842 lines
69 KiB
JSON
842 lines
69 KiB
JSON
[
|
|
{
|
|
"type": "HEADER",
|
|
"value": "І҆ꙋ́нїа ѳ҃"
|
|
},
|
|
{
|
|
"type": "HEADER",
|
|
"value": "Преподо́бнагѡ ѻ҆ц҃а̀ на́шегѡ кѷрі́лла, и҆гꙋ́мена бѣлоезе́рскагѡ."
|
|
},
|
|
{
|
|
"type": "HEADER",
|
|
"value": "На ма́лѣй вече́рни: на Гдⷭ҇и, воззва́хъ, стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Всехва́льнїи мꙋ́чєницы:"
|
|
},
|
|
{
|
|
"type": "TEXT",
|
|
"value": "Ѻ҆́ч҃е блаже́нне кѷрі́лле, въ моли́твахъ и҆ бдѣ́нїихъ, и҆ въ воздержа́нїи прилѣ́жномъ, тѣ́ло съ дꙋше́ю гдⷭ҇еви чи́сто предста́вилъ є҆сѝ, и҆ ѿтꙋ́дꙋ жили́ще и҆ до́мъ дх҃а прест҃а́гѡ бы́лъ є҆сѝ. Тѣ́мже ꙗ҆́кѡ преподѡ́бнымъ сожи́тель и҆ пра́вєднымъ, вѣне́цъ ѿ рꙋкѝ гдⷭ҇ни досто́йнѡ прїѧ́лъ є҆сѝ: є҆го́же молѝ, бг҃омꙋ́дре, дарова́ти дꙋша́мъ на́шымъ ми́ръ и҆ ве́лїю ми́лость. Два́жды."
|
|
},
|
|
{
|
|
"type": "TEXT",
|
|
"value": "И҆́же непра́веднѡ и҆ разбо́йнически по́сланный тебѐ ѡ҆скорби́ти, преподо́бне, ви́дѣ бжⷭ҇твеннꙋю си́лꙋ тогѡ̀ напра́сное сꙋровство̀ возбранѧ́ющꙋ: ѿѻнꙋ́дꙋже позна̀ своѐ безчеловѣ́чное согрѣше́нїе, и҆ къ тебѣ̀ притечѐ покаѧ́нїемъ, ты́ же ми́лостивнѡ є҆го̀ наказа́лъ є҆сѝ. Бг҃облаже́нне, ѡ҆ на́съ молѝ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Ѻ҆́ч҃е кѷрі́лле, и҆́же и҆ногда̀ человѣ́ка вра́жїѧ совѣ́та послꙋ́шавша, и҆ ѻ҆гне́мъ па́кость хотѧ́ща тебѣ̀ сотвори́ти, но по́мощь бж҃їю съ тобо́ю быва́ющꙋю позна́вша, и҆ къ тебѣ̀ прибѣ́гша покаѧ́нїемъ, любо́вїю прїѧ́лъ є҆сѝ, и҆ ми́лостивнѡ наказа́въ, твоемꙋ̀ ста́дꙋ ѻ҆́наго сочта́лъ є҆сѝ. Тѣ́мже молѝ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Преподо́бне ѻ҆́ч҃е, ꙗ҆вле́нїемъ бж҃їѧ мт҃ре наставлѧ́емь, и҆ тоѧ̀ сїѧ́ньми ѡ҆зарѧ́емь, пꙋсты́ню ꙗ҆вле́ннꙋю тебѣ̀ ѿ тоѧ̀ дости́глъ є҆сѝ, и҆ въ не́й трꙋдолю́бнѣ подвиза́всѧ, вше́лъ є҆сѝ въ незаходи́мый свѣ́тъ ра́зꙋма, и҆дѣ́же мнѡ́ги ревни́тели житїю̀ твоемꙋ̀ сотвори́лъ є҆сѝ. Тогѡ̀ ра́ди и҆ по сме́рти дарова̑нїѧ прїѧ́тъ бѣ́сы прогонѧ́ти: и҆ и҆сцѣлє́нїѧ разли́чныхъ недꙋ́гѡвъ человѣ́кѡмъ да́рꙋеши, вѣ́рою ѿ дꙋшѝ притека́ющымъ къ хра́мꙋ твоемꙋ̀ всечестно́мꙋ, и҆ мо́лишисѧ спастѝ почита́ющихъ любо́вїю па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: А҆́ще н҃-ца, И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ преходѧ́щꙋю жи́знь, ꙗ҆́же на землѝ, преѡби́дѣлъ є҆сѝ, блаже́нне, и҆ та́мѡ бжⷭ҇твенныѧ ᲂу҆лꙋчи́ти сподо́бивсѧ, тоѧ̀ сїѧ́нїе прїѧ́лъ є҆сѝ, бг҃оно́се."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Хрⷭ҇то́вы ра́ди любвѐ, преподо́бне кѷрі́лле, пло́ти рачи́тельное ᲂу҆мертви́лъ є҆сѝ мꙋдрова́нїе, и҆ дꙋ́шꙋ свобо́днꙋ ѿ страсте́й бг҃ꙋ предста́вилъ є҆сѝ."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Бо́дренными моли́твами, и҆ сле́зными и҆стѡ́чники, цр҃кви вѣ́рныхъ ѡ҆богати́лъ є҆сѝ, бг҃облаже́нне."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Вы́шнїи тѧ̀ ли́цы, бцⷣе дв҃о, пою́тъ съ ни́жними, сла́вѧще непреста́ннѡ ржⷭ҇тво̀ твоѐ пречи́стое."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ крі́нъ въ пꙋсты́ни дв҃дски процвѣ́лъ є҆сѝ, ѻ҆́ч҃е кѷрі́лле, ѕлостра́стїѧ те́рнїе и҆скоренѧ́ѧ, и҆ собра́лъ є҆сѝ въ не́й ᲂу҆чени̑къ мно́жество, стра́хомъ бж҃їимъ и҆ ᲂу҆че́нїемъ твои́мъ наставлѧ́емыхъ, и҆̀хже и҆ до конца̀ ꙗ҆́кѡ чадолюби́вый ѻ҆те́цъ не ѡ҆ста́вилъ є҆сѝ посѣща́ѧ, да всѝ вопїе́мъ: сла́ва да́вшемꙋ тѝ крѣ́пость: сла́ва вѣнча́вшемꙋ тѧ̀: сла́ва дѣ́йствꙋющемꙋ тобо́ю всѣ̑мъ и҆сцѣлє́нїѧ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни пое́мъ, Бл҃же́нъ мꙋ́жъ:"
|
|
},
|
|
{
|
|
"type": "HEADER",
|
|
"value": "Стїхи̑ры на и҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "Є҆гда̀ пречи́стыѧ гла́сомъ по́званъ бы́въ бг҃омт҃ре, тогда̀ всѧ̑ сꙋ̑щаѧ, ꙗ҆́кѡ не сꙋ̑щаѧ преѡби́дѣлъ є҆сѝ, и҆ въ пꙋсты́ню да́льнюю всели́лсѧ є҆сѝ, преподо́бне, и҆дѣ́же и҆ тѣлє́снаѧ мꙋдрова̑нїѧ, по́стническими трꙋды̑ дꙋ́хꙋ повинꙋ́лъ є҆сѝ, и҆ стада̀ ᲂу҆чени̑къ твои́хъ въ то́й ᲂу҆мно́живъ, хрⷭ҇тꙋ̀ приве́лъ є҆сѝ. Того̀ молѝ, блаже́нне кѷрі́лле, спастѝ и҆ просвѣти́ти дꙋ́шы на́шѧ. Два́жды."
