886 lines
70 KiB
JSON
886 lines
70 KiB
JSON
[
|
|
{
|
|
"type": "HEADER",
|
|
"value": "І҆ꙋ́лїа є҃"
|
|
},
|
|
{
|
|
"type": "HEADER",
|
|
"value": "Прпⷣбнагѡ ѻ҆тца̀ на́шегѡ а҆ѳана́сїа а҆ѳѡ́нскагѡ."
|
|
},
|
|
{
|
|
"type": "HEADER",
|
|
"value": "А҆ и҆дѣ́же хра́мъ а҆ѳана́сїа, твори́мъ бдѣ́нїе."
|
|
},
|
|
{
|
|
"type": "HEADER",
|
|
"value": "На ма́лѣй вече́рни стїхи̑ры на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Всехва́льнїи мꙋ́ченицы:"
|
|
},
|
|
{
|
|
"type": "TEXT",
|
|
"value": "Бжⷭ҇твеннагѡ ми́ра те́плъ рачи́тель бы́въ, си́мъ всѧ́кꙋ низложи́лъ є҆сѝ де́мѡнѡвъ си́лꙋ, и҆ кова́рствїѧ и҆́хъ ᲂу҆мꙋ́чилъ є҆сѝ, и҆ всѧ́кꙋ добродѣ́тель соблю́лъ є҆сѝ, безнавѣ́тнѡ ѿ ѻ҆́нѣхъ хи́тростей ле́стныхъ, ѻ҆́ч҃е а҆ѳана́сїе."
|
|
},
|
|
{
|
|
"type": "TEXT",
|
|
"value": "Премꙋ́дрости лꙋ́чшее нача́ло стра́хꙋ предложи́въ, ꙗ҆́коже ѡ҆снова́нїе непоколеби́мо, и҆ ᲂу҆твержда́емо ѿ негѡ̀, бжⷭ҇твєнныѧ за́пѡвѣди соблю́лъ є҆сѝ, и҆ си́ми ѡ҆чи́щсѧ, просвѣти́лъ є҆сѝ дꙋ́шꙋ, неизрече́нныхъ же сподо́билсѧ є҆сѝ въ се́рдцѣ твое́мъ та̑инъ, ѻ҆́ч҃е а҆ѳана́сїе."
|
|
},
|
|
{
|
|
"type": "TEXT",
|
|
"value": "Въ землѝ не скры́лъ є҆сѝ тебѣ̀ да́ннагѡ свы́ше ѿ бжⷭ҇твенныѧ благода́ти тала́нта: но пре́далъ є҆сѝ и҆̀ мнѡ́гимъ и҆нѣ̑мъ незави́стнѡ, бога́тнѡ же бжⷭ҇твенныхъ дарѡ́въ, и҆̀мже причасти́лсѧ є҆сѝ, ꙗ҆́кѡ вѣ́ренъ строи́тель, ꙗ҆ви́лсѧ є҆сѝ наслѣ́дникъ бж҃їй, а҆ѳана́сїе."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Безсме́ртїѧ тезоимени́таго всѝ восхва́лимъ, во а҆ѳѡ́нѣ мꙋ́жески и҆ до́блественнѣ пости́вшасѧ, и҆́же и҆ ста́до собра̀ сїѐ, и҆ хра́мъ гдⷭ҇еви воздви́же любо́вїю, и҆ мт҃ри бж҃їи возложѝ всѧ̑: є҆́йже и҆ мо́литсѧ ѡ҆ на́съ вѣ́рою соверша́ющихъ па́мѧть є҆гѡ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Сни́демсѧ ли́цы ѻ҆тє́цъ, и҆̀же во а҆ѳѡ́нѣ, въ па́мѧть бжⷭ҇твеннагѡ и҆ мꙋ́драгѡ а҆ѳана́сїа, сла́вѧще гдⷭ҇а."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Всѧ̑ ѿ дꙋшѝ притека́ющыѧ, пребл҃же́нне, къ бжⷭ҇твенномꙋ хра́мꙋ твоемꙋ̀, спаса́й ѿ бѣ́дъ, бг҃омꙋ́дре а҆ѳана́сїе."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Собо́ръ честны́й ѻ҆тє́цъ собра́всѧ, со ᲂу҆ченикѝ твои́ми, ра́цѣ честнѣ́й твое́й всѝ прикаса́емсѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Горѣ́ тѧ ли́цы, бцⷣе дв҃о, пою́тъ съ до́льними, сла́вѧще непреста́ннѡ ржⷭ҇тво̀ твоѐ пречⷭ҇тое."
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Є҆́же во пло́ти житїю̀ твоемꙋ̀ ᲂу҆диви́шасѧ а҆́гг҃льстїи чи́ни, ка́кѡ съ тѣ́ломъ къ неви̑димымъ сплете́нїємъ и҆зше́лъ є҆сѝ, присносла́вне, и҆ ᲂу҆ѧзви́лъ є҆сѝ дє́мѡнскїѧ полкѝ. Ѿѻнꙋ́дꙋже, а҆ѳана́сїе, хрⷭ҇то́съ тебѣ̀ воздадѐ бога́тыми дарова́ньми: сегѡ̀ ра́ди, ѻ҆́ч҃е, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "На вели́цѣй вече́рни пое́мъ, Блаже́нъ мꙋ́жъ, а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры на и҃, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Кі́ими похва́льными:"
|
|
},
|
|
{
|
|
"type": "TEXT",
|
|
"value": "Кі̑ѧ похва̑льныѧ по́чєсти принесе́мъ а҆ѳана́сїю, преиспещре́нномꙋ дѣѧ́ньми, и҆ и҆з̾ѻби́льномꙋ бл҃года́тьми, бг҃осїѧ́нна свѣтоли́тїѧ мече́мъ посѣ́кшемꙋ страсте́й стремлє́нїѧ, столпꙋ̀ бг҃овидѣ́ньми сїѧ́ющꙋ, воздержа́нїѧ свѣти́льникꙋ, на свѣ́щницѣ дꙋше́внѣмъ зарю̀ и҆спꙋща́ющꙋ бж҃їѧ велѣ́нїѧ, всѣ̑мъ жи́знь даю́щагѡ;"
|
|
},
|
|
{
|
|
"type": "TEXT",
|
|
"value": "Кі́ими похва́льными вѣнцы̑ а҆ѳана́сїа вѣнча́емъ словесы̀, свѧще́ннагѡ тече́нїѧ рачи́телѧ, нбⷭ҇нымъ ᲂу҆че́нїемъ взѧ́таго бг҃овидѣ́нїѧ крилы̀ бжⷭ҇твенными, столпа̀ смире́нїѧ неѡбори́маго, стѣ́нꙋ разсꙋжде́нїѧ непоколеби́мꙋю, нра́вомъ ᲂу҆краше́нїѧ чⷭ҇тно́е бл҃голѣ́пїе, ѡ҆ ча́дѣхъ свои́хъ хрⷭ҇та̀ бг҃а молѧ́щаго, є҆ди́наго бл҃госе́рдаго;"
|
|
},
|
|
{
|
|
"type": "TEXT",
|
|
"value": "Оу҆́тро присносвѣ́тлое, прпⷣбне, показа́лсѧ є҆сѝ, лꙋча́ми бл҃года́тными: страсте́й мгло́ю ѡ҆слѣпѣва́ющихъ приве́лъ є҆сѝ къ свѣ́тꙋ невече́рнемꙋ, ѻ҆́ч҃е а҆ѳана́сїе бг҃омꙋ́дре. Ѿню́дꙋже ꙗ҆́кѡ возрасти́вша тала́нтъ, дꙋша́мъ тѧ̀ цѣли́телѧ хрⷭ҇то́съ предлага́етъ, неисцѣ̑льнымъ стрꙋпѡ́мъ согни́вшымъ, мече́мъ слове́съ посѣка́юща, и҆ здра́вїе при́снѡ и҆ спасе́нїе всѣ̑мъ подаю́ща."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ бжⷭ҇твеннаѧ жи́знь твоѧ̀, и҆ всеѡсвѧще́нный тво́й коне́цъ, ѻ҆́ч҃е а҆ѳана́сїе: въ то́й бо всеѧ̀ горы̀ мно́жество сне́мшесѧ, ꙗ҆́кѡ ви́дѣ безъ дыха́нїѧ на ѻ҆дрѣ́ тѧ, глагѡ́лы велегла́сными вопїѧ́ше: да́ждь коне́чное сло́во рабѡ́мъ твои̑мъ, свѧ́те. Наꙋчѝ, гдѣ̀ ѡ҆ставлѧ́еши ча̑да твоѧ̑, ѻ҆́ч҃е, и҆̀хже ᲂу҆ще́дри ꙗ҆́кѡ ѻ҆тє́цъ, пои́стиннѣ ми́лостивъ и҆ любе́зенъ. Ѻ҆ба́че а҆́ще и҆ здѣ̀ гро́бъ покрыва́етъ, на горѣ́ тѧ всѝ бога́тна и҆́мамы предста́телѧ и҆ моли́твенника къ бг҃ꙋ, любо́вїю чтꙋ́щїи тѧ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кто̀ тебѐ не ᲂу҆бл҃жи́тъ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. И҆ чтє́нїѧ трѝ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ а҃. Самогла̑сны:"
