770 lines
63 KiB
JSON
770 lines
63 KiB
JSON
[
|
|
{
|
|
"type": "HEADER",
|
|
"value": "Феѵрꙋа́рїа д҃"
|
|
},
|
|
{
|
|
"type": "HEADER",
|
|
"value": "Прпⷣбнагѡ ѻ҆ц҃а̀ на́шегѡ кѷрі́лла, новоезе́рскагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Вѣ́рою и҆ любо́вїю и҆́стинною, мі́ра ѿ младе́нства ѿре́ксѧ, ѻ҆́ч҃е преподо́бне кѷрі́лле, ра́дꙋѧсѧ послѣ́довалъ є҆сѝ хрⷭ҇тꙋ̀, и҆ мно́гимъ по́двигомъ пло́ть твою̀ ᲂу҆мертви́лъ є҆сѝ, и҆ благода́ть и҆сцѣле́нїй бога́тнѡ воспрїѧ́лъ є҆сѝ, ᲂу҆ставлѧ́ти недꙋ́ги, и҆ не́мѡщи разли̑чныѧ, и҆ дꙋ́хи лꙋка̑выѧ вельмѝ ᲂу҆дави́лъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆краше́нїе и҆́нокѡмъ бы́въ, собра́лъ є҆сѝ неизче́тно мно́жество, пѣ́ти гдⷭ҇а, прпⷣбне кѷрі́лле, и҆ къ нб҃сѝ всѣ́хъ наста́вилъ є҆сѝ до́брѣ, послѣ́дꙋющихъ бжⷭ҇твєннымъ твои̑мъ ᲂу҆че́нїємъ, и҆ подо́бѧщихсѧ твоемꙋ̀ житїю̀ добродѣ́тельномꙋ, ѻ҆́ч҃е кѷрі́лле: съ ни́миже тѧ̀ почита́емъ, сщ҃е́ннѡ въ преставле́нїи твое́мъ ра́дꙋющесѧ."
|
|
},
|
|
{
|
|
"type": "HEADER",
|
|
"value": "Гла́съ а҃:"
|
|
},
|
|
{
|
|
"type": "TEXT",
|
|
"value": "Преподо́бне ѻ҆́ч҃е кѷрі́лле, любвѐ ра́ди ᲂу҆чи́телѧ твоегѡ̀, всѧ̑ ꙗ҆̀же на землѝ преѡби́дѣлъ є҆сѝ, и҆ въ пꙋсты́ню всели́всѧ, пло́ть твою̀ воздержа́нїемъ ᲂу҆мертви́лъ є҆сѝ, и҆ по́стническими трꙋды̀ твоѐ житїѐ ᲂу҆ѧсни́лъ є҆сѝ: ѿѻнꙋ́дꙋже и҆ ᲂу҆ченикѝ себѣ̀ собра́въ, ревнꙋ́ющихъ твоемꙋ̀ житїю̀, си́хъ хрⷭ҇тꙋ̀ приве́лъ є҆сѝ, є҆го́же молѝ спастѝ всѣ́хъ на́съ, тѧ̀ почита́ющихъ."
|
|
},
|
|
{
|
|
"type": "TEXT",
|
|
"value": "Ѻ҆́ч҃е бг҃омꙋ́дре кѷрі́лле, воздержа́нїемъ бг҃ꙋ соединѧ́ѧсѧ, непобѣжде́нъ пребы́сть кова̑рствїи бори́телѧ, и҆ ра́бъ ꙗ҆ви́лсѧ є҆сѝ вседержи́телѧ: ѿѻнꙋ́дꙋже почита́емъ тѧ̀, и҆ бжⷭ҇твеннꙋю твою̀ па́мѧть восхвалѧ́юще ра́достнѡ вѣ́рою пра́зднꙋемъ."
|
|
},
|
|
{
|
|
"type": "TEXT",
|
|
"value": "Преподо́бне ѻ҆́ч҃е кѷрі́лле, въ пꙋсты́нѧхъ при́снѡ и҆ въ пеще́рахъ и҆ въ гора́хъ вѣ́рою пребыва́ѧ, бг҃а взыска́лъ є҆сѝ: и҆ сегѡ̀ ра́ди ѡ҆брѣ́лъ є҆сѝ, ꙗ҆́коже возжелѣ̀: невозвра́тною дꙋше́ю восхождє́нїи до́брыми всегда̀, и҆́нѡкъ мно́жество приве́лъ є҆сѝ хрⷭ҇тꙋ̀ спаса́емыхъ."
|
|
},
|
|
{
|
|
"type": "TEXT",
|
|
"value": "Преподо́бне ѻ҆́ч҃е премꙋ́дре кѷрі́лле, болѧ́щымъ ты̀ ꙗ҆ви́лсѧ є҆сѝ и҆сцѣле́нїе и҆ хромы̑мъ хожде́нїе ми́лостивнѡ сотворѧ́еши, и҆ всѣ̑мъ притека́ющымъ съ вѣ́рою къ цѣльбоно́сномꙋ гро́бꙋ твоемꙋ̀, просѧ́щымъ по́мощи и҆ застꙋпле́нїѧ. Ты́ же моли́твами твои́ми и҆сцѣле́нїе недꙋ́гꙋющымъ неѡскꙋ́днѡ подава́еши."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Є҆́же по ѻ҆́бразꙋ соблю́дъ невреди́мо, ᲂу҆́мъ влⷣкꙋ на стра̑сти па̑гꙋбныѧ по́стнически поста́вивъ, во є҆́же по подо́бїю, ꙗ҆́кѡ мо́щїю возше́лъ є҆сѝ: мꙋ́жески бо є҆стество̀ понꙋ́дивъ, потща́лсѧ є҆сѝ хꙋ́ждшее покори́ти лꙋ́чшемꙋ, и҆ пло́ть порабо́тити дꙋ́хꙋ. Тѣ́мже мона́шествꙋющихъ ꙗ҆ви́лсѧ є҆сѝ ве́рхъ, жи́тель пꙋсты́нный, благотекꙋ́щихъ ѡ҆бꙋчи́тель, пра́вило добродѣ́тели и҆звѣ́стнѣйшее: и҆ ны́нѣ на нб҃сѣ́хъ, зерца́лѡмъ разрѣ́шшымсѧ, ѻ҆́ч҃е на́шъ кѷрі́лле, чи́стѣ зри́ши ст҃ꙋ́ю трⷪ҇цꙋ, молѧ́сѧ несре́дственнѣ ѡ҆ и҆̀же вѣ́рою и҆ любо́вїю чтꙋ́щихъ тѧ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кто̀ тебѐ не ᲂу҆блажи́тъ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. И҆ чтє́нїѧ трѝ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Главы̑ є҃ и҆ ѕ҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе бл҃голѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бро́нѧ пра́вды, и҆ возложи́тъ шле́мъ, сꙋ́дъ нелицемѣ́ренъ. Прїи́метъ щи́тъ непобѣди́мый преподо́бїе, поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ. По́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости и҆спо́лнь падꙋ́тъ гра́ды. Вознегодꙋ́етъ на ни́хъ вода̀ морска́ѧ: рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе: и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те, держа́щїи мно́жєства, и҆ гордѧ́щїисѧ ѡ҆ наро́дѣхъ ꙗ҆зы̑къ. Ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ, и҆ є҆́же ѿ на́съ ше́ствїе сокрꙋше́нїе: ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна: нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ, преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ и҃. Самогла̑сны:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е кѷрі́лле, да́ръ бж҃їй и҆збра́въ са́мъ себѐ, и҆ прине́слъ є҆сѝ, бдѣ́нїе всено́щное, и҆ ᲂу҆миле́нїе стѧжа́въ, поꙋче́нїе бжⷭ҇твенно, коне́чное смире́нїе, наде́ждꙋ, вѣ́рꙋ, любо́вь нерастворе́нꙋ, трезвѣ́нїе, и҆ милосе́рдїе, и҆́стинное безстра́стїе, мл҃твꙋ, сто́лпъ тѧ̀ показа́вше свѣтови́днѣйшїй."