|
|
},
|
|
{
|
|
"type": "TEXT",
|
|
"value": "Є҆гда̀ пречⷭ҇тыѧ гла́съ ᲂу҆слы́шалъ є҆сѝ, пребога́те, тогда̀ стремле́нїе плотско́е ѡ҆бꙋзда́лъ є҆сѝ, преподо́бне ѻ҆́ч҃е, и҆ ꙗ҆́кѡ и҆лїа̀ дре́вле ᲂу҆́мъ ѡ҆чи́щь, въ пꙋсты́ню всели́лсѧ є҆сѝ, и҆ та́мѡ непреста́ными моли́твами къ бг҃ꙋ прибли́жилсѧ є҆сѝ, стопа́мъ вели́кагѡ а҆нтѡ́нїа послѣ́дꙋѧ. Тѣ́мъ и҆ по сме́рти чꙋдесы̀ сїѧ́ѧ, хрⷭ҇тꙋ̀ моли́сѧ, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Бжⷭ҇твенный гла́съ є҆гда̀ ᲂу҆слы́шалъ є҆сѝ, блаже́нне кѷрі́лле, тогда̀ кре́стъ тво́й взе́мъ, послѣ́довалъ є҆сѝ хрⷭ҇тꙋ̀, и҆ любо́вїю къ немꙋ̀ распала́емь, кро́токъ и҆ смире́нъ се́рдцемъ бы́лъ є҆сѝ. Тѣ́мже и҆ кро́ткихъ селє́нїѧ наслѣ́довалъ є҆сѝ, и҆ ѿтꙋ́дꙋ и҆сточа́еши и҆сто́чникъ и҆сцѣле́нїй чтꙋ́щымъ тѧ̀, хрⷭ҇тꙋ̀, є҆мꙋ́же рабо́талъ є҆сѝ, томꙋ̀ моли́сѧ, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Что̀ вы̀ нарече́мъ:"
|
|
},
|
|
{
|
|
"type": "TEXT",
|
|
"value": "Что́ тѧ нарече́мъ, кѷрі́лле; рѣкꙋ̀ дꙋхо́вныхъ во́дъ наполнѧ́емꙋ, и҆ напоѧ́ющꙋ жа́ждꙋщихъ неплѡ́дствꙋющаѧ сердца̀, и҆сто́чника, и҆сточа́юща всегда̀ и҆сцѣлє́нїѧ вѣ̑рнымъ, ча́шꙋ, бжⷭ҇твенное вїно̀ и҆мꙋ́щꙋ, свѣти́льника, ѻ҆те́чество твоѐ просвѣща́юща: мнѡ́га тѝ и҆мена̀, и҆ бѡ́льша дарова̑нїѧ, молѝ, спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "TEXT",
|
|
"value": "Что́ тѧ нарекꙋ̀, кѷрі́лле пречꙋ́дне; ᲂу҆ченика̀, ꙗ҆́кѡ гдⷭ҇ень ᲂу҆чени́къ бы́лъ є҆сѝ: ᲂу҆чи́телѧ, ꙗ҆́кѡ мно́гихъ ᲂу҆чени̑къ ко хрⷭ҇тꙋ̀ приве́лъ є҆сѝ, пꙋсты́ни жи́телѧ, ꙗ҆́кѡ тꙋ̀ гра́дъ сотвори́лъ є҆сѝ: граждани́на, и҆́бо въ небе́сный гра́дъ всели́лсѧ є҆сѝ: кро́ткаго, ꙗ҆́кѡ хрⷭ҇та̀ кро́ткагѡ пастыренача́льника кро́ткое ѻ҆вча̀ бы́лъ є҆сѝ. Є҆го́же молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Что́ тѧ, чꙋ́дне кѷрі́лле, и҆менꙋ́емъ; премꙋ́драго, хрⷭ҇та́ бо ра́ди ю҆ро́дство творѧ̀ бы́лъ є҆сѝ: безѕло́бива, ꙗ҆́кѡ неѕло́бивъ ко ѡ҆ѕло́бившымъ тебѐ бы́лъ є҆сѝ: стра́нныхъ прїи́мника, ꙗ҆́кѡ а҆враа́мле страннолю́бїе стѧжа́лъ є҆сѝ: і҆саа́ка, ꙗ҆́кѡ са́мъ себѐ же́ртвꙋ прине́слъ є҆сѝ: чꙋдодѣ́йственника, ꙗ҆́кѡ чꙋде́съ дарова̑нїѧ ѿ бг҃а прїѧ́лъ є҆сѝ: мнѡ́га и҆менова̑нїѧ твоѧ̑, бѡ́льша же дарѡ́въ прїѧ̑тїѧ, молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Є҆́же по ѻ҆́бразꙋ соблю́дъ невреди́мо, ᲂу҆́мъ влⷣкꙋ на стра̑сти па̑гꙋбныѧ по́стнически поста́вивъ, во є҆́же по подо́бїю ꙗ҆́кѡ мо́щно возше́лъ є҆сѝ: мꙋ́жески бо є҆стество̀ понꙋ́дивъ, потща́лсѧ є҆сѝ хꙋ́ждшее покори́ти лꙋ́чшемꙋ, и҆ пло́ть порабо́тити дꙋ́хꙋ. Тѣ́мже мона́шествꙋющихъ ꙗ҆ви́лсѧ є҆сѝ ве́рхъ, жи́тель пꙋсты́нный, благотекꙋ́щихъ ѡ҆бꙋчи́тель, пра́вило добродѣ́тели и҆звѣ́стнѣйшее. И҆ ны́нѣ на нб҃сѣ́хъ, зерца́лѡмъ разрѣ́шшымсѧ, ѻ҆́ч҃е на́шъ кѷрі́лле, чи́стѣ зри́ши ст҃ꙋ́ю трⷪ҇цꙋ, молѧ́сѧ несре́дственнѣ ѡ҆ и҆̀же вѣ́рою и҆ любо́вїю чтꙋ́щихъ тѧ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ. А҆́ще н҃-ца: И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый, преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ. И҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ: рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дх҃ъ си́лы, и҆ ꙗ҆́кѡ ви́хоръ развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те, держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Првⷣныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Првⷣникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть: и҆ живы́й посредѣ̀ грѣ̑шникъ, преста́вленъ бы́сть: восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ в҃:"
|
|
},
|
|
{
|
|
"type": "TEXT",
|
|
"value": "Въ ти́хое и҆ небꙋ́рное приста́нище безмо́лвїѧ вше́лъ є҆сѝ преподо́бне, и҆ та́мѡ влⷣчцꙋ бцⷣꙋ сподо́билсѧ є҆сѝ ви́дѣти, и҆ сла́дкїй гла́съ ꙗ҆́кѡ а҆враа́мъ ᲂу҆слы́шавъ, и҆зы́ти ѿтꙋ́дꙋ глаго́лющь, и҆ и҆тѝ та́мѡ, и҆дѣ́же мѣ́сто тѝ ᲂу҆гото́вахъ: и҆ па́ки послꙋ́шавъ, бж҃е́ственныхъ дарова́нїй та́мѡ сподо́билсѧ є҆сѝ, бѣ́сы прогонѧ́ти, и҆ болѧ́щыѧ и҆сцѣлѧ́ти. Тѣ́мже мо́лимсѧ, и҆ на́съ дꙋше́вныхъ страсте́й и҆зба́вити, соверша́ющихъ любо́вїю честно́е твоѐ ᲂу҆спе́нїе."
