310 lines
23 KiB
JSON
310 lines
23 KiB
JSON
[
|
|
{
|
|
"type": "HEADER",
|
|
"value": "Ма́їа к҃и"
|
|
},
|
|
{
|
|
"type": "HEADER",
|
|
"value": "Прпⷣбнагѡ ѻ҆тца̀ на́шегѡ нїки́ты, є҆пі́скопа халкидо́нскаго."
|
|
},
|
|
{
|
|
"type": "HEADER",
|
|
"value": "Стїхи̑ры прпⷣбнагѡ нїки́ты, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "А҆враа́ма страннолю́бное, и҆ і҆саа́ка бг҃олю́бное, і҆а́кѡва нехи́тростное подража́въ, терпѣ́нїе и҆з̾ѡбрази́лъ є҆сѝ і҆́ѡва а҆ѵсїтїді́йскагѡ, и҆ кро́тость дв҃довꙋ, и҆ мѡѷсе́ово неѕло́бїе, пома́занїемъ ст҃ы́мъ, ꙗ҆́коже а҆арѡ́нъ дре́вле, пома́занъ, ст҃и́телю бг҃оно́се, чꙋдотво́рче свѧще́нне."
|
|
},
|
|
{
|
|
"type": "TEXT",
|
|
"value": "Мно́гое безѕло́бїе твоѐ ѕло́бꙋ прогна̀ де́мѡнскꙋю, благода́тїю бжⷭ҇твеннагѡ дх҃а, спострада́нїемъ твои́мъ возвесели́въ бг҃а, є҆го́же возжела́лъ є҆сѝ, моли́твъ, прилѣжа́нїемъ просвѣти́сѧ дꙋ́хъ тво́й. Тѣ́мже прїѧ́лъ є҆сѝ чꙋде́съ бл҃года́ть цѣли́ти недꙋ́ги, нїки́то, благоче́стнѡ притека́ющымъ къ тебѣ̀."
|
|
},
|
|
{
|
|
"type": "TEXT",
|
|
"value": "Сро́дствомъ свѧза́еми, зако́ны ᲂу҆держа́сте ст҃а́гѡ дх҃а, свѧще́нницы, и҆ стопа́мъ послѣ́дꙋюще, бы́вше па́стырѧ бг҃омꙋ́драгѡ, ѡ҆блиста́вшагѡ лꙋчѝ пресла́вныхъ и҆сцѣле́нїй, ᲂу҆краси́стесѧ подо́бными ви́ды и҆сцѣле́нїй, пресла́вный нїки́то со і҆гна́тїемъ бг҃омꙋ́дрымъ."
|
|
},
|
|
{
|
|
"type": "HEADER",
|
|
"value": "Стїхи̑ры бцⷣы, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ѡ҆сꙋжде́нїѧ и҆зба́ви, прест҃а́ѧ бг҃оневѣ́сто, и҆ лю́тыхъ прегрѣше́нїй, смире́ннꙋю мою̀ дꙋ́шꙋ, и҆ сме́рти и҆змѣнѝ моли́твами твои́ми: и҆ да́рꙋй ѡ҆правда́нїе полꙋчи́ти въ де́нь и҆спыта́нїѧ, є҆́же полꙋчи́ша ст҃ы́хъ собо́ри: покаѧ́нїемъ ѡ҆чище́на мѧ̀ пре́жде конца̀ покажѝ, и҆ сле́зными и҆злїѧ̑нїи."
|
|
},
|
|
{
|
|
"type": "TEXT",
|
|
"value": "Тꙋ́чами дх҃а прест҃а́гѡ, пречⷭ҇таѧ, мою̀ мы́сль ѡ҆росѝ, ꙗ҆́же ка́плю ро́ждшаѧ хрⷭ҇та̀ неизче́тнѡ, безмѣ̑рнаѧ беззакѡ́нїѧ человѣ́кѡвъ щедро́тами и҆змы́вшꙋю: и҆зсꙋшѝ и҆сто́чникъ страсте́й мои́хъ, и҆ пото́ка мѧ̀ сподо́би пи́щи живы́ѧ при́снѡ моли́твами твои́ми."