|
|
},
|
|
{
|
|
"type": "TEXT",
|
|
"value": "Незаходи́маго свѣти́льника вселе́нныѧ, воспое́мъ всѝ а҆ѳана́сїа: па́че со́лнца бо возсїѧ̀ въ тверды́ни вѣ́ры, и҆ вѣ́рныхъ соста́вы къ добродѣ́тели наста́ви, ѻ҆́во ᲂу҆́бѡ бг҃одохнове́нными ᲂу҆чє́нїи, и҆ спаси́тельными глагѡ́лъ ввождє́нїи, и҆̀же незави́стными и҆ ѻ҆би́льными ѿ ᲂу҆сте́нъ и҆сточа́ше. Ѻ҆́во же дѣ́телїю чꙋ́дною, и҆ равноа́гг҃льнымъ житїе́мъ, къ ре́вности привлача́ѧ, и҆ ѻ҆боѧ̀ житїѐ и҆ сло́во пресвѣ́тло, ꙗ҆́коже во́ждь и҆зрѧ́денъ бг҃оподо́бнѡ показꙋ́ѧ. Тогѡ̀ моли́твами, хрⷭ҇тѐ бж҃е на́шъ, сїѐ ста́до соблюдѝ, и҆ правосла́вныхъ вѣ́рꙋ ᲂу҆твердѝ, ꙗ҆́кѡ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "Гла́съ в҃:"
|
|
},
|
|
{
|
|
"type": "TEXT",
|
|
"value": "Хрⷭ҇то́ва рачи́телѧ тезоимени́таго безсме́ртїю, и҆́стиннаго таи́нника сп҃сова, и҆ красотꙋ̀ и҆ хвалꙋ̀ є҆диноѻбра̑знымъ всѣ̑мъ, и҆ наста́вникѡмъ, ѡ҆свѧще́ннаго ѿ младе́нства гдⷭ҇еви, ли́цы ѻ҆тє́цъ соше́дшесѧ восхва́лимъ: се́й бо жела́нїе бжⷭ҇твенное въ себѐ прїе́мъ, мїрскꙋ́ю ᲂу҆́бѡ ѡ҆ста́ви пре́лесть, взѧ́тъ же ꙗ҆ре́мъ хрⷭ҇то́въ на ра́мо, и҆ полкѝ бѣсѡ́въ побѣдѝ мꙋ́жески, показа́въ на́мъ дѣ́тельнѡ бжⷭ҇твенныѧ любвѐ и҆зрѧ́дный пꙋ́ть: и҆́бо и҆ то́й сі́й прете́къ во тща́нїи, пости́же свѣ́тъ и҆́стинный трⷪ҇цы вседѣ́тельныѧ. Ѽ чꙋдесѐ ᲂу҆жа́снагѡ, и҆ ве́щи бг҃оподо́бныѧ! Ꙗ҆́кѡ зе́менъ сы́й є҆стество́мъ, ра́венъ бы́сть мы́слєннымъ сꙋществѡ́мъ, сла́вꙋ и҆ че́сть бж҃їю воспрїе́млѧ, и҆ моли́твенникъ на́мъ быва́етъ: ꙗ҆́кѡ да ᲂу҆лꙋчи́мъ вѣ́чныхъ бла̑гъ въ де́нь сꙋ́дный."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Оу҆дивѝ мы́сленныхъ, ᲂу҆жасѝ и҆ зємны́ѧ, пречꙋ́дны трꙋды̀ воздержа́нїѧ твоегѡ̀ житїѧ̀: ꙗ҆́коже бо безпло́тенъ ѿню́дъ, во пло́ти ста́ростнѣ, врагѝ неви̑димыѧ пребори́лъ є҆сѝ. Ро́ди ᲂу҆́бѡ тѧ̀ всѝ пою́тъ благочести́выхъ, и҆зрѧ́днѣе же твоѐ честно́е ста́до, свѣ́тлость твои́хъ болѣ́зней столпописа́нїе, є҆́же показа́лъ є҆сѝ, ꙗ҆́кѡ гра́дъ въ пꙋсты́ни красе́нъ, и҆́же жили́ще собо́рѡмъ мона́шєскимъ бг҃оподо́бнѡ соста́вилъ є҆сѝ, и҆ є҆́же ꙗ҆́коже ѻ҆де́ждами многоче́стными твои́ми красꙋ́етсѧ чꙋдесы̀, и҆ до́блественными страда̑нїи: и҆ твои́ми мольба́ми, а҆ѳана́сїе, и҆ моли́твами и҆спроша́етъ, ко хрⷭ҇тꙋ̀ соблюсти́сѧ, и҆мꙋ́щемꙋ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃:"
|
|
},
|
|
{
|
|
"type": "TEXT",
|
|
"value": "Вострꙋ́бимъ трꙋбо́ю пѣ́сней, благода́ть бо дх҃а, всѧ́кїѧ трꙋбы̀ благолѣ́пнѣйши, всѣ́хъ къ пѣ́нїю созыва́етъ бг҃оно́снагѡ ѻ҆тца̀: ца́рїе и҆ кнѧ́зи да чꙋдѧ́тсѧ всѣ́хъ цр҃ѧ̀ и҆́скреннемꙋ рабꙋ̀, и҆́же мїроде́ржца нача̑ла и҆ вла̑сти, дх҃а бжⷭ҇твеннагѡ всѣ́ми ѻ҆рꙋ̑жїи побѣди́вшагѡ. Па́стырїе и҆ ᲂу҆чи́телїе, и҆зрѧ́днаго вои́стиннꙋ пра́вила же и҆ ѻ҆́браза па́ствѣ, да восхва́лѧтъ, и҆́же въ повелѣ́нїихъ свѣ́тлаго, и҆ въ вѣ́рѣ до́блѧго, и҆́же въ видѣ́нїихъ высо́каго, въ дѣѧ́нїихъ вы́ше ѻ҆́блакъ, во ᲂу҆че́нїихъ пи́щꙋ пото́ка, наста́вника заблꙋ́ждшымъ, подпо́рꙋ преклонє́ннымъ, всѣ́хъ болѧ́щихъ ми́лꙋющаго, а҆ѳѡ́нꙋ вели́кое ᲂу҆краше́нїе, похвалѧ́юще всѝ рце́мъ: ѻ҆тцє́мъ верхо́вне а҆ѳана́сїе, предста́ни твои̑мъ рабѡ́мъ всегда̀, ѻ҆́ч҃е на́шъ, и҆ спасѝ ста́до твоѐ моли́твами твои́ми."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Вострꙋ́бимъ трꙋбо́ю пѣ́сней: прекло́ншибосѧ свы́ше всецр҃и́ца мт҃и дв҃а, бл҃гослове́ньми вѣнчава́етъ воспѣва́ющихъ ю҆̀. Царѝ и҆ кнѧ́зи да стекꙋ́тсѧ, и҆ цр҃и́цѣ да воспле́щꙋтъ въ пѣ́снехъ, цр҃ѧ̀ ро́ждшей, сме́ртїю ѡ҆держи̑мыѧ пе́рвѣе, разрѣши́ти чл҃вѣколю́бнѡ благоизво́лившаго: па́стыри и҆ ᲂу҆чи́тели, до́брагѡ па́стырѧ пречⷭ҇тꙋю мт҃рь, соше́дшесѧ восхва́лимъ, свѣ́щникъ златоза́рный, свѣтоно́сный ѻ҆́блакъ, нб҃съ простра́ннѣйшꙋ, ѡ҆дꙋшевле́нный же кївѡ́тъ, ѻ҆гнезра́чный влⷣченъ прⷭ҇то́лъ, маннопрїе́мнꙋю златꙋ́ю ста́мнꙋ, затворе́ннꙋю сло́ва две́рь, всѣ́хъ хрⷭ҇тїа́нъ прибѣ́жище, пѣ́сньми бг҃огла́сными похвалѧ́юще, си́це рце́мъ: пала́то сло́ва, сподо́би смире́нныхъ на́съ небе́снагѡ црⷭ҇твїѧ, ничто́же бо невозмо́жно хода́тайствꙋ твоемꙋ̀."
