606 lines
50 KiB
JSON
606 lines
50 KiB
JSON
[
|
|
{
|
|
"type": "HEADER",
|
|
"value": "І҆ꙋ́нїа к҃є"
|
|
},
|
|
{
|
|
"type": "HEADER",
|
|
"value": "Ст҃ы́ѧ преподобномꙋ́ченицы феѵрѡ́нїи."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры прⷣте́чи, гла́съ д҃. Самогла̑сны:"
|
|
},
|
|
{
|
|
"type": "TEXT",
|
|
"value": "Разрѣша́етъ заха́рїино молча́нїе рожде́йсѧ і҆ѡа́ннъ: и҆́бо не подоба́ше ѻ҆тцꙋ̀ молча́ти, произше́дшꙋ гла́сꙋ, но ꙗ҆́коже невѣ́ровавшꙋ пе́рвѣе, ѧ҆зы́къ свѧза̀: си́це ꙗ҆́вльшꙋсѧ да́ти ѻ҆тцꙋ̀ свобожде́нїе. Є҆мꙋ́же и҆ бл҃говѣсти́сѧ, и҆ роди́сѧ гла́съ сло́ва, и҆ свѣ́та прⷣте́ча, молѧ̀ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Дне́сь гла́съ сло́ва гла́съ за невѣ́рїе держи́мый разрѣша́етъ ѻ҆те́чь, и҆ цр҃кви ꙗ҆влѧ́етъ бл҃гоча́дїе, соꙋ́зы непло́дствїѧ разрѣша́ѧ ма́терни: свѣти́льникъ свѣ́та предгрѧде́тъ, зарѧ̀ сл҃нца пра́вды возвѣща́етъ прише́ствїе, въ созда́нїе всѣ́хъ, и҆ спасе́нїе дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "А҆нато́лїа: Бж҃їю сло́вꙋ хотѧ́щꙋ ѿ дв҃ы роди́тисѧ, а҆́гг҃лъ ѿ ста́рческихъ чре́слъ происхо́дитъ, вели́кїй въ рожде́нныхъ жена́ми, и҆ прⷪ҇ро́кѡвъ превы́шшїй: подоба́ше бо бжⷭ҇твенныхъ веще́й пресла̑внымъ бы́ти нача́лѡмъ, кромѣ̀ во́зраста и҆сча́дїе, и҆ безъ сѣ́мене зача́тїе. Творѧ́й чꙋдеса̀, во спасе́нїе на́ше, сла́ва тебѣ̀."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры ст҃ы́ѧ, гла́съ то́йже."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Страда́нїе претерпѣ́ла є҆сѝ твои́мъ боре́нїемъ сꙋгꙋ́бо, феѵрѡ́нїе всехва́льнаѧ, пѡ́ты воздержа́нїѧ мꙋче́нїѧ кро́вь смѣси́вше. Тѣ́мже и҆ вѣне́цъ сꙋгꙋ́бъ благодѣ́тель тебѣ̀ дарова̀: къ немꙋ́же и҆ возшла̀ є҆сѝ и҆спещре́нна свѣ́тлѡ, ꙗ҆́кѡ дв҃а всенепоро́чнаѧ, и҆ ꙗ҆́кѡ мꙋ́ченица непобѣди́маѧ."
|
|
},
|
|
{
|
|
"type": "TEXT",
|
|
"value": "Добро́тою тѣлесѐ красѡты̀ бжⷭ҇твєнныѧ дꙋшѝ твоеѧ̀ стеко́шасѧ, ꙗ҆́кѡ крі́нъ просїѧ́ла є҆сѝ во ѻ҆би́телехъ преподо́бныхъ ᲂу҆бѣ́лена, и҆ кро́вными тѡ́ки ѡ҆багре́нна, невѣ́сто всенепоро́чнаѧ. Тѣ́мже тѧ̀ и҆ нбⷭ҇ный кра́сный прїѧ́тъ невѣ́стникъ, и҆ черто́гъ неразори́мый, ꙗ҆́кѡ дв҃ꙋ и҆ мꙋ́ченицꙋ."
|
|
},
|
|
{
|
|
"type": "TEXT",
|
|
"value": "Ѻ҆́крестъ тебє̀ прїи́де, феѵрѡ́нїе всехва́льнаѧ, и҆збавлѧ́ѧй а҆́гг҃лъ: ѿ младе́нства бо гдⷭ҇а боѧ́щисѧ ꙗ҆ви́сѧ, и҆ возложена̀ ꙗ҆́кѡ возложе́нїе чⷭ҇тно, соблюде́но вседержи́телю. Тѣ́мже попра́ла є҆сѝ селі́ново безꙋ́мїе, и҆ ᲂу҆се́рднѡ востекла̀ є҆сѝ ко хрⷭ҇тꙋ̀ женихꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҃:"
|
|
},
|
|
{
|
|
"type": "TEXT",
|
|
"value": "Ви́ждь є҆лїсаве́ть къ дв҃ѣ мр҃і́и глаго́лющꙋ: что̀ пришла̀ є҆сѝ ко мнѣ̀, мт҃и гдⷭ҇а моегѡ̀; ты̀ цр҃ѧ̀ но́сиши, и҆ а҆́зъ во́ина: ты̀ законода́вца, и҆ а҆́зъ законоположи́телѧ: ты̀ сло́ва, и҆ а҆́зъ гла́съ, проповѣ́дающъ црⷭ҇тво небе́сное."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха. Сла́ва, и҆ ны́нѣ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Є҆лїсаве́ть зача́тъ прⷣте́чꙋ благода́ти, дв҃а же гдⷭ҇а сла́вы, цѣлова́стѣсѧ ѻ҆́бѣ мт҃ри, и҆ младе́нецъ взыгра́сѧ, внꙋ́трь бо ра́бъ хвалѧ́ше влⷣкꙋ. Оу҆диви́вшисѧ же ма́ти прⷣте́чева, нача́тъ вопи́ти: ѿкꙋ́дꙋ мнѣ̀ сѐ, да мт҃и гдⷭ҇а моегѡ̀ прїи́де ко мнѣ̀; да спасе́тъ лю́ди ѿча̑ѧнныѧ, и҆мѣ́ѧй ве́лїю ми́лость."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Прⷪ҇ро́че и҆ прⷣте́че прише́ствїѧ хрⷭ҇то́ва, досто́йнѡ восхвали́ти тѧ̀ недоꙋмѣ́емъ мы̀, любо́вїю чтꙋ́щїи тѧ̀: непло́дство бо ро́ждшїѧ и҆ ѻ҆́тчее безгла́сїе разрѣши́сѧ сла́внымъ и҆ чⷭ҇тны́мъ твои́мъ ржⷭ҇тво́мъ, и҆ воплоще́нїе сн҃а бж҃їѧ мі́рови проповѣ́дꙋетсѧ."