|
|
},
|
|
{
|
|
"type": "TEXT",
|
|
"value": "Ꙗ҆́кѡ пресвѣ́тлымъ вѣнце́мъ пресла́внѡ ѿ вседержи́тельныѧ десни́цы вы́шнѧгѡ вѣнча́всѧ. Томꙋ̀, блаже́нне кѷрі́лле преподо́бне, со дерзнове́нїемъ мно́гимъ предстоѧ̀, прилѣ́жнѡ моли́сѧ ѡ҆ почита́ющихъ жи́знь твою̀, и҆ пречестно́е твоѐ ᲂу҆спе́нїе вѣ́рнѡ сла́вѧщихъ, всѧ́кагѡ вре́да лꙋка́вагѡ и҆зба́витисѧ свѧще́нномꙋ ста́дꙋ твоемꙋ̀, и҆ дꙋша́мъ на́шымъ низпосла́ти ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "И҆сцѣлє́нїѧ ѻ҆би́льнѡ честны̑ѧ мо́щи твоѧ̑ всегда̀ и҆сточа́ютъ вѣ́рою приходѧ́щымъ, бг҃оно́се кѷрі́лле, благоꙋха́нїѧ всѣ́хъ и҆сполнѧ́юще, и҆ тмꙋ̀ бѣсо́вскꙋю дале́че ѿгонѧ́юще, свѣ́томъ бл҃гоче́стїѧ просвѣща́юще вѣ́рныхъ. Тѣ́мже мо́лимъ тѧ̀ рабѝ твоѝ, всѧ́кагѡ навѣ́та вра́жїѧ на́съ и҆зба́вити, ꙗ҆́кѡ да тво́й пресвѣ́тлый пра́здникъ благоче́стнѡ воспѣва́емъ ѱало́мски, и҆ сла́вное ᲂу҆спе́нїе дне́сь пѣ́сньми торжествꙋ́юще, прославлѧ́емъ тебѐ та́кѡ просла́вльшаго, є҆ди́наго во ст҃ы́хъ бг҃а на́шего."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ. А҆́ще н҃-ца, И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Блиста́нїемъ бж҃е́ственнагѡ свѣ́та, преподо́бне ѻ҆́ч҃е, при́снѡ ѡ҆зарѧ́емь, ве́сь свѣтови́дѣнъ бы́лъ є҆сѝ: мно́гими ᲂу҆кра́шенъ ѿ бг҃а дарова́ньми, во ѻ҆би́тєли дости́глъ є҆сѝ небє́сныѧ, въ ни́хже мо́лишисѧ ѡ҆ и҆̀же вѣ́рою пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Водвори́лсѧ є҆сѝ въ пꙋсты́ню безмо́лвїѧ, бл҃же́нне, та́мѡ нбⷭ҇ное бога́тство стѧжа́лъ є҆сѝ, преподо́бне кѷрі́лле: препроводи́въ бо твоѐ житїѐ во ᲂу҆миле́нїи и҆ слеза́хъ. Тѣ́мже ра́дости и҆ свѣ́та сы́нъ бы́лъ є҆сѝ, со а҆́гг҃лы всегда̀ веселѧ́сѧ, молѝ ѡ҆ чтꙋ́щихъ тѧ̀."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ста́до, є҆́же стѧжа́лъ є҆сѝ трꙋды̑ твои́ми, ѻ҆́ч҃е, не ѡ҆ста́ви, но посѣща́й, преподо́бне: и҆ ꙗ҆́кѡ жи́въ съ на́ми водворѧ́ѧсѧ: та́кѡ и҆ ны́нѣ съ преподо́бными влⷣцѣ предстоѧ̀, молѝ, и҆зба́витисѧ всѣ̑мъ всѧ́кагѡ гнѣ́ва и҆ преще́нїѧ, и҆ бꙋ́дꙋщагѡ грѣ̑шнымъ томле́нїѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Тезоимени́тое зва́нїе пречⷭ҇тыѧ ꙗ҆́кѡ ᲂу҆слы́шавъ, по́стническими трꙋды̑ себѐ ѡ҆бложи́лъ є҆сѝ, мі́рꙋ и҆ страсте́мъ себѐ ᲂу҆мертви́въ, со хрⷭ҇то́мъ и҆зво́лилъ є҆сѝ жи́ти: тѣ́мъ и҆ по сме́рти и҆сцѣлє́нїѧ и҆сточа́етъ гро́бъ тво́й, преподо́бне кѷрі́лле, вѣ́рою притека́ющымъ. Но ꙗ҆́кѡ и҆мѣ́ѧ дерзнове́нїе ко прославлѧ́емомꙋ во ст҃ы́хъ хрⷭ҇тꙋ̀, моли́сѧ ѡ҆ и҆̀же вѣ́рою соверша́ющихъ па́мѧть твою̀ честнꙋ́ю, и҆ чтꙋ́щихъ трꙋды̀ твоѧ̑, ꙗ҆̀же за хрⷭ҇та̀ претерпѣ́лъ є҆сѝ, и҆ на́мъ ᲂу҆лꙋчи́ти дерзнове́нїе въ де́нь сꙋда̀, мо́лимсѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ. А҆́ще н҃-ца, И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ крі́нъ въ пꙋсты́ни дв҃дски процвѣ́лъ є҆сѝ, ѻ҆́ч҃е кѷрі́лле, ѕлостра́стїѧ те́рнїе и҆скоренѧ́ѧ, и҆ собра́лъ є҆сѝ въ не́й ᲂу҆чени̑къ мно́жество, стра́хомъ бж҃їимъ и҆ ᲂу҆че́нїемъ твои́мъ наставлѧ́емыхъ, и҆̀хже и҆ до конца̀ ꙗ҆́кѡ чадолюби́вый ѻ҆те́цъ не ѡ҆ста́вилъ є҆сѝ посѣща́ѧ, да всѝ вопїе́мъ: сла́ва да́вшемꙋ тѝ крѣ́пость: сла́ва вѣнча́вшемꙋ тѧ̀: сла́ва дѣ́йствꙋющемꙋ тобо́ю всѣ̑мъ и҆сцѣлє́нїѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь два́жды: и҆ бг҃оро́диченъ."
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи, сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ дѣ́вства:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ безпло́тенъ, ѻ҆́ч҃е, пожи́лъ є҆сѝ на землѝ, и҆ превозносѧ́щагосѧ врага̀ смири́лъ є҆сѝ. Тѣ́мже ны́нѣ съ невеще́ственными ли̑ки, блаже́нне, водворѧ́ѧсѧ, та́мѡ блаже́нства наслажда́ешисѧ, помина́й па́мѧть твою̀ дне́сь пра́зднꙋющихъ: да всѝ ра́достными гла̑сы воспѣва́емъ хрⷭ҇та̀ бг҃а на́шего, да́вшаго тебѣ̀ благода́ть и҆сцѣле́нїй. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ ски́нїа была̀ є҆сѝ сло́ва, є҆ди́на пречⷭ҇таѧ мт҃и дв҃о, чистото́ю а҆́гг҃лы превозше́дшаѧ, па́че всѣ́хъ менѐ пе́рсть бы́вша, ѡ҆скверне́на плотски́ми прегрѣше́ньми, ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи, сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Повелѣ́нное:"
|
|
},
|
|
{
|
|
"type": "TEXT",
|
|
"value": "Страсте́й тмꙋ̀ моли́твами твои́ми, ѻ҆́ч҃е, ѿгна́лъ є҆сѝ, и҆ се́рдце твоѐ съ чꙋ́вствы чи́сто бг҃ꙋ предста́вилъ є҆сѝ. Сегѡ̀ ра́ди въ тѧ̀ всели́сѧ благода́ть дх҃а прест҃а́гѡ, є҆́же прови́дѣти бꙋ̑дꙋщаѧ, и҆ ꙗ҆́кѡ бли́зъ сꙋ̑щаѧ та̑ проѧвлѧ́ти, и҆ проси́вшымъ ᲂу҆ тебє̀ съ вѣ́рою, непло́дствїѧ соꙋ́зъ разрѣши́лъ є҆сѝ. Тѣ́мже и҆ на́мъ, мо́лимсѧ, просѝ ѿ хрⷭ҇та̀ ве́лїю ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́же непремѣ́ннаго бг҃а поро́ждшаѧ, премѣнѧ́емое при́снѡ се́рдце моѐ грѣхо́мъ и҆ лѣ́ностїю, прило́гми льсти́вагѡ, ᲂу҆твердѝ, бл҃га́ѧ, моли́твами мт҃рними твои́ми: ꙗ҆́кѡ да и҆ а҆́зъ благода́рнѡ сла́влю тѧ̀, бг҃ороди́тельнице мр҃і́е, поми́лꙋй ста́до твоѐ, є҆́же стѧжа́ла є҆сѝ, всенепоро́чнаѧ."