|
|
},
|
|
{
|
|
"type": "HEADER",
|
|
"value": "На стїхо́внѣ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, а҆́гг҃льскимъ бесѣ́дꙋѧ ликостоѧ́нїємъ, а҆ѳана́сїе прпⷣбне: житїе́ бо сїѐ, ѻ҆́ч҃е, на землѝ вои́стиннꙋ, добродѣ́тель ᲂу҆держа́въ, пожи́лъ є҆сѝ: показа́лсѧ є҆сѝ чистоты̀ нескве́рное зерца́ло, лꙋчеза̑рныѧ мѡ́лнїи воспрїе́млѧ дх҃а ст҃а́гѡ, всесла́вне. Ѿѻнꙋ́дꙋже ѡ҆зарѧ́емь, зрѣ́лъ є҆сѝ бꙋ̑дꙋщаѧ, всѧ̑ предглаго́лѧ, ѿ бжⷭ҇твеннагѡ свѣтоѧвле́нїѧ наꙋча́емь хрⷭ҇то́ва: є҆го́же молѝ дꙋша́мъ на́шымъ пода́ти ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, по́стникѡвъ нача́льникъ бы́въ, и҆ непобѣди́мь побо́рникъ: страсте́й бо ѿсѣка́ѧ ко́рень, и҆ бѣсѡ́въ стремлє́нїѧ, предста́въ мꙋ́жески, а҆ѳана́сїе, тѣ́хъ посрами́лъ є҆сѝ дꙋшепа́гꙋбнꙋю пре́лесть. Крⷭ҇та́ же сп҃сова дѣ́йство, и҆ непобѣди́мꙋю ꙗ҆ви́лъ є҆сѝ си́лꙋ, є҆́юже и҆ препоѧ́савсѧ, побѣди́лъ є҆сѝ всѧ̑ ѿмета́ющыѧ бж҃їе плотско́е ꙗ҆вле́нїе хрⷭ҇то́во: є҆го́же молѝ дарова́ти дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Сто́лпъ свѣтови́дѣнъ, добродѣ́телїю ᲂу҆твержде́нъ, и҆ ѻ҆́блакъ ѡ҆сѣнѧ́ющь, и҆́же во а҆ѳѡ́нѣ, ты̀ ꙗ҆ви́лсѧ є҆сѝ, ѻ҆́ч҃е, къ нб҃сѝ ѿ землѝ бг҃а зрѧ́щихъ предводѧ̀, крⷭ҇тною па́лицею страсте́й и҆скорени́лъ є҆сѝ мо́ре: мы́сленнаго же а҆мали́ка ѿри́нꙋвъ, непреткнове́нный нбⷭ҇ный восхо́дъ ѡ҆брѣ́лъ є҆сѝ, бг҃облаже́нне, и҆ жре́бїй непреминꙋ́ющь, со безпло́тными престо́лꙋ ра́дꙋѧсѧ предстоѧ̀ хрⷭ҇то́вꙋ: є҆го́же молѝ дꙋша́мъ на́шымъ пода́ти ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ѻ҆ч҃ескꙋю добро́тꙋ, по́стникѡвъ ᲂу҆краше́нїе, и҆сто́чника чꙋде́съ, и҆ къ бг҃ꙋ моли́твенника непосты́дна, сте́кшесѧ, ѽ празднолю́бцы, пѣ́сненными похвала́ми воспое́мъ, глаго́люще: ра́дꙋйсѧ, мона́шескагѡ житїѧ̀ пра́вило, и҆ ѻ҆́бразъ, и҆ печа́ть и҆звѣ́стнаѧ: ра́дꙋйсѧ, свѣти́льниче пресвѣ́тлый, ѡ҆зарѧ́ѧй всѧ́кꙋ добродѣ́тель свѣтлостьмѝ: ра́дꙋйсѧ, и҆́же въ бѣда́хъ вели́кїй ᲂу҆тѣ́шителю, и҆ те́плый застꙋ́пниче печа̑льнымъ. Тѣ́мъ ᲂу҆́бѡ, а҆ѳана́сїе, не преста́й молѧ̀ хрⷭ҇та̀ бг҃а ѡ҆ ста́дѣ твое́мъ се́мъ, и҆ всѣ́хъ вѣ́рныхъ, почита́ющихъ всечестно́е твоѐ ᲂу҆спе́нїе."