|
|
},
|
|
{
|
|
"type": "HEADER",
|
|
"value": "Тропа́рь ст҃ы́ѧ, гла́съ то́йже:"
|
|
},
|
|
{
|
|
"type": "TEXT",
|
|
"value": "А҆́гница твоѧ̀, і҆и҃се, феѵрѡ́нїа зове́тъ ве́лїимъ гла́сомъ: тебѐ, женишѐ мо́й, люблю̀, и҆ тебѐ и҆́щꙋщи страда́льчествꙋю и҆ сраспина́юсѧ, и҆ спогреба́юсѧ кр҃ще́нїю твоемꙋ̀, и҆ страждꙋ̀ тебє̀ ра́ди, ꙗ҆́кѡ да црⷭ҇твꙋю въ тебѣ̀, и҆ ᲂу҆мира́ю за тѧ̀, да и҆ живꙋ̀ съ тобо́ю: но ꙗ҆́кѡ же́ртвꙋ непоро́чнꙋю, прїими́ мѧ съ любо́вїю поже́ршꙋюсѧ тебѣ̀. Тоѧ̀ моли́твами, ꙗ҆́кѡ ми́лостивъ, спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На ᲂу҆́трени, є҆ди́нъ канѡ́нъ ѻ҆ктѡ́иха: и҆ прⷣте́чи на д҃: и҆ ст҃ы́ѧ на д҃."
|
|
},
|
|
{
|
|
"type": "HEADER",
|
|
"value": "Канѡ́нъ прⷣте́чи, і҆ѡа́нна мона́ха. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "А҆́гг҃ла нбⷭ҇на и҆мѣ́въ, бж҃е́ственнагѡ своегѡ̀ ржⷭ҇тва̀ прозна́менающа, сла́вне, зе́мленъ а҆́гг҃лъ ꙗ҆ви́лсѧ є҆сѝ, и҆ нбⷭ҇ный человѣ́къ, прⷣте́че."
|
|
},
|
|
{
|
|
"type": "TEXT",
|
|
"value": "Высото́ю житїѧ̀ па́че є҆сте́ственна, нб҃о ꙗ҆ви́лсѧ є҆сѝ, и҆ тве́рдь слове́снаѧ, хрⷭ҇та̀ ᲂу҆́бѡ ꙗ҆́коже со́лнце посредѣ̀, добродѣ́тєли же ꙗ҆́коже ѕвѣ́зды стѧжа́въ."
|
|
},
|
|
{
|
|
"type": "TEXT",
|
|
"value": "Честна̀ сме́рть твоѧ̀, мꙋ́дре, предъ гдⷭ҇емъ, поже́ршимсѧ на́съ ра́ди: и҆ мꙋ́жескїй по́лъ, ꙗ҆́кѡ а҆́гнецъ слове́сенъ носи́мь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ тѧ̀ все́льсѧ и҆зба́витель, и҆згна̀, ѻ҆трокови́це, все́льшїйсѧ въ мѧ̀ многосле́зный вои́стиннꙋ грѣ́хъ, и҆ раѧ̀ жи́телѧ показа̀."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ ст҃ы́ѧ, творе́нїе ѳеофа́ново, гла́съ и҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Пѣ́сньми тѧ̀ пою̀ мꙋ́дреннѡ, феѵрѡ́нїе."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Побо́рнице сла́вы хрⷭ҇то́вы, пода́ждь мѝ бл҃года́ть, феѵрѡ́нїе, и҆ просвѣще́нїе твоѐ восхвали́ти свѣтоно́сное ра́достнѡ, чⷭ҇таѧ, торжество̀."
|
|
},
|
|
{
|
|
"type": "TEXT",
|
|
"value": "Поꙋче́нїемъ сме́ртнымъ вы́нꙋ просвѣща́ющи, мꙋ́ченице феѵрѡ́нїе, твою̀ дꙋ́шꙋ, возшла̀ є҆сѝ къ высотѣ̀ мꙋче́нїѧ, томле́ньми прине́сшисѧ хрⷭ҇тꙋ̀."
|
|
},
|
|
{
|
|
"type": "TEXT",
|
|
"value": "Ѡ҆бно́вльши болѣ́зньми воздержа́нїѧ ни́вꙋ, мꙋ́ченице, се́рдца твоегѡ̀ ꙗ҆́снѡ, мꙋче́нїй прїѧ́ла є҆сѝ вѣнцы̀, страда́льчески бг҃ꙋ на́шемꙋ пою́щи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ма́нїемъ всѧ̑ содѣва́ѧй, и҆зъ тебє̀, бг҃ома́ти, воплоти́сѧ: є҆го́же бл҃гоче́стнѡ жела́ющи ѻ҆трокови́ца феѵрѡ́нїа, мꙋ́ченически томꙋ̀ приведе́сѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нбⷭ҇нагѡ крꙋ́га верхотво́рче, гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Непло́днагѡ чре́ва многоцвѣ́тное прозѧбе́нїе, непло́днꙋю дꙋ́шꙋ мою̀ покажѝ многопло́днꙋ до́брыми прозѧбє́нїи, ꙗ҆́коже вїногра́дъ растꙋ́щь, добродѣ́телей точа́щь сла́дкое гро́здїе."
|
|
},
|
|
{
|
|
"type": "TEXT",
|
|
"value": "Свѧще́ннагѡ вои́стиннꙋ ко́рене, и҆ чи́ста сѣ́мене, свѧщенноро́днаѧ прозѧбѐ кра́снаѧ вѣ́твь: и҆ прозѧ́бшаго хрⷭ҇та̀, ѿ і҆ессе́а бжⷭ҇твеннагѡ ко́рене, живоно́сное прозѧбе́нїе, бл҃же́нне, крести́лъ є҆сѝ."