|
|
},
|
|
{
|
|
"type": "HEADER",
|
|
"value": "Гла́съ в҃:"
|
|
},
|
|
{
|
|
"type": "TEXT",
|
|
"value": "По ᲂу҆спе́нїи твое́мъ, блаже́нне, ᲂу҆чи́тельница быва́етъ на́мъ твоѧ̀ ра́ка: при́снѡ бо и҆злива́ющимисѧ чꙋдесы̀ вопїѧ̀, и҆ возводѧ̀ къ трꙋдѡ́мъ и҆ подвигѡ́мъ, глаго́лѧ: возлюби́те гдⷭ҇а, да ѡ҆брѧ́щете благода́ть вѣ́чнꙋю, ничто́же па́че є҆гѡ̀ почти́те, да є҆гда̀ прїи́детъ, и҆ ѡ҆брѧ́щете поко́й со и҆збра́нными, є҆го́же да и҆ мы̀ ᲂу҆лꙋчи́мъ твои́ми моли́твами."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Житїѐ нескве́рно, терпѣ́нїе и҆ кро́тость, и҆ любо́вь нелицемѣ́рнꙋ, воздержа́нїе и҆ стоѧ́нїе всено́щное, и҆ ᲂу҆миле́нїе бжⷭ҇твенное, вѣ́рꙋ и҆ наде́ждꙋ и҆́стиннꙋю, и҆ ми́лованїе, ѻ҆́ч҃е, стѧжа́въ, ꙗ҆́кѡ а҆́гг҃лъ пожи́лъ є҆сѝ на землѝ съ пло́тїю, кѷрі́лле блаже́нне, моли́твенниче, ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Земны́й а҆́гг҃ле, нбⷭ҇ный человѣ́че бы́лъ є҆сѝ, преподо́бне, и҆сто́чникъ ᲂу҆миле́нїѧ и҆ ми́лованїѧ, стрꙋѧ̀ пꙋчи́ны, грѣ́шникѡмъ порꙋ́чникъ, ма́слина вои́стиннꙋ бж҃їѧ плодови́та, и҆ трꙋдѡ́въ твои́хъ, ᲂу҆тѣ́ши ли́ца, кѷрі́лле чꙋ́дне, вѣ́рнѡ восхвалѧ́ющымъ тѧ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Преподо́бне ѻ҆́ч҃е кѷрі́лле, ꙗ҆вле́нїемъ бж҃їѧ мт҃ре наставлѧ́емь, и҆ тогѡ̀ сїѧ́нїемъ ѡ҆зарѧ́емь, и҆ пꙋсты́ню, на ню́же зва́нъ бы́сть, дости́глъ є҆сѝ, и҆ въ не́й трꙋдолю́бнѡ подвиза́всѧ, вше́лъ є҆сѝ въ незаходи́мый свѣ́тъ ра́зꙋма, и҆дѣ́же мно́гихъ гдⷭ҇еви ревни́телей твоемꙋ̀ житїю̀ ᲂу҆стро́илъ є҆сѝ. Тѣ́мже и҆ по сме́рти ѿ бг҃а дарова̑нїѧ прїѧ́лъ є҆сѝ, бѣ́сы прогони́ти, и҆ и҆сцѣлє́нїѧ разли́чныхъ недꙋ́гѡвъ человѣ́кѡмъ дарова́ти, вѣ́рою ѿ дꙋшѝ притека́ющымъ ко хра́мꙋ твоемꙋ̀ всечестно́мꙋ: молѝ спастѝ почита́ющихъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Творе́цъ и҆ и҆зба́витель:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Прехва́льнїи:"
|
|
},
|
|
{
|
|
"type": "TEXT",
|
|
"value": "Ѻ҆́ч҃е прпⷣбне кѷрі́лле, твоѧ̀ кра́снаѧ па́мѧть по́стникѡмъ собра́нїе и҆ весе́лїе, чꙋде́съ бо благода́тїю просла́вилсѧ є҆сѝ ѿ бг҃а: є҆го́же молѝ дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ѻ҆́ч҃е кѷрі́лле преподо́бне, твоегѡ̀ ᲂу҆ста́ва по́стнагѡ проти́внїи ᲂу҆боѧ́шасѧ, и҆ про́клѧти бы́ша твои́ми непреста́нными моли́твами, всехва́льне: и҆́бо сожи́тельствꙋюща бг҃а стѧжа́въ въ себѣ̀: є҆го́же молѝ дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ѻ҆́ч҃е прпⷣбне кѷрі́лле, хрⷭ҇та̀ возлюби́въ всѧ́кѡ, и҆ тогѡ̀ бжⷭ҇твєннымъ стопа́мъ послѣ́довалъ є҆сѝ, кре́стъ на ра́мо взе́мъ, неѡсла́бнѡ ше́ствовалъ є҆сѝ, и҆ живе́ши, бг҃оно́се, дх҃омъ. И҆ ны́нѣ молѝ дарова́ти дꙋша́мъ на́шымъ ми́ръ и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Тезоимени́то зва́нїе пречⷭ҇тыѧ ꙗ҆́кѡ ᲂу҆слы́шавъ, по́стническими трꙋды̀ себѐ ѡ҆бложи́въ, мі́рови и҆ страсте́мъ себѐ ᲂу҆мертви́въ, и҆ со хрⷭ҇то́мъ и҆зво́лилъ є҆сѝ жи́ти: тѣ́мъ и҆ по сме́рти и҆сцѣлє́нїѧ и҆сточа́етъ гро́бъ тво́й, преподо́бне кѷрі́лле, вѣ́рою притека́ющымъ. Но, ꙗ҆́кѡ и҆мѣ́ѧ дерзнове́нїе къ прославлѧ́емомꙋ ко ст҃ы́хъ хрⷭ҇тꙋ̀, моли́сѧ ѡ҆ и҆̀же вѣ́рою соверша́ющихъ па́мѧть твою̀, и҆ чтꙋ́щихъ трꙋды̀ твоѧ̑, ꙗ҆̀же за него̀ претерпѣ́лъ є҆сѝ, и҆ на́мъ ᲂу҆лꙋчи́ти дерзнове́нїе въ де́нь сꙋда̀, мо́лимсѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Бж҃їимъ дх҃омъ подвиза́емь, сле́зъ твои́хъ тꙋ́чами и҆зсо́хшее напои́лъ є҆сѝ, и҆ безпло́тное въ пꙋсты́ни житїѐ показа́лъ є҆сѝ, и҆ є҆́же и҆зъ глꙋбины̀ се́рдца бо́дренными моли́твами и҆ посто́мъ, благодѣѧ́нїѧ трꙋды̀ ᲂу҆плодоноси́лъ є҆сѝ, и҆ вселе́ннꙋю всю̀ просвѣти́лъ є҆сѝ сїѧ́нїемъ чꙋде́съ твои́хъ, ѻ҆́ч҃е на́шъ кѷрі́лле, молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "И҆́же на́съ ра́ди рожде́йсѧ ѿ дв҃ы:"
|
|
},
|
|
{
|
|
"type": "HEADER",
|
|
"value": "На ᲂу҆́трени по а҃-й каѳі́смѣ сѣда́ленъ, гла́съ г҃- й."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ двⷭ҇тва:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ безпло́тенъ, ѻ҆́ч҃е, пожи́лъ є҆сѝ на землѝ, превозносѧ́щагосѧ врага̀ смири́лъ є҆сѝ: тѣ́мже ны́нѣ съ невеще́ственными ли́ки, блаже́нне, водворѧ́ѧсѧ, та́мѡ блаже́нства наслажда́ѧсѧ, помина́й па́мѧть твою̀ дне́сь пра́зднꙋющихъ, да всѝ ра́достными пѣ́сньми воспѣва́емъ хрⷭ҇та̀ бг҃а на́шего, таковꙋ́ю тебѣ̀ благода́ть да́вшаго. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ ски́нїѧ была̀ є҆сѝ сло́ва, є҆ди́на пречⷭ҇таѧ мт҃и дв҃о, чистото́ю а҆́гг҃лы превозше́дшаѧ, па́че всѣ́хъ менѐ пе́рсть бы́вша, ѡ҆скверне́на плотски́ми прегрѣше́ньми, ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость."