|
|
},
|
|
{
|
|
"type": "HEADER",
|
|
"value": "И҆ ны́нѣ, гла́съ то́йже:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Є҆́же во пло́ти житїю̀ твоемꙋ̀ ᲂу҆диви́шасѧ а҆́гг҃льстїи чи́ни, ка́кѡ съ тѣ́ломъ къ неви̑димымъ сплете́нїємъ и҆зше́лъ є҆сѝ, присносла́вне, и҆ ᲂу҆ѧзви́лъ є҆сѝ дє́мѡнскїѧ полкѝ. Ѿѻнꙋ́дꙋже, а҆ѳана́сїе, хрⷭ҇то́съ тебѣ̀ воздадѐ бога́тыми дарова́ньми: сегѡ̀ ра́ди, ѻ҆́ч҃е, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀ хода́тайствовавшꙋю:"
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й:"
|
|
},
|
|
{
|
|
"type": "TEXT",
|
|
"value": "Многосвѣ́тлаѧ ѕвѣзда̀ мона́шествꙋющихъ показа́лсѧ є҆сѝ, и҆ степе́нь и҆звѣ́стенъ, воздержа́нїѧ же предѣ́лъ, пресвѣ́тлое зерца́ло разсꙋжде́нїѧ, прпⷣбне, па́мѧть твою̀ ра́достнѡ соверша́ющымъ разрѣше́нїѧ просѝ согрѣше́нїй, преблаже́нне, бг҃ꙋ предстоѧ̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Наста́ви на́съ на пꙋ́ть покаѧ́нїѧ, ᲂу҆кло́ншыѧсѧ при́снѡ къ безпꙋ́тїємъ ѕѡ́лъ, и҆ преблага́го прогнѣ́вавшыѧ гдⷭ҇а, неискꙋсобра́чнаѧ бл҃гослове́ннаѧ марі́е, прибѣ́жище ѿча́ѧнныхъ человѣ́кѡвъ, бж҃їе жили́ще."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Бжⷭ҇твенныѧ вѣ́ры:"
|
|
},
|
|
{
|
|
"type": "TEXT",
|
|
"value": "Бжⷭ҇твеннымъ жела́нїемъ безсме́ртїѧ, а҆ѳана́сїе, ѡ҆держи́мь, и҆ крⷭ҇тъ на ра́мо взе́мъ, во а҆ѳѡ́нѣ и҆́же дре́вле жела́нїемъ, всели́лсѧ є҆сѝ, и҆дѣ́же, прпⷣбне, гдⷭ҇еви собра́лъ є҆сѝ ста́до. Тѣ́мже и҆ моли́твенника тѧ̀ те́пла стѧжа́хомъ ко гдⷭ҇ꙋ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ ски́нїѧ была̀ є҆сѝ сло́во, є҆ди́на пречⷭ҇таѧ мт҃и дв҃о, чистото́ю а҆́гг҃лы превозше́дшаѧ, па́че всѣ́хъ менѐ пе́рсть бы́вша, ѡ҆скверне́на плотски́ми прегрѣше́ньми, ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Видѣ́нїе и҆ дѣѧ́нїе воспрїи́мъ, чꙋ̑вствїѧ, прпⷣбне, ᲂу҆краша́ѧ, житїѐ напра́вилъ є҆сѝ къ бжⷭ҇твєннымъ повелѣ́нїємъ: мона́хѡмъ бо ꙗ҆ви́лсѧ є҆сѝ свѣти́льникъ свѣ́телъ, наставлѧ́ѧ и҆ просвѣща́ѧ на́съ къ позна́нїю. Тѣ́мже восхвалѧ́юще велича́емъ любо́вїю и҆схо́днꙋю па́мѧть твою̀, бг҃оно́се а҆ѳана́сїе. Сегѡ̀ ра́ди вопїе́мъ тѝ: молѝ хрⷭ҇та̀ бг҃а, прегрѣше́нїй ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Нбⷭ҇нꙋю две́рь и҆ кївѡ́тъ, прест҃ꙋ́ю го́рꙋ, свѣ́тлый ѻ҆́блакъ воспои́мъ, неѡпали́мꙋю кꙋпинꙋ̀, слове́сный ра́й, є҆́ѵы воззва́нїе, вселе́нныѧ всеѧ̀ вели́кое сокро́вище, ꙗ҆́кѡ спасе́нїе въ не́й содѣ́ласѧ мі́рꙋ, и҆ ѡ҆ставле́нїе дре́внихъ согрѣше́нїй. Сегѡ̀ ра́ди вопїе́мъ є҆́й: моли́сѧ сн҃ꙋ твоемꙋ̀, прегрѣше́нїй ѡ҆ставле́нїе дарова́ти благоче́стнѡ покланѧ́ющымсѧ всест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Та́же степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Безсме́ртїѧ тезоимени́таго всѝ восхва́лимъ, во а҆ѳѡ́нѣ мꙋ́жески и҆ до́блественнѣ пости́вшасѧ, и҆́же и҆ ста́до собра̀ сїѐ, и҆ хра́мъ гдⷭ҇еви воздви́же любо́вїю, и҆ мт҃ри бж҃їи возложѝ всѧ̑: є҆́йже и҆ мо́литсѧ ѡ҆ на́съ вѣ́рою соверша́ющихъ па́мѧть є҆гѡ̀."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы, на ѕ҃: И҆ ст҃а́гѡ, на и҃. Канѡ́нъ бцⷣы. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ, ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Мно́гими содержи́мь напа́стьми, къ тебѣ̀ прибѣга́ю спасе́нїѧ и҆скі́й: ѽ мт҃и сло́ва и҆ дв҃о! Ѿ тѧ́жкихъ и҆ лю́тыхъ мѧ̀ спасѝ."
|
|
},
|
|
{
|
|
"type": "TEXT",
|
|
"value": "Страсте́й мѧ̀ смꙋща́ютъ прило́зи, мно́гагѡ ᲂу҆ны́нїѧ и҆спо́лнити мою̀ дꙋ́шꙋ: ᲂу҆мирѝ, ѻ҆трокови́це, тишино́ю сн҃а и҆ бг҃а твоегѡ̀, всенепоро́чнаѧ."
|
|
},
|
|
{
|
|
"type": "TEXT",
|
|
"value": "Сп҃са ро́ждшꙋю тѧ̀ и҆ бг҃а молю̀, дв҃о, и҆зба́витисѧ мѝ лю́тыхъ: къ тебѣ́ бо ны́нѣ прибѣга́ѧ, простира́ю и҆ дꙋ́шꙋ и҆ помышле́нїе."
|
|
},
|
|
{
|
|
"type": "TEXT",
|
|
"value": "Недꙋ́гꙋюща тѣ́ломъ и҆ дꙋше́ю, посѣще́нїѧ бжⷭ҇твеннагѡ и҆ промышле́нїѧ ѿ тебє̀ сподо́би, є҆ди́на бг҃ома́ти, ꙗ҆́кѡ бл҃га́ѧ, бл҃га́гѡ же роди́тельнице."
|
|
},
|
|
{
|
|
"type": "HEADER",
|
|
"value": "Канѡ́нъ ст҃а́гѡ. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Колесницегони́телѧ фараѡ́нѧ погрꙋзѝ чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ и҆ раздѣли́въ мо́ре, і҆и҃лѧ же бѣглеца̀, пѣшехо́дца спасѐ, пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "Безсме́ртїѧ бы́въ тезоимени́тъ, житїе́мъ сконча́всѧ, и҆́стиннагѡ ꙗ҆ви́лсѧ є҆сѝ, ѻ҆́ч҃е а҆ѳана́сїе, безсме́ртїѧ прїѧ́телище, преше́дъ ѿ вре́менныхъ: но хрⷭ҇тꙋ̀ предстоѧ̀, помѧнѝ на́съ помина́ющихъ тѧ̀."
|
|
},
|
|
{
|
|
"type": "TEXT",
|
|
"value": "Благочести́въ ѿ мѧ́гкихъ бы́въ ногте́й, прпⷣбне, къ добродѣ́тели стѧжа́нїю роди́телей лише́нїе тѧ̀ ника́коже возбранѝ: но всѐ жела́нїе все́ю си́лою, и҆ тща́нїе ѡ҆брати́лъ є҆сѝ къ є҆ди́номꙋ содѣ́телю."
|
|
},
|
|
{
|
|
"type": "TEXT",
|
|
"value": "Ѿ ᲂу҆сте́нъ скве́рныхъ хвалꙋ̀ дерзнꙋ́въ пою̀ тебѣ̀, и҆́же ѡ҆ тебѣ̀ жела́нїѧ прїе́мникъ бы́въ, и҆ любвѐ сою́зникъ: но, ѻ҆́ч҃е, ми́лостивъ бꙋ́ди, и҆ да́ждь по достоѧ́нїю тебѣ̀ сїю̀ принестѝ хвалꙋ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мла́до ѻ҆троча̀ па́че сло́ва родила̀ є҆сѝ, ве́тхаго де́ньми, но́вꙋ на землѝ стезю̀ добродѣ́тели показа́вша: є҆гѡ́же ᲂу҆го́дникъ тво́й при́сный а҆ѳана́сїй, ѻ҆трокови́це, любо́вїю снѣда́емь, се́й хра́мъ тебѣ̀ созда̀."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нбⷭ҇нагѡ крꙋ́га верхотво́рче, гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Предста́тельство и҆ покро́въ жи́зни моеѧ̀ полага́ю тѧ̀, бг҃ороди́тельнице дв҃о, ты́ мѧ ѡ҆кормѝ ко приста́нищꙋ твоемꙋ̀, благи́хъ вино́вна, вѣ́рныхъ ᲂу҆твержде́нїе, є҆ди́на всепѣ́таѧ."
|
|
},
|
|
{
|
|
"type": "TEXT",
|
|
"value": "Молю̀, дв҃о, дꙋше́вное смꙋще́нїе, и҆ печа́ли моеѧ̀ бꙋ́рю разори́ти: ты́ бо, бг҃оневѣ́стнаѧ, нача́льника тишины̀ хрⷭ҇та̀ родила̀ є҆сѝ, є҆ди́на пречⷭ҇таѧ."