|
|
},
|
|
{
|
|
"type": "HEADER",
|
|
"value": "По полѷеле́и, сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Въ пꙋсты́ню, преблаже́нне, всели́лсѧ є҆сѝ, и҆ въ не́й прече́стенъ хра́мъ бж҃їѧ мт҃ре воздви́глъ є҆сѝ, и҆ мно́жество мона́шествꙋющихъ та́мѡ собра́лъ є҆сѝ, гдⷭ҇еви съ тобо́ю рабо́тающихъ, и҆̀хже сохранѧ́й ѿ всѧ́кагѡ прило́га лꙋка́вагѡ, да всѝ благода́рственнѡ вопїе́мъ тѝ: преблаже́нне кѷрі́лле, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ млⷣнца млеко́мъ пита́еши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са:"
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ пред̾ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Тезоимени́тое зва́нїе пречⷭ҇тыѧ ꙗ҆́кѡ ᲂу҆слы́шавъ, по́стническими трꙋды̑ себѐ ѡ҆бложи́лъ є҆сѝ, мі́рꙋ и҆ страсте́мъ себѐ ᲂу҆мертви́въ, со хрⷭ҇то́мъ и҆зво́лилъ є҆сѝ жи́ти: тѣ́мъ и҆ по сме́рти и҆сцѣлє́нїѧ и҆сточа́етъ гро́бъ тво́й, преподо́бне кѷрі́лле, вѣ́рою притека́ющымъ. Но ꙗ҆́кѡ и҆мѣ́ѧ дерзнове́нїе ко прославлѧ́емомꙋ во ст҃ы́хъ хрⷭ҇тꙋ̀, моли́сѧ ѡ҆ и҆̀же вѣ́рою соверша́ющихъ па́мѧть твою̀ честнꙋ́ю, и҆ чтꙋ́щихъ трꙋды̀ твоѧ̑, ꙗ҆̀же за хрⷭ҇та̀ претерпѣ́лъ є҆сѝ, и҆ на́мъ ᲂу҆лꙋчи́ти дерзнове́нїе въ де́нь сꙋда̀, мо́лимсѧ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы, со і҆рмосо́мъ на ѕ҃: И҆ ст҃а́гѡ два̀ канѡ́на на и҃."
|
|
},
|
|
{
|
|
"type": "HEADER",
|
|
"value": "Канѡ́нъ ст҃а́гѡ кѷрі́лла. Творе́нїе пахѡ́мїа, і҆еромона́ха ст҃ы́ѧ горы̀. Гла́съ ѕ҃. Є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Похвалꙋ̀ пою̀ кѷрі́ллꙋ, но́вомꙋ чꙋдотво́рцꙋ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ по сꙋ́хꙋ, пѣшеше́ствовавъ і҆и҃ль по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь, пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "Прекра́снаѧ лоза̀ вїногра́да хрⷭ҇то́ва бы́лъ є҆сѝ, премꙋ́дре кѷрі́лле, и҆ гро́здъ пресла́дкїй ꙗ҆ви́лсѧ є҆сѝ, бж҃е́ственнꙋю сла́дость вѣ̑рнымъ и҆сточа́еши, блаже́нне, кꙋ́пнѡ же и҆ ра́дованїе пою́щымъ тѧ̀."
|
|
},
|
|
{
|
|
"type": "TEXT",
|
|
"value": "Ѻ҆́ч҃е кѷрі́лле, не терпѧ̀ вра́гъ, въ нача́лѣ твоегѡ̀ житїѧ̀ бꙋ́рю воздви́гъ, дре́вомъ напра́снѡ хотѧ̀ ᲂу҆мертви́ти тебѐ, а҆́ще не бы̀ бж҃е́ственный гла́съ возгласи́лъ тѧ̀, бг҃омꙋ́дре."
|
|
},
|
|
{
|
|
"type": "TEXT",
|
|
"value": "Хрⷭ҇та̀ на́съ ра́ди смири́вшагосѧ подража́въ, и҆ крⷭ҇тъ тво́й взе́мъ, преподо́бне, тогѡ̀ стопа́мъ послѣ́довалъ є҆сѝ, всѧ́ко мїрско́е пристра́стїе ѿ тебє̀ ѿтрѧ́слъ є҆сѝ, пребога́те."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Во двою̀ є҆стєствꙋ̀ є҆ди́нъ ѿ ст҃ы́ѧ трⷪ҇цы, ѿ чⷭ҇тыхъ крове́й твои́хъ воплоти́сѧ, бг҃олѣ́пнѡ про́йде, и҆́же ѿ а҆да́ма спаса́ѧ, пречⷭ҇таѧ, бл҃гостїю."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ, ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ вели́ко вои́стиннꙋ дерзнове́нїе стѧжа́въ, преподо́бне, къ бг҃ꙋ, сбытїю̀ зри́тель сподо́билсѧ є҆сѝ бы́ти: и҆ неплѡ́днаѧ ложесна̀ многоплѡ́дна моли́твами твои́ми показа́лъ є҆сѝ."
|
|
},
|
|
{
|
|
"type": "TEXT",
|
|
"value": "На водѣ̀ поко́ѧ, и҆ на ѕла́цѣ воздержа́нїѧ, ѻ҆́ч҃е, ᲂу҆чєни́къ твои́хъ стада̀ мꙋ́дрѣ ᲂу҆па́слъ є҆сѝ: и҆ ны́нѣ съ на́ми неви́димѡ водворѧ́ѧсѧ, молѝ ѡ҆ чтꙋ́щихъ па́мѧть твою̀."
|
|
},
|
|
{
|
|
"type": "TEXT",
|
|
"value": "Оу҆́мъ тво́й къ бг҃ꙋ любо́вїю впери́въ, тлѣ́нными нетлѣ̑ннаѧ и҆скꙋпи́лъ є҆сѝ. Тѣ́мже всѧ́ка дꙋша̀ спаса́ема тобо́ю, тѧ̀ прославлѧ́етъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ма́нїемъ всѧ̑ содержа́й, и҆зъ тебє̀ па́че сло́ва ражда́етсѧ, мт҃и чⷭ҇таѧ, преподѡ́бныѧ вѣнча́вый, вѣ́рнѡ тебѐ сла́вѧщыѧ мт҃рь бж҃їю."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "А҆́ще и҆ въ мі́рѣ сꙋ̑щаѧ, ѻ҆́ч҃е, преѡби́дѣлъ є҆сѝ, но та́мѡ премі́рнаѧ и҆ нетлѣ̑ннаѧ стѧжа́лъ є҆сѝ, и҆дѣ́же гла́съ пра́зднꙋющихъ и҆ ра́йское наслажде́нїе."
|
|
},
|
|
{
|
|
"type": "TEXT",
|
|
"value": "Льсти́вый вра́гъ хотѧ̀ тебѣ̀ па́кость сотвори́ти, преподо́бне, лꙋка̑выѧ человѣ́ки на тѧ̀ воѡрꙋжа́етъ: тебѣ́ же прирази́всѧ постыдѣ́сѧ, хрⷭ҇тꙋ́ бо тѧ̀ соблюда́ющꙋ."
