧ̑ сотвори́лъ є҆сѝ, сїѧ̑ во благоче́стїи возрасти́въ, ᲂу҆мно́жилъ є҆сѝ: и҆ ѿ сегѡ̀ вѣ́ренъ ра́бъ и҆ дѣ́латель вїногра́да хрⷭ҇то́ва показа́лсѧ є҆сѝ, и҆ трꙋдѡ́мъ возме́здїе досто́йнѡ воспрїѧ́лъ є҆сѝ, ст҃и́телю, молѝ хрⷭ҇та̀ бг҃а, да спасе́тъ дꙋ́шы на́шѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Всѣ́хъ творца̀, бг҃а же и҆ содѣ́телѧ, всенепоро́чнаѧ чⷭ҇таѧ, дх҃омъ бжⷭ҇твеннымъ въ ложесна́хъ твои́хъ заче́нши, безъ и҆стлѣ́нїѧ родила̀ є҆сѝ: є҆го́же сла́вѧще, тѧ̀ воспѣва́емъ, дв҃о, ꙗ҆́кѡ пала́тꙋ цр҃ѧ̀ всѣ́хъ, и҆ мі́ра застꙋпле́нїе."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Положи́лъ є҆сѝ къ на́мъ тве́рдꙋю любо́вь, гдⷭ҇и, є҆диноро́днаго бо твоего̀ сн҃а за ны̀ на сме́рть да́лъ є҆сѝ. Тѣ́мже тѝ зове́мъ благодарѧ́ще: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Зако́нѡмъ ѻ҆те́чєскимъ послѣ́дꙋѧ, и҆ си́хъ житїѐ подража́ѧ, непреста́ннѡ хрⷭ҇тꙋ̀ взыва́лъ є҆сѝ: сла́ва си́лѣ твое́й."
|
|
},
|
|
{
|
|
"type": "TEXT",
|
|
"value": "И҆зъ мла́да хрⷭ҇та̀ возлюби́лъ є҆сѝ, сегѡ̀ ра́ди, ꙗ҆́кѡ рачи́телѧ своего̀ возлюби́ тѧ, къ немꙋ́же вопїе́ши: сла́ва си́лѣ твое́й."
|
|
},
|
|
{
|
|
"type": "TEXT",
|
|
"value": "И҆сполнѧ́ѧ зако́ны бжⷭ҇твєнныѧ, преиспо́лнилсѧ є҆сѝ дарова́нїй бжⷭ҇твенныхъ, ст҃и́телю нїки́то, вѣ́рнѡ взыва́еши: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Кади́льнице всезлата́ѧ, мр҃і́е всенепоро́чнаѧ, хрⷭ҇та̀ молѝ, є҆го́же родила̀ є҆сѝ, и҆зба́витисѧ на́мъ ѿ бѣ́дъ и҆ ѻ҆гнѧ̀ вѣ́чнꙋющагѡ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Плотско́е прише́ствїе твоѐ, хрⷭ҇тѐ, ᲂу҆вѣрѧ́ѧ прⷪ҇ро́къ а҆ввакꙋ́мъ, взыва́ше: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Тѧ̀ моли́твенника непосты́дна ко влⷣцѣ стѧжа́хомъ, ст҃и́телю, молѝ ѡ҆ воспѣва́ющихъ па́мѧть твою̀, и҆зба́вити въ бꙋ́дꙋщемъ сꙋдѣ̀ вѣ́чнꙋющагѡ ѡ҆сꙋжде́нїѧ."
|
|
},
|
|
{
|
|
"type": "TEXT",
|
|
"value": "Свѣ́тлыми сїѧ́ньми провозсїѧ́вшыѧ честны̑ѧ твоѧ̑ мо́щи: ѿ мно́гихъ бо лѣ́тъ бы́вше сокровє́ны, ны́нѣ ꙗ҆́кѡ зарѧ̀ пресвѣ́тла просвѣща́ютъ и҆ ѡ҆свѣща́ютъ пою́щыѧ тѧ̀."