|
|
},
|
|
{
|
|
"type": "TEXT",
|
|
"value": "Бл҃годѣ́телѧ ро́ждши, до́брыхъ вино́внаго, благодѣѧ́нїѧ бога́тство всѣ̑мъ и҆сточѝ: всѧ̑ бо мо́жеши, ꙗ҆́кѡ си́льнаго въ крѣ́пости хрⷭ҇та̀ ро́ждши, бг҃облаже́ннаѧ."
|
|
},
|
|
{
|
|
"type": "TEXT",
|
|
"value": "Лю́тыми недꙋ́ги и҆ болѣ́зненными страстьмѝ и҆стѧза́емꙋ, дв҃о, ты́ ми помозѝ: и҆сцѣле́нїй бо неѡскꙋ́дное тѧ̀ зна́ю сокро́вище, пренепоро́чнаѧ, неиждива́емое."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ. Ꙗ҆́кѡ нѣ́сть свѧ́тъ па́че тебє̀, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ѡ҆ дѣ́тства ᲂу҆жѐ къ бг҃ꙋ любо́вїю взѧ́тъ, свє́рстныѧ ѿ дѣте́й собира́ѧ, и҆ ли́къ составлѧ́ѧ, дꙋхо́внѡ вчита́лъ є҆сѝ, дѣ̑тскїѧ, премꙋ́дре, си́хъ ѻ҆бы̑чаи и҆зима́ѧ."
|
|
},
|
|
{
|
|
"type": "TEXT",
|
|
"value": "Премꙋ́дрости жела́нїемъ преше́дъ, ко благоразꙋ́мномꙋ гра́дꙋ кѡнстанті́ню, бг҃омꙋ́дре, доше́лъ є҆сѝ, ꙗ҆́коже пчела̀ мꙋ́драѧ, и҆ любодѣ́льнѡ чи̑стаѧ ѿ слове́съ совокꙋ́пль, неполє́знаѧ ѡ҆ста́вилъ є҆сѝ."
|
|
},
|
|
{
|
|
"type": "TEXT",
|
|
"value": "Вѣ́триломъ, ѻ҆́ч҃е, крⷭ҇та̀, дꙋше́вный тво́й кора́бль ѡ҆корми́въ, благоꙋти́шнѡ же и҆ легкѡ̀ жите́йскагѡ лю́тагѡ потопле́нїѧ и҆збѣ́глъ є҆сѝ, и҆ къ тишинѣ̀ бжⷭ҇твенныхъ и҆звле́клъ є҆сѝ приста́нищъ, ра́дꙋѧсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́же пре́жде вѣ̑къ рожде́йсѧ ѿ ѻ҆ц҃а̀ неизрече́ннѡ, напослѣ́докъ и҆зъ ᲂу҆тро́бы твоеѧ̀ про́йде, и҆ ѡ҆божѝ на́ше є҆стество̀, мт҃и дв҃о, и҆́же прпⷣбныхъ ли́ки ꙗ҆́вѣ и҆зводѧ́й."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Ѿ ю҆́ности всѧ̑ ѡ҆ста́вль житє́йскаѧ, кра̑снаѧ же и҆ лѣ́пѡтнаѧ, ᲂу҆се́рднѡ послѣ́довалъ є҆сѝ зва́вшемꙋ тѧ̀, прпⷣбне, и҆ на ра́мо взѧ́лъ є҆сѝ крⷭ҇тъ гдⷭ҇а твоегѡ̀, въ постѣ́хъ, ѻ҆́ч҃е, тѣ́ло и҆знꙋри́лъ є҆сѝ. Тѣ́мъ и҆ па́стырѧ тѧ̀ свои̑мъ ѻ҆вца́мъ до́брѣ ᲂу҆строѧ́етъ всебл҃гі́й гдⷭ҇и, а҆ѳана́сїе блаже́нне: молѝ хрⷭ҇та̀ бг҃а, прегрѣше́нїй ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ млⷣнца млеко́мъ пита́еши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ бжⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀."
|
|
},
|
|
{
|
|
"type": "TEXT",
|
|
"value": "Страсте́й мои́хъ смꙋще́нїе, ко́рмчїю ро́ждшаѧ гдⷭ҇а, и҆ бꙋ́рю ᲂу҆тишѝ мои́хъ прегрѣше́нїй, бг҃оневѣ́стнаѧ."
|
|
},
|
|
{
|
|
"type": "TEXT",
|
|
"value": "Милосе́рдїѧ твоегѡ̀ бе́зднꙋ призыва́ющꙋ пода́ждь мѝ, ꙗ҆́же благосе́рдаго ро́ждшаѧ, и҆ сп҃са всѣ́хъ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Наслажда́ющесѧ, пречⷭ҇таѧ, твои́хъ дарова́нїй, благода́рственное воспѣва́емъ пѣ́нїе, вѣ́дꙋще тѧ̀ бг҃ома́терь."
|
|
},
|
|
{
|
|
"type": "TEXT",
|
|
"value": "Наде́ждꙋ и҆ ᲂу҆твержде́нїе, и҆ спасе́нїѧ стѣ́нꙋ недви́жимꙋ и҆мꙋ́ще тѧ̀, всепѣ́таѧ, неꙋдо́бства всѧ́кагѡ и҆збавлѧ́емсѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Оу҆́мъ страсте́й влады́кꙋ творѧ̀, и҆ бжⷭ҇твенными закѡ́ны наставлѧ́емь, и҆ за́повѣдьми бж҃їими ᲂу҆вѣрѧ́емь, младе́нєцъ бесѣ́дѡванїѧ, и҆ скве́рныхъ сѡ́нмища, и҆ плѧса̑нїѧ бѣсѡ́въ, благоче́стнѡ возразѝ, ꙗ҆́кѡ премꙋ́дръ, лꙋ́чшее и҆збира́ѧ."
|
|
},
|
|
{
|
|
"type": "TEXT",
|
|
"value": "Прїе́мъ ле́гкое сп҃са и҆́го, и҆ бжⷭ҇твеннымъ стра́хомъ составлѧ́емь, и҆ ѡ҆чи́щъ тѣ́ло и҆ дꙋ́шꙋ, бы́лъ є҆сѝ чистоты̀ и҆ цѣломꙋ́дрїѧ вина̀, и҆ предѣ́лъ воздержа́нїѧ, и҆ печа́ть безстра́стїѧ, и҆ любвѐ ѻ҆́бразъ, а҆ѳана́сїе."
|
|
},
|
|
{
|
|
"type": "TEXT",
|
|
"value": "Проше́дъ є҆́же по на́съ, и҆ внѣ́шнее ты̀ наказа́нїе любомꙋ́дрїѧ, прозѧба́тельное и҆ рѣши́тельное, ко́еждо прохожда́лъ є҆сѝ, пра́вдою ѡ҆гражда́емь, мꙋ́дростїю и҆ разсꙋжде́нїемъ, смире́нїемъ и҆ ра́зꙋмомъ, и҆ и҆нѣ́ми кра́сными дарова̑нїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Плещмѝ херꙋві́мскими стра́шными носи́мь влⷣка, на прⷭ҇то́лѣ ꙗ҆́коже ѻ҆́гненнѣ, въ твою̀, чⷭ҇таѧ, всели́сѧ ᲂу҆тро́бꙋ, и҆ пло́ти прїѧ́тїемъ человѣ́ческое ѡ҆божѝ сꙋщество̀, ꙗ҆́кѡ ᲂу҆чи́тъ и҆зрѧ́дный въ прпⷣбныхъ а҆ѳана́сїй, є҆ди́на всепѣ́таѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣтѝ на́съ повелѣ̑нїи твои́ми, гдⷭ҇и, и҆ мы́шцею твое́ю высо́кою, тво́й ми́ръ пода́ждь на́мъ, чл҃вѣколю́бче."
|
|
},
|
|
{
|
|
"type": "TEXT",
|
|
"value": "И҆спо́лни, чⷭ҇таѧ, весе́лїѧ се́рдце моѐ, твою̀ нетлѣ́ннꙋю даю́щи ра́дость, весе́лїѧ ро́ждшаѧ вино́внаго."
|
|
},
|
|
{
|
|
"type": "TEXT",
|
|
"value": "И҆зба́ви на́съ ѿ бѣ́дъ, бцⷣе чⷭ҇таѧ, вѣ́чное ро́ждши и҆збавле́нїе, и҆ ми́ръ всѧ́къ ᲂу҆́мъ преимꙋ́щїй."
|
|
},
|
|
{
|
|
"type": "TEXT",
|
|
"value": "Разрѣшѝ мглꙋ̀ прегрѣше́нїй мои́хъ, бг҃оневѣ́сто, просвѣще́нїемъ твоеѧ̀ свѣ́тлости, свѣ́тъ ро́ждшаѧ бжⷭ҇твенный и҆ превѣ́чный."
|
|
},
|
|
{
|
|
"type": "TEXT",
|
|
"value": "И҆сцѣлѝ, чⷭ҇таѧ, дꙋшѝ моеѧ̀ неможе́нїе, посѣще́нїѧ твоегѡ̀ сподо́бльшаѧ, и҆ здра́вїе моли́твами твои́ми пода́ждь мѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннагѡ, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ ꙗ҆́коже магни́тъ, привлачѧ̀ сла́достїю, ѻ҆́ч҃е, слове́съ твои́хъ, къ наказа́нїю и҆ послꙋша́нїю ᲂу҆че́нїемъ, и҆́же рече́ннымъ непреста́ннѡ зрѣ́ти и҆ ви́дѣти честно́е твоѐ и҆ ра́достное лицѐ."
|
|
},
|
|
{
|
|
"type": "TEXT",
|
|
"value": "Зако́нѡмъ бж҃е́ствєннымъ послѣ́дꙋѧ, и҆ повелѣ́нїємъ повинꙋ́ѧсѧ сотво́ршагѡ, законополо́жникъ ꙗ҆ви́лсѧ є҆сѝ мона́хѡмъ, и҆ пра́вило и҆звѣ́стнѣйшее, наказа́тель безꙋ̑мнымъ, и҆ наста́вникъ заблꙋ́ждшымъ, и҆ свѣти́льникъ во тмѣ̀, пресла́вне."
|
|
},
|
|
{
|
|
"type": "TEXT",
|
|
"value": "Добродѣ́телей ѻ҆рга́нъ, и҆ благодарова́нїй прїѧ́телище дх҃а ст҃а́гѡ сы́й, свѧще́нно и҆ красно̀ жили́ще созда́лъ є҆сѝ, всѧ́ко житїѐ и҆ жи́знь прора́сленнѡ мона́хѡмъ предлага́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Виті̑йскаѧ не мо́гꙋтъ ᲂу҆ста̀ по достоѧ́нїю тѧ̀ пѣ́ти, всепѣ́таѧ, вы́шшꙋ сꙋ́щꙋ херꙋві̑мъ, и҆ всѧ́кїѧ тва́ри. Тѣ́мже съ бжⷭ҇твеннымъ а҆ѳана́сїемъ влⷣкꙋ ѡ҆ всѣ́хъ на́съ помолѝ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Сме́рти и҆ тлѝ ꙗ҆́кѡ спа́слъ є҆́сть, са́мъ сѧ̀ и҆зда́въ сме́рти, тлѣ́нїемъ и҆ сме́ртїю моѐ є҆стество̀ ꙗ҆́то бы́вшее, дв҃о, молѝ гдⷭ҇а и҆ сн҃а твоего̀, врагѡ́въ ѕлодѣ́йствїѧ мѧ̀ и҆зба́вити."
|
|
},
|
|
{
|
|
"type": "TEXT",
|
|
"value": "Предста́тельницꙋ тѧ̀ живота̀ вѣ́мъ, и҆ храни́тельницꙋ тве́рдꙋ, дв҃о, и҆ напа́стей рѣша́ющꙋ молвы̑, и҆ нало́ги бѣсѡ́въ ѿгонѧ́ющꙋ: и҆ молю́сѧ всегда̀, ѿ тлѝ страсте́й мои́хъ и҆зба́вити мѧ̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ стѣ́нꙋ прибѣ́жища стѧжа́хомъ, и҆ дꙋ́шъ всесоверше́нное спасе́нїе, и҆ простра́нство въ ско́рбехъ, ѻ҆трокови́це, и҆ просвѣще́нїемъ твои́мъ при́снѡ ра́дꙋемсѧ, ѽ влⷣчце! И҆ ны́нѣ на́съ ѿ страсте́й и҆ бѣ́дъ спасѝ."
|
|
},
|
|
{
|
|
"type": "TEXT",
|
|
"value": "На ѻ҆дрѣ̀ ны́нѣ немощствꙋ́ѧй лежꙋ̀, и҆ нѣ́сть и҆сцѣле́нїѧ пло́ти мое́й: но бг҃а и҆ сп҃са мі́рꙋ, и҆ и҆зба́вителѧ недꙋ́гѡвъ ро́ждшаѧ, тебѣ̀ молю́сѧ благо́й: ѿ тлѝ недꙋ̑гъ возста́ви мѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Оу҆мертви́лъ є҆сѝ плотскі̑ѧ по́хѡти воздержа́нїемъ мно́гимъ: распѧ́лъ є҆сѝ себѐ мі́рꙋ и҆ страсте́мъ, поще́ньми и҆ слеза́ми, моли́твами и҆ пѣ́сньми непреста́нными прилѣплѧ́ѧсѧ бг҃ꙋ."
|
|
},
|
|
{
|
|
"type": "TEXT",
|
|
"value": "Мона́шествꙋющихъ наста́вникъ сꙋ́щихъ въ горѣ̀ а҆ѳѡ́нстѣй, и҆ ѻ҆́бразъ начерта́нїе добродѣ́тельныхъ дѣѧ́нїй сы́й, ᲂу҆краси́лъ є҆сѝ ꙗ҆̀же та́мѡ всѧ̑ безсꙋпрꙋ́жныхъ пребыва̑нїѧ."
|
|
},
|
|
{
|
|
"type": "TEXT",
|
|
"value": "Сла́докъ, пра́въ и҆ бла́гъ, кро́токъ же и҆ смире́нъ, благопристꙋ́пенъ прибли́жникъ, ми́лостивъ бы́лъ є҆сѝ, ще́дръ и҆ благосе́рдъ, ти́хъ ѻ҆́бразы, хрⷭ҇то́въ подража́тель нра̑вы."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Но́въ ꙗ҆́коже мѡѷсе́й ꙗ҆́вльсѧ, ᲂу҆стро́илъ є҆сѝ ꙗ҆́коже дрꙋгꙋ́ю ски́нїю, ѡ҆гра́дꙋ, всече́стне: ю҆́же и҆ превозрасти́лъ є҆сѝ болѣ́зньми и҆ пѡ́ты, и҆ возложи́лъ є҆сѝ мт҃ри бж҃їей."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ невеще́ственныхъ сꙋще́ствъ зри́телѧ и҆зрѧ́дна, и҆ дѣ́ѧтельна сказа́телѧ всеи́стинна, взыва́етъ тѧ̀ ста́до твоѐ, бг҃оглаго́льниче: не ѡ҆скꙋдѣ́й молѧ̀ ѡ҆ рабѣ́хъ твои́хъ, и҆зба́витисѧ напа́стей и҆ ѡ҆бхожде́нїй, вопїю́щымъ тѝ: ра́дꙋйсѧ, ѻ҆́ч҃е а҆ѳана́сїе."