|
|
},
|
|
{
|
|
"type": "TEXT",
|
|
"value": "Оу҆жѐ пресла́вное твоѐ житїѐ всю́дꙋ, преподо́бне, прославлѧ́етсѧ, и҆ чꙋдеса̀ твоѧ̑ въ концѣ́хъ проповѣ́даютсѧ: тѣ́мже въ па́мѧть твою̀ соше́дшесѧ, почита́емъ тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пло́ти бре́ннѣй соедини́всѧ, и҆́же ѿ ѻ҆ц҃а̀ є҆диноро́дный въ ложесна́хъ твои́хъ, є҆ди́нъ ѿ двою̀ про́йде безъ и҆стлѣ́нїѧ, и҆ соблюдѐ невреди́мѡ двⷭ҇тво твоѐ, всепѣ́таѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "Волна́мъ, преподо́бне, и҆́менемъ гдⷭ҇нимъ запрети́въ, и҆ є҆́зеро ᲂу҆кроти́въ, лю́ди ѿ потопле́нїѧ спа́слъ є҆сѝ моли́твами твои́ми, кѷрі́лле блаже́нне."
|
|
},
|
|
{
|
|
"type": "TEXT",
|
|
"value": "Жела́нїемъ є҆́же къ бг҃ꙋ, и҆ тогѡ̀ любо́вїю па́че ѻ҆гнѧ̀ распала́емь, ѻ҆́ч҃е, цѣломꙋ́дреннѡ въ преподо́бїи и҆ пра́вдѣ пожи́лъ є҆сѝ, преподо́бне кѷрі́лле."
|
|
},
|
|
{
|
|
"type": "TEXT",
|
|
"value": "Тѣ́ло твоѐ посто́мъ и҆ моли́твами, ѻ҆́ч҃е, ᲂу҆дрꙋчи́лъ є҆сѝ: и҆ сегѡ̀ ра́ди наслажда́ешисѧ вѣ́чнагѡ блаже́нства, и҆дѣ́же ст҃ы́хъ собо́ри, и҆ пра́ведныхъ ли́цы веселѧ́тсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бг҃овидѣ́нїемъ просвѣща́емь прⷪ҇ро́къ, ꙗ҆вле́ннѡ зри́тъ го́рꙋ бж҃їю бл҃гослове́ннꙋю, земны́хъ ᲂу҆краше́нїе, є҆ди́нꙋ всепѣ́тꙋю."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Приспѣ̀ пра́здникъ чⷭ҇тна́гѡ твоегѡ̀ ᲂу҆спе́нїѧ, бл҃же́нне кѷрі́лле, просвѣща́ѧ всѣ́хъ пра́зднꙋющихъ па́мѧть твою̀ свѣ́тлѡ, и҆ хрⷭ҇та̀ непреста́ннѡ пѣ́сньми всегда̀ сла́вѧщихъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "TEXT",
|
|
"value": "И҆́же на престо́лѣ херꙋві́мстѣмъ сѣдѧ́й, и҆ въ нѣ́дрѣхъ ѻ҆́ч҃ихъ водворѧ́ѧсѧ, ꙗ҆́кѡ на престо́лѣ свѧтѣ́мъ сѣди́тъ свое́мъ, влⷣчце, въ нѣ́дрѣхъ твои́хъ: вопло́щсѧ бо бг҃ъ вои́стиннꙋ, воцр҃и́сѧ над̾ всѣ́ми ꙗ҆зы̑ки, и҆ разꙋ́мнѡ ны́нѣ пои́мъ є҆мꙋ̀: є҆го́же ᲂу҆молѝ, спасти́сѧ рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хрⷭ҇то́съ, моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ, взыва́ющи ѿ смы́сла чи́ста, ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "Ѻ҆́ч҃е преподо́бне, сна̀ твои́ма ѻ҆чи́ма не да́лъ є҆сѝ, ни вѣ́ждома дрема́нїѧ, до́ндеже сподо́билсѧ є҆сѝ ви́дѣти пра́ведныхъ селє́нїѧ, ꙗ҆̀же ᲂу҆гото́ва бг҃ъ лю́бѧщымъ є҆го̀."
|
|
},
|
|
{
|
|
"type": "TEXT",
|
|
"value": "Оу҆жѐ не ктомꙋ̀ вразѝ, нижѐ человѣ́цы лꙋка́вїи мо́гꙋтъ къ тебѣ̀ прибли́житисѧ, кѷрі́лле преподо́бне: ви́дѣша бо благода́ть бж҃їю, тебѐ всегда̀ соблюда́ющꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: На тѧ̀ ᲂу҆пова́нїе моѐ возложи́хъ, мт҃и приснодв҃о, спасе́нїѧ моегѡ̀, и҆ тѧ̀ предста́тельницꙋ и҆мѣ́ю живота̀ моегѡ̀, тве́рдꙋ же и҆ непоколеби́мꙋ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀."
|
|
},
|
|
{
|
|
"type": "TEXT",
|
|
"value": "Бо́дренными моли́твами, ѻ҆́ч҃е, и҆ сле́зными потѡ́ки, цр҃ковь вѣ́рныхъ напои́лъ є҆сѝ, блаже́нне кѷрі́лле."
|
|
},
|
|
{
|
|
"type": "TEXT",
|
|
"value": "Є҆́же на землѝ вре́менное житїѐ твоѐ, въ безмо́лвїи мно́зѣ пожи́лъ є҆сѝ, хрⷭ҇тꙋ̀ поѧ̀: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Ѿ млада́гѡ во́зраста въ воздержа́нїи, ѻ҆́ч҃е, пре́былъ є҆сѝ, пло́дъ мно́гъ добродѣ́тели бг҃ꙋ, преподо́бне, прине́слъ є҆сѝ, и҆ сегѡ̀ ра́ди ѿ негѡ̀ просла́вилсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всели́всѧ въ тѧ̀ невмѣсти́мый, и҆ вмѣсти́всѧ, показа́ тѧ нб҃съ ши́ршꙋ, дв҃о: тѣ́мже тѧ̀ ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "И҆зрѧ́дно твоѐ житїѐ въ послѣ̑днїѧ ро́ды, и҆ пресла́вно ꙗ҆ви́сѧ, чꙋдеса́ же твоѧ̑ всю́дꙋ вѣ̑рнымъ и҆злїѧ́шасѧ. Тѣ́мже тѧ̀ всѝ, ѻ҆́ч҃е, ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Ра́йскїѧ добро́ты жела́ѧ, преподо́бне кѷрі́лле, и҆ тоѧ̀ ра́ди въ слеза́хъ и҆ воздыха́нїихъ, бдѣ́нїихъ же и҆ моли́твахъ твою̀ жи́знь препроводи́лъ є҆сѝ, и҆ ѿтꙋ́дꙋ наслѣ́дилъ є҆сѝ жела́емое тебѣ̀ блаже́нство."
|
|
},
|
|
{
|
|
"type": "TEXT",
|
|
"value": "Пресвѣ́тлый тво́й пра́здникъ, ѻ҆́ч҃е, благоче́стнѡ пра́зднꙋющымъ, подава́й свы́ше спасе́нїе и҆ и҆збавле́нїе, да тѧ̀ всѝ, блаже́нне кѷрі́лле, непреста́ннѡ воспѣва́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Лю́демъ ꙗ҆́кѡ вои́стиннꙋ ти́хое приста́нище хрⷭ҇то́съ тебѐ ꙗ҆вѝ, вѣ́рою и҆ любо́вїю тѧ̀ и҆́стиннꙋю влⷣчцꙋ, всенепоро́чнаѧ, ѿ со́вѣсти чи́сты бцⷣꙋ и҆сповѣ́дꙋющымъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннагѡ. Но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Потѡ́ки сле́зными, ѻ҆́ч҃е, страсте́й пꙋчи́нꙋ и҆зсꙋши́лъ є҆сѝ, и҆ въ зе́млю ѡ҆бѣтова́нїѧ преше́лъ є҆сѝ, и҆ та́мѡ ра́йское житїѐ прїѧ́лъ є҆сѝ, є҆́же ᲂу҆гото́ва бг҃ъ лю́бѧщымъ є҆го̀."