|
|
},
|
|
{
|
|
"type": "TEXT",
|
|
"value": "Стена̑нїѧ немѡ́лчна, и҆ ча̑сты сле́зы, и҆ сокрꙋше́но се́рдце, и҆ дꙋ́хъ смире́нъ да́ждь мѝ, прехва́льне, и҆ сѣ́тованенъ пла́чь, и҆ тепло̀ ᲂу҆миле́нїе, и҆ болѣ́знь пребы́тнꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѿ земноро́дна прозѧ́бши ко́рене, чⷭ҇таѧ влⷣчце, присноцвѣтꙋ́щее и҆ кра́сное прозѧбе́нїе є҆стества̀, хрⷭ҇та̀ прозѧбла̀ є҆сѝ, бжⷭ҇тва̀ цвѣ́тъ: а҆арѡ́новъ бо же́злъ воѡбража́ше тѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "Оу҆крѣпи́ласѧ є҆сѝ дꙋ́хомъ, низложи́ти свирѣ́пство, пресла́внаѧ, мꙋчи́тельское, и҆ многобо́жїе, феѵрѡ́нїе, безбо́жное."
|
|
},
|
|
{
|
|
"type": "TEXT",
|
|
"value": "Ты̀ ны́нѣ ᲂу҆тверди́лъ є҆сѝ держа́вною рꙋко́ю, влⷣко, мꙋ́ченически подвиза́вшꙋюсѧ феѵрѡ́нїю сла́внꙋю."
|
|
},
|
|
{
|
|
"type": "TEXT",
|
|
"value": "Тѣ́ло твоѐ сѣко́мо за хрⷭ҇та̀, чⷭ҇таѧ всемꙋ́драѧ, мꙋ́ченически тебѐ раѧ̀ содѣ́ла наслажде́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆брѣ́те тѧ̀ по́мощь, бж҃їю мт҃рь, пречⷭ҇таѧ, сла́внаѧ мꙋ́ченица феѵрѡ́нїа, и҆ мꙋчи́телѧ посрами́ла є҆́сть."
|
|
},
|
|
{
|
|
"type": "HEADER",
|
|
"value": "Конда́къ ст҃ы́ѧ, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Застꙋ́пнице:"
|
|
},
|
|
{
|
|
"type": "TEXT",
|
|
"value": "Женишѐ мо́й, сладча́йшїй хрⷭ҇тѐ, взыва́ше феѵрѡ́нїа, не трꙋ́дно мѝ тещѝ во слѣ́дъ тебє̀: и҆́бо сла́дость любвѐ твоеѧ̀ дꙋ́шꙋ мою̀ наде́ждею вперѝ, и҆ красота̀ ми́лости твоеѧ̀ се́рдце моѐ ᲂу҆сладѝ, и҆спи́ти ча́шꙋ страда́нїй по тебѣ̀, да досто́йнꙋ мѧ̀ въ черто́зѣ съ мꙋ́дрыми дв҃ами ликовствова́ти ѡ҆ тебѣ̀ сопричте́ши. Тѣ́мже, преподо́бнаѧ страстоте́рпице, почита́юще по́двиги трꙋдѡ́въ твои́хъ, мо́лимъ тѧ̀: молѝ, не затвори́тисѧ и҆ на́мъ черто́га две́ремъ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Повелѣ́нное:"
|
|
},
|
|
{
|
|
"type": "TEXT",
|
|
"value": "Заха́рїинъ пло́дъ, непло́дныѧ цвѣ́тъ роди́сѧ дне́сь на́мъ ѿ ѡ҆бѣща́нїѧ, честны́й і҆ѡа́ннъ прⷣте́ча гдⷭ҇ень: и҆гра́ѧ же во ᲂу҆тро́бѣ ма́терни, проповѣ́дꙋетъ и҆ пре́жде ржⷭ҇тва̀ содѣ́телѧ всѣ́хъ. Се́й показа̀ неизрече́нное бж҃їе и҆ сп҃си́тельное ꙗ҆вле́нїе, сего̀ всѝ почита́емъ."
|
|
},
|
|
{
|
|
"type": "HEADER",
|
|
"value": "И҆́нъ сѣда́ленъ ст҃ы́ѧ, гла́съ то́йже."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Дꙋ́шꙋ свѧза́вши любо́вїю хрⷭ҇то́вою, тлѣ̑ннаѧ же и҆ вре́мєннаѧ, мꙋ́ченице мꙋ́драѧ, забве́нїемъ преминꙋ́ла є҆сѝ ꙗ҆́кѡ словесѐ ᲂу҆чени́ца: по́стнически пе́рвѣе стра̑сти ᲂу҆мертви́вши, страда́льчески второ́е льсти́ваго посрами́ла є҆сѝ. Тѣ́мже и҆ зижди́телѧ сꙋгꙋ́бꙋ дерзнове́нїю сподо́биласѧ є҆сѝ, сла́внаѧ, ꙗ҆́кѡ того̀ послꙋ́шавши, феѵрѡ́нїе пребога́таѧ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́сто творцꙋ̀, ꙗ҆́кѡ неискꙋсомꙋ́жнаѧ мт҃и и҆зба́вителю, прїѧ́телище ꙗ҆́кѡ сꙋ́щи ᲂу҆тѣ́шителѧ, препѣ́таѧ, беззако́нїю мѧ̀ сꙋ́ща скве́рное ѻ҆би́телище, и҆ бѣсѡ́мъ и҆гра́лище въ ра́зꙋмѣ бы́вша, потщи́сѧ ѿ тѣ́хъ ѕлодѣ́йства мѧ̀ и҆зба́вити, и҆ свѣ́тлое жили́ще добродѣ́телей совершѝ, свѣтоно́снаѧ, нетлѣ́ннаѧ: ѿженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ, моли́твами твои́ми."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: А҆́гнца и҆ па́стырѧ, и҆ и҆зба́вителѧ, а҆́гница зрѧ́щи на крⷭ҇тѣ̀, восклица́ше, пла́чꙋщи, и҆ го́рькѡ рыда́ющи, вопїѧ́ше: мі́ръ ᲂу҆́бѡ ра́дꙋетсѧ, прїе́млѧ тобо́ю и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. Долготерпѣли́ве гдⷭ҇и, ми́лости бе́здно, и҆ и҆сто́чниче неисчерпа́емый, ᲂу҆милосе́рдисѧ и҆ да́рꙋй согрѣше́нїй ѡ҆ставле́нїе вѣ́рою пою́щымъ бж҃е́ствєнныѧ стра̑сти твоѧ̑."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Не довлѣ́ютъ ᲂу҆ста̀ человѣ̑ча восхвали́ти тѧ̀, є҆го́же ᲂу҆ста̀ хрⷭ҇тѡ́ва похвали́ша, сла̑дкаѧ и҆ медотѡ́чнаѧ, и҆ жи́зни и҆спо́лнь сꙋ̑щаѧ, и҆ сло́во всѣ̑мъ да̑рꙋющаѧ: ѻ҆ба́че прїимѝ моѐ пѣ́нїе, вѣ́дый любо́вь, и҆ са́мое то̀ моле́нїе, и҆́бо неизбѣ́жно."