|
|
},
|
|
{
|
|
"type": "TEXT",
|
|
"value": "Покаѧ́нїѧ и҆зрѧ́дное и҆ спаси́тельное врачество̀, ꙗ҆́же бг҃а ро́ждшаѧ сп҃са моего̀, и҆ сле́зъ то́ки, и҆ часа̀ по́мыслъ гро́знагѡ и҆ стра́шнагѡ, и҆ сꙋда̀ неꙋмы́тнагѡ ты́ ми да́рꙋй и҆збѣжа́ти моли́твами твои́ми, ѽ дв҃о! Мꙋче́нїѧ тре́петнагѡ, и҆ бжⷭ҇твеннꙋю ᲂу҆лꙋчи́ти бл҃года́ть."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тма́ми, пречⷭ҇таѧ, ѡ҆бѣща́хсѧ покаѧ́нїе сотвори́ти ѡ҆ мои́хъ согрѣше́нїихъ, но не ѡ҆ставлѧ́етъ мѧ̀ люби́мый ѕѡ́лъ мои́хъ ѻ҆бы́чай. Сегѡ̀ ра́ди тебѣ̀ вопїю̀, и҆ припа́даю молѧ́сѧ: ты́ мѧ, влⷣчце, и҆змѝ такова́гѡ мꙋчи́тельства, наставлѧ́ющи мѧ̀ къ лꙋ́чшымъ, и҆ спасе́нїѧ бли́зъ сꙋ́щымъ."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: На крⷭ҇тѣ́ тѧ, ꙗ҆́кѡ ᲂу҆зрѣ̀ пригвожде́на, гдⷭ҇и, а҆́гница и҆ мт҃и твоѧ̀ дивлѧ́шесѧ, и҆ что̀ видѣ́нїе сїѐ, взыва́ше, сн҃е возжелѣ́нне; сїѧ̑ ти невѣ́рный собо́ръ воздадѐ беззако́нный, и҆́же мно́гихъ твои́хъ чꙋде́съ наслади́выйсѧ; но сла́ва неизглаго́ланномꙋ соше́ствїю твоемꙋ̀, влⷣко."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Пра́вило вѣ́ры, и҆ ѻ҆́бразъ кро́тости, воздержа́нїѧ ᲂу҆чи́телѧ ꙗ҆ви́ тѧ ста́дꙋ твоемꙋ̀, ꙗ҆́же веще́й и҆́стина. Сегѡ̀ ра́ди стѧжа́лъ є҆сѝ смире́нїемъ высѡ́каѧ, нището́ю бога̑таѧ, ѻ҆́ч҃е нїки́то, молѝ хрⷭ҇та̀ бг҃а спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ невла́жными стопа́ми дре́внїй пѣшеше́ствовавъ і҆и҃ль, крⷭ҇тоѻбра́зными мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Бжⷭ҇твенными свѣтоли̑тїи, прпⷣбне, ѡ҆блиста́нъ, свѣтови́дѣнъ бы́лъ є҆сѝ: вѣ́рнѡ свѣтоно́сное твоѐ ᲂу҆спе́нїе творѧ́щыѧ просвѣтѝ, страсте́й мглꙋ̀ ѿе́млѧ."
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ свѣтови́дными дѣѧ̑нїи, свѣ́та и҆спо́лненъ, сꙋ́щыѧ въ нощѝ лю́тыхъ просвѣща́ѧ, и҆ къ свѣ́тꙋ нбⷭ҇номꙋ наставлѧ́ѧ дх҃омъ, ѻ҆́ч҃е нїки́то свѧще́нне."
|
|
},
|
|
{
|
|
"type": "TEXT",
|
|
"value": "Чꙋде́съ ѡ҆блиста́еши дарѡва́нїѧ пристꙋпа́ющымъ всегда̀ свѧще́ннѣй твое́й ра́цѣ, вмѣ́стѡ трꙋдѡ́въ и҆ болѣ́зней твои́хъ, ѿ бг҃а воздаѧ́нїе сїѐ, преблаже́нне, прїе́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Безъ сѣ́мене ѻ҆́ч҃ею во́лею ѿ бжⷭ҇твеннагѡ дх҃а бж҃їѧ зачала̀ є҆сѝ сн҃а, и҆ пло́тїю родила̀ є҆сѝ и҆зъ ѻ҆ц҃а̀ безъ ма́тере, на́съ же ра́ди и҆зъ тебє̀ безъ ѻ҆тца̀."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Возне́слсѧ є҆сѝ, смири́всѧ хрⷭ҇та̀ ра́ди, и҆ бро́вь, прпⷣбне, мы́сленнагѡ ѕмі́ѧ дх҃омъ въ зе́млю смири́лъ є҆сѝ."
|
|
},
|
|
{
|
|
"type": "TEXT",
|
|
"value": "Вели́кихъ ѿ бг҃а сподо́бивсѧ дарѡ́въ, вели́къ свѧще́нникъ бы́лъ є҆сѝ, ѻ҆́ч҃е ст҃и́телю бг҃опрїѧ́тне."