|
|
},
|
|
{
|
|
"type": "TEXT",
|
|
"value": "Хрⷭ҇та̀ тобо́ю слѣпы̑мъ да́рꙋюща здра́вїе, ѻ҆́ч҃е, молѝ, и҆ мнѣ̀ ѻ҆́чи дꙋшє́вныѧ просвѣти́ти, до́ндеже не ѡ҆брѧ́щетъ мѧ̀ негото́ва но́щь глꙋбо́каѧ, и҆ тма̀ ѿча́ѧнїѧ, молю́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆краси́ласѧ є҆сѝ дѣ́вства пречⷭ҇тыми добро́тами, и҆ пе́рвый є҆́ѵы покры́ла є҆сѝ стꙋ́дъ ѕлоѻбра́зный, хрⷭ҇та̀ ро́ждши, ѡ҆дѣѧ́нїе безсме́ртїѧ да́рꙋющаго тебѐ чтꙋ́щымъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́тъ бы́сть, но не ᲂу҆держа́нъ въ пе́рсѣхъ ки́товыхъ і҆ѡ́на: тво́й бо ѻ҆́бразъ носѧ̀, страда́вшагѡ, и҆ погребе́нїю да́вшагѡсѧ, ꙗ҆́кѡ ѿ черто́га ѿ ѕвѣ́рѧ и҆зы́де, приглаша́ше же кꙋстѡді́и, хранѧ́щїи сꙋ́єтнаѧ и҆ лѡ́жнаѧ, ми́лость сїю̀ ѡ҆ста́вили є҆стѐ."
|
|
},
|
|
{
|
|
"type": "TEXT",
|
|
"value": "Влады́кꙋ ᲂу҆́мъ поста́вилъ є҆сѝ надъ страстьмѝ тѣле́сными, бл҃же́нне: тѣ́мже и҆ прест҃а́гѡ дх҃а селе́нїе, бг҃оно́се, бы́лъ є҆сѝ. Є҆го́же молѝ, и҆ на́съ свободи́ти ѿ страсте́й, да тѧ̀ почита́емъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ побѣди́въ вѣ́ка сегѡ̀ кнѧ́зѧ тмы̀, возше́лъ є҆сѝ къ нбⷭ҇нымъ, побѣ́ды вѣне́цъ носѧ̀ ѿ вседержи́тельныѧ рꙋкѝ бг҃а на́шегѡ: молѝ, ѿ бѣ́дъ спасти́сѧ тебѐ почита́ющымъ."
|
|
},
|
|
{
|
|
"type": "TEXT",
|
|
"value": "Плотско́е мꙋдрова́нїе, є҆́же на землѝ, ѻ҆́ч҃е, ᲂу҆мертви́лъ є҆сѝ, и҆ на нб҃сѣ́хъ житїѐ стѧжа́лъ є҆сѝ, и҆дѣ́же ст҃ы́хъ дꙋ́си ра́дꙋютсѧ, пою́ще съ тобо́ю влⷣкꙋ твоего̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пречⷭ҇таѧ влⷣчце, ро́ждшаѧ человѣ́кѡмъ ко́рмчїю и҆ гдⷭ҇а, страсте́й мои́хъ непостоѧ́нное и҆ лю́тое ѿженѝ смꙋще́нїе, и҆ тишинꙋ̀ пода́ждь се́рдцꙋ моемꙋ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Въ пꙋсты́ни безмо́лвїѧ водвори́лсѧ є҆сѝ, преподо́бне, и҆ ѿтꙋ́дꙋ къ небе́сномꙋ гра́дꙋ преше́лъ є҆сѝ, и҆дѣ́же бг҃ꙋ ᲂу҆годи́вшихъ жили̑ща: съ ни́миже ѡ҆ на́съ, блаже́нне, моли́сѧ."
|
|
},
|
|
{
|
|
"type": "TEXT",
|
|
"value": "Чи́сто житїѐ твоѐ ѿ ю҆́ности и҆мѣ́лъ є҆сѝ, блаже́нне: и҆ тогѡ̀ ра́ди пречⷭ҇тыѧ бж҃їѧ мт҃ре и҆зрѧ́дный слꙋжи́тель бы́лъ є҆сѝ, и҆ прече́стенъ хра́мъ то́й воздви́глъ є҆сѝ, въ не́мже гдⷭ҇ь сла́витсѧ."
|
|
},
|
|
{
|
|
"type": "TEXT",
|
|
"value": "Ѿ страсте́й тимѣ́нїѧ чи́ста тѧ̀ ѡ҆брѣ́тъ, всели́сѧ въ тѧ̀ дх҃ъ прест҃ы́й: тѣ́мъ и҆ чꙋде́съ дарова̑нїѧ тебѣ̀ да́рꙋетъ є҆ди́нъ во ст҃ы́хъ прославлѧ́емый бг҃ъ на́шъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зачала̀ є҆сѝ вои́стиннꙋ бжⷭ҇твенное сло́во во ᲂу҆тро́бѣ твое́й, и҆ сїѐ па́че є҆стества̀, всенепоро́чнаѧ, родила̀ є҆сѝ. Є҆го́же молѝ, ѿ бѣ́дъ всѣ̑мъ и҆зба́витисѧ рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ преѡби́дѣвъ тлѣ̑ннаѧ, и҆ до́лꙋ влекꙋ̑щаѧ мꙋдрова̑нїѧ, ѻ҆́ч҃е, къ вы́шнемꙋ тече́нїю ра́достнѡ ᲂу҆стреми́лсѧ є҆сѝ: и҆ та́мѡ со ст҃ы́ми прест҃ѣ́й трⷪ҇цѣ предстоѧ̀, молѝ, ѿ вра̑гъ сохрани́тисѧ ста́дꙋ твоемꙋ̀, ꙗ҆́кѡ да ст҃о́е твоѐ ᲂу҆спе́нїе пра́зднꙋюще, вопїе́мъ: ра́дꙋйсѧ, пребл҃же́нне кѷрі́лле, ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "І҆́косъ: А҆́ще и҆ человѣ́къ, ѻ҆́ч҃е, бы́лъ є҆сѝ по є҆стествꙋ̀, но па́че человѣ́ка житїѐ соверши́лъ є҆сѝ: всѧ̑ бо, ꙗ҆̀же въ мі́рѣ, сла̑дкаѧ и҆ кра̑снаѧ преѡби́дѣвъ, послѣ́довалъ є҆сѝ хрⷭ҇тꙋ̀. Тѣ́мже и҆ ѿ всѣ́хъ слы́шиши: ра́дꙋйсѧ, ꙗ҆́кѡ пречи́стою наставлѧ́емь, пꙋсты́ню дости́глъ є҆сѝ: ра́дꙋйсѧ, ꙗ҆́кѡ въ то́й прече́стенъ хра́мъ бж҃їи мт҃ери воздви́гнꙋвый. Ра́дꙋйсѧ, ꙗ҆́кѡ въ не́мъ бг҃ъ прославлѧ́етсѧ: ра́дꙋйсѧ, собра́вый та́мѡ ᲂу҆чени̑къ мно́жество: ра́дꙋйсѧ, ꙗ҆́кѡ съ тѣ́ми прилѣ́жнѡ гдⷭ҇еви рабо́талъ є҆сѝ: ра́дꙋйсѧ, ᲂу҆диви́вый а҆́гг҃лы житїе́мъ твои́мъ: ра́дꙋйсѧ, ꙗ҆́кѡ тобо́ю человѣ́цы по́льзовашасѧ: ра́дꙋйсѧ, и҆́же чꙋдесы̀ всѣ́хъ ᲂу҆диви́вый: ра́дꙋйсѧ, преше́дый ѿ земны́хъ на нбⷭ҇наѧ: ра́дꙋйсѧ, трⷪ҇цѣ предстоѧ̀, ѡ҆ на́съ мо́лишисѧ: ра́дꙋйсѧ, и҆сто́чниче чꙋде́съ неисчерпа́емый: ра́дꙋйсѧ, вѣ́рныхъ плѣ̑нникъ и҆зба́вителю: ра́дꙋйсѧ, преблаже́нне кѷрі́лле ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ прпⷣбнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѡ҆чи́стивъ ѿ страсте́й, преподо́бне ѻ҆́ч҃е, ᲂу҆́мъ тво́й, и҆ вседержи́телю съ преподо́бныхъ ли̑ки и҆ пра́ведныхъ предстоѧ̀, всегда̀ вопїе́ши: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Вра́чь