274 lines
21 KiB
JSON
274 lines
21 KiB
JSON
[
|
|
{
|
|
"type": "HEADER",
|
|
"value": "І҆ꙋ́нїа і҃"
|
|
},
|
|
{
|
|
"type": "HEADER",
|
|
"value": "Ст҃а́гѡ свѧщенномꙋ́ченика тїмоѳе́а, є҆пі́скопа прꙋ́сскагѡ."
|
|
},
|
|
{
|
|
"type": "HEADER",
|
|
"value": "Стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Дѣ́тельными чищє́нїи твои́ми ѿ земны́хъ возвы́шенъ, ꙗ҆́кѡ ѻ҆́блакъ ѡ҆дꙋшевле́нъ, всеблаже́нне, гремѣ̑нїи чꙋде́съ твои́хъ, и҆ слове́съ стра́шными блиста̑нїи, лю́таго низложи́лъ є҆сѝ стропти́ваго ѕмі́ѧ. Благода́ть прїѧ́лъ є҆сѝ, ѕмїє́въ плотски́хъ попали́ти, покрыва́ломъ бжⷭ҇твеннымъ, врагѡ́въ, мꙋ́чениче, внꙋ́трєннѧѧ."
|
|
},
|
|
{
|
|
"type": "TEXT",
|
|
"value": "Ст҃и́телю тїмоѳе́е, прꙋ́сѧнѡвъ похвало̀, вселе́нныѧ побо́рниче, и҆ мі́ра свѣти́льниче, цр҃кве ᲂу҆добре́нїе, вѣ́ры же́ртва свѧще́ннаѧ, и҆ мꙋ́ченикѡвъ честно́е и҆ свѣтоно́сное ᲂу҆краше́нїе, молѝ, ѿ тлѝ и҆ бѣ́дъ и҆зба́витисѧ вѣ́рою творѧ́щымъ всечестнꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Прекра́снꙋю ѻ҆де́ждꙋ ѡ҆мочє́нїи кро́вными, и҆стка́лъ є҆сѝ болѣ́зньми твои́ми, ѽ тїмоѳе́е, ѻ҆де́ждꙋ нбⷭ҇нꙋю свы́ше, нетлѣ́нна ѡ҆чище́нїѧ, и҆ непрело́жныѧ жи́зни, неизрече́ннѡ воспрїѧ́лъ є҆сѝ: ю҆́же невеще́ственнꙋ въ вы́шнихъ носѧ̀, ѡ҆ всѣ́хъ моли́сѧ, страстоте́рпче, благоче́стнѡ восхвалѧ́ющихъ тѧ̀."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры бцⷣы, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ѡ҆сꙋжде́нїѧ и҆зба́ви, прест҃а́ѧ бг҃оневѣ́сто, и҆ лю́тыхъ прегрѣше́нїй, смире́ннꙋю мою̀ дꙋ́шꙋ, и҆ сме́рти и҆змѣнѝ моли́твами твои́ми, и҆ да́рꙋй ѡ҆правда́нїе полꙋчи́ти въ де́нь и҆спыта́нїѧ, є҆́же полꙋчи́ша ст҃ы́хъ собо́ри: покаѧ́нїемъ ѡ҆чище́на мѧ̀ пре́жде конца̀ покажѝ, и҆ сле́зными и҆злїѧ̑нїи."
|
|
},
|
|
{
|
|
"type": "TEXT",
|
|
"value": "Тꙋ́чами дх҃а прест҃а́гѡ, пречⷭ҇таѧ, мою̀ мы́сль ѡ҆росѝ, ꙗ҆́же ка́плю ро́ждшаѧ хрⷭ҇та̀, неизче́тнѡ безмѣ̑рнаѧ беззакѡ́нїѧ человѣ́кѡвъ щедро́тами и҆змы́вшꙋю, и҆зсꙋшѝ и҆сто́чникъ страсте́й мои́хъ, и҆ пото́ка мѧ̀ сподо́би пи́щи живы́ѧ при́снѡ, моли́твами твои́ми."