|
|
},
|
|
{
|
|
"type": "TEXT",
|
|
"value": "Ра́дость и҆ весе́лїе, и҆ ра́дованїе неизрече́нно твоемꙋ̀ ста́дꙋ, ст҃и́телю, показа́сѧ, ѡ҆брѣ́тенїе честны́хъ моще́й твои́хъ, въ не́же и҆спросѝ на́мъ ѡ҆ставле́нїе грѣхѡ́въ и҆ вели́кꙋю ми́лость."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Правосла́вною вѣ́рою, и҆ любо́вїю притека́ющихъ тѝ, и҆ со стра́хомъ пою́щихъ тѧ̀, моле́бный гла́съ ᲂу҆слы́ши, влⷣчце."
|
|
},
|
|
{
|
|
"type": "TEXT",
|
|
"value": "Катава́сїа: Покры́ла є҆́сть нб҃са̀:"
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Къ тебѣ̀ ᲂу҆́тренюю всѣ́хъ творцꙋ̀, преимꙋ́щемꙋ всѧ́къ ᲂу҆́мъ мі́рови: занѐ свѣ́тъ повелѣ̑нїѧ твоѧ̑, въ ни́хже наста́ви мѧ̀."
|
|
},
|
|
{
|
|
"type": "TEXT",
|
|
"value": "Лꙋ́къ врага̀ сокрꙋши́лъ є҆сѝ, и҆ бра́нь є҆гѡ̀ до конца̀ разори́лъ є҆сѝ, и҆ соверше́нїѧ добродѣ́телей, преподо́бне, дости́глъ є҆сѝ."
|
|
},
|
|
{
|
|
"type": "TEXT",
|
|
"value": "Моли́твою возше́лъ є҆сѝ на нбⷭ҇наѧ, и҆дѣ́же съ ли́ки ѻ҆тє́цъ пребыва́ѧ весели́шисѧ, помина́й, преподо́бне, па́мѧть твою̀ свѣ́тлѡ торжествꙋ́ющыѧ."
|
|
},
|
|
{
|
|
"type": "TEXT",
|
|
"value": "Неизрече́нныхъ та̑инъ хрⷭ҇то́выхъ слꙋжи́тель бы́ти сподо́билсѧ є҆сѝ, и҆ сїѧ̑ приносѧ̀ бг҃ꙋ, за мі́ръ прилѣ́жнѡ моли́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆пова́нїе и҆ наде́жда на́ша ты̀ є҆сѝ, пречⷭ҇таѧ влⷣчце, спасѝ лю́ди твоѧ̑ молѧ́щыѧсѧ, и҆ и҆́мѧ твоѐ призыва́ющыѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆́треннююще, сло́ве, въ сла́вꙋ твою̀ и҆ хвалꙋ̀, восхвалѧ́емъ непреста́ннѡ ѻ҆́бразъ креста̀ твоегѡ̀, є҆го́же да́лъ є҆сѝ на́мъ ѻ҆рꙋ́жїе въ по́мощь."
|
|
},
|
|
{
|
|
"type": "TEXT",
|
|
"value": "Оу҆миле́нїѧ и҆сто́чникъ мнѣ̀ и҆спросѝ, въ честнѣ́мъ твое́мъ торжествѣ̀, ст҃и́телю нїки́то, да ѿмы́ю скве́рнꙋ дꙋшѝ моеѧ̀, и҆ покаѧ́нїе моли́твами твои́ми ѡ҆брѧ́щꙋ, на по́мощь ѻ҆рꙋ́жїе."
|
|
},
|
|
{
|
|
"type": "TEXT",
|
|
"value": "Нова́града бы́въ первост҃и́тель и҆́стиненъ, ѡ҆благово́ни на́шѧ чꙋ̑вства дꙋшє́внаѧ: да моли̑твы твоѧ̑ предста́виши на́мъ на по́мощь ѻ҆рꙋ́жїе."