|
|
},
|
|
{
|
|
"type": "HEADER",
|
|
"value": "По в҃-й каѳі́смѣ сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Повелѣ́нное та́йнѡ:"
|
|
},
|
|
{
|
|
"type": "TEXT",
|
|
"value": "Страсте́й тмꙋ̀ моли́твами твои́ми, ѻ҆́ч҃е, ѿгна́лъ є҆сѝ, се́рдце твоѐ въ чꙋ́вствїи чи́сто бг҃ꙋ предста́вивъ: тѣ́мже въ тѧ̀ всели́сѧ благода́ть дх҃а прест҃а́гѡ, є҆́же вѣ́дѣти бꙋ̑дꙋщаѧ, ꙗ҆́кѡ бли́зъ сꙋ̑щаѧ ты̀ проѧвлѧ́ѧ, и҆ проси́вшымъ ᲂу҆ тебє̀ съ вѣ́рою, непло́дствїѧ соꙋ́зъ разрѣши́лъ є҆сѝ. Тѣ́мже и҆ мы̀ мо́лимсѧ: просѝ на́мъ ѿ хрⷭ҇та̀ ми́ра и҆ ве́лїѧ ми́лости. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѿ крове́й твои́хъ, чⷭ҇таѧ, воплоще́ннаго бг҃а ро́ждшаѧ, и҆змѣне́на мѧ̀ при́снѡ грѣха́ми, и҆ прилѡ́ги лꙋка́вагѡ, бг҃обл҃года́тнаѧ, ᲂу҆твердѝ се́рдце моѐ, бл҃га́ѧ, твои́ми моли́твами, ꙗ҆́кѡ да и҆ а҆́зъ благода́рственнѡ зовꙋ́ ти: бг҃ороди́тельнице мр҃і́е, поми́лꙋй ста́до твоѐ, є҆́же стѧжа́ла є҆сѝ, всенепоро́чнаѧ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Въ пꙋсты́ню, преблаже́нне, всели́всѧ, и҆ въ не́й пречестны́й хра́мъ бж҃їѧ мт҃ре воздви́глъ є҆сѝ, и҆ мно́жество и҆́ночествꙋющихъ та́мѡ собра́лъ є҆сѝ гдⷭ҇еви, и҆ съ тобо́ю рабо́тающихъ, и҆̀хже сохранѝ ѿ всѧ́кагѡ вре́да лꙋка́вагѡ, да всѝ благода́рственнѡ вопїе́мъ тѝ: преблаже́нне кѷрі́лле, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бж҃ества̀, и҆ ꙗ҆́кѡ младе́нца млеко́мъ пита́еши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ досто́йнѡ сла́вимъ прест҃о́е рождество̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃, пи́сана на стїхо́внѣ,"
|
|
},
|
|
{
|
|
"type": "TEXT",
|
|
"value": "Подо́бенъ: Прехва́льнїи:"
|
|
},
|
|
{
|
|
"type": "TEXT",
|
|
"value": "Ѻ҆́ч҃е прпⷣбне кѷрі́лле, твоѧ̀ кра́снаѧ па́мѧть по́стникѡмъ собра́нїе и҆ весе́лїе, чꙋде́съ бо благода́тїю просла́вилсѧ є҆сѝ ѿ бг҃а: є҆го́же молѝ дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ѻ҆́ч҃е кѷрі́лле преподо́бне, твоегѡ̀ ᲂу҆ста́ва по́стнагѡ проти́внїи ᲂу҆боѧ́шасѧ, и҆ про́клѧти бы́ша твои́ми непреста́нными моли́твами, всехва́льне: и҆́бо сожи́тельствꙋюща бг҃а стѧжа́въ въ себѣ̀: є҆го́же молѝ дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ѻ҆́ч҃е прпⷣбне кѷрі́лле, хрⷭ҇та̀ возлюби́въ всѧ́кѡ, и҆ тогѡ̀ бжⷭ҇твєннымъ стопа́мъ послѣ́довалъ є҆сѝ, кре́стъ на ра́мо взе́мъ, неѡсла́бнѡ ше́ствовалъ є҆сѝ, и҆ живе́ши, бг҃оно́се, дх҃омъ. И҆ ны́нѣ молѝ дарова́ти дꙋша́мъ на́шымъ ми́ръ и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва. Канѡ́нъ бцⷣѣ со і҆рмосо́мъ на ѕ҃, и҆ ст҃о́мꙋ два̀ канѡ́на, на и҃. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть, препросла́вленный гдⷭ҇ь: сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Слꙋга̀ бж҃їй бы́въ, ѻ҆́ч҃е кѷрі́лле, сохрани́лъ є҆сѝ ꙗ҆́кѡ свѧще́нникъ спаси́тєльнаѧ повелѣ̑нїѧ, мїрско́е смꙋще́нїе ѡ҆ста́вилъ є҆сѝ, и҆ кре́стъ сво́й взе́мъ, живонѡ́снымъ стопа́мъ, всеблаже́нне, послѣ́довалъ є҆сѝ."
|
|
},
|
|
{
|
|
"type": "TEXT",
|
|
"value": "Спасе́нїю хода́таѧ свѣ́дый ра́зꙋмъ бг҃одохнове́нный, и҆ всѐ писа́нїе благоче́стнѡ проше́лъ є҆сѝ, ѻ҆́ч҃е преподо́бне кѷрі́лле, свѧще́нства ѿѻнꙋ́дꙋ прїе́мъ сано́вное."