|
|
},
|
|
{
|
|
"type": "TEXT",
|
|
"value": "Покаѧ́нїѧ и҆зрѧ́дное, и҆ спаси́тельное врачевство̀, ꙗ҆́же бг҃а ро́ждшаѧ сп҃са моего̀, и҆ слеза́мъ то́ки, и҆ часа̀ по́мыслъ гро́знагѡ и҆ стра́шнагѡ, и҆ сꙋда̀ неꙋмы́тнагѡ ты́ ми да́рꙋй и҆збѣжа́ти моли́твами твои́ми, ѽ дв҃о, мꙋче́нїѧ тре́петнагѡ, и҆ бжⷭ҇твеннꙋю ᲂу҆лꙋчи́ти благода́ть."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Тма́ми, пречⷭ҇таѧ, ѡ҆бѣща́хсѧ, покаѧ́нїе ѡ҆ мои́хъ сотвори́ти согрѣше́нїихъ: но не ѡ҆ставлѧ́етъ мѧ̀ любе́зный ѕѡ́лъ мои́хъ ѻ҆бы́чай. Сегѡ̀ ра́ди тебѣ̀ вопїю̀, и҆ припа́даю молѧ́сѧ: ты́ мѧ, влⷣчце, и҆змѝ такова́гѡ мꙋчи́тельства, наставлѧ́ющи къ лꙋ́чшымъ, и҆ спасе́нїѧ бли́зъ сꙋ́щихъ."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: А҆́гнца и҆ па́стырѧ тѧ̀ на дре́вѣ ꙗ҆́кѡ ви́дѣ, а҆́гница ро́ждшаѧ рыда́ше, и҆ мт҃рски тѝ вѣща́ше: сн҃е возжелѣ́нне, ка́кѡ на дре́вѣ кре́стнѣмъ повѣ́шенъ є҆сѝ, долготерпѣли́ве; ка́кѡ рꙋ́цѣ и҆ но́зѣ твоѝ, сло́ве, пригвозди́шасѧ ѿ беззако́нныхъ, и҆ кро́вь твою̀ и҆злїѧ́лъ є҆сѝ, влⷣко."
|
|
},
|
|
{
|
|
"type": "HEADER",
|
|
"value": "Канѡ́нъ. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Трїста̑ты крѣ̑пкїѧ, рожде́йсѧ ѿ дв҃ы, безстра́стїѧ во глꙋбинѣ̀ дꙋшѝ трича́стное потопѝ, молю́сѧ, да тебѣ̀, ꙗ҆́кѡ въ тѷмпа́нѣ, во ᲂу҆мерщвле́нїи тѣлесѐ побѣ́дное воспою̀ пѣ́нїе."
|
|
},
|
|
{
|
|
"type": "TEXT",
|
|
"value": "Непобѣди́мꙋ крѣ́пость, неизмѣ́ннꙋ держа́вꙋ, и҆ не претво́рнꙋ ꙗ҆́кѡ и҆мѣ́ѧ благі́й, неизрече́нною си́лою твое́ю ᲂу҆твердѝ моегѡ̀ ѧ҆зы́ка не́мощь въ пѣ́снехъ твои́хъ, и҆ моли́твами тїмоѳе́а ᲂу҆ще́дри."
|
|
},
|
|
{
|
|
"type": "TEXT",
|
|
"value": "Крѣ́постїю бг҃одѣ́льною, свѧще́ннагѡ сꙋ́щи ко́рене, и҆зрасти́лъ є҆сѝ, сщ҃е́нный тїмоѳе́е, са́дъ, добродѣ́телей ꙗ҆ви́лсѧ є҆сѝ благоꙋкраше́нїе: процвѣ́лъ бо є҆сѝ страда́нїй плоды̀ ѻ҆би̑льны, и҆ всѣ́хъ влⷣцѣ прине́слъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆ма̀ чистото́ю, и҆ дꙋшѝ свѣ́тлостїю, твои́ми кро́вными ѡ҆мочє́нїи и҆спещре́нъ ꙗ҆́вльсѧ, бг҃оно́се тїмоѳе́е, горѣ̀ ны́нѣ ца́рствꙋеши со влⷣкою тва́ри: и҆ ста́дꙋ твоемꙋ̀ вѣ́рою предста́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆дꙋшевле́нный бж҃їй и҆ пресвѣ́тлый до́мъ, бцⷣе блага́ѧ, мі́ра ра́досте, не ѿри́ни менє̀ дале́че ѿ тебє̀: ᲂу҆ще́дри же, и҆ всѣ́хъ и҆скꙋше́нїй и҆зба́ви, ꙗ҆́кѡ да внꙋ́трь ликꙋ́ю покро́ва твоегѡ̀."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Съ мꙋ́чєники хрⷭ҇тѡ́вы, мꙋ́ченикъ ꙗ҆́вльсѧ свѣ́телъ, сла́вне, во свѧще́нницѣхъ мꙋ́дрыхъ ꙗ҆ви́лсѧ є҆сѝ свѧще́нникѡмъ ᲂу҆добре́нїе."