|
|
},
|
|
{
|
|
"type": "TEXT",
|
|
"value": "Мно́жествомъ и҆скꙋше́нїй содержи́мь є҆́смь, на тѧ̀ наде́ждꙋ возлага́ю, ст҃и́телю нїки́то: да предста́виши мѝ моли́твꙋ твою̀ на по́мощь ѻ҆рꙋ́жїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Лѣ́ствица проѡбража́ше тѧ̀ патрїа́рха і҆а́кѡва, всенепоро́чнаѧ влⷣчце, бж҃їе схожде́нїе на́мъ ꙗ҆́вѣ сказꙋ́ющи."
|
|
},
|
|
{
|
|
"type": "TEXT",
|
|
"value": "Катава́сїа: Ꙗ҆́кѡ ви́дѣ и҆са́їа:"
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бе́здна послѣ́днѧѧ грѣхѡ́въ ѡ҆бы́де мѧ̀, и҆ и҆счеза́етъ дꙋ́хъ мо́й: но простры́й, влⷣко, высо́кꙋю твою̀ мы́шцꙋ, ꙗ҆́кѡ петра̀ мѧ̀, ᲂу҆пра́вителю, спасѝ."
|
|
},
|
|
{
|
|
"type": "TEXT",
|
|
"value": "Пред̾избра́нъ бы́въ бжⷭ҇твенною благода́тїю, во є҆́же па́ствити ста́до хрⷭ҇тоимени́то: ты́ же, преподо́бне, ꙗ҆́кѡ па́стырь и҆́стиненъ, прилѣ́жнѡ ѡ҆ ста́дѣ попече́нїе и҆мѣ́лъ є҆сѝ."
|
|
},
|
|
{
|
|
"type": "TEXT",
|
|
"value": "Разꙋ́мнѣ разсꙋжда́ѧ ча̑да твоѧ̑, и҆ ча́стѡ наказꙋ́ѧ дꙋхо́вными словесы̀, да пребꙋ́дꙋтъ тве́рдѡ соблюда́юще вѣ́рꙋ правосла́внꙋю."
|
|
},
|
|
{
|
|
"type": "TEXT",
|
|
"value": "Ст҃и́тельства че́стїю почте́нъ, прилѣ́жнѡ моле́нїе за лю́ди твоѧ̑ приноси́лъ є҆сѝ: да ми́лостива бг҃а ѡ҆брѧ́щꙋтъ въ де́нь сꙋ́дный."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ є҆сѝ, пречⷭ҇таѧ бцⷣе, прибѣ́жище на́ше и҆ ᲂу҆твержде́нїе, молѝ сн҃а твоего̀ и҆ бг҃а на́шего, пода́ти на́мъ спасе́нїе и҆ грѣхѡ́въ ѡ҆ставле́нїе."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пла́вающаго въ молвѣ̀ жите́йскихъ попече́нїй, съ корабле́мъ потоплѧ́ема грѣхѝ, и҆ дꙋшетлѣ́нномꙋ ѕвѣ́рю примета́ема, ꙗ҆́кѡ і҆ѡ́на, хрⷭ҇тѐ, вопїю́ ти: и҆зъ смертоно́сныѧ глꙋбины̀ возведи́ мѧ."
|
|
},
|
|
{
|
|
"type": "TEXT",
|
|
"value": "Крѣ́пость и҆ ᲂу҆твержде́нїе и҆спросѝ ѻ҆те́чествꙋ на́шемꙋ, ст҃и́телю нїки́то: да моли́твами твои́ми хрⷭ҇тїа́нскїй ро́дъ въ тишинѣ̀ пребꙋ́детъ, воспѣва́ющїй тѧ̀ ꙗ҆́кѡ те́пла застꙋ́пника."
|
|
},
|
|
{
|
|
"type": "TEXT",
|
|
"value": "И҆зба́витисѧ ста́дꙋ твоемꙋ̀ всѧ́кагѡ ѡ҆ѕлобле́нїѧ и҆ ско́рби, моли́сѧ, ст҃и́телю нїки́то: ты́ бо є҆сѝ наде́жда непосты́дна, ᲂу҆пова́нїе и҆звѣ́стно, и҆ стѣна̀ неѡбори́маѧ."
|
|
},
|
|
{
|
|
"type": "TEXT",
|
|
"value": "И҆ на́мъ пою́щымъ, и҆ сла́вѧщымъ твою̀ па́мѧть, и҆спросѝ, ст҃и́телю нїки́то, грѣхѡ́въ разрѣше́нїе, сꙋда̀ и҆ мꙋ́ки и҆збавле́нїе, и҆ црⷭ҇твїѧ нбⷭ҇нагѡ сподо́битисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Земноро́дныхъ є҆стество̀ на нб҃о тобо́ю взы́де, пала́та бо цр҃е́ва ѡ҆брѣла́сѧ є҆сѝ, бцⷣе: тѣ́мже согла́снѡ воспѣва́емъ тѧ̀."
|
|
},
|
|
{
|
|
"type": "TEXT",
|
|
"value": "Катава́сїа: Возопѝ къ тебѣ̀:"
|
|
},
|
|
{
|
|
"type": "HEADER",
|
|
"value": "Конда́къ, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆́же ѡ҆ на́съ:"
|
|
},
|
|
{
|
|
"type": "TEXT",
|
|
"value": "А҆рхїере́йства са́номъ почти́всѧ, и҆ чи́стѣ чⷭ҇тѣ́йшемꙋ предстоѧ̀, прилѣ́жнѡ моле́нїе за лю́ди твоѧ̑ приноси́лъ є҆сѝ, ꙗ҆́кѡ и҆ до́ждь моли́твою све́лъ є҆сѝ, ѻ҆вогда́ же и҆ гра́да запалє́нїѧ ᲂу҆гаси́лъ є҆сѝ. И҆ ны́нѣ, свѧти́телю нїки́то, молѝ хрⷭ҇та̀ бг҃а, спастѝ лю́ди твоѧ̑ молѧ́щыѧсѧ, да всѝ вопїе́мъ тѝ: ра́дꙋйсѧ, ст҃и́телю ѻ҆́ч҃е преди́вный."
|
|
},
|
|
{
|
|
"type": "TEXT",
|
|
"value": "І҆́косъ: Кто̀ не почꙋди́тсѧ, кто̀ не просла́витъ неизслѣ́димꙋю и҆ несказа́ннꙋю глꙋбинꙋ̀ милосе́рдїѧ твоегѡ̀, хрⷭ҇тѐ бж҃е; ꙗ҆́кѡ просла́вилъ є҆сѝ въ послѣ́днемъ ро́дѣ ᲂу҆го́дника твоего̀ ст҃и́телѧ нїки́тꙋ, є҆гѡ́же ѡ҆брѣто́шасѧ честны̑ѧ мо́щи цѣ̑лы и҆ неразрꙋши̑мы, є҆мꙋ́же рече́мъ: є҆гда̀ во пло́ти бы́лъ є҆сѝ, прпⷣбне, дѣ̑ланїи бжⷭ҇твенными дꙋ́шꙋ пред̾ѡчи́стилъ є҆сѝ, ст҃и́тельства па́ствꙋ воспрїи́мъ, сосꙋ́дъ и҆збра́нъ бжⷭ҇твеннагѡ дх҃а показа́лсѧ є҆сѝ, и҆ ста́до твоѐ до конца̀ въ вѣ́рѣ ᲂу҆тверди́лъ є҆сѝ. Тѣ́мъ ра́дꙋйсѧ, ѻ҆́ч҃е преди́вный."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Трїѐ ѻ҆́троцы въ пещѝ, трⷪ҇цꙋ проѡбрази́вше, преще́нїе ѻ҆́гненное попра́ша, и҆ пою́ще вопїѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Оу҆ѧснѧ́ютъ воспѣва́юще а҆́гг҃льстїи чи́ни, па́мѧть твою̀, нїки́то свѧти́телю, и҆ мы̀ земні́и ᲂу҆ми́льнѡ вопїе́мъ: и҆спросѝ на́мъ ѡ҆ставле́нїе согрѣше́нїй, и҆ благи́хъ наслажде́нїе."