|
|
},
|
|
{
|
|
"type": "TEXT",
|
|
"value": "Чи́стое ꙗ҆ви́сѧ се́рдце твоѐ, прⷣте́че, мѷроположе́нїе ст҃а́гѡ дх҃а, благоꙋха́ющее добродѣ́тєли, кадѧ́щее ра́зꙋмъ, сладѧ́щее благодѣѧ̑нїѧ. Блаже́нни ᲂу҆̀бо, є҆ли́цы чи́стїи се́рдцемъ, бг҃а бо ті́и, речѐ, ᲂу҆́зрѧтъ."
|
|
},
|
|
{
|
|
"type": "TEXT",
|
|
"value": "Посѣче́нїе сѣки́ры при ко́рени приближа́етсѧ, и҆ свидѣ́тельствꙋетсѧ, ꙗ҆́кѡ всѧ́ко дре́во, не творѧ́щее плода̀ добра̀, сѣ́чивомъ посѣка́етсѧ, и҆ вве́ржетсѧ во ѻ҆́гнь гее́нскїй, тѣ́мже трепещѝ, дꙋшѐ моѧ̀, и҆ плоды̀ покаѧ́нїѧ принесѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ и҆мѣ́ѧ на нб҃сѣ́хъ житїѐ, прїѧ́тъ гра́дъ и҆мꙋ́щь ѡ҆снова̑нїѧ незы́блємаѧ, гра́да бо здѣ̀ не вожделѣ́лъ є҆сѝ: пребыва́ющїй же і҆ерⷭ҇ли́мъ ꙗ҆́вѣ свобо́дный ма́терь па́ѵловꙋ, вы́шнїй сїѡ́нъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вѣ́ра тепла̀ повѣ́дꙋетсѧ, а҆ не сказа́нїе стра́шнагѡ, ѻ҆трокови́це, та́инства твоегѡ̀: смотрѧ́емо бо то̀, ника́коже сказа́нно є҆́сть, и҆ зри́мо, непости́жно: съ тобо́ю бо ми́мѡ тека́етъ, и҆ постиза́емо ѿбѣга́етъ, и҆ ꙗ҆влѧ́ѧсѧ ма́лѡ что̀ ѿкрыва́етсѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Поро́ка въ тебѣ̀ ѿню́дъ нѣ́сть, всехва́льнаѧ феѵрѡ́нїе: ты́ бо по ѻ҆боемꙋ̀, и҆зба́вителю твоемꙋ̀, и҆ рачи́телю вожделѣ́нномꙋ бл҃гоꙋгоди́ти потща́ласѧ є҆сѝ, воздержа́тельными болѣ́зньми и҆ мꙋ́ченическими страда́ньми ᲂу҆краше́ннаѧ, бг҃омꙋ́драѧ, пребога́таѧ."
|
|
},
|
|
{
|
|
"type": "TEXT",
|
|
"value": "Ѿ млады́хъ, мꙋ́ченице, ногте́й вожделѣ́ла є҆сѝ любы̀ и҆сто́чника приснотекꙋ́щагѡ, вожделѣ́ннагѡ всѣ̑мъ словє́снымъ: є҆гѡ́же насы́щшисѧ мꙋче́нїѧ бѡлѣ́зни претерпѣ́ла є҆сѝ, ѻ҆гне́мъ ѡ҆палѧ́ема, и҆ ᲂу҆дѡ́въ лише́на, феѵрѡ́нїе, дѣ́въ похвало̀."
|
|
},
|
|
{
|
|
"type": "TEXT",
|
|
"value": "Словесы̀ бж҃їими воспи́тана, бг҃омꙋ́драѧ, жела́ющымъ сло́во спаси́тельное свѧще́нныхъ кни́гъ свѧще́ннѡ врꙋча́ющи, бжⷭ҇твеннѣ, мꙋ́ченице, просте́рла є҆сѝ, и҆ ᲂу҆че́нїѧ мздꙋ̀ прїѧ́ла є҆сѝ, мꙋ́чєникъ сла́вою ѡ҆богати́вшисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Две́рь свѣ́та всѣ̑мъ ꙗ҆ви́ласѧ є҆сѝ, всенепоро́чнаѧ, сꙋ́щымъ во тмѣ̀ свѣ́тъ неѡпи́санный, ѡ҆пи́санъ пло́тїю, хрⷭ҇та̀ пра́веднаго сл҃нца возблиста́вши, є҆гѡ́же ны́нѣ лꙋча́ми феѵрѡ́нїа ᲂу҆крѣпи́вшисѧ, мꙋ́чєникъ сла́вꙋ притѧжа̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннагѡ; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Вѣті́йствꙋющїй ѧ҆зы́къ, любомꙋ́дреннѡ гремѧ́щихъ словеса̀, и҆ глагѡ́лъ си̑лы, и҆ число́мъ и҆ завѣ́томъ текꙋ́щїи, и҆ пле́щꙋщее высокогла́сїе ра́зꙋмъ, восхвали́ти тѧ̀ досто́йнѡ не мо́гꙋтъ."