|
|
},
|
|
{
|
|
"type": "TEXT",
|
|
"value": "Хра́мъ хрⷭ҇то́въ, премꙋ́дрости сокро́вище, дне́сь прїиди́те, вѣ́рнїи, воспое́мъ ста́до прꙋ́сскагѡ первонача́льника."
|
|
},
|
|
{
|
|
"type": "TEXT",
|
|
"value": "Съ пѡ́ты добродѣ́тельными кро́вь твою̀ растворѧ́ѧ, чи́сто, премꙋ́дре, пи́во гдⷭ҇еви прине́слъ є҆сѝ, бжⷭ҇твенно и҆ красно̀, ѽ тїмоѳе́е!"
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мр҃і́е, мт҃и бж҃їѧ, вы́шшаѧ херꙋві̑мъ, чⷭ҇таѧ, и҆ всеѧ̀ землѝ влⷣчце, спаси́ мѧ бжⷭ҇твенными твои́ми мольба́ми."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "Кро́вными тꙋ́чами напоѧ́емь, сщ҃енномꙋ́чениче гдⷭ҇ень, пло́дъ прине́слъ є҆сѝ въ землѝ бла́зѣй се́рдца твоегѡ̀, неиждива́емꙋю пи́щꙋ, ю҆́же прїѧ́лъ є҆сѝ ѿ бг҃а. Тѣ́мже тѧ̀ мо́лимъ, и҆зба́витисѧ ѿ бѣ́дъ творѧ́щымъ па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀ приста́нище и҆ стѣ́нꙋ, и҆ прибѣ́жище, и҆ наде́ждꙋ, и҆ покро́въ, и҆ застꙋпле́нїе те́плое, ѡ҆брѣ́тше вѣ́рнїи, къ тебѣ̀ притека́емъ, и҆ вопїе́мъ прилѣ́жнѡ, и҆ зове́мъ вѣ́рнѡ: поми́лꙋй, бцⷣе, ᲂу҆пова́ющихъ на тѧ̀, и҆ ѿ прегрѣше́нїй и҆зба́ви."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Крⷭ҇то́мъ сн҃а твоегѡ̀, бг҃облагода́тнаѧ, і҆́дѡльскаѧ пре́лесть всѧ̀ ᲂу҆праздни́сѧ, и҆ де́мѡнскаѧ крѣ́пость попра́сѧ. Сегѡ̀ ра́ди вѣ́рнїи по до́лгꙋ тѧ̀ при́снѡ пое́мъ и҆ благослови́мъ, и҆ бцⷣꙋ вои́стиннꙋ и҆сповѣ́дающе, тѧ̀ велича́емъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Небомꙋ́дренно житїѐ ꙗ҆́кѡ стѧжа́въ, и҆ возгремѣ̑нїи дх҃а ве́сь ѡ҆блиста́ѧ, ѕмі́ѧ всепа́гꙋбнаго попали́лъ є҆сѝ, сла́вне, благода́тїю бжⷭ҇твенною ᲂу҆крѣплѧ́емь."
|
|
},
|
|
{
|
|
"type": "TEXT",
|
|
"value": "Видѣ́нїемъ и҆ дѣѧ́нїемъ ᲂу҆краша́емь, въ леѵі́тстѣ ѻ҆́бразѣ, ѻ҆рꙋ́жїемъ ѻ҆бою́дꙋ ѻ҆́стрымъ ѕмі́ѧ внꙋ́трєннѧѧ ссѣца́еши, ѽ тїмоѳе́е, хлѣ́бѡвъ сщ҃е́нныхъ покрыва́ломъ."