|
|
},
|
|
{
|
|
"type": "TEXT",
|
|
"value": "Фараѡ́на мы́сленнаго побѣди́лъ є҆сѝ, ѿ хрⷭ҇та̀ дерзнове́нїе прїи́мъ, и҆ ве́лїе ра́дованїе ст҃ы̑мъ а҆́гг҃лѡмъ сотвори́лъ є҆сѝ, поѧ̀: ѻ҆тє́цъ на́шихъ бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Херꙋві́мꙋ подо́бѧсѧ легкѡ̀ на высотꙋ̀ возше́лъ є҆сѝ, и҆ ны́нѣ со безпло́тными водворѧ́ешисѧ, хрⷭ҇тꙋ̀ вопїѧ̀: ѻ҆тє́цъ на́шихъ бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѿ ᲂу҆тро́бы твоеѧ̀ про́йде ᲂу҆́мное, бцⷣе, сл҃нце, сего̀ молѝ ꙗ҆́кѡ сн҃а твоего̀ и҆ гдⷭ҇а, пода́ти на́мъ скорбе́й разрѣше́нїе, и҆ болѣ́зней ѡ҆блегче́нїе, да ра́достнѡ ѿ дꙋшѝ вопїе́мъ хрⷭ҇тꙋ̀: ѻ҆ц҃є́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пе́щь ѻ҆́троцы ѻ҆гнепа́льнꙋ дре́вле росоточа́щꙋ показа́ша, є҆ди́наго бг҃а воспѣва́юще, и҆ глаго́люще: превозноси́мый ѻ҆ц҃є́въ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Ѕѣ́льнымъ воздержа́нїемъ тѣ́ло ᲂу҆мертви́лъ є҆сѝ, дꙋ́шꙋ же просвѣти́лъ є҆сѝ, и҆ равноа́гг҃льнꙋ сотвори́лъ є҆сѝ, бг҃ꙋ вопїѧ̀: ѻ҆ц҃є́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Жезло́мъ па́стырскимъ, свѧти́телю, до́брѣ лю́ди твоѧ̑ ᲂу҆па́слъ є҆сѝ: ѡ҆ ни́хже ꙗ҆́кѡ вѣ́ренъ па́стырь хрⷭ҇тꙋ̀ возопи́лъ є҆сѝ: ѻ҆ц҃є́въ на́шихъ бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Є҆гда̀ сѧ́деши сꙋди́ти всѧ́чєскаѧ на прⷭ҇то́лѣ сла́вы твоеѧ̀, тогда̀ пощадѝ рабы̑ твоѧ̑, влⷣко, моли́твами ᲂу҆го́дника твоегѡ̀ свѧти́телѧ нїки́ты, да всѝ ᲂу҆ми́льнѡ вопїе́мъ тѝ: ѻ҆ц҃є́въ на́шихъ бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Добро́та честны́хъ и҆ ст҃ы́хъ а҆́гг҃лъ, ра́дованїе человѣ́кѡвъ ты̀ є҆сѝ, дв҃о бцⷣе, ты́ мѧ къ жи́зни наста́ви, сн҃ꙋ твоемꙋ̀ вопїю́ща: ѻ҆ц҃є́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Катава́сїа: Тебѐ во ѻ҆гнѝ ѡ҆роси́вшаго:"
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Веще́ственнагѡ ѻ҆гнѧ̀ пла́мень, невеще́ственнымъ ᲂу҆вѧди́ша бг҃озри́мїи ѻ҆́троцы, и҆ поѧ́хꙋ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Лю́демъ рѡссі̑йскимъ и҆спросѝ, нїки́то ст҃и́телю, ми́ръ, здра́вїе, спасе́нїе, и҆ на врагѝ ѡ҆долѣ́нїе, да въ ра́дости дꙋше́внѣй возопїе́мъ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Чꙋ́вствєнныѧ стра̑сти побѣди́въ, чистото́ю ꙗ҆́кѡ со́лнце возсїѧ́лъ є҆сѝ, чи́сто житїѐ до конца̀ сохрани́лъ є҆сѝ, и҆ бг҃ꙋ тѣ́мъ ᲂу҆годи́лъ є҆сѝ. Є҆мꙋ́же вопїе́мъ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Шꙋ́мъ пра́зднꙋющихъ слы́шати, ст҃и́телю, сподо́билсѧ є҆сѝ, шꙋ́ѧгѡ стоѧ́нїѧ и҆зба́ви мѧ̀ и҆ страсте́й треволне́нїѧ, и҆ къ приста́нищꙋ покаѧ́нїѧ наста́ви мѧ̀, да тѧ̀ сла́влю во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ще́драго и҆ чл҃вѣколюби́ваго бг҃а роди́ти, бцⷣе, сподо́биласѧ є҆сѝ, того̀ молѝ, неискꙋсобра́чнаѧ ѻ҆трокови́це, низпосла́ти на́мъ вѣ̑рнымъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ ѻ҆́троки подража́юще, дꙋхо́внꙋю ро́сꙋ прїе́мшїи, вѣ́рою зове́мъ: бл҃гослови́те, дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Гдⷭ҇ꙋ просла́вльшꙋ ᲂу҆го́дника своего̀ ст҃и́телѧ нїки́тꙋ, мнѡ́гимъ бо лѣ́тѡмъ преше́дшымъ, сокровє́ны бы́ша честны̑ѧ є҆гѡ̀ мо́щи: ны́нѣ же всѝ ꙗ҆́вѣ зрѧ́ще, согла́снѡ воспѣва́ютъ: благослови́те, дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Оу҆ви́дѣхомъ и҆ почꙋди́хомсѧ, па́че же стра́хомъ и҆ ра́достїю ѡ҆б̾ѧ́ти бы́хомъ, ꙗ҆́кѡ по толи́цѣхъ лѣ́тѣхъ ѡ҆брѣто́шасѧ честны̑ѧ мо́щи свѧти́телѧ нїки́ты цѣ̑лы и҆ неразрꙋши̑мы, и҆ всѝ є҆диногла́снѡ возопи́хомъ: бл҃гослови́те, дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бж҃їимъ манове́нїемъ послѣ́днемꙋ ро́дꙋ ꙗ҆влє́ны бы́ша честны̑ѧ мо́щи свѧти́телѧ нїки́ты: си̑мъ ᲂу҆́бѡ прикаса́ющїисѧ ѡ҆свѧще́нїе прїе́млемъ, хрⷭ҇та̀ воспѣва́юще во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: А҆да́ма но́ваго родила̀ є҆сѝ, пре́жде а҆да́ма бы́вшаго, сего̀ молѝ, бцⷣе, да спасе́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Катава́сїа: Нестерпи́момꙋ ѻ҆гню̀:"
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ зако́нѣ сѣ́ни и҆ писа́нїй ѻ҆́бразъ ви́димъ, вѣ́рнїи: всѧ́къ мꙋ́жескїй по́лъ, ложесна̀ разверза́ѧ, ст҃ъ бг҃ꙋ. Тѣ́мъ перворожде́нное сло́во, ѻ҆ц҃а̀ безнача́льна сн҃а, первородѧ́щасѧ мт҃рїю неискꙋсомꙋ́жнѡ, велича́емъ."