|
|
},
|
|
{
|
|
"type": "TEXT",
|
|
"value": "Ѿ ю҆́ности твоеѧ̀, ѻ҆́ч҃е, ᲂу҆́мъ къ бг҃ꙋ впери́въ, тлѣ́нными нетлѣ̑ннаѧ, ꙗ҆́кѡ до́брый кꙋпе́цъ и҆скꙋпи́лъ є҆сѝ. Тѣ́мже ны́нѣ соше́дшесѧ, па́мѧть твою̀ почита́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Возсїѧ́въ, ꙗ҆́кѡ со́лнце и҆зъ тебє̀, мт҃и приснодв҃о, и҆́же ѿ ѻ҆ц҃а̀ пре́жде вѣ̑къ неви́димый: и҆́мже пресла́внѡ тѣ́ломъ ѡ҆писꙋ́емь, благоче́стїѧ заре́ю человѣ́ки просвѣти́лъ є҆́сть."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ. Гла́съ в҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Пѣсносло́вити достохва́льнꙋю па́мѧть твою̀ ᲂу҆се́рднѡ, прпⷣбне, благода́ть пода́ждь, кѷрі́лле: молѝ ѡ҆ на́съ, и҆ ѡ҆ всѣ́хъ согрѣши́вшихъ ѡ҆ ѡ҆ставле́нїи."
|
|
},
|
|
{
|
|
"type": "TEXT",
|
|
"value": "И҆́ноческїй сво́й кре́стъ взе́мъ, преподо́бне, послѣ́довалъ є҆сѝ хрⷭ҇тꙋ̀ вседержи́телю, и҆ ᲂу҆мертви́въ пло́ть, жи́зни вѣ́чныѧ сподо́билсѧ є҆сѝ, преподо́бне."
|
|
},
|
|
{
|
|
"type": "TEXT",
|
|
"value": "Зако́нꙋ бж҃їю повинꙋ́ѧсѧ, досточꙋ́дне, страстна̑ѧ взыгра̑нїѧ ᲂу҆вѧди́лъ є҆сѝ воздержа́нїѧ по́двигомъ, и҆ безстра́стїѧ благода́тїю ѡ҆богати́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆̀же тебє̀ ра́ди нетлѣ́нїемъ ѡ҆бога́щшесѧ, бг҃ороди́тельнице пречⷭ҇таѧ, ра́дꙋйсѧ, ѡ҆бра́дованнаѧ, вопїе́мъ тѝ, преподо́бныхъ и҆ пра́ведныхъ ᲂу҆краше́нїе."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑, возвесели́босѧ дꙋ́хъ мо́й, внегда̀ пѣ́ти: нѣ́сть свѧ́тъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Ѿ на́съ ны́нѣ сло́во похвале́нїѧ плето́мо прїе́млѧ, бг҃оно́се, весели́сѧ твои́ми болѣ́зньми наслажда́ѧсѧ, зовы́й, преподо́бне: ты̀ є҆сѝ бг҃ъ на́шъ."
|
|
},
|
|
{
|
|
"type": "TEXT",
|
|
"value": "Словеса̀ ᲂу҆слы́шавъ влⷣчнѧ, ѡ҆ста́вилъ є҆сѝ мі́ръ, и҆ ꙗ҆̀же въ не́мъ, и҆ приве́лъ є҆сѝ сѣ́мѧ твоѐ гдⷭ҇еви, зовы́й: ты̀ є҆сѝ бг҃ъ на́шъ."
|
|
},
|
|
{
|
|
"type": "TEXT",
|
|
"value": "Ра́йскꙋю жи́знь, и҆ та́мѡ ст҃ы́хъ весе́лїе, всегда̀ во ᲂу҆мѣ̀ твое́мъ помина́ѧ, прпⷣбне: тѣ́мже и҆ во слеза́хъ и҆ въ воздыха́нїихъ всю̀ свою̀ жи́знь, ѻ҆́ч҃е кѷрі́лле, проше́лъ є҆сѝ, и҆ сегѡ̀ ра́ди и҆ по сме́рти ѿ хрⷭ҇та̀ чꙋдесы̀ просла́вилсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ є҆ди́на па́че всѣ́хъ ꙗ҆̀же ѿ вѣ́ка вели́кихъ сподо́биласѧ є҆сѝ, и҆ вы́ше є҆стества̀: бг҃а бо невмѣсти́маго все́ю тва́рїю, во ᲂу҆тро́бѣ твое́й понесла̀, и҆ воплоти́ла є҆сѝ. Тѣ́мъ тѧ̀ бцⷣꙋ всѝ велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твердѝ на́съ къ тебѣ̀, гдⷭ҇и, дре́вомъ ᲂу҆мерщвле́й грѣ́хъ, и҆ стра́хъ тво́й всадѝ въ сердца̀ на́съ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Во́дъ живо́тныхъ и҆спо́лншисѧ бжⷭ҇твеннагѡ дх҃а, бг҃оно́се, дꙋша̀ твоѧ̀ рѣ́ки чꙋде́съ то́читъ, недꙋ̑жнымъ и҆сцѣле́нїе подаѧ̀."
|
|
},
|
|
{
|
|
"type": "TEXT",
|
|
"value": "Къ широтѣ̀ ра́йстѣй всели́лсѧ є҆сѝ, всеблаже́нне кѷрі́лле, тѣ́снꙋю ше́ствовавъ стезю̀: и҆ бѣсѡ́въ кова̑рствїѧ и҆ шє́ствїѧ безчи́слєннаѧ ᲂу҆тѣсни́лъ є҆сѝ."
|
|
},
|
|
{
|
|
"type": "TEXT",
|
|
"value": "Тече́нїемъ твои́хъ сле́зъ напаѧ́емь, ꙗ҆́кѡ дре́во плодоно́сно, кѷрі́лле, благопло́днѣ полє́зныѧ прине́слъ є҆сѝ добродѣ́тєли, чꙋде́съ бжⷭ҇твеннꙋю бл҃года́ть прїе́мь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́нъ бл҃гі́й про́йде ᲂу҆тро́бꙋ воплоща́емь, и҆ человѣ́къ ви́дѣнъ бы́сть соверше́нъ, є҆го́же молѝ спастѝ пою́щыѧ тѧ̀."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "Мона́шествовавъ бг҃оꙋго́днѣ, и҆ добродѣ́тельнѡ пожи́въ, бл҃года́ть и҆сцѣле́нїѧ прїѧ́лъ є҆сѝ, блаже́нне кѷрі́лле, зна́мєнїѧ соверши́въ стра̑шна: ѻ҆би́тель же совокꙋпи́въ сщ҃е́ннꙋю, приве́лъ є҆сѝ мно́жество спаса́емыхъ гдⷭ҇еви, пребога́те. Сла́ва бг҃ꙋ просвѣти́вшемꙋ тѧ̀, сла́ва вѣнча́вшемꙋ тѧ̀, сла́ва свѧтꙋ́ю твою̀ па́мѧть просла́вльшемꙋ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Рꙋ́цѣ твоѝ бжⷭ҇твеннїи, и҆́маже созда́телѧ понесла̀ є҆сѝ, дв҃о пречⷭ҇таѧ, вопло́щшагосѧ бл҃госты́нею, просте́рши, ᲂу҆молѝ є҆го̀ и҆зба́вити на́съ ѿ и҆скꙋше́нїй, и҆ страсте́й, и҆ бѣ́дъ, хва́лѧщихъ тѧ̀ любо́вїю, и҆ вопїю́щихъ: сла́ва все́льшемꙋсѧ въ тѧ̀, сла́ва проше́дшемꙋ и҆зъ тебє̀, сла́ва и҆зба́вльшемꙋ на́съ ржⷭ҇тво́мъ твои́мъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃лъ, но са́мъ, гдⷭ҇и, вопло́щсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Ѿве́рзлъ є҆сѝ кѷрі́лле, двє́ри своѧ̑, а҆враа́мꙋ ᲂу҆подо́бльсѧ, всѣ̑мъ тре́бꙋющымъ, прпⷣбне кѷрі́лле: тѣ́мъ хрⷭ҇то́съ ѿверза́етъ тѝ нбⷭ҇наѧ врата̀, преблаже́нне."