|
|
},
|
|
{
|
|
"type": "TEXT",
|
|
"value": "Позна́въ хрⷭ҇та̀ вели́каго а҆рхїере́а, не чꙋжде́ю кро́вїю, но свое́ю, мꙋ́чениче, ко ѻ҆ц҃ꙋ̀ приводи́ма, ꙗ҆́кѡ собесѣ́дникъ є҆мꙋ̀, кро́вь твою̀ приносѧ̀ поже́рлъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Многоѻчи̑таѧ твоеѧ̀ чистоты̀ неꙋсы́пнѡ, бг҃ороди́тельнице чⷭ҇таѧ, побѣжда́ютсѧ зрѣ́ти: си́хъ бо ꙗ҆́кѡ влⷣчца предварѧ́еши всегда̀, и҆ при́снѡ предви́диши рабы̑ твоѧ̑."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Ꙗ҆́коже сѣки́ра тверда̀, ꙗ҆́кѡ си́льно ѻ҆рꙋ́жїе, къ полкѡ́мъ беззако́нныхъ бра́нь соста́вль, побѣ́дою вѣнча́сѧ."
|
|
},
|
|
{
|
|
"type": "TEXT",
|
|
"value": "Свѣти́ло дневно́е свѣтоно́сно показꙋ́етсѧ, ѡ҆зари́лъ є҆сѝ цари́цꙋ, ю҆́же во мра́цѣ ѕло́бы скончава́ющꙋ лицѐ, сла́вне."
|
|
},
|
|
{
|
|
"type": "TEXT",
|
|
"value": "Зрѧ̀ і҆́дѡльскихъ скверне́нїй смѣше́нїе, пре́далъ є҆сѝ кро́ви и҆злїѧ́телємъ, ꙗ҆́кѡ а҆́гнѧ себѐ, блаже́нне, и҆ же́ртва бг҃ꙋ прине́слсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Чтⷭ҇аѧ голꙋби́це, моли́твъ твои́хъ крилѣ̑ на рабы̑ твоѧ̑, и҆̀же въ мі́рѣ, и҆ покро́въ просте́рши, дв҃о, не пре́зри и҆ менє̀."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Возвесели́сѧ вселе́ннаѧ дне́сь, ра́дꙋющисѧ ѡ҆ па́мѧти твое́й, блаже́нне: просвѣща́еши бо свы́ше чꙋде́съ зарѧ́ми дꙋ́шы пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ ны́нѣ не на землѝ сꙋ́щей трапе́зѣ слꙋжи́тель, но въ нбⷭ҇наѧ входѧ̀, пита́ешисѧ на трапе́зѣ неизрече́ннѣй, въ не́йже пода́ждь и҆ на́мъ твою̀ пи́щꙋ и҆ наслажде́нїе."
|
|
},
|
|
{
|
|
"type": "TEXT",
|
|
"value": "Зако́ннѡ сщ҃е́нный по́двигъ творѧ̀, со дерзнове́нїемъ, бг҃омꙋ́дре, царѧ̀ безꙋ́мїе и҆зѡбличи́лъ є҆сѝ, и҆ і҆́дѡльскаѧ разори́лъ є҆сѝ трє́бища, тїмоѳе́е."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пое́тсѧ гла́сы а҆́гг҃льскими, бг҃оневѣ́сто, тво́й сн҃ъ, всѣ́хъ зижди́тель, и҆ бг҃ъ сы́й пре́жде вѣ̑къ, и҆ съ ни́мъ ᲂу҆́бѡ ца́рствꙋющи, спаси́ мѧ, влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щи а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Достодо́лжнѡ въ добродѣ́телехъ бога́тное тѧ̀ сокро́вище, вѣнча́етъ пре́жде страда́нїй, благода́ть бг҃одѣ́льнаѧ, и҆ чꙋде́сными дарова̑нїи просвѣща́ющи, свѣ́тла въ ми́рѣ совершѝ."