|
|
},
|
|
{
|
|
"type": "TEXT",
|
|
"value": "Мо́ре жите́йское преплы́въ воздержа́нїемъ, дости́глъ є҆сѝ широты̀ ра́йскїѧ, и҆дѣ́же со а҆́гг҃лы при́снѡ весели́шисѧ."
|
|
},
|
|
{
|
|
"type": "TEXT",
|
|
"value": "Ра́ка моще́й твои́хъ, свѧти́телю, дража́йши сапфі́ра показа́сѧ, чꙋдотвори́ва бо бѣ̀, и҆ и҆сцѣлє́нїѧ и҆сточа́ющи. Є҆ѧ́же ѡ҆блобыза́юще съ вѣ́рою приходѧ́щїи, ра́достнѡ ѿ дꙋшѝ вопїю́тъ: со́нъ че́стенъ пред̾ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Крⷭ҇тоно́снѡ предстои́ши прⷭ҇то́лꙋ вседержи́телѧ, сла́вою ѡ҆сїѧва́емь свѣ́та присносꙋ́щнагѡ: моли́сѧ, нїки́то свѧти́телю, ѡ҆ чтꙋ́щихъ вѣ́рнѡ па́мѧть твою̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Лꙋ́къ сокрꙋши́сѧ лꙋка́вагѡ, ѡ҆долѣ́нїемъ сн҃а твоегѡ̀ и҆ бг҃а на́шегѡ, чꙋ́дна побѣ́да, бцⷣе, и҆ ди́вно ѡ҆долѣ́нїе содѣ́ѧсѧ, влⷣчце, во спасе́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Па́че є҆стества̀ мт҃рь, и҆ по є҆стествꙋ̀ дв҃ꙋ, є҆ди́нꙋ въ жена́хъ бл҃гослове́ннꙋю, пѣ́сньми, вѣ́рнїи, бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Львы̀ ᲂу҆кротѝ данїи́лъ дре́вле, ты́ же, свѧти́телю нїки́то, неви́димагѡ врага̀, зїѧ́ющагѡ на тѧ̀, чє́люсти сокрꙋши́лъ є҆сѝ, и҆ безъ вѣ́сти того̀ сотвори́лъ є҆сѝ мл҃твами твои́ми."
|
|
},
|
|
{
|
|
"type": "TEXT",
|
|
"value": "Крѣ́пкою твое́ю моли́твою, свѧти́телю, ꙗ҆́звы дꙋшѝ моеѧ̀ и҆сцѣлѝ, и҆ находѧ́щихъ и҆скꙋше́нїй и҆зба́ви мѧ̀, молю́сѧ, и҆ се́рдца моегѡ̀ напра́ви стезю̀ на бж҃їѧ за́пѡвѣди пресвѣ̑тлыѧ, да тѧ̀ непреста́ннѡ велича́ю."
|
|
},
|
|
{
|
|
"type": "TEXT",
|
|
"value": "Разженѝ мно́жество ѕѡ́лъ мои́хъ, ст҃и́телю, бг҃опрїѧ́тными твои́ми мл҃твами, ѡ҆дожди́ ми ка̑пли покаѧ́нїѧ: бою́сѧ бо та́мошнѧгѡ сꙋди́ща, въ не́мже сꙋдїѧ̀ хо́щетъ сꙋди́ти всемꙋ̀ мі́рꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Милосе́рдїе на рабы̑ твоѧ̑, чⷭ҇таѧ, прострѝ, при́снѡ молѧ́щыѧ тѧ̀, стра́шныѧ мꙋ́ки и҆збавлѧ́ющи моли́твами твои́ми."