|
|
},
|
|
{
|
|
"type": "TEXT",
|
|
"value": "Безѕло́бїемъ твою̀ жи́знь ꙗ҆́коже младе́нецъ соверша́ѧ, погꙋби́лъ є҆сѝ врагѡ́въ, прпⷣбне, всю̀ ѕло́бꙋ бл҃года́тїю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́нꙋ въ жена́хъ бл҃гослове́ннꙋю бцⷣꙋ, ꙗ҆́кѡ бж҃їе селе́нїе преблаголѣ́пно, всѝ ра́достїю просла́вимъ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Ѿ младе́нства взе́мъ тво́й кре́стъ, благоче́стнѡ хрⷭ҇тꙋ̀ послѣ́довалъ є҆сѝ, ᲂу҆вѧди́въ плотско́е воздержа́нїемъ мꙋдрова́нїе: тѣ́мже на ст҃и́тельстѣ сѣда́лищи, нїки́то, возне́слъ є҆сѝ влⷣкꙋ, зна́меньми разли́чными твою̀ ᲂу҆краси́вша ра́кꙋ, бг҃облаже́нне."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "TEXT",
|
|
"value": "Чтⷭ҇аѧ всенепоро́чнаѧ и҆ неискꙋсомꙋ́жнаѧ, ꙗ҆́же є҆ди́на безлѣ́тнаго сн҃а и҆ сло́ва бж҃їѧ въ лѣ́то ро́ждши, сего̀ со ст҃ы́ми и҆ честны́ми патрїа̑рхи, и҆ мч҃ники, и҆ прⷪ҇рѡ́ки, и҆ прпⷣбными молѝ, дарова́ти на́мъ ѡ҆чище́нїе и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: На крⷭ҇тѣ́ тѧ возвы́шена ꙗ҆́кѡ ᲂу҆зрѣ̀ пречⷭ҇таѧ мт҃и твоѧ̀, сло́ве бж҃їй, мт҃рски рыда́ющи вѣща́ше: что̀ но́вое и҆ стра́нное сїѐ чꙋ́до, сн҃е мо́й; ка́кѡ жи́знь всѣ́хъ вкꙋша́еши сме́рти, ѡ҆живи́ти мє́ртвыѧ хотѧ̀ ꙗ҆́кѡ милосе́рдъ;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Всено́щными бдѣ̑нїи, и҆ вседне́вными, ѻ҆́ч҃е бг҃омꙋ́дре стоѧ̑нїи, пло́ти движє́нїѧ всѧ̑ ᲂу҆вѧди́лъ є҆сѝ, и҆ ра́дꙋѧсѧ взыва́лъ є҆сѝ: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Повинꙋ́лъ є҆сѝ непоко́рное пло́ти твоеѧ̀ дꙋше́вными си́лами, бг҃омꙋ́дре: прїѧ́лъ є҆сѝ бл҃года́ть, всебл҃же́нне, ѿгонѧ́ти дꙋ́хи, и҆ ѡ҆чища́ти недꙋ́ги."
|
|
},
|
|
{
|
|
"type": "TEXT",
|
|
"value": "Си́лою бжⷭ҇твенною ᲂу҆крѣплѧ́емь, ст҃и́телю, де́мѡнскїѧ полкѝ побѣди́лъ є҆сѝ всѧ̑, побѣ́ды ꙗ҆́кѡ тезоимени́тъ, вѣне́цъ чꙋде́съ ѿ вѣнцеда́вца наслѣ́дилъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆краси́ласѧ є҆сѝ дꙋхо́вными красота́ми, ѻ҆ц҃ꙋ̀ собезнача́льнаго сло́ва заче́нши, и҆ пло́тїю ро́ждши, дв҃о всенепоро́чнаѧ, є҆го́же ѡ҆ мі́рѣ молѝ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Кро́тостїю ꙗ҆́вѣ дꙋшѝ ᲂу҆краша́емь, всели́лсѧ є҆сѝ, ст҃и́телю, въ зе́млю кро́ткихъ, блаже́нъ бы́въ."
|
|
},
|
|
{
|
|
"type": "TEXT",
|
|
"value": "Стрꙋѧ́ми, ѻ҆́ч҃е, напои́всѧ дарова́нїй дх҃а, цѣлє́нїѧ жела́ющымъ и҆сточа́еши, нїки́то бг҃омꙋ́дре свѧще́нне."