|
|
},
|
|
{
|
|
"type": "TEXT",
|
|
"value": "Тꙋчено́сенъ ѻ҆́блакъ, до́ждь кропѧ́щь разꙋмѣ́нїй, и҆ и҆ста́ѧвшыѧ неразꙋ́мїѧ пла́менемъ, и҆ и҆счеза́ющыѧ прохлажда́ющъ, росо́ю просте́рта, хрⷭ҇то́съ тѧ̀ показа̀, прⷣте́че."
|
|
},
|
|
{
|
|
"type": "TEXT",
|
|
"value": "Да̑ры нетлѣ́нными, и҆ благодѣѧ̑нїи бж҃е́ственными, и҆ дарова̑нїи ѡ҆богати́ мѧ, ѡ҆бнища́вшаго, и҆ наготꙋ́юща ѿ добродѣ́тели всѧ́кїѧ, и҆ твои́мъ покро́вомъ ѡ҆дѣ́й мѧ̀ спаси́тельнымъ, ꙗ҆́коже бж҃е́ственною ри́зою."
|
|
},
|
|
{
|
|
"type": "TEXT",
|
|
"value": "Сквє́рныѧ мы̑сли, и҆ тлетвѡ́рнаѧ помышлє́нїѧ, и҆зрасти́вши дꙋша̀ моѧ̀, бл҃же́нне, страсте́й те́рнїемъ ѡ҆лѧдѣ̀: є҆́юже ве́щїю разгорѣ́вшисѧ, твои́хъ моли́твъ ѻ҆гне́мъ ѡ҆чи́щь, стра́хъ бж҃їй въ не́й всѣ́й."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гдⷭ҇оимени́таѧ дв҃о, гра́дъ нарече́на цр҃ѧ̀ хрⷭ҇та̀, веселꙋ́емый ᲂу҆стремлє́нїи мы́сленныѧ рѣкѝ, и҆дѣ́же є҆́сть всѣ́хъ веселѧ́щихсѧ жили́ще, ѻ҆каѧ́ннꙋю мою̀ дꙋ́шꙋ ᲂу҆чинѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннагѡ; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Оу҆краси́сѧ порфѵ́рою, мꙋ́ченице, и҆зъ крове́й твои́хъ и҆стка́нною тебѣ̀, ѡ҆бнажи́сѧ тѣ́ломъ, и҆ страсте́й ѻ҆де́ждꙋ ѿве́ргла є҆сѝ, предъ сꙋди́щемъ ста́вши мꙋчи́телей, ѽ феѵрѡ́нїе! Хрⷭ҇то́вѣ подо́бѧщисѧ наготѣ̀."
|
|
},
|
|
{
|
|
"type": "TEXT",
|
|
"value": "Разже́гшисѧ, мч҃енице, любо́вїю жениха̀ твоегѡ̀ мы́сленнагѡ, и҆ распа́льшисѧ сегѡ̀ добро́тами нетлѣ́нными, претерпѣ́ла є҆сѝ ᲂу҆сѣче́нїе рꙋ́къ, и҆ ꙗ҆́звєнныѧ болѣ̑зни, феѵрѡ́нїе, мꙋ́ченицъ похвало̀."
|
|
},
|
|
{
|
|
"type": "TEXT",
|
|
"value": "То́ки твои́хъ крове́й многобо́жїѧ пла́мень ᲂу҆гаси́ша: твои́ же зꙋ́бы и҆скорене́ннїи всю̀ и҆сторго́ша і҆́дѡльскꙋю ле́сть, и҆ пи́щꙋ тебѣ̀, феѵрѡ́нїе, вѣ́чныѧ красоты̀ содѣ́лаша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Твоѝ но́зѣ ᲂу҆сѣ́кшесѧ, бжⷭ҇твенныхъ мꙋ́чєникъ стезе́ю ше́ствоваша, и҆ къ ро́ждшемꙋсѧ ѿ дв҃ы ст҃ы́ѧ преидо́ша, ходѧ́ще ра́достнѡ въ раѝ, феѵрѡ́нїе дв҃о бг҃оневѣ́сто."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ безпло́тенъ, крⷭ҇ти́телю, и҆ невеще́ственъ, поꙋча́ѧсѧ безсме́ртїю невеще́ственныхъ, въ ме́ртвеннѣй и҆ ве́щнѣй пло́ти твое́й: любомꙋ́дрїемъ же коне́чнымъ ᲂу҆краси́лсѧ є҆сѝ постѧ́сѧ, и҆ бы́лъ є҆сѝ а҆́гг҃льскомꙋ и҆ человѣ́ческомꙋ сꙋществꙋ̀ соприча́стникъ."
|
|
},
|
|
{
|
|
"type": "TEXT",
|
|
"value": "Пресвѣ́тло во ѕвѣзда́хъ со́лнце, во времена́хъ же сладча́йша весна̀, всѣ̑мъ же ст҃ы́хъ собо́рꙋ, ты̀ ꙗ҆́коже ѕвѣзда́мъ надлежи́ши со́лнце, наразсꙋ́днымъ вели́чествомъ, по всѧ́комꙋ ѡ҆бога́щсѧ є҆стествꙋ̀."
|
|
},
|
|
{
|
|
"type": "TEXT",
|
|
"value": "Вели́кїй хрⷭ҇тїа́нъ застꙋ́пниче, те́плый грѣ́шникѡвъ ᲂу҆тѣ́шителю, небе́снагѡ црⷭ҇твїѧ виті́ѧ, вво́дниче въ бж҃е́ственное креще́нїе, проповѣ́дниче покаѧ́нїѧ, покаѧ́нїѧ мѧ̀ ѻ҆́бразы ᲂу҆твердѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ лѣ́ствица є҆сѝ нб҃сѝ равна̀, влⷣчце, ѿ землѝ до нб҃сѐ просте́рта: ты̀ вои́стиннꙋ непроходи́маѧ две́рь, па́че же всезлата́ѧ рꙋ́чка, и҆ мо́стъ, возводѧ́щь къ нб҃сѝ, и҆ жи́зни восхо́ды ѿверза́ющь."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Селі́на ѕлочести́вагѡ безбо́жное и҆ го́рдое низложи́сѧ сꙋровство̀, бж҃їимъ є҆́же ѡ҆ всѣ́хъ промышле́нїемъ, взыска́вшимъ кро́вь твою̀, сла́внаѧ, и҆ спасе́сѧ твои́мъ терпѣ́нїемъ бжⷭ҇твенный лїсїма́хъ."