преизрѧ́дный мі́рꙋ ꙗ҆ви́лсѧ є҆сѝ, бл҃же́нне, и҆сцѣлѧ́ѧ всѣ́хъ вѣ́рою притека́ющихъ ко хра́мꙋ твоемꙋ̀ свѧто́мꙋ, и҆ хрⷭ҇тꙋ̀ ѿ дꙋшѝ вопїю́щихъ непреста́ннѡ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Посто́мъ и҆ воздержа́нїемъ лицѐ твоѐ ᲂу҆краси́лъ є҆сѝ, преподо́бне, свѣтлѣ́йши наипа́че ꙗ҆ви́лсѧ є҆сѝ многоразли́чными бра́шны пита́ющихсѧ. Тѣ́мже и҆ хрⷭ҇тꙋ̀ вопїе́ши: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀, прест҃а́ѧ мт҃и приснодв҃о, позна́хомъ земні́и спасе́нїе: и҆́бо въ нѣ́дрѣхъ ѻ҆ц҃а̀ неразлꙋ́чнѡ живы́й, и҆з̾ тебє̀ воплоща́етсѧ. Тѣ́мже бл҃гослове́на є҆сѝ въ ро́дъ и҆ ро́дъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀ вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѿ мїрска́гѡ треволне́нїѧ и҆збѣ́гъ, преподо́бне, въ ти́хое приста́нище дости́глъ є҆сѝ нбⷭ҇нагѡ пребыва́нїѧ, вопїѧ̀: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Въ пꙋсты́ню, ꙗ҆́коже дре́внїй а҆нтѡ́нїй, всели́лсѧ є҆сѝ, и҆ въ не́й вели́каго є҆фре́ма слеза́ми и҆ посто́мъ подража́лъ є҆сѝ, хрⷭ҇тꙋ̀ поѧ̀: бл҃гослове́нъ є҆сѝ, гдⷭ҇и, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Всѧ́кими, ѻ҆́ч҃е, ѻ҆́бразы, и҆̀же съ тобо́ю ᲂу҆ченикѝ направлѧ́лъ є҆сѝ, по стезѧ́мъ пра̑вымъ пꙋте́й твои́хъ ходи́ти, и҆ съ тобо́ю хрⷭ҇тꙋ̀ пѣ́ти: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Го́рꙋ тѧ̀ прⷪ҇ро́къ данїи́лъ бжⷭ҇твеннымъ дх҃омъ проречѐ, дв҃о: и҆зъ неѧ́же ка́мень хрⷭ҇то́съ безъ рꙋкѝ ѿсѣче́сѧ, и҆ сокрꙋше́нїе содѣ́ла и҆стꙋка́ннѣй пре́лести."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зъ пла́мене преподѡ́бнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши, хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Гро́бъ, и҆дѣ́же положено̀ бы́сть чⷭ҇тно́е тѣ́ло твоѐ, преподо́бне, ѡ҆свѧтѝ всѣ́хъ къ немꙋ̀ притека́ющихъ, и҆сто́чникъ и҆сцѣле́нїѧ и҆сточа́ѧ ѿ дꙋшѝ хрⷭ҇тꙋ̀ вопїю́щымъ, и҆ превозносѧ́щымъ є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Во вре́мѧ гла́да, раздроблѧ́ѧ, преподо́бне, ни́щымъ хлѣ́бъ тво́й, тѣ́хъ а҆́лчбꙋ ᲂу҆ста́вилъ є҆сѝ. И҆ менѐ, та́ющаго гла́домъ, бжⷭ҇твенныхъ дѣѧ́нїй напита́й: да возмогꙋ̀ и҆ а҆́зъ со всѣ́ми пѣ́ти гдⷭ҇а во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆̀же съ тобо́ю ᲂу҆ченицы̀ твоѝ, ᲂу҆че́нїю твоемꙋ̀ повинꙋ́ющесѧ, преподо́бне, земна̑ѧ ѡ҆ста́вльше, во слѣ́дъ тебє̀ къ нбⷭ҇нымъ преидо́ша, и҆ съ тобо́ю пою́тъ хрⷭ҇тꙋ̀ и҆ превозно́сѧтъ є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ ржⷭ҇твѣ̀ болѣ́зни и҆збѣжа́ла є҆сѝ, пречⷭ҇таѧ, и҆ ро́ждши, па́ки дв҃ою пребыла̀ є҆сѝ: всѧ̑ бо твори́тъ і҆и҃съ бг҃ъ и҆ человѣ́къ, є҆го́же превозно́симъ во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бꙋ́дꙋщагѡ ра́ди житїѧ̀ на нб҃сѣ́хъ, на землѝ мі́рꙋ ᲂу҆мертви́лсѧ є҆сѝ, ѻ҆́ч҃е. Сегѡ̀ ра́ди жи́въ бг҃ꙋ предстоѧ̀ вопїе́ши: тѧ̀ превозно́симъ гдⷭ҇а во вѣ́ки."
|
|
},
|
|
{
|
|
"type": "TEXT",
|
|
"value": "Свѣ́томъ трⷪ҇ческимъ, ѻ҆́ч҃е, просвѣща́емь, твою̀ жи́знь благоче́стнѡ сконча́лъ є҆сѝ, и҆ по́стныхъ собо́ры приве́лъ є҆сѝ хрⷭ҇тꙋ̀ вопи́ти: тѧ̀ превозно́симъ гдⷭ҇а во вѣ́ки."
|
|
},
|
|
{
|
|
"type": "TEXT",
|
|
"value": "Съ небе́сными во́инствы, всегда̀, преподо́бне, трⷪ҇цꙋ несозда́ннꙋю, нераздѣ́льное бж҃ество̀ славосло́виши, блаже́нне, и҆ превозно́сиши во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Во ᲂу҆тро́бѣ твое́й пе́рвѣйша тебѐ заче́нши, бг҃омт҃и, чⷭ҇таѧ дв҃о, родила̀ є҆сѝ несказа́ннѡ бг҃а и҆ цр҃ѧ̀, є҆го́же превозно́симъ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃а человѣ́кѡмъ не возмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю бо, всечⷭ҇таѧ, ꙗ҆ви́сѧ человѣ́кѡмъ сло́во воплоще́нно: є҆го́же велича́юще, съ нбⷭ҇ными вѡ́и тѧ̀ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Житїѧ̀ сегѡ̀ непостоѧ́ннꙋю пꙋчи́нꙋ немѧте́жнѡ преше́лъ є҆сѝ, преподо́бне, ко́рмчїю мт҃рь бж҃їю и҆мѣ́ѧ, на сїѐ наставлѧ́ющꙋю тѧ̀. Тѣ́мже и҆ ко приста́нищємъ приста́лъ є҆сѝ а҆́гг҃льскагѡ пребыва́нїѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ зрѣ́лаѧ и҆ чистѣ́йшаѧ пшени́ца, кромѣ̀ всѣ́хъ ѕло́бныхъ пле́велъ, въ нбⷭ҇ныхъ жи́тницахъ соблю́лсѧ є҆сѝ, преподо́бне, хлѣ́бъ сла́дкїй жела́ѧ принести́сѧ нбⷭ҇номꙋ цр҃ю̀: є҆гѡ́же ра́ди всѧ̑ въ мі́рѣ преѡби́дѣлъ є҆сѝ."