|
|
},
|
|
{
|
|
"type": "TEXT",
|
|
"value": "Во всечестны́й и҆ во сщ҃е́нническїй са́нъ ᲂу҆краси́лсѧ є҆сѝ, кѷрі́лле блаже́нне, и҆ и҆́ноческомꙋ три́знищꙋ ра́дꙋѧсѧ прите́клъ є҆сѝ, всѣ́мъ до́момъ, пребл҃же́нне, приводи́мь."
|
|
},
|
|
{
|
|
"type": "TEXT",
|
|
"value": "Посто́мъ и҆ моли́твами тѣ́ло твоѐ, ѻ҆́ч҃е кѷрі́лле, и҆знꙋри́лъ є҆сѝ, и҆ сегѡ̀ ра́ди сподо́билсѧ є҆сѝ ви́дѣти неизречє́ннаѧ блага̑ѧ, ꙗ҆̀же ст҃ы̑мъ ᲂу҆готѡ́ваннаѧ: съ ни́миже, ѻ҆́ч҃е кѷрі́лле, ѡ҆ на́съ молѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сцѣлѧ́ѧ є҆́ѵино дре́внее престꙋпле́нїе, въ тебѐ пренепоро́чнꙋю и҆ пречⷭ҇тꙋю всели́сѧ, и҆ всего́ мѧ человѣ́ка воѡбрази́въ па́дшаго, пребжⷭ҇твенный."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пою́ тѧ, слꙋ́хомъ бо, гдⷭ҇и, ᲂу҆слы́шахъ и҆ ᲂу҆жасо́хсѧ: до менє́ бо и҆́деши, менѐ и҆щѧ̀ заблꙋ́дшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю, многомлⷭ҇тиве."
|
|
},
|
|
{
|
|
"type": "TEXT",
|
|
"value": "Распе́нъ себѐ самого̀ страсте́мъ и҆ мі́рови, бг҃омꙋ́дре ѻ҆́ч҃е, на крⷭ҇тѣ̀ распросте́ршемꙋ дла̑ни хрⷭ҇тꙋ̀ ᲂу҆годи́лъ є҆сѝ, кѷрі́лле: є҆го́же молѝ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "По́двигомъ страда́нїѧ плотскі̑ѧ ᲂу҆мертви́лъ є҆сѝ ᲂу҆́ды, мє́ртвыѧ же моли́твою возста́вилъ є҆сѝ, и҆ приходѧ́щыѧ ᲂу҆се́рднѡ вѣ́рою чꙋ́днѡ ѡ҆правда́лъ є҆сѝ, и҆ всѧ́къ недꙋ́гъ, ѻ҆́ч҃е, и҆сцѣли́лъ є҆сѝ."
|
|
},
|
|
{
|
|
"type": "TEXT",
|
|
"value": "Дх҃а ст҃а́го присво́илъ є҆сѝ твое́й дꙋшѝ и҆́скреннѡ, и҆̀мже па́стырь и҆збра́нъ показа́лсѧ є҆сѝ, ѻ҆́ч҃е бг҃омꙋ́дре, и҆ и҆́нокꙋющымъ ᲂу҆краше́нїе прекра́сное."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ до́ждь на рꙋно̀, чⷭ҇таѧ, въ чⷭ҇тно́е чре́во твоѐ сло́во сни́де воплоща́емо, и҆ погꙋбѝ многобо́жїѧ ѡ҆дожде́нїе, всенепоро́чнаѧ, и҆ го́рькꙋю зи́мꙋ разори́лъ є҆́сть."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣще́нїе во тмѣ̀ лежа́щихъ, спасе́нїе ѿча́ѧнныхъ, хрⷭ҇тѐ сп҃се мо́й: къ тебѣ̀ ᲂу҆́тренюю, цр҃ю̀ ми́ра, просвѣти́ мѧ сїѧ́нїемъ твои́мъ: и҆но́гѡ бо, ра́звѣ тебє̀, бо́га не зна́ю."
|
|
},
|
|
{
|
|
"type": "TEXT",
|
|
"value": "Хрⷭ҇токра́сномꙋ ѡ҆держа́лсѧ є҆сѝ житїю̀, кѷрі́лле бл҃же́нне, всѣ̑мъ че́стенъ ꙗ҆ви́сѧ. Вѣ́сть бо вои́стиннꙋ добродѣ́тель, сла́вне, соверша́ти сїю̀ и҆мꙋ́щихъ: ꙗ҆ви́лбосѧ є҆сѝ свѧще́нникъ хрⷭ҇то́въ достопрїѧ́тенъ."
|
|
},
|
|
{
|
|
"type": "TEXT",
|
|
"value": "Си́лою бжⷭ҇твенною ᲂу҆крѣплѧ́емь, бл҃же́нне кѷрі́лле, мїрскꙋ́ю любо́вь крѣ́пкѡ ѿве́рглъ є҆сѝ, и҆ влⷣцѣ ра́дꙋѧсѧ прише́лъ є҆сѝ во́льнымъ твои́мъ пра́вомъ, и҆ сохрани́въ вѣ́рꙋ невреди́мꙋ, и҆ вѣне́цъ сла́вы, бг҃омꙋ́дре, прїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Дне́сь воспѣва́ема свѧще́ннаѧ па́мѧть твоѧ̀, прпⷣбне кѷрі́лле, весели́тъ ᲂу҆ченикѝ твоѧ̑, и҆ честно́е твоѐ ᲂу҆спе́нїе сла́вѧще, глаго́лютъ: моли́твами твои́ми, ѻ҆́ч҃е, соблюдѝ воспѣва́ющихъ тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́нꙋ на́мъ во двою̀ сꙋществꙋ̑ ви́димꙋ ѵ҆поста́сь, є҆ди́на бл҃гослове́ннаѧ ражда́еши неизрече́ннѡ, бж҃їе сло́во, воплоти́вшеесѧ за ми́лость неизрече́ннꙋю: того̀ молѝ сохрани́тисѧ пою́щымъ тѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Свѣ́та пода́телю и҆ вѣкѡ́въ тво́рче, гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебє̀, и҆но́гѡ бо́га не зна́емъ."
|
|
},
|
|
{
|
|
"type": "TEXT",
|
|
"value": "И҆́же въ ми́лость бг҃а молѧ̀, ѻ҆́ч҃е прпⷣбне кѷрі́лле, напо́лнилъ є҆сѝ ꙗ҆́коже и҆лїа̀ чва́нецъ, є҆ле́а сосꙋ́дъ вели́къ, ѿ зрѧ́щихъ ᲂу҆дивлѧ́емь вѣ́рнѡ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ чи́стъ дꙋше́ю ты̀, во и҆зстꙋпле́нїи бы́въ, ви́дѣлъ є҆сѝ всю̀ зе́млю ꙗ҆́кѡ подъ заре́ю сїѧ́ющꙋ, є҆ди́наго бг҃а почита́ющꙋ, всеблаже́нне кѷрі́лле."