|
|
},
|
|
{
|
|
"type": "TEXT",
|
|
"value": "Свѣти́льникъ бг҃осїѧ́ненъ тѧ̀ показа̀, мꙋ́драѧ и҆ бг҃оно́снаѧ врѷе́ни, ᲂу҆че́нїи наста́вльши, ѻ҆трокови́це, и҆ наде́жды ника́коже погрѣшѝ: предста́ви бо тѧ̀ хрⷭ҇тꙋ̀, феѵрѡ́нїе, невѣ́стꙋ нескве́рнꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆дꙋшевле́нный влⷣки черто́гъ, и҆́же свѣ́тлыми дв҃ства зарѧ́ми, свѣтови́днѡ ꙗ҆́кѡ крі́нъ сїѧ́ѧ, посредѝ терно́внагѡ смѣше́нїѧ, пречⷭ҇таѧ и҆ бг҃олѣ́пнаѧ бцⷣа дв҃а сла́витсѧ."
|
|
},
|
|
{
|
|
"type": "HEADER",
|
|
"value": "Конда́къ предте́чи, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Дв҃а дне́сь:"
|
|
},
|
|
{
|
|
"type": "TEXT",
|
|
"value": "Пре́жде непло́ды, дне́сь хрⷭ҇то́ва предте́чꙋ ражда́етъ, и҆ то́й є҆́сть и҆сполне́нїе всѧ́кагѡ прⷪ҇ро́чества: є҆го́же бо прⷪ҇ро́цы проповѣ́даша, на сего̀ во і҆ѻрда́нѣ рꙋ́кꙋ положи́въ, ꙗ҆ви́сѧ бж҃їѧ сло́ва прⷪ҇ро́къ, проповѣ́дникъ, вкꙋ́пѣ и҆ предте́ча."
|
|
},
|
|
{
|
|
"type": "TEXT",
|
|
"value": "І҆́косъ: І҆и҃са хрⷭ҇та̀ и҆́стиннаго бг҃а на́шего, и҆са́їа и҆ногда̀ и҆ прⷪ҇ро́цы всѝ, во ѻ҆́бразѣхъ ви́дѣша и҆ сѣ́нехъ: но се́й бо́лїй си́хъ бы́сть прⷪ҇ро́къ, ꙗ҆́коже пи́шетъ: бг҃а бо сло́ва, є҆го́же проречѐ, ви́дѣ во пло́ти и҆ ѡ҆сѧза̀, и҆ пре́жде рожде́нїѧ провозвѣща́етъ и҆гра̑нїи свои́ми всемꙋ̀ мі́рꙋ ра́дость, ꙗ҆́кѡ пе́рвѣе ꙗ҆ви́сѧ сло́ва прише́ствїѧ прⷪ҇ро́къ и҆ проповѣ́дникъ, вкꙋ́пѣ и҆ предте́ча."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆ц҃є́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Прⷪ҇ро́кѡвъ ве́рхъ, а҆пⷭ҇лѡвъ печа́ть, и҆ по́стникѡвъ нача́ло, соверше́нїе пра́ведныхъ, ᲂу҆твержде́нїе мꙋ́ченикѡвъ, тѧ̀ хрⷭ҇то́съ, бл҃же́нне, показа̀, и҆́стиннаѧ глава̀ всеѧ̀ цр҃кве."
|
|
},
|
|
{
|
|
"type": "TEXT",
|
|
"value": "И҆зъ чре́ва мт҃рнѧ и҆спо́лнилсѧ є҆сѝ ст҃а́гѡ дх҃а, прⷣте́че, и҆ сїке́ра и҆ вїна̀ не пи́лъ є҆сѝ, ꙗ҆́коже речѐ ѻ҆ц҃ꙋ̀ твоемꙋ̀ а҆́гг҃лъ. Тѣ́мже наре́клсѧ є҆сѝ вели́къ предъ бг҃омъ."
|
|
},
|
|
{
|
|
"type": "TEXT",
|
|
"value": "Крⷭ҇ти́вый человѣ́ки во ѻ҆гнѝ ст҃ы́мъ дх҃омъ пе́рвѣе, ѻ҆гне́мъ гее́нскимъ то́кмѡ крⷭ҇ти́тъ по́слѣжде томꙋ̀ невѣ́рꙋющыѧ: и҆́же го́рькагѡ креще́нїѧ, крⷭ҇ти́телю, и҆зба́ви мѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Рꙋ́чка бездꙋ́шнаѧ дре́вле тѧ̀ ѡ҆дꙋшевле́ннꙋ рꙋ́чкꙋ сказа́ше, влⷣчце: жи́зни бо ма́ннꙋ носи́вши хрⷭ҇та̀, сме́рти го́ресть ѿе́млющаго, и҆́стиннꙋю сла́дость и҆ просвѣще́нїе мі́рꙋ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Стрꙋи̑ то́чиши и҆сцѣле́нїй, притека́ющымъ вѣ́рою къ твоемꙋ̀ гро́бꙋ, феѵрѡ́нїе, и҆ женихꙋ̀ твоемꙋ̀ вопїю́щымъ: бл҃гослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Ѽ до́брыѧ твоеѧ̀ кꙋ́пли! Го́рстїю кро́ве, бг҃омꙋ́драѧ, и҆змѣни́ла є҆сѝ црⷭ҇твїе бж҃їе, всехва́льнаѧ, вопїю́щи: благослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Съ ли́ки дѣви́ческими ликꙋ́еши, досточꙋ́днаѧ феѵрѡ́нїе дв҃о, дв҃ѣ бг҃ома́тери вопїю́щи: бл҃гослове́нъ, пречⷭ҇таѧ, пло́дъ твоегѡ̀ чре́ва."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Во́дꙋ сла́дкꙋ напои́тельнꙋ непокори̑вымъ и҆ неразꙋ̑мнымъ и҆сточѝ лю́демъ і҆и҃льтєскимъ, жезла̀ ᲂу҆ѧзвле́нїемъ, ка́мень немо́кренный, и҆ тве́рдый и҆ несѣко́мый: ѿ непло́дныхъ же и҆ безча́дныхъ чре́слъ на́мъ и҆стечѐ рѣка̀ и҆сцѣле́нїй."