|
|
},
|
|
{
|
|
"type": "TEXT",
|
|
"value": "Ѻ҆рꙋ̑жна прещє́нїѧ, и҆ ѻ҆гненѡ́сна пла́мене, мꙋ́чениче, зрѧ̀, вѣ́рою воѡрꙋжи́въ ᲂу҆́мъ тво́й и҆ дꙋ́шꙋ, и҆ безбоѧ́зненнымъ ра́зꙋмомъ хрⷭ҇та̀ проповѣ́далъ є҆сѝ, твоего̀ содѣ́телѧ и҆ зижди́телѧ, и҆ гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ держа́щаго дла́нїю всѧ́чєскаѧ, мт҃и бж҃їѧ, внꙋ́трь во чре́вѣ и҆мꙋ́щи бг҃олѣ́пнѡ, соблюда́еши зовꙋ́щыѧ: бл҃гослове́нна ты̀ въ жена́хъ є҆сѝ, пренепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Си́лою бжⷭ҇твенныѧ вѣ́ры ᲂу҆крѣ́пльсѧ, мꙋ́дре тїмоѳе́е, но́въ показа́лсѧ є҆сѝ ꙗ҆́коже данїи́лъ на́мъ, ѕмі́ѧ низлага́ѧ всегꙋби́тельнаго, и҆ на высотѣ̀ предста́въ зове́ши, поѧ̀ при́снѡ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Внꙋ́трь, ꙗ҆́кѡ ра́бъ свѧще́нный, гдⷭ҇а твоегѡ̀ ра́дости бы́лъ є҆сѝ: ты́ бо тала́нтъ, сла́вне, вѣ́ры, болѣ́зньми твои́ми и҆зрасти́лъ є҆сѝ многосꙋгꙋ́бѡ, страда̑нїи и҆ чꙋдесы̀, взыва́ѧ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Недꙋ́ги ѿгонѧ̀ человѣ́кѡвъ пома̑занїи твои́ми, бл҃гоꙋха́еши, премꙋ́дре, дꙋ́шы, си́льнымъ твои́мъ дарова́нїемъ, болѣ́зней ѿе́млеши ꙗ҆́звы, и҆ ѿ дꙋхѡ́въ лꙋка́выхъ и҆збавлѧ́еши при́снѡ вопїю́щыѧ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ сла́венъ вѣне́цъ є҆стество̀ прїѧ́тъ, бж҃е́ственнымъ рождество́мъ твои́мъ, врагѡ́въ на бра́ни ᲂу҆́бѡ да́рꙋй побѣди́телю бы́ти мѝ, твои́хъ дарова́нїй свѣ́тлымъ вѣнце́мъ вѣнча́тисѧ, и҆ взыва́ти: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть: ты́ же, дв҃о бцⷣе, прозѧбе́нїемъ чревоноше́нїѧ мі́рови бл҃гослове́нїе процвѣла̀ є҆сѝ. Тѣ́мъ тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "Ви́дѣхомъ пресла̑внаѧ въ тебѣ̀, тїмоѳе́е бг҃оно́се, вои́стиннꙋ чꙋдеса̀: и҆сточа́етъ бо моще́й твои́хъ ра́ка и҆сцѣле́нїй и҆сто́чники на́мъ, и҆ ᲂу҆ставлѧ́етъ недꙋ́гѡвъ болѣ̑зни: тѣ́мже чтꙋ́ще тѧ̀ сла́вимъ."
|
|
},
|
|
{
|
|
"type": "TEXT",
|
|
"value": "Ве́сь ликꙋ́ѧ вои́стиннꙋ, тїмоѳе́е, со а҆́гг҃льскими во́инствы, ра́дꙋѧсѧ съ мꙋ́ченическими собѡ́ры, и҆ поѧ̀ со свѧще́нными чи̑ны, молѝ непреста́ннѡ гдⷭ҇а, спастѝ вѣ́рою хва́лѧщыѧ тѧ̀."
|
|
},
|
|
{
|
|
"type": "TEXT",
|
|
"value": "Пѣ́нїй и҆ моле́бъ гла́сы ᲂу҆слы́ши, мꙋ́чениче хрⷭ҇то́въ всече́стне, вонмѝ къ жела́нїю и҆ любвѝ, и҆ воззрѝ во гнѣ́вѣ непобѣди́момꙋ: и҆ свы́ше покро́въ тво́й да́рꙋй, всѣ̑мъ вѣ́рою хва́лѧщымъ тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Возвы́си благода́ть твою̀, чⷭ҇таѧ, возвели́чи моли́твꙋ, и҆ приведѝ чи́ны а҆́гг҃льскїѧ ко влⷣцѣ, ли́ки а҆пⷭ҇лъ и҆ прⷪ҇рѡ́къ, и҆ всѧ̑ пра́ведники съ мꙋ́чєники, ꙗ҆́кѡ да спасе́мсѧ чтꙋ́щїи тѧ̀."
|
|
}
|
|
] |