|
|
},
|
|
{
|
|
"type": "TEXT",
|
|
"value": "Чꙋдодѣ́йствꙋѧ ѡ҆ хрⷭ҇тѣ̀, водѣ̀ и҆стещѝ моли́твою, прпⷣбне кѷрі́лле, мо́лиши подвигополо́жника: ꙗ҆́же пребыва́ющи проповѣ́даетъ чꙋдеса̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Живы́й на нб҃сѣ́хъ восхотѣ̀ всели́тисѧ въ ложесна̀ твоѧ̑, чⷭ҇таѧ, ꙗ҆́кѡ да на́съ хра́мы трⷪ҇цѣ сотвори́тъ, тѧ̀ бцⷣꙋ проповѣ́дающихъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Жите́йскихъ веще́й, ѻ҆́ч҃е кѷрі́лле, нестоѧ́щее свѣ́дый, сїѐ ѡ҆ста́вилъ є҆сѝ, и҆ къ воздаѧ́нїю потща́сѧ го́рнѧгѡ жре́бїѧ, пребога́те."
|
|
},
|
|
{
|
|
"type": "TEXT",
|
|
"value": "Бл҃гоче́стнѡ и҆́нѡкъ мно́жество пита́ти не ѡ҆ста́вилъ є҆сѝ, ѻ҆́ч҃е бл҃же́нне кѷрі́лле: тѣ́мъ пи́щи бо́льшїѧ во ѻ҆би́телехъ нбⷭ҇ныхъ сподо́билсѧ є҆сѝ."
|
|
},
|
|
{
|
|
"type": "TEXT",
|
|
"value": "Мѣ́сто, є҆́же сподо́бисѧ прїѧ́ти честны̑ѧ мо́щи твоѧ̑ прпⷣбне, ѡ҆свѧти́сѧ, и҆ по мнѡ́гимъ страна́мъ прославлѧ́емо є҆́сть, ꙗ҆́кѡ въ себѣ̀ мо́щи твоѧ̑ и҆мѣ́етъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсомꙋ́жнаѧ пречⷭ҇таѧ, родила̀ є҆сѝ, и҆ пребыва́еши дв҃ою, ꙗ҆влѧ́ющи бжⷭ҇тва̀ и҆́стиннагѡ сн҃а и҆ бг҃а твоегѡ̀ ѻ҆́бразы."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Во глꙋбинѣ̀ грѣхо́внѣй содержи́мь є҆́смь, сп҃се, и҆ въ пꙋчи́нѣ жите́йстѣй ѡ҆бꙋрева́емь: но ꙗ҆́коже і҆ѡ́нꙋ ѿ ѕвѣ́рѧ, и҆ менѐ ѿ страсте́й возведѝ, и҆ спаси́ мѧ."
|
|
},
|
|
{
|
|
"type": "TEXT",
|
|
"value": "Свѣтосїѧ̑нїи просвѣща́емь ст҃а́гѡ дх҃а, чꙋдотво́рче кѷрі́лле, и҆́нокꙋющымъ свѣти́льникъ свѣ́телъ ꙗ҆ви́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ пресла́вно житїѐ твоѐ, и҆́мже ста́до и҆́нѡкъ приве́лъ є҆сѝ къ ра́зꙋмꙋ спаси́тельномꙋ."
|
|
},
|
|
{
|
|
"type": "TEXT",
|
|
"value": "Жи́тель бы́въ црⷭ҇тва нбⷭ҇нагѡ, бг҃омꙋ́дре кѷрі́лле, сегѡ̀ ᲂу҆лꙋчи́ти молѝ, вѣ́рою тѧ̀ при́снѡ ᲂу҆блажа́ющымъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зъ ᲂу҆тро́бы твоеѧ̀, чⷭ҇таѧ, возсїѧ́въ пра́вды невече́рнее сл҃нце, и҆ вѣ́рныхъ просвѣтѝ, бцⷣе дв҃о всепѣ́таѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Взбра́нномꙋ и҆ крѣ́пкомꙋ а҆дама́нтꙋ, прогони́телю бѣсѡ́въ, но́вомꙋ чꙋдотво́рцꙋ, побѣди́тєльнаѧ, страсте́й ѕлы́хъ свободи́вшесѧ, благода́рствєннаѧ восписꙋ́емъ тѝ, ѻ҆́ч҃е на́шъ кѷрі́лле. Но ꙗ҆́кѡ и҆мѣ́ѧ дерзнове́нїе ᲂу҆ прⷭ҇то́ла хрⷭ҇то́ва, вѣ́рою чтꙋ́щихъ тѧ̀, гра́дъ же и҆ лю́ди моли́твою твое́ю сохранѧ́й: ты́ бо є҆сѝ ста́дꙋ твоемꙋ̀ похвала̀ и҆ ᲂу҆тверже́нїе."
|
|
},
|
|
{
|
|
"type": "TEXT",
|
|
"value": "І҆́косъ: Оу҆слы́шавъ хрⷭ҇то́въ глаго́лъ, и҆ ѡ҆ста́вивъ плотска̑ѧ мꙋдрова̑нїѧ, бога́тство и҆ сла́вꙋ ꙗ҆́кѡ пра́хъ вмѣни́въ, и҆ на стра̑сти ꙗ҆́кѡ безпло́тенъ подвиза́всѧ, и҆ безпло́тныхъ ликостоѧ́нїю чистото́ю ᲂу҆подо́бисѧ: ра́зꙋма дарова̑нїѧ прїѧ́лъ є҆сѝ. Тѣ́мъ въ пѣ́снехъ си́це тѝ вопїе́мъ, рекꙋ́ще: ра́дꙋйсѧ, кѷрі́лле преподо́бне и҆ бг҃оно́се, нбⷭ҇ный человѣ́че, земны́й а҆́гг҃ле: ра́дꙋйсѧ, кромѣ̀ мі́ра сꙋ́етнагѡ пꙋсты́ню содѣ́лавый въ кра́снѣмъ ѻ҆́стровѣ, и҆ въ не́мъ ѻ҆би́тель соста́вивъ: ра́дꙋйсѧ, въ не́й и҆́нѡкъ мно́жество собра́лъ є҆сѝ, и҆ ѿ ни́хъ слы́шиши си́це рекꙋ́щихъ: ра́дꙋйсѧ, и҆́нокꙋющымъ ѡ҆ спасе́нїи хода́тай: ра́дꙋйсѧ, ᲂу҆ныва́ющымъ ѻ҆́бразъ ᲂу҆тѣше́нїѧ: ра́дꙋйсѧ, и҆́нокѡмъ ѿ навѣ̑тъ вра́жїихъ и҆зба́вителю: ра́дꙋйсѧ, ско́рбемъ гꙋби́телю на́шегѡ є҆стества̀, ꙗ҆́кѡ ѿгонѧ́ѧ по́мыслы ѕлѡ́бныѧ: ра́дꙋйсѧ, скорбѧ́щымъ дꙋше́ю сла́дкое ᲂу҆тѣше́нїе, и҆ ра́дости бж҃е́ственныѧ пода́телю: ра́дꙋйсѧ, на́шъ предста́телю и҆ и҆зба́вителю: ра́дꙋйсѧ, прпⷣбне ѻ҆́ч҃е кѷрі́лле, и҆́нокѡмъ ᲂу҆добре́нїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дꙋхо́внꙋю, сы́й благослове́нъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "И҆збра́нїемъ сꙋда̀ ᲂу҆краси́лсѧ є҆сѝ, свѧще́нникъ бы́въ, кѷрі́лле ѻ҆́ч҃е прпⷣбне, тѣ́мъ вше́лъ є҆сѝ внꙋ́трь вы́шнѧгѡ хра́ма незаходи́мыѧ зарѝ, своегѡ̀ свѧщеннотворе́нїѧ плодѡ́въ наслажда́ѧсѧ, поѧ̀: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѻ҆те́чєскаѧ возлюби́лъ є҆сѝ ликостоѧ̑нїѧ, и҆ въ ли́цѣхъ ѻ҆тє́цъ ра́достнѡ просла́вилсѧ: и҆ хрⷭ҇тꙋ̀ предстоѧ̀, всеблаже́нне прпⷣбне кѷрі́лле, прїе́млеши своегѡ̀ слꙋже́нїѧ всегѡ̀ воздаѧ̑нїѧ, воспѣва́ѧ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "И҆сточа́етъ чꙋдеса̀ честна́ѧ ра́ка твоѧ̀, прпⷣбне, преиз̾ѡби́лꙋющи благода́тїю, и҆ вѣ́рою приходѧ́щымъ здра́вїе подае́тъ, хрⷭ҇тꙋ̀ ѿ дꙋшѝ вопїю́щымъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зъ ᲂу҆тро́бы ты̀, дв҃о, пра́вды сл҃нце породила̀ є҆сѝ хрⷭ҇та̀, дебельство́мъ пло́ти приѡбщи́вшасѧ человѣ́кѡмъ, и҆ дв҃ою пребыла̀ є҆сѝ. Тѣ́мъ воспѣва́емъ: бл҃гослове́нъ, пречⷭ҇таѧ, пло́дъ твоегѡ̀ чре́ва."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вѣті̑и ꙗ҆ви́шасѧ ѻ҆́троцы любомꙋ́дрѣйшїи дре́вле, ѿ бг҃опрїѧ́тныѧ бо дꙋшѝ, бг҃осло́вѧще ᲂу҆стна́ми, поѧ́хꙋ: пребжⷭ҇твенный ѻ҆тцє́въ и҆ на́шъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ме́ртвость живоно́снꙋю стѧжа́въ сласте́й ѿложе́нїемъ: тѣ́мже больны̑ѧ и҆сцѣлѧ́ти сподо́билсѧ є҆сѝ, кѷрі́лле, пребжⷭ҇твенный ѻ҆тцє́въ, вопїѧ̀, бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Непщева́вше ᲂу҆мори́ти безъ ᲂу҆ма̀ чародѣѧ́ньми, ѻ҆́ч҃е, лꙋка́выми, тебѐ блюдо́маго бжⷭ҇твенною всѣ́хъ зижди́телѧ дла́нїю, несмы́сленнѡ постыдѣ́вшесѧ, ѡ҆бличе́ни бы́ша сꙋ́щимъ въ тебѣ̀ проразꙋмѣ́нїемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сцѣлѝ дꙋшѝ моеѧ̀ стра̑сти, безстра́стїѧ и҆сто́чникъ ро́ждшаѧ несказа́ннѡ, и҆ ᲂу҆миле́нїѧ тꙋ́чꙋ пода́ждь мѝ, хода́тайствꙋѧ мнѣ̀ ᲂу҆тѣшє́нїѧ, ст҃а́ѧ бцⷣе."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго и҆ пла́мень въ ро́сꙋ прело́жшаго бг҃а, по́йте, дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Соверше́нною чистото́ю, и҆ любо́вїю хрⷭ҇та̀ возжелѣ́лъ є҆сѝ, свѧщеннотаи́нниче ѻ҆́ч҃е, непреста́нными гла́сы вопїѧ̀: по́йте гдⷭ҇а, всѧ̑ дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Мїрскꙋ́ю красотꙋ̀ ѡ҆ста́вивъ во́лею, хрⷭ҇тꙋ̀, блаже́нне, прише́лъ є҆сѝ, благолѣ́пїѧ тогѡ̀ жела́ѧ зрѣ́ти, и҆ во ѻ҆би́тєли ст҃ы̑ѧ всели́лсѧ є҆сѝ, по́йте гдⷭ҇а, вопїѧ̀, всѧ̑ дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Ны́нѣ пꙋсты́нѧ весе́лїемъ, ѻ҆́ч҃е, красꙋ́етсѧ, и҆мѣ́ѧ мо́щи твоѧ̑, кѷрі́лле преподо́бне, ᲂу҆ченицы́ же твоемꙋ̀ житїю̀ ревнꙋ́юще, и҆ ѡ҆ твое́й па́мѧти ра́дꙋющесѧ, творцꙋ̀ вопїю́тъ: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сщ҃е́нными тѧ̀ гла́сы бж҃їи прⷪ҇ро́цы, чⷭ҇таѧ, быва́ющꙋ мт҃рь провозгласи́ша ꙗ҆́снѡ всѣ́ми владѣ́ющагѡ, пречⷭ҇таѧ: є҆го́же превозно́симъ гдⷭ҇а во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ́йства раздѣлѧ́ше, бж҃їимъ велѣ́нїемъ, халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Надъ страстьмѝ тлетво́рными ца́рствовавъ ѡ҆ хрⷭ҇тѣ̀, бг҃омꙋ́дре ѻ҆́ч҃е, въ црⷭ҇твїи нбⷭ҇нѣмъ сподо́билсѧ є҆сѝ жи́ти со всѣ́ми ст҃ы́ми, до́брѣ пожи́въ, и҆ всеви́дца бг҃а возлюби́въ."
|
|
},
|
|
{
|
|
"type": "TEXT",
|
|
"value": "Твоѧ̑ ст҃ы̑ѧ моли̑твы прїе́млѧ бг҃ъ, сꙋ́щымъ во ѡ҆скꙋдѣ́нїи съ тобо́ю подава́ше, ꙗ҆̀же къ животꙋ̀ вы́нꙋ, вельмѝ на землѝ прославлѧ́ѧ тѧ̀, чꙋдодѣ́йственный кѷрі́лле всеблаже́нне."
|
|
},
|
|
{
|
|
"type": "TEXT",
|
|
"value": "Оу҆кра́шсѧ добро́тами бжⷭ҇твенными, ко кра̑снымъ черто́гѡмъ преста́вилсѧ є҆сѝ, съ бг҃омъ, ѻ҆́ч҃е, пребыва́ѧ: и҆ сегѡ̀ бжⷭ҇твенныѧ красоты̀ въ непроходи̑мыѧ вѣ́ки наслажда́ешисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Живы́й и҆сто́чникъ, ꙗ҆́кѡ во́дꙋ жи́зни поро́ждши, дꙋ́шꙋ мою̀ и҆ста́ѧвшꙋю грѣхо́внымъ пла́менемъ, бцⷣе дв҃о, напо́й, да тѧ̀ сла́влю во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ бг҃а бг҃а сло́ва, неизрече́нною мꙋ́дростїю прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи, є҆диномꙋ́дреннѡ пѣ́сньми велича́емъ."