|
|
},
|
|
{
|
|
"type": "TEXT",
|
|
"value": "Вели̑кимъ ѻ҆тцє́мъ, дре́вле въ постѣ́хъ и҆ по́двизѣхъ просїѧ́вшымъ, подо́бѧсѧ, ѻ҆́ч҃е, всѧ̑ дни̑ жи́зни твоеѧ̀ во слеза́хъ и҆ трꙋдѣ́хъ препроводи́лъ є҆сѝ, до́ндеже дости́глъ є҆сѝ блаже́ннꙋю кончи́нꙋ, ю҆́же и҆ ѻ҆нѝ наслѣ́доваша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сн҃а безлѣ́тна, ѿ ѻ҆ц҃а̀ возсїѧ́вша, ты̀ во ᲂу҆тро́бѣ несказа́ннѡ заче́нши родила̀ є҆сѝ, бг҃омт҃и чⷭ҇таѧ дв҃о: молѝ непреста́ннѡ ѡ҆ рабѣ́хъ твои́хъ того̀, ꙗ҆́кѡ чл҃вѣколю́бца бг҃а, спастѝ ро́дъ на́шъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Чтⷭ҇ꙋю сла́внѡ почти́мъ, лю́дїе, бцⷣꙋ, ѻ҆́гнь бжⷭ҇тва̀ прїи́мшꙋю во чре́вѣ неѡпа́льнѡ, пѣ́сньми велича́емъ."
|
|
},
|
|
{
|
|
"type": "TEXT",
|
|
"value": "Потребѝ стра̑стнаѧ двиза̑нїѧ ᲂу҆ма̀ моегѡ̀, хрⷭ҇тѐ, и҆ лѣ́ность ᲂу҆ны́нїѧ ѿженѝ, въ пра́вый пꙋ́ть тво́й ходи́ти наста́ви, моли́твами ᲂу҆го́дника твоегѡ̀ кѷрі́лла: да ꙗ҆́кѡ благодѣ́телѧ велича́ю тѧ̀."
|
|
},
|
|
{
|
|
"type": "TEXT",
|
|
"value": "Пѣвцє́мъ тебѐ пою́щымъ, ѻ҆́ч҃е, и҆ во хвале́нїи сла́вѧщымъ, пода́ждь свы́ше спасе́нїе и҆ и҆збавле́нїе, да ктомꙋ̀ тебѐ мно́жае въ пѣ́снехъ велича́ютъ."
|
|
},
|
|
{
|
|
"type": "TEXT",
|
|
"value": "Рꙋко́ю мое́ю недосто́йною, приноси́мое тебѣ̀ съ трꙋдо́мъ ѿ ᲂу҆се́рдїѧ хвале́нїе прїимѝ, бг҃облаже́нне кѷрі́лле, и҆ хода́тай къ бг҃ꙋ бꙋ́ди мѝ, молю́сѧ, и҆зба́вити мѧ̀ та́мошнѧгѡ мꙋче́нїѧ: да непреста́ннѡ въ пѣ́снехъ велича́ю тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ тѧ̀ всели́всѧ, пренепоро́чнаѧ, пе́рвѣе родонача̑льнымъ ѕлоѻбра́знѡ запе́ншаго человѣкоꙋбі́йцꙋ низложѝ, роди́всѧ, и҆ всѣ́хъ на́съ спасѐ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Посѣти́лъ ны̀:"
|
|
},
|
|
{
|
|
"type": "TEXT",
|
|
"value": "Пречестнꙋ́ю и҆ свѧще́ннꙋю па́мѧть твою̀ соверша́ющихъ, преподо́бне кѷрі́лле, и҆ мнѡ́гїѧ трꙋды̀ твоѧ̑ пою́щихъ, не преста́й молѧ̀ и҆зба́вителѧ, ѿ напа́стей и҆збавлѧ́ти на́съ, и҆ селе́нїю ст҃ы́хъ сподо́бити. Два́жды."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Почита́ютъ рождество̀ твоѐ безпло́тныхъ чи́ни, ра́дости бо земны̑ѧ ты̀ є҆ди́на и҆спо́лнила є҆сѝ. Тѣ́мже тѧ̀, всенепоро́чнаѧ, вѣ́рнїи сла́вимъ, пѣ́сньми славосло́вѧще: свѣ́тъ бо сꙋ́щымъ во тмѣ̀ возсїѧ́ла є҆сѝ, и҆ сл҃нце незаходѧ́щее."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Свы́ше дарова́нїѧ чꙋде́съ ѿ бг҃а сподо́билсѧ є҆сѝ, блаже́нне кѷрі́лле, бѣ́сы ѿ человѣ̑къ вѣ́рою приходѧ́щихъ прогони́ти, и҆ разли́чными недꙋ̑ги ѡ҆держи̑мыѧ, и҆сцѣлѧ́ти моли́твами твои́ми. Тѣ́мже всѝ въ па́мѧть твою̀ соше́дшесѧ, любо́вїю тебѐ почита́емъ. Два́жды."
|
|
},
|
|
{
|
|
"type": "TEXT",
|
|
"value": "Свѧще́нными твои́ми, ѻ҆́ч҃е, моли́твами, хлѣ́бы во вре́мѧ гла́да ᲂу҆мно́жилъ є҆сѝ, и҆ а҆́лчꙋщихъ мно́гихъ препита́лъ є҆сѝ. Тѣ́мже тѧ̀ мо́лимъ, преподо́бне кѷрі́лле, и҆ на́съ дꙋше́внагѡ гла́да премѣнѝ, и҆ бжⷭ҇твенными бра́шны напита́й, мо́лимсѧ: ꙗ҆́кѡ да любо́вїю тѧ̀ почита́емъ."
|
|
},
|
|
{
|
|
"type": "TEXT",
|
|
"value": "Вїна̀ недоста́тки бж҃їей це́ркви, моли́твами твои́ми, ѻ҆́ч҃е, сосꙋ́дъ и҆спо́лнилъ є҆сѝ, и҆ на мнѡ́га времена̀ довлѣ́ти то́й дарова́лъ є҆сѝ. Тѣ́мже и҆ на́съ почита́ющихъ па́мѧть твою̀, вїно́мъ бж҃їѧ любвѐ напо́й всѣ́хъ, да прославлѧ́емъ пречестно́е ᲂу҆спе́нїе твоѐ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Пꙋсты́нѧ, ꙗ҆́же и҆ногда̀ бѣсѡ́мъ жили̑ща и҆мꙋ́щи, ны́нѣ же ᲂу҆чени̑къ твои́хъ, кѷрі́лле, мно́жествомъ наполнѧ́ема ᲂу҆краша́етсѧ, хра́мъ въ себѣ̀ прече́стенъ мт҃ре бж҃їѧ и҆мꙋ́щи, разли́чными добро́тами ᲂу҆добре́нъ. Тѣ́мже въ не́мъ дне́сь соше́дшесѧ, и҆ честны́й гро́бъ тво́й ѡ҆бстоѧ́ще, и҆ любе́знѡ покланѧ́ющесѧ мо́лимсѧ: цр҃квамъ є҆диномы́слїе дарова́ти моли́сѧ, и҆ ѻ҆те́чествꙋ на́шемꙋ на врагѝ посо́бствꙋй моли́твами твои́ми, и҆ дꙋша́мъ на́шымъ и҆спросѝ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ. Славосло́вїе вели́кое: И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и, блажє́нна а҃-гѡ канѡ́на пѣ́снь г҃-ѧ, на д҃: и҆ в҃-гѡ канѡ́на, пѣ́снь ѕ҃-ѧ, на д҃."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ:"
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви:"
|
|
},
|
|
{
|
|
"type": "HEADER",
|
|
"value": "А҆пⷭ҇толъ къ гала́тѡмъ, зача́ло сг҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ ѕ҃: Блаже́нъ мꙋ́жъ боѧ́йсѧ гдⷭ҇а:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло к҃д."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ пра́ведникъ:"
|
|
}
|
|
] |