|
|
},
|
|
{
|
|
"type": "TEXT",
|
|
"value": "Съ похвала́ми, прⷪ҇ро́че, творѧ́тъ па́мѧть твою̀, собо́ръ пра́ведныхъ, прⷪ҇рѡ́къ сосло́вїе, мꙋ́чєникъ вѡ́инства, и҆ пѡ́стникъ составле́нїе, чи́нове преподо́бныхъ, и҆ ст҃ы́хъ всѣ́хъ: па́мѧть бо пра́ведныхъ вои́стиннꙋ съ похвала́ми."
|
|
},
|
|
{
|
|
"type": "TEXT",
|
|
"value": "Не́бо ѡ҆дꙋшевле́нное, добродѣ́тельми ꙗ҆́кѡ ѕвѣзда́ми ᲂу҆краше́нное, златосїѧ́нное и҆ златоза́рное со́лнце, свѣ́щникъ бл҃года́ти, сокро́вище дх҃а, црⷭ҇твїѧ вели́кїй проповѣ́дникъ, виті́ѧ бг҃одохнове́нный, громогла́сный ѧ҆зы́къ, трꙋба̀ вели́каѧ, предте́ча да воспое́тсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Стра́нна и҆ ди́вна ᲂу҆жа́сна повѣ̑данїѧ страннолѣ́пнагѡ и҆ пресла́внагѡ рождества̀ твоегѡ̀, мр҃і́е всепѣ́таѧ: гдⷭ҇а бо сла́вы, є҆мꙋ́же херꙋві́ми и҆ серафі́ми предстоѧ́тъ, є҆ди́наго ѿ трⷪ҇цы неслїѧ́ннѡ, непрело́жнѡ родила̀ є҆сѝ безъ сѣ́мене, и҆зъ тебє̀ воплоще́нна."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Свѣтоѧвле́нна па́мѧть твоѧ̀, феѵрѡ́нїе, соверша́етсѧ ны́нѣ, свѣтови́дными мо́лнїѧми блиста́ющи: свѣ́тꙋ бо прибли́жисѧ, и҆ свѣтоно́сна бы́сть, свѣтотво́рцꙋ и҆ свѣтода́телю вопїю́щи: ѻ҆́троцы благослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆дивле́нна была̀ є҆сѝ пе́рвѣе воздержа́нїи, прехва́льнаѧ, и҆ мꙋ́ченически ᲂу҆краси́ласѧ є҆сѝ по́слѣжде: во слѣ́дъ бо потекла̀ є҆сѝ рачи́телѧ, ѻ҆трокови́це свѣ́тлаѧ. Ѻ҆́ба сосца̀ твоѧ̑, бла́ги па́че вїна̀, ᲂу҆рѣ́зани бы́вше, феѵрѡ́нїе, за бл҃гоче́стїе: вонѧ́ же твои́хъ а҆рѡма́тъ вѣ̑рныѧ бл҃гоꙋха́етъ."
|
|
},
|
|
{
|
|
"type": "TEXT",
|
|
"value": "Ѡ҆тѧгче́нъ прегрѣше́ньми, феѵрѡ́нїе всехва́льнаѧ, и҆ треволне́нїи страсте́й приклоне́нъ, прибѣга́ю къ покро́вꙋ твоемꙋ̀, ѻ҆бои́хъ разрѣше́нїе и҆ща́й. Но ꙗ҆́кѡ чꙋ́днаѧ и҆ и҆збра́ннаѧ влⷣцѣ, вопїю́ща не пре́зри: но твои́ми мѧ̀ моли́твами и҆схитѝ, дв҃о, ѿ плени́цъ дꙋшетлѣ́нныхъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вѣті́йствꙋющїи ѧ҆зы́цы тѧ̀ воспѣ́ти не мо́гꙋтъ, ѽ бг҃ороди́тельнице мр҃і́е бг҃оневѣ́сто: бг҃а бо родила̀ є҆сѝ надъ всѣ́ми сꙋ́щаго, ѻ҆трокови́це чⷭ҇таѧ, ѿ дѣви́ческагѡ неискꙋсобра́чнагѡ чре́ва. Є҆мꙋ́же ны́нѣ феѵрѡ́нїа пою́щи взыва́етъ: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ не́бо, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Сѐ тебѣ̀ влⷣцѣ моемꙋ̀, и҆ те́пломꙋ дꙋшѝ моеѧ̀ застꙋ́пникꙋ, хꙋдо́е сїѐ принесо́хъ приноше́нїе, ра́бское слꙋже́нїе, бл҃же́нне, бл҃горазꙋ́мнѡ и҆сполнѧ́ѧ: є҆́же вонмѝ, возлю́бль пра́въ, пе́рвѣе дѣ́лъ, и҆ пре́жде да́ра произволе́нїе."
|
|
},
|
|
{
|
|
"type": "TEXT",
|
|
"value": "Нечи́стыми ᲂу҆стна́ми и҆ скве́рными, пречⷭ҇тыѧ дв҃ы, всечи́стаго тѧ̀ сро́дника, блаже́нне, молю̀, нечи́стый и҆ скве́рный, и҆ ѻ҆калѧ́нный сластьмѝ: ѡ҆мы́й тѣ́ло, ѡ҆чи́сти дꙋ́хъ, и҆ дꙋ́шꙋ мою̀ ѡ҆свѧтѝ."