|
|
},
|
|
{
|
|
"type": "TEXT",
|
|
"value": "Дх҃омъ, ѻ҆́ч҃е, ѡ҆бнища́въ, нбⷭ҇ное црⷭ҇тво воспрїѧ́лъ є҆сѝ со всѣ́ми и҆збра́нными, сла́вы неизрече́нныѧ и҆сполнѧ́емь, болѣ́зней по́честь прїе́млѧ, блаже́нне кѷрі́лле, воздаѧ̑нїѧ: сегѡ̀ ра́ди тѧ̀ вѣ́рою и҆ любо́вїю ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Моще́й твои́хъ ра́ка вѣ́рнѡ пристꙋпа́ющымъ и҆сточа́етъ и҆сцѣле́нїй рѣ́ки, стра̑сти дꙋ́шъ потоплѧ́ющи, и҆ тѣле́съ болѣ̑зни ѿе́млющи, блаже́нне кѷрі́лле, моли́твенниче вѣ́рою при́снѡ блажа́щихъ тѧ̀."
|
|
},
|
|
{
|
|
"type": "TEXT",
|
|
"value": "Совокꙋплѧ́ѧсѧ съ преподо́бными свѣ́тлыми ста́ды, сїѧ́нїемъ невече́рнимъ мы́сленнѡ, ѻ҆́ч҃е кѷрі́лле, ѡ҆зарѧ́емь, бжⷭ҇твеннꙋю твою̀ па́мѧть творѧ́щыѧ просвѣтѝ вѣ̑рныѧ, и҆ ᲂу҆лꙋчи́ти спасе́нїе моли́твами твои́ми сподо́би."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆блиста́еши всѣ́хъ чꙋде́съ зарѧ́ми твои́ми, бг҃облагода́тнаѧ чⷭ҇таѧ, страсте́й и҆ скорбе́й ѿе́млющи мглꙋ̀, и҆ свѣ́тъ весе́лїѧ мы́сленный простира́ющи, мт҃рь бг҃ꙋ тѧ̀ велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́же пре́жде со́лнца, свѣти́льника бг҃а возсїѧ́вшаго, пло́тски къ на́мъ прише́дшаго, и҆зъ бокꙋ̀ дв҃и̑чꙋ, неизрече́ннѡ воплоти́вшаѧ, бл҃гослове́ннаѧ всечⷭ҇таѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Ми́лостивнѡ вмѣсти́лсѧ є҆сѝ, ѻ҆́ч҃е, всѧ́ческихъ благода́телю, неѕло́бїѧ добро́тою ᲂу҆краша́емь, и҆ кро́тостїю и҆ красото́ю добродѣ́телей сїѧ́ѧ: тѣ́мже тѧ̀ всѝ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Пѣ́снь бг҃ꙋ возсыла́ти съ безпло́тными сподо́бисѧ, ꙗ҆́кѡ соблю́дъ ѻ҆́нѣхъ житїѧ̀ чистотꙋ̀, терпѣ́нїемъ сла́вꙋ воспрїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Прїимѝ ѿ на́съ, бг҃оно́се, приноси́мое тѝ моле́нїе ѿ чи́ста се́рдца, и҆ возда́ждь мольба́ми твои́ми согрѣше́нїй ѡ҆ставле́нїе и҆ спасе́нїе, всече́стне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ ко́рень сꙋ́щымъ вои́стиннꙋ, нетлѣ́ннаѧ дв҃о, всѝ вѣ́рнїи надѣ́ющесѧ хвала́ми почита́емъ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Нб҃о ѕвѣзда́ми:"
|
|
},
|
|
{
|
|
"type": "TEXT",
|
|
"value": "А҆́гг҃льскагѡ житїѧ̀ жела́ѧ, ᲂу҆дали́лсѧ є҆сѝ, кѷрі́лле, въ пꙋсты́ню, и҆ стра̑сти плотскі̑ѧ покори́лъ є҆сѝ, равноа́гг҃еленъ ꙗ҆ви́лсѧ є҆сѝ, ѻ҆́ч҃е на́шъ кѷрі́лле бг҃оно́се. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Держа́ва на́ша, чⷭ҇таѧ, твоѧ̑ рабы̑ сохранѝ всѧ̑ неврє́дны: тѧ́ бо стѧжа́хомъ є҆ди́нꙋ прибѣ́жище дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Кѷрі́лле многонаро́читый, мїрско́е ᲂу҆краше́нїе ѡ҆ста́вль, мꙋ́дре, болѣ́зньми воздержа́нїѧ крѣ́пкими, стра̑сти покори́лъ є҆сѝ плотскі̑ѧ низложи́въ, и҆ многоко́зненнаго побѣди́въ врага̀, вѣне́цъ съ пра́ведными прїѧ́лъ є҆сѝ. Тогѡ̀ моли́твами, гдⷭ҇и, всѣ̑мъ на́мъ пода́ждь ми́ръ и҆ ве́лїю ми́лость. Два́жды."
|
|
},
|
|
{
|
|
"type": "TEXT",
|
|
"value": "Свы́ше дарова́нїй чꙋде́съ ѿ бг҃а сподо́билсѧ є҆сѝ, блаже́нне кѷрі́лле, ѿ приходѧ́щихъ съ вѣ́рою человѣ̑къ, бѣ́сы прогонѧ́ѧ, и҆ разли̑чныѧ недꙋ́ги и҆сцѣлѧ́ѧ, моли́твами твои́ми, прпⷣбне: тѣ́мже всѝ па́мѧть твою̀, соше́дшесѧ любо́вїю почита́емъ."
|
|
},
|
|
{
|
|
"type": "TEXT",
|
|
"value": "Воздержа́нїе и҆зрѧ́дное, стоѧ́нїе всено́щное, бдѣ́нно ѻ҆́ко, ᲂу҆смотрѧ́ющо бжⷭ҇твєнныѧ добрѡ́ты, и҆мѣ́лъ є҆сѝ, блаже́нне кѷрі́лле: тѣ́мже и҆сцѣлє́нїѧ благода́ть прїѧ́тъ, стра̑сти лю̑тыѧ и҆сцѣлѧ́ти. Сегѡ̀ ра́ди тѧ̀ мо́лимъ: и҆спросѝ, ѻ҆́ч҃е, всѣ̑мъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Пꙋсты́нѧ пре́жде бѣсѡ́вскаѧ жили̑ща и҆мѣ́ющь, ны́нѣ же, кѷрі́лле, ᲂу҆чени̑къ твои́хъ мно́жествомъ и҆спо́лнена ᲂу҆краша́етсѧ, хра́мъ бо прече́стенъ бж҃їѧ мт҃ре въ себѣ̀ и҆мѣ́ющи, разли́чными добро́тами ᲂу҆кра́шенъ. Тѣ́мже въ не́мъ соше́дшесѧ, и҆ честны́й гро́бъ тво́й ѡ҆бстоѧ́ще, любе́знѡ покланѧ́емсѧ, и҆ мо́лимсѧ, цр҃кви є҆диномы́слїе дарова́ти, и҆ правосла́вномꙋ во́инствꙋ на́шемꙋ на врагѝ спосо́бствовати моли́твами твои́ми, и҆ на́мъ и҆спросѝ ми́ръ, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "Славосло́вїе вели́кое, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и слꙋ́жба прпⷣбническаѧ."
|
|
}
|
|
] |