|
|
},
|
|
{
|
|
"type": "TEXT",
|
|
"value": "Житїѐ твоѐ свѣ́томъ добродѣ́телей сїѧ́ѧ, ꙗ҆́коже многоцѣ́нною ᲂу҆́тварїю, чꙋде́съ бл҃года́тїю, всебл҃же́нне, ᲂу҆краси́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ ѻ҆рꙋ́жїе непобѣди́мое на врагѝ предлага́емъ, тѧ̀ ᲂу҆твержде́нїе, и҆ наде́ждꙋ на́шегѡ спасе́нїѧ, бг҃оневѣ́сто, стѧжа́хомъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости, ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Свѣща̀ свѣтоза́рнаѧ тро́ичнаѧ возсїѧ́ла є҆́сть, со і҆гна́тїемъ нїки́та, свѧще́нное самобра́тство, и҆ подаю́тъ и҆сцѣлє́нїѧ вѣ̑рнымъ свѣ́тлѡ блиста́ющи."
|
|
},
|
|
{
|
|
"type": "TEXT",
|
|
"value": "Дрꙋ́гъ дрꙋ́гꙋ по пло́ти мꙋ́дрїи сро́дствꙋюще, и҆́стиннагѡ по дꙋ́хꙋ сро́дства ны́нѣ сподо́бистасѧ, є҆динонра́внѡ, и҆ бг҃ꙋ бл҃гоꙋго́днѡ пожи́вшѧ."
|
|
},
|
|
{
|
|
"type": "TEXT",
|
|
"value": "Гꙋби́тельныѧ ѿбѣ́гъ є҆ресе́й ти́ны, честны́мъ поклоне́нїемъ хрⷭ҇то́вы і҆кѡ́ны, є҆́же по ѻ҆́бразꙋ спа́слъ є҆сѝ, ст҃и́телю нїки́то бг҃опрїѧ́тне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Две́рь, є҆́юже про́йде є҆ди́нъ вы́шнїй, покаѧ́нїѧ мѝ двє́ри и҆ вхо́ды ѿве́рзи спасе́нїѧ, ѿ всѧ́кагѡ мѧ̀ соблюда́ющи вре́да, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "Свѣ́тлостїю дѣ́лъ твои́хъ просїѧ́лъ є҆сѝ, прпⷣбне, а҆пⷭ҇льскагѡ престо́ла наслѣ́дникъ бы́лъ є҆сѝ, нїки́то: и҆ ꙗ҆́кѡ со́лнце ѡ҆блиста́лъ є҆сѝ твое́й па́ствѣ, ѻ҆́ч҃е, всѧ̑ бжⷭ҇твенныхъ ᲂу҆че́нїй и҆спо́лнь. Тѣ́мже зове́мъ тѝ: ра́дꙋйсѧ, халкидо́нꙋ ᲂу҆добре́нїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Со ст҃и́тели водворѧ́ешисѧ вои́стиннꙋ, ѻ҆́ч҃е мꙋ́дре, сїѧ́нїѧ мы́сленнагѡ и҆сполнѧ́емь, и҆ на́съ ѡ҆зарѝ, взыва́ющыѧ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Ꙗ҆́кѡ пастыренача́льникъ, ꙗ҆́кѡ бж҃їй предста́тель непоро́ченъ, семꙋ̀ чи̑сты жє́ртвы, свѣ́тлѡ воспѣва́ѧ, прине́слъ є҆сѝ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Па́стырь показа́лсѧ є҆сѝ, слове́сною, нїки́то, цѣвни́цею ста́до слове́сное къ па́жити и҆́стинныхъ ᲂу҆че́нїй призыва́ѧ: бл҃гослове́нъ є҆сѝ, вопїѧ̀, въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "И҆сповѣ́данїемъ житїѐ ᲂу҆краси́въ, ѻ҆́ч҃е, цѣле́нїй бл҃года́ть и҆́стиннꙋю ѿ дх҃а прїѧ́лъ є҆сѝ: бл҃гослове́нъ є҆сѝ, бж҃е мо́й, вопїѧ̀, въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Да ѡ҆божи́тъ человѣ́чество, ꙗ҆ви́сѧ чл҃вѣ́къ, ѻ҆трокови́це, и҆зъ чре́ва твоегѡ̀ пло́ть и҆зба́витель заимова́въ хотѣ́нїемъ, бл҃гослове́на ты̀ въ жена́хъ, пренепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ, данїи́лъ львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Вели́кихъ трꙋдѡ́въ воздаѧ̑нїѧ ꙗ҆́вѣ прїи́мъ, свѣ́тъ неизглаго́ланный, жи́знь безсме́ртнꙋю, прпⷣбне, и҆ черто́гъ неразори́мый, вѣнцеда́вцꙋ твоемꙋ̀ хрⷭ҇тꙋ̀ вопїе́ши ра́дꙋѧсѧ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Ми́лостїю ми́лости и҆щѧ̀, ни́щыѧ ᲂу҆дово́лилъ є҆сѝ, ᲂу҆бѡ́гїѧ напита́лъ є҆сѝ, нагі̑ѧ ѡ҆дѣ́ѧлъ є҆сѝ, сла́вы себѣ̀ ѻ҆де́ждꙋ притворѧ́ѧ, мона́шествꙋющихъ ѻ҆́бразъ, нїки́то, бы́лъ є҆сѝ, вопїю́щихъ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Це́рковь бы́въ прекра́сна бжⷭ҇твеннагѡ дх҃а, ᲂу҆ма̀ чистото́ю, ѿгонѧ́еши дꙋ́хи лꙋка́вствїѧ, и҆ недꙋ́ги ѡ҆чища́еши, приходѧ́щымъ къ тебѣ̀, и҆ вопїю́щымъ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Могі́й всѧ̑ ѡ҆ хрⷭ҇тѣ̀, и҆ ны́нѣ ꙗ҆снѣ́йши и҆ чистѣ́йши бг҃ꙋ соединѧ́ѧсѧ, предста́ни, є҆го́же стѧжа́лъ є҆сѝ, ста́дꙋ, прпⷣбне, творѧ́щемꙋ твоѐ вѣ́рнѡ бжⷭ҇твенное ᲂу҆спе́нїе, и҆ вопїю́щꙋ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Все́льсѧ во твоѐ чре́во хрⷭ҇то́съ, всѧ́ческихъ гдⷭ҇ь, ꙗ҆́коже и҆зво́ли, ст҃ѣ́йшꙋ тѧ̀ показа̀ а҆́гг҃лъ, мт҃и дв҃о, ѡ҆сщ҃е́нїе и҆ просвѣще́нїе на́мъ дарова̀ вопїю́щымъ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀, тѣ́мъ веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Свѧщеннолѣ́пнѡ послѣ́дꙋѧ твоемꙋ̀ тезоимени́томꙋ и҆ бжⷭ҇твенномꙋ, сегѡ̀ сподо́билсѧ є҆сѝ ѻ҆́бразомъ, нїки́то ѻ҆́ч҃е бг҃облаже́нне: и҆ заре́ю дх҃а бл҃года́тною ѡ҆богати́лсѧ є҆сѝ, бг҃одохнове́нне."
|
|
},
|
|
{
|
|
"type": "TEXT",
|
|
"value": "Ꙗ҆ви́стесѧ трⷪ҇ческою благода́тїю ѡ҆бога́щшесѧ, бг҃оно́сцы, ра́внѡ ѿ неѧ̀ прїе́мше и҆сцѣле́нїй бжⷭ҇твенное дѣ́йство, и҆ чи́стѡ пожи́вше, и҆ бг҃оꙋго́днѡ, досточꙋ́днїи."
|
|
},
|
|
{
|
|
"type": "TEXT",
|
|
"value": "Дне́сь па́мѧть твоѧ̀, ѻ҆́ч҃е, па́че со́лнца блиста́етъ сїѧ́нїемъ добродѣ́телей, чꙋдесы̀ вселе́ннꙋю ѡ҆зарѧ́ющи, и҆ вѣ̑рныѧ ᲂу҆ѧснѧ́ющи, свѧщеннотаи́нниче всече́стне."
|
|
},
|
|
{
|
|
"type": "TEXT",
|
|
"value": "Ꙗ҆́коже денносвѣ́тлыѧ ѕвѣ́зды, ѻ҆́ч҃е нїки́то, со свѧщеннодѣ́йственнымъ і҆гна́тїемъ ꙗ҆́вльшесѧ, всѧ̑ ᲂу҆́бѡ просвѣти́те, благочести́вїи и҆ бл҃же́ннїи, восхвалѧ́ющыѧ ва́съ всегда̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́та жили́ще ꙗ҆ви́ласѧ є҆сѝ, ѿ ѻ҆ц҃а̀ пре́жде денни́цы сло́вꙋ возсїѧ́вшагѡ, ѻ҆трокови́це дв҃о, є҆ди́на бг҃ора́дованнаѧ, и҆ вѣ̑рныѧ просвѣ́щшагѡ, и҆ прпⷣбныѧ вѣнча́вшагѡ."
|
|
}
|
|
] |