|
|
},
|
|
{
|
|
"type": "TEXT",
|
|
"value": "Черто́га нбⷭ҇нагѡ таи́нниче, жениха̀ хрⷭ҇та̀ дрꙋ́же и҆́скреннїй, стоѧ́й и҆ гла́съ слы́ша ра́достный женихо́въ досто́йный, покажѝ блага́гѡ гла́са и҆ менѐ, со благослове́нными наслѣ́дника ца́рствїѧ, бг҃ꙋ зовꙋ́щꙋ въ наслѣ́дїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пречⷭ҇таѧ дв҃о мт҃и бж҃їѧ, невеще́ственнѡ палѧ́щагѡ ᲂу҆́глѧ, ве́щь дꙋша́мъ ѡ҆дꙋшевле́нна, клеща̀ серафі́мскаѧ, и҆ пламенноно́сный престо́ле носи́магѡ херꙋві̑мы, ве́щь дꙋшѝ моеѧ̀ ѻ҆гне́мъ невеще́ственнымъ попалѝ, и҆ негаси́магѡ ѻ҆гнѧ̀ и҆зба́ви мѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ не́бо, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Бж҃е́ственнаѧ влⷣки голꙋби́це, позлаще́нна свѣ́тлостїю двⷭ҇тва, тѣ́ло просвѣ́щши поще́нїемъ, позлаще́нна крилы̀ златови́дными блиста́нїи твоегѡ̀ и҆сповѣ́данїѧ, и҆ бж҃е́ственныхъ твои́хъ крове́й, тѧ̀ пою́щыѧ просвѣтѝ."
|
|
},
|
|
{
|
|
"type": "TEXT",
|
|
"value": "Оу҆мꙋ̀ бесѣ́довавши наги́мъ ᲂу҆мо́мъ, феѵрѡ́нїе бг҃омꙋ́драѧ, попра́ла є҆сѝ жела̑нїѧ до конца̀ и҆ кончи́нꙋ блаже́ннꙋю полꙋчи́ти сподо́биласѧ є҆сѝ, и҆ ны́нѣ црⷭ҇твꙋеши со хрⷭ҇то́мъ, свѣ́тлѡ съ твои́мъ женихо́мъ, въ неизрече́нныхъ черто́зѣхъ въ весе́лїи пребыва́ющи."
|
|
},
|
|
{
|
|
"type": "TEXT",
|
|
"value": "И҆сцѣлє́нїѧ и҆сточа́еши ꙗ҆́кѡ рѣ́ки, вѣ́рою притека́ющымъ ко твое́й честнѣ́й ра́цѣ, феѵрѡ́нїе бг҃ови́днаѧ, дѣ́вства сто́лпъ, цвѣ́тъ є҆стества̀ красе́нъ, дщѝ царе́ва, ꙗ҆́же внꙋ́трь и҆мꙋ́щи бжⷭ҇твенныѧ сла́вы бл҃же́нство."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆спра́вила є҆сѝ, дв҃о, же́нъ поползе́нїе, сло́ва ро́ждши, горѣ̀ воздви́жꙋщаго низпа́дшыѧ, ꙗ҆́кѡ блага̀, и҆ держа́внаго си́лъ: є҆гѡ́же феѵрѡ́нїа сла́внаѧ вожделѣ́вши ᲂу҆се́рднѡ, въ слѣ́дъ тебє̀ потекꙋ̀, ра́дꙋющисѧ возопи́ла є҆́сть."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀ ᲂу҆слы́шите:"
|
|
},
|
|
{
|
|
"type": "TEXT",
|
|
"value": "Предте́чево дне́сь радостотво́рное рожде́нїе, сѣ́тованїе рѣши́тъ ѻ҆́ч҃а безгла́сїѧ, и҆ ро́ждшїѧ непло́дство, возвѣща́етъ же настоѧ́щꙋю ра́дость и҆ весе́лїе: тѣ́мже и҆ всѧ̀ тва́рь свѣ́тлѡ того̀ пра́зднꙋетъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Премꙋ́дрость ѵ҆поста́снꙋю, и҆ сло́во пресꙋ́щное, и҆ врача̀ дꙋ́шъ и҆ тѣле́съ ро́ждшаѧ, гноє́нїѧ и҆ ра̑ны дꙋшѝ моеѧ̀ и҆сцѣлѝ лю̑тыѧ и҆ вре́мєнныѧ, и҆ се́рдца моегѡ̀ ᲂу҆ста́ви бѡлѣ́зни, дв҃о."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры ѻ҆ктѡ́иха. Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "И҆́же ѿ прⷪ҇ро́ка прⷪ҇ро́ка, и҆ непло́дныѧ прозѧбе́нїе, въ рожде́нныхъ жена́ми превы́шша всѣ́хъ, пꙋсты́ннаго граждани́на, і҆ѡа́нна сла́внаго, ѱалмы̑ и҆ пѣ́ньми и҆ пѣ́сньми дх҃о́вными восхва́лимъ, вопїю́ще къ немꙋ̀: крⷭ҇ти́телю сп҃совъ и҆ предте́че, ꙗ҆́кѡ и҆мѣ́ѧ дерзнове́нїе, въ честнѣ́мъ твое́мъ рождествѣ̀, ᲂу҆молѝ хрⷭ҇та̀, дарова́ти ми́ръ мі́рꙋ, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Дре́вꙋ кре́стномꙋ тѧ̀, і҆и҃се, прегвожде́на зрѧ́щи неискꙋсобра́чнаѧ, пла́чꙋщи глаго́лаше: ча́до сла́дкое, почто̀ ѡ҆ста́вилъ є҆сѝ менѐ ро́ждшꙋю тѧ̀ є҆ди́нꙋ, свѣ́те непристꙋ́пный пребезнача́льнагѡ ѻ҆ц҃а̀; потщи́сѧ и҆ просла́висѧ, ꙗ҆́кѡ да сла́вꙋ полꙋча́тъ бжⷭ҇твеннꙋю, и҆́же бжⷭ҇твєнныѧ стрⷭ҇ти твоѧ̑ сла́вѧщїи."
|
|
},
|
|
{
|
|
"type": "HEADER",
|
|
"value": "На лїтꙋргі́и, прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
|
},
|
|
{
|
|
"type": "TEXT",
|
|
"value": "Сті́хъ: Въ цр҃квахъ благослови́те бг҃а, гдⷭ҇а ѿ и҆стѡ́чникъ і҆и҃левыхъ."
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ корі́нѳѧнѡмъ, зача́ло рн҃а."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ а҃: Терпѧ̀ потерпѣ́хъ гдⷭ҇а, и҆ внѧ́тъ мѝ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло л҃г."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
}
|
|
] |