|
|
},
|
|
{
|
|
"type": "TEXT",
|
|
"value": "Катава́сїа: Въ зако́нѣ сѣ́ни и҆ писа́нїй:"
|
|
},
|
|
{
|
|
"type": "TEXT",
|
|
"value": "Свѣти́ленъ: Плотска̑ѧ мꙋдрова̑нїѧ дх҃ꙋ повинꙋ́лъ є҆сѝ, и҆ ꙗ҆́кѡ зла́то ѻ҆гне́мъ и҆скꙋси́всѧ, прїѧ́телище бы́лъ є҆сѝ дх҃ꙋ прест҃о́мꙋ, ѻ҆́ч҃е нїки́то свѧти́телю. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀ пѣ́сньми ᲂу҆блажа́емъ, дв҃о, бг҃а бо роди́вши на рꙋкꙋ̀ носи́ла є҆сѝ: того̀ молѝ за дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе."
|
|
},
|
|
{
|
|
"type": "TEXT",
|
|
"value": "Свѣти́льникъ тѧ̀ стѧжа́вше, свѧще́ннꙋю твою̀ па́мѧть восхвалѧ́емъ, свѧще́ннѡ ᲂу҆бл҃жа́юще: цр҃ковь бо хрⷭ҇то́вꙋ ᲂу҆краси́лъ є҆сѝ, и҆ лю́ди твоѧ̑ просвѣти́лъ є҆сѝ, врꙋче́нный тебѣ̀ тала́нтъ ᲂу҆мно́живъ, ра́дости сподо́билсѧ є҆сѝ гдⷭ҇а твоегѡ̀. И҆ ны́нѣ, ст҃и́телю, моли́сѧ ѡ҆ дꙋша́хъ на́шихъ. Два́жды."
|
|
},
|
|
{
|
|
"type": "TEXT",
|
|
"value": "Воздержа́нїемъ до́брѣ воспита́всѧ, въ пресла́внꙋю добродѣ́телей высотꙋ̀ возше́лъ є҆сѝ, ст҃и́тельства ѻ҆де́ждею, пребога́те, и҆ вѣнце́мъ добродѣ́телей ᲂу҆кра́шенъ, бл҃года́тїю бж҃е́ственнагѡ дх҃а ѡ҆сїѧ́емь. Просвѣтѝ моли́твами твои́ми, ст҃и́телю нїки́то, достодо́лжнѡ восхвалѧ́ющихъ свѧще́ннꙋю и҆ честнꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ зла́то чи́сто ѡ҆брѣто́хомъ, честны̑ѧ твоѧ̑ мо́щи, нїки́то ст҃и́телю, и҆ си́хъ любо́вїю почита́емъ, торжествꙋ́юще ра́достнѡ, и҆ ꙗ҆́кѡ свѧще́нїе дꙋша́мъ ѡ҆бносѧ́ще, хрⷭ҇та̀ прославлѧ́емъ, просла́вльшаго тѧ̀ ᲂу҆го́дника своего̀: да и҆ на́съ сподо́битъ вѣ́чнагѡ наслажде́нїѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Бл҃га́гѡ бг҃а вѣ́рный ра́бе, вїногра́да є҆гѡ̀ прилѣ́жный дѣ́лателю, до́брѣ ста́до ᲂу҆па́слъ є҆сѝ, и҆ є҆ѵⷢ҇льскими словесы̀ люде́й твои́хъ сердца̀ напои́лъ є҆сѝ, и҆ сѣ́мѧ бл҃гоче́стїѧ въ ни́хъ возрасти́лъ є҆сѝ: и҆ ны́нѣ предстоѧ̀ хрⷭ҇тꙋ̀, моли́сѧ, ст҃и́телю нїки́то, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ моли́твꙋ ра̑бъ твои́хъ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое:"
|
|
},
|
|
{
|
|
"type": "HEADER",
|
|
"value": "На лїтꙋргі́и, слꙋ́жба і҆ера́рхѡвъ."
|
|
}
|
|
] |