|
|
},
|
|
{
|
|
"type": "TEXT",
|
|
"value": "І҆́косъ: Свы́ше твоѐ зва́нїе прїе́мъ пресла́внѡ, безсме́ртнꙋю жи́знь наслѣ́довалъ є҆сѝ: съ пло́тїю бо на землѝ безпло́тныхъ житїѐ проше́дъ, бы́лъ є҆сѝ страстьмѝ непрїѧ́тенъ. Тѣ́мже тѧ̀ хва́лимъ, ѻ҆́ч҃е: ра́дꙋйсѧ, свѣ́тлаѧ мона́шествꙋющихъ сла́во: ра́дꙋйсѧ, ꙗ҆́сный цѣломꙋ́дрїѧ сто́лпе: ра́дꙋйсѧ, мꙋ́жества ꙗ҆́вѣ сказа́тельное позна́нїе: ра́дꙋйсѧ, премꙋ́драгѡ ра́зꙋма ꙗ҆вле́нїе: ра́дꙋйсѧ, пра́вило равностоѧ́тельное, пра́вды и҆звѣ́стїе: ра́дꙋйсѧ, сло́вомъ соверши́вшꙋ тѝ дѣѧ́нїємъ стремлє́нїѧ: ра́дꙋйсѧ, ᲂу҆́ме наслажда́ѧсѧ мы́слей неизрече́нныхъ: ра́дꙋйсѧ, всю̀ тва́рь благоче́стнѡ ᲂу҆ди́вль: ра́дꙋйсѧ, и҆́мже посрами́шасѧ де́мѡни: ра́дꙋйсѧ, и҆́мже всѧ́ка стра́сть ᲂу҆мертви́сѧ: ра́дꙋйсѧ, и҆сто́чниче живото́чныхъ во́дъ: ра́дꙋйсѧ, спаси́телю вѣ́рнѡ тѝ вопїю́щихъ: ра́дꙋйсѧ, ѻ҆́ч҃е а҆ѳана́сїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆ц҃є́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "На́ше спасе́нїе ꙗ҆́коже восхотѣ́лъ є҆сѝ, сп҃се, ᲂу҆стро́ити, во ᲂу҆тро́бꙋ дв҃ыѧ всели́лсѧ є҆сѝ, ю҆́же мі́рꙋ предста́тельницꙋ показа́лъ є҆сѝ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Воли́телѧ ми́лости, є҆го́же родила̀ є҆сѝ, мт҃и чⷭ҇таѧ, ᲂу҆молѝ, и҆зба́витисѧ ѿ прегрѣше́нїй, и҆ дꙋше́вныхъ скве́рнъ, вѣ́рою зовꙋ́щымъ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Сокро́вище спасе́нїѧ, и҆ и҆сто́чникъ нетлѣ́нїѧ, тѧ̀ ро́ждшꙋю и҆ сто́лпъ ᲂу҆твержде́нїѧ, и҆ две́рь покаѧ́нїѧ, зовꙋ́щымъ показа́лъ є҆сѝ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Тѣлє́сныѧ сла́бѡсти, и҆ дꙋшє́вныѧ недꙋ́ги, бг҃ороди́тельнице, любо́вїю пристꙋпа́ющихъ къ кро́вꙋ твоемꙋ̀, дв҃о, и҆сцѣли́ти сподо́би, сп҃са хрⷭ҇та̀ на́мъ ро́ждшаѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снисхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Всю̀ ѡ҆бтечѐ ѿню́дъ тва́рь житїѧ̀ твоегѡ̀ и҆справле́нїй вѣща́нїе, ѻ҆́ч҃е: и҆ въ пресла́внꙋю дости́глъ є҆сѝ высотꙋ̀, бг҃ꙋ тѧ̀ просла́вльшꙋ, и҆ наро́чита всѣ̑мъ сотво́ршꙋ."
|
|
},
|
|
{
|
|
"type": "TEXT",
|
|
"value": "Ни́щихъ строи́тель, вдови́цъ предста́тель, промы́сленникъ си́рыхъ, печа́льныхъ ско́раѧ ᲂу҆тѣ́ха, потоплѧ́емыхъ приста́нище, ѡ҆би́димыхъ застꙋпле́нїе бы́лъ є҆сѝ, твоемꙋ̀, ѻ҆́ч҃е, подо́бѧсѧ ᲂу҆чи́телю."
|
|
},
|
|
{
|
|
"type": "TEXT",
|
|
"value": "Ѕвѣздꙋ̀ всемі́рнꙋ, и҆ мона́шествꙋющихъ свѣти́ло незаходи́мо, помо́щника въ бѣда́хъ, грѣ́шникѡвъ ве́лїе прибѣ́жище вѣ́дый, хода́таѧ и҆ моли́твенника предлага́ю влⷣцѣ хрⷭ҇тꙋ́ тѧ, всече́стне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ви́дѣти жела́ѧ тво́й ᲂу҆го́дникъ, твоегѡ̀ сн҃а и҆ бг҃а неизрече́ннꙋю сла́вꙋ, бг҃ороди́тельнице, сегѡ̀ честны́й крⷭ҇тъ на ра́мꙋ взе́мъ, послѣ́дова живонѡ́снымъ є҆гѡ̀ и҆ бжⷭ҇твєннымъ стопа́мъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "По́мощи, ꙗ҆́же ѿ тебє̀, тре́бꙋющыѧ, не пре́зри, дв҃о, пою́щыѧ и҆ превозносѧ́щыѧ тѧ̀ во вѣ́ки."
|
|
},
|
|
{
|
|
"type": "TEXT",
|
|
"value": "Неможе́нїе дꙋшѝ моеѧ̀ и҆сцѣлѧ́еши, и҆ тѣлє́сныѧ болѣ̑зни, дв҃о, да тѧ̀ просла́влю, чⷭ҇таѧ, во вѣ́ки."
|
|
},
|
|
{
|
|
"type": "TEXT",
|
|
"value": "И҆сцѣле́нїй бога́тство и҆злива́еши вѣ́рнѡ пою́щымъ тѧ̀, дв҃о, и҆ превозносѧ́щымъ неизрече́нное твоѐ ржⷭ҇тво̀."
|
|
},
|
|
{
|
|
"type": "TEXT",
|
|
"value": "Напа́стей ты̀ прило́ги ѿгонѧ́еши, и҆ страсте́й нахо́ды, дв҃о: тѣ́мже тѧ̀ пое́мъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ю҆́ношески побѣжда́ѧ нача̑ла, а҆ѳана́сїе, и҆ вла̑сти тмы̀, вели́къ ᲂу҆чи́тель бы́лъ є҆сѝ, и҆ наста́вникъ спаси́тельный, навѣ́ты и҆ ла̑ѧнїѧ и҆ лє́сти тѣ́хъ ѿкрыва́ѧ, и҆ ста́до твоѐ всегѡ̀ де́мѡнѡвъ ѕлодѣ́йствїѧ невреди́мо соблюда́ѧ."
|
|
},
|
|
{
|
|
"type": "TEXT",
|
|
"value": "На землѝ ꙗ҆́кѡ человѣ́къ ходѧ̀, житїѐ на нб҃сѣ́хъ ꙗ҆́кѡ вои́стиннꙋ стѧжа́лъ є҆сѝ, а҆́гг҃лѡмъ собесѣ́дникъ ꙗ҆́вльсѧ, житїѐ и҆ жи́знь соверша́ѧ ѻ҆́нѣхъ, съ ни́миже воспѣва́еши ны́нѣ: свѧще́нницы благослови́те, лю́дїе превозноси́те хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Тѧ̀ соше́дшесѧ дне́сь досто́йнѡ хва́лимъ, и҆ моще́й твои́хъ чти́мъ ра́кꙋ, страсте́й и҆збавле́нїе, согрѣше́нїй ѡ҆ставле́нїе, всѧ́кїѧ напа́сти и҆ ѡ҆бстоѧ́нїѧ́ разрѣше́нїе, просѧ́ще моли́твами твои́ми, свѧтꙋ́ю твою̀ па́мѧть вѣ́рнѡ и҆ ра́достнѡ соверша́юще во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́коже и҆лїа̀ пе́рвѣе въ карми́лѣ всели́сѧ, та́кѡ и҆ ты̀ въ горѣ̀ а҆ѳѡ́нстѣй ᲂу҆пражнѧ́ѧсѧ, возжела́лъ є҆сѝ ѻ҆со́бь бы́ти съ бг҃омъ, и҆ бг҃онача́льными ѡ҆зари́всѧ видѣ̑нїи, ᲂу҆го́дникъ ꙗ҆ви́лсѧ є҆сѝ чⷭ҇тѣй бцⷣѣ, вопїѧ̀ є҆́й, ра́дꙋйсѧ, со а҆рха́гг҃ломъ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ, спасе́ннїи тобо́ю, дв҃о чⷭ҇таѧ, съ безпло́тными ли̑ки тѧ̀ велича́юще."
|
|
},
|
|
{
|
|
"type": "TEXT",
|
|
"value": "То́ка сле́зъ мои́хъ не ѿврати́сѧ, ꙗ҆́же ѿ всѧ́кагѡ лица̀ всѧ́кꙋ сле́зꙋ ѿе́мшаго, дв҃о, хрⷭ҇та̀ ро́ждшаѧ."
|
|
},
|
|
{
|
|
"type": "TEXT",
|
|
"value": "Ра́дости моѐ се́рдце и҆спо́лни, дв҃о, ꙗ҆́же ра́дости прїе́мшаѧ и҆сполне́нїе, грѣхо́внꙋю печа́ль потреблѧ́ющи."
|
|
},
|
|
{
|
|
"type": "TEXT",
|
|
"value": "Свѣ́та твоегѡ̀ зарѧ́ми просвѣтѝ, дв҃о, мра́къ невѣ́дѣнїѧ ѿгонѧ́щи, благовѣ́рнѡ бцⷣꙋ тѧ̀ и҆сповѣ́дающихъ."
|
|
},
|
|
{
|
|
"type": "TEXT",
|
|
"value": "На мѣ́стѣ ѡ҆ѕлобле́нїѧ не́мѡщи смири́вшагѡсѧ, дв҃о, и҆сцѣлѝ, и҆зъ нездра́вїѧ во здра́вїе претворѧ́ющи."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Въ чистотѣ̀ и҆ цѣломꙋ́дрїи, и҆ въ чи́стѣ пребыва́нїи, и҆ житїѝ нескве́рненѣ, ꙗ҆́кѡ безпло́тенъ на землѝ пожи́въ, восте́клъ є҆сѝ къ нбⷭ҇нымъ стезѧ́мъ, и҆ со всѣ́ми ра́дꙋешисѧ прпⷣбными и҆ првⷣными, молѧ̀ ѡ҆ всѣ́хъ хрⷭ҇та̀."
|
|
},
|
|
{
|
|
"type": "TEXT",
|
|
"value": "Вельмѝ возвели́чилъ є҆сѝ на землѝ твоего̀ влⷣкꙋ, и҆ ᲂу҆́ды твои́ми видѣ́нїемъ и҆ дѣ́телїю, сего̀ просла́вль пресла́внѡ, ꙗ҆ви́лсѧ є҆сѝ взо́ренъ всю́дꙋ, и҆ сла́венъ бы́лъ є҆сѝ, бг҃оно́се: добродѣ́тель бо вѣ́сть вои́стиннꙋ посрами́ти и҆ сꙋпоста́та."
|
|
},
|
|
{
|
|
"type": "TEXT",
|
|
"value": "Совокꙋпи́лсѧ є҆сѝ со безпло́тными вѡ́инствы, и҆ преподѡ́бнымъ ликѡ́мъ сочета́лсѧ є҆сѝ, и҆ со и҆збра́нными всѣ́ми ликꙋ́еши, прича́щсѧ и҆́стиннымъ ѡ҆боже́нїемъ, и҆ безсме́ртною, ѻ҆́ч҃е, жи́знїю. Съ ни́миже ѡ҆ ста́дѣ твое́мъ непреста́ннѡ твоего̀ влⷣкꙋ молѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Хра́мъ ѡ҆свѧще́нъ, вмѣ́стенъ є҆ди́номꙋ ѿ трⷪ҇цы сы́й, хра́мъ тво́й, влⷣчце, ᲂу҆го́дникъ че́стенъ а҆ѳана́сїй воздви́же въ сла́вꙋ твою̀ и҆ че́сть: въ не́мже непреста́ннѡ не преста́й да́рꙋющи по́мощь моли́твами твои́ми."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ и҆здале́ча возсїѧ́лъ є҆сѝ тє́мнымъ, сы́й свѣтоно́сенъ, и҆ мра̑чныѧ страны̑, а҆ѳана́сїе, просвѣти́лъ є҆сѝ твои́хъ добродѣ́телей свѣ́тлостїю: но не преста́й молѧ́сѧ ѡ҆ мі́рѣ гдⷭ҇еви. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆моле́на бы́вши, всецр҃и́це, мольба́ми твоегѡ̀ честна́гѡ а҆ѳана́сїа, хранѝ ста́до твоѐ неприкоснове́ннѡ всѧ́кагѡ сꙋпроти́вства, всегда́ тѧ молѧ́щее предста́тельницꙋ мі́ра."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ:"
|
|
},
|
|
{
|
|
"type": "TEXT",
|
|
"value": "Честна̀ вои́стиннꙋ сме́рть твоегѡ̀ прпⷣбнагѡ, хрⷭ҇тѐ, предъ тобо́ю бы́сть. Се́ бо и҆сточѝ ѿ ногѝ ᲂу҆го́дникъ тво́й и҆сто́чникъ кро́ве, и҆ по сме́рти всѧ́къ недꙋ́гъ ѿгонѧ́щь, и҆ прогонѧ́щь лꙋка́вствїѧ дꙋ́хи, на нѧ́же є҆щѐ жи́въ сопроти́въ ѡ҆полчи́сѧ да́же и҆ до кро́ве. Два́жды."
|
|
},
|
|
{
|
|
"type": "TEXT",
|
|
"value": "И҆сто́чникъ чꙋде́съ показа̀, и҆ рѣкꙋ̀ дарова́нїй, ра́кꙋ моще́й твои́хъ человѣ́кѡмъ гдⷭ҇ь, а҆ѳана́сїе премꙋ́дре: слѣпы̑мъ є҆́же ви́дѣти сїѧ̑ дарова́сѧ, прокажє́ннымъ ѡ҆чище́нїе, ѡ҆держи̑мыѧ нечи́стыми дꙋ̑хи ѿ тѣ́хъ вла́сти и҆збавлѧ́етъ, и҆ цѣломꙋ́дрити твори́тъ."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, по́стникѡвъ свѣти́ло, мона́шествꙋющихъ ѕвѣздо̀, па́стырей похвало̀, ѻ҆́ч҃е а҆ѳана́сїе, прпⷣбныхъ совсе́льниче: ра́дꙋйсѧ, трⷪ҇цы жили́ще: ра́дꙋйсѧ, любвѐ и҆ цѣломꙋ́дрїѧ и҆сто́чниче: ра́дꙋйсѧ, пресвѣ́тлый свѣти́льниче разсꙋжде́нїѧ: ра́дꙋйсѧ, пра́вило добродѣ́телей пра́вое, и҆ сто́лпе ѡ҆дꙋшевле́нный."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Мона́хѡвъ мно́жества наста́вника тѧ̀ почита́емъ, ѻ҆́ч҃е на́шъ а҆ѳана́сїе: твое́ю бо стезе́ю вои́стиннꙋ пра́вѡ ходи́ти позна́хомъ. Блаже́нъ є҆сѝ хрⷭ҇тꙋ̀ рабо́тавъ, и҆ вра́жїю ѡ҆бличи́лъ є҆сѝ си́лꙋ, а҆́гг҃лѡвъ собесѣ́дниче, и҆ прпⷣбныхъ соприча́стниче и҆ пра́ведныхъ: съ ни́миже моли́сѧ гдⷭ҇еви поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ моли̑твы ра̑бъ твои́хъ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна ѿ канѡ́на ст҃а́гѡ, пѣ́снь г҃-ѧ и҆ ѕ҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, зача́ло сг҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ ѕ҃: Блаже́нъ мꙋ́жъ боѧ́йсѧ гдⷭ҇а:"
|
|
},
|
|
{
|
|
"type": "TEXT",
|
|
"value": "Сті́хъ: Си́льно на землѝ бꙋ́детъ сѣ́мѧ є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло к҃д."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
}
